ကျောက်မီးသွေးစက်ရုံကို ကန့်ကွက်တဲ့ လက်မှတ်တွေ ကောက်ယူ



ကျောက်မီးသွေးစက်ရုံကိစ္စ ကရင်ပြည်နယ်ဝန်ကြီးချုပ် နန်းခင်ထွေးမြင့်နဲ့ ဒေသခံတွေ ဘားအံမြို့ ဝတ်ကြီးကျေးရွာမှာ အောက်တိုဘာလ ၁၄ ရက်နေ့က တွေ့ဆုံခဲ့စဉ်။ Photo: KRW
ကရင်ပြည်နယ် ဘားအံမြို့နယ် ဝတ်ကြီးကျေးရွာအုပ်စုအနီးမှာ တည်ဆောက်မယ့် ကျောက်မီးသွေးသုံး လျှပ်စစ်ဓာတ်အားပေးစက်ရုံကို ကန့်ကွက်တဲ့လက်မှတ်တွေ ကျေးရွာ ၁၉ရွာမှာ ကောက်ယူနေပါတယ်။

လက်ရှိမှာ ကန့်ကွက်တဲ့ လက်မှတ် ၄ထောင်နီးပါးရရှိထားပြီး လက်မှတ်တွေကို ပြည်ထောင်စုအစိုးရထံ တင်ပြသွားမယ်လို့ လက်မှတ်တွေဦးဆောင်ကောက်ခံနေတဲ့ ထုံးတောင်ကျေးရွာသား စောဆက်ထူးက ပြောပါတယ်။

တိုယိုထိုင်းကုမ္ပဏီက ၁၂၈၀ မဂ္ဂဝပ်ထွက်ရှိမယ့် ကျောက်မီးသွေးသုံး လျှပ်စစ်ဓာတ်အားပေးစက်ရုံကို ဝတ်ကြီးကျေးရွာအုပ်စု သုံးအိမ်ကျေးရွာအနီး မြေဧက တစ်ထောင်မှာ တည်ဆောက်ဖို့ လျာထားတာဖြစ်ပါတယ်။

အဲဒီစက်ရုံအတွက် အမေရိကန်ဒေါ်လာ ၃ဘီလီယံ ရင်းနှီးမြှုပ်နှံမှာဖြစ်ပြီး ၂၀၂၀ ခုနှစ်အတွင်း ဆောက်လုပ်သွားမှာဖြစ်ပါတယ်။

ကျောက်မီးသွေးစက်ရုံ တည်ဆောက်မယ့်မြေနေရာမှာပါဝင်တဲ့ ကျုံမသွယ်ကျေးရွာအုပ်စု ဝတ်ကြီးကျေးရွာအုပ်စုတွေမှာရှိတဲ့ နေအိမ်တိုင်းမှာ ကျောက်မီးသွေးစက်ရုံ အလိုမရှိကြောင်း ဗီနိုင်းတွေကို ကပ်ထားပါတယ်။

ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့် အပါအ၀င် ပြည်နယ်အစိုးရအဖွဲ့ဝင်တွေနဲ့ တွေ့ဆုံခဲ့စဉ်ကလည်း ဒေသခံတွေနဲ့ အရပ်ဖက်အဖွဲ့တွေက စီမံကိန်းကို ကန့်ကွက်ကြောင်း စာတင်ခဲ့ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.