02/02/17



မြန်မာ့ရုပ်မြင်သံကြား ပရိသတ်များသည် မြန်မာ့ရုပ်မြင်သံကြားအပြင် ပုဂ္ဂလိကရုပ်မြင်သံကြားလိုင်းများ၊ ပြည်ပရုပ်မြင်သံကြား ဘီဘီစီ၊ ဗွီအိုအေ၊ စီအင်အင်စသည့် ရုပ်မြင်သံကြားလိုင်းများကိုပါ ကြည့်ကြပါသည်။
ဘီဘီစီ၊ စီအင်အင် ရုပ်မြင်သံကြားလွှင့်ထုတ်ချက်များမှာ အလွန်အားရစရာကောင်းသည်။ အရေးပေါ် သတင်းများဆိုလျှင် ချက်ချင်းသတင်းထောက်များ၊ ရိုက်ကူးရေးသမားများ သွားရောက်ပြီး ပြည်သူပရိသတ်ကို အချိန်နှင့်အမျှ ချက်ချင်းလွှင့်ထုတ်ပေးသည်။ သူတို့ဌာနမှာဆိုလျှင်လည်း ဤအဖြစ်အပျက်နှင့်ပတ်သက်၍ ဆွေးနွေးဝေဖန်ခန်းများ၊ ထင်မြင်ယူဆချက်များကိုလည်း အချိန်နှင့်တပြေးညီ ထုတ်လွှင့်သည်။

ပြည်သူ ပရိသတ်ကလည်း အလွန်စိတ်ပါဝင်စားစွာ ကြည့်ရှုကြသည်။ ဤသည်မှာ ချက်ချင်းဖြစ်ပေါ်သည့် သတင်းမှန်သမျှကို ဤသို့ပင် လွှင့်ထုတ်ကြသည်။ အကြမ်းဖက်ပစ်ခတ်မှု၊ ပေါက်ကွဲမှု စသဖြင့် မကြာသေးသောကာလက Chrlie Hebdo သတင်းစာတိုက်ကို မွတ်စလင် အကြမ်းဖက်သမားများ ၀င်ရောက်ပစ်ခတ်၍ သေကျေရသောသတင်း စသည်များကို အချိန်နှင့်တပြေးညီ ပြသသွားသည်။ ဖြစ်ပြီဆိုတာနှင့် ရုပ်သံဌာနက အပြေးအလွှား သွားရောက်ရိုက်ကူးရသည်။ ထိုအဖြစ်အပျက်ကို ရုပ်သံလွှင့် စတူဒီယိုတွင် ကျွမ်းကျင်ပညာရှင်များ၊ သက်ဆိုင်သူများက အချိန်နှင့်တပြေးညီ ဝေဖန်ဆွေးနွေးချက်များကို ထုတ်လွှင့်သည်။

အထူးသဖြင့် စစ်မြေပြင်တွင်ပင် သွားရောက်သတင်းယူကာ ပရိသတ်အတွက် သက်စွန့်ဆံဖျား တင်ဆက်ပြသသည်။ Amanpour ဆိုသော CNN သတင်းသမားဆိုလျှင် အမျိုးသမီးပင်ဖြစ်လင့်ကစား ပစ်ခတ်တိုက်ခိုက်နေသောနေရာကိုသွား၍ သတင်းယူသည်။ ရုပ်သံလွှင့်ရင်း ဒုံးကျည်နှင့်ပစ်ခတ်လျှင် ကမန်း ကတန်းခေါင်းငုံ့ကာ မြင်ကွင်းမှ ခေတ္တပျောက်သွားပြီးမှ ပြန်ပေါ်လာကာ ပြန်ပြီးသတင်းကို ပြောပြန်သည်။ ဤသို့လျှင် အသက်အန္တရာယ်ကိုပင် အလေးမထားဘဲ သတင်းကိုတင်ဆက်ပြသသည်။

ယခု မြန်မာ့ရုပ်မြင်သံကြားကိုလည်းကြည့်၍ အားမရသည်များကို ပြောလိုပါသည်။ ဇန်န၀ါရီ ၂၉ ရက် ညနေပိုင်းက ဦးကိုနီကို အကြမ်းဖက်သမားက လေဆိပ်မှာပင် ၀င်ရောက်ပစ်ခတ်လုပ်ကြံသွားသည်။ ဤသည်ကို ယနေ့ထိ အများသူငါများမှာ Facebook စာမျက်နှာ၊ အွန်လိုင်းစာမျက်နှာများတွင်သာ မရေရာ မသေချာစွာ တောပြောတောင်ပြော မျက်ရမ်းမှန်းဆချက်များကိုသာ ဖတ်ရှုနေကြရသည်။ တကယ်ဆိုလျှင် မြန်မာ့ရုပ်မြင်သံကြားဌာနက ဤသည်ကို အချိန်နှင့် တပြေးညီသွားရောက်ရိုက်ကူးပြသရမည်ဖြစ်သည်။

ပုဂ္ဂလိကရုပ်သံလွှင့်ဌာနများကိုတော့ မပြောလိုပါ။ ပြန်ကြားရေးဌာနအောက်က မြန်မာ့ရုပ်မြင်သံကြားကတော့ Breaking News အရေးပေါ်သတင်းဆိုလျှင် အချိန်နှင့်တပြေးညီ ထုတ်လွှင့်သင့်သည်။ မြန်မာ့ရုပ်မြင်သံကြားသည် ဖျော်ဖြေရေးကို ချည်းဇောင်းပေးနေသည်မှာ မသင့်တော်ဘူးဟု ထင်ပါသည်။ ဖြေဖျော်ရေးများ၊ ကြော်ငြာများကိုသာ ဦးစားပေးမနေဘဲ အရေးပေါ်အရေးကြီးသတင်းများကို အချိန်နှင့်တပြေးညီ ထုတ်လွှင့်သင့်သည်။ ထုတ်လွှင့်ရန် ကြိုးပမ်းသင့်သည်။

ယခုဖြစ်ပေါ်သောသတင်းမှာ အာဏာရပါတီ၏ ဥပဒေအကြံပေးပုဂ္ဂိုလ်ကို လေဆိပ်လိုနေရာမျိုးမှာ တံခါးမရှိ၊ ဓားမရှိဝင်ရောက်ပစ်ခတ် လုပ်ကြံသွားခြင်းဖြစ်သည်။ ဘယ်လိုလေဆိပ်မျိုးလဲ၊ လက်နက်ကို အလွယ်တကူကိုင်ဆောင်နိုင်သော နိုင်ငံမျိုးလည်း မဟုတ်။ ဤသတင်းထက်ကြီးသော သတင်း၊ အများပရိသတ် စိတ်အ၀င်စားဆုံး သတင်းမရှိတော့ပါ။

အချိန်နှင့်တပြေးညီ ထုတ်လွှင့်နိုင်ရန် ပြန်ကြားရေးဌာန မြန်မာ့ရုပ်သံမှာ ဘယ်လိုအခက်အခဲများ ရှိနေပါသလဲ။ သိချင်စမ်းပါဘိ။

ချစ်မောင်(အ၀ကျွန်း)
News Watch
https://www.facebook.com/NewsWatchJournal




ရန်ကုန်၊ ဖေဖော်ဝါရီ ၂

၂၀၁၇ ခုနှစ် ဧပြီလ (၁)ရက်​​နေ့တွင်​ ကျင်းပမည့်​ ကြားဖြတ်​​ရွေး​ကောက်​ပွဲအတွက်​ မဲဆန္ဒရှင်​စာရင်း​များကို ဖေ​ဖော်​ဝါရီ လ(၂)ရက်​​နေ့တွင်​စတင်​ပြီး​သက်​ဆိုင်​ရာရပ်​ကွက်​ အုပ်​ချုပ်​​ရေးမှူးရုံး​များတွင် ကပ်​ထား​လျက်ရှိနေပြီဖြစ်သည်။

ဒဂုံမြို့ သစ်​ဆိပ်​ကမ်းမြို့နယ်​နှင့်​ ဒဂုံမြို့သစ်​အ​ရှေ့ပိုင်းမြို့နယ်​များတွင် ယ​နေ့မဲစာရင်းပထမဆုံးကပ်​သည့်​​နေ့၌ အချို့ ရပ်​ကွက်​​များတွင်​ပြည်​သူလူထု အနည်းငယ်​သာ မနက်​ပိုင်းတွင်​လာ​ရောက်​ကြည့်​ရှုကြပြီး အချို့ရပ်​ကွက်​​များတွင်​လာ​ရောက်​ကြည့်​ရှုသူမရှိ​သေး​ကြောင်းသိရသည်။
"ကျွန်​​တော်​တို့ အသံချဲ့စက်​နဲ့မ​နေ့ညကလဲ​အော်​​ပေးတယ်​ခင်​ဗျ၊၊ မနေ့ညက​တော့ရပ်​ကွက်​ထဲကို​ပေါ့​နော်​အနီးစပ်​ဆုံးလမ်းဝင်​လမ်းထွက်​​ကောင်းတဲ့​နေရာ​လေး​တွေမှာ စက်​နဲ့​အော်​​ပေးတယ်​ခင်​ဗျ ၊ ​နောက်​တစ်​ခါဒီမနက်​က​တော့ရုံးမှာပဲ​ပေါ့ ရုံးက​နေပဲအသံချဲ့စက်​နဲ့လှမ်း​အော်​​ပေးတယ်​ခင်​ဗျ ၊ကျန်​တဲ့ဟာက​တော့ ရာအိမ်​မှူး၊ ဆယ်​အိမ်​မှူး​တွေက​နေတစ်​ဆင့်​ပြည်​သူ​တွေသိ​အောင်​လို့​ပေါ့​​နော်​​ပြောထားတာ​လောက်​ပဲရှိပါတယ်​" ဟု ဒဂုံမြို့သစ်​ အ​ရှေ့ပိုင်းမြို့နယ်​ (၁၀၈)ရပ်ကွက်​ အ​ထွေ​ထွေအတွင်း​ရေးမှူး ဦးသန့်​ဇင်​ဦးက​ပြောသည်​။


မဲစာရင်းများကို ဖေ​ဖော်​ဝါရီလ (၁)​ရက်​​နေ့မှ ​ဖေ​ဖော်​ဝါရီလ(၁၄)ရက်​​နေ့ထိကပ်​ထားမည်​ဖြစ်​သည်​။

၂၀၁၇ ခုနစ်​ ကြားဖြတ်ရွေး​ကောက်​ပွဲ အတွက်​ လစ်​လပ်​​နေရာ (၁၉)​နေရာရှိပြီး နိုင်​ငံ​ရေးပါတီ (၂၄) ပါတီမှ ကိုယ်​စားလှယ်​​လောင်း(၈၈)ဦး၊တသီးပုဂ္ဂလ ကိုယ်​စားလှယ်​​လောင်း(၇)ဦး စုစု​ပေါင်း (၉၅)ဦး​၀င်​​ရောက်​ယှဉ်​ပြိုင်​မည်​ဖြစ်​သည်​။

ဓာတ်ပုံ / သန့်ဇင်ထွန်း (Social Watch)
သန့်ဇင်ထွန်း (Social Watch)
Central News Myanmar
https://www.facebook.com/CNMyanmar/


 အမေရိကန်နိုင်ငံ Delaware ပြည်နယ်ရှိ အကျဉ်းထောင်တစ်ခု၌ ထောင်သားများက ထောင်လုံခြုံရေးများအား ထိန်းချုပ်ထားသည်ကို ဝေဟင်မှ မြင်တွေ့ ရစဉ် (ဆင်ဟွာ)
ဝါရှင်တန် ၊ ဖေဖော်ဝါရီ ၂ ရက် (ဆင်ဟွာ)

အမေရိကန်နိုင်ငံ အရှေ့ ပိုင်းပြည်နယ်တစ်ခု၌ ဖေဖော်ဝါရီ ၁ ရက်က အကျဉ်းသား ၂၅ဝဝ ကျော်ရှိ အကျဉ်းထောင်တစ်ခုတွင် ထောင်လုံခြုံရေးဝန်ထမ်းများအား အကျဉ်းသားများက ဓားစာခံအဖြစ် ဖမ်းဆီးခဲ့သည့် ဖြစ်စဉ်ဖြစ်ပွားခဲ့ပြီးနောက်  ၄င်းအကျဉ်းထောင်အား ပိတ်ဆို့ ဝန်းရံထားကြောင်း သိရသည်။
အခင်းဖြစ်ပွားရာ Delaware ပြည်နယ် Smyrna မြို့ ရှိ James T.Vaughn ( JVTCC) အကျဉ်းထောင်သို့ နီးစပ်ရာ ပင်ဆူဗေးနီးယားပြည်နယ်မှ အရေးပေါ်အခြေအနေတုံ့ ပြန်ရေးအဖွဲ့ ဝင် ပေါင်း မြောက်များစွာ အလျင်အမြန်ရောက်ရှိလာခဲ့ကြောင်း သိရသည်။

Delaware ပြည်နယ် အကျဉ်းထောင်အရာရှိများအသင်းဥက္ကဋ္ဌ Geoffrey Klopp က အကျဉ်းထောင်လုံခြုံရေးဝန်ထမ်းများသည် ဓားစားခံများအဖြစ် ဖမ်းဆီးခံထားရကြောင်း ပြောကြားခဲ့သည်။

အကျဉ်းထောင်များစီမံခန့် ခွဲမှုကော်မတီအဖွဲ့ ဝင် William Carson ကလည်း အခင်းဖြစ်ပွားရာ အကျဉ်းထောင်အခြေအနေနှင့်ပတ်သက်၍ “ ဓားစားခံအဖြစ် ဖမ်းဆီးခံထားရတဲ့ မြင်ကွင်းပါပဲ” ဟု ပြောကြားခဲ့သည်။
“ ထောင်လုံခြုံရေးဝန်ထမ်းတွေကို အဆောက်အအုံပြင်ပမှာ ဖမ်းထားတယ်” ဟု ၄င်းကဆိုသည်။

အကျဉ်းထောင်ဌာနပြောခွင့်ရ အမျိုးသမီးက ယင်းမှာ မတော်တဆဖြစ်စဉ်တစ်ခုဖြစ်ပြီး ပြည်သူတို့ ၏ လုံခြုံရေးကို ခြိမ်းခြောက်ခြင်းမရှိကြောင်း ပြောကြားခဲ့သည်။ ပြည်နယ်လုံခြုံရေးတပ်ဖွဲ့ ဝင်များက အကျဉ်းထောင် ပတ်ပတ်လည်ကို ပိတ်ဆို့ ဝန်းရံထားသည်။

၎င်းအကျဉ်းထောင်ကို ၁၉၇၁ ခုနှစ်တွင် တည်ထောင်ခဲ့ခြင်းဖြစ်ပြီး လက်ရှိတွင် ဓားစားခံများ လွတ်မြောက်ရေးအတွက် ဆက်လက်ဆောင်ရွက်လျက်ရှိနေသော်လည်း အသေးစိတ် အခြေအနေကိုမူ မသိရှိရသေးပေ။ 

(Xinhua)
http://xinhuamyanmar.com/

 
ကဗျာဆရာ၊ စာရေးဆရာ၊ ပိတောက်ပွင့်သစ်မဂ္ဂဇင်း အယ်ဒီတာချုပ် မောင်စိမ်းနီဟာ ပြီးခဲ့တဲ့ည သန်းခေါင်ကျော်လောက်က နှလုံးခုန်ရပ်ပြီး ရန်ကုန်မြို့မှာကွယ်လွန်သွားပြီလို့ သတင်းရရှိပါတယ်။
ရန်ကုန်ဆေးရုံကြီးအရေးပေါ်ဌါနရောက်ပြီး မိနစ်ပိုင်းလောက်မှာပဲ ကွယ်လွန်သွားတယ်လို့ ချွေးမဖြစ်သူ မသဲနုဇာခြည်က RFA ကိုပြောပါတယ်။

" နှလုံးရောဂါရှိတာအိမ်ကမသိဘူး၊ သွေးတိုးနဲ့နှလုံးနဲ့တွဲနေတာလေ။ ဒါပေမယ့် အဖေက လှုပ်ရှား သွားလာ  .နေတော့   နှလုံးရောဂါရှိတယ်လို့မထင်ဘူး။ မူးလဲသွားပြီး သတိလစ်သွားတော့ ဆေးရုံသွား တာ၊ ဘာမှတောင် မကြာဘူး။ ဆေးရုံရောက်ရောက်ချင်းဆုံးတာပဲ။ " 

ဆရာမောင်စိမ်းနီဟာ ၁၉၆၂ မျိုးဆက်ဖြစ်သလို၊ ရန်ကုန်ခရိုင်ကျောင်းသမဂ္ဂမှာပါဝင်ခဲ့ပြီး၊ တော်လှန်ကဗျာလှုပ်ရှားမှုလဲပါဝင်ခဲ့ပါတယ်။ မိုးဝေကဗျာအပါအဝင်၊ မဂ္ဂဇင်းပေါင်းများစွာမှာ ကဗျာ၊ ဝတ္ထုတိုတွေရေးသားခဲ့ပြီး၊ ပိတောက်ပွင့်သစ်မဂ္ဂဇင်းကို ဦးစီးတည်ထောင်ထုတ်ဝေခဲ့ပါတယ်။
ဆရာမောင်စိမ်းနီဟာ မဆလအစိုးရခေတ်မှာ အပြာနဲ့အနီသံချပ်အဖွဲ့ကိုတည်ထောင်ခဲ့ပြီး၊ ၂၀၁၀ နောက်ပိုင်းပေါ်ပေါက်လာတဲ့ ကဗျာဆရာသမဂ္ဂမှာလဲ ဥက္ကဌအဖြစ်တာဝန်ယူခဲ့ပါတယ်။ အခု ကွယ်လွန်ချိန်မှာ အသက် ၇၈ နှစ်ရှိပြီဖြစ်ပါတယ်။.       RFA


တရားလွှတ်တော်ရှေ့နေ ဦးကိုနီကို လုပ်ကြံသတ်ဖြတ်မှုရဲက နောက်ကွယ်က ကွင်းဆက်တရားခံလို့ သံသယရှိသူတွေကို ခေါ်ယူစစ်ဆေးမှုတွေ လုပ်နေတယ်လို့ ကရင်ပြည်နယ် ပြည်နယ်မှုး ရဲမှုးကြီး ကြည်လင်းက ပြောပါတယ်။ သံသယရှိသူ ဘယ်နှစ်ဦးကို ဖမ်းဆီးထားတယ်၊ ဒီလူတွေဟာ တကယ်ပဲ လုပ်ကြံမှုနဲ့ ပတ်သက်နေလား ဆိုတာတွေကတော့ မသဲကွဲသေးပါဘူး။ ဦးကိုနီ လုပ်ကြံခံရတဲ့ကိစ္စ အမှုမှန်ပေါ်ပေါက်အောင် လုံခြုံရေးအာဏာပိုင်တွေဖက်က အကောင်းဆုံးကိုင်တွယ်နေပြီး ရလဒ်ပေါ်အောင် စိတ်ရှည်အောင် စောင့်ဆိုင်းပေး ဖို့ကိုလည်း အစိုးရတာဝန်ရှိသူတွေက ပြောပါတယ်။ စုံစမ်းမေးမြန်းထားတဲ့ ဗွီအိုအေ သတင်းထောက် မမေခ သတင်းပေးပို့ထားပါတယ်။

ရှေ့နေ ဦးကိုနီ လုပ်ကြံခံရမှုနဲ့ ဆက်နွယ်ပြီး ကရင်ပြည်နယ်ထဲမှာ သံသယရှိသူလူအချို့ကို ဖမ်းဆီးစစ်ဆေးမှုတွေ လုပ်နေပေမယ့်၊ အဲဒီအထဲမှာ လုပ်ကြံသူသေနက်သမားက သူ့ကို ခိုင်းစေတယ်လို့ ထွက်ချက်ပေး ထားတဲ့ မြင့်ဆွေဆိုသူ ပါ မပါ ဆိုတာကိုတော့ အတည်ပြုချက်မပေးနိုင်သေးဘူးလို့ လုံခြုံရေး တာဝန်ရှိသူတွေက ပြောပါတယ်။ ကွင်းဆက်တရားခံအဖြစ် သံသယရှိသူတွေကို ခေါ်ယူမေးမြန်းနေတာဖြစ်တယ်လို့ ကရင်ပြည်နယ် ပြည်နယ်ရဲမှုးကြီးကြည်လင်းက ဗွီအိုအေကို ပြောပါတယ်။

“ဖမ်းထားတာကတော့ မဟုတ်ပါဘူးခင်ဗျ။ ဦးမြင့်ဆွေတွေကတော့ အများကြီးပဲ ခင်ဗျ၊ စစ်တော့ စစ်နေတာပဲခင်ဗျ ဦးမြင့်ဆွေတွေကို၊ မသင်္ကာတဲ့ လူတွေအများကြီးပဲခင်ဗျ။ ကြိုးစားပြီးတော့ ဆောင်ရွက်နေပါတယ် ကျနော်တို့လေ အချိန်တန်ရင်တော့ သိပါလိမ့်မယ် ကျနော်တို့ အဲဒီဟာတွေတော့ ပြောနိုင်တဲ့ အခြေအနေကျရင်လည်း ကျနော်တို့ ဌာနချုပ်ကနေပြီးတော့ တရားဝင်ပြောမှာပါ။ ကျနော်တို့ကတော့ ဒီဟာတွေ ကြိုးစားပြီးတော့ အမှုမှန်ဖြစ်စေရေးအတွက် အားလုံးတရားခံတွေရော မသက်ဆိုင်တဲ့လူတွေ ဘာမှ မဖြစ်ဖို့ နဲ့ အမှုမှာပဲ ပါဝင်ပတ်သက်တဲ့လူတွေပဲ တရားစွဲဖို့ အားလုံး ကြိုးပမ်းဆောင်ရွက်နေကြ တာပေါ့နော်။”

ရှားရှားပါးပါး လူမြင်ကွင်းမှာ အသတ်ခံလိုက် ရတဲ့ ဒီဖြစ်ရပ်ကို အစိုးရပိုင်းဘက်က ဖိဖိစည်းစည်းကိုင်တွယ်မှု အားနည်းနေတယ်လို့ ယူဆပြီး ဝေဖန်မှုတွေကလည်း ရှိနေပါတယ်။ ဒီအပေါ်မှာ သမ္မတရုံး ပြောရေးဆိုခွင့်ရှိသူ ဦးဇော်ဌေးကတော့ အစိုးရဘက်ကတော့ ဒီအပေါ်မှာ အကောင်းဆုံးလုပ်ဆောင် နေလို့ စိတ်ရှည်စွာစောင့်ပေးဖို့ပြောဆိုလိုက်ပါတယ်။

“ကျနော်တို့ အစိုးရပိုင်းက ပြောလို့ရတာက ဒီကိစ္စကို အထူးအလေးအနက်ထား သေသေချာချာကိုင်တွယ်ဆောင်ရွက်နေတယ်၊ အထူးပေါ့နော် အထူးဦးစားပေးအ နေနဲ့ဆောင်ရွက်နေတယ်၊ ဟုတ် အဲဒါပြောလို့ရပါတယ်။ ကျနော်တို့ ပြောချင်တာကတော့ နံပတ်၁ စုံစမ်းစစ်ဆေးစဲဖြစ်တယ်၊ နံပတ်၂ စုံစမ်းမူတွေအားလုံး မပြီးပြတ် သေးပါဘူး။ နံပတ် ၃ အချက်ကတော့ အဲလိုမျိုး ကျနော်တို့ အားနည်းတယ်ဆိုတာထက် အထူးအလေးအနက်ထားပြီးတော့လုပ်နေတယ်၊ အထူးဦးစားပေးပြီးတော့ လုပ်နေတယ်၊ သေသေချာချာကို ကိုင်တွယ်ဆောင်ရွက်နေပါတယ်။ ကျနော်အဲဒါပြောလိုပါတယ်။”

လက်ရှိဖမ်းမိထားတဲ့ တရားခံ ကြည်လင်းထွက်ဆိုချက်အရ ရာဇ၀တ်မှုနဲ့ထောင်ကျဖူးတဲ့ မြင့်ဆွေ ဆိုသူက ဦးကိုနီ ရဲ့ ဓာတ်ပုံကို ပြပြီး သတ်ပေးမည် ဆိုပါက ကား ၁ စီး ပေးမည်ဟုဆိုကာ ပြောဆိုခဲ့ပြီး လုပ်ကြံရာမှာ အသုံးပြုတဲ့ သေနက်နှစ်လက်ကိုလည်း ပေးခဲ့ကြောင်းပြောဆိုထားပါတယ်။ နောက်ကွယ်စေခိုင်းသူမြင့်ဆွေဆိုသူမှာ မန္တလေးမြို့ မဟာမြတ်မုနိ ဘုရားကြီး တောင်ဘက်မုခ်မှာ ပန်းပုကြေး သွန်းလုပ်ငန်းလုပ်ကိုင်သူခဲ့သူတစ်ဦးဖြစ်ပြီး တရားခံထွက်ဆိုချက်အရ မဲဆောက်မြို့မှာ အခြေချနေထိုင်နေထိုင်တယ် လို့ ကနဦးသိထားလို့ ခုလို ကရင်ပြည်နယ်တွင်း ဖမ်းဆီး စစ်ဆေးမှုတွေလုပ်နေတာပါ။

လက်ရှိအချိန်ထိ ဦးကိုနီလုပ်ကြံခံရတဲ့အမှု စုံစမ်းချက်တွေနဲ့ ပတ်သက်လို့ မြန်မာနိုင်ငံ ရဲတပ်ဖွဲ့က တစ်စုံတရာ တရားဝင်သတင်း ထုတ်ပြန်ခြင်း မရှိသေးပါဘူး။ မနေ့ကတော့ သေနက်သမားကြည်လင်းရဲ့ ထွက်ချက်ဆိုပြီး ရဲစစ်ဆေးချက် စာရွက်တွေ အင်တာနက်ပေါ်မှာ ပေါက်ကြားမှုဖြစ်ခဲ့တာကြောင့် လုံခြုံရေးတပ်ဖွဲ့တွေရဲ့ ကိုင်တွယ်ဆောင်ရွက်မှုအပေါ် ဝေန်မှုတွေလည်းရှိခဲ့ပါတယ်။

 မေခ  / ဗွီအိုအေ (မြန်မာပိုင်း)
http://burmese.voanews.com


အမျိုးသားဒီမိုကရေစီအဖွဲ့ချုပ် (NLD) ပါတီ၏ ဥပဒေအကြံပေး တရားလွှတ်တော်ရှေ့နေ ဦးကိုနီ လုပ်ကြံခံရမှုနှင့်ပတ်သက်၍ မြန်မာနိုင်ငံရဲတပ်ဖွဲ့အနေဖြင့် သတင်းစာရှင်းလင်းပွဲပြုလုပ်သင့်ကြောင်း တရားလွှတ်တော်ရှေ့နေ ဦးရောဘတ်စန်းအောင်က News Watch သို့ ပြောကြားသည်။

မြန်မာနိုင်ငံ ရဲတပ်ဖွဲ့ကို ပြည်သူများ ယုံကြည်မှုပိုမိုမြင့်မားလာစေရန်နှင့် ပြည်သူများ စိတ်ဝင်စားနေသည့် အမှုတခုဖြစ်သောကြောင့် သတင်းစာရှင်းလင်းပွဲပြုလုပ်စေချင်ခြင်းဖြစ်ကြောင်း ၎င်းက ပြောကြားသည်။

“တတိုင်းပြည်လုံးက စိတ်ဝင်စားနေတဲ့ အမှုဖြစ်တဲ့အတွက် ရဲတပ်ဖွဲ့အနေနဲ့ သတင်းစာရှင်းလင်းပွဲလုပ်ပေးရင် ကောင်းတာပေါ့။ သတင်းစာရှင်းလင်းပွဲမှာ သတင်းထောက်တွေ မေးတဲ့မေးခွန်းတွေအပေါ် အခြေံခံပြီးတော့ ဆက်စပ်စဉ်းစားစရာတွေ ရလာနိုင်တာပေါ့။ သတင်းထုတ်ပြန်မှု အားနည်းရင် လူတွေရဲ့ စိုးရိမ်မှုက ပိုဆိုးလာနိုင်တာပေါ့။ ဒီအမှုနဲ့ပတ်သက်တဲ့သတင်းတွေကို ဆက်တိုက် အချိန်နဲ့တပြေးညီ လုပ်ပေးနိုင်ဖို့ လိုပါတယ်”ဟု ဦးရောဘတ်စန်းအောင်က ဖေဖော်ဝါရီ ၁ ရက်တွင် News Watch သို့ ပြောကြားသည်။

ထို့ပြင် Viber မှတဆင့် တရားခံ၏ထွက်ဆိုချက်များ ပျံ့နှံ့ခဲ့ခြင်းမှာလည်း မဖြစ်သင့်ကြောင်းနှင့် ပျံ့နှံ့အောင်ပြုလုပ်ခဲ့သူများကို စစ်ဆေးဖော်ထုတ်ရန် နိုင်ငံတော်လျှို့ဝှက်ဥပဒေဖြင့် အရေးယူသင့်ကြောင်း ၎င်းက ဆက်လက်ပြောကြားသည်။

“ဘာပဲဖြစ်ဖြစ် မပေါက်ကြားရဘူးဗျ။ ပေါက်ကြားတယ်ဆိုကတည်းက မဟုတ်တော့ဘူး။ သတင်းလုံခြုံမှုမရှိတော့ဘူး။ အဲဒီ စာရွက်တွေထဲမှာအပြင်က ကွင်းဆက်တရားခံ အကြောင်းပါနေရင် မင်းပြေးပေတော့လို့ ပြောလိုက်တာနဲ့ အတူတူပဲ။ အချက်ပေးတဲ့ သဘော။ ဒီတာဝန်ရှိတဲ့လူကို ထိထိရောက်ရောက် အရေးယူမယ်။ မြန်မာနိုင်ငံ အစိုးရလျှို့ဝှက်ဥပဒေ ပုဒ်မ ၅၊ ပုဒ်မခွဲ (၂)က တရားရုံးတွေမှာ ကပ်ထားပါတယ်။ ချိတ်ထားပါတယ်။ လက်တွေ့အကောင်အထည်ဖော်ဖို့ လိုတယ်ဗျ။ ဒီတော့ ဒီဥပဒေကို လက်တွေ့အသုံးချပြီး ဒီရဲအရာရှိကို အရေးယူရမယ်။ သူ့ကို Viber နဲ့ ဘယ်ကိုပို့ခိုင်းတာလဲ။ ဘယ်သူက ပို့ခိုင်းတာလဲ။ သူ့ရဲ့တာဝန်က Viber နဲ့ ပို့ရမယ့် တာဝန်လား။ သူ့အဆင့်က ဘာရှိလဲ။ ဒီလိုကိစ္စမျိုးလေးတောင်မှ လုံခြုံမှုမရှိဘူးဆိုရင် ဘယ်လိုလုပ်ကြမလဲ”ဟု ဦးရောဘတ်စန်းအောင်က ပြောသည်။

နန္ဒမျိုးဆောင်
News Watch(စောင့်ကြည့်သတင်းဂျာနယ်)


ရန်ကုန်၊ ဖေဖော်ဝါရီ ၁ –  သြစတြေးလျနိုင်ငံ မဲဘုန်းမြို့မှာ ကျင်းပပြုလုပ်ခဲ့တဲ့ ဒုတိယအကြိမ်မြောက် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံကြိုဆိုထောက်ခံပွဲမှာ အကယ်ဒမီစိုးမြတ်သူဇာ၊ ခိုင်သင်းကြည်နဲ့ အရိုင်းဦး ဆောင်တဲ့ လူရွှင်တော်အဖွဲ့ က အငြိမ့်ကပြ ဖျော်ဖြေခဲ့ကြပြီး တေးသံရှင်ဆောင်းဦးလှိုင်ကလည်း တေးသီချင်းတွေနဲ့ သီဆိုဖျော်ဖြေပေးခဲ့တယ်လို့ သိရပါတယ်။
အခမ်းအနားပြုလုပ်ရတဲ့ အဓိက ရည်ရွယ်ချက်ကတော့ ပြည်တွင်းငြိမ်းချမ်းရေးနဲ့ စစ်မှန်သော ဖယ်ဒရယ်ပြည်ထောင်စုသစ် ပေါ်ထွန်းလာနိုင်ရေးတို့အတွက် နိုင်ငံတော်အတိုင်ပင်ခံ ဦးဆောင်ပြုလုပ်နေတဲ့ ပြည်ထောင်စုညီလာခံကြီး အောင်အောင်မြင်မြင် ဖြစ်စေချင်တာကြောင့် မဲဘုန်းမြို့ရောက် မြန်မာနိုင်ငံသူနိုင်ငံသားအားလုံးစည်းလုံးညီညွတ်စွာနဲ့ ကြိုဆိုထောက်ခံကြတာ ဖြစ်ပါတယ်။
အမျိုးသားဒီမိုကရေစီ အဖွဲ့ချုပ်ဗဟိုအလုပ်အမှုဆောင်ကောင်မီတီဝင် ဦးဝင်းထိန်ထံမှ နှုတ်ခွန်းဆက်အမှာစကား ဗွီဒီယိုဖိုင်ပေးပို့ခဲ့ပါတယ်။
အခမ်းအနားအစီအစဉ်တွေကတော့ပထမပိုင်းမှာ ပြည်ထောင်စု ငြိမ်းချမ်းရေးညီလာခံကြိုဆို ထောက်ခံပွဲ ၊ဒုတိယပိုင်းမှာ အငြိမ့်အစီအစဉ်နဲ့ နောက်ပိုင်းအစီအစဉ်မှာတော့ ဆောင်းဦးလိူင်ရဲ့တစ်ကိုယ်တော်ဖျော်ဖြေမှုတို့ပဲ ဖြစ်ပါတယ်။
တက်ရောက်လာကြတဲ့ တိုင်းရင်းသားအသီးသီးကလည်းသူတို့ရဲ့သဘောထားတွေနဲ့အတူတိုင်းရင်းသားရိုးရာအကတွေနဲ့ ဖျော်ဖြေခဲ့ကြတယ်လို့သိရပါတယ်။
အခမ်းအနားဖြစ်မြောက်ရေးအတွက် အဓိကတာဝန်ယူဆောင်ရွက်ခဲ့ကြတဲ့ အဖွဲ့တွေကတော့ ချင်း၊ ဇွန်မီး ၊ မွန် ၊ ရှမ်း ၊ ကယန်း ၊ ကရင်စတဲ့ တိုင်းရင်းသားတွေနဲ့ NLD Solidarity Association (Australia)အမျိုး သားဒီမိုကရေစီအဖွဲ့ ချုပ်မိတ်ဆွေများအသင်း ၊(သြစတြေးလျ )မြန်မာ့နိုင်ငံရေး တက်ကြွလူပ်ရှားသူတွေနဲ့ တစ် သီးပုဂ္ဂလ တွေက စုပေါင်းဆောင်ရွက်ခဲ့ကြတာဖြစ်ပါတယ်။
အခမ်းအနားကို တက်ရောက်သူစုစုပေါင်းကတော့ လူ၅၀၀ နီးပါးရှိတယ်လို့ သိရပါတယ်။ အခမ်းအနားမှာ အလှူငွေတွေ ကောက်ခံခဲ့ပြီးရရှိတဲ့ အလှူငွေတွေကို ကချင်စစ်ဘေးသင့် ဒေသများကို လျူဒါန်းသွားမယ်လုို့ သိရပါတယ်။
Author ခတ္တာဖြူ
photo ko kyi lwin
http://www.kumudranews.com/art/%E1%81%82%E1%81%81-%E1%80%9B%E1%80%AC%E1%80%85%E1%80%AF%E1%80%95%E1%80%84%E1%80%B9%E1%80%9C%E1%80%B6%E1%80%AF%E1%81%BE%E1%80%80%E1%80%AD%E1%80%B3%E1%80%86%E1%80%AD%E1%80%AF%E1%80%B1%E1%80%91%E1%80%AC/


ဖေဖော်ဝါရီ ၁ ရက်၊ ၂၀၁၇ ခုနှစ်။

ကရင်ပြည်နယ်၊ လှိုင်းဘွဲမြို့နယ်၊ မဲ့သဝေါဒေသ တိုက်ပွဲများဖြစ်ပွားခဲ့သည့်နေရာ ဒေသတွင်းရှိ ထီးနို့ထကျေးရွာ တွင် ဇန်နဝါရီ ၃၁ ရက်နေ့က ရွာသားတစ်ဦး မြေမြှုပ်မိုင်း နင်းမိပေါက်ကွဲမှုကြောင့် ပြင်းထန်သည့် ဒဏ်ရာများ ဖြင့် မြိုင်ကြီးငူဆေးရုံမှတစ်ဆင့် ဖားအံပြည်သူ့ဆေးရုံကြီးသို့ တင်ပို့ ကုသပေးထားကြောင်း သိရှိရသည်။

မြိုင်ကြီးငူကျောက်စာကွင်း ယာယီစစ်ရှောင်စခန်းတွင် နေထိုင်သူ စောအိုဖငါ့နှင့် ရွာသားတစ်ချို့ သည် ၃၁ ရက်နေ့ မနက်ပိုင်းက ၎င်းတို့နေထိုင်သည့် ထီးနို့ထကျေးရွာရှိ ရာဘာခြံများသို့ သွားရောက်ကြည့်ရှုကြပြီး စစ်ဘေးရှောင်စခန်းသို့ ပြန်လာစဉ် ယခင်နှစ် စက်တင်ဘာလဆန်းပိုင်းက တိုက်ပွဲဖြစ်စဉ် ရာဘာခြံတွင်း ထောင်ထားခဲ့သည့် မိုင်းကို နင်းမိခဲ့ရာမှ ဒဏ်ရာရရှိခဲ့ခြင်းဖြစ်သည်ဟု သိရသည်။

စောအိုဖငါ့ အားဆေးရုံသို့ လိုက်ပါ စောင့်ရှောက်ပေးနေသူ စောဝင်းညိုက “ကျနော်တို့ တစ်မနက်လုံးခြံထဲ အ တူရှိနေတာ အတူသွားနေတာ မနင်းမိဘူး ။ ပြန်ကြတော့မယ်ဆိုပြီး ခြံလာပြန်ကြည့်သူတွေ အကုန်ပြန်ထွက် လာနေပြီ။ သူကအဲကျမှ နောက်မှာ မိုင်းနင်းမိသွားတာ။ စိတ်မကောင်းဘူး။ မသေတာ တော်သေးတာပေါ။့ ဒီ လိုသာ ဖြစ်နေရင် ရွာပြန်ဖို့ မရဲတော့ဘူး။ ဘယ်နားသူတို့ ထောင်ခဲ့တာတွေ ရှိနေမှန်း ကိုယ်တွေ မသိတော့ဘူး ” ဟု ကေအိုင်စီသို့ ပြောသည်။

၎င်းအပြင် လူနာအတွက် ကုသရေးပိုင်းတွင် အဆင်ပြေမှုများရှိနေသော်လည်း လူနာနှင့် လူနာအားပြုစုပေးမည့် သူများအနေဖြင့် ဆေးရုံတွင် နေ့စဉ်စားသောက်နေထိုင်ရန် ငွေကြေးအခက်အခဲများရှိနေသဖြင့် ကူညီပေးနိုင်မည့်သူများမှ အကူအညီပေးစေချင်ကြောင်းလည်း ၎င်းက ဖြည့်စွက်ပြောဆိုသည်။

မိုင်းနင်းမိသူ စောအိုဖငါ့ အသက် ၃၆ နှစ်မှာ ထီးနို့ထရွာသားတစ်ဦးဖြစ်ပြီး မိုင်းစများထိမှန်ခဲ့မှုကြောင့် ညာခြေ ထောက်ခြေကျင်းဝတ်မှ ပြတ်ထွက်ဒဏ်ရာ၊ ဘယ်ခြေထောက်၊ ပေါင်နှင့် ခန္ဓာကိုယ်တွင် မိုင်းစအချို့ ထိမှန် ဒဏ် ရာရခဲ့ခြင်း ဖြစ်သည်။

မိုင်းနင်းမိသည့် လူနာအား မြိုင်ကြီးငူတိုက်နယ်ဆေးရုံမှ ကနဦး ကုသမှုများပြုလုပ်ကာ ဖားအံ ပြည်သူ့ဆေးရုံ သို့ ညနေ ၃ နာရီ ၃၀ မိနစ်တွင် လွှဲပြောင်းပေးခဲ့ပြီး ဆေးရုံကြီးမှ လူနာအား ညာဘက်ခြေထောက် ဒူးခေါင်းရင်းမှ ဖြတ်တောက် ခွဲစိတ်ကုသခြင်း၊ ဘယ်ဘက်ခြေထောက် မိုင်းစထိမှန် ဒဏ်ရာများ ကုသပေးခြင်းများ ပြုလုပ်ကာ လိုအပ်သည့် ဆေးဝါးနှင့် ပြုစုပံ့ပိုးစောင့်ရှောက်မှုများ ပြုလုပ်ပေးနေကြောင်း ဖားအံ ပြည်သူ့ဆေးရုံ အရိုးအကြောနှင့် ထိခိုက်ဒဏ်ရာ ကုသမှုဌာနမှ သိရှိရသည်။

ဖားအံ ပြည်သူ့ဆေးရုံကြီး အရိုးဌာန အထူးကုဆရာဝန်ကြီး ဒေါက်တာ ရဲကျော်သူက “ကျနော်တို့ ဆေးရုံကို လူနာရောက်လာချင်းပဲ ခွဲစိတ်ကုသမှုပြုပေးခဲ့တယ်။ ည ၇ နာရီ ၃၀ မှာ ပြီးတယ်။ လူနာလိုအပ်တဲ့ ဆေးကု သမှု ဆက်ပေးထားတယ်။ တစ်ပတ်ကြာ လူနာအခြေအနေ ကောင်းရင် ဆေးရုံဆင်းခွင့်ရမယ်။ ပြီးရင်တော့ တောင်ကလေး ခြေတု၊ လက်တု ဆေးရုံကို ဆက်လွှဲကုသပေးမယ်။ ခြေတု တပ်ဆင်ပြီး သွားနိုင် လာနိုင်တဲ့အထိ ကျနော်တို့ ပြုစုကုသပေးဖို့ စီစဉ်ထားပါတယ်”ဟု ကေအိုင်စီသို့ ပြောသည်။

အဆိုပါ မဲ့သဝေါဒေသ တိုက်ပွဲများဖြစ်ပွားပြီးနောက် ဒေသခံ စစ်ဘေးရှောင်များအနေဖြင့် နေရပ်ပြန်လည် အခြေချနိုင်ရန် မိမိတို့နေထိုင်ရာ ကျေးရွာများရှိ သီးပင်စားပင်နှင့် လယ်ယာ၊ ကျွဲနွားတို့အား အခြေအနေ ပြန် လည် ကြည့်ရှုရာမှ မြေမြှုပ်မိုင်း နင်းမိကာ ထိခိုက်ဒဏ်ရာနှင့် သေဆုံးမှု ဖြစ်စဉ်များ မကြာခဏဖြစ်ပေါ် လေ့ရှိကြောင်း စစ်ဘေးရှောင်များက ပြောဆိုသည်။

မဲ့သဝေါဒေသတွင်း တိုက်ပွဲများကြောင့် နေရပ်စွန့်ခွာထွက်ပြေးရသူ ဒေသခံစစ်ဘေးရှောင်များမှာ ယနေ့အထိ နေရပ် ပြန်လည်အခြေချ မနေထိုင်နိုင်သေးဘဲ မြိုင်ကြီးငူ စစ်ဘေးရှောင်စခန်းတွင်ခိုလှုံနေရဆဲဖြစ်ပြီး လက်ရှိ အဆိုပါ စစ်ဘေးရှောင်စခန်းတွင် လူဦးရေ ၃၅၀၀ ကျော် ကျန်ရှိနေသေးကြောင်း စစ်ဘေးရှောင်တန်းလျား များ အုပ်ချုပ်ရေး တာဝန်ရှိသူများ၏ ပြောပြချက်အရ သိရှိရသည်။

ကဆောဝါး (ကေအိုင်စီ)
http://kicnews.org/


သီရိလင်္ကာ သမ္မတ သီရိသေန
သီရိလင်္ကာ သမ္မတ Maithripala Sirisena ကို နောက်လသေမယ်လို့ မှားယွင်း တွက်ချက်ခဲ့တဲ့ ဗေဒင်ဆရာကို သီရိလင်္ကာ ရဲက ဖမ်းဆီး လိုက်ပါတယ်။

အရင်က တပ်မှာ တာဝန်ထမ်းခဲ့တဲ့ ဗေဒင်ဆရာ Vijitha Rohana Wijemuni က သမ္မတ သေမယ်ဆိုပြီး လူမှု ကွန်ယက်ပေါ်မှာ ဗီဒီယို နဲ့ ဟောခဲ့တာ ဖြစ်ပါတယ်။

ဇန်နဝါရီ ၂၇ ရက်မှာ သမ္မတ သီရိသေန သေနိုင်လောက်တဲ့ ရောဂါ ဝေဒနာ ခံစားရမယ် ဒါမှမဟုတ် မတော်တဆ ဖြစ်မယ် ဆိုပြီး ဗေဒင်ဆရာက ဟောခဲ့တာပါ။

နောက်ပိုင်း သူက သမ္မတ သေမယ့်ရက်ကို အောက်တိုဘာလထဲ ရွှေ့ပြီး ပြင်ဟောပါတယ်။

ဒီလို ပြောဆိုမှုတွေကို အသရေဖျက်မှု မြောက်တယ်လို့ အစိုးရ ရှေ့နေတွေက ဆိုပါတယ်။

ဒီဗေဒင်ဆရာဟာ သီရိလင်္ကာမှာ နာမည်ကြီးတဲ့ ဗေဒင်ဆရာ ဖြစ်ပြီး လွန်ခဲ့တဲ့ နှစ် ၃ဝ ကလည်း အိန္ဒိယ ဝန်ကြီးချုပ် ရာဂျစ် ဂန္ဓီ ကို ပုတ်ခတ်ခဲ့လို့ သူ့ကို ထောင် ခဏ ချခဲ့ဖူးပါတယ်။

BBC Burmese
http://www.bbc.com/burmese



 ဟောင်ကောင် ဟိုတယ်ကနေ ထူးထူးဆန်းဆန်း ပျောက်သွားခဲ့
တရုတ် ကုဋေကြွယ် သူဌေးကြီး တယောက် သူပိုင် ဟောင်ကောင် ဟိုတယ်ကနေ ထူးထူးဆန်းဆန်း ပျောက်သွားခဲ့တဲ့ ဖြစ်ရပ်ဟာ ဟောင်ကောင်ကိုယ်ပိုင် အုပ်ချုပ်ခွင့်နဲ့ ပတ်သက်လို့ မေးခွန်း ထုတ်စရာ ဖြစ်ခဲ့ပါတယ်။

တရုတ်နိုင်ငံရဲ့ အချမ်းသာဆုံး သူဌေးကြီး တွေထဲက တယောက် ဖြစ်တဲ့ Xiao Jianhua ဟာ တရုတ်အာဏာရ ကွန်မြူနစ် ပါတီ ခေါင်းဆောင်တွေနဲ့ ဆက်စပ်နေတဲ့ အရေးကြီးရင်းနှီးမြှုပ်နှံမှု သဘောတူညီချက်တွေ ကနေ ဒေါ်လာသန်း ထောင်နဲ့ချီ အကျိုးအမြတ် ရခဲ့တယ်လို့ ယူဆနေကြတာ ဖြစ်ပါတယ်။

ထင်ရှားတဲ့သတင်းစာတွေကတော့ သူ့ကို စစ်ဆေး မေးမြန်းဖို့ တရုတ် ပြည်မကြီးကို ခေါ်သွားတာဆိုပြီး ရင်းမြစ် မဖော်ပြတဲ့ အတည်ပြုချက်တွေကို ကိုးကား ဖော်ပြနေကြပါတယ်။

ဒါပေမဲ့ ဟောင်ကောင် သတင်းစာ မျက်နှာဖုံးမှာ ဖော်ပြထားတဲ့ မစ္စတာ Xiao ရဲ့ ကြေညာချက် ဆိုတဲ့ အထဲမှာတော့ သူ့ကို ဖမ်းဆီး ခေါ်ဆောင်သွားတာ မဟုတ်ကြောင်း၊ နေမကောင်းလို့ နိုင်ငံခြားမှာ ဆေးသွားကုနေကြောင်း ရေးထားပါတယ်။

၂ဝ၁၄ ခုနှစ်ကလည်း သူ့ကို တရုတ်အစိုးရက သူ့ရဲ့ ခြစားမှုကို စုံစမ်း စစ်ဆေးမှာ စိုးလို့ ဟောင်ကောင်ကို ရွှေ့လာတာ ဆိုတဲ့ စွပ်စွဲချက်ကို မစ္စတာ Xiao က ပယ်ချ ခဲ့ပါတယ်။

ပြီးခဲ့တဲ့ သောကြာနေ့က ဟောင်ကောင်မှာ သူနေတဲ့ လေးရာသီ ဟိုတယ်မှာ နောက်ဆုံး တွေ့ခဲ့ရတာ ဖြစ်ပါတယ်။

မစ္စတာ Xiao ဟာ တရုတ် ကွန်မြူနစ် ပါတီကို သစ္စာရှိတဲ့ မျိုးချစ်ပါ၊ ပြန်ပေးဆွဲခံရတာ မဟုတ်ပါဘူးလို့ သူ့ကုမ္ပဏီက ထုတ်ပြန်ချက်မှာ ပါရှိပါတယ်။

ဒါပေမဲ့လည်း သူပျောက်နေတာဟာ ပါတီရဲ့ လာဘ်စားမှု တိုက်ဖျက်ရေး ကြောင့်လား၊ သမ္မတ ရှီကျင်ပင်းကို ဆန့်ကျင်တဲ့ တရုတ် အစိုးရ ဘက်ပိုင်းနဲ့ ဆက်နွယ်နေသလား မေးစရာတွေ ဖြစ်နေပါတယ်။

ဒါပေမဲ့လည်း သူဟာ ဘယ်အတိုက်အခံ အဖွဲ့အစည်း အင်အားစုနဲ့မှ မပတ်သက်ခဲ့ပါဘူးလို့ မစ္စတာ Xiao က အရင်က ထုတ်ပြန်ခဲ့ဖူးပါတယ်။

BBC Burmese
http://www.bbc.com/burmese


အသက် ၁၀ နှစ် သမီး ဆာဟားနား ခါတွန်ရဲ့ မျက်နှာမှာ လွန်ခဲ့တဲ့ ၄ လက သစ်ခေါက် သဏ္ဌာန် ရှိ ကြွက်နို့ လို အဖုအထစ် တခု ထွက်လာချိန်မှာ သူမ ဖခင်က စိုးရိမ်မှု သိပ်မရှိသေးပါဘူး။

ဒါပေမယ့် ဒီ အနာတွေက တခြား နေရာတွေကိုပါ ပျံ့နှံ့လာတဲ့ အခါမှာတော့ ဖခင်ဖြစ်သူ မိုဟာမက်ရှာဂျာဟန်ဟာ စိုးရိမ်လာပြီး ရွာကနေ ဘင်္ဂလားဒေ့ရှ် မြို့တော် ဒါကာကို သူ့ သမီးအတွက် ဆေးကုသ ဖို့ ထွက်လာခဲ့ပါတယ်။

အခု အချိန်မှာတော့ ဆရာဝန်တွေက ခါတွန်ဟာ အမျိုးသမီးမှာ ပထမဆုံး တွေ့ရတဲ့ သစ်ပင်လူသား လက္ခဏာ လို့ နာမည်ပေးကြတဲ့ သစ်ပင်သစ်ခေါက်လို အဖုအထစ်တွေ လူ့ ခန္ဓာကိုယ် အရေအပြေားကနေ ထွက်တဲ့ ရောဂါ ခံစားနေရတာလား ဆိုပြီး စစ်ဆေးနေပါတယ်။


ဆရာဝန်တွေရဲ့ ရောဂါဖော်ထုတ်ချက်သာ မှန်ခဲ့ရင် အရေပြားကင်ဆာ ဖြစ်နိုင်ချေများတဲ့ မျိုးရိုးဗီဇ အမွေဆက်ခံမှုမှာ ငုပ်ဗီဇ ပေါ်လာပြီး အရေပြားပုံမမှန်မှု ဖြစ်တဲ့ သစ်ပင်လူသား ရောဂါ ခံစားနေရတဲ့ ကမ္ဘာ တဝှမ်းက ရောဂါရှင် လူနည်းနည်း အုပ်စုထဲမှာ ခါတွန်လည်း တယောက် ပါဝင်လာပါမယ်။

ဒါဟာ အင်တန် အဖြစ်နည်းတဲ့ မျိုးရိုးဗီဇဆိုင်ရာ ရောဂါ ဖြစ်ပြီး လူသားရဲ့ လက်တွေ၊ ခြေထောက်တွေမှာ ခြောက်သွေ့ပြီး ကွာကျတတ်တဲ့ သစ်ပင်ခေါက်လို အဖုအထစ်တွေ ထွက်လာစေပါတယ်။

ဒီရောဂါမျိုးကို အမျိုးသားတွေမှာ အများစု တွေ့ရလေ့ရှိပြီး ခါတွန်ဟာ ပထမဆုံး သစ်ပင်လူသား အမျိုးသမီး လူနာ ဖြစ်လာဖွယ် ရှိပါတယ်။


ဘင်္ဂလားဒေ့ရ်ှနိုင်ငံရဲ့ ပထမဆုံး အလားတူ ရောဂါရှင် အသက် ၂၇ နှစ် အရွယ် အဘူးဘာဂျန်ဒါ အမည်ရှိ အမျိုးသားကတော့ ဒါကာဆေးကောလိပ်ဆေးရုံမှာ သီးခြား ခွဲစိတ်ကုသမှု အကြိမ် ၁၆ ကြိမ် လုပ်ခဲ့ကာ မကြာမီ ဆေးရုံက ဆင်းပြီး သူ့ရဲ့ သစ်ပင်အခေါက်တွေ တွယ်ကပ်ခဲ့တဲ့ လက်ဟာ ပြန်လည် အသုံးပြုနိုင်တော့မှာလို့ သိရပါတယ်။

ခါတွန်ရဲ့ ဖခင်ကတော့ သူ့သမီးရဲ့ ရောဂါကိုလည်း ဆရာဝန်တွေက ကုသပေးနိုင်မယ်လို့ မျှော်လင့်နေပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese/


အကျဉ်းသားဟောင်း ဦးအောင်စိုးကို အင်းစိန်မြို့နေအိမ်တွင် တွေ့ရပုံ။ ဦးအောင်စိုးသည် အမျိုးသား ဒီမိုကရေစီ အဖွဲ့ချုပ်၏ လူမှုရေး လုပ်ငန်းတစ်ခုတွင် စေတနာ့ဝန်ထမ်းတစ်ဦးအဖြစ် ကူညီ ဆောင်ရွက်လျက်ရှိသည် (ဓာတ်ပုံ - ဇော်ထက်/Myanmar Now)
ရန်ကုန် (Myanmar Now) – ရှေ့နေဦးကိုနီကို ရန်ကုန်လေဆိပ်တွင် လုပ်ကြံခဲ့သည့် ဦးကြည်လင်းနှင့် ဘုရားခုိုးဂိုဏ်းတွင် လက်တွဲလုပ်ကိုင်ဖူးသူတစ်ဦးက  ရန်ကုန်မြို့လယ်တွင် လုပ်ကြံသတ်ဖြတ်မှုတစ်ခု တာဝန်ယူပေးရန် ယမန်နှစ်က ကမ်းလှမ်းခဲ့ကြောင်း အကျဉ်းသားဟောင်းတစ်ဦးက ထုတ်ဖော်ပြောဆိုလိုက်သည်။

ကမ်းလှမ်းမှုကို သူက ငြင်းပယ်လိုက်ပြီးနောက်ပိုင်း  ဦးကြည်လင်းက တာဝန်ကို လက်ခံကာ အမှုကျူးလွန်လိုက်သည်ဟု ယူဆကြောင်း ထုတ်ဖော်ပြောဆိုသူမှာ ရန်ကုန် အင်းစိန်မြို့နယ်၊ ဖော့ကန် ရပ်ကွက်တွင် နေထိုင်သော ၅၁ နှစ် အရွယ် ဦးအောင်စိုး ဖြစ်သည်။

သူသည် ၂ဝဝ၉၊ ၂ဝ၁ဝ ပြည့်နှစ်တို့တွင် မန္တလေးအိုးဘိုထောင် အဆောင်အမှတ် (၃) တွင် ရှိနေစဉ်  ဦးကြည်လင်း၊ ဦးအောင်ဝင်းဇော်တို့နှင့် ဆုံတွေ့ခဲ့သူ ဖြစ်သည်။

ဦးကြည်လင်း၊ ဦးအောင်ဝင်းဇော်တို့မှာ ဘုရားခုိုးမှုဖြင့် နှစ်ရှည်ထောင်ကျနေသူ အမှုတွဲများ ဖြစ်ကြောင်း ဦးအောင်စိုးက ပြောကြားပြီး၊ ထိုအချိန်က အိုးဘိုအကျဉ်းထောင်တွင် တာဝန် ထမ်းဆောင်ခဲ့သူ အကျဉ်းဦးစီးတာဝန်ရှိသူတစ်ဦး နှင့် နှစ်ရှည်ထောင်ကျခဲ့သော နိုင်ငံရေးအကျဉ်းသားဟောင်း ဦးဘိုဘို ခေါ် စမ်းချောင်းဘိုဘိုကလည်း ထိုအချက်ကို အတည်ပြု ပြောဆိုသည်။

၎င်းတို့ ၃ ဦးလုံးသည် ၂ဝ၁၄ ဇန်နဝါရီတွင် နိုင်ငံတော် လွတ်ငြိမ်းချမ်းသာခွင့်ဖြင့် လွတ်မြောက်လာခဲ့ကြသည်။

၂ဝ၁၆ ဇွန်လတွင် ဦးအောင်ဝင်းဇော်က ဦးအောင်စိုး နေထိုင်ရာ အင်းစ်ိန်မြို့နယ်သို့ ခဲရောင် ပါဂျဲရိုးကားဖြင့် ရောက်ရှိလာပြီး လူသတ်ရမည့်အလုပ် ရှိကြောင်း၊ လူမျိုးခြား ဘာသာခြား နိုင်ငံခြား သံတမန်တစ်ဦးကို နေ့ခင်းကြောင်တောင် မြို့လယ်ခေါင်တွင် ပစ်သတ်ရမည့် အလုပ်ဖြစ်ကြောင်း၊ အလုပ် အောင်မြင်လျှင် အားလုံးအတွက် အကျိုးရှိမည်ဖြစ်ကြောင်း ပြောဆိုခဲ့သည်ဟု ဦးအောင်စိုးက ဆိုသည်။

“ကိုယ့်နိုင်ငံအတွက်၊ ကိုယ့်လူမျိုးအတွက်၊ ကိုယ့်ဘာသာအတွက် အကျိုးရှိမယ်၊ ခင်ဗျား ငွေကြေးလည်း ထိုက်ထိုက်တန်တန် ရမယ်။ ဘယ်လောက်ရမှာလဲလို့ မေးလိုက်တော့ ကျွန်တော့်ကို ခင်ဗျား ဘယ်လောက်လိုချင်လဲ၊ လောလောဆယ် (သိန်း) ၃ဝဝ ပါတယ်၊ ခင်ဗျား ၅ဝဝ ယူမလား၊ ၁,ဝဝဝ ယူမလား မေးတယ်” ဟု ဦးအောင်စိုးက Myanmar Now နှင့် ဇန်နဝါရီ ၃၁ ရက်နေ့က  အင်းစိန်မြို့နယ်ရှိ သူ၏အိမ်တွင် တွေ့ဆုံစဉ်ပြောကြားခဲ့သည်။

အလုပ်လက်ခံပါက  သေနတ်ပစ် လေ့ကျင့်ရန်  တောတွင်းသို့ ချက်ချင်း လိုက်ရမည်၊ လုပ်ကြံမှု ပြုလုပ်သည့်အခါ ဦးအောင်ဝင်းဇော် ကိုယ်တိုင်  ကား သို့မဟုတ် ဆိုင်ကယ်ဖြင့် စောင့်ပြီး သူ့အား ခေါ်ယူ ထွက်ပြေးမည်၊ ကျူးလွန်မှု အထမြောက်ပြီးသည်နှင့် ကရင်ပြည်နယ်ရှိ DKBA တပ်များ လှုပ်ရှားရာ နယ်မြေဘက်သို့ တိမ်းရှောင်ရမည်ဟု သူ့အား ပြောဆိုခဲ့ကြောင်း ဦးအောင်စိုးက ရှင်းပြသည်။

ဦးအောင်စိုးက  ဒုစရိုက်အမှောင်လောကကို ပြန်မသွားလိုတော့ကြောင်း၊ ကောင်းရောင်း ကောင်းဝယ် လုပ်ကိုင်စားသောက်ပြီး မိသားစုနှင့်အတူ နေထိုင်လျက် ရှိနေကြောင်း ပြောဆိုပြီး ကမ်းလှမ်းမှုကို ငြင်းဆန်ခဲ့သည်ဟု ဆိုသည်။

ထိုအလုပ်ကို သူ့အားလာရောက်အပ်နှံခြင်းမှာ သူသည် ယခင်က တပ်ထဲသို့ နှစ်နှစ်ခန့် ဝင်ရောက်ဖူးပြီး သေနတ်ပစ်တတ်ခြင်း၊  အကျဉ်းထောင်အတွင်း နေထိုင်စဉ် အခြားသော ရာဇဝတ် အကျဉ်းသား အများအပြားကဲ့သို့ အကျဉ်းဦးစီးဝန်ထမ်းတို့ကို ကျွန်သာသာ ရိုကျိုး၍ နေသူမဟုတ်ဘဲ သဘောထားတင်းတင်းမာဖြင့် နေတတ်သူဖြစ်သောကြောင့်ဟု ယူဆကြောင်း ဦးအောင်စိုးက ပြောသည်။ ဦးအောင်စိုးမှာ အရပ် ၆ ပေခန့်ရှိပြီး၊ ခိုင်မာ တောင့်တင်းသော ခန္ဓာကိုယ်ရှိ၍ ထောင်တွင်းလူဆိုးများ အချင်းချင်းကြားပင် ကြောက်ရွံ့ရသူဖြစ်သည်ဟု အကျဉ်းသားဟောင်းတချို့က ပြောဆိုသည်။

ယခုအချိန်တွင် အသက် ၄၈ နှင့် ၅ဝ ကြားရှိမမည်ဟု ယူဆရသည့် ဦးအောင်ဝင်းဇော်မှာ အသားညိုညို၊ ပိန်ပိန်ပါးပါး၊  အရပ်ရှည်သူဖြစ်ကြောင်း၊ တပ်မတော် အရာရှိငယ်ဘဝတွင် ပြစ်ချက်ဖြင့် ထုတ်ပယ်ခံရဖူးပြီး နောက်ပိုင်းတွင် ဘုရားခုိုးဂိုဏ်းတချို့နှင့် ပေါင်းပြီး စီးပွားရှာရင်း ထောင်ကျခဲ့သူဖြစ်ကြောင်း ဦးအောင်စိုး၏ ပြောဆိုချက်အရ သိရသည်။

“သူ့ကို ဘာလုပ်နေလဲလို့ ကျွန်တော်က မေးတော့ သူက သူ့ကို တိုက်ခန်းပေးထားတယ်၊ ကားပေးထားတယ်၊ လက်ရှိ ဒီအလုပ်တွေ လုပ်ရတယ် (လို့ ဖြေတယ်)” ဟု ဦးအောင်စိုးက ပြောသည်။

အိုးဘိုထောင်တွင် အတူရှိစဉ် ဦးအောင်ဝင်းဇော်သည် သူ၏အမှုတွဲ ဦးကြည်လင်းနှင့် နီးနီးကပ်ကပ် ဆက်ဆံကြောင်း၊ ၄င်းတို့ နှစ်ဦးလုံးသည် ငွေရလျှင် ဘာမဆိုလုပ်မည့် လူစားများ ဖြစ်ကြောင်း ဦးအောင်စိုးက ဆိုသည်။

ထောင်တွင်းကာလတွင် ဦးကြည်လင်းသည် အေးဆေး တည်ငြိမ်စွာ ပြောဆို နေထိုင်တတ်ပြီး၊ သူ့ကိုထိလျှင် ပြန်လည်တုန့်ပြန်ရန် အသင့်ရှိသည့် အနေအထား တွေ့ခဲ့ရကြောင်းလည်း သူက ဆိုသည်။

ပြီးခဲ့သည့်ရက်ပိုင်းအတွင်း ရန်ကုန်လေဆိပ်ရှေ့တွင် ဖမ်းဆီးရမိသည့် ဦးကြည်လင်း၏ဓာတ်ပုံကို ဖေ့ဘုတ် လူမှုကွန်ရက်တွင် တွေ့ရှိခဲ့ပြီးနောက် သူ့ကို  လာရောက် ကမ်းလှမ်းခဲ့သော အလုပ်မှာ ဦးကိုနီအား သတ်ရန်ဖြစ်သည်ဟု ခိုင်ခိုင် မာမာ ယုံကြည်ကြောင်း ဦးအောင်စိုးက ဆိုသည်။

“သူတို့နှစ်ယောက်လုံးက ထောင်ထဲမှာတုန်းကတည်းက စိတ်တူကိုယ်တူတွေ။ အတူတူ စားတယ်။ အတူတူ အိပ်တယ်။ နှစ်ယောက်လုံးက ငွေရရင် ဘာမဆို ဂရုမစိုက်ဘူး၊ သူတို့က တွဲဖက်ညီတယ်။ ကျွန်တော် မှားသွားရင်တော့ မတတ်နိုင်ဘူး။ ဒါပေမယ့် ကြည်လင်း မျက်နှာကို မြင်လိုက်ကတည်းက သူတို့ အတူလုပ်ကြတယ်လို့ ပြောနိုင်တယ်။ သူတို့တွေ သူငယ်ချင်း အရင်းရင်းခေါက်တွေ” ဟု ဦးအောင်စိုးက ပြောဆိုသည်။

ဦးအောင်စိုး လုပ်ကြံမှုကျူးလွန်ရန် ကမ်းလှမ်းခံရသည် ဟူသော ပြောဆိုချက် မှန်ကန်မှု ရှိမရှိကို Myanmar Now က သီးခြား အတည်ပြုနိုင်ခြင်း မရှိပေ။ အမျိုးသားဒီမိုကရေစီအဖွဲ့ချုပ်၏ ဥပဒေအကြံပေး အစ္စလမ်ဘာသာဝင် ရှေ့နေ ဦးကိုနီလုပ်ကြံခံရခြင်းသည် ပုဂ္ဂိုလ်ရေးအငြိုးအတေးလော၊ ဘာသာရေးလူမျိုးရေးကိုအကြောင်းခံသည်လော သုို့တည်းမဟုတ် နိုင်ငံရေးအရလုပ်ကြံခြင်းဖြစ်သည်လောဆိုသည်ကို ယခုအချိန်ထိ ရှင်းလင်းမှု မရှိသေးပေ။ ဇန်နဝါရီ ၃ဝ ရက်က ထုတ်ပြန်သော နိုင်ငံတော်သမ္မတရုံးကြေညာချက်တွင်မူ ယခုလုပ်ကြံမှုသည် နိုင်ငံတော်တည်ငြိမ်ပျက်ပြားစေရန် လုပ်ဆောင်မှုဖြစ်သည်ဟု ရေးသားထားသည်။

ဦးအောင်စိုးက သူ့အနေဖြင့် ယခုကဲ့သို့ တရားဝင် ထုတ်ဖော်ပြောဆိုမှုများကြောင့် အသက်အန္တရာယ် ကျရောက်နိုင်သည်ကို သဘောပေါက်သော်လည်း အကျဉ်းထောင်အတွင်းတွင် အသက်ဘေးနှင့် ကြိမ်ဖန်များစွာ ရင်ဆိုင်ခဲ့ဖူးသောကြောင့် အလွန်အမင်းစိုးရိမ်စိတ်များ မရှိတော့ကြောင်း၊ ယခုအမှုနှင့် ပတ်သက်၍ နောက်ကွယ်မှ ခိုင်းစေသူများကို ဖော်ထုတ်နိုင်စေလိုသောကြောင့် ထုတ်ဖော် ပြောဆိုရခြင်း ဖြစ်ကြောင်း ပြောကြားသည်။

ဦးအောင်စိုးသည် လုယက်မှုများ ကျူးလွန်မှုဖြင့် ၁၉၉၆ တွင် ထောင်ဒဏ် ၅၈ နှစ် ချမှတ်ခံရပြီး၊ ၂ဝ၁၄ ဇန်နဝါရီ ၃ ရက်နေ့တွင် နိုင်ငံတော်လွတ်ငြိမ်းချမ်းသာခွင့်ဖြင့် လွတ်မြောက်ခဲ့သည်။ ဘုရားခိုးမှုဖြင့် ၂ဝဝ၃ ခုနှစ်မှစ၍ ထောင်ဒဏ်အနှစ် ၂ဝ ကျနေသော ဦးကြည်လင်းသည်လည်း ထုိုနေ့တွင်ပင် လွတ်ငြိမ်းချမ်းသာခွင့်ဖြင့် ထောင်မှ လွတ်မြောက်လာခဲ့ခြင်းဖြစ်ကြောင်း သိရသည်။

လွတ်မြောက်ပြီးနောက် အကျဉ်းထောင်များ၊ ရဲဘက်စခန်းများတွင် ဖြစ်ပျက်နေသော လူ့အခွင့်အရေး ချိုးဖောက်မှုများကို မီးမောင်းထိုးပြသည့်အနေဖြင့် “အုတ်ရိုးအတွင်း သံဆူးကြိုးဝင်းမှ လူဆိုးများ” ဟူသော စာအုပ်ကို အင်းစိန်အောင်စိုး ကလောင်အမည်ဖြင့် ရေးသား ထုတ်ဝေခဲ့သည်။

ထို့အပြင် သူသည် အားလပ်ချိန်များတွင် အင်းစိန်မြို့နယ်၊ ဖော့ကန်ရပ်ကွက်ရှိ အမျိုးသား ဒီမိုကရေစီ အဖွဲ့ချုပ်၏ အမေ့အိမ်ပညာဒါနစာသင်ကျောင်းတွင် ကလေးငယ်များကို ဆံပင် အခမဲ့ ညှပ်ပေးခြင်း၊   သူ၏ဘဝအတွေ့အကြုံပေါ် အခြေခံပြီး ပညာပေး ဟောပြောခြင်းတို့ဖြင့် လုပ်အားပေးလျက်ရှိသည်။    ။

ဆွေဝင်း/Myanmar Now
ရေးသားသူ - Myanmar Now 01/02/2017
http://www.myanmar-now.org


သမိုင်းဝင်ပင်လုံညီလာခံကို တက်ရောက်သတင်းယူခဲ့သူ၊ ပင်လုံစာချုပ်ချုပ်ဆိုတာကို မျက်မြင်တွေ့ရှိခဲ့သူ ဖြစ်တာကြောင့် လေးစားသူတွေက သက်ရှိ ပင်လုံလို့ တင်စား ခေါ်ဝေါ်ခံရသူ မြန်မာအလင်းသတင်းစာရဲ့ သတင်းထောက်၊ စာရေးဆရာ၊ ပါလီမန်ဒီမိုကရေစီခေတ်က လွှတ်တော်ကိုယ်စားလှယ် ဖြစ်တဲ့ ဦးစံအောင်ဟာ အင်္ဂါနေ့ ညပိုင်းက တောင်ကြီးမြို့မှာ ကွယ်လွန်ခဲ့ပါတယ်။ ဦးစံအောင်ဟာ ပင်လုံစာချုပ်ပါ သဘောတူညီချက်တွေ အကောင်အထည်ပေါ်ရေး ကို နောက်ဆုံးအချိန်ထိ မျှော်လင့်ခဲ့သလို တောင်သူလယ်သမားအရေးကိုလည်း အလေးထားဆောင်ရွက်ခဲ့သူ ဖြစ်ပါတယ်။ ဦးစံအောင်ရဲ့ နာရေးသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က အခုလို တင်ပြထားပါတယ်။

ဦးစံအောင်ဟာ အသက် ၉၃နှစ်အရွယ်မှာ တောင်ကြီးမြို့က နေအိမ်မှာ ကွယ်လွန်ခဲ့တာဖြစ်ပါတယ်။ ဦးစံအောင်ကွယ်လွန်သွားတာနဲ့ပတ်သက်ပြီး သားဖြစ်သူ ဦးကျော်ကျော်စံက အခုလို ပြောဆိုပါတယ်။

“မနေ့ညက ၁၀ နာရီ ၃၄ မိနစ်ပေါ့ ဆုံးသွားတယ်။ သူက ခါးအရမ်းနာတယ် လို့ပြောတယ်၊ အဲဒီတော့ ဆရာဝန်ခေါ်ပေးတယ် အဲဒီ ဆရာဝန်က ဆေးထိုးပေး တယ် ၊ အဲဒီဆေးက အန်လိမ့်မယ်လို့ပြောတယ် ဆရာဝန်က ။ အဲဒီတော့ ဆေးထိုးပြီး အစားစားတဲ့အချိန်အန်လာတယ်၊ ပထမ တခေါက်အန်တယ်၊ နောက် ဒုတိယ တခေါက်အန်တဲ့ အချိန်မှာ တော်တော်မော သွားပြီး သတိလစ်သွားတယ်ခင်ဗျ။ အဲဒီကနေပြီးတော့ ဆေးကလည်း မှိန်းတဲ့ဆေးပါမယ် ထင်တယ်၊ အဲလိုမှိန်းပြီးမြောပြီး အသက်ပါ ပါသွားတယ်ပေါ့”

ဦးစံအောင်ကို ၁၉၂၄ ခုနှစ် အောက်တိုဘာ ၁၄ ရက်တွင် တောင်ကြီးမြို့မှာ ရဲဝန်ထောက် ဦးမောင်မောင်ကြီး နဲ့ ဒေါ်ခင်ထွေးတို့က မွေးဖွားခဲ့တာဖြစ်တယ်။

အသက် ၁၅ နှစ်အရွယ်မှာ တောင်ကြီးမြို့က ABM ခေါ် အမေရိကန်နှစ်ခြင်း ခရစ်ယာန် သာသနာပြုကျောင်းမှာ ပညာသင်ကြားပြီး အဲဒီအချိန်မှာပဲ မြန်မာ့အလင်း သတင်းစာတိုက်ကို သတင်းများ ရေးသားပေးပို့ရင်း အကျိုးတော်ဆောင် သတင်းထောက်အဖြစ် ခန့်ထားခံခဲ့ရပါတယ်။

သတင်းထောက်အဖြစ်နဲ့ မဲနယ်တောင်ဒေသမှာ ပအိုဝ်းရွာတွေ အငတ်ဘေး ကျရောက်တဲ့ သတင်းရေးသားခဲ့တာကြောင့်လည်း အင်္ဂလိပ်အစိုးရက ဖမ်းဝရမ်းထုတ်ခံခဲ့ရသလို နောက်ပိုင်းမှာ သတင်းဖြစ်ရပ် မှန်ကန်တာကြောင့် အရေးယူ မခံခဲ့ရပါဘူး။

မြန်မာနိုင်ငံ လွတ်လပ်ရေးရပြီးနောက်မှာတော့ ဦးစံအောင်ဟာ၁၉၅၂ မှ ၁၉၅၆ ခုနှစ်အထိပြည်သူ့လွှတ်တော် ကိုယ်စားလှယ်အဖြစ် တာဝန် ထမ်းဆောင်ခဲ့ဖူးပါတယ်။

ဦးစံအောင်ဟာ ပင်လုံညီလာခံကို တက်ရောက်ခွင့်ရခဲ့တဲ့ သတင်းထောက်ဖြစ်ပြီး ၁၉၇၀မှာစတင်ထုတ်ဝေတဲ့ညီညွတ်ရေးအရေးတော်ပုံ ခေါ် ပင်လုံအတွင်းရေးစာအုပ်ဟာလည်း ထင်ရှားတဲ့ စာအုပ်တအုပ်ဖြစ်ပါတယ်။

ဦးစံအောင်က ပင်လုံစာချုပ်အရ ဖက်ဒရယ်ပြည်ထောင်စုပေါ်ပေါက်ရေး ကို နောက်ဆုံးအချိန်ထိ မျှော်လင့်နေခဲ့ကြောင်းရှစ်လေးလုံးရှမ်းပြည် နိုင်ငံရေးအင်အားစုအဖွဲ့က ဦးတင်မောင်တိုး က အခုလို ပြောပါတယ်။

“သူက ဒီပင်လုံစာချုပ်နဲ့ ပတ်သက်ပြီးတော့လည်း တော်တော်လေး ခံစားချက်ပြင်းတယ်လေ၊ နောက်ပြီး သူက ဒီစာချုပ်ထဲက အချက်တွေ အကောင်အထည်မပေါ်လာတဲ့အတွက်လည်း အခုအထိ ဆုံးတဲ့အထိပေါ့လေ မျှော်လင့်နေတုန်းပဲ၊ ဒီ ၂၁ ရာစု ပင်လုံကို မျှော်လင့်နေရင်းနဲ့ပဲ ကွယ်လွန်သွားတာပါ။ ဖက်ဒရယ်ပြည်ထောင်စုပဲ ပေါ့ သူမျှော်လင့်တာကတော့။”

ဦးစံအောင် တောင်သူလယ်သမားအရေးကိုလည်း မကွယ်လွန်မီ အထိ ဆောင်ရွက်ခဲ့တယ်လို့လည်း ဆက်ပြောပါတယ်။

“ ဒီ ၂ နှစ် ၃ နှစ်အတွင်းမှာလည်း သူက TPA ဂျပန် NGO အဖွဲ့ နဲ့ ချိတ်ဆက် ပြီးတော့မှ ကျနော်တို့ တောင်သူလယ်သမားတွေကို သင်တန်းတွေ ပေးတယ၊်ပြီးတော့ ပန်ကားရွာမှာ စိုက်ပျိုးရေးကျောင်းရှိတယ်လေ၊ အဲဒါကို ချိန်ဆက်ပြီးတော့မှသင်တန်းတွေပေးတယ်။ နောက်ပြီးတော့ အဓိက အင်းလေးကန်၊ အင်းလေးကန် စိမ်းလန်းစိုပြေရေးအတွက်လည်း ဒီအင်းလေးကန်က တောင်သူလယ်သမားတွေကို သူအများကြီး အဖွဲ့အစည်းတွေ ဖွဲ့ပေးထားတယ်၊ နောက် NGO နဲ့ ချိန်ဆက်ပေးတာပေါ့။”

အစ္စလာမ်ဘာသာဝင်တဦးဖြစ်တဲ့ ဦးစံအောင်ရဲ့ ဈာပနကိုတော့ ဗုဒ္ဓဟူးနေ့ နေ့လည် -နာရီမှာ တောင်ကြီးမြို့က မွတ်ဆလင်မ် သုသာန်တွင် မြေမြှုပ်သင်္ဂြိုလ်ခဲ့ပါတယ်။

ဦးစံအောင်ကွယ်လွန်ချိန်မှာ ဇနီးဖြစ်သူ ဒေါ်အေးမြ၊ သားဦးညီညီစံ၊ ဦးကျော်ကျော်စံနဲ့ သမီး ဒေါ်မိုးမိုးစံသမီး နဲ့ မြေး ၂ ယောက် ကျန်ရစ်ခဲ့ပါတယ်။

 ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com


ဖေဖော်ဝါရီ ၁ ရက်၊၂၀၁၇ ခုနှစ်။ စအိုင်ဆူး (ကေအိုင်စီ)

ကရင်လက်နက်ကိုင် တော်လှန်ရေးအဖွဲ့များအနေဖြင့် မိမိရပ်တည်ချက်ကို ပြန်ဆန်းစစ်ကြရန် အချိန်တန်ပြီဟု ဇန်န၀ါရီ ၃၁ ရက်နေ့က ကရင်အမျိုးသား အစည်းအရုံး-KNU ဖာပွန်ခရိုင်တွင် ကျင်းပသည့် ၆၈ နှစ်မြောက် ကရင်အမျိုးသား တော်လှန် ရေးနေ့ အခမ်းအနား၌ ကရင်အမျိုးသားလွတ်မြောက်ရေး တပ်မတော်-KNLA ဒုစစ်ဦးစီးချုပ်ဖြစ်သူ ဒုတိယဗိုလ်ချုပ်ကြီးစော ဘောကျော်ဟဲက ပြောကြားလိုက်သည်။

ဒုဗိုလ်ချုပ်ကြီး စောဘောကျော်ဟဲက “DKBA၊ PC၊ KNLA၊ KNDO ဘယ်အဖွဲ့ပဲဖြစ်ဖြစ် ကရင်ပြည်သူတွေအတွက် လုပ်နေ ကြတယ်လို့ပဲ ကိုယ့်ကိုယ်ကို သတ်မှတ်ခံယူကြတယ်။ ကိုယ်လက်နက်ကိုင်တာနဲ့ ကိုယ့်လူမျိုး အတွက်လုပ်နေတာ က ကိုက်ညီမှုရှိရဲ့လား၊ ကိုယ်ပြောသလို ကိုယ်လုပ်နေရဲ့လားဆိုတာကို သေချာပြန် ဆန်းစစ်ကြဖို့ အချိန်တန်ပြီး”ဟု အဖွင့်မိန့် ခွန်းတွင် ပြောကြားခဲ့သည်။

ထို့အပြင် ကရင့်လက်နက်ကိုင်များအနေဖြင့် အပြောတစ်မျိုးအလုပ်တစ်မျိုး လုပ်ဆောင်နေခြင်းသည် မိမိလူမျိုးကို ပြန် လည်ဖျက်ဆီးရာ ရောက်သည့်အတွက် မိမိပြည်သူ၏ ဆန္ဒအတိုင်း ဖြစ်နိုင်သည့် နည်းလမ်းများဖြင့် ပြန်လည်ပေါင်းစည်းကြ ရန်လိုအပ်ပြီးဖြစ်ကြောင်းလည်း ဒုတိယဗိုလ်ချုပ်ကြီး စောဘောကျော်ဟဲက တိုက်တွန်းပြောဆိုလိုက်သည်။

KNU လက်အောက်ခံ KNLA တပ်မတော်နှင့် ကရင်အမျိုးသားကာကွယ်ရေးအဖွဲ့-KNDO တို့မှလွဲ၍ ဒီမိုကရေစီအကျိုးပြု ကရင်တပ်မတော်-DKBA၊ ယမန်နှစ်က ပြန်လည်ဖွဲ့စည်းသည့် တိုးတက်သော ဗုဒ္ဓဘာသာ ကရင်အမျိုးသား တပ်မတော် -DKBA ၊ ကရင်ငြိမ်းချမ်းရေးကောင်စီ -KNU/KNLA (PC)၊ နှင့် မြန်မာအစိုးရတပ်မတော် လက်အောက်ခံ ကရင်နယ်ခြား စောင့်တပ်-BGFတို့သည် သက်ဆိုင်ရာ နယ်မြေဒေသအလိုက်တွင် အခြေစိုက်လှုပ်ရှားနေကြသည့် ကရင်လက်နက်ကိုင် အဖွဲ့များဖြစ်သည်။

ဖာပွန်ခရိုင်တွင် ကျင်းပသည့် ကရင့်တော်လှန်ရေးနေ့ အခမ်းအနားသို့ KNLA စစ်ဘက်ဆိုင်ရာ ခေါင်းဆောင်များ၊ ကိုရီး ယား၊ ထိုင်းနိုင်ငံမှ အထူးဧည့်သည်များ၊ ပြည်တွင်း၊ နယ်စပ်ရှိကျောင်းသား/သူများ၊ ဒေသခံပြည်သူလူထုများ စုစုပေါင်း ၃၀၀၀ ကျော်တက်ရောက်ခဲ့ပြီး KNU ဥက္ကဌ ဗိုလ်ချုပ်ကြီး စောမူတူးစေးဖိုး၏ မိန့်ခွန်းကို ဖတ်ကြားခြင်း၊ ဒုစစ်ဦးစီးချုပ် ဒု-ဗိုလ်ချုပ်ကြီး စောဘောကျော်ဟဲ၊ ဖာပွန်ခရိုင် ဥက္ကဌ ပဒိုစောဒီ့ဂေဂျူးနီယာတို့က မိန့်ခွန်းပြောကြားခြင်းနှင့် ကရင်အမျိုးသား တော်လှန်ရေးဖြစ်ပေါ်လာပုံတို့ကို ဖတ်ကြားခဲ့သည်။

ထိုနေ့ အခမ်းအနားသို့ တက်ရောက်သူ စောယာဟလေလေးလက “တော်လှန်ရေးလုပ်နေတဲ့ ကရင်တွေကော ပြည် တွင်းရော၊ ပြည်ပရောက် ကရင်တွေအားလုံးအနေနဲ့ ကျနော်တို့ ကရင့်တော်လှန်ရေးက မပြီးဆုံးသေးပါဘူး။ ဒါကြောင့် ကျနော်တို့ တာဝန်မကျေသေးပါဘူး။ ကရင့်တော်လှန်ရေးက တရားတဲ့တော်လှန်ရေးဖြစ်တဲ့အတွက် တစ်နေ့ မ¬¬ုချအောင်မြင် မှာပါ” ဟု ကေအိုင်စီသို့ ပြောသည်။

ဖဆပလ အစိုးရ လက်ထက် ၁၉၄၉ ခုနှစ်၊ ဇန်န၀ါရီ ၃၁ ရက်နေ့တွင် အစိုးရတပ်နှင့် KNDO တပ်တို့ အကြား တိုက်ပွဲများ စတင်ဖြစ်ပေါ်သည့်နေ့ကို အစွဲပြုပြီး ကရင့်တော်လှန်ရေးနေ့အဖြစ် ကရင်အမျိုးသားများက သတ်မှတ်ခဲ့ခြင်းဖြစ်သည်။ ယခုနှစ် ကျရောက်သည့် ကရင်အမျိုးသားတော်လှန်ရေးနေ့ကို KNU ခရိုင်၊ တပ်မဟာများအပါအ၀င် ပြည်ပရောက် ကရင် အမျိုးသားများကလည်း ဂုဏ်ပြု ကျင်းပခဲ့ကြသည်ဟု သိရသည်။

စအိုင်ဆူး (ကေအိုင်စီ)
http://kicnews.org



မြန်မာနိုင်ငံဆိုင်ရာ တောင်ကိုရီးယား သံအမတ် Yoo Jae- Kyung (ဓါတ်ပုံ- Korean Embassy in Myanmar's facebook)
အရေးယူခံထားရတဲ့ တောင်ကိုးရီးယားသမ္မတ ပက်ဂွန်ဟေးရဲ့ နိုင်ငံရေးအရှုပ်တော်ပုံမှာ အဓိက ပါဝင်ပတ်သက်နေတဲ့ သူရဲ့လူယုံတော် အကြံပေး Choi Soon-sil နောက်ထပ်ရင်ဆိုင်နေရတဲ့အမှုမှာ မြန်မာနိုင်ငံနဲ့ ပတ်သက်နေပါတယ်။

သူဟာ မြန်မာနိုင်ငံအတွက် ကူညီထောက်ပံရေးအစီအစဉ်ကနေ အမြတ်အစွန်းရဖို့ မမှန်ကန်တဲ့ နည်းလမ်းတွေအသုံးပြုခဲ့တယ်ဆိုတဲ့ စွဲချက်နဲ့ နောက်ထပ် ဖမ်းဝရံထုတ်ခံထားရပြီး မြန်မာနိုင်ငံဆိုင်ရာ တောင်ကိုးရီးယားသံ အမတ်အသစ် Yoo Jae-kyung ကိုလည်း Seoul မြို့တော်ကို ဆင့်ခေါ်ပြီး စစ်ဆေးနေပါတယ်။

စုံစမ်းမေးမြန်းထားတဲ့ မအင်ကြင်းနိုင်က အပြည့်အစုံကို ဆက်ပြီးပြောပြမှာပါ။

သမ္မတ ပက်ဂွန်ဟေးရဲ့ အမျိုးသမီး လူယုံတော်အကြံပေး Choi Soon-sil ဟာ တောင်ကိုရီးယားအစိုးရရဲ့ မြန်မာနိုင်ငံထောက်ပံရေးအစီအစဉ်နဲ့ ဘယ်လိုပတ်သက်နေသလဲဆိုတာ စုံစမ်းစစ်ဆေးဖို့ မြန်မာနိုင်ငံဆိုင်ရာ တောင်ကိုးရီးယားသံအမတ်ကို လွတ်လပ်တဲ့စုံစမ်းစစ်ဆေးရေးအဖွဲ့ က Seoul မြို့တော်ကို ဆင့်ခေါ်ခဲ့တာဖြစ်ပါတယ်။

မြန်မာနိုင်ငံထောက်ပံရေး အစီစဉ်တွေထဲမှာ လက်ရှိစစ်ဆေးခံနေရတဲ့ K-Town ပရောဂျက်လို့ခေါ်တဲ့ အမေရိကန်ဒေါ်လာ ၆၅ သန်းကုန်ကျမယ့် ကွန်ဗန်ရှင်း စင်တာဆောက်ဖို့ ကွန်ထရက် ကိစ္စ အပါအ၀င် တောင်ကိုရီးယား စီးပွားရေးလုပ်ငန်းရှင်တွေကို မြန်မာနိုင်ငံမှာ ရင်းနှီးမြှုပ်နှံဖို့ ခေါ်သွားမယ့်အစီအစဉ်တွေပါဝင်တာပါ။ အဲဒီကနေ ရလာမယ့် အမြတ်အစွန်းတွေကို သူ့အနေနဲ့ ခံစားခွင့်ရဖို့ Choi ကရည်ရွယ်ထားတယ်လို့ စုံစမ်းရေးမှူးတွေက ယူဆထားပါတယ်။

ဒါအပြင် ဒီအစီအစဉ်ကို အကောင်အထည်ဖေါ်ဖို့ လက်ရှိမြန်မာနိုင်ငံဆိုင်ရာ တောင်ကိုရီးယားသံအမတ် Yoo Jae-kyung ယူဂျေဂျုံးကို ခန့်အပ်ဖို့အတွက် သမ္မတ ပတ်ဂွန်ဟေးကို Choi ကအဆိုပြုခဲ့တာဖြစ်ပါတယ်။

Seoul မြို့တော်ကိုရောက်ရှိနေတဲ့ သံအမတ်ကြီး Yoo Jae-kyung က စုံစမ်းစစ်ဆေးမခံရခင် သတင်းထောက်တွေနဲ့ တွေ့ဆုံရမှာ သူနဲ့ Choi နဲ့ ပတ်သက်မှုရှိတဲ့ စွပ်စွဲချက်ကို ၀န်မခံခဲ့ပါဘူး။ သူက အခုလိုပြောသွားပါတယ်။

“ကျနော့်ကို သံအမတ်ကြီးရာထူးခန့်အပ်ဖို့ နောက်ကွယ်မှာ အကျိုးစီးပွားနဲ့ အကြံပြုခဲ့တယ်ဆိုရင် အဲဒီအကြံပြုခဲ့တဲ့သူဟာ လူမှားပြီးရွေးခဲ့တယ်လို့ ကျနော်ပြောနိုင်ပါတယ်။ ကျနော်ဟာ အဲဒီလို လူစားမျိုး မဟုတ်ပါဘူး။”

ဒါပေမဲ့လည်း သူ့ကို စုံစမ်းစစ်ဆေးမှုအပြီးမှာ သံအမတ်ရာထူးခန့်အပ်ဖို့အတွက် Choi က အဆိုပြုခဲ့တယ်လို့ Yoo က ၀န်ခံခဲ့ပါတယ်။

Yoo ဟာ သံတမန်ရေးဆိုင်ရာ အတွေ့အကြုံတခါမှ မရှိတဲ့အပြင် Samsung ကုမ္ပဏီရဲ့ အမှုဆောင်ညွန်ကြားရေးမှူးဟောင်းတဦးဖြစ်ပါတယ်။ သမီးဖြစ်သူ Chung Yoo-ra ကနေတဆင့် Choi Soon-sil နဲ့ Yoo တို့ တွေ့ဆုံရင်းနှီးခဲ့သလားဆိုတာကို စုံစမ်းရေးမှူးတွေက စစ်ဆေးမေးမြန်းနေပါတယ်။

သူ့အရင် မြန်မာနိုင်ငံဆိုင်ရာ တောင်ကိုးရီးယားသံအမတ်ကြီး Lee Baek-soon ဟာ Choi ရဲ့ အစီအစဉ်မှာ ပူးပေါင်းဆောင်ရွက်မှုမလုပ်ခဲ့ တဲ့အတွက် Yoo Jae-kyung ကို သံအမတ်အသစ်အဖြစ် ၂၀၁၆ခုနှစ်မှာ ပြောင်းလဲခန့် အပ်ခဲ့တာဖြစ်တယ်လို့ ကိုရီးယားသတင်းတွေမှာ ဖေါ်ပြထားပါတယ်။ မြန်မာနိုင်ငံ ထောက်ပံရေး အစီအစဉ်ထဲကနေ အကျိုးအမြတ်တွေခံစားခွင့်ရဖို့ Choi ရည်ရွယ်ထားကြောင်း ခိုင်လုံတဲ့အချက်တွေကို စုံစမ်းစစ်ဆေးရေးအဖွဲ့က တွေ့ရှိလာနေတယ်လို့ တောင်ကိုရီးယားနိုင်ငံမှာ နေထိုင်တဲ့ မြန်မာ့အရေးလှုပ်ရှားနေသူ ကိုရန်နိုင်ထွန်းက ပြောပါတယ်။

"အဓိကကတော့ မြန်မာနိုင်ငံမှာ K-Town ပရောဂျက်ဆိုပြီးတော့ အကြီးအကျယ်ပြင်ဆင်ပါတယ်။ လွန်ခဲ့တဲ့တနှစ်လောက်ကတည်းက ပြင်ဆင်ခဲ့တယ်။ အဲဒီကိစ္စမှာ အမှုတွေ ပေါ်ပေါက်လာတဲ့အတွက် မဖြစ်ခဲ့ဘူးပေါ့နော်။ လုပ်ဖို့ တော်တော်ကြီးကို စိုင်းပြင်နေပြီး တော်တော်ကြီးကို စိုင်းပြင်းနေပြီး နေရာတွေဘာတွေ ရှာထားပြီးပြီ။ ရှစ်မိုင်နေရာမှာ။ မြေနေရာတွေရှာထားပြီးပြီ။ အဲဒီကိစ္စကိုလုပ်ဖို့အတွက် အကောင်အထည်ဖေါ်ဖို့အချိန်မှာ ဒီပြဿနာဝင်လာပြီးတော့၊ သမ္မတရဲ့ လူယုံအကြံပေးကို စစ်ဆေးတဲ့အထိ ဖြစ်လာပြီးတော့ ဒီကိစ္စက မဖြစ်သွားဘူးပေါ့နော်။ မြန်မာနိုင်ငံမှာ ရင်းနှီးမြှုပ်နှံမယ့် စီးပွားရေးလုပ်ငန်းရှင်တွေနဲ့ သံအမတ်နဲ့ သမ္မတ လူယုံ တို့ ပါဝင်ပတ်သက်မှုက အခုချိန်ထိ ရှိနေတုန်းပဲ။ ဒီကိစ္စတွေက တဖြေးဖြေးနဲ့ ပေါ်လာတာပေါ့လေ။"

ဒါအပြင် မြန်မာနိုင်ငံဆိုင်ရာ တောင်ကိုရီးယားသံအမတ် Yoo Jae-kyung ကိုလည်း သူ့အပေါ်စွပ်စွဲချက်တွေမှန်ကန်မယ်ဆိုရင် သံအမတ်ရာထူးကနေ နှုတ်ထွက်ရမှာဖြစ်ပြီး ထိုက်သင့်တန်အပြစ်ဒဏ်ကျခံရဖို့ရှိတယ်လို့ ကိုရန်နိုင်ထွန်းကပြောပါတယ်။

ပြီးခဲ့တဲ့နှစ်ကတည်းက ဖမ်းဆီးခံထားရတဲ့ Choi ကို လွတ်လပ်တဲ့ စုံးစမ်းစစ်ဆေးရေးအဖွဲ့က အင်္ဂါနေ့က ဖမ်းဝရံထုတ်ပြီး မြန်မာနိုင်ငံနဲ့ပတ်သက်ပြီး လာဘ်စားမှုရှိမရှိ စစ်ဆေးမေးမြန်းခဲ့ပေမယ်လို့ သူက ဖြေဆိုဖို့ ငြင်းဆန်ခဲ့ပါတယ်။

 အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


ဇန်န၀ါရီ ၂၉ ရက်နေ့က ရန်ကုန်အပြည်ပြည်ဆိုင်ရာ လေဆိပ်မှာ လုပ်ကြံသတ်ဖြတ် ခံလိုက်ရတဲ့ အင်န်အယ်လ်ဒီ အမျိုးသား ဒီမိုကရေစီ အဖွဲ့ချုပ် ဥပဒေအထောက်အကူပြု အဖွဲ့ဝင် ဦးကိုနီရဲ့ အမှုနဲ့ ပတ်သက်ပြီး ကွင်းဆက်တရားခံတွေကို ဖမ်းဆီးရမိတယ်ဆိုပြီး အွန်လိုင်း လူမှုကွန်ယက် စာမျက်နှာတွေပေါ်မှာ ဖော်ပြထားတာတွေနဲ့ ပတ်သက်ပြီး အားလုံးကို အတည်မယူဖို့၊ တကယ် အတည်ပြုချက်ရတဲ့ သတင်းကိုရရင်ထုတ်ပေးမယ်လို့ ရဲချုပ် ဇော်ဝင်းက ထုတ်ဖော်ပြောဆိုပါတယ်။

 ဖေဖေါ်ဝါရီ ၁ ရက်နေ့ နေပြည်တော်မှာ ကျင်းပတဲ့ လွှတ်တော်အသီးသီးရဲ့ နှစ်ပတ်လည်နေ့ အခမ်းအနားမှာ သတင်းထောက်တွေက မေးမြန်းတာကို ရဲချုပ်က ခုလို ဖြေကြားပေးခဲ့တာပါ။ ရဲချုပ်ဇော်ဝင်း ပြောဆိုခဲ့တာက အဲဒါတွေအားလုံးကိုလိုက်ပြီးအတည်မယူပါနဲ့ တကယ်အတည်ပြုချက်ရတဲ့ သတင်းကို ရရင်ထုတ်ပေးပါမယ်။ ဆိုပြီး ပြောဆို တာကို သတင်းထောက်တစ်ယောက်က အွန်လိုင်းမှာထွက်နေတဲ့သတင်းတွေမမှန်ဘူးလို့ပြောတာလား။ လို့မေးတော့-

ကောင်းတာကတော့ အတည်ပြုချက်နဲ့ ထုတ်ပေးတာကို ယူတာပဲ အကောင်းဆုံးပါ။ အွန်လိုင်းဆိုတာကတော့ အမျိုးမျိုးတွေရှိ တတ်ကြတယ်။ ဆိုပြီး ပြောဆိုခဲ့တာ ဖြစ်ပါတယ်။လက်ရှိ အွန်လိုင်းမှာ သတင်းဌာနတွေက ဖော်ပြနေကြတဲ့ ဦးကိုနီကို လုပ်ကြံလို့ ဖမ်းဆီးရမိထားသူ ဦးကြည်လင်း နဲ့ ဆက်စပ်တရားခံဖြစ်တဲ့ ဦးမြင့်ဆွေကို မြ၀တီမြို့မှာ ဖမ်းဆီးထားပြီးပြီလို့ ကရင်ပြည်နယ် ရဲတပ်ဖွဲ့ ဒုရဲမှူးကြီး ကံဝင်း ပြောဆိုထားတာနဲ့ ပတ်သက်ပြီးတော့ မဟုတ် မမှန်ပါဘူးဆိုပြီး တိုက်ရိုက် ငြင်းဆိုတာမျိုးတော့ မရှိခဲ့ပါဘူး။ ဒီသတင်းကို လွှတ်တော်ချန်နယ်က ငြိမ်းချမ်းအောင် ပေးပို့တာဖြစ်ပါတယ်။

Central News Bureau
https://www.facebook.com/skynetcnb



( နေပြည်တော် လွှတ်တော်နှစ်ပတ်လည်အခမ်းအနားကို တက်ရောက်ခဲ့တဲ့ မြန်မာနိုင်ငံရဲတပ်ဖွဲ့ ရဲချုပ်ဇော်ဝင်းကို ဖေဖော်ဝါရီလ ၁ ရက်နေ့က တွေ့ရစဉ် ) Photo: Win Ko Ko Latt/ RFA
မနေ့ကစပြီး အွန်လိုင်းမှာ ပျံ့နှံ့နေတဲ့ တရားလွှတ်တော်ရှေ့နေ ဦးကိုနီကို သေနတ်နဲ့ လုပ်ကြံတဲ့ ဦးကြည်လင်း ဆိုသူရဲ့ ထွက်ဆိုချက်တွေနဲ့ပတ်သက်ပြီး အတည်မယူဖို့နဲ့ ရဲတပ်ဖွဲ့က အတည်ပြု ထုတ်ပြန်ပေးတာကိုသာ ယုံကြဖို့ မြန်မာနိုင်ငံရဲတပ်ဖွဲ့ ရဲချုပ်ဇော်ဝင်းက ပြောပါတယ်။

ဒီနေ့ နေပြည်တော် လွှတ်တော်နှစ်ပတ်လည်အခမ်းအနားကို တက်ရောက်ခဲ့တဲ့ မြန်မာနိုင်ငံရဲတပ်ဖွဲ့ ရဲချုပ်ဇော်ဝင်းက အွန်လိုင်းမှာ ပျံ့နှံ့နေတဲ့ ရဲမှတ်တမ်းတွေနဲ့ပတ်သက်ပြီး သတင်းသမားတွေကို ပြောခဲ့တာဖြစ်ပါတယ်။

ပြီးခဲ့တဲ့ ဇန်နဝါရီလ ၂၉ ရက်နေ့က ရန်ကုန်လေဆိပ်မှာ ရှေ့နေဦးကိုနီကို သေနတ်နဲ့ အနီးကပ် လုပ်ကြံခဲ့တဲ့ ဦးကြည်လင်းဆိုသူကို ရဲတပ်ဖွဲ့က စစ်ဆေးနေဆဲဖြစ်ပြီး သူ့ရဲ့ထွက်ဆိုချက် ရဲမှတ်တမ်းတွေလည်း အင်တာနက်စာမျက်နှာတွေမှာ ပျံ့နှံ့နေပါတယ်။

အဲဒီလိုပျံ့နှံ့နေတဲ့ ထွက်ဆိုချက်တွေထဲမှာ သူဟာကရင်ပြည်နယ် မြဝတီမြို့ဖက်မှာ ကျင်လည်လုပ်ကိုင်ခဲ့သူဖြစ်ပြီး သူ့ကို စေခိုင်းသူက မြဝတီဖက်က ဦးမြင့်ဆွေဆိုသူဖြစ်ကြောင်း ပါရှိတာဖြစ်ပါတယ်။

ဦးကြည်လင်းကို နောက်ကွယ်ကနေ စေခိုင်းတဲ့ ဦးမြင့်ဆွေကို ကရင်ပြည်နယ်မှာ ဖမ်းမိထားပြီ ဆိုတဲ့သတင်းတွေ ဒီကနေ့ထွက်ပေါ်နေပေမယ့် ဖမ်းမိထားတယ်ဆိုတာ မဟုတ်ကြောင်း ကရင်ပြည်နယ်ရဲတပ်ဖွဲ့ ရဲမှူးကြီး ကြည်လင်းက ပြောပါတယ်။

'' မဟုတ်သေးပါဘူးခင်ဗျာ၊ ရဲလုပ်ငန်းကတော့ ရဲလုပ်နေပါတယ်နော်၊ ဟုတ်ကဲ့ပါ အတည် မပြုသေးပါဘူးနော်''

အခုချိန်ထိတော့ ကြည်လင်းကို နောက်ကွယ်ကနေ ခိုင်းစေတဲ့ မြင့်ဆွေဆိုသူကို ဖမ်းမိတယ် မဖမ်းမိဘူး ဆိုတဲ့ သတင်းတွေကလည်း အမျိုးမျိုးထွက်ပေါ်နေပါတယ်။

RFA Burmese
https://www.facebook.com/rfaburmese/