01/14/17

ဝါရှင်တန်၊ ဇန်န၀ါရီ ၁၄ ။ ။ ဒေါ်နယ်ထရမ့်၏ ကျမ်းသစ္စာဆိုပွဲသို့ ထောင်ပေါင်းများစွာသော ပြည်သူများ တက်ရောက်ကြရန် ရှိသလို ထောင်ပေါင်းများစွာသော ပြည်သူများကလည်း ရွေးကောက်ပွဲတွင် ထရမ့်အနိုင်ရခြင်းကို စိတ်ကျေနပ်မှုမရှိကြောင်း ဆန္ဒပြသရန် လာမည့်သီတင်းပတ်တွင် ၀ါရှင်တန်၌ စုရုံးဆန္ဒပြဖို့ ရှိနေသည်။

အမေရိကန်တစ်နံ့တစ်လျား ဆန္ဒြုပမှုများကို စီစဉ်ထားခြင်းဖြစ်သော်လည်း အဓိကအားဖြင့် မြို့တော်ဝါရှင်တန်တွင် ဇန်န၀ါရီ ၂၀ ရက်၌ ကျင်းပမည်ဖြစ်သော် ထရမ့် ကျိမ်းသစ္စာဆိုပွဲကို လူထောင်ချီကာ ဆန္ဒပြကြရန် စီစဉ်ထားကြသည်။

အဓိကဆန္ဒပြမှုကို နောက်တစ်နေ့ နံနက် ၁၀ နာရီတွင် စီစဉ်ထားပြီး ကေတီပါရီ၊ ဂျူလန်နီမိုး၊ ချားနှင့် စကားလက်ဂျိုဟန်ဆန်ကဲ့သို့သော အောင်မြင်သည့် အနုပညာရှင်များ ပါဝင်ကာ ၀ါရှင်တန်တွင် အမျိုးသမီးထု၏ ချီတက်ဆန္ဒပြမှုများကို ပြုလုပ်မည်ဖြစ်သည်။

ယခုဆန္ဒပြမှုအစီအစဉ်များက ဟာဝိုင်ယီမှ အဘွားအိုတစ်ဦးဖြစ်သော အငြိမ်းစားရှေ့နေတစ်ဦးလည်းဖြစ်သည့် တာရီဆာက ဖေ့ဘုတ်ပေါ်တွင် ပို့စ်တင်ကာ သူငယ်ချင်း အယောက် ၄၀ အား စတင်ဆော်သြရာမှ စတင်ခဲ့ခြင်းဖြစ်သည်။

အဆိုပါ ပို့စ်က ချက်ချင်းပျံ့နှံ့ပြီး အဖွဲ့ဝင်ပေါင်း လေးသန်းနီးပါးရှိသော ဟီလာရီကလင်တန်ထောက်ခံသူများအုပ်စုဖြစ်သည့် Pantsuit Nation ဖေ့ဘုတ်ဂရုပေါ်ရောက်ကာ ပျံ့နှံ့သွားခြင်းဖြစ်သည်။

ဖေ့ဘုတ်ပေါ်တွင် လူပေါင်း ၁၉၀၀၀၀ နီးပါးက ဆန္ဒပြပွဲတွင် ပါဝင်မည်ဖြစ်ကြောင်း ရေးသားပြီး စိတ်ဝင်စားသည်ဟု ရေးသားသူပေါင်းကလည်း နှစ်သိန်းခွဲကျော်ထက်မနည်း ရှိနေသည်။
Mizzima - News in Burmese


အမေရိကန်သမ္မတ အိုဘားမားသည် သူ၏ နောက်ဆုံး နှုတ်ဆက်မိန့်ခွန်းကို ချီကာဂိုမြို့တွင် ပြောကြားခဲ့သည်။ ချီကာဂိုသည် သူ၏မိသားစု နေအိမ်ရှိသည့် သမ္မတမဖြစ်ခင် နေထိုင်ခဲ့သည့် မြို့ဖြစ်သည်။

သမ္မတအဖြစ် နောက်ဆုံးမိန့်ခွန်း ပြောကြားစဉ် သမ္မတအိုဘားမားသည် မျက်ရည်ကျရသည်အထိ စိတ်ခံစားမှု ဖြစ်ခဲ့သည်။ သူ၏ သမ္မတသက်တမ်းသည် ဇန်နဝါရီလ ၂၀ ရက်တွင် ကုန်ဆုံးမည်ဖြစ်သည်။

ဗြိတိသျှ အန်ဒီပန်ဒန့် သတင်းစာက ရာထူးမှထွက်ခွာတော့မည့် သမ္မတအိုဘားမားအတွက် အမှတ်တရခင်မင်ရင်းနှီးသော နုတ်ဆက်စကားများ ပါဝင်သည့် ငါးမိနစ်စာ ဗီဒီယိုတစ်ခုကို ၄င်းတို့၏ သတင်းစာမျက်နှာတွင် တင်ထားသည်။

အဆိုပါ ဗီဒီယို အတိုလေးတွင် မြန်မာ့ခေါင်းဆောင် ဒေါ်အောင်ဆန်းစုကြည်၏ အမှတ်တရ စကားလည်း ပါဝင်သည်။

မြန်မာနိုင်ငံ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မြန်မာကို လာရောက်သည့် ပထမဆုံး အမေရိကန်သမ္မတအဖြစ် ၂၀၁၂ ခုနှစ်တွင် သူမ၏ နေအိမ်သို့ သမ္မတအိုဘားမား လာရောက်ခဲ့ပုံကို ပြန်ပြောင်းပြောထားသည်။

“သူ့ ခရီးစဉ်မှာ ဘာကို အမှတ်ရနေဆုံးလဲ ဆိုတော့ ကျွန်မတို့ အိမ်က လူတွေအားလုံး စိတ်တွေလှုပ်ရှားနေတာ အထူးသဖြင့် လူငယ်တွေပေါ့။ ကျွန်မတို့တွေ စိတ်လှုပ်ရှား ပျော်ရွှင်ခဲ့ရတာကို ကျွန်မအမြဲတမ်း အမှတ်ရနေမယ့် အရာပါ” ဟု ဒေါ်အောင်ဆန်းစုကြည်က အဆိုပါ ဗီဒီယိုမှတ်တမ်းတွင် အမှတ်တရ စကားဆိုခဲ့သည်။

လင်းလင်း
The Ladies News


REf - Irrawaddy

အပြည်ပြည်ဆိုင်ရာ ထေရ၀ါဒ ဗုဒ္ဓသာသနာပြုတက္ကသိုလ် ပါမောက္ခချုပ်ဆရာတော် ဒေါက်တာအရှင်နန္ဒမာလာဘိဝံသ ဆရာတော်ဘုရား ဟောကြားသည့် နှစ်သစ်မင်္ဂလာ တရားပွဲကို ၂၀၁၇ခုနှစ် ဇန်န၀ါရီလ ၁၃ရက်နေ့ ည ၇နာရီအချိန်တွင် ရန်ကုန်မြို့ ပြည်လမ်းရှိ Novotel Yangon Max Hotel ရှိ Yangon Ballroom တွင်ကျင်းပြုလုပ်ခဲ့သည်။

အဆိုပါ တရားပွဲတွင် ဧရာဝတီဖောင်ဒေးရှင်း ဥက္ကဋ္ဌ ဦးဇော်ဇော်နှင့် မိသားစု တို့က တစ်နိုင်ငံလုံးမှ အနာဂတ်မျိုးဆက်သစ် ကလေးသူငယ်များ၏ ပညာရေး၊ ကျန်းမာရေးကဏ္ဍများတွင် ထောက်ပံ့ ကူညီနိုင်ရန် အတွက် ငွေပဒေသာပင် အဖြစ် ငွေကျပ်သိန်းတစ်သောင်းတိတိ စိုက်ထူ လှူဒါန်းခဲ့သည်။

ထို့ပြင် တရားပွဲသို့ တက်ရောက်လာကြသည့် ဧရာဝတီဖောင်ဒေးရှင်း ၏ မိတ်ဆွေသင်္ဂဟများက ရန်ကင်းကလေးဆေးရုံကြီးရှိ နွမ်းပါးလူနာများ၏ နေ့စဉ် အာဟာရဒါနလှူဒါန်းမှု၊ မွေးရာပါ နှလုံးဝေဒနာရှင် ကလေးငယ်များအတွက် လှူဒါန်းမှု စုစုပေါင်းအလှူငွေ (၁၉၇၅)သိန်း ကျပ်တိတိ လှူဒါန်ပေးခဲ့ခြင်း အတွက် ရေစက်သွန်းချအမျှပေးဝေခဲ့ကြသည်။

အဆိုပါ တရားအလှူပွဲတွင် ဧရာဝတီဖောင်ဒေးရှင်းမှ လှူ ဖွယ်ဝထ္ထုအစုစုကို ကပ်လှူ ပူဇော်ခဲ့ကြပြီး ၀န်ထမ်းမိသားစုများတက်ရောက် တရားနာကြားခဲ့ ကြသည်။
The Ladies News



(ဓါတ်ပုံ - ဝဲ ကာမီယာ မော့ဘ်လေး ၊ ယာ -ယူဆောင်သွားသူ ဂလိုရီယာ ဝီလျံ)
လွန်ခဲ့တဲ့ ၁၈ နှစ်တုန်း က အမေရိကန် နိုင်ငံ က ဆေးရုံ တစ်ခုမှာ မွေးကင်းစ အရွယ်မှာတုန်း က ပျောက်ဆုံး သွားတဲ့ ကာမီယာ မော့ဘ်လေး ကို တောင် ကယ်ရိုလိုင်းနား ပြည်နယ်မှာ ပြန်လည် ရှာဖွေ တွေ့ရှိ ခဲ့ပါတယ်။

၁၉၉၈ ခုနှစ် မှာ တုန်း က ဖလော်ရီဒါ ပြည်နယ် က ဆေးရုံ တစ်ခုမှာ ကာမီယာ မော့ဘ်လေး ဟာ မွေးပြီး ၈ နာရီ အကြာမှာ ပျောက်ဆုံး သွားခဲ့တာ ဖြစ်ပါတယ်။

ဂလိုရီယာ ဝီလျံ ဆိုတဲ့ အမျိုးသမီး ဟာ သူနာပြု အဖြစ် ဟန်ဆောင်ပြီး ကာမီယာ လေး က အဖျား ရှိနေတဲ့ အတွက် သူ့ ကိုယ် ပြုစု ဖို့ လိုမယ် ဆိုပြီး ယူဆောင် သွားတာ ဖြစ်ကြောင်း ရဲတပ်ဖွဲ့ တာဝန် ရှိသူ က ပြော ပါတယ်။

ကာမီယာ ကို သူက နောက်ထပ် အမည် တစ်ခု ပြောင်းပေး ခဲ့ပြီး သူ့ ရဲ့ သမီး အဖြစ် ပတ်ဝန်ကျင်းကို ပြောကြား ထားတာ ဖြစ်ပါတယ်။ အခုတော့ ကာမီယာ လေး ကို ယူဆောင်သွားတဲ့ ဂလိုရီယာ ဝီလျံ ကို ပြန်ပေး ဆွဲမှု နဲ့ ဖလော်ရီဒါ ပြည်နယ် ရဲတပ်ဖွဲ့က ဖမ်းဆီး ထားပါတယ်။

မိဘရင်းတွေက ကာမီယာ ကို ပြန်ရှာတွေ့ ပြီလို့ သိရလို့ အလွန် ပျော်ရွှင် နေကြပါတယ်။ ကာမီယာ ရဲ့ DNA နဲ့ တိုက်ဆိုင် စစ်ဆေး ဖို့ အတွက် သူ့ရဲ့ အဖေ နဲ့ အမေ တို့ကို အကြောင်းကြား ထားတယ်လို့လည်း ရဲတပ်ဖွဲ့ က ပြောပါတယ်။

လက်ရှိမှာ ကာမီယာ ဟာ ၁၈ နှစ် အရွယ် မိန်းမပျို တစ်ဦး ဖြစ်နေတဲ့ အတွက် သတင်းဌာန တွေ အနေနဲ့ အကာအကွယ်ပေးဖို့ ရဲတပ်ဖွဲ့ က ပန်ကြား ခဲ့ပါတယ်။

ကာမီယာ မော့ဘ်လေး ပျောက်ဆုံး ခဲ့မှု ကို စုံစမ်း စစ်ဆေးမှု တွေ လုပ်နေတဲ့ အချိန်မှာ သတင်းပေးချက် အမြောက်အများ လက်ခံ ရရှိခဲ့ပြီး အဲဒါတွေ ကို လိုက်လံ စစ်ဆေးရာကနေ ၁၈ နှစ် ကျော် ကြာတဲ့ အချိန်မှာ အသက်ရှင်လျှက် ပြန်လည် ရှာဖွေ တွေ့ ခဲ့ရတာ ဖြစ်ပါတယ်။

BBC Burmese
http://www.bbc.com/burmese


ဇန္နဝါရီလ၁၄ရက် ဝမ်းတွင်း။

မန္တလေးတိုင်းဒေသကြီး ဝမ်းတွင်းမြို့နယ် မြန်မာ့စီးပွားရေးဘဏ် မန်နေဂျာဦးကျော်စိုးမင်း (ဗိုလ်ကြီးအငြိမ်းစား)အား မန္တလေးတိုင်း စီးပွားရေးဘဏ်မန်နေဂျာဦးအောင်ဇော်မှ ဌာနတွင်း စစ်ဆေးပေါ်ပေါက်မှု့အရ ငွေကျပ်သိန်းနှစ်ထောင်ကျော် အလွဲသုံးစားပြုလုပ်ထားသည်ကို စစ်ဆေးတွေ့ရှိပါသဖြင့် ဇန္နဝါရီလ၁၀ရက်ညနေ၄နာရီမှာ ဝမ်းတွင်းမြို့မရဲစခန်းမှာ တိုင်တန်းအမှု့ဖွင့်ပါတယ်။

ဌာနဆိုင်ရာလုပ်ထုံးလုပ်နည်းများနှင့် ညှိစွန်းနေပြီး လုပ်ပိုင်ခွင့်အပေါ် လွဲမှားစွာ အသုံးချ လုပ်ဆောင်ထားတယ်လို့သုံးသပ်လို့ရပြီး သက်သေအထောက်အထားပြည့်စုံလို့အမှု့ဖွင့်ဖမ်းဆီးလိုက်ရတယ်လို့မြို့နယ်ရဲတပ်ဖွဲ့မှူးရဲမှုးမျိုးလွင်ကပြောပြပါတယ်။


တင်ပြတိုင်တန်းစာလေးစောင်နဲ့ဌာနတွင်း စစ်ဆေးရာငွေကြေ အလွဲသုံးစားပြုထားသော ပေါ်ပေါက်မှု့စာရင်းများအရ တိုင်းမန်နေဂျာက အမှု့ဖွင့်အရေးယူပေးဖို့တိုင်တန်းလာပါတယ်လို့စခန်းမှူးဒုရဲမှူးမြင့်သန်းကပြောပြပါတယ်။

အမှု့အမှတ်၁၀/၂၀၁၇လုပ်ပိုင်ခွင့် အပေါ်အလွဲသုံးစားပြုသော ပြစ်မှု့ပုဒ်မ၄၀၉ နဲ့  ဝမ်းတွင်းမြို့မ ရဲစခန်းစခန်မှူးဒုရဲမှူးမြင့်သန်းမှအမှု့ဖွင့် ဖမ်းဆီးအရေယူဆောင်ရွက်ပါတယ်။

သတင်း - ဓါတ်ပုံ ။  ။ မာင်မောင်လင်း (ဝမ်းတွင်း)


ကျွန်တော့်အိမ်မှာ နယ်ဘက်ကနေ အိမ်အကူ လာလုပ်နေတဲ့ အသက် ၅၀ အရွယ်လောက် အန်တီစိန် ဆိုတဲ့ အန်တီကြီးရှိပါတယ်။ အိမ်အကူဆိုပေမဲ့ နေလာတာကြာတော့ မိသားစုဝင်တဦးလို ဖြစ်နေတာပါ။
တရက်မှာ သူ့ရွာက ဧည်သည်အမျိုးသားနှစ်ယောက် သူ့ဆီလာလည်ပါတယ်။ ဒါနဲ့ အိမ်ထဲဝင်ထိုင် ကြရင်း ဧည်သည်နှစ်ယောက်ထဲက တယောက်ဖြစ်တဲ့ ကိုကျော်စွာဆိုတဲ့ သူက အစ်မ သူ့ကို မှတ်မိလားဆိုပြီး သူနဲ့အတူပါလာတဲ့ ဘေးကတယောက်ကို မိတ်ဆက်ပေးပါတယ်။ အန်တီစိန်က ထိုသူရဲ့မျက်နှာကို သေချာကြည့်ရင်း
မင်း . . . မင်း . . . အောင်မော်မဟုတ်လားဆိုပြီး မေးတော့။
ဟုတ်တယ်လေ မမရဲ့ဆိုပြီး တယောက်နဲ့တယောက် ဖက်ငိုကြပါလေရော။
ငါတို့အားလုံးက မင်းသေပြီဆိုပြီး ထင်နေတာကွဲ့ဆိုပြီး ပြောလိုက်ငိုလိုက်ပါပဲ။
နှစ်ဦးလုံး ၀မ်းနည်းဝမ်းသာတွေဖြစ် ငိုကြပြောကြနဲ့ ဘေးနားက ကွန်ပျူတာကိုင်နေတဲ့ ကျွန်တော်ပါ သူ့တို့ကိုကြည့်ပြီး မျက်ရည်လည်လာမိတယ်။ ဒါနဲ့ သူတို့အေးဆေးဖြစ်သွားမှ ကျွန်တော်လည်း ဘယ်လိုတွေဖြစ်ကြတာလဲ၊ ကျွန်တော်လည်း သိရအောင် ပြောပြလို့ရရင်ပြောပြပါဦးဆိုမှ အကြောင်းစုံသိလိုက်ရတာပါပဲ။ ခုလာလည်တဲ့ ကိုအောင်မော်ဆိုတဲ့လူက အန်တီစိန်ရဲ့ တ၀မ်းကွဲမောင်။ လွန်ခဲ့တဲ့ ခုနစ်နှစ်လောက်က ရွာမှာလုပ်ငန်းကိုင်ငန်းမကောင်းလို့ဆိုပြီး မလေးရှား နိုင်ငံကို အလုပ်ထွက်လုပ်ခဲ့တယ်။ ကံဆိုးချင်တော့ လူလိမ်အေးဂျင့်နဲ့တိုးပြီး ဒီမှာ ပြောထားတဲ့ အလုပ်နဲ့ဟိုမှာလုပ်ရတာနဲ့က တခြားစီလုပ်ရတဲ့ အလုပ်ကအရမ်းပင်ပန်းကြမ်းတမ်း တယ်။ ရတဲ့လုပ်ခကလည်း မဖြစ်စလောက်။ ရှင်းရှင်းပြောရရင်တော့ လူကုန်ကူးခံလိုက်ရတဲ့ သဘောပါပဲ။ ဒီလိုနဲ့စာချုပ်ပြည့်ခါနီးတော့ အလုပ်ရှင်က လုပ်ခမရှင်းပေးချင်တော့ ညစ်ပတ်ပြီး ရဲတိုင်ဖမ်းခိုင်းလို့ ထောင် ၄ နှစ်နီးပါး ကျခဲ့တယ်လို့သိရတယ်။ မလေးဘာသာစကားကလည်း မပြောတတ်တော့ အင်မတန်ဒုက္ခဆင်းရဲရောက်ခဲ့တဲ့အကြောင်း ထောင်ထဲမှာ မသေရုံတမယ်နေထိုင်ခဲ့ရတဲ့အကြောင်း ၀မ်းနည်းပက်လက်ပြောရှာတယ်။ သူလို ထောင်ထဲမှာ ဒုက္ခရောက်နေသူတွေ အများကြီး ကျန်သေးတယ်လို့ သိရတယ်။
ကိုအောင်မော်ကို တရွာလုံးကသေပြီလို့သတ်မှတ်ပြီး ရက်လည်ဆွမ်းသွတ်တောင် လုပ်ခဲ့ပြီးပြီ။ ဒီထက် စိတ်ထိခိုက်စရာအကောင်းဆုံးကတော့ သူထွက်သွားတော့ မိန်းမနဲ့ကလေးနှစ်ယောက် အမေ့အိမ်မှာ ကျန်ခဲ့တယ်။ သူ့မိန်းမကလည်း သူသေပြီဆိုပြီး သူ့ဇာတိရွာကိုပြန်သွားပြီ နောက်အိမ်ထောင်ပြုသွား ပြီတဲ့။ ကိုအောင်မော် ပြောတဲ့စကားတွေ နားထောင်ပြီး ကျွန်တော့်ရင်ထဲ အရမ်းကိုနာကျင် ထိခိုက်ခံ စားခဲ့ရတယ်။ သြော် . . ဆိုးလိုက်တဲ့ ဘ၀တွေပါလား။ ဒီလိုဘ၀ပျက်သွားတာတွေ ကျွန်တော်တို့ နိုင်ငံသားတွေ ဘယ်လောက်တောင်များနေပြီလဲဆိုပြီး တွေးမိတယ်။

ဒီလိုအဖြစ်အပျက်မျိုးတွေ အများကြီးကြားဖူးပါတယ်။ နယ်မှာလယ်ယာလုပ်ငန်းတွေ မကောင်းလို့ ရှိတာလေးရောင်းချကြ ရောင်းစရာမရှိတဲ့လူက ငွေတိုးချေးစရိတ်ရှာပြီး နိုင်ငံခြားကို အလုပ်လုပ်ဖို့ ထွက်ကြတယ်။ မိန်းကလေးရော၊ ယောက်ျားလေးရော အိမ်ထောင်ရှင်တွေပါ ထွက်ကြတယ်။ တချို့က ကလေးတွေ မိဘတွေထံအပ်နှံပြီး လင်မယားနှစ်ယောက်စလုံးထွက်ကြတယ်။ ရွာလုံးကျွတ်နီးပါးထွက်တဲ့ ရွာတွေတောင်ရှိပါတယ်။ အဘိုးကြီးအို၊ အဘွားကြီးအိုနဲ့ ကလေးတွေပဲ ကျန်နေခဲ့ကြတယ်။ လူလွတ်တွေက သိပ်ပြဿနာမရှိပေမဲ့ အိမ်ထောင်ရှင်တွေကြတော့ အချိန်ကြာလာတော့ အိမ်ထောင်ရေးပြဿနာတွေတက်လာကြတယ်။ ဟိုမှာနောက်အိမ်ထောင်ပြုတဲ့ လူကပြုကြ ဒီမှာကျန်ခဲ့တဲ့လူက နောက်အိမ်ထောာင်ပြုလို့ပြုနဲ့ အိမ်ထောင်ရေးပြိုကွဲ လူမှုဒုက္ခတွေခံစားနေကြရတာ အများကြီးပါ။ ဒီလိုအချိန်မှာပဲ တုန်လှုပ်ချောက်ချားဖွယ် သတင်းတခုက ဒီဇင်ဘာလ ၅ ရက်နေ့မှာ မလေးရှားနိုင်ငံ ကွာလာလမ်ပူမြို့မှာ အလုပ်ပြီးလို့ပြန်လာတဲ့ မြန်မာအလုပ်သမား ၁၅ ဦးကို ဓားများကိုင်ဆောင်ထားတဲ့ လူတစုက ၀င်ရောက်တိုက်ခိုက်လို့ ၅ ဦး ထိသေဆုံးခဲ့ရပြီး ၂ ဦးကလည်း အပြင်းအထန်ဒဏ်ရာရရှိပြီး အရေးပေါ်ကုသမှုခံယူနေရတယ်လို့ သိရှိပါတယ်။ ဒါ့အပြင် ထိုင်းနိုင်ငံဘန်ကောက်မြို့မှာ အလုပ် လုပ်နေတဲ့ ကရင်တိုင်းရင်သူ မနန်းဌေးဌေးဦး အသတ်ခံရတဲ့သတင်းနဲ့ မြန်မာအလုပ်သမား အမျိုးသားတဦး အိပ်ခန်းအတွင်း လည်လှီးအသတ်ခံရတဲ့သတင်းတွေ ကြားသိခဲ့ရပါတယ်။ ကြားရတဲ့သတင်းတွေဟာ တကယ့်ကို တုန်လှုပ်ချောက်ချားဖွယ် ၀မ်းနည်းကြေကွဲ ဖွယ်သတင်းတွေပဲ ဖြစ်ပါတယ်။
မလေးရှားနိုင်ငံမှာ ခုလိုမြန်မာနိုင်ငံသားတွေ ရက်ရက်စက်စက်အသတ်ခံရတာ ခုမှမဟုတ်ပါဘူး။ အရင်အစိုးရလက်ထက်က ၂၀၁၃ လာရှိုးအကြမ်းဖက်မှုကြီးဖြစ်ပြီး မလေးရှားမှာ မြန်မာနိုင်ငံသားတွေ တဒါဇင်ထက်မနည်း လည်လှီးအသတ်ခံခဲ့ရ လူပေါင်းများစွာ တိုက်ခိုက်ခံခဲ့ရပါတယ်။ အဲဒီတုန်းကလည်း အစိုးရအနေနဲ့ မိမိနိုင်ငံသားတွေအပေါ် ထိရောက်စွာ အကာအကွယ် မပေးနိုင်ခဲ့ပါဘူး။ ဆရာတော်ဘုရားများ၊ စီးပွားရေးလုပ်ငန်းရှင်များရဲ့ အကူအညီနဲ့ မလေးရောက် မြန်မာနိုင်ငံသား အလုပ်သမားအချို့ကို ပြန်ခေါ်နိုင်ခဲ့ပါတယ်။ ခုမလေးကိစ္စကလည်း မကြာသေးခင်က ဖြစ်ပေါ်ခဲ့တဲ့ ရခိုင်အရေးအခင်းနဲ့ ဆက်စပ်မှုရှိလိမ့်မယ်လို့ တွက်ဆရပါတယ်။ ဒီတခါဖြစ်တဲ့အပေါ်မှာတော့ ဘယ်သူမှ အသံထွက်မလာသေးတာ စိတ်မကောင်းဖွယ် တွေ့မြင်ရပါတယ်။

ကျွန်တော်တို့နိုင်ငံဟာ နှစ်ပေါင်းငါးဆယ်ကျော် အမိန့်အာဏာနဲ့ ပြစ်ဒဏ်နှစ်ခုတွဲပြီး အုပ်ချုပ်ခဲ့တဲ့ အာဏာရှင်စနစ်အောက်မှာ တိုင်းပြည်ဟာ ဘက်ပေါင်းစုံက ချွတ်ခြုံကျခဲ့ပါတယ်။ အရင်က အာရှမှာ ကျားဖြစ်ခဲ့ရာကနေ နွားအဆင့်ဖြစ်ခဲ့ရပါတယ်။ ကမ္ဘာ့အဆင်းရဲဆုံးတိုင်းပြည် စာရင်းဝင်ခဲ့ရတယ်။ တိုင်းပြည်ရဲ့ လူဦးရေအများစုဖြစ်တဲ့ တောင်သူလယ်သမားတွေဟာ မိမိလယ်မြေတွေကို အသိမ်းခံရ၊ စိုက်ပျိုးတော့လည်း ရာသီဥတုကဖျက်၊ သီးနှံဈေးကွက်ကမကောင်းတော့ မိမိတို့နဲ့ ကိုးကွယ်မှု ဘာသာမတူတဲ့ တိုင်းတပါးမှာ မိမိအသက်ကိုပဓာနမထားနိုင်ဘဲ အဖိနှိပ်ခံ အနိုင်ကျင့်ခံပြီး ဘ၀ကို အန္တရာယ်ကြီးစွာ ဖြတ်သန်းနေရတာ တွေးလေတွေးလေ အသည်းနာမိပါတယ်။ ပြီးခဲ့တဲ့ လေးနှစ်အတွင်း မလေးရှားနိုင်ငံမှာ အသတ်ခံရတဲ့ မြန်မာနိုင်ငံသားများဟာ အယောက်နှစ်ဆယ်ကျော်ရှိခဲ့ပြီလို့ သိရပါတယ်။

နှိုင်းယှဉ်စဉ်းစားကြည့်ရအောင်ပါ၊ ယခု မလေးရှားမှာ အသတ်ခံရတဲ့သူတွေသာ အမေရိကန်နိုင်ငံ သား၊ တရုတ်နိုင်ငံသားဖြစ်ခဲ့မယ်ဆိုရင် သူတို့အစိုးရက သူ့နိုင်ငံသားတွေကို ခုလိုမျိုးမျက်နှာလွှဲခဲ ပစ်လုပ်ထားမယ်လို့ ထင်ပါသလား။ ဘယ်လိုထိရောက်စွာ ဖိအားပေးဆောင်ရွက်မယ်ဆိုတာ ပြောစရာတောင် လိုမယ်မထင်ပါဘူး။ ကျွန်တော်တို့ ပြည်သူတွေမှာတော့ မိမိအစိုးရကတောင် ဂရုမစိုက်တန်ဖိုးမထားတော့ တိုင်းတပါးသားကတော့ ပိုလို့တောင်ဆိုးပြီပေါ့။

ကျွန်တော်တို့နိုင်ငံဘက်က လက်နက်ကြီးကျည် တရုတ်နိုင်ငံဘက်ကျရောက်တုန်းက သူတို့ဘယ်လိုတုံ့ပြန်ခဲ့လဲ။ သူတို့နိုင်ငံအထိ မြန်မာဝန်ကြီးတွေ သွားရောက်တောင်းပန်ခဲ့ရတယ်။ သူတို့နိုင်ငံသားထိတော့ ကျွန်တော်တို့နိုင်ငံသား စိုင်းနော်ခမ်းကို လူသားတယောက်ရဲ့ ဂုဏ်သိက္ခာတပြားသားမှမရှိ အောင်ဆက်ဆံပြီး ကြက်ကလေး၊ ငှက်ကလေးလို အလွယ်တကူသတ်ပစ်လိုက်ကြတာ အားလုံးမှတ်မိကြဦးမှာပါ။ ဒါတွေဟာ ကိုယ့်နိုင်ငံသား ကိုယ့်အချုပ်ခြာအာဏာကို ထိပါးလာရင်မခံဘူးဆိုပြီး တရုတ်က သူ့နိုင်ငံရဲ့ ဂုဏ်သိက္ခာနဲ့ သြဇာကို ကမ္ဘာကိုပြသလိုက်တာပါပဲ။

အရင်အာဏာရှင်တွေတုန်းက ပြည်သူကို အလေးမထားတန်းဖိုးမထားတာထားပါတော့ ယခု ပြည်သူတွေရဲ့ ဆန္ဒမဲအစစ်မှန်နဲ့တက်လာတဲ့ ပြည်သူ့အစိုးရလက်ထက်မှာ အရင်လူတွေလိုပဲ ပြည်သူကို အလေးမထား တန်ဖိုးမထားတာတွေ တွေ့မြင်နေရတာ အံ့သြစရာပါပဲ။ အစိုးရ သစ်လက်ထက် ဖားကန့်မှာ မြေစာပုံပြိုကျပြီး ပြည်သူတွေ ဆယ်ချီရာချီ သေဆုံးခဲ့တာ အကြိမ်ကြိမ်ရှိပါပြီ။ တခါမှအရေးတယူလုပ်တာ ၀မ်းနည်းကြောင်းထုတ်ပြန်တာ မတွေ့ရသလောက် ပါပဲ။ သူများနိုင်ငံကတောင် ကိုယ့်နိုင်ငံအတွက် ၀မ်းနည်းကြောင်း ထုတ်ပြန်ခဲ့ပါသေးတယ်။ ဘယ်လောက် ရင်နာဖို့ ရှက်ဖို့ကောင်းသလဲ။ တလောတုန်းကပဲ ချင်းတွင်းမြစ်ထဲမှာ စက်လှေမှောက်ပြီး ၀န်ထမ်းတွေရော၊ ကျောင်းသားတွေရော ပြည်သူတွေ ရာချီပြီး သေဆုံးခဲ့တယ်။ ဒါပေမဲ့ အစိုးရရဲ့ ချက်ချင်းတုံ့ပြန်ဆောင်ရွက်မှုဟာ အားရမှုမရှိဘူးလို့ ဝေဖန်ခဲ့ကြပါတယ်။ ပြည်သူတွေရဲ့ ဝေဖန်မှုတွေဆူညံလာပြီး တော်တော်ကြာမှ ၀မ်းနည်းကြောင်းထုတ်ပြန်ခဲ့တာ တွေ့မြင်ရမှာပါ။

ဒါတွေကိုပြန်စဉ်းစားမိတိုင်း ကျွန်တော်တို့ ပြည်သူတွေရဲ့အသက်ဟာ တန်ဖိုးမရှိလို့များလားလို့ တွေးမိပါတယ်။ ပြည်တွင်းနေတော့လည်း ခေါင်းမမော့နိုင် ပြည်ပသွားတော့လည်း အနှိမ်ခံဘ၀။ လက်ရှိ ပြည်သူ့ဆန္ဒမဲနဲ့ တက်လာတဲ့ NLD အစိုးရအနေနဲ့ ပြည်သူကို အလေးထားတန်ဖိုးထား စေလိုပါတယ်။ ပြည်သူကို တန်ဖိုးထားမှ ပြည်သူ့အစိုးရလို့ပြောလို့ရမှာပဲ ဖြစ်ပါတယ်။ ပါးစပ်ကပဲ တန်ဖိုးထားနေလို့ မရပါဘူး။ မည်သည့်နိုင်ငံရေးစနစ်နဲ့ အုပ်ချုပ် အုပ်ချုပ်၊ ဘယ်သူပဲ အုပ်ချုပ် အုပ်ချုပ် ပြည်သူကိုတန်ဖိုးမထား လူရာမသွင်းတဲ့ အစိုးရတရပ်ဟာ ပြည်သူရဲ့ ဒဏ်ခတ်ခြင်းကို ခံရတယ်ဆိုတာ ရှေ့လူတွေဆီကနေ လက်ရှိအစိုးရအဖွဲ့က လူတွေသင်ခန်းစာယူသင့်ပါတယ်။

ယခုဖြစ်ပေါ်နေတဲ့ ပြဿနာတွေရဲ့အဓိကတရားခံကိုကြည့်မယ်ဆိုရင် တရားဥပဒေမစိုးမိုးမှု ဆင်းရဲမွဲတေမှု အကျင့်ပျက်ခြစားမှု ဒီသုံးချက်ကအဓိကပဲ ဖြစ်ပါတယ်။ ဒီလိုအဖြစ်ဆိုးမျိုးတွေ ပပျောက်ဖို့ ကျွန်တော်တို့နိုင်ငံက ပြည်သူတွေအားလုံး ဆင်းရဲတွင်းကနေ အမြန်ဆုံး လွတ်မြောက် အောင် လုပ်ဆောင်ကြရပါမယ်။ မိမိနိုင်ငံမှာပဲ အလုပ်အကိုင်အခွင့်အလမ်းတွေ ကောင်းမွန်အောင် ဖန်းတီးပေးရပါမယ်။ ခုတော့ ကိုယ့်တိုင်းပြည်ကထွက်ရှိတဲ့ သဘာဝသယံဇာတတွေနဲ့ ချမ်းသာနေတဲ့ အိမ်နီးချင်းနိုင်ငံတွေမှာ ကိုယ့်နိုင်ငံက လူငယ်လူရွယ်တွေ ကျွန်သွားခံနေရပြီး ခုလိုမျိုး ရက်ရက်စက်စက် အသတ်ခံနေရတာဟာ တွေးလေတွေးလေ အသည်းပါမက အရိုးပါနာမိပါတယ်။

အစိုးရသစ်အနေနဲ့ လက်ရှိမလေးရှားမှာဖြစ်တဲ့ကိစ္စကို ရဲရဲဝံ့ဝံ့ပြတ်ပြတ်သားသား ဆောင်ရွက်စေလို ပါတယ်။ လုပ်တဲ့နေရာမှာလည်း ထိရောက်ပြတ်သားဖို့ လိုပါတယ်။ မထိတထိသွားလုပ်ရင် ဟိုမှာရောက်နေတဲ့ ကိုယ့်နိုင်ငံသားတွေပဲ ပညာပြခံရမယ်ဆိုတာ အရင် ဖြစ်ရပ်တွေက သက်သေရှိနေပါတယ်။ NLD အစိုးရတက်လာပြီး ပြည်ပဒုတိယခရီးစဉ်အနေနဲ့ ထိုင်းနိုင်ငံကို ဒေါ်အောင်ဆန်းစုကြည်သွားရောက်ခဲ့ပါတယ်။ ခရီးစဉ်မှာ ထိုင်းရောက်မြန်မာလုပ်သားများနဲ့ တွေ့ဆုံခဲ့ ပါတယ်။ ထိုင်းနိုင်ငံခေါင်းဆောင်တွေနဲ့တွေ့ပြီး မြန်မာအလုပ်သမားများရဲ့ အခွင့်အရေးအပြည့်အ၀ ရစေဖို့ တောင်းဆိုခဲ့ပေမဲ့ ထိရောက်မှုမရှိခဲ့ပါဘူး။ အဆိုးဆုံးက ဒေါ်အောင်ဆန်းစုကြည်ပြန်သွားပြီး ထိုင်းရောက် မြန်မာအလုပ်သမားတွေဟာ ထိုင်းအလုပ်ရှင်များ အာဏာပိုင်များရဲ့ ပညာပြဖမ်းဆီးမှု၊ အလုပ်ထုတ်မှုတွေကို ခံခဲ့ရပါတယ်။ ပေါ့စေလိုလို့ကြောင်ရုပ်ထိုး ဆေးအတွက်ပိုလေး မဖြစ်စေဖို့ သတိထားဆောင် ရွက်စေချင်ပါတယ်။

အရင်က ကမ္ဘာမှာသခင်မျိုးဟေ့ ဒို့ဗမာဆိုပြီး ဂုဏ်သိက္ခာနဲ့နေထိုင်ခဲ့တဲ့ဟာ အာဏာရှင်တွေရဲ့ လက်ထက်မှာ တိုင်းပြည်က သူများတွေရဲ့ နင်းပြားဘ၀ ဖြစ်ခဲ့ရပါတယ်။ ဒီအခြေအနေကို လက်ရှိ NLD အစိုးရအနေနဲ့ အမြန်ဆုံး ပြန်လည်ကုစားပေးဖို့လိုပါပြီ။ ဒါမှသာ ကျွန်တော်တို့ပြည်သူတွေဟာ ကမ္ဘာ့နိုင်ငံများကြားမှာ လူရိုသေ ရှင်ရိုသေဘ၀နဲ့ ပြန်လည်ခေါင်း မော့နေနိုင်မှာပဲ ဖြစ်ပါတယ်။ မိမိနိုင်ငံသားတွေရဲ့ဘ၀တွေ လုံခြုံမှုရှိအောင် အစွမ်းကုန်ရပ်တည် ကာကွယ်ပေးရမှာက ပြည်သူ့အစိုးရရဲ့တာဝန်ပဲ ဖြစ်ပါတယ်။ ဒါမှ ပြည်သူအားကိုးအားထားရတဲ့ အစိုးရကောင်း တရပ်ဖြစ်လာမှာပါ။ ဒီလိုမှမဟုတ်ဘဲ အရင်အစိုးရလို မျက်နှာလွဲခဲပစ်လုပ်ထားမယ်ဆိုရင်တော့ ကမ္ဘာ့နိုင်ငံ အသီးသီးမှာ သွားရောက်အလုပ်လုပ်နေကြတဲ့ သန်းနဲ့ချီသော ကျွန်တော်တို့ နိုင်ငံသား တွေဟာ တိုင်းတပါးသားတွေရဲ့ အနိုင်ကျင့်ခံ၊ အနှိပ်စက်ခံ လူမလေး ခွေးမခန့်ဘ၀တွေနဲ့ ခုလိုမျိုး ဆက်ပြီး တန်ဖိုးမဲ့စွာ အသက်တွေစတေးနေကြရဦးမှာပဲ ဖြစ်ပါတယ်။

ကျော်ကြီး(MDY)
https://www.facebook.com/NewsWatchJournal



၂၀၁၆ ခရီးစဉ်အတွင်း ရခိုင် မူဆလင်ဒေသခံတွေနဲ့ တွေ့ခဲ့တဲ့ ယန်ဟီးလီ။
ကုလသမဂ္ဂလူ့အခွင့်အရေး အထူးကိုယ်စားလှယ်တိုင်း ရခိုင်ပြည်နယ်က လူ့အခွင့်အရေး ချိူးဖောက်မှု တွေကို နှစ်စဉ် လာရောက်စုံစမ်းစစ်ဆေး ပေမယ့် သူတို့ရဲ့ အခြေအနေတွေ ပြောင်းလဲတိုးတက်လာ မှုမရှိသေးဘူး လို့ ဒေသခံတွေက ပြောပါတယ်။ မနေ့ သောကြာနေ့က ရခိုင်ပြည်နယ် စစ်တွေမြို့ကို ရောက်ရှိလာတဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စား လှယ်ဟာ ဒေသခံ မွတ်စလင်တွေ နဲ့ တွေ့ဆုံခဲ့ သလို ပြည်နယ်ဝန်ကြီးချုပ် ဦးညီပုနဲ့ အစိုးရအဖွဲ့ကို သီးသန့်တွေ့ဆုံခဲ့ပါတယ်။ မအင်ကြင်းနိုင်က အပြည့်အစုံကို ပြောပြမှာပါ။

အောက်တိုဘာလနဲ့ နိုဝင်ဘာလက နယ်စပ်လုံခြုံရေးစခန်းတွေ အကြမ်းဖက် တိုက်ခိုက်ခံခဲ့ရတဲ့ ရခိုင်ပြည်နယ် မြောက်ပိုင်းမှာ နယ်မြေရှင်းလင်းရေးဆောင်ရွက်စဉ် လုံခြုံရေးတပ်တွေဘက်က လူအခွင့်အရေးချိုးဖောက်မှုတွေရှိခဲ့တယ်ဆိုတဲ့ စွပ်စွဲချက်တွေကို လာရောက်စုံစမ်းဖို့ သုံးရက်ကြာခရီးစဉ်အဖြစ် ကုလသမဂ္ဂ လူ့အခွင့်အရေးအထူးကိုယ်စားလှယ် Yanghee Lee ဟာ မနေ့က စစ်တွေမြို့ကို ရောက်ရှိလာပါတယ်။

ရခိုင်ခရီးစဉ်မတိုင်ခင် Yanghee Lee နဲ့ ရန်ကုန်မြို့မှာ တွေ့ဆုံခဲ့တဲ့ အမျိုးသား လူ့အခွင့်အရေး ကော်မရှင် ဥက္ကဋ္ဌ ဦးဝင်းမရကတော့ Yanghee Lee တင်သွင်းမယ့် မြန်မာနိုင်ငံဆိုင်ရာ လူ့အခွင့်အရေး အစီရင်ခံစာမှာ ဘက်ပေါင်း စုံရှုထောင့်အမြင်ပါဝင်ဖို့ လိုကြောင်း ဗွီအိုအေကို အခုလိုပြောပါတယ်။

" ကျနော်အနေနဲ့ကတော့ သူတင်ပြမယ့်ယူဆချက်ကိုတော့ ဘာမှ ပြောဆိုလို့မရဘူး။ သူ့အနေနဲ့ လွတ်လွတ်လပ်လပ် အစီရင်ခံစာတင်သွင်းသူတယောက်အနေနဲ့ တင်ပြမှာကိုး။ ဘာပဲဖြစ်ဖြစ်ပေါ့နော် ဒီမှာဖြစ်ပေါ်နေတဲ့ ပကတိ အနေအထားလေးတွေ ကိုတော့ မှန်မှန်ကန်ကန်ဖော်ပြနိုင်ဖို့က အရေးကြီးတယ်လို့ ထင်ပါတယ်။ ဘာကြောင့်လဲဆိုတဲ့အခါကျတော့ တဖက်ကနေပြီးတော့ သူ့ရဲ့ရှု့ထောင်သပ်သပ်နဲ့ မြင်သွားတယ်ဆိုလို့ရှိရင် ကျနော်တို့ ဒီမှာ လက်မခံနိုင်တဲ့ အနေအထားမျိုးဖြစ်တဲ့အခါ ဒါ အငြင်းပွားတာမျိုး ဖြစ်ရင် ကျနော်တို့ ဘယ်လိုနည်းနဲ့မှ ထိရောက်နိုင်မှု မရှိပါဘူး။ ဘာလို့လဲဆိုတော့ ပြသနာတခုကို ပြေလည်အောင် လုပ်တယ်ဆိုတာ နှစ်ဘက်ညှိနှိုင်းကြရတာပေါ့။ နှစ်ဘက်အမြင်ပေါ့ ဒါတွေကို ညှိနှိုင်းပြီးတော့ လုပ်မှသာလျှင် ဖြစ်မှာဖြစ်တဲ့အတွက်ကြောင့် မို့လို့ သူ့ရဲ့ အစီရင်ခံစာတွေမှာတော့ ဒီမှာဖြစ်နေတဲ့ ဒေသအခြေအနေ အမှန်တွေကို တင်ပြနိုင်မယ်လို့ ကျနော်တော့ အဲ့လို မျှော်လင့်ပါတယ်။"

ကုလသမဂ္ဂ အထူးကိုယ်စားလှယ် Yanghee Leeဟာ သူရဲ့ ငါးကြိမ်မြောက် ရခိုင်ပြည်နယ် ခရီးစဉ်မှာ စစ်တွေမြို့အပါအ၀င် အကြမ်းဖက်တိုက်ခိုက်မှုတွေဖြစ်ခဲ့တဲ့ ဘူးသီးတောင်၊ မောင်းတော၊ ရသေ့တောင် မြို့တွေဘက်က အခြေအနေတွေကို သွားရောက်ကြည့်ရှုမှာဖြစ်ပါတယ်။

ကုလသမဂ္ဂအထူးကိုယ်စားလှယ်တွေဘက်က သူတို့အခြေအနေကို အမြဲတမ်း လာရောက်ကြည့်ရှု့ပေမဲ့ အခုချိန်ထိ ဘာမှ ပြောင်းလဲတိုးတက်ခြင်း မရှိသေးတဲ့အတွက် Yanghee Lee ရဲ့ အခုခရီးစဉ်ကနေ ရခိုင်ပြည်နယ်က အခြေအနေတွေ ပြောင်းလဲမှုရှိအောင် ကုလသမဂ္ဂဘက်က ထိထိရောက်ရောက် ဆောင်ရွက်ပေးဖို့ လိုအပ်နေကြောင်း စစ်တွေမြို့ မွတ်စလင် ဒေသခံတဦးက ပြောပါတယ်။

" ကျနော်တို့က ပြောင်းလဲချင်တဲ့ဆန္ဒတွေကို တင်ပြထားတယ်။ ဒါပေမဲ့ တင်ပြသွားတာပဲ ရှိတယ်။ သူလည်း နားထောင်သွားတာပဲ ရှိတယ်။ ပြောင်းလဲမှု ဘာမှ မရှိသေးတဲ့အပေါ်မှာ ဒီတခေါက် သူနဲ့ တွေ့မယ်ဆိုရင် လူကြီးမင်းအနေနဲ့ Ms အနေနဲ့ ကျနော်တို့ တင်ပြထားတာ တောင်းဆိုထားတာ အခုထက်ထိ ဘာမှ မရှိသေးတာကို သေချာစဉ်းစားပြီးတော့ သေချာလုပ်ဆောင်ပေးဖို့အတွက် ကျနော်ကတော့ သူ့ကို တောင်းဆိုချင်တယ်။ တိုက်တွန်းချင်တယ်။ "

မြန်မာနိုင်ငံမှာ ဒေါ်အောင်ဆန်းစုကြည်ဦးဆောင်တဲ့ အရပ်သားအစိုးရ တက်လာပြီးနောက်ပိုင်း ပြောင်းလဲတိုးတက်မှုတွေ ဖြစ်ပေါ်လာမယ်လို့ အများက မျှော်လင့်နေချိန်မှာ တပ်မတော်နဲ့ တိုင်းရင်းသား လက်နက်ကိုင် အဖွဲ့ တွေကြား အပြင်းအထန် တိုက်ပွဲတွေဖြစ်လာသလို၊ အကြမ်းဖက်တိုက်ခိုက်မှုတွေဖြစ်ပေါ်ခဲ့တဲ့ ရခိုင်ပြည်ဘက်မှာလည်း လုံခြုံရေးတပ်တွေဘက် လူ့အခွင့် အရေးချိုးဖောက်မှုတွေရှိခဲ့တယ်ဆိုတဲ့ စွပ်စွဲချက်တွေလည်း ထွက်ပေါ်နေတာဖြစ်ပါတယ်။

အခုလို မြန်မာနိုင်ငံမှာ ပဋိပက္ခတွေ ဖြစ်ပေါ်ရတဲ့ အကြောင်း အရင်းပြဿနာကို ဖြေရှင်းမပေးနိုင်သမျှ ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်း ရဲ့ စောင့်ကြည့် ဝေဖန်မှုတွေ ခံနေရမှာ ဖြစ်တယ်လို့ အမေရိကန်ပြည်ထောင်စုအခြေစိုက် မြန်မာ့အရေးလေ့လာနေသူ ဒေါက်တာတင့်ဆွေက သုံးသပ်ပါတယ်။

"ဒေါ်အောင်ဆန်းစုကြည် ဦးဆောင်တဲ့ NLD အစိုးရ တက်တော့လည်းပဲ ဒီလိုမျိုး လူ့အခွင့်အရေး ချိုးဖောက်မှု ကိစ္စတွေ လူ့အခွင့်အရေးကိုယ်စားလှယ်က လာကြည့်ရတယ်။ ကြည့်တဲ့အခါမှာလည်း ရာနှုန်းပြည့် ခွင့်မပြုတဲ့နေရာတွေလည်း ရှိတယ်ဆိုတော့ကာ ကျနော်တို့ မြန်မာနိုင်ငံမှာ အဲ့သလို နိုင်ငံတကာက လာကြည့် ရလောက်အောင် လူ့အခွင့်အရေးချိုးဖောက်မှုတွေဟာ တိုက်ပွဲဖြစ်ရာဒေသ နဲ့ နောက်တခါ အစွန်းရောက်ကိစ္စတွေ ဖြစ်ပွားတဲ့ ဒေသတွေမှာ ဖြစ်နေတာ အဲ့ဒီ့ဖြစ်နေတဲ့ အကြောင်းရင်းတွေကို ဖြေရှင်းပြီးတော့ ပြေလည်အောင် မလုပ်မချင်းကတော့ ဆက်ရှိနေမယ်လို့ ကျနော်ယူဆပါတယ်။ ဒါကြောင့် NLD အစိုးရကိုလည်း လိုတာထက်ပိုပြီး မျှော်လင့်လို့မရဘူး ဘာကြောင့်လဲဆိုတော့ NLD အစိုးရတခုတည်း လုပ်လို့မရတဲ့ အရာတွေ အလွန့်အလွန်များတယ်။"

နိုင်ငံတကာလူ့အခွင့်အရေးအဖွဲ့ဖြစ်တဲ့ Human Rights Watch အဖွဲ့ကတော့ NLD အစိုးရအနေနဲ့ တပ်မတော်ရဲ့ လူ့အခွင့်အရေးချိုးဖောက်မှုတွေကို တားဆီးဖို့ ပျက်ကွက်ခဲ့တယ်လို့ ၂ဝ၁၇ ခုနှစ် နိုင်ငံတကာ လူ့အခွင့်အရေး အစီရင်ခံစာမှာ ဝေဖန်ထောက်ပြထားပါတယ်။

အင်ကြင်းနိုင်   / ဗွီအိုအေ (မြန်မာပိုင်း)
http://burmese.voanews.com



 ဒါ့အပြင် မူလတန်းကနေ တက္ကသိုလ်အဆင့်အထိ ကျောင်းသားတွေအတွက်လည်း သီးသန့်ယာဉ်လိုင်းတွေ ပြေးဆွဲသွားမယ်
ရန်ကုန်မြို့မှာ အများပြည်သူအတွက် ဆယ်စုနှစ်ပေါင်းများစွာ ပြေးဆွဲနေတဲ့ မထသယာဉ်လိုင်း စနစ်ကို ဖျက်သိမ်းပြီး ငွေပေးချေတဲ့ စနစ် အပါအဝင် နည်းပညာ အကူအညီနဲ့ ခရီးသည်လုံခြုံရေး စောင့်ကြည့်တဲ့ စနစ်တွေကို အဆင့်ဆင့် ပြောင်းလဲ လုပ်ဆောင် သွားမယ်လို့ ရန်ကုန်တိုင်း ဝန်ကြီးချုပ် ဦးဖြိုးမင်းသိန်းက ပြောပါတယ်။

ဇန်နဝါရီလ ၁၆ရက်နေ့မှာ ရန်ကုန်ဘတ်စကားစနစ် (YBS) နာမည်နဲ့ ယာဉ်လိုင်းသစ်တွေ စတင် ပြေးဆွဲတဲ့အခါမှာ ခရီးသည်တွေရဲ့ အခက်အခဲကို ဖြေရှင်းပေးမယ့် ပရဟိတအဖွဲ့အပါအဝင် ကျောင်းသားလူငယ်တွေနဲ့ ရန်ကုန်တိုင်းဝန်ကြီးချုပ်တို့ ဇန်နဝါရီလ ၁၃ရက်နေ့က ရန်ကုန်တိုင်း ဒေသကြီး လွှတ်တော်ရုံးရှေ့မှာ တွေ့ဆုံတဲ့အချိန်မှာ ဦးဖြိုးမင်းသိန်းက အခုလို ပြောခဲ့တာ ဖြစ်ပါတယ်။

ဒါ့အပြင် မူလတန်းကနေ တက္ကသိုလ်အဆင့်အထိ ကျောင်းသားတွေအတွက်လည်း သီးသန့်ယာဉ်လိုင်းတွေ ပြေးဆွဲသွားမှာ ဖြစ်ပါတယ်။

ခရီးသွားတွေ အခက်အခဲရှိရင် ဖြေရှင်းပေးဖို့အတွက် ပရဟိတ အဖွဲ့တွေမှာ သက်ဆိုင်ရာ မြို့နယ်က လွှတ်တော်ကိုယ်စားလှယ်တွေက ပူးပေါင်းဆောင်ရွက်မှာ ဖြစ်ပါတယ်။

ဒီကိစ္စအတွက် စေတနာ့ဝန်ထမ်းအနေနဲ့ ကူညီပေးမယ့် လူတွေထဲမှာ ၈၈မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက အဖွဲ့ဝင်တွေ၊ တကသ ကျောင်းသားအဖွဲ့ဝင်တွေ အပါအဝင် လူတထောင်ကျော်လောက် ရှိတယ်လို့ သိရပါတယ်။

ခရီးသည်တွေ သွားလာရေး လမ်းညွှန်ပေးဖို့၊ စနစ်သစ်ကို လမ်းညွှန် စာစောင်တွေနဲ့ အသိပေးဖို့နဲ့ အများပြည်သူတွေဘက်က တင်ပြတဲ့ ပြဿနာတွေကို ဖြေရှင်းပေးဖို့အတွက် ကားဂိတ်တွေမှာ ပရဟိတ အဖွဲ့ဝင်တွေ ရှိနေမယ်လို့ ပွင့်လန်းလူ့အဖွဲ့အစည်းက ခေါင်းဆောင် တယောက်ဖြစ်တဲ့ ကိုဂျင်မီက ဘီဘီစီကို ပြောပါတယ်။

အခုလို စေတနာ့ ဝန်ထမ်းတွေက ယာဉ်လမ်းကြောင်း လမ်းညွှန် စာစောင်တွေကို ဖြန့်ဝေဖို့အတွက် စာစောင် ငါးသိန်းနီးပါးကို ရန်ကုန်တိုင်းအစိုးရအဖွဲ့က ရိုက်နှိပ်ပေးထားပါတယ်။

ဒါ့အပြင် ယာဉ်လိုင်းသစ်တွေ စတင် ပြေးဆွဲတဲ့အခါမှာ ကြုံရတဲ့ အခက်အခဲတွေ သိရဖို့အတွက် သုတေသန စစ်တမ်း မေးခွန်းတွေကို ရန်ကုန်တိုင်း အစိုးရအဖွဲ့ဝင်တွေနဲ့ တွေ့ဆုံတဲ့အချိန်မှာ လက်တဖက် ကမ်းကြမယ် ပရဟိတအဖွဲ့က ပေးအပ်ခဲ့တယ်လို့ ဒီအဖွဲ့ရဲ့ ခေါင်းဆောင်တဦးဖြစ်တဲ့ ဦးကျော်မင်းထွန်းက ဘီဘီစီကို ပြောပါတယ်။

ဒါပေမယ့် ယာဉ်လိုင်းသစ်တွေ ပြေးဆွဲတဲ့ အခါမှာ ယာဉ်အရေအတွက် မလုံလောက်တဲ့ ပြဿနာနဲ့ ယခင်ကထက်ပိုပြီး အဆင့်ဆင့် လိုင်းတွေ ပြောင်းစီးရတဲ့ အခက်အခဲတွေ ဖြစ်လာနိုင်တယ်လို့ ဝေဖန်မှုတွေ ရှိနေပါတယ်။

BBC Burmese
http://www.bbc.com/burmese


တောင်တရုတ် ပင်လယ် ပြင်ထဲ တရုတ်က ကျွန်းတုတွေ ဆောက်နေ
တောင်တရုတ် ပင်လယ်ထဲ တရုတ်ရဲ့ ဆောင်ရွက်ချက် တွေကို ဟန့်တား ပိတ်မယ် ဆိုရင် ဆိုးရွားလှတဲ့ ထိပ်တိုက် ရင်ဆိုင်မှုတွေ ဖြစ်လာနိုင်တယ်လို့ တရုတ်က ပြောပါတယ်။

ဒါဟာ ဒေါ်နယ်ထရမ့် လက်ထက် အမေရိကန် နိုင်ငံခြားရေး ဝန်ကြီး ဖြစ်လာဖို့ လျာထားတဲ့ ရက်ဇ် တေလာဆင်က ကျွန်းတု ဆောက်မှုတွေကို တရုတ်က မရပ်ရင် နောက်ဆက်တွဲ ပြဿနာတွေ ရင်ဆိုင်ရ နိုင်တယ်လို့ ပြောခဲ့တဲ့ အပေါ် တရုတ်ဘက်က တုံ့ပြန် လာပါတယ်။

တရုတ် နိုင်ငံ အနေနဲ့ ကိုယ့်နိုင်ငံ အချုပ်အခြာ ပိုင်နက်မှာ ပုံမှန် ဆောင်ရွက်မှုတွေကို လုပ်ဆောင် ပိုင်ခွင့် ရှိတယ် ဆိုပြီး တရုတ် နိုင်ငံခြားရေး ဝန်ကြီးဌာန ပြောရေး ဆိုခွင့် ရှိသူ လုကန်းက က ပြောပါတယ်။

ဒေသတွင်း အပါအဝင် နိုင်ငံတကာရဲ့ အကျိုးစီးပွား နဲ့ အညီ သဘောတူညီ လုပ်ဆောင်မှုတွေ အပေါ် ဒေသ အပြင်ဖက်က နိုင်ငံတွေ အနေနဲ့လည်း လေးစား လိုက်နာဖို့ လိုတယ်လို့လည်း သူက ဆိုပါတယ်။

တရုတ် အစိုးရ အာဘော်ကို ဖော်ပြတဲ့ သတင်းစာ နှစ်စောင်မှာလည်း မစ္စတာ တေလာဆင် ရဲ့ စကား အပေါ် အပြင်း အထန် ဝေဖန် ရေးသား ဖော်ပြ နေကြတာကို တွေ့ရ ပါတယ်။

Global Times သတင်းစာ ထဲမှာ ဆိုရင် ဒီပြောဆိုမှုဟာ အတိုင်းအတာ ကျယ်ပြန့်တဲ့ စစ်ပွဲ အထိတောင် ဦးတည် သွားနိုင်တယ်လို့ တောင် သတိပေး ရေးသားပါတယ်။

တရုတ် နေ့စဉ် သတင်းစာမှာလည်း တရုတ် အမေရိကန် ဆက်ဆံရေးနဲ့ အထွေထွေ သံတမန် ဆက်ဆံရေး ကို မသိ နားမလည်ရာပဲ မစ္စတာ တေလာဆင်က ပြောရာ ကျတယ်လို့ ဝေဖန် ထားပါတယ်။

ဒေသတွင်း နိုင်ငံတွေကြား ပိုင်ဆိုင်မှု အငြင်းပွား နေတဲ့ တောင်တရုတ် ပင်လယ် ပြင်ထဲက သန္တာ ကျောက်တန်း တွေမှာ တရုတ် နိုင်ငံက ကျွန်းတုတွေ ဆောက် နေတာ ဖြစ်ပါတယ်။

တရုတ်ရဲ့ ဒီ အပြုအမူကို တားဆီးမယ်လို့ ရက်ဇ် တေလာဆင်က ပြောပေမယ့် ဘယ်လို ဘယ်ပုံ လုပ်ဆောင်မယ် ဆိုတာကိုတော့ ပြောဆိုခဲ့ခြင်း မရှိပါဘူး။

တရုတ် နေ့စဉ် သတင်းစာ The China Daily မှာတော့ အမေရိကန် နိုင်ငံခြားရေး ဝန်ကြီးသစ် ဖြစ်လာမယ့် သူဆီမှာ တရုတ်နိုင်ငံ အပေါ် ဆန့်ကျင်တဲ့ အမြင် တွေ ဘယ်လောက် အတိုင်းအတာ အထိ ရှိတယ် ဆိုတာနဲ့ အမေရိကန် အစိုးရသစ်ရဲ့ နိုင်ငံခြားရေး မူဝါဒ အပေါ် စောင့်ကြည့် ရမှာပဲ ဖြစ်တယ်လို့ သုံးသပ် ရေးသား ထားပါတယ်။
BBC Burmese


ဝါရှင်တန်၊ ဇန်နဝါရီ ၁၃ ။ ။ အမေရိကန်ရွေးကောက်ပွဲ မဲဆွယ်ကာလအတွင်း ရုရှနိုင်ငံက ဟက်ကာတိုက်ခိုက်မှုများ လုပ်ခဲ့သည်ဆိုသော စွပ်စွဲချက်များနှင့် ပတ်သက်ပြီး ရက် ၉၀ အတွင်း အစီရင်ခံစာ ထုတ်ပြန်မည်ဟု ဒေါ်နယ်ထရမ့်က ကတိပြုပြောကြားသည်။

တွစ်တာတွင် ရေးသားမှုများ၌ ဒေါ်နယ်ထရမ့်က အဆိုပါ စွပ်စွဲချက်သတင်းများနှင့် ပတ်သက်ပြီး စာရိတ္တပျက်ပြားသည့် နိုင်ငံရေးသမားများ၏ လုပ်ကြံထားသည့် ထွင်လုံးများအဖြစ် ပြောဆိုခဲ့သည်။

အမေရိကန်ထောက်လှမ်းရေးအေဂျင်စီများက ရုရှသည် ဒီမိုကရက်တစ်ပါတီ၏ ဆက်သွယ်မှုများအား ဟက်ကာလုပ်ဆောင်ခြင်းဖြင့် ရွေးကောက်ပွဲကို ဝင်နှောက်ခဲ့သည်ဟု စွပ်စွဲထားသည်။

ထိုပြင် ထရမ့်၏ ပုဂ္ဂိုလ်ရေးအကြောင်းအရာများနှင့် ပတ်သက်ပြီး ရုရှနဲ့ အပေးအယူလုပ်ထားရသည်ဆိုသော သတင်းများက မီဒီယာများတွင် ပေါက်ကြားခဲ့၍ အထက်ပါစွပ်စွဲချက်များအပေါ် ပိုမိုဝန်ဖိစီးမှု ဖြစ်စေသည်။

မီဒီယာများတွင် ဖော်ပြနေသည့် ရုရှနှင့် အပေးအယူလုပ်ခဲ့ရသည်ဆိုသော သတင်းများက သတင်းမှားများဖြစ်ကာ လုပ်ကြံဖန်တီးထားသော သတင်းများဖြစ်ကြောင်း လူသိရှင်ကြားရှုတ်ချရန် အမျိုးသားထောက်လှမ်းရေးညွန်ကြားရေးမှူး ဂျိမ်းကလပ်ပါက ၎င်းကို တိုက်တွန်းခဲ့ကြောင်း ဇန်နဝါရီ ၁၂ ရက်တွင် ရွေးကောက်ခံသမ္မတ ဒေါ်နယ်ထရမ့်က ပြောသည်။

သို့ရာတွင် ကလပ်ပါက ပြောရာ၌မှု အဆိုပါ သတင်းများက ယုံလောက်သည် မယုံလောက်သည်ကို အကဲဖြတ်စိစစ်ရသေးခြင်းမရှိဟုသာ ထရမ်ကို ပြောဆိုခဲ့ခြင်းဖြစ်ကြောင်း ရှင်းလင်းပြောဆိုခဲ့သည်။
Mizzima - News in Burmese


မလေးရှားနိုင်ငံ ကွာလာလမ်ပူမြို့။
မလေးရှားနိုင်ငံ ကွာလာလမ်ပူမြို့။

မလေးရှားနိုင်ငံ ကွာလာလမ်ပူမြို့အနီး မကြာသေးခင်က လက်နက်ကိုင်လူတစုရဲ့ တိုက်ခိုက်မှုကြောင့် သေဆုံးခဲ့တဲ့ မြန်မာနိုင်ငံသား ၅ ဦး အမှုနဲ့ ပတ်သက်လို့ မြန်မာနိုင်ငံ သား တချို့ အပါအ၀င် သံသယရှိသူတွေကို မလေးရှား အာဏာပိုင်တွေက ဖမ်းဆီးစစ်ဆေးနေပါတယ်။ အခုနောက်ဆုံး တိုက်ခိုက်ခံရမှု အပြင်၊ မကြာသေးခင်လတွေအတွင်း အလားတူ တိုက်ခိုက် မှုတွေကြောင့် သေဆုံးသူ မြန်မာနိုင်ငံသား တဒါဇင်ထက်မနည်း ရှိနေပြီလို့ အလုပ်သမားရေး လှုပ်ရှားသူတွေက ပြောပါတယ်။ အပြည့်အစုံကိုတော့ ဆက်သွယ်စုံစမ်းထားတဲ့ ဗွီအိုအေ မြန်မာပိုင်းသတင်းထောက် မအေးအေးမာ က သတင်းပေးပို့ ထားပါတယ်။

မလေးရှားနိုင်ငံ ကွာလာလမ်ပူမြို့အနီးမှာ အမည်မသိ လက်နက်ကိုင်တချို့ရဲ့ တိုက်ခိုက်မှုကြောင့် မြန်မာအလုပ်သမား ၅ ယောက် သေဆုံးခဲ့တဲ့ ကိစ္စနဲ့ ပတ်သက်လို့ မြန်မာနိုင်ငံသားတွေအပါအ၀င် လူ၁၅ယောက် ဖမ်းဆီး စစ်ဆေးနေတာပါ။ ဒါ့အပြင် တိုက်ခိုက်ခံရတွေထဲက ၆ဦးကိုလည်း စုံစမ်းမေးမြန်းဖို့ အတွက် ထိန်းသိမ်းထားကြောင်းနဲ့ ရန်ငြိုးရန်စကြောင့် တိုက်ခိုက်မှုဖြစ်နိုင်ကြောင်း လည်း မလေးရှား အာဏာပိုင်တွေကို ကိုးကားပြီး သတင်းတွေက ဖော်ပြကြပါတယ်။

မလေးရှားနိုင်ငံ မြန်မာသံရုံးက ဒုတိယအတွင်းဝန် ဦးတင်ဝင်းအောင်ကတော့ ဒီလိုကောက်ချက်ချဖို့ စောသေးတယ်လို့ ဆိုပါတယ်။

" အချင်းချင်းက မဟုတ်ဘူးဗျ။ ဒီမှာရှိတဲ့ကလေးတွေအကုန်လုံးကလည်း ရောက်ခါစ ကလေးတွေဗျ။ မဟုတ်လောက်ဘူးဗျ။ အဲ့တာကြောင့်ပေါ့လေ အနောက်မှာတော့ အကြောင်းတရား တခုခုတော့ ရှိလောက်မယ်။ ဒါပေမဲ့ အဲ့ဒီ့ Motive ကတော့ ကျနော်တို့ လောလောဆယ် ပြီးခဲ့တဲ့ တရက်၊ နှစ်ရက်က ဖမ်းဆီးထားတဲ့ အကုန်လုံး ကို စုံစမ်း စစ်ဆေးနေတယ်။ အဲ့ဒီ့အပေါ်မှာ သိရှိရတဲ့ အချက်အလက်တွေ အပေါ် မူတည်ပြီးတော့ ထပ်ပြီးတော့ စစ်ဆေးဖော်ထုတ်နေတယ်။ သံရုံးနဲ့ မလေးရှား ရဲတပ်ဖွဲ့ကတော့ အနီးကပ်ပူးပေါင်းဆောင်ရွက်နေတယ်။ စုံစမ်းစစ်ဆေးတာပဲ ရှိပါသေးတယ်။ ပြောလို့မရသေးဘူး။ ဖမ်းဆီးစစ်ဆေးမှုတွေကတော့ ရှိနေပါတယ်။ သူတို့လည်း အပူတပြင်းစုံစမ်းစစ်ဆေးဖော်ထုတ်နေပါတယ်။ အခု တိုးတက်မှုတွေ ရှိနေပါတယ်။ ထပ်ပြီးတော့လည်း သံသယရှိသူတွေကို စုံစမ်းစစ်ဆေးဖော် ထုတ်နေတော့ ကျနော်တို့ သံရုံးအနေနဲ့ကတော့ ပြောဖို့ နည်းနည်းစောပါသေးတယ်။"

မလေးရှားနိုင်ငံ ကွာလာလမ်ပူမြို့အနီး ပြီးခဲ့တဲ့ သီတင်းပတ်ထဲ တိုက်ခိုက်ခံရမှု အပြင်၊ မြန်မာနိုင်ငံသားတွေ အလုပ်လုပ်နေကြတဲ့ ပီနန်နဲ့ ဆာဒါန်း ဒေသတွေမှာ လွန်ခဲ့တဲ့ ၃ လအတွင်း အလားတူ တိုက်ခိုက်မှု မျိုးတွေကြောင့် သေဆုံး သူ မြန်မာနိုင်ငံသား ၁၂ ဦးထက်မနည်း ရှိနေပြီလို့လည်း မလေးရှားက လူမူရေးလုပ်ဆောင်နေသူတွေကပြောပါတယ်။

၂၀၁၆ခုနှစ် အကုန်ကာလတွေအတွင်းမှာ မလေးရှားနိုင်ငံမှာ အလာတူးဖြစ်ရပ်တွေနဲ့ ဆင်တူတဲ့တိုက်ခိုက်မူတွေဖြစ်ပွားခဲ့တာလို့ မလေးရှားနိုင်ငံမှာ လူမူရေးလုပ်ငန်းတွေ လုပ်ဆောင်နေတဲ့ ကိုသီဟမောင်မောင်ကပြောပါတယ်။

" ၂၀၁၆ အကုန်နဲ့ အခုဆိုလို့ရှိရင်တော့ စုစုပေါင်း ၁၂ဦး ရှိသွားမှာပေါ့။ ကျနော်တို့ ပီနန်ဘက်အခြမ်းက သုံးဦးပေါ့ နောက်ထပ် လေးဦး။ အခု ကေအယ်လ် အနီးတဝိုက်မှာဖြစ်တာ ဆားဒန်း ငါးဦး ဆိုတော့ ၁၂ဦးလောက်ဖြစ်သွားပါလိမ့်မယ်။ အခုသေသွားတဲ့ကလေးတွေရဲ့ ဆေးစစ်ချက်မှတ်တမ်းတွေအရဆိုရင်တော့ အဓိက ဓားခုတ်ရာက ပိုများပါတယ်ဗျ။"

မလေးရှားနိုင်ငံကွာလာလမ်ပူမြို နဲ့ ကီလိုမိတာ ၃၀လောက် ကွာဝေးတဲ့ ဆားဒန်း ဆိုတဲ့နေရာတခုက လျှပ်စစ်ပစ္စည်း စက်ရုံတခုမှာ အလုပ်လုပ်နေတဲ့ မြန်မာနိုင်ငံ သားတွေ တိုက်ခိုက်ခံရမူအပြီးမှာတော့ သေဆုံးသူ ၅ဦး ရှိခဲ့ပြီး ဒဏ်ရာရသူတွေလည်း ရှိခဲ့တာပါ။

ဒီထဲမှာ တိုက်ခိုက်ခံရမူတွေမှာပါဝင်တဲ့ ဒဏ်ရာရသူတဦး အပါအ၀င် အားလုံး ၆ဦးကိုလည်း လုံခြုံရေးအရ ထိန်းသိမ်းပြီး စစ်ဆေးမေးမြန်းမူတွေ လုပ်နေတယ်လို့လည်း မလေးရှားမြန်မာဘာသာပြန်အဖြစ် ကူညီလုပ်ပေးခဲ့ရတဲ့ ကိုသီဟမောင်မောင်ကပြောပါတယ်။

" ပထမပိုင်းစစ်ဆေးတာကတော့ ခံရတဲ့အဖွဲ့တွေပေါ့နော် ကလေးတွေက သူတို့ပြန်တဲ့အခါမှာ ၁၅ယောက်ကလေးတွေပေါ့နော်။ အဲ့ဒီ့ကလေးတွေထဲမှာ သေဆုံး သွားတဲ့ကလေး ငါးယောက်နဲ့ ကျန်တဲ့ကလေး ၁၁ယောက်ပေါ့။ ၁၁ယောက်မှာ သူတို့ထိန်းသိမ်းထားတာက ခြောက်ယောက်ပေါ့။ အဲ့ဒီ့ထိန်းသိမ်းထားတဲ့ ကလေးတွေပေါ့။ "

မလေးရှားနိုင်ငံမှာ တရားဝင်ရော၊ တရားမ၀င်ပါနေထိုင် အလုပ်လုပ်ကိုင်နေ တဲ့ မြန်မာ တွေ ၅သိန်းထက် မနည်းရှိနေတာပါ။ လစဉ်လည်း မလေးရှားမှာ အလုပ်လုပ်ကိုင်လိုသူတွေ၊ လူ၎ထောင်ထက် မနည်းကို မြန်မာအစိုးရ ကစေလွှတ်နေ တာဖြစ်ပါတယ်

ဒါပေမဲ့ပြီးခဲ့လကတော့ မလေးရှား အာဏာပိုင်တွေကမြန်မာအရေးနဲ့ ပတ်သက်လို့ ဝေဖန်မူတွေ ထွက်ပေါ်အပြီးမှာတော့ မလေးရှားကိုစေလွှတ်နေတဲ့ အလုပ်သမားကိစ္စကို မြန်မာဘက်ကက ယာယီရပ်ဆိုင်းခဲ့ပါတယ်။
VOA Burmese News


နမ့်ဆန်မြို့တွင်း လက်နက်ကြီးကျည်ကျလို့ ဒဏ်ရာရကျေးရွာသား။ ( သတင်းဓာတ်ပုံ- တပ်မတော်ကာကွယ်ရေးဦးစီးချုပ်ရုံး)
နမ့်ဆန်မြို့တွင်း လက်နက်ကြီးကျည်ကျလို့ ဒဏ်ရာရကျေးရွာသား။ ( သတင်းဓာတ်ပုံ- တပ်မတော်ကာကွယ်ရေးဦးစီးချုပ်ရုံး)

ရှမ်းပြည်နယ်မြောက်ပိုင်း ပလောင်ကိုယ်ပိုင် အုပ်ချုပ်ခွင့်ရဒေသက ကျေးရွာ ရှိ နေအိမ်တလုံးပေါ်မှာ လက်နက်ကြီးကျည် ကျရောက် ပေါက်ကွဲခဲ့တာကြောင့် ကလေးငယ်တဦး အပါအ၀င် လူ၂ယောက်သေဆုံးပြီး ၈ယောက် ထိခိုက်ဒဏ်ရာရ ခဲ့ပါတယ်။ ဒီပစ်ခတ်မှုမှာတော့ အစိုးရတပ်မတော်ဘက်က ပလောင်လက်နက်ကိုင် တပ်ဖွဲ့ကပစ်ခတ်တာဖြစ်ကြောင်း သတင်းထုတ်ပြန်ထားသလို ဒေသခံတွေကတော့ တပ်မတော်က ပစ်ခတ်တာလို့ ပြောဆိုတာတွေ ရှိနေပါတယ်။ ဒီသတင်းကိုတော့ ဗီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

နမ့်ဆန်မြို့နယ်အတွင်းက တိုက်ပွဲတွေဟာ ဒီလ ၁၀ရက်နေ့တည်းက စတင်ဖြစ်ပွားခဲ့တာဖြစ်ပြီး မနေ့က ပစ်ခတ်မှုမှာတော့ နေ့ခင်း ၂နာရီကျော်လောက်မှာ ဟိုချောင်းကျေးရွာအတွင်း လက်နက်ကြီးကျည် ကျရောက်ပေါက်ကွဲ တာကြောင့် ဒေသခံတွေ ထိခိုက်သေကျေခဲ့ပါတယ်။

အခင်းဖြစ်ပွားတဲ့အခြေအနေကို ပလောင်ကိုယ်ပိုင်အုပ်ချုပ်ခွင့်ရဒေသရဲ့ ဦးစီးအဖွဲ့ ဥက္ကဋ္ဌ ဦးဝင်းကျော်က အခုလို ပြောပါတယ်။

" လက်နက်ကြီးနဲ့ပစ်တာ သေတာ နှစ်ယောက်၊ ဒဏ်ရာရတာ ရှစ်ယောက်။ သေသွားတဲ့ ကလေးက ၈နှစ်။ နောက်သေသွားတဲ့ယောက်ျားလေးက မန္တလေးက စက်လာတင်ဖို့ပြုဖို့ စက်ဆရာနောက်ကနေ လိုက်တာ အသက်(၄၀)။"

ဒဏ်ရာရသူ တွေကို မနေ့ညနေ ၅နာရီလောက်မှာ လားရှိုးဆေးရုံကို ပို့ခဲ့ပါတယ်။

လူနာတွေရဲ့အခြေအနေကိုတော့ ဟိုနားရွာက လူနာစောင့်လိုက်ပါလာသူ အမျိုးသမီးတဦးက အခုလို ပြောပါတယ်။

"အကုန်ခွဲစိတ်ပြီးပြီရှင့်။ သက်သာပါတယ်ရှင့်။ ဗိုက်ထိတဲ့တယောက်ကတော့ အခြေအနေ မသိသေးဘူးရှင့်။ ခွဲစိတ်တာ သုံးနာရီခွဲလောက်ကြာတယ်။ အခုမှ ထုတ်တာဆိုတော့ အခြေအနေ မသိသေးဘူးရှင့်။"

ဒီပစ်ခတ်တာနဲ့ပတ်သက်ပြီး တပ်မတော် ကာကွယ်ရေး ဦးစီးချုပ်ရုံးက သတင်းထုတ်ပြန်ရာမှာ TNLAခေါ် ပလောင်လက်နက်ကိုင်တပ်ဖွဲ့က ပစ်ခတ်တဲ့ လက်နက်ကြီးကျည် ၄လုံး ဟိုချောင်းကျေးရွာတွင်းကျရောက်ပေါက်ကွဲတာကြောင့် အမျိုးသား ၂ဦးသေဆုံးပြီး အမျိုးသား၅ဦးနဲ့ အမျိုးသမီး၃ဦး ထိခိုက်ဒဏ်ရာရ ခဲ့ကြောင်း ဖော်ပြထားပါတယ်။

ဒေသခံအများစုကတော့ လက်နက်ကြီးကျည်ဟာ နမ့်ဆန်မြို့ဘက်က လာတဲ့ ကျည်ဖြစ်ကြောင်းပြောဆိုကြသလို ဒေသခံတဦးကတော့ အခုလို ပြောပါတယ်။

" တပ်ကနေ သူတို့မရှင်းတဲ့နေရာကို လက်နက်ကြီးနဲ့ လှမ်းလှမ်းပစ်တာ။ ဟိုဘက်ပစ်၊ ဒီဘက်ပစ်၊ တပ်ကပစ်တာ ၁၂၀ ကျည်တွေလို့ပြောတယ်။ ထိခိုက်ခံရတဲ့အိမ်ရှင်လေ။"

တပ်မတော်ဘက်ကတော့ TNLA တပ်ဖွဲ့တွေက နမ့်ဆန်မြို့ အနောက်ဖက် မြတ်တောင်ရိုး ဘုရားကုန်းနဲ့ အနီးဝန်းကျင်ကနေ လက်နက်ကြီး၊ လက်နက်ငယ်တွေနဲ့ ပစ်ခတ်တာကြောင်းလို့ သတင်းထုတ်ပြန်ထားသလို ပြီးခဲ့တဲ့ ရက်ကလည်း TNLA တပ်ဖွဲ့က နမ့်ဆန်မြို့တွင်းနဲ့ တပ်မတော်လက်ဖက်ခြောက် စက်ရုံနေရာကို ပစ်ခတ်တာတွေရှိကြောင်းလည်း သတင်းထုတ်ပြန်ထားပါတယ်။
VOA Burmese News


ABSDF ဗဟိုကော်မတီဝင် ဦးမင်းဌေး ကို ကချင်ပြည်နယ် မိုးမောက်မြို့နယ် ရဲစခန်းမှာ တွေ့ရစဉ်။ Photo: Khun Win Thaung FB
ကချင်ပြည်နယ် ဗန်းမော်အကျဉ်းထောင်မှာ ဖမ်းဆီးထိန်းသိမ်းခံထားရတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ဗဟိုကော်မတီဝင် ဦးမင်းဌေး ကို ဒီကနေ့ မိုးမောက်မြို့နယ် တရားရုံးမှာ ပထမဆုံး အကြိမ်အဖြစ် ရုံးထုတ်ခဲ့ပါတယ်။

ဦးမင်းဌေးကို မတရားအသင်းဆက်သွယ်မှု ပုဒ်မ ၁၇(၁)နဲ့ တရားလိုအဖြစ် စစ်ဆင်ရေးကွပ်ကဲမှုဌာနချုပ် စကခ ၂၁ က ဗိုလ်ကြီးသက်ဆွေလင်း က တရားစွဲထားတာဖြစ်တယ်လို့ ABSDF ဗဟိုရဲ့ အတွင်းရေးမှူး ၁ ဦးမြင့်ဦး က ပြော ပါတယ်။

''သူ့ကို ဒီနေ့ စရုံးထုတ်တာပေါ့၊ တရားရုံးကတော့ မိုးမောက်မြို့နယ်တရားရုံး၊ တပ်ထားတဲ့ပုဒ်မကတော့ ၁၇ (၁) နဲ့ တရားရုံးမှာ တရားစွဲလိုက်တာပေါ့၊ တရားရုံးကို အမှုတင်တာပေါ့၊ တရားလိုကတော့ စကခ ၂၁ က ဗိုလ်ကြီးသက်ဆွေလင်းပါ၊ စကခ ဆိုတာက စစ်ဆင်ရေးကွပ်ကဲမှုဌာနချုပ်ပါ၊ တရားရုံးထုတ်တာ သူ့ကိုစစ်ဆေးမှု ဘာမှမရှိပါဘူး၊ ရဲလုပ်ပိုင်ခွင့်တွေပြီးဆုံးလို့ တရားရုံးလုပ်ဆောင်ခွင့်ကို လွှဲပြောင်းတဲ့ အဆင့်လောက်ပါပဲ''

ABSDF အဖွဲ့ဟာ အစိုးရနဲ့ NCA တစ်နိုင်ငံလုံး အပစ်အခတ်ရပ်စဲရေးစာချုပ်မှာ လက်မှတ်ရေးထိုးထားတဲ့ အဖွဲ့တွေထဲကတစ်ဖွဲ့ဖြစ်ပါတယ်။

ဦးမင်းဌေးဟာ ငြိမ်းချမ်းရေးဆွေးနွေးပွဲတွေကို တက်ရောက်နေသူဖြစ်ပြီး ပြီးခဲ့တဲ့ ဒီဇင်ဘာလ ၂၈ ရက်နေ့က ဗန်းမော် - လွယ်ဂျယ် ကားလမ်းပေါ်က စိန်လွယ်စစ်ဆေးရေးဂိတ်မှာ ဖမ်းဆီးခံခဲ့ရတာဖြစ်ပါတယ်။

ဦးမင်းဌေးကို နောက်ထပ်ရုံးချိန်းအဖြစ် ဇန်နဝါရီလ ၂၃ ရက်နေ့ကို ပြန်ချိန်းထားတယ်လို့လည်း ပြောပါတယ်။

RFA Burmese
http://www.rfa.org/burmese



ရှမ်းပြည်နယ်မြောက်ပိုင်း၊ နမ့်ဆန်မြို့နယ်၊ ဟိုချောင်းကျေးရွာမှာ ဇန်နဝါရီလ ၁၂ ရက်နေ့က လက်နက်ကြီးကျည်ကြောင့် သေဆုံးသွားတဲ့ လူကြီးတစ်ဦးနဲ့ ကလေးငယ်တစ်ဦးကို တွေ့ရစဉ်။ Photo: PSLF/TNLA သတင်းနှင့်ပြန်ကြားရေး ဖေ့စ်ဘွတ်
ရှမ်းပြည်နယ်မြောက်ပိုင်း၊ နမ့်ဆန်မြို့နယ်၊ ဟိုချောင်းကျေးရွာထဲကို လက်နက်ကြီးနဲ့ ပစ်ခတ်တာဟာ တအာင်း လွတ်မြောက်ရေးတပ် TNLA ကလို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ထားပြီး TNLA က ပြောရာမှာ တပ်မတော်ကပစ်ခတ်တဲ့ လက်နက်ကြီးကျည်ဆံဖြစ်ကြောင်း သတင်းထုတ်ပြန်ပါတယ်။

ဇန်နဝါရီလ ၁၂ ရက်နေ့ မနေ့က လက်နက်ကြီးကျရောက်ခဲ့တာကြောင့် လူ ၂ ဦးသေဆုံးပြီး ၈ ဦး ဒဏ်ရာရရှိခဲ့ တယ်လို့ တပ်မတော်ကာကွယ် ရေးဦးစီးချုပ်ရုံးက ထုတ်ပြန်ချက်မှာပါရှိပါတယ်။

အဲဒီလက်နက်ကြီးကျည်ဆံ ကျရောက်ချိန်ဟာ ဟိုချောင်းရွာမှာ ပညာရေးစုံညီပွဲတော်အတွက် အကတိုက်နေ တဲ့နေရာဖြစ်တယ်လို့ တအာင်းလွတ်မြောက်ရေးတပ်မတော်က ပြန်ကြားရေးတာဝန်ခံ ဗိုလ်မှူးတာအိုက်ကျော် က ပြောပါတယ်။

"ဟိုချောင်းကျေးရွာမှာ လူငယ်တွေစုပြီးတော့ ပညာရေးစုံညီပွဲတော်လုပ်ဖို့ သူတို့က အကတိုက်နေ တာ ဖြစ်တယ်။ အကတိုက်နေတဲ့အချိန်မှာ လက်နက်ကြီးကျတော့ ထိသွားတာ။ ဒီနှစ်လ၊ သုံးလအတွင်း မှာတော့ တော်တော်များများ ဒီတိုင်း တိုက်ပွဲမရှိဘဲနဲ့ ဘာမှတပ်လှုပ်ရှားမှုမရှိဘဲလည်း ပစ်တယ်။ လက်နက်ကြီးမကဘူး လေကြောင်းပါသုံးပြီး တိုက်ခိုက်တာလည်းရှိတယ်။"

ဟိုချောင်းရွာက သေဆုံးသူ ၂ ဦးမှာ တစ်ဦးက အသက် ၇နှစ်အရွယ် ကလေးငယ်တစ်ဦးဖြစ်ပါတယ်။

ဒါ့အပြင် ကချင်ပြည်နယ်၊ ဝိုင်းမော်မြို့နယ်အတွင်းက ဇိုင်းအောင်ဒုက္ခသည်စခန်းကိုလည်း ပြီးခဲ့တဲ့ ဇန်န၀ါရီလ ၁၁ ရက်နေ့က လက်နက်ကြီးတွေ ကျရောက်တာကြောင့် ဒုက္ခသည်စခန်းမှာနေထိုင်သူ ၂၀၀၀ ခန့်ဟာ ဇိုင်းအောင် ဒုက္ခသည်စခန်းကနေ တရုတ်နိုင်ငံဘက်ကို ထွက်ပြေးရာမှာ လက်မခံတဲ့အတွက် ဆဒုံးမြို့ပေါ်ကို သွားတဲ့လမ်းပေါ် ဒုက္ခသည်စခန်းနဲ့ ၄ မိုင်ခန့်အကွာလောက်မှာ ခိုလှုံနေရပါတယ်။

လမ်းမတွေပေါ်မှာ နေထိုင်နေကြတဲ့အတွက် ကလေးသူငယ်တွေနဲ့ လူကြီးပိုင်းတွေအတွက် အခက်အခဲတွေ ရှိတယ်လို့ ဇိုင်းအောင်ဒုက္ခသည်စခန်းကနေ ထွက်ပြေးတိမ်းရှောင်လာတဲ့ ဒေါ်ခွန်ရာက ပြောပါတယ်။

"အကူအညီ အခုလောလောဆယ်တော့ မရသေးဘူး။ အဆင်မပြေဘူး။ ကလေးတွေနဲ့ ဘိုးဘွားတွေ အသက်ကြီးတွေ ဖျားတာနာတာတွေ ဒုက္ခအရမ်းရှိတယ်။ ဒီမှာအရမ်းအေးလို့ "

ပြီးခဲ့တဲ့နှစ် ဒီဇင်ဘာလ ၂၇ ရက်နေ့ကလည်း အဲဒီစစ်ပြေးဒုက္ခသသည်စခန်းကို  လက်နက်ကြီးကျရောက်ခဲ့ တာကြောင့် စခန်းအတွင်းနေထိုင်သူတွေဟာ ၂ ရက်ကြာ ထွက်ပြေးတိမ်းရှောင်ခဲ့ရပါတယ်။

RFA Burmese
http://www.rfa.org/burmese


ရန်ကုန်မြို့၏ သယ်ယူပို့ဆောင်ရေးလုပ်ငန်း ၁ နှစ်အတွင်း နိုင်ငံတကာအဆင့်မီ ဖြစ်လာမည်ဖြစ်ကြောင်း ဇန်နဝါရီ ၁၃ ရက်နေ့က ကျင်းပသည့် ရန်​ကုန်​တိုင်းအစိုးရအဖွဲ့နှင့် ဘက်စ်ကားစီးသူများအား လိုက်လံကူညီ​ပေးကြမည့် ​စေတနာ့ဝန်ထမ်း (volunteer)များတွေ့ဆုံပွဲတွင် ရန်ကုန်တိုင်းဝန်ကြီးချုပ် ဦးဖြိုးမင်းသိန်း ပြောကြား လိုက်သည်။

"ကျွန်တော်တို့ ပထမအဆင့်အနေနဲ့ စနစ်ကိုပြောင်းပါမယ်။ နောက်တဆင့်အနေနဲ့ ငွေပေးငွေယူစနစ်ကို ပြင်ပါမယ်။ နောက်တဆင့် လုံခြုံရေးကောင်းအောင်လုပ်ပါမယ်။ လုံခြုံရေးကောင်းအောင်ဆိုတာ ကားပေါ်မှာ စီစီတီဗွီကင်မရာတွေ တပ်ပါမယ်။ ကားကို GPS နဲ့ စစ်ဆေးမယ်။ နောက် Traffic Control Center ကနေ အော်ပရေတာ တခုချင်းစီကနေ ဘာကားက ဘယ်ကိုရောက်နေသလဲဆိုတာကို စနစ်တကျ ထိန်းချုပ်သွားပါ့မယ်။ အခုလည်း စတင်ထိန်းချုပ်လို့ ရနေပါပြီ။ ယာဉ်စည်းကမ်း ချိုးဖောက်မယ်ဆိုရင် Traffic Control Center က ကြည့်နေပါတယ်။ ဒီလိုပုံစံနဲ့ တဖြည်းဖြည်းသွားပါ့မယ်။ ကျွန်တော်တို့ ပြုပြင်ပြောင်းလဲရေးကို ၃ လအတွင်း Review လုပ်ပါမယ်။ ဒီအပေါ်ကနေ တဆင့်ချင်းတဆင့်ချင်း ပြောင်းလဲမယ်ဆိုရင် တစ်နှစ်ကာလကြာရင် ကျွန်တော်တို့ ရန်ကုန် မြို့ရဲ့ သယ်ယူပို့ဆောင်ရေးလုပ်ငန်းကြီးဟာ တကယ့်ကို နိုင်ငံတကာ အဆင့်အတန်း မီဖြစ်သွားမှာဖြစ်ပါတယ်''ဟု ဦးဖြိုးမင်းသိန်းကပြောသည်။


မ.ထ.သ နှင့် ယာဉ်လိုင်းပေါင်း ၃ဝဝ ကျော်ကိုဖျက်သိမ်း၍ အများပိုင်သယ်ယူပို့ဆောင်ရေးစနစ်သစ်ဖြင့် ဇန်နဝါရီလ ၁၆ ရက်နေ့မှစတင်ကာ ပြေးဆွဲသွားတော့မည်ဖြစ်ရာ အပြောင်းအလဲကာလ ခရီးသွားပြည်သူ အဆင်ပြောချောမွေ့စေရန် စေတနာ့ဝန်ထမ်းများ ခေါ်ယူခဲ့ပြီး ယနေ့တွင် ဝန်ကြီးချုပ် ဦးဖြိုးမင်းသိန်းက ၄င်းစေတနာ့ဝန်ထမ်းများအား ခေါ်ယူတွေ့ဆုံခြင်းဖြစ်သည်။

ယင်းအပြင် မထသ၏ ပိုင်ဆိုင်မှု ငွေစာရင်းရှင်းလင်းရေးအတွက် အစိုးရအဖွဲ့၏ အတွင်းရေးမှူးက အဖွဲ့ခေါင်းဆောင်အဖြစ်ဆောင်ရွက်ကာ စနစ်တကျ လွဲပြောင်း ရယူသွားမည်ဖြစ်ကြောင်း ပြည်သူ့ဘဏ္ဍာငွေများကို ပြည်သူ့ဝန်ဆောင်မှုပေးနိုင်မည့် သယ်ယူပို့ဆောင်ရေး လုပ်ငန်ရပ်များတွင် သုံးစွဲသွားမည်ဖြစ်ကြောင်း မထသ ဝန်ထမ်းများကိုလည်း ဆက်လက်တာဝန်ထမ်းဆောင်လိုပါက ထိုက်သင့်သော တာဝန်များကို ပေးသွားမည် ဖြစ်ကြောင်း ဦးဖြိုးမင်းသိန်းကပြောသည်။

လင်းလင်းအောင်
News Watch
https://www.facebook.com/NewsWatchJournal/



ကချင်ပြည်နယ် မိုးညှင်းမြို့နယ် ဘီလူးမြို့ရွာက ပျေက်ဆုံးနေတဲ့ မိန်းကလေး ၄ ယောက်ပုံ
မြစ်ကြီးနားမြို့ပေါ်မှာ အလုပ်ရမယ်ဆိုပြီး လူတစ်ယောက်က ဖုန်းဆက်ခေါ်ရာကို လိုက်သွားတဲ့ ကချင်ပြည်နယ် မိုးညှင်းမြို့နယ် ဘီလူးမြို့ရွာက မိန်းကလေးငယ် ၄ ယောက်ဟာ ဒီကနေ့အထိ ပျောက်ဆုံးနေတယ်လို့ အုပ်ချုပ်ရေးမှူး က ပြောပါတယ်။

အိမ်နဲ့ နောက်ဆုံးဆက်သွယ်ချိန်မှာ ဘေးကတစ်စုံတစ်ယောက်က ဖုန်းပိတ်ခိုင်းလိုက်ပြီးနောက်ပိုင်း အဆက် အသွယ် ပြတ်တောက်သွားတာဖြစ်တယ်လို့ ဘီလူးမြို့ရွာရဲ့ အုပ်ချုပ်ရေးမှူး ဦးအောင်သူ က RFA ကို ဒီကနေ့ ပြောပါတယ်။

မိုးညှင်းမြို့နယ် ပင်းဟဲကျေးရွာက ကိုဇော်ရဲ ဆိုသူ က မြစ်ကြီးနားမြို့မှာ အလုပ်ရမယ်ဆိုပြီး ဖုန်းဆက်ခေါ်တဲ့ အတွက် ဇန်နဝါရီလ ၅ ရက်နေ့မှာ ဘီလူးမြို့ကနေ လိုက်သွားခဲ့ရာမှာ အမျိုးသမီးငယ်လေးယောက် ပျောက်ဆုံးနေ တာဖြစ်ပါတယ်။

အမျိုးသမီးငယ်လေးဦးနဲ့ ဖုန်းနောက်ဆုံး အဆက်အသွယ်ရတဲ့နေရာဟာ မြစ်ကြီးနားမြို့နယ်နိမိတ်ထဲမှာ မဟုတ်ဘဲ တရုတ်ပြည်ဘက်ဦးတည်နေတဲ့ ဝိုင်းမော်-ကန်ပိုက်တီလမ်းပေါ် ဝိုင်းမော်မြို့နယ် ဝါးရှောင်ကျေးရွာအနီးမှာ ဖြစ် တယ်လို့ ပြောပါတယ်။ အဲဒီမိန်းကလေးငယ် လေးယောက်ဟာ တရုတ်နိုင်ငံဘက်ကို လူကုန်ကူးခံရတာလို့ သူတို့ မိသားစုနဲ့နီးစပ်တဲ့ ဒေသခံတွေက ယူဆနေကြပါတယ်။

အဲဒီကိစ္စနဲ့ပတ်သက်ပြီး မိုးညှင်းမြို့မရဲစခန်းမှူးက မြစ်ကြီးနား၊ ဝိုင်းမော်၊ ဗန်မော်စတဲ့ နယ်မြေရဲစခန်းတွေ နဲ့ မြစ်ကြီးနားအခြေစိုက် လူကုန်ကူးမှု တားဆီးနှိမ်နှင်းရေးတပ်ဖွဲ့စုကိုလည်း အကြောင်းကြားထားတယ် လို့ပြောပါတယ်။

ကချင်ပြည်နယ်အပါအဝင် မြန်မာနိုင်ငံ ဒေသအနှံ့က မိန်းကလေးငယ်အများစုဟာ ဆင်းရဲမွဲတေမှုနဲ့ အလုပ်အကိုင် ရှားပါးမှုတွေကြောင့် တရုတ်နိုင်ငံဘက်ကို လူကုန်ကူးခံနေရပြီး တရုတ်ဇနီးမယားအဖြစ် ရောင်းချတာလည်း ခံနေကြရပါတယ်။

မြန်မာနိုင်ငံ ဒေသအသီးသီးကနေ ရောက်ရှိလာသူတွေဟာ မြစ်ကြီးနား၊ ဗန်မော်၊ ဖားကန့် စတဲ့ မြို့တွေက လုပ်ငန်းခွင်တွေမှာ အသက်မပြည့်တဲ့ ကလေးလုပ်သားတွေအဖြစ် လုပ်ကိုင်နေသူတွေရှိသလို လုပ်အားခေါင်း ပုံဖြတ်ခံရသူတွေလည်းရှိနေပြီး တချို့ဟာ တရုတ်ပြည်ဘက် ရောင်းစားခံနေရတာဖြစ်ပါတယ်။

RFA Burmese
http://www.rfa.org/burmese


မကွေးတိုင်း ပေါက်မြို့နယ်က ဆောက်လက်စ စာသင်ကျောင်းဆောင် ၁ဝ ခုလောက်ဟာ သတ်မှတ်ထားတဲ့ အရည်သွေးမမှီတာတွေကို စစ်ဆေးတွေ့ရှိရတယ်လို့ ပေါက်မြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းဝင်း ကပြောပါတယ်။

ပေါက်မြို့နယ်မှာရှိတဲ့ ယာကြီးပြင်၊ သံပုရာ၊ စာသိန်း၊ မြှားပိုင်း၊ စမ်းရေခုံ စတဲ့ကျေးရွာတွေက အလယ်တန်းကျောင်းခွဲနဲ့ အထက်တန်းကျောင်းခွဲ စာသင်ကျောင်းအဆောက်အအုံတွေဟာ စံချိန်စံညွှန်းနဲ့မညီဘဲ ဆောက်လုပ်ထားတာကို စစ်ဆေးတွေ့ရှိခဲ့ရတာဖြစ်တယ်လို့ ဦးရဲထွန်းဝင်း က ပြောပါတယ်။

"ဖောင်ဒေးရှင်းကတည်းက အရည်အသွေးမမီတာတွေ့ရတယ်။ ဖောင်ဒေးရှင်းမှာ အောက်ခြေက ၁၈ပေ ၊၁၄ ပေ၊ အပေါ်ကို ၉လက်မပေါ့။အဲဒီမှာ ဘာတွေ့ရလဲဆိုတော့ ၁၄ပေ မပါဘဲ ၉ ပေ တည့်ချထားတာတွေ တွေ့ရတယ်။ နောက်ဆုံးတွေ့ထားတဲ့ မြှားပိုင်းနဲ့ စမ်းရေခုံကျေးရွာမှာဆိုရင် အပေါ်ကကျောက်ထုတ်ရိုက်တဲ့အချုပ်မှာ မျဉ်းမဖြောင့်ဘူး၊ ရေချိန်မလည်ဘူး။ တိုင်တွေမှာတိုင်လုပ်ရမယ့် စံချိန်စံညွှန်း ဖောင်ဒေးရှင်းက အုတ်တိုင်ပေါ့။ အောက်ခံတိုင်ပေါ့။ အဲဒီမှာတိုင်ကောက်တဲ့အခါမှာလည်း ပန်းရံဆရာလုပ်သလို လုပ်တာမဟုတ်ဘူး။ တည့်ဆက်တွေနဲ့ လုပ်ထားတယ်၊ အဲလိုဆိုတော့ ခိုင်ခံ့မှုမှာ တော်တော်လေးအားနည်းသွားတယ်"

ပြီးခဲ့တဲ့နှစ် ဒီဇင်ဘာလ လွှတ်တော်နားထားတဲ့ အချိန်ကစပြီး ကွင်းဆင်းစစ်ဆေးခဲ့တာဖြစ်ပြီး အဲဒီဆောက်လက်စ စာသင်ကျောင်းအဆောက်အအုံတွေကို မင်းဘူးအခြေစိုက် ဆောက်လုပ်ရေးကုမ္ပဏီနဲ့ မန္တလေးအခြေစိုက် ဆောက်လုပ်ရေးကုမ္ပဏီ စုစုပေါင်း ကုမ္ပဏီ ၃ ခုက တာဝန်ယူဆောက်လုပ်နေတာ ဖြစ်တယ်လို့ ဆိုပါတယ်။

စံချိန်စံညွှန်းနဲ့အညီ ပြန်လည်ဆောက်လုပ်ပေးဖို့ တာဝန်ယူထားတဲ့ ကုမ္ပဏီတွေကို အသိပေးပြောကြားထားပြီး ကုမ္ပဏီတွေဘက်ကလည်း ပြန်လည်ဆောက်လုပ်ပေးဖို့ ကတိပေးထားကြောင်းနဲ့ စံချိန်စံညွှန်းနဲ့အညီ ပြန်လည်ဆောက်လုပ်မပေးပါက လုပ်ငန်းပြီးစီးကြောင်းထောက်ခံမှု ပေးသွားမှာမဟုတ်ဘူးလို့ ဦးရဲထွန်းဝင်း ကပြောပါတယ်။

RFA Burmese
https://www.facebook.com/rfaburmese

တရားမဝင် သယ်ဆောင်လာသော ကျောက်စိမ်းတုံးများ ဖမ်းဆီးရမိ
မိုးကောင်း ၊ ဇန္နဝါရီ - ၁၃

ကချင်ပြည်နယ် ၊ မိုးကောင်းမြို့နယ်၊ (၈)မိုင်လမ်းဆုံတွင် ဇန္နဝါရီ(၁၃)ရက်နေ့၊ နေ့လည်(၃)နာရီအချိန်ခန့်က မိုးကောင်းမြို့မရဲစခန်းမှ စခန်းမှူးဒုရဲမှူးအေးကြူနှင့်အဖွဲ့သည် သတင်းအရ စောင်းဆိုင်းနေစဉ် UD(၆)ဘီးကားယာဉ်အမှတ်(7B/3369)အား ရပ်တန့်ရှာဖွေရာ ကားပေါ်တွင် တင်ဆောင်လာသော ကားတာယာများအတွင်း သိုဝှက်၍ တရားမဝင်တင်ဆောင်လာသည့် ကျောက်စိမ်းအရိုင်းတုံးများအား တွေရှိခဲ့ပြီး မိုကောင်းမြို့မရဲစခန်းသို့မောင်းနှင်စေခဲ့ကာ အသိသက်သေများရှေ့မှောက်တွင် ရှာဖွေစစ်ဆေးသိမ်းဆည်းခဲ့သည်။


ဆာလာအိတ်အဝါနှင့် ထည့်ထားသော အိတ်(၆၄)အိတ်အတွင်းမှ ကျောက်စိမ်းအရိုင်တုံး (၆၁၇)လုံး၊ အလေးချိန်(၁၂၈၆)ပိဿာ အား ရှာဖွေသိမ်းဆည်းပြီး မော်တော်ယာဉ်၊ ယာဉ်မောင်း၊ ယာဉ်နောက်လိုက်တို့အား မိုးကောင်းမြို့မရဲစခန်းတွင် မိုးကောင်းမြို့မရဲစခန်း(ပ)၆/၂၀၁၇
ကျောက်မျက်ဥပဒေပုဒ်မ၄၂(က)အရ အရေးယူဆောင်ရွက်နိုင်ရန် စီစဉ်လျက်ရှိကြောင်း သတင်းရှိပါသည်။

ယဉ်မောင်း
သက်ထွန်း(၂၅)နှစ်၊(ဘ)ဦးခင်ဇော်ဦး
၅/ထခန(နိုင်)၀၆၈၅၄၉
မြတောင်ကျေးရွာ၊ထီးချိုင့်မြို့နယ်

ယာဉ်နောက်လိုက်
သိန်းဌေးဦး(၄၃)နှစ်၊(ဘ)ဦးချွတ်တား
၉/စကတ(နိုင်)၀၆၃၄၇၄
သရက်ခြံရပ်ကွက်၊ရွှေဘိုမြို့

မိုးကောင်းသတင်းမီဒီယာ
https://www.facebook.com/mogaungnews.media/



ကင်ဆာဆဲလ် အဆုပ်ကို ပျံ့တာ နှေးကွေးသွား
ကင်ဆာ ရောဂါ ကို ကုသနိုင်ဖို့ သုတေသနလုပ်နေတဲ့ ပညာရှင်တွေ က ကင်ဆာဆဲလ်တွေ ပျံနှံ့မှု ကို တိရိစ္ဆာန် တွေနဲ့ စမ်းသပ်ကြည့်ရာမှာ ပျံ့ပွားနှုန်း သိသိသာသာ ကြီးကို လျော့ချ နိုင်တာကို တွေ့ရပြီးတော့ ဒါဟာ အနာဂတ်မှာ ကင်ဆာရောဂါ ကုသနိုင်ရေးအတွက် အရေးကြီးတဲ့ အဆင့်ကို လှမ်းလိုက်နိုင်တဲ့ အောင်မြင်မှု လို့ဆိုပါတယ်။

ကင်ဆာရောဂါ လူမှာဖြစ်ပြီဆိုရင် ကင်ဆာဆဲလ်တွေ က ကိုယ်ခန္ဓာ နေရာအနှံ့ ပျံ့ပွားကုန်ကြပြီး ဆဲလ် အကောင်းတွေနေရာမှာ သူတို့က ဝင်ယူပစ်လိုက်တာပါ။

ကင်ဆာကြောင့် လူတွေ သေဆုံးရတဲ့အကြောင်းရင်းတွေ ရဲ့ ၉၀ ရာခိုင်နှုန်း ကလည်း အဲဒီ ကင်ဆာဆဲလ် တွေ ပျံ့နှံ့လာလို့ပါ။

ကိန်းဘရစ်တက္ကသိုလ် ဆန်ဂါး အင်စတီကျု က သုတေသီတွေ က စမ်းသပ်ခန်းက ကြွက်လေးတွေမှာ အရေပြားကင်ဆာ ဖြစ်လိုက်စေပြီးတော့ သူတို့ရဲ့ Immune System လို့ခေါ်တဲ့ ကိုယ်ခံအား စနစ် ကို အပြောင်းအလဲ လုပ်ပေးထားလိုက်ပါတယ်။

အဲဒီလို လေ့လာ ကြည့်ရာမှာ အရေပြားက ကင်ဆာဆဲလ်တွေ အဆုပ်ကို ပျံ့ပွား သွားနှုန်း က ပုံမှန် ပျံ့နှုန်းထက်နှိုင်းစာရင် အများကြီး လျော့နည်း သွားတာ တွေ့လိုက်ရပါတယ်။

တချို့ကြွက်တွေမှာ ၇၅ရာခိုင်နှုန်း အထိ ပျံ့နှုန်း က လျော့ကျ သွားပါတယ်။

သုတေသီတွေ က မျိုးဗီဇ ပြုပြင်ထားတဲ့ ကြွက် ၈၁၀ ကို အသုံးပြုပြီးတော့ သူတို့ကိုယ်ထဲက ဘယ် ဒီအန်အေ မျိုးဗီဇ အစိတ်အပိုင်း က ကင်ဆာဆဲလ် ပျံ့နှံ့မှု ကို လျော့ချ စေနိုင်တာလဲ ဆိုတာ ကို လေ့လာ ခဲ့ကြတာပါ။

သူတို့ ပစ်မှတ်ထားပြီး ကြည့်တဲ့ ဒီအန်အေ မျိုးဗီဇအစိတ်အပိုင်းရဲ့ နာမည်ကို SPNS 2 လို့အမည်ပေးထားပြီးတော့ အဲဒီ ဒီအန်အေ မျိုးဗီဇအစိတ်အပိုင်း က ကင်ဆာဆဲလ် ပျံ့နှံ့မှု ကို ၇၅ ရာခိုင်နှုန်းလျော့ချ နိုင်ပါတယ်။

ကင်ဆာ သုတေသန ယူကေ အဖွဲ့က အခု သုတေသီတွေ ရဲ့တွေ့ရှိချက် ဟာ ကင်ဆာဆဲလ်တွေ ဘယ်လို ပျံ့သလဲဆိုတာ ကို ပိုသိလာရတယ်၊ အဲဒီကနေတဆင့် ကုထုံးအသစ် တွေ ကို တွေ့လာရနိုင်တယ် လို့ ဆိုပါတယ်။

BBC Burmese
http://www.bbc.com/burmese



ရိက္ခာ ပြတ်လပ်မှုတွေ ကြုံတွေ့ နေရပြီး အရပ်သား တွေ အခက်အခဲ ကြုံတွေ့
ကချင် ပြည်နယ် တနိုင်း မြို့မှာ ဆန်နဲ့ ဆီ ပြတ်တောက်နေပြီး အဲဒီ ဒေသမှာ နေထိုင် သူတွေဟာ မှောင်ခို ဈေးကွက် ကနေ ဈေးနှုန်း ကြီးစွာ နဲ့ ဝယ်ယူ စားသောက် နေရ တယ်လို့ အမျိုးသား လွှတ်တော် ကိုယ်စားလှယ် ဦးနောင်နဂျာတန် က ဘီဘီစီ ကို ပြောပါတယ်။

ဆန်နဲ့ ဆီ တင်ပို့ ရောင်းချ ခွင့် ကို အစိုးရ တပ်မတော်က ပိတ်ထား တာ ဖြစ် ပြီး ပိတ်ရတဲ့ အကြောင်းရင်း ကို လွှတ်တော်ပိုင်း ကနေ စာရေး မေးမြန်းပြီး ဖြစ်ပေမယ့် ဘာကြောင့် ပိတ်ဆို့ ထားရ တယ်ဆိုတဲ့ အဖြေ ကို အခုချိန်ထိ မသိရသေးဘူးလို့ သူက ပြောပါတယ်။

အချို့ ဒေသ တွေမှာ ဆန် ရိက္ခာ ပြတ်လပ်မှုတွေ ကြုံတွေ့ နေရပြီး အရပ်သား တွေဟာ ဒုက္ခ ရောက်နေကြတဲ့ အတွက် အမြန်ဆုံး ပြန်ဖွင့်ပေးဖို့ ကိုလည်း သူက တောင်းဆို ခဲ့ပါတယ်။

လွှတ်တော် ဘက် ကနေ တပ်မတော် ဘက် ကို ဆက်သွယ် မေးမြန်း ခဲ့ပေမယ့် ရက်သတ္တ တစ်ပတ်ကျော် ကြာမြင့်တဲ့ အထိ အကြောင်း ပြန်ကြားခြင်း မရှိ သေးပါဘူး။

ဆီနဲ့ ဆန်က တနိုင်းဒေသမှာ မှောင်ခို သဘောနဲ့ ရောက်ရှိနေပေမယ့် ဝယ်ယူ စားသောက်ဖို့ အဆင်မပြေမှုတွေလည်း ရှိနေပါတယ်။ လက်နက်ကိုင် အဖွဲ့အစည်း တွေ ကြောင့် တင်ပို့ခွင့် ပိတ်ထား တာ ဖြစ်နိုင်ပြီး မဆိုင်တဲ့ အရပ်သား တွေကို ပါ ထိ ခိုက်မှုတွေ ရှိနေတယ်လို့ ဦးနောင်နဂျာတန် က ပြောပါတယ်။

လတ်တလော အချိန်မှာ ဆန် တစ်ပြည် ကို နှစ်ထောင့် သုံးရာ ဈေနှုန်း၊ ဓါတ်ဆီက တစ်ဂါလံ ကျပ် ကိုးထောင် ဈေး အထိ ရှိနေပါတယ်။ ပြည်နယ် ဝန်ကြီးချုပ် ကိုလည်း ဆက်သွယ် မေးမြန်း ထားပေမယ့် ဘာအကြောင်း ပြန်ကြားမှု မှ မရှိသေးဘူး လို့လည်း သူ က ပြောကြား ပါတယ်။

BBC Burmese
http://www.bbc.com/burmese



အစ္စရေး စစ်တပ် မှ ဆီးရီးယား လေတပ် စခန်းအား ၂၀၁၆ ခုနှစ် ဒီဇင်ဘာလ ၇ ရက်နေ့ က ဒုံးကျည် ဖြင့် တိုက်ခိုက်ခဲ့စဉ်(ဓာတ်ပုံ-အင်တာနက်)
    ဒမတ်စကပ် ၊ ဇန်နဝါရီ ၁၃ ရက် (ဆင်ဟွာ)

    ဆီးရီးယား နိုင်ငံ စစ်ဘက်ဆိုင်ရာက ဆီးရီးယား နိုင်ငံ ၏ မြို့တော် ဒမတ်စကပ်မြို့ အနောက်တောင်ပိုင်းရှိ လေတပ် စခန်း တစ်ခုသည် ဇန်နဝါရီ ၁၃ ရက်နေ့ နံနက်ပိုင်း တွင် အစ္စရေး နိုင်ငံ တိုက်လေယာဉ် ၏ ဒုံးကျည် ဖြင့် တိုက်ခိုက်ခြင်း ခံခဲ့ရကြောင်း ထုတ်ပြန် ခဲ့သည်။

ထို့နေ့နံနက် တွင် ဆင်ဟွာ သတင်းထောက် မှာ ဒမတ်စကပ် မြို့လယ် တွင် ရှိနေပြီး ကျယ်လောင်သည့် ပေါက်ကွဲသံကို ကြားခဲ့ရသည်။ တိုက်ခိုက်ခံရသည့် လေတပ် စခန်းသည် မီးလောင်မှု များဆက်လက် ဖြစ်ပွားခဲ့ပြီး မီးသတ်ကားများ အဆက်မပြတ်သွားရောက် နေသည် ကို တွေ့ရှိခဲ့ရသည်။ လက်ရှိချိန်တွင် ဆီးရီးယား စစ်ဘက်ဆိုင်ရာ မှ ထိခိုက်သေဆုံးသည့် စာရင်းအား ထုတ်ပြန်ခဲ့ခြင်း မရှိသေးကြောင်း သိရှိရသည်။

ဆီးရီးယား အစိုးရ ၏ ထုတ်ပြန်ချက်အရ  အစ္စရေး နိုင်ငံ ၏ ယခု ကဲ့သို့ဆောင်ရွက်ခြင်းသည် အကြမ်းဖက် အဖွဲ့ကို ကူညီ လိုသောကြောင့် ဆောင်ရွက်ခြင်းဖြစ်ကြောင်း ၊ ယခု ကဲ့တို့ အကြောင်းမဲ့ ရုတ်တရတ် တိုက်ခိုက်ခြင်း၏ နောက်ဆက်တွဲ အကျိုးဆက် အားလုံးကို အစ္စရေး နိုင်ငံ က တာဝန်ယူရမည် ဖြစ်ကြောင်း ၊ ဆီးရီးယား အစိုးရ တပ်ဖွဲ့အနေဖြင့် ဆက်လက်၍ ဆီးရီးယား နိုင်ငံ အတွင်းရှိ အကြမ်းဖက် အဖွဲ့ ကို အလုံးစုံ ပျောက်ကွယ်သည့် အထိ ချေမှုန်းသွားမည် ဖြစ်ကြောင်း အထူး ပြောကြား ခဲ့သည်။

ဆီးရီးယား နိုင်ငံ နှင့် အစ္စရေး နိုင်ငံ တို့သည် ကာလတစ်လျှောက် နယ်မြေ အငြင်းပွားမှု များရှိခဲ့ပြီး ဆီးရီးယား သတင်း မီဒီယာ များ၏ ဖော်ပြချက်အရ အစ္စရေး နိုင်ငံ သည် ဆီးရီးယား နိုင်ငံ အတွင်း လေကြောင်း တိုက်ခိုက်မှု အကြိမ်ကြိမ် ပြုလုပ်ခဲ့ဖူးကြောင်း သိရှိရသည်။ ၂၀၁၆ ခုနှစ် ဒီဇင်ဘာလ ၇ ရက်နေ့ တွင်လည်း အစ္စရေး စစ်တပ် သည် ယခု တိုက်ခိုက်ခံရသည့် လေတပ် စခန်းကို ဒုံးကျည်များစွာဖြင့် ပစ်ခတ် ခဲ့ကြောင်း သိရှိရသည်။

(Xinhua)
http://www.xinhuamyanmar.com


အာဖရိကအောက်လမ်း ဗူးဒူး (Voodoo) ပညာရပ်နှင့် အရှေ့တိုင်း ရုပ်သွင်းနာမ်ထားပညာရပ်များကို လူတိုင်း ၏ ကောင်းကျိုးအတွက် အသုံးပြုနိုင်ရန်နှင့် အန္တရာယ်ကာကွယ်နိုင်ရန်အတွက် သင်တန်းဖွင့်လှစ်သင်ကြား ပေးလျက်ရှိကြောင်း Wizardry School of Myanmar မှော်ကျောင်းတော် (မြန်မာပြည်)မှ ဆရာ လင်းညှို့တာရာက ပြောသည်။


အရုပ်အပ်စိုက်ခြင်း ဗူးဒူးပညာရပ်သည် အများအားဖြင့် အောက်လမ်းပညာဟု အယူစွဲနေခြင်းကြောင့် ဂမ္ဘီရ မှော်ပညာ အမှန်တကယ်ရှိကြောင်းနှင့် အရုပ်အပ်စိုက်ခြင်းနှင့် ဗူးဒူးဆိုင်ရာ အခြားပညာများသည် ကောင်းသည့်ဘက်တွင် အသုံးပြုနိုင်ကြောင်းနှင့် အဆိုပါ ပညာများကို လက်ဆင့်ကမ်းသဘောဖြင့် သင်တန်းဖွင့်လှစ်ခဲ့ကြောင်း သိရသည်။


''လူအများစုက ဗူးဒူးလို့ခေါ်တဲ့ ပညာရပ်ကိုအောက်လမ်းပညာလို့ အယူစွဲနေတယ်။ ဒါက ပညာရပ်တခုပါ။ ကောင်းတာလုပ်ရင် ကောင်းတာဖြစ်နိုင်ပါတယ်။ သင်တန်းမှာတော့ မကောင်းတဲ့နည်းလမ်းကို သင်ပြတယ်။ သူ့ရဲ့ဆိုးကျိုးတွေပါ ရှင်းပြတယ်။ လက်ရှိမှာ သင်ပေးနေတာကတော့ အာဖရိကမျိုးနွယ်စုရဲ့ ဗူးဒူးပညာရပ်နဲ့ အခြားပညာရပ်တွေကို သင်ကြားပေးနေတယ်'' ဟု ဆရာလင်းညှို့တာရာက ပြောသည်။


ဗူးဒူးပညာရပ်သည် မမြင်ရသည့် ၀ိညာဉ်များဖြင့် စီမံလုပ်ကိုင်ရခြင်းဖြစ်သောကြောင့် စီမံမှုလုပ်ချိန်တွင် သက် သတ်လွတ်သာ စားသုံးရန်သင့်ပြီး အဆိုပါ ပညာဖြင့် သူတပါးထိခိုက်နာကျင်မှုကို နုတ်ယူနိုင်စွမ်းရှိသော စီရင်ထုံးပညာရပ် ဖြစ်ကြောင်း ၎င်းကဆက်လက်ပြော ကြားခဲ့သည်။

''သင်တန်းကို မှတ်ပုံတင်တော့ မတင်ရသေးဘူး။ အသေးစားဖြစ်နေလို့။ နောက်ပိုင်းမှာတော့ ဆောင်ရွက် သွားမှာပါ။ လုပ်တာကြာပါပြီ။ လာရောက်ပိတ်ပင်ခြင်း၊ တားမြစ်ခြင်းနဲ့ အခြားပြဿနာတွေ မကြုံတွေ့သေးဘူး။ အုပ်ချုပ်ရေးမှူးလည်း သိတယ်''ဟု ၎င်းက သင်တန်းဖွင့်ခြင်းနှင့်ပတ်သက်၍ ပြောကြားခဲ့သည်။


သင်တန်းကို ဆရာလင်းညှို့တာရာနှင့် ဆရာလပြည့်ဝန်းတို့မှ ဦးဆောင်သင်ကြားပြသပေးလျက်ရှိပြီး အရှေ့တိုင်းရုပ်သွင်းနာမ်ထားသင်တန်းအောက်တွင် (၁) ရုပ်သွင်းနာမ်သွင်းပညာ၊ (၂) မြန်မာ့ရိုးရာ ဓာတ်တိုက်နှင့် နတ်ပညာအချို့(၃) မြန်မာ့အရုပ်ပညာ (၄) အရုပ်အပ်စိုက်ပညာ (၅) နာမ်သွင်းဆေး အတတ်ပညာ (၆) နာနာရုပ် အတတ်ပညာ (၇) သပြေချိုး အပင်ခုတ် ပညာ (၈) အကာအကွယ်ပညာ (၉) ပြုစားခြင်း အတတ်ပညာရပ်များ သင်ကြားပေးသွားမည်ဖြစ်သည်။

သင်တန်းအပတ်စဉ် (၁) ပြီးမြောက်ခဲ့ပြီး သင်တန်းအပတ်စဉ် (၂) စတင်ရန် ညှိနှိုင်းဆွေးနွေးလျက်ရှိကြောင်း၊ အပတ်စဉ် (၁)တွင် သင်တန်းသား ၂၀ ကျော်ဖြင့် သင်တန်းဆင်းခဲ့ကြောင်း သိရသည်။

သင်တန်းကို ရန်ကုန်တိုင်းဒေသကြီး အင်းစိန်မြို့နယ် ပေါက်တောဝအနီး ဖန်ချက်စက်ရုံလမ်း (၁၅/က)၊ မုဒိတာ အိမ်ရာ(၂) အမှတ် ၂ဗ-၁၇၂ တွင် ဖွင့်လှစ်ထားသည်။

ကျော်ကျော်
News Watch
https://www.facebook.com/NewsWatchJournal/


အွန်လိုင်းအရောင်းဈေးကွက်ကြီး တခုဖြစ်တဲ့ Amazon ၀ဘ်ဆိုဒ်မှာ အိန္ဒိယအလံ ပုံဖော်ထားတဲ့ ခြေသုတ်ဖုံတွေ ရောင်းချနေတဲ့အပေါ် အိန္ဒိယနိုင်ငံက စိတ်ဆိုးကြောင်း ပြသခဲ့သလို Amazon ၀န်ထမ်းတွေကို အိန္ဒိယက ဗီဇာ ရုပ်သိမ်းမယ်လို့ ခြိမ်းခြောက်ခဲ့ပြီးနောက် အချေအတင်ဖြစ်စရာ ပစ္စည်းတွေ ရောင်းချနေတာကို Amazon က ဖယ်ရှားလိုက်ပါတယ်။

အိန္ဒိယဟာ နိုင်ငံတော်အလံကို စနစ်တကျ ချိတ်ဆွဲထားဖို့ တင်းကြပ်တဲ့ ဥပဒေတွေ ပြဌာန်းထားပြီး ဒီဥပဒေကို ချိုးဖောက်ရင် ငွေဒဏ်၊ ထောင်ဒဏ် အပြစ်ပေးနိုင်ပါတယ်။

အိန္ဒိယနိုင်ငံခြားရေးဝန်ကြီးကတော့ အလံခြေသုတ်ဖုံတွေ ရောင်းချခဲ့တဲ့အပေါ် ဒေါသထွက်ခဲ့တာပါ။ အိန္ဒိယနိုင်ငံ မွန်ဘိုင်းမြို့က Twitter လူမှုကွန်ယက် အသုံးပြုသူတဦးက အိန္ဒိယအလံပုံ ခြေသုတ်ဖုံကို ၀ဘ်ဆိုဒ်ကနေ ဓာတ်ပုံရိုက်ယူပြီး၊ နိုင်ငံခြားရေးဝန်ကြီးအနေနဲ့ အရေးယူဖို့ တောင်းဆိုခဲ့ပြီးနောက်မှာပဲ အိန္ဒိယနိုင်ငံတော်အလံကို စော်ကားတဲ့ ပစ္စည်းတွေအားလုံးကို Amazon အနေနဲ့ ချက်ခြင်း ရုပ်သိမ်းဖို့နဲ့ ခြွင်းချက်မရှိ တောင်းပန်ဖို့လည်း အိန္ဒိယနိုင်ငံခြားရေးဝန်ကြီး Sushma Swaraj က တောင်းဆိုခဲ့တာ ဖြစ်ပါတယ်။

အကယ်၍ Amazon အနေနဲ့ ချက်ခြင်း တောင်းပန်မှု မလုပ်ဘူးဆိုရင် Amazon ၀န်ထမ်းတွေကို အိန္ဒိယက ဗီဇာ ထုတ်ပေးမှာမဟုတ်သလို အစောပိုင်းက ထုတ်ပေးထားတဲ့ ဗီဇာတွေကိုလည်း ပြန်ပြီး ရုပ်သိမ်းမှာဖြစ်တယ်လို့လည်း အိန္ဒိယနိုင်ငံခြားရေးဝန်ကြီး Swaraj က ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com



Yellow Fever ရောဂါပိုး ကူးစက်ခံရပါက ဖြစ်လေ့ရှိသော ရောဂါလက္ခဏာများကို သရုပ်ဖော်ပုံဖြင့် ပြသထားစဉ် (ဓာတ်ပုံ-အင်တာနက်)
    ရီယိုဒီဂျနေရိုး၊ ဇန်နဝါရီ ၁၃ ရက် (ဆင်ဟွာ)

    ဘရာဇီးနိုင်ငံ Minas Germ ပြည်နယ်တွင် ပြီးခဲ့သည့် ရက်သတ္တပတ်အတွင်း Yellow Fever ဗိုင်းရပ်စ် ကူးစက်ခံရခြင်းကြောင့် အနည်းဆုံး လူပေါင်း ၃၀ ဦး သေဆုံးခဲ့ကြောင်း၊ အဆိုပါ ဗိုင်းရပ်စ် ကူးစက်ခံရကြောင်း သံသယရှိသူ ၁၁၀ ဦးအထိ ရှိလာပြီ ဖြစ်ကြောင်း ကျန်းမာရေး အာဏာပိုင်များက ဇန်နဝါရီလ ၁၂ ရက်က အတည်ပြုခဲ့သည်။

ပြည်နယ် ကျန်းမာရေး အတွင်းဝန်ရုံးအရ ယင်း ဗိုင်းရပ်စ် ကူးစက်ခံရခြင်းကြောင့် လူ ၃၀ ဦး သေဆုံးခဲ့ကြောင်း၊ Yellow Fever ရှိကြောင်း စမ်းသပ် တွေ့ရှိသူ ၁၀ ဦးလုံးကိုလည်း ရောဂါပိုး ကူးစက်ခံရခြင်း အကြောင်းအား စစ်ဆေးနေကြောင်း သိရသည်။

ယခုလို ရက်သတ္တပတ် တစ်ပတ်အတွင်း ကူးစက်ခံရသူ ၄၈ ဦးမှ ၁၁၀ ဦးအထိ အရေအတွက် တိုးလာခြင်းသည် အတော်လေး ဆိုးဝါးသည်ဟု ဆိုသည်။

Yellow Fever သည် စိုးရိမ်ဖွယ် ဗိုင်းရပ်စ် ရောဂါ တစ်မျိုး ဖြစ်ပြီး ယင်း ရောဂါ ကူးစက်ခံရကာ အချိန်မီ ကုသမှု မခံရပါက တစ်ပတ်အတွင်း အသက် သေဆုံးနိုင်ကြောင်း၊ ရောဂါပိုးရှိသော ခြင်မ ကိုက်ခံရခြင်းမှတစ်ဆင့် အဓိက ကူးစက်နိုင်ကြောင်း သိရသည်။

အဆိုပါ ဗိုင်းရပ်စ်အား အများအားဖြင့် မျောက်များ၌ တွေ့ရလေ့ရှိသည်။

(Xinhua)
http://www.xinhuamyanmar.com



ကျိုက်ထီးရိုးက ရိုးရိုးလေးဟိုတယ်ကို တွေ့ရစဉ် ။ Photo: Yoe Yoe Lay Hotel Facebook
ဆံတော်ရှင် ကျိုက်ထီးရိုးစေတီတော် ပရဝုဏ်အတွင်းမှာ ခွင့်ပြုချက်မရှိဘဲ ဆောက်ထားတဲ့ ရိုးရိုးလေးဟိုတယ် အခန်း ၁၀၆ ခန်းကို မူလဆုံးဖြတ်ချက်အတိုင်း ဖျက်သိမ်းဖို့ သာသနာရေးဝန်ကြီးဌာနက ကြေညာချက် ထုတ်ပြန်လိုက်ပါတယ်။

အဲဒီ ၁၀၆ ခန်းကို ဟိုတယ်နဲ့ ခရီးသွားလာရေးဝန်ကြီးဌာနက ဟိုတယ်လိုင်စင်တွေ ထုတ်ပေးမယ်ဆိုတဲ့ သတင်းတွေ ထွက်ပေါ်လာတဲ့အတွက် အခုလို ကြေညာချက်ထုတ်ပြန်တာဖြစ်တယ်လို့ သာသနာရေးဝန်ကြီးဌာန ညွှန်ကြားရေးမှူး ဦးအောင်ဆန်းဝင်း က ပြောပါတယ်။

"ဟိုတယ်လိုင်စင် ပိတ်သိမ်းထားတဲ့ အခန်း ၁၀၆ ခန်းကို သက်ဆိုင်ရာဦးစီးဌာနက ဟိုတယ်လိုင်စင် ထုတ်ပေးရန် စီစဉ်လျှက်ရှိကြောင်း ကျနော်တို့ကိုမေးပါတယ်ခင်ဗျ၊ မေးတဲ့အပေါ်ကို ကျနော်တို့က အခြေအနေလေး သိရအောင် ထုတ်ပြန်တာဖြစ်ပါတယ်။"

သာသနာရေးဝန်ကြီးဌာနအနေနဲ့ ပြီးခဲ့တဲ့ ၂၀၁၆ ခုနှစ် ဇွန်လမှာချမှတ်ခဲ့တဲ့ အစည်းအဝေးဆုံးဖြတ်ချက်အတိုင်း ကျိုက်ထီးရိုးစေတီတော် ပရဝုဏ်အတွင်းရောက်ရှိနေတဲ့ ရိုးရိုးလေးဟိုတယ် အခန်း ၁၀၆ ခန်းကို ဖျက်သိမ်းဖို့ ဆက်လက်ဆောင်ရွက်သွားမယ်လို့ ကြေညာချက်မှာပါရှိပါတယ်။

ရိုးရိုးလေးဟိုတယ်ဟာ မြန်မာနိုင်ငံ ရင်းနှီးမြှုပ်နှံမှုကော်မရှင်ခွင့်ပြုချက် မတောင်းခံဘဲ တည်ဆောက်ထားတာ၊ သြဝါဒစရိယဆရာတော်တွေထံ သြ၀ါဒခံယူမှုမရှိတာ၊ အဆောက်အဦးပုံစံဒီဇိုင်းနဲ့ ပတ်သက်ပြီး ခွင့်ပြုချက် မတောင်းခံတာ၊ သတ်မှတ်အမြင့်ပေထက် ပိုဆောက်ထားတာ၊ အထပ်မြင့်တည်ဆောက်ပြီးချိန်မှာ ဟိုတယ် လိုင်စင်ယူမထားတာ၊ အခွန်တိမ်းရှောင်တာတွေကြောင့် ဖျက်သိမ်းဖို့ ဆုံးဖြတ်ချက်ချခဲ့တာဖြစ်ပါတယ်။

လက်ရှိမှာ အဲဒီဟိုတယ်ခန်းတွေကို ပြည်ပဘုရားဖူးဧည့်သည် ကြိုတင်လက်ခံထားရတဲ့ အကြောင်းပြချက်နဲ့ ဟိုတယ်နဲ့ ခရီးသွားလာရေးဝန်ကြီးဌာနထံ ဆက်လက်လုပ်ကိုင်ခွင့်တင်ပြထားတာကြောင့် ၃ လ နှစ်ကြိမ် ခွင့်ပြုထားတာဖြစ်ပါတယ်။

RFA သတင်းဌာနက ဟိုတယ်နဲ့ ခရီးသွားလာရေးဝန်ကြီးဌာနထံ အတည်ပြုချက်ရယူဖို့ ဆက်သွယ်မေးမြန်း ရာ ပြောရေးဆိုခွင့်ရှိသူတွေ ခရီးသွားနေတယ်ဆိုပြီး ပြန်လည်ဖြေကြားခြင်းမရှိခဲ့ပါဘူး။

RFA Burmese
http://www.rfa.org/burmese



အရွေးကောက်ခံ သမ္မတ Donald Trump
၂၀၁၆ သမ္မတ ရွေးကောက်ပွဲ နောက်ပိုင်းမှာ အရွေးကောက်ခံ သမ္မတ Donald Trump က တိုင်ဝမ်သမ္မတ Tsai Ing-wen ရဲ့ တယ်လီဖုန်းနဲ့ ဆက်သွယ်မှုကို လက်ခံ ပြောကြားခဲ့သလို ကွန်မြူနစ်ပါတီ ဦးဆောင်တဲ့ တရုတ်ပြည်သူ့သမ္မတ နိုင်ငံနဲ့ ပါတ်သက်ပြီး ၁၉၇၉ ခုနှစ်က အမေရိကန် အစိုးရ အသိမှတ်ပြု ကျင့်သုံးခဲ့တဲ့ “One China” တရုတ်တနိုင်ငံထဲအဖြစ် သတ်မှတ်တဲ့မူဝါဒကို ဆက်လက် ကျင့်သုံးသင့်မသင့် မေးခွန်းထုတ်ခဲ့ပါတယ်။

ဒီသီတင်းပတ်ထဲမှာ အမေရိကတိုက်အလယ်ပိုင်း နိုင်ငံများကို အလည်လာရောက်တဲ့ Tsai ဟာ Texas ပြည်နယ် Houston မြို့မှာ ခေတ္တဝင်ရောက်တုန်း အမေရိကန် အထက်လွှတ်တော်အမတ် Ted Cruz နဲ့ ရော Texas ပြည်နယ်အုပ်ချုပ်ရေးမှူး Greg Abbott တို့နဲ့ပါ တွေ့ဆုံခဲ့တာပါ။

Stratfor ထောက်လှမ်းရေးအဖွဲ့က အရှေ့အာရှ ဆိုင်ရာ ဆန်းစစ်လေ့လာသူ John Minnich ကတော့ အခုလို တွေ့ဆုံမှုက ထူးခြားစေတာ မဟုတ်ပဲ သူ့ရဲ့ အလည်ပတ်ခရီးစဉ် ကိုယ်တိုင်က ထူးခြားမှုကို ပြနေသလို ဒါဟာ အမေရိကန်နဲ့ တရုတ်တို့ကြား ဆက်ဆံရေးနဲ့ ပတ်သက်ပြီး ပြန်လှန် သုံးသပ်နေကြချိန် ဘာမှ သဲသဲကွဲကွဲ မသိရသေးချိန်မှာ ခုလို လာရောက်တာမို့ အနှောက်အယှက် ဖြစ်နိုင်တယ်လို့ သုံးသပ်ပါတယ်။

ဒါပေမယ့်လည်း အမျိုးသား အကျိုးစီးပွါးဆိုင်ရာ ဌာန ကာကွယ်ရေးလေ့လာမှု အကြီးအကဲ Harry Kazianis ကတော့ ဒီခရီးစဉ်ဟာ Trump နဲ့ တခြား Republican ပါတီဝင်တွေနဲ့ ဆက်ဆံရေး ရအောင် လုပ်တဲ့ သဘောမို့ သိပ်ကို ထူးခြားတဲ့ ခရီးစဉ် ဖြစ်တယ်လို့ သုံးသပ်ပါတယ်။

ဗွီအိုအေ (မြန်မာပိုင်း)
http://burmese.voanews.com