02/04/17


ဖေဖော်ဝါရီလ ၃ ရက်နေ့က ပြင်သစ် နိုင်ငံ လုဗ် ပြတိုက်မှာ အကြမ်းဖက် တိုက်ခိုက်မှုတွေ လုပ်ဖို့ ကြိုးစား ခဲ့သူဟာ အီဂျစ် နိုင်ငံသား ဖြစ်ပြီး အလည်အပတ် ဗီဇာ နဲ့ နိုင်ငံအတွင်း ကို ဝင်ရောက် ခဲ့သူ လို့ ပြင်သစ် အာဏာပိုင်တွေက ပြောပါတယ်။

အသက် ၂၉ နှစ် အရွယ် အီဂျစ် နိုင်ငံသား ဟာ ဒူဘိုင်းမြို့ ကနေ တဆင့် ပဲရစ် မြို့ကို လေယာဉ် ခရီးစဉ် နဲ့ လာရောက် ခဲ့သူ ဖြစ်ကြောင်း ပြင်သစ် အစိုးရ ရှေ့နေ က ပြောပါတယ်။

အကြမ်းဖက်မှုတွေ လုပ်ဆောင်ဖို့ ကြိုးစားတဲ့ အီဂျစ် နိုင်ငံသား နဲ့ အတူ နောက်ထပ် အပေါင်းအဖော်တွေ ပါ မပါ ဆိုတာ ကို ပြင်သစ် တာဝန် ရှိသူတွေက စုံစမ်း စစ်ဆေး နေပါတယ်။

အဲဒီလူဟာ အကြမ်းဖက် တိုက်ခိုက်ဖို့ အတွက် ဓါး နှစ်လက် ကို လည်း ယူဆောင် လာပြီး စစ်သား တစ်ယောက်ကို ခုတ်ဖို့ ကြိုးစားတဲ့ အချိန်မှာ သေနတ် နဲ့ ပစ်ခတ် ဖမ်းဆီး ခြင်းကို ခံခဲ့ရတာ ဖြစ်ပါတယ်။

BBC Burmese
http://www.bbc.com/burmese



လူအခွင့်ရေး ဆိုင်ရာ မဟာမင်းကြီး နဲ့ ဒေါ်အောင်ဆန်းစုကြည် တယ်လီဖုန်း ဆက်သွယ် ပြောကြားခဲ့
ရခိုင်ပြည်နယ် က ရိုဟင်ဂျာ မွတ်ဆလင် တွေကို ပစ်မှတ် ထားပြီး လုံခြုံရေး တပ်ဖွဲ့ တွေက အစုလိုက် အပြုံလိုက် သတ်ဖြတ်မှုတွေကျူးလွန်နေကြောင်း ကုလသမဂ္ဂ ရဲ့ အစီရင်ခံစာ ကို စုံစမ်းဖို့ ဒေါ်အောင်ဆန်းစုကြည်က ကတိပေးခဲ့တယ်လို့ လူ့အခွင့်အရေး ဆိုင်ရာ မဟာမင်းကြီး ဇိတ် ဘင် အယ်လ် ဟူစိန်က ပြောပါတယ်။

တပ်မတော် နဲ့ လုံခြုံရေး တပ်ဖွဲ့တွေရဲ့ ကျူးလွန်မှုတွေကို ရပ်တန့်ဖို့ နည်းလမ်း မျိုးစုံ သုံးပြီး ကြိုးစားပေးဖို့ ဒေါ်အောင်ဆန်းစုကြည် ကို တယ်လီဖုန်း ဆက်သွယ် ပြောကြား ပြီး တိုက်တွန်း ခဲ့ကြောင်း သူက ပြောပါတယ်။

ဖေဖော်ဝါရီလ ၃ ရက်နေ့မှာ ရခိုင်ပြည်နယ်က မွတ်ဆလင် တွေကို ပစ်မှတ် ထား တိုက်ခိုက်မှုတွေ၊ အစုလိုက် အပြုံလိုက် သတ်ဖြတ်မှုတွေကို လုံခြံရေး အဖွဲ့တွေက ကျူးလွန် နေကြောင်း ကုလသမဂ္ဂ လူ့အခွင့်အရေး ရုံး က အစီရင်ခံစာ ထုတ်ပြန်ခဲ့တာပါ။

အခု အစီရင်ခံစာကို ဘင်္ဂလားဒေ့ရှ် နိုင်ငံဘက် နယ်စပ် ဖြတ်ကျော် ထွက်ပြေး လာကြရတဲ့ ရိုဟင်ဂျာ တွေထဲက လူပေါင်း ၂ဝဝ ကျော် ကို တွေ့ဆုံ မေးမြန်းပြီး ထုတ်ပြန် တာ ဖြစ်တယ်လို့ ဆိုပါတယ်။

ရိုဟင်ဂျာတွေ အပေါ်ကျူးလွန်ခဲ့တဲ့ ကြမ်းကြုတ် ရက်စက်မှု တွေဟာ လူသား မျိုးနွယ် အပေါ် ကျူးလွန်တဲ့ ရာဇဝတ်မှု မျိုး မြောက်စေ နိုင်ဖွယ် အခြေအနေမျိုး ရှိနေတယ်လို့ အစီရင်ခံစာထဲ ရေးသား ထားပါတယ်။

BBC Burmese
http://www.bbc.com/burmese

လူမှုကွန်ရက်ဖေ့စ်ဘွတ်စာမျက်နှာတွေမှာ ပေါက်ကြားနေတဲ့ ဦးကိုနီကို လုပ်ကြံသူ ကြည်လင်းရဲ့ကနဦးထွက်ဆိုချက်ဆိုတာတွေဟာ လိမ်လည်ထွက်ဆိုနေတာတွေသာ ဖြစ်နိုင်တယ်လို့ ဖေဖော်ဝါရီ(၂)ရက်က ရန်ကုန်တိုင်းဒေသကြီးရဲတပ်ဖွဲ့မှူး ရဲမှူးချုပ်ဝင်းနိုင် ခေါ်ယူတွေ့ဆုံခဲ့တဲ့ အကျဉ်းသားဟောင်း ဦးအောင်စိုးက သုံးသပ်ပြောကြားပါတယ်။

ကြည်လင်းထွက်ဆိုချက်တွေဟာ အင်တာနက်မှာ ပျံ့နှံ့ နေတဲ့အတိုင်းသာ တကယ်မှန်ကန်နေမယ်ဆိုရင် ဒါဟာလိမ်ညာထွက်ဆိုမှုသာဖြစ်နိုင်တယ်လို့ ဦးအောင်စိုးကသုံးသပ်ပြောကြားပါတယ်။ ဦးအောင်စိုးကို ဇန်နဝါရီ (၂)ရက်က ရန်ကုန်တိုင်းဒေသကြီး ရဲတပ်ဖွဲ့မှူးရဲမှူးချုပ်ဝင်းနိုင်ကခေါ်ယူတွေ့ဆုံခဲ့ပြီးကြည်လင်းထွက်ဆိုချက်ထဲမှာ ပါဝင်တဲ့ စေခိုင်းသူ မြင့်ဆွေလို့ ယူဆရသူရဲ့ဓာတ်ပုံကို ရဲမှူးချုပ်ဝင်းနိုင်က ပြသရာမှာ မြင့်ဆွေဆိုသူနဲ့ဗက(ခေါ်)အောင်ဝင်းဇော်တို့ဟာ တစ်ဦးတည်းဖြစ်ကြောင်းကို အတည်ပြုပေးခဲ့တယ်လို့ ဦးအောင်စိုးရဲ့ပြောကြားချက်အရသိရပါတယ်။

 ဗက(ခေါ်) အောင်ဝင်းဇော်ဟာ ထောင်(၂)ခါ ကျဖူးသူဖြစ်ပြီး ပထမအကြိမ်မှာ တပ်မတော်အရာရှိဘဝက အမျိုးသမီးကိစ္စနဲ့ထောင်ကျခဲ့ပြီး ဘုရားခိုးမှုနဲ့ ဒုတိယအကြိမ်ထောင်ကျစဉ် ဦးအောင်စိုးနဲ့တွေ့ဆုံခဲ့တာ ဖြစ်တယ်လို့ သိရပါတယ်။ ဗက(ခေါ်)အောင်ဝင်းဇော်ဟာ ပြီးခဲ့တဲ့(၂၀၁၆)ခုနှစ်၊ (၆)လပိုင်းက ဦးအောင်စိုးကိုလာရောက်တွေ့ဆုံခဲ့ပြီး လူမျိုးခြား၊ ဘာသာခြားနိုင်ငံခြားသံတမန်တစ်ဦးကို လုပ်ကြံမပေးဖို့အလုပ်အပ်နှံခဲ့ဖူးပေမယ့် ဦးအောင်စိုးက လက်မခံခဲ့ဘူးလို့ ပြောပါတယ်။

အဲဒီနောက်(၇)လအကြာမှာဦးကိုနီကိုလုပ်ကြံမှုဖြစ်ပွားတဲ့ အချိန်လုပ်ကြံသူဦးကြည်လင်းရဲ့မျက်နှာကိုမြင်လိုက်ရတဲ့အချိန်မှာတော့ ခိုင်းစေသူဟာ ဗက(ခေါ်)အောင်ဝင်းဇော် ဖြစ်နိုင်တယ်လို့ သုံးသပ်တာဖြစ်တယ်လို့ ဦးအောင်စိုးကပြောပါတယ်။ လူမှုကွန်ရက်ပေါ်မှာ ပျံ့နှံနေတဲ့ ကြည်လင်းရဲ့ထွက်ဆိုချက်မှာ ပါဝင်တဲ့မြင့်ဆွေဆိုသူရဲ့ ဓာတ်ပုံဟာဗက(ခေါ်)အောင်ဝင်းဇော် မဟုတ်ဘူးဆိုရင် ကာယကံရှင် ဗက(ခေါ်) အောင်ဝင်းဇော်အနေနဲ့ မြင့်ဆွေမဟုတ်ကြောင်း တရားဝင်ရှင်းလင်းဖို့လိုမယ်လို့ ဦးအောင်စိုးက ပြောပါတယ်။ အဲဒီ အောင်ဝင်းဇော်ကို ပြစ်မှုဖြစ်ပွားပြီး(၁၂)နာရီအတွင်း ဇန်နဝါရီ(၃၀)ရက် နံနက်(၄)နာရီ မိနစ်(၂၀)က သံလွင်တံတား(ဘားအံ)မှာဖမ်းမိတယ်လို့နိုင်ငံတော်သမ္မတရုံးက ဖေဖော်ဝါရီ(၃)ရက်ကထုတ်ပြန်တဲ့ သတင်းထုတ်ပြန်ချက်အရ သိရပါတယ်။ ဒီသတင်းကိုCentral News Bureau က သီဟစိုးလွင်နဲ့ ချိုလွင်ဦး တို့ကပေးပို့တာဖြစ်ပါတယ်။

Central News Bureau
https://www.facebook.com/skynetcnb/



ရှေ့နေ ဦးကိုနီ လုပ်ကြံသတ်ဖြတ်ခံရမှုဟာ မြန်မာပြည်ဒီမိုကရေစီပြောင်းလဲရေးကို အထိနာစေတဲ့ ထိုးနှက်ချက်တခု ဖြစ်တယ်လို့အမေရိကန်ပြည်ထောင်စုထုတ် The New York Times နယူးယောက်တိုင်းမ်စ် သတင်းစာကရေးသားလိုက်ပါတယ်။

ဖွဲ့စည်းပုံပြင်ရေးအတွက် ဥပဒေကျွမ်းကျင်သူ ဦးကိုနီကို သတ်ဖြတ်မှုဟာ
မြန်မာ့သမိုင်းမှာ အထင်ကရဖြစ်စေမယ့် နိုင်ငံရေးလုပ်ကြံမှုဖြစ်ကြောင်း၊
ဗုဒ္ဓဘာသာဝင် အများစုနေထိုင်ရာ မြန်မာနိုင်ငံမှာ ရှားရှားပါးပါး ထင်ရှားတဲ့
မွတ်စလင်ရှေ့နေတဦး အခုလို သတ်ဖြတ်ခံရမှုကြောင့် ဗုဒ္ဓဘာသာနဲ့ မွတ်စလင်တွေအကြားပဋိပက္ခတွေ ထပ်မံပေါ်ပေါက်လာမှာကို စိုးရိမ်ရကြောင်း နဲ့ ဒီပြစ်မှုအတွက်တာဝန်ရှိသူတွေကို အစိုးရက ထိထိရောက်ရောက် အရေးယူ အပြစ်ပေးခြင်းဖြင့်ဒီလိုလုပ်ကြံမှုမျိုးကို ဘယ်နည်းနဲ့မှ လက်မခံဖူးဆိုတာ ပြတ်ပြတ်သားသားသတိပေးဖို့လိုကြောင်း စသဖြင့် The New York Times သတင်းစာမှာ မနေ့က ဖေါ်ပြထားပါတယ်။

ဒီအတောအတွင်းမှာပဲ ဟောင်ကောင်မှာ ဒီကနေ့ ထုတ်ဝေတဲ့ South China Morning Postဆောက်သ် ချိုင်းနား မောနင်းပို့စ် သတင်းစာမှာလည်း ဦးကိုနီ အခုလိုလုပ်ကြံသတ်ဖြတ်ခံရမှုကြောင့် မြန်မာနိုင်ငံမှာ လူမျိုး ဘာသာ မတူကွဲပြားသူတွေအတူယှဉ်တွဲနေထိုင်ရေးနဲ့ ငြိမ်းချမ်းသာယာဝပြောရေး လုပ်ငန်းစဉ်တွေကိုမထိခိုက်သင့်ကြောင်း ရေးသားထားပါတယ်။

ယခင် အာဏာရှင်စစ်အစိုးရ အသိုင်းအဝန်းအနေနဲ့ ပြုပြင်ပြောင်းလဲရေးတွေ
မလိုလားဖူးဆိုတာကို ဒီဖြစ်ရပ်က သက်သေပြလိုက်တာဖြစ်ပြီး ဒါဟာ မြန်မာပြည်အတွက်တပ်လှန့်လှုပ်နိုးလိုက်တဲ့ သတိပေးချက်တခုပဲလို့လည်း

South China Morning Post သတင်းစာမှာ ဖေါ်ပြထားပါတယ်။

Photo: RFA

( ရန်ကုန်လေဆိပ်မှာ ဇန်နဝါရီလ ၂၉ ရက်နေ့က သေနတ်နဲ့လုပ်ကြံခံရပြီး သေဆုံးသွားတဲ့ တရားလွှတ်တော်ရှေ့နေ ဦးကိုနီ ကို တွေ့ရစဉ် )
RFA

အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေး ဦးကိုနီကို အင်ဒိုနီးရှားနိုင်ငံလေ့လာရေး ခရီးစဉ်က အပြန် ရန်ကုန်လေဆိပ်မှာ ဇန်နဝါရီ ၂၉ ရက်နေ့ ညနေက သေနတ်သမားတဦး အနီးကပ်ပစ်ခတ်လို့ သေဆုံးရမှုနဲ့ပတ်သက်ပြီး
တရားခံတဦးကို ထပ်မံဖမ်းဆီးမိကြောင်း မြန်မာနိုင်ငံတော် သမ္မတရုံးက ဖေဖေါ်ဝါရီလ ၃ ရက် မနေ့ညနေပိုင်းမှာ ထုတ်ပြန်ကြေညာလိုက်ပါတယ်။

အဲဒီ ကြေညာချက်မှာ ရှေ့နေ ဦးကိုနီကို လေဆိပ်မှာ သတ်ဖြတ်ခဲ့တဲ့ ကြည်လင်းကိုစစ်ဆေးလို့ရရှိတဲ့ ဖေါ်ထုတ်ချက်တွေနဲ့ သိမ်းဆည်းရရှိတဲ့ သက်သေခံပစ္စည်းတွေအရပြစ်မှုကျူးလွန်ရာမှာ ပူးပေါင်းပါဝင်ခဲ့တဲ့ တရားခံ အောင်ဝင်းဇော် ဆိုသူဟာဘားအံမြို့ကို ထွက်ပြေးသွားကြောင်း သိရတဲ့အတွက် သက်ဆိုင်ရာက
လိုက်လံပိတ်ဆို့ရှာဖွေခဲ့ရာမှာ ဇန်နဝါရီ ၃ဝ ရက်နေ့ မနက် ၄ နာရီ မိနစ် ၂ဝ က
သူ့ကို သံလွင်တံတားမှာ ဖမ်းဆီးရရှိခဲ့တယ်လို့ ဖေါ်ပြထားပါတယ်။ ဒါ့အပြင်
ဒီအမှုနဲ့ ပတ်သက်ပြီး တပ်မတော်နဲ့ ရဲတပ်ဖွဲ့ပူးပေါင်းပြီးဆက်လက်ဆောင်ရွက်နေတယ်လို့လည်း ဆိုပါတယ်။

တဆက်တည်းမှာပဲ သမ္မတရုံးရဲ့ ထုတ်ပြန်ချက်မှာ ပြည်သူတွေအနေနဲ့ ဘာသာရေးနဲ့လူမျိုးရေး သွေးထိုးမှုတွေကို သတိပြုကြဖို့နဲ့ တည်ငြိမ်ရေးပျက်အောင်
လုပ်ဆောင်မှုတွေကို တွေ့ရှိခဲ့ရင် သက်ဆိုင်ရာကို အသိပေးကြဖို့
မေတ္ထာရပ်ခံထားပါတယ်။

ဒီအတောအတွင်း ထပ်မံရရှိတဲ့ ရိုက်တာသတင်းအရ ဦးကိုနီ လုပ်ကြံသတ်ဖြတ်ခံရမှုကိုစုံစမ်းစစ်ဆေးရာမှာ ကြီးကြပ်ကွပ်ကဲဖို့အတွက် မြန်မာနိုင်ငံရဲတပ်ဖွဲ့အကြီးအကဲဗိုလ်ချုပ်ဇော်ဝင်းဟာ နေပြည်တော်ကနေ ရန်ကုန်မြို့ကို ကြာသပတေးနေ့ကရောက်ရှိလာတယ်လို့ သိရပါတယ်။ သေနတ်လက်နက်ကို အများပြည်သူ ကိုင်ဆောင်ခွင့်မရှိတဲ့ မြန်မာနိုင်ငံမှာ ဒီလူသတ်တရားခံတွေအနေနဲ့ လက်နက်တွေ ဘယ်လိုရရှိခဲ့သလဲဆိုတာကို ထောက်လှမ်းရေးက အဓိကထား စုံစမ်းနေကြောင်းလည်း ရဲအရာရှိတဦးကရိုက်တာသတင်းဌာနကို ပြောတယ်လို့ ဆိုပါတယ်။

ဒီအမှုနဲ့ပတ်သက်ပြီး အခုလို အောင်ဝင်းဇော် (ခ) မြင့်ဆွေ (ခ) ဗက ကို
ဖမ်းဆီးမိကြောင်း facebook လူမှုကွန်ရက်စာမျက်နှာတွေမှာ တနင်္လာနေ့မနက် ကတည်းကပျံ့နှံ့နေခဲ့ပေမယ့် အာဏာပိုင်တွေက ထုတ်ဖေါ်ပြောဆိုခြင်း မရှိတဲ့အပြင်ရဲတပ်ဖွဲ့အကြီးအကဲတွေကိုယ်တိုင်က အဲဒီလို ဖမ်းဆီးမိတဲ့ သတင်းကို
မဟုတ်မမှန်ဖူးလို့ ငြင်းဆိုပြောကြားခဲ့ကြပါတယ်။ နိုင်ငံတော်သမ္မတရုံးရဲ့
ကြေညာချက်မှာ ဖေါ်ပြထားတဲ့ တရားခံ အောင်ဝင်းဇော်ကို တနင်္လာနေ့က ဖမ်းဆီးမိချိန်နဲ့လူမှုကွန်ရက်မှာ ဓါတ်ပုံသတင်းတွေ တက်လာချိန်ဟာ တဆက်တည်းဆိုသလို ဖြစ်ပါတယ်။

အရေးကြီးတဲ့ တရားခံတဦး အခုလို ဖမ်းဆီးမိတဲ့ သတင်းကို လူမှုကွန်ယက်မှာ
မရှေးမနှောင်း တက်လာခဲ့ပေမယ့် သက်ဆိုင်ရာက ချက်ခြင်းထုတ်ပြန်ခြင်းမရှိပဲ
ဘာကြောင့် ငါးရက်ကြာ အချိန်ဆွဲထားခဲ့သလဲဆိုတာကိုတော့ မသိရသေးပါဖူး။ ဒီကိစ္စမှာလူထုကို အချိန်နဲ့တပြေးညီ အသိပေးဖို့ သက်ဆိုင်ရာတွေက
တာဝန်ပျက်ကွက်ခဲ့ကြောင်းနဲ့ အခုအချိန်ထိ သတင်းစာရှင်းလင်းပွဲကျင်းပပြုလုပ်ခြင်းမရှိတာကို ကန့်ကွက်ကြောင်း PEN Myanmar အဖွဲ့ ဥက္ကဌ စာရေးဆရာ
ဦးမျိုးမြင့်ညိမ်းက RFA ကိုပြောပါတယ်။

“သတင်းစာရှင်းလင်းပွဲဆိုတာက ဟို သတင်းထုတ်ပြန်တာနဲ့မတူဘူး၊
သတင်းစာရှင်းလင်းပွဲဆိုတာက ဖြစ်စဉ်တခုကိုရှင်းပြတယ်၊ မီဒီယာသမားတွေကလည်းသူတို့သိချင်တာကို ပြန်မေးတယ်၊ တာဝန်ရှိသော ပုဂ္ဂိုလ်တွေနဲ့ အပြန်အလှန်အမေးအဖြေလုပ်တာ၊ ပြည်သူလူထု ကိုယ်စား သတင်းသမားများက မေးတာတွေကိုတာဝန်ရှိသောပုဂ္ဂိုလ်တွေက ပြန်ဖြေပေးရတာ၊ အဲဒီလိုမဟုတ်ပဲနဲ့
သတင်းထုတ်ပြန်လိုက်တယ်၊ ဒါဘဲ ငါတို့ အသိပေးလိုက်တယ် ဆိုတာမျိုးက
ဒီမိုကရေစီနည်းကျလဲမဟုတ်ဘူး၊ မင်းတို့ ဒါ သိလိုက်ကွာ ဒီလောက်သိရင်တော်ပြီဆိုတာမျိုးတော့ ကျနော်သဘောမတူဘူး။ တကယ်တမ်းကျရင် ကျနော်တို့မှာ မေးချင်တွေအများကြီးရှိတယ်၊ ကျနော်တို့မှာ မေးခွင့်လည်းရှိတယ်လို့ ယူဆတယ်၊ အဲဒါ ကိုပြန်ကြားရေးဝန်ကြီးဌာန သော်လည်းကောင်း၊ ပြည်ထဲရေးဝန်ကြီးဌာနက သော်လည်းကောင်း၊သမ္မတရုံးက သော်လည်းကောင်း ကျနော်တို့ကို သတင်းစာရှင်းလင်းပွဲလုပ်ဖို့လိုအပ်တယ်လို့ ကျနော်ယူဆတယ်။ သတင်းသမားတွေဟာ ပြည်သူလူထုကိကိုယ်စားပြုပြီးမေးမှာဖြစ်တယ်၊ အဲဒါဟာ Rright To Information (လူထုရဲ့သတင်းအချက်အလက် သိရှိခွင့်) ဖြစ်တယ်၊ ကျနော် အဲဒါကို တောင်းဆိုပါတယ်”

နိုင်ငံတကာမှာတော့ အခုလို ဖြစ်ရပ်တွေမှာ သက်ဆိုင်ရာ ပုဂ္ဂိုလ်တွေ၊ အာဏာပိုင်အဖွဲ့အစည်းတွေက နာရီပိုင်းအတွင်း သတင်းစာရှင်းလင်းပွဲတွေ ပြုလုပ်ပြီး
အများပြည်သူအတွက် သူတုိ့ အသိပေးနိုင်တဲ့ အချက်အလက်တွေကို အတတ်နိုင်ဆုံးပွင့်ပွင့်လင်းလင်း ထုတ်ဖေါ် အသိပေးကြပါတယ်။ ဒါ့အပြင် နောက်ဆက်တွဲသတင်းစာရှင်းလင်းပွဲတွေကိုလည်း လိုအပ်သလို ထပ်မံကျင်းပလေ့ရှိပါတယ်။

Photo: Myanmar President Office/ Facebook

( မြန်မာနိုင်ငံတော် သမ္မတရုံးက ထုတ်ပြန်ထားတဲ့ကြေညာချက်ကို တွေ့ရစဉ် )
RFA


အမေရိကန်သမ္မတ ဒေါ်နယ်ထရန့်သည် ဖိတ်ကြားထားချက်အရ ဗြိတိန်နိုင်ငံသို့ အလည်အပတ်ခရီး လာရောက်ရန်ရှိရာ ယင်းခရီးစဉ်ကိုပယ်ဖျက်သင့်/မသင့် ပါလီမန်တွင် ဆွေးနွေးငြင်းခုံသွားရန်ရှိကြောင်း သိရသည်။ ဒေါ်နယ်ထရန့်၏ ဗြိတိန်ခရီးစဉ်ကို ဆန့်ကျင်ကန့်ကွက်သူများက ဆန္ဒလက်မှတ်များစုဆောင်းခဲ့ရာ ၁ ဒသမ ၆ သန်းခန့်ရရှိခဲ့ပြီးထောက်ခံသူများဘက်မှ တန်ပြန်ဆန္ဒလက်မှတ်ကောက်ခံရာလက်မှတ် ၁ သိန်းကျော်ရရှိခဲ့ရာဖေဖော်ဝါရီ ၂၀ ရက်တွင် ကျင်းပမည့်လွှတ်တော်၌ ဆွေးနွေးရတော့မည်ဖြစ်ကြောင်း သိရသည်။

ဒေါ်နယ်ထရန့်ထုတ်ပြန်သောမွတ်စလင်နိုင်ငံ ၇ နိုင်ငံအပေါ် ဗီဇာတားမြစ်ခြင်းအမိန့်၊ ဒုက္ခသည်များ ၀င်ရောက်မှုကို ရက်ပေါင်း ၁၂၀ ရပ်တန့်ထားရန်အမိန့်များထွက်ပေါ်လာပြီးနောက် ဗြိတိန်တွင် ကန့်ကွက်ဆန္ဒပြမှုများ ဖြစ်ပေါ်ခဲ့ပြီး အလည်အပတ်လာရောက်မည့်ခရီးစဉ်ကို ပယ်ဖျက်ပေးရန် ဆန္ဒလက်မှတ်များကောက်ခံခဲ့ကြသည်။

ဗြိတိန်ဝန်ကြီးချုပ် တယ်ရီဆာမေသည် ဒေါ်နယ်ထရန့်သမ္မတဖြစ်လာပြီးနောက် ပထမဆုံးသွားရောက်တွေ့ဆုံ သည့် ကမ္ဘာ့ခေါင်းဆောင်ဖြစ်ပြီး ယင်းတွေ့ဆုံမှုအပြီးနာရီပိုင်းအတွင်းဒေါ်နယ်ထရန့်က အဆိုပါအမိန့်များကို ထုတ်ပြန်ခဲ့ခြင်းဖြစ်သည်။ တယ်ရီဆာမေအနေဖြင့် ဒေါ်နယ်ထရန့်၏ ဗီဇာပိတ်ပင်မှုအမိန့်များအပေါ် မှတ်ချက်တစုံတရာမပေးခြင်းကြောင့် ဗြိတိန်ပြည်သူအကြားတွင် မကျေနပ်မှုအချို့ရှိခဲ့သည်။သို့ရာတွင် တယ်ရီဆာမေ၏ပြောရေးဆိုခွင့်ရှိသူတဦးက“ဒီလိုလုပ်ဆောင်မှုမျိုးကို ကျွန်တော်တို့ သဘောမတူပါဘူး”ဟု ပြောသည်။ အမေရိကန်နိုင်ငံ၏ လူဝင်မှုကြီးကြပ်ရေးကိစ္စရပ်သည် သက်ဆိုင်ရာအစိုးရကသာ ဆုံးဖြတ်ရမည်ဖြစ်ကြောင်းလည်း ၎င်းက ဖြည့်စွက်ပြောကြားသည်။

တယ်ရီဆာမေနှင့် ဒေါ်နယ်ထရန့်တွေ့ဆုံမှု ပူးတွဲသတင်းစာရှင်းလင်းပွဲတွင် တယ်ရီဆာမေကလည်း ဒေါ်နယ်ထရန့်အား ဗြိတိန်သို့လာရောက်ရန် ဖိတ်ကြားခဲ့ခြင်းဖြစ်သည်။ ဒေါ်နယ်ထရန့် ဗြိတိန်သို့ သွားရောက်ဖြစ်ပါက သမ္မတသက်တမ်းပထမနှစ်အတွင်း ဗြိတိန်နိုင်ငံသို့ နိုင်ငံတော်ဧည့်သည်အဖြစ် လာရောက်ခွင့်ရရှိသည့် ပထမဆုံးအမေရိကန်သမ္မတဖြစ်လာမည်ဖြစ်သည်။

ဇန်န၀ါရီ ၃၁ ဗြိတိန်ဝန်ကြီးချုပ်ရုံးမှထုတ်ပြန်ချက်တွင် ယင်းဖိတ်ကြားချက်မှာအဲလိဇဘက်ဘုရင်မကြီး၏ ကိုယ်စားဖိတ်ကြားခဲ့ခြင်းဖြစ်ပြီးဘုရင်မကြီးအနေဖြင့် ၀မ်းမြောက်လျက်ရှိကြောင်း ဖော်ပြပါရှိသည်။

အော်စကာ
Ref;CNN
News Watch(စောင့်ကြည့်သတင်းဂျာနယ်)


တိုကျို၊ ဇန်နဝါရီ ၃၁ – ဂျပန်နိုင်ငံရဲ့ Chrysanthemum ထီးနန်းကို အမျိုးသမီးတစ်ဦး နောက်ဆုံးအနေနဲ့ အုပ်စိုးခဲ့တာ နှစ်ပေါင်း ၂၅၀ နီးပါးတိုင်ခဲ့ပါပြီ။

အခုလက်ရှိဂျပန်နိုင်ငံမှာ ဧကရာဇ် အကီဟီတိုက သူ မကွယ်လွန်ခင်ထီးနန်းစွန့်ဖို့ဆန္ဒရှိနေတဲ့ကိစ္စကို လိုက်လျောပေးဖို့ ဆောင်ရွက်ပြင်ဆင်မှုတွေလုပ်ဆောင်နေတာကြောင့် ဂျပန်လူမျိုးအများစုက အခုချိန်ခါဟာ တစ်နေ့နေ့ တစ်ချိန်ချိန်မှာ အမျိုးသမီးထီးနန်းဆက်ခံခွင့်ရရှိရေးအတွက် နည်းလမ်းတစ်ရပ်ကို တိတိပပ ဖော်ဆောင်ရမယ့် အချိန်ဖြစ်တယ်လို့ လက်ခံယုံကြည်နေကြပါတယ်။

ပြီးခဲ့တဲ့ သြဂုတ်လက အသက် ၈၃ နှစ်အရွယ် ဧကရာဇ် အကီဟီတိုက သူ့အနေနဲ့ အသက်အရွယ်ကြီးရင့်လာတာကြောင့် နိုင်ငံတာဝန်တွေကို ပြည့်ပြည့်ဝဝ မဆောင်ရွက်နိုင်တော့ဘဲဖြစ်လာမှာကိုစိုးရိမ်နေပြီး နန်းစွန့်လိုတဲ့အကြောင်း အရိပ်အမြွက် ပြောလိုက်ပါတယ်။ ကမ္ဘာ့သက်တမ်းအရှည်ဆုံး မင်းဆက်ရဲ့ ထီးနန်းဆက်ခံခွင့်ကို ထိန်းချုပ်ကွပ်ကဲပေးတဲ့ ပဒေသရာဇ် အိမ်တော်ရာဥပဒေထဲမှာ ထီးနန်းစွန့်မှုနဲ့ပတ်သက်ပြီး ပြဌာန်းချက် တစ်စုံတစ်ရာမပါရှိပါဘူး။

ဒါပေမယ့် ဝန်ကြီးချုပ်ရှင်ဇိုအာဘေးဦးဆောင်တဲ့ အာဏာရပါတီက သူတို့အနေနဲ့ ဧကရာဇ်ကိုနန်းစွန့်လို့ရစေမယ့် ဥပဒေဟောင်းတစ်ရပ်ကို သုံးသပ်လေ့လာနေတယ်လို့ အခုလအတွင်းမှာ အသိပေးပြောကြားခဲ့ပါတယ်။

သဘောထားစစ်တမ်းကောက်ယူမှုတွေမှာတော့ ဂျပန်ပြည်သူအများစုက သည်ဥပဒေကို အခုတစ်ကြိမ်တည်းအတွက် အစားထိုးအသုံးပြုတာမျိုးမဟုတ်ဘဲ အမြဲတမ်းအတွက်ပြဌာန်းသွားစေလိုနေတယ်လို့တွေ့ရပါတယ်။

သဘောထားစစ်တမ်းကောက်ယူမှုကိုဖြေကြားပေးသူအများစုက ၁၉၄၇ ခုနှစ်ကတည်းကပြဌာန်းခဲ့တဲ့ ဥပဒေကို အမျိုးသမီး တွေမှာလည်း ထီးနန်းဆက်ခံခွင့်အပြည့်အဝရှိတယ်လို့ခွင့်ပြုပေးတဲ့အနေအထားထိပြောင်းလဲသင့်ကြောင်း ဖြေခဲ့ကြပါတယ်။

အစိုးရကခန့်အပ်ခဲ့တဲ့ အဖွဲ့တစ်ဖွဲ့က ဧကရာဇ် အကီဟီတိုကိုသာ နန်းစွန့်ခွင့်ပေးမယ့် အထူးဥပဒေတစ်ရပ်ကို အကြံပြု ထောက်ခံပေးခဲ့ပေမယ့် အမျိုးသမီးတွေကို ထီးနန်းဆက်ခံခွင့်ပြုဖို့ရှိသလားဆိုတဲ့အချက်ကိုတော့ ဖော်ပြခဲ့ခြင်းမရှိပါဘူး။ ကွန်ဆာဗေးတစ်ပါတီဝင်တစ်ဦးဖြစ်တဲ့ အာဘေးကလည်း သည်ကိစ္စကို ရှင်းရှင်းလင်းလင်း ပြောကြားထားတာမျိုးမရှိပါဘူး။

သည်ပြဿနာရပ်ဟာ အာဘေးရဲ့ အာဏာရ လစ်ဗရယ်ဒီမိုကရက်တစ်ပါတီကိုထောက်ခံတဲ့ ကွန်ဆာဗေးတစ်တွေအကြား မှာ လက်မခံနိုင်ဖွယ် ကိစ္စတစ်ရပ်ဖြစ်နေဆဲဖြစ်ပါတယ်။ သူတို့က အမျိုးသားထီနန်းဆက်ခံမှုအစဉ်အလာကို ဆက်လက် ထိန်းသိမ်းထားဖို့ စဉ်းစားထားကြပါတယ်။

လက်ရှိဧကရာဇ်ကို ထီးနန်းစွန့်ခွင့်ပေးမယ်ဆိုရင် ဧကရာဇ်ရဲ့ သားအကြီးဆုံးဖြစ်သူ အသက် ၅၆ နှစ်အရွယ် အိမ်ရှေ့စံက ဆက်ခံခွင့်ရရှိမှာဖြစ်ပါတယ်။ တကယ်လို့ အမျိုးသမီးတွေကို ထီးနန်းဆက်ခံခွင့်ပြုခဲ့မယ်ဆိုရင် အိမ်ရှေ့စံနန်းစွန့်တဲ့အခါ အိမ်ရှေ့စံရဲ့တစ်ဦးတည်းသောသမီးဖြစ်တဲ့ အခုလက်ရှိ အသက် ၁၅ နှစ်အရွယ် မင်းသမီး အိုင်ကိုက ထီးနန်းဆက်ခံရမှာဖြစ်ပါတယ်။

လက်ရှိဥပဒေအတိုင်းသာဆက်လက်ထားရှိကျင့်သုံးမည်ဆိုပါက ဆက်ခံသူဟာ အိမ်ရှေ့စံရဲ့တူဖြစ်တဲ့ တော်ဝင် မျိုးနွယ်ရဲ့တစ်ဦးတည်းသော သားယောက်ျားလေးဖြစ်သူ အသက် ၁၀နှစ်အရွယ် မင်းသား ဟီရှာဟီတိုပဲဖြစ်ပါ တယ်။

မအေးသီမွန်

[Ref: The Straits Times; 31 January 2017]
Kumudra


ပူးပေါင်း အမှုကျုးလွန်သူ အောင်ဝင်းဇော် ကိုလည်း ဖမ်းဆီး ရမိ
NLD ဥပဒေ အကြံပေး ရှေ့နေ့ ဦးကိုနီ သေနတ်နဲ့ ပစ်သတ် လုပ်ကြံ ခံခဲ့ရအပြီး သေနတ်သမား ကြည်လင်း ကို ရဲက ဖမ်းဆီး စစ်ဆေး မေးမြန်းမှု တွေ အရ အသက် ၄၆ နှစ် အရွယ် အောင်ဝင်းဇော် ဆိုသူ ကို ဇန်နဝါရီလ ၃၀ ရက်နေ့ မနက် ၄ နာရီ က ဘားအံ မြို့ သံလွင် တံတား မှာ ဖမ်းဆီး ရမိခဲ့ကြောင်းနဲ့ ဆက်စပ် တရားခံတွေ ထပ်မံ ဖမ်းဆီး ရေး အတွက် စုံစမ်း ဖော်ထုတ် နေကြောင်း နိုင်ငံတော် သမ္မတ ရုံးက သတင်း ထုတ်ပြန်ခဲ့ပါတယ်။

ရှေ့နေကြီး ဦးကိုနီ ကို ပစ်ခတ် လုပ်ကြံ ခဲ့မှုမှာ အတူတကွ ပြစ်မှု ကျူးလွန် ခဲ့သူ တရားခံ တစ်ဦး ဖြစ်ပြီးတော့ အောင်ဝင်းဇော် ဟာ ဗိုလ်ကြီးဟောင်း ဟုတ် မဟုတ် ဆိုတာကို စစ်ဆေး နေကြောင်း သမ္မတရုံး ပြောခွင့် ရ ပုဂ္ဂိုလ် ဦးဇော်ဌေး က ပြောပါတယ်။

ကြည်လင်း ရဲ့ ကနဦး ထွက်ဆိုချက်တွေ ထဲမှာ မြင့်ဆွေ ဆိုတဲ့ နာမည် ပါရှိနေတဲ့ အတွက် သူ့ကို ဖမ်းဆီး ရမိပြီလား ဆိုတဲ့ မေးခွန်း ကိုတော့ တရားခံ ထွက်ဆိုချက် မှန်သမျှ ကို မြေပြင်မှာ ပြန်လည် အတည်ပြု စုံစမ်းဖော်ထုတ် ပြီးမှ မှန်မမှန် ဆိုတာ ကို အတည်ပြုရတာ မျိုးဖြစ်တယ်လို့ သူက ဆိုပါတယ်။

သတ်တဲ့သူနဲ့ ပူးပေါင်း အမှုကျူးလွန်သူ ကို ဖမ်းဆီး ရမိခဲ့ပြီ ဖြစ်ပေမယ့် ဘာကြောင့် သတ်ရတယ် ဆိုတဲ့ ရည်ရွယ်ချက်ကို သိနိုင်ဖို့ အတွက် ဆက်လက် စုံစမ်း ဖော်ထုတ်ဖို့ လိုအပ်ကြောင်း ဦးဇော်ဌေး က ပြောကြားပါတယ်။

နောက်ဆက်တွဲ ကွင်းဆက် ဖော်ထုတ်မှုတွေကို ရဲတပ်ဖွဲ့ နဲ့ အတူ တပ်မတော် ကလည်း ပူးပေါင်း ဆောင်ရွက် နေပြီး တချို့တဝက် ကို သိရှိထားပြီး ဆက်လက် ဖမ်းဆီး မှုတွေ လုပ်ရဦးမှာ ဖြစ်ကြောင်း ဦးဇော်ဌေး က ဆက်ပြောပါတယ်။

ဒီအမှုဟာ စုံစမ်း စစ်ဆေးမှု မပြီးပြတ်သေး တဲ့အပြင် ဆက်စပ် တရားခံတွေကို ဖမ်းဆီး ဖို့ ကျန်သေးတာကြောင့် ခုချိန်မှာ သတင်း အပြည့်အစုံ ထုတ်ပြန်တာကို မလုပ်သေးတာလို့ ဦးဇော်ဌေး က ပြောပါတယ်။

သိသင့်သိထိုက်တဲ့ အချိန်မှာ အခြေအနေ အပေါ်မှာ မူတည်ပြီး အချိန်နဲ့ တပြေးညီ ပြည်သူ ကို အသိပေးသွားမယ်လို့ ဦးဇော်ဌေး က ဘီဘီစီကို ပြောကြားပါတယ်။

ဦးကိုနီ အသတ်ခံရမှု ကို တစ်နိုင်ငံလုံးက စောင့်ကြည့် နေတဲ့ အပြင် နိုင်ငံတကာ ကလည်း စိတ်ဝင်စား နေတဲ့ အမှုဖြစ်ပြီး အစိုးရ ဘက်က သတင်းထုတ်ပြန်မှု နှောင့်နှေး တာကြောင့် ပြင်ပမှာ ထင်ကြေးပေး ပြောဆိုမှုတွေလည်း ရှိနေပါတယ်။

လုပ်ကြံမှု ကို ဆက်လက် စုံစမ်း စစ်ဆေး နေဆဲ ဖြစ်ပြီး သတင်းကို ထုတ်ပြန် လိုက်မယ် ဆိုရင် ဆက်စပ် တရားခံတွေကို ဖမ်းဆီးဖို့ အခက်အခဲတွေ ဖြစ်လာနိုင်တဲ့ အတွက် လိုအပ် တဲ့ အချိန်မှာ အသိပေးမှာ ဖြစ်ကြောင်း၊ သတင်း ထုတ်ပြန်မှု နှောင့်နှေး တဲ့ အပေါ်မှာ ပြည်သူတွေ ကလည်း နားလည် ဖို့ လိုအပ်ကြောင်း ဦးဇော်ဌေး က ပြောကြား ခဲ့ပါတယ်။

အခုအချိန်မှာ အများပြည်သူတွေ အနေနဲ့ ဘာသာရေးနဲ့ လူမျိုးရေး သွေးထိုး လှုံ့ဆော် မှုတွေ အပေါ် အထူး သတိပြုကြဖို့ ထပ်လောင်း သတိပေး ထားသလို တည်ငြိမ်မှု ပျက်ပြားအောင် လုပ်ဆောင်တာတွေ တွေ့ရင်လည်း အစိုးရကို အသိပေးဖို့ တိုက်တွန်း ထားပါတယ်။

BBC Burmese
http://www.bbc.com/burmese



USS Cole ဖျက်သင်္ဘော။
အီရန်နဲ့ဆက်စပ်မှုရှိတဲ့ Houthi စစ်သွေးကြွတွေရဲ့ရန်ကနေကာကွယ်ဖို့ Yemen နိုင်ငံကမ်းလွန်က နိုင်ငံတကာပိုင်ရေပိုင်နက်ထဲမှာ အမေရိကန်ရေတပ် ဖျက်သင်္ဘော တစီး ကင်းလှည့်မယ်လို့ ကာကွယ်ရေးဌာနက တာဝန်ရှိသူတယောက်က VOA ကိုသောကြာနေ့က ပြောကြားခဲ့ပါတယ်။

Yemen နိုင်ငံ အနောက်တောင်ဖက်မှာရှိတဲ့ Bab al-Mandab ရေလက်ကြားနားကို USS Cole ဖျက်သင်္ဘော သောကြာနေ့က ရောက်ရှိသွားပြီး တာဝန်အရ အဲဒီရေလက်ကြားကို ဖြတ်သန်းသွားလာနေတဲ့ သင်္ဘောတွေဘေးကင်း လုံခြုံစွာသွားနိုင်အောင် ကူညီ လမ်းပြတာအပါအဝင် သူတို့ရှိနေတယ် ဆိုတာ မြင်သာအောင်ပြသတဲ့ စစ်ဆင်ရေးကိုလုပ်မယ်လို့ အမည်မဖော်တဲ့တာဝန်ရှိသူက VOA ကိုပြောပါတယ်။

USS Cole ဖျက်သင်္ဘောမှာ ဝေဟင်ပြစ်နဲ့မြေပြင်ပစ်နိုင်တဲ့ လက်နက်တွေ တပ်ဆင်ထားတဲ့အတွက် တိုက်ခိုက်လာနိုင်ခြေရှိတဲ့ရန်တွေကို တုံ့ပြန်နိုင်တယ်လည်း ပြောပါတယ်။Bab al-Mandab ရေလက်ကြားဆီကို မကြာခင် စစ်သင်္ဘောတစင်း ဒါမှမဟုတ် ဖျက်သင်္ဘောတစင်းကို မကြာခင်စေလွှတ်ဖို့ အမေရိကန်စစ်တပ်က စီစဉ်နေစဉ်မှာပဲ တနင်္လာနေ့တုန်းက ပင်လယ်နီထဲမှာရှိတဲ့ ဆော်ဒီစစ်သင်္ဘောတစီးအပေါ် ဟူသီသူပုန်တွေရဲ့ အသေခံတိုက်ခိုက်မှုနဲ့ သင်္ဘောအမှုထမ်း ၂ ယောက် သေဆုံးခဲ့ပြီးနောက် အမေရိကန်က USS Cole စစ်သင်္ဘောကို Bab al-Mandab ရေလက်ကြားနားကို မြန်မြန်ဆန်ဆန် စေလွှတ်ခဲ့တာဖြစ်ပါတယ်။

ကုန်းပေါ်မှာလည်း သွားလာနိုင်တဲ့ USS Comstock နဲ့ USS Makin Island သင်္ဘော ၂ စင်းလည်း အနားက Aden ပင်လယ်ကွေ့ထဲမှာ ရှိနေကြပါတယ်။

ဗွီအိုအေ (မြန်မာပိုင်း)
http://burmese.voanews.com


အမေရိကန်က အီရန်အပေါ် ပြင်းပြင်းထန်ပြောကြားခဲ့ပြီးတဲ့ နောက်မှာ ပထမအဆင့်အနေနဲ့ အရေးယူမှု ဒဏ်ခတ်မှုအသစ်တွေ ချမှတ် လိုက်ပါတယ်။ ဒီအထဲမှာ အီရန်ရဲ့ ပဲ့ထိန်းတပ် ဒုံးကျည် အစီအစဉ်နဲ့ သက်ဆိုင်သူတွေ၊ အရှေ့အလယ်ပိုင်း ဒေသတလွှားက သူတို့နဲ့ ဆက်နွယ်နေသူတွေ ထဲက လူပုဂ္ဂိုလ် ၁၃ ဦးနဲ့ ကုမ္ပဏီ ၁၂ ခုကို ဒဏ်ခတ် အရေးယူခဲ့တာပါ။

အခု ပစ်မှတ်ထား အရေးယူတဲ့ ထဲမှာ အီရန်ကို သူ့ရဲ့ ပဲ့ထိန်းတပ် ဒုံးကျည် အစီအစဉ်အဆင့်မြှင့်ဖို့ လိုအပ်တဲ့ ပစ္စည်းတွေနဲ့ နည်းပညာ ပံ့ပိုးကူညီပေးတဲ့ UAE အာရပ်စော်ဘွားများ နိုင်ငံနဲ့ တရုတ်နိုင်ငံထဲက အီရန်ကို ပံ့ပိုးကူညီနေတဲ့ ကွန်ယက်တွေပါ ပါဝင်ပါတယ်။

အခု အရေးယူဒဏ်ခတ်မှုဟာ အီရန်ရဲ့ အစ္စလာမ်တော်လှန်ရေး အစောင့်တပ်ဖွဲ့နဲ့ အီရန်က ထောက်ပံ့ကူညီနေတဲ့ Hezbollah လက်ဘနွန် အကြမ်းဖက်အဖွဲ့ တွေနဲ့ ဆက်သွယ်လုပ်ကိုင်နေတဲ့ လူပုဂ္ဂိုလ် တဦးချင်းစီကိုရော ကွန်ယက် အဖွဲ့တွေကိုပါ ရည်ရွယ်ချမှတ်တာလို့ ဘဏ္ဍာရေး ဝန်ကြီး ဌာနက ပြောပါတယ်။

အီရန်ရဲ့ မကြာသေးခင်က လုပ်ဆောင်မှုတွေဟာ ရေရှည်အတွက် မကောင်းသလို လက်ခံနိုင်စရာ မရှိဘူးလို့ အကြီးတန်း တာဝန်ရှိသူ တဦးက ပြောဆိုခဲ့သလို အခု အရေးယူမှုဟာ အီရန်ရဲ့ ရန်လိုတဲ့ လုပ်ဆောင်ချက်ကို တုန့်ပြန်တဲ့ ကနဦး အရေးယူမှု အဆင့်မှာပဲ ရှိ်နေသေးတယ်လို့ သတိပေးပါတယ်။

ဒါပေမယ့် အီရန်အနေနဲ့ ရွေးစရာလမ်း ရှိနေပြီး အမေရိကန်ဘက်ကတော့ အီရန်ရဲ့ တည်ငြိမ်မှုပျက်ပြားအောင် လုပ်ဆောင်မှုတွေကို ပြင်းပြင်းထန်ထန် တုန့်ပြန်တာနဲ့ တချိန်ထဲမှာပဲ နိုင်ငံတကာကို ကတိပေးထားတဲ့ အချက်ကို အီရန်က လိုက်နာလာခဲ့ရင်အီရန်နဲ့ အပြုသဘောဆောင် လုပ်ဆောင်မှု တွေကို လုပ်ဆောင်မှာ ဖြစ်ကြောင်းလည်း ပြောပါတယ်။

ဗွီအိုအေ (မြန်မာပိုင်း)
http://burmese.voanews.com


FILE -Rosa Parks arrives at circuit court to be arraigned in the racial bus boycott in Montgomery, Alabama, Feb. 24, 1956.
FILE -Rosa Parks arrives at circuit court to be arraigned in the racial bus boycott in Montgomery, Alabama, Feb. 24, 1956.
အမေရိကန် ပြည်ထောင်စုမှာ ဖေဖော်ဝါရီလဟာ Black History Month လူမည်းသမိုင်းတင်လအဖြစ် သတ်မှတ်ထားတာဖြစ်ပါတယ်။ လူမည်းတွေရဲ့ သမိုင်းမှာ ထူးခြားလှတဲ့ ပုဂ္ဂိုလ်တွေအနက် အထင်ရှားဆုံး အမျိုးသမီးကြီးကတော့ Rosa Parks ပဲဖြစ်ပါတယ်။

လွန်ခဲ့တဲ့ ၆၂ နှစ်က လူဖြူလူမည်း အသားရောင်ခွဲခြားရေးဝါဒကို ကန့်ကွက်ခဲ့တဲ့ သာမန်လူမည်း အမျိုးသမီး ရဲ့ သတ္တိရှိလှတဲ့ လုပ်ရပ်ဟာ ကနေ့အထိ လူအများအတွက် အားကျအတုယူစရာ ဖြစ်ခဲ့ပါတယ်။ ဒီသီတင်းပတ် အမျိုးသမီးကဏ္ဍမှာ ဒေါ်လှလှသန်း က တင်ဆက်ထားပါတယ်။

"ကျမအနေနဲ့ အဲ့ဒီနေ့က အဖမ်းခံဖို့ ရည်ရွယ်ပြီး လုပ်ခဲ့တာတော့ မဟုတ်ပါဘူး။ ထောင်ထဲမသွားရဘဲနဲ့ လုပ်နိုင်ဖို့ ရည်ရွယ်ခဲ့ပါတယ်။ ဒါပေမဲ့လို့ ကျမ အဖမ်းခံဖို့ ဆုံးဖြတ်ချက် ချလိုက်တာကတော့ ကျမတို့အနေနဲ့ ဒီလို အနှိမ်ခံရတဲ့ ဘ၀မျိုးမှာ နေရာတာ ကြာခဲ့ပြီမို့ ကျမတို့အပေါ် ခွဲခြားဆက်ဆံတာ ပိုပြီးခံလေ၊ ပိုပြီး အနှိမ်ခံရလေ ဖြစ်တယ်ဆိုတာကို ကျမ သဘောပေါက်မိလို့ ဖြစ်တယ်" - လို့ ပြောသွားသူကတော့ ကွယ်လွန်လေပြီဖြစ်တဲ့ ပြည်သူ့အခွင့်အရေး လှုပ်ရှားမှုရဲ့ မိခင်ကြီးရယ်လို့ တင်စားခေါ်ဝေါ်သူ Rosa Parks ပဲ ဖြစ်ပါတယ်။

ဒီလ ဖေဖော်ဝါရီလကို အမေရိကန်မှာ Black History Month လူမည်းသမိုင်းတင်လအဖြစ် သတ်မှတ်ထားတဲ့အတွက်ကြောင့်လည်း Rosa Parks ရဲ့ အသားအရောင် ခွဲခြားမှု အဆုံးသတ်ရေး သမိုင်းတင်ကြိုးပမ်းမှုများကို တင်ပြပေးဖို့ ရည်ရွယ်ခဲ့တာပါ။

လူမည်းသမိုင်းတင်လ စခဲ့တာကတော့ ၁၉၁၅ ခုက ဖြစ်ပါတယ်။ အမေရိကန် ပြည်ထောင်စုမှာ ကျေးကျွန်စနစ် ပပျောက်ရေးအတွက် ဖွဲ့စည်းပုံ အခြေခံ ဥပဒေ ပြင်ဆင်ချက်မှာ သတ်မှတ်ထားပြီး နှစ် ၅၀ အကြာမှာ ဖြစ်တယ်လို့ ဆိုရမှာပါ။ ဟားဗတ်ကျောင်းဆင်း ဘွဲ့ရသမိုင်းရှင် ကာတာဂျီ ၀ွတ်ဆင် နဲ့ တခြား အထင်ကရ အာဖရိကနွယ်ဖွား အမေရိကန် နိုင်ငံသားတွေရဲ့ ကြိုးပမ်းမှုကြောင့် အမေရိကန်သမိုင်းမှာ လူမည်းအမေရိကန် နိုင်ငံသားတွေရဲ့ အခန်းကဏ္ဍကို အသိအမှတ်ပြုဖို့ ၁၉၇၆ ခုနှစ်ကစလို့ အမေရိကန် သမ္မတတိုင်းက ဒီလကို Black History Month ရယ်လို့ သတ်မှတ်ပြီး နိုင်ငံကနေ ဂါရ၀ပြုခဲ့တာလည်း ဖြစ်ပါတယ်။

အာဖရိကနွယ်ဖွား အမေရိကန်နိုင်ငံသား အမျိုးသမီးတွေရဲ့ ကြိုးပမ်းမှုတွေ၊ အောင်မြင်မှုတွေ အများကြီး ရှိတဲ့အနက် Rosa Parks ကတော့ အထင်ရှားဆုံး ပုဂ္ဂိုလ်တွေအနက် တဦးလို့ ဆိုရမှာပါ။ အချိန်ကတော့ ၁၉၅၅ ခု ဒီဇင်ဘာလ ၁ ရက်နေ့ကပဲ ဖြစ်ပါတယ်။ ထိုစဉ် အသက် ၄၂ နှစ်အရွယ် ရှိပြီဖြစ်တဲ့ Rosa Parks ဟာ တောင်ပိုင်းဒေသမှာ ချမှတ်ထားတဲ့ လူဖြူလူမည်း ခွဲခြားတဲ့စနစ်ကို ကျင့်သုံးတဲ့ အယ်လ်ဘားမားပြည်နယ်၊ မောင်ဂိုမာရီမြို့မှာ ဘတ်စ်ကားတစင်းပေါ် လိုက်ပါလာပြီး လူဖြူတဦးအတွက် နေရာဖယ်ပေးဖို့ ငြင်းခဲ့တာဖြစ်ပါတယ်။

ထိုစဉ်ဖြစ်ရပ်နဲ့ ပတ်သက်ပြီးတော့ မကွယ်လွန်မီ သူ သတင်းမီဒီယာကို ပြောပြခဲ့တာကိုလည်း ပြန်ပြောင်း တင်ပြလိုပါတယ်။

“အဲ့ဒီဘတ်စ်ကားပေါ်မှာ ကျမတို့ လူမည်း ၄ ဦး ရှိခဲ့ပါတယ်။ တဦးက ပြတင်းပေါက်နားခုံမှာထိုင်ပြီး၊ ကျမကတော့ အတွင်းဘက်ပိုင်းမှာ ထိုင်နေပါတယ်။ တခြားတဘက်မှာ နောက်ထပ် လူမည်းအမျိုးသမီး ၂ ဦး ထိုင်နေကြပါတယ်။ ဘတ်စ်ကားရပ်တော့ လူဖြူအမျိုးသားတဦး တက်လာပြီး၊ သူက မတ်တပ်ရပ်နေရတယ်။ သူက ကျမတို့အားလုံးကို ခုံကနေ ဖယ်ပေးစေချင်တယ်။ တခြား ၃ ယောက်ကတော့ မထချင် ထချင်နဲ့ ထပေးကြတယ်။ ကျမကတော့ ဖယ်မပေးဘူး။ အဲ့ဒီတော့ ကျမ အဖမ်းခံရ၊ အချုပ်ထဲမှာ အထည့်ခံခဲ့ရတယ်” - လို့ Rosa Parks က သူမကွယ်လွန်မီက ပြန်ပြောင်း ပြောပြခဲ့တာပါ။

အခုလို လူဖြူလူမည်း ခွဲခြားဆက်ဆံတာကို ခံနေရတာ များလို့လည်း သူ့အနေနဲ့ အခုလို မခံမရပ်နိုင်ဖြစ်လို့ အာခံရဲခဲ့တာဖြစ်တယ်လို့ Rosa Parks ပြောခဲ့တာကတော့ -

“ကျမက အလုပ်ပင်ပန်းပြီး ပြန်လာတာ။ ဒါပေမဲ့ ကျမပင်ပန်းလို့ ဘတ်စ်ကားပေါ်မှာ ခုံနေရာကနေ ထ ပေးဖို့ ငြင်းခဲ့တာတော့ မဟုတ်ပါဘူး။ ကျမအနေနဲ့ ကျမက တန်ရာတန်ကြေး ဘတ်စ်ကားခပေးပြီး စီးတာမို့လို့လည်း ကျမ ထပေးစရာ အကြောင်းမရှိဘူးလို့ ကျမ ယုံကြည်ပါတယ်။ ဒါ့အပြင် ကျမကို အခုလို ခွဲခြားဆက်ဆံတာမျိုးကိုလည်း ကျမ မခံတော့ဘူးလို့ ဆုံးဖြတ်တဲ့အတွက် အခုလို ဘတ်စ်ကားပေါ်မှာ ခုံနေရာကို မဖယ်ပေးခဲ့တာပါ” - လို့ Rosa Parks က ပြောခဲ့တာဖြစ်ပါတယ်။

အမေရိကန်ပြည်ထောင်စုမှာ အသားအရောင် ခွဲခြားတဲ့စနစ်ကို ကျင့်သုံးတဲ့ ထိုစဉ်က ခရီးသွားရာမှာ လူဖြူက ရှေ့တန်းခုံ၊ လူမည်းတွေက နောက်တန်းခုံတွေမှာ ထိုင်ကြရပြီး၊ လူဖြူတွေအတွက် ရှေ့တန်းခုံတွေမှာ နေရာမရှိရင် နောက်တန်းခုံမှာ လူမည်းတွေက ဖယ်ပေးကြရတာဖြစ်ပါတယ်။ ဒါကို Rosa Parks က ဆန့်ကျင်ခဲ့တာပါ။ အလားတူပဲ ကျောင်းတွေ၊ စားသောက်ဆိုင်တွေ၊ ရုပ်ရှင်ရုံတွေ စသဖြင့်မှာလည်း လူဖြူနဲ့ လူမည်းတွေကို ခွဲခြားဆက်ဆံထားတာပါ။

Rosa Parks တို့ရဲ့ မောင်ဂိုမာရီမြို့လေးမှာ ဒီအသားအရောင် ခွဲခြားတဲ့စနစ်ကို ဘတ်စ်ကားတွေပေါ်မှာ တခြား လူမည်းအမျိုးသမီးတွေက အာခံခဲ့လို့ အဖမ်းခံခဲ့ကြရတာတွေလည်း ရှိခဲ့ပါတယ်။ ဒါပေမဲ့လို့လည်း ဒီတခါ Rosa Parks အဖမ်းခံခဲ့ရတော့ လူမည်းလူ့အဖွဲ့အစည်းက ဒီဖြစ်ရပ်ကို မခံတော့တဲ့အတွက် သူ့နောက်မှာ ၀ိုင်းပြီး ရပ်တည်ပေးခဲ့ကြပါတယ်။ Rosa Parks ကတော့ အလုပ်ပြုတ်ခဲ့ပြီး၊ အယ်လ်ဘားမားပြည်နယ်မှာ အလုပ်ရှာမရတော့တဲ့ အတွက်ကြောင့်လည်း သူနဲ့ သူ့ခင်ပွန်းဟာ ဒေးထရိုက်မြို့ကို ပြောင်းခဲ့ကြရပါတယ်။ ထိုစဉ် လူမည်းအဖွဲ့အစည်းဖြစ်တဲ့ NAACP ကလည်း ဒီဖြစ်ရပ်ကို စမ်းသပ်ခံအဖြစ် ရှေ့တန်းတင်ခဲ့ပါတယ်။

အထူးသဖြင့် ထိုစဉ်က ပြည်သူ့အခွင့်အရေး လှုပ်ရှားမှုမှာ ခေါင်းဆောင်အဖြစ် တက်လာသူကတော့ တရားဟောဆရာ ဒေါက်တာ မာတင် လူသာကင်းပဲ ဖြစ်ပါတယ်။ ထိုစဉ် လူဖြူလူမည်း ခွဲခြားဆက်ဆံမှု အဆုံးသတ်ဖို့၊ ငြိမ်းချမ်းစွာ တိုက်ပွဲဝင်ဖို့၊ ဆုံးဖြတ်ခဲ့သူ ဒေါက်တာ ကင်း ပြောခဲ့တာကိုလည်း ပြန်ပြောင်း တင်ပြလိုပါတယ်။

“အများပြည်သူ အသုံးပြုတဲ့ သယ်ယူပို့ဆောင်ရေး မော်တော်ယာဉ်တွေ၊ ရထားတွေပေါ်မှာ အသားအရောင် ခွဲခြားမှုစနစ်ဟာ တနေ့ အဆုံးသတ်ရမှာပါ။ ဒါကြောင့် ဒီကနေ့ကစပြီးတော့ ကျနော်တို့ ဒါကို ရင်ဆိုင်နိုင်ဖို့ ပြင်ဆင်ကြဖို့ လိုမယ်လို့ ထင်ပါတယ်။ အဲ့ဒီအချိန်ရောက်လို့ အခြေအနေတွေကို ရင်ဆိုင်ရတဲ့အခါမှာ ကျနော်တို့ သိက္ခာရှိရှိ တည်တည်ငြိမ်ငြိမ် ဆင်ခြင်တုံ တရားရှိရှိနဲ့ ရင်ဆိုင်ကြပါစို့”

ဒေါက်တာ မာတင်လူသာကင်း ဦးဆောင်တဲ့ လှုပ်ရှားမှုကြောင့်လည်း အသားအရောင် ခွဲခြားရေးစနစ်ဟာ ဥပဒေအရ အမေရိကန် ပြည်ထောင်စုမှာ အဆုံးသတ်ခဲ့ပါတယ်။ ဒေါက်တာ မာတင် လူသာကင်းကတော့ လုပ်ကြံခံခဲ့ရပါတယ်။

Rosa Parks ဟာ ၁၉၈၀ ခုနှစ်များ နောက်ပိုင်းမှာလည်း အသားအရောင် ခွဲခြားမှု တိုက်ဖျက်ရေး လှုပ်ရှားမှုအတွက် ဆက်လက် ဆောင်ရွက်ခဲ့သလို၊ ဒေးထရိုက်မြို့မှာ လူမည်းလူငယ်တွေ အသက်မွေးဝမ်းကျောင်း အကြံပေးဌာနကိုလည်း ဖွင့်လှစ်ပေးခဲ့ပါတယ်။ အခုလို တန်းတူအခွင့်အရေး ရရှိမှုအတွက် သူ့ဘ၀မှာ မနားမနေ ကြိုးပမ်းမှုတွေကြောင့် ၁၉၉၉ ခုနှစ်မှာ ထိုစဉ် သမ္မတ ဘေလ် ကလင်တန်က အရပ်သားတွေကိုပေးတဲ့ အမြင့်ဆုံး ဆုတံဆိပ်ဖြစ်တဲ့ သမ္မတရဲ့ လွတ်မြောက်မှု ဆုတံဆိပ်အပြင် လွှတ်တော်ဆိုင်ရာ အမြင့်ဆုံး ရွှေတံဆိပ်ဆုကိုလည်း သူ့ကို ချီးမြှင့်ခဲ့ပါတယ်။ ထိုစဉ် သမ္မတ ကလင်တန် ဆုပေးပွဲမှာ ပြောခဲ့တာကတော့ -

“Rosa Parks ဟာ ခေတ်သစ် အမေရိကန် သမိုင်းမှာ အထင်ကရအကျဆုံး လူမှုရေး အပြောင်းအလဲ ဖော်ဆောင်မှုကို စတင်ပေးခဲ့သူပါ။ ပြည်တွင်းစစ် ဖြစ်စေခဲ့တဲ့ အကြောင်းရင်းတွေ အဆုံးသတ်စေဖို့ ဖွဲ့စည်းပုံ အခြေခံဥပဒေ ပြင်ဆင်ချက် ၁၃၊ ၁၄ နဲ့ ၁၅ တို့မှာ ပေးအပ်ထားတဲ့ ကတိတွေကို ဖြည့်ဆည်းနိုင်ဖို့ ကြိုးပမ်းပေးခဲ့သူပါ။ နောင်နှစ်ပေါင်း ၅၀ ကျော်အောင်ပဲ Rosa Parks ဟာ တချိန်က ဘတ်စ်ကားပေါ်မှာ နေရာမဖယ်ပေးခဲ့တာထက် ကျော်လွန်ပြီး တခြား တန်းတူအခွင့်အရေး ရပိုင်ခွင့်အတွက် ကြိုးပမ်းပေးခဲ့သူ ဖြစ်တာမို့ သူ့ကို သမ္မတက ချီးမြှင့်တဲ့ လွတ်မြောက်မှု ဆုတံဆိပ်အပြင် ကျနော်နဲ့အတူ လွှတ်တော်ခေါင်းဆောင်တွေကလည်း လွတ်မြောက်မှု ရွှေတံဆိပ်ဆု သူ့ကို ချီးမြှင့်ပါတယ်။”

Rosa Parks ဟာ ၂၀၀၅ ခု အောက်တိုဘာလ ၂၄ ရက်နေ့ အသက် ၉၂ နှစ်အရွယ်မှာ ကွယ်လွန်ခဲ့ပါတယ်။ ထိုစဉ် သူ့ရဲ့ဈာပနအခမ်းအနားကို တက်ရောက်ခဲ့တဲ့ သမ္မတ ဘရက်ခ် အိုဘားမား အမှတ်တရ ပြောခဲ့တာကိုလည်း ပြန်ပြောင်း တင်ပြလိုပါတယ်။

“ကျနော်တို့ ဒီကနေ့ ဂါရ၀ပြုတဲ့ အမျိုးသမီးကြီးဟာ နိုင်ငံရေးရာထူး လက်ကိုင်ထားသူ မဟုတ်ပါဘူး။ ကြွယ်ဝချမ်းသာသူလည်း မဟုတ်ပါဘူး။ အထက်တန်းလွှာ သတင်းတွေမှာ ဖော်ပြခံရသူလည်း မဟုတ်ပါဘူး။ ထိပ်တန်းတက္ကသိုလ်တခုကနေ ဘွဲ့ရခဲ့သူလည်း မဟုတ်ပါဘူး။ သူ့ဘ၀ အများပိုင်းမှာ သူဟာ စက်ချုပ်စားခဲ့သူပါ။ ဒါပေမဲ့ ကျနော်တို့နိုင်ငံရဲ့ သမိုင်းကို ပြုစုတဲ့အခါမှာတော့ ဒီအေးအေးဆေးဆေး နေတတ်တဲ့ အမျိုးသမီးရဲ့ အမည်ဟာ လွှတ်တော်အမတ်တွေ၊ သမ္မတတွေရဲ့ အမည်တွေ မေ့သွားတောင်မှ သူ့အမည်ကိုတော့ အမြဲ သတိရနေကြမှာပါ။”

Rosa Parks ကို ဂါရ၀ပြုခဲ့သူ နောက်တဦးကတော့ ၀ါရှင်တန်ဒီစီ အောက်လွှတ်တော်မှ အယ်လ်လင်နာ ဟုမ်းစ်ပဲ ဖြစ်ပါတယ်။

“Rosa Parks အနေနဲ့ သိမ်မွေ့စွာပဲ ပြတ်ပြတ်သားသား အသိပေးခဲ့တာက ကိုယ့်ကိုယ်ကို လွတ်မြောက်အောင် လုပ်ကြဖို့ ဆိုတာပါပဲ။”

၁၉၁၃ ခု ဖေဖော်ဝါရီလ ၄ ရက်နေ့ မွေးနေ့ရှင် ကွယ်လွန်သွားပြီဖြစ်တဲ့ Rosa Parks ကို ဂုဏ်ပြုတဲ့အနေနဲ့ သူ့အသက် ၁၀၀ ပြည့်တဲ့ ၂၀၁၃ခုနှစ်တုန်းကတော့ သူ့မွေးနေ့ အထိမ်းအမှတ်အဖြစ် Rosa Parks တံဆိပ်ခေါင်းကို စာတိုက်ကြီးကနေ ထုတ်ဝေရောင်းချခဲ့ပါကြောင်း တင်ပြရင်း ဒီသီတင်းပတ် အမျိုးသမီးကဏ္ဍကို နိဂုံးချုပ်အပ်ပါတယ်ရှင်။
VOA Burmese News


ရန်ကုန်မြို့တွင်းညပိုင်းပြေးဆွဲနေတဲ့ YBS ယာဉ်တွေ ည(၁၀)နာရီ အထိပြေးဆွဲ မှုမရှိရင် ယာဉ်ပြေးဆွဲခွင့် ပိတ်ပင်သွားမယ်လို့ ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့က နိုင်ငံပိုင်သတင်းစာ ကိုပြောကြားထားပါတယ်။

 ခရီးသွားပြည်သူတွေအဆင်ပြေစေဖို့ ည(၁၀)နာရီ အထိပြေးဆွဲဖို့ ညွှန်ကြားထားပြီး မလိုက်နာတဲ့ယာဉ်တွေကိုတော့ ပထမအဆင့် အနေနဲ့ ခေါ်ယူသတိပေးမှာဖြစ်တယ်လို့အဖွဲ့ အတွင်းရေးမှူး ဒေါက်တာ မောင်အောင်ကပြောပါတယ်။ သတိပေးမှုကိုမလိုက်နာတဲ့ယာဉ်တွေကိုတော့ ပြေးဆွဲခွင့်ပိတ်သိမ်းသွားမှာဖြစ်တယ်လို့ ဒေါက်တာမောင်အောင်ကပြောကြား ထားပါတယ်။

 ယာဉ်လိုင်းနံပါတ် (၃၁) နဲ့ (၃၂)ကိုတာဝန်ယူပြေးဆွဲနေတဲ့ ကုန်းဘောင်ရန်ကုန်အများပိုင်ကုမ္ပဏီကတော့ သန်လျင်ကနေ ဆူးလေ ကိုပြေးဆွဲနေတဲ့ (၃၁)ယာဉ်လိုင်းကို ဆူးလေကနေ ည(၁၀)နာရီ အထိပြေးဆွဲပေးနေတယ်လို့ ကုမ္ပဏီတာဝန်ရှိသူတစ်ဦးကပြောပါတယ်။

 ရေကြောင်းတက္ကသိုလ်ကိုပြေးဆွဲတဲ့(၃၂)ယာဉ်လိုင်းမှာတော့ ညဘက်လူမရှိတဲ့အတွက်ည(၁၀)နာရီအထိမပြေးဆွဲနိုင်ဘူးလို့လည်း သူကဆိုပါတယ်။

5 Plus News
https://www.facebook.com/5plusnews/



လွှတ်တော်ဝန်ထမ်းတွေ နေထိုင်ရာ စည်ပင် ရိပ်သာတွေမှာတော့ လုံခြုံရေးတိုးချထားပြီး အပြင်က ဝင်လာတဲ့ ကားကိုတွေလည်း ပိုမိုစစ်ဆေးမှုတွေ ပြုလုပ်နေ
ဖေဖော်ဝါရီလ ၂ ရက်နေ့က လွှတ်တော်ရုံးမှာတာဝန်ထမ်းဆောင်နေတဲ့ ဌာနအသီးသီးရဲ့ ဝင်စာထွက်စာတွေထဲမှာ သံသယဖြစ်စရာ စာအိတ်နဲ့ ပါဆယ်ထုတ်တွေပါလာရင် ချက်ခြင်းမဖွင့်ပဲ သက်ဆိုင်ရာကို အသိပေးဖို့ လွှတ်တော်မှာ ညွှန်ကြားချက် ထုတ်ပြန်ခဲ့ပါတယ်။

ဇန်နဝါရီလ ၂၇ ရက်နေ့ကလည်း နေပြည်တော်မှာ လွှတ်တော်ဥက္ကဌအပါအဝင် လွှတ်တော်က အကြီးအကဲ ဝန်ထမ်းတွေ လွှတ်တော် လုံခြုံရေးဆိုင်ရာ အစည်းအဝေးတရပ် ကျင်းပခဲ့ပြီး လုံခြုံရေး သတိရှိကြဖို့ လွှတ်တော်တွင်း ဌာနတွေကို စာပို့တာတွေ ပြုလုပ်ခဲ့တယ်လို့ သိရပါတယ်။

ဇန်နဝါရီလ ၂၉ ရက်နေ့မှာ ဖြစ်ပွားခဲ့တဲ့ NLD ပါတီ ဗဟို ဥပဒေ အထောက်အကူပြုအဖွဲ့ဝင် ဦးကိုနီ အသက်မခံရခင် ရက်ပိုင်းအလိုကတည်းက ပြည်ထဲရေးဝန်ကြီးက လုံခြုံရေး အမြဲသတိရှိဖို့ လွှတ်တော် ဥက္ကဌကို သတိပေးခဲ့ကြောင်း လွှတ်တော် အရာရှိတဦးက ပြောပါတယ်။

အခုလို သတိပေးရတာဟာ နိုင်ငံတကာမှာရော ပြည်တွင်းမှာပါ အဖျက်အမှောက် အကြမ်းဖက်တာတွေ ဖြစ်နေတဲ့ အတွက် အရင်ကထက်ပိုပြီး ဂရုစိုက်ဖို့ သတိပေးခဲ့တာလို့ လွှတ်တော် ညွှန်ကြားရေးမှူး ဦးကိုကိုနိုင်က ဘီဘီစီကို ပြောပါတယ်။

လက်ရှိအချိန်မှာတော့ မြန်မာနိုင်ငံ ရဲတပ်ဖွဲ့၊ ရဲသတင်းတပ်ဖွဲ့နဲ့ လွှတ်တော်ဝန်ထမ်းတွေ လုံခြုံရေးအတွက် ပူးပေါင်း ဆောင်ရွက်မှုတွေလည်း ပြုလုပ်နေပါတယ်။

လွှတ်တော်တွင်း လုံခြုံရေးအခြေအနေ ထူးထူးခြားခြား ပြောင်းလဲမှု မရှိပေမယ့် လွှတ်တော် ဝန်ထမ်းတွေ နေထိုင်ရာ စည်ပင် ရိပ်သာတွေမှာတော့ လုံခြုံရေးတိုးချထားပြီး အပြင်က ဝင်လာတဲ့ ကားကိုတွေလည်း ပိုမိုစစ်ဆေးမှုတွေ ပြုလုပ်နေတယ်လို့ ကောလင်းမြို့နယ် လွှတ်တော် ကိုယ်စားလှယ် ဦးမျိုးဇော်က ဘီဘီစီကို ပြောပါတယ်။

လောလောဆယ်မှာ နေပြည်တော်က လူစည်ကားရာ နေရာတွေမှာ လုံခြုံရေးတွေ တိုးမြှင့်ချထားပြီး ရဲကားတွေ ကင်းလှည့်မှု ရှိသလို ရန်ကုန်မှာလည်း လုံခြုံရေးတင်းကြပ်ထားတယ်လို့ သိရပါတယ်။

BBC Burmese
http://www.bbc.com/burmese


NLD ပါတီရဲ့ ဥပဒေအကြံပေး ဦးကိုနီ လုပ်ကြံခံရတာနဲ့ ပတ်သက်ပြီး လူထုစိတ်ဝင်စားမူ မြင့်တက်နေချိန်မှာ အစိုးရပိုင်သတင်းစာတွေမှာ ဖော်ပြချက်ဟာ အားအလွန်နည်းတယ်လို့ ဝေဖန်မူတွေ ဖြစ်နေပါတယ်။

ဒီအခြေအနေမှာ အစိုးရပိုင်းအနေလည်း သတိကြီးကြီးနဲ့ ဆောင်ရွက်နေတယ်ဆိုတဲ့ သတင်းတွေလည်း ထွက်ပေါ်နေပါတယ်။ ဒါပေမဲ့ သတင်းမှန်တွေ အသိပေးမူအားနည်းရင် ကောလဟာလတွေ ပိ်ုထွက်လာပြီး ရှုတ်ထွေးမှုတွေ ဖြစ်နိုင်တယ်လို့ ဝေဖန်သူတွေလည်း ရှိပါတယ်။ ဦးတင်အောင်ခိုင် ဆက်ပြီးတင်ပြပါမယ်။

ဦးကိုနီ လုပ်ကြံခံရတဲ့ သတင်းဟာ မြန်မာနိုင်ငံမှာ အလွန်ရှားရှားပါးပါး ဖြစ်ပျက်ခဲ့တာမျိုးဖြစ်သလို ထူးခြားမူလည်း ရှိနေပါတယ်။ လူတစ်ဦးကို ရန်ကုန်အပြည်ပြည်ဆိုင်ရာ လေဆိပ်လိုမျိုးနေရာမှာ သေနတ်နဲ့ ကပ်ပြီးပစ်ခဲ့သလို လူသတ်သမားက ဦးကိုနီရဲ့ နောက်စေ့ကို ကပ်ပြီးမပစ်ခင်သေနတ် ချိန်ထားတဲ့ ဓါတ်ပုံဟာလည်း ချက်ခြင်းဆိုသလို လူမူကွန်ရက်စာမျက်နှာတွေပေါ်မှာ ရောက်ရှိလာတာပါ။

ဒီဓါတ်ပုံနဲ့ပတ်သက်ပြီး ဘယ်သူစပြီးတင်လိုက်တယ်ဆိုတာ ဘဲဥအစရှာမရဖြစ်နေတယ်လို့ ဆိုပါတယ်။ ဒီအခြေ အနေနောက်မှာ ဝေဖန်သုံးသပ်ချက်တွေ အမျိုးမျိုး ထွက်လာပြီး online စုံထောက်တွေ များလှတယ်လို့တောင် တချို့ကအပြောင်အပျက် ပြောဆိုနေတာမျိုးတွေရှိပေမယ့် လူထုရဲ့ စိတ်ဝင်စားမူကတော့ အထွတ်အထိပ် ကိုရောက်ခဲ့တာ အသေအချာပါ။

ဒါကိုလည်း ပြည်တွင်းထုတ်ဝေတဲ့ ပုဂ္ဂလိက သတင်းစာ၊ ဂျာနယ်တွေမှာ ဒီသတင်းဟာ မျက်နှာဖုံး သတင်းဖြစ်ခဲ့တာ ကို သက်သေအဖြစ်မြင်နိုင်ပါတယ်။ ဒါပေမဲ့ အစိုးရသတင်းစာတွေက ဖော်ပြပုံနဲ့ ပတ်သက်လို့တော့ ပြောစရာတွေ ရှိခဲ့ပါတယ်။

ဒီသတင်းကို ဇန်န၀ါရီလ ၃၀ ရက်နေ့ တနင်္ဂနွေနေ့ညပိုင်း အစိုးရ ပြန်ကြားရေးဝန်ကြီးဌာနThe Global New Light of Myanmar က PDF ပုံစံကို web site မှာ ဖော်ပြရာမှာ မျက်နှာဖုံးစာမျက်နှာမှာ ဒေါ်အောင်ဆန်း စုကြည် နေပြည်တော်မှာ ချယ်ရီပင်စိုက်နေတဲ့သတင်းရဲ့ အောက်နားမှာ ဖော်ပြထားပြီး၊ နောက်တစ်နေ့ တနင်္လာနေ့ သတင်းစာထွက်လာချိန်မှာတော့ တတိယစာမျက်နှာကို ရောက်ရှိသွားပါတယ်။

အလားတူ မြန်မာ့အလင်းနဲ့ ကြေးမုံသတင်းစာတွေမှာ ဒီသတင်းဟာ နောက်ကျောကို ရောက်သွားတာကို လူတွေသတိပြုမိလိုက်တာဖြစ်ပါတယ်။

ဒီကိစ္စနဲ့ပတ်သက်ပြီး ဧရာဝတီသတင်းက မြန်မာအလင်း အယ်ဒီတာချုပ်ကို မေးမြန်းရာမှာ ဒီသတင်းကို မျက်နှာဖုံးမှာ ၀န်ထမ်းတစ်ဦးက မှားယွင်းထည့်မိခြင်းသာဖြစ်ပြီး နောက်ပိုင်းမှာ ထိတ်ဆုံးက ပုဂ္ဂိုလ်တွေရဲ့ ဆုံးဖြတ်ချက်နဲ့ ပြန်လည်ပြောင်းခဲ့တယ်လို့ ပြောပါတယ်။ ဒီပြောဆိုချက်မှာ ထိတ်ဆုံးကပုဂ္ဂိုလ်ဆိုတာ ဘယ်သူဘယ်ဝါဆိုတာမသိကြရပေမယ့် လူတွေဘ၀င်မကျ ဖြစ်ခဲ့ကြရတာကတော့ အမှန်ပါ။ ဒီကိစ္စနဲ့ ပတ်သက်ပြီး မြန်မာဂျာနယ်လစ်ကွန်ရက်က ဦးမြင့်ကျော်ပြောတာကတော့

“မျက်နှာဖုံးမှာ ဘာကြောင့်မတင်ချင်သလဲဆိုတဲ့ဟာက မေးခွန်းထုတ်စရာဖြစ်နေတာပေါ့နော်၊ တကယ်ဆိုရင်တော့ အများပြည်သူကလည်း စိတ်ဝင်စားတယ်၊ တကယ်လည်းလုံခြုံရေးနဲ့ ဆက်နွယ်တဲ့ကိစ္စ၊ NLD ပါတီရဲ့ ဥပဒေအကြံပေးလည်းဖြစ်တယ်၊ ဒီလိုကိစ္စမျိုးဟာ မျက်နှာဖုံးသတင်းဖြစ်သင့်တဲ့ သတင်းပေါ့၊ ဒါကတော့ ဘယ်သတင်းစာဆရာမဆို မေးလိုက်ရင် ဒီသတင်းဟာ မျက်နှာဖုံး သတင်းလို့ပြောမှာ“

အလားတူ မော်ကွန်းဂျာနယ် အယ်ဒီတာ ဦးဇေယျာလှိုင်ကတော့ အခုပုံစံဟာ အစိုးရသစ်လက်ထက်မှာ အရင်အစိုးရလက်ထက်က ပုံစံတွေကိုမြင်တွေ့နေရတာလို့ ဆိုပါတယ်။

“လူတွေက သိချင်တယ်အားလုံးကလည်း ဒီအကြောင်းကို သိချင်တယ၊် ဖြစ်ရပ်ကလည်း ထူးဆန်းတယ် ဖြစ်စဉ်ကလည်းထူးဆန်းတယ်၊ အသတ်ခံရတဲ့ ပုဂ္ဂိုလ်ကလည်း လူသိများတဲ့ ပုဂ္ဂိုလ်ဖြစ်နေတယ်၊ ဒါပေမဲ့ အစိုးရသတင်းစာတွေမှာ အများမြင်သာတဲ့ နေရာမျိုးမှာ မရှိဘူးပေါ့ အနောက်ပို့ခံထားရတယ်၊ ဒါတွေကတော့ အရင်အစိုးရရဲ့ သတင်းစာပုံစံအတိုင်းပဲလို့ ကျနော်တော့ မြင်ပါတယ်“

ဦးဇေယျာလှိုင် ပြောသွားတာပါ။ ဦးမြင့်ကျော်ကလည်း ဒီဖြစ်ရပ်ဟာ အစိုးရချုပ်ကိုင်တဲ့ သတင်းစာတွေမှာ အယ်ဒီတာတွေရဲ့ လုပ်ပိုင်ခွင့်အခြေအနေကို ပြနေတာဖြစ်တယ်လို့ ထောက်ပြပါတယ်။ အခုလို လူအများစိတ်ဝင်စားတဲ့ သတင်းဖြစ်နေပေမယ့် ထိလွယ်ရှလွယ် ပြဿနာဖြစ်နိုင်စရာ အကြောင်းတွေရှိနေလို့ သိုသိုသိပ်သိပ်လုပ်နေတယ်ဆိုတဲ့ သုံးသပ်ချက်တွေရှိပါတယ်။

ဒါပေမဲ့ ခုခေတ်အခြေအနေအရ လူမှုကွန်ရက်မှာ တက်လာနေတဲ့ သတင်းပေးပို့ချက်တွေအနေနဲ့ အချိန်နဲ့တပြေး ညီထွက်ပေါ်နေပေမယ့် မမှန်သတင်း၊ လုပ်ကြံသတင်းတွေ အများကြီးပါနေတာကြောင့် သတင်းမှန်ကို အသိပေးဖို့ အာဏာပိုင်တွေမှာ တာဝန်ရှိနေတာဖြစ်ပါတယ်။ ဦးကိုနီရဲ့ မိတ်ဆွေရင်းတစ်ဦးဖြစ်တဲ့ တရားရုံးချုပ်ရှေ့နေ ဦးသိန်းသန်းဦးကတော့ ပြည်သူတွေ သတင်းမှန်သိဖို့ အလွန်အရေးကြီးပြီး အခုလို ဘာမှမသိရသေးတဲ့ အခြေအနေဟာအန္တရယ်ကြီးတယ်လို့ ဆိုပါတယ်။

“ဘာပြောရမှန်းတောင်မသိတော့ဘူးဗျာ၊ ဘာလုပ်နေမှန်းကို ကျနော်လည်းမသိတာ၊ အမှန်တကယ်အားဖြင့် ဒီကိစ္စဟာ နိုင်ငံတော်အဆင့်ဖြစ်တဲ့ကိစ္စပဲ၊ ပြောရမှာ နောက် သိပ်ကြီးကျယ်တယ်ဆိုတာ လူပုံအလယ် မှာ နေ့ခင်းကြောင်တောင်ကြီး တမင်လုပ်ကြံပြလိုက်တာဆိုတော့ တစ်နိုင်ငံလုံးတုန်လှုပ်သွားအောင်၊ ရည်ရွယ်ချက်ကလည်း ပေါ့သေးသေးမဟုတ်ဘူး၊ ဖြစ်စဉ်ကလည်း ထူးခြားတယ်။ လူသတ်သမားတွေ မျှော် လင့်မထားတဲ့ တက္ကစီသမားတွေ သတ္တိရှိရှိနဲ့ ၀င်ဖမ်းတဲ့ကိစ္စ အဲဒီအခြေအနေအရ တစ်ပြည်လုံးစိတ်ဝင် စားနေကြတာ၊ အမှန်တော့ အမြန်ဆုံးဖော်ထုတ်ပေးသင့်တာပေါ့၊ သိသင့်သိထိုက်တာတွေကို လည်းပြောပေးပေါ့၊ ဘာဖြစ်လို့လဲဆိုတော့ အထင်အမြင်လွဲမှားစရာတွေ အများကြီးဖြစ်လာနိုင်မယ်၊ အများစုစိတ်ပူနေတာက လူသတ်သမား သေများသွားပြီလား၊ ရေချိုးမှားလို့ သေသွားတယ်လို့ ၊ ချော်လဲပြီးတော့လို့ ကျနော်တို့က အတွေ့အကြုံတွေအရသိနေတာကို၊ အဲဒီဟာလည်း စိတ်ပူရတာတစ်ချက် ဇာတ်လမ်းဖြတ်လိုက်မှာကို“

ဦးသိန်းသန်းဦး ပြောပြတာပါ။

အပြည်ပြည်ဆိုင်ရာ စံတွေအရကတော့ အခုလိုသတင်းမျိုးတွေအတွက် အာဏာပိုင်တွေဟာ သတင်းပြန်ကြားရေး စခန်းလိုမျိုးဖွင့်ထားပြီး တိုးတက်မူအခြေတွေကို အချိန်နဲ့တပြေးညီ ထုတ်ပြန်ပေးတတ်ကြပါတယ်။ ဒီအခြေအနေနဲ့ပတ်သက်ပြီး ဦးမြင့်ကျော် ပြောတာက

“သတင်းမီဒီယာတွေအားလုံးကို ပေးနိုင်တဲ့ အတိုင်းအတာအားလုံးကို နေ့စဉ်ထုတ်ပြန်ပေးသင့်ပါတယ်။ အဲလိုမလုပ်တော့ ခုသိတဲ့အတိုင်းပဲ ဆိုရှယ်မီဒီယာကလည်း မြန်မာပြည်လူမူအသိုင်းအ၀ိုင်းမှာ အတော်လေးအရေးကြီးတဲ့ အပိုင်းမှာရှိတယ်၊ လူတွေကအဲဒါကို ယုံကြည်ကြတယ်ပေါ့နော်၊ ပေါက်ကြား လာတဲ့ဟာတွေကလည်း အချက်အလက်မှန်တြွေုဖစ်နေတယ်၊ ဆိုတော့ အဲဒီအပိုင်းက ပေါက်ကြားနေ ပြီးတော့ တဘက်က ပြောလိုရတဲ့ဟာတွေတောင် မီဒီယာကို အတည်ပြုမပြောတော့ ဆိုရှယ်မီဒီပေါ်မှာ လှုံ့ဆော်ချင်တာတို့၊ လမ်းကြောင်းလွဲအောင်လုပ်ချင်တာတို့ အဲဒါမျိုးတွေက ပိုပြီးလုပ်လို့ကောင်းတဲ့ အခြေအနေပေးသလိုဖြစ်နေတယ်၊ ဒါမျိုးကို သူတို့ကိုင်တွယ် ဖြေရှင်းသင့်တယ်လို့ထင်တယ်၊ နိုင်ငံတကာ အတိုင်းအတာနဲ့ မပြောရင်တောင်မှ ဖြစ်နေတာတွေပေါ်မှာ မူတည်ပြီး မလိုလားတဲ့ ရလဒ်တွေ မဖြစ်အောင်၊ ကောက်ချက်ချလွဲတာတွေမဖြစ်အောင် ထုတ်ပေးနိုင်တဲ့ အတိုင်းအတာကို နေ့စဉ် ထုတ်ပေးနိုင်တာတွေကို နေ့တိုင်းထုတ်ပေးသင့်တယ်လို့ ကျနော်မြင်တယ် “

ဦးမြင့်ကျော် ပြောပြတာပါ။ ဒီအခြေအနေတွေဟာ မြန်မာနိုင်ငံက ပကတိနိုင်ငံရေးအခြေအနေကို ပြနေတာ လို့လည်း ပြောဆိုတာတွေရှိပါတယ်။ မြန်မာနိုင်ငံရဲ့ အခြေအနေဟာ ပြည်သူရွေးကောက်တဲ့ အစိုးရဖြစ်နေပေမယ့် လက်ရှိအခြေအနေကို ဥပမာအနေနဲ့ပြောနေတာကတော့ ပြေးဆွဲနေတဲ့ ရထားကြီးပုံစံ ပြောနေကြပါတယ်။

ပြေးနေတဲ့ ရထားကြီးမှာ ခုချိန်မှာ ခေါင်းတွဲအသစ်ရပြီလို့ဆိုပါတယ် ဦးဆောင်သူ အသစ်နဲ့သွားနေမှာကို ဆိုလိုတာပါ။ ဒါပေမဲ့ ခေါင်းတွဲအသစ်နောက်က ကပ်ပါနေတဲ့ နောက်တွဲတွေကတော့ အမိုးပေါက်တဲ့ တွဲကပေါက်၊ ဘေးကာပျောက်နေတဲ့ တွဲကပျောက် ဖြစ်နေသလို တချို့သောတွဲတွေဆို ဘီးတောင်မပါဘူး လို့ ပြောဆိုနေကြတာပါခင်ဗျား။
RFA

ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်
ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်
Photo: RFA
မြန်မာအစိုးရရဲ့ မောင်တောဒေသတဝိုက် နယ်မြေရှင်းလင်းရေးဆိုတဲ့ စစ်ဆင်ရေးမှာ ၄ လအတွင်းမှာ လူပေါင်းရာနဲ့ ချီပြီး သတ်ဖြတ်ခံလိုက်ရဖွယ်ရှိခဲ့တယ်လို့ ကုလသမဂ္ဂလူ့အခွင့်အရေးရုံးရဲ့ အစီရင်ခံစာမှာ ဒီနေ့ဖော်ပြလိုက်ပါတယ်။

ဘင်္ဂလားဒေ့ရ်ှကို ထွက်ပြေးသွားတဲ့ ရိုဟင်ဂျာဒုက္ခသည် ၂၄၀ ကိုမေးမြန်းစုံစမ်းပြီး ဒီအစီရင်ခံစာရေး လိုက်တာလို့ ဆိုပါတယ်။ ဒီလိုသတ်ဖြတ်မှုတွေကြောင့် လူသားဖြစ်တည်မှုကိုဆန့်ကျင်တဲ့ ရာဇဝတ်မှုမြောက်နေမယ့် အနေအထားတွေ့ရတယ်လို့လည်း ဖော်ပြထားပါတယ်။

အဲဒီလိုမေးထားတဲ့ လူဦးရေရဲ့ ၄၇ ရာခိုင်နှုန်းမှာ သူတို့မိသားစုဝင်တွေဟာ စစ်ဆင်ရေးအတွင်း သတ်ဖြတ်ခံရ တယ်လို့ဆိုပြီး၊ ၄၃ ရာခိုင်နှုန်းရဲ့မိသားစုဝင်တွေမှာ အဓမ္မပြုကျင့်ခံရတယ်လို့လည်း အစီရင်ခံစာမှာ ဖော်ပြထား ပါတယ်။

ဒါကြောင့် အခုလိုလူ့အခွင့်အရေး ချိုးဖောက်မှုကြီးနဲ့ပတ်သက်လို့ မြန်မာအစိုးရအနေနဲ့ ငြင်းချက်ထုတ်မယ့်အစား၊ အမြန်ဆုံးဖြေရှင်းရမယ်လို့လည်း ကုလသမဂ္ဂလူ့အခွင့်အရေး မဟာမင်းကြီး Zeid က ပြောလိုက်ပါတယ်။

ဒီအတောအတွင်း ပါဆယ်ဗုံးတွေသတိထားဖို့ နေပြည်တော် ပြည်သူ့လွှတ်တော်မှာ သတိပေးထားတယ်လို့ တရုတ်ဆင်ဟွာ သတင်းတပုဒ်မှာ ဒီနေ့ဖော်ပြလိုက်ပါတယ်။

သတိပေးစာကို လွှတ်တော်က နံရံကပ်စာစောင်တွေကပ်တဲ့နေရာမှာ ပြထားတယ်လို့ ဆိုပါတယ်။

အမျိုးသားဒီမိုကရေစီအဖွဲ့ချုပ် ဗဟိုဥပဒေအကြံပေးကော်မတီဝင် ရှေ့နေ ဦးကိုနီ လုပ်ကြံခံရပြီးတဲ့နောက် အခုလိုဆောင်ရွက်လာတာလို့လည်း သိရပါတယ်။
RFA


သမ္မတရုံးက ထုတ်ပြန်တဲ့ ပြစ်မှုကျူးလွန်ရာတွင် ပူးပေါင်းပါဝင်သူ အောင်ဝင်းဇော် သတင်းဓာတ်ပုံ။
သမ္မတရုံးက ထုတ်ပြန်တဲ့ ပြစ်မှုကျူးလွန်ရာတွင် ပူးပေါင်းပါဝင်သူ အောင်ဝင်းဇော် သတင်းဓာတ်ပုံ။
အမျိုးသားဒီမိုကရေစီအဖွဲ့ချုပ် (NLD) ပါတီရဲ့ ဥပဒေအကြံပေး ရှေ့နေဦးကိုနီ ရန်ကုန်နိုင်ငံတကာလေဆိပ်မှာ လုပ်ကြံခံရမှုမှာ ပူးပေါင်းပါဝင်သူတဦးဖြစ်တယ်လို့ သံသယရှိ ခံထားရတဲ့ ဦးအောင်ဝင်းဇော် အသက် (၄၆) နှစ်ကို ဖမ်းဆီး ထားတယ် လို့ နိုင်ငံတော်သမ္မတရုံးဝန်ကြီးဌာန ပြောခွင့်ရ ဦးဇော်ဌေး က ပြောပါတယ်။

" အဲ့နေ့မှာ ကြည်လင်းကို ကျနော်တို့ ဖမ်းမိတယ်။ အဲ့ဒီ့တက်စီ Stand ဘေးနား မှာပဲ ပြည်သူတွေနဲ့ လုံခြုံရေးတပ်ဖွဲ့ဝင်တွေ ဝိုင်းဝန်းဖမ်းဆီးလို့ မိတယ်။ မိတဲ့အခါမှာ သူ့ကို စစ်ကြောတယ်။ စစ်ဆေးမေးမြန်းတဲ့အခါမှာ ပေါ်ထွက်လာတဲ့ သတင်း အချက်အလက်ရယ်၊ နောက် ဖမ်းဆီးရမိတဲ့ သက်သေခံပစ္စည်းတွေ ဒါတွေအပေါ်မှာ မူတည်ပြီးတော့ ဆက်စပ်တရားခံပေါ့။ အဲ့ဒီ့ဆက်စပ်တရားခံကို သက်ဆိုင်ရာ တိုင်းဒေသကြီး ပြည်နယ်တွေကို အကြောင်းကြားပြီးတော့ အမြန်ဆုံးပိတ်ဆို့ ရှာဖွေ ဖမ်းဆီးမှုတွေ ပြုလုပ်ပါတယ်။ ငါးနာရီမှာ ဖြစ်တယ်။ မနက်လေးနာရီ ၂၀မှာ ကျနော်တို့ အခုထုတ်ပြန်ထားတဲ့ တရားခံ အောင်ဝင်းဇော်ကို မိတယ်ပေါ့။ မိတော့ အဲ့တာနဲ့ ပတ်သက်ပြီးတော့ တရားခံကွင်းဆက်ပေါ့။ ဒီပြစ်မှုကျူးလွန်တဲ့နေရာမှာ ပါနေတဲ့ ကွင်းဆက်တွေကို ဆက်လက်ပြီးတော့ စုံစမ်းရှာဖွေ ဖော်ထုတ်နေ တယ်။ ဖော်ထုတ်တဲ့နေရာမှာ အခုသွားနေတာ တပ်မတော်နဲ့ မြန်မာနိုင်ငံ ရဲတပ်ဖွဲ့ ပူးပေါင်းထားတဲ့ ပူးပေါင်းအဖွဲ့နဲ့ ကျနော်တို့ လုပ်နေပါတယ်။"

အခုဖမ်းဆီးရမိတဲ့ ဦးအောင်ဝင်းဇော်ဟာ သူနဲ့ ထောင်ထဲမှာ အတူနေဖူးတယ်လို့ Myanmar Now သတင်းဌာနကို ပြောထားတဲ့ ဦးအောင်စိုးက သူ့ကို လူသတ်ပေးဖို့ လာငှားခဲ့တဲ့ ဗ က ဆိုတဲ့ လူနဲ့ အတူတူပဲဖြစ်တယ်လို့ ဗီအိုအေကို အတည်ပြုပြောပါတယ်။

ဒါကြောင့်လည်း ဗက မြင့်ဆွေ၊ အောင်ဝင်းဇော်ဆိုတဲ့ နာမည် ၃ ခုဟာ အခုသမ္မတရုံးက ထုတ်ပြန်ကြေငြာချက်ထဲမှာ ပါတဲ့ ဦးအောင်ဝင်းဇော် နဲ့ တဦးတည်ဖြစ်တယ်ဆိုတာကို ဦးအောင်စိုးက အတည်ပြုပါတယ်။

ရှေ့နေ ဦးကိုနီဟာ အင်ဒိုနီးရှားနိုင်ငံကနေ ပြီးခဲ့တဲ့ ဇန်န၀ါရီ ၂၉ ရက်နေ့က ရန်ကုန်နိုင်ငံတကာလေဆိပ်ကိုပြန်ရောက်ရောက်ချင်းသေနတ်သမား ကြည်လင်းက အနီးကပ်လုပ်ကြံသတ်ဖြတ်ခဲ့တာဖြစ်ပါတယ်။

အဲဒီနောက် သေနတ်သမားကြည်လင်းကို လေဆိပ်မှာရှိတဲ့ အငှားယာဉ်မောင်းတွေ နဲ့ ရဲတပ်ဖွဲ့က လိုက်လံဖမ်းဆီးခဲ့ပြီး၊ အဲဒီလိုဖမ်းဆီးစဉ်အတွင်း အငှားယာဉ်မောင် ကိုနေ၀င်း သေနတ်ထိမှန် သေဆုံးခဲ့ပါတယ်။
VOA Burmese News


၂၀၁၇ ခုနှစ် ဖေဖော်ဝါရီလ (၃) ရက်နေ့ အရပ်ဘက်လူမှုအဖွဲ့အစည်းများ မှ ထုတ်ပြန်သည်။
အမျိုးသားဒီမိုကရေစီအဖွဲ့ချုပ်၏ ဥပဒေအကြံပေးဖြစ်သူ ဦးကိုနီသည် ပြန်ကြားရေးဝန်ကြီးဌာန၊ ပြည်ထောင်စုဝန်ကြီးဦးဖေမြင့် ဦးဆောင်သည့် အကြီးတန်းခေါင်းဆောင်မှုသင်တန်း တက်ရောက်ရန် ခရီးစဉ် အတွက် အင်ဒိုနီးရှားနိုင်ငံသို့ သွားရောက်ခဲ့ရာမှအပြန် ရန်ကုန်အပြည်ပြည်ဆိုင်ရာလေဆိပ်တွင် မသမာသူတို့၏ အကြမ်းဖက်လုပ်ကြံမှုကြောင့် ၂၀၁၇ ခုနှစ် ဇန္နဝါရီလ ၂၉ ရက်နေ့ ညနေ ၅ နာရီအချိန်ခန့်တွင် အလ္လာဟ် ရှင်မြတ်၏အမိန့်ကို ခံယူသွားခဲ့ရပါသည်။

ဦးကိုနီသည် အမျိုးသားဒီမိုကရေစီအဖွဲ့ချုပ်၏ ဥပဒေအကြံပေးဖြစ်ရုံသာမက ဒီမိုကရေစီအရေး လှုပ်ရှားမှုကြီးအတွက် မဟာဗျုဟာအမြင်ရှိသူ၊ လူ့အခွင့်အရေးကာကွယ်မြှင့်တင်မှုအတွက် စံပြဦးဆောင်သူ၊ မြန်မာမွတ်စလင်များနှင့် ဘာသာမတူသူများအကြား အတူတကွ ပူးပေါင်းနေထိုင်ရေးအတွက် ပေါင်းကူးဆောင် ရွက်ပေးသူ၊ စစ်အာဏာရှင်အလိုကျ ရေးဆွဲထားသော ၂၀၀၈ ခုနှစ် ဖွဲ့စည်းပုံအခြေခံဥပဒေ ဖျက်သိမ်းရေးကို အစဉ်တစိုက် ထောက်ပြနှိုးဆော်သူတစ်ဦးဖြစ်လေရာ မိမိတို့တိုင်းပြည်အတွက် အစားထိုးမရသော နိုင်ငံ့ သားကောင်း တစ်ဦးအား ဆုံးရှုံးရသည့် ဝမ်းနည်းကြေကွဲဖွယ်ရာ အဖြစ်ဆိုးအဖြစ် ခံယူပါသည်။

ဤလုပ်ကြံမှုဖြစ်စဉ်ကို ကြည့်လျှင်လည်း ကြိုတင်ပြင်ဆင်မှုဖြင့် သေသေချာချာ စီမံဆောင်ရွက်သွား ခဲ့သည်ကို အထင်အရှားတွေ့ရသည်ဖြစ်ရာ လူတစ်ဦးတစ်ယောက်၏ အဓမ္မအကြမ်းဖက်ဆောင်ရွက်မှု သက်သက်မကဘဲ ဦးကိုနီ၏ နိုင်ငံရေးရပ်တည်ချက်နှင့် လုပ်ဆောင်မှုများကို မလိုလားသော အုပ်စုတစ်ခုခု၏ ရည်ရွယ်ချက်ကို အကောင်အထည်ဖေါ်သည်ဟု သံသယဖြစ်ဖွယ်ရာရှိသည်။ ဤအဖြစ်အပျက်သည် အကြမ်းဖက်နည်းလမ်းဖြင့် မတရားနုိုင်လုိုမင်းထက်ပြုကျင့်မှုကုို ဆက်လက်အသက်သွင်းလုိုသော မင်းမဲ့စရုိုက် ဆန်သည့် နိုင်ငံရေးလုပ်ကြံမှုသဏ္ဍာန်ဖြစ်သည်။ လူမျိုးရေး၊ ဘာသာရေး ပေါက်ကွဲမှုဖြစ်အောင် လှည့်စား သွေးထိုးသည့် ရည်ရွယ်ချက်လည်း ရှိနိုင်သည်ဟု မိမိတို့မှ သုံးသပ်သည်။ ဤနိုင်ငံရေးလုပ်ကြံမှုကြီးကို ဆောင်ရွက်သူ မည်သည့်ပုဂ္ဂိုလ်၊ မည်သည့်အဖွဲ့အစည်းကုိုမဆို မိမိတို့အနေဖြင့် ပြင်းထန်စွာ ရှုတ်ချပါသည်။

ခွင့်တူညီမျှဝါဒဖြူစင်သော ပြည်ထောင်စုနုိုင်ငံဖြစ်ရန် အကန့်အသတ်များစွာ ရှိနေဆဲဖြစ်သော ဖွဲ့စည်းပုံ အခြေခံဥပဒေအကြောင်း လူထုအား အသိပညာပေးခဲ့သည့် ဦးကုိုနီ၏ လုံ့လဝီရိယနှင့်တကွ မြန်မာပြည်နှင့် ပြည်ထောင်စုတိုင်းရင်းသားများအားလုံး၊ အဖိနှိပ်ခံများအားလုံးအပေါ် အသက်ပေး၍ ဆောင်ရွက်သွားခဲ့သည် များကို မိမိတို့နှလုံးသား၌သော်လည်းကောင်း၊ စစ်အာဏာရှင်ဆန့်ကျင်ရေး၊ ဒီမိုကရေစီတော်လှန်ရေး သမိုင်းတွင် သော်လည်းကောင်း မော်ကွန်းတင် ကဗ္ဗည်းရေးထိုးသွားမည် ဖြစ်ပါသည်။
မိမိတို့အရပ်ဘက်လူမှုအဖွဲ့အစည်းများအနေဖြင့် အောက်ပါအချက်များကို လေးနက်စွာတောင်းဆိုအပ်ပါသည်။

၁။ ဦးကိုနီအား လုပ်ကြံသတ်ဖြတ်ခဲ့သည့်ကိစ္စအား အမှုမှန်၊ အကြောင်းမှန် အမြန်ဆုံးပေါ်ပေါက်ရေးအတွက် နိုင်ငံတော်အစိုးရမှ တိုက်ရိုက်တာဝန်ယူစုံစမ်းဖေါ်ထုတ်၍ တာဝန်အရှိဆုံးကြံစည်သူနှင့် ပါဝင်ပတ်သက် သူများအားလုံးကို အမြင့်ဆုံးပြစ်ဒဏ်ဖြင့် အရေးယူပေးရန်

၂။ လုပ်ကြံသတ်ဖြတ်သူအား ဖမ်းဆီးရမိပြီးနောက် တရားရုံးတင် စစ်ဆေးစီရင်ဆုံးဖြတ်မှုနှင့် ပတ်သက်သော သတင်းအချက်အလက်များကုို အများပြည်သူမှ သံသယကင်းကင်းဖြင့် သိရှိနုိုင်အောင် အချိန်နှင့်တစ်ပြေး ညီ ပွင့်လင်းမြင်သာမှုရှိစွာ၊ မှန်ကန်စွာထုတ်ပြန်ပေးရန်၊

၃။ ကျန်ရစ်သူမိသားစုအား ကာကွယ်စောင့်ရှောက်၍ လူမှုဖူလုံရေးအကူအညီများ ပံ့ပိုးပေးရန်၊

၎။ အကြမ်းဖက်မှု၊ တရားလက်လွတ်သတ်ဖြတ်မှုကို ရှုတ်ချကန့်ကွက်သည့်အနေဖြင့် နိုင်ငံတော်အစိုးရအနေ နှင့် ဤလုပ်ကြံမှုဖြစ်ပွားသည့်နေ့မှ တစ်လတိတိအား ဝမ်းနည်းဖွယ်ကာလအဖြစ် ကြေညာပေးရန်၊

၅။ နိုင်ငံရေးအဖွဲ့အစည်းများ၊ ဘာသာပေါင်းစုံအဖွဲ့အစည်းများ၊ အရပ်ဖက်လူမှုအဖွဲ့အစည်းများနှင့် ပြည်သူလူထု မှ ဤသို့အကြမ်းဖက်မှုကို လက်မခံကြောင်း၊ ရှုတ်ချကြောင်း ဖေါ်ပြကြရန် နှင့်

၆။ ဦးကိုနီအားလုပ်ကြံသော လူသတ်တရားခံအား ဖမ်းဆီးရာတွင် ကွယ်လွန်ခဲ့ရသည့် ဦးနေဝင်းအား ဂုဏ်ပြု လျက် ကျန်ရစ်သူမိသားစုအတွက် လူမှုဖူလုံရေးအကူအညီများကုို အစိုးရက ဆောင်ရွက်ပေးရန်။

ဆက်သွယ်ရန် -
ဦးအောင်မျိုးမင်း - အီးမေးလ် myominburma@gmail.com ၊ ဖုန်း (+၉၅) ၀၉၄ ၄၈၀ ၁၅၃၀၆
သဉ္ဇာရွှန်းလဲ့ရည် - အီးမေးလ် thinzarshunleiyi@gmail.com ၊ ဖုန်း (+၉၅) ၀၉၇ ၉၅၅ ၇၄၇၇၅
တောင်းဆုိုထောက်ခံသော အရပ်ဘက်လူမှုအဖွဲ့အစည်းများ
၁။ ဒီမိုကရေစီဖွံ့ ဖြိုးတိုးတက်ရေး လှုပ်ရှားဆောင်ရွက်မှု ကော်မတီ (Action Committee for Democracy Development)
၂။ လယ်သမားအရေးတက်ကြွလှုပ်ရှားသူများအင်အားစု (မန္တလေးတိုင်း၊ စစ်ကိုင်းတိုင်း၊ ပဲခူးတိုင်း ၊ရှမ်းပြည်နယ်မြောက်ပိုင်း၊ ဧရာဝတီတိုင်း၊ ရခိုင်ပြည်နယ်၊ မကွေးတိုင်း) (Action Group for Farmer Affair)
၃။ ဧရာဝတီလူငယ်ကွန်ရက် (Ayerwaddy Youth Network)
၎။ ဒါန - ရှေ့ဆောင်မြန်မာ (Charity Oriented Myanmar)
၅။ လူငယ်နှင့်လူမူသဟဇာတဖြစ်ရေးစင်တာ (Center for Youth and Social Harmony)
၆။ ဒီမိုကရေပညာရေးဖွံ့ဖြိုးမှုအဖွဲ့(Democratic Education Institute)
၇။ ဖော်ထုတ်သိမြင်ခြင်းနှင့်ဖွံ့ဖြိုးတိုးတက်ခြင်းအတွက်သင့်နေရာ (Discovery & Development Corner)
၈။ ညီမျှခြင်းမြန်မာ (Equality Myanmar)
၉။ မြန်မာနိုင်ငံဒီမိုကရက်တစ်အင်အားစု (Forum for Democracy in Burma)
၁၀။ လယ်သမားအလုပ်သမားရေးရာ တက်ကြွလှုပ်ရှားသူများအဖွဲ့ (Farmer and Labor Activists Group)
၁၁။ ဆာမူထော်အရပ်ဖက် လူမှုအထောက်အကူပြုအဖွဲ့ (တောင်ငူ-သံတောင်) ဇုံ (Hsar Mu Htaw)
၁၂။ လှိုင်သာယာလူငယ်ကွန်ရက် (Hlaingtharyar Youth Network)
၁၃။ ကမ္ဘောဇလူငယ်စာကြည့်တိုက် -တောင်ကြီး (Kan Baw Za Youth Library- Taunggyi)
၁၄။ ကရင်လူ့အခွင့်အရေးအဖွဲ့ (Karen Human Rights Group)
၁၅။ ကယားပြည်နယ်လုံးဆိုင်ရာလူငယ်ကွန်ရက် (Kayah State Youth Network)
၁၆။ မြန်မာနိုင်ငံ ပွင့်လင်းမြင်သာမှုနှင့် တာဝန်ယူမှု၊ တာဝန်ခံမှုဆိုင်ရာ အရပ်ဘက် မဟာမိတ်အဖွဲ့ -ဧရာဝတီ (Myanmar Alliance for Transparency and Accountability - Ayeyarwaddy)
၁၇။ မြန်မာနိုင်ငံနားမကြားသူများဖွံ့ဖြိုးတိုးတက်ရေးအဖွဲ့ (Myanmar Deaf Community Development Association)
၁၈။ မြန်မာ့အမျိုးသမီးသမဂ္ဂ ( Burmese Women’s Union)
၁၉။ အလင်းအိမ် လူမှုဖွံ့ဖြိုးတိုးတက်ရေးအဖွဲ့ (Lighthouse Social Development Organization- Ayarwaddy)
၂၀။ မန္တလေး လူထုနေရာ (Mandalay Community Center)
၂၁။ မေတ္တာ ဖွံ့ဖြိုးရေး ဖောင်ဒေးရှင်း (Metta Development Foundation)
၂၂။ မိုင်းပန်လူငယ်အဖွဲ့ (Mong Pan Youth Association)
၂၃။ မွန်ပြည်နယ်လူငယ်ကွန်ရက် (Mon State Youth Network)
၂၄။ မွတ်ဆလင်မ် အမျိုးသမီးများကောင်စီ ၊ မြန်မာပြည် (Muslim Women Council of Myanmar)
၂၅။ ခြေလှမ်းသစ်လူမှုကွန်ယက်
၂၆။ ဒီမိုကရေစီနှင့် ဖွံ့ဖြိုးတိုးတက်ရေးအင်အားစု (Network for Democracy and Development)
၂၇။ ကဗျာချစ်သူများအသင်း (Poet Lovers Association)
၂၈။ ရှေ့ပြေးအသံ (Progressive Voice)
၂၉။ လူမှုမဟာမိတ်အဖွဲ့ (Social Alliances)
၃၀။ အသွင်သစ် ဆိုရှယ်လစ်ပါတီ-ဗမာပြည် (Socialist Alternative-Burma)
၃၁။ စစ်ကိုင်းတိုင်းဒေသကြီးလူငယ်ကွန်ရက် (Sagaing Region Youth Network)
၃၂။ ရှမ်းပြည်နယ်ငြိမ်းချမ်းရေးအလုပ်အဖွဲ့ (Shan State Peace Task Force)
၃၃။ ရှမ်းပြည်နယ်တောင်ပိုင်း လူငယ်ကွန်ယက် (Southern Shan state Youth Network)
၃၄။ ရောင်ခြည်ဦး အလုပ်သမားများအဖွဲ့ (Yaung Chi Oo Workers Association)
၃၅။ တနင်္သာရီလူငယ်ကွန်ရက် (Thaninthayi Youth Network)
၃၆။ အထက်ချင်းတွင်းဒေသလူငယ်များကွန်ရက် (Upper Chindwin Youth Network)
၃၇။ အမျိုးသမီးနှင့်ငြိမ်းချမ်းရေးလှုပ်ရှားမူ ကွန်ယက်(ရှမ်းပြည်) (Women and Peace Action Network (Shan State)
၃၈။ ရန်ကုန်လူငယ်ကွန်ရက် (Yangon Youth Network)
၃၉။ ပေါင်းကူး (Paung Ku)
၄၀။ စိမ်းရောင်စို (တံတားဦး)
၄၁။ ခြေ လှမ်း သစ် လူမှု ကွန်ယက်
၄၂။ ဒုို့မြန်မာ
၄၃။ ဒဂုံတက္ကသိုလ်ဆရာများ သမဂ္ဂ
၄၄။ ပန်းပျိုးလက်လူငယ်စင်တာ (လှိုင်သာယာ)
၄၅။ မွန်ပြည်နယ်အဖွဲ့ (ရေးမြို့ )
၄၆။ ဖန်တီးအိမ်
၄၇။ အလင်းစက်ဝန်း
၄၈။ ရွှေခြင်္သေ့ ရွှေဘို
၄၉။ လမ်းပြကြယ် ဖွံ့ဖြိုးရေးလူငယ်အဖွဲ့
၅၀။ လွတ်လပ်သောအရှိုချင်းများအင်အားစု
၅၁။ ရိုးမချင်းအဖွဲ့ (စေတုတ္တရာ)
၅၂။ ပညာရေးနှင့်လူမှုဘ၀မြှင့်တင်ရေးပရဟိတအသင်း ( One Soul One Hope)
၅၃။ ကုရ်အာန်အသိပညာပြန့်ပွားရေးအဖွဲ့
၅၄။ AZURE Women Group
၅၅။ Ayeyarwady West Development Organization
၅၆။ Civil Authorize Negotiate Organization (C.A.N-Myanmar)
၅၇။ Capacity Building Initiative
၅၈။ COMREG Community Response Group
၅၉။ CSO Forum Coordination Working Committee
၆၀။ Charity Service for Friends (CSF)
၆၁။ Coexist
၆၂။ Democratic Education Corner
၆၃။ Diverze Youth Art Platform
၆၄။ Freethinkers
၆၅။ Farmer Right and Development Organization – Magway
၆၆။ Farmer Union – Magway
၆၇။ Gender and Development Institute (GDI)
၆၈။ Gender Equality Network
၆၉။ Green Network Sustainable Environment Group – Magway
၇၀။ Genuine People's Servants
၇၁။ Human Rights Defenders – Myingyan
၇၂။ Human Rights Defenders Forum
၇၃။ Human Rights Educators Network
၇၄။ Human Rights Working Group – Myanmar
၇၅။ Hands of Unity Group – Magway
၇၆။ ISchool-Myanmar
၇၇။ Kachin Peace Network
၇၈။ Kings N Queens LGBT Organization
၇၉။ Kachin Women’s Association Thailand (KWAT)
၈၀။ Kachin Women Peace Network (KWPN)
၈၁။ Mwetaung Area Development Group (MADG)
၈၂။ ME - Community Development Center, Magway
၈၃။ Myanmar Deaf Society
၈၄။ Magway EITI Watch Group
၈၅။ Myanmar Muslim Youth Association (Kachin State)
၈၆။ Myaung Mya Youth Network
၈၇။ Muslim Youth Network –Myanmar
၈၈။ MasterPeace Myanmar Club
၈၉။ Myanmar Social Initiative Group (MSIG)
၉၀။ NEW DAY Society Development Network
၉၁။ National Network for Education Reform (NNER)
၉၂။ National Network for Education Reform - Yangon
၉၃။ National Youth Congress – Republic of the Union of Myanmar
၉၄။ Open Development Foundation (ODF)
၉၅။ Parents, Families and Friends of Lesbians and Gays – Myanmar (PFLAG-MYANMAR)
၉၆။ Pyi Gyi Khin
၉၇။ Peoples' Network for Constitutional Reform
၉၈။ RainFall
၉၉။ Religions for Peace Myanmar
၁၀၀။ Research, Translation and Consultancy Cluster (RTCC)
၁၀၁။ Shalom (Nyein) Foundation
၁၀၂။ Smile Education and Development Foundation
၁၀၃။ Saytotetara Development Organization
၁၀၄။ Shwe Minn Tha Foundation(Myanmar)
၁၀၅။ Thabyay Education Foundation
၁၀၆။ Tampadipa Institute
၁၀၇။ Than Lwin Citizen Empowerment Program
၁၀၈။ The Seagull: Human Rights, Peace & Development
၁၀၉။ Triangle Women Support Group
၁၁၀။ Tavoyan Women’s Union
၁၁၁။ Thazi Youth Network
၁၁၂။ United Act
၁၁၃။ Women and Children Humanitarian Network (WCHN)
၁၁၄။ Women for Justice
၁၁၅။ Women’s Federation for Peace (WFFP)
၁၁၆။ White Maker Group
၁၁၇။ Wunpawng Ninghtoi (WPN)
၁၁၈။ Women’s Organization Network (WON)
၁၁၉။ Women Peace Network
၂၀၀။ Wumutti Women Organization
၂၀၁။ We Family – Yangon
၂၀၂။ We Family – Mandalay
၂၀၃။ Youth for a New Society (YNS)
၂၀၄။Youth for Social Change - Myanmar
၂၀၅။ Nyein Chan Yar – Mandalay
၂၀၆။ Association of Human Rights Defenders and Promoters (HRDP)
၂၀၇။ Muslim Youth Network – Bago
၂၀၈။ Peace and Justice (Civil Society)
၂၀၉။ Area Peace and Development Forward (APDF)
၂၁၀။ Mon State Youth Network
၂၁၁။ Local Development Network (Mon)
၂၁၂။ Mon State CCMM
၂၁၃။ MATA (Mon State)
၂၁၅။ Mon State CSOs’ Network
၂၁၆။ Karen Environmental and Social Action Network (KESAN)
၂၁၇။ Women’s League of Burma (WLB)
၂၁၈။ Farmers And Landworkers Union(Myanmar)

Credit ....

ZN.H



ဦးအောင်ဝင်းဇော်ကို ဖမ်းဆီးထား
အမျိုးသား ဒီမိုကရေစီ အဖွဲ့ချုပ် NLD ပါတီ ရဲ့ ဥပဒေ အကြံပေး ဦးကိုနီ လုပ်ကြံ သတ်ဖြတ် ခံခဲ့ရတဲ့ အမှုမှာ ပူးပေါင်း ပါဝင်ခဲ့တယ် ဆိုတဲ့ စွဲချက်နဲ့ ဖမ်းဆီးထားသူ နောက်တစ်ဦး ရှိနေတယ် ဆိုတဲ့ အချက်ကို အစိုးရက ထုတ်ဖော် ပြောဆို လာပါတယ်။

ရန်ကုန်မြို့ ကနေ ဘားအံမြို့ကို တိမ်းရှောင် သွားတဲ့ အသက် ၄၆ နှစ် အရွယ် ဦးအောင်ဝင်းဇော် ဆိုသူကို ပြီးခဲ့တဲ့ ဇန်နဝါရီလ ၃ဝ ရက်နေ့ မနက် အစောပိုင်းက ဘားအံမြို့ သံလွင် တံတားပေါ်မှာ ဖမ်းဆီး နိုင်ခဲ့တယ် လို့ နိုင်ငံတော် သမ္မတ ရုံးက ထုတ်ပြန် ထားပါတယ်။

ဦးကိုနီ လုပ်ကြံ ခံရတဲ့ မင်္ဂလာဒုံ လေဆိပ် အခင်း ဖြစ်ရာမှာ လက်ရ ဖမ်းဆီး မိခဲ့သူ ဦးကြည်လင်းကို စစ်ဆေး ဖော်ထုတ် ချက် တွေအရ အခုလို နောက်ဆက်တွဲ လိုက်လံ ဖမ်းဆီး ခဲ့တာ ဖြစ်တယ်လို့ ဆိုပါတယ်။

ဆက်စပ် တရားခံ တွေ ဖမ်းဆီး ရမိဖို့ အာဏာပိုင်တွေ ဆက်လက် လုပ်ဆောင် နေပြီး အများ ပြည်သူကို အသိပေး တင်ပြ သွားမယ်လို့ ထုတ်ပြန် ချက်ထဲ ရေးသား ထားပါတယ်။

ဒါ့အပြင်၊ အခုအချိန်မှာ အများပြည်သူတွေ အနေနဲ့ ဘာသာရေးနဲ့ လူမျိုးရေး သွေးထိုး လှုံ့ဆော် မှုတွေ အပေါ် အထူး သတိပြုကြဖို့ ထပ်လောင်း သတိပေး ထားသလို တည်ငြိမ်မှု ပျက်ပြားအောင် လုပ်ဆောင်တာတွေ တွေ့ရင်လည်း အစိုးရကို အသိပေးဖို့ တိုက်တွန်း ထားပါတယ်။

BBC Burmese
http://www.bbc.com/burmese


ရန်ကုန်တိုင်းဒေသကြီး၊မရမ်းကုန်မြို့နယ် ၊(၆)ရပ်ကွက် ရှိ ဇေယျာခေမာ လမ်းမှာ ဖေဖေါ်ဝါရီ (၂)ရက်ညကိုးနာရီခွဲအချိန်ကဖြစ်ပွားခဲ့တဲ့မီးလောင်ကျွမ်းမှုမှာအသက်ရှစ်ဆယ့်ငါးနှစ်အရွယ် အမျိုးသားတစ်ဦးသေဆုံးခဲ့တယ်လို့ ရန်ကုန်တိုင်းဒေသကြီး မီးသတ်တပ်ဖွဲ့ တိုင်းဦးစီးမှုး ဦးကြည်ဝင်းက ပြောပါတယ်။
'' မီးလောင်ကျွမ်းရာမှာ အောက်ပိုင်းလေဖြတ်နေတဲ့ အသက်(၈၅) နှစ်အရွယ် အမျိုးသားတစ်ဦး သေဆုံးခဲ့ပြီး ပျဉ်ထောင်အိမ် နှစ်ဆယ့်ကိုးလုံးအပါအဝင် ငွေကြေးဆုံးရှုံးမှုတန်ဖိုးစုစုပေါင်းငွေကျပ်သိန်း (၂၂၀) ကျော် ဆုံးရှုံးခဲ့တယ်လို့ ဦးကြည်ဝင်း က ပြောပါတယ် ။

မီးလောင်ကျွမ်းရတဲ့အကြောင်းရင်းကိုစုံစမ်းနေဆဲဖြစ်ပြီးမီးလောင်ဆုံးရှုံးခဲ့တဲ့နေအိမ်တွေကပြည်သူတွေအတွက်ရပ်ကွက်အတွင်းရှိ ဓမ္မာရုံ မှာ ကယ်ဆယ်ရေးစခန်းနှစ်ခုဖွင့်လှစ်ထားတယ်လို့ သိရပါတယ် ။
'' မီးစလောင်တဲ့အိမ်ဟာ အုတ်ခံတစ်ထပ်အိမ်အမျိုးစားဖြစ်ပြီး အဆောင်ဖွင့်လှစ်ထားတဲ့ အိမ်ဖြစ်တယ်လို့ မီးစတင်လောင်ကျွမ်းတဲ့အိမ်အနီးသုံးအိမ်ကျော်မှာနေထိုင်တဲ့ မသူဇာခိုင် ကပြောပါတယ်။

မီးလောင်ကျွမ်းတဲ့ ရပ်ကွက်ဟာ အိမ်ခြေထူထပ်ပြီး ကားသွားလာဖို့ ခက်ခဲတဲ့အတွက် မီးငြိမ်းသတ်ဖို့ မီးသတ်ကားဝင်ရောက်တဲ့အခါမှာ အခက်ခဲဖြစ်ခဲ့တယ်လို့ သိရပါတယ် ။ လမ်းကျဉ်းမြောင်းပြီး ကားသွားလာဖို့ ခက်ခဲတဲ့အတွက် မီးပိုမိုလောင်ကျွမ်းခဲ့ခြင်းဖြစ်တယ်လို့လည်း မြန်မာနိုင်ငံ ကြက်ခြေနီအသင်း အလုပ်အမှုဆောင် ဦးမျိုးမင်းနောင် ကသုံးသပ်ပြောဆိုပါတယ် ။(အင်တာဗျုး ၃ )မီးလောင်ကျွမ်းမှုဟာ level 3 အဆင့်ရှိပြီး မီးသတ်ကား (၄၈) စီး ရေသည်ယာဉ် (၃)စီး ကွပ်ကဲယာဉ် (၇) စီးနဲ့လူအင်အား (၂၀၀) ကျော် အရံမီးသတ် ရှစ်ဆယ်နဲ့ ငြိမ်းသတ်ခဲ့တယ်လို့ ရန်ကုန်တိုင်းမီးသတ်ဦးစီးဌာနက သိရပါတယ် ။

အဲဒီမီးလောင်ကျွမ်းမှုကို ဆယ်နာရီ နှစ်ဆယ်ရှစ်မိနစ်မှာ မီးထိန်းနိုင်ခဲ့ပြီး ဆယ်နာရီ လေးဆယ့်မှာ အပြီးသတ်ငြိမ်းသတ်နိုင်ခဲ့တယ်လို့သိရပါတယ်။

မီးလောင်မှုဖြစ်ပွားတဲ့နေရာကိုရန်ကုန်တိုင်းဝန်ကြီးချုပ်ဖြိုးမင်းသိန်းနဲ့နယ်စယ်ရေးရာနှင့် လုံခြုံရေးဝန်ကြီးတို့ လာရောက်ကြည့်ရူခဲ့ပြီး မီးလောင်ဆုံးရှုံးခဲ့တဲ့ ပြည်သူတွေအတွက် ကျန်းမာရေးစောင့်ရှောက်မှုတွေ လုပ်ဆောင်ပေးဖို့ မှာကြားခဲ့တယ်လို့ သိရပါတယ် ။ဒ်ီသတင်းကို Central News Bureau က စန်းသီရီခင် ပေးပို့ထားတာဖြစ်ပါတယ်။

Central News Bureau
https://www.facebook.com/skynetcnb/


ရန်ကုန်လေဆိပ်မှာ ဇန်နဝါရီလ ၂၉ ရက်နေ့က သေနတ်နဲ့လုပ်ကြံခံရပြီး သေဆုံးသွားတဲ့ တရားလွှတ်တော်ရှေ့နေ ဦးကိုနီ ကို တွေ့ရစဉ်။ Photo: RFA
ဦးကိုနီကို လေဆိပ်မှာ သတ်ဖြတ်ခဲ့တဲ့ ဦးကြည်လင်းကို နောက်ကွယ်က ခိုင်းစေခဲ့သူအဖြစ် သတင်းထွက်နေတဲ့ ဗက ခေါ် ဦးအောင်ဝင်းဇော် ခေါ် ဦးမြင့်ဆွေဟာ မြန်မာ့တပ်မတော် အရာရှိဟောင်းတစ်ဦးဖြစ်ပြီး သူ့နောက်ကွယ် မှာ အဖွဲ့အစည်း ကြီးကြီးမားမားရှိနိုင်တယ်လို့ ဦးကြည်လင်းနဲ့ ဦးမြင့်ဆွေတို့နှစ်ဦးကို မန္တလေးအိုးဘိုထောင်မှာ သိကျွမ်းခဲ့တဲ့ ဦးအောင်စိုးက ပြောပါတယ်။

သူ့ကိုလည်း နိုင်ငံခြား သံတမန်တစ်ဦးကို သတ်ဖြတ်ပေးဖို့ ဦးအောင်ဝင်းဇော် ခေါ် ဦးမြင့်ဆွေက ၂၀၁၆ ခုနှစ်မှာ လာရောက်ကမ်းလှမ်းခဲ့ဖူးကြောင်း ဦးအောင်စိုး က ပြောပါတယ်။

"ဟိုးအရင်တုန်းကတော့ တပ်က ၂ ပွင့် အရာရှိတစ်ယောက်လို့ ပြောတယ်ခင်ဗျ၊ မိန်းမကိစ္စနဲ့ပြဿနာတက် ပြီးတော့ ထောင်တစ်ကြိမ်ကျဖူးတယ်ပြောတယ်၊ ကျနော်နဲ့ သူနဲ့ ဆုံတဲ့အချိန်အထိ ဒုတိယအကြိမ်အထိ ဘုရားခိုးမှုနဲ့ထောင်ကျတယ်ခင်ဗျ၊ သူ့နောက်ကွယ်က အဖွဲ့အစည်းတစ်ခု ခိုင်ခိုင်မာမာရှိတယ်ဆိုတာ ကိုတော့ ကျနော် ကောင်းကောင်းခန့်မှန်းလို့ရတယ်၊ ဘာလို့လဲဆိုတော့ ဒီစကားဟာ သူ့နှုတ်ကထွက်သွားတဲ့ စကားဖြစ်တဲ့အတွက်ပါ၊ ကိုကြည်လင်းဟာ လက်ရှိအနေအထားပေါ့ဗျာ သူတိုက်ခန်းပေးထားတယ်တဲ့၊ ကားပေးတယ်တဲ့၊ ငွေကြေးအပြည့်အစုံပေးထားတယ်တဲ့၊ ကျနော့်ကို ဒီလိုမျိုးငွေသိန်းထောင်ချီ အထိပေးတယ်၊ ဘုရားသူခိုးတစ်ယောက်က ဒီငွေတွေ ဘယ်ကရလဲ၊ ကြည်လင်းရဲ့နောက် မှာ ဗက ရှိတယ်၊ ဗကရဲ့နောက်မှာ နောက်ထပ်အဆင့်အဆင့်တွေရှိသေးတယ်"

ဒီကိစ္စနဲ့ပတ်သက်ပြီး ဦးအောင်စိုးကို မနေ့က ရန်ကုန်တိုင်းရဲတပ်ဖွဲ့မှူးက ခေါ်ယူပြီးမေးမြန်းခဲ့ပါတယ်။  ဦးအောင်ဝင်းဇော် ခေါ် ဦးမြင့်ဆွေကို ကရင်ပြည်နယ်တောင်ပိုင်း ထိုင်းမြန်မာနယ်စပ်မှာ တနင်္လာနေ့က ဖမ်းဆီးရရှိခဲ့ပြီးဖြစ်တယ်လို့ AP သတင်းဌာနကထုတ်ပြန်ခဲ့ပေမယ့် အဲဒီ သတင်းကို အစိုးရက အတည်ပြုခြင်း မရှိသေးပါဘူး။

ဦးကိုနီ လုပ်ကြံသတ်ဖြတ်ခံရတာ ငါးရက်ရှိပြီဖြစ်ပေမယ့် စစ်ဆေးတွေ့ရှိချက်တွေကို သက်ဆိုင်ရာက အခုအချိန်ထိ ထုတ်ပြန်ခြင်း၊ သတင်းစာရှင်းလင်းပွဲကျင်းပခြင်း တစ်စုံတရာ မရှိတဲ့အတွက် အများပြည်သူအကြား အာဏာ ပိုင်တွေအပေါ် ပြစ်တင်ဝေဖန်မှုတွေ ပေါ်ပေါက်နေပါတယ်။

ကာကွယ်ရေးဦးစီးချုပ်ဟောင်း NLD နာယက ဦးတင်ဦးကလည်း လက်ရှိရဲတပ်ဖွဲ့ဟာ အခုလိုခေတ်မီနည်းပညာ ထွန်းကားခြင်း မရှိသေးတဲ့ ကိုလိုနီလက်ထက်ကိုပင်မမှီဘဲ  အရည်အချင်းညံ့ဖျင်းလှပြီး ဒီအမှုမှာ ရက်ကြာလာတဲ့အမျှ အမှုမှန်ပေါ်ပေါက်ရေး မှေးမှိန်ပျေက်ကွယ်သွားမှာကို စိုးရိမ်နေရကြောင်း RFA ကိုပြောဆိုခဲ့ပါတယ်။

RFA Burmese
http://www.rfa.org/burmese


လူတွေကို ပြင်းထန်စွာ ဒဏ်ရာရရှိအောင်၊ သေဆုံးအောင် စီမံပြုလုပ်ထားတဲ့ ဗုံးအမျိုးအစားတစ်မျိုးဖြစ်တဲ့
စာအိတ်ဗုံး သတိပေးချက်တစ်ရပ်ကို ပြည်သူ့လွှတ်တော်မှာ ထုတ်ပြန်ထားတယ်လို့ ပြည်သူ့လွှတ်တော် ပြန်ကြားရေးနှင့် ပြည်သူ့ဆက်ဆံရေးဌာန ညွှန်ကြားရေးမှူးဦးကိုကိုနိုင်ကပြောပါတယ်။

 စာအိတ်ဗုံးဆိုတာ သာမာန်စာအိတ်(ဒါမှမဟုတ်)ပါဆယ်ထုတ်ကိုစာတိုက်မှသော်လည်းကောင်း၊ကြားခံပေးပို့သူထံကနေ လက်ခံရရှိတဲ့အခါမှာသော် လည်းကောင်း၊ ဖွင့်ဖောက်တဲ့ အခါမှာသော်လည်းကောင်း ပေါက်ကွဲမှုဖြစ်ပေါ်စေပြီး စာအိတ်(ဒါမှမဟုတ်)ပါဆယ်ထုတ်ဖွင့်သူကို ပြင်းထန်စွာ ဒဏ်ရာရရှိအောင်၊သေဆုံးအောင် စီမံပြုလုပ်ထားတဲ့ ဗုံးအမျိုးအစားဖြစ်တယ်လို့သိရပါတယ်အဲဒီထုတ်ပြန်ချက်ကိုလွန်ခဲ့တဲ့တစ်ပတ်လောက်ကစတင်ကာထုတ်ပြန်ခဲ့တာဖြစ်ပြီး အဲဒီလိုထုတ်ပြန်ရတာကလည်းနိုင်ငံတကာမှာလုံခြုံရေးဆိုင်ရာကိစ္စရပ်တွေ၊အကြမ်းဖက်မှုတွေများစွာဖြစ်ပေါ်နေတဲ့အတွက်ပြည်သူ့လွှတ်တော်ဝန်ထမ်းတွေကိုလုံခြုံရေးအသိရှိစေဖို့ထုတ်ပြန်တာဖြစ်တယ်လို့ဦးကိုကိုနိုင်ကပြောပါတယ်။ စာအိတ်ဗုံးကို ယမ်းဘီးလူး ၊စနက်တံ၊ စွမ်းအင်ရရှိမှု၊ ခလုတ်ပိုင်း စတဲ့အမျိုးအစားတွေကို အသုံးပြုပြီး တည်ဆောက်လေ့ရှိတယ်လို့ လည်းသိရပါတယ်။ လက်ရှိအနေအထားအရပြည်သူ့လွှတ်တော်မှာသံသယဖြစ်ဖွယ်အနေအထားမရှိပေမယ့်ရုံးဌာနရဲ့သဘောတရား
အရပုံစံမျိုးစုံနဲ့စာတွေဝင်တာရှိတဲ့အတွက်ရောက်ရှိလာတဲ့စာအိတ်တွေကိုဂရုတစိုက်စစ်ဆေးတတ်စေဖို့အတွက်အခုလိုထုတ်ပြန်ရတာဖြစ်တယ်လို့လည်းဦးကိုကိုနိုင်ကပြောဆိုပါတယ်။

အခုထုတ်ပြန်ချက်ကို လွှတ်တော်ကော်မတီ အားလုံးကို အသိပေးထားပြီး ဖြစ်ပေါ်လာနိုင်တဲ့နည်းလမ်းတွေကိုလည်း လွှတ်တော်အတွင်းရှိ ၀န်ထမ်းတွေပိုမိုသိရှိ အောင်ဆောင်ရွက်ထားတယ်လို့သိရပါတယ်။အခုနောက်ပိုင်း နေပြည်တော်မှာ လုံခြုံရေးအင်အားတွေကိုလည်း တိုးမြှင့်ထားတယ်လို့ သိရပါတယ်။ (၁၉၇၀)ပြည့်နှစ် ကာလ တွေမှာကမ္ဘာတစ်ဝှမ်းလုံးရှိအစ္စရေးနဲ့အမေရိကန်နိုင်ငံတကာ သံတမန်အဖွဲ့အစည်းတွေကို စာအိတ်ဗုံးများစွာ ပေးပို့ခဲ့ကြပြီးအဲဒီစာအိတ်ဗုံးတွေဟာ ကမ္ဘာ့နေရာအနှံ့အပြားက ပေးပို့ခဲ့ကြတာဖြစ်တယ်လို့သိရပါတယ်။

ဒီသတင်းကို နေပြည်တော်ဗျူက မင်းဇင်ပေးပို့တာဖြစ်ပါတယ်။

Central News Bureau
https://www.facebook.com/skynetcnb/



ထိုင်းနုိုင်ငံ နခွန်ပထုန်မြို့နယ်မှာ ဖေဖော်ဝါရီလ ၃ ရက်နေ့က ကားတိုက်ခံရပြီး သေဆုံးသွားတဲ့ မြန်မာအလုပ်သမားတစ်ဦးရဲ့ ရုပ်အလောင်းကို သယ်ဆောင်လာစဉ်။ Photo: Ye Min - AAC
ထိုင်းနုိုင်ငံ ဘန်ကောက်မြို့အနီးက နခွန်ပထုန်မြို့နယ်မှာရှိတဲ့ I.S.A Value Co.LTD ငါးသေတ္တာ စည်သွတ်ဗူး စက်ရုံကိုအလုပ်လုပ်ကိုင်ဖို့သွားတဲ့ မြန်မာရွှေ့ပြောင်းအလုပ်သမား သုံးယောက်ဟာ ဒီကနေ့မနက်အစောပိုင်းက ကားတိုက်ခံခဲ့ရပြီး နေရာမှာတင်ပွဲချင်းပြီ သေဆုံးသွားပါတယ်။
 
ဖြစ်ပွားခဲ့တဲ့နေရာကတော့ ဘန်ကောက်မြို့နဲ့ ကီလိုမီတာ ၅၀ လောက်အကွာမှာရှိတဲ့ နခွန်ပထုန်မြို့နယ် ဆီစန်ဖန်အရပ်မှာရှိတဲ့ ငါသေတ္တာစက်ရုံအနီးမှာ ၁၀ ဘီးကားတစ်စီးက အနောက်ကနေ အရှိန်လွန်ပြီး ၀င်တိုက်ခံခဲ့ရတာဖြစ်တယ်လို့ မြန်မာရွှေ့ပြောင်းအလုပ်သမားအရေး ကူညီဆောင်ရွက်ပေးနေတဲ့ AAC မဟာမိတ်အဖွဲ့က ကိုရဲမင်း က RFA ကို အတည်ပြု ပြောဆိုပါတယ်။

"မြန်မာပြည်က ဒီနှစ်နိုင်ငံသဘောတူညီမှုနဲ့လာတဲ့ MOU စာချူပ်နဲ့လာတဲ့ အလုပ်သမားတွေပေါ့နော် သုံးယောက်ပေါ့၊ နခွန်ပထုန်မြို့နယ် ဆီစန်ဖန်အပိုင်းမှာရှိတဲ့ ISA ဆိုတဲ့ ဒီငါးသေတ္တဆီတို့ဗူးစက်ရုံကို မနက်ခင်း အလုပ်သွားတာပေါ့၊ ဒီနေ့ မနက် ၆ နာရီပေါ့နော် အလုပ်သွားတဲ့အချိန် စက်ဘီးနဲ့သွားတဲ့ အချိန် နောက်ကနေပြီးတော့ ၁၀ ဘီးကားပေါ့ တွဲယာဉ်က ဝင်တိုက်ပစ်လုိုက်တာပေါ့၊ ကားသမားက အခု ပြေးသွားတယ်ပေါ့ ကားသမားကို မဖမ်းမိလုိုက်ဘူး။ သုံးယောက်လုံး အဲ့နေရာမှာတင် ပွဲချင်းပြီး ဆုံးသွားတယ်ခင်ဗျ"

ကားတိုက်ခံရလို့ သေဆုံးခဲ့ကြတဲ့ မြန်မာနိုင်ငံသားတွေကတော့ စစ်ကိုင်းတိုင်း ယင်းမာပင်မြို့နယ် ညောင်ကိုင်းရွာ က မောင်နှမတွေဖြစ်ကြတဲ့ အသက် ၂၈ နှစ်အရွယ် တင်ကျော်မိုးနဲ့ အသက် ၂၄ နှစ်အရွယ် မငြိမ်းငြိမ်းစိုးဖြစ်ပြီး ယင်းမာပင်မြို့နယ် တာဝကျးရွာက အသက် ၂၄ နှစ်အရွယ် မောင်အောင်ပြည့်ဝင်း တို့ ဖြစ်ကြတယ်လို့ သိရပါတယ်။

သူတို့သုံးဦးဟာ မြန်မာနိုင်ငံက Today Topstar အေဂျင်စီက ထိုင်းနုိုင်ငံမှာ အလုပ်လုပ်ကိုင်ဖို့ တာဝန်ယူ ပို့ဆောင်ပေးထားတာဖြစ်ပြီး ထိုင်းနိုင်ငံမှာ လာရောက်အလုပ်လုပ်ကိုင်နေကြတာ တစ်နှစ်ခန့်ရှိပြီးဖြစ်တယ် လို့လည်း သိရပါတယ်။

မြန်မာရွှေ့ပြောင်းအလုပ်သမား သုံးဦးအတွက် နစ်နာကြေးရရှိဖို့ အပါအ၀င် ကားနဲ့ဝင်တိုက်ခဲ့တဲ့ ထိုင်းနုိုင်ငံသားကို ဖမ်းဆီးရမိဖုို့နဲ့ ဥပဒေအရ ရေးယူဆောင်ရွက်နိုင်ဖို့အတွက် အလုပ်သမားအရေး ကူညီဆောင်ရွက်နေသူတွေက စီစဉ်ဆောင်ရွက်နေတယ်လို့လည်း သိရပါတယ်။

လောလောဆယ် ကားတိုက်ခံရလို့ သေဆုံးခဲ့ကြတဲ့ မြန်မာနုိုင်ငံသား သုံးဦးကိုတော့ နခွန်ပထုန်မြို့နယ်က ၀ပ်လပ်ခင်ဆေးရုံမှာ ဆေးစစ်ချက်ရယူပြီးနောက် မနက်ဖြန်မှာ မီးသဂြိုဟ်မည့် ၀ပ်ဒ်စန်ဖစ် ဘုန်းတော်ကြီးကျောင်း ကို ပြောင်းရွှေ့ထားလိုက်ပြီး နာရေးကိစ္စတွေ စီစဉ်ဆောင်ရွက်နေကြောင်း သိရပါတယ်။

RFA Burmese
http://www.rfa.org/burmese


“ကျမရဲ့ မျက်နာကို သူအင်္ဂါနဲ့ လာပြီးထိုးတယ်၊ လက်မောင်းတွေကို ရိုက်တယ်၊ အချင်းချင်းပြန် ရိုက်ခိုင်းတယ်၊ မော့မကြည့်ရဲဘူး။”

ခန္ဓာကိုယ်ပေါ်မှာ ထင်နေတဲ့ အမာရွတ်တွေကို ပြဖို့ကြိုးစားရင်း၊ နာကျင်ခံစားခဲ့ရတာတွေကို ပြောပြနေတဲ့ အချိန်မှာ အေးမွန်ဟာ လုံခြုံတဲ့ နေရာတစ်ခုကို ရောက်ရှိလို့နေပါပြီ။
အသက် ၁၉ နှစ်အရွယ်ရှိတဲ့ အေးမွန်ဟာ ရခိုင်ပြည်နယ်ရဲ့ မြို့တော်ဖြစ်တဲ့ စားသောက်ဆိုင်အမည်ခံ လိင်လုပ်ငန်းတစ်ခုမှာ ၃ လတာ နေခဲ့ရသူ တစ်ဦးပါ။

သူအနေနဲ့ စားသောက်ဆိုင်မှာ နေထိုင်ခဲ့ရတဲ့ ကာလတွေဟာ ငရဲခန်းမှာနေခဲ့ရသလို မချစ်မနှစ်သက်တဲ့ ဆန့်ကျင့်ဘက် လိင် ယောက်ျားပေါင်းမြောက်မြားစွာကို ၀န်ဆောင်မှုပေးရင်း သူရဲ့နုပျိုးခြင်းတွေ ကုန်ဆုံးခဲ့ရပါတယ်။

အေးမွန်ရဲ့ ငရဲခန်းဟာ ဆိုင်ရှေ့မှာ ကာရံထားတဲ့ သံဆူးကြိုးတွေနဲ့ ညနက်သန်းခေါင်ဆိုရင် သံဆူးကြိုးတွေမှာ လျှပ်စစ်ဓါတ်တွေ လွှတ်ထားပါတယ်။ ထွက်ပြေးလွတ်မြောက်ခြင်းတွေ မရှိစေဖို့ ခြံတွင်းနဲ့ ဆိုင်းခန်းထဲမှာပါ စောင့်ကြည့် ကင်မရာတွေ တပ်ဆင်ထားသလို လုံခြုံရေး လေးငါးဦးခန့်လည်း ထားရှိထားတယ်လို့လည်း လုံခြုံရေး တင်းကြပ်စွာ နေခဲ့ရတယ်လို့ သိရပါတယ်။


The Root နဲ့ တွေ့ဆုံမေးမြန်းနေတဲ့ အချိန်မှာ အေးမွန်ဟာ စစ်တွေမြို့နယ် လူကုန်ကူးမှုဌာန တားဆီးကာကွယ်ရေးရုံးမှာ သူတို့ ရင်ဆိုင်ခဲ့ရဲတဲ့ အဖြစ်အပျက်တွေကို ထွက်ဆိုနေတဲ့ အချိန်ပဲဖြစ်ပါတယ်။ အေးမွန်လို့ အမည်ဝှက်ထားတဲ့ သူမဟာ ရခိုင်ပြည်နယ် အတွင်း မှာ လူကုန်ကူးခြင်းကို ခံခဲ့ရပေမယ့် သူရဲ့ဇာတိဟာ ရန်ကုန်တိုင်း လှိုင်သာယာမြို့က ဖြစ်ပါတယ်။

အသက် ၁၆ နှစ်အရွယ်မှာ အိမ်ထောင်ကျခဲ့ပြီး တစ်နှစ်အတွင်းမှာ ခင်ပွန်းဖြစ်သူနဲ့ ကွဲကွာခဲ့တယ်။ အိမ်ထောင်သက်တမ်း အတွင်းမှာ မိန်းခလေးတစ်ဦး မွေးဖွားခဲ့ပြီး အလုပ်လက်မဲ့ဖြစ်နေခဲ့တယ်။

“ ပညာအရည်ချင်း လေးတန်းလောက်နဲ့ ကျမကို ရန်ကုန်လို့မြို့ကြီးမှာ ဘယ်က အလုပ်ခန့်မှာလဲ။”

အတန်းပညာ မတတ်ရှိတဲ့ သူတွေအနေနဲ့ ရန်ကုန်မြို့ကြီးမှာ အလုပ်အကိုင်အခွင့်အလမ်းနည်းပါးမှုက စိန်ခေါ်မှုတစ်ရပ် ဆိုတာကို သူ နားလည်ပါတယ်။

ရပ်ကွက်ထဲမှာ ကျပန်းလုပ်ကိုင်ရင်း တစ်နေ့ရပ်ကွက်ထဲမှာ လူတစ်ဦးက မိတ်ဆက်ပေးတာကြောင့် ရခိုင်ပြည်နယ်က စားသောက်ဆိုင် ပိုင်ရှင်ဖြစ်သူ တစ်ဦးနဲ့တွေ့ဆုံခဲ့တယ်လို့ သူရဲ့ ဇာတ်လမ်းအစကို ဆိုတယ်။ နေ့စဉ်ပုံမှန်ဝင်ငွေမရှိတဲ့ အေးမွန်ဟာ စားသောက်ဆိုင် ပိုင်ရှင်ဆီက ရရှိမယ့် လစာငွေကြောင့် သူ တစ်ခါမှ မရောက်ဘူးတဲ့ အရပ်ဒေသဖြစ်တဲ့ ရခိုင်ပြည်နယ်ကို လိုက်လုပ်မယ်လို့ ဆုံးဖြတ်ချက် ချလိုက်ပါတယ်။


“ တစ်လကို သုံးသိန်းပေးမယ်ပြောတယ်၊ စားပြီးသောက်ပြီး၊ အမေလည်း နေမကောင်းဖြစ်နေတော့ အမေကိုပါ ထောက်ပံ့နိုင်အောင် လုပ်မယ်လို့ ကျမဆုံးဖြတ်ချက် ချခဲ့တယ်၊ သူပြောတော့  KTV မှာ အလုပ်ပေးမယ်လို့ ပြောတယ်။”

စားသောက်ပိုင်ရှင်နဲ့သူ တွေ့ဆုံဆွေးနွေးမှုတွေအပြီး ၂၀၁၆ ခု  ၉ လပိုင်း ၄ ရက်နေ့မှာ သူချစ်ရတဲ့ အမေနဲ့သမီးငယ်ကို ထားပြိး မိုင်ပေါင်း ၆၀၀ ကျော်ဝေးတဲ့ ရခိုင်ဒေသကို ရန်ကုန်ကနေ စားသောက်ဆိုင်ပိုင်ရှင်ကားနဲ့ လိုက်ပါခဲ့ပါတယ်။

ကားပေါ်မှာ လိုက်ပါလာရင်း သူရရှိတဲ့ လစာနဲ့ အမေနဲ့သမီးကို ထောက်ပံ့နိုင်တော့မယ် ဆိုတာကို တွေးရင်းကြည်နူးလို့ လိုက်ပါလာခဲ့ပါတယ်။  အလုပ်လည်း ပင်ပန်းမှုမရှိဘဲ သီချင်းရွေးပေးရုံလောက်နဲ့ အဆင်ပြေတဲ့အပြင် နေထိုင်စရိတ်ငြိမ်းဆိုတော့ သူစုဆောင်းလို့ ရမယ့် ပိုက်ဆံကို တွေးပြိးပျော်ရင်း လိုက်ပါလာခဲ့ပါတယ်။

စစ်တွေမြို့ကို စရောက်တဲ့ အချိန်မှာ ဆိုင်ပိုင်ရှင်ဟာ သူ့အလိုလိုက်ပြီး ဆက်ဆံပါတယ်။  သူစပြီး အလုပ်ဝင်တော့လည်ုးအလ မှာ ၁၀ ရက်လောက် လုပ်ခဲ့ရသေးတယ်။ KTV မှာ သီချင်းမယ်အဖြစ် လုပ်ကိုင်ရင်း မမျှော်လင့်တဲ့ အခြေနေဟာ သူ့ဘ၀ထဲကို ရောက်ရှိလို့ လာခဲ့ပါတယ်။

“ ရက်ပေါင်း ၁၀ အကျော်မှာ ကျမကို ပြည်တန်ဆာအဖြစ် လိင်လုပ်ငန်းတွေကို စေခိုင်းတော့တာပါပဲ၊ ကျွန်မ ကျန်းမာရေး မကောင်းဘူးဆိုလို့ မရဘူး။”

နုပျိုမှုတွေကိုစားတဲ့ စားသောက်ဆိုင်

လိင်လုပ်သားအဖြစ် လုပ်ကိုင်တဲ့နေ့ကနေစပြီး လူကုန်ကူးမှု သားကောင်အဖြစ် အေးမွန်ဟာ ကျဆုံးခဲ့တယ်။  တစ်နေ့ကို မိန်းခလေး တစ်ဦးကို ယောင်္ကျားဦးရေ ၂၆ ဦးနဲ့ ပုံမှန်ဆက်ဆံခိုင်းပြီး တစ်ဦးလျင် ဆက်ဆံကြေး ၇၀၀၀ ကို ဆိုင်ပိုင်ရှင်က ရရှိတယ်လို့ အေးမွန်က ဆိုတယ်။ သူတို့ကို ၂၀၀၀ ကျစီ သတ်မှတ်ထားပေမယ့် လကုန်မှာသာ ရှင်းပေးမယ်လို့ ပြောပြီး မရှင်းပေးဘူးလို့ အေးမွန်က သူရဲ့ စိုးရိမ်စိတ်ကို ပြောပြပါတယ်။
“ ငွေကိုလည်း မတောင်းရဲဘူး ရိုက်နှက်ခံရမှာကို ကြောက်တယ်။”  စားသောက်ဆိုင်မှာ နေထိုင်ရတဲ့ ကာလတွေဟာ အိမ်ကိုလည်း မပြန်ခဲ့ရသလို အပြင်ကိုလည်းမထွက်ရဲဘဲ၊ ထမင်းအာဟာရကိုပါ မ၀ရေစာ စားသောက်ခဲ့ရတယ်။


သူ စားသောက်ဆိုင်ရောက်ပြိး ၃ လာအကြာ နိုဝင်ဘာ ၂ ရက်နေ့မှာတော့ သူနှင့်အတူ မိန်းကလေး ၁၄ ဦးဟာ စားသောက်ဆိုင် ငရဲခန်းက လွတ်မြောက်ခဲ့ပါတယ်။ အေးမွန်တို့ ခံခဲ့ရတဲ့ အဖြစ်အပျက်တွေဟာ လူကုန်ကူးမှုနဲ့ မြောက်ပြီး ရခိုင်ဒေသရဲ့ ပထမဦးဆုံး ပြည်တွင်း လူကုန်ကူးမှုလို့ စစ်တွေလူကုန်ကူးမှုဌာန အရာရှိဖြစ်သူ  ဦးကျော်ညွန့်ကဆိုပါတယ်။

မအေးမွန်အပါအ၀င် ကျန်တဲ့ မိန်းခလေး ၁၄ ဦးကို အချိန်တိုအတွင်း လှုပ်ရှားမှု ပုံသဏ္ဍန် ကယ်တင်ခဲ့တာဖြစ်တယ်လို့ ဦးကျော်ညွန့်က စားသောက်ဆိုင်အမည်ခံ လိင်လုပ်ငန်းကို ၀င်ရောက်ဖမ်းဆီးစဉ်က ဖြစ်စဉ်ကို သုံးသပ်ပါတယ်။
“ ဆိုင်ထဲကို ၀င်လိုက်ရင် စားသောက်ဆိုင်ပုံစံအတိုင်းပဲ၊ လိုင်စင်တွေက အစရှိတယ်၊ ဖမ်းမယ်လို့ဆိုရင် မိန်းခလေးတွေက မရှိတော့ဘူး၊ တစ်နေရာမှာ ပုန်းဝှက်ထားကြတယ်၊ ကျွန်တော်တို့ လူကုန်ကူးမှုဌာနအနေနဲ့ သတင်းအရစောင့်ကြည့်ခဲ့တာ ကြာခဲ့ပါပြီ၊ ၀င်ရောက် ရှာဖွေလိုက်တော့ အဲဒိမှာ လုပ်အားခေါင်းပုံဖြတ်ခံရပြီး ပိတ်လှောင်ထားတဲ့ မိန်းလေးတွေကို သွားတွေ့တာ။”
စားသောက်ဆိုင်အတွင်းမှာ တွေ့ရှိခဲ့တဲ့ မိန်းခလေး ၁၄ ဦးထဲက ၇ ဦးကို လုပ်အားခလစာ မရရှိတာရယ်၊ ပိတ်လှောင် ညဉ်းပမ်း နှိပ်စက်မှုတွေကြောင့် လူကုန်ကူးမှုမြောက်တဲ့အတွက် စားသောက်ဆိုင်ပိုင်ရှင်နဲ့ ဆိုင်မာန်နေဂျာကိုပါ လူကုန်ကူးမှု ဥပဒေအရ တရား စွဲဆိုထားပါတယ်။

ကယ်တင်ရန်ခက်ခဲနေတဲ့ ညဉ်းပန်းနှိပ်စက်ခံရမှုတွေ

စားသောက်ဆိုင်မှာ ရှိနေတဲ့ မိန်းကလေးတွေဟာ စစ်တွေလူကုန်ကူးမှုဌာနက ၀င်ရောက်မရှာဖွေမည် နေပြည်တော်ဟော့လိုင်း လူကုန်ကူးမှု ဌာနဖုန်းကို ဆက်သွယ်ခဲ့တယ်လို့ လူကုန်ကူးမှု ခံရသူတွေထဲမှာပါ ၀င်သူတစ်ဥိးဖြစ်တဲ့ မ၀င်းတင်က ပြောပါတယ်။

သူလည်းပဲ အေးမွန်လို့ အမည်ကို မဖော်ပြပေးဖို့ တောင်းဆိုပါတယ်။ လူကုန်ကူးမှုခံရသူ မိန်းခလေး အများစုရဲ့ ထွက်ဆိုချက်တွေဟာ   အလုပ်လိုချင်စိတ်နဲ့ ရောက်ရှိလာကြတာပဲ ဖြစ်ပါတယ်။
လိင်လုပ်သားအဖြစ် လုပ်ကိုင်ရင်း ပိုင်ရှင်ဖြစ်သူရဲ့ အလိုမကျမှုတွေအောက်မှာ ဆိုင်တွင်းဝန်ထမ်းတချို့ဟာ အလိုမတူဘဲ ညဉ်းပမ်း နှိပ်စက်ခံခဲ့ရတာပဲ ဖြစ်ပါတယ်။ ဒီလိုအခြေနေကို သက်ဆိုင်ရာကို တိုင်တန်းဖို့ကြိုးစားခဲ့ပေမယ့် သူတို့အနေနဲ့ အခွင့်မသာခဲ့ဘူးလို့ ဆိုပါတယ်။ နေပြည်တော်လူကုန်ကူးမှုဌာနကို ဖုန်းဆက်ဖြစ်တာဟာည်း  ဆိုင်ပိုင်ရှင်မသိအောင် သူတို့ ကြိုးစားဆက်သွယ်ခဲ့တာလို့ ပြောပါတယ်။


ဒီလို ညဉ်းပမ်း နှိပ်စက်ခံရမှုတွေ အပေါ် အမျိုးသမီး လိင်လုပ်သမားများအရေးကို ကူညီပေးနေတဲ့ ဒေါ်နှင်းနှင်းယုက မြို့ကြီးတွေထက် နယ်ပိုင်းတွေမှာ သိရှိဖို့ ပိုမိုခက်ခဲ့တယ်လို့ သူရဲ့အတွေ့အကြုံကို ဆိုပါတယ်။
“တစ်ခါတစ်လေ ဥပဒေအရ ကာယကံရှင်ကိုယ်တိုင်က သိဖို့လိုအပ်တယ်၊ ဘယ်နေရာတွေမှာ တိုင်တန်းလို့ရတယ်ပေါ့ ကျွန်မတို့ဆီကလည်း ကွန်ရက်ပိုင်းတွေ ချိတ်ဆက်မှု အားနည်းနေသေးတယ်။”
အေးမွန်တို့လို လိင်လုပ်သားအဖြစ်ကနေ ကယ်တင်ရတဲ့ လူကုန်ကူးမှုတွေဆိုရင် တချို့နေရာတွေမှာ လူကုန်ကူးခြင်းခံရသူ အချင်းအချင်း ခွဲခြား ဆက်ဆံမှုတွေရှိနေတယ်လို့လည်း ဒေါ်နှင်းနှင်းယုက သုံးသပ်ပြပါတယ်။
“ အဓိကတော့ နယ်တွေမှာဆိုရင် လိင်လုပ်သားတွေဆိုပြိး ပိုပြီးခွဲခြားတတ်ပြီး သူတို့ရဲ့ ရပိုင်ခွင့်တွေကို လုပ်ပေးမယ့် အဖွဲ့အစည်းတွေလည်း မရှိကြဘူး၊ အကူညီပေးမယ့် သူတွေကလည်းရှားတယ်။”
လူကုန်ကူးမှုကနေ လွတ်မြောက်လာတဲ့ သူတွေကို လူမှုဖူလုံရေးနဲ့ လူကုန်ကူးမှုဌာနက သူတို့ဘ၀တွေ ပြန်ပြီး တည်ငြိမ်ဖို့ ငွေကြေးဆိုင်ရာ အထောက်အပံ့အကူညီတွေ ရရှိဖို့ တောင်းခံထားတယ်လို့ ရဲမှူးဦးကျော်ညွန့်က ဌာနရဲ့လုပ်ဆောင်ချက် ကို ဆိုပါတယ်။  တစ်ဦးစီကို ထောက်ပံ့ကြေးငွေ ၃ သိန်းကနေ ၁၀ သိန်းအထိ တောင်းခံဖို့ စီစဉ်ထားတာကို သိရပါတယ်။

ခက်ခဲနေတဲ့ သတင်းအချက်အလက်ရရှိမှု

ဒေသတွင်းမှာ ဖြစ်ပေါ်နေတဲ့ လူကုန်ကူးမှုတွေကို ဖော်ထုတ်ဖို့ သတင်းအချက်အလက်ရရှိမှုဟာ အဓိက အချက်အလက်အဖြစ်ပြီး၊ သတင်း အချက်အလက် မရရှိဘူးဆိုရင် လူကုန်ကူးမှုဌာနအနေနဲ့ ခက်ခဲမှုတွေ ရှိတယ်လို့ ပြောပြပါတယ်။ ဒီလို သတင်းအချက်အလက်၊ သတင်းပေးမှုတွေကို သိရှိရအောင် လူကုန်ကူးမှုဌာနရဲ့ ဟော့လိုင်းဖုန်းတွေကို အမြဲဖွင့်ထားတယ်လို့ ဆိုပါတယ်။
လူကုန်ကူးမှုနဲ့ ပါတ်သက်ပြိး အသိပညာပေးလှုပ်ရှားမှုတွေ မြင့်တင်ပြီးတဲ့ နောက်ပိုင်းမှာ မေလကုန် ဇွန်လဆန်းမှစပြီး ဟော့လိုင်း ဖုန်းများသို့ ဖုန်းခေါ်ဆို မှုပေါင်း (၆၉၇) ကြိမ်ရှိခဲ့တယ်လို့ နေပြည်တော် လူကုန်ကူးမှုဌာနရဲ့ ထုတ်ပြန်ချက်အရ သိရပါတယ်။

အဲဒီအထဲမှာ လူကုန် ကူးသတင်းပေးတိုင်ကြားမှု (၂) ကြိမ်၊ လူပျောက် သတင်းပေးတိုင်ကြားမှု (၄၇) ကြိမ်၊ ပြည့်တန်ဆာ၊ လောင်းကစားစသည့် အမှုအခင်းများနှင့် ပတ်သက်၍ သတင်းပေးတိုင်ကြားမှု (၅၃) ကြိမ်၊ ဖုန်းမှားဆက်ခြင်း (၂၀၆) ကြိမ်၊ ဏြွှ နှင့် မှား၍ ဖုန်းခေါ်ဆိုမှု (၅၃) ကြိမ်၊ ဖုန်းခေါ်ပြီး ပြန်မပြောသည့် ဖုန်းခေါ်ဆိုမှု (၂၈၂) ကြိမ်နှင့် ဆဲဆိုခြင်း၊ စနောက်ခြင်းနှင့် နှောင့်ယှက်သော  ဖုန်းခေါ်ဆိုမှု (၅၄) ကြိမ်ဆိုပြီး ရှိခဲ့တယ်လို့ သိရပါတယ်။

မြန်မာနိုင်ငံမှာ လူကုန်ကူးမှု ဥပေဒကို စစ်အစိုးရလက်ထက်  ၂၀၀၅ ခုနစ်က ပြဌာန်းခဲ့ပြီး ယနေ့အချိန်မှာတော့ ပြန်ပြီး ရေးဆွဲဖို့ကြိုးစား ပြင်ဆင်နေကြပါတယ်။ လူကုန်ကူးမှု ဥပဒေမှာ တွေ့ရှိရတာက လူကုန်ကူးရန် ကြိုတင်ပြင်ဆင်ခြင်း၊ အားထုတ်ခြင်း၊ ပူးပေါင်းကြံစည်ခြင်း၊ စည်းရုံးခြင်း၊ စီမံခန့်ခွဲခြင်း၊ အားပေးကူညီခြင်း၊ ငွေကြေးထောက်ပံ့ခြင်း စတဲ့ အခြေနေတွေနဲ့ လူကုန်ကူးမှု ကျူးလွန်ပါက ထောင်ဒဏ် ၁၀ နှစ်မှ တစ်သက်တစ်ကျွန်းအထိ ကျခံရမည့်အပြင် ငွေဒဏ်လည်း ချမှတ်နိုင်တယ်လို့ သိရပါတယ်။

ထို့ပြင် လူကုန်ကူးမှုမှ ရရှိသည့် ငွေကြေး၊ ပစ္စည်း၊ အဆောက်အအုံ အားလုံးကိုလည်း ပြည်သူ့ဘဏ္ဍာအဖြစ် သိမ်းဆည်းခံရမည်ဟု ဥပဒေတွင် ပြဋ္ဌာန်းထားတယ်လို့ ဆိုပါတယ်။
မြန်မာနိုင်ငံမှာ ဖြစ်ပေါ်နေတဲ့ အများဆုံးဖြစ်ပွားနေတဲ့ ပြည်တွင်း လူကုန်ကူးမှု အမျိုးအစားတွေကို ကြည့်ရင်  တရုတ်အမျိုးသားများနှင့် အဓမ္မ လက်ထပ်ရန် မြန်မာအမျိုးသမီးများကို ရောင်းစားခြင်း၊ တရုတ်နိုင်ငံသို့ ကလေးငယ်များကို မွေးစားရန် ရောင်းစားခြင်း၊ ထိုင်းငါးဖမ်းစက်လှေ၊ ရေလုပ်ငန်းစက်ရုံများတွင် အဓမ္မစေခိုင်းရန် ရောင်းစားခြင်း၊ အင်ဒိုနီးရှား ငါးဖမ်းစက်လှေများတွင် အဓမ္မစေခိုင်းရန် ရောင်းစားခြင်း၊ ခေါင်းပုံဖြတ်ခြင်း၊ အတင်း အဓမ္မပြည့်တန်ဆာပြုခြင်း၊ အိမ်ဖော်အဖြစ် အဓမ္မ စေခိုင်းခြင်း၊ ကလေးသူငယ်များကို လိင်ပိုင်းဆိုင်ရာ အလွဲသုံးစားပြုခြင်း၊ သူတောင်းစားအဖြစ် အဓမ္မစေခိုင်းခြင်း၊ ကလေး သူငယ်များကို လမ်းဘေးဈေးရောင်း၍ ၀င်ငွေရှာခိုင်းခြင်းများကို စစ်ဆေးဖော်ထုတ် တွေ့ရှိရတယ်လို့ လူကုန်ကူးမှု ဖြစ်စဉ် မှုခင်းသတင်းတွေက ဖော်ပြနေပါတယ်။

ရခိုင်ပြည်နယ်မှာ ရှိတဲ့ လူကုန်ကူးမှုဌာန အနေနဲ့ ပြည်သူတွေ လူကုန်ကူးမှု မဖြစ်ပေါ်ရအောင် တားဆီးကာကွယ်နိုင်တဲ့ ပညာပေး လှုပ်ရှားမှုတွေကိုသာ ပြုလုပ်နိုင်ပြီး လူကုန်ကူးမှုက ကယ်တင်နိုင်ခဲ့တဲ့ သူတွေကို စစ်ဆေးနေတဲ့ ကာလမှာ ကျွေးမွေးပြုစုစားရိတ်က အခက်ခဲရှိတယ်လို့ လည်းသိရှိရပါတယ်။
“တစ်ဦးတစ်ယောက်ဆိုရင် ပြဿနာမရှိဘူး၊ ဒီလို အုပ်စုလိုက်ဆိုရင် ရှိတဲ့လစာကပါ ကုန်တယ်၊ ထမင်းဖိုး၊ လက်ဖက်ရည်ဖိုး၊ ခရီးစရိတ်တွေက အစ လုပ်ပေးထားရတာ။”
ကျွေးမွေးစောင့်ရှောက်ထားတဲ့ ကုန်ကျစားရိတ်တွေကို နောက်ဆုံးအခြေနေမှာ ဌာနသို့ တင်ပြရတယ်လို့ သူကဆိုပါတယ်။ ရခိုင်ပြည်နယ်မှာ လူကုန်ကူးမှုဌာနကို စစ်တွေနဲ့ မောင်တောမှာ ရုံးဖွင့်လှစ်ထားပါတယ်။ လူကုန်ကူးမှုဖြစ်ပြီဆိုရင် လူကုန်ကူး ခံရတဲ့သူတွေကို လူမှုဖူလုံရေးရုံးမှာ ထားရှိပြီး စောင့်ရှောက်ထားတယ်။

လူမှုအဖွဲ့အစည်းတွေ အကူညီလိုအပ်

စစ်တွေမြို့ပေါ်မှာ ဆိုရင် လူကုန်ကူးမှုဌာနဲ့ အဓိက အမျိုးသမိးအရေးတွေကို ကူညီဆောင်ရွက်ပေးနေတဲ့  အဖွဲ့အစည်း တစ်ခုဖြစ်တဲ့ ရခိုင်အမျိုးသမီး အစည်းရုံး အတွင်းရေးမှူး ဒေါ်စောစံငြိမ်းသူက အမျိူးသမီးတွေ ပါလာပြီဆိုရင် သူတို့ကိုလည်း ကူညီစောင့်ရှောက်ပေးဖို့ အကူညီတောင်းခံတယ်လို့ ဆိုပါတယ်။

ရခိုင်ဒေသမှာ လူကုန်ကူးမှုဟာ ၂၀၁၀ကနေ၂၀၁၂ နစ်နာတာကာလအတွင်း  ထိ ၁ မှုစိရှိပြိး တရားခံပေါင်း ၁၉ ဥိး၊ ၂၀၁၃ ခုနစ်မှာ တရားခံမရရှိတဲ့ အမှု ၂ မှု၊ ၂၀၁၄ မှာ ၁ မှု ရှိနေရာကနေ ၂၀၁၅ မှာ မရှိဘဲ ၂၀၁၆ မှာ ၈ မှုအထိ မြင့်တက် လာကြောင်း စစ်တွေမြို့နယ် လူကုန်ကူးမှုဌာန တပ်ဖွဲ့ ၅ ရဲ့စာရင်းက ဖော်ပြထားတာကို သိရှိရပါတယ်။

လူကုန်ကူးမှုဖမ်းဆီးဖော်ထုတ်မှု အရေအတွက်ဟာ နည်းပါးနေပေမယ့် လူကုန်ကူးမှုတွေဖြစ်ပေါ်နေနိုင်တယ်လို့ ရခိုင်အမျိုးသမီး အစည်းရုံးက ဒေါ်စောစံငြိမ်းသူက သုံးသပ်ပါတယ်။ ဒေသတွင်း သွားလာလှုပ်ရှားမှုတွေအပြင် ပြည်ပကို ထွက်ခွာမှုတွေပါ ရှိနေကြပြီး  လူကုန်ကူးမှု တားဆီးကာကွယ်ရေးဌာနတွေ အနေနဲ့လည်း ထိထိရောက်ရောက်လုပ်နိုင်ဖို့ အကူညီတွေ လိုအပ်နေသေးတယ်လို့ သူက ထောက်ပြပါတယ်။
“ ပွင့်ပွင့်လင်းလင်းပြောရမယ်ဆိုရင် ကျွန်မတို့ အားမရတာတွေ အများကြီး ရှိပါသေးတယ်၊ နိုင်ငံတော်က လူကုန်ကူးမှုဌာနကနေ ဒီကိစ္စရပ်တွေ အပေါ် တားဆီးကာကွယ်ဖို့ မူဝါဒတွေကို ချမှတ်ထားရင်လည်း ထိထိရောက်ရောက်လုပ်နိုင်တဲ့ အနေထားကို မတွေ့ရှိရပါဘူး၊ ကျမတို့ ၂၀၁၂ ခုနစ်ကဆိုရင် လူကုန်ကူးမှုအဖွဲ့က ကိုယ်တိုင် ကျမတို့ကို လာရောက်ပြိး အပ်နှံတာတွေ ရှိပါတယ်၊ အဲဒီလို ဖြစ်စဉ်မျိုး ကျမတို့ ၁ မှု ၂ မှု ကြုံဖူးပါတယ်။”
အပေါ်ယံအဆင့် လုပ်ဆောင်နိုင်တဲ့ အခြနေသာ ရှိတယ်လို့ သူက သုံးသပ်ပါတယ်။ ဒေါ်စောစံငြိမ်းသူ ပြောသလို အမေရိကန် နိုင်ငံခြားဌာနရဲ့ ၂၀၁၄ လူကုန်ကူးမှု တိုက်ဖျက်ရေး အစီရင်ခံစာထဲမှာလည်း မြန်မာအစိုးရဟာ လူကုန်ကူးမှု တိုက်ဖျက်ရေးအတွက် နိုင်ငံတကာက လက်ခံတဲ့ စံနှုန်းစံထားအတိုင်း ဆောင်ရွက်မှုကို မရောက်ရှိသေးဘူးလို့ ဆိုပါတယ်။

    ဒီလိုအခြေနေတွေကြောင့် မြန်မာနိုင်ငံမှာ လူကုန်ကူးမှုနဲ့ ထွက်ပြေးနေတဲ့ တရားခံပြေး ပေါင်း ၁၀၂၁ ဦးရှိပြီး တရားခံပြေး အနက် အမျိုးသမီး ဦးရေမှာ ပိုမို များပြားကြောင်း လူကုန်ကူးမှု တားဆီးနှိမ်နင်းရေး ရဲတပ်ဖွဲ့၏ ၂၀၁၅ ခု ဧပြီလ မှတ်တမ်းတွေအထိ သိရှိရပါတယ်။ အမျိုးသမီးဦးရေ ၁၉၀ ကျော်တယ်လို့ သိရှိရတာပါ။

ရခိုင်ပြည်နယ်ရဲ့ လူကုန်ကူးမှုအနေထားဟာ ၂၀၁၆ ခု ဇန်န၀ါရီမှ သြဂုတ် အထိ ရှစ်လတာအတွင်း ရရှိထားတဲ့ ကိန်းဂဏန်းတွေကို တွက်ရှိချက်တွေအရ မြန်မာနိုင်ငံမှာ တတိယအဆင့်အနေထားမှာ ရှိပါတယ်။
လူကုန်ကူးမှု ၇၈ မှုဖြစ်ပွားခဲ့ရာ ရန်ကုန် တိုင်းဒေသကြီးတွင် ၁၀ မှု၊ မန္တလေးတိုင်းဒေသကြီးနှင့် ရခိုင်ပြည်နယ်တို့တွင် ခြောက်မှုစီ၊ ပဲခူးတိုင်းနှင့် တနင်္သာရီတိုင်းဒေသကြီးတွင် တစ်မှုစီ၊ စစ်ကိုင်းတိုင်း၊ ဧရာဝတီတိုင်းဒေသကြီးနှင့် မွန်ပြည်နယ်တို့တွင် နှစ်မှုစီ၊ မကွေးတိုင်းဒေသကြီးနှင့် ကရင်ပြည်နယ်တို့တွင် သုံးမှုစီ၊ ကချင်ပြည်နယ်တွင် ရှစ်မှုနှင့် ရှမ်းပြည်နယ်တွင် ၃၄ မှုဖြစ်ပွားခဲ့ကြောင်း လူကုန်ကူးမှု တားဆီးကာကွယ်ရေးရဲတပ်ဖွဲ့က ထုတ်ပြန်ပါတယ်။ ( ၂၀၁၆ ခုဧပြီလအထိ မြန်မာနိုင်ငံ လူကုန်ကူးမှု တားဆီး ကာကွယ်ရေးဌာနမှ ထုတ်ပြန်သည့် စာရင်းအများအရ သိရှိရသည်။)
လူကုန်ကူးမှုတွေ ဖြစ်ပွားမှု အများဆုံးကို တွေ့ရှိထားတာဟာ အလုပ်အကိုင်အခွင့်အလမ်း ရှားပါးမှုကြောင့် ဆိုတာကို The Root နဲ့ တွေ့ရှိထားတဲ့ သတင်းရင်းမြစ်တိုင်းက အတည်ပြုပါတယ်။

ပြန်လည်ရှင်သန်ခြင်း

အေးမွန်တို့ လွတ်မြောက်ဖို့ အကြောင်းဖန်လာတဲ့ အထဲမှာ ဆိုရှယ်မီဒီယာ ကွန်ရက်ကြောင့်ဆိုရင် မမှားပါဘူး။ အေးမွန်နဲ့ ဘ၀တူ ဖြစ်တဲ့ မိန်းခလေးတစ်ဦးကို နေပြည်တော် လူကုန်ကူးမှုဌာန ဖုန်းနံပါတ်ကို ဆိုရှယ်မီဒီယာ ကွန်ရက် တစ်ခုဖြစ်တဲ့  Facebook, Viber အသုံးပြုရင်းကနေ ရရှိလာပါတယ်။ နေပြည်တော်ဟော့လိုင်း ဖုန်းနံပါတ်ကို သိတဲ့အနေထားမှ စပြီး တိုင်တန်းဖို့ ကြောက်ရွံ့နေခဲ့ကြပါ သေးတယ်။ စားသောက်ဆိုင်မှာ ဖုန်းကိုင်ရတဲ့ အချိန်ဟာ အနည်းငယ်သာ ရရှိပါတယ်။ အပြင်ကို မထွက်ရတာကြောင့် မိန်းမ အသုံးအဆောင်ပစ္စည်းတွေက အစ ဆိုင်တွင်းမှာပဲ အပြင်ဈေးထက် ၂ ဆ ပိုမိုမြင့်မားစွာဝယ်ရတယ်လို့ လည်းပြောပါတယ်။
“သောက်ရေသန့်ကအစ ၀ယ်သုံးရတယ်၊ သောက်မယ့် ဆေးဝါးတွေကအစပေါ့။”
စားသောက်ဆိုင် ငရဲခန်းက မလွတ်မြောက်ခင် ၂ ရက်အလို ညနက်သန်းခေါင်မှာ စားသောက်ဆိုင်ပိုင်ရှင်ဖြစ်သူက ဆိုင်မှာ လိင်လုပ်သမားအဖြစ် လုပ်ကိုင်နေတဲ့ ကောင်မလေး ၂ ဦးကို ညနက်သန်းခေါင် ဆိုင်ကနေ ရိုက်နှက်ကြိမ်းမောင်းပြီး နှင်ထုတ်လိုက်ပါတယ်။

ဒီအခြေနေတွေဟာ ငရဲခန်းမှာ ကျန်ရစ်ခဲ့တဲ့ အေးမွန်တို့ကို နေပြည်တော် ဟော့လိုင်းဖုန်းကို ဆက်သွယ်ဖို့ ဆုံးဖြတ်စေတဲ့ ခံစားချက်တွေပဲဖြစ်ပါတယ်။

ဆိုင်ကနေ နှင်ထုတ်လွှတ်လိုက်တဲ့ ကောင်မလေးတွေလည်း အေးမွန်နည်းတူ ခန္ဓာကိုယ်မှာ ဒဏ်ရာဒဏ်ချက်တွေ ပါရှိပါတယ်။ အဲဒီ ဒဏ်ရာဒဏ်ချက်တွေနဲ့ပဲ စစ်တွေမြို့ ပြည့်သူဆေးရုံကြီးက ဆေးစာရယူပြီး စားသောက်ဆိုိင်ပိုင်ရှင်ကို တရားစွဲတဲ့အထဲမှာ ထည့်သွင်း ထားတယ်။ ရရှိခဲ့တဲ့ ဒဏ်ရာတွေဟာ ဘယ်လက်မောင်းမှာ ညိုမဲဒဏ်ရာတွေနဲ့ ဘယ်လက်ညိုး အဆစ်လွဲ ဖူးရောင်ဒဏ်ရာတွေကို ရရှိခဲ့တယ်လို့ အေးမွန်က ဆိုတယ်။

အလုပ်အကိုင်ရှားပါးတဲ့ အခြေနေတွေကြောင့် လိင်လုပ်သားဘ၀ကို ကျရောက်ခဲ့တဲ့ အေးမွန်ဟာ သူ့အနေနဲ့ ဘ၀ကိုပြန်ပြိး အသစ်ကနေ စတင်လိုနေပါတယ်။ ငရဲခန်းအဖြစ် နေထိုင်ခဲ့တဲ့ စားသောက်ဆိုင်တည်ရှိရာ စစ်တွေမြို့တော်ကနေ သူ  ၆ ရက်နေ့မှာ ရန်ကုန်ကို ပြန်ပြီး လာခဲ့ပါတယ်။

အေးမွန်တို့ ဖြစ်ပျက်ခဲ့တဲ့ အခြေနေဟာ တရားဥပဒေစိုးမိုးမှု မရှိတဲ့ အခြေနေကြောင့်ပဲဆိုတာကို ရခိုင်အမျိုးသမီးအစည်းရုံးက ဒေါ်စောစံငြိမ်းသူက အားမလို အားမရဆိုပါတယ်။
“ သက်ဆိုင်ရာ အာဏာပိုင်တွေက မသိရှိတာ အံသြတယ်၊ စားသောက်ဆိုင် လိုင်စင်တွေက အစ ကိုင်ပြီး စနစ်တကျလုပ်နေတာ၊ ဒါတွေဟာ တရားဥပဒေစိုးမိုးမှုမရှိတာကို ဖော်ပြနေတာပဲ။”

By မိုးအောင်
RIA
http://www.rootagency.info



ရိုဟင်ဂျာ သောင်းနဲ့ချီပြီး နယ်စပ် ဖြတ်ကျော် ထွက်ပြေး ခဲ့ရ။
မြန်မာ နိုင်ငံမှာ ရိုဟင်ဂျာ မွတ်ဆလင် တွေ အပေါ် ပစ်မှတ် ထားပြီး အစိုးရ လုံခြုံရေး တပ်ဖွဲ့ဝင် တွေက အစုလိုက် အပြုံလိုက် သတ်ဖြတ်တာတွေ၊ မုဒိန်း ကျင့်တာတွေ ကျူးလွန် ခဲ့တယ် ဆိုပြီး ကုလသမဂ္ဂရဲ့ လူ့ အခွင့်အရေး ဆိုင်ရာ ရုံးက ဖေဖေါ်ဝါရီ ၃ ရက်၊ သောကြာနေ့ ရက်စွဲနဲ့ အစီရင်ခံစာသစ် တစ်စောင် ထုတ်ပြန်ပြီး အပြင်းအထန် စွပ်စွဲ ပြောဆို လာပြန်ပါတယ်။

ရင်ခွင်ပိုက် အရွယ် နဲ့ ကလေးငယ် တွေ အပါအဝင် လူ တွေကို သတ်ဖြတ်တာ၊ ရက်ရက်စက်စက် ရိုက်နှက်တာနဲ့ အမျိုးသမီးတွေ အပေါ် အုပ်စုဖွဲ့ မုဒိန်း ပြုကျင့် တာတွေကို အစိုးရ တပ်ဖွဲ့ဝင်တွေက ရခိုင်ပြည်နယ် မြောက်ပိုင်း မောင်တော ဒေသထဲ ကျူးလွန် ခဲ့တယ် ဆိုပြီး အသေးစိတ် အချက်အလက် တွေကို ကုလသမဂ္ဂရဲ့ အဲဒီ အစီရင်ခံစာ အသစ်ထဲ ဖော်ပြ ထားပါတယ်။

အခု အစီရင်ခံစာကို ဘင်္ဂလားဒေ့ရှ် နိုင်ငံဘက် နယ်စပ် ဖြတ်ကျော် ထွက်ပြေး လာကြရတဲ့ ရိုဟင်ဂျာ တွေထဲက လူပေါင်း ၂ဝဝ ကျော် ကို တွေ့ဆုံ မေးမြန်းပြီး ထုတ်ပြန် တာ ဖြစ်တယ်လို့ ဆိုပါတယ်။

၈ လသား၊ ၅ နှစ်နဲ့ ၆ နှစ်သား အရွယ် အထိ ငယ်ရွယ်တဲ့ ကလေးငယ် တွေကို မြန်မာ အစိုးရ တပ်ဖွဲ့ဝင် တွေက ဓားကို အသုံးပြု သတ်ဖြတ် ခဲ့တယ်လို့ ကုလသမဂ္ဂ လူ့ အခွင့်အရေး ဆိုင်ရာ စုံစမ်း စစ်ဆေးရေး အရာရှိ တွေ တွေ့ဆုံ ခဲ့ကြသူတွေက ထွက်ဆို ခဲ့ပါတယ်။

ရိုဟင်ဂျာ တွေ အပေါ် အခုလို လူမမည် အရွယ် ကလေးငယ် တွေကိုပါ မချန် သတ်ဖြတ် တာမျိုးလို ကြမ်းကြုတ် ရက်စက်မှုဟာ သိပ်ကို ခြောက်ခြား တုန်လှုပ်ဖွယ်ရာ ဖြစ်တယ်လို့ ကုလသမဂ္ဂရဲ့ လူ့ အခွင့်အရေး ဆိုင်ရာ မဟာမင်းကြီး ဇိတ် ဘင် အယ်လ်- ဟူစိန်က ဆိုပါတယ်။

ရိုဟင်ဂျာတွေ ခံစား နေရတဲ့ ကြမ်းကြုတ် ရက်စက်မှု တွေဟာ လူသား မျိုးနွယ် အပေါ် ကျူးလွန်တဲ့ ရာဇဝတ်မှု မျိုး မြောက်စေ နိုင်ဖွယ် အခြေအနေမျိုး ရှိနေတယ်လို့ အစီရင်ခံစာထဲ ရေးသား ထားပါတယ်။

ပြီးခဲ့တဲ့ နှစ် အောက်တိုဘာ လ တုန်းက အစိုးရရဲ့ နယ်ခြားစောင့် ရဲ ကင်း စခန်းတွေ ချိန်ကိုက် တိုက်ခိုက် ခံခဲ့ ရပြီးတဲ့နောက် အစိုးရ ဘက်က တုံ့ပြန် ဆောင်ရွက်လာတဲ့ နယ်မြေ ရှင်းလင်းရေး တွေ အတွင်း ရိုဟင်ဂျာ အရပ်သား တွေ အပေါ်မှာပါ ပစ်မှတ်ထား တိုက်ခိုက် ခဲ့ကြတယ် လို့ စွပ်စွဲ နေတာ ဖြစ် ပါတယ်။

BBC Burmese
http://www.bbc.com/burmese


မုံရွာ၊ ဖေဖော်ဝါရီ ၃။

ကူညီပါရစေ ဆိုင်းဘုတ်တပ်ပြီး တာဝန်ပေါ့လျော့ ပျက်ကွက်သော ရဲတပ်ဖွဲ့ဝင်များကို အရေးယူမည်ဟု စစ်ကိုင်းတိုင်းဒေသကြီးအစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးကျော်သန့်နိုင်က ဖေဖော်ဝါရီ ၃ရက်နေ့တွင်ပြုလုပ်သော စစ်ကိုင်းတိုင်းဒေသကြီးလွှတ်တော်အစည်းအဝေးတွင် ပြောကြားလိုက်သည်။

ယင်းမာပင်မြို့နယ်တွင် ၂၀၁၆ခုနှစ်အတွင်းက မြန်မာ-ယန်စီ ကုမ္ပဏီမှ ဒေသခံများကို မြေယာလျော်ကြေးပေးရန် ကွင်းဆင်းတိုင်းတာမှုများ ပြုလုပ်ရာ၌ မောင်နှမနှစ်ဦး၏ မြေယာပိုင်ဆိုင်မှုအငြင်းပွားရာ ဓားခုတ်မှု ဖြစ်၍ မြို့နယ်ထွေအုပ်ဒုဦးစီးမှ ရဲစခန်းသို့ အကြိမ်ကြိမ်ဖုန်းဆက်ခေါ်သော်လည်း အမြန်လာရောက်ရန် နှေးကွေးခြင်း၊ အိမ်တစ်လုံး သူခိုးဝင်ခိုးမှု၌ သူခိုးကို ရပ်ကွက်က လက်ရ မိသဖြင့် အုပ်ချုပ်ရေးမှူးက ရဲစခန်းအထိ သွားပို့သော်လည်း နောက်ရက်မှ အမှုဖွင့်ပေးခြင်းများရှိခဲ့သဖြင့် ယင်းမာပင် အမတ်ဒေါ်ခင်နှင်းရီက ထိုကဲ့သို့ ဖြစ်စဉ်များကို ကြပ်မက်ပေးရန် လွှတ်တော်၌ တင်ပြခဲ့ခြင်း ဖြစ်သည်။

"အဲဒီကိစ္စတွေကိုလည်း အမှုဖွင့် ဆောင်ရွက်ထားတယ်လို့ သိရတယ်။ စုံခုံဖွဲ့ပြီး စစ်မယ်။တကယ်ပဲ ပျက်ကွယ်တယ်ဆိုရင် ရဲစည်းကမ်းနဲ့ အရေးယူမယ်။ နောက်လည်း ဒီဖြစ်စဉ်ကို နမူနာပြပြီး ကျန်ရဲတပ်ဖွဲ့ဝင်တွေကို ဒါမျိုးမဖြစ်အောင် ပြောမယ် "ဟု နယ်လုံဝန်ကြီးက ဆိုသည်။

ဟိန်းလင်းသန့်
Central News Myanmar
https://www.facebook.com/CNMyanmar/



လုဗ် ပြတိုက်ရဲ့ မြေအောက်ခန်း အရောင်းဆိုင်ထဲ ဝင်ရောက်ဖို့ ကြိုးစား ခဲ့
ပြင်သစ် နိုင်ငံ မြို့တော် ပဲရစ်မှာ ရှိတဲ့ ကမ္ဘာ့ နာမည်ကျော် ပြတိုက် လုဗ် မှာ အကြမ်းဖက် တိုက်ခိုက်မယ့်သူလို့ သံသယ ရှိရသူ တစ်ယောက်ကို တာဝန်ကျ စစ်သား အစောင့်က ပစ်ခတ် ခဲ့ပါတယ်။

"ဘုရားသခင်ဟာ ကြီးကျယ် မြင့်မြတ်တယ်" ဆိုပြီး အဓိပ္ပာယ် ရတဲ့ အစ္စလာမ် ဘာသာရေးလာ စာသားကို အာရပ်ဘာသာ စကားနဲ့ ကြွေးကြော်ပြီး အစောင့် စစ်သားကို ဓားနဲ့ တိုက်ခိုက်ဖို့ ကြိုးစား လာသူကို အဲဒီ စစ်သားက တုံ့ပြန် ပစ်ခတ် ခဲ့တာလို့ ကနဦး သတင်းတွေက ဆိုပါတယ်။

အဲဒီ သံသယ ရှိရသူဟာ လုဗ် ပြတိုက်ရဲ့ မြေအောက်ခန်း အရောင်းဆိုင်ထဲ ဝင်ရောက်ဖို့ ကြိုးစား ခဲ့တာ ဖြစ်ပြီး အစောင့် စစ်သားရဲ့ ပစ်ခတ်မှုကြောင့် ဒဏ်ရာ အပြင်းအထန် ရသွားတယ် လို့ ဆိုပါတယ်။

အခုဆိုရင် ပဲရစ် မြို့တော်မှာ လုံခြုံရေးတွေ အထူး တင်းကြပ် နေပြီး အခြေအနေဟာ စိုးရိမ်ဖွယ် အလေးထား ကိုင်တွယ်ရမှာ ဖြစ်တယ်လို့ ပြင်သစ် ပြည်ထဲရေး ဝန်ကြီးဌာနက ပြောပါတယ်။

လုဗ်ပြတိုက်ထဲ ရောက်ရှိ နေတဲ့ အများ ပြည်သူကို ဘေးကင်း လုံခြုံရာဆီ ရွှေ့ပြောင်း ပို့ဆောင် ပေးခဲ့တယ် လို့လည်း သိရပါတယ်။

အဲဒီ အဖြစ်အပျက်နဲ့ ပတ်သက်တဲ့ သတင်းတွေ ဆက်လက် ထွက်ပေါ် လာနေဆဲ ဖြစ်ပြီး ဓားသမား ပေါ်မှာ ဖောက်ခွဲရေး ပစ္စည်းတွေတော့ မတွေ့ရဘူးလို့ ဆိုပါတယ်။

BBC Burmese
http://www.bbc.com/burmese


ရှမ်းပြည်နယ်တောင်ပိုင်း၊ ညောင်ရွှေမြို့ ရှိ မြန်မာ့စီးပွားဘဏ်ခွဲအား ဂက်စ်အိုးအသုံးပြု၍ ဖောက်ထွင်းရန်ကြိုးပမ်းမှု ဖေဖော်ဝါရီ ၁ ရက် နံနက်အစောပိုင်းက ဖြစ်ပွားခဲ့ကြောင်း သိရသည်။

ဖြစ်စဉ်မှာ ညောင်ရွှေမြို့ ရှိ မြန်မာ့စီးပွားဘဏ်ခွဲ၌ ညစောင့်ဖြစ်သူ အပေါ့သွားပြီး ပြန်အလာ မန်နေဂျာရုံးခန်းဘေးရှိ်အခန်းတွင် လူစိမ်းတယောက်ကိုတွေ့သဖြင့် သူခိုးဟုအော်ဟစ်ရာမှ ထိုသူမှာ ရတနာမာန်အောင်ဘုရားဘက်သို့ ထွက်ပြေးသွားကြောင်း၊ ယင်းနောက် ဘဏ်မန်နေဂျာက လိုက်လံကြည့်ရှုစစ်ဆေးရာတွင် ငွေကြေးတစုံတရာပျောက်ဆုံးမှုမရှိသော်လည်း ဘဏ်ပြူတင်းပေါက်များ ပျက်စီးနေကြောင်း တွေ့ရှိခဲ့သည်ဟုဆိုသည်။


အဆိုပါဖြစ်ရပ်အား ရှမ်းပြည်နယ်ရဲတပ်ဖွဲ့၊ တောင်ကြီးခရိုင်၊ အထူးမှုခင်းနှိမ်နင်းရေးအဖွဲ့နှင့် ညောင်ရွှေမြို့မရဲစခန်းမှပူးပေါင်း၍ ဂက်စ်အရောင်းဝယ်ဆိုင်းများအား လိုက်လံစစ်ဆေးရာ ဒီဇင်ဘာလ ၃၁ ရက်နေ့တွင် အေးသာယာမြို့ရှိ ဂက်စ်အရောင်းဆိုင်သို့ မသင်္ကာဖွယ်ရာလူတဦး လာရောက်ဝယ်ယူထားကြောင်း စီစီတီဗီမှတ်တမ်းများမှ သိရှိရသည်။ ဆက်လက်စုံစမ်းစစ်ဆေးရာ ၎င်းမှာ ရွှေညောင်မြို့ စဥ့်ဟယ်ရပ်ကွက်နေ ကုမ္ဗဏီအရောင်းစာရေး လင်းပြည့်ဟန် (၂၈ နှစ်) ဆိုသူဖြစ်ကြောင်း၊ ၎င်းထံမှ ဂက်စ်အိုး ၂ လုံး၊ ဂက်ပိုက် ၁ ချောင်း၊ စက္ကူချပ်ကြီး ၄ ချပ်၊ မီးခြစ် ၁ လုံး၊ ဖိနပ် ၁ ရံ၊ နှာခေါင်းပိတ် ၁ ခု၊ ပလာယာ ၃ ချောင်း၊ ၀က်အူလှည့် ၂ ချောင်း၊ ဆောက်ပြား ၁ ချောင်း၊ ဂွစိုက်စုံ ၃ ချောင်း၊ စတီးစါး ၁ ချောင်း၊ ဂက်စ်ပိုက်စ ၄ စ ၊ ပိုက်ထိန်းကလစ် ၃ ခုတို့အား သိမ်းဆည်းရမိခဲ့ကြောင်း၊ ၎င်းသည် ဘဏ်မန်နေဂျာရုံခန်းဘေးရှိ စာရွက်စာတမ်းများထားရာရုံးခန်း၏ ပြူတင်ပေါက်မှန်အားရိုက်ခွဲပြီး သံပန်းသံတံခါးများအားဖျက်ဆီးကာအတွင်းသို့ ၀င်ရောက်ခဲ့ပြီး စာရွက်စာတမ်းများထားရှိရာ (၁၀) ပေပတ်လည် မီးခံပြားအခန်းအား အဆိုပါပစ္စည်များအသုံးပြု၍ ဖွင့်ရန်ကြိုးပမ်းစဉ် ညစောင့်မှတွေ့ရှိသွားခြင်းဖြစ်ကြောင်း စစ်ဆေးတွေ့ရှိရသည်။

၎င်းအား နန္ဒ၀န်ရပ်ကွက်၊ ညောင်ရွှေမြို့နေသူ ဒေါ်စန်းရီကတရားလိုပြုတိုင်တန်းသဖြင့် ညောင်ရွေမြို့မ ရဲစခန်းမှ (ပ) ၈/၁၇ ရာဇသတ်ကြီး ပုဒ်မ ၄၅၇ အရ အရေးယူဆောင်ရွက်လျှက်ရှိကြောင်း သိရသည်။

အောင်(တောင်ကြီး)
News Watch
https://www.facebook.com/NewsWatchJournal/