01/01/17

ရတနာရှင်ကုမ္ပဏီ ကျောက်တွင်းပြိုကျမှုကြောင့် သေဆုံးသွားတဲ့ရုပ်အလောင်းတွေကို တွေ့ရစဉ်
ရတနာရှင်ကုမ္ပဏီ ကျောက်တွင်းပြိုကျမှုကြောင့် သေဆုံးသွားတဲ့ရုပ်အလောင်းတွေကို တွေ့ရစဉ်
Photo: ချစ်လုလင်/ Facebook

မန္တလေးတိုင်းဒေသကြီး၊ မိုးကုတ်မြို့နယ်၊ သဒွတ်သျှိုကျေးရွာအုပ်စုက ရတနာရှင် ကျောက်မျက် တူးဖော်ရေး ကုမ္ပဏီရဲ့လုပ်ကွက်တစ်ခုမှာ ကျောက်တွင်းပြိုကျ ခဲ့တာကြောင့် အလုပ်သမား ၆ ဦး သေဆုံးခဲ့ပါတယ်။

ပြီးခဲ့တဲ့ ဒီဇင်ဘာလ ၂၉ ရက်နေ့ ညက ကျောက်တွင်း ပြိုကျတာမှာ ပြိုကျတဲ့ကျောက်ချပ်တွေ ပိမိပြီး ကျောက်တူးသမား ၆ ဦး သေဆုံးတာ ဖြစ်တယ်လို့ မိုးကုတ်မြို့နယ် အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးကံထူး က ပြောပါတယ်။

" ရတနာရှင် ကျောက်မျက်ကုမ္ပဏီပေါ့၊ အဲဒီကနေပြီးတော့ အလုပ်သမား ၆ ယောက်ပေါ့ဗျာ၊ ပေ ၈၀၀ လောက်လုပ်တယ်ဆိုရင် ပေ ၂၀၀၊ ၃၀၀ လောက် က ဘေးမှာရှိတဲ့ ကျောက်ချပ်ကပြုတ်ကျပြီးတော့ သူတို့ကိုယ်ပေါ်မှာပိပြီးတော့ ဆုံးသွားတာပေါ့၊ ၂၉ ရက်နေ့ ညနေပိုင်း ၆ နာရီ လောက်ကဖြစ်တာ ခင်ဗျ၊ ညပိုင်းအထိကတော့ ၃ ယောက်လောက်တွေ့တယ်ပေါ့၊ ၃၀ ရက်နေ့ညပိုင်းကျတော့ ထပ်ရှာကြတာ ၇ နာရီ အထိလောက်ကျတော့ ၅ လောင်းရ တယ်ပေါ့၊ နောက်ဆုံးတစ်ယောက်ကျတော့ ၃၀ ရက် နေ့ ၁ နာရီခွဲလောက်ကျမှရတယ်"

ကျောက်တွင်း အလုပ်သမား ၆ ဦး သေဆုံးတာနဲ့ပတ်သက်ပြီး မိုးကုတ်မြို့နယ်ရဲစခန်းမှာ သေမှုသေခင်းနဲ့ ဖွင့်ထားပါတယ်။

အဲဒီကျောက်တွင်းပြိုကျမှုဖြစ်ပွားခဲ့တဲ့ လုပ်ငန်းခွင်နေရာကို ယာယီရပ်ဆိုင်းထားပါတယ်။

သေဆုံးသူတွေဟာ မိုးကုတ်မြို့ခံတွေ မဟုတ်ဘဲ စစ်ကိုင်းတိုင်းဘက်ကနေ လာရောက် လုပ်ကိုင်သူတွေ ဖြစ်တယ်လို့ သိရပါတယ်။

သေဆုံးသူတွေနဲ့ပတ်သက်ပြီး အလုပ်သမားအခွင့်အရေးတွေ အပြည့်အ၀ရရှိဖို့အတွက် ညှိနှိုင်းဆောင်ရွက်ပေးသွားမှာ ဖြစ်တယ်လို့လည်း ဦးကံထူး က ပြောပါတယ်။

RFA

 မောင်တော်မြို့နယ်က မွတ်ဆလင်တွေကို ရိုက်နှက်နေတဲ့ ရဲတပ်ဖွဲ့ဝင်တွေကို တွေ့ရစဉ် မောင်တော်မြို့နယ်က မွတ်ဆလင်တွေကို ရိုက်နှက်နေတဲ့ ရဲတပ်ဖွဲ့ဝင်တွေကို တွေ့ရစဉ်
Photo: Ro Nay San Lwin/ Facebook
Facebook မှာ ပြန့်နှံ့နေတဲ့ ဗီဒီယိုဖိုင်မှာပါတဲ့ မောင်တော်မြို့နယ်က မွတ်ဆလင်တွေကို ရိုက်နှက်နေ တဲ့ ရဲတပ်ဖွဲ့ဝင်တွေကို ဖမ်းဆီးထားပြီး ဆက်လက် စုံစမ်းစစ်ဆေးပြီး အရေးယူသွားမယ်လို့ နိုင်ငံတော် သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောပါတယ်။

အဲဒီ ရဲတပ်ဖွဲ့ဝင်တွေက ရိုက်နှက်ခဲ့တဲ့ ဖြစ်စဉ်ဟာ မောင်တောမြို့နယ် ကိုးတန်ကောက်ကျေးရွာမှာ နိုဝင်ဘာလ ၁ ရက်နေ့က ဖြစ်ပွားခဲ့တာဖြစ်ကြောင်းနဲ့ မကြာခင် သတင်းထုတ်ပြန်ပေးမှာဖြစ်ကြောင်း ဦးဇော်ဌေးက ပြောပါတယ်။

"ဗီဒီယိုဖိုင်မှာပါတဲ့ ရိုက်တဲ့ရဲရယ်၊ ခြေထောက်နဲ့ကန်တဲ့ရဲရယ်ပေါ့နော်။ အဲဒါနဲ့ပတ်သက်ပြီးတော့ အခု သူတို့ကို အရေးယူဖို့ လုပ်နေပြီ။ တချို့လည်း ဖမ်းထားပြီးပြီ။ ထိန်းသိမ်းထားပြီးပြီ။ ဒီဟာတွေလုပ်တဲ့ အချိန်မှာ ဥပဒေနဲ့အညီပဲလုပ်ရမယ်။ လူ့အခွင့်အရေး မချိုးဖောက်ရဘူးလို့ အဆင့်ဆင့် ညွှန်ကြားထားပြီးသားဖြစ်တယ်။ အခုလိုဖြစ်စဉ်မျိုးဖြစ်တဲ့ဟာမှာ ကျနော်တို့ ဒါကိုတော့ ခွင့်မလွှတ်ဘူး။ ဒါကို ရဲဘက်ကလည်း စုံစမ်းစစ်ဆေးရေး ဒီနေ့ပဲလုပ်နေပြီ။ လုပ်ပြီးတော့ အရေးယူမယ်။ ဒါနဲ့ပတ်သက်လို့ ကျနော်တို့ကလည်း သတင်းထုတ်ပေးမယ်"

လုံခြုံရေးတပ်ဖွဲ့ဝင်တွေ အနေနဲ့ တရားဥပဒေအတိုင်းသာဆောင်ရွက်ခွင့်ရှိပြီး လူ့အခွင့်အရေး ချိုးဖေါက်မှု လုပ်လို့မရကြောင်း ညွှန်ကြားထားပြီးဖြစ်သလို တခြားနေရာမှာ အလားတူအဖြစ်အပျက် တွေရှိသလားဆိုတာကိုလည်း စုံစမ်းဖေါ်ထုတ်သွားမယ်လို့ ဦးဇော်ဌေးက ပြောပါတယ်။

လူမှုကွန်ယက်မှာ ပြန့်နှံ့နေတဲ့ ဗီဒီယိုဖိုင်မှာ ရဲတပ်ဖွဲ့ဝင်တွေက ဖမ်းဆီးထားတဲ့ မွတ်ဆလင်တွေကို ရိုက်နှက်နေတာတွေ ပါရှိပြီး အဲဒီ ဗီဒီယိုဖိုင်ကို ရဲတပ်ဖွဲ့ဝင် တစ်ယောက်ကပဲ ရိုက်ကူးထားတာ ဖြစ်ပါတယ်။

မောင်တော့မြို့နယ် ရဲတပ်ဖွဲ့မှူး ရဲမှူး ကျော်မြ၀င်းကတော့ ရဲတပ်ဖွဲ့ဥပဒေတွေအရ ဖမ်းဆီးထားသူ တွေကို အဲဒီလို အကြောင်းမဲ့ ရိုက်နှက်ခွင့် မရှိဘူးလို့ ပြောပါတယ်။

ရခိုင်ပြည်နယ် မောင်တောမြို့နယ်မှာ အောက်တိုဘာလ ၉ ရက်နေ့က နယ်ခြားစောင့်ရဲဌာန ချုပ်အပါအ၀င် ရဲဌာန ၃ ခုကို အကြမ်းဖက်သမားတွေက ၀င်ရောက် တိုက်ခိုက်ခဲ့ပြီးနောက်ပိုင်း တပ်မတော်နဲ့ ရဲတပ်ဖွဲ့ဝင်တွေက စစ်ဆင်ရေးနယ်မြေကြေညာကာ နယ်မြေရှင်းလင်းရေး လုပ်နေတာဖြစ်ပါတယ်။
RFA

 နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ လူငယ်များရဲ့ငြိမ်းချမ်းရေးစကားဝိုင်းကို နေပြည်တော် MICC ( 2 )မှာ ဇန်နဝါရီလ ၁ ရက်နေ့က ကျင်းပပြုလုပ်နေစဉ် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ လူငယ်များရဲ့ငြိမ်းချမ်းရေးစကားဝိုင်းကို နေပြည်တော် MICC ( 2 )မှာ ဇန်နဝါရီလ ၁ ရက်နေ့က ကျင်းပပြုလုပ်နေစဉ်
Photo: Win Naung Toe/ RFA
စစ်ပွဲတွေရပ်ပေးဖို့အတွက် များများပြောပေးကြဖို့ လိုအပ်ကြောင်းနဲ့ တချို့က နားလေးတဲ့အတွက် များများပြောပေးမှ ကြားမှာဖြစ်ကြောင်း နုိုင်ငံတော် အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က ပြောပါတယ်။

ဒီကနေ့ တုိုင်းနဲ့ ပြည်နယ်တွေကို ကုိုယ်စားပြုတဲ့ လူငယ် ၁၈ ဦးနဲ့ ပြုလုပ်တဲ့ ငြိမ်းချမ်းရေးစကားဝိုင်းမှာ တက်ရောက်ဆွေးနွေးတဲ့အထဲက ရှမ်းပြည်နယ်တောင်ပိုင်း ကိုယ်စားပြုလူငယ်တစ်ဦးက စစ်ပွဲတွေ မရပ်ပဲနဲ့ ငြိမ်းချမ်းရေးဆိုတာ ရလာမှာမဟုတ်ကြောင်း ရှမ်းပြည်နယ်တောင်ပိုင်းက အဖြစ်အပျက် တစ်ခုကို ဥပမာပေးပြီး ဆွေးနွေးရာမှာ ဒေါ်အောင်ဆန်းစုကြည်က ပြောလိုက်တာဖြစ်ပါတယ်။


လူငယ်တွေကြားမှာ ပြည်ထောင်စုစိတ်ဓါတ်ဆိုတာကို ဘယ်လောက်အထိ နားလည်ကြသလဲနဲ့ ဆွေးနွေးဖြစ်ကြ သလားဆုိုတာကို နုိုင်ငံတော်အတုိုင်ပင်ခံ ပုဂ္ဂိုလ်က မေးခွန်းမေးပြီး ဦးတည်ဆွေးနွေး ကြတာဖြစ်ပါတယ်။

အင်အားနည်းသူတွေ လူနည်းစုတွေ တာဝန်မသိတာဟာ သက်ရောက်မှု နည်းပေမယ့် အင်အားကြီးမားသူတွေ တာဝန်မသိရင် သက်ရောက် မှုကြီးကြောင်းလည်း ပြောပါတယ်။

၂၀၁၇ ခုနှစ်ကို ငြိမ်းချမ်းရေးနှစ်အဖြစ် သတ်မှတ်နုိုင်ဖို့အတွက် အားလုံးက ၀ိုင်းဝန်းကူညီကြဖို့ကိုလည်း ဒေါ်အောင် ဆန်းစုကြည်က တုိုက်တွန်းခဲ့ပါတယ်။

ဆွေးနွေးမှုထဲမှာ ပါလာတဲ့ အချက်တွေအရ မြန်မာနုိုင်ငံပညာရေးစနစ်ရဲ့ အားနည်းချက်တွေကို လည်း ထောက်ပြဆွေးနွေးကြပါတယ်။

ပညာရေးဝန်ကြီးဌာနအနေနဲ့ အရင်ကလို အမှတ်နဲ့ ဆုံးဖြတ်တဲ့ စနစ် မဟုတ်တော့ပဲ အဆင့် အေဘီစီနဲ့ ဆုံးဖြတ်တဲ့စနစ်ကိုသွားဖို့ ပြင်ဆင်နေကြောင်း အဲဒီလို ပြောင်းလဲမှု ကို ကျောင်းသူ ကျောင်းသားတွေက လက်ခံပေမယ့် မိဘတွေက မကြိုက်ကြဘူးလို့သိရကြောင်း လည်း ပြောပါတယ်။

လူငယ်တွေနဲ့ စကားဝိုင်းမစခင်မှာ နုိုင်ငံတော်အတုိုင်ပင်ခံပုဂ္ဂိုလ်က တုိုင်းပြည်ကို နှစ်သစ်ကူး ဆုတောင်း စကားပြောကြားခဲ့ပါတယ်။
RFA


ရန်ကုန်၊ ဇန်န၀ါရီ ၁

၃၁.၁၂.၂၀၁၆ ရက်နေ့ ၁၉၃၀ အချိန်ခန့်တွင် တာမွေမြို့နယ်နေ မ-----သည်
နေအိမ်၌ရှိနေစဉ် ၎င်းအလုပ်လုပ်ကိုင်သည့် ဗဟန်းမြို့နယ်၊ ကမ္ဘာအေးဘုရား
လမ်း၊ Excel Tower(၆)လွှာရှိ Royal Treasure တည်းခိုးခန်းအခန်းအမှတ်
6-C မှ ၀န်ထမ်းဖြစ်သူ မစန္ဒာ(ခ)စန်းရတနာဦး၊ (၂၁)နှစ်ကို ကြည့်မြင်တိုင်
မြို့နယ်၊ ပန်းလှိုင်ရပ်ကွက်နေ ရဲဝင်း၊ (၂၆)နှစ်မှ ဓားဖြင့်ထိုးပြီး ၎င်းကိုယ်တိုင်
လည်း မိမိကိုယ်ကိုဓားဖြင့်ထိုးကာ သေဆုံးနေကြောင်းသိရှိရသဖြင့် ဗဟန်း
မြို့မရဲစခန်းသို့တိုင်တန်းခဲ့ရာ (ပ)၄၀၁/၂၀၁၆၊ ရာဇသတ်ကြီးပုဒ်မ ၃၀၂ ဖြင့်
အမှုဖွင့်ကာ စုံစမ်းစစ်ဆေးဆောင်ရွက်ခဲ့ပါသည်။

ဖြစ်စဉ်အား ဗဟန်းမြို့မရဲစခန်းမှတပ်ဖွဲ့ဝင်များက သွားရောက်ကြည့်ရှု
စစ်ဆေးရာ Excel Tower ၆လွှာ ရှိ အခန်းအမှတ် 6-C တွင် မစန္ဒာဦး(ခ)
စန်းရတနာဦးမှာ ယာပါးပြတ်ရှဒဏ်ရာ ၂ ချက်၊ နဖူးပြတ်ရှဒဏ်ရာ(၁)ချက်၊
ယာလက်ကောက်ဝတ်ပြတ်ရှဒဏ်ရာ(၁)ချက်၊ ၀ဲလက်ဖျံပြတ်ရှဒဏ်ရာ
(၁)ချက်၊ ၀မ်းဗိုက်ထိုးသွင်းဒဏ်ရာ(၁)ချက်၊ ယာရင်အုံထိုးသွင်းဒဏ်ရာ
(၆)ချက်၊ ၀ဲရင်အုံထိုးသွင်းဒဏ်ရာ(၇)ချက်၊ ယာခါးစောင်းထိုးသွင်းဒဏ်ရာ
(၁)ချက်၊ ၀ဲ/ယာပုခုံးပြတ်ရှဒဏ်ရာ (၂)ချက်တို့ဖြင့်လည်းကောင်း၊ ရဲဝင်းတွင်
ဝဲရင်အုံထိုးသွင်းဒဏ်ရာ(၆)ချက်၊ ယာရင်အုံထိုးသွင်းဒဏ်ရာ(၁)ချက်တို့ဖြင့်
လဲကျသေဆုံးနေသည်ကို တွေ့ရှိရပြီး ရဲဝင်း၏ယာဘက်လက်အတွင်းမှ
အရိုးအသွား(၉)လက်မခန့်ရှိ ကော်ရိုးတပ် ဓားဦးချွန်(၁)ချောင်းအား စစ်ဆေး
တွေ့ရှိရပါသည်။

အခင်းဖြစ်ရပ်တွင် ရဲဝင်းကိုင်ဆောင်သော ဖုန်းအမှတ် ၀၉၇၉၇၈၈၆၇၂၂ နှင့်
၀၉၄၂၀၀၉၉၁၈ နံပါတ်များပါ Vivo အမျိုးအစား အဖြူရောင်လက်ကိုင်ဖုန်း
အတွင်း သေဆုံးသူ ရဲဝင်းနှင့် မစန္ဒာ(ခ)ရတနာဦးတို့(၂)ဦး အခင်းမဖြစ်ပွားခင်
ပြောဆိုထားသော အသံဖမ်းထားသည့် ၃၅ မိနစ်နှင့် ၂၄ စက္ကန့်ကြာ အသံဖိုင်
အားစစ်ဆေးရာ ရဲဝင်းအား မစန္ဒာ(ခ)စန်းရတနာဦးမှ အဆက်အသွယ်ဖြတ်
သည့်ကိစ္စဖြင့် မကျေမနပ်ဖြစ်ကာ ရဲဝင်းမှ “အတ္တကြီးတာ နင့်ကိုငါချစ်လို့၊
မင်းငါ့ကိုထားမသွားပါနဲ့လို့ မင်းအရင်က ပြောဖူးတယ်နော်၊ ငါဘယ်တော့မှ
မထားဘူးလို့ကတိပေးခဲ့တယ်၊ ထားသွားရင်လည်း ဘာလုပ်မလဲဆိုတာ
မိန်းမသိတယ်နော်၊ မိန်းမလည်း ကိုယ့်ကိုပြောခဲ့ပါတယ်၊ လွယ်လွယ်နဲ့လမ်းခွဲ
ပေးမယ်ထင်လား၊ နင့်ကိုငါမခွဲနိုင်ဘူး၊ နင့်ကိုချစ်ခဲ့တာ ဒီလိုမဟုတ်ဘူး”ဟု
ပြောဆိုကာ ရဲဝင်းမှ ဓားဖြင့်ထိုး၍ သေဆုံးသူ မစန္ဒာ(ခ)မစန်းရတနာဦး၏
အော်ဟစ်သည့်အသံများပါရှိသော အသံဖိုင်ပါလက်ကိုင်ဖုန်းအား သက်သေ
များရှေ့ သိမ်းဆည်းခဲ့ကြောင်းနှင့် ၎င်းတို့(၂)ဦး အခန်းအတွင်း အော်ဟစ်
သံများကြား၍ သွားရောက်ကြည့်ရှုသော မဇင်မာ(ခ)မမာလာ၊ (၂၈)နှစ်၊
အေးသန္တာအောင်(ခ)စနိုး၊ (၁၉)နှစ်၊ မသန်းသန်းဝင်း၊ (၂၂)နှစ်တို့သည်
ရဲဝင်းမှ မစန္ဒာ(ခ)မစန်းရတနာဦးအား ဓားဖြင့်ထိုးပြီး ၎င်းကိုယ်တိုင်လည်း
ပြန်ထိုးနေသည်ကိုတွေ့မြင်ခဲ့ကြောင်း ပြောပြသိရှိရပါသည်။

အမှုမှ သိမ်းဆည်းရမိသော အသံဖိုင်နှင့် မျက်မြင်သက်သေများ၏တွေ့ရှိချက်
များအရ ဖြစ်စဉ်မှာမှန်ကန်ပြီး မစန္ဒာ(ခ)စန်းရတနာဦးအားသတ်သူ ရဲဝင်းအား
ဗဟန်းမြို့မရဲစခန်း၌ ပုဒ်မ-၃၀၂ ဖြင့်လည်းကောင်း၊ မိမိကိုယ်ကို သတ်သေခဲ့
သဖြင့် သေမှုသေခင်းရေးဖွင့်၍လည်းကောင်း အမှုဖွင့်အရေးယူ ဆောင်ရွက်ထားရှိကြောင်း သတင်းရရှိပါသည်။

Yangon Police
https://www.facebook.com/yangonpolice/


၁၀.၁၁.၂၀၁၆ ရက်နေ့ ၀၆၀၀ အချိန်ခန့်တွင် လှိုင်မြို့နယ်၊ (၇)ရပ်ကွက်၊ မယ်ဇီကုန်းလမ်း နှင့် သရက်မြိုင်လမ်းကြားတွင် အမည်မသိ အသက်(၂၈) နှစ်အရွယ်ခန့် အမျိုးသားတစ်ဦးဒဏ်ရာများဖြင့် သေဆုံးနေကြောင်းသတင်းအရ ရန်ကုန်တိုင်း ဒေသကြီးရဲတပ်ဖွဲ့မှူးရုံး၊ ရဲအကူတပ်ဖွဲ့ခွဲ၊ အုပ်ချုပ်မှုတပ်ခွဲ၊ မှုခင်းအကူဌာနစုမှ တပ်ဖွဲ့ဝင်များ
နှင့် လှိုင်မြို့မရဲစခန်းမှတပ်ဖွဲ့ဝင်များက အခင်းဖြစ် နေရာသို့ သွားရောက်စစ်ဆေးခဲ့ရာ အဆိုပါနေရာ၌ အရပ်(၅)ပေ၊ (၅)လက်မခန့်ရှိ အမျိုးသားမှာ လည်ပင်းထိုးသွင်းဒဏ်ရာ ၁ ချက်ဖြင့် သေဆုံး
နေပြီး ၎င်း၏ဦးခေါင်းအောက်တွင် သွေးများ စွန်းပေနေသော သဘက်စောင်တစ်ထည်အား တွေ့ရှိသိမ်းဆည်းခဲ့ကာ လှိုင်မြို့မရဲစခန်း(ပ)၁၁၁၈/ ၂၀၁၆၊ ရာဇသတ်ကြီး ပုဒ်မ ၃၀၂ဖြင့် အမှုဖွင့် ကာ ပြစ်မှုကျူးလွန်သူအား ဖမ်းဆီးရမိရေးနှင့် သေဆုံးသူ ၏ အမည်နှင့်နေရပ်လိပ်စာတို့အား စုံစမ်းဆောင်ရွက် ခဲ့ပါသည်။

စုံစမ်းဆောင်ရွက်ချက်အရ သေဆုံးသူမှာ မရမ်းကုန်း မြို့နယ်နေ သီဟဇော်၊ (၃၀)နှစ်၊ ကုမ္ပဏီဝန်ထမ်း တစ်ဦးဖြစ်ကြောင်းနှင့် ၎င်း၏ဖခင် ဦးသိန်းဝင်း၏
အတည်ပြုချက်အရသိရှိရပြီး သေဆုံးသူတွင် အလေးချိန်(၁)ကျပ်သားခန့်ရှိရွှေဆွဲကြိုး ၁ ကုံး၊ အလေး ချိန်(၁)မတ်သားခန့်ရှိ ရွှေဆွဲပြား ၁ ခု၊ အလေးချိန် (၅)မူးသားခန့်ရှိ ရွှေလက်စွပ် ၁ ကွင်းတို့အား ၀တ်ဆင်ထားကြောင်းနှင့်
09-----နှင့် 09------ဆင်းကတ် ၂ ခုသုံး လက်ကိုင်ဖုန်း ၁ လုံးတို့ပါဆုံးသွားကြောင်း သိရှိ ရပါသည်။

ရဲတပ်ဖွဲ့ဝင်များသည် သေဆုံးသူနှင့် ဆက်သွယ်မှု ရှိသူ ရင်းနှီးသူများ၏နောက်ကြောင်းများ အား လိုက်လံစုံစမ်းရာ ၉.၁၁.၂၀၁၆ ရက်နေ့ ၁၉၀၀
အချိန်ခန့်တွင် အငှားယာဉ်တစ်စီး FILDER အမျိုးအစား ယာဉ်နံပါတ်မမှတ်မိမှ လာရောက် ခေါ်သွားကြောင်းကို သတင်းရရှိခဲ့ပါသည်။ FILDER အငှားယာဉ်မောင်းသူမှာ အမျိုးသမီးတစ်ဦး ဖြစ်ကြောင်း စုံစမ်းသိရှိရသဖြင့် အမျိုးသမီး အငှားယာဉ်မောင်းသူများအား လိုက်လံစုံစမ်း ထောက်လှမ်းခဲ့ပါသည်။ သေဆုံးသူ သီဟဇော် အသုံးပြုသော လူမှုကွန်ရက် Facebook
တွင် သူငယ်ချင်းဖြစ်သူ ဇင်လေးဆိုသူအား မှတ်တမ်းဓာတ်ပုံရယူ၍ အုပ်ချုပ်ရေးအဖွဲ့ များ၊ အမာခံသတင်းပေးများထံ ဇင်လေး၏ဓာတ်ပုံများ
လိုက်လံပြသစုံစမ်းခဲ့ရာ တာမွေမြို့နယ်၊ ကျားကွက်သစ် ရပ်ကွက်တွင် နေထိုင်သူဖြစ်ကြောင်း စုံစမ်းသိရှိရပါသည်။

၎င်းအားဖမ်းဆီးရမိရေးအတွက် အဆိုပါရပ်ကွက် အတွင်း စုံစမ်းထောက်လှမ်းဆောင်ရွက်ခဲ့ ရာ ၎င်းမောင်း နှင်သည့် ယာဉ်အမှတ်မှာ YGN FF---FILDER အမျိုးအစား ယာဉ်ဖြင့် အငှားယာဉ် မောင်းနှင်နေသူဖြစ်ကြောင်း စုံစမ်းသိရှိရ၍
၂၆.၁၂.၂၀၁၆ ရက်နေ့ ၀၁၅၀ အချိန်တွင် နေအိမ်သို့ ပြန်လာသူ မသဇင်ခိုင် (ခ)ဇင်လေး(ခ) သဇင် (ခ)သဇင်ဖြိုး၊ (၃၂)နှစ်အား မော်တော်ယာဉ် နှင့်အတူ ဖမ်းဆီးရမိခဲ့ပြီး စစ်ဆေးရာ ၎င်း၏လက်ကိုင်ဖုန်း၌ ၈.၁၁.၂၀၁၆ ရက်နေ့မှ ၁၂.၁၁.၂၀၁၆ ရက်နေ့ အထိ အသုံးပြုခဲ့သည့် ဆက်သွယ်မှုအားလုံးအား ဖျက်ထား သည်ကို မသင်္ကာဖွယ်တွေ့ရှိရသဖြင့် အမှုနှင့် တိုက်ဆိုင်စစ်ဆေးခဲ့ပါသည်။

ဖမ်းဆီးရမိသူ သဇင်(ခ)သဇင်ခိုင်(ခ)သဇင်ဖြိုး(ခ) ဇင်လေးအားစစ်ဆေးရာ သားဖြစ်သူ ကျန်းမာရေး မကောင်းသဖြင့် ခင်မင်ရင်းနှီးသူ မိတ်ဆွေ(၇)ဦး
ထံမှယူဆောင်ထားသော အကြွေးငွေ(၂၃)သိန်းကျော် ခန့်အား ပေးဆပ်ရန်ရှိကြောင်း၊ ၂၀၁၅ ခုနှစ်၊ ဧပြီလ တွင် Thiha အကောင့်ပိုင်ရှင်ဖြစ်သူ သီဟဇော် နှင့် သူငယ်ချင်းဖြစ်ခဲ့ပြီး သီဟဇော်နှင့် ဖုန်းဆက်သွယ် ပြောဆိုဖြစ်ခဲ့ကြောင်း၊ လွန်ခဲ့သော ၃ လခန့် က သီဟဇော်မှ ၎င်းအား ရည်စားစကားပြောဆိုခဲ့ ကြောင်း၊ ထိုနောက် ၎င်းနှင့်သီဟဇော်တို့ ကော်ဖီဆိုင်
များ၌ မကြာခဏတွေ့ဆုံကာ စကားပြောဆိုဖြစ် ခဲ့ကြောင်း၊ ၃၀.၉.၂၀၁၆ရက်နေ့ ၂၃၀၀ အချိန်ခန့် တွင် သီဟဇော်နှင့် ကားပတ်မောင်းခဲ့ပြီး ၀၃၀၀
အချိန်ခန့်တွင် ကမာရွတ်မြို့နယ်၊ ဗဟိုလမ်းရှိ တည်းခိုခန်းတစ်ခု၌ ညအိပ်တည်းခိုခဲ့ ကြောင်း၊ ၉.၁၁.၂၀၁၆ ရက်နေ့ ၁၈၃၀ အချိန်ခန့်တွင် ၎င်းသည် တာမွေမြို့နယ်၊ ကျောက်မြောင်းအရှေ့ ရပ်ကွက်သို့ ရောက်ရှိနေစဉ် သီဟဇော်၏ဖုန်းဝင်လာပြီး ၎င်း၏ ကုမ္ပဏီရှိရာသို့ လာရောက်ရန်ပြောဆိုသဖြင့် နောက်ထပ်ခရီးသည်တစ်ဦး ပို့ပေးရန်ကျန်သေး ကြောင်းပြောဆိုကာ ဖုန်းပိတ်ထားခဲ့ကြောင်း၊ ၁၉၄၀ အချိန်ခန့်တွင် ချိန်းဆိုရာနေရာသို့သွားရောက်ခဲ့ပြီး သီဟဇော်မှ ၎င်းနှင့်အတူလိုက်ပါလာခဲ့ကြောင်း၊
၎င်းနောက်ဗိုလ်တထောင်ကမ်းနားသို့ သွားရောက်ကာ စကားပြောဆိုခဲ့ကြကြောင်း၊ ယင်းနေ့ ၂၄၀၀ အချိန်ခန့်တွင် ဗဟန်းမြို့နယ်ရှိ KTV ဆိုင်သို့သွားရောက်၍၂နာရီခန့်သီချင်းဆိုခဲ့ကြကြောင်း၊ ၁၀.၁၁.၂၀၁၆ ရက်နေ့ ၀၂၃၀ အချိန်ခန့်တွင် ၎င်း KTV ဆိုင်မှ ထွက်လာပြီး ကားလျှောက်မောင်း
နေခဲ့ရာ ၀၃၀၀ အချိန်ခန့်တွင် လှိုင်မြို့နယ်၊ ဗဟိုလမ်းသို့ရောက်ရှိစဉ် ၎င်းမှာ အိပ်ငိုက်လာ သဖြင့် ကားအားလမ်းဘေးသို့ရပ်ကာ သီဟဇော်အား ကား
မောင်းတတ်ပါက မောင်းနိုင်ကြောင်းပြောဆိုပြီး ကားနောက်ခန်းအတွင်းသို့ဝင်ထိုင်စဉ် သီဟဇော်မှ အောက်သို့အပေါ့ဆင်းသွားပြီး ကားပေါ်သို့ ပြန်တက် စဉ် ၎င်းမှ ယာဉ်ပေါ်တွင် အသင့်ဆောင်ထားသော ဓားမြှောင်ဖြင့် လည်ပင်းအားထိုးခဲ့ကြောင်း နှင့် သီဟဇော်ဝတ်ဆင်ထားသော ဆွဲပြားပါ
ရွှေဆွဲကြိုး၊ ရွှေလက်စွပ်တို့အားယူဆောင်ကာ သီဟဇော်အား အခင်းဖြစ်နေရာ၌ထား ခဲ့ကြောင်း၊ ယင်းနောက် ယာဉ်ပေါ်တွင်ကျန်ရှိသည့် သီဟဇော်
၏ လက်ကိုင်ဖုန်း၊ လက်ပတ်နာရီ၊ ဖိနပ် ၁ ရံနှင့် ပြစ်မှုကျူးလွန်စဉ် အသုံး ပြုခဲ့သော ဓားမြောင် တို့အား ကြွပ်ကြွပ်အိတ်ဖြင့်ထုပ်ကာ သင်္ဃန်းကျွန်း
မြို့နယ်၊ သုဝဏ္ဏ၊ ကမာကြည်တံတားပေါ်မှ ပုဇွန်တောင်ချောင်းအတွင်း
လွှင့်ပစ်ခဲ့ကြောင်း ပေါ်ပေါက်ခဲ့ပါသည်။

ပေါ်ပေါက်ချက်အရ အမှုမှသက်သေခံ မော်တော် ယာဉ်၊ လက်ကိုင်ဖုန်းနှင့်ရွှေထည်ပစ္စည်းများ အား ပြန်လည်သိမ်းဆည်းခဲ့ပြီး အမှုဖြင့်အရေးယူ
ဆောင်ရွက်လျက်ရှိကြောင်း သတင်းရရှိပါသည်။

Credit - Yangon Police


ဖင်လန်နိုင်ငံက နှစ်သစ်ကူးည
ဖင်လန်နိုင်ငံက နှစ်သစ်ကူးည
 New Year နှစ်သစ်ကူးပွဲတော်ကာလမှာ အကြမ်းဖက်တိုက်ခိုက်မှုတွေ လုပ်မယ်လို့ ခြိမ်းခြောက် ခံထားရတာကြောင့် ကမ္ဘာ့နိုင်ငံကြီးတွေမှာ လုံခြုံရေး တင်းကြပ်ထားတဲ့ ကြားကပဲ Happy New Year ညကို ဆင်နွှဲခဲ့ကြပါတယ်။ ပြင်သစ်၊ ဂျာမနီ၊ ဗြိတိန်၊ ဂျပန်နဲ့ အမေရိကန်ပြည် ထောင်စုက မြန်မာတွေ နှစ်သစ်ကူးပွဲကို ဘယ်လိုဖြတ် သန်းပြီး ၊ မိခင် မြန်မာပြည်အတွက် ဘာတွေ ဆုတောင်းပေးကြသလဲ ဆိုတာကိုတော့ ကိုဉာဏ်ဝင်းအောင်က စုစည်းတင်ပြထားပါတယ်။

ဂျာမနီနိုင်ငံမှာ ပြီးခဲ့တဲ့ရက်ပိုင်း ခရစ္စမတ်ပွဲတော်အတွင်း လူသေဆုံးစေတဲ့ အကြမ်းဖက် တိုက်ခိုက်မှုဖြစ်ပွားခဲ့တာကြောင့် ဒီဇင်ဘာ ၃၁ ရက်ည New Year နှစ်သစ်ကူးပွဲတော်ကာလ၊ အထူးသဖြင့် မြို့တော်ဘာလင်မှာ လုံခြုံရေးအထူး တင်းကြပ်ထားပါတယ်။ ဦးသန်းစိုးဟာ ဂျာမနီနိုင်ငံ Frankfurt မြို့မှာနေထိုင်သူဖြစ်ပြီး New Year ကိုဘယ်လိုဖြစ်သန်းခဲ့သလဲဆိုတာနဲ့ ပတ်သက်လို့ ပြောလာပါတယ်။

“ ဂျာမနီမြို့တော် ဘာလင်မှာ လုံခြုံရေးတိုးချထားပါတယ်။ ကားကြီးတွေ မောင်းလို့ မရဘူး ကွန်ကရစ်အတုံးကြီးတွေ ချထားတယ်။ ကျနော် အခုနေတာကတော့ Frankfurt မြို့ပေါ့လေ၊ ဒီမှာလည်း အခါတိုင်းလို ကမ်းနားကို သွားချင်တိုင်း သွားလို့ မရဘူးပေါ့။ လမ်းတွေပိတ်ပြီး တလမ်းလောက်ပဲ ဖွင့်ထားပေးတယ် .. လုံခြုံရေး အရပေါ့။ ဒီမြစ်ကမ်းမှာရှိတဲ့ တံတားတွေပေါ်မှာလည်း အခါတိုင်းဆို မီးရှုးမီးပန်း ဖေါက်ကြပေမယ့် ဒီနှစ်တော့ တံတားတွေပေါ်မှာ ပေးမဖေါက်တော့ဘူး။ အရင်ထက်စာရင် လုံခြုံရေးတင်းကြပ်ထားတယ်။ ကြိုတင်ကာကွယ်တဲ့ သဘောပေါ့ ”

အကြမ်းဖက်တိုက်ခိုက်လာနိုင်တဲ့ အန္တရာယ်တွေကြောင့်ပြင်သစ်နိုင်ငံမှာလဲ လုံခြုံရေး တင်းကြပ်ထားပါတယ်။ ဦးအောင်ကိုးဟာ ၁၉၉၅ ခုနှစ် က ရိုက်ကူးတဲ့ Beyond Rangoon မြန်မာပြည်ဇာတ်ကားထဲက မင်းသားကြီးပဲ ဖြစ်ပါတယ်။

“ ပြင်သစ်သမ္မတ ဖရွမ်ဆွာအော်လန်းကလည်း နှစ်ကူးနှုတ်ဆက်စကား ပြော ပြီးတော့ ပြင်သစ်ပြည်လုံခြုံရေးကို သူက အထူးဂရုစိုက်ပြီးတော့ စစ်တပ်ရော၊ ရဲရော သိန်းနဲ့ချီပြီး နှစ်သစ်ကူးညအတွက် ချထားတယ်။ ကျနော်တို့ ဗမာပြည်အတွက် အထူးသဖြင့် ဆုတောင်းချင်တာကတော့ အားလုံး အဆင်ပြေဖို့ပါပဲ၊ တိုင်းပြည်နဲ့လူမျိုး ချမ်းချမ်းသာသာနဲ့ တိုးတက်ပြီးတော့ ဈေးနှုန်းတွေကျ ၊ လမ်းပန်းဆက်သွယ်ရေးတွေ ကောင်းမွန် ပြီးတော့ နေထိုင်ရပါစေလို့ ဆုတောင်းပါတယ်ဗျာ ”

ဥရောပနိုင်ငံကြီးတခုဖြစ်တဲ့ ဗြိတိန်နိုင်ငံ လန်ဒန်မြို့မှာနေထိုင်တဲ့ မြန်မာ့အရေး လှုပ်ရှားသူ ဒေါက်တာဝင်းနိုင်ကလည်း လန်ဒန်မြို့က နှစ်သစ်ကူးည အခြေအနေနဲ့ သူ့ရဲ့ မြန်မာပြည်ဆုတောင်းကို ပြောပြပါတယ်။

“ လုံခြုံရေးနဲ့ ပတ်သက်လို့ကတော့ အခုဟာက IS ကတကမ္ဘာလုံး ခြိမ်းခြောက်နေ တယ်ဆိုတော့ ကျနော်တို့ဒီ U.K မှာဆိုလို့ ရှိရင်လည်း အထူးရဲတွေ ချထားတယ်။ အထူးကို စောင့်ကြပ်ပြီးတော့ လုံခြုံရေးကို အထူးကြပ်မတ် စောင့်ကြည့်နေတယ်။ သတင်းစာကလည်း ကြေညာ ထားတယ် .. သတိထားကြပါပေ့ါ၊ မသင်္ကာတာတွေ့ ရင် အမြန်သတင်းပို့ဖို့။ နောက် နေရာတကာမှာလည်း Security ကင်မရာတွေ နဲ့ စောင့်ကြည့်ပြီး အထူးကြပ်မတ်ပေးနေ တယ်ပေါ့လေ။ ထို့အတူ မြန်မာပြည် မှာလည်း အဲလိုပဲပေါ့ပေါ့နော် .. ငြိမ်းချမ်းရေး ရှိမှပဲ ပြည်ထောင်စုဟာ သာယာဝပြော လာမယ် ဆိုတော့ ပညာရေးတို့ စီးပွားရေး လူမှုကိစ္စ အရပ်ရပ်ကို လုပ်နိုင်မှာဆိုတော့ ငြိမ်းချမ်းရေးကို နံပါတ် ၁ ဦးစားပေး လုပ်ရမှာပဲ။ ငြိမ်းချမ်းရေးဆိုတာက တပ်မတော် ကလည်း ပါဝင်ရမယ် တိုင်းရင်းသားရော အစိုးရရော ပါဝင်ရမယ်၊ ပြည်သူပြည် သားတွေလည်း ပါဝင်ရမယ်။ အဲလိုအားလုံး လေးဦးလေးဖက် လုပ်ခြင်းအားဖြင့် ငြိမ်းချမ်းရေးဟာ ၂၀၁၇ ခုနှစ်အတွင်းမှာ ရနိုင်မယ်လို့ ယူဆတယ် ”

အာရှနိုင်ငံကြီးတခုဖြစ်တဲ့ ဂျပန်နိုင်ငံမှာလည်း လုံခြုံရေးတင်းကြပ်ထားတဲ့ကြား ကပဲ မြန်မာတွေ New Year ညဖြတ်သန်းကြပုံကို တိုကျိုမြို့မှာနေတဲ့ ဦးသန်းဆွေ က ပြောပြပါတယ်။

“ ဂျပန်ရောက်နေတဲ့ မြန်မာတွေကတော့ ထုံးစံအတိုင်းပေါ့လေ၊ ဒီ Shibuya ရှီဘူယာ-ဘူတာမှာရှိတဲ့ Count down တွေမှာ သွားပြီးတော့ နှစ်သစ်ကူးကို ကြိုဆို ကြတာပေါ့ နိုင်ငံခြားသားတွေ အတော်များများကလည်း အဲ့ဒီမှာ စုကြတာပေါ့။ လုံခြုံရေးနဲ့ ပတ်သက်ပြီး ခြိမ်းခြောက်မှုတွေ ရှိနေသော်ငြားလည်း .. ဂျပန်မှာလည်း လုံခြုံရေးတွေ အတော်ကိုချထားတယ်။ ဒါပေမယ့် လူထုအများစုကတော့ ဒီ New Year ပါတီမှာ ပါဝင်ဆင်နွှဲ တာကိုတွေ့ရပါတယ်။ ကျနော်တို့နိုင်ငံမှာကတော့ လက်ရှိ မြန်မာနိုင်ငံ ကြုံတွေ့နေရတဲ့ ပြည်တွင်းစစ် ရပ်စဲရေးကိစ္စနဲ့ ပတ်သက် ပြီးတော့ ငြိမ်းချမ်းရေး အမြန်ဆုံးရရှိပါစေ… မြန်မာနိုင်ငံမှာ စီးပွားရေး ပြန်လည်ဖွံ့ဖြိုး လာရေးပေါ့ လာမယ့် ၂၀၁၇ ခုနှစ်မှာ ရရှိပါစေလို့ ကျနော်တို့အားလုံး ဆန္ဒပြု ကြပါတယ် ”

အမေရိကန်ပြည်ထောင်စုမှာ နောက်ထပ် နာရီပိုင်းအတွင်း New Year နှစ်သစ်ကူး အချိန် ကျရောက်တော့မှာ ဖြစ်ပါတယ်။ နယူးယောက်မြို့မှာ နေထိုင်တဲ့ ဦးကျော်စိုးပြောပြတာက -

“ ကျနော်တို့ နယူးယောက်မှာကတော့ Security ကအပြည့်ချထား တာပေ့ါလေ၊ ဒါပေမယ့် ကျနော်တို့ နယူးယောက် မြို့သူမြို့သားတွေနဲ့ ကျနော်တို့ကတော့ မိသားစု သူငယ်ချင်းတွေနဲ့ ကိုယ်ဟာကိုယ်ပဲ New Year ပွဲကို ကျင်းပကြမယ်လေ။ နယူးယောက် အဲဒီ Time Square မှာ (နှစ်သစ်ကူးအတွက် အထူး) Crystal Ball ကြီး ကျလာတာကို အိမ်ကနေပြီးတော့ TV ကကြည့်မယ်၊ ပါတီလုပ်ပြီးတော့ ကြည့်ကြမယ်။ အခုချိန်ဆိုလို့ရှိရင် Manhattan မြို့ထဲ Time Square နေရာကို ကားမောင်းလို့ မရတော့ဘူး၊ ကားလမ်းတွေ အကုန်ပိတ်နေပြီးတော့ လုံခြုံရေးအရ စစ်ဆေးနေတယ်။ New Year ပျော်ပွဲရွှင်ပွဲ လုပ်မယ့်လူတွေကလည်း အဲဒီမြို့ထဲမှာ သွားပြီးတော့ နေရာယူနေ ကြပါပြီ။ အဲဒီမှာ တီးဝိုင်းတွေ အမျိုးမျိုးနဲ့ အဆိုတော်တွေ ကလည်း သီချင်းသစ်တွေ သီချင်းဟောင်းတွေနဲ့ ဖျော်ဖြေကြမှာပေါ့နော့ ”

အမေရိကန်အရှေ့ဖက်ခြမ်း မေရီလန်းပြည်နယ်မှာ နေထိုင်သူ ဦးရင်ထွေး ကတော့ မြန်မာပြည်သူ ပြည်သားတွေအတွက် နှစ်သစ်ကူးကာလ ဆုမွန်ကောင်း တောင်းလိုက်ပါတယ်။

“ ကျနော်တို့ကျတော့လည်း မိသားစု မောင်နှမတွေများတော့ သူငယ်ချင်း အိမ်တအိမ် မှာ ဗမာစာတွေ ချက်စားကြမယ်။ စကားလေးဘာလေး ဝိုင်းဖွဲ့ပြောပြီးတော့ Happy New Year ကိုကြိုမယ်။ အဲဒီလို ကျနော်တို့ နှစ်သစ်ကိုကြိုတဲ့ အချိန်မှာပဲ မြန်မာပြည် မှာရှိတဲ့ ပြည်သူပြည်သားတွေ ငြိမ်းချမ်းရေးတွေ ရရှိပါစေ၊ တိုင်းရင်းသားတွေနဲ့ ဖြစ်နေတဲ့ တိုက်ပွဲတွေ အားလုံးရပ်စေချင်ပါတယ်။ ၂၀၁၇ မှာအားလုံး ငြိမ်းငြိမ်း ချမ်းချမ်းနဲ့ အေးအေးချမ်းချမ်း ကမ္ဘာတ၀ှမ်း သာယာဝပြောပါစေဆိုတဲ့ ဆုမွန်ကောင်း ကို တောင်းဆိုလိုက် ပါတယ်ခင်ဗျ”

ကမ္ဘာတလွှားက မြန်မာနိုင်ငံသားတွေနဲ့အတူ မြန်မာပြည်မှာ ငြိမ်းချမ်းရေး ရစေကြောင်း VOA မြန်မာပိုင်းကလည်း ဆုမွန်ကောင်း တောင်းလိုက်ပါတယ်။

VOA Burmese News


၂၀၁၇ ခုနှစ်ကို ကြိုဆိုတဲ့ နှစ်သစ်ကူးပွဲတော်တွေကို မြန်မာနိုင်ငံအပါအ၀င် ကမ္ဘာ့တ၀ှမ်းမှာ စည်ကား သိုက်မြိုက်စွာ ကျင်းပနေကြတာမှာ ကျနော်တို့ အခု အသံလွှင့်နေတဲ့အချိန်မှာတော့ နယူးဇီလန်နဲ့ သြစတေးလျနိုင်ငံတွေမှာ ၂၀၁၇ ခုနှစ် နှစ်သစ်ကို ကူးပြောင်းသွားခဲ့ပြီ ဖြစ်ပါတယ်။ မကြာခင်မှာ တော့ ကမ္ဘာ့အရှေ့ဖျားအာရှနိုင်ငံတွေဖြစ်ကြတဲ့ဂျပန်၊ ဟောင်ကောင်စတဲ့ နိုင်ငံတွေမှာလည်း နှစ်သစ်ကိုပျော်ရွှင်စွာ ကူးပြောင်းကြတော့မှာ ဖြစ်ပါတယ်။

ကမ္ဘာတ၀ှမ်းမှာ ၂၀၁၇ နှစ်သစ်ကူးကြိုဆိုပွဲတွေကို စတင်ကျင်းပနေတဲ့ တချိန်တည်းမှာပဲ၊ အကြမ်းဖက်သမားတွေရဲ့ ခြိမ်းခြောက်မှု အန္တရာယ်တွေကြောင့် ကမ္ဘာ့မြို့ကြီးအတော်များများမှာလည်း လုံခြုံရေးတွေ အထူးတင်းတင်းကြပ်ကြပ်ချထားပါတယ်။ အကြမ်းဖက်သမားတွေက သြစတြေးလျအပါအ၀င် ကမ္ဘာမြို့ကြီးအတော်များများကို တိုက်ခိုက်မယ်လို့ ခြိမ်းခြောက်နေပေမယ့်လည်း အာဏာပိုင်တွေကတော့ ပုံမှန်အတိုင်းနှစ်သစ်ကူးပွဲကို ဆင်နွဲကြဖို့ သြစတြေးလျပြည်သူတွေကို တိုက်တွန်းခဲ့ပါတယ်။ တရုတ်နိုင်ငံက နှစ်သစ်ကူးပွဲတော်ကို စည်စည်ကားကားကျင်းပသွားဖို့ အစီအစဉ်မရှိဘဲ တချို့နေရာတွေမှာ မီးရှုးမီးပန်းပစ်ဖောက်တာတွေ မလုပ်ဖို့ အာဏာပိုင်တွေက တားမြစ်ထားပါတယ်။ ဘေဂျင်းမြို့က လူစည်းကားတဲ့မြို့လယ်ခေါင်နေရာတွေမှာ မီးရှုးမီးပန်းတွေပစ်ဖောက်တာမလုပ်ကြဖို့ ၊လူစည်ကားတဲ့နေရာတွေကို ရှောင်ဖို့၊ ထွက်ပေါက်တွေကို ရှာထားကြဖို့ အာဏာပိုင်တွေက သတိပေးထားပါတယ်။ အမေရိကန်ပြည်ထောင်စု နယူးယောက်မြို့မှာတော့ - လုံခြုံရေးတွေ တင်းတင်းကြပ်ကြပ်ချထားပြီး ရဲတပ်ဖွဲ့ဝင် ၇ ထောင်နဲ့ အတူ အကြမ်းဖက်နှိမ်နှင်းရေးအဖွဲ့တွေ၊ ဗုံးရှာခွေးတွေကိုလည်း ချထားပါတယ်။ နယူးယောက်မြို့လယ်ခေါင်က Time Square မှာ လုပ်မယ့် နှစ်သစ်ကူး ကြိုတဲ့ Countdown ခလုတ်ကို ဒီနှစ်မှာတော့ ရာထူးကနေ အနားယူတော့မယ် ကုလသမဂ္ဂအတွင်းရေးမှူး ဘန်ကီမွန်းက နှိပ်သွားမှာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


နိုင်ငံသူ နိုင်ငံသားများခင်ဗျား-

နှစ်သစ်မင်္ဂလာအခါသမယမှာ နိုင်ငံသူ နိုင်ငံသား တိုင်းရင်းသား ညီအစ်ကိုမောင်နှမများအားလုံး ကိုယ်စိတ်နှစ်ဖြာ ကျန်းမာချမ်းသာကြ ပါစေကြောင်း ဆုမွန်ကောင်းတောင်းလိုက်ပါတယ်။

နိုင်ငံသူ နိုင်ငံသားများခင်ဗျား-

နိုင်ငံတော်အစိုးရအနေနဲ့ ၂၀၁၆ ခုနှစ်အတွင်း တာဝန်ယူခဲ့တဲ့ (၉) လတာကာလတစ်လျှောက်မှာ တိုင်းပြည်အကျိုးအတွက် ရည်ရွယ်ချမှတ် ထားတဲ့ မူဝါဒများဖြစ်တဲ့ ပြည်တွင်းငြိမ်းချမ်းရေး၊ အမျိုးသားပြန်လည် သင့်မြတ်ရေး၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင် စုဖြစ်ပေါ်ရေး၊ ပြည်သူတို့ရဲ့ လူနေမှုဘ၀များ တိုးတက်မြင့်မားရေးတို့အတွက် တစိုက်မတ်မတ် ကြိုးပမ်းဆောင်ရွက်ခဲ့ပါတယ်။

အခုအခါမှာတော့ ဖော်ပြခဲ့တဲ့မူဝါဒများ အောင်မြင်ရေးအတွက် အခြေခံအနေအထားတွေကို ပျိုးထောင်တည်ဆောက်နိုင်ခဲ့ပြီဖြစ်တဲ့အတွက် လာမယ့် ၂၀၁၇ ခုနှစ် နှစ်သစ်အတွင်းမှာ ဒီမူဝါဒတွေ ပီပြင်စွာအကောင် အထည်ပေါ်လာဖို့ ဆက်လက်ကြိုးပမ်းဆောင်ရွက်နိုင်တော့မှာ ဖြစ်ပါတယ်။

နိုင်ငံသူ နိုင်ငံသားများခင်ဗျား-

သမိုင်းကြောင်းကိုပြန်ပြောင်းကြည့်မယ်ဆိုရင် နိုင်ငံသူ နိုင်ငံသားတွေ စည်းလုံးညီညွတ်စွာ ဝိုင်းဝန်းဆောင်ရွက်ကြတဲ့ အခါတိုင်းမှာ တိုင်းပြည် အတွက် ကြီးမားတဲ့ အကျိုးကျေးဇူးတွေ ခံစားရစမြဲဖြစ်တယ် ဆိုတာ တွေ့ရှိကြရမှာဖြစ်ပါတယ်။ ထင်ရှားတဲ့ သာဓကတစ်ခုကတော့ ၁၉၄၇ ခုနှစ်မှာ တိုင်းရင်းသားလူမျိုးများအားလုံးရဲ့ စည်းလုံးညီညွတ် မှုပြယုဂ်ဖြစ်တဲ့ ပင်လုံစာချုပ်ချုပ်ဆိုနိုင်ခဲ့ပြီး အဲဒီညီညွတ်မှုရဲ့ ရလဒ်အဖြစ် မြန်မာ့လွတ်လပ်ရေး ရရှိနိုင်ခဲ့တာဖြစ်ပါတယ်။

အခုအခါမှာလည်း (၂၁) ရာစုပင်လုံညီလာခံကအစပြုပြီး တိုင်းရင်းသားပြည်သူအများ လိုလားတောင့်တတဲ့ ဒီမိုကရေစီ ဖက်ဒရယ်ပြည်ထောင်စု တည်ဆောက်နိုင်ဖို့ ကြိုးပမ်းဆောင်ရွက်လျက်ရှိတာ အများအသိပဲဖြစ်ပါတယ်။ ဒီမိုကရေစီနိုင်ငံ၊ ဒီမိုကရေစီစနစ်ဟူသည် အများပြည်သူတို့ရဲ့ ပူးပေါင်းပါဝင်မှုဖြင့်သာ အောင်မြင်နိုင်တာဖြစ်လို့ အခုလို ဒီမိုကရေစီစနစ်ကို ကျင့်သုံးပြီး ဖက်ဒရယ်ပြည်ထောင်စုကြီး တည်ဆောက်ရာမှာလည်း နိုင်ငံသူ နိုင်ငံသားအားလုံးတို့က ဒီမိုကရေစီစိတ်ဓာတ် ပြည့်ဝစွာနဲ့ တက်ညီလက်ညီ ပူးပေါင်း ပါဝင်ဆောင်ရွက်ကြဖို့ တိုက်တွန်းနှိုးဆော်လိုပါတယ်။

နိုင်ငံသူ နိုင်ငံသား တိုင်းရင်းသားညီအစ်ကို မောင်နှမများ နှစ်သစ်မှာ ကိုယ်စိတ်နှစ်ဖြာ ကျန်းမာချမ်းသာပြီး ကောင်းကျိုး လိုရာဆန္ဒ များ ပြည့်ဝနိုင်ကြပါစေ။

MOI Webportal Myanmar
https://www.facebook.com/MOIWebportalMyanmar/


ဘရာဇီးလ်နိုင်ငံဆိုင်ရာ ဂရိသံအမတ်ရဲ့ ဇနီးနဲ့ ဖောက်ပြန်နေတဲ့ ဘရာဇီးလ်ရဲကသံအမတ်ကိုသတ်ဖြတ်ခဲ့တယ်ဆိုတာ ၀န်ခံလိုက်ပြီလို့ ဘရာဇီးလ် ရဲတို့ကပြောပါတယ်။ သံအမတ်ကို တနင်္လာနေ့မှာ အသက်ရှင်လျှက် နောက်ဆုံး တွေ့ခဲ့ရတာဖြစ်ပါတယ်။ Rio de Janeiro မြို့အနီး Nova Iguacu အရပ်မှာ မီးလောင်ထားတဲ့ ဌားလာတဲ့ ကားထဲမှာ သံအမတ် Kyriakos Amiridis လို့ ယူဆရတဲ့ အလောင်းတလောင်း ကိုတွေ့ခဲ့တယ်လို့ စုံစမ်းရေးတွေကပြောပါတယ်။သံအမတ်စုံတွဲဟာ အားလပ်ရက်အပန်းဖြေခရီးအဖြစ် အဲ့ဒီကို ရောက်နေတာဖြစ်ပြီး ဇန်န၀ါရီလ ၉ ရက်နေ့မှာ အလုပ်ပြန်ဝင်ဖို့ရှိနေတာပါ။

ဒါပေမယ့်လည်းတနင်္လာနေ့ညမှာ အိမ်ကနေ ထွက်သွားတဲ့ သံအမတ် ပြန်ရောက်မလာဘူးဆိုပြီး ဇနီးဖြစ်တဲ့ Françoise Oliveira ကရဲဌာနကို ဗုဓ္ဒဟူးနေ့က အကြောင်းကြားခဲ့တာပါ။ သံအမတ်စုံတွဲ အပန်းဖြေနေတဲ့အိမ်က ဆိုဖာပေါ်မှာ သံအမတ်ဆီကလို့ ယူဆရတဲ့ သွေးစ တွေ တွေ့ရတယ်လို့ စုံစမ်းရေးအရာရှိတွေကသောကြာနေ့မှာ ပြောပါတယ်။

သံအမတ်ကို တနင်္လာနေ့ နှောင်းပိုင်းအဲဒီ အိမ်မှာ သတ်ပြီးတော့ အလောင်းကို ကားထဲရွှေ့ခဲ့တာလို့ ရဲအရာရှိ Sergio Moreira က၀န်ခံပါတယ်။ အဲ့ဒီနောက် ကားကို အခုရှာတွေ့တဲ့နေရာဆီမောင်းပို့ပြီး မီးရှို့ ခဲ့တာပါ။

အလောင်းကို ရဲအရာရှိရဲ့ ဝမ်းကွဲတယောက်က ငွေကြေးလက်ခံပြီး ကူညီရွှေ့ပေးခဲ့တယ်လို့ ရဲတို့က ယူဆထားပါတယ်။ သံသယရှိခံထားရတဲ့ သံအမတ်ရဲ့ ဇနီး၊ ရဲအရာရှိနဲ့ ၀မ်းကွဲ တို့ကို ရဲဌာနမှာ ထိန်းသိမ်းထားပါတယ်။ သံအမတ်ဇနီးမောင်နှံမှာ အသက် ၁၀ နှစ်အရွယ်သမီးတဦးရထားပါတယ်။

ဗွီအိုအေ (မြန်မာပိုင်း)
http://burmese.voanews.com


တူရကီနိုင်ငံ Istanbul မြို့တော် နိုက်ကလပ်တခုကို တနင်္ဂနွေနေ့ မနက်အစောပိုင်းမှာ လက်နက်ကိုင် တိုက်ခိုက်မှုတရပ် ဖြစ်ပွားခဲ့ပြီး ရဲတွေက ဝိုင်းထားပါတယ်။ သေဆုံးသူ ၃၅ ဦးရှိပြီး ၄၀ ကျော်ဒဏ်ရာရရှိခဲ့တယ်လို့ တာဝန်ရှိသူတွေကို ကိုးကားပြီး နိုင်ငံတကာ သတင်းတွေမှာ ဖေါ်ပြနေပါတယ်။ တိုက်ခိုက်သူ နှစ်ဦးအနက်တဦးဟာ Istanbul မြို့ Besiktas ရပ်ကွက်မှာရှိတဲ့ အဲဒီ နိုက်ကလပ်ကို စီးနင်းထားဆဲဖြစ်တယ်လို့ တူရကီ NTV ရုပ်မြင်သံကြားသတင်းက ဖေါ်ပြပါတယ်။

ဒီအခြေအနေကို ထိန်းချုပ်နိုင်အောင် ဆောင်ရွက်ဖို့ အထူးရဲတပ်ဖွဲ့က ကြိုးပမ်းနေတယ်လို့ ဆိုပါတယ်။ သေနပ်သမား နှစ်ဦးအနက်တဦးဟာ Santa Claus လိုဝတ်ဆင်ထားတယ်လို့ ဆိုပါတယ်။ ကယ်ဆယ်ရေးယာဉ်တွေ ရဲကားတွေ အခင်းဖြစ်ပွားတဲ့နေရာကို အပူတပြင်းသွားရောက် နေပြီး ထိခိုက်ဒဏ်ရာရသူတွေကို လူနာတင်ယာဉ်တွေပေါ် တင်ဆောင်နေတဲ့ပုံတွေ လူမှုမီဒီယာမှာ ဖေါ်ပြထားတဲ့ ဗွီဒီယိုတွေမှာ တွေ့ရပါတယ်။

ဗွီအိုအေ (မြန်မာပိုင်း)
http://burmese.voanews.com


ဆီးရီးယား နိုင်ငံက အစိုးရ နဲ့ သူပုန် အဖွဲ့တွေ အကြားမှာ အပစ်အခတ် ရပ်စဲရေး သဘောတူညီမှု ရအောင် ဆောင်ရွက် ပေးခဲ့ကြတဲ့ ရုရှ နဲ့ တူရကီ နိုင်ငံ တို့ရဲ့ က်ြိုးပမ်းမှု ကို ကုလသမဂ္ဂ လုံခြုံရေး ကောင်စီမှာ တညီတညွှတ်ထဲ ထောက်ခံ ခဲ့ကြပါတယ်။

အခုလ ထဲမှာ ဆီးရီးယား အစိုးရ နဲ့ သူပုန် အဖွဲ့တွေ ရဲ့ ငြိမ်းချမ်းရေး ဆွေးနွေး ပွဲ တွေကို ကာဇက်စတန် နိုင်ငံမှာ ကျင်းပမှာ ဖြစ်ပါတယ်။

အဲဒီ ငြိမ်းချမ်းရေး ဆွေးနွေးပွဲတွေ ကို ရုရှ၊ အီရန် နဲ့ တူရကီ နိုင်ငံ တို့ က ကျော ထောက်နောက်ခံ ပေးကြမှာလည်း ဖြစ်ပါတယ်။

ဆီးရီးယား နိုင်ငံ အတွင်း က အပစ်အခတ် ရပ်စဲရေး ကို စောင့်ကြည့်လေ့ လာရေး၊ ပြီးတော့ လူသားချင်း စာနာမှု ဆိုင်ရာ အကူအညီ ပေးပို့မှုတွေ အတားအဆီး မရှိ ဝင်ရောက်ခွင့် ရဖို့ကိုလည်း ကုလသမဂ္ဂ လုံခြုံရေး ကောင်စီ အဖွဲ့ဝင် နိုင်ငံ အချို့ က တိုက်တွန်း နေပါတယ်။

အစောပိုင်း ရရှိတဲ့ သတင်းတွေမှာတော့ဆီးရီးယား အစိုးရ စစ်တပ် အနေနဲ့ သူပုန် တွေ ထိန်းချုပ် ရာ ဒေသ တွေမှာ တိုက်ခိုက်မှုတွေ ဆက် လုပ်နေမယ် ဆိုရင် အပစ်အခတ် ရပ်စဲရေး သဘောတူညီမှု ကို စွန့်လွှတ်မယ်လို့ သူပုန် အဖွဲ့ အချို့ ပြောပါတယ်။

ဒမတ်စကတ် မြို့ အနောက်မြောက်ဘက် က သူပုန်တွေ ထိန်းချုပ် ရာ ဒေသ ကို အစိုးရက လေကြောင်း ကနေ ဗုံးကြဲ တိုက်ခိုက်မှုတွေ လုပ်နေတဲ့ အတွက် ဆီးရီးယား လွတ်မြောက်ရေး တပ်ဖွဲ့ နဲ့ အခြား သူပုန်ဖွဲ့ တွေက အခုလို ပြောကြား နေတာ ဖြစ်ပါတယ်။

အဲဒီ ဒေသမှာ ထောင်နဲ့ချီတဲ့ ဆီးရီးယား အရပ်သားတွေလည်း ပိတ်မိ နေတယ်လို့ ယုံကြည်ရပါတယ်။

BBC Burmese
http://www.bbc.com/burmese


တူရကီနိုင်ငံ အီစတန်ဘူလ် မြို့ ရေးနား နိုက်ကလပ်မှာ လူအုပ်ထဲကို သေနတ်နဲ့ ဝင်ရောက်ပစ်ခတ်သွားတဲ့အတွက် အနည်းဆုံး လူ ၃၅ ယောက်သေဆုံးသွားခဲ့ပါတယ်။ နောက်ထပ် တခြားလူ အယောက် ၄၀ လည်း ဒဏ်ရာရခဲ့ပါတယ်။

သေဆုံးသူတွေထဲမှာ ရဲအရာရှိ တယောက်လည်း ပါဝင်ပါတယ်။

တူရကီ ဒေသစံတော်ချိန် ၁ နာရီခွဲမှာ ပစ်ခတ်မှု ဖြစ်ပွားခဲ့တာမို့ နှစ်သစ်ကူးအပြီး နာရီပိုင်းမှာ ဖြစ်ပွားခဲ့တာ ဖြစ်ပါတယ်။

ပစ်ခတ်သူဟာ ခရစ္စမတ်ဘိုးဘိုးကြီး စန်တာကလော့ ဝတ်စုံနဲ့ နိုက်ကလပ်ထဲ ဝင်ရောက်လာပြီး လူအုပ်ထဲကို သေနတ်နဲ့ ဝှေ့ယမ်းပစ်ခတ်သွားတာဖြစ်ပါတယ်။

အဲဒီအချိန်မှာ နိုက်ကလပ်ထဲကို လူရာဂဏန်းတချို့ရှိနေခဲ့ပါတယ်။ တချို့ကတော့ ကလပ် အနီးမှာရှိတဲ့ ဘော့စဖရပ်စ် တူးမြောင်း ထဲကို ခုန်ချလွတ်မြောက်သွားခဲ့ကြတာ ဖြစ်ပါတယ်။

ရေးနားနိုက်ကလပ်ဟာ လူဂုဏ်တန်တွေ လာရောက်လေ့ရှိတဲ့ နိုက်ကလပ်လည်း ဖြစ်ပြီး နှစ်သစ်ကူးနေ့မို့ ခါတိုင်းထက် လူအများစည်ကားနေခဲ့တာလည်း ဖြစ်ပါတယ်။

အီစတန်ဘူလ် မြို့ကို အကြမ်းဖက်တိုက်ခိုက်နိုင်တယ်ဆိုပြီး ရဲအရာရှိပေါင်း တသောင်း ခုနစ်ထောင် တာဝန်ချပြီး လုံခြုံရေးတပ်လှန့်ထားတဲ့ ကြားက အခုလို တိုက်ခိုက်မှု ဖြစ်ပွားခဲ့တာဖြစ်ပါတယ်။

သေနတ်နဲ့ ပစ်ခတ်ပြီးနောက် အခုလို သတ်ဖြတ်မှုဟာ ဆီးရီးယားနိုင်ငံ အလက်ပိုမြို့စစ်ပွဲမှာ ရုရှားဝင်ရောက်စွက်ဖက်ခဲ့တာကို လက်စားချေတုန့်ပြန်တာလို့ အော်ဟစ်ကြွေးကြော်ခဲ့ပါတယ်။

BBC Burmese
http://www.bbc.com/burmese


ရုရှားနဲ့ တူရကီတို့ ကြားဝင်ဆောင်ရွက်ပေးတဲ့ ဆီးရီးယား အပစ်အခတ်ရပ်စဲရေး သဘောတူညီချက်ကို ကုလသမဂ္ဂ လုံခြုံရေးကောင်စီက ကန့်ကွက်သူမရှိ တညီ တညွတ်ထဲ အသိအမှတ်ပြုလိုက်ပါတယ်။ ဒါပေမယ့် ဒီသဘောတူညီမှုဟာ အချိန်မရွေး ပျက်ပြယ်နိုင်တဲ့ အန္တရာယ် ရှိနေတယ်လို့ သတင်းတွေ ထွက်ပေါ်နေ တာပါ။

ဆီးရီးယား သူပုန်တွေကတော့ ဆီးရီးယား အစိုးရနဲ့ သူ့မဟာမိတ်ရုရှားတွေ ဘက်က လေကြောင်းတိုက်ခိုက်မှုတွေ ထပ်တလဲလဲ လုပ်ဆောင် နေတာမို့ ၂ ရက်ကြာ အပစ်ရပ်ရေး သဘောတူညီချက်ဟာ ပျက်ပြယ်သွားနိုင်တယ်လို့ ဆိုပါတယ်။ ဆီးရီးယား အရေး စောင့်ကြည့်သူတွေ ကတော့ ဒမတ်စပ်မြို့ အနောက်မြောက် ဖက်က ဗျူဟာကျပြီး အရေးပါတဲ့ Barada တောင်ကြား ဒေသက သူပုန်တွေ ထိမ်းချုပ်ထားတဲ့မြို့တွေ ရွာတွေကို စစ်လေယာဉ်တွေက တိုက်ခိုက်နေ တာတွေ့ရတယ်လို့ ပြောပါတယ်။

ဗြိတိန်အခြေစိုက် ဆီးရီးယား လူ့အခွင့်ရေးစောင့်ကြည့်အဖွဲ့ကြီးဟာ ဆီးရီးယား ပြည် တွင်းစစ်ကို အနီးကပ် စောင့်ကြည့်နေတာ ဖြစ်ပြီး အဲဒီ Barada ဒေသက တိုက်ခိုက် မှုတွေအတွင်း သေဆုံး ဒဏ်ရာရသူ ရှိမရှိ အခုလောလောဆယ် မသိရသေးဘူး လို့ပြောပါတယ်။ ဒါပေမယ့် သောကြာနေမှာ တိုက်ခိုက်မှုတွေ ရှိခဲ့တဲ့အ့ပြင်၊ စနေနေ့ မနက်ပိုင်းတခုထဲမှာပဲ အဲဒီဒေသကို လေကြောင်းတိုက်ခိုက်မှု ၁၀ ကြိမ် လောက် ရှိခဲ့ဆယ်လို့ ပြောပါတယ်။

ဆီးရီးယား မြောက်ပိုင်းက လာတဲ့ သတင်းတွေ အရ အလက်ပိုမြို့ အရှေ့မြောက် ပိုင်း al- Bab မြို့ကလေးနားမှာ လေကြောင်း တိုက်ခိုက် မှုကြောင့် ကလေးငယ် ၄ ဦး အပါအဝင် လူပေါင်း ၉ ဦး သေဆုံးခဲ့တယ်လို့ ပြောပေမယ့် ဒီတိုက်ခိုက်မှုလုပ်တဲ့ စစ်လေယာဉ်တွေဟာ ဆီးရီးယား လေယာဉ်လား ရုရှားလေယာဉ်လား ဆိုတာ သဲသဲကွဲကွဲ မသိရသေးပါဘူး။

ဗွီအိုအေ (မြန်မာပိုင်း)
http://burmese.voanews.com


အမေရိကန်ပြည်ထောင်စုမှာ ၂၀၁၆ ခုနှစ်အတွင်း ဥပဒေချိုးဖောက်လို့ ဖမ်းဆီးခဲ့သူ ၅ သိန်းကျော်ရှိတယ်လို့ အမိမြေလုံခြုံရေးဌာနက သောကြာနေ့က ထုတ်ပြန်တဲ့ အစီရင်ခံစာထဲမှာ ဖော်ပြထားပါတယ်။ ရာဇဝတ်မှုကျုးလွန်ထားသူတွေကို ဖမ်းဆီးဖို့နဲ့ အများပြည်သူလုံခြုံရေးကို ခြိမ်းခြောက်နေသူတွေ၊ နယ်စပ်လုံခြုံရေးနဲ့ အမျိုးသား လုံခြုံရေး အတွက် အန္တရာယ်ရှိသူတွေကို လူဝင်မှုကြီးကြပ်ရေးဌာနက အဓိကထား ဖော်ထုတ်ဖမ်းဆီးနိုင်ဖို့ ကြိုးစားခဲ့တာကြောင့် ခုလို ၅ သိန်းကျော်ကို ဖမ်းဆီးနိုင်ခဲ့တာဖြစ်ပါတယ်။

အမိမြေလုံခြုံရေးဌာနရဲ့ ၂၀၁၆ ခုနှစ် နှစ်ပါတ်လည်ကိန်းဂဏန်းအစီရင်ခံစာမှာ ခုလိုဖမ်းဆီးနိုင်ခဲ့သူအရေအတွက်က ၂၀၁၅ ခုနှစ်ထက် ပိုများခဲ့ပေမဲ့ ၁၉၈၀ နဲ့ ၂၀၀၈ ခုနှစ်တွေတုန်းက ပျှမ်းမျှ အရေအတွက်နဲ့ယှဉ်ရင် နည်းနည်းလေးသာဖြစ်တယ်လို့ အစီရင်ခံစာက ထောက်ပြပါတယ်။ နယ်စပ်လုံခြုံရေးအတွက် ပြည်ထောင်စုအစိုးရက ဆက်ပြီးတိုးမြှင့် ဆောင်ရွက်သွားမယ်လို့ အမိမြေလုံခြုံရေးရာဝန်ကြီး Jeh Johnson ကပြောပါတယ်။

အခု ၂၀၁၆ နှစ်ထဲ ဖမ်းဆီးနိုင်ခဲ့သူ အများစုဟာ နိုင်ငံထဲကို တရားမဝင် ဝင်ရောက်ဖို့ ကြိုးစားစဉ်မှာ ဖမ်းမိသူတွေ၊ ဒါမှမဟုတ် ရာဇဝတ်ဂိုဏ်းဝင်တွေအပါအဝင် အမျိုးသားလုံခြုံရေးကို ခြိမ်းခြောက်နေကြသူတွေဖြစ်ကြပါတယ်။

၂၀၁၆ အတွင်း နေရပ်ပြန်ပို့ခဲ့သူ ၄ သိန်းခွဲထဲမှာ ၉၄% ကလည်း အဲဒီလိုလူမျိုးတွေဖြစ်ကြပါတယ်။ အခုနှစ်အတွင်း အုပ်ထိန်းသူမပါဘဲ နိုင်ငံထဲ ဝင်ရောက်လာတဲ့ ကလေးငယ် ၆ သောင်းနီးပါးကိုလည်း အမေရိကန်မှာ ထိန်းသိမ်းခဲ့ပါတယ်။

အမေရိကတိုက်အလယ်ပိုင်းနိုင်ငံတွေကနေ ခုလိုရွှေ့ပြောင်း အခြေချဖို့ကြိုးစားကြတဲ့ ပြဿနာရဲ့အဓိကအကြောင်းအချက်တွေကို ဖြေရှင်းနိုင်ဖို့ အမိမြေလုံခြုံရေးဌာနက ကြိုးစားနေတယ်လို့ ဒီဇင်ဘာ ၃၀ ရက်နေ့က ထုတ်ပြန်တဲ့ အစီရင်ခံစာထဲမှာ ပြောထားပါတယ်။

ဗွီအိုအေ (မြန်မာပိုင်း)
http://burmese.voanews.com


အစိုးရအာဏာလွှဲပြောင်းခြင်းအခမ်းအနား၊ သမ္မတသစ် ဦးထင်ကျော်နဲ့ သမ္မတဟောင်း ဦးသိန်းစိန်။(မတ်၊၃၀၊၂၀၁၆)
အစိုးရအာဏာလွှဲပြောင်းခြင်းအခမ်းအနား၊ သမ္မတသစ် ဦးထင်ကျော်နဲ့ သမ္မတဟောင်း ဦးသိန်းစိန်။(မတ်၊၃၀၊၂၀၁၆)
၂၀၁၆ နှစ်ဟောင်းကုန်ဆုံးလို့ ၂၀၁၇ နှစ်သစ်ကို ကူးပြောင်းတော့မယ့် နှစ်သစ်ကူးမင်္ဂလာ အခါသမယမှာ ပြည်သူက မဲပေးရွေးချယ်လိုက်တဲ့ အရပ်သားအစိုးရလက်ထက်မှာ မြန်မာပြည်သူ၊ ပြည်သားအပေါင်းငြိမ်းချမ်းသာယာပါစေကြောင်း စီးပွားရေးပညာရှင်၊ အနုပညာရှင်၊ သဘာဝပတ်ဝန်းကျင် ထိန်းသိမ်းရေးနဲ့ လူ့အခွင့်အရေးလှုပ်ရှားသူတွေက ဆုမွန်ကောင်းတောင်းပေးကြပါတယ်။ ၂၀၁၆ခုနှစ်အတွင်း မြန်မာပြည်တဝှမ်း နယ်ပယ်အသီးသီးမှာ ပြည်သူအများရင်ဆိုင်ကြုံတွေ့ခဲ့ရတာတွေထဲက ထူးခြားဖြစ်စဉ်သုံးသပ်ချက်တွေနဲ့အတူ ၂၀၁၇ အတွက် မျှော်လင့်ချက် အကြံပြုချက်တွေကို ဆက်သွယ်မေးမြန်းထားတဲ့ မဆုမွန်က စုစည်းတင်ပြပေးထားတာ နားဆင်ပါရှင်။

၂၀၁၆ခုနှစ်အတွင်းမှာ ပြည်သူအများက မဲဆန္ဒတွေနဲ့ ရွေးချယ်တင်မြှောက်လိုက်တဲ့ အရပ်သားအစိုးရလက်ထဲကို အာဏာအလွှဲအပြောင်း နိုင်ငံရေးအကူးအပြောင်းဖြစ်ခဲ့သလို အဘက်ဘက်က နိမ့်ကျခဲ့ရတဲ့ မြန်မာ့စီးပွားရေး ဦးမော့နလံထူ လာစေဖို့အရေး ဒေါ်အောင်ဆန်းစုကြည်ဦးဆောင်တဲ့ အရပ်သားအစိုးရလက်ထက်မှာ ပြည်သူတွေရဲ့ဘဝ ပိုပြီးတော့မှ တိုးတက်ကောင်းမွန်လာနိုင်မယ်လို့ ယုံကြည်မျှော်လင့်သူကတော့ စာရေးဆရာဒေါက်တာခင်မောင်ညိုဖြစ်ပါတယ်။

“၂၀၁၆ကတော့ကျနော်တို့နှစ်ပေါင်း၅၄ နှစ်ကျော်ပေါ့လေ၊ ပြည်သူတွေ မျှော်လင့်နေတဲ့ ဒီမိုကရေစီအရပ်သားအစိုးရပေါ်ထွက်လာတယ်၊ အဲဒီပေါ်ထွက်လာတဲ့ လမ်းစကို ရပြီဆိုတော့ ကျနော်တို့ကလည်း အရမ်းဝမ်းသာကြာတာပေါ့။ ပထမပိုင်းမှာတော့ အာဏာလွှဲပြောင်းပေးပါ့မလားဆိုပြီး ကျနော်တို့ ကြောက်ကြောက်ရွံ့ ရွံ့ နဲ့၁၉၉၀ နမူနာရှိတော့ အခြေအနေကောင်းပါ့မလားဆိုပြီးတော့ စောင့်ကြည့်နေရတဲ့ အချိန်ဖြစ်တယ်။ ဒါပေမယ့် တကယ်တမ်းအာဏာလွှဲပြောင်းပေးလိုက်တော့.. အော် ..ဒီမိုကရေစီ ၇၅ % လောက်ရတယ်ဆိုပြီးတော့ ကျနော်တို့ စပြီးတော့ စလုပ်တာပေါ့လေ။ ဒီတော့ ဒီကူးပြောင်းမှုကြီးက အင်မတန်ကြီးမားတဲ့ ကူးပြောင်းမှုကြီးပါ။ ကျနေ်ာတို့ တတ်နိုင်တဲ့အတိုင်းအတာလောက်ကလေးတော့ တတ်နိုင်သလောက် လုပ်ကြတာပေါ့လေ။ ခုချိန်မှာတော့ ဆင်းရဲတွင်းနက်တဲ့ လူတချို့ ရယ်၊ အရမ်းချမ်းသာတဲ့ လူတချို့ ရယ်၊ အဲဒီအဖွဲ့ကြားမှာ ဒီအချိန်မှာ ကျနော်တို့ စီးပွါးရေးကို ဒုက္ခရောက်တယ်ဆိုတာ ဒီနှစ်ကုန်ပိုင်းမှာ ဒေါ်လာကလည်း ဈေးအရမ်းတက်သွားတယ်၊ ရွေဈေးကလည်း တက်တယ်၊ ဒီအပေါ်မှာ လိုက်ပြီးတော့ အလုပ်လုပ်တဲ့အခါကျတော့ ကျနော်တို့ အခက်အခဲတွေ အများကြီးရှိတယ်၊ ကျနော်ထင်ပါတယ်။ ကျနော်တို့ ရထားတဲ့ခေါင်းဆောင်နဲ့ ကျနော်တို့ အသိညဏ်တဖြည်းဖြည်းဖွံ့ဖြိုးလာတဲ့ ပြည်သူပေါ့၊ ကျနော်ပြောလိုတာက အသိညဏ်တဖြည်းဖြည်းဖွံ့ဖြိုးလာတယ်ဆိုတာ အရင်က တာဝန်ယူမှုမရှိပဲ ကျနော်တို့က သူများလုပ်သမျှကို ခေါင်းညိတ်ပြီးလက်ခံတဲ့ ပြည်သူကနေပြီးတော့ ကိုယ်တိုင်တာဝန်ယူတဲ့ ပြည်သူ၊ ကိုယ်တိုင်တာဝန်ယူတဲ့ ၀န်ထမ်း၊ကိုယ်တိုင်တာဝန်ယူတဲ့ အစိုးရ၊ ကိုယ်တိုင်တာဝန်ယူတဲ့ လွှတ်တော်ကိုယ်စားလှယ်များဖြစ်လာမယ်လို့ ကျနော်ယုံကြည်တယ်။ နောက်နှစ်ကျရင် ပိုပိုပြီးတော့ တိုးပွါးပြီးတော့ စီးပွါးတိုးတက်တဲ့ နိုင်ငံကြီးဖြစ်လာမယ်၊ အဲဒီလိုဖြစ်လာပါစေလို့လည်း ကျနော်ဆုတောင်းပါတယ် ”

မြန်မာနိုင်ငံတွင်းလူ့အခွင့်အရေးအခြေအနေဟာ ၂၀၁၆ခုနှစ်အတွင်းမှာ သိပ်ကိုဆိုးရွားလွန်းခဲ့တယ်လို့ မဆိုနိုင်ပေမဲ့ လူ့အခွင့်အရေးချိုးဖောက်ခံရဆဲအခြေအနေ ပြည်သူတွေနေ့စဉ်လူနေမှုဘဝတွေမှာ လုံခြုံတည်ငြိမ်အေးချမ်းနိုင်ဖို့က ၂၀၁၇ မှာ တရားဥပဒေစိုးမိုးရေးကို သက်ဆိုင်ရာတာဝန်ရှိသူတွေဘက်က အလေးထားဆောင်ရွက်သင့်တယ်လို့ မြန်မာနိုင်ငံကို ရောက်ရှိနေတဲ့ အာရှလူ့အခွင့်အရေးကော်မရှင်က ရှေ့နေကြီး ဦးမင်းလွင်ဦးက အကြံပြုပါတယ်။

“ဒီနှစ်ထဲမှာ ထူးထူးခြားခြားများလာတာတော့ ဒီ ဆက်သွယ်ရေးဥပဒေပုဒ်မ ၆၆ (ဃ)နဲ့စွဲတဲ့အမှုတွေ အတော်များများ ရှိတဲ့အတွက် လွပ်လပ်စွာပြောဆိုခွင့်ကို ထိခိုက်တဲ့ကိစ္စရပ်တွေလည်း ဖြစ်ပေါ်တယ်လို့ ကျနော်တို့ကတော့ မြင်ပါတယ်ခင်ဗျ။ ၂၀၁၇ မှာကတော့ တရားဥပဒေစိုးမိုးရေးနဲ့ ပတ်သက်ပြီးတော့ တော်တော်ဖိဖိစီးစီးစလုပ်ရမယ်လို့ ကျနော်မြင်တယ်။ တရားစွဲအဖွဲ့အစည်းဖြစ်တဲ့ ဥပဒေရုံးရယ်၊ နောက်ပြီးတော့ မြန်မာနိုင်ငံရဲတပ်ဖွဲ့တွေကလည်း ဒီမှုခင်းတွေအပေါ်မှာ လာဒ်စားမှုမရှိပဲနဲ့ တကယ့်အမှန်အတိုင်းအဖြစ်မှန်တွေကို တင်ပြပြီးတော့ အရေးယူဆောင်ရွက်ဖို့ လိုအပ်တယ်လို့ ကျနော်တို့မြင်ပါတယ်။ ”

နှစ်ပေါင်းများစွာ မြန်မာနိုင်ငံတွင်း သဘာဝတောတောင်သယံဇာတတွေ ထိန်းသိမ်းစောင့်ရှောက်မှု အားနည်းခဲ့ပြီးတဲ့နောက် အခု၂၀၁၆-၂၀၁၇ ခုနှစ်အတွင်းမှာတော့ ပြည်သူ့အစိုးရလက်ထက်မှာ မြန်မာနိုင်ငံတွင်း သဘာဝပတ်ဝန်းကျင်ထိန်းသိမ်းစောင့်ရှောက်ရေးလုပ်ငန်းတွေကို နိုင်ငံတကာစံနှုန်းတွေနဲ့အညီ ကမ္ဘာကြီး စိမ်းလန်းစိုပြေရေး မြန်မာနိုင်ငံသူနိုင်ငံသားတွေပါ ပူးပေါင်းဆောင်ရွက်ကြစေဖို့ အကြံပြုလိုပါတယ်လို့ သဘာဝပတ်ဝန်းကျင်ထိန်းသိမ်းရေးလှုပ်ရှားသူဒေါ်ဒေဝီသန့်စင်က ဆိုပါတယ်။

" သဘာဝ ပတ်ဝန်းကျင်ထိန်းသိမ်းရေးကတော့လေ ဒေါ်လေးတို့မြန်မာနိုင်ငံအတွက် နှစ်ငါးဆယ်လောက် နောက်ကျခဲ့တော့ အခုမှ ကမ္ဘာနဲ့ပေါ့ အထူးသဖြင့် ၂၀၁၆ အတွက်ဆိုရင် သဘာဝပတ်ဝန်းကျင်ထိန်းသိမ်းရေး ဥပဒေကတော့ ထွက်လာပါရဲ့။ ဒါပေမဲ့လို့လည်း နည်းဥပဒေတို့ ဘာတို့က နောက်ကျတယ်ပေါ့။ အဲ့တော့ ဒါတွေကို အခုပြည်သူ့အစိုးရအနေနဲ့ တော်တော်လေးကို သတိထား ကိုင်တွယ်ရမယ့်အလုပ်တွေ ပါတယ်ပေါ့။ ဥပမာ မြစ်ဆုံကိစ္စလိုမျိုး၊ လက်ပံတောင်းကိစ္စလိုမျိုး ဒေသခံတွေ သဘောတူ၊ မတူ။ ဘယ်လိုလုပ်ငန်းတွေ လုပ်မယ် ဘာညာ ပြောရမှာလေ။ အဲ့တော့ အဲ့တာတွေကို ဒေါ်လေးတို့တိုင်းပြည်က အရမ်းအားနည်းခဲ့တယ် လုပ်လည်း မလုပ်ခဲ့ဘူး။ အဲ့တော့ ဒါတွေကို ၂၀၁၇ ကျရင် သေချာဥပဒေထုတ်တယ်။ နည်းဥပဒေထုတ်တယ်။ လုပ်ရမယ့် နည်းစနစ်အတိုင်း လုပ်ဖို့လိုတယ်လို့ ဒေါ်လေးပြောချင်ပါတယ်။"

မြန်မာနိုင်ငံ ရုပ်ရှင်အစည်းအရုံးဥက္ကဋ္ဌ သရုပ်ဆောင်ဒါရိုက်တာအကယ်ဒမီ လူမင်း ကတော့ ၂၀၁၆ ခုနှစ်ဟာ မြန်မာ့ရုပ်ရှင်လောကထဲ ထူးခြားဖြစ်စဉ်တွေ များစွာဖြစ်ခဲ့သလို စိန်ခေါ်မှုတွေနဲ့လည်း အများဆုံးရင်ဆိုင်ခဲ့ရတယ်လို့ ဆိုပါတယ်။ ဆယ်စုနှစ်အတွင်း ရုပ်ရှင်ဇာတ်ကားထုတ်လုပ်မှုအမြင့်ဆုံးဖြစ်ခဲ့တဲ့နှစ်တနှစ်ဖြစ်သလို လာမယ့်၂၀၁၇အတွက် မျှော်လင့်ချက်များစွာရှိတယ်လို့ သူက ပြောပါတယ်။

"၂၀၁၆ခုနှစ်ကို ပြန်သုံးသပ်မယ်ဆိုရင် မြန်မာအနုပညာလောကအနေနဲ့ကတော့ ဝေဖန်မှုတွေ ပြင်းထန်ခဲ့တဲ့နှစ်တစ်နှစ်လို့လည်း ပြောလို့ရပါတယ်။ နောက်ပြီးတော့ မြန်မာအုပ်စုကားတွေအပေါ် အုပ်စုဖွဲ့ပြီးတော့ ဝေဖန်လာတဲ့ ဝေဖန်မှုတွေ ပြင်းထန်မှု ဂယက်ရိုက်ခဲ့တဲ့ နှစ်တစ်နှစ်လို့လဲ ပြောလို့ရပါတယ်။ တဘက်မှာလည်း မြန်မာဇာတ်ကားတွေ ရိုက်ကူးထုတ်လုပ်မှုဟာ အရင်နှစ်တွေထက် နှစ်ဆ များပြားလာတာ တွေ့ရပါမယ်။ အမြင့်ဆုံးနှစ်တနှစ်လို့တောင် ပြောလို့ရပါတယ်။ ဆယ်စုနှစ်အတွင်းမှာပေါ့နော်။ အဲ့တော့ ၂၀၁၇မှာ မျှော်မှန်းတာကတော့ ကျနော်တို့ ရုပ်ရှင်ဈေးကွက်ကတော့ တိုးတက်လာမယ့် အရိလက္ခဏာတွေ မြင်နေရပါတယ်။ နောက်ပြီးတော့ နိုင်ငံတကာနဲ့ ဆက်ဆံမှုတွေ ဆက်သွယ်မှုတွေ ဖက်စပ်ရိုက်ကူးမှုတွေ ။ ကျနော်တို့ ၂၀၁၄ ကတည်းက စတင်ရေးဆွဲခဲ့တဲ့ ရုပ်ရှင်ဥပဒေကြီးကိုလည်း လွှတ်တော်ထဲ အရောက်ပို့နိုင်မယ့် နှစ်တနှစ်ဖြစ်မယ်လို့တော့ ကျနော်တို့ ယုံကြည်ပါတယ်။ နှစ်သစ်မှာ မြန်မာပြည်သူပြည်သားများအားလုံး ဘေးရန်ကင်းကွာ ကျန်းမာစွာနဲ့ကောင်းမွန်သော အသစ် အသစ်တွေကို ရရှိပိုင်ဆိုင်နိုင်ကြပါစေလို့ ဆုမွန်ကောင်းတောင်းပါရစေ။"

မြန်မာနိုင်ငံ ရုပ်ရှင်အစည်းအရုံးဥက္ကဋ္ဌ သရုပ်ဆောင်ဒါရိုက်တာအကယ်ဒမီ လူမင်းပါရှင်။ ၂၀၁၇ အတွက် မျှော်လင့်ချက် အကြံပြုချက်တွေကို ဆက်သွယ်မေးမြန်းထားတဲ့ မဆုမွန်က စုစည်းတင်ပြပေးထားတာပါ။

မဆုမွန်
VOA Burmese News


ABSDF ဗဟိုကော်မတီဝင် ကိုမင်းဌေး
ABSDF ဗဟိုကော်မတီဝင် ကိုမင်းဌေး
မြန်မာအာဏာပိုင်တွေကနေဖမ်းဆီးထားတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဗဟိုကော်မတီဝင် ကိုမင်းဌေးကို မတရား အသင်းဆက်သွယ်မှုပုဒ်မ ၁၇/၁ နဲ့တရားစွဲဆိုထားတယ်လို့ မိသားစုဝင်တွေ နဲ့ ဒေသခံလွှတ်တော်ကိုယ်စားလှယ်တွေကပြောပါတယ်။ ABSDF အဖွဲ့ဟာ အစိုးရနဲ့NCA တနိုင်ငံလုံးအပစ်အခတ်ရပ်စဲရေးစာချုပ်လက်မှတ်ရေးထိုးထားတဲ့ တရားဝင်အဖွဲ့အစည်းဖြစ်ပေမဲ့ABSDF(မြောက်ပိုင်း)အဖွဲ့ ခေါင်းဆောင်ကိုမင်းဌေးဟာ လက်ရှိမြန်မာ့တပ်မတော်နဲ့စစ်ရေးတင်းမာနေတဲ့ KIO အဖွဲ့နဲ့ ဆက်စပ်မှုရှိနေလို့ အခုလို ထိန်းသိမ်းတရားစွဲဆိုခံရတယ်လို့ယူဆနေကြပါတယ်။ ဗွီအိုအေမြန်မာပိုင်းသတင်းထောက်နိုင်ကွန်းအိန်ကနေ သတင်းပေးပို့ထားပါတယ်။

မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) ဗဟိုကော်မတီဝင် ကိုမင်းဌေးကို မတရား အသင်းဆက်သွယ်မှုပုဒ်မ ၁၇/၁နဲ့တရားစွဲဆိုထားပြီးကချင်ပြည်နယ်မိုးမောက်မြို့ရဲစခမ်းမှာထိန်းသိမ်းထားတယ်လို့ကိုမင်းဌေးရဲ့ဇနီးဖြစ်သူ ABSDF(မြောက်ပိုင်း)အဖွဲ့ကော်မတီအတွင်းရေးမှူး ဒေါ်နန်းယဉ်(ခေါ်) မနှောင်းက ဗွီအိုအေ ကို အခုလိုပြောပါတယ်။

“မိုးမောက်ဘက်ကို ပို့ထားတယ်ပေါ့နော်၊ တပ်ကနေ ရဲကိုလွှဲလိုက်တယ်၊ အဲ့လိုမျိုးတော့ သတင်းကြားတာပဲ။ အမှုဖွင့်တယ် အဲ့တာမျိုးလည်းကြားတယ်ရှင့်။ ၁၇/၁ လို့ကြားတာပဲရှင့်၊ မိုးမောက်ရဲစခန်းမှာရှိတယ် ”

ကိုမင်းဌေးဟာ ပြည်ထောင်စုငြိမ်းချမ်းရေးဖော်ဆောင်ရေးကော်မီတီကနေ ရန်ကုန်မြို့ မှာကျင်းပပြုလုပ်တဲ့ အလုပ်ရုံ ဆွေးနွေးပွဲကနေအပြန် ဒီဇင်ဘာ(၂၇)ရက်နေ့ ဗန်းမော်-လွယ်ဂျယ် ကားလမ်းပေါ်က သိမ်လုံဂိတ်မှာ မြန်မာစစ်တပ် ကနေ ဖမ်းဆီးခေါ်ဆောင်သွားခြင်းခံခဲ့ရတာပါ။

ကိုမင်းဌေးဟာ အစိုးရနဲ့ NCA ခေါ် တနိုင်ငံလုံးအပစ်အခတ်ရပ်စဲရေးစာချုပ်လက်မှတ်ရေးထိုးထားတဲ့ ABSDFအဖွဲ့ရဲ့ ဗဟိုကော်မီတီဝင်တဦးဖြစ်သလို အခုလို မတရားအသင်းဆက်သွယ်မှုပုဒ်မ ၁၇/၁ နဲ့တရားစွဲဆိုထားတာဟာ မဖြစ် သင့်သလို ABSDFအဖွဲ့တာဝန်ရှိသူတွေကလဲ ဒီအမှုနဲ့ပက်သက်လို့ညှိနှိုင်းဆောင်ရွက်နေတယ်လို့ မနှောင်းကအခု လို ပြောပါတယ်။

“၁၇/၁ ဆိုတဲ့ဥစ္စာကတော့ ဖြစ်တော့ မဖြစ်သင့်ဘူးပေါ့နော်။ ဒါပေမယ့် ဘာပဲပြောပြော ကျမတို့အဖွဲ့ကဆက်ပြီးတော့မှ ဒီကိစ္စနဲ့ပတ်သက်ပြီးမှ ဆက်ပြီးညှိုနှိုင်းဆောင်ရွက်နေဆဲဖြစ်တယ် ဆိုတာကတော့ သိရတယ်ရှင့်”

ABSDF အဖွဲ့ဟာ တနိုင်ငံလုံးအပစ်အခတ်ရပ်စဲရေးစာချုပ်NCAမှာ လက်မှတ်ရေးထိုးထားတဲ့ အဖွဲ့(၈)ဖွဲ့အနက်က တဖွဲ့ ဖြစ်ပြီး တရားဝင်အဖွဲ့တခုဖြစ်ပေမဲ့ လက်ရှိစစ်ရေးတင်းမာနေတဲ့ ကချင်လွတ်လပ်ရေးအဖွဲ့နဲ့ ဆက်စပ်မှုရှိနေလို့ အခုလိုဖမ်းဆီးထိန်းသိမ်းတရားစွဲဆိုခံရတယ်လို့ယူဆကြောင်း မိုးမောက်မြို့နယ်NLD ပြည်သူ့လွှတ်တော်ကိုယ်စား လှယ် ဦးဝင်းအောင်ကပြောပါတယ်။

“ ကျနော် လှမ်းစုံစမ်းကြည့်တော့ သူ့ကို ၁၇/၁နဲ့ တရားစွဲထားတယ်လို့ကြားတာပါပဲ။ မနေ့ကတော့ ရဲကလို့ပြောတယ်။ မိုးမောက်မြို့နယ်စခန်းမှုး၊ ဖွင့်တာကတော့ ရဲကလို့ပြောတယ်။ ABSDF ကတော့ ကျနော်တို့ NCA ကိုလက်မှတ်ထိုးတားပြီးပြီလေ။ သူတို့က တရားဝင်အဖွဲ့အစည်းဖြစ်သွားပြီ။ ABSDF အနေနဲ့ စွဲတာမဟုတ်ဘူးထင်တယ်။ ကျနော်ထင်တာကတော့ ဒါ KIA၊ KIO နဲ့ဆက်စပ်မယ်ထင်တာပဲ။ “

ကိုမင်းဌေးကို မတရားအသင်းဆက်သွယ်မှုပုဒ်မ ၁၇/၁နဲ့ မိုးမောက်ရဲတပ်ဖွဲ့ကနေ တရားစွဲဆိုခံရကြောင်းကိုလဲ မိုးမောက်မြို့နယ်NLD ပြည်သူ့လွှတ်တော်ကိုယ်စား လှယ် ဦးဝင်းအောင်ကအတည်ပြုပြောဆိုပါတယ်။

(ABSDF) ဗဟိုကော်မတီဝင်ကိုမင်းဌေးဟာ ကချင်ပြည်နယ်မြောက်ပိုင်းဒေသ KIO အဖွဲ့ရဲ့အခြေခံဒေသမှာရှိတဲ့ ကျောင်းသားတပ်မတော်တပ်ဖွဲ့မှာ တာဝန်ယူထားတာဖြစ်သလို KIOနဲ့မြန်မာ့တပ်မတော်တို့အကြား စစ်ရေးတင်းမာ နေဆဲ အခြေအနေကြောင့်ထိန်းသိမ်းခံရတယ်လို့လဲ ယူဆမှုတွေရှိနေပါတယ်။

ကိုမင်းဌေးတရားစွဲဆိုခံရတဲ့ဖြစ်စဉ်နဲ့ပက်သက်လို့ မိုးမောက်မြို့နယ်ရဲစခမ်းကိုဆက်သွယ်ခဲ့ပေမဲ့လဲ ဆက်သွယ်လို့ မရခဲ့ပါဘူး။

လက်ရှိမှာ ABSDFအဖွဲ့အနေနဲ့ ကိုမင်းဌေးကိုဘာကြောင့်ဖမ်းဆီးထားတယ်ဆိုတာ JMCလို့ခေါ်တဲ့ အပစ် အခတ်ရပ်စဲမှုစောင့်ကြည့်လေ့လာရေးကော်မီတီရဲ့အဖြေကိုစောင့်နေတယ်လို့ ABSDFအဖွဲ့ဒုတိယဥက္ကဌ ရဲဘော်မျိုးဝင်းက ဆိုပါတယ်။

“ ကျနော်တို့ကလည်း အစိုးရဘက်ကနေ၊ တပ်ကနေ တရားဝင်စာကို GMC ကနေပြီးတော့တဆင့် စာပို့မယ်ဆိုတာကို ကျနော်တို့စောင့်နေပါတယ်။ အဲ့ဒီဟာ ကျနော်တို့ လက်ခံရရှိပြီးတော့မှ ဒီကိစ္စကို ကျနော်တို့ confirm သေချာတယ်ဆိုတာ ပြောနိုင်မှာပေါ့နော်။ ကျနော်တို့ ခုထိတော့ တရားဝင် စာမရသေးဘူးဗျ“

ကိုမင်းဌေး လွတ်မြောက်ရေးအတွက် ABSDFခေါင်းဆောင်တွေအနေနဲ့ တပ်မတော်ကတာဝန်ရှိသူတွေ၊ အစိုးရ တာဝန်ရှိသူတွေ၊ သက်ဆိုင်ရာငြိမ်းချမ်းရေးကော်မတီတွေနဲ့ ညှိနှိုင်းဆောင်ရွက်နေဆဲအခြေအနေမှာ ရှိနေတယ် လို့လဲ ရဲဘော်မျိုးဝင်းက ဆိုပါတယ်။

ကိုမင်းဌေးအထိန်းသိမ်းခံရတဲ့ဖြစ်စဉ်အပေါ် အသေးစိတ်မသိရသေးပေမဲ့ သက်ဆိုင်ရာအဖွဲ့အစည်းတွေကနေ ဆက် လက်ညှိနှိုင်းဆောင်ရွက်သွားမယ်လို့မျှော်လင့်ကြောင်း မြန်မာငြိမ်းချမ်းရေးကော်မရှင်အကြံပေးပုဂ္ဂိုလ် ဦးလှမောင်ရွှေ ကနေ ဗွီအိုအေကိုပြောဆိုပါခဲ့ပါတယ်။

တကယ်လို့ မတရားအသင်းဆက်သွယ်မှုပုဒ်မ ၁၇/၁နဲ့တရားစွဲဆိုခြင်းခံရရင် ပြစ်မှုကြီးငယ်အလိုက် ထောင်ဒဏ်(၇) နှစ် ကနေ(၁၀)နှစ်အထိကျခံနိုင်တယ်လို့ ရှေ့နေဦးအောင်မျိုးသန့်ကပြောပါတယ်။

ကိုမင်းဌေးဟာ ABSDFကိုကိုယ်စားပြုပြီး ငြိမ်းချမ်းရေးဆွေးနွေးပွဲတွေကို တက်ရောက်ခဲ့သူတဦးလဲဖြစ်ပါတယ်။

ကိုမင်းဌေးဟာ နာမည်ကျော် Hollywood ရုပ်ရှင်မင်းသား Sylvester Stallone နဲ့ ရိုက်ကူးထုတ်လုပ်သရုပ်ဆောင်တဲ့ Rambo 4 ရုပ်ရှင်မှာ မြန်မာတပ်မတော် စစ်ဗိုလ်တဦးအဖြစ် ပါဝင်သရုပ်ဆောင်ခဲ့သူတဦးလဲဖြစ်ပါတယ်။
VOA Burmese News



သြစတြေးလျ နိုင်ငံ ရှိ ပင်လယ်ကမ်းခြေ မြို့လေး Lorne အားမြင်တွေ့ရစဉ်(ဓာတ်ပုံ-အင်တာနက်)
   မဲလ်ဘုန်း ၊ ဒီဇင်ဘာ ၃၁ ရက်(ဆင်ဟွာ)

    သြစတြေးလျ နိုင်ငံ တောင်ပိုင်းရှိ ဗစ်တိုးရီးယားပြည်နယ် တွင် ဒီဇင်ဘာလ ၃၀ ရက်နေ့ညပိုင်း ကျင်းပသည့် ဂီတ ဖျော်ဖြေပွဲ တစ်ခု တွင် လူအုပ်ပိမှု ဖြစ်ပွားခဲ့ပြီး ၈၀ ဦး ဒဏ်ရာရရှိခဲ့ပြီး ထိုအတွင်း မှ ၁၉ ဦးမှာ ဒဏ်ရာရရှိမှု ပြင်းထန်ကြောင်း သြစတြေးလျ ရဲတပ်ဖွဲ့ က ဒီဇင်ဘာလ ၃၁ ရက်တွင် ပြောကြား ခဲ့သည်။

ဗစ်တိုးရီးယား ပြည်နယ် ရဲဌာန ၏ ထုတ်ပြန်ချက်အရ လူအုပ်ပိမှုသည် ၃၀ ရက်နေ့ ည ၁၁ နာရီအချိန်ခန့်တွင် မဲဘ်ဘုန်း မြို့နှင့် ကီလိုမီတာ ၁၄၀ ကွာဝေးသည့် ပင်လယ်ကမ်းခြေ မြို့လေး Lorne တွင် ဖြစ်ပွား ခဲ့ခြင်း ဖြစ်ကြောင်း ၊ ဖြစ်စဉ်မှာ ဂီတ ပွဲအပြီး တွင် ပြန်လည်ထွက်ခွာ ချိန်၌ အရှေ့ဆုံးတန်းရှိလူများမှ ဟန်ချက်ပျက်၍ လဲကျရာမှ လူအုပ်ကြီးသည် စိုးရိမ်မှုများဖြစ်ပွားပြီး လူအုပ်ပိမှု ဖြစ်ပွား ခဲ့ခြင်း ဖြစ်ကြောင်း ပြောကြား ခဲ့သည်။အခင်းဖြစ်ပွားပြီးနောက်တွင် အရေးပေါ်ကယ်ဆယ်ရေး အဖွဲ့များ ရောက်ရှိခဲ့ပြီး ပြင်းထန်စွာ ဒဏ်ရာရရှိသူ ၁၉ဦးကို ဆေးရုံသို့ ပို့ဆောင်ပေး ခဲ့သည်။ ပြင်းထန်စွာ ဒဏ်ရာရရှိသူ များ၏ ပျှမ်းမျှအသက် မှာ၂၀ နှစ်ခန့်ဖြစ်ပြီး အမျိုးသမီး ၁၃ ဦး နှင့် အမျိုးသား ၆ ဦးဖြစ်ကြကာ ၄င်းတို့အားလုံးမှာ အသက်အန္တရယ် မစိုးရိမ် ရကြောင်း သိရှိရသည်။

ဒဏ်ရာရရှိသူ တစ်ဦးအား ဒေသတွင်း မီဒီယာ ၏ မေးမြန်းမှု တွင် ၄င်းက အခင်းဖြစ်ပွား စဉ်တွင် မိမိ၏ ခြေထောက်မှာ ဖိထားခံခဲ့ရပြီး လူအုပ်ကြီးအောက်တွင် ၃ မိနစ်ခန့် ပိမိကာ နောက်ဆုံးတွင် မူးမေ့သွားခဲ့ကြောင်း ပြောကြား ခဲ့သည်။ဒဏ်ရာရရှိသူ များက ဂီတ ပွဲ၏ ထွက်ပေါက်သည် အလွန်ကျဉ်းမြောင်းသောကြောင့် ယခု ကဲ့သို့သော လူအုပ်ပိမှု ဖြစ်ပွား ခဲ့ကြောင်း ဝေဖန်ခဲ့ကြသည်။ ဂီတ ပွဲစီစဉ်သူများမှလည်း နောက်ဆက်တွဲ ဖျော်ဖြေမှု များကို ရပ်ဆိုင်းကာ ဂီတပွဲ ၏ ထွက်ပေါက်နှင့် ပတ်သက်၍ ပြန်လည် ပြုပြင်နေကြောင်း ပြောကြား ခဲ့သည်။ဗစ်တိုးရီးယား ပြည်နယ် အရေးပေါ်ဆောင်ရွက်မှု ဌာန တာဝန်ရှိသူမှ ရဲတပ်ဖွဲ့အနေဖြင့် အခင်းဖြစ်ပွားမှု အတွက် စုံစမ်းစစ်ဆေးမှုများဆောင်ရွက်နေပြီးဖြစ်ကြောင်း နှင့် ကံကောင်းထောက်မစွာ ဖြင့် ယခုဖြစ်ပွား ခဲ့သည့် လူအုပ်ပိမှု တွင် သေဆုံးသူ မရှိခဲ့ကြောင်း ပြောကြား ခဲ့သည်။

(Xinhua)
http://www.xinhuamyanmar.com