မြန်မာ့ရိုးရာလက်ဝှေ့စိန်ခေါ်ပွဲ မောင်ဒေဝ(ဒေ့ဗ်)နှင့် ကော်တန်ယာလွန်(ပြင်သစ်)တို့ ယှဉ်ပြိုင်ထိုးသတ်မည်


ရန်ကုန် နိုဝင်ဘာ ၂၅

မြန်မာမီဒီယာဂရုက စီစဉ်ကျင်းပမည့် စတုတ္ထ အကြိမ်မြောက် Air KBZ ရွှေအောင်လံလု ပွဲတွင် ပရိသတ်စိတ်ဝင်စားနေသည့် နာမည် ကျော် လက်ဝှေ့ကျော်များဖြစ်သည့် ဖျံသွေး နှင့် စောဂေါ်မူတိုတို့ ထိပ်တိုက်တွေ့ဆုံပွဲ၊ မြန်မာပြည်အလွတ်တန်း ချန်ပီယံ ဒေ့ဗ် လက်ဇုနှင့် ပြင်သစ်ကစ်ဘောက်ဆင် ချန်ပီယံ ကော်တန်ယာလွန်တို့၏ ထိပ်တိုက် တွေ့ဆုံပွဲများအပါအဝင် စိန်ခေါ်ပွဲများဖြင့် ကျင်းပသွားမည်ဖြစ်ကြောင်း သိရသည်။

စတုတ္ထအကြိမ်အဖြစ် ပြန်လည်ထိပ်တိုက် ရင်ဆိုင်ကြမည့် ဖျံသွေးနှင့် စောဂေါ်မူတိုတို့၏ ပွဲစဉ်မှာ ပရိသတ်စိတ်ဝင်စားမှု အများဆုံး ဖြစ်နိုင်ကြောင်း ဝါရင့်ပွဲစီစဉ်သူတစ်ဦး၏ သုံးသပ်ချက်အရ သိရသည်။

ဖျံသွေးနှင့် စောဂေါ်မူတိုတို့မှာ ယခင်က သုံးကြိမ်တွေ့ ဆုံ ခဲ့ဖူးပြီး ပထမနှစ်ပွဲတွင် သရေကျခဲ့သော် လည်း တတိယအကြိမ်မြောက် တွေ့ဆုံမှုတွင် ဖျံသွေးက အလဲထိုးဖြင့် နိုင်ထားကြောင်း သိရ သည်။

သို့သော်လည်း ယခုနှစ်များအတွင်း ဖျံသွေးအနိမ့်သရေကျခဲ့ရသည့် အီရန်နှင့်ထိုင်း မှ ဖိုက်တာများကို စောဂေါ်မူတိုက လက်ရည် တူရုံသာမက အစီးသရေအနေထားပါ ထိုးသတ်နိုင်ခဲ့ခြင်းများကြောင့် ယခုတစ်ကြိမ် တွေ့ဆုံမှုသည် ရလဒ်ကို အပြောင်းအလဲဖြစ် သွားနိုင်၍ ပရိသတ်များ အထူးစိတ်ဝင်စား အားပေးကြမည့်ပွဲဖြစ်ကြောင်း အဆိုပါ ပွဲစီစဉ် သူက ဆက်လက်ပြောကြားသည်။

မြန်မာပြည် ချန်ပီယံဖြစ်ပြီးနောက် ပြည်တွင်းမှာ ပွဲနည်းခဲ့ရသည့် ဒေ့ဗ်မှာ မြန်မာ ပြည်ကို ကိုယ်စားပြု၍ ဒေဝဟူသော အမည် သစ်ဖြင့် ထိုးသတ်သွားမည်ဖြစ်ပြီး ၉၅ ကီလိုတန်းWKN World Kick boxing Network World Champion ကော်တန်ယာလွန်နှင့် တွေ့ရမည်ဖြစ် သည်။

ကျန်ပွဲစဉ်များမှာ ၆၇ ကီလိုတန်း တွင် ထက်အောင်ဦး(မြန်မာ)နှင့် ဒိုင်ခီခနဲကို(ဂျပန်)၊ ၇ဝ ကီလိုတန်းတွင် အောင်ပိုင်(မြန်မာ)နှင့် အိ(ဖ်)(ပြင်သစ်)၊ ၆၅ ကီလိုတန်းတွင် လမ်းမယူ (မြန်မာ)နှင့် သားသည်းတစ်ပွင့် (မြန်မာ)၊ ၇၂ ကီလိုတန်းတွင် စောမင်း အောင်(မြန်မာ)နှင့် ခိုဟီတိုခဲရှီ(ဂျပန်)၊ အမျိုးသမီးပွဲစဉ် ၅ဝ ကီလိုတန်းတွင် ရွှေကိုလေး(မြန်မာ)နှင့် လင်းယုန်မေ (မြန်မာ)တို့ ပွဲစဉ်များဖြစ်ကြသည်။

အဆိုပါပွဲစဉ်များကို ဒီဇင်ဘာ ၁ဝ ရက် မွန်းလွဲ ၂ နာရီတွင် ရန်ကုန်မြို့ မင်္ဂလာတောင်ညွန့်မြို့နယ် သိမ်ဖြူ ရိုးရာလက်ဝှေ့ရုံ၌ ပြုလုပ်သွားမည် ဖြစ်ပြီး မြန်မာ့ရိုးရာလက်ဝှေ့ စည်းမျဉ်း စည်းကမ်းများနှင့်အညီ ကျင်းပသွားမည်ဖြစ်ကြောင်း စိန်ခေါ်ပွဲ ဖြစ်၍ ငါးချီပြီးဆုံးပြီး အရှုံးအနိုင် မပေါ်ပါက သရေပွဲဖြစ်ကြောင်း၊ ရုံအခင်းအကျင်းမှအစ ခမ်းခမ်းနားနား ဖြင့် entertainment အစီအစဉ်များ ထည့်သွင်းသွားမည်ဖြစ်ကြောင်း၊ ယင်း အပြင် တစ်နိုင်ငံလုံးမှ ပရိသတ်များနှင့် က္ဘာအနှံ့မှ ပရိသတ်များ တိုက်ရိုက် ကြည့်ရှုအားပေးနိုင်စေရန် ရုပ်သံနှင့် အွန်လိုင်းပေါ် တိုက်ရိုက်(Live) လွှင့် နိုင်ရန် ဆွေးနွေးနေကြောင်း မြန်မာ မီဒီယာဂရု၏ စီအီးအို ကိုလင်းထက် အောင်က ပြောသည်။

အေကေလင်း
MOI Webportal Myanmar
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.