01/30/17


NLD ပါတီရဲ့ ဥပဒေရေးရာ အကြံပေး ဦကိုနီ သေနတ်နဲ့ပစ်သတ်ခံခဲ့ရမှုဟာ နိုင်ငံရေး လုပ်ကြံမှု ဖြစ်နိုင်ကြောင်း ပါတီဗဟိုအလုပ်အမှုဆောင် ဦးဝင်းထိန်က ပြောပါတယ်။ ဦးကိုနီဟာ ဖွဲ့စည်းအုပ်ချုပ်ပုံ အခြေခံဥပဒေ ပြင်ရေး၊ ပုဒ်မ ၄၃၆ ပြင်ရေးတွေမှာ တက်တက်ကြွကြွ ပါဝင်ခဲ့ကြောင်းလည်း ဦးဝင်းထိန်က အခုလို ပြောထားပါတယ်။

 BBC Burmese
https://www.facebook.com/bbcburmese




တရားလွှတ်တော် ရှေ့ နေကြီး ဦးကိုနီ
အာဏာရ NLD ပါတီရဲ့ ဥပဒေအကြံပေးလည်းဖြစ် ရှေ့နေ့ကွန်ယက် ဦးဆောင်သူတဦးလည်းဖြစ်တဲ့ တရားလွှတ်တော်ရှေ့နေ ဦးကိုနီကို လူမြင်ကွင်းမှာ အနီးကပ်လုပ်ကြံ သတ်ဖြတ်သွားတဲ့ သေနတ်သမားကို ရဲတွေက ဖမ်းမိထားပြီဆိုပေမယ့် တာဝန်ရှိသူတွေက ဒီအမှုမှန် ပေါ်ပေါက်ရေးကို လုပ်ဆောင်ဖို့လိုတယ်လို့ NLD ပါတီကရော ၈၈ မျိုးဆက်ခေါင်းဆောင်တွေကပါ တောင်းဆိုလိုက်ကြပါတယ်။ ဒါဟာ မြန်မာနိုင်ငံ တရားရေးမဏ္ဍိုင်အတွက် စိန်ခေါ်မှုဖြစ်တယ်လို့လည်း ပြောဆိုကြပါတယ်။ သူတို့ရဲ့ တုံ့ပြန်သံတွေကို ကိုဉာဏ်ဝင်းအောင်က တင်ပြပါမယ်။

ရှေ့နေကြီး ဦးကိုနီဟာ အင်ဒိုနီးရှားနိုင်ငံက ဂျာကာတာမြို့နဲ့ မာလိုဂို ပြည်နယ်တို့မှာ ဇန်နဝါရီလ ၂၂ ရက်နေ ၂၉ နေ့ထိ ပြုလုပ်ခဲ့တဲ့ ခေါင်းဆောင်မှု ဆွေးနွေးပွဲအစီအစဉ်ကို တက်ရောက်ပြီး ဒီကနေ့ ရန်ကုန်မြို့ နိုင်ငံတကာလေဆိပ်ကို ပြန်ရောက်လာချိန် ညနေ ၄ နာရီ ၄၀ လောက်က Terminal 1 မှာ သေနတ်သမားတဦးရဲ့ အနီးကပ်ပစ်ခတ်မှုကြောင့် ပွဲချင်းပြီးသေဆုံးသွားကြောင်း နိုင်ငံတော် ရုပ်မြင်သံကြားဌာန MRTV က သတင်းထုတ်ပြန်ခဲ့ပါတယ်။ လုပ်ကြံသူကို အခင်းဖြစ်တဲ့နေရာမှာတင် ဖမ်းမိထားကြောင်းလည်း သိရပါတယ်။ လုပ်ကြံသတ်ဖြတ် သူကို ဖမ်းဖို့ကြိုးစားခဲ့တဲ့ တက္ကစီ ဒရိုက်ဘာဟာလည်း သေနတ်နဲ့အပစ်ခံရပြီး ဆေးရုံမှာသေဆုံးသွားကြောင်း သတင်းတွေ ထွက်ပေါ်နေပါတယ်။

လုပ်ကြံသူဟာ မန္တလေးမြို့ကဖြစ်ပြီး သူ့ဆီက သေနတ်နဲ့ကျည်ဆံတွေ သိမ်းမိထားတယ်လို့ လက်ရေးနဲ့ ရေးထားတဲ့ ရဲအစီရင်ခံစာတစောင် လူမှုမီဒီယာတွေမှာ ပျံ့နှံ့နေပေမယ့် VOA က သီးခြားအတည်ပြုနိုင်ခြင်းတော့ မရှိသေးပါဘူး။ ဦးကိုနီ လုပ်ကြံခံရမှု ဖြစ်ပြီးနောက်ပိုင်း လုံခြုံရေး တိုးမြှင့်ထားတယ်လို့ ရန်ကုန်တိုင်းအစိုးရ နယ်လုံဝန်ကြီး ဗိုလ်မှူးကြီးတင်ထွန်းအောင်က ပြောပါတယ်။

“လောလောဆယ်ကျနော်တို့ လုံခြုံရေးတိုးမြှင့်ပြီးဆောင်ရွက်နေပါတယ်ခင်ဗျ၊ ကျနော်တို့ လုပ်နေတုန်းဖြစ်တယ်ခင်ဗျ။”

နိုင်ငံတော်ပြုပြင်ပြောင်းလဲရေး လုပ်နေချိန် ဖွဲ့စည်းပုံ အခြေခံဥပေဒအပိုင်းမှာ ထိရောက်တဲ့ အကြံပေးချက်တွေလုပ်ခဲ့တဲ့ ရှေ့နေကြီး ဦးကိုနီကို ဘာရည်ရွယ်ချက်နဲ့ အခုလို လုပ်ကြံ သတ်ဖြတ် ရတာလဲဆိုတဲ့ အမှုမှန်ပေါ်ရေးအတွက် လုံခြုံရေးအဖွဲ့နဲ့ တရားရုံးတွေက ထိထိရောက်ရောက် ကိုင်တွယ်ဆောင်ရွက်လာအောင် NLD ပါတီက ကြိုးစားလုပ်ဆောင် သွားမယ်လို့ NLD ပါတီ အတွင်းရေးမှူး အဖွဲ့ဝင်လည်းဖြစ် ပါတီပြောခွင့်ရလည်းဖြစ်တဲ့ ဦးဉာဏ်ဝင်းက ပြောပါတယ်။

“ဒါတိုင်းပြည်အတွက် အလုပ်လုပ်တဲ့ နေရာမှာ အကြမ်းဖက်တဲ့နည်းလမ်းကို အမှန်လို့ ထင်သွားမှာ ကျနော်တို့က အရမ်းစိုးရိမ်ပါတယ်။ ဒီလိုနည်းလမ်းကို ကျနေ်ာတို့ ဘယ်တော့မှ လက်မခံပါဘူး။ ဘာဆောင်ရွက် ရမလဲဆိုတော့ အဓိကတော့ ဥပဒေပဲ၊ ဒီလိုလုပ်ကြံတဲ့ကိစ္စ ဦးကိုနီ ကွယ်လွန်တဲ့ကိစ္စ ဒီလိုဖြစ်တာက ဥပဒေနဲ့ အညီ တိတိကျကျ အရေးယူဆောင်ရွက်ဖို့ တရားစီရင်ရေး ဥပဒေကို အတိအကျ လိုက်နာဆောင်ရွက်ဖို့ ၊ ဆောင်ရွက်အောင် ကြိုးစားဖို့ ကျနော်တို့ ဒါအဓိက လုပ်မှာ။”

တရားလွှတ်တော်ရှေ့နေကြီး ဦးကိုနီကို အခုလို လုပ်ကြံသတ်ဖြတ်တာဟာ ပြည်သူလူထုရဲ့ နေ့စဉ်ဘ၀ လုံခြုံရေးအတွက်ပါ ခြောက်ခြားစရာ ဖြစ်လာတာကြောင့် ဒါကို အပြင်းအထန် ရှုံ့ချတယ်လို့ ၈၈ မျိုးဆက်ခေါင်းဆောင် ဦးကိုကိုကြီးက ပြောပါတယ်။

“အခုဘာပဲပြောပြော ကျနော်တို့ ဒီမိုကရေစီ ပြုပြင်ပြောင်းလဲရေး မှာ တတက်တအား ဆောင်ရွက်နေတဲ့ ဥပဒေသမားတယောက် ဆုံးရှုံးသွားတဲ့အတွက်ကို လူ ပုဂ္ဂိုလ် အရကော နိုင်ငံရေး အရကော ကျနော်တို့ အကြီးအကျယ် စိတ်မကောင်းဖြစ်တယ်။ လေဆိပ်လိုမျိုး လူမြင်ကွင်းမှာ ပစ်တယ်ဆိုတာကလည်း အများပြည်သူကိုပါ ခြောက်ခြားစေပါတယ်။ ဒါကြောင့် ဒီလိုဖြစ်ရပ်မျိုးက နိုင်ငံအတွက်လည်း အင်မတန်အကျည်းတန်တဲ့ ကိစ္စဖြစ်တဲ့အတွက် အမူမှန်ဖော်ထုတ်နိုင်ဖို့နဲ့ ထိထိရောက်ရောက် အရေးယူနိုင်ဖို့ နောက်နောင် ဒီလိုမဖြစ်အောင် ကာကွယ်နိုင်ဖို့က ကျနော်တို့ နိုင်ငံရဲ့ ပုံရိပ်အရကော ၊ နိုင်ငံရေးအရ ၊ ဘာသာရေးအရပါ အရေးကြီးတယ်လို့ ကျနော်မြင်ပါတယ်။”

လုပ်ကြံခံရတဲ့ ရှေ့နေကြီး ဦးကိုနီဟာ ပြဿနာကို ညင်သာတဲ့လမ်းကြောင်းကနေ ပြေလည်အောင်ဖြေရှင်း တတ်သူလို့ ရှေ့နေတဦးလည်း ဖြစ်တဲ့ NLD ပါတီပြောခွင့်ရ ဦးဉာဏ်ဝင်းက ပြောပါတယ်။

“ကျနော်နဲ့ ကျောင်းမှာကတည်းက သိခဲ့ကြတယ် နောက်ရှေ့နေလောက ရောက်တော့လည်း ဒီလိုပဲ ရုံးတွေမှာ သူနဲ့ ကျနော်နဲ့ ဆုံနေကျ။ သူက ဘယ်ကိစ္စမဆို ပြေလည်အောင်ပြောဆိုညှိနှိုင်း လိုတဲ့ ဆန္ဒသူ့မှာ အမြဲတမ်းရှိတယ် အဲဒါကျနော် အနှစ်ကြိုက်ဆုံး သူ့သဘောထားပါ။ အဲဒီလို လူမျိုးပေါ်မှာ ဒီလို လုပ်တာကတော့ တကယ့်ကို ဆန့်ကျင်ဘက် အုပ်စုလို့ပဲ ပြောချင်တယ်။”

ဦးကိုနီ လုပ်ကြံခံရခြင်းဟာ နိုင်ငံတော်အတွက် ဆုံးရှုံးမှုကြီးတရပ်လို့ ၈၈ မျိုးဆက်ခေါင်းဆောင် ဦးကိုကိုကြီးက မြင်ပါတယ်။

“ကျနော်တို့ ဒီလက်ရှိနိုင်ငံရေးအပြောင်းအလဲမှာ သူအများကြီး ဆောင်ရွက် ခဲ့တာတွေရှိပါတယ်။ ကျနော်တို့ ကိုယ်တိုင်ကလည်း ဒီမိုကရေစီလို့ပြောရင် တရားဥပဒေစိုးမိုးရေးနဲ့ ဥပဒေရှု့ထောင့်ကနေနားလည်တဲ့ သူတွေရဲ့ အခန်းကဏ္ဍက အင်မတန် အရေးကြီးပါတယ်။ ဒါကြောင့် ကျနော်တို့ အားလုံးရဲ့ ဆုံးရှုံးမှုတခုလို့ ကျနော်မြင်ပါတယ်။ ပြီးခဲ့တဲ့နှစ်တွေ မှာကတည်းက ဘာသာရေး ပဋိပက္ခ ဖြစ်နေတဲ့ အခြေအနေမျိုးမှာ အခုကိစ္စကို အကြောင်းပြုပြီးတော့ တခြားမလိုလားအပ်တဲ့ ပြဿနာတွေမဖြစ်အောင် နိုင်ငံရေး၊ ဘာသာရေး၊ လူမှုရေး အသင်းအဖွဲ့ခေါင်းဆောင်တွေ၊ သြဇာ တိက္ကမ ရှိတဲ့လူတွေ အားလုံးက ဒီအခြေအနေကို ၀ိုင်းဝန်းပြီးတော့ ထိန်းသိမ်းကြစေချင်တယ်။”

ယခင် စစ်အစိုးရလက်ထက်နဲ့ ဦးသိန်းစိန် အစိုးရလက်ထက်တွေမှာ ၄ လောင်း ၅ လောင်းပြိုင် လူသတ်မှုတွေ ဖြစ်ခဲ့ပေမယ့် အမှုမှန်ပေါ်ပေါက်အောင် လုံခြုံရေး တပ်ဖွဲ့ဖက်ကရော တရားရုံးတွေကပါ အခုချိန်ထိ လုပ်ဆောင်နိုင်ခဲ့ခြင်း မရှိသေးပါဘူး။ အာဏာရ NLD အစိုးရလက်ထက် မှာလည်း ရန်ကုန်တိုင်းအစိုးရအဖွဲ့ ရုံးအတွင်းနဲ့ ရန်ကုန်က ဆူပါမားကက်တချို့မှာ ပေါက်ကွဲမှုတွေ ဖြစ်ခဲ့ပေမယ့် ခုထိ အမှုမှန်ဖေါ်ထုတ်နိုင်တာမျိုး မတွေ့ရသေးပါဘူး။ လက်ရှိ ၂၀၀၈ ဖွဲ့စည်းပုံအရ လုံခြုံရေးပိုင်းမှာတာဝန်ရှိတဲ့ ပြည်ထဲရေးနဲ့ ကာကွယ်ရေး နယ်စပ်ရေးရာတွေကို တပ်မတော်က ကိုင်တွယ်ထားဆဲ ဖြစ်ပါတယ်။

 ကိုဉာဏ်ဝင်းအောင်  / ဗွီအိုအေ (မြန်မာပိုင်း)
http://burmese.voanews.com



Chicago လေဆိပ်တွင် ဆန္ဒပြနေစဉ်
မွတ်ဆလင် အများစု နေထိုင်တဲ့ နိုင်ငံ ၇ ခုက လူတွေ အမေရိကန် ပြည်ဝင်ခွင့် ကန့်သတ်လိုက်တဲ့ အမေရိကန် သမ္မတ Donald Trump ရဲ့ အမိန့်ကြေညာချက်ကြောင့် ဒုက္ခသည်တွေ၊ အမေရိကန် ပြည်ထောင်စု အတွင်း အမြဲတမ်းနေထိုင်ခွင့် ရရှိထားသူတွေ၊ ကျောင်းသားတွေနဲ့ အလုပ်သမားတွေ အမေရိကန် လေဆိပ်တွေမှာ ထိန်းသိမ်းခံရတာ၊ အမေရိကန်ကို ပျံသန်းမယ့် နိုင်ငံတကာ လေယာဉ်တွေမှာ လိုက်ပါခွင့် တားမြစ်ခံရတာတွေ ကျယ်ကျယ်ပြန့်ပြန့် ဖြစ်ခဲ့ပြီး နောက်မှာတော့ အမေရိကန် ပြည်ထောင်စု တရားရုံး တခုက ကြားဝင် ဆောင်ရွက်လာပါတယ်။

တရားဝင် ပြည်ဝင်ခွင့် ဗီဇာနဲ့ အမေရိကန် ပြည်ထောင်စုကို ဆိုက်ရောက်လာပြီးနောက် ဖမ်းဆီးခံထားရသူတွေကို ဌာနေပြန်ပို့မယ့် အရေး ယာယီတားဆီးတဲ့ အရေးပေါ် အမိန့်ကို နယူးယောက်က ခရိုင်တရားသူကြီး Ann Donnelly က မနေ့ စနေနေ့ နှောင်းပိုင်းမှာ ထုတ်ပြန်လိုက်ပါတယ်။

ဒီတားမြစ်မိန့်ထဲမှာတော့ ဒုက္ခသည် လျှောက်ထားမှု အတည်ပြုချက် ရရှိထားသူတွေလည်း အကြုံးဝင်ပါတယ်။ အမိမြေ လုံခြုံရေး ၀န်ကြီးဌာနကတော့ တရားရုံး အမိန့်တွေ အတိုင်း လိုက်နာဆောင်ရွက်မယ်လို့ တနင်္ဂနွေနေ့ အစောပိုင်း ထုတ်တဲ့ ကြေညာချက်မှာ ဖော်ပြပါတယ်။ ဒါပေမယ့်လည်း အမေရိကန်နိုင်ငံနဲ့ ပြည်သူတွေ အပေါ် နိုင်ငံတွင်း ၀င်ရောက်လာသူတွေရဲ့ ခြိမ်းခြောက်ခံရမှု မရှိစေရေး လုပ်ဆောင်တဲ့ သမ္မတရဲ့ အမိန့်ကိုလည်း လိုက်နာ ဆောင်ရွက်မှာဖြစ်တယ်လို့ ဖော်ပြထားပါတယ်။

ပြီးခဲ့တဲ့ သောကြာနေ့ သမ္မတ Trump ရဲ့ အမိန့်ကြေညာချက် လက်မှတ်ထိုး ထုတ်ပြန်လိုက်ပြီးနောက်ပိုင်း ဖမ်းဆီးထိန်းသိမ်းခံထားရသူ အနည်းဆုံး ၁၇၀ လောက် ရှိပြီလို့လည်း ပြည်ထောင်စု အာဏာပိုင်တို့ရဲ့ ထုတ်ပြန်ချက်တွေမှာ ဖော်ပြကြပါတယ်။ လူဝင်မှုကြီးကြပ်ရေး ဆိုင်ရာ စည်းမျဉ်းစည်းကမ်း အသစ်တွေ ကတော့ အမေရိကန် ပြည်ထောင်စုကို ခြိမ်းခြောက်နိုင်ခြေ ရှိတယ်လို့ ယူဆခံရတဲ့ မွတ်စလင် အများစု နေထိုင်ရာ နိုင်ငံ ၇ နိုင်ငံက လူတွေကို ပစ်မှတ်ထားတာ ဖြစ်ပါတယ်။ နယူးယောက်၊ ၀ါရှင်တန်၊ ဆန်ဖရန်စ္စကို နဲ့ တခြားမြို့တွေမှာလည်း ဒီအမိန့်အပေါ်မှာ ဆန့်ကျင် ကန့်ကွက်နေကြပါတယ်။

ဗွီအိုအေ (မြန်မာပိုင်း)
http://burmese.voanews.com


လုပ်ကြံသတ်ဖြတ်ခံရတဲ့ NLD ဥပဒေအကြံပေး ဦးကိုနီရဲ့သမီး ဒေါ်ယဉ်နွယ်ခိုင်ဟာ သူ့ဖခင်ကို လေဆိပ်ကို သွားကြိုခဲ့သူပါ။ ပစ်သတ်ခံရချိန်မှာ ဦးကိုနီဟာ သူ့မြေးလေးကို ပွေ့ချီထားပါတယ်။ ဒေါ်ယဉ်နွယ်ခိုင်က သူမြင်တွေ့ရတာကို အခုလို ပြောပြထားပါတယ်။

 BBC Burmese
https://www.facebook.com/bbcburmese



အမျိုးသားဒီမိုကရေစီအဖွဲ့ချုပ်(NLD)ဥပဒေအကြံပေးတရားလွှတ်တော်ရှေ့နေ ဦးကိုနီလုပ်ကြံခံရခြင်းမှာ အစားထိုးမရ သောဆုံးရှုံးမှုဖြစ်ကြောင်း၊ ထို့အတွက် လက်ရှိခေါင်းဆောင်များ၏ လုံခြုံနှင့်ပတ်သက်၍ မြှင့်တင်ရန် အကြံပေးမည် ဖြစ် ကြောင်း ဗဟိုအလုပ်အမှုဆောင် ဦးဝင်းထိန်က ဧရာဝတီသို့ပြောသည်။

“မြန်မာနိုင်ငံမှာ အခုလို လုပ်ကြံတဲ့အကြမ်းဖက် ကိစ္စတွေကို ဒေါ်အောင်ဆန်းစုကြည် ကိုယ်တိုင်လည်းလုံးဝအားမပေး ဘူး။ ဒါက အင်မတန်ဆိုးဝါးတဲ့ ဖြစ်ရပ် တခုပဲ။ ဦးကိုနီဟာ နိုင်ငံရေး အရ ဘာအန္တရာယ်မှ မရှိတဲ့ ပုဂ္ဂိုလ်၊ အဲဒီလို ပုဂ္ဂိုလ်ကို ဘယ်သူတွေက ထိုးနှက်ချင်တာလဲဆိုတာ အဖြေပေါ်လာတော့မှာပါ။ ခရီးစဉ်က အပြန်မှာ အနီးကပ် သွေးအေးအေးနဲ့ လုပ်သွားတာ။ သတ်ပြီး အေးအေးဆေးဆေးနဲ့ ထွက်သွားတာကို အနားက လူတွေ ဝိုင်းဖမ်းလို့ မိတယ်” ဟု ဦးဝင်းထိန် က ဧရာဝတီသို့ ပြောသည်။

ဦးကိုနီသည် ပါတီအတွက် ဥပဒေပိုင်းဆိုင်ရာ ကိစ္စများတွင် အားကိုးအားထားရသူ ဖြစ်ကြောင်း၊ NLD ထိပ်ပိုင်း ခေါင်းဆောင်များကို အကြံပေးမှုများ ပြုလုပ်ပေးခဲ့သူ ဖြစ်ကြောင်း၊ ယခုဖြစ်ရပ်သည် စိတ်မကောင်းစရာ ဖြစ်သလို အစားထိုးမရသည့် ဆုံးရှုံးမှုဖြစ်ကြောင်း၊ လုံခြုံရေး ပိုင်းအရ ကြည့်ရှုမည်ဆိုပါက အန္တရာယ်ရှိကြောင်း၊ ဒီဖြစ်စဉ်ကြောင့် လက်ရှိခေါင်းဆောင်များရဲ့ လုံခြုံရေးကို တဆင့်မြှင့်ရန် အကြံပေးမည်ဖြစ်ကြောင်းလည်း ဦးဝင်းထိန်ကဆိုသည်။

ဦးကိုနီနှင့် ကိုယ်စားလှယ် အဖွဲ့ဝင် ၂၁ ဦးသည် အင်ဒိုနီးရှားနိုင်ငံသို့ သွားရောက်ကာ Senior Leadership Program လေ့လာခဲ့ပြီးနောက် ယနေ့ ပြန်လည်ရောက်ရှိလာစဉ် ရန်ကုန်လေဆိပ်မှာ ကြည်လင်းဆိုသူ၏ ၉မမ ပစ္စတိုဖြင့် အနီးကပ်လုပ်ကြံခြင်းကို ခံခဲ့ရခြင်းဖြစ်သည်။

အဆိုပါ ကြည်လင်းဆိုသူအား ဖမ်းဆီးရမိရေးအတွက် ကူညီခဲ့သော တက္ကစီယာဉ်မောင်း ဦးနေဝင်းဆိုသူလည်း သေနတ်ဒဏ်ရာဖြင့် သေဆုံးခဲ့ရသည်။

သေနတ်ဖြင့် ပစ်သတ်သူမှာ တရုတ်လူမျိုး အသက် ၅၃ နှစ်အရွယ် ကြည်လင်းဆိုသူ ဖြစ်ပြီး မန္တလေးမြို့ မဟာအောင်မြေ မြို့နယ် ပုဏ္ဍားကုန်း ရပ်ကွက်၊ ၃၄ လမ်း မှ ဖြစ်ကြောင်း သိရသည်။ ၎င်းထံမှ ၉ မမ ပစ္စတို ၁ လက်၊ ၅ လုံးပြူး သေနတ်တလက်နှင့် စုစုပေါင်း ကျည် ၁၃ တောင့် ကို သိမ်းဆည်းရမိခဲ့ကြောင်း၊ တရားခံကို ရောမမာန်စားသောက်ဆိုင်ရှေ့တွင် ဖမ်းဆီးမိခဲ့ကြောင်း ရဲစစ်ချက်အရ သိရသည်။

လက်ရှိတွင် ဦးကိုနီနှင့် တရားခံကို ဝင်ရောက် ဖမ်းဆီးပေးရင်း သေဆုံးသွားသည့် ကိုနေဝင်း၏ အလောင်းများကို မြောက်ဥက္ကလာပ ဆေးရုံကြီး မှုခင်းဆေးပညာဌာနတွင် ထားရှိ စစ်ဆေးနေပြီး ရန်ကုန်တိုင်း ဝန်ကြီးချုပ် ဦးဖြိုးမင်းသိန်း လာရောက်နေကြောင်း၊ ဦးမြအေး၊ ဦးကိုကိုကြီးနှင့် သေဆုံးသူများ၏ မိသားစုဝင်များလည်း ရောက်ရှိနေသည်။

ဦးကိုနီ၏ ရုပ်ကလပ်ကို ရေဝေးသုဿန်ရှိ မွတ်ဆလင်သင်္ချိုင်းတွင် မနက်ဖြန်ညနေ ၄နာရီခွဲ၌ သင်္ဂြိုလ်မည်ဖြစ်ကြောင်း သိရသည်။

By ဧရာဝတီ



ဦးကိုနီအား လုပ်ကြံသတ်ဖြတ်သူကို လိုက်လံကူညီဖမ်းဆီးစဉ် သေဆုံးသွားသော Taxiယာဉ်မောင်း ဦးနေ၀င်းအား ၎င်း၏ယာဉ်နှင့်အတူ တွေ့ရစဉ်။
ဦးကိုနီအား သေနတ်ဖြင့် လုပ်ကြံပစ်ခတ်သူအား ကူညီဖမ်းဆီးပေးသူ Taxiယာဉ်မောင်း တစ်ဦးလည်း သေဆုံးသွားကြောင်း နောက်ဆက်တွဲသတင်းများအရ သိရသည်။

သေဆုံးသွားသူမှာ ရန်ကုန်လေဆိပ်၌ Taxi မောင်းနေသူ ဦးနေ၀င်း (၄၂)နှစ် ဖြစ်ပြီး လုပ်ကြံပစ်ခတ်သူအား ၀င်ရောက်ဖမ်းဆီးရန်ကြိုးစားမှုကြောင့် အပစ်ခံရခြင်းဖြစ်ကြောင်း ကနဦးသတင်းများအရ သိရသည်။

ရဲတပ်ဖွဲ့ဝင်များ မရောက်လာမီအချိန်တွင် Taxi ယာဉ်မောင်းများက လုပ်ကြံပစ်ခတ်သူအား ၀ိုင်းဝန်းဖမ်းဆီးပေးခဲ့ခြင်းဖြစ်ကြောင်း သိရသည်။

(ဓာတ်ပုံ- သေဆုံးသူ ဦးနေ၀င်းမောင်းနှင်ခဲ့သော Taxi)
ဇော်ဇော်ထွန်း
News Watch
https://www.facebook.com/NewsWatchJournal/



လုပ်ကြံပစ်ခတ်သူကို အရှင်ဖမ်းမိထား (ဓါတ်ပုံ - facebook)
လုပ်ကြံပစ်ခတ်သူကို အရှင်ဖမ်းမိထားကြောင်း သိရသည်။ ဓါတ်ပုံ - News Watch
    ရန်ကုန်၊ ဇန်နဝါရီ ၂၉ ရက် (ဆင်ဟွာ)

    တရားလွှတ်တော် ရှေ့နေ ဦးကိုနီကို ရန်ကုန်အပြည်ပြည်ဆိုင်ရာလေဆိပ်ပြည်ပဆိုက်ရောက်တွင် သေနတ်ဖြင့် ပစ်သတ်ခံရပြီး သေနတ်သမားအား ဖမ်းဆီးစစ်ဆေးနေကြောင်း နိုင်ငံတော် သမ္မတရုံး၏ ဒုတိယ ညွှန်ကြားရေးမှူးချုပ် ဦးဇော်ဌေးက ဆင်ဟွာသို့ ပြောကြားသည်။

"လုပ်ကြံတဲ့လူက အနီးကပ်ပစ်ပြီး သေနတ် တစ်ချက်ဖောက်ပြီး ထွက်ပြေးတာ၊ လေဆိပ်က ရဲနဲ့ ပြည်သူဝိုင်းဖမ်းတာ မိထားတယ်။ ခု လေဆိပ်ရဲစခန်းမှာ စစ်ဆေးနေပါတယ်"ဟု ၎င်းက ဆိုသည်

လက်ရှိ ဦးကိုနီ အလောင်းအား မြောက်ဥက္ကလာပဆေးရုံသို့ ပို့ဆောင်ထားသည်။

ရန်ကုန်လေဆိပ်တွင် ဦးကိုနီ သေနတ်ဖြင့်ပစ်ခတ် လုပ်ကြံခံရ။ ဆုံးသွားပြီဖြစ်ကြောင်း မိသားစုဘက်မှ အတည်ပြုပြောကြားကြောင်း ကြားသိရသည်။ လုပ်ကြံပစ်ခတ်သူကို အရှင်ဖမ်းမိထားကြောင်း သိရသည်။ ဓါတ်ပုံ - News Watch
နေ့လယ် ၃း၁၅ နာရီ စင်္ကာပူလေကြောင်းလိုင်းဖြင့် (စင်္ကာပူ ထရန်စစ်) ရန်ကုန် ပြန်လာသော NLD၏ ဥပဒေ အကြံပေး တရားလွှတ်တော် ရှေ့နေ ဦးကိုနီသည် ယနေ့ ညနေ ၅နာရီကျော်က ရန်ကုန်လေဆိပ် တက်စီစတန်း၌ ခေါင်းကို သေနတ်နှင့် အနီးကပ် ပစ်ခတ်ခံရမှုကြောင့် သေဆုံးသွားကြောင်း မြန်မာနိုင်ငံရဲတပ်ဖွဲ့က အတည်ပြုပြောကြားသည်။

ဦးကိုနီသည် ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့် ဦးဆောင်သော မြန်မာကိုယ်စား လှယ်အဖွဲ့နှင့် အင်ဒိုနီးရှားနိုင်ငံသို့ လေ့လာရေးခရီး လိုက်ပါသွားခဲ့ပြီး ရန်ကုန်လေဆိပ်သို့ ပြန်လည်ရောက်ရှိ ချိန်တွင် လုပ်ကြံခံခဲ့ရကြောင်း ဦးဇော်ဌေးက ဆိုသည်။

(Xinhua)
http://www.xinhuamyanmar.com



 ရှေ့နေကြီး ဦးကိုနီ လုပ်ကြံ သတ်ဖြတ် ခံရ
အမျိုးသား ဒီမိုကရေစီ အဖွဲ့ချုပ် NLD ပါတီရဲ့ ဥပဒေ အကြံပေး ရှေ့နီ ဦးကိုနီဟာ အင်ဒိုနီးရှား ခရီးစဉ် ကနေ ပြန်အရောက် မင်္ဂလာဒုံ လေဆိပ် ထွက်ပေါက် မှာ လုပ်ကြံ ပစ်ခတ် ခံလိုက်ရပြီး၊ ပွဲချင်းပြီး သေဆုံး သွားပါတယ်။

ဦးကိုနီ ကို သေနတ်နဲ့ အနီးကပ် တေ့ပစ်ခဲ့တာ ဖြစ်တယ်လို့ သမ္မတရုံး ပြောခွင့်ရ ဦးဇော်ဌေးက ဘီဘီစီကို အတည်ပြု ပါတယ်။

ဒါ့အပြင် သေနတ်သမားကို လက်ရ ဖမ်းဆီး ထားနိုင်တယ်လို့ ဆိုပါတယ်။

ဦးကိုနီရဲ့ ရုပ်အလောင်းကို မင်္ဂလာဒုံ လေဆိပ် ရှေ့ ပလက်ဖောင်းပေါ် မျက်မြင် တွေ့ခဲ့ရသူ တစ်ယောက်ကလည်း သူ့ တွေ့မြင် ခဲ့ရတာတွေကို ဘီဘီစီကို ပြောပါတယ်။

သေနတ်သမားဟာ ဦးကိုနီကို ပစ်ခတ်ပြီး ထွက် အပြေးမှာ ဟန့်တားဖို့ ကြိုးစား ခဲ့သူ တစ်ယောက်လည်း ၊ သေနတ်သမားရဲ့ ပစ်ခတ်မှုကြောင့် သေဆုံး ခဲ့ရတယ်လို့ ဆိုပါတယ်။

ဘီဘီစီက တွေ့ရှိ ထားတဲ့ ရဲ မှတ်တမ်း အရလည်း မင်္ဂလာဒုံ လေဆိပ်မှာ ညနေ ၅ နာရီ ဝန်းကျင် မှာ၊ ၉ မမ ပစ္စတို အသုံးပြု ပစ်ခတ်မှု ဖြစ်ခဲ့တယ်လို့ ဖော်ပြ ထားသလို၊ သေနတ်သမားကို လက်နက် ခဲယမ်း တွေနဲ့ အတူ လက်ရ ဖမ်းဆီးနိုင်ခဲ့ပြီး စစ်ဆေး မေးမြန်း နေတယ်လို့ ဆိုပါတယ်။

ပြန်ကြားရေး ဝန်ကြီး ဒေါက်တာ ဖေမြင့် ဦးဆောင် ပြီး အင်ဒိုနီးရှား နိုင်ငံကို သွားရောက် ခဲ့တဲ့ မြန်မာကိုယ်စားလှယ် အဖွဲ့မှာ ဦးကိုနီ လိုက် ပါ ခဲ့တာ ဖြစ်ပါတယ်။

BBC Burmese
http://www.bbc.com/burmese



အာရုဏ်တက်ချိန်မှာ လေကြောင်း ကနေ တိုက်ခိုက်
ယီမင် နိုင်ငံက လာတဲ့ သတင်းတွေ အရ အမေရိကန် ကွန်မန်ဒို အထူး တပ်ဖွဲ့ရဲ့ လက်ချက် လို့ ယူဆရတဲ့ တိုက်ခိုက်မှုကြောင့် ၊ အယ်လ်ကိုင်းဒါး လက်နက်ကိုင် တွေရော၊ အရပ်သားတွေပါ သေဆုံး ခဲ့ရတယ်လို့ ဆိုပါတယ်။

သေဆုံး စာရင်းထဲ အယောက် ၃ဝ ၀န်းကျင် ရှိနေပြီး၊ အယ်လ်ကိုင်းဒါး ခေါင်းဆောင် တစ်ယောက် ဖြစ်တဲ့ အဗ္ဗဒူလ် ရာအုဖ် အယ်လ်-ဒါဟ်ဟာ့ဘ် လည်း ပါဝင်တယ်လို့ ဆိုပါတယ်။

အယ်လ် ဘေဒါ ပြည်နယ် ထဲ၊ အရုဏ်တက်ချိန်မှာ လေကြောင်း ကနေ တိုက်ခိုက် လာခဲ့ ပြီးတဲ့နောက်၊ ရဟတ်ယာဉ် တွေ ပေါ်ကနေ အထူး တပ်ဖွဲ့တွေ ဆင်းသက် လာပြီး မြေပြင် ချေမှုန်းရေး တွေပါ ပြုလုပ် ခဲ့ကြတာ ဖြစ်ပါတယ်။

အယ်လ်ကိုင်းဒါး လက်နက်ကိုင်တွေ ခြေကုပ်ယူ ထားတဲ့ ပလီ ဝတ်ကျောင်း တစ်လုံးကို ပစ်မှတ်ထား ဦးတည်ပြီး တိုက်ခိုက် ခဲ့ကြသလို၊ ပတ်ဝန်းကျင်က နေအိမ် တချို့ပါ တိုက်ခိုက် ခံခဲ့ ရပါတယ်။

ဒီ စစ်ဆင်ရေးကို အမေရိကန် တပ်ဖွဲ့က ပြုလုပ် ခဲ့တယ် ဆိုတာကို အတည် ပြုနိုင်ရင် ဒါဟာ သမ္မတ ထရမ့် လက်ထက် ပထမဆုံး အကြိမ် အနေနဲ့ ကွန်မန်ဒို စေလွှတ် တိုက်ခိုက် လာတာ ဖြစ်ပါတယ်။

BBC Burmese
http://www.bbc.com/burmese



 ထရမ့်ရဲ့ ကန့်သတ်မှု အပေါ် ရှုတ်ချ ပြစ်တင်
မွတ်ဆလင် အများစု နေထိုင်တဲ့ နိုင်ငံ ၇ နိုင်ငံကနေ ဝင်လာတဲ့ ဒုက္ခသည်တွေရော၊ သာမန် ခရီး သွားတွေ ကိုပါ အမေရိကန်ထဲ ဝင်ခွင့် ပိတ်တဲ့ သမ္မတ ထရမ့် ရဲ့ ကန့်သတ်ချက်ကို သွေဖီ ဆန့်ကျင်တဲ့ အမိန့် တစ်ရပ်ကို နယူးယောက်မြို့ ၊ ဗဟို တရားရုံးတော်က ချမှတ် ခဲ့ပါတယ်။

သမ္မတ ထရမ့် သောကြာနေ့က ထုတ်ပြန် ခဲ့တဲ့ ကန့်သတ်မှုရဲ့ တိုက်ရိုက် အကျိုးဆက် အနေနဲ့ အမေရိကန် နိုင်ငံထဲ ဖမ်းဆီး ထိန်းသိမ်း ခံလိုက်ရသူ တွေကို မူလ နိုင်ငံတွေဆီ ပြန် မပို့သင့် ဘူး ဆိုပြီး တရားရုံးချုပ် တရားသူကြီးက အမိန့် ချခဲ့တာ ဖြစ်ပါတယ်။

အဲဒီ အမိန့်ဟာ၊ ထရမ့် အပေါ်မှာ ဥပဒေကြောင်း အရ အောင်နိုင် လိုက်တာပဲ ဆိုပြီး လူ့ အခွင့်အရေး အဖွဲ့တွေက အောင်ပွဲ ခံနေကြပေမယ့်၊ အမေရိကန် ပြည်တွင်း လုံခြုံရေး ဌာန ကတော့ သမ္မတ အမိန့်ဟာ ခိုင်မြဲ နေဆဲ ဖြစ်တယ်လို့ ဆိုပါတယ်။

မူလ နိုင်ငံတွေဆီ ပြန် မလွှတ်ရ ဆိုတဲ့ တရားရုံး အမိန့်ဟာ ဝင်လာတဲ့ ခရီးသည် ရာခိုင်နှုန်း အနည်းငယ် အပေါ်မှာသာ သက်ရောက်မှု ရှိတယ်လို့ ပြည်တွင်း လုံခြုံရေး ဌာနက ဆိုပါတယ်။

သမ္မတ ထရမ့်ရဲ့ အမိန့်ဟာ အမေရိကန်ရဲ့ ပြည်ဝင် ပေါက် တွေကို ထိန်းချုပ် တင်းကြပ်ပြီး၊ အမျိုးသား လုံခြုံရေးကို မြှင့်တင်ဖို့ အတွက် ပထမ ခြေလှမ်းပဲ ရှိသေးတယ် လို့လည်း ပြည်တွင်း လုံခြုံရေး ဌာနက ပြောပါတယ်။

သမ္မတ ထရမ့်ရဲ့ ကန့်သတ်မှု အပေါ် ဝေဖန်သံတွေ၊ အမေရိကန် ပြည်တွင်း ပြည်ပ မှာ ထွက်ပေါ် နေတာမှာ ဂျာမနီ ဝန်ကြီးချုပ် အိန်ဂလာ မာ့ခဲလ်က သမ္မတ ထရမ့်ရဲ့ ကန့်သတ်မှု အပေါ် ရှုတ်ချ ပြစ်တင် ပြောဆို ခဲ့သလို၊ ကိုယ်တိုင် မွတ်ဆလင်မ် တစ်ယောက် ဖြစ်တဲ့ လန်ဒန် မြို့တော်ဝန် ဆာဒစ်ခန်း ကလည်း ထရမ့်ရဲ့ အမိန့်ဟာ ရက်စက်ပြီး၊ ရှက်ဖွယ်လိလိ ဖြစ်တယ်လို့ ဆိုပါတယ်။

BBC Burmese
http://www.bbc.com/burmese

Author Name

Contact Form

Name

Email *

Message *

Powered by Blogger.