01/17/17


ထိုင်း-မြန်မာစပ်တနေရာက ကရင်ဒုက္ခသည်များ။
ရွေးကောက်ခံ သမ္မတ Donald Trump က သမ္မတရာထူးကို ဆက်ခံဖို့ ပြင်ဆင်နေချိန်မှာပဲ သမ္မတ Barack Obama အစိုးရ လက်ထက်က ချမှတ်ခဲ့တဲ့ ဒုက္ခသည်ဆိုင်ရာ ပေါ်လစီတွေကို ပြောင်းလဲ ပစ်လိမ့်မယ်လို့ ပြောဆိုမှုတွေ ထွက်ပေါ်နေပါတယ်။ သမ္မတ Obama အစိုးရက လက်ရှိ ဘဏ္ဍာနှစ်အတွက် မြန်မာနိုင်ငံက ရွေ့ပြောင်းနေထိုင်သူ ၁၄,၀၀၀ ကို လက်ခံဖို့ စီစဉ်ထားပြီး ဖြစ်တာကြောင့် မြန်မာ ဒုက္ခသည်တွေကိုများ ထိခိုက်လာနိုင်မလား ဆိုပြီး စိုးရိမ်မှုတွေလည်း ထွက်ပေါ်နေပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။

Trump ရဲ့ အစိုးရ အပြောင်းအလဲဆိုင်ရာ ကိစ္စရပ်တွေကို တာဝန်ယူ ဆောင်ရွက်နေတဲ့အဖွဲ့ရဲ့ ပထမနေ့ စီမံကိန်းလို့ခေါ်တဲ့ အထောက်အထားတွေ အရ စိတ်ချ လုံခြုံစွာ စစ်ဆေး မေးမြန်းနိုင်ခြင်းမရှိသေးတဲ့ အတွက် ပဋိပက္ခတွေ ဖြစ်ပေါ်နေတဲ့ ဒေသတွေက လူတွေ အမေရိကန်နိုင်ငံအတွင်း ရွေ့ပြောင်း နေထိုင်တဲ့ အစီအစဉ်ကို ဆိုင်းငံ့ထားမယ်လို့ ဆိုပါတယ်။

ဂျာမနီနိုင်ငံ၊ ဘာလင်မြို့က ခရစ္စမတ်ဈေးတခုကို ဒီဇင်ဘာလတုန်းက ထရပ်ကားနဲ့ ၀င်ရောက် တိုက်ခိုက်မှု ဖြစ်သွားခဲ့ပြီးတဲ့နောက် သူ့အနေနဲ့ မူဆလင်တွေ အမေရိကန်နိုင်ငံအတွင်း ၀င်ရောက်ခွင့် ပိတ်ပင်မယ်လို့ သူ့ရဲ့ ပြောဆိုမှုအပေါ် ပြန်ပြင် စဉ်းစားဖို့ အစီအစဉ် ရှိမရှိ သတင်းထောက်တွေက ရွေးကောက်ခံသမ္မတ Donald Trump ကို မေးမြန်းတဲ့အခါမှာ သူက အခုလို ပြန်လည် ဖြေကြားခဲ့ပါတယ်။

“ခင်ဗျားတို့လည်း ကျနော့် အစီအစဉ်တွေကို တလျှောက်လုံး သိလာခဲ့ကြတာပဲဗျာ။ ကျနော်ဘက်က မှန်နေတာချည်းပဲ၊ ၁၀၀ ရာနှုန်းပြည့် မှန်ပါတယ်။ အခုဖြစ်ပျက်နေတာတွေက အလွန် ဆိုးရွားလွန်းပါတယ်။”

Trump ရဲ့ ဒုက္ခသည်ဆိုင်ရာ ပေါ်လစီတွေဟာ ဘယ်လိုပုံစံမျိုးဖြစ်မယ်ဆိုတာတော့ တိကျ ရေရာမှု မရှိသေးပါဘူး။ ဒါပေမယ့် သမ္မတ Trump အနေနဲ့ ဒုက္ခသည်တွေနဲ့ ဆိုင်တဲ့ ပေါ်လစီကို အချိန်မရွေး ပြောင်းလဲနိုင်တဲ့ အခြေအနေ ရှိတယ်လို့ သုံးသပ် ပြောဆိုမှုတွေ ထွက်ပေါ်နေပါတယ်။

Lavinia Limon ဟာ အမေရိကန် ဒုက္ခသည်များနဲ့ ရွေ့ပြောင်းနေထိုင်သူများ ဆိုင်ရာ ကော်မီတီ အကြီးအကဲဖြစ်ပါတယ်။

“သမ္မတ Trump အနေနဲ့ ရွေ့ပြောင်း အခြေချ နေထိုင်သူတွေကို လက်ခံတဲ့ အစီအစဉ် တခုလုံးပဲဖြစ်ဖြစ်၊ ဒါမှမဟုတ် လူအစုအဖွဲ့တခုခုကိုပဲဖြစ်ဖြစ် အချိန်မရွေး စိတ်ကြိုက် ရပ်တန့်ပစ်လိုက်နိုင်စွမ်း ရှိပါတယ်။”

Donald Trump အနေနဲ့ ရွေးကောက်ပွဲ မဲဆွယ် စည်းရုံးစဉ် ကာလတွေတုန်းက အရှေ့အလယ်ပိုင်းက မူဆလင်တွေ အမေရိကန်နိုင်ငံထဲ လာရောက်ခွင့် ပိတ်ပင်ပြစ်မယ်၊ မက္ကဆီကိုနဲ့ လက်တင်အမေရိက နိုင်ငံတွေကနေ တရားမ၀င် ၀င်ရောက်လာသူတွေကို ပြန်ပို့မယ်လို့ ပြောဆိုခဲ့ပေမယ့်လည်း ဒုက္ခသည်တွေ၊ ရွေ့ပြောင်း နေထိုင်သူတွေကို လက်မခံဘူးလို့ ပြောဆိုနေတဲ့ သူ့ရဲ့ ဒုက္ခသည်ဆိုင်ရာ ပေါ်လစီ ပြောင်းလဲမယ့်အထဲ မြန်မာနိုင်ငံသားတွေများ ပါလာမလားဆိုပြီး စိုးရိမ်စရာ ရှိတယ်လို့ မြန်မာဒုက္ခသည်တွေအရေး ကူညီဆောင်ရွက်နေသူ Indiana ပြည်နယ်၊ Indianapolis မြို့က ဒေါက်တာ Ro Dinga က ပြောပါတယ်။

“Donald Trump ရဲ့ ပေါ်လစီကတော့ ကျနော်တို့ မြန်မာနိုင်ငံသား အနေနဲ့ သိပ်တော့ အားမရဘူး။ ဘာဖြစ်လို့လည်းဆိုတော့ သောကြာနေ့မှာ သူသမ္မတတော့ ဖြစ်မယ်။ ဒါပေမယ့် ရွေးကောက်ပွဲ အကြိုကာလမှာ သူမဲဆွယ်တဲ့ကိစ္စတို့၊ ပေါ်လစီ ချပြတဲ့အထဲမှာ ဒီ Refugee ကို လက်ခံဖို့ သိပ်အားမပေးတဲ့ လက္ခဏာတွေ တွေ့ရတယ်။ အထူးသဖြင့်တော့ အရှေ့အလယ်ပိုင်း မဆလင်နိုင်ငံများပေါ့နော်။ သူ အကုန်လုံးနီးပါးလောက် ပိတ်ဖို့ရှိတဲ့သဘော ပြတယ်။ နောက် အိမ်နီးနားချင်းက မက္ကဆီကို ကိုလည်း သူ တံတိုင်းခတ်ဖို့ ဘာညာပေါ့နော်။ ဒီ Refugee တွေကို လုံးဝ Welcome မလုပ်တဲ့ ပေါ်လစီမျိုး ကျနော်တို့ တွေ့ရတယ်။ အဲဒီအထဲမှာ ကျနော်တို့ မြန်မာပြည်သား Refugee တွေကလည်း အိန္ဒိယမှာဖြစ်ဖြစ်၊ ထိုင်း-မြန်မာ နယ်စပ်မှာ၊ မလေးရှားမှာ သောင်းနဲ့ချီပြီးတော့၊ အဲဒီကိစ္စကတော့ ကျနော်တို့ အမေရိကားကို ရောက်လာဖို့၊ အမေရိကားကို Resettlement လုပ်ဖို့ အခြေအနေ နဲနဲ မှေးမှိန်တယ်လို့ ကျနော် ယူဆတယ်လေ။”

လက်ရှိ ၂၀၁၆ - ၂၀၁၇ ဘဏ္ဍာနှစ်အတွက် ထိုင်းနဲ့ အိန္ဒိယ မြန်မာနယ်စပ်အပြင် မလေးရှားနိုင်ငံမှာ ရောက်နေကြတဲ့ မြန်မာဒုက္ခသည် စုစုပေါင်း ၁၄,၀၀၀ ကို လက်ခံဖို့ Barack Obama အစိုးရက လက်မှတ်ထိုး အတည်ပြုထားပြီး ဖြစ်တယ် ဆိုပေမယ့်လည်း အဲဒီ အစီအစဉ်ကို သမ္မတသစ် အနေနဲ့ ပြောင်းလဲကောင်း ပြောင်းလဲ ပစ်လိုက်နိုင်တယ်လို့ ဒေါက်တာ Ro Dinga က ပြောပါတယ်။

“၂၀၁၆ စက်တင်ဘာလထဲမှာ သမ္မတ အိုဘားမားကနေ မြန်မာပြည်သား ၁၄,၀၀၀ ပေါ့နော်၊ ၂၀၁၆ အောက်တိုဘာ ၁ ရက်ကနေ ၂၀၁၇ စက်တင်ဘာ ၃၁ အတွင်း တနှစ်အတွင်း ၁၄,၀၀၀ လက်ခံဖို့ လက်မှတ်ထိုးပြီးသား ဖြစ်တယ်။ ဒါဟာ Congress (လွှတ်တော်) ကနေ အတည်ပြုပြီးတော့ အိုဘားမားက လက်မှတ်ထိုးပြီးသား ဖြစ်တယ်။ ဆိုတော့ အဲဒီ Process (အစီအစဉ်) အတိုင်း အခုအထိ၊ ဒီကနေ့အထိတော့ သွားနေတာ ဖြစ်တယ်။ တချို့ UNHCR ဌာနေရုံးတွေကနေ စိစစ်ပြီးတော့ နဲနဲ အခက်အခဲရှိတာ တချို့ကတော့ ရှိမယ်။ ဒါကတော့ UNHCR အပိုင်း။ အမေရိကန်အစိုးရရဲ့ ပေါ်လစီအရကတော့ သမ္မတ အိုဘားမား လက်မှတ်ထိုးတဲ့အတိုင်းပဲ ဆက်ပြီးတော့ သွားနေတာ ဖြစ်တယ်၊ ဒီကနေ့အထိတော့။ ဒါပေမယ့် ခုနက ပြောသလိုပဲ နောက် ၄ ရက်ဆိုရင် သမ္မတသစ် ပြောင်းမယ်၊ သူ့အနေနဲ့ သမ္မတ အသစ်ကနေ ပြောင်းလဲလို့ရတဲ့ အခြေအနေမှာလည်း ရှိတယ်။ ဆိုတော့ ဘယ်လိုဆက်လာမလဲဆိုတာတော့ ကျနော်တို့ စောင့်ကြည့်ရမှာ ဖြစ်တယ်။”

လုံခြုံရေးအရ စစ်ဆေးမှုတွေ ထပ်မံ ပြုလုပ်စရာရှိတယ်ဆိုတဲ့ အကြောင်းပြချက်နဲ့ ပဋိပက္ခတွေ ဖြစ်နေတဲ့ ဒေသတွေက ဒုက္ခသည်တွေ အမေရိကန်နိုင်ငံထဲ ၀င်ရောက်ခွင့် ပိတ်ပင်ထားလိမ့်မယ်လို့ ဒုက္ခသည်ရေးရာ ကျွမ်းကျင်သူတွေက ခန့်မှန်း ပြောဆိုနေကြပါတယ်။ အဲဒီလို ပိတ်ပင်လိုက်မယ်ဆိုရင်တော့ အမေရိကန်နိုင်ငံထဲ နှစ်စဉ် ၀င်ရောက်လာနေတဲ့ ဒုက္ခသည်တွေနဲ့ ရွေ့ပြောင်းနေထိုင်သူ ၄၀ ကနေ ၄၅% အထိ ထိခိုက်သွားနိုင်မယ်လို့ ဆိုပါတယ်။

 ကိုဇော်ဝင်းလှိုင်/ ဗွီအိုအေ (မြန်မာပိုင်း)
http://burmese.voanews.com




ရန်ကုန်၊ ဇန်န၀ါရီ ၁၇

၁၆.၁.၂၀၁၇ ရက်နေ့ ၂၃၀၀ အချိန်ခန့်တွင် ဒဂုံမြို့သစ်(မြောက်ပိုင်း)မြို့မရဲစခန်းမှ တပ်ဖွဲ့ဝင်များသည် ရပ်ရွာအခြေပြုအဖွဲ့များနှင့်အတူ ဒဂုံမြို့သစ် (မြောက်ပိုင်း)မြို့နယ်၊ ရာဇဓိရာဇ်လမ်းတွင် လှည့်ကင်းတာဝန် ဆောင်ရွက်နေစဉ် အမျိုးသားတစ်ဦးမှ အော်ဟစ်ဆဲဆိုနေသည်ကို ကြားသိရ၍ ထိန်းသိမ်းရန် သွားရောက်စဉ် ၎င်းအမျိုးသားမှာ ပြည်ထောင်စုလမ်းပေါ်ရှိ ဧရာဝတီဘဏ်အနီးတွင် စိုက်ထူထားသော YBS ခရီးသွားလမ်းညွှန်ဆိုင်းဘုတ်အား လက်ဖြင့်ဆွဲနုတ်တွန်းလှဲခဲ့ရာ အောက်ခြေတစ်ဘက် ကျွတ်ထွက်သွားပြီး ၆ လက်မခန့် ယိုင်လဲပျက်စီးသွားသည်ကို တွေ့ရှိရသဖြင့် ထိန်းသိမ်းစစ်မေးခဲ့ရာ ၎င်းမှာ ဒဂုံမြို့သစ်(အရှေ့)မြို့နယ်နေ ဇော်မင်းထွန်း(ခ)၀င်းဦး၊ (၄၁)နှစ် ဖြစ်ကြောင်း သိရှိရပါသည်။

ထိုသို့ ခရီးသွားပြည်သူများ လွယ်ကူစွာသွားလာနိုင်ရန်အတွက် စိုက်ထူထားသော ခရီးသွားလမ်းညွှန် ဆိုင်းဘုတ်အား ပျက်စီးအောင်ပြုလုပ်သူ ဇော်မင်းထွန်း(ခ)၀င်းဦးအား ဒဂုံမြို့သစ်(မြောက်ပိုင်း)မြို့မရဲစခန်း (ပ)၈၀ /၂၀၁၇ ၊ ၁၉၄၇ခုနှစ်၊ ပြည်သူပိုင်ပစ္စည်း ကာကွယ်ရေး အက်ဥပဒေ ပုဒ်မ ၆(၁)ဖြင့် အမှုဖွင့် အရေးယူဆောင်ရွက်ခဲ့ကြောင်း သိရှိရပါသည်။

ယင်းကဲ့သို့ YBS ယာဉ်လိုင်းများ ပြေးဆွဲဆောင်ရွက်နေမှုအပေါ် ခရီးသွားလမ်းညွှန်ဆိုင်းဘုတ်များအား မလျော်ကန်ဖျက်လိုဖျက်ဆီးပြုလုပ်ခဲ့သူများကို ရဲတပ်ဖွဲ့မှထိရောက်စွာ အရေးယူဆောင်ရွက်လျက်ရှိပါကြောင်း အသိပေးဖော်ပြအပ်ပါသည်။

Yangon Police
https://www.facebook.com/yangonpolice/




အမေရိကန်နိုင်ငံရွေးကောက်ခံသမ္မတ ဒေါ်နယ်ထရမ့်အားတွေ့ ရစဉ် (ဆင်ဟွာ)
   ဝါရှင်တန် ၊ ဇန်နဝါရီ ၁၆ ရက် (ဆင်ဟွာ)

    အမေရိကန်နိုင်ငံ၏ ရွေးကောက်ခံသမ္မတ ဒေါ်နယ်ထရမ့်က ဇန်နဝါရီလ ၂ဝ ရက်တွင် ပြုလုပ်မည့် သမ္မတတာဝန်ယူမှုအခမ်းအနား နှင့် ယင်းနှင့်ဆက်စပ်သော အခမ်းအနားများအတွက် စံချိန်တင်ပမာဏ အမေရိကန်ဒေါ်လာ သန်း ၉ဝ အသုံးပြုသွားမည်ဖြစ်ကြောင်း အမေရိကန်ပြည်တွင်း သတင်းဌာနများက ရေးသားဖော်ပြကြသည်။

ဒေါ်နယ်ထရမ့်၏ သမ္မတတာဝန်ယူမှုအခမ်းအနား ကျင်းပရေးကော်မတီက အသင်းအဖွဲ့ များထံမှ လှူဒါန်းငွေကို ဒေါ်လာ တစ်သန်း ကန့် သတ်ခဲ့ပြီး တစ်ဦးချင်းလှူဒါန်းမှုအတွက်မှာမူ ကန့် သတ်ချက်မရှိကြောင်း ဆိုထားသည်။ ၄င်းအမေရိကန်ဒေါ်လာ သန်း ၉ဝ သည် သမ္မတအိုဘားမား သမ္မတတာဝန်ယူမှုအခမ်းအနား နှစ်ကြိမ်ပြုလုပ်ခဲ့သော ငွေပမာဏထက်ပို၍ များပြားနေကြောင်း သိရသည်။

သမ္မတအိုဘားမား၏ သမ္မတတာဝန်ယူမှုအခမ်းအနား ကျင်းပရေးကော်မတီသည် အဆိုပါပွဲအတွက် ငွေပါဝင်လှူဒါန်းခြင်းကို ပမာဏ ကန့် သတ်ထားပြီး ၂ဝဝ၉ ခုနှစ်တွင် အမေရိကန်ဒေါ်လာ ၅၅ သန်း နှင့် ၂ဝ၁၃ ခုနှစ်တွင်အမေရိကန်ဒေါ်လာ ၄၃ သန်းသာ ကောက်ခံအသုံးပြုခဲ့ကြောင်း သိရသည်။

သို့ သော်ဒေါ်နယ်ထရမ့်က သမ္မတတာဝန်ယူမှုအခမ်းအနားအတွက်  အလှူငွေများပိုမိုထည့်ဝင်ကြရန် တိုက်တွန်းလှုံ့ ဆော်ထားပြီး ၄င်း၏ ကျင်းပရေးကော်မတီကလည်း ငွေကြေးပမာဏမည်မျှအသုံးပြုမည်ကို အသေးစိတ်ပြောကြားရန် ငြင်းဆိုထားရာ သမိုင်းတစ်လျှောက် အခြားအမေရိကန်သမ္မတများ၏ သမ္မတတာဝန်ယူမှုအခမ်းအနားထက် ငွေကြေးပမာဏ ပိုမိုအသုံးပြုသွားရန် ရှိနေသည်။

“ ဒီလောက်ငွေအများကြီးကို ဘယ်လို အသုံးပြုသွားဖို့ မလဲဆိုတာကို ကျွန်တော်စဉ်းစားလို့ မရဘူး။ ဘာအတွက် ထည့်ဝင်ငွေများများရဖို့ သူတို့ လုပ်နေကြတာလဲ”  ဟု ၂ဝ၁၃ ခုနှစ် သမ္မတအိုဘားမား၏ သမ္မတတာဝန်ယူမှုအခမ်းအနားကျင်းပရေးကော်မတီ အမှုဆောင်အရာရှိချုပ် Steve Kerrigan ၏ ပြောကြားချက်ကို ကိုးကား၍ AP က သတင်းဖော်ပြခဲ့သည်။

“ ဒီနိုင်ငံမှာ သမိုင်းဝင် သမ္မတတာဝန်ယူမှုအခမ်းအနား နှစ်ကြိမ် ကို စီစဉ်ပေးခဲ့ဖူးတယ်။ သူတို့ လောက်နီးနီး ကျွန်တော်တို့ ငွေမဖြုန်းခဲ့ဖူးဘူး” ဟု ၄င်းက ဖြည့်စွက်ပြောကြားခဲ့သည်။

ဒေါ်နယ်ထရမ့်သည် သမ္မတတာဝန် စတင်လက်ခံယူသည့်အခမ်းအနားကို သုံးပွဲ ကျင်းပသွားရန် ရှိသည်။ သမ္မတအိုဘားမားသည် ၄င်း၏ ပထမသက်တမ်းအတွက် သမ္မတအဖြစ်တာဝန်ယူမှုအခမ်းအနားကို ၁ဝ ပွဲ ပြုလုပ်ကျင်းပခဲ့ကြောင်း AP သတင်းအရ သိရသည်။

 (ဆင်ဟွာ)
http://www.xinhuamyanmar.com



အိန္ဒိယနိုင်ငံ တွင်ယခင်က ပြုလုပ်ခဲ့သည့် ဘာသာရေးပွဲတော်တစ်ခုအတွင်း လူအုပ်ပိမှုကြောင့် သေဆုံးသွားသူအချို့အားတွေ့ရစဉ် (ဆင်ဟွာ)
    နယူးဒေလီ၊ ဇန်နဝါရီ ၁၆ ရက် (ဆင်ဟွာ)

    အိန္ဒိယနိုင်ငံ အရှေ့ပိုင်း အနောက်ဘင်္ဂလားပြည်နယ်တွင် ဇန်နဝါရီ ၁၅ရက်ကပြုလုပ်ခဲ့သည့် အကြီးဆုံး ဘာသာရေးစုဝေးပွဲများအနက် တစ်ခုတွင် လူအုပ်ပိမှုဖြစ်ပွားခဲ့ရာ အနည်းဆုံး လူ၆ဦးသေဆုံးခဲ့ပြီး လူ ၁၀ဦးကျော် ဒဏ်ရာရရှိခဲ့ကြောင်း ရဲအရာရှိတစ်ဦးကပြောကြားခဲ့သည်။

ပြည်နယ်မြို့တော် ကိုလ်ကတ္တားမြို့ မှ ၁၂၉ကီလိုမီတာ အကွာ ဂင်္ဂါဆာဂါကျွန်းရှိ ဆိပ်ခံတံတားတစ်ခုတွင် ဂင်္ဂါမြစ်နှင့် ပင်လယ်ပေါင်းစုံရာနေရာ၌ ရေနှစ်ဆုတောင်းမှုများပြုလုပ်ခဲ့သော ဘုရားဖူးများသည် ပညာရှိ Kapil Muni၏ ကျောင်းတော်သို့ သွားရောက်ရန် ဖယ်ရီသင်္ဘောပေါ်သို့ အလုအယက်တက်ကြရာမှ အဆိုပါမတော်တဆမှုဖြစ်ပွားခဲ့ကြောင်း ရဲအရာရှိကပြောခဲ့သည်။

၎င်းက လူအုပ်ပိမှုကြောင့် လူ၆ဦးအခင်းဖြစ်ပွားရာ၌ပင်သေဆုံးခဲ့ပြီး ဒဏ်ရာရရှိသူများအား နီးစပ်ရာဆေးရုံသို့ အလျင်အမြန်ပို့ဆောင်ပေးခဲ့ကြောင်း နှင့် ဒဏ်ရာရရှိသူအချို့သည် အခြေအနေစိုးရိမ်ရ၍ သေဆုံးသူဦးရေတိုးလာနိုင်ကြောင်း ပြောကြားခဲ့သည်။

ပြည်တွင်း ရုပ်သံလိုင်းတစ်ခု၏ ဖြော်ပချက်အရ ပြည်နယ်အစိုးရသည် ၂၀၁၇ခုနှစ်အတွင်း အလားတူ ကိစ္စရပ်များမဖြစ်ပွားစေရန် အဆိုပါ ဧရိယာတစ်လျှောက်စောင့်ကြည့်ရန် ရဲတပ်ဖွဲ့ဝင် ၉,၀၀၀ကျော်၊ စောင့်ကြည့်ကင်မရာ ၁၆၅လုံး နှင့် မောင်းသူမဲ့လေယာဉ်တစ်စင်းတို့ကို ဖြန့်ကျက်ထားသည့်ကြားက ယင်းလူအုပ်ပိမှုဖြစ်ပွားခဲ့ခြင်းဖြစ်ကြောင်း သိရသည်။

ရဲအရာရှိက လူအုပ်ပိမှုအား စုံစမ်းစစ်ဆေးရန် ညွှန်ကြားချက်ရရှိထားကြောင်း၊ အကြီးတန်းရဲအရာရှိများ နှင့် ခရိုင်အုပ်ချုပ်ရေးမှူးများ အခင်းဖြစ်ပွားရာသို့ရောက်ရှိပြီး ကယ်ဆယ်ရေးလုပ်ငန်းများဆောင်ရွက်ရန် ညွှန်ကြားပေးခဲ့ကြောင်း နှင့် မတော်တဆမှုဖြစ်ပွားရခြင်း၏ တိကျသောအကြောင်းရင်းကို စောင့်ဆိုင်းနေကြောင်း ပြောကြားခဲ့သည်။

ယခုဖြစ်ပွားခဲ့သော ဂင်္ဂါဆာဂါကျွန်း၌ လူအုပ်ပိမှုသည် ပထမဆုံးအကြိမ်မဟုတ်ဘဲ ၂၀၁၄ခုနှစ်တွင်လည်း အဆိုပါကျွန်းတွင် အလားတူလူအုပ်ပိမှုကြောင့် ဘုရားဖူး ၇ဦးသေဆုံးပြီး အခြား ၂၀ဦး ဒဏ်ရာရရှိခဲ့ကြောင်း သိရသည်။

(Xinhua)
http://www.xinhuamyanmar.com

SAI7661-copy
Global Net က နေရာ ၂၀ မှာ အခမဲ့လွှင့်ပေးထားတာပါ။
ပြည်တွင်းဆက်သွယ်ရေး ကုမ္ပဏီတစ်ခုဖြစ်တဲ့ Global Net က ရန်ကုန် မြို့ထဲက နေရာ ၂၀ မှာ ဝိုင်ဖိုင်ကွန်ရက်ကို ပြည်သူတွေ အခမဲ့အသုံးပြုနိုင်ဖို့ ဇန်နဝါရီ ၁၁ ရက်က ထုတ်လွှင့်ခဲ့တယ်လို့ ကြေညာခဲ့ပါတယ်။

5BB အမည်နဲ့ အခမဲ့ဝိုင်ဖိုင်ကွန်ရက်ကို ရွှေတိဂုံစေတီ၊ ဆေးတက္ကသိုလ် ၁၊ နိုင်ငံခြားဘာ သာတက္ကသိုလ်၊ အပြည်ပြည်ဆိုင်ရာ လေဆိပ်၊ ဘူတာကြီး၊ ဗိုလ်ချုပ်ဈေး၊ ကရဝိက်ဥယျာဉ်၊ တပ်မ တော်ခန်းမ၊ Ya Kon(လေဆိပ်)၊ LOTTERIA (ပုလဲကွန်ဒို)၊ LOTTERIA (၆ မိုင်ခွဲ)၊ LOTTERIA (တရုတ်တန်း)၊ EATFINITY Restaurant ၊ ရွှေကောင်း(ဗဟန်း)၊DIY၊ O-Shabu၊ Harmony (လှိုင်တက္ကသိုလ်)၊ Cafe Milano၊ LA Bar နဲ့ 7th Joint Bar & Grill စတဲ့နေရာတွေမှာ လွှင့်ပေးခဲ့တာဖြစ်ပါတယ်။

ဒီလိုအခမဲ့ဝိုင်ဖိုင်ကွန်ရက်လွှင့်တင်ပေးတာကို ရန်ကုန်နဲ့ မန္တလေးမြို့တွေမှာ ထပ်မံတိုးချဲ့တပ်ဆင်ပေးဖို့ ဆွေးနွေးတာတွေ ပြုလုပ်နေပြီး နှစ်လအတွင်း တည်နေရာ ၅၀ ကို အခမဲ့ဝိုင်ဖိုင်ကွန်ရက် တပ်ဆင်ပေးနိုင်ဖို့ လုပ်ဆောင်နေတယ်လို့ Global Net စီအီးအို ကိုသိန်းသန်းတိုးက ပြောသည်။

‘‘ဆက်သွယ်ရေးလိုင်စင်ရပြီးတဲ့နောက် ပထမဦးဆုံးမိတ်ဆက်တဲ့ Brand လည်း ဖြစ်ပါတယ်။ စီးပွားရေးအကျိုးအမြတ်အတွက် လုပ်ထားတာမဟုတ်တဲ့အတွက် ရေရှည်ရပ်တည်ဖို့အတွက်လည်း ကျွန်တော်တို့နည်းလမ်းရှာရမှာပါ”လို့ ဦးသိန်းသန်းတိုးက ပြောပါတယ်။

5BB အခမဲ့ဝန်ဆောင်မှုကို အမြန်နှုန်း 512 kbps ကနေ 1MB အထိအသုံးပြုဖို့ ထုတ်လွှင့်ပေးထားပြီး တစ်ဦးတစ်ယောက်တည်း အချိန်ကြာမြင့်စွာ ဝင်ရောက်အသုံး ပြုနေတာကို ကာကွယ်ဖို့ မိနစ် ၃၀ ကို တစ်ကြိမ် ပြန်လည်ဝင်ရောက်ရမှာဖြစ်တယ်လို့ သိရပါတယ်။

Source : 7DayDaily
Photos : 7DayDaily,Seth Coleman
Credit: Duwun
link: http://www.duwun.com.mm/news/local/-id6042838.html

ဆူးလေးဘုရားအနီးက YBS ကားလိုင်းသစ်စီးမည့် ခရီးသွားများ
ဆူးလေးဘုရားအနီးက YBS ကားလိုင်းသစ်စီးမည့် ခရီးသွားများ
ရန်ကုန်တိုင်းအစိုးရက ဒီကနေ့မှာ စတင်လိုက်တဲ့ YBS ဘတ်စ်ကားပြေးဆွဲရေး စနစ် သစ်ဟာ ကြိုတင်ပြင်ဆင်မှု အားနည်းတာကြောင့် ပြည်သူ တွေ အခက်ကြုံရတဲ့ အသံတွေကြားနေရပေမယ့် အချိန်နဲ့တပြေးညီ ပြုပြင်ပြောင်းလဲ သွားမယ်ဆိုရင် ပြည်သူတွေအတွက် ကောင်းမွန်တဲ့ ယာဉ်ပြေးဆွဲရေး စနစ်တခု ဖြစ်လာနိုင်တယ်လို့ ရန်ကုန်တိုင်းလွှတ်တော်အမတ်တချို့နဲ့ စီမံခန့်ခွဲရေးလေ့လာ သူတွေက ပြောဆိုကြပါတယ်။ ဆက်သွယ် မေးမြန်းထားတဲ့ ကိုဉာဏ်ဝင်းအောင်က တင်ပြပါမယ်။

YBS ဘတ်စ်ကားပြေးဆွဲရေးစနစ်သစ် စတင်လိုက်တဲ့နေ့မှာပဲ ခရီးသည်တွေဟာ သူတို့သွားလိုတဲ့နေရာကို အရောက်သွားနိုင်ဖို့ အခက်ကြုံ ရသလို၊ ခရီးစာရိတ် ပိုကုန်ကျတယ်ဆိုတဲ့ ညီးတွားသံတွေကိုလည်း လူမှုမီဒီယာတွေမှာ ကြားရပါတယ်။

ရန်ကုန်မြို့ခံပြည်သူတွေ မနှစ်မြို့တဲ့ မထသ ဘတ်စ်ကားစနစ်ကို ဖျက်သိမ်းပြီး အခုအသစ်ပြေးဆွဲတဲ့ YBS စနစ်ဟာ စမ်းသပ်စနစ်သစ်တခု ဖြစ်ပါတယ်။ စမ်းသပ် စနစ်ကို အကောင်အထည်ဖေါ်တဲ့အခါ ပြည်သူတွေ အဆင်ပြေစေဖို့ဆိုရင် မြို့နယ် တချို့မှာ အစမ်းသဘော ပြေးဆွဲ ကြည့်ပြီး အကျိုးအပြစ်ရလဒ်တွေကို အပြန်အလှန် လေ့လာသုံးသပ်ပြီးမှ ရန်ကုန်မြို့ကြီး တခုလုံးကို ပြေးဆွဲတာမျိုး စီစဉ်ပေးသင့်တယ်လို့ ရန်ကုန်တိုင်း လွှတ်တော်ကိုယ်စားလှယ် ဒေါ်စန္ဒာမင်း က ပြောပါတယ်။

“ လူတွေ မကြိုက်တော့တဲ့အတွက် မထသစနစ်ကိုဖြုတ်ဖို့ ရန်ကုန်တိုင်းဒေသကြီး အစိုးရက စီစဉ်တာဖြစ်တယ်။ ဒါပေမယ့် ဒီလိုစီစဉ်တဲ့အခါမှာ ကျမတို့ဒီ ခရိုင် ၄ခု စလုံးကို ဘတ်စ်ကားလိုင်းတွေ အများကြီးနဲ့ ပြေးဆွဲနေတာဖြစ်တယ်။ အဲဒီတော့ ကျမရဲ့ဆန္ဒအရဆိုရင်တော့ pilot project အနေနဲ့ ခရိုင်တခုကို စပြီးလုပ်စေ ချင်တယ်။ ပြီးရင် ကျောင်းသားတွေအတွက် ကျောင်းသားတွေ အနေနဲ့ ကွေ့ပတ် မစီးရပဲနဲ့ သူတို့တက္ကသိုလ် တွေကို တိုက်ရိုက်ရောက်တဲ့ လိုင်းတွေကို အရင် စီစဉ်ပေးလိုက်၊ အဲလိုစီစဉ်ပေးထားတယ်ဆိုရင် ကုန်ကျစရိတ်နည်းမယ်။ အခု လူထုတွေ အော်နေတာက လိုင်းတွေ ရှုပ်ထွေးတယ် နားမလည်ဘူး၊ နောက်တခုက ကုန်ကျစားရိတ်က အခါတိုင်း ၂၀၀ တန်လိုင်းကို အခု ၆၀၀ လောက် တနေ့ကို ကုန်တာဖြစ်တယ်လို့ ပြောကြတယ် ”

လူတွေ စိတ်ပျက်နေတဲ့ မထသစနစ် ဖျက်သိမ်းတာကို ကြိုဆိုပေမယ့်၊ YBS ဘတ်စ်ကားပြေး ဆွဲရေးစနစ်သစ်ဟာ ကြိုတင်ပြင်ဆင်မှု လေ့လာ ဆန်းစစ်မှုတွေ အားနည်းခဲ့တာ သတိထားမိတယ်လို့ ရန်ကုန်နိုင်ငံရေးသိပ္ပံကျောင်း YSPS တာဝန်ခံ ဦးမြတ်သူက သုံးသပ်ပါတယ်။

“ ဒီ မထသ-စနစ်က အင်မတန်မှ ဆိုးရွားတဲ့စနစ်ပေါ့၊ ဒါကို ပြုပြင်ဖို့ကျိုးစားတာ ကိုတော့ ကျနော်တို့ အသိအမှတ်ပြုပါတယ်။ သို့သော် သုတေသန လုပ်ထားတာ၊ ကျယ်ကျယ်ပြန့်ပြန့် တိုင်ပင်တာမျိုး မရှိပဲနဲ့ သူတို့ဒီဟာတွေကို ဗော်လန်တီယာတွေ နဲ့ ဖြေရှင်းမယ် ဆိုပြီးတော့ မီဒီယာအား သုံးပြီးတော့လုပ်တယ်။ သို့သော် ဗော်လန် တီယာ ၈၀၀ ဆိုတာ ရန်ကုန်တမြို့လုံးမှာ ဘာမှမဟုတ်ဘူး။ နောက်ပြီးတော့ တခုခု ဖြစ်လာရင် ဒါကိုပြန်ကိုင်တွယ်ဖို့အတွက် စီမံထားတဲ့ဟာတွေ ဘာမှ မတွေ့ရဘူး။ ကားအရေအတွက် ပိုလွှတ်ဖို့လိုမလား အဲဒါဆိုရင် ကား အရေအတွက် နောက်နေ့တွေမှာ ပိုလွှတ်နိုင်အောင် ဘယ်လိုလုပ်မလဲ ၊ ဒီလို မြန်မြန်ဆန်ဆန် respond လုပ်လာနိုင်ရင်တော့ အတိုင်းအတာ တခုထိတော့ ပြေလည်ကောင်း ပြေလည်သွားနိုင်တာပေါ့လေ ”

တကယ်တော့ ရန်ကုန်တိုင်း အစိုးရဟာ ပြည်သူလူထုအတွက် ကောင်းမွန်တဲ့ စနစ်သစ် တခု ဖြစ်လာအောင် စီစဉ်နေတာသာ ဖြစ်တယ်လို့ ရန်ကုန်တိုင်း လွှတ်တော်ကိုယ်စားလှယ် ဒေါ်စန္ဒာမင်းက ပြောပါတယ်။

“ ရန်ကုန်တိုင်းဒေသကြီး အစိုးရအနေနဲ့ ပြည်သူလူထု မကြိုက်တဲ့ မထသကို ဖြုတ်ပေး ရတာပါ။ နောင်တချိန်မှာ ပြည်သူလူထုအတွက် သက်တောင့် သက်သာဖြစ်စေမယ့် အများကြိုက်နှစ်သက်မယ့် ဘတ်စ်ကားလိုင်းတွေ ဖြစ်ပေါ်လာဖို့ အခုထဲက ပြောင်းလဲရတာ ဖြစ်တဲ့အတွက် ဟို စစချင်းဖြစ်တဲ့အတွက် အခက်အခဲ တော့တွေ့နိုင်တယ် ”

YBS စနစ်သစ်နဲ့ စတင်ပြေးဆွဲချိန်မှာ ခရီးသွားတွေကို စေတနာ့ဝန်ထမ်းကူညီသူ ရန်ကုန်တမြို့လုံး ရာနဲ့ချီရှိခဲ့ပေမယ့် တကယ်တမ်းမှာ ဒီထက်မက ရှိဖို့လိုတယ်လို့ သုံးသပ်သူတွေရှိပါတယ်။ အထူးသဖြင့် ယာဉ်ကြောပိတ်ဆို့မှု အကြီးမားဆုံး ဖြစ်နေ တဲ့ ရန်ကုန်သိမ်ကြီးဈေး မီးပွိုင့် လိုနေရာမျိုးကို ဖြေရှင်းဖို့လိုတယ်လို့ ဦးမြတ်သူ က ထောက်ပြပါတယ်။

“ အခု ရန်ကုန်မြို့ထဲမှာဆိုရင် မြို့ထဲလမ်းကြပ်တာရဲ့ အဓိက အကျဆုံးအချက်က သိမ်ကြီးဈေး မီးပွိုင့်မှာဖြစ်နေတာ။ အဲဒါ အဲဒီသိမ်ကြီးဈေး မီးပွိုင့်ကို ဘယ်လိုပြေလျှော့အောင် လုပ်မလဲဆိုတာက- ယာဉ်ထိန်းရဲလိုမယ်။ ပြီးရင် သူ့ဘေးကပ်လျှက် ဝင်းတွေမှာ အထပ်မြင့် ကားရပ်နားစခန်းလိုဟာမျိုး ဖွင့်ပြီး၊ သိမ်ကြီးဈေးကားတွေကို ရှင်းဖို့ကြိုးစားမယ်၊ ဘက်ပေါင်းစုံကနေ ချည်းကပ်တဲ့ ပုံစံမျိုးနဲ့သွားမှ။ နောက် ယာဉ်ထိန်းရဲကလည်း အဲဒီနေရာမှာ အဆက်မပြတ် ဒီ ယာဉ်ကြောတွေကို ရှင်းပေးမှရမယ် ”

အခုကာလဟာ ရန်ကုန်တိုင်းဒေသကြီး လွှတ်တော် တစ်လတာရပ်နားထားတဲ့ ကာလဖြစ်ပြီး လွှတ်တော်ပြန်စတဲ့အခါ ဒီ YBS စနစ်သစ်ပြဿနာ ကို သုံးသပ်ဆွေးနွေး သွားဖို့ရှိတယ်လို့ ရန်ကုန်တိုင်း လွှတ်တော်ကိုယ်စားလှယ်တွေက ပြောပါတယ်။
VOA Burmese News


တောင်ကိုရီးယားနိုင်ငံ ဆမ်ဆန်း ကုမ္ပဏီရဲ့ အရိုက်အရာ ဆက်ခံမယ့် လီဂျေယွန်ကို လာဘ်ပေးလာဘ်ယူလုပ်မှုအပါအဝင် အဂတိလိုက်စားမှုတွေနဲ့ ဖမ်းဝရမ်းထုတ်ဖို့ အထူးအစိုးရအမှုလိုက်ရှေ့နေကဆောင်ရွက်နေပါပြီ။

တောင်ကိုရီးယားနိုင်ငံမှ ဆမ်ဆန်း ကုမ္ပဏီဟာ သမ္မတ Park Geung hye ရဲ့ ရင်းနှီးတဲ့မိတ်ဆွေ Choi Soon Sil ထူထောင်ထားတဲ့ ဖေါင်ဒေးရှင်းတွေကို အစိုးရထံက အခွင့်အရေးရဖို့ မျှော်ကိုးပြီး လှူဒါန်းခဲ့တယ်လို့ စွပ်စွဲ ထားပါတယ်။

ကုမ္ပဏီ ဘက်ကတော့ အခုလိုဖမ်းဝရမ်းထုတ်မှာကို နားမလည် နိုင်တော့ဘူးလို့ ဆိုပါတယ်။ အခုအခါ ဆိုလ်းခရိုင်ဗဟိုတရားရုံးကနေ ဝရမ်းထုတ်ဖို့ဆုံးဖြတ်ရမယ့်အဆင့်ရောက်နေပါပြီ။ တကယ်လို့ ဖမ်းမယ်ဆိုရင် မစ္စတာလီဟာ လက်ရှိဖြစ်နေတဲ့ အရှုပ်တော်ပုံနဲ့ ပတ်သက်လို့ ပထမဆုံး အဖမ်းခံရတဲ့ စီးပွားရေး အကြီးအကဲဖြစ်လာမှာပါ။

မစ္စတာလီက ဆမ်ဆန်းအီလက်ထရောနစ်ရဲ့ ဒုတိယဥက္ကဋ္ဌ တာဝန်ယူ ထားပါတယ်။ ဒါပေမယ့် ၂၀၁၄ ခုတုန်းက ဖခင်ဖြစ်သူ ကုမ္ပဏီပိုင်ရှင် လီကွန်ဟီ နှလုံးရောဂါဒဏ် ဖိစီးခံရပြီး ဆမ်ဆန်းရဲ့ လက်တွေ့ တာဝန်ယူ ထားရတဲ့သူ ဖြစ်ပါတယ်။ သူ့ကို ဆိုးလ်က အစိုးရရှေ့နေရုံး မှာ ပြီးခဲ့တဲ့အပတ်က နာရီ ၂၀ ကျော် မသင်္ကာသူ အဖြစ် ခေါ်ယူ စစ်ဆေးခံရပါတယ်။

ဆန်ဆမ်းဟာ တောင်ကိုရီးယားမှာ အလွန်နာမည်ကြီးတဲ့ ကုမ္ပဏီကြီး တခုဖြစ်ပြီး သူ့ရဲ့ အရောင်းအင်အားဟာ တိုင်းပြည် ဂျီဒီပီအသားတင် ထုတ်လုပ်မှုရဲ့ ငါးပုံတပုံ လောက် ရှိပါတယ်။ အစိုးရရှေ့နေရုံးက ပြောခွင့်ရပုဂ္ဂိုလ်ကတော့ အခုလို ဖမ်းဆီးလုပ်ရတာဟာ ဆန်ဆမ်းအတွက် ထိခိုက်မှု ဖြစ်နိုင်ပေမယ့် တိုင်းပြည်စီးပွားရေး အခြေအနေက အရေးကြီးသလို တရားဥပဒေ စိုးမိုးရေးကို ပိုဦးစားပေးရမယ်လို့ ပြောပါတယ်။

အခုလို ဖမ်းဆီးမယ့်အပေါ် လူထုကြားမှာလည်းအမြင်အမျိုးမျိုး ဖြစ်ပေါ်နေပါတယ်။ ဟန်ဂျွန်းဆူ ဆိုသူကတော့ စီးပွားရေး ပြန်ကောင်းအောင်လုပ်လို့အကျိုးအမြတ်တွေရှိပါတယ်။ အခုတော့ မိသားစုစီးပွားရေးတွေကို တရားဥပဒေနဲ့ ပိုထိထိမိမိကိုင်တွယ်လို့ အားရမိတယ် လို့ဆိုပါတယ်။

နောက်တယောက်ကတော့ ဆမ်ဆန်းအကြီးအကဲကို ဖမ်းမှာကို ဆန့်ကျင်ပါတယ်။ တိုင်းပြည်ကို ကိုယ်စားပြုနေတဲ့လုပ်ငန်းကြီး ပျက်စီးသွားရင် ပြည်သူတွေ အခက်အခဲဖြစ်နိုင်တယ်။ ဒါကြောင့် ကုမ္ပဏီကို မထိခိုက်အောင်လုပ်ဖို့ရော ဥပဒေကြောင်းအရရောသူ့ကိုမဖမ်းသင့်ဘူးလို့ ပြောပါတယ်။

အခုအစိုးရက စွဲချက်တင်ဖို့ လုပ်နေတဲ့အထဲမှာ နိုင်ငံရေးအရ သြဇာလွှမ်းမိုးနိုင်အောင် မစ္စချွိုင်း ကိုလာဘ်ထိုးဖို့ ဆုံးဖြတ်ချက်ချခဲ့တယ်။ အများပိုင်ငွေကို လာဘ်ထိုးဖို့ အလွဲသုံးစားလုပ်တယ်။ ပါလီမန်ထွက်ဆိုချက်မှာ ဘာအကျိုးအမြတ်ကိုမှ မမျှော်လင့်ဘဲ အလှူငွေထည့်ဝင်တယ်လို့ မမှန်မကန်ထွက်ဆိုမှုတွေနဲ့ စွပ်စွဲတာဖြစ်ပါတယ်။

အခုဆမ်ဆန်းရဲ့ ဆောက်လုပ်ရေး ကုမ္ပဏီ ဆမ်ဆန်းစီအင်တီနဲ့ ချေးစက်မှုလုပ်ငန်းတို့ ပူးပေါင်းလိုက်တဲ့ အငြင်းပွားစရာ ကိစ္စမှာ ဆမ်ဆန်းက အဓိကပါနေပါတယ်။

မစ္စချွိုင်းနဲ့သူ့သမီးတို့ ပိုင်တဲ့ ကုမ္ပဏီကို အကျိုးအမြတ်ရဖို့ ပိုက်ဆံထည့်တာလို့ အမှုလိုက်ရှေ့နေတွေ စွပ်စွဲပါတယ်။ ဒီဇင်ဘာလ ပါလီမန် ကြားနာမှုမှာ ဆန်ဆမ်းက ဖေါင်ဒေးရှင်း၂ ခုကို အမေရိကန်ဒေါ်လာ ၁၈ သန်း နီးပါး ပေးခဲ့ပြီး ဒါဟာ ဘာအကျိုးအမြတ်ကိုမှ တောင်းခံတာမရှိဘူးလို့ ထွက်ချက်ပေးပါတယ်။

အဲဒီထွက်ချက်ထဲမှာပဲ မစ္စချွိုင်းရဲ့ သမီးဖြစ်သူ မြင်းအလှစီးတဲ့ အလုပ်အတွက် အကူအညီပေးပြီး ဒေါ်လာ ၉ သိန်း လောက်တန်တဲ့ မြင်းဝယ်ပေးခဲ့တာကို မစ္စတာလီ အနေနဲ့ နောင်တရမိကြောင်း ထွက်ချက်ပေးခဲ့ပါတယ်။အခုလို ကမ္ဘာ့အကြီးဆုံး အီလက်ထရောနစ် ကုမ္ပဏီ အကြီးအကဲကို ဖမ်းဆီးလိုက်မယ်ဆိုရင်တော့ တလောက မိုဘိုင်းဖုန်းတွေ ချာဂျင်သွင်းရာမှာ မီးထလောင်လို့ ပြန်ရုတ်သိမ်းရတဲ့ပြဿနာထက် ပိုဆိုးနိုင်တယ်လို့ ဘီဘီစီ သတင်းထောက်ကယ်ဗင်းကင်း က သုံးသပ်သွားပါတယ်။

BBC Burmese
http://www.bbc.com/burmese



မှတ်တိုင် တိုင်းလိုလိုမှာ ခရီးသည်တွေကို စေတနာဝန်ထမ်းအဖွဲ့တွေက ကူညီပေးနေ
မော်တော်ယာဉ် လိုင်းပေါင်းစုံ ကြီးကြပ် ထိန်းသိမ်းရေး ဗဟို ကော်မတီ မထသ ကိုဖျက်သိမ်းပြီး ရန်ကုန် အများပိုင်ယာဉ်လိုင်း စနစ် YBS ဇန်နဝါရီလ ၁၆ ရက်နေ့က စတင်ပြေးဆွဲရာမှာ ယာဉ်လိုင်း မလုံလောက်မှုနဲ့ ယာဉ်စီးရေ မလုံလောက်တဲ့ ပြဿနာ တွေကို ခရီးသည်တွေ ကြုံတွေ့ ခဲ့ကြရ ပါတယ်။

အရင် စနစ်ထက် ပိုအဆင်ပြေတယ်လို့ ပြောသူ တွေလည်း ရှိပါတယ်။

တချို့ ခရီးသည်တွေ ကတော့ ကားတွေ စောင့်ရတာ သိပ်မကြာပေမဲ့ အရင်က တစ်ဆင့်တည်း ရောက်တဲ့ ခရီးကို အခု နှစ်ဆင့်စီးမှ ရောက်တယ်၊ ဒါပေမဲ့ အချိန်တော့ ပိုမြန်လာတယ်လို့ ပြောကြ ပါတယ်။

စနစ်သစ် ဆိုပေမဲ့ ကားတွေ ကတော့ မထသ လိုင်းက ကားတွေ အများစုကို YBS တံဆိပ် ပြောင်းလဲ တပ်ဆင်ပြီး ပြေးဆွဲကြတာ ဖြစ်ပါတယ်။

ကားတွေထဲမှာ ခရီးသည်တွေ အပြည့်ဖြစ်နေလို့ နောက်ထပ် လူမတင်နိုင် တော့တဲ့ အတွက် တချို့ ကားမှတ်တိုင် တွေမှာ ခရီးသည်တွေ ထပ်တင်ဖို့ မရပ်နိုင် တော့တာ တွေ့ရတယ်လို့ ကိုယ်တိုင် ဘတ်စ်ကား ပေါ်လိုက်ပါပြီး သတင်း ရယူခဲ့တဲ့ ဘီဘီစီ သတင်းထောက်က ပြောပါတယ်။

မှတ်တိုင် တိုင်းလိုလိုမှာ ခရီးသည်တွေကို စေတနာ့ ဝန်ထမ်းအဖွဲ့တွေက ကူညီပေးနေတာ တွေ့ရတယ်လို့လည်း ဘီဘီစီ သတင်းထောက်က ပြော ပါတယ်။

မြို့နယ် ပေါင်းစုံမှာ လုပ်အားပေး နေကြသူတွေက လတ်တလော ပြဿနာ တွေကို သက်ဆိုင်ရာ တာဝန်ရှိသူ တွေနဲ့ ချိတ်ဆက် ဖြေရှင်း ပေးနေကြ ပါတယ်။

အဓိက အားနည်းချက်က ပြည်သူတွေကို ကြိုတင် အချိန်ယူပြီး အသိပညာ ပေးမှု မရှိခဲ့တာ ပဲ ဖြစ်တယ်လို့ ကူညီပေးနေသူတွေ ထဲမှာ ပါတဲ့ တက္ကသိုလ် ကျောင်းသားများ သမဂ္ဂ တကသ အဖွဲ့က ကိုဇေယျာလွင်က ပြောပါတယ်။

အသစ် ပြောင်းလိုက်တဲ့ ကားလိုင်း ၇၀ မှာ ခရီးသည် တွေက ဘယ်ကို သွားဖို့ ဘာကား စီးရမှန်း မသိ ဖြစ်နေကြတယ်လို့ သူ ကပြောပါတယ်။

ရုံးတက်ချိန် ကျော်သွားတဲ့ နေ့လယ်ပိုင်းမှာ ယာဉ်ကြော ပိတ်ဆို့မှုတွေ လျော့ပါးသွားတယ်လို့ အငှားကား သမား တချို့က ဆိုပါတယ်။

ရန်ကုန်တိုင်း ဝန်ကြီးချုပ် ဦးဖြိုးမင်းသိန်း ကတော့ ပထမနေ့မှာ ကြုံရတဲ့ အခက်အခဲတွေကို ကြည့်ပြီး နောက်ပိုင်း ပိုအဆင်ပြေလာအောင် လုပ်ပေး မယ်လို့ ပြောပါတယ်။

အထူးသဖြင့် ဘတ်စ်ကား အသုံးပြုသူ များပြားတဲ့ လှိုင်သာယာ၊ သခင်မြ ပန်းခြံနဲ့ စံပြဈေးလို နေရာတွေမှာ အခက်အခဲတွေ ရှိတာ တွေ့ရတယ်လို့ ဘီဘီစီ သတင်းထောက်က ပြောပါတယ်။

BBC Burmese
http://www.bbc.com/burmese

ဘတ်စ်ကားလိုင်းတွေအဆင်ပြေဖို့ တစ်ပတ်လောက်အချိန်ယူရမယ်။
ရန်ကုန်တိုင်းဝန်ကြီးချုပ် ဦးဖြိုးမင်းသိန်း
ဓါတ်ပုံ- မောင်သိန်း(ဒဿနိက)

ညအထိကားတွေ ပြေးနေရတော့ ကားတွေက စတေကာ မကပ်ရသေဘူး ဖြစ်နေတယ်။ မနက်ကျတော့မှ ကပ်နေရလို့ ကျနော်တို့ သတ်မှတ်ထားတဲ့ အချိန်မှီ မထွက်နိုင်ဘူး ဖြစ်သွားတယ်။

အခု ပြု ပြင်ပြောင်းလဲနေတဲ့ အချိန်မှာတော့ ပထမအဆင့် အနေနဲ့ ဒီကနေ့ မနက်ပိုင်းမှာ ဝိုင်းဝန်းဆောင်ရွက်ပေးမှုတွေနဲ့ အဆင်တော့ချောနေတယ်။
ဒီအခြေအနေဟာ တစ်ပတ်လောက်တော့ အသစ်ကို လက်ခံနိုင်
အောင်ပေါ့ဗျာ ကျနော်တို့ စုပေါင်းဆောင်ရွက်မှုကို လက်ခံအောင်ပေါ့။

ဝန်ထမ်းတွေကတော့ YRTA ဝန်ထမ်း ဆက်ဖြစ်နေမှာပဲ။ မလုပ်ချင်ဘူးဆိုရင်တော့ ဝန်ထမ်းစည်းမျဉ်း စည်းကမ်း ဥပဒေ နဲ့ အညီဆောင်ရွက် ပေးလိုက်မယ်။ ဆက်လုပ်ချင်တယ်ဆိုရင် ကျနော်တို့က ဒီထက်မက
ဝန်ထမ်းတွေ လိုတယ်။ ဝန်ထမ်းအားလုံးကို ကျနော် တို့ တာဝန်ယူမယ် ပြောပြီးသား မလုပ်ချင်တဲ့ ဝန်ထမ်းက ကုမ္ပဏီတွေကို လိုက်သွားချင်ရင် ကျနော်တို့က ထည့် လိုက်မှာပဲ။

ရိုက်ကူး - မောင်သိန်း(ဒဿနိက)
၁၆.၁.၂၀၁၇




iPhone ရဲ့ ၁၀ နှစ်ပြည့်အထိမ်းအမှတ်အနေနဲ့ စက်တင်ဘာလမှာထွက်ရှိလာမယ့် iPhone 8 မှာ iPhone 7 ထက် ရေစိုခံနိုင်မှုအဆင့် ပိုမိုမြင့်တက်လာတော့မှာကြောင်း The Korea Herald က ဖော်ပြခဲ့ပါတယ်။

IP67 နဲ့ တူသလောက်နီးနီးဆိုပေမယ့်လည်း IP68 မှာတော့ ရေအောက် ၁.၅ မီတာ(၄.၉၂ ပေ) မှာ မိနစ်၃၀ ကျော်တဲ့အထိထားလို့ရနိုင်မှာဖြစ်ပါတယ်။ အကွာအဝေးက သိပ်မကွာခြားပါဘူးလို့ ထင်ရပေမယ့်လည်း သင့်ရဲ့ iPhone 7 သာ IP67 ရထားတဲ့ ၁မီတာထက်ပိုနက်တဲ့ရေထဲကို ကျသွားပြီး သုံးမရတော့ဘူးဆိုရင် IP68 အဆင့်ရဲ့ အရေးပါမှုကို တော်တော်ကျေနပ်မယ်လို့ ထင်ပါတယ်။
လက်ရှိဈေးကွက်ထဲမှာတော့ IP68 အဆင့်ရှိတဲ့ တစ်ခုတည်းသောစမတ်ဖုန်းတစ်မျိုးကတော့ Samsung ရဲ့ flagship ဖုန်းတစ်လုံးဖြစ်တဲ့ Galaxy S7 ပါပဲ။

Samsung ဟာ လာမယ့်လတွေအတွင်းမှာပဲ ပိုပြီးရေစိုခံနိုင်တဲ့စမတ်ဖုန်းတွေထုတ်လုပ်ဖို့ မျှော်မှန်းထား Galaxy S8 ထွက်ဖို့မှန်းထားတဲ့အချိန်နဲ့ တူတူလောက်ပါပဲ။ ဒီနှစ်နောက်ပိုင်းလောက်မှာ ကြေညာမယ့် iPhone 8 ဟာလည်း နောက်ဆုံးပေါ်နည်းပညာယှဉ်ပြိုင်မှုများစွာ ပါဝင်လာမယ့် ဖုန်းတစ်လုံးဖြစ်ပါတယ်။

Apple ရဲ့ iPhone တွေဟာ ရေစိုခံမှုကိုတရားဝင်ကြေညာမထားခဲ့ပေမယ့် iPhone 6s ကတည်းက ရေစိုခံနိုင်ခဲ့တာဖြစ်ပါတယ်။ ရေစိုခံနိုင်မှုကို တရားဝင်မကြေညာခဲ့ပေမယ့်လို့ iPhone ရဲ့ကိုယ်ထည်အစွန်းတွေနဲ့ အတွင်းပိုင်းပတ်လည်မှာလည်း ကြားခံအကာတွေပါဝင်နေတဲ့ Apple ရဲ့ ဒီဇိုင်းအသစ်ကြောင့် ရေထဲမှာကြာကြာကျသွားရင်တောင် ကိစ္စသိပ်မရှိတော့တာကို တွေ့ခဲ့ကြပါတယ်။
ရေစို ဖုန်ဝင် ခံနိုင်မှုကို တရားဝင်ကြေညာခဲ့တာကတော့ iPhone 7 ကနေ စကြေညာခဲ့တာဖြစ်ပြီး iPhone 8 ဆိုရင်တော့ ပိုပြီးတော့တောင် စိတ်ချရမှာဖြစ်ပါတယ်။

Nwe Oo Thant (MMAS)


ရန်ကုန်၊ ဇန်န၀ါရီ ၁၆ – မော်တော်ယာဉ်လိုင်းပေါင်းစုံထိန်းသိမ်းရေးကော်မတီ မထသ ရုံးကိုဖျက်သိမ်းလိုက် တဲ့အတွက် အရင် ရုံးဟောင်းမှာ တာဝန်ထမ်းဆောင်နေတဲ့ ဝန်ထမ်းတွေကို အသစ်ဖွင့်လှစ်လိုက်တဲ့ သယ်ယူပို့ ဆောင်ရေးကြီးကြပ်ကွပ်ကဲမှုအာဏာပိုင်ရုံး(YRTA) မှာ ဆက်လက်လုပ်ကိုင်စေမယ်လို့ သည်ကနေ့ ပြုလုပ်တဲ့ YRTA ဖွင့်ပွဲအခမ်းအနားမှာ ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောပါတယ်။

“ဝန်ထမ်းတွေက YRTA ဝန်ထမ်းတွေဆက်ဖြစ်မှာပဲ မလုပ်ချင်တဲ့ဝန်ထမ်းတွေကိုလည်း ဝန်ထမ်းစည်းမျဉ်းစည်းကမ်းများနဲ့အညီ ဆောင်ရွက်ပေးသွားမှာပဲ။တစ်ချို့ကဒီမှာပဲဆက်ရှိနေမယ်။ တစ်ချို့ကကုပ္မဏီဘက်ပါသွားမယ်။”လို့ဝန်ကြီးချုပ်ဦးဖြိုိးမင်းသိန်းကပြောပါတယ်။

သူကဆက်ပြီး“System ပြောင်းသွားတဲ့အတွက် အရင်ရာထူးတွေတော့ ဟုတ်ချင်မှာဟုတ်မယ်။ လစာတိုးဖို့အတွက်လည်း အစီအစဉ်မရှိသေးပါဘူး။ဒီလုပ်ငန်းမှာလူအများကြီးလိုအပ် တယ်။ဒီကဝန်ထမ်းတွေထဲက ကျွမ်းကျင်တဲ့သူတွေကိုနေရာရာထူးတိုးမြှင့်ခန့်အပ်သွားမှာဖြစ်တယ်။ ကွန်ထရိုးစင်တာ မှာဆိုရင်အင်ဂျင်နီယာတွေပဲ ကွန်ထရိုးလုပ်နိုင်တာမျိုးဆိုတော့ အင်ဂျင်နီယာတွေလည်း ထပ်တိုးခန့်အပ်သွားဖို့ ရှိုတယ်“ပြောပါတယ်။

ယခင်မထသရုံးချုပ်မှာ တာဝန်ထမ်းဆောင်နေတဲ့ ဝန်ထမ်းတွေအနေနဲ့လည်း အပြောင်းအလဲဖြစ်သွားတဲ့ အတွက်အလုပ်အကိုင်မရရှိမှာကိုစိုးရိမ်ပူပန်နေကြတယ်လို့ ဆိုပါတယ်။

“ပထမကြားနေရတာက နေရာမရတော့ဘူး ချိတ်ပိတ်မယ်ဆိုတာတွေကိုပေါ့ ဒါပေမယ့်အခုဝန်ကြီးပြောသွား တာဆိုရင်သူကဒီမှာဆက်ပြီး တာဝန်ထမ်းဆောင်လို့ ရတယ်ဆိုတော့အစိုးရဘက်က ဘယ်လိုစီစဉ်မယ် မသိသေးဘူး အဆင်ပြေတော့လည်းကောင်းတာပေါ့ အဆင်မပြေတော့လည်း ထွက်ဖို့ပဲရှိတော့တယ်“လို့ မထသ ရုံးချုပ်မှာ တာဝန်ထမ်းဆောင်နေတဲ့ စာရင်းမှတ် ဌာနစုမှူးမ သင်းသင်းကပြောပါတယ်။

မထသရုံးချုပ်မှဝန်ထမ်းတွေအနေနဲ့ YRTA မှာတာဝန်ထမ်းဆောင်မယ်ရင် အစိုးရဲ့ဝန်ထမ်းအဖြစ်တရားဝင် ထမ်းဆောင်ရမှာဖြစ်တယ်လို့သိရပါတယ်။

ဒီကနေ့ အရင် မထသရုံးချုပ်မှာပြုလုပ်တဲ့ YRTA ဖွင့်ပွဲမှာ ၀န်ကြီးချုပ် မထသရုံးဝန်ထမ်းတွေနဲ့တွေ့ဆုံခဲ့ပါတယ်။ ၀န်ထမ်းတွေက YRTA ကိုပြောင်းရင်ရာထူး ပြောင်းလဲသွားမှာလား၊ လစာတိုးပေးဖို့အစီအစဉ်ရှိသလား။ လုပ်သက် ၂၀ နီးပါးရှိသူတွေအတွက်ရောဘယ်လို စီစဉ်ပေးမှာလဲဆိုတာကို ၀န်ကြီးချုပ်ကို မေးမြန်းခဲ့ပါတယ်။

အရင် မထသ ရုံးချုပ် ဌာနမှူးဦးမောင်မောင်လွင်က “ကျွန်တော်တို့မှာ ဝန်ထမ်းခုနှစ်ရာလောက်ရှိပါတယ် ။ဝန်ထမ်းအားလုံးကိုစည်းရုံးထားတာတော့ ဖောင်ကိုနှစ်ခုလုံး ဖြည့်ခိုင်းထားတယ် အဖြူအမဲသဲသဲကွဲကွဲသိတဲ့ အချိန်မှပဲ ကျွန်တော့်ဝန်ထမ်းတွေကို မေးပါ့မယ် ဝန်ကြီးချုပ်ကလည်းဒီတစ်လအတွင်းမှာ ဝန်ထမ်းတွေနဲ့ တွေ့ပြီး ဆွေးနွေးဖို့ အစီစဉ်ရှိပါတယ်“ လို့ပြောပါတယ်။

ဝန်ကြီးချုပ်ဦးဖြိုးမင်းသိန်းအနေနဲ့ မထသ ၀န်ထမ်းဟောင်းတွေ ကို ဇန်န၀ါရီလကုန်အထိ လစာပေးသွားမယ်လို့ပြောဆိုထားပါတယ်။

Author ဝင်းနန္ဒာ၊နှင်းနှင်း
Credit: kumudra


ယာဉ်လိုင်းတွေက ဘတ်စ်ကားတွေ မထသတံဆိပ်ကနေ YBS တံဆိပ်ပြောင်းလဲကပ်ထားရာမှာ အချိန်မီ ပြီးစီးမှု မရှိတဲ့အတွက် ယာဉ်လိုင်းသစ်စတင်မယ့် ဒီနေ့ မနက်မှာ အစီးရေအပြည့် အ၀ ပြေးဆွဲနိုင်ခြင်းမရှိတာဖြစ်တယ်လို့ သိရပါတယ်။

တံဆိပ်ကပ်ထားမှု ပြီးစီးခြင်းမရှိတာရယ် ၊ ညလုံးပေါက် တံဆိပ်ကပ်တဲ့အတွက် မနက်ပိုင်း ယာဉ်လုပ်သားအားလုံး လုပ်ငန်းခွင်မ၀င်ရောက်နိုင်တာတွေရယ်ကြောင့် အခုလိုမှတ်တိုင်တွေမှာ ကားရောက်ရှိမှု နည်းပါးပြီး ခရီးသည်တွေ အခက်အခဲဖြစ်ကြရတာဖြစ်တယ်လို့ YBS ၂၁ ယာဉ်လိုင်းပိုင်ရှင်တစ်ဦးဖြစ်သူ ကိုတရုတ်လေးက 5 plus ကိုပြောပါတယ်။

ဒါပေမယ့်လည်း နောက်နေ့တွေ မှာတော့ ဒီကနေ့ ပြေးဆွဲတဲ့ဘတ်စ်ကား အစီးရေ ပမာဏထက် ပိုမိုများပြားလာမှာဖြစ်တယ်လို့လည်း ကိုတရုတ်လေးက ပြောပါတယ်။.

မနက်အစောပိုင်းမှာ ဘတ်စ်ကားတွေ ဂိတ်ကနေ ၅ မိနစ် တစ်စီးနှုန်းနဲ့ ထွက်ပေးနေသလို ရုံးချိန်အတွင်းမှာတော့ ၂ မိနစ်တစ်စီးနှုန်း နဲ့ ပြေးဆွဲပေးနေတယ်လို့ ယာဉ်လိုင်းပိုင်ရှင်တွေက ပြောပါတယ်။

အဲဒီလို ပြေးဆွဲပေးနေပေမယ့် ယာဉ်လမ်းကြောင်း ပိတ်ဆို့မှုတွေရှိတဲ့အတွက် သတ်မှတ်ချိန်အတိုင်း မှတ်တိုင်တွေကို အချိန်မီ မ၀င်ရောက်နိုင်တာဖြစ်တယ် လို့လည်း YBS ၂၃ ယာဉ်လိုင်းပိုင်ရှင်တစ်ဦးဖြစ်သူ ဦးသန်းလွင်ကပြောပါတယ်။

လက်ရှိမှာ ခရီးသွားပြည်သူတွေအနေနဲ့ ဒီကနေ့ မနက်ပိုင်းကစလို့ ဘတ်စ်ကားအစီးရေ လာရောက်မှုနည်းပါးတဲ့အတွက် မှတ်တိုင်တွေမှာလူတွေ စုပြုံပြီး အခက်အခဲတွေနဲ့ ရင်ဆိုင်နေကြရတာဖြစ်ပါတယ်။

ခရီးသွားပြည်သူတွေအခက်အခဲအဆင်ပြေစေဖို့ ကိုယ်ပိုင်ကား တချို့ကလည်း အခမဲ့ဝင်ရောက်ကူညီပြေးဆွဲပေးနေတယ်လို့ သိရပါတယ်။

=================

YBS Official


ရန်ကုန်ဘတ်စ်ကားစနစ်သစ်
ရန်ကုန်ဘတ်စ်ကားစနစ်သစ်
ရန်ကုန်မြို့ ခရီးသည် သယ်ယူပို့ဆောင်ရေးအတွက် နှစ်ပေါင်းများစွာအသုံးပြုခဲ့ကြတဲ့ မော်တော်ယာဉ် လိုင်းပေါင်းစုံ ထိန်းသိမ်း ရေးကော်မတီ မထသ ဘတ်စ်ကားစနစ် ဒီကနေ့မှာရပ်ဆိုင်းပြီး စနစ်သစ်တခုနဲ့ အစားထိုး စတင်လိုက်ပါပြီ။ စနစ်သစ်စတင်တဲ့နေ့ မှာပဲ အခက်အခဲတွေနဲ့ ကြုံကြရတဲ့အသံတွေ ကြားရပေမယ့်လည်း ရလဒ်ကောင်းတွေထွက်လာဖို့ အစိုးရဘက်က မျှော်လင့်ထား သလို ခရီးသွားပြည်သူတွေဘက်ကလဲ အလားတူ မျှော်လင့်ထားကြပါတယ်။ ဘတ်စ်ကားစနစ်သစ်အပေါ် အစိုးရဘက်က ပြောဆို ချက်နဲ့ တခြားလူတွေရဲ့အမြင်တွေကို စုစည်းပြီး ဗွီအိုအေမြန်မာပိုင်းသတင်းထောက် မမေခက သတင်းပေးပို့ထားပါတယ်။

နှစ်ပေါင်းများစွာ နာမည်ဆိုးနဲ့ အသားကျနေခဲ့တဲ့ ရန်ကုန်မြို့တွင်း ဘတ်စ်ကားလိုင်းပြေးဆွဲမှု မထသစနစ်ဟာ ဒီကနေ့မှာ အဆုံး သတ်သွားပါပြီ။ တိုင်းဒေသကြီးအစိုးရပါဝင်တဲ့ ရန်ကုန်မြို့ ဘတ်စ်ကားပို့ဆောင်ရေး အများပိုင်စနစ်ကို ယာဉ်လိုင်း ၇၀ နဲ့ စတင် ပြောင်းလဲလိုက်တာပါ။
ရန်ကုန်ဘတ်စ်ကားစနစ်သစ် မြေပုံ
ရန်ကုန်ဘတ်စ်ကားစနစ်သစ် မြေပုံ
စနစ်သစ်စတင်တဲ့နေ့မှာ ကြုံရမယ့် အခက်အခဲတွေအတွက် လုပ်အားပေး ၅ ထောင်နီးပါး အကူအညီနဲ့ ဖြေရှင်းဖို့ကြိုးစားပေမယ့် ပထမဆုံးနေ့မှာပဲ အဆင်မပြေတာတွေ အများအပြားရှိသွားပါတယ်။
ဘတ်စ်ကားတွေ ပြေးဆွဲတာ ကျဲနေတာကြောင့် ဖြစ်ပေါ်နေတဲ့ အခက်အခဲတွေကို အဆင်ပြေအောင် ဆောင်ရွက်ပေးသွားမယ်လို့ ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောပါတယ်။
“လိုင်းအသစ်တွေ တီထွင်ပြီး အသစ်တွေ ပေါ်ပေါက်လာတာမဟုတ်ဘူး။ အဲဒီအတွက် တအားအခက်အခဲဖြစ်နေတဲ့လူဆို၇င် အသေးစိတ် ဘယ်နေရာမှာ နေပါတယ်၊ ဘယ်လိုစီးသွားလို့ ဘယ်လိုရောက်တဲ့အတွက် သုံးဆင့်ကျသွားပါတယ်ဆိုတဲ့ အခြေအနေကို ကျနော်တို့ဆီကိုတင်တယ်။"
ရန်ကုန်ဘတ်စ်ကားစနစ်သစ်
ရန်ကုန်ဘတ်စ်ကားစနစ်သစ်
အခုစနစ်သစ်မှာ အရင်ဖြစ်ခဲ့သလို ကားတွေကို အလုအယက်မောင်းပြီး ငွေရှာတာမျိုးမဖြစ်အောင် ယာဉ်မောင်းနဲ့ ယာဉ်အကူတွေ ကို ပုံသေလစာသတ်မှတ်ပြီးပေးဖို့ အစိုးရက ပြင်ဆင်ထားတာပါ။ ဒါပေမဲ့ အခုစနစ်သစ် စစချင်းမှာ အဲဒီလိုမလုပ်နိုင်သေးဘဲ နောက် ၃ လကြာပြီးမှပဲ စတင်နိုင်မှာပါ။ ဒါနဲ့ပတ်သက်ပြီး ယာဉ်အကူတဦးဖြစ်တဲ့ ကိုနိုင်ဦးရဲ့အမြင်က

“ လစာနဲ့ သွားမယ်ဆိုတာကတော့ ကောင်းပါတယ်။ ဘာကိုကောင်းသလဲဆိုတော့ဗျာ ကျနော်တို့ ကားယှဉ်ပြီး Fight တာတွေမရှိတော့ဘူး၊ တစီးနဲ့ တစီး ကျော်မောင်းတာမရှိတဲ့ အတွက် အန္တရာယ်ကင်းသွားမယ်။ ဒါကိုလည်း လက်ခံပေးတယ်၊ လစာနဲ့ သွားမယ်ဆိုရင်တော့ ပိုပြီးအဆင်ပြေတယ်၊ ဒါပေမယ့် တခု စိုးရိမ်တယ်၊ ဘာကိုစိုးရိမ်သလဲဆိုတော့ ကျနော်တို့ ဒီလိုကားကြီးတွေမှာ ယာဉ်မောင်း ၁ ယောက်ရှိမယ် ၊ စပယ်ယာ ၂ ယောက်ရှိမယ် သူက လစာနဲ့ သွားမယ်ဆိုရင် စပယ်ယာ ၂ ယောက်ထဲက တယောက်ထုတ်ပြီးတော့ ၁ယောက်ပဲထားမယ်ဆိုရင် ကျန်တဲ့ စပယ်ယာ ၁ ယောက်သည် သူ့မိသားစု စားဝတ်နေရေး ဘာနဲ့ ရှိမလဲ၊ ဒါတွေကျနော်စဉ်းစားရမယ်။ ကျနေ်ာလည်း မိသားစုရှိတယ်၊ အဲလိုပဲ ကျန်တဲ့ စပယ်ယာတွေလည်း မိသားစုရှိကြတယ်၊ အဲဒီတော့ သူတို့မိသားစုတွေ စားဝတ်နေရေးတွေ ဘယ်လို ခက်ခဲသွားမလဲ၊ ကျပ်တည်းသွားမလဲ ဒါမျိုးလေးတွေ ကျနော်သိချင်တယ်။ ဘာဖြစ်လို့လဲဆိုတော့ ကား ၂ စီးမှာ စပယ်ယာ ၂ ယောက်စီရှိတာကို၊ အဲဒါ ၂ ယောက်မှာ ၁ ယောက်ဖြုတ်ချပြီးတော့ ၁ ယောက်ပဲထားမယ်ဆိုတော့ အဲဒီ စပယ်ယာတယောက်ရဲ့ မိသားစုစားဝတ်နေရေးတွေ ဘယ်လိုများလုပ်ကိုင်စားသောက်ကြမလဲ အဲဒါလေးတွေ ဖြေရှင်းပေးစေချင်တယ်ပေါ့နော်။”

ဒီစနစ်သစ်မှာတော့ အရင်လို စည်းကမ်းမဲ့ တာတွေမဖြစ်အောင် အစိုးရအနေနဲ့ သေချာကျပ်မှတ်ကိုင်တွယ်သွားမှာဖြစ်တယ်လို့ ရန်ကုန်တိုင်းလမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောဆိုထားပါတယ်။
ယာဉ်လမ်းကြောင်း ၇၀ နဲ့စတင်လိုက်တဲ့ ဒီစနစ်သစ် စတင်လှုပ်ရှားအသက်ဝင်လာတဲ့အပေါ်မှာ ခရီးသွားတဦးဖြစ်တဲ့ ဦးဆန်းထွန်း ကတော့ အခုလိုမြင်ပါတယ်။

“ပြောလို့တော့ မရသေးဘူးပေါ့နော် ဒါမျိုးက ချက်ခြင်းကြီးအဖြေ ချပြီးတော့ ဆုံးဖြတ်ဖို့ဆိုတာ ခက်ပါတယ်။ ဘာကြောင့်လဲဆိုတော့ အခုမှ စီးရတာ တခေါက်ပဲရှိသေးတယ်။ မထသ ဆိုတာက စီးလာတဲ့အခေါက်ပေါင်းက မနည်းတော့ဘူး ။ အခု က စီးလာတာ အပြန်မှ ဆိုရင် ၂ ခေါက်ပဲရဦးမှာ ဆိုတော့ ဘယ်လိုမှ ပြောလို့မရသေးပါဘူး။”
အခုအပြောင်းအလဲကို ပြည်သူအများစုက ကြိုဆိုကြပြီး အခုစစချင်းမှာပဲ အခက်အခဲတွေ ကြုံနေရပေမယ့်လဲ အစိုးရဘက်က အကောင်းဆုံးလုပ်ဆောင်ပေးဖို့ ပြည်သူတွေက မျှော်လင့်ထားကြပါတယ်။

VOA Burmese News

စစ်ပွဲ ပဋိပက္ခကြောင့်ထွက်ပြေးနေရတဲ့ ပြည်သူများ
စစ်ပွဲ ပဋိပက္ခကြောင့်ထွက်ပြေးနေရတဲ့ ပြည်သူများ

ရှမ်းပြည်နယ်မြောက်ပိုင်းဒေသတိုက်ပွဲအတွင်း အရပ်သားတွေအပေါ် ပစ်မှတ်ထားတိုက်ခိုက်လို့ သေဆုံး ထိခိုက် ဒဏ်ရာရတဲ့ဖြစ်စဉ်တွေကို ကုလသမဂ္ဂရဲ့လူ့အခွင့်အရေးအထူးကိုယ်စားလှယ် Ms Yanghee Lee လာရောက်လေ့ လာဖို့ အတွက်ရှမ်းလူ့အခွင့်အရေးအဖွဲ့ကနေ ဒီကနေ့မှာ တောင်းဆိုထားပါတယ်။ လက်ရှိရှမ်းပြည်နယ် မြောက်ပိုင်းဒေသတွေမှာ မြန်မာ့တပ်မတော်နဲ့ တိုင်းရင်းသားလက်နက်ကိုင်တပ်ဖွဲ့တို့အကြားတိုက်ပွဲဖြစ်ပွါးနေဆဲဖြစ်သလို အစိုးရကနေဖေါ်ဆောင်နေတဲ့ငြိမ်းချမ်းရေးလုပ်ငန်းစဉ်တွေမှာ တပ်မတော်ကနေထဲထဲဝင်ဝင်ပါဝင်မှုမရှိသေးလို့ ငြိမ်းချမ်းရေးအလှမ်းဝေးနေဦးမယ်လို့လဲ ဒေသခံလွှတ်တော်ကိုယ်စားလှယ်တွေကပြောပါတယ်။ ဗွီအိုအေ မြန်မာပိုင်း သတင်းထောက်နိုင်ကွန်းအိန်ကနေ သတင်းပေးပို့ထားပါတယ်။

ရှမ်းပြည်နယ်မြောက်ပိုင်းဒေသမှာ မြန်မာ့တပ်မတော်နဲ့တိုင်းရင်းသားလက်နက်ကိုင်အဖွဲ့တို့အကြား ဖြစ်ပွါးနေတဲ့ တိုက်ပွဲအတွင်း အရပ်သားတွေကို ပစ်မှတ်ထားတိုက်ခိုက်နေတဲ့ဖြစ်စဉ်တွေအပေါ် မြန်မာနိုင်ငံဆိုင်ရာ ကုလသမဂ္ဂရဲ့ လူ့အခွင့်အရေးအထူးကိုယ်စားလှယ် Ms Yanghee Lee ကိုယ်တိုင်လာရောက်လေ့လာစေချင်တယ်လို့ ရှမ်းလူ့ အခွင့် အရေးမဏ္ဍိုင်အဖွဲ့ရဲ့ပြောရေးဆိုခွင့်ရှိသူ နန်းလွန်လှိုင်းကပြောပါတယ်။

“လူ့အခွင့်အရေး စောင့်ကြည့်နေတဲ့ Yanghee Lee ပေါ့နော် မြန်မာနိုင်ငံကို ရောက်ရှိနေတယ်။ အဲဒါကို ဒီလ ၂၀ ရက်နေ့မှ ပြန်မယ်ဆိုတော့ သူ့အစီအစဉ်ထဲမှာဆို၇င် ရှမ်းပြည်နယ်မပါဘူး။ အဲဒါသူ့ ရှမ်းပြည်ဘက်မှာပေါ့နော် အခုဖြစ်ပွားနေတဲ့ ပဋိပက္ခဘက်ကို ဦးတည်စေချင်တယ်၊ သူသွားရောက်ပြီးတော့ လေ့လာစေချင်တယ်။ ဘာလို့လဲဆိုရင် အခုကတော်တော်ဆိုးဝါးလာနေတာက အရပ်သားတွေကို ပစ်မှတ်ထားပြီးတော့မှ စစ်တိုက်နေကြတာပေါ့နော်။ ကလေးသူငယ်၊ ကျွဲနွား အိမ်တွေပါ၊ ထိခိုက်ပျက်စီးကုန်တာပေါ့နော် ပြည်သူကလည်းသေဆိုတော့ လူ့အခွင့်အရေး မဏ္ဍိုင်က ဖြစ်ပျက်နေတဲ့ကိစ္စကို ထပ်ပြီးတော့ ပိုမဖြစ်အောင်ဆိုပြီးတော့မှ တိုက်တွန်းစေချင်တယ်ပေါ့။”

ပြီးခဲ့တဲ့နှစ် ဒီဇင်ဘာ(၂၆)ရက်နေ့မှာ ရှမ်းပြည်နယ်မြောက်ပိုင်း ကျောက်မဲမြို့နယ် ပန်မတ်မီးရွာကို လေယာဉ်နဲ့ ဗုံးကြဲမှု ဖြစ်စဉ်အတွင်း အရပ်သား(၃)ဦးသေဆုံးပြီး ကလေးငယ် တဦးနဲ့ကိုယ်ဝန်ဆောင် မိခင်တဦးအပါဝင် လူ(၇)ဦးခန့်ထိခိုက် ဒဏ်ရာရရှိခဲ့တယ်လို့ နန်းလွန်လှိုင်းကဆက်ပြောပါတယ်။

“ဒီဇင်ဘာ(၂၆)ရက်နေ့ညကပေါ့နော် ရှမ်းပြည်နယ်မြောက်ပိုင်း ကျောက်မဲမြို့နယ် အဲဒီမှာ အစိုးရတပ်မတော်က ဂျက်လေယာဉ်နဲ့ ဗုံးကျဲပြီးတော့မှ တိုက်ခိုက်တာပေါ့နော် TNLA နဲ့ ဖြစ်တဲ့ ပဋိပက္ခ ပေါ့နော် TNLA က စစ်တပ်တွေကို အဲဒီ ဗုံးမထိပဲ ပြည်သူတွေကို သွားထိခိုက်တာပေါ့နော်။ ညနေပိုင်း ၄ နာရီရောက်တော့ ဂျက်လေယာဉ် ၂ စီးက လားရှိုးကနေလာတယ်။ ရွာကိုဗုံးကြဲလိုက်တော့ အဲဒီ ခိုလုံနေတဲ့ ရွာသားတွေ အကုန်ထိတာပေါ့နော်။ သေတဲ့လူက ၃ ယောက်ရှိတယ်ပေါ့နော် ထိခိုက်ဒဏ်ရာရတာက ၇ ယောက်ရှိနေတယ်။”

ပြီးခဲ့တဲ့ ဇန်နဝါရီလ ၁၂ရက်နေ့ကနေ ဇန်နဝါရီလ ၁၄ရက်ကာလအတွင်း မြန်မာ့တပ်မတော်နဲ့ TNLA တအာင်းပလောင် တပ်ဖွဲ့တို့ကြား တိုက်ပွဲကြောင့် နမ့်ဆန်မြို့အနီး ဟိုချောင်းကျေးရွာပေါ် လက်နက်ကြီးကျည်ကျလို့ အသက်(၇)နှစ် အရွယ် ကျောင်းသားတဦးနဲ့အတူ အရပ်သားတဦးသေဆုံးခဲ့သလို အရပ်သား(၈)ဦး ထိခိုက်ဒဏ်ရာရရှိခဲ့ ပါတယ်။

ရှမ်းပြည်နယ်မြောက်ပိုင်းဒေသဖြစ်တဲ့ ကျောက်မဲ နမ့်ဆန်မြို့နယ်တွေမှာ မြန်မာ့တပ်မတော်နဲ့ TNLAတအာင်းပလောင် တပ်ဖွဲ့တို့နဲ့ တိုက်ပွဲတွေရက်ဆက်ဆိုသလိုဖြစ်ပွါးနေဆဲလို့ ပြည်နယ်လွှတ်တော်ကိုယ်စားလှယ် စိုင်းထွန်းညာဏ်က ပြောပါတယ်။

“တိုက်ပွဲတွေကတော့ ကြိုကြားကြိုကြားပေါ့ ကျနော်တို့ ကျောက်မဲမြို့နယ်ရဲ့ ဒေသအစပ်နဲ့ နမ့်ဆန်မြို့နယ် ဒေသအစပ်မှာတော့ နေ့တိုင်းလိုလိုတိုက်ပွဲတွေက ဖြစ်နေတယ်။ လွန်ခဲ့တဲ့ ၃ ရက်လောက်ကတော့ လေယာဉ်နဲ့ကိုလာပြီးတော့ ပစ်တဲ့အနေအထားရှိတယ်။ မြို့နဲ့တော့ နည်းနည်းဝေးတာပေါ့နော်။ စစ်တပ်က ဒီဘက်မှာ ပိုပြီးတော့ အင်အားဖြည့်ပြီးတော့မှ တိုက်တဲ့အနေအထားရှိတဲ့ အခုလောလောဆယ်နမ့်ဆန် ဘက်မှာလည်း တိုက်ပွဲတွေဖြစ်နေတယ်။ နာမည်မပေါက်တဲ့တိုက်ပွဲတွေပေါ့လေ၊ ဖြစ်လိုက်ရပ်လိုက် အဲဒီအနေအထားရှိတယ်။”

လက်ရှိတက်လာတဲ့NLDအစိုးရအနေနဲ့ပြည်တွင်းငြိမ်းချမ်းရေးရရှိရေးအတွက် အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာနကိုဖွင့်လှစ်ပြီး မြန်မာငြိမ်းချမ်းရေးကော်မရှင်ဖွဲ့ပြီးတော့ တိုင်းရင်းသားလက်နက်ကိုင်အဖွဲ့တွေနဲ့ အပစ်အခတ်ရပ်စဲနိုင်ရေးအတွက် ကြိုးပမ်းနေဆဲဖြစ်ပါတယ်။

ဒါပေမဲ့ လက်ရှိအနေအထားအရ အစိုးရကနေလုပ်ဆောင်နေတဲ့ ငြိမ်းချမ်းရေးလုပ်ငန်းစဉ်ကို တပ်မတော်ကနေ လိုက်ပါလိုဟန်မရှိဘူးလို့ပြည်နယ်လွှတ်တော်ကိုယ်စားလှယ် စိုင်းထွန်းညာဏ်က အခုလိုသုံးသပ်ထားပါတယ်။

“အစိုးရသွားချင်တိုင်းလည်း တပ်မတော်က လိုက်ချင်မှ လိုက်မယ်။ တပ်မတော်လုပ်တဲ့ဟာကို အစိုးရက မညွန်ကြားနိုင်ဘူးပေါ့ဗျာ။ ငြိမ်းချမ်းရေးလုပ်နေတဲ့ ကိစ္စက ကျနော်တို့အစိုးရက ကြိုးစားပြီး လုပ်ရှာပါတယ်။ ဒါပေမယ့် မထိေ၇ာက်ဘူးခင်ဗျ စစ်တပ်ရဲ့ပါဝင်မှု သဘောထားက ပိုအေ၇းကြီးတယ်ခင်ဗျ အခုတိုက်နေတာက စစ်တပ်နဲ့ တိုက်တာကို အစိုးရနဲ့ တိုက်တာမှ မဟုတ်တာကို။ အစိုးရက ငြိမ်းချမ်းရေးလုပ်တိုင်းလည်း စစ်တပ်က မလိုက်လာဘူးဆိုရင် ဒီအတိုင်းပဲ ဆက်သွားမယ်။ အစိုးရက တပ်မတော်ရဲ့ အနေအထားကို ထိန်းကျောင်းနိုင်ဖို့ နေနေသာသာ ၀င်မပြောတော့တာ။ ကျနော်ထင်တယ် လုပ်ချင်ရာလုပ်ဆိုတဲ့ ပုံစံမျိုးဖြစ်နေမလားပေါ့လေ။”

ပြီးခဲ့တဲ့သောကြာနေ့တုန်းက တနိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA)လက်မှတ်မရေးထိုး နိုင်သေးတဲ့ တိုင်းရင်းသားနိုင်ငံရေး ဆိုင်ရာ ညှိနှိုင်းဆွေးနွေးရေးကိုယ်စားလှယ်အဖွဲ့ DPNနဲ့ မြန်မာငြိမ်းချမ်းရေးကော် မရှင်အဖွဲ့တို့ ငြိမ်းချမ်းရေးဆိုင်ရာဆွေးနွေးပွဲတွေပြန်လည်စတင်နိုင်ဖို့အတွက် ထိုင်းနိုင်ငံချင်းမိုင်မြို့မှာ အလွတ်သဘော တွေ့ဆုံဆွေးနွေးခဲ့ကြပါတယ်။

ငြိမ်းချမ်းရေးကော်မရှင်နှင့် DPNအဖွဲ့တို့ ငြိမ်းချမ်းရေးဆိုင်ရာဆွေးနွေးမှုတွေလုပ်ဆောင်နေတဲ့တချိန်ထဲမှာဘဲ ကချင် ပြည်နယ်နဲ့ ရှမ်းပြည်နယ်မြောက်ပိုင်းဒေသဘက်မှာ မြန်မာ့တပ်မတော်နဲ့ ကချင်လွတ်လပ်ရေးတပ်မတော် တအာင်း ပလောင်တပ်ဖွဲ့တွေအကြားစစ်ရေးတင်းမာနေဆဲဖြစ်ပါတယ်။

ဒီလိုဖြစ်ပွါးတဲ့တိုက်ပွဲအတွင်း အရပ်သားတွေကိုပစ်မှတ်ထားတိုက်ခိုက်မှုတွေရှိခဲ့တာကြောင့် သေဆုံးဒဏ်ရာရမှုတွေ ရှိခဲ့သလို နေရပ်ကနေ ထွက်ပြေးတိမ်းရှောင်နေရတဲ့သူတွေလဲရှိခဲ့ပါတယ်။

ရှမ်းလူ့အခွင့် အရေးမဏ္ဍိုင်အဖွဲ့အနေနဲ့ကတော့ အရပ်သားတွေကိုပစ်မှတ်ထားတိုက်ခိုက်မှုကိုကန့်ကွက်ရှံ့ချသလို စစ်မက်ဖြစ်ပွါးရာရှမ်းပြည်နယ်ဒေသအတွင်းကို ကုလသမဂ္ဂရဲ့ လူ့အခွင့်အရေးအထူးကိုယ်စားလှယ် Ms Yanghee Lee ကိုယ်တိုင်လာရောက်လေ့လာဖို့ကိုလဲ အဖွဲ့နေနဲ့ဒီကနေ့မှာတိုက်တွန်းတောင်းဆိုထားပါတယ်။

VOA Burmese News


အမေရိကန်သမ္မတ Barack Obama ရဲ့ ကျန်းမာရေးစောင့်ရှောက်မှုအစီအစဉ်ကို အစားထိုးသွားမှာနဲ့ ပါတ်သတ်လို့ နောက်ဆုံးအနေနဲ့ အချောသတ်ပြင်ဆင်နေပြီး မကြာခင်မှာ ထုတ်ပြန်သွားဖို့ရှိတယ်လို့ ရွေးကောက်ခံသမ္မတ Donald Trump က ပြောလိုက်ပါတယ်။

တနင်္ဂနွေနေ့နှောင်းပိုင်း Washington Post က ထုတ်ပြန်လိုက်တဲ့ တွေ့ဆုံမေးမြန်းခန်းအတွင်း လူတိုင်း ကျန်းမာရေးအာမခံစနစ် ရရှိဖို့ဟာ သူ့ရည်မှန်းချက်ဖြစ်တယ်လို့ ပြောပေမယ့် အသေးစိတ်ကို ပြောဆိုဖို့ ငြင်းဆိုသွားပါတယ်။

ဆေးကုမ္ပဏီတွေအနေနဲ့ ဈေးလျှော့ရောင်းချဖို့ လူသိရှင်ကြားဖိအားပေးပြီး ကျန်းမာရေးကုသမှုစားရိတ်ကို လျှော့ချသွားချင်တယ်လို့တော့ Mr. Trump က ပြောပါတယ်။ Obamacare အိုဘာမားကျန်းမားရေးစောင့်ရှောက်မှုအစီအစဉ်လို့လည်း သိကြတဲ့ လူတိုင်းတတ်နိုင်တဲ့ ကျန်းမာရေးစောင့်ရှောက်မှု ဥပဒေကို ဖျက်သိမ်းဖို့ဟာ Mr. Trump အစိုးရအဖွဲ့အနေနဲ့ အဓိကကျတဲ့ အရင်ဦးဆုံးလုပ်ဆောင်မယ့် ကိစ္စရပ်ဖြစ်ပါတယ်။

ဒီမိုကရက်တွေ အင်အားကောင်းကောင်းနဲ့ ထိန်းချုပ်ခဲ့တဲ့ လွှတ်တော်ကနေ ၂၀၁၀ ခုနှစ်မှာ ဒီဥပဒေကို ပြဌာန်းခဲ့တာဖြစ်ပေမယ့် အခုအခါမှာတော့ Mr Trump သမ္မတဖြစ်လာတဲ့အပြင် အထက်နဲ့ အောက်လွှတ်တော် ၂ ရပ်လုံးကို ထိန်းချုပ်ခွင့်ရထားတဲ့ ရီပတ်ဗလစ်ကန်တွေက ဒီ Obamacare ဟာ အလုပ်မဖြစ်သလို ကုန်ကျစားရိတ်လည်း များလွန်းတာကြောင့် ဒီစနစ်ကို ပြုပြင်ပြောင်းလဲချင်နေကြတာပါ။

ဒီဥပဒေမပြဌာန်းခင်က ကျန်းမာရေးအာမခံမရှိခဲ့တဲ့ အမေရိကန် သန်း ၂၀ ကျော်အနေနဲ့ Obamacare ကြောင့် ကျန်းမာရေးစောင့်ရှောက်မှု ခံစားခွင့်နေပေမယ့် ဒီအစီအစဉ်ကို ဖျက်သိမ်းဖို့ လွန်ခဲ့တဲ့ သီတင်းပတ်အတွင်း ရီပတ်ဗလစ်ကန်တွေကြီးစိုးတဲ့ လွှတ်တော်က စတင်လုပ်ဆောင်ခွင့်ပြုခဲ့ပါတယ်။ ဒါပေမယ့်လည်း ဘယ်လိုစနစ်နဲ့ အစားထိုးသွားမလဲဆိုတာကို Republican တွေအနေနဲ့ ရှင်းရှင်းလင်းလင်း ပြောဆိုထားတာ မရှိပါဘူး။

ဗွီအိုအေ (မြန်မာပိုင်း)
http://burmese.voanews.com


လူ့အခွင့်အရေးအထူးကိုယ်စားလှယ် ယန်ဟီးလီရဲ့ ရခိုင်ခရီးစဉ် (MOI)
လူ့အခွင့်အရေးအထူးကိုယ်စားလှယ် ယန်ဟီးလီရဲ့ ရခိုင်ခရီးစဉ် (MOI)
မြန်မာနိုင်ငံမှာရောက်နေတဲ့ ကုလသမဂ္ဂ လူ့အခွင့်အရေး အထူးကိုယ်စားလှယ် Ms. Yang Hee Lee ဟာ လူ့အခွင့်အရေး ချိုးဖောက်မှုတွေ ရှိနေတယ်ဆိုပြီး စွပ်စွဲပြောဆိုနေကြတဲ့ ရခိုင်ပြည်နယ်ကို ၃ ရက်တာ သွားရောက်ပြီး ဒီကနေ့မှာ ရခိုင်ပြည်နယ်ခရီးစဉ် အဆုံးသတ်လိုက်ပါပြီ။ အကြမ်းဖက်မှု စတင်ခဲ့တဲ့ မောင်းတောမြို့ကို နှစ်ရက်တာ သွားလေ့လာခဲ့ပြီး ဒီကနေ့မှာတော့ စစ်တွေအကျဉ်းထောင်ကို သွားလေ့လာသလို ရွှေစေတီကို ဖူးမျှော်ခဲ့တယ်လို့ ကုလသမဂ္ဂပြောခွင့်ရပုဂ္ဂိုလ်က ပြောပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေမြန်မာပိုင်းသတင်းထောက် ကိုထက်အောင်က တင်ပြပေးမှာပါ။

အောက်တိုဘာလ အကြမ်းဖက်မှုတွေနောက်ပိုင်း စစ်တပ်ရဲ့ နယ်မြေရှင်းလင်းရေး ဆောင်ရွက်မှုတွေမှာ လူ့အခွင့်အရေး ချိုးဖောက်မှုတွေ ရှိနေတယ်ဆိုပြီး နိုင်ငံတကာ အသိုင်းအ၀ိုင်းက ဝေဖန်ပြောဆိုနေကြတဲ့ ရခိုင်ပြည်နယ်မြောက်ပိုင်း မောင်းတော၊ ဘူးသီးတောင်နဲ့ ရသေ့တောင်တို့ကို ကုလသမဂ္ဂ လူ့အခွင့်အရေးအထူးကိုယ်စားလှယ် Ms. Yang Hee Lee ကိုယ်တိုင် သွားလေ့လာတာပါ။ အခုခရီးစဉ်အတွင်း နှစ်ဖက်အသိုင်းအ၀ိုင်းက လူတွေနဲ့ ပြောဆိုဆွေးနွေးခဲ့ပါတယ်။ ဒီကနေ့မှာတော့ ကုလအထူးကိုယ်စားလှယ်ဟာ စစ်တွေထောင်ကို သွားရောက်လေ့လာပြီး ရွှေစေတီကို ဖူးမျှော်ခဲ့တယ်လို့ ကုလသမဂ္ဂ မြန်မာပြည်ရုံးခွဲ ပြန်ကြားရေးတာဝန်ခံ ဦးအေးဝင်းက ပြောပါတယ်။

“စစ်တွေထောင်သွားမယ် ပြီးရင် ရွှေစေတီ သွားမယ် နောက်မနက်ဖြန် ဖိုးသာရွာတဲ့ ချင်းရွာလေးတခုပေါ့နော် အဲဒီကိုသွားတယ်၊ မနက်က ချင်းရပ်ကွက်လေးပေါ့နော်။ ဒါပြီးရင် ရန်ကုန်ဆင်းမယ်လေ။

မေး။ ။ ဟုတ်ကဲ့ အန်ကယ်၊ Ms. Yang Hee Lee ကိုယ်တိုင် ရွာတွေကို သွားပြီးတော့ လေ့လာတဲ့အခါမှာ သူ့အနေနဲ့ ဒေသခံရွာသားတွေပေါ့လေ အထူးသဖြင့် ရခိုင်နဲ့ မွတ်ဆလင်အသိုင်းအ၀ိုင်း နှစ်ခုကြား တာဝန်ရှိသူတွေနဲ့ လွတ်လွပ်လပ်လပ် တွေ့ဆုံခွင့်ရပါသလားခင်ဗျ။

ဖြေ။ ။ ဟုတ်ကဲ့ လွတ်လွတ်လပ်လပ်တွေ့ပါတယ်။ သီးသန့်တွေ့ပါတယ်။”

စစ်တွေ အကျဉ်းထောင်အတွင်း ထောင်တာဝန်ရှိသူတွေနဲ့ တွေ့ဆုံခဲ့တယ်လို့ စစ်တွေထောင် တာဝန်ခံအရာရှိ ဦးသိန်းလွင်က ပြောပါတယ်။

“ကျနော့်ဆီရောက်တာ ၁၂း၃၀ ကနေပြီးတော့ ၁၄:၂၅ (၂ နာရီ ၂၅) အထိ။ ဒီရောက်လာတော့ ထောင်အရာရှိတွေနဲ့ တွေ့ဆုံတာပေါ့ခင်ဗျ။ အကျဉ်းသားနဲ့ ပတ်သက်ပြီး ဆွေးနွေးတာတော့ မရှိပါဘူးခင်ဗျ။ ထောင်ကိုတော့ ကျနော်တို့ ကြည့်ခွင့်ပေးပါတယ်။ ကျန်တာကတော့ ကျနော်က ဘယ်လိုမှ မအောင့်မေ့ပါနဲ့ ခင်ဗျ၊ ထောင်သားတွေနဲ့ တွေ့တာတွေတော့ ပြောလို့မရပါဘူးခင်ဗျ။”

Ms. Yang Hee Lee ဟာ မနေ့က မောင်တောမြို့မှာ ရှိနေချိန်အတွင်း ဒုက္ခသည်စခန်းတွေကို သွားလေ့လာခဲ့သလို ပဋိပက္ခတွေဖြစ်ခဲ့တဲ့ ကျီးကန်းပြင်ရွာကိုလည်း သွားရောက်ခဲ့ပါတယ်။ ဒါ့အပြင် အဲဒီ့မှာရှိတဲ့ ကျေးရွာတွေကိုလည်း သွားလေ့လာခဲ့ ပြီး နယ်စပ်စခန်းတွေကိုလည်း သွားရောက်ခဲ့တယ်လို့ Ms. Yang Hee Lee ရဲ့ခရီးစဉ်တစ်လျှောက် အတူလိုက်ပါနေတဲ့ ဦးအေးဝင်းက ပြောပါတယ်။

“မောင်းတောမှာ အရင်ဆုံးသွားတာကတော့ ရွှေဗဟိုရွာ မြိုလူမျိုးတွေရှိတဲ့ IDP camp ပေ့ါနော် ။ လမ်းမှာက ငါးခူရအထိ ၊ အကုန်လုံး နာမည်တွေက မမှတ်မိဘူးခင်ဗျ။ နောက် ကျီးကန်းပြင်လည်းရောက်တယ် အလည်ရွာ အနောက်ရွာ နောက် အဲဒီက နယ်စပ်စခန်းတွေလည်းရောက် တယ်။ နောက်လမ်းမှာရှိတဲ့ ရခိုင်ရွာ ဟိန္ဒူရွာ၊ နောက် မွတ်ဆလင်ရွာလည်း ရောက် ခဲ့တယ်။

Ms.Yang Hee Lee ရဲ့ ၃ ရက်တာ ရခိုင်ပြည်နယ် ခရီးစဉ်ကိုတော့ ပြည်နယ်အစိုးရ က တာဝန်ယူထားပြီး ရခိုင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ထိန်ဝင်းက ဦးဆောင်ကာ တာဝန်ယူဆောင်ရွက်နေတာလည်း ဖြစ်ပါတယ်။ ဒါပေမဲ့လို့ ကုလအထူးကိုယ်စားလှယ် သွားရောက်တဲ့ ရွာတွေမှာ ဒေသခံ ရွာသားတွေနဲ့ တွေဆုံတဲ့အခါ လုံခြုံရေးတပ်ဖွဲ့ဝင်တွေ လိုက်ပါမလာ ဖို့ တောင်းဆိုထားတယ်လို့ အစိုးရပြောခွင့်ရပုဂ္ဂိုလ်က ဗွီအိုအေ ကို ပြောဆိုထားပါတယ်။

Ms. Yang Hee Lee အနေနဲ့ မနက်ဖြန်မှာ အရပ်ဖက်လူ့အဖွဲ့အစည်း တာဝန်ရှိသူတွေနဲ့ ရန်ကုန်မြို့မှာ တွေ့ဆုံဖို့ ရှိပါတယ်။ ဒါ့အပြင် ဇန်န၀ါရီလ ၁၈ ရက်နေ့မှာတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့လည်း တွေ့ဆုံမှာပါ။

ဇန်န၀ါရီလ ၂၀ ရက်နေ့မှာတော့ သူ့ရဲ့ ၅ ကြိမ်မြောက် မြန်မာနိုင်ငံ ခရီးစဉ်ကို အဆုံးသတ်မှာဖြစ်ပြီး ခရီးစဉ်တစ်လျှောက်တွေ့ရှိချက်တွေကို အစီရင်ခံစာတစ်ရပ်ရေးသားပြီးတော့ လာမယ့် မတ်လထဲမှာကျင်းပမယ့် ကုလသမဂ္ဂ လူ့အခွင့်အရေးကောင်စီမှာ တင်သွင်းသွားမှာဖြစ်ပါတယ်။
VOA Burmese News

ရှစ်လေးလုံးရှမ်းပြည်နယ်အဖွဲ့ရဲ့ အမှုဆောင်အဖွဲ့ဝင် ဦးတင်မောင်တိုး ကို တွေ့ရစဉ် ရှစ်လေးလုံးရှမ်းပြည်နယ်အဖွဲ့ရဲ့ အမှုဆောင်အဖွဲ့ဝင် ဦးတင်မောင်တိုး ကို တွေ့ရစဉ်
Photo: Kotoe Taunggyi/ Facebook
အမျိုးသားဒီမိုကရေစီအဖွဲ့ချုပ်က ထုတ်ပယ်ခံရသူတွေ၊ နှုတ်ထွက်ထားသူတွေနဲ့ နိုင်ငံရေး အကျဉ်းသားဟောင်းတွေ ပါဝင်တဲ့ ရှစ်လေးလုံး ရှမ်းပြည်နယ်အဖွဲ့ကို ပြည်နယ်အစိုးရအဖွဲ့ထံ တရားဝင်မှတ်ပုံတင်ဖို့ ဦးဆောင်သူတွေက စီစဉ်နေပါတယ်။

တောင်သူလယ်သမားနဲ့ အလုပ်သမားအရေးတွေကို အဓိကဆောင်ရွက်ပေးသွားမှာ ဖြစ်တယ်လို့ ရှစ်လေးလုံး ရှမ်းပြည်နယ်အဖွဲ့ရဲ့ အမှုဆောင်အဖွဲ့ဝင် ဦးတင်မောင်တိုး က ပြောပါတယ်။

"ကျနော်တို့က အခုပါတီလုပ်ငန်းစဉ်က ရပ်နားလိုက်ရတော့ ကျနော်တို့ ဒီမပြီးသေးတဲ့ တောင်သူလယ်သမားတွေ အတွက် နောက်ဒီဒေသခံတိုင်းရင်းသားတွေ အတွက်ပေါ့နော် ကျနော်တို့က ဆက်ပြီး အလုပ်လုပ်ပေးဖို့ လိုတယ်လေ။ အဲဒီတော့ ကျနော်တို့က တရားဝင်ရပ်တည်ဖို့က အဖွဲ့စည်းတစ်ခု ရှိမှဖြစ်မှာလေ။ ကျနော်တို့ လုပ်ငန်းစဉ်က ဒီတောင်သူလယ်သမားရေးရာ၊ အလုပ်သမားရေးရာ၊ အမျိုးသမီးရေးရာ၊ လူငယ်ရေးရာ နောက် တိုင်းရင်းသားလူမျိုးစုရေးရာပေါ့နော်"

ရှစ်လေးလုံး ရှမ်းပြည်နယ်အဖွဲ့အနေနဲ့ အဖွဲ့အစည်းအဖြစ် မှတ်ပုံတင်ရာမှာ အမှုဆောင်အဖွဲ့ဝင် ၁၃ ဦးနဲ့ လျှောက် ထားဖို့ ပြင်ဆင်ထားပြီး အမှုဆောင်တွေထဲမှာ အမျိုးသားဒီမိုကရေစီအဖွဲ့ချုပ်က ထုတ်ပယ်ခံရတဲ့ တောင်ကြီး ခရိုင် ဥက္ကဌဟောင်း ဦးတင်မောင်တိုး၊ ၈၈ မျိုးဆက်တွေထဲက ဦးတင်အောင်မျိုး၊ ဦးဝင်းကိုနဲ့ ဦးကျော်စွာ တို့ ပါဝင်ပါတယ်။

အဲဒီအဖွဲ့ဟာ ရှမ်းပြည်နယ်တောင်ပိုင်းအပြင် မြောက်ပိုင်းနဲ့ အရှေ့ပိုင်းတွေမှာပါ လှုပ်ရှားဆောင်ရွက် သွားမှာ ဖြစ်ပြီး မြို့နယ်အလိုက် အဖွဲ့ဝင်တွေ တိုးချဲ့ဖွဲ့စည်းနိုင်ရေးအတွက် ဆောင်ရွက်သွားဖို့ ရှိတယ်လို့လည်း ပြောပါတယ်။

ရှစ်လေးလုံး ရှမ်းပြည်နယ်အဖွဲ့ရဲ့ အမှတ်တံဆိပ်ကို အဖြူရောင်အောက်ခံပေါ်မှာ အနီရောင်နဲ့ ရှစ်ဂဏန်းလေးလုံး ဖော်ပြသွားဖို့ ရှိတယ်လို့ သိရပါတယ်။
RFA


    ရန်ကုန် ၊ ဇန်န၀ါရီ ၁၆ ရက်(ဆင်ဟွာ)

    ရန်ကုန်မြို့ တွင်း သယ်ယူပို့ ဆောင်ရေး စနစ်သစ် ဖြစ်သည့် ဘတ်စ်ကားစနစ်သစ်အား ယနေ့ ဇန်န၀ါရီ ၁၆ ရက်တွင် စတင်ခဲ့ရာ အခက်အခဲ တစ်ချို့ ကြုံတွေ့ ကြသော်လည်း နယ်ပယ် အသီးသီးရှိ မြို့ ပြ ပြည်သူလူထုမှ ပူးပေါင်း ပါဝင်မှုများ ဆောင်ရွက်ခဲ့ပြီး ကြိုဆိုမှုများ ရှိခဲ့သည်။

ရန်ကုန်တိုင်းဒေသကြီး သယ်ယူ ပို့ ဆောင်ရေး ကြီးကြပ်ကွပ်ကဲမှု အာဏာပိုင် အဖွဲ့ (YRTA)မှ ဦးဆောင်ကာ မော်တော်ယာဉ်လိုင်းများအား စုပေါင်း ပြေးဆွဲသည့် စနစ်ဖြင့် ယာဉ်လိုင်း ၇၀ မှ အစီးရေ ၄၀၀၀ ကျော်ဖြင့် ယနေ့ ဇန်န၀ါရီ ၁၆ ရက်မှ စတင် ၀န်ဆောင်မှု ပေးခဲ့သည်။


စနစ်သစ်ဖြင့် အပြောင်းအလဲ စတင်သည့် ဇန်န၀ါရီလ ၁၆ ရက်တွင် မော်တော်ယာဉ်လိုင်းများနှင့် ပတ်သတ်၍ အများပြည်သူ အခက်အခဲများအား ကူညီဆောင်ရွက်ရန် စေတနာ့ ၀န်ထမ်းများ အဖြစ် ကျောင်းသား လူငယ်များ ၊ လူမှု အဖွဲ့ အစည်းများ နှင့် လွှတ်တော် ကိုယ်စားလှယ်များမှ ကားမှတ်တိုင်များတွင် ပါဝင် ကူညီ ဆောင်ရွက်ခဲ့ခြင်းများ ရှိသကဲ့သို့ ဘက်ပေါင်းစုံမှလည်း ၀ိုင်းဝန်း ကူညီမှုများ ပြုလုပ်ခဲ့ကြသည်။


စေတနာ့ ၀န်ထမ်း အဖြစ် ပါဝင် ဆောင်ရွက်ခဲ့သူ ထွန်းကိုကိုက “နာရေးကူညီမှု အသင်း(ရန်ကုန်)ကနေ စေတနာ့ ၀န်ထမ်း အဖြစ် လာပြီးတော့ ခရီးသွား ပြည်သူများ အတွက် လာရောက် ကူညီခြင်း ဖြစ်ပါတယ်။အတတ်နိုင်ဆုံး အခက်အခဲ မရှိအောင် ကူညီဆောင်ရွက်ပေးနေပါတယ်။စစချင်း ဒီလို ပြောင်းလဲလိုက်တဲ့ပေါ်မှာ အခက်အခဲတွေက အများကြီး ရှိပါတယ်။ဒီအခက်အခဲတွေက ရေရှည်မှာ အားလုံး အဆင်ပြေ ချောမွတ်ဖို့ အတွက် ခဏတာ ခက်ခဲမှု လို့ ခံယူထားပါတယ်။”ဟု ပြောသည်။


ရန်ကုန်မြို့ ၌ ဆယ်စုနှစ် ၂ ခုကျော်ကြာ ပြေးဆွဲခဲ့သည့် မော်တော် ယာဉ်လိုင်းပေါင်းစုံ ထိန်းသိမ်းရေး ကော်မတီ (မ.ထ.သ)မှ ဘတ်စ်ကား ယာဉ်လိုင်းများသည် ၂၀၁၆ ခုနှစ် ဇန်န၀ါရီလ ၁၅ ရက်တွင် ဖျက်သိမ်းကာ ဇန်န၀ါရီလ ၁၆ ရက်မှ ရန်ကုန်တိုင်းဒေသကြီး သယ်ယူ ပို့ ဆောင်ရေး ကြီးကြပ်ကွပ်ကဲမှု အာဏာပိုင် အဖွဲ့ (YRTA)မှ ဦးဆောင်ကာ စုပေါင်း ပြေးဆွဲသည့် စနစ်သစ်ဖြင့် စတင် အကောင်အထည် ဖော်ဆောင်ရွက်ခဲ့သည်။


ယာဉ်စီးခနှုန်းထားအား သန်လျင် အခြေပြု ယာဉ်လိုင်းများနှင့် မြို့ ပြင် ဆက်စပ် ပတ်လိုင်းများမှ အပ အခြား ယာဉ်လိုင်းများ အားလုံး အတွက် ၂၀၀ ကျပ်ဖြင့် နံနက် ၅ နာရီမှ ည ၉ နာရီ အထိ သတ်မှတ် ဆောင်ရွက်ခဲ့သည်။

ယခုအပြောင်းအလဲမှာ ပထမအဆင့် အနေဖြင့် စနစ်ကို ပြောင်းလဲခြင်း ဖြစ်ပြီး နောက်ပိုင်းတွင် ငွေပေးငွေယူ စနစ်အား ကတ်စနစ် အဖြစ် ပြောင်းလဲခြင်း ၊ မော်တော်ယာဉ်များအပေါ်တွင် CCTV ကင်မရာများ ၊ GPS စနစ်များ တပ်ဆင်၍ စနစ်တကျ ထိန်းချုပ် ဆောင်ရွက်သွားမည် ဖြစ်ကြောင်း သိရသည်။


ယခုကဲ့သို့ မြို့ ပြ သယ်ယူပို့ ဆောင်ရေး စနစ်သစ် တစ်ခုအား ပြောင်းလဲဆောင်ရွက်ခြင်းသည် ယာဉ်ကြော ကျပ်တည်းမှု လျှော့ချနိုင်ရေး နှင့် ဘတ်စ်ကားလိုင်းများ စနစ်တကျဖြစ်စေရန် လုပ်ဆောင်ခြင်း ဖြစ်ပြီး ၃ လတာအတွင်း ပြန်လည် သုံးသပ် ဆောင်ရွက် သွားမည် ဖြစ်ကာ တစ်နှစ်တာ ကာလ ကြာမြင့်လာသည့် အခါတွင် ရန်ကုန်မြို့ ၏ အများပြည်သူ သယ်ယူပို့ ဆောင်ရေး စနစ်သည် နိုင်ငံတကာ အဆင့်အတန်းမီ ဖြစ်သွားရန် ရန်ကုန်တိုင်းဒေသကြီး အစိုးရ အဖွဲ့ ဝန်ကြီးချုပ် ဦးဖြိုးမင်းသိန်းက မျှော်မှန်းထားသည်။

“စနစ်သစ်တစ်ခုကို ချက်ချင်း ပြောင်းပြောင်းချင်းမှာ ပြည်သူလူထု အခက်အခဲ မဖြစ်အောင် လွှတ်တော် ကိုယ်စားလှယ်တွေ အနေနဲ့ ပြည်သူတွေကို ကူညီဖို့  အခန်းကဏ္ဍမှာ ရန်ကုန်က လွှတ်တော် ကိုယ်စားလှယ် အားလုံးက ဒီအပြောင်းအလဲမှာ ၀င်ပြီး ကူညီကြတယ်။ဒီနေ့ က ပထမဆုံးနေ့ ဖြစ်တဲ့ အတွက် ပြည်သူတွေ ဘာတွေ အခက်အခဲ ဖြစ်လဲ။အဲဒီ အပေါ်မှာ ပြင်ဆင်ဖို့ လိုတဲ့ အချက်အလက်တွေ တွေ့ ရင် အစိုးရကို ပြင်ဆင်ဖို့ တိုက်တွန်းရမယ်။ဒီလို စနစ်သစ် အပြောင်းအလဲကို ကြိုဆိုရမှာပါ။” စမ်းချောင်း မဲဆန္ဒနယ်(၂) တိုင်းဒေသကြီး လွှတ်တော် ကိုယ်စားလှယ် ဦးသော်တာအောင်က ဆင်ဟွာသို့ ပြောသည်။


ယခုစနစ်အား နိုင်ငံတကာမှ ပညာရှင်များ ၊ မြန်မာလူမျိုး မြို့ပြပညာရှင်များ ကိုယ်တိုင် စနစ်တကျ ကြိုးစားဆောင်ရွက်ထားခြင်း ဖြစ်၍ ရေရှည်တွင် ကောင်းမွန်မည့်သယ်ယူပို့ဆောင်ရေးစနစ် ဖြစ်ကြောင်း Yangon Bus Service(YBS)မှ အသိပေး ထုတ်ပြန်ထားသည်။

ရန်ကုန်တိုင်းဒေသကြီးတွင် လူဦးရေ ၆ သန်းကျော် နေထိုင်လျက်ရှိပြီး လူဦးရေ သိန်း ၂ဝ ကျော်သည် လိုင်းကားများကို နေ့စဉ် အသုံးပြုလျက် ရှိသည်။

စမ်းချောင်းမြို့ နယ်နေ ကိုကျော်ဘိုဘိုလတ်က “စစချင်းကတော့ နည်းနည်းတော့ အခက်အခဲ ရှိပါတယ်။ ပြောင်းတာကတော့ ကောင်းပါတယ်။ စနစ်တကျနဲ့ ဖြစ်သွားတာ ပိုကောင်းပါတယ်။လောလောဆယ်တော့ စီးနေကြကားက မရောက်တော့ ပတ်စီးရမှာပေါ့။နောက်ပိုင်းတော့ အဆင်ပြေသွားမှာပါ။”ဟု ပြောသည်။


အထက်တန်းပြ ကျောင်းဆရာမ တစ်ဦး ဖြစ်သူ ဒေါ်ယုဇန၀င်းက “ပြောင်းလိုက်တဲ့ စနစ်သစ်မှာ ခါတိုင်းဆို စမ်းချောင်းကနေ သန်လျင်ကို နှစ်ဆင့်နဲ့ ရောက်ပါတယ်။ခုဆိုရင် နှစ်ဆင့်နဲ့  မရောက်တော့ဘူး။ နှစ်ဆင့်နဲ့  မရောက်တော့ရင် စရိတ်တွေ ပိုကုန်ပါတယ်။ခုလောလောဆယ်တော့ ကားတွေ အရမ်းကြပ်ပါတယ်။”ဟု ပြောသည်။

“အဓိက ပြသနာက ကား အဆက်ပြတ်တာပါ။လမ်းပိတ်တော့ ကားတွေက မှတ်တိုင်ကို အချိန်နဲ့ အညီ မရောက်နိုင်လို့ ဖြစ်တာပါ။”ဟု ခရီးသွား ပြည်သူတစ်ဦးက ပြောသည်။


စေတနာ့ ၀န်ထမ်း တစ်ဦး ဖြစ်သူ ကိုဇော်ဝင်းဖြိုးက “ခရီးသည် လိုအပ်တဲ့ နေရာ ပြေးဆွဲပေးဖို့ လာရောက် ကူညီတာပါ။ဒီစနစ် ပြောင်းတာ ကျွန်တော်တို့ သဘောကျတဲ့ အတွက် ကူညီတာပါ။ပြောင်းလဲ ပြောင်းသင့်နေတာ ကြာပြီမို့ လို့ ဒီတစ်ပတ်လောက်တော့ လူတွေ ဒုက္ခရောက်ကြမယ်။အဲဒီအတွက် လိုအပ်မယ့် အခက်အခဲတွေကို ကူညီနေကြတာပါ။”ဟု ပြောသည်။

(Xinhua)
http://www.xinhuamyanmar.com



မြွေပွေး ကလေးပေါက်နေပုံ
ဗောဓိတထောင်နှင့်ကျောက်ကာကြား ယာခင်းအတွင်း အသက်၂၀ခန့်လူငယ်စုံတွဲ ညအချိန်ချိန်းတွေ့စဉ် မြွေပွေးပေါက် အကောင်သုံးဆယ်ခန့် ကိုက်၍ အမျိုးသမီးငယ်သေဆုံး

မုံရွာမြို့နယ် ဗောဓိတထောင်နှင့် ကျောက်ကာညောင်ပင်ရွာ ဖြတ်လမ်းဘေး ယာခင်း အတွင်း ဇန်နဝါရီ ၁၃ရက်ညပိုင်းက အသက်၂၀လူငယ်အမျိုးသားနှင့် အမျိုးသမီး ချိန်းတွေ့စဉ် မြွေပွေးပေါက် အကောင်၃၀ခန့်က အမျိုးသမီးငယ်အား ကိုက်ကြရာ သေဆုံးသွားကြောင်း မုံရွာနယ်မြေ ရဲစခန်းစခန်းမှုး ရဲအုပ်ရဲအောင်ထံမှ သိရသည်။

``ညနက်သန်းခေါင်မှာ မုံရွာဆေးရုံကြီးမှုခင်းက ကောင်လေးနှစ်ယောက်ဆိုင်ကယ်နဲ့ ကောင်မလေးတစ်ယောက်ရဲ့ ရုပ်အလောင်းကို လာပို့တယ်ဆိုလို့ သွားစစ်ဆေးတာမြွေပွေးပေါက် အကောင်သုံးဆယ် ကိုက်ခံရလို့ သေဆုံးခဲ့တာကို တွေ့ရပါတယ်။ သေသွားတဲ့ ကောင်မလေးက ချင်းတွင်း အထက်ပိုင်းကနေ မုံရွာနန္ဒဝန်ရပ်ကို လာနေတဲ့သူဖြစ်ပြီး ကောင်လေးကဗောဓိတထောင်နဲ့မိုးညှင်းကြားက အမျိုးသားဆောင်မှာနေနေတာပါ´´ဟုရဲအုပ်ရဲအောင်ကရှင်းပြသည်။

လူငယ်စုံတွဲ ယာခင်းအတွင်း ချိန်းတွေ့စဉ် မိနစ်၂၀ခန့်အကြာတွင် အမျိုးသမီးငယ်ကပူတယ်နာတယ် ကယ်ကြပါဟု ရုတ်တရက်အော်ပြီး နောက်ပိုင်း စကားမေးလုံးဝမရတော့သည့်အတွက် အမျိုးသားငယ်က အဆောင်ပြန်၍ အဖော်သူငယ်ချင်းကို ပြန်ခေါ်ကာ အမျိုးသမီးငယ်ကို ဆိုင်ကယ်ဖြင့်တင်ကာ အမျိုးသမီးငယ်၏ အဆောင်ကိုရှာဖွေစဉ် အ သက်သေဆုံးသွားခြင်းဖြစ်ကြောင်းသိရသည်။ အသက်မရှိတော့သည့် အမျိုးသမီးငယ်ကို ဆိုင်ကယ်ဖြင့် တင်ကာ မုံရွာပြည်သူ့ဆေးရုံရင်ခွဲရုံသို့ လာရောက်ပို့အပ်ရာရဲအုပ်ရဲအောင်နှင့်အဖွဲ့ကဖြစ်စဉ်ကို စစ်ဆေးကာချက်ချင်းပင်အခင်းဖြစ်ယာခင်းသို့ သွားရောက်၍ ပိုက်စိတ်တိုက်ရှာဖွေရာ ကိုက်သွားသောမြွေပွေးပေါက်အကောင်သုံးဆယ်ခန့်ကိုတွေ့ရသောကြောင့် မီးတိုက်ရှို့ကာ သုတ်သင်ရှင်းလင်းခဲ့ကြောင်း ရဲအုပ်ရဲအောင်ထံမှသိရသည်။

မျိုးဝင်းထွန်း မုံရွာ
Myanmaalinn
https://www.facebook.com/MYANMAALINNNEWS/



လားရှိုးမြို့နဲ့  သိန်းနီမြို့အကြားက ရေပူစစ်ဆေးရေးဂိတ်ကို ဇန်နဝါရီလ ၁၆ ရက်နေ့က ပြန်လည်ဖွင့်လှစ်ထားစဉ်။ Photo: Kan Thar/ RFA
ကန့်ကွက်မှုတွေ ရှိနေတဲ့ လားရှိုးမြို့နဲ့  သိန်းနီမြို့အကြားက ရေပူစစ်ဆေးရေးဂိတ်ကို ဒီကနေ့ ပြန်လည်ဖွင့်လှစ်လိုက်ပါတယ်။

ရေပူဂိတ်ကို တာဝန်ယူမယ့် အကောက်ခွန်ဌာန ဒုတိယညွှန်ကြားရေးမှူး ဦးတက်ထွန်းအောင် က နယ်စပ်ကနေ တရားမ၀င် ၀င်ရောက်လာတဲ့ ကုန်ပစ္စည်းတွေကို တားဆီးသွားမှာဖြစ်တယ်လို့ ပြောပါတယ်။

ရေပူဂိတ်မှာ စစ်ဆေးရေးအဖွဲ့အားလုံး မစုံသေးတာကြောင့် ကုန်ပစ္စည်းတွေကို စတင်စစ်ဆေးတာ မရှိသေးပါဘူး။

ဒီကနေ့ ဖွင့်လှစ်လိုက်တဲ့ ရေပူဂိတ်စခန်းမှာ အကောက်ခွန်ဌာန နဲ့ အတူ စီးပွားကူးသန်း၊ ကုန်းလမ်း ပို့ဆောင်ရေး၊ ယာဉ်ထိန်းအဖွဲ့ ၊ မူးယစ်အထူးအဖွဲ့ ၊ လူဝင်မှု ကြီးကြပ်ရေး၊ စိုက်ပျိုးရေးဌာန၊ မွေးမြူရေး ဌာန၊ သတင်း မီဒီယာ၊ ရဲတပ်ဖွဲ့ ၊ သစ်တောဌာနအပြင် ကုန်သည်စက်မှုအသင်း UMFCCI အဖွဲ့တွေလည်းပါဝင် မှာဖြစ်ပြီး အဖွဲ့ နှစ်ဖွဲ့  ခွဲပြီးစစ်ဆေးသွားမှာဖြစ်ပါတယ်။

ကုန်ပစ္စည်းတွေကို စစ်ဆေးရာမှာ ငွေကြေးတစ်စုံတစ်ရာ ပေးဖို့ မလိုအပ်ဘဲ စစ်ဆေးမယ့် ဌာနဆိုင်ရာတွေကို လိုအပ်တဲ့ထောက်ပံ့မှုတွေ ပေးထားပြီးဖြစ် တဲ့အတွက် အဂတိလိုက်စားမှုတွေ မရှိအောင် ဆောင်ရွက်သွားမယ်လို့လည်း ဦးတက်ထွန်းအောင် က ပြောပါတယ်။

နယ်စပ်ကုန်သွယ်ရေးနဲ့ပတ်သက်ပြီး မူဆယ် ၁၀၅ မိုင် ကုန်သွယ်ရေးဇုန်နဲ့ မန္တလေး ၁၆ မိုင်စစ်ဆေးရေးဂိတ်တွေ ရှိနေတဲ့အတွက် အခုလိုရေပူဂိတ် ကိုပြန်လည်ဖွင့်လှစ်တဲ့အပေါ် ကုန်သည်တွေ၊ ယာဉ်မောင်းတွေနဲ့ လုပ်ငန်းရ်ှငတွေက ကန့်ကွက်နေကြတာဖြစ်ပါတယ်။

အလားတူ ရှမ်းတိုင်းရင်းသားများဒီမိုကရေစီအဖွဲ့ချုပ် က လွှတ်တော်ကိုယ်စားလှယ် ၄၀ ခန့် လက်မှတ်ရေးထိုးပြီး ဒီကနေ့ နိုင်ငံတော်သမ္မတထံ ကန့်ကွက်စာပေးပို့ထားတယ်လို့ ရှမ်းပြည်နယ် အမှတ်(၃) မဲဆန္ဒနယ်က အမျိုးသားလွှတ်တော်ကိုယ်စားလှယ် ကိုစိုင်းဝမ်းလှိုင်ခမ်းက ပြောပါတယ်။

ရေပူစစ်ဆေးရေးဂိတ်ဟာ တပ်မတော်အစိုးရလက်ထက် ၁၉၉၈ ခုနှစ်မှာ အရှေ့မြောက်တိုင်း စစ်ဌာနချုပ် လက်အောက်ခံ တပ်ရင်းက တပ်မှူးတွေ အလှည့်ကျ ဂိတ်ထိုင်စစ်ဆေးခဲ့ကြတာဖြစ်ပြီး ၂၀၀၆ ခုနှစ်မှာတော့ နယ်စပ် ကုန်သွယ်ရေးဦးစီးဌာန က လွှဲပြောင်းရယူခဲ့တာဖြစ်ပါတယ်။

၂၀၁၂ ခုနှစ် ဇန်န၀ါရီလမှာ ပိတ်သိမ်းခဲ့တာဖြစ်ပြီး ဒီနေ့ ပြန်လည်ဖွင့်လှစ်တာဖြစ်ပါတယ်။

RFA Burmese
http://www.rfa.org/burmese



၂၀၁၆ အောက်တိုဘာတုန်းက Tashkent တွင်ကျင်းပခဲ့သော OIC နိုင်ငံခြားရေးဝန်ကြီးတွေရဲ့ အစည်းဝေး
မြန်မာနိုင်ငံမှာ ဖြစ်ပွားနေတဲ့ ရိုဟင်ဂျာမွတ်ဆလင် လူနည်းစု အရေးကိစ္စနဲ့ ပတ်သက်ပြီး ၀န်ကြီးအဆင့် အရေးပေါ်ဆွေးနွေးပွဲတရပ်ကို အခုသီတင်းပတ် ကုန်ပိုင်း မလေးရှားနိုင်ငံ ကွာလာလမ်ပူမြို့မှာ ကျင်းပဖို့ ရှိကြောင်း အစ္စလာမ်မစ် ပူးပေါင်းဆောင်ရွက်အဖွဲ့ (OIC) ရဲ့ နိုင်ငံခြားရေး ၀န်ကြီးများ ကောင်စီက ထုတ်ပြန်ကြေညာပါတယ်။

ဆွေးနွေးပွဲခေါ်ယူဖို့အတွက် မလေးရှားအစိုးရက မေတ္တာရပ်ခံခဲ့တာဖြစ်ပြီး အစည်းဝေးကို ဇန်န၀ါရီလ ၁၉ ရက်နေ့မှာ ဖြစ်ကြောင်း အဖွဲ့ရဲ့ ကြေညာချက်မှာ ဖေါ်ပြထားပါတယ်။ လူသားချင်းစာနာမှုအထောက်အကူ တွေကို ရခိုင်ပြည်နယ်အတွင်း ပို့ဆောင်ခွင့်ပြုဖို့အတွက် IOC နဲ့ နိုင်ငံတကာလူ့အဖွဲ့အစည်းတွေက မြန်မာအစိုးရကို တောင်းဆိုကြဖို့အတွက် ဒီအစည်းအဝေးမှာ ဆွေးနွေးကြမှာ ဖြစ်တယ်လို့ ဆိုပါတယ်။

နောက်ပြီး အကြမ်းဖက်မှု ဖြစ်ပွားရတဲ့ အကြောင်းအရင်း ဇစ်မြစ်ကို အဖြေရှာဖို့၊ အိုးအိမ်စွန့်ခွာ ထွက်ပြေးနေကြရတဲ့ ရိုဟင်ဂျာ မွတ်ဆလင်တွေ သူတို့ရဲ့နေအိမ်တွေရှိရာကို လုံခြုံစိတ်ချစွာနဲ့ သိက္ခာရှိရှိ ပြန်နိုင်ခွင့်ရရှိဖို့နဲ့ မြန်မာပြည်တွင်းက ၁ သိန်း ၂ သောင်းကျော်ရှိတဲ့ ရိုဟင်ဂျာ ဒုက္ခသည်တွေရဲ့ အရေးကို ဆွေးနွေးကြမှာ ဖြစ်တယ်လို့ ကြေညာချက်မှာ ဖေါ်ပြထားကြောင်း ကာတာ သတင်းဌာနက ရေးသားထားပါတယ်။

လတ်တလော မြန်မာနိုင်ငံမှာ ရောက်ရှိနေတဲ့ ကုလသမဂ္ဂရဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးစုံစမ်းစစ်ဆေးရေးမှူး Ms Yanghee Lee ဟာ မနေ့က အောက်တိုဘာလအတွင်း အကြမ်းဖက် တိုက်ခိုက်မှုတွေ ဖြစ်ပွားခဲ့တဲ့ ရခိုင်ပြည်နယ် မောင်တောမြို့နယ် အတွင်းက ကျေးရွာတွေကို သွားရောက်လေ့လာခဲ့ပါတယ်။

ဇန်န၀ါရီလ ၁၃ ရက်နေ့ကတည်းက ရခိုင်ပြည်နယ်ကို ရောက်ရှိနေတဲ့ Yanghee Lee ဟာ အကြမ်းဖက်တိုက်ခိုက်ခံခဲ့ရတဲ့ ရသေ့တောင်မြို့နယ် ကိုးတန်ကောက်ရဲစခန်းကို သွားရောက်လေ့လာသလို၊ မွတ်ဆလင်ဒုက္ခသည်စခန်းတွေနဲ့ ဘူးသီးတောင် အကျဉ်းထောင်ကိုလည်း သွားရောက်ခဲ့ပါတယ်။ သူ့ခရီးစဉ်အတွင်း ရခိုင်ပြည်နယ်အစိုးရတာဝန်ရှိသူတွေ၊ လုံခြုံရေးနဲ့နယ်စပ်ရေးရာ တာဝန်ရှိသူ တွေနဲ့ တွေ့ဆုံသလို ဘူးသီးတောင်နဲ့ မောင်တောဒေသက ရခိုင်တိုင်းရင်းသားတွေနဲ့ရော မွတ်ဆလင်တွေနဲ့ပါ တွေ့ဆုံခဲ့ပါတယ်။

ပြီးခဲ့တဲ့ သီတင်းပတ်အတွင်း မြန်မာဒုတိယနိုင်ငံခြားရေးဝန်ကြီး ဦးကျော်တင် ဦးဆောင်ခဲ့တဲ့ မြန်မာ ကိုယ်စားလှယ်အဖွဲ့ဟာ ဘင်္ဂလားဒေ့ရ်ှနိုင်ငံကို သွားရောက်ခဲ့ပြီး ၀န်ကြီးချုပ် Sheikh Hasina အပါဝင် ဘင်္ဂလားဒေ့ရှ် တာဝန်ရှိသူတွေနဲ့ ဆွေးနွေးမှုတွေ ပြုလုပ်ခဲ့ပြီး ဘင်္ဂလားဒေ့ရှ် နိုင်ငံထဲရောက်နေတဲ့ မြန်မာနိုင်ငံသားတွေကို ပြန်လည်ခေါ်ယူရေးနဲ့ ပတ်သက်ပြီး စတင်ဆွေးနွေးမှုတွေ ပြုလုပ်ဖို့ သဘောတူကြောင်း ပြောကြားခဲ့ပါတယ်။

ဒီအတောအတွင်း ရခိုင်ပြည်နယ်တွင်းမှာ ဖြစ်ပွားနေတဲ့ ပဋိပက္ခအရေးကိစ္စတွေကို အဖြေရှာနိုင်ဖို့အတွက် အစိုးရက ဖွဲ့စည်းထားတဲ့ ရခိုင်အကြံပေး ကော်မရှင်အဖွဲ့ဟာ လာမည့် အင်္ဂါနေ့မှာ လေးကြိမ်မြောက် ရခိုင်ပြည်နယ်ခရီးစဉ်အဖြစ် ရမ်းဗြဲနဲ့ ကျောက်ဖြူမြို့တို့ကို သွားရောက်ပြီး ဒေသခံတွေ စီးပွားရေးလုပ်ငန်းတွေက တာဝန်ရှိသူတွေနဲ့ တွေ့ဆုံဖို့ရှိပါတယ်။

၂ ရက်ကြာသွားရောက်မယ့်ခရီးစဉ်မှာ အကြံပေးကော်မရှင်ရဲ့ ဥက္ကဌ ဖြစ်သူ ကုသမဂ္ဂအတွင်းရေးမှုးချုပ်ဟောင်း ကိုဖီအာနန် ကတော့ လိုက်ပါနိုင်မှာမဟုတ်ဘူးလို့ သိရပါတယ်။

 ဗွီအိုအေ (မြန်မာပိုင်း)
http://burmese.voanews.com



 ငြိမ်းချမ်းရေးကို ဖြစ်နိုင်တဲ့ နေရာတွေ မှာ စတင် တည်ဆောက် သွားဖို့ လို။
တနိုင်ငံလုံး အပစ်ရပ် သဘောတူ စာချုပ် NCA ထဲ ပါဝင် လက်မှတ် ရေးထိုး ထားတဲ့ တိုင်းရင်းသား လက်နက်ကိုင် အဖွဲ့ ၈ ဖွဲ့က ခေါင်းဆောင် တွေဟာ နေပြည်တော်ကို သွားပြီး နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နဲ့ တွေ့ဆုံဖို့ ရှိနေ ပါတယ်။

ဒေါ်အောင်ဆန်းစုကြည် ဘက်က တွေ့ဆုံ နိုင်တဲ့ ရက်ကို အတိအကျ မသိ ရသေးပေမယ့် ၊ ဒီလ မကုန်ခင် တွေ့ဆုံ ဖြစ်ဖို့ မျှော်လင့် ထားတယ် ဆိုပြီး ကရင် အမျိုးသား အစည်းအရုံး KNU ရဲ့ အထွေထွေ အတွင်းရေးမှုး ပဒို ကွယ်ထူးဝင်းက ပြောပါတယ်။

NCA ကို အကောင်အထည် ဖော် နေတဲ့ ငြိမ်းချမ်းရေး ဖြစ်စဉ် နဲ့ ပတ်သက်ပြီး ဖြည့်စွက် အကြံပြု တာတွေ ပြုလုပ် နိုင်ဖို့ နဲ့ လတ်တလော ဖြစ်ပေါ် နေတဲ့ အခြေအနေ တွေ အပေါ် မှာလည်း ဆွေးနွေး နိုင်ဖို့ ဒေါ်အောင်ဆန်းစုကြည် နဲ့ တွေ့ဆုံ လိုတာ ဖြစ်တယ် လို့ ဆိုပါတယ်။

မြန်မာပြည် မြောက်ပိုင်းနဲ့ အရှေ့မြောက် ဒေသတွေမှာ အစိုးရ စစ်တပ်နဲ့ တိုင်းရင်း လက်နက်ကိုင် အဖွဲ့ တချို့ကြား တိုက်ပွဲ တွေ ပေါ်ပေါက် လာခဲ့ ပေမယ့်လည်း၊ ငြိမ်းချမ်းရေးကို ရသမျှ အတိုင်းအတာ အနေနဲ့ ဖြစ်နိုင်တဲ့ နေရာတွေ မှာ စတင် တည်ဆောက် သွားဖို့ လိုတယ်လို့ ပဒို ကွယ်ထူးဝင်းက ပြောပါတယ်။

နေပြည်တော်ကို NCA လက်မှတ်ထိုး အဖွဲ့ ခေါင်းဆောင်တွေ သွားတဲ့ အခါစစ်တပ် အကြီးအကဲ ဗိုလ်ချုပ်မှုးကြီး မင်းအောင်လှိုင် နဲ့လည်း တွေဆုံ လိုတယ်လို့ တောင်းဆို ထားပေမယ့်၊ စစ်တပ် ဘက်က တုံ့ပြန် တာမျိုး မပြုလုပ် သေးပါဘူး။

BBC Burmese
http://www.bbc.com/burmese



ရန်ကုန်မြို့၏ ဘတ်စ်ကားလိုင်း စနစ်သစ်ပြောင်းလဲပြေးဆွဲရာတွင် သတ်မှတ် ယာဉ်စီးခထက် ပိုမို တောင်းခံသည့် ယာဉ်များကို ပြင်းထန်သည့် ပြစ်ဒဏ်များ ချမှတ်၍ အရေးယူသွားမည်
ရန်ကုန် ဇန်နဝါရီ ၁၅

ရန်ကုန်မြို့၏ ဘတ်စ်ကားလိုင်း စနစ်သစ် ပြောင်းလဲ ပြေးဆွဲရာတွင် သတ်မှတ်ယာဉ် စီးခထက် ပိုမိုတောင်းခံသည့် ယာဉ်များကို ပြင်းထန် သည့် ပြစ်ဒဏ်များ ချမှတ်၍ အရေးယူသွားမည်ဖြစ်ကြောင်း ရန်ကုန် တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောကြားသည်။

''ယာဉ်စီးခ ပိုမိုတောင်းခံရင် ထိရောက်တဲ့အရေးယူဆောင်ရွက်မှုမျိုး လုပ်သွား မှာပါ၊ ထိရောက်တဲ့အရေးယူဆောင်ရွက်မှုကတော့ ပြင်းထန်မှာဖြစ်ပါတယ်၊ အဲဒီကား ပိတ်သိမ်းခံရတဲ့အထိ အရေးယူဆောင်ရွက်တာတွေ ရှိလာမှာဖြစ် ပါတယ်၊ အရင် ဆောင်ရွက်ခဲ့တဲ့အခြေအနေက အားနည်းပါတယ်၊ ‘ဒါကြောင့် ကားပါဆုံးရှုံးသွားနိုင် တဲ့အခြေအနေအထိ ထိထိရောက်ရောက် အရေးယူ သွားမှာဖြစ်ပါတယ်၊ စည်းမျဉ်း စည်းကမ်းနဲ့ပတ်သက်ပြီး ကျွန်တော်တို့က အားလုံးပါဝင် ဆောင်ရွက်နိုင်ဖို့ ကြိုးပမ်း နေသလို တစ်ဖက်ကလည်း စည်းမျဉ်းစည်းကမ်းနဲ့ ထိထိရောက်ရောက် ဆောင်ရွက် သွားမှာပါ'' ဟု ဝန်ကြီးချုပ် ဦးဖြိုးမင်းသိန်းက ပြောကြားသည်။


ရန်ကုန်တိုင်းဒေသကြီးအတွင်း ဘတ်စ်ကားလိုင်းစနစ်ပြောင်းလဲ ပြေး ဆွဲခြင်းနှင့် ပတ်သက်၍ ဇန်နဝါရီ ၁၄ ရက် ညနေပိုင်းက တိုင်းဒေသကြီး အစိုးရအဖွဲ့ရုံး၌ ပြုလုပ် သည့် စာနယ်ဇင်းရှင်းလင်းပွဲတွင် မီဒီယာများ ၏ မေးမြန်းမှုအပေါ် ပြန်လည်ဖြေကြား ရာတွင် ယင်းကဲ့သို့ ပြော ကြားခြင်းဖြစ်သည်။

ရန်ကုန်မြို့အတွင်း ယာဉ်ကြောကျပ်တည်းမှုလျှော့ချနိုင်ရန်နှင့် ဘတ်စ်ကား လိုင်းများစနစ်တကျဖြစ်စေရန်အတွက် ရန်ကုန်မြို့တွင်း လက်ရှိပြေးဆွဲနေ သည့် ဘတ်စ်ကားယာဉ်လိုင်းပေါင်း ၃ဝဝ ကျော်ကို ထိန်းချုပ်လျက် ရှိသော မော်တော်ယာဉ် လိုင်းပေါင်းစုံထိန်းသိမ်းရေးကော်မတီ (မ.ထ.သ ) ကိုဖျက်သိမ်း၍ ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်မှု အာဏာပိုင်အဖွဲ့၏ကြီးကြပ်မှုဖြင့် ဇန်နဝါရီ ၁၆ ရက်မှစတင်ကာ ယာဉ်လိုင်း ၆၁ လိုင်းဖြင့် စတင်ပြေးဆွဲသွားမည်ဖြစ်သည်။

ယင်းသို့ပြေးဆွဲရာတွင် ကနဦး စာရင်းများအရ ယာဉ်အစီးရေ ၃၇ဝဝ ကျော်ဖြင့် စတင် ပြေးဆွဲသွားမည်ဖြစ်ပြီး ခရီးစဉ်တိုသည့် ယာဉ်လမ်းကြောင်းတွင် ယာဉ်အစီးရေ ၅၅ စီးခန့်ဖြင့် လည်းကောင်း၊ ခရီးစဉ်ရှည်သည့် လမ်းကြောင်းတွင် ယာဉ်အစီးရေ ၁၁ဝ ကျော်ခန့်ဖြင့် လည်းကောင်း အသုံးပြုပြေးဆွဲသွားမည်ဖြစ်သည်။ ယာဉ်စီးခ နှုန်းထား များကို ငွေကျပ် ၁ဝဝ၊ ၂ဝဝ၊ ၃ဝဝ စသည်ဖြင့် ခရီးစဉ်အပိုင်းအလိုက် သတ်မှတ်ကောက်ခံသွားမည်ဖြစ်ပြီး အဆိုပါဘတ်စ်ကားများ စတင်ပြေး ဆွဲရာတွင် ပြည်သူများအဆင်ပြေစေရန်အတွက် ကားမှတ်တိုင်များ တွင် ကြော်ငြာဆိုင်းဘုတ်များ ကပ်ထားမည့်အပြင် စေတနာ့ဝန်ထမ်းများက သက်ဆိုင်ရာနှင့်အတူ ပြည်သူများ ခရီးသွားလာမှု အဆင်ပြေစေရန် လမ်းညွှန်ကူညီမှုများ ပြုလုပ်ပေးသွားမည်ဖြစ်ကြောင်း သိရသည်။

“''ရုံးဆင်းရုံးတက်ချိန်တွေမှာ ၂ မိနစ်၊ ၃ မိနစ်တစ်စီး လွှတ်ပေးမှာပါ။ လူပါး တဲ့အချိန်မှာတော့ ၅ မိနစ် တစ်စီးနှုန်း လွှတ်ပေးသွားမှာဖြစ်ပါတယ်''ဟု ရန်ကုန်တိုင်း ဒေသကြီး လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေး ဝန်ကြီး ဒေါ်နီလာ ကျော်က ပြောသည်။

ထိုသို့ပြောင်းလဲပြေးဆွဲရာတွင် ယာဉ်အသစ်များနှင့် ကြံ့ခိုင်ကောင်း မွန်နေ သော ယာဉ်များကို အဆင့်အလိုက်သတ်မှတ်၍ ဦးစားပေး လမ်းကြောင်းများတွင် ထည့်သွင်းပြေးဆွဲသွားမည်ဖြစ်သည်။ ထို့အပြင် ဒိုင်နာ၊ ဘီအမ်ကားများကို သုံးလ အထိ ဆက်လက်ပြေးဆွဲခွင့်ပြုသွားမည်ဖြစ်ပြီး ယာဉ်ပိုင်ရှင်များအနေဖြင့် ဇန်နဝါရီ ၁၅ ရက်နေ့ နောက်ဆုံးထားပြီး ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်မှုအာဏာပိုင်အဖွဲ့ထံ တင်ပြရမည်ဖြစ်ကြောင်း၊ ယင်းသို့ဆောင်ရွက်ရာတွင် ပြန်လည် ပါဝင် လာခြင်း မရှိတော့သည့် CNG ဘတ်စ်ကားများကို သက်ဆိုင်ရာက CNG ဆက်လက်ထုတ်ပေးမည်မဟုတ်ကြောင်း သတင်းစာရှင်းလင်းပွဲမှ သိရသည်။
''ဘတ်စ်ကားတွေမှာCNG တပ်ပေးခဲ့တာဟာ အများပြည်သူကို သယ်ယူ ပို့ဆောင်ရေးလုပ်ငန်းရပ်တွေ လုပ်ပေးဖို့တပ်ပေးခဲ့တာဖြစ်တဲ့အတွက် အခုပြေးဆွဲမယ့် ယာဉ်လိုင်းတွေထဲမှာ မပါတော့တဲ့ CNG ယာဉ်တွေကို ဇန်နဝါရီ ၁၆ ရက်ကစပြီး CNG မပေးတော့ပါဘူး၊ ကျန်တဲ့ကုန်သယ်ယူရေး ယာဉ်တွေနဲ့ အငှားယာဉ်ဖြစ်တဲ့ CNG ယာဉ်တွေ မပါဝင်ပါဘူး'' ဟု တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ဆိုသည်။

ထို့အပြင် ဘတ်စ်ကားလိုင်းစနစ် ပြောင်းလဲပြေးဆွဲမှုနှင့်ပတ်သက်၍ ပြည်သူ များ၏အသံကိုနားထောင်ပြီး လိုအပ်ချက်ရှိသည့်နေရာတွင် တိုးချဲ့ပြေး ဆွဲနိုင်ရန် ဆောင်ရွက်သွားမည်ဖြစ်ကြောင်း၊ ဘတ်စ်ကား လိုင်းပြေးဆွဲမှုနှင့် ပတ်သက်၍ သုံးလ တစ်ကြိမ် ပြန်လည်သုံးသပ်သွားမည်ဖြစ်ကြောင်းနှင့် တစ်ဦးချင်းပိုင်ပြေးဆွဲနေသော ယာဉ်လိုင်းများကို ပေါင်းစပ်၍ စုပေါင်းပြေးဆွဲ သည့်စနစ်မှ အများပိုင်စနစ်ကို ပြောင်းလဲသွားမည်ဖြစ်ကြောင်း ၄င်းက ဆက်လက်ပြောကြားသည်။

ယင်းကဲ့သို့ အများပိုင်ကုမ္ပဏီများအဖြစ် ပြောင်းလဲပြီးနောက် အဆိုပါ ဘတ်စ်ကားများတွင် CCTV များ၊ GPS စနစ်များ တပ်ဆင် မည်ဖြစ်ကြောင်း၊ ငွေပေးချေရာတွင်လည်း ကတ်စနစ်အသုံးပြုသွားမည်ဖြစ်ပြီး အဆိုပါကားများကို Control Center ဖြင့် ထိန်းချုပ်မည်ဖြစ်ကြောင်း၊ ရန်ကုန်မြို့အတွင်း ဘတ်စ်ကား ပြေးဆွဲရန် ရန်ကုန်တိုင်းဒေသကြီး သယ်ယူ ပို့ဆောင်ရေးကြီးကြပ်မှုအာဏာပိုင်အဖွဲ့ထံ လာရောက်လျှောက်ထားသည့် ကုမ္ပဏီ ၂ဝ ရှိကြောင်း၊ တိုင်းဒေသကြီး အစိုးရကိုယ်တိုင် ရှယ်ယာထည့်ဝင်ပြီး ၂ဝ၁၇ ခုနှစ်အတွင်း အဆိုပါယာဉ်လိုင်း များ ကို အများပိုင် ဘတ်စ်ကား လိုင်းများအဖြစ် ပြောင်းလဲသွားမည် ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့မှ သိရသည်။

ရန်ကုန်တိုင်းဒေသကြီးတွင် လူဦး ရေခြောက်သန်းကျော် နေထိုင်လျက် ရှိပြီး လူဦးရေ သိန်း ၂ဝ ကျော်မှာ လိုင်းကားများကို နေ့စဉ် အသုံးပြု လျက်ရှိကာ ရန်ကုန်မြို့နေပြည်သူများ အဆင်ပြေစေရေးအတွက် ရန်ကုန် ဘတ်စ်ကား အများနှင့် သက်ဆိုင်သော ကုမ္ပဏီအနေဖြင့် ရန်ကုန်မြို့တွင် ပထမဆုံးBRT ယာဉ်လိုင်းကို ၂ဝ၁၆ ခုနှစ် ဖေဖော်ဝါရီလ ၇ ရက်နေ့တွင် စတင်ပြေးဆွဲ ခဲ့ကြောင်း သိရသည်။

သတင်းနှင့်”ဓာတ်ပုံ-ဇော်ကြီး(ပဏီတ)
MOI Webportal Myanmar
https://www.facebook.com/MOIWebportalMyanmar



ကချင်ပြည်နယ်က စစ်ပြေးဒုက္ခသည်တချို့ကို တွေ့ရစဉ်။ Photo: RFA
ကချင်ပြည်နယ် မံစီမြို့နယ် မိုင်းခေါင် ရွာတဝိုက်မှာ အစိုးရတပ်မတော်နဲ့ ကေအိုင်အေ တပ်တွေ ဒီရက်ပိုင်းအတွင်း တိုက်ပွဲတွေဖြစ်ပွားနေတာကြောင့် မန်ကောင်နဲ့ လွယ်ခမ်းရွာသား သုံးဆယ်ကျော်ဟာ မိုင်းခေါင်ကချင်နှစ်ခြင်းအသင်းတော် ကယ်ဆယ်ရေးစခန်းကို ထွက်ပြေးခိုလှုံလာကြပါတယ်။

မန်ကောင် ၊ လွယ်ခမ်းစတဲ့ ရွာတွေတဝိုက်မှာ ပြီးခဲ့တဲ့ ဇန်နဝါရီ ၁၁ ရက်နေ့ကစပြီး ဒီကနေ့အထိ တိုက်ပွဲတွေဖြစ်ပွားနေတယ်လို့ မိုင်းခေါင်ရွာ ကချင်နှစ်ခြင်းအသင်းတော် ကယ်ဆယ်ရေးစခန်း တာဝန်ခံ ဦးနော်မိုင် က ပြောပါတယ်။

အစိုးရ တပ်မတော် တပ်မ ၈၈ လက်အောက်ခံ တပ်တွေနဲ့ ကေအိုင်အေ တပ်မဟာ ၃ လက်အောက်ခံ တပ်ရင်း ၁၂၊ တပ်ရင်း ၂၇ တို့အကြား တိုက်ပွဲဖြစ်နေတာဖြစ်ပါတယ်။

လောလောဆယ်မှာ စစ်ဘေးဒုက္ခသည်တွေကို အရပ်ဖက်လူမှုအဖွဲ့တချို့က ထောက်ပံ့ကူညီနေတယ် လို့ မိုင်းခေါင်ရွာ အုပ်ချုပ်ရေးမှူး က ပြောပါတယ်။

အလားတူ ကေအိုင်အေ ဋ္ဌာနချုပ် လိုင်ဇာ ပတ်ဝန်းကျင်တဝိုက်မှာလည်း အစိုးရတပ်မတော်နဲ့ ကေအိုင်အေ တို့ ရက်ရှည်တိုက်ပွဲတွေ ဖြစ်ပွားနေပြီး နှစ်ဘက် ထိခိုက်ကျဆုံးမှုတွေရှိနေပါတယ်။

RFA Burmese
http://www.rfa.org/burmese



 ဘရာဇီး နိုင်ငံရဲတပ်ဖွဲ့ မှ Piraquara အကျဉ်းထောင် သို့ ဝင်ရောက်နေစဉ် (ဆင်ဟွာ)
ရီယိုဒီဂျနေရို ၊ ဇန်နဝါရီ ၁၆ ရက် (ဆင်ဟွာ)

ဘရာဇီး နိုင်ငံ Rio Grande do Norte ပြည်နယ် ရှိ Piraquara အကျဉ်းထောင်တွင် ဖြစ်ပွား ခဲ့သော ထောင်ဆူမှု အား ဇန်နဝါရီလ ၁၅ ရက်နံနက်ပိုင်းတွင် ထိန်းချုပ်နိုင်ခဲ့ပြီး လက်ရှိချိန်တွင် သေဆုံးသူ ၂၆ ဦးရှိကြောင်း Rio Grande do Norte ပြည်နယ် အစိုးရ က ဇန်နဝါရီ ၁၅ ရက်နေ့က ထုတ်ပြန် ခဲ့သည်။
Rio Grande do Norte ပြည်နယ် ဥပဒေရေးရာ နှင့် ပြည်သူ့ရေးရာ ဌာန ဌာနမှူး က သတင်းစာ ရှင်းလင်းပွဲတွင် ယခု ဖြစ်ပွားခဲ့သည့် ထောင်ဆူမှု သည် ယခင် Amazonas ပြည်နယ် နှင့်  Roraima ပြည်နယ် တွင် ဖြစ်ပွား ခဲ့သည့် ထောင်ဆူမှုများ နှင့် ပတ်သက်ခြင်း မရှိကြောင်း ၊ သို့သော် ထို ကိစ္စရပ် နှစ်ခု သည် ယခု အကျဉ်းထောင် အတွင်းရှိ အကျဉ်းသားများကို အားပေး သလို ဖြစ်ခဲ့ကြောင်း ပြောကြားခဲ့သည်။

ထို့ပြင် ဌာနမှူး က လက်ရှိချိန်တွင် ထောင်ဆူမှု ကို ဦးဆောင်ခဲ့သည့် အကျဉ်းသား ၆ ဦးကို သိရှိခဲ့ရပြီး ထို ၆ ဦးကို ဖက်ဒရယ် အကျဉ်းထောင် သို့လွှဲပြောင်ရန် တောင်းဆိုခဲ့ပြီး ဖြစ်ကြောင်း ပြောကြားခဲ့သည်။

သတင်းအချက်အလက်များ အရ လက်ရှိချိန် တွင် ၂၆ ဦးသေဆုံး ခဲ့သည့် အပြင် အကျဉ်းသား ၉ ဦးမှာ ဒဏ်ရာ စိုးရိမ်ရသောကြောင့် Rio Grande do Norte ပြည်နယ် ၏ မြို့တော် Natal သို့ ဆေးဝါးကုသရန် ပို့ဆောင် ခဲ့ကြောင်း သိရှိရသည်။

Rio Grande do Norte ရဲတပ်ဖွဲ့က ယခု ဖြစ်ပွား ခဲ့သည့် ထောင်ဆူမှု သည် ဇန်နဝါရီ ၁၄ ရက် ညနေပိုင်း တွင် စတင် ဖြစ်ပွား ခဲ့ပြီး အဓိက အားဖြင့် အကျဉ်းသား ထားရှိသည့် အခန်း ၂ ခန်းမှ တိုက်ခိုက်မှုများ ဖြစ်ပွားရာမှ စတင်ခဲ့ပြီး ထောင်တစ်ခုလုံး ဆူပူမှု ဖြစ်ပွားခဲ့ကြောင်း ပြောကြား ခဲ့သည်။

Piraquara  အကျဉ်းထောင်သည် Rio Grande do Norte ပြည်နယ် ရှိ အကြီးဆုံး အကျဉ်းထောင် တစ်ခုဖြစ်ပြီး အကျဉ်းသား ၆၂၀ လက်ခံ နိုင်သည့် အကျဉ်းထောင် ဖြစ်သည်။ သို့သော် လက်ရှိချိန်တွင်  အကျဉ်းသား ၁၁၅၀ ဦးလက်ခံထားပြီး ၂၀၁၆ ခုနှစ်တွင် ထိုအကျဉ်းထောင် မှ အကျဉ်းသား ၁၀၀ ကျော် ထွက်ပြေး ခဲ့ကြောင်း သိရှိရသည်။

(Xinhua)
http://xinhuamyanmar.com



ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ရုံးမှာ ဇန်နဝါရီလ ၁၆ ရက်နေ့က ရန်ကုန်တိုင်းဝန်ကြီးချုပ် ဦးဖြိုးမင်းသိန်း သတင်းစာရှင်းလင်းပွဲ ကျင်းပနေစဉ်။ Photo: Kyaw Zaw Win/ RFA
ဘတ်စ်ကားလိုင်းအသစ်တွေအားလုံး အဆင်ပြေဖို့အတွက် တစ်ပတ်လောက် အချိန်ယူရမှာ ဖြစ်ကြောင်း ရန်ကုန် တိုင်းဝန်ကြီးချုပ် ဦးဖြိုးမင်းသိန်းက ပြောပါတယ်။

ဒီကနေ့ ရန်ကုန်မြို့မှာ အသစ်ဖွင့်လှစ်လိုက်တဲ့ ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ရုံးမှာ ပြုလုပ်တဲ့ သတင်းစာရှင်းလင်းပွဲမှာ ပြောတာဖြစ်ပါတယ်။

"မနက်ကျတော့မှ စတေကာကပ်ပြီးထွက်တော့ ကျနော်တို့သတ်မှတ်ထားတဲ့အချိန်နဲ့ တပြေးညီမထွက်နိုင် ဘူး၊ စတေကာကပ်တာက နာရီဝက်လောက်ကြာနေတယ်၊ အဲ့လိုတွေဖြစ်နေတော့ ဒီနေ့မနက်မှာ ကျနော်တို့ကသောင်းကနင်းဖြစ်တယ်၊ စီးတဲ့ပြည်သူလူထုကလည်း ပိုက်ဆံပိုပေးရရင် ပိုပေးရပါစေ၊ သွားချင်တဲ့ခရီးကိုပဲတိုက်ရိုက်ရောက်ချင်တယ်၊ အခုကပုံစံတွေပြောင်းကုန်တော့ ဘယ်ကားကိုစီးရမယ် ဆိုတာမသေချာဘူးဖြစ်နေတယ်၊ အခုဖြစ်နေတဲ့အနေအထားက ဒီပုံပါပဲ၊ အခုဝိုင်းဝန်းကူညီမှုနဲ့ အဆင်တော့ပြေနေတယ်၊ ဒီပုံကတစ်ပတ်လောက်တော့ ဖြစ်နေမှာပါ၊ အသစ်တွေကို လက်ခံနိုင်ရင်ပေါ့ဗျာ"

ဘတ်စ်ကားလိုင်းအသစ်တွေ ဒီကနေ့ စတင်ပြေးဆွဲရာမှာ ကားအရေအတွက်နည်းတဲ့အတွက် ရုံးချိန် အသွားအလာများတဲ့အချိန်မှာ ခရီးသည်တွေ အခက်အခဲဖြစ်ကြရပါတယ်။ ခရီးသည်တွေ သွားလာရ အဆင်ပြေအောင် ဘတ်စ်ကားမှတ်တိုင်တွေမှာ တာဝန်ယူပေးဖို့အတွက် စေတနာ့ဝန်ထမ်း ၅၀၀၀ ကျော်က ကူညီပေးနေပါတယ်။

အရင်ကရှိခဲ့တဲ့ မထသ အဖွဲ့ကို ဖျက်သိမ်းလိုက်ပြီဖြစ်တဲ့အတွက် အဲဒီမှာ တာဝန်ယူကြတဲ့ ၀န်ထမ်းတွေက အလုပ်ပြုတ်မှာကို စိုးရိမ်နေကြတဲ့အပေါ် ၀န်ကြီးချုပ် ဦးဖြိုးမင်းသိန်းက သူတို့အားလုံးကို အစိုးရ၀န်ထမ်းအဖြစ် ဆက်လက်ခန့်အပ်သွားမှာဖြစ်ပြီး အစိုးရက တာဝန်ပေးတဲ့ နေရာမှာ ဆက်လက် တာဝန်ထမ်းဆောင်ကြ ရမှာ ဖြစ်တယ်လို့ ပြောပါတယ်။ မထသ ၀န်ထမ်း အရေအတွက်က ၇၀၀ ကျော်လောက်ရှိပါတယ်။

ဒါ့အပြင် ဘတ်စ်ကားပိုင်ရှင်တွေဟာ အသစ်ပြောင်းလိုက်တဲ့ အများပိုင်စနစ်ကို နားလည် သဘောပေါက်မှု အားနည်းနေပြီး တစ်စီးချင်း နေ့စဉ်ရတဲ့ ငွေကိုသာ ထုတ်ယူလိုကြတယ်လို့ ပြောပါတယ်။ အစိုးရက အခုပြောင်းလိုက်တဲ့ စနစ်ဟာ ကားမောင်းသမားတွေကလည်း လစာနဲ့သာ တာဝန်ထမ်းကြရမှာဖြစ်ပြီး ပိုင်ရှင်တွေအနေနဲ့ ကလည်း သူတို့ကားတွေကို လိုင်းကောင်းတဲ့ နေရာတွေမှာပဲ ထည့်ချင်ကြတယ်လို့ ပြောပါ တယ်။ လက်ရှိစနစ်အသစ်အရ ဘယ်လိုင်း မှာပဲ ပြေးပြေး မိမိတို့ ထည့်ဝင်ထားတဲ့ ကားအရေအတွက်အပေါ် မူတည်ပြီး ၀င်ငွေအကျိုးအမြတ်ကို တန်းတူရကြမှာ ဖြစ်တယ်လို့ ပြောပါတယ်။

RFA Burmese
http://www.rfa.org/burmese


ယာဉ်လိုင်းတွေက ဘတ်စ်ကားတွေ မထသတံဆိပ်ကနေ YBS တံဆိပ်ပြောင်းလဲကပ်ထားရာမှာ အချိန်မီ ပြီးစီးမှု မရှိတဲ့အတွက် ယာဉ်လိုင်းသစ်စတင်မယ့် ဒီနေ့ မနက်မှာ အစီးရေအပြည့် အ၀ ပြေးဆွဲနိုင်ခြင်းမရှိတာဖြစ်တယ်လို့ သိရပါတယ်။

 တံဆိပ်ကပ်ထားမှု ပြီးစီးခြင်းမရှိတာရယ် ၊ ညလုံးပေါက် တံဆိပ်ကပ်တဲ့အတွက် မနက်ပိုင်း ယာဉ်လုပ်သားအားလုံး လုပ်ငန်းခွင်မ၀င်ရောက်နိုင်တာတွေရယ်ကြောင့် အခုလိုမှတ်တိုင်တွေမှာ ကားရောက်ရှိမှု နည်းပါးပြီး ခရီးသည်တွေ အခက်အခဲဖြစ်ကြရတာဖြစ်တယ်လို့ YBS ၂၁ ယာဉ်လိုင်းပိုင်ရှင်တစ်ဦးဖြစ်သူ ကိုတရုတ်လေးက 5 plus ကိုပြောပါတယ်။


 ဒါပေမယ့်လည်း နောက်နေ့တွေ မှာတော့ ဒီကနေ့ ပြေးဆွဲတဲ့ဘတ်စ်ကား အစီးရေ ပမာဏထက် ပိုမိုများပြားလာမှာဖြစ်တယ်လို့လည်း ကိုတရုတ်လေးက ပြောပါတယ်။ မနက်အစောပိုင်းမှာ ဘတ်စ်ကားတွေ ဂိတ်ကနေ ၅ မိနစ် တစ်စီးနှုန်းနဲ့ ထွက်ပေးနေသလို ရုံးချိန်အတွင်းမှာတော့ ၂ မိနစ်တစ်စီးနှုန်း နဲ့ ပြေးဆွဲပေးနေတယ်လို့ ယာဉ်လိုင်းပိုင်ရှင်တွေက ပြောပါတယ်။ အဲဒီလို ပြေးဆွဲပေးနေပေမယ့် ယာဉ်လမ်းကြောင်း ပိတ်ဆို့မှုတွေရှိတဲ့အတွက် သတ်မှတ်ချိန်အတိုင်း မှတ်တိုင်တွေကို အချိန်မီ မ၀င်ရောက်နိုင်တာဖြစ်တယ် လို့လည်း YBS ၂၃ ယာဉ်လိုင်းပိုင်ရှင်တစ်ဦးဖြစ်သူ ဦးသန်းလွင်ကပြောပါတယ်။


 လက်ရှိမှာ ခရီးသွားပြည်သူတွေအနေနဲ့ ဒီကနေ့ မနက်ပိုင်းကစလို့ ဘတ်စ်ကားအစီးရေ လာရောက်မှုနည်းပါးတဲ့အတွက် မှတ်တိုင်တွေမှာလူတွေ စုပြုံပြီး အခက်အခဲတွေနဲ့ ရင်ဆိုင်နေကြရတာဖြစ်ပါတယ်။ ခရီးသွားပြည်သူတွေအခက်အခဲအဆင်ပြေစေဖို့ ကိုယ်ပိုင်ကား တချို့ကလည်း အခမဲ့ဝင်ရောက်ကူညီပြေးဆွဲပေးနေတယ်လို့ သိရပါတယ်။

ဓာတ်ပုံ - 5 PLUS NEWS
5 Plus News
https://www.facebook.com/5plusnews



(၀ ကိုယ်ပိုင်အုပ်ချုပ်ခွင့်ရ အထူးဒေသက ပန်ဆန်းမြို့ကို တွေ့ရစဉ်) Photo: Kan Thar/RFA
မြန်မာနိုင်ငံက လူမျိုးစုလက်နက်ကိုင်အဖွဲ့တွေထဲမှာ အင်အားအကြီးဆုံးဖြစ်တဲ့ UWSP ၀ပြည် သွေးစည်းညီညွတ်ရေးပါတီမှာ ပြီးခဲ့တဲ့ ၂၅ နှစ်အတွင်း ပထမဆုံးအကြိမ် ရွေးကောက်ပွဲ ကျင်းပပြီး ခေါင်းဆောင်ပိုင်း အပြောင်းအလဲတွေဖြစ်လာတော့မယ်လို့ ရိုက်တာ သတင်းကဖေါ်ပြပါတယ်။

ဝ ကိုယ်ပိုင်အုပ်ချုပ်ခွင့်ရ အထူးဒေသအနေနဲ့ ပြီးခဲ့တဲ့ ၁၉၉၂ ခုနှစ်ကနေ အခုထိ ပထမဆုံးအကြိမ် ရွေးကောက်ပွဲကို ဒီနှစ်အတွင်း ကျင်းပမယ်လို့ သိရပါတယ်။ ၁၉၈၉ ခုနှစ်က စတင်ထူထောင်ခဲ့တဲ့ UWSP ပါတီရဲ့ လူကြီးပိုင်း ခေါင်းဆောင်တွေ အနားယူကြတော့မှာဖြစ်ပြီး အရည်အချင်းပြည့်တဲ့ လူငယ်ခေါင်းဆောင်သစ်တွေ တက်လာကြမယ်လို့ ၀ အကြီးတန်းအရာရှိ သုံးဦးက အတည်ပြု ပြောဆိုကြောင်း ရိုက်တာသတင်းက ဖေါ်ပြပါတယ်။

အခုလို ၀ ခေါင်းဆောင်ပိုင်းအပြောင်းအလဲဟာ ဒေါ်အောင်ဆန်းစုကြည် ဆောင်ရွက်နေတဲ့ ငြိမ်းချမ်းရေးလုပ်ငန်းစဉ်အတွက်လည်း အရေးကြီးတယ်လို့ သတင်းမှာဖေါ်ပြပါတယ်။ UWSP ၀ပြည် သွေးစည်းညီညွတ်ရေးပါတီ ဗဟိုကော်မတီဝင်ဟောင်း၊ ရန်ကုန်အခြေစိုက် နိုင်ငံရေးအကဲခတ် ဦးစိုးနိုင် ကလည်း ဒေါ်အောင်ဆန်းစုကြည်ရဲ့ ငြိမ်းချမ်းရေးဆွေးနွေးပွဲတွေဟာ ၀ မပါဘဲ မဖြစ်နိုင်သလောက်ပါ၊ အစိုးရနဲ့ တိုင်းရင်းသားလက်နက်ကိုင်အဖွဲ့တွေကြားမှာ ၀ ကဖြန်ဖြေသူလည်းဖြစ်ပါတယ်လို့ ပြောဆိုပါတယ်။

UWAP ပါတီမှာ ပါတီဝင် တစ်သောင်ခွဲဝန်းကျင်ရှိပြီး၊ UWSA ဝ တပ်ဖွဲ့မှာ အင်အားသုံးသောင်း ၀န်းကျင်ရှိပါတယ်။ လက်ရှိ UWAP ပါတီ ဥက္ကဌ ပေါက်ယူချန်းဟာ အသက်အရွယ်ကြီးရင့်နေပြီး၊ ကျန်းမာရေးမကောင်းဘူးလို့ သတင်းမှာဖေါ်ပြပါတယ်။

RFA Burmese
https://www.facebook.com/rfaburmese/



CIA ညွှန်ကြားရေးမှုး နေရာက ဖယ် ပေးရတော့မယ် ဂျွန် ဘရင်နန်
ရုရှား ရဲ့ အပြုအမူတွေ၊ ရည်ရွယ်ချက် တွေနဲ့ သူတို့မှာ ဘယ်လောက် လုပ်နိုင် ကိုင်နိုင်စွမ်း ရှိတယ် ဆိုတဲ့ အချက်တွေ အပေါ် အမေရိကန် သမ္မတသစ် ဖြစ်လာမယ့် ဒေါ်နယ်ထရမ့် အနေနဲ့ အပြည့်အဝ နားလည် ထားမှု မရှိဘူး ဆိုပြီး အမေရိကန် ဗဟို ထောက်လှမ်းရေး အေဂျင်စီ CIA အဖွဲ့ရဲ့ ညွှန်ကြားရေးမှုး နေရာက ဖယ် ပေးရတော့မယ် ဂျွန် ဘရင်နန်က ပြောလိုက်ပါတယ်။

ဒေါ်နယ်ထရမ့် သမ္မတ ဖြစ်လာတဲ့ အခါ ရုရှား အပေါ် အမေရိကန်က ချမှတ်ထားတဲ့ ပိတ်ဆို့ အရေးယူမှု တွေကို ပြန်လည် ဖယ်ရှားမယ် ဆိုရင် အင်မတန် သတိကြီးကြီး ထားပြီးမှ လုပ်ဆောင် သင့်တယ်လို့ မစ္စတာ ဘရင်နန်က ပြောပါတယ်။

ရုရှား အစိုးရ ဘက်က လုပ်ပုံ လုပ်နည်းတွေ မပြောင်းလဲ သ၍ ပိတ်ဆို့မှုတွေ မဖယ်ရှား သင့်ဘူး လို့လည်း မစ္စတာ ဘရင်နန်က ဆိုပါတယ်။

အမေရိကန် သမ္မတ ရွေးကောက်ပွဲ ကာလ တုန်းက ရုရှားက ကွန်ပြူတာ ထွင်းဖောက် တိုက်ခိုက်မှု တွေ ပြုလုပ်ခဲ့တယ် ဆိုတဲ့ အမေရိကန် ထောက်လှမ်းရေး ဌာနတွေရဲ့ တွေ့ရှိမှု တွေ အပေါ် မစ္စတာ ထရမ့်က အရေးကြီးတဲ့ ကိစ္စ မဟုတ်သလို မျိုး သဘောထားတွေ ပြသ ခဲ့တဲ့ အပေါ်မှာလည်း မစ္စတာ ဘရင်နန်က ဝေဖန် ခဲ့ပါတယ်။

BBC Burmese
http://www.bbc.com/burmese