ရုရှားအရှုပ်တော်ပုံကိစ္စ စွပ်စွဲခံရသူ Trump မဲဆွယ်စည်းရုံးရေးမှူးဟောင်း အဖမ်းခံ



Trump မဲဆွယ်စည်းရုံးရေးမှူးဟောင်း Paul Manafort 
အမေရိကန် သမ္မတ Donald Trump ရဲ့ ရွေးကောက်ပွဲ မဲဆွယ်စည်းရုံးရေးမှူး အဖြစ် ပြီးခဲ့တဲ့နှစ်က ခဏတာ တာဝန်ထမ်းဆောင်ခဲ့တဲ့ Paul Manafort က ဒီကနေ့ တနလာင်္နေ့မှာ အာဏာပိုင်တွေထံ လာရောက် အဖမ်းခံခဲ့ပါတယ်။

၂၀၁၆ ခုနှစ် အမေရိကန် သမ္မတ ရွေးကောက်ပွဲမှာ ရုရှားတို့ ကြားဝင်နှောင့်ယှက်ခဲ့မှုနဲ့ ပတ်သက်ပြီး ပြစ်မှုဆိုင်ရာ စုံစမ်းစစ်ဆေးမှု တစိတ်တပိုင်း အဖြစ် အခုလို လာရောက် အဖမ်းခံတာပါ။ အထူးစုံစမ်းရေးမှူး Robert Mueller ဦးဆောင်တဲ့ စုံစမ်းမှုအတွင်း စွဲဆိုချက်တွေကို အထူးခုံအဖွဲ့က သောကြာနေ့မှာ အတည်ပြုခဲ့တာပါ။

ရုရှားနဲ့ ယူကရိန်း အကျိုးစီးပွားတွေ အပါအ၀င် ကမ္ဘာ့ ခေါင်းဆောင်တွေ အတွက် ထောက်ခံမှုရအောင် စည်းရုံးပေးနေတဲ့ ၀ါရှင်တန် အခြေစိုက် လုပ်ငန်းကြီးမှာတခုမှာလည်း မစ္စတာ Manafort က အချိန်အတော်ကြာ ကူညီဆောင်ရွက်ပေးနေသူ ဖြစ်ပါတယ်။ မစ္စတာ Manafort ရဲ့ စီးပွားဖက် တဦး ဖြစ်တဲ့ Rick Gates လည်း ပြည်ထောင်စု စုံစမ်းစစ်ဆေးရေးဗျူရို FBI ထံမှာ လာရောက် အဖမ်းခံခဲ့ပါတယ်။ ပြီးခဲ့တဲ့မေလက အထူးစုံစမ်းရေးမှူး Robert Mueller စုံစမ်းစစ်ဆေးမှုရေးကို တာဝန်ယူဆောင်ရွက်ပြီး နောက်ပိုင်း အခု စွဲဆိုမှုက ပထမဆုံး အကြိမ် ဖြစ်ပါတယ်။

ဒါ့အပြင် သမ္မတ Trump ရဲ့ သမ္မတ သက်တမ်း ပထမနှစ် အပေါ် အရိပ်ထိုးနေတဲ့ ရုရှားအရေး စုံစမ်းမှုတွေရဲ့ ထူးခြားတဲ့ အပြောင်းအလဲ တခုလည်း ဖြစ်ပါတယ်။ သမ္မတ Trump ရဲ့ စည်းရုံးရေး အဖွဲ့နဲ့ ရုရှားကြား ပတ်သက်မှုတွေကို ပြစ်မှုဆိုင်ရာ အရရော၊ လွှတ်တော်ဘက်ကပါ စုံစမ်းစစ်ဆေးနေတာတွေကို အောက်လမ်းနည်းနဲ့ တိုက်ခိုက်မှု အဖြစ် သမ္မတ Trump ဘက်ကတော့ အကြိမ်ကြိမ် ပြောဆိုထားတာပါ။

ဒါပေမယ့်လည်း ၀ါရှင်တန် အသိုင်းအ၀ိုင်းတွင်းမှာတော့ အများအပြားက FBI ညွှန်ကြားရေးမှူးဟောင်း Robert Muller ကို နိုင်ငံရေးနဲ့ ကင်းရှင်းသူ အဖြစ် ရှုမြင်ထားကြတာ ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.