လက်ဘနွန်ကို ကြားခံအနေနဲ့ အသုံးမချဖို့ အမေရိကန် သတိပေး

တနင်္လာနေ့တုန်းက ဆော်ဒီဘုရင်နဲ့ မစ္စတာ ဟာရီရီ တွေ့ဆုံခဲ့
လက်ဘနွန်နိုင်ငံမှာ ဝန်ကြီးချုပ် ဆာ့ဒ် ဟာရီရီ ရာထူးကနေ နှုတ်ထွက်သွားတဲ့အတွက် အကြပ်အတည်း တွေ့နေချိန်မှာ ကျန်တဲ့ တခြား နိုင်ငံတွေအနေနဲ့ လက်ဘနွန်နိုင်ငံကို ကြားခံ အသုံးမချကြဖို့ အမေရိကန် နိုင်ငံခြားရေး ဝန်ကြီး Rex Tillerson က သတိပေးပြောကြားလိုက်ပါတယ်။

အီရန်နဲ့ သူ့ရဲ့ မဟာမိတ် လက်ဘနွန် ဟက်ဇ်ဘိုလာ အဖွဲ့ကို ရည်ညွှန်းပြီး မစ္စတာ Tillerson က လက်ဘနွန်အရေးမှာ လက်နက်ကိုင်အဖွဲ့တွေ ဒါမှမဟုတ် နိုင်ငံခြား တပ်ဖွဲ့တွေအနေနဲ့ ဘယ်လို အခန်းကဏ္ဍကနေမှ တရားဝင် ပါဝင်ဖို့ အကြောင်းမရှိဘူးလို့ ပြောပါတယ်။

စနေနေ့တုန်းက မစ္စတာ ဟာရီရီက သူအသက်အန္တရာယ်ကို စိုးရိမ်တဲ့အတွက် ဝန်ကြီးချုပ် ရာထူးကနေ နှုတ်ထွက်ကြောင်း ထုတ်ဖော်ကြေညာခဲ့ပြီး အီရန်ကိုရော ဟက်ဇ်ဘိုလာ အဖွဲ့ကိုပါ ပြင်းပြင်းထန်ထန် ဝေဖန် ပြောသွားခဲ့ပါတယ်။

ဟက်ဇ်ဘိုလာ အဖွဲ့ကတော့ ဆော်ဒီအာရေဗျအစိုးရက မစ္စတာ ဟာရီရီကို ထိန်းသိမ်းခဲ့ပြီး ရာထူးကနေ အတင်း နှုတ်ထွက်ခိုင်းခဲ့တာလို့ ဆိုပါတယ်။

မစ္စတာ Tillerson ကတော့ ဆော်ဒီ အစိုးရက မစ္စတာ ဟာရီရီကို ထိန်းသိမ်းတာမျိုး မရှိဘူးလို့ သူ့ကို အာမခံခဲ့ကြောင်းနဲ့ လွတ်လပ်တဲ့ လက်ဘနွန်နိုင်ငံတခု ဖြစ်လာရေး ကို အမေရိကန်နိုင်ငံက ထောက်ခံအားပေးကြောင်း ပြောသွားပါတယ်။

BBC Burmese
http://www.bbc.com/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.