တိုင်းအစိုးရ၊ NLD လွှတ်တော်ကိုယ်စားလှယ်တွေနဲ့ ပါတီ ခေါင်းဆောင်တွေ တွေ့ဆုံ

ရပ်ကွက်နဲ့ ကျေးရွာအုပ်ချုပ်ရေးမှူး ရွေးကောက်ပွဲတွေ ပူးပေါင်းညှိနှိုင်းဆောင်ရွက်နိုင်ရေးအတွက် NLD ပါတီရုံးချုပ်မှာ တွေ့ဆုံဆွေးနွေးကြစဉ်။ Photo: National League for Democracy's facebook
ရပ်ကွက်နဲ့ ကျေးရွာအုပ်ချုပ်ရေးမှူး ရွေးကောက်ပွဲတွေ ကျင်းပရာမှာ အထွေထွေအုပ်ချုပ်ရေး ဦးစီးဌာနနဲ့ ပူးပေါင်းညှိနှိုင်းဆောင်ရွက်နိုင်ရေးအတွက် ရန်ကုန်တိုင်းအစိုးရအဖွဲ့၊ NLD ပါတီခေါင်းဆောင်တွေနဲ့ ပါတီကိုယ်စားလှယ်တွေ ဒီနေ့ ရန်ကုန်မြို့ ရွှေဂုံတိုင်က ပါတီရုံးချုပ်မှာ တွေ့ဆုံဆွေးနွေးကြပါတယ်။

လွှတ်တော်ကိုယ်စားလှယ်တွေနဲ့ အထွေထွေအုပ်ချုပ်ရေး ဦးစီးဌာနတို့ ပူးပေါင်းလုပ်ဆောင်သွားမယ်ဆိုရင် ရပ်ကျေးအုပ်ချုပ်ရေးမှူး ရွေးချယ်ပွဲတွေ အဆင်ပြေပြေ ကျင်းပနိုင်မှာဖြစ်တယ်လို့ ဆွေးနွေးပွဲအပြီးမှာ မင်္ဂလာတောင်ညွန့်မြို့နယ် ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်း က ပြောပါတယ်။

"အဓိကကတော့ ကျမတို့ ဥပဒေအတိုင်းလုပ်မယ်ဆိုရင်တော့  ပြဿနာသိပ်မရှိနိုင်ဘူးပေါ့နော်။ ဥပမာအားဖြင့် လွှတ်တော်ကိုယ်စားလှယ်ရဲ့ တာဝန်နဲ့ လုပ်ပိုင်ခွင့်ကိုလည်း ပေးထားပြီးသား။ အထွေထွေအုပ်ချုပ်ရေး အပိုင်းရဲ့ တာဝန်နဲ့ လုပ်ပိုင်ခွင့်ကလည်းရှိပြီးသား။ အဲဒီအခါကျတော့ အားလုံးကပေါင်းစပ်ပြီးလုပ်မယ် ပြဿနာမရှိနိုင်ဘူး။ အဲလိုပေါင်းစပ်နိုင်ဖို့အတွက်ကိုပဲ အခုအစည်းအဝေးတွေဘာတွေကနေပြီးတော့ အဆင်မပြေတဲ့ရပ်ကွက်တွေကို ဘယ်လိုပုံစံမျိုးလုပ်မလဲဆိုတာ ဒါကိုလုပ်သွားတာပေါ့နော်။ ဒါကြောင့်မို့လို့ အခုကျမတို့ တော်တော်များများ အစည်းအဝေးမှာ တွေ့ရတာကတော့ သပ်ခက်ခက်ခဲခဲကြီးတွေတော့ သိပ်မတွေ့ရပါဘူး။ ဥပဒေအတိုင်း အတိအကျလုပ်မယ်ဆိုရင်တော့ လွယ်လွယ်ကူကူနဲ့ လုပ်နိုင်မှာပါ"

တစ်နိုင်ငံလုံးက ရပ်ကွက်/ကျေးရွာအုပ်ချုပ်ရေးမှူးတွေကို ဒီလကစတင်ပြီး ၅ လအတွင်း အပြီးသတ် ပြန်လည်ရွေးချယ်ဖို့ နိုင်ငံတော်သမ္မတရုံးက ညွှန်ကြားထားတာဖြစ်ပါတယ်။

ပြီးခဲ့တဲ့နှစ် ဒီဇင်ဘာလက တတိယအကြိမ်ပြင်ဆင်လိုက်တဲ့ ရပ်ကွက်ကျေးရွာအုပ်စု အုပ်ချုပ်ရေးဥပဒေအရ အုပ်ချုပ်ရေးမှူးတွေရဲ့ တာဝန်သက်တမ်းဟာ နိုင်ငံတော်သမ္မတသက်တမ်းနဲ့အညီ ထားရှိရမှာဖြစ်ပါတယ်။

အဲဒီပြင်ဆင်လိုက်တဲ့ဥပဒေအရ အစိုးရသစ်လက်ထက်မှာ ရပ်ကွက်/ကျေးရွာအုပ်ချုပ်ရေးမှူးတွေကို ပထမဆုံးအကြိမ် ရွေးချယ်ပွဲတွေ ကျင်းပတော့မှာဖြစ်ပါတယ်။

အဲဒီရွေးချယ်ပွဲတွေ ကျင်းပဖို့အတွက် အရင်ဆုံး ကြီးကြပ်ရေးအဖွဲ့တွေကို သက်ဆိုင်ရာရပ်ကွက်/ကျေးရွာတွေက မြို့မိမြို့ဖတွေနဲ့ ဖွဲ့စည်းရမှာဖြစ်တယ်လို့ ဥပဒေမှာ ပြဌာန်းထားပါတယ်။

လာမယ့် နိုဝင်ဘာလ ၁၄ ရက်နေ့မှာ တိုင်းအစိုးရ၊ လွှတ်တော်ကိုယ်စားလှယ်တွေနဲ့ ပါတီခေါင်းဆောင်တွေ ပြန်လည် တွေ့ဆုံဆွေးနွေးသွားကြမှာဖြစ်ပြီး ရပ်ကျေးအုပ်ချုပ်ရေးမှူး ရွေးချယ်ပွဲတွေအတွက် ပြင်ဆင်ရာမှာ ကြုံတွေ့ရတဲ့အခက်အခဲတွေကို ဆွေးနွေးကြမှာဖြစ်ပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.