မြေယာအငြင်းပွားမှုတွေ စိစစ်ပေးဖို့ အစိုးရထံ တိုက်တွန်း



ကနီမြို့နယ် ပြည်သူ့လွှတ်တော် ကိုယ်စားလှယ် ဦးထွန်းထွန်းနိုင် ကို တွေ့ရစဉ်
မြေယာအငြင်းပွားမှုတွေကို လယ်ယာမြေနဲ့ အခြားမြေများသိမ်းဆည်းခံရမှုတွေ ပြန်လည်စိစစ်ရေး ကော်မတီတွေ ပြန်လည်စိစစ်ပေးဖို့ ပြည်ထောင်စုအစိုးရထံ တိုက်တွန်းတဲ့အဆိုကို ပြည်သူ့လွှတ်တော်မှာ လက်ခံဆွေးနွေးဖို့ ဒီနေ့ ဆုံးဖြတ်လိုက်ပါတယ်။

လုပ်ငန်းရှင်တွေကို လုပ်ပိုင်ခွင့်တွေ ဆက်ပေးနေမယ်ဆိုရင် တောင်သူတွေအတွက် စဉ်းစားမပေးရာရောက်မှာစိုးတာကြောင့် အခုလို အဆိုတင်သွင်းတာဖြစ်တယ်လို့ ကနီမြို့နယ် ပြည်သူ့လွှတ်တော် ကိုယ်စားလှယ် ဦးထွန်းထွန်းနိုင်က ပြောပါတယ်။

ဦးထွန်းထွန်းနိုင်က သစ်တောကြိုးဝိုင်း၊ ကြိုးပြင်ကာကွယ်တောတွေနဲ့ မြေလွတ်၊ မြေလပ်၊ မြေရိုင်းတွေမှာ ခွင့်ပြုချက်အမျိုးမျိုးနဲ့ လုပ်ပိုင်ခွင့်ရရှိထားသူတွေနဲ့ မူလတောင်သူတွေအကြား မြေယာအငြင်းပွားမှုတွေ ရှိနေတဲ့အတွက် စိစစ်ပေးဖို့ အဆိုကို ပြည်သူ့လွှတ်တော်မှာ ဒီနေ့ တင်သွင်းခဲ့တာဖြစ်ပါတယ်။

ဒါ့အပြင် လုပ်ကိုင်ဆောင်ရွက်ခွင့်ရထားသူတွေဟာ ဥပဒေစည်းမျဉ်းစည်းကမ်းနဲ့အညီ လိုက်နာဆောင်ရွက်မှု အားနည်းတယ်လို့လည်း ဦးထွန်းထွန်းနိုင်က ပြောပါတယ်။

ပြည်သူ့လွှတ်တော် ဥက္ကဌ ဦးဝင်းမြင့်က ကိုယ်စားလှယ်တွေအနေနဲ့ ကိုယ်လုပ်နိုင်တာကို တာဝန်ကျေအောင်ဆောင်ရွက်မယ်ဆိုရင် ပြည်ထောင်စုအစိုးရကို တိုက်တွန်းနေစရာမလိုဘူးလို့ ပြောကြားခဲ့ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.