ကျောက်မီးသွေးစက်ရုံ ရှိလာရင် ထင်းသုံးစရာ မလိုတော့

ကရင်ပြည်နယ်လွှတ်တော်ဥက္ကဌ ဦးစောချစ်ခင် ကို တွေ့ရစဉ်။ Photo: Kyaw Lwin Oo/RFA
ကရင်ပြည်နယ်မှာ ကျောက်မီးသွေးသုံး လျှပ်စစ်ဓာတ်အားပေးစက်ရုံ တည်ဆောက်တာဟာ သဘာဝပတ်ဝန်းကျင် ကို ထိန်းသိမ်းပြီးသားဖြစ်တယ်လို့ ကရင်ပြည်နယ်လွှတ်တော်ဥက္ကဌ ဦးစောချစ်ခင် ကပြောပါတယ်။

ကျောက်မီးသွေးကနေ လျှပ်စစ်ဓာတ်အား ရရှိမှာဖြစ်တဲ့အတွက် ထင်းနဲ့ ထမင်း မချက်ရတော့တာကြောင့် သဘာဝပတ်ဝန်းကျင် ထိန်းသိမ်းပြီးသားဖြစ်သွားမယ်လို့ ဦးစောချစ်ခင် ကပြောပါတယ်။

"ထင်းနဲ့ထမင်းမချက်တော့ဘူး၊ ကျနော်တို့ ထင်းခုတ်စရာမလိုဘူး၊ သစ်ပင်ခုတ်စရာမလိုဘူး"

ကရင်ပြည်နယ်၊ ဘားအံမြို့နယ်၊ ဝတ်ကြီးကျေးရွာမှာ ပြည်နယ်အစိုးရ ခွင့်ပြုချက်နဲ့ တိုယိုထိုင်းကုမ္ပဏီက ၁၂၈၀ မဂ္ဂဝပ်ထွက်ရှိမယ့် ကျောက်မီးသွေးသုံး လျှပ်စစ်ဓာတ်အားပေးစက်ရုံ တည်ဆောက်ဖို့ လျာထားတာဖြစ်ပါတယ်။

ဒီကျောက်မီးသွေးစက်ရုံကို သဘာဝပတ်ဝန်းကျင် ထိန်းသိမ်းရေးဥပဒေအရ ထိန်းသိမ်းမှာဖြစ်ကြောင်းနဲ့ ကမ္ဘာပေါ် မှာ ကျောက်မီးသွေးစက်ရုံတွေ အများအပြားရှိပြီး မလုပ်ရဲစရာအကြောင်းမရှိဘူးလို့လည်း ဦးစောချစ်ခင် က ပြောပါတယ်။

ကျောက်မီးသွေးစက်ရုံ တည်ဆောက်ဖို့လျာထားတဲ့ ဝတ်ကြီးကျေးရွာအုပ်စုက ဒေသခံတွေကတော့ ကျောက် မီးသွေးစက်ရုံဟာ သဘာဝပတ်ဝန်းကျင်နဲ့ လူနေမှုပုံစံတွေကို ထိခိုက်မှုရှိလာမှာ ဖြစ်တဲ့အတွက်ဆိုပြီး စီမံကိန်းကို ကန့်ကွက်နေကြပါတယ်။

ဒါ့အပြင် အရပ်ဘက်အဖွဲ့တွေနဲ့ သဘာဝပတ်ဝန်းကျင် ထိန်းသိမ်းရေး ပညာရှင်တွေကလည်း ကျောက်မီးသွေးသုံး လျှပ်စစ်ဓာတ်အားပေးစက်ရုံစီမံကိန်းကို ကန့်ကွက်နေကြပါတယ်။

ကရင်ပြည်နယ်ဝန်ကြီးချုပ် နန်းခင်ထွေးမြင့်က ကျောက်မီးသွေးသုံး လျှပ်စစ်ဓာတ်အားပေးစက်ရုံ စီမံကိန်းကြောင့် ဆိုးကျိုးဖြစ်လာရင် ပြည်သူကပေးတဲ့ အပြစ်ဒဏ်ကို ခံယူမယ်လို့ ပြီးခဲ့တဲ့ ဇွန်လအတွင်းက ကျောက်မီးသွေးသုံး ဓာတ်အားပေးစက်ရုံ စီမံကိန်းတည်ဆောက်မယ့် ဝတ်ကြီးကျေးရွာက ဒေသခံတွေနဲ့ တွေ့ဆုံရာမှာ ပြောထား ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.