ဒုက္ခသည်ပြန်ပို့ရေး သဘောတူညီချက် မကြာခင်ရဖို့ ဘင်္ဂလားဒေ့ရ်ှမျှော်လင့်

ဘင်္ဂလားဒေ့ရ်ှရောက် ရိုဟင်ဂျာ ဒုက္ခသည်များ

ရိုဟင်ဂျာ ဒုက္ခသည်တွေ ပြန်ပို့ရေးအတွက် ဘင်္ဂလားဒေ့ရ်ှနဲ့ မြန်မာအကြား ဆွေးနွေးမှုတွေ ပြုလုပ်နေတာမှာ နှစ်ဘက် နားလည်မှု ရလုနီးပါး ရှိနေပြီဖြစ်ပြီး နိုင်ငံခြားရေး ၀န်ကြီး Abul Hasan Mahmood Ali အနေနဲ့ ဒီခရီးစဉ်အတွင်း သဘောတူညီချက် ရနိုင်လိမ့်မယ်လို့ မျှော်လင့်ကြောင်း ဘင်္ဂလားဒေ့ရှ် အစိုးရ အရာရှိတွေက ပြောပါတယ်။

နေပြည်တော်မှာ တနင်္လာနဲ့ အင်္ဂါနေ့တွေမှာ ကျင်းပမယ့် ASEM အာရှ - ဥရောပ နိုင်ငံခြားရေးဝန်ကြီးများ စည်းဝေးပွဲတက်ဖို့သွားရင်း ဒုက္ခသည်တွေ ပြန်ပို့ရေးကိစ္စ မြန်မာ အာဏာပိုင်တွေနဲ့ ဆွေးနွေးမယ့်အကြောင်း ဘင်္ဂလားဒေ့ရှ် နိုင်ငံခြားရေးဌာနက ကြေညာချက် ထုတ်ပြန်ပါတယ်။ ၀န်ကြီး Ali ဟာ ဒုက္ခသည်တွေ အရေး ASEM စည်းဝေးပွဲ ပြင်ပမှာ မြန်မာ အာဏာပိုင်တွေနဲ့ သီးခြား တွေ့ဆုံ ဆွေးနွေးမှာ ဖြစ်ပါတယ်။

နှစ်နိုင်ငံအကြား မကြာခင်မှာ ပူးတွဲ လုပ်ငန်းအဖွဲ့ကို ဖွဲ့စည်းနိုင်ဖို့ မျှော်လင့်ကြောင်း ဒါကာမြို့မှာ ရောက်နေတဲ့ ဂျပန်နိုင်ငံခြားရေးဝန်ကြီး Taro Kono နဲ့ တနင်္ဂနွေနေ့က တွေ့ဆုံစဉ် ၀န်ကြီး Ali ရဲ့ ပြောကြားချက်ကို ကိုးကားပြီး နိုင်ငံခြားရေးဝန်ကြီးဌာနရဲ့ ကြေညာချက်မှာ ဖော်ပြထားပါတယ်။

ASEM စည်းဝေးပွဲတက်ဖို့အတွက် ၀န်ကြီး Ali ဟာ မြန်မာနိုင်ငံကို တနင်္ဂနွေနေ့ညနေက ထွက်ခွာသွားပြီ ဖြစ်ကြောင်းလည်း ကြေညာချက်မှာ ဖော်ပြထားပါတယ်။

သြဂုတ်လအတွင်း ရခိုင်ပြည်နယ်မှာ တကျော့ပြန် ဖြစ်ပေါ်ခဲ့တဲ့ အကြမ်းဖက်မှုတွေကြောင့် ဘင်္ဂလားဒေ့ရ်ှဘက်ကို ရိုဟင်ဂျာ ဒုက္ခသည် ၆ သိန်းကျော် ထွက်ပြေးခဲ့ကြောင်း ကုလသမဂ္ဂက ထုတ်ပြန်တဲ့ စာရင်းဇယားတွေမှာ ဖော်ပြထားပါတယ်။
VOA Burmese News
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.