01/31/17

ရန်ကုန်အပြည်ပြည်ဆိုင်ရာ လေဆိပ်တွင် ဦးကိုနီကို သေနတ်ဖြင့် ပစ်သတ်ခဲ့သူအား ဖမ်းဆီးပေးရင်း ကွယ်လွန်ခဲ့သည့် တက္ကစီယာဉ်မောင်း ကိုနေ၀င်း၏ ဈာပနအခမ်းအနား ကို ဇန်န၀ါရီ ၃၁ နေ့လယ် ၁ နာရီတွင် ရေဝေး သုသ၁န်၌ ပြုလုပ်ခဲ့သည်။

တက္ကစီယာဉ်မောင်း ဦးနေ၀င်း၏ ဈာပန အခမ်းအနားတွင် အမျိုးသား ဒီမိုကရေစီအဖွဲ့ချုပ် NLD ပါတီနာယက သူရဦးတင်ဦး၊ ရန်ကုန်တိုင်း လူမှုရေးဝန်ကြီး ဦးနိုင်ငံလင်း၊ ၈၈ မျိုးဆက်ကျောင်းသား ကိုမင်းကိုနိုင် စသည့်ပုဂ္ဂိုလ်တို့က ဝမ်းနည်းကြောင်း ဂုဏ်ပြုအမှတ်တရ စကားများ ပြောကြား ခဲ့ကြသည်။ ရန်ကုန်တိုင်းစစ်ဌာနချုပ် တိုင်းမှူးကလည်း ကိုနေဝင်း၏ နာရေးကို လိုက်ပါ ပို့ဆောင်ပေးခဲ့သည်။

“ဦးကိုနီကို လုပ်ကြံသတ်ဖြတ်တဲ့သူကို ရဲရဲဝံ့ဝံ့ ဖမ်းမိအောင် မိမိအသက်ကို ပမာဏမထားဘဲ စွန့်စားသွားတဲ့၊ ဘာလက်နက်မှ မပါဘဲ လက်ချည်းသက်သက် ဖမ်းမိရအောင် သဲလွန်စ ပေးနိုင်အောင် ဆောင် ရွက်ပေးသွားတဲ့ ပုဂ္ဂိုလ် သူရသတ္တိအပြည့်နဲ့ ပုဂ္ဂိုလ် ဦးနေ၀င်းကို သမိုင်းမှာ တစ်ခါမှ မကြုံဖူးအောင်၊ ဖြစ်တဲ့ အဖြစ်အပျက်တစ်ခုအတွက် လာရောက်ပြီး သူ့ရဲ့ဆောင်ရွက်ချက်ကို လာရောက် ဂုဏ်ပြုခြင်းဖြစ်ပါတယ်” ဟု အမျိုးသား ဒီမိုကရေစီအဖွဲ့ချုပ် NLD ပါတီနာယက သူရဦးတင်ဦးက ဈာပနအခမ်း အနားတွင် ပြောကြားခဲ့သည်။

၎င်း၏ ဆောင်ရွက်ချက်သည် သမိုင်းတွင် ကြုံတောင့်ကြုံ ခဲ ဖြစ်တောင့် ဖြစ်ခဲ မဖြစ်ဖူးသော အခြေအနေကို နောင်လာ နောက်သားများ အတွက်၊ နိုင်ငံတော်အတွက် ၊ တရားဥပဒေ စိုးမိုးရေး၊ အေးချမ်းရေးနှင့် ငြိမ်းချမ်းရေးကို စံပြုလောက်အောင် ဖြစ်သွားသည့်အတွက် ဂုဏ်ယူစွာဖြင့် ချီးမြှောက်အားပေး နောက်ဆုံး ပို့ဆောင်ခြင်းဖြင့် ပို့ဆောင်ခြင်း ဖြစ် သည်ဟုလည်း ပြောကြားခဲ့သည်။

“ကျွန်တော်ဝမ်းမနည်းပါဘူး။ ကျွန်တော် ဂုဏ်ယူတာပါ။ ဘာဖြစ်လို့လဲ ဆိုတော့ ကျွန်တော်တို့ နိုင်ငံရေးသမား တွေဟာ တိုင်းပြည်အတွက် လုပ်နေတဲ့သူတွေဟာ ဒီလိုကိစ္စမျိုးကို တစ်နည်းနည်းနဲ့ ကြုံရတာပါပဲ၊ ကျွန်တော် ၀န်ကြီးတစ်ယောက် တိုင်းပြည်တာဝန် ကျေဖို့ ဆိုတာ ၀န်ကြီး တစ်ယောက် ဖြစ်နေဖို့မလိုပါဘူး။ ၀န်ကြီးချုပ် ဖြစ်နေစရာလည်း မလိုပါဘူး။ တိုင်းပြည်ရဲ့ အခိုက်အတန့် လေးတစ်ခုမှာ သူလုပ်လိုက်တဲ့ ဆုံးဖြတ်ချက်လေး တစ်ခုဟာ သူ့ရဲ့ တန်ဖိုးကို ဖြတ်လိုက်တယ်ဆိုတာ အားလုံးသိရမယ့် အချက်ဖြစ်ပါတယ်၊ သူလူတစ်ယောက်ကို ကူညီပေးချင်တဲ့ စိတ်လေးတစ်ခုက သူ့ရဲ့တန်ဖိုးကို ဖြတ်လိုက်တာ ဖြစ်ပါတယ်” ဟု ရန်ကုန်တိုင်းဒေသကြီး အစိုးရအဖွဲ့ လူမှုရေးဝန်ကြီး ဦးနိုင်ငံလင်းက လည်း ဈာပနအခမ်းအနားတွင် ပြောကြားခဲ့သည်။

နိုင်ငံအတွင်းတွင် အသက်မွေးဝမ်းကျောင်းနှင့် ပတ်သက်လျှင် နိမ့်သည်မြင့် သည်ဟု ခွဲခြားချင်သူများ အတွက် ဦးနေ၀င်းသည် သတိရစရာ ပင် ဖြစ်သည်။ တက္ကစီယာဉ်မောင်းများသည် သာမန်အားဖြင့် ကြည့်လျှင် မြင့်မားသည်ဟု ဂုဏ်ထောင်နိုင်သည့် အသက်မွေး ၀မ်းကျောင်းတွင် မပါတတ်ကြောင်းလည်း ၈၈ မျိုးဆက်ကျောင်းသား ကိုမင်းကိုနိုင် က ပြောသည်။

“ဒီကနေ့ကိုနေ၀င်းနဲ့တကွ လေဆိပ်မှာရှိတဲ့ အငှားယာဉ်မောင်း တွေ ကျွန်တော်တို့ကို တစ်ခုသင်ပေးလိုက်ပါတယ်၊ ဘာလဲဆိုတော့ လူဟာ သူလုပ်တဲ့ အသက်မွေးဝမ်းကျောင်းက အဓိကမဟုတ်ဘဲ သူတို့ကျင့်တဲ့ တရားကသာလျှင် ပဓာနကျတယ် ဆိုတာ ကျွန်တော်တို့ကို သင်ပေးလိုက်ပြန်ပါပြီ၊ သူ အသက်စွန့်ခဲ့တာဟာ ဘာအတွက်ကြောင့်လဲ ဆိုတာ သိပြီးတော့ ယုံယုံကြည်ကြည် စွန့်ခဲ့ပါတယ်။ ဒါပေမဲ့ ဘာအတွက်ကြောင့် သူတို့ကိုစွန့်သွားမှန်း မသိဘဲ ကျန်ခဲ့တဲ့ ရက်သားကလေးလေး အပါအ၀င် သူ့ရဲ့ရင်သွေးတွေကိုလည်း ကျွန်တော်တို့ များစွာ စာနာမိပါတယ်” ဟု ကိုမင်းကိုနိုင်က ပြောသည်။

ထို့အတူ ကလေးငယ်များ၏ အနာဂတ်အတွက် အားလုံးဝိုင်းဝန်း ကူညီ ထောက်ပံ့ရာတွင်လည်း စနစ်ကျသည့် ထောက်ပံ့မှုမျိုးဖြင့် ၎င်းတို့၏ ဘ၀ အာမခံချက်ရှိအောင် ၀ိုင်းဝန်းပူးပေါင်း စေချင်သည် ဟုလည်း ကိုမင်းကိုနိုင်က ပြောဆိုခဲ့သည်။

“ကျွန်တော်တို့ နိုင်ငံသားတွေလည်း အကြောင်းကြောင်းကြောင့် လေ ဆိပ်ကို ဖြတ်ရတဲ့အခါ ကျွန်တော်တို့မှာ ဂုဏ်ငယ်စရာတွေ ရှိခဲ့ပေမယ့် ရဲရင့်တဲ့ ပြည်သူတစ်ယောက် တကယ်ရှိခဲ့တယ်ဆိုတာ ပုံပြင်မဟုတ်တဲ့ တကယ့် သူရဲကောင်းတစ်ယောက် တကယ်ရှိခဲ့တယ်ဆိုတာ လေဆိပ် က ဖြတ်တိုင်း ဂုဏ်ယူနေပါ့မယ် ကိုနေ၀င်းခင်ဗျာ” ဟု ကိုမင်းကိုနိုင်က ဈာပနအခမ်းအနားတွင် ပြောဆိုခဲ့သည်။

တက္ကစီယာဉ်မောင်း ဦးနေ၀င်း၏ ဈာပနအခမ်းအနားတွင် သုံးရောင်ခြယ် အဖွဲ့ကလည်း ဂုဏ်ပြုစကား ပြောကြားခဲ့ပြီး ၊ ပျံသန်းသော ပျံလွှားသယ်ယူပို့ဆောင်ရေး အသင်း (ရန်ကုန်အပြည်ပြည်ဆိုင်ရာ လေဆိပ် -မင်္ဂလာဒုံ) က အမိန့်ပြန်ကြားစာ ဖတ်ကြားခဲ့သည်။ ထို့အတူ အမျိုးသား ဒီမိုကရေစီအဖွဲ့ချုပ် မင်္ဂလာဒုံမြို့နယ် အလုပ်မှုဆောင် အဖွဲ့မှလည်း အမိန့်ပြန်ကြားစာ ပြန်ကြားခဲ့သည်။

သေနတ်သမားတစ်ဦး၏ ပစ်သတ်မှုကြောင့် သေဆုံးသွားသည့် အငှား ယာဉ်မောင်း ကိုနေဝင်း အသက် ၄၈ နှစ်ကို ရန်ကုန်တိုင်းအစိုးရ အဖွဲ့ အစီအစဉ်ဖြင့် ရေဝေးသုသ၁န်တွင် ဂူသွင်းသင်္ဂြိုဟ်ခဲ့ပြီး ၎င်း၏ နောက်ဆုံးခရီးကို လူသောင်းချီ လိုက်ပါပို့ဆောင် နှုတ် ဆက်ခဲ့ကြသည်။

ဇော်မင်းထွန်း
The Ladies News


၃၁-၁-၂၀၁၇

နိုင်ဂျီးရီးယား နိုင်ငံ က မိန်းမအများဆုံး ယူထားသူ ဘာသာရေး တရားဟော ဆရာ မိုဟာမက်ဘယ်လို မာဆာဘာ အသက် (၉၂)နှစ်ဟာ သူနေ ထိုင်နေတဲ့ နီဂါပြည်နယ် ဘိုင်ဒါမြို့ ကနေအိမ်မှာ ရုတ်တရက် အိပ်ယာပေါ် မှာ သေဆုံးသွားခဲ့ကြောင်း ကျန်ရစ်သူ မိသားစုဝင်တွေက အတည်ပြုခဲ့ပါတယ်။

မိုဟာမက်ဟာ တရားဝင်ပေါင်းနေသည့် ဇနီး အမျိုးသမီးပေါင်း (၁၂၀) နဲ့  ကွာရှင်းခဲ့သူ (၁၀)ဦး ရှိပါတယ်။

သူသေဆုံးချိန်မှာ သားသမီးပေါင်း ၂၀၃ ယောက်နဲ့  ကိုယ်ဝန်ဆောင်ဇနီးတွေ တသီကြီး ကျန်ခဲ့ပါတယ်၊ ဘာသာရေးအရ မယားလေးယောက် ယူခွင့်ပြုထားပါတယ်။ မိုဟာမက်ကတော့ အားလုံးကိုကျော်ပြီး မဟာ မိန်းမအများဆုံးဘွဲ့ ထူးနဲ့  သမိုင်းတွင်ခဲ့ပါတယ်။


မိုဟာမက် သေဆုံးရတာနဲ့ ပါတ်သက်ပြီး သူ့ မှာဘာရောဂါမှမရှိပါဘူး၊ ဘယ် လိုဒဏ်ရာမှာလည်း မတွေ့ ရဘဲ နောက်ဆုံးယူထားတဲ့ ဇနီးနဲ့  အတူအိပ်နေရင်း အမောဖေါက်သေဆုံးသွားခဲ့တာလို့ သိရပါတယ်။

Social Action for Children and Women - SAW


ဥရောပတိုက်ရှိ သြစတြီးယားနိုင်ငံက အာဏာရ ညွှန့်ပေါင်းအစိုးရဟာ တရားရုံး၊ ကျောင်း အစရှိတဲ့ အများပြည်သူနဲ့ သက်ဆိုင်တဲ့ နေရာတွေမှာ တမျက်နှာလုံး ဖုံးအုပ်ထားတဲ့ ခေါင်းဆောင်း ဝတ်ရုံတွေ ဝတ်ဆင်ခွင့် ပိတ်ပင်လိုက်ပါတယ်။

ဒါ့အပြင် အစိုးရဝန်ထမ်း တွေအနေနဲ့ ခေါင်းစည်းပုဝါ အပါအဝင် အခြား ဘာသာရေး တခုခုရဲ့ အမှတ်သင်္ကေတ ပါတာတွေ ဝင်ဆင်ခြင်းကိုလည်း တားမြစ်ဖို့ စဉ်းစားနေကြပါတယ်။

အခု ညွှန်းပေါင်းအစိုးရအဖွဲ့ သဘောတူညီလိုက်တဲ့ အရေးယူဆောင်ရွက်မှုတွေမှာ ဂျီဟတ်ဒ် ဝါဒီ ဖြစ်ခဲ့ဖူးသူတွေကို အီလက်ထရောနစ် နည်းပညာ အမြဲမပြတ် ခြေရာခံ စောင့်ကြည့်ဖို့နဲ့ နိုင်ငံခြားသား အလုပ်သမား အရေအတွက်ကို ကန့်သတ်ဖို့ တွေလည်း ပါဝင်ပါတယ်။


ဒီလို အရေးယူ ဆောင်ရွက်ခြင်းဟာ လက်ယာစွန်း လွတ်မြောက်ရေးပါတီ (Freedom Party of Austria) လူကြိုက်များလာမှု အပေါ် တန်ပြန်တဲ့ လုပ်ရပ်လို့ အများက ယူဆကြပါတယ်။ လက်ယာစွန်းပါတီရဲ့ ကိုယ်စားလှယ်ဟာ ပြီးခဲ့တဲ့ လ က ကျင်းပခဲ့တဲ့ သမ္မတ ရွေးကောက်ပွဲ မှာ ကွာခြားချက် အနည်းငယ်နဲ့သာ ရှုံးနိမ့်သွားခဲ့ပါတယ်။

အခု အာဏရနေတဲ့ အလယ်အလတ်ဝါဒီ ညွှန့်ပေါင်းအစိုးရဟာ အရင်အပတ်တုန်းက ပြုတ်ကျလုနီးနီး ဖြစ်ခဲ့ပါတယ်။ အစိုးရအဖွဲ့ရဲ့ အနာဂတ် လမ်းကြောင်း မူဝါဒတွေနဲ့ ပတ်သက်ပြီး ညှိနှိုင်းမှုတွေ ပြုလုပ်ရမှာ အကျပ်အတည်းတွေနဲ့ ရင်ဆိုင်ခဲ့ရပါတယ်။

အစိုးရရဲ့ ပိတ်ပင်မှုဟာ အစ္စလာမ် ဘာသာဝင် အမျိုးသမီးတွေရဲ့ မျက်နှာပြည့် သို့မဟုတ်၊ မျက်လုံးပဲ ဖော်ထားတဲ့ ခေါင်းဆောင်း ဝတ်ရုံရှည် ဝင်ဆင်မှုအပေါ် သက်ရောက်မှာ ဖြစ်ပါတယ်။

သြစတြီးယားမှာ အဲဒီလို ဆင်ယင်မှု ရှိတဲ့ အမျိုးသမီး အယောက် ၁၅၀ လောက် ရှိမယ်လို့ ခန့်မှန်းကြပါတယ်။

ခရီးသွားလုပ်ငန်းက အရာရှိတွေကတော့ အခု ပိတ်ပင်မှုဟာ ပင်လယ်ကွေ့ ဒေသက နိုင်ငံခြား ခရီးသွား လာရောက်လည်ပတ်မှုကို အဟန့်အတား ဖြစ်စေနိုင်တယ် ဆိုတဲ့ စိုးရိမ်ချက် ရှိပါတယ်။

ဒီ တားမြစ်ချက်ဟာ ဗီယင်နာ မြို့တော် အလယ်ခေါင်နဲ့ နှင်းလျှောစီး အပန်းဖြေစခန်းတွေလည်း ပါတယ်လို့ အစိုးရရဲ့ ပြောရေးဆိုခွင့်ရှိသူက ဆိုထားပါတယ်။

ဥရောပ နိုင်ငံ အများအပြားမှာ ဒီလို မျက်နှာလုံးပြည့် ဖုံးအုပ်ထားတဲ့ ဝတ်စားဆင်ယင်မှုမျိုးကို ပိတ်ပင်ထားကြပြီး ကျန်တဲ့ နိုင်ငံတွေမှာလည်း စဉ်းစား နေကြပါတယ်။

အရင်လကပဲ ဂျာမနီ အဓိပတိ အန်ဂလာ မာကဲလ်က တရားဥပဒေ အရ ဖြစ်နိုင်တဲ့ နေရာတိုင်းမှာ မျက်နှာပြည့် ဝတ်ဆင်မှုတွေကို တားမြစ်သင့်တယ်လို့ ပြောခဲ့ပါသေးတယ်။

ဗြိတိန်မှာတော့ မျက်နှာပြည့် ဖုံးအုပ် ဝတ်ဆင်ခြင်းကို တားမြစ်ခြင်း မရှိပါဘူး။

ဘီဘီစီမြန်မာပိုင်း
BBC Burmese
https://www.facebook.com/bbcburmese



( ဧရာဝတီမြစ်ဆုံ၊ မြစ်ညှာ၊ မြစ်ဝှမ်း ရေအားလျှပ်စစ်စီမံကိန်းများ လုံးဝရပ်ဆိုင်းရေး မြစ်ကြီးနားမြို့ စီတာပူရပ်ကွက်က Palm Spring Hotel ရှေ့မှာ ၂၀၁၇ ခုနှစ် ဇန်နဝါရီ ၃၁ ရက်နေ့က တန်ဖရဲ-မြစ်ဆုံ ဒေသခံတွေ စုပေါင်းဆန္ဒပြကြစဉ်။ )Photo: Kyaw Myo Min/RFA
ဧရာဝတီမြစ်ဆုံ မြစ်ညှာ မြစ်ဝှမ်း ရေအားလျှပ်စစ်စီမံကိန်း အားလုံးကို ရပ်ဆိုင်းပြီး မူလနေရပ်မှာ အမြန်ဆုံးပြန်လည်နေထိုင်လိုကြောင်း တန်ဖရဲ၊ မလိယန် စတဲ့ မြစ်ဆုံဒေသခံ ၂၀ ကျော်က မြစ်ကြီးနားမြို့ Palm Spring Hotel ရှေ့မှာ ဒီကနေ့ ဆန္ဒပြတောင်းဆိုကြပါတယ်။

မြစ်ဆုံရေကာတာ စီမံကိန်းကို တိုက်တွန်းတဲ့ အစည်းအဝေးလုပ်နေတာကြားလို့ ဆန္ဒပြတာဖြစ်ကြောင်း ဧရာဝတီမြစ်ဆုံ စီမံကိန်းကြောင့် အောင်မြင်သာကျေးရွာမှာ ပြောင်းရွှေ့ခံထားရတဲ့ တန်ဖရဲရွာသူ ဒေါ်ဂျာခေါန် က ပြောပါတယ်။

နိုင်ငံတကာငွေကြေးကော်ပိုရေးရှင်း IFC က ဦးဆောင်ပြီး ဧရာဝတီမြစ်ဝှမ်းဒေသ ဘက်ပေါင်းစုံမှာ ပါဝင်ပတ်သက်နေသူတွေရဲ့ အခြေခံတိုင်းတာချက်တွေအပေါ်မှာ ဆန်းစစ်ခြင်းဆိုင်ရာ အလုပ်ရုံဆွေးနွေးပွဲကို Palm Spring Hotel မှာ ဒီနေ့ ကျင်းပနေတာဖြစ်ပါတယ်။

အဲဒီအလုပ်ရုံဆွေးနွေးပွဲဟာ မြန်မာနိုင်ငံမှာရှိတဲ့ ရေအားလျှပ်စစ်ကဏ္ဍရဲ့ မဟာဗျူဟာမြောက် သဘာဝပတ်ဝန်းကျင်ဆိုင်ရာ ဆန်းစစ်ချက် SEA ကို ဖွံ့ဖြိုးစေဖို့အတွက် ဆိုတဲ့ ခေါင်းစဉ်နဲ့ ဆွေးနွေးကြတာလို့ သိရပါတယ်။

ဆန္ဒပြသူတွေက ဧရာဝတီမြစ် ထာဝစဉ်လွတ်လပ်စွာစီးဆင်းရေး၊ ဒေသခံများမူလနေရာ လွတ်လပ်စွာနေထိုင်ခွင့်ရရှိရေး၊ ဧရာဝတီမြစ်ဆုံ၊ မြစ်ညှာ၊ မြစ်ဝှမ်း ရေအားလျှပ်စစ်စီမံကိန်း လုံးဝရပ်ဆိုင်းရေး စတဲ့ ကြွေးကြော်သံတွေနဲ့ တောင်းဆိုခဲ့ကြတာပါ။

မြစ်ဆုံစီမံကိန်းကို ဘယ်လိုအခြေအနေမျိုးမှာပဲဖြစ်ဖြစ် ဆက်လုပ်ဖို့ မစဉ်းစားသင့်ကြောင်း အဲဒီအလုပ်ရုံဆွေးနွေးပွဲကို တက်ရောက်ခဲ့တဲ့ အစိမ်းရောင်အလင်းတန်းများအဖွဲ့က ဦးဘရန်အောင် က ပြောပါတယ်။

မေခ နဲ့ မလိခပေါင်းဆုံတဲ့ ဧရာဝတီမြစ်ဆုံမှာ တည်ဆောက်မယ့် ရေကာတာကြီးတစ်ခု နဲ့ မေခ၊ မလိခ မြစ်လက်တက်တွေက ဆည်တွေအပါအဝင် စုစုပေါင်း စီမံကိန်းခုနှစ်ခုလုံးကို လုံးဝ ဖျက်သိမ်းပေးဖို့ တောင်းဆိုနေတာဖြစ်ပါတယ်။

RFA Burmese
https://www.facebook.com/rfaburmese


ထိုင်းနိုင်ငံမှာ နယ်မြေဖြတ်ကျော်မှုနဲ့ အဖမ်းခံရတဲ့ မြန်မာတွေကို ဇန်နဝါရီလ ၃၁ ရက်နေ့က တွေ့ရစဉ်။ Photo: Ye Min - ACC
ထိုင်းနိုင်ငံကနေ မြန်မာနိုင်ငံ ထားဝယ်မြို့မှာ နိုင်ငံကူးလက်မှတ်လုပ်ကိုင်မယ့် မြန်မာအလုပ်သမား ၈၀ ကို နယ်မြေဖြတ်ကျော်မှုနဲ့ ထိုင်းနိုင်ငံ လူဝင်မှုကြီးကြပ်ရေးနဲ့ ထိုင်းရဲတပ်ဖွဲ့က ဖမ်းဆီးထားပြီး ဒီကနေ့မှာ မြန်မာနိုင်ငံ ကို ပြန်ပို့ဖို့ ထိုင်းတရားရုံးက အမိန့်ချလိုက်တယ်လို့ သိရပါတယ်။

ထိုင်းနိုင်ငံရဲ့ ဥပဒေအရ နယ်မြေဖြတ်ကျော်တဲ့ အလုပ်သမားတွေကို မြန်မာနိုင်ငံကို ပြန်ပို့ဖို့ အမိန့်ချလိုက် တာကြောင့် အလုပ်သမားတွေ နစ်နာမှုတွေအများကြီးရှိတဲ့အတွက် ပြန်ပို့မခံရရေး ကြိုးစားနေတယ်လို့ ထိုင်းနိုင်ငံရောက် မြန်မာအလုပ်သမားတွေကို ကူညီပေးနေတဲ့ AAC မဟာမိတ်အဖွဲ့က ကိုရဲမင်းက ပြောပါတယ်။

"အဓိကက နယ်ကျော်မှုပေါ့။ သူတို့က သံရုံးထောက်ခံစာတစ်ခုတည်းပါတယ်။ အလုပ်ရှင်ထောက်ခံစာနဲ့ ခရီးသွားထောက်ခံစာ မပါတဲ့အတွက် ဖမ်းလိုက်တာပါ။ တရားရုံးကနေ အမိန့်ချလိုက် တယ် မြန်မာပြည်ပြန်ရမယ်ဆိုပြီးတော့ အဲ့ဒါကို ကျွန်တော်တို့အဖွဲ့တွေက လာညှိနိုင်းတယ်ပေါ့နော်။ ဒီအလုပ်သမားတွေကို မြန်မာပြည်မပြန်ပို့ပါနဲ့ ။ ပွဲစားတွေယူထားတဲ့ ပိုက်ဆံတွေကို ပြန်တောင်း ချင်တယ်။ ပွဲစားတွေကို ပြန်ဖမ်းချင်တယ်ဆိုတာကို အတတ်နိုင်ဆုံး ကြိုးစားနေတယ်။ အလုပ်သမား သံအရာရှိတို့က ပြန်သွားပြီ။ အလုပ်သမားသံအရာရှိတို့က နှစ်နိုင်ငံချစ်ကြည်ရေးဆိုတာကို ခေါင်းစဉ် တပ်ပြီးတော့ ဥပဒေအတိုင်းပဲ လုပ်မယ်ဆိုပြီးတော့၊ ဥပဒေအတိုင်းဆိုရင် ကျွန်တော်တို့ မြန်မာအလုပ် သမားက နစ်နာသွားပြီလေ။ ပွဲစားတွေယူသွားတဲ့ ပိုက်ဆံတွေ ပြန်မရမယ့်အပြင် မြန်မာပြည် ကိုလည်း ပြန်ရောက်မယ်။ ပန်းရောင်ဘတ်တွေလည်း ပြန်သိမ်းခံရမယ်။ သူတို့ဥပဒေအတိုင်း ဆိုရင် ထောင်လည်း ၄၈ ရက်လောက် ကျဦးမယ်"

အဲဒီအလုပ်သမားတွေဟာ ဘန်ကောက်မြို့နဲ့ မဟာချိုင်က စက်ရုံ၊ အလုပ်ရုံတွေမှာ အလုပ်လုပ်နေတဲ့သူတွေဖြစ် ပြီး မြန်မာနိုင်ငံ ထားဝယ်မြို့မှာ နိုင်ငံကူးလက်မှတ် ပြန်လုပ်ဖို့အတွက် လာတဲ့လမ်းမှာ နခွန်ပထုံရဲစခန်းကနေ နယ်မြေဖြတ်ကျော်မှုနဲ့ မနေ့က ဖမ်းဆီးလိုက်တာ ဖြစ်ပါတယ်။

နိုင်ငံကူးလက်မှတ်လုပ်ဖို့အတွက် အလုပ်သမားတွေက ပွဲစားတွေကို ဘတ်ငွေ တစ်သောင်းလောက်ပေးကြ ရတယ်လို့လည်း ပြောပါတယ်။

ဖမ်းမိထားတဲ့ အလုပ်သမားတွေဟာ ထိုင်းနိုင်ငံမှာ တရားဝင်အလုပ်လုပ်ခွင့်ရရှိတဲ့ ပန်းရောင်ကတ် သက်တမ်း မကုန်သေးတဲ့သူတွေဖြစ်ပေမယ့် ထိုင်းနိုင်ငံရဲ့ ဥပဒေအရ သတ်မှတ်ထားတဲ့ နယ်မြေထက်ကျော်လွန်ပြီး မသွားရဆိုတဲ့ သတ်မှတ်ချက်နဲ့ အဖမ်းခံရတာဖြစ်တယ်လို့ သိရပါတယ်။

RFA Burmese
http://www.rfa.org/burmese


 ရှေ့နေဦးကိုနီကို လေဆိပ်မှာ သေနတ်နဲ့လုပ်ကြံခဲ့တဲ့ တရားခံကြည်လင်းရဲ့ ဆက်စပ်နောက်ကြောင်းကို စစ်ဆေးနေရာမှာ... ဦးကိုနီကို လုပ်ကြံဖို့အတွက် မြင့်ဆွေဆိုသူက ခိုင်းစေခဲ့တာလို့ ဒီကနေ့ လူမှုရေးစာမျက်နှာတွေကနေ ပေါက်ကြားလာတဲ့ ရဲတပ်ဖွဲ့ စစ်ဆေးချက်တွေအရ သိရပါတယ်။

 စာမျက်နှာ ၅ မျက်နှာပါရှိတဲ့ တရားခံ ထွက်ဆိုချက်မှာ... တရားခံကြည်လင်းနဲ့ ၂ဝ၁၄ ခုနှစ်နောက်ပိုင်း ထိုင်းမြန်မာနယ်စပ် မဲဆောက်မှာ တွေ့ဆုံခဲ့တဲ့ မြင့်ဆွေဆိုသူက ကားတစီးပေးမယ်လို့ ပြောဆိုပြီး ဦးကိုနီကို သတ်ဖြတ်ဖို့ စေခိုင်းခဲ့တာဖြစ်တယ်လို့ ဖော်ပြထားပါတယ်။

 တရားခံကြည်လင်းဟာ စစ်ကိုင်းတိုင်း ယင်းမာပင်မြို့နယ် စိုင်းလျားရွာဇာတိဖြစ်ပြီး ၁၉၈၅ ခုနှစ်က မန္တလေးမှာ နေထိုင်စဉ် ဘုရားခိုးမှုနဲ့ ထောင် ၂ နှစ် ၇ လ ကျခဲ့ဖူးကြောင်း၊ အဲဒီနောက် ၂ဝဝ၃ မှာ ရှေးဟောင်းဘုရားမှောင်ခို လုပ်မှုနဲ့ပဲ ထောင်ဒဏ် အနှစ် ၂ဝ ကျခဲ့ကြောင်း၊ ၂ဝ၁၄ သမ္မတဦးသိန်းစိန်လက်ထက် လွတ်ငြိမ်းချမ်းသာခွင့်နဲ့ ပြန်လွတ်လာခဲ့သူဖြစ်ကြောင်း... ထွက်ဆိုချက်မှာ ပါရှိပါတယ်။

 ဒီထွက်ချက်မှာ ရှေ့နေဦးကိုနီကို လုပ်ကြံစဉ် ကနဦးစေခိုင်းခဲ့သူ မြင့်ဆွေလည်း ပါဝင်ကြောင်း ဖော်ပြထားပါတယ်။ ဒီထွက်ဆိုချက်တွေကို ရဲတပ်ဖွဲ့ဝင် အချင်းချင်း ပေးပို့ရာကနေ အပြင်ပေါက်ကြားခဲ့တာလို့ သိရပြီး RFA အနေနဲ့ သီးသန့်အတည်ပြုနိုင်ခြင်း မရှိသေးပါဘူး။

RFA Burmese
https://www.facebook.com/rfaburmese



ကာကွယ်ရေး ၀န်ကြီးဌာန ဒုတိယ ၀န်ကြီး ဗိုလ်ချုပ် မြင့်နိုင် လွှတ်တော်သို့  ရှင်းပြနေစဉ်။
    နေပြည်တော်၊ ဇန်န၀ါရီ ၃၁ ရက် (ဆင်ဟွာ)

    ၂၀၁၇ -၂၀၁၈ ဘဏ္ဍာနှစ်အတွက် ကာကွယ်ရေးဝန်ကြီးဌာန၏ အရ အသုံး ခန့် မှန်းခြေ ငွေစာရင်း ကို ယမန်နှစ်ကထက် လျှော့ချ တောင်းခံထားသည်ဟု ကာကွယ်ရေး ၀န်ကြီးဌာန ဒုတိယ ၀န်ကြီး ဗိုလ်ချုပ် မြင့်နိုင်က ယနေ့ ကျင်းပသည့် ပြည်ထောင်စုလွှတ်တော် အစည်း အဝေးတွင် ပြောကြားခဲ့သည်။

“ကာကွယ်ရေး ၀န်ကြီးဌာနရဲ့ ၂၀၁၇ - ၁၈ ဘဏ္ဍာနှစ်၏ ရ သုံး မှန်းခြေ ငွေစာရင်းမှာ --- ရငွေ စုစုပေါင်း ကျပ် ၇၃ ဒသမ ၁၁၁ ဘီလျံ၊ သုံးငွေ တွေက သာမန်အသုံးစရိတ်  ၁၆၅၄ ဒသမ ၃၃ ဘီလျံနှင့် ငွေလုံးငွေရင်း အသုံးစရိတ် ၁၂၅၀ ဒသမ ၈၆၆ ဘီလျံ  --- စုစုပေါင်း ၂၉၀၅ ဒသမ ၁၉၅ ဘီလျံ လျာထားပါတယ်၊ ဘဏ္ဍာရေးနှစ် သုံးနှစ်အတွက် နှိုင်းယှဉ်ချက်များအရ -- ၂၀၁၇ - ၁၈ ဘဏ္ဍာငွေ တောင်းခံမှုဟာ ယခင် နှစ်နှစ်ထက် လျော့နည်းတာတွေ့ ရမှာ ဖြစ်ပါတယ်” ဟု ယနေ့ ကျင်းပ သည့် ဒုတိအကြိမ် ပြည်ထောင်စု လွှတ်တော် စတုတ္ထ ပုံမှန် အစည်းအဝေး ၏ ၂၀၁၇ - ၁၈ ဘဏ္ဍာငွေ အရ အသုံး ခန့် မှန်းခြေ ငွေစာရင်းများအပေါ် ပြည်ထောင်စု အဆင့်  ဌာန အဖွဲ့ အစည်း အသီးသီးက လွှတ်တော်သို့ တင်ပြကြရာတွင် ၎င်းက ကာကွယ် ရေး ၀န်ကြီးဌာန ကိုယ်စား ရှင်းလင်း တင်ပြခဲ့ခြင်း ဖြစ်သည်။

 “တပ်မတော် ကြည်းရေလေ တပ်ဖွဲ့ များကို Standard Army, Standard Navy, Standard Air Force ဖြစ်လာ စေရန်အတွက် အင်အား တောင့်တင်းပြီး စွမ်းရည် ထက်မြက်သည့် ခေတ်မီ မျိုးချစ် တပ်မတော် တည်ဆောက်ရန် စသည့် ရည်မှန်းချက်များကို အခြေခံ၍ နှစ်ရှည် စီမံကိန်း များကို ရေးဆွဲထားပါတယ်၊ ဘတ်ဂျက် ရေးဆွဲရာမှာ လုံခြုံရေး အခြေအနေ၊ ဘဏ္ဍာရေး အခြေ အနေ တို့ ကို ချင့်ချိန်၍ ခန့် အပ်မည့် လူ၊ လိုအပ်သော လက်နက်ပစ္စည်း၊ ဆက်စပ် အဆောက် အအုံများ၊ ဆက်စပ်လုပ်ငန်းများကို နှစ်အလိုက် ထည့်သွင်း၍ ရေးဆွဲရပါတယ်” ဟုလည်း ကာကွယ်ရေး ဒုတိယ ၀န်ကြီး ဗိုလ်ချုပ် မြင့်နိုင်က ရှင်းပြခဲ့သည်။

(Xinhua)
http://xinhuamyanmar.com



အစားထိုး ခန့်အပ်ခံရတဲ့ ယာယီရှေ့နေချုပ်
အမေရိကန်သမ္မတ Donald Trump က သူ့ရဲ့ လူဝင်မှုကြီးကြပ်ရေးဆိုင်ရာ သမ္မတအမိန့်ကို မထောက်ခံတဲ့ ယာယီရှေ့နေချုပ် Sally Yates ကို ရာထူးက ဖယ်ရှားလိုက်ပြီး နာရီပိုင်းအတွင်းမှာပဲ တရားရေးဌာန ဝန်ထမ်းတွေအနေနဲ့ သမ္မတရဲ့ တရားဝင်အမိန့်ကို တရားဥပဒေနဲ့ အကာအကွယ်ပြုကြဖို့ သူ့နေရာမှာ အစားထိုးခန့်အပ်တဲ့ ယာယီရှေ့နေချုပ်အသစ်က သူ့ဝန်ထမ်းတွေကို ညွှန်ကြားလိုက်ပါတယ်။

သမ္မတ Trump က Dana Boente ကို ယာယီရှေ့နေချုပ် အဖြစ် ခန့်အပ် လိုက်ပြီး ရှေ့နေချုပ်တဦး အထက်လွှတ်တော်က အတည်ပြု ရွေးလို့ မပြီးမချင်း တာဝန်ထမ်းဆောင် သွားမှာ ဖြစ်ပါတယ်။ ရှေ့နေချုပ်နေရာအတွက် ပဏာမရွေးချယ်ခံထားရတဲ့ အထက်လွှတ်တော်အမတ် Jeff Sessions ကို ခန့်အပ်ဖို့ အထက်လွှတ်တော် တရားရေးကော်မတီက ဒီကနေ့ မဲပေးဆုံးဖြတ်ကြမှာပါ။

ဒီသီတင်းပတ်ကုန်ပိုင်းမှာတော့ သူ့ကို အထက်လွှတ်တော်တခုလုံးက အတည်ပြုပေးရမှာ ဖြစ်ပါတယ်။ အခုရာထူးကဖယ်ရှားခံရတဲ့ Ms. Yates က သမ္မတဟောင်း Barack Obama ခန့်အပ်ခဲ့သူဖြစ်ပြီး သူက သမ္မတ Trump ထုတ်ပြန်တဲ့ လူဝင်မှုကြီးကြပ်ရေးဆိုင်ရာအမိန့် ဟာ ဥပဒေနဲ့ ညီညွတ်တယ်လို့ မယူဆကြောင်း ပြောပြီးတော့ သူ့တရားရေးဌာနမှာ ညွှန်ကြားချက်ထုတ်ပြန်ခဲ့တာပါ။

အိမ်ဖြူတော်က Ms. Yates ကို ပြင်းပြင်းထန်ထန်ဝေဖန်တဲ့ ကြေညာချက်ထုတ်ပြန်ပြီး သူဟာ အမေရိကန်နိုင်ငံသားတွေကို အကာအကွယ်ပေးဖို့ လုပ်ထားတဲ့ သမ္မတရဲ့ တရားဝင်အမိန့်အတိုင်း ဆောင်ရွတ်ဖို့ ငြင်းဆိုပြီး တရားရေးဌာနကို သစ္စာဖောက်ခဲ့တယ်လို့ ပြောထားပါတယ်။

အရင်တပတ်မှာ လက်မှတ်ထိုးထုတ်ပြန်ခဲ့တဲ့ သမ္မတရဲ့ အမိန့်အရ ရွှေ့ပြောင်း အခြေချတဲ့ ဒုက္ခသည်တွေကို အမေရိကန်ပြည်ထောင်စုကို ဝင်ရောက်ခွင့် ရက်ပေါင်း ၁၂၀ ပိတ်ထားပြီး Syria က လာတဲ့ ဒုက္ခသည်တွေကိုတော့ ရက်အကန့်သတ်မရှိ ပိတ်ထားတာပါ။ Iraq, Iran, Libya, Syria, Sudan, Yemen နဲ့ Somalia နိုင်ငံသားတွေကိုလည်း အမေရိကန်ပြည်ဝင်ခွင့်ကို ၃ လ ပိတ်ထား ပါတယ်။

 ဗွီအိုအေ (မြန်မာပိုင်း)
http://burmese.voanews.com



ထိုင်း-မြန်မာနယ်စပ်ရှိ ဒုက္ခသည်တွေ
အမေရိကန်ပြည်ထောင်စုထဲမှာ လာရောက်အခြေချမယ့် ဒုက္ခသည်တွေကို သမ္မတ Donald Trump ကကန့်သတ်လိုက်တဲ့အတွက် အမေရိကန်မှာ အခြေချနိုင်ဖို့ကြိုးစားနေတဲ့ မြန်မာနိုင်ငံက ဒုက္ခသည်တွေအတွက် မျှော်လင့်ချက်နည်းသွားတယ်လို့ အမေရိကန်ကို မြန်မာဒုက္ခသည်တွေလာရောက်နိုင်ရေး ကူညီပေးနေသူတွေက ပြောလိုက်ပါတယ်။ ဘယ်နိုင်ငံက ဒုက္ခသည်မဆို အမေရိကန်ထဲ ရက်ပေါင်း ၁၂၀ အတွင်း လာရောက်ခွင့်မရှိသလို ၂၀၁၇ ခုနှစ်အတွင်း လက်ခံမယ့် ဒုက္ခသည်အရေအတွက်ကိုလည်း ၅၀ ရာခိုင်နှုန်းကျော် လျှော့ချတယ်လို့ သမ္မတ Trump ကအမိန့်ထုတ်ပြန်ခဲ့တာဖြစ်ပါတယ်။ ဒီအမိန့်ကြောင့် မြန်မာနိုင်ငံက ဒုက္ခသည်တွေအပေါ် ဘယ်လိုသက်ရောက်မှုတွေရှိလာမလဲဆိုတာကို မစုမြတ်မွန်က ဆက်လက်တင်ပြပါမယ်။

သမ္မတ Donald Trump က သမ္မတလုပ်ပိုင်ခွင်နဲ့ အမေရိကန်ပြည်ထောင်စုထဲ နိုင်ငံခြားကအကြမ်းဖက်သမားတွေဝင်လာမှာကို ကာကွယ်တားဆီးတဲ့ ဥပဒေကို January လ ၂၇ ရက် ပြီးခဲ့တဲ့သောကြာနေ့က လက်မှတ်ထိုးထုတ်ပြန်ခဲ့ပါတယ်။

အဲဒီအမိန့်အရ ဘယ်နိုင်ငံဒုက္ခသည်မဆို ရက် ၁၂၀ အတွင်း အမေရိကန်ထဲ ဝင်လာခွင့်ကို ပိတ်ခဲ့ပါတယ် ဆီးရီးယားကဆိုရင်တော့ အကန့်အသတ်မရှိဝင်လာခွင့်ကို ပိတ်ထားတဲ့အပြင် မွတ်ဆလင်အများစုရှိတဲ့ နိုင်ငံ ၇ နိုင်ငံကဆိုရင်တော့ အမေရိကန်ထဲမှာ အခြေချနေထိုင်နေသူတွေရော တရားဝင် ပြည်ဝင်ခွင့် Visa ရထားသူတွေပါ နိုင်ငံထဲကို ရက် ၉၀ အတွင်း ပြန်လည်ဝင်လာခွင့် မရှိဘူးလို့ ကန့်သတ်လိုက်ပါတယ်။

ဒါ့အပြင် ၂၀၁၇ ခုနှစ် ဘဏ္ဍာနှစ်အတွင်း အမေရိကန်က လက်ခံမယ့်ဒုက္ခသည်အရေအတွက်ကို ၁ သိန်း ၁ သောင်းကနေ ၅ သောင်းအထိကို လျှော့ချလိုက်ပါတယ်။ ခုလို အမေရိကန်ထဲဝင်လာမယ့်သူတွေအပေါ် ကြပ်ကြပ်မတ်မတ် စိစစ်နေတဲ့အပေါ် ဆန္ဒပြမှုတွေ ကျယ်ကျယ်ပြန့်ပြန့်ရှိနေချိန်မှာ အိမ်ဖြူတော်ပြောခွင့်ရသူ Sean Spicer ကတော့ အစိုးရရဲ့လုပ်ရပ်ကို တနင်္လာနေ့သတင်းစာရှင်းပွဲမှာ ခုလိုကာကွယ်ပြောကြားခဲ့ပါတယ်။

“သမ္မတလုပ်ပိုင်ခွင့်နဲ့ထုတ်ပြန်ခဲ့တဲ့ အမိန့်အတိုင်း ဆောင်ရွက်ရမဲ့ကိစ္စတွေအားလုံး အခုအချိန်မှာ ဘာမှအပြောင်းအလဲမရှိ အသက်ဝင်နေပါတယ်။ တကယ်လို့ ပြဿနာတစုံတရာရှိမယ်ဆိုရင် ကျော်လွှားနိုင်မယ်လို့ အခိုင်အမာယုံကြည်ပါတယ်။”

Trump အစိုးရသစ်ရဲ့ ပြည်ဝင်ခွင့်ကန့်သတ်ချက်တွေကြောင့် အမေရိကန်မှာ ဒုက္ခသည်အခြေချနေထိုင်ရေး အစီအစဉ်နဲ့ လာမယ့် မြန်မာနိုင်ငံက ဒုက္ခသည်တွေကိစ္စ ဘယ်လိုဆက်လုပ်ရမယ်ဆိုတာ လက်ရှိမှာမရေမရာ ဖြစ်နေတယ်လို့ ဒုက္ခသည်တွေလာရောက်နိုင်ရေး ကူညီဆောင်ရွက်ပေးနေတဲ့ အမေရိကန် မြန်မာလူမှုရေးအသင်း BACI ဘုတ်အဖွဲ့ရဲ့ ညွန်ကြားရေးမှူး ဒေါက်တာ Ro Dinga ကခုလို ပြောပါတယ်။

“အဲဒီရဲ့ သက်ရောက်မှုက ဘယ်အထိ အောက်ခြေမှာပေါ့နော် မလေးရှား၊ ထိုင်း- မြန်မာ နယ်စပ်၊ အိန္ဒိယ မြန်မာပြည် ဒုက္ခသည်တွေဆီမှာ ဘယ်လောက်အထိ သက်ရောက်သလဲဆိုတာ ကျနော်တို့တိတိကျကျ မသိရသေးဘူး။ အခုလို ရက်ပိုင်းအတွင်းမှာ အဲဒီအမိန့်က ရုတ်တရက်ကြီးထွက်လာတော့ အားလုံးကလည်း shock ဖြစ်သွားတယ်ပေါ့နော်၊ ကျနော်တို့လည်း သတင်းအချက်အလက်တွေ ဒီ State Department တို့ ကိုဆက်သွယ်လည်း တိတိကျကျ အဖြေမရသေးဘူးဖြစ်တယ်။ နောက် ဒုက္ခသည်တွေ လက်ခံဖို့လုပ်တဲ့ အဓိက State Department တို့ Homeland Security တို့က ထိပ်တန်းအရာရှိ ၄ ယောက်ကလည်း နုတ်ထွက်သွားတာ ကျနေ်ာတို့ တွေ့ရတယ်။ ကျနော်တို့ ဘက်ကလည်း ဘာဆက်လုပ်ရမလဲ၊ ဘယ်လို ပုံစံနဲ့ ချဉ်းကပ်ရမလဲဆိုတာကတော့ ကျနော်တို့ တိတိကျကျ အဖြေအခုထိ မရှိသေးဘူး ဖြစ်တယ်။ ကျနော်တို့ တတ်နိုင်သလောက်တော ကြိုးစားပြီးတော့ ပြန်ပြီးတော့ လုပ်မှာ ဖြစ်ပါတယ်။”

၂၀၁၆ ဘဏ္ဍာနှစ်အတွင်း အမေရိကန်ကိုလာရောက်အခြေချသူ မြန်မာနိုင်ငံက ဒုက္ခသည် ၁ သောင်း ၂ ထောင် ၃ ရာ ၄ ဆယ့် ၇ ယောက်ရှိခဲ့ပါတယ်။ စုစုပေါင်းလက်ခံတဲ့ထဲမှာ မြန်မာနိုင်ငံဒုက္ခသည်အရေအတွက် တတိယအများဆုံးဖြစ်ပါတယ်။

၂၀၁၇ ခုနှစ်အတွက် သမ္မတဟောင်း Barack Obama က မြန်မာနိုင်ငံက ဒုက္ခသည်စုစုပေါင်း ၁ သောင်း ၄ ထောင်ကို အမေရိကန်မှာ အခြေချနေထိုင်ဖို့ ၂၀၁၆ အောက်တိုဘာ ၁ ရက်နေ့က လက်ခံခွင့်ပြုခဲ့ပြီးတဲ့နောက် အမေရိကန်ကိုရောက်လာပြီးသူတချို့ရှိသလို လာဖို့ဆောင်ရွက်နေကြသူတွေလည်း ရှိနေပါသေးတယ်။ ဒါပေမယ့် အခုသမ္မတသစ် Trump ရဲ့ ဆောင်ရွက်မှုသစ်ကြောင့် ထိုင်း၊ မလေးရှား၊ India စတဲ့နိုင်ငံတွေမှာ ရှိနေကြတဲ့ မြန်မာနိုင်ငံက ဒုက္ခသည်တွေ အမေရိကန်ကို လာနိုင်ဖို့ မျှော်လင့်ချက် အတော်နည်းသွားတယ်လို့ ဒေါက်တာ Ro Dinga ကသုံးသပ်ပါတယ်။

“ ၂ ပိုင်းဖြစ်သွားမယ်၊ ပထမကတော့ ဒီအမိန့်ထုတ်ပြီးတာနဲ့ ၄ လအတွင်းကတော့ ဘယ်သူမှ ၀င်လို့မရဘူး၊ အဲဒါကတော့ သေချာတယ်။ ၄ လဆိုတာက Minimum ၁၂၀ ရက်ဆိုတော့ ၄ လထက် နည်းနည်းပိုရင်လည်း ပိုမယ်ပေါ့နော်၊ အဲဒီကာလမှာ သူတို့ စီစစ်မယ်၊ စီစစ်ပြီးရင် ၅ သောင်းကိုပဲ လက်ခံမယ်ဆိုတော့ အဲဒီ ၅ သောင်း လက်ခံတဲ့အထဲမှာ အမေရိကန်လုံခြုံရေးကို မထိပါးမယ့်လူတို့ ၊ အမေရိကန်အတွက် အကျိုးဖြစ်ထွန်းမယ့်လူကိုပဲ လက်ခံမယ်ဆိုပြီး စကားလုံး သုံးနှုန်းထားတာဆိုတော့၊ အရင်က သမ္မတ အိုဘားမား လက်ခံခဲ့တဲ့ ၁ သောင်း ၄ ထောင်ထက် တော်တော်ကြီးနည်းမယ်ဆိုတာကတော့ ကျနော်တို့ပြောလို့ရပါတယ်။

မေး။ ။ အဲဒီတော့ အမေရိကန်မှာ အခြေချဖို့စောင့်နေကြတဲ့ ဒုက္ခသည်တွေအနေနဲ့ သူတို့ရဲ့ အမေရိကန်နိုင်ငံထဲကို လာနိုင်ဖို့ မျှော်လင့်ထားတဲ့ မျှော်လင့်ချက်တော်တော်လေးနည်းသွားမယ်ဆိုတဲ့ သဘောပါလား။

ဖြေ။ ။ ဟုတ်တယ် တော်တော်လေးနည်းသွားမယ် ဒီစာရင်းတွေအရပေါ့နော်၊

မေး။ ။ သမ္မတ Trump လက်ခံမယ်ဆိုပြီးပြောထားတဲ့ ဒီ ဒုက္ခသည် ၅ သောင်းထဲမှာ မြန်မာနိုင်ငံက ဒုက္ခသည်အများဆုံး ပါနိုင်သမျှပါအောင်ပေါ့နော်၊ ဒေါက်တာ Ro Dinga တို့အနေနဲ့ ဘယ်လိုများ ကြိုးစားသွားဖို့ စဉ်းစားထားပါသလဲရှင့်။

ဖြေ။ ။ ကျနော်တို့အရင်ရှိပြီးသား State Department တို့၊ State Department အောက်မှ ဒီ Refugee နဲ့ ပတ်သက်တဲ့ USRAP (US Refugee Admission Program) အဲဒီက အရာရှိတွေ၊ တာဝန်ခံတွေနဲ့ ဆက်သွယ်ပြီးတော့ ကျနော်တို့ အတတ်နိုင်ဆုံး မြန်မာပြည်သားတွေ အမေရိကန်ပြည်ထောင်စုကို ခိုလှုံခွင့်ရဖို့ ကျနော်တို့ဆက်လုပ်ဖို့ အစီအစဉ်ရှိပါတယ်။”

အမေရိကန်ကလက်ခံမယ့် ဒုက္ခသည်တွေထဲမှာ လူနည်းစု ခရစ်ယာန်ဘာသာဝင်တွေ အထူးသဖြင့် ဆီးရီးယားက လူနည်းစုခရစ်ယာန်ဘာသာဝင်တွေကို ဦးစားပေးမယ်လို့ သမ္မတ Trump ကရုပ်သံဌာနတချို့နဲ့ မေးမြန်းခန်းမှာ ပြောခဲ့ပါတယ်။ ဒီလိုပြောခဲ့တာက အရှေ့အလယ်ပိုင်းမှာ ဖိနှိပ်ခံနေရတဲ့ ခရစ်ယာန်ဘာသာဝင်တွေကိုပဲပြောတာလား အာရှက လူနည်းစုခရစ်ယာန်ဘာသာဝင်တွေရော ပါသလားဆိုတာကို စောင့်ကြည့်ရဦးမှာဖြစ်တယ်လို့ ဒုက္ခသည်တွေ အမေရိကန်မှာ လာရောက်အခြေချနိုင်ရေး ကူညီဆောင်ရွက်ပေးနေတဲ့ ဒေါက်တာ Ro Dinga က ပြောပါတယ်။

စုမြတ်မွန်  / ဗွီအိုအေ (မြန်မာပိုင်း)
http://burmese.voanews.com



 ဂျပန် လုပ်သား ငါးပုံ တပုံ အသက်သေဆုံးနိုင်တဲ့ အန္တရာယ် ရှိ
ဂျပန် နိုင်ငံ မှာ အလွန် အကျွံ အလုပ် လုပ်ရလို့ သေဆုံးခဲ့ရတဲ့ ဒိုးနတ်ဆိုင် မန်နေဂျာရဲ့ မိသားစုကို ထိခိုက် နစ်နာကြေး ဒေါ်လာ လေးသိန်း ပေးဖို့ ဂျပန် တရားရုံးတစ်ခုက ဆုံးဖြတ်လိုက်ပါတယ်။

အဲဒီ အမျိုးသားက တချိန်တည်းမှာ Mister Donut ဆိုင် နှစ်ဆိုင်ကို စီမံ ခန့်ခွဲ ရတဲ့ အတွက် တလကို အချိန်ပို နာရီ တရာကျော် ပိုလုပ်ခဲ့ရတဲ့ အတွက် ရလာတဲ့ စိတ်ဖိစီးမှုတွေ ကြောင့် သေဆုံးရတာလို့ တရားရုံးက တွေ့ရှိပါတယ်။

အလုပ်ရှင် ကုမ္ပဏီကတော့ အဲဒီလူဟာ အဝလွန် နေသူ တစ်ယောက် ဖြစ်ကြောင်းနဲ့ အလုပ်ချိန် အကြာကြီး လုပ်ဖို့ တွန်းအားပေးခဲ့တာ မရှိဘူးလို့ ပြောပါတယ်။

မကြာသေးခင်က အစိုးရ ထုတ်ပြန်ချက်မှာအလွန်အမင်း အလုပ်ချိန် အ ကြာကြီး လုပ်ကြရတဲ့ အတွက် ဂျပန်က လုပ်သား အင်အား ငါးပုံ တပုံဟာ အသက်သေဆုံးနိုင်တဲ့ အန္တရာယ် ရှိကြောင်း တွေ့ရှိရပြီး အလုပ်ချိန် လျှော့ဖို့နဲ့ အားလပ်ရက် ပိုပေးယူဖို့ အလုပ်သမားတွေကို အစိုးရက တိုက်တွန်း ပါတယ်။

BBC Burmese
http://www.bbc.com/burmese


ဇန်န၀ါရီလ ၂၉ရက်နေ့က လုပ်ကြံသတ်ဖြတ်ခံလိုက်ရပြီး သေဆုံးခဲ့တဲ့ အမျိုးသားဒီမိုကရေစီအဖွဲ့ချုပ်ပါတီ ဥပဒေအကြံပေး ဦးကိုနီနဲ့ အငှားယာဉ်မောင်း ဦးနေဝင်း တို့အတွက် ဝမ်းနည်းကြောင်းနဲ့ အကြမ်းဖက်မှုတွေကို ကန့်ကွက်ရှုတ်ချကြောင်း အမျိုး၊ ဘာသာ၊ သာသနာစောင့်ရှောက်ရေးအဖွဲ့ (ဗဟို) က ဒီနေ့ ကြေညာချက်ထုတ်လိုက်ပါတယ်။

လူသားတိုင်းဟာ မိမိအသက်ကို တန်ဖိုးထား မြတ်နိုးကြသူတွေသာဖြစ်တဲ့အတွက် လူသားတိုင်းရဲ့ အသက်ကို တန်ဖိုးထားလေးစားရမှာဖြစ်တယ်လို့ မဘသအဖွဲ့ (ဗဟို)က ဆရာတော် ဒေါက်တာ ဦးတေဇနိယ က မိန့်ပါတယ်။

"လူသားတိုင်း လူသားတိုင်းဟာ အသက်ကို တန်ဖိုးထားကြတယ်။အဲဒါကြောင့် လူသားတွေအားလုံးအနေနဲ့ ဗြဟ္မစိုရ်တရား လက်ကိုင်ထားပြီးတော့ သူတပါးကို နှိပ်စက်တာတွေ၊ ညဉ်းပန်းတာတွေ၊ အကြမ်းဖက်တာတွေ မလုပ်ပါနဲ့။ အကြမ်းဖက်တာတွေလုပ်တဲ့ ပုဂ္ဂိုလ်တွေကိုလည်း ပြင်းပြင်းထန်ထန်ရှုတ်ချတယ်။ အကြမ်းဖက်ခံရတဲ့ မိသားစုတွေဘက်ကလည်း သူတို့တွေနဲ့ထပ်တူ ဦးဇင်းတို့တတွေ ဝမ်းနည်းတယ်ပေါ့နော်။ အဲဒါပဲ။ "


အကြမ်းဖက်သမားတွေရဲ့ လုပ်ရပ်တွေဟာ လက်ရှိအစိုးရ လျှောက်လှမ်းနေတဲ့ ဒီမိုကရေစီလမ်းကြောင်းအတွက် ခလုတ်ဆူးငြှောင့်တွေဖြစ်တဲ့အတွက် တိုင်းပြည်တည်ငြိမ်အေးချမ်းရေးကို ပျက်ပြားအောင် ရည်ရွယ်ချက်ရှိရှိ လုပ်ဆောင်နေတယ်လို့ မှတ်ယူကြောင်းနဲ့ ဗုဒ္ဓ၀ါဒနဲ့ ဆန့်ကျင်ဘက်ဖြစ်တဲ့ ဘယ်အကြမ်းဖက်လုပ်ရပ်မျိုးမဆို ကန့်ကွက်ရှုတ်ချတယ်လို့ ကြေညာချက်မှာ ပါရှိပါတယ်။

NLD ဥပဒေအကြံပေး ဦးကိုနီနဲ့ တက္ကစီယာဉ်မောင်း ဦးနေ၀င်း၊ ကချင်ပြည်နယ် ဖားကန့်ဒေသမှာ ကျောင်းဆရာ ဦးအောင်ဇင်ထွန်း၊ မလေးရှားနိုင်ငံမှာ မြန်မာနိုင်ငံသား ၅ ယောက်၊ ရခိုင်ပြည်နယ် ကျီးကန်းပြင် အမှတ် ၁ ၊ ငါးခူရရဲစခန်းနဲ့ ကိုးတန်ကောက်ရဲစခန်းက ရဲအရာရှိအပါအ၀င် ရဲသား ၉ ယောက်၊ မင်္ဂလာဒုံမြို့နယ်မှာ ဦးစိုးနောင်အပါအ၀င် မိသားစု ၄ ယောက်တို့ဟာ အကြမ်းဖက်သမားတွေရဲ့ လူမဆန်စွာ သတ်ဖြတ်တာကို ခံခဲ့ရတာဖြစ်တယ်လို့လည်း ပါရှိပါတယ်။

RFA Burmese
https://www.facebook.com/rfaburmese



အာဏာရ NLD အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေးလည်းဖြစ်၊ ရှေ့နေ့ကွန်ယက်ရဲ့ ဦးဆောင်သူတဦးလည်းဖြစ်သူ တရားလွှတ်တော်ရှေ့နေ ဦးကိုနီ တနင်္ဂနွေနေ့က ရန်ကုန်လေဆိပ်မှာ သေနတ်နဲ့ လုပ်ကြံ သတ်ဖြတ်ခံလိုက်ရတဲ့ကိစ္စကို ပြစ်တင် ရှုတ်ချကြောင်း ကုလသမဂ္ဂက ပြောပါတယ်။

အမေရိကန်ပြည်ထောင်စု နိုင်ငံခြားရေးဌာနကလည်း ဦးကိုနီ လုပ်ကြံခံရတဲ့အတွက် ၀မ်းနည်းရကြောင်း ပြောပါတယ်။ သတ်ဖြတ်ခံရမှုအတွက် မြန်မာအစိုးရအနေနဲ့ စုံစမ်းစစ်ဆေးပြီး တာဝန်ရှိသူတွေကို ဥပဒေနဲ့အညီ အရေးယူဖို့လည်း တိုက်တွန်းလိုက်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

တရားလွတ်တော်ရှေ့နေကြီး ဦးကိုနီဟာ အင်ဒိုနီးရှား ခရီးစဉ်ကပြန်လာပြီး ရန်ကုန် လေဆိပ်အပြင် လူမြင်ကွင်းမှာ သေနတ်သမားက အနီးကပ်လုပ်ကြံ သတ်ဖြတ်ခြင်း ခံလိုက်ရတဲ့အပေါ် ကုလသမဂ္ဂအပါအ၀င် နိုင်ငံတကာက ပြစ်တင် ရှုတ်ချမှုတွေ ထွက်ပေါ်လာတာပါ။

ဦးကိုနီဟာ မြန်မာနိုင်ငံ ပြုပြင်ပြောင်းလဲရေး လုပ်နေချိန် ဖွဲ့စည်းပုံ အခြေခံဥပေဒအပိုင်းမှာ ထိရောက်တဲ့ အကြံပေးချက်တွေ လုပ်ဆောင် ပေးနေသူ တဦးဖြစ်တဲ့အပြင် ရှေ့နေများ ကွန်ယက် ဖွဲ့စည်းနိုင်ရေးအတွက် အဓိကအခန်းကဏ္ဍက ပါဝင်သူ တဦးဖြစ်သလို ၂၀၀၈ ဖွဲ့အစည်းပုံ အခြေခံဥပဒေ ပြင်ဆင်ရေးအတွက်လည်း ဦးဆောင် ဟောပြောနေသူတဦး ဖြစ်ပါတယ်။

ဦးကိုနီ အခုလို ရုတ်တရက် လုပ်ကြံသတ်ဖြတ်ခံလိုက်တဲ့အတွက် မြန်မာနိုင်ငံအတွင်းမှာသာမက နိုင်ငံတကာမှာပါ အံ့သြ တုန်လှုပ်စရာ ဖြစ်သွားခဲ့ပါတယ်။

ရန်ကုန်မြို့ လေဆိပ်မှာ တရားလွတ်တော် ရှေ့နေကြီး ဦးကိုနီ ရက်ရက်စက်စက် လုပ်ကြံ သတ်ဖြတ်ခံလိုက်တဲ့ကိစ္စအပေါ် ပြင်းထန်စွာ ကန့်ကွက် ရှုတ်ချကြောင်း မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် Ms. Yanghee Lee က ဇန်န၀ါရီလ ၃၀ ရက်နေ့ ရက်စွဲနဲ့ ကြေညာချက် ထုတ်ပြန် ပြောကြားလိုက်ပါတယ်။

ကုလသမဂ္ဂကလည်း ဦးကိုနီ လုပ်ကြံ သတ်ဖြတ်ခံလိုက်ရတဲ့အပေါ် ပြစ်တင် ရှုတ်ချကြောင်း တနင်္လာနေ့က ကုလသမဂ္ဂမှာ ကျင်းပတဲ့ ပုံမှန် သတင်းစာရှင်းလင်းပွဲအတွင်း အတွင်းရေးမှူးချုပ်ရဲ့ ပြောခွင့်ရ Stephane Dujarric က ပြောပါတယ်။

“NLD ပါတီရဲ့ ဥပဒေအကြံပေးလည်းဖြစ်၊ အထင်ကရ ရှေ့နေကြီးတဦးလည်းဖြစ်တဲ့ ဦးကိုနီ ယမန်နေ့က လုပ်ကြံ သတ်ဖြတ်ခံရမှုအပေါ် မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် နည်းတူ ကုလသမဂ္ဂအနေနဲ့ ပြစ်တင် ရှုတ်ချပါတယ်။ ဦးကိုနီ ကွယ်လွန်သွားတဲ့အတွက် မိသားစု၊ မိတ်ဆွေအပေါင်းအသင်းတွေ၊ လုပ်ဖော်ကိုင်ဖက်တွေနဲ့အတူ ထပ်တူ ၀မ်းနည်း ကြေကွဲရပါကြောင်းလည်း လူ့အခွင့်အရေး အထူးကိုယ်စားလှယ်က ပြောထားပါတယ်။ ဒါ့အပြင် ဦးကိုနီ ဘာကြောင့် လုပ်ကြံ သတ်ဖြတ်ခံရတယ်၊ သေနတ်သမားရဲ့ နောက်ကွယ်မှာ ဘယ်သူတွေ ရှိတယ်ဆိုတာကို အစိုးရအနေနဲ့ အသေစိတ် စုံစမ်း စစ်ဆေးဖို့ လိုအပ်ကြောင်းလည်း အထူးကိုယ်စားလှယ်က တိုက်တွန်းထားပါတယ်။”

အမေရိကန်နိုင်ငံခြားရေးဌာနကလည်း ဦးကိုနီ အခုလို လုပ်ကြံ သတ်ဖြတ်ခံရတဲ့အတွက် ၀မ်းနည်းရကြောင်း အရှေ့အာရှဌာနက တာဝန်ရှိသူတဦးက အခုလို ပြောပါတယ်။

“အထင်ကရ ရှေ့နေကြီးတဦးဖြစ်တဲ့ ဦးကိုနီ ရန်ကုန် နိုင်ငံတကာ လေဆိပ်မှာ လုပ်ကြံ သတ်ဖြတ်ခံရတဲ့အတွက် အမေရိကန်ပြည်ထောင်စုအနေနဲ့ ၀မ်းနည်း ကြေကွဲပြီး စိုးရိမ်မှု ဖြစ်ရပါတယ်။ သူကွယ်လွန်သွားတဲ့အတွက် သူ့ရဲ့ မိသားစုဝင်တွေ၊ မိတ်ဆွေတွေနဲ့ လုပ်ဖော်ကိုင်ဖက်တွေကို ၀မ်းနည်းကြောင်း ပြောကြားလိုပါတယ်။ လူ့အခွင့်အရေးနဲ့ ဒီမိုကရေစီ အရေးကိစ္စတွေအတွက် တစိုက်မတ်မတ် လုပ်ဆောင်ခဲ့သူ တဦးဖြစ်တာကြောင့် မြန်မာနိုင်ငံအတွင်းက လူတွေတင်သာမကပဲ ကမ္ဘာကပါ လေးစားရသူ တဦး ဖြစ်ပါတယ်။ သူ သတ်ဖြတ်ခံရမှုအတွက် မြန်မာအစိုးရအနေနဲ့ စုံစမ်းစစ်ဆေးပြီး တာဝန်ရှိသူတွေကို ဥပဒေနဲ့အညီ အရေးယူဖို့ အမေရိကန် ပြည်ထောင်စုက တိုက်တွန်းပါတယ်။”

ဦးကိုနီဟာ အင်ဒိုနီးရှားနိုင်ငံမှာ Harvard တက္ကသိုလ်နဲ့ အင်ဒိုနီးရှား အစိုးရတို့က ပူးတွဲ ကျင်းပတဲ့ အင်ဒိုနီးရှား ဒီမိုကရေစီ အသွင်ကူးပြောင်းရေး အတွေ့အကြုံတွေ မျှဝေတဲ့ အစီအစဉ်ကို တက်ရောက်ပြီးအပြန် ရန်ကုန်လေဆိပ်အရောက်မှာ လုပ်ကြံ သတ်ဖြတ် ခံလိုက်ရတာ ဖြစ်ပါတယ်။

ဒါကြောင့်လည်း သူတို့နိုင်ငံကအပြန်မှာ ဦးကိုနီ လုပ်ကြံသတ်ဖြတ်ခံရတယ်ဆိုတဲ့ သတင်းကြားရတဲ့အတွက် ၀မ်းနည်း ကြေကွဲကြောင်း အင်ဒိုနီးရှား နိုင်ငံခြားရေးဌာန ပြောခွင့်ရ Arrmanatha Nasir က ပြောပါတယ်။

“ပထမဆုံးအနေနဲ့ သူ အခုလို သေဆုံးသွားတဲ့အတွက် ကျန်ရစ်သူ မိသားစုနဲ့အတူ မြန်မာအစိုးရကို ၀မ်းနည်း ကြေကွဲကြောင်း ပြောကြားလိုပါတယ်။ အခု သေဆုံးသွားသူဟာ အင်ဒိုနီးရှားနိုင်ငံရဲ့ ဒီမိုကရေစီ အသွင်ကူးပြောင်းရေး အတွေ့အကြုံတွေကို မျှဝေဖို့ Harvard တက္ကသိုလ်ရဲ့ ငြိမ်းချမ်းရေးနဲ့ ဒီမိုကရေစီဌာနနဲ့ အင်ဒိုနီးရှား အစိုးရတို့က ပူးတွဲ ကျင်းပတဲ့ အစီအစဉ်တခုကို တက်ရောက်ခဲ့သူ ဖြစ်ပါတယ်။ ဒါဟာ အင်မတန် အင်မတန် အံ့သြ တုန်လှုပ်စရာကောင်းတဲ့ သတင်းဆိုး တခုပါ။ ဒီဖြစ်ရပ်ကြောင့် မြန်မာအစိုးရနဲ့ မြန်မာပြည်သူတွေ ကြိုးစား လုပ်ဆောင်နေတဲ့ ဒီမိုကရေစီအသွင်ကူးပြောင်းရေ၊ ပြုပြင်ပြောင်းလဲမှုနဲ့ အမျိုးသားရင်ကြားစေ့ရေး လုပ်ငန်းစဉ်တွေကို နှောင့်နှေး ကြန့်ကြာမှု မဖြစ်ပါစေနဲ့လို့ ကျနော်တို့ မျှော်လင့်ပါတယ်။”

Harvard တက္ကသိုလ် ငြိမ်းချမ်းရေးနဲ့ ဒီမိုကရေစီဌာနကလည်း ဦးကိုနီ အခုလို ရုတ်တရက် လုပ်ကြံ သတ်ဖြတ်ခံလိုက်ရတဲ့အတွက် အံ့သြ တုန်လှုပ်မိကြောင်း၊ ပြစ်မှု ကျူးလွန်သူတွေကို တရားဥပဒေနဲ့အညီ အရေးယူဆောင်ရွက်ဖို့ တိုက်တွန်းကြောင်း ကြေညာချက် ထုတ်ပြန်ပါတယ်။

ဒေါ်အောင်ဆန်းစုကြည်နဲ့ NLD ပါတီရဲ့ ဥပဒေအကြံပေးဖြစ်သူ ရှေ့နေကြီး ဦးကိုနီ လုပ်ကြံ သတ်ဖြတ်ခံရတဲ့အတွက် အထူး ၀မ်းနည်းရပါကြောင်း APHR လို့ခေါ်တဲ့ အာဆီယံ လွှတ်တော်အမတ်များ လူ့အခွင့်အရေးအဖွဲ့ရဲ့ ဥက္ကဋ္ဌ မလေးရှားလွှတ်တော်အမတ် Charles Santiago က ဇန်န၀ါရီလ ၂၉ ရက်နေ့ ရက်စွဲနဲ့ ကြေညာချက် ထုတ်ပြန်ပါတယ်။

ဦးကိုနီ ကွယ်လွန်သွားတာဟာ အာဆီယံအဖွဲ့ကြီးအတွက်ရော မြန်မာနိုင်ငံအတွက်ပါ ကြီးမားတဲ့ ဆုံးရှုံးမှုကြီးဖြစ်ကြောင်း၊ သူဟာ မြန်မာ့ ဒီမိုကရေစီအရေး လှုပ်ရှားမှုမှာ ပါဝင်ခဲ့တဲ့ ၀ါရင့် ပုဂ္ဂိုလ် တဦးဖြစ်သလို လူ့အခွင့်အရေးအတွက် မားမားမတ်မတ် ရပ်တည်ခဲ့သူ ဖြစ်ကြောင်း၊ သူ အခုလို ကွယ်လွန်သွားတဲ့အတွက် မိသားစုဝင်တွေ၊ မြန်မာ ပြည်သူတွေနဲ့အတူ အထူး ၀မ်းနည်း ကြေကွဲရပါကြောင်း၊ သူ့အတွက် ၀မ်းနည်း ပူဆွေးနေသူတွေနဲ့အတူ ရပ်တည်ပါကြောင်း APHR ဥက္ကဋ္ဌ Santiago ရဲ့ ကြေညာချက်မှာ ဖော်ပြထားပါတယ်။

အလားတူပဲ ကမ္ဘာ့တ၀ှမ်းမှာရှိတဲ့ ရိုဟင်ဂျာ အဖွဲ့အစည်းတွေကလည်း ဦးကိုနီ လုပ်ကြံသတ်ဖြတ်ခံရမှုကို ပြစ်တင် ရှုတ်ချကြောင်း ကြေညာချက် ထုတ်ပြန်လိုက်ပြီး - ဦးကိုနီဟာ ၁၉၈၈ ခုနှစ် ဒီမိုကရေစီ အရေးတော်ပုံကြီးမှာ ပါဝင်ခဲ့သူ တဦးဖြစ်ကြောင်း၊ မြန်မာမွတ်ဆလင် ရှေ့နေများအဖွဲ့ကို စတင် တည်ထောင်ခဲ့သူတဦးဖြစ်တဲ့အပြင် မြန်မာနိုင်ငံအတွက် သူကျွမ်းကျင်ရာ ဥပဒေပညာနဲ့ အလုပ်ကျွေး ပြုခဲ့သူဖြစ်ကြောင်း၊ သူဟာ ငြိမ်းချမ်းရေး၊ ဘာသပေါင်းစုံ သဟဇာတ မျှတစွာ နေထိုင်နိုင်ရေးတို့အတွက် ဦးဆောင် လုပ်ကိုင်ခဲ့သူ ဖြစ်တဲ့အတွက် သူ ကွယ်လွန်သွားခြင်းဟာ တိုင်းပြည်အတွက် အစားထိုးမရနိုင်တဲ့ ဆုံးရှုံးမှုဖြစ်ကြောင်းလည်း ကြေညာချက်မှာ ဖော်ပြထားပါတယ်။

ကိုဇော်ဝင်းလှိုင်   / ဗွီအိုအေ (မြန်မာပိုင်း)
http://burmese.voanews.com




ရန်ကုန်တိုင်းဒေသကြီး အစိုးရ အစီအစဉ်ဖြင့် ယနေ့ ဇန်န၀ါရီ ၃၁ ရက် နံနက် ၁၁း၃၀ နာရီက ရေဝေးသုဿန်တွင် ပြုလုပ်သော အငှားယာဉ်မောင်း ဦးနေ၀င်း၏ ဈာပနကို လူအများအပြားလိုက်လံပို့ဆောင်ကြကြောင်း သတင်းရရှိသည်။


အငှားယာဉ်မောင်း ဦးနေ၀င်းသည် ရန်ကုန်အပြည်ပြည်ဆိုင်ရာလေဆိပ်၌ ဇန်နဝါရီ ၂၉ ရက်နေ့က မသမာသူတဦးက တရားလွှတ်တော်ရှေ့နေ ဦးကိုနီအား ပစ်သတ်လုပ်ကြံရာတွင် ကျုးလွန်သူကို ကူညီဖမ်းဆီးရင်း အသက်ဆုံးရှုံးခဲ့ရခြင်းဖြစ်သည်။

ထို့ပြင် ဦးနေ၀င်း၏ဈာပနကို ရန်ကုန်လေဆိပ်အသင်းဝင် Taxi အစီးရေအများအပြားလည်း လိုက်လံပို့ဆောင်ကြကြောင်း သိရသည်။


အသက်(၄၈)နှစ်အရွယ် ဦးနေ၀င်းသည် မင်္ဂလာဒုံမြို့နယ် ကြံခင်းစုရပ်ကွက်၊ မြတောင်ညို(၁) လမ်းမှာ နေထိုင်သူဖြစ်ပြီး ကွယ်လွန်ချိန်တွင် ဇနီးအပါအ၀င် အသက်(၇)နှစ်၊ (၄)နှစ်နှင့် (၄၅)ရက်သားအရွယ် သား(၃)ဦး ကျန်ရစ်ခဲ့သည်။

ကိုခက်
News Watch
https://www.facebook.com/NewsWatchJournal/


အမေရိကန်နိုင်ငံ ရှေ့ နေချုပ် Sally Yates အားတွေ့ ရစဉ်(ဓာတ်ပုံ-အင်တာနက်)
    ဝါရှင်တန်၊ဇန်နဝါရီ ၃၁ ရက် (ဆင်ဟွာ)

    အမေရိကန်နိုင်ငံသမ္မတဒေါ်နယ်ထရမ့်က နိုင်ငံ၏ ရှေ့ နေချုပ် Sally Yates အား ဇန်နဝါရီလ ၃ဝ ရက် ညပိုင်းက ရာထူးတာဝန်မှ ဖယ်ရှားလိုက်ကြောင်း သိရသည်။

အမေရိကန်နိုင်ငံတစ်ဝန်းဆန္ဒပြမှုများ နှင့် ကမ္ဘာကပါ ဝေဖန်မှုများ ဖြစ်စေခဲ့သော ထရမ့်၏ လူဝင်မှုကြီးကြပ်ရေး နှင့် ဒုက္ခသည်လက်ခံမှုတားဆီးရေးအမိန့် များ အပေါ် ထောက်ခံကာကွယ်မှုမပြုရန် Sally Yatesက တရားရေးဌာနသို့ အမိန့် ထုတ်ခဲ့ပြီး နာရီပိုင်းအတွင်း  ယခုကဲ့သို့  ရှေ့ နေချုပ် တာဝန်မှ ရပ်စဲခံလိုက်ရခြင်းဖြစ်သည်။

(Xinhua)
http://xinhuamyanmar.com


 မြို့ အတော်များများမှာလည်း ဆန္ဒပြမှုတွေ ဖြစ်ပွား
မွတ်ဆလင် ၇ နိုင်ငံ က လူတွေ အမေရိကန် ထဲ လာရောက်ခွင့် ကန့်သတ်မှု အစီအစဉ် ကို မကျေမနပ် ဖြစ်ခဲ့ကြတဲ့ အမေရိကန် သံဝန်ထမ်း တွေ အနေနဲ့ အစီအစဉ် ကို အကောင်အထည် ဖော်မလား ဒါမှမဟုတ် အလုပ်ထွက် မလားလို့ သမ္မတ ပြောရေး ဆိုခွင့် ရှိသူ ရှောင် စပိုက်စာ က ပြောကြားလိုက်ပါတယ်။

သမ္မတ ထရမ့် ရဲ့ အမိန့်ကြောင့် အမေရိကန်ကို လာရောက် လည်ပတ်မဲ့ ခရီးသွား၂ သန်း ကို ထိခိုက်မှုတွေ ရှိနေပြီး အကြမ်းဖက် သမား အနည်းငယ် ကို ထိန်းချုပ် ချင်တဲ့ ကိစ္စက အလုပ်မဖြစ်ဘူးလို့ သံတမန် တွေက မကျေမနပ် ပြောကြား ခဲ့တာ ဖြစ်ပါတယ်။

အိမ်ဖြူတော်က အစည်းအဝေးမှာ ဒီ အစီအစဉ် က နိုင်ငံ ကို လုံခြုံစေပြီး သမ္မတ ရဲ့ အစီအစဉ်ကို အလွန်အကျွံ ဝေဖန်မှု တွေကို သတင်းဌာန တွေက လုပ်နေ တာ ဖြစ်ကြာင်း သမ္မတ ရဲ့ ပြောရေး ဆိုခွင့် ရှိသူ ရှောင် စပိုက်စာ က ကာကွယ် ပြောကြား ခဲ့ပါတယ်။

အမေရိကန် နိုင်ငံခြားရေး ဌာနက သံတမန်တွေ နဲ့ အရာရှိ တွေ က သမ္မတ ထရမ့် ရဲ့ ယာယီ ပြည်ဝင်ခွင့် ကန့်သတ် အမိန့်ကို ဝေဖန်တဲ့ စာမူကြမ်းဟာ နိုင်ငံခြားရေး ဌာနမှာ ပျံ့နှံ့နေပါတယ်။

စာပါအကြောင်းအရာ တွေအရ မစ္စတာ ထရမ့် ရဲ့ အမေရိကန် လူမျိုးတွေကို အကြမ်းဖက်သူတွေ ရန်က ကာကွယ်ရေး ရည်ရွယ်ချက်ဟာ တန်ပြန် အကျိုးသက်ရောက်မှု ရှိနိုင်တဲ့အကြောင်း ဖော်ပြ ထားတာကို ဘီဘီစီက ဖတ်ရှုခွင့် ရခဲ့ပါတယ်။

ဒီစာပါ အချက်အလက်ကိုလည်း ရာနဲ့ချီတဲ့ ဝန်ထမ်းတွေက သဘောတူ လက်မှတ် ရေးထိုးထားတာပါ။ အခုလိုမျိုး ဝန်ထမ်းတွေ ဘက် က အစိုးရ ရဲ့ မူဝါဒ တွေ အပေါ်မှာ သဘောမတူနိုင်တဲ့ စာတွေ ကို သီးသန့် လမ်းကြောင်းကနေ ပေးပို့ခွင့် ရှိရာမှာ ကြောက်စရာ မလိုသလို၊ အရေးယူလည်း မခံရပါဘူး။

ဒါပေမယ့် ထရမ့် လက်ထက်မှာတော့ ဒီလိုပုံစံ မဆောင်တဲ့ ပြင်းထန်တဲ့ တုံ့ပြန်မှု အသွင် ပြခဲ့ပါတယ်။ သမ္မတ အစီအစဉ် ကို ပုံကြီးချဲ့ ပြောခဲ့တယ် ၂၄ နာရီ အတွင်းမှာ တခြားနိုင်ငံ က လူပေါင်း သုံးသိန်း ကျော် ဝင်နေတာ ကို ပြောနေကြတယ်။

သမ္မတ ရဲ့ အစီအစဉ် က နိုင်ငံ ၇ နိုင်ငံ က လူတွေကို ပိတ်ပင် ခဲ့တာ ပါလို့ အိမ်ဖြူတော် ပြောရေး ဆိုခွင့် ရှိသူ ရှောင် စပိုက်စာ က ပြောပါတယ်။ ပြီးတော့ နိုင်ငံခြားရေး ဌာနက ဝန်ထမ်းတွေ မကျေနပ်ရင် အလုပ်က ထွက်ပါလို့လည်း စိန်ခေါ်စကား ပြောကြား ခဲ့ပါတယ်။

မွတ်ဆလင် နိုင်ငံ ၇ နိုင်ငံ က လူတွေ အမေရိကန် ထဲ လာရောက်ခွင့်ကို ယာယီ ပိတ်ပင်ဖို့ ဆုံးဖြတ် ခဲ့တဲ့ သမ္မတ ဒေါ်နယ် ထရမ့် ကို ဆန့်ကျင်ပြီး ဆန္ဒပြမှု တွေ နိုင်ငံ နေရာ အတော်များများ မှာ ဖြစ်ပေါ် နေပါတယ်။

အခု ထုတ်ပြန်ခဲ့တဲ့ သမ္မတ ညွှန်ကြားချက် က အမေရိကန် စံတန်ဖိုးတွေ နဲ့ လွဲချော် နေပါတယ်။ ဒါဟာ ခွဲခြား ဆက်ဆံမှု တစ်ခု ဖြစ်ပြီး ဒါကို လက်ခံလို့ မရပါဘူးလို့ ဝါရှင်တန် ပြည်နယ် အစိုးရ ကလည်း သမ္မတ အမိန့်ကို ရပ်တန့် ဖို့ ကြိုးစားမယ်ဆိုတဲ့ အကြောင်း ပြည်နယ် အုပ်ချုပ်ရေးမှူး ဂျေး အင်စလီ က ပြောပါတယ်။

သမ္မတ ထရမ့် ရဲ့ အမိန့် ကို ဆန့်ကျင် ဆန္ဒ ပြသူတွေ ဟာ ခွဲခြား ဆက်ဆံမှု ကို မလိုလားတဲ့ နိုင်ငံကြီး သားတွေ ဖြစ်ကြောင်း သမ္မတဟောင်း အိုဘားမား က အားပေး ချီးကျူး တဲ့ ကြေညာချက် တစ်စောင် ထုတ်ပြန်ခဲ့ ပါတယ်။

ကိုးကွယ်တဲ့ ဘာသာတရား အပေါ် အခြေခံပြီး လူတစ်ဦးစီ ကို ခွဲခြား တဲ့ ဆက်ဆံ မှုတွေကို အိုဘားမား က နည်းနည်းလေးမှ လက်သင့် မခံဘူးလို့ သမ္မတ ဟောင်းရဲ့ ပြောရေး ဆိုခွင့် ရှိသူ ကယ်ဗင် လူးဝစ် က ပြောပါတယ်။

အမေရိကန် နဲ့ စံတန်ဖိုးတွေ ကျဆင်း လာမှာကို စိုးရိမ်လို့ ဆန္ဒပြသူတွေ ဟာ အခြေခံဥပဒေ နဲ့ အညီ တောင်းဆို နေတာ ဖြစ်ပြီးတော့ နိုင်ငံ အုပ်ချုပ် နေသူတွေ ဟာလည်း၊ ဆန္ဒပြသူတွေရဲ့ အသံကို နားထောင် သင့်ကြောင်း အိုဘာမား ရဲ့ ထုတ်ပြန်ချက်မှာ ဖော်ပြထားပါတယ်။

BBC Burmese
http://www.bbc.com/burmese



အစိုးရအနေနဲ့ မဲဆွယ်ကာလက ပြည်သူတွေပေးထားတဲ့ ကတိအတိုင်း တည်ဖို့အတွက် ၂၀၀၈ ဖွဲ့စည်းပုံ ပြင်ဖို့အချိန် ရောက်ပြီလို့ NLD ပါတီရဲ့ ဖွဲ့စည်းပုံ အခြေခံဥပဒေပြင်ဆင်ရေး ဗဟိုကော်မတီဝင် ဦးကိုနီက မကွယ်လွန်ခင်မှာ ဒီဗွီဘီကို ပြောဆိုသွားပါတယ်။ ဒီသတင်းကို စိုးမိုးအောင်က ပေးပို့ထားပါတယ်။
DVB TV - 30.01.2017


ဖိလစ်ပိုင်နိုင်ငံရဲ့ အငြင်းပွားဖွယ် မူးယစ်ဆေးဝါး နှိမ်နင်းရေးစစ်ဆင်မှုကို ဖိလစ်ပိုင်ရဲတပ်ဖွဲ့က အဆုံးသတ်လိုက်ပါပြီ။ တောင်ကိုရီး ယား စီးပွားရေးလုပ်ငန်းရှင်တဦး မူးယစ်တိုက်ဖျက်ရေး တာဝန်ရှိသူတွေရဲ့လက်ချက်နဲ့ သေဆုံးသွားပြီးတဲ့နောက် အခုလို ရပ်ဆိုင်း လိုက်တာပါ။

ဖိလစ်ပိုင်ရဲချုပ်ရဲ့အဆိုအားဖြင့် ဆိုးသွမ်းသူတွေလို့ဆိုတဲ့ အကျင့်ပျက်ခြစားတဲ့ ရဲတပ်ဖွဲ့တွေကို ဖယ်ရှားဖို့အတွက် ရဲတပ်ဖွဲ့တွင်း ရှင်းလင်းသန့်စင်ရေး အစီအစဉ်တခုကို မူးယစ်နှိမ်နင်းရေးတပ်ဖွဲ့က လုပ်ဆောင်မယ်လို့ ရဲချုပ် Roland Dela Rosa က ပြောပါတယ်။

ရဲတပ်ဖွဲ့ဝင် ၄၀% ထိဟာ အကျင့်ပျက်ခြစားသူတွေဖြစ်တယ်လို့ သမ္မတ Rodrigo Duterte က ပြောင် စွပ်စွဲပြီး နာရီပိုင်းအတွင်း မှာပဲ ရဲချုပ် Dela Rosa ရဲ့ ကြေညာချက်ထွက်လာတာပါ။ ပြီးခဲ့တဲ့နှစ် အောက်တိုဘာလက ကိုရီးယားစီးပွားရေးလုပ်ငန်းရှင် Jee Ick-joo မနီလာမြို့တော်မှာ သေဆုံးသွားရတဲ့ဖြစ်ရပ် နောက်ဆက်တွဲအခြေအနေတွေကို သမ္မတဒူတာတေး ရင်ဆိုင်နေရတာပါ။ Jee သေဆုံးမှုအတွက် သံသယရှိတဲ့ ရဲတပ်ဖွဲ့ဝင်တွေကို ပြန်ပေးဆွဲပြီး ငွေတောင်းမှုနဲ့ စွပ်စွဲထားပါတယ်။

ပြီးခဲ့တဲ့နှစ် ဇွန်လမှာ သမ္မတ ဒူတာတေး အာဏာရလာချိန်ကတည်းက မူးယစ်ဆေးဝါး ရောင်းဝယ်ဖောက်ကားမှုကို ရက်ရက်စက်စက် နှိမ်နင်းဖြိုခွဲတာကနေ လူပေါင်း ၇ ထောင်ကျော် သေဆုံးရပြီးပါပြီ။ သေဆုံးသူတွေဟာ တရားနည်းလမ်းတကျ ရင်ဆိုင် ခွင့်မရကြဘူးလို့ လူ့အခွင့်အရေးအဖွဲ့တွေကပြောပေမဲ့ ရဲတပ်ဖွဲ့ကတော့ အဲဒီသေဆုံးမှုတွေဟာ ရဲတွေအနေနဲ့ ကိုယ့်ကိုယ်ကို ခုခံကာကွယ်ရင်း ဖြစ်ရတာလို့ ချေပထားပါတယ်။

ဗွီအိုအေ (မြန်မာပိုင်း)
http://burmese.voanews.com


တရားလွှတ်တော်ရှေ့နေ ဦးကိုနီ (U Ko Ni facebook)
တရားလွှတ်တော်ရှေ့နေ ဦးကိုနီ (U Ko Ni facebook)
တရားလွှတ်တော်ရှေ့နေ ဦးကိုနီ ကိုသေနတ်နဲ့ ပစ်ခဲ့သူဟာ စစ်ကိုင်းတိုင်း ယင်းမာပင်မြို့နယ် စိုင်လျား ကျေးရွာမှာ နေထိုင် သူတဦးဖြစ်တယ်ဆိုတာကို စစ်ကိုင်းတိုင်းအစိုးရက အတည်ပြုလိုက်ပါတယ်။ တရားခံမိသားစုဝင်တွေဟာ အဲဒီရွာမှာနေထိုင်နေ ပြီး တရားခံဟာ လွန်ခဲ့တဲ့ ၆လလောက်ကစပြီးအဲရွာကထွက်သွားလို့ မိသားစုတွေအနေနဲ့က သူဘယ်မှာလဲဆိုတာမသိဘူးလို့ ထွက်ဆိုထားပါတယ်။တရားခံဟာ ဘုရားခိုးမှုနဲ့ နှစ်ရှည်ထောင်ကျခဲ့သူ ဖြစ်ပါတယ်။ တရားခံဆီကနေတွေ့ရှိခဲ့တဲ့ မှတ်ပုံတင်အရ မန္တလေးလိပ်စာဖော်ပြထားပေမယ့် မန္တလေးမှာ နေထိုင်သူမဟုတ် သလို မန္တလေးသားလည်းမဟုတ်ကြောင်း၊ မန္တလေးတိုင်းရဲမှုးက အတည်ပြုပေးထားပါတယ်။ နောက်ဆုံးရသတင်းကို ဗွီအိုအေ မြန်မာပိုင်းက မေခကဆက်သွယ်မေးမြန်းထားပါတယ်။

အာဏာရ NLD အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေးလည်းဖြစ်၊ ရှေ့နေ့ကွန်ယက်ရဲ့ ဦးဆောင်သူတဦးလည်းဖြစ်သူ တရားလွှတ်တော်ရှေ့နေ ဦးကိုနီဟာ မနေ့ညနေပိုင်းက ရန်ကုန်လေဆိပ်မှာ သေနတ်နဲ့ လုပ်ကြံပစ်ခံရပြီး သေဆုံးသွားခဲ့ပါတယ်။ တရားခံကို အခင်းဖြစ်နေရာမှာ အဌားယာဉ်မောင်းတက်စီဒရိုင်ဘာတွေနဲ့ ပြည်သူတွေဝိုင်းဖမ်းပေးလို့ လက်ရဖမ်းဆီးနိုင်ခဲ့ပါ တယ်။ နောက်ဆုံးသိရချက်ကတော့ တရားခံဟာ စစ်ကိုင်းတိုင်း ယင်းမာပင်မြို့နယ် စိုင်လျား ကျေးရွာမှာ နေထိုင် သူတဦးဖြစ် ကြောင်း စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်က အခုလိုအတည်ပြုလိုက်တာဖြစ်ပါတယ်။

“မှန်တယ် လွန်ခဲ့တဲ့ ၆လလောက်ကလည်း နေခဲ့တယ်။ အခုတော့ သူမနေတော့ဘူး။ သူ့အမေကြီးနေတယ်လို့တော့ ကြားသိရတယ်၊ မန္တလေးမှာ နေတယ်ဆိုပြီးတော့ မန္တလေးမှာတော့ သူတို့ သဲသဲကွဲကွဲရှာလို့မရသေးဘူး ၂၀၀၃ ခုနှစ်က ဘုရားခိုးမှုနဲ့ သူအဖမ်းခံရဖူးတယ်။ သူ့ကို ခိုးမှုဆိုတော့ ၂၇ နှစ် ကျတယ်လို့ ကြားသိရတယ်။ အဲဒါကို ၁၁ နှစ်လောက်နေပြီးတော့ လွှတ်ငြိမ်းချမ်းသာခွင့်နဲ့ လွှတ်လာတယ်လို့သိရတယ်။”

စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်ကအတည်ပြုပေမယ့် မေးမြန်းစုံစမ်းနေဆဲဖြစ်တာမို့ တခြားဘာအကြောင်းအရာကိုမှ ထပ်မံအတည်ပြုပေးလို့မရကြောင်း၊ တရားခံဟာအမြဲတမ်းနေသူမဟုတ်ဘဲ လွန်ခဲ့တဲ့ ၂နှစ် ထောင်ကထွက်လာမှသာပြန်လည် ရောက်ရှိလာသူဖြစ်ကြောင်း ပြောပါတယ်။

မနေ့က ဖမ်းဆီးရမိချိန် တရားခံဆီကနေတွေ့ရှိခဲ့တဲ့မှတ်ပုံတင်အရ တရားခံနာမည်ဟာ ဦးကြည်လင်းဖြစ်တယ်လို့ ရဲမှတ်တမ်းတွေမှာဖော်ပြထားပါတယ်။မှတ်ပုံတင်ပါမှာ မန္တလေးလိပ်စာကိုဖော်ပြထားတာကြောင့် မန္တလေးတိုင်းဒေသ ကြီးဘက်က မှတ်ပုံတင်ပါလိပ်စာကနေတဆင့် လိုက်လံ စစ်ဆေးခဲ့ပေမယ့် တရားခံဟာ မှတ်ပုံတင်ပါလိပ်စာမှာနေသူမဟုတ်သလို မန္တလေးသား လည်း မဟုတ်ကြောင်း ဒီကနေ့နေ့လည်ပိုင်းက မန္တလေးတိုင်းရဲမှုး ဦးဟန်ထွန်း ကမီဒီယာတွေကိုတွေ့ဆုံကာအတည်ပြုခဲ့ပါတယ်။

“သူဟာ ဒီရပ်ကွက်မှာနေထိုင်ခဲ့သူမဟုတ်ဘူးဆိုတာကို ကျနော်တို့ သိရှိခဲ့ရပါတယ်။ အဲဒီမှာ ကျနော်တို့က ထပ်မံစုံစမ်းချက်အရ အဲဒီမှာ နေထိုင်တဲ့ လွန်ခဲ့တဲ့ နှစ်ပေါင်း ၂၀- ၃၀ ကတည်းက နေထိုင်တဲ့ ဒေသခံတွေ၊ နေခဲ့တဲ့ လူတွေရဲ့ ပြောချက်အရ ဒီလူကို အဲဒီရပ်ကွက်ထဲမှာ မြင်ဖူးတယ်လို့၊ တွေ့ဖူးတယ်လို့ ပြောတာမရှိပါဘူး။ မှတ်ပုံတင်ကို ကြည့်တဲ့အခါမှာ မှတ်ပုံတင်စတင်လုပ်စဉ်ကာလတုန်းက ကျနော်တို့ နှစ်ကာလအပိုင်းအခြားနဲ့ ပြောမယ်ဆိုရင် ၁၉၉၉- ၂၀၀၀ ခုနှစ်တုန်းက လုပ်တဲ့ မှတ်ပုံတင်အမျိုးအစားဖြစ်ပြီး အဲဒီကာလမှာ လုပ်သွားတယ်လို့ ယူဆတယ်။ ကျနော်တို့ ပြောနိုင်တာ တချက်ကတော့ ဒီလူက မန္တလေးသားမဟုတ်ပါဘူး။”

တရာခံကို စစ်မေးနေတဲ့ရန်ကုန်တိုင်းရဲတပ်ဖွဲ့ဘက်က စစ်မေးမှုနဲ့ပတ်သတ်လို့ ဘာမှမထုတ်ပြန်သေးပါ ဘူး။ နိုင်ငံတော်ပြုပြင် ပြောင်းလဲရေး လုပ်နေချိန် ဖွဲ့စည်းပုံ အခြေခံဥပေဒအပိုင်းမှာ ထိရောက်တဲ့ အကြံပေးချက်တွေလုပ်ခဲ့တဲ့ ရှေ့နေကြီး ဦးကိုနီကို ဘာရည်ရွယ်ချက်နဲ့ အခုလို လုပ်ကြံ သတ်ဖြတ် ရတာလဲဆိုတဲ့အဖြေဟာအခုချိန်ထိ တရားခံက မပြော သေးပါဘူး။

နိုင်ငံတော်သမ္မတရုံးကနေ ဒီကနေ့ထုတ်ပြန်လိုက်တဲ့ ထုတ်ပြန်ချက်မှာတော့ ကနဦးစစ်ဆေးချက်အရ နိုင်ငံတော်အတွင်းတည် ငြိမ်အေးချမ်းမှုပျက်ပြားစေရန် ရည်ရွယ်ဆောင်ရွက်ခြင်းဖြစ်နိုင်ကြောင်း ဒီလုပ်ကြံမှုအပေါ် သုံးသပ်ထားပါတယ်။

တပ်မတော်ဘက်ကလည်း ဥပဒေအကြံပေး ဦးကိုနီ သေဆုံးမှုနဲ့ပတ်သက်ပြီး ဖြစ်စဉ်မှန်ပေါ်ပေါက်ရေး၊ ပြစ်မှုကျူးလွန်သူတွေကို အမြန်ဖမ်းဆီးရမိရေး အတွက် လုံခြုံရေးအဖွဲ့အစည်းတွေနဲ့ ပူးပေါင်းဆောင်ရွက်သွားမယ်လို့ သတင်းထုတ်ပြန်ထားပါတယ်။

မနေ့ကပစ်ခတ်မှုကြောင့် ဦးကိုနီအပြင် တရားခံကို ကူညီဖမ်းပေးခဲ့တဲ့ တက်စီဒရိုင်ဘာ ကိုနေဝင်းပါ သေဆုံးခဲ့ရပါတယ်။ ဒီကနေ့ မှာတော့ ဦးကိုနီကို ရေဝေးမှာ ဂူသွင်း သင်္ဂြိုဟ် ပါတယ်။ ကိုနေဝင်းကိုတော့ မနက်ဖြန်မှ တိုင်းအစိုးရအစီအစဉ်နဲ့ သင်္ဂြိုဟ် မှာပါ။ ဒီကနေ့နေ့လည်ပိုင်းမှာတော့ ရန်ကုန်စစ်တိုင်းမှုး ဗိုလ်ချုပ် မျိုးဇော်သိန်းက ဦးကိုနီအိမ်နဲ့ ကိုနေဝင်းအိမ်တို့ကို သွားရောက်နှစ်သိမ့် ပေးခဲ့ပါတယ်။
VOA Burmese News


ရန်ကုန် ဇန်န၀ါရီ ၃၀ ။ ။ ဇန်နဝါရီ(၂၉) ရက်၊ညနေပိုင်းက ရန်ကုန်အပြည်ပြည်ဆိုင်ရာ လေဆိပ်အပြင်ဘက်တွင် သေနတ်သမားတစ်ဦး၏ အနီးကပ် ပစ်ခတ်လုပ်ကြံခံခဲ့ရသည့် အမျိုးသားဒီမိုကရေစီအဖွဲ့ချုပ်ဥပဒေအကြံပေးတရားလွှတ်တော်ရှေ့နေ ဦးကိုနီ၏ ဈာပနကို ဘာသာပေါင်းစုံမှ လူထောင်ပေါင်းများစွာ လာရောက် လိုက်ပါပို့ဆောင်ခဲ့ကြသည်။

ဦးကိုနီ၏ ရုပ်အလောင်းကို ယနေ့ညနေ (၄)နာရီခန့်က ရေဝေးသုသာန်ရှိ ကာဗရ်စတာန်ဥယျာဉ်တွင် အစ္စလာမ်ဓလေ့ ထုံးစံနှင့်အညီ မြေမြှုပ်သဂြိုလ်ခဲ့သည်။ မြန်မာနိုင်ငံ၏ တရားရေးမဏ္ဍိုင်ကို ပြုပြင်ပြောင်းလဲရေးလုပ်နေသည့် အချိန်တွင် ဦးကိုနီဆုံးပါးခဲ့ခြင်းသည် မြန်မာနိုင်ငံတရားရေးလောကအတွက် ကြီးမားသည့်နစ်နာဆုံးရှုးံမှုဖြစ်ကြောင်း လွတ်လပ်သောရှေ့နေများအဖွဲ့ ၏ ဒုတိယဥက္ကဌ ဦးနေလ ကပြောသည်။

''တရားစီရင်ရေးပြောင်းလဲရေးကို ဦကိုနီက လုပ်နေတာ၊ အန်ကယ်နဲ့လည်း တွဲပြီးတော့ လုပ်နေကြတာ။ ဒါကြောင့် ဦးကိုနီ ဆုံးရှုံးမှုဟာ တရားဥပဒေစိုးမိုးမှုအတွက် အမဲစက်ဖြစ်သလို ဦးကိုနီရဲ့ အကူညီ ဆောင်ရွက်ချက်တွေအားလုံး မရဘဲဆောင်ရွက်ရတော့မယ်ဆှိုရင် ဒါဟာ ဘယ်လိုမှပြောမပြနိုင်တဲ့ နစ်နာဆုံးရှုံးမှု တစ်ခုလို့ပဲ အန်ကယ်ပြောရမှာ" ဟု ဦးနေလ ကပြောသည်။

ဈာပနကို ရဟန်းသံဃာတော်အချို့လည်းတက်ရောက်ခဲ့ကြသည်။ ဦးကိုနီလုပ်ကြံခံရမှူနှင့် ပတ်သတ်ပြီး လူမှု ကွန်ယက်စာမျက်နှာများတွင် အမုန်းစကားဖြစ်စေသည့်ရေးသားမှုများ မပြုလုပ်ကြရန် သံဃာတော်တစ်ပါးက တိုက်တွန်းသွားခဲ့သည်။

"မီးလောင်ရာ လေပင့်တွေမလုပ်ကြပါနဲ့။ ဘာကြောင့်လဲဆိုတော့ မြန်မာပြည်ကြီးဟာ အနောက်ဘက်က ၀င်တိုက် လိုက် အရှေ့ဘက်က ၀င်တိုက်လိုက်နဲ့ နေရာတကာမှာ ဆုံးရှုံးမှုတွေများနေတယ်"ဟု မောင်းထောင်ကျောင်းတိုက်မှ ဥူးနန္ဒ၀ံသ ကမိန့်သည်။

ဦးကိုနီ၏ ဈာပနတွင် ဘာသာပေါင်းစုံမှလူငယ်များက "ငါတို့အားလုံးဟာ မြန်မာ" ဆိုသည့်စကားကို သံပြိုင် ကြွေးကြော်ခဲ့ကြသည်။ အစ္စလာမ်ဘာသာဝင်တစ်ဦးဖြစ်သည့် ဦးတင်ထွန်းက ပြည်တွင်းပြည်ပ အကြမ်းဖက်မှု မှန်သမျှကို ပြင်းပြင်းထန်ထန်ကန့်ကွက်ရှုံ့ချကြောင်းနှင့် မြန်မာနိုင်ငံသားဖြစ်ရသည့် အစ္စလာမ်ဘာသာဝင် တစ်ယောက်၏ခံယူချက်ကို ပြောသည် ။

"ကျွန်တော်တို့က မြန်မာတွေပဲ။ အလ္လာဟ်ကို ယုံကြည်တာကလွဲရင် ကျန်တာ အားလုံးက မြန်မာစိတ်ဓါတ်ပါပဲ။ မြန်မာကိုထိရင်မခံဘူး။ မြန်မာနဲ့ပတ်သတ်လာရင် အသက်သွေးတွေစွန့်လွှတ်ဖို့ ၀န်မလေးဘူး" ဟု ဦးတင်ထွန်းက ပြောသည်။

ဦးကိုနီ၏ဈာပနကို အမျိုးသားဒီမိုကရေစီအဖွဲ့ချုပ်နာယက ဦးတင်ဦး၊ အတွင်းရေးမှူးအဖွဲ့ဝင် ဦးဥာဏ်ဝင်းနှင့် ဗဟိုကော်မတီအဖွဲ့ဝင်များ၊ မြန်မာနိုင်ငံဆိုင်ရာကုလသမဂ္ဂကိုယ်စားလှယ်နှင့် နိုင်ငံတကာသံအမတ်ကြီးများ၊ အရပ်ဖက်အဖွဲ့အစည်းနှင့် ဘာသာရေးအဖွဲ့အစည်းအချို့အပါအ၀င် တာဝန်ရှိများတက်ရောက်ခဲ့ကြသည်။

ဦးကိုနီ၏ ဈာပနအခမ်းအနားကို ရန်ကုန်တိုင်းဒေသကြီးရဲတပ်ဖွဲ့က လုံခြုံရေးအပြည့်အဝချထားပေး ထားသည်ကို တွေ့ရသည်။ ဦးကိုနီအသတ်ခံရခြင်းနှင့် ပတ်သက်ပြီး အဖြစ်မှန်ပေါ်ပေါက်ရန် လုံခြုံရေး အဖွဲ့အစည်းများနှင့် ပူးပေါင်းဆောင်ရွက်သွားမည်ဟုလည်း တပ်မတော်က ယနေ့တွင် သတင်းထုတ်ပြန် ထားသည်။

Mizzima - News in Burmese


၁။ အမျိုးသား ဒီမိုကရေစီ အဖွဲ့ချုပ်ပါတီ (NLD)၏ ဥပဒေအကြံပေး ဦးကိုနီသည် အင်ဒိုနီးရှား နိုင်ငံသို့ လေ့လာရေး ခရီး သွားရောက်ပြီး ပြန်လည် ရောက်ရှိစဉ် ဇန်နဝါရီလ ၂၉ ရက်နေ့ ညနေ ၅ နာရီ အချိန်ခန့်တွင် ရန်ကုန် အပြည်ပြည် ဆိုင်ရာ လေဆိပ် Terminal-1 ပလက်ဖောင်း၌ သေနတ်သမား တစ်ဦး၏ အနီးကပ် ပစ်ခတ်မှုကြောင့် သေဆုံးသွားခဲ့ပြီး သေနတ်သမားကို အနီးရှိ ပြည်သူများနှင့် မြန်မာနိုင်ငံ ရဲတပ်ဖွဲ့ဝင်များက လိုက်လံ ဖမ်းဆီးစဉ် ဖမ်းဆီး ပေးသူများထဲမှ ဦးနေဝင်း (၄၂)နှစ်၊ (ဘ) ဦးမောင်မောင်သည်လည်း သေနတ်သမား၏ ထပ်မံ ပစ်ခတ်မှုကြောင့် ဝဲဘက်ဆီးခုံ ထိမှန်ဒဏ်ရာ ရရှိကာ သေဆုံးခဲ့ပါသည်။

၂။ အဆိုပါ ဖြစ်စဉ်နှင့် ပတ်သက်၍ ပြစ်မှု ကျူးလွန်သူ ကြည်လင်း (၅၃)နှစ်၊ (ဘ) ဦးလှိုင်၊ ပုဏ္ဏားကုန်း ရပ်ကွက်၊ မဟာ အောင်မြေမြို့နယ်၊ မန္တလေး တိုင်းဒေသကြီး နေသူကို မင်္ဂလာဒုံမြို့မ ရဲစခန်း (ပ)၁၅၀/ ၂၀၁၇၊ ရာဇသတ်ကြီး ဥပဒေပုဒ်မ ၃၀၂ အရ မြန်မာနိုင်ငံ ရဲတပ်ဖွဲ့က အရေးယူ ထားရှိပြီး အသေးစိတ် စစ်ကြောကာ ကွင်းဆက် ဖော်ထုတ်လျက် ရှိပါသည်။

၃။ မိဘ ပြည်သူများ အနေဖြင့် အထက်ပါ ဖြစ်စဉ်နှင့် ဆက်စပ်သော ပြစ်မှု ကျူးလွန်သူများနှင့် ပတ်သက်၍ သတင်းများ သိရှိပါက မြန်မာနိုင်ငံ ရဲတပ်ဖွဲ့နှင့် ဆက်သွယ် သတင်းပေးရန် လိုအပ်ပါသည်။ သို့ဖြစ်ပါ၍ မြန်မာနိုင်ငံ ရဲတပ်ဖွဲ့၏ အောက်ပါ ဖုန်းနံပါတ်များသို့ ဆက်သွယ်သတင်းပေးပို့နိုင်ပါရန် မေတ္တာရပ်ခံ ပန်ကြား အပ်ပါသည်-

- နေပြည်တော်ရဲတပ်ဖွဲ့ ၀၆၇-၅၅၁၃၃၃
- ကချင်ပြည်နယ်ရဲတပ်ဖွဲ့ ၀၇၄-၂၁၄၄၄
- ကယားပြည်နယ်ရဲတပ်ဖွဲ့ ၀၈၃-၂၁၅၂၄
- ကရင်ပြည်နယ်ရဲတပ်ဖွဲ့ ၀၅၈-၂၃၃၅၅
- ချင်းပြည်နယ်ရဲတပ်ဖွဲ့ ၀၇၀-၂၁၄၅၂
- စစ်ကိုင်းတိုင်းဒေသကြီးရဲတပ်ဖွဲ့ ၀၇၁-၂၄၉၉၆
- တနင်္သာရီတိုင်းဒေသကြီးရဲတပ်ဖွဲ့ ၀၅၉-၂၃၉၉၈
- ပဲခူးတိုင်းတိုင်းဒေသကြီးရဲတပ်ဖွဲ့ ၀၅၂-၂၃၉၉၉
- မကွေးတိုင်းဒေသကြီးရဲတပ်ဖွဲ့ ၀၆၃-၂၈၀၉၉
- မန္တလေးတိုင်းဒေသကြီးရဲတပ်ဖွဲ့ ၀၂-၂၇၁၉၉
- မွန်ပြည်နယ်ရဲတပ်ဖွဲ့ ၀၅၇-၂၄၉၈၇
- ရခိုင်ပြည်နယ်ရဲတပ်ဖွဲ့ ၀၄၃-၂၂၈၃၃
- ရန်ကုန်တိုင်းဒေသကြီးရဲတပ်ဖွဲ့ ၁၉၉ ၊ ၀၁-၂၃၂၃၁၉၉
- ရှမ်းပြည်နယ်ရဲတပ်ဖွဲ့ ၀၈၁-၂၁၂၅၄၅၅
- ဧရာဝတီတိုင်းဒေသကြီးရဲတပ်ဖွဲ့ ၀၄၂-၂၃၈၄၄

===========

MOI Webportal Myanmar


ဒုက္ခသည်တွေနဲ့ မွတ်ဆလင်အများစုနေထိုင်တဲ့ နိုင်ငံခုနစ်နိုင်ငံကလူတွေကို အမေရိကန်နိုင်ငံထဲဝင်ခွင့် ပိတ်ပင်ကန့်သတ်ထားတဲ့ အမိန့်နဲ့ပတ်သက်ပြီး သမ္မတ Donald Trump က ဆက်ပြီးတော့ ခုခံကာကွယ် ပြောဆိုနေပါတယ်။ ဒီအမိန့်အပေါ် ဥပဒေကြောင်း အရ ရင်ဆိုင်သွားမယ်လို့ လူ့အခွင့်အရေးအဖွဲ့တွေက အခိုင်အမာပြောထားပြီး နိုင်ငံတ၀န်းမြို့ကြီးတွေမှာ ထောင်ပေါင်းများစွာ သောလူတွေ ဆန္ဒပြကန့်ကွက်နေကြသလို ဒီမိုကရက်တွေကလဲ အမိန့်ကိုတားဆီးရေး ဥပဒေပြဌာန်းနိုင်ဖို့ ပြင်ဆင်နေကြပါတယ်။

ပြဿနာတွေမရှိသလောက် အားလုံးအဆင်ချောနေတယ်လို့ အမိမြေလုံခြုံရေးဌာန၀န်ကြီး John Kelly က သူ့ကိုပြောတယ်လို့ ဒီကနေ့မနက်မှာ Twitter ကနေ မစ္စတာ Trump က အတော်များများ ရေးထားပါတယ်။ လေဆိပ်တွေမှာဖြစ်တဲ့ ပြဿနာကြီးတွေ က Delta လေကြောင်းလိုင်းရဲ့ ကွန်ပြူတာစနစ် ချို့ယွင်းတာကြောင့် ဖြစ်တာလို့လဲ မစ္စတာ Trump ကရေးပါတယ်။

သောကြာနေ့က လက်မှတ်ရေးထိုးထုတ်ပြန်တဲ့ အမိန့်အရ ဒုက္ခသည်တွေလက်ခံတာကို ရက်ပေါင်း ၁၂၀ ဆိုင်းငံ့ထားပြီး အီရတ်၊ အီရန်၊ ဆီးရီးယား၊ ဆိုမာလီယာ၊ ဆူဒန်၊ လစ်ဗျားနဲ့ ယီမင်နိုင်ငံတွေက လူတွေကို အမေရိကန်ထဲဝင်ခွင့်မပေးဖို့ ရက်ပေါင်း ၉၀ ပိတ်ပင်ထားပါတယ်။

ဒီအမိန့်အရလုပ်တာမှာ အထူးသဖြင့်တော့ အမေရိကန်လေဆိပ်တွေမှာ ရှုပ်ထွေးေ၀၀ါးကုန်ကြပါတယ်။ တချို့ဖြစ်ရပ်တွေမှာဆိုရင် အမေရိကန်မှာ တရားဝင်နေထိုင်ခွင့်ရထားတဲ့ Green Card လို့ခေါ်တဲ့ အမြဲတမ်းနေထိုင်ခွင့်လက်မှတ် ရထားသူတွေကို ပြန်ဝင်ခွင့် မပြုခင် ထိန်းသိမ်းပြီးတော့ နောက်ထပ် စစ်ဆေးမေးမြန်းတာတွေ တောင်မှ လုပ်ခဲ့ပါတယ်။
VOA Burmese News


တရားလွှတ်တော်ရှေ့နေ ဦးကိုနီ လုပ်ကြံခံရမှုနဲ့ပတ်သက်ပြီး စစ်ဆေးတွေ့ရှိချက်တွေနဲ့ နောက်ကွယ်က အကြောင်းအရင်းတွေရှိမယ်ဆိုရင် စစ်ဆေးဖော်ထုတ်ပြီး အများပြည်သူ သိရှိအောင် ထုတ်ပြန်ပေးဖို့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကိုမြအေး က ပြောပါတယ်။

ရှေ့နေ ဦးကိုနီနဲ့အတူ အင်ဒိုနီးရှားနိုင်ငံကို လေ့လာရေးခရီးသွားရောက်ခဲ့တဲ့ ကိုမြအေး ကို RFA သတင်းထောက် ကိုကျော်ဇောဝင်း က တွေ့ဆုံမေးမြန်းထားပါတယ်။

ရိုက်ကူး - ဝေမာထွန်း/ RFA


လူတွေအပေါ် ကောင်းကောင်း ဆက်ဆံဖို့ ထရမ့်ကို တောင်းဆိုတဲ့ ကလေးငယ်။
မွတ်ဆလင် အများစု နေထိုင်ရာ နိုင်ငံ ၇ နိုင်ငံက လူတွေကို အမေရိကန်ထဲ လာရောက်ခွင့် ယာယီ ပိတ်ပင်ဖို့ သမ္မတ ထရမ့်က ကန့်သတ်မိန့် ထုတ်ပြန်ခဲ့တဲ့ အပေါ် အမေရိကန် နေရာ အနှံ့အပြားမှာ လူတွေ ထောင်နဲ့ချီ ထပ်မံ စုဝေး ဆန္ဒပြကြဆဲ ဖြစ်ပါတယ်။

ဘော်စတွန်၊ နယူးယောက်နဲ့ ဝါရှင်တန် မြို့ကြီးတွေမှာ ချီတက် ဆန္ဒပြမှုတွေ ဖြစ်ပေါ် ခဲ့သလို၊ ပြည်နယ်ပေါင်း ၁၆ပြည်နယ်က ဥပဒေ အကြံပေး ရှေ့နေချုပ်ကြီးတွေ ကလည်း သမ္မတ ထရမ့်ရဲ့ ကန့်သတ် အမိန့်ဟာ ဖွဲ့စည်းပုံ အခြေခံ ဥပဒေနဲ့ မကိုက်ညီဘူး၊ အမေရိကန် မဆန်ဘူး၊ တရားမဝင်ဘူး ဆိုပြီး ကန့်ကွက် ရှုတ်ချ နေပါတယ်။

ဒီလို ကန့်ကွက်မှုတွေ ရှိနေတဲ့ ကြားကပဲ ထရမ့်ကတော့ သူ့ရဲ့ ကန့်သတ်မိန့် အပေါ် ကာကွယ် ပြောဆို ပါတယ်။

မီဒီယာတွေရဲ့ မဟုတ်မမှန် သတင်းထုတ်လွှင့် မှုတွေကြောင့် မွတ်ဆလင်တွေကို ပိတ်ပင်မှု လုပ်တဲ့အထိ ဖြစ်ခဲ့ရတာ ဆိုပြီးတော့လည်း ထရမ့်ရဲ့ ထုတ်ပြန် ကြေညာချက် တစ်ခုထဲ စွပ်စွဲ ထားပါတယ်။

လာမယ့် ရက်ပေါင်း ၉၀အတွင်း နိုင်ငံ အားလုံးကနေ လာတဲ့ သူတွေအတွက် ပြည်ဝင်ခွင့် ဗီဇာ ထုတ်ပေးမယ် လို့လည်း သမ္မတ ထရန့်မ်က ပြောပါတယ်။

ဒီကန့်သတ် အမိန့်ဟာ အမေရိကန် နိုင်ငံမှာ တရားဝင် နေခွင့် ရထားတဲ့ Green Card ရထား သူတွေနဲ့ မသက်ဆိုင် ဘူးလို့ အိမ်ဖြူတော် အရာရှိချုပ် ရိုင်းန်စ် ပရီးဘတ်စ်က ပြောပါတယ်။
BBC Burmese


ဇန်န၀ါရီ ၂၉ ရက် ညနေပိုင်းက ရန်ကုန်လေဆိပ်မှာ အန်အယ်လ်ဒီ ဥပဒေအကြံပေး ဦးကိုနီ လုပ်ကြံသတ်ဖြတ်ခံခဲ့ရပြီးနောက် သေနတ်သမားကို တားဆီးပေးတဲ့ တက္ကစီသမား ကိုနေ၀င်းလည်း ပစ်သတ်ခံခဲ့ရပါတယ်။

အဲဒီဖြစ်စဉ်တွေကို အနီးကပ်မြင်တွေ့ရတဲ့ မျက်မြင်သက်သေ နှစ်ဦးကို ဒီဗွီဘီသတင်းထောက် အိမမမွန်က တွေ့ဆုံမေးမြန်းထားပါတယ်။

အိမမမွန်
DVB TV News


ဗိုလ်ချုပ်မှူးကြီး မင်းအောင်လှိုင်ခင်ဗျား။

 မြန်မာနိုင်ငံရဲတပ်ဖွဲ့အား ပြည်သူလူထုသို့ ပြန်လည်ပေးအပ်ပါရန် မေတ္တာရပ်ခံအပ်ပါသည်။ ထိုသို့ဆိုသဖြင့် ရဲတပ်ဖွဲ့အား ဗိုလ်ချုပ်မှူးကြီးမှ သိမ်းပိုက်ထားသည်ဟု မဆိုလိုပါ။ သို့သော် မြန်မာနိုင်ငံ၏ တည်ဆဲ ၂၀၀၈ ဖွဲ့စည်းပုံအခြေခံဥပဒေအရ မြန်မာနိုင်ငံရဲတပ်ဖွဲ့သည် တပ်မတော်၏ ထိန်းချုပ်မှုအောက်သို့ ရောက်နေပါသည်။ ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ အကျဉ်းဦးစီးဌာနနှင့် အထူးစုံစမ်းစစ်ဆေးရေးဦးစီးဌာန (စစစ)တို့သည် ပြည်ထဲရေးဝန်ကြီး၏ လက်အောက်ခံ ဖြစ်ပါသည်။ ပြည်ထဲရေးဝန်ကြီးကို ရွေးကောက်ခံ အစိုးရမှ ခန့်ထားခွင့် ရှိသည်မဟုတ်ဘဲ တပ်မတော်ကာကွယ်ရေးဦးစီးချုပ်မှ တိုက်ရိုက်ခန့်ထားသည့် တပ်မတော်အရာရှိပဲ ၀န်ကြီးဖြစ်ပါသည်။ ထို့ကြောင့် ရဲတပ်ဖွဲ့၊ အကျဉ်းဦးစီးဌာန၊ စသုံးလုံး၊ အထွေထွေအုပ်ချုပ်ရေး စသော ဌာနများသည် ပြည်သူလူထုက ရွေးချယ်တင်မြှောက်လိုက်သော အစိုးရ၏ ထိန်းချုပ်မှုမှ သီးခြားကင်းလွတ်သလို ဖြစ်နေပါသည်။ မြန်မာနိုင်ငံ၏ အရေးပါအရာရောက်သော ဌာနများမှာ ပြည်ထဲရေးဝန်ကြီး၏ ထိန်းချုပ်မှုအောက်တွင် ရှိပါသည်။ တိုင်းပြည်ကို တကယ်အုပ်ချုပ်နေသည်မှာ အထွေထွေအုပ်ချုပ်ရေးဦးစီးဌာန ဖြစ်ပါသည်။ ရပ်ကွက်နှင့် ကျေးရွာအုပ်ချုပ်ရေးမှူးများသည် တိုင်းပြည်ကို အခြေခံအဆင့်တွင် တကယ်တမ်းအုပ်ချုပ်နေသူများ ဖြစ်ပါသည်။ ၎င်းတို့အထက်ကမှ မြို့နယ်နှင့် ခရိုင် အုပ်ချုပ်ရေးမှူးများ ရှိပါသည်။ ထိုအုပ်ချုပ်ရေးမှူးများအားလုံးကို ပြည်ထဲရေးဝန်ကြီးက အုပ်ချုပ်ပါသည်။ ထို့ကြောင့် တိုင်းပြည်ကို တကယ်အုပ်ချုပ်သူမှာ ပြည်ထဲရေးဝန်ကြီးဖြစ်ပြီး ပြည်ထဲရေးဝန်ကြီးကို အလုပ်ခန့်သူမှာ တပ်မတော်ကာကွယ်ရေးဦးစီးချုပ် ဖြစ်ပါသည်။ သမ္မတသည် ပြည်ထဲရေးဝန်ကြီးကို တာဝန်များ၊ အမိန့်များ၊ ညွှန်ကြားချက်များ ပေးနိုင်သော်လည်း တကယ်တမ်းမှာ ပြည်ထဲရေးဝန်ကြီးသည် တပ်ချုပ်က ခန့်ထားသောလူ ဖြစ်ပါသည်။ သမ္မတက စိတ်ကြိုက်ခန့်ထားသော လူယုံတော် မဟုတ်ပါ။ ထိုအချက်သည် အုပ်ချုပ်ရေးတွင် အနည်းငယ် ကသိကအောက်နိုင်ရုံသာမက ကမောက်ကမပင် နိုင်လှပါသည်။

နိုင်ငံတိုင်းတွင် နိုင်ငံတော်ကာကွယ်ရေးအတွက် တပ်မတော်နှင့် ပြည်တွင်းတရားဥပဒေစိုးမိုးရေးအတွက် ရဲတပ်ဖွဲ့တို့ ရှိကြပါသည်။ အလွယ်ပြောရလျှင် နိုင်ငံတိုင်းတွင် စစ်တပ်နှင့် ရဲတို့ ရှိကြပါသည်။ ထိုအဖွဲ့နှစ်ဖွဲ့သည် လက်နက်ကိုင်အဖွဲ့များဖြစ်၍ တူညီသယောင် ရှိသော်လည်း လုပ်ငန်းသဘာဝနှင့် အနှစ်သာရမှာ မတူညီဘဲ ကွဲပြားပါသည်။ တပ်မတော်၏ သဘောသဘာဝမှာ ရန်သူကို အမြစ်ပြတ် ချေမှုန်းတိုက်ခိုက်ရန် ဖြစ်ပြီး ရဲတပ်ဖွဲ့၏ သဘောသဘာဝမှာ တိုင်းသူပြည်သားများကို ကူညီရန် ဖြစ်သည်။ ဥပဒေကို ကာကွယ်စောင့်ရှောက်ရန် ဖြစ်သည်။ ထို့ကြောင့် စစ်တပ်နှင့် ရဲတပ်ဖွဲ့၏ ရည်မှန်းချက်မှာ အတော်ကို ကွဲပြားခြားနားပါသည်။ နိုင်ငံတကာတွင်တော့ ထိုမတူညီသော လုပ်ငန်းသဘာဝနှစ်ခုကို ကွဲကွဲပြားပြားဖြစ်အောင် ခွဲခြားထားကြပါသည်။ တပ်မတော်ကို ကာကွယ်ရေးဝန်ကြီး လက်အောက်တွင် ထားပြီး ရဲတပ်ဖွဲ့ကို ပြည်ထဲရေးဝန်ကြီးလက်အောက်တွင် ထားပါသည်။ ကာကွယ်ရေးဝန်ကြီးရော၊ ပြည်ထဲရေးဝန်ကြီးရော အများအားဖြင့် အရပ်သားဝန်ကြီးများ ဖြစ်ပါသည်။ ရဲတပ်ဖွဲ့သည် ပြည်ထဲရေးဝန်ကြီးလက်အောက်တွင် ရှိသော်လည်း တကယ်တမ်းတွင် ကိုယ့်မြို့မှ ရဲတပ်ဖွဲ့ကို မြို့တော်ဝန်က အုပ်ချုပ်ပါသည်။ ဆိုလိုသည်မှာ မြို့တမြို့၌ ရဲတပ်ဖွဲ့၏ အကြီးအကဲသည် ရွေးကောက်ပွဲဖြင့် တက်လာသော မြို့တော်ဝန် ဖြစ်ပြီး ထိုမြို့တော်ဝန်၏ အကြီးအကဲသည် ပြည်နယ်အုပ်ချုပ်ရေးမှူး (မြန်မာနိုင်ငံတွင် တိုင်းနှင့် ပြည်နယ် ၀န်ကြီးချုပ်များ) ဖြစ်ပါသည်။ မြို့တော်ဝန်များသည် ရဲတပ်ဖွဲ့ကို အမိန့်ပေးအုပ်ချုပ်နိုင်သော ပါဝါ ရှိပါသည်။ တနိုင်ငံလုံးနှင့်ဆိုင်သော ရဲလုပ်ငန်းများကိုတော့ FBI ခေါ် ပြည်ထောင်စုရဲတပ်ဖွဲ့က ကိုင်တွယ်ပါသည်။ မြန်မာနိုင်ငံမှာတော့ မြို့တော်ဝန်များမှာ စည်ပင်သာယာ အမှိုက်ကျုံးသော အလုပ်လောက်သာ တာဝန်ရှိသလို ဖြစ်နေပါသည်။ မြန်မာနိုင်ငံတွင်တော့ ရဲတပ်ဖွဲ့သည် တပ်မတော်လက်အောက်သို့ ရောက်နေသဖြင့် ရဲလုပ်ငန်းများအားလုံးသည် ရဲအချင်းချင်းသာ အထက်မှ အောက်သို့ အမိန့်ပေး ခိုင်းစေကြပါသည်။ တပ်မတော်ကာကွယ်ရေးဦးစီးချုပ်မှ ပြည်ထဲရေးဝန်ကြီး၊ ပြည်ထဲရေးဝန်ကြီးမှ ရဲချုပ်၊ ရဲချုပ်မှ တိုင်းနှင့်ပြည်နယ် ၁၄ ခုရှိ တိုင်းရဲမှူးကြီးများ၊ ပြည်နယ်ရဲမှူးကြီးများ၊ ထိုမှတဖန် ခရိုင်ရဲမှူးများ၊ မြို့နယ်ရဲမှူးများ၊ ထိုမှစခန်းမှူး၊ နယ်ထိန်း စသည်ဖြင့် အဆင့်ဆင့် အမိန့်ပေးတာကိုပဲ နာခံလုပ်ကိုင်ကြပါသည်။ အရပ်သား၏ ထိန်းချုပ်မှု အင်မတန်နည်းပါသည်။ သမ္မတ၊ ပြည်နယ်ဝန်ကြီးချုပ်၊ တိုင်းဒေသကြီးဝန်ကြီးချုပ်၊ ခရိုင်အထွေထွေအုပ်ချုပ်ရေးမှူး စသူတို့သည် ရဲတပ်ဖွဲ့ကို တိုက်ရိုက်အမိန့်ပေး ထိန်းချုပ်ရသည်ထက် ပြည်ထဲရေးဝန်ကြီး၊ နယ်စပ်ရေးရာနှင့် လုံခြုံရေးဝန်ကြီးမှတဆင့်သာ ရဲတပ်ဖွဲ့ကို ဆက်သွယ်ရသည် ဖြစ်သည်။ ပြောရလျှင် ရွေးကောက်ခံ အရပ်သားအစိုးရသည် တပ်မတော်အပေါ် သြဇာမရှိသလို၊ ရဲတပ်ဖွဲ့အပေါ်၌ပင် အာဏာအပြည့်မရှိပါ။

မြန်မာနိုင်ငံ၏ တရားဥပဒေစိုးမိုးရေးကို ပြောကြစတမ်းဆိုလျှင် အဖွဲ့လေးဖွဲ့ကို အဓိကထားပြောရမည် ဖြစ်သည်။ ထိုအဖွဲ့များမှာ -

(၁) အထွေထွေအုပ်ချုပ်ရေး၊
(၂) ရဲတပ်ဖွဲ့၊
(၃) တရားစီရင်ရေးအဖွဲ့၊
(၄) အကျဉ်းထောင်စနစ် ဟူ၍ ဖြစ်သည်။

ဤလေးဖွဲ့တွင် ၁၊ ၂၊ ၄ ဟူသော အဖွဲ့ သုံးဖွဲ့မှာ တပ်မတော်မှ ခန့်ထားသော ပြည်ထဲရေး ၀န်ကြီးလက်အောက်ခံအဖွဲ့များ ဖြစ်သည်။ နံပါတ်(၃) တရားစီရင်ရေးတွင် တရားသူကြီးချုပ် လက်အောက်ခံ ဖြစ်သည်။ တရားသူကြီးချုပ်မှာလည်း ယခင်အစိုးရ သမ္မတဦးသိန်းစိန် လက်ထက်က ခန့်ထားခဲ့သော တရားသူကြီးချုပ်သာ အခြေခံဥပဒေအရ ဆက်လက်အာဏာ ရှိနေပါသည်။ ထိုအခါ သေသေချာချာကြည့်လျှင် တရားဥပဒေစိုးမိုးရေးနှင့် ပတ်သက်၍ ရွေးကောက်ခံ အစိုးရလက်အောက်တွင် တိုက်ရိုက်အာဏာအပြည့်ရှိသော အဖွဲ့အစည်း လုံးဝမရှိကြောင်း သိလာရပေလိမ့်မည်။ ဟိုတလောက ရန်ကုန်မြို့၊ ဗဟန်းမြို့နယ် ဗိုလ်စိန်မှန်ကွင်းတွင် အမျိုးသားရေးဝါဒီ ဆိုသူများမှ ဆန္ဒပြကြရာ သူတို့ဆန္ဒပြရသော အကြောင်းများထဲတွင် ဥပဒေစိုးမိုးမှု မရှိသော ပြဿနာများကို ဆန္ဒပြကြခြင်းလည်း ပါဝင်သည်ဟု သိရပါသည်။ ဥပဒေစိုးမိုးမှုမရှိခြင်း၊ ရာဇ၀တ်မှုများ ထူပြောလာခြင်းအတွက် ဆန္ဒပြတာ ကောင်းပါသည်။ ထောက်ခံပါသည်။ သို့သော် ထိုကိစ္စများကို ဘယ်သူက တာဝန်ယူကိုင်တွယ်ထားသည် ဆိုခြင်းကိုတော့ ဆန္ဒပြသူတို့ သိသင့်ပေသည်။ အစိုးရသစ်လက်ထက်တွင် ရာဇ၀တ်မှုများ ဖြစ်ပေါ်လာသည်ဟု ဗလုံးဗထွေးနှင့် ၀ါးချ၍တော့ မရပေ။ ဥပဒေစိုးမိုးရေးသည် ပြည်ထဲရေးဝန်ကြီးဌာနနှင့် တရားသူကြီးချုပ်က တာဝန်ယူထားသော ကိစ္စဖြစ်ရာ ထိုဌာနများကို တာဝန်ယူကိုင်တွယ်ရသူများမှာသာ တိုက်ရိုက် တာဝန်ရှိပေသည်။ ဆန္ဒပြလိုလျှင် ထိုသူများကိုသာ တိုက်ရိုက်ဆန္ဒပြရမည် ဖြစ်သည်။ တရားဥပဒေစိုးမိုးရေးအတွက် တပ်မတော်ကို အမျိုးသားရေးအဖွဲ့ဆိုသူများ ဆန္ဒပြရဲပါက ချီးမွမ်းဖွယ် ဖြစ်ပေလိမ့်မည်။ အရပ်သားသမ္မတ၊ နိုင်ငံတော်၏ အတိုင်ပင်ခံပုဂ္ဂိုလ်၊ အရပ်သားဝန်ကြီးများ၊ ရွေးကောက်ခံ လွှတ်တော်အမတ်များသည် တပ်မတော်နှင့် ရဲတပ်ဖွဲ့ကို တိုက်ရိုက်အမိန့်ပေး ထိန်းချုပ်နိုင်သူများမဟုတ်ကြောင်း သိစေအပ်ပါသည်။

မြန်မာ့တပ်မတော်သည် နိုင်ငံ၏လွတ်လပ်ရေးနှင့်အတူ ပေါက်ဖွားလာခဲ့သော တပ်မတော်ဟု ပြောလေ့ရှိပါသည်။ ဒါဆိုလျှင် မြန်မာနိုင်ငံရဲတပ်ဖွဲ့သည် မည်သို့ ပေါ်ပေါက်လာသနည်း။ ကိုလိုနီစနစ်နှင့်အတူ ပေါ်ပေါက်လာခြင်းဖြစ်သည်ဟု ဆိုသော် ရနိုင်ပါ၏။ မြန်မာဘုရင်များလက်ထက်က ရဲတပ်ဖွဲ့ဟူ၍ သီးသန့် မရှိပေ။ ဘုရင့်ရဲမက်များဟူ၍သာ ရှိ၏။ ကိုလိုနီခေတ်ကျမှသာ ပေါ်ပေါက်လာခြင်း ဖြစ်သည်။ ဗြိတိသျှတို့ မြန်မာနိုင်ငံကို စတင်အုပ်ချုပ်စဉ် အိန္ဒိယနိုင်ငံမှ ပုလိပ်အဖွဲ့ (India Imperial Police) ကို ခေါ်ယူအသုံးပြုခဲ့သည်မှာ အိန္ဒိယနှင့် မြန်မာနိုင်ငံကို သီးခြားစီခွဲရေး ဖြစ်သွားသော ၁၉၃၇ ခုနှစ်အထိ ဖြစ်သည်။ နောက်တော့ မြန်မာနိုင်ငံတွင် သီးခြားရဲအဖွဲ့ ဖြစ်ပေါ်လာသည်။ စတင်ပေါ်ပေါက်လာရာတွင် ပုလိပ်အဖွဲ့ဆိုသော အမည်ဖြင့် ပေါ်ပေါက်လာခြင်း ဖြစ်သည်။ အင်္ဂလိပ်ဘာသာ POLICE ကို ပုလိပ်ဟု တိုက်ရိုက်အသံဖလှယ်လိုက်ခြင်းဖြစ်ရာ ပုလိပ်ရောဂါ PLAGUE ဟူသောစကားနှင့် အသံထွက် တူနေသဖြင့် မကောင်းသောအနက်အဓိပ္ပာယ်ကိုလည်း ဆောင်နေပါသည်။ ထိုခေတ်က ပုလိပ်အဖွဲ့မှာလည်း ပြည်သူလူထုကို ကူညီစောင့်ရှောက်ဖို့ထက် နယ်ချဲ့အင်္ဂလိပ်များ၏ အကျိုးစီးပွားကို ကာကွယ်စောင့်ရှောက်သော အလုပ်များနှင့် တိုင်းရင်းသားတော်လှန်ရေးသမားများကို ရက်စက်စွာ ဖမ်းဆီးနှိမ်နင်းသော အလုပ်ကို အဓိကထား လုပ်ဆောင်ခဲ့ပေသည်။ ထို့ကြောင့် ပြည်သူမေတ္တာရှိသောအဖွဲ့ ဖြစ်မလာဘဲ အိမ်ကြက်ချင်း အိုးမည်းသုတ် ခွပ်ခိုင်းသော ပြည်သူ့ချဉ်ဖတ်အဖွဲ့ကြီး ဖြစ်ခဲ့ရလေသည်။ နောက်မှသာ လွတ်လပ်ရေးရပြီးသောအခါ ပုလိပ်ဆိုသောအမည်မှာ ဆိုးရွားသဖြင့် ပြည်သူ့ရဲတပ်ဖွဲ့ဟု အမည်ပြောင်းခဲ့လေသည်။ ယခင် ကိုလိုနီခေတ်က ပုလိပ်ယူနီဖောင်းကိုလည်း ယခုခေတ် ရဲယူနီဖောင်းဖြင့် အစားထိုးခဲ့သည်။ ယခင် ပုလိပ်ယူနီဖောင်းမှာ မြန်မာမကျ အင်္ဂလိပ်မကျဖြင့် အကြည့်ရ ဆိုးလှသည်။ ဖော့ဦးထုပ်ဆောင်းကာ ကာကီရောင်ဘောင်းဘီတိုနှင့် နံပါတ်တုတ်ကိုင်ထားသောလူကို မြင်သည်နှင့် လူဆိုးများဟု ပြောမပြလည်း လူတွေက သဘောပေါက်ကြသည်။ မြန်မာပြည်အနှံ့မှ ဘုရားများတွင် ကောသလအိပ်မက် ၁၆ ချက်ကို ပန်းချီသရုပ်ဖော်ပုံများဖြင့် ရေးဆွဲထားခြင်းအား ကျွန်တော်ကြည့်ဖူးရာ လူဆိုးနေရာတွင် သရုပ်ဖော်ရမည့် လူတော်တော်များများကို ပန်းချီဆရာက ကိုလိုနီခေတ် ပုလိပ်ယူနီဖောင်းပုံဖြင့် ရေးဆွဲထားတာ သတိပြုမိလေသည်။ ၁၉၆၄ တွင် ပြည်သူ့ရဲတပ်ဖွဲ့အမည်ဖြင့် သီးသန့်ဌာနတခု ပြည်ထဲရေးဌာနလက်အောက်တွင် ထားရှိခဲ့သည်။ ၁၉၉၅ အောက်တိုဘာလ ၁ ရက်နေ့တွင် မြန်မာနိုင်ငံရဲတပ်ဖွဲ့ကို တပ်မတော်လက်အောက်ခံ အဖွဲ့အစည်းအဖြစ် သွတ်သွင်းလိုက်သည်။

ယခုအခါ မြန်မာနိုင်ငံတွင် ရာဇ၀တ်မှုများ မကြုံစဖူးအောင် ကြောက်ခမန်းလိလိ တိုးပွားလာနေပါသည်။ တရားဥပဒေအပေါ် ပြည်သူလူထု၏ ယုံကြည်ကိုးစားမှုလည်း ကျဆင်းနေပါသည်။ အထူးသဖြင့် ရဲတပ်ဖွဲ့နှင့် ပတ်သက်၍ ပြုပြင်ပြောင်းလဲရေး ကြီးမားစွာ လုပ်ဆောင်စေလိုပါသည်။ နံပါတ်တစ် အနေနှင့် တပ်မတော်နှင့် ရဲတပ်ဖွဲ့ ရောနှောနေခြင်းကို သီးခြားစီ ခွဲထုတ်သင့်ပါသည်။ တပ်မတော်၏ လုပ်ငန်းသဘာဝနှင့် ရဲတပ်ဖွဲ့၏ လုပ်ငန်းသဘာဝ မတူညီသဖြင့် ရဲတပ်ဖွဲ့က တပ်မတော်၏ လက်အောက်ခံလိုလို ဖြစ်နေခြင်းမှ သီးသန့်စီ ဖြစ်စေလိုပါသည်။ တပ်မတော်အရာရှိများကို ရာထူးတဆင့်မြှင့်ပြီး ရဲတပ်ဖွဲ့သို့ ပို့ဆောင်ခြင်းကိုလည်း ရပ်တန့်စေလိုပါသည်။ မြန်မာနိုင်ငံ၌ တပ်မတော်သားများသည် ရဲတပ်ဖွဲ့ဝင်များထက် အရာရာတွင် သာလွန်သည်ဟူသော သဘောကို တရားဝင် ဖွင့်မပြောသော်လည်း ထိုသဘောမျိုး၊ ခံယူချက်မျိုးကသာ လွှမ်းမိုးနေရာ ထိုအယူအဆကို ပြောင်းလဲစေလိုပါသည်။ တပ်မတော်သည်လည်းကောင်း၊ ရဲတပ်ဖွဲ့သည်လည်းကောင်း နိုင်ငံအတွက် အလုပ်လုပ်နေသော ပြည်သူ့ဝန်ထမ်းများသာ ဖြစ်ပါသည်။ မည်သည့်အဖွဲ့က မည်သည့်အဖွဲ့ထက် သာလွန်သည်၊ မြင့်မြတ်သည်ဟူ၍ မရှိစေချင်ပါ။ ရဲကို တပ်မတော်က အုပ်ချုပ်ခြင်းမှာလည်း မမှန်ကန်နိုင်ပါ။ ထိုသို့လုပ်ခြင်းဖြင့် ပြည်သူလူထု၏ ယုံကြည်ကိုးစားမှု မရနိုင်သလို ရဲတပ်ဖွဲ့ဝင်များ၏ လွတ်လပ်စွာ တာဝန်ထမ်းဆောင်လိုစိတ်ကိုလည်း လျော့ပါးစေပါသည်။ မိမိအထက်တွင် တပ်မတော်ရှိနေသည် ဟူသော အယူအဆကြောင့် ရဲတပ်ဖွဲ့ဝင်များသည် မိမိကိုယ်ကိုယ်ယုံကြည်မှုကို ပျောက်ဆုံးစေပါသည်။ ထိုအခါ အလွယ်တကူ လက်လှမ်းမီနိုင်သော အခွင့်အရေးရှာမှု၊ လာဘ်ငွေလက်ခံမှုစသော ကိုယ်ကျိုးရှာသည့် အလုပ်များကိုသာ အာရုံစိုက်လာပါတော့မည်။ ပင်စင်မယူခင် ရသမျှယူ၊ စုနိုင်သမျှစုဟူသော သဘောကိုသာ ခံယူချက်အဖြစ် လုပ်ဆောင်ကြတော့မည် ဖြစ်သည်။ ယခုအခါ ရဲတပ်ဖွဲ့၏ လာဘ်စားမှုများမှာ ထူးဆန်းသည်ဟုပင် လူတွေက မထင်ကြတော့သည်အထိ လုပ်ရိုးလုပ်စဉ်သဘောပင်ဖြစ် လာနေပေပြီ။ ဥပဒေစိုးမိုးရေးတွင် တာဝန်ရှိသူတို့က ဥပဒေကိုချိုးဖောက်မှုများ တွေ့မြင်နေရပါသည်။

အလွန်ဆုံးပြောရလျှင် ရန်ကုန်မြို့တွင် ဆိုင်ကယ်မစီးရဟု သတ်မှတ်ထားသော်လည်း ရဲများမှာ ဆိုင်ကယ်စီးနေတာ နေရာအနှံ့ ဖြစ်ပါသည်။ ရဲက နှစ်လုံးထီ ထိုးသည်၊ ရဲမိန်းမက နှစ်လုံးထီ ရောင်းသော အဖြစ်များမှာလည်း မထူးဆန်းတော့ပါ။ ကျွန်တော့် သူငယ်ချင်းတယောက်ကို မူးယစ်ဆေးဝါးအမှုဖြင့် ဖမ်းဆီးရာတွင် လက်ထဲမှ ငွေ ၃ သိန်းကျပ် သိမ်းဆည်းရမိခဲ့သော်လည်း ရှာဖွေပုံစံတွင် ထိုငွေ ၃ သိန်းအကြောင်း တစွန်းတစမှ မပါလာတော့ပါ။ အာမခံပေးရာတွင်လည်းကောင်း၊ မူးယစ်ဆေးဝါးမှုများတွင် မူးယစ်ဆေးသုံးထား၊ မထား ဆီးစစ်ရာတွင် လည်းကောင်း ဥပဒေဘက်တော်သားများ နက်ရှိုင်းစွာပါဝင်၍ လာဘ်ငွေယူပြီး မမှန်မကန်လုပ်နေမှုများ ရှိပါသည်။ ထိုအဖြစ်ကြောင့် မူးယစ်ဆေးဝါး သုံးစွဲသော်လည်း ဆီးအဖြေအောင်၍ ထောင်မှလွတ်ခြင်း၊ မူးယစ်ဆေး မသုံးသော်လည်း ဆီးအဖြေကျရှုံး၍ ထောင်ကျရခြင်းများ ရှိနေပါသည်။ ဟိုတလောက ပြည်သူ့ရဲတပ်ဖွဲ့ဝင် တယောက်က ဖွင့်ချသောကြောင့် ဖားကန့်ဒေသတွင် ပြည်သူ့ရဲများ မည်သို့လာဘ်စားကာ ယန္တရားကြီးတခုလုံး ခြစားနေသည်ဆိုတာ ပေါ်ပေါက်လာသည် (စောင့်ကြည့်ဂျာနယ် FB စာမျက်နှာ၊ ကိုကိုနိုင်(ပဲခူး)ရေးသားသော ဖားကန့်စခန်းမှာ တာဝန်ကျလျှင် အချိန်တိုအတွင်း သိန်းသောင်းချီ ချမ်းသာမည်…သို့သော်)။ ထိုအချက်များမှာ အံ့သြတုန်လှုပ်စရာ ဖြစ်သည်။

အခြားတဖက်တွင်မူ မြန်မာနိုင်ငံတွင် ရဲတပ်ဖွဲ့ဝင်များမှာ မနိုင်ဝန်ကို ထမ်းနေရပါသည်။ လူဆိုးသွားဖမ်းသော ရဲတပ်ဖွဲ့ဝင်များကို ဓားဖြင့် ပြန်လည်တိုက်ခိုက်ခြင်း၊ အသက်သေသည်အထိ ပြန်လည်ခုခံခြင်းများ ဖြစ်ပွားခြင်းမှာ ဤအချက်များကြောင့် ဖြစ်သည်။ ကာကွယ်ရေးအတွက် ဘတ်ဂျက်ကောင်းကောင်း ပေးသလို ရဲတပ်ဖွဲ့အတွက်လည်း လုံလောက်သောဘတ်ဂျက်များ ချထားပေးသင့်သည်။ နည်းပါးသောလူအင်အားဖြင့် နာရီပေါင်းများစွာ တာဝန်ထမ်းဆောင်နေရပါသည်။ ခေတ်မီ ကင်းလှည့်ယာဉ်များလည်း မရှိပါ။ လက်ထိပ်၊ ခေတ်မီသေနတ်၊ ဝေါ်ကီတော်ကီ စသည့် ခေတ်မီကိရိယာများလည်း ဘာမှမရှိပါ။ အများအားဖြင့် ကိုယ့်စရိတ် ကိုယ်စိုက်၍ သုံးနေရသည်ဟု သိရပါသည်။ နေထိုင်ရသော လိုင်းခန်းများမှာလည်း အချို့နေအိမ်များမှာ ကျူးကျော်တဲအိမ်လေးများသဖွယ် အလွန်စိတ်ဓာတ်ကျဆင်းဖွယ် လူနေမှုဘ၀များဖြစ်ပါသည်။ ထိုအခြေအနေ ကြောင့် စီးပွားရေးသမားများအောက်တွင် ဒူးထောက်သွားရသော ရဲတပ်ဖွဲ့ဝင်များရှိလာခြင်း ဖြစ်ပါသည်။ ကျွန်တော်တို့ ပြည်မြို့ရှိ မြို့မဂါတ်ခေါ် အမှတ်(၁)ရဲစခန်းတွင် လိုင်းခန်းများမှာ အင်္ဂလိပ်ခေတ်ကတည်းက ဆောက်ထားခဲ့သော အဆောက်အအုံအဟောင်းများဖြစ်ပြီး ရေပတ်လည်ဝိုင်းရံနေပါသည်။ မိုးရွာလျှင် ရေနစ်မြုပ်နေပါသည်။ အမိုးအုတ်ကြွပ်များမှာ နှစ်ပရိစ္ဆေဒကြာညောင်းမှုကြောင့် ပေါက်ပြဲကာ ပလတ်စတစ်စများနှင့် ကာထားရပါသည်။ မည်သို့မျှ ကြည့်၍မတင့်တယ်သော အခြေအနေတွင် ရဲတပ်ဖွဲ့ဝင်များ နေထိုင်နေရပါသည်။ နိုင်ငံခြားမှ ရဲစခန်းများတွင် စခန်းတွင် ရေချိုးချင်က ချိုးနိုင်ရန် ရေပန်းနှင့် ရေချိုးခန်း၊ အဆာပြေသောက်ရန် ကော်ဖီအိုးကြီး၊ စားပွဲတိုင်းပေါ်တွင် ကွန်ပျူတာ ကိုယ်စီ၊ စမတ်ကျသော ယူနီဖောင်း၊ ခေတ်မီလက်နက် စသည်ဖြင့် အဆင့်မြင့်စွာ ထားပေးကြပါသည်။ မြန်မာနိုင်ငံတွင် ထိုသို့ထောက်ပံ့မှုမရှိသဖြင့် ရဲများမှာ ကြည့်လိုက်လျှင် လူရောစိတ်ရော ကိုယ်စိတ်နှစ်ပါး ချုန်းချုန်းကျ နေကြပါသည်။ အားကိုးချင်စရာ မရှိပါ။

ထိုအခါ စွမ်းဆောင်ရည် ကျလာပါသည်။ နာမည်ကြီး အင်းဝအပ်ချုပ်ဆိုင်အမှုနှင့် အခြားအမှု တော်တော်များများတွင် ရဲစခန်းသို့ အားကိုးတကြီး သွားရောက်တိုင်ကြားသော်လည်း ချက်ချင်းလက်ငင်း အရေးယူဆောင်ရွက်မှုမရှိဘဲ စိတ်မပါသလိုလို၊ အရေးမကြီးသလိုလို၊ ၀တ်ကျေဝတ်ကုန်လိုလို စိတ်ဓာတ်များဖြင့် ဆောင်ရွက်နေတာ တွေ့ရပါလိမ့်မည်။ ဖေ့စ်ဘွတ်တွင် သတင်းများ ပွလာ၍ နေပြည်တော်မှ အရေးယူရန် အချက်ပြလိုက်ကာမှ ဗြုန်းခနဲ အိပ်ရာမှ မျက်နှာကို ရေခဲရေဖြင့်ပက်ခံရ၍ လန့်နိုးသလိုဖြစ်ကာ ပျာပျာသလဲ ဆောင်ရွက်ကြပါလိမ့်မည်။ အထက်မှ မခိုင်းလျှင် မလုပ်တတ်တော့ပါ။ မိမိကိုယ်ကို ယုံကြည်မှု၊ တာဝန်ယူမှု၊ တာဝန်ခံမှု ပျောက်ဆုံးနေကြပါပြီ။ ထိုသို့ဖြစ်ရခြင်းမှာ ကျွန်တော့်အမြင်အရ ပြောရလျှင် ရဲတပ်ဖွဲ့ကို တပ်မတော်လက်အောက်ခံအဖြစ် ထားလိုက်သောကြောင့် ရဲများသည် ကိုယ့်သဘောနှင့်ကိုယ် ဘာမှမလုပ်တတ်တော့ဘဲ အညွန့်တုံးသွားခြင်း ဖြစ်ဟန်တူပါသည်။ အရာရာကို အထက်မှ နှုတ်မိန့်များဖြင့် တောက်လျှောက် တသက်လုံးညွှန်ကြားခံနေရရာ ဖမ်းဆိုလျှင် ဖမ်း၊ လွှတ်ဆိုလျှင် လွှတ်၊ သွားဆိုလျှင် သွား၊ နေဆိုလျှင် နေ စနစ်ဖြင့်သာ အသားကျနေကြပြီး ကိုယ်ပိုင်ဉာဏ်ဖြင့် ရဲဝတ္တရား ဆောင်ရွက်မှုတို့၊ တီထွင်ကြံဆမှုတို့၊ ဥပဒေကိုကာကွယ်ဖို့တို့ ဆိုသည်မှာ ရဲသင်တန်းဆင်းကတည်းက ပျောက်ဆုံးသွားကြဟန် ရှိသည်။ ဥပမာအားဖြင့် မိမိအထက်တွင် ကြောက်ရ ရွံ့ရမည့်လူ တယောက် ပါနေသောအခါ အသင်းသားများသည် ရဲရဲဝံ့ဝံ့ မကစားရဲသဖြင့် ရှုံးပွဲဆက်နေသော မန်ချက်စတာယူနိုက်တက် ဘောလုံးအသင်းနှင့် တူပေသည်။ အသင်းခေါင်းဆောင် ၀ိန်းရူနီကို ပွဲထွက်လူစာရင်းမှ ချန်လှပ်ထားလိုက်သောအခါ အသင်းသားများ အားတက်ကာ လက်စတာစီးတီးအသင်းအား ၄ ဂိုးပြတ်ဖြင့် အနိုင်ယူပြလိုက်ပေ၏။

ယခုအခါ ၅ လောင်းပြိုင် လူသတ်မှုလည်း မပေါ်သေး၊ ၄ လောင်းပြိုင် လူသတ်မှုလည်း မပေါ်သေး၊ ကချင်ပြည်နယ်မှ ဆရာမလေး ၂ ယောက် အသတ်ခံရသော ၂ လောင်းပြိုင် လူသတ်မှုလည်း မပေါ်သေး၊ ပြည်မြို့ န၀ဒေးတံတားအောက်မှ ကောင်လေးတယောက် အသတ်ခံရသော အမှုလည်း မပေါ်သေး၊ အခြားသော မှုခင်းများစွာလည်း မဖော်နိုင်သော အမှုများ များနေကြပါသည်။ ထို့ကြောင့် တရားဥပဒေစိုးမိုးရေးသည် မေးခွန်းထုတ်စရာ ဖြစ်လာပါ၏။ တပ်မတော်လက်အောက်တွင် ရောက်နေသောကြောင့် ရဲတပ်ဖွဲ့၏ အရည်အချင်းအမှန်မှာလည်း ငုပ်သလို ဖြစ်နေပါ၏။ အရည်အချင်းမှန်ကို မသိရ။ ထိုအခါ ရာဇ၀တ်မှုများအတွက် ပြည်ထဲရေးဝန်ကြီးဌာနနှင့် တပ်မတော်ပင် နာမည်ပျက်မည် ဖြစ်သည်။ ဒီမိုကရေစီနိုင်ငံများတွင် ကာကွယ်ရေးဝန်ကြီးသည် အရပ်သားဖြစ်ပြီး တပ်မတော်သည် အရပ်သားအစိုးရ၏ ထိန်းချုပ်မှုအောက်တွင် ရှိကြစမြဲသာ ဖြစ်သည်။ မြန်မာနိုင်ငံတွင်လည်း တနေ့တွင် ထိုစနစ်အတိုင်း ဖြစ်လာမည်ဟု မျှော်လင့်ရပေသည်။ ထိုသို့ ဖြစ်မလာသေးဘူးထား၊ တပ်မတော်ကို အရပ်သားအစိုးရထိန်းချုပ်မှုအောက်သို့ မပို့နိုင်သေးသည့်တိုင် ရဲတပ်ဖွဲ့ကိုတော့ အရပ်သားအစိုးရ၏ ထိန်းချုပ်မှုအောက်သို့ ပြန်ပို့ဖို့ အလေးအနက် တောင်းဆိုလိုပါ၏။ အထွေထွေအုပ်ချုပ်ရေးဦးစီးဌာနကို အရပ်သားအစိုးရ အုပ်ချုပ်မှုလက်အောက်သို့ ပို့ဆောင်စေလိုပါ၏။ ပြည်ထဲရေးဝန်ကြီးဌာနကို ရွေးကောက်ခံ အရပ်သားအစိုးရလက်အောက်သို့ ပြန်ပို့စေလိုပါ၏။ ထိုအခါ ရာဇ၀တ်မှုများ၊ မှုခင်းများ၊ ဥပဒေစိုးမိုးမှုများအတွက် တပ်မတော်တွင်လည်း တာဝန်ကင်းသွားမည်ဖြစ်သလို အရပ်သားအစိုးရ၏ တာဝန်ယူ ကိုင်တွယ်မှုမှာလည်း ပို၍ ဒီမိုကရေစီဆန်လာမည်။ ရဲတပ်ဖွဲ့၏ စွမ်းဆောင်ရည်လည်း ပိုမိုမြင့်မားလာပေမည်။ တပ်မတော်အနေနှင့်လည်း မူလတာဝန်ဖြစ်သော နိုင်ငံတော်ကာကွယ်ရေးကို ပိုမိုဦးစားပေး လုပ်ဆောင်သွားနိုင်မည် ဖြစ်သည်။ သို့သော် ရဲတပ်ဖွဲ့ကို အရပ်သားအစိုးရထိန်းချုပ်မှု အောက်သို့ ပြန်လည်ပို့ဆောင်မည်ဆိုလျှင် ဖွဲ့ စည်းပုံအခြေခံဥပဒေပုဒ်မ ၂၃၂(ခ) အပိုဒ်ခွဲ (၂)ပါ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာနနှင့် နယ်စပ်ရေးရာဝန်ကြီးဌာနများအတွက် တပ်မတော်ကာကွယ်ရေးဦးစီးချုပ်ထံမှ သင့်လျော်သည့် တပ်မတော်သားများ၏ အမည်စာရင်းကို ရယူရမည် ဆိုသည့် ပြဋ္ဌာန်းချက်ကိုတော့ ပြင်ဆင်ရပေလိမ့်မည်။ ထိုသို့ ပြင်ဆင်နိုင်ရန် ရွေးကောက်ခံလွှတ်တော်အမတ်များချည်း ဆောင်ရွက်၍ မရချေ။ တပ်မတော်သား လွှတ်တော်ကိုယ်စားလှယ်များ၏ အခေါင်အချုပ်ဖြစ်သော တပ်မတော်ကာကွယ်ရေးဦးစီးချုပ်၏ ပူးပေါင်းဆောင်ရွက်မှုရှိမှ ဖြစ်နိုင်ပေလိမ့်မည်။

ထို့ကြောင့် ဆောင်းပါးအစတွင် ဖော်ပြခဲ့သည့်အတိုင်း မြန်မာနိုင်ငံတွင် ဒီမိုကရေစီရှင်သန်စေရန် ဗိုလ်ချုပ်မှူးကြီး မင်းအောင်လှိုင်ခင်ဗျား၊ မြန်မာနိုင်ငံရဲတပ်ဖွဲ့အား ပြည်သူလူထုသို့ ပြန်လည်ပေးအပ်ပါရန် လေးစားစွာမေတ္တာ ရပ်ခံအပ်ပါသည် ခင်ဗျား။

သရ၀ဏ်(ပြည်)
News Watch
https://www.facebook.com/NewsWatchJournal/



NLD ဥပဒေအကြံပေး ဦးကိုနီ ဈာပန လူထောင်ချီတတ်ရောက်
ရန်ကုန်နိုင်ငံတကာလေဆိပ်မှာ သေနတ်သမားတဦးရဲ့ လုပ်ကြံသတ်ဖြတ်တာခံလိုက်ရတဲ့ အမျိုးသားဒီမိုကရေစီအဖွဲ့ချုပ် (NLD) ပါတီရဲ့ ရှေ့နေ တဦဖြစ်တဲ့ တရားလွှတ်တော်ရှေ့နေဦးကိုနီရဲ့ ဈာပနကို ဒီကနေ့ ရေဝေးသုဿန်က မွတ်စလင်သချိုင်္င်းမှာ ဒီကနေ့ ပြုလုပ်ခဲ့ပါတယ်။ ရှေ့နေဦးကိုနီဟာ အင်ဒိုနီးရှားနိုင်ငံကနေ ရန်ကုန်လေဆိပ်ကို မနေ့က ပြန်ရောက်စဉ် သေနတ်သမားတဦးရဲ့ အနီးကပ်လုပ်ကြံသတ်ဖြတ်တာကို ခံခဲ့ရတာပါ။ ဦးကိုနီရဲ့ ဈာပနအခမ်းအနားကို NLD ပါတီ ထိပ်ပိုင်းခေါင်းဆောင်တွေ၊ နိုင်ငံတကာသံရုံးတွေက တာဝန်ရှိသူတွေ အပါအ၀င် ပြည်တွင်းအဖွဲ့အစည်းအသီးသီးက အထင်ကရပုဂ္ဂိုလ်တွေလည်း တက်ရောက်ခဲ့ကြပါတယ်။ ရေဝေးသုဿန်မှာ ဒီကနေ့ ပြုလုပ်ခဲ့တဲ့ ရှေ့နေဦးကိုနီရဲ့ ဈာပနအခမ်းအနားမြင်ကွင်း နဲ့ ပတ်သက်ပြီး ကိုယ်တိုင်သွားရောက်သတင်းယူနေတဲ့ ဗွီအိုအေသတင်းထောက် ကိုစည်သူကို ကိုရန်နိုင်ကဆက်သွယ်မေးမြန်းတဲ့အခါမှာ သူက အခုလို စပြောပါတယ်။

ကိုစည်သူ။ ။ဟုတ်ကဲ့ပါ ဒီကနေ့က ရေးဝေးမှာရှိတဲ့ စွန္နီမွတ်စလင်သချိုင်္င်းမှာ ဦးကိုနီကို မြေမြုပ်သင်္ဂြိုဟ်တဲ့ အခမ်းအနားလုပ်တာပါခင်ဗျ။ အသုဘ ရှု့ဖို့လာတဲ့လူတွေ တော်တော်များပါတယ်ခင်ဗျ။ ထောင်နဲ့ချီပြီးတော့ သချိ င်္ုင်းနေရာ ပတ်ဝန်းကျင်တွေမှာ လူတွေ ပြည့်နေလောက်အထိကို လာပြီးတော့ အသုဘ ရှု့ဖို့၊ အသုဘ လိုက်ပါပို့ဆောင်ကြပါတယ်ခင်ဗျ။ သူတို့က အသုဘ ရှု့ဖို့နေရာလေးတခု စီစဉ်ထားပြီးတော့ လူတွေကို တတန်းခြင်းစီ ၀င်ပြီးတော့ အသုဘ ရှု့ဖို့စီစဉ်ထားပါတယ်ခင်ဗျ။ နောက်ဆုံးလူတွေက မနိုင်တဲ့အခါမှာတာ့ တော်တော်လေးများများနဲ့ ရုန်းရင်းဆန်ခတ်တွေဖြစ်တဲ့အထိ လူတွေတော်တော်များတာကို ကျနော်တို့ တွေ့ခဲ့ရပါတယ်။ ပြီးတော့ ရေဝေးမှာ ရှိတဲ့ ရေဝေးဘလီမှာပဲ သူတို့ ဆုတောင်း အခန်းအနားလေးလုပ်ပြီးတော့ အဲဒီနားမှာပဲ မြေမြုပ်ဖို့ စီစဉ်ထားတဲ့ နေရာမှာ ဦးကိုနီရဲ့ ရုပ်အလောင်း ကို မြေမြုပ်သင်္ဂြိုဟ် ပါတယ်ခင်ဗျ။

ကိုရန်နိုင်။ ။ဘယ်အချိန်လောက်က မြေမြုပ်သင်္ဂြိုဟ်လိုက်သလဲခင်ဗျ

ကိုစည်သူ။ ။၎ နာရီခွဲဝန်းကျင်လောက်မှာ ဖြစ်ပါတယ်ခင်ဗျ။

ကိုရန်နိုင်။ ။ လူတွေက ဘယ်လောက်လောက် ခန့်မှန်းရသလဲ။

ကိုစည်သူ။ ။လူတွေက တော်တော်များတယ်ခင်ဗျ ထောင်နဲ့ ချီပြီး ကျနော်တို့ ခန့်မှန်းမိသလောက်တော့ လူဦးရေ ၄ ထောင်၊ ၅ ထောင် အထက်လောက်မှာ ရှိလောက်တယ်ခင်ဗျ။ လူတွေက တော်တော်များတယ၊ ဒီရေဝေး စွန္နီမွတ်စလင်သုဿန် အဲဒီနေရာကြီး တခုလုံး ပြည့်သွားလောက်တဲ့အထိ လူတွေ တိုးမပေါက်ပါဘူး။

ကိုရန်နိုင်။ ။ဒီနေ့ လာတဲ့အထဲမှာ အထင်ကရပုဂ္ဂိုလ်တွေ ထဲက ဘယ်သူတွေကို တွေ့သေးသလဲ။

ကိုစည်သူ။ ။ကျနော်တို့ တွေ့မိသလောက်တော့ ဒီနေ့လာတဲ့အထဲမှာ NLD ပါတီနာယက သူရဦးတင်ဦး ကိုတွေ့တယ် နောက်ပြီးတော့ NLD ထိပ်ပိုင်းခေါင်းဆောင်တွေ ထဲက အတွင်းရေးမှူးအဖွဲ့ထဲက ဦးဉာဏ်ဝင်းတို့ တခြားခေါင်းဆောင်တွေ တွေ့တယ်။ နောက်ပြီးတော့ ရန်ကုန်တိုင်း တိုင်းမှူးတယောက်လာတယ်၊ ရန်ကုန်တိုင်းအစိုးရက တာဝန်ရှိတဲ့သူ တချို့တွေ့တယ်၊ အမေရိကန်သံအမတ်ကြီး Scot Marciel လာတယ်၊ ဗြိတိသျှ သံအမတ်ကြီးလာတယ်၊ နောက်တခြားနိုင်ငံ သံအမတ်ကြီးတချို့ကိုလည်းတွေ့တယ်ခင်ဗျ။ ပြီးတော့ ရန်ကုန်တိုင်းလွှတ်တော်ဥက္ကဌနဲ့ ဒု ဥက္ကဌကိုလည်း တွေ့တယ်ခင်ဗျ။ ကိုမင်းကိုနိုင်တို့၊ ဦးကိုကိုကြီးတို့ ၈၈ ပွင့်လင်းက တချို့ကိုလည်း တွေ့ပါတယ်ခင်ဗျ။ နောက်ပြီးတော့ CSO အဖွဲ့အစည်းကလူတွေကိုလည်း တွေ့ပါတယ်၊ နောက်ပြီးတော့ နိုင်ငံရေးအသိုင်းအ၀ိုင်းက လူတချို့ကိုလည်း တွေ့ရပါတယ်။

ကိုရန်နိုင်။ ။လုံခြုံရေး အခြေအနေကရော ဘယ်လိုတွေ့ရသလဲ

ကိုစည်သူ။ ။ လုံခြုံရေး အခြေအနေကတော့ ကျနော်တို့ တွေ့မိသလောက် ရဲတပ်ဖွဲ့က လုံခြုံရေး ယူထားတာ ရှိတယ်။ နောက်ပြီးတော့ သူတို့ မွတ်ဆလင်အသိုင်းအ၀ိုင်းက လူတွေလည်း လုံခြုံရေးအနေနဲ့ ပါဝင်ပြီးတော့ လုပ်ပေးနေတာတွေရှိတယ်။ နောက် NLD ကလူတွေလည်း လုံခြုံရေးအနေနဲ့ သူတို့ ကူညီပေးနေတာတွေရှိပါတယ်ခင်ဗျ ၊ တော်တော်များများ လုံခြုံရေးကို အလေးထားပြီးတော့ လုပ်ထားတာ တွေ့ရပါတယ်ခင်ဗျ။

ကိုရန်နိုင်။ ။အဲဒီတော့ ဦးကိုနီ လုပ်ကြံခံရတာနဲ့ ပတ်သက်ပြီး ရန်ကုန်မြို့ထဲမှာရော လူတွေက ဘယ်လောက်အထိ ဒါကိုသိကြလဲ၊ လူတွေက ရဲ့အခြေအနေရော ဘယ်လိုရှိသလဲ။

ကိုစည်သူ။ ။ကျနော်တို့ သိသလောက်ကတော့ မနေ့ညက Online တွေကနေ ချက်ချင်းသိကြတဲ့လူတွေကတော့ တော်တော်လေးကို တုန်လှုပ်ခြောက်ခြားတဲ့ အခြေအနေမျိုးတွေတွေ့ရတယ်။ လမ်းပေါ်မှာလည်း လမ်းလျှောက်နေရင်းနဲ့ အဲဒီအကြောင်းအရာတွေကို ပြောနေတာတွေ ကျနော်တို့ ကြားရတယ်ခင်ဗျ။ ဒီမနက်ထိကိုပဲ လမ်းပေါ်မှာ တချို့သွားလာနေတဲ့လူတွေ တော်တော်များများ စကားပြောနေတာက ဒီ ဦးကိုနီနဲ့ ပတ်သက်တဲ့ အကြောင်းအရာ တော်တော်များများကိုပဲ ပြောနေတဲ့ အသံကို ကြားရတယ်ခင်ဗျ။ ဆိုတော့ ရန်ကုန် မြို့က လူတွေကတော့ ဒီကိစ္စက တော်တော်လေးကို သူတို့အတွက် ထိတ်လန့်စရာ၊ တော်တော်လေး အံသြစရာကိစ္စတခုအဖြစ် နည်းနည်းလေး လူတွေကြားမှာ ပြောနေတဲ့ ကိစ္စတခုအဖြစ် နေပါတယ်ခင်ဗျ။

ကိုရန်နိုင်။ ။ထူးထူးခြားခြား ဘာများပြောစရာရှိသေးသလဲ

ကိုစည်သူ။ ။ ဒီနေ့ အခမ်းအနားမှာ ထူးခြားတာ ဆိုတာထက် လူတွေအများကြီးလာတယ်၊ ဒီလူတွေအများကြီးကို တော်တော်လေး ထိန်းထိန်းသိမ်းသိမ်းနဲ့ သတိ ၀ီရိယနဲ့ တော်တော်လေး ထိန်းသိမ်းနေတာ ကျနော်တို့ တွေ့ရတယ် နောက်လူတွေကလည်း တော်တော်လေး ပူးပေါင်းပါဝင်ပြီးတော့ စနစ်တကျလေးဖြစ်အောင်တော့ သူတို့ ကူညီကြပါတယ်။ နောက်ဆုံး လူတွေအရမ်းများတော့ မြေမြုပ်ဖို့အတွက် အခေါင်းကို သယ်တဲ့အခါ မူလစီစဉ်ထားတဲ့အစီအစဉ်အတိုင်း သယ်မယ်ဆိုရင် လူတွေအရမ်းများပြီး လူ ၁ နေရာတည်းမှာ စုလိုက်မိမှာကို စိုးရိမ်တဲ့အတွက် တခြားလမ်းကြောင်းတွေကိုသုံးပြီးတော့ အနောက်ဘက်ကနေ ပတ်ပြီးတော့ ကားနဲ့ သယ်ဆောင်ပြီးတော့မှ မြေမြုပ်တဲ့ အစီအစဉ်ကို လုပ်ရတဲ့ အခြေအနေမျိုးတော့ ရှိတယ်ခင်ဗျ။"

ရှေ့နေဦးကိုနီရဲ့ ဈာပနအခမ်းအနားမြင်ကွင်း နဲ့ ပတ်သက်ပြီး ကိုယ်တိုင်သွားရောက်သတင်းယူနေတဲ့ ဗွီအိုအေသတင်းထောက် ကိုစည်သူကို ကိုရန်နိုင်ကဆက်သွယ်မေးမြန်း ခဲ့တာ ဖြစ်ပါတယ်။

 ကိုရန်နိုင် / ကိုစည်သူ  / ဗွီအိုအေ (မြန်မာပိုင်း)
http://burmese.voanews.com


ဦးကိုနီကို သတ်ဖြတ်ခဲ့သူဟာ တိုင်းပြည် တည်ငြိမ် အေးချမ်းမှု ပျက်စီးအောင် ရည်ရွယ်ချက်နဲ့ လုပ်ဆောင် ခဲ့တာ ဖြစ်တယ် ဆိုပြီး သမ္မတရုံးက ထုတ်ပြန် ပါတယ်။

ဦးကိုနီကို သေနတ်နဲ့ ပစ်ခတ် သတ်ဖြတ်မှုနဲ့ ပတ်သက်ပြီး အသက် ၅၃ နှစ် အရွယ် ဦးကြည်လင်း ဆိုသူကို ဖမ်းဆီး ထားကြောင်း အဲဒီ ထုတ်ပြန်ချက်ထဲ အတည်ပြု ထားပြီးဖြစ်စဉ် အမှန် ပေါ်ပေါက်ဖို့ ဆက်လက် စုံစမ်း နေတယ်လို့ ဆိုပါတယ်။

ဖမ်းဆီး ထားတဲ့ ဦးကြည်လင်းဟာ ရှေးဟောင်း ဘုရား ဆင်းတုတွေ ခိုးယူမှု၊ တရားမဝင် ရောင်းဝယ်မှု တို့နဲ့ ထောင်ကျ ခဲ့ဖူးတဲ့ ပြစ်မှု မှတ်တမ်း ရှိသူ ဖြစ်တယ်လို့ သမ္မတရုံး ပြောခွင့်ရ ဦးဇော်ဌေးက ပြောပါတယ်။

အဲဒီသူအပေါ် စစ်ဆေး မေးမြန်း နေတဲ့ လုပ်ငန်းစဉ် မပြီးဆုံး သေးပဲ၊ စစ်ဆေးရာက သိရှိ လာတဲ့ အချက် တွေကိုလည်း စိစစ် ရဦးမှာ ဖြစ်တယ်လို့ ဦးဇော်ဌေးက ဆိုပါတယ်။

ဒါ့ကြောင့် ပစ်ခတ်မှု ကျူးလွန်သူဟာ ဘယ်လို ရည်ရွယ်ချက် မျိုးနဲ့ ကျူးလွန် ခဲ့တာလည်း ဆိုတာကို မသိရ သေးသလို၊ နောက်ကွယ်မှာ ကြိုးကိုင် ခိုင်းစေသူ တွေ ရှိသလား ဆိုတာလည်း မသိရ သေးပါဘူး။

အဲဒီသူ ဆီက သိမ်းဆည်းမိ ခဲ့တဲ့ မှတ်ပုံတင် ထဲမှာ မန္တလေး လိပ်စာ ဖော်ပြ ထားပေမယ့် အဲဒီ အရပ်မှာ နေထိုင်သူ တစ်ယောက် မဟုတ်ကြောင်းနဲ့ သူနဲ့ ပတ်သက် ဆက်စပ်သူ တစ်ဦးတစ်ယောက် မှလည်း မန္တလေးမှာ မတွေ့ရကြောင်း မန္တလေးတိုင်း ရဲတပ်ဖွဲ့မှူး ရဲမှူးကြီး ဟန်ထွန်းက ဘီဘီစီကို ပြောထားပါတယ်။

သမ္မတ ရုံး ထုတ်ပြန် ချက် ထဲမှာတော့ အခု အချိန်မှာ ဘာသာရေး၊ လူမျိုးရေး သွေးထိုးမှု တွေကို အထူးဂရု ပြုကြဖို့ သတိ ပေးထားသလို၊ အာဏာပိုင် တွေ ဘက်ကလည်း လုံခြုံရေး ပိုမို တင်းကြပ်မယ်လို့ ဆိုပါတယ်။

BBC Burmese
http://www.bbc.com/burmese/burma-38795431


တရားလွှတ်တော်ရှေ့နေကြီး ဦးကိုနီ လုပ်ကြံခံရတဲ့ဖြစ်ရပ်အပေါ် အမျိုးသားဒီမိုကရေစီအဖွဲ့ချုပ် NLD ပါတီနာယက သူရဦးတင်ဦး က အပြင်းအထန် ပြစ်တင် ရှုတ်ချလိုက်ပါတယ်။

“ဒီလို လုပ်ကြံခံရတာနဲ့ ပတ်သက်ပြီး အန်ကယ်တို့က ရှုတ်ချတာပေါ့ခင်ဗျ၊ပြင်းပြင်းထန်ထန် ရှုတ်ချတယ်၊ ပက်ပက်စက်စက် ရှုတ်ချတယ်။”

ရှေ့နေကြီးဦးကိုနီဟာ အင်ဒိုနီးရှားနိုင်ငံခရီးစဉ်တခုကနေ တနင်္ဂနွေနေ့က ပြန်ရောက်ပြီး အချိန်ပိုင်းအတွင်းမှာပဲ ရန်ကုန်လေဆိပ် မှာ သေနတ်သမားတဦးက အနီးကပ် ပစ်ခတ် လုပ်ကြတဲ့အတွက် သေဆုံးသွားရတာပါ။ အစ္စလာမ်ဘာသာဝင်ဖြစ်တဲ့ သူ့ရဲ့ နာရေးအခမ်းအနားကို ဒီကနေ့ညနေပိုင်းက ရေဝေးသုဿန်၊ အစ္စလာမ်သချိုင်္င်းမှာလုပ်ခဲ့ပြီး လူ ထောင်ပေါင်းများစွာ တက်ရောက်ပါတယ်။

ဦးကိုနီကို ပစ်ခတ်လုပ်ကြံခဲ့သူကိုတော့ အခင်းဖြစ်တဲ့အချိန်က အနီးနားမှာရှိနေတဲ့ အငှားယာဉ်မောင်းသူတွေရဲ့ အကူအညီနဲ့ ရဲတပ်ဖွဲ့က ဖမ်းဆီးထားပြီး စစ်ဆေးနေပါတယ်။ ဒါပေမဲ့ ခုချိန်ထိတော့ အသေးစိတ် အချက်အလက်တွေကို သိပ်မသိရသေးဘဲ လုပ်ကြံသူနဲ့ပတ်သက်တဲ့ သတင်းအချက်အလက်တွေကိုက ရှုပ်ရှုပ်ထွေးထွေး ရှိနေဆဲပါ။ လုပ်ကြံသူကို ၀ိုင်းဖမ်းပေးတဲ့ အငှား ယာဉ်မောင်းသူတွေထဲက ဦးနေ၀င်းဟာလည်း သေနတ်သမား ထပ်ပစ်တာကနေ ရတဲ့ဒဏ်ရာကြောင့် မနေ့ကပဲ ဆေးရုံမှာ ကွယ် လွန်သွားတာပါ။ ဒီဖြစ်ရပ်ကို နိုင်ငံရေးအရ လုပ်ကြံမှုတခုအဖြစ် လူအများအပြားက သတ်မှတ်ကြပြီး ပြစ်တင် ရှုတ်ချကြပါတယ်။

ဥပဒေအကြံပေးတဦး ဆုံးရှုံးရတဲ့အတွက် ကျန်ရစ်သူမိသားစုနဲ့ ထပ်တူထပ်မျှ ၀မ်းနည်းရတဲ့အကြောင်းနဲ့ ဖြစ်စဉ်မှန်ပေါ်ပေါက်ရေး၊ ပြစ်မှုကျူးလွန်သူတွေကို အမြန်ဖမ်းဆီးနိုင်ရေးအတွက် လုံခြုံရေးအဖွဲ့အစည်းတွေနဲ့ ပူးပေါင်းဆောင်ရွက်သွားမယ်လို့ တပ်မတော် ကာကွယ်ရေးဦးစီးချုပ်ရုံး၊ သတင်းမှန်ပြန်ကြားရေးအဖွဲ့ရဲ့ မကြာသေးခင်အချိန်ပိုင်းက ထုတ်ပြန်ချက်မှာ ဖော်ပြထားပါတယ်။

 ဗွီအိုအေ (မြန်မာပိုင်း)
http://burmese.voanews.com



တရားလွှတ်တော်ရှေ့နေ ဦးကိုနီ ရဲ့ ရုပ်အလောင်းကို ဇန်နဝါရီလ ၃၀ ရက်နေ့က ရေဝေးသုဿန်မှာရှိတဲ့ အစ္စလာမ်သင်္ချိုင်းမှာ သဂြိုဟ်ဖို့ သယ်ဆောင်လာစဉ်။ Photo: Kyaw Zaw Win/ RFA
ဥပဒေအကြံပေး ဦးကိုနီ သေဆုံးမှုနဲ့ပတ်သက်ပြီး ဖြစ်စဉ်မှန်ပေါ်ပေါက်ရေး၊ ပြစ်မှုကျူးလွန်သူတွေကို အမြန်ဖမ်းဆီးရ မိရေးအတွက် လုံခြုံရေးအဖွဲ့အစည်းတွေနဲ့ ပူးပေါင်းဆောင်ရွက်သွားမယ်လို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ပါတယ်။

ဒါ့အပြင် ဦးကိုနီ သေဆုံးမှုအတွက် ကျန်ရစ်တဲ့ မိသားစုနဲ့ထပ်တူ ၀မ်းနည်းကြောင်းနဲ့ ဦးကိုနီ သေဆုံးမှုဖြစ်စဉ်ဟာ လုံခြုံရေးနဲ့ပတ်သက်ပြီး များစွာထိခိုက်စေကြောင်းလည်း သတင်းထုတ်ပြန်ချက်မှာ ပါရှိပါတယ်။

သေနတ်သမားတစ်ဦးရဲ့ အနီးကပ်လုပ်ကြံမှုကြောင့် သေဆုံးသွားတဲ့ အသက် ၆၅ နှစ်အရွယ် တရား လွှတ်တော်ရှေ့နေ ဦးကိုနီရဲ့ ရုပ်အလောင်းကို ဒီနေ့ ညနေက ရေဝေးသုဿန်မှာရှိတဲ့ အစ္စလာမ်သင်္ချိုင်းမှာ သဂြိုဟ်ခဲ့ပြီး လူဦးရေ သောင်းနဲ့ချီ တက်ရောက်ခဲ့ပါတယ်။

ဦးကိုနီရဲ့ ဈာပနအခမ်းအနားမှာ ပါတီ နာယက သူရဦးတင်ဦးက ဦးကိုနီအတွက် အမိန့်ပြန်ကြားချက်ကို ဖတ်ကြား ခဲ့ပါတယ်။

တရားလွှတ်တော်ရှေ့နေ ဦးကိုနီဟာ ၂၀၁၃ ခုနှစ် အောက်တိုဘာလ ၈ ရက်နေ့က အန်အယ်လ်ဒီပါတီဝင်အဖြစ် ၀င်ရောက်ခဲ့တာဖြစ်ပေမယ့် အန်အယ်လ်ဒီ ပါတီကို မ၀င်ရောက်ခင်ကတည်းက ပါတီဥက္ကဌ ဒေါ်အောင်ဆန်းစုကြည် ရဲ့ နိုင်ငံရေးလုပ်ငန်းစဉ်တွေကို ထောက်ခံခဲ့ပြီး လိုအပ်တဲ့ ဥပဒေရေးရာကိစ္စရပ်တွေ၊ အကြံဥာဏ်တွေကို ပံ့ပိုးပေး ခဲ့တာဖြစ်ပါတယ်။

ဦးကိုနီဟာ ပြန်ကြားရေးဝန်ကြီး ဒေါက်တာဖေမြင့် ဦးဆောင်တဲ့ မြန်မာကိုယ်စားလှယ်အဖွဲ့နဲ့အတူ အင်ဒိုနီးရှားနိုင်ငံ မှာ ကျင်းပတဲ့ Senior Leadership Program ကို တပတ်ကြာသွားရောက် လေ့လာခဲ့တာဖြစ်ပြီး မနေ့ညနေ ၅ နာရီခန့်က ရန်ကုန်လေဆိပ်ကိုရောက်ရှိချိန်မှာ လုပ်ကြံခံလိုက်ရတာ ဖြစ်ပါတယ်။

ဦးကိုနီကို သေနတ်နဲ့ အနီးကပ်လုပ်ကြံသူတစ်ဦးကို အနီးအနားမှာရှိတဲ့ အငှားယာဉ်မောင်းတွေရဲ့ ၀ိုင်းဝန်းကူညီမှုနဲ့ ဖမ်းမိခဲ့ပြီး မင်္ဂလာဒုံမြို့မရဲစခန်းမှာ အချုပ် ရမာန်ယူပြီး စစ်ဆေးနေပါတယ်။

ဦးကိုနီရဲ့ ဈာပနအခမ်းအနားကို နိုင်ငံရေးသမားတွေ၊ ဥပဒေပညာရှင်တွေ၊ ဘာသာရေးအဖွဲ့အစည်းတွေ၊ အန်အယ်လ်ဒီပါတီခေါင်းဆောင်တွေ၊ နယ်ပယ်အသီးသီးက လူပုဂ္ဂိုလ်တွေ တက်ရောက်ခဲ့ကြပါတယ်။

RFA Burmese
http://www.rfa.org/burmese



 ဦးကိုနီ ဆုံးပါးလို့ ဘုန်းဘုန်းလည်း စိတ်ထိခိုက်
ရှေ့နေကြီး ဦးကိုနီဟာ မြန်မာနိုင်ငံ ဝတ်ပေး ခံထားရတဲ့ ညစ်ထေးနေတဲ့ ဖွဲ့စည်းပုံ အင်္ကျီကြီးကို ချွတ်ပေးဖို့ ကြိုးစား နေရာက လုပ်ကြံ သတ်ဖြတ် ခံလိုက်ရတဲ့ အတွက် အင်မတန် ဝမ်းနည်း ရတယ် ဆိုပြီး မန္တလေး မွတ်ဆလင် အသိုင်းအဝိုင်းရဲ့ ဦးစီးဦးဆောင် တစ်ယောက် ဖြစ်တဲ့ ခလီဖွာဟ် ဦးသိန်းဝင်းအောင်က ဘီဘီစီကို ပြောပါတယ်။

အစ္စလာမ်ဘာသာဝင် ဖြစ်လို့ ဦးကိုနီကို လုပ်ကြံတာ မဟုတ်ပဲ NLD ပါတီ အပါအ၀င် ဒီမိုကရေ အင်အားစုကို တိုက်ခိုက် တာ ဖြစ်တယ်လို့ ဦးသိန်းဝင်းအောင်က သူ့ရဲ့ အယူအဆ ကို ပြောပါတယ်။

မင်္ဂလာဒုံ နိုင်ငံတကာ လေဆိပ် ထွက်ပေါက်မှာ ဦးခေါင်းကို အနီးကပ် သေနတ်နဲ့ ပစ်ခတ် သတ်ဖြတ် ခံခဲ့ရတဲ့ ရှေ့နေကြီး ဦးကိုနီရဲ့ ဈာပနကို ရန်ကုန်မြို့၊ ရေဝေး စွန်နီ မွတ်ဆလင် သင်္ချိုင်းမှာ ကျင်းပ နေတာမှာ လူမျိုး ပေါင်းစုံ၊ ဘာသာ ပေါင်းစုံ တခဲနက် တက်ရောက် နေကြပါတယ်။

ဦးကိုနီရဲ့ ရုပ်အလောင်းကို အစောပိုင်းတုန်းကတော့ အမျိုးသား ဒီမိုကရေစီ အဖွဲ့ချုပ်ရဲ့ အလံ လွှမ်းထားပြီး၊ လွမ်းသူ ပန်းခြင်းတွေ ပြည့်လျှံ နေသလို၊ "လူသေပေမယ့် နာမည်မသေ" ဆိုတဲ့ စာသား အပါအဝင် လူအများ ရေးသား ထားတဲ့ ဝမ်းနည်းမှတ်တမ်း တွေကိုလည်း တွေ့မြင် ခဲ့ရပါတယ်။

နိုင်ငံရေး အသိုင်းအဝိုင်းကသူတွေ အပါအဝင် အသွေးအရောင် စုံလှတဲ့ နောက်ခံ အသီးသီးကနေ လာရောက် ကြသူတွေ ရောနှော နေကြရင်းသား ဦးကိုနီ ဈာပန ကျင်းပရာ နေရာမှာ မျက်စိတဆုံး လူပင်လယ်ကြီး ဖြစ်နေပေမယ့် စည်းစနစ် တကျပဲ စီတန်း လမ်းလျှောက် နေကြပြီး ရဲ အစောင့်အရှောက် တွေကိုလည်း ပတ်ဝန်းကျင်မှာ တွေ့နေရပါတယ်။

NLD ပါတီရဲ့ ဗဟို ဥပဒေ အထောက်အကူပြု အဖွဲ့ဝင် ဦးကိုနီ လုပ်ကြံ သတ်ဖြတ် ခံခဲ့ ရတဲ့ အတွက် ပါတီ ကနေ ဝမ်းနည်းကြောင်း သဝဏ်လွှာတွေ ထုတ်ပြန်လာတာ တွေ့နေ ရပေမယ့်၊ ပစ်ခတ် ခဲ့မှုနဲ့ ပတ်သက်ပြီး ဖမ်းဆီးထားသူ အကြောင်းကိုတော့ အာဏာပိုင် တွေ ဘက်က တစုံတရာ ထုတ်ပြန် တာမျိုး မရှိ သေးပါဘူး။

BBC Burmese
http://www.bbc.com/burmese