01/22/17

 ဆက်သွယ်ရေးဥပဒေ ပုဒ်မ ၆၆ (ဃ) ကိုအမြန်ဆုံး ပြင်ဆင်ပေးဖို့ ဇန်နဝါရီလ ၂၂ ရက်နေ့က ရန်ကုန်မြို့မဟာဗန္ဓုလပန်းခြံအနီးမှာ လူထုဟောပြောပွဲကျင်းပနေစဉ် ဆက်သွယ်ရေးဥပဒေ ပုဒ်မ ၆၆ (ဃ) ကိုအမြန်ဆုံး ပြင်ဆင်ပေးဖို့ ဇန်နဝါရီလ ၂၂ ရက်နေ့က ရန်ကုန်မြို့မဟာဗန္ဓုလပန်းခြံအနီးမှာ လူထုဟောပြောပွဲကျင်းပနေစဉ်
Photo: Aung Thain Kha/ RFA
ဆက်သွယ်ရေး ဥပဒေပုဒ်မ ၆၆ (ဃ) ကို အမြန်ဆုံးပြင်ဆင်ပေးဖို့ အရပ်ဖက်အဖွဲ့တွေ၊ တက်ကြွ လှုပ်ရှားသူတွေ၊ ကျောင်းသားတွေနဲ့ ပုဒ်မ ၆၆(ဃ) နဲ့ အရေးယူခံခဲ့ရသူတွေ စုစုပေါင်း လူအင်အား ၂၀၀ နီးပါးက ဒီနေ့ ရန်ကုန်မြို့မဟာဗန္ဓုလပန်းခြံအနီးမှာ ဆန္ဒပြတောင်းဆိုကြပါတယ်။

ဒီမိုကရေစီနိုင်ငံကို သွားမယ်ဆိုတဲ့ အန်အယ်လ်ဒီအစိုးရအနေနဲ့ ပုဒ်မ ၆၆(ဃ) ကို ပြင်ဆင်ပေးဖို့ လိုအပ်ကြောင်း ဆက်သွယ်ရေးဥပဒေပုဒ်မ ၆၆(ဃ) ပြင်ဆင်ရေး ဦးဆောင်ကော်မတီဝင် ကဗျာဆရာ မောင်ဆောင်းခက ပြောပါတယ်။

လူမှုကွန်ယက် Facebook စာမျက်နှာမှာ နိုင်ငံတော် အကြီးအကဲတွေကို ပုတ်ခတ်ပြောဆို တာတွေနဲ့ပတ်သက်ပြီး ဆက်သွယ်ရေးဥပဒေပုဒ်မ ၆၆(ဃ)နဲ့ အမှုဖွင့်အရေးယူခံရတာတွေ များလာနေပါတယ်။

အဲဒီလိုအမှုဖွင့်ခံရတဲ့အခါမှာ နိုင်ငံတော် အတိုင်ပင်ခံကို ပုတ်ခတ်ပြောဆိုရင် အာမခံပေးပြီး တပ်မတော်ကို ထိခိုက်ပြောဆိုတာမျိုးတွေကို အာမခံမပေးတာတွေ ရှိတဲ့အတွက် တရားမျှတမှု မရှိဘူးလို့လည်း ဆန္ဒပြတောင်းဆိုသူတွေက ပြောပါတယ်။

ပုဒ်မ ၆၆(ဃ) ပြင်ဆင်ရေးအတွက် ဟောပြောပွဲမှာ အိုင်တီပညာရှင်တွေ၊ ပုဒ်မ ၆၆ (ဃ)နဲ့ အရေးယူခံခဲ့ရသူတွေ၊ ၆၆(ဃ) အမှုတွေကို လိုက်ပါကူညီပေးနေ တဲ့ ရှေ့နေ ဦးရောဘတ် စန်းအောင် တို့ကပါဝင်ဟောပြောခဲ့ကြပါတယ်။

ဆန္ဒပြသူတွေဟာ ပုဒ်မ ၆၆ (ဃ) အမြန်ဆုံးပြင်ဆင်ပေး စာသားပါ အင်္ကျီတွေကို ဝတ်ဆင်ခဲ့ကြပါတယ်။
RFA


ငလျင်ပြင်းလှုပ်ခတ်ခဲ့သည့် ပါပူဝါနယူးဂီနီနိုင်ငံ Bougainville ကျွန်းအားမြေပုံ၌တွေ့ရစဉ် (ဓါတ်ပုံ-အင်တာနက်)
    ဆစ်ဒနီ၊ ဇန်နဝါရီ ၂၂ ရက် (ဆင်ဟွာ)

    ဟာဝိုင်ရီပြည်နယ် ပစိဖိတ်ဆူနာမီသတိပေးချက်စင်တာ သည် ပါပူဝါနယူးဂီနီနိုင်ငံ (PNG) တွင် ဇန်နဝါရီ ၂၂ရက်တွင် ရစ်ခ်ျတာစကေး ၇.၉ ရှိသည့် အင်အားအလွန်ပြင်းထန်သော ငလျင်ပြင်းတစ်ခုနှင့် နောက်ဆက်တွဲငလျင်များ လှုပ်ခတ်ပြီးနောက် ပစိဖိတ်ဒေသအတွက် ဆူနာမီသတိပေးချက် ထုတ်ပြန်ခဲ့ကြောင်း သိရသည်။

ပါပူဝါနယူးဂီနီနိုင်ငံ ကိုယ်ပိုင်အုပ်ချုပ်ခွင့်ရ Bougainville ကျွန်းပေါ်ရှိ Pangunaမြို့ အနောက်ဘက် ၄၇ကီလိုမီတာ ၌ ဒေသစံတော်ချိန် ၁၅း၃၀နာရီတွင် အဆိုပါ ငလျင်ပြင်းလှုပ်ခတ်ခဲ့ကြောင်း အမေရိကန် ဘူမိဗေဒဆိုင်ရာ လေ့လာတိုင်းတာရေးအဖွဲ့ (USGS) က ပြောကြားခဲ့ပြီး သြစတြေးလျနိုင်ငံ ဘူမိဗေဒအဖွဲ့ကလည်း အဆိုပါ ဧရိယာအတွင်း အင်အား ၆.၂ရှိသည့် နောက်ဆက်တွဲငလျင်တစ်ခုကို တိုင်းတာရရှိခဲ့ကြောင်း ပြောကြားခဲ့သည်။

USGS ၏ ကနဦးတိုင်းတာချက်များအရ ပထမဆုံးငလျင်၏ ပြင်းအားသည် ရစ်ခ်ျတာ စကေး ၈.၀ရှိပြီး ဆော်လမွန်ကျွန်းများတွင် လှုပ်ခတ်ခဲ့ခြင်းဖြစ်ကြောင်း သိရသည်။

ငလျင်သည် မြေပြင်အနက် ၁၅၀ကီလိုမီတာကို ဗဟိုပြု၍ လှုပ်ခတ်ခဲ့ကြောင်း USGS ကပြောကြားခဲ့ပြီး ကျွန်းပေါ်တွင် ငလျင်ကြောင့် အပျက်အစီးများ ဖြစ်ပေါ်နိုင်ကြောင်း သြစတြေးလျနိုင်ငံ ဘူမိဗေဒအဖွဲ့ ငလျင်ပညာရှင် Spiro Spiliopoulos က ဆင်ဟွာသို့ ပြောကြားခဲ့သည်။

ပစိဖိတ်ဆူနာမီသတိပေးချက်စင်တာ က သြစတြေးလျကမ်းရိုးတန်းအတွက် ဆူနာမီသတိပေးချက် မထုတ်ပြန်သော်လည်း ပစိဖိတ်ဒေသ နှင့် အင်ဒိုနီးရှားနိုင်ငံ တစ်လျှောက် ယင်း ငလျင်ပြင်းကြောင့် အန္တရာယ်ရှိသည့် ဆူနာမီရေလှိုင်းများ ဖြစ်ပေါ်လာနိုင်ကြောင်း ပြောကြားခဲ့ပြီး နောက်ပိုင်းတွင် ပါပူဝါနယူးဂီနီနိုင်ငံ နှင့် ဆော်လမွန်ကျွန်း၏ ကမ်းရိုးတန်းအချို့တွင်သာ ဆူနာမီရေလှိုင်းများ ဖြစ်ပေါ်လာနိုင်ကြောင်း သတိပေးချက်အားလျှော့ချခဲ့သည်။

(Xinhua)
http://xinhuamyanmar.com


မွန်ပြည်သစ်ပါတီက ရေဖြူမြို့နယ်မှာ ဖြစ်ခဲ့တဲ့ တိုက်ပွဲတွေနဲ့ပတ်သက်ပြီး ထုတ်ပြန်ထားသည့် ကြေညာချက်ကို တွေ့ရစဉ်။ Photo: RFA
တနင်္သာရီတိုင်းဒေသကြီး၊ ရေဖြူမြို့နယ်အတွင်း ကရင်အမျိုးသားအစည်းအရုံး KNUနဲ့ မွန်ပြည်သစ် ပါတီတို့ တိုက်ပွဲဖြစ်ပွားခဲ့တာတွေနဲ့ပတ်သက်ပြီး လာမယ့် ဇန်န၀ါရီလ ၂၅ ရက်နေ့မှာ တွေ့ဆုံဆွေးနွေးသွားမယ်လို့ သိရပါတယ်။

တွေ့ဆုံဖို့အတွက် တနင်္သာရီတိုင်းဒေသကြီးအစိုးရအဖွဲ့က စီစဉ်ပေးတာဖြစ်ပြီး ထားဝယ်မြို့က တိုင်းဒေသကြီးအစိုးရရုံးမှာ တွေ့ဆုံမှာ ဖြစ်တယ်လို့ မွန်ပြည်သစ်ပါတီရဲ့ ဗဟိုအလုပ်အမှုဆောင် အဖွဲ့ဝင် နိုင်ဝင်းလှက ပြောပါတယ်။

"ပြဿနာတွေ ဖြစ်ရင် လက်နက်ကိုင်ဖြေရှင်းတဲ့နည်းနဲ့ မဟုတ်ဘဲနဲ့ ဒီတွေ့ဆုံဆွေးနွေးတဲ့နည်းက အမှန်ကန်ဆုံးပဲလေ၊ ဒီနည်းနဲ့ဖြစ်အောင် ကျနော်တို့ ကြိုးစားနေတယ်၊ အခု လာမယ့် ၂၅ ရက်နေ့မှာ ကျနော်တို့ ဒီတနင်္သာရီတိုင်းဒေသကြီး အစိုးရရဲ့ အစီအစဉ်နဲ့ပေါ့လေ၊ ကျနော်တို့ နှစ်ဖွဲ့ဆုံဖို့ရှိတယ်၊ ထားဝယ်မြို့မှာ"

မွန်ပြည်သစ်ပါတီဟာ ရေဖြူမြို့နယ်မှာ ဖြစ်ခဲ့တဲ့ တိုက်ပွဲတွေနဲ့ပတ်သက်ပြီး KNU နဲ့ တွေ့ဆုံ ဆွေးနွေးတဲ့နည်းလမ်းနဲ့ ဖြေရှင်းနိုင်ဖို့ ကြိုးပမ်းသွားမယ်လို့လည်း ဒီကနေ့ ထုတ်ပြန်ချက် ထုတ်ထားပါတယ်။ ဒါ့အပြင် တော်လှန်ရေးအဖွဲ့အစည်း အချင်းချင်း ပစ်ခတ်တိုက်ခိုက်နေတာဟာ ဖက်ဒရယ်ပြည်ထောင်စု တည်ဆောက်ရေး၊ လူမျိုးစုံချစ်ကြည်ရေး၊ ဒေသတည်ငြိမ်ရေးတို့ကို ထိခိုက်စေပြီး ငြိမ်းချမ်းရေးတည်ဆောက်နေတဲ့ကာလမှာ မဖြစ်သင့်ကြောင်းလည်း ထုတ်ပြန်ချက်မှာ ပါရှိပါတယ်။

RFA Burmese
http://www.rfa.org/burmese


ပန်ဒါစက်ရုံအလုပ်သမားတွေ ဇန်နဝါရီလ ၂၂ ရက်နေ့က မန္တလေးမှာ လှည့်လည်ဆန္ဒပြစဉ်
ပန်ဒါစက်ရုံအလုပ်သမားတွေ ဇန်နဝါရီလ ၂၂ ရက်နေ့က မန္တလေးမှာ လှည့်လည်ဆန္ဒပြစဉ်
Photo: Hset Paing Toe/ RFA
မန္တလေးတိုင်းဒေသကြီး စဥ့်ကိုင်မြို့နယ် ပလိပ်မြို့က ပန်ဒါချည်မျှင်နဲ့ အထည်စက်ရုံမှာ အလုပ်ရှင် အလုပ်သမားပြဿနာကို တိုင်းအစိုးရအဖွဲ့က ကြားဝင်ဖြေရှင်းပေးပေမယ့် ပြေလည်မှုမရှိတာကြောင့် ဒီနေ့ မန္တလေးမြို့ပေါ်မှာ ဆိုင်ကယ်တွေနဲ့ လှည့်လည်ပြီး ဆန္ဒပြခဲ့ကြပါတယ်။

မန္တလေးတိုင်းအစိုးရအဖွဲ့က ညှိနှိုင်းရေးအဖွဲ့ ဖွဲ့စည်းပြီး ကြားဝင်ဖြေရှင်းပေးနေပေမယ့် အခုချိန်ထိ ပြေလည်မှုမရရှိသေးတဲ့အတွက် စက်ရုံရှေ့မှာ သပိတ်စခန်း ဖွင့်ဆန္ဒပြနေဆဲဖြစ်တယ်လို့လည်း ဆန္ဒပြသူတွေက ပြောပါတယ်။

ပြီးခဲ့တဲ့နှစ် ဒီဇင်ဘာလ ၁၁ ရက်နေ့က အလုပ်ရှင်၊ အလုပ်သမားနဲ့ အစိုးရတို့ သုံးပွင့်ဆိုင် သဘောတူညီချက်အရ ပလိပ်မြို့ ပန်ဒါချည်မျှင်နဲ့ အထည်စက်ရုံ အဝင်ဝမှာ ထိုင်သပိတ် ဆင်နွှဲနေကြတဲ့ စက်ရုံလုပ်သား ၆၄၄ ဦးစလုံးကို ဒီဇင်ဘာလ ၁၆ ရက်နေ့မှာ အစမ်းခန့်ကာလ ၃ လ အနေနဲ့ စက်ရုံကပြန်လည်ခန့် ထားပေးဖို့ သဘောတူညီခဲ့ကြပြီးဖြစ်ပါတယ်။

ဒါပေမယ့် စက်ရုံဘက်က လုပ်သား ၆၄၀ ကိုသာ လက်ခံမှာဖြစ်ပြီး သပိတ်ခေါင်းဆောင် ၄ ဦးကို ချန်ထားခဲ့တဲ့အတွက် အခုချိန်ထိ ပြေလည်မှု မရရှိသေးတာဖြစ်တယ်လို့ စက်ရုံလုပ်သားတွေက ပြောပါတယ်။

ထိုင်သပိတ်ဆင်နွှဲနေကြတဲ့ ပန်ဒါစက်ရုံလုပ်သားတွေဟာ စက်မှုဝန်ကြီးဌာနရဲ့ အစိုးရဝန်ထမ်းဟောင်း တွေဖြစ်ပြီး သူတို့တွေကို ၂၀၁၃ ခုနှစ်က အစိုးရပင်စင် စားဘဝနဲ့ ပုဂ္ဂလိကဝန်ထမ်းတွေအဖြစ် Panda Textile ကုမ္ပဏီကို လွှဲပြောင်းပေးခဲ့တာ ဖြစ်ပါတယ်။

ဆန္ဒပြသူတွေဟာ မန္တလေးမြို့ ပြည်သူ့ဟစ်တိုင်ကွင်းမှာ သူတို့ရဲ့ တောင်းဆိုချက်တွေကို ဟောပြောခဲ့ကြပြီး ဆိုင်ကယ်တွေနဲ့ မြို့တစ်ပတ်လှည့်လည်ခဲ့ကြပါတယ်။
RFA

 စစ်ပွဲအလိုမရှိကြောင်း ပြဇာတ်ကပြခဲ့တဲ့ ကျောင်းသား ၉ ဦးကို တွေ့ရစဉ် စစ်ပွဲအလိုမရှိကြောင်း ပြဇာတ်ကပြခဲ့တဲ့ ကျောင်းသား ၉ ဦးကို တွေ့ရစဉ်
Photo: Aung Khant Zaw/ Facebook
ဧရာဝတီတိုင်းဒေသကြီး၊ ပုသိမ်မြို့က ပုသိမ်ဟိုတယ်မှာ စစ်ပွဲတွေ အလိုမရှိကြောင်း ပြဇာတ် ကပြရာမှာ ပါဝင်ခဲ့တဲ့ ကျောင်းသား ၉ ဦးကို အနောက်တောင်တိုင်း စစ်ဌာနချုပ်က အသရေဖျက်မှုနဲ့ ပုသိမ်မြို့မရဲစခန်းမှာ တရားစွဲဆိုထားပါတယ်။

ပြီးခဲ့တဲ့ ဇန်န၀ါရီလ ၉ ရက်နေ့က ပုသိမ်ဟိုတယ်မှာ ကျင်းပခဲ့တဲ့ ငြိမ်းချမ်းရေးအလုပ်ရုံဆွေးနွေးပွဲမှာ စစ်ပွဲတွေအလိုမရှိကြောင်း ပြဇာတ်ကပြဖျော်ဖြေ ခဲ့တာဖြစ်ပါတယ်။ အဲဒီပြဇာတ်မှာ ပါဝင်တဲ့ စကားလုံး အသုံးအနှုန်းတွေဟာ တပ်မတော်ကို ဂုဏ်သိက္ခာညှိုးနွမ်းစေတယ်ဆိုပြီး အသရေဖျက်မှုနဲ့ ဒုတိယ ဗိုလ်မှူးကြီးတစ်ဦးက တရားလိုလုပ်ပြီး တရားစွဲထားတာ ဖြစ်တယ်လို့ ပြဇာတ်ကရာမှာ ပါဝင်ခဲ့တဲ့ ကိုအောင်ခန့်ဇော် က ပြောပါတယ်။

" ၁၈ ရက်နေ့မနက်ကသိတယ်၊ ကျနော်ကို ဖုန်းဆက်ပြီး လှမ်းပြောတယ်၊ ကျနော်တို့ အဲနေ့မှာမအားဘူး၊ မအားတော့ ညနေမှ လာခဲ့မယ်လို့ ပြန်ပြောတယ်၊ ညနေကျမှ မြို့မရဲစခန်းမှာ ကျနော်တို့ သွားပြီးတော့ စစ်ဆေးတာပေါ့၊ ဘာ့ကြောင့်စွဲတာလဲဆိုတော့ ကျနော်တို့အဲနေ့က ပြဇာတ်ကတဲ့အထဲမှာ ကျနော်တို့ ပြောတဲ့ စကားအသုံးအနှုန်းတွေပေါ့နော်၊ အဲဒီအသုံးအနှုန်းတွေက သူတို့တပ်မတော်နဲ့ သူတို့ မိသားစုဝင်တွေကို ဂုဏ်သိက္ခာညှိုးနွမ်းစေတဲ့ စကားလုံးတွေပါတယ်ဆိုပြီး သူတို့က အသရေဖျက်မှု နဲ့စွဲတာပေါ့၊ တရားလိုလုပ်ပြီး စွဲတာက ဒုတိယဗိုလ်မှူးကြီး အောင်မျိုးခိုင်ပေါ့နော်၊ စစ်ဦးစီး ပထမတန်းကလို့ သိရပါတယ်"

အဲဒီပြဇာတ်မှာ ပုသိမ်မြို့က စစ်ပွဲထောက်ခံသူတွေကို အင်တာဗျူးမေးတဲ့ပုံစံမျိုးနဲ့ ဟာသနှောပြီး ကပြဖျော်ဖြေခဲ့တာဖြစ်တယ်လို့ ကိုအောင်ခန့်ဇော် က ပြောပါတယ်။

တရားစွဲခံထားရတဲ့ ကျောင်းသား ၉ ဦးထဲမှာ ၁၀ တန်းကျောင်းသား ၄ ဦး နဲ့ တက္ကသိုလ်ကျောင်းသား ၅ ဦး ပါဝင်ပါတယ်။

လက်ရှိအချိန်ထိ ကျောင်းသား ၇ ဦးကို ပုသိမ်မြို့မရဲစခန်းက ခေါ်ယူစစ်ဆေးထားပြီး ကျန်တဲ့ ၂ ဦးကို ဆက်လက်စစ်ဆေးကာ စစ်ဆေးချက်တွေကို လာမယ့် ၂၅ ရက်နေ့မှာ တရားရုံးကို တင်သွားမှာ ဖြစ်တယ်လို့လည်း ပြောပါတယ်။
RFA


အမေရိကန်သမ္မတ ဒေါ်နယ်ထရန့် ၎င်းရဲ့ကျမ်းကျိန်ပွဲကို တက်ရောက်ခဲ့တဲ့ လူထုပရိသတ်ပမာဏနဲ့ ပတ်သက်ပြီး သတင်းဖော်ပြရာမှာ မီဒီယာတွေ မရိုးသားခဲ့ကြောင်း စွပ်စွဲပြောကြားလိုက်ပါတယ်။ သတင်းမီဒီယာတွေရဲ့ သတင်းဓာတ်ပုံမှတ်တမ်းတွေ ရှိပေမဲ့လည်း အမေရိကန်လွှတ်တော် အဆောက်အအုံရှေ့မှာ ၎င်းရဲ့ သမ္မတအဖြစ် ကျမ်းကျိန်ဆိုပွဲ မိန့်ခွန်းပြောကြားမှုကို လူထုပရိသတ် ကြိတ်ကြိတ်တိုး လာရောက်ခဲ့ကြကြောင်း ထရန့်က ဆိုပါတယ်။

နောက်ပိုင်းမှာ ထရန့်ရဲ့ အိမ်ဖြူတော် သတင်းထုတ်ပြန်အရာရှိက ကျမ်းကျိန်ပွဲတစ်ခုမှာ အကြီးမားဆုံး ပရိသတ်တွေကို မြင်တွေ့ခဲ့ရတာဖြစ်ကြောင်း ပြောပါတယ်။ အမေရိကန်သမ္မတ ထရန့်က စနေနေ့ (ဇန်နဝါရီ ၂၁ ရက်) မှာ ဗာဂျီးနီးယားပြည်နယ်ရှိ စီအိုင်အေ (CIA) ဌာနချုပ်ကို သွားရောက်လည်ပတ်စဉ်အတွင်း မီဒီယာတွေ မရိုးသားကြောင်း ပြောခဲ့တာ ဖြစ်ပါတယ်။ မီဒီယာတွေဟာ ၎င်းနဲ့ထောက်လှမ်းရေး အဖွဲ့အစည်းတွေကြား ရန်တိုက်ပေးကြောင်းနဲ့ သတင်းထောက်တွေဟာ ကမ္ဘာပေါ်မှာ မရိုးသားဆုံး လူသားတွေထဲမှာ ပါဝင်ကြောင်း ထရန့်က စွပ်စွဲပြောကြားခဲ့ပါတယ်။

၎င်းရဲ့ သမ္မတအဖြစ် ကျမ်းသစ္စာကျိန်ဆိုပွဲ ရုပ်မြင်သံကြားပြကွက်နဲ့ သတင်းဓာတ်ပုံတွေကို မီဒီယာတွေက ပြင်ဆင်ဖော်ပြခဲ့ကြကြောင်းလည်း ထရန့်က ဆိုပါတယ်။ ကျမ်းကျိန်ပွဲကို လူတစ်သန်းခွဲခန့် လာရောက်ခဲ့ပေမဲ့ မီဒီယာတွေက လူ ၂၅၀,၀၀၀ မျှသာ လာရောက်ခဲ့တယ်လို့ မဟုတ်မမှန် သတင်းဖော်ပြကြကြောင်း သမ္မထရန့်က စွပ်စွဲခဲ့ပါတယ်။ အမေရိကန်မှ နာမည်ကြီး The New York Times သတင်းဌာနက ၂၀၀၉ ခုနှစ်မှာ အိုဘားမား ကျမ်းကျိန်စဉ်က လူထုပရိသတ်မြင်ကွင်းဓာတ်ပုံနဲ့ ထရန့် ကျမ်းကျိန်စဉ် လူထုပရိသတ်မြင်ကွင်းဓာတ်ပုံတို့ နှိုင်းယှဉ်ပြသထားခဲ့ပါတယ်။

စီအိုင်အေကို အလည်အပတ် သွားရောက်တဲ့နေ့က ၎င်းကို ကမ္ဘာတစ်ဝန်း အမျိုးသမီးများ အဓိကပါဝင်ပြီး ဆန္ဒပြမှုတွေကိုတော့ ထရန့်က ထည့်သွင်းပြောကြားခဲ့ခြင်း မရှိပါဘူး။ ဇန်နဝါရီ ၂၁ ရက် မှာ သမ္မတဒေါ်နယ်ထရန့်ကို အမေရိကန်နဲ့ ကမ္ဘာတစ်ဝန်း အမျိုးသမီးများ အဓိကပါဝင်တဲ့ လူ ၂ သန်းကျော်က 'sister marches' လို့ ခေါ်ဝေါ်ကြတဲ့ ကန့်ကွက်ဆန္ဒပြပွဲတွေ ပြုလုပ်ခဲ့ကြပါတယ်။ ဝါရှင်တန်မှာ ပြုလုပ်ခဲ့တဲ့ အကြီးမားဆုံး ထရန့်ဆန့်ကျင်ရေး ဆန္ဒပြမှုအတွင်း လူ ၅၀၀,၀၀၀ ကျော် ပါဝင်ခဲ့ကြပါတယ်။

ကမ္ဘာတစ်ဝန်း ပြုလုပ်ခဲ့တဲ့ 'sister marches' ဆန္ဒပြပွဲတွေဟာ အမျိုးသမီးအခွင့်အရေးကို အဓိက ရည်ရွယ်ခဲ့ကြောင်း သိရပါတယ်။ တက်ကြွလှုပ်ရှားသူတွေက ထရန့်ရဲ့ အစိုးရသစ်လက်ထက်မှာ အမျိုးသမီးအခွင့်အရေးတွေ ခြိမ်းခြောက်ခံရမယ်လို့ ယုံကြည်ထားကြပါတယ်။ ထရန့်ဟာ ဇန်နဝါရီ ၂၀ ရက်က ကျမ်းသစ္စာကျန်ဆိုပြီး အမေရိကန်ရဲ့ ၄၅ ယောက်မြောက် သမ္မတအဖြစ် စတင်တာဝန်ယူခဲ့ပါတယ်။

Source & Photo: NYTimes, BBC

===========

Duwun


တိုင်းပြည်တပြည်ရဲ့ တန်ဘိုးအကြီးမားဆုံးနဲ့ သုံးလို့မကုန်ခမ်းနိုင်တဲ့ အရင်းအမြစ်ဆိုတာ အဲ့ဒီတိုင်းပြည်ရဲ့ နိုင်ငံသူနိုင်ငံသားတွေပါဘဲ။ ဟုတ်ပါတယ် … မြေပေါ်မြေအောက် သဘာဝသယံဇာတတွေဆိုတာ ထုတ်ယူသုံးစွဲတာကြာလာရင် တနေ့တချိန်ချိန်မှာ ကုန်ခမ်းသွားမှာပါ။ ဒါပေမဲ့ တိုင်းပြည်ရဲ့ လူသားအရင်းအမြစ် မျိုးဆက်သစ်တွေ၊ နိုင်ငံသူနိုင်ငံသားတွေဆိုတာ ဘယ်တော့မှ မကုန်ခမ်းသွားနိုင်တဲ့ ရတနာသိုက်ကြီးနဲ့တူပါတယ်။

ဒါကြောင့်လည်း တိုင်းပြည်အပေါ်စေတနာရှိ၊ အမျှော်အမြင်ရှိတဲ့ခေါင်းဆောင်တွေဟာ သူ့တို့နိုင်ငံရဲ့ ပြည်သူပြည်သားတွေအပေါ်အလေးထား လေးစားတတ်ယုံမက တိုင်းပြည်ရဲ့ တန်ဘိုးအရှိဆုံး ပြည်သူ လူထုရဲ့အားကို ယုံကြည်ကိုးစားတတ်ကြတယ်။ ပြည်သူတွေရဲ့အင်အားတွေပိုမိုပြည့်ဝလာအောင် ပြုစု ပျိုးထောင်ပေးတတ်ကြတယ်။ နိုင်ငံသူနိုင်ငံသားတွေရဲ့အင်အားကို စုစည်းအသုံးချနိုင်ဖို့ စီမံအားထုတ်လေ့ ရှိကြပါတယ်။

ဒါပေမဲ့ ကျွန်တော်မြန်မာနိုင်ငံကတော့ ကံမကောင်းအကြောင်းမလှစွာနဲ့ ပြည်သူ့ အင်အားကို မကိုးစားမယုံကြည်ဘဲ လက်နက်နဲ့ အာဏာကိုသာ ကိုးစားအားထားတဲ့ စစ်အာဏာရှင်တွေရဲ့ သံခွာအောက်မှာ ကျရောက်ခဲ့ရတော့ နှစ်ပရိစ္ဆေဒကြာမြင့်စွာ ပြည်သူပြည်သားတွေ အင်အားချိနဲ့ ခဲ့ယုံမက ထိထိရောက်ရောက် အသုံးချခြင်းမခံခဲ့ရတာကြောင့် တိုင်းပြည်အတွက်ကြီးမားစွာဆုံးရှုံးခဲ့ရပါတယ်။ လူမှား၊ စနစ်မှားနဲ့ စီမံခန့် ခွဲမှု့အမှားတွေအောက်မှာ ပြည်သူလူထုအားတွေ အဟောသိကံဖြစ်ခဲ့တာရာစုနှစ်ဝက်ကျော်လာတော့ နောက်ဆုံးတိုင်းပြည်လည်း ဘုန်းဘုန်းလဲပြီး ကမ္ဘာ့ အဆင်းရဲဆုံးနိုင်ငံစာရင်းဝင်လို့ အရာရာမှာ တခြားတိုင်းပြည်တွေနောက်မှာရောက်ခဲ့ရပြီး အဖက်ဖက်က ချွတ်ခြုံကျခဲ့ရတာမဟုတ်လား။

ဒီတော့ စစ်အာဏာရှင်အဆက်ဆက် ခေတ်ဆိုးခေတ်ပျက်တွေအောက်မှာ နိုင်ငံသူနိုင်ငံသားတွေရဲ့ အင်အားနဲ့ အရည်အသွေးတွေဆိုတာဟာ ထုတ်ဖေါ်အသုံးချခြင်းမခံရတဲ့ ရွှံ့ အလူလူးနဲ့ မြေအောက်က န၀ရတ်ကျောက်မြက်ရတနာလို အရောင်မှိန်ပြီး တန်ဘိုးမပေါ်လွင်ခဲ့ရသလို တိုင်းပြည်အတွက်လည်း ကြီးစွာဆုံးရှုံးခဲ့ရပါတယ်။

ကမ္ဘာ့ မြေပုံမှာ အစက်အပြောက်အရွယ်သာရှိပြီး သဘာဝသယံဇာတဆိုတာ မူးလို့ ရှူစရာတောင်မရှိတဲ့သူ့ နိုင်ငံကို အရှေ့တောင်အာရှရဲ့ကျားတကောင်ဖြစ်စေခဲ့တဲ့ စင်္ကာပူနိုင်ငံရဲ့ခေါင်းဆောင် လီကွမ်ယုဟာ အဲ့ဒီအချက်ကို ကောင်းကောင်းသဘောပေါက်ခဲံတာမို့ သူ့ နိုင်ငံရဲ့ အကြီးဆုံးရတနာသိုက်ကြီးကိုတူးဖေါ်အရောင်တင်ပြီး အပြည့်အ၀ အသုံးချခဲ့တာဖြစ်တယ်။

စင်ကာပူနိုင်ငံဟာ မလွှဲမရှောင်သာတဲ့အခြေအနေတရပ်ကြောင့် မလေးရှားနိုင်ငံကနေ ၁၉၆၅ ခုနှစ်မှာ ဆန္ဒမပါဘဲ ခွဲထွက်ခဲ့ရပြီး လွတ်လပ်တဲ့နိုင်ငံအဖြစ်ကို ရယူခဲ့တဲ့အခါတုံးက သဘာဝသယံဇာတဆိုတာ ဗလာနတ္တိနဲ့  အားကိုးစရာဆိုလို့ ပညာမတတ်သူလူဦးရေများတဲ့ ၁.၈၇ သန်းသာသာရှိတဲ့ လူသားအရင်းအမြစ်သာပိုင်ဆိုင်ခဲ့ရတာပါ။

င်္ခြသေ့တပိုင်း ငါးတပိုင်း သတ္တဝါဆန်းရှိတဲ့ ကျွန်းပေါက်စနိုင်ငံလေးရဲ့ဖခင် လီကွမ်ယူးဟာ သူု့ နိုင်ငံရဲ့မရှိမဲ့ရှိမဲ့ လူသားအရင်းအမြစ်ကို ဘယ်လို တယုတယတန်ဘိုးထားပြီး မြှင့်တင် အသုံးချခဲ့တယ်ဆိုတာကို လေ့လာကြည့်ရအောင်။

မလေးရှားပါလီမန်ကနေ အထုတ်ပယ်ခံရပြီးတဲ့နောက် အားကိုးအားထားစရာဆိုလို့  အများစုက အလုပ်လက်မဲ့ဖြစ်နေပြီး လူဦးရေအားဖြင့် ၂ သန်းတောင်မပြည့်တတ်တဲ့ သူ့ နိုင်ငံသားတွေကို ထမင်းအိုးတည်ပေးနိုင်ဖို့ တခုတည်းသောနည်းလမ်းက တိုင်းပြည်ကို လူ့ လုပ်အားပေါ်အခြေခံတဲ့ စက်မှု့နိုင်ငံအဖြစ်ကိုပြောင်းလဲပစ်ရမယ်ဆိုတာ လီကွမ်ယူးက ကောင်းကောင်းကြီးသဘောပေါက်ခဲ့ပါတယ်။

အိမ်နီးချင်း အာရပ်နိုင်ငံတွေရဲ့ ၀ိုင်းဝန်းသပိတ်မှောက်ဆန့် ကျင်မှု့ခံခဲ့ရတော့ အနောက်ကမ္ဘာနဲ့ အမေရိကန်နိုင်ငံတွေနဲ့ ချိတ်ဆက်ပြီးကုန်သွယ်မှု့တွေလုပ်ပြီး ထွက်ပေါက်ရခဲ့တဲ့ အစ္စရေးလ်နိုင်ငံရဲ့ နမူနာပုံစံကိုအတုယူခဲ့တယ်။ စင်္ကာပူဟာ သူ့ ရဲ့အင်အားကြီင်္း အိမ်နီးချင်း ၂ နိုင်ငံ မလေးရှားနဲ့ အင်ဒိုနီးရှားတို့ ရဲ့မိတ်ဖက်သဘောမဆောင်တဲ့ဆက်ဆံမှု့တွေကို ကျော်လွှားပြီး နိုင်ငံတကာရဲ့ရင်းနှီးမြုပ်နှံမှု့တွေရအောင်ဆွဲဆောင်ဖို့ ကျိုးစားခဲ့တယ်။

အဲ့ဒီလို နိုင်ငံခြားရင်းနှီးမြုပ်နှံမှု့တွေဝင်ရောက်လာဖို့ အတွက် လူတိုင်းဘ၀ အေးချမ်းလုံခြုံမှု့ရှိဖို့ ၊ တရားဥပဒေစိုးမိုးဖို့ နိုင်ငံရေးတည်ငြိမ်ဖို့ ၊ အကျင့်ပျက်ခြစားမှု့ကင်းရှင်းဖို့ ၊ အလုပ်သမားသမဂ္ဂတွေ၊ ယူနီယံတွေရဲ့ အချိန်မတန်ခင် စွက်ဖက်မှု့တွေကန့် သတ်ခဲ့သလို၊ အခွန်ကောက်ခံမှု့ မကြီးလေးစေအောင် အထူးဂရုပြုဆောင်ရွက်ခဲ့တယ်။ လူအများစု အမြန်ဆုံးအလုပ်အကိုင်တွေရပြီး ထမင်းအိုးတွေတည်နိုင်ဖို့ အတွက် တဖက်မှာတော့ နိုင်ငံသားတွေရဲ့ လွတ်လပ်ခွင့် အတော်များများကတော့ ဆုံးရှုံးခဲ့ရတယ်။

လီကွမ်ယူးရဲ့ ပီအေပီပါတီဟာ လွတ်လပ်တဲ့အလုပ်သမားသမဂ္ဂတွေကို ဖိအားပေးချုပ်ချယ်ခဲ့ပြီး တဖြေးဖြေးနဲ့ အစိုးရအစီအစဉ်နဲ့ ဖွဲ့ စည်းထားတဲ့ National Trade Union Congress (NTUC) ရဲ့အောက်ကို ၀င်ရောက်စေခဲ့တယ်။ တဦးချင်းဖြစ်ဖြစ်၊ အတိုက်အခံပါတီဖြစ်ပါစေ နိုင်ငံရေး၊ အုပ်ချုပ်ရေး အမျိုးသားရေး၊ ကော်ပိုရေးရှင်း ညီညွတ်မှု့ထိခိုက်နိုင်တယ်၊ ခြိမ်းခြောက်လာတယ်လို့ ယူဆခဲ့ရင် အကျဉ်းချုံးပြီးအပြစ်ဒါဏ်စီရင် ထောင်ချခဲ့တယ်။

အိန္ဒိယသမုဒ္ဒရာနဲ့ တောင်တရုပ်ပင်လယ်ကို ဆက်စပ်ပေးနေတဲ့ မလ္လကာရေလက်ကြားရဲ့ ပင်လယ်ဝမှာတည်ရှိနေတဲ့ စင်္ကာပူရဲ့ ပထဝီဝင်တည်နေရာ မဟာဗျုဟာကျနေတာကို အသုံးချပြီး ပင်လယ်ကူးသင်္ဘောဆိပ်ကမ်းနဲ့ ကုန်သေတ္တာစခန်းတွေကို အကျအနတည်ဆောက်ခဲ့တယ်။ ဒါ့အပြင် ကမ္ဘာ့ အဆင့်မှီလေဆိပ်၊စက်မှု့ဇုန်ကြီးတွေနဲ့ နိုင်ငံတကာငွေကြေးအဖွဲ့အစည်းတွေ အလွယ်တကူလုပ်ကိုင်နိုင်တဲ့ အခြေအနေကိုဖန်တီးပေးလိုက်တော့ ကမ္ဘာကုန်သွယ်ရေးလမ်းကြောင်းဗဟိုချက်မကို သိမ်းပိုက်သလိုဖြစ်သွားခဲ့တယ်။

အဲ့ဒီလို ဆောင်ရွက်ခဲ့ရင်း ၇ နှစ်လောက်အတွင်း ၁၉ရ၂ ခုနှစ်ရောက်တော့ စင်္ကာပူရဲ့ တမျိုးသားလုံးကုန်ထုတ်လုပ်မှု့တန်ဘိုး (GDP) ဟာ ဂဏန်း ၂ လုံးထိ ခုန်တက်လာခဲ့တယ်။ အဓိက ရင်းနှီးမြုပ်နှံတဲ့နိုင်ငံတွေကတော့ အမေရိကန်၊ ဂျပန်နဲ့ အနောက်နိုင်ငံတွေပါဘဲ။

အဲ့ဒီလိ်ုနိုင်ငံခြားရင်းနှီးမြုပ်နှံမှု့တွေ အလုံးအရင်းနဲ့ ဝင်ရောက်လာခဲ့ပြီးတဲ့နောက်မှာ စင်္ကာပူအစိုးရဟာ သူ့ နိုင်ငံရဲ့ အကြီးဆုံးရတနာသိုက်ကြီးကို အရောင်သဖို့ လူသားအရင်းအမြစ်ဖွံ့ ဖြိုးရေး၊ လုပ်ငန်းခွင်အတတ်ပညာ တတ်မြောက်ကျွမ်းကျင်ရေးကို အာရုံစိုက်ပြီး အစွမ်းကုန်အားထုတ်ခဲ့တယ်။ စက်မှု့လက်မှု့ကျောင်းပေါင်းများစွာဖွင့်ခဲ့တယ်။ သတင်းနဲ့ နည်းပညာရပ်တွေ၊ ရေနံဓါတုနည်းပညာရပ်၊ အီလက်ထရောနစ်နယ်ပယ်၊ ဆေးဝါးနဲ့ အစားအစာထုတ်လုပ်မှု့စတဲ့နည်းပညာရပ်နယ်ပယ်တွေအတွက် ငွေကြေးတွေစိုက်ထုတ်သုံးစွဲပြီး နိုင်ငံတကာကုမ္ပဏီကြီးတွေကို မကျွမ်းကျင်သေးတဲ့သူ့ နိုင်ငံသားတွေကို နည်းပညာ၊ အတတ်ပညာတွေ သင်ကြားပေးစေခဲ့တယ်။

စက်မှု့လုပ်ငန်းခွင်တွေမှာ အလုပ်မရတဲ့ နိုင်ငံသားတွေကို အစိုးရအစီအစဉ်နဲ့ လူအင်အားအသုံးချမှု့များတဲ့ နိုင်ငံခြားခရီးသွားလုပ်ငန်း၊ သယ်ယူပို့ ဆောင်ရေးလုပ်ငန်းတွေမှာ သွတ်သွင်းလုပ်ကိုင်စေခဲ့တယ်။ PET ( Pre Employment Training ) လို့ ခေါ်တဲ့ လုပ်ငန်းခွင်မ၀င်ခင်ပညာသင်ကြားခြင်း - အခြေခံမူလတန်း၊ အလယ်တန်းကနေ တက္ကသိုလ်ကျောင်းတွေအထိ ပညာရေးစနစ်မှာလည်း အင်္ဂလိပ်စာဘာသာရပ်ကို ကျောင်းသုံး ရုံးသုံးဘာသာရပ်ဖြစ်စေခဲ့ယုံမက တခြားဘာသာမျိုးစုံနဲ့ ပေါင်းစပ်သင်ကြားတဲ့ပညာရေး (multinationals education) ကို အသုံးပြုခဲ့တယ်။

အဲ့ဒါအပြင် စင်္ကာပူအစိုးရဟာ သူ့ နိုင်ငံသားတွေ အလုပ်အကိုင်တွေရဖို့ ၊ အစဉ်အမြဲ ပြောင်းလဲတိုးတက် နေတဲ့ခေတ်ထဲမှာ နည်းပညာအတတ်ပညာနောက်မကျရစ်ဖို့ ဆိုတာ Pre Employment Training လို့ ခေါ်တဲ့ လုပ်ငန်းခွင်မ၀င်ခင်ပညာသင်ကြားခြင်းအတန်းပညာတွေနဲ့ မလုံလောက်ဘူးဆိုတာ ကောင်းကောင်းသဘောပေါက်ခဲ့ပါတယ်။ ဒါကြောင့် ၁၉၉၈ ခုနှစ် ဇွန်လမှာ လူ့အရင်းအမြစ် ၂၁ ဦးကော်မီတီကို ဖွဲ့ စည်းပြီး အသိပညာကိုအခြေခံတဲ့စီးပွားရေးဘ၀ကိုထူထောင်ဖို့  စင်္ကာပူရဲ့ လူသားအရင်းအမြစ် သဘောထားအမြင်ကိုထင်ဟပ်ဖေါ်ပြစေမဲ့အစီအမံတွေရေးဆွဲစေခဲ့တယ်။ အဲ့ဒီကော်မတီကနေ Continuing Education & Training ( CET) လို့ ခေါ်ကြတဲ့ စဉ်ဆက်မပြတ် လေ့လာသင်ကြားရေးစနစ်တရပ်ကို သူ့ နိုင်ငံသားတွေအတွက် တည်ထောင်ခဲ့တယ်။

စင်္ကာပူအစိုးရဟာ ၂၀၀၃ ခုနှစ် စက်တင်ဘာလ ၁ ရက်နေ့ မှာ လုပ်ငန်းခွင်အမျိုးအစားအလိုက် အဆင့်မှီစနစ်ကျဖို့ ၊ လုပ်ငန်းခွင်ကျွမ်းကျင်မှု့စံရည်စံညွှန်းတွေသတ်မှတ်ဖို့ ၊ သူ့ နိုင်ငံသားတွေကို လေ့ကျင့်ပေးဖို့  Work Development Agency ( WDA) ကို ဖွဲ့ စည်းခဲ့တယ်။ နှောင်မှာ WDA ဟာ Singapore Workforce Skills Qualifications (WSQ) စင်္ကာပူ လူ့ အရင်းအမြစ်၊ ကျွမ်းကျင်မှု့ အရည်အသွေးသတ်မှတ်မြှင့်တင်ရေးအဖွဲ့  လို့ လူသိများလာတယ်။ ၂၀၁၅ ခုနှစ်ရဲ့ တတိယအပိုင်း အရောက်မှာတော့ WDA ဟာ စက်မှု့လုပ်ငန်းမျိုးစုံနဲ့ လက်တွဲပြီး လုပ်ငန်းခွင်ကျွမ်းကျင်မှု့ အရည်အသွေးဆိုင်ရာ မူဘောင် ၃၄ ခု (WSQ Framework) ခုကို ရေးသားပြုစုလို့  ကျွမ်းကျင်မှု့ဆိုင်ရာ စံရည်စံညွှန်း (Competency Standards) တွေသတ်မှတ်နိုင်ခဲ့တယ်။

အဲ့ဒါအပြင် စင်္ကာပူအစိုးရဟာသူ့ နိုင်ငံသားအားလုံးအတွက်သာမက ဧည့်နိုင်ငံသားတွေ၊ နိုင်ငံခြားသားတွေအတွက်ပါ SkillsFuture Singapore (SSG) အစိုးရဘုတ်အဖွဲ့ နဲ့  သက်ကြီးပညာသင်ကြားရေးအင်စတီကျူ့ ( Institute for Adult Learning ) ကို စင်္ကာပူပညာရေးဝန်ကြီးဌာန Ministry of Education (MOE) အောက်မှာ ဖွဲ့ စည်းပေးခဲ့ပြန်တယ်။ SkillsFuture Singapore (SSG) အစီအစဉ်အောက်မှာ စင်္ကာပူနိုင်ငံသားတွေဟာ ၉၅% အစိုးရစရိတ်နဲ့  အခမဲ့နီးနီး မိမိအားသန်ရာ လုပ်ငန်းခွင်အတတ်ပညာတွေ၊ ကျွမ်းကျင်မှု့တွေသင်ကြားမြှင့်တင်နိုင်တယ်။

ကဲအခု မြန်မာနိုင်ငံဖက်လှည့်ကြည့်ကြရအောင်။ ရဟန်းရှင်လူ မိဘပြည်သူတွေရဲ့အသက်သွေးပေါင်းများစွာ ပေးဆပ်ရင်းနှီးခဲ့ရပြီးမှ စစ်အာဏာရှင်တွေ မလွှဲမရှောင်သာ ခွင့်ပြုပေးခဲ့ရတဲ့ မပီပြင်သေးတဲ့ ဒီမိုကရေစီ အကူးအပြောင်းကာလမှာ မြန်မာနိုင်ငံရဲ့အခြေအနေဟာ တနိုင်ငံလုံးက သန်းပေါင်းများစွာသော အလုပ်လက်မဲ့ မြန်မာပြည်သူတွေကို အလုပ်အကိုင်အခွင့်အလမ်းတွေရစေဖို့ အခြေအနေတွေ အမြန်ဆုံးဖန်တီးပေးဖို့ လိုအပ်နေတယ်။

နှစ်ပေါင်း ၇၀ လောက်ကနေ စတင်လောင်ကျွမ်းခဲ့ပြီး ယနေ့ထိတိုင်တောက်လောင်နေဆဲ ပြည်တွင်း စစ်မီးလျှံနဲ့ ပြာပုံကြီးအောက်ထဲကထိုးထွက်နိုင်အောင် ကျိုးစားရာမှာ အစ္စရေးလ်ပုံစံကို အတုယူခဲ့ပြီး ညွှံတောကြီးထဲက ရုန်းထွက်ခဲ့တဲ့ စင်္ကာပူနမူနာကို မြန်မာနိုင်ငံအနေနဲ့ အတုယူသင့်တာတွေကို အတုယူရမှာဖြစ်ပါတယ်။

ဒါပေမဲ့လည်း တပုံစံထဲကို ပုံသေကားချပ် ကော်ပီမကူးသင့်ပါဘူး။ ကိုယ့်တိုင်းပြည်ရဲ့ နိုင်ငံရေး နောက်ခံသမိုင်း၊ ယဉ်ကျေးမှု့ထုံးတမ်းအစဉ်အလာ၊ တိုင်းပြည်ရဲ့ ပထဝီဝင်အနေအထား ၊ ပြည်သူ အများစုရဲ့ဆန္ဒအား စတဲ့ အခြေအနေအရပ်ရပ်ကိုထည့်သွင်းတွက်ချက်ပြီးမှ အသင့်တော်ဆုံးပုံစံ နဲ့သွားကြရမှာပါ။ ဒီနေရာမှာ မြန်မာနိုင်ငံရဲ့လူသားအရင်းအမြစ်နဲ့ဆိုင်တဲ့ အရေးကြီးတဲ့အချက်တခုကို ပြောချင်ပါတယ်။
အဲ့ဒါကတော့ မြန်မာနိုင်ငံရဲ့ လူသားအရင်းအမြစ် ၈၀% ကျော်ဟာ မြို့ပြတွေမှာ ရှိမနေပါဘူး။ ကျေးလက်တောရွာတွေနဲ့ တောင်တန်းဒေသတွေ၊ တိုင်းရင်းသားဒေသတွေမှာ တည်ရှိနေတယ်ဆိုတာပါဘဲ။ ဒါကြောင့်လည်း NLD အစိုးရသစ်ရဲ့ စီးပွားရေးမူဝါဒ ၁၂ ချက်ကိုရေးဆွဲရာမှာ အထက်ပါ အချက်တွေကို ခြုံငုံချမှတ်ခဲ့တယ်ဆိုတာ မြင်သာပါတယ်။

ဒီတော့ တိုင်းပြည်ရဲ့ အကြီးဆုံးရတနာသိုက်ကြီးကို အပြောမဟုတ် လက်တွေ့ တူးဖေါ်အသုံးချ လိုတယ်ဆိုရင် တောင်သူလယ်သမားတွေရဲ့ လယ်ယာလုပ်ငန်းခွင်တွေဖွုံ့ဖြိုးတိုးတက်အောင်၊ ခေတ်မှီ လယ်ယာလုပ်ငန်းဆိုင်ရာအသိပညာ အတတ်ပညာတွေကျွမ်းကျင်လာအောင် အထောက်အကူပြုပေးဖို့လိုသလို၊ စက်ရုံအလုပ်ရုံတွေ၊ နိုင်ငံခြားခရီးသွားလုပ်ငန်းစတဲ့ ၀န်ဆောင်မှု့လုပ်ငန်းတွေ၊ ဌာနဆိုင်ရာဝန်ထမ်းတွေ၊ ပညာရေးဝန်ထမ်းတွေ၊ တောင်တန်းဒေသ တိုင်းရင်းသားဒေသတွေက နိုင်ငံသားအရင်းအမြစ်တွေကို အသုံးချနိုင်ဖို့ စီမံကိန်းတွေ စနစ်တကျ ချမှတ်ကြရမှာဖြစ်ပါတယ်။

အချုပ်ပြောရရင် တိုင်းပြည်ရဲ့စီးပွားရေးဦးမော့လာဖို့ လယ်ယာလုပ်ငန်းကို ဗဟိုပြုပြီး လူအင်အားသုံး စက်မှု့လုပ်ငန်းတွေနဲ့ အတူ အသိပညာကိုအခြေခံတဲ့ စီးပွားရေးဗျူဟာ (Knowledge-Based Economy) ကို နိုင်ငံသားတွေရဲ့အင်အားကို အပြည့်အ၀အသုံးချနိုင်ဖို့ အစွမ်းကုန်ဖေါ်ဆောင်ဖို့ လိုပါကြောင်း မီးမောင်းထိုးလိုက်ပါတယ်။

လေးစားစွာဖြင့်
(မင်းကောင်းချစ်)
ဇန္န၀ါရီလ ၂၂ ရက်နေ့  ၂၀၁၇ ခုနှစ်




ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးထင်ကျော် သည် ပြည်ထောင်စု လွှတ်တော် နာယက မန်းဝင်းခိုင်သန်း၊ ရန်ကုန် တိုင်းဒေသကြီးဝန်ကြီးချုပ် ဦးဖြိုးမင်းသိန်းနှင့် တိုင်းဒေသကြီး ၀န်ကြီးများ နှင့် အတူ ယနေ့ နံနက် ၁၁ နာရီခွဲတွင် ရန်ကုန်မြို့ ကမာရွတ်မြို့နယ် ပန်းဝါလမ်း အမှတ် ၃၁ ရှိ ဦးသန့် နေအိမ်ပြတိုက်သို့ သွားရောက်ကြည့်ရှုလေ့လာသည်။

နိုင်ငံတော်သမ္မတနှင့် အဖွဲ့ဝင်များသည် ဦးသန့်နေအိမ်ပြတိုက် အတွင်း ခင်းကျင်းပြသထားသည့် ဦးသန့်၏ ကုလသမဂ္ဂ အထွေထွေ အတွင်းရေးမှူး ချုပ်၊ ပြည်သူ့ ၀န်ထမ်း၊ ကျောင်းဆရာနှင့် စာရေးဆရာ ဘ၀အတွေ့ အကြုံမှတ်တမ်းများ၊ လွတ်လပ်ရေး ရပြီးအစောပိုင်း ကာလများက မြန်မာနိုင်ငံ အကြောင်းမှစကာ ကျူးဘားနှင့် ဗီယက်နမ် စစ်ပွဲအကြောင်းတို့ကို စုံလင်စွာ ထင်ဟပ်သည့် ဓာတ်ပုံမှတ်တမ်းများ၊ စစ်အေး တိုက်ပွဲ အကြောင်းကို ခင်းကျင်းပြသထားသော ဓာတ်ပုံများ၊ ဗီဒီယိုများနှင့် စာအုပ်များ၊ ဦးသန့် ကိုယ်ပိုင် စာတမ်းများ၊ ရှားပါးဓာတ်ပုံများ၊ ဗီဒီယိုမှတ်တမ်းများနှင့် သမိုင်းဝင် မိန့်ခွန်းမှတ်တမ်းများကို ကြည့်ရှုလေ့ လာရာ ဦးသန့်၏ မြေးဖြစ်သူ ဒေါက်တာ သန့်မြင့်ဦး က လိုက်လံရှင်းလင်း ပြသသည်။

ထို့နောက် နိုင်ငံတော်သမ္မတ က ဒေါက်တာသန့်မြင့်ဦးအား အမှတ်တရ လက်ဆောင်ပေးအပ်သည်။

ဆက်လက်၍ နိုင်ငံတော်သမ္မတအား ဒေါက်တာသန့်မြင့်ဦးက ၎င်းရေး သားထား သည့် စာအုပ်များကို အမှတ်တရ လက်ဆောင် အဖြစ် ပြန်လည်ပေးအပ်သည်။

၁၉၆၁ ခုနှစ်မှ ၁၉၇၁ ခုနှစ်ကာလအတွင်း တတိယမြောက် ကုလသမဂ္ဂ အထွေထွေ အတွင်းရေးမှူးချုပ် တာဝန်ကို ထမ်းဆောင်ခဲ့သူ ဦးသန့်သည် ယခုနေအိမ်ကို လွတ်လပ်ရေးရပြီးစကာလတွင် အစိုးရ အဆင့်မြင့် အရာရှိအဖြစ် ၁၉၅၁ ခုနှစ်မှ ၁၉၅၇ ခုနှစ်ထိ ဇနီးသည် ဒေါ်သိန်းတင် ၊ သမီး အေးအေးသန့်နှင့် သား တင်မောင်သန့်တို့နှင့် အတူ နေထိုင်ခဲ့ကြောင်း သိရသည်။

၂၀၁၂ ခုနှစ်တွင် ဦးသန့်၏မြေးဖြစ်သူ ဒေါက်တာသန့်မြင့်ဦးက အဆိုပါနေအိမ် အား အသုံးမပြုဘဲ စွန့်ပစ် ထားသည်ကိုတွေ့ရှိ၍ သက်ဆိုင်ရာသို့ ခွင့်တောင်းပြီး ပြန်လည်မွမ်းမံကာ ပြတိုက်နှင့် အများပြည်သူ အတွက် ပွဲလမ်းများကျင်းပသည့်နေရာ အဖြစ် အသုံးပြုခဲ့ခြင်းဖြစ်ကြောင်း သိရသည်။
ပြန်လည်ပြုပြင်မွမ်းမံထားသော ဦးသန့်၏နေအိမ်တွင် ဦးသန့်၏ ဘ၀နှင့် လုပ်ဆောင်ချက်များကို အများ ပြည်သူ များလေ့လာနိုင်ရန် ပြခန်း ကို သောကြာ၊ စနေနှင့် တနင်္ဂနွေနေ့များတွင် နံနက် ၁၀ နာရီမှ ညနေ ၅ နာရီ အထိ ဖွင့်လှစ်ထားကြောင်း သိရသည်။

(သတင်းစဉ်)


ကချင်ပြည်နယ်၊ ဖားကန့်မြို့မှ ကျောင်းဆရာအောင်ဇင်ထွန်း အသတ်ခံရမှုနဲ့ ပတ်သက်၍ တရားခံအမြန်ဆုံးဖော်ထုတ်ပေးရန် ဇန်န၀ါရီ ၂၂ရက် မွန်းလွဲပိုင်းက ရန်ကုန်မြို့မဟာဗန္ဓုလပန်းခြံရှေ့တွင် မြန်မာနိုင်ငံလုံးဆိုင်ရာ ဆရာ/မများအဖွဲ့ချုပ်က ဦးဆောင်ကာ ဆရာ/ဆရာမအင်အား ၃၀ ၀န်းကျင်ဖြင့် ဆန္ဒထုတ်ဖော်ခဲ့သည်။

အဆိုပါ ဆန္ဒထုတ်ဖော်ပွဲတွင်ပါဝင်သူ ဆရာ/ဆရာမများက ကျောင်းဆရာ အောင်ဇင်ထွန်းအား သတ်ဖြတ်သူ လူသတ်တရားခံကို အမြန်ဆုံးဖော်ထုတ်ပေးရေး၊ လက်နက်ကိုင်လမ်းစဉ်အလိုမရှိ၊ ငြိမ်းချမ်းစွာပညာသင်ကြားနိုင်ရေး၊ အကြမ်းဖက်လက်နက်ကိုင်လမ်းစဉ် အလိုမရှိ၊ ဆရာ/ ဆရာမများ ဘေးကင်းလုံခြုံရေး ဒို့အရေး အစရှိသော ဗီနိုင်းများ၊ ကြွေးကြော်သံများဖြင့် ဆန္ဒထုတ်ဖော်ခဲ့ကြပြီး ဆရာအောင်ဇင်ထွန်းအတွက် ၀မ်းနည်းမှတ်တမ်းကဗျာများ ရွတ်ဆိုခဲ့ကြသည်။

“ဒီဖြစ်ရပ်က သိပ်ကို ရင်နာစရာောကာင်းပါတယ်။ သေသွားတာ ကျောင်းဆရာတစ်ယောက်တည်းဖြစ်ပေမဲ့ တကယ်တော့ ပညာရေးမဏ္ဍိုင်ကြီးတစ်ခုလုံး တုန်လှုပ်သွားရတာပါ။ ဒါဟာ တစ်နိုင်ငံလုံးနဲ့ သက်ဆိုင်တဲ့ ကိစ္စရပ်ကြီးပါ”ဟု မြန်မာနိုင်ငံလုံးဆိုင်ရာ ဆရာ/ဆရာမများအဖွဲ့မှ ဒေါက်တာအာကာမိုးသူက News Watch သို့ပြောသည်။

ကျောင်းဆရာအောင်ဇင်ထွန်း အသတ်ခံရမှုနှင့်ပတ်သက်၍ အမှုမှန်ဖော်ထုတ်ရေး ဆန္ဒထုတ်ဖော်ပွဲများကို ရန်ကုန်မြို့အပြင်၊ မန္တလေး၊ ကလေး၊ မုံရွာစသည့်ဒေသများတွင်လည်း ပြုလုပ်သွားမည်ဖြစ်ကြောင်း သိရသည်။

ကချင်ပြည်နယ် ဖားကန့်၊ လုံးခင်းကျေးရွာအုပ်စု၊ နမ့်မမြစ်ကျေးရွာ အလယ်တန်းပြကျောင်းမှ အလယ်တန်းပြဆရာအဖြစ် တာဝန်ထမ်းဆောင်နေသူ အသက် ၂၇ နှစ်အရွယ် ဆရာဦးအောင်ဇင်ထွန်းအား ဆိုင်ကယ်ဖြင့်လာရောက်သူ လက်နက်ကိုင် ၃ ဦးကခေါ်ဆောင်သွားကာ ပစ်သတ်ခဲ့ခြင်းဖြစ်သည်။

နီနီလှိုင်
News Watch(စောင့်ကြည့်သတင်းဂျာနယ်)


ဇန်န၀ါရီ ၁၈ ရက်နေ့က ကချင်ပြည်နယ် ဖားကန့်မြို့နယ် နမ့်မဖြစ်ရွာ အလယ်တန်းကျောင်းက ဆရာ ဦးအောင်ဇင်ထွန်းကို အမည်မသိလက်နက်ကိုင်လူတစုက သေနတ်နဲ့ ပစ်သတ်ခဲ့ပါတယ်။ အဲဒီကိစ္စ အမှုဖေါ်ထုတ်ပေးဖို့ ဆရာဆရာမ ၁၀၀ ကျော်ကို မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်က ဦးဆောင်ပြီးတော့ မန္တလေးမြို့မှာ ဆန္ဒပြခဲ့ပါတယ်။
ကိုနေလင်း ရိုက်ကူးတင်ပြထားပါတယ်။
BBC Burmese

ရှမ်းပြည်နယ် မိုင်းရှုးမြို့နယ်က ဒုက္ခသည်တွေကို ဇန်နဝါရီလ ၂၂ ရက်နေ့က တွေ့ရစဉ် ရှမ်းပြည်နယ် မိုင်းရှုးမြို့နယ်က ဒုက္ခသည်တွေကို ဇန်နဝါရီလ ၂၂ ရက်နေ့က တွေ့ရစဉ်
Photo: Kan Thar/ RFA
ရှမ်းပြည်နယ်တောင်ပိုင်း မိုင်းရှုးမြို့နယ်အတွင်းမှာ ဇန်န၀ါရီလ၂၁ ရက်နေ့ မနေ့က တပ်မတော်နဲ့ ရှမ်းပြည် တိုးတက်ရေးပါတီရှမ်းပြည်တပ်မတော် SSPP/SSA တို့တိုက်ပွဲနှစ်ကြိမ်ဖြစ်ခဲ့ပါတယ်။

အရှေ့အလယ်ပိုင်းတိုင်း စကခ (၉) လက်အောက်ခံတပ်တွေနဲ့ မိုင်းရူးမြို့တောင်ဘက် လွယ်ကတ် တောင်ကုန်း တစ်ဝိုက်မှာ တိုက်ပွဲဖြစ်ပွားခဲ့တာဖြစ်တယ် လို့ SSPPရဲ့သတင်းနဲ့ ပြန်ကြားရေး တာဝန်ခံ ဗိုလ်မှူး စိုင်းဆုက ပြော ပါတယ်။

"နှစ်ပွဲဖြစ်ပါတယ်၊ နှစ်ပွဲဖြစ်တယ်ဆိုတာ မနက် ၉ နာရီကနေ ၁၀ နာရီထိက တစ်ခါပေါ့နော်၊ နောက် ပြီး နေ့လည် ၁ နာရီကနေ ၂ နာရီထိက တစ်ခါပေါ့နော်၊ ၂ နာရီမှာကျတော့ အဝေးကနေလက်နက်ကြီးနဲ့ ပစ်တာပေါ့နော်"

ပြီးခဲ့တဲ့ ရက်ပိုင်းတွေအတွင်းကတည်းက မိုင်းရူးမြို့နယ်အတွင်းမှာ SSPPရဲ့တပ်စခန်းအချို့ ဆုတ်ခွာပေးဖို့ကိစ္စနဲ့ ပတ်သက်ပြီး နှစ်ဖက်တပ်တွေအကြား စစ်ရေးတင်းမာသလိုရှိခဲ့တာမှာ ရလခတိုင်းနဲ့ ညှိုနှိုင်းဆောင်ရွက်နိုင်ခဲ့တဲ့ အတွက်ပြေလည်မှုရခဲ့ပါတယ်။

အခုဖြစ်တဲ့ တိုက်ပွဲကတော့  အရင်တပ်စခန်းဆုတ်ခွာပေးရေး ကိစ္စတွေနဲ့ ပတ်သက်မှုမရှိပဲ အောက်ခြေတပ်တွေ အကြားမှာသတင်း အချက်လက် ရရှိမှုနဲ့ ညှိုနှိုင်းဆောင်ရွက်မှုအားနည်း ချက်တွေကြောင့် ဖြစ်တယ်လို့  ဗိုလ်မှူး စိုင်းဆုကပြောပါတယ်။

SSPP အနေနဲ့ နောက်လမှာကျင်းပမယ့် ၂၁ပင်လုံတက်ရောက်နိုင်ရေးအတွက် NCAလက်မှတ်ရေး ထိုးနိုင်ရေး အတွက်ကို အားထုတ်ကြိုးပမ်းနေချိန်မှာ ဒီလို တိုက်ပွဲတွေဖြစ်တာဟာ တစ်ဖက်နဲ့ တစ် ဖက်ယုံကြည်မှု တည်ဆောက်ရေးကိုပျက်ပြားစေနိုင်တယ်လို့လည်း ဗိုလ်မှူးစိုင်းဆုကပြောပါတယ်။
RFA

ရန်ကုန်မြို့ အမျိုးသားပြဇာတ်ရုံမှာ စတင်ကျင်းပတဲ့ ၂၀၁၇ ခုနှစ် နိုဘယ်-မြန်မာ ရသစာပေပွဲတော်ကို  နိုင်ငံတော်သမ္မတ ဦးထင်ကျော် တက်ရောက်ဖွင့်လှစ်ပေးစဉ်

ရန်ကုန်မြို့ အမျိုးသားပြဇာတ်ရုံမှာ စတင်ကျင်းပတဲ့ ၂၀၁၇ ခုနှစ် နိုဘယ်-မြန်မာ ရသစာပေပွဲတော်ကို နိုင်ငံတော်သမ္မတ ဦးထင်ကျော် တက်ရောက်ဖွင့်လှစ်ပေးစဉ်
Photo:Htet Arkar/RFA
လူငယ်တွေအနေနဲ့ အင်တာနက်အသုံးများနေတာကို လျှော့ပြီး ရသစာပေတွေဖတ်ကြဖို့ နိုင်ငံတော်သမ္မတ ဦးထင်ကျော်က ဒီနေ့ တိုက်တွန်းလိုက်ပါတယ်။

ဒီနေ့ ရန်ကုန်မြို့ အမျိုးသားပြဇာတ်ရုံမှာ စတင်ကျင်းပတဲ့ ၂၀၁၇ ခုနှစ် နိုဘယ်-မြန်မာ ရသစာပေပွဲတော် ဖွင့်ပွဲ အခမ်းအနားကို တက်ရောက်လာတဲ့ နိုင်ငံတော်သမ္မတ ဦးထင်ကျော်က အခုလိုတိုက်တွန်းလိုက်တာဖြစ်ပါတယ်။

"စာဖတ်တာ များစေချင်တယ်၊ အထူးသဖြင့် ဖေ့စ်ဘွတ်သုံးတာ အားသန်နေကြတယ်၊ ဖေ့စ်ဘွတ်ကတော့ အကြောင်းအရာတွေကတော့ ရတာပေါ့ ဒါပေမဲ့ အခုနက ဆရာကြီး ဦးခင်အေး ပြောသလိုပဲ ရသစာပေ ကတော့ ဖတ်ကြမှာပဲ၊ တကယ်တမ်း စာပေကိုတော့ ဖတ်စေချင်ပါတယ်၊ စာကြည့်တိုက်ပဲသုံးပေါ့၊ စာအုပ်ဈေးတွေ ကြီးတယ်ဆိုရင်၊ ရသစာပေကိုတော့ လူငယ်တွေ ဖတ်စေချင်တယ်၊ အင်တာနက်ကိုပဲ သိပ်အားစိုက်နေတာထက်၊ အချိန်လေးတော့ခွဲပြီးတော့ လုပ်စေချင်ပါတယ်၊ လုပ်ဖို့ လိုကိုလိုပါတယ်၊ ဆရာကြီး ဓနုဖြူ မောင်ခင်မင် ပြောသလိုပဲ၊ အဲဒါကိုတော့ အများကျင့်သုံးစေချင်ပါတယ်၊ ရသစာပေဖတ်မှ ဒါမှလည်း စိတ်တွေက မရိုင်းပေမယ့် အခုထက်ပိုပြီး ယဉ်ကျေးလာကြမယ်၊ အဲလိုဖြစ်စေချင်ပါတယ်နော်"

ရသစာပေပေါင်းစုံပာာ မြင့်မြတ်တဲ့ လူသားချင်းစာနာစိတ်တွေ ဖြစ်ပေါ်စေနိုင်ကြောင်း၊ ရသစာပေကောင်းတွေ ထွက်ဖို့ လိုအပ်ကြောင်း၊ သူတစ်ပါးကိုမထိခိုက်စေတဲ့ လူတစ်ဦးချင်းစီရဲ့ လွတ်လပ်ခွင့်၊ နိုင်ငံသားအားလုံး ရဲ့လွတ်လပ်ခွင့် စာပေလွတ်လပ်ခွင့်တွေ မြန်မာနိုင်ငံမှာ ရှိလာပြီဖြစ်ကြောင်းနဲ့ တိုးတက်လွတ်လပ်လာတဲ့ စာပေကိုအခြေခံပြီး နိုင်ငံတိုးတက်ဖို့နဲ့ ငြိမ်းချမ်းခြင်းကို တည်ဆောက်ကြဖို့လည်း အဖွင့်မိန့်ခွန်းပြောကြား ခဲ့ပါတယ်။

အခမ်းအနားကို နိုင်ငံတော် သမ္မတ ဦးထင်ကျော်၊ အမျိုးသားလွှတ်တော် ဥက္ကဌ ဦးမန်းဝင်းခိုင်သန်း၊ အမျိုးသား ဒီမိုကရေစီအဖွဲ့ချုပ်က နာယက သူရဦးတင်ဦး၊ ရန်ကုန်တိုင်းဝန်ကြီးချုပ် ဦးဖြိုးမင်းသိန်းတို့ တက်ရောက်ခဲ့ပါတယ်။

ပွဲတော်မှာ နိုင်ငံတကာ စာပေအဖွဲ့အစည်းတွေ၊ နိုဘယ်မြန်မာ စာပေကော်မတီနဲ့ စာအုပ်တိုက်တွေက ရွေးချယ် ထားတဲ့ ရသစာပေ မူရင်းစာအုပ်တွေနဲ့ စာရေးသူတွေရဲ့ ဓာတ်ပုံတွေကို ခင်းကျင်းပြသထားပါတယ်။

နိုဘယ်လ်မြန်မာ စာပေပွဲတော်ကို လာမယ့် ဇန်န၀ါရီလ ၂၄ ရက်နေ့အထိ သုံးရက်ကြာ ကျင်းပမှာဖြစ်ပြီး စာအုပ်ဆိုင်ပေါင်း ၁၅၀ နီးပါးက စာအုပ်တွေကိုလည်း ရောင်းချနေပါတယ်။
RFA



မလေးရှားဝန်ကြီးချုပ် နာဂျစ်ရာဇတ် ကို တွေ့ရစဉ် ။ Photo: Najib Razak(facebook)
မလေးရှားဝန်ကြီးချုပ် နာဂျစ်ရာဇတ်ဟာ စနေနေ့က အစ္စလာမ္မစ်ကောင်စီ OIC အဖွဲ့အတွင်းရေးမှူး ဒေါက်တာ အိုတာမီနဲ့ မြန်မာနိုင်ငံ ရခိုင်ပြည်နယ်က အရေးနဲ့ပတ်သက်ပြီး ကွာလာလမ်ပူမြို့မှာ ဆွေးနွေးပါတယ်။

ရခိုင်ပြည်နယ် အရေးကို ဆွေးနွေးဖို့ OIC က အစည်းအဝေးလုပ်တာကို မြန်မာနိုင်ငံဘက်က မလိုလားအပ်တဲ့ ဖိအားတွေပြုလုပ်တာဖြစ်ပြီး  ပြဿနာကို ပိုပြီးရှုပ်ထွေးအောင်လုပ်တာဖြစ်တယ်လို့ ထုတ်ပြန်လိုက်ပြီး နောက်တစ်နေ့ မှာ ခုလိုတွေ့ဆုံခဲ့တာဖြစ်ပါတယ်။

မြန်မာနိုင်ငံရဲ့ ထုတ်ပြန်ချက်မှာ မလေးရှားနိုင်ငံရဲ့ လုပ်ဆောင်ချက်တွေဟာ မြန်မာအစိုးရအနေနဲ့ ရခိုင်ပြည်နုယ် အရေးကို ဖြေရှင်းဖို့ကြိုးပမ်းအားထုတ်နေတာတွေကို လျစ်လျူရှုရာကျတယ်လို့လည်း ထုတ်ပြန်ချက်မှာပါရှိပါတယ်။

ကွာလာလန်ပူကို ရောက်နေတဲ့ OIC အတွင်းရေးမှူးဟာ တခြားအဖွဲ့ဝင်နိုင်ငံတွေနဲ့လည်း ရခိုင်အရေးနဲ့ပတ်သက်ပြီး သီးခြားစီတွေ့ဆုံမှုတွေလုပ်ပါတယ်။ ဒီအတောအတွင်း OIC အဖွဲ့က ခန့်အပ်ထားတဲ့ မြန်မာနိုင်ငံဆိုင်ရာ အထူး ကိုယ်စားလှယ် ဟာမစ်အယ်လ်ဘာက မလေးရှားနိုင်ငံမှာ ရိုဟင်ဂျာ ကလေးတွေအတွက် စာသင်ကျောင်းတွေ ပိုပြီးဆောက်ပေးသင့်တယ်လို့ အကြံပြုပါတယ်။ မလေးရှားနိုင်ငံမှာရောက်တဲ့ ရိုဟင်ဂျာတွေဟာ မလေးရှားနိုင်ငံ သား မဟုတ်တာကြောင့် သာမန်ကျောင်းတက်ခွင့် မရရှိကြဘူးလို့ ဟာမစ်မစ်အယ်ဘာက ပြောပါတယ်။

RFA Burmese
http://www.rfa.org/burmese


NLD အစိုးရတက်လာပြီးသောအခါ ပထမဆုံးစတင်လုပ်ဆောင်သည်မှာ အမှိုက်ကောက်ခြင်းဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ဦးဆောင်ပါဝင်ပြီး တနိုင်ငံလုံးအမှိုက် ကောက်ပြခဲ့ကြခြင်းဖြစ်သည်။ ထို့နောက် အမှိုက်ကောက်သောဓလေ့မှာ ယခင်ကထက်စာလျှင် ထိုတစသည်တစ တဖြည်းဖြည်းပျံ့နှံ့လာပါသည်။ ဟိုတလောကပင် ရန်ကုန်တိုင်းဒေသကြီးဝန်ကြီးချုပ် ကိုဖြိုးမင်းသိန်းသည် ရန်ကုန်တက္ကသိုလ်ပင်မ၀င်းကြီးအတွင်း အဓိပတိလမ်းမတလျှောက် အမှိုက် ကောက်ပြခဲ့သေးသည်။

ဘောလုံးပွဲများတွင်လည်း ပွဲပြီး၍ပြန်မသွားမီ မြန်မာလူငယ်များ ကိုယ့်အမှိုက်ကိုယ် ကောက်ဖော်ရလာသော သတင်းကို စင်ကာပူမှာရော၊ မြန်မာနိုင်ငံမှာရော ကြားလာရသည်။ ရန်ကုန် မြို့လယ်လမ်းများ၏နောက်ဖေးလမ်းကြားများကို ရန်ကုန်မြို့တော်စည်ပင်မှ စတင်အမှိုက်ရှင်းလင်းနေ သောသတင်းကို ၀မ်းမြောက်ဖွယ်တွေ့ရှိရသည်။

အမှိုက်ကောက်ခြင်းသည်ကောင်း၏။ မြန်မာနိုင်ငံကို ခေတ်မီသပ်ရပ် သန့်ရှင်းသောမြို့များအဖြစ် ပြောင်းလဲမည်ဆိုလျှင် အမှိုက်ကိုစနစ်တကျ စွန့်ပစ်ကြဖို့လိုမည် ဖြစ်သည်။ အမှိုက်ကို စနစ်တကျစည်းကမ်းရှိရှိ စွန့်ပစ် ကြဖို့ အရေးကြီးသလို၊ သက်ဆိုင်ရာက အမှိုက်ပုံး များစနစ်တကျထားပေးဖို့၊ အမှိုက်များကိုအချိန်မှန်မှန်လာသိမ်းဖို့လည်း လိုအပ်ပါသေး၏။ နေရာ အတော်များများတွင် အမှိုက်ကိုစနစ်တကျစွန့်ပစ်ချင်သော်လည်း အမှိုက်ပုံးရှာမတွေ့သောပြဿနာ (၀ါ) အမှိုက်ပုံးများထားမပေးသောပြဿနာမှာ
နေရာတိုင်းလိုလိုတွင် တွေ့နေရပါသည်။

ထိုအကြောင်းတွေကိုပြောသောအခါ စီးခဲ့ဖူးသော သင်္ဘောခရီးစဉ်တခုအကြောင်း သတိရမိသည်။ အင်္ဂလန်နိုင်ငံမှ နိုင်ငံခြားသား မောင်နှမ နှစ်ဦးဖြစ်သော Ms Jane Barclay, Mr.Laurence Fleming နှင့် ကျွန်တော်တို့သုံးဦး ကချင်ပြည်နယ် ဗန်းမော်မြို့မှ မန္တလေးမြို့သို့ စီးနင်းလိုက်ပါခဲ့ကြသောခရီးစဉ်ဖြစ်သည်။

ကျွန်တော်တို့စီးခဲ့သော သင်္ဘောခရီးစဉ်မှာ တိုးရစ်များအတွက် အထူးပြေးဆွဲသောဇိမ်ခံသင်္ဘော Cruise တခု မဟုတ်ပါ။ မြန်မာ့ရေကြောင်းပိုင် ခရီးသည်တင်သင်္ဘောတစင်းသာ ဖြစ်ပါသည်။ လူရောကုန်ရော တခါ တည်းပေါင်းတင်လာသောသင်္ဘောတစီးဖြစ်ပါသည်။ အောက်ထပ်ကုန်းပတ်ခန်းတွင် ခရီးသည်များ ဖျာများ၊ ပလတ်စတစ်စများခင်း၍ တိုးတိုးဝှေ့ဝှေ့ ကျပ်တည်းစွာလိုက်ပါရပါသည်။ အပေါ်ထပ်တွင်တော့ Cabin (ခေါ်) နှစ်ယောက်ခန်းလေးများ ရှစ်ခန်းခန့်ပါရှိပါသည်။ အပေါ်ထပ်မှာ အနည်းငယ်ချောင်ချိပါသည်။ သင်္ဘောပေါ်တွင် ထမင်းဆိုင်တဆိုင်ပါပါသည်။

အိမ်သာမှာ အောက်ထပ်တွင်ရှိပါသည်။ သင်္ဘောပေါ်တွင် လူပေါင်းများစွာပါလာ သော်လည်း အမှိုက်ပုံး တခုမှမရှိပါ။ ကျွန်တော်တို့တွေ့ရသလောက် ခရီးသည်များသည် သူတို့မလိုချင်သော အမှိုက်မှန်သမျှကို မြစ်ထဲသို့ပင် စည်းကမ်းမရှိပစ်ချကြပါ သည်။ သူတို့ပစ်ချလိုက်သော အမှိုက်များတွင် ဖက်ရွက်လို၊ စက္ကူလို ပျက်စီးလွယ်သောအမှိုက်များပါသလို ပလတ်စတစ်အိတ်များလို သဘာဝပတ်ဝန်းကျင် အတွက်မပျက်စီးဘဲ ညစ်ညမ်းစေမည့်ပစ္စည်းများလည်း ပါပါသည်။ အခြားဟင်းလျာများမှ ဆီများ၊ သံဘူးများ၊ အစား အသောက် အကြွင်းအကျန်များလည်းပါပါသည်။ နိုင်ငံခြားသားများသည် အမှိုက်ကို စည်းကမ်းတကျ စွန့်ပစ်တတ်သောလူမျိုးဖြစ်သဖြင့် ဘယ်နေရာမှာအမှိုက် စွန့်ပစ်ရမလဲဟု ဧည့်လမ်းညွှန်ဖြစ်သော ကျွန်တော့်ကို လာမေးပါသည်။

ကျွန်တော်ကလည်း သင်္ဘောပေါ်တွင် အမှိုက်စွန့်ပစ်စရာ နေရာမမြင်သဖြင့် ကြွပ်ကြွပ်အိတ်အမည်းကြီးတလုံးကို ကျွန်တော့်အခန်းထဲတွင် ချိတ်ဆွဲလိုက်ပြီး အမှိုက်များကို ထိုအိတ်ထဲမှာပဲ စွန့်ပစ်ပါ၊ မန္တလေးကိုရောက်သည့်အခါမှ လာသိမ်းသည့် အမှိုက်သိမ်းသမားလက်ထဲထည့်ပေးပါ့မည်ဟု အာမခံ လိုက်ရသည်။ ကျွန်တော်တို့စီးလာသည့်သင်္ဘောကြီးမှာ ကသာ၊ ထီးချိုင့်၊ ကျောက်မြောင်း၊ ဆံမြိတ်ခုံ စသောမြို့ရွာများတွင် လူတင်ခြင်း လူချခြင်း၊ ကုန်တင်ကုန်ချခြင်းများပြုလုပ်ပြီး တရွေ့ ရွေ့ မြစ်ကိုစုန်လျက် ထွက်ခွာလာပါသည်။ သွားရသည့်ခရီးမှာအတော်ကို ရှည်လျားပါသည်။ တညအိပ်နှစ်ရက်ခရီးပင်ဖြစ်သည်။

အဆန်ဆိုလျှင်တော့ နှစ်ညအိပ်သုံးရက်ခရီးပင်ဖြစ်သည်။ ထိုသို့ရှိစဉ် မန္တလေးဂေါဝိန်ဆိပ်ကမ်းသို့ရောက် သောအခါ မူလထွက်ခွာလာသောနေ့ နောက်တနေ့ညနေစောင်းပြီဖြစ် သည်။ တလမ်းလုံး စားသောက်သုံးစွဲလာသောပစ္စည်းများဖြင့် ကျွန်တော်၏ အမှိုက်အိတ်မည်းမည်းကြီးမှာလည်း ပြည့်ဖောင်း လာပြီဖြစ်သည်။ စားကြွင်းစားကျန်များ၊ ကော်ဖီ၊ အအေး စသည်တို့ထည့်သောက်သော စက္ကူခွက်များ၊ တခါသုံးပန်းကန်ခွက်ယောက်များ၊ ကြွပ်ကြွပ်အိတ်များ
စသည့် သဗ္ဗရနံပေါင်းစုံလင်လှသော အမှိုက်ထုပ်ကြီး ဖြစ်သည်။
မန္တလေး ဂေါဝိန်ဆိပ်သို့ ဗန်းမော်-မန္တလေးသင်္ဘောကြီးဆိုက်သောအခါ အလုပ်သမားများ၊ လူကြိုပွဲစားများ၊ ဈေးသည်များ
ခြေချင်းလိမ်အောင်သင်္ဘောပေါ်သို့တက်
လာကြပါသည်။ သူတို့အထဲမှအချို့မှာ ခရီးသည်များ ကျန်ခဲ့သော ပစ္စည်းများထဲမှ ရေသန့်ဘူးစသော ပြန်ရောင်း၍ရသည့်ပစ္စည်းများကို ရှာဖွေယူငင် နေကြပါသည်။

ကျွန်တော်လည်း လာကြိုမည့်ကားဆရာကို ကုန်းပေါ်သို့မျှော်ကြည့်ကာ ရှာဖွေနေဆဲ အမျိုးသမီးတယောက်သည် ကျွန်တော့်အခန်းထဲမှ အမှိုက်ထုပ်ကြီးကို ဆွဲယူလိုက်ပါသည်။ ထိုခဏ၀ယ် ကျွန်တော်သည် ထိုအမျိုးသမီးအား သင်္ဘောမှ တာဝန်ပေးထားသော သန့်ရှင်းရေးသမားဖြစ်ကာ ခရီးသည်တို့၏ အမှိုက်ထုပ်များကို လိုက်လံသိမ်းဆည်းပေးနေသည်ဟုထင်မြင်ကာ အမှိုက်ထုပ်အားကိုင်တွယ်ခြင်းကို မတားမြစ်လိုက်ပါ။
သူ့တာဝန်သူထမ်းဆောင်သည်ဟုပဲ ထင်လိုက်မိပါသည်။

သို့သော် ထိုအမျိုးသမီးသည် ကျွန်တော့်အမှိုက်ထုပ်ကို ဖွင့်ကြည့်ကာ သူလိုချင်သောအဖိုးတန်ပစ္စည်း ဘာမှမတွေ့သည်နှင့် အမှိုက် အားလုံးကို မြစ်ထဲသို့သွန်ချပစ်လိုက်ပါတော့သည်။ ထိုအခါ ဗန်းမော်မှ မန္တလေးအထိ တပင်တပန်းစနစ်တကျ စွန့်ပစ်သယ်ဆောင်လာခဲ့သော ကျွန်တော်တို့အမှိုက်များမှာ ဧရာဝတီမြစ်ထဲသို့ မြင်မကောင်းအောင် ကျဆင်း စီးမျောနေပါတော့သည်။

ထိုမြင်ကွင်းကို နိုင်ငံခြားသားနှစ်ယောက်လည်းမြင်သည်ဖြစ်ရာ သူတို့လည်း မျက်စိမျက်နှာမကောင်းပါ။ ကျွန်တော်လည်း ရှက်လွန်းသဖြင့် ဘယ်လိုမျက်နှာပြရမှန်းမသိတော့ပါ။ ရှက်လွန်း ခြင်းဆိုသည်မှာ ကိုယ့်နိုင်ငံသားတွေအမှိုက်ကို အဆုံးစွန်အထိ စည်းကမ်းမရှိစွန့်ပစ်ကြပုံကို နိုင်ငံခြားသားမြင်တွေ့သွားခြင်းအတွက်သာမက၊ သူတို့နိုင်ငံတွင် ဘယ်လိုအမှိုက်ပစ်ကြသည်ကို အင်္ဂလန် ရောက်စဉ်က ကိုယ်တွေ့မျက်မြင် တွေ့ခဲ့ဖူးသောကြောင့် ဖြစ်ပါသည်။

ကျွန်တော် အင်္ဂလန်သို့ရောက်ခဲ့စဉ်က ယခုဗန်းမော်-မန္တလေး သင်္ဘောပေါ်တွင်လိုက်ပါလာသော လော့ရင့်ဖလဲမင်းနေထိုင်ရာ စိန့်လီ ယိုနာဒ်ဆိုသော ပင်လယ်ကမ်းခြေတောမြို့ကလေးသို့သွားလည်ခဲ့ပြီး သူ့အိမ်မှာပင် တည်းခိုခဲ့၏။ တခုသောညနေခင်းတွင် ကျွန်တော်နှင့် ကျွန်တော့်မိတ်ဆွေ လောရင့်စ်တို့ အမှိုက်ပစ်ရန်သွားကြ၏။ အမှိုက်များကို ပလပ်စတစ်အိတ်အမည်းကြီးထဲတွင် စုပြုံထည့်လာပြီး အိမ်အနောက်ဘက်ထောင့်ရှိ အမှိုက်ပုံးကြီးထဲသို့ သွားထည့်ရသည်။

အိမ်ခန်းများစွာကို ကွေ့ပတ်သွားရပြီး အမှိုက်အိတ်အမည်းကြီးကို အမှိုက်ပုံးကြီးထဲသို့ ပစ်ထည့်လိုက်သော်လည်း သူ့လက်ထဲတွင် ကြွပ်ကြွပ်အိတ်နှင့် အမှိုက်ထုပ်တခုကိုမပစ်ဘဲကိုင်ထားဆဲဖြစ်သည်။ ထိုကြွပ်ကြွပ်အိတ်ထဲ၌ ဘီယာဘူးခွံများပါရှိသည်။ ကျွန်တော်က ဘာ့ကြောင့် ဤအမှိုက်များကို ပုံးထဲသို့ မထည့်သေးတာလဲဟုမေးရာ ကျွန်တော့်မိတ်ဆွေက ''ဘီယာဘူးခွံတွေ၊ ပုလင်းတွေ သတ်သတ်စွန့်ပစ်တဲ့နေရာရှိတယ်။ အဲဒီမှာ သွားပစ်ရမယ်''ဟု ပြန်ဖြေ၏။

ထိုနေရာကို နောက်ထပ်ငါးမိနစ်ခန့် လျှောက်သွားရ၏။ လူတရပ်ခန့်မြင့်သော လေးထောင့်အမှိုက်ပုံးကြီးကို တွေ့ရသည်။ ထိုအမှိုက်ပုံး၌ ပုလင်းတပုလင်းဝင်သာရုံ အပေါက်ကလေးဖောက်ထားပြီး ''ပုလင်းနှင့် ဘူးခွံများသာ''ဟု ရေးသားထားသည်။ ကျွန်တော့်မိတ်ဆွေက ဘီယာဘူးခွံများကို တဘူးချင်း စိတ်ရှည် လက်ရှည် ဘူးခွံထည့်ရန်ပြုလုပ်ထားသော အပေါက်ကလေးမှ ထိုးထည့်နေသည်။ အမှိုက်ပစ်တာတောင် အမှိုက်ကသတ်သတ်၊ ဘူးခွံပုလင်းခွံက သတ်သတ်ခွဲခြားပြီး ကရိကထခံကာ စွန့်ပစ်ကြ၏။ အလွန်စည်းကမ်းရှိသော လူမျိုးပေတကားဟု စိတ်ထဲမှ ချီးမွမ်းမိခဲ့ပေသည်။

ထိုလူ၏ရှေ့မှာမှ ဂေါဝိန်ဆိပ်တွင် ထိုသို့လာကြုံရခြင်း ဖြစ်ပေသည်။
အင်္ဂလိပ်တွေ အမှိုက်ကို စည်းကမ်းတကျစွန့်ပစ်ကြတာရေးမိတော့ ဆွဇ်ဇာလန်ကမိတ်ဆွေများ အမှိုက်ပစ်ပုံကို သတိရမိပြန်သည်။ ကျွန်တော် ဆွဇ်ဇာလန်နိုင်ငံ ဂျီနီဗာမြို့သို့ရောက်ခဲ့စဉ် သူတို့ဆီက အမှိုက်ပစ်ကြပုံကို လေ့လာခွင့်ရခဲ့၏။

အင်္ဂလန်၌ အမှိုက်ပစ်ပုံကိုရေးသားခဲ့ရာ၌ အင်္ဂလိပ်တို့စည်းကမ်းကြီးလှသည့်အကြောင်းကို ရေးခဲ့ပြီးပြီ။ သို့သော် ဆွဇ်ဇာလန်နိုင်ငံ ဂျီနီဗာမြို့၌ ဆွဇ်လူမျိုးတို့ အမှိုက်ပစ်ပုံကိုမြင်ရသောအခါ အင်္ဂလိပ်တို့စည်းကမ်းရှိသည်မှာ ဘာမှမဟုတ်သေးပါတကားဟု လက်ဖျားခါမိပါသည်။ ကျွန်တော့်မိတ်ဆွေ မစ္စတာမာနူးဟီရာလယ်က ''လာညီညီ အမှိုက်သွားပစ်ရအောင်''ဟုဆိုကာ ကျွန်တော့်ကို ကားနှင့်ခေါ်သွား၏။ ခဏကြာသောအခါ ကွင်းကြီးတခုထဲသို့ရောက်သွား၏။ ကွင်းဆိုသော်လည်း ကွန်ကရစ် ကျကျနနခင်းထားသော ကွက်လပ်ကြီး ဖြစ်သည်။ ထိုကွင်းစပ်တွင် အမှိုက်ကန်ကြီးတကန်ကို တွေ့ရ၏။

အမှိုက်ကန်၏ မျက်နှာချင်းဆိုင်ဘက်တွင် ဆိပ်ကမ်းမှ ကွန်တိန်နာလို သံသေတ္တာကြီးများကို အစီအရီတွေ့ ရသည်။ ကျွန်တော့်မိတ်ဆွေကပြော၍ ဤနေရာမှာအမှိုက်ပုံဟု သိရသော်လည်း ကျွန်တော်မြင်ဖူးနေကျ အမှိုက်ပုံများလို အနံ့အသက်များက ဆိုးဝါးမနေ။ ယင်၊ ခြင်၊ ဖြုတ် စသော အင်းဆက်များလည်း ရှိမနေပါ။ အမှိုက်လာပစ်ကြသူများအားလုံးသည် ကိုယ့် ကားနှင့်ကိုယ်မောင်းလာ၍ ကိုယ်ပိုင်ကားအစီအရီနှင့် အမှိုက်လာပစ်ကြခြင်းဖြစ်သည်။ ဤမှအထိ အံ့သြစရာ မရှိသေးပါ။

သူတို့အမှိုက်ပစ်ပုံကား ထူးဆန်းလှ၏။ အမှိုက်ဆိုပြီးရော တနေရာထဲ၌ လုံးထွေးလွှင့်ပစ်ခဲ့ခြင်းမဟုတ်ဘဲ၊ မြက် များ၊ သစ်ပင်ချုံပင် စသော ခြံထွက်အမှိုက်များကို ပင်မကန်ကြီးထဲတွင်ပစ်ကြ၏။ ပလတ်စတစ်ကို သတ်သတ်တနေရာ စွန့်ပစ်၏။ သတင်းစာစက္ကူစသည်များကို သံကန်ကြီးထဲတွင် သွားထည့်၏။ ကားတာယာအဟောင်းကို သတ်သတ် တနေရာတွင် ပစ်ရ၏။ ပုလင်းများကို သတ်သတ်သံကန်ကြီးထဲသို့ ပစ်ချရသည်။ ထိုသို့ပုလင်းများကိုစွန့်ပစ်ရာ၌ပင် ပုလင်းအညိုရောင်အတွက် သတ်သတ်တကန်၊ အဖြူက သတ်သတ်တနေရာ၊ အစိမ်းကသတ်သတ်ခွဲ တနေရာခွဲပေး ထားပေသည်။ ထိုသို့သက်ဆိုင်ရာက သတ်သတ်စီခွဲထား၍ ပြည်သူလူထုက ပစ်ချင်ရာပစ်ကြသည်မဟုတ်။

ကားပေါ်မှ အစီအရီဆင်းလာကြပြီး အိမ်မှာကတည်းက သတ်သတ်စီခွဲခြား၍ယူလာသော ပလတ်စတစ်၊ စက္ကူ၊ ပုလင်းခွံ၊ မြက်နှင့် သစ်ရွက်စသည်များကို သူ့နေရာနှင့်သူ သေသေချာချာသွား ထည့်ကြခြင်းမှာ သြချလောက်ပါပေသည်။ ဆွဇ်ဇာလန်သည် သဘာဝပတ်ဝန်းကျင်ထိန်းသိမ်းရေးကို အလေးပေးသောနိုင်ငံဖြစ်ရာ ၎င်းစွန့်ပစ် ပစ္စည်းအားလုံးကို ပြန်လည်သန့်စင်ပြီး အသုံးပြုသော (Recycle) စက်ရုံကို အမှိုက်ကန်အနီးမှာပင် တည်ဆောက်ထားပေသည်။

ဆွဇ်ဇာလန် အမှိုက်ကန်၌ လတ်လတ်ဆတ်ဆတ် မဂ္ဂဇင်းအဟောင်းများ၊ သတင်းစာစက္ကူများကို သန့်သန့်ရှင်းရှင်းကန်အပြည့် လာပစ်ကြသည်ကိုကြည့်ပြီး သိပ်စာဖတ်တဲ့လူမျိုးပါလား၊ သိပ်စည်းကမ်းရှိတဲ့လူမျိုးပါလား၊

ဒါကြောင့် ကမ္ဘာ့ထိပ်တန်းကို ရောက်လာတာပဲဟု တွေးမိပါသည်။
အသုံး မလိုတော့သော ရေခဲသေတ္တာများကိုလည်း အစီအရီပင် လာပုံထားကြပေသည်။ အချို့ရေခဲသေတ္တာများမှာ အကောင်းပကတိပင်ရှိသေးသည်။ ထူးဆန်းသည်မှာ ထိုသို့ရေခဲသေတ္တာများကို ဤနေရာ၌လာပစ်မည်ဆိုလျှင်
ရေခဲသေတ္တာပိုင်ရှင်က အမှိုက်ပုံတာဝန်ရှိသူများကို ''ရေခဲသေတ္တာ စွန့်ပစ်ခ တလုံးလျှင် ဆွဇ်ဖရန့် ၂၅ (ဒေါ်လာ ၂၀ ခန့်)ပေးဆောင်ရခြင်းဖြစ်သည်။ ဤသည်တို့ကား ကျွန်တော်မြင်တွေ့ခဲ့ရသော အင်္ဂလန်နှင့် ဆွဇ်ဇာလန် နိုင်ငံများမှ နေ့စဉ်အမှိုက်ပစ်ကြပုံများပင်တည်း။

လန်ဒန်ကဲ့သို့ မြို့ကြီးများတွင်မူကား အမှိုက်သိမ်းကားများဖြင့် လှည့်လည်၍ သိမ်းပေလိမ့်မည်။ သို့သော်ပြည်သူလူထုကတော့ အမှိုက်များကိုအမျိုးအစားခွဲကာ သေသေချာချာ စွန့်ပစ်ကြစမြဲ ဖြစ်ပေသည်။
ကျွန်တော်တို့နိုင်ငံတွင် အမှိုက်ယဉ်ကျေးမှုတွင် ခေတ်နောက်
ကျနေခဲ့သည်မှာကြာပေပြီ။

အမှိုက်ကို စနစ်တကျစွန့်ပစ်ရကောင်းမှန်းသိအောင် ငယ်စဉ်ကပင် ကျောင်းသင်ခန်းစာများ၌ ထည့်သွင်းသင်ကြား ခြင်းမရှိပေ။
ထို့အပြင် ကလေးအရွယ်ကတည်းက အမှိုက်စနစ်တကျ စွန့်ပစ်ဖို့၊ တွေ့ကရာနေရာတွင် အမှိုက်များကို လုံးထွေးပြီးပစ်မချဖို့ သင်ကြားပေးမှုမရှိသလောက်ဖြစ်နေကြသည်။ စနစ်တကျအမှိုက်ပစ်ချင် သူတို့အတွက်လည်း အမှိုက်ပုံးများကို သက်ဆိုင်ရာက လုံလောက်စွာ ထားရှိပေးခြင်းမရှိချေ။ အမှိုက်ကန်များရှိသော်လည်း သတ်မှတ်ချိန်အတိုင်း မှန်မှန်ကန်ကန် လာရောက်သိမ်းဆည်းမှု အားနည်းသဖြင့် မြန်မာနိုင်ငံတွင် အမှိုက်ပုံမှန်သမျှ ယင်တလောင်းလောင်း ကြွက်တစီစီနှင့် မသတီဖွယ် ရှိနေတတ်ကြသည်။ ဒါတွေကိုအခြေခံကစ၍ ပြုပြင်ပြောင်းလဲဖို့လိုပြီဖြစ်သည်။

လူမြင်ကွင်းနေရာများ၊ လမ်းပေါ်တွင် အမှိုက် ပစ်ချသွားကြသည်မှာ မြန်မာနိုင်ငံတွင် ရိုးအီနေသောမြင်ကွင်းဖြစ်သည်။ ကားအကောင်းစား ကြီးစီးလာကြသော်လည်း ကားပေါ်မှ အမှိုက်များပစ်ချသွားကြခြင်းကို မကြာခဏတွေ့ဖူး၏။ ကားပေါ်လမ်းပေါ်သို့စည်းကမ်းမဲ့ပစ်ချသော အမှိုက်ပိုင်ရှင်ကို စက်ဘီးစီးလာသောတိုးရစ်က အမှိုက်များ ကောက်ကာ ကားစီးလာသူအားပြန်လိုက်ပေးသော ဗီဒီယိုဖိုင်တခု ကြည့်လိုက်ရပေ၏။ ရယ်စရာလိုလိုဖြစ်ခဲ့ သော်လည်း စင်စစ်တွင် ရှက်စရာကိစ္စဖြစ်ပေ၏။

အမှိုက်ပစ်ခြင်းသည် လူ့အဆင့်အတန်းကိုပြခြင်းဖြစ်သည်။ အမှိုက်ကင်းသော မြို့သည် အဆင့်အဆန်းရှိသေမြို့ဖြစ်သည်။ အင်းလေးကန်သို့သွားစဉ်က မျက်နှာစာ ဘက်တန်းတွင် လှပနေသော်လည်း လူသူအသွားအလာနည်းသော အတွင်းရေလမ်း၊ လှေလမ်းများတွင် အမှိုက် များမြင်မကောင်းအောင် ပေါလောမျောနေကြတာ၊ ပစ်ထားကြတာ စိတ်မကောင်းစွာတွေ့ရလေသည်။

အမှိုက်ဆိုသည်မှာ အသုံးမ၀င်တော့သောပစ္စည်းများကို လူ့အသိုင်းအ၀ိုင်းမှ စနစ်တကျဖယ်ထုတ်ခြင်းဖြစ်သည်။ ဖယ်ထုတ်ခြင်းစနစ်ကျသောအခါ ထိုအမှိုက်သည် ကိုယ့်ဆီအမှိုက်အဖြစ် ဘယ်လိုနည်းနှင့်မျှ ပြန်မလာနိုင်တော့။ ရီဆာကယ်ပစ္စည်းအသစ်အနေနှင့်သာ ပြန်ရောက်ချင် ရောက်လာမည်ဖြစ်သည်။ ဖယ်ထုတ်ပုံနည်းမကျလျှင် အမှိုက်များသည် မိမိပတ်ဝန်းကျင်တွင် တ၀ဲလည်လည်ဖြစ်ကာ မိမိနှင့်မိမိပတ်ဝန်းကျင်ကို ပြန်လည်ဒုက္ခပေးကာ ညစ်ညူးစေမည်ဖြစ်သည်။ ကမ္ဘာပေါ်တွင် မြင်ရသောအမှိုက်နှင့် မမြင်ရသောအမှိုက်ဟူ၍ရှိသည်။ မြင်ရသော အမှိုက်များမှာ အားလုံးသိသည့် စွန့်ပစ်ပစ္စည်းများ၊ လူ့အသုံးအဆောင်များဖြစ်သည်။ ထိုအရာများကို မှန်ကန်စွာ ရှင်းရလင်းရပေမည်။

မမြင်ရသောအမှိုက်များကား နိုင်ငံရေးအမှိုက်များဖြစ်သည်။ နိုင်ငံအတွက် လူ့အသိုင်းအ၀ိုင်းအတွက်၊ အများကောင်းဖို့အတွက် ဘယ်နေရာမှသုံးမရသော အမှိုက်များစွာရှိ၏။ ထိုအမှိုက်များကိုလည်း ဆွဇ်ဇာလန်နိုင်ငံက အမှိုက်ပုံများတွင် ပုလင်းများစွန့်ပစ်သလို အနီသတ်သတ်၊ အစိမ်းသတ်သတ်၊ အဖြူသတ်သတ်ခွဲကာ အမှိုက်ပုံးထဲသို့ပစ်ချရပေမည်။ အနီကို အစိမ်းထဲသို့ အစိမ်းကို အနီထဲသို့၊ အဖြူကိုအစိမ်းထဲသို့၊ အဖြူကိုအနီထဲသို့ မှားယွင်းထည့်မိလျှင် ပြန်လည်သန့်စင်ရာ၌ ဒုက္ခရောက်လိမ့်မည်။ မြို့ပြ၏ညစ်ပတ်မှုကို အမှိုက်ကောက်ခြင်း။

စနစ်တကျအမှိုက်သိမ်းခြင်းဖြင့် ရှင်းလင်းသကဲ့သို့ မြန်မာနိုင်ငံတွင်လည်း နှစ်ပေါင်းများစွာ အနံ့ထွက်နေသော သုံးစားမရသည့်
နိုင်ငံရေးအမှိုက်ပုံများကိုလည်း သူနှင့်ထိုက်တန်ရာတွင် စွန့်ပစ်ကာအမြန်ဆုံး သန့်ရှင်းရေးလုပ်ဆောင်ရန် လိုအပ်နေပါသည်။ သာကူး အမှိုက်များ၊ ခါတော်မီအမှိုက်များ၊ မိုးကျရွှေကိုယ်အမှိုက်များ၊ အဘအကျများ၊ နီချင်ယောင်ဆောင်နေသော အစိမ်းများကိုလည်း အမှိုက်ပုံးထဲသို့ အမြန်ထည့်မှ တိုင်းပြည်တိုးတက်မည်ဖြစ်ပါကြောင်း။

သရ၀ဏ်(ပြည်)
News Watch
https://www.facebook.com/NewsWatchJournal/

အမျိုးသမီးအခွင့်အရေး တောင်းဆိုဆန္ဒပြပွဲတစ်ခုကို ဝါရှင်တန်ဒီစီမြို့တော်မှာ ဒီကနေ့ ကျင်းပခဲ့ပါတယ်။
...................................................................................................

သမ္မတသစ် ဒေါ်နယ်လ် ထရမ့် ကျမ်းသစ္စာကျိန်ဆိုပွဲအပြီး နောက်တစ်ရက်မှာ ကျင်းပတဲ့
ဝါရှင်တန်က ဆန္ဒပြပွဲကို “Women’s March အမျိုးသမီးထု ချီတက်ပွဲ” လို့ အမည်ပေးထားပြီး အမျိုးသမီး ၅ သိန်းခန့် တက်ရောက်တယ်လို့ စီစဉ်သူတွေက ပြောပါတယ်။ ဒါဟာ သမ္မတကို ဆန့်ကျင်တဲ့ပွဲလို့လည်း ဆိုကြပါတယ်။

ဝါရှင်တန်မြို့ပတ်ရထား ပို့ဆောင်ရေးဌာနက ရထားစီးခရီးသည်ဦးရေဟာ သမ္မတ ကျမ်းသစ္စာကျိန်ဆိုပွဲကျင်းပတဲ့ မနေ့မနက်ပိုင်းက ၂ သိန်းပဲရှိပြီး ဒီကနေ့ မနက်မှာ ၃ သိန်းနီးပါးရှိတယ်လို့ ပြောပါတယ်။ ဝါရှင်တန် ဒီစီကို အနယ်အနယ် အရပ်ရပ်ကလာတဲ့ ဘတ်စ်ကားတွေ၊ လေယာဉ်ပျံ ခရီးစဉ်တွေမှာလည်း အမျိုးသမီးတွေနဲ့ ထူးထူးခြားခြား ပြည့်နေလို့ သတင်းဌာနတွေက လေယာဉ်ပျံတွေပေါ်မှာပါလိုက်ပြီး ထုတ်လွှင့်ပြသကြပါတယ်။

မြို့လယ်ခေါင်က လွတ်တော်ရှေ့ကွင်းပြင်မှာ ချမ်းအေးလှတဲ့ ဝါရှင်တန်ဆောင်းတွင်းကို အံတုရင်ဆိုင်ဖို့အတွက် Pussyhats လို့ခေါ်တဲ့ ပန်းနုရောင်ခေါင်းစွပ်တွေဆောင်းပြီး ဒီကနေ့ ဆန္ဒပြပွဲမှာ ပါဝင်သူတွေကို ကြည့်လိုက်မယ်ဆိုရင် အသက် ၁ဝနှစ် ၁၅ နှစ်အရွယ် မိန်းကလေးတွေကနေ ၂ဝ-၃ဝ-၄ဝ အရွယ်တွေအလယ်၊ ၆ဝ-၇ဝ လူကြီးတွေအဆုံးပါပဲ။

အလားတူ အင်အားပြပွဲတွေကို ဝါရှင်တန်မှာသာမက နယူးယောက်၊ ဘော်စတွန်၊ ချီကာဂို၊
လော့စ် အန်ဂျယ်လစ်စတဲ့ အမေရိကန်နိုင်ငံ အနှံ့အပြားကမြို့တွေအပြင် ဂျာမဏီ၊
ဗြိတိန်၊ ပြင်သစ်၊ ဂျပန်၊ သြစတြေးလျား စတဲ့ ကမ္ဘာတခွင်က မြို့ကြီးတွေမှာပါ တစ်ရက်တည်း ကျင်းပခဲ့ကြတာဖြစ်ပြီး စုစုပေါင်း အမျိုးသမီး ၃ သန်း ပါဝင်အင်အားပြခဲ့တယ်လို့ ဆိုပါတယ်။

ဝါရှင်တန်ကပွဲကို တက်ရောက်ဟောပြောသူတစ်ဦးဖြစ်တဲ့ ရုပ်ရှင်မင်းသမီး Scarlett Johnsson စကားလက် ဂျွန်ဆင်က အမျိုးသမီးတွေအတွက် ကျန်းမာရေးခံယူမှု စိတ်ချလက်ချ ရရှိဖို့လိုအပ်ကြောင်း သူမရဲ့ကိုယ်တွေ့အဖြစ် Planned Parenthood ဆိုတဲ့ ကျန်းမာရေးအဖွဲ့ထံက ရရှိခဲ့တဲ့စောင့်ရှောက်မှုတွေကို ဂုဏ်ပြုပြောကြားပါတယ်။

“ကျမရဲ့ ကိုယ်ရေးကိုယ်တာတွေ ဘာမှ မမေးပါဘူး။ ဘာမှလည်း ဝေဖန်ပြောဆိုတာ မလုပ်ပါဘူး။ အဲဒီအဖွဲ့ထံက လုံခြုံစိတ်ချစွာ ကုသပြုစုမှုရရှိခဲ့ပါတယ်”

စာရေးဆရာမ တစ်ဦးဖြစ်တဲ့ Gloria Steinem ဂလော်ရီးယား စတိုင်းနင်မ်က အမျိုးသမီးတွေအနေနဲ့ မိမိတို့အင်အားကို စုစည်းဖေါ်ထုတ်နိုင်ရင် အောင်မြင်မှုရမှာပဲလို့ ပိုလန်နိုင်ငံက အဖြစ်အပျက်တစ်ခုကို ဥပမာပေးကာ

“ပိုလန်အစိုးရက ကိုယ်ဝန်ဖျက်ချမှုပိတ်ပင်တဲ့ ဥပဒေကို ပြီးခဲ့တဲ့လအတွင်းက ပြဌာန်းခဲ့ပါတယ်။ ဒါပေမဲ့ အမျိုးသမီးဦးရေ ၆ သန်း လမ်းမတွေပေါ်ထွက်ပြီး ဆန္ဒပြခဲ့တဲ့အတွက် အဲဒီဥပဒေကို ပြင်ဆင်ပေးခဲ့ရပါတယ်” လို့ပြောပါတယ်။

တဆက်တည်းမှာပဲ သမ္မတ ထရမ့်ကို လူမျိုးရေး ဘာသာရေးခွဲခြားမှုတွေ မလုပ်ဖို့ သတိပေးခဲ့ပါတယ်။

“ကျမတို့ကို ခွဲခြားဆက်ဆံဖို့ မကြိုးစားပါနဲ့။ မွတ်စလင်တွေကို ရှင်က အဓမ္မမှတ်ပုံတင်ခိုင်းမယ်ဆိုရင် ကျမတို့အမျိုးသမီးအားလုံး မွတ်စလင်တွေအဖြစ်သွားပြီး မှတ်ပုံတင်ကြမယ်” လို့ သူကပြောတဲ့အခါ ထောက်ခံသံတွေ ညံနေခဲ့ပါတယ်။

နိုင်ငံခြားရေးဝန်ကြီးဟောင်း ဟီလာရီ ကလင်တန်ရဲ့ နာမည်ကျော်စကားဖြစ်တဲ့ “လူအခွင့်အရေးဆိုတာ အမျိုးသမီးတွေရဲ့အခွင့်အရေးဖြစ်သလို အမျိုးသမီးအခွင့်အရေးဆိုတာလည်း လူ့အခွင့်အရေးပဲ “Human rights are women's rights, and women's rights are human rights” ဆိုတဲ့စကားကို ကိုးကားပြောဆိုတာလည်း ကြားရပါတယ်။

လာရောက်သူများလွန်းတဲ့အတွက် ချီတက်လမ်းလျှောက်စရာနေရာတောင် မရှိတော့ပဲ ချီတက်ပွဲကနေ လူထုစုဝေးပွဲ အသွင်ပြောင်းသွားခဲ့တဲ့ ဒီကနေ့ အခမ်းအနားတက်ရောက်သူတွေထဲမှာ မြန်မာအမျိုးသမီးတချို့လည်း ပါဝင်ပါတယ်။

ကယ်လီဖိုးနီးယားပြည်နယ်က လာရောက်တဲ့ Berkeley ဘာကလေ တက္ကသိုလ်ကျောင်းသူ
မသိမ်းနုသိမ်းက “စိတ်ထားတူတဲ့ တခြားအမေရိကန်တွေနဲ့ ဒီမိုကရေစီနဲ့ လူ့အခွင့်အရေးအတွက် အတူတူရပ်တည်မယ်” လို့ပြောပါတယ်။

စုဝေးပွဲလာရောက်တဲ့ အမျိုးသမီးတွေက ယေင်္ကျား၊ မိန်းမ၊ လူမျိုး၊ ဘာသာ၊ တရားမဝင်လာရောက်သူ၊ အမေရိကန်နိုင်ငံသား စသဖြင့် ခွဲခြားဆက်ဆံမှုတွေကို ဆန့်ကျင်ကြောင်း ကျယ်ကျယ်လောင်လောင် ပြောကြားခဲ့ကြပါတယ်။

ဒီကနေ့ဟာ ဝါရှင်တန်ဒီစီမြို့တော်ကို အမျိုးသမီးတွေ သိမ်းပိုက်လိုက်တဲ့နေ့လို့တောင် တင်စားပြောဆိုနိုင်တဲ့နေ့ ဖြစ်ပါတယ်။
RFA


ပဲခူးတိုင်းဒေသကြီး ရွှေကျင်မြို့နယ်မှာ ဗိုက်ဆာလို့ ငိုယိုတဲ့ သမီးဖြစ်သူကို မိခင်က နှာခေါင်းနဲ့ ပါးစပ်ကို ဦးထုပ်နဲ့ ပိတ်ထားရာက အသက်ရှူကြပ်ပြီး သေဆုံးမှု ဖြစ်ပွားခဲ့ပါတယ်။

ဇန်နဝါရီ ၂၀ ရက်နေ့ မွန်းလွဲပိုင်းမှာ ပဲခူးတိုင်းဒေသကြီး၊ ရွှေကျင်မြို့နယ် မြို့မရဲစခန်းမှာ သေဆုံးသူ မနီလာအောင် (၃နှစ်) ပတ်သက်ပြီး တပ်ဖွဲ့ဝင်တွေက မိခင် မအေးယုခိုင် (၂၂)နှစ် ကို သက်သေတွေနဲ့အတူ စစ်ဆေးခဲ့တယ်လို့ ရဲတပ်ဖွဲ့ ဖေ့စ်ဘွတ်ခ်စာမျက်နှာမှာ ဖော်ပြပါတယ်။

စစ်ဆေးချက်အရ ဇန်နဝါရီ ၁၅ ရက်နေ့ မနက် ၇ နာရီက မအေးယုခိုင်ဟာ မိခင်ဖြစ်သူနဲ့စကားများရာကနေ သမီးဖြစ်သူ မနီလာအောင်ကို ခေါ်ဆောင်ကာ ခြေဦးတည့်ရာကို ထွက်လာကြောင်း၊ ဂျိုးပင်ရွာအနီးအရောက် မနီလာအောင်က ဗိုက်ဆာတယ်ဆိုပြီး ငိုယိုနေကြောင်း၊ ချော့မော့ပြောဆိုပေမယ့် မရတာကြောင့် လည်ပင်းကိုကိုင်ပြီး ဦးထုပ်ဖြင့် နှာခေါင်းနဲ့ ပါးစပ်တို့ကို အတင်းပိတ်ထားစဉ် အသက်ရှူကြပ်၍ သေဆုံးသွားကြောင်း သိရပါတယ်။

ဒီနောက်မှာတော့ မအေးယုခိုင်ဟာ မနီလာအောင်အား မှောက်လျက်အနေအထားနဲ့ ပစ်ထားခဲ့တယ်လို့ စစ်ဆေးသိရှိရကြောင်း သတင်းမှာ ဖော်ပြထားပါတယ်။

မအေးယုခိုင်အား ဖမ်းဆီးပြီး သေမှုသေခင်းမှ ရွှေကျင်မြို့မရဲစခန်း(ပ)၃၂/၂၀၁၇၊ ရာဇသတ်ကြီးဥပဒေပုဒ်မ ၃၀၂ အရ ပြောင်းလဲရေးဖွင့် စစ်ဆေးနေတယ်လို့ ဆိုပါတယ်။
DVB TV News


ဝါရှင်တန်ဒီစီက အမျိုးသမီးထု ချီတက်ဆန္ဒပြပွဲ (ဇန်န၀ါရီ ၂၁ ရက် ၂၀၁၇)
ဝါရှင်တန်ဒီစီက အမျိုးသမီးထု ချီတက်ဆန္ဒပြပွဲ (ဇန်န၀ါရီ ၂၁ ရက် ၂၀၁၇)
သမ္မတသစ် Donald Trump အနေနဲ့ အမျိုးသမီးအခွင့်အရေးကို လေးစားလိုက်နာဖို့ တောင်းဆိုတဲ့ အနေနဲ့ ၀ါရှင်တန်မြို့တော်မှာ စနေနေ့က လူပေါင်းသိန်းနဲ့ချီ စုရုံးခဲ့ကြပါတယ်။ ကျားမ၊ အသား အရောင် မျိုးစုံပါဝင်တဲ့ ဒီချီတက်ပွဲကြီးဟာ သမ္မတသစ် Trump ရဲ့ ကျမ်းသစ္စာကျန်ဆိုပွဲကို တန်ပြန်တဲ့ အနေနဲ့ အချိန်ကိုက်ပြုလုပ်နေတာဖြစ်ပါတယ်။

Women’s March on Washington ဆိုတဲ့ အမျိုးသမီးထုချီတက်ပွဲကို ကိုယ်တိုင်သတင်းသွား ရောက်ယူခဲ့တဲ့ မအင်ကြင်းနိုင်က ဆက်ပြီး ပြောပြမှာပါ။

အမေရိကန်ပြည်ထောင်စုမှာ သမိုင်းတွင်တဲ့ နေ့တနေ့လို့ ပြောရမှာပါ။ ပြည်နယ်ပေါင်းစုံမှာနေကြတဲ့ ပြည်သူတွေ သိန်းနဲ့ချီပြီး ၀ါရှင်တန်ဒီစီမြို့တော်က လွှတ်တော်အဆောက်အဦးရှေ့ မှာ အမျိုးသမီးတွေနဲ့ သွေးစည်းညီညွတ်ကြောင်း ပြသတဲ့အနေနဲ့ ချီတက်ဆန္ဒပြနေကြတာဖြစ်ပါတယ်။

အခုသမ္မတသစ် Donald Trump အနေနဲ့ အမျိုးသမီးတွေရဲ့ အခွင့်အရေးကို လေးစာလိုက်နာဖို့ တောင်းဆိုနေကြတာပါ။

“အမေရိကန်နိုင်ငံတ၀ှမ်းမှာရှိတဲ့ ပြည်သူတွေကို ဒီမှာ လာပြီးစုဝေးကြဖို့ကျနော်တို့ စည်းရုံးခဲ့တာပါ။ ရွေးကောက်ပွဲတွင်း ကျနော်တို့ မြင်ခဲ့ရတဲ့ အမုန်းတရားတွေနဲ့ ခွဲခြားမှုတွေကို အခုလှုပ်ရှားမှုကနေ ဆန့်ကျင်ကြောင်းပြသတာပါ။ မေတ္တာကို အခြေခံပြီး ခွဲခြားဆက်ဆံခံနေရတဲ့ အကာအကွယ်မဲ့သူတွေ ဘက်ကနေ ရပ်တည်ကြောင်း ဒီဆန္ဒပြပွဲမှာ ကျနော်တို့ ပြသတာဖြစ်ပါတယ်။”

ဒါကတော့ အမျိုးသမီးများချီတက်ပွဲကို စီစဉ်သူတွေထဲမှာပါဝင်တဲ့ Love Army အဖွဲ့က တာဝန်ရှိသူတဦးက ဗွီအိုအေကို ပြောသွားတာဖြစ်ပါတယ်။ ဒီဆန္ဒပြပွဲကနေ သမ္မတ Donald Trump ကိုပေးချင်တဲ့ အမှာစကားနဲ့ပတ်သက်လို့လည်း

“ဆန္ဒပြပွဲလာသူတွေဟာ Donald Trump ကို ဆန့်ကျင်ကြောင်းလာပြီး တညီတညွတ် တည်းပြသကြတာဖြစ်ပါတယ်။ ဒီတော့ Trump အနေနဲ့ မဟုတ်တာလုပ်မယ်ဆိုရင် ပြည်သူတွေဟာ ငြိမ်ခံမှာ မဟုတ်ပါဘူး။ ပြန်ပြီး တုန့်ပြန်မှာဖြစ်ပါတယ်။”

နယူးရောက်ပြည်နယ်က လာတဲ့ ကျောင်းဆရာမတဦးကလည်း

“ကျမ ဒီဆန္ဒပြပွဲမှာ ပါဝင်ရတဲ့ အကြောင်းရင်းကတော့ ကျမတို့တိုင်းပြည်မှာ အခက်ကြုံရတဲ့အချိန်ရောက်နေပြီ စည်းလုံးညီညွတ်မှုကွဲနေချိန်ဖြစ်နေတဲ့အတွက်ကြောင့်ပါ။ ကျမတို့နိုင်ငံမှာ လူအများစုဟာ ခွဲခြားခံနေရတယ်လို့ ခံစားရပါတယ်။ ရွေးကောက်ပွဲမှာ အနိုင်ရခဲ့တဲ့ သမ္မတကလည်း လူထုရဲ့ အကျိုးစီးပွားကို စိတ်မ၀င်စားဘူးလို့ မြင်ပါတယ်။”

သမ္မတသစ် Donald Trump ဟာ အရင် စီးပွားရေးလုပ်ငန်းရှင်ဘ၀တုန်းက အမျိုးသမီးတွေအပေါ် သူပုတ်ခတ်ပြောဆိုခဲ့တဲ့ စကားတွေအပေါ် အမျိုးသမီးတွေက အမျက်ဒေါသ ထွက်ခဲ့ကြတာပါ။

“အခုဝတ်ထားတဲ့ Pussy hat project ဆိုတာက Donald Trump ရဲ့ အမျိုးသမီးတွေအပေါ် လိင်ပိုင်းဆိုင်ရာ စော်ကားမှုတွေ၊ လက်သရမ်းခဲ့တာတွေကို နိုင်ငံတွင်းမှာသာမက နိုင်ငံတကာမှာရှိတဲ့ အမျိုးသမီးထုကနေ တညီတညွတ်တည်း လက်မခံဘူးဆိုတာ ပြသတဲ့ လှုပ်ရှားမှုဖြစ်ပါတယ်။”

ဒါကတော့ တန်နစ္စီပြည်နယ်ကနေ လာရောက်ဆန္ဒပြတဲ့ ကျောင်းသူတဦးပြောသွားတာပါ။

ဝါရှင်တန်က အမျိုးသမီးထု ချီတက်ဆန္ဒပြပွဲမှာ နာမည်ကျော် အနုပညာရှင်တွေနဲ့ နိုင်ငံရေးခေါင်းဆောင်တွေ၊ လူ့အခွင့်အရေး၊ သဘာဝပတ်ဝန်းကျင်ထိန်းသိမ်းရေးစတာတွေမှာ ဦးဆောင်လှုပ်ရှားသူတွေလည်း ပါဝင်ကြပါတယ်။ နာမည်ကျော်အဆိုတော် မက်ဒေါ်နားကလည်း သမ္မတသစ် Donald Trump ရဲ့ အမျိုးသမီးနဲ့ လူနည်းစုတွေအပေါ် ပုတ်ခတ်ပြောဆိုတဲ့စကားတွေကို ပြင်းပြင်းထန်ထန်ရှုတ်ချပြောဆိုသွားပါတယ်။

VOA Burmese News

(မြန်မာနယ်ခြားစောင့်တပ် BGF က ကရင်ပြည်နယ် ဘုရားသုံးဆူအနီးမှာ ဇန်နဝါရီလ ၂၁ ရက်နေ့က ဖမ်းခဲ့ပြီး လွတ်မြောက်လာတဲ့ ကမ္ဘာလှည့်ခရီးသည်တွေကို တွေ့ရစဉ်)
မြန်မာနယ်ခြားစောင့်တပ် BGF က ကမ္ဘာလှည့်ခရီးသည် ၃၇ ဦးကို ဖမ်းခဲ့တဲ့ကိစ္စနဲ့ပတ်သက်ပြီး မြန်မာနယ်စပ်အနီးကို မသွားကြဖို့ ထိုင်းအာဏာပိုင်တွေက ကမ္ဘာလှည့်ခရီးသည်တွေကို သတိပေးလိုက်ပါတယ်။

ကမ္ဘာလှည့်ခရီးသည်တွေကို နယ်ခြားစောင့်တပ်က ကရင်ပြည်နယ် ဘုရားသုံးဆူအနီးမှာ စနေနေ့က ဖမ်းခဲ့တာဖြစ်ပြီး ဒါဟာသူတို့ထိန်းချုပ်ထားတဲ့ အသက်မပြည့်သေးတဲ့ ပြည်တန်ဆာတွေကို ထိုင်းအာဏာပိုင်တွေက ဖမ်းခဲ့တာကြောင့်ဖြစ်တယ်လို့ ဆိုပါတယ်။ နောက်ပိုင်းမှာ ထိုင်းအာဏာပိုင်တွေနဲ့ ညှိနှိုင်းပြီး ကမ္ဘာလှည့်ခရီးသည်တွေကို ပြန်လွှတ်ပေးခဲ့ပေမယ့် နောက်ထပ်အဖမ်းအဆီး ရှိနိုင်တာတွေကြောင့် ကမ္ဘာလှည့်ခရီးသည်တွေကို နယ်စပ်ဘက်ကို မသွားကြဖို့ ထိုင်းအာဏာပိုင်တွေက တိုက်တွန်းထားတာဖြစ်ပါတယ်။

ပြီးခဲ့တဲ့ ဗုဒ္ဓဟူးနေ့က ထိုင်းရဲ၊ လူကုန်ကူးမူတိုက်ဖျက်ရေးတပ်ဖွဲ့က မြန်မာနိုင်ငံ ဘုရားသုံးဆူဘက်ကနေ ထိုင်းကိုခေါ်လာတဲ့ အသက် ၁၆၊ ၁၇ အရွယ် ပြည့်တန်ဆာ ၆ ဦးနဲ့ ခေါ်လာသူ ၂ ဦးကိုဖမ်းခဲ့ပြီးတဲ့နောက် BGF က လက်တုန့်ပြန်တာဖြစ်တယ်လို့ ဒီကနေ့ထုတ်The Nation သတင်းစာမှာ ရေးထားပါတယ်။

Photo: nationmultimedia.com
RFA

ဥရောပ တလွှား နဲ့ အာရှ နိုင်ငံ အချို့မှာ အမေရိကန် သမ္မတ ဒေါ်နယ် ထရမ့် ကို ဆန့်ကျင် တဲ့ ဆန္ဒ ပြပွဲတွေကို ကျင်းပ ခဲ့

အမေရိကန် သမ္မတ သစ် ဒေါ်နယ် ထရမ့် ဟာ ဇန်နဝါရီလ ၂၀ ရက်နေ့က သမ္မတ အဖြစ် ကျမ်း သစ္စာ ကျိန် ဆိုခဲ့ပြီးနောက် ၂၁ ရက်နေ့မှာတော့ အမေရိကန် နိုင်ငံ တစ်ဝှန်းမှာ သူ့ကို ဆန့်ကျင်တဲ့ ဆန္ဒ ပြပွဲတွေ ဖြစ်ပွား နေပါတယ်။

ဒါ့အပြင် အမျိုးသမီး အခွင့်အရေး ကာကွယ် စောင့်ရှောက်ရေး အဖွဲ့ တွေ ကလည်း ဥရောပ တလွှား နဲ့ အာရှ နိုင်ငံ အချို့မှာ အမေရိကန် သမ္မတ ဒေါ်နယ် ထရမ့် ကို ဆန့်ကျင် တဲ့ ဆန္ဒ ပြပွဲတွေကို ကျင်းပ ခဲ့ပါတယ်။

အမေရိကန် နိုင်ငံ မြို့တော် ဝါရှင်တန် ဒီစီ မှာ ကျင်းပ တဲ့ ဆန္ဒပြပွဲ မှာ ပူးပေါင်း ပါဝင်တဲ့ ဆန္ဒပြသူ အင်အား အလွန် များပြားတဲ့ အတွက် အိမ်ဖြူ တော် ကို သွားတဲ့ လမ်း အတိုင်း ချီတက် ဆန္ဒပြခြင်း မလုပ် နိုင်ခဲ့ဘူးလို့ သိရပါတယ်။

ဒေါ်နယ် ထရမ့် သမ္မတ အဖြစ် ကျမ်းကျိန် တုန်း က လည်း သူ့ကို ဆန့်ကျင် ဆန္ဒပြခဲ့သူတွေ ရှိခဲ့ပေမယ့် အခု ဆန္ဒပြပွဲ ဟာ လူပိုများ ပြီး ဟောလီးဝုဒ် အကျော်အမော် တွေ ဖြစ်တဲ့ မက်ဒေါနား၊ စကားလက် ဂျိုဟန်ဆန် တို့လည်း ဆန္ဒပြပွဲမှာ ပါဝင် ခဲ့ကြပါတယ်။

BBC Burmese

ဘင်္ဂလားဒေ့ရှ်-မြန်မာနယ်စပ်က Kutupalong ဒုက္ခသည်စခန်းကို အင်ဒိုနီးရှား နိုင်ငံခြားရေးဝန်ကြီး Retno L.P Marsudi သွားရောက်ကြည့်ရှုစဉ် (ဒီဇင်ဘာ ၂၀ ရက် ၂၀၁၆)
ဘင်္ဂလားဒေ့ရှ်-မြန်မာနယ်စပ်က Kutupalong ဒုက္ခသည်စခန်းကို အင်ဒိုနီးရှား နိုင်ငံခြားရေးဝန်ကြီး Retno L.P Marsudi သွားရောက်ကြည့်ရှုစဉ် (ဒီဇင်ဘာ ၂၀ ရက် ၂၀၁၆)

ရခိုင်ဒေသပဋိပက္ခကို ဖြေရှင်းရေးမှာ အာဆီယံနိုင်ငံတချို့ရဲ့ လူသားချင်းစာနာထောက်ပံ့မှု အကူအညီတွေဟာ အာဆီယံမိသားစု စ်ိတ်ဓါတ်ကို ဖေါ်ပြရာရောက်ကြောင်း ပြည်ထောင်စုဝန်ကြီးတဦးက ပြောဆိုလိုက်ပါတယ်။ ရခိုင်ဒေသက ရခိုင်နဲ့ မွတ်ဆလင် နှစ်ဖက်လူမှုအသိုင်းအဝိုင်း အတွက်ဆိုပြီး အင်ဒိုနီးရှားနိုင်ငံက လူသားချင်းစာနာမှု အကူအညီတွေ စနေနေ့က လွှဲပြောင်းပေးအပ် ခဲ့တာဖြစ်ပါတယ်။ ဆက်သွယ် မေးမြန်း ထားတဲ့ ကိုဉာဏ်ဝင်းအောင်က တင်ပြပါမယ်။

မြန်မာနိုင်ငံကို လတ်တလောရောက်ရှိနေတဲ့ အင်ဒိုနီးရှား နိုင်ငံခြားရေးဝန်ကြီး HE Mrs. Retno L.P Marsudi မဒမ် ရက်တနိုမာဆူဒီဟာ ရခိုင်ဒေသအတွက် အင်ဒိုနီးရှားအစိုးရကပေးလိုက်တဲ့ လူသားချင်းစာနာထောက်ပံ့ရေး အကူအညီပစ္စည်းတွေကို စစ်တွေမြို့ ရခိုင်ပြည်နယ် အစိုးရအဖွဲ့ရုံး အစည်းအဝေးခန်းမမှာ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ဝန်ကြီး ဒေါက်တာဝင်းမြတ်အေးနဲ့ ရခိုင် ပြည်နယ်ဝန်ကြီးချုပ် ဦးညီပုတို့ကို ဇန္န၀ါရီ ၂၁ ရက် မနေ့မနက်ပိုင်းက လွှဲပြောင်းပေးအပ်ခဲ့တာပါ။

ဖွံ့ဖြိုးမှုနောက်ကျနေသေးတဲ့ ရခိုင်ပြည်နယ်မှာ ပြီးခဲ့တဲ့ အောက်တိုဘာလတုန်းက အကြမ်းဖက်သမားတွေက နယ်ခြားစောင့်ရဲစခန်းတွေကို ဝင် ရောက်တိုက်ခိုက်ခဲ့ပြီး ရဲဝန်ထမ်း ၉ ဦးသေဆုံးခဲ့တဲ့ဖြစ်ရပ်နောက်ပိုင်း ရခိုင်ဒေသကို နိုင်ငံတကာက ပိုပြီးအာရုံစိုက်လာတာ ဖြစ်ပါတယ်။ ရခိုင် ဒေသကိုပေးအပ်တဲ့ အင်ဒိုနီးရှားရဲ့ လူသားချင်းစာနာထောက်ပံ့မှု အကူအညီတွေဟာ ရခိုင်ဒေသက ရခိုင်နဲ့မွတ်ဆလင် နှစ်ဖက် လူမှုအသိုင်း အဝိုင်းအတွက် ဖြစ်တယ်လို့ အင်ဒိုနီးရှားနိုင်ငံခြားရေးဝန်ကြီးက ပြောကြောင်း လူကယ်ပြန်ဝန်ကြီး ဒေါက်တာဝင်းမြတ်အေးက VOA ကို ပြောပါတယ်။

“အင်ဒိုနီးရှားနိုင်ငံခြားရေးဝန်ကြီးကလည်း ပြောသွားပါတယ်။ တည်ငြိမ်အေးချမ်းရေးအတွက်ရော၊ ဖွံဖြိုးတိုးတက်ရေးအတွက်ရော ဆက်လက်ပြီးတော့ ပူးပေါင်းဆောင်ရွက်မယ်။ လုပ်စရာတွေလည်း အများကြီးရှိတယ်လို့လည်း ပြောသွားတယ်။ နောက်ပြီးတော့ အခု အကူအညီပေးတာတွေကိုလည်း ဒီမှာရှိတဲ့ လူမျိုးဘာသာ မခွဲခြားပဲနဲ့ ကူညီထောက်ပံခြင်းဖြစ်ပါတယ်လို့ ထပ်ခါထပ်ခါ ပြောသွားတယ်။”

အင်ဒိုနီးရှားနိုင်ငံခြားရေးဝန်ကြီး မဒမ် Retno L.P Marsudi ဟာ ရခိုင်အကြံပေးကော်မရှင်အဖွဲ့ဝင်နဲ့လည်း မနေ့နေတုန်းက ရန်ကုန်မြို့မှာ တွေ့ဆုံခဲ့တာပါ။ သူတို့ အင်ဒိုနီးရှားနိုင်ငံရဲ့ ရခိုင်ဒေသအတွက် အကူအညီတွေဟာ ရခိုင်မှာရှိတဲ့ နှစ်ဖက်လူမှုအသိုင်း အဝိုင်းအတွက် ဖြစ် တယ်လို့ ပြောကြောင်း ရခိုင်အကြံပေးကော်မရှင်အဖွဲ့ဝင် ဦးအေးလွင်က ပြောပါတယ်။

“ သူတို့ ပြောတာက ဒီလူ့အဖွဲ့အစည်း နှစ်ခုစလုံးကို ထောက်ပံမယ်။ နောက်ပြီး အပြုသဘောဆောင်သော သဟဇာတဖြစ်မှုကို ရောက်အောင် သူတို့ အားပေးမယ်။ OIC မှာလည်းပဲ အထင်အမြင်လွှဲမှားမှုတွေ ရှိတာတွေကို သူတို့ ဖြေရှင်းပေးတယ်။ လက်တွေ့ မြင်လိုက်လို့ရှိရင် အားလုံးဟာ သံသယတွေ ကင်းသွားမှာဖြစ်တယ်။ ဥပမာဆိုရင် သူတို့ ကျောင်းနှစ် ကျောင်း ဆောက်ပေးတယ်ဗျာ။ လူ့အဖွဲ့အစည်း နှစ်ခုလုံးက အသုံးချဖို့ပေါ့နော်။ နောက်တခါ သူတို့ ဈေးတခုတောင်လုပ်ပေးဖို့ရှိတယ် ပြောတယ်။ အဲဒီဈေးမှာ အသိုင်းအ၀ိုင်း နှစ်ခုက ဘယ်လိုဆုံတွေ့ ပူးပေါင်းပြီးတော့ လုပ်လို့ရမယ်ဆိုတဲ့ သဟဇာတဖြစ်ရေးကိစ္စကို လုပ်ချင်တယ်ဆိုတဲ့ သဘောနဲ့လာတာပါ။”

အင်ဒိုနီးရှားနိုင်ငံလိုပဲ မလေးရှားနိုင်ငံကပါ မြန်မာအစိုးရနဲ့ သံတမန်လမ်းကြောင်းက ဆက်သွယ်ပြီး ရခိုင်ဒေသအတွက် လူသားချင်းစာနာမှု အကူအညီတွေ မကြာခင်မှာ ပေးပို့ဖို့ရှိကြောင်း ဒေါက်တာဝင်းမြတ်အေးက ပြောပြပါတယ်။ အင်ဒိုနီးရှားနဲ့ မလေးရှားရဲ့အကူအညီတွေဟာ အာဆီယံမိသားစု စ်ိတ်ဓါတ်ကို ဖေါ်ပြရာရောက်တယ်လို့ ဒေါက်တာဝင်းမြတ်အေးက ပြောပါတယ်။

“ဒါလည်း အာဆီယံနိုင်ငံအချင်းချင်း မိသားစုစိတ်ဓါတ်နဲ့ ကူညီတယ်လို့ ကျနော်တို့ ယူဆပါတယ်။ ကျနော်တို့နိုင်ငံကလည်း အခြားနိုင်ငံတွေမှာ အဲလိုမျိုးကိစ္စပေါ်ပေါက်လာရင်လည်း ကျနော်တို့အနေနဲ့ ဒီပုံစံနဲ့ပဲ မိသားစုစိတ်ဓါတ်နဲ့ပဲ ဆောင်ရွက်မှာပါ။ ဒါကြောင့်မို့လည်း ကျေးဇူးတင်ပါတယ်။ နောက်ကိုလည်း ဒီလိုအစိုးရအဖွဲ့နဲ့ ဆက်သွယ်ပြီး ပူးပေါင်းဆောင်ရွက်ပါလို့။ မလေးရှားက သံအမတ်ကလည်း လွန်ခဲ့တဲ့ နှစ်ရက်က ကျနော်တို့နဲ့ လာတွေ့ပြီးပြီ။ နှစ်နိုင်ငံဆက်သွယ်ပြီး ဒီလိုပဲ ကူညီထောက်ပံတာပါပဲခင်ဗျ။”

ဒါပေမယ့် မလေးရှားနိုင်ငံကတော့ ရခိုင်ဒေသက မွတ်ဆလင်အရေးဟာ နိုင်ငံတကာအရေး ဖြစ်တယ်ဆိုပြီး ရခိုင်ပြဿနာကို ဆွေးနွေးဖို့ OIC (အစ္စလမ်နိုင်ငံများအဖွဲ့) အထူးအစည်းကို ဇန္နဝါရီ ၁၉ ရက်နေ့က ခေါ်ယူကျင်းပခဲ့ပါတယ်။ ဒါကြောင့် မလေးရှားဟာ မွတ်စလင်သောင်းကျန်သူတွေ လက်ချက်ကြောင့် ရဲဝန်ထမ်းတွေ သေဆုံးခဲ့ရတဲ့ ဖြစ်ရပ်ကို လျစ်လျူရှုပြီး သူ့ပြည်တွင်းနိုင်ငံရေး အကျိုးအမြတ်အတွက် ရခိုင်အရေးကို အသုံးချနေတဲ့အပေါ် စိုးရိမ်စရာဖြစ်ကြောင်း မြန်မာနိုင်ငံခြားရေးဝန်ကြီးဌာနက ဇန္နဝါရီ ၂၀ ရက်နေ့စွဲနဲ့ ကြေညာချက်ထုတ်ပြန်ခဲ့ပါတယ်။

မနေ့က စစ်တွေမြို့မှာပေးအပ်တဲ့ အင်ဒိုနီးရှားရဲ့ လူသားချင်းစာနာမှု အကူအညီတွေထဲမှာ အဝတ်အထည် ခေါက်ဆွဲခြောက် ကလေးအစား အစာ ဂျုံအိတ်တွေပါဝင်ပြီး စုစုပေါင်း ဒေါ်လာ ၁ သောင်း ၄ ထောင်ဖိုးလောက်ရှိပါတယ်။ စစ်တွေမြို့နယ် လက်မွခေကျေးရွာနဲ့ သက္ကယ်ပြင် ရွာတွေမှာ အင်ဒိုနီးရှား NGO တခုဖြစ်တဲ့ PKPU အဖွဲ့က မူလတန်းကျောင်း ၂ ကျောင်း ဆောက်လုပ် လှူဒါန်းထားတာကိုလည် အင်ဒိုနီးရှား နိုင်ငံခြားရေးဝန်ကြီး မဒမ် မာဆူဒီက မနေ့က လွှဲပြောင်းပေးအပ်ခဲ့ပါတယ်။
VOA Burmese News



 ရေနံလက်ယက်တွင်း လုပ်ငန်းရှင်တွေ ဆီက ကောက်ခံ ထားတဲ့ ကျပ်သန်းပေါင်း ၃ ထောင်နီးပါး စာရင်းပျောက် နေ / ဓာတ်ပုံ မူပိုင် မကွေး ရေနံမြေ
မကွေးတိုင်း ဒေသကြီး အစိုးရ အဖွဲ့ရဲ့ ဝန်ကြီးချုပ်ဟောင်း ဦးဘုန်းမော်ရွှေ နဲ့ ဒေသန္တရ ဝန်ကြီးဟောင်း တချို့ကို သူတို့လက်ထက် ဖြစ်ပေါ် ခဲ့တဲ့ ငွေရေးကြေးရေး အရှုပ်အရှင်း တွေနဲ့ ပတ်သက်လို့ စ သုံးလုံး ထောက်လှမ်းရေး အဖွဲ့က တစ်လ ကျော် စစ်ဆေးခဲ့ပါတယ်။

ရေနံလက်ယက်တွင်း လုပ်ငန်းရှင်တွေ ဆီက ကောက်ခံ ထားတဲ့ ကျပ်သန်းပေါင်း ၃ ထောင်နီးပါး စာရင်းပျောက် နေတာ ဖြစ်ပါတယ်။

အရင် မကွေး အစိုးရ က ကောက်ခံရရှိငွေ ကျပ် ၂.၈ ဘီလျံ ကို လက်ရှိ အစိုးရ ကို လွှဲပြောင်း ပေးခဲ့ခြင်း ရှိမရှိ ဆိုတာ ကို ၂၀၁၆ ခုနှစ် မေလ တုန်း က လွှတ်တော်မှာ ဖွင့်ဖြူ မြို့နယ် ပြည်သူ့ လွှတ်တော် ကိုယ်စားလှယ် ဦးထွန်းထွန်း က မေးမြန်း ခဲ့တာ ဖြစ်ပါတယ်။

အဲဒီ မေးခွန်း နဲ့ ပတ်သက်လို့ လွှဲပြောင်းပေးခဲ့ခြင်း မရှိကြောင်း နဲ့ မကွေးတိုင်း ဖွံ့ဖြိုးရေး လုပ်ငန်း တွေ ကို လုပ်ပေးနိုင်ခြင်းလည်း မရှိဘူး ဆိုတာ ကို လျှပ်စစ်စွမ်းအင် ဝန်ကြီး က လွှတ်တော်မှာ လာရောက် ဖြေကြားခဲ့ပါတယ်။

ရံပုံငွေ ကိစ္စနဲ့ ပတ်သက်လို့ မကွေးတိုင်း ဝန်ကြီးချုပ်ဟောင်း ဦးဘုန်းမော်ရွှေ နဲ့ အစိုးရ အဖွဲ့ဝင် ဝန်ကြီး အချို့ကို စုံစမ်းစစ်ဆေးရေး ဦးစီးဌာန က မေးမြန်းမှုတွေ ပြုလုပ် ခဲ့ပြီး သူတို့ရဲ့ ထွက်ဆို ချက်တွေကို ပြည်ထောင်စု အစိုးရ ဆီကို တင်ပြထား တယ်လို့ သိရပါတယ်။

ရေနံလက်ယက်တွင်း လုပ်ငန်းရှင်တွေ နဲ့ တွေ့ဆုံ ပြီးနောက်မှာ ရေနံ တစ်ပေပါ ကို ၅ ထောင်နှုန်းနဲ့ ကောက်ခံနေတယ်ဆိုတာ ကို သိလာရတာ ဖြစ်ကြောင်း ဦးထွန်းထွန်း က ပြောပါတယ်။

မကွေးတိုင်း၊ မင်းလှ နဲ့ သရက် ဒေသတွေမှာ တပိုင်တနိုင် ရေနံလက်ယက်တွင်း တူးတဲ့ လုပ်ငန်းကို ကျယ်ကျယ်ပြန့်ပြန့် လုပ်ကိုင်ကြပါတယ်။ အဲဒီ ကနေမှ တဆင့် စစ်ကိုင်း နဲ့ မန္တလေး က ရေနံချက် စက်ရုံ တွေဆီကို သယ်ပို့ကြပါတယ်။ အစိုးရ က တစ်ပေပါ ကို သုံးထောင် ဒါမှ မဟုတ် ငါးထောင်ကျပ် နှုန်း ကောက်ခံ နေတာ ဖြစ်ပါတယ်။

လက်ရှိ အစိုးရသစ် အနေနဲ့ ကလည်း ဒေသဖွံ့ဖြိုးရေး လုပ်ငန်းတွေ အတွက် ရေနံ လက်ယက်တွင်း လုပ်ငန်းရှင်တွေ ဆီကနေ ရံပုံငွေ ဆက်လက် ကောက်ခံ နေဆဲ ဖြစ်ပြီး မြန်မာ့ စီးပွားရေး ဘဏ်မှာ စနစ်တကျ အပ်နှံထားတယ်လို့ သိရှိရကြောင်း ဦးထွန်းထွန်း က ပြောပါတယ်။

BBC Burmese
http://www.bbc.com/burmese


သတ်မှတ်လမ်းကြောင်းအတိုင်းမပြေးဆွဲတဲ့ ယာဉ်တွေကိုထိန်းချုပ်နိုင်ဖို့ YBS ယာဉ်တွေမှာ
GPS စနစ် တပ်ဆင်ပြီးထိန်းချုပ်ဖို့ ရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှု
အာဏာပိုင်အဖွဲ့က စီစဉ်နေတယ်လို့ သိရပါတယ်။

ယာဉ်တွေမှာ GPS တပ်ဆင်ပြီး သတ်မှတ်လမ်းကြောင်းအတိုင်းမပြေးတဲ့ ယာဉ်တွေကို သက်ဆိုင်ရာ
မြို့ရဲစခန်းနဲ့ပူးပေါင်းဖမ်းဆီးဖို့ YRTA ကစီစဉ်နေတာကို ယာဉ်ပိုင်ရှင်တွေကို အသိပေးထားတယ်လို့
စံဝေလအများပိုင်ကုမ္ပဏီ ဥက္ကဌ ဦးသန်းလွင်ကပြောပါတယ်။

အဲဒီလိုတပ်ဆင်ရာမှာ GPS တစ်ခုကို ငွေကျပ်(၂၅၀၀၀၀)ခန့်ကျသင့်မှာဖြစ်ပြီး ကုန်ကျစရိတ်ကိုတော့
အစိုးရအဖွဲ့ကကျခံမှာ ဖြစ်ပါတယ်။

တပ်ဆင်ပေးထားတဲ့ GPS စက်တွေကိုဖျက်ဆီးရင် ဖျက်ဆီးသူတွေကိုပြည်သူပိုင်ပစ္စည်းဖျက်ဆီးမှုနဲ့
အရေးယူမှာဖြစ်ပြီး ယာဉ်လိုင်းပိုင်ရှင်တွေက ပျက်ဆီးသွားတဲ့စက်တန်ဖိုးကိုပေးလျော်ရမှာ ဖြစ်တယ်လို့
ဦးသန်းလွင်ကပြောပါတယ်။

ရန်ကုန်မြို့တွင်းဘတ်စ်ကားသယ်ယူပို့ဆောင်ရေးစနစ်သစ်မှာ သတ်မှတ်စည်းကမ်း အတိုင်းလိုက်နာတဲ့
ယာဉ်လိုင်းတွေရှိသလို စည်းကမ်းချိုးဖောက်မှုတွေလည်းရှိနေတာကြောင့် YRTA ရုံးကို နေ့စဉ်မေးမြန်း
တိုင်ကြားမှု (၃၀၀)ကျော်ရှိတယ်လို့ သိရပါတယ်။

ဓာတ်ပုံ- အင်တာနက်


ရှမ်းပြည်နယ်မြောက်ပိုင်း၊ သီပေါမြို့နယ်၊ မန်လွယ်ကျေးရွာမှာ မိုင်းနင်းမိပြီသူတွေကို ဇန်နဝါရီလ ၂၁ ရက်နေ့က တွေ့ရစဉ်
ရှမ်းပြည်နယ်မြောက်ပိုင်း၊ သီပေါမြို့နယ်၊ မန်လွယ်ကျေးရွာမှာ မိုင်းနင်းမိပြီသူတွေကို ဇန်နဝါရီလ ၂၁ ရက်နေ့က တွေ့ရစဉ်
Photo: Ko Myo
ရှမ်းပြည်နယ်မြောက်ပိုင်း၊ သီပေါမြို့နယ်၊ မန်လွယ်ကျေးရွာမှာ ဒီနေ့မနက်က မိုင်းနင်းမိပြီး ဒေသခံအမျိုးသမီး ၁ ဦး သေဆုံးပြီး ၂ ဦးဒဏ်ရာရရှိခဲ့ပါတယ်။

လက်ဖက်ခြံကို သွားရာလမ်းမှာ မိုင်းနင်းမိခဲ့ကြတာဖြစ်တယ်လို့ မိုင်းနင်းသူတွေကို ကူညီပေးနေတဲ့ သီပေါမြို့နယ်၊ နယ်စည်းမခြားပရဟိတအဖွဲ့က ကိုမျိုးက ပြောပါတယ်။

"ကျနော်တို့ ဒီကနေပြီး လူမှုရေးအဖွဲ့အစည်း ကားနှစ်စီးနဲ့သွားတယ်။ သွားပြီးဟိုရောက်တော့ ကျနော်တို့က ကျနော့်ကားမှာ ၂ ယောက် နောက်တစ်စီးမှာ ၁ ယောက်တင်လာတဲ့အချိန်မှာ သီပေါဆေး ရုံရောက်တော့ ကောင်မလေးတစ်ယောက်က ဆုံးသွားတယ်ခင်ဗျ။ ၁ ယောက်ကတော့ ကျနော်တို့ လားရှိုးဆေးရုံးကို ဆေးရုံကားနဲ့ပဲ ပို့လိုက်တယ်ခင်ဗျ။ခြေထောက်မှာ ဒဏ်ရာတော်တော်ပြင်းတယ်။ သီပေါဆေးရုံမှာ ၁ ယောက် ရှိသေးတယ်။ဒီမှာရှိတဲ့ ၁ ယောက်ကတော့ သက်သာပါတယ်။ သူကတော့ လက်တွေဘာတွေမိုင်းစ မှန်တာပေါ့"

လက်ရှိမှာ ရဲတပ်ဖွဲ့ဝင်တွေက သီပေါမြို့ နယ်ဆေးရုံကို လာရောက်စစ်ဆေးခဲ့တာတွေရှိတယ်လို့ ပြောပါတယ်။

မန်လွယ်ကျေးရွာတဝိုက်မှာ တအာင်းလွတ်မြောက်ရေးတပ်မတော်နဲ့ ရှမ်းပြည်ပြန်လည်ထူထောင်ရေး ကောင်စီ တို့ကြားတိုက်ပွဲတွေ ဖြစ်ပွားလေ့ရှိပါတယ်။

လတ်တလောမှာ တိုက်ပွဲတွေ တည်ငြိမ်နေတာကြောင့် သီပေါမြို့နယ်မှာ ခိုလှုံနေတဲ့ ဒေသခံတွေဟာ မန်လွယ်ကျေးရွာက နေအိမ်တွေကို ပြန်သွားကြတာ ရက် ၂၀ ဝန်းကျင်လောက်သာ ရှိသေးတယ်လို့ သိရပါတယ်။
RFA



အများဝေဖန်မှုတွေရှိနေတဲ့ ဒီဥပဒေကို မစ္စတာ ထရမ့်ဟာ မဲဆွယ် ကာလမှာ ကတည်းက ဖျက်သိမ်း အစားထိုးမယ်လို့ စည်းရုံးထားခဲ့ဖူး
အမေရိကန်သမ္မတသစ်ဖြစ်လာတဲ့ ဒေါ်နယ်ထရမ့်က Obamacare လို့ခေါ်တဲ့ ယခင် သက်သာကျန်းမာရေး ဥပဒေကို ပြင်ဆင်တဲ့ အမိန့်ကို သူ့ရဲ့ ပထမဆုံး ရုံးအမိန့်အဖြစ် ထုတ်ပြန်လိုက်ပါတယ်။

အများဝေဖန်မှုတွေရှိနေတဲ့ ဒီဥပဒေကို မစ္စတာ ထရမ့်ဟာ မဲဆွယ် ကာလမှာ ကတည်းက ဖျက်သိမ်း အစားထိုးမယ်လို့ စည်းရုံးထားခဲ့ဖူးပါတယ်။

ဒါကို အစားထိုးမယ့် ဥပဒေကိုတော့ မစ္စတာ ထရမ့်ဘက်က ဆက်လက် ရေးဆွဲဖို့ စီစဉ်ထားပါတယ်။

မစ္စတာ ထရမ့်ဟာ အမေရိကန် အမျိုးသားနေ့ သတ်မှတ်ရေး ကြေညာစာတမ်းကိုလည်း လက်မှတ် ရေးထိုးခဲ့ပါတယ်။

မစ္စတာ ထရမ့်ရဲ့ မူဝါဒတွေကို အိမ်ဖြူတော် ဝက်ဘ်ဆိုဒ်မှာ ဖော်ပြထားရာမှာ ကမ္ဘာ့ရာသီဥတု ဖောက်ပြန်မှု၊ လူမှုအခွင့်အရေး၊ ကျန်းမာရေးနဲ့ လိင်တူလိင်ခွဲ အခွင့်အရေး ကိစ္စတွေ မပါဝင်ပဲ ဖြစ်နေပါတယ်။

စွမ်းအင်၊ နိုင်ငံခြားရေး၊ အလုပ်အကိုင်၊ စီးပွားရေး၊ စစ်ရေးနဲ့ ဥပဒေစိုးမိုး ကိစ္စတွေကိုပဲ ဒီ ဝက်ဆိုဒ်မှာ လောလောဆယ် ဖော်ပြထားပါတယ်။

BBC Burmese
http://www.bbc.com/burmese



 NCA စာချုပ်မှာ လက်မှတ်မထိုးခဲ့တဲ့ ရှမ်းမြောက်အဖွဲ့
ရှမ်းပြည် တိုးတက်ရေး ပါတီ ရှမ်းပြည်တပ်မတော် မြောက်ပိုင်း(SSPP/SSA ) နဲ့ မြန်မာ တပ်တော်ကြား စနေနေ့မှာ တိုက်ပွဲနှစ်ကြိမ် ဖြစ်ပွားခဲ့ပါတယ် ။

ရှမ်းပြည်နယ် မြောက်ပိုင်း မိုင်းရှူး မြို့နယ်ထဲက တောင်ကုန်းတွေမှာ တစ်နာရီ ကျော်ကြာ နှစ်ကြိမ် ဖြစ်ခဲ့ပါတယ် ။

ဘိန်းခင်းတွေ ဖျက်ဆီးဖို့ ဆိုတဲ့ အကြောင်းပြချက်နဲ့ SSPP ထိန်းချုပ်နယ်မြေထဲကို တပ်မတော်က ဝင်လာတဲ့ အတွက် တိုက်ပွဲဖြစ်ရတာလို့SSPP/SSA ရဲ့ ပြောရေးဆိုခွင့်ရှိသူ ဗိုလ်မှူး ဆိုင်းဆုက ပြောပါ တယ် ။

တိုက်ပွဲအတွင်း အကျအဆုံး ရှိနေပေမယ့် အခုချိန်ထိ မသိရသေးဘဲ တိုက်ပွဲဖြစ်တဲ့နေရာဟာ ကျေး ရွာတွေနဲ့ ဝေးတဲ့ တောင်ကုန်းတွေပေါ်မှာ ဖြစ်ခဲ့တာ ဖြစ်ပါတယ် ။

SSPP/SSA အဖွဲ့ဟာ ဦးသိန်းစိန် အစိုးရ လက်ထက်က ပြည်နယ်အဆင့် ပြည်ထောင်စုအဆင့် အပစ်အခတ် ရပ်စဲရေး လက်မှတ်ထိုးထားတဲ့အဖွဲ့ ဖြစ်ပါတယ် ။

သို့သော်လည်း NCA စာချုပ်မှာတော့ လက်မှတ်မထိုးခဲ့ပါဘူး။

သူတို့အဖွဲ့ အနေနဲ့ NCA မှာ လက်မှတ်ထိုးဖို့ ကြိုးစားနေတဲ့ အချိန်မှာ အခုလိုမျိုး တိုက်ပွဲတွေ ဖြစ်လာရင် အောင်မြင်နိုင်မှာ မဟုတ်ဘူးလို့လဲ ဗိုလ်မှူးစိုင်းဆုက ပြောပါတယ် ။

NLD အစိုးရ လက်ထက်မှာ SSPP/SSA နဲ့ မြန်မာ့တပ်တော်တို့ တိုက်ပွဲ သုံးကြိမ်ဖြစ်ခဲ့ပြီး ထောင်ကျော်တဲ့ ဒုက္ခသည်တွေ အခုချိန်ထိ အိမ်မပြန်နိုင်သေးပါဘူး ။

ဒီတိုက်ပွဲနဲ့ ပတ်သက်လို့ မြန်မာ့ တပ်မတော်ဘက်ကို ဆက်သွယ်ခဲ့ပေမယ့် ဆက်သွယ်လို့ မရခဲ့ပါဘူး ။

BBC Burmese
http://www.bbc.com/burmese


TNLA တပ်သားများ
ရှမ်းမြောက်ဘက်မှာ အပစ်မရပ်ရသေးတဲ့ တိုင်းရင်းသားလက်နက်ကိုင်တွေနဲ့ မြန်မာ့တပ်မတော်တို့ကြား တိုက်ပွဲတွေက ဒီကနေ့မှာ ဆက်ပြင်းထန်နေဆဲပဲလို့ TNLA တအောင်းတပ်ဖွဲ့က ပြောပါတယ်။ ဒီလိုတိုက်ပွဲတွေပြင်းထန်နေတာဟာ နိုင်ငံတော်အတိုင်ပင်ခံပုဂ္ဂိုလ် ဖော်ဆောင်လိုတဲ့ ငြိမ်းချမ်းရေးလုပ်ငန်းစဉ်ကို အဟန့်အတားဖြစ်စေပြီး စစ်ပွဲတွေကို အမြန်ဆုံးရပ်ပြီး တိုင်းရင်းသား လက်နက်ကိုင်အဖွဲ့တွေ အားလုံး ပါဝင်တဲ့ နိုင်ငံရေးအရ တွေ့ဆုံဆွေးနွေးမှုတွေ ဖန်တီးပါလို့ တိုင်းရင်းသားခေါင်းဆောင်တဦးဖြစ်တဲ့ နိုင်ဟံသာ က တိုက်တွန်းလိုက်ပါတယ်။ အပြည့်အစုံကို မဆုမွန် ဆက်ပြောပြပေးပါမယ်။

အပစ်မရပ်ရသေးတဲ့ တိုင်းရင်းသားလက်နက်ကိုင် အဖွဲ့တွေဖြစ်တဲ့ ကချင်လွတ်မြောက်ရေးတပ်နဲ့ TNLA တအာင်းတပ်တွေနဲ့ မြန်မာ့တပ်မတော်တို့ကြား ကချင်နဲ့ ရှမ်းမြောက်ဒေသတွေဘက်မှာ တိုက်ပွဲတွေ ဖြစ်ပြီးစစ်ရေးတင်းမာနေဆဲ အခြေအနေဖြစ်ပါတယ်။ အခုရက်ပိုင်းတွေမှာတော့ ရှမ်းမြောက်ဒေသ ကွတ်ခိုင်၊ နမ့်ဆန် ၊ နမ့်ခမ်းမြို့နယ် မိုင်းဝိုင်းနဲ့ မန်တုံဒေသတွေမှာ တိုက်ပွဲတွေ ပြင်းပြင်းထန်ထန်ဖြစ်ခဲ့တယ်လို့ TNLA တအာင်းတပ်ဖွဲ့ ပြန်ကြားရေးတာဝန်ခံ ဗိုလ်မှူး မိုင်းအိုက်ကျော်က ဗွီအိုအေမြန်မာပိုင်းကိုပြောပါတယ်။

“ကွတ်ခိုင်ဒေသမှာ တိုက်ပွဲတွေဖြစ်တယ်။ ကွတ်ခိုင်မြို့ နယ်၊ ပန်ကူ ကျေးရွာနဲ့ပန်လုံကျေးရွာကြားမှာ တိုက်ပွဲကတော်တော်လေးပြင်းထန်တယ်။ မနက် ၈ နာရီ ၄၅ လောက်ကစပြီး ၁၂ နာရီကျော်ကျော်ထိ တောက်လျောက်ဖြစ်တယ်။ ထိုးစစ်ကတော့ နေရာအနှံ့ တော်တော်လေးများတယ်။ အဲဒီမှာ နှစ်ရက် သုံးရက်ဆက်တိုက် တောက်လျောက်ပဲ သူတို့လက်နက်ကြီးတွေနဲ့ ပစ်တယ်။ တောက်လျောက် ဒီမန်တုံဘက်ကရော၊ လှမ်းပြီးပစ်တယ်။ နမ့်ဆန်ဘက်ကရောပစ်တယ်။ အထူးသဖြင့်ကတော့ နမ့်ဆန်မြို့ အနောက်ဘက်ခြမ်းမှာ အဲဒီင်္ဘက်မှာ ဦးတည်ပြီးပစ်တယ်။ ကျနော်တို့ဒေသဘက်က လှုပ်ရှားမှုတွေအားလုံး အတော်များများ တပ်တွေဖြန့်ထားတယ်။ ထိုးစစ်လည်း တောက်လျောက် တောတွင်းအထိပါ သူတို့အားလုံး အထိပါ သူတို့အားလုံး ထိုးစစ်တွေလိုက်ပြီးတော့ တိုက်ခိုက်တယ်”

ပြည်တွင်းငြိမ်းချမ်းရေးရနိုင်ဖို့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကိုယ်တိုင်ဦးဆောင်ပြီး တနိုင်ငံလုံးအတိုင်းအတာနဲ့ အပစ်အခတ်ရပ်စဲရေး ဖော်ဆောင်နိုင်ဖို့ကြိုးစားနေပေမဲ့လို့ အခုလို တိုင်းရင်းဒေသတွေမှာ တိုက်ပွဲတွေဖြစ်နေဆဲ အနေအထားအပေါ် ပြေလည်နိုင်အောင် ညှိနှိုင်းစေချင်တယ်လို့ တိုင်းရင်းသားလက်နက်ကိုင်အဖွဲ့အစည်းတွေ စုဖွဲ့ထားတဲ့ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီက တိုင်းရင်းသားခေါင်းဆောင်တဦးဖြစ်တဲ့ နိုင်ဟံသာက အခုလိုပြောပါတယ်။

“ အေး ကျနော်တို့ပြောချင်တာကတော့လေ ငြိမ်းချမ်းရေးကိုတည်ဆောက်ချင်ရင် တဘက်နဲ့တဘက် အမြင်ကြည်လင်ဖို့လိုတယ်။ နော် မင်္သကာမှုတွေ၊ ယုံကြည်မှုတွေ ပိုမိုပြီးတော့ ပျက်ပြားစေနိုင်တဲ့လုပ်ငန်းတွေ မလုပ်စေချင်ဘူး။ အခုညှိုနေတုန်းပဲလေနော်။ ကျနော်တို့မြင်တာကတော့ ဒီ စစ်မှန်တဲ့ ဒီငြိမ်းချမ်းရေးကို လိုလားရင် လက်နက်ကိုင်တိုင်းရင်းသားအဖွဲ့တွေအားလုံး ပါဝင်ဖို့လိုတယ်။ ဒါက တစ်အချက်နော်။ နောက်ပြီးတော့ အဲဒီလိုပါဝင်ဖို့ ဆိုတာကလည်း အဲဒီ ၂၁ ရာစု ပင်လုံကို ဒီဒုတိယအကြိမ် ပင်လုံကိုပေါ့လေ၊ အဲဒီမှာ အားလုံးပါဝင်နိုင်ဖို့ ပါဝင်တဲ့နေရာမှာလည်း အားလုံးက တန်းတူညီတူပေါ့ တက်သည့်သဘောမျိုး ဖြစ်စေချင်တယ်။ ပုံမှန်NCA ကိုလက်မှတ်မရေးထိုးရသေးလို့ ဆိုပြီးတော့မှ ဒါကို လေ့လာသူအနေနဲ့ပဲ စသဖြင့်ပေါ့လေ။ အဲသလိုမျိုး ထားမယ်ဆိုရင်တော့ ဖြစ်နိုင်မယ့်အလားအလာမရှိဘူးလို့ ကနော်မြင်တယ်။ ”

စစ်ရေးတင်းမာနေတဲ့ ရှမ်းမြောက်ဒေသနဲ့ကချင်ဘက်တွေမှာ တိုက်ပွဲကြောင့် အရပ်သားအချို့ ထိခိုက်သေဆုံးမှုတွေရှိသလို ထောင်ချီတဲ့ ဒေသခံပြည်သူတွေ စစ်ဘေးရှောင်နေကြရပြီး ဒေသခံအရပ်သားအချို့မှာလည်း တိုင်းရင်းသားလက်နက်ကိုင်အဖွဲ့တွေနဲ့ ဆက်သွယ်မှုတွေလည်း ဖမ်းဆီး အရေးယူခံရမှုတွေရှိနေတာပါ။ ဒီလို အရပ်သားတွေ စစ်ဘေးသင့်နေရတဲ့ အခြေအနေအပေါ် နိုင်ဟံသာက အခုလိုပြောပါတယ်။

“အခုကလည်း ကျနော်တို့ ကြားမိသလောက်ပေါ့လေ။ မဆီမဆိုင် လူထုတွေကိုပါ ဒုက္ခပေးပြီးတော့ လူထုတွေ ထွက်ပြေးနေရတဲ့ အနေအထားမျိုးတွေ၊ လူထုတွေ ဒုက္ခရောက်နေတဲ့ အနေအထားမျိုးတွေ၊ အဲ့ဒီပုံစံကတော့ လူထုကိုအကြပ်ကိုင်ပြီးတော့ သက်ဆိုင်ရာအဖွဲ့အစည်းကို ထားပျော့ပြောင်းလာအောင် သဘောကတော့ စိတ်ပျော့လာအောင် ဖိအားပေးတဲ့ ပုံစံမျိုးဖြစ်နေတယ်။ဒီလိုမျိုး ငြိမ်းချမ်းရေးကိုတည်ဆောက်တဲ့နေရာမှာ ဖိအားပေးတဲ့ပုံစံမျိုးနဲ့တော့ စစ်မှန်တဲ့ ငြိမ်းချမ်းရေးကို မရနိုင်ဘူးလို့ ကျနော်တို့မြင်တယ်။ ဘာကြောင့်လဲဆိုတော့ ကျနော်တို့အခု ကြိုးပမ်းနေတာကတော့ တနိုင်ငံလုံး အပစ်အခတ်ရပ်စဲရေးကနေပြီးတော့ ငြိမ်းချမ်းရေးကိုတည်ဆောက်ဖို့။ သုံးလေးဖွဲ့ကို ချန်ထားလိုက်ရင် အဲ့ဒီဘက်မှာ ဆက်လက်ပြီးတော့ ဆူညံနေဦးမှာပဲလေ။ တိုက်ပွဲတွေဖြစ်နေဦးမှာပဲ။ ဒါဆိုရင်တော့ အဓိပါယ်မရှိပါဘူး။ ကျနော်တို့ ကြိုးပမ်းနေတာကတော့ တနိုင်ငံလုံး အပစ်အခတ်ရပ်စဲရေးနဲ့ ငြိမ်းချမ်းရေးဆိုတော့ သူတို့ကို ချန်ထားရင် စစ်မှန်တဲ့ ငြိမ်းချမ်းရေးကတော့ ဘယ်လိုမှ မရနိုင်ဘူး။”

တိုက်ပွဲတွေကြား အခုလို အရပ်သားသေဆုံးမှု၊ ထိခိုက်ဒဏ်ရာရမှုတွေမှာ တပ်မတော်နဲ့ တိုင်းရင်းသားလက်နက်ကိုင်အဖွဲ့တွေကြား အပြန်အလှန်စွပ်စွဲမှုတွေရှိနေတဲ့အပေါ် TNLA ပြောခွင့်ရကတော့ အခုလိုတုန့်ပြန်ပါတယ်။

“အဓိကကတော့ လူထုကို ပိုပြီး ကြည့်တာပေါ့နော်။ လူထုကိုမေးကြည့်ရင်တော့ အားလုံးသိတယ်။ အရပ်သားတွေကို ဖမ်းဆီးစစ်ဆေးတာတို့၊ မနှစ်ကလည်း ကျနော်တို့ နမ့်ခမ်း၊ ဆမ်လဘက်မှာ လူနေသုံးလေးအိမ်လောက်ကို ၀င်ပြီးမွှေနှောက်သွားတယ်။ အဲလိုမျိုးလည်းရှိတယ်။ အစိုးရဘက်က လက်နက်ကြီးတွေ၊ လေယာဉ်တွေနဲ့ပစ်ခတ်တာတွေလည်းရှိတယ်။ ”

အခုလိုတိုက်ပွဲတွေ ဖြစ်ပွားနေဆဲအခြေအနေအပေါ် ပြေလည်အောင်ညှိနှိုင်းနိုင်ဖို့ မြန်မာအစိုးရငြိမ်းချမ်းရေးကော်မရှင်ဘက်က ကိုယ်စားလှယ်တွေနဲ့ တိုင်းရင်းသား လက်နက်ကိုင်အဖွဲ့တွေ ဆွေးနွေးနေကြသလို၊ တိုင်းရင်းသားလက်နက်ကိုင်တွေ နဲ့ မြန်မာ့တပ်မတော်ကြား စစ်ရေးတင်းမာမှုတွေဖြစ်နေတဲ့အတွက် အပစ်ရပ်ထားတဲ့တိုင်းရင်းသားလက်နက်ကိုင် ကိုယ်စားလှယ်တွေဘက်ကလည်း အရေးပေါ်အစည်းအဝေး ခေါ်ယူဆွေးနွေးခဲ့ကြသလို လက်ရှိ အခြေအနေတွေနဲ့ပတ်သက်လို့ ဆွေးနွေးတင်ပြနိုင်ဖို့ နိုင်ငံတော်အတိုင်ပင်ခံပုဂ္ဂိုလ်နဲ့လည်း ရှေ့သီတင်းပတ်ထဲ တွေ့ဆုံကြဖို့ စီစဉ်နေတယ်လို့သိရပါတယ်။

  မဆုမွန် / ဗွီအိုအေ (မြန်မာပိုင်း)
http://burmese.voanews.com



ဗြိတိန်နိုင်ငံခြားရေးဝန်ကြီး Boris Johnson ဟာ ဇန်နဝါရီလ ၂၁ ရက်နေ့က ရန်ကုန်ဆေးရုံကြီးကို လေ့လာစဉ်။ Photo: Kaung Htet Kyaw/RFA
ဗြိတိန်နိုင်ငံခြားရေးဝန်ကြီး Boris Johnson ဟာ ရခိုင်အရေးနဲ့ စစ်ပွဲဖြစ်ပွားနေတဲ့ ဒေသတွေနဲ့ပတ်သက်ပြီး ပူပန်မိကြောင်း နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဆုံစဉ်မှာ ပြောကြားခဲ့တယ်လို့ ရန်ကုန်မြို့မှာရှိတဲ့ ဗြိတိန်သံရုံးက သတင်းထုတ်ပြန်ပါတယ်။

ဗြိတိန်နိုင်ငံခြားရေးဝန်ကြီးဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ နေအိမ်မှာ မနေ့က သွားရောက်တွေ့ဆုံခဲ့တာဖြစ်ပြီး နှစ်နိုင်ငံကြားဆက်ဆံရေးနဲ့ မြန်မာအစိုးရရဲ့ ပြုပြင်ပြောင်းလဲမှုကိစ္စရပ်တွေ၊ ကျန်းမာရေးနဲ့ ပညာရေးကဏ္ဍတွေမှာ ဗြိတိန်အစိုးရက အထောက်အပံ့ပေးသွားမယ့်အကြောင်းလည်း ဆွေးနွေးခဲ့ ကြတယ်လို့ ပါရှိပါတယ်။

ဒါ့အပြင် ဒေါ်အောင်ဆန်းစုကြည် ဦးဆောင်တဲ့ ငြိမ်းချမ်းရေးလုပ်ငန်းစဉ်ကို ပံ့ပိုးသွားမယ့်အကြောင်းနဲ့ ရခိုင်ပြည် နယ်က လူသားချင်းစာနာထောက်ထားမှုဆိုင်ရာ ကိစ္စရပ်တွေကို ဖြေရှင်းတဲ့နေရာမှာ ဗြိတိန်နိုင်ငံက ကူညီဖို့အသင့် ရှိကြောင်းလည်း ပြောခဲ့ပါတယ်။

ဗြိတိန်နိုင်ငံ နိုင်ငံခြားရေးဝန်ကြီးဟာ ဒီနေ့မနက်က ရန်ကုန်ဆေးရုံကြီးနဲ့ ရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့ YHT ရုံးခန်းကို သွားရောက်လေ့လာခဲ့ပါတယ်။

ရန်ကုန်ပြည်သူဆေးရုံကြီးမှာ လိုအပ်တာတွေကို တတ်နိုင်သလောက်ကူညီပေးသွားမယ်လို့ ဆေးရုံတာဝန်ရှိသူတွေ ကို ပြောကြားခဲ့တယ်လို့ သိရပါတယ်။ အဲဒီနောက် YHT ဥက္ကဌ ဒေါက်တာသန့်မြင့်ဦးနဲ့ ဝန်ကြီးများရုံးကို သွားရောက်လေ့လာခဲ့ပါတယ်။

ဗြိတိန်နိုင်ငံခြားရေးဝန်ကြီးဟာ မနေ့က ပြည်ထဲရေးဝန်ကြီး ဒုတိယဗိုလ်ချုပ်ကြီး ကျော်ဆွေနဲ့လည်း တွေ့ဆုံခဲ့ ပါတယ်။ အဲဒီလိုတွေ့ဆုံရာမှာ ရခိုင်ပြည်နယ်က လုံခြုံရေး တပ်ဖွဲ့ဝင်တွေ တိုက်ခိုက်ခံခဲ့ရတာကို ၀မ်းနည်းကြောင်း၊ ရခိုင်အရေးနဲ့ ငြိမ်းချမ်းရေးလုပ်ငန်းစဉ်တွေကို ဆွေးနွေးခဲ့ပါတယ်။

ဒါ့အပြင် ရခိုင်ပြည်နယ်က လူ့အခွင့်အရေးချိုးဖောက်မှုဆိုင်ရာ အစီရင်ခံစာတွေနဲ့ပတ်သက်ပြီး စိုးရိမ်ပူပန် မိကြောင်းနဲ့ လုံခြုံရေးကို နိုင်ငံတကာစံနှုန်းတွေနဲ့အညီ ဆောင်ရွက်ဖို့ အရေးကြီးကြောင်း ပြောကြားခဲ့တယ်လို့ ဗြိတိန်သံရုံးရဲ့ ထုတ်ပြန်ချက်မှာ ပါရှိပါတယ်။

RFA Burmese
http://www.rfa.org/burmese



ဓာတ်ပုံ- NLD ထိပ်ပိုင်းခေါင်းဆောင် ဦးဝင်းထိန်နှင့်စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်တို့အားတွေ့ရစဉ်
မုံရွာ၊ ဇန်န၀ါရီ-၂၁

NLDပါတီ မြို့နယ် အလုပ်အမှုဆောင်အဖွဲ့များနှင့် အစေးမကပ် သော ၀န်ကြီးများနှင့် လွှတ်တော်အမတ် များ အလားအလာ မ ကောင်းနိုင်ဟု မုံရွာမြို့သို့ ရောက်ရှိနေသော အမျုိးသားဒီမိုကရေစီ အဖွဲ့ချုပ် ပါတီ ဗဟို အတွင်းရေးမှူး အဖွဲ့ဝင် ဦးဝင်းထိန်က သတိပေး ပြောကြားလိုက်ကြောင်းသတင်းရရှိသည်။

ဦးဝင်းထိန်သည် စစ်ကိုင်းတိုင်းဒေသကြီး အစိုးရအဖွဲ့၊ လွှတ်တော်အမတ်များ၊ တိုင်း၊ခရိုင်၊မြို့နယ်အလုပ်အမှုဆောင် အဖွဲ့များ၊ လူငယ်အဖွဲ့ဝင်များ နှင့် မုံရွာမြို့ မြို့တော်ခန်းမတွင် ယနေ့ မနက်၁၀ နာရီက တွေ့ဆုံပွဲ ကျင်းပ ရာ အထက်ပါအတိုင်းပြောလိုက်ခြင်းဖြစ်သည်။

" အစိုးရ အဖွဲ့ ရောက်တဲ့နေရာတိုင်း မြို့နယ်၊ခရိုင် အလုပ်အမှုဆောင် (EC) အဖွဲ့နဲ့အဆက်အသွယ်လုပ်ပါ၊ အဖွဲ့ချုပ် EC နဲ့ လွှတ်တော်ကိုယ်စားလှယ်တွေကလည်း ဆက်သွယ်ရမယ်၊ စိတ်ကောက်မနေနဲ့သွားတွေ့ပါ၊ အခုကိုယ်စားလှယ်တွေက EC အဖွဲ့ ၀ိုင်းတွန်းပေးလို့ နိုင်ခဲ့တာ၊ အဲဒီအချက်မမေ့နဲ့၊ အစေးမကပ်ရင် ၊အလားအလာ မကောင်းဘူး၊အမျုိးသားဒီမိုကရေစီအဖွဲ့ချုပ်သောင်ပြို ကမ်းပြို နိုင်ခဲ့တာ လူထု က ဒေါ်အောင်ဆန်းစုကြည်ကို ယုံကြည်လို့ဆိုတာ မမေ့နဲ့၊ ကိုယ်ဘာသာ တော်တယ်လို့ထင်ရင် မှားနေပြီ၊ အဲလို ယုံရင် တစ်သီးပုဂ္ဂလ ၀င်ရွှေးခံလိုက်ကြပါလား၊ ဒါကြောင့် စည်းရုးံရေးစွမ်းအင် ကြောင့်ဆိုတာ မမေ့နဲ့ " ဟု ဦးဝင်းထိန်ကပြောကြားလိုက်သည်။


ယင်းတွေ့ဆုံပွဲတွင် ဦးဝင်းထိန်အမှာစကားပြောကြားခြင်းကို သာ မီဒီယာများ သတင်းတက်ရောက်ယူခွင့်ပေးခဲ့ပြီး ၊ မြို့နယ် အသီးသီးမှ ပါတီဝင်များ တင်ပြချက် များမှာ တံခါးပိတ် အစည်းအဝေးဖြစ်သောကြောင့် သတင်းယူခွင့်မပေးခဲ့ပေ။

Monywa Gazette
https://www.facebook.com/monywagazette



 ဗြိတိန်နိုင်ငံက အီးယူက နုတ်ထွက်ဖို့ လုပ်နေပြီး ပြည်တွင်းရေး ဦးစားပေးတဲ့ အမေရိကန်သမ္မတသစ်လည်း တက်လာခဲ့တဲ့အတွက် ဥရောပက ဘက်က အမျိုးသားရေးဝါဒီ ပါတီတွေ ရွေးကောက်ပွဲနိုင်ဖို့ မျှော်လင့်ချက်တွေ ရှိလာ
ပြင်သစ်နိုင်ငံရဲ့ အမျိုးသားတပ်ဦး ပါတီ ခေါင်းဆောင် မရင်း လပန်းက အမျိုးသားရေးဝါဒ ခေါင်းထောင်လာတာကို ကြိုဆိုတယ်လို့ ဂျာမနီက အစည်းအဝေးတခုမှာ ပြောဆိုလိုက်ပါတယ်။

ရွေးကောက်ပွဲဝင်ကြဖို့ရှိနေတဲ့ ဥရောပက အမျိုးသားရေး ဦးစားပေး လက်ယာစွန်းဝါဒီ နိုင်ငံရေးခေါင်းဆောင်တွေ စုလုပ်ကြတဲ့ အစည်းအဝေးမှာ မစ္စ လပန်းက အခုလို ပြောခဲ့တာ ဖြစ်ပါတယ်။

သူ့ရဲ့ ပြောဆိုချက်ကို အစည်းအဝေး တက်ရောက်လာတဲ့ နယ်သာလန် နိုင်ငံရေးသမား ဂတ် ဝီလဒါကလည်း ထောက်ခံ ပြောဆိုခဲ့ပါတယ်။

ကိုဘလန့်ဇ်မြို့က ဒီအစည်းအဝေးကို ထောင်နဲ့ချီပြီး ဆန္ဒပြသူတွေရှိတဲ့အတွက် ရဲတထောင်ကျော်လောက် လုံခြုံရေးချထားရပါတယ်။

ဒီအစည်းအဝေးကို ဆန္ဒပြသူတဦးက

'ကျနော်တို့ ဖက်ဆစ်ဝါဒကို ကြိုဆိုတဲ့ ခေါင်းဆောင်တွေနဲ့ ကြုံနေရပါတယ်။ ဒီလို ဖက်ဆစ်ဝါဒ ပြန်ပြီး ခေါင်းထောင်လာတာကို တကမ္ဘာလုံးက ဆန့်ကျင်တယ်ဆိုတာ ပြတဲ့ အနေနဲ့ အခုလို ဆန္ဒလာပြတာပါ' လို့ ပြောဆိုခဲ့ပါတယ်။

ဗြိတိန်နိုင်ငံက အီးယူက နုတ်ထွက်ဖို့ လုပ်နေပြီး ပြည်တွင်းရေး ဦးစားပေးတဲ့ အမေရိကန်သမ္မတသစ်လည်း တက်လာခဲ့တဲ့အတွက် ဥရောပက ဘက်က အမျိုးသားရေးဝါဒီ ပါတီတွေ ရွေးကောက်ပွဲနိုင်ဖို့ မျှော်လင့်ချက်တွေ ရှိလာတာ ဖြစ်ပါတယ်။

BBC Burmese
http://www.bbc.com/burmese



လန်ဒန်က ထရမ့်ဆန့်ကျင်ရေး အမျိုးသမီး ချီတက်ပွဲ
အမေရိကန် သမ္မတ နေရာကို ဒေါ်နယ်ထရမ့် ရောက်လာပြီး နောက်တစ်ရက် မှာပဲ ထရမ့် ဆန့်ကျင်ရေး နိုင်ငံတကာ လှုပ်ရှားမှု တွေ ပေါ်ပေါက် လာတာမှာ ယူကေ တနံတလျားက မြို့ကြီး တွေမှာလည်း ချီတက် ဆန္ဒပြပွဲတွေ ပြုလုပ် လာပါတယ်။

ဝါရှင်တန်ဒီစီ မြို့တော်မှာ လူပေါင်း နှစ်သိန်း လောက်ထိ ပါဝင်လာဖို့ မျှော်လင့်ထားတဲ့ အမျိုးသမီး ချီတက် လှုပ်ရှားမှုနဲ့ ထပ်တူ သွေးစည်း ညီညွတ်ကြောင်း ပြသဖို့ အခုလို ယူကေ မြို့ကြီး တွေ မှာလည်း ပြုလုပ် ကြတာ ဖြစ်ပါတယ်။

လန်ဒန် အပါအဝင်၊ မြောက်အိုင်ယာလန် မြို့တော် ဘဲလ်ဖတ်စ်၊ ဝေလပြည်နယ် မြို့တော် ကားဒစ်ဖ်၊ စကော့တလန် မြို့တော် အက်ဒင်ဘရာ နဲ့ အင်္ဂလန် မြို့ကြီး တွေ ဖြစ်တဲ့ လန်ကက်စတာ၊ လိဒ်စ်၊ လစ်ဗာပူး နဲ့ မန်ချက်စတာ မြို့တွေ မှာ ချီတက် ခဲ့ကြတာပါ။

လန်ဒန်မြို့ အမေရိကန် သံရုံ ရှေ့ကနေ မြို့လယ် အချက်အချာ နေရာ ထြာဖားလ်ဂါး ရင်ပြင် အထိ စုဝေ ချီတက် ခဲ့ကြပြီး၊ အဲဒီကနေ တဆင့် လန်ဒန် မြို့လယ် လမ်းတွေပေါ် ဖြတ်သန်း ကြရင်းသား 'တံတိုင်း တွေ အစား၊ တံတားတွေကို ဆောက်ကြ' ကြွေးကြော်သံတွေ ဟစ်ကြွေး ခဲ့ကြပါတယ်။

ဒေါ်နယ်ထရမ့် အစိုးရသစ် လက်ထက် အမျိုးသမီးတွေရဲ့ တန်းတူ အခွင့်အရေး အခြိမ်းခြောက် ခံရနိုင်တယ် လို့ ဆန္ဒပြသူတွေက ရှုမြင် ထားကြပါတယ်။

ဒေါ်နယ်ထရမ့် အနေနဲ့ အမျိုးသမီးတွေကို လေးစား တန်ဖိုး ထားမှု မရှိပဲ ရုန့်ရင်းကြမ်းတမ်းစွာ ပြောဆို ခဲ့တာကို ဖော်ပြနေတဲ့ ဗီဒီယိုဖိုင် တစ်ခု ထွက်ပေါ် လာခဲ့ဖူးပြီး၊ အဲဒီ အချိန် ကတည်းက ထရမ့် အပေါ် အမျိုးသမီးထု အပါအဝင် လိင်ခွဲခြားမှုကို ဆန့်ကျင်သူတွေက ပြင်းပြင်းထန်ထန် ဝေဖန် ခဲ့ကြပါတယ်။

ဩစတြေးလျ နိုင်ငံမှာလည်း ထရမ့်အပေါ် တခဲနက် ဆန့်ကျင် ခဲ့ကြတာမှာ ဆစ်ဒနီ မြို့ ဆန္ဒ ပြပွဲမှာ ဆိုရင် ဟိုက်ဒ်ပါ့ခ် ပန်းခြံထဲ လူတွေ ထောင်ဂဏန်း တချို့ စုဝေး ခဲ့ကြပါတယ်။

BBC Burmese
http://www.bbc.com/burmese


ဝါရှင်တန်၊ ဇန်နဝါရီ ၂၁ ရက် (ဆင်ဟွာ)

အမေရိကန်နိုင်ငံ သမ္မတသစ်အဖြစ် ဒေါ်နယ်ထရမ့်က ကျမ်းသစ္စာ ကျိန်ဆိုခဲ့ပြီးနောက် နေ့လည်ပိုင်းတွင် ဝါရှင်တန်မြို့၌ ဆန္ဒပြသူများနှင့် ရဲတပ်ဖွဲ့ဝင်များအကြား အဓိကရုဏ်း ဖြစ်ပွားခဲ့ရာ ဆန္ဒပြသူ ၉၅ ဦးကို ဖမ်းဆီးခဲ့ကြောင်း သိရသည်။

ဝါရှင်တန်ဒီစီရှိ Capitol အဆောက်အအုံ၌ ကျမ်းသစ္စာ ကျိန်ဆိုပွဲ အခမ်းအနား ပြုလုပ်ပြီးနောက် အိမ်ဖြူတော် အနီးတွင် ဆန္ဒပြသူများက ပြတင်းပေါက်များ ရိုက်ချိုးခြင်း၊ ကားများ ပျက်စီးစေခြင်း၊ ရဲတပ်ဖွဲ့ဝင်များအား ကျောက်ခဲများဖြင့် ပစ်ပေါက်ခြင်း စသည့် အကြမ်းဖက် အပြုအမူများ လုပ်ဆောင်ခဲ့သဖြင့် လူ ၉၅ ဦးကို ဒေသစံတော်ချိန် နေ့လည် ၂း၀၀ နာရီအချိန်က ဖမ်းဆီးခဲ့ကြောင်း ဝါရှင်တန် ရဲတပ်ဖွဲ့က ပြောကြားခဲ့သည်။


၁၂ လမ်းနှင့် K လမ်းများအနီး ပုလင်းများ၊ ကျောက်ခဲများ ကိုင်ဆောင်ထားသည့် ဆန္ဒပြသူများအား လူစုခွဲရန် ရဲတပ်ဖွဲ့က မျက်ရည်ယိုဓာတ်ငွေ့များ၊ ငြုပ်ကောင်း စပရေးများ အသုံးပြုခဲ့ကြောင်း၊ အဆိုပါ ပဋိပက္ခ၌ ရဲတပ်ဖွဲ့ဝင် နှစ်ဦး ဒဏ်ရာရရှိကာ ဆေးရုံသို့ ပို့ဆောင်ထားကြောင်း၊ အသက်အန္တရာယ် မစိုးရိမ်ရကြောင်း သိရသည်။

အမေရိကန် သမ္မတ ကျမ်းကျိန်ပွဲ မစတင်မီ တစ်နာရီခန့်၌ ထရမ့်အား ဆန့်ကျင်သော အမည်းရောင်များ ဝတ်ဆင်ထားသူ ၅၀၀ ခန့်က ဝါရှင်တန် မြို့လယ်ရှိ အိမ်ဖြူတော် အနီး လမ်းများတလျှောက် “No Hate, No Place” နှင့် “Make Racists Afraid Again” ဆိုင်းဘုတ်များ ကိုင်ဆောင်ကာ ဆန္ဒပြခဲ့ကြသည်။


ယင်းနေ့ နံနက် အစောပိုင်းကလည်း ဆန္ဒပြသူများသည် အခမ်းအနား ကျင်းပရာ လမ်းတလျှောက်သို့ သွားမည့် ဝင်ပေါက်များကို ပိတ်ဆို့ရန် ကြိုးစားခဲ့ကြသည်။

အမျိုးသား အစောင့်စစ်သည် ၇,၈၀၀ အပါအဝင် လုံခြုံရေး တပ်ဖွဲ့ဝင် ၂၈,၀၀၀ ဦးတို့အား အခမ်းအနား ကျင်းပရာ လမ်းတလျှောက်၌ တပ်ဖြန့်ထားခဲ့ကြောင်း သိရသည်။

ထရမ့်၏ ကျမ်းကျိန်ပွဲသို့ လူဦးရေ ၉၀၀,၀၀၀ ခန့် တက်ရောက်ခဲ့ကြပြီး မျှော်မှန်းထားသည်ထက် လူအနည်းငယ် ပိုများခဲ့သည်ဟု ဆိုသည်။

ထရမ့်သည် ခေတ်သစ် သမိုင်း၌ အမေရိကန် လူထု ထောက်ခံမှု ၄၀ ရာခိုင်နှုန်းသာရရှိခဲ့သည့် အမေရိကန် သမ္မတ တစ်ဦး ဖြစ်ကြောင်း လတ်တလော ကောက်ယူထားသော ABC/ The Washington Post သတင်းဋ္ဌာနများ၏ စစ်တမ်းအရ သိရသည်။

(Xinhua)
China Xinhua News



ကချင်ပြည်နယ် ဖားကန့်မြို့နယ် နမ့်မဖြစ်ရွာမှာ သေနတ်နဲ့ ပစ်သတ်ခံရတဲ့ ကျောင်းဆရာ ဦးအောင်ဇင်ထွန်းရဲ့ ဈာပနကို ဇန်နဝါရီလ ၂ဝ ရက်နေ့က တွေ့ရစဉ်
ကချင်ပြည်နယ် ဖားကန့်မြို့နယ် နမ့်မဖြစ်ရွာ အလယ်တန်းကျောင်းက သေနတ်နဲ့ ပစ်သတ်ခံရတဲ့ ဆရာ ဦးအောင်ဇင်ထွန်းရဲ့ ဈာပနကို ဆရာ ဆရာမတွေနဲ့ ကျောင်းသားတွေ အပါအဝင် ဒေသခံပြည်သူ ငါးထောင် ဝန်းကျင် ဒီကနေ့ လိုက်ပါပို့ဆောင်ခဲ့ပါတယ်။

ဆရာ ဦးအောင်ဇင်ထွန်းရဲ့ အသုဘကို လိုက်ပါပို့ဆောင်ခဲ့တဲ့ ဖားကန့်ဒေသခံ ဦးတင်လှိုင်က အခုလို ကျောင်းဆရာ တစ်ယောက် လုပ်ကြံသတ်ဖြတ်ခံရတဲ့အတွက် ဆရာ၊ ဆရာမတွေရော ဒေသခံတွေပါ စိုးရိမ်ထိတ်လန့်နေကြတယ် လို့ ပြောပါတယ်။

"အဖြူစင်ဆုံးပေါ့လေ လူမျိုးမရွေး၊ ဘာသာမရွေးကို ပညာတွေသင်ပေးနေတဲ့ ကျောင်းအုပ်ဆရာကို လုပ်ကြံသွားတာတော့ စိတ်လည်းမကောင်းဘူး၊ ဆပ်စပ်ပြီးတော့မှ သင်ကြားရမယ့်အပိုင်းတွေပါ သူတို့ အနှောက်အယှက်ဖြစ်တယ်လို့ ပြောတာတော့ကြားတယ်ခင်ဗျ၊ တော်တော်လေးကို စိုးရိမ်ကြတာပေါ့ဗျာ၊ အများနဲ့ဆက်ဆံနေရတဲ့ ဆရာ၊ ဆရာမတွေအတွက် အန္တရာယ်ရှိတယ်လို့ သူကမြင်တယ်တဲ့ခင်ဗျ"

မိုးညှင်းမြို့နယ် ဟိုပင်မြို့ဇာတိ ဆရာ ဦးအောင်ဇင်ထွန်းရဲ့ ဈာပနကို တက်ရောက်လာတဲ့ ဆရာဆရာမတွေက ရင်ဘတ်မှာ အနက်ရောင် ဖဲကြိုးတွေ တပ်ဆင်ပြီး ဝမ်းနည်းကြောင်း ထုတ်ဖော်ခဲ့ကြပါတယ်။

ဆရာ ဦးအောင်ဇင်ထွန်း ကို ဇန်နဝါရီလ ၁၈ ရက်နေ့မှာ ဆိုင်ကယ်စီးသေနတ်သမား ၃ ဦးက နမ့်မဖြစ်ရွာ အလယ်တန်းကျောင်းကနေ တာဝန်ချိန်အတွင်း ခေါ်ဆောင်ပြီး ဦးခေါင်းကို သေနတ်နဲ့ ပစ်သတ်ခဲ့တာဖြစ်ပြီး နမ့်မဖြစ် သုဿာန်မှာ ဒီကနေ့ သဂြိုဟ်တာဖြစ်ပါတယ်။

ဦးအောင်ဇင်ထွန်း ရဲ့ကျန်ရစ်တဲ့ မိသားစုတွေကို အစိုးရက ထောက်ပံ့ဖို့ လွှတ်တော်မှာ အဆိုတင်သွင်းစေ လိုကြောင်း၊ ဥပဒေမဲ့ သတ်ဖြတ်တာကို ရှုတ်ချကြောင်း၊ လူသတ်တရားခံကို အမြန်ဆုံးဖော်ထုတ်စေလိုကြောင်း စတဲ့အချက် ၆ ချက်ကို ဒေသခံတွေက တောင်းဆိုခဲ့ကြပါတယ်။

မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်ကလည်း အသတ်ခံရတဲ့ကိစ္စနဲ့ ပတ်သက်ပြီး အမြန်ဆုံး အမှုမှန်ဖော်ထုတ်နိုင်ဖို့ ရန်ကုန်၊ မန္တလေး စတဲ့မြို့ကြီးတွေမှာ ဆန္ဒပြဖို့ စီစဉ်နေကြပါတယ်။

RFA Burmese
http://www.rfa.org/burmese