01/04/17


အမေရိကန်ရွေးကောက်ပွဲမှာ အနိုင်ရရှိခဲ့တဲ့ ဒေါ်နယ်ထရန့်ဟာဆိုရင် လာမယ့် ဇန်န၀ါရီလ ၂၀ ရက်မှာ နိုင်ငံရဲ့ ၄၅ ယောက်မြောက် သမ္မတ ဖြစ်လာတော့မှာဖြစ်ပါတယ်။ အိမ်ဖြူတော်သို့ ချီတက်ရာလမ်း ရွေးကောက်ပွဲမှာတော့ အဓိကပြိုင်ဘက် ဒီမိုကရက်တစ်ပါတီဘက်မှ ဟီလာရီကလင်တန်အပေါ် ကျော်ဖြတ်အနိုင်ယူနိုင်ခဲ့သူ ဖြစ်ပါတယ်။
ရွေးကောက်ပွဲ မဲဆွယ်ကာလတွေမှာတုန်းကတော့ သူဟာ အမျိုးသမီးတွေအပေါ် လိင်ပိုင်းဆိုင်ရာ စော်ကားမှုတွေရှိခဲ့တယ်ဆိုပြီး စွပ်စွဲခံခဲ့ရသလို မွတ်ဆလင်တွေကို နိုင်ငံတွင်း ၀င်ခွင့်ပိတ်ပင်ဖို့နဲ့ မက္ကဆီကိုနဲ့ ခြံစည်းရိုး တံတိုင်းခတ်ဖို့ ကိစ္စတွေကို ပြောကြားခဲ့သူ ဖြစ်ပါတယ်။

မကြာခင် အိမ်ဖြူတော်ကို ချီတက်လျှောက်လှမ်းတော့မယ့် ဒေါ်နယ်ထရန့်ဟာ စီးပွားရေး လုပ်ငန်းရှင် တစ်ဦးလည်းဖြစ်ပြီးတော့ ဇိမ်ခံဟိုတယ်ကြီးတွေ၊ ဂေါက်ကွင်းတွေ၊ ကယ်စီနိုရုံတွေပါ ပိုင်ဆိုင် လုပ်ကိုင်နေခဲ့သူလည်း ဖြစ်ပါတယ်။ ယင်းနောက် နိုင်ငံရေးအရ စမ်းသပ်ခံရတော့အချိန်မတိုင်ခင် သူဟာ ပြီးခဲ့တဲ့ ၂၀၁၅ ခုနှစ်အထိ Miss Universe နဲ့ Miss USA ပြိုင်ပွဲကျင်းပမှုတွေကို ပိုင်ဆိုင်လုပ်ဆောင်ခဲ့သလို အမေရိကန် ဂိမ်းရှိုးတစ်ခုဖြစ်တဲ့ The Apprentice မှာလည်း ပါဝင်ခဲ့သူဖြစ်ပါတယ်။

ရွေးကောက်ပွဲမဲဆွယ်ကာလတစ်လျှောက် Make America Great Again- အမေရိကကို တစ်ဖန်ပြန်လည် ကြီးကျယ်ခမ်းနားစေရမယ်ဆိုပြီး ကတိက၀တ်တွေပေးခဲ့သလို စီးပွားရေးရည်မှန်းချက်တွေနဲ့ လူဝင် မှုကြီးကြပ်ရေးဆိုင်ရာ လုပ်ဆောင်သွားမယ့် ကိစ္စရပ်တွေကို အဓိက ပြောဆိုမဲဆွယ်ခဲ့ပါတယ်။

အလားတူ သူရဲ့ရှေ့က သမ္မတ ဘရက်ခ် အိုဘားမားလက်ထက်မှာ လုပ်ဆောင်ထားခဲ့တဲ့ နိုင်ငံတကာ ကုန်သွယ်မှုစာချုပ်တွေကိုလည်း သူ့ရဲ့လက်ထက်မှာ ပြန်လည်ဆွေးနွေးတာ၊ နှုတ်ထွက်တာမျိုးတွေ လုပ်သွားမယ်လို့ ပြောဆိုထားသူလည်း ဖြစ်ပါတယ်။

ရွေးကောက်ပွဲမဲဆွယ်မှုတွေမှာတော့ အမေရိကန်နယ်စပ်ကို ခြံစည်းရိုးခတ်ရေး၊ မွတ်ဆလင်တွေကို နိုင်ငံထဲ ၀င်ခွင့်ပိတ်ပင်ရေး အပါအ၀င် လူဝင်မှုကြီးကြပ်ရေးကိစ္စတွေကို အဓိကဇောင်းပေး ပြောကြားထားခဲ့သူဖြစ်ပါတယ်။

============

Mizzima - News in Burmese

http://www.mizzimaburmese.com/article/21930


လွတ်လပ်ရေးနဲ့အပြိုင်ပေါ်ပေါက်ခဲ့တဲ့ ပြည်တွင်းလက်နက်ကိုင် ပဋိပက္ခကို ဒီကနေ့မှာကျရောက်တဲ့ ၆၉ နှစ်မြောက် လွတ်လပ်ရေးနှစ်ပတ်လည်မှစပြီး ၂၀၁၇ ခုနှစ်ကို ငြိမ်းချမ်းရေးနှစ်အဖြစ် သတ်မှတ်နိုင်ဖို့ တိုက်တွန်းကြောင်း အမျိုးသားဒီမိုကရေစီအဖွဲ့ချုပ် နာယက ဦးတင်ဦးက ယနေ့ ပြောကြားလိုက်သည်။

ဒီကနေ့မနက် ရန်ကုန်မြို့၊ရွေဂုံတိုင်ရုံးချုပ်မှာ ပြုလုပ်တဲ့ ၆၉ နှစ်မြောက် လွတ်လပ်ရေးအခမ်းအနားမှာ ပြောကြားခဲ့ခြင်း ဖြစ်သည်။

" လွတ်လပ်ရေးနဲ့အပြိုင်ပေါ်ပေါက်ခဲ့တဲ့ ပြည်တွင်းလက်နက်ကိုင် ပဋိပက္ခကို အခု ၆၉ နှစ်မြောက် လွတ်လပ်ရေးနှစ်ပတ်လည်နေ့ကစတင်ပြီး ၂၀၁၇ ကို ငြိမ်းချမ်းရေးနှစ်အဖြစ် သတ်မှတ်နိုင်အောင် အားလုံးက ၀ိုင်းဝန်းပြီး ကြိုးပမ်းကြပါစို့လို့ တိုက်တွန်းပါတယ် " ဟု ဦးတင်ဦးက ပြောဆိုသည်။

ယခုနှစ်လွတ်လပ်ရေးနှစ်တွင် ဦးတင်ဦးသာမက နိုင်ငံတော်သမ္မတနှင့် သူရရွှေမန်းတို့ကလည်း ပြည်တွင်းလက်နက်ကိုင်ပဋိပက္ခနှင့်ပတ်သက်ပြီး အသီးသီး စကားဆိုခဲ့ကြသည်။

နိုင်ငံတော် သမ္မတဦးထင်ကျော်က တောင်ပေါ် မြေပြန့်၊ ပြည်နယ် ပြည်မမခွဲခြားဘဲ ကျရာဏ္ဍမှ ပြည်ထောင် စုအစိုးရနှင့် ပူးပေါင်းဆောင်ရွက်ပေးကြရန် လိုအပ်ကြောင်းပြောထားသလို သူရရွှေမန်းကလည်း ပြည်တွင်း စစ်ဆိုးမွေကြောင့် အချုပ်အခြာအာဏာနှင့် နယ်မြေပိုင်ဆိုင်မှုကို ခြိမ်းခြောက်နေတယ်ဟု ပြောထားသေးသည်။

NLD ရွှေဂုံတိုင်ရုံးချုပ်တွင် ပြုလုပ်ခဲ့သော လွတ်လပ်ရေးနေ့အခမ်းအနားတွင် အမျိုးသားဒီမိုကရေစီအဖွဲ့ချုပ် နာယက ဦးတင်ဦး၊ လူမှုရေးဝန်ကြီး ဦးနိုင်ငံလင်း၊ ရန်ကုန်တိုင်းဒေသကြီး အစိုးရအဖွဲ့ဝင်များ၊ လွှတ်တော်အမတ်များ၊ နိုင်ငံတကာ သံအမတ်များနှင့် NLD အဖွဲ့ဝင်များ တတ်ရောက်ခဲ့သည်။

============

Mizzima - News in Burmese

http://www.mizzimaburmese.com/article/21931

အမေရိကန်နိုင်ငံရဲ့ ၄၅ ဦးမြောက် သမ္မတအဖြစ် ဇန်န၀ါရီလ ၂၀ ရက်မှာ ဒေါ်နယ်ထရန့်ဟာ အိမ်ဖြူတော်လို့ ခေါ်တဲ့ သမ္မတ အိမ်တော်ကို ရောက်ရှိနေထိုင်တော့မှာဖြစ်ပါတယ်။ အစဉ်အလာကြီးမားပြီး လုံခြုံရေး စနစ်တွေ အထပ်ထပ်ရှိနေတဲ့ အိမ်ဖြူတော်ရဲ့ ကောက်ကြောင်းနဲ့ ထူးခြားချက်တွေကို ကြည့်ရအောင်ပါ။

အိမ်ဖြူတော်ဟာ အမေရိကန်နိုင်ငံရဲ့ မြို့တော်ဖြစ်တဲ့ ဝါရှင်တန်ဒီစီမြို့ အမှတ် ၁၆၀၀ ပင်စီဗေးနီးယား လမ်းမှာ တည်ရှိပါတယ်။ ကမ္ဘာ့ အင်အားကြီး နိုင်ငံတစ်ခုရဲ့ သမ္မတအိမ်တော်ဟာ နှစ်ပေါင်း ၂၀၀ ကျော် သက်တမ်းရှိပါပြီ။ ၁၇၉၂ ခုနှစ်မှာ စတင် အုတ်မြစ်ချခဲ့ပြီးတော့ ၁၈၀၀ ပြည့်နှစ် နိုဝင်ဘာ ၁ ရက်နေ့မှာ အပြီးသတ်ခဲ့ပါတယ်။

အကျယ်အဝန်း မီတာ ၅၀၀ ပတ်လည်ရှိတဲ့ အိမ်ဖြူတော်ထဲမှာ ဘတ်စကက်ဘောကွင်း၊ ရေကူးကန်၊ မြင်းစီးပတ်လမ်းတွေနဲ့ တည်ထောက်ထားတာပါ။ ဒီဗိသုကာပိုင်းကိုတော့ ဂျိမ်း ဟိုဘန်က ရေးဆွဲခဲ့ပြီး သမ္မတ ဂျော့ဗ်ဝါရှင်တန်က အတည်ပြုပေးခဲ့ပါတယ်။ ၁၉၇၂ ခုနှစ်မှာ စတင် ဆောက်လုပ်ပါတယ်။

အခန်းပေါင်း ၁၃၂ ရှိတဲ့ အိမ်ဖြူတော်ကို အပိုင်း သုံးပိုင်း ခွဲခြားဆောက်လုပ် ထားပါတယ်။ အရှေ့ဘက် အရပ်မှာ ဆောက်ထားတဲ့ အဆောက်အဦး၊ အနောက်ဘက်အရပ်မှာ အဆောက်အဦး တစ်လုံးနဲ့ သမ္မတနဲ့ မိသားစုတွေနေတဲ့ အိမ်တော်ကိုတော့ အလယ်တည့်တည့်မှာ ဆောက်ထားတာပါ။ အိမ်ဖြူတော်ကို အများသူငှာ လေ့လာနိုင်ဖို့ ဖွင့်ပေးလေ့ရှိပြီး သွားရောက်လည်ပတ်သူ နေ့စဉ် ထောင်နဲ့ချီ ရှိပါတယ်။

အနောက်ဘက်အရပ်မှာ ဆောက်ထားတဲ့ အဆောက်အဦးကတော့ အဓိက အဆောက်အဦးဖြစ်ပြီး သမ္မတရုံး အရာရှိများ ရုံးထိုင်တဲ့နေရာဖြစ်ပါတယ်။ ဒီနေရာမှာ အစိုးရအဖွဲ့ အစည်းအဝေးတွေ လုပ်လေ့ရှိတဲ့ Cabinet Room ရှိပါတယ်။ Situation Room လို့ခေါ်တဲ့ စစ်ရေးကွပ်ကဲမှုဗဟိုခန်း လို့ခေါ်နိုင်ပါတယ်။ ဒီအခန်းကတော့ ကမ္ဘာဒေသအသီးသီးက စစ်ရေး၊ နိုင်ငံရေး ကိစ္စတွေကို ဆွေးနွေးဆုံးဖြတ်ချက်ချရာ နေရာဖြစ်ပါတယ်။ ၂၀၁၁ ခုနှစ်အတွင်း ဘင်လာဒင်ကို စစ်ဆင်ရေး လုပ်စဉ်က အဲ့ဒီ Situation Room ထဲကနေ ကွပ်ကဲခဲ့တာပါ။

ဒီအဆောက်အဦးဟာ သမ္မတ ရုံးစိုက်ရာ အဆောက်အဦးလည်းဖြစ်ပြီး မြေအောက်ခန်းလည်း ရှိပါတယ်။ ဒီအခန်းကိုတော့ အရေးပေါ်အခန်းလို့ ခေါ်နိုင်ပြီး အရေးပေါ် အခြေအနေတွေ ပေါ်ပေါက်လာရင် ဒီအခန်းထဲမှာ အစိုးရအဖွဲ့ရဲ့ အဓိက ကျသူတွေ ဝင်ရောက်ဆွေးနွေး ဆုံးဖြတ်ချက်ချတဲ့နေရာဖြစ်ပါတယ်။ ဒီနေရာကို အစိုးရအဖွဲ့ရဲ့ အဓိက တာဝန်ရှိသူတွေသာ ဝင်ခွင့်ပြုဖို့ ကန့်သတ်ထားပါတယ်။

လုံခြုံရေး အရာရှိတွေ၊ လျှို့ဝှက် ထောက်လှမ်းရေးတွေ၊ အရပ်ဝတ်ရဲအရာရှိတွေ အိမ်ဖြူတော် ပတ်လည်မှာ ၂၄ နာရီ ၇ ရက်လုံးရှိနေပါတယ်။ အိမ်ဖြူတော်ကို ရန်ပြုမှုအဖြစ် အကြီးမားဆုံး ပေါ်ပေါက်ခဲ့တာကတော့ ၁၉၉၄ ခုနှစ် စက်တင်ဘာ ၁၁ ရက်မှာဖြစ်ပါတယ်။ ညသန်းခေါင် အချိန်မှာ ဖရန့်ကိုးဒါးဆိုသူက အိမ်ဖြူတော်ကို လေယာဉ်နဲ့ ဝင်တိုက်ဖို့ ကြိုးစားခဲ့တာပါ။ ဒါပေမယ့် မအောင်မမြင်ဖြစ်ခဲ့ပြီး အိမ်ဖြူတော်ကို ဝင်မတိုက်ခင်မှာ လေယာဉ်ပျက်ကျ သေဆုံးသွားခဲ့ပါတယ်။ အိမ်ဖြူတော်ကို တိုက်ခိုက်ဖို့ ကြိုးစားမှုတွေ၊ သေနတ်နဲ့ပစ်ခတ်မှုတွေ လွန်ခဲ့တဲ့ နှစ်များစွာမှာ ပေါ်ပေါက်ခဲ့ပါတယ်။

အိမ်ဖြူတော်ရဲ့ မှန်တွေဟာ သေနတ်ကျည်မပေါက်နိုင်ဘဲ နျူကလီးယား ဗုံးဒဏ်ကိုတောင် ခံနိုင်ရည်ရှိတယ်လို့ အဆိုရှိကြပါတယ်။ အိမ်ဖြူတော် ဝန်ထမ်းပေါင်း ၁၇၀၀ လောက်ရှိပြီး ဒီဝန်ထမ်းတွေကို ရွေးချယ်ရာမှာလည်း အလွန်တင်းကျပ်တဲ့ စည်းကမ်းချက်တွေနဲ့ ရွေးချယ်တာပါ။ ဘာပဲပြောပြော အမေရိကန် သူဋ္ဌေးကြီး ဒေါ်နယ်ထရန့်ကတော့ ဒီလ ၂၀ ရက်မှာ အိမ်ဖြူတော်ကို ပြောင်းရွှေ့ နေထိုင်တော့မှာပါ။

============

Mizzima - News in Burmese

http://www.mizzimaburmese.com/article/21927



ဘူးသီးတောင်မြို့နယ် မောင်ကြီးတောင်ကျေးရွာ၌ မသင်္ကာသူ ၄ ဦးနှင့် လုပ်သေနတ် ၁၄ လက် ဖမ်းဆီးရမိ
ဇန်န၀ါရီ ၄၊ ၂၀၁၇

ဘူးသီးတောင်မြို့နယ် မောင်ကြီးတောင်ကျေးရွာ၌ စစ်သင်တန်းပို့ချသူ ၁ ဦး၊ စစ်သင်တန်းတက်ရောက်ပြီးသူ ၃ ဦးနှင့် လုပ်သေနတ် ၁၄ လက် ကို ဇန်န၀ါရီ ၄ ရက် မွန်းလွဲပိုင်း တွင် ဖမ်းဆီးရမိသည်။

ဘူးသီးတောင်မြို့နယ် မောင်ကြီးတောင်ကျေးရွာတွင် စစ်သင်တန်း တက်ရောက် ပြီးသူများနှင့် လက်နက် များ ရောက်ရှိနေကြောင်း သတင်းရရှိသဖြင့် လုံခြုံရေးတပ်ဖွဲ့ဝင် များက ဇန်န၀ါရီ ၄ ရက် နံနက် ၃နာရီခွဲတွင် အဆိုပါကျေးရွာသို့ ရောက်ရှိဖြန့်ခွဲ ပိတ်ဆို့ရှင်းလင်းရာ စစ်သင်တန်းပို့ချသူ မာမက်ကာရက်နှင့် သင်တန်းတက်ရောက်ပြီး သူ ကူမူရူး၊ ဒီမာမွတ်နှင့် မာဒူလားတို့ လေးဦးကို ဖမ်းဆီးရမိခဲ့သည်။


 ၎င်းတို့အား စစ်ဆေးဖော်ထုတ်ချက်အရ မွန်းလွဲ ၂နာရီခန့်တွင် ဒီမာမွတ်၏ ကွမ်းခြံတွင် မြွေရေခွံအိတ်ဖြင့်ထုပ်၍ မြေတွင်မြှုပ်ဝှက်ထားသော လုပ်သေနတ် ၁၄ လက် ဖော်ထုတ်သိမ်းဆည်းရမိသည်။

ဖမ်းဆီးရမိသူများအား စစ်ဆေးဖော်ထုတ်၍ တရားဥပဒေနှင့် အညီ ဆောင်ရွက် သွားမည် ဖြစ်ကြောင်းနှင့် သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom

မြန်မာနိုင်ငံအနှံ့ ဆေးရုံတွေနဲ့ ကျေးလက်ဒေသတွေမှာ တာဝန်ထမ်းဆောင်နေတဲ့ သူနာပြုဆရာမ အရေအတွက်ဟာ ရှိသင့်တဲ့ အရေအတွက်ထက် ၃ ပုံမှာ ၁ ပုံပဲ ရှိတာကြောင့် လူနာနဲ့ သူနာပြုအရေအတွက်ဟာ မမျှတဘဲ ဖြစ်နေပြီး အလုပ်ဝန်ပိတဲ့ဒဏ်ကြောင့် သူနာပြုဆရာမတွေ အလုပ်ထွက်မှု များပြားနေပါတယ်။

အလုပ်တာဝန်တွေ ပိုမိုထမ်းဆောင်နေရတဲ့တွက် လုပ်ငန်းခွင်မှာ အဆင်မပြေတာတွေ ရှိနေလို့ ထွက်စာတင်တဲ့ သူနာပြုအရေအတွက်ဟာ များပြားလာနေတယ်လို့ ကျန်းမာရေးနဲ့ အားကစားဝန်ကြီးဌာန ညွှန်ကြားရေးမှူးချုပ် ပါမောက္ခ ဒေါက်တာမြင့်ဟန်က ပြောပါတယ်။

“ထွက်တာတွေက ဘာကြောင့်ထွက်ကြလဲဆိုတော့ ဆေးရုံကြီးတွေမှာ အလုပ်လုပ်တဲ့အခါမှာ သူတို့ အဆိုင်းတွေအများကြီး တာဝန်ထမ်းရတယ်။ ဒါပေမယ့် လူနာတွေကလည်း မကျေနပ်နိုင်ဘူး။ သူတို့တွေကလည်း တာဝန်ထမ်းရတယ်။ အဲဒီမှာ ပြသနာအခက်အခဲက စတာပဲ။ ဆရာတို့ဆီမှာ တလ၊ တလ ထွက်စာတင်တဲ့ သူနာပြုတွေ အများကြီးပါ။”

ကုသရေးဦးစီးဌာနလက်အောက်ရှိ ဆေးရုံတွေမှာ လူနာအခန်း ၁ ခန်းကို ပျမ်းမျှသူနာပြု ၂ ဦးနှုန်းလောက်ပဲရှိသလို ကျေးလက်ဒေသတွေမှာလည်း ရွာ ၄ ရွာကို သူနာပြုဆရာမ ၁ ဦးက တာဝန်ယူနေရတာ ဖြစ်ပါတယ်။

ဒါ့အပြင် သူနာပြုဆရာမတွေအနေနဲ့ ဆေးရုံ၊ ဆေးခန်းတွေနဲ့ ကျေးရွာတွေမှာ ကိုယ့်ရဲ့ သက်ဆိုင်တဲ့ အလုပ်တင်မကဘဲ တခြား တာဝန်တွေကိုပါ လုပ်ဆောင်နေကြရတာ ဖြစ်ပါတယ်။

သူနာပြုဆရာမ ဒေါ်သီတာခင်က“သန့်ရှင်းရေးအလုပ်တွေ လုပ်နေရတယ်။ လူနာဆောင် မှာရှိတဲ့ ကျမတို့ဌာနတွင်းမှာရှိတဲ့ သန့်ရှင်းရေးတွေ၊ ဖုန်သုတ်တာ၊ ဆေးတာကြောတာ သန့်ရှင်းရေးလုပ်တာတွေတင်မကဘူးပေါ့နော်။ အလုပ်ချိန်မှာ ပြင်ပမှာထွက်ပြီး ယူနီဖောင်းနဲ့ တံမြက်စည်းလှည်းနေရတာတွေ၊ အိမ်သာတွေကအစ ကြီးကြပ်ရတာတွေကဏ္ဍတွေပေါ့။ ဒါတွေက မလုပ်သင့်ဘူးပေါ့နော်။ ဘာလို့လဲဆိုတော့ ဒါ ခေတ်နဲ့အညီပါ။ တနေ့ထက်တနေ့ လူနာဦးရေက အရမ်းများပြားလာတယ်။ ဆေးရုံတွေမှာ သွားကြည့်လို့ရပါတယ်။ ဦးရေများပြားလာတာနဲ့အမျှ လူနာရဲ့ အခြေအနေ ပိုဆိုးလာတာမျိုးတွေဆို ကျမတို့ တောက်လျှောက်စောင့်ကြည့်ဖို့ လိုတယ်။ ဆေးဝါးကို ဘယ်လိုတုံ့ပြန်မှုရှိလဲဆိုတာ ကျမတို့ ကြည့်ဖို့လိုတယ်။ လူနာနဲ့ပတ်သက်တဲ့ အချက်အလက်တွေကို ကျမတို့ကမှတ်တမ်းလုပ်ဖို့လိုတယ်။ နောက်ပြီးတော့ လူနာအကြောင်းတွေ ဆွေးနွေးရမယ်။ တိုးတက်ရာတိုးတက်ကြောင်းတွေ လုပ်ဖို့လိုတယ်ပေါ့။ ဒါပေမယ့် စောစောကလို အလုပ်တွေ တအားများနေရင် ကျမတို့ လုပ်လို့မရဘူး” လို့ ပြောပါတယ်။

နိုင်ငံတော်က သူနာပြုဆရာမအရေအတွက် နှစ်စဉ် ၂၀၀၀ ကျော် မွေးထုတ်ပေးနေပေမယ့် တနိုင်ငံလုံး အတိုင်းအတာအရ သူနာပြုဆရာမအရေအတွက် ၁ သောင်း၇ ထောင်ကျော် လိုအပ်နေတာ ဖြစ်ပါတယ်။

သင်တန်းဆင်းသွားတဲ့ သူနာပြုတွေအနေနဲ့လည်း စားဝတ်နေရေးအရ အစိုးရ ဆေးရုံ၊ ဆေးခန်းတွေထက် ပုဂ္ဂလိကဆေးရုံတွေမှာ သွားရောက်လုပ်ကိုင်ဖို့ ပိုမိုရွေးချယ်ကြပါတယ်။

အစိုးရအနေနဲ့ သူနာပြုဝန်ထမ်းအချို့ကိုသာ ဝန်ထမ်းအိမ်ရာပေးနိုင်တဲ့အတွက် လာမယ့်ဘဏ္ဍာနှစ်မှာ ကျန်းမာရေးနဲ့အားကစားဝန်ကြီးဌာနအနေနဲ့ ဝန်ထမ်းအိမ်ရာတွေကို ပိုမိုဆောက်လုပ်သွားပေးဖို့ စီစဉ်နေပါတယ်။
DVB TV News


ပအိုဝ်းအမျိုးသားအဖွဲ့ချုပ် PNLO က ဗိုလ်မှူးကြီး  ခွန်ဥက္ကာ ကို တွေ့ရစဉ်
ပအိုဝ်းအမျိုးသားအဖွဲ့ချုပ် PNLO က ဗိုလ်မှူးကြီး ခွန်ဥက္ကာ ကို တွေ့ရစဉ်
Photo: RFA
အစိုးရနဲ့ အပစ်ရပ်လက်မှတ်ရေးထိုးထားတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF နဲ့ ရခိုင်ပြည်လွတ်မြောက်ရေးပါတီ ALP အဖွဲ့ဝင်တချို့ ဖမ်းဆီးထိန်းသိမ်းခံထားရတာနဲ့ ပတ်သက်ပြီး NCA လက် မှတ်ရေးထိုးထားတဲ့ အဖွဲ့ ၈ ဖွဲ့က ခေါင်းဆောင်တွေ အရေးပေါ်အစည်းအဝေးကျင်းပမယ်လို့ PNLO နာယက ဗိုလ်မှူးကြီး ခွန်ဥက္ကာ က ပြောပါတယ်။

အရေးပေါ်အစည်းအဝေးကို ဇန်န၀ါရီလ ၇ ရက်နေ့နဲ့ ၈ ရက်နေ့တွေမှာ ပြုလုပ်မှာဖြစ်ပြီး အဲဒီဆွေးနွေးပွဲအပြီးမှာ တပ်မတော်၊ အစိုးရဘက်တို့နဲ့ လိုအပ်သလို ဆက်လက်ဆွေးနွေးမယ်လို့ ဗိုလ်မှူးကြီး ခွန်ဥက္ကာ က ပြောပါတယ်။

"ကျနော်တို့ ၈ ဖွဲ့ အချင်းချင်းညှိပြီးတော့ ဒီလိုဖြစ်တဲ့ကိစ္စတွေကို ဘယ်လိုရှင်းလင်းမလဲပေါ့။ နောက်ပြီးတော့ အခါကျတော့ ဒီလာမယ့် ၂၀၁၇ အတွက် လုပ်ငန်းစီမံချက်တွေပေါ့ဗျာ။ အဲဒါတွေလည်းပါမှာပေါ့။ ပြီးတဲ့အခါ ကျတော့ ကျနော်တို့ အချင်းချင်းပြီးတော့ ရတဲ့အခါကျမှ လိုအပ်သလိုပေါ့ တပ်မတော်ဘက်၊ အစိုးရဘက်ကို ဆက်လက်ဆွေးနွေးသွားမှာပါ။"

အစည်းအဝေးကို ထိုင်းနိုင်ငံ မဲဆောက်မြို့ ဒါမှမဟုတ် ချင်းမိုင်မြို့မှာကျင်းပဖို့ လျာထားတယ်လို့ သိရပါတယ်။

ပြီးခဲ့တဲ့ ဒီဇင်ဘာလအတွင်းမှာ NCA လက်မှတ်ရေးထိုးထားတဲ့အဖွဲ့တွေဖြစ်တဲ့ ရခိုင်လွတ်မြောက်ရေးတပ်မတော် (ALP/ALA) က ဒုတိယဗိုလ်မှူးကြီးတစ်ဦးနဲ့ စီးပွားရေးတာဝန်ခံတစ်ဦးကို AK-47 သေနတ် ၁၉ လက်နဲ့အတူ ဘားအံမြို့မှာ ဖမ်းမိခဲ့တာဖြစ်ပါတယ်။

ဒါ့အပြင် ABSDF က ဗဟိုကော်မတီဝင် မြောက်ပိုင်းဒေသ ခေါင်းဆောင်တစ်ဦးဖြစ်တဲ့ ကိုမင်းဌေးကို ပုဒ်မ ၁၇(၁) နဲ့ ဖမ်းဆီးထားပါတယ်။
RFA


အစိုးရ မောင်တော ဒေသစုံစမ်းရေးကော်မရှင် (Myanmar President Office)
အစိုးရ မောင်တော ဒေသစုံစမ်းရေးကော်မရှင် (Myanmar President Office)
မောင်တောဒေသ လုံခြုံရေး၊ တည်ငြိမ်ရေးနဲ့ ဥပဒေစိုးမိုးရေးဟာ စိုးရိမ်စရာ အခြေအနေမှာ ရှိနေဆဲဖြစ်တယ် လို့ မြန်မာ အစိုးရရဲ့ မောင်တော ဒေသ စုံစမ်းရေးကော်မရှင် က ထုတ်ပြန်ပါတယ်။ ဒါ့အပြင် နိုင်ငံတကာ စွတ်စွဲနေတဲ့ လုံခြုံရေး တပ်ဖွဲ့တွေက မွတ်ဆလင်ကျေးရွာတွေမှာ လူမျိုးတုံးသတ်ဖြတ်တာ အမျိုးသမီးတွေကို အဓမ္မပြုကျင့်တာမျိုးတွေ မတွေ့ရသလို၊ ဘာသာရေးအရ ဖိနှိပ်ချုပ်ချယ်တာမျိုးလည်း မရှိဘူးလို့ ကော်မရှင်က သူ့ရဲ့ စုံစမ်းတွေ့ရှိချက်တွေကို ကြားဖြတ်အစီရင်ခံစာဆိုပြီး ထုတ်ပြန်ခဲ့ပါတယ်။ ကော်မရှင်ရဲကတွေ့ရှိချက်တွေနဲ့ ဒေသခံအချို့ရဲ့ တုန့်ပြန်ချက်တွေကိုတော့ ဗွီအိုအေ သတင်းထောက် မမေခ သတင်းပေးပို့ထားပါတယ်။

အစိုးရဖွဲ့စည်းပေးထားတဲ့ မောင်တောဒေသ စုံစမ်းရေးကော်မရှင်က မနေ့က ကြားဖြတ် အစီအရင်ခံစာ တစောင်ထုတ်ပြန်လိုက်တာပါ။ ဒီထဲမှာ မောင်တောဒေသရဲ့ကျေးလက်လုံခြုံရေး၊ တည်ငြိမ်အေးချမ်းရေးမှာ စိုးရိမ်ဖွယ်ရာအခြေအနေမှာရှိနေပြီး အကြမ်း ဖက်သမား များက လုံခြုံရေးနဲ့ ဥပဒေစိုးမိုးရေးကို ခြိမ်းခြောက်နေလျက်ရှိတယ်လို့ ဖော်ပြထားပါတယ်။

ဒီတွေ့ရှိချက်တွေဟာ နိုင်ငံတကာက ပြောဆိုချက်တွေနဲ့ ကွာခြားနေတာတွေ ရှိနေတာကြောင့် ဒီအစီရင်ခံစာရဲ့ တိကျမှုအပေါ် မှာမေးခွန်းတွေကတော့ ရှိနေပါတယ်။စုံစမ်းစစ်ဆေးရေးအဖွဲ့မှာ ပါဝင်တဲ့ အတွင်းရေးမှုး ဦးဇော်မြင့်ဖေကတော့ထွက်ပေါ်လာတဲ့ ဝေဖန်မှုတွေနဲ့ပတ်သတ်ပြီး ခုလိုပြောဆိုလိုက်ပါတယ်။

“တန်ဖိုးရှိတဲ့သတင်းတွေ ၊ တန်ဖိုးရှိတဲ့အရာတွေကို ရယူဖို့တော်တော်ကြိုးစားရပါတယ်။ Limitation တွေ၊ အကန့်အသတ်တွေတော်တော်များပါတယ်။ language အကန့်အသတ်ကလည်း စကားမပေါက်တာတို့ သူတို့ ကိုယ်တိုင်ကလည်း ကြောက်လန့်နေတာတွေလည်း ရှိသေးတယ်။ ကြောက်လန့်နေတယ်ဆိုတာ ဒီဘက်က ဘင်္ဂါလီတွေကိုလည်းကြောက်ရနဲ့ ကိုယ်လိုချင်တာ သိဖို့ကတော့ တော်တော်ကို နူးနူးညံ့ညံ့သိမ်သိမ်မွေ့မွေ့နဲ့ ချဉ်းကပ်ရတယ်ဆိုတဲ့အနေအထားရှိပါတယ်။ အဲဒီအထဲမှာ ရေးသားရတဲ့အပေါ်မှာ ဝေဖန်နေတယ်ဆို၇င်တော့လည်း ဝေဖန် ချင်သလို ဝေဖန်တယ်ဆိုရင်တော့လည်း ဒါလည်းဝေဖန်ကြပါ။ သူတို့မှာ Rights ရှိတာပဲ ဒီမိုကရေစီခေတ်မှာနော်။”

ကုလအတွင်းရေးမှုးဟောင်း ကိုဖီအာနန်ရဲ့ ရခိုင်အကြံပေးအဖွဲ့ဝင်တဦးဖြစ်တဲ့ အစ္စလမ်ဘာသာဝင် ဦးအေးလွင်ကတော့ ထုတ် ပြန်လိုက်တဲ့ အစီရင်ခံစာအပေါ် ခုလိုသုံးသပ်ပါတယ်။

“ကျနော်တို့အကြံပေးအဖွဲ့ကလည်း မကြာခင်မှာ အလွန်ဆုံး ဖေဖ၀ါရီပေါ့နော် ကျနော်တို့ ဒီလိုပဲ အစီရင်ခံစာတင်ဖို့ရှိပါတယ်။ အဲဒီတော့ သူတို့ထုတ်လိုက်တဲ့ ဒီ Report က လေ့လာရမှာပဲ။ ကျနော်မှတ်ချက်တွေ၊ ကောက်ချက်တွေတော့ မပေးချင်ပါဘူး။ ကျနော်တို့က လေ့လာစုံစမ်းမှုမလုပ်ခင်၊ ကျနော်တို့က အကြံပေးဖို့အတွက် အချက်အလက်တွေ စုစောင်းတာရှိပါတယ်။ ကျနော်တို့ အဲဒီ အကြံပြုတဲ့အခါမှပဲ အဲဒါ ပါလာတာလေးကို တွေ့ရမှာပါ။”

ပြီးခဲ့တဲ့နှစ်အအောက်တိုဘာလက တိုက်ခိုက်ခံရမှုဟာ နှစ်ရှည်စီမံချက်ရေးဆွဲပြီး စနစ်တကျကျူးလွန်ဖို့ လုပ်ဆောင်ထားတာဖြစ် ကြောင်းနဲ့ ဘာသာရေး၊ လူမှုရေးအစွန်းရောက်တွေက နိုင်ငံတကာက ဘာသာရေးအစွန်းရောက်အဖွဲ့တွေရဲ့ငွေကြေးထောက်ပံ့ မှုကိုယူကာ အကြမ်းဖက်လုပ်ဆောင်တာဖြစ်တယ်ဆိုပြီး အစိုးရဲ့ထုတ်ပြန်ခဲ့ဖူးတာကို ကော်မရှင်က ထပ်လောင်းအတည်ပြုပါတယ်။

စုံစမ်းစစ်ဆေးချက်အရ နိုင်ငံတ ကာစွပ်စွဲထားသလို လုံခြုံရေးတပ်ဖွဲ့များက ဘင်္ဂလီကျေးရွာများမှာ လူမျိုးတုံးသတ် ဖြတ်မှုများနဲ့ အဓမ္မပြုကျင့်မှုများ ပြုလုပ်တယ် ဆိုတာမျိုး မတွေ့ရသလို ဘာသာရေးအရ ဖိနိပ်ချုပ်ချယ်မှုလည်း မရှိကြောင်း ဘင်္ဂလီဦးရေ၊ ဗလီ၊ ဘာသာရေးအဆောက်အဦးတွေဟာ တိုးပွားနေတာတွေက နိုင်ငံတကာပြောဆိုမှုဟာ စွပ်စွဲမှု သတ်သတ်ဖြစ်တယ်ဆိုတာ သက်သေ ပြီနိုင်တယ်လို့ ဖော်ပြထားပါတယ်။ ဒါပေမယ့်လည်း အဓမ္မပြုကျင့်ခံရတယ်ဆိုတဲ့ မွတ်ဆလင်အမျိုးသမီးအချို့ကို ကော်မရှင်အဖွဲ့ဝင်တွေ စစ်ဆေးစဉ် တွေ့ရှိချက်နဲ့၊ အဲဒီအမျိုးသမီးတွေကိုပဲ သတင်းထောက်တွေက မေးမြန်းစဉ် ပြောဆိုချက်တွေ ကွာဟနေတာကြောင့် ဒီလို မတရားပြုကျင့်ခံရသူတွေရှိရင် တိုင်ကြားဖို့နဲ့ ဥပဒေအရ အရေးယူမှာဖြစ်ကြောင်း နိုင်ငံတော်အတိုင်ပင်ခံရုံးက ထုတ်ပြန်ခဲ့ရပါတယ်။ တချိန်တည်းမှာပဲ မွတ်ဆလင်ကျေးရွာသားအချို့ကို လုံခြုံရေးတပ်ဖွဲ့တွေက ရိုက်နှက်နေတဲ့ ဗွီဒီယိုခွေ ထွက်လာတာကြောင့် ဒါကို သက်ဆိုင်ရာတာဝန်ရှိသူတွေက စစ်ဆေးအရေးယူမှုတွေ ပြုလုပ်နေရပါတယ်။

လက်ရှိမောင်တောလုံခြုံရေး၊ ဒေသခံရခိုင်တိုင်းရင်းသားတို့ရဲ့ဒီအစီရင်ခံစာပေါ်အမြင်တို့နဲ့ပတ်သတ်လို့ မောင်တောရခိုင်အမျိုးသား ပါတီဥက္ကဌ ဦးခင်မောင်သန်းကခုလိုပြောပါတယ်။

“ဟုတ်ကဲ့ သူတို့ထုတ်ပြန်တာက တိကျမှုရှိပါတယ်။ အဲဒီလို သေသေချာချာ စုံစမ်းပြီးတော့ ထုတ်ပြန်တဲ့အတွက် ကျနော်တို့လည်း ထောက်ခံတဲ့သဘောရှိပါတယ်။ လုံခြုံရေးကတော့ စိုးရိမ်ရတဲ့အနေအထားရှိပါတယ်၊ ဘာဖြစ်လို့လဲဆိုတော့ လုံခြုံရေးက အခုလောလောဆယ်က ဘာမှမဖြစ်ရင်တော့ ဒီအတိုင်းထိန်းချုပ်ရလွယ်တယ်။ ဆူပူမှုတွေ ဖြစ်လာရင်တော့ ကျနော်တို့ ထိန်းနိုင်မယ့်အနေအထားမျိုးမရှိဘူး၊ အခုလုံခြုံရေးကလည်း အတွေ့အကြုံနည်းတဲ့လူတွေပါလာတော့ ဒီမောင်တောမြို့နယ်ကို ထန်းပေးမယ့်အနေအထားကတော့ လွယ်မယ်မထင်ဘူး။”

မောင်တောလုံခြုံရေးကတော့ စိုးရိမ်နေရဆဲပါ။ အစ္စလမ်ဘာသာဝင်အချို့ကို အစိုးရသတင်းပေးလို့စွပ်စွဲ သတ်ဖြတ်မှုတွေရှိနေတယ်လို့ ဆိုပါတယ်။ အစိုးရထုတ်ပြန်ချက်အရ အသတ်ခံရသူများအနေနဲ့ အောက်တိုဘာ ၅ ရက်နေ့ကနေ ဇန်နဝါရီလထိ အမျိုးသား ၈ ဦး အသတ်ခံခဲ့ရတယ်လို့ ဆိုပါတယ်။ ဒဏ်ရာရှိသူ သုံးဦးရှိခဲ့ပြီးအမျိုးသား ၂ဦးကိုတော့ အကြမ်းဖက်သမားတွေက ဖမ်းဆီးခေါ်ဆောင် ခြင်းခံခဲ့ရတယ်လို့ ထုတ်ပြန်ထားပါတယ်။ အသတ်ခံခဲ့ရသူတွေထဲမှာ ဒီသတင်းပတ်ထဲမှာတင် ၃ဦးအသတ်ခံခဲ့ရတာဖြစ်ပြီး ဒက်ရာမပေါ်သေဆုံးသူတယောက်နဲ့ ပျောက်နေသူ တယောက်လဲရှိနေပါတယ်။ ဒီအကြမ်းဖက်မှုနဲ့ ဆက်နွယ်ပြီး တရားခံ ၄၈၅ ဦးကို အမှုပေါင်း ၄၉ မှုအတွက် ဖမ်းဆီးခဲ့ပြီး အမှု ၂၈ မှုကို တရားရုံးတင်နိုင်တယ်လို့ ဆိုပါတယ်။ အဲဒီမှာ ဖမ်းထားသူ ၁၀ ဦးကတော့ သက်သေခိုင်လုံခြင်း မရှိတာကြောင့် ပြန်လွှတ်ပေးခဲ့တယ်လို့ ဖေါ်ပြထားပါတယ်။
VOA Burmese News


အာရှတလွား IS တို့ လှုပ်ရှားသည့်နေရာများ
အာရှတလွား IS တို့ လှုပ်ရှားသည့်နေရာများ
မြန်မာနိုင်ငံအနေနဲ့ အကြမ်းဖက်သမားတွေရဲ့ ပစ်မှတ်ထား တိုက်ခိုက်လာမှုကို တိုးပြီး ရင်ဆိုင်လာနိုင်ဖွယ်ရှိတယ်လို့ မလေးရှား အကြမ်းဖက်တန်ပြန်နှိမ်နင်းရေးအဖွဲ့က ပြောလိုက်ပါတယ်။ ရခိုင်ပြည်နယ်အတွင်းက မူစလင်တွေအပေါ် ဖိနှိပ်မှုတွေရှိနေတယ်ဆိုပြီး အရှေ့တောင်အာရှဒေသတွင်းမှာ IS အစွန်းရောက်တွေဟာ လူသူစုဆောင်းပြီး တိုက်ခိုက်ဖို့ လုပ်ဆောင်နေတာပါ။ ဒီအကြောင်း ရိုက်တာ သတင်းကို အခြေခံပြီး ကိုအောင်အောင်က ပြောပြပေးမှာပါ။

အင်ဒိုနီးရှားနိုင်ငံသား အကြမ်းဖက်သမားတဦးကို လွန်ခဲ့တဲ့လက မလေးရှားနိုင်ငံမှာ ဖမ်းဆီးခဲ့ပြီး ဒီကနေ့ ဇန်ဝါရီလ ၄ ရက်နေ့မှာတော့ ထောင်ဒဏ် အမိန့်ချမှတ်ဖို့ရှိနေပါတယ်။ အကြမ်းဖက်အဖွဲ့တွေနဲ့ ဆက်စပ်တဲ့ ပစ္စည်းတွေကို လက်ဝယ်တွေ့ရှိမှုနဲ့ ဒဏ်ငွေအပြင် ထောင်ဒဏ် ၇ နှစ်ထိ ကျခံရနိုင်တယ်လို့ မလေးရှားအာဏာပိုင်တွေကပြောပါတယ်။ ၂၀၁၄ ခုနှစ်ကတည်းက သူဟာ မလေးရှားနိုင်ငံမှာ စိုက်ပျိုးရေးလုပ်သားအဖြစ် လုပ်ကိုင်နေတာပါ။ မြန်မာနိုင်ငံက ရိုဟင်ဂျာတွေကို ထောက်ခံတဲ့အနေနဲ့ သူ့လိုဘဲ တခြားသူ အများအပြားလည်း ရှိနေနိုင်သေးကြောင်း မလေးရှား အကြမ်းဖက်တန်ပြန်နှိမ်နင်းရေး အရာ၇ှိ Ayob Khan က ပြောပါတယ်။

“စုံစမ်းစစ်ဆေးရာကနေ သိရသလောက် ဆီးရီးယားနိုင်ငံက Muhammad Wanndy Muhammad Jedi နဲ့ အဆက်အသွယ်ရှိကြောင်း အဲဒီအင်ဒိုနီးရှားနိုင်ငံသားက ၀န်ခံပါတယ်။ ရခိုင်ပြည်နယ်က ရိုဟင်ဂျာတွေကို ဖိနှိပ်နေတဲ့ မြန်မာအစိုးရကို ဆန့်ကျင်တိုက်ခိုက်သွာြး့ပီး ဂျီဟတ်စစ်ပွဲဆင်နွှဲဖို့ စီစဉ်ထားတယ်လို့လည်း ပြောပါတယ်။”

၂၀၁၆ ဇွန်လအတွင်း လက်ပစ်ဗုံးတိုက်ခိုက်ခဲ့မှုတခုနဲ့ ပါတ်သတ်လို့ ဒီတိုက်ခိုက်မှုဟာ IS အဖွဲ့ရဲ့ လက်ချက်ဖြစ်တယ်လို့ Muhammad Jedi က ပြောကြားခဲ့ဘူးပါတယ်။အရှေ့တောင်အာရှနိုင်ငံတွေဖြစ်တဲ့ အင်ဒိုနီးရှား၊ မလေးရှား၊ ဖိလစ်ပိုင်နိုင်ငံကမူစလင် အတော်များများဟာ အရှေ့အလယ်ပိုင်းကို သွားပြီး IS အကြမ်းဖက်အဖွဲ့ထဲကို ၀င်ရောက်ခဲ့ကြတယ်လို့ ဒေသဆိုင်ရာ အကြမ်းဖက်တန်ပြန်နှိမ်နင်းရေး ရဲတပ်ဖွဲ့က ပြောပါတယ်။ လွန်ခဲ့တဲ့နှစ်တွေအတွင်းမှာလည်း အဲဒီနိုင်ငံတွေမှာ အကြမ်းဖက်တိုက်ခိုက်ခဲ့မှုတွေရှိသလို အချိန်မီ တားဆီးနှိမ်နင်းနိုင်ခဲ့တာတွေလည်း ရှိပါတယ်။ Ayob Khan က

“IS အစွန်းရောက်အဖွဲ့ ဒါမှမဟုတ် တခြားအဖွဲ့တွေဟာ သူတို့ရဲ့ မူစလင်ညီအကိုတွေဖြစ်တဲ့ ရိုဟင်ဂျာတွေကို ကူညီတဲ့အနေနဲ့ မြန်မာနိုင်ငံကို သွားရောက်နိုင်တဲ့ အလားအလာ တော်တေ်ာများများ တွေ့နေရပါတယ်။”

အစွန်းရောက်လှုပ်ရှားမှုကို စောင့်ကြည့်နေတဲ့ မလေးရှားအခြေစိုက်အဖွဲ့ ပြောခွင့်ရ Badrul Hisham Ismail က မလေးရှားနိုင်ငံတွင်းမှာ ရိုဟင်ဂျာတွေကို စည်းရုံးသိမ်းသွင်းနေတဲ့ မလေးရှား စစ်သွေးကြွကွန်ယက်တခုကို ရှာဖွေတွေ့ရှိထားတယ်လို့ ဆိုပါတယ်။ အဲဒီအဖွဲ့ဝင်သစ်တွေကို အင်ဒိုနီးရှားနိုင်ငံ ဆူလာဝေစီကျွန်းအလယ်ပိုင်းက Poso ဆိပ်ကမ်းမြို့စီ သင်တန်းတက်ဖို့ စေလွှတ်ထားတယ်လို့ Ismail က ပြောပါတယ်။

“မလေးရှား IS လူစုဆောင်းတဲ့ကွန်ယက်ကို ကျနော်တို့တွေ့ထားပါတယ်။ သူတို့စည်းရုံးသိမ်းသွင်းထားသူတွေကို အကြမ်းဖက်တိုက်ခိုက်ဖို့ မြန်မာနိုင်ငံပြန်ပို့သလားဆိုတာတော့ မသိပါဘူး။ ဒါပေမယ့်လည်း မလေးရှား၊ အင်ဒိုနီးရှား၊ ဖိလစ်ပိုင်နဲ့ ရိုဟင်ဂျာတွေကြား ချိတ်ဆက်ထားတဲ့ ကွန်ယက်တခု ရှိနေတယ်ဆိုတာကတော့ သေချာပါတယ်။”

နိုင်ငံတကာပဋိပက္ခလေ့လာစောင့်ကြည့်ရေးအဖွဲ့ ICG က လွန်ခဲ့တဲ့လအတွင်း ထုတ်ပြန်တဲ့ အစီရင်ခံစာမှာ ရခိုင်ပြည်နယ်တွင်းက မြန်မာရဲတပ်ဖွဲ့ကို ဆော်ဒီအာရေးဗျ အခြေစိုက်တဲ့ Harakah al-Yaqin အဖွဲ့ကနေ တိုက်ခိုက်ခဲ့တာဖြစ်တယ်လို့ ဖေါ်ပြထားပါတယ်။ အောက်တိုဘာလအတွင်းက တိုက်ခိုက်မှုကြောင့် ရဲတပ်ဖွဲ့ဝင် ၉ ဦးသေဆုံးပြီးနောက် နယ်မြေရှင်းလင်းမှုတွေ ဆောင်ရွက်ရာမှာ ရိုဟင်ဂျာမူစလင် ၃ သောင်းခွဲလောက် ဘင်္ဂလားဒေ့ရှိနိုင်ငံဘက်ကို ထွက်ပြေးတိမ်းရှောင်သွားတယ်လို့ ကုလသမဂ္ဂက ပြောကြားထားပါတယ်။
VOA Burmese News


တရုတ်နိုင်ငံဟာ ဥရောပတိုက်နဲ့ ကုန်သွယ်ရေးနဲ့ ရင်းနှီးမြှပ်နှံမှု တိုးမြင့်စေဖို့ရာ လန်ဒန်မြို့တော် အထိ တိုက်ရိုက် ကုန်ရထားလိုင်းအသစ် တစ်ခုကို စတင် ပြေးဆွဲလိုက်ပါတယ်။

မက်ဒရစ်နဲ့ ဟမ်းဘတ် အပါအဝင် အခြား ဥရောပ မြို့ကြီးများဆီကို တရုတ်ရထားလိုင်းဟာ ပြေးဆွဲပြီး ဖြစ်ပါတယ်။ လန်ဒန်မြို့တော်ဟာ တရုတ်အစိုးရရဲ့ ပိုးလမ်းမအသစ် စီမံကိန်းမှာ ပါဝင်လာတဲ့ ၁၅ ခု မြောက် ဥရောပမြို့ ဖြစ်ပါတယ်။

မိုင် ၁၂,၀၀၀ ခရီးရှည်ကို ၂ ပတ်ကြာပြေးဆွဲမယ့် ရထားမှာ အဝတ်အစား၊ အိတ်နဲ့ အခြား အိမ်သုံးပစ္စည်းတွေ သယ်ဆောင်မယ်လို့ သိရပါတယ်။ ရထားနဲ့ ကုန်ပစ္စည်း ပို့ဆောင်မှုဟာ ကုန်တင်လေယာဉ်ထက် စရိတ်စက သက်သာပြီး သင်္ဘောနဲ့သယ်ခြင်းထက် ပို မြန်ပါတယ်။

တရုတ်နိုင်ငံနဲ့ ဥရောပတိုက် ဆက်သွယ်တဲ့ လမ်းကြောင်းတွေ တိုးချဲ့ လာမှုဟာ ၂၀၁၃ ခုနှစ်က စတင်ခဲ့တဲ့ တရုတ်အစိုးရရဲ့ နည်းဗျူဟာ အသစ် ဖြစ်တဲ့ ဟိုးအရင် တုန်းက ရှိခဲ့တဲ့ ပိုးလမ်းမ ကုန်သွယ်မှု လမ်းကြောင်းမှာ လမ်းပန်းဆက်သွယ်မှု အခြေခံအဆောက်အအုံတွေ ဖွံ့ဖြိုးတိုးတက်လာရေး စီမံချက်မှာပါဝင်တဲ့ အစီအစဉ်တစ်ခုလည်း ဖြစ်ပါတယ်။

အခု ပြေးဆွဲမယ့် ရထားလိုင်း အသစ်ဟာ ကာဇက်စ္စတန်၊ ရုရှ၊ ဘီလာရုစ်၊ ပိုလန်၊ ဂျာမနီ၊ ဘယ်လ်ဂျီယန်နဲ့ ပြင်သစ် နိုင်ငံတွေကို ဖြတ်သန်းပြီး လန်ဒန်မြို့ အရှေ့ပိုင်းရှိ ဘာကင်း ကုန်ရထား ဘူတာ အထိ ရောက်မှာ ဖြစ်ပါတယ်။ ဘာကင်းဘူတာဟာ ဥရောပတိုက် ပင်မဆီကို အမြန်နှုန် သံလမ်း ၁ နဲ့ တိုက်ရိုက်ချိတ်ဆက်ထားပါတယ်။

တရုတ်အစိုးရဟာ ပို့ကုန်ကျဆင်းမှု၊ စီးပွားရေးဖွံ့ဖြိုးမှု နှေးကွေးမှုတွေ ရင်ဆိုင်လာရချိန်မှာ သူ့ရဲ့ စီးပွားရေး မြှင့်တင်ဖို့ စိတ်အားထက်သန် နေပါတယ်။

#ဘီဘီစီမြန်မာပိုင်း
BBC Burmese


ဘင်္ဂလားပင်လယ်အော်မှာ ဖြစ်ပေါ်နေတဲ့ လေဖိအားနည်းရပ်ဝန်းဟာ လာမယ့် ဇန်န၀ါရီလ ၆ ရက် နေ့မှာ မုန်တိုင်းငယ်အဖြစ် ရောက်ရှိနိုင်ပြီး ၃ရက်အတွင်း မြစ်ဝကျွန်းပေါ်ဒေသကို ၀င်ရောက် နိုင်ဖွယ်ရှိတယ်လို့ မိုးလေ၀သနှင့် ဇလဗေဒညွှန်ကြားမှုဦးစီးဌာန က ဒုတိယညွှန်ကြားရေးမှူးချုပ် ဦးကျော်မိုးဦး က ပြောပါတယ်။

လက်ရှိအခြေအနေမှာတော့ လေဖိအားနည်း ရပ်ဝန်းအခြေအနေသာရှိပြီး မုန်တိုင်းငယ်ဖြစ် လာတဲ့အခါ ၀င်ရောက်နိုင်တဲ့ ဒေသတွေကို အသေချာ ပြောနိုင်မှာဖြစ်တယ်လို့ ဦးကျော်မိုးဦး က ပြောပါတယ်။
" ဒါပေမယ့် လောလောဆယ်တော့ လေဖိအားနည်းရပ်ဝန်းပဲ ဖြစ်နေသေးတယ်ဆိုတော့ မုန်တိုင်းဖြစ်ပြီးတော့မှ ဘယ်ကိုဦးတည်နေတယ်ဆိုတာ ပြောဖို့ စောတယ်ပေါ့။ အခြေအနေက အမြဲပြောင်းလဲနေတာမျိုးတွေ ရှိတယ်ပေါ့။ အဓိကကတော့ မုန်တိုင်းအဆင့်ကို ရောက်သွားပြီဆိုရင်တော့ ဒါ ဘယ်ကိုဦးတည်တယ်ဆိုတာ ပြောလို့ရတယ်ပေါ့နော်။ အခုလောလောဆယ်တော့ လေဖိအားနည်း ရပ်ဝန်းဖြစ်တဲ့ အခြေအနေကနေ ထုတ်ထားတာ ဖြစ်တဲ့အကြောင့်မို့လို့ ၆ ရက်နေ့လောက်ဆို ပိုအားကောင်းလာနိုင်မယ်။ မုန်တိုင်းငယ်အဖြစ် ရောက်လာနိုင်တယ်။ ၉ ရက် ၁၀ ရက်မှာတော့ မြစ်ဝကျွန်းပေါ်ကို ဦးတည်နေတဲ့ အနေအထားကို တွေ့ရတယ်။"
ဘင်္ဂလားပင်လယ်အော်အတွင်းမှာ မုန်တိုင်းဖြစ်ပေါ်မှုဟာ ဇန်န၀ါရီလအတွင်းမှာ ဖြစ်ပေါ်တာ နည်းလေ့ရှိတယ်လို့လည်း ပြောပါတယ်။

ဒီရက်ပိုင်းမှာတောင် တရုတ်ပြည်မကြီးက ဆင်းသက်လာတဲ့ လေဖိအားကြီးရပ်ဝန်းကြောင့် နေပြည်တော်၊ မန္တလေး၊ မကွေး၊ ကချင်၊ ချင်း၊ ရှမ်း၊ စစ်ကိုင်း၊ ပဲခူး၊ တနင်္သာရီနဲ့ ကယားပြည်နယ် တွေမှာ မိုးရွာနေပါတယ်။

( မိုးလေဝသနှင့်ဇလဗေဒညွှန်ကြားမှုဦးစီးဌာနက ၂ဝ၁၇ ခုနှစ် ဇန်နဝါရီလ ၄ ရက်နေ့ မွန်းလွဲ ၂းဝဝ နာရီအချိန် ထုတ်ပြန်ချက်ကို တွေ့ရစဉ် )Photo: မိုးလေဝသနှင့်ဇလဗေဒညွှန်ကြားမှုဦးစီးဌာန/ Facebook

RFA Burmese
https://www.facebook.com/rfaburmese/



 ထိုင်ခုံခါးပတ် ပတ်နေသည့် ယာဉ်ပိုင်ရှင်တစ်ဦးအားတွေ့ရစဉ် (ဆင်ဟွာ)

ရန်ကုန်၊ ဇန်နဝါရီ ၄ ရက် (ဆင်ဟွာ)

ရန်ကုန်မြို့ ရှိ ယာဉ်ထိန်းရဲတပ်ဖွဲ့စုများအလိုက် ယာဉ်မောင်းသူနှင့် ယာဉ်ပေါ်လိုက်ပါသူများတွင် ထိုင်ခုံအသက်ကယ်ခါးပတ် တပ်ဆင်ခြင်းရှိ/မရှိ စစ်ဆေး၍ လိုက်နာမှုမရှိပါက ၁-၁-၂၀၁၇ ရက်နေ့မှစတင်ပြီး ၂၀၁၅ ခုနှစ် မော်တော်ယာဉ် ဥပဒေအရ အရေးယူဆောင်ရွက်လျှက်ရှိကြောင်း ယာဉ်စည်းကမ်းထိန်းသိမ်းရေးရဲတပ်ဖွဲ့မှ သတင်းထုတ်ပြန်သည်။

ယာဉ်ထိန်းတပ်ဖွဲ့မှ ရဲမှူးဝင်းလွင်က “ အမျိုးသားယာဉ်အန္တရာယ်ကင်းရှင်းရေးကောင်စီမှ အသိပေးနှိုးဆော်စာ ထုတ်ပြန်ထားပြီးသားဖြစ်တယ်။ ဥပဒေအရ ယာဉ်ပေါ်တွင် မောင်းနှင်းသူရော၊ စီးနင်းလိုက်ပါသူပါ  ထိုင်ခုံခါးပတ် ပတ်ထားဖို့လိုပါတယ်။ကျွန်တော်တို့ယာဉ်ထိန်းတပ်ဖွဲ့တွေအနေနဲ့ ကျန်တဲ့ စည်းကမ်းပျက်တဲ့ကိစ္စတွေကို အရေးယူရင်း ထိုင်ခုံခါးပတ် မပတ်တဲ့ ကိစ္စကိုပါ အရေးယူနေတာပါ’’ ဟုဆင်ဟွာကိုပြောသည်။

မော်တော်ယာဉ်ဥပဒေအရ ယာဉ်ပေါ်တွင် မောင်းနှင်းသူရော၊ စီးနင်းလိုက်ပါသူပါ  ထိုင်ခုံခါးပတ် ပတ်ထားရမည်ဖြစ်ကြောင်း၊ မော်တော်ယာဉ်ဥပဒေ ပုဒ်မ ၅၄ အပိုဒ်(င)၊ ပုဒ်မ ၆၂ ဖြင့် ဒဏ်ငွေ ကျပ်၃၀,၀၀၀ ထက်မပိုသော ပြစ်ဒဏ်ချမှတ်နိုင်ကြောင်း ၎င်းကဆိုသည်။

အဆိုပါဥပဒေအရ အဝေးပြေးခရီးသည်တင်ကားများတွင် စီးနင်းလိုက်ပါသူ အားလုံးခါးပတ်ပတ်ရန် လိုအပ်ကြောင်း၊ ဘတ်စ်ကားများ အနေဖြင့် ယာဉ်မောင်းများ မဖြစ်မနေခါးပတ်ပတ်ရန်လိုအပ်ကြောင်း ၊နည်းဥပဒေထွက်ပြီးပါက ပိုမိုတိတိကျကျ ဆောင်ရွက်နိုင်မည်ဖြစ်ကြောင်း  ၎င်းကပြောသည်။

၂၀၁၇ ခုနှစ် ဇန်နဝါရီ ၁ ရက်နေ့ မှစ၍ ထိုင်ခုံခါးပတ်ပတ်ဆင်ခြင်း မရှိသည့် မော်တော်ယာဉ်များ အား အရေးယူခဲ့ရာ ၂ ရက် အတွင်း မော်တော်ယာဉ် ၉၀ ကျော်အား အရေးယူခဲ့ကြောင်း ဆိုသည်။

ယာဉ်မောင်းသူနှင့် ယာဉ်ပေါ်လိုက်ပါစီးနင်းနေသူများအားလုံး မိမိအသက်အန္တရာယ် ဘေးကင်းလုံခြုံမှုရှိစေရန် ထိုင်ခုံအသက်ကယ် ခါးပတ်များတပ်ဆင်ပြီးမှသာ ယာဉ်ကို မောင်းနှင် လိုက်ပါစီးနင်းခြင်းပြုပေးကြပါရန် ယာဉ်စည်းကမ်းထိန်းသိမ်းရေးရဲတပ်ဖွဲ့မှ မေတ္တာရပ်ခံချက်ထုတ်ပြန်ခဲ့သည်။

(Xinhua)
http://xinhuamyanmar.com/myanmar


မန္တလေးတိုင်းဒေသကြီး၊ စဥ့်ကိုင်မြို့နယ်၊ ခန်လူးကျေးရွာမှာ စစ်တပ်နဲ့ မြေယာပိုင်ဆိုင်မှု အငြင်းပွားနေတဲ့ တောင်သူ ၂၁ ဦးကို မနေ့က ဖမ်းဆီးပြီး အိုးဘိုအကျဉ်းထောင်ကို ပို့ဆောင်လိုက်ပါတယ်။

ပိုင်နက်ကျူးကျော်မှု၊ အကျိုးဖျက်ဆီးမှု ပုဒ်မတွေနဲ့ တရားရင်ဆိုင်နေရတဲ့ တောင်သူ ၂၁ ဦးဟာ စဥ့်ကိုင်မြို့နယ်တရားရုံးမှာ မနေ့က သွားရောက်အမှုရင်ဆိုင်စဉ် အိုးဘိုအကျဉ်းထောင်ကို ဖမ်းဆီး ခေါ်ဆောင်သွားတာဖြစ်တယ်လို့ မြန်မာနိုင်ငံလုံးဆိုင်ရာ တောင်သူလယ်သမား အဖွဲ့ချုပ်က မန္တလေးတိုင်း ဥက္ကဌ ဦးလင်းထင်စိုး က ပြောပါတယ်။

" ရဲမှူးကနေ ခင်ဗျားတို့ တရားရုံးမှာသွားပြီးရင်ဆိုင်လိုက်ပါ၊ မဖမ်းပါဘူးဆိုပြီးတော့ သဘောတူညီချက် ရထားတဲ့ အတွက် တောင်သူတွေကလည်းယုံကြည်ပြီး မနေ့က ကျတော့ တရားရုံးမှာ သွားပြီးတော့ တောင်သူ ၂၁ ဦးက အမှုရင်ဆိုင်တယ်ပေါ့ဗျာ၊ အဲဒီမှာ ၄၄၀ ဆိုတဲ့ ပုဒ်မက အရင်တုန်းက စွဲထား တာထဲမှာ မပါဘူး၊ မနေ့ကကျတော့ ၄၄၀ ပါတယ်၊ အာမခံမရဘူး ဆိုပြီးတော့ ရဲကားကလည်း အရန်သင့် ကောက်ထိုးပြီးတော့ လက်ထိပ်တွေရောဘာတွေရော ထားထားတာပေါ့၊ အဲအချိန်မှာ ကျနော်တို့ကိုလှမ်းပြီး အကူအညီတောင်းတယ်၊ အဲဒါဆို ကျနော်တို့ သတင်းထောက်တွေနဲ့ အခုချက်ချင်းပဲ လာခဲ့မယ်ဆိုတော့ ကျနော်တို့က မမှီလိုက်တာဗျ"

အမှတ်(၂) စစ်ဘက်ရေးရာလုံခြုံရေးအဖွဲ့(စရဖ)က လွန်ခဲ့တဲ့ ၂၀၀၁ ခုနှစ်က ခန်လူးကျေးရွာသား ၂၄ ဦး ပိုင်ဆိုင်တဲ့ လယ်ယာမြေဧက ၇၀ လောက်ကို သီးနှံလျော်ကြေးပေးပြီး သိမ်းယူထားတာ ဖြစ်တယ် လို့ တောင်သူတွေက ပြောပါတယ်။

သိမ်းဆည်းစဉ်ကတည်းက ပိုလျှံနေတဲ့ မြေဧက ၅၀ လောက်မှာ မူလတောင်သူတွေက ရာသီပေါ် သီးနှံတွေ ဆက်လက်စိုက်ပျိုးနေကြတာဖြစ်ပြီး ပြီးခဲ့တဲ့ သြဂုတ်လကစပြီး အဲဒီပိုလျှံမြေတွေကို စရဖအဖွဲ့က ခြံစည်းရိုးခတ်တာတွေ လုပ်ဆောင်လာခဲ့တာကြောင့် တောင်သူတွေနဲ့ အငြင်းပွားမှုတွေ ဖြစ်ခဲ့တာပါ။

မနေ့က ဖမ်းဆီးခေါ်ဆောင်သွားတဲ့အထဲမှာ အမျိုးသမီး ၁၆ ဦးနဲ့ အမျိုးသား ၅ ဦးအပြင် အသက် ၆ လ အရွယ် ကလေးတစ်ဦးလည်း ပါသွားတယ်လို့ ဦးလင်းထင်စိုး က ပြောပါတယ်။

အဲဒီလိုဖမ်းဆီးခံရတဲ့ကိစ္စနဲ့ ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတ ဦးထင်ကျော်၊ ဗိုလ်ချုပ်မှူးကြီး မင်းအောင်လှိုင်၊ သူရဦးရွှေမန်း၊ ပြည်သူ့လွှတ်တော် ဥက္ကဌ ဦးဝင်းမြင့်၊ လယ်ယာမြေနဲ့ အခြားမြေများ သိမ်းဆည်းခံရမှု ပြန်လည်စိစစ်ရေးကော်မတီ ဥက္ကဌ ဦးဟင်နရီဗန်ထီးယူ တို့တွေထံ တိုင်ကြားစာတွေ ပေးပို့သွားမယ်လို့လည်း သိရပါတယ်။

RFA Burmese
http://www.rfa.org/burmese


ဂျပန်မှာ နှစ်သစ်ကူးအားလပ်ရက်တွေထဲ လူအများဆုံးကြည့်တဲ့ ရုပ်မြင်သံကြားထုတ်လွှင့်အစီအစဉ်တွေထဲမှာ Nippon TV က ထုတ်လွှင့်တဲ့ တိုကျို-ဟာ့ကိုးနဲ လက်ဆင့်ကမ်းပြေးပြိုင်ပွဲ ဟာ့ကိုးနဲ အဲခိဒဲန်း(Hakone Ekiden) လည်း တစ်ခု အပါအ၀င်ပါ ။

တိုကျိုဘူတာအနီးမှာရှိတဲ့ အိုးတဲ့မာ့ချိ(Otemachi) အရပ်ကနေ ဟာ့ကိုးနဲဆိုတဲ့အရပ်က အာရှိရေကန် Lake Ashi ဆိုတဲ့နေရာအထိ အသွားအပြန်ပြေးရတဲ့ လက်ဆင့်ကမ်းပြေးပွဲပါ။ အသွားအပြန် ၂၁၇.၉ ကီလိုမီတာ (၁၀၈.၀ ကီလို နဲ့ ၁၀၉.၉ ကီလို)ခရီးကို ၂ ရက်ပြိုင်ရပါတယ်။ နှစ်စဉ် ဇန်န၀ါရီ ၂ ရက်မှာ အိုးတဲ့မာ့ချိကနေ တာထွက်တယ်။ ပြိုင်ပွဲဝင် ၅ ယောက်က အပိုင်း ၅ ပိုင်းခွဲထားတဲ့ ပျမ်းမျှ ၂၀ ကီလိုမီတာသာသာ ခရီးအပိုင်း တွေကို လက်ဆင့်ကမ်းပြေးရတယ်။ ဟာ့ကိုးနဲရောက်တဲ့အခါ ညအိပ်ပြီး နောက်တစ်နေ့ မနက်မှာ အပြန်ခရီးကို ၅ ယောက်က လက်ဆင့်ကမ်းပြေးပြီး အိုးတဲ့မာ့ချိ မှာ ပန်းဝင်တယ်။

အသင်းလိုက်လက်ဆင့်ကမ်းပြေးပြိုင်ပွဲဖြစ်တော့ အားပေးတဲ့ပရိတ်သတ်က အရမ်းများတယ်။ လမ်းတစ်လျှောက်ဖြတ်သွားတဲ့မြို့ရွာတွေက လူတွေဟာ တကယ့်ကို အားပါးတရနဲ့အားပေးကြတယ်။ တကယ်တမ်းကျတော့ ဂျပန်လူမျိုးတွေဟာ အသင်းလိုက် အဖွဲ့လိုက်လုပ်ရတဲ့အလုပ်မျိုး ပြိုင်ရတဲ့ပြိုင်ပွဲမျိုးတွေကို သိပ်သဘောကျသလို သိပ်ပြီးတော့လည်း အားပေးတယ်။ အဲဒါက သူတို့လူမျိုးတွေရဲ့စရိုက်နဲ့စိတ်ဓာတ်ပဲ။ အဲဒါကြောင့် ထင်ပါရဲ့ အသင်းလိုက်အလုပ်လုပ်တာTeam Work ကောင်းတယ် ။

ဒီပြိုင်ပွဲက ၁၉၂၀ ခုနှစ်ကတည်းက နှစ်စဉ်ကျင်းပခဲ့တာဆိုတော့ ၂၀၁၇ ခုနှစ်မှာ ၉၇ ကြိမ်ရှိနေပြီလေ။ ကန်တိုဒေသ (တိုကျိုမြို့တော်နဲ့ အနီးတ၀ိုက်မှာရှိတဲ့ ခရိုင်တွေပါတယ်)က တက္ကသိုလ်တွေကပဲ ၀င်ပြိုင်ခွင့်ရှိတဲ့ ပြိုင်ပွဲပါ။ အမျိုးသားတွေပဲဝင်ပြိုင်တဲ့ပွဲပါ။ ပြိုင်ပွဲဝင် အသင်း ၂၀ သတ်မှတ်ထားတယ်။ မနှစ်က အဆင့် ၁ ကနေ ၁၀ အတွင်းရတဲ့ တက္ကသိုလ်အသင်းဟာ ဒီနှစ်ပြိုင်ပွဲ မှာ ခြေစစ်ပွဲဝင်ပြိုင်စရာမလိုပဲ အလိုအလျောက်ဝင်ပြိုင်ခွင့်ရတယ်။ ကျန်တဲ့ ၉ နေရာအတွက် နှစ်စဉ်အောက်တိုဘာမှာပြုလုပ်တဲ့ ခြေစစ်ပွဲမှာအကောင်းဆုံး စံချိန်ရတဲ့ ၉ သင်းက ၀င်ပြိုင်ခွင့်ရတယ်။ ခြေစစ်ပွဲမအောင်တဲ့ တက္ကသိုလ်တွေ ထဲက စံချိန်အကောင်းဆုံးပြေးနိုင်တဲ့သူတွေကို ရွေးပြီးဖွဲ့ထားတဲ့ ကန်တိုကျောင်းသားသမဂ္ဂအသင်းဆိုတဲ့နာမည်နဲ့တစ်သင်း စုစုပေါင်း အသင်း ၂၀ ၀င်ပြိုင်ရတယ်။

ရုပ်မြင်သံကြားက ပြိုင်ပွဲအစအဆုံးကို တိုက်ရိုက်ထုတ်လွှင့်ပြသတယ်။ ဒီတော့ အပြေးသမားတွေရဲ့မြင်ကွင်းတွေရော ၊ လမ်းတလျှောက်မပြတ်အားပေးနေ တဲ့ပရိသတ်တွေရဲ့မြင်ကွင်းတွေရော ၊ ပတ်ဝန်းကျင်မြင်ကွင်းတွေကိုပါ မြင်တွေ့ ရတယ် ။ ကိုယ်အားပေးချင်တဲ့ တက္ကသိုလ်တွေရဲ့နာမည်တွေ အလံတွေကို ကိုင်ဆောင်ဝှေ့ရမ်းပြီးအားပေးတဲ့သူတွေ၊ အပြေးသမားတွေရဲ့ နာမည်တွေအော်ဟစ်အားပေးတဲ့သူတွေ ၊ မော်တော်ကားကိုရပ်ပြီး ကားပြတင်းပေါက်ကနေ လက်ထုတ်ဝှေ့ရမ်းအားပေးတဲ့သူတွေကို ရုပ်မြင်သံကြားကနေ အကုန်မြင်ရတယ်။

ကြည်နူးအားတက်ဖို့ကောင်းတဲ့မြင်ကွင်းတွေပေါ့။

အားပေးတဲ့ပရိသတ်တွေရဲ့အသံတွေဟာ အပြေးသမားတွေ အတွက် ခြေလှမ်းတိုင်းကို အားဖြစ်စေတယ်။ ဖဲကြိုးစလွယ် လက်ဆင့်ကမ်း ရတော့မယ့်နေရာရောက်ခါနီးလေ ပရိသတ်ရဲ့အားပေးသံက ပိုကျယ်လာပဲ။ လက်ဆင့်ကမ်းယူပြီးပြေးဖို့စောင့်နေတဲ့အပြေးသမားက ပြေးလာတဲ့ သူ့ရဲ့အသင်းသားကို မြန်မြန်လာ အားထည့်ထား ကြိုးစားထား ဆိုပြီး အော်ဟစ် တာကိုလည်း ဆူညံနေတဲ့အသံတွေထဲက ကြားလိုက်ရသေးတယ်။

လက်ဆင့်ကမ်းတဲ့နေရာရောက်ပြီဆိုရင် ပြေးလာတဲ့သူက သူ့လက်ထဲက စလွယ်ကို ဆက်ပြေးမယ့်သူလက်ထဲ ထည့်လိုက်ပြီး ကျောကုန်းကို ပုတ်လိုက်တယ်။ ဆိုလိုတဲ့သဘောက ငါကတော့ အစွမ်းရှိသလောက် ကြိုးစားခဲ့ပြီးပြီ မင်းဆက်ပြီးတာဝန်ယူတော့ဆိုတာကို ပြောလိုက်တာပဲ ။

လက်ခံယူတဲ့အပြေးသမားရဲ့အသင်းဟာ ရှေ့ဆုံး နေရာကပြေးပြေး အလယ်နေရာမှာပဲရှိရှိ နောက်ဆုံးမှာပဲ ရောက်ရောက် အဲဒီအပြေးသမားဟာ လက်ထဲရောက်လာတဲ့စလွယ်ကိုလှစ်ကနဲယူလိုက်တယ်။ ပြေးရင်း တန်းလန်းနဲ့ စလွယ်ကိုခေါင်းကနေစွပ်ပြီး ပုခုံးမှာ လွယ်လိုက်တယ်။ လေထဲလွင့်မနေအောင် ဖဲကြိုးစကို တင်းတင်းဆွဲကျပ်ပြီး ကိုယ်လေ့ကျင့်ထားတဲ့နှုန်းအတိုင်း ပြေးတော့ တာပဲ။ ရှေ့ဆုံးကနေပြေးတဲ့သူဆိုရင် ဆက်ပြီးဦးဆောင်ပြေးနိုင် ဖို့ပေါ့။ နောက်ကလိုက်ရတဲ့သူဆိုရင်လည်း ကိုယ့်ရှေ့ကပြေးနေတဲ့သူတွေကို အမီလိုက်နိုင်အောင်ပေါ့။ ကိုယ်ယူတဲ့တာဝန်ကို ပြီးဆုံးအောင် ကျေပွန်အောင် လုပ်မယ်ဆိုတဲ့ စိတ်ဓာတ်နဲ့ ဇွဲနဲ့ ပန်းဝင်တဲ့အထိ ပြေးဖို့ကြိုးစားတော့တယ်။

TV ထုတ်လွှင့်အစီအစဉ်က ကြေညာသူကလည်း မြင်ရတဲ့မြင်ကွင်းကို အားမာန်အပြည့်နဲ့တက်တက်ကြွကြွနဲ့ ပြောဆိုကြေညာတယ်။ ပရိသတ်ကလည်း အားကုန်ပြေးလာတဲ့အပြေးသမားကို ချီးကျူးတဲ့အနေနဲ့ အားပေးကြသလို လက်ဆင့်ကမ်းသယ်သွားတဲ့ အပြေးသမားကိုလည်း လက်ခုပ်လက်ဝါးတီးပြီး ဂမ်းဘာ့ရေ (Ganbare) “ကြိုးစားထား၊ အောင်မြင်အောင်လုပ်” လို့အော်ပြီး အားပေးတယ်။ ဂျပန်လူမျိုးတွေဟာ လုပ်ကိုင်လှုပ်ရှားနေတဲ့ သူတွေကို ပြောလေ့ရှိတဲ့ စကားတစ်ခွန်းကတော့ ဂမ်းဘာ့ရေ ဆိုတာပဲ ။

ဒီနေ့ဇန်န၀ါရီ ၄ ရက်နေ့၊ မြန်မာနိုင်ငံရဲ့လွတ်လပ်ရေးနှစ်ပတ်လည်နေ့ ၊ နိုင်ငံခြားတိုင်းပြည် အုပ်ချုပ်မှုကနေ လွတ်မြောက်လာခဲ့တာ ၆၉ နှစ်တောင် ရှိသွားပြီ။ ဒါပေမဲ့ တတိုင်းပြည်လုံးအတိုင်းအတာနဲ့ တရားမျှတမှု ၊ လွတ်လပ်မှု ၊ ငြိမ်းချမ်းမှု ၊ တိုးတက်မှု မရသေးဘူး။

အမွေကောင်းတွေကို လက်ဆင့်ကမ်းနိုင် ဖို့လိုသေးတယ်။ နှစ်သစ်ထဲကို တစ်ကျော့ပြန် ၀င်ရောက်လာပြီ။ မပြီးဆုံးသေးတဲ့ အလုပ်တွေအများကြီးပဲ ၊ လက်ဆင့်ကမ်းသယ်ယူဖို့ လက်ဆင့်ကမ်းပေးနိုင်ဖို့ လုပ်ရဦးမယ်။ ကိုယ်နိုင်တဲ့တစ်ထောင့်တစ်နေရာကနေ ဆက်ပြီးကြိုးပမ်းရဦးမယ်။ စိတ်ပျက်စရာတွေလည်း မြင်တွေ့ရတာပေါ့။ အားမလျော့ပါဘူး ။ ညည်းနေလို့တော့ မဖြစ်ဘူးလေ ။ အပြစ်ပြောနေလို့လည်း မပြီးပါဘူး။ စဉ်ဆက်မပြတ်လေ့လာကြိုးပမ်းရမှာပဲ ၊ အဲဒါက အောင်မြင်မှုရဲ့အခြေခံပဲလေ၊ ဇွဲပေါ့။

ဒီတော့ ကိုယ့်ကိုယ်ကို အားပေးရင်း “ဂမ်းဘာ့ရေ ကျော်ကျော်စိုး” ။

ကျော်ကျော်စိုး (ဂျပန်)
၂၀၁၇ ၊ ဇန်န၀ါရီ ၄ ရက်


ရန်ကုန် ဇန်နဝါရီ ၄

ယခုအခါရန်ကုန်မြို့ အိမ်ခြံမြေအငှားဈေးကွက် သွက်လက်လှုပ်ရှားနေသကဲ့သို့ အိမ်ငှားပွဲစားအချို့၏ လောဘများကြောင့် အိမ်ငှားနေထိုင်သူများမှာ ခြောက် လတစ်ကြိမ် အခက်အခဲကြုံတွေ့နေရကြောင်း ရန်ကုန် မြို့တွင် အိမ်ငှားနေထိုင်သူများထံမှ သိရသည်။

ယခုအခါ မြို့နယ်ဒေသများမှရန်ကုန်မြို့သို့ပြောင်း ရွှေ့နေထိုင်သူ များပြားနေသော်လည်း ရန်ကုန်မြို့၏ အိမ်ခြံမြေဈေးနှုန်းများမှာ မြင့်တက်နေသဖြင့် အိမ် ဝယ်နေထိုင်နိုင်သူ များစွာနည်းပါးနေခဲ့သည်။ ထို့ ကြောင့် ရန်ကုန်မြို့သို့ ပြောင်းရွှေ့နေထိုင်သူ အများစု မှာ အိမ်ငှား၍ နေထိုင်သူများသာ များပြားနေခဲ့သည်။ အဆိုပါ အိမ်ငှားနေထိုင်သူများမှာလည်း အိမ်ငှား ပွဲစားအချို့၏ လောဘကြောင့် အိမ်ငှားနေသူများမှာ ခြောက်လတစ်ခါ အခက်အခဲကြုံတွေ့နေကြရကြောင်း အိမ်ငှားနေထိုင်သူများထံမှ သိရသည်။

ရန်ကုန်မြို့၏ အိမ်ခြံမြေဈေးကွက်တွင် အိမ်ရောင်း လိုသူ အိမ်ဝယ်လိုသူနှင့် အိမ်ငှားနေထိုင်သူများအနေ နှင့် အိမ်အရောင်းအဝယ်ပွဲစားများနှင့် အိမ်ငှားပွဲစား များကိုသာအားထားလုပ်ကိုင်နေကြရသည်။ ထို့ကြောင့် အရောင်းအဝယ်ဈေးကွက်ရော အငှားဈေးကွက်ပါ များသောအားဖြင့် ပွဲစားများ၏ လက်ထဲတွင်သာရှိနေ သည်။ ပွဲစားများ၏ အကျိုးဆောင်ပေးမှုကြောင့် အိမ်အရောင်းအဝယ်ကိစ္စအတွက် အိမ်ရောင်းသူများက ရာခိုင်နှုန်းအရပွဲခပေးကြရပြီး အိမ်ငှားသူများက အိမ် လခ တစ်လစာကို ပွဲခအဖြစ်ပေးကြရကြောင်း အိမ်ခြံ မြေအကျိုးဆောင်များထံမှ သိရသည်။

လက်ရှိရန်ကုန်မြို့၏ အိမ်ခြံမြေဈေးကွက်တွင် အဝယ်ထက် အငှားဈေးကွက်ကသာ တွင်ကျယ်နေခဲ့ သည်။ ထို့အပြင် နိုင်ငံခြားရင်းနှီးမြှုပ်နှံမှုများကြောင့် နိုင်ငံခြားသားနေထိုင်မှု များပြားလာကာ အဆိုပါ နိုင်ငံခြားသားမျာမှာလည်း ငှားရမ်းနေထိုင်မှုများသာ များပြားနေသဖြင့် ရန်ကုန်မြို့၏ အိမ်ခြံမြေအငှား ဈေးကွက် ပိုမိုသွက်လက်လှုပ်ရှားလာကြောင်း အိမ်ခြံ မြေ အကျိုးဆောင်များထံမှ သိရသည်။

မင်းညီ
The Union Daily
https://www.facebook.com/uniondaily.net


က​လေး၊ ဇန်​နဝါရီ၎။

စစ်​ကိုင်းတိုင်း​ဒေသကြီး၊ က​လေးမြို့၊​ တောင်​ဇလပ်​ရပ်ကွက်​၊ နယ်​​မြေ ၅ရှိ​​ ရေ​မြောင်းတစ်​ခုတွင်​ ယ​နေ့မနက်​၈နာရီအချိန်​၌ ကျားအင်္ဂါအားအရင်းမှဖြတ်​ထားသည့်​ဒဏ်​ရာအပါအဝင်​ ဒဏ်​ရာများစွာဖြင့်​ အမျိုးသားအ​လောင်း​တစ်​​လောင်းအား ​တွေ့ရှိခဲ့သည်​ဟု ကလေးမြို့မရဲစခန်းမှ သိရသည်။

သေဆုံးသူမှာ​တောင်​ဇလပ်​ရပ်​ကွက်​၊နယ်​​မြေ၉​နေ ဦး​တဲလ်ခွ ၅၈နှစ်ြ​​ဖစ်​​ပြီး မိသားစုနှင့်အတူ ဇန်နဝါရီ ၃ရက်​​နေ့က မနက်​စာစား​ပြီး​နောက်​ ​ဆွေမျိုး​တော်​စပ်​သည့်​​ တောင်​ဇလပ်​ရပ်​ကွက်​၊ နယ်​​မြေ၆ရှိ​နေအိမ်​တွင်​ ပြုလုပ်​သည့်​ဆု​တောင်းပွဲအား ကူညီရန်​သွားမည်​​ပြောပြီး​နေအိမ်​မှ ထွက်​သွားခဲ့​သည်။

ထို့နောက် ဇန်နဝါရီ ၄ရက်ေ​န့​ နံနက်​ ၈နာရီတွင်​ အိမ်​နီးချင်းတစ်ဦးက သဆုံးသူ၏ဇနီးအား ​တောင်​ဇလပ်​ရပ်​ကွက်​ရှိ ရေ​မြောင်းအတွင်း ဦးတဲလ်​ခွ​သေဆုံး​နေ​ကြောင်း​ပြောပြသဖြင့်​ သေဆုံး​နေသည့်​​နေရာသို့ ချက်​ချင်းသွား​ရောက်​ခဲ့ရာ ​ရေ​မြောင်းအတွင်း၌ ခင်​ပွန်းဖြစ်​သူအား တ​စောင်းအ​နေအထား၊ ​အောက်​ပိုင်းတွင်​ အဝတ်​များမရှိဘဲ ​သေဆုံး​နေသည်​ကို​ တွေ့ခဲ့ရသည်။

သို့ဖြစ်​ပါ၍ ခင်​ပွန်းဖြစ်​သူဦးတဲလ်​ခွအား ​သေဆုံး​အောင်​ သတ်​သွားသူအား စုံစမ်း​ဖော်​ထုတ်​အ​ရေးယူ​ပေးရန်​ ၄င်း၏ ဇနီးက ရဲစခန်းသို့ လာ​ရောက်​တိုင်​တန်းထားခဲ့သည်ဟု ​ကလေးမြို့မရဲစခန်းမှတ်​တမ်းများအရ သိရသည်​။

သေဆုံးသူမှာ လည်​ပင်းထက်​ဝက်​ခန့်​ ပြတ်​လှီးဒဏ်​ရာ(၁)ချက်​၊ညာနားရွက်​​မေးရိုး​အောက်​သုံး​မြှောက်သဏ္ဍာန်​ထိုး​ဖောက်​ဒဏ်​ရာ(၁)ချက်​၊ညာနားထင်​မှပါးပြင်​​ပေါ်ထိပြတ်​ရှဒဏ်​ရာ(၁)ချက်​၊ဘယ်​ရင်​အုံအထက်​ညပ်​ရိုးအနီးတွင်​ထိုး​ဖောက်​ဒဏ်​ရာ(၁)ချက်​၊ ကျားအင်္ဂါအား အရင်းမှဖြတ်​ထားသည့်​ ဒဏ်​ရာ(၁)ချက်​ ဒဏ်​ရာများဖြင့်​​သေဆုံးခဲ့ခြင်းဖြစ်​သည်​ဟု ရဲမှတ်တမ်းများအရ သိရသည်။

စည်​သူထွန်း
Central News Myanmar
https://www.facebook.com/CNMyanmar


ရန်ကုန်၊ ဇန်န၀ါရီ ၄

၂၈.၁၂.၂၀၁၆ ရက်နေ့ ၁၂၃၀ အချိန်ခန့်တွင် ဗဟန်းမြို့နယ်နေ ကိုဘိုဘိုပိုင် သည် ၎င်း၏ရည်းစား ဖြစ်သူနှင့်အတူ ဗိုလ်ချုပ်ပန်းခြံဝင်းအတွင်း ထိုင်၍ စကားပြောနေစဉ် လူမြင်မှတ်မိသူ အမျိုးသား ၂ ဦး ရောက်ရှိလာပြီး ဘောင်းဘီ အိတ်အတွင်း လက်နှိုက်လျက် “ငါတို့အပေါ့သွားနေတာ ဘာလို့ကြည့် တာလဲ”ဟု ပြောဆိုပြီး Laptop နှင့် လက်ကိုင်ဖုန်းတို့ အားပေးရန်နှင့် မပေးကဘောင်းဘီအိတ် အတွင်းမှ လက်နက်အားထုတ်၍ ထိုးမည်ဟု ခြောက်လှန့်တောင်းခံသဖြင့် ကြောက်လန့်ကာ ASUS ကွန်ပျူတာနှင့် iphone5 နှင့် Mi Note 3 လက်ကိုင်ဖုန်းတို့အားပေးလိုက်ရကြောင်း အရေးယူပေးရန် တိုင်တန်းချက်အရ ဗဟန်းမြို့မရဲစခန်း(ပ) ၃၉၉/၂၀၁၆၊ ရာဇသတ်ကြီးပုဒ်မ ၃၈၆ဖြင့် အမှုဖွင့်ကာ ပြစ်မှုကျူးလွန်သူများအား ဖမ်းဆီးရမိရေး စုံစမ်းဆောင်ရွက်ခဲ့ပါသည်။

အမှုမှပြစ်မှုကျူးလွန်သူများကို ဖမ်းဆီးရမိရေးအတွက် အနောက်ပိုင်းခရိုင် ရဲတပ်ဖွဲ့မှူးရုံး၊ မှုခင်းနှိမ်နင်း ရေးဌာနစုမှတပ်ဖွဲ့ဝင်များက စုံစမ်ဆောင်းရွက်ခဲ့ရာ ပြစ်မှုကျူးလွန်ရာတွင်ပါဝင်သူ သာကေတမြို့နယ် နေ ချန်ပီယံ(ခ)သီဟတိုးဦး အား ၂၉.၁၂.၂၀၁၆ရက်နေ့ ၀၂၄၅ အချိန်ခန့်တွင် ၎င်း၏နေအိမ်မှ ဖမ်းဆီးရမိခဲ့ပြီး ၎င်းနှင့်အတူ ပြည့်ဝင်းခန့်(ခ)ညီညီ၊ ဆက်မော်ဦး(ခ)မော်ဦး၊ လင်းထက်ဦး(ခ) လင်းထက်၊ စိုးခန့်နှင့် ကရင်ဆိုသူတို့လည်းပါဝင်ကြောင်း ပေါ်ပေါက်သဖြင့် ဖမ်းဆီးရမိရေး ဆောင်ရွက်ခဲ့ပါသည်။

ယင်းသို့ဆောင်ရွက်ခဲ့ရာ ၂၉.၁၂.၂၀၁၆ ရက်နေ့ ၀၃၀၅ အချိန်တွင် ပြည့်ဝင်းခန့် (ခ)ညီညီနှင့် ဆက်မော်ဦး(ခ)မော်ဦးတို့ ၂ဦးအား ၎င်းတို့နေထိုင်ရာ ပုဇွန်တောင်မြို့နယ်နှင့် ဗိုလ်တထောင်မြို့နယ် နေအိမ်များမှ လည်းကောင်း၊ ၃၀.၁၂.၂၀၁၆ ရက်နေ့ ကရင်(ခ)သီဟ (ခ)သီဟသူနှင့် လင်းထက်(ခ) လက်ထက်ဦး ၂ဦးနှင့်အတူ သူရိန်နိုင်လင်း(ခ)ရှမင်း၊ အက္ခရာ(ခ) မအိအိဖြိုးကျော်တို့ ၂ ဦးအား မင်္ဂလာတောင်ညွန့်မြို့နယ်
အတွင်းမှလည်းကောင်း အသီးသီးဖမ်းဆီးရမိခဲ့ပါသည်။

၎င်းတို့အား စစ်ဆေးခဲ့ရာ ကရင်(ခ)သီဟ(ခ)သီဟသူ၊ လင်းထက်(ခ) လင်ထက်ဦး၊ ချန်ပီယံ(ခ) သီဟတိုးဦး၊ စိုးခန့်၊ ၀သုန်(စုံစမ်းဆဲ)နှင့် အက္ခရာ (ခ)အိအိဖြိုးကျော်တို့ (၆)ဦးအတူ ဗဟန်းမြို့နယ်၊ ဒဂုံမြို့နယ်၊ တာမွေမြို့နယ်၊ မြောက်ဥက္ကလာပမြို့နယ်၊ တောင်ဥက္ကလာပမြို့နယ်များအတွင်းမှ SAMSUNG J2,j3ဖုန်း (၂)လုံး၊ Honor U 10 ဖုန်း (၁)လုံး၊ Honor 4X ဖုန်း(၁)လုံး၊ Huawei Tab (၁)လုံးနှင့် MI လက်ကိုင်ဖုန်း (၁)လုံးလုယက်ခဲ့ကြောင်း၊ ထို့ပြင် ၎င်း (၆)ဦးနှင့်အတူ သူရိန်နိုင်လင်း(ခ)ရှမင်းသည် မင်္ဂလာတောင်ညွန့်မြို့နယ်၊ သိမ်ဖြူခုံတံတားပေါ်တွင်လမ်း လျှောက်လာသူ အမျိုးသားထံမှ SAMSUNG j5 ဖုန်းအား လုယက်ခဲ့ကြောင်းနှင့် ကရင်(ခ)သီဟ(ခ)သီဟသူ၊ ချန်ပီယံ(ခ)သီဟတိုးဦး၊ စိုးခန့် (စုံစမ်းဆဲ) နှင့် ၀သုန်(စုံစမ်းဆဲ)တို့သည် မင်္ဂလာတောင်ညွန့်မြို့နယ်၊ ကန်တော်ကြီး ဟိုတယ်အနီး၌ အမျိုးသားတစ်ဦးထံမှ Kenbo လက်ကိုင်ဖုန်း ၁ လုံးအားလုယူခဲ့ကြောင်း ထပ်မံ ပေါ်ပေါက်ခဲ့ပါသည်။

ပေါ်ပေါက်ချက်များအရ ချန်ပီယံ(ခ)သီဟတိုးဦးပါ (၇)ဦးတို့အား သက်ဆိုင်ရာ ရဲစခန်းများတွင် အမှုများအသီးသီးရေးဖွင့်ကာ အရေးယူဆောင်ရွက်လျက်ရှိပြီး အမှုများမှ သက်သေခံပစ္စည်းများ ပြန်လည်သိမ်းဆည်းနိုင်ခဲ့ကာ လွတ်မြောက်နေသူ စိုးခန့်နှင့် ၀သုန်တို့အား ဖမ်းဆီးရမိရေး ဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice/

 ၆၉ နှစ်မြောက် လွတ်လပ်ရေးနေ့ အခမ်းအနားကို ဇန်နဝါရီလ ၄ ရက်နေ့က ရန်ကုန်မြို့ မဟာဗန္ဓုလပန်းခြံရှေ့ လွတ်လပ်ရေးကျောက်တိုင်ရှေ့မှာကျင်းပစဉ် ၆၉ နှစ်မြောက် လွတ်လပ်ရေးနေ့ အခမ်းအနားကို ဇန်နဝါရီလ ၄ ရက်နေ့က ရန်ကုန်မြို့ မဟာဗန္ဓုလပန်းခြံရှေ့ လွတ်လပ်ရေးကျောက်တိုင်ရှေ့မှာကျင်းပစဉ်
Photo: Kyaw Zaw Win/ RFA
တိုင်းရင်းသားဒေသတွေမှာ လက်နက်ကိုင်ပဋိပက္ခတွေကြောင့် လွတ်လပ်ရေးရဲ့အသီးအပွင့်ကို အပြည့်အ၀ ခံစားနိုင်ခြင်းမရှိတဲ့အတွက် စိတ်မကောင်းကြောင်း နိုင်ငံတော်သမ္မတ ဦးထင်ကျော်က ပြောပါတယ်။

ဒီနေ့ နေပြည်တော် မြို့တော်ခန်းမမှာ ကျင်းပတဲ့ ၆၉ နှစ်မြောက် လွတ်လပ်ရေးနေ့ အခမ်းအနားမှာ နိုင်ငံတော်သမ္မတ ဦးထင်ကျော် ပေးပို့တဲ့ သ၀ဏ်လွှာကို ဒုတိယသမ္မတ ဦးမြင့်ဆွေက ဖတ်ကြားခဲ့တာဖြစ်ပါတယ်။

လက်နက်ကိုင်နည်းလမ်းဟာ ခေတ်အဆက်ဆက်နိုင်ငံရေးပြဿနာတွေကို မဖြေရှင်းနိုင်ဘဲ လက်နက်ကိုင်ပဋိပက္ခကို ရှည်ကြာစေခဲ့သလို ဖွံ့ဖြိုးမှုတွေ လည်း နောက်ကျကျန်ရစ်ခဲ့တာကို ဆယ်စုနှစ်များစွာ အထင်အရှားတွေ့မြင်ကြရမှာဖြစ်ကြောင်းလည်း သ၀ဏ်လွှာမှာ ပါရှိပါတယ်။

အမျိုးသားပြန်လည်သင့်မြတ်ရေးနဲ့ ပြည်ထောင်စုငြိမ်းချမ်းရေးအတွက် စုပေါင်းတွေ့ဆုံ ဆွေးနွေး၊ အဖြေရှာမယ့် ၂၁ ရာစုပင်လုံကို တိုင်းရင်းသားပြည်သူအားလုံး မျက်မှောက်ပြုကြဖို့ အရေးကြီးကြောင်းလည်းပါရှိပါတယ်။

တိုင်းရင်းသား ပြည်သူတစ်ရပ်လုံးအနေနဲ့ တောင်ပေါ်မြေပြန့်၊ ပြည်နယ် ပြည်မ မခွဲခြားဘဲ ကျရာအခန်းကဏ္ဍကနေ ပြည်ထောင်စုအစိုးရနဲ့အတူ လက်တွဲ ပူးပေါင်းဆောင်ရွက်ကြဖို့လည်း တိုက်တွန်းထားပါတယ်။

၂၁ ရာစုပင်လုံမှာ တွေ့ဆုံညှိနှိုင်းမှုတွေကနေ ရရှိလာမယ့် ဘုံသဘောတူညီချက်တွေနဲ့ စစ်မှန်တဲ့ ပြည်ထောင်စုကြီး တည်ဆောက်သွားနိုင်ရေး၊ ဒို့တာဝန် အရေးသုံးပါးကို တိုင်းရင်းသားအားလုံး စုစည်းထိန်းသိမ်းကာကွယ်ရေး၊ ဒီမိုကရေစီဖက်ဒရယ်ပြည်ထောင်စုဖြစ်ပေါ်ရေးအတွက် နိုင်ငံတော်နဲ့ သင့်လျော်တဲ့ ဖွဲ့စည်းပုံအခြေခံဥပဒေတစ်ရပ်ပေါ်ပေါက်အောင် ကြိုးပမ်းဆောင်ရွက်ရေး၊ နိုင်ငံတော်ရဲ့ စီးပွားရေးမူဝါဒမျှော်မှန်းချက်တွေနဲ့အညီ တိုင်းဒေသကြီး နဲ့ ပြည်နယ်တွေအကြား ဘက်ညီမျှတစွာ စီးပွားရေးအခြေအနေကောင်းတွေရရှိအောင် ကြိုးပမ်းဆောင်ရွက်ရေး စတဲ့ ၆၉ နှစ်မြောက် လွတ်လပ်ရေးနေ့ အထိမ်းအမှတ် အမျိုးသားရေးဦးတည်ချက်တွေကို ခံယူပြီး အကောင်အထည်ဖော် ဆောင်ရွက်ဖို့လည်း တိုက်တွန်းခဲ့ပါတယ်။

နေပြည်တော်မှာ ကျင်းပတဲ့ လွတ်လပ်ရေးနေ့အခမ်းအနားကို ပြည်ထောင်စုဝန်ကြီးတွေ၊ ဒုတိယ၀န်ကြီးတွေ၊ တပ်မတော်အရာရှိတွေနဲ့ နေပြည်တော်ကောင်စီ တာဝန်ရှိသူတွေ တက်ရောက်ခဲ့ပါတယ်။

အလားတူ လွတ်လပ်ရေးနေ့ အခမ်းအနားကို ရန်ကုန်မြို့မှာ လွတ်လပ်ရေးကျောက်တိုင် စိုက်ထူထားတဲ့ မဟာဗန္ဓုလပန်းခြံမှာ ပထမဆုံးအကြိမ် ကျင်းပခဲ့ပါတယ်။

အဲဒီအခမ်းအနားကို ဗမာ့လွတ်မြောက်ရေးတပ်မတော် (BIA)၊ ဗမာ့ကာကွယ်ရေးတပ်မတော် (BDA) တပ်မတော်သားဟောင်းတွေနဲ့ ရဲဘော်သုံးကျိပ်ဝင်တွေရဲ့ မိသားစုဝင်တွေ၊ အစိုးရအဖွဲ့ဝင်တွေ၊ နိုင်ငံရေးပါတီတွေနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ခေါင်းဆောင်တွေ တက်ရောက်ခဲ့ကြပါတယ်။
RFA


မကြာခင်လပိုင်းအတွင်း ကျင်းပဖို့ရှိတဲ့ ကရင်အမျိုးသားအစည်းအရုံး KNU ရဲ့ ၁၆ ကြိမ်မြောက် ကွန်ဂရက်မှာ ပြည်ပမှာရှိတဲ့ KNU ကိုယ်စားလှယ်တွေနဲ့ ကရင်အဖွဲ့အစည်းက ကိုယ်စားလှယ်တွေကို လေ့လာသူတွေအဖြစ်နဲ့သာ အကန့်အသတ်နဲ့ တက်ရောက်ခွင့်ပြုတာဟာ အစဉ်အလာကို ဆန့်ကျင်တာဖြစ်တယ်လို့ ပြည်ပရောက်ကရင်အဖွဲ့အစည်း - IKO က ပြောပါတယ်။

အခုလို လုပ်ဆောင်မယ်ဆိုရင် KNU ဟာ ကရင်အမျိုးသားထုတရပ်လုံးကို ကိုယ်စားမပြုတော့သလိုလည်း ဖြစ်နိုင်တယ်လို့ ပြည်ပရောက် ကရင်အမျိုးသား တချို့ကလည်း ပြောပါတယ်။ အသေးစိတ်ကို ရှားဖောင် က တင်ပြထားပါတယ်။

လာမယ့် မတ်လ ၁၄ ရက်နေ့မှာ ကျင်းပမယ့် ကရင်အမျိုးသားအစည်းရုံး - KNU ရဲ့ ၁၆ ကြိမ်မြောက် ကွန်ဂရက်အတွင်း ပြည်ပနိုင်ငံတွေမှာရှိတဲ့ KNU ကိုယ်စားလှယ်တွေကို မဲပေးခွင့်မပြုတော့ဘဲ လေ့လာသူတွေအဖြစ်နဲ့သာ တက်ရောက်ခွင့်ပြုမယ်လို့ ဒီဇင်ဘာလ ၂၂ ရက်နေ့မှာ ပြုလုပ်တဲ့ KNU ဗဟိုအလုပ်အမှုဆောင် အစည်းအဝေးမှာ ဆုံးဖြတ်ခဲ့ကြတာဖြစ်ပါတယ်။

ပြည်ပနိုင်ငံတွေမှာ KNU က ခန့်အပ်ထားတဲ့ ကိုယ်စားလှယ် ၁၅ ဦးရှိပြီးတော့ လာမယ့် ၁၆ ကြိမ်မြောက် ကွန်ဂရက်မှာ ၇ ဦးသာ လေ့လာသူအဖြစ် တက်ရောက်ခွင့် ပြုသွားမှာဖြစ်ပြီး သူတို့အနေနဲ့ မဲပေးခွင့်ရှိတော့မှာ မဟုတ်ပါဘူး။ အလားတူ နိုင်ငံတကာမှာရှိတဲ့ ကရင်အဖွဲ့အစည်းတွေနဲ့ လူမှုအဖွဲ့အစည်းတွေရဲ့ ကိုယ်စားလှယ်တွေကိုလည်း လေ့လာသူတွေအဖြစ်နဲ့သာ တက်ရောက်ခွင့် ပြုသွားမယ်ဆိုတာကို အဲဒီအစည်းအဝေးကပဲ ဆုံးဖြတ်ခဲ့တာ ဖြစ်ပါတယ်။

အရင်က ကွန်ဂရက်မှာ မဲပေးခွင့်ရှိတဲ့ KNU ရဲ့ ပြည်ပကိုယ်စားလှယ်တွေဟာ အခုတကြိမ်မှာ မဲပေးခွင့်မရှိတော့တာဟာ အစဉ်အလာကို ဆန့်ကျင်တဲ့ လုပ်ရပ်တခုဖြစ်တယ်လို့ ပြည်ပရောက် ကရင်အဖွဲ့အစည်း - IKO ပြောခွင့်ရ သြစတြေးလျနိုင်ငံ ဆစ်ဒနီမြို့မှာရှိတဲ့ မန်းအော်လန်းဒိုက ပြောပါတယ်။

“ကျနော်တို့က အခုလောလောဆယ်က ဒီသတင်းကို တရားဝင်မျှော်လင့်နေတယ်လေ။ ပြန်ပြီးတော့အကြောင်းကြားအောင်။ အဲဒီတော့မှ ကျနော်တို့ တုန့်ပြန်ဖို့၊ ကျနော်တို့ဖော်ပြဖို့ ဒါပေမယ့် အကယ်၍သာ ဒီသတင်းကမှန်တယ်ဆိုရင် KNU ရဲ့ လုပ်ရိုးလုပ်စဉ် အစဉ်အလာနဲ့ ဆန့်ကျင်ပြီးတော့ ဖြစ်တာနဲ့အလျှောက် အလားအလာ မကောင်းဘူးလို့ပဲ ကျနော်တို့ အဲ့လို ယေဘုယျ ပြောလို့ရမှာပေါ့နော်။”

ပြည်ပမှာရှိတဲ့ KNU က ခန့်အပ်ထားတဲ့ ကိုယ်စားလှယ်တချို့ကို လေ့လာသူတွေအဖြစ်နဲ့သာ တက်ရောက်ခွင့်ပြုမှာနဲ့ ပတ်သက်ပြီး ပြည်ပရောက် ကရင်အဖွဲ့အစည်းထံကို KNU ကနေ တရားဝင် အကြောင်းကြားတာမျိုး မရှိသေးတဲ့အတွက် ဒါနဲ့ပတ်သက်လို့ တရားဝင် အကြောင်းကြားပေးဖို့ ပြီးခဲ့တဲ့ တပတ် အင်္ဂါနေ့၊ ဒီဇင်ဘာလ ၃၁ ရက်နေ့က KNU ထံ စာရေးပေးပို့ထားတယ်လို့လည်း မန်းအော်လန်းဒိုက ပြောပါတယ်။

“နိုင်ငံတကာမှာရှိနေတဲ့ တရားဝင်ခန့်ထားတဲ့ KNU ကိုယ်စားလှယ်တွေဆီကို စာမလာသေးဘူးပေါ့နော်။ အဲဒီအကြောင်း၊ တက်ရောက်ခွင့်ဘယ်နှစ်ယောက်ရှိလဲ၊ ကြားတာ ၇ ယောက် တက်ခွင့်ပေးမယ်။ မဲပေးပိုင်ခွင့်မပေးပဲနဲ့ လေ့လာသူအဖြစ်နဲ့ပဲတက်ရမယ်လို့ ကျနော်တို့သိရတာပေါ့နော်။ ဒါကြောင့် IKO ကနေပြီးတော့ ကျနော်တို့ ဒီ KNU အတွင်းရေးမှူးချုပ်ဆီလိပ်မူတပ်ပြီးတော့ စာတဆောင်ရေးပါတယ်။ အဲဒီစာနဲ့ပတ်သက်ပြီး ဒီသတင်းတွေဖြစ်ပေါ်နေတာ အတွက်ကြောင့် ကျနော်တို့ကိုပြန်ပြီးတော့ပေါ့နော် IKO ကို၊ တပတ်အတွင်း ပြန်ပြီးတော့ အသိပေးပါ။ ကျနော်တို့ တရားဝင်သိချင်တယ်ပေါ့နော်။ မဲပေးပိုင်ခွင့်မရှိဘူးဆိုတာ ဟုတ်ပါသလားပေါ့နော်။”

ဒီ ၄ နှစ်တကြိမ် ကျင်းပလေ့ရှိတဲ့ ကွန်ဂရက်အတွင်း ခေါင်းဆောင်သစ် ရွေးချယ်တင်မြှောက်တာဖြစ်ပြီး အစဉ်အလာအရ KNU ကိုယ်တိုင် ရွေးချယ်ခန့်အပ်ထားတဲ့ နိုင်ငံတကာက ကိုယ်စားလှယ်တွေကို မဲပေးရွေးချယ်ခွင့်ပြုထားတာ ဖြစ်ပါတယ်။

ကရင်အမျိုးသားအစည်းအရုံး - KNU အဖွဲ့ဟာ ကရင်တမျိုးသားလုံးကို ကိုယ်စားပြုတဲ့ အဖွဲ့ဖြစ်တာကြောင့် အခုလိုမျိုး ပြည်မှာရှိတဲ့ ကိုယ်စားလှယ်တွေကို အကန့်အသတ်နဲ့ တက်ရောက်ခွင့်ပြုမယ်ဆိုရင် ကရင်တမျိုးသားလုံးကို ကိုယ်စားမပြုတော့သလို ဖြစ်သွားနိုင်တယ်လို့ အရင်က KNU ရဲ့ ပညာရေးဌာနနဲ့ စည်းရုံးရေးလုပ်ငန်းတွေမှာ တာဝန်ယူခဲ့ဖူးသူ လက်ရှိ အမေရိကန်ပြည်ထောင်စု Minnesota ကရင်အဖွဲ့ကို အကြံပေးနေတဲ့ ဆရာ စောထူးလို က သုံးသပ်ပြောဆိုပါတယ်။

“လိုရင်းပြောရရင်တော့ ကိုယ်စားပြုတယ်လို့ ပြောလို့မရတော့ဘူးလို့ပဲ ဆိုရလိမ့်မယ်။ ဘာဖြစ်လို့လဲဆိုတော့ ပထမတုန်းက နိုဝင်ဘာလမှာကျင်းပဖို့ပဲ။ ဒါပေမယ့် သူတို့ရက်ရွှေ့တယ်။ ရက်ရွှေ့ရတဲ့အကြောင်းပြချက်ကတော့ အားလုံးပါဝင်နိုင်ဖို့ပေါ့လေ။ ပြည်တွင်းရော၊ အရင်တုန်းကတော့ ပြည်ပပေါ့လေ ပြည်တွင်းကတော့ သွားတာနည်းပါတယ်။ အခုကတော့ မတရားအသင်းအဖြစ်က လွတ်သွားတဲ့အခါကျတော့ ပြည်တွင်းက များများပါနိုင်မယ်။ ဆိုတော့ အဲ့ဒီပုံစံနဲ့ သူတို့ရွှေ့ရတယ်လို့ ကြားတယ်လေ။ ဆိုတော့ အများကြီးမျှော်လင့်ခဲ့တယ်။ အခုကတော့ မျှော်လင့်တာနဲ့ လက်တွေ့နဲ့ဟာ တခြားစီဖြစ်သွားတယ်။ ပြည်ပကတောင်မှ လျော့ချလိုက်တယ်။ လျော့ချလိုက်တဲ့အပြင်မှာ ခုနပြောသလိုပဲ အရင်ပေးထားတဲ့ အခွင့်အရေးတွေပါ သူတို့ ကန့်သတ်လိုက်တဲ့အခါကျတော့ အားလုံးကိုပါဝင်ရေးနဲ့ ကိုယ်စားပြုရေးဆိုတာကတော့ တခြားဆီဖြစ်သွားပြီပေါ့။”

KNU ကွန်ဂရက် အစည်းအဝေးကို ပုံမှန်အားဖြင့် နိုဝင်ဘာလအတွင်းမှာ ကျင်းပလေ့ရှိပေမဲ့ အခုတကြိမ် ကျင်းပမယ့် ၁၆ ကြိမ်မြောက် အစည်းအဝေးကို ၂၀၁၇ အထိ ရွှေ့ဆိုင်းဖို့ ပြီးခဲ့တဲ့ နိုဝင်ဘာလ ဗဟိုအလုပ်အမှုဆောင်ကော်မတီ အစည်းအဝေးက ဆုံးဖြတ်ခဲ့တာပါ။ အခု လာမယ့် မတ်လ ၁၄ ရက်နေ့ကျမှ ကျင်းပဖို့ကိုတော့ ပြီးခဲ့တဲ့ ဒီဇင်ဘာလ ၃ ရက်နေ့ KNU ဘားအံခရိုင် သေဘေထ မှာ ကျင်းပခဲ့တဲ့ KNU ဗဟိုအလုပ်အမှုဆောင်ကော်မတီ အစည်းအဝေးက ဆုံးဖြတ်ခဲ့တာ ဖြစ်ပါတယ်။

အခုလို ဆုံးဖြတ်တာဟာ KNU ခေါင်းဆောင်ပိုင်းအတွင်း သဘောထားကွဲလွဲမှုတွေကြောင့် ဖြစ်တယ်လို့ ပြည်ရောက် ကရင်တိုင်းရင်းသားတွေကတော့ သုံးသပ်ကြပါတယ်။

ရှားဖောင်
VOA Burmese News</


ဒီကနေ့ ဇန်န၀ါရီလ ၄ ရက်နေ့ဟာ မြန်မာနိုင်ငံရဲ့ ၆၉ နှစ်မြောက် လွတ်လပ်ရေးနေ့ အခါသမယ ဖြစ်တာနဲ့အညီ နေပြည်တော်နဲ့ ရန်ကုန်မြို့အပါအ၀င် မြန်မာနိုင်ငံတ၀ှမ်းက မြို့ကြီးတွေမှာ လွတ်လပ်ရေးနေ့ အလံတင် အခမ်းအနားတွေကို ကျင်းပနေကြပါတယ်။

နေပြည်တော်နဲ့ ရန်ကုန်မြို့တို့မှာ မနက် ၄ နာရီ မိနစ် ၂၀ အချိန်က အလံတင်ပွဲ အခမ်းအနားတွေကို တပြိုင်ထဲ ကျင်းပခဲ့ကြပါတယ်။

ရန်ကုန်မြို့ မြို့တော်ခန်းမရှေ့ မဟာဗန္ဓုလပန်းခြံအတွင်း ကျင်းပတဲ့ လွတ်လပ်ရေးနေ့ အလံတင်ပွဲ အခမ်းအနားကိုတော့ တိုင်းဒေသကြီး ၀န်ကြီးချုပ် ဦးဖြိုးမင်းသိန်း တက်ရောက်ပြီး နိုင်ငံတော်သမ္မတ ဦးထင်ကျော်ပေးပို့တဲ့ သ၀ဏ်လွှာကို ဖတ်ကြားခဲ့ပါတယ်။

“ကနေ့ အချိန်အခါတွင် သံသယနဲ့ ပဋိပက္ခများ ကင်းစင်ပပျောက်ပြီး ရေရှည်တည်တံ့သည့် စစ်မှန်သော ထာဝရငြိမ်းချမ်းရေးရရှိရန်နဲ့ ဒီမိုကရေစီ ဖက်ဒရယ်ပြည်ထောင်စု တည်ဆောက်ရန် တိုင်းရင်းသား ညီအကို မောင်နှမများအားလုံးက နည်းလမ်းပေါင်းစုံနဲ့ ကြိုးပမ်းဆောင်ရွက်လျက် ရှိပါသည်။ လက်နက်ကိုင်ပဋိပက္ခနဲ့ ဆက်စပ်လျက် ဖွံ့ဖြိုးမှုများလည်း နောက်ကျကျန်ခဲ့ရသည်ကို ၁၀ စုနှစ်များစွာ အထင်အရှား တွေ့ခဲ့ကြရပြီဖြစ်ပါသည်။ ထို့ကြောင့် အမျိုးသား ပြန်လည်သင့်မြတ်ရေးနဲ့ ပြည်ထောင်စု ငြိမ်းချမ်းရေးအတွက် စုပေါင်း တွေ့ဆုံ၊ စုပေါင်း ဆွေးနွေး၊ စုပေါင်း အဖြေရှာမည့် ပြည်ထောင်စု ငြိမ်းချမ်းရေး ညီလာခံ ၂၁ ပင်လုံကို တိုင်းရင်းသားပြည်သူ အားလုံးက မျက်မှောက်ပြုကြရန် အထူး အရေးကြီးလှပေသည်။”

မနက် ၄ နာရီ ၂၀ မိနစ်က နေပြည်တော်မှာ ကျင်းပတဲ့ အလံတင်ပွဲ အခမ်းအနားကိုတော့ နိုင်ငံတော် အကြီးအကဲတွေ တက်ရောက်တာ မတွေ့ရပါဘူး။

အစဉ်အားဖြင့် နိုင်ငံတ၀ှမ်း လွတ်လပ်ရေးနေ့ အထိမ်းအမှတ်အဖြစ်နဲ့ ပြေးခုန်ပစ် အားကစားပြိုင်ပွဲတွေ မြို့တိုင်း၊ ရွာတိုင်းမှာ ကျင်းပလေ့ ရှိတာနဲ့အညီ အခုနှစ်မှာလည်း မနေ့ ဇန်န၀ါရီလ ၃ ရက်နေ့က စလို့ ပြေးခုန်ပစ် ပြိုင်ပွဲတွေနဲ့အတူ တခြား ပျော်ပွဲရွှင်ပွဲတွေ စည်ကား သိုက်မြိုက်စွာ ကျင်းပနေကြပြီ ဖြစ်ပါတယ်။

မြန်မာနိုင်ငံဟာ အင်္ဂလိပ် ကိုလိုနီလက်အောက်ကနေ ၁၉၄၈ ခုနှစ်၊ ဇန်န၀ါရီလ ၄ ရက်နေ့မှာ လွတ်လပ်ရေး ရရှိခဲ့တာဖြစ်ပေမဲ့ လွတ်လပ်ရေး ရရှိရေးအတွက် ကြိုးပမ်းခဲ့ကြတဲ့ ဗိုလ်ချုပ်အောင်ဆန်းနဲ့ အာဏာဇာနည် ခေါင်းဆောင်တချို့ဟာ လွတ်လပ်ရေးမရခင် ၁၉၄၇ ခုနှစ်၊ ဇူလိုင်လ ၁၉ ရက်နေ့မှာ မသမာသူတွေရဲ့ လုပ်ကြံ သတ်ဖြတ်ခြင်း ခံခဲ့ကြရပါတယ်။
VOA Burmese News


မြန်မာနိုင်ငံ လွတ်လပ်ရေးရခဲ့တာ ဒီကနေ့မှာ ၆၉-နှစ်ပြည့်ပြီ ဖြစ်ပေမဲ့ လွတ်လပ်ရေး ခေါင်းဆောင်ကြီးတွေ မျှော်မှန်းခဲ့တဲ့အတိုင်း လွတ်လပ်ရေးရဲ့ အသီးအပွင့်တွေကို ဗမာ အပါအဝင် တိုင်းရင်းသားလူမျိုးစုတွေက အခုချိန်ထိ အပြည့်အဝ မခံစားရသေးဘူးလို့ လွတ်လပ်ရေး ကြိုးပမ်းမှုမှာ ကိုယ်တိုင်ပါဝင်ခဲ့သူတွေရဲ့ သားသမီးတွေနဲ့ တိုင်းရင်းသားခေါင်းဆောင်တချို့က ပြောဆို ပါတယ်။

လွတ်လပ်ရေးနဲ့အတူ ပေါ်ပေါက်လာတဲ့ ပြည်တွင်းစစ်ကို အဆုံးသတ်ရေးကိစ္စမှာ လက်နက်ကိုင်နည်းနဲ့ ဖြေရှင်းလို့ မရနိုင်ဘူးဆိုတာ လက်နက်ကိုင်သူတွေ အားလုံး နားလည်လက်ခံဖို့ လိုကြောင်းလည်း တိုက်တွန်းကြပါတယ်။ ကိုဉာဏ်ဝင်းအောင်က စုစည်းတင်ပြထားပါတယ်။

ဗိုလ်ချုပ်အောင်ဆန်းနှင့်တကွ တိုင်းရင်းသားခေါင်းဆောင်ကြီးတွေက မဆုတ်မနစ် ကြိုးပမ်းခဲ့ကြတာကြောင့် ၁၉၄၈ ခုနှစ် ဇန္နဝါရီ ၄ ရက်နေ့မှာ အင်္ဂလိပ်ကိုလိုနီ လက်အောက်ကနေ မြန်မာနိုင်ငံ လွတ်လပ်ရေး ရခဲ့တာဖြစ်ပါတယ်။ ဒါပေမဲ့ နှစ်ပေါင်း ၆၉ နှစ်ပြည့်တဲ့ ဒီကနေ့ အချိန်ထိတော့ မြန်မာနိုင်ငံဟာ ခေါင်းဆောင်ကြီးတွေ မျှော်မှန်းခဲ့တဲ့အတိုင်း လွတ်လပ်ရေးရဲ့ အရသာ အသီးအပွင့်တွေကို အပြည့်အဝ မခံစားနိုင်သေးပါဘူး။ လွတ်လပ်ရေးရပြီးတဲ့အခါ ထိပ်တန်းနိုင်ငံတခု တည်ဆောက်သွားဖို့ဆိုတဲ့ ခေါင်းဆောင်ကြီးတွေရဲ့ မျှော်မှန်းချက်နဲ့ ဒီကနေ့လက်တွေ့ အခြေအနေဟာ ကွာဟနေသေးကြောင်း ဗိုလ်ချုပ်အောင်ဆန်းရဲ့ တူတော်စပ်သူလည်းဖြစ် အာဇာနည် ဦးဘဝင်းရဲ့သားလည်းဖြစ်တဲ့ ဒေါက်တာစိန်းဝင်း က ပြောပါတယ်။

“လွတ်လပ်ရေးရတဲ့အချိန်မှာ လူတွေက တိုင်းပြည်ကြီးက ညီညီညွတ်ညွတ်နဲ့ ဗိုလ်ချုပ်အောင်ဆန်းပြောသလိုပဲ သူများက တလှမ်းလှမ်းရင်၊ ကိုယ်က ငါးလှမ်း၊ ဆယ်လှမ်း လှမ်းနေမှ တော်ရာကျမယ်ဆိုတဲ့ စိတ်ဓာတ်နဲ့ ကမ္ဘာမှာမဟုတ်တောင် အရှေ့တောင်အာရှမှာ ထိပ်တန်းနိုင်ငံဖြစ်ဖို့ဆိုတဲ့ ရည်ရွယ်ချက်တွေ ရှိပါတယ်။ ဆိုတော့ အဲဒါနဲ့ကတော့ အဝေးကြီးဝေးတယ်။ အကွာကြီးကွာနေပါတယ်လို့ ကျနော် ပြောချင်ပါတယ်။”

လွတ်လပ်ရေးကြိုးပမ်းတဲ့ လှုပ်ရှားမှုတွေမှာပါဝင်ခဲ့တဲ့ ကရင်တိုင်းရင်းသားခေါင်းဆောင် မန်းဘဇံရဲ့သားဖြစ်သူ KNU တပ်မှူးဟောင်း ဗိုလ်မှူး ရောဘတ်ဇံကလည်း ၂၀၀၈ ဖွဲ့စည်းပုံ အခြေခံဥပဒေ တည်မြဲပြီး စစ်တပ်က အာဏာတည်မြဲနေသ၍ တိုင်းပြည်လွတ်လပ်မှု အပြည့်အဝရှိမှာ မဟုတ်ဘူးလို့ ပြောပါတယ်။

“အဲဒီတုန်းက ခေါင်းဆောင်တွေအားလုံးက ဖက်ဒရယ်ပြည်ထောင်စုတည်ဆောက်ပြီးတော့ ငြိမ်းငြိမ်းချမ်းချမ်းနဲ့ နေချင်ကြတယ်ဆိုတဲ့ စေတနာပါပဲ။ အဲဒါကြောင့်မို့ အင်္ဂလိပ်ကို ၀ိုင်းတိုက်ကြတာ။ လွတ်လပ်ရေးရလာတယ်။ ဒါပေမဲ့ လွတ်လပ်ရေးရဲ့ အသီးအပွင့်ကိုတော့ တိုင်းရင်းသားလူမျိုးစုအားလုံးက ဘယ်သူမှ မခံစားကြရပါဘူး။ စစ်အာဏာရှင်စနစ်ရဲ့ အကျိုးစီးပွားအောက်မှာ တိုင်းရင်းသားလူမျိုးတွေအားလုံးက လွတ်လပ်ရေးအရသာကို မခံစားရပါဘူး။ NLD ဟာ ၂၀၀၈ ဖွဲ့စည်းပုံကို ခေါင်းလျှိုဝင်ပြီးတော့ သစ္စာခံခဲ့ရတာပါ။ အဲတော့ ၂၀၀၈ နဲ့ တိုင်းပြည် ဘယ်တော့မှ လွတ်လပ်ရေး မရနိုင်ဘူး။ အခုက စစ်တပ်က ချုပ်ကိုင်ထားတာပဲ။ ကာလုံတို့၊ ကာကွယ်ရေးတို့ ၂၀၀၈ မပြင်သမျှကာလပတ်လုံး ဘာမှ လုပ်လို့မရဘူး။ အဲဒါကြောင့် စစ်မှန်တဲ့ လွတ်လပ်ရေး အသီးအပွင့်တွေ ခံစားချင်ရင် စစ်တပ်က ကိုယ့်နေရာကိုယ်ပြန်နေ၊ ပြည်သူ့အုပ်ချုပ်ရေးအောက်မှာရှိ၊ NLD အုပ်ချုပ်ရေးအောက်မှာရှိနေရင်တော့ လွတ်လပ်ရေးအသီးအပွင့်တွေ ပြည်သူတွေ ခံစားခွင့်ရှိတယ်။”

မြန်မာနိုင်ငံရဲ့ လွတ်လပ်ရေး ကြေညာစာတမ်း အချက် ၄ နဲ့ ၅ မှာ လွတ်လပ်ရေးရယူတာဟာ လူမျိုးတမျိုးထဲ ကောင်းကျိုးချမ်းသာအတွက် မဟုတ်ဘဲ ကျောသားရင်သား မခွဲခြားဘဲ ခံစားကြမယ်လို့ ဖော်ပြထားသလို၊ ကမ္ဘာအရှည်တည်သ၍ တူညီတဲ့ အခွင့်အရေးတွေကို အတူတကွ ခံစားမယ် ဆိုတဲ့သဘော ဖော်ပြထားပါတယ်။ ဒါပေမဲ့ အခုချိန်ထိ တန်းတူအခွင့်အရေးနဲ့ ကိုယ်ပိုင်ပြဌာန်းခွင့်တွေ မရှိတာကြောင့် ပြည်တွင်းစစ်ဟာလည်း အဆုံးမသတ်နိုင်သေးဘူးလို့ ချင်းအမျိုးသားတပ်ဦး CNF ရဲ့ ဒုဥက္ကဌ ဦးထန်နန်လျန်းထန်က ပြောပါတယ်။

“ကျနော်တို့ တိုင်းရင်းသားလူမျိုးတွေ ဗမာ အပါအ၀င် အားလုံးက နယ်ချဲ့လက်အောက်ကနေ ကျနော်တို့ လွတ်လပ်ရေးကို အတူယူကြရအောင်၊ ပြည်ထောင်စုကြီးကို အတူ တည်ဆောက်ကြရအောင်ဆိုတဲ့ ဘုံရည်မှန်းချက်အပေါ်မှာ ရပ်တည်ပြီးတော့ အတူတကွ လက်တွဲခဲ့တာဖြစ်ပါတယ်။ ဒါပေမဲ့ အကြောင်းအမျိုးမျိုးကြောင့် စစ်အာဏာရှင်အောက်မှာ ကျရောက်ခဲ့ကြရပါတယ်။ ဒါကြောင့် ရည်မှန်းထားတဲ့ ကတိတွေက ဒီကနေ့ ပြည့်စုံတဲ့ အနေအထားကို မရောက်တဲ့အပြင် ပြည်တွင်းစစ်တွေနဲ့ ရင်ဆိုင်နေရတဲ့ ကာလကို ရောက်တဲ့အခါကျတော့ ကျနော်တို့ တိုင်းရင်းသားတွေ အားလုံးရဲ့ တန်းတူအခွင့်အရေး၊ ကိုယ်ပိုင်ပြဌာန်းခွင့်ရရှိရေး၊ ဖက်ဒရယ်စနစ်နဲ့ တိုင်းပြည်ကို တည်ဆောက်မယ်ဆိုတဲ့ အခွင့်အရေးတွေကို ကျနော်တို့ မရခဲ့ပါဘူး။ ဒါပေမဲ့ ဖက်ဒရယ်ဆိုတာက ခွဲထွက်ရေးမဟုတ်ပါဘူး။ မြန်မာနိုင်ငံအတွင်းမှာရှိတဲ့ တိုင်းနဲ့ပြည်နယ် ၁၄ ခုမှာရှိတဲ့ ပြည်သူအားလုံးနဲ့ဆိုင်တဲ့ ဖက်ဒရယ်စနစ်ဖြစ်ပါတယ်။ မတူညီတဲ့ အနေအထားတွေအရ ပြည်ထောင်စု ပေါင်းစည်းခြင်းလို့ ကျနော်တို့ကတော့ ခံယူပါတယ်။”

မြန်မာနိုင်ငံရဲ့ လွတ်လပ်ရေးနဲ့အတူ ပြည်တွင်းစစ်လည်း ပေါ်ပေါက်ခဲ့ရပြီး ဒီစစ်ပွဲတွေ အဆုံးသတ်ရေးမှာ လက်နက်ကိုင်နည်းနဲ့ ဖြေရှင်းလို့ မရနိုင်ဘူးလို့ ဒေါက်တာစိန်ဝင်းက သုံးသပ်ပါတယ်။

“ပြည်တွင်းစစ် ငြိမ်းချမ်းဖို့ဆိုတာ လက်နက်ကိုင်တဲ့နည်းနဲ့ ဖြေရှင်းလို့ မရဘူးဆိုတာကို အထူးသဖြင့်တော့ လက်နက်ကိုင်ပြီး တိုက်နေတဲ့သူတွေ၊ သဘောပေါက်ဖို့ လိုတယ်။ အခုလည်း တိုင်းပြည် နာနေတာပဲ။ နိုင်ငံရေးအရ ဘယ်လိုဖြေရှင်းကြမလဲ။ တိုင်းပြည်ကောင်းကျိုးအတွက် ဘယ်လိုလုပ်ကြမလဲ။ ငါ့အတွက် မကြည့်ဘဲနဲ့ အားလုံးအတွက် ကြည့်ပြီးတော့ ဖြေရှင်းဖို့နည်းကတော့ လိုလာပြီလို့ ကျနော် ထင်ပါတယ်။”

လွတ်လပ်ရေးဖခင်ကြီး ဗိုလ်ချုပ်အောင်ဆန်းရဲ့သမီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်တဲ့ NLD အစိုးရ တက်လာပြီးနောက်ပိုင်း အမျိုးသား ပြန်လည်သင့်မြတ်ရေးနဲ့ စစ်မှန်တဲ့ငြိမ်းချမ်းရေးရဖို့ ရည်ရွယ်ပြီး ၂၁ ရာစု ပင်လုံညီလာခံကို ကျင်းပလုပ်ဆောင် ခဲ့ပေမယ့် ကွဲပြားနေတဲ့ တိုင်းရင်းသားတွေကြားမှာ ပြေလည်အောင် ညှိနှိုင်းနိုင်ပါ့မလားဆိုတာကိုတော့ မေးခွန်းထုတ်နေကြပါတယ်ခင်ဗျာ။

ကိုဉာဏ်ဝင်းအောင်
VOA Burmese News


UEC နှင့် ကြားဖြတ်ရွေးကောက်ပွဲ ဝင်ရောက် ယှဉ်ပြိုင်မည့် ပါတီများနှင့် တစ်​သီးပုဂ္ဂလ လွှတ်​တော် ကိုယ်စားလှယ်လောင်း များ တွေ့ဆုံ
UEC နှင့် ကြားဖြတ်ရွေးကောက်ပွဲ ဝင်ရောက် ယှဉ်ပြိုင်မည့် ပါတီများနှင့် တစ်​သီးပုဂ္ဂလ လွှတ်​တော် ကိုယ်စားလှယ်လောင်း များ တွေ့ဆုံ
လာမယ့်ကြားဖြတ်ရွေးကောက်ပွဲမှာ ပြီးခဲ့တဲ့ ရွေးကောက်ပွဲကော်မရှင် နဲ့ နိုင်ငံရေးပါတီတွေပူးတွဲရေးဆွဲထားတဲ့ စည်းမျဉ်းတွေနဲ့ လိုက်နာကျင့်သုံးခဲ့တဲ့ နည်းဥပဒေတွေအတိုင်းသာ ဆက်လက်လိုက်နာဖို့ နိုင်ငံရေး ပါတီတွေနဲ့ ကော်မရှင်တို့ ဒီကနေ့ သဘောတူလိုက်ပါတယ်။ ဖြေလျော့မှုတခုအနေနဲ့ မဲဆွယ်စည်း ရုံးရေးကာလမှာ ကိုယ်စား လှယ်လောင်းတွေဟာ အရင်ကလို သွားမယ့်နေရာအတိအကျအစီအစဉ်ကို မြို့နယ်ကော်မရှင်ခွဲတွေတင်ပြရမယ်ဆိုတဲ့ အချက် ကိုဖြေလျော့လိုက်တာမို့ လာမယ့်ကြားဖြတ်ရွေးကောက်ပွဲမှာ တင်ပြစရာမလိုတော့ပါဘူး။မဲပေးနိုင်တဲ့ လူဦးရေစာရင်းကို လည်း လာမယ့် ဖေဖော်ဝါရီလမှာထုတ်ပြန်ပေးမယ်လို့ ကော်မရှင်ကပြောဆိုလိုက်ပြီး တိကျတဲ့မဲ စာရင်း ဖြစ်ဖို့ မဲစာရင်း ထုတ်ပြန်ချိန်မှာ ပြည်သူတွေကပူးပေါင်းပါဝင်စစ်ပေးဖို့ တောင်းဆိုလိုက်ပါတယ်။ ဒီသတင်း အပြည့်အစုံကို ဗွီအိုအေမြန်မာပိုင်းက မေခကပေးပို့ထားပါတယ်။

လာမယ့် ကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်ခွင့်ရတဲ့ နိုင်ငံရေးပါတီ ၂၄ ပါတီက ကိုယ်စား လှယ်လောင်း တွေနဲ့ တစ်သီးပုဂ္ဂလကိုယ်စားလောင်း အယောက် ၉၀ကျော်ရဲ့ အမည်စာရင်းတွေကို ပြည်ထောင်စုရွေးကောက်ပွဲ ကော်မရှင် က အတည်ပြုထုတ်ပြန်လိုက်အပြီးမှာ ဝင်ရောက်ယှဉ်ပြိုင်ခွင့်ရတဲ့ နိုင်ငံရေးပါတီ ၂၄ ပါတီကို ကော်မရှင်က ဒီကနေ့မှာ ခေါ်ယူတွေ့ဆုံပြီး ကြားဖြတ်ရွေးကောက်ပွဲအတွက် ဆွေးနွေးတိုင်ပင်ခဲ့ကြတာဖြစ်ပါတယ်။ ဒီကနေ့တွေ့ဆုံမှု နဲ့ ပတ်သတ်ပြီး ပြည်ထောင်စု ရွေးကောက်ပွဲကော်မရှင် အတွင်းရေးမှူး ညွှန်ကြားရေးမှုးချုပ် ဦးတင်ထွန်း ကခုလိုပြော ပါတယ်။

“ကြားဖြတ်ရွေးကောက်ပွဲ တည်ငြိမ်အေးချမ်းစွာနဲ့ အောင်မြင်စွာ ပြီးဆုံးသွားဖို့အတွက်ကို ဘယ်လိုမျိုးများအကြံပြုကြမလဲ။ ဘယ်လိုလမ်းစဉ်တွေရေးဆွဲကြမလဲဆိုတာကို ၂ ဘက် ညှိနှိုင်းရေးဆွဲပါတယ်။ အဆင်ပြေပါတယ် တော်တော်လေးလည်း အကြံပြုကြပြီးတော့ သဘောတူညီချက်တွေလည်း ရရှိပါတယ်။ အခုဒီမှာတော့ အဓိကကျတဲ့အချက်ကတော့ နံပတ်၁ ကတော့ ဒီနိုင်ငံရေးပါတီများနဲ့ ကိုယ်စားလှယ်လောင်းများ လိုက်နာရမယ့်ကျင့်ဝတ်ပေါ့ Code of conduct ကိုလည်း ဒီ ကြားဖြတ်ရွေးကောက်ပွဲမှာလိုက်နာသွားဖို့အတွက် ပါတီအားလုံးက သဘောတူတယ် လက်မှတ်ရေးထိုးခဲ့ကြတယ်။ နောက်တခါ မနှစ်ကဖွဲ့စည်းသလိုပဲ စေ့စပ်ညှိနှိုင်းရေးကော်မတီအဆင့်ဆင့်ကိုလည်း မပြေလည်မှုဖြစ်လို့ရှိရင် စေ့စပ်ညှိနှိုင်းရေးအဖွဲ့ကနေ ဒါကို ညှိနှိုင်းဖြေရှင်းသွားဖို့အတွက်ကိုလည်း သဘောတူညီကြတယ်။”

လာမယ့်ကြားဖြတ်ရွေးကောက်ပွဲမှာ ပြီးခဲ့တဲ့ ရွေးကောက်ပွဲကော်မရှင် နဲ့ နိုင်ငံရေးပါတီတွေပူးတွဲရေးဆွဲထားတဲ့ စည်း မျဉ်းတွေနဲ့ လိုက်နာကျင့်သုံးခဲ့တဲ့ နည်းဥပဒေတွေအတိုင်းသာ ဆက်လက်လိုက်နာဖို့ နိုင်ငံရေး ပါတီတွေနဲ့ ကော်မရှင်တို့ ဒီကနေ့ သဘောတူညီကြောင်းလက်မှတ်ရေးထိုးခဲ့တယ်လို့ ဦးတင်ထွန်းကပြောပါတယ်။ ဒါကြောင့် နိုင်ငံရေးပါတီဝင် ကိုယ်စားလှယ်လောင်းတွေနဲ့ တသီးပုဂ္ဂလ ကိုယ်စားလှယ်လောင်းတွေဟာ ထုတ်ပြန်ထားပြီးဖြစ်တဲ့ အချက် ၈ချက်ပါ လိုက်နာရမယ့် ကျင့်ဝတ်စည်းကမ်းတွေကို ဆက်လက်ကျင့်ကြံလိုက်နာရမှာပါ။ ဒီပြင် စည်းကမ်းတွေအတိုင်း လိုက်နာ မှုရှိမရှိကို အရင်ကအတိုင်းစောင့်ကြည့်လေ့လာမှုတွေ လုပ်သွားမယ်လို့ ဦးတင်ထွန်းက ပြောပြပါတယ်။ အရင်တုန်းက ထုတ်ပြန်ခဲ့တဲ့ စည်း မျဉ်းတွေနဲ့ လိုက်နာကျင့်သုံးခဲ့တဲ့ နည်းဥပဒေတွေအတိုင်းသာဆက်လက်လိုက်နာဖို့ သဘောတူညီခဲ့တယ်ဆိုပေမယ့် ဖြေလျှော့လိုက်တဲ့အချက်တွေလည်းရှိပါတယ်။ ဖြေလျှော့လိုက်တဲ့အချက်နဲ့ ပတ်သက်လို့ ဦးတင်ထွန်းက အခုလို ပြောပြပါတယ်။

“နောက်တခါ ဒီကြားဖြတ်မှာပိုပြီးထူးခြားချက်ကတော့ ယခင်တုန်းက မနှစ်တုန်းက ဆိုရင် ကိုယ်စားလှယ်လောင်းတွေက မဲဆွယ်စည်းရုံးတဲ့အခါမှာ သူတို့အစီအစဉ်ကို ကော်မရှင်အဖွဲ့ခွဲကို ကြိုတင်တင်ပြပြီးမှ စည်းရုံးမှု့လှည့်လည်ရတာပေါ့နော်။ အခုက ကော်မရှင်အဖွဲ့ခွဲကို တင်ပြဖို့မဟုတ်ပဲနဲ့ ပါတီကိုယ်စားလှယ်တွေပါဝင်တဲ့ စေ့စပ်ညှိနှိုင်းရေးကော်မရှင်ကို တင်ပြပြီးတော့ စေ့စပ်ညှိနှိုင်းရေးကော်မရှင်ကမှ မဲဆွယ်စည်းရှုံးလှုပ်ရှားမှုတွေကို ညှိနှိုင်းပေးသွားဖို့ အားလုံးသဘောတူညီကြတယ်။ ဒါကတော်တော်ကောင်းတယ် မနှစ်ကထက်စာရင်ထူးခြားတဲ့အချက် ၁ ချက်ဖြစ်ပါတယ်။”

ရွေးကောက်ပွဲကော်မရှင်အနေနဲ့ ဖေဖော်ဝါရီလ ၁ရက်နေ့ကနေ ၁၄ရက်ထိ ကြားဖြတ်ရွှေးကောက်ပွဲမှာ မဲပေးနိုင်တဲ့ လူဦးရေစာရင်းကို လည်း ထုတ်ပြန်ပေးသွားဖို့စီစဉ် ထားပါတယ်။ လူဦးရေမဲစာရင်းမှန်ကန်မှုပိုင်းနဲ့ပတ်သတ်ပြီး ပြီးခဲ့တဲ့ ကော်မရှင်လက်ထက်ကတော်တော်လေးဝေဖန် မှုတွေရှိခဲ့ပါတယ်။ ခုအသစ်ဖွဲ့စည်းလိုက်တဲ့ ကော်မရှင်က မဲစာရင်းတွေပိုတိကျဖို့ အိမ်တိုင်ရာရောက်ကောက်ခံတဲ့ စနစ် ကို လုပ်ဆောင်နေတယ်လို့ ကော်မရှင်ကပြောပါတယ်။ အရင်က ထပ်ပိုပြီး မှန်ကန်တိကျနိုင်မလားဆိုတဲ့အပေါ်မှာတော့ ရာခိုင်နှုန်းအနေနဲ့ ပြောဖို့ ဦးတင်ထွန်းကပြောပါတယ်။မဲစာရင်းမှန်ကန်တိကျဖို့အတွက် ပူးပေါင်းပါဝင် စစ်ဆေးပေးဖို့ တောင်းဆိုလိုက်ပါတယ်။

ဒီကနေ့ တွေ့ဆုံမှုနဲ့ပတ်သတ်ပြီး သွားရောက်တွေ့ဆုံခဲ့တဲ့ လူမျိုးပေါင်းစုံ ဒီမိုကရေစီပါတီ(ကယားပြည်နယ်)က ပါတီ ဥက္ကဌ ခူးရယ်ကတော့ လက်ရှိကော်မရှင်ပေါ်မှာ ခုလိုလည်းသုံးသပ်ပြောဆိုလိုက်ပါတယ်။

“ကျနော်တို့အခုထိလက်တွေ့ကော်မရှင်ကတော့ ဟိုတုန်းကထက်တော့ ဆွေးနွေးနေတာမျိုးတို့ အများကြီးရှိပါတယ်။ အရင်ကထက်စာရင်ပေါ့နော်၊ ဒါပေမယ့်လို့ သူတို့ရဲ့ လုပ်ကိုင်ချက်က အတွေ့အကြုံနည်းလို့လားမသိဘူး၊ သိပ်ပြီးတော့ အားမရတာတော့ အမှန်ပါပဲ။ ဒါပေမယ့် ဟိုတုန်းကထက်တော့ ပိုကောင်းမယ်လို့တော့ ကျနော်တို့ ယုံကြည်တယ်ပေါ့နော်။”

လာမယ့်ကြားဖြတ်ရွေးကောက်ပွဲမှာ ပြည်သူ့လွှတ်တော် မဲဆန္ဒနယ်မြေ ၉ ခုအတွက် ကိုယ်စားလှယ် ၄၉ ဦး၊ အမျိုးသားလွှတ်တော် မဲဆန္ဒနယ်မြေ ၃ ခုအတွက် ၁၅ ဦးနဲ့ တိုင်းဒေသကြီးနဲ့ ပြည်နယ် လွှတ်တော် မဲန္ဒနယ်မြေ ၇ ခုအတွက် ၃၀ ဦး တို့က လစ်လပ်မဲဆန္ဒနယ် ၁၉ ခုအတွက်ဝင်ရွေးခံကြမှာ ပါ။

ဒီကြားဖြတ်ရွေးကောက်ပွဲရဲ့ လစ်လပ်နေရာတွေကနေ ရွေးချယ်ခံရမယ့် ကိုယ်စားလှယ်တွေရဲ့အရေအတွက်ဟာ မြန်မာ့ နိုင်ငံရေးကို ပြောင်းလဲသွားစေမယ့် လွှမ်းမိုးနိုင်မယ့် အခြေအနေတွေ မရှိပေမယ့် လက်ရှိနိုင်ငံရေးပါတီတွေအတွက် နောက်လာမယ့် ရွေးကောက်ပွဲအတွက် အကြိုဆန်းစစ်မှုတခုတော့ဖြစ်နိုင်မယ်လို့ လေ့လာသူတွေက သုံးသပ်ကြပါ တယ်။ကြားဖြတ်ရွေးကောက်ပွဲကိုလာမယ့် ဧပြီလမှာ ကျင်းပသွားမှာဖြစ်ပါတယ်။
VOA Burmese News



၂ဝ၁၆ ခုနှစ် နိုဝင်္ဘာလ ၅ ရက်နေ့က မောင်တောမြို့နယ် ကိုးတန်ကောက်ကျေးရွာမှာ ရွာသားတွေကို ရိုက်နှက်နေတဲ့ ရဲတပ်ဖွဲ့ဝင် တချို့ကို တွေ့ရစဉ်။ Video capture from Ro Nay San Lwin's Facebook
ရခိုင်ပြည်နယ် မောင်တောမြို့နယ် ကိုးတန်ကောက်ကျေးရွာမှာ ရွာသားတွေကို အစိုးရ ရဲတပ်ဖွဲ့ဝင်တွေက နိုဝင်္ဘာ ၅ ရက်နေ့မှာ ရိုက်နှက်ခဲ့တဲ့ ဗီဒီယိုအခွေ ပေါ်ထွက်လာခဲ့တာနဲ့ စပ်လျဉ်းပြီး ကြီးကြပ်ကွပ်ကဲသူ ၃ ဦးပြစ်မှုကျူးလွန် သူ ၄ ဦးနဲ့ အဲဒီ ဗီဒီယိုရိုက်ကူးခဲ့တဲ့ တပ်သားတဦးကို အရေးယူ စစ်ဆေးနေတယ်လို့ မြန်မာအစိုးရ ပြည်ထဲရေး ဝန်ကြီးဌာနက ဇန်နဝါရီလ ၃ ရက်နေ့ မနေ့က ကြေညာလိုက်ပါတယ်။

အဲဒီ ကြေညာချက်အရ နိုဝင်္ဘာ ၃ ရက်နေ့က မောင်တောမြို့နယ် နိုရူလာရဲစခန်း တိုက်ခိုက်ခံရမှုနဲ့ ပတ်သက်ပြီး အကြမ်းဖက်တိုက်ခိုက်သူတချို့ အဲဒီ ကိုးတန်ကောက်ရွာဘက်ကို ရှောင်တိမ်းသွားတယ်လို့ သတင်းရခဲ့တဲ့အတွက် ရဲတပ်ဖွဲ့က ဝင်ရောက်ရှာဖွေရာမှာ ထွက်ပြေးသူတချို့ကို လိုက်လံဖမ်းဆီးရင်း ခုလိုဖြစ်ပွားခဲ့တယ်လို့ ဆိုပါတယ်။

ဒီကိစ္စနဲ့ ပတ်သက်ပြီး ကြီးကြပ်ကွပ်ကဲမှုအတွက် တာဝန်ရှိတဲ့ ရဲမှူးတဦးနဲ့ ဒုရဲအုပ် ၂ ဦး၊ ကျေးရွာသားတွေကို ရိုက်နှက်ကန်ကျောက်ခဲ့တဲ့ ရဲတပ်သား ၄ ဦးနဲ့ ဗီဒီယိုရိုက်ကူးခဲ့တဲ့ ရဲတပ်သား တဦးကို ရဲစည်းကမ်း ထိန်းသိမ်းရေး ဥပဒေအရ အရေးယူဆောင်ရွက်နေကြောင်း ပြည်ထဲရေးဌာနရဲ့ မနေ့က ထုတ်ပြန်ချက်မှာ ဖေါ်ပြထားပါတယ်။

ဒီအတောအတွင်း နေပြည်တော်မှာ မနေ့က ကျင်းပတဲ့ ရခိုင်ပြည်နယ် တည်ငြိမ်အေးချမ်းမှုနဲ့ ဖွံ့ဖြိုးတိုးတက်ရေး အကောင်အထည်ဖေါ်ရေးကော်မတီ အစည်းအဝေးမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ရခိုင်ပြည်နယ်အရေးကိစ္စဟာ အလွန်သိမ်မွေ့ နက်နဲ ကျယ်ပြန့်ပြီး အရေးကြီးတဲ့အတွက် အခု ကော်မတီကို ဖွဲ့စည်းခဲ့တာဖြစ်ကြောင်း၊ ဒေါက်တာ ကိုဖီအနန် ဦးဆောင်တဲ့ အကြံပေးကော်မရှင်ကိုတော့ အရင်ကတည်းက ဖွဲ့စည်းခဲ့တာဖြစ်ကြောင်း၊ မောင်တောဒေသတည်ငြိမ်ရေးကို ဦးစားပေးဆောင်ရွက်နေကြောင်း၊ တည်ငြိမ်အေးချမ်း စပြုလာလျှင် နောက်ထပ် ပြဿနာအသစ်တခု ထပ်မံဖြစ်ပေါ်လာတတ်တာကို သတိရှိကြစေလိုကြောင်းနဲ့ စွပ်စွဲမှုတွေ ကို လက်တွေ့လုပ်ဆောင်ချက်နဲ့ အမှန်တရားအတိုင်း တုန့်ပြန်ရမှာ ဖြစ်ကြောင်း စသဖြင့် ပြောကြားသွားခဲ့ပါတယ်။

RFA Burmese
http://www.rfa.org/burmese


မန္တလေးမြို့မှ အသက် ၇၀ ၀န်းကျင် ရှိသော ၀ပ်ရှော့ဆရာတဦးသည် စက်ပိုင်းဆိုင်ရာ အသစ်အဆန်းတခုခုကို လုပ်နေလေ့ရှိသည်။ သူ၏ စိတ်ကူးလေးတခုဖြင့် ဆန်းသစ်ထုတ်လုပ်လိုက်သည့် ဆိုင်ကယ်အင်ဂျင် တပ်ဆင်မောင်းနှင်ရသော ကားငယ်လေးသည် အလွန်ပင်စိတ်ဝင်စားဖွယ်ကောင်းလေသည်။ အရှည် ၅ ပေခန့်နှင့် အကျယ် ၃ ပေခွဲခန့်ရှိ အဆိုပါကားလေးသည် ဆိုင်ကယ်အင်ဂျင် 125 CC ဖြင့် လူလေးဦး လိုက်ပါစီးနင်းနိုင်သည့် ကားငယ်လေး ဖြစ်သည်။ ကားတစင်းကဲ့သို့ Hand Geer နှင့် Start ဆွဲ၍ စက်နှိုးမောင်းနှင်သွားလာနိုင်၏။ မန္တလေးမြို့ ကတ္တရာလမ်းများပေါ်တွင် စမ်းသပ်မောင်းနှင်စဉ် စိတ်ဝင်စားအားပေးသူတဦးက ကားလေးကို ၀ယ်ယူသွားပြီဖြစ်သည်။

လက်ရှိတွင် မန္တလေး ရတနာပုံတက္ကသိုလ် ကျောင်းကြို/ပို့ကားမောင်းနေပြီး အားလပ်ချိန်တွင် စိတ်ကူးပေါက်ရာ ဆန်းသစ်တီထွင်မှုများလုပ်နေလေ့ရှိသူ ဆိုင်ကယ်ကားကို တီထွင်ထုတ်လုပ်သူ ဦးတင်ဝင်းနှင့် News Watch မှ တွေ့ဆုံမေးမြန်းခဲ့သည်။

“လမ်းသွားရင်းစိတ်ကူးပေါ်”

တနေ့မှာ ကမ်းနားလမ်းအတိုင်း မြစ်ဆိပ်ဘက်ရောက်သွားတော့ ဆိုင်ကယ်ဝပ်ရှော့တခုမှာ တရုတ် နိုင်ငံထုတ် လူစီးသုံးဘီးအဟောင်းတစီးထိုးထားတာ တွေ့လိုက်တယ်။ ဘော်ဒီနဲ့ ဖရိန်တစစီပေါ့။ အဲဒီမှာ စိတ်ကူးပေါ်လာတာက ဒါလေးနဲ့ ကားသေးသေးလေး လုပ်ရင်ကောင်းမယ်ပေါ့။ အဲဒါကို ၅ သိန်းနဲ့ ၀ယ် လိုက်တယ်။ ကိုယ်က တီထွင်တာ ၀ါသနာပါပြီး ၀ပ်ရှော့ဆရာဆိုတော့ မနေနိုင်မထိုင်နိုင် စလုပ်တော့တာပဲ။ ကျောင်း ကားမောင်းနေရင်း အားတဲ့အချိန်မှာ လုပ်တယ်။ ပြီးခဲ့တဲ့ သုံးလလောက်က စလုပ်တာ။ တက္ကသိုလ်ကျောင်း ကလည်း ပိတ်ထားတော့ ကိုယ်လုပ်ချင်တာ အချိန် ပြည့်ရနေတယ်။ ကိုယ်တယောက်တည်းလုပ်လို့တော့ မရဘူး။ ပန်းပဲဆရာနဲ့ညှိပြီး ကိုယ်ဖြစ်ချင်တာ လုပ်ခိုင်းရတယ်။

“ပန်းထိမ်ဆရာမှ ၀ပ်ရှော့ဆရာသို့”

ငယ်စဉ်က နန်းတော်ရှေ့အောင်တော်မူ ရပ်ကွက်မှာ နေတယ်။ ပန်းထိမ်လုပ်တယ်။ နောက်တော့ ၁၉၆၂ လောက်မှာ အစိုးရအပြောင်းအလဲမှာ ပန်းထိမ် မလုပ်တော့ဘဲ ကားဝပ်ရှော့ကို ခုနစ်နှစ်လောက်သင်ပြီး ကိုယ်ပိုင် ၀ပ်ရှော့ထောင်တယ်။ ကားကြီးတွေအများဆုံး ပြင်ပေးတာပေါ့။ ၀ပ်ရှော့လုပ်ရင်း ၁၉၉၂-လောက်မှာ မြို့ထဲက အလုပ်ရုံတွေကို စက်မှုကွက်သစ်ဖော်တယ်။ မြို့ထဲက အလုပ်ရုံတွေ မြို့ပြင်ပြောင်းရမယ်ဆိုတော့ ၀ပ်ရှော့ ဆက်မလုပ်တော့ဘူး။ ချပေးတဲ့ မြေကွက်လည်း မ၀ယ်ခဲ့ဘူး။ မြေကွက်ယူပြီး အလုပ်မလုပ်ရင် နောင်တချိန်မှာ ဘာများဖြစ်မလဲဆိုပြီး မယူတာ။ ဟိုမှာလည်း နေရာ မကျဖြစ်နဲ့ မိသားစုနဲ့လည်း ခွဲနေရမှာဆိုတော့ ၀ပ်ရှော့ မလုပ်တော့ဘဲ ဒီနေရာမှာ ဆိုင်ကယ်ဝပ်ရှော့ဖွင့်လိုက်တယ်။

“ကားတည်ဆောက်မှု ပုံစံ”

ကားရှေ့ပိုင်း တည်ဆောက်ပုံက အရင်တုန်းက လာတဲ့ ဂေါက်ကွင်းကား System ကြည့်တယ်။ မော် ဒယ်အောက်ပြီးခတ်တော့ မမီဘူး။ အဲဒီပုံစံကို ဓာတ်ပုံရိုက်တယ်။ ကားပန်းပဲမှာ လုပ်ခိုင်းတယ်။ သူနဲ့လိုက်မယ့် စီယာတိုင်ကို အဟောင်းတန်းက ရှာဝယ်ပြီး ကိုယ်စိတ်ကူးလေး ပေါင်းစပ်တယ်။ ဖရိန်ကသုံးဘီးဆိုတော့ လေးဘီးနဲ့ကိုက်အောင် ဘယ်လိုလုပ်မလဲ စဉ်းစားတယ်။ စီယာတိုင်ပြင်ရတယ်။ ဂေါ့ဖ်ကွင်းသုံးဘက်ထရီကားတွေရဲ့ တည်ဆောက်ပုံကို လေ့လာပြီး သူတို့ ပုံစံအတိုင်းတော့ မရဘူး။ ကိုယ်လုပ် မယ့်ပုံရဲ့ အကွာအဝေးတွေချိန်ပြီး ပန်းပဲဆရာနဲ့ တိုင်ပင်ပြီး လုပ်ရတယ်။ စမ်းသပ်မောင်းလို့ရတဲ့အဆင့်ထိ အချိန် ၃ လနီးပါး ကြာတယ်။

“ဆိုင်ကယ်အင်ဂျင်တပ်ဆင်ခြင်း”

ဆိုင်ကယ်အင်ဂျင်တပ်ရတာက ဆီစားသက်သာတယ်။ စရိတ်ကျဉ်းတယ်။ ကိုယ်လုပ်တဲ့ကားက ကား ပေါက်စဆိုတော့ သူဟာနဲ့သူလိုက်ဖက်ညီသလိုရှိတဲ့ အတွက် ဆိုင်ကယ်အင်ဂျင် ၁၂၅ နဲ့ တပ်ဆင်တယ်။ ခုချိန်ထိ ဘရိတ်ပိုင်းမှာ အားမရသေးဘူး။ တောင်တက်တောင်ဆင်း ရ/မရဆိုတာ မစမ်းရသေးဘူး။ ၁၂၅ အင်ဂျင်နဲ့ဆိုရင် တက်လို့ရမယ်လို့ ထင်တယ်။ မိုင် ၂၀-၂၅ လောက်ထိရတယ်ဆိုတော့ ဆိုင်ကယ်ရဲ့ တ၀က်လောက် မောင်းလို့ရတယ်။ဖရိန်/ အင်ဂျင်/ ဘောဒီပိုင်း အလေးချိန်များနေတော့ အမြန်နှုန်းက ထင်သလောက် မဟုတ်သေးဘူး။

“ပြုပြင်ရသည့် အစိတ်အပိုင်းများ”

ရှေ့ဘီးနောက်ဘီးက သုံးဘီးဆိုင်ကယ်က တာယာနဲ့ ခွေကိုသုံးတယ်။ အဲဒီမှာလည်း ကိုယ့်စိတ်ကူးနဲ့ ပြင်ရတယ်။ စုပေါင်းစပ်ပေါင်းနဲ့ ကားတစီးဖြစ် အောင်လုပ်တဲ့အခါ သူနဲ့အလိုက်သင့်ဖြစ်ရမယ်။ ကုန်ကျ စရိတ်လည်း သက်သာရမယ်လေ။ အားလုံးပြီးလို့ ဆေးသုတ်မယ်ဆိုတော့ ကျွန်တော်က ပန်းဆီရောင်သုတ် ခိုင်းတယ်။ဆေးသုတ် ဆရာက ဒီအရောင်မကောင်းဘူးလို့ပြောတော့ ကားက အသေးလေးဆိုတော့ ကလေးကစားစရာလို ဆေး အရောင်ရွေးပြီး သုတ်ခိုင်းတာပါ။ အချောထည်သုတ် ပြီးတော့မှ ဆေးဆရာက ဆရာကြီးပြောတဲ့ အရောင်နဲ့ လိုက်တယ်ဆိုပြီး သဘောကျသွားတာ။ သူတို့က တကယ့်ကားတွေလိုအရောင်နဲ့ ပြောကြတာပေါ့။ ကားလေးနဲ့ မြို့ထဲပတ်မောင်းတော့ သွားတဲ့နေရာတိုင်းက ဟိုကမေး/ ဒီကမေးနဲ့ စိတ်ဝင်စားကြတယ်။ သူတို့အတွက် အမြင်ဆန်းပြီး ချစ်စရာဖြစ်နေ တာလေ။ ကျွန်တော်က မေးလာတဲ့သူတိုင်းကို ပြုံးပြုံးလေးနဲ့ ဖြေလိုက်တယ်။ ၀ါသနာအရ ကိုယ်တိုင်လုပ်ထားတာပါလို့။ ခုလည်း နောက်ထပ်အသေးလေးတွေ ဆက်လုပ်နေတယ်။

“တွင်ကျယ်အောင် မလုပ်နိုင်”

အများကြီးထုတ်ဖို့ဆိုတဲ့အထိ ကျယ်ပြန့်အောင် လုပ်တာမဟုတ်ဘူး။ အသက်အရွယ်နဲ့ အဲလောက် ဦးနှောက်ခြောက်မခံနိုင်ဘူး။ တယောက်တည်းဆို တော့ လုပ်အားလည်း မရှိဘူး။ ကိုယ့်ဝါသနာအရ လုပ်တဲ့သဘောပါ။ တီထွင်ချင်တဲ့စိတ်နဲ့ တပိုင်တနိုင်လုပ်တယ်။ ဒါလေးကိုကြည့်ပြီး ကြည်နူးတယ်။ တွင်ကျယ်ဖို့ဆိုရင် လိုင်စင်တွေလိုမယ်။ ဒါတွေကို မလုပ်နိုင်ဘူး။ အစိုးရကလည်း ချပေးမလားဆိုတာ မသိဘူးလေ။ ကျွန်တော့်လို ပြင်ဆင်တာ၊ တီထွင်တာ လုပ်ကြတဲ့သူတွေ အများကြီးရှိမှာပါ။ သူတို့ကို ကူညီ မယ်။ လက်ရှိ ကုန်ကျစရိတ်က ၁၄ သိန်းကျော်တယ်။

“အာပေးလိုသူက ၀ယ်လိုက်ပြီ”

ကျွန်တော်လုပ်ထားတာလေးကို ပြင်ဦးလွင်က ဘုန်းကြီးတပါးက သတင်းထောက်တယောက်နဲ့ ပတ်သက်ပြီး သိသွားလို့ ၀ယ်မယ်လို့ ပြောတယ်။ သူကလည်း ၀ါသနာနဲ့လုပ်တဲ့သူကို အားပေးချင်လို့တဲ့။ ၁၇ သိန်းနဲ့ ရောင်းပေးလိုက်ပြီ။ ငါးသိန်းစရန်ငွေ လွှဲလိုက်တယ်။ လက်ရှိက အင်ဂျင်အဟောင်းဆိုတော့ အသစ်တပ်ပေးမယ်။ ဒီအတိုင်းက သိပ်စိတ်တိုင်းမကျသေးလို့ အားလုံးကို စိတ်တိုင်းကျထပ်လုပ်ပေးဦးမှာပါ။ ငွေကြေးအမြတ် က အဓိကမဟုတ်ဘဲ ကိုယ့်စိတ်ကူးလေးနဲ့ လုပ်ချင် တာလုပ်ရတာနဲ့ စိုက်ထုတ်တဲ့ ငွေပြန်ရတာပဲရှိတယ်။ဝယ်တဲ့ ဆရာတော်က တီထွင်ထုတ်လုပ်တာကို အားပေးတာပါ။ ဆက်လုပ်မယ်ဆိုရင်လည်း ငွေကြေး ကူညီမယ်လို့ ပြောတယ်။

“အသက်ရှည် ကျန်းမာရေး”

မန္တလေး ၇၈ လမ်း၊ ၃၅ နဲ့ ၃၆ ကြားမှာ အိမ်ငှားပြီး ၀ပ်ရှော့ဖွင့်ခဲ့ရာက ကြိုးစားရင်းနဲ့ ဒီနေရာကို အဲဒီတုန်းက ငွေ ၃၅၀၀၀ ကျပ်နဲ့ ၀ယ်လိုက်တာပါ။သားသမီးတွေနဲ့အတူ နေထိုင်ပြီး တက္ကသိုလ် ကျောင်းကားလေးမောင်းရင်း အားတဲ့အချိန်မှာ ကိုယ်လုပ်ချင်တာလုပ်နေရရင် သက်တမ်းစေ့ကျန်းမာမယ်။ အသက်ကြီးလာပြီလေ။ ကိုယ်လုပ်ချင်တာလေး ကို သွားလိုက်/လာလိုက်လုပ်နေရလို့ ကျန်းမာရေး အတွက်လည်း ကောင်းတယ်။ စိတ်ထဲက ဖြစ်ချင်တာလေးအားတဲ့အချိန်မှာ လုပ်နေတာပဲ။ ဒီအတိုင်း ငုတ် တုတ်ထိုင်ပြီး တခုခုမလုပ်ရရင် အိပ်ရာထဲလဲသွားမှာပေါ့ဗျာ။

(ခိုင်ဆက်ဝေ တွေ့ဆုံမေးမြန်းသည်)
News Watch(စောင့်ကြည့်သတင်းဂျာနယ်)


လှိုင်သာယာမြို့နယ် အမှတ် (၅) ရပ်ကွက် သုဓမ္မာလမ်း အမှတ် ၁၉၄၄ (ခ) ရှိ (ကာတ) ယန္တရားပစ္စည်း ရောင်းဝယ်ရေး ကုမ္ပဏီတွင် ဇန်နဝါရီ ၁ ရက် နံနက် ၂ နာရီ ၄၅ မိနစ်အချိန်ခန့်၌ လုံခြုံရေးဝန်ထမ်း အဖြစ် တာဝန်ထမ်းဆောင်နေသူ ကျော် ကျော်ဦးက လုပ်ဖော် ကိုင်ဖက်ဝန်ထမ်း တစ်ဦးကိုရိုက်သတ်၍ ကုမ္ပဏီရုံးခန်းရှိ မီးခံသေတ္တာအတွင်း ထားရှိသော ကျပ်သိန်း ၂၅၀နှင့် အမေရိကန်ဒေါ်လာ ၁၈၀၀၀၀ တို့ကို ခိုးယူထွက်ပြေးမှု ဖြစ်ပွားခဲ့သည်ဆို ကြောင်း လှိုင်သာယာမြို့မရဲစခန်းမှ ၂-၁-၂၀၁၇ ရက်တွင် သိရသည်။

အဆိုပါကုမ္ပဏီတွင် ကျော်ကျော်ဦး (၂၁ နှစ်)၊ ဦးထွန်းအောင်ကျော် (၄၁ နှစ်)၊ ကိုဖြိုးဝေယံဝင်း (၃၃ နှစ်)တို့ တာဝန်ထမ်း ဆောင်နေကြခြင်းဖြစ်ပြီး အခင်း ဖြစ်သည့် အချိန်တွင် ကျော်ကျော်ဦးသည် ကုမ္ပဏီ ဝင်းခြံ လုံခြုံရေးကို လှည့်လည်ကြည့်ရှု စစ်ဆေးရန် ထွက်သွား ခဲ့ရာ အချိန်ကြာ မြင့်သောကြောင့် ဦးထွန်းအောင်ကျော် က ထပ်မံလိုက်လံကြည့်ခဲ့ကြောင်း၊ ယင်းတို့ နှစ်ဦးစလုံး ပြန်လည်မရောက်လာသည့် အတွက် ဖြိုးဝေယံဝင်းက နောက်မှ ထပ်မံ လိုက်ကြည့်ရာ ဦးထွန်းအောင်ကျော် သေ ဆုံးနေသည်ကို တွေ့ရကြောင်း ရဲစခန်း၏ မှတ်တမ်းများအရ သိရသည်။ ပြစ်မှုကျူးလွန်သည်ဟု ယူဆရသော ကျော်ကျော်ဦးက ဦးထွန်းအောင်ကျော်ကို သံတုတ်ဖြင့်ရိုက်သဖြင့် လက်ဝဲဘက်နားထင် ပေါက်ပြဲ ဒဏ်ရာ တစ်ချက်ဖြင့်သေဆုံးလျက် ဖြိုးဝေယံဝင်းက တွေ့ရှိခဲ့ခြင်းဖြစ် ကြောင်း၊ ကျော်ကျော်ဦးသည် ဖြိုးဝေယံ ကို တွေ့ရှိခဲ့သဖြင့် ကုမ္ပဏီရုံးခန်းအတွင်းမှ ထွက်ပြေးသွားခဲ့ကြောင်း၊ ကုမ္ပဏီရုံးခန်း အတွင်းတွင် ထားရှိသည့် မီးခံသေတ္တာ ပွင့်လျက်အနေအထားဖြင့် ပျက်စီးနေသည် ကို တွေ့ရှိရကြောင်း၊ မီးခံသေတ္တာ အတွင်းရှိ မြန်မာကျပ်ငွေ ကျပ်သိန်း ၂၅၀ နှင့် အမေ ရိကန် ဒေါ်လာ ၁၈၀၀၀၀ ပျောက်ဆုံးခဲ့ကြောင်း သိရသည်။

”အမှုနဲ့ ပက်သက်ပြီး သေဆုံးသူ ဦး ထွန်းအောင်ကျော် ရဲ့ဇနီး ဒေါ်မိုးမိုးက တရားလိုပြုလုပ်ပြီးတော့ မှုခင်းဖြစ်တဲ့ မနက် ၅ နာရီမှာ အမှုဖွင့်ထားပါတယ်။ ဒါကြောင့်(ပ)၁၉ /၂၀၁၇ ရာဇသတ်ကြီး ပုဒ်မ ၃၀၂ နဲ့ အမှုဖွင့်ထားပြီး တရားခံကို ဖမ်းဆီးရမိရေး စီစဉ်ဆောင်ရွက်လျက်ရှိ ပါတယ်”ဟု လ်ှိုင်သာယာမြို့မရဲစခန်းမှ တာဝန်ကျ ရဲအရာရှိတစ်ဦးက ပြည်မြန်မာသတင်းဂျာနယ်သို့ ပြောသည်။

သို့သော် ပိုက်ဆံများပျောက်ဆုံးမှု နှင့်ပတ်သက်၍မူ ရဲစခန်းတွင် အမှုဖွင့် ထားခြင်းမရှိသေးကြောင်းလည်း သိရ သည်။

လဝန်း
Pyi Myanmar
https://www.facebook.com/pyimyanmarnews/



( ရခိုင်ပြည်နယ် စုံစမ်းစစ်ဆေးရေးကော်မရှင်ရဲ့ လုပ်ငန်းညှိနှိုင်းအစည်းအဝေးကို ၂ဝ၁၆ ခုနှစ် ဒီဇင်ဘာလ ၂၆ ရက်နေ့က နေပြည်တော် ရှိ ပြည်ထောင်စုအစိုးရအဖွဲ့ရုံး အစည်းအဝေးခန်းမမှာ ကျင်းပစဉ် ) Photo: Myanmar President Office
အစိုးရဖွဲ့စည်းပေးထားတဲ့ မောင်တောဒေသစုံစမ်းရေးကော်မရှင်က မနေ့ကထုတ်ပြန်တဲ့ ကြားဖြတ်အစီအရင်ခံစာ မှာ လုံခြုံရေးတပ်ဖွဲ့များဟာ ဘင်္ဂလီကျေးရွာများမှာ အဓမ္မပြုကျင့်မှုများ ဥပဒေမဲ့ ဖမ်းဆီးမှုနဲ့ ညှဉ်းပန်းနှိပ်စက်မှုများ မီးရှို့မှုများ ပြုလုပ်ခဲ့တယ်ဆိုတဲ့ စွပ်စွဲချက်အပေါ်မှာ အလေးထားစုံစမ်းခဲ့တယ်လို့ ရေသားထားပါတယ်။

ကော်မရှင်ရဲ့ တွေ့ရှိချက်အရ အခုအချိန်အထိ အဓမ္မပြုကျင့်မှုများနဲ့ ပတ်သက်ပြီး အရေးယူမှုနဲ့ ဆက်လက်ဆောင်ရွက်ရန် အထောက်အထားသက်သေများ မရရှိသေးဘူးလို့လည်း ဖေါ်ပြထားပါတယ်။

မောင်တော အကြမ်းဖက်မှုဟာ အာလ်မူလ် မူဂျာဟင်ဒင်အဖွဲ့က မောင်တောဒေသခံ ကျောက်ပြင်ဆိပ်ရွာက ဘာသာရေး လူမျိုးရေး အစွန်းရောက်တဦးကို အသုံးချခဲ့တာဖြစ်တယ်လို့ ဆိုပါတယ်။ အဲဒီကျောက်ပြင်ဆိပ်ရွာသား ဟာမတ်ဇူးလူနီဟာ ပါကစ္စတန်ရှိ တာလီဘန်တွေထံမှာ သင်တန်း ၆ လ တက်ရောက်ခဲ့ပြီး တခြားပါကစ္စတန် နိုင်ငံသားတွေနဲ့ပေါင်းပြီး ဒေသနေအစွန်းရောက်လူငယ်တွေကို သင်တန်းပေးခဲ့တာဖြစ်တယ်လို့ ဆိုပါတယ်။

ကော်မရှင်ရဲ့ စုံစမ်းစစ်ဆေးချက်အရ လူမျိုးတုန်းအောင် သတ်ဖြတ်တာမျိုး မတွေ့ရသလို ဘာသာရေးအရ ဖိနိပ်ချုပ်ချယ်မှုလည်း မရှိဘူးလို့ ဆိုပါတယ်။ သက်သေအနေနဲ့ ဘင်္ဂလီလူဦးရေနဲ့ ဗလီ၊ ဘာသာရေးဆိုင်ရာ အဆောက်အအုံနဲ့ မော်လဝီဦးရေ တိုးပွားများပြားနေတာကို တွေ့ရလို့ဖြစ်တယ်လို့ ဆိုပါတယ်။ တဆက် တည်း တွေ့ရှိချက်အရ အကြမ်းဖက်မှုနဲ့ ဆက်နွယ်ပြီး တရားခံ ၄၈၅ ဦးကို အမှုပေါင်း ၄၉ မှုအတွက် ဖမ်းဆီးခဲ့ပြီး အမှု ၂၈ မှုကို တရားရုံးတင်နိုင်တယ်လို့ ဆိုပါတယ်။ အဲဒီမှာ ဖမ်းစီးထားသူတွေအနက် ဖမ်းထားသူ ၁၀ ဦးမှာ သက်သေခိုင်လုံခြင်း မရှိတာကြောင့် ပြန်လွှတ်ပေးခဲ့တယ်လို့ ဖေါ်ပြထားပါတယ်။

ခုလိုကြားဖြတ်အစီရင်ခံစာ ထုတ်ပြန်ခဲ့သလို အာဏာပိုင်တွေက အပြစ်မဲ့ပြည်သူများ သေဆုံးထိခိုက်ဒဏ်ရာ ရရှိတာတွေနဲ့ ပတ်သက်ပြီးလည်း မနေ့က သတင်းထုတ်ပြန်ခဲ့ပါတယ်။

အသတ်ခံရသူများအနေနဲ့ အောက်တိုဘာ ၅ ရက်နေ့က အမျိုးသားနှစ်ဦး ၁၄ ရက်နေ့က တဦးနဲ့ နိုဝင်ဘာ ၁၇ ရက်နေ့က အမျိုးသားတဦးနဲ့ ဒီဇင်ဘာ ၂၁ ရက် ၂၅၊ ၂၆ရက်တွေနဲ့ ဇန်န၀ါရီ ၂ရက်နေ့တွေမှာ တဦးစီနဲ့ စုစုပေါင်း ၈ ဦး အသတ်ခံခဲ့ရတယ်လို့ ဆိုပါတယ်။

ဒဏ်ရာရှိသူ သုံးဦးရှိခဲ့ပြီး တပ်နဲ့ ရဲတပ်ဖွဲ့ကို သတင်းပေးမှုကြောင့်လို့ဆိုပြီး ဒီဇင်ဘာ ၁၃ ရက်နေ့က သဝန်ချောင်းမြောက်ရွာနေ တဦးနဲ့ ဇန်န၀ါရီလ ၂ ရက်နေ့က တူရာတူလီရွာက ရာအိမ်မူတို့ကို အကြမ်းဖက် အဖွဲ့တွေက ဖမ်းဆီးသွားတယ်လို့ သတင်းထုတ်ပြန်ထားပါတယ်။

RFA Burmese
https://www.facebook.com/rfaburmese/


အဝေးရောက် မူဆလင်ဘာသာရေးခေါင်းဆောင် Fethullah Gulen ရဲ့ နောက်လိုက်တွေကို တူရကီ အာဏာပိုင်တွေက လိုက်လံ ဖမ်းဆီးနေဆဲဖြစ်တာကြောင့် တိုင်းပြည်အတွင်းက အရေးပေါ် အခြေအနေကို လွှတ်တော်က နောက်ထပ် ၃ လ သက်တမ်း တိုးလိုက်ပါတယ်။

Gulen ရဲ့ နောက်လိုက်တွေက ဇူလိုင်လ ၁၅ ရက်နေ့မှာ မအောင်မြင်တဲ့ တိုင်းပြည်အာဏာသိမ်းဖို့ ကြိုးပမ်းပြီးတဲ့နောက် တိုင်းပြည်အရေးပေါ် အခြေအနေကို ကြေညာခဲ့တာ ဖြစ်ပါတယ်။

အခုချိန်ထိ အာဏာသိမ်းမှုနဲ့ ဆက်နွယ်နေသူ လူပေါင်း ၄၀,၀၀၀ ကျော်ကို ရဲတပ်ဖွဲ့ ဖမ်းဆီး ထိန်းသိမ်းခဲ့ပြီး ဖြစ်ပြီး Gulen ရဲ့ လှုပ်ရှားမှုနဲ့ ဆက်နွယ်နေသူ အစိုးရ၀န်ထမ်း တသိန်းလောက်လည်း အလုပ်ဖြုတ်ခံခဲ့ကြရပါတယ်။

ဒီအတောအတွင်း တူရကီနိုင်ငံ Istanbul မြို့က နိုက်ကလပ်မှာ နှစ်သစ်ကူးနေ့က လူပေါင်း ၃၉ ယောက် သေဆုံးခဲ့တဲ့ တိုက်ခိုက်မှုအတွက် သံသယရှိသူ သေနတ်သမားလို့ဆိုတဲ့ ဗွီဒီယိုတခုကို တူရကီမီဒီယာတွေက ပြသခဲ့ပါတယ်။ ဗွီဒီယိုကိုတော့ Istanbul မြို့က Taksim ရင်ပြင်မှာ လမ်းလျှောက်နေရင်း၊ သူယူလာတဲ့ လက်ကိုင်ဖုန်းနဲ့ ရိုက်ကူးထားပုံရပါတယ်။

ဗွီဒီယိုထဲမှာတော့ ကင်မရာကို ကြည့်နေတဲ့ပုံတွေ တော်တော်များများ ပါဝင်ပေမဲ့ စကားပြောတာတော့ မတွေ့ရပါဘူး။ ဗွီဒီယိုကို ဘယ်အချိန်က ရိုက်ကူးထားသလဲ ဆိုတာလည်း ရှင်းရှင်းလင်းလင်း မသိရပါဘူး။ တူရကီအာဏာပိုင်တွေကတော့ လုံခြုံရေးကင်မရာက မှတ်တမ်းတင်ထားတဲ့ သံသယရှိသူ သေနတ်သမားရဲ့ ခပ်ဝါးဝါးပုံတပုံကို အစောပိုင်းမှာ ထုတ်ပြန်ထားပါတယ်။

ဗွီအိုအေ (မြန်မာပိုင်း)
http://burmese.voanews.com



 ဖိလစ်ပိုင်နိုင်ငံ အကျဉ်းထောင်းတွင် ပစ်ခတ်မှု ဖြစ်ပွားပြီးနောက် လုံခြုံရေးတပ်ဖွဲ့ ဝင်တစ်ဦးအားတွေ့ ရစဉ်(ဆင်ဟွာ)
မနီလာ ၊ ဇန်နဝါရီလ ၄ ရက်(ဆင်ဟွာ)

ဖိလစ်ပိုင်နိုင်ငံတောင်ပိုင်းရှိ အကျဉ်းထောင်တစ်ခုအား သေနတ်သမားတစ်ဦးက ဇန်နဝါရီလ ၄ ရက် နံနက်အစောပိုင်းက ဝင်ရောက်စီးနင်းတိုက်ခိုက်ခဲ့ရာ အကျဉ်းသား ၁၅ဝ ဦးကျော် ထွက်ပြေးလွတ်မြောက်သွားကြောင်း တာဝန်ရှိသူများက ပြောသည်။
မြောက် Cotabato ပြည်နယ် ရှိအကျဉ်းထောင်ကို ဒေသစံတော်ချိန် နံနက် ၄ နာရီခန့် တွင် သေနတ်သမားက ဝင်ရောက်ပစ်ခတ်ခဲ့ခြင်းဖြစ်ကြောင်း နှင့် အကျဉ်းသား အနည်းဆုံး ၁၅၈ ဦး ထွက်ပြေးလွတ်မြောက်သွားကြောင်း ထောင်မှူးကြီး Peter Bongat  ကပြောသည်။

အဆိုပါ အကျဉ်းထောင်ထဲတွင် Mindanao အလယ်ပိုင်းအခြေစိုက် Bangsamoro အစ္စလမ်မစ်လွတ်မြောက်ရေးတိုက်သူများအဖွဲ့ မှ နာမည်ကျော် သူပုန်ခေါင်းဆောင် အပါအဝင် အကျဉ်းသား စုစုပေါင်း ၁၅၁၁ ဦး ချုပ်နှောင်ထားကြောင်း ၄င်း ကဆက်ပြောသည်။

အဆိုပါ ထောင်စီးနင်းခံရမှုတွင် အနည်းဆုံး ထောင်မှူးတစ်ဦး သေဆုံးပြီး အခြား တစ်ဦးမှာ ထိခိုက်ဒဏ်ရာရခဲ့ကြောင်း မီဒီယာများက သတင်းဖော်ပြခဲ့သည်။တိုက်ခိုက်မှု နှင့်ပတ်သက်၍ မည်သည့်အဖွဲ့ ကမျှ ၄င်းတို့ ၏လက်ချက်ဖြစ်သည်ဟု ထုတ်ဖော်ကြေညာထားခြင်းမရှိပေ။

မျက်မြင်သက်သေများအဆိုရ သေနတ်သမားသည် အနက်ရောင်ဝတ်စုံကို ဝတ်ဆင်ထားပြီး စွမ်းဆောင်ရည်မြင့် သေနတ်များကို အသုံးပြုခဲ့ကြောင်း ၊ မူးယစ်ဆေးဝါးမှုများ နှင့် လူသတ်မှုများဖြင့် ထောင်ကျနေသည့် အကျဉ်းသားများကို လွတ်မြောက်စေရန် အတွက် စီးနင်းတိုက်ခိုက်ခဲ့ခြင်းဟု ယူဆရကြောင်း ပြောကြားခဲ့သည်။

ထွက်ပြေးလွတ်မြောက်သွားကြသည့် အကျဉ်းသားများကို လက်ရပြန်လည်ဖမ်းဆီးနိုင်ရန် ကြိုးပမ်းလုပ်ဆောင်နေကြောင်း Bongat က ဆိုသည်။ အခင်းဖြစ်အကျဉ်းထောင်မှ ၂ဝ၁၆ ခုနှစ် သြဂုတ်လကလည်း ဖောက်ခွဲပစ္စည်များ နှင့် တရားမဝင်မူးယစ်ဆေးဝါးများ လက်ဝယ်တွေ့ ရှိမှုဖြင့် အမှုရင်ဆိုင်နေရသောအကျဉ်းသား သုံးဦးထွက်ပြေးလွတ်မြောက်ခဲ့ဖူးသည်။

ဈေးဝယ်စင်တာကို ၂ဝဝ၇ ခုနှစ်က ဗုံးဖောက်ခွဲရာတွင် နောက်ကွယ်က ကြိုးကိုင်သူများအဖြစ်ပါဝင်ခဲ့သော နာမည်ကြီး အကျဉ်းသားသုံးဦးသည်လည်း Amas မြို့ ရှိ အကျဉ်းထောင်မှ ၂ဝဝ၉ ခုနှစ်တွင် ထွက်ပြေးလွတ်မြောက်ခဲ့ဖူးသည်။

ထို့ ပြင် ၂ဝဝ၇ ခုနှစ် ဖေဖော်ဝါရီလ ၃ ရက်ကလည်း အဆိုပါ အကျဉ်းထောင်ကို လက်နက်ကိုင်အဖွဲ့ တစ်ခုက ဝင်ရောက်တိုက်ခိုက်ခဲ့ရာ ပြစ်မှုကြီးတရားခံ အများစုပါဝင်သည့် အကျဉ်းသား ၄၉ ဦးထွက်ပြေးလွတ်မြောက်ခဲ့သည်။

(Xinhua)
http://xinhuamyanmar.com


မြောက်ကိုရီးယားဟာ အမေရိကန် ပြည်ထောင်စု အထိ ရောက်နိုင်တဲ့ နျူကလီးယား လက်နက် ထုတ်လုပ်မှာ မဟုတ်တဲ့အကြောင်း ရွေးကောက်ခံသမ္မတ Donald Trump က ပြောဆိုလိုက်ပါတယ်။ တစုံတရာ အသေးစိတ်ရှင်းပြတာမျိုး မရှိဘဲ၊ ဒါမျိုးဖြစ်မလာနိုင်တဲ့အကြောင်း တနင်္လာနေ့ကပဲ Twitter အင်တာနက် လူမှုကွန်ယက်မှာ ရေးသားခဲ့တာပါ။

တိုက်ချင်းပစ် ပဲ့ထိန်းတပ်ဒုံး စမ်းသပ်ဖို့ အသင့်ဖြစ်လုနီးပါး အခြေအနေမှာ ရောက်နေပြီလို့ မြောက်ကိုရီးယားခေါင်းဆောင် Kim Jong Un က ပြောဆိုခဲ့ပြီး နောက်တနေ့မှာပဲ Trump ရဲ့ မှတ်ချက် ထွက်ပေါ်လာတာလည်း ဖြစ်ပါတယ်။ တိုက်ချင်းပစ်နိုင်လောက်တဲ့ အကွာအဝေးအထိ မဟုတ်တဲ့ မစ်ဇိုင်းဒုံးတွေကိုတော့ မြောက်ကိုရီးယားက မကြာခန စမ်းသပ်နေပြီး၊ အောင်မြင်မှုတချို့လည်း ရှိခဲ့ပါတယ်။

ကျွမ်းကျင်သူတချို့ကတော့ မြောက်ကိုရီးယားအနေနဲ့ အမေရိကန်အထိ ရောက်နိုင်တဲ့ မစ်ဇိုင်းဒုံး ထုတ်လုပ်နိုင်ဖို့ နှစ်နဲ့ချီ အချိန်ယူရနိုင်တယ်လို့ ဆိုကြပါတယ်။ အမေရိကန် သမ္မတသစ်ဖြစ်လာတော့မယ့် Trump ရဲ့ အခုနောက်ဆုံး မှတ်ချက်နဲ့ ပတ်သက်လို့ မြောက်ကိုရီးယားဘက်က တစုံတရာ တုံ့ပြန်ပြောဆိုတာမျိုးတော့ မရှိသေးပါဘူး။

တချိန်တည်းမှာပဲ မြောက်ကိုရီးယားရဲ့ အဓိကမဟာမိတ်ဖြစ်တဲ့ တရုတ်နိုင်ငံဟာ နျူကလီးယား အစီအစဉ်ကို ထိန်းချုပ်ဖို့မလုပ်ဘူးလို့ Trump က ပြောဆိုခဲ့တာဟာ တာဝန်မဲ့တဲ့ ပြုမူပြောဆိုမှုအဖြစ် တနင်္လာနေ့မှာပဲ တရုတ်နိုင်ငံက စွပ်စွဲပြောဆိုလိုက်ပါတယ်။ မြောက်ကိုရီးယားရဲ့ နျူကလီးယား အစီအစဉ်ကြောင့် အမေရိကန်တချို့ကြားမှာ စိတ်ဂယောင်ခြောက်ခြားဖြစ်စေခဲ့ပြီး၊ ပြဿနာကို အတွင်းကျကျမမြင်နိုင်ဘဲ တရုတ်နိုင်ငံကိုသာ အပြစ်ဖို့နေတယ်လို့ တရုတ်အစိုးရအာဘော် Global Times သတင်းစာက ရေးသားခဲ့တာပါ။

Trump ကတော့၊ ကုန်သွယ်ရေးမှာ တဘက်သတ် အသာစီးရနေတဲ့ တရုတ်နိုင်ငံဟာ အမေရိကန်ရဲ့ ငွေကြေးနဲ့ကြွယ်ဝမှုတွေကို ရယူနေပြီး၊ မြောက်ကိုရီးယား အရေးမှာတော့ အကူအညီပေးဖော်မရဘူးလို့ တနင်္လာနေ့ အစောပိုင်းမှာပဲ Twitter ကနေ ပြောဆိုခဲ့တာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



တူရကီတိုက်ခိုက်မှု တရားခံသံသယရှိသူ
တူရကီနိုင်ငံ Istanbul မြို့က နိုက်ကလပ်မှာ နှစ်သစ်ကူးနေ့က လူပေါင်း ၃၉ ယောက် သေဆုံးခဲ့တဲ့ တိုက်ခိုက်မှုအတွက် သံသယရှိသူ သေနတ်သမားလို့ဆိုတဲ့ ဗွီဒီယိုတခုကို တူရကီမီဒီယာတွေက ပြသခဲ့ပါတယ်။ ဗွီဒီယိုကိုတော့ Istanbul မြို့က Taksim ရင်ပြင်မှာ လမ်းလျှောက်နေရင်း၊ သူယူလာတဲ့ လက်ကိုင်ဖုန်းနဲ့ ရိုက်ကူးထားပုံရပါတယ်။

ဗွီဒီယိုထဲမှာတော့ ကင်မရာကို ကြည့်နေတဲ့ပုံတွေ တော်တော်များများ ပါဝင်ပေမဲ့ စကားပြောတာတော့ မတွေ့ရပါဘူး။ ဗွီဒီယိုကို ဘယ်အချိန်က ရိုက်ကူးထားသလဲ ဆိုတာလည်း ရှင်းရှင်းလင်းလင်း မသိရပါဘူး။ တူရကီအာဏာပိုင်တွေကတော့ လုံခြုံရေးကင်မရာက မှတ်တမ်းတင်ထားတဲ့ သံသယရှိသူ သေနတ်သမားရဲ့ ခပ်ဝါးဝါးပုံတပုံကို အစောပိုင်းမှာ ထုတ်ပြန်ထားပါတယ်။

တိုက်ခိုက်မှုနဲ့ ဆက်နွယ်ပြီး Istanbul မြို့က Ataturk လေဆိပ်မှာ နိုင်ငံခြားသား ၂ ယောက်ကို အာဏာပိုင်တွေ ဖမ်းဆီးခဲ့ကြောင်းလည်း တူရကီမီဒီယာတွေက အင်္ဂါနေ့မှာ ဖော်ပြခဲ့ကြပါတယ်။ ဒါပေမဲ့လည်း အသေးစိတ်ကို ဖော်ပြတာမျိုးတော့ မရှိပါဘူး။ တိုက်ခိုက်မှုနဲ့ ဆက်နွယ်ပြီး၊ လူ ၈ ဦးကို ထိန်းသိမ်းထားကြောင်းလည်း တူရကီ ဒုတိယ၀န်ကြီးချုပ် Numan Kurtulmus က တနင်္လာနေ့ကပဲ သတင်းထောက်တွေကို ပြောဆိုခဲ့တာပါ။ တနင်္ဂနွေနေ့ အစောပိုင်းက အီစတန်ဘူမြို့မှာရှိတဲ့ Reina နိုက်ကလပ် အပြင်မှာ ရဲတယောက်နဲ့ အရပ်သားတယောက်ကို ပစ်သတ်ပြီးနောက် သေနတ်သမားက အထဲကို ၀င်ရောက်ပစ်ခတ် တိုက်ခိုက်ခဲ့တာပါ။

တိုက်ခိုက်မှုဖြစ်ပွားချိန် နိုက်ကလပ်ထဲမှာ နိုင်ငံခြားသား အများအပြား အပါအ၀င် လူ ၆၀၀ လောက် ရှိနေပြီး၊ တချို့ကတော့ အနီးအနားမှာရှိတဲ့ Bosporus ရေလက်ကြား ထဲ ခုန်ချ ထွက်ပြေးခဲ့ကြ ပါတယ်။ သေနတ်သမား ကတော့ နိုက်ကလပ်က ထွက်ပြေးကြတဲ့ လူအုပ်ထဲမှာရောပြီး လွတ်မြောက်သွားတယ်လို့လည်း အာဏာပိုင်တွေက ပြောပါတယ်။ တိုက်ခိုက်မှုကြောင့် နောက်ထပ် လူ ၇၀ လောက်လည်း ထိခိုက်ဒဏ်ရာတွေ ရရှိခဲ့ကြပါတယ်။

 ဗွီအိုအေ (မြန်မာပိုင်း)
http://burmese.voanews.com


ဇန်န၀ါရီလ ၃ ရက် ၂၀၁၇

သျှမ်းပြည်မြောက်ပိုင်း မြန်မာ-တရုတ်နယ်စပ် မူစယ်မြို့ နှင့် နမ့်ခမ်းမြို့ ကြား ၌ မောင်းနှင်ပြေးဆွဲသည့် တရုတ်နံပါတ် ပြားတပ် တန်ပိုကုန်တင်ကားကြီးများ တရားမ၀င် ၀င်ထွက်မှုများကြောင့် မြန်မာနိုင်ငံဘက်မှ ဒေသခံများ ထိခိုက် နစ်နာမှု အမျိုးမျိုးခံနေရသည်ဟု သတင်းရရှိသည်။
“အခု အဲ့ တရုတ်နံပါတ်ပြားတပ်ကုန်တင်ကားကြီးတွေ စည်းမဲ့ကမ်းမဲ့ မောင်း နှင်ပြေးဆွဲနေလို့ ( မူစယ် - နမ့်ခမ်း) ပြည်ထောင်စုကားလမ်းလဲ ပျက်စီးနေ ပါပြီ။ နေရာတိုင်းလိုလိုပါပဲ။ ဘယ်သူမှလဲ လာရောက် ပြုပြင် ပေးတာ မရှိဘူး။ စည်းမဲ့ ကမ်းမဲ့ မောင်းနှင်ပြေးဆွဲနေတဲ့ တရုတ်နံပါတ်ပြားတပ် ကုန်တင် ကား ကြီးတွေကိုလဲ သက်ဆိုင်ရာမှ အရေးယူ ဆောင်ရွက်တာတွေ မတွေ့ရဘူး” ဟု မူစယ်ဒေသခံ ပန်ခမ်းရွာသား စိုင်းလျှန်း ကဆို သည်။

ထို တရုတ်နံပါတ်ပြား တပ် ကုန်တင်ကားအများစုကို တရုတ်နိုင်ငံသားများက ပိုင်ဆိုင်နေကြပြီး တရုတ်နိုင်ငံထဲ၌ လည်း သက်တမ်းကုန်ဆုံးနေသော ယာဉ် အိုယာဉ်ဟောင်း စာရင်းဝင်ထားသော ယာဉ်များသာ ဖြစ်ကြကြောင်း၊ ၄င်းယာဉ်များကို အသုံးပြုပြီး မြန်မာနိုင်ငံဘက်မှ တရားမ၀င် ကုန်ပစ္စည်းများကို တင်ဆောင်ပြီး ရွှေလီမြစ်တစ် လျှောက်ရှိ ကူးတို့ဆိပ်မှတဆင့် ၀င်ထွက်သွားလာနေကြသည်ကိုတွေ့နေရကြောင်း ၄င်းကပြောသည်။

တရုတ်နံပါတ်ပြားတပ် ကုန်တင်ကားကြီးများကြောင့် (မူစယ်-နမ့်ခမ်း ) ပြည်ေ ထာင်စုလမ်းမပေါ်ရှိ လွယ်ကြူလောက်တောင်ခြေ၌ ကားဘရိတ်ပေါက် မှု ကြောင့် ဇန်န၀ါရီလ ၃ ရက်နေ့ မနက်ပိုင်းက တောင်အတက်မှလျှောကျရာ ကားနောက်ပိုင်းရှိ (အာလာဖတ်) ကားတစ်စီးကို တိုက်မိပြီး လမ်းဘေး၌ ရှိသည့် လူနေအိမ်ခြံဝင်းထဲ သို့ ထိုးဝင်သွားခဲ့ကြောင်း မျက်မြင်တွေ့ရှိသူ မူစယ်-နမ့်ခမ်း ကားဆရာ ကဆိုသည်။
“အခု လွယ်ကြူလောက်တောင် အတက်နေရာမှာပဲ တခါဖြစ်ပြီးပြီ။ လွန်ခဲ့တဲ့ (၂၁.၄.၂၀၁၆ )ရက်တုန်းကပေါ့။ တရုတ် ကုန်တင်ကား ပလိပ်ပေါက်ပြီး ခရီးသွားလာနေတဲ့ ဒီဒေသတွင်းက သွားလာနေတဲ့ ကားငယ် ၇ စီး ဆင့် တိုက်ခဲ့တယ်” ဟု ၄င်းကပြောသည်။

တရုတ်နိုင်ငံမှ ကုန်တင်ကားကြီးများသည် မြန်မာနိုင်ငံ မူစယ်မြို့နှင့် နမ့်ခမ်းမြို့ များ ထဲတွင် လွတ်လွတ်လပ်လပ် မောင်းနှင်ပြေး ဆွဲနိုင်သော် လည်း မြန် မာနိုင်ငံမှ ကုန်တင်ကားကြီးများမှာ တရုတ်နိုင်ငံထဲသို့ လွတ်လပ်စွာ သွားလာ ခွင့် မရရှိကြကြောင်း ဟု ဒေသခံကားသမားများက ပြောဆိုကြပါသည်။

Panglong(Burmese)
https://www.facebook.com/Panglong.burmese


မန္တလေးမြို့ ၇၈ လမ်း ၃၃×၃၄ လမ်းကြား ရတနာပုံ(ဒိုင်းမွန်းပလာဇာ) အနီးတွင် ဇန်နဝါရီ ၃ ရက် နံနက် ၁၀ နာရီခွဲခန့်က စည်းကမ်းမဲ့ ရပ်နားသည့် SUZUKI ယာဉ်အား မြို့တော်စည်ပင်မှ ဒဏ်ရိုက် အရေးယူခဲ့ကြောင်း စည်ပင် သာယာဖေ့စ်ဘုတ်တွင်ဖေါ်ပြထားသည်။

အဆိုပါယာဉ်သည် ယာဉ်နှစ်ထပ်ရပ်နားခြင်း ကြောင့် ကားဘီးကိုသော့ခတ် (Wheel lock) ထားပြီးနောက် ပိုင်ယှဉ်အား ရှာဖွေ ခေါ်ယူရာ တပ်မတော်အရာရှိတစ်ဦးရောက်ရှိလာကြောင်း။ ဒဏ်ကြေး ကျပ် ၅၀၀၀၀-ပေးဆောင်ရန် ပြောဆိုရာ ငွေမပါသေးသဖြင့် ယာဉ်နင့်ပတ်သက်သည့် စာရွက်စာတမ်းများသိမ်းဆည်းခဲ့၍ ဒဏ်ကြေး ပေးဆောင်မှ ပြန်လည်ပေးအပ်ခဲ့ကြောင်းရှင်း လင်းဖေါ်ပြခဲ့သည်။

သို့သော် ယင်းဖြစ်စဉ်မှ ယာဉ်ပိုင်ရှင်မှာ အရာရှိ ဖြစ်နေ၍ သော့ခတ်ပြီးမှ ပြန်လွှတ်ပေးခဲ့သည် ဖေါ်ပြခဲ့ပြိး ပြည်သူ ၁၀- ဦးစည်းကမ်းမဲ့ခြင်း ထက်ဆိုးသဖြင့် ဥပဒေမှာ ကြောသားရင်သား မခွဲခြားသင့်ဟုဆိုကာ လူမှုစာမျက်နာတွင် ရေးသားတင်ပြမှုအပေါ် အရေးယူပြီးဖြစ်ကြောင်း ရှင်းလင်းခဲ့သည်။

ဖမ်းဆီးမှုများမှ ဒဏ်ကြေးပေးဆောင်စေခြင်းအား လမ်းပေါ်တွင်ပြုလုပ်ခြင်းကလည်း လာဘ်ပေး လာဘ်ယူမှုဖြစ်နိုင်သော အခွင့်အလမ်းရှိလာ နိုင်သည်ဟု မှတ်ချက်ပေးသူလည်းရှိသည်။

News Watch
https://www.facebook.com/NewsWatchJournal


ကုလသမဂ္ဂက ရခိုင်မြောက်ပိုင်း မွတ်စလင်များ နေထိုင်သည့် အိမ်များကို ရာနှင့်ချီ ဖြိုချဖျက်ဆီးပါက ရခိုင်ပြည်နယ်တွင် "တင်းမာမှုများ မြင့်တက်စေ" လိမ့်ဖြစ်ကြောင်း မြန်မာအာဏာပိုင်များက သတိပေးလိုက်သည်။ အဆိုပါသတိပေးချက် စာအား ဒီဇင်ဘာ ၂၈ ရက်က ရခိုင်ပြည်နယ်ဝန်ကြီးချုပ် ဦးညီပုထံ ပေးပို့ထားခြင်း ဖြစ်သည်ဟု သိရသည်။

အဆောက်အအုံပေါင်း ၁၀၀ ကျော် ဖြိုဖျက်ခံရပြီးနောက် ကုလက "နယ်ခြားစောင့်တပ်မှ မွတ်ဆလင်များ ပိုင်ဆိုင်သည့် အဆောက်အအုံ ၈၁၉ ခု ဖြိုချရန် အမိန့်အား ဆောင်ရွက်ခဲ့ခြင်းနှင့် ပတ်သတ်ပြီး အစီရင်ခံစာကို လက်ခံရရှိထားသည်” ဟု အဆိုပါ ပေးပို့သည့်စာတွင် ဖော်ပြထားသည်ဟု IRIN သတင်းဌာနက ဖော်ပြထားသည်။

ကုလသမဂ္ဂအနေဖြင့် ရခိုင်မြောက်ပိုင်း စစ်ဆင်ရေး ဒေသများမှ အိမ်ခြေစာရင်း ကောက်ယူမှု သတင်းများအရ စိုးရိမ်ပူပန်မှုများ ဖြစ်စေကြောင်း ဆိုသည်။ ရခိုင်ပြည်နယ်အနေဖြင့် ဘင်္ဂါလီအသိုင်းအ၀ိုင်းများ စောင့်ကြည်ရန် အိမ်ထောင်စု အခြေခံစစ်တမ်း (အိမ်အရေအတွက်စာရင်း) ကောက်ယူသည့် အလေ့အထမှာ လုပ်ရိုးလုပ်စဉ် ဖြစ်သည်။

အိမ်ခြေစစ်တမ်းကောက်ယူချိန်တွင် နေထိုင်သူများရှိမှသာ တရားဝင်အိမ်ခြေအဖြစ် မှတ်ယူပြီး လူမနေထိုင်တော့သည့် အိမ်ခြေကို ဖျက်ဆီးခြင်း ဖြစ်၍ ဒေသအတွင်း မငြိမ်မသက်မှုများကြောင့် ဘင်္ဂလားဒေ့ရ်ှနိုင်ငံသို့ ထွက်ပြေးသွားသည့် မိသားစုများမှာ အိမ်ခြေစာရင်းတွင် မပါဝင်တော့သကဲ့သို့ မြန်မာပြည် ပြန်လာပါကလည်း နေစရာ အိမ်မရှိတော့ကြောင်း မစ္စတာ ကာတာက IRIN သတင်းဌာနသို့ ရှင်းပြခဲ့သည်။ အိမ်ထောင်စု အခြေခံစစ်တမ်း ကောက်ယူခြငသည် ၎င်းတို့အိမ်တွင် ရှိနေသည့်အခါတွင် သင့်လျော်ကြောင်း ဆိုသည်။

“ရခိုင်ပြည်နယ် မြောက်ပိုင်းမှာ ဇန်န၀ါရီလတိုင်း ကောက်ခံလေ့ရှိတယ်။ ဒါပေမယ့် အခု နိုဝင်ဘာလ ကတည်းက စတင်ခဲ့တာဖြစ်တယ်။ ဒီလို ကောက်ခံမှုမျိုးက ရခိုင်ပြည်နယ် တခြားဒေသတွေမှာ မလုပ်ဆောင်ပါဘူး။ ရခိုင်ပြည်နယ် မြောက်ပိုင်းက သုံးမြို့နယ်ထဲမှာ ဖြစ်တာ” ဟု မြန်မာနိုင်ငံရှိ ကုလသမဂ္ဂ တာဝန်ရှိသူက ဆိုသည်။

အဆိုပါစာအား ရခိုင်ပြည်နယ်၏ ကုလသမဂ္ဂ အဆင့်မြင့် အကြံပေး ခရစ်ကာတာ(Chris Carter) က ဦးညီပုထံ လက်မှတ်ရေးထိုး ပေးပို့ခြင်းဖြစ်ပြီး စာထဲတွင် ကာတာက အဆောက်အအုံများ ဖြိုဖျက်ခြင်း စစ်တမ်းကောက်ခြင်းသည် ရန်ဆွပေးခြင်း ဖြစ်ကြောင်း ဆိုထားသည်။

အိမ်များ ဖြိုဖျက်ခြင်းကိစ္စသည် မြန်မာနိုင်ငံအတွက် ထူးထူးခြားခြား မဟုတ်ပေ။ တရားဝင်ခွင့်ပြုချက် မရှိဘဲ အဆောက်အအုံ ဆောက်လုပ်ပါက ဖြိုချခြင်းခံရမည့် ဥပဒေရှိသည်။

မြန်မာအာဏာပိုင်အဆင့်ဆင့်ကြား စစ်တမ်းကောက်ခြင်းနှင့် ဖြိုဖျက်ခြင်းကိစ္စနှင့် ပတ်သက်ပြီး ရှုပ်ထွေးမှုများ ဖြစ်ပွားနေသည်ဟု IRIN သတင်းဌာနက ဖော်ပြထားသည်။ အစိုးရတပ်အနေဖြင့် အကြမ်းဖက်သမားများ ဖမ်းဆီးရန် နယ်မြေရှင်းလင်းရေး လုပ်ဆောင်သည့် ကိစ္စနှင့် ပတ်သက်ပြီး ပြည်သူ ၈၀,၀၀၀ ခန့် ရွှေ့ပြောင်းခြင်းများ ရှိကြောင်း ဆိုသည်။

သမ္မတရုံး ပြောရေးဆိုခွင့်ရှိသူ ဦင်္းဇော်ဌေးက “ဒီလို ထိလွယ်ရှလွယ်တဲ့ ကိစ္စ ကို မပြုလုပ်ပဲ ရပ်ဆိုင်းထားဖို့ သူတို့ (ပြည်နယ်အာဏာပိုင်များ) ကို အစောပိုင်း ကတည်းက ပြောထားတယ်။ ပြည်ထောင်စု အစိုးရအနေနဲ့ အစကတည်းက ကြားဝင်ဆွေးနွေးထားပြီး ဖြစ်တယ်” ဟု ပြောသည်။

ကုလသမဂ္ဂအနေဖြင့် ပြည်ထောင်စုအစိုးရ အဖွဲ့က ထိုကဲ့သို့ ပြုလုပ်ခြင်း မရှိစေရန် အာမခံ ကတိပေးထားပြီးဖြစ်သော်လည်း ရခိုင်မြောက်ပိုင်းရှိ ဘင်္ဂါလီကျေးရွာများတွင် အိမ်များ ဖျက်ဆီးခံရမှုမှာ ဖြစ်ပွားနေဆဲဖြစ်သည်။

ရခိုင်ပြည်နယ် အထွေထွေအုပ်ချုပ်ရေးဌာန၏ ညွန်ကြားရေးမှူး ဦးတင်မောင်ရွှေက “အောက်ခြေအဆင့်မှာ နားလည်မှု လွဲမှားနေတာ ဖြစ်တယ်”ဟု IRIN ကို ပြောသည်။ “ကျွန်တော်တို့ သူတို့ကို သေချာစစ်ဆေး မေးမြန်းပါတယ်” ဟု ထပ်ပြောသည်။

အောက်တိုဘာ ၉ ရက်နေ့ နောက်ပိုင်းတွင် ရခိုင်ပြည်နယ် မြောက်ပိုင်း သုံးမြို့နယ်ဖြစ်သည့် ရသေ့တောင်၊ ဘူးသီးတောင်နှင့် မောင်တောဒေသတွင် လုံခြုံရေး တိုးမြှင့်မှု စစ်ဆင်ရေးများ ဆောင်ရွက်နေခြင်း ဖြစ်သည်။ အဆိုပါမြို့နယ်များတွင် ဘင်္ဂါလီအများစု နေထိုင်သည့် မြို့များဖြစ်သည်။ လူပေါင်း တစ်သောင်းကျော်ခန့်သည် ၎င်းတို့အိမ်ကို စွန့်ခွာပြီး အိမ်ခြေယာမဲ့များ ဖြစ်နေကြောင်း ကောက်ယူထားသည့် စစ်တမ်းအရ သိရသည်။

“သူတို့ကို အိမ်ခြေစာရင်းထဲမှာ မသွင်းထားဘူး ဆိုရင် သူတို့ ဘာမှ လုပ်လို့ရမှာ မဟုတ်ဘူး။ ဘင်္ဂလားဒေ့ရ်ှကိုပဲ ပြေးကြမှာပါ။ ရွေးစရာ မရှိပါဘူး။ ဒါဟာ သူတို့ကို ဒီနိုင်ငံက ထွက်ဖို့ ဖိအားတွေ (Force Deportation) ဖြစ်စေတယ်” ဟု ခရစ်ကာတာက IRIN သို့ ပြောသည်။

SH
The Ladies News