01/12/17


မြန်မာဒုတိယနိုင်ငံခြားရေးဝန်ကြီး ဦးကျော်တင့်ဦးဆောင်တဲ့ မြန်မာ အထူးသံတမန်အဖွဲ့ဟာ ဘင်္ဂလားဒေ့ရ်ှ နိုင်င့ခြားရေးဝန်ကြီး AH Mahmood Ali အပါအ၀င် ဘင်္ဂလာဒေ့်ရှ် နိုင်ငံခြားရေးဌာန အရာရှိတွေနဲ့ ဘင်္ဂလားဒေ့်ရှိနိုင်ငံ ဒါကာမြို့က အစိုး၇ဧည်ဂေဟာမှာ ဒီကနေ့ ညနေပိုင်းက နှစ်နာရီ ကြာ တွေဆုံ ခဲ့ကြပါတယ်။

တွေ့ဆုံဆွေးနွေးမှုနဲ့ပတ်သက်လို့တော့ အသေးစိတ်ကို မသိရသေးပေမယ့် နှစ်နိုင်ငံဆက်ဆံရေးတိုးတက်လာဖို့ မျှော်လင့်တဲ့အကြောင်း မြန်မာနိုင်ငံခြားရေးဌာန ပြောခွင့်ရသူ ဦးကျော်မိုးထွန်းက ဗွီအိုအေကို ပြောပါတယ်။

“ကျနော်တို့အဓိက ခုနကပြောသလို ၂ နိုင်ငံဆက်ဆံရေးနဲ့ ပူးပေါင်းဆောင်ရွက်မှု တိုးမြင့်ရေးအတွက်ဘယ်လိုတွေဆောင်ရွက်ကြမလဲဆိုတဲ့ဟာ တွေကိုလည်း ထည့်သွင်းဆွေးနွေးမှာ ဖြစ်ပါတယ်။ ဒီလိုခရီးစဉ်တွေသွားေ၇ာက်ခြင်းကြောင့် ၂ နိုင်ငံဆက်ဆံရေးနဲ့ ပူးပေါင်းဆောင်ရွက်မှုတွေမှာ ရှိနေတဲ့ အတိုင်းအတာထက်ကို ပိုပြီးတော့ ဘယ်လိုပြောမလဲ လေးလေးနက်နက် ပိုဆောင်ရွက်နိုင်လိမ့်မယ် လို့တော့ မျှော်လင့်ထားပါတယ်ခင်ဗျ။"

အခုဆွေးနွေးပွဲမှာတော့ နှစ်နိုင်ငံအကြား ဆက်ဆံရေးကိစ္စတွေထဲ နယ်စပ်က ဒုက္ခသည်တွေအရေးကိစ္စကို အလေးပေး ဆွေးနွေးမယ်လို့ အများက ယူဆထားကြပါတယ်။

မြန်မာနိုင်ငံ ရခိုင်ပြည်နယ်တွင်းက အခြေအနေတွေကြောင့် မွတ်ဆလင်ဒုက္ခသည်ထောင်နဲ့ချီ ဘင်္ဂလားဒေ့ရ်ှနိုင်ငံ ၀င်ရောက်လာတယ်ဆိုပြီး ဘင်္ဂလားဒေ့ရ်ှနိုင်ငံဖက်က ဒီကိစ္စ မြန်မာနဲ့ ဆွေးနွေးမှု လုပ်လိုတာပါ။

အခုလပိုင်းအတွင်းမှာပဲ ဘင်္ဂလားဒေ့ရ်ှနိုင်ငံထဲကို မြန်မာဖက်က မွတ်ဆလင် ဒုက္ခသည် ၆သောင်းကျော် ၀င်ရောက်လာတယ်ဆိုပြီး ဘင်္ဂလားဒေ့ရ်ှအခြေစိုက် ဒုက္ခသည်များဆိုင်ရာ ကုလသမဂ္ဂမဟာမင်းကြီးရုံးက သတင်းထုတ်ပြန်ထားပါတယ်။ မြန်မာနိုင်ငံက လွှတ်လိုက်တဲ့ အခု အထူးသံတမန်အဖွဲ့ဟာ ဘင်္ဂလားဒေ့်ရ်ှနိုင်ငံမှာ သုံးရက်ကြာမှာဖြစ်ပြီး၊ ဒီကြားထဲ ဘင်္ဂလားဒေ့်ရ်ှ ၀န်ကြီးချုပ်နဲ့လည်း သီးခြားတွေ့ဆုံဖို့ ရှိတယ်လို့ သိရပါတယ်။

ဗွီအိုအေ (မြန်မာပိုင်း)
http://burmese.voanews.com


ဇန်န၀ါရီလ ၁၁ ရက် ၂၀၁၇

လာမည့် ဧပြီလ ၁ ရက်နေ့တွင် ကျင်းပရန် စီစဉ်ထားသည့် ကြားဖြတ်ေ ရွးကောက်ပွဲတွင် ကျေးသီးမဲဆန္ဒနယ် လည်းပါဝင်နေရာ ကျေးသီးမြို့နယ် အတွင်း သျှမ်းပြည်တပ်မတော် အခြေစိုက်ဌာနချုပ် ၀မ့်ဟိုင်းတွင် ရွေးကောက် ပွဲကျင်းပ ခွင့်နှင့် မဲရုံထောင်ခွင့်ကို ခွင့်ပြုမည်ဖြစ်ကြောင်း သျှမ်းပြည်တပ်မေ တာ် မြောက်ပိုင်း တာဝန်ရှိသူက သျှမ်းသံတော်ဆင့်သို့ ပြောသည်။

ဝမ့်ဟိုင်းကျေးရွာအုပ်စုတွင် မဲရုံထောင်ခွင့် ၊ ကျင်းပခွင့်များ ပါ ပေးအပ်မည်ဖြစ် ကာ ရွေးကောက်ပွဲကို အပြည့်အ၀ ထောက်ခံကြောင်းလည်း သျှမ်းပြည်တပ်မတော် ပြောခွင့်ရ ဗိုလ်မှူးစိုင်းဘုန်းဟန်က ပြောသည်။

“၀မ့်ဟိုင်း ကျေးရွာမှာ ၂၀၁၀ တုန်းကလည်း ရွေးကောက်ပွဲ ကျင်းပခဲ့တာပဲ။ ကျနော်တို့က ရွေးကောက်ပွဲကို ဘယ်တုန်းကမှ မဆန့်ကျင်ခဲ့ဘူး။ ” ဟု စိုင်းဘုန်းဟန်က ပြောသည်။

ကျေးသီးနှင့် မိုင်းရှူးမြို့နယ်များသည် ၂၀၁၅ ခုနှစ်က ရွေးကောက်ပွဲကျင်းပမည့် မဲဆန္ဒနယ် စာရင်းတွင် ပါဝင်ခဲ့သော်လည်း ရွေးကောက်ပွဲနီးကပ်လာချိန်တွင် မိုင်းရှူးမြို့နယ်၌ တပ်မတော်နှင့် SSA တို့အကြား တိုက်ခိုက်မှုများကြောင့် ရွေးကောက်ပွဲကော်မရှင်မှ အဆိုပါ မဲဆန္ဒနယ်များတွင် ရွေးကောက်ပွဲ ကျင်းပမှုကို ရွှေ့ဆိုင်းလိုက်ခြင်းဖြစ်သည်။

“၂၀၁၅မှာလည်း အစိုးရဘက်က ဖျက်ခဲ့တာပဲ။ အခုတော့ ကူညီပေးဖို့ အသင့်ပါ။”ဟု စိုင်းဘုန်းဟန်က ပြောသည်။

၂၀၁၀ ရွေးကောက်ပွဲကာလ ၀မ့်ဟိုင်း ကျေးသီး မဲဆန္ဒနယ်တွင် ကျားဖြူပါတီမှာ အနိုင်ရရှိခဲ့ပြီး ယခုရွေးကောက်ပွဲတွင်မူ ကျားခေါင်း ၊ ကျားဖြူနှင့် NLD တို့မှာ အဓိက ပြိုင်ဘက်များအဖြစ် မိုင်းရှူးနှင့် ကျေးသီးမဲဆန္ဒနယ်တွင် ယှဉ်ပြိုင်ကြမည်ဖြစ်သည်။

လာမည့် ဧပြီလ ၁ ရက်နေ့ တွင် ကျင်းပမည့် ကြားဖြတ် ရွေးကောက်ပွဲတွင် သျှမ်းပြည်နယ်၌ မဲဆန္ဒနယ် စုစုပေါင်း ၈ နေရာ ရှိနေပြီး သျှမ်းတပ်မတော် မြောက်ပိုင်း လှုပ်ရှားရာ မိုင်းရှူးနှင့် ကျေးသီးတွင် မဲဆန္ဒနယ် ၆ နေရာ ၊ ကျိုင်းတုံနှင့် ညောင်ရွှေတွင် ၁ နေရာစီ စုစုပေါင်း ၈ နေရာ သျှမ်းပြည်နယ်တွင် လစ်လပ်မဲဆန္ဒနယ်အဖြစ် ကျင်းပမည်ဖြစ်သည်။

သျှမ်းသံတော်ဆင့်၊ စိုင်းအောင်ဆိုင်း
Panglong(Burmese)
https://www.facebook.com/Panglong.burmese

kachin IDP camp flee (Citizen Journalist)
kachin IDP camp flee (Citizen Journalist)

KIA ဌာနချုပ်ရှိရာ လိုင်ဇာမြို့အနီး ဒုက္ခသည်စခန်းက ဒုက္ခသည် လေးထောင်ကျော်ဟာ လုံခြုံရေးစိုးရိမ်ချက်တွေကြောင့် တရုတ်နိုင်ငံ နယ်စပ်ဖက်ကို ရွေ့ပြောင်းသွားကြပါတယ်။ တရုတ်နိုင်ငံဘက်က နယ်စပ်ဖြတ်ကျော် ခွင့်မပေးလို့၊ သူတို့ဟာ နယ်စပ်မျဉ်းနားမှာ ဒုက္ခသည်တွေ့နေရတယ်လို့ အကူအညီပေးသူတွေက ပြောပါတယ်။ ကချင်ဒုက္ခသည်တွေကို အကူအညီပေးနေတဲ့ ပူးပေါင်းအဖွဲ့ရဲ့ ပြောခွင့်ရသူ ဂွမ်ရှာအောင်ကို ကိုအောင်အောင်က ဆက်သွယ်မေးမြန်းထားပါတယ်။

“ဖြေ။ ။ဒီမနက်ဝင်သွားတဲ့ စာရင်းကတော့ ၄ ထောင်ကျော်လောက်ရှိတာပေါ့နော်။ ဇိုင်းအောင်(Zai Awng) နဲ့ ခေါင်ရှောင် ( Hkau shau) က IDP တွေပေါ့နော်။ မနေ့ညကစပြီး သူတို့က ထိန့်လန့်ပြီး ပစ္စည်းတွေပြင်ကြတာပေါ့နော်။ ပြင်ပြီးအစောကြီး ဒီမနက် ၄ နာရီလောက်မှာ တရုတ်ပြည်ဘက်ခြမ်း ချောင်း ၁ ဘက်ကို ပြန်ပြီးတော့ ကူးတာပေါ့နော်။ ကူးတယ် ဒါပေမယ့် မနက်မိုးလင်းပြီးနောက်ပိုင်းကျတော့ အဲဒီနေရာကို တရုတ်ရဲတွေလည်း သူတို့ကိုစစ်ဆေးပြီး မြန်မာဘက်အခြမ်းကို ပြန်ပြီးမှ နှင်လွှတ်တဲ့ အနေအထားရှိပါတယ်။

မေး။ ။ ဟုတ်ကဲ့ တရုတ်ဘက်အခြမ်းကရော လက်မခံဘူးဆိုတာ သိရပါသလဲ။

ဖြေ။ ။အဲဒီအကြောင်းပြချက်ကတော့ ဘာမှ ကျနော်တို့ တိတိကျကျ မသိရဘူးပေါ့နော်။ ဆိုတော့ မနက်ရောက်လာတဲ့အချိန် တရုတ်ရဲတွေ ရောက်လာပြီးမှ သူတို့ကို ပြန်ဖို့ပေါ့နော် ဒီအတိုင်း နှင်လွှတ်တယ် ဆိုတဲ့ အနေအထားမျိုးပေါ့။

မေး။ ။ဒုက္ခသည်တွေကို တရုတ်ဘက်ကနေ လက်မခံဘူးဆိုတဲ့ အခါကျတော့ သူတို့ ဘယ်လိုမျိုး ရပ်တည်နေသလဲခင်ဗျ။

ဖြေ။ ။အခု သူတို့နေနေတာက တရုတ်နယ်စပ်တလျှောက်မှာပေါ့နော် ဟိုဘက်ကမ်း ဒီဘက်ကမ်းက ချောင်းပဲ ခြားတာဆိုတော့ သူတို့က ချောင်းရဲ့ တဘက်ခြမ်းမှာ ဆက်ပြီးတော့ နေနေတာဖြစ်ပါတယ်။

မေး။ ။ဆိုတော့ ဒုက္ခသည်စခန်းမှာမဟုတ်ပဲနဲ့ ခုနက ကိုဂွမ်ရှာအောင်ပြောသလို ဒီချောင်းတလျှောက်မှာ ယာယီတဲထိုးပြီးတော့ နေနေရတဲ့ ပုံစံမျိုးလားခင်ဗျ။

ဖြေ။ ။ယာယီတဲနဲ့ နေရတာကတော့ တပတ်ကျော်ရှိနေပြီပေါ့နော် အခုဆိုလည်း တောက်လျှောက်အဲလိုဖြစ်နေတဲ့အနေအထားမှာဖြစ်ပါတယ်။

မေး။ ။တရုတ်ဘက်ကိုလည်းသွားတယ် တရုတ်က လက်မခံဘူးဆိုတော့ ဒုက္ခသည်တွေရဲ့ စားဝတ်နေရေးအခြေအနေ ဘယ်လိုရှိပါသလဲ။

ဖြေ။ ။ဒီမနက်အနေအထားမျိုးဆိုရင်တော့ သူတို့အတွက် တော်တော်ဆိုးတယ်ပေါ့နော် မနက်အစောကြီးထပြီးတော့ ပြေးရတယ်ဆိုတဲ့အနေအထားမျိုးဆိုတော့ တမနက်လုံး မနက်စာတောင်မစားရပဲနဲ့ ပြေးရတဲ့ အနေအထားမျိုးရှိတယ်။ ပိုဆိုးတာက ဒီ IDP တွေအနေနဲ့ အခုလို ထပ်ဆင့် ထပ်ဆင့် ပြေးလွှားနေတဲ့အနေအထားရှိတော့ သူတို့အနေနဲ့ စိတ်ဝေသနာတွေလည်း တော်တော်လေး ဖြစ်နေတာပေါ့နော်။ သူတို့ စိုးရိမ်မှု ကြောင့်ကြမှုတွေ ဖြစ်နေတယ်။ တချို့ကသွေးတိုးဖြစ်တာနဲ့၊ တချို့က လွန်ခဲ့တဲ့ တပတ်လုံး တပတ်ကျော်ကျော်ပဲ သူတို့ ရောက်ရာအရပ်မှာ ဒီလို စခန်းချပြီးတော့ ပြေးလွှားခဲ့ရတဲ့ အနေအထားကြောင့် တဘက်မှာလည်း ကျန်းမာေ၇းအခြေအနေတွေ လည်း တော်တော်စိုး၇ိမ်ရတဲ့အခြေအနေ တွေဖြစ်ပါတယ်။

မေး။ ။အခုရှိတဲ့ ရိက္ခာကရော သူတို့အတွက် ဘယ် နှစ်ရက်စာလောက်ပဲ သူတို့မှာ ရှိပါသလဲ။

ဖြေ။ ။ကျနော်ထင်တယ် အများကြီးတော့ လုံလောက်မယ်မထင်ဘူး။ အများဆုံးရှိမှ လက်ရှိရှိတဲ့ဟာနဲ့ဆိုရင် ၅ ၇က် - ၁ ပတ်ပေါ့နော်။

မေး။ ။ရာသီဥတုအနေအထားရော ဘယ်လိုရှိပါသလဲ။

ဖြေ။ ။ရာသီဥတု ကတော့ ဆောင်းတွင်းဖြစ်တဲ့ အတွက် တော်တော်အေးတာဖြစ် ပါတယ်။ ဖြစ်ချင်တော့ လွန်ခဲ့တဲ့ ၁ ပတ်ကဆို၇င် ဆောင်းတွင်းမှာ ည မိုးပြန်ရွာတဲ့အချိန်က ၃-၄ ရက်ရှိတော့ အဲဒီကာလမှာလည်း IDP တွေ တော်တော်လေး ဒုက္ခရောက်ခဲ့တာဖြစ်ပါတယ် အခုဆောင်းတွင်းဆိုပေမယ့် တခါတလေ မမျှော်လင့်ပဲ မိုးရွာရင် သူတို့အတွက်တော်တော်လေး ဒုက္ခရောက်တာဖြစ်ပါတယ်။ တဘက်မှာတော့ အရမ်းအေးတာပေါ့နော်။”
VOA Burmese News


အမေရိကန်သမ္မတ ဘားရက်အိုဘားမားဟာ အမေရိကန်ပြည်သူတွေနဲ့ တစ်ကမ္ဘာလုံးကို သမ္မတ တစ်ဦးအနေနဲ့ နောက်ဆုံး နှုတ်ဆက်မိန့်ခွန်း ပြောကြားခဲ့တယ်လို့ သိရပါတယ်။
Eleven Media Group


ပေကျင်း၊ ဇန်နဝါရီ ၁၁ ။ ။ ဗြိတိန်လက်အောက်မှ တရုတ်လက်သို့ ပြန်လည်လွှဲပြောင်းရောက်ရှိပြီး နှစ်နှစ်ဆယ်တွင် ဟောင်ကောင်၏ လူ့အခွင့်အရေးအခြေအနေမှာ အဆိုးဆုံးအဆင့်သို့ ရောက်ရှိသွားကြောင်း တက်ကြွလှုပ်ရှားသူများက ဇန်နဝါရီ ၁၁ ရက်၌ ပြောသည်။

တစ်စိတ်တစ်ဒေသကိုယ်ပိုင်အုပ်ချုပ်ခွင့်ရ ဟောင်ကောင်အား တင်းတင်းကျပ်ကျပ် ကိုင်တွယ်သည်ဟု တရုတ်နိုင်ငံက စွပ်စွဲခံထားရစဉ် နိုင်ငံတကာလွတ်ငြိမ်ချမ်းသာရေးအဖွဲ့က ယခုကဲ့သို့ အစီရင်ခံစာတစ်ရပ် ထုတ်ပြန်လာခြင်းဖြစ်သည်။

အဆိုပါ အစီရင်ခံစာ၌ ၂၀၁၆ ခုနှစ်တွင် ဟောင်ကောင်အား နောက်ကြောင်းပြန်သုံးသပ်ရာတွင် မြို့မှာ လူ့အခွင့်အရေး ယိုယွင်းဆိုးရွားနေပြီး နယ်ပယ်များစွာတွင် အခွင့်အရေးဆုံးရှုံးမှုများ ရှိနေကြောင်း ဖော်ပြသည်။

တရုတ်အား ဝေဖန်သည့် စာအုပ်များ ရိုက်နှိပ်ဖြန့်ချိသူ ငါးဦး ဟောင်ကောင်မှ ပျောက်ချင်းမလှ ပျောက်သွားခဲ့ခြင်းကို ကိုးကာကာ ယင်းအဖွဲ့က ထောက်ပြသည်။

၎င်းတို့ ငါးဦးအား တရုတ်ပြည်မကြီးတွင် ပြန်လည်တွေ့ရခြင်းဖြစ်သည်။

တရုတ်အနေဖြင့် လူ့အခွင့်အရေးအုပ်စုများက ဖိအားပေးနေလင့်ကစား ၎င်းတို့ ငါးဦး ပျောက်ဆုံးခဲ့မှုနှင့် ပတ်သက်ပြီး ရှင်းလင်းပြခြင်းလည်း မရှိခဲ့ကြောင်း ယင်းအဖွဲ့က ဆိုသည်။

ထိုပြင် ဟောင်ကောင်လွတ်လပ်ရေးကို ထောက်ခံသည့် အမတ်နှစ်ဦးအား အရည်အချင်းနှင့် ကိုက်ညီမှု မရှိဟုဆိုကာ ထုတ်ပယ်ခြင်းက တရုတ်၏ ဟောင်ကောင်ဖွဲ့စည်းပုံကို အဓိပ္ပာယ်ကောက်ယူပုံနှင့် ပတ်သက်ပြီး သံသယပွားစရာဖြစ်ရသကဲ့သို့ တရုတ်နှင့် သဘောတူညီထားသော တစ်နိုင်ငံ စနစ်နှစ်ရပ်အရ အကာအကွယ်ပေးနိုင်မည့် ဟောင်ကောင်တရားရေးအာဏာပိုင်အဖွဲ့၏ လုပ်ပိုင်ခွင့်အပေါ်လည်း မေးခွန်းများ ထွက်ပေါ်စေခဲ့ကြောင်း အဆိုပါ အစီရင်ခံစာတွင် ဖော်ပြထားသည်။
Mizzima - News in Burmese


ရန်ကုန်၊ ဇန်န၀ါရီလ ၁၁ ။ ။ ရန်ကုန်မြို့အတွင်း ယာဉ်ကြောပိတ်ဆို့မှုများ၏ ၃၀ ရာခိုင်နှုန်းမှာ လိုင်းကားများဖြစ်ပြီး ကျန် ၇၀ ရာခိုင်နှုန်းမှာ အိမ်စီးကား အပါအဝင် အခြားယာဉ်များ နေရာယူထားခြင်းကြောင့် ဖြစ်သည်ဟု လျှပ်စစ်၊ စက်မှု လက်မှု နှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောသည်။

အဆိုပါ ၃၀ ရာခိုင်နှုန်းရှိသော လိုင်းကားများကို စီးနင်းနေသည့် ခရီးသည်အရေအတွက် မှာ လူဦးရေ ၂၀ သိန်းဝန်းကျင်ရှိပြီး လက်ရှိနေ့စဉ်သွားလာနေသော လူဦးရေ၏ ၈၀ ရာခိုင်နှုန်းဖြစ်နေသည်ဟု ၎င်းကပြောသည်။

ရန်ကုန်မြို့တွင်း၌ နေ့စဉ်သွားလာနေသော ခရီးသည်ဦးရေမှာ စုစုပေါင်း ၂၈ သိန်းဝန်းကျင်ခန့်ရှိပြီး လူဦးရေ ၈ သိန်းဝန်းကျင်မှာ ရထားစီးသူများနှင့် အခြားကားများကို စီးနင်းသူများ ဖြစ်ကြောင်း ဂျန်ပန်နိုင်ငံမှ ပညာရှင်များ၏ လေ့လာချက်အရ သိရသည်။

ထို့ကြောင့် အများပြည်သူများမှ လိုင်းကားများဖြင့် ပိုမိုသွားလာနိုင်ပါက ယာဉ်ကြောပိတ်ဆို့မှုကို လျှော့ချနိုင်မည်ဖြစ်သောကြောင့် ပိုမိုကောင်းမွန်သော ယာဉ်လိုင်းစနစ်သစ်သို့ ပြောင်းလဲလိုက်ခြင်းဖြစ်သည်ဟု သိရသည်။

" အဲ့ဒီလိုင်းကားတွေကို စီးနေတဲ့ ဦးရေကကြတော့ ၈ဝ ရာခိုင်နှုန်းရှိပါတယ်။ အဲ့ဒီအတွက် ကျွန်မတို့အနေနဲ့ ခရီးသွားပြည်သူတွေ စိတ်ချမ်းချမ်းသာသာနဲ့ သွားလာနိုင်ဖို့ နိုင်ငံတကာမှာလိုပဲ သာမာန် လူလတ်တန်းစားပဲ ဖြစ်ဖြစ်၊ တော်ရုံအရာရှိပဲဖြစ်ဖြစ် အားလုံးဟာ ဒီအများပြည်သူသယ်ယူပို့ဆောင်ရေး ယာဉ်လိုင်းတွေကို စီးနင်းပြီး စိတ်ချမ်းသာစွာ သွားလာနိုင်ဖို့အတွက် ဒီစနစ်ကို ပြောင်းလဲတာဖြစ်ပါတယ်"ဟု ဒေါ်နီလာကျော်က ရှင်းပြသည်။

ရန်ကုန်မြို့အတွင်း အများပိုင်သယ်ယူပို့ဆောင်ရေးစနစ်သစ်ဖြင့် ယာဉ်လိုင်းများ မကြာမီစတင်ပြေးဆွဲတော့မည် ဖြစ်ရာ အဆိုပါကိစ္စနှင့် ပတ်သက်၍ ဇန်နဝါရီလ ၆ ရက်နေ့က ရန်ကုန်တိုင်းဒေသကြီး အစိုးရရုံး၌ ပြုလုပ်သည့် သတင်းစာ ရှင်းလင်းပွဲတွင် ရှင်းလင်းပြောကြားခဲ့ခြင်းဖြစ်သည်။

မကြာမီပြေးဆွဲမည့် အများပိုင်သယ်ယူပို့ဆောင်ရေးစနစ်သစ်ကို ၂ဝ၁၆ ခုနှစ် မေလမှစတင် အကောင်အထည် ဖော်ခဲ့ခြင်း ဖြစ်ပြီး ပထမဦးဆုံးအနေဖြင့် လာမည့် ဇန်နဝါရီလ ၁၆ ရက်နေ့တွင် ယာဉ်လိုင်း ပေါင်း ၆ဝ ဖြင့် စတင် ပြေးဆွဲတော့ မည်ဖြစ်သည်။

ထို့ပြင် ယာဉ်ကြောပိတ်ဆို့မှုများကို ထိန်းချုပ်နိုင်ရန်အတွက်လည်း မကြာမီစတင်မည့် အများပိုင်သယ်ယူပို့ ဆောင်ရေး စနစ်သစ်တွင် ရန်ကုန်မြို့အတွင်းရှိ မီးပွိုင့်ပေါင်း ၁၅၄ ခုကို CCTV ကင်မရာများတပ်ဆင်ပြီး ထိန်းချုပ် ကွပ်ကဲ ရေးစင်တာမှ တိုက်ရိုက်ထိန်းချုပ်သွား မည်ဖြစ်ကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်း ပြောပြချက်အရ သိရသည်။

ရဲနိုင်(လောက်ကိုင်)
Mizzima - News in Burmese


မနှစ်က စက်တင်ဘာလကတည်းက ဖျက်သိမ်းမယ်လို့ ကြွေးကြော်ထားတဲ့ မထသကို ၂၀၁၇ ဇန်န၀ါရီ ၁၅ မှာတော့ တကယ်ကြီးဖျက်သိမ်းတော့မှာ ဖြစ်ပါတယ်။ မထသဖျက်လိုက်ရင် ဘာတွေဖြစ်မလဲ။ မောင်မှန်သိသလောက်တော့ ကားလမ်းတလျှောက်လိုင်းကားတွေတားတားပြီး လက်မှတ်ထိုးခိုင်းတာလား။ ပိုက်ဆံတောင်းတာလားမသိတဲ့ လူတွေပျောက်သွားမယ်ထင်ပါတယ်။ အများပိုင်ယာဉ်လိုင်းဆိုတာကြီးက ပုံစံတမျိုးမျိုးနဲ့ ထပ်အစားထိုးရင်တော့ မသိဘူးပေါ့လေ။ ပြည်သူတွေအတွက် ဘာတွေပိုကောင်းလာမလဲ။ ရေရေရာရာတော့ မရှိလှသေးပါဘူး။

ရန်ကုန်မြို့တော်မှာ လိုင်းကားစီးခရီးသည် နှစ်သန်းကျော်ရှိသတဲ့။ ဘတ်စ်ကားယာဉ်လိုင်းပေါင်း ၃၀၀ ကျော်ရှိသတဲ့။ (အများစုကို မထသကချုပ်ကိုင်ထားပါတယ်။) ဘတ်စ်ကားပေါင်း တသောင်းကျော် ပြေးဆွဲ နေတာတဲ့။ အွန်လိုင်းဂျာနယ်တစောင်ရဲ့ အဆိုအရ လိုင်းကားတစီးဟာ မထသကို တရက် ၆၀၀၀ တရား ၀င်ပေးရပြီး ၅၀၀၀ က တရားမ၀င်ပေးရတယ်ဆိုပဲ။ မထသရဲ့ တနေ့ဝင်ငွေတွက်ကြည့်ရင် နည်းမှတ်လို့၊ သိန်းထောင်ချီဝင်နေတာ။ လူမသိသူမသိဝင်နေတဲ့ငွေပါ။ ဒါကြောင့်လည်း လိုင်းကားတွေကို အရေးယူမှုအပိုင်း အားနည်းတာဖြစ်မယ်ထင်ပါတယ်။

ခုတော့ ပြောင်းပြီပေါ့။ အဦးဆုံးမောင်မှန် သတိထားလိုက်မိတဲ့ အပြောင်းအလဲကတော့ ကားခပါ ခင်ဗျာ။ ၁၀၀၊ ၂၀၀၊ ၃၀၀ တဲ့။ အရင် တရားဝင်နှုန်းထားက (အများစု) ၅၀၊ ၁၀၀၊ ၁၅၀၊ ၂၀၀ ပါ။ ဒါကို ကားသမားတွေက နည်းမျိုးစုံနဲ့ တော်လှန်ချိုးဖျက်နေတာတော့ ကြာခဲ့ပါပြီ။ ၅၀ မရှိ၊ ၁၅၀ မရှိဘဲ ၁၀၀၊ ၂၀၀ နဲ့ ကြိတ်နေတာ ကြာပါပြီ။ ၁၀၀ ဆိုတာက တမှတ်တိုင် နှစ်မှတ်တိုင်လောက်စီးရတာပါ။ သုံးမှတ်တိုင်လောက်ဆိုရင် ၂၀၀ ပဲ။ ပြည်သူတွေသိပြီးသားပါ။ အခု ၅၀ ကို တရားဝင်ဖျက်သိမ်းလိုက်ပါပြီ။ တရား ၀င် ၁၀၀ ဆိုတာကလည်း သုံးလေးမှတ်တိုင်ပဲဖြစ်မှာပါ။ ဒီတော့ ၂၀၀၊ ၃၀၀ ပဲ ဆိုပါစို့။ ကားခဈေးတက်သွားပါတယ်။ နောက်ပြီး ရန်ကုန်မြို့မှာ ပြေးဆွဲနေတဲ့ လိုင်းကားအစီးရေရဲ့ ၂၀ ရာခိုင်နှုန်းလောက် လျော့ကျသွားမယ်လို့လည်း ဆိုပါသေးတယ်။ (ဒါက လောလောဆယ်ဖြစ်မှာပါ။ နောင်ကိုတော့ ထပ်တိုးလာမယ် ထင်ပါတယ်။) လက်ရှိပြေးနေတာ တသောင်းကျော်ဆိုတော့ ရှစ်ထောင်လောက်သာ ကျန်မယ့်သဘောပဲ။ ကားတွေ ပိုကျပ် လာဦးမယ်။ ယာဉ်နောက်လိုက်အများစုရဲ့ အဆူအငေါက်အကြိမ်းအမောင်း အရိုင်းအပျကိုရော ကျော်နိုင်၊ နင်းနိုင်ပါ့မလား။ မသေချာလှပါဘူး။ ယာဉ်မောင်းတွေကိုတော့ လစာစနစ်နဲ့ပေးချေမှာတဲ့။ ကားဖိုက်တဲ့ဘေးကတော့ ဝေးနိုင်မယ်ထင်ပါရဲ့။ လတ်တလောမှာ ကားချိန်းတဲ့ကိစ္စလည်း မဖြစ်နိုင်သေးဘူး။ (ကြာရင်တော့ မပြောတတ်ဘူး) ဒီလိုကောင်းတာလေးတွေလည်း ရှိဦးမှ။ မောင်မှန်တို့ပြည်သူတွေက ရှင်းရှင်း လေးပါ။ မိုးပျံအောင်ကောင်းတယ်ဆိုတဲ့ ဘတ်စ်ကားမျိုးကြီးတွေကိုလည်း မစီးချင်လှပါဘူး။ တော်ရုံသင့်ရုံ အန္တရာယ်ကင်းရုံဆို အဆင်ပြေပါတယ်။ အဲ ကားခကတော့ သက်သာချင်တယ်ခင်ဗျ။ သက်သာလေ ကောင်းလေပဲ။ အနိမ့်ဆုံးလုပ်ခလစာ ၃၆၀၀ သတ်မှတ်ထားတဲ့နိုင်ငံမှာ မြို့စွန်ကလာတဲ့၊ မြို့စွန်ကို သွားရမယ့် အလုပ်သမားတယောက်ဟာ ၆၀၀ အလိုလိုပြုတ်သွားပါပြီ။ ကျန်တဲ့ ၃၀၀၀ နဲ့ တနေ့စာကို ပြည်သူများ ဇယားချကြည့်လိုက်ရင် သိပါတယ်။ ဘာလုပ်နိုင်မလဲဆိုတာ၊ ဘာပဲဖြစ်ဖြစ်ပေါ့လေ။ အများ ပြည်သူသယ်ယူပို့ဆောင်ရေး ဘတ်စ်ကားယာဉ်လိုင်းဆိုတာကို အလေးအနက် ကြိုဆိုလိုက်ပါတယ်။ (မကြိုဆို လို့လည်း မရဘူးလေ။ ဒီကားကိုပဲ နေ့တိုင်းစီးရမှာ။ တခြား ရွေးချယ်စရာဘာမှမရှိဘူး။ ဒီတော့ ဖားထားမှဖြစ်မှာ) မင်းအစိုးရအဆက်ဆက် ပန်းပန်လျက်ပါဆိုတဲ့ မထသကတော့ နငယ်ရေးချဝစ္စနှစ်လုံး ပေါက်သွားရပါပြီ။

အစိုးရသစ်ရဲ့သိသာထင်ရှားတဲ့ ပြောင်းလဲနိုင်မှု တခုလို့ အသိအမှတ်ပြုကြရမှာပါ။ (လက်တွေ့နဲ့ချိန် ထိုး ကြည့်ဖို့ရာလည်း မကြာတော့ပါဘူး။) နောက်ထပ်ပြောင်း စေချင်တာလေး ရေးပါဦးမယ်။ ပြီးခဲ့တဲ့လပိုင်းတွေက မိုးပြာဂိုဏ်း(ပစ္စုပ္ပန်ကမ္မ ၀ါဒီဂိုဏ်း)ရဲ့အကြောင်းတွေ အတော်လေးကြားလိုက်ရ၊ ဖတ်လိုက်ရတယ်။ မိုးပြာဂိုဏ်း ဆရာတော်ဦးဥာဏက ကြေညာတာ၊ သာသနာရေးဝန်ကြီးက ပြန်ပြောတာ၊ နိုင်ငံတော်သံဃနာယကအဖွဲ့က ကြေညာချက်ထုတ်ပြန်တာ အစရှိသဖြင့်ပေါ့လေ။ မောင်မှန်ဟာ မိရိုးဖလာ ဗုဒ္ဓဘာသာပါ။ ကိုယ်တိုင်ဆန်းစစ် လေ့လာကိုးကွယ်နိုင်စွမ်းရှိတဲ့သူ မဟုတ်ပါဘူး။ အန္ဓပုထုဇဉ်မျှသာပါ။ ဒီတော့ ဘာမှမသိပါဘူး။ ဘာသာ ရေးကြောင့် တရားစွဲမယ်၊ ဖမ်းမယ်၊ ဆီးမယ်ဆိုတဲ့ ကိစ္စတွေကိုလည်း ကြောက်ပါတယ်။ (အမှန်က ဘာသာ ရေးကြောင့်မှ မဟုတ်ပါဘူး။ ဘာကြောင့်ပဲဖြစ်ဖြစ် ကြောက်ပါတယ်။ လူကြားကောင်းအောင် ပြောတာပေါ့။) မောင်မှန်မသိတဲ့ကိစ္စတွေ၊ မောင်မှန့်အရာမဟုတ်တာတွေ ငြင်းခုံ ဆွေးနွေးနေကြတာ မောင်မှန် ဘယ်ဘက်ကမှ ၀င်မပါ ပါဘူး။ ဒါပေမဲ့ အခုနည်းနည်းရေးကြည့်ပါမယ်။ အယူဝါဒနဲ့ပတ်သက်လို့တော့ မဟုတ်ပါဘူး။ မောင်မှန် နားလည်သလောက်ကလေးပါ။

မိုးပြာဂိုဏ်းဆိုတာ မဆလခေတ်ကတည်းက ရှိခဲ့တာပဲ။ ဦးဥာဏဟာ သူ့အယူအဆကို မစွန့်တဲ့အတွက် မဟနက အဓမ္မ၀ါဒီအဖြစ်ကြေညာပြီး အကြိမ်ကြိမ် အရေးယူခဲ့ပါတယ်။ (သူ့အယူအဆ မှန်တာမှားတာ မောင်မှန် မသိပါဘူး။ ဘာသဘောထားမှလည်း မရှိပါဘူး။) ခုထိဦးဥာဏက သူ့ဝါဒကို မစွန့်တဲ့အတွက် ထိပ်တိုက်ရင်ဆိုင်မှုတွေဖြစ်ကုန်တာပါ။ ဒီဝါဒကို ထပ်ဖြန့်ဖြူးရင် ထပ်အရေးယူခံရဦးမှာပါ။

ဇန်န၀ါရီ (၈) ရက်နေ့က YMCA ခန်းမမှာ ကျင်းပတဲ့ အစ္စလာမ်ဘာသာဝင်တွေရဲ့ တမန်တော်နေ့ အခမ်းအနားကို အမျိုးသားရေးဝါဒီဆိုသူတွေက နှောင့်ယှက်ဟန့်တားမှု ပြုလုပ်လိုက်တာ နာရီဝက်လောက်ပဲ အကျဉ်းရုံးပြီး ကျင်းပလိုက်ရပါတယ်။ ဒါတောင် သက်ဆိုင်ရာတာဝန်ရှိသူတွေ ရောက်လာပြီး စေ့စပ်ညှိနှိုင်းပေးလိုက်လို့ ဒီလောက်နဲ့ပြီးသွားတာ။ အချိန်မီသာရောက်မလာရင် ဘာတွေဆက်ဖြစ်မယ် မသိဘူး။ မောင်မှန် အစ္စလာမ်ဘာသာကိုလည်း ဘာမှမသိပါဘူး။ ဒါပေမဲ့လွတ်လပ်စွာ ကိုးကွယ်ယုံကြည်ခွင့်ကို သိပါတယ်။ သူတပါးဘာသာရေးကို (အကြောင်းမဲ့) မစော်ကားရဘူးဆိုတာ သိပါတယ်။ အစိုးရသစ် လက်ထက် မှာ အတန်ကြာငုပ်လျှိုးနေခဲ့တဲ့ အပူနာဟာ အခုတကျော့ပြန် ပေါ်လာတာပါ။ ဒါဟာ ဘာသာရေးကိစ္စ သက်သက် မဟုတ်ပါဘူး။ အစိုးရသစ်ရဲ့တရား ဥပဒေစိုးမိုးရေးနဲ့ တည်ငြိမ်အေးချမ်းမှုဖော်ဆောင်ရေးကို စိန်ခေါ်လိုက်တာလည်း ဖြစ်ပါတယ်။ ပြန်ပြီး သွေးတိုးစမ်းလာတာလည်း ဖြစ်ပါတယ်။ ဘာသာရေးကို အကြောင်းပြုလို့ လူထုကို အာရုံလွှဲချင်နေပုံလည်းရပါတယ်။ ဒါတွေကို မပြောင်းလဲနိုင်ရင် မထသကို ဖျက်သလို မဖျက်နိုင်ရင် ပြည်သူတွေအတွက် ရတက်အေးနိုင်မယ် မထင်ကြောင်းပါခင်ဗျာ။

မောင်မှန်
News Watch(စောင့်ကြည့်သတင်းဂျာနယ်)


တနင်္ဂနွေနေ့က ရန်ကုန်၊ ပုစွန်တောင်ရှိ မွတ်ဆလင်ဘာသာဝင်တို့၏ ၀တ်ပြုဆုတောင်း အခမ်းအနားတစ်ခုကို ဘာသာရေးအစွန်းရောက် လူတစ်စုက ဟန့်တားခဲ့ကြောင်း စီစဉ်သူများနှင့် မျက်မြင်သက်သေများထံက သိရသည်ဟု အေအက်ဖ်ပီသတင်းဌာနက ရေးသားထားသည်။

အဆိုပါ တမန်တော်မွေးနေ့ ၀တ်ပြု ပွဲတော် အခမ်းအနားကို ပိတ်ပင်ရန် ရဟန်းအချို့ ဦးဆောင်းပြီး လူဒါဇင်ချီ တို့က ရန်ကုန်မြို့ရှိ ဝိုင်အမ်စီအေ အဆေက်အအုံသို့ ချီတက်လာခဲ့သည်။

"ကျွန်တော်တို့ ဒီပွဲတော်ကို ကျင်းပလာတာ ကျွန်တော့်တစ်သက်ပါ။ အခုတော့ လွတ်လပ်စွာ ကိုးကွယ်ခွင့်ကို တိုက်ခိုက်လိုက်တာပဲ" ဟု အူလမာ အစ္စလာမ်အဖွဲ့၏
အတွင်းရေးမှူး ဦးကျော်ငြိမ်းက အေအက်ဖ်ပီသတင်းဌာနကို ပြောကြားသည်။

"ကျွန်တော်တို့ ဘာအမှားလုပ်တာလဲ မပြောဘဲနဲ့ ဘုန်းကြီးတွေက အခမ်းအနားကို ရပ်ခိုင်းခဲ့ကြပါတယ်''

အခမ်းအနားကို ပိတ်သိမ်းရန် တောင်းဆိုခဲ့ပြီးနောက် ဘုန်းကြီးအချို့နှင့် လူများက ခန်းမ အတွင်း အတင်းဝင်ရောက် လာသည်ဟု မျက်မြင်သက်သေများက ဆိုသည်။

ပွဲတော်ကျင်းပရေး ကော်မတီ ဒုဥက္ကဋ္ဌ ဦးတင်မောင်ဝင်းက အဆိုပါ အမျိုးသားရေးအဖွဲ့များသည် ယခင်အာဏာရပါတီ ပြည်ခိုင်ဖြိုး၏ ထောက်ခံမှုကို ရထားပြီး ဒေါ်အောင်ဆန်းစုကြည် ဦးဆောင်သော အန်အယ်လ်ဒီ အစိုးရအား နိုင်ငံရေး မကျေနပ်မှု ဖြစ်အောင် လှုံ့ဆော်နေကြခြင်း ဖြစ်သည် ဟု အေအက်ဖ်ပီ သတင်းဌာနသို့ ပြောကြားခဲ့သည်။

မျက်မြင်များ၏ အဆိုအရ ထိုလူစုက ဝတ်ပြုနေသူများကို အာဏာပိုင်များ၏ ခွင့်ပြုချက်မရှိဘဲ ပွဲတော် အခမ်းအနား ကျင်းပသည်ဟုဆိုကာ ဟန့်တားကြခြင်း ဖြစ်သည်။ ပွဲတော်ကို ရပ်တန့်သူအချို့တွင် ဘုန်းကြီးများ လည်း ပါဝင်သည်။ သို့သော် အခမ်းအနား ကျင်းပရန် ခွင့်ပြုချက် ရယူ ထားပြီး ဖြစ်ကြောင်း ပုဇွန်တောင်ရဲဌာနမှ တာဝန်ရှိ အရာရှိတစ်ဦး က အေအက်ဖ်ပီသတင်းဌာနသို့ ပြောကြားခဲ့သည်ဟု ဆိုသည်။

“ဘာသာရေး အခမ်းအနား ကျင်းပဖို့ အာဏာပိုင်တွေက ခွင့်ပြု ချက်ပြီး ဖြစ်တယ်ဆိုတာ ကျွန်တော်တို့ ရှင်းပြခဲ့ပါတယ်။ သူတို့ က အခမ်းအနားကို စောင့်ကြည့်ပါရစေလို့ တောင်းဆိုတယ်။ ပွဲစီစဉ်တဲ့ မွတ်ဆလင် လူကြီးတွေနဲ့ ညှိနှိုင်းအပြီးမှာ သူတို့ထဲက ငါးယောက်ကို ခန်းမအတွင်း လေ့လာစောင့်ကြည်ဖို့ ခွင့်ပေးခဲ့တာပါ” ဟု ရဲအရာရှိ ဦးထွန်းတင်က အေအက်ဖ်ပီသတင်းဌာနကို ဖုန်းဖြင့် ဖြေကြားသည်။

အခမ်းအနားကို စောင့်ကြည့်ခွင့် ပေးခဲ့သော်လည်း ဘုန်းကြီးများက ဝတ်ပြုစုဝေးသူများကို အကြမ်းဖက် တိုက်ခိုက်မှုများ လုပ်ရန် စီစဉ်နေသည်ဟု ထပ်မံ စွပ်စွဲခဲ့ကြောင်း ဗိုလ်တထောင်မြို့နယ်မှ အစ္စလာမ်ဘာသာဝင် ဦးသိန်းညွန့်က ပြောသည်။

“ကျွန်တော်တို့ ဘာသာရေး အခမ်းအနား ကျင်းပနေတာပါဗျာ။ ကျွန်တော်တို့ အတော် စိတ်မချမ်းမသာ ဖြစ်ရတယ်။ ကျွန်တော်တို့ နိုင်ငံကို ကျွန်တော်တို့ ချစ်ပါတယ်။ ဒီလို မိုက်မဲတာတွေ ဘယ်တော့မှ လုပ်မှာမဟုတ်ပါဘူး၊ အခုကတော့ လွန်လွန်းတယ်ဗျာ” ဟု ၄င်းက ပြောကြားခဲ့သည်။

လင်းလင်း
The Ladies News

စစ်ပွဲတွေ ရပ်တန့်ဖို့ လူမှုအဖွဲ့အစည်းတွေနဲ့ လူငယ်အဖွဲ့တွေ ဆွေးနွေးပွဲကို ဇန်နဝါရီလ ၁၁ ရက်နေ့က ရန်ကုန်တက္ကသိုလ်ထဲက ထွန်းတောက်စားသောက်ဆိုင်မှာ တွေ့ဆုံဆွေးစဉ်စစ်ပွဲတွေ ရပ်တန့်ဖို့ လူမှုအဖွဲ့အစည်းတွေနဲ့ လူငယ်အဖွဲ့တွေ ဆွေးနွေးပွဲကို ဇန်နဝါရီလ ၁၁ ရက်နေ့က ရန်ကုန်တက္ကသိုလ်ထဲက ထွန်းတောက်စားသောက်ဆိုင်မှာ တွေ့ဆုံဆွေးစဉ်
Photo: Kyaw Zaw Win/ RFA

ပြည်တွင်းစစ် ရပ်တန့်ဖို့အတွက် ထိရောက်တဲ့ လူထုလှုပ်ရှားမှုတွေ လုပ်ဆောင်နိုင်ဖို့အတွက် ငြိမ်းချမ်းရေးကိုလိုလားတဲ့ လူမှုရေးအဖွဲ့အစည်းတွေနဲ့ လူငယ်အဖွဲ့တွေပူးပေါင်းပြီး ဘယ်လို လုပ်ဆောင်သွားမလဲဆိုတာကို ဒီကနေ့ ရန်ကုန်တက္ကသိုလ်ထဲက ထွန်းတောက်စားသောက်ဆိုင် မှာ တွေ့ဆုံဆွေးနွေး ခဲ့ကြပါတယ်။

အခုလိုတွေ့ဆုံဆွေးနွေးမှုကနေ ငြိမ်းချမ်းရေးအမြန်ရရှိဖို့အတွက် ဘယ်လိုကူညီသွားကြမလဲဆို အဖြေရှာပြီး ဆက်လက်အကောင်အထည်ဖော်သွားမှာဖြစ်တယ် လို့ ဆွေးနွေးပွဲကို တက်ရောက်လာတဲ့ လူငယ်တစ်ဦးဖြစ်တဲ့ မအက်စတာ က ပြောပါတယ်။

လာမယ့် ပြည်ထောင်စုနေ့မတိုင်ခင် ပြည်တွင်းစစ်ရပ်စဲရေးအတွက် တောင်းဆိုတဲ့ လူထုလှုပ်ရှားမှု ပေါ်ပေါက်လာအောင် ကြိုးစားဖို့ တက်ရောက်လာသူတွေ က ဆွေးနွေးကြပါတယ်။

လူစည်ကားတဲ့နေရာတွေ အများပြည်သူအသုံးပြုနေတဲ့ ကားမှတ်တိုင်တွေ၊ ရထားတွေ၊ ဈေးတွေမှာ အဲဒီလှုပ်ရှားမှုမှာ ပါဝင်ကြဖို့ လက်ကမ်း စာစောင်တွေ ဖြန့်ဝေပြီး လှုံ့ဆော်ဖို့လည်း ဆောင်ရွက် သွားမယ်လို့ ပြောကြပါတယ်။

ဆွေးနွေးပွဲကို ငြိမ်းချမ်းရေးလိုလားတဲ့ လူငယ်တွေ၊ နိုင်ငံရေးသမားတွေ၊ တက်ကြွလှုပ်ရှားသူတွေ၊ အနုပညာရှင်တွေနဲ့ လူမှုရေး အသင်းအဖွဲ့အစည်း ကိုယ်စားလှယ်တွေ တက်ရောက်ခဲ့ကြပါတယ်။

နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လူငယ်တွေနဲ့တွေ့ဆုံစဉ်မှာ လူငယ်တွေ ငြိမ်းချမ်းရေးအတွက် ပါဝင်ကြဖို့ပြောခဲ့တာရှိတဲ့အတွက် လူငယ်အဖွဲ့အစည်းတွေ ပိုမိုပါဝင်ဆွေးနွေးကြ တာလို့ တက်ရောက်လာတဲ့ လူငယ်တွေက ပြောကြပါတယ်။
RFA


စစ်တွေမြို့ ရခိုင်ပြည်နယ်အစိုးရအဖွဲ့ရုံးမှာ ဇန်နဝါရီလ ၁၁ ရက်နေ့က ဆန်စပါးလုပ်ငန်းရှင်တွေနဲ့တွေ့ဆုံဆွေးနွေးစဉ်
စစ်တွေမြို့ ရခိုင်ပြည်နယ်အစိုးရအဖွဲ့ရုံးမှာ ဇန်နဝါရီလ ၁၁ ရက်နေ့က ဆန်စပါးလုပ်ငန်းရှင်တွေနဲ့တွေ့ဆုံဆွေးနွေးစဉ်
Photo: Min Thein Aung/ RFA
 ဟောင်ကောင်အခြေပြု Golden Phoenix Investments Limited ကုမ္ပဏီက ဒီနှစ်အတွင်း ရခိုင်ပြည်နယ်ကနေ ဆန်တန်ချိန် ၃ သိန်းအထိ ဝယ်ယူလိုကြောင်း ဒီနေ့ ကမ်းလှမ်းလိုက်တယ်လို့ သိရပါတယ်။

စစ်တွေမြို့ ရခိုင်ပြည်နယ်အစိုးရအဖွဲ့ရုံးမှာ ဆန်စပါးလုပ်ငန်းရှင်တွေနဲ့တွေ့ဆုံဆွေးနွေးစဉ်မှာ ကမ်းလှမ်း ခဲ့တာဖြစ်ပြီး ဆိပ်ကမ်းအခက်အခဲကြောင့် ပထမဆုံး ဆန်တန်ချိန် ၁ သောင်းကို တင်ပို့ဖို့ ဆွေးနွေး ခဲ့ကြတယ်လို့ တွေ့ဆုံရာမှပါဝင်ခဲ့တဲ့ ကျောက်တော်မြို့နယ် တောင်သူလယ်သမား အကျိုးဆောင် အသင်း အတွင်းရေးမှူး ဦးမောင်ထွီးက ပြောပါတယ်။

ဟောင်ကောင်အခြေစိုက် Golden Phoenix Investment Limited က တာဝန်ရှိသူတွေဟာ ကျောက်တော်မြို့က ဆန်စပါးထွက်ရှိမှုအခြေအနေကို ကွင်းဆင်းလေ့လာခဲ့ပြီး ဆန်တွေကို ဝယ်ယူနိုင်ရေး ဒီနေ့ဆွေးနွေးခဲ့ကြတာဖြစ်ပါတယ်။

ဆန်စပါးအရည်အသွေးပေါ်မူတည်ပြီး ဟောင်ကောင်ကုမ္ပဏီနဲ့ ရခိုင်ဆန်စပါးလုပ်ငန်းရှင်တွေအကြား ဆန်ဝယ်ယူတင်ပို့နိုင်ရေးကို ဆက်လက်ဆောင်ရွက် မှာဖြစ်တယ်လို့လည်း ဆွေးနွေးပွဲ တက်ရောက် ခဲ့သူတွေက ပြောပါတယ်။

ဟောင်ကောင်အခြေပြု Golden Phoenix Investments Limited ကုမ္ပဏီတာဝန်ရှိသူတွေဟာ ရခိုင်ပြည်နယ်က ဆန်တွေဝယ်ယူနိုင်ရေးကိစ္စနဲ့ပတ်သက်ပြီး ရခိုင်ပြည်နယ်ဝန်ကြီးချုပ် ဦးညီပုနဲ့လည်း တွေ့ဆုံဆွေးနွေးခဲ့တယ်လို့ သိရပါတယ်။

ရခိုင်ပြည်နယ်က ထွက်ရှိတဲ့ ဆန်စပါးတွေကို အရင်က တစ်ဘက်ဘင်္ဂလားဒေ့ရ်ှနိုင်ငံနဲ့ တရုတ်နယ်စပ် ကို တင်ပို့မှုတွေရှိခဲ့ပေမယ့် အခုနောက်ပိုင်း ပြည်ပဆန် တင်ပို့မှုတွေ ရပ်ဆိုင်းနေတာဖြစ်ပါတယ်။
RFA


သမ္မတ အိုဘားမားရဲ့ မြန်မာနိုင်ငံ ခရီးစဉ်
သမ္မတ အိုဘားမားရဲ့ မြန်မာနိုင်ငံ ခရီးစဉ်
မြန်မာနိုင်ငံကို အမေရိကန် သမ္မတ တဦး အနေနဲ့ ပထမဆုံး လာရောက်ခဲ့တဲ့ သမ္မတ ဘရက်ခ် အိုဘားမားရဲ့ သမ္မတ သက်တမ်းက ဒီရက်ပိုင်းတွေ အတွင်းမှာ ကုန်ဆုံးတော့မှာ ဖြစ်ပါတယ်။ မြန်မာနိုင်ငံနဲ့ ထိတွေ့ဆက်ဆံရေး မူဝါဒကို ကျင့်သုံးပြီး မြန်မာ အစိုးရ၊ အတိုက်အခံ ၊ လူငယ်တွေ နောက် အရပ်ဘက် အဖွဲ့အစည်းတွေနဲ့ပါ ထိတွေ့ ဆက်ဆံခဲ့သလို ဆယ်စုနှစ်နဲ့ချီပြီး မြန်မာ အပေါ်ချမှတ်ထားတဲ့ အမေရိကန်ရဲ့ ဒဏ်ခတ်ပိတ်ဆို့မှုကိုပါ ဖယ်ရှားပေးခဲ့တဲ့ အမေရိကန် သမ္မတ ဘရက်ခ်အိုဘားမားရဲ့ ရာထူး သက်တမ်း အတွင်း မြန်မာ့အရေး ဆောင်ရွက်ချက်တွေကို မသိင်္ဂီထိုက် စုစည်းတင်ပြထားပါတယ်။

ရန်ကုန် တက္ကသိုလ်မှာ ၂၀၁၂ ခုနှစ် နိုဝင်ဘာလ ၁၉ ရက်နေ့မှာ အမေရိကန် သမ္မတ ဘရက်ခ်အိုဘားမားက သမိုင်းဝင် မိန့်ခွန်းကို ပြောဆိုခဲ့တာပါ။ သမ္မတ အိုဘားမားရဲ့ ဒီခရီးစဉ်က မြန်မာနိုင်ငံကို လာရောက်တဲ့ အမေရိကန် သမ္မတတဦး အဖြစ်လည်း သမိုင်းတွင်ခဲ့ပါတယ်။

မြန်မာနိုင်ငံရဲ့ လူ့အခွင့်အရေး ချိုးဖောက်မှုတွေကြောင့် သံတမန် ဆက်ဆံရေး အဆင့်လျှော့ချပြီး ဒဏ်ခတ်ပိတ်ဆို့ခံထားရတဲ့ မြန်မာနိုင်ငံကို ထိတွေ့ဆက်ဆံရေး မူဝါဒ စတင်ကျင့်သုံးခဲ့တဲ့ သမ္မတ အိုဘားမားရဲ့ ဆောင်ရွက်ချက်တွေက မြန်မာ့ အသွင်ကူးပြောင်းရေးကို ပိုပြီး ထိရောက်စေခဲ့တယ်လို့လည်း သုံးသပ်ကြပါတယ်။ အမေရိကန်ရဲ့ ထိတွေ့ ဆက်ဆံရေး မူဝါဒရဲ့ တစိတ်တပိုင်း အနေနဲ့ မြန်မာ အစိုးရ အဖွဲ့ဝင်တွေရဲ့ အမေရိကန် ခရီးစဉ်မှာ ကိုယ်တိုင်လိုက်ပါခဲ့တဲ့ ဦးလှမောင်ရွှေက အခုလို သုံးသပ်ပါတယ်။

“သမ္မတဦးသိန်းစိန်လက်ထက်မှာ legitimacyအကန့်အသတ်ရှိတယ်ဆိုပေမယ့် အိုဘားမားအစိုးရကတော့ ထိတွေ့ဆက်ဆံရေးပေါ်လစီကိုသုံးပြီးတော့ ရဲရဲတင်းတင်းပဲ သူ့လွှတ်တော်တို့ ဘာတို့က ဒါအများကြီးမကြိုက်သေးတာတောင်မှ သူက မြန်မာအစိုးရ၀န်ကြီးတွေပေါ့လေ တာဝန်ရှိတဲ့သူတွေကို ၂၀၁၂ မှာ သူတို့ဆီကို ပြည်ဝင်ခွင့်ရုပ်သိမ်းတာမျိုးတွေလည်း ရဲရဲတင်းတင်းသူလုပ်ခဲ့တယ်ခင်ဗျ။ ကျနော်နားလည်တာကတော့ ဒီအသွင်ကူးပြောင်းတဲ့အစပေါ့နော် စပြီးကြိုးစားနေတဲ့ကာလမှာ ခွန်အားအများကြီးဖြစ်စေတယ်။”

အမေရိကန် သမ္မတ ဘရက်ခ်အိုဘားမားက မြန်မာနိုင်ငံကို ၂ ကြိမ်တိုင် လာရောက်ခဲ့တာပါ။ မြန်မာနိုင်ငံ ခရီးစဉ် အတွင်း အဓိကထား ပြီးတွေ့ဆုံခဲ့တဲ့အထဲမှာ လူငယ်တွေ၊ အခွင့်အရေး လှုပ်ရှားသူတွေ၊ အရပ်ဘက် အဖွဲ့အစည်းတွေ ပါဝင်ခဲ့ပါတယ်။ အမေရိကန် သမ္မတ တဦးအနေနဲ့ အခွင့်အရေး လှုပ်ရှားသူတွေကို အလေးထား တွေ့ဆုံ ဆွေးနွေးခဲ့တာတွေက အခွင့်အရေး၊ လွတ်လပ်ခွင့်တို့နဲ့ ပတ်သက်ပြီး ပိုပြီး စိတ်ဝင်စားစေခဲ့တယ်လို့ ကိုယ်တိုင်တွေ့ဆုံခဲ့သူ တဦး ဖြစ်တဲ့ အခွင့်အရေး လှုပ်ရှားသူ မမေစပါယ်ဖြူက ပြောပါတယ်။

“သူ့ရဲ့ တကမ္ဘာလုံးကလည်း စိတ်ဝင်စားပြီးတော့ စောင့်ကြည့်နေတဲ့ ခရီးစဉ်မှာ မြန်မာနိုင်ငံက လူ့အခွင့်အရေးလှုပ်ရှားသူတွေ အရပ်ဘက်လူ့အဖွဲ့အစည်းတွေကို သူက တလေးတစားနဲ့ပေါ့နော် တွေ့ဆုံစကားပြောခဲ့တာသည် ကျမတို့ မြန်မာနိုင်ငံမှာရှိတဲ့ လူ့အခွင့်အရေးတက်ကြွလှုပ်ရှားသူတွေ အထူးသဖြင့်တော့ အမျိုးသမီးအရေး လိင်စိတ်ခံယူမှု ကွဲပြားတဲ့သူတွေနဲ့ မသန်စွမ်းပေါ့နော် အစရှိတဲ့ ကျမတို့ အခွင့်အရေး ငြင်းပယ်ခြင်းခံနေရတဲ့ ၊ ဒါမှမဟုတ်ရင်လည်း အလေးထားစဉ်းစားချင်းမခံရတဲ့ အုပ်စုတွေအပေါ်မှာ အများကြီးပဲ ကျမတို့အပေါ်မှာ ကောင်းမွန်တဲ့ သက်ရောက်တွေရှိခဲ့တယ်ပေါ့။”

မြန်မာ စစ်အုပ်စု၊ နောက် စစ်အုပ်စုနဲ့ နီးစပ်တဲ့ ခရိုနီ စီးပွားရေး လုပ်ငန်းရှင်ကြီးတွေနဲ့ လုပ်ငန်းတွေ အပေါ် ချမှတ်ထားတဲ့ စီးပွားရေး ဒဏ်ခတ်ပိတ်ဆို့မှုကိုလည်း အမေရိကန် သမ္မတ ဘရက်ခ်အိုဘားမားက ဖယ်ရှားပေးခဲ့တာပါ။ မြန်မာ အပေါ် ချမှတ်ထားခဲ့တဲ့ အမေရိကန်ရဲ့ ဒဏ်ခတ်ပိတ်ဆို့မှု ဖယ်ရှားလိုက်တာကြောင့် စီးပွားရေး အပေါ်မှာ ဘယ်လောက် သက်ရောက်မှု ရှိခဲ့သလဲ ဆိုတာကိုတော့ အမျိုးသားဒီမိုကရေစီ အဖွဲ့ချုပ် ပါတီ စီးပွားရေး ကော်မတီ အတွင်းရေးမှူး ဦးမင်းခင်ကတော့ အခုလို ပြောပါတယ်။

“စီးပွားရေးပိုပြီးတော့ ဖွံ့ဖြိုးအောင် စီးပွားေ၇း ပိုပြီးတော့ လည်ပတ်လာအောင်လုပ်ရမယ့်အချိန်မှာ ဒီ sanction ရုပ်လိုက်တာကတော့ အချိန်ကိုက်ဖြစ်သွားတာပေါ့လေနော်။ sanction ရုပ်လိုက်ခြင်းအားဖြင့် စီးပွားေ၇းအပြောင်းအလဲ ၊ စီးပွားရေးတွေလည်းကောင်းအောင် ပိုပြီးတော့ စီးပွားရေး တိုးတက်လာအောင်လုပ်ဖို့အတွက် အချိန်ကိုက်ရသွားတာပေါ့ ဒါကတော့ အဓိက ကောင်းတဲ့အချက်ပါပဲ။ မြန်မာပြည်ကထွက်ကုန်တွေ ပို့လာနိုင်တာ ၊ ရောင်းဖို့ အမေရိကန်နဲ့ စီးပွားရေး ဆက်ဆံဖို့ ပြင်ဆင်နေတဲ့ နေရာလေးတွေတော့ရှိတယ်။ အဲဒါကတော့ အကုန်အကျိုးသက်ရောက်မှုပေါ့နော်။”

အမေရိကန် သမ္မတ အဖြစ် ၈ နှစ်တာ တာဝန်ထမ်းဆောင်မှု ပြီးဆုံးတော့မယ့် သမ္မတ ဘရက်ခ် အိုဘားမားရဲ့ မြန်မာနိုင်ငံနဲ့ ထိတွေ့ဆက်ဆံရေး မူဝါဒကြောင့် မြန်မာ့ အပြောင်းအလဲပေါ်မှာ အတော်လေး သက်ရောက်မှု ရှိခဲ့တယ်လို့လည်း အများက သုံးသပ်ကြပါတယ်။

မသိင်္ဂီထိုက်
VOA Burmese News



ကုလသမဂ္ဂ အထူး ကိုယ်စားလှယ် Ms Yanghee Lee ဂျွန်လ ၂၄ ရက်က ကချင် ပြည်နယ် မြစ်ကြီးနားမြို့ ရှိ စခန်းကို သွားရောက်စဉ်။ ဓာတ်ပုံ - (UN Information Center)
လတ်တလောဖြစ်ပွားနေတဲ့ ကချင်ဒေသစစ်ပွဲတွေကြောင့် KIO ဌာနချုပ်နားက နဂိုရှိပြီးသား စစ်ဘေးရှောင် IDP စခန်းက ထောင်ချီတဲ့ ဒုကသည်တွေဟာ နောက်ထပ် နေရာသစ်တခုကို ထွက်ပြေး တိမ်းရှောင်နေရပြီး အရေးပေါ် အကူအညီ လိုအပ်နေတယ်လို့ ကချင်လူမှုကယ်ဆယ်ရေး အဖွဲ့တွေက ပြောပါတယ်။ ကချင်ပြည်နယ်က IDP စခန်းတွေကို ပြည်တွင်းနဲ့ နိုင်ငံတကာ အလှူရှင်တွေက အကူအညီပေးချင်ပေမဲ့ အစိုးရက ခွင့်မပြုသေးတာကြောင့် ဒုက္ခသည်တွေ အခက်ကြုံနေရတယ်လို့ ဆိုပါတယ်။ အသေးစိတ်ကို ဆက်သွယ်မေးမြန်းထားတဲ့ ကိုဉာဏ်ဝင်းအောင်က တင်ပြထားပါတယ်။

ပြီးခဲ့တဲ့ ဒီဇင်ဘာလထဲ တကျော့ပြန် ပြင်းထန်လာတဲ့ ကချင်ဒေသ စစ်ပွဲတွေကြောင့် ကချင်လွတ်လပ်ရေးအဖွဲ့ KIO ရဲ့ လိုင်ဇာဌာနချုပ်နားက ဇိုင်းအောင်နဲ့ မွန်ဂါဇွတ် IDP ဒုက္ခသည်စခန်းတ၀ိုက်ကို အစိုးရတပ်ရဲ့ လက်နက်ကြီးကျည်တွေ ကျခဲ့တာကြောင့် အဲဒီစခန်းမှာ ခိုလှုံနေတဲ့ ထောင်ချီတဲ့ ဒုက္ခသည်တွေဟာ နောက်ထပ် ၁၀ မိုင်လောက်ဝေးတဲ့ ခေါင်ရှောင်ဒေသဘက်ကို ဇန်နဝါရီလ ၈ ရက်နေ့က ထွက်ပြေးခဲ့ရပြီး လောလောဆယ် ယာယီ ရွက်ဖျင်တဲတွေနဲ့ နေနေကြရတယ်လို့ ကချင်ငြိမ်းချမ်းရေးကွန်ယက် တာဝန်ခံ ဒေါ်ခွန်ဂျာက ပြောပါတယ်။

“ဇိုင်းအောင်ဆိုတဲ့ ဒုက္ခသည်စခန်းနားမှာ တပ်မတော်က ပစ်လိုက်တဲ့ မော်တာတွေက မီတာ ၅၀၀ အတွင်းမှာ ကျတဲ့အခါကျတော့ သူတို့တွေ အကုန်လုံး ထွက်ပြေးသွားကြတာပါရှင့်။ ၂၆၀၀ ကျော်ရှိပါတယ်။ အဲဒါက လိုင်ဇာနဲ့ တော်တော်လေး နီးပါတယ်။ အခု လောလောဆယ် ခေါင်ရှောင်ဆိုတဲ့နားမှာ လမ်းဘေးမှာပဲ သူတို့ ဒီလို ရိုးရိုးတဲတွေနဲ့ပဲ အမိုးအကာမရှိ တော်တော်လေး ဒုက္ခရောက်ခဲ့ကြပါတယ်ရှင့်။ တိုက်ပွဲတွေက ဆက်ရှိနေတုန်းဖြစ်ပါတယ်။ Yanghee Lee မြစ်ကြီးနားကို မရောက်ခင် တရက်အထိ တိုက်ပွဲဖြစ်နေပါတယ်။”

စစ်ဘေးရှောင်ဒုက္ခသည်တွေအတွက် လိုအပ်နေတဲ့ အရေးပေါ်အကူအညီထဲမှာ အထူးသဖြင့် ဆေးဝါးအကူအညီတွေပါ လိုနေတယ်လို့ ဒေါ်ခွန်ဂျာက ပြောပါတယ်။

“အခုလောလောဆယ် အသစ်နေရာမှာ ဇိုင်းအောင်စခန်းက ပစ္စည်းတွေ ဘာမှမယူဘဲနဲ့ ညတွင်းချင်း ထ ပြေးကြရတာဖြစ်တဲ့အတွက်ကြောင့် တဲတွေနဲ့ပဲ နေရတာဖြစ်တယ်။ မြေကြီးပေါ်မှာပဲ အိပ်နေကြရတာ ဖြစ်ပါတယ်။ လောလောဆယ် ကချင်မှာ အဲဒီနေရာမှာ အရမ်းကို အေးပါတယ်။ အေးတဲ့အပြင်ကို ဟိုတပတ်ကကျတော့ မိုးရွာပြီး မိုးသီးပါ ကြွေတဲ့အတွက်ကြောင့် အခု လောလောဆယ်က ဆေးဝါးတွေတောင် အလုံအလောက် မရှိဘူးရှင့်။ ဖျားနာတာတွေရော အကုန်လုံး နှာစေး၊ ချောင်းဆိုးက အစပါရှင့်။ တော်တော် ဒုက္ခရောက်တာပေ့ါ။ သုညဒီဂရီလောက်နီးပါး ဖြစ်နေတဲ့အထဲမှာ မိုးပြန်ရွာတဲ့အခါကျတော့ ကလေးသေးသေးလေးတွေပေါ့၊ ပြီးလို့ရှိရင် အသက်ကြီးရွယ်အိုတွေ၊ သူတို့အတွက်က ပိုပြီး စိုးရိမ်ရတာပါရှင့်။”

IDP ဒုက္ခသည်စခန်းတွေကို နိုင်ငံတကာအဖွဲ့တွေက အရင်တုန်းက အကူညီပေးခဲ့ပေမဲ့ လုံခြုံရေး အကြောင်းပြချက်နဲ့ နောက်ပိုင်းမှာ အကူအညီပေးရေး လမ်းကြောင်းကို တားမြစ်ထားတာကြောင့် ဒါကို ပြန်ဖွင့်ပေးဖို့ လိုတယ်တယ်လို့ ဒေါ်ခွန်ဂျာက ပြောပါတယ်။

“လောလောဆယ် မြန်မာနိုင်ငံအစိုးရအနေနဲ့ ဒီဒုက္ခသည်စခန်းတွေကို ထောက်ပံ့ရေးပေးဖို့အတွက် အစိုးရကရော၊ ပြီးလို့ရှိရင် တခြား အလှူရှင်တွေကိုပါ ခွင့်ပြုပြီးတော့ တောင်းဆိုပေးဖို့အတွက် အင်မတန်မှ လိုအပ်နေတာဖြစ်ပါတယ်။ လောလောဆယ် ပြဿနာက ကိုယ်လည်းမပေးဘူး။ သူများ သွားပေးမယ့်ဟာကိုလည်း တားဆီးနေသလို ပုံစံမျိုးဖြစ်နေတဲ့အခါကျတော့ ဒုက္ခသည်တွေအတွက် နှစ်ထပ်ကွမ်းပြဿနာဖြစ်ပါတယ်။ အဓိကတာဝန်ရှိသူဟာ ကျမတို့ မြန်မာနိုင်ငံအစိုးရဖြစ်ပါတယ်။”

မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စ ယမ်ဟီးလီကလည်း လောလောဆယ် မြန်မာနိုင်ငံကို ရောက်နေတာကြောင့် ကချင်စစ်ဘေးရှောင် ဒုက္ခသည်တွေကို အကူအညီပေးနိုင်ရေး လမ်းကြောင်း ဖွင့်ပေးဖို့အတွက် ကုလသမဂ္ဂက မြန်မာအစိုးရကို တိုက်တွန်း နိုင်မယ်လို့ မျှော်လင့်ကြောင်း ကနေဒါနိုင်ငံသား ကချင်လူမျိုးများအဖွဲ့ရဲ့ အတွင်းရေးမှူး ဂျွန်လာဆမ်းက ပြောပါတယ်။

“ကချင်စစ်ပြေးဒုက္ခသည်တွေပေါ့နော်။ ဒုက္ခသည်တွေ စားနပ်ရိက္ခာဖြတ်တောက်မှု လူ့အခွင့်အရေး ချိုးဖောက်မှုတွေကိုပေါ့နော် လက်ရှိအစိုးရအနေနဲ့ အမြန်ဆုံး ဖြေရှင်းသင့်တယ်လို့ မြင်ပါတယ်။ ကုလသမဂ္ဂအနေနဲ့လည်း လက်ရှိ အာဏာရအစိုးရခေါင်းဆောင်တွေနဲ့ တွေ့ဆုံပြီးတော့ အမြန်ဆုံး ဖြေရှင်းသင့်တယ်လို့ မြင်ပါတယ်။”

ကချင်စစ်ဘေးရှောင် IDP ဒုက္ခသည်စခန်း ၉ ခုရှိပြီး တရုတ်-မြန်မာနယ်စပ်နားက လူ ၂၀၀၀ နီးပါးရှိတဲ့ ပိုင်ခွမ်ဒုက္ခသည်စခန်းဟာ အကြီးဆုံး ဖြစ်ပါတယ်။ ကျန်တဲ့စခန်းတွေကတော့ တရုတ်နယ်စပ်နားက လောင်မင်ချင်-ဘန်ဝါ၊ မုံးကိုး၊ မူဆယ်၊ ကွတ်ခိုင်၊ နမ့်တူ သီပေါ၊ ကျောက်မဲနဲ့ နောင်ချို စခန်းတွေဖြစ်တယ်လို့ ကချင်လူမှုကယ်ဆယ်ရေးအဖွဲ့တွေက ပြုစုထားတဲ့ စာရင်းမှာ ဖော်ပြထားပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
http://burmese.voanews.com



USAIDS, Office of Public Health မှ Director Ms. Karen Cavanaugh က ISO/ IEC 17025 : 2005 Accreditation Certification အား ညွှန်ကြားရေးမှူးချုပ် ဒေါက်တာ သန်းထွဋ်ထံ ပေးအပ်နေစဉ် (ဆင်ဟွာ)
   နေပြည်တော်၊ ဇန်န၀ါရီ ၁၀ ရက် (ဆင်ဟွာ)

    ကျန်းမားရေးနှင့် အားကစား ၀န်ကြီးဌာန အောက်ရှိ အစားအသောက်နှင့် ဆေးဝါး ကွပ်ကဲရေး ဦးစီးဌာန၊ ဆေးဝါး ဓာတု ဓာတ်ခွဲခန်းသည် နိုင်ငံတကာ အသိအမှတ်ပြု ISO 17025 Accreditition ကို ၂၀၁၆ ဒီဇင်ဘာ ၁၃ ရက်နေ့ တွင် ရရှိခဲ့သဖြင့် ဆေးဝါးအတုများ၊စံချိန် မမီ ဆေးဝါးများကို မှန်ကန်စွာ ဖော်ထုတ်နိုင်ပြီဟုနေပြည် တော်ရှိ အစားအသောက်နှင့် ဆေးဝါး ကွပ်ကဲရေး ဦးစီးဌာန၊ ဆေးဝါးဓာတုဓာတ်ခွဲခန်းတွင်ယနေ့ နံနက်ပိုင်းက ပြုလုပ်သည့်  ISO/ IEC 17025 : 2005 ရရှိမှုအတွက် သတင်းစာ ရှင်းပွဲတွင် ၎င်းဌာန၏ ညွှန်ကြားရေးမှူးချုပ် ဒေါက်တာ သန်းထွဋ်က ပြောကြားခဲ့သည်။

“၂၀၁၅ ခုနှစ်က စပြီး ရန်ကုန်နဲ့ နေပြည်တော်ရှိ အစားအသောက်နှင့် ဆေးဝါး ကွပ်ကဲရေး ဦးစီးဌာန၊ ဆေးဝါး ဓာတု ဓာတ်ခွဲခန်းတို့ ကို နိုင်ငံတကာ အသိအမှတ်ပြု ISO 17025 Accreditition ရရှိရန် GIZ, UNIDO အဖွဲ့ အစည်းများရဲ့ အကူအညီ ရယူပြီး စတင်ကြိုးပမ်းခဲ့ပါတယ်၊ ၀န်ကြီးဌာနရဲ့ မှန်ကန်သော လမ်းညွှန်မှုနဲ့  စိတ်အား ထက်သန်မှုတို့ ကြောင့် အမေရိကန်မှ ANAB (American National Accreditation Body) လက် အောက်ရှိ ANSI – ASQ National Accreditation Board သည်  ၂၀၁၆ ဒီဇင်ဘာ ၁၃ ရက်နေ့ မှာ ရရှိခဲ့ပြီး ၎င်းတို့ ရဲ့ official website မှာ ကြေညာခဲ့ပါတယ်၊ ဒီအတွက် မြန်မာနိုင်ငံ FDI ရဲ့ ဓာတ်ခွဲခန်း အဖြေတွေကို နိုင်ငံတကာက ယုံကြည် လက်ခံမှာ ဖြစ်ပြီး ဆေးဝါးအတုများ၊ စံချိန် မမီ ဆေးဝါးများကို မှန်ကန်စွာ ဖော်ထုတ်နိုင်မှာ ဖြစ်ပါတယ်” ဟု ၎င်းက ပြောခဲ့ခြင်း ဖြစ်သည်။

နေပြည်တော် အစားအသောက်နှင့် ဆေးဝါး ကွပ်ကဲရေး ဦးစီးဌာနတွင် ယနေ့ နံနက်ပိုင်း ပြုလုပ်သည့် ISO/ IEC 17025 : 2005 ရရှိမှုအတွက် သတင်းစာ ရှင်းပွဲတွင် ၎င်းဌာန၏ ညွှန်ကြားရေးမှူးချုပ် ဒေါက်တာ သန်းထွဋ် အဖွင့် မိန့် ခွန်း ပြောကြားစဉ်(ဆင်ဟွာ)
ကျန်းမာရေးနှင့် အားကစား ၀န်ကြီးဌာန အောက်ရှိ အစားအသောက်နှင့် ဆေးဝါး ကွပ်ကဲရေး ဦးစီးဌာနသည် ပြည်သူများ ဘေးကင်း လုံခြုံ ပြီးအရည်အသွေး ပြည့်မီသော အစားအသောက်၊ ဆေးဝါး၊ အလှကုန်၊ ဆေးပစ္စည်းများ သုံးစွဲနိုင်ရန် အတွက် တာဝန်ယူထမ်းဆောင်နေရသည့် ဌာန ဖြစ်ကြောင်း၊ ၎င်း ဌာန လက်အောက်ရှိ ဓာတ်ခွဲခန်းများကို ၂၀၁၄ ခုနှစ်တွင် နေပြည်တော် ဇမ္ဗူသီရိမြို့နယ် ပြည်ကြီးဇေယျာလမ်း သို့ ပြောင်းရွှေ့ ပြီး နောက်ပိုင်း ဓာတ်ခွဲခန်းများကို အဆင့်မြှင့်တင် ပြုပြင်ခဲ့ပြီး နိုင်ငံတကာ အဆင့် မီစေရန်နှင့် နိုင်ငံတကာက အသိ အမှတ် ပြုသည့် ဓာတ်ခွဲအဖြေများ ရရှိရန် စတင်ကြိုးပမ်း ဆောင်ရွက်ခဲ့ကြောင်း၊ ထိုသို့ ဆောင်ရွက်ရာတွင် နိုင်ငံတကာမှ ဓာတ်ခွဲ ကျွမ်းကျင် အတတ်ပညာရှင်များအား ဖိတ်ခေါ်၍ ပူးပေါင်း ဆောင်ရွက်ခဲ့ရာ USP(PQM), USAID, UNOPS, GIZ, UNIDO နှင့် WHO တို့ ထံမှအထောက်အပံ့အကူအညီများ ရရှိခဲ့ကြောင်း၊၂၀၁၄ ခုနှစ် မတ်လမှ စ၍ Project Agreement ပြုလုပ်ခဲ့ပြီး ထို Agreement အရ USP(PQM) က ဓာတ်ခွဲခန်းဆိုင်ရာ ကျွမ်းကျင်သူများ ၁၅ ကြိမ်ခန့် လာရောက်ခဲ့ကာ သင်တန်းများ ပို့ ချ၍ နိုင်ငံတကာ အသိအမှတ်ပြု ISO 17025 Accreditition ကို ၂၀၁၇ ခုနှစ်တွင် ရရှိရန် စီမံကိန်းများ ချမှတ်ပြီး တက်ညီလက်ညီ ပူးပေါင်း ဆောင်ရွက်ခဲ့ ကြောင်း လည်း ညွှန်ကြားရေးမှူးးချုပ် ကရှင်းပြသည်။

 နေပြည်တော် အစားအသောက်နှင့် ဆေးဝါး ကွပ်ကဲရေး ဦးစီးဌာနတွင် ယနေ့ နံနက်ပိုင်း ပြုလုပ်သည့် ISO/ IEC 17025 : 2005 ရရှိမှုအတွက် သတင်းစာ ရှင်းပွဲတွင် - USAIDS, Office of Public Health မှ Director Ms. Karen Cavanaugh ကျေးဇူးတင် စကားပြောကြားစဉ် (ဆင်ဟွာ)
ထိုသို့ ကြိုးပမ်း ဆောင်ရွက်မှုများနှင့် ပတ်သက်ပြီး အစားအသောက်နှင့် ဆေးဝါး ကွပ်ကဲရေး ဦးစီးဌာန ဒုတိယ ညွှန်ကြားရေးမှူးးချုပ်ဒေါက်တာ ခင်ချစ်က "ဌာနရဲ့ ဂုဏ်သိက္ခာနဲ့ ဝင်ငွေ တိုးလာမယ်၊ ၀န်ထမ်းတွေရဲ့ အရည်အသွေးလည်း တက်လာတယ်၊ စက်ပစ္စည်း တွေရဲ့ အဖြေက တိကျလာတယ်၊ ဓာတ်ခွဲ စမ်းသပ်မှု စနစ်တွေ ခေတ်မီ တိုးတက်လာပြီး စားသုံးသူတွေရဲ့ ယုံကြည် ကိုးစားမှုတွေ ရရှိလာတယ်၊ နောက်ပြီး နိုင်ငံတကာက အသိအမှတ်ပြု လက်ခံလာတဲ့ အကျိုးတွေ ရလာပါတယ်” ဟု ပြောကြားခဲ့သည်။ ထို့ အပြင် ယခု ရရှိလာသည့် အခြေအနေများကို ဆက်လက် တိုးတက်အောင် ထိန်းသိမ်း ကြိုးပမ်းမည် ဖြစ်ကြောင်း၊ နိုင်ငံတကာက အသိအမှတ်ပြုထားသည် အတိုင်းအတာ ကို ပိုမို ကျယ်ပြန့် လာစေရန် ဆောင်ရွက်သွားမည် ဖြစ်ကြောင်းနှင့် WHO ၏ ဆေးဝါးဆိုင်ရာ စံချိန် စံညွှန်း အဆင့်အတန်းမီသည့် WHO က အသိအမှတ်ပြု လက်မှတ်ရသည် အထိ ဆက်လက် ကြိုးပမ်း သွားမည် ဖြစ်ကြောင်းလည်း ၎င်းက ဖြည့်စွက် ပြောကြားခဲ့သည်။

အဆိုပါ သတင်းစာ ရှင်းပွဲသို့  USAIDS, USP(PQM), GIZ, PTB, UNOPS နှင့် WHO တို့ မှ ကိုယ်စားလှယ်များ၊ ဆက်စပ်နေသည့် အစိုးရအဖွဲ့ အစည်းများမှ ကိုယ်စားလှယ်များတက်ရောက်ခဲ့ကြပြီး USAIDS, Office of Public Health မှ Director Ms. Karen Cavanaugh က ISO/ IEC 17025 : 2005 Accreditation Certification အား ညွှန်ကြားရေးမှူးးချုပ် ဒေါက်တာ သန်းထွဋ်ထံ ပေးအပ်ခဲ့သည်။

 (Xinhua)
http://xinhuamyanmar.com


အမေရိကန်ပြည်ထောင်စု တောင် Carolina ပြည်နယ် Charleston မြို့က သမိုင်းဝင် လူမည်းဘုရားရှိခိုးကျောင်းမှာ လူပေါင်း ၉ ယောက်ကို ပြစ်သတ်ခဲ့သူကို ပြည်ထောင်စု ဂျူရီအဖွဲ့က အင်္ဂါနေ့က သေဒဏ်ချမှတ်လိုက်ပါတယ်။

လူဖြူကြီးစိုးရေးဝါဒီလို့ သူ့ကိုယ်သူပြောတဲ့ အသက် ၂၂ နှစ်အရွယ် Dylann Roof ဟာ 2015 ခုနှစ်တုန်းက Emanuel AME ဘုရားရှိခိုးကျောင်းမှာ African American တွေကို သတ်ဖြတ်မှုနဲ့ အပြစ်ရှိကြောင်း ပြိးခဲ့တဲ့ လကပဲ တရားရုံးကဆုံးဖြတ်ခဲ့တာပါ။

အမျိုးသမီး ၁၀ ယောက် အမျိုးသား ၂ ယောက်ပါတဲ့ ဂျူရီအဖွဲ့က ၃ နာရီလောက်ကြာအောင် ခြင့်ချိန် နှိုင်းဆ စဉ်းစားခဲ့ကြပြီးနောက်မှာ သေဒဏ်အပြစ်ပေးဖို့ ဆုံးဖြတ်ခဲ့ကြတာဖြစ်ပါတယ်။ အခုပြစ်ဒဏ်ကြောင့် စာနာစိတ်ကင်းမဲ့တဲ့ Roof ရဲ့လက်ချက်နဲ့ သေဆုံးခဲ့ရသူတွေ အသက်ပြန်ရှင်အောင်လုပ်နိုင်မှာမဟုတ်ပါဘူးလို့ ရှေ့နေချုပ် Loretta Lynch ကကြေညာချက်ထုတ်ပြန်ခဲ့ပါတယ်။

ဒါပေမဲ့ Charleston နဲ့ အမေရိကန်နိုင်ငံအတွက် ဖြစ်ခဲ့တာကို ပြည်ဖုံးကားချနိုင်ဖို့အထောက်အကူတချို့ဖြစ်စေလိမ့်မယ်လို့ မျှော်လင့်ကြောင်း သူကပြောပါတယ်။

ဗွီအိုအေ (မြန်မာပိုင်း)
http://burmese.voanews.com


ထိုင်းဝန်ကြီးချုပ် ပရာယွတ် ချန်အိုချာက ထိုင်းဘုရင် မဟာဗဟီရာလောင်ကွန်ရဲ့ အမိန့်အတိုင်း ဖွဲ့စည်းပုံအခြေခံဥပဒေကို ပြင်ဆင်မယ်လို့ မနေ့က ပြောကြားလိုက်ပါတယ်။ အာဏာသိမ်း စစ်အစိုးရ စိတ်တိုင်းကျ ရေးဆွဲထားတဲ့ လက်ရှိ အခြေခံဥပဒေကို ပြီးခဲ့တဲ့ သြဂုတ်လက ပြဌာန်းခဲ့ပါတယ်။ ဒါပေမဲ့ အဲဒီဖွဲ့စည်းပုံကို အတည်ပြုဖို့ ထိုင်းဘုရင်က ငြင်းဆန်ခဲ့ပြီး ဘုရင်စနစ်နဲ့ ပတ်သက်တဲ့ ဥပဒေတချို့ကို ပြင်ဆင်ပေးဖို့ အမိန့်ပေးခဲ့တယ်လို့ ဆိုပါတယ်။

စည်းမျဉ်းခံ ဘုရင်စနစ်ကို ကျင့်သုံးတဲ့ ထိုင်းနိုင်ငံမှာ အများပြည်သူနဲ့ နိုင်ငံရေးဆိုင်ရာကိစ္စတွေမှာ ဘုရင်က ဝင်ရောက် စွက်ဖက်လေ့မရှိတဲ့အတွက် အခုကိစ္စဟာ ရှားရှားပါးပါးပဲလို့ ဝေဖန်သူတွေက ပြောပါတယ်။
ဘုရင့်အလိုကျ ပြင်ဆင်ပေးရမယ့် အချက်တွေကို ဝန်ကြီးချုပ် ချန်အိုချာက ထုတ်ဖေါ်ပြောဆိုခြင်းမရှိပေမယ့် အစိုးရစာရွက်စာတမ်းတွေကို ကြည့်ရှုခွင့်ရခဲ့တဲ့ ရိုက်တာ သတင်းအရဆိုရင် လက်ရှိဖွဲ့စည်းပုံမှာပြဌန်းထားတဲ့ ဘုရင်မင်းမြတ် နိုင်ငံခြားတိုင်းပြည်တွေကို သွားရောက်နေတဲ့ကာလတွေအတွင်း သူ့ကိုယ်စား တိုင်းပြည် အုပ်ချုပ် မင်းလုပ်မယ့်သူကို ခန့်အပ်ထားခဲ့ရမယ်ဆိုတဲ့ အချက်လည်း ပြင်ဆင်ရမယ့် ဥပဒေပုဒ်မတွေထဲမှာ ပါဝင်တယ်လို့ ဆိုပါတယ်။

ထိုင်းဘုရင်ဟာ သူ့ဘဝ တလျှောက်လုံးလိုလို နိုင်ငံခြားမှာ နေထိုင်ခဲ့ပြီးနောက် လွန်ခဲ့တဲ့နှစ် အောက်တိုဘာလက သူ့ဖခင် ဘုရင်ကြီး ဘူမိဘော ကွယ်လွန်ချိန်မှာ ထီးနန်းဆက်ခံဖို့ ဂျာမဏီကပြန်လာခဲ့တာ ဖြစ်ပါတယ်။ စစ်တပ်က မကြာခဏ အာဏာသိမ်းခဲ့တဲ့ ထိုင်းနိုင်ငံမှာ အခု အတည်ပြုမယ့် ဖွဲ့စည်းပုံဟာ အကြိမ် ၂ဝ မြောက် ဖွဲ့စည်းပုံ အခြေခံဥပဒေ ဖြစ်လာပါလိမ့်မယ်။

RFA Burmese
https://www.facebook.com/rfaburmese



ကချင်ပြည်နယ် ၀ိုင်းမော်မြို့နယ်ကနေ တရုတ်ဖက် ထွက်ပြေးတဲ့ ဒုက္ခသည်တွေကို ဇန်နဝါရီလ ၁၀ ရက်နေ့က တွေ့ရစဉ်။ Photo: Hkun Aung
တရုတ်-မြန်မာနယ်စပ် ကချင်ပြည်နယ် ၀ိုင်းမော်မြို့နယ်က ဇိုင်းအောင်နဲ့ မဂါးယန် ဒုက္ခသည် စခန်းအနီးကို လက်နက်ကြီးတွေ ကျရောက်နေတာကြောင့် တရုတ်နိုင်ငံဖက်ကို ထွက်ပြေးတဲ့ ဒုက္ခသည် ၄ ထောင်ကျော်ကို တရုတ်ဖက်က လက်မခံတာကြောင့် အခက်အခဲဖြစ်နေတယ်လို့ အကူအညီပေးနေ သူတွေက ပြောပါတယ်။

တရုတ်နိုင်ငံဘက်ကို မနေ့က ထွက်ပြေးခဲ့တဲ့ စစ်ဘေးဒုက္ခသည် ၄၀၀၀ ကျော်ကို တရုတ်ဘက်က လက်မခံဘဲ ဒီနေ့မနက်မှာ ပြန်လွှတ်လိုက်တယ်လို့ ကချင်နှစ်ခြင်းခရစ်ယာန်အဖွဲ့ချုပ် KBC အထွေထွေ အတွင်းရေးမှူး ဒေါက်တာ ဆမ်ဆွန် က ပြောပါတယ်။

လက်ရှိအချိန်မှာ ကချင်လွတ်မြောက်ရေးတပ်မတော် KIAနဲ့ တပ်မတော်ကြား တိုက်ပွဲတွေဖြစ်နေတာကြောင့် ဒုက္ခသည်တွေဟာ ဒုက္ခသည်စခန်းတွေကိုလည်း မပြန်ရဲဘဲ လမ်းတ၀က်မှာ နေစရာမရှိဖြစ်နေတယ်လို့လည်း ပြော ပါတယ်။

အဲဒီ ဒုက္ခသည်တွေထဲမှာ အမျိုးသမီး၊ ကလေးငယ်တွေနဲ့ သက်ကြီးရွယ်အိုတွေ အများစု ပါဝင်ပြီး စားသောက်ရေး အတွက် အခက်အခဲဖြစ်နေတယ်လို့ ကချင် အရပ်ဘက် အဖွဲ့အစည်း ၉ ခုနဲ့ ဖွဲ့စည်း ထားတဲ့ ပူးပေါင်းလုပ်ငန်းစဉ်အဖွဲ့ JST က ဒီကနေ့ ကြေညာချက်ထုတ်ထားပါတယ်။

အဲဒီထုတ်ပြန်ချက်ထဲမှာ မနေ့က KIA တပ်ရင်း (၃) အခြေစိုက် စခန်းကို တပ်မတော်က လက်နက်ကြီးတွေနဲ့ ပစ်ခတ်တိုက်ခိုက်ခဲ့တဲ့အပြင် လေကြောင်း တိုက်ခိုက်မှုတွေပါ ပြုလုပ်ခဲ့တဲ့အတွက် ဒုက္ခသည် တွေထွက်ပြေး တိမ်းရှောင်ခဲ့တာဖြစ်တယ်လို့ ပါရှိပါတယ်။

အဲဒီဒုက္ခသည်တွေအရေးနဲ့ပတ်သက်ပြီး ကချင်ပြည်နယ်အစိုးရအဖွဲ့၊ ကေအိုင်အေ၊ တရုတ်အစိုးရတို့နဲ့ ဆွေးနွေးသွားမယ် လို့လည်း ဒေါက်တာဆမ်ဆွန် က ပြောပါတယ်။

၁၉၉၄ ခုနှစ်က အစိုးရနဲ့ အပစ်ရပ် လက်မှတ်ရေးထိုးခဲ့တဲ့ ကချင်လွတ်မြောက်ရေး တပ်မတော် KIA နဲ့ တပ်မတော် ကြားမှာ ၂၀၁၁ ခုနှစ် ဇွန်လကစပြီး တစ်ကျော့ပြန် တိုက်ပွဲတွေ ဖြစ်နေတာပါ။

ငါးနှစ်ကျော်ကြာနေပြီဖြစ်တဲ့ တစ်ကျော့ပြန် တိုက်ပွဲတွေကြောင့် ကချင်ပြည်နယ်မှာ နေရပ်စွန့်ခွာပြီး ထွက်ပြေးနေကြရတဲ့ စစ်ဘေးဒုက္ခသည်အရေအတွက် တစ်သိန်းဝန်းကျင်ရှိမယ်လို့ အရပ်ဘက် အဖွဲ့တွေက ခန့်မှန်းထားကြပါတယ်။

RFA Burmese
http://www.rfa.org/burmese



ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စယန်ဟီးလီ ဇန်နဝါရီ ၁၁ ရက်နေ့က မွန်ပြည်နယ် ပေါင်မြို့နယ်က ကုန်ထုတ်စခန်းတွေကို သွားရောက်လေ့လာစဉ်။ Photo: Kyaw Lwin Oo/ RFA
ကုလသမဂ္ဂရဲ့ မြန်မာနိုင်ငံ လူ့အခွင့်အရေးဆိုင်ရာ အထူးအစီရင်ခံစာတင်သွင်းသူ မစ္စယန်ဟီးလီဟာ အကျဉ်းသား ၃၀၀ ကျော်ရှိတဲ့ မွန်ပြည်နယ် ဇင်းကျိုက် မြို့က ပြည်ထဲရေးဝန်ကြီးဌာန လက်အောက် မှာရှိတဲ့ ဇင်းကျိုက် ကုန်ထုတ်စခန်း ကို ဒီနေ့ သွားရောက်လေ့လာခဲ့ပါတယ်။

မစ္စယန်ဟီးလီဟာ အကျဉ်းသားတွေနေထိုင်ရေး နဲ့ စားသောက်ရတဲ့အခြေအနေတွေကို လေ့လာ ခဲ့တာဖြစ်ပါတယ်။

အဲဒီကုန်ထုတ်စခန်းမှာ အကျဉ်းသားတွေနေထိုင်တဲ့ အဆောင်တွေကို လိုက်လံလေ့လာခဲ့ပြီး အကျဉ်းသားတွေ လုပ်ကိုင်တဲ့ ပေါင်မြို့နယ် ဖလပ်ကျေးရွာ က ကျောက်ထုတ်တဲ့ ကုန်ထုတ်စခန်း ကိုလည်း သွားရောက်လေ့လာခဲ့ပါတယ်။

အလုပ်ကြမ်းနဲ့ ထောင်ဒဏ် ၇ နှစ်အောက် အကျဉ်းကျနေတဲ့ အကျဉ်းသားတွေကို ရဲဘက်စခန်း ပို့လေ့ရှိတာဖြစ်ပါတယ်။ အကျဉ်းဦးစီးဌာန လက်အောက်မှာ ကုန်ထုတ်စခန်း ၁၈ ခုရှိပြီး အမျိုးသမီး ကုန်ထုတ်စခန်း ၂ ခုရှိတယ်လို့ သိရပါတယ်။

ဖလပ်ကျေးရွာက ကုန်ထုတ်စခန်းမှာ လုပ်ကွက် ၂ ခုရှိပြီး လုပ်ကွက်တစ်ခုမှာ အကျဉ်းသား ၁၈၀ လုပ်ကိုင်ကြ တာဖြစ်ပါတယ်။

ရဲဘက်စခန်းကိုရောက်နေတဲ့ အကျဉ်းသားတစ်ဦးဟာ တစ်နေ့ လုပ်အားခ ကျပ် ၂၀၀ ရရှိတယ်လို့ သိရပါတယ်။ ရဲဘက်စခန်းကို ရောက်ရှိလာတဲ့ အကျဉ်းသားတွေနဲ့ အခြေအနေနဲ့ လုပ်ကိုင် ရတာတွေကို မစ္စယန်ဟီးလီကို ရှင်းပြခဲ့တယ်လို့ အကျဉ်းဦးစီးဌာန တာဝန်ရှိသူတစ်ဦးက ပြောပါတယ်။

မစ္စယန်ဟီးလီဟာ မြန်မာနိုင်ငံခရီးစဉ်အတွင်း ရခိုင်ပြည်နယ်ကို သွားရောက်မှာဖြစ်သလို နေပြည်တော်မှာ အစိုးရထိပ် ပိုင်းခေါင်းဆောင်တွေနဲ့ တွေ့ဆုံဖို့လည်း ရှိပါတယ်။

RFA Burmese
http://www.rfa.org/burmese


မိုးညှင်း ဇန်နဝါရီ ၁၁

ကချင်ပြည်နယ် မိုးညှင်းမြို့ တွင် အမျိုးသမီးငယ်လေးများ ပျောက်ဆုံးလျက်ရှိရာ သက်ဆိုင် သူများက မိုးညှင်းမြို့မရဲစခန်း တွင်အကူအညီတောင်းခံခဲ့ကြသဖြင့် လူပျောက်မှုဖြင့် ရေးဖွင့်စုံစမ်းရှာ ဖွေလျက်ရှိကြောင်း သိရသည်။


စုံစမ်းသိရှိရသည်မှာ ယခုလ ၉ရက် ညနေ ၅နာရီ ၂၅ မိနစ် တွင် မိုးညှင်းမြို့နယ် ဘီလူးကျေး ရွာမြို့ဟောင်းရပ်ကွက်နေ ဦးစိုး ဝင်းဦးသည် မိုးညှင်းမြို့မရဲစခန်း သို့လာရောက်ကာ ၄င်း၏ညီမဖြစ် သူ မငြိမ်းအိဖြူ(ခ)မငြိမ်းငြိမ်း (၁၈နှစ်)သည် မအိအိမိုးအသက် (၂ဝ)၊ မနုနုအေး(၂၃နှစ်)၊ မဝင်းလှ (ခ)မငယ်(၃၄နှစ်)တို့သည် မိဘ အုပ်ထိန်းသူတို့၏ခွင့်ပြုချက်အရ ပင်းဟဲကျေးရွာနေ မောင်ဇော်ရဲ(ခ) ဇော်ရဲထွန်းအသက်(၃ဝ)နှင့်အတူ ယခုလ ၅ရက်တွင် မြစ်ကြီးနားမြို့ သို့ အလုပ်လုပ်ရန်လိုက်ပါသွားခဲ့ ကြကြောင်း၊ ထိုသို့လိုက်ပါသွားရာမှ ယခု လ ၉ ရက်တွင် အဆက်အသွယ် ပြတ်တောက်ခဲ့ပြီး စုံစမ်းခဲ့သော် လည်း သတင်းအစအနမရရှိတော့ သဖြင့် အကူအညီတောင်းခံခဲ့ ကြောင်း သိရသည်။


ထို့ကြောင့် သတင်းအဆက် အသွယ်မရဘဲ ပျောက်ဆုံးနေကြ သော မငြိမ်းအိဖြူ(ခ)မငြိမ်းငြိမ်း၊ မအိအိမိုး၊ မနုနုအေး၊ မဝင်းလှ(ခ) မငယ်တို့ပျောက်ဆုံးနေမှုကိုမိုးညှင်း မြို့မရဲစခန်းမှ လူပျောက်အမှတ်စဉ် (၃/၂ဝ၁၇)ဖြင့်လက်ခံကာ ရဲစခန်း အသီးသီးသို့ ဆက်သွယ်အကူအညီ တောင်းခံထားသည်။

ထို့အတူ မိုးညှင်းမြို့နယ် အမှတ်(၆ဝ၃)ဒုံးတပ်မှ အမျိုးသမီး ငယ်နှစ်ဦးပျောက်ဆုံးလျက်ရှိပြီး မိုးညှင်းမြို့မရဲစခန်းတွင်လူပျောက် တိုင်ကြားထားကြောင်း သိရသည်။


စုံစမ်းသိရှိရသည်မှာ ယခုလ ၅ရက်တွင် မိုးညှင်းမြို့နယ် အမှတ် (၆ဝ၃)ဒုံးတပ်မှ ဒုတပ်ကြပ် လှမြင့် ၏သမီးဖြစ်သူ မစန္ဒာအေး(ခ)မသီ တာဌေး(၁၆နှစ်)သည်အောင်သပြေ (၃)ရပ်ကွက်နေ ဒေါ်ဇာဇာမြင့်၏ နေအိမ်တွင်ကလေးထိန်းလုပ်ကိုင် နေစဉ်တစ်တပ်တည်းနေ တပ်ကြပ် ခင်မောင်လွင်၏သမီးဖြစ်သူ မဝင်း ဝင်းမော်နှင့်မုန့်စားလိုက်သွားစဉ်ပြန် ရောက်လာခြင်းမရှိသဖြင့် ဒေါ်ဇာ ဇာမြင့်က မိဘများထံဆက်သွယ် အကြောင်းကြားခဲ့သည်။


ထို့ကြောင့် ဒုတပ်ကြပ်လှမြင့် က သမီးဖြစ်သူမစန္ဒာအေး(ခ)မသီ တာဌေးပျောက်ဆုံးနေမှုကို ကူညီ စုံစမ်းပေးပါရန်မိုးညှင်းမြို့မရဲစခန်း တွင်အကြောင်းကြားခဲ့သဖြင့် လူ ပျောက်အမှတ်စဉ်(၂/၂ဝ၁၇)ဖြင့် ရေးဖွင့်ကာ စုံစမ်းရှာဖွေလျက်ရှိ သည်။ ထို့အပြင် မိမိတို့ပတ်ဝန်း ကျင်တွင် ဖော်ပြပါအမျိုးသမီးငယ် များအားတွေ့ရှိပါက မိုးညှင်းမြို့မ ရဲစခန်း ဖုန်း ဝ၇၄၆ဝဝ၁၂သို့ ဆက် သွယ်အကြောင်းကြားပေးပါရန် နှိုးဆော်ထားကြောင်း သိရသည်။

ကချင်မြေနဂါး
The Union Daily
https://www.facebook.com/uniondaily.net



ဒိန်းမတ်နိုင်ငံ ကိုပင်ဟေဂင်မြို့ ၌ လုံခြုံရေးကင်းလှည့်နေသော ရဲတပ်ဖွဲ့ ဝင်များအားတွေ့ ရစဉ်(ဓာတ်ပုံ-အင်တာနက်)
    ကိုပင်ဟေဂင် ၊ ဇန်နဝါရီ ၁၁ ရက် (ဆင်ဟွာ)

    ဒိန်းမတ်နိုင်ငံJutland ကျွန်းဆွယ်ရှိ Ulstrup မြို့ နေ အသက် ၄၅ နှစ်အရွယ်ရှိ အမျိုးသားတစ်ဦးသည် ၄င်း၏ ဇနီး နှင့် ရင်သွေးငယ် ၄ ဦးကို သတ်ဖြတ်ပြီး မိမိကိုယ်ကို အဆုံးစီရင်သွားခြင်းဖြစ်ဖွယ်ရှိကြောင်း ရဲတပ်ဖွဲ့ သတင်းအရင်းအမြစ်ကို ကိုးကား၍ ဒေသတွင်းမီဒီယာများက ဇန်နဝါရီလ ၁ဝ ရက်တွင် ရေးသားဖော်ပြသည်။

၎င်းတို့ နေထိုင်ရာ လိပ်စာ၌ သံသယဖြစ်ဖွယ် အခြေအနေကို ရဲတပ်ဖွဲ့ က သတင်းပေးပို့ မှု လက်ခံရရှိခဲ့ပြီးနောက် သေဆုံးသူ မိသားစုဝင် ၆ ဦး၏ ရုပ်အလောင်းများကို ဇန်နဝါရီလ ၉ ရက်မွန်းလွဲပိုင်းတွင် ရှာဖွေတွေ့ ရှိခဲ့ကြောင်း Ritzau ဒိန်းမတ် သတင်းအေဂျင်စီက သတင်းဖော်ပြခဲ့သည်။

ရဲတပ်ဖွဲ့ က စုံစမ်းစစ်ဆေးမှုများပြုလုပ်ပြီးနောက်တွင် အခင်းဖြစ်စဉ်မှာ မိသားစုတွင်း သတ်ဖြတ်မှုဖြစ်ကြောင်း ၊ အသတ်ခံရသူများမှာ အသက် ၄၂ နှစ်အရွယ် ဇနီးသည် ၊ အသက် ၃ နှစ် နှင့် ၁၁ နှစ်အရွယ် သားယောင်္ကျား ၂ ဦး နှင့် အသက် ၆ နှစ် နှင့် ၁၆ နှစ် အရွယ် သမီးမိန်းကလေး ၂ ဦးတို့ ပါဝင်ကြောင်း နှင့် သတ်ဖြတ်သူမှာ ကလေးတို့ ၏ ဖခင်ဖြစ်ကြောင်း သိရသည်။

အဆိုပါ သေဆုံးမှုများသည် ဓာတ်ငွေယို့ စိမ့် ခြင်းကြောင့် ဖြစ်ကြောင်း အရှေ့ Jutland ရဲတပ်ဖွဲ့ က ကနဦး စစ်ဆေးချက်များအရ သုံးသပ်ကာ ထိုအမှုကို  အမှုပိတ်သိမ်းခဲ့ ပြီးဖြစ်သည်။

“ ဒီအမှုနဲ့ ပတ်သက်ပြီးရရှိခဲ့တဲ့ အချက်အလက်တွေကို အခြေခံပြီး ကလေးငယ် လေးယောက် နဲ့  အသက် ၄၂ နှစ်အရွယ် အမျိုးသမီးတစ်ယောက်ကို အသက် ၄၅ နှစ်အရွယ် အမျိုးသားတစ်ယောက်က သတ်ဖြတ်ခဲ့တယ်လို့ ရဲတပ်ဖွဲ့ ၏ စစ်ချက်မှာဖော်ပြခဲ့ပါတယ်” ဟု ရဲတပ်ဖွဲ့ ၏ သတင်းစာရှင်းလင်းပွဲထုတ်ပြန်ချက်တွင် ဖော်ပြထားသည်။ သတ်ဖြတ်ရခြင်း အကြောင်းအရာကို မသိရှိရသေးပါ။ ၄င်းသတ်ဖြတ်မှုသတင်းသည် ဒိန်းမတ်တစ်နိုင်ငံစလုံးအတွက် အံ့သြထိတ်လန့် ခဲ့ပြီး လွန်ခဲ့သော လအနည်းငယ်ကလည်း အလားတူသတ်ဖြတ်မှုမျိုး ကြုံခဲ့ဖူးကြောင်း သိရသည်။

၂ဝ၁၆ ခုနှစ် အောက်တိုဘာလက ဒိန်းမတ်နိုင်ငံတောင်ပိုင်း Aabenraa မြို့ ရှိ လူနေအိမ်ခန်းတစ်ခု၏ ရေခဲသေတ္တာတစ်ခုထဲတွင်  အသက် ၂၇ နှစ်အရွယ် ဆီးရီးယားအမျိုးသမီး နှင့် ၄င်း၏ သမီးငယ် နှစ်ဦးသေဆုံးနေသည်ကို ရှာဖွေ တွေ့ ရှိခဲ့ကြောင်း သိရသည်။ အဆိုပါ မှုခင်းဖြစ်ရပ်တွင်လည်း ကလေး ၂ ဦး နှင့် ဇနီးသည်ကို သတ်ဖြတ်သူမှာ ကလေးတို့ ၏ဖခင်ပင်ဖြစ်ကြောင်း သိရသည်။

(Xinhua)
http://www.xinhuamyanmar.com



အမျိုးသားလုံခြုံရေးဆိုင်ရာအကြံပေးပုဂ္ဂိုလ်ခန့်အပ်ကြောင်း ကြေညာချက်ကို တွေ့ရစဉ်။ Photo: Myanmar President Office/ Facebook
ပြည်တွင်းပြည်ပ အန္တရာယ်တွေနဲ့ပတ်သက်ပြီး နိုင်ငံတော်သမ္မတနဲ့ ပြည်ထောင်စုအစိုးရအဖွဲ့ထံ လေ့လာသုံးသပ် အကြံပြုနိုင်ဖို့အတွက် အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် အငြိမ်းစားသံအမတ်ကြီး ဦးသောင်းထွန်း ကို နိုင်ငံတော်သမ္မတက တာဝန်ပေးခန့်အပ်လိုက်ပါတယ်။

ဦးသောင်းထွန်းဟာ ၁၉၇၂ ခုနှစ်ကနေ ၂၀၁၀ ခုနှစ်အထိ ထိပ်တန်း မြန်မာသံတမန်တစ်ဦးအဖြစ် နိုင်ငံခြားရေးဝန်ကြီး ဌာနမှာ တာဝန်ထမ်းဆောင်ခဲ့သူဖြစ်ပါတယ်။

နှစ်ပေါင်းများစွာ သံတမန်ဝန်ထမ်းအဖြစ် အမေရိကန်ုနိုင်ငံ နယူးရောက် ၊ ဆွစ်ဇာလန်နိုင်ငံ ဂျနီဗါ ၊ ဘယ်လ်ဂျီယံနိုင်ငံ ဘရပ်ဆဲလ်နဲ့ အီးယူဆိုင်ရာ မြန်မာ သံအမတ်အဖြစ် တာဝန်ထမ်းဆောင်ခဲ့သူဖြစ်ပါတယ်။

ပြီးခဲ့တဲ့အစိုးရလက်ထက်မှာ Myanmar Development Research Institute MDRI ရဲ့ အမှုဆောင် ဒါရိုက်တာအဖြစ် တာဝန်ယူခဲ့သူလည်း ဖြစ်သလို လက်ရှိမှာ Shell Myanmar Energy ကုမ္ပဏီရဲ့ အစိုးရဆက်ဆံရေးအကြံပေးအဖြစ် လုပ်ကိုင်နေသူဖြစ်ပါတယ်။

သူဟာ ရန်ကုန်တက္ကသိုလ်ကနေ သိပ္ပံဘွဲ့နဲ့ နိုင်ငံခြားဘာသာတက္ကသိုလ်ကနေ ပြင်သစ်ဘာသာ Diploma ဘွဲ့၊ အမေရိကန်နိုင်ငံ Johns Hopkins တက္ကသိုလ် ကနေ နိုင်ငံတကာ ဆက်ဆံရေး မဟာဘွဲ့ကို ရရှိခဲ့သူလို့ သိရပါတယ်။

အမျိုးသားလုံခြုံရေးဆိုင်ရာအကြံပေးပုဂ္ဂိုလ်ကို အခုလိုခန့်အပ်တာ ဒါပထမဆုံးအကြိမ်ဖြစ်ပါတယ်။

RFA Burmese
http://www.rfa.org/burmese



အမေရိကန် သမ္မတ ဘားရတ် အိုဘားမား၏ နှုတ်ဆက်ပွဲ မြင်ကွင်းများ (ဆင်ဟွာ)
    ချီကာဂို၊ အမေရိကန်၊ ဇန်နဝါရီ ၁၁ ရက် (ဆင်ဟွာ)

    အမေရိကန်နိုင်ငံ၏ ရှေ့လာမည့် နှစ်များအတွက် မျှော်မှန်းချက်နှင့် သတိပေးချက်များ ပါဝင်သည့် စိတ်လှုပ်ရှားဖွယ် မိန့်ခွန်းကို သမ္မတ ဘားရတ် အိုဘားမားက နှုတ်ဆက်ပွဲ မိန့်ခွန်း၌ ထည့်သွင်း ပြောကြားခဲ့သည်။

“ဒီညက ကျွန်တော်က ကျေးဇူးတင်စကား ပြောကြားရမဲ့ အလှည့်ပေါ့ဗျာ၊ ခင်ဗျားတို့ဆီက နေ့တိုင်းပဲ ကျွန်တော် အများကြီး သင်ယူခဲ့ရပါတယ်၊ ကောင်းမွန်တဲ့ သမ္မတ တစ်ဦးအဖြစ် ခင်ဗျားတို့က ကျွန်တော့်ကို ပုံဖော်ပေးခဲ့ကြတယ်၊ ကျွန်တော့်ကို လူကောင်း တစ်ဦး ဖြစ်စေခဲ့တယ်” ဟု လူဦးရေ ၂၀,၀၀၀ ခန့်ရှိသော လူထုကို အိုဘားမားက တစ်နာရီကြာ နှုတ်ဆက်ပွဲ မိန့်ခွန်း ပြောကြားခဲ့သည်။

သမ္မတ သက်တမ်း ၈ နှစ်တာအတွင်း ၎င်း၏ အစိုးရအဖွဲ့သည် ကျူးဘားနှင့် ဆက်ဆံရေး ကဏ္ဍသစ် ပြန်လည် ဖွင့်လှစ်ခြင်း၊ အီရန် နျူကလီးယား သဘောတူစာချုပ်အား လက်မှတ်ရေးထိုးခြင်း၊ အိုစမာ ဘင် လာဒင်အား ဖယ်ရှားပစ်ခြင်း၊ လိင်တူ လက်ထပ်ခြင်းအား ထောက်ခံခြင်းနှင့် ကျန်းမာရေး အာမခံချက် တိုးမြှင့်ခြင်း စသည့် အချက်များအား အောင်မြင်စွာ လုပ်ဆောင်နိုင်ခဲ့ကြောင်း အိုဘားမားက ထည့်သွင်း ပြောကြားခဲ့သည်။

ထို့ပြင် မညီမျှမှု၊ လူမျိုးရေး ခွဲခြားမှုနှင့် နိုင်ငံရေး ခွဲခြားမှုများမှာ အမေရိကန်၏ ဒီမိုကရေစီအား အဓိက ရင်ဆိုင်နေရသည့် ခြိမ်းခြောက်မှု သုံးခု ဖြစ်ကြောင်း ၎င်းက အမည်တပ်ခဲ့ပြီး အမေရိကန်နိုင်ငံသားများကိုလည်း ကိုယ်ပိုင် နိုင်ငံသား တစ်ဦး၏ တာဝန်သိမှုအား လက်ခံရန်လည်း တိုက်တွန်းထားသည်။

အိုဘားမား မိန့်ခွန်းပြောကြားနေစဉ်အတွင်း ခန်းမအတွင်းရှိ ထောက်ခံသူများက “I love you Obama” ဟု ကြွေးကြော်ခဲ့ကြသည်။

အိုဘားမား၏ တစ်လကြာ နှုတ်ဆက်ပွဲ ခရီးစဉ်အား အဆုံးသတ်ခဲ့ပြီး မိန့်ခွန်းများ၊ တွေ့ဆုံမေးမြန်းခန်းများနှင့် ဗီဒီယိုများကို အိမ်ဖြူတော်မှ ထုတ်ပြန်ခဲ့သည်။

ရွေးကောက်ခံ သမ္မတ ဒေါ်နယ် ထရမ့်သည် ဇန်နဝါရီလ ၂၀ ရက်တွင် အိုဘားမားထံမှ တာဝန် လွှဲပြောင်းယူမည် ဖြစ်သည်။

(Xinhua)
http://www.xinhuamyanmar.com



ဓာတ်ပုံ - ကရင်ပြည်နယ်ဘားအံမြို့တော်
ဘားအံ ဇန် ၁၀

ကရင်ပြည်နယ်၊ ဘားအံပြည်သူ့ဆေးရုံကြီးသို့ ဇန်န၀ါရီလ(၉)ရက်နေ့၊ ညနေ(၅)နာရီခွဲကျော်အချိန် ပိုင်ကျုံမြို့နယ်ရှိ ပေါက်လောက်တောင်ကလေးကျေးရွာ မူလွန်ကျောင်းမှ ခွေးရူးကိုက်ခံရသော ကျောင်းသား/သူများ ဆေးကုသမှုခံယူရန် ရောက်ရှိခဲ့ကြောင်း သိရပြီး ကျောင်းသား/သူများအနက် မနန်းမူကောလာ၊၁၀နှစ်၊(ဘ)ဦးစောဆူးခလိန်း၊(၂)တန်း၊ ပေါက်လောက် တောင်ကလေးကျေးရွာ၊ ပိုင်ကျုံမြို့နယ်နေသူ(၁)ဦးကို ဘားအံဆေးရုံကြီး ခလေးအဆောင်အောက်ထပ်တွင် ကုသပေးလျှက်ရှိကြောင်း သိရသည်။

ဖြစ်စဉ်မှာ ၂၀၁၆ခုနှစ်၊ အောက်တိုဘာလ(လယ်)ခန့်က ကရင်ပြည်နယ်၊ ပိုင်ကျုံမြို့နယ်၊ ပေါက်လောက်တောင်ကလေးကျေးရွာ မုလတန်းလွန်ကျောင်းမှ ကျောင်းသားကျောင်းသူများဖြစ်သော ခလိန်းဖောကြည်၊၁၃နှစ်၊(၃)တန်း။စောထူးဝါး၊၁၃နှစ်၊(၃)တန်း။စောကြည်ဝင်း၊၁၂နှစ်၊(၄)တန်း။ စောရဲနိုင်ဦး၊၁၂နှစ်၊ (၃)တန်း။ စောကျော်ခဒိတ်၊၁၀နှစ်၊(၂)တန်း။ စောသိန်းထိုင်ခိ၊ ၁၂နှစ်၊ (၄)
တန်း။မောင်မြင့်အေး၊၁၂နှစ်၊(၅)တန်း။ နန်းချက်အဲ၊ ၁၃နှစ်၊(၅)တန်း၊နန်းမြင့်ထွန်း၊၁၃နှစ်၊(၅)တန်း။နန်းမူးလားအုန်း၊ ၁၃နှစ်၊(၆)တန်း။နန်းချောင်ဖော့ပစ်၊ ၁၃နှစ်၊ (၅)တန်း။ နန်းကြည်ကြည်မြင့်၊ ၁၃နှစ်၊(၅)တန်း။သိန်းဇော်မြင့်၊၁၂နှစ်၊(၆)တန်း။ မဆုံမူနောင်၊၁၃နှစ်(၄)တန်း။ဆေးကုသမှုခံယူ နန်းမူကေလာအပါအ၀င် စုစုပေါင်း ကျောင်းသား(၈)ဦးနှင့်ကျောင်းသူ(၇)ဦးတို့အား ခွေးရူးအ
ကိုက်ခံရခြင်းဖြစ်ကြောင်း သိရသည်။

အဆိုပါ (၁၅)ဦးအနက် ခွေးရူးပြန်ရောဂါကာကွယ်ဆေးမထိုးခဲ့သည့် မဆုံမူနောင်၊၁၃နှစ်(၄)တန်းကျောင်းသူမှာ ဇန်န၀ါရီလ(၃)ရက်နေ့က ခွေးရူးပြန်ရောဂါဖြင် သေဆုံးသွားခဲ့ပြီး နန်းမူကေလာမှာ ခွေးရူးပြန်ရောဂါထပ်မံဖြစ်လာသဖြင့် ကျန်ကျောင်းသား/ကျောင်းသူများအတွက်ပါ
စိုးရိမ်ကြသဖြင့် ပေါက်လောက်တောင်ကလေးကျေးရွာအုပ်ချုပ်ရေးမှူး ဦးဥက္ကံ၊ မူလတန်းပြ ဆရာမ ဒေါ်သိမ့်သိမ့်မွေး၊ ဒေါ်သင်းသင်းဌေးနှင့် ကျောင်းသားမိဘများမှ ဘားအံပြည်သူ့ဆေးရုံကြီးသို့ လိုအပ်သည့် ဆေးကုသမှုများပါ ခံယူနိုင်ရန်အတွက် လာရောက်ခဲ့ခြင်းဖြစ်ကြောင်း သိရသည်။

ထို့နောက် တာဝန်ကျဆရာဝန်မှ ကျန်ကျောင်းသား(၈)ဦးနှင့်ကျောင်းသူ(၅)ဦးပေါင်း(၁၃)ဦးမှာ ကရင်ပြည်နယ်၊ လှိုင်းဘွဲပြည်သူ့ဆေးရုံကြီးတွင် ကာကွယ်ဆေး(၂)ကြိမ် ထိုးထားပြီးဖြစ်သည့်အတွက် တတိယကြိမ်ကာကွယ် ဆေးထပ်မံထိုးရန် လှိုင်းဘွဲဆေးရုံကြီးသို့ ပြန်လည်စေလွှတ်ခဲ့ကြောင်းသိရသည်။

အဆိုပါဖြစ်စဉ်တွင် ခွေးရူးကိုက်သည့် ကျောင်းသား/ကျောင်းသူများအနက် ခွေးရူးပြန်ကာကွယ်ဆေးမထိုးသည့်ကျောင်းသူမှာအုပ်ထိန်းသူများ၏ ကျန်းမာရေးအသိပညာနည်းပါးခြင်းကြောင့်လား၊ တာဝန်ရှိသူတွေ ပေါ့လျော့ခဲ့တာလား ဘာကြောင့်ကာကွယ်ဆေးထိုးဖို့အခွင့်အရေးမရခဲ့တာလည်းဆိုတာ ထို့နေ့က ဘားအံဆေးရုံဆေးရုံကြီးသို့ လာရောက်ကုသစဉ် မြင်တွေ့ကြားသိခဲ့ရသူများအနေဖြင့် စိတ်မကောင်းစရာထက် ရင်နာစရာ အဖြစ်အပျက်တစ်ခုလို့ပင် မှတ်ယူရမည်ထင်---
ကျန်းမာရေးအသိပညာများ တိုးပွားကြပါစေ-----

မင်းသူ (ဘားအံ)
ဘားအံသတင်း
https://www.facebook.com/Hpaannews.kayin/



ဘူးသီးတောင် ပြီးရင် မောင်တော အလှည့် ရောက်လာမယ်
မြန်မာ နိုင်ငံမှာ လက်ရှိ ကိုင်ဆောင် နေတဲ့ မှတ်ပုံတင် ကတ်ပြား တွေ နေရာမှာ အလက်ထရောနစ် စမတ်ကတ်တွေ အစားထိုး ထုတ်ပေး နိုင်ရေး အတွက် စမ်းသပ် စာရင်း ကောက်ခံမှု တွေ ဆက်လက် ပြုလုပ် နေတာမှာ၊ အခုတော့ ရခိုင်ပြည်နယ် ဘူးသီးတောင် မြို့နယ်မှာ စာရင်း ကောက်ခံ လာပါတယ်။

ဒါဟာ ရိုဟင်ဂျာ၊ ဘင်္ဂလီ အမည် အခေါ်အဝေါ် အပါအဝင်၊ နိုင်ငံသား ဖြစ်မှု/ မဖြစ်မှု အငြင်းပွား မှု တွေ အဓိက ရှိနေတဲ့ နေရာ တစ်ခုမှာ စာရင်း ကောက်ခံမှု ပြုလုပ် လာတာ ဖြစ်ပါတယ်။

ဒီလို ပြဿနာတွေ ရှိနေတဲ့ ဘူးသီးတောင် မြို့နယ်ထဲ တမင် ရည်ရွယ်ချက် နဲ့ ပြလုပ် တာ မဟုတ်ပဲ၊ ရန်ကုန်၊ မန္တလေးနဲ့ နေပြည်တော် ထဲက နေရာ တချို့မှာ ရှေ့ပြေး စမ်းသပ်မှု တွေ လုပ်ဆောင် ခဲ့ပြီးတဲ့ နောက်၊ ရခိုင် ပြည်နယ် ထဲမှာလည်း စစ်တွေ မှာ ပြုလုပ် ခဲ့ပြီး အခုလို ဘူးသီးတောင် မှာ အလှည့်ကျ လုပ်ဆောင် လာတာ ဖြစ်တယ်လို့ လူဝင်မှုနဲ့ ပြည်သူ့ အင်အား ဦးစီးဌာန အမြဲတန်း အတွင်းဝန် ဦးမြင့်ကြိုင်က ဘီဘီစီ ကို ပြောပါတယ်။

တနိုင်ငံလုံး အတိုင်းအတာ အနေနဲ့ စမတ်ကတ်ကို အစားထိုး သွားမှာ ဖြစ်တယ်လို့ ဆိုပေမယ့် ဘယ် အချိန် စတင် အကောင်အထည် ဖော်မယ် ဆိုတာကိုတော့ အာဏာပိုင် တွေ ဘက်က ရှင်းရှင်းလင်းလင်း မထုတ် ပြန် သေးပါဘူး။

နိုင်ငံသား မဟုတ်သေး သူ တွေ ကိုပါ သင့်လျော်တဲ့ အခွင့်အရေးတွေ ခံစား နိုင်အောင် ကတ်ပြား အမျိုးစား တစ်ခု မဟုတ် တစ်ခု ရရှိ နိုင်ရေး ဆောင်ရွက် ပေးသွားမယ်လို့ ဦးမြင့်ကြိုင်က ဆိုပါတယ်။

ဘူးသီးတောင် ပြီးရင် မောင်တော အလှည့် ရောက်လာမှာ ဖြစ်လို့၊ ပဋိပက္ခတွေကြောင့် နယ်မြေ မတည်မငြိမ် ဖြစ်ခဲ့တဲ့ မောင်တော မြို့နယ်ထဲ လူဝင်မှု ကြီးကြပ် ရေး ဆိုင်ရာ စာရင်း ကောက်ယူ တဲ့ အခါ ဘယ်လို အခြေအနေ မျိုး တွေ ပေါ်ပေါက် လာမလဲ ဆိုတာ အထူး စောင့်ကြည့် ရမှာ ဖြစ်တယ်လို့ ဘီဘီစီ သတင်းထောက်က ဆိုပါတယ်။

BBC Burmese
http://www.bbc.com/burmese/burma-38578538