02/13/17


နေပြည်တော် လယ်ဝေးမြိုနယ်တွင် ဗိုလ်ချုပ်မွေးနေ့ဖြစ်သည့် ဖေဖော်ဝါရီ ၁၃ ရက် နံနက် ၇း၃၀ နာရီအချိန်တွင် ၁၀၂.နှစ်မြောက် ဗိုလ်ချုပ်မွေးနေ့အထိမ်းအမှတ်အဖြစ် အမြင့် ၉ ပေ ကြးပိဿာချိန် ၃၀၀ ကာလတန်ဖိုး ကျပ်သိန်း ၁၃၀ ခန့်ရှိ ဗိုလ်ချုပ်ကြေးရုပ်ဖွင့်ပွဲအခမ်းအနား ကျင်းပကြောင်း သတင်းရရှိသည်။


ဖွင့်ပွဲအခမ်းအနားသို့ ပြည်သူလွှတ်တော်ဥက္ကဌ ဦးဝင်းမြင့် အမျိုးသားလွှတ်ဥက္ကဌ ဦးမန်းဝင်းခိုင်သန်း နေပြည်တော်ကောင်စီဥက္ကဌ ဒေါက်တာမျိုးအောင်တို့ တက်ရောက်၍ဖဲကြိုးဖြတ်ဖွင့်လှစ်ပေးမည်ဖြစ်ကြောင်း သိရသည်။


ထို့ပြင် လယ်ဝေးမြို့နယ်အတွင်း တနေ့တာပါတ်လုံး စတုဓိသာကျွေးမွေးဧည်ခံမည်ဖြစ်ပြီး ညနေပိုင်းတွင် စိန်ဒူးဝါးမင်္ဂလာဆိုင်းဝိုင်းဖြင့်ဖျော်ဖြေမည်ဖြစ်ကြောင်း သိရသည်။

ထွန်း(နေပြည်တော်)
News Watch
https://www.facebook.com/NewsWatchJournal/


Myanmar State Counsellor Office
Myanmar State Counsellor Office

တိုင်းရင်းသားပြည်သူအားလုံး တန်းတူညီမျှအခွင့်အရေးရနိုင်မယ်လို့ယုံကြည်တဲ့ ပြည်ထောင်စုကြီးတရပ်တည်ထောင်နိုင်ဖို့ဆိုရင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ၁၉၄၇ ပင်လုံစာချုပ်ပါ ကတိကဝတ်တွေအတိုင်း အပြောမဟုတ်ပဲ လက်တွေ့ကျကျ အကောင်အထည်ဖော်ဖို့ လိုပါတယ်လို့ တိုင်းရင်းသားအရေးလေ့လာသူတွေကပြောပါတယ်။ ကိုယ့်အဖွဲ့အစည်းအတွက် မစဉ်းစားပဲ ပြည်ထောင်စုစိတ်ဓာတ်နဲ့ စဉ်းစားပေးကြပါလို့ ဒေါ်အောင်ဆန်းစုကြည်ရဲ့တိုက်တွန်းချက်အပေါ်မှာလည်း ၂၁ရာစုပင်လုံညီလာခံမှာ အားလုံးပါဝင်ရေးဆိုတဲ့မူကို ဦးဆောင်သူတွေကိုယ်တိုင်က အလေးအနက်ထားစဉ်းစားဖို့လိုတယ်လို့လည်း ထောက်ပြကြပါတယ်။ အသေးစိတ် မဆုမွန် တင်ပြပေးထားပါတယ်။

ဒီကနေ့ကျရောက်တဲ့ ၂၀၁၇ခုနှစ် ဖေဖော်ဝါရီလ (၁၂)ရက်နေ့ဟာ ပြည်ထောင်စုမူတရပ်အုတ်မြစ်ချနိုင်ဖို့ဗိုလ်ချုပ်အောင်ဆန်းကိုယ်တိုင် ဦးဆောင်ပြီး တိုင်းရင်းသားခေါင်းဆောင်တွေ လက်မှတ်ထိုးခဲ့ကြတဲ့ ပင်လုံစာချုပ် လက်မှတ်ထိုးခဲ့တဲ့ နှစ်(၇၀)မြောက် ပြည်ထောင်စုဖြစ်တဲ့အတွက် ပြည်ထောင်စုကြီး ပေါ်ထွန်းနိုင်ရေး ဒီနေ့အချိန်အခါမှာ တိုင်းရင်းသားပြည်သူတွေကြားဘုံသဘောတူညီချက်၊ နားလည်မှု၊ ယုံကြည်မှုတွေနဲ့ ငြိမ်းချမ်းရေးကိုရယူကြပါလို့ နိုင်ငံတော်အတိုင်ပင်ခံပုဂ္ဂိုလ်က ရှမ်းပြည်နယ် ပင်လုံမှာ ကျင်းပတဲ့ပြည်ထောင်စုနေ့အခမ်းအနားမှာ တိုက်တွန်းလိုက်ပါတယ်။

ဒီတိုက်တွန်းချက်အပေါ်မှာ ကချင့်အရေးလှုပ်ရှားသူ ကချင်ခေါင်းဆောင်တဦးဖြစ်တဲ့ ဒေါက်တာ Hkalam Sam Som ကတော့ နိုင်ငံတော်အတိုင်ပင်ခံပုဂ္ဂိုလ်အနေနဲ့ ၁၉၄၇ ပင်လုံစာချုပ်ပါ သဘောတူညီချက် ကတိကဝတ်တွေအတိုင်း ဒီနေ့ခေတ်မှာ လက်တွေ့အကောင်အထည်ဖော်နိုင်ဖို့ ကြိုးစားဆောင်ရွက်သင့်တယ်လို့ တိုက်တွန်းပါတယ်။

“အထူးသဖြင့် ကျနော်တို့ တိုင်းရင်းသားဒေသတွေမှာ နေထိုင်တဲ့ တိုင်းရင်းသားတွေအတွက်တော့ သူ့ပြောဆိုချက်နဲ့ နည်းနည်းကွာဟနေတာကိုတွေ့ရတယ်၊ ဘာကြောင့်လဲဆိုတော့ ပြည်ထောင်စုစိတ်ဓါတ်ဆိုတာက ကျနော်တို့ က ပြည်ထောင်စုစိတ်ဓါတ်ရှိပြီးသားပဲ၊ ကျနော်တို့ တိုင်းရင်းသားတွေက ။ အဲဒါကြောင့်မို့လို့ တကယ်မတမ်း ပင်လုံစိတ်ဓါတ်ဆိုတဲ့ ကတိက၀တ်နဲ့သွားမယ်ဆိုရင်တော့ တိုင်းရင်းသားတွေအတွက်တော့ ပြဿနာဘာမှမရှိဘူး။ ဒေါ်အောင်ဆန်းစုကြည် ဦးတည်ပြောတာက ကိုယ်တဦးတဖွဲ့ရဲ့ ကောင်းစားချင်း မဟုတ်ပဲနဲ့ တိုင်းပြည်အတွက် ကြည့်ဖို့လိုတယ်ဆိုတာကတော့ ကျနော်ထင်တာကတော့ တပ်မတော်ပိုင်းနဲ့ ဗမာပိုင်းကို သူတို့ပို နားလည်ဖို့လို မယ်လို့ ကျနော်ကတော့ အဲလိုပဲနားလည်ပါတယ်။”

နိုင်ငံတော်အတိုင်ပင်ခံပုဂ္ဂိုလ်ကိုယ်တိုင် ဦးဆောင်ပြီး ဒီမိုကရေစီပြည်ထောင်စု ထူထောင်ရေး၊ ပြည်တွင်းငြိမ်းချမ်းရေးဖော်ဆောင်ဖို့ဆိုရင် နိုင်ငံရေးတွေ့ဆုံဆွေးနွေးမှုတွေမှာ အားလုံးပါဝင်ရေးဆိုတဲ့မူနဲ့ တိုင်းရင်းသားတွေကြားမှာ ယုံကြည်မှုတည်ဆောက်နိုင်ဖို့က အရေးကြီးဆုံးဖြစ်တယ်ဆိုတာကိုလည်း မြန်မာ့အရေးလေ့လာသုံးသပ်သူဒေါက်တာရန်မျိုးသိမ်းက ရှု့မြင်ပါတယ်။

“ဒီမိုကရေစီနိုင်ငံတွေမှာ ရတဲ့ အခြေခံအခွင့်အရေးတွေ ရရမယ်လို့ အတိအကျဖော်ပြထားပါတယ်။ နောက်ပြီးတော့ ပင်လုံစာချုပ်မှာပဲ တောင်တန်းဒေသတွေမှာ ကိုယ်ပိုင်အုပ်ချုပ်ခွင့်၊ ကိုယ်ပိုင် ပြဌာန်းခွင့်တွေကို ရရမယ်လို့လည်း အတိအကျဖော်ပြထားတာတွေ့ရပါတယ် ။ လွတ်လပ်ရေးရပြီး အစိုးရအဆက်အဆက်ဟာ ပင်လုံစာချုပ်မှာပါတဲ့ သဘောတူညီချက်တွေကို လက်တွေ့ကျကျထိထိရောက်ရောက် အကောင်အထည်မဖော်နိုင်ခဲ့တာကို တွေ့ရပါတယ်။ အဲဒီအခါကျတော့ တကယ်တန်းလက်ရှိ အမျိုးသားဒီမိုကရေစီအစိုးရဦးဆောင်တဲ့ လက်ထက်မှာ စစ်မှန်တဲ့ငြိမ်းချမ်းရေးနဲ့ စစ်မှန်တဲ့ ယုံကြည်မှုတည်ဆောက်ရေးကို လုပ်ချင်တယ်ဆိုရင် ကျနော့်အမြင်အားဖြင့်တော့ ပင်လုံစာချုပ်ထဲမှာ ပါနေတဲ့ ဖော်ပြချက်တွေကို အလေးထားနိုင်ဖို့အတွက်အစိုးရအနေနဲ့ တပ်မတော်နဲ့ကော တိုင်းရင်းသားလက်နက်ကိုင်အဖွဲ့အစည်းတွေနဲ့ရော တိုင်းရင်းသားပါတီတွေအပါအ၀င် နိုင်ငံရေးပါတီတွေအနေနဲ့ရော၊ အရပ်ဖက်အဖွဲ့အစည်းတွေနဲ့ရော မျက်နှာစုံညီတွေ့ဆုံဖြေရှင်းနိုင်ဖို့ အဓိက ကျတယ်လို့မြင်ပါတယ်။”

ပြည်ထောင်စု တည်ဆောက်နိုင်ရေး တိုင်းရင်းသားအားလုံး တန်းတူညီမျှ အခွင့်အရေးရယူနိုင်ရေး ဆောင်ရွက်ဖို့ဆိုရင်တော့ တိုင်းရင်းသားတွေရဲ့ ယုံကြည်မှု ၊ နားလည်မှု ရအောင် လက်တွေ့ကျတဲ့ လုပ်ငန်းစဉ်တွေနဲ့သက်သေပြဖို့လိုတယ်လို့လည်း ဒေါက်တာ Hkalam Samsom က အကြံပြုပါတယ်။

“ဒီတိုက်ပွဲတွေဖြစ်နေတဲ့ တိုင်းရင်းသားဒေသတွေအတွက်တော့ လက်တွေ့ဖြစ်နေတဲ့နေရာမှာ ယုံကြည်မှုဆိုတာ အဝေးကနေ သူတို့အနေနဲ့ စဉ်းစားကြည့်ရင်တော့ ဖြစ်နိုင်တာပေါ့ ဒါပေမယ့် ဒီအနီးကပ်ဖြစ်နေတဲ့ တိုင်းရင်းသားဒေသတွေအတွက်တော့ ကျနော်ထင်တာကတော့ လွယ်တော့မလွယ်ဘူး။ ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေ သဘောတူထားတဲ့ ပင်လုံကို အခြေခံပြီးမှ လုပ်သွားမယ့် ပင်လုံညီလာခံဆိုရင်တော့ အောင်မြင်လိမ့်မယ်လို့ ကျနေ်ာယုံကြည်တယ်။ ဒါပေမယ့် NCA အခြေခံပြီးမှ လုပ်သွားမယ့် ညီလာခံဆိုရင်တော့ ကျနော့်အနေနဲ့တော့ လွယ်မယ်လို့ မထင်မိပါဘူး”

ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေလိုလားတဲ့ပြည်ထောင်စုထူထောင်ရေး တိုင်းရင်းသားမျိုးနွယ်စုတွေရဲ့ မတူခြားနားမှုတွေကို အသိအမှတ်ပြုလက်ခံပြီး ဒီမတူခြားနားမှုတွေကနေ စုစည်းညီညွတ်တဲ့ အင်အားအဖြစ် ပြောင်းလဲစွမ်းဆောင်ပြီး ဒီမိုကရေစီဖက်ဒရယ်ပြည်ထောင်စုထူထောင်ရေး ဆောင်ရွက်သွားမယ်လို့ အနိုင်ရပါတီ အမျိုးသားဒီမိုကရေစီအဖွဲ့ချုပ်က ပြည်ထောင်စုနေ့မှာ ထုတ်ပြန် ကြေညာခဲ့ပါတယ်။

VOA Burmese News


ပင်လုံ - ဖေဖော်ဝါရီ ၁၂
ရှမ်းပြည်နယ် ပင်လုံမြို့၌ ကျင်းပသည့် နှစ် (၇၀) မြောက် ပြည်ထောင်စုနေ့ အခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြားသည့် မိန့်ခွန်းအပြည့်အစုံမှာ အောက်ပါအတိုင်း ဖြစ်ပါသည် -

ပြည်ထောင်စုနေ့အခမ်းအနားကို တက်ရောက်လာတဲ့ ပြည်သူလူထုအားလုံးနဲ့ ဧည့်သည်တော်များကို နှုတ်ခွန်းဆက်ပါတယ်။ ကျွန်မတို့ဟာ ဒီနေ့မှာ ပြည်ထောင်စု ကြီးကို အသိအမှတ်ပြုသောအားဖြင့် အားလုံးစုဝေးပြီးတော့ ရောက်ရှိလာကြတာ ဖြစ်ပါတယ်။

ပင်လုံဆိုတာဟာ ရှမ်းပြည်နယ်ရဲ့ တစ်စိတ်တစ်ဒေသတင် မဟုတ်ပါဘူး။ ပြည်ထောင်စုတစ်ခုလုံးအတွက် အင်မတန်မှ အရေးကြီးတဲ့နေရာဖြစ်ပါတယ်။ ဒီကနေ စတင်ပြီး ပြည်ထောင်စုရဲ့ညီညွတ်မှုအတွက် အခြေခံအုတ်မြစ်ကို ချလိုက်တာ ဖြစ်ပါတယ်။ စောစောက ဖတ်ပြသွားတဲ့ ပင်လုံစာချုပ်ရဲ့ အချက်အလက်တွေကို လေ့လာမယ်ဆိုရင် တိုင်ပင်ခြင်း၊ ဆွေးနွေးခြင်း၊ ညှိနှိုင်းခြင်း၊ သဘောတူညီမှုယူခြင်း ဆိုတဲ့မူတွေအပေါ်မှာ အခြေခံပြီးတော့ ပြည်ထောင်စုကို စတင် ထူထောင်ခဲ့တာဖြစ်ပါ တယ်။

ပြည်ထောင်စုသားစစ်စစ်အားလုံးရဲ့ နှလုံးသားထဲမှာ ပင်လုံဆိုတဲ့ အင်မတန်မှ ရိုးရှင်းတိုတောင်းလှတဲ့ အမည်လေးဟာ စိတ်နှလုံးချမ်းသာဖွယ်ရာ၊ လှုပ်ရှားဖွယ်ရာ ဖြစ်ပါတယ်။ ပင်လုံကို အခမ်းအနားတစ်ခုအနေနဲ့မဟုတ်ဘဲ သမိုင်းရဲ့အင်မတန်မှ တန်ဖိုးရှိတဲ့ အစိတ်အပိုင်းတစ်ခုအနေနဲ့ အသိအမှတ်ပြုထားပါတယ်။

သမိုင်းဆိုတာဟာ ဘယ်တော့မှရပ်မနေပါဘူး။ ဆက်ပြီးတော့ လှုပ်ရှားသွား တာဖြစ်ပါတယ်။ ဒီတော့ ကျွန်မတို့ရဲ့ လွတ်လပ်ရေးခေါင်းဆောင်ကြီးများဟာ ပင်လုံ သမိုင်းကို စတင်ပြီးတော့ ထူထောင်ခဲ့တယ်၊ ဒီသမိုင်းဟာ အောင်အောင်မြင်မြင်နဲ့ နိဂုံးချုပ်ဖို့အတွက် တာဝန်ကတော့ ကျွန်မတို့အပေါ်မှာ ကျရောက်လာပြီဖြစ်ပါတယ်။

သမိုင်းကနေ ဘယ်သူမှမလွတ်မြောက်နိုင်ပါဘူး။ ခေတ်အဆက်ဆက် ကမ္ဘာ တည်သရွေ့ ကျွန်မတို့ရဲ့ လုပ်ရပ်တွေကို မျိုးဆက်တွေတစ်ဆက်ပြီးတစ်ဆက်က သုံးသပ်ပြီး စီရင်ချက်ချသွားမှာဖြစ်ပါတယ်။ ဒီလိုစီရင်ချက်ချမယ့် ပြည်သူလူထုရဲ့ ခုံရုံးရှေ့မှာ အခုလက်ရှိ မျိုးဆက်တွေမဟုတ်ဘဲနဲ့ နောင်လာမယ့် မျိုးဆက်အဆက် ဆက်ရဲ့ ခုံရုံးတွေရှေ့မှာ ဘယ်လောက်အထိ မားမားမတ်မတ်ရပ်တည်ပြီးတော့ လက်ခံ နိုင်မလဲ၊ ကျွန်မတို့ဟာ ဒီခုံရုံးတွေရဲ့ဘယ်လိုဆုံးဖြတ်ချက်တွေကို ရင်ဆိုင်ရမလဲဆိုတာ အခုအချိန်မှာ လေးလေးနက်နက်စဉ်းစားဖို့ ရသွားပါပြီ။

တိုင်းရေးပြည်ရေးနဲ့ပတ်သက်လို့ အင်မတန်မှ ကျွမ်းကျင်ခဲ့တဲ့ပုဂ္ဂိုလ်ကြီး၊ ကဗျာ ဆရာကြီးတစ်ဦးရဲ့ ရေးသားချက်တွေကို ကျွန်မတို့ ပြည်သူအများ သိကြမှာဖြစ်ပါတယ်။

"စစ်နည်းဗျူဟာ ဘယ်လိုကြွယ်လည်း၊ စွဲကိုင်လက်နက် ဘယ်လိုထက်လည်း ပြည်သူ့နှလုံး မသိမ်းကျူံးလျှင်၊ ပြည်သူ့စွမ်းအား မကိုးစားလျှင်၊ ဓားသွားလည်း ကြွေအံ့၊ လှံလည်းခွေအံ့" ….တဲ့။

ကျွန်မတို့ရဲ့ အဓိကအင်အားဟာ ပြည်သူရဲ့နှလုံးများနဲ့ ပြည်သူရဲ့စွမ်းအား ဖြစ်ပါတယ်။ ငြိမ်းချမ်းရေး ရယူဖို့ကြိုးစားတဲ့အခါမှာ ဒီအဓိကအင်အားတွေကို ရယူဖို့ဖြစ်ပါတယ်။ ပြည်သူလူထုရဲ့ နှလုံးသားတွေ ကို သိမ်းကျုံးဖို့ဆိုတာ ပြည်သူ့အတွက် ရေရှည်အကျိုး၊ အခုလက်ရှိ ပစ္စုပ္ပန်တင်သာမကဘဲ နောင်လာမယ့် အဆက်ဆက်သော ကျွန်မတို့ မျိုးဆက်တွေရဲ့အကျိုးအတွက် ကျွန်မတို့ ဘယ်လောက် စွန့်စားရဲတယ်၊ ဘယ်လောက်ခံရဲတယ်ဆိုတာ အဓိကကျွန်မတို့အပေါ်မှာ ကျရောက်မယ့်တာဝန်ဖြစ် ပါတယ်။

ပြည်သူလူထုဟာ မိမိတို့အတွက် ဘယ်သူတွေက အစစ်အမှန် စွန့်စားတယ်၊ စွန့်လွှတ်တယ်ဆိုတာကို ကောင်းကောင်းသိပါတယ်။ ဆိုရိုးစကားရှိပါတယ်။ အများကို တစ်ခဏ လှည့်ဖြားလို့ရပါလိမ့်မယ်၊ အားလုံးကို ထာဝရတော့ ဘယ်တော့မှ လှည့်ဖြား လို့ မရပါဘူး။

ပြည်သူဟာ မိမိတို့ရဲ့အကျိုးအတွက် ဘယ်သူတွေ ဆောင်ရွက်ရမလဲဆိုတာကို ကောင်းစွာသိပါတယ်။ ပြည်သူတွေအတွက် တန်ဖိုးအရှိဆုံး၊ အကြီးမားဆုံးအကျိုး ကတော့ ငြိမ်းချမ်းရေးပါပဲ။ ငြိမ်းချမ်းရေး မရှိဘဲနဲ့ ကျွန်မတို့နိုင်ငံဟာ ဖွံ့ဖြိုးတိုး တက်ရေးဆိုတာ မရှိနိုင်ပါဘူး။ ဒါကြောင့် ကျွန်မ ပြည်ထောင်စုနေ့မှာ ငြိမ်းချမ်းရေးနဲ့ ပတ်သက်လို့ ပါဝင်နေတဲ့အစုအဖွဲ့အားလုံးကို မေတ္တာ ရပ်ခံချင်ပါတယ်။

သတ္တိရှိရှိနဲ့ပြည်သူ့အကျိုးအတွက် စွန့်စားပါ၊ စွန့်လွှတ်ပါ၊ စွန့်စားခြင်း၊ စွန့်လွှတ်ခြင်းဆိုတာ အမြင့်မားဆုံးသတ္တိဖြစ်ပါတယ်။ ဖေဖေကလည်း ပြောခဲ့ဖူးပါတယ်။ လုပ်ရဲတယ်ဆိုတာ တကယ့် သတ္တိမဟုတ်ဘူး။ ခံရတယ်ဆိုတာ တကယ့် သတ္တိတဲ့။ ခံရတယ်ဆိုတာ အဓိပ္ပါယ်က ဘာလဲဆိုတော့ ကိုယ်လုပ်သင့်လုပ်ထိုက်တဲ့ကိစ္စတွေ အတွက် လုပ်ခြင်းအားဖြင့် ဖြစ်လာမယ့် ရလဒ်တွေကို ရင်ဆိုင်ရဲတာ၊ ခံရဲတာကို ဆိုလို တာ ဖြစ်ပါတယ်။ ဒီတော့ ကျွန်မတို့ ပင်လုံရယ်လို့ ဖြစ်လာရတာဟာ တိုင်းရင်းသား ခေါင်းဆောင်ကြီးများက လွတ်လပ်ရေးရဖို့အတွက် တိုင်းရင်းသားအားလုံး စုပေါင်း ညီညာလုပ်မှသာလျှင် မြန်မြန်ဆန်ဆန် ချောချောမွေ့မွေ့ရရှိနိုင်တယ်ဆိုတာ ယုံကြည်လို့ လုပ်ခဲ့ကြတာ ဖြစ်ပါတယ်။

အခုဆိုရင် ကျွန်မတို့ငြိမ်းချမ်းရေးရဖို့အတွက် ဆွေးနွေးညှိနှိုင်းတိုင်ပင်နေတဲ့ အခါ ယုံကြည်မှုရဖို့ လိုတယ်ဆိုတာ ထပ်တလဲလဲ ပြောကြပါတယ်။ စစ်မှန်တဲ့ ယုံကြည်မှု ရှိရမယ်ဆိုတော့ အများကတော့ ယုံကြည်မှုဆိုတာဟာ အခုကွဲပြားနေတဲ့ အစုအဖွဲ့ တွေကြားထဲမှာ ယုံကြည်မှုရအောင် လုပ်ခြင်းလို့ပဲ နားလည်ကြပါတယ်။ ကျွန်မကတော့ အရေးအကြီးဆုံးယုံကြည်မှုဆိုတာ ကိုယ့်ကိုယ်ကို ယုံကြည်ခြင်း လို့ပဲ ဒီလိုပဲသတ်မှတ် ပါတယ်။
ကျွန်မတို့ ငြိမ်းချမ်းရေးဖြစ်စဉ်ထဲမှာပါနေတဲ့ အစုအဖွဲ့ပုဂ္ဂိုလ်များအားလုံးဟာ ကိုယ့်ကိုယ်ကို ယုံကြည်တယ်၊ ကိုယ်ဟာ ကိုယ့်နိုင်ငံအကျိုးအတွက် ငြိမ်းချမ်းတဲ့နည်းနဲ့ ဆောင်ရွက်နိုင်တဲ့ အရည်အချင်း ရှိတယ်ဆိုတဲ့ ယုံကြည်ဖို့ဟာ ပထမလိုအပ် ချက်ဖြစ်ပါတယ်။ ဒီလိုယုံကြည်မှုရှိပြီဆိုရင် ငြိမ်းချမ်းရေးညီလာခံမှာ မပါဝင်နိုင်တဲ့သူ တစ်ယောက်မှရှိမှာမဟုတ်ပါဘူး။ ကိုယ့်ကိုယ်ကိုယ် ယုံကြည်ခြင်းအားဖြင့် ကိုယ်ဟာ ကိုယ့်နိုင်ငံ၊ ကိုယ့်ပြည်ထောင်စုအတွက် အကောင်းဆုံးလုပ်ပေးချင်တဲ့ စေတနာရှိတယ်၊ လုပ်ပေးနိုင်တဲ့စွမ်းရည်ရှိတယ်ဆိုတာကို ယုံကြည်သောအားဖြင့် ကျွန်မတို့ရဲ့ (၂၁)ရာစုပင်လုံညီလာခံမှာ အားလုံးပဲ ပါဝင်ကြပါလို့ ကျွန်မအနေနဲ့ ဆော်သြချင်ပါ တယ်။

ကိုယ့်ကိုယ်ကိုယ် ယုံကြည်မှုမရှိပဲနဲ့ အခြားအစုအဖွဲ့ပုဂ္ဂိုလ်တွေကို ယုံကြည်ဖို့ဆို တာ မလွယ်ပါဘူး။ ဒါကြောင့် ပထမဦးဆုံး ယုံကြည်မှုဆိုတာ ကိုယ့်ကိုယ်ကိုယ် ယုံကြည်မှုကို အားမွေးကြပါ၊ ရှင်သန်အောင် လုပ်ကြပါ၊ ငါတို့ဟာ ငါတို့ရဲ့ လာမယ့် မျိုးဆက်တွေအားလုံးအကျိုးအတွက် လုပ်နိုင်ရည်ရှိတယ်ဆိုတဲ့ စိတ်ဓာတ်နဲ့ ပင်လုံကို ချဉ်းကပ်ကြပါ။

သမိုင်းဆိုတာဟာ ဘယ်သူမှ ရုန်းထွက်လို့မရတဲ့ ကိစ္စရပ်တစ်ခုဖြစ်ပါတယ်။ ကျွန်မတို့ဟာ သမိုင်းတွင်တဲ့ လုပ်ငန်းတစ်ခုလုပ်ဖို့ ကြိုးစားနေကြတာပါ။ ဒီမျိုးဆက် ဒီအချိန်၊ ဒီအခါမှာ ကျွန်မတို့ရဲ့ ပြည်ထောင်စုသမိုင်း ခိုင်မြဲသွားဖို့၊ လှပလင်းလက်သွားဖို့ လုပ်နိုင်မယ်ဆိုရင် ကျွန်မတုိ့ရဲ့ နိုင်ငံသူနိုင်ငံသားတွေမှာ မျိုးဆက်တစ်ဆက်ပြီး တစ်ဆက် ဒီအကျိုးတွေကို အပြည့်အ၀ ခံစားကြရမှာဖြစ်ပါတယ်။

ဘာမှတော့ လွယ်လွယ်နဲ့မရပါဘူး။ ကျွန်မတို့ အခုထိ လွတ်လပ်ရေးရပြီး ကာလကနေစပြီးတော့ တစ်နိုင်ငံလုံးမှာ ငြိမ်းချမ်းရေးရရှိဖို့ မစွမ်းဆောင်နိုင်ခဲ့သေးပါဘူး။ တစ်နေရာမဟုတ် တစ်နေရာမှာတော့ ကျွန်မတို့အချင်းချင်းကြားမှာ စစ် မက်တွေဖြစ်ပွားခဲ့တယ်ဆိုတာဟာ အားလုံးအသိပဲဖြစ်ပါတယ်။ ဒီဟာတွေ ငြိမ်းအေးဖို့ လုပ်ဖို့ဆိုတာ ကျွန်မတို့မှာ အခွင့်အရေးရှိသလို တာဝန်လည်းရှိပါတယ်။ ကျွန်မတို့ရဲ့ အခွင့်အရေးကို ထိထိရောက်ရောက်နဲ့ သုံးစွဲစေချင်ပါတယ်။

ကမ္ဘာကျော်နိုင်ငံရေးသိပ္ပံဆရာကြီးတစ်ဦးက ပြောသွားပါတယ်။ နိုင်ငံရေးမှာ အောင်မြင်မှုရှိဖို့ အချက်(၃)ချက်လိုအပ်ပါတယ်တဲ့။ ပထမဆုံးအချက်ကတော့ ကိုယ်ယုံကြည်တဲ့အရေးအပေါ်မှာ တမြတ်တနိုးနဲ့ သစ္စာတည်ခြင်းပါပဲတဲ့။ ဒုတိယအချက်ကတော့ တာဝန်သိမှုစိတ်ဓာတ်ပါပဲတဲ့။ တတိယကတော့ မှန်ကန်တဲ့ ၊ သုံးသပ်ဆင်ခြင်နိုင်တဲ့ စိတ်ဓာတ်ရှိရမယ်တဲ့။ အဲဒီတော့ ဘယ်လို အဓိပ္ပာယ် ဖော်လဲဆိုတော့ ကျွန်မတို့ရဲ့လုပ်ရပ်တွေရဲ့ အကျိုးဆက်တွေကို မှန်မှန်ကန်ကန် သုံးသပ်နိုင်ရမယ်။

ပထမဦးဆုံးအားဖြင့် ကျွန်မတို့ယုံကြည်တဲ့အရေးဆိုတာဟာ ပြည်ထောင်စုနေ့မှာဆိုရင် အားလုံး အတွက် ငြိမ်းချမ်းရေးပဲဖြစ်ပါတယ်။ ငြိမ်းချမ်းရေးဟာ ကျွန်မတို့ယုံကြည် တဲ့အရေး၊ ငြိမ်းချမ်းရေး ဖြစ်စဉ်ပေါ်မှာ သစ္စာရှိရမယ်၊ မြတ်နိုးရမယ်။ ငြိမ်း ချမ်းရေးကို အမှန်တကယ်မြတ်နိုးရမယ်။ ငြိမ်းချမ်းရေး လိုချင်ပါတယ်၊ လိုချင်ပါတယ်ဆိုပြီးတော့ ငြိမ်းချမ်းရေးကို တကယ်မမြတ်နိုးရင်တော့ ငြိမ်းချမ်းရေးနဲ့ ဖီလာဆန့်ကျင်တဲ့ အပြုအမူ တွေကို လုပ်မိကြပါလိမ့်မယ်။

နောက်ပြီးတော့လည်း ဒီအရေးပေါ်မှာ သစ္စာရှိရမယ်။ ငြိမ်းချမ်းရေးအပေါ်မှာ သစ္စာရှိဖို့ဆိုတာဟာ ငြိမ်းချမ်းရေးအတွက် အားလုံး စွန့်လွှတ်ရဲရမယ်၊ စွန့်စားရဲရမယ်။ အဲဒါဟာသစ္စာရှိခြင်းပါပဲ။ နောက် ဆရာကြီးပြောသွားတဲ့ ဒုတိယ အောင်မြင်မှုအချက် ကတော့ တာဝန်သိစိတ်ဓာတ်ရှိရမယ်၊ တာဝန်သိစိတ်ဓာတ်မရှိဘဲနဲ့ တန်ဖိုးရှိတဲ့ဘယ် အရာကိုမှ မှန်မှန်ကန်ကန်နဲ့ အောင်မြင်အောင် လုပ်နိုင်မှာမဟုတ်ပါဘူး။

တာဝန်ရှိခြင်း၊ တာဝန်ယူခြင်းဆိုတာဟာ ဘာလဲဆိုတော့ ကိုယ်လုပ်တာအတွက် ကိုယ်တာဝန်ယူ ရမယ်။ တစ်ခုခုမှားသွားရင် ဟိုဘက်က၊ ဟိုလူ့ကြောင့်၊ ဒီလူ့ကြောင့် ဆိုပြီး ပထမဦးဆုံး လက်ညိုး ထိုးချင်တဲ့ ပုဂ္ဂိုလ်များ ရှိပါတယ်။ တကယ်တော့ ပြဿနာ တစ်ခုရှိပြီ၊ ကျွန်မတို့အတွက် အကျိုးယုတ်စေတဲ့ ကိစ္စတစ်ခုပေါ်ပေါက်လာပြီ ဆိုရင် တော့ ပထမဦးဆုံးလုပ်ရမှာ ကိုယ့်ကိုယ်ကိုယ် ပြန်ပြီးတော့သုံးသပ်ရမှာပဲ။ ငါ့မှာ ဘာလို အပ်ချက် ရှိခဲ့သလဲ၊ ငါဘယ်နေရာမှာ လွဲမှားခဲ့သလဲ၊ ငါ့မှာ ဘယ်လိုအားနည်းချက် ရှိသလဲ၊ ငါ့ကြောင့် ဒီပြဿနာဟာ ဘယ်လောက်အတိုင်းအတာအထိဖြစ်ပေါ် လာတာ လဲ။ ဒါဟာတာဝန်ယူခြင်းပါပဲ။ ငါ့မှာတာဝန်ရှိတယ်။ တာဝန်မသိတဲ့ပုဂ္ဂိုလ်များဟာ ဘာပဲဖြစ်ဖြစ် သူတစ်ပါးကြောင့်ဆိုပြီး လက်ညိုးထိုးတတ်ကြပါတယ်။ တာဝန် ယူခြင်း စိတ်ဓာတ် ရှိရမယ်။

ငြိမ်းချမ်းရေးနဲ့ပတ်သက်လို့ တာဝန်ယူတယ်ဆိုတာဟာ ကျွန်မတို့ကြောင့် ငြိမ်းချမ်းရေးကို ဘယ်လောက်ထိပါးမှုရှိသလဲ။ ကျွန်မတို့လုပ်ရပ်တွေဟာ ငြိမ်းချမ်းရေးကို ဘယ်လောက်အားပေးသလဲ။ အဲဒီဟာကိုတော့ ရဲရဲဝံ့ဝံ့နဲ့ ကိုယ့်ကိုယ်ကိုယ် ပထမသုံးသပ်ရမှာပဲ။ ဒါကတော့ တာဝန်ယူခြင်းပဲ ဖြစ်ပါတယ်။ တတိယအချက်ကတော့ ဆင်ခြင်တုံတရားရှိခြင်း၊ ဒီဆင်ခြင်တုံတရား ဆိုတာကလည်း ကိုယ့်လုပ်ရပ်ရဲ့ အကျိုး ဆက်တွေ၊ ရလဒ်တွေကို မှန်မှန်ကန်ကန်သုံးသပ်နိုင်တဲ့ အရည်အချင်းကို ဆိုလို တာပါလို့ ဆရာကြီးက ရှင်းပြသွားပါတယ်။

အခု အားလုံးဟာ ဒုတိယပင်လုံကနေတစ်ဆင့် ကျွန်မတို့ပြည်ထောင်စုရဲ့ ထာဝရ၊ ထာဝရဆိုတာ ကမ္ဘာတည်သရွေ့ကိုဆိုလိုတာပါ။ ကမ္ဘာတည်သရွေ့ငြိမ်းချမ်း ရေးရရှိဖို့ အတွက် ကြိုးစားကြရမှာ ဖြစ်ပါတယ်။ ကျွန်မတို့ အခုလုပ်ရပ်တွေဟာ၊ ကျွန်မတို့ရဲ့ လုပ်ဆောင်ချက်တွေဟာ ဘယ်လိုရလဒ်တွေ ထွက်ပေါ်လာမလဲဆိုတာ ကျွန်မတို့ ဖြောင့်ဖြောင့်မတ်မတ် စဉ်းစားဆင်ခြင်ဖို့လိုပါတယ်။ ဖြောင့်ဖြောင့်မတ်မတ် ဆိုတာ တခြားလူနဲ့ ဖြောင့်ဖြောင့်မတ်မတ် ပြောတာမဟုတ်ပါဘူး။ ကိုယ်နဲ့ ကိုယ့်ကိုယ်ကိုယ် ဖြောင့်ဖြောင့် မတ်မတ် စဉ်းစားဖို့၊ တွေးခေါ်ဖို့ ပြောတာပါ။ စောစောက ပြောသွားတဲ့ တာဝန်ရှိမှု ဆိုတာနဲ့လည်း ဆက်နွှယ်နေပါတယ်။ ကိုယ့်မှာ အားနည်း ချက်ရှိတာလား၊ တခြားသူတွေမှာ အားနည်းချက်ရှိတာလား။ တခြားသူတွေရဲ့ အားနည်းချက်တွေကို ပြင်ဖို့မပြောမီ ကိုယ့်အားနည်းချက်တွေကို ကိုယ်စပြီးတော့ ပြင်ဖို့က အင်မတန်အရေးကြီးပါတယ်။ ဒီတော့ ကျွန်မတို့ရဲ့ လုပ်ရပ်တွေရဲ့ အကျိုးရလဒ် တွေဟာ ဘယ်လိုရှိမလဲဆိုတာကို ဆင်ခြင်တုံတရားနဲ့ ကျွန်မတို့ကနေပြီးတော့ ခန့်မှန်း ရမှာဖြစ်ပါတယ်။ ဒီဟာကတော့ ဥာဏ်ရည်ပါပဲ။

ဒီတော့ ငြိမ်းချမ်းရေးရဖို့ အဓိကဟာ လက်ရုံးရည်လား၊ နှလုံးရည်လား ဆိုတာ အားလုံးသေသေချာချာစဉ်းစားကြပါ။ ကျွန်မကတော့ နှလုံးရည်ကို အင်မတန်မှ ယုံကြည်တဲ့ပုဂ္ဂိုလ်ဖြစ်ပါတယ်။ အခု ကျွန်မတို့ အချင်းချင်း သဘောတူညီမှုမရှိကြလို့၊ တစ်ယောက်ပေါ်တစ်ယောက် သံသယရှိလို့၊ တစ်ယောက်နဲ့တစ်ယောက် ကွဲလွဲမှုတွေရှိ လို့ တိုက်ကြ၊ ခိုက်ကြတယ်ဆိုတော့ ကျွန်မတို့ ဘာတွေအားကိုးကြသလဲ၊ ရုပ်ပိုင်းဆိုင်ရာ လက်နက်တွေကို ကျွန်မတို့အားကိုးရပါတယ်။ ရုပ်ပိုင်းဆိုင်ရာ လက်နက် တွေဆိုတာ ဘယ်ကမြစ်ဖျားခံသလဲ။ ကျွန်မတို့ လူသားများရဲ့ ဦးနှောက်ကပဲ မြစ်ဖျား ခံတာဖြစ်ပါတယ်။

လူသားများရဲ့ ဦးနှောက်ကပဲ စဉ်းစားပြီး တီထွင်လိုက်တဲ့ လက်နက် တွေဖြစ် ပါတယ်။ ရုပ်ပိုင်းဆိုင်ရာကိစ္စအရပ်ရပ်၊ သဘာဝက ဖန်တီးထားတာကလွဲလို့ သဘာဝနဲ့ မသက်ဆိုင်တဲ့ ရုပ်ပိုင်းဆိုင်ရာအရပ်ရပ်ဟာ ကျွန်မတို့ရဲ့ဥာဏ်ရည်က၊ ကျွန်မတို့ရဲ့ ဦးနှောက်တွေထဲကနေပြီးတော့ ပေါက်ဖွားလာတာဖြစ်ပါတယ်။ ဒီဦးနှောက်တွေကို ငြိမ်းချမ်းရေးရဖို့အတွက် မသုံးနိုင်ဘူးလား။ ငြိ်မ်းချမ်းရေးကို ထိခိုက်စေမယ့် အရာ တွေအတွက် သုံးနိုင်တဲ့ ဦးနှောက်တွေကို ငြိမ်းချမ်းရေး အတွက် မသုံးနိုင်ဘူးလား ဆိုတာ အားလုံး လေးလေးနက်နက် စဉ်းစားဖို့လိုပါ တယ်။ တကယ်ပဲ သုံးနိုင်မယ် ဆိုရင် မအောင်မြင်နိုင်စရာအကြောင်းမရှိပါဘူး။

သိပ္ပံပညာရှင်များက ပြောပါတယ်။ လူသားများဟာ ယေဘုယျအားဖြင့် မိမိတို့ရှိတဲ့ ဦးနှောက်ဥာဏ်စွမ်းရဲ့ ဆယ်ရာခိုင်နှုန်းလောက်ကိုပဲ သုံးပါတယ်တဲ့။ ကျန်တဲ့ ၉၀ ရာခိုင်နှုန်းက အိပ်နေတယ်ဆိုပါတော့။ ဒီတော့ ကျွန်မတို့မှာရှိတဲ့ ဦးနှောက် ဥာဏ်စွမ်းတွေ ၁၀ ရာခိုင်နှုန်းထက်ပိုပြီး ၁၀၀ ရာခိုင်နှုန်းမဟုတ်တောင်မှ ၂၀ ရာခိုင်နှုန်း လောက်များ ငြိမ်းချမ်းရေးအတွက် အသုံးချမယ်ဆိုရင် ကျွန်မတို့ ငြိမ်းချမ်းရေးမရစရာ အကြောင်းဘာမှ မရှိဘူးလို့ အဓိက ယုံကြည်ပါတယ်။ ဒါက ယုံကြည်ချက်ပေ့ါ။

ဒါကြောင့် ကျွန်မထပ်ပြီးတော့ ပြောပါရစေ။ အခုကျွန်မတို့တည်ဆောက်ရမယ့် ယုံကြည်ချက်က မိမိကိုယ်ကိုမိမိ ယုံကြည်ချက်ဖြစ်ပါတယ်။ ညီလာခံမှာထိုင်ပြီးတော့ ဆွေးနွေးညှိနှိုင်းခြင်းအားဖြင့် ကိုယ်လိုချင်တဲ့ပန်းတိုင်ကို ရောက်နိုင်တယ်ဆိုတဲ့ ကိုယ့်ရဲ့ စွမ်းရည်ပေါ်မှာ ယုံကြည်ချက် မရှိကြဘူးလား၊ ရှိဖို့လိုပါတယ်။ ကိုယ့်ရဲ့ ဥာဏ်ရည်ပေါ်မှာ၊ ကိုယ့်ရဲ့ နှလုံးရည်ပေါ်မှာ ယုံကြည်ချက်ရှိတဲ့ ပြည်ထောင်စုသား အားလုံးဟာ ညီလာခံမှာ ပါဝင်ဖို့ရန် စိုးရိမ်စရာမရှိပါဘူး။

ကျွန်မတို့ရဲ့ ပြည်ထောင်စုသားများအားလုံးနဲ့ပတ်သက်ပြီးတော့ ယုံကြည်ချက် ရှိပါတယ်။ ဒါကြောင့် ယခုတိုင် အပစ်ခတ်ရပ်စဲရေးစာချုပ်ကို လက်မှတ်မထိုးရသေးလို့ ညီလာခံထဲမှာ အပြည့်အ၀ မပါလာနိုင်သေးတဲ့ တိုင်းရင်းသား အစုအဖွဲ့တွေကို မေတ္တာ ရပ်ခံပါရစေ။ ကိုယ့်ကိုယ်ကို ယုံကြည်ပါ၊ ကိုယ့်ရဲ့စွမ်းအင်ကို ယုံကြည်ပါ။ ကျွန်မတို့ကို ယုံကြည်ဖို့မပြောပါဘူး။ ကိုယ့်ရဲ့စွမ်းအင်နဲ့၊ ကိုယ့်ရဲ့ ထက်မြက်မှုနဲ့ ပြည်သူလူထုရဲ့ ထောက်ခံမှုကို ရယူပြီးတော့ ကိုယ်လိုချင်တဲ့ပန်းတိုင်ကို ရောက်အောင်သွားနိုင်မယ် ဆိုတဲ့ ယုံကြည်ချက်ကို ပြုစုပျိုးထောင်ကြပါလို့ တိုက်တွန်းချင်ပါတယ်။

ပြည်သူလူထုအားလုံးကတော့ ငြိမ်းချမ်းရေးလိုချင်ပါတယ်။ သာမန်ပြည်သူတွေ ထဲမှာ ငြိမ်းချမ်းရေး မလိုချင်တဲ့လူရယ်လို့ မရှိဘူးလို့ ကျွန်မကတော့ ယုံကြည်ပါတယ်။ ပြည်သူများဟာ မိမိတို့ ဘ၀တွေငြိမ်းချမ်းဖို့၊ တိုးတက်ဖို့ မိမိတို့ရဲ့သားတွေ၊ မြေးတွေ၊ နောင်လာမည့်မျိုးဆက်တွေ အေးချမ်းစွာ နေနိုင်ဖို့အတွက် မလိုလားဘဲရှိကြပါ့မလား၊။ ဒီပြည်သူ့ရဲ့ စွမ်းအားတွေကို စုစည်းနိုင်မယ်ဆိုလို့ရှိရင် ကျွန်မတို့နိုင်ငံဟာ မတိုးတက် နိုင်စရာအကြောင်း ဘာမှမရှိပါဘူး။ အခုချိန်ခါမှာဆိုရင် ပြည်ထောင်စုကြီးဟာ စိန်ခေါ်မှု အမျိုးမျိုးနဲ့ ရင်ဆိုင်နေရပါတယ်။ စနစ်အသစ်တစ်ခု ထူထောင်တယ် ဆိုတာဟာ လွယ်ကူတဲ့ကိစ္စမဟုတ်ပါဘူး။ ဒါပေမယ့် ယုံကြည်ချက်နဲ့ စနစ်တစ်ခုထူထောင်လို့ ရမယ်ဆိုပြီးတော့ ကျွန်မတို့ လုပ်ဆောင်နေတာဖြစ် ပါတယ်။

အမျိုးသားရင်ကြားစေ့ရေးဆိုတာ ပြည်ထောင်စုငြိမ်းချမ်းရေးအတွက် အခြေခံ အုတ်မြစ်ဖြစ်ပါတယ်။ အမျိုးသားရင်ကြားစေ့ရေးဆိုတာ မတူကွဲလွဲတဲ့ သဘောထားတွေကို ညှိနှိုင်းနိုင်တဲ့ အရည်အချင်း ပေါ်မှာ မူတည်ပါတယ်။ မတူကွဲပြားတဲ့ ပုဂ္ဂိုလ်များဟာ မှားတယ်လို့ ဘယ်တော့မှ သတ်မှတ်လို့ မရပါဘူး။ အမှားအမှန်ဆိုတာဟာ လူတိုင်းမှာ အတိုင်းအတာတစ်ခု ရှိပါတယ်။ လူတိုင်းမှာ အားနည်းချက် ရှိတယ်၊ အားသာချက်ရှိတယ်။ ကိုယ့်ရဲ့အားသာချက်တွေကို ပြုစုပျိုးထောင်သလို ကိုယ့်ရဲ့ အားနည်းချက်တွေကို ပပျောက်သွားဖို့ လုပ်ဖို့ဆိုတာ ကိုယ်တစ်ဦးတစ်ယောက်မှာပဲ အဓိက တာဝန်ရှိပါတယ်။ တခြားသူတွေကို လက်ညိုးထိုးပြီးတော့ တခြားပုဂ္ဂိုလ်များရဲ့ ပရောဂကြောင့် ပြဿနာဖြစ်တာဆိုပြီး ပြောလို့မရပါဘူး။

ပရောဂတွေဆိုတာ ရှိတတ်ပါတယ်။ တစ်ချို့တွေက မိမိတို့ရဲ့ အကျိုးစီးပွား အတွက်ပဲဖြစ်ဖြစ်၊ တခြားအကြောင်းကြောင့်ပဲ ဖြစ်ဖြစ် ကျွန်မတို့နိုင်ငံမှာ အမျိုးသား ပြန်လည်သင့်မြတ်ရေးဖြစ်မှာ၊ ငြိမ်းချမ်းရေးရမှာ သိပ်ပြီးတော့ မလိုလားကြပါဘူး။ ဒါပေမယ့် ဒီလိုအနှုတ်သဘောဆောင်တဲ့ စိတ်ဓာတ်တွေကို ကြောက်ရွံ့စရာ မလိုပါဘူး။ ကျွန်မတို့ရဲ့ ဆင်ခြင်တုံတရားနဲ့၊ ညီညွတ်မှုနဲ့၊ သတ္တိနဲ့၊ ဒီဟာတွေကို ကျော်လွှား နိုင်ပါတယ်။ ဒီလိုကျော်လွှားဖို့ ကြိုးစားခြင်းဟာလည်း ကျွန်မတို့အားလုံးရဲ့ အရည် အချင်းတွေကို၊ အရည်အသွေးတွေကို ပိုမိုပြီးတော့ ထက်မြက်လာအောင်လို့ အားပေး တယ်လို့ သတ်မှတ်လို့ ရပါတယ်။

ဒါကြောင့် တစ်နှစ်တစ်နှစ် ပြန်လည်လာပြီဆိုရင် အခွင့်အရေး အသစ်တွေ ထပ်တလဲလဲ ပြန်ပြီးတော့ ရပါတယ်၊ ဒါဟာ လောကကြီးရဲ့ အားသာချက် တစ်ခုပါ၊ ကျွန်မတို့ဟာ နှစ်သစ်၊ နှစ်သစ်လို့ဆိုပေမယ့်လည်း တကယ်တော့ ကမ္ဘာကြီးဟာ လည်လို့ ကမ္ဘာကြီးဟာ နေကိုပတ်လို့၊ ၀ိုင်းဝိုင်းလည်လည် သွားနေလို့ နှစ်သစ်တွေ ဟာ ပြန်ပြီးတော့ ပေါ်လာတာပါ။ ဒီအတိုင်းပဲ ကျွန်မတို့အတွက် အကျိုးအသစ်တွေ ၊ အခွင့်အရေးသစ်တွေဆိုတာ တစ်ပတ် တစ်ပတ်ပြန်ပြီးတော့ လည်လာတတ်ပါတယ်။ ဒါပေမယ့် တစ်ခါတစ်လေ အကောင်းဆုံးအချိန်မှာ မိမိရရ မဆုပ်ကိုင်လိုက်ရလို့ ဒီအကျိုးတွေဟာ အပတ်ပေါင်းများစွာ ထပ်ပြီးတော့ စောင့်ရပါတယ်။ ဘယ်လောက် အထိ စောင့်ချင်သလဲ။ ကျွန်မတို့အားလုံးဟာ ကိုယ့်ဘ၀ကလွဲလို့ တစ်ခြားဘာအတွက်မှ ကိုယ်တာဝန်မယူနိုင်ပါဘူး။ ဒီမှာရှိနေတဲ့ပုဂ္ဂိုလ်များဟာ တစ်ချိန်တစ်ခါကျရင် ပျောက်ကွယ်သွားကြ မှာဖြစ်ပါတယ်။

ဒီတော့ ဘာကျန်ခဲ့မလဲဆိုတော့ သမိုင်းအမွေအနှစ်တွေကတော့ ကျန်ခဲ့မှာပါ။ နောင်နှစ်စဉ်နှစ်စဉ် မျိုးဆက်သစ်တွေဟာ ဒီနေရာမှာ ပင်လုံကျောက်တိုင်ကို လာပြီး အလေးပြုတဲ့အခါမှာ ၂၀ ရာစု ပင်လုံအတွက်သာမဟုတ်ဘူး၊ ၂၁ ရာစု ပင်လုံ အတွက်ပါ လာပြီးတော့ အလေးပြုတယ်ဆိုတာ ဖြစ်စေချင်ပါတယ်။ ဒီနေရာကို နောင်လာနောင်သားများရောက်လာတဲ့အခါမှာ ဒီနေရာဟာ ပြည်ထောင်စုကြီးရဲ့ သင်္ကေတဖြစ်တယ်၊ ပြည်ထောင်စုသားများရဲ့ အများအကျိုးအတွက် စွန့်လွှတ်ရဲ၊ စွန့်စားရဲတဲ့ အရည်အချင်းတွေကို အသိအမှတ်ပြုရာနေရာဖြစ်တယ် ဆိုတာမျိုးကို မြင်ချင်ပါတယ်။ ကျွန်မကတော့မြင်ရတော့မှာ မဟုတ်ပါဘူး။ သမိုင်းမှာ နောင်လာ နောက်သားတွေကသာ မြင်ရတော့မှာပါ။ ဒီတော့ နောင်လာနောက်သားတွေအတွက် ကောင်းမွန်တဲ့ အမွေအနှစ်တွေကို ထားခဲ့ပါ။

မိဘကောင်းများဟာ ပစ္စုပ္ပန်ကိုပဲ မကြည့်ပါဘူး။ အနာဂတ်ကို ကြည့်ပါတယ်။ မိဘကောင်းများဆိုတာ မိမိတို့အသက်ရှင်စဉ်၊ မိမိတို့မျက်စိနဲ့မြင်နိုင်စဉ်ကာလအတွက်ပဲ ကြည့်တာမဟုတ်ပါဘူး။ မိမိတို့ မျက်စိကွယ်သွားတဲ့အချိန်၊ မျက်လုံးတွေမှိတ်သွားတဲ့ အချိန်မှာ၊ လွန်သွားတဲ့အချိန်မှာ ထားခဲ့ရမယ့် အမွေအနှစ်တွေကို အဓိကထားပြီးတော့ ကြည့်တာဖြစ်ပါတယ်။ ဒါကြောင့် အမြော်အမြင်ရှိတဲ့မိဘများ၊ တကယ့်ကိုသားသမီး တွေအပေါ်မှာ စေတနာထားတဲ့မိဘများဟာ သားသမီးတွေရဲ့ရှေ့ရေးအတွက် တွက်ပြီး ရှေ့ရေးအတွက် ကောင်းစေမယ့်ကိစ္စတွေ ဥပမာအားဖြင့် ကျန်းမာရေး ကောင်းစေဖို့ ၊ ပညာရေးထက်မြက်စေဖုိ့ သွန်သင်ဆုံးမတယ်၊ တတ်နိုင်သမျှပံ့ပိုးသွားတယ်။ အမြင် တိုတဲ့မိဘများ၊ အမျှော်အမြင်နည်းတဲ့မိဘများကတော့ သားသမီးကို ရုပ်ပိုင်းဆိုင်ရာ အပြည့်အ၀ပေးနိုင်သလောက် ပေးပြီးတော့ အလိုလိုက်တဲ့နည်းနဲ့ ချဉ်းကပ်ကြတယ်။

ဒီလိုအလိုလိုက်တာဟာ သားသမီးတွေအတွက်လား၊ ကိုယ့်အတွက်လားဆိုတာ စဉ်းစားရတယ်။ တချို့မိဘများဟာ သားသမီးများကို အလိုလိုက်တယ်ဆိုတာဟာ သားသမီးများကို ချစ်လို့လား၊ ကိုယ့်ကိုသားသမီးတွေက ချစ်စေချင်လို့လားဆိုတာကို သေသေချာချာစဉ်းစားရမှာဖြစ်ပါတယ်။ ဒီအတိုင်းပဲ နိုင်ငံအကျိုးအတွက် လုပ်တဲ့ အခါမှာ ကျွန်မတို့ကို ပြည်သူပြည်သားတွေက ချစ်စေချင်လို့၊ ထောက်ခံစေချင်လို့ လုပ်နေတာလား၊ ကျွန်မတို့က ပြည်သူပြည်သားတွေကို ချစ်လို့၊ ပြည်သူပြည် သား တွေရဲ့ အနာဂတ်ကောင်းစေချင်လို့ လုပ်နေတာလားဆိုတာ အားလုံး ရဲရဲဝံ့ဝံ့နဲ့ ကိုယ့်ကိုကိုယ်သုံးသပ်ဖို့လိုပါတယ်။

တစ်ခါတစ်လေ နိုင်ငံသူနိုင်ငံသားများရဲ့ ရေရှည်အကျိုးအတွက်၊ နောင်လာမယ့် မျိုးဆက်တွေရဲ့ အကျိုးအတွက် ကိုယ့်အပေါ်မှာ လက်ရှိပြည်သူပြည်သားများရဲ့ ကျေနပ်မှုကိုလည်း စွန့်လွှတ်သင့်ရင် စွန့်လွှတ်ရတာပဲ ။ ဥပမာအားဖြင့် ကျောင်းမနေချင် တဲ့ကလေး၊ ကျောင်းမသွားချင်တဲ့ကလေးကို မိဘက ကြိမ်းမောင်းပြီးတော့ အတင်း အကျပ် ကျောင်းသွားခိုင်းတဲ့အခါ ကလေးက မိဘအပေါ် ငြိုငြင်မှာပေါ့။ ငါ့အဖေ အမေက ငါ့ကို မချစ်ဘူး၊ ငါအိမ်မှာဆော့နေချင်တာကို အတင်းကျောင်းသွားခိုင်း တယ်ဆိုပြီး စိတ်ထဲမှာ ရှိရင်တော့ ရှိနေမှာပေါ့။

ဒီလိုကလေးက ငြိုငြင်တာကိုမခံနိုင်လို့၊ မခံချင်လို့ ကျောင်းမသွားပါနဲ့ဆိုပြီးတော့ အိမ်မှာထားတဲ့မိဘဟာ သားသမီးကို ချစ်တာမဟုတ်ဘူး၊ ကိုယ့်ကိုယ်ကိုယ် အလိုလိုက်တာ၊ ကိုယ့်ကိုသားသမီးက ချစ်စေချင်တာ။ ကျွန်မတို့ဟာ ပြည်သူပြည် သားများရဲ့မေတ္တာကို အင်မတန်မှတန်ဖိုးထားပါတယ်။ ပြည်သူပြည်သားများရဲ့ မေတ္တာကို ရယူချင်ပါတယ်၊ လိုချင်ပါတယ်။ ကျွန်မတို့ဟာပြည်သူပြည်သားတွေကို အားကိုးပြီးတော့ အနှစ်(၃၀)နီးပါး နိုင်ငံရေးလုပ်ခဲ့တာဖြစ်ပါတယ်။ ဒါပေမယ့်လည်း ပြည်သူပြည်သားတွေကို ထိခိုက်စေမယ့်နည်းနဲ့တော့ ထောက်ခံမှုကို ဘယ်တော့မှ ရယူမှာ မဟုတ်ပါဘူး။ ဒီလိုထောက်ခံမှုလည်းမလိုချင်ပါဘူး။ ငြိုငြင်ချင်ရင် ငြိုငြင်ပါစေ တကယ်ပဲ နိုင်ငံရဲ့ရေရှည်ကောင်းကျိုးအတွက် လုပ်အပ်တဲ့ကိစ္စတွေဆိုရင် အားလုံး လုပ်ရပါမယ်။

ငြိမ်းချမ်းရေးဆိုတာဟာ နောင်လာမယ့်မျိုးဆက်တွေအတွက် ဘယ်လိုမှငြင်းလို့ မရတဲ့ ရတနာကြီးတစ်ရပ်ဖြစ်ပါတယ်။ ဒီရတနာကိုသာ နိုင်ငံသူနိုင်ငံသားတွေကို အမွေအနှစ်အနေနဲ့ထားခဲ့ဖို့လိုပါတယ်။ သယံဇာတပစ္စည်းတွေဆိုတာလည်း အရေး မကြီးပါဘူး။ လောလောဆယ်စီးပွားရေးအကျိုးအမြတ်ဆိုတာလည်း အရေးမကြီးပါဘူး။ လောလောဆယ်ကျွန်မတို့ကို ထောက်ခံမှု ဘယ်လိုထောက်ခံမှုပဲဖြစ်ဖြစ်၊ ရွေးကောက်ပွဲ က ထောက်ခံမှုပဲဖြစ်ဖြစ်၊ သာမန်ထောက်ခံမှုပဲဖြစ်ဖြစ် အဲဒါတွေကလည်း အရေးမကြီးပါ ဘူး။ ဒီဟာတွေဟာ တစ်ခဏနဲ့ ပျောက်သွားမယ့် အမွေအနှစ်တွေဖြစ်နိုင်ပါတယ်၊ သယံဇာတပစ္စည်းတွေဆိုတာလည်း တစ်ချိန်တစ်ခါမှာ ပျောက်ကွယ်သွားနိုင်တာပဲ၊ စီးပွားရေးဆိုတာလည်း အတက်အကျရှိတာပဲ။ ဒီကမ္ဘာကြီးမှာ အင်မတန်မှ စီးပွားရေး တောင့်တင်းပါတယ်ဆိုတဲ့နိုင်ငံတွေတောင်မှ စီးပွားရေးအကျပ်အတည်းနဲ့ ကြုံရတဲ့ အခါ ကြုံကြရတာပဲ၊ ကျွန်မတို့ဟာ ပြည်ထောင်စုကြီးကို တကယ့်တည်တံ့ခိုင်မြဲမယ့် ငြိမ်းချမ်း ရေး အမွေအနှစ်သာ ပေးခဲ့နိုင်မယ်ဆိုရင် ဒါဟာသုံးလို့မကုန်၊ ဖြုန်းလို့မကုန်တဲ့ အမွေ အနှစ်လို့ ပြောချင်ပါတယ်။

ပြည်သူလူထုနဲ့တွေ့တဲ့အခါကျရင် ကျွန်မပြောပါတယ်။ ကျွန်မအတွက် ဖေဖေထားခဲ့တဲ့အမွေအနှစ်ဟာ ပြည်သူ့ရဲ့မေတ္တာပဲ၊ သုံးလို့မကုန်ဘူး၊ ဖြုန်းလို့မကုန် ဘူး။ ဒါပေမယ့်လည်း မဖြုန်းသင့်ပါဘူး။ ဒီလိုအမွေအနှစ်မျိုးဆိုတာဟာ ကျွန်မတို့ဟာ တန်ဖိုးထားပြီးတော့ စောင့်ရှောက်သွားရမှာဖြစ်ပါတယ်။ ဒီအတိုင်းပဲ အခုမျိုးဆက်တွေ ဟာ၊ အခုပင်လုံညီလာခံဖြစ်မြောက်ဖို့အတွက် ကြိုးစားနေတဲ့ အစုအဖွဲ့များ ပုဂ္ဂိုလ်များ ဟာ ကျွန်မတို့ပြည်သူများ သုံးလို့မကုန်နိုင်တဲ့ ငြိမ်းချမ်းရေးအမွေအနှစ်ကို စုဆောင်းပြီး တော့ ထားခဲ့စေချင်ပါတယ်။

ထပ်လောင်းပြီးတော့ ကျွန်မအနေနဲ့ အထူးပဲ ငြိမ်းချမ်းရေးစာချုပ်ကို လက်မှတ် မထိုးရသေးတဲ့ တိုင်းရင်းသားအစုအဖွဲ့တွေကို မေတ္တာရပ်ခံချင်ပါတယ်။ သတ္တိရှိရှိနဲ့ ကိုယ့်ကိုယ်ကိုယ်ယုံကြည်စွာနဲ့ လက်မှတ်ထိုးလိုက်ပါ၊ ကျွန်မတို့ရဲ့ ၂၁ ရာစုပင်လုံထဲမှာ ပါဝင်လိုက်ကြပါ။ ပြည်သူပြည်သားအားလုံးဟာ ဒီပါဝင်မှုကြောင့် ဘယ်လောက်နှလုံး စိတ်ဝမ်းအေးချမ်းကြမလဲ ၊ ဘယ်လောက်ကျေးဇူးတင်ကြမလဲ ၊ ဘယ်လောက်ပီတိ ဖြစ်ကြမလဲ ဆိုတာကို စဉ်းစားကြပါ။

ကံကံ၏ အကျိုးဆိုတဲ့အဓိပ္ပါယ်ဟာ ကိုယ်လုပ်သလို ဖြစ်မယ်ဆိုတဲ့ အဓိပ္ပါယ်ပါ။ ကံဆိုတာ ပြုလုပ်ခြင်းပါပဲ။ အတိတ်ကကံကိုဆိုလိုချင်တာမဟုတ်ပါဘူး အတိတ်က ကံက ဘာမှလုပ်လို့မရပါဘူး။ ကျွန်မတို့ပြုပြင်ပြောင်းလဲတဲ့ကံဟာ ပစ္စုပ္ပန်ပဲဖြစ်ပါတယ်။ ကံကံ၏အကျိုး၊ ကိုယ်လုပ်သလို ကိုယ်ဖြစ်မယ်ဆိုတာကို ယုံကြည်ချက်နဲ့ ငြိမ်းချမ်း ရေးဖြစ်စဉ်မှာ ပါဝင်လိုက်ကြပါ။ ဒီယုံကြည်ချက်ကြောင့်ကို အောင်မြင်စေရမယ်လို့ ယုံကြည်ပါတယ်။ တိုင်းရင်းသား ညီအစ်ကို မောင်နှမများကို ကူညီဖို့ဖေးမဖို့ မြှင့်တင်ပေး ဖို့ ဆန္ဒသာရှိပါတယ်။ ဘယ်လိုနည်းနဲ့မှ ကျွန်မတို့နိုင်ငံကို မှီတင်းနေထိုင်နေတဲ့ပုဂ္ဂိုလ် ဘယ်သူ့ကိုယ်မှ အကျိုးမယုတ်စေချင်ပါဘူး။ အကျိုးမြှင့်တင်ပေးစေချင်တဲ့စိတ်ဓာတ်နဲ့ ပင်လုံစာချုပ်ကို ထိုးခဲ့တဲ့နေရာမှာ စုပေါင်းရောက်ရှိနေကြတာဖြစ်ပါတယ်။

Myanmar State Counsellor Office

ပထမပင်လုံစာချုပ်ဟာ ကျွန်မတို့ပြည်ထောင်စုအတွက် သမိုင်းစာမျက်နှာ တစ်မျက်နှာအသစ်လှန်ပေးလိုက်လို့ ပြည်သူလူထုဟာ အခုထိ သတိရတမ်းတ နေတာ ဖြစ်ပါတယ်။ ကျွန်မတို့ဟာ ၂၁ ရာစု ပင်လုံအနေနဲ့ သမိုင်းစာမျက်နှာ တစ်မျက်နှာ လှန်ရုံမက သမိုင်းစာအုပ်အသစ်တစ်အုပ် ဖွင့်ကြပါစို့လို့ မေတ္တာရပ်ခံချင်ပါတယ်။

ကျေးဇူးတင်ပါတယ်။

ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်
ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်
Photo: RFA
ရခိုင်ပြည်နယ်၊ မောင်တောဒေသမှာ လုံခြုံရေးတပ်ဖွဲ့ဝင်တွေက လူ့အခွင့်အရေး ချိုးဖောက်ခဲ့တယ် ဆိုတဲ့ ရခိုင်ပြည်နယ်၊ မောင်တောဒေသမှာ လုံခြုံရေးတပ်ဖွဲ့ဝင်တွေက လူ့အခွင့်အရေး ချိုးဖောက်ခဲ့တယ် ဆိုတဲ့ ကုလသမဂ္ဂရဲ့ အစီရင်ခံစာနဲ့ပတ်သက်ပြီး ရဲတပ်ဖွဲ့ဝင်တွေကို စစ်ဆေးဖို့အတွက် ပြည်ထဲရေးဝန်ကြီးဌာနက စုံစမ်းစစ်ဆေးရေးအဖွဲ့ကို မနေ့က ဖွဲ့စည်းလိုက်ပါတယ်။

ကုလသမဂ္ဂရဲ့ အစီရင်ခံစာပါ အချက်တွေနဲ့ပတ်သက်ပြီး လုံခြုံရေး တပ်ဖွဲ့ဝင်တွေကို တပ်မတော်နဲ့ ရဲတပ်ဖွဲ့က ဖွဲ့စည်းထားတဲ့ စုံစမ်းစစ်ဆေးရေးအဖွဲ့တွေက လုပ်ထုံးလုပ်နည်းတွေနဲ့ အညီ စစ်ဆေးသွားမှာဖြစ်တယ်လို့ နိုင်ငံတော်သမ္မတ ဖွဲ့စည်းတာဝန်ပေးထားတဲ့ မောင်တောအကြမ်းဖက်မှု စုံစမ်းစစ်ဆေးရေး ကော် မရှင် အဖွဲ့ဝင် ဦးစောသလေးစော က ပြောပါတယ်။

"တပ်ပိုင်းဆိုင်ရာဆိုရင် တပ်ချုပ်ကြီးရဲ့ ထုတ်ပြန်ချက်နဲ့ စုံစမ်းစစ်ဆေးရေး အဖွဲ့ဖွဲ့တယ်။ အခု ဒီနေ့ဆိုလို့ရှိရင်လည်း ပြည်ထဲရေးက ဖွဲ့မယ်လို့ ကျနော်တို့ ကြားတယ်။ ဆိုတော့ ဒီအဖွဲ့အစည်းတွေ ကကျတော့ သူတို့မှာ လုပ်ထုံးလုပ်နည်းရှိထားပြီးသား အပေါ်မှာ သေသေချာချာ ပြန်လည် ပြီေးတာ့မှ စုံစမ်းစစ်ဆေးဖို့ အတွက်က သူတို့ရဲ့ လုပ်ထုံးလုပ်နည်းနဲ့ လုပ်မယ်။ ကျနော်တို့အနေနဲ့က စောင့်ကြည့်တဲ့ အနေအထားမျိုးနဲ့ ပဲ သွားပါတယ်ခင်ဗျ။"

အဲဒီ စုံစမ်းစစ်ဆေးရေးအဖွဲ့ကို ရဲရေးချုပ်ဖြစ်တဲ့ ရဲမှူးချုပ် ၀င်းထွန်း က ဥက္ကဌအဖြစ် ဦးဆောင်မှာ ဖြစ်ပြီး ရထားရဲတပ်ဖွဲ့မှူး ရဲမှူးချုပ် နေ၀င်း၊ ကမ္ဘာလှည့် ခရီးသွားလုပ်ငန်း လုံခြုံရေးရဲတပ်ဖွဲ့မှူး ရဲမှူးကြီးနေထွန်း၊ စစ်တွေ သတင်းရဲတပ်ဖွဲ့ တပ်ဖွဲ့ခွဲမှူး ဒုတိယရဲမှူးကြီး မောင်မောင်လွင်နဲ့ မှုခင်းရဲတပ်ဖွဲ့ ဒုတိယတပ်ဖွဲ့မှူး ရဲမှူးကြီး ခင်မောင်အေးတို့ ပါဝင်ပါတယ်။

စုံစမ်းစစ်ဆေးရေးအဖွဲ့ရဲ့ စစ်ဆေးချက်တွေအရ ရဲတပ်ဖွဲ့ဝင်တွေ လူ့အခွင့်အရေး ချိုးဖောက်ခဲ့တာ တွေ့ရှိရင် ရဲစည်းကမ်းထိန်းသိမ်းရေး ဥပဒေအရ အရေးယူ သွားမယ်လို့လည်း ပြည်ထဲရေး ၀န်ကြီးဌာနက ထုတ်ပြန်ထားပါတယ်။

တပ်မတော်ဘက်ကလည်း ကုလသမဂ္ဂရဲ့အစီရင်ခံစာနဲပတ်သက်ပြီး တပ်မတော်သားတွေ အမှန်တကယ် ကျူးလွန်ခဲ့တာ ရှိမရှိ စစ်ဆေးဖို့အတွက် စုံစမ်း စစ်ဆေးရေးအဖွဲ့ကို ဖေဖော်ဝါရီလ ၉ ရက်နေ့က ဖွဲ့စည်းခဲ့ပါတယ်။

ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးက ဖေဖော်ဝါရီလ ၃ ရက်နေ့က အစီရင်ခံစာ တစ်စောင် ထုတ်ပြန်ခဲ့တာဖြစ်ပြီး အဲဒီအစီရင်ခံစာ မှာ မောင်တောဒေသက မွတ်ဆလင်တွေအပေါ် လုံခြုံရေးတပ်ဖွဲ့ဝင်တွေက နှိပ်စက်ညှဉ်းပန်းတာတွေ အဓမ္မပြုကျင့်တာတွေ ရှိနေတယ်ဆိုပြီး ပါရှိတာဖြစ်ပါတယ်။

အဲဒီကိစ္စနဲ့ပတ်သက်ပြီး မောင်တောဒေသ အကြမ်းဖက်မှု စုံစမ်းစစ်ဆေးရေးကော်မရှင်ကလည်း ဖေဖော်ဝါရီလ ၉ ရက်နေ့ကစပြီး ရခိုင်ပြည်နယ် မောင်တောဒေ သမှာ ကွင်းဆင်းပြီး စုံစမ်းစစ်ဆေးမှု တွေ ပြုလုပ်နေပါတယ်။
RFA



 ပင်လုံကျောက်တိုင်ဘေးမှာ ပြည်ထောင်စုနေ့မိန့်ခွန်း ပြောခဲ့
နှစ် ၇၀ ပြည့် ပြည်ထောင်စုနေ့ အခမ်းအနားကို ပင်လုံမြို့မှာ ကျင်းပခဲ့ပါတယ် ။

ဒီနှစ်မှာ ထူးခြားတာတော့ ပင်လုံစာချုပ်ကိုလက်မှတ်ရေးထိုးခဲ့တဲ့ တိုင်းရင်းသားခေါင်းဆောင် ၂၃ ဦးရဲ့မိသားစုဝင်တွေ နှစ် ၇၀ အတွင်း ပထမဆုံးအကြိမ် တက်ရောက် လာတာတွေ့ရပါတယ်။

ဒေါ်အောင်ဆန်းစုကြည်ဟာ ပြည်ထောင်စုနေ့ ကျင်းပမယ့် ပင်လုံကျောက်တိုင်ကို ၉ နာရီခွဲလောက်မှာ ရောက်လာခဲ့ပြီး ကျောက်တိုင်ကိုဝင်တဲ့ လမ်းတလျှောက်မှာ ဒေသခံ တိုင်းရင်းသားတွေဟာ အမေစုကျန်းမာပါစေ ဆို လို့ ကြွေးကြော်ပြီး ကြိုဆိုခဲ့ကြပါတယ်။

ပင်လုံကျောက်တိုင်ဝင်းထဲကို ဖိတ်ကြားထားတဲ့ နိုင်ငံရေးပါတီတွေ၊ တိုင်းရင်းသား လက်နက်ကိုင် ကိုယ်စားလှယ်၊ အစိုးရဝန်ထမ်းတွေ ကျောင်းသားနဲ့ တိုင်းရင်းသားတွေ စုစုပေါင်း ၅၀၀ လောက် တက်ရောက်ခဲ့ပါတယ်။

ဒေသခံအများစု ကတော့ ကျောက်တိုင်ဝင်း အပြင်ဘက်ကနေသာ ကြည့်ရှု့ခဲ့ကြတာ တွေ့ရပါတယ် ။

ပင်လုံမြို့မှာ ကျင်းပတဲ့ ပြည်ထောင်စုနေ့ အခမ်းအနားဟာ ငြိမ်းချမ်းရေးအတွက် ၂၁ ရာစု ပင်လုံညီလာခံ အတွက် အထောက်အကူ ဖြစ်မယ့် အဓိပ္ပာယ်ရှိတဲ့ အခမ်းအနားလို့ တက်ရောက်လာသူတွေ ကမျှော်လင့် တကြီး ပြောပြပါတယ် ။

ပြည်သူတွေအတွက် တန်ဖိုးအရှိဆုံးနဲ့ အကြီးမားဆုံး ကတော့ ငြိမ်းချမ်းရေး ဖြစ်တဲ့အကြောင်းနဲ့ NCA စာချုပ်မှာ လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေအနေနဲ့လည်း အမြန်ဆုံး လက်မှတ်ထိုးဖို့ ပြည်ထောင်စုနေ့မှာ ဒေါ်အောင်ဆန်းစုကြည်က ထပ်မံတိုက်တွန်းလိုက်ပါတယ် ။

ကိုယ့်ကိုယ်ကိုယ် ယုံကြည်မှုရှိရှိနဲ့၂၁ ရာစုပင်လုံညီလာခံမှာ ပါဝင်ဖို့ ဒေါ်အောင်ဆန်းစုကြည်က ဆော်သြ လိုက်ပါတယ်။

တိုင်းရင်းသားလက်နက်ကိုင်အဖွဲ့တွေ ၂၁ ရာစုပင်လုံညီလာခံမှာ ပါဝင်လာဖို့ အစိုးနဲ့ ညှိနှိုင်းစရာတွေရှိသေးသလို အချိန်ယူရမယ်လို့ တက်ရောက်လာသူအချို့ကပြောပါတယ်။

BBC Burmese
http://www.bbc.com/burmese



 ရန်ကုန်-ကျောက်ဖြူကားလမ်းတွင် ခရီးသည်တင်ဘတ်စ်ကားတစ်စီး လမ်းဘေးထိုးကျသွားသော်လည်း ထိခိုက်ဒဏ်ရာရသူ မရှိ
နိရဉ္စရာ၊ ဖေဖော်ဝါရီ ၁၂

ရန်ကုန်မှ ကျောက်ဖြူသို့ မောင်းနှင် လာသော ခရီးသည်တင် ရိုးမသစ္စာကားသည် ယနေ့နံနက်က ကျောက်ဖြူမြို့နယ်၊ အုန်းတောကျေးရွာ အနီးတွင် လမ်းဘေးအုတ်ခုံနှင့် တိုက်မိပြီး လမ်းဘေးထိုးကျသွားခဲ့သော်လည်း ခရီးသည် တစ်စုံတစ်ယောက်မျှ ဒဏ်ရာရရှိခြင်း မရှိကြောင်း သိရသည်။

“ ဒီနေ့ ဖေဖော်ဝါရီ ၁၂ ရက်နေ့ နံနက် ၈ နာရီ ၄၅ မိနစ်ခန့်မှာ လက်ဝဲဘက် တံတာအုတ်ခုံကို ၀င်တိုက်ပြီး လမ်းဘေးကို ထိုးကျသွားတယ်။ ကားက တိမ်းစောင်းရုံ တိမ်းစောင်ပြီး တစ်စီးလုံး တိမ်းမှောက်မသွားတဲ့ အတွက်ခရီးသည်တွေ ထိခိုက်ဒဏ်ရာရတာ မရှိပါဘူး” ဟု ယဉ်ထိန်းရဲတပ်ဖွဲ့စုမှ ရဲအုပ်မောင်မောင်ထွန်း ကပြောသည်။


ကားပေါ်တွင် ခရီးသည် ၁၃ ဦးသာ ပါရှိလာပြီး မောင်လာသော ကားဒရိုင်ဘာမှာ ရမ်းဗြဲမြို့မှ ဦးသန်းထွန်း ဖြစ်ကြောင်း သိရှိရသည်။

ဒရိုင်ဘာအိပ်ငိုက်ရာမှ ယခုလို အုတ်ခုံကို တိုက်မိဖွယ်ဖြစ်နိုင်ကြောင်း ခရီးသွားတစ်ဦးက ပြောဆိုသည်။

ကျော်ဝင်း၊ ကျောက်ဖြူ
Narinjara
https://www.facebook.com/Narinjara



ဖေဖော်ဝါရီလ ၁၂ ရက်နေ့က ရန်ကုန်မြို့မဟာဗန္ဓုလပန်းခြံမှာ ကျင်းပတဲ့ နှစ် ၇၀ ပြည့် ပြည်ထောင်စုနေ့အခမ်းအနားကို ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း တက်ရောက်လာစဉ်။ Photo: Aung Thain Kha/ RFA
ဒီမိုကရေစီ ဖက်ဒရယ်ပြည်ထောင်စု တည်ဆောက်ရေး အတွက် တိုင်းရင်းသား အချင်းချင်း အပြန်အလှန် ညှိနှိုင်းတိုင်ပင်ပြီး ပြည်ထောင်စုကြီး တစ်ရပ် တည်ထောင်ကြဖို့ နိုင်ငံတော် သမ္မတ ဦးထင်ကျော်က တိုက်တွန်းလိုက်ပါတယ်။

ပြည်ထောင်စုနေ့ အခမ်းအနားတွေထံ ပေးပို့တဲ့ နိုင်ငံတော်သမ္မတ ဦးထင်ကျော် ရဲ့ သ၀ဏ်လွှာကို ဒီနေ့ ရန်ကုန်မြို့မဟာဗန္ဓုလပန်းခြံမှာ ကျင်းပတဲ့ အခမ်းအနား မှာ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ဖတ်ကြားခဲ့တာဖြစ်ပါတယ်။

ဒီကနေ့ အခမ်းအနားကို တိုင်းဒေသကြီး အစိုးရအဖွဲ့ဝင် ဝန်ကြီးတွေ၊ လွှတ်တော် ကိုယ်စားလှယ်တွေနဲ့ ပြည်သူ ၃ ထောင်နီးပါး တက်ရောက်ခဲ့ကြပါတယ်။

နေပြည်တော်မှာ ကျင်းပတဲ့ ပြည်ထောင်စုနေ့ အခမ်းအနားကို ဒုတိယသမ္မတဦးမြင့်ဆွေ၊ ပြည်ထောင်စု ၀န်ကြီးတွေနဲ့ လွှတ်တော်ကိုယ်စားလှယ်တွေ တက်ရောက်ခဲ့ကြပြီး ဒုတိယသမ္မတဦးမြင့်ဆွေက သမ္မတရဲ့ သ၀ဏ်လွှာကို ဖတ်ကြားခဲ့ပါတယ်။

အမျိုသားပြန်လည်သင့်မြတ်ရေး နဲ့ စည်းလုံးရေးအတွက် ဖြေရှင်းချက်က ဒီမိုကရေစီဖယ်ဒရယ် ပြည်ထောင်စုတည်ထောင်ရေးဖြစ်ကြောင်း လည်း နိုင်ငံတော် သမ္မတရဲ့ သ၀ဏ်လွှာမှာ ပါရှိပါတယ်။

ဒါ့အပြင် လွတ်လပ်ရေးရပြီး အကြောင်းအမျိုးမျိုးကြောင့် ပြည်တွင်းငြိမ်းချမ်းရေး ခိုင်မာအောင် မတည်ဆောက်နိုင်ခဲ့တာကြောင့် တိုင်းရင်းသားပြည်သူတွေရဲ့ လူမှုဘ၀နိမ့်ကျခဲ့ရတယ်လို့လည်း ပါရှိပါတယ်။

ပြည်သူတရပ်လုံးလိုလားတောင့်တနေတဲ့ ပြည်တွင်းငြိမ်းချမ်းရေးခိုင်မာအောင်တည်ဆောက်နိုင်ရင် မြန်မာနိုင်ငံကို ကမ္ဘာ့အလယ်မှာ ၀င့်ထည် လာအောင် ဆောင်ကြဉ်းနိုင်မှာဖြစ်ကြောင်း နိုင်ငံဖွံ့ဖြိုး တိုးတက်ရေးအတွက် နိုင်ငံရေးနဲ့ စီးပွားရေးဒွန်တွဲလျက်ရှိပြီးစီးပွားရေးမူဝါဒကို အခြေခံတဲ့ အုတ်မြစ်တွေထဲက အရေးကြီးဆုံးအချက်က အမျိုးသားပြန်လည်သင့်မြတ်ရေးနဲ့ အမျိုးသားပြန်လည် ရင်ကြားစေ့ရေးဖြစ်တယ်လို့ ပါရှိပါတယ်။

နှစ် ၇၀ ပြည့် အမျိုးသားနေ့ အထိမ်းအမှတ်အဖြစ် ပြည်ထောင်စုစိတ်ဓာတ်ရှင်သန်ရေး၊ အမျိုးသားစည်းလုံးညီညွတ်မှုခိုင်မာအောင်တည်ဆောက်ရေး၊ ဒီမိုကရေစီဖယ်ဒရယ်ပြည်ထောင်စု တည်ဆောက်ရေးနဲ့ ပြည်သူတွေရဲ့ လူမှုစီးပွားဘ၀မြင့်မာရေးဆိုပြီး ဦးတည်ချက် ၄ ရပ် ချမှတ် ထားတာဖြစ်ပါတယ်။

RFA Burmese
http://www.rfa.org/burmese



ဖေဖော်ဝါရီလ ၁၂ ရက်နေ့က ရန်ကုန်မြို့၊ အမျိုးသားဒီမိုကရေစီအဖွဲ့ချုပ် ပါတီရုံးချုပ်မှာ ကျင်းပတဲ့ နှစ် (၇၀) ပြည့် ပြည်ထောင်စုနေ့ အခမ်းနားတွင် NLD အဖွဲ့ချုပ် နာယက သူရဦးတင်ဦးကို တွေ့ရစဉ်။ Photo: Thant Zin Oo/ RFA
တိုင်းရင်းသားအချင်းချင်း စည်းလုံးညီညွတ်မှု မရှိသရွေ့ နိုင်ငံတည်ငြိမ်မှု ရှိမှာမဟုတ်ကြောင်း အမျိုးသားဒီမိုကရေစီ အဖွဲ့ချုပ် နာယက သူရဦးတင်ဦး က ပြောပါတယ်။

ဒီနေ့ ရန်ကုန်မြို့၊ အမျိုးသားဒီမိုကရေစီအဖွဲ့ချုပ် ပါတီရုံးချုပ်မှာ ကျင်းပတဲ့ နှစ် (၇၀) ပြည့် ပြည်ထောင်စုနေ့အခမ်း နားမှာ နာယက သူရဦးတင်ဦး က ပြောခဲ့တာဖြစ်ပါတယ်။

နှစ် ၇၀ မြောက် ပြည်ထောင်စုနေ့အတွက် အမျိုးသားဒီမိုကရေစီ အဖွဲ့ချုပ် ပါတီက ထုတ်ပြန်တဲ့ ကြေညာချက်မှာ အမျိုးသားဒီမိုကရေစီ အဖွဲ့ချုပ်အနေနဲ့ တိုင်းရင်းသားတွေရဲ့ သဘောထား အမြင်တွေ မတူတာကို အသိအမှတ်ပြုပြီး အဲဒီ မတူညီမှုတွေကို စုစည်းညီညွတ်တဲ့ အင်အားအဖြစ် ပြောင်းလဲ စွမ်းဆောင်သွားမယ်လို့ ပါရှိပါတယ်။

ဒါ့အပြင် ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေ အုတ်မြစ်ချခဲ့တဲ့ ပြည်ထောင်စုစိတ်ဓာတ်ကို ဖွံ့ဖြိုးတိုးတက်အောင် ကြိုးပမ်းပြီး ဒီမိုကရေစီ ဖက်ဒရယ်ပြည်ထောင်စု ထူထောင်ရေးကို ဆောင်ရွက်သွားမယ် လို့လည်း ကြေညာချက်မှာ ဖော်ပြထားပါတယ်။

ဒီကနေ့ အခမ်းအနားကို ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ နိုင်ငံခြား သံတမန်တွေနဲ့ တိုင်းရင်းသား ပါတီတချို့က အဖွဲ့ဝင်တွေ တက်ရောက်ခဲ့ပါတယ်။

RFA Burmese
http://www.rfa.org/burmese


အမေရိကန် သမ္မတသစ် ဒေါ်နယ်ထရမ့်လက်ထက် ပထမဆုံးအကြိမ် အဖြစ် မြောက်ကိုရီးယားက တာဝေးပစ် ပဲ့ထိန်း ဒုံးကျည် တစင်းကို စမ်းသပ် ပစ်လွှတ်ခဲ့ကြောင်း တောင်ကိုရီးယား တပ်မတော်က သတင်းထုတ်ပြန်လိုက်ပါတယ်။

ဒုံးကျည်စမ်းသပ်မှုဟာ စနေနေ့ ဂရင်းနစ်စံတော်ချိန် ၂၂:၅၅ (ဒေသ စံတော်ချိန် ၀၇:၅၅) မှာ ဖြစ်ပွားခဲ့ပြီး အရှေ့ဘက် ဂျပန်ပင်လယ် ကီလိုမီတာ ၅၀၀ အကွာအဝေး ဆီကို ဦးတည်ပစ်လွှတ်ခဲ့တယ်လို့ တောင်ကိုရီးယား အာဏာပိုင်တွေက ပြောပါတယ်။

မနှစ်တုန်းကလည်း ပြုံယမ်း အစိုးရဟာ နျူကလီးယား စမ်းသပ်မှုတွေ အကြိမ်အတော်အများများ ပြုလုပ်ခဲ့ပါတယ်။ ဒုံးကျည်နဲ့ နျူ စမ်းသပ်မှုတွေနဲ့အတူ မြောက်ကိုရီးယားရဲ့ ရန်လိုတဲ့ ထုတ်ပြန်ချက်တွေဟာ ဒေသတွင်းကို အသင့်အနေအထား တရပ် ဖြစ်စေပြီး စိတ်ဆိုးဒေါသထွက်စေပါတယ်။

အမေရိကန် ကာကွယ်ရေးဝန်ကြီးဌာန တာဝန်ရှိသူ တယောက်ကို ကိုးကားပြီး ရိုက်တာ သတင်းဌာနရဲ့ ဖော်ပြချက်မှာ အမေရိကန် အနေနဲ့ မြောက်ကိုရီးယားရဲ့ ဒုံးကျည်စမ်းသပ်မှုကို သိရှိခဲ့ကြောင်း အတည်ပြုထားပါတယ်။ ဒီဒုံးကျည်ပစ်လွှတ်မှု အကြောင်း အမေရိကန်သမ္မတထရမ်ဆီ သတင်းပို့ပြီး ဖြစ်ကြောင်း အိမ်ဖြူတော် အရာရှိ တယောက်က ပြောပါတယ်။

တောင်ကိုရီးယား နိုင်ငံခြားရေးဌာနရဲ့ ထုတ်ပြန်ချက်မှာ မြောက်ကိုရီးယားရဲ့ ဒုံးကျည်စမ်းသပ်မှုတွေဟာ ကင်ဂျုံအန်း အစိုးရရဲ့ အကျိုးအကြောင်းညီ စဉ်းစားဆင်ခြင်နိုင်စွမ်း မရှိမှု၊ နျူကလီးယားနဲ့ ဒုံးကျည် လက်နက်တွေ ရူးရူးသွပ်သွပ်နဲ့ ပိုင်ဆိုလိုမှုကို ပြသနေတယ်လို့ ဆိုထားပါတယ်။

ဂျပန် အစိုးရအဖွဲ့ အတွင်းရေးမှူးချုပ် ရိုရှီဒါဆူဂါကတော့ ဒုံကျည်ပစ်လွှတ်မှုဟာ ဂျပန်ရေပိုင်နက်ထဲကို မကျရောက်ကြောင်း၊ ဒီကိစ္စနဲ့ စပ်လျဉ်းပြီး တိုကျိုအစိုးရအနေနဲ့ မြောက်ကိုရီးယား အပေါ် အပြင်းအထန် ကန့်ကွက်သွားမယ်လို့ ပြောထားပါတယ်။

မြောက်ကိုရီးယားဘက်ကတော့ ဒီဒုံးကျည်စမ်းသပ်မှုနဲ့ ပတ်သက်ပြီး တစုံတရာ သတင်းထုတ်ပြန်ခြင်းမျိုး အခုလောလောဆယ်မှာ မရှိသေးပါဘူး။

ဇန်နဝါရီလတုန်းက မြောက်ကိုရီးယား ခေါင်းဆောင်ဟာ နျူထိပ်ဖူးတပ် တာဝေးပစ် ဒုံးကျည်တွေ စမ်းသပ်ပစ်လွှတ်နိုင်ဖို့ နီးစပ်တော့မယ်လို့ ပြောခဲ့ဖူးပါတယ်။

အရင်အပတ်တုန်းက တောင်ကိုရီးယားကို လာလည်ခဲ့တဲ့ အမေရိကန် ကာကွယ်ရေးဝန်ကြီးသစ် ဂျိမ်းမက်တစ်ကတော့ မြောက်ကိုရီးယားက နျူကလီးယားလက်နက် အသုံးပြုလာရင် အမေရိကန် အနေနဲ့ ပြင်းပြင်းထန်ထန် တန်ပြန်သွားမယ်လို့ သတိပေးထားပါတယ်။ တောင်ကိုရီးယားမှာ အမေရိကန်ရဲ့ ဒုံးကျည်ကာကွယ်ရေးစနစ်တခု ဒီနှစ်အတွင်းမှာ တပ်ဆင်မယ်လို့လည်း မက်တစ် က ထပ်လောင်း အတည်ပြုခဲ့ပါတယ်။

မြောက်ကိုရီးယားဟာ မနှစ်က ပဉ္စမမြောက် နျူကလီးယား စမ်းသပ်မှု တခု ပြုလုပ်ခဲ့ပြီး နျူလက်နက်တွေနဲ့ အမေရိကန်ကို တိုက်ခိုက်နိုင်စွမ်းတယ်လို့ ပြောခဲ့ပေမယ့် ကျွမ်းကျင်သူတွေကတော့ မြောက်ကိုရီးယားမှာ ဒီလို စွမ်းဆောင်နိုင်မယ့် နည်းပညာတိုးတက်မှုမျိုး မရှိသေးဘူးလို့ ယူဆထားကြပါတယ်။

မြောက်ကိုရီးယားဘက်ကတော့ အမေရိကန် ပြည်မ အထိ ရောက်နိုင်စွမ်းတဲ့ တိုက်ချင်းပစ် ဒုံးကျည်တွေ စမ်းသပ်ပစ်လွှတ်နိုင်ဖို့ နီးစပ်နေပြီလို့ အခု လတ်တလော ရက်သီတင်းပတ်တွေ အတွင်းမှာပဲ ပြောခဲ့ပါသေးတယ်။

BBC Burmese
https://www.facebook.com/bbcburmese

Author Name

Contact Form

Name

Email *

Message *

Powered by Blogger.