စပ်ဆေးထုပ်တွေအပေါ် အာဏာပိုင်တွေရဲ့ အရေးယူမှု ထိရောက်ရဲ့လား

မသုံးသင့်တဲ့ဆေး ထုတ်ပြန်ကြေညာချက်
တိုင်းရင်းဆေး ဈေးကွက်မှာ နိုင်ငံခြားဆေးတွေနဲ့ ရောနှောစပ်ပြီး ရောင်းတာတွေကို သုံးစွဲမိသူတွေမှာ ကျောက်ကပ် ပျက်စီးတာတွေထိ ရှိလာလို့ တချို့ကို တိုင်းရင်း ဆေးပညာဦးစီးဌာနက အရေးယူထားတာတွေ ရှိလာနေပါတယ်။

အနောက်တိုင်းဆေး ဖြစ်တဲ့ အကိုက်အခဲပျောက်ဆေးတွေကိုလည်း စပ်ပြီး ပလက်စတစ်နဲ့ ထုတ်ကာ စပ်ဆေး အဖြစ် တံဆိပ်မပါဘဲ ရောင်းချလျက် ရှိနေပါတယ်။

ဒါတွေကို စားသုံးသူတွေက အကိုက်အခဲပျောက်ဖို့ ၊ ခါးနာပျောက်ဖို့ အတွက် လွယ်လွယ်နဲ့ ၀ယ်သောက်လျက် ရှိကြပါတယ်။

တာရှည် စွဲသောက်မယ် ဆိုရင် ကျောက်ကပ်ထိတဲ့ အထိ ဖြစ်လာနိုင်တယ်လို့ တိုင်းရင်းဆေးပညာဦးစီးဌာန ဒုတိယညွှန်ကြားရေးမှူးချုပ် ဦးကျော်စိုး က ဘီဘီစီကို ပြောပါတယ်။

တကယ်တမ်း လက်တွေ့မှာလည်း ကြာကြာ စွဲသောက်သူတွေဟာ မျက်နှာတွေ ပွလာတာ တွေ့ရတယ်လို့ သူက ဆိုပါတယ်။

ဈေးကွက်ထဲမှာ ၀င်စစ်တော့ အတော်များများ အဲလို ဆေးတွေ တွေ့ရပြီး ၂၀၁၆ ဧပြီကနေ ၂၀၁၇ အထိ ဆေး ၆၃ မျိုး တွေ့ရှိထားတယ်လို့ သူက ရှင်းပြပါတယ်။

အဲဒီဆေးတွေဟာ မှတ်ပုံတင် မရှိဘဲ သုံးစွဲဖို့ မသင့်တဲ့ ဆေးတွေ ဖြစ်တယ်လို့ သူက ပြောပါတယ်။

ဈေးကွက်ထဲမှာ တွေ့ရတဲ့ ဆေးတွေထဲက တချို့က လိပ်စာမရှိ ၊ တချို့က မှတ်ပုံတင် ရှိပြီး ဖြစ်ပေမယ့် စပ်ဆေးမှာ တွေ့ရရင် ဒါကို ပိတ်သိမ်းတဲ့ အထိ အရေးယူသွားမှာ ဖြစ်တယ်လို့ သူက ဆိုပါတယ်။

ဒီကိစ္စနဲ့ ပတ်သက်လို့ ခု လောလောဆယ်မှာ မှတ်ပုံတင် ရုတ်သိမ်းမှုတွေ ရှိတယ်လို့လည်း သူက ပြောပါတယ်။

တိုင်းရင်းဆေး အပိုင်းမှာတော့ ဆေးဗူးပေါ်မှာ မှတ်ချက် ပေးထားတဲ့ အတိုင်း လိုက်နာ သောက်သုံးသင့်ပြီး ထုတ်သူကလည်း စည်းကမ်းနဲ့ ထုတ်ဖို့ မှာကြားထားတယ်လို့ သူက သတိပေးခဲ့ပါတယ်။

မှတ်ပုံတင်ထားတဲ့ တိုင်းရင်ဆေးတွေ ဖြစ်ရင်တောင် နိုင်ငံခြားဆေးနဲ့ ရောရင် ပထမဆုံး သတိပေးတာတွေ လုပ်ပြီး ဒုတိယ အကြိမ် ဆိုရင် ပိတ်သိမ်းတဲ့ အထိ အရေးယူတယ်လို့ သူက ပြောပါတယ်။

ရံဖန်ရံခါ မှာလည်း မှတ်ပုံတင်ထားတဲ့ တိုင်းရင်းဆေးတွေထဲက မသောက်သင့်တာတွေကို သတင်းစာထဲ ကြေညာလေ့ ရှိပြီး ဒါတွေကို စားသုံးသူတွေက ရှောင်ရှားသင့်တယ်လို့ သူက တိုက်တွန်း အကြံပေးထားပါတယ်။

BBC Burmese
http://www.bbc.com/burmese
Labels:

Post a Comment

[blogger][facebook]

Author Name

Contact Form

Name

Email *

Message *

Powered by Blogger.