MH370 အတွက် ဩစတြေးလျ စုံစမ်းရေး အဖွဲ့ရဲ့ နောက်ဆုံး အစီရင်ခံစာ



ရှာဖွေရေး မအောင်မြင်မှုဟာ နည်းပညာ အရကို လက်သင့် ခံဖို့ရာ ခက်လှတယ်
၂ဝ၁၄ ခုနှစ် ကတည်းက ပျောက်ဆုံး သွားခဲ့တဲ့ မလေးရှား လေကြောင်းလိုင်းပိုင် MH370 နဲ့ ပတ်သက်ပြီး ဩစတြေးလျ စုံစမ်းရေး အဖွဲ့ရဲ့ နောက်ဆုံး အစီရင်ခံစာ ထွက်ပေါ် လာပါတယ်။

လေယာဉ်ကို ဘယ်လိုမှ ပြန် မတွေ့နိုင်ခဲ့တဲ့ အချက်ဟာ အင်မတန် အံ့ဩစရာကောင်းလှတယ်လို့ အစီရင်ခံစာထဲ ဆိုထားပါတယ်။

လေယာဉ်ပျောက်ပြီး ရက်ပေါင်း တစ်ထောင်နဲ့ လေးဆယ့်ခြောက်ရက် အကြာ အခုနှစ် ဇန်နဝါရီလကမှ နိုင်ငံတကာ လုပ်ဆောင် နေတဲ့ ရှာဖွေမှုတွေ လက်လျှော့ခဲ့တာ ဖြစ်ပါတယ်။

MH370 လေယာဉ်ဟာ ကွာလာလမ်ပူ-ဘေဂျင်း ခရီးစဉ် ပျံသန်းစဉ် ပျောက်ဆုံးခဲ့တာ ဖြစ်ပြီး၊ လေယာဉ်ပေါ် စုစုပေါင်း လူ ၂၃၉ ယောက် လိုက်ပါ သွားခဲ့ပါတယ်။

တရုတ်နိုင်ငံက ခရီးသည်တွေ အများအပြား လိုက်ပါ သွားကြတာ ဖြစ်လို့ လေယာဉ်ပျောက် ရှာဖွရာမှာ တရုတ် နိုင်ငံကလည်း အကြီးအကျယ် ပါဝင် လုပ်ဆောင်ခဲ့ပါတယ်။

နေ့စဉ် လူ ၁ဝ သန်း ဝန်းကျင် လေကြောင်း ခရီး သွားလာနေတဲ့ အခုလို ခေတ်ကြီးမှာ လေယာဉ်ပျောက် MH370 ကို ရှာဖွေရေး မအောင်မြင်မှုဟာ နည်းပညာ အရကို လက်သင့် ခံဖို့ရာ ခက်လှတယ် လို့လည်း အစီရင်ခံစာက ဆိုပါတယ်။
Image caption လူ ၂၃၉ ယောက် လိုက်ပါ သွားခဲ့

MH370 ရဲ့ အစိတ်အပိုင်းတွေလို့ ယူဆရတဲ့ အပျက်အစီး အစအနတွေ အိန္ဒိယ သမုဒ္ဒရာထဲက တချို့ ကျွန်းတွေပေါ်နဲ့ အာဖရိကတိုက် အရှေ့ဘက် ကမ်းရိုးတန်းကို ၂ဝ၁၅နဲ့ ၁၆ တို့မှာ လာပြီး တင်ခဲ့ပါတယ်။

အခုအခါမှာတော့ ဩစတြေးလျ အစိုးရ အနေနဲ့ အင်မတန် ယုံကြည် လောက်ဖွယ်ရာ သက်သေ အထောက်အထားတွေ ထွက်ပေါ် လာမှပဲ ရှာဖွေရေး ပြန်စမယ်လို့ ပြောဆိုထားပါတယ်။

မလေးရှား အနေနဲ့ကတော့ လေယာဉ်ပျောက်ကို ဆက်ရှာတာမျိုး မရှိတော့ပေမယ့် ပျောက်ဆုံးရခြင်းနဲ့ ဆက်စပ်နေတဲ့ အကြောင်းအရာတွေ အပေါ်မှာတော့ စုံစမ်းတာတွေ ဆက်လက် လုပ်ဆောင် နေကြပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.