01/25/17

TPP စာချုပ်မှ အမေရိကန်နုတ်ထွက်ကြောင်း အမိန့်ကို လက်မှတ်ရေးထိုးနေသည့် သမ္မတ Donald Trump ။ ဇန်န၀ါရီ ၂၃၊ ၂၀၁၇။
TPP စာချုပ်မှ အမေရိကန်နုတ်ထွက်ကြောင်း အမိန့်ကို လက်မှတ်ရေးထိုးနေသည့် သမ္မတ Donald Trump ။ ဇန်န၀ါရီ ၂၃၊ ၂၀၁၇။
အမေရိကန်သမ္မတသစ် Donald Trump က “America First” အမေရိကန်ပြည်ထောင်စုအတွက် အရင်ဆုံး ဦးစားပေးစဉ်းစားမယ့် မူဝါဒတွေကို ချမှတ်ကျင့်သုံးသွားမယ့် သဘောထားမျိုး သူ့ရဲ့ ကျမ်းကျိန်ပွဲမိန့်ခွန်းမှာ ထည့်ပြောသွားပါတယ်။

ဒါကြောင့်လဲ ကမ္ဘာ့နုိုင်ငံအသီးသီးမှာ လှုပ်ခတ်မှုတွေရှိနေပြီး အမေရိကန်အစိုးရသစ်ရဲ့ ခြေလှမ်းတွေကို အထူးသတိထား စောင့်ကြည့်နေကြပါ တယ်။

မြန်မာနုိုင်ငံလို ဒီမိုကရေစီကို အခုမှ အစပျိုး အခြေတည်နေရတဲ့ နုိုင်ငံတခု အနေနဲ့ နုိုင်ငံတကာရဲ့ စောင့်ကြည့်ထောက်ခံ အားပေးမှု၊ အထူးသဖြင့် အမေရိကန်လို ကမ္ဘာ့ ဒီမုိုကရေစီ ထိပ်တန်းနုိုင်ငံကြီးရဲ့ မပြတ်အာရုံစိုက်မှု လိုအပ်နေဆဲအချိန်မှာ အစိုးရသစ်ရဲ့ အခုသဘောထားက တစုံလုံးအနေနဲ့ ဘယ်လောက်ထိ ရိုက်ခတ်လာနုိုင်ခြေရှိသလဲ ဆိုတာ မြန်မာ့အရေး လေ့လာသုံးသပ် သူတွေဖြစ်တဲ့ ဒေါက်တာတင့်ဆွေ၊ ဒေါက်တာရန်မျိုးသိန်းတို့နဲ့အတူ မြန်မာ့အရေးနဲ့ ထိစပ် နေသူတွေရဲ့ အမြင်တွေကို ဆွေးနွေးထားကြပါတယ်။
VOA Burmese News


ရန်ကုန်၊ ဇန်န၀ါရီ ၂၄

၂၄.၁.၂၀၁၇ ရက်နေ့ ၁၆၁၀ အချိန်ခန့်တွင် သာကေတနယ်မြေရဲစခန်းမှ တပ်ဖွဲ့ဝင်များသည် သာကေတမြို့နယ်၊ ၁၀/မြောက်ရပ်ကွက်၊ ဧရာဝဏ်လမ်းနှင့် န၀ရတ်လမ်းဆုံ ကားကြီးဂိတ်မှတ်တိုင်အနီးတွင် စိုက်ထူထားသော YBS မော်တော်ယာဉ်လိုင်း ခရီးသွားလမ်းညွှန်ဆိုင်းဘုတ်အား
အမျိုးသား တစ်ဦးမှ ရိုက်ချိုးဖျက်ဆီးနေကြောင်း သတင်းအရ သက်သေများနှင့်အတူ သွားရောက်စစ်ဆေးရာ သီဟဇော်(၃၃)နှစ်၊ (င/က)ရပ်ကွက်၊ သင်္ဃန်းကျွန်းမြို့နယ်နေသူအား အရက်သေစာသောက်စားမူးယစ်ကာ YBS မော်တော်ယာဉ်လိုင်း ခရီးသွားလမ်းညွှန်ဆိုင်းဘုတ်အား ခြေထောက်ဖြင့် ကန်ကြောက်၍ ဖျက်ဆီးခဲ့သဖြင့် ဆိုင်းဘုတ်ကန့်လန့်ဖြတ် ကျိုးပဲ့ပျက်စီးခဲ့ကြောင်း တွေ့ရှိရပါသည်။

ယင်းသို့ လမ်းညွှန်ဆိုင်းဘုတ်အားပျက်စီးအောင်ပြုလုပ်သူ သီဟဇော်အား သာကေတနယ်မြေရဲစခန်း(ပ)၇၁/၂၀၁၇၊ ၁၉၄၇ ခုနှစ် ပြည်သူပိုင်ပစ္စည်း ကာကွယ်ရေးအက်ဥပဒေပုဒ်မ- ၆(၁) ဖြင့် ဖမ်းဆီး အရေးယူဆောင်ရွက် လျက်ရှိပါသည်။

ယခုကဲ့သို့ YBS ယာဉ်လိုင်းများ ပြေးဆွဲဆောင်ရွက်နေမှုအပေါ် ခရီးသွား လမ်းညွှန်ဆိုင်းဘုတ်များအား မလျော်ကန်ဖျက်လိုဖျက်ဆီး ပြုလုပ်ခဲ့သူများကို ရဲတပ်ဖွဲ့မှ ထိရောက်စွာ အရေးယူဆောင်ရွက်လျက်ရှိပါကြောင်း အသိပေး ဖော်ပြအပ်ပါသည်။

Yangon Police
https://www.facebook.com/yangonpolice/


 ငြိမ်းချမ်းရေးလုပ်ငန်း ဦးဆောင်အဖွဲ့ PPST တပ်မတော် ကာကွယ်ရေးဦးစီးချုပ်နဲ့ တွေ့ဆုံ
ငြိမ်းချမ်းရေးလုပ်ငန်း ဦးဆောင်အဖွဲ့ PPST တပ်မတော် ကာကွယ်ရေးဦးစီးချုပ်နဲ့ တွေ့ဆုံ
မြောက်ပိုင်းမဟာမိတ်တပ်ဖွဲ့တွေပေါ် ထိုးစစ်ဆင်နေတာတွေ ရပ်ဆိုင်းပေးဖို့ NCA လက်မှတ်ထိုးထားတဲ့ တိုင်းရင်းသား လက်နက်ကိုင်အဖွဲ့ တွေရဲ့ ငြိမ်းချမ်းရေးလုပ်ငန်း ဦးဆောင်အဖွဲ့ PPST က၊ တပ်မတော်ကာကွယ်ရေးဦးစီးချုပ်နဲ့ တွေ့ဆုံစဉ် ဇန်နဝါရီ ၂၃ ရက်နေ့က တိုက်တွန်း တောင်းဆိုလိုက်ပါတယ်။ မြောက်ပိုင်းမဟာမိတ်တွေအနေနဲ့ အစိုးရငြိမ်းချမ်းရေးကော်မရှင်နဲ့ အကြေအလည် ဆွေးနွေးဖို့လိုပြီး တပ်မတော် ဖက်ကတော့ ငြိမ်းချမ်းရေးတံခါး ဖွင့်ထားဆဲပဲလို့ တုန့်ပြန်ခဲ့ပါတယ်။ ဆက်သွယ်မေးမြန်းထားတဲ့ ကိုဉာဏ်ဝင်းအောင်က တင်ပြပါမယ်။

NCA လက်မှတ်ထိုးထားတဲ့ တိုင်းရင်းသား လက်နက်ကိုင် ၈ ဖွဲ့ခေါင်းဆောင်တွေဟာ တနင်္လာနေ့က နေပြည်တော်မှာ နိုင်ငံတော်အတိုင်ပင်ခံ ဒေါ်အောင်ဆန်းစုကြည်နဲ့ တွေ့ဆုံခဲ့သလို၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့လည်း တွေ့ဆုံခဲ့တာပါ။

တပ်ချုပ်နဲ့ တွေ့ဆုံစဉ်မှာ မြောက်ပိုင်းမဟာမိတ်တပ်ဖွဲ့တွေပေါ် ထိုးစစ်ဆင်နေတာတွေ ရပ်ပေးဖို့ ငြိမ်းချမ်းရေးလုပ်ငန်း ဦးဆောင်အဖွဲ့ PPST ဥက္ကဌ စောမူတူးစေးဖိုးက တိုက်တွန်းခဲ့ကြောင်း PPST အဖွဲ့ဝင် ဗိုလ်မှူးကြီးခွန်ဥက္ကာက ပြောပါတယ်။

“ကျနော်တို့ရဲ့ အဖွဲ့ခေါင်းဆောင် ဗိုလ်ချုပ်ကြီး စောမူတူးစေးဖိုးရဲ့ အဖွင့်မိန့်ခွန်းမှာတော့ စစ်ဆင်ရေးတွေ လျှော့ချဖို့ ရပ်ဖို့ ၊ နောက်ပြီးတော့ သဘောထားကြီးကြီးနဲ့ တွေ့ဆုံဆွေးနွေး နိုင်အောင်စီစဉ်ဖို့ဆိုပြီးတော့ အဲဒီကိစ္စကိုတော့ ကာကွယ်ရေးဦးစီးချုပ်ကတော့ ပွင့်ပွင့်လင်းလင်းပြောပါတယ်။ တိုက်ချင်ရင်လည်း ကျနော်တို့ စခန်းတွေကို တိုက်ကြပါဆိုပြီးတော့ ပြောပါတယ်။ ဒီ ၁၀၅ မိုင်တို့ ကုန်သွယ်ရေးလမ်းဆုံတို့တော့ မလုပ်ပါနဲ့ပေါ့လေ။ တပ်မတော်ကတော့ ပြည်သူကိုကာကွယ်မယ်၊ ကုန်သွယ်ရေးလမ်းကြောင်းတွေကို ကာကွယ်မယ်၊ သူတို့ကတော့ တံခါးဖွင့်ထားတယ်၊ ဆက်လက်ပြီးတော့လည်း ဖိတ်ခေါ်တယ်၊ သို့သော် ဆွေးနွေးရမှာက လက်ရှိအစိုးရရဲ့ ငြိမ်းချမ်းရေး ကော်မရှင်တွေ အဲဒီအဖွဲ့တွေနဲ့ ဆွေးနွေးဖို့ကိုရော ၊ ဆိုလိုတာကတော့ တည်ငြိမ်အေးချမ်းမှုရမှ ဒီ ဆွေးနွေးပွဲတွေရော ၊ ဖယ်ဒရယ်ပြည်ထောင်စု တည်ဆောက်ဖို့အတွက်ရော အာမခံပြီးသားဖြစ်တော့ ဆက်လုပ်နိုင်မယ်လို့တော့ ပွင့်ပွင့်လင်းလင်းပြောပါတယ်။”

ဒီလိုတိုက်တွန်းမှုတွေ ရှိပေမယ့် လောလောဆယ် စစ်ရေးတင်းမာမှုတွေ လျော့ကျလာနိုင်မယ့် အလားအလာ မမြင်ရသေးဘူးလို့ ဗိုလ်မှူးကြီး ခွန်ဥက္ကာက ပြောပါတယ်။ ဒါပေမယ့် ဖေဖေါ်ဝါရီလကုန် ဒုတိယအသုတ် ပြန်လည်ကျင်းပမယ့် ၂၁ ရာစုပင်လုံညီလာခံမတိုင်ခင် ဒီညီလာခံကို မြောက်ပိုင်းမဟာမိတ်တွေလည်း တက်ရောက်လာနိုင်အောင် ကြိုးစားနေတဲ့သဘော တွေ့ရတယ်လို့ သူကပြောပါတယ်။

“ကျနော်ထင်တာကတော့ ချက်ချင်းလက်ငင်းကြီးတော့ မရှိဘူး၊ ၂ ဘက် စစ်ရေး ခြေလှမ်းတွေကြည့်မယ်ထင်တယ်။ သို့သော်လည်းပဲ အခုစစ်ပွဲဖြစ်တဲ့ ပဋိပက္ခနယ်မြေတွေမှာ မျှော်လင့်တာကတော့ ဒီ ၂၁ ရာစုပင်လုံ ဒုတိယအစည်းအဝေးကို မခေါ်ခင်မှာတော့ ရနိုင်သလောက်ရအောင် ကြိုးစားနေတဲ့ သဘောတော့ရှိတယ်ခင်ဗျ၊ ဒါကတော့ အတိုင်ပင်ခံ ပုဂ္ဂိုလ်ရော ၊ ကျနော်တို့ ကာကွယ်ရေးဦးစီးချုပ်ရော ခေါင်းဆောင် ၂ ဦးစလုံးမှာတော့ ငြိမ်းချမ်းရေးမရရအောင် လုပ်မယ့် ရည်မှန်းချက်ကို တော့ တွေ့ရတယ်။”

တပ်မတော်ရော အစိုးရဖက်ကပါ ငြိမ်းချမ်းရေးကို လိုလားတဲ့အခြေခံတွေ တူနေပေမယ့် ငြိမ်းချမ်းရေးဖြစ်စဉ်ကို ပြန်ကြည့်ရင် အစိုးရနဲ့ တပ်မတော်ကြား အားပြိုင်မှုတွေရှိနေဆဲပဲလို့ ဗိုလ်မှူးကြီးခွန်ဥက္ကာက သုံးသပ်ပါတယ်။

“ဒီအစိုးရနဲ့ လက်ရှိတပ်မတော်ကတော့ လုပ်ငန်းသဘောအရတော့ ဒွန်တွဲပြီးတော့ လုပ်ဆောင်ရမယ့် ကိစ္စတွေရှိတဲ့အချိန်မှာ ဒွန်တွဲတယ်ခင်ဗျ။ အဲဒီ ဒွန်တွဲလုပ်ဆောင်နေတဲ့အချိန်မှာပဲ တချို့ကိစ္စတွေမှာတော့ လွန်ဆွဲတဲ့ သဘောမျိုးတွေ့ရတယ်။ အစိုးရရဲ့ Initiative က တချို့နေရာ ရှေ့ရောက်တယ်၊ တချို့နေရာမှာတော့ တပ်မတော်ရဲ့ Initiative ကရှေ့ရောက်လာတယ်။ အဲဒီ လွန်ဆွဲတဲ့ အကွက်လေးတွေလည်းရှိတယ်။ ဒါပေမယ့် ဘယ်လိုပဲ လွန်ဆွဲတာဖြစ်ဖြစ်၊ တနိုင်ငံလုံးအရေးတွေမှာတော့ ဒွန်တွဲပြီး လုပ်ရမှာတော့ ရှိနေတာပေါ့ ။ ဒီ ၂ ခုကြားမှာ ချိန်ခွင်ရှာ ညှိပြီးတော့ သွားနေတဲ့ သဘောတော့ရှိတယ်ခင်ဗျ။”

၂၀၁၇ ခုနှစ်အတွင်း NCA လက်မှတ်ထိုးထားတဲ့အဖွဲ့တွေ ရပ်တည်ရေးနဲ့ ရှေ့လုပ်ငန်းစဉ်တွေကို နေပြည်တော်မှာ ဆွေးနွေးနိုင်ခဲ့တယ်လို့ ဗိုလ်မှူးကြီးခွန်ဥက္ကာက ပြောပါတယ်။

“လက်မှတ်ထိုးထားတဲ့အဖွဲ့တွေ ခိုင်မာေ၇း ငြိမ်းချမ်းေ၇းလုပ်ငန်းစဉ်မှာ ပူးပေါင်းဆောင်ရွက်နိုင်ရေး အဲဒါတွေကို ကျနော်တို့က ဇောင်းပေးပြီးတော့ ဒီနှစ် ဦးမှာ အတိုင်ပင်ခံ ပုဂ္ဂိုလ်ရော၊တပ်မတော်ကာကွယ်ရေး ဦးစီးချုပ်ရော တွေ့ပြီးတော့ ပူးပေါင်းဆောင်ရွက်နိုင်မယ့် နည်းလမ်းတွေကို ချမှတ်လိုက်နိုင်တာပေါ့ဗျာ။ လက်တလောကတော့ ကျနော်တို့ ၈ ဖွဲ့ရဲ့ တွေ့ဆုံခြင်းပေါ့ဗျာ။ ဥပမာ ရန်ကုန်မှာ EAO တွေအတွက် သူတို့ပေးထားတဲ့နေရာတွေကို ကျနော်တို့ အသုံးပြုဖို့ ပြင်ဆင်မယ်။ နောက်ပြီးတော့ အမျိုးသားအဆင့် နိုင်ငံရေးဆွေးနွေးပွဲတွေကို ကျနော်တို့ အဆင်သင့်ဖြစ်တဲ့နေရာတွေမှာ အမြန်ဆုံး ဆက်တိုက်လုပ်သွားမယ်။ နောက်ဆုံးတချက်ကတော့ နိုင်ငံရေးဆွေးနွေးပွဲတွေကျင်းပနေတဲ့ ကာလမှာ ကျနော်တို့ တပ်ဖွဲ့တွေရပ်တည်ရေးနဲ့ ဒေသဖွံ့ဖြိုးေ၇း အစွမ်းကုန်လုပ်ပါ၊ အမြန်ဆုံးလုပ်ပါ လုပ်ချင်တဲ့ Project တွေကို အမြန်ဆုံးလုပ်ပါဆိုပြီးတော့ ဖိတ်ခေါ်ထားတယ်။ ဒါကြောင့်ကျနော်တို့ အဲဒါကိုလည်း NCA စာချုပ်ပါ ပြဌာန်းချက်အတိုင်း တိုက်တွန်းလုပ်သွားဖို့ ကျနော်တို့ စီစဉ်ထားပါတယ်။”

နေပြည်တော်က တွေ့ဆုံပွဲမှာ တပ်မတော်အနေနဲ့ ဒို့တာဝန်အရေးသုံးပါးကို လုံးဝအထိအပွန်း မခံနိုင်တဲ့အကြောင်းနဲ့ တပ်မတော်ကာကွယ်ရေး ဦးစီးချုပ်ဖက်ကပြောကြားခဲ့ပြီး၊ လက်နက်ကိုင် ပဋိပက္ခတွေဟာ ပြဿနာတွေကို ဖြေရှင်းပေးနိုင်မှာ မဟုတ်တာကြောင့် နိုင်ငံရေးအရသာ ညှိနှိုင်းဖြေရှင်းဖို့ လိုတယ်လို့ PPST အဖွဲ့ဥက္ကဋ္ဌ စောမူတူးဆေးဖိုးကပြောကြောင်း သိရပါတယ်။

VOA Burmese News


လက်နက်ကြီးကျည် ကျလို့ ဒဏ်ရာရခဲ့သူတွေ လားရှိုး ဆေးရုံမှာ ကုသခဲ့ရ

ရှမ်းပြည်နယ် မန်တုံ ဒေသမှာ အရပ်သားတွေ နေတဲ့နေရာတွေမှာ တိုက်ပွဲတွေ ဖြစ်နေတာ မဟုတ်ဘဲ တပ်မတော် ဘက်က လက်နက်ကြီးတွေနဲ့ ပစ်ခတ်တာ၊ လက်နက်ကိုင် အဖွဲ့တွေက မိုင်းထောင် တာတွေကြောင့် အပစ်မဲ့ အရပ်သားတွေ သေကြေ ကြရလို့ ဒီလုပ်ရပ်တွေကို ရပ်တန်းက ရပ်ပါလို့ တအာင်း ပလောင် အမျိုးသား ပါတီ TNP ပါတီ မန်တုံမြို့နယ် ပြည်သူ့လွှတ်တော် ကိုယ်စားလှယ် ဒေါ်နန်းမိုးက တောင်းဆို လိုက်ပါတယ်။

ဒီဖြစ်ရပ် တွေကြောင့် စိုးရိမ် နေကြတဲ့ သူ့မဲဆန္ဒနယ်က ပြည်သူတွေက ဆက်သွယ် ပြောလာကြတဲ့ အတွက် အစိုးရ တပ်မတော်နဲ့ တိုင်းရင်းသား လက်နက်ကိုင် တွေကို တောင်းဆို ရတာဖြစ်တယ်လို့ သူက ပြောပါတယ်။

သူနေတဲ့ မန်တုံမြို့ပေါ်ကနေတောင် လက်နက်ကြီးနဲ့ ပစ်တဲ့ အသံတွေ၊ သေနတ်သံတွေ ကြားနေရတယ်လို့ လည်း ဒေါ်နန်းမိုးက ပြောပါတယ်။

ပြီးခဲ့တဲ့ ဇန်နဝါရီလ ၂၀ ရက်နေ့က TNP ပါတီ အလုပ်အမှုဆောင် ကော်မတီဝင် တစ်ယောက် အပါအဝင် ရဲတပ်ဖွဲ့ တာဝန်ရှိသူတွေ လားရှိုးကို အသွားမှာ မန်တုံမြို့နယ် အတွင်းမှာတင် မိုင်းထိခဲ့တဲ့ အတွက် ရဲ တစ်ယောက်နဲ့ ကားမောင်းသမား သေဆုံးခဲ့ရတယ်လို့ သူက ပြောပါတယ်။

ဒီမိုင်းထောင်မှုကို ဘယ်သူလုပ်တယ် ဆိုတာ မျက်မြင်ကိုယ်တွေ့ မသိလို့ မပြောနိုင်ပေမဲ့ TNLA တအာန်း ပလောင် လက်နက်ကိုင် တပ်ဖွဲ့က ထောင်တာလို့ ကျယ်ကျယ်ပြန့်ပြန့် ပြောဆိုနေတာတွေ ရှိကြောင်း ဒေါ်နန်းမိုးက ပြောပါတယ်။

မန်တုံ မြို့နယ် အတွင်းမှာ ဇန်နဝါရီလ ၁၁ ရက်နေ့ ညက အဲဒီမှာ ရှိတဲ့ အစိုးရ တပ်မတော်က လက်နက်ကြီး တွေနဲ့ ပစ်ခတ်ခဲ့တဲ့ အတွက် ဒေသခံတွေက ကြောက်လန့်ပြီး သူ့ကို အကူအညီ တောင်းလို့ ဗျူဟာမှူးကို ကိုယ်တိုင် တောင်းဆိုခဲ့ ရာမှာ ရပ်နားပေးမယ်လို့ ပြောခဲ့ကြောင်း ဒေါ်နန်းမိုးက ပြောပါတယ်။

ဒါပေမဲ့ မန်စီ မြို့နယ် နမ့်ဆန် မြို့နယ် ဟိုချောင်းရွာက ဦးငြိမ်းချမ်းရဲ့ နေအိမ်ကို ဇန်နဝါရီလ ၁၂ ရက်နေ့ နေ့လယ်က လက်နက်ကြီး ကျည်ကျ ခဲ့တဲ့ အတွက် ၁၂ ယောက် ထိခိုက်ပြီး နှစ်ယောက် သေဆုံးခဲ့ရပါတယ်။

အခုလို အရပ်သားတွေ သေကြေ ကြရတဲ့ ဖြစ်ရပ်မျိုးတွေ၊ နစ်နာမှု တွေကို လွှတ်တော် ကိုယ်စားလှယ် တစ်ယောက် အနေနဲ့ လွှတ်တော်မှာ တင်ပြ ဆွေးနွေးပြီး ရပ်တန့်အောင် တောင်းဆို ဖို့ရာလည်း အခက်အခဲတွေ ရှိတယ်လို့ သူက ပြောပါတယ်။

တိုင်းရင်းသား ကိုယ်စားလှယ်တွေက အကြိမ်ကြိမ် ကြိုးစားခဲ့ပေမဲ့ မအောင်မြင် ခဲ့ဘူးလို့ ဒေါ်နန်းမိုးက ပြောပါတယ်။
BBC Burmese



မီးလောင်ကျွမ်းနေသော HI-ACE ယာဉ်အားတွေ့ရစဉ် (ဓာတ်ပုံ- MOI)
ရန်ကုန်၊ ဇန်န၀ါရီ ၂၄ ရက် (ဆင်ဟွာ)

ရန်ကုန်-မန္တလေး အမြန်လမ်း မိုင်တိုင် ၄မိုင် ၂ဖာလုံခန့် တွင် ဖြစ်ပွားခဲ့သော ကားမီးလောင်ပြီး လူ၈ဦးသေဆုံးမှုတွင် အသက်ရှင် ကျန်ရစ်သူ အမျိုးသားကို ပုဒ်မ သုံးခုဖြင့် အမှုဖွင့် အရေးယူ စစ်ဆေးနေကြောင်း အမြန်လမ်းရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။
“အသက်ရှင်ကျန်ရစ်တဲ့ အမျိုးသားက ပထမ ကားမောင်းတာ သူမဟုတ်ဘူး၊ သေသွားတဲ့လူမောင်းတာလို့ ထွက်ဆိုတာ ဒီနေ့တော့ သူဝန်ခံတယ်၊ သူကိုယ်တိုင်ကားမောင်းရင်း ဒီဖြစ်စဉ်ဖြစ်တယ်လို့” ဟု ၎င်းက ဆိုသည်။

အဆိုပါဖြစ်စဉ်နှင့်ပတ်သက်၍ အသက်ရှင် ကျန်ရစ်သူ ယာဉ်မောင်းသူ အောင်ခန့်(ခ)အောင်ခန့်ဇွဲအား အမှတ်(၃)အမြန်လမ်း ရဲစခန်းမှ ယာဉ် / ပ / ၄/၂၀၁၇၊ ပုဒ်မ ၃၀၄- က/၃၃၇/၂၈၅ ဖြင့် အမှုဖွင့် အရေးယူ စစ်ဆေးလျက်ရှိသည်။

မီးလောင်ကျွမ်းသည့် HI-ACE ယာဉ်သည် ရှေ့ဝဲဘက်ဘီးပေါက်ကာ လမ်းဘေးတွင် ကာရံထားသော အလူမီနီယံဘောင်ကို ဝင်တိုက်မိခဲ့ပြီး ဓါတ်ဆီတိုင်ကီကွဲ၍ မီးစတင် လောင်ခဲ့ခြင်း ဖြစ်ကြောင်းသိရသည်။

(Xinhua)
http://xinhuamyanmar.com


 NLD ဗဟိုအလုပ်အမှုဆောင်အဖွဲ့ဝင် ဦးဝင်းထိန်
NLD ဗဟိုအလုပ်အမှုဆောင်အဖွဲ့ဝင် ဦးဝင်းထိန်
အာဏာရ အမျိုးသားဒီမိုကရေစီအဖွဲ့ချုပ်အနေနဲ့ အစိုးရအဖွဲ့ဝင်များနှင့် လွှတ်တော်ကိုယ်စားလှယ်များ၏ လုပ်ငန်း စွမ်းဆောင်ရည် လေ့လာစီစစ်ရေး အဖွဲ့ဆိုပြီး ဖွဲ့စည်းခဲ့တာဟာ၊ ကိုယ်စားလှယ်တွေကို အပြစ်ရှာ ဖယ်ထုတ်ဖို့အဓိကမဟုတ်ပဲ အားနည်းချက်တွေရှိရင် ပါတီဖက်က ဖြည့်ဆည်း ပေးဖို့ဖြစ်တယ် လို့ အဲဒီအဖွဲ့ရဲ့ခေါင်းဆောင် NLD ဗဟိုအလုပ်အမှုဆောင်အဖွဲ့ဝင် ဦးဝင်းထိန်က ပြောပါတယ်။ NLD ခေါင်းဆောင် ဦးဝင်းထိန်ကို ဗွီအိုအေ သတင်းထောက် မမေခက တွေ့ဆုံမေးမြန်းစဉ် ဦးဝင်းထိန်က အခုလိုစဖြေပါတယ်။

ဦးဝင်းထိန်။ ။အဓိကတော့ အမျိုးသားဒီမိုကရေစီအဖွဲ့ချုပ် ၊ အဖွဲ့ဝင် လွှတ်တော်ကိုယ်စားလှယ်တွေအားလုံး သူတို့ရဲ့ လုပ်ငန်း ဆောင်ရွက်ချက်ကို သုံးသပ်ဖို့ ဘာကြောင့်သုံးသပ်ဖို့လိုသလဲဆိုတော့ အခုက လွှတ်တော်ကလည်း ၁ နှစ်ပြည့်ပြီ၊ အစိုးရအဖွဲ့ကလည်း ၁ နှစ်ပြည့်ခါနီးပြီ။ ပြည့်ခါနီးပြီ ဆိုတော့ ပြည်သူလူထုက တခဲနက်ထောက်ခံပြီးတော့ တက်လာတဲ့ အစိုးရအဖွဲ့၊ လွှတ်တော် နောက်ပြီးတော့ တိုင်းနဲ့ ပြည်နယ် ဒေသကြီးက ပုဂ္ဂိုလ်တွေ ရဲ့ ဆောင်ရွက်ချက် Performance က ဘယ်လိုရှိသလဲ၊ အဆင့်တန်း မြင့်မြင့်ရှိသလား၊ သာမန်လား၊ နိမ့်ကျသလား၊ အဲဒါတွေကို အဖွဲ့လိုက်လုပ်ပြီးတော့ စစ်ဆေးမှာပေါ့။ ဒေါ်အောင်ဆန်းစုကြည်ကို ထောက်ခံတဲ့ ပြည်သူလူထုရဲ့ မျက်နှာကို ကြည့်ပြီးတော့မှ အန်ကယ်တို့ သူတို့ရွေးလိုက်တဲ့ ပုဂ္ဂိုလ်တွေဟာ ပြည်သူလူထုဆန္ဒနဲ့ ဘယ်လောက်အထိ ကိုက်ညီအောင်လုပ်ပေး နိုင်သလဲဆိုတာကို အဓိကထားပြီးတော့ ဆန်းစစ် ဖော်ထုတ်တာပါ။ အဓိကတော့ ဒီအစိုးရတွေ၊ ဒီလွှတ်တော်တွေ အောင်မြင်မှုအတွက် ပဲ့ကိုင်နိုင်မယ့် လုပ်ရပ်လို့ အန်ကယ်ယူဆတယ်။

မမေခ။ ။ကျမ သိချင်တဲ့အပိုင်းက ခြေ မပေါ်တဲ့လူတွေ ရှိတယ် ဆိုပြီးတော့ တော်တော်လေးဝေဖန်နေကြတာ ရှိတယ်။ ဥပမာ- ဘယ်ဝန်ကြီးဌာန ကတော့ အလုပ်သိပ်မလုပ်ဘူး၊ မလုပ်နိုင်ဘူးဆိုတဲ့ဟာမျိုးတွေရှိတယ်။ အဲလိုလူတွေကရော ဒီအထဲမှာ အကျုံးဝင်ပြီး စစ်သွားမှာလား။

ဦးဝင်းထိန်။ ။ဒါကတော့ ပြည်ထောင်စုအဆင့်က ပုဂ္ဂိုလ်တွေ၊ ဒီ ပြည်ထောင်စုအဆင့်က ပုဂ္ဂိုလ်တွေကျတော့ ဒေါ်အောင်ဆန်းစုကြည်က ဦးစီးပြီးတော့ ဒီယန္တယားကြီးကို မောင်းနှင်နေတာပေါနေ့ာ်။ အန်ကယ်တို့လည်း ကြားတာတွေရှိတယ်။ အန်ကယ်တို့တာဝန်က သူတို့အရည်အချင်းတွေ သူတို့လုပ်ငန်းဆောင်တာတွေကို သိတာတွေရှိတယ်။ မသိတာတွေကြတော့လည်း ဘယ်လောက်အထိ ခိုင်မာမှုရှိသလဲဆိုတာတွေကို လက်ခံပြီးတော့မှ ဒါတွေရတဲ့ဟာတွေက အန်ကယ်တို့အဖွဲ့က ဆုံးဖြတ်မှာမဟုတ်ဘူး၊ ဒေါ်အောင်ဆန်းစုကြည်ကို သတင်းပို့ရမယ် ဒါတပိုင်းပေါ့ ။ လွှတ်တော်ပိုင်းကျတဲ့အခါကျတော့ ပြည်သူ့လွှတ်တော်၊ အမျိုးသားလွှတ်တော်၊ အပြင် တိုင်းနဲ့ ဒေသကြီးအသီးသီးမှာရှိတဲ့ လွှတ်တော် ကိုယ်စားလှယ်တွေရဲ့ဆောင်ရွက်ချက်တွေဟာ တချို့က ရွေးကောက်ပွဲ ကြေညာစာတန်းမှာပါတဲ့အတိုင်း လိုက်မလုပ်နိုင်တဲ့ ၊ လိုက်မလုပ်တဲ့ ပုဂ္ဂိုလ်တွေကို အခုတွေ့နေရပြီ။ သူတို့ကိုတော့ သူတို့အနေအထားကို သုံးသပ်ပြီးတော့ Capacity building ပေါ့ သူတို့အရည်အချင်းမြှင့်တင်လာအောင် အန်ကယ်တို့ကနေ Guide Line ပေးမှာ။ ဒါပေမယ့် အဓိကတော့ သူတို့ကို အပစ်ရှာပြီးတော့ ဖယ်ထုတ်ဖို့မဟုတ်ဘူး။ သူတို့အားနည်းချက်တွေ့ရင် သူတို့ အားနည်းချက်ကို ဖြည့်ပြီးတော့မှ သူတို့အရည်အချင်းတိုးတက်လာအောင် လုပ်ဖို့ အဓိကရည်ရွယ်ချက်က အဲဒါပါပဲ။

မမေခ။ ။တကယ့် တကယ်တန်း အပြစ်တခုတခုရှိလာပြီဆိုရင် သိသလောက်က ဥပမာ-ငွေကြေးခ၀ါချတဲ့ ကိစ္စမျိုး ၊ လာဘ်ယူတယ်ဆိုရင် ဒါတွေက ဥပဒေအရ အရေးယူလို့ရတယ်။ ဆိုတော့ တခြားတခြားသော အလုပ်လုပ်တဲ့ ဟာမှာ မလုပ်နိုင်တာ၊ ကိုယ်မျှော်မှန်းထားသလောက် မလုပ်နိုင်တဲ့လူမျိုးတွေ ထွက်ပေါ်လာတယ်ဆိုရင် သူတို့တွေကို ဘယ်လိုပုံစံမျိုးနဲ့ ဘဘတို့ care လုပ်သွားမှာလဲ။

ဦးဝင်းထိန်။ ။တရားဥပဒေနဲ့ ငြိပြီဆိုရင်တော့ ဒါ ငြိသလို ဆက်လုပ်သွားမှာပါ။ နောက်တခုက အခုလူမှုရေးကိစ္စနဲ့ ပတ်သက်ပြီး အသံတွေထွက်နေတာရှိတယ်၊ နောက်တခုက အဂတိနဲ့ ပတ်သက်လို့ အသံတွေထွက်နေတာရှိတယ်။ အဂတိနဲ့ ထွက်တာတွေကိုတော့ အမှန်အတိုင်းဖော်ထုတ်ပြီးတော့မှ တိတိကျကျ အေ၇းယူရမယ်။ အဲလို ယူတဲ့အခါမှာ ဒီလူတွေဟာ လွှတ်တော်ကိုယ်စားလှယ်တွေ ဖြစ်တဲ့အတွက်ကြောင့်မို့လို့ လွှတ်တော်ကိုယ်စားလှယ် အဖြစ်ကနေ အရည်အချင်း ပျက်ယွင်းတဲ့အထိတော့ လုပ်ဖို့က တော်တော်ခဲယှဉ်းတယ်။ ဒါပေမယ့် အဲဒီလွှတ်တော်ကိုယ်စားလှယ် ဆောင်ရွက်ခဲ့တဲ့ ဆောင်ရွက်ချက်အမှားကို အမှန်လမ်းကြောင်းရောက်အောင်ဆိုတာ အန်ကယ်တို့အဖွဲ့ရဲ့ အဓိက ရည်မှန်းချက်ပဲ။

မမေခ။ ။ဘဘ တို့အနေနဲ့ Rights To Recall လုပ်နိုင်ရဲ့သားနဲ့ ဘာဖြစ်လို့ ဒီလိုသီးသန့်လုပ်တာလဲ၊ အဲလို လုပ်တဲ့ အကြောင်းပြချက်လေးရော ရှင်းပြပေးလို့ရမလား။

ဦးဝင်းထိန်။ ။ Rights To Recall က အရင်လွှတ်တော်ကတည်းက Controversy ဖြစ်နေတဲ့ အငြင်းပွားနေတဲ့ ဥပဒေပေ့ါ ။ မူလဥပဒေမှာ ၁ ရာခိုင်နှုန်း၊ အဲဒီ ၁ ရာခိုင်နှုန်းက အငြင်းပွားနေကြတာ။ အခုဒီမှာကျတော့လည်း အန်ကယ်တို့က အစိုးရ စဖွဲ့တဲ့အချိန်ကစပြီး Rights To Recall ကို ဦးစားမပေးနိုင်ဘူး။ ပြန်ခေါ်ခွင့်ဟာ ၁ ရာခိုင်နှုန်း ဖြစ်သင့်သလား ၊ ၅ ရာခိုင်နှုန်း ၊ ၁၀ ရာခိုင်နှုန်း ဖြစ်သင့်သလားဆိုတာကို လွှတ်တော်မှာ အကြိတ်အနယ်ငြင်းရမယ်။ လွှတ်တော်မရောက်ခင်မှာ ဒီဥပဒေကြမ်းကော်မတီတွေမှာလည်း အကြိတ်အနယ်ငြင်းရမယ် ဆိုတာကို လနဲ့ချီကြာမယ်၊ အခုဟာက အန်ကယ်တို့ ပါတီအနေနဲ့ ကိုယ့်လွှတ်တော်ကိုယ်စားလှယ်တွေ ၊ ကိုယ့်အစိုးရတွေဟာ ပြည်သူလူထုဆန္ဒနဲ့ ကိုက်ညီတဲ့ အလုပ်လုပ်နိုင်မလား မလုပ်နိုင်ဘူးလားဆိုတာက ဆန်းစစ်ဖို့ဆိုတာ Rights To Recall လောက်ကတော့ ထိရောက်မှာ မဟုတ်သော်လည်း NLD ကိုယ်စားလှယ်တွေရဲ့ အရည်အချင်းက တက်လာဖို့တော့ သေချာပေါက် ပြောလို့ရတယ်။”

NLD ခေါင်းဆောင် ဦးဝင်းထိန်ကို ဗွီအိုအေ သတင်းထောက် မမေခက တွေ့ဆုံမေးမြန်း ထားတာပါ။
VOA Burmese News

 ပြည်ထောင်စုဝန်ကြီး ဒေါက်တာဝင်းမြတ်အေးကို ဗွီအိုအေ ရန်ကုန်ရုံး အယ်ဒီတာ ဒေါ်ခင်စိုးဝင်းက နေပြည်တော်မှာ သွားရောက်တွေ့ဆုံမေးမြန်း
ပြည်ထောင်စုဝန်ကြီး ဒေါက်တာဝင်းမြတ်အေးကို ဗွီအိုအေ ရန်ကုန်ရုံး အယ်ဒီတာ ဒေါ်ခင်စိုးဝင်းက နေပြည်တော်မှာ သွားရောက်တွေ့ဆုံမေးမြန်း

ပဋိပက္ခလွန် ရခိုင်ပြည်နယ်တွင်းက လိုအပ်ချက်တွေအတွက် အာဆီယံနိုင်ငံအချို့ရဲ့ အကူအညီတွေကို အစိုးရဖက်က စီမံဆောင်ရွက်တဲ့အတွက်၊ အကူအညီတွေ စံနစ်တကျဖြစ်ပြီး ပဋိပက္ခကြုံခဲ့တဲ့ရတဲ့ လူမှုအသိုင်းအ၀ိုင်းအားလုံး ခံစားခွင့်ရစေတယ်လို့ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ၀န်ကြီး ဒေါက်တာဝင်းမြတ်အေးက ဗွီအိုအေကို ပြောပါတယ် ။ ပြည်ထောင်စုဝန်ကြီး ဒေါက်တာဝင်းမြတ်အေးကို ဗွီအိုအေ ရန်ကုန်ရုံး အယ်ဒီတာ ဒေါ်ခင်စိုးဝင်းက နေပြည်တော်မှာ သွားရောက်တွေ့ဆုံမေးမြန်းထားတာပါ။

ဒေါ်ခင်စိုးဝင်း။ ။ ရခိုင်ပြည်နယ်မှာ ဖြစ်နေတဲ့ လူမှုရေးပြဿနာတွေနဲ့ ပတ်သက်ပြီးတော့ နိုင်ငံတကာက အကူအညီအထောက်အပံ့တွေလည်း အခုရောက်နေပါပြီ။ အဲဒီတော့ မကြာခင်က လာခဲ့တဲ့ အင်ဒိုနီးရှားနိုင်ငံခြားရေးဝန်ကြီး အနေနဲ့ လာပြီးတော့ ရခိုင်ပြည်နယ်မှာရှိတဲ့ ဒုက္ခသည်တွေအားလုံးပေါ့ ၂ ဘက်အသိုင်းအ၀ိုင်း အားလုံးအတွက်ကို လူမှုရေးအထောက်အပံ့တွေ ပေးဖို့ဆိုပြီး ရောက်လာတာ သိရပါတယ်။ အဲဒီတော့ ၀န်ကြီးလည်း အင်ဒိုနီးရှားနိုင်ငံခြားရေးဝန်ကြီးနဲ့ တွေ့ခဲ့တယ်လို့ သိရပါတယ်။ အဲဒီတော့ ၀န်ကြီးအဲဒီအတွေ့အကြုံလေး ပြောပြပါလားရှင့်။

ဒေါက်တာဝင်းမြတ်အေး။ ။ ကျနော်တို့ဝန်ကြီးဌာနက အစိုးရအဖွဲ့သစ် စပြီးတော့ တက်ခဲ့တဲ့ကာလကတည်းက ကျနော်တို့ကော်မတီတွေဖွဲ့တယ်၊ လုပ်ငန်းကော်မတီတွေ၊ ဗဟိုကော်မတီတွေ ဖွဲ့တယ်။ အဲဒီကနေပြီးတော့ ထောက်ပံ့မှုတွေကို စနစ်တကျ ဆောင်ရွက်နေတာပါ။ ဒါကို ကျနော်တို့ တောက်လျှောက်ဆောင်ရွက်နေတယ်။ အဲဒီအချိန်အခါမှာပဲ ဒီလိုမျိုး ပဋိပက္ခ ဖြစ်ပွားပြီးတဲ့ နောက်မှာလည်း ကျနော်တို့ ဆက်လက်ထောက်ပံ့တာတွေ ရှိနေတယ်ပေါ့နော် အဲဒီတော့ နိုင်ငံတကာအကူအညီတွေကလည်းပေးချင်တယ် အထူးသဖြင့်တော့ အာဆီယံနိုင်ငံတွေက အကူအညီပေးချင်တယ်ဆိုတဲ့အခါကျတော့ ကျနော်တို့ကလည်း ဘာလဲဆိုတော့ အဲလို အကူအညီတွေပေးချင်ရင် စည်းစနစ်နဲ့ပေါ့နော် ၊ ဆိုလိုတာကတော့ ၂ နိုင်ငံ အစိုးရခြင်းဆက်သွယ်မယ်။ သံတမန်လမ်းကြောင်းအရ ဆက်သွယ်မယ်၊ အကူအညီတွေ ဒီလိုမျိုးပေးပါဆိုပြီးတော့ ကျနော်တို့အနေနဲ့ မေတ္တာရပ်ခံတယ်။ အဲလို မေတ္တာရပ်ခံတော့ အင်ဒိုနီးရှားကလည်း ဒီအကူအညီကို ပေးချင်ပါတယ်ဆိုပြီးတော့ ရောက်လာတယ်။ ရောက်လာတော့ သူတို့ ပစ္စည်းတွေကို သူတို့ ကြိုတင်ပြီးတော့ ဆိပ်ကမ်းရောက်အောင်ပို့တယ်။ နောက်ပြီး ရန်ကုန်ရောက်တယ်၊ ဒီကအဖွဲ့တွေက လက်ခံတယ်။ လက်ခံပြီး စစ်တွေရောက်အောင် ကားတွေနဲ့ ပို့တယ်။ နောက် ၂ ရက်အတွင်းမှာပဲ ရောက်သွားတယ်၊ ရောက်ပြီးတဲ့ အခါကျတော့ အင်ဒိုနီးရှားနိုင်ငံခြားရေးဝန်ကြီးကိုယ်တိုင် ရောက်လာတယ်။ ရောက်လာပြီးတော့ ကျနော်နဲ့အတူတူ ပြည်နယ်အစိုးရ ၀န်ကြီးချုပ်နဲ့ အတူတူပေါင်းပြီးတော့ ကျနော်တို့လက်ခံပွဲလုပ်တယ်၊ လွှဲပြောင်းယူတယ်ပေါ့နော် အဲဒီအခမ်းအနားကို ကျနော်တို့ လုပ်ခဲ့တယ်၊ လုပ်ခဲ့တော့ အတွေ့အကြုံအရဆိုရင် သူတို့ရဲ့ ကူညီဆောင်ရွက်မှုဟာ အလွန်စနစ်ကျပါတယ်။ အဲဒီမှာလည်း သူက အဖွင့်စကားပြောတဲ့အခါမှာလည်း သူက ဘာကိုပြောလဲဆိုတော့ “လူမျိုးဘာသာမရွေး ထောက်ပံ့ဖို့လာတာဖြစ်ပါတယ်၊ ကျမထပ်ပြောပါမယ် လူမျိုးဘာသာမရွေး အားလုံးအတွက် ဖြစ်ပါတယ်” လို့ သူက သေသေချာချာကို ထပ်ခါထပ်ခါပြောပြီးတော့ တကယ့်ကို စနစ်တကျ လွှဲပြောင်းပေးတာဖြစ်ပါတယ်။ ကျနော်တို့ကလည်း ချက်ခြင်းပဲ မောင်တောကိုရောက်အောင်ပို့တယ်။ ပို့ပြီးတော့ စနစ်တကျ ဖြန့်ဝေမှုတွေ ဆောင်ရွက်နေတာတွေရှိပါတယ်။

ဒေါ်ခင်စိုးဝင်း။ ။ဟုတ်ကဲ့ပါ နောက်ပြီးတော့ စာသင်ကျောင်းလည်းလှူတယ်လို့ ကြားပါတယ်။

ဒေါက်တာဝင်းမြတ်အေး။ ။ ဟုတ်ပါတယ် အင်ဒိုနီးရှားနိုင်ငံမှာရှိတဲ့ လူမှုအဖွဲ့အစည်းတခုရှိပါတယ်။ သူတို့ကနေပြီးတော့ ကျေးရွာ၂ ခုမှာ ကျောင်းဆောက်ထားတာရှိပါတယ်။ မူလတန်းကျောင်းလေး ၂ ကျောင်းဆောက်ထားတာရှိပါတယ်။ ဒါကိုလည်း သူတို့က ရောက်တဲ့အခါ သူတို့နိုင်ငံက လှူထားတာ ဖြစ်တဲ့အတွက်ကြောင့် ဖွင့်ပွဲသဘောလေးမျိုးလုပ်မယ်ဆိုပြီးတော့ ကျောင်းသားတွေနဲ့ တွေ့တယ်၊ ရင်းရင်းနီးနီး ဓါတ်ပုံရိုက်ကြတယ်၊ သီချင်းတွေဆိုကြတယ် ဒါတွေလုပ်ခဲ့ပါတယ်။ သီချင်းတွေဆိုတော့လည်း အားလုံးသင်ထားတာက မြန်မာ့ကျောင်းသီချင်းနဲ့ အဲဒီကလေးတွေကလည်း ဆိုတတ်တယ်၊ သူကလည်း ပျော်တယ်ပေါ့နော်။

ဒေါ်ခင်စိုးဝင်း။ ။အင်ဒိုနီးရှားပြီးတဲ့အခါကျတော့ အာဆီယံနိုင်ငံထဲကပဲ မလေးရှား နိုင်ငံအနေနဲ့ကလည်း လူမှုရေးအကူအညီတွေပေးဖို့ဆိုပြီးတော့ စိုင်းပြင်းနေတာ ကြားရပါတယ်။ နိုင်ငံခြားရေးဌာနကနေလည်း အခုခွင့်ပြုလိုက်ပြီလို့ ကြားရပါတယ်။ ဒီ ၂ နိုင်ငံ သံတမန် ဆက်ဆံရေးအရ ၊ ဆိုတော့ အဲဒီအခြေအနေလေးရော ပြောပြပေးပါ။

ဒေါက်တာဝင်းမြတ်အေး။ ။ အဲဒီအခြေအနေကလည်း အင်မတန်ကောင်းတယ် ဘာကြောင့်လဲဆိုတော့ ပြီးခဲ့တဲ့အပတ်က ဒီမှာရှိတဲ့ မလေးရှားသံအမတ်ကြီးက ကျနော်တို့နဲ့ လာရောက်တွေ့ဆုံတယ်၊ ပြီးတော့ သူတို့ရဲ့ ကူညီချင်တဲ့ အစီအစဉ်တွေပြောတယ်။ ပြောပြီးတော့ သူက ၂ နိုင်ငံအစိုးရချင်း ဆောင်ရွက်တဲ့ နည်းလမ်းကိုပဲ လိုက်ပါတယ်၊ သံတမန်ချင်းဆက်သွယ်တဲ့ နည်းလမ်းကိုပဲ လိုက်ပါတယ် အဲဒီနည်းနဲ့ ကျနော်တို့ဆီကို လာေ၇ာက်တွေ့ဆုံတယ်၊ နောက်ပြီးပို့မယ့်အစီအစဉ်တွေပြောတယ်။ အခုဆိုရင် ပို့နေပြီပေါ့နော် ဆိုတော့ စနစ်တကျပဲ ကျနော်တို့ အင်ဒိုနီးရှားကို ဖြန့်ဖြူးသလိုပဲ စနစ်တကျ ကျနော်တို့ ဒီပစ္စည်းတွေကို ရန်ကုန်မှာ လွှဲပြောင်းယူပြီးရင် ကျနော်တို့ စစ်တွေကို ပို့ပြီးတော့ စနစ်တကျအဖွဲ့အစည်းအားလုံးပေါ့ ၊ လူအားလုံးပေါ့ ပဋိပက္ခမှာ ခံစားရတဲ့လူတွေပေါ့ လူမျိုးဘာသာမရွေး သူတို့လည်း ဒီလိုထောက်ပံ့ဖို့ စီစဉ်ထားပါတယ်။

ဒေါ်ခင်စိုးဝင်း။ ။ဟုတ်ကဲ့ပါ ဒါပေမယ့် အရင်တုန်းကဆိုရင် ရခိုင်ဒေသခံ အသိုင်းအ၀ိုင်းပေါ့နော် ဒီလိုမျိုး နိုင်ငံတကာ NGO အဖွဲ့အစည်းတွေလာတယ်ဆိုရင် မွတ်ဆလင်တွေကိုပဲ ကူညီနေတာပဲ၊ ရခိုင်တွေကိုတော့ မကူဘူးဆိုပြီးတော့ ၀မ်းနည်းစကားတွေပြောကြတာတွေရှိပါတယ်။ အခု ဒေသခံတွေရဲ့ တုံ့ပြန်မှုရော ဘယ်လိုရှိပါသလဲ။

ဒေါက်တာဝင်းမြတ်အေး။ ။ ဒေသခံတွေရဲ့ တုံ့ပြန်မှုဆိုတော့ ဟိုတနေ့ကဆိုရင် အင်ဒိုနီးရှားနိုင်ငံခြားရေးဝန်ကြီး နဲ့ ကျနော်တို့ သွားတဲ့နေရာမှာဆိုရင် မွတ်ဆလင်လူမျိုးတွေရော၊ ကမန်ကော ဒီတိုင်းရင်းသားတွေရော အကုန်လုံးနဲ့ ဆုံခဲ့တာပဲ။ အားလုံးပျော်ပျော်ရွှင်ရွှင် ပျော်ပျော်ပါးပါးနဲ့ ကျေနပ်ဝမ်းသာ ဖြစ်နေကြတာပဲ။"

ပြည်ထောင်စုဝန်ကြီး ဒေါက်တာဝင်းမြတ်အေးကို ဗွီအိုအေ ရန်ကုန်ရုံး အယ်ဒီတာ ဒေါ်ခင်စိုးဝင်းက နေပြည်တော်မှာ သွားရောက်တွေ့ဆုံ မေးမြန်း ထားတာဖြစ်ပါတယ်။
VOA Burmese News


( ၂ဝ၁၆ ဒီဇင်ဘာလအတွက် ချီးကျူးဂုဏ်ပြုထိုက်သူအဖြစ် နိုင်ငံတော်အတိုင်ပင်ခံပုဂ္ဂိုလ်က ရွေးချယ်လိုက်တဲ့ ကိုရာဇာဟိန်း ကို တွေ့ရစဉ် ) Photo: Myanmar State Counsellor Office FB
ပြီးခဲ့တဲ့ ဒီဇင်ဘာလ ၁၀ ရက်နေ့က ပဲခူးတိုင်းဒေသကြီး၊ ပန်းတောင်းမြို့နယ်၊ ဥသျှစ်ပင်မြို့မှာ WY ဆေးပြား ၁၄ သန်း ဖမ်းဆီးနိုင်ဖို့အတွက် တောထဲမှာ ၈ ရက်ကြာ နေထိုင်ပြီး ကြိုးစားဖော်ထုတ်ပေးခဲ့တဲ့ ဒေသခံ ကိုရာဇာဟိန်းကို ဒီဇင်ဘာလအတွက် ချီးကျူးဂုဏ်ပြုထိုက်သူအဖြစ် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ရွေးချယ်လိုက်ပါတယ်။

ချီးကျူးဂုဏ်ပြုထိုက်သူအဖြစ် ရွေးချယ်ခံခဲ့ရတဲ့ ဒေသခံ ကိုရာဇာဟိန်း က မိသားစုနဲ့ မိမိအသက်အန္တရာယ် စိုးရိမ်ရတာကြောင့် လုံခြုံရေး ဆောင်ရွက်ပေးစေလိုတယ်လို့ ပြောပါတယ်။

"ခုချိန်ထိကို ကျနော့်ကို ကာကွယ်ပေးဖို့ ဘာတို့လာလည်း မမေးကြဘူး။ ကျနော်အဲ့ဆုတော့ မမက်မောဘူး။ အမှန်တိုင်းပြောရမယ်ဆိုရင်။ ကျနော် တာဝန်ထမ်းဆောင်ခဲ့တဲ့အတိုင်းကို နိုင်ငံတော်က အသိမှတ်ပြုပေးတာကို ကျနော်လက်ခံတယ်။ ကျေးဇူးလည်းတင်တယ်။ ပီတိလည်း ဖြစ်တယ်ပေါ့နော်။ ခု ကျနော့် အသက်အန္တရာယ်အတွက်ကို လုံခြုံရေးလေးတော့ ထားပေးစေချင်တယ်။ တောင်းဆိုပါတယ်။"

ပန်းတောင်းမြို့နယ်၊ ဥသျှစ်ပင်မြို့နေ အသက် ၃၅ နှစ်အရွယ် ကိုရာဇာဟိန်းဟာ ဥသျှစ်ပင်မြို့ကနေ ၂၇ မိုင်နီးပါးဝေးတဲ့ တောင်ပေါ်ဘုန်းကြီးကျောင်းတစ်ကျောင်းမှာ ဝေယျာဝစ္စအလုပ်တွေ သွားရောက်လုပ်ကိုင်ပေးရင်း ဘုန်းကြီးကျောင်းအနီးက နေအိမ်တစ်လုံးထံ ဆီသယ်ယာဉ် တစ်စီးဝင်ရောက်လာတာကို တွေ့ခဲ့ပြီး ဆီသယ်ယာဉ်ပေါ်မှာ မသင်္ကာဖွယ်အထုပ်တွေ တင်ဆောင်လာတာကို တွေ့တာကြောင့် ၈ ရက်ကြာ စောင့်ဆိုင်းပြီး စုံစမ်းခဲ့တာဖြစ်ပါတယ်။

ကိုရာဇာဟိန်းဟာ သူနဲ့ဆွေမျိုးတော်စပ်သူ ဥသျှစ်ပင်ယာဉ်ထိန်းရဲတပ်ဖွဲ့ က ရဲအုပ်ကျော်စိုးဦးနဲ့ ချိတ်ဆက်ပြီး စုံစမ်းခဲ့ရာမှာ ဒီဇင်ဘာလ ၁၀ ရက်နေ့ မနက် ၅ နာရီခန့်မှာ အဲဒီဆီသယ်ယာဉ်က နေအိမ်ကနေ ထွက်သွားတာကို နောက်ယောင်ခံလိုက်ရင်း ရဲတပ်ဖွဲ့ကို သတင်းပေး ဖမ်းဆီးခဲ့တာဖြစ်ပါတယ်။

ဆီသယ်ယာဉ်ပေါ်မှာ လိုက်ပါလာသူ ၄ ဦးအနက် ၃ ဦးကိုသာ ဖမ်းဆီးနိုင်ပြီး အမှုနဲ့အဓိက ပတ်သက်သူတစ်ဦးက ထွက်ပြေးလွတ်မြောက်နေတယ်လို့ ကိုရာဇာဟိန်း ကပြောပါတယ်။

တစ်စုံတရာဖိအားပေးမှု၊ တိုက်တွန်းမှု၊ ခိုင်းစေမှုမရှိဘဲ ဆောင်ရွက်ခဲ့တဲ့အတွက် ကိုရာဇာဟိန်းကို ၂၀၁၆ ခုနှစ် ဒီဇင်ဘာလအတွက် ချီးကျူးဂုဏ်ပြုထိုက်သူအဖြစ် ရွေးချယ်တာဖြစ်တယ်လို့ နိုင်ငံတော်အတိုင်ပင်ခံရုံးက သတင်းထုတ်ပြန်ထားပါတယ်။

RFA Burmese
https://www.facebook.com/rfaburmese/


ပုဂံဘုရားများပေါ်တက်၍ နေ၀င်နေထွက် ကြည့်ရှုနေမှုများသည် ရေရှည် အတွက် မသင့်တော်ခြင်းကြောင့် နောင်တွင် ပိတ်ပင်ရ မည် ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ဇန်န၀ါရီ ၂၄ ရက်တွင် ပြောကြားခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ပုဂံရှေးဟောင်း သုတေသန ပြတိုက်တွင် ရှေးဟောင်းပညာရှင်များ ၊ ဌာနဆိုင်ရာ တာဝန်ရှိသူများနှင့် တွေ့ဆုံရာတွင် ပြောဆိုခဲ့ခြင်းဖြစ်သည်။

“ဆည်းဆာချိန် နေ၀င်နေထွက်ချိန်တွေကို ခရီးသွားတွေက စိတ်ဝင်စား တာလည်း နားလည်ပါတယ်။ ပုဂံဒေသရဲ့ နေဝင်နေထွက် မြင်ကွင်းတွေက တခြားဒေသတွေနဲ့ မတူဘူး။ ထူးခြားပြီး အရမ်းလှပါတယ်။ ကျွန်မ နေဝင်နေထွက် မြင်ကွင်းတွေ အများကြီးကြုံခဲ့ဖူးပါတယ်။ ပုဂံရဲ့ နေဝင်နေထွက်ကိုတော့ မမီပါဘူး။ ဒါပေမယ့် ခရီးသွားဧည့် သည်တွေဟာ စေတီတွေပေါ်တက်ပြီး နေဝင်နေထွက် ရှုခင်းတွေ ကြည့်နေတာဟာ ရှေးဟောင်း အမွေအနှစ်တွေကို ထိခိုက်စေ တဲ့အတွက် ရေရှည်တွက် မသင့်တော်လို့ နောင်မှာ ပိတ်ပင်ရမယ်။ တခြားနေရာတွေမှာ အစားထိုး စီစဉ်ပေးဖို့ လိုတယ်” ဟု ဒေါ်အောင်ဆန်း စုကြည်က ပြောသည်။


ပုဂံဒေသသို့ လာရောက်သည့် ကမ္ဘာလှည့်ခရီးသွားများ အနေဖြင့် ဗုဒ္ဓဘာသာဝင် ဖြစ်ချင်မှဖြစ်မည် ၊ ဗုဒ္ဓဘာသာဝင် မဟုတ်ပါကလည်း စိတ်ဝင်စားသဖြင့် လာရောက်ခြင်းဖြစ်ပြီး ၎င်းတို့၏ စိတ်ဝင်စားမှု သည် ဒေသခံများအတွက် စီးပွားရေးတွင် အထောက်အကူပြုရာ ကျသည်ကိုလည်း လျစ်လျူရှုထား၍ မရကြောင်း ၎င်းကပြောသည်။

“ရေရှည်မှာတော့ ဆက်ပြီးခွင့်ပြုလို့ရမှာ မဟုတ်ပါဘူး။ ဒါပေမယ့် တခြားနေရာတွေမှာ လုပ်ပေးမယ်ဆိုရင်တော့ သင့်တော်မယ်လို့ ယူဆပါတယ်။ ယဉ်ကျေးမှု အမွေအနှစ်ထိန်းသိမ်းတဲ့ အမြင်နဲ့ကြည့်ပြီးတော့ မသင့်တော်ဘူးလို့ ပြောတဲ့သူလည်း ရှိချင်ရှိမှာပေါ့။ ဒါကတော့ ဟိုဘက်ဒီဘက် ပြောတာတွေကို ကျွန်မတို့ နားထောင်ရ မယ်။ သေသေချာချာ ချင့်ချိန်ရမယ်။ လုပ်သင့်လုပ်ထိုက်တာ ကို နောက်ဆုံးကျတော့ ကျွန်မတို့နိုင်ငံရဲ့ ရေရှည်အကျိုးကို မျှော်ကိုးပြီး ဆုံးဖြတ်ရမှာ ဖြစ်ပါတယ်” ဟု ဒေါ်အောင်ဆန်းစုကြည်က ဆက်လက်ပြောကြားသည်။


ထို့အတူ ၀န်ကြီးဌာနက လုပ်ဆောင်နေသည့် ယဉ်ကျေးမှုဇုန် သတ်မှတ်ခြင်းနှင့် ပတ်သက်၍လည်း ဇုန်သတ်မှတ်သည့် နေရာများသည် အများပြည်သူ လက်ခံနိုင်သည့် နေရာမျိုးဖြစ်သင့်ပြီး အများပြည်သူ လက်ခံနိုင်မှသာ ဆောင်ရွက်သင့်သည်။ ပြည်သူကို ချပြပြီးမှ ဇုန်များ သတ်မှတ်ပေးရန် အရေးကြီးသည်ဟုလည်း ဒေါ်အောင်ဆန်းစုကြည် က ပြောဆိုခဲ့သည်။

ဇော်မင်းထွန်း
The Ladies News
https://www.facebook.com/News.TheLadies/

ကုလသမဂ္ဂ လူ့အခွင့်အရေး အထူးကိုယ်စားလှယ် Yanghee Lee
ကုလသမဂ္ဂ လူ့အခွင့်အရေး အထူးကိုယ်စားလှယ် Yanghee Lee
ကုလသမဂ္ဂ လူ့အခွင့်အရေး အထူးကိုယ်စားလှယ် Yanghee Lee က ပြီးခဲ့တဲ့ သီတင်းပတ်ထဲ အဆုံးသတ်ခဲ့တဲ့ မြန်မာနိုင်ငံခရီးစဉ်အတွင်း သူတွေ့ဆုံခဲ့သူတွေအပေါ် လက်တုံ့ပြန်အရေးယူခံရမှာ စိုးရိမ်ကြောင်း ပြောကြားလိုက်ပါတယ်။

သူတွေ့ဆုံ စကားပြောခဲ့တဲ့သူတွေထဲက အစိုးရကို ဝေဖန်သူတွေ၊ တခြားသူတွေရဲ့ အခွင့်အရေးကို ကာကွယ်ဖို့ ကြိုးပမ်းနေသူတွေ၊ အာဏာပိုင်တွေနဲ့ ကွဲလွဲတဲ့ သဘောထား အမြင်တွေကို ပြောဆိုသူတွေအတွက် စိုးရိမ်မိကြောင်းနဲ့ ဆက်သွယ်ရေးဥပဒေ ၆၆ ဃ နဲ့ အရေးယူဖို့ ကြိုးပမ်းမှုတွေ တိုးလာနေတာကိုလည်း ကုလသမဂ္ဂရုံးချုပ်ရှိရာ ဂျနီဗာမြို့မှာ ဒီကနေ့ ရက်စွဲနဲ့ ထုတ်ပြန်လိုက်တဲ့ ကြေညာချက်မှာ ပြောဆိုခဲ့တာပါ။

ဇန်န၀ါရီလ ၉ ရက်နေ့ကနေ ၂၂ ရက်နေ့အထိ ခရီးစဉ်အတွင်း သွားခဲ့တဲ့ ရခိုင်ပြည်နယ်မြောက်ပိုင်း မောင်းတောမြို့နယ်မှာ လုံခြုံရေးတပ်ဖွဲ့တွေက နယ်မြေရှင်းလင်းရေး လုပ်ငန်းတွေ ပြန်စနေတယ်ဆိုတဲ့ သတင်းတွေအပေါ် စိုးရိမ်ကြောင်းလည်း ပြောဆိုခဲ့ပါတယ်။ မြန်မာအစိုးရ တာဝန်ရှိသူတွေကတော့ ရခိုင်ပြည်နယ်က အခြေအနေတွေကို ဖြေရှင်းရာမှာ ဥပဒေနဲ့အညီ ကိုင်တွယ်ဆောင်ရွက်နေသလို၊ ရေရှည်ပြေလည်မှု ရစေဖို့ ကော်မရှင်တွေ ဖွဲ့စည်းပြီး ဆောင်ရွက်နေကြောင်းလည်း ပြောဆိုခဲ့တာပါ။

သူ့ခရီးစဉ်အတွင်း လုံခြုံရေးကြောင့် အကန့်အသတ်နဲ့သာ သွားခွင့်ရခဲ့တဲ့ ကချင်ပြည်နယ်မှာလည်း အခြေအနေတွေ အရင်ထက် ပိုဆိုးလာနေတာကို ထောက်ပြခဲ့တာပါ။ အလုပ်ကြမ်း စခန်းတွေ အပါအ၀င်၊ မြန်မာနိုင်ငံရဲ့ အကျဉ်းထောင်တွေမှာ တိုင်ကြားနိုင်တဲ့ စနစ်မရှိသလို၊ သူနဲ့တွေ့ဆုံ စကားပြောခဲ့တဲ့ အကျဉ်းသားတွေက နောက်ဆက်တွဲ တခုခုဖြစ်မှာကို စိုးရိမ်ကြတဲ့ သဘောထားတွေကို ပြောဆိုခဲ့ကြောင်းလည်း ကုလသမဂ္ဂ လူ့အခွင့်အရေး အထူးကိုယ်စားလှယ်က ပြောဆိုခဲ့ပါတယ်။ မြန်မာနိုင်ငံကို ၁၂ ရက်ကြာ ခရီးစဉ်အဖြစ် သွားရောက်ခဲ့တဲ့ လူ့အခွင့်အရေး အထူးကိုယ်စားလှယ်ဟာ မြန်မာနိုင်ငံဆိုင်ရာ အစီရင်ခံစာ တစောင်ကို ရှေ့လာမယ့် မတ်လထဲ ကုလသမဂ္ဂ လူ့အခွင့်အရေးကောင်စီကို တင်သွင်းမှာ ဖြစ်ပါတယ်။
VOA Burmese News



မင်းဘူးမြို့အဝင် ဆိုင်းပုဒ်ကို တွေ့ရစဉ်။ ဓါတ်ပုံ - နေမိုးငယ်
မကွေးတိုင်းဒေသကြီး မင်းဘူး၊ ရေနံချောင်းစတဲ့ မြို့နယ်တချို့မှာ နှစ်ရက်ဆက်တိုက် ပေါက်ကွဲသံ ၄ ကြိမ်လောက် ကြားနေရတာကြောင့် စိုးရိမ်ထိတ်လန့်နေကြတယ်လို့ ဒေသခံတွေက ပြောပါတယ်။

မနေ့က ပေါက်ကွဲသံကြားရချိန်မှာ မြေကြီးတွေပါ တုန်ခါနေတယ်လို့ ရေနံချောင်းမြို့မှာနေထိုင်တဲ့ ဒေသခံ ဦးမြင့်ငွေ က ပြောပါတယ်။

"ပေါက်ကွဲသံ တော်တော်ကျယ်ကျယ် အသံကြားရတယ်၊ ရင်ဘတ်ထဲအထိ ရောက်သွားတယ်လို့ ခံစားရတယ်၊ မြေကြီးတွေ၊ အဆောက်အဦတွေပါ တုန်ခါနေတယ် အဲလိုမျိုးကြီးဗျ၊ ဒီနေ့ကတော့ တစ်ကြိမ်ပဲကြားရတယ်၊ မနေ့ကတုန်းကတော့ ၃ ကြိမ်ကြားရတယ်ဗျ၊ ဒီနေ့ကျတော့ အသံလည်း ကြားရော လူတွေအများကြီးပဲ ၀ိုင်းကြည့်နေကြတဲ့အခါကျတော့ ကောင်းကင်မှာပေါ့ဗျာ၊ ဂျက်လေ ယာဉ်တွေပျံတဲ့အခါမှာ အဖြူတန်းကြီးပေါ့ မီးခိုးတန်းကြီးဖြစ်သလိုမျိုး အဲလိုမျိုးတွေ့ရတယ်ဗျ၊ မြို့ကလူတွေ တော်တော်များများ ကြောက်နေကြတယ်ဗျ၊ ဘာသံမှန်းမသိ၊ ပေါက်ကွဲသံလား မသိပေါ့နော်။"

အလားတူ ပေါက်ကွဲသံကို မင်းဘူး၊ စကု နဲ့ မကွေးဘက်တွေမှာလည်း ကြားနေရပြီး အကြောင်းအရင်းကို တပ်မတော်ကိုပဲ မေးမြန်းသင့်ကြောင်း မင်းဘူး-စကု မြို့နယ်အုပ်ချုပ်ရေးမှူး ဦးညီညီဝင်း က ပြောပါတယ်။

"ဒီနေ့လည်းကြားတယ်ပေါ့နော်၊ ဒီဟာတော့ တပ်ကိုမေးလိုက်ရင်ကောင်းမယ်ဗျ၊ ကျွန်တော်တို့ ကျတော့ မသိနိုင်ဘူး ဒါမျိုးကျတော့လေ၊ အပေါ်ဘက်ကဖြစ်ဖို့များတယ်၊ လေကြောင်းလမ်းဘက်ကလေ၊ စကုဘက်ကလည်း ကြားရတတာပဲ၊ မင်းဘူးဘက်ကလည်း ကြားရတယ်၊ မကွေးဘက်ကလည်း ကြားရတယ်။"

အဲဒီကိစ္စနဲ့ ပတ်သက်ပြီး ကာကွယ်ရေးဝန်ကြီးဌာန ပြောရေးဆိုခွင့်ရှိသူတွေထံ RFA က ဆက်သွယ်မေးမြန်းရာ ဖုန်းပြန်လည်ဖြေကြားခြင်း မရှိပါဘူး။

ဒီလိုပေါက်ကွဲသံကြားရတာဟာ ကာကွယ်ရေးပစ္စည်းစက်ရုံတွေက လေ့ကျင့်စမ်းသပ်တာမျိုး ဖြစ်နိုင် တယ်လို့လည်း ဒေသခံတွေက ပြောဆိုနေကြပါတယ်။

၂၀၁၅ ခုနှစ်တုန်းကလည်း ဒေသခံတွေကို အသိမပေးဘဲ မကွေးတိုင်းဒေသကြီး၊ စေတုတ္တရာမြို့နယ်မှာရှိတဲ့ အမှတ် ၂ဝ ကာကွယ်ရေးပစ္စည်းစက်ရုံက လက်နက်တွေကို စမ်းသပ်ပစ်ခတ်ခဲ့တာကြောင့် ဒေသခံတွေ စိုးရိမ်ကြောက်လန့်ခဲ့ကြရပါတယ်။

RFA Burmese
http://www.rfa.org/burmese



ကင်းလှည့်နေတဲ့ တရုတ် စစ်သင်္ဘော
တရုတ်နိုင်ငံ အနေနဲ့ တောင်တရုတ်ပင်လယ်က သူတို့ ပိုင်တယ်လို့ ကြေညာ ထားတဲ့ ကိစ္စနဲ့ ပတ်သက်ပြီး နောက်ဆုတ်သွားမှာ မဟုတ်ဘူးလို့ ပြော ဆိုလိုက်ပါတယ်။

အမေရိကန် သမ္မတ သစ် ဒေါ်နယ် ထရမ့် အစိုးရ ကနေပြီး အဲဒီက နိုင်ငံ တကာ နယ်မြေတွေကို ကာကွယ်သွားမှာ ဖြစ်တယ်လို့ ကတိပြု ပြောကြားလိုက်တဲ့ နောက်မှာ တရုတ်တို့ရဲ့ အခုလို သဘော ထား ထွက်ပေါ်လာတာ ဖြစ်ပါတယ်။

ဘေဂျင်းမှာ ပြုလုပ်တဲ့ သတင်းစာ ရှင်လင်းပွဲမှာ တရုတ်နိုင်ငံခြားရေး ဌာန ပြောခွင့်ရ ဟွာ ချွန်ရင်း က သူတို့ ကြေညာ ထားတဲ့ အတိုင်း ရပ်တည်သွားမှာ လို့ ပြောကြားပါတယ်။

တောင်တရုတ် ပင်လယ်က နန်ရှာ ကျွန်းစုတွေနဲ့ ကပ်လျက် ရေပိုင်နက် တွေဟာ တရုတ် နိုင်ငံရဲ့ အငြင်းပွားစရာ မလိုတဲ့ အချုပ်အခြာပိုင် နယ်မြေတွေ ဖြစ်တယ်၊ တရုတ် နိုင်ငံ အနေနဲ့ တောင်တရုတ်ပင်လယ်ပြင်က သူတို့ရဲ့ နယ်မြေ အချုပ်အခြာ ပိုင်မှုနဲ့ ရေကြောင်း အခွင့်အရေး အကျိုးစီးပွား ကို အခိုင်အမာ ကာကွယ် သွားမှာ ဖြစ်တယ်လို့ ပြောသွားပါတယ်။

BBC Burmese
http://www.bbc.com/burmese



အမျိုးသားလွှတ်တော်၊ အမျိုးသမီးနှင့် ကလေးသူငယ် အခွင့်အရေးဆိုင်ရာကော်မတီ ဥက္ကဌ ဒေါက်တာမြသောင်း ကို ဇန်နဝါရီလ ၂၄ ရက်နေ့က တွေ့ရစဉ်။ Photo: Win Ko Ko Latt/RFA
မျိုးစောင့်ဥပဒေလေးခုကို ၂ဝ၁၇ ခုနှစ်အတွင်း ပြင်ဆင်သွားမယ်လို့ အမျိုးသားလွှတ်တော်၊ အမျိုးသမီးနှင့် ကလေး သူငယ် အခွင့်အရေးဆိုင်ရာကော်မတီ ဥက္ကဌ ဒေါက်တာမြသောင်း က ပြောပါတယ်။

ဒီနေ့ နေပြည်တော်က Horizon Lake View ဟိုတယ်မှာကျင်းပတဲ့ အမျိုးသမီးအခွင့်အရေးဆိုင်ရာ အလုပ်ရုံဆွေးနွေး ပွဲအပြီးမှာ အမျိုးသားလွှတ်တော်ကိုယ်စားလှယ် ဒေါက်တာမြသောင်း က ပြောတာဖြစ်ပါတယ်။

အမျိုးသမီးအခွင့်အရေး ကာကွယ်စောင့်ရှောက်ရေးဥပဒေပြဌာန်းတဲ့အခါ တည်ဆဲမျိုးစောင့်ဥပဒေတွေနဲ့ ငြိစွန်း မှု ဖြစ်လာနိုင်တယ်လို့ ဒေါက်တာမြသောင်း က ပြောပါတယ်။  ဒါ့အပြင် မကြာသေးခင်က မြန်မာနိုင်ငံကို လာရောက်ခဲ့တဲ့ ကုလသမဂ္ဂလူ့အခွင့်အရေး အထူးကိုယ်စားလှယ် မစ္စယန်ဟီးလီကလည်း မျိုးစောင့်ဥပဒေလေးခု ကို ပြင်ဆင်ဖို့ တိုက်တွန်းခဲ့တယ်လို့လည်း ပြောပါတယ်။

လွန်ခဲ့တဲ့ ၂၀၁၄ ခုနှစ်မှာ လူပုဂ္ဂိုလ် တစ်သန်းသုံးသိန်းကျော်က လက်မှတ်ရေးထိုးပြီး မျိုးစောင့်ဥပဒေတွေ ရေးဆွဲပြ ဌာန်းဖို့ အစိုးရထံ တောင်းဆိုခဲ့တာဖြစ်ပါတယ်။

မျိုးစောင့်ဥပဒေလေးခုနဲ့ ပတ်သက်ပြီး အမျိုးသမီးအခွင့်အရေး တက်ကြွလှုပ်ရှားသူတွေနဲ့ နိုင်ငံတကာက ကန့်ကွက် ခဲ့ကြပေမယ့် ၂၀၁၅ ခုနှစ်မှာ တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေ၊ မြန်မာဗုဒ္ဓဘာသာဝင် မိန်းမများ အထူးထိမ်းမြားခြင်းဆိုင်ရာ ဥပဒေ၊ ကိုးကွယ်ရာဘာသာ ကူးပြောင်းခြင်းဆိုင်ရာ ဥပဒေနဲ့ လူဦးရေတိုးပွားမှု ထိန်းညှိခြင်းဆိုင်ရာ ကျန်းမာရေးစောင့်ရှောက်မှု ဥပဒေတို့ကို ပြဌာန်းခဲ့ပါတယ်။

RFA Burmese
http://www.rfa.org/burmese


အမေရိကန်သမ္မတ Donald Trump
သမ္မတအဖြစ် တာဝန်ယူပြီး ၃ ရက်အကြာမှာတင် အမေရိကန်သမ္မတ Donald Trump ဟာ သူ့အစိုးရအနေနဲ့ ပထမဆုံး တရားဥပဒေအရ အကဲစမ်းမှုကို ရင်ဆိုင်နေရပြီ ဖြစ်ပါတယ်။

CREW လို့ အတိုကောက်ခေါ်တဲ့ ၀ါရှင်တန်ရှိ တာဝန်သိတတ်သူတွေနဲ့ ကျင့်ဝတ်သိက္ခာ ထိန်းသိမ်းရေး မြို့ခံတွေ ဖွဲ့စည်းထားတဲ့ စောင့်ကြည့်ရေး အဖွဲ့က သူ့ကို ရုံးတင် တရားစွဲဆိုလိုက်ပါတယ်။

သမ္မတသစ်ရဲ့ ကြီးမားလှတဲ့ စီးပွားရေးလုပ်ငန်း ပိုင်ဆိုင်မှုတွေဟာ ဖွဲ့စည်းပုံ အခြေခံဥပဒေပါ ကန်သတ်ချက်ကို ချိုးဖောက်ရာ ရောက်တယ်လို့ နယူးယောက်မြို့မှာ တနင်္လာနေ့က စွဲချက်တင်ခဲ့တာ ဖြစ်ပါတယ်။

Trump ကတော့ အခုလို စွဲချက်တင်တာကို လက်မခံ ပယ်ချလိုက်ပြီး ဒီတရားစွဲဆိုမှုဟာ လုံးဝ အခြေအမြစ် မရှိဘူးလို့ ငြင်းဆိုလိုက်ပါတယ်။ အမေရိကန် သမ္မတအနေနဲ့ လွှတ်တော်ရဲ့ အတည်ပြုချက် မရရှိပဲ နိုင်ငံခြားက အာဏာရှိသူတွေနဲ့ အစိုးရတွေထံက ငွေကြေး၊ ဒါမှမဟုတ် တံစိုးလက်ဆောင်တွေ လက်ခံခွင့် မရှိပါဘူး။

  ဗွီအိုအေ (မြန်မာပိုင်း)
http://burmese.voanews.com


TTP ထဲကနေ ထွက်မယ် ဆိုတာ မဲဆွယ် ကာလတွေ အတွင်း မစ္စတာထရမ့် ပေးခဲ့တဲ့ အဓိက ကတိကဝတ် တစ်ခု ဖြစ်။
အမေရိကန် သမ္မတသစ် အဖြစ် ဒေါ်နယ်ထရမ့် စတင် ရုံးတက် လာခဲ့တဲ့ ပထမဆုံးနေ့၊ ဇန်နဝါရီ ၂၃ ရက် တနင်္လာနေ့ မှာပဲ အမေရိကန် ပြည်ထောင်စုနဲ့ ကျန် ကမ္ဘာ့ နိုင်ငံတွေကြား ဆက်ဆံရေးမှာ အင်မတန် အရေးပါတဲ့ အပြောင်းအလဲ တစ်ခုကို ပြတ်ပြတ်သားသား ဆုံးဖြတ် ခဲ့ပါတယ်။

ပစိဖိတ် သမုဒ္ဒရာ တလွှား နိုင်ငံတွေကြား ဖော်ဆောင်ကြမယ် ဆိုပြီး ပြင်ဆင် ထားလက်စ TTP လို့ ခေါ်တဲ့ ကုန်သွယ်ရေး လွတ်လပ်ဇုံကြီး ထဲကနေ အမေရိကန် နှုတ်ထွက် သွားတာ ဖြစ်ပါတယ်။

ဒါ့အပြင် အလုပ်အကိုင် အခွင့် အလမ်းတွေကို ပြည်တွင်းမှာ မဖန်တီးပဲ၊ နိုင်ငံရပ်ခြားမှာ ဖော်ဆောင်မယ့် အမေရိကန် ကုမ္ပဏီတွေကို အပြစ်ပေး အရေးယူမယ် ဆိုပြီးတော့လည်း သမ္မတ ထရမ့်က သတိပေး ခဲ့ပါတယ်။

TTP ဖော်ဆောင်ဖို့ အိုဘားမား အစိုးရ လက်ထက် ဆွေးနွေး ညှိနှိုင်း ထားတာ ဖြစ်ပြီး၊ တရားဝင် စာချုပ်စာတမ်း တစုံတရာ လက်မှတ် ရေးထိုးထားတာမျိုး တော့ မရှိ သေးပါဘူး။

TTP ထဲကနေ ထွက်မယ် ဆိုတာ မဲဆွယ် ကာလတွေ အတွင်း မစ္စတာထရမ့် ပေးခဲ့တဲ့ အဓိက ကတိကဝတ် တစ်ခု ဖြစ်ပါတယ်။

တရုတ်ရဲ့ လွှမ်းမိုးမှုကို တန်ပြန် ထိန်းချုပ်နိုင်အောင် ဖော်ဆောင် ထားတယ် ဆိုပြီး ရှုမြင် သုံးသပ် ထားတဲ့ TTP ထဲကနေ အခုလို အမေရိကန် နှုတ်ထွက် သွားတာဟာ ပစိဖိတ် ဒေသ နိုင်ငံတွေ အတွက် နောက်ဆက်တွဲ ရိုက်ခတ်မှုတွေ ကြီးကြီးမားမား ပေါ်ပေါက် လာနိုင်တယ်လို့ သတင်းထောက် တွေက ဆိုပါတယ်။

BBC Burmese
http://www.bbc.com/burmese



ကုလသမဂ္ဂအတွင်းရေးမှူးချုပ် António Guterres
ရခိုင်အရေးနဲ့ပတ်သက်လို့ ကုလသမဂ္ဂအတွင်းရေးမှူးချုပ် António Guterres ကိုယ်တိုင် လာမယ့်ရက်တွေမှာ ကိုင်တွယ်သွားဖို့ရှိတယ်လို့ ကုလမဂ္ဂက ပြောကြားခဲ့ပါတယ်။ ဘူးသီးတောင်မြို့နယ်မှာ ရိုဟင်ဂျာမွတ်ဆလင်တွေအနေနဲ့ အစားအသောက်တွေဝယ်ဖို့တောင် အခက်အခဲတွေရှိနေတယ်ဆိုတဲ့ သတင်းတွေနဲ့ပါတ်သက်လို့ ကုလသမဂ္ဂအနေနဲ့ ဘယ်လိုတုံ့ပြန်မလဲဆိုတဲ့ သတင်းထောက်တယောက်ရဲ့ အမေးကို အတွင်းရေးမှူးချုပ်ရဲ့ ဒုတိယပြောခွင့်ရသူ Farhan Haq ကခုလို ဖြေကြားခဲ့ပါတယ်။

"ရခိုင်ပြည်နယ်ကိစ္စနဲ့ပါတ်သက်လို့ ကုလသမဂ္ဂအနေနဲ့လည်း စိုးရိမ်ပါတယ်။ ဒီစိုးရိမ်မှုတွေကို ကျွန်တော်တို့နဲ့ ဆက်သွယ်နေတဲ့ အောက်ခြေပိုင်းက သူတွေကို ပြောကြားထားပြီးဖြစ်ပါတယ်။ အတွင်းရေးမှူးချုပ်ကိုယ်တိုင် လာမယ့်ရက်တွေအတွင်း ဒီကိစ္စကို ကိုင်တွယ်လိမ့်မယ်လို့ ကျွန်တော်ယုံကြည်ပါတယ်။ ဒီကိစ္စနဲ့ပါတ်သက်လို့ နောင်မှာ ပြောစရာထပ်ပေါ်လာရင် ပြောပါ့မယ်" လို့ အတွင်းရေးမှူးချုပ်ရဲ့ ဒုတိယပြောခွင့်ရသူ Farhan Haq က January လ ၂၀ ရက်နေ့ သောကြာနေ့က သတင်းစာရှင်းပွဲအတွင်းမှာ ပြောကြားခဲ့တာဖြစ်ပါတယ်။

ကုလသမဂ္ဂအတွင်းရေးမှူးချုပ်ဟောင်း ဘန်ကီမွန်းနဲ့အတူ တာဝန်ပြီးဆုံးသွားတဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် Vijay Nambiar နေရာမှာ အတွင်းရေးမှုးချုပ်သစ်က လူသစ်ထပ်မံ ခန့်အပ်နိုင်ဖို့ ကြိုးစားနေဆဲဖြစ်ပါတယ်။

မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Ms. Yanghee Lee ကတော့ ၁၂ ရက်ကြာ မြန်မာနိုင်ငံခရီးစဉ်ကို ပြီးခဲ့တဲ့ သောကြာနေ့ကပဲ အဆုံးသတ်ခဲ့ပါတယ်။ တိုက်ပွဲတွေဖြစ်နေတဲ့ ကချင်ပြည်နယ်မှာရော၊ တိုက်ခိုက်မှုတွေရှိခဲ့တဲ့ ရခိုင်ပြည်နယ်မှာပါ စစ်တပ်ရဲ့ ကိုင်တွယ်ပုံတွေဟာ ကြမ်းတမ်းတယ်လို့ Ms. Yanghee Lee ကပြောကြားပါတယ်။

ရခိုင်ပြည်နယ်ထဲမှာ လက်နက်ကိုင်တိုက်ခိုက်မှုတွေရှိခဲ့ပြီးနောက် လုံခြုံရေးတပ်ဖွဲ့ဝင်တွေရဲ့ နယ်မြေရှင်းလင်းမှုတွေအတွင်း လူ့အခွင့်အရေးချိုးဖောက်မှုတွေရှိတယ်ဆိုတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်ခဲ့ပါတယ်။ ရခိုင်ပြည်နယ်က မွတ်ဆလင်တွေအရေးဟာ နိုင်ငံတကာအရေး ဖြစ်တယ်ဆိုပြီး OIC (အစ္စလမ်နိုင်ငံများအဖွဲ့) အထူးအစည်းကို ဇန်နဝါရီ ၁၉ ရက်နေ့က ခေါ်ယူကျင်းပခဲ့ပါတယ်။

အင်ဒိုနီးရှားနိုင်ငံကတော့ ရခိုင်ပြည်နယ်ထဲက ရခိုင်နဲ့ မွတ်ဆလင်အသိုင်းအဝိုင်း ၂ ခုလုံးအတွက် အကူအညီတွေ ပေးအပ်ခဲ့ပါတယ်။ မြန်မာနိုင်ငံကို လတ်တလောလာသွားတဲ့ ဗြိတိန်နိုင်ငံခြားရေးဝန်ကြီး Boris Johnson ကလည်း ရခိုင်အကြံပေးကော်မရှင် အဖွဲ့ဝင်တွေနဲ့ တွေ့ဆုံခဲ့ပြီး မြန်မာနိုင်ငံကို အထူးသဖြင့် ရခိုင်ဒေသအတွက် အကူအညီတွေပေးသွားဖို့ ရှိတယ်လို့ ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com



ပုဂံစေတီပုထိုးတွေကို သွားရောက်ကြည့်ရှုတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ဇန်နဝါရီလ ၂၄ နေ့ကတွေ့ရစဉ်။ Photo: Kaung Htet Kyaw/RFA
ပုဂံဒေသကို ရှေးဟောင်းယဉ်ကျေးမှုဇုန်တွေ ခွဲခြားသတ်မှတ်ရာမှာ ဒေသခံတွေ လက်ခံနိုင်မယ့်ပုံစံနဲ့ ဆောင်ရွက် ဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က တိုက်တွန်းလိုက်ပါတယ်။

ဒီနေ့ မနက်က ပုဂံရှေးဟောင်းသုတေသနပြတိုက်မှာ ပြတိုက်တာဝန်ရှိသူတွေ၊ ရှေးဟောင်းသုတေသန ပညာရှင်တွေနဲ့ တွေ့ဆုံရာမှာ ဒေါ်အောင်ဆန်းစုကြည်က ပြောကြားခဲ့တာဖြစ်ပါတယ်။

ဒါ့အပြင် ပုဂံဘုရားတွေပေါ်မှာ နေဝင်နေထွက်ကြည့်ရှုတာတွေကို ရေရှည်မှာ ခွင့်မပြုသင့်ကြောင်းနဲ့ တခြား သင့်တော်တဲ့နေရာတွေမှာ စီစဉ်ပေးသင့်ကြောင်းလည်း တိုက်တွန်းခဲ့ပါတယ်။

ပြတိုက်တာဝန်ရှိသူတွေဟာ ပြီးခဲ့တဲ့နှစ်က ငလျင်ဒဏ်သင့်ခဲ့တဲ့ စေတီပုထိုးတွေအကြောင်း တင်ပြခဲ့ပြီး ဒေါ်အောင် ဆန်းစုကြည်က ငလျင်ဒဏ်ကြောင့် ပျက်စီးသွားတဲ့ စေတီပုထိုးတွေကို လိုက်လံဖူးမြော်ခဲ့ပါတယ်။

နေ့လည်ပိုင်းမှာ ဘူတန်ဘုရင်ရဲ့ မိသားစုဝင်တချို့နဲ့အတူ အာနန္ဒာဘုရားနဲ့ ဂူပြောက်ကြီးဘုရားကို သွားရောက် ဖူးမြော်ခဲ့သလို သဲပန်းချီဆွဲတာကို ကြည့်ရှုခဲ့ပါတယ်။

ဒါ့အပြင် ရှေးဟောင်းလက်မှု ပစ္စည်းအရောင်းဆိုင်ကို သွားရောက်ခဲ့ပါတယ်။ ဒေါ်အောင်ဆန်းစုကြည်ဟာ မနက်ဖြန် ပခုက္ကူမြို့ကို သွားရောက်မှာဖြစ်တယ်လို့ သိရပါတယ်။

ပြီးခဲ့တဲ့နှစ် သြဂုတ်လ ၂၄ရက်နေ့က လှုပ်ခတ်ခဲ့တဲ့ ငလျင်ကြောင့် ပုဂံစေတီပုထိုးတွေ ပျက်ဆီးခဲ့ ပြီးနောက် ဒေါ်အောင်ဆန်းစုကြည် လာရောက်ကြည့်ရှုတာ ပထမဆုံးအကြိမ်ဖြစ်ပြီး ၂၀၁၁ ခုနှစ် ဇူလိုင်လ ဆန်းပိုင်းတုန်းက သားအငယ်ဖြစ်တဲ့ ကိုထိန်လင်း(ခ)ကင်မ်နဲ့အတူ ပုဂံဒေသကို လာရောက်ခဲ့ဖူးပါတယ်။

RFA Burmese
http://www.rfa.org/burmese


ရန်ကုန်တိုင်းဒေသကြီး၊ တောင်ဥက္ကလာပမြို့နယ် ၁၂ ရပ်ကွက်၊ မေတ္တာလမ်း အမှတ် ၆၈၇ ရှိ Ever Smile ဖုန်းအရောင်းဆိုင်အတွင်း ဇန်န၀ါရီ ၂၃ ရက်နေ့ ညပိုင်းက ပုပ်ပွနေသည့် အမျိုးသမီးအလောင်းတခုတွေ့ရှိခဲ့ရကြောင်း တောင်ဥက္ကလာပမြို့မရဲစခန်းမှသိရသည်။

သေဆုံးသူမှာ အသက် (၃၆) နှစ်အရွယ် ဆိုင်ဝန်ထမ်း မမေသီတာစိုးဆိုသူဖြစ်ပြီး
ပတ်ဝန်းကျင်နေသူတို့က အနံဆိုးများရရှိကြောင်း ရဲစခန်းကိုအကြောင်းကြားသဖြင့် ည ၈ နာရီခန့်တွင် ရဲတပ်ဖွဲ့ဝင်များက ယင်းဖုန်းဆိုင်အတွင်း သော့ဖျက်ကာဝင်ရောက်ဆေးရာမှ အလောင်းအားတွေ့ရှိခဲ့ခြင်း ဖြစ်သည်။


အလောင်းတွင် ပြင်ပဒဏ်ရာမတွေ့ရှိရဘဲ သေဆုံးနေသည်မှာ ၅ ရက်ခန့်ရှိပြီဟုယူဆရကြောင်း ရဲမှတ်တမ်းအရ သိရသည်။ ရဲတပ်ဖွဲ့၏စစ်ဆေးချက်အရ သေဆုံးသူမှာ ပန်းနာရင်ကြပ်ဝေဒနာခံစားနေရသူဖြစ်ပြီး ခြင်ထောင်အတွင်းသေဆုံးနေခြင်းဖြစ်သည်ဆိုသည်။

 အဆိုပါအမျိုးသမီးအလောင်းကို သင်္ဃန်းကျွန်းစံပြဆေးရုံသို့ ပို့ဆောင်ထားပြီး ဆေးရုံက ပီအာရ် ၈၀ ဖြင့် လက်ခံထားကာ အမှုကို တောင်ဥက္ကလာပမြို့မရဲစခန်းက သေမှုသေခင်းအမှတ်စဉ် ၃/၁၇ ဖြင့် အမှုဖွင့် စစ်ဆေးလျက်ရှိကြောင်း သိရသည်။

ကိုရဲ
News Watch
https://www.facebook.com/NewsWatchJournal/


တောင်ဥက္ကလာပမြို့နယ် မေတ္တာလမ်းပေါ်ရှိ Ever Smile Phone ဖုန်းဆိုင်တွင် အပုပ်နံ့ ထွက်လာသည့် အတွက် အနီးဝန်းကျင်ရှိ ဆိုင်များက သက်ဆိုင်ရာသို့ အကြောင်းကြား စစ်ဆေးရာမှာ အမျိုးသမီးတစ်ဦး အလောင်းအား ဇန်န၀ါရီ ၂၃ ရက် ညပိုင်းက တွေ့ရှိကြောင်း သိရသည်။

တောင်ဥက္ကလာပ မြို့နယ် တိုင်းဒေသကြီးလွှတ်တော် အမတ် ဦးမိုးမြင့်က “မနေ့က တွေ့တာက အပုပ်နံ့ ရတယ်ဆိုပြီး ဘေးအိမ်ကနေ အကြောင်းကြား လို့လေ။ အထဲမှာ ခွေလျက်ကြီး အသက် ၃၈ နှစ်အရွယ် အမျိုးတစ်ဦး သေနေတာ တွေ့တယ်။ အခုက ရဲကနေ သေမှုသေခင်းဖွင့်ပြီး စစ်နေတယ်။ စစ်ဆေးပြီးတော့မှ သမားရိုးကျ သေတာလား၊ ဘယ်လိုသေ သလဲ ဆိုတာ နောက်ပိုင်း ရဲစခန်းက ပုဒ်မအပြောင်း အလဲတော့ လုပ်မှာပေါ့” ဟု ပြောသည်။

လက်ရှိတွင် ရဲလုပ်ငန်းစဉ်အရ စစ်ဆေးဆောင်ရွက်ခြင်းများ ပြုလုပ် လျက်ရှိပြီး အဆိုပါ အမျိုးသမီးအနေဖြင့် မကြာခဏ ဆိုင်ပိတ်ခြင်းများ ရှိကြောင်း ညပိုင်းတွင် ဆိုင်ပိတ်ကာ အိမ်ပြန်လေ့ရှိသည့်အတွက် အိမ်ပြန်သည်ဟု မှတ်ထင်ပြီး အပုပ်နံ့ ထွက်လာသည့်အခါ မသင်္ကာသဖြင့် သက်ဆိုင်ရာ တာဝန်ရှိသူများကို အကြောင်းကြားသဖြင့် ယခုကဲ့သို့ သေ ဆုံးနေသည်ကို တွေ့ရှိရခြင်းဖြစ်ကြောင်း ဆက်လက်ပြောသည်။

ဦးမိုးမြင့်က “အခုစစ်နေတုန်း။ ရဲလုပ်ငန်းစဉ်၊ အရင်ဗုဒ္ဓဟူးနေ့ ကတည်းက ပိတ်ထားတယ်လို့ ဘေးနားက မိတ္တူဆွဲတဲ့အိမ်က ပြောတာတော့။ အရင်ကတော့ ပြန်ပြန်သွားတယ်တဲ့။ အရင်က ၈ နာရီခွဲ ၉ နာရီဆို ဆိုင်ပိတ်ပြီး ပြန်သွားတယ်လို့ ဘေးဆိုင်တွေက ပြောတယ်။ သူတို့လည်း အရင်လို ပြန်နေကြလို့ ထင်တယ်ပြောတယ်။ အရင်ကလည်း အကြာကြီးပိတ်ပြီးမှ ပြန်ဖွင့်တာ ရှိတယ်လို့ ပြောကြတယ်။ နံလို့ဆိုပြီး အုပ်ချုပ်ရေးမှူးတို့ ရဲတို့ ခေါ်လိုက်တော့မှ ဒီမှာ သေနေတာ တွေ့တာဖြစ် တယ်။ သုံးလေးရက် လောက်တောင် ရှိနေပြီ။ တံခါးဖွင့်လိုက် တာနဲ့ တော်တော် နံနေပြီ”ဟု ပြောသည်။

ဓာတ်ပုံ-Tay Zar Lin
The Ladies News
https://www.facebook.com/News.TheLadies/


 နီပေါ ငလျင်လှုပ်အပြီး တွေ့ရတဲ့ တောင်ခြေ အပျက်အစီးတွေ
ကမ္ဘာ့ အမြင့်ဆုံး ဧဝရက်တောင်ရဲ့ အမြင့်ကို ဒုတိယ အကြိမ် ပြန်ပြီး တိုင်းတာမှုတွေ လုပ်မယ်လို့ အိန္ဒိယ မြေတိုင်း ဌာနက ကြေညာ လိုက်ပါတယ်။

ဒါဟာ လွန်ခဲ့တဲ့ ၂ နှစ်က နီပေါ ငလျင်အပြီး ပြောင်းလဲမှုတွေ ကို လေ့လာဖို့ ဖြစ်ပါတယ်။

နှစ်လအတွင်း တရုတ် နီပေါ နယ်စပ် တောင်တွေပေါ်ကို လေ့လာဖို့ အဖွဲ့တဖွဲ့ စေလွှတ်မယ်လို့ အိန္ဒိယ မြေတိုင်း အရာရှိချုပ် က ပြောပါတယ်။

ငလျင်ကြောင့် ကမ္ဘာ့ အမြင့်ဆုံး ဧဝရက်တောင်ကြီး နိမ့်ကျ သွားနိုင်တယ်လို့ သိပ္ပံ ပညာရှင် တချို့က ယူဆပါတယ်။

ဟိမဝန္တာ တောင်တန်းကြီး အနောက်တောင်ဘက်ကို ၃ စင်တီမီတာ ရွေ့သွားတယ်လို့ တရုတ် အစိုးရဘက်ကလည်း ထုတ်ပြန်ပါတယ်။

လွန်ခဲ့တဲ့ ၆၂ နှစ်က အိန္ဒိယ တိုင်းတာချက် အရ ဧဝရက်တောင် အမြင့်ပေ ၂၉,ဝ၂၈ ပေ ရှိတယ် လို့ သိကြပါတယ်။

BBC Burmese
http://www.bbc.com/burmese



 နှစ်ဖွဲ့အကြား နယ်မြေ ပိုင်စိုးရေး ပြဿနာ မျိုး ရှိနေ
တနင်္သာရီတိုင်း၊ ထားဝယ် ခရိုင်ထဲမှာ မွန်ပြည်သစ်ပါတီနဲ့ ကရင်အမျိုးသား အစည်းအရုံး KNU တို့ကြား တိုက်ခိုက်မှု တွေ ဖြစ်ပေါ် ခဲ့တဲ့ အတွက် နှစ်ဘက် ခရိုင်အဆင့် တွေ့ဆုံ ဆွေးနွေး တာတွေ အခု ရက်ပိုင်း ထဲမှာပဲ ပြုလုပ် သွားဖို့ ရှိတယ်လို့ KNU ဘက်က ဘီဘီစီကို ပြောပါတယ်။

ရေဖြူ မြို့နယ်ထဲမှာ ပြီးခဲ့တဲ့ ၄ လ အတွင်း တိုက်ပွဲ တွေ အကြိမ်ကြိမ် ဖြစ်ခဲ့ပြီး၊ KNU တပ်မဟာ ၄ လက်အောက်ခံ တပ်တွေက သူတို့ရဲ့ တပ်စခန်းတွေကို ဝင်ရောက် ပစ်ခတ် ခဲ့တယ်လို့ မွန်ပြည်သစ် ပါတီက ထုတ်ပြန် ထားပါတယ်။

နယ်နမိတ် ခြင်းထိ စပ်နေတဲ့ မဟာမိတ် လက်နက်ကိုင် နှစ်ဖွဲ့အကြား နယ်မြေ ပိုင်စိုးရေး ပြဿနာ မျိုး ရှိနေတာ ဖြစ်တယ် တွဲဘက် အထွေထွေ အတွင်းရေးမှူး ဖဒို သောသီဘွဲက ဘီဘီစီကို ပြောပါတယ်။

ပြီးခဲ့တဲ့ နှစ် နိုဝင်ဘာ လ ထဲကပဲ နှစ်ဘက် ထိပ်သီးခေါင်းဆောင်တွေ တွေ့ဆုံပြီး လက်နက်ကိုင် ပဋိပက္ခတွေ အဖွဲ့ နှစ်ခုကြား မပေါ်ပေါက်အောင် ဆွေးနွေး ခဲ့ကြပြီး၊ ဒုတိယ အကြိမ် ပြန်လည် မတွေ့ဆုံ ရသေးခင် တိုက်ပွဲတွေ ဖြစ်လာ ခဲ့တာလို့ ဖဒို သောသီဘွဲက ဆိုပါတယ်။

ဒါ့ကြောင့် တိုက်ပွဲတွေကို ရှောင်လွှဲနိုင်အောင် မကြာခင် ဒေသဆိုင်ရာ အဆင့် တွေ့ဆုံပွဲ တွေ ပြုလုပ်မယ့် အလားအလာ မျိုးတွေ ရှိနေတယ်လို့ ခဲ့တာလို့ ဖဒို သောသီဘွဲက ပြောပါတယ်။

BBC Burmese
http://www.bbc.com/burmese


ဇန်န၀ါရီလ ၂၄ ရက် ၂၀၁၇

သျှမ်းပြည်မြောက်ပိုင်း နမ့်ခမ်းမြို့ရှိ ပြည်သူ့ဆေးရုံကြီး၌ အမည်မသိ၊ နေရပ်မသိအမျိုးသားတစ်ဦးသည် သေနတ်ဒဏ်ရာဖြင့် ဇန်န၀ါရီလ ၂၁ ရက်နေ့ ညနေပိုင်းက ရောက်ရှိသေဆုံးနေကြောင်း သတင်းရရှိသည်။

၎င်း သူမှာ ၀ဲဘက်ဂျိုင်းအောက်တွင် ကျည်ဆံဖောက်ဝင် ဒဏ်ရာဖြင့် အဆုတ်ထိပြီး သွေးထွက်လွန် သေဆုံး သည်ဟု နမ့်ခမ်းမြို့ ပြည်သူ့ဆေးရုံ၏ ဆေးစာတွင် တွေ့ရှိရကြောင်း၊ ၄င်း လူနာကို လာရောက်ပို့ဆောင် သူမှာလည်း လူနာချပြီးသည်နှင့် ကားမောင်း ထွက်ပြေးသွားကြောင်း၊ မည်သူမည်ဝါဖြစ်ခြင်းကို သက်ဆိုင်ရာမှ ဆက် လက်စုံစမ်းနေ ကြောင်း အမည်မဖော်လိုသော နမ့်ခမ်းမြို့ဆေးရုံဝန်ထမ်း တစ်ဦးကဆိုသည်။

“ ဇန်န၀ါရီလ ၂၁ ရက် ညနေ ၃း၃၀ နာရီလောက်မှာပေါ့။ ကားတစ်စီး နဲ့ လာပို့ကြတာ။ ဆရာဝန် ဆရာမ တွေ လည်း အရေးပေါ်လူနာဆိုတော့ ချက်ချင်းကုသပေးတာပေါ့။ လူနာ ကသွေးထွက်တာများပြီး အခြေအနေ မကောင်းတော့ဘူး ဆိုတော့ လူနာရှင်ကို ထွက်ရှာတာ မတွေ့ရတော့ဘူး ”ဟု ၄င်းက သျှမ်းသံတော်ဆင့်အား ပြောသည်။

အသက် ၂၅ နှစ်ခန့်ရှိ သေနတ်ဒဏ်ရာဖြင့် သေဆုံးသွားသောသူ၏ အလောင်းကို နှစ်ရက် နှစ်ညတိတိ ရင်ခွဲရုံ၌ ထားရှိသော်လည်း အလောင်းပိုင်ရှင်မပေါ်သဖြင့် ယမန်နေ့ ဇန်န၀ါရီလ ၂၃ ရက် ညနေပိုင်းက မွန်းလိုင်း နာရေးကူညီမှုအသင်းက မြို့နယ် ရဲတပ်ဖွဲ့တာဝန် ရှိသူ တစ်ချို့ နှင့် အလောင်းအား နမ့်ခမ်းမြို့ သုသာန်တွင် မီးသင်္ဂြိုလ်ပေးလိုက်ပြီဖြစ်ကြောင်း နာရေးကူညီ မှုအသင်းနှင့် နီးစပ်သူတစ်ဦး က ဆိုသည်။

အလားတူ ဇန်န၀ါရီလ ၂၂ ရက်နေ့ မနက် ၁၁း၃၀ နာရီအချိန်ခန့်၌ နမ့်ခမ်းမြို့ စခန်းသစ် အစိုးရတပ်မတော် တပ်ကုန်း အနီးရှိ လွယ်ဆာကျေးရွာ ကြံစိုက်ခင်း ထဲတွင်အလုပ် လုပ်ကိုင်နေသော အသက် (၆၀) နှစ်ကျော် ပလောင်လူမျိုး အဖွားအို တစ်ဦးမှာ လက်မောင်းတွင်ကျည်ဆံ ထိမှန်သဖြင့် ၄င်းအဖွားအား ဇန်န၀ါ ရီလ ၂၄ ရက် မနက်ပိုင်းက နမ့်ခမ်းမြို့ ပြည်သူ့ဆေးရုံကြီး၌် ခွဲစိတ် ကုသမှုပြုပေးနေကြောင်း ဒေသခံများထံမှ သိရသည်။

သျှမ်းသံတော်ဆင့်၊ နန်းသီရိခမ်း(မူစယ်)
Photo: wechat
Panglong(Burmese)
https://www.facebook.com/Panglong.burmese/



 တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (Peace Process Steering Team-PPST ) မှ အဖွဲ့ဝင်များ အားတွေ့ဆုံစဉ်(ဓာတ်ပုံ- တပ်မတော်ကာကွယ်ရေးဦးစီးချုပ်)
ရန်ကုန်၊ ဇန်န၀ါရီ ၂၄ ရက် (ဆင်ဟွာ)

ပြည်ထောင်စု ငြိမ်းချမ်းရေးညီလာခံ-(၂၁)ရာစုပင်လုံကို အောင်မြင်စေရန် တပ်မတော်အနေဖြင့် ၀ိုင်းဝန်းလုပ်ဆောင်နေကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (Peace Process Steering Team-PPST ) မှ အဖွဲ့ဝင်များနှင့် တွေ့ဆုံစဉ် ပြောကြားသည်။

ယင်းသို့တွေ့ဆုံရာတွင် တပ်မတော်ကာကွယ်ရေးဦးစီးချုပ်က တပ်မတော်အနေဖြင့် ခေတ်မီဖွံ့ဖြိုးတိုးတက် သော နိုင်ငံဖြစ်လာစေရန်ရည်ရွယ်၍ ငြိမ်းချမ်းရေးလုပ်ငန်းစဉ်များဆောင်ရွက်ခဲ့မှုနှင့် NCA လက်မှတ် ရေးထိုးခဲ့ မှုအခြေအနေများ၊ တိုးတက်မှုအတွက် ညီညွတ်မှုဖြင့် စည်းကမ်းဥပဒေနှင့်အညီ ထိန်းသိမ်း လုပ်ဆောင်ကြရန် လိုအပ်သည့်အခြေအနေများ၊ နှစ် ၇၀ ခန့်ဖြတ်သန်းခဲ့ရသည့် အတွေ့အကြုံများအရ တပ်မတော်အနေဖြင့် ဒို့တာဝန်အရေးသုံးပါးကို လုံးဝအထိအပွန်းမခံနိုင်သည့်အခြေအနေနှင့် ငြိမ်းချမ်းရေးမူ ၆ ရပ်ချမှတ်ပြီး အလေးထားလုပ်ဆောင်နေမှုအခြေအနေများကို ရှင်းလင်းပြောကြား၍ အဖွဲ့အစည်းများအနေဖြင့် ငြိမ်းချမ်း ရေးမူဝါဒများ၊ မိမိအဖွဲ့အစည်း၏ မူဝါဒများအပေါ်တွင်အခြေခံ၍ အကြိမ်ကြိမ်အခါခါ တွေ့ဆုံဆွေးနွေး ပြီးမှ NCA ကို လက်ခံလက်မှတ်ရေးထိုးခဲ့ခြင်းဖြစ်၍ NCA ၏ မူဝါဒများကိုသိရှိပြီး အားလုံးက ၀ိုင်းဝန်း ထိန်းသိမ်းကြရန် လိုကြောင်း ဆွေးနွေးပြောကြားသည်။

 PPST အဖွဲ့ဥက္ကဋ္ဌ စောမူတူးဆေးဖိုးက နိုင်ငံရေးအရ အမြင့်ဆုံးအဆင့်ဖြစ်သည့် လက်နက်ကိုင် ပဋိပက္ခများသည် မည်သည့်ပြဿနာကိုမျှ မဖြေရှင်းနိုင်ဘဲ နိုင်ငံရေးအရသာ ညှိနှိုင်းဆွေးနွေးဖြေရှင်းရမည်ဟု ခံယူကြောင်း၊ မိမိတို့အဖွဲ့အနေဖြင့် NCA ကို အခြေခံပြီးနိုင်ငံတော်အစိုးရ၊ တပ်မတော်တို့နှင့်အတူ ငြိမ်းချမ်းရေးကိုရရှိသည်အထိ ဆက်လက်ပူးပေါင်းလုပ်ဆောင်သွားမည်ဖြစ်ကြောင်း ပြောကြား၍ အဖွဲ့ဝင်များက လတ်တလောရင်ဆိုင်နေရသည့် အခြေအနေအခက်အခဲများ၊ ဆက်လက်အကောင် အထည်ဖော်ဆောင်ရွက် သွားရမည့် လုပ်ငန်းအခြေအနေများကို ဆွေးနွေးတင်ပြကြရာ တပ်မတော်ကာကွယ်ရေးဦးစီးချုပ်က တပ်မတော် အနေဖြင့် NCA နှင့်ပတ်သက်၍ ငြိမ်းချမ်းရေးတံခါးကို အမြဲဖွင့်ထားသည့်အခြေအနေများ၊ လတ်တလော ဖြစ်ပွားခဲ့သည့် ထိတွေ့တိုက်ပွဲဖြစ်ပွားမှုများ၏ ပကတိအခြေအနေများ၊ တိုင်းရင်းသားလက်နက်ကိုင်အဖွဲ့ အစည်းအချို့နှင့် ကြုံတွေ့ခဲ့ရသည့် ပြဿနာအခြေအနေများ၊ ဥပဒေနှင့်အညီ စဉ်းစားလုပ်ဆောင်ရန် လိုအပ်မှုများ၊ ငြိမ်းချမ်းရေးကိစ္စရပ်များတွင် တိုင်းရင်းသား လက်နက်ကိုင်အဖွဲ့အစည်းများနှင့် ဆက်သွယ်မှု ယန္တရား လျှင်မြန်ရေးကိစ္စရပ်များကို ပြန်လည်ဆွေးနွေးပြောကြားသည်။

အဆိုပါ တွေ့ဆုံဆွေးနွေးပွဲသို့ တပ်မတော်ကာကွယ်ရေးဦးစီးချုပ်နှင့်အတူ ဒုတိယတပ်မတော်ကာကွယ်ရေးဦးစီးချုပ် ကာကွယ် ရေးဦးစီးချုပ်(ကြည်း)ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး(ကြည်း၊ရေ၊လေ)ဗိုလ်ချုပ်ကြီး မြထွန်းဦးနှင့် ကာကွယ်ရေးဦးစီးချုပ်ရုံး(ကြည်း)မှ တပ်မတော်အရာရှိကြီးများ တက်ရောက်ကြပြီး တိုင်းရင်းသား လက်နက်ကိုင်အဖွဲ့အစည်းများ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (Peace Process Steering Team-PPST) ဥက္ကဋ္ဌ ကရင်အမျိုးသားအစည်းအရုံး (KNU) ဥက္ကဋ္ဌ စောမူတူးဆေးဖိုးနှင့် အတူ အဖွဲ့ဝင်များဖြစ်ကြသည့် ပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO) နာယက ခွန်ဥက္ကာ၊ ရခိုင်ပြည်နယ် လွတ်မြောက်ရေး ပါတီ(ALP)ဒုတိယဥက္ကဋ္ဌ ခိုင်စိုးနိုင်အောင်၊ မြန်မာနိုင်ငံလုံးဆိုင်ရာ ကျောင်းသားဒီမိုကရက်တစ်တပ်ဦး(ABSDF) ဥက္ကဋ္ဌ ဦးသံခဲနှင့် ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော်(RCSS/SSA)မှ ခွန်စိုင်းတို့ တက်ရောက်ကြသည်။

(Xinhua)
http://xinhuamyanmar.com



Republican အထက်လွှတ်တော်အမတ် Mike Pompeo
CIA ဗဟိုအစိုးရထောက်လှမ်းရေးဌာန ညွှန်ကြားရေးမှူးသစ်အဖြစ် အမည်တင်သွင်းခြင်းခံရသူ Republican အထက်လွှတ်တော်အမတ် Mike Pompeo ကို အထက်လွှတ်တော် က တနလာင်္နေ့ကအတည်ပြု ပေးလိုက် ခြင်းအားဖြင့် ၊ သမ္မတ Trump ရဲ့ အမျိုးသားလုံခြုံရေးအဖွဲ့ဝင်တွေနေရာဖြည့်ပေးရေးကို အထက်လွှတ်တော်ကဆက်လက် ဆောင်ရွက်နေပါတယ်။

လွှတိတော်ရဲ့ တခဲနက်ထောက်ခံမှုကိုရရှိတဲ့ Pompeo ဟာ ကာကွယ်ရေးဝန်ကြီးအဖြစ်အတည်ပြုခဲ့သူ John Mattis နဲ့ အမိမြေလုံခြုံရေးဌာန၀န်ကြီး အဖြစ်အတည်ပြုခံခဲ့ရသူ John Kelly တို့နဲ့အတူ Trump အစီုးရသစ် စာရင်းထဲမှာပါဝင်လာခဲ့ပြီးဖြစ်ပါတယ်။

အောက်လွှတ်တော် ထောက်လှမ်းရေးဆိုင်ရာကော်မတီမှာ Pompeoရဲ့ စွမ်းဆောင်ခဲ့မျုကြောင့်၊နှစ်ပါတီစလုံးကသူ့ကိုတခဲနက်ထောက်ခံခဲ့ကြတာဖြစ်ပါတယ်။

ဒီအတော်အတွင်း အမေရိကန်နိုင်ငံခြားရေးဝန်ကြီးသစ်အဖြစ် ခန့်အပ်ဖို့ သမ္မတ Trump ရွေးချယ်ထားတဲ့သူ ရေနံသူဋ္ဌေးကြီးဖြစ်တဲ့ Rex Tillerson ကို ခန့်အပ်ဖို့ အထက်လွှတ်တော် နိုင်ငံခြားဆက်ဆံရေးကော်မတီက ကန့်ကွက်မဲ ၁၀ မဲ၊ ထောက်ခံမဲ ၁၁ မဲနဲ့ အတည်ပြုပေးလိုက်ပါတယ်။ Tillerson အနေနဲ့ အထက်လွှတ်တော် ရဲ့ မဲခွဲဆုံးဖြတ်မှုကို ရယူပြီး နိုင်ိငံခြားရေးဝန်ကြီးသစ် အဖြစ်ခန့်အပ်ခံရမှာဖြစ်ပါတယ်။

Tillerson ဟာ ရုရှားနဲ့ ရင်းနှီးတဲ့ဆက်ဆံရေးရှိတာကြောင့် စိုးရိမ်ရတယ်လို့ အစောပိုင်းက ပြောခဲ့ကြတဲ့ Republican ပါတီက သြဇာညောင်းတဲ့ အထက်လွှတ်တော်အမတ် John McCain နဲ့ Lindsey Graham တို့က တနင်္ဂနွေနေ့ကတော့ ထောက်ခံမယ်လို့ ပြောခဲ့ပါတယ်။

နိုင်ငံခြားဆက်ဆံရေးကော်မတီမှာပါတဲ့ အထက်လွှတ်တော်အမတ် Marco Rubio ကလည်း အခုတော့ထောက်ခံမယ့်အရိပ်အယောင်ပြခဲ့တာကြောင့် Rex Tillerson နိုင်ငံခြားရေးအဖြစ် ခန့်အပ်နိုင်ဖို့ သေချာခဲ့တာဖြစ်ပါတယ်။ နိုင်ငံခြားဆက်ဆံရေးကော်မတီမှာ Republican အမတ်အရေအတွက်က Democrat အမတ်ထက် ၁ ဦးပိုသာပါတယ်။

ဗွီအိုအေ (မြန်မာပိုင်း)
http://burmese.voanews.com



အမေရိကန် နိုင်ငံခြားရေးဝန်ကြီးအဖြစ် အမည်တင်သွင်းခံရသူ Rex Tillerson
အမေရိကန် နိုင်ငံခြားရေးဝန်ကြီးအဖြစ် အမည်တင်သွင်းခံရသူ Rex Tillerson ကို အတည်ပြုနိုင်ရေး အထက်လွှတ်တော် အမေရိကန်နိုင်ငံခြား ဆက်ဆံရေး ကော်မီတီက ကန့်ကွက်မဲ ၁၀ မဲ၊ ထောက်ခံမဲ ၁၁ မဲနဲ့ တနင်္လာနေ့က အတည်ပြုပေးလိုက်ပါပြီ။ သူ့ကို တရားဝင် အတည်ပြုနိုင်ရေးကိုတော့ လွှတ်တော်တရပ်လုံးက ဆက်ပြီးတော့ မဲခွဲ ဆုံးဖြတ်ရမှာပါ။

နိုင်ငံခြားရေးဝန်ကြီးဖြစ်လာဖို့ သေချာသလောက် ရှိနေပြီလို့တော့ ဆိုနိုင်ပါတယ်။ ဒါကြောင့် နိုင်ငံတကာ မျက်နှာစာမှာ အမေရိကန်နိုင်ငံခြားရေး မူဝါဒ အောင်မြင်ရေးအတွက် အဓိက သံတမန်ရေးရာမှာ တာဝန်ရှိသူ ဖြစ်လာမယ့် Rex Tillerson ဟာ တချိန်တုန်းက ExxonMobil ရေနံ ကုမ္ပဏီကြီးရဲ့ အကြီးအကဲဖြစ်ခဲ့ပြီးတော့ နိုင်ငံခြားဆက်ဆံရေးမှာ အတွေ့အကြုံ နဲသူ ဖြစ်ပါတယ်။ ဒါကြောင့် မြန်မာနိုင်ငံအပါအ၀င် နိုင်ငံတကာက လူ့အခွင့်အရေး အခြေအနေတွေအပေါ် စိတ်ဝင်စားမှု ရှိပါ့မလားဆိုပြီး စိုးရိမ်မှုတွေလည်း ထွက်ပေါ်နေတာပါ။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။

Rex Tillerson ကို နိုင်ငံခြားရေးဝန်ကြီးအဖြစ် အတည်ပြု ခန့်အပ်ရေးအတွက် အထက်လွှတ်တော်မှာပဲ နိုင်ငံခြားဆက်ဆံရေး ကော်မီတီမှာ ကြားနာပွဲတွေ ပြုလုပ်နေတာမှာ ကျနော်တို့ အခု အသံလွှင့်ပြီး မကြာခင် နာရီပိုင်းအတွင်း မဲခွဲ ဆုံဖြတ်ကြတော့မှာ ဖြစ်ပါတယ်။ ဒီမိုကရက် လွှတ်တော်အမတ်တွေက သူ့ကို ထောက်ခံမှု မပေးဘူးလို့ ပြောဆိုနေပေမယ့်လည်း ရီပတ်ဘလီကန် အမတ်တွေက ထောက်ခံမှုပေးမှာဖြစ်တဲ့အတွက် Tillerson အနေနဲ့ နိုင်ငံခြားရေးဝန်ကြီး ဖြစ်လာဖို့ သေချာသလောက် ရှိနေပါတယ်။

Rex Tillerson ဟာ ExxonMobil ရေနံကုမ္ပကြီးရဲ့ အကြီးအကဲအဖြစ် တာဝန်ထမ်းဆောင်စဉ်က ရုရှားသမ္မတ Vladimir Putin နဲ့ ထွေးနွေးတဲ့ ဆက်ဆံရေး ရှိခဲ့တာကြောင့် သူ့ကို ခန့်အပ်မယ့် နိုင်ငံခြားရေးဝန်ကြီး တာဝန်ကို ဘက်လိုက်မှုမရှိပဲ အပြည့်အ၀ ထမ်းဆောင်နိုင်ပါ့မလားဆိုပြီး သူ့ကို ၀န်ကြီးအဖြစ် မခန့်အပ်ခင် အထက်လွှတ်တော် နိုင်ငံခြားဆက်ဆံရေးကော်မီတီမှာ ကျင်းပတဲ့ ကြားနာပွဲအတွင်း လွှတ်တော်အမတ်တွေက မေးခွန်း ထုတ်ခဲ့ကြတာပါ။

အထက်လွှတ်တော်မှာ သြဇာရှိတဲ့ အမတ်တဦးလည်းဖြစ်၊ လက်နက်ကိုင်တပ်ဖွဲ့များဆိုင်ရာ အထက်လွတ်တော်ကော်မီတီ ဥက္ကဋ္ဌလည်းဖြစ်တဲ့ Arizona ပြည်နယ် အထက်လွှတ်တော်အမတ် John McCain ကလည်း အစောပိုင်းမှာ Tillerson နဲ့ ရုရှားသမ္မတတို့ရဲ့ ရင်းနှီးလှတဲ့ ဆက်ဆံမှုတွေ ရှိခဲ့တဲ့အတွက် ထောက်ခံမဲပေးဖို့ ၀န်လေးနေခဲ့ပေမယ့်လည်း တနင်္ဂနွေနေ့ကတော့ သူ့အနေနဲ့ ထောက်ခံမဲ ပေးမယ်လို့ ပြောကြားလိုက်ပါတယ်။

Tillerson ဟာ ExxonMobil ကုမ္ပဏီအကြီးအကဲတဦးအဖြစ် ရုရှားနဲ့ အရှေ့အလယ်ပိုင်းဒေသတွေအတွက် နှစ်ပေါင်း များစွာ တာဝန်ယူ ဆောင်ရွက်ပေးခဲ့တဲ့ အတွေ့အကြုံ ရှိခဲ့တာ မှန်ပေမယ့် အာရှဒေသနဲ့ပတ်သက်လို့ အတွေ့အကြုံ လုံးဝမရှိသူ တဦးဖြစ်တယ်လို့ HRW လူ့အခွင့်အရေး စောင့်ကြည့်ရေးအဖွဲ့က အာရှရေးရာ တာဝန်ခံ Brad Adams က ပြောပါတယ်။

“Rex Tillerson ဟာ မြန်မာနိုင်ငံနဲ့ပတ်သက်လို့ အတွေ့အကြုံ ရှိသူတယောက် မဟုတ်ပါဘူး။ နောက်ပြီးတော့ အာရှတိုက်အကြောင်းလည်း သိတဲ့သူတဦး မဟုတ်ပါဘူး။ တောင်တရုတ်ပင်လယ်ပြင်မှာ တရုတ်နိုင်ငံက ကျွန်းတွေ တည်ဆောက်နေတဲ့ ကိစ္စနဲ့ ပတ်သက်လို့ တရုတ်နိုင်ငံကို စိန်ခေါ်သွားမယ်ဆိုပြီး မှားယွင်း ပြောဆိုခဲ့ပြီး ဖြစ်ပါတယ်။ Trump ကိုယ်၌ကလည်း ထိုင်ဝမ်ကျွန်းကိစ္စနဲ့ ပတ်သက်လို့ ကြီးမားတဲ့ စိုးရိမ်မှုတွေ ထွက်ပေါ်စေမယ့် ပြောဆိုမှုတွေ လုပ်ခဲ့ပြီး ဖြစ်ပါတယ်။”

အမေရိကန်အစိုးရဟာ ကမ္ဘာတလွှား လူ့အခွင့်အရေး ချိုးဖောက်မှုတွေ ဖြစ်ပေါ်နေတာကို အစဉ်တစိုက် ထောက်ပြ ဝေဖန်ခဲ့ပေမယ့်လည်း သမ္မတ Trump အစိုးရကတော့ လူ့အခွင့်အရေးကိစ္စတွေကို အခုချိန်ထိ စိတ်ဝင်စားမှု မပြသေးတဲ့အတွက် လူ့အခွင့်အရေး အခြေအနေတွေနဲ့ ပတ်သက်လို့ စိုးရိမ်မိတယ်လို့လည်း Brad Adams က ပြောပါတယ်။

“Trump အစိုးရသစ်အနေနဲ့ မြန်မာနိုင်ငံအတွင်းက လူ့အခွင့်အရေးအခြေအနေတွေနဲ့ အာရှအရေးကိစ္စတွေကို အမှန်တကယ် စိတ်ဝင်စားရဲ့လား ဆိုတဲ့အပေါ် ကျနော်တို့အနေနဲ့ အများကြီး စိုးရိမ်မိပါတယ်။ အခုချိန်မှာတော့ Tillerson အနေနဲ့ အာရှအရေးကိစ္စတွေကို စိတ်အားထက်သန်ပြီး ကျွမ်းကျင်မှုရှိတဲ့ လက်ထောက်နိုင်ငံခြားရေးဝန်ကြီး ခန့်ပါစေလို့ပဲ မျှော်လင့်ပါတယ်။ သမ္မတ အိမ်ဖြူတော်မှာ တာဝန်ထမ်းဆောင်မယ့် အမျိုးသားလုံခြုံရေး အကြံပေးရာထူးကိုလည်း အာရှအရေးကိစ္စတွေကို ထဲထဲဝင်ဝင် သိရှိနားလည်သူကို ခန့်ပါစေလို့ ဆုတောင်းပါတယ်။ အခုအချိန်မှာတော့ ဘာကိုမှ အတတ်ပြောလို့ မရနိုင်သေးပါဘူး။”

သမ္မတ Barack Obama အစိုးရ လက်ထက်အတွင်း မြန်မာနိုင်ငံမှာ နိုင်ငံရေးအရ ပြုပြင်ပြောင်းလဲမှုတွေ ဖြစ်ပေါ်အောင် ထောက်ခံ အားပေးမှုတွေ ရှိခဲ့ပြီး တိုင်းပြည်အတွင်း ဖြစ်ပေါ်နေတဲ့ လူ့အခွင့်အရေး ချိုးဖောက်မှုတွေကိုလည်း အစဉ်တစိုက် ဝေဖန် ပြောဆိုခဲ့တာပါ။

ဒါကြောင့်လည်း လူ့အခွင့်အရေး ကိစ္စတွေ အပါအ၀င် အာရှဒေသကို စိတ်ဝင်းမှု ခုချိန်ထိ မပြသေးတဲ့ သမ္မတ Trump အစိုးရလက်မှာ အာရှဒေသနဲ့ မြန်မာနိုင်ငံအပေါ် ထားရှိမယ့် ပေါ်လစီတွေ ပြောင်းလဲမှုတွေ ဖြစ်လာမလားဆိုတဲ့ စိုးရိမ်ပူပန်မှုတွေ ထွက်နေတာပါ။

George Town တက္ကသိုလ်က မြန်မာ့အရေး ကျွမ်းကျင်သူ ပါမောက္ခ David Steinburg ကတော့ အာရှတိုက်ဟာ အမေရိကန်အတွက် အရေးပါတဲ့ ဒေသတခုဖြစ်တာကြောင့် Trump အနေနဲ့ အာရှတိုက်ကို အာရုံစိုက်ဖို့ လိုတယ်လို့ ပြောပါတယ်။

“မြန်မာနိုင်ငံနဲ့ ပတ်သက်လို့ အမေရိကန်အစိုးရပေါ်လစီတွေ ပြောင်းလဲ ချမှတ်ခဲ့တယ်ဆိုတာဟာ သမ္မတ အိုဘားမား အစိုးရကြောင့် ဖြစ်ပါတယ်။ နောက်ပြီးတော့ Hillary Clinton ကိုယ်တိုင်ကလည်း ထဲထဲဝင်ဝင် ပါဝင်ဆောင်ရွက်ခဲ့တဲ့အတွက် ဖြစ်ပါတယ်။ အိုဘားမား အစိုးရက ချမှတ်ခဲ့တဲ့ ပေါ်လစီကြောင့်ဆိုပြီး Trump အစိုးရက အပြစ်တင် ပြောဆိုမှုတွေတော့ အခုချိန်ထိ ကျနော်တော့ မတွေ့ရသေးပါဘူး။ ဒါပေမယ့် မပြောနိုင်သေးပါဘူး။ မြန်မာပြည်ဘက်ကလည်း ဘယ်လိုဖြစ်မယ်ဆိုတာ တိတိပပ ပြောဆိုတာမျိုး မရှိသေးဘူး။ မြန်မာနိုင်ငံအတွင်းမှာ ပြဿနာတွေ ဆက်ရှိနေမယ်ဆိုရင် အိုဘားမား အစိုးရက မြန်မာနိုင်ငံနဲ့ ပတ်သက်လို့ အိုဘားမား အစိုးရက အလောတကြီး လုပ်ခဲ့တယ်လို့ Trump အစိုးရက ပြောကောင်း ပြောနိုင်ပါတယ်။ ဒါဟာ ဖြစ်နိုင်ခြေရှိတဲ့ အလားအလာတခုပါ။ ဒါပေမယ့် အဲဒီလို ပြောတဲ့အတွက် အမေရိကန်အစိုးရအနေနဲ့ ပေါ်လစီပြောင်းသွားမယ်လို့တော့ မယူဆနိုင်ပါဘူး။”

Donald Trump ကိုယ်တိုင်ကလည်း မဲဆွယ် စည်းရုံးစဉ်ကာလကတည်းက အရှေ့အောင်အာရှ အရေးကိစ္စတွေကို စိတ်ဝင်စားမှု မပြခဲ့ဘူးလို့ ပါမောက္ခ Steinburg က ပြောပါတယ်။

အရှေ့တောင်အာရှ ဒေသဟာ အမေရိကန်အတွက် ပထ၀ီ နိုင်ငံရေးအနေအထားအရ အရေးပါတဲ့ ဒေသဖြစ်ကြောင်း၊ အာဆီယံ ထိပ်သီးစည်းဝေးပွဲနဲ့ အရှေ့အာရှ ထိပ်သီးစည်းဝေးပွဲတွေကျင်းတိုင်း အမေရိကန်သမ္မတကို ဖိတ်ကြားလေ့ရှိတာကြောင့် သမ္မတ Trump အနေနဲ့ အာဆီယံနိုင်ငံတွေကို အလေးပေး ဆက်ဆံဖို့ လိုအပ်တယ်လို့လည်း ပါမောက္ခ Steinburg က ထောက်ပြပါတယ်။

ဇန်န၀ါရီ ၂၀ ရက်နေ့မှာ ကျင်းပတဲ့ သမ္မတ Donald Trump ရဲ့ ကျမ်းသစ္စာကျိန်ဆိုပွဲကို ကိုယ်တိုင် တက်ရောက်ခဲ့တဲ့ အမေရိကန်ဆိုင်ရာ မြန်မာသံအမတ်ကြီး ဦးအောင်လင်းကတော့ သမ္မတ Trump အစိုးရ လက်ထက်အတွင်း နှစ်နိုင်ငံ ဆက်ဆံရေးတွေ တိုးတက် ကောင်းမွန်လိမ့်မယ်လို့ မျှော်လင့်ကြောင်း ဗွီအိုအေကို ပြောကြားခဲ့ပါတယ်။

 ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com



ဆီးရီးယား ငြိမ်းချမ်းရေးဆွေးနွေးပွဲ
ဆီးရီးယားအစိုးရနဲ့ အတိုက်အခံအဖွဲ့တွေက ကိုယ်စားလှယ်တွေ ဒီကနေ့ ကာဇက်စတန်နိုင်ငံရဲ့ မြို့တော်မှာ ငြိမ်းချမ်းရေး ဆွေးနွေးကြဖို့ရှိပါတယ်။ ဒီဆွေးနွေးပွဲတွေကို ရုရှားနဲ့ တူရကီတို့က ကမကထပြု စီစဉ်ပေးတာဖြစ်ပြီး တိုက်ရိုက် စေ့စပ်ညှိနှိုင်းတာ မျိုးမပါဘူးလို့ သူပုန်အဖွဲ့ သတင်းရင်းမြစ်တွေကပြောပါတယ်။

Astana မြို့တော်မှာလုပ်မယ့် ဆွေးနွေးပွဲတွေမှာ တနိုင်ငံလုံး အပစ်အခတ်ရပ်စဲရေး အခိုင်အမာဖြစ်ဖို့ကိစ္စကို အဓိကအာရုံစိုက် ဆွေးနွေးကြမယ်လို့ ခန့်မှန်းထားပါတယ်။ အဲဒီအပစ်အခတ်ရပ်စဲရေးကို ရုရှား၊ အီရန်နဲ့ တူရကီတို့က ပြီးခဲ့တဲ့ဒီဇင်ဘာလမှာ ကြားဝင်စေ့စပ်ပေးထားတာဖြစ်ပြီး အများအားဖြင့်တော့ တည်မြဲခဲ့ပါတယ်။

အမေရိကန်နဲ့ ကုလသမဂ္ဂတို့က ကြားဝင်စေ့စပ်ပေးခဲ့တဲ့ အရင်က အပစ်အခတ်ရပ်စဲရေး သဘောတူညီချက်တွေကတော့ တိုက်ပွဲ ဖြစ်နေတဲ့အဖွဲ့တွေ တဘက်နဲ့တဘက်ပစ်ခတ်ပြီး ပြစ်တင်ပြောဆိုကြတာနဲ့ပဲ သိပ်မကြာခင် ပျက်သွားခဲ့တာပါ။

လွန်ခဲ့တဲ့တနှစ်ကလုပ်ခဲ့တဲ့ ဆွေးနွေးပွဲတခုအပါအ၀င် အရင်က ငြိမ်းချမ်းရေး ဆွေးနွေးပွဲတွေကတော့ ၂၀၁၁ ခုနှစ် မတ်လ ကတည်းက စဖြစ်ခဲ့တဲ့ ပဋိပက္ခအဆုံးသတ်စေဖို့ တိုးတက်မှုမရသလောက်ရှိခဲ့ပါတယ်။

ဒီဆွေးနွေးပွဲတွေကနေ နောက်ဆုံးမှာ ဆီးရီးယားအကျပ်အတည်း အဆုံးသတ်စေမယ့် မျှော်လင့်ချက် အလင်းရောင်လေးပေါ်လာ ဖို့က ကျနော်တို့ရဲ့ အရိုးသားဆုံးဆန္ဒပါလို့ ကာဇက်စတန် နိုင်ငံခြားရေးဝန်ကြီး Kairat Abdrakhmanov က ဆွေးနွေးပွဲအဖွင့်မှာ ပြောသွားပါတယ်။ အခုဆိုရင် ဆီးရီးယားလူထု ခံစားထိုက်တဲ့ တကယ့် တိုးတက်မှုရလာအောင်လုပ်ဖို့ ကျနော်တို့ တဦးချင်းစီရဲ့ တာဝန်ပါပဲလို့လဲ ကာဇက်စတန်နိုင်ငံခြားရေးဝန်ကြီးက ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com/


ဇန်န၀ါရီလ ၂၃ ရက် ၂၀၁၇

အင်အားအကြီးဆုံး တိုင်းရင်းသား လက်နက်ကိုင် အဖွဲ့ဖြစ်သည့် ၀ တပ်ဖွဲ့ အတွင်း ခေါင်းဆောင် အပြောင်းအလဲ ရှိနိုင်သည်ဟု သတင်းများ ထွက်ပေါ် ခဲ့ပြီးနောက် ဇန်န၀ါရီလ ၉ ရက်နေ့မှ ၁၃ ရက်နေ့ အထိ ကျင်းပခဲ့သည့် ၀ ဒေသလုံးဆိုင်ရာ ဗဟိုကော်မတီနှင့် ပေါ်လစ် ဗျူရို အစည်းအဝေး အပြီး တွင်ခေါင်းဆောင်အဖြစ် ပေါက်ယူချန်း ဆက်ရှိနေသေးကြောင်း ၀ တပ်ဖွဲ့ ထိပ်တန်း အဆင့်အမြင့် အရာရှိတစ်ဦးက သျှမ်းသံတော်ဆင့်သို့ ပြောသည်။

လွန်ခဲ့သည့် ရက်သတ္တပတ်များအတွင်းက ၀ခေါင်းဆောင် အပြောင်းအလဲ အတွက် ဒေသလုံးဆိုင်ရာ ရွေးကောက်တင်မြောက်မှုများ ပြုလုပ်နေသည်ဟု ရိုက်တာ သတင်းက ဖော်ပြခဲ့ပြီး ယင်းသတင်းကို ပြည်တွင်းမီဒီယာ အချို့ကလည်း ဖော်ပြမှုများ ရှိခဲ့သည်။

‘ အခုထိ ၀ ပြည်သွေးစည်းညီညွတ်ရေးပါတီ ဥက္ကဌအဖြစ် ဦးပေါက်ယူချန်းက ဆက်ရှိနေတယ်။ စစ်ဦးစီးချုပ်ကလည်း သူပဲဖြစ်သလို ၊ ပေါ်လစ်ဗျူရို အထွေထွေအတွင်းရေးမှူးချုပ်ရာထူးကလည်း သူပါပဲ။ ထိပ်ပိုင်းခေါင်းေ ဆာင်တွေ အကြား ရာထူးအပြောင်းအလဲ လုံးဝ မရှိဘူး။ သတင်းထွက်နေ တာတွေက သတင်းအမှားတွေပါ။ ခေါင်းဆောင်ရွေးပွဲတွေလည်း မလုပ်ခဲ့ဘူး။’ ဟု အဆိုပါ ၀ တပ်ဖွဲ့ တာဝန်ရှိသူက ဆိုသည်။

ဝ တပ်ဖွဲ့အစည်းအဝေးအတွက် ၀ မြောက်ပိုင်းသာမက ၀ တောင်ပိုင်းမှ ထိပ် တန်း အဆင့်အမြင့် အရာရှိများပါ ပန်ဆန်းသို့ သွားရောက်ခဲ့သည်။ ပန်ဆန်း အစည်းအဝေးတွင် ၀ တပ်ဖွဲ့၏ မူဝါဒ လုပ်ငန်းစဉ်များကိုသာ အဓိက ဆွေးနွေး ခဲ့ခြင်းဖြစ်ပြီး ၂၁ ပင်လုံတက် မတက် ဆိုသည်ကိုပင် ဆွေးနွေးခြင်း မရှိဟု အဆိုပါ ၀ တပ်ဖွဲ့ တာဝန်ရှိသူက ပြောသည်။

‘ငြိမ်းချမ်းရေးနဲ့ ပတ်သက်လို့ မူဝါဒ အပြောင်းအလဲ မရှိပါဘူး။’ - ဟု ၀ တပ်ဖွဲ့ တာဝန်ရှိသူက ဆိုသည်။
ဝ တပ်ဖွဲ့မှာ မကြာသေးခင်ကလည်း အစိုးရနှင့် တွေ့ဆုံခဲ့သည်။ မြောက်ပိုင်း မဟာမိတ် အဖွဲ့နှင့် နီးစပ်သော ၀ တပ်ဖွဲ့ ၂၁ ပင်လုံ ဒုတိယ အကြိမ်တက်ရေး မသေချာသော်လည်း ကိုးကန့် ၊ အေအေ နှင့် တအာင်းပလောင်တို့ အား ငြိမ်းချမ်းရေးဖြစ်စဉ်တွင် ပါဝင်ရန် တပ်မတော်လက်ခံကြောင်း အာအက်ဖ်အေ သတင်းတွင် ဖော်ပြခဲ့သည်။

လတ်တစ်လောအတွင်းမှာပင် ကေအိုင်အေ ကချင်လွတ်မြောက်ရေးတပ်ဖွဲ့နှင့် တပ်မတော်အကြား တိုက်ပွဲဖြစ်နေပြီး ၀ အစည်းအဝေး ပြီးဆုံးပြီးနောက် ၀ နယ်စပ် သံလွင်မြစ် အနောက်ဘက်ကမ်းတွင် လှုပ်ရှားနေသည့် သျှမ်းပြည်တိုးတက်ရေးပါတီ SSPP/SSA တပ်များနှင့် အစိုးရ တပ်များအကြား တင်းမာမှု အချို့ရှိနေကာ တိုက်ခိုက်မှု အချို့လည်း ဖြစ်နေသည်။

သျှမ်းသံတော်ဆင့်၊ စိုင်းအောင်ဆိုင်း
Panglong(Burmese)
https://www.facebook.com/Panglong.burmese/