01/18/17

သမ္မတကျမ်းကျိန်ပွဲအခမ်းအနားအတွက် ပြင်ဆင်
သမ္မတကျမ်းကျိန်ပွဲအခမ်းအနားအတွက် ပြင်ဆင်
ဝါရှင်တန်မြို့တော်မှာ သောကြာနေ့ကျင်းပမယ့် သမ္မတသစ်အဖြစ် Donald Trump ကျမ်းသစ္စာကျိန်ဆိုပွဲကို သပိတ်မှောက်မယ်လို့ Democrat လွှတ်တော်အမတ် ၂၆ ယောက်က လူသိရှင်ကြားပြောခဲ့ကြပါတယ်။

အမေရိကန်မှာ သမ္မတကျမ်းသစ္စာကျိန်ဆိုပွဲကို လွှတ်တော်အမတ်တွေ သပိတ်မှောက်ခဲ့တဲ့ထုံးစံမရှိခဲ့ဘဲ သမ္မတဖြစ်လာသူဟာ ကိုယ့်ပါတီက မဟုတ်ရင်တောင် လွှတ်တော်အမတ်တိုင်းတက်လေ့ရှိတယ်လို့ နိုင်ငံရေးသိပ္ပံကျွမ်းကျင်သူတွေက ပြောပါတယ်။

လတ်တလောကောက်ခံထားတဲ့ အမေရိကန်ပြည်သူတွေရဲ့ သဘောထားစစ်တမ်းတခုအရ Trump သမ္မတတာဝန်ယူမှာကို မထောက်ခံသူ ၅၁% ထောက်ခံသူက ၄၀% ပဲရှိပါတယ်။ သဘောထားကွဲပြားစေတဲ့ နိုင်ငံရေးအမြင်တွေနဲ့ Donald Trump သမ္မတဖြစ်လာတော့မှာဖြစ်ပါတယ်
VOA Burmese News


"အများပြည်သူ ခရီးသွားများ အဆင်ပြေသက်သာစေရေးအတွက် ရန်ကုန်တိုင်းဒေသကြီးအစိုးရနှင့် ယာဉ်လိုင်းပြေးဆွဲသူများမှ မြို့တွင်းပတ်လိုင်းများ (အညိုရောင်လိုင်းများ)၏ ယာဉ်စီးခကို ၁၀၀ ကျပ် သာယူရန် ဆုံးဖြတ်လိုက်ပါသည် '' ဟု Yangon Bus Service - YBS မှ ဇန်နဝါရီ ၁၇ ညပိုင်းတွင် ထုတ်ပြန်ထားသည်။

လင်းလင်းအောင်
News Watch
https://www.facebook.com/NewsWatchJournal/


လကမ္ဘာမှာ နောက်ဆုံးခြေချခဲ့သူ အမေရိကန် အာကာသယာဉ်မှူး Eugene Cernan
လမျက်နှာပြင်ပေါ်မှာ နောက်ဆုံး လမ်းလျှောက်ခဲ့သူ Gene Cernan လို့လူသိများတဲ့ အမေရိကန် အာကာသယာဉ်မှူးဟောင်း Eugene Cernan ဟာ တနင်္လာနေ့က အသက် ၈၂ နှစ်အရွယ်မှာ ကွယ်လွန်သွားပါတယ်။

လ ကိုသွားမယ့် Apollo အစီအစဉ်အတွက် Cernan နဲ့ တခြား အာကာသယာဉ်မှူး ၁၃ ယောက်ကို အမေရိကန် အာကာသစူးစမ်းလေ့လာရေး အေဂျင်စီ NASA က ရွေးချယ်ခဲ့ချိန်မှာ Cernan ဟာ ရေတပ်ဗိုလ်ကြီး တယောက်ပါ။

၁၉၆၀ ပြည်လွန်နှစ်တွေ မကုန်ဆုံးခင် လပေါ်ကို လူသားတယောက် ခြေချနိုင်ရမယ် ဆိုတဲ့ ရည်မှန်းချက်ကို သမ္မတ John F. Kennedy က ကြေညာခဲ့ပြီးတဲ့နောက် လကိုသွားမယ့်အစီအစဉ်ကို စတင်ခဲ့တာပါ။ လပေါ်ကိုခြေချခဲ့တဲ့ Apollo 11 အာကာသယာဉ်ရဲ့ သမိုင်းဝင် ခရီးစဉ်မတိုင်ခင် နှစ်လအလို နောက်ဆုံးအကြိမ် လူလိုက်ပါပြီး စမ်းသပ်ပျံသန်းတဲ့ခရီးစဉ်ဖြစ်တဲ့ Apollo 10 အာသာသယာဉ်နဲ့ ၁၉၆၉ ခုနှစ် မေလမှာ မစ္စတာ Cernan လိုက်ပါသွားခဲ့တာပါ။

အဲဒီနောက် သုံးနှစ်အကြာ၊ ၁၉၇၂ ခုနှစ်မှာ လူလိုက်ပါပြီး လကိုသွားတဲ့ နောက်ဆုံးခရီးစဉ် Apollo 17 အာကာသယာဉ်ကို သူပဲ ဦးဆောင်ခဲ့တာပါ။ လပေါ်ကို လမ်းလျှောက်တက်ချိန် သူ့ရဲ့ ခြေရာတွေကို ပြန်လှည့်တဲ့အချိန်မှာ ဒီနေရာကို နောက်တကြိမ် သူ ထပ်ရောက်လာနိုင်စရာ မရှိဘူးဆိုတာကို သူ သိခဲ့သလို။

သူ့အတွက် အဲဒီအခိုက်အတန့်ဟာ မမေ့နိုင်စရာပါပဲလို့ Cernan က ပြောခဲ့ပါတယ်။ Cernan ဟာ ရေတပ်တာဝန်ကနေရော NASA အလုပ်ကနေပါ ၁၉၇၆ ခုနှစ်မှာ အငြိမ်းစားယူခဲ့ပြီး အစောပိုင်း သုံးခဲ့တဲ့ အာကာသယာဉ်တွေနဲ့ ပတ်သက်ပြီး သုံးသပ်ဆွေးနွေးတဲ့ ရုပ်သံအစီအစဉ်တခုမှာ အလုပ်လုပ်ခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

ရန်ကုန်တိုင်းဒေသကြီးအတွင်း YBS မော်တော်ယာဉ်လိုင်းသစ်များ ပြေးဆွဲလျက်ရှိရာ ခရီးသွားပြည်သူများ အဆင်ပြေချောမွေ့စွာသွားလာနိုင်ရေးအတွက် ၁၇.၁.၂၀၁၇ ရက်နေ့ ညနေ ၃း၃၀ အချိန်မှစတင်၍ ရန်ကုန်တိုင်းဒေသကြီးရဲတပ်ဖွဲ့မှ မော်တော်ယာဉ်(၆)စီး၊ အမှတ်(၂)လုံခြုံရေးရဲကွပ်ကဲမှုအောက်ရှိ လုံခြုံရေးရဲတပ်ဖွဲ့ခွဲများမှ မော်တော်ယာဉ်(၂၅)စီး၊ ယာဉ်ထိန်းရဲတပ်ဖွဲ့မှ မော်တော်
ယာဉ်(၁၀)စီးတို့ဖြင့် အားဖြည့်ကာ အခမဲ့သယ်ယူပို့ဆောင်ပေးလျက်ရှိကြောင်း သိရပါသည်။

ယင်းသို့ဆောင်ရွက်လျက်ရှိရာတွင် မြို့တော်ခန်းမရှေ့တွင် စုရပ်အဖြစ်ဂိတ်ထိုးထားရှိပြီး ဆူးလေကားမှတ်တိုင်မှ သာကေမြို့နယ်၊ ဒဂုံမြို့သစ်(ဆိပ်ကမ်း)မြို့နယ်ရှိ ယုဇနဥယျာဉ်အိမ်ရာ၊ အင်းစိန်
မြို့နယ်၊ လှိုင်သာယာမြို့နယ်၊ ရွှေပြည်သာမြို့နယ်နှင့် မင်္ဂလာဒုံမြို့နယ်များ
သို့ ကူညီပို့ဆောင်ပြေးဆွဲပေးလျက်ရှိကြောင်း သတင်းရရှိပါသည်။

YP
News Watch(စောင့်ကြည့်သတင်းဂျာနယ်)


"ဘတ်စ်ကားစီးတဲ့ နေရာမှာ အခက်အခဲတွေ ရှိပေမယ့် ယာဉ်မောင်းနဲ့ ယာဉ်နောက်လိုက်တွေရဲ့ ဆက်ဆံရေးတွေ ပြောင်းလဲသွားတာကြောင့် အခု YBS စနစ်ဟာ ကောင်းမွန်လာပြီး နောက်ပိုင်းမှာတော့ စီးရင်းနဲ့ အဆင်ပြေသွားမှာပါ"
Kamayut Media

မွတ်စလင်တွေကို အဝတ်အထည်တွေ လှူဒါန်းနေတာ တွေ့ရစဉ် မွတ်စလင်တွေကို အဝတ်အထည်တွေ လှူဒါန်းနေတာ တွေ့ရစဉ်
Photo: The Star Online

ရခိုင်ပြည်နယ်က ရိုဟင်ဂျာမွတ်စလင်တွေအတွက် စားနပ်ရိက္ခာတွေ တင်ဆောင်ထားတဲ့ သင်္ဘောဟာ မလေးရှားနိုင်ငံကနေ ဖေဖော်ဝါရီ ၃ ရက်နေ့မှာ စတင်ထွက် ခွာမယ်လို့ မလေးရှား မွတ်စလင် အန်ဂျီအို အဖွဲ့အစည်းတွေက ပြောကြားလိုက်ပါတယ်။

အဲဒီသင်္ဘောတွေက ဇန်နဝါရီလ ၁၀ ရက်နေ့ စတင်ထွက်ခွာဖို့ မူလက စီစဉ်ထားခဲ့ပေမယ့် မြန်မာအစိုးရဘက်က ခွင့်ပြုချက်မရတာကြောင့် ရွှေ့ဆိုင်းထား ခဲ့တာ ဖြစ်တယ်လို့ ဆိုပါတယ်။

အခုတော့ ခွင့်ပြုချက် ရသည်ဖြစ်စေ၊ မရသည်ဖြစ်စေ ဖေဖော်ဝါရီ ၃ ရက်နေ့ စတင်ထွက်ခွာမယ်လို့ ဆိုပါတယ်။ မြန်မာအာဏာပိုင်တွေထံ ခွင့်ပြုချက် ထပ်မံတောင်းခံထားပေမယ့် အကြောင်းမပြန်သေးဘူး လို့ ပြောပါတယ်။ အဲဒီသင်္ဘောတွေပေါ်မှာ ဆန်တန်ချိန် ၁၀၀၀ ကျော်နဲ့အတူ ဆေးဝါးနဲ့ တခြားရိက္ခာ ပစ္စည်းတွေ ပါဝင်မယ်လို့ သိရပါတယ်။

မြန်မာဘက်က ရေပိုင်နက်အတွင်း ဝင်ခွင့်မပြုခဲ့ဘူးဆိုရင် ဘင်္ဂလားဒေ့ရ်ှနယ်စပ် တက္ကနက်ဖ်မြို့ကို သွားဖို့ စီစဉ်ထားတယ်လို့လည်း မလေးရှား မွတ်စလင် အန်ဂျီအို အဖွဲ့အစည်းတွေက ပြောပါတယ်။
RFA


ထပ်ဆင့် ထွက်ပြေးနေရသော ကချင် ဒုက္ခသည်များ (Citizen Journalist)
ထပ်ဆင့် ထွက်ပြေးနေရသော ကချင် ဒုက္ခသည်များ (Citizen Journalist)
တိုက်ပွဲတွေကြောင့် ကချင်ပြည်နယ်ထဲက စစ်ဘေးရှောင် စခန်းတွေမှာ ခိုလှုံနေရသူတွေ နေရာသစ်ကို ထပ်ပြီး ထွက်ပြေးနေကြရပြီးအရေးပေါ် ကျန်မာရေး စောင့်ရှောက်မှုနဲ့ စားနပ်ရိက္ခာ ပြတ်လပ်မယ့် အရေး အကူအညီပေးသူတွေ စိုးရိမ်နေကြပါတယ်။ အိုးအိမ်စွန့်ခွာ ထွက်ပြေးသူတွေ အတွက် အစိုးရဘက်ကရော ကချင်လက်နက်ကိုင်တပ် KIA ဘက်ကရော အကူအညီပေးနေပေမယ့် ရေရှည်မှာ အခက်တွေ့မယ့် အခြေအနေ ရှိနေတာပါ။ အိုးအိမ်စွန့်ခွာ ထွက်ပြေးရသူတွေရဲ့ နောက်ဆုံး အခြေအနေကိုတော့ မသိင်္ဂီထိုက် စုစည်းတင်ပြထားပါတယ်။

ကချင်ပြည်နယ် ၀ိုင်းမော်မြို့နယ်တွင်းက ဇိုင်းအောင်၊ ခေါင်ရှောင်နဲ့ မဂါးယန် စစ်ဘေးရှောင် စခန်းတွေက ထောင်နဲ့ချီတဲ့ ဒုက္ခသည်တွေ ဘေးလွတ်ရာကို ထပ်မံ ထွက်ပြေး တိမ်းရှောင်နေရတယ်လို့ အကူအညီပေးရေး ပူးပေါင်းလုပ်ငန်းစဉ် အဖွဲ့ ပြောခွင့်ရက ပြောဆိုပါတယ်။ ဇိုင်းအောင် စခန်းတွင်း လက်နက်ကြီးကျည် ကျရောက် ပေါက်ကွဲခဲ့ပြီးနောက် လုံခြုံရေး စိုးရိမ်ချက်နဲ့ အခုလို တိမ်းရှောင်ကြတာလို့ ပူးပေါင်းလုပ်ငန်းစဉ် အဖွဲ့ ပြောခွင့်ရ ဂွမ်ရှားအောင် က ပြောပါတယ်။

“ဇိုင်းအောင် ကျတော့ မူလ camp ကနေ အခုသူတို့ရောက်နေတဲ့နေရာကျတော့ ၁၀ မိုင်လောက်ဝေးတယ်။ လွမ့်ပန် လို့ ခေါ်တဲ့နေရာမှာ ရောက်နေတာဖြစ်ပါတယ်။ မဂါးယန် IDP camp ကျတော့ ဒီအနေအထားတွေကြောင့် သူတို့စခန်းကလည်းလုံခြုံမှုမရှိတဲ့အတွက်ကြောင့် စပြီးမှ တိမ်းရှောင်တာဖြစ်ပါတယ်။ အခုလက်ရှိအနေအထားအရဆို၇င် ဒီ မဂါးယန် IDP camp ကျတော့ နဂိုမူလရှိတဲ့နေ၇ာကနေ အနောက်ဘက် ၃ -၄ မိုင် ၇ှိတဲ့ နမ့်ခမ်းပါ ဆိုတဲ့နေရာမှာ အများစု ခိုလုံနေတယ်။ တချို့ကျတော့ လိုင်ဇာဘက်မှာ ပြောင်းသွားတဲ့ အိမ်ထောင်စု ၅၀ ကျော်ရှိတာဖြစ်ပါတယ်။ ဒီလက်တလော ပဋိပက္ခကြောင့် အစိုးရထိန်းချုပ် ဧရိယာကို ပြောင်းလာတာ အိမ်ထောင်စု ၅၀ ကျော်ရှိတာဖြစ်ပါတယ်။”

အခုနောက်ဆုံး မဂါးယန် စစ်ဘေးရှောင် စခန်းတွေမှာ ခိုလှုံနေသူတွေထဲက အစိုးရ ထိန်းချုပ်ရာ ဒေသဘက်ကို ပြောင်းရွှေ့သွားသူတွေ ရှိသလို ကချင်လက်နက်ကိုင်တပ်ဖွဲ့ KIA အခြေစိုက်ရာ လိုင်ဇာဘက်ကို ခိုလှုံနေကြသူတွေလည်း ရှိနေပါတယ်။ အစိုးရနဲ့ KIA တို့ဘက်က စစ်ဘေးရှောင်တွေ အရေး လက်လှမ်းမီသလောက် ကူညီပေးနေတယ်လို့လည်း ဂွမ်ရှားအောင်က ပြောပါတယ်။

“ထပ်ဆင့် ထွက်ပြေးတိမ်းရှောင်ရတဲ့အနေအထားမှာကျတော့ အများစုက ဒီသက်ကြီးရွယ်အို ကလေးနဲ့ အမျိုးသမီးတွေဖြစ်တော့ သူတို့ဒီလို ထွက်ပြေးတိမ်းရှောင်နေရတဲ့အနေအထားမှာ ပိုပြီးတော့ ဒုက္ခရောက်တယ် ပြီးရင် စိတ်ဖိစီးမှုတွေလည်းတော်တော်ဖြစ်တယ်။ တချို့ဒီ ဇိုင်းအောင်ကဆိုရင် ထွက်ပြေးရင်း လမ်းတွေပေါ်မှာပဲ တဲဖျင် ထိုးရင်း နေခဲ့ရတော့ အခုအနေအထားမှာဆိုရင် ကျမ်းမာရေးအတွက်လည်း တော်တော်စောင့်ရှောက်ဖို့လိုတဲ့အနေအထား မှာရှိတာဖြစ်ပါတယ်။”

တိုက်ပွဲတွေကြောင့်ဘဲ ပြီးခဲ့တဲ့ ရက်ပိုင်း အတွင်း ဗန်းမော်မြို့နယ် မိုင်းခေါင် စစ်ဘေးရှောင် စခန်းမှာ လာရောက် ခိုလှုံလာသူ ပိုတိုးလာတယ်လို့လည်း ဂွမ်ရှားအောင်က ပြောပါတယ်။KIA အခြေစိုက်ရာ ရှမ်းပြည်နယ် မြောက်ပိုင်းနဲ့ ကချင်ပြည်နယ်တွင်းမှာ တိုက်ပွဲတွေကတော့ နေ့စဉ်ဆိုသလို ရှိနေပြီး တိုက်ပွဲတွေနဲ့ ပတ်သက်လို့တော့ မြန်မာ့ တပ်မတော်ဘက်ကရော ကချင် လက်နက်ကိုင် တပ်ဘက်ကရော ထုတ်ဖော် ပြောဆိုမှု မရှိပါဘူး။ ရှမ်းပြည်နယ် မူဆယ် ကုန်သွယ်ရေးဇုံကို ကေအိုင်အေ ကချင်လက်နက်ကိုင်တပ်ဖွဲ့ အပါအ၀င် မြောက်ပိုင်း စစ်ရေး မဟာမိတ် အဖွဲ့တွေ ပူးပေါင်းပြီး တိုက်ပွဲဆင်ခဲ့ပြီးနောက်ပိုင်း မြန်မာ့ တပ်မတော်နဲ့ ဆက်တိုက်ဆိုသလို ဖြစ်နေတဲ့ တိုက်ပွဲတွေ အတွင်း မုံကိုးမြို့နယ်တွင်းက ကချင် ခရစ်ယာန် သင်းထောက်ဆရာ နှစ်ဦးလည်း သတင်းအစအန မရဘဲ ပျောက်ဆုံးသွားခဲ့ပါတယ်။ ကချင် သင်းထောက် ဆရာ နှစ်ဦး ပျောက်ဆုံးနေတဲ့ ကိစ္စနဲ့ ပတ်သက်ပြီး အရေးယူ ဆောင်ရွက်ပေးဖို့ ကချင် နှစ်ခြင်း ခရစ်ယာန် အသင်း KBC က မြန်မာ အစိုးရကို စာရေးသား တောင်းဆိုထားသလို လူ့အခွင့်အရေး အဖွဲ့တွေကလည်း တောင်းဆိုထားပါတယ်။

VOA Burmese News


အမေရိကန်ရွေးကောက်ခံသမ္မတ Donald Trump
အမေရိကန်ရွေးကောက်ခံသမ္မတ Donald Trump
အခုလာမယ့် သောကြာနေ့၊ ဇန်နဝါရီလ ၂၀ ရက်နေ့ဆိုရင် အမေရိကန်ပြည်ထောင်စုရဲ့ (၄၅) ဦးမြောက် ရွေးကောက်ခံသမ္မတဟာ တရားဝင် ကျမ်းသစ္စာ ကျိန်ဆိုပြီး သမ္မတတာဝန်ကို စတင်ထမ်းဆောင်တော့မှာ ဖြစ်ပါတယ်။ နိုင်ငံရေးနဲ့ အုပ်ချုပ်ရေးလုပ်ငန်းအတွေ့အကြုံမရှိသလို သမ္မတအဆက်ဆက်ရဲ့ ပြုမူတုံ့ပြန်မှုတွေကနေ တမူထူးခြားနေတဲ့ သမ္မတသစ် တက်လာတဲ့အခါမှာ အရင် ဒီမိုကရက်အစိုးရလက်ထက်က ချမှတ်ထားတဲ့ ရွှေ့ပြောင်းအခြေချနေထိုင်သူတွေအရေး၊ ကျန်းမာရေးဝန်ဆောင်မှုကိစ္စတွေအပေါ်မှာ သာမန်ပြည်သူ အများစုက စိုးရိမ်မကင်းဖြစ်နေကြတာတွေလည်း ရှိနေတဲ့အကြောင်းတွေကို အမေရိကန်မှာ နေထိုင်ကြတဲ့ မြန်မာလူမျိုးတွေရဲ့ အမြင်သဘောထားတွေနဲ့အတူ မခွာညိုက ပြောပြပေးပါမယ်။

အုပ်ချုပ်ရေးတွေ့အကြုံမရှိတဲ့ အိမ်ခြံမြေ လုပ်ငန်းရှင် ကုဋေကြွယ် သူဌေးကြီး ဒေါ်နယ်ထရမ့်ဟာ ရွေးကောက်ပွဲ မဲဆွယ်စည်းရုံးချိန်တုန်း ကလိုပဲ အခုလည်း သူ့ရဲ့ စီးပွားရေးလုပ်ငန်းမှာ ကျွမ်းကျင်ပိုင်နိုင်မှု တွေကိုပဲ ထောက်ပြခဲ့ပြီး အမေရိကန်ကို ပြန်လည် ဦးမော့လာအောင် လုပ်ပေးဖို့ ကတိပေး မဲဆွယ်ခဲ့တာ ဖြစ်ပါတယ်။

ပြီးခဲ့တဲ့နှစ် နိုဝင်ဘာလက ပြောကြားခဲ့တဲ့ သူ့ရဲ့မိန့်ခွန်းမှာ သူက အခုလို ပြောသွားပါတယ်။

“ကျနော့်အနေနဲ့ ကျနော့ဘဝတလျှော်ကလုံး စီးပွားရေးကို လုပ်ကိုင်လာခဲ့တာဖြစ်ပါတယ်။ ကျနော့်ဘဝမှာ လုပ်ငန်းအသစ်တွေနဲ့ လူတွေရဲ့ လုပ်နိုင်စွမ်းရည်ကို ကျနော်လေ့လာခဲ့ပါတယ်။ အဲဒီအတိုင်း ကမ္ဘာတဝန်းရှိ စီးပွားရေးလုပ်ငန်းသစ်တွေနဲ့ လူတွေရဲ့ လုပ်ကိုင်နိုင်စွမ်းကို ကျနော် လေ့လာခဲ့တာ ဖြစ်ပါတယ်။ အဲဒီအတိုင်းပါပဲ၊ ကျနော်တို့နိုင်ငံမှာရှိတဲ့ လူတွေရဲ့စွမ်းပကားကိုလည်း ကျနော် မြှင့်တင်ပေးဖို့ ရည်ရွယ်ပါတယ်။”

ဒါပေမယ့်လို့ မစ္စတာ ထရမ့်က အမေရိကန်သမ္မတတဦးအနေနဲ့ အာဏာကို အလွန်အကျွံမသုံးနိုင်အောင် နိုင်ငံ့ရဲ့စနစ်မှာ Checks and Balances ဆိုတဲ့ အပြန်အလှန် အာဏာထိန်းညှိတဲ့မှုစနစ်တွေ ရှိနေတဲ့အတွက်ကြောင့် ထရမ့်အနေနဲ့ သူလုပ်ချင်သလို လုပ်လို့မရအောင် ဘယ်လိုစနစ်တွေအရ ထိန်းညှိသွားနိုင်မလဲဆိုတာကတော့ စောင့်ကြည့်ရမှာ ဖြစ်ပါတယ်။

ပထမကတော့ လွှတ်တော်အနေနဲ့ ရီပတ်ဘလီကင်တို့ကြီးစိုးပြီး သမ္မတကလည်း ရီပတ်ဘလီကင်ဖြစ်တဲ့အတွက် လွှတ်တော်အမတ်တွေ အနေနဲ့ ထရမ့်ကို ဘယ်လို ထိန်းချုပ်နိုင်မလဲဆိုတာကတော့ စိတ်ဝင်စားစရာ ဖြစ်ပါတယ်။ ဥပဒေတွေ ပြဌာန်းရာမှာ သမ္မတတဦးအနေနဲ့ လွှတ်တော်ရဲ့အတည်ပြုချက် ရယူဖို့ လိုအပ်သလို သမ္မတခန့်အပ်တဲ့အစိုးရအဖွဲ့ဝင်တွေအပြင် လစ်လပ်နေတဲ့ နိုင်ငံတော်တရားရုံးချုပ် တရားသူကြီး ခန့်အပ်ရာမှာ သမ္မတက အမည်တင်သွင်းရာမှာလည်း အထက်လွှတ်တော်ရဲ့ အတည်ပြုချက် ရယူဖို့ လိုအပ်တာ ဖြစ်ပါတယ်။ ဒါ့အပြင် သမ္မတအနေနဲ့ ကျင့်ဝတ်နဲ့မညီ ဥပဒေချိုးဖောက်မှု ကျူးလွန်ခဲ့ရင် လွှတ်တော်က အရေးယူနိုင်တာလည်း ဖြစ်ပါတယ်။

ရွေးကောက်ခံသမ္မတ ထရမ့်အနေနဲ့ အစ္စလာမ်ဘာသာဝင် အခြေချပြောင်းရွှေ့နေထိုင်သူတွေနဲ့ တရားမဝင် ရောက်ရှိနေတဲ့ လူပေါင်း ၁၁ သန်းခန့်တို့ကို ပြည်နှင်ဒဏ်ပေးမယ်လို့ ခြိမ်းခြောက်ခဲ့တဲ့အတွက်လည်း ACLU ခေါ် အမေရိကန် ပြည်သူ့လွတ်လပ်ခွင့်များဆိုင်ရာ သမဂ္ဂ က ထရမ့် သမ္မတဖြစ်လာတဲ့အခါ ထိပ်တိုက်တွေ့မယ်လို့ သတိပေးခဲ့တာ ဖြစ်ပါတယ်။

ဒါ့အပြင် အမေရိကန်နိုင်ငံရဲ့ ဖွဲ့စည်းပုံမှာ စတုတ္ထမဏ္ဍိုင်ဖြစ်တဲ့ သတင်းလွတ်လပ်ခွင့် ထိန်းသိမ်းဖို့ အရေးကြီးတဲ့အတွက်ကြောင့်လည်း ထရမ့်နဲ့ သတင်းမီဒီယာကြား မကျေလည်တဲ့ ဆက်ဆံရေးဟာ လည်း သတိထားရမယ့် အချက်တရပ်ဖြစ်ပါတယ်။ ရွေးကောက်ခံသမ္မတထရမ့်ရဲ့ ရုရှား၊ အီရန်၊ တရုတ် အစရှိတဲ့ နိုင်ငံကြီးတွေအပေါ် ထားရှိမယ့် နိုင်ငံခြားရေးမူဝါဒတွေဟာလည်း ဒွိဟဖြစ်စရာတွေ ပေါ်ပေါက်နေတာဖြစ်ပါတယ်။

အခုလို အခြေအနေမျိုးမှာ မကြာမီအမေရိကန်ရဲ့ သမ္မတဖြစ်လာမယ့် ဒေါ်နယ်ထရမ့်အပေါ် အမေရိကန်ရောက် မြန်မာတချို့ကတော့ ဘယ်လို မြင်ကြပါသလဲ။

အင်ဒီယားနားပြည်နယ်မှာ နေထိုင်သူ ဒေါက်တာတင့်ဆွေကတော့ အခုလို စပြောပါတယ်။

“ Donald Trump ရဲ့ သက်တမ်းမှာတော့ ကျနော်တို့ မမျှော်လင့်တာတွေဖြစ်နိုင်တယ်ဆိုတဲ့ မှန်းဆချက်တခုပေါ့။ နောက်တခုကလည်း စိုးရိမ်ချက်တွေလည်း တော်တော်များတယ်ပေါ့ နိုင်ငံတကာ ကိစ္စရော၊ အမေရိကန်ပြည်ထောင်စုအတွင်းက ပြည်တွင်းရေး ကိစ္စရော နောက်ဆက်ပြောရင် ဒီအမေရိကကို လာနေကြတဲ့ တခြားနိုင်ငံက အထူးသဖြင့် မြန်မာနိုင်ငံကလူတွေအတွက်ရောက ဘာဖြစ်လာနိုင်မလဲဆိုတာ မှန်းဖို့တော်တော်ခက်တဲ့ ကာလဖြစ်တယ်ဆိုတာ ကျနော်မြင်ပါတယ်ခင်ဗျ။”

နယူးယောက်မြို့မှာ နေထိုင်သူ အစိုးရမဟုတ်တဲ့အဖွဲ့အစည်းတခုမှာ အလုပ်လုပ်နေတဲ့ မဖြူစင်က အခုလို ပြောပါတယ်။

“Trump Administration မှာတော့ အခုအကြမ်းဖျင်းတော့ ကျန်းမာရေးအတွက် Affordable care ဆိုတာ လူတိုင်း ကျန်းမာလုံခြုံမှုရနိုင်တဲ့အစီအစဉ်ကို အိုဘားမားလုပ်နေတဲ့ဟာကို အစားထိုးဖို့ လုပ်နေတာ ရှိတယ်ပေါ့နော်။ အလုပ်အကိုင် အခွင့်အလမ်းနဲ့ ပတ်သက်လာရင်တော့ စက်ရုံအလုပ်ရုံတွေကို ဒီအထဲကို ၀င်အောင် ပြန်လုပ်မယ်ဆိုတာမျိုးတွေရှိတယ်။ ဒါပေမယ့် တကယ့်လက်တွေ့မှာတော့ အဲဒါတွေကတော့ ခက်ပါတယ်။ အမျိုးသမီးအခွင့်အရေးနဲ့ ပတ်သက်လို့ကတော့ သူက ရွေးကောက်ပွဲအစကတည်းက စကားတွေကို မဆင်မခြင်ပြောတာတွေပေါ့နော် ၊ နောက်အမျိုးသမီးတွေကို ထိခိုက်မှုတွေအများကြီးရှိခဲ့တယ် ဆိုတော့ အမျိုးသမီးထုကြီးတခုလုံးကတော့ အရမ်းစိုးရိမ်ပူပန်မှုတွေ ရှိတယ်လေ။ အထူးသဖြင့် Reproductive Right လို့ခေါ်တဲ့ သန္ဓေသား တားမြစ်ခွင့်တွေ၊ သန္ဓေသား ဖျက်ချခွင့်တွေ ဆုံးရှုံးဖို့ရှိတယ်ဆိုပြီးတော့ အရမ်းကို စိုးရိမ်ပူပန်မှုတွေရှိကြတယ်။”

သမ္မတသစ်ကျမ်း သစ္စာကျိန်ဆိုပွဲပြီး နောက်တနေ့ဖြစ်တဲ့ စနေနေ့မှာ အမေရိကန် အမျိုးသမီး ၂ သိန်းလောက်ဟာ - အမျိုးသမီးတွေရဲ့ အခွင့်အရေးဟာ လူ့အခွင့်အရေးဖြစ်တယ်ဆိုတာကို သမ္မတသစ်အစိုးရကို ပြသနိုင်ဖို့ ဝါရှင်တန်မြို့တော်မှာ ချီတက်ဆန္ဒပြဖို့ စီစဉ်ထားတယ်လို့ သိရပါတယ်။

မခွာညို
VOA Burmese News



YBS ကားလိုင်းဖြင့် လိုက်ပါစီးနင်းခဲ့သည့် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းအား တွေ့ ရစဉ်(ဆင်ဟွာ)
    ရန်ကုန် ၊ ဇန်န၀ါရီ ၁၇ ရက်(ဆင်ဟွာ)

    ရန်ကုန်မြို့ တွင်း စုပေါင်း ပြေးဆွဲသည့် စနစ်သစ်ဖြင့် ဘတ်စ်ကားလိုင်းများအား လေ့လာဆန်းစစ်မှုများ အရ ကားအရေအတွက် နှင့် ပြည်သူလူထု မညီမျှ ဖြစ်နေကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ယနေ့ ဇန်န၀ါရီ ၁၇ ရက်တွင် YBS ကားလိုင်းဖြင့် လိုက်ပါ စီးနင်းခဲ့ရာတွင် ပြောကြားခဲ့သည်။

“ဒီနေ့ လေ့လာ ဆန်းစစ်မှု လုပ်လိုက်တဲ့ အခြေအနေမှာ ကျွန်တော်တို့ မှာ ရှိတဲ့ ကားအရေ အတွက် နဲ့  ပြည်သူလူထုက မညီမျှဘူးလို့ မြင်တယ်။ကျွန်တော်တို့ မှာ ရှိတဲ့ ကားအရေအတွက် ၃၀၀၀ ကျော်လုံး အကုန်ထွက်နေတယ်။ ဒီလို လူအစု အစု ဖြစ်နေတာ ယခင်တုန်းကလဲ ဆူးလေတို့ ၊ ပန်းဆိုးတန်းတို့ မှာ ဖြစ်တယ်ပေါ့ဗျာ။ဒါဖြစ်လို့ မဖြစ်ဘူး။ရုံးတက်ဆင်းချိန် ၊ ကျောင်းဆင်းချိန်တွေ ဖြစ်တယ်ဆိုတာ ဒါ ဖြစ်တာကို ပြေလည်ဖို့ အတွက် ဖေဖော်ဝါရီ လကုန်လောက်မှာ ကားသစ်တွေ ရောက်လာဖို့ အတွက် ကျွန်တော်တို့  ကြိုးစားမယ်။”ဟု ၀န်ကြီးချုပ် ဦးဖြိုးမင်းသိန်းက ပြောကြားခဲ့သည်။

ရန်ကုန်မြို့ တွင်း စုပေါင်း ပြေးဆွဲသည့် ဘတ်စကား စနစ်သစ် ဒုတိယနေ့ ဖြစ်သည့် ဇန်န၀ါရီ ၁၇ ရက်တွင် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်း နှင့် အစိုးရ အဖွဲ့ ဝင်များသည် အများပြည်သူ စီးနင်းနေသည့် YBS ကားလိုင်းဖြင့် လိုက်ပါ စီးနင်းပြီး လေ့လာ ဆန်းစစ်မှုများ ပြုလုပ်ခဲ့သည်။

ယခု ရန်ကုန်မြို့ တွင်း စုပေါင်း ပြေးဆွဲသည့် ဘတ်စ်ကား စနစ်သစ်နှင့် ပတ်သက်၍ လိုက်နာကျင့်သုံးနိုင်ရေး ထိထိရောက်ရောက် ဆောင်ရွက်သွားမည်ဟု ၄င်းက ထည့်သွင်း ပြောကြားခဲ့သည်။


“ဒီအပြောင်းအလဲဟာ ကျွန်တော်တို့ နိုင်ငံရဲ့အရေးကြီးတဲ့ အပြောင်းအလဲ ဖြစ်ပါတယ်။ပိုပြီး အဆင့်မြင့်မားတဲ့ အခြေအနေကို ပြောင်းလဲရပါမယ်။ခုအခြေအနေဟာ စနစ်လေးပဲ ပြောင်းနိုင်ပါသေးတယ်။ အဆင့်မြှင့်တင်ဖို့ လုပ်ပါမယ်။အချိန် သိပ်မယူပါဘူး။အမြန်ဆုံး ဆောင်ရွက်သွားနိုင်ဖို့ အတွက် ဖေဖော်ဝါရီ ၊ မတ်လ လောက်တွင် တဆင့်တက်မယ်။”ဟု ၀န်ကြီးချုပ် ဦးဖြိုးမင်းသိန်းက ပြောကြားခဲ့သည်။

ရန်ကုန်တိုင်းဒေသကြီး အစိုးရ အဖွဲ့ အနေဖြင့် အားလုံး လိုက်ပါနိုင်သည့် အပြောင်းအလဲ ဖြစ်ရန် ကြိုးစား နေကြောင်း အသိပေး ပြောကြားခဲ့သည်။

ယခင် ပြေးဆွဲခဲ့သည့် စနစ်အား ပြောင်းလဲနိုင်ရန် မိမိ တစ်ယောက်တည်း ၊ အစိုးရ အဖွဲ့ တစ်ခုတည်း ၊ YRTA တစ်ခုတည်း မလုပ်နိုင်ကြောင်း ပြည်သူတရပ်လုံး ပူးပေါင်း ပါဝင် ကူညီမှု ပါဝင်ကြောင်း ၊ ပြုပြင် ပြောင်းလဲမှုကို အင်တိုက်အားတိုက် ၀ိုင်းဝန်း ပါဝင် ကူညီ ဆောင်ရွက်သည့် အတွက် အထူး ကျေးဇူးတင်ရှိကြောင်း ၀န်ကြီးချုပ် ဦးဖြိုးမင်းသိန်းက ပြောကြားခဲ့သည်။

(Xinhua)
http://www.xinhuamyanmar.com



အော်လန်ဒိုနိုက်ကလပ် တိုက်ခိုက်ခံရမှုတွင် သေဆုံးခဲ့ရသူများ၏ မိသားစုဝင်များက အမှုမှန်ပေါ်ပေါက်ရေးအတွက် ဆန္ဒပြနေကြစဉ်(ဆင်ဟွာ)
   ဝါရှင်တန် ၊ ဇန်နဝါရီ ၁၇ ရက်(ဆင်ဟွာ)

    အမေရိကန်နိုင်ငံ၌ ၂ဝ၁၆ ခုနှစ် ဇွန်လက ဖြစ်ပွားခဲ့သော အော်လန်ဒိုမြို့ ရှိ နိုက်ကလပ်တစ်ခုအား ပစ်ခတ်တိုက်ခိုက်ခဲ့သည့် သေနတ်သမား Omar Mateen ၏ ဇနီးဖြစ်သူကို အမေရိကန်ပြည်ထောင်စုစုံစမ်းစစ်ဆေးရေးဗျူရို(FBI) က ဇန်နဝါရီလ ၁၆ ရက် နံနက်ပိုင်းတွင် ဖမ်းဆီးထိန်းသိမ်းလိုက်ကြောင်း တာဝန်ရှိသူများက ဆိုသည်။

အမေရိကန်နိုင်ငံသမိုင်းတစ်လျှောက် အဆိုးဝါးဆုံး သေနတ်ပစ်ခတ်မှုတစ်ခုဖြစ်ခဲ့ရသော အော်လန်ဒိုနိုက်ကလပ်ပစ်ခတ်မှုတွင် ပြစ်မှုကျူးလွန်သူ ခင်ပွန်းဖြစ်သူအား အားပေးကူညီမှုဖြင့် Noor Salman ကို ဖမ်းဆီးလိုက်ခြင်းဖြစ်ကြောင်း CBS သတင်းဌာနက သတင်းဖော်ပြခဲ့သည်။

တိုက်ခိုက်မှုအတွင်း Mateen သည် အိုင်အက်စ်အစ္စလမ်မစ်အစွန်းရောက်အဖွဲ့ ကို သစ္စာခံကြောင်း ပြောကြားခဲ့သည်။

“ Mateen ရဲ့ ဇနီးကို ဖမ်းဆီးလိုက်တယ်ဆိုတာကို ကျွန်တော်အတည်ပြုပါတယ်” ဟု အမေရိကန်နိုင်ငံရှေ့ နေချုပ် Loretta Lynch က MSNBC သတင်းဌာနသို့ ပြောကြားခဲ့ပြီး“ ဒီကိစ္စဟာ အရေးတကြီး ဆက်လက်ကိုင်တွယ်သွားရမဲ့ ကိစ္စပါ” ဟု ၄င်းကဆက်လက်ပြောကြားခဲ့သည်။

အခင်းဖြစ်ည သန်းခေါင်ယံအချိန်တွင် Mateen ၏ မိခင်က Salman အားဖုန်းဆက်၍ သားဖြစ်သူ မည်သည့်နေရာရောက်ရှိနေသည်ကို မေးမြန်းခဲ့ကြောင်း ၊ ယင်းနောက်တွင် ပစ်ခတ်မှုကျူးလွန်နေစဉ်အတွင်း Mateen နှင့် Salman တို့ နှစ်ဦးအကြား အပြန်အလှန်ဖုန်းမက်ဆေ့ခ်ျ ပေးပို့ မှုများပြုလုပ်ခဲ့ကြောင်း  မိသားစုနှင့်ရင်းနှီးသော သတင်းအရင်းအမြစ်တစ်ဦးက NBC သတင်းဌာနသို့  ဇွန်လက ပြောကြားခဲ့သည်။

Salman သည် ခင်ပွန်းဖြစ်သူ တိုက်ခိုက်မှုကျူးလွန်ရန် စီစဉ်ခဲ့သည်ကို မိမိအနေဖြင့် သိရှိခဲ့ခြင်းမရှိကြောင်းပြောကြားခဲ့ပြီး New York Times သတင်းစာနှင့်ပြုလုပ်သော တွေ့ ဆုံမေးမြန်းခန်းပြုလုပ်သည့် နိုဝင်ဘာလအထိ နှုတ်ဆိတ်နေခဲ့သည်။ ၄င်းအား ဇန်နဝါရီလ ၁၇ ရက်တွင် ပထမဆုံးအကြိမ် ရုံးထုတ်ရန် မျှော်လင့်ထားကြောင်း သိရသည်။

(Xinhua)
http://www.xinhuamyanmar.com



( ဓါတ်ပုံ - ရှမ်းပြည်နယ်မြောက်ပိုင်းက စစ်ပြေးဒုက္ခသည်တွေကို တွေ့ရစဉ် )
ရှမ်းပြည်နယ်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်မြို့နယ်မှာ အစိုးရတပ်မတော်နဲ့ TNLA တို့ တိုက်ပွဲဖြစ်ပွားနေတာကြောင့် ဒေသခံ တစ်ရာကျော်ဟာ မန္တလေးတိုင်း၊ မဟာအောင်မြေမြို့နယ်က မြင်းဝန်မင်းကြီးကျောင်းတိုက်ကို ထွက်ပြေးတိမ်းရှောင်လာပါတယ်။

အိမ်ထောင်စု ၃၁ စုက လူဦးရေ ၁၁၃ ဦး ထွက်ပြေးတိမ်းရှောင်လာတာဖြစ်ပြီး နေရေးထိုင်ရေးအတွက် ကူညီထောက်ပံ့မှုတွေ လုပ်ပေးထားတယ်လို့ မန္တလေးခရိုင်အုပ်ချုပ်ရေးမှူး ဦးဝင်းဇော်နိုင် က ပြောပါတယ်။

"လက်ရှိကျနော် သိသလောက်တော့ ၁၁၃ ဦးရောက်နေတယ်၊ အိမ်ထောင်စုအနေနဲ့ ၃၁ စုပေါ့၊ မနေ့ကဆို ၂၀ ဦး ထပ်ရောက်လာတယ်ပေါ့နော်၊ အဲဒါကြောင့် ၁၁၃ ဦးဖြစ်တာ၊ ပထမ ၉၃ ဦးပေါ့နော်၊ မနေ့က အိမ်ထောင်စု ၅ စု နဲ့ ၂၀ ထပ်ရောက်လာတယ်၊ နောက်ကျန်တဲ့ထောက်ပံ့မှုတွေပေါ့နော်၊ ဆန်တို့ ဆီတို့ အ၀တ်အထည်တို့ ခြင်ထောင်တို့ စောင်တို့ ကျန်တဲ့ လိုအပ်တဲ့ ထောက်ပံ့တဲ့ပစ္စည်းတွေလည်း သက်ဆိုင်ရာ လူမှုအဖွဲ့အစည်းတွေရော၊ တိုင်းဌာနချုပ်ကရော သွားရောက်ပြီး မနေ့က ထောက်ပံ့ပေးနေတာ တွေ့ရပါတယ်။"

ထွက်ပြေးတိမ်းရှောင်လာသူတွေဟာ နမ့်ဆန်မြို့နယ် အနီးအနားကျေးရွာတွေမှာ နေထိုင်သူတွေဖြစ်ပြီး လက်နက်ကြီး ပစ်ခတ်သံတွေကြောင့် ကြောက်လန့်ကာ ထွက်ပြေးလာကြတာဖြစ်တယ်လို့လည်း ပြောပါတယ်။

ပြီးခဲ့တဲ့ ဇန်န၀ါရီလ ၁၄ ရက်လောက်က စတင်ထွက်ပြေးလာကြတာဖြစ်ပြီး တချို့ကနီးစပ်ရာဆွေမျိုးအိမ်တွေမှာ သွားရောက်နေထိုင်ကြတာတွေရှိတယ်လို့ ထွက်ပြေးလာသူတွေက ပြောပါတယ်။

နမ့်ဆန်မြို့နယ်မှာ တပ်မတော်နဲ့ တအာင်းအမျိုးသားလွတ်မြောက်ရေးတပ်ဖွဲ့ TNLA တပ်တွေ တိုက်ပွဲဖြစ်ပွားနေတာကြောင့် နမ့်ဆန်မြို့ခံ နှစ်ထောင်ကျော်ဟာ လားရှိုး၊ မန္တလေး၊ ကျောက်မဲ၊ သီပေါ၊ နောင်ချို နဲ့ ပြင်ဦးလွင် စတဲ့ မြို့တွေကို တိမ်းရှောင်နေကြပါတယ်။

တိုက်ပွဲတွေကြောင့် အရပ်သားနှစ်ဦးသေဆုံးခဲ့ပြီး ဆယ်ဦးကျော်ဒဏ်ရာ ရရှိခဲ့ပါတယ်လို့လည်း သိရပါတယ်။

RFA Burmese
https://www.facebook.com/rfaburmese



( မွန်ပြည်နယ် ပေါင်မြို့နယ်မှာ အသံချဲ့စက်ဖွင့်ပြီး ကံစမ်းမဲလက်မှတ်ရောင်းနေသူတွေကို ဇန်နဝါရီလ ၁၆ ရက်နေ့က တွေ့ရစဉ် )
မွန်ပြည်နယ် ပေါင်မြို့နယ် ဇင်းကျိုက်မြို့ ဖလပ်ရပ်ကွက်မှာ အုပ်ချုပ်ရေးမှူးခွင့်ပြုချက်မရှိဘဲ အသံချဲ့စက်ဖွင့်လှစ်သူကို ရပ်ကျေးအုပ်ချုပ်ရေးမှူး ဥပဒေနဲ့ ဇင်းကျိုက်မြို့မ ရဲစခန်းမှာ အမှုဖွင့်အရေးယူလိုက်ပါတယ်။

ခွင့်ပြုချက်မယူဘဲ မနေ့ညနေက အသံချဲ့စက်ဖွင့်လှစ်ခဲ့သူကို ဖလပ်ရပ်ကွက်အုပ်ချုပ်ရေးမှူးက တိုင်ကြားခဲ့တာဖြစ်တယ်လို့ ဇင်းကျိုက်မြို့မ ရဲစခန်း တာဝန်ရှိသူတစ်ဦးက ပြောပါတယ်။

ဖလပ်ရပ်ကွက်မှာ အသံချဲ့စက်အသုံးပြုပြီး ကံစမ်းမဲလက်မှတ်တွေ လိုက်လံရောင်းချခဲ့သူကို အမှုဖွင့်လိုက်တာဖြစ်ပါတယ်။

အဲဒီအမှုကို ပေါင်မြို့နယ်တရားရုံးမှာ ဒီနေ့ စစ်ဆေးပြီး ရပ်ကျေးအုပ်ချုပ်ရေးမှူး ဥပဒေ ပုဒ်မ ၂၇ အရ ဒဏ်ငွေ ကျပ် ၅ထောင် သို့မဟုတ် ထောင်ဒဏ် ၇ ရက် ချမှတ်ခဲ့ရာ တရားစွဲဆိုခံရသူက ငွေဒဏ်ပေးဆောင်ခဲ့ပါတယ်။

ပြီးခဲ့တဲ့ ဒီဇင်ဘာလကကျင်းပခဲ့တဲ့ မွန်ပြည်နယ်လွှတ်တော်မှာ ခွင့်ပြုချက်မဲ့ အသံချဲ့စက်အသုံးပြုသူတွေကို အရေးမယူတဲ့ အုပ်ချုပ်ရေးမှူးတွေကို အရေးယူပေးဖို့ အဆို အတည်ဖြစ်ခဲ့ပြီးနောက် ဒီအမှုဟာ ပထမဆုံးအမှုဖြစ်ပါတယ်။

RFA Burmese
https://www.facebook.com/rfaburmese



ရှားပါး နှင်းတောင် ကျားသစ်တွေ
အသစ်ထွက်လာတဲ့ ဗီဒီယို ပုံတွေအရ နှင်းတောင် ကျားသစ်နဲ့ ရိုးရိုး ကျားသစ်တွေ တိဘက် ကုန်းမြင့်မှာ အတူတူနေတာကို ပထမဆုံး တွေ့ရ ပါတယ်။

ဒါဟာ ဒီမျိုးတုံးနီးပါး ဖြစ်နေတဲ့ နှင်းကျားသစ် တွေအတွက် ပိုပြီး စိတ်ပူစရာ ဖြစ်တယ်လို့ ကျားသစ် ထိန်းသိမ်းရေး ပညာရှင်တွေက ဆိုပါတယ်။

ကျားသစ်ဖမ်းတာနဲ့ စားကျက်မြေ ပျောက်ဆုံးမှုတွေကြောင့် နှင်းကျားသစ် ကောင်ရေ ကျဆင်း နေတာပါ။

သူတို့ ကျက်စားတဲ့ နိုင်ငံ ၁၂ နိုင်ငံက အရာရှိတွေ အင်္ဂါနေ့ နီပေါမှာ တွေ့ဆုံကြမှာ ဖြစ်ပါတယ်။

ဒီ နှင်းကျားသစ်တွေဟာ တခြား ကျားသစ်တွေလို ပတ်ဝန်းကျင်နဲ့ လိုက်အောင် ပြောင်းလဲ နေတတ်ကြတာ မဟုတ်လို့ အစာရေစာ လုံလောက်မှု မရှိရင် မတူတဲ့ အုပ်စုတွေကြား ရန်လိုမှုတွေ ဖြစ်လာနိုင်တယ်လို့လည်း သုံးသပ်ပါတယ်။

အကောင်ရေ ၃၅ဝဝ က ၇ဝဝဝ လောက် ရှိနိုင်
ခြိမ်းခြောက်ခံနေရ

နှင်းကျားသစ် တွေဟာ ပေ ၉ဝဝဝ ကျော်မြင့်တဲ့ တောင်ပေါ်က ကျောက်ဆောင်တွေမှာ နေကြတာပါ။

ရိုးရိုးကျားသစ် တွေက တော့ မြေနိမ့်ပိုင်းက သစ်တောတွေမှာ နေကြတာ ဖြစ်ပါတယ်။

မွန်ဂိုးလီးယား၊ တရုတ်၊ အာဖဂန် နစ္စတန်၊ အိန္ဒိယ၊ နီပေါ၊ ဘူတန် စတဲ့ နိုင်ငံတွေအပြင် အာရှ အလယ်ပိုင်း နိုင်ငံတွေထိ ဒီ နှင်းတောင် ကျားသစ်တွေကို တွေ့ရပါတယ်။

သူတို့ကို တောထဲမှာ အကောင်ရေ ၃၅ဝဝ က ၇ဝဝဝ လောက် ရှိနိုင်တယ်လို့ ခန့်မှန်းထားပါတယ်။

BBC Burmese
http://www.bbc.com/burmese


ဇန်နဝါရီ ၁၇၊၂၀၁၇

ဇန်နဝါရီ ၁၄ ရက် ည ၁၁နာရီတွင် မောင်တောမြို့နယ် ရဲအောင်ချောင်းကျေးရွာနေ ပုဇွန်ကန် လုပ်ငန်းလုပ်သူ ရာအိမ်မှုးဟောင်း ဖွေယာ(ခ) ဖွေယာဇူဟောက်အား ဘောင်ဘီအနက်ရောင်များဝတ်ဆင်ထားသည့် မူဆလင် ၄ ဦးက ပုဇွန်ကန်အား လာရောက်ဝယ်ယူခြင်းဖြစ်ပြီး လိုက်ခဲ့ရန် ခေါ်ဆောင်သွားခဲ့၍ ပျောက်ဆုံးနေခဲ့ရာမှ ဇန်နဝါရီ ၁၅ ရက် သန်းခေါင်ယံတွင် ပြန်လည်တွေ့ရှိခဲ့သည်။ ရာအိမ်မှူးဟောင်း ဖွေယာပျောက်ဆုံးနေခဲ့မှုနှင့် ပတ်သက်၍ သတင်းထုတ်ပြန်ခဲ့ပြီး ဖြစ်သည်။

ဇန်နဝါရီ ၁၅ ရက် ည ၁၁ နာရီ ၃၆ မိနစ်တွင် လုံခြုံရေးတာဝန်ထမ်းဆောင်နေသည့် ရဲတပ်ဖွဲ့ဝင်များအား မော်လဝီကျေးရွာတာဝန်ခံ ဦးလှသိန်းက ပျောက်ဆုံးနေသော ဖွေယာ ( ခ) ဖွေယာဇူဟောက်သည် ဖာရီကျေးရွာရှိ ဆွေယော့တူဆင်း၏ နေအိမ်အတွင်း ရောက်ရှိနေကြောင်း ဖုန်းဆက်အကြောင်းကြားလာသဖြင့် နယ်မြေရုံးသို့ ခေါ်ယူခဲ့သည်။

ဖွေယာ၏ ပြောပြချက်အရ ၎င်းအား ရဲအောင်ချောင်းရွာ၏ အရှေ့တောင်ဘက် မဲဒီကျေးရွာအနီး ရှိတောလမ်းအတိုင်း ခေါ်ဆောင်သွားခဲ့ပြီး ကျွန်းပေါက်ပြုစုမြောက်ရွာအဝင်လမ်းတွင် မျက်နှာအား ပုဝါစီး၍ နေအိမ်တစ်လုံးသို့ခေါ်ဆောင်သွားခဲ့သည်။

၎င်းနောက် လူ ၁၀ဦးခန့်မှ ထိုးနှက်ကန်ကျောက်ရိုက်နှက်ကြပြီး ကျေးရွာအုပ်ချုပ်ရေးမှုး အဖွဲ့များ ဖြင့် ပူးပေါင်းကာ တာဝန်ရှိသူများအား သတင်းပေးဆောင်ရွက်နေသည့်အတွက် အပြစ်ပေးခြင်းဖြစ်ကြောင်းနှင့် ငွေမည်မျှပေးနိုင်မလဲဟု မေးခဲ့ကြောင်းပြောကြားခဲ့သည်။

၎င်းအား ည၈ နာရီခွဲတွင် မျက်နှာအား ပုဝါစည်း၍ ကျောက်ချောင်းကျေးရွာ လမ်းခွဲအထိ လူ ၄ ဦး ကပြန်ပို့ခဲ့ပြီး လူစုခွဲထွက်သွားကြောင်း သိရသည်။

ဖွေယာ၏ ကျောအလယ်တွင် ဓားဦးချွန်ဖြင့်ထိုးစိုက်ခံရသည့်အတွက် ၁ လက်မအကျယ်၊အနက် ၂ စင်တီမီတာ ပြဲရှဒဏ်ရာတစ်ခုတွေ့ရှိရပြီး ဖမ်းဆီးခေါ်ဆောင်သွားသူများအား တရားဥပဒေအရ အရေးယူ နိုင်ရေးဆက်လက်ဆောင်ရွက်လျက်ရှိကြောင်းသိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom



ဖရူဆိုမြို့နယ် ကျေးလက်ဦးစီးဌာနနှင့် စိုးလွင်အောင် ကုမ္ပဏီ ပူးပေါင်း၍ ရေရှားပါးကျေးရွာဖြစ်သော ဒေါခူလီကျေးရွာအား (၂၀.၅.၂၀၁၆) ရက်နေ့၌ရေဂါလံ ၆၀၀ လှူဒါန်းခဲ့စဉ် (ဓါတ်ပုံ - ကျေးလက်)
ယခုနှစ်နွေရာသီတွင် ရေများပိုခမ်းလာနိုင်ဖွယ်ရှိသောကြောင့် ရေပေးဝေရသည့် ကျေးရွာများမှာ ပိုများလာကြောင်း လွိုင်ကော်ခရိုင် ကျေးလက်ဦးစီးဌာနမှ သိရသည်။

“ဒီနှစ် ရာသီဥတုပိုဖောက်ပြန်မယ်၊ မိုးပိုခေါင်လို့ ရေပေးဝေရတဲ့ရွာက ပိုများတယ်” ဟု ခရိုင်ကျေးလက်ဦးစီးဌာနမှ တာဝန်ရှိသူက ပြောပါသည်။

ကျေးလက်ဦးစီးဌာနမှ ၎င်းတို့ ဌာနစဖွင့်ခဲ့သည့်နှစ်မှ စတင်၍ ပြည်နယ်တွင်းရေရှားပါးသည့် ကျေးရွာများသို့ ရေများပေးဝေလျှက်ရှိခဲ့သည်။

ယခုနှစ်တွင်လည်း ကျေးလက်ဦးစီးဌာနမှ ရေရှားသည့် ကျေးရွာများသို့ ရေများပေးဝေရန် အစီအစဉ်ရှိနေသည်။

သို့သော် ယခုနှစ်တွင် ရေပေးဝေရသည့် ကျေးရွာစာရင်းမှာ ပိုများလာကြောင်း သိရသည်။

အချို့ကျေးရွာများကို နွေရာသီဝင်ဝင်ချင်း မတ်လတွင် သွားရောက်ပေးဝေရန်ရှိပြီး အချို့ကျေးရွာများကို ဧပြီလမှသာ သွားရောက်ပေးဝေရန် စီစဉ်နေကြောင်း သိရသည်။

လွိုင်ကော်ခရိုင်တွင်းရှိ မြို့နယ်များမှ ရှားတောမြို့နယ်သာလျှင် ရေပေးဝေရန် မလိုအပ်ပဲ ၎င်းမြို့နယ်သည် ရေများ လုံလောက်မှုရှိနေပြီဖြစ်ကြောင်း ခရိုင်ကျေးလက်ဌာနမှ သိရသည်။

ဒီးမော့ဆိုမြို့နယ်အတွက် ယခင်နှစ်က ပေးဝေခဲ့သည့်ကျေးရွာများသည် ယခုနှစ် ပေးဝေမည့်ကျေးရွာတွင် မပါဝင်တော့ပဲ၊ ရေရရန်ခက်ခဲသည့် ဒေါတမကြီးအုပ်စုဘက်သို့ ဦးစားပေး ပေးဝေမည်ဖြစ်ကြောင်း သိရသည်။

လွိုင်ကော်ခရိုင်တွင်း ပေးဝေမည့်ကျေးရွာများမှာ လွိုင်ကော်မြို့နယ်တွင် (၇)ရွာ၊ ဒီးမော့ဆိုမြို့နယ်တွင် (၄)ရွာနှင့် လွိုင်ကော်မြို့နယ်အတွင်း (၁၀)ရွာအသီးသီးဖြန့်ဝေသွားမည်ဖြစ်ကြောင်း သိရသည်။

ရေပေးဝေသည့်နေရာတွင်လည်း မြို့နယ်အလိုက် ပေးဝေသည့်စနစ်မတူညီကြောင်း သိရသည်။

မူအက်စတာ
ကန္တာရဝတီတိုင်း(မ်)
http://www.kantarawaddytimes.org/



ပျောက်ဆုံး ကချင်အမျိုးသမီးငယ်များ ရန်ကုန်နှင့် တရုတ်နယ်စပ်တို့မှပြန်တွေ့ မိဘအုပ်ထိန်းသူများထံ ပြန်လည်အပ်နှံ
မိုးညှင်း ဇန်နဝါရီ ၁၇

ကချင်ပြည်နယ် မိုးညှင်းမြို့ တွင် အမျိုးသမီးငယ်လေးများ ပျောက်ဆုံးလျက်ရှိရာ သက်ဆိုင် သူများမှ မိုးညှင်းမြို့မရဲစခန်းတွင် အကူအညီတောင်းခံခဲ့ကြသဖြင့် လူပျောက်မှုဖြင့်ရေးဖွင့် စုံစမ်းရှာ ဖွေခဲ့ရာ ရန်ကုန်မြို့နှင့် တရုတ် ပြည်နယ်စပ်တို့တွင် ပြန်လည်တွေ့ ရှိခဲ့သဖြင့် မိဘအုပ်ထိန်းသူများထံ ပြန်လည်အပ်နှံခဲ့သည်။

စုံစမ်းသိရှိရသည်မှာ ယခုလ ၉ရက် ညနေ ၅နာရီ ၂၅မိနစ်တွင် မိုးညှင်းမြို့နယ် ဘီလူးကျေးရွာ မြို့ ဟောင်းရပ်ကွက်နေ ဦးစိုးဝင်းဦး သည် မိုးညှင်းမြို့မရဲစခန်းသို့လာ ရောက်ကာ ၄င်း၏ညီမဖြစ်သူ မငြိမ်းအိဖြူ(ခ)မငြိမ်းငြိမ်း(၁၈နှစ်) သည် မအိအိမိုး (၂ဝနှစ်)၊မနုနုအေး (၂၃နှစ်)မဝင်းလှ(ခ)မငယ်(၃၄နှစ်) တို့နှင့်အတူ မိဘအုပ်ထိန်းသူများ၏ ခွင့်ပြုချက်အရ ပင်းဟဲကျေးရွာနေ မောင်ဇော်ရဲ(ခ)ဇော်ရဲထွန်း(၃ဝနှစ်) နှင့်အတူ ယခုလ ၅ရက်တွင် မြစ်ကြီးနားမြို့သို့ အလုပ်လုပ်ရန် လိုက်ပါသွားခဲ့ကြသည်။ ထိုသို့ လိုက်ပါသွားရာမှ ယခုလ ၉ရက် တွင် အဆက်အသွယ်ပြတ်တောက် ခဲ့ပြီး စုံစမ်းခဲ့သော်လည်း သတင်း အစအနမရရှိသဖြင့် မိုးညှင်းမြို့မရဲ စခန်းတွင် အကူအညီတောင်းခံခဲ့ ကြောင်း သိရသည်။

ထို့ကြောင့် သတင်းအဆက် အသွယ်မရဘဲပျောက်ဆုံးနေကြသော မငြိမ်းအိဖြူ(ခ)မငြိမ်းငြိမ်း၊မအိအိမိုး၊ မနုနုအေး၊မဝင်းလှ(ခ)မငယ်တို့ ပျောက်ဆုံးနေမှုအား မိုးညှင်းမြို့မ ရဲစခန်းက လူပျောက်အမှတ်စဉ် (၃/၂ဝ၁၇)ဖြင့်လက်ခံကာ ရဲစခန်း အသီးသီးသို့ ဆက်သွယ်အကူအညီ တောင်းခံထားကြောင်းသိရသည်။

ထိုသို့အဆင့်ဆင့်ဆက်သွယ် အကြောင်းကြားစုံစမ်းမှုကြောင့် ပျောက်ဆုံးနေသောမငြိမ်းအိဖြူ (ခ)မငြိမ်းငြိမ်း၊မအိအိမိုး၊မနုနုအေး တို့အား တရုတ်ပြည်နယ်စပ်ကန် ပိုက်တီးဂိတ်စခန်းတွင်တွေ့ရှိရသဖြင့် ပြန်လည်ခေါ်ဆောင်ခဲ့ကာ ယခုလ ၁၅ရက်တွင် မိုးညှင်းမြို့မရဲစခန်း တွင်လုပ်ထုံးလုပ်နည်းနှင့်အညီမိဘ အုပ်ထိန်းသူများထံ အပ်နှံပေးခဲ့ သည်။

ပြန်ရောက်လာသောအမျိုးသမီး ငယ်များ၏ ဟြေကြားချက်အရ အလုပ်လုပ်ရန်ခေါ်ယူစဉ်က ကန် ပိုက်တီးမြို့တွင် လုပ်ကိုင်ရမည် ဟုဆိုသော်လည်း အမှန်တကယ် လုပ်ကိုင်ရသည်မှာ တရုတ်ပြည် ခုရုံးမြို့ရှိ အထပ်သားစက်ရုံတွင် လုပ်ကိုင်ခိုင်းသဖြင့် မိမိတို့မှ တိုင်း တစ်ပါးတွင် အလုပ်လုပ်ရန်ဆန္ဒမရှိ သဖြင့်ပြန်လာစဉ်လိုက်လံရှာဖွေသူ များနှင့်တွေ့ရှိခဲ့ပြီး မိမိတို့နှင့်အတူ လိုက်ပါလာသူ မဝင်းလှ(ခ)မငယ် သည် ခုရုံးမြို့ရှိ အထပ်သားစက်ရုံ တွင်အလုပ်လုပ်ရန်ကျန်နေခဲ့ကြောင်း သိရသည်။ ထို့အတူ မိုးညှင်းမြို့ နယ် အမှတ်(၆ဝ၃)ဒုံးတပ်မှအမျိုး သမီးငယ်နှစ်ဦး ပျောက်ဆုံးလျက် ရှိပြီး မိုးညှင်းမြို့မရဲစခန်းတွင် လူ ပျောက်တိုင်ကြားထားကြောင်း သိ ရသည်။

စုံစမ်းသိရှိရသည်မှာ ယခုလ ၅ရက်တွင် မိုးညှင်းမြို့နယ်အမှတ် (၆ဝ၃)ဒုံးတပ်မှဒုတပ်ကြပ်လှမြင့်၏ သမီးမစန္ဒာအေး(ခ) မသီတာဌေး (၁၆နှစ်)သည် အောင်သပြေ(၃) ရပ်ကွက်နေဒေါ်ဇာဇာမြင့်၏ နေအိမ် တွင် ကလေးထိန်းလုပ်ကိုင်နေစဉ် တစ်တပ်တည်းနေ တပ်ကြပ်ခင် မောင်လွင်၏ သမီး မဝင်းဝင်းမော် နှင့်မုန့်စားလိုက်သွားစဉ် ပြန်ရောက် လာခြင်းမရှိသဖြင့်ဒေါ်ဇာဇာမြင့်က မိဘများထံ ဆက်သွယ်အကြောင်း ကြားခဲ့သည်။

ထို့ကြောင့်ဒုတပ်ကြပ်လှမြင့်က သမီးဖြစ်သူမစန္ဒာအေး(ခ)မသီတာဌေး ပျောက်ဆုံးနေမှုအား ကူညီစုံစမ်း ပေးပါရန် မိုးညှင်းမြို့မရဲစခန်းတွင် အကြောင်းကြားခဲ့သဖြင့်လူပျောက် အမှတ်စဉ် (၂/၂ဝ၁၇)ဖြင့် ရေးဖွင့် ကာ စုံစမ်းရှာဖွေလျက်ရှိကြောင်း သိရသည်။ ထိုသို့ စုံစမ်းရှာဖွေမှု ကြောင့် မစန္ဒာအေး(ခ)မသီတာဌေး နှင့်မဝင်းဝင်းမော်တို့သည် ရန်ကုန် မြို့ ဒဂုံမြို့နယ်ရှိ သံလွင်အိမ်ရာဝင်း နေဒေါ်သန္တာအောင်၏ နေအိမ်သို့ ရောက်ရှိနေကြောင်းသိရသဖြင့် လိုက်လံခေါ်ယူခဲ့ကြပြီး ယခုလ ၁၄ ရက်တွင် မိုးညှင်းမြို့မရဲစခန်း တွင် စစ်ဆေးမေးမြန်းကာလုပ်ထုံး လုပ်နည်းနှင့်အညီ မိဘအုပ်ထိန်း သူများထံပြန်လည်အပ်နှံခဲ့သည်။

မစန္ဒာအေး(ခ)မသီတာဌေးနှင့် မဝင်းဝင်းမော်တို့၏ဟြေကြားချက် အရ၄င်းတို့သည်အလုပ်လုပ်ကိုင်ရန် ရထားစီး၍ မန္တလေးမြို့သို့ ရောက် ရှိပြီး ထိုမှတစ်ဆင့်ရန်ကုန်မြို့သို့ ရောက်ရှိကာ အသိဖြစ်သူ၏နေအိမ် တွင်တည်းခိုပြီး အလုပ်ရှာဖွေနေစဉ် မိုးညှင်းမြို့ရှိ မိဘများနှင့် တာဝန်ရှိ သူများမှ လာရောက်ခေါ်ယူခဲ့ခြင်း ဖြစ်ကြောင်း သိရသည်။ ထိုသို့ မိုးညှင်းမြို့နယ်အတွင်းမှမိန်းကလေး ငယ်များပျောက်ဆုံးနေမှုအား မိဘ အုပ်ထိန်းသူများ၊သက်ဆိုင်ရာတာဝန် ရှိသူများပေါင်းစပ်ညှိနှိုင်းကာ ဘေး မသီရန်မခဘဲ ပြန်လည်ခေါ်ယူနိုင် ခဲ့ကြောင်း သိရသည်။

ကချင်မြေနဂါး
The Union Daily
https://www.facebook.com/uniondaily.net



တရုတ်နဲ့ အာရှ ဟင်းချက်နည်းတွေမှာ ဟင်းခတ်ပစ္စည်းတွေ အရေးပါ
ဟင်းချက်ရာမှာ အသုံးပြုတဲ့ ဟင်းခတ် အမွှေး အကြိုင် အတု တွေကို ထုတ်လုပ် ဖြန့်ဖြူး နေတဲ့ အတွက် တရုတ် အာဏာပိုင်တွေက စစ်မေး နေပါတယ်။

တရုတ် ရိုးရာ ဟင်းခတ် အမွှေးအကြိုင် အတု တွေရဲ့ လုပ်ငန်း တန်ဖိုး က ဒေါ်လာ သန်းနဲ့ ချီ တန်ကြေး ရှိပြီး တရုတ်နိုင်ငံ မြောက်ပိုင်း တီယန်ကျင်း မြို့ အနား က ဒူးလျူ ဆိုတဲ့ မြို့လေးမှာ အတုအပ ထုတ်လုပ်တဲ့ စက်ရုံပေါင်း ငါးဆယ် ခန့် ရှိတယ်လို့ သိရပါတယ်။

ဟင်းချက်ရာမှာ ထည့်သွင်း ကြတဲ့ တရုတ် ပဲငံပြာရည်၊ ကြက်သားမှုန့် နဲ့ ရှာလကာရည် တွေကို အတုအပ ပြုလုပ်ပြီး ထုတ်လုပ် ဖြန့်ဖြူး နေကြတာ ဖြစ်ပါတယ်။

စက်ရုံ အလုပ်ရုံ တွေက စွန့်ပစ် တဲ့ ဓာတ်ဆား တွေ နဲ့ ဟင်းချက် ရာမှာ ထည့်သွင်း တဲ့ ပစ္စည်း တွေကို အတုတွေ ထုတ်လုပ် ထားတာ ဖြစ်ကြောင်း သတင်းထောက် တွေက ပြောကြား နေပါတယ်။

အတုအပ ပြုလုပ် သူတွေဟာ နာမည်ကြီး ထင်ရှား တဲ့ Maggi၊ Knorr နဲ့ Nestle တံဆိပ်တွေကို တုပပြီး လုပ်ထားတာပါ။ တရုတ် နိုင်ငံမှာ အစား အသောက် အတု ထုတ်လုပ်မှု တွေ နဲ့ ပတ်သက်လို့ ဖမ်းဆီးမှုတွေ မကြာခဏ ပြုလုပ် နေရပါတယ်။

အခု ဖြစ်ပေါ်နေတဲ့ ဟင်းခတ် အမွှေးအကြိုင် အတု လုပ်တဲ့ စက်ရုံတွေ စစ်ဆေးနေမှု အပါအဝင် အခုနှစ်ပိုင်းအတွင်း တရုတ်နိုင်ငံဟာ စားသောက်ကုန်ပစ္စည်း လုပ်ငန်းနဲ့ ပတ်သက်ပြီး နာမည်ပျက်စရာ ဖြစ်စဉ်တွေ အများအပြား ကြုံတွေ့ခဲ့ရပါတယ်။

မသန့်ရှင်းတဲ့ တရုတ် နို့မှုန့်ပြဿနာ တက်ဖူး
တရုတ် နို့မှုန့်နဲ့ အသား

၂၀၀၈ ခုနှစ်တုန်းက မသန့်ရှင်းတဲ့ တရုတ်ထုတ် နို့မှုန့်ဘူးတွေကြောင့် ကလေးငယ် ၆ ယောက် သေဆုံးခဲ့ပြီး ၃ သိန်းကျော် ဖျားနာခဲ့ရပါတယ်။

၂၀၁၄ ခုနှစ်တုန်းကလည်း တရုတ်နိုင်ငံရှိ ကေအက်ဖ်စီ၊ မက်ဒေါ်နယ်လ် စားသောက်ဆိုင်တွေကို အသားတင်သွင်းတဲ့ ရှန်ဟိုင်းဟူဆီ ကုမ္ပဏီဟာ အသားဟောင်းတွေကို ပြန်လည် ထုပ်ပိုးပြီး သွင်းခဲ့တဲ့ ဖြစ်စဉ် ဖြစ်ခဲ့ပါတယ်။

၂၀၁၅ ခုနှစ်မှာ နှစ် ၄၀ ကျော်ကြာပြီ ဖြစ်တဲ့ အသားတွေ အပါအဝင် အသားတန်ချိန် တသိန်း ကို ဖမ်းမိတဲ့ ဖြစ်စဉ်လည်း ဖြစ်ခဲ့ဖူးပါတယ်။

အရင်လကလည်း အနောက်မြောက်ပိုင်း မြို့တော် ရှန်ဇီ က စားသောက်ကုန်လုပ်ငန်းတွေမှာ မှိုတွေကို ဖြူဖွေးပြီး လတ်ဆတ်စေဖို့ရာ ဘေးဖြစ်စေတဲ့ ဓာတုဗေဒ ပစ္စည်းတွေကို သုံးကြောင်း တရုတ် စာနယ်ဇင်းတွေမှာ ဖော်ပြခဲ့ပါတယ်။

နောက်ဆုံး ဖြစ်စဉ် ဟင်းခတ်အမွှေးအကြိုင် အတု လုပ်မှု နဲ့ ပတ်သက်လို့ တနင်္လာနေ့က ထုတ်ပြခဲ့တဲ့ တရုတ် အစိုးရ အစားအသောက်နဲ့ ဆေးဝါးကွပ်ကဲရေး ဌာနရဲ့ ကြေညာချက်မှာ တီယန်ဂျင်းက စက်ရုံတွေဆီ စုံစမ်းစစ်ဆေးဖို့ရာ တာဝန်ရှိသူ အရာရှိတွေကို စေလွှတ်ထားပြီး ဖြစ်တယ်လို့ ဖော်ပြထားပါတယ်။

ဘေဂျင်းသတင်းစာရဲ့ ရေးသားချက်အရ တီယန်ဂျင်းမြို့အနီး ဒူးလျူ ဆိုတဲ့ (Duliu) မြို့က ဟင်းခတ်အမွှေးအကြိုင် အတုလုပ်ငန်း ဗဟိုချက်မ နေရာဟာ ဆယ်စုနှစ် တခုကျော်ကြာ စစ်ဆေးမှုတွေ မခံခဲ့ရဘူးလို့ သိရပါတယ်။

အဲဒီမြို့က လူနေထိုင်တဲ့ နေရာတွေမှာ စက်ရုံငယ်လေး ၅ဝ နီးပါးဟာ တစ်နှစ် ကို ယွမ် သန်း ၁ဝဝ (ဒေါ်လာ ၁၄.၅ သန်း၊ ပေါင် ၁၂ သန်း) တန်ဖိုးရှိတဲ့ ဟင်းခတ်ပစ္စည်း အတုတွေ ထုတ်လုပ်နေတယ်လို့လည်း ဆိုပါတယ်။

အစိုးရ ကြေညာချက်မှာ ဒီ ဟင်းခတ် အမွှေးအကြိုင် အတု လုပ်ငန်းတွေကို ကျယ်ကျယ်ပြန့်ပြန့် စစ်ဆေးမှာ ဖြစ်ပြီး စုံစမ်းဖော်ထုတ်မှု ရလဒ်တွေကိုလည်း အများပြည်သူကို အချိန်မီ ထုတ်ပြန်မယ်လို့ ရေးသားထားပါတယ်။

BBC Burmese
http://www.bbc.com/burmese


ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်းသည် ဇန်န၀ါရီ ၁၇ ရက်နေ့ နေ့လည် ၂ နာရီ ခန့်တွင် သခင်မြင်ပန်းခြံမှစတင်၍ ဗိုလ်ချုပ်အောင်ဆန်းလမ်းမှ ဗိုလ်တထောင်ဘုရားအထိ YBS ယာဉ်လိုင်းအမှတ် (၆၅)ကို စီးနင်းကာ ဘတ်စ်ကားစီးနင်းသူများ၏ အခက်အခဲအခြေအနေများကို လေ့လာကြည့်ရှုခဲ့သည်။

ယင်းခရီးစဉ်တွင် ၀န်ကြီးချုပ် ဦးဖြိုးမင်းသိန်းနှင့်အတူ အစိုးရအဖွဲ့မှ တာဝန်ရှိသူများလိုက်ပါခဲ့ကြောင်းနှင့် ခရီးသွားပြည်သူအချို့မှ ၄င်းတို့ တွေ့ကြုံနေရသည့်အခက်အခဲများကို တင်ပြခဲ့ကြောင်း သိရသည်။

လင်းလင်းအောင်
News Watch
https://www.facebook.com/NewsWatchJournal



ဘတ်စ်ကားလိုင်း စနစ်သစ် ဒုတိယနေ့ တွင် မြို့ တွင်း ပြေးဆွဲနေသည့် YBS ကားများနှင့် အခမဲ့ ယာဉ်များအား တွေ့ ရစဉ်(ဆင်ဟွာ)
    ရန်ကုန် ၊ ဇန်န၀ါရီ ၁၇ ရက်(ဆင်ဟွာ)

    ရန်ကုန်မြို့ တွင်း စုပေါင်း ပြေးဆွဲသည့် ဘတ်စကား စနစ်သစ် ဒုတိယနေ့ ဖြစ်သည့် ဇန်န၀ါရီ ၁၇ ရက်တွင် အများပြည်သူ ခရီးသွားလာမှုမှာ ပထမနေ့ ထက် ပိုမို အဆင်ပြေစွာ သွားလာနိုင်ကြကြောင်း ခရီးသွားပြည်သူများနှင့် စေတနာ့ ၀န်ထမ်းများ၏ ပြောဆိုချက်များ အရ သိရသည်။

“မနေ့ ကတော့ ကားအစီးရေ နည်းနည်း နည်းတယ်။အဲတော့ အဆင်မပြေမှုတွေ ဖြစ်တယ်။ခုကားလိုင်းတွေလဲ ထပ်တိုးလိုက်တော့ ဒီနေ့ တော့ တော်တော် အဆင်ပြေသွားပါပြီ။ခရီးသည်တွေလဲ သွားတတ်ပြီ။အခက်အခဲက မနေ့ ကလောက် သိပ်မများတော့ဘူး။လူတွေကလဲ နည်းနည်း စီးတတ်သွားပြီ။”ဟု ဆူးလေ မြို့ တော် ခန်းမရှေ့  တွင် စေတနာ ၀န်ထမ်း အဖြစ် ကူညီ ဆောင်ရွက်နေသူ မအိသဉ္စာငြိမ်းက ပြောသည်။

မြို့ ပြ သယ်ယူပို့ ဆောင်ရေး စနစ်သစ် အကောင်အထည်ဖော် ဆောင်ရွက်သည့် ဒုတိယနေ့ တွင်  ပထမနေ့ ထက် ကားစီးရေ အရေအတွက် ပို၍ များပြား လာခဲ့သည် နှင့်အတူ အများပြည်သူ ခရီးသွားလာမှု အခက်အခဲ မရှိစေရေး အတွက် အခမဲ့ ပုဂ္ဂလိက ယာဉ်လိုင်းများလည်း ကူညီပို့ ဆောင်ပေးမှုများ ပါဝင် ပြုလုပ်ခဲ့မှု များပြားလာခဲ့သည်။


“ဒီနေ့ တော့ ကားတွေလဲ များတယ်။လူတွေလဲ အဆင်ပြေသွားတယ်။ဘာမှ ပြသနာ မရှိဘူး။မနေ့ ကတော့ အရမ်း ဖြေရှင်းရတယ်။တင်ပြကြတာတော့ ကားခကို နှစ်ဆင့် အတွက် နှစ်ခါ ပေးရတဲ့ အတွက် ညည်းကြတယ်။အခမဲ့ ကူညီပို့ ပေးတာတွေကြောင့်လည်း ပိုပြီး အဆင်ပြေလာတယ်လို့ ထင်တယ်။”ဟု ကုန်ဈေးတန်း မှတ်တိုင်တွင် စေတနာ့ ၀န်ထမ်း အဖြစ် ဆောင်ရွက်နေသူ ဒေါ်ဌေးဌေးရီက ပြောသည်။

ယခု ပြောင်းလဲလိုက်သည့် စနစ်သစ်တွင် ယာဉ်ပြေးဆွဲချိန်အား နံနက် ၅ နာရီမှ ည ၉ နာရီ အထိ သတ်မှတ် ဆောင်ရွက်နေသော်လည်း နောက်ပိုင်းတွင် ညပိုင်း ပြေးဆွဲချိန်အား တိုးမြှင့်သွားရန် ပြောဆိုနေကြမှုများလည်း ရှိကြသည်။

“ဒီနေ့ ကတော့ မနေ့ ကထက်စာရင် တော်တော် ချောမွေ့ သွားတယ်။ကားတွေက အဆက်မပြတ် လာတယ်။ အခမဲ့တွေလည်း ပါတယ်။အဲလို ပြေးဆွဲပေးနေတော့ ဒီနေ့ တော့ လူတွေ ပုံမနေတော့ဘူး။အဲဒါကြောင့် ပိုအဆင်ပြေပါတယ်။ကားတွေလဲ နောက်ပိုင်းကြရင် ၁၂ နာရီလောက်ထိ လုပ်ပေးမယ် လို့ ပြောကြပါတယ်။ မနေ့ ကထက် စာရင် အခက်အခဲ တော်တော်များများ ကျော်နိုင်ပြီလို့ ပြောလို့ ရပြီ။မနေ့ ကထက် ဖိအား နည်းနည်း ကျသွားတယ် ထင်တယ်။”ဟု စေတနာ့ ၀န်ထမ်း ဖြစ်သူ ကိုရှမ်းလေးက ပြောသည်။

“ဒီနေ့ က ပိုအဆင်ပြေတယ်။မနေ့ ကဆိုရင် ကားလိုင်း နံပါတ်မသိလို့ မှားပြီးတောင် အိမ်ပြန် ရောက်သွားတယ်။ ဒီနေ့ ကတော့ သိပ်ပြီး အခက်အခဲ မရှိတော့ဘူး။ဆော့ဝဲလ် လမ်းညွှန်ထည့်ထားပြီး ကြည့်ပြီး စီးလာတယ်။ လမ်းမှာလဲ စေတနာ့ ၀န်ထမ်းတွေလဲ အများကြီး ရှိတယ်။မနေ့ ကလောက် အခက်အခဲ သိပ်မရှိဘူး။ဒါပေမယ့် ပုံမှန်တော့ မဖြစ်သေးဘူး။ခုဆို သိမ်ကြီးဈေးဘက် လာတာ ၅၇ လိုင်းကား မရှိလို့ အခမဲ့ ကားစီးလာရတာ ဆိုတော့လေ ဂိတ်မှာတော့ လူတွေ အများကြီးပဲ။လမ်းကလဲ သိပ်ပြီးတော့ မပိတ်တော့ဘူး။”ဟု လှိုင်သာယာမြို့ နယ်မှ ခရီးသွား ပြည်သူတစ်ဦးက ပြောသည်။


ယခု ပြောင်းလဲလိုက်သည့် ဘတ်စ်ကားလိုင်း စနစ်သစ်သည် ရေရှည်တွင် အားလုံး စည်းကမ်း စနစ်တကျ လိုက်နာမည် ဆိုပါက အားလုံး အဆင်ပြေသွားမည်ဟုလည်း ခရီးသွားပြည်သူတစ်ချို့ က သုံးသပ် ပြောကြားကြသည်။

“မနေ့ ကထက်စာရင် လူကြပ်တာတွေက ထက်ဝက်လောက် သက်သာသွားပြီ။မြို့ ထဲ လမ်းကြောင်းကတော့ ခုထိ ကြပ်နေတုန်းပဲ။အခြေအနေက မနေ့ ကထက် စာရင် ပိုပြီး အဆင်ပြေလာတယ်။ လိုင်းကားတွေ ကြောင့်တော့ လမ်းကြော မကျပ်တော့ဘူး။ကားတွေလဲ မနေ့ ကထက် ပိုပြီး ပေါလာပါတယ်။ရေရှည်မှာတော့ အားလုံး အတွက် အဆင်ပြေမယ်လို့ ထင်ပါတယ်။တစ်ချို့ လဲ ညည်းကြတာ ရှိတယ်။ခုလို ပြောင်းလဲတဲ့ဟာကို ကြိုဆိုတယ်။ကြိုက်လဲကြိုက်တယ်။ခုဆို မှတ်တိုင်တွေမှာ အကြာကြီး မရပ်ဘူး။လိုချင်တဲ့ နေရာကို မြန်မြန်ဆန်ဆန် ရောက်တယ်။ကိုယ်သွားချင်တဲ့ နေရာကို စိတ်ချမ်းသာနဲ့  သွားရတယ်။ အဆင်ပြေတယ်။ ယာဉ်နောက်လိုက်တွေ ဆက်ဆံမှုလဲ ပြောင်းလာတယ်။”ဟု လှိုင်မြို့ နယ်နေ ကိုထက်ဝေကိုက ပြောသည်။

ရန်ကုန်တိုင်းဒေသကြီး သယ်ယူ ပို့ ဆောင်ရေး ကြီးကြပ်ကွပ်ကဲမှု အာဏာပိုင် အဖွဲ့ (YRTA)မှ ဦးဆောင်ကာ မော်တော်ယာဉ်လိုင်းများအား စုပေါင်း ပြေးဆွဲသည့် စနစ်ဖြင့် ယာဉ်လိုင်း ၇၀ ဖြင့် ဇန်န၀ါရီ ၁၆ ရက်မှ စတင် အကောင်အထည်ဖော် ဆောင်ရွက်ခဲ့သည်။

(Xinhua)
http://www.xinhuamyanmar.com


ဇန်နဝါရီ ၁၄ ရက်နေ့ ညနေပိုင်းက ကျင်းပခဲ့သော ကယားပြည်နယ်နေ့ အထိမ်းအမှတ် Music Festival 2017 ဖျော်ဖြေပွဲ၌ ဖျော်ဖြေပွဲအပြင်ဖက်ရှိ ရမ်းကားသောပရိသတ်အချို့ကြောင့် လုံခြုံရေးအဖွဲ့နှင့် အပြန်အလှန်အချင်းပွားမှုအပြီး လူ ၅ ဦး ဒဏ်ရာရှိခဲ့ကြောင်း သိရသည်။

ကန္ဒရဝတီအားကစားကွင်းအတွင်း ကျင်းပခဲ့သော ယင်းပွဲ၏ ဒုတိယပိုင်း စတင်ပြီး မကြာခင် ဇန်နဝါရီ ၁၅ ရက်နေ့ မနက် ၀း၄၅ မိနစ်အချိန်၌ လုံခြုံရေးယူထားသော ပွဲတာဝန်ခံများနှင့် ကွင်းအပြင်ဖက်ရှိ ပရိသတ် ၅၀ ဦးခန့်တို့မှ လက်မှတ်စစ်ဝင်ပေါက်ဂိတ်အနီးအပြင်ဖက်တွင် အပြန်အလှန်အချင်းများခဲ့ခြင်း ဖြစ်သည်။

ပွဲ၏အပြင်ဖက်ရှိ ရမ်းကားသော ပရိသတ်မှ ကွင်းအတွင်းသို့ ကျောက်ခဲ၊ တုတ်၊ ပုလင်း အစရှိသော အရာဝတ္တုပစ္စည်းများဖြင့် စတင်ပစ်ပေါက်ခဲ့ကြောင်း သိရသည်။

လုံခြုံရေးတာဝန်ယူထားသူများက အခြေအနေအား ဆက်လက်ထိန်းသိမ်းနိုင်ခြင်းမရှိတော့ဘဲ ထိုမှ တဆင့် အချင်းပွားမှု ပိုမိုကြီးလာခဲ့ကြောင်း ၎င်းအချိန်တွင် ယင်းကွင်းအတွင်း၌ လုံခြုံရေး တာဝန်ထမ်းဆောင်နေသူ လွိုင်ကော်ခရိုင်ရဲမှူး ဦးစိုးသိန်းက ကန္တာရဝတီတိုင်း(မ်)သို့ အတည်ပြုပြောကြားသည်။

“တကယ်တမ်း မနေ့က ကိစ္စက ဖြစ်သင့်တဲ့ ကိစ္စမဟုတ်ပါဘူး။ လူဝင်တဲ့လူနဲ့ ထွက်တဲ့လူတားဖို့ စစ်တဲ့သူကြားမှာ အဆင်မပြေတာ။ တခါတလေကျတော့ စကားပြောရင် အဆင်မပြေတာရှိတယ်။ တခါတလေကျတော့ စကားပြောရုံမဟုတ်တော့ဘဲ တွန်းလိုက် တိုးလိုက်။ တစ်ယောက်ယောက်တွန်းဆွဲဆွဲ ဒါတောင် ထိုးကြ ကြိတ်ကြတာ မဟုတ်သေးဘူး။ အဲ့ဒီကနေ ထပြီးတော့ မီးပွားကြီးသွားတယ်ပေါ့နော်။”ဟု လွိုင်ကော်ခရိုင်ရဲမှူး ဦးစိုးသိန်းက ပြောကြားသည်။

အပြန်အလှန်အချင်းပွားရာမှတဆင့် ဂိတ်တံခါးကို ကျော်လွန်ပြီး ကွင်းအတွင်းသို့ ဝင်ရောက်ကာ ဇာတ်စင်နှင့် လူအချို့ကို အရာဝတ္တုများဖြင့် ပစ်ပေါက်ခဲ့ကြသည်ဟု ၎င်းက ဆိုထားသည်။

အချင်းပွားမှုကြောင့် ဒဏ်ရာရရှိသူ ၅ ဦး ရှိခဲ့ကာ တစ်ဦးမှာမူ ကုမ္ပဏီ၏ လုံခြုံရေးတာဝန်ယူထားသူဖြစ်ပြီး ကျန် ၄ ဦးမှာ ဒဏ်ရာ(မစိုးရိမ်ရ)ကြောင့် ဆေရုံသို့ ပို့ဆောင်ထားပြီးဖြစ်ကြောင်း သိရသည်။

ယင်းပွဲကို အရှေ့သံလွင်ထရေးဒင်းကုမ္ပဏီမှ တာဝန်ယူကျင်းပခဲ့ပြီး ကုမ္ပဏီမှ ခန့်ထားသော လုံခြုံရေးတာဝန်ယူထားသူ ၂၀ ဦးကျော်နှင့် ကွင်းအတွင်း လုံခြုံရေးကိုမူ မြန်မာနိုင်ငံရဲတပ်ဖွဲ့မှ ရဲတပ်သား ၇၅ ဦးတို့မှ စုပေါင်းပြီး တာဝန်ယူခဲ့ကြခြင်း ဖြစ်သည်။

သတင်း-ဓါတ်ပုံ>
စိုင်းလင်းလင်းဦး/ကန္တာရဝတီတိုင်း(မ်)
https://www.facebook.com/kantarawaddytimes



သြစတေးလျ လွှတ်တော်အမတ် Luke Gosling (Australian labor party)
သြစတေးလျနိုင်ငံက အလုပ်သမားပါတီ လွှတ်တော်အမတ် Luke Gosling ဟာ Microsoft ကုမ္ပဏီကို စတင်တည်ထောင်သူ Bill Gates Foundation ရဲ့ ဧည့်သည်အဖြစ်နဲ့ မြန်မာနိုင်ငံကို သွားရောက်တဲ့အခါ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံဖို့ ရှိတယ်လို့ သြစတေးလျ သတင်းတွေမှာ ဖော်ပြကြပါတယ်။

နိုင်ငံခြားရေးဝန်ကြီးလည်းဖြစ်၊ နိုင်ငံတော်အတိုင်ပင်ခံပုဂ္ဂိုလည်းဖြစ်တဲ့ ဒေါ်အောင်ဆန်းစုကြည်နဲ့ တွေ့ဆုံတဲ့အခါမှာတော့ သူမအနေနဲ့ သြစတေးလျနိုင်ငံ Darwin မြို့ကို လာလည်ဖို့အတွက်လည်း ဖိတ်ကြားသွားမယ်လို့ မစ္စတာ Gosling က ပြောပါတယ်။

သူ့ခရီးစဉ်ရဲ့ အဓိက ရည်ရွယ်ချက်ဟာ နိုင်ငံတကာ ဖွံ့ဖြိုးရေးအစီအစဉ်တွေမှာ ပါဝင်တဲ့ သြစတေးလျ အစိုးရရဲ့ အခန်းကဏ္ဍကို ပိုမို သိရှိ နားလည်ဖို့အပြင်၊ မြန်မာအစိုးရအဖွဲ့ဝင် ၀န်ကြီးတွေ၊ အရာရှိတွေ၊ NGO နဲ့ စီးပွားရေးလုပ်ငန်းပိုင်းက ခေါင်းဆောင်တွေနဲ့ တွေ့ဆုံပြီး တီထွင်ကြံဆမှု၊ ပညာရေး၊ ကျန်းမာရေး စတဲ့ကဏ္ဍစုံအတွက် ဖွံ့ဖြိုးရေးဆိုင်ရာ ကိစ္စရပ်တွေကို ကျယ်ကျယ်ပြန့်ပြန့် ဆွေးနွေးသွားဖို့အတွက် ဖြစ်တယ်လို့ မစ္စတာ Gosling က ပြောပါတယ်။

ဇန်န၀ါရီလ ၁၅ ရက်နေ ၂၂ ရက်နေ့အထိ ၇ ရက်ကြာမယ် ဒီခရီးစဉ်ကို Save the Children အဖွဲ့က စီစဉ်တာဖြစ်ပြီး ကုန်ကျစားရိတ်အားလုံးကို Bill and Melinda Gates Foundation က တာဝန်ယူသွားမှာဖြစ်တယ်လို့ ဆိုပါတယ်။

ဗွီအိုအေ (မြန်မာပိုင်း)
http://burmese.voanews.com



Abdulkadir Masharipov ဟာ ဥဇဘက် လူမျိုး ဖြစ်တယ်လို့ တူရကီ အာဏာပိုင် တွေက ပြော
တူရကီ နိုင်ငံ အစ္စတန်ဘူလ် မြို့က နိုက်ကလပ် တစ်ခုထဲ နှစ်သစ်ကူး ည တုန်းက သေနတ်နဲ့ ပစ်ခတ် ခဲ့သူလို့ အဓိက သံသယ ရှိရတဲ့ Abdulkadir Masharipov ဆိုသူကို ဖမ်း ဆီး ရရှိ မိထားပြီ ဆိုပြီး တူရကီ မီဒီယာတွေက ရေးသား နေပါတယ်။

အဲဒီသူကို အစ္စတန်ဘူလ်မြို့က အက်ဆင်ယော့ထ် ဆိုတဲ့ အရပ်မှာ ဖမ်းမိ ခဲ့တာလို့ ဆိုပါတယ်။

Abdulkadir Masharipov ဟာ ဥဇဘက် လူမျိုး ဖြစ်တယ်လို့ တူရကီ အာဏာပိုင် တွေက ပြောပါတယ်။

နိုက်ကလပ် တိုက်ခိုက် ခံခဲ့ရမှု အတွင်း လူပေါင်း ၃၉ ယောက် သေဆုံး ခဲ့ရပါတယ်။

အဲဒီ တိုက်ခိုက်မှုဟာ ဆီးရီးယား ထဲ တူရကီရဲ့ စစ်ရေး ဆောင်ရွက်ချက် တွေကြောင့် လက်တုံ့ပြန် ရတာ ဖြစ်တယ် ဆိုပြီး အစ္စလာမ်မစ် နိုင်ငံ IS အဖွဲ့က ကြေညာ ထားပါတယ်။

BBC Burmese
http://www.bbc.com/burmese