01/06/17

 မြန်မာနိုင်ငံ ဆိုင်ရာ အမေရိကန်နိုင်ငံ သံအမတ်ကြီး Scot Marciel နဲ့ ကာချုပ်တို့ တွေ့ဆုံ (Senior General Min Aung Hlaing)
မြန်မာနိုင်ငံ ဆိုင်ရာ အမေရိကန်နိုင်ငံ သံအမတ်ကြီး Scot Marciel နဲ့ ကာချုပ်တို့ တွေ့ဆုံ (Senior General Min Aung Hlaing)

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ ကြာသပတေးနေ့က နေပြည်တော်မှာ မြန်မာနိုင်ငံ ဆိုင်ရာ အမေရိကန်နိုင်ငံ သံအမတ်ကြီး Scot Marciel နဲ့ တွေ့ဆုံခဲ့ပါတယ်။

အခုလို တွေ့ဆုံပွဲမှာ ရခိုင်ပြည်နယ် မြောက်ပိုင်းမှာ ဖြစ်ပွားနေတဲ့ ကိစ္စရပ်တွေနဲ့ ရှမ်းပြည်နယ်မှာ ဖြစ်ပွါးနေတဲ့ တိုက်ပွဲတွေနဲ့ ပါတ်သက်ပြီး ရင်းရင်းနှီးနှီး ဆွေးနွေးခဲ့ကြတယ်လို့ လူမှုကွန်ယက် စာမျက်နှာမှာ ဖေါ်ပြထားပါတယ်။

ဒီတွေ့ဆုံပွဲမှာ တပ်မတော်ကာကွယ်ရေး ဦးစီးချုပ်နှင့်အတူ ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦးနဲ့ ကာကွယ်ရေး ဦးစီးချုပ်ရုံးက တပ်မတော်အရာရှိကြီးများ တက်ရောက်ကြသလို အမေရိကန် သံအမတ်ကြီးနဲ့ အတူ အမေရိကန် စစ်သံမှူး Col. James McAden နဲ့ တာဝန်ရှိသူတွေ တက်ရောက်ခဲ့ကြတာပါ။

ရခိုင်ပြည်နယ်ထဲမှာ မြန်မာလုံခြုံရေးတပ်တွေ နယ်မြေရှင်းလင်းမှုကြောင့် လူနည်းစု မူဆလင် ထောင်နဲ့ချီ အိုးအိမ်စွန့်ခွါ ထွက်ပြေးရတယ်လို့ မြန်မာ့ဒီမိုကရေးစီရေး လမ်းကြောင်းမှာ အဓိက ထောက်ခံအားပေတဲ့ အမေရိကန်ပြည်ထောင်စုက ပြီးခဲ့တဲ့ လထဲမှာပဲ ပြောကြားခဲ့တာပါ။ စစ်တပ်က အင်အားနဲ့ ကိုင်တွယ်တာဟာ မြန်မာနိုင်ငံတွင်း ဂျီဟတ် အစွန်းရောက်တွေရဲ့ အကြမ်းဖက်မှုတွေ တိုးလာနိုင်တဲ့ အန္တရာယ် ရှိတယ်လို့လည်း အရှေ့အာရှဆိုင်ရာ အမေရိကန် ထိပ်တန်းသံတမန် Daniel Russel က ဝေဖန်ထောက်ပြ ခဲ့ပါတယ်။ ဒါ့အပြင် အရေအတွက် အတိအကျမသိရပေမယ့် သေဆုံးမှုတွေ ရှိနေတာမို့ စိုးရိမ်စိတ်ပူကြောင်း ပြောဆိုခဲ့ပါတယ်။

ရှမ်းပြည်မြောက်ပိုင်းမှာရော ကချင်ပြည်နယ်မှာပါ တပ်မတော်ဘက်က ပြင်းထန်တဲ့ ထိုးစစ်တွေ ဆင်နေပြီး ဒီတိုက်ပွဲတွေကြောင့် စစ်ပြေးဒုက္ခသည်တွေ တိုးလာနေတာနဲ့ ပါတ်သက်ပြီးလည်း ပြည်တွင်း ပြည်ပ လူ့အခွင့်ရေး အဖွဲ့တွေက ဝေဖန်ပစ်တင်နေကြတာ ဖြစ်ပါတယ်။
VOA Burmese News


တူရကီနိုင်ငံ အစ္စတန်ဘူလ်မြို့တော်မှာ နှစ်သစ်ကူးနေ့က ညကပွဲရုံတစ်ခုအတွင်း လူ ၂၉ ဦး သေဆုံးခဲ့တဲ့ အကြမ်းဖက်ပစ်ခတ်တိုက်ခိုက်မှု ကျူးလွန်ခဲ့သူဟာ တရုတ်ပြည်က ၀ှီဂါမွတ်ဆလင်လူမျိုးတစ်ဦးဖြစ်နိုင်ပြီး၊ အခုသူ ပုန်းအောင်းနေဖွယ်ရှိတဲ့နေရာကိုလည်း ထောက်လှမ်းရေးက သိရှိထားပြီလို့ တူရကီ ဒုတိယ၀န်ကြီးချုပ်က ပြောပါတယ်။

အကြမ်းဖက်သမားဟာ အထူးလေ့ကျင့်ထားသူဖြစ်ပြီး တိုက်ခိုက်မှုကို တစ်ကိုယ်တော်ကျူးလွန်ခဲ့တာ ဖြစ်ကြောင်း၊ ပြည်ပကို တိမ်းရှောင်သွားနိုင်ခြေရှိတယ်ဆိုပေမယ့် ပြည်တွင်းမှာပဲ ပုန်းအောင်းနေဖို့များကြောင်းလည်း ပြောပါတယ်။

IS စစ်သွေးကြွအဖွဲ့ကတော့ အစ္စတန်ဘူတိုက်ခိုက်မှုဟာ သူတို့လက်ချက်ဖြစ်ပြီး၊ ဆီးရီးယားပြဿနာမှာ တူရကီပါဝင်ပတ်သက်နေတဲ့ အပေါ် လက်တုန့်ပြန်တာဖြစ်ကြောင်း ပြောပါတယ်။

ဒီအတောအတွင်း ဖိလစ်ပိုင်နိုင်ငံမှာ IS အဖွဲ့ကို ထောက်ခံတဲ့ AKP စစ်သွေးကြွအဖွဲ့ခေါင်းဆောင်တစ်ဦးကို လုံခြုံရေးတပ်ဖွဲ့က အသေဖမ်းဆီးရမိခဲ့ပါတယ်။ ဒါ့ပြင် သူ့ရဲ့လက်ထောက် တစ်ယောက်ကိုလည်း ဖမ်းဆီးမိခဲ့ပါတယ်။

အဲဒီခေါင်းဆောင်ကို အသေမိလိုက်တာဟာ ဖိလစ်ပိုင်မှာ ခြေကုတ်ရဖို့ကြိုးစားနေတဲ့ အဲဒီအကြမ်းဖက်အဖွဲ့ရဲ့ ကျောရိုးကို ရိုက်ချိုးနိုင်လိုက်တာဖြစ်ကြောင်း၊ တချိန်တည်းမှာ အကြမ်းဖက်အဖွဲ့တွေရဲ့လက်တုန့်ပြန်လာမယ့်အရေးကိုလည်း သတိထားဖို့လိုကြောင်း ရဲတပ်ဖွဲ့အကြီးအကဲက ပြောပါတယ်။

RFA Burmese
https://www.facebook.com/rfaburmese/


ရှမ်းပြည်နယ်အရှေ့ပိုင်း၊ တာချီလိတ်မြို့နယ်၊ ဖန်မင်ကျေးရွာအုပ်စုရှိ မယ်ဟုတ်ချောင်းအစပ်တွင် လက်ထိပ် နောက်ပြန်ခတ်၍ သတ်ခံထားရပြီး ပုပ်ပွနေသည့် အမည်မသိ အမျိုးသားတစ်ဦး၏ အလောင်းအား ဇန်န၀ါရီလ(၅)ရက်နေ့ နံနက်ပိုင်းက တွေ့ရှိရကြောင်း သိရသည်။


တာချီလိတ်မြို့နယ်၊ ဖန်မင်ကျေးရွာအုပ်စု၊ မယ်ယန်းရွာရှိ၊ မယ်ဟုတ်ချောင်းအစပ်တွင် အမျိုးသားအလောင်းတစ်လောင်းအား တွေ့ရှိရကြောင်း သတင်းရရှိရာမှ သက်ဆိုင်ရာ ရဲတပ်ဖွဲ့မှ သွားရောက် စစ်ဆေးရာမှာ မယ်ယန်းရွာ၏ အနောက်ဘက်တွင် မြောက်ဘက်မှ တောင်ဘက်သို့ စီးဆင်းနေသည့် မယ်ဟုတ်ချောင်း၏ အစပ်၌ ခန့်မှန်း အသက်(၄၀)ခန့်ရှိပြီး ရှမ်းအမျိုးသားဟု ယူဆရသည့် အမျိုးသားအလောင်းကို စစ်ဆေးရာတွင် သေဆုံးသူမှာ လက်ထိပ်နောက်ပြန်ခတ်ပြီး အညိုရောင် တီရှပ်အင်္ကျီနက်ပြာရောင်၊ ဂျင်းဘောင်းဘီအရှည် ၀တ်ဆင်ထားကာ ၎င်းသည် မှောက်လျှက် အနေအထားဖြင့် သေဆုံးနေခြင်း ဖြစ်ကြောင်း သိရသည်။


သေဆုံးသူသည် လက်ထိပ်နောက်ပြန်ခတ်၍ သေဆုံးနေသည်မှာ ပုပ်ပွနေပြီး ဦးခေါင်းထိပ် ဓားခုတ်(ပြတ်ရှ)ဒဏ်ရာ(၁)ချက်၊ ဦးခေါင်းယာဘက် ချိုင့်ဝင်ဒဏ်ရာတို့ဖြင့် သေဆုံးနေခြင်း ဖြစ်ရာ အဆိုပါ ကိစ္စနှင့် ပတ်သက်၍ တာချီလိတ်ခရိုင်/မြို့နယ် ရဲတပ်ဖွဲ့မှစုံစမ်းစစ်ဆေးမှုများ ပြုလုပ်နေကြောင်း သိရသည်။

အဆိုပါ ဖြစ်စဉ် နှင့် ပတ်သက်၍ တာချီလိတ်မြို့မရဲစခန်းတွင် ပ(၄/၂၀၁၇)၊ ရာဇသတ်ကြီးပုဒ်မ ၃၀၂/၂၀၁ဖြင့် အမှုဖွင့်အရေးယူ ဆောင်ရွက်ထားရှိကြောင်း သိရှိရသည်။

ဓာတ်ပုံ - တာချီလိတ်နာရေးကူညီမှုအသင်း
Tachileik News Agency
http://www.tachileik.net/2017/01/lttm.html


အမေရိကန်နိုင်ငံ ချီကာဂိုမြို့မှာ လူတယောက်ကို ကြိုးနဲ့တုပ်၊ ပါးစပ်ကို တိပ်တွေနဲ့ ပိတ်ပြီးနှိပ်စက်နေတဲ့မြင်ကွင်းကို ဖေ့စ်ဘွတ်ကတိုက်ရိုက်ထုတ်လွှင့်ခဲ့တဲ့ လူလေးယောက်ကို ဖမ်းလိုက်ပါတယ်။

ချီကာဂို ရဲဌာနက ရဲမှူး Eddie Johnson က ကျူးလွန်သူလေးဦးကို စွဲချက်တင်ဖို့ လုပ်နေပါတယ်။ နှိပ်စက်ခံရသူကတော့ ဆေးရုံက ဆင်းသွားပါပြီလို့ ပြောပါတယ်။

အဲဒီလူဟာ စိတ်ကျန်းမာရေး မပြည့်စုံသူတစ်ဦးလို့ ရဲက ပြောပါတယ်။

သူ့ကိုနှိပ်စက်နေသူတွေက လူဖြူတွေနဲ့ သမ္မတလောင်း ဒေါ်နယ်ထရမ့်ကို စော်ကားပြောဆိုနေတာကိုလည်း ဗီဒီယိုထဲမှာ ကြားရ ပါတယ်။

တစ်နေရာမှာတော့ ကြိုးနဲ့ ချည်ထားခံရသူရဲ့ ဦးခေါင်းခွံ အရေပြားကို ဓားနဲ့ခွာနေတဲ့မြင်ကွင်းကိုလည်း တွေ့ရပါတယ်။

ရဲတွေက ဒီဗီဒီယိုဟာ အော့နှလုံးနာစရာကောင်းပြီး မုန်းတီးမှု အခြေခံတဲ့ ရာဇဝတ်မှုဖြစ်နိုင်တယ်လို့ ဆိုပါတယ်။

BBC Burmese
http://www.bbc.com/burmese


ဇေကမ္ဘာဦးခင်ရွှေကို ၂ဝ၁၅ ခုနှစ် နိုဝင်ဘာလ ၁၁ ရက်နေ့က တွေ့ရစဉ်
ဇေကမ္ဘာဦးခင်ရွှေကို ၂ဝ၁၅ ခုနှစ် နိုဝင်ဘာလ ၁၁ ရက်နေ့က တွေ့ရစဉ်
Photo: Kyaw Zin Than/RFA
 ဇေကမ္ဘာဦးခင်ရွှေက အမေရိကန်ဒေါ်လာ ၁၀ သန်းလောက်တန်ဖိုးရှိမယ့် ပုဂ္ဂလိကပိုင် ရှေးဟောင်းပြတိုက်ကို ရန်ကုန်မြို့ မင်္ဂလာဒုံမြို့နယ်မှာ ဖွင့်လှစ်သွားမယ်လို့ ပြောပါတယ်။

နေပြည်တော်က အမျိုးသားစာကြည့်တိုက်မှာ ဒီကနေ့ ကျင်းပတဲ့ နိုင်ငံတော်သီချင်းဓာတ်ပြား လှူဒါန်းပွဲအခမ်းအနား မှာ တက်ရောက်ခဲ့တဲ့ ဦးခင်ရွှေက သူ့ပြတိုက်အကြောင်း အခုလို ပြောပါတယ်။

"အန်ကယ်တို့ ရထားတာကတော့ လူသာမျိုးနွယ်ရဲ့ အောက်မေးရိုးတစ်ခုရထားတယ်၊ အဲ့ဒါကို နိုင်ငံတကာ ကနေပြီးတော့ လာပြီးတော့ စစ်တမ်းလုပ်တဲ့အချိန်မှာ အဲ့ဒါကိုဘာပြောသလဲဆိုတော့ လူသားအစ မြန်မာကလို့ အဲ့လောက်တောင်ပြောသွားတယ်၊ အဲ့ဒါကိုလည်း ကာဗွန်တက်စ်လုပ်ပြီးပြီ"

နှစ်ပေါင်း ၄၃ သန်းလောက် သက်တမ်းရှိတဲ့ လူသာမျိုးနွယ်ရဲ့ အောက်မေးရိုးနဲ့ အရှည် ၈ ပေကျော်ရှိတဲ့ လိပ်ကျောက်ဖြစ်ရုပ်ကြွင်းပါဝင်တဲ့ ရှေးဟောင်းပြတိုက်တစ်ခုကို ဇေကမ္ဘာလုပ်ငန်းစုပိုင်ရှင် ဦးခင်ရွှေက မင်္ဂလာဒုံမြို့နယ်မှာ ဖွင့်လှစ်မယ်လို့ ပြောပါတယ်။

ဒိုင်နိုဆောအမွှေးတွေ၊ ရှားပါးပရင်းကျောက်ဖြစ်ရုပ်ကြွင်းတွေ၊ ဆရာချုံ၊ ဆရာခ စတဲ့ပန်းချီကျော်များရဲ့ ပန်းချီကားတွေ၊ လိပ်၊ ဝေလငါး၊ ခရုစတဲ့ ကျောက်ဖြစ်ရုပ်ကြွှင်းတွေပါဝင်မယ်လို့ ဦးခင်ရွှေက ပြောပါတယ်။

ဒါ့အပြင် သံခေတ်၊ ကြေးခေတ်၊ ပျူခေတ်၊ သုဝဏ္ဏဘူမိခေတ်၊ ဟန်လင်းခေတ်စတဲ့ ခေတ်တွေက အရိုးအိုးတွေ ကိုလည်း စုဆောင်းထားရှိတယ်လို့လည်းဆိုပါတယ်။

ပြတိုက်ဒီဇိုင်းကို ပြင်သစ်ပညာရှင်ကရေးဆွဲတဲ့ အဲဒီပြတိုက်ကို ၀င်ကြေးကောက်ခံမှာဖြစ်ပြီး ကျောင်းသားတွေကို အခမဲ့ဝင်ခွင့်ပြုမယ်လို့ သိရပါတယ်။ ကောက်ခံမယ့် ၀င်ကြေးပမာဏကိုတော့ မပြောကြားခဲ့ပါဘူး။

၂၀၁၄ ခုနှစ်မှာ ပြဌာန်းခဲ့တဲ့ ရှေးဟောင်းအမွေအနှစ်ပစ္စည်းများ ထိန်းသိမ်းစောင့်ရှောက်ရေးဥပဒေအရ ရှေးဟောင်း အမွေအနှစ်ပစ္စည်းတွေကို အစိုးရသာမက နိုင်ငံသား၊ တိုင်းရင်းသားနဲ့ ပုဂ္ဂလိက အဖွဲ့အစည်းတွေကပါ ထိန်းသိမ်း ခွင့်ပြုထားတာပါ။

အဲဒီပြတိုက်ကို စတုရန်းပေ တစ်သိန်းခွဲရှိတဲ့မြေပေါ်မှာ ဆောက်လုပ်နေတာဖြစ်ပြီး ဇေကမ္ဘာရှေးဟောင်းပြ တိုက်ဟာ အာရှမှာအကြီးဆုံးပြတိုက်တစ်ခုဖြစ်ဖို့မျှော်မှန်းထားတယ်လို့လည်း ဦးခင်ရွှေက ပြောပါတယ်။


အစိုးရရဲ့ ရခိုင်စုံစမ်းရေးကော်မရှင် ပြည်သူလူထုများနှင့်တွေ့ဆုံ
အစိုးရရဲ့ ရခိုင်စုံစမ်းရေးကော်မရှင် ပြည်သူလူထုများနှင့်တွေ့ဆုံ
ရခိုင်ပြည်နယ် မောင်တောဒေသတွင်း မနှစ်အောက်တိုဘာလက ဖြစ်ခဲ့တဲ့ တိုက်ခိုက်မှုဖြစ်ရပ်နောက်ပိုင်းအခြေအနေတွေကို စုံစမ်းစစ်ဆေးတဲ့ အစိုးရကော်မရှင်ရဲ့ ကနဦးအစီရင်ခံစာပါ ထုတ်ပြန်ချက်တွေဟာ အဖြစ်မှန်ကို ဖုံးကွယ်တဲ့ အစိုးရရဲ့ လုပ်ရပ်ဖြစ်တယ်ဆိုပြီး နယူးယောက်အခြေစိုက် HRW Human Rights Watch လူ့အခွင့်အရေးအဖွဲ့ကြီးက ဝေဖန်လိုက်ပါတယ်။ ဒါနဲ့ပတ်သက်ပြီး ရိုက်တာသတင်းဌာနရဲ့ ရေးသားပေးပို့ထားတဲ့ သတင်းကို မအိသန့်စင်က ပြောပြပါမယ်။

ရခိုင်ပြည်နယ်တွင်း အစိုးရက လူမျိုးတုံးသတ်ဖြတ်မှု လုပ်ဆောင်နေတယ်ဆိုတဲ့ စွပ်စွဲချက်ကို အစိုးရရဲ့ စုံစမ်းရေးအဖွဲ့က ငြင်းဆိုပြီးနောက်မှာ မွတ်ဆလင်အများစုနေထိုင်တဲ့ ရခိုင်ပြည်ထဲက ဒေသမှာ အရပ်သားတွေအပေါ် မတရားပြုကျင့်မှုတွေကို မြန်မာအစိုးရက ဖုံးကွယ်ဖို့ ကြိုးစားတယ်လို့ နယူးယောက်မြို့ အခြေစိုက် လူ့ အခွင့်အရေးစောင့်ကြည့်သူတွေက ပြောလိုက်ပါတယ်။

ရိုဟင်ဂျာရွာသားတွေကို ရဲက ရိုက်နက် ခြေနဲ့ ကန်တဲ့ ရုပ်သံဖိုင်ထွက်ပေါ်လာတဲ့အပေါ် တာဝန်ရှိသူတွေက စုံစမ်းနေသေးတဲ့အချိန်မှာပဲ လုံခြုံရေးတပ်တွေက မတရားလုပ်ဆောင်မှုတွေရှိတယ်ဆိုတဲ့ စွပ်စွဲချက်တွေကို ငြင်းဆန်တဲ့ ကြေညာစာကို ရခိုင်ကော်မရှင်က ထုတ်ပြန်ခဲ့ပါတယ်။ စစ်ဗိုလ်ချုပ်ဟောင်းဖြစ်တဲ့ စုံစမ်းရေးအဖွဲ့ ဒုသမ္မတ ဦးမြင့်ဆွေ ဦးဆောင်တဲ့ ဒီကော်မရှင်က ထင်ထားသလိုပဲ ဖုံးကွယ်ပြီး လုပ်ဆောင်နေတာ ပို ပေါ်လွင်လာတယ်လို့ လူ့ အခွင့်အရေးစောင့်ကြည့်ရေးအဖွဲ့ အာရှပိုင်း ဒေသ တာဝန်ခံ Phil Robertson က ပြောပါတယ်။

“ဒီအဖွဲ့ အပေါ် ယုံကြည်မှုမရှိကြသလို အဖွဲ့ ရဲ့ ကိုင်တွယ်ပုံကလည်း တရားမျှတမှုမရှိဘူးလို့ ထင်ပါတယ်။ အစိုးရအတွက် အစိုးရကိုယ်တိုင် ဖွဲ့ ထားတဲ့ ကော်မရှင်ဖြစ်ပါတယ်။ မြန်မာနိုင်ငံရဲ့ တည်ငြိမ်အေးချမ်းရေးကို ထိပါးနှောက်ယှက်နေတာက ပြည်ပရန်စွယ်တွေဖြစ်ပြီး အကြမ်းဖက်သူတွေရဲ့ ရန်ကိုလည်း စိုးရိမ်နေရတယ်ဆိုတာကို နိုင်ငံတကာလူ့ အဖွဲ့ အစည်းအနေနဲ့ အာရုံစိုက်လာအောင် အစိုးရက ကြိုးစားနေတဲ့ အစိုးရရဲ့ အာဘော်တွေကို ကော်မရှင်ရဲ့ အစီရင်ခံစာမှာ တွေ့ နိုင်ပါတယ်။”

အောက်တိုဘာလ ၉ရက်နေ့ တုန်းက နယ်စပ်လုံခြုံရေးစခန်းတွေကို လက်နက်ကိုင်အကြမ်းဖက်တိုက်ခိုက်မှုကြောင့် ရခိုင်ပြည်မြောက်ပိုင်းကို အစိုးရတပ်တွေ အများအပြား ၀င်ရောက်လာပါတယ်။

တိုက်ခိုက်သူတွေကို ရှာဖွေစဉ် အစိုးရတပ်တွေ နယ်မြေရှင်းလင်းရေးလုပ်ဆောင်ချိန်က ဒေသခံ မွတ်ဆလင်တွေနဲ့ ရွှေ့ ပြောင်းဒုက္ခသည်တွေအပေါ် အစုအပြုံလိုက် သတ်ဖြတ်တာ၊ အဓမ္မဖမ်းဆီးတာ၊ မတရားပြုကျင့်တာ၊ အိမ်ခြေတွေ မီးရှို့ တာတွေကို လုံခြုံရေးတပ်တွေက လုပ်ဆောင်ခဲ့တယ်လို့  လူ့ အခွင့်အရေး အဖွဲ့ တွေက စွပ်စွဲထားပါတယ်။

မြန်မာအစိုးရကတော့ ဒီလို စွပ်စွဲချက်တွေကို ရတိပြတ် ငြင်းဆိုလိုက်ပါတယ်။ ဒါပေမယ့် ရခိုင်မြောက်ပိုင်းဒေသကို အလွတ်တန်းသတင်းထောက်တွေနဲ့ ကယ်ဆယ်ရေးလုပ်သားတွေ လွတ်လပ်စွာ သွားလာခွင့်တော့ ပိတ်ထားဆဲပါ။

နိုင်ငံတကာရဲ့ ဖိအားပေးမှုကြောင့် ဒေါ်အောင်ဆန်းဆုကြည်အစိုးရက တိုက်ခိုက်မှုနဲ့ မတရားလုပ်ဆောင်မှု စွပ်စွဲချက်တွေကို စုံစမ်းစစ်ဆေးဖို့ ကော်မရှင် ဖွဲ့ ရေး ညွှန်ကြားခဲ့ပါတယ်။

မောင်တောဒေသမှာနေတဲ့ ဘင်္ဂါလီလူဦးရေ၊ မော်လ၀ီ အစ္စလာမ်စာပေပညာရှင်ဦးရေတိုးလာမှု၊ ဘုရားကျောင်းနဲ့ ဘာသာရေးအဆောက်အအုံတွေ ရှိနေဆဲအခြေအနေကို ကြည့်ရင် ဒီဒေသမှာ လူမျိုးတုံးသတ်ဖြတ်တာနဲ့ ဘာသာရေးဆိုင်ရာအကြမ်းဖက်မှုတွေ လုပ်နေတယ်ဆိုတဲ့ စွပ်စွဲချက်တွေ မမှန်ကန်ဘူးဆိုတာကို ပြနေတာပါလို့ အစီရင်ခံစာမှာ ဖော်ပြထားပါတယ်။

မြန်မာနိုင်ငံကတော့ ရိုဟင်ဂျာတွေက ဘင်္ဂါလားဒေ့ရ်ှနိုင်ငံကနေ တရားမ၀င်လာနေသူတွေလို့ မြင်ကြတဲ့အတွက် သူတို့ ကို ဘင်္ဂါလီလို့ သုံးနှုန်းခေါ်ကြပါတယ်။ လက်ရှိအစိုးရကတော့ ရခိုင်ပြည်နယ်တွင်းက မွတ်ဆလင်တွေလို့ သုံးပါတယ်။

စစ်သားတွေက အဓမ္မပြုကျင့်တယ်ဆိုတဲ့ စွပ်စွဲချက်တွေကို ဥပဒေကြောင်းအရ တရားစီရင်ဖို့ တော့ ခိုင်မာတဲ့အထောက်အထား မရှိသေးဘူးလို့ ကော်မရှင်က ပြောပါတယ်။

နိုင်ငံတကာအကူအညီပေးရေးအဖွဲ့ အစည်းတွေက ထောင်သောင်းချီတဲ့ သူတွေဆီ အကူအညီပေးနိုင်ခဲ့မှုကို အောက်တိုဘာလ ၉ရက်နောက်ပိုင်းမှာ ဖြတ်တောက်လိုက်တာကြောင့် စိုးရိမ်မှုတွေရှိနေပေမယ့်လည်း ဒီဒေသမှာ ငါးမျှားနိုင်ပြီး လယ်ယာလုပ်နိုင်တဲ့အတွက်ကြောင့်တော့ အာဟာရချို့ တဲ့မှုတွေ မရှိဘူးလို့ ကော်မရှင်အစီရင်ခံစာထဲမှာ ဖော်ပြထားပါတယ်။

VOA Burmese News



 အိန္ဒိယနိုင်ငံ ၏ ဂြိုဟ်တုလွှတ်တင်မှုတစ်ခုအား တွေ့ရစဉ် (ဓါတ်ပုံ-အင်တာနက်)
နယူးဒေလီ၊ ဇန်နဝါရီ ၅ရက် (ဆင်ဟွာ)

အိန္ဒိယနိုင်ငံက လာမည့် ဖေဖော်ဝါရီလ ပထမအပတ်အတွင်း အာကာသမစ်ရှင်တစ်ခုတည်းဖြင့် ဂြိုဟ်တု ၁၀၃ခု လွှတ်တင်သွားမည်ဖြစ်ကြောင်း နိုင်ငံပိုင် အာကာသအေဂျင်စီက ပြောကြားခဲ့သည်။
ဂြိုဟ်တုအကြီး ၃ခု နှင့် အသေး အခု၁၀၀အား ပိုလာဂြိုဟ်တုလွှတ်တင်ရေးယာဉ် (PSLV) ဖြင့် အိန္ဒိယနိုင်ငံ တောင်ပိုင်း Sriharikota အာကာသလွှတ်တင်မှုစခန်းမှ လွှတ်တင်သွားမည်ဖြစ်ကြောင်း အိန္ဒိယနိုင်ငံ အာကာသလေ့လာရေးအဖွဲ့အစည်း (ISRO) သိပံ္ပပညာရှင်များက Tirupati မြို့တောင်ဘက် ဘုရားကျောင်းတွင်ပြုလုပ်ခဲ့သည့် အိန္ဒိယ သိပံ္ပကွန်ဂရက်၌ ဇန်နဝါရီ ၄ရက်ကပြောကြားခဲ့သည်။

PSLV C37 သည် Cartosat အမျိုးအစား ဂြိုဟ်တု တစ်လုံး၊ ISRO ဂြိုဟ်တုအသေး ၂လုံး၊ ပြင်သစ်နိုင်ငံ နှင့် ဂျာမနီနိုင်ငံတို့ ပါဝင်သည့် အခြားနိုင်ငံများအပြင် အများစုမှာ အမေရိကန်ကဖြစ်သည့် စီးပွားရေးဂြိုဟ်တု အလုံး၁၀၀အား တင်လွှတ်ပေးသွားမည်ဖြစ်ကြောင်း သိရသည်။

အစောပိုင်းတွင် ဂြိုဟ်တု ၈၃ခုသာ တင်လွှတ်ရန် စီစဉ်ထားသော်လည်း မကြာသေးခင်က ပြည်ပ ဂြိုဟ်တု ၂၀ခု ထပ်မံတိုးလာ၍ ဂြိုဟ်တု အခု၁၀၀ တင်လွှတ်ရန် စီစဉ်ဖြစ်သွားခြင်းဖြစ်ကြောင်း သိပ္ပံပညာရှင်များက ပြောကြားခဲ့သည်။

ယခုလွှတ်တင်မှုသည် အိန္ဒိယနိုင်ငံ အာကာသလေ့လာရေးအဖွဲ့အစည်း (ISRO) ၏ အာကာသမစ်ရှင် တစ်ခုတည်းဖြင့် အာကာသအတွင်းသို့ ဂြိုဟ်တုအများဆုံးလွှတ်တင်သည့် ပထမဆုံးမစ်ရှင်တစ်ခုဖြစ်ပြီး ၂၀၁၆ခုနှစ် ဇွန်လတွင် အာကာသမစ်ရှင်တစ်ခုတည်းဖြင့် ဂြိုဟ်တု ၂၅ခု တင်လွှတ်ခဲ့ဖူးကြောင်း သိရသည်။

ယခုအချိန်အထိ အာကာသမစ်ရှင် တစ်ခုတည်းဖြင့် ဂြိုဟ်တုအများဆုံးလွှတ်တင်နိုင်ခဲ့သည့် နိုင်ငံမှာ ရုရှားနိုင်ငံဖြစ်ပြီး ၂၀၁၄ခုနှစ်တွင် ဂြိုဟ်တု ၃၇ခု လွှတ်တင်ခဲ့ခြင်းဖြစ်ကာ ၎င်းနောက်တွင် အမေရိကန်နိုင်ငံက ဂြိုဟ်တု ၂၉ခုလွှတ်တင်မှုဖြင့် ဒုတိယနေရာတွင်ရှိနေကြောင်း သိရသည်။

(Xinhua)
http://xinhuamyanmar.com



(အိန္ဒိယ-မြန်မာနယ်စပ် တမူးမြို့က နန်းဖာလုံဈေးကို တွေ့ရစဉ်)Photo:Kyaw San Lin (facebook)
အိန္ဒိယ-မြန်မာနယ်စပ် တမူးမြို့နယ်အတွင်းမှာ ဇန်န၀ါရီလ ၃ ရက်နေ့က မြန်မာနိုင်ငံဘက်က ဒေသခံ ၂ ဦးကို အမည်မသိ သူ ၃ ယောက်က သေနတ်နဲ့ ပစ်ခတ်မှုဖြစ်ပွားခဲ့ပြီးနောက်ပိုင်း တမူးမြို့က နန်းဖာလုံဈေးကို ဇန်န၀ါရီ ၄ ရက်ကနေ ၆ ရက်နေ့အထိ ပိတ်ထားတယ်လို့ အစိုးရက သတင်းထုတ်ပြန်ထားပါတယ်။

တမူးမြို့မှာ ဇန်န၀ါရီ ၃ ရက်နေ့က ပစ်ခတ်မှုဖြစ်ခဲ့တဲ့အပြင် နယ်မြေချင်းကပ်နေတဲ့ အိန္ဒိယ နိုင်ငံဘက်မှာလည်း အခြေအနေ မတည်ငြိမ်တဲ့အတွက် ပိတ်တာဖြစ်တယ်လို့ တမူးမြို့ဒေသခံ ကုန်သည်တစ်ယောက်ဖြစ်တဲ့ ဦးပူဟင်က ပြောပါတယ်။
"လုံခြုံရေးကိစ္စနဲ့ ပတ်သက်ပြီးတော့ပေါ့ဗျ ၊ လွတ်လပ်ရေးနေ့ တစ်ရက်ရယ် ဒီနေ့ရယ် မနက်ဖြန်ရယ်ပေါ့ဗျာနော်၊ အမှန်က လွတ်လပ်ရေးနေကတော့ ပုံမှန်ဈေးပိတ်ရက်ပေါ့ဗျာ၊ ဒီနေ့နဲ့ မနက်ဖြန်ကတော့ လုံခြုံရေးအရဆိုပြီး သက်ဆိုင်ရာက ပိတ်လိုက်တာပါခင်ဗျ၊ နန်းဖာလုံဈေးကျတော့ဗျာ ကျနော်တို့ စည်ပင်ရေးလို့ပြောရမှာပေါ့ဗျာ၊ နယ်စပ်စည်ပင်ရေးဆိုတော့ မကြာသေးခင်က ပြီးခဲ့တဲ့ ၃ ရက်နေ့က ဟိုဘက်ကမ်းကလာပြီတော့ ပစ်ခတ်မှုဖြစ်ပွားတယ်ပေါ့နော်။ တစ်ဖက်နိုင်ငံရဲ့ အခြေအနေကလည်း တည်ငြိမ်မှုမရှိတော့ စိုးရိမ်လို့ပေါ့ဗျာ"
ဇန်န၀ါရီလ ၃ ရက်နေ့က တမူးမြို့၊ စန္ဒကူး (၆) ရပ်ကွက်နေ ကိုပီတာနဲ့ သမီးဖြစ်သူ မအဘင်တို့ကို အမည်မသိသူ ၃ ယောက်က သေနတ်နဲ့ပစ်ခတ်ခဲ့တဲ့အတွက် ဒဏ်ရာရရှိခဲ့တယ်လို့ နိုင်ငံပိုင် သတင်းစာတွေမှာ ဖော်ပြထားပါတယ်။

တမူးမြို့မှာ အဲဒီလို ဗုံးပေါက်ကွဲမှုတွေ၊ ပစ်ခတ်မှုတွေဖြစ်ခဲ့တဲ့အတွက် နယ်မြေခံ ရဲတပ်ဖွဲ့တွေနဲ့ တပ်မတော်ဘက်ကလည်း လုံခြုံရေးယူထားတာတွေ တွေ့ရတယ်လို့ ကိုပူဟင်က ပြောပါတယ်။

RFA Burmese
https://www.facebook.com/rfaburmese/


ကမ္ဘာတ၀ှမ်း သဘာဝဘေးအန္တရာယ်တွေကြောင့် - ၂၀၁၆ ခုနှစ်အတွင်း ပျက်စီးဆုံးရှုံးမှုတန်ဖိုး အမေရိကန်ဒေါ်လာ ၁၇၅ ဘီလီယံလောက် ရှိခဲ့ပြီး - ဒါဟာ ၂၀၁၂ ခုနှစ်ကတည်းကစလို့ အများဆုံးဖြစ်ကြောင်း ဂျာမန်အာမခံကုမ္ပဏီကြီးတခုဖြစ်တဲ့ Munich Re က ပြောဆိုလိုက်ပါ တယ်။

သဘာဝကပ်ဘေးကြောင့် ထိခိုက်သေဆုံးသူအရေအတွက်ဟာ ၂၀၁၅ ခုနှစ်မှာ ၂၅၄၀၀ ရှိခဲ့ရာက၊ ၈၇၀၀ အထိ သိသိသာသာ လျော့ကျသွား ခဲ့ပေမဲ့ - ငွေကြေးဆုံးရှုံးမှုအပိုင်းမှာတော့ မနှစ်ကထက် ၃ ပုံ ၂ ပုံ နီးပါး တိုးလာကြောင်းလည်း ဂျာမန်အာမခံကုမ္ပဏီကြီးရဲ့ ကိန်းဂဏန်းတွေက ဖော်ပြထားပါတယ်။

ထိခိုက်ဆုံးရှုံးမှုအများဆုံး သဘာဝဘေးအန္တရာယ်တွေကိုတော့ အာရှတလွှားမှာ ကြုံခဲ့ရပြီး၊ ဂျပန်နိုင်ငံမှာ ငလျင်ဒဏ် ၂ ကြိမ်ခံခဲ့ရတာကြောင့် ဆုံးရှုံးမှု ပမာဏဟာ အမေရိကန်ဒေါ်လာ ၃၁ ဘီလီယံ ရှိခဲ့သလို - တရုတ်နိုင်ငံက နွေရာသီမှာ ရေဘေးဒဏ်ကြောင့် အမေရိကန်ဒေါ်လာ ၂၀ ဘီလီယံ ဆုံးရှုံးခဲ့ပါတယ်။

မြောက်အမေရိကတိုက်မှာတော့ သဘာဝဘေးဒဏ် အကြိမ်ပေါင်း ၁၆၀ လောက် ရင်ဆိုင်ခဲ့ရပြီး၊ ၁၉၈၀ ပြည့်နှစ်နောက်ပိုင်း တနှစ်ထဲမှာတင် အများဆုံးလည်း ဖြစ်ခဲ့ပါတယ်။ Matthew ဟာရီကိန်း မုန်တိုင်းကြောင့် ဆုံးရှုံးမှုနဲ့ သေဆုံးမှုအများဆုံး ကြုံခဲ့ရပြီး၊ ဟေတီတနိုင်ငံတည်းမှာတင် အနည်းဆုံး လူပေါင်း ၅၅၀ သေဆုံးပြီး၊ ပျက်စီးဆုံးရှုံးမှု အမေရိကန်ဒေါ်လာ ၁၀ ဘီလီယံ ရှိခဲ့ပါတယ်။

အမေရိကန်ပြည်ထောင်စုနဲ့ ကနေဒါနိုင်ငံဟာလည်း ၂၀၁၆ ခုနှစ်အတွင်း တောမီးအကြီးအကျယ် လောင်ကျွမ်းမှု၊ ရေကြီးမှုတွေနဲ့ ကြုံတွေ့ခဲ့ရတာပါ။

ဥရောပတိုက်မှာတော့ မုန်တိုင်းတွေ ဆက်တိုက်ကြုံခဲ့ရတဲ့အတွက် ဒေါ်လာ ၆ ဘီလီယံ ဆုံးရှုံးခဲ့ရပြီး၊ ကမ္ဘာတ၀န်း စံချိန်တင် ရေကြီးမှုတွေကြောင့် ၂၀၁၆ ခုနှစ်မှာ ဘဏ္ဍာရေးအရ ဆုံးရှုံးမှုအားလုံးရဲ့ ၃၄% အထိ ရှိခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


တာချီလိတ် ဇန်န၀ါရီ ၅

ရှမ်းပြည်နယ်(အရှေ့ပိုင်း) တာချီလိတ်မြို့နယ် ၊ မိုင်းဖုန်း(ခ)ကျေးရွာအုပ်စု၊ ဝှေလှေလန်ကျေးရွာ တာချီလိတ် - ၀မ်ပုံ သွား ကားလမ်းပေါ်ရှိ မြန်မာဧရာမွန် လမ်းအသုံးပြုခ ကောက်ခံရေးစခန်းတွင် ဇန်န၀ါရီ ၄ ရက်နေ့ ည ၉ နာရီဝန်းကျင်က ပေါက်ကွဲမှု ဖြစ်ပွားခဲ့ကြောင်း သိရသည်။


ပေါက်ကွဲမှု ဖြစ်ပွားရာသို့ စစ်ဗျူဟာအဖွဲ့(အခြေချ) တာချီလိတ်မှ စစ်ဗျူဟာမှူး ဗိုလ်မှူးကြီး ကျော်ကိုထိုက် ဦးစီးသည့် အဖွဲ့နှင့် သက်ဆိုင်ရာ ရဲတပ်ဖွဲ့တို့မှ သွားရောက် စစ်ဆေးခဲ့ရာ ပေါက်ကွဲမှုကြောင့် အနက်(၅)လက်မ၊ အကျယ် (၁)ပေခန့် မြေသားများ ဖွာနေသည့် ကျင်းတစ်ခု၊ လမ်းအသုံးပြုခ ကောက်ခံ သည့် ဂိတ်မှန်နှင့် လူနေ အဆောက်အဦမှန် များ၊ ခေါင်မိုးအုတ်ကျွတ်များ ပျက်ဆီးခဲ့သည့် အပြင် ယင်းပေါက်ကွဲမှုကြောင့် ဂိတ်တာဝန်ကျ အသက်(၁၇)နှစ်ရှိ မောင်ကျော်ကျော်ထက်မှ ဦးခေါင်းရှေ့ ၀ဲဘက်နဖူးပေါက်ပြဲ ဒဏ်ရာ (မစိုးရိမ်ရ) ရရှိခဲ့ကြောင်း သိရသည်။


အဆိုပါ ပေါက်ကွဲမှုနှင့် ပတ်သက်၍ ဖြစ်ပွားရာနေရာနှင့် အနီးဝန်းကျင်သို့ ရှာဖွေ စစ်ဆေးမှုများ ပြုလုပ်ရာတွင် ဗုံးစများ တွေ့ရရှိရခြင်း မရှိသည့်အတွက် စုံစမ်းစစ်ဆေးမှုများ ပြုလုပ်သွားမည်ဖြစ်ကြောင်း သိရသည်။

ခရိုင်ပြန်/ဆက်
MOI Webportal Myanmar
https://www.facebook.com/MOIWebportalMyanmar


၂၀၁၆ ရွေးကောက်ပွဲကို ကြားဝင်နှောင့်ယှက်မှုနဲ့ အမေရိကန်သံတမန်တွေကို အနှောင့်အယှက်ပေးဖို့ ရုရှားက လုပ်ဆောင်မယ်လို့ သံသယရှိမှုအပေါ် အိုဘားမား အစိုးရအဖွဲ့က တုံ့ပြန်တာနဲ့ ပတ်သက်ပြီး အဖွဲ့ဝင်တွေ ပိုသိလာစေဖို့ အမေရိကန် အထက်လွှတ်တော် နိုင်ငံခြား ဆက်ဆံရေး ကော်မတီက ကြာသပတေးနေ့မှာ တံခါးပိတ် ဆွေးနွေးပွဲ ပြုလုပ်မှာ ဖြစ်ပါတယ်။

ကော်မတီဥက္ကဌ John McCain ကတော့ ရုရှားရဲ့ကြားဝင် နှောင့်ယှက်မှုဟာ စစ်ကြေညာမှုတရပ်လို့ ဗုဒ္ဓဟူးနေ့မှာ ပြောကြားခဲ့ပါတယ်။ ကြားနာပွဲမှာ ထောက်လှန်းရေး အကြီးအကဲ James Clapper အပါအဝင် အမေရိကန် ထောက်လှမ်းရေး အရာရှိတွေ ကော်မတီရှေ့မှောက် ထွက်ဆိုကြမယ်လို့ မျှော်လင့်ရပါတယ်။

သမ္မတ Barack Obama ကလည်း ပြီးခဲ့တဲ့လထဲမှာပဲ ရုရှားကို လက်တုံ့ပြန်တဲ့အနေနဲ့ အရေးယူ ဒဏ်ခတ်မှု အသစ်တွေ ချမှတ်ခဲ့တာပါ။

အဆင့်မြင့် ထောက်လှမ်းရေး အချက်အလက်တွေနဲ့ ပတ်သက်ပြီး သူ့ကို ပြောကြားဖို့ ၂ ရက်အလိုမှာပဲ အရွေးကောက်ခံ သမ္မတ Donald Trump က သူ့ရဲ့ နိုင်ငံရေး ပြိုင်ဘက်တွေကို သရော်လှောင်ပြောင်လိုက်သလို အမေရိကန်နိုင်ငံရဲ့ ပင်မ သတင်းမီဒီယာကြီးတွေကိုလည်း ဝေဖန်လိုက်ပါတယ်။

ဒါ့အပြင် ပြီးခဲ့တဲ့လ အမေရိကန်သမ္မတ ရွေးကောက်ပွဲမှာ ကန့်သတ်သတင်းအချက်လက်တွေကို ကွန်ပြူတာ ဖောက်ထွင်းမှုလုပ်ပြီး၊ မဲမပေးခင်မှာမှ အချက်တချို့ကို ရွေးပြီး အမေရိကန် မဲဆန္ဒရှင်တွေကို ဖောက်ချတာမျိုးနဲ့ ရုရှားကနေ ကြားဝင် နှောင့်ယှက်တယ်ဆိုတဲ့ အမြင်တွေ အပေါ်မှာလည်း ဆက်ပြီး မေးခွန်းတွေ ထုတ်ခဲ့တာပါ။

ဗုဒ္ဓဟူးနေ့က Twitter စာမျက်မှာမှာ Trump ရဲ့ ဆက်တိုက် ရေးသားချက်တွေထဲမှာ သူ သမ္မတအဖြစ် ကျမ်းကျိန်ပြီး သမ္မတအိမ်ဖြူရောက်ဖို့ ၁၆ ပဲ လိုတော့ချိန်မှာ Hillary Clinton ရွေးကောက်ပွဲ ရှုံးနိမ့်တာ၊ John Podesta နဲ့ အပြန်အလှန် ရေးသားတဲ့ အီးမေးလ်မိတ္တူ ထောင်ပေါင်းများစွာကို ဟက်ကာတွေ ကူးနိုင်အောင် ဒီမိုကရက်တစ်ပါတီ DNC က ဘာ့ကြောင့် ပေါ့ဆရသလဲ လို့ မေးခွန်းထုတ်ခဲ့သလို ရီပတ်ဘလစ်ကန်ပါတီ RNC လို ဒီဟက်ကာတွေ ရန်ကနေ ကာကွယ်မှုတွေ ဘာကြောင့် မလုပ်နိုင်ရသလဲ ဆိုတာတွေကိုလည်း မေးခွန်းထုတ်ခဲ့တာပါ။

Podesta ရဲ့ အီးမေးလ်တချို့ဟာ ရွေးကောက်ပွဲ မရှုံးခင် အတော်ကြာကတည်းက ရေးသားထားတာတွေဖြစ်ပြီး ဒီမိုကရက်တစ်ပါတီရဲ့ သမ္မတလောင်းအဖြစ် Clinton ကိုရွေးဖို့ အမည်စာရင်း တင်သွင်းမှု သေချာအောင် ဒီမိုကရက်တစ်ပါတီ ခေါင်းဆောင်တွေရဲ့ ကန့်လန့်ကာ နောက်ကွယ်က ကြိုးစားမှုတွေကို အသေးစိတ်ဖေါ်ပြထားတာမို့ မျက်နှာအထားရခက်စေတဲ့ အီးမေးလ်တွေ ထွက်ပေါ်လာတာ ဖြစ်ပါတယ်။

လိင်စော်ကားမှုစွဲချက်နဲ့ Sweden က တရားစွဲဆိုမှုကို ရှောင်ရှားနိုင်အောင် လန်ဒန်က အီကွေဒေါသံရုံးမှာ ခိုလှုံနေတဲ့ ဝီကီလိခ် တည်ထောင်သူ Julian Assange ရဲ့ ပြောကြားချက်ကို ကိုးကားပြီး ၁၄ နှစ်သား ကလေးလောက်ကတောင် Podesta ရဲ့ အီးမေးလ်ကို ဖောက်ထွင်းနိုင်တယ်လို့ Trump က ပြောကြားခဲ့သလို အဲဒီကလေးကို ရုရှားက အချက်လက်တွေ ပေးစရာမလိုဘူးလို့ ဆိုပါတယ်။

ဝီကီလိခ်က ရွေးကောက်ပွဲကာလမှာ Podesta ရဲ့ အီးမေးလ် ထောင်ပေါင်းများစွာကို ဖွင့်ချခဲ့တာဖြစ်ပြီး သူ့ရတဲ့ သတင်းအရင်းအမြစ် ဘယ်ကဆိုတာတော့ ထုတ်မပြောပါဘူး။

အမေရိကန် ရွေးကောက်ပွဲကို ကြားဝင်နှောင့်ယှက်ဖို့ နိုင်ငံရပ်ခြားရဲ့ ကြိုးပမ်းမှု ဖြစ်နိုင်တဲ့ကိစ္စနဲ့ ပတ်သက်ပြီး ထောက်လှမ်းရေး အသိုင်းဝိုင်းရဲ့ သုံးသပ်ချက် ပြီးစီးသွားပြီလို့ အမေရိကန် တာဝန်ရှိသူတွေက ဗုဒ္ဓဟူးနေ့မှာ အတည်ပြုပါတယ်။ တာဝန်ခံတွေက သမ္မတ အိုဘားမားကို ကြာသပတေးနေ့မှာ ရှင်းပြမှာဖြစ်သလို Trump ကိုတော့ သောကြာနေ့မှာ ရှင်းပြမှာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com



  မလေးရှားနိုင်ငံတွင် ဖမ်းဆီးရမိသည့် ဆင်စွယ်များအားတွေ့ရစဉ် (ဓါတ်ပုံ-အင်တာနက်)
ကွာလာလမ်ပူ၊ ဇန်နဝါရီ ၅ရက် (ဆင်ဟွာ)

မလေးရှားနိုင်ငံ အကောက်ခွန်အာဏာပိုင်များသည် ဇန်နဝါရီ၁ရက်က မလေးရှား ရင်းဂစ် ၇.၂သန်း (အမေရိကန်ဒေါ်လာ ၁.၆သန်း) တန် တရားမဝင်ဆင်စွယ်များအား ဖမ်းဆီးရမိခဲ့ပြီး ၂၀၁၇ခုနှစ်အစတွင် အကြီးမားဆုံးဖမ်းဆီးရမိသည့် မှောင်ခိုပစ္စည်းများဖြစ်ကြောင်း တာဝန်ရှိသူများက ဇန်နဝါရီ ၄ရက်တွင်ပြောကြားခဲ့သည်။
ကွာလာလမ်ပူ အပြည်ပြည်ဆိုင်ရာ လေဆိပ်မှ အကောက်ခွန်အရာရှိများ ဖမ်းဆီးရမိသည့် ပစ္စည်းများတွင် ၈၄၀ကီလိုဂရမ်အလေးချိန်ရှိသည့် ဆင်စွယ် ၂၅၄ချောင်းပါဝင်ကြောင်း ဆီလန်ဂေါ အကောက်ခွန်ညွှန်ကြားရေးမှူး Hamzah Sundang က ဇန်နဝါရီ ၄ရက် သတင်းစာရှင်းလင်းပွဲတစ်ခု၌ပြောကြားခဲ့သည်။

၎င်းက ဆင်စွယ်များသည် တူရကီနိုင်ငံ အစ္စတန်ဘူလ် အက်တာတက်ခ် လေဆိပ်တွင် တစ်ထောက်နားပြီး ကင်ရှာဆာအပြည်ပြည်ဆိုင်ရာလေဆိပ် တူရကီလေကြောင်းလိုင်းမှတစ်ဆင့် ရောက်ရှိလာခြင်းဖြစ်ကြောင်း ပြောကြားခဲ့သည်။

ယခုအချိန်အထိ မည်သည့် သံသယရှိသူများကိုမျှ ဖမ်းဆီးထားခြင်းမရှိဘဲ ကုန်သေတ္တာများပေါ်တွင် လိပ်မူထားသည့် ကွာလာလမ်ပူမြို့၊ Cherasခရိုင် ဆိုသည့်လိပ်စာမှာလည်း မှန်ကန်မှုမရှိကြောင်း သိရသည်။

တောရိုင်းတိရစ္ဆာန်များ ကုန်သွယ်မှု လေ့လာစောင့်ကြည့်ရေးကွန်ရက် TRAFFIC ၏ စာရင်းဇယားများအရ ၂၀၀၃ခုနှစ် ဇန်နဝါရီ မှ ၂၀၁၄ခုနှစ် မေလအထိ မလေးရှားနိုင်ငံ နှင့် ပတ်သက်နေသည့် ကမ္ဘာအနှံ့မှ တရားမဝင်ဆင်စွယ်များ ဖမ်းဆီးရမိမှု ၆၆ခုတွင် စုစုပေါင်းဆင်စွယ်အလေးချိန် ၆၃,၄၁၉ ကီလိုဂရမ် ရှိကြောင်း၊ ၎င်းတို့အနက် ၁၉ခုမှာ မလေးရှားမှ ထုတ်လုပ်ခြင်းဖြစ်ပြီး ကျန် ၄၇ခုမှာ မလေးရှားဆိပ်ကမ်းများ၏ စစ်ဆေးမှုမှ လွတ်မြောက်သွားသော သင်္ဘောဖြင့် တင်ပို့သည့်ဆင်စွယ်များအား နိုင်ငံပြင်ပ၌ ဖမ်းဆီးရမိမှုများဖြစ်ကြောင်း သိရသည်။

(Xinhua)
http://xinhuamyanmar.com



(အိန္ဒိယ-မြန်မာနယ်စပ် တမူးမြို့က နန်းဖာလုံဈေးကို တွေ့ရစဉ်)Photo:Kyaw San Lin (facebook)
အိန္ဒိယ-မြန်မာနယ်စပ် တမူးမြို့နယ်အတွင်းမှာ ဇန်န၀ါရီလ ၃ ရက်နေ့က မြန်မာနိုင်ငံဘက်က ဒေသခံ ၂ ဦးကို အမည်မသိ သူ ၃ ယောက်က သေနတ်နဲ့ ပစ်ခတ်မှုဖြစ်ပွားခဲ့ပြီးနောက်ပိုင်း တမူးမြို့က နန်းဖာလုံဈေးကို ဇန်န၀ါရီ ၄ ရက်ကနေ ၆ ရက်နေ့အထိ ပိတ်ထားတယ်လို့ အစိုးရက သတင်းထုတ်ပြန်ထားပါတယ်။

တမူးမြို့မှာ ဇန်န၀ါရီ ၃ ရက်နေ့က ပစ်ခတ်မှုဖြစ်ခဲ့တဲ့အပြင် နယ်မြေချင်းကပ်နေတဲ့ အိန္ဒိယ နိုင်ငံဘက်မှာလည်း အခြေအနေ မတည်ငြိမ်တဲ့အတွက် ပိတ်တာဖြစ်တယ်လို့ တမူးမြို့ဒေသခံ ကုန်သည်တစ်ယောက်ဖြစ်တဲ့ ဦးပူဟင်က ပြောပါတယ်။
"လုံခြုံရေးကိစ္စနဲ့ ပတ်သက်ပြီးတော့ပေါ့ဗျ ၊ လွတ်လပ်ရေးနေ့ တစ်ရက်ရယ် ဒီနေ့ရယ် မနက်ဖြန်ရယ်ပေါ့ဗျာနော်၊ အမှန်က လွတ်လပ်ရေးနေကတော့ ပုံမှန်ဈေးပိတ်ရက်ပေါ့ဗျာ၊ ဒီနေ့နဲ့ မနက်ဖြန်ကတော့ လုံခြုံရေးအရဆိုပြီး သက်ဆိုင်ရာက ပိတ်လိုက်တာပါခင်ဗျ၊ နန်းဖာလုံဈေးကျတော့ဗျာ ကျနော်တို့ စည်ပင်ရေးလို့ပြောရမှာပေါ့ဗျာ၊ နယ်စပ်စည်ပင်ရေးဆိုတော့ မကြာသေးခင်က ပြီးခဲ့တဲ့ ၃ ရက်နေ့က ဟိုဘက်ကမ်းကလာပြီတော့ ပစ်ခတ်မှုဖြစ်ပွားတယ်ပေါ့နော်။ တစ်ဖက်နိုင်ငံရဲ့ အခြေအနေကလည်း တည်ငြိမ်မှုမရှိတော့ စိုးရိမ်လို့ပေါ့ဗျာ"
ဇန်န၀ါရီလ ၃ ရက်နေ့က တမူးမြို့၊ စန္ဒကူး (၆) ရပ်ကွက်နေ ကိုပီတာနဲ့ သမီးဖြစ်သူ မအဘင်တို့ကို အမည်မသိသူ ၃ ယောက်က သေနတ်နဲ့ပစ်ခတ်ခဲ့တဲ့အတွက် ဒဏ်ရာရရှိခဲ့တယ်လို့ နိုင်ငံပိုင် သတင်းစာတွေမှာ ဖော်ပြထားပါတယ်။

တမူးမြို့မှာ အဲဒီလို ဗုံးပေါက်ကွဲမှုတွေ၊ ပစ်ခတ်မှုတွေဖြစ်ခဲ့တဲ့အတွက် နယ်မြေခံ ရဲတပ်ဖွဲ့တွေနဲ့ တပ်မတော်ဘက်ကလည်း လုံခြုံရေးယူထားတာတွေ တွေ့ရတယ်လို့ ကိုပူဟင်က ပြောပါတယ်။

RFA Burmese
https://www.facebook.com/rfaburmese/



 ဗီတာမင်ဒီ ဖြည့်စွက်စာ Uvesterol D ဆေးပုလင်းခွံများအား တွေ့ရစဉ် (ဆင်ဟွာ)
ပဲရစ်၊ ဇန်နဝါရီ ၅ ရက် (ဆင်ဟွာ)

ပြင်သစ်နိုင်ငံတွင် ဆေးသောက်ပြီးနောက် မွေးကင်းစ ကလေးတစ်ဦး သေဆုံးပြီးနောက် ဗီတာမင်ဒီ ဖြည့်စွက်စာ ဖြစ်သော Uvesterol D အသုံးပြုခြင်းအား ရပ်ဆိုင်းလိုက်ကြောင်း ပြင်သစ်နိုင်ငံ ကျန်းမာရေး အာဏာပိုင်များက ဇန်နဝါရီလ ၄ ရက်က ညွှန်ကြားလိုက်ကြောင်း သိရသည်။

ဆေးဝါးများ ဘေးအန္တရာယ် ကင်းရှင်းရေးအတွက် ထိန်းသိမ်းရသည့် ANSM အေဂျင်စီက ကလေးငယ် သေဆုံးမှုနှင့် Uvesterol D အကြား သေချာသည့် ဆက်စပ်မှုအား ထုတ်ဖော်ပြနိုင်ရန် စုံစမ်းစစ်ဆေးလျက် ရှိကြောင်း ပြောကြားခဲ့သည်။

ကြိုတင်ကာကွယ်မှု အနေဖြင့် လာမည့် ရက်များအတွင်း Uvesterol D ရောင်းချခြင်းကို ရပ်ဆိုင်းထားဖို့ ဆုံးဖြတ်ထားကြောင်း သိရသည်။

ဗီတာမင်ဒီ ချို့တဲ့သော ကလေးငယ်များအတွက် သောက်သုံးရန် ထုတ်လုပ်ထားသော Uvesterol D အား တိုက်ကျွေးပြီးနောက် ၁၀ ရက်သားအရွယ် ကလေးငယ် တစ်ဦး အသက်ရှူရပ်ကာ သေဆုံးသွားခဲ့ကြောင်း အေဂျင်စီက ကြေညာချက် ထုတ်ပြန်ခဲ့သည်။

ထို့ပြင် သီးခြား သတင်းထုတ်ပြန်ချက် တစ်ခုတွင်မူ ကြိုတင်ကာကွယ်မှု အနေဖြင့် ASNM ၏ တိကျသည့် ဆုံးဖြတ်ချက် မထွက်မီတိုင်အောင် မိဘများအနေဖြင့် ကလေးငယ်များကို  Uvesterol D မတိုက်ကျွေးကြရန် ညွှန်ကြားထားကြောင်း သိရသည်။

(Xinhua)
http://xinhuamyanmar.com



ဝန်ကြီးချုပ် နက်တန် ညာဟု ကိုယ်တိုင် က တပ်ကြပ် ဇာရီယာ ကို အပြစ်ဒဏ် မှ ကင်းလွတ်ခွင့် ပေးရေး လှုံ့ဆော်နေ
ပြီးခဲ့တဲ့ နှစ် မတ်လ က အစ္စရေး သိမ်းပိုက်နယ်မြေ အနောက်ဘက် ကမ်းမှာ ပါလက်စတိုင်းလူငယ် နှစ်ဦး က အစ္စရေး စစ်သား တဦး ကို ဓါးနဲ့ ထိုးခဲ့တဲ့ အတွက် အစ္စရေး စစ်သား တွေ ဘက် က သေနတ် နဲ့ ပြန်လည်ပစ်ခတ်တဲ့ အခါမှာ တဦး က နေရာတွင် ပဲ ပွဲချင်းသေပေမဲ့ တဦး က ဒဏ်ရာ နဲ့ လဲသွားပါတယ်။

အဆိုပါ ဒဏ်ရာရတဲ့ ပါလက်စတိုင်းလူငယ် အက်ဗဒူ ဖါတာ အယ်လ်ရှာရစ်ဖ် ကို အစ္စရေး တပ်ကြပ် အယ်လော ဇာရီယာ က သေနတ် နဲ့ ပစ်သတ်ခဲ့ လို့ သူ့ ကို စစ်ခုံရုံး မှာ လူသေစေမှု နဲ့ ဇန်နဝါရီလ ၄ ရက်နေ့မှာ အပြစ်ရှိကြောင်းအမိန့် ချလိုက်ပါတယ်။

စီရင်ချက် ကိုတော့ လာမဲ့ တနင်္ဂနွေ နေ့ ဇန်နဝါရီ ၈ ရက်နေ့မှာ ချမှတ် မှာပါ။

ဒီ အမှု ဟာ အစ္စရေး မှာ ပွက်လောရိုက်ကုန်ပြီး ဝန်ကြီးချုပ် နက်တန် ညာဟု ကိုယ်တိုင် က တပ်ကြပ် ဇာရီယာ ကို အပြစ်ဒဏ် မှ ကင်းလွတ်ခွင့် ပေးရေး လှုံ့ဆော်နေပါတယ်။

တကယ်လို့ သာ စစ်ခုံရုံး ကနေ အပြစ်ရှိကြောင်း စီရင်ချက် ချရင် တပ်ကြပ် ဇာရီယာ ဟာ နှစ် ၂၀ ထောက်ဒဏ်ကျခံရမှာပါ။

စစ်ဘက်ဆိုင်ရာ တရားသူကြီး သုံးယောက် ဟာလည်း အမိန့်မချခင် ၂ နာရီခွဲ ကြာတဲ့ တိုင်အောင် အမှုသွား အမှုလာ ကို စစ်ဆေးခဲ့ပါတယ်။

တပ်ကြပ် ဇာရီယာ ဘက် က ပါလက်စတိုင်း လူငယ် အနေနဲ့ ဗုံးတပ်ဆင်ထားတဲ့ ခါးပတ် ပတ်လာတယ် လို့ ထင်လို့ သူ့ကိုယ်သူ ကာကွယ်တဲ့ အနေနဲ့ လက်ဦးမှု ရအောင် ပစ်သတ် တာ လို့ အစစ်ခံပေမဲ့ မူလတုန်း ကတော့ သူတို့ ကို သတ်ဖို့ ကြံစည် လို့ အကြမ်းဖက် သမား ကို အသေသတ်ပစ် လိုက်တာ လို့ ထွက်ဆိုခဲ့တာ ရှိခဲ့ပါတယ်။

ဒါပေမဲ့ ဒဏ်ရာ နဲ့ လဲနေသူ လက်နက်မဲ့ ကို ဦးခေါင်းဆီ တည့်တည့်မတ်မတ် ချိန်ရွယ် ပစ်ခတ်တဲ့ ဗီဒီယို ရိုက်ကွက် က ထွက်လာတဲ့ အတွက် တပ်ကြပ်ဇာရီယာ ထွက်ချက် မခိုင်လုံတော့ပါဘူး။

ဒါကြောင့်မို့ အစ္စရေး ကာကွယ်ရေး ဝန်ကြီး အယ်ဗီဒေါ လစ်ဘားမင်း က အပြစ်ရှိကြောင်း စစ်ခုံရုံး က ဆုံးဖြတ်လိုက်တာကို အလိုမကျပေမဲ့ အစ္စရေး ပြည်သူတွေ အနေနဲ့ ခုံရုံး ရဲ့ ဆုံးဖြတ်ချက် ကို လေးစား ရမယ် လို့ ပြောပါတယ်။

ကာကွယ်ရေး ဝန်ကြီးဌာန အနေနဲ့ တော့ တပ်ကြပ် ဇာရီယာ နဲ့ သူ့မိသားစုဝင် တွေ လိုအပ်တဲ့ အကူအညီ တွေ ပေးဖို့ အသင့် ရှိပါတယ် လို့ ပြောပါတယ်။

အစ္စရေး လူ့အခွင့်အရေး စောင့်ကြည့် အဖွဲ့ ကလည်း ဒီအမှု ရဲ့ ဆုံးဖြတ်ချက် ဟာ အစ္စရေး စစ်သားတွေ တွေ ဘက် က ပါလက်စတိုင်းတွေ အပေါ် မှာ လိုအပ်တာထက် အင်အား အလွဲသုံးတာ ကို အပြုသဘောဆောင် မီးမောင်း ထိုးပြလိုက်တယ် လို့ ဆိုတဲ့ အကြောင်း ဘီဘီစီ သတင်းထောက် ယိုလန်နဲလ် က သတင်းပို့ထားပါတယ်။

BBC Burmese
http://www.bbc.com/burmese



မြန်မာနိုိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF အဖွဲ့ရဲ့ ဗဟိုကော်မတီဝင် မြောက်ပိုင်းဒေသ ခေါင်းဆောင် တစ်ဦးဖြစ်တဲ့ ဦးမင်းဌေး ကို တွေ့ရစဉ်။ Photo : Ko Min Htay (facebook)
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF မြောက်ပိုင်းရဲ့ ခေါင်းဆောင် တစ်ဦးဖြစ်တဲ့ ဦးမင်းဌေးကို မတရားအသင်းဆက်သွယ်မှု ဥပဒေပုဒ်မ ၁၇/၁ နဲ့ ကချင်ပြည်နယ် မိုးမောက်ရဲစခန်းမှာ အမှုဖွင့်ထား တာဟာ ABSDF အဖွဲ့ဝင်ဖြစ်တာကြောင့် မဟုတ်ဘဲ တိုက်ပွဲဖြစ်ချိန်မှာ ကေအိုင်အေ အကျိုးဆောင်ရွက်လို့ အရေးယူ တာဖြစ်ကြောင်း ကချင်ပြည်နယ်ရဲတပ်ဖွဲ့မှူး ရဲမှူးကြီး ထွန်းဦးက RFA ကို ဒီကနေ့ ပြောပါတယ်။

RFA က တွေ့ဆုံမေးမြန်းရာမှာ ရဲမှူးကြီး ထွန်းဦးက အခုလို ပြောပြပါတယ်။

"ကျနော်တို့ ABSDF အဖွဲ့အစည်းဖြစ်လို့ အရေးယူတာမဟုတ်ပါဘူး။ သူ့ရဲ့ လက်ရှိထွက်ဆိုချက်အရ ကျွန်တေ်ာတို့ ဒီမှာစစ်ပွဲဖြစ်ပွားနေတဲ့အချိန်မှာ KIA ရဲ့ အကျိုးငှာ သူဆောင်ရွက်နေတဲ့ အချက်တွေကို တချို့တလေ တွေ့ရှိလို့ ၁၇/၁ နဲ့ အရေးယူတာဖြစ်ပါတယ်။ ABSDF အဖွဲ့ဝင်ဖြစ်လို့ အရေးယူတာ မဟုတ်ဘူးလို့ သိရပါတယ်"

ဒါပေမဲ့ ကေအိုင်အေအတွက် ဘယ်လိုအကျိုးဆောင်ရွက်ပေးသလဲ ဆိုတာတော့ ထုတ်ဖေါ်ပြောဆိုခြင်း မရှိပါဘူး။

ပြီးခဲ့တဲ့နှစ် ဒီဇင်ဘာလ ၃၀ ရက်နေ့က ဗန်မော်-လွယ်ဂျယ်လမ်းပေါ် မိုးမောက်မြို့ရဲ့ အရှေ့ဘက် မိုင် ၂၀ ကျော် အကွာ စိန်လုံ ပူးပေါင်းစစ်ဆေးရေးဂိတ်မှာ ဦးမင်းဌေးကို ပူးပေါင်းစစ်ဆေးရေးအဖွဲ့တွေက ဖမ်းဆီးလိုက် တာဖြစ်ပါတယ်။

ဦးမင်းဌေးကို ဖမ်းဆီးစစ်ဆေးပြီးတဲ့နောက်မှာ ဗန်မော်အခြေစိုက် စစ်ဆင်ရေးကွပ်ကဲမှူးဌာနချုပ် စကခ - ၂၁ က ဗိုလ်ကြီးအဆင့်ရှိ တပ်မတော်အရာရှိတစ်ဦးက မတရားသင်းဆက်သွယ်မှု ပုဒ်မ ၁၇/၁ နဲ့ တရားလိုလုပ်ပြီး အမှုဖွင့်လိုက်တာပါ။

လောလောဆယ် မိုးမောက်မြို့မ  ရဲစခန်းမှာ အမှုဖွင့်ထိန်းသိမ်းထားပြီး ဥပဒေအတိုင်း ဆောင်ရွက်မှာဖြစ်ကြောင်းနဲ့ ဘယ်နေ့ရုံးထုတ်မယ်ဆိုတာကိုတော့ မသိရှိရသေးဘူးလို့ ဆိုပါတယ်။

မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး ABSDF ဟာ တစ်နိုင်ငံလုံးဆိုင်ရာ အပစ်အခတ် ရပ်စဲရေးစာချုပ် NCA မှာ လက်မှတ်ရေးထိုးထားပြီး ငြိမ်းချမ်းရေးဆွေးနွေးပွဲတွေမှာ ပါဝင်နေတဲ့အဖွဲ့ဖြစ်ပါတယ်။

ကချင်ပြည်နယ်မှာ မတရားသင်းဆက်သွယ်မှု ဥပဒေ ပုဒ်မ ၁၇/၁ နဲ့ ဖွင့်ထားတဲ့ အမှုပေါင်း ၂၀ ကျော်ရှိပြီး လူဦးရေ စုစုပေါင်း ၇၀ ကျော်ကို ဖမ်းဆီးစစ်ဆေးမှုတွေပြုလုပ်နေပါတယ်။

RFA Burmese
http://www.rfa.org/burmese

Author Name

Contact Form

Name

Email *

Message *

Powered by Blogger.