ကျီးမနိုးပွဲကနေ ဒဏ်ရာရလို့ လူ ၄၀ကျော် မုံရွာဆေးရုံကြီးကို ရောက်ရှိ


မုံရွာ နိုဝင်ဘာ ၄

တန်ဆောင်မုန်းလပြည့်(နိုဝင်ဘာလ၃ရက်ညပိုင်း)နှင့်နံနက်အစောကြီးပိုင်း(နိုဝင်ဘာလ၄)ညပိုင်းတွင် ဓလေ့တစ်ခုအဖြစ် ကျီးမနိုးပွဲကို လူငယ်အများစု ပြုလုပ်လေ့ရှိရာ မုံရွာမြို့တွင် အမှုဖွင့်ရသည်အထိ ခိုက်ရန်ဖြစ်ပွားမှု မတော်တဆမှု မရှိခဲ့သော်လည်း မုံရွာပြည့်သူ့ဆေးရုံကြီးပြင်ပလူနာဌာနသို့ လူနာ ၄၅ဦး ရောက်ရှိ ဆေးကုသပေးရကြောင်း ပြင်ပလူနာဌာနစာရင်းများအရ သိရသည်။

``မုံရွာမြို့ရဲ့ တန်ဆောင်မုန်းလပြည့် ညဓလေ့က ကျီးမနိုးပွဲအဖြစ်လူငယ်တွေအနေနဲ့ သောက်စားကြပြီး အပျော်အပါးအနေနဲ့ ပစ္စည်းတွေ ဟိုရွေ့ဒီရွေ့ နဲ့လုပ်တယ်လို့သတင်း ရတဲ့အတွက် လှည့်ကင်းကို ညည့်ဦးပိုင်းအနေနဲ့ ၂ဖွဲ့ ညည့်နက်ပိုင်း၁ဖွဲ့ လှည့်ပါတယ်။ ညည့်နက်ပိုင်းကိုလုပ်တယ်လိုသတင်းရတဲ့အတွက် မနေ့ညလပြည့်ညမှာ တစ်ဖွဲ့တိုးပြီးလှည့်ကင်းဆောက်ရွက်ခဲ့ပါတယ်။ညည့်နက်ပိုင်း၂ဖွဲ့ကို ကျွန်တော်ကိုယ်တိုင်ဦးစီးပြီးတော့ ည၁၂နာရီမှာစတင်လှည့်ပါတယ်။ ၁၉ဦးတိတိကို ပညာပေးဆောင်ရွက်ခဲ့ပါတယ်။ ကျွန်တော်တို့အနေနဲ့စောစောစီးစီးလုပ်နိုင်တဲ့အတွက်မှုခင်းအနေနဲ့ ညဖက်မှာ ခိုက်ရန်ဖြစ်ပွားမှုနဲ့ ပါတ်သက်ပြီး တစ်မှုမှ ဖွင့်ခဲ့တာမရှိခဲ့ပါဘူး။ ထိခိုက်ဒါဏ်ရာရတာ နည်းနည်းပါးပါးတော့ ဖြစ်တယ်လို့ကြားပါတယ်။ အမှုဖွင့်တာတော့ မရှိပါဘူး။´´

ဟုမုံရွာမြို့ မြို့မရဲစခန်းမှုး ဒုတိယရဲမှုးကျင်စိန် ကပြောကြားသည်။ အမှောင်ရိပ်ခိုကာ ကျီးမနိုးပွဲအဖြစ်ပြုလုပ်ကြသည့် လူငယ်များ၏ တစ်လွဲပျော်ရွှင်နေမှုပုံစံကို မုံရွာမြိှု့ခံလူရွယ်တစ်ဦးကသုံးသပ်ပြရာတွင်
`` မုံရွာကမ်းနားလမ်းတစ်လျောက် အပန်းဖြေစရာ လုပ်ထားတဲ့ နေရာတွေမှာသူတို့ လေးတွေဟာတစ်လွဲလုပ်ဆောင်တာတွေတွေ့ရတယ်။ ဘီယာဗူးတွေယူလာတယ်။ သောက်တယ်။ အမှိုက်တွေစွန့်တယ်။ မြို့ ကိုအကျည်းတန်စေတဲ့ အနေအထားကိုတွေ့ရတဲ့အတွက် သူတို့ကိုလမ်းမှန်ရောက်အောင် အချိန်မီတားဆီးနိုင်တာ တွေ့ရပါတယ်။ နောက်ပိုင်း အကျိုးဆက်က အရက်မူးလွန်ပြီး ဆိုင်ကယ်တိုက်တာမှောက်တာတွေ မရှိသလို အချင်းချင်းသည်းမခံနိုင်တဲ့ ခိုက်ရန်ဖြစ်ပွားမှုကြီးတွေမရှိခဲ့ပါဘူး။´´ဟု သူ့အမြင်ကို ပြောပြပါသည်။

တန်ဆောင်မုန်းလပြည့်ည အပျော်အပါးသောက်စားကြသော လူငယ်များ၏ အခြေအနေကို မုံရွာမြို့မရဲစခန်းရဲအရာရှိတစ်ဦးက သုံးသပ်ပြောပြရာတွင် --
`` ကမ်းနားလမ်းတစ်လျောက် အပျော်အပါးအနေနဲ့ ဘီယာသောက်အရက်သောက် တဲ့ကလေးတွေကို ပညာပေးအနေနဲ့ခေါ်ယူတယ်။ အိမ်ကိုပြန်ဖို့ပြောတယ်။ တချို့က မ ချေမငံလေးတွေပြန်ပြောတာရှိတယ်။ သူတို့ကိုတော့ မိဘအုပ်ထိန်းသူတွေကိုအ ကြောင်းကြားပြီးသူတို့နောက်မဖြစ်အောင် မိဘလက်ထဲပြန်အပ်တာတွေလုပ်ခဲ့ပါတယ်။´´ဟုရှင်းပြသည်။

မုံရွာပြည်သူ့ဆေးရုံကြီးပြင်ပလူနာလက်ခံဌာနသို့ နိုဝင်ဘာလ ၃ရက်ည ၁၂နာရီမထိုးခင် ကာလအထိ လူနာ၂၇ဦးနှင့်၁၂နာရီနောက်ပိုင်း နိုဝင်ဘာလ ၄ရက်တွင် လူနာ၁၈ဦး စုစုပေါင်း ၄၅ဦးသည်ခိုက်ရန်ဖြစ်ပွားခြင်းနှင့် ဆိုင်ကယ်လဲမှု ဆိုင်ကယ်တိုက်မှုများ ကြောင့် ရောက်ရှိလာကြောင်းသိရသည်။

မျိုးဝင်းထွန်း (မုံရွာ)
Myanmar Digital News
https://www.facebook.com/MyanmarDigitalNews
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.