02/03/17


ဒေါ်အောင်ဆန်းစုကြည် ရဲ့ ဥပဒေ အကြံပေး ပုဂ္ဂိုလ် ၊ ၅၉ (စ) ကို ဆိုင်းငံ့ နိုင်တယ် ဆိုတဲ့ အသံနဲ့ ရှေ့ထွက် အယောင်ပြလမ်းလွှဲပြီး အတိုင်ပင်ခံ ဥပဒေ ကို ကိုယ်ယောင်ဖျောက် ပန်းတိုင်ရောက်တဲ့ အထိ ချီတက်နိုင်စေခဲ့သူ ၊ အမျိုးသား ဒီမိုကရေစီ အဖွဲ့ချုပ် ရဲ့ ဥပဒေ အထောက်အကူပြု အဖွဲ့ ဝင် ဦးက်ိုနီ ဟာ ရန်ကုန် အပြည်ပြည်ဆိုင်ရာလေဆိပ် ရဲ့ ဝင်ပေါက် လူမြင်ကွင်းမှာ ဦးခေါင်းကို အနီးကပ် သေနက်နဲ့တေ့ပစ်ပြီး လုပ်ကြံ ခံလိုက်ရပါတယ် .. ဒီ သတင်းကို ကြားလျှင်ကြားချင်း ဘယ်သူမှ မယုံကြည်နိုင်အောင်ပါပဲ ။ လူတစ်ယောက်လုပ်ကြံ ခံရတာဟာ သိပ်ပြီး မထူးဆန်းပေမယ့် ( ၁) လုပ်ကြံ ခံရသူက ဒေါ်အောင်ဆန်းစုကြည် နဲ့ရော အာဏာရ ပါတီ NLD နဲ့ရော ပတ်သက်နေတာ (၂) လေဆိပ်လို လူမြင်ကွင်းမှာ သေနက် နဲ့ ပစ်ခက်လုပ်ကြံ ခံရတာ (၃) ဒီလို အတင့်ရဲပြီး လူမြင်ကွင်းမှာ သေနက် အသုံးပြီး လုပ်ကြံမှုမျိုး ဒီတိုင်းပြည်မှာ တခါမှ မကြားဖူး မကြုံဖူးတာ .. စတဲ့ အကြောင်းတွေကြောင့်ပဲဖြစ်ပါတယ် ။ ချက်ချင်းဆိုသလို ဓါတ်ပုံတွေ ဗီဒီယိုဖိုင်တွေ အင်တာနက် လူမှုကွန်ယက်ပေါ်ကို တက်လာ ခဲ့လို့ လုပ်ကြံခံရတဲ့ သတင်းဟာ ခိုင်လုံလာတာ နဲ့အမျှ အံသြစိတ်တွေ ကနေ စိုးရိမ်စိတ်တွေ ဆီကို ကူးပြောင်းလာကြပါတယ် ။ ဒါဟာ လုပ်ကြံသတ်ဖြတ်မှု ရဲ့ အကျိုးဆက်ဖြစ်ပြီး လုပ်ကြံသတ် ဖြတ်မှု ရဲ့ နောက်ကွယ်ကမျှော်မှန်းချက်လည်း ဖြစ်နိုင်ပါတယ် ။

ပြဿနာက ပြည်သူတွေ အကြားမှာ လူမှုကွန်ယက် မီဒီယာက်ို ကျယ်ပြန့်ပြန့်သုံးစွဲ နေကြတာဖြစ်လို့ သတင်းအပြင် ထင်မြင်ယူဆချက်အမျိုးမျိုး၊ ကောက်ချက်အမျိုးမျိုးဟာ လည်း တမဟုတ်ချင်း ကူးစပ်ပြန့်နှံ့ သွားပါတယ် ။ ထုံးစံ အတိုင်း လူမှုကွန်ယက်ပေါ်မှာ နိုင်ငံရေး အရ ရန်သူမိတ်ဆွေ ပိုင်းခြားနေထိုင်ပြောဆိုသူတွေအကြားမှာပါ ရန်မီးပွားတဲ့ အထိ ဖြစ်လာပါတယ်။ အကြောင်းကတော့ ဦးကိုနီ ဟာ အမျိုးသား ဒီမိုကရေစီ အဖွဲ့ ချုပ် ရဲ့ ဥပဒေ ပညာရှင်ဖြစ်ရုံမက မွတ်စလင်ဘာသာဝင်တစ်ဦးဖြစ်ပြီး အခြေခံ ဥပဒေ ပြင်ဆင်ရေး တက်ကြွလှုံ့ဆော်သူတစ်အဖြစ်လည်း လူသိများလို့ပါပဲ ။ အဓိက အားဖြင့် ၂၀၁၅ ရွေးကောက်ပွဲအကြိုကာလတွေမှာ မျိုးစောင့်ဥပဒေ အရေး နဲ့ ရခိုင်ပြည်နယ်ကနေပျံ့နှံ့လာတဲ့ လူမျိုးရေး ဘာသာရေး အထိကရုဏ်းတွေရဲ့ အကျိုးဆက်တွေအကြားမှာ ရုန်းကန်နေရတဲ့ ဒေါ်အောင်ဆန်းစုကြည် နဲ့ NLD ပါတီ ကို ဘာသာရေး လူမျိုးရေး အရ ပုံဖျက် ဆန့်ကျင်တိုက်ခိုက်တဲ့ နေရာမှာ ဦးကိုနီ ဟာ အဓိက အားထားရာပစ်မှတ်တစ်ခုဖြစ်ခဲ့ပါတယ်။ ဒါကြောင့် ၄၃၆ ဖျက်သိမ်းရေး လှုပ်ရှားမှု မှာ ရှေ့ထွက်ပြီး လှုပ်ရှားနေတဲ့ အခြေခံ ဥပဒေ ပြင်ဆင်ရေး နဲ့ပတ်သက်ပြီး အလွန်အဟော အပြောကောင်းတဲ့ ဦးကိုနီ ကို NLD အနေနဲ့ ပြန်ပြီး နောက်ပို့ ထားခဲ့ရပါတယ် ။

အဲဒီနောက်မှာလည်း ဦးကိုနီ နဲ့ ဆက်စပ်ပြီး ဒေါ်အောင်ဆန်းစုကြည် အပါအဝင် NLD ပါတီရဲ့ လုပ်ကြံသတင်းတွေ ဆက်တိုက်ဆို သလိုဖြန့်ဖြူးပြီး NLD ကို ရွေးကောက်ပွဲ အမှီ ပုံဖျက်တိုက်ခိုက်မှုတွေလုပ်ခဲ့ပါတယ် ။ ဒီအကျိုးဆက်တွေ အနေနဲ့ NLD ပါတီ ရဲ့ တစ်နိုင်ငံလုံး အတိုင်းအတာ နဲ့ ဝင်ရောက် ရွေးချယ်မယ့် ရွေးကောက်ပွဲဝင် က်ိုယ်စားလှယ်လောင်းတွေမှာ အစ္စလမ်ဘာသာဝင် တစ်ဦးတစ်ယောက်မှ မပါဝင်တဲ့ အထိ ဆင်ခြင်ခဲ့ကြရပါတယ် ။ ရွေးကောက်ပွဲကြီး ပြီးသွားလို့ NLD က သောင်ပြိုကမ်းပြို အနိုင်ရပြီးတဲ့ အခါမှာလည်း ဦးကိုနီ က ဒေါ်အောင်ဆန်းစုကြည် သမ္မတ ဖြစ်လာရေးမှာ အတားအဆီး ဖြစ်နေတဲ့ အခြေခံ ဥပဒေ ပြဌန်းချက် ၅၉(စ) ကို ဆိုင်းငံထားပြီး ဒေါ်အေင်ဆန်းစုကြည် ကို သမ္မတ ခန့်နိုင်တယ် ဆိုတဲ့ နည်းလမ်းကို လူသိရှင်ကြား လမ်းကြောင်း ပေးနေခဲ့တဲ့ အတွက် NLD လွှတ်တော် ရဲ့ အဖွင့်မှာ ပွဲဆူစေခဲ့ပြန်ပါတယ် ။ ဦးကိုနီ ဟာ ဥပဒေ ပညာရှင်ဖြစ်တဲ့အပြင် အဟောအပြောကောင်းပြီး သတင်း မီဒီယာတွေ နဲ့ တွေ့ဆုံပြောကြားဖို့ အမြဲ လိုလားတက်ကြွ နေသူတစ်ယောက်ဖြစ်သလို လက်တလော နိုင်ငံရေး ပြဿနာတွေ ၊ ဥပဒေ ရေးရာ ပြဿနာတွေ အပေါ်မှာလည်း ရှင်လင်းပြတ်သားပြီး ပညာရှင်ဆန် တဲ့ သုံးသပ်ချက်အမြင်တွေကို ပြောကြားနိုင်တဲ့သူတစ်ယောက်ဖြစ်ပါတယ် ။ ဒါကြောင့် နိုင်ငံရေး ၊အခြေခံဥပဒေ ပြင်ဆင်ရေးတွေ ဆိုင် ရာ ပြင်းထန်တဲ့ ဝေဖန်ချက်တွေ နဲ့ သူ့ရဲ့ နာမည်ဟာ အမြဲလို ဒွန်တွဲပြီး မီဒီယာတွေပေါ်မှာ ထင်ရှားနေတတ်ပါတယ် ။ ဦးကိုနီဟာ သူယုံကြည်ကိုးကွယ်ရာ ဘာသာတရား နဲ့ပတ်သက်ပြီးလည်း လေးလေးနက်နက်ရှိသူတစ်ယောက်ဖြစ်လို့ NLD ကို ဘာသာရေး အရပုံဖျက် တိုက်ခိုက်မှုတွေ အတွက် ဦးကိုနီဟာ စိတ်ကြိုက် ပစ်မှတ် တစ်ခုဖြစ် ခဲ့ပါတယ် ။ ဒါကြောင့် အခုလို လုပ်ကြံခံရတဲ့ အချိန်မှာ အများစု ဟာ ဒီ အချက်တွေပေါ်မှာပဲအခြေပြုခန့်မှန်း စွပ်စွဲ ပြောဆိုကြတာကိုတွေ့ရပါတယ် ။

လုပ်ကြံမှု ဖြစ်ပွားနောက်မှာ NLD အစိုးရအနေနဲ့ အခြေအနေတွေ တည်တည်ငြိမ်ငြိမ်ရှိစေဖို့ ထိန်းထိန်းသိမ်းသိမ်း ဆောင်ရွက်နေတဲ့သဘောကိုတွေ့ရပြီး NLD ပါတီအနေနဲ့လည်း ကြေညာချက်တစ်စောင်ထုတ်ပြန်ပြီး တည်တည်ငြိမ်ငြိမ်ရင်ဆိုင်ကြဖို့ ပါတီဝင်တွေ နဲ့ ပြည်သူကို ပန်ကြားလိုက်ပါတယ် ။ အချို့တွေကလည်း ဘာသာရေး အထိကရုဏ်းတွေဖြစ် လာမလားရယ်လို့ စိုးရိမ်စိတ်တွေရှိတာကိုတွေ့ရပါတယ် ။ တကယ်တော့ ဒီလို ဖြစ်လာစရာ အကြောင်းရင်းခံ မရှိလို့ လုံးဝ ဖြစ်ပွားလာစရာ အကြောင်းမရှိဘူးလို့ ထင်ပါတယ် ။ သို့ပေမယ့်လည်း အစိုးရသစ် လက်ထက် တနှစ်ဆိုတဲ့ ကာလ အတွင်း မှာ နိုင်ငံရေး အရ အကျိုးသက်ရောက်မှုရှိစေနိုင်တဲ့ လုံခြုံရေး ပြဿနာ တစ်ခုဖြစ်လို့ ဒီပြဿနာကို သာမန် လူသတ်မှု တစ်ခုလိုတော့သဘောထားလိုက်လို့မရပါဘူး ။ဒါကြောင့် မျက်မြင် ရရှိထားတဲ့ အချက်အလက်တွေအရ ဒီလုပ်ကြံမှုရဲ့အကျိုးအပြစ်တွေကို အကြမ်းဖျဉ်း သုံးသပ်ကြည့်ချင်ပါတယ် ။ အရင်ဆုံး ဦးကိုနီ ရဲ့ လုပ်ကြံခံရမှုဖြစ်စဉ်ကို ကြည့်မယ်ဆိုရင် လူကို လုပ်ကြံသတ်ဖြတ်လိုခြင်းရဲ့ တဖက်မှာ

(၁) သေနတ် လက်နက် ကို အသုံးပြုခြင်း (၂) ပြည်တွင်းပြည်ပ ခရီးသွားများ နဲ့ စည်ကားရာ လေဆိပ် နေရာ အား လုပ်ကြံ သတ်ဖြတ်ဖို့ နေရာအဖြစ် ရွေးချယ်ခြင်း ဆိုတဲ့အချက် ၂ ချက်ဟာ တိုင်းပြည်မှာ လုံခြုံရေး အစီအမံတွေ အလွန်အားနည်းမှုရှိနေတယ် ၊ ပြည်သူတွေရဲ့ ဘဝ လုံခြုံမှုမရှိဘူး ၊ တရား ဥပဒေ စိုးမိုးမှု မရှိဘူး ဆိုတဲ့ ခံစားချက် ၊ ယူဆချက် တွေကို ဖြစ်ပေါ်စေပါတယ် ။ ဒီနေရာ မှာ conspiracy theory အရ ဒီလိုအဖြစ်အပျက်တွေရဲ့နောက်ကွယ်မှာ ရှိနေတက်တဲ့ ပတ်သက်ဆက်နွယ်မှုတွေ ၊ နောက်ကွယ်အကြောင်းတရားတွေ နဲ့ပတ်သက်တဲ့ တွေးဆချက်တွေ အကြောင်းပြောချင်ပါတယ် ။ နိုင်ငံ တစ်နိုင်ငံရဲ့ ပြည်တွင်းရေး သို့မဟုတ်၊ နိုင်ငံ နှစ်နိုင်ငံအကြား သို့မဟုတ် နိုင်ငံတကာ နဲ့ သက်ဆိုင်တဲ့ အရေး ကိစ္စအချို့မှာ နိုင်ငံရေး ၊စီးပွားရေး ၊ လုံခြုံရေး လျှို့ဝှတ် ရည်မှန်းချက်တွေ ကို ရရှိဖို့ ဒီလို လုပ်ကြံမှုတွေ ၊ ရာဇဝတ်မှုတွေ ၊ ဆန္ဒပြပွဲတွေ ကို သွယ်ဝိုက်ရည်ရွယ်ချက်တွေ နဲ့ လျှို့ဝှက်အဖွဲအစည်းတွေ၊ ငွေကြေးအရ ၊ လုပ်ပိုင်ခွင့် ၊ လုပ်နိုင်ခွင့် လက်တံရှည်တဲ့ အဖွဲ့ အစည်းတွေက စီမံဆောင်ရွက်တက်တဲ့ ဖြစ်စဉ် သာဓက တွေ ကမ္ဘာ မှာ အများကြီး ရှိခဲ့ပါတယ် ။ အထူးသဖြင့် စစ်အေးကာလ ဆိုဗီယက်ပြည်ထောင်စု ( ရုရှား) ရဲ့ ကေဂျီဘီ ထောက်လှမ်းရေး အဖွဲ့ နဲ့ အမေရိကန်ပြည်ထောင်စု ရဲ့ စီအိုင်အေ ထောက်လှမ်းရေး အဖွဲ့ အကြားမှာ ဒီလို ဇာတ်လမ်းမျိုးတွေ အများကြီး ကြားဖူးကြမှာဖြစ်ပါတယ်။ ဒီအကြောင်းကိုထည့်ပြောနေရတဲ့ အကြောင်းကတော့ ဦးကိုနီ လုပ်ကြံခံရမှုမှာ လူကို သေစေလိုတဲ့ သာမန် လူမှုရေး စီးပွားရေး နောက်ခံအကြောင်းတရားတွေ ဖေါ်ထုတ်မရရှိခဲ့ဘူးဆိုရင် ဒီ လုပ်ကြံမှုဟာ ဦးကိုနီကို သေစေလိုတဲ့ ရည်ရွယ်ချက်ထက် ဦးကိုနီ လုပ်ကြံခံရခြင်းကြောင့် ဖြစ်ပေါ်လာနိုင်တဲ့ အကျိုးဆက်တွေကို ရည်မှန်းပြီး ကြံစည် ဆောင်ရွက်ချက် တစ်ခုဖြစ် နိုင်ကြောင်း ကောက်ချက်ဆွဲ လိုခြင်းဖြစ်ပါတယ် ။

အခုလို ပဲ အဖြစ်အပျက်က အဓိက မကျပဲ အဲဒီ အဖြစ်အပျက် ကနေ ပေါက်ဖွားလာမယ့် အကျိုးဆက်တွေ ၊ အကျိုးသက်ရောက်မှုတွေ ကို ရည်မှန်းပြီး ဖန်တီးလုပ်ဆောင်လာတဲ့ Conspiracy Theory သဘောပါတဲ့ ဖြစ်စဉ်မျိုးတွေ မြန်မာပြည်မှာ ပြန်ကြည့်မယ် ဆိုရင် ကျွန်တော်တို့ သိမှီသလောက် အမေရိကန် လူမျိုး ဂျွန်ဝီလီယန်ယက်တော အင်းယားကန်ဖြတ်ကူးပြီး နေအိမ် အကျယ်ချုပ်ကျနေတဲ့ ဒေါ်အောင်ဆန်းစုကြည် အိမ်ကို ၂ ကြိမ် ဖေါက်ဝင်တဲ့ ဖြစ်ရပ်၊ တောင်ကုတ်မြို့မှာ ခရီးသွား မွတ်စလင်ဘာသာရေးဆရာတွေကို ကားပေါ်ကဆွဲချပြီး သတ်ဖြတ်လိုက်တဲ့ဖြစ်ရပ် ၊ ကချင် ပြည်နယ်မှာ ကျောင်းဆရာမ လေး ၂ ဦးကို အဓမ္မပြုကျင့်ပြီး ရက်ရက်စက်စက် သတ်ဖြတ် လိုက်တဲ့ဖြစ်ရပ် နဲ့ မကြာသေးမီက ကချင်ပြည်နယ် မှာ ကျောင်းဆရာ တစ်ဦးသတ်ဖြတ်ခံရတဲ့ဖြစ် စဉ်တွေကိုတွေ့ရမှာဖြစ်ပါတယ် ။ အဲဒီဖြစ်စဉ်တွေ အားလုံးကို ပြန်ကြည့်ရင် ခိုင်မာတဲ့ အခြေခံအကြောင်းရင်း တွေ မရှိ၊ လက်သည်လည်း မပေါ်တာတွေကို တွေ့ရမှာဖြစ်ပြီး အဲဒီ ဖြစ်ရပ်တွေကြောင့် တိုင်းပြည်မှာ နိုင်ငံရေးဖြစ်စဉ်တွေ မှာ အကျိုးသက်ရောက်မှုတွေ ရှိခဲ့တာကိုတော့တွေ့ကြရမှာဖြစ်ပါတယ် ။အခု လို ဦးကိုနီ လုပ်ကြံ ခံရခြင်း ကြောင့် လက်တလော တွေ့မြင်နေရတဲ့ အကျိုးဆက်တွေကတော့ အမျိုးသားရင်ကြားစေ့ရေး ကို ထိခိုက်စေတဲ့ သံသယ အမြင်တွေဖြစ်ပါတယ် ။ ဒါဟာ လုံခြုံရေးအဖွဲ့တွေအပေါ် မယုံကြည်ခြင်း သံသယ ရှိခြင်း ဆိုတဲ့အမြင်တွေအပေါ်မှာလည်း အခြေခံပါတယ် ။ တိုင်းပြည် ဟာ မတည်ငြိမ်တော့ဘူး ၊ လုံခြုံမှုမရှိတော့ဘူး ဆိုပြီး လူမှုကွန်ယက်တွေပေါ်မှာ တပ်မတော် ကို အာဏာသိမ်းပေးဖို့ တိုက်တွန်းတာတွေလည်းတွေ့ရပါတယ်။ ကျွန်တော့အမြင်ကတော့ ဒါဟာ စနစ်တကျ လုပ်ကြံမှုလို့မြင်ပါတယ်။ တကယ်တော့ ဦးကိုနီကို အကြောင်းပြုပြီး NLD နဲ့ ဒေါ်အောင်ဆန်းစုကြည် အပေါ် ဘာသာရေး အရထိုး နှက်နေသူတွေဟာ ဦးကိုနီ ကို သေစေချင်မယ်လို့ ကျွန်တော် မထင်ပါဘူး။ တကယ်တော့ ဦးကိုနီပျောက်ဆုံးသွား တာ ဟာ သူတို့ အနေနဲ့ NLD ကို လက်ညှိုးထိုးစရာတစ်ခုပျောက်ဆုံးသွားတာပါပဲ ။ ဒါကြောင့် ဦးကိုနီ လုပ်ကြံခံရမှုဟာ အခြား လူမှုရေး ၊စီးပွားရေး နောက်ခံ အကြောင်းတွေ မရှိခဲ့ရင် ဒီထက် ကျယ်ပြန့်တဲ့ အကြောင်းအရင်း နဲ့ ရည်မှန်းချက်တွေရှိနိုင်ပါတယ် ။

ဒါဟာ လက်ရှိ ဒေါ်အောင်ဆန်းစုကြည် တည်ဆောက်နေတဲ့ တပ်မတော် နဲ့ ရင်ကြားစေ့ရေး ကြိုးပမ်းမှု ၊ တည်ငြိမ်ရေး ၊ တရား ဥပဒေ စိုးမိုးရေးကြိုးပမ်းမှုတွေကို ထိခိုက်စေလိုတဲ့ ရည်မှန်းချက်လည်းဖြစ်နိုင်ပါတယ် ။ ဖြစ်စဉ်ကိုကြည့်ရင် ဦးကိုနီ ကို လူပုဂ္ဂိုလ် အရ သေစေချင်ရုံသက်သက်မဟုတ်ဖူးဆိုတာထင်ရှားပါတယ် ။ အခုကိုပဲ အမျိုးမျိုးသောထင်မြင် ယူဆချက်တွေ နဲ့ စိုးရိမ်ပူပန်မှုတွေဖြစ်နေပါပြီ ။ ဒီ အတွက် ထိခိုက်မှုတွေ ရှိသော်လည်းပဲ အစိုးရ နဲ့ အာဏာရပါတီဟာ အမျှော်အမြင်ကြီးကြီး နဲ့ တည်တညိငြိမ်ငြိမ်ရှိကြရေး ကို မေတ္တာရပ်ခံနေတာပဲဖြစ်ပါတယ် ။ လုပ်ကြံသတ်ဖြတ်သူကို အရှင်မိထားသော်လည်းပဲ မှန်ကန်တဲ့ ထွက်ချက်မပေးနိုင်ခင်မှာ အကြောင်းကြောင့် တရားခံ သေဆုံးသွားတာမျိုး ၊ ထပ်ဆင့် လုပ်ကြံခံရတာမျိုးတွေ ဖြစ်ပေါ်လာမှာကို ပြည်သူလူထုက စိုးရိမ်ပူပန်လျှက်ရှိပါတယ်။ ဒီအခြေအနေမှာ ပြည်ထဲရေး ဝန်ကြီးဌာန အနေ နဲ့ တာဝန်ရှိသည့် အလျှောက် ဒီ ဖြစ်ရပ်နောက်ကွယ်က အကြောင်းရင်းမှန် ကို ကြိုးစားဖေါ်ထုတ်နိုင်ဖို့လိုပါတယ် ။ ဒါဟာ အမှုမှန်ပေါ်ပေါက်ရေး ဆိုတဲ့ သာမန် ရည်မှန်းချက်မဟုတ်ပါဘူး။ ဦးကိုနီ လုပ်ကြံခံရမှု ရဲ့ အကြောင်းရင်း အဖြစ်မှန်ဖေါ်ထုတ်ရေး ဟာ အမျိုးသားရင်ကြားစေ့ရေး ၊ တိုင်းပြည်မှာ နိုင်ငံရေး သံသယ တွေ လျော့ပါးစေရေး၊ နိုင်ငံသားချင်း သဟဇာတဖြစ်စွာ နေထိုင်နိုင်ရေး ၊ စတဲ့ နိုင်ငံတည်ငြိမ်ရေး နဲ့သက်ဆိုင်နေပါတယ်။ မှန်ကန်တဲ့ ထွက်ဆိုချက် ခိုင်မာတဲ့ အမှု ဖြစ်စဉ် တည်ဆောက်မှု တွေ ရရှိမလာဘူးဆိုရင်တော့ ဦးကိုနီ လုပ်ကြံ ခံရမှုဟာ မြန်မာပြည် ရဲ့ အဖြေမထွက်တဲ့ ပုစ္ဆာတွေရဲ့ စာရင်းထဲမှာ ပုစ္ဆာ အသစ် တစ်ပုဒ် အဖြစ် စာရင်းဝင်သွားမှာဖြစ်ပါတယ် ။ ဒီလိုဆိုရင်တော့ ဒီ ဖြစ်ရပ်ကချန်ထားရစ်ခဲ့တဲ့ သံသယတွေ ၊ ထင်ရာမြင်ရာ ယူဆချက်တွေ ၊ တီးတိုးစွပ်စွဲမှုတွေ ကနေ ဖြစ်ပေါ်လာမယ့် အာဃာတ အသစ် အညှိုးအတေး အသစ်တွေ နဲ့ အမုန်းတရားတွေ ကြားမှာ တိုင်းပြည်ဟာ နစ်မွန်းနေရအုံးမှာသာ ဖြစ်ကြောင်း ....။

The Speaker Vol.1 No.11

အမှားပြင်ဆင်ချက် ။ " ကချင် ပြည်နယ်မှာ ကျောင်းဆရာမ လေး ၂ ဦးကို အဓမ္မပြုကျင့်ပြီး ရက်ရက်စက်စက် သတ်ဖြတ် လိုက်တဲ့ဖြစ်ရပ် " အစား "ကချင် ကျောင်းဆရာမ လေး ၂ ဦးကို အဓမ္မပြုကျင့်ပြီး ရက်ရက်စက်စက် သတ်ဖြတ် လိုက်တဲ့ဖြစ်ရပ် " ဟုပြင်ဆင်ဖတ်ရှု ပေးပါရန် ။


အေးငြိမ်း(လေးမျက်နှာ)၊ ဇန်န၀ါရီ ၃၀၊ ၂၀၁၄

ဦးကိုနီ၏ ၂၀၀၈ အခြေခံဥပဒေအကြောင်းရှင်းလင်း
ပြောပြချက်

(၁) ဒါးပြတိုက်ခံရခြင်း

မြန်မာနိုင်ငံ ဖွဲ့စည်းပုံအခြေခံဥပဒေကို မြန်မာနိုင်ငံလွတ်လပ်ရေးမရမီကတည်းက ဗိုလ်ချုပ်အောင်ဆန်းဦးဆောင်ပြီးတော့ ၁၉၄၇ ခုနှစ်မှာ ရေးဆွဲခဲ့ပါတယ်။ ရေးဆွဲရာမှာ ပြည်သူတွေက ရွေးကောက်တင်မြှောက်ထားတဲ့ မြန်မာဥပဒေပညာရှင်တွေ၊ နိုင်ငံရေးသမားတွေနဲ့ နိုင်ငံခြားသားဥပဒေပညာရှင်တွေပါတဲ့ ကော်မတီက ရေးတာဖြစ်ပါတယ်။ အခြေခံဥပဒေကို စရေးပြီး တစ်လနဲ့ ၃ရက်အကြာမှာ ဗိုလ်ချုပ်တို့ လုပ်ကြံခံခဲ့ရပါတယ်။ အဲဒါကြောင့် ပါလီမန်ဥက္ကဌ ဦးနုက တာဝန်ယူပြီး အခြေခံဥပဒေကို ဆက်လက်ရေးဆွဲခဲ့တာ စက်တင်ဘာလ ၂၄ ရက်နေ့မှာ အတည်ပြု ပြဌာန်းနိုင်ခဲ့ပါတယ်။ အဲဒီ ၁၉၄၇ အခြေခံဥပဒေဟာ မြန်မာပြည်သူပြည်သားတွေ ဒီမိုကရေစီရဲ့ အရသာကို အပြည့်အ၀ ခံစားရနိုင်စေဘို့ အာမခံပေးထားတဲ့ ဥပဒေဖြစ်ပါတယ်။
မြန်မာနိုင်ငံလွတ်လပ်ရေးရအပြီး ၂၄ ရက်အကြာမှာ ကွန်မြူနစ်တွေ တောခိုသွားခဲ့ပါတယ်။ အဲဒီကစပြီး ပြည်တွင်းစစ်မီး အစပျိုးခဲ့တာ ၁၉၅၀ ခုနှစ်မှာ မြန်မာတစ်နိုင်ငံလုံး သူပုန်တွေလက်ကို ကျဆင်းခဲ့တာ ရန်ကုန်အစိုးရ ဖြစ်ခဲ့ရပါတယ်။ အဲဒီလောက် ဆိုးဝါးလှတဲ့ အခြေအနေမှာတောင် မြန်မာနိုင်ငံဖွဲ့စည်းပုံအခြေခံဟာ နည်းနည်းမှ အတိမ်းအစောင်း မရှိခဲ့ပါဘူး။ နိုင်ငံတစ်နိုင်မှာ ဒီမိုကရေစီ ဘယ်လောက်ရှိသလဲဆိုတာ နေ့စဉ်ထုတ် သတင်းစာကိုကြည့်ရင် သိနိုင်ပါတယ်။ အဲဒီနောက် ရွေးကောက်ပွဲ လုပ်တယ်။ သိပ်မကြာခင် ဖဆပလ နှစ်ခြမ်းကွဲတယ်။ အဲဒီနောက်တော့ အာဏာသိမ်းတယ်။ အဲဒီ ၁၃ နှစ်လောက်ဟာ မြန်မာနိုင်ငံမှာ နိုင်ငံရေးအခြေအနေတွေ သိပ်မကောင်းတာတောင်မှ ဒီမိုကရေစီစနစ်ကို ပီပီပြင်ပြင် အကောင်အထည် ဖော်နိုင်ခဲ့တယ်။
အဲဒီအချိန်က မြန်မာနိုင်ငံဟာ အရမ်းချမ်းသာခဲ့တယ်။ အာဏာသိမ်းတဲ့အချိန်မှာ မြန်မာနိုင်ငံမှာ နိုင်ငံတော်အရံငွေ အမေရိကန်ဒေါ်လာ ၂၂၈ သန်း ရှိတယ်။ အဲဒီခေတ်ကပိုက်ဆံနဲ့ဆို အရမ်းများတယ်။ ဆေးကုသရေးစနစ်၊ ပညာရေး စတာတွေ အရမ်းကောင်းခဲ့တယ်။ မြန်မာနိုင်ငံကို တရုတ်၊ အိန္ဒိယတို့ကလာပြီး ပညာသင်ခဲ့ရတယ်။ မြန်မာနိုင်ငံဟာ အရှေ့တောင်အာရှမှာ အပြည်ပြည်ဆိုင်ရာ လေဆိပ်ကြီးကို ပိုင်ခဲ့တဲ့ ပထမဆုံးနိုင်ငံ ဖြစ်ခဲ့တယ်။ အခုအခြေအနေနဲ့ ခင်ဗျားတို့ နှိုင်းယှဉ်ကြည့်ပါ။ ၂၀၁၃၊ ၈ လေးလုံး ငွေရတုအခမ်းအနားမှာ နိုင်ငံတော်သမ္မတ အကြံပေး ဆရာကြီးဦးမြင့်က ပြောသွားတယ်။ မြန်မာနိုင်ငံဟာ ထိုင်းနိုင်ငံရဲ့ ၂၀၁၁ ဂျီဒီပီ ကိုမီဘို့ နှစ် ၂၀၊ မလေးရှား၊ အင်ဒိုနီးရှား ကိုမီဘို့ ၂၈ နှစ်၊ စင်ကာပူကို မီဘို့ဆိုရင် ၄၆ နှစ် လိုက်ယူရမယ်လို့ ဆိုပါတယ်။ ဒါတောင် သူတို့က ရပ်နေပါမှ။ ဒါတောင် သူတို့ကိုမီဘို့ ရိုးရိုးလိုက်လို့မရဘူး။ အင်ဂျင်ပါဝါ အင်မတန်ကောင်းတဲ့ မော်တော်ကားနဲ့မှ လိုက်လို့ရမယ်။ ကားကလည်း ကောင်းရမယ်။ လမ်းကလည်း ခလုတ်ကန်သင်း၊ ချိုင့်ခွက်မရှိရဘူး။ မောင်းတဲ့ ဒရိုင်ဘာကလည်း ကောင်းရမယ်။ လမ်းမှာ ဘီးပေါက်ရင် ပြင်မဲ့ မက္ကင်းနစ်ကလည်း အဆင်သင့် ရှိရမယ်။

အင်မတန်ကောင်းတဲ့ မော်တော်ကားဆိုတာ ထုထည်ကြီးမားတဲ့ အရင်းအနှီးများတဲ့ စီးပွားရေးလုပ်ငန်းကို ဆိုလိုတာ၊ လမ်းကောင်းရမယ်ဆိုတာ infrastructure၊ အင်တာနက်တို့၊ လမ်းတို့၊ မီးတို့ကိုပြောတာ။ ကျွမ်းကျင်တဲ့ ဒရိုင်ဘာဆိုတာ သမ္မတတို့၊ ၀န်ကြီးတို့လို ဦးဆောင်မှုပေးတဲ့ ပုဂ္ဂိုလ်၊ ဘီးပေါက်ရင် ဖာဘို့၊ ဆီပြတ်ရင်ဖြည့်ဘို့ဆိုတာ ကဏ္ဍတိုင်း၊ ကဏ္ဍတိုင်းမှာ လိုရင်ဖြည့်ဆည်းပေးနိုင်ဘို့ ကျွမ်းကျင်တဲ့ပုဂ္ဂိုလ် ပညာရှင်တွေရဲ့ ပံ့ပိုးမှုကို ဆိုလိုတာ။ အဲဒါလောက် ဘက်စုံပြည့်စုံတဲ့အခြေအနေနဲ့ လိုက်မှ ထိုင်းကို အနှစ် ၂၀ နဲ့မီမယ်။

ကျွန်တော်တို့ အင်မတန်ချမ်းသာနေတဲ့အချိန်မှာ စင်ကာပူဆိုတာ မလေးရှားတောင်ဘက်ပိုင်းက တံငါရွာကလေး အနေနဲ့ပဲ ရှိသေးတယ်။ အခု နှစ်ပေါင်း ၅၀ အတွင်း အရှေ့တောင်အာရှမှာ အချမ်းသာဆုံးနိုင်ငံ ဖြစ်သွားခဲ့ပြီ။ ကျွန်တော်တို့ဟာ အင်မတန် ကြီးကျယ်ခန်းနားတဲ့၊ ဒီမိုကရေစီအလွန်ထွန်းကားတဲ့၊ ချမ်းသာတဲ့နိုင်ငံတော်ကြီးကို အတိတ်တစ်ချိန်တုံးက ပိုင်ဆိုင်ခဲ့ တယ်။ အဲဒါကို လူငယ်ပိုင်းတွေ သိစေချင်တယ်။ အခုလူငယ်တွေက မဆလ စစ်အစိုးရလက်ထက်၊ အဲဒီနောက် အလွန်အင်မတန် ဆိုးဝါးတဲ့ စစ်အာဏာရှင်လက်ထက်မှာ ကြီးပြင်းခဲ့ရတယ်။
ကျွန်တော်တို့တိုင်းပြည်ရဲ့အဆင့် ဘယ်လောက်မြင့်တယ်ဆိုတာ အင်မတန်မှထင်ရှားတဲ့ မှတ်ကျောက်တစ်ခု ရှိခဲ့တယ်။ အဲဒါဘာလဲဆိုတော့ ကုလသမဂ္ဂအတွင်းရေးမှူးချုပ်ဖြစ်ခဲ့တဲ့ ဦးသန့် ပဲ။ ဘာကြောင့် ဦးသန့်ကို ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ် အဖြစ်ခန့်ခဲ့သလဲ။

ဦးသန့်တော်တာ မှန်တယ်။ ဒါပေမဲ့ ဦးသန့်ရဲ့နိုင်ငံဖြစ်တဲ့ ဗမာနိုင်ငံရဲ့ပုံရိပ်ဟာ သိပ်ကို ကောင်းတဲ့အတွက် မြန်မာ နိုင်ငံသားဖြစ်တဲ့ ဦးသန့်သာ ကုလသမဂ္ဂအတွင်းရေးမှူးချုပ် အဖြစ် တာဝန်ထမ်းဆောင်ထိုက်တယ် ဆိုပြီး ရွေးလိုက်တာ။ ဒါဟာ ဘာကိုပြသလဲဆိုရင် ကျွန်တော်တို့မြန်မာပြည်ဟာ ပုံရိပ်အင်မတန်ကောင်းခဲ့တယ်ဆိုတာကို ပြတာ။
မြန်မာနိုင်ငံဟာ ဒီမိုကရေစီနိုင်ငံ၊ ကျွန်တော်တို့ပိုင်တဲ့ ဒီမိုကရေစီကို ဒါးပြတိုက်ခံလိုက်ရလို့ လက်လွတ်ဆုံးရှုံးသွားတာ။ အဲဒါကို ပြန်ရအောင်ယူဘိုိ့
ကြိုးစားနေတယ်ဆိုတာ အားလုံးသိဘို့လိုတယ်။ ကျွန်တော်တို့က သူများပိုင်တဲ့ပစ္စည်းကို အတင်းအဓမ္မ တောင်းယူနေတာ မဟုတ်ဘူး။ ကျုပ်တို့ဆီက လုယူသွားတဲ့ပစ္စည်းကို ပြန်ပေးပါလို့ တောင်းနေတာ။
အခု နိုင်ငံခြားကလူတွေ ကျွန်တော်တို့ဆီလာတဲ့အခါ သူတို့က ကျွန်တော်တို့ကို ဒီမိုကရေစီ ယဉ်ကျေးမှုဆိုပြီး သွန်သင် ပေးချင်တယ်။ ဒီမိုကရေစီလိုချင်ရင် ဘယ်လိုနေရမယ်၊ ဘယ်လိုထိုင်ရမယ်၊ ဘယ်လိုပြောရမယ် စသဖြင့်။ တကယ်တော့ ကျွန်တော်တို့ဟာ သူဌေးပဲ။ ကျွန်တော်တို့ကိုလာပြီး သူဌေးဆိုတာ ဘယ်လိုနေရတယ်၊ ဘယ်လိုထိုင်ရတယ် သင်ပေးနေစရာ မလိုဘူး။ ကျွန်တော်တို့ဟာ သူဌေး။ ဒါးပြတိုက်ခံလိုက်ရလို့သာ မွဲသွားတာ။ အခု ကျွန်တော်တို့ဆီက ဒါးပြတိုက်ခံလိုက်ရတဲ့ ပစ္စည်း ပြန်တွေ့ပြီ။ သူခိုးမိပြီ။ ကျွန်တော်တို့က ဒါးပြတိုက်ယူသွားတဲ့ ကျွန်တော်တို့ ပစ္စည်းကို ပြန်ပေးဘို့ တောင်းနေတာ။
အဲဒီတော့ ခင်ဗျားတို့တတ်နိုင်ရင် ဟောဒီမှာ ကျွန်တော်တို့ဆီက လုယူသွားတဲ့ပစ္စည်း။ အဲဒါ ပြန်လိုချင်တယ်။ အဲဒါ ရအောင်ယူပေးပါ။ ကျွန်တော်တို့ကို သူဌေးဆိုတာ ဘယ်လိုနေရမယ်၊ ဘယ်လိုထိုင်ရမယ် မသင်ပေးပါနဲ့။ အဲဒီအကူအညီမျိုး မလိုချင်ဘူး။ အဲဒါ ကူညီရာမရောက်ဘူး။ ကျွန်တော်အဲဒီလိုပဲ ပြောလိုက်တယ်။ ကျွန်တော်တို့ဟာ မရသေးတဲ့ပစ္စည်းကို တောင်း နေတာ မဟုတ်ဘူး။ ကိုယ့်မှာရှိတဲ့ပစ္စည်းကို အလုခံသွားရလို့ ပြန်တောင်းနေတာ။

မြန်မာနိုင်ငံလွတ်လပ်ရေးရပြီးနောက် တိုင်းရင်းသားတွေက ဖက်ဒရယ်ပြည်ထောင်စု တောင်းဆိုတယ်။ အဲဒါကို ပင်လုံညီလာခံမှာကတည်းက ပြည်ထောင်စုစနစ်နဲ့သွားဘို့ သဘောတူထားတာရှိတယ်။ ၁၉၄၇ ဖွဲ့စည်းပုံအခြေခံဥပဒေမှာ တိုင်းရင်းသားတွေကို ကိုယ်ပိုင်အုပ်ချုပ်ခွင့်ပေးမယ်။ အဲဒါကို မကြိုက်ရင် ၁၀ နှစ်အကြာမှာ ခွဲထွက်ခွင့်ပေးမယ်ဆိုတာ ထည့်ထား တယ်။ အခု ဦးနုအစိုးရတက်လာတော့ တိုင်းရင်းသားတွေက အဲဒါ တောင်းဆိုတယ်။ အဲဒါ ညှိတာ အတော်ပြေလည်နေပါပြီ။ ဦးနုက တိုင်းရင်းသားတွေကို ကိုယ်ပိုင်အုပ်ချုပ်ခွင့်ပေးပါမယ်။ ခင်ဗျားတို့ဘက်က ခွဲမထွက်ပါဘူးလို့ ကတိပေးပါ လို့ညှိတယ်။ အဲဒီ ဆွေးနွေးပွဲတွေဟာ အောင်မြင်နေပြီ။ အဲဒီတော့ ၁၉၄၇ ဖွဲ့စည်းပုံအခြေခံဥပဒေပြင်မဲ့ အစည်းအဝေးကို ၁၉၆၂ ခု၊ မတ်လ ၇ ရက်နေ့မှာ လုပ်မယ်။
မတ်လ ၂ ရက်နေ့ ညနေ ၄ နာရီမှာ ညှိနှိုင်းတာတွေ ပြေလည်နေပြီဆိုတဲ့အကြောင်း ရေဒီယိုကနေ ကြေငြာလိုက်တယ်။ အဲဒီနေ့မှာပဲ အာဏာသိမ်းလိုက်တယ်။
၁၉၆၂ မှာ အာဏာသိမ်းပြီးနောက် ၁၉၆၄ ခုနှစ်မှာ တိုင်းရင်းသားစည်းလုံးညီညွတ်ရေးကို ကာကွယ်သည့်ဥပဒေ ဆိုပြီးတော့ အသင်းအဖွဲ့တွေ အားလုံးကို ဖျက်ပစ်လိုက်တယ်။ ဘာအဖွဲ့မှ ဖွဲ့လို့မရတော့ဘူး။ သတင်းစာလွတ်လပ်ခွင့်ကို ရုတ်သိမ်းလိုက်တယ်။ နိုင်ငံတော်ရဲ့ အချုပ်အချာအာဏာ သုံးခုစလုံးကို စစ်အာဏာရှင် ဗိုလ်ချုပ်ကြီးနေ၀င်းက ချုပ်ကိုင် လိုက်တယ်။

၁၉၆၂ ကနေ ၁၉၇၂ ကို တော်လှန်ရေးကောင်စီ စနစ်နဲ့ အုပ်ချုပ်တယ်။ အဲဒီအချိန်မှာ တော်လှန်ရေးကောင်စီဥက္ကဌ ဗိုလ်ချုပ်ကြီးနေ၀င်း ဆိုတဲ့နာမည်နဲ့ အုပ်ချုပ်တယ်။ ၁၉၇၃ နဲ့ ၁၉၇၄ က အသွင်ကူးပြောင်းရေး ကာလ။ အဲဒီနောက် ၁၉၈၈ ထိ မြန်မာ့ဆိုရှယ်လစ်လမ်းစဉ်ပါတီဆိုပြီး တစ်ပါတီစနစ်နဲ့သွားတယ်။ မြန်မာ့ဆိုရှယ်လစ် လမ်းစဉ်ပါတီဥက္ကဌ၊ နိုင်ငံတော် သမ္မတ ဦးနေ၀င်း အဖြစ်နဲ့ အုပ်ချုပ်တယ်။ ဦးနေ၀င်းတစ်ယောက်တည်းကပဲ ၂၆ နှစ်လုံးလုံး နိုင်ငံတော်အာဏာကို ကိုင်တွယ် အုပ်ချုပ်ခဲ့တယ်။

၁၉၈၈ မှာ တစ်နိုင်ငံလုံး အုံကြွမှုဖြစ်ပြီး စစ်တပ်ကအာဏာပြန်သိမ်းလိုက်ပြန်တယ်။ အဲဒီမှာ အာဏာသိမ်းခေါင်းဆောင် ဗိုလ်စောမောင် တက်လာတယ်။ အစိုးရ၀န်ကြီးအဖွဲ့မှာ ၈ ယောက်ပဲရှိတယ်။ သူက အာဏာကို ကြာကြာသိမ်းမထားပါဘူးလို့ ကတိပေးတယ်။ အာဏာသိမ်းပြီး ရက်ပိုင်းအတွင်းမှာ နိုင်ငံရေးပါတီတွေ မှတ်ပုံတင်ဘို့ ဥပဒေပြဌာန်းတယ်။ တစ်နှစ်အတွင်းမှာ ရွေးကောက်ပွဲဥပဒေ ပြဌာန်းပေးတယ်။ ၂ နှစ်မပြည့်ခင်မှာဘဲ ရွေးကောက်ပွဲ လုပ်ပေးတယ်။ အရမ်းမြန်တယ်။

ဒါပေမဲ့ ရွေးကောက်ပွဲပြီးသွားတော့ အခြေအနေတွေ တမျိုးတဖုံ ပြောင်းသွားတယ်။ အာဏာလွှဲပေးပါမယ် လို့ အကြိမ်ကြိမ် ပြောနေတဲ့အခါကျတော့ ကျန်းမာရေးမကောင်းဘူးဆိုပြီး သူ့ကို အငြိမ်းစားပေးလိုက်တယ်။ သိပ်မကြာပါဘူး ဆုံးသွား ရှာတယ်။ ဗိုလ်စောမောင် ကျဆုံးသွားခြင်းနဲ့အတူ ကျွန်တော်တို့နိုင်ငံရေးလည်း အကြီးအကျယ် ပြောင်းလဲသွားတယ်။ ရွေးကောက်ပွဲမှာ ပြတ်ပြတ်သားသား အနိုင်ရခဲ့တဲ့ NLD ပါတီ ရက်ရက်စက်စက် ဖိနှိပ်ခံခဲ့ရတယ်။ နိုင်ငံတော်အာဏာ အပ်နှင်းဘို့ ကိစ္စ လုံးဝနောက်ဆုတ်သွားတယ်။ အကြောင်းအမျိုးမျိုးပြပြီး ၂၀၀၈ ဖွဲ့စည်းပုံအခြေခံဥပဒေကို ရေးမယ်ဆိုပြီး အချိန်ဆွဲလိုက် တယ်။

၁၅ နှစ်နီးပါး အချိန်ယူပြီး ဖွဲ့စည်းပုံအခြေခံဥပဒေကို ရေးတယ်။ အဲဒီကြားကာလတစ်လျှောက်လုံး ကျွန်တော်တို့ကို အကြီးအကျယ် ရက်ရက်စက်စက် ဖိနှိပ်အုပ်ချုပ်ခဲ့တယ်။ ဘာအပြစ်မှမရှိဘဲ လူပေါင်းများစွာကို ပုဒ်မအမျိုးမျိုးတပ်ပြီး ထောင်ချ ခဲ့တယ်။ မြန်မာနိုင်ငံသမိုင်းမှာ အဲဒီကာလဟာ လူလူချင်းအတူတူ ရက်ရက်စက်စက် အုပ်ချုပ်ခံခဲ့ရတဲ့ အဆိုးဝါးဆုံး နှစ် ၅၀ လို့ ပြောလို့ရပါတယ်။
၂၀၀၅ ခုနှစ် ကျွန်တော့်သား ကျောင်းအပ်ဘို့ စင်ကာပူကို လာတယ်။ မြန်မာပြည်လေယာဉ်ကွင်းက မထွက်မချင်း အဆင်ပြေမှ ပြေပါ့မလားလို့ ရင်လေးနေတယ်။ ဘယ်အချိန်များ ငါ့ပြန်ခေါ်ထားလိုက်လေမလဲဟဲ့။ မသွားရဘူးလို့များ ပြောတော့မလားဟဲ့။ သားကျောင်းအပ်ဘို့ ပိုက်ဆံတွေကလည်း ပါလာတယ်။ ဒီပိုက်ဆံကြောင့်များ အဖမ်းခံရတော့မလားဟဲ့ နဲ့ စိတ်ထဲမှာ အရမ်းခံစားနေရတယ်။

စင်ကာပူလေယာဉ်ကွင်း ဆင်းလိုက်တဲ့အချိန်မှာ ကျွန်တော်ဟာ တော်တော့်ကို လွတ်လပ်တဲ့ ခံစားမှုမျိုးနဲ့ ခံစားလိုက် ရတယ်။ ဗမာနိုင်ငံသားတစ်ယောက်ဟာ ဗမာနိုင်ငံမှာ ကျဉ်းကြပ်နေပြီးတော့ တစ်ခါမှ မရောက်ဖူးတဲ့၊ အင်မတန်စည်းကမ်းကြီးပါ တယ်ဆိုတဲ့၊ တံတွေးတောင် အရမ်းမထွေးရဘူးဆိုတဲ့ စင်ကာပူကိုရောက်တဲ့အခါ ကျွန်တော်ဟာ တော်တော့ကို လွတ်လပ်ပေါ့ပါး သွားတယ်။

နောက်တစ်နေ့မနက်ကျတော့ ကျွန်တော့်အတွက် အင်မတန်ပူပင်တဲ့ ဦးတင်အေးက လှမ်းဖုံးဆက်တယ်။ ဦးကိုနီ၊ ဘယ်လိုလဲ၊ အဆင်ပြေရဲ့လား ဆိုတော့ကျွန်တော့်ကိုယ်ကျွန်တော် လူ ဆိုတာ အခုမှ သိရပါတယ်ဆရာ လို့ ပြန်ဖြေဖြစ်လိုက် တယ်။ ဘာဖြစ်လို့လဲဆိုတော့ နိုင်ငံခြားရောက်တော့မှ ဒီကလူတွေ ကျွန်တော်တို့အပေါ် တကယ်အပြည့်အ၀ လူလို ဆက်ဆံတာ ခံရတယ်။ ကျွန်တော်တို့ ကိုယ့်တိုင်းပြည်မှာကိုယ်နေခဲ့ရတာ တစ်ခါမှ လွတ်လွတ်လပ်လပ် မခံစားခဲ့ရဘူး။

(၂) နိုင်ငံတော်အာဏာကို ဘယ်သူပိုင်သလဲ
အတိုချုပ်ရရင် ပထမမြန်မာနိုင်ငံတော်မှာ နိုင်ငံတော်အာဏာကို ဘုရင်ဆိုတဲ့ပုဂ္ဂိုလ်တစ်ဦးတည်းက ယူထားတယ်။ ဒုတိယမြန်မာနိုင်ငံတော်မှာ နိုင်ငံတော်အာဏာကို အင်္ဂလိပ်အစိုးရက သိမ်းပိုက်ထားတယ်။
တတိယမြန်မာနိုင်ငံတော်ဟာ ဒီမိုကရေစီနိုင်ငံ။ ကျွန်တော်တို့ရွေးတဲ့အစိုးရက ကျွန်တော်တို့ကို အုပ်ချုပ်တယ်။
နိုင်ငံတော်အာဏာဟာ ပြည်သူလူထုလက်ထဲမှာ ရှိတယ်။
၁၉၆၂ မှာ ဦးနေ၀င်းက အာဏာသိမ်းပြီး နိုင်ငံတော်အာဏာကို အဓမ္မလုသွားတယ်။ အဲဒါ စတုတ္ထမြန်မာနိုင်ငံတော်။

အဲဒီတော့ ပထမမြန်မာနိုင်ငံတော်မှာ နိုင်ငံတော်အာဏာကို ဘုရင်တွေပိုင်တဲ့ပစ္စည်းလို့ သတ်မှတ်ထားတယ်။ ဒုတိယ မြန်မာနိုင်ငံတော်မှာ နိုင်ငံတော်အာဏာကို အင်္ဂလိပ်က သူပိုင်တဲ့ပစ္စည်းလို့ သတ်မှတ်ပြန်တယ်။ တတိယမြန်မာနိုင်ငံတော်မှာ နိုင်ငံတော် အာဏာကို ပြည်သူတွေပိုင်တယ်လို့ ခံစားရပါတယ်။ စတုတ္ထမြန်မာနိုင်ငံတော်မှာ နိုင်ငံတော် အာဏာကို စစ်တပ်က သူပိုင်တဲ့အာဏာဆိုပြီး အတင်းရောအဓမ္မပါသိမ်းသွားတယ်။

လွတ်လပ်ရေးကြေငြာစာတမ်း၊ စာမျက်နှာ ၅ မှာ မြန်မာနိုင်ငံဟာ လူတစ်ဦးတစ်ယောက်ကပိုင်တဲ့ နိုင်ငံမဟုတ်ဘူး။ မြန်မာနိုင်ငံဟာ လူတစ်စုတစ်ဖွဲ့ပိုင်တဲ့ နိုင်ငံမဟုတ်ဘူး။ မြန်မာနိုင်ငံဟာ မြန်မာနိုင်ငံသား၊ တိုင်းရင်းသားအားလုံးပိုင်တဲ့ အမွေအနှစ် သာ ဖြစ်တယ်လို့ ဖော်ပြထားပါတယ်။

၁၉၄၇ ဖွဲ့စည်းပုံအခြေခံဥပဒေ ပုဒ်မ ၃ မှာ နိုင်ငံတော်အာဏာဟာ နိုင်ငံသားများထံမှာပဲ တည်တယ်။ နိုင်ငံတော် အာဏာရဲ့ ပင်ရင်းပိုင်ရှင်ဟာ နိုင်ငံသားတွေဖြစ်တယ်လို့ တိတိကျကျ ရေးထားပါတယ်။ ပုဒ်မ ၄ မှာ ဥပဒေပြုအဖွဲ့၊ အုပ်ချုပ်ရေး အဖွဲ့နဲ့ တရားစီရင်ရေးအဖွဲ့တို့ဟာ နိုင်ငံသားတွေပိုင်တဲ့ နိုင်ငံတော်အာဏာကို နိုင်ငံသားတွေကိုယ်စား ခံယူကျင့်သုံးတဲ့သူတွေသာ ဖြစ်တယ် လို့ ရှင်းရှင်းလင်းလင်း ရေးထားပါတယ်။
ဆိုလိုတာက နိုင်ငံတော်အာဏာဟာ ပြည်သူတွေပိုင်တယ်။ ပြည်သူကြိုက်တဲ့သူတွေပဲ တိုင်းပြည်ကို အုပ်ချုပ်လို့ရတယ်။ ပြည်သူမကြိုက်ရင် အချိန်မရွေး ဖြုတ်ချလို့ရတယ်။ အဲဒီမူနဲ့ ကျွန်တော်တို့နိုင်ငံကို တည်ဆောက်ခဲ့တာ။

အခု ပဉ္စမမြန်မာနိုင်ငံတော်ကို တည်ထောင်ကြမယ်ဆိုတော့ တပ်မတော်ကပဲ ရွှေ့တယ်။ ဘာနဲ့ရွှေ့သလဲဆိုတော့ ၂၀၀၈ ခုနှစ် ဖွဲ့စည်းပုံအခြေခံဥပဒေနဲ့ ရွှေ့တယ်။
ဒါဆို အဲဒီ နိုင်ငံတော်အာဏာကို နှစ် ၅၀ ကြာသိမ်းထားတဲ့ စစ်တပ်က ပဉ္စမမြန်မာနိုင်ငံတော်ကို တည်ဆောက်ဘို့ ဘယ်အချိုးချိုးထားသလဲ။ ကျွန်တော်တို့လိုချင်တဲ့ နိုင်ငံတော် ပုံစံမျိုးလား။ အဲဒါကို သုံးသပ်ဘို့ ၂၀၀၈ ခုနှစ် ဖွဲ့စည်းပုံ အခြေခံ ဥပဒေကို သုံးသပ်ကြည့်ကြမယ်။

(၃) ၂၀၀၈ ခုနှစ် ဖွဲ့စည်းပုံ အခြေခံဥပဒေ
Download link: http://www.burmalibrary.org/…/Myanmar_Constitution-2008(en&… [http://www.burmalibrary.org/docs09/myanmar_constitution-2008%28en%26bu%29-red.pdf/&h=atnh-gmtrh73ze0bk5ddq28xhpnmcy-gdxddrjcpuahpdqqrepdqwstllg_styfswlviwl9stsfznkamjvkcwflklrso3mwawobmthdtixftzzxiy0tcfmmmhqve7zdgsfniipaktywzjw&enc=azmzzi4e_zsx_azpj2m-q2m-rexhjv8tonb_ufepqdknsu_po4iwpa2sxqhbz0rsohwfgrkx7qjgjnhz45rikjfrzzwg3ol3vij0yzhll1ebvt53zbe5zngsh7w65j6tddssr6jj1pqvsqzdaple_k78vfo-ku-vimuqf_p9jplakq49ugupujk5zez2pkiy-9k&s=1_green]

ကျွန်တော်တို့ကြည့်ရမှာက အချက်တစ်ချက်တည်းပဲ။ နိုင်ငံတော်အာဏာကို ဘယ်နားမှာ ထားမလဲ။ ဘယ်သူ့ဆီမှာ ထားမှာလဲ။
၂၀၀၈ ခုနှစ် ဖွဲ့စည်းပုံ အခြေခံဥပဒေမှာ နိုင်ငံတော်၏ ဥပဒေပြုအာဏာကို ပြည်ထောင်စုလွှတ်တော်ကို အပ်နှင်းတယ်။

နိုင်ငံတော်ရဲ့ အုပ်ချုပ်မှုအာဏာ သမ္မတကို အပ်နှင်းတယ်။

တရားစီရင်ရေးအာဏာကို ပြည်ထောင်စုတရား
သူကြီးချုပ်ကိုအပ်တယ် လို့ ရေးထားပါတယ်။

အပေါ်ယံကြည့်လိုက်ရင် နိုင်ငံတော်အာဏာကို ပြည်သူကိုပဲ အပ်ထားသယောင်ယောင်။

ပုဒ်မ ၄ မှာ နိုင်ငံတော်အာဏာသည် နိုင်ငံသားများထံမှ သက်ဆင်း၍ နိုင်ငံတစ်ဝှမ်း၌ တည်သည်လို့ ရေးထားတယ်။

၁၉၄၇ ဖွဲ့စည်းပုံအခြေခံဥပဒေမှာက နိုင်ငံတော်အာဏာ
ဟာ နိုင်ငံသားများကသာပိုင်တယ် လို့ ရှင်းအောင်
ရေးထားတယ်။ အခု ရေးထားပုံအရ နိုင်ငံသားများထံမှ သက်ဆင်း၍ ဆိုတော့ နိုင်ငံသားတွေပိုင်သယောင်ယောင် ပြောချင်လည်း ပြောလို့ရတယ်။ ဒါပေမဲ့ နိုင်ငံသားများထံမှ
သက်ဆင်းတယ်ဆိုတော့ သူတို့က ငြင်းမှာပေါ့။ ဟုတ်တယ်လေ၊ အရင်တုံးကတော့ မင်းတို့ပိုင်တာပဲ။ အခု ဆင်းသွားပြီ မင်းတို့ဆီမှာ မရှိတော့ဘူး။ ငါတို့ဆီရောက်နေပြီဆို ဘယ်လိုပြောမလဲ။ အဲဒီလို မရှင်းမရှင်းရေးထားတယ်။
ထားတော့၊ ဒီပုဒ်မအရ နိုင်ငံသားတွေကပိုင်တယ်လို့ ငြင်းရင်ငြင်းလို့ရသေးတယ်။ ဒါပေမဲ့ ငြင်းလို့မရတဲ့ ပုဒ်မတွေက ရှိနေတယ်။

ဥပဒေပြုအာဏာကို ပြည်ထောင်စုလွှတ်တော်က ပိုင်တယ်။ ဒါဆို ပြည်ထောင်စုလွှတ်တော်ကို ဘယ်လိုဖွဲ့ထားသလဲ။

ပြည်ထောင်စုလွှတ်တော်ဆိုတာ အမျိုးသားလွှတ်တော်နဲ့ ပြည်သူ့လွှတ်တော် နှစ်ရပ်ပေါင်းပြီး ဖွဲ့ထားတာ။ ပြည်သူ့ လွှတ်တော်ကို လွှတ်တော်အမတ် ၄၄၀ နဲ့ဖွဲ့တယ်။ အဲဒီမှာ ၃၃၀ က ပြည်သူတွေရွေးတာ။ ၁၁၀ က ကာကွယ်ရေးဦးစီးချုပ်က ခန့်တာ။ အမျိုးသားလွှတ်တော်ကို လွှတ်တော်အမတ် ၂၂၄ ယောက်နဲ့ဖွဲ့တယ်။ အဲဒီမှာ ၁၆၈ ယောက်က ပြည်သူတွေရွေးတာ။ ၅၆ ယောက်က ကာကွယ်ရေးဦးစီးချုပ်က ခန့်တာ။

လွှတ်တော်နှစ်ရပ်ပေါင်းတော့ ၆၆၄ ယောက်ရှိတယ်။ ၄၉၈ ယောက်က အရပ်သားတွေ ရွေးထားတဲ့ လွှတ်တော် ကိုယ်စားလှယ်တွေ။ ၁၆၆ ယောက်က ကာကွယ်ရေးဦးစီးချုပ်ဆိုတဲ့ လူပုဂ္ဂိုလ်တစ်ဦးတစ်ယောက်တည်းက ခန့်ထားတဲ့ တပ်မတော်သား ကိုယ်စားလှယ်တွေ။
အဲဒီတော့ နိုင်ငံတော်အာဏာကို လွှတ်တော်က ပိုင်တယ်။ လွှတ်တော်အမတ် ၄ ပုံ ၃ ပုံကို ပြည်သူကပိုင်တယ်။ ၄ ပုံ ၁ ပုံကို ကာကွယ်ရေးဦးစီးချုပ်က ပိုင်တယ်။ ဆိုတော့ ပြည်သူကပိုင်တာ ဥပဒေပြုအာဏာရဲ့ ၄ ပုံ ၃ ပုံပဲပိုင်တာ။ ကျန်တဲ့ ၄ ပုံ ၁ ပုံကို တော့ ကာကွယ်ရေးဦးစီးချုပ်ဆိုတဲ့ လူတစ်ဦးတစ်ယောက်တည်းက ပိုင်နေတယ်။ ပုဒ်မ ၁၀၉၊ ၁၄၁၊ ၁၆၁ အရ နိုင်ငံတော်အာဏာ ရဲ့ ၄ ပုံတစ်ပုံကို ကာကွယ်ရေးဦးစီးချုပ်တစ်ယောက်ထဲရဲ့ လက်ထဲမှာ အပ်ထားတာ။

အကြမ်းဖျဉ်းအားဖြင့် မြန်မာနိုင်ငံလူဦးရေ သန်း ၆၀ ရှိတယ်။ လွှတ်တော်မှာ အရပ်သားအမတ်ပေါင်းက ၄၉၈ ယောက်ပဲ ရှိတယ်။ ထားပါ ၅၀၀။ သန်း ၆၀ ကို ၅၀၀ နဲ့စားရင် အရပ်သား တစ်သိန်းနှစ်သောင်းမှ လွှတ်တော်ကိုယ်စားလှယ် တစ်ယောက်ပဲ ရတယ်။ တပ်မတော်သားက ငါးသိန်းသုံးသောင်းကျော် ရှိတယ်။ စားကြည့်လိုက်ရင် စစ်သား ၃၂၀၀ ကို အမတ် ၁ ယောက် ရတယ်။ ကျွန်တော်တို့ဘက်က အရပ်သား တစ်သိန်းကျော်ကို အမတ်တစ်ယောက်ပဲရနေချိန်မှာ သူတို့က လူ ၃၀၀၀ ကျော်ကို အမတ် ၁ ယောက်နှုန်းနဲ့ လွှတ်တော်ကို စီးထားတယ်။
ဥပဒေပြုအာဏာရဲ့ လေးပုံသုံးပုံကို ကျွန်တော်တို့ရထားတယ်။ လေးပုံသုံးပုံကြီးများတောင်ဆိုပြီး ပျော်မနေပါနဲ့။ အုပ်ချုပ်ရေးအာဏာကို ဆက်ကြည့်ရအောင်။

ဖွဲ့စည်းပုံ အခြေခံဥပဒေ ပုဒ်မ ၁၆ မှာ နိုင်ငံတော်သမ္မတသည် နိုင်ငံတော်၏ အကြီးအကဲလည်းဖြစ်သည်။ အစိုးရအဖွဲ့၏ အကြီးအကဲလည်းဖြစ်သည်။ ပုဒ်မ ၅၈ မှာ နိုင်ငံတော်သမ္မတသည် နိုင်ငံတော်၏ အကြီးအကဲဖြစ်သည် တဲ့။ နောက် ပုဒ်မ ၁၉၉ မှာ အစိုးရအဖွဲ့ရဲ့ အကြီးအကဲဟာ သမ္မတဖြစ်သည် လို့ ရေးထားတယ်။

ပြည်သူရွေးတဲ့သမ္မတမှာ နိုင်ငံတော်အာဏာရှိရင် ပြည်သူမှာအာဏာရှိတာနဲ့ အတူတူပါဘဲ။ ပြည်သူရွေးကောက် တင်မြှောက်တဲ့ လွှတ်တော်မှာ နိုင်ငံတော်အာဏာရှိရင် ပြည်သူမှာအာဏာရှိတာနဲ့ အတူတူပါဘဲ။ ပြည်သူကရွေးထားတာ ဖြစ်တဲ့ အတွက် မကြိုက်ရင် ဖြုတ်ပြီးနောက်တစ်ယောက် ရွေးလို့ရတယ်။ ဒါဆိုရင် သမ္မတမှာ တကယ်အာဏာရှိသလား ကြည့်ရအောင်။
နိုင်ငံတော်သမ္မတဟာ တကယ်လို့ နိုင်ငံ့အကြီးအကဲမှန်ရင် သူ့လက်အောက်မှာ အလုပ်လုပ်တဲ့ ၀န်ကြီးတွေကို သူခန့်ရမယ်။ အရေးပါတဲ့ ကာကွယ်ရေး၊ ပြည်ထဲရေး နဲ့ နယ်စပ်ရေးရာ။ အဲဒီအဖွဲ့အားလုံးက လက်နက်ကိုင်တဲ့အဖွဲ့တွေ။ အဲဒီ ၀န်ကြီးသုံးဌာနရဲ့ ၀န်ကြီးရော ဒု-၀န်ကြီးကိုပါ သမ္မတက ခန့်ပိုင်ခွင့်ရှိရမယ်။
အခုတော့ အဲဒီဝန်ကြီးဌာန သုံးဌာနရဲ့ ၀န်ကြီးနဲ့ ဒု-၀န်ကြီးတွေကို ကာကွယ်ရေးဦးစီးချုပ်က ခန့်ရမယ်။ အဲဒီလို ကာကွယ်ရေးဦးစီးချုပ်က ခန့်တာကို လွှတ်တော်နဲ့ သမ္မတက ငြင်းပိုင်ခွင့်လည်း မရှိဘူး။ ဖြုတ်ပိုင်ခွင့်လည်း မရှိဘူး။ အဲဒီအတိုင်း ရှင်းရှင်းလင်းလင်း ပြတ်ပြတ်သားသား ရေးထားတယ်။

အခု ကျွန်တော်တို့ရွေးကောက်တင်မြှောက်ထားတဲ့ သမ္မတကြီးသည် နိုင်ငံတော်ရဲ့ အင်မတန်မှ အရေးကြီးတဲ့ အဲဒီ ၀န်ကြီးသုံးပါးနဲ့ ဒုဝန်ကြီးတွေကို ခန့်အပ်ပိုင်ခွင့် မရှိဘူး။ အဲဒီအာဏာ ကာကွယ်ရေးဦးစီးချုပ်ကို လုံးဝဥဿုံ အပြတ်ပေးထားတယ်။
ကာလုံကို ၁၁ ယောက်နဲ့ဖွဲ့တယ်။ သမ္မတကို ဥက္ကဌ ခန့်ထားတယ်။ အဲဒီ ၁၁ ယောက်ထဲမှာ သမ္မတကို မဲပေးမဲ့သူက ၂ ယောက်ပဲရှိတယ်။ အရပ်သား ဒုသမ္မတနဲ့၊ နိုင်ငံခြားရေးဝန်ကြီး။ သမ္မတနဲ့ပေါင်းပါမှ သုံးယောက်ပဲရှိတယ်။ နောက် လွှတ်တော် ဥက္ကဌ နှစ်ယောက်က ဘယ်သူ့မဲပေးမလဲ မသိဘူး။ နောက်ထပ် ၆ ယောက်။ ကာကွယ်ရေးဦးစီးချုပ်၊ သူ့တပည့် ဒု- ကာကွယ်ရေး ဦးစီးချုပ်၊ နောက်ပြီး သူ့တပည့်တွေဖြစ်တဲ့ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာဝန်ကြီး၊ နောက်ပြီး တပ်မတော်သား ဒု-သမ္မတ၊ ဒါလဲ သူခန့်ထားတဲ့ သူ့တပည့်ဘဲ။
ဒီတော့ ကာကွယ်ရေးဦးစီးချုပ်နဲ့ သူ့တပည့် ၅ ယောက်က ကာကွယ်ရေးနဲ့ လုံခြုံရေးကောင်စီမှာ ပါနေတယ်။ ၁၁ မဲမှာ သူက ၆ မဲ။ ကာကွယ်ရေးဦးစီးချုပ်အောက်မှာ လုပ်ရတဲ့ သူ့တပည့် ၅ ယောက်က သူ့ကို မလွဲမသွေကို ထောက်ခံရမယ်။
ဒီတော့ မေးစရာရှိတယ်။ ကာကွယ်ရေးဦးစီးချုပ်ကို ဘယ်သူက ခန့်သလဲ တဲ့။ တရားသူကြီးချုပ်၊ စာရင်းစစ်ချုပ်တို့ကို သမ္မတကြီးက ခန့်နိုင်တယ်။ ဒါပေမဲ့ ကာကွယ်ရေးဦးစီးချုပ်ကိုတော့ မခန့်နိုင်ဘူး။ သိပ်အံ့သြဘို့ကောင်းတယ်။ ပုဒ်မ ၃၄၂ မှာ ကာကွယ်ရေးဦးစီးချုပ်ကို ကာကွယ်ရေးနှင့် လုံခြုံရေးကောင်စီ၏ ထောက်ခံချက်ဖြင့် သမ္မတက ခန့်ရမည် တဲ့။ သမ္မတက ကာလုံက ခိုင်းတဲ့အတိုင်း အမိန့်ထုတ်ပေးရမှာ။ ကာလုံရဲ့အာဏာက ဘယ်သူ့လက်ထဲမှာလဲ။ ကာကွယ်ရေးဦးစီးချုပ်ရဲ့ လက်ထဲမှာ။ ဒီလိုဆို ကာကွယ်ရေးဦးစီးချုပ်ကို ဘယ်သူခန့်မှာလဲ။ (ဖြောင်းဖြောင်းဖြောင်းဖြောင်း)

အဲဒါ စာထဲပါတဲ့အတိုင်း ပြောပြတာ။ အုပ်ချုပ်ရေးဌာနအကြီးအကဲသည် သမ္မတ၊ နိုင်ငံတော်အကြီးအကဲသည် သမ္မတ။ ဒါ စာအုပ်ထဲမှာပါတာ။ ဒါဆို အဲဒါ ဟုတ်မဟုတ် စဉ်းစားကြည့်ရအောင်။ မြန်မာနိုင်ငံ တစ်နိုင်ငံလုံးကို ဘယ်သူအုပ်ချုပ်နေသလဲ။
အနိမ့်ဆုံး ရပ်ကွက်အုပ်ချုပ်ရေးမှူး၊ သူ့အထက်မှာ မြို့နယ်အထွေထွေ အုပ်ချုပ်ရေးမှူး၊ သူ့အထက်မှာ အင်္ဂလိပ်လို GA (General Administration) လို့ခေါ်တဲ့ ခရိုင်အုပ်ချုပ်ရေးမှူးရှိတယ်။ သူ့အထက်မှာ တိုင်း-ထွေ၊ အုပ်ရှိတယ်။ နောက်ပြီးတော့ ပြည်ထောင်စုအဆင့် အထွေထွေ အုပ်ချုပ်ရေးဦးစီးဌာန ရှိတယ်။ သူ့အထက်မှာ ပြည်ထဲရေးဝန်ကြီး။ လက်တွေ့မှာ တိုင်းပြည်ကို အဲဒီ အထွေထွေ အုပ်ချုပ်ရေးဦးစီးဌာနက အုပ်ချုပ်နေတယ်။
အဲဒီ အထွေထွေ အုပ်ချုပ်ရေးဦးစီးဌာနရဲ့ အုပ်ချုပ်မှုကို ရဲတပ်ဖွဲ့က အထောက်အကူပေးတယ်။ အမိန့်မနာခံတဲ့ ကောင်တွေ အားလုံးကို တရားစွဲမယ်။ အချုပ်ထဲထည့်မယ်၊ ထောင်ချမယ်။ လက်နက်ကိုင်ထားတဲ့ ရဲ က GA နဲ့တွဲပြီး အလုပ်လုပ်တယ်။ မြို့နယ်ရဲတပ်ဖွဲ့၊ ခရိုင်ရဲတပ်ဖွဲ့၊ တိုင်းရဲတပ်ဖွဲ့၊ သူတို့အထက်မှာ ရဲချုပ်နဲ့ အထက်ဆုံးမှာ ပြည်ထဲရေး ၀န်ကြီးရှိတယ်။
ဒီကနေ့ မြန်မာတစ်နိုင်ငံလုံးကို အထွေထွေ အုပ်ချုပ်ရေးဦးစီးဌာနနဲ့ ပြည်သူ့ရဲတပ်ဖွဲ့က အုပ်ချုပ်နေတယ်။ သူတို့နှစ်ယောက်ရဲ့ အထက်မှာ ပြည်ထဲရေးဝန်ကြီး ရှိတယ်။ ပြည်ထဲရေးဝန်ကြီးကို ကာကွယ်ရေးဦးစီးချုပ်က ခန့်ထားတယ်။ ဒီတော့ တိုင်းပြည်ကို တကယ်အုပ်ချုပ်နေတဲ့ ပြည်ထဲရေးဝန်ကြီးသည် သမ္မတအလိုကျ အုပ်ချုပ်မလား၊ ကာကွယ်ရေးဦးစီးချုပ် အလိုကျ အုပ်ချုပ်မလား။ အဲဒါ တိုင်းပြည်ကို ဘယ်သူတကယ်အုပ်ချုပ်နေသလဲ ဆိုတာ မြင်သာအောင် ပြောပြတာ။
စာအုပ်ထဲမှာ တိုင်းပြည်ကို သမ္မတအုပ်ချုပ်ပါတယ်လို့ (ထင်ရအောင်) ရေးထားပေမဲ့ တကယ်လက်တွေ့မှာ တိုင်းပြည်ကို သမ္မတ အုပ်ချုပ်ပါတယ်လို့ မပြောနိုင်ဘူး။
ဒါကိုကြည့်ခြင်းအားဖြင့် နိုင်ငံတော်ရဲ့အုပ်ချုပ်မှုအာဏာကိုလည်း ကာကွယ်ရေးဦးစီးချုပ်ကို ပေးထားတယ်။

နောက်ဆုံး တရားစီရင်ရေးအာဏာကို ကြည့်ရအောင်။
၁၉၄၇ ဖွဲ့စည်းပုံအခြေခံဥပဒေမှာ တရားစီရင်ရေးအာဏာကို တရားလွှတ်တော်ချုပ်ကို အပြည့်အ၀ အပ်နှင်းတယ်။ ဘယ်သူ့ကိုမှ ခွဲမပေးဘူး။ ဦးနေ၀င်းလက်ထက်မှာတုံးကလည်း တခြားဟာတွေသာ သူယူထားတယ်။ တရားစီရင်ရေးအာဏာကို ယူမထားဘူး။ တရားသူကြီးကိုသာ ဖိအားပေးချင်ပေးမယ်။ တရားရေးအာဏာကိုတော့ တရားရုံးချုပ်ကိုပဲ အပ်ထားတယ်။ ဒီဘက် ဗိုလ်သန်းရွှေခေတ်မှာလည်းပဲ တရားရုံးချုပ်ကိုပဲ အပ်ထားတာပဲ။ စစ်တပ်က ဘယ်တုံးကမှ တရားရေးအာဏာကို မယူခဲ့ဘူး။
အခု ၂၀၀၈ ဖွဲ့စည်းပုံအခြေခံဥပဒေ ပုဒ်မ ၃၄၃ မှာ စစ်ဘက်တရားစီရင်ရေးနဲ့ပတ်သက်ရင် ကာကွယ်ရေးဦးစီးချုပ်ရဲ့ အဆုံးအဖြတ်သည် အပြီးအပြတ်ဖြစ်သည်။ ဆိုလိုတာက ကာကွယ်ရေးဦးစီးချုပ်ဟာ စစ်ဘက်တရားစီရင်ရေးရဲ့ တရားသူကြီးချုပ်၊ စစ်သားအားလုံးဟာ ကာကွယ်ရေးဦးစီးချုပ်ရဲ့ အမိန့်အောက်မှာ ဘယ်လိုမှ လှုပ်လို့မရအောင် ထည့်ပေးလိုက်တာ။ တကယ့်ကိုပဲ အာဏာရှင်အစစ်အမှန်ဖြစ်အောင် လုပ်ပေးထားတာ။
အုပ်ချုပ်ရေးကိုလည်း ကာ/ချုပ်ပဲလုပ်၊ စစ်တပ်ကိုလည်းပဲ ကာ/ချုပ်ပဲလုပ်၊ တရားရေးကိုလည်း ကာ/ချုပ်ပဲလုပ် ဆိုတော့ ဘယ်လိုနည်းနဲ့မှ တရားမျှတတဲ့ တရားစီရင်ရေးမဖြစ်နိုင်ဘူး။ ဒါမျိုး ကမ္ဘာပေါ်မှာလည်း မရှိဘူး။ ဆိုတော့ နိုင်ငံတော် အချုပ်အချာ အာဏာ သုံးခုစလုံးကို ကာကွယ်ရေးဦးစီးချုပ်ကို တစ်မျိုးမဟုတ် တစ်မျိုးအပ်ထားတာဟာ ပြီးခဲ့တဲ့ စတုတ္ထမြန်မာနိုင်ငံတော်ကို အုပ်စိုးခဲ့တဲ့ စစ်အစိုးရက နောက် ပဉ္စမနိုင်ငံတော်ကို အုပ်စိုးဘို့ ချထားတဲ့ ဖောင်ဒေးရှင်းဘဲ။
အဲဒီဖောင်ဒေးရှင်းအတိုင်းသာသွားရင် ဘယ်တော့မှ ဒီမိုကရေစီနိုင်ငံကို မရောက်နိုင်ဘူး။
ဒီမိုကရေစီနိုင်ငံတစ်ခုရဲ့ စံချိန်ဟာ နိုင်ငံတော်အာဏာ ဘယ်မှာတည်သလဲဆိုတဲ့အပေါ် မူတည်တယ်။ နိုင်ငံတော် အာဏာဟာ ပြည်သူတွေလက်ထဲမှာရှိမှ ဒီမိုကရေစီနိုင်ငံအမှန်ဖြစ်မယ်။ တကယ်လို့ နိုင်ငံတော် အာဏာဟာ ပြည်သူတွေ လက်ထဲမှာမရှိဘဲ တစ်စုံတစ်ယောက်၊ တစ်စုတစ်ဖွဲ့ရဲ့လက်ထဲမှာရှိခဲ့ရင် အဲဒါ ဒီမိုကရေစီနိုင်ငံမဟုတ်တော့ဘူး။ အဲဒါကြောင့်မို့လို့ ၂၀၀၈ ဖွဲ့စည်းပုံအခြေခံဥပဒေနဲ့ တည်ဆောက်မဲ့ မြန်မာနိုင်ငံဟာ ဘယ်နည်းနဲ့မှ ဒီမိုကရေစီနိုင်ငံမဖြစ်နိုင်တော့ဘူး။ ဘာကြောင့်လဲ ဆိုတော့ ခုနက ကျွန်တော်ပြောခဲ့တဲ့ ပုဒ်မတွေအရ နိုင်ငံတော်အာဏာကို ပြည်သူကို အပ်နှင်းထားရမဲ့အစား တစ်စုံတစ်ယောက် သောသူကို အလွန်အကျွံပေးအပ်ထားတဲ့ အတွက် အဲဒီ ၂၀၀၈ ဖွဲ့စည်းပုံအခြေခံဥပဒေနဲ့ ဒီမိုကရေစီနိုင်ငံကို ဘယ်လိုနည်းနဲ့မှတည်ဆောက်လို့ မရနိုင်တော့ဘူး။

(၄) ဒီမိုကရေစီ် မြန်မာနိုင်ငံတော်ကြီး ပေါ်ပေါက်လာအောင် ဘာလုပ်ကြရမလဲ

ဒီလိုဆို ခင်ဗျားတို့၊ ကျွန်တော်တို့ ဘာလုပ်ကြမလဲ။ နိုင်ငံတော်တည်ဆောက်တဲ့နေရာမှာ၊ နိုင်ငံရေးစနစ်တစ်ခုကို တည်ဆောက်တဲ့နေရာမှာ ဘယ်တော့မှ တစ်ဦးတစ်ယောက်တည်းနဲ့ တည်ဆောက်လို့မရဘူး။ နိုင်ငံသားအားလုံးရဲ့အပေါ်မှာ မူတည်တယ်။ နိုင်ငံသားအားလုံးဆိုတာမှာ ပြည်တွင်းမှာရှိနေတဲ့ နိုင်ငံသားတွေရော၊ နိုင်ငံရပ်ခြားရောက်နေတဲ့ နိုင်ငံသားတွေမှာပါ အားလုံးမှာ တာဝန်ရှိတယ်။
မြန်မာပြည်ထဲကလူတွေပဲ အော်နေရင် အဲဒါမြန်မာနိုင်ငံထဲကလူတွေတင် အော်နေတာ ဖြစ်မယ်။ နိုင်ငံခြားရောက်နေတဲ့ မြန်မာတွေကလည်း ကိုယ်လိုချင်တဲ့ မြန်မာနိုင်ငံပုံစံကို ပြောပေးဘို့လိုတယ်။ ဒီနေရာမှာ စိန်ခေါ်မှုတွေကတော့ အများကြီးပေါ့။ ဒါဆို ကျွန်တော်တို့ပိုင်တဲ့အာဏာကို ဒါးပြတိုက်ယူသွားတဲ့ဟာကို ဘယ်လိုပြန်ယူကြမလဲ တဲ့။ ဒါပေမဲ့ ဒါးပြတိုက်ယူထားလို့ ငါတို့ အာဏာကို ပြန်ပေးပါလို့ ပြောလို့ရသေးတယ်။

အခု အဲဒါကို တရားဝင်ဖြစ်အောင် ဖွဲ့စည်းပုံအခြေခံဥပဒေနဲ့ လုပ်ထားတယ်။ ဒါဆို ကျွန်တော်တို့အာဏာ ကျွန်တော်တို့ ပြန်ရအောင် ဘယ်လိုလုပ်မလဲတဲ့။ အဲဒါ အကြီးမားဆုံး စိန်ခေါ်မှု။ အဲဒီစိန်ခေါ်မှု နဲ့ ဆက်စပ်နေတဲ့ နောက်ထပ်စိန်ခေါ်မှုတစ်ခု။
အဲဒီ ဒုတိယစိန်ခေါ်မှုကို တော်တော်ခက်ခက်ခဲခဲ လုပ်ယူရလိမ့်မယ်။ အဲဒါကတော့ နှစ် ၅၀ အတွင်း တဖြည်းဖြည်းနဲ့ ယိုယွင်းပျက်စီးသွားတဲ့ ကျွန်တော်တို့ရဲ့ စိတ်နေစိတ်ထားတွေကို ပြန်ပြင်ဘို့။ အဲဒါ အင်မတန်ခက်တဲ့အလုပ်။ အမှားကြာတော့ အမှန်ဖြစ်တယ်ဆိုတဲ့ စကားပုံရှိတယ်။ အမှားတစ်ခုဟာ အနှစ် ၅၀ လောက်ကြာသွားတဲ့အခါကျတော့ အဲဒါကို အမှန်လို့ ထင်နေတဲ့သူတွေ အများကြီးရှိတယ်။ တကယ်က အမှားဟာ အမှားပဲ။ အမှန်မဟုတ်ဘူး။

ဒါကြောင့် အမှန်တရား ပြန်ထွန်းကားအောင်၊ အမှန်တရားကိုလက်ခံပြီး အမှန်တရားကို ထိန်းသိမ်းစောင့်ရှောက်တဲ့ ယဉ်ကျေးမှု ပြန်ပြီးပေါ်ပေါက်လာအောင် ကျွန်တော်တို့ရဲ့ စိတ်နေစိတ်ထားတွေကို ဘယ်လိုပြင်ကြမလဲ။ အဲဒါဟာ ကျွန်တော်တို့ ရင်ဆိုင်ရမဲ့ စိန်ခေါ်မှုတစ်ခု။
တစ်ဆက်တည်းမှာပဲ ဘာသယံဇာတမှမရှိတဲ့ ဟောသည်စင်ကာပူ ဘာကြောင့်ချမ်းသာသလဲ။ အဲဒါ လူသားအရင်း အမြစ်။ လူတွေကို ပညာတတ်တွေဖြစ်အောင် လုပ်ပေးတယ်။ ပညာရေးစနစ် ကောင်းမွန်ခြင်းရဲ့ အကျိုးကျေးဇူးကြောင့် ချမ်းသာ လာတာ။ ကျွန်တော်တို့လည်း ကျွန်တော်တို့နိုင်ငံ ဖွံ့ဖြိုးတိုးတက်စေချင်ရင် ပညာရေးစနစ်ကို မြှင့်တင်ဘို့ လိုမယ်။ နှစ်ပေါင်း ၅၀ ပျက်စီးယိုယွင်းသွားတဲ့ ပညာရေးစနစ်ကို ဘယ်လိုပြန် တည်ဆောက်ကြမလဲ။
နောက်တစ်ချက်။ ဆင်းရဲချမ်းသာ ကွာဟမှု။ ဒါဟာ နိုင်ငံရဲ့ဖွံ့ဖြိုးတိုးတက်မှုနဲ့ တိုက်ရိုက်ပတ်သက်နေပါတယ်။
နောက်ထပ် စိန်ခေါ်မှုတစ်ခုက တပ်မတော်ရဲ့ အခန်းကဏ္ဍ။ နိုင်ငံရေးမှာ လုံးဝပါဝင်ပတ်သက်ခွင့်မရှိတဲ့ အဖွဲ့အစည်း တစ်ခုက နှစ်ပေါင်း ၅၀ ကြာ နိုင်ငံတော်အာဏာကို အဓမ္မရယူသုံးစွဲခဲ့တယ်။ ဒီကနေ့အထိ အဲဒီနိုင်ငံတော်အာဏာဟာ သူတို့ပိုင် ပစ္စည်းဖြစ်ပြီး သူတို့ပေးမှရမယ်လို့ အထင်ရှိတဲ့သူတွေလည်း ရှိနေသေးတယ်။ အဲဒီတော့ အနာဂတ်မြန်မာနိုင်ငံတော် တပ်မတော် ရဲ့ အခန်းကဏ္ဍကို ဘယ်လိုစဉ်းစားကြမလဲ။
နိုင်ငံတကာက အကြံပေးတွေလာတော့ တပ်မတော်ရဲ့ အခန်းကဏ္ဍ၊ တပ်မတော်နဲ့ ပြည်သူဆက်ဆံရေး စတာတွေ ဆွေးနွေးတော့ ပရော်ဖက်ဆာတစ်ယောက်က အင်မတန် ထူးဆန်းတဲ့ အကြံတစ်ခုပေးသွားတယ်။ ခင်ဗျားတို့က ပြည်သူလူထုကိုပဲ ပညာပေးဘို့ စဉ်းစားနေတယ်။ စစ်တပ်ကိုလည်း ပညာပေးဘို့ စဉ်းစားပါအုံး တဲ့။ သူနေရမဲ့အနေအထား။ သူ့ရဲ့ role ကို သူတို့ သဘောပေါက်နားလည်အောင် ပညာပေးဘို့လိုတယ် လို့ အကြံပေးတယ်။

ပြည်သူလူထုကို ပညာပေးဘို့ သိပ်လွယ်တယ်။ ခင်ဗျားတို့လူစုထား။ ကျွန်တော်လာပြောမယ်၊ သိပ်လွယ်တယ်။ ဒါပေမဲ့ ကျွန်တော် တပ်ထဲ ဘယ်လိုလုပ် ဟောမတုံး။ ကျွန်တော့်ကို ဘယ်သူကဖိတ်မတုံး။ အခု ကျွန်တော် တပ်နဲ့ပတ်သက်ပြီး ပြောနေတာ တပ်ကို မုန်းလို့မဟုတ်ဘူး။ မုန်းလို့လဲ မရဘူး။
စစ်တပ်ဆိုတာ နိုင်ငံတိုင်းမှာရှိတယ်။ တကယ့်ကို လူတွေက စစ်တပ်ကို ချစ်ကြတယ်။ ကျွန်တော်တို့လည်း တစ်ချိန်က ချစ်ခဲ့တာပဲ။ အရမ်းကို ချစ်တယ်။ ၁၉၅၀-၆၀ ကာလတွေတုံးက တပ်မတော်နေ့မှာ စစ်ကြောင်းတွေ ချီလာတော့ ပန်းကုံးစွပ်ကြ တာ ဘယ်သူမှခိုင်းတာမဟုတ်ဘူး။ စစ်သားတွေကို တကယ်နမ်းတယ်။ အဖွားကြီးတွေလည်း နမ်းတယ်။ အပျိုလေးတွေလည်း နမ်းတာပဲ။ တကယ့်ကို ချစ်တာ။ ဘာဖြစ်လို့လည်းဆိုတော့ သူတို့ တကယ့်ကို စွန့်လွှတ်စွန့်စားပြီး တိုင်းပြည်အတွက် လုပ်နေတာ ဖြစ်လို့မို့။ အဲဒီလိုအနေအထားကို ပြန်ရောက်အောင် လုပ်ရမယ်။ တကယ်လူထုချစ်တဲ့ တပ်မတော်ဖြစ်အောင် ပြန်လုပ်ယူရမယ်။

အခုဆိုကြည့်လိုက်။ ဟေ့ - မဆိုင်တဲ့သူတွေ အနားမကပ်နဲ့။ မင်းကဘယ်အနားမှာနေ၊ ခင်ဗျားက ဘယ်သူ့ကို ပန်းကုံးစွပ် ဆိုပြီး အကွက်ချပြီး လုပ်နေရတယ်။ ကျွန်တော်က မုန်းလို့ပြောနေတာမဟုတ်ဘူး။ ဖြစ်သင့်ဖြစ်ထိုက်တာကို ပြောနေတာ။ ဒါလည်းပဲ အင်မတန်ကြီးကျယ်တဲ့ စိန်ခေါ်မှုတစ်ခုပဲ။
နောက်ဆုံး အရေးအကြီးဆုံး စိန်ခေါ်မှုတစ်ခု ရှိသေးတယ်။ အဲဒါက ပြည်ထောင်စု ပြဿနာ။ မြန်မာနိုင်ငံမှာ ကချင်၊ ကယား၊ ကရင်၊ ချင်း၊ မွန်၊ မြန်မာ၊ ရခိုင်၊ ရှမ်းဆိုတဲ့ တိုင်းရင်းသားတွေ စုဝေးနေတဲ့အတွက် ပြည်ထောင်စုအဖြစ် ဖွဲ့စည်းမှ ဖြစ်မယ် ဆိုတာ ဟို့ - ၁၉၄၇ ပင်လုံစာချုပ်ချုပ်ကတည်းက သဘောတူထားပြီးသား။ ဒီသဘောတူညီချက်ကို အကောင်အထည်ဖော်ဘို့ ကြိုးစားတိုင်း ကြိုးစားတိုင်းမှာ ပြဿနာပေါ်တယ်။ အဲဒါက ဖက်ဒရယ်သရဲကြီး။ သူတို့ကို ဖက်ဒရယ်ဆိုတာ အင်မတန် ကြောက်စရာကောင်းတဲ့ သရဲကြီးလို့ သူတို့ကို ရိုက်သွင်းထားတယ်။
တကယ်တော့ ဖက်ဒရယ်စနစ်ဟာ ကြောက်စရာမဟုတ်ဘူး။ အဲဒီဖက်ဒရယ်စနစ်ဟာ မကောင်းဘူး။ တစ်ပြည်ထောင် စနစ်ပဲ ကောင်းတယ်ဆိုပြီး အာဏာသိမ်း။ တိုင်းပြည်ကို နှစ် ၅၀ အုပ်ချုပ်ခဲ့တယ်။ သူပုန် ၁၉ ဖွဲ့ပေါ်လာတယ်။ တိုင်းပြည်မငြိမ်းချမ်း ဘူး။

ဖက်ဒရယ်ပေးရင် ကွဲမယ်၊ ပြဿနာတက်မယ် ဆိုတဲ့အယူအဆနဲ့ ဖက်ဒရယ်စနစ်ကောင်းတယ်ဆိုတဲ့အယူအဆ ခင်ဗျားတို့ အခု ချိန်လို့ရနေပြီ။ တစ်ပြည်ထောင်စနစ်နဲ့ နှစ် ၅၀ အုပ်ချုပ်ခဲ့တယ်။ အောင်မြင်သလား။ ပြည်တွင်းစစ် တောက်လျှောက်ဖြစ်ခဲ့တယ်။ မအောင်မြင်ဘူး။
ဒီလိုဆို ကျွန်တော်တို့မှာ ရွေးစရာနောက်ထပ် တစ်လမ်းပဲရှိတော့တယ်။ အဲဒါဟာ ပြည်ထောင်စုစနစ်။ အဲဒီ ပြည်ထောင်စုစနစ်ကလည်း အလိမ်အညာပြည်ထောင်စုစနစ်ဆိုရင် ပြည်တွင်းစစ် ရပ်မှာမဟုတ်ဘူး။ တကယ့်စစ်မှန်တဲ့ ပြည်ထောင်စုစနစ် ဖြစ်ဘို့လိုပါတယ်။ အဲဒါဟာ ကျွန်တော်တို့အတွက် အလွန်ကြီးမားတဲ့ စိန်ခေါ်မှုတစ်ခုပါ။
ကျွန်တော် ဆရာဦးဖေမြင့်ပြောသွားတဲ့စကားလေးနဲ့ နိဂုံးချုပ်ပါမယ်။

ပေထားချက် - အပစ်အခတ်ရပ်စဲရေး၊ နောက်ပြီး political dialogue။ ဒီဘက် လွှတ်တော်မှာက ဖွဲ့စည်းပုံအခြေခံဥပဒေ ပြင်ဆင်ရေး။ ဒါပေမဲ့ ဒါက ကျောင်းခန်းထဲမှာသင်တဲ့ သင်္ချာနည်း။ ပေးချက်ကိုပေးပြီး အဖြေကိုတွက်ခိုင်းတာ။ မှားချင်မှားမယ်။ မှန်ချင်မှန်မယ်။
ဒါပေမဲ့ အဲဒီပေးထားချက်ဆိုတာ နိုင်ငံရေးမှာကျတော့ သိပ်မအပ်စပ်ဘူး။ နိုင်ငံရေး ကစားကွက်တစ်ခုအနေနဲ့ ဆိုရင် အပ်စပ်တယ်။ ပေးထားချက်ဆိုရအောင် အစိုးရက ပြည်သူကို ဘာပေးထားသလဲ။ ဘာမှပေးမထားဘူး။ ဒီမိုကရေစီစနစ်ကို သွားမယ်ဆိုရင် ပြည်သူလူထုက ပေးထားချက်ရှိမယ်။ ငါတို့လိုချင်တာ ဘာ။ အဲဒါကို ဖြစ်အောင်လုပ်ပေးနိုင်မယ်ဆိုရင် မင်းတို့ကို ငါတို့ ရွေးမယ်။ မင်းတို့ကို အုပ်ချုပ်ခွင့်ပြုမယ်။

လုပ်ရမှာ ကျွန်တော်တို့ ကိုယ်လိုချင်တာကို ပြတ်ပြတ်သားသား၊ သတ္တိရှိရှိ လုပ်ရမယ်။ ဒို့လိုချင်တာ ဒါပဲ။ အဲဒါကို မင်းတို့ လုပ်ပေးနိုင်ရင် အုပ်ချုပ်ရေးယန္တယားမှာ မင်းတို့အတွက် နေရာရှိမယ်။ လုပ်မပေးနိုင်ရင် မင်းတို့အတွက် နေရာမရှိဘူး ဆိုတဲ့ သဘောတရားကို သူတို့သိအောင်၊ သူတို့နားလည်အောင် ကျွန်တော်တို့ လုပ်ပေးရမယ်။
ပြည်တင်းရင် မင်းမခံနိုင်ဘူး ဆိုတဲ့ စကားပုံရှိတယ်။ ကျွန်တော်တို့က အတင်းခံခဲ့ရတာဆိုတော့ ကျွန်တော်တို့ စိတ်ဓာတ်တွေဟာ တဖြည်းဖြည်းနဲ့ ဟိုးအနိမ့်ဆုံးထိ ကျသွားတယ်။ ဒါပေမဲ့ ကျွန်တော်တို့ စိတ်ဓာတ်ကျလို့မဖြစ်ဘူး။ အခု ကျွန်တော်တို့က အသက်ကြီးလှပြီ။ ကျွန်တော်တို့ နောင်လာနောက်သားတွေ ရှိသေးတယ်။ ကျွန်တော်တို့မှာ လုပ်နိုင်တဲ့အားတွေ အများကြီးရှိတယ်။ ကျွန်တော်တို့ တစ်ဦးချင်းတစ်ဦးချင်းပေါင်းလိုက်ရင် ကျွန်တော်တို့ရဲ့အသံ ကျယ်ကျယ်လောင်လောင် မြည်လာပါလိမ့်မယ်။ အဲဒါက ဘာလဲဆိုရင် -
ဟောဒီနိုင်ငံတော်အာဏာရဲ့ ပင်ရင်းပိုင်ရှင်က ငါတို့။ အဲဒီအတွက် ပိုင်ရှင်ဖြစ်တဲ့ ကျုပ်တို့လိုချင်တာကို ခင်ဗျားတို့က လုပ်ပေးပါ။ မလုပ်ပေးရင် ဖြုတ်မယ်။ ကျွန်တော်တို့က ကိုယ့်ရဲ့ role ကို ကိုယ်သိဘို့လိုတယ်။ ကျွန်တော်သူဌေး။ သူဌေးလိုနေမှ သူများလေးစားမယ်။ ကျွန်တော် သူဌေးလိုမနေလို့ရှိရင် ကျွန်တော့်ကို လေးစားမှာမဟုတ်ဘူး။

တကယ့် ဒီမိုကရေစီနိုင်ငံမှာ နိုင်ငံသားတွေက သူဌေး။ တကယ့် နိုင်ငံတော်အာဏာရဲ့ ပင်ရင်းပိုင်ရှင်ပဲ။ အဲဒီတော့ နိုင်ငံတော်အာဏာရဲ့ ပင်ရင်းပိုင်ရှင်တွေက မာန်တင်းပြီး ငါတို့ဟာ တကယ့် နိုင်ငံတော်အာဏာရဲ့ ပင်ရင်းပိုင်ရှင်တွေပဲ။ ငါတို့ နိုင်ငံတော်ကို ငါတို့ ဟောသည်လို တည်ဆောက်ချင်တယ်။ အဲဒီအတိုင်းလုပ်ပေးရမှာက ခင်ဗျားတို့ နိုင်ငံရေးသမားတွေ၊ နိုင်ငံတော်အာဏာကို ယူထားတဲ့သူတွေရဲ့ တာဝန်ပဲ။ ခင်ဗျားတို့တာဝန်ကို ခင်ဗျားတို့ လုပ်ပါ။ မလုပ်နိုင်ရင် နောက်တစ်ကြိမ်မှာ ခင်ဗျားတို့အတွက် နေရာမရှိဘူး ဆိုတာကို သူတို့သိအောင် ကျွန်တော်တို့ဘက်က ကျယ်ကျယ်လောင်လောင် အသံပေးရင် ကျွန်တော်တို့လိုချင်တဲ့ “ပဉ္စမဒီမိုကရေစီ ပြည်ထောင်စုစစ်စစ် မြန်မာနိုင်ငံတော်ကြီး” ပေါ်ပေါက်လာပါလိမ့်မယ် လို့ ယုံကြည်ကြောင်းပြောရင်း နိဂုံးချုပ်ပါတယ်။
(ဖြောင်းဖြောင်းဖြောင်းဖြောင်း ဖြောင်းဖြောင်းဖြောင်းဖြောင်း . . . . . . . .)

ကျေးဇူးတင်ပါသည်။
အေးငြိမ်း



 ရှေ့နေ ဦးကိုနီဟာ NLD ပါတီ အတွက် ဥပဒေရေးရာ အတိုင်ပင်ခံဖြစ်ခဲ့
ရှေ့နေ ဦးကိုနီကို သတ်ခဲ့သူ ဦးကြည်လင်းက သူ့ကို စေခိုင်းသူဟာ ဦးမြင့်ဆွေ ဆိုသူ ဖြစ်တယ်လို့ ပြောတဲ့ ရဲစစ်ချက်လို့ ယူဆရတဲ့ စစ်ချက် အွန်လိုင်း ပေါ်မှာ ပြန့်နှံ့မှာ လာခဲ့ပြီးနောက် ဦးမြင့်ဆွေ ဆိုသူရဲ့ ဓါတ်ပုံတွေ ထွက်ပေါ်လာ ပါတယ်။

ဒါပေမဲ့ အဲဒီဓါတ်ပုံက ဦးမြင့်ဆွေ ဆိုသူ မဟုတ်ပဲ ဦးအောင်ဝင်းဇော် ဆိုသူ ဖြစ်နေပြီး ဦးကြည်လင်းနဲ့ အဲဒီလူက အမှုတွဲ အတူ ထောင်အတူ ကျခဲ့သူ ဖြစ်တယ်လို့ သူတို့ နှစ်ယောက်နဲ့ အိုးဘိုထောင်မှာ အတူ နေခဲ့ဖူးသူ ကိုအောင်စိုးက ပြောပါတယ်။

လူသတ် သမားက ဦးကြည်လင်း ဖြစ်တယ်လို့ သိလိုက်တာနဲ့ တပြိုင်နက် သူနဲ့ အိုးဘိုထောင် အတွင်း အတူနေ အတူစား ရှိခဲ့တဲ့ ဦးအောင်ဝင်းဇော် လည်း ပတ်သက် နိုင်တယ် ဆိုတာ သူ ချက်ချင်း ကောက်ချက် ချနိုင်တယ်လို့ ကိုအောင်စိုးက ပြောပါတယ်။

သူ့ကိုတောင် လူတစ်ယောက်ကို သတ်ပေးဖို့ ပြီးခဲ့တဲ့နှစ်က ဦးအောင်ဝင်းဇော်က ငွေပေး ကမ်းလှမ်း ခဲ့သေးတယ်လို့ ကိုအောင်စိုးက ပြောပါတယ်။

ဒီပြောဆိုမှု ထွက်ပေါ်လာပြီးနောက်မှာ ကိုအောင်စိုးကို ရန်ကုန်တိုင်း ရဲတပ်ဖွဲ့က ခေါ်ယူ တွေ့ဆုံ မေးမြန်းခဲ့ ပါတယ်။

နိုင်ငံခြား သံတမန် တစ်ယောက်ကို သတ်ပေးဖို့ ဦးအောင်ဝင်းဇော်က သူ့ကို ငွေပေး ငှားရမ်းဖူးတဲ့ ကိစ္စ၊ သူလက်မခံတဲ့ အတွက် ဦးကြည်လင်းကို ငှားတာ ဖြစ်နိုင်တယ် ဆိုတဲ့ ကိစ္စနဲ့ အိုးဘိုထောင် အတွင်း သူတို့ အတူနေ အတူစား ရှိခဲ့ကြတဲ့ အကြောင်း တွေနဲ့ ပတ်သက်လို့ ကိုယ်တိုင် မေးမြန်းချင်တဲ့ အတွက် ရဲတပ်ဖွဲ့က လာတွေ့တာလို့ ကိုအောင်စိုးက ပြောပါတယ် ။

အိုးဖိုထောင်မှာ အတူ နေခဲ့တုန်း ကတော့ ဦးအောင်ဝင်းဇော်က သူ ယောက်လမ်းထဲမှာ နေတယ်လို့ ပြောခဲ့ကြောင်း၊ သူအရင် ဆက်သွယ်ခဲ့ဖူးတဲ့ ဖုန်းနံပတ်ကို ဆက်တော့လည်း မကိုင်ကြောင်း ကိုအောင်စိုးက ဘီဘီစီကို ပြောပါတယ်။

လူသတ်သမား ဦးကြည်လင်းက သူ့ကို ခိုင်းသူဟာ ဦးအောင်ဝင်းဇော်လို့ မပြောဘဲ ဦးမြင့်ဆွေ ဆိုတဲ့ နာမည်ကို ဘာကြောင့် ပြောတာ ဖြစ်နိုင်မလဲလို့ ဘီဘီစီက မေးရာ မှာ သူတို့ဟာ ထောင် အတွေ့အကြုံ၊ ရဲ စစ်ချက် အတွေ့အကြုံတွေ ရှိလို့ ဖြစ်နိုင်ပြီး သူတို့ နောက်ကွယ်မှာ အဖွဲ့အစည်း တစ်ခုခု ရှိနေ နိုင်တယ်လို့ သုံးသပ်ကြောင်း ကိုအောင်စိုးက ပြောပါတယ်။

ကိုအောင်စိုးဟာ လုယက်မှု ၈မှုနဲ့ အိုးဘိုထောင်မှာ ထောင်ဒဏ် ၅၈ နှစ် ကျခံခဲ့ ရသူ ဖြစ်ပြီး ဦးကြည်လင်း၊ ဦးအောင်ဝင်းဇော်တို့နဲ့ အိုးဘိုထောင်မှာ အတူ ရှိခဲ့ဖူးတာ မှန်ကန်ကြောင်း အိုဘိုထောင်က ဘီဘီစီကို အတည်ပြုခဲ့ပါတယ်။

BBC Burmese
http://www.bbc.com/burmese



 အခုလို ပြောင်းလဲ သတ်မှတ်လိုက်တာကြောင့် တင်သွင်းတဲ့ကားဝယ်ဈေး ကျသွားရင်တောင်မှ ၂၀၁၇ ပါမစ်နဲ့ တင်သွင်းသူအတွက် မနှစ်ကထက် ကုန်ကျစားရိတ်ပိုများမယ်
ပြည်ပက မော်တော်ယာဉ်တင်သွင်းတဲ့ စည်းကြပ် တန်ဖိုး ( CIF ) ဈေးနှုန်းသစ်တွေကို ၂၀၁၇ ဖေဖော်ဝါရီလ ၁ ရက်နေ့မှာ ထုတ်ပြန်လိုက်ပါတယ်။

ဒီစည်းကြပ်တန်ဖိုးအလိုက် မော်တော်ယာဉ် တင်သွင်းသူက အစိုးရကို အခွန်ပေးရတာ ဖြစ်ပါတယ်။

အခုလို တန်ဖိုးတွေ ပြောင်းလဲ သတ်မှတ်လိုက်တာကြောင့် တင်သွင်းတဲ့ကားဝယ်ဈေး ကျသွားရင်တောင်မှ ၂၀၁၇ ပါမစ်နဲ့ တင်သွင်းသူအတွက် မနှစ်ကထက် ကုန်ကျစားရိတ်ပိုများမယ်လို့ မြန်မာနိုင်ငံ မော်တော်ယာဉ် ထုတ်လုပ်ရေးနဲ့ ဖြန့်ဖြူးရောင်းချရေး အသင်း ဒုဥက္ကဌ ဦးရန်မျိုးကျော်က ဘီဘီစီကို ပြောပါတယ်။

အထူးကုန်စည်ခွန်တိုးလာတာနဲ့ ဝင်ငွေခွန်နှုန်းထား တိုးလာတာတွေကြောင့်လည်း အခုလို ကုန်ကျစားရိတ် များလာတာဖြစ်ပါတယ်။

အင်ဂျင်အား လေးထောင်နဲ့ ငါးထောင် စီစီ ကြားက ကားတွေအတွက် အထူးကုန်စည်ခွန် ၂၅ ရာခိုင်နှုန်း ထားရာကနေ ၅၀ ရာခိုင်နှုန်းအထိ တိုးမြှင့် ကောက်ခံတော့မှာ ဖြစ်ပါတယ်။

၂၀၁၁ ယာဉ်အို ယာဉ်ဟောင်းစနစ်အရလည်း သိန်း သုံးရာအောက်ဆိုရင် ဝင်ငွေခွန် ၁၅ ရာခိုင်နှုန်း ကောက်ခံပြီး သိန်းသုံးရာကျော်ရင်တော့ ၂၀ ရာခိုင်နှုန်း ပြောင်းလဲကောက်ခံမှာ ဖြစ်ပါတယ်။

အင်ဂျင်အား ၁၃၀ဝ စီစီ အောက်ဆိုရင်တော့ ၂၀၁၀ အထက် မော်ဒယ်တွေ အတွက် စည်းကြပ်တန်ဖိုးကတော့ မပြောင်းလဲပဲ အမေရိကန် ဒေါ်လာ ငါးထောင်ပဲ သတ်မှတ်မှာ ဖြစ်ပါတယ်။

၂၀၁၅ နောက်ပိုင်း မော်ဒယ်တွက်ကိုတော့ ဘယ်မောင်း မော်တော်ယာဉ်ပဲ သွင်းရမယ်ဆိုတဲ့ အချက်ကိုလည်း စည်းကမ်းထုတ်ထားတယ်လို့ သိရပါတယ်။

အသုံးပြုပြီးသား ကားတွေမှာတော့ အခွန် ၁၀ ရာခိုင်နှုန်းလောက်အထိ လျှော့သွားတာရှိပြီး တက်သွားတဲ့ ရာခိုင်နှုန်းတော့ နည်းတယ်လို့ သိရပါတယ်။

BBC Burmese
http://www.bbc.com/burmese


ရန်ကုန်လေဆိပ်တွင် ရှေ့နေဦးကိုနီ လုပ်ကြံခံရမှု ဖြစ်စဉ်မှ တရားခံဖမ်းမိရန် အသက်စတေးခဲ့သော အငှားယာဉ်မောင်း ကိုနေဝင်းကို အညတရ သူရဲကောင်းအဖြစ် အသိအမှတ်ပြုခဲ့ပြီ ဖြစ်သည်။ ဦးကိုနီကို ပစ်သတ်ပြီးနောက် ထွက်ပြေးလာသော သေနတ်သမား ဦးကြည်လင်းသည် အဌားယာဉ်တစ်စီးကို တားဆီးခဲ့ရာတွင် အဆိုပါယာဉ်မောင်းက တရားခံဖမ်းမိရန် ကူညီဆောင်ရွက်ခဲ့စဉ် ဖြစ်ရပ်အချို့ကို The Voice က သီးသန့် တွေ့ဆုံမေးမြန်းခဲ့သည်များမှ ကောက်နုတ်ဖော်ပြအပ်ပါသည်။

The Voice : လေဆိပ်မှာ ဦးကိုနီ လုပ်ကြံခံရတဲ့နေ့က အကိုမြင်တွေ့ခဲ့တာ ပြန်ပြောပြပါ။

UKA : လေဆိပ်အဝင်လမ်းအတိုင်း ကားမောင်းလာချိန် လူတစ်ယောက်က သေနတ်နဲ့ချိန်ပြီး ကျွန်တော့်ကား လှမ်းတားတာ ရုတ်တရက် အနီးကပ်မှ မြင်လိုက်တယ်၊ မရပ်ပေးနဲ့ အဲဒါလူသတ်သမားလို့ နောက်က အော်သံတွေ ကြားလိုက်ပေမယ့် ကားကို ကျွန်တော် ရပ်မိလိုက်ပြီ။ ညာဘက်ခြမ်းက ကားလှမ်းတာတဲ့ သေနတ်သမားက ကားခေါင်းကို ပတ်ပြီး ဘယ်ဘက်ခြမ်းတံခါး လာဖွင့်တယ်၊ အဲဒီအချိန်က လူအုပ်နဲ့ ရဲတွေက ကျွန်တော်တို့နဲ့ အဝေးမှာပဲ ရှိသေးတယ်။

The Voice : သေနတ်သမားက ကားထဲဝင်မယ့်အချိန်မှာ အနားမှာ ရဲတွေရောက်နေပြီလား၊ အကိုကရော ကားမောင်းပြေးဖို့ မစဉ်းစားခဲ့ဘူးလား။

UKA : သူ့လက်ထဲမှာ သေနတ်နဲ့၊ လှုပ်တာနဲ့ ကျွန်တော့်ကို ပစ်မယ့်ပုံ၊ သေမထူး နေမထူး ဖြစ်နေတဲ့အချိန်မှာ ကျွန်တော်အတွေးတစ်ခု ရလိုက်တယ်၊ တံခါးဖွင့်ပြီး ကားထဲ သူ့ခြေတစ်ဖက် ဝင်ချိန် ကားမောင်းလိုက်တော့ သူဟန်ချက်ပျက်ပြီး ခြေထောက်တစ်ဖက်က ကားလမ်းပေါ်မှာ ခြေထောက်တစ်ဖက်က ကားထဲမှာ လက်နှစ်ဖက်က ကားတံခါးညှပ်ပြီး တရွတ်တိုက် ကားနဲ့ ပါလာတယ်။

The Voice : ဟုတ်ကဲ့။ ကားနဲ့ တရွတ်တိုက်ပါလာချိန် အကိုကားကို ဘယ်အထိ မောင်းခဲ့လဲ ခင်ဗျ။

UKA : ၁၀ ပေလောက် ကားက မောင်းထွက်သွားချိန်မှာ လူအုပ်ကြီးက ကျွန်တော်ကားအနား ရောက်လာတယ်၊ ပြီးတော့ ကားကို ခဲနဲ့ဝိုင်းထုတာ၊ ကျွန်တော်က ဘရိတ်နင်းပြီး ကားစက်သတ်လိုက်တော့ တရွတ်တိုက် ပါလာတဲ့သူ ကားရှေ့ထိုင်ခုံပေါ် ပြုတ်ကျလာတယ်၊ သူက ချက်ချင်းထထိုင်ပြီး သေနတ်နဲ့ ကျွန်တော့်ကို ချိန်တယ်၊ ကားမောင်းမမောင်းရင် ဘေးဖယ်နေလို့ သူက ပြောပေမယ့် ကျွန်တော် ဘာမှပြန်မပြောဘဲ စီယာတိုင်ပေါ် လက်နှစ်ဖက် တင်ထားလိုက်တယ်၊ အဲဒီအချိန်မှာ ခဲတစ်လုံးက သူ့မျက်နှာလာမှန်ပြီး လူအုပ်က သူ့ကို ကားထဲက ဆွဲထုတ်လိုက်တယ်။

The Voice : ဆွဲထုတ်သွားတာ အရပ်သားတွေလား၊ ရဲတွေလား ခင်ဗျ။

UKA : ကျွန်တော်လဲ ထိတ်လန့်နေတော့ သေချာမမှတ်မိတော့ဘူး၊ သေနတ်သမားကို ဝိုင်းထုနေချိန်မှာ ရဲတွေ သေနတ်ပစ်ဖောက်ပြီး လူစုခွဲလိုက်တယ်၊ အဲဒီအချိန်မှ ကျွန်တော်လဲ ကားပေါ်က ဆင်းလာရဲတော့တယ်၊ ဖမ်းဆီးထားတဲ့ သေနတ်သမားကို ရဲက ကျွန်တော့်ကား နောက်ဖုံးထဲ ပစ်ထည့်ပြီး အရာရှိတစ်ဦး၏ ကားတက်မောင်းတယ်၊ ဆရာ ဒါကျွန်တော့်ကားပါလို့ ပြောတော့ ရှေ့ခန်းတံခါး ဖွင့်ပေးပြီး ကျွန်တော့် ဝင်ထိုင်ခိုင်းတယ်၊ လေဆိပ်ကို ကားမောင်းသွားပြီး သေနတ်သမားနဲ့ ကျွန်တော် ကြုံတွေ့ခဲ့တဲ့ ဖြစ်စဉ်တွေကို ရဲက စစ်ဆေးမေးမြန်းတယ်၊ ထိတ်လန့်စရာဖြစ်ရပ်ကို ကြုံတွေခဲ့တာကြောင့် ကားမမောင်းရဲတော့လို့ အဲဒီညက ရဲကိုယ်တိုင် ကားမောင်းပြီး ကျွန်တော့်ကို ပြန်ပို့ခဲ့တယ်။

The Voice : ဒီဖြစ်စဉ်နဲ့ ပတ်သက်ပြီး ပျက်စီးသွားတဲ့ကားကို ရဲတပ်ဖွဲ့က ဘယ်လိုများ တာဝန်ယူ ဆောင်ရွက်ပေးထားလဲ။

UKO : ဒီနေ့ (ဖေဖော်ဝါရီ ၂ ရက်) ကျွန်တော့်ကို ရဲတပ်ဖွဲ့က အရာရှိကြီးက Terminal 3 ကို ခေါ်ပြီး ပျက်စီးသွားတဲ့ ကားကို စိတ်ကြိုက်ပြန်ပြုပြင်ပေးမယ်လို့ပြောတယ်၊ မိသားစုက ကျွန်တော့်ဝင်ငွေ တစ်ခုနဲ့ မှီခိုနေတာပါ၊ လက်ရှိကားက လေကာမှန်အက်ပြီး ဘော်ဒီတွေ ပိန့်ချိုင့်သွားပေမယ့် မောင်းလို့ရတာကြောင့် ကားဆွဲနေတယ်၊ ကားကို စိတ်ကြိုက် အမြန်ဆုံး ပြန်ပြုပြင်ပေးရင်ပဲ ကျေနပ်ပါပြီ။

The Voice : အခုလို ဖြေပေးတာ ကျေးဇူးပါပဲ။

ခ်ိုင်စိုးလင်း

===========

The Voice

http://thevoicemyanmar.com/relax/5820-ukl


တရားလွှတ်တော်ရှေ့နေ ဦးကိုနီကို ရန်ကုန်လေဆိပ်မှာ သေနတ်နဲ့ အနီးကပ် ပစ်ခတ်လုပ်ကြံခဲ့တဲ့ ဦးကြည်လင်းနဲ့ ဆက်စပ်ပြီး ဦးမြင့်ဆွေဆိုသူကို ရဲတပ်ဖွဲ့က ရှာဖွေစုံစမ်းနေကြောင်း သတင်းတွေ ထွက်ပေါ်နေပါတယ်။ ဦးမြင့်ဆွေ ဘယ်လိုလူလဲဆိုတာကို သူနဲ့ တရပ်ထဲသား နေထိုင်ခဲ့တဲ့ ဦးကြိုင်နဲ့ တွေ့ဆုံမေးမြန်းထားပါတယ်။

ရိုက်ကူး - အောင်အောင်နိုင်
DVB TV - 02.02.2017



မန္တလေးမြို့ ဓမ္မသဟာယကျောင်း၊ နာယက၊ မစိုးရိမ်တိုက်သစ် ဆရာတော် ဦးဝီရသူ ကို တွေ့ရစဉ်။ Photo: RFA
ဧရာဝတီတိုင်းဒေသကြီး၊ ပုသိမ်မြို့မှာ ကျင်းပဖို့စီစဉ်ထားတဲ့ မဘသဆရာတော် ဦးဝီရသူ ပါဝင်မယ့် တရားပွဲကို လုံခြုံရေးအခြေအနေအရ တိုင်းဒေသကြီး အစိုးရအဖွဲ့က ပိတ်ပင်လိုက်ပါတယ်။

ဘာသာရေးရှုထောင့်ကမဟုတ်ဘဲ လုံခြုံရေးရှုထောင့်ကနေ ဆုံးဖြတ်လိုက်တာဖြစ်တယ်လို့ တိုင်းဒေသကြီး စည်ပင်သာယာရေးဝန်ကြီး ဦးကျော်မြင့် က ပြောပါတယ်။

"ဒီတိုင်းဒေသကြီး အစိုးရအနေနဲ့က ကျနော်တို့ ဘာသာရေးရှုထောင့်က မဟုတ်တော့ဘဲနဲ့ လုံခြုံရေးရှုထောင့် ကနေပြီး ကြည့်ပြီးတော့ ဆုံးဖြတ်လိုက်တာဖြစ်ပါတယ်၊ လူမျိုးရေး အမုန်းပွားမှုတွေလည်း ပေါ်ပေါက်လာမယ် ဆိုရင် ကျနော်တို့က ကျင်းပမယ့်ပွဲတွေကို လုံခြုံရေးရှုထောင့်က ခွင့်မပြုသင့်တဲ့ အနေအထားမျိုးဖြစ်နေတာကို မူတည်ပြီးတော့ ဆုံးဖြတ်ခဲ့တာပါ"

လက်ရှိမှာ အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေး တရားလွှတ်တော်ရှေ့နေ ဦးကိုနီ လုပ်ကြံခံထား ရတာကြောင့် လုံခြုံရေးကို တင်းတင်းကျပ်ကျပ် လုပ်ဆောင်ရမယ့်အခြေအနေဖြစ်လို့ ခွင့်မပြုခဲ့တာဖြစ်တယ် လို့လည်း ပြောပါတယ်။

တရားပွဲကို ပုသိမ်မြို့၊ မြို့တော်ခန်းမရှေ့က ရှုခင်းသာရင်ပြင်မှာ ဇန်န၀ါရီလ ၃၁ ရက်နေ့နဲ့ ဖေဖော်ဝါရီလ ၁ ရက်နေ့တို့မှာ ပြုလုပ်ဖို့စီစဉ်ထားတာဖြစ်ပြီး ပွဲကိုခွင့်မပြုဘူးဆိုတာကို ပြီးခဲ့တဲ့ ဇန်န၀ါရီလ ၃၀ ရက်နေ့က အကြောင်းပြန်ကြားခဲ့တာလည်း ဖြစ်ပါတယ်။

အဲဒီတရားပွဲမှာ ပုသိမ်မြို့ ရွှေမစိုးရိမ်ကျောင်းတိုက် ဆရာတော်တစ်ပါးနဲ့ မဘသ ဆရာတော် ဦးဝီရသူ တို့ ဟောကြားဖို့ စီစဉ်ထားတာဖြစ်ပါတယ်။

RFA Burmese
http://www.rfa.org/burmese


နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဥပဒေအကြံပေး တရားလွှတ်တော်ရှေ့နေ ဦးကိုနီကို လုပ်ကြံဖို့စေခိုင်းခဲ့သူလို့ဆိုတဲ့ ဦးမြင့်ဆွေကို ရဲတွေက ဖမ်းဆီးမိခဲ့ကြောင်း သိရပါတယ်။

ဦးမြင့်ဆွေကို ကရင်ပြည်နယ်တောင်ပိုင်းက ထိုင်းနယ်စပ်နားမှာ တနင်္လာနေ့က ဖမ်းဆီးမိခဲ့တာလို့ AP သတင်းက ဆိုပါတယ်။

သူဟာ ဦးကိုနီကိုသတ်ဖို့အတွက် ဦးကြည်လင်းကို ငှားရမ်းစေခိုင်းခဲ့သူလို့ အာဏာပိုင်တွေက စွပ်စွဲထားသူဖြစ် ပါတယ်။

ဦးကိုနီဟာ ပြီးခဲ့တဲ့တနင်္ဂနွေနေ့က အင်ဒိုနီးရှားနိုင်ငံက လေ့လာရေးခရီးစဉ် တခုကအပြန် ရန်ကုန်လေဆိပ် မှာ သေနတ် နဲ့ အနီးကပ်လုပ်ကြံခံခဲ့ရတာဖြစ်ပါတယ်။

ဦးမြင့်ဆွေကို ကနဦးစစ်ဆေးချက်အရ သူက တိုင်းပြည်တည်ငြိမ်အေးချမ်းစေရေးအတွက် ရည်ရွယ်ပြီး ဦးကိုနီကို သတ်ခဲ့တာလို့ဆိုပါတယ်။

RFA Burmese
http://www.rfa.org/burmese
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဥပဒေအကြံပေး တရားလွှတ်တော်ရှေ့နေ ဦးကိုနီကို လုပ်ကြံဖို့စေခိုင်းခဲ့သူလို့ဆိုတဲ့ ဦးမြင့်ဆွေကို ရဲတွေက ဖမ်းဆီးမိခဲ့ကြောင်း သိရပါတယ်။

ဦးမြင့်ဆွေကို ကရင်ပြည်နယ်တောင်ပိုင်းက ထိုင်းနယ်စပ်နားမှာ တနင်္လာနေ့က ဖမ်းဆီးမိခဲ့တာလို့ AP သတင်းက ဆိုပါတယ်။

သူဟာ ဦးကိုနီကိုသတ်ဖို့အတွက် ဦးကြည်လင်းကို ငှားရမ်းစေခိုင်းခဲ့သူလို့ အာဏာပိုင်တွေက စွပ်စွဲထားသူဖြစ် ပါတယ်။

ဦးကိုနီဟာ ပြီးခဲ့တဲ့တနင်္ဂနွေနေ့က အင်ဒိုနီးရှားနိုင်ငံက လေ့လာရေးခရီးစဉ် တခုကအပြန် ရန်ကုန်လေဆိပ် မှာ သေနတ် နဲ့ အနီးကပ်လုပ်ကြံခံခဲ့ရတာဖြစ်ပါတယ်။

ဦးမြင့်ဆွေကို ကနဦးစစ်ဆေးချက်အရ သူက တိုင်းပြည်တည်ငြိမ်အေးချမ်းစေရေးအတွက် ရည်ရွယ်ပြီး ဦးကိုနီကို သတ်ခဲ့တာလို့ဆိုပါတယ်။

RFA Burmese
http://www.rfa.org/burmese


*** (၁)

ယခုရက်ပိုင်းများအတွင်း လူမှုသတင်းကွန်ရက် မီဒီယာမှတစ်ဆင့် မြန်မာနိုင်ငံ တစ်ဝန်းလုံးသို့ ပြင်းထန်စွာ ရိုက်ခတ်ပျံ့နှံ့ခဲ့သော သတင်းဆိုးတစ်ပုဒ် ထွက်ပေါ်ခဲ့သည်။ ယင်းမှာ ၂၉၊၀၁၊၂၀၁၇ ရက်နေ့ ညနေငါးနာရီခန့်က ရန်ကုန်အပြည်ပြည်ဆိုင်ရာ လေဆိပ် Terminal(1) အရှေ့တွင် သေနတ်ဖြင့် ပစ်ခတ်ခံရမှုကြောင့် အမျိုးသားဒီမိုကရေစီ အဖွဲ့ချုပ်(NLD)၏ ဗဟိုဥပဒေ အထောက်အကူပြု အဖွဲ့ဝင် ဦးကိုနီ သေဆုံးခဲ့ရသည့် ဖြစ်ရပ်ပေတည်း။

ဦးကိုနီသည် အင်ဒိုနီးရှားနိုင်ငံတွင် ကျင်းပခဲ့သော အစည်းအဝေး တစ်ခုအား ပြန်ကြားရေးဝန်ကြီးနှင့်အတူ လိုက်ပါသွားခဲ့ပြီး ရန်ကုန်လေ ဆိပ်သို့ ပြန်လည်ရောက်ရှိချိန်တွင် အသက် ၅၄ နှစ်အရွယ် ကြည်လင်း (ခေါ်) မောင်တူးက သေနတ်ဖြင့် အနီးကပ်ပစ်ခတ် လုပ်ကြံခဲ့သဖြင့် ဦးကိုနီသည် အချင်းဖြစ်နေရာမှာပင် ပွဲချင်းပြီးသေဆုံးခဲ့လေသည်။ ယင်းအပြင် ဦးကိုနီအား လုပ်ကြံသတ်ဖြတ်ပြီးနောက် ထွက်ပြေးခဲ့သည့် သေနတ် သမားအား လိုက်လံဖမ်းဆီးခဲ့သည့် လေဆိပ်ရှိ အငှားယာဉ်မောင်းများအနက် အငှားယာဉ်မောင်း တစ်ဦးဖြစ်သူ အသက် ၄၈ နှစ်အရွယ် ဦးနေဝင်းမှာ လည်း သေနတ်သမားက ပြန်လည် ပစ်ခတ်မှုကြောင့် သေဆုံးခဲ့ရသည်။ ထိုသတင်းသည် လူမှုသတင်းကွန်ရက်တွင် တောမီးပမာ ပျံ့နှံသွားခဲ့ပြီး တုံ့ပြန်ရိုက်ခတ်မျိုးစုံ ပေါ်ထွက်လာခဲ့၏။ မည်သူ၊မည်သည့်အဖွဲ့၏ လက်ချက်ဖြစ် သည်ကို စေ့ငုကြ၏။ ပြည်သူလူထုအများစု ကြေကွဲဝမ်းနည်း ကြောင်း ဖော်ပြ ကြသည်နှင့် တချိန်တည်းတွင်ပင် ထိုသတင်း အတွက် ပျော်ရွှင်အားရ နေကြ သူတို့လည်း ရှိနေသည်။

*** (၂)

အဆိုပါဖြစ်ရပ်တွင် တရားခံကြည်လင်းကို လက်ရဖမ်းဆီး နိုင်သော် လည်း နောက်ကွယ်မှ ကြိုးကိုင်သည့် ပုဂ္ဂိုလ် သို့မဟုတ် အဖွဲ့အစည်းတစ်ရပ်ရပ် ရှိရမည်ဟု အများစုက သံသယပွားကြသည်။ မြန်မာပြည် တွင် ဖြစ်ပွားခဲ့လေ သမျှ ဧရာမ မူးယစ်ဆေးဝါးမှုကြီးများ၊ လေးငါးလောင်းပြိုင် လူသတ်မှုကြီးများ မှာ လက်သည်တရားခံမပေါ်ဘဲ သတင်းအစအန ပျောက်သွားတတ်ခဲ့သော သာဓကများရှိခဲ့လေရာ အထက်ပါ သံသယသည် သဘာဝကျသည်ဟု ဆိုနိုင်သည်။ ထိုသံသယကို ပို၍ကြီးထွားစေသည်ကား သက်ဆိုင်ရာ တို့အနေဖြင့် ယင်းအမှုအပေါ် ထိရောက်စွာ ကိုင်တွယ်နိုင်ခြင်းမရှိဟု လူအများစုက ခံယူနေကြခြင်းဖြစ်၏။ ရည်ညွန်းခဲ့သော မှုခင်းသည် နိုင်ငံတော် တည်ငြိမ်မှုကို ပျက်ပြားစေရန် ရည်ရွယ်ခြင်း ဖြစ်နိုင်ကြောင်း သမ္မတရုံးမှ သတင်းထုတ်ပြန်ခဲ့သည်။

ဖေ့စ်ဘွတ်စာမျက်နှာများ ပေါ်တွင် ယင်းအမှုနှင့်စပ်လျဉ်း၍ အမှု မှန် ပေါ်ပေါက်စေလိုသူများက သုံးသပ် ချက်၊ ဝေဖန်ချက်အမျိုးမျိုး ဖော်ပြရေး သားနေကြချိန်တွင် ဆန့်ကျင်ဖက် အုပ်စုများမှလည်း အမှုလမ်းကြောင်း သွေ ဖည်စေရန် ရေးသားဖော်ပြနေမှု မျိုးလည်း ရှိသည်။ ဥပမာအားဖြင့်ဆိုရလျှင် အချို့သော ဖေ့စ်ဘွတ်စာမျက်နှာများ၌ ဦးကိုနီအား အန်အယ်ဒီပင် နှုတ်ပိတ် သယောင်၊ အမေရိကန် စီအိုင်အေ၏လက်ချက် ဖြစ်လေဟန်အထိ ရေး သားမှုမျိုးပင် ရှိနေလေသည်။

ထိုသို့သောသတင်းများ ပလူပျံအောင် ပေါ်ထွက်နေချိန်မှာပင် တရားခံကြည်လင်းအား သက်ဆိုင်ရာ ရဲတပ်ဖွဲ့မှ စစ်ဆေးမေးမြန်းချက် ဓာတ်ပုံမိတ္တူများ ထူးဆန်းစွာ ပေါ်ထွက်လာခဲ့ လာပြန်လေသည်။ ထို စစ်ဆေးချက်များမှာ အစစ်အမှန်များ ဖြစ်ကြောင်း အမည်မဖော်လိုသူ ရဲအရာရှိတစ်ဦးမှ အတည်ပြုသည်ဟု ဧရာဝတီ သတင်းဝက်ဘ် ဆိုဒ်တွင် ဖော်ပြထားပြီး ယင်းထွက်ဆိုချက်၏ လိုရင်းအတိုချုပ်မှာ အောက်ပါ အတိုင်း ဖြစ်လေသည်။

*** (၃)

တရားခံ၏အမည်မှာ ကြည်လင်း (ခေါ်) ကိုထူး၊ အသက် ၅၄ နှစ်ရှိပြီး စစ်ကိုင်းတိုင်း၊ ယင်းမာပင်မြို့နယ်၊ စိုင်လျားကျေးရွာတွင် မွေးဖွားသည်။ ပညာအရည်အချင်း ဘုန်းကြီးကျောင်းထွက်ဟု ဆိုသည်။ လက်ရှိနေရပ်လိပ်စာမှာ အမှတ်မသိ၊ အမှတ်(၇)ကားဂိတ်အနီး၊ အိုးဘိုရပ်ကွက်၊ မန္တလေးတိုင်းဟု ဖော်ပြထားသည်။ ၁၉၈၅ ဝန်းကျင်တွင် မဟာမြတ်မုနိဘုရားကြီးအနီး၌ ရှမ်းခေါက်ဆွဲရောင်းခဲ့ကာ မုံရွာဘက်မှ ဦးစံဝင်းဆိုသူ ခိုးယူလာသော ဘုရားတစ်ဆူကို ပွဲစားလုပ်ရောင်းချပေး မှုဖြင့် ထောင် ၇ နှစ်ကျခဲ့ပြီး နှစ်နှစ်ခုနစ်လအကြာတွင် လွတ်ငြိမ်းချမ်း သာခွင့်ဖြင့် လွတ်မြောက်လာခဲ့သည်။ ထို့နောက် ၂၀၀၃ ခုနှစ်တွင် ရှေးဟောင်းဘုရားမှောင်ခိုမှုဖြင့် ထောင်ဒဏ် အနှစ်နှစ်ဆယ် ကျခဲ့ပြန်ပြီး ၂၀၀၄ ခုနှစ်တွင်လွတ်ငြိမ်းချမ်းသာခွင့်ဖြင့် လွတ်မြောက် ခဲ့ပြန်သည်။

ထို့နောက် မြဝတီ မဲဆောက်ဘက်တွင် ကျင်လည်ကျက်စားခဲ့ပြီး အလုပ်အကိုင် အဆင်မပြေသောကြောင့် ရန်ကုန်တက်ကာ အလုပ်ရှာမှ မဲဆောက်တွင် သိကျွမ်းခဲ့ဖူးသော မြင့်ဆွေဆိုသူနှင့် အဆက်အသွယ်ရသည်။ တစ်ရက်တွင် ထိုမြင့်ဆွေဆိုသူက ဂျာနယ်တစ်စောင်တွင် ပါလာသော လူတဦး၏ပုံကိုပြပြီး သတ်ပေးရင် ကားတစ်စီးပေးမည်ဟုဆိုကာ လူသတ်ရန် ကမ်းလှမ်းသည်။ ကြည်လင်းနှင့် မြင့်ဆွေ ဆယ်ကြိမ်နှင့်အထက် တွေ့ဆုံခဲ့ကြပြီး မြင့်ဆွေက အမည်မမှတ်မိသော ဟိုတယ်တစ်ခုတွင် တည်းခိုပြီး ကြည်လင်းက ဘုန်းကြီးကျောင်းတစ်ကျောင်းတွင် တည်းခိုသည်။ အခြင်းဖြစ်ပွား မည့် နေ့တွင် မြင့်ဆွေက ကြည်လင်းကို ဖုန်းဆက်ခေါ်ပြီး ရန်ကုန်လေဆိပ်သို့ အတူထွက်ခွာခဲ့သည်။ လုပ်ကြံမှု မအောင်မြင်လျှင် ကြည်လင်း၏ မိသားစုကို ဒုက္ခပေးမည်ဟု မြင့်ဆွေကခြိမ်းခြောက်သည်ဆို၏။

နောက်ဆုံးလေဆိပ်သို့ အရောက်တွင် မြင့်ဆွေမေးငေါ့ပြသော သူကို သေနတ်ဖြင့် ဦးခေါင်းကို တေ့ပစ်လိုက်သည်။ သူ့အားဖမ်းဆီးရန် ဝိုင်းအုံလာသော သူများထဲမှာ ဦးနေဝင်းဆိုသူကို သေနတ်ဖြင့်ပစ်သည်။ ကြည်လင်း အဖမ်းခံရသည်။ မြင့်ဆွေ ဘယ်ရောက်နေမှန်းမသိ၊ မြင့်ဆွေက သူ့ကိုပေးမည်ဆိုသော ကားကို မရသေး။ မြင့်ဆွေ ဖုန်းနံပါတ်ကို သူမမှတ်မိ။ ကြည်လင်း၏ ထွက်ဆိုချက်မှာ ဤတွင်နိဌိတံ၏။

*** (၄)

နဂိုကမှ ဤအမှုအပေါ် အမြင်မကြည်လင်ကြသူများမှာ တရားခံ၏ အထက်ပါ ရဲထံထွက်ဆိုချက် ပေါ်ထွက် လာပြီးသည့်နောက်တွင် ဝေဖန်သံများ ပိုမိုဆူညံလာခဲ့သည်။ စစ်ဆေးသူ ရဲအရာရှိသည် အဆိုပါအမှုကို သာမာန်ကာလျှံကာ စစ်ဆေးကြောင်း ထင်ရှားနေသည်။ ကြည်လင်း၏ ထွက်ဆိုချက်သည် ခပ်ညံ့ညံ့ ရုပ်ရှင် ဇာတ်ညွန်းတစ်ပုဒ်နှင့် အလားသဏ္ဍန်တူကြောင်း သာမန်လူပြိန်းပင် သိနိုင်သည်။ အမှုစစ်အရာရှိသည် တရားခံအား မစစ်ဆေးမီ အမှုဖြစ်ခြင်းရာ အသေးစိတ်ကို ထုံးလိုချေ ရေလိုနှောက် ထားနှင့်ရမည့် အရည်အသွေးမျိုး ရှိဟန်မတူချေ။ စင်စစ် ဦးကိုနီလုပ်ကြံခံရမှုသည် ပုဂ္ဂိုလ်ရေးအာဃာတကြောင့် ကျူးလွန်ခဲ့ခြင်းမဟုတ်ဟု အများကယူဆကြသည်။ အဘယ်ကြောင့်ဆိုပါမူ ဦးကိုနီသည် အာဏာရ အန်အယ်လ်ဒီပါတီ၏ ဥပေဒေအထောက်အကူပြု အဖွဲ့ဝင်ဖြစ်သည် သာမက ၂၀၀၈ ခုနှစ် ဖွဲ့စည်းပုံအခြေခံဥပဒေကို အသစ်ပြန်လည်ရေးဆွဲရန် စိုက်လိုက်မတ်တတ် အားထုတ်ခဲ့သူဖြစ်သည်။ ယင်းအချက်ကြောင့်ပင် ထိုလုပ်ကြံမှုအပေါ် ပြည်သူအများ စိတ်ဝင်စားမှု ဒီရေမြင့်တက်ကာ ဝေဖန်သံများ အဆက်မပြတ် ထွက်ပေါ်နေခြင်းဖြစ်သည်။

သည်အမှုသည် သည်လိုနှင့်ပင် တဖြည်းဖြည်း မှုန်ဝါးပျောက်ကွယ် သွားတော့လေမည်လော။ ယင်းပြစ်မှုကို အကွက်ချစီစဉ်ပေးခဲ့ သည့် နောက်ကွယ်မှ လက်မည်းကြီးတို့ အနေဖြင့် ယင်းအမှုကို ခြေရာ လည်း ဖျောက် ရေလည်းနောက်အောင် ဖန်တီးနိုင်ကြဦး မည်လော။ နောက် ဆုံးရရှိသော သတင်းများအရ အဆိုပါလုပ်ကြံမှုကို ကုလသမဂ္ဂအပါ အဝင် နိုင်ငံတကာက ရှုတ်ချကြောင်း သတ်ဖြတ်ခံရမှုအတွက် မြန်မာ အစိုးရအနေဖြင့် တိကျစွာ စုံစမ်းစစ်ဆေးပြီး ဥပဒေနှင့်အညီ အရေးယူ ရန် တောင်းဆိုမှုများလည်း ထွက်ပေါ်လာနေသည်။

၎င်းအခြေအနေတွင် မျှော်လင့်ချက် ရောင်ခြည်တစ်ခုကား ကျန်ရှိနေသေး၏။ ယင်းကား ဦးကိုနီ လုပ်ကြံသတ်ဖြတ်ခံရမှုနှင့် စပ်လျဉ်း၍ ထွက်ပေါ်လာသည့် တပ်မတော် သတင်းအမှန်ပြန်ကြားရေးအဖွဲ့မှ ထုတ်ပြန်ကြေညာချက်ဖြစ်၏။ ယင်းထုတ်ပြန်ကြေညာချက်တွင် -

“ဥပဒေအကြံပေးတစ်ဦး ဆုံးရှုံးရခြင်းအတွက် ကျန်ရစ်သူမိသားစုနှင့် ထပ်တူထပ်မျှ ၀မ်းနည်းရပါသည်။ ယင်းဖြစ်စဉ်သည် လုံခြုံရေးနှင့်ပတ်သက်၍ များစွာ ထိခိုက်စေခြင်းကြောင့် ဖြစ်စဉ်မှန် ပေါ်ပေါက်ရေး၊ ပြစ်မှု ကျူးလွန်သူများအား အမြန်ဖမ်းဆီးရမိရေးအတွက် တပ်မတော်အနေဖြင့် လုံခြုံရေး အဖွဲ့အစည်းများနှင့် ပူးပေါင်း ဆောင်ရွက်သွားမည် ဖြစ်ကြောင်း ထုတ်ပြန်ကြေညာအပ်ပါသည်” ဟု ဖော်ပြပါရှိသည်။

*** (၅)

ယင်းထုတ်ပြန်ချက်ပါ “ပြစ်မှုကျူးလွန်သူများအား အမြန်ဖမ်းဆီး ရမိရေးအတွက် တပ်မတော်အနေဖြင့် လုံခြုံရေး အဖွဲ့အစည်းများနှင့် ပူးပေါင်းဆောင် ရွက်သွားမည်” ဟူသော စကားရပ်မှာ အားရနှစ်လိုဖွယ် ဖြစ်ပါ၏။ အကယ်၍သာ တပ်မတော်အနေဖြင့် အဆိုပါလုပ်ကြံမှု၏ ဖြစ်စဉ်အမှန်ကို ခိုင်လုံစွာ ဖော်ထုတ်နိုင်ခဲ့ပါလျှင် မြန်မာပြည်တွင် ဧရာမပြစ်မှုကြီး မှန်သမျှ စစ်ဆေးဖော်ထုတ်နိုင်ခြင်း မရှိခဲ့သည့် အစဉ်အလာကို ချေဖျက်နိုင်ပေ လိမ့်မည်။ တစ်ချိန်တည်းမှာပင် တပ်မတော်အပေါ် ပြည်သူလူထု၏ ယုံကြည်မှု ပို၍ တိုးပွားလာပေလိမ့်မည်။ ပြည်သူလူထုကြီးကမူ အမှန်တရား ပေါ်ပေါက် လာရေးအတွက် နောက်ကွယ်မှ ကြိုးကိုင်သူများကို ဖော်ထုတ်ကာ တရားဥပဒေနှင့်အညီ စစ်ဆေး အပြစ်ပေးနိုင်ရေးအတွက် ကြီးစွာမျှော်လင့် စိတ်စောနေကြသည်မှာ မြေကြီးလက်ခတ်မလွဲ အလွန်သေချာလှသော အချက်ဖြစ်လေသည်။

မင်းဒင်
The Ladies News


ဥပဒေပညာရှင်ဦးကိုနီ လုပ်ကြံခံရမှုအပါအ၀င် လူသတ်ဝါဒ အန္တရာယ်ကိုပြည်သူများ ကျယ်ပြန့်စွာ သိမြင်လာစေရန် ဆွေးနွေးပွဲတစ်ခု ယနေ့ ဖေဖော်ဝါရီလ ၂ ရက်တွင် ကျင်းပခဲ့သည်။

ဆိုရှယ် ဒီမိုကရက်တစ် ညီညွှတ်ရေးတပ်ဦးက ဦးဆောင်ပြီး ဇန်န၀ါရီလ ၂ ရက်နေ့တွင် “လူသတ်ဝါဒ ဆန့်ကျင်ကြ ”ဆိုသည့်ခေါင်းစဉ်ဖြင့် ဆွေးနွေးခဲ့ပြီး အများပြည်သူလုံခြုံရေးအကြောင်း ဆွေးနွေးခဲ့သည်။

လက်ရှိအစိုးရလက်ထက်တွင် အများပြည်သူလူထုအားလုံးလုံခြုံရေးနဲ့ပတ်သက်ပြီး ဦးကိုနီအသတ်ခံရမှုက မီးမောင်းထိုးပြနေသည်ဟု ငြိမ်းချမ်းရေးနဲ့လုံခြုံရေး ဆိုင်ရာသုတေသန ပညာရှင် ဒေါ်ခင်မမမျိုးကဆွေးနွေးပွဲတွင် ပြောသည်။

“ ဒါလည်းလုံခြုံရေးနဲ့ပတ်သက်တဲ့ကိစ္စတွေပဲပေါ့နော်။ ကျွန်မတို့ တစ်ခုတော့ ဒီဖြစ်ရပ်တွေထဲကနေ မီးမောင်းထိုးပြစရာရှိတာက အများပြည်သူလူထု အားလုံးကဆိုရင် လုံခြုံရေးနဲ့ပန်သက်ပြီး အစိုးရအဖွဲ့များ အပါအ၀င် မည်သူမဆို အန္တရာယ်ကင်းရှင်းရေးနဲ့ လုံခြုံရေးပေါ့လေ။ အဲဒါအတွက်ကိုဆိုရင် အမြဲတမ်းအားလုံးမှာ လိုအပ်တယ်” ဒေါ်ခင်မမမျိုးက ပြောသည် ။

ဆွေးနွေးပွဲတွင် ဒေါ်ခင်မမမျိုး ၊ဦးထွန်းဦး၊ ဦးအောင်မိုးဇောနှင့် ကိုကျော်ကိုကို တို့က ဥပဒေပညာရှင်ဦးကိုနီ သတ်ခံရခြင်းနှင့် ပတ်သက်ပြီး အဓိကဆွေးနွေးသွားခဲ့ကြသည်။ “ဒီလိုမျိုးနိုင်ငံရေး လုပ်ကြံသတ်ဖြတ်မှုကို ကျနော်တို့နှလုံးသားထဲကကိုခါးခါးသီးလက်မခံဘူးဆိုတာကို ပြသချင်တယ်။ အဲဒီအတွက် ကျနော်တို့ ဒီပွဲကို ကျင်းပတာပါ”ဟု ပွဲကျင်းပသူ ကိုကျော်ကိုကိုက ပြောသည်။

NLD ဥပဒေအကြံပေးဦးကိုနီသည် ဇန်နဝါရီ ၂၉ ရက်၊ ညနေပိုင်းက ရန်ကုန်အပြည်ပြည်ဆိုင်ရာ လေဆိပ်အပြင်ဘက်တွင် သေနတ်သမားတစ်ဦး၏ အနီးကပ်ပစ်ခတ်လုပ်ကြံခြင်းခဲ့ရသည်။

===========

Mizzima - News in Burmese

http://www.mizzimaburmese.com/article/23101


ရန်ကုန် မြို့တွင်းမှ မြို့ပြင်သို့ ပြေးဆွဲနေသော YBS ယာဉ်လိုင်းများ နောက်ဆုံးသတ်မှတ်ချိန် ညပိုင်း ၉ နာရီထိ မပြေးဆွဲပါက စည်းကမ်းဖောက်ဖျက်သော ယာဉ်လိုင်းများကို ၃ ကြိမ်ခန့် သတိပေးပြီးနောက် ဖျက်သိမ်းသွားမည် ဖြစ်သည်ဟု ရန်ကုန်တိုင်းဒေသကြီးသယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ အတွင်းရေးမှူး ဒေါက်တာမောင်အောင်က မဇ္ဈိမသို့ ပြောသည်။

“ မြို့တွင်းကနေ မြို့ပြင်ထွက်တဲ့လိုင်းတွေမှာ တစ်ချို့တွေက အစောကြီးသိမ်းတာတွေ ဖြစ်နေတယ်။ ဆရာတို့ ကတော့ တစ်ဆင့်ပြီးတဆင့် အနည်းဆုံး ၃ ကြိမ်လောက် သတိပေးသွားမှာပေါ့။ နောက်ဆုံးမရရင်တော့ ဖျက်သိမ်းသွားပါမယ်။ ပြောချင်တာက စည်းကမ်းထိန်းသိမ်းရေးပိုင်းကတော့ ဆရာတို့ဘက်ကတော့ လုံးဝမလျော့ဘူး။ အဲ့ဒါကတော့ သေချာတယ်”ဟု ဒေါက်တာမောင်အောင်က ပြောသည်။

မြို့တွင်းမှ မြို့ပြင်သို့ ထွက်သည့် ယာဉ်လိုင်းများအနေဖြင့် ည ၈ နာရီနောက်ပိုင်းတွင် ပြေးဆွဲမှုမရှိတော့သည့်အတွက် ပထမဆုံးအနေဖြင့် သတိပေးသွားမည်ဖြစ်ကာ သတိပေးမည့်အရေအတွက်ကိုလည်း ပြန်လည်ဆွေးနွေးသွားမည်ဖြစ်ကြောင်း၊ စည်းကမ်းဖောက်ဖျက်သည့် ယာဉ်လိုင်းများကိုလည်း တိုင်ကြားရေးဌာနတွင် မှတ် တမ်းတင်ထားရှိကြောင်း သိရသည်။

“ ဆရာတို့က အဆင့်မြှင့်လုပ်ဆောင်သွားမှာဆိုတော့ သူတို့တွေလည်း စည်းကမ်းလိုက်နာအောင်ပါ။ မလိုက်မနာဘူးဆိုရင်တော့ မရဘူး။ ဒါက တစ်ယောက်ချင်းကို အရေးယူတာနဲ့မတူဘူးလေ။ ယာဉ်ပိုင်းကျတော့ နည်းနည်းကျယ်ပြန့်တယ်။ ဒါကြောင့် ပထမဆုံး သတိပေးထားတာ”ဟု ဒေါက်တာမောင်အောင်က ပြောသည်။

အဆိုပါကိစ္စနှင့် ပတ်သက်၍လည်း ဇန်နဝါရီလ ၂ဝ ရက်နေ့မှစတင်ပြီး ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ယာဉ်လိုင်းများကို သတိပေးနေခြင်းမှာ ၄ ကြိမ်ခန့်ရှိပြီဖြစ်ကြောင်း ရန်ကုန်တိုင်းဒေသကြီးသယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ အဖွဲ့ဝင် YBS ၂၁ ယာဉ်လိုင်းပိုင်ရှင် ကိုတရုတ်လေးက ပြောသည်။

“ သူက ပြောတာတော့ လက်ရှိယာဉ်လိုင်းတွေအနေနဲ့ ခရီးသွားပြည်သူကို ဝန်ဆောင်မှုပေးနိုင်အောင် ကြိုးစားပေါ့နော်။ နောက်တစ်ချက်ကလည်း နောက်ဧပြီလလောက်ဆိုရင် YBS သုံးလပြည့်ပြီ။ နောက်တစ်ဆင့်တက်ဦးမှာ။ ဒီလောက်နဲ့ ရပ်မနေဘူးဆိုပြီး သူကလည်း တွန်းအားပေးတယ်။ အဲ့ဒီတော့ အဓိကတော့ ခရီးသွားပြည်သူကို ဝန်ဆောင်မှုပေးနိုင်ဖို့ရယ်၊ မိမိတို့ရဲ့ တာဝန်ကျတဲ့ ခရီးစဉ်လမ်းကြောင်းတွေကို ခရီးသွားပြည်သူ အဆင်ပြေအောင်ဆောင်ရွက်ဖို့ကို သူ သေသေချာချာမှာထားပါတယ်။ အဲ့ဒါမှ မလုပ်နိုင်ဘူးဆိုရင် သူကဖယ်ပစ်လိုက်မှာပဲ” ဟု ကိုတရုတ်လေးက မဇ္ဈိမသို့ ဖြေကြားခဲ့ခြင်း ဖြစ်သည်။

ပြေးဆွဲနေသော YBS ယာဉ်လိုင်း ၇ဝ ကျော်ခန့်ရှိသွားပြီဖြစ်သော်လည်း လက်ရှိပြေးဆွဲနေသော ယာဉ်လိုင်းမှာ ၆ဝ ခန့်သာရှိကြောင်း၊ ကျန်သည့်ယာဉ်လိုင်းများမှာ ၁၉၉၅ ခုနှစ်အောက်မော်ဒယ် ယာဉ်များကို ယာယီ ၃ လထိ ပြေးဆွဲခွင့်ပေးထားခြင်းသာဖြစ်ကြောင်း၊ လက်ရှိ GPS တပ်ဆင်ရာတွင်လည်း စည်းကမ်းဖျောက်ဖျက်သည့် ယာဉ်လိုင်းများကို ဦးစားပေးတပ်ဆင်ပေး နေခြင်းဖြစ် ကြောင်း ကိုတရုတ်လေးပြောပြချက်အရ သိရသည်။

လိုင်းနံပါတ် ၁၊ ၂ ၊ ၄၃၊ ၆၅ အပါအ၀င် မြို့တွင်းမှ မြို့ပြင်သို့ ပြေးဆွဲနေသော YBS ယာဉ်လိုင်းများမှာ အဆိုပါ သတိပေးချက်တွင် အကျူံးဝင်သည်။

===========

Mizzima - News in Burmese

http://www.mizzimaburmese.com/article/23098


ရန်ကုန်လေဆိပ်လိုနေရာမျိုးမှာ တရားလွှတ်တော် ရှေ့နေ ဦးကိုနီကို အနီးကပ် သေနတ်နဲ့ ပစ်ခတ်လုပ်ကြံမှုနဲ့ ပတ်သက်ပြီး " အခုအဲကိစ္စက ဦးကိုနီ တယောက်ထဲနဲ့ ဆိုင်တာမဟုတ်ဘူး၊ နိုင်ငံတော်ကို ခြိမ်းခြောက်တာ ဖြစ်သွားနိုင်တယ်"လို့ အမျိုးသား လွှတ်တော် ကိုယ်စားလှယ် ဦးခင်အောင်မြင့်က ပြောကြားလိုက်ပါတယ်။ သူဟာ အရင် ဦးသိန်းစိန်အစိုးရလက်ထက် ပထမလွှတ်တော်သက်တမ်းမှာ အမျိုးသားလွှတ်တော်ဥက္ကဌ ဖြစ်ခဲ့ပါတယ်။

လတ်တလော အဖြစ်အပျက်တွေနဲ့ ပတ်သက်ပြီး "သေနတ်ကြီးချိန်တဲ့ ဓါတ်ပုံကြီးက တက်လာတယ်၊ ဒီဓါတ်ပုံက မတော်တဆ ရိုက်မိတဲ့ ဓါတ်ပုံတော့ မဖြစ်နိုင်ဘူး၊ တမင်ခိုင်းပြီးတော့ နောက်တယောက်က ရိုက်ထားပြီးတော့မှ ဒါခြိမ်းခြောက်တဲ့ သဘောမျိုးပေါ့၊ တွေ့တယ်မို့လားကွ ဆိုတာမျိုး၊ လန့်ကုန်အောင်ပေါ့၊ လုပ်ပုံအရ ဒါကရှုပ်ထွေးတဲ့ သဘောတော့ ရှိတယ်"လို့ သူ့ရဲ့ အမြင်ကို သုံးသပ်ပြောဆိုပါတယ်။

"ဒီလိုအချိန်မှာ သတင်းသမားတွေရော၊ Facebook သုံးတဲ့သူတွေရော အရမ်းလျှောက်မရေးဖို့ လိုတယ်? တိုင်းပြည်ကို ချစ်ရင် တိုင်းပြည်တည်ငြိမ်အေးချမ်းမှုကို မြတ်နိုးတယ်ဆိုရင်ပေါ့။ စောင့်ကြည့်နေရမယ်၊ ဒါကိုတော့ ရအောင်ဖော်ထုတ်သင့်တယ်"လို့ ဦးခင်အောင်မြင့်က ပြောကြားသွားပါတယ်။

ရိုက်ကူး - နေဖြိုးဝင်း
DVB TV - 02.02.2017


ပြီးခဲ့တဲ့ ဇန္နဝါရီလ ၂၉ ရက်နေ့က အမျိုးသားဒီမိုကရေစီအဖွဲ့ချုပ် (NLD) ပါတီရဲ့ ဥပဒေအကြံပေး တရားလွှတ်တော်ရှေ့နေ ဦးကိုနီ ရန်ကုန်အပြည်ပြည်ဆိုင်ရာလေဆိပ်မှာသေနတ်နဲ့ ပစ်ခတ်လုပ်ကြံခံခဲ့ရတဲ့သတင်းကို ကြားရတဲ့အခါ ပြင်းစွာတုန်လှုပ်မိရသလို အထူးဝမ်းနည်းကြေကွဲရပါတယ်။ စာရေးသူက အဲ့ဒီသတင်းဆိုးကိုကြားရတဲ့အချိန်တုန်းက ခရီးထွက်နေချိန်မို့ စာရေးချိန်မရခဲ့တာကြောင့် ဒီဆောင်းပါးကို ချက်ခြင်းမရေးဖြစ်ခဲ့တာပါ။

နိင်ငံရေးအသိဖြောင့်မတ်ပြီး၊ ရိုးသားရဲရင့်တဲ့၊ သမာသမတ်ရှိတဲ့၊ရှေ့နေကြီးဦးကိုနီ အခုလို လူမြင်ကွင်းမှာ လုပ်ကြံသတ်ဖြတ်ခံရတယ်ဆိုတာ ... မြန်မာနိုင်ငံရဲ့ နိုင်ငံရေးသီလပျက်ယွင်းမှု့ သမိုင်းအမဲစက်ကြီးတစက် ထပ်မံစွန်းထင်းရခြင်းဖြစ်သလို၊အဖိုးတန်တဲ့ မြန်မာနိုင်ငံသားတယောက်ဆုံးရှုံးရခြင်းလည်းဖြစ်တယ်။

အကြောက်တရားကို ဖန်တီးပြီး အမှန်တရားကိုဖိနှိပ်မှု့တခုလည်းဖြစ်တယ်။ နိုင်ငံသားတွေရဲ့ ဘဝလုံခြုံမှု့  မရှိဘူးဆိုတာ ထင်ထင်ရှားရှားပြသလိုက်တာလည်း ဖြစ်တယ်။ လက်နက်နဲ့ အကြမ်းဖက်ဖြေရှင်းတယ်၊ ဗိုလ်ကျစီးပိုးမှု့ဆိုတာ သီလချို့ယွင်းမှု့နဲ့ ဥာဏ်ရည်နိမ့်ကျမှု့ရဲ့ ပြယုဂ်ဖြစ်ပါတယ်။

အမှန်တရားဆိုတဲ့ သစ္စာဖြူပန်းတွေဆိုတာ တပွင့်ကို ခြွေချလိုက်တန်း အပွင့်သစ်ကုဋေကုဋာဝေတတ်ပါတယ်။ အသိဥာဏ်နုံနဲ့တဲ့ လူ့ဗာလတွေ၊ အာဏာရမ္မက်ငမ်းဖမ်းနေသူတွေဟာ အဲ့ဒီသဘာဝကို နားလည်သဘောပေါက်နိုင်တဲ့ အတွေးအခေါ် အသိအမြင်မရှိလေတော့ လာရိုက်တဲ့တုတ်ကို ပြန်ကိုက်ခဲတတ်တဲ့မြွေဆိုးမြွေမိုက်လို အဆင်ခြင်တုံကင်းမဲ့စွာ ကျူးလွန်တတ်ကြပါတယ်။

ဒါကြောင့်လည်း သူတို့ထင်တာက ဦးကိုနီဆိုတဲ့ အမှန်တရားကို ရဲရဲရင့်ရင့်ထုတ်ဖေါ်ပြောဆိုနေတဲ့ သစ္စာဖြူပန်းတပွင့်ကို ခြွှေချဖျက်ဆီးလိုက်ရင် အကြောက်တရားတွေကြီးစိုးလာပြီး အမှန်တရားတွေဆိတ်သုဉ်းသွားလိမ့်မယ်လို့မိုက်မဲစွာတွေးထင်ကြပုံရတယ်။

နောက်တချက်က အဲ့ဒီသစ္စာဖြူပန်းတပွင့်ကြွေလွင့်ရတာကို လူမျိုးခြား၊ ဘာသာခြားဖြစ်တာကတကြောင်း၊ မိမိဘာသာကိုမှန်စွာမစောင့်ရှောက်တတ်တဲ့ ဝိဘဇ္ဇအမြင်မရှိကြတဲ့၊ မိရိုးဖလာဗုဒ္ဓဘာသာဝင်တချို့ရဲ့ ယိုသူမရှက် မြင်သူရှက်ရအောင် အသိတရားနိမ့်ကျသူတွေရဲ့ ယုတ်ညံ့တဲ့မှတ်ချက်ပေးမှု့တွေ၊ အတွင်းစိတ်မှာကျိတ်ပြီးဝမ်းမြောက်ပြီး အကုသိုလ်ပွားနေသူတွေရှိနေတာကလည်း မြန်မာနိုင်ငံရဲ့ ကိုယ်ကျင့်သီလနိမ့်ကျမှု့၊ နက်နက်ရှိုင်းရှိုင်း အသိဥာဏ်အမှောင်ဖုံးမှု့ကို ကွင်းကွင်းကွက်ကွက် မီးမောင်းထိုးပြနေတာလည်းဖြစ်ပါတယ်။

အခုလို မြန်မာနိုင်ငံသား အစ္စလာမ်ဘာသာဝင် ရှေ့နေကြီးဦးကိုနီတယောက် မြန်မာနိုင်ငံရဲ့အိမ်အ၀င်မုဒ်ဝလို့ ပြောနိုင်တဲ့ လေဆိပ်မှာ လုပ်ကြံသတ်ဖြတ်ခံရတာကို ဘာကြောင့်ပြည်သူအများက ဘာကြောင့်ပူဆွေးကြရတာလည်း နှမြောတသလွမ်းဆွတ်ကြရတာလဲဆိုတဲ့အကြောင်းကို မြန်မာနိုင်ငံသားတိုင်းရှင်းရှင်းလင်းလင်းသိဖို့ လိုအပ်ပါတယ်။

အတ္တစွဲအစွန်းမရောက်ဘဲ မတရားမှု့နဲ့ အကြမ်းဖက်မှု့ကို လက်သင့်မခံကြတဲ့ မြန်မာနိုင်ငံသားတိုင်း ဦးကိုနီလုပ်ကြံသတ်ဖြတ်ခံရတဲ့အပေါ် ရင်ဘတ်ချင်းတူတဲ့ခံစားချက်က ဥပဒေပညာရှင်ဦးကိုနီဆိုတဲ့ လူပုဂ္ဂိုလ်ကို နှမျောတသရတာထက် သူ့ရဲ့ရှင်းလင်းမှန်ကန်တဲ့ နိုင်ငံရေးအမြင်ယုံကြည်ချက်နဲ့ မယိမ်းမယိုင် ပြတ်သားတဲ့ရပ်တည်ချက်သဘောထား၊ နိုင်ငံရေးသတ္တိကိုပါဘဲ။

ဆရာဦးကိုရဲ့ရှင်းလင်းမှန်ကန်တဲ့ နိုင်ငံရေးအမြင်ယုံကြည်ချက်ဆိုတာကတော့ ၁၉၄၈ ခုနှစ်မှာ လွတ်လပ်ရေး ရပြီးကထဲက လက်နက်ကိုင် အကြမ်းဖက်မှု့တွေနဲ့ စစ်ကျိန်စာသင့်နေတဲ့မြန်မာနိုင်ငံကို မျက်မှောက်ကာလမှာ တာရှည်ခံမဲ့  စစ်မှန်တဲ့ငြိမ်းချမ်းရေးရနိုင်ဖို့  ဖက်ဒရယ်ဒီမိုကရေစီ ပြည်ထောင်စုနိုင်ငံတနိုင်ငံတည်ထောင်နိုင်ဖို့ အတွက် အဓိကအကျဆုံးနဲ့ အကြီးမားဆုံးအဟန့် အတားဟာ ၂၀၀၈ ဖွဲ့ စည်းပုံအခြေခံဥပဒေဘဲဆိုတာနဲ့ အာဏာရှင်စိတ်တိုင်းကျရေးဆွဲခဲ့တဲ့ အဲ့ဒီအခြေခံဥပဒေကိုဖျက်သိမ်းပြီး ပြည်သူ့ဆန္ဒနဲ့ အညီ အသစ်တဖန်ပြင်ဆင်ရေးသင့်ကြောင်းကို ဥပဒေကြောင်းရာအချက်အလက်တွေနဲ မေ၀၀ါးဘဲ တိကျရှင်းလင်းစွာသိမြင်တဲ့နိုင်ငံရေးအမြင်ယုံကြည်ချက်ပါဘဲ။

နောက်တခါဆရာဦးကိုနီရဲ့ပြတ်သားတဲ့ရပ်တည်ချက်သဘောထား၊ နိုင်ငံရေးသတ္တိ ကဘာလဲဆိုတော့ အထက်မှာပြောခဲ့တဲ့ ပြည်သူအများစုလိုလားတဲ့ ဒီမိုကရေစီစနစ်ကိုဘယ်လိုမှ အာမခံမပေးနိုင်တဲ့ ၂၀၀၈ ဖွဲ့ စည်းပုံအခြေခံကို အမြန်ဆုံးပြင်ဆင်နိုင်ရေးအတွက် တိုက်တွန်းဆော်သြရာမှာ မိမိအသက်ကိုတောင် မငဲ့ကွက်ဘဲ၊ အသိဥာဏ်အမှောင်ဖုံးနေတဲ့ အမဲရောင်အင်အားစုတွေရဲ့ ဆဲဆိုခြိမ်းခြောက်မှု့တွေကို ဂရုမထားဘဲလူနည်းစုဘာသာခြားဖြစ်နေပေမဲ့ ပြတ်သားစွာတစိုက်မတ်မတ် ရေးသားပြောဆိုတိုက်တွန်းဝံ့တဲ့ နိုင်ငံရေးသတ္တိနဲ့ ရပ်တည်ချက်သဘောထားဖြစ်ပါတယ်။

အဲ့ဒီလိုမျိုး မှန်ကန်တဲ့နိုင်ငံရေးအမြင်၊ နိုင်ငံရေးသတ္တိနဲ့ ပြတ်သားတဲ့ရပ်တည်ချက်ရှိသူဆိုတာ အမျိုးသားဒီမိုကရေစီအဖွဲ့ ချုပ် (NLD) ထဲမှာတောင် များများစားစားမရှိပါဘူး။ ဒေါ်အောင်ဆန်းစုကြည်နဲ့ ဟံသာဝတီဦးဝင်းတင်တို့ ပြီးရင် ဆရာဦးကိုနီဟာ အထင်ရှားဆုံးပါဘဲ။

အာဏာကိုလက်မလွှတ်ချင်တဲ့အခွင့်ထူးဆက်ခံလိုသူတွေက သူတို့ ရဲ့ မတရားသိမ်းပိုက်ထားတဲ့ အာဏာပုလ္လင်ကို လာလှုပ်သူတွေ၊ မတရားမှု့ကိုဆန့် ကျင်သူတွေကို အတွေးအမြင်အားနည်းပြီး လူမျိုးစွဲ၊ ဘာသာစွဲပြင်းထန်တဲ့ ပြည်သူတချို့နဲ့ ဘာသာရေးမှိုင်းတိုက်ပြီး သွေးခွဲမုန်းတီးစေခဲ့ပါတယ်။

ဒီမိုကရေစီနဲ့ လူ့ အခွင့်အရေးဟာ ဗုဒ္ဓဘာသာကို အကာအကွယ်မပြုနိုင်သယောင် အတွေးအခေါ် အဆိပ်ခပ်ခဲ့ကြပါတယ်။ ဒါကြောင့်လည်း တချို့သော ဗုဒ္ဓဘာသာဝင်တွေက အစ္စလာမ်ဘာသာဝင် တဦးဖြစ်တဲ့ ဦးကိုနီရဲ့နိုင်ငံ့အကျိုးအတွက်ပြောကြားချက်တွေအပေါ် အမှန်အတိုင်းမမြင်နိုင်ဘဲ မျိုးစောင့်ဥပဒေတို့ ၊ အချုပ်အခြာအာဏာတို့ ၊ မွတ်ဆလင်နိုင်ငံဖြစ်လိမ့်မယ်တို့ စတဲ့ အကျိုးအကြောင်းမဆီလျှော်တဲ့သည်းခြေကြိုက်စကားလုံးတွေနဲ့ လမ်းမှားကိုပို့ ခဲ့ကြတယ်။

တကယ်တော့ ဖက်ဒရယ်ဒီမိုကရေစီ ပြည်ထောင်စုစနစ်အောက်မှာ လူမျိုးတိုင်း လူမျိုးတိုင်း၊ ကိုးကွယ်ရာဘာသာတိုင်းဟာ မျှမျှတတနဲ့ တရားဥပဒေနဲ့ အညီ အကာအကွယ်အစောင့်အရှောက် တွေရလို့ နိုင်ငံသားတိုင်း ငြိမ်းချမ်းစွာအတူယှည်တွဲနေထိုင်လို့ သဟဇာတကျကျ ချစ်ချစ်ခင်ခင် နေနိုင်ပါတယ်။

ဘယ်လူ့အဖွဲ့အစည်းမှာမဆို အဖြူရောင်အင်အားစုနဲ့ အမဲရောင်အင်အားစုတွေဆိုတာ ထာဝစဉ် ဒွန်တွဲတည်ရှိလေ့ရှိပါတယ်။ အခြေခံသဘာဝအားဖြင့်တော့ အဖြူရောင်အင်အားစုတွေဟာ နိုင်ငံရေးအာဏာဆိုတဲ့ ပြည်သူအများစုရဲ့အသိဥာဏ်နဲ့ယှဉ်တဲ့ ယုံကြည်ကိုးစားမှု့ကို စွန့် လွှတ်အနစ်နာခံခြင်းတွေနဲ့ သိမ်းပိုက်လေ့ရှိပါတယ်။ အဲ့ဒါနဲ့ဆန့်ကျင်ဘက် အမဲရောင်အင်အားစုတွေကတော့ အာဏာနိုင်ငံရေးဆိုတဲ့ လုပ်ပိုင်ခွင့်၊ အုပ်ချုပ်ပိုင်ခွင့်၊ အခွင့်ထူးခံခွင့်၊ ဗိုလ်ကျပိုင်ခွင့်တွေရယူပိုင်ဆိုင်ဖို့ မိုက်မဲရမ်းကားပြီး လက်နက်အားကိုးနဲ့ သော်၎င်း၊ အကြမ်းဖက်၍သော်၎င်း အရယူလေ့ရှိကြပါတယ်။

NLD ရဲ့ ဥပဒေအကြံပေး ဦးကိုနီ ကိုလုပ်ကြံသတ်ဖြတ်တာဟာ အပြင်ဘန်းကကြည့်ရင် လူမျိုးရေးဘာသာရေး အစွန်းရောက်မှု့ကြောင့် အမုန်းတရားနဲ့ အကြမ်းဖက်တိုက်ခိုက်သတ်ဖြတ်ခဲ့တာလို့ မြင်ရပေမဲ့ အဲ့ဒီလူမဆန်တဲ့လုပ်ရပ်အဖြစ်အပျက်ရဲ့ တကယ့်အနှစ်သာရဟာ မြန်မာပြည်သူအများစုရဲ့ရည်မှန်းချက်အိမ်မက်ဖြစ်တဲ့ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးကိစ္စရပ်ကြီးကို ဖျက်ဆီး၂လိုတဲ့ စေတနာရည်ရွယ်ချက်ဆိုးက မြစ်ဖျားခံလာတာဖြစ်တယ်။

တနည်းအားဖြင့်ပြောရရင် ... ဒီလူသတ်မှု့ဟာ ... ပြည်သူလုထုရဲ့ဆန္ဒကို နှိပ်ကွပ်သတ်ဖြတ်လိုရင်းသာဖြစ်တယ်။ အနှစ်သာရအားဖြင့်ဖက်ဒရယ်ပြည်ထောင်စု ဒီမိုကရေစီစနစ်ကိုဖေါ်ဆောင်မပေးနိုင်တဲ့ ၂၀၀၈ ဖွဲ့စည်းပုံအခြေခံဥပဒေတရပ်လုံးကို ပြင်ဆင်ဖို့ လိုတယ်ဆိုတာ ဥပဒေပညာရှု့ထောင့်ကနေ ပြည်သူတွေကိုယ်စား တစိုက်မတ်မတ်ပြောလာခဲ့တဲ့ ရှေ့နေကြီးဦးကိုနီကို သတ်ဖြတ်တာဟာ မိဘပြည်သူအများစုရဲ့ဆန္ဒကို ဆန့် ကျင်ခြေဖျက်ဖို့ အားထုတ်ခြင်းဖြစ်တယ်။

အာရုဏ်ဦးနဲ့ရောင်နီကိုကြိုနိုင်ဖို့ ကြယ်တွေကြွေရတတ်တယ်ဆိုပေမဲ့ ဒီတခါကြွေတဲ့ကြယ်ကြီးကိုတော့ နှမြောတသမိပါတယ်။ ဆရာဦးကိုနီဟာ ဆရာကြီးဟံသာဝတီဦးဝင်းတင်တို့လို ရှားပါးတါံ ထူးခြားလမ်းပြကြယ်ကြီးတလုံးမို့လို့ပါ။

ဘာသာခြားဆိုပေမဲ့ ပညာ၊ ကိုယ်ကျင့်သီလ၊ နိုင်ငံရေးသတ္တိ၊ အမှန်တရားမြတ်နိုးမှု့၊ ရိုးသာဖြောင့်မတ်မှု့၊ ဗဟုသုတ၊ စကားပြောစွမ်းရည်တွေနဲ့ ပြည့်စုံရုံမက နိုင်ငံရေးသစ္စာနဲ့ရပ်တည်ချက်မှန်တယ်။ လွယ်လွယ်နဲ့ မရတတ်တဲ့လူမျိုးဆိုတော့နိုင်ငံအတွက် နှမြောဝမ်းနည်းမိတယ်။

လူမျိုးပေါင်းစုံ၊ ဘာသာပေါင်းစုံနဲ့ စုစည်းတည်ထောင်ထားတဲ့ ပြည်ထောင်စုနိုင်ငံတနိုင်ငံမှာ ငြိမ်းချမ်းသာယာဖို့နဲ့ ဒုဿီလနိုင်ငံရေးသမားတွေကို အမြစ်လှန်နိုင်ဖို့ ဆိုရင် လူထုခေါင်းဆောင်ရှိနေယုံနဲ့မလုံလောက်ဖူး အသိဥာဏ်ဦးစီးပြီး၊လူမျိုးရေး ဘာသာရေးအစွန်းမရောက်တဲ့၊ ကိုယ်ကျင့်သီလအားကောင်းတဲ့၊ နိုင်ငံရေးသတ္တိကြီးကြီးရှိတဲ့ဆရာဦးကိုနီတို့ လို ပြည်သူတွေများများစားစားရှိဖို့လိုတာမို့ သစ္စာဖြူပန်းတွေတပွင့်ကြွေရင် အပွင့်တကုဋေဝေလာပါလိမ့်မယ်။

ဒီမိုကရေစီလမ်းပြကြယ်သို့ ဦးညွှတ်အလေးပြုပါ၏။
ဆရာဦးကိုနီ ငြိမ်းချမ်းတဲ့ဘုံဘဝမှာ အနားယူနိုင်ပါစေ။

လေးစားစွာဖြင့်
(မင်းကောင်းချစ်)
ဖေဖေါ်ဝါရီလ ၂ ရက်နေ့  ၂၀၁၇ ခုနှစ်[full-post]


ရှေ့နေဦးကိုနီနဲ့ အငှားယာဉ်မောင်းဆရာ ဦးနေ၀င်းတို့ သေနတ်ပစ်ခတ်ခံရမှုဖြစ်ပွားပြီးနောက်မှာ သေနတ်သမား ကြည်လင်းရဲ့ မိသားစုဝင်တွေ၊ အရင်ကသိကျွမ်းခဲ့ဖူးသူတွေကို မီဒီယာတွေမှာ မေးမြန်းရေးသားနေတာတွေရှိနေပါတယ်။ ဒီလိုဖော်ပြရာမှာ ကာယကံရှင်တွေရော၊ သတင်းရေးသားသူတွေပါ အသက်အန္တရာယ်ခြိမ်းခြောက်ခံရမှုတွေ ကြုံတွေ့ရင် ရဲတပ်ဖွဲ့ကို အကူအညီတောင်းခံနိုင်တယ်လို့ သမ္မတရုံးဝန်ကြီးဌာန ပြောရေးဆိုခွင့်ရှိသူ ဦးဇော်ဌေးကပြောပါတယ်။

လက်ရှိမှာလည်း ဒီအမှုနဲ့ပတ်သက်ပြီး အမျိုးမျိုးဝေဖန်ရေးသားနေတာတွေရှိနေပေမယ့် အခုအချိန်အထိတော့ စုံစမ်းစစ်ဆေးနေဆဲဖြစ်တယ်လို့ ဦးဇော်ဌေးက ပြောပါတယ်။ သေနတ်ပစ်ခတ်မှုဖြစ်ပွားပြီးတဲ့ ဇန်န၀ါရီလ (၂၉)ရက်နောက်ပိုင်းကစပြီး သေနတ်သမားကြည်လင်းရဲ့ မိသားစုဝင်တွေ၊ သူနေထိုင်ခဲ့ရာ စစ်ကိုင်းတိုင်းဒေသကြီး ယင်းမာပင်ခရိုင် စိုင်းလျားရွာက ဒေသခံတွေ၊ ပြစ်မှုမကျူးလွန်ခင် တည်းခိုသွားတဲ့ ဘုန်းကြီးကျောင်းက ဆရာတော်တွေ၊ ထောင်ထဲမှာရှိခဲ့စဉ်တုန်းက ရန်ကုန်မြို့လယ်မှာ လုပ်ကြံသတ်ဖြတ်မှုတစ်ခု ကမ်းလှမ်းခံခဲ့ရဖူးတယ်လို့ ကြည်လင်းနဲ့ ထောင်ထဲမှာ တွေ့ဆုံခဲ့ဖူးတဲ့ အကျဉ်းသားဟောင်းတစ်ဦးနဲ့ တွေ့ဆုံမေးမြန်းမှုတွေ စတာတွေကို သတင်းမီဒီယာတွေမှာ ရေးသားဖော်ပြနေတာဖြစ်ပါတယ်။

Ctedit - 5 plus news

ကိုအောင်စိုး (ဓာတ်ပုံ - Myanmar Now)

ဖေ့စ်ဘွတ်ခ်ပေါ် မြင့်ဆွေဆိုပြီး ပျံ့နှံ့နေတဲ့ပုံက လူသတ်ဖို့လာခိုင်းတဲ့ အောင်ဝင်းဇော်ဖြစ်တယ် – ကိုအောင်စိုး
ဒီဗွီဘီ
ဖေ့စ်ဘွတ်ပေါ်မှာ အင်္ကျီအဝါဝတ်ထားတဲ့ အမျိုးသမီးနဲ့ တွဲရိုက်ထားတဲ့ မြင့်ဆွေ ဆိုသူဟာ လူသတ်ပေးဖို့ လာခိုင်းတဲ့ အောင်ဝင်းဇော် ဖြစ်တယ်လို့ အငှားခံရသူ ကိုအောင်စိုးက ဒီနေ့ပဲ ရဲကို ပြောပြလိုက်ပါပြီ။

ရန်ကုန်တိုင်းရဲတပ်ဖွဲ့က ကိုအောင်စိုးကို ခေါ်ယူပြီး လူသတ်ဖို့ လာခိုင်းသူဟာ ဒီလူ ဟုတ် မဟုတ် မေးမြန်းတာဖြစ်ပြီး သူက အတည်ပြုပေးလိုက်တယ်လို့ ကိုအောင်စိုးက ပြောပါတယ်။
“ရဲက အဲဒီဓာတ်ပုံရတာ မဟုတ်ဘူးဗျ။ အဲဒါ ကိုဆွေဝင်းတို့က ဒီကောင့် အကောင့်ကို ဟက် လိုက်တာ၊ ဟက် လိုက်တာမှာ အဲဒီ ဓာတ်ပုံ ထွက်လာတာ။ ပုံရလာတော့ အဲဒါ အောင်ဝင်းဇော်ပဲလို့ ကျနော် အတည်ပြု ပေးလိုက်တာ။”
အောင်ဝင်းဇော်ဟာ ၂၀၁၆ ခုနှစ်၊ ၆လပိုင်း ရက် ၂၀ ၀န်းကျင်လောက်မှာ ကိုအောင်စိုးနေထိုင်တဲ့ အင်းစိန်ကို ရောက်လာပြီး နိုင်ငံခြားသံတမန်တယောက်ကို သတ်ပေးရမယ် ဆိုပြီး ငွေကြေးနဲ့ လာငှားတာဖြစ်ပါတယ်။
သူတို့နှစ်ဦးဟာ မန္တလေး၊ အိုးဘိုထောင်ထဲမှာ တွေ့ဆုံခဲ့ကြတာဖြစ်ပြီး ကိုအောင်စိုးဟာ သဘောထားတင်းမာသူဖြစ်လို့ လာငှားပုံရတယ်လို့ မှတ်ချက်ပေး ပြောပါတယ်။
ကိုအောင်စိုးကို ဒီဗွီဘီက ဆက်သွယ်မေးမြန်းထားပါတယ်။
မေး – ကိုအောင်စိုးရေ… ကျနော်တို့ ဒီဗွီဘီသတင်းဌာနကပါ။
ဖြေ – ဟုတ်ကဲ့ ပြောပါခင်ဗျာ။
မေး – ကိုအောင်စိုးကို ဒီနေ့ ရဲချုပ်က ခေါ်တွေ့တယ် ကြားလို့ပါ ခင်ဗျာ။
ဖြေ – ရဲချုပ်မဟုတ်ဘူး။ ရန်ကုန်တိုင်း ရဲမှူးချုပ်ပါ။
မေး – ဘယ်သူလဲ ခင်ဗျ။
ဖြေ – ကိုဝင်းနိုင်ပါ။
မေး – ဟုတ်ကဲ့။ ကိုအောင်စိုးကို သူက အဓိက ဘာမေးတာလဲ။
ဖြေ – သူတို့က ကျနော့်ကို ခေါ်ယူစစ်ဆေးမေးမြန်းတဲ့သဘောမျိုး မဟုတ်ဘူးဗျ။ အကူအညီ ခေါ်တောင်းတဲ့ သဘောနဲ့ တွေ့ဆုံမေးမြန်းတာပါ။
မေး – ဘာတွေ မေးလဲဗျ။
ဖြေ – လက်ရှိဖြစ်သွားတဲ့ ကိစ္စနဲ့ပတ်သက်ပြီးတော့ ကျနော် အတည်ပြုပေးရတာလေးတွေ ရှိတယ်။ နောက်တခုက ကျနော့်ကို သိသလောက် အကြောင်းအရာလေးတွေ မေးတဲ့အခါ အသေးစိတ် ရှင်းပြပေးရတာပါ။ ဒါပါပဲ။ စာထဲမှာပါတဲ့ အကြောင်းအရာတွေပါပဲ။
မေး – ကိုဆွေဝင်းကို ပြောပြထားတာတွေ ပြန်မေးတာပေါ့။
ဖြေ – ဟုတ်ကဲ့။ ကာယကံရှင်ကို အတည်ပြုတဲ့သဘောမျိုးပေါ့ မေးတာ။
မေး – ကိုအောင်စိုး နည်းနည်းပြောပြပေးပါလား ခင်ဗျ။ အဲဒီလူက ကိုအောင်စိုးက လာ ကမ်းလှမ်းတာ ဘယ်အချိန်လောက်ကလဲဆိုတာ ကျနော်တို့ကို နည်းနည်းပြောပြပေးပါလား။
ဖြေ – ဟုတ်ကဲ့။ ကျနော့်ကို လာကမ်းလှမ်းစဉ်တုန်းက ၂၀၁၆ ခုနှစ် ၆ လပိုင်း ၂၀ ရက် ဝန်းကျင်လောက်ကဗျ။
မေး – ဘယ်သူက လာကမ်းလှမ်းတာလဲ ခင်ဗျ။
ဖြေ – ဘက ခေါ် အောင်ဝင်းဇော်ပေါ့နော်။ အခု မြင့်ဆွေလို့ လိုင်းပေါ်မှာ ပုံတက်နေတဲ့လူပေါ့။ သူက လာကမ်းလှမ်းတာ။  ကျနော်ကတော့ စာအုပ်ထဲမှာ ဖုန်းနံပါတ်တွေ့လို့ ဖုန်းလှမ်းဆက်တယ်လို့ ထင်တာ။ မဟုတ်ဘူးဗျ။ သူက ကျနော့်နေရာကို လိုက်လာတာ။ လိုက်လာတဲ့အကြောင်းကလည်း အရင်တုန်းက မန္တလေးထောင်မှာ နေခဲ့တုန်းက တယောက်နဲ့တယောက် စကားပြောဆို ဆက်ဆံဖူးတယ်လေ။ သူက ရန်ကုန်မြို့ ယောက်လမ်းမှာ နေတယ်။ ကျနော်က အင်းစိန်၊ —-လမ်းမှာ နေတယ်ဆိုတဲ့ စကားလုံးတွေ ပြောခဲ့ဖူးတယ်။ ပြောခဲ့ဖူးတော့ အဲဒီစကားလုံးနဲ့ သူက လိုက်လာတာ။ နောက်တခုက သူ ကျနော့်ကို ဒီလို ငှားရမ်းတယ်ဆိုတာ ထောင်ထဲမှာနေတုန်းက ကျနော်က သဘောထားတင်းမာတယ်လေ။ တင်းမာတယ်ဆိုတာက အာဏာပိုင်အပေါ်ရယ်၊ အကျဉ်းသားအုပ်ချုပ်ရေးတွေအပေါ်ရယ် ကျနော်က တင်းမာတယ်။ အာဏာပိုင်ကို ကျွန်မခံဘူး။ အဲဒီတော့ ကျနော့်ကို သုံးလို့ရမယ်ထင်ပြီးတော့ လာငှားတာပါ။ ဦးကိုနီကို သတ်ဖို့ရယ်လို့ လာငှားတာ မဟုတ်ဘူး။ နိုင်ငံခြားသံတမန်တယောက်ကို သတ်ပေးရမယ်။ လက်ရှိ သိန်း ၃၀၀ ပါတယ်။ ခင်ဗျား ၅၀၀၊ ၁၀၀၀ ယူမလား။ လောလောဆယ် ခင်ဗျား သေနတ်နဲ့ ဝေးနေတော့ သေနတ်ပစ် လေ့ကျင့်ဖို့အတွက် တောထဲကို လိုက်ခဲ့ရမယ်။ ဒီကေဘီအေကို ခေါ်သွားမယ်။ ဒါ သူ ပြောတဲ့စကားနော်။ သေနတ်ပစ်လေ့ကျင့်ပြီး ပြန်လာရမယ်။ အလုပ်လုပ်ပြီးလို့ပြီးရင် တခါ ကျနော့်ကို တောထဲကို ပြန်ခေါ်သွားမယ်။ အဲဒီမှာ ခဏအောင်းနေရမယ်။ မြို့ပေါ်မှာ သူတို့ အစားထိုးတယောက်ကို ထိုးကျွေးလိုက်မယ်။ အဲဒီလို ကျနော့်ကို ပြောပါတယ်။ ဒါပေမယ့် ကျနော် လက်မခံခဲ့ဘူး။
မေး – လက်မခံတော့ နောက် သူ လာပြီး ထပ်ဆက်သွယ်သေးလားခင်ဗျ။
ဖြေ – နောက်ထပ် ကျနော့်ကို ၃ ကြိမ်လောက် ဖုန်းဆက်ပါတယ်။ ကျနော်က လက်မခံချင်တဲ့ အမူအရာမျိုး အပြုအမူမျိုး ရှိလာတာကြောင့် နောက်ထပ် ကျနော့်ကို မဆက်သွယ်တော့ပါဘူး။
မေး – အဲတော့ ဒီနေ့က ရန်ကုန်တိုင်းရဲကို ကိုအောင်စိုး အဲဒါတွေ ပြောပြခဲ့တာပေါ့။
ဖြေ – အဲဒီအကြောင်းအရာတွေ ကျနော်အသေးစိတ် အကုန်လုံး ပြောပြခဲ့ပါတယ်။
မေး – အဲတော့ အဲဒီလူက နဂိုတုန်းက ကိုအောင်စိုးတို့နဲ့ ထောင်ထဲမှာ ရှိတုန်းကရော သူကဘာလုပ်လဲ ခင်ဗျ။
ဖြေ – ကျနော်သိသလောက်ကတော့ သူ့ရဲ့ သမိုင်းကြောင်းပေါ့နော်။ သူက ဟိုးအရင် ကတည်းက တပ်မတော်က အရာရှိတယောက်လို့ ၂ ပွင့်လို့ ပြောပါတယ်။ မိန်းမ ကိစ္စနဲ့ ထောင်ကျဖူးတယ်ပြောပါတယ်။ အဲဒါ ပထမအကြိမ်။ ကျန်တဲ့ဒုတိယအကြိမ်ကတော့  ဘုရားခိုးမှုနဲ့ ထောင်ကျတယ်။
မေး – သူ့စရိုက်လက္ခဏာက ဘယ်လိုရှိလဲ ထောင်ထဲမှာ တွေ့ခဲ့တုန်းက။
ဖြေ – သူ့ရဲ့ စရိုက်လက္ခဏာက သူကအရပ် ၆ ပေခန့်ရှိတယ်။ ပိန်ပိန်ရှည်ရှည်နဲ့ မျက်နှာချိုတယ်။ နှုတ်ချိုတယ် ။ အတွင်းကောက်တယ်။ ငွေရရင် ဘာမဆို လုပ်မယ့် လူမျိုးပါပဲ။
မေး – အခုကိုအောင်စိုးကို လာကမ်းလှမ်းတာက သူ့ကိုနောက်ကွယ်က ကမ်းလှမ်းတာက သူကိုယ်တိုင်ကပဲ လာကမ်းလှမ်းတာလား၊  ကိုအောင်စိုး ဘယ်လိုခန့်မှန်းမိလဲ။
ဖြေ – သူ့နောက်ကွယ်မှာ ကျနေ်ာတို့ မသိနိုင်တဲ့ အဖွဲ့တခုရှိကို ရှိနိုင်တယ်။ ဘယ်သူဘယ်ဝါဆိုတာ ဘာမှ မပြောဘူး။ ဘာအဖွဲ့အစည်းဆိုတာလည်း မပြောဘူး။
မေး – အဲတော့ ကိုအောင်စိုး အခုလို မီဒီယာကို ပြောတယ်၊ ကျနော်တို့ကိုလည်းပြောတယ်၊ အခုရဲတွေကိုလည်း သွားပြောတော့ ကိုအောင်စိုး လုံခြုံရေးအတွက် မစိုးရိမ်ဘူးလား။
ဖြေ – ကျနော့်လုံခြုံရေးလား၊ ကျနော့် လုံခြုံရေးကတော့ ဟောင်းလောင်းပါပဲဗျာ။ ကျနော်လည်း မကြောက်ပါဘူး။ မကြောက်ပါဘူးဆိုတာက ကျနော့်ကို ဘယ်သူက ဘာလာလုပ်မှာလဲ။ ကျနော့်လာ ပစ်မှာလား၊ ဓားနဲ့လာခုတ်မှာလား၊ တတ်နိုင်သလောက်တော့ ခုခံကာကွယ် တိုက်ခိုက်ရမှာ ဒါပါပဲ။ ဘယ်သူမှမှ မရှိတာ။ ကျနော်တို့ လင်မယားနှစ်ယောက်ပဲ ရှိတာ။
မေး – ဟုတ်ကဲ့။ ကိုအောင်စိုး အခုရဲနဲ့ တွေ့တော့ရော ရဲတွေက သူတို့လုံခြုံရေးယူပေးမယ်တို့ ဘာတို့ မပြောဘူးလားခင်ဗျ။
ဖြေ – အဲဒီအကြောင်းအရာနဲ့ ပတ်သက်ပြီး ကျနော်တို့ စကားမပြောဖြစ်ကြပါဘူး။
မေး – ပြောကို မပြောဖြစ်ဘူးပေါ့နော်။ ခုနက ကိုအောင်စိုး ပြောတဲ့ ဗိုလ်ပြုတ်အကြောင်းပဲ အဓိက ထားပြီးပြောခဲ့တာပေါ့။
ဖြေ – ဟုတ်ကဲ့ အဓိက ကျနော်အဲဒါကိုအတည်ပြုချင်တာ။ ဆိုလိုတဲ့သဘောက လိုင်းပေါ်မှာတွေ့နေတဲ့ မြင့်ဆွေ ဆိုတာ မြင့်ဆွေမဟုတ်ဘူး။ အဲဒါ အောင်ဝင်းဇော်(ခေါ်) ဘကန့်ပဲ။ ဘယ်နာမည်က အစစ်အမှန်လဲဆိုတာ ကျနော်မသိဘူး။ ထောင်ထဲမှာတော့ ကျနော်တို့ခေါ်တာ ဘကန့်(ခေါ်) အောင်ဝင်းဇော်ပဲ။ အခု ပုံမှာတက်နေတာ မြင့်ဆွေ လို့ပြောတယ်။
မေး – လူပုံစံက တူလား။ အခုရဲက ဓာတ်ပုံတွေဘာတွေ ရထားတယ်ပြောတယ်။ တူလား။
ဖြေ – အဲဒါ ရဲက ဓာတ်ပုံရတာ မဟုတ်ဘူးဗျ။ အဲဒါက ကိုဆွေဝင်းတို့ ဒီကောင့်အကောင့်ကို ဟက်လိုက်တာ။ ဟက်လိုက်တာ ဓာတ်ပုံထွက်လာတာ။ အချိန်မီလေး ဟက်လိုက်တာ။ ဒီကလည်း ဟက်ပြီးရော ဒီကောင် ဖျက်လိုက်တာ။ ပုံရလာတော့ အဲဒီပုံကို အောင်ဝင်းဇော်ဆိုပြီး ကျနော် အတည်ပြုပေးလိုက်တာ။
မေး – ကိုအောင်စိုး အတည်ပြုပေးလိုက်နိုင်ပြီပေါ့နော်။ ဒီလူဟာ မြင့်ဆွေမဟုတ်ဘူး အဲဒီဗိုလ်ပြုတ် အောင်ဝင်းဇော်ဆိုတာ အတည်ပြုလိုက်နိုင်ပြီပေါ့နော်။
ဖြေ – ဟုတ်ကဲ့။
မေး – ကိုအောင်စိုး အခုလိုထွက်ပြီးတော့ ပြောတာ အဓိကက ဘာဖြစ်စေချင်တာလဲ။ အမှန်တရား ပေါ်ပေါက်စေချင်လို့လား။
ဖြေ – ဟာ ခင်ဗျား ဒီကောင်တွေလုပ်တဲ့ ပုံစံက တိုင်းပြည်ကို တစစီဖြစ်အောင်လုပ်နေတာပဲ။ ဒါ ဘာသာရေး၊ လူမျိုးရေး၊ နိုင်ငံရေး ရှုပ်ယှက်ခတ်သွားအောင် လုပ်တာပဲ။ တစစီဖြစ်သွားအောင်လုပ်တာ အဲဒါကို ကျနော်လက်မခံဘူး။ နိုင်ငံက အခုမှ စည်ပင်ဖွံ့ဖြိုးကာစလေး၊ စပြီးတော့ လုပ်မယ်ကြံကာရှိသေးတယ် ဒီကောင်တွေ ဒါဖျက်ဆီးပစ်တာ ကျနော်ဒါ လုံးဝလက်မခံဘူး။ ကျနော်ကိုယ်တိုင်က တချိန်တုန်းက ဒုစရိုက်လောကသား ဖြစ်ခဲ့ဖူးပေမယ့် ဒုစရိုက်လောကသား စစ်စစ်မဟုတ်ဘူး။ မကောင်းမှုကို လုပ်မယ့်သာ လုပ်ခဲ့ဖူးတာ။ ကျနော်က မကောင်းမှုကို သိပ်နှစ်ခြိုက်တဲ့သူမဟုတ်ဘူး။ လက်မခံဘူး။
မေး – ကိုအောင်စိုး အခုလက်ရှိဘာလုပ်နေလဲ။
ဖြေ – ကျနော်လက်ရှိ ဆံပင်ညှပ်စားနေပါတယ်။
DVB TV News

ရှေ့နေဦးကိုနီ
ရှေ့နေဦးကိုနီ

လက်ရှိ အာဏာရ အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေး တရားလွှတ်တော် ရှေ့နေ ဦးကိုနီ အများ ပြည်သူမြင်ကွင်းမှာ လုပ်ကြံသတ်ဖြတ်ခံရမှုနဲ့ ပတ်သက်လို့ တရားမျှတမှုမရှာနိုင်ရင် တပ်မတော် နဲ့ လက်ရှိ NLD အစိုးရရဲ့ ပုံရိပ်ကို ထိခိုက်နိုင်တယ် ဆိုတဲ့ ပြောဆိုမှုတွေ အများပြည်သူကြား ကျယ်ကျယ် လောင်လောင် ပေါ်ထွက်လာနေတာပါ။ ရှေ့နေကြီး ဦးကိုနီ လုပ်ကြံခံရတာ ဒီကနေ့ဆိုရင် ၄မြောက်ရှိပြီ ဖြစ်ပေမယ့်လည်း အာဏာပိုင်တွေဘက်က တိကျတဲ့ သတင်းထုတ်ပြန်မှု မရှိတဲ့အပေါ် အမှုမှန် ပေါ် ပေါက်ရေးအတွက် စိုးရိမ်စရာဖြစ်တယ်လို့ အများစုက ထောက်ပြနေကြတာပါ။သတင်း အပြည့်အစုံ ကိုတော့ ဗွီအိုအေ သတင်းထောက် မမြင့်မြင့်ခိုင်က တင်ပြထားပါတယ်။

လက်ရှိ အာဏာရ အမျိုးသားဒီမိုကရေစီအဖွဲ့ချုပ်ရဲ့ဥပဒေအကြံပေး တရားလွှတ်တော် ရှေ့နေ ဦးကိုနီ ရန်ကုန် အပြည်ပြည်ဆိုင်ရာလေဆိပ် လူမြင်ကွင်းမှာ လုပ်ကြံခံရပြီး သေဆုံးတာ ဒီကနေ့ဆိုရင် ၄ရက် မြောက်ရှိသွားပါပြီ။ တရားလွှတ်တော် ရှေ့နေ ဦးကိုနီ လုပ်ကြံခံရမှုအပေါ် စုံစမ်းစစ်ဆေးမှု အခြေအနေနဲ့ ပတ်သက်လို့ အာဏာပိုင်တွေဘက်က အခုချိန်ထိ တိကျရေရာတဲ့ သတင်းထုတ်ပြန်တာမရှိတာကြောင့် အမှုမှန် မပေါ်ပေါက်မှာကို အများစုက စိုးရိမ်နေကြတာပါ။

ဦးကိုနီ လုပ်ကြံခံရမှုနဲ့ ပတ်သက်တဲ့ အမှန်တရားကို ပြည်သူတွေ သိခွင့်မရဘူးဆိုရင် တပ်မတော်နဲ့ လက်ရှိ NLD အစိုးရရဲ့ ဂုဏ်သိက္ခာကို ထိခိုက်နိုင်တယ်လို့ ဥပဒေပညာရှင်တဦးဖြစ်တဲ့ တရားလွှတ်တော် ရှေ့နေ ဦးကြီးမြင့်က ပြောပါတယ်။

“သေချာတာတခုတော့ ရှိတယ်။ အမှုမှန်မဟုတ်ဘူးလို့ ပြည်သူတွေမယုံကြည်တဲ့နေ့မှာ တပ်မတော်အတွက်လည်းမကောင်းဘူး၊ လက်ရှိအစိုးရ အတွက်လည်းမကောင်းဘူး၊ NLD အတွက်လည်းမကောင်းဘူး၊ ဒါတော့ သေချာတယ်။ အဲဒီတော့ အမှုမှန်ပေါ်ပေါက်အောင် ၀ိုင်းဝန်းကြိုးစားသင့်တယ်။ ဒါဆရာပြောချင်တယ် အဲလိုပေါ်ပေါက်ဖို့လည်း ဆရာတို့ ဆန္ဒရှိတယ်။ သို့သော် လက်ရှိ သွားနေတဲ့ နှုန်းထားနဲ့ အနေအထားတွေအရတော့ ဘုရားခိုးဂိုဏ်းနဲ့ အဆုံးသတ်လိုက်မှာကို အင်မတန်စိုးရိမ်တယ်။ တကယ်တော့ ဘုရားခိုးဂိုဏ်းအဆင့်နဲ့ လုပ်နိုင်တဲ့ ကိစ္စမဟုတ်ဘူး အဲလိုဆရာယူဆတယ်လေ။”

မြန်မာပြည်ဟာ ဆယ်စုနှစ်ပေါင်းများစွာ တရားဥပဒေစိုးမိုးရေးနဲ့ ကင်းကွာခဲ့ရပြီး ၂၀၀၈ခုနှစ် ကမာရွတ် မြို့နယ် စိမ်းလဲ့ကန်သာလမ်းက ငါးလောင်းပြိုင်လူသတ်မှု အပါအဝင် ပြီးခဲ့တဲ့နှစ်က မင်္ဂလာဒုံမြို့နယ်မှာ ဖြစ်ပွားခဲ့တဲ့ ရဲအရာရှိဟောင်း မိသားစုတစုလုံး သေဆုံးခဲ့ရတဲ့ လေးလောင်းပြိုင် လူသတ်မှုလို အမှုတွေ ကိုတောင် အခုချိန်ထိ ဖော်ထုတ်နိုင်ခြင်းမရှိတာမို့ ရှေ့နေကြီး ဦးကိုနီ လုပ်ကြံခံရမှုမှာလည်း အမှုမှန် ဖော် ထုတ်နိုင်ခြင်းရှိပါ့မလားဆိုတဲ့ စိုးရိမ်ချက်တွေ ပေါ်ထွက်လာတာပါ။

ပြီးခဲ့တဲ့ ရက်ပိုင်းက ဦးကိုနီလုပ်ကြံခံရမှုနဲ့ ပတ်သက်တဲ့ ရဲစစ်ဆေးချက်တွေ အင်တာနက်ပေါ် ပေါက် ကြားခဲ့တာကြောင့် လုံခြုံရေးတာဝန်ရှိသူတွေရဲ့ စုံစမ်းစစ်ဆေးချက်အပေါ် ပြည်သူတွေအနေနဲ့ မေးခွန်း ထုတ်စရာ ဖြစ်ခဲ့ပါတယ်။

ရှေ့နေကြီး ဦးကိုနီ လုပ်ကြံခံရမှုနဲ့ ဆက်စပ်တဲ့ စုံစမ်းစစ်ဆေး ဆောင်ရွက်နေတာတွေဟာ အားရစရာ မရှိသလို အမှုမှန်ပေါ်ပေါက်ရေးဟာ လက်ရှိအစိုးရနဲ့ပြည်ထဲရေးဝန်ကြီးဌာန အဓိကမှာ တာဝန်ရှိတယ် လို့ မြန်မာနိုင်ငံ အစ္စလာမ်သာသနာရေးကောင်စီ အတွင်းရေးမှူး ဦးဝဏ္ဏရွှေက ပြောပါတယ်။

“အခုလက်တွေ့အနေနဲ့ ရလဒ်တွေကရပြောမယ်ဆိုရင် ဒီလောက်အရေးကြီးတဲ့ ကိစ္စတွေမှာ စာရွက်စာတန်းတွေပေါက်ထွက်လာတယ်။ နောက်တခါ ဒီလောက် စာရွက်စာတန်းတွေပေါက်ထွက်လာတဲ့အခြေအနေ ရောက်တဲ့အခြေအနေမှာလည်း ပြန်လည် တုန့်ပြန်ပြီးတော့ ပြည်သူကို ရှင်းလင်းတဲ့ဟာမျိုးကိုလည်း အားရစရာမရှိဘူး။ ဆရာဦးကိုနီ လုပ်ကြံခံရတဲ့ဖြစ်စဉ်ကို အခု အမှန်တရားပေါ်ဖို့ ကိစ္စမှာ ဘယ်သူ့မှာ တာဝန်ရှိတယ်လို့ပြောတာထက် လက်ရှိအစိုးရအဖွဲ့မှာ တာဝန်ရှိပါတယ်။ လက်ရှိအစိုးရအဖွဲ့ တိတိကျကျပြောရင်တော့ ပြည်ထဲရေးဝန်ကြီးဌာန ဖြစ်ပါတယ်။ ပြည်ထဲရေးဝန်ကြီးဌာနအနေနဲ့ ဦိးကိုနီရဲ့ဖြစ်စဉ်ကို အမှန်တရားအတိုင်း ပေါ်ထွက်လာအောင် ကျနော်တို့ တိတိကျကျ နဲ့ မှန်မှန်ကန်ကန် မြန်မြန်ဆန်ဆန် ဆောင်ရွက်မယ်ဆိုရင် နိုင်ငံသားပြည်သူတွေရဲ့ ယုံကြည်အားကိုးမှု ချစ်ခင်လေးစားမှုကို ရရှိမှာ ဖြစ်ပါတယ်လို့ အကြံပြုပြောကြားလိုပါတယ်။”

ရှေ့နေကြီး ဦးကိုနီဟာ ၂၀၀၈ဖွဲ့စည်းပုံအခြေခံဥပဒေ ပြင်ဆင်နိုင်ရေးအတွက် အတက်ကြွဆုံးသူ တဦး ဖြစ်ခဲ့သလို လုပ်ကြံခံရပြီး မသေဆုံးခင် ၂၀၁၆ ဒီဇင်ဘာလ ၃၀ရက်နေ့မှာတောင် NLD လွှတ်တော် အမတ်တွေကို ရွေးကောက်ပွဲကတိတခုဖြစ်တဲ့ အခြေခံဥပဒေပြင်ဆင်ရေး အကောင်ထည်ဖော်ဖို့ တိုက် တွန်းခဲ့ပါသေးတယ်။

အမျိုးသားဒီမိုကရေစီအဖွဲ့ချုပ်ရဲ့ ဗဟိုအလုပ်အမှုဆောင် အဖွဲ့ဝင် ဦးဥာဏ်ဝင်းကတော့ ဦးကိုနီ လုပ်ကြံ ခံရမှုဟာ နိုင်ငံရေးနဲ့ တနည်းတဖုံ ဆက်စပ်နေတယ်လို့ ယုံကြည်သလို ဒီဖြစ်ရပ်ကြောင့် လုံခြုံရေးနဲ့ ပတ် သက်လို့ ပေါ့ဆမှုကို သတိပြုမိစေတယ်လို့ ဆိုပါတယ်။

“ကျနော်တို့က ဒီသတင်းကြားတာနဲ့ စဉ်းစားကြည့်လိုက်တော့ ကိုနီလိုလူမျိုးဟာ ပုဂ္ဂိုလ် ရေးအရ ဒီလိုဖြစ်စရာအကြောင်း ကျနော်လုံးဝမတွေ့ဘူး။သိလို့ပြောတာတော့ မဟုတ်ဘူး သူ့ကို ပုဂ္ဂိုလ် အရသိတယ်၊ သူလိုက်နေတဲ့ အမှုတွေကိစ္စတွေလည်း ကျနော်တို့နဲ့ ပြိုင်ပြီးတော့ လိုက်နေတာဆိုတော့ ကျနေ်ာတို့သိတယ်။ ဒီလိုအသက်အန္တရာယ်ဖြစ်လောက်တဲ့ ဖြစ်လောက်တဲ့ ကိစ္စမျိုးဖြစ်စရာအကြောင်းမရှိဘူး။ အဲဒါဆိုရင် ကိုနီဘာဖြစ်လို့လဲဆိုတာ ပြန်ဆက်ပြီးစဉ်းစားရမယ်၊ ဆက်ပြီးစဉ်းစားတဲ့ အခါကျတော့ နိုင်ငံရေးက တနည်းမဟုတ်တနည်း နွယ်နေမယ်လို့ ယုံကြည်တယ်။”

အစိုးရအနေနဲ့ အမှုမှန်ပေါ်ပေါက်ဖို့ အကောင်းဆုံးဆောင်ရွက်နိုင်ဖို့ပဲ မျှော်လင့်ကြောင်းပြောလာသူက လုပ်ကြံသတ်ဖြတ်ခံရတဲ့ ရှေ့နေကြီး ဦးကိုနီရဲ့ သမီးဖြစ်သူ မအေးသီခိုင်ပါ။

“အခုအချိန်မှာတော့ ကျမတို့က ဘာကိုမှ ပြောလို့မရသေးဘူးလို့ထင်တာပဲ၊ ဘာကြောင့်လဲဆိုတော့ ကျမတို့က Crime Investigator လည်းမဟုတ်ဘူးလေ၊ ဒီကိစ္စနဲ့ ပတ်သက်ပြီးတော့ တာဝန်ရှိတဲ့သူတွေက အကောင်းဆုံးလုပ်မယ်လို့တော့ မျှော်လင့်ပါတယ်။ အဲဒီတော့ ကျမတို့ကတော့ ဒီလူ့ကို သံသယ ရှိပါတယ်ဆိုပြီး မပြောလိုပါဘူး ပြောခွင့်လည်းမရှိဘူးလို့ ထင်ပါတယ်။”

လူအများရှေ့မှာ ဦးကိုနီကို သေနတ်နဲ့ ပစ်သတ်ခဲ့တဲ့ ဦးကြည်လင်းဆိုသူကိုတော့ လက်ရှိမှာ ရဲတပ်ဖွဲ့က စစ်ဆေးနေဆဲဖြစ်ပြီး ဒီလုပ်ကြံမှုနောက်ကွယ်က ကွင်းဆက်တရားခံလို့ သံသယရှိသူတွေကို ခေါ်ယူ စစ် ဆေးမှုတွေ လုပ်နေတယ်လို့ ရဲတပ်ဖွဲ့က ပြောဆိုထားပေမယ့် အခုချိန်ထိ သတင်းတိတိကျကျ ထုတ်ပြန် ပေးတာမရှိသေးပါဘူး။
VOA Burmese News

ကချင်ဒုက္ခသည်များ (Citizen Journalist)
ကချင်ဒုက္ခသည်များ (Citizen Journalist)
တရုတ်နိုင်ငံက လက်မခံဘဲ မောင်းနှင်ထုတ်ခံရတဲ့ ကချင်စစ်ရှောင်ဒုက္ခသည် ၂၀၀၀လောက်ဟာ အခုအခါမှာ မဂါယန်အနီးက စခန်းတခုမှာ ခိုလှုံနေကြပြီး ရာသီဥတုပြင်းထန်တာကြောင့် ကျန်းမာရေးအတွက် စိုးရိမ်ရသလို စားနပ်ရိက္ခာလည်း ပြတ်လပ်မယ်အခြေအနေရှိနေကြောင်း ဒုက္ခသည်အရေးကူညီသူတဦးက ပြောပါတယ်။ ဒါအပြင် စစ်ရှောင်စခန်းက ကလေးငယ်တွေရဲ့ ပညာသင်ကြားရေးဟာလည်း ရပ်ဆိုင်းနေကြောင်း ပြောပါတယ်။ ဒီသတင်းကိုတော့ ဗီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ဇန်န၀ါရီလအတွင်းက တရုတ်ပြည်ဘက်ကိုတိမ်းရှောင်ခဲ့တဲ့ ကချင်စစ်ရှောင်ဒုက္ခသည် IDP တွေဟာ တရုတ်အာဏာပိုင်တွေက လက်မခံခဲ့တဲ့နောက် အခုအခါမှာ မဂါယန်နဲ့ ပါဂျောင်အကြားက ရှအစ်ယန် စခန်းမှာ ခိုလှုံနေကြပါတယ်။

လက်ရှိ စစ်ရှောင်ပြည်သူတွေရဲ့အခြေအနေကို သူတို့ကို ကူညီပေးနေတဲ့စုပေါင်းအဖွဲ့က ပြောခွင့်ရသူ ကိုဂွန်ရှာအောင်က အခုလို ပြောပါတယ်။

“အများစုက ရှအစ်ယန်လို့ခေါ်တဲ့နေရာကို ရောက်နေကြတာဖြစ်ပါတယ်။ လူဦးရေကတော့ ၁၈၀၀ ၀န်းကျင်လောက်ေ၇ာက်နေတာဖြစ်ပါတယ်။အဲဒီမှာ ယာယီတဲတွေထိုးပြီးမှ ခိုလုံနေတာဖြစ်ပါတယ်။”

စစ်ရှောင်ဒုက္ခသည်တချို့ဟာ တရုတ်နိုင်ငံဖက်က မိတ်ဆွေတွေ၊ ဆွေမျိုးတွေ ရှိရာကို သွားရောက်ခိုလှုံတာရှိသလို တချို့ကတော့ မြစ်ကြီးနား၊ ၀ိုင်းမော်မြို့တွေမှာရှိတဲ့ စစ်ရှောင်စခန်းတွေကို ခိုလှုံနေတာလည်းရှိကြောင်း ပြောပါတယ်။

လောလောဆယ် ရှအစ်ပြန်စခန်းမှာရှိတဲ့ ပြည်သူတွေဟာ ပြင်းထန်တဲ့ အအေးဒဏ်ကို ခံစားနေရပြီး စားနပ်ရိက္ခာအတွက်လည်း စိုးရိမ်နေရကြောင်း ပြောပါတယ်။

“ဆောင်းတွင်းကာလဖြစ်တဲ့အတွက်ကြောင့် အဲဒီနေရာဒေသဟာ အင်မတန်မှ အေးတဲ့နေရာဖြစ်ပါတယ်။ အခုအနေအထားမှာကျတော့ ယာယီတဲထိုးပြီးမှ နေနေရတဲ့အနေအထားဆိုတော့ ဒီ IDP တွေအတွက် ကျန်းမာရေးစောင့်ရှောက်မှုအပိုင်းနဲ့ ပတ်သက်ရင်တော်တော် စိုးရိမ်စရာလိုတယ်ပေါ့နော်၊ ဖျားတာနာတာများတဲ့အနေအထားမှာ ရှိတယ်၊ တဖက်မှာလည်း သူတို့အတွက် စားနပ်ရိက္ခာတွေကလည်း ပြတ်လက်လာနိုင်တဲ့ အနေအထားရှိတော့ ကျနော်တို့ အဲဒါလည်းစိုးရိမ်တာဖြစ်ပါတယ်။ ကလေးတွေလည်း အတန်းတင် စာမေးပွဲနီးလာတဲ့အခါမှာ ဒီလိုကျောင်းလည်း မဆက်နိုင်တဲ့ အနေအထားဖြစ်နေတော့ အဲဒီအပိုင်းမှာလည်း ကျနော်တို့ စိုးရိမ်နေတဲ့အပိုင်းတွေရှိပါတယ်။”

ပြီးခဲ့တဲ့လကုန်ပိုင်းကတော့ တရုတ်နိုင်ငံဖက်က ကချင်လူမျိုးတွေက စောင်နဲ့ အနွေးထည်တွေ၊ အမိုးအကာတွေ လှုဒါန်းခဲ့ပေမဲ့ လောက်ငမှုမရှိကြောင်း သတင်းတွေထွက်ပေါ်ခဲ့ပါတယ်။

ရှအစ်ယန်စခန်းကိုရောက်ရှိနေသူတွေဟာ ဒီဇင်ဘာလလယ်ပိုင်းက ဖြစ်ပွားတဲ့ ဂီဒွန်နဲ့ လိုင်ဖောင်စခန်းအနီးတိုက်ပွဲတွေကြောင့် ဇိုင်းအောင်နဲ့ ခေါင်ရှောင် IDPစခန်းတွေက တိမ်းရှောင်လာသူတွေဖြစ်ပါတယ်။ ဒီစခန်းတွေမှာ လက်နက်ကြီးကျည်တွေကျရောက်တာကြောင့် တရုတ်နိုင်ငံဖက်ကို တိမ်းရှောင်ခဲ့ပေမဲ့ တရုတ်အစိုးရက အ၀င်မခံတာကြောင့် လက်ရှိ ရှအစ်ယန်စခန်းကို ခိုလှုံနေထိုင်နေကြတာဖြစ်ပါတယ်။

ဒီရက်ပိုင်းတွေအတွင်းမှာတော့ ကချင်ပြည်နယ် အတွင်းမှာ တိုက်ပွဲတွေအတန်ငယ်ငြိမ်သက်နေသလို အစိုးရနဲ့ ကချင်လွတ်လပ်ရေးအဖွဲ့ KIO အကြားမှာ သီးသန့် တွေ့ဆုံဆွေးနွေးဖို့ ကမ်းလှမ်းလာတာတွေ ရှိနေပါတယ်။

အစိုးရဖက်က ကမ်းလှမ်းလာတဲ့အခြေအနေနဲ့ တွေ့ဆုံဆွေးနွေးမယ့် အလားအလာကိုတော့ KIO ရဲ့ ပြောရေးဆိုခွင့်ရှိသူ ဒု ဗိုလ်မှုးကြီး နော်ဘူက အခုလို ပြောပါတယ်။

“တွေ့ဆုံဖို့ခေါ်တာမဟုတ်ပါဘူး၊ တွေ့ဆုံလိုရင်တော့ တွေ့ဆုံလို့ရပါတယ် ၊ ဆိုတဲ့ အကြောင်းကြားတဲ့စာဖြစ်ပါတယ်။ KIO ဘက်ကလည်း သီးသန့်တွေ့ဖို့အစီအစဉ်ကတော့ အခုလောလောဆယ်မရှိသေးဘူး။ တကယ်လို့ နိုင်ငံရေးဆွေးနွေးမယ်ဆိုရင်တော့ အဲဒီ UNFC အဖွဲ့ဝင်ဖြစ်တဲ့အတွက် UNFCဆွေးနွေးမှုအတိုင်းပဲ သွားမှာ ဖြစ်ပါတယ်။ အဲဒါကြောင့် DPN ရဲ့လမ်းကြောင်းပေါ့ အဲဒါနဲ့ ပဲ ကျနော်တို့ သွားဖို့ ရှိပါတယ်။ တကယ်လို့များ KIO နဲ့ပဲ သီးသန့်တွေ့လာဖို့ ကိစ္စတွေရှိရင်တော့ ဒါကတွေ့ဖို့ရှိပါတယ်၊ ဒါပေမယ့် အခုလောလောဆယ်ကတော့ တွေ့ဖို့ အစီအစဉ်ကတော့ မရှိပါဘူး။”

KIO အဖွဲ့ဟာ အပစ်ရပ်စာချုပ် NCA ကို လက်မှတ်မထိုးသေးတဲ့ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ UNFC မှာ ပါဝင်ပြီး UNFCက ဖွဲ့စည်းထားတဲ့ DPN ခေါ် နိုင်ငံရေးဆွေးနွေးရေးအဖွဲ့က အစိုးရရဲ့ ငြိမ်းချမ်းရေးကော်မရှင်နဲ့ ဆွေးနွေးနေတာဖြစ်ပါတယ်။ ပြီးခဲ့တဲ့ လကုန်ပိုင်းကလည်း DPN အဖွဲ့ဟာ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ ဆွေးနွေးဖို့ သတင်းတွေထွက်ပေါ်ခဲ့ပေမဲ့ တွေ့ဆုံနိုင်တာတော့ မရှိပါဘူး။

ဒီလကုန်ပိုင်းမှာတော့ ပြည်ထောင်စုငြိမ်းချမ်းရေးညီလာခံ -၂၁ရာစုပင်လုံ ဒုတိယအကြိမ်ပြန်လည်ကျင်းပဖို့ ရှိနေပြီး NCA လက်မှတ်မထိုးသေးတဲ့ အဖွဲ့တွေ ထဲက ဘယ်အဖွဲ့တွေကို ဖိတ်ကြားပြီး ဘယ်အဖွဲ့တွေ တက်ရောက်မယ်ဆိုတာတော့ တိတိကျကျ မသိသေးပါဘူး။ ရှမ်းပြည်နယ်မြောက်ပိုင်းဒေသဖက်မှာတော့ တအာင်း-ပလောင်တပ်၊ ကိုးကန့်တပ်ဖွဲ့တွေနဲ့ အစိုးရတပ်မတော်ကြားမှာတော့ ဒီရက်ပိုင်းတွေမှာ တိုက်ပွဲတွေ ဆက်လက်ဖြစ်ပွားနေဆဲ ရှိပါတယ်။
VOA Burmese News


တရားလွှတ်တော်ရှေ့နေ ဦးကိုနီ ဈာပနာအခမ်းအနား
တရားလွှတ်တော်ရှေ့နေ ဦးကိုနီ ဈာပနာအခမ်းအနား
အာဏာရ NLD ပါတီရဲ့ ဥပဒေအကြံပေးလည်းဖြစ်ပြီး အများပြည်သူလေးစားတဲ့ တရားလွှတ်တော် ရှေ့နေကြီး ဦးကိုနီ လုပ်ကြံခံရမှု ကို အမြန်ဆုံး စုံစမ်းစစ်ဆေး အရေးယူဆောင်ရွက်ဖို့ ရခိုင်အကြံပေး ကော်မရှင် ဥက္ကဌ ကိုဖီအာနန်က မြန်မာအစိုးရကို တိုက်တွန်းလိုက်ပါတယ်။

ဒီအတောအတွင်း ဦးကိုနီ လုပ်ကြံခံရမှု အမှုမှန်ပေါ်ပေါက်ရေး အထောက်အကူပြုဖို့ လွတ်လပ်တဲ့ စုံစမ်းစစ်ဆေးရေးအဖွဲ့ ကို ခွင့်ပြုဖို့ HRW လူ့အခွင့်အရေး စောင့်ကြည့်ရေးအဖွဲ့ကြီးအပါအ၀င် မြန်မာဥပဒေပညာရှင်အဖွဲ့တွေက လည်း တောင်းဆိုလိုက်ပါတယ်။ အထူးသဖြင့် သေနတ်သမားရဲ့ စုံစမ်းစစ်ဆေးချက်တွေနဲ့ ပတ်သက်ပြီးအချက်အလက်တွေ အပြင်ဘက်ကို ပေါက်ကြားခဲ့တဲ့အတွက် ရဲအာဏာပိုင်တွေရဲ့ အမှုကိုင်တွယ်ပုံကို ပြည်သူအများ သံသယဖြစ်လာစေကြောင်း ထောက်ပြခဲ့ကြပါတယ်။

စုံစမ်းမေးမြန်းထားတဲ့ မအင်ကြင်းနိုင်က အပြည့်အစုံကို ဆက်ပြီးပြောပြမှာပါ။

ပြီးခဲ့တဲ့တနင်္ဂနွေနေ့က ရန်ကုန်မင်္ဂလာဒုံလေဆိပ်မှာ တရားလွှတ်တော် ရှေ့နေဦးကိုနီကို သေနတ်နဲ့ လုပ်ကြံသတ်ဖြတ်ခဲ့မှုနဲ့ သေနတ်သမားကို လိုက်လံဖမ်းဆီးခဲ့တဲ့ ယာဉ်မောင်း ဦးနေ၀င်းပါ သေဆုံးခဲ့တဲ့ဖြစ်ရပ်ကို သူ့အနေနဲ့ ပြင်းထန်စွာရှုံချကြောင်း ဖေဖေါ်ဝါရီလ (၁)ရက်နေ့ ရက်စွဲနဲ့ ထုတ်ပြန်တဲ့ ကိုဖီအာနန်ရဲ့ ကြေညာချက်မှာ ဖေါ်ပြထားပါတယ်။

ဒီသတင်းကိုကြားခဲ့ချိန်မှာ သူ့အနေနဲ့ တုန်လှုပ်ခဲ့ပြီး ၀မ်းနည်းမိကြောင်း ကိုဖီအာနန်ကပြောပါတယ်။ လူ့အခွင့်အရေးနဲ့ တရားဥပဒေစိုးမိုးရေး လုပ်ဆောင်နေသူတွေအပေါ် အကြမ်းဖက်တဲ့ လုပ်ရပ်ဟာ စက်ဆုပ်ဖွယ်ကောင်း တယ်လို့လည်း ဆိုပါတယ်။ ဒါအပြင် မတူကွဲပြားမှုတွေ ဘယ်လိုပဲရှိရှိ အပြန်အလှန်ပြောဆိုဆွေးနွေးပြီး သည်းခံမှသာ ရှေ့ဆက်နိုင်မှာဖြစ်တယ်လို့ သူ့အနေနဲ့ ယုံကြည်ကြောင်း ကိုဖီအာနန်က သူရဲ့ကြေညာချက်မှာ ဖေါ်ပြထားပါတယ်။

အခုလို ဆိုးဝါးလှတဲ့ ရာဇ၀တ်မှုကို တတ်နိုင်သမျှ အမြန်ဆုံး စုံစမ်းစစ်ဆေးပြီး အရေးယူဆောင်ကြဖို့ သက်ဆိုင်ရာ တာဝန်ရှိသူတွေကို ကိုဖီအာနန်က တောင်းဆိုထားပါတယ်။

ဒီအတောအတွင်း ဖမ်းဆီးခံထားရတဲ့ လုပ်ကြံသူ သေနတ်သမား ဦးကြည်လင်းရဲ့ ထွက်ဆိုချက်တွေ အင်တာနက် လူမှုကွန်ယက်ပေါ်မှာ ပြန့်နှံခဲ့မှုအပေါ် အာဏာပိုင်တွေဘက်ကို အများပြည်သူတွေက သံသယတွေ ပိုပြီး ဖြစ်စေကြောင်း နယူးရောက်အခြေစိုက် HRW လူ့အခွင့်အရေးစောင့်ကြည့်ရေး အဖွဲ့ရဲ့ အာရှရေးရာတာဝန်ခံ Brad Adams ကပြောပါတယ်။

“အခုလိုမျိုး ဦးကိုနီလုပ်ကြံခံရမှုကို ရဲက စုံစမ်းစစ်ဆေးနေတဲ့အပေါ် မြန်မာ ပြည်သူတွေ မယုံကြည်ဘူးဆိုတာကလည်း ရဲတပ်ဖွဲ့ဆိုတာ စစ်တပ်ရဲ့ လက်အောက်မှာရှိနေလို့ပါ။ စစ်တပ်ဟာ နှစ်ပေါင်းများစွာ နိုင်ငံရေးမှာပါဝင်ပတ်သက်ခဲ့သလို အကြမ်းဖက်မှုတွေကိုလည်း ကျူးလွန်ခဲ့တာပါ။ ဒါကြောင့် လုပ်သင့်တာက အများပြည်သူလေးစားတဲ့ သူတွေ၊ ဥပဒေပညာရှင်တွေပါဝင်ပြီး ရဲနဲ့ ပတ်သက်မှုမရှိတဲ့ လွတ်လပ်တဲ့ စုံစမ်းစစ်ဆေးရေးအဖွဲ့မျိုးလိုအပ်နေပါတယ်။”

ဒါအပြင် သေနတ်သမားဘက်က အလွယ်တကူ ၀န်ခံပြောကြားတဲ့ အချက်အလက်တွေကို ယုံကြည်ရ ခက်ခဲစေတာကြောင့် လွတ်လပ်တဲ့ စုံစမ်းစစ်ဆေးရေးအဖွဲ့ကသာ အမှုမှန်ပေါ်ပေါက်ရေး အထောက်အကူပြုနိုင်မှာဖြစ်တယ်လို့ မြင်ကြောင်း Brad Adams ကဆိုပါတယ်။

အခုလို လူသတ်သမားကြည်လင်းရဲ့ ထွက်ဆိုချက်တွေ အပြင်ကို ပေါက်ကြားခဲ့တာနဲ့ပတ်သက်ပြီး ဥပဒေအထောက်အကူပြုကွန်ယက်ရဲ့ လူ့အခွင့်အရေးရှေ့နေ ဦးအောင်ထူးက အခုလို သုံးသပ်ပါတယ်။

“အပြင်ကိုပေါက်လာအောင်ကို အာဏာပိုင်တွေက တမင်လုပ်လိုက်တာ။ အဲဒီလို ကျနော်နားလည်တယ်။ အပြင်ကိုပေါက်လာခြင်းအားဖြင့် တရားခံ ဦးကြည်လင်းကို ခိုင်းတဲ့ တကယ့်လက်သည်တရားခံ အစစ်အမှန်မပေါ်အောင် တမင်အကွက်ဆင်ပြီးတော့ ဒီဦးကိုနီလုပ်ကြံခံရတဲ့ကိစ္စကို စိတ်ဝင်စားနေတဲ့ ပြည်သူတွေ လမ်းကြောင်းလွဲသွားအောင် တမင်လုပ်နေတာဖြစ်တယ်။ ဖေ့စ်ဘွတ်ခ်ကို သုံးပြီး လုပ်ကြံတယ်လို့ သုံးသပ်တယ်။ ဘာကြောင့်လဲ စဉ်းစားကြည့်ပါ။ လက်တွေ့သတ်သွားတဲ့ ဦးကြည်လင်းက သူ့ကို ဘယ်သူသတ်ခိုင်းလဲလို့ မေးတဲ့အခါကျနော့ သူက အလွယ်တကူပဲ ကျနော်ကို လူတယောက်က ဖေ့စ်ဘုတ်ခ်ကနေ အွန်လိုင်းကနေ ကြည့် ပြီးတော့မှ ကားတစီးပေးပါ့မယ်ဆိုလို့ သူက သွားသတ်ရပါတယ်ဆိုတာ ဟုတ်မှမဟုတ်တာ။ ဒါက ဖြစ်မှမဖြစ်နိုင်တာ။ ဆိုတော့ ဒီလိုမျိုး လမ်းလွဲအောင်လို့ တာဝန်ရှိတဲ့ ပုဂ္ဂိုလ်တွေက တမင်လုပ်နေသလား။ လုပ်နေတယ်လို့လည်း ကျနော်ယူဆတယ်။”

ဒါအပြင် ကျန်ရစ်သူမိသားစုတွေအနေနဲ့ အမှုမှန်ပေါ်ရေး လုပ်ပိုင်ခွင့်တွေနဲ့ပတ်သက်လို့လည်း ဦးအောင်ထူးက အခုလိုပြောပါတယ်။

“ပြစ်မှုကျူးလွန်ခံရတဲ့ ဦးကိုနီရဲ့ မိသားစုကို မေတ္တာရပ်ခံချင်တာက သူတို့အနေနဲ့ ရှေ့နေအသင်းကြီးများရဲ့ အကူအညီကို တရားဝင်တောင်းစေချင်ပါတယ်။ အဲတော့ ရှေ့နေအသင်းကြီးတွေကလည်း ဦးကိုနီရဲ့ အမှုနဲ့ပတ်သက်ပြီးတော့ စုံစမ်းစစ်ဆေးရေး ကော်မတီမျိုး အဖွဲ့ဖွဲ့ပြီးတော့ အခု ရဲလက်ထဲမှာ အမှုကို စစ်ဆေးနေတဲ့ အတောအတွင်းမှာပဲ ရှေ့နေတွေရဲ့ပညာရပ်နဲ့ ပြစ်မှုကျူးလွန်ခံရတဲ့ မိသားစုက ပေးထားတဲ့ လုပ်ပိုင်ခွင့်ကို သုံးပြီးတော့မှ ၀ိုင်းဝန်းစုံစမ်းစစ်ဆေးပေးစေချင်ပါတယ်။”

ဦးကိုနီ လုပ်ကြံခံရမှုနဲ့ ပတ်သက်လို့ ထုတ်ပြန်တဲ့ ဥပဒေအထောက်အကူပြုအဖွဲ့ရဲ့ ကြေညာချက်မှာလည်း အမှုမှန်ပေါ်ပေါက်ရေးနဲ့ လူသတ်သမားရဲ့ နောက်ကွယ် ကြိုးကိုင်လှုပ်ရှားနေသူ အစစ်အမှန်ဖေါ်ထုတ်နိုင်ဖို့ အစိုးရအနေနနဲ့ နိုင်ငံတကာရဲ့ အကူအညီကိုယူသင့်ကြောင်း အကြံပြုထားပါတယ်။

မြန်မာနိုင်ငံ ရဲတပ်ဖွဲ့ကတော့ လုပ်ကြံသူ သေနတ်သမား ဦကြည်လင်းရဲ့ နောက်ကွယ်က သံသယရှိသူတချို့ကို မနေ့ ဗုဒ္ဓဟူးနေ့က ဖမ်းဆီးခဲ့ပြီး ဦးကိုနီ လုပ်ကြံခံရမှုမှာ အမှုမှန်ပေါ်ပေါက်ရေးအတွက် အကောင်းဆုံးကိုင်တွယ်နေသလို ရလဒ်ပေါ်အောင် စိတ်ရှည်စွာ စောင့်ဆိုင်းပေး ဖို့ အစိုးရတာဝန်ရှိသူတွေကလည်း ပြောကြားထားပါတယ်။
VOA Burmese News