02/14/17

ယနေ့ ဖေဖော်ဝါရီ ၁၃ရက်တွင် ကျရောက်သော ဗိုလ်ချုပ်အောင်ဆန်း၏ (၁၀၂)နှစ်မြောက် မွေးနေ့အထိမ်းအမှတ်အဖြစ် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တောင်ကြီးမြို့ရှိ မြို့တော်ခန်းမတွင် မိဘမဲ့ကလေးများအား နေ့လည်စာ အဟာရ လှူဒါန်းသည်။

ဒေါ်အောင်ဆန်းစုကြည်၏ ကိုယ်ပိုင်ငွေကျပ် ၂၇သိန်း ၆သောင်းနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနတို့ ပူးပေါင်းပြီး တောင်ကြီးမြို့ရှိ ပရဟိတဂေဟာများမှ ကလေးငယ် စုစုပေါင်း ၂၄၀ဦးအား အဟာရ လှူဒါန်းခဲ့ခြင်းဖြစ်သည်။
“ကျန်းမာကြပါစေ၊ ချမ်းသာကြပါစေ။ အသက်(၁၀၀)ကျော်အောင် နေနိုင်ကြပါစေ။ နိုင်ငံ့ရဲ့အကျိုးကို အကျိုးပြုနိုင်ကြပါစေ” ဟု ဗိုလ်ချုပ်အောင်ဆန်း၏(၁၀၂)နှစ်ပြည့် အထိမ်းအမှတ် အဟာရကျွေးမွေးလှူဒါန်းခြင်း အခမ်းအနားတွင် ဒေါ်အောင်ဆန်းစုကြည်က ကလေးငယ်များအား ဆုတောင်းပေးခဲ့သည်။

အခမ်းအနားတွင် ဓမ္မဝိဒူ လူငယ်ဖွံ့ဖြိုးရေး၊ ငြိမ်းချမ်းလူငယ်ဖွံ့ဖြိုးရေး၊ အမျိုးသမီးစတဲ့ ပရဟိဂေဟာများ၊ ဒေါ်ကြီးဒေါ်ငယ်၊ Open Door၊ အ၀ါရောင်မျိုးဆက်သစ် လူငယ်ပရဟိတ အသင်း၊ ဘုရားဖြူ(ခရစ်ယန်)မသန်စွမ်းဂေဟာ၊ စိတ္တသုခ၊ အောင်ချမ်းသာနဲ့ မိဘမေတ္တာ ပရဟိတဂေဟာတို့က ကလေးငယ် စုစုပေါင်း ၂၄၀ ဦး တက်ရောက်ခဲ့သည်။
===========
Mizzima - News in Burmese
http://www.mizzimaburmese.com/article/23503


NLD ဥပဒေအကြံပေး ဦးကိုနီ။ ဇန်န၀ါရီ ၁၃။ ၂၀၁၆။
NLD ဥပဒေအကြံပေး ဦးကိုနီ။ ဇန်န၀ါရီ ၁၃။ ၂၀၁၆။
ရန်ကုန်နိုင်ငံတကာလေဆိပ်မှာ သေနတ်ပစ် လုပ်ကြံခံရတဲ့ NLD ပါတီဥပဒေအကြံပေး တရားလွှတ်တော်ရှေ့နေ ဦးကိုနီအမှုနဲ့ပတ်သက်လို့ အစိုးရနဲ့ သက်ဆိုင်ရာလုံခြုံရေးတပ်ဖွဲ့က ခုချိန်ထိ သတင်းထုတ်ပြန်မှု အားနည်းနေသေးတယ်လို့ သတင်းသမားတွေက ဝေဖန်လိုက်ကြ ပါတယ်။ ဦးကိုနီ လုပ်ကြံခံရတာ ၂ ပတ်ပြည့်လာတဲ့ အချိန်ထိ ပြည်သူတွေ သိသင့်သိထိုက်တဲ့ နောက်ဆက်တွဲ သတင်းအချက်လက်တွေ ထုတ်ပြန်တာမျိုး မတွေ့ရသေးဘူးလို့ ထောက်ပြကြပါတယ်။ ဆက်သွယ်မေးမြန်းထားတဲ့ ကိုဉာဏ်ဝင်းအောင်က ပြောပြပါမယ်။

ဇန်န၀ါရီ ၂၉ ရက်နေ့က ရန်ကုန်နိုင်ငံတကာလေဆိပ်မှာ ရှေ့နေဦးကိုနီကို လုပ်ကြံသတ်ဖြတ်ခဲ့တာ အခုဆို ၂ ပတ်ပြည့်လာပြီဖြစ်ပါတယ်။ လုပ်ကြံမှုအပြီး အချိန်ပိုင်းအတွင်းမှာပဲ သေနတ်သမား ဦးကြည်လင်းကို လေဆိပ်ပိုင်နက်မှာ ဖမ်းမိခဲ့ပြီး၊ အခု ၂ ပတ်ကြာလာတဲ့အချိန်အတွင်း လုပ်ကြံမှုမှာ ပူးပေါင်းပါဝင်ခဲ့တဲ့ ဦးအောင်ဝင်းဇော်ကို ဇန်နဝါရီလ ၃၀ ရက် မနက် ၄နာရီကျော် ဘာအံမြို့က သံလွင်တံတားမှာ ဖမ်းမိခဲ့တယ် ဆိုတဲ့ နိုင်ငံတော်သမ္မတရုံးရဲ့ ဖေဖေါ်ဝါရီလ ၃ ရက် သတင်းထုတ်ပြန်ချက်ကလွဲလို့ အခြားသတင်းအချက်အလက်တွေကို အစိုးရပိုင်းကရော ဒီအမှုကို ကိုယ်တွယ်စစ်ဆေးနေတဲ့ ပြည်ထဲရေးဝန်ကြီးဌာနကပါ သေချာ ထုတ်ပြန်ပေးတာမျိုး မရှိသေးဘူးလို့ သတင်းသမားတွေဖက်က ဝေဖန်နေတာ ဖြစ်ပါတယ်။ ဒါဟာ သက်ဆိုင်ရာက သတင်းထိန်ချန်ချင်တဲ့ သဘောများလားလို့ သံသယဝင်မိကြောင်း ဦးကိုနီ လုပ်ကြံခံရမှုကို စုံစမ်းဖေါ်ထုတ် ရေးသားဖို့ကြိုးစားနေတဲ့ Myanmar Now သတင်းဌာန အယ်တီတာချုပ် ကိုဆွေဝင်းက ပြောပါတယ်။

“ဒီအခြေအနေတခုလုံးက နိုင်ငံရေးနဲ့ဆက်နွယ်နေတယ်ဆိုတာ အားလုံးလည်းနားလည်ကြတယ်၊ ဒါကြောင့်မို့လို့ အစိုးရအနေနဲ့ ၊ အစိုးရဆိုတာထက် ကျနော်တို့ တိတိကျကျပြောရမယ်ဆိုရင် ပြည်ထဲရေးဝန်ကြီးဌာန နဲ့ တပ်မတော်ပေါ့ဗျာ၊ စစ်တပ်ကနေပြီးတော့ ဒီသတင်းအချက်အလက်အပေါ်ကို သူတို့လိုသလို ကစားလို့ရအောင် သတင်းအမှောင်ချထားတာလို့ပဲ ကျနော်တို့ကနားလည်တယ်။ နောက်ပြီးသူတို့ပြောတဲ့ ကွင်းဆက်တရားခံတွေ မလွှတ်မြောက်သွားအောင် မထုတ်ပြန်သေးဘူးဆိုတာကလည်း လုံလောက်တဲ့ အကြောင်းပြချက်လည်းမဟုတ်ဘူး ဘာကြောင့်လဲဆိုတော့ CCTV မှတ်တမ်းမှာရှိတဲ့ မသင်္ကာဖွယ်ရာ ဓါတ်ပုံတွေဆိုတာက ပြည်သူလူထုနဲ့ ပူးပေါင်းပြီးတော့ ဖမ်းရတာ၊ ဒါက မြန်မာနိုင်ငံမှာတင်မဟုတ်ဘူး တကမ္ဘာလုံးမှာ ဒီလိုပဲ ဖမ်းကြရတာ၊ ၂၄ နာရီအတွင်းမှာ ထုတ်ပြန်တယ်၊ ပြီးတော့ ဒီလူတွေအားလုံး နယ်စပ်တွေမကျော်သွားအောင် ဆိုပြီးတော့ လုပ်နေကြတာ။ ဆိုတော့ အခု ၂ ပတ်ကြာလာပြီ ဒါနဲ့ပတ်သက်ပြီးတော့မှ ဘာမှ မထုတ်ပြန်ပေးဘူး ၊ နောက်ပြီးတော့ ပထမတရားခံကနေ ရရှိလာတဲ့ သတင်းအချက်အလက်တွေကို ပြည်သူလူထုကို ဘာမှ တိတိကျကျ မထုတ်ပြန်ပေးဘူးဆိုတာက လုံခြုံရေးအရ လိုအပ်လို့ လျှို့ဝှက်ထားတယ်ဆိုတာထက် သတင်းအမှောင်ချထားတယ်လို့ပဲ ကျနော်တို့က ပြောချင်ပါတယ်ခင်ဗျ။”

သေနတ်သမား ဦးကြည်လင်းရဲ့ထုတ်ဖေါ်ချက်အရ နောက်ဆက်တွဲ ဖမ်းဆီးထားတဲ့ ဦးအောင်ဝင်းဇော်ကို သူနောက်ဆုံးနေထိုင်ရာ ရန်ကုန် သာကေတ ထူပါရုံအရှေ့ ၁၆ လမ်းက နေအိမ်ကို လုံခြုံရေးတပ်ဖွဲ့နဲ့အတူ ခေါ်ဆောင်လာပြီး အိမ်ကိုဝင်ရှာခဲ့တဲ့ အကြောင်းတွေ ပြည်တွင်း သတင်းဌာနတချို့က ရေးသားခဲ့ကြပေမယ့် သူ့အိမ်ကို ဘာအတွက်ခေါ်လာပြီး ဘာပစ္စည်းတွေ သိမ်းဆည်းသွားတယ်၊ သူ့ရဲ့နောက်ကြောင်း ရာဇဝင်က ဘာတွေဖြစ်တယ် စတာတွေကို အစိုးရက ရှင်းလင်းဖေါ်ပြတာမျိုး ခုထိမရှိသေးပါဘူး။ ဒါတွေဟာ အစိုးရအနေနဲ့ သတင်းကို လိုသလို ထိန်းချုပ်နိုင်ဖို့ လုပ်နေတာများလားလို့ အတွေးဝင်မိကြောင်း မြန်မာနိုင်ငံ သတင်းမီဒီယာကောင်စီအဖွဲ့ဝင် ဦးမြင့်ကျော်က ပြောပါတယ်။

“တကယ်တော့ ပြည်ထဲရေးက ဒီကိစ္စကို တိုက်ရိုက်ထုတ်ပြန်ရမှာပါ။ နိုင်ငံတော်သမ္မတရုံးနဲ့ ထုတ်ပြန်တာကတော့ သိပ်တော့မဆီလျော်ဘူးလို့ထင်တယ်။ ဆိုလိုချင်တာက Information ကို Control လုပ်ချင်လို့ လုပ်တဲ့သဘောမျိုးလို့ အဲလိုမျိုး ကောက်ချက်ချစရာဖြစ်နေတယ်။ တကယ်တမ်းကျတော့ ပြည်ထဲရေးက ရဲလုပ်ထုံးလုပ်နည်းလည်း သူတို့နားလည်ပါတယ်။ ဘယ်ဟာပြောလို့ရတယ်၊ မရဘူးဆိုတာ ။ဒီကိစ္စလည်း ပြောလို့ရတဲ့ဟာမျိုးတို့ ပြောဖို့၊ သူတို့ထုတ်ပြန်နိုင်တဲ့ဟာကို ရဲတွေက ထုတ်ပြန်ဖို့ ဒါက အစဉ်အလာဖြစ်စေချင်တယ် ။ ၂ ပတ်ကြာတဲ့အထိ အခြေအမြစ်ခိုင်ခိုင်မာမာမပြောနိုင်သေးတာ မဖော်ထုတ်နိုင်သေးတာကတော့ဖြင့် ခေါင်းဆောင်ရည်ညံ့တာလား ၊ ဒါမှမဟုတ် တခြားသော နိုင်ငံရေးအရ ဆက်နွယ်မှုတို့ကြောင့် ဖုံးဖိထားတာလား ဆိုတာမျိုး သံဿရဖြစ်စရာ ဖြစ်နေပါတယ်။”

ဒီလို ဝေဖန်မှုတွေနဲ့ပတ်သက်လို့ ရှင်းရှင်းလင်းလင်းသိရအောင် သမ္မတရုံးပြောခွင့်ရသူနဲ့ ပြည်ထဲရေးဝန်ကြီးဌာန ပြောခွင့်ရသူတွေကို VOA က အကြိမ်ကြိမ်ဆက်သွယ်ခဲ့ပေမယ့် ဖုန်းကိုင်ဖြေကြားမှု မရှိပါဘူး။ ဦးကိုနီကို လူမြင်ကွင်းထဲ လုပ်ကြံခဲ့တာဟာ NLD အစိုးရလက်ထက် တိုင်းပြည်ဟာ ငြိမ်သက်မှုမရှိပဲ လုံခြုံရေးကင်းမဲ့နေပြီဆိုတဲ့ အမြင်မျိုးကို လုပ်ကြံသူတွေဘက်က ဖေါ်ဆောင်လိုတဲ့ဆန္ဒ ရှိကြောင်း သုံးသပ်သူ ကတော့ Myanmar Now အယ်တီတာချုပ် ကိုဆွေဝင်းဖြစ်ပါတယ်။

“ဦးကိုနီကို လုပ်ကြံတဲ့အခါမှာ လူမျိုးခြား၊ ဘာသာခြားဆိုတာကို ရွေးချယ်တာလည်းပါတယ်။ ဖွဲ့စည်းပုံအခြေခံဥပဒေနဲ့ ပတ်သက်ပြီးတော့ တိုက်တိုက်တွန်းတွန်း ဆောင်ရွက်နေတဲ့ ပုဂ္ဂိုလ်တယောက်ကို လုပ်ကြံတယ်။ လုပ်ကြံတဲ့အခါမှာလည်း လူတွေ ထိန့်လန့်တုန်လှုပ်လောက်အောင် အထင်ကရ လေဆိပ်လိုမျိုးမှာ လုပ်ကြံတယ်ဆိုတာ ဒါတွေအားလုံးက ဒီအရပ်သားအစိုးရလက်ထပ်မှာဆိုရင် တိုင်းပြည်က မငြိမ်မသက် ဖြစ်တယ်ဆိုတာမျိုးကို ဖန်တီးချင်တယ်၊ ပြည်သူလူထုတွေအားလုံး လုံခြုံရေးအရ အယုံအကြည်ကင်းမဲ့ သွားတယ်ဆိုတဲ့ အခြေအနေကို ဖန်တီးချင်တဲ့ လူတစု၊ ဒါမှမဟုတ်ရင် လူပုဂ္ဂိုလ်တွေကနေပြီးတော့ ဖန်တီးတယ်လို့ ကျနော်တို့မြင်တယ်ခင်ဗျ။”

မြန်မာသမ္မတရုံး ပြောခွင့်ရ ဦးဇော်ဌေးကတော့ ဦးကိုနီကို လုပ်ကြံသတ်ဖြတ်မှုမှာ ပါဝင်သူတွေကို စစ်မေးချက်တွေနဲ့ နောက်ဆက်တွဲ အခြေ အနေတွေကို ထုတ်မပြောနိုင်ရတာဟာ ဒီအမှုတွက် ဆက်စပ်တရားခံတွေ ဖေါ်ထုတ် ဖမ်းဆီးနိုင်ရေးအတွက် အဟန့်အတား မဖြစ်ရအောင် ဆောင်ရွက်နေခြင်းသာ ဖြစ်တယ်လို့ သတင်းဌာနတွေကို အစောပိုင်းက ဖြေကြားခဲ့ဖူးပါတယ်။
VOA Burmese News

PACE အဖွဲ့ရဲ့ အမှုဆောင်ဒါရိုက်တာ ဦးစိုင်းရဲကျော်စွာမြင့်ကို ဖေဖော်ဝါရီလ ၁၃ ရက်နေ့က တွေ့ရစဉ်
PACE အဖွဲ့ရဲ့ အမှုဆောင်ဒါရိုက်တာ ဦးစိုင်းရဲကျော်စွာမြင့်ကို ဖေဖော်ဝါရီလ ၁၃ ရက်နေ့က တွေ့ရစဉ်
Photo: Thiha Tun/ RFA

လစ်လပ်မဲဆန္ဒနယ်တွေက မဲဆန္ဒရှင် အများစုဟာ ကြားဖြတ်ရွေးကောက်ပွဲအပေါ် စိတ်ဝင်စားမှုမရှိတာကို တွေ့ရှိရကြောင်း ရွေးကောက်ပွဲစောင့်ကြည့်လေ့လာရေး အဖွဲ့တစ်ခုဖြစ်တဲ့ PACE အဖွဲ့က ပြောပါတယ်။

ပြီးခဲ့တဲ့ ဇန်နဝါရီလဆန်းကစပြီး ကြားဖြတ်ရွေးကောက်ပွဲကျင်းပမယ့် ပြည်နယ်နဲ့တိုင်းဒေသ ၈ ခု က လစ်လပ်မဲဆန္ဒနယ်မြေတွေမှာ မဲဆန္ဒရှင်စာရင်း လိုက်လံကောက်ယူရင်း တွေ့ရှိရတာဖြစ်တယ်လို့ PACE အဖွဲ့ရဲ့ အမှုဆောင်ဒါရိုက်တာ ဦးစိုင်းရဲကျော်စွာမြင့် က ပြောပါတယ်။

ကြားဖြတ်ရွေးကောက်ပွဲ ကျင်းပမယ်ဆိုတာကို မြို့ပြက မဲဆန္ဒရှင်တွေရဲ့ ဖြေဆိုသူ ၆၀ ရာခိုင်နှုန်း ကျော်လောက်ကသာ သိရှိကြပြီး ကျေးလက်ဒေသမှာတော့ ၅၄ ရာခိုင်နှုန်းလောက်သာ သိရှိကြတယ်လို့ ပြောပါတယ်။

လာမယ့် ဧပြီလ ၁ ရက်နေ့မှာ ကြားဖြတ်ရွေးကောက်ပွဲကို လစ်လပ်မဲဆန္ဒနယ်မြေ ၁၉ ခုမှာ ကျင်းပမှာဖြစ်ပြီး မဲပေးပိုင်ခွင့်ရှိသူ ၂ သန်းရှိတယ်လို့ ပြည်ထောင် စုရွေးကောက်ပွဲကော်မရှင် က ထုတ်ပြန်ကြေညာထားပါတယ်။

မဲဆန္ဒရှင်စာရင်းတွေကိုလည်း ထုတ်ပြန်ကြေညာထားပြီးဖြစ်ပေမယ့် လာရောက်ကြည့်ရှုကြသူတွေ မရှိ သလောက် နည်းနေတယ်လို့လည်း PACE အဖွဲ့က ပြော ပါတယ်။
RFA


ဗိုလ်ချုပ်အောင်ဆန်း ကျောက်ရုပ်ကိုမြို့တစ်မြို့တွင်စိုက်ထူမည်ပြုရာ ထိုမြို့ထိုနယ် မှ အချို့သောပုဂ္ဂိုလ်များကကန့် ကွက်ကြပါသတဲ့ ။ သူတို့ ၏အကြောင်းပြချက်ကား ဗိုလ်ချုပ်အောင်ဆန်းသည် သူတို့ လူမျိုးတို့ ၏ခေါင်းဆောင်မဟုတ်ဟူသော သဘောဖြင့် ကန့် ကွက်ကြခြင်းဖြစ်သည် ။ အခြားမြို့တစ်မြို့ကလည်း ဗိုလ်ချုပ်အောင်ဆန်းအထိမ်းအမှတ်ရုပ်တု စိုက်ထူလိုသူများကို ဗိုလ်ချုပ်အောင်ဆန်း ပေးထာသောကတိက၀တ်များကို တိုင်းရင်းသားများအကုန်အစင် မရသေးသဖြင့် ဗိုလ်ချုပ်အောင်ဆန်းရုပ်တု သူတို့ မြို့တွင် မတည်ရှိသင့်သေးသလိုလိုပြောကြသည် ။ မြစ်ကူးတံတားတစ်ခု၏အမည်ကိုလည်း ဗိုလ်ချုပ်အောင်ဆန်းတံတားဟုအမည်ပေးဖို့ပြည်နယ်အစိုးရကစီစဉ်သည်ကိုပြည်နယ်သားအချို့ကကန့် ကွက်ကြသည်ဟုကြားသိရပါသည် ။ ဤကိစ္စအားလုံးအတွက် စိတ်မကောင်းဖြစ်ရုံမျှသာမက နိုင်ငံတော်အနာဂါတ်အတွက်လည်းရင်လေးမိပါသည် ။

လူမျိုးစွဲဒေသစွဲစိတ်သည် အတိုင်းအတာတစ်ခုအထိကောင်းပါသည် ။လိုအပ်ပါသည် ။ ကိုယ့်ဒေသ ကိုယ့်လူမျိုးကိုတိုးတက်စေချင်သောစိတ်ဓာတ်ဖြင့် အပြိုင်အဆိုင်ကြိုးစားကြခြင်းကား ကောင်းမြတ်ပေ၏ ။ သို့ သော် ကိုယ့်ဒေသ ကိုယ့်လူမျိုးမှလွဲလျှင် အခြားဒေသအခြား လူမျိုးများအပေါ်လုံးလုံးမုဒိတာမထားနိုင်သော စိတ်မျိုး ၊ မရှုဆိတ်နိုင်သောစိတ်မျိုးကား အစွန်းရောက်စိတ်ဓာတ်များဖြစ်သည် ။ ကျွန်တော်တို့သည် ဗိုလ်ချုပ်အောင်ဆန်းကိုလေးစားကြခြင်းမှာ ဗမာလူမျိုးတစ်ယောက်ဖြစ်နေ၍လေးစားခြင်းမဟုတ် ။ မကွေးတိုင်း နတ်မောက်တွင်မွေးဖွားခြင်းကြောင့်ခေါင်းဆောင်အဖြစ်သတ်မှတ်ကြခြင်းမဟုတ် ။ သူ၏ စိတ်ဓာတ်နှင့် နိုင်ငံရေးခံယူချက်ကြောင့် ၊ အရည်အချင်းကြောင့်၊ ကိုယ်ကျိုးစွန့် မှုများကြောင့်သာ နိုင်ငံတော်၏မမေ့အပ်သောခေါင်းဆောင်များအဖြစ်အသိအမှတ်ပြုနေကြခြင်း ဖြစ်သည် ။ လူမျိုးစွဲဖြင့်မျက်စေ့စုံမှိတ်ထောက်ခံနေခြင်းမဟုတ်ပါပေ ။ ဗိုလ်ချုပ်အောင်ဆန်းသည် ဗမာဖြစ်စေ ၊ရှမ်းဖြစ်စေ ၊မွန်ဖြစ်စေ ၊ရခိုင်ဖြစ်စေ ၊ ကချင်ဖြစ်စေ ကျွန်တော်တို့ကချစ်နေ လေးစားနေ ကြည်ညိုနေကြမည်သာဖြစ်သည် ။ ဗိုလ်ချုပ်အောင်ဆန်း တစ်ဘ၀လုံးကိုပေးဆပ်၍ လွတ်လပ်ရေးတိုက်ပွဲဝင်ခဲ့ခြင်းသည်လည်း ဗမာလူမျိုးဖြစ်၍ ဗမာများကောင်းစားအောင်လုပ်မည်ဆိုသောစိတ်ဓာတ်စိုးစေ့မျှမရှိကြောင်း ပြည်ထောင်စုတစ်ခုလုံး ၊တိုင်းရင်းသားအားလုံး လွတ်လပ်စေလိုသော ဆန္ဒ ၊ကောင်းစားစေလိုသောဆန္ဒဖြင့်သာရည်ရွယ်လုပ်ဆောင်ခြင်းဖြစ်ကြောင်းကို အတိတ်က တိုင်းရင်းသားခေါင်းဆောင်များ ဗိုလ်ချုပ်အောင်ဆန်းနှင့် တသွေးတည်းတသားတည်းရပ်တည်ခဲ့ခြင်းကိုကြည့်၍သိနိုင်ပါသည် ။ ဗိုလ်ချုပ်အောင်ဆန်းအင်္ဂလန်သို့ လွတ်လပ်ရေးဆွေးနွေးရန် အင်္ဂလန်နိုင်ငံလန်ဒန်မြို့ သို့ ရောက်နေစဉ် ဗိုလ်ချုပ်အောင်ဆန်းသည် ဗမာတို့ ၏ခေါင်းဆောင်သာဖြစ်ပြီး တိုင်းရင်းသားတို့ ၏ ခေါင်းဆောင်ကိုယ်စားလှယ်မဟုတ်ကြောင်း ရှမ်းစော်ဘွားအချို့က အင်္ဂလန်သို့ သံကြိုးစာပို့ ၍ ပွဲဖျက်ခဲ့ဖူးသည် ။ သို့ သော် တိုးတက်သောရှမ်းခေါင်းဆောင်အချို့နှင့် ရှမ်းပြည်သူလူထုက ဗိုလ်ချုပ်အောင်ဆန်းကိုထောက်ခံကြောင်း ထောက်ခံဆန္ဒပြပွဲတွေခြိမ့်ခြိမ့်သဲသဲလုပ်ကာ ဗိုလ်ချုပ်အောင်ဆန်းသည် တိုင်းရင်းသားတို့၏ခေါင်းဆောင်ဖြစ်ကြောင်း သံကြိုးထပ်ဆင့်ပို့ သောအခါမှထိုကဖျက်ကယက်လုပ်ရပ်မှာ ကင်းလွတ်သွားဖူးပါသည် ။

ကျွန်တော်တို့သည် ပြည်ထောင်စုကြီးတွင်နေလျှင် ပြည်ထောင်စုစိတ်ဓာတ်မွေးနိုင်ရမည်ဖြစ်သည် ။သူ့ ခေါင်းဆောင် ၊ သူ့ လူမျိုး ၊ငါ့ခေါင်းဆောင် ငါ့လူမျိုးစသည်ဖြင့်ကျဉ်းမြောင်းသောလူမျိုးရေးစိတ်ဓာတ်နှင့်ချဉ်းကပ်နေလျှင်ရှေ့ ကိုရောက်နိုင်မည်မဟုတ်ပါ ။ ဗိုလ်ချုပ်အောင်ဆန်းသည် ဗမာလူမျိုးဖြစ်သော်လည်း တိုင်းပြည်ကောင်းအောင်လုပ်သွားသော ခေါင်းဆောင်တစ်ယောက်အဖြစ် အားလုံးကလက်သင့်ခံနိုင်သောစိတ်ဓာတ်ရှိရပါမည် ။ မိုင်းပွန်စော်ဘွားကြီးစ၀်စံထွန်းသည် ရှမ်းတိုင်းရင်းသားတစ်ယောက်ဖြစ်သော်လည်း ပြည်ထောင်စုအပေါ်ကျေးဇူးရှိသဖြင့်အားလုံးကလေးစားကြသည်သာဖြစ်သည် ။ ဆမားဒူးဝါးဆင်ဝါးနောင်ကို ဗမာအပါအ၀င် တိုင်းရင်းသားအားလုံးက လေးစားကြရမည်သာဖြစ်သည် ။ ဦးရာဇာတ်ကို မူဆလင်များသာမက ဗုဒ္စဘာသာဝင်များ ၊ခရစ်ယန်များကလည်း သူ့ အရည်အချင်းအတွက်လေးစားရမည်သာဖြစ်သည် ။ ဦးအောင်ဇံဝေကိုရခိုင်များသာမက အားလုံးကလေးစားသင့်သည်သာဖြစ်သည် ။ စောစံဖိုးသင်၊စောဘဦးကြီး ကို ကရင်များသာမက အခြားတိုင်းရင်းသားတို့ကလည်းလေးစားသင့်သည်သာဖြစ်သည် ။ ဘာလူမျိုးညာလူမျိုး ဘာဘာသာ ညာဘာသာ ဆိုသည်မှာ အပေါ်ယံတွင်ကပ်ထားသော တံဆိပ်များဖြစ်သည် ။ ထိုတံဆိပ်များကိုကြည့်၍ ဆုံးဖြတ်လျှင်အပေါ်ယံကြောအမှန်တရားကိုပဲရမည် ။ ထိုတံဆိပ်များထက်အရေးကြီးသည်မှာ တိုင်းပြည်အတွက် ဘာတွေလုပ်ခဲ့သလဲ ၊ဘယ်လောက်အလုပ်လုပ်ခဲ့သလဲ ၊ဘယ်သူ့ ဘက်ကရပ်တည်ခဲ့သလဲဆိုတာသည်သာ အလေးထားထိုက်သောအနှစ်အသားဖြစ်သည် ။ ဗမာအပါဝင် ၁၃၅ မျိုးသော ပြည်ထောင်စုနိုင်ငံသားလူမျိုးစုအားလုံးသည် ၀ါးလုံးခေါင်းထဲတွင်လသာမနေပဲ ပြည်ထောင်စုစိတ်ဓာတ်မွေးကာ အမြင်ကျယ်ကျယ်ဖြင့် ကမ္ဘာကိုကြည့်ဖို့  ၊ ပြည်ထောင်စုကြီးကိုကြည့်ဖို့ အချိန်တန်ပြီဖြစ်ပါကြောင်း ။

သရ၀ဏ်(ပြည်)



ရှမ်းပြည်နယ် တောင်ကြီးမြို့တဝိုက်က မိဘမဲ့ကလေးတွေကို ဖေဖော်ဝါရီလ ၁၃ ရက်နေ့က နိုင်ငံတော်အတိုင်ပင်ခံပုဂ္ဂိုလ် ဒေါ်အောင် ဆန်းစုကြည် အာဟာရကုသိုလ်ပြုစဉ်။ Photo: Htet Arker/ RFA
ဒီနေ့ ကျရောက်တဲ့ ဗိုလ်ချုပ်အောင်ဆန်း ၁၀၂ နှစ်မြောက် မွေးနေ့အထိမ်းအမှတ်အနေနဲ့ သမီးဖြစ်သူ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ရှမ်းပြည်နယ် တောင်ကြီးမြို့တ၀ိုက်မှာရှိတဲ့ ပရဟိတကျောင်းတွေ က မိဘမဲ့ကလေးတွေကို မနက်စာအာဟာရကုသိုလ်ပြုခဲ့ပါတယ်။

ရှမ်းပြည်နယ် တောင်ကြီးမြို့ မြို့တော်ခန်းမမှာ တောင်ကြီးမြို့တ၀ိုက်က ပရဟိတကျောင်း ၁၂ ကျောင်းမှာရှိတဲ့ မိဘမဲ့ကလေး ၂၄၀ ကို မနက်အာဟာရ ကုသိုလ်ပြုခဲ့ပြီး ကလေးတွေနဲ့အတူ ထမင်းစားကာ အားပေးစကားတွေ ပြောခဲ့ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ကလေးတွေ ကျန်းမာဖို့ အစားများများ စားကြဖို့ မှာကြားခဲ့ပါတယ်။

အခမ်းအနားကို နိုင်ငံတော်အတိုင်ပင်ခံပုဂ္ဂိုလ်နဲ့အတူ ကာကွယ်ရေးဝန်ကြီးဌာန ဒုတိယ၀န်ကြီး၊ ပြည်ထောင်စု အစိုးရ၀န်ကြီးတချို့နဲ့ ဒေါက်တာတင်မျိုးဝင်းလည်း တက်ရောက်ခဲ့ပါတယ်။

နိုင်ငံတော်အတိုင်ပင်ခံပုဂ္ဂိုလ်ဟာ ပရဟိတကျောင်းတွေကို ငွေကျပ် ၂၇ သိန်း ၆ သောင်း လှူဒါန်းခဲ့ပြီး ကျောင်းသုံးဗလာစာအုပ်တွေ၊ စာရေးကရိယာတွေ၊ ဗိုလ်ချုပ်အောင်ဆန်းနဲ့ပတ်သက်တဲ့ အင်္ဂလိပ်-မြန်မာ နှစ်မျိုးပါတဲ့ စာအုပ်တွေလည်း လှူဒါန်းခဲ့ပါတယ်။

အလားတူ လူမှုဝန်ထမ်းကယ်ဆယ်ရေးနဲ့ နေရာပြန်ချထားရေးဝန်ကြီးဌာနကလည်း ဆန်အိတ် ၁၃၅ အိတ်၊ ဆီ ၆၆၅ ပိဿာ၊ ဆား၂၇ ပိဿာ လှူဒါန်းခဲ့ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ မနေ့က ပင်လုံမြို့မှာ ကျင်းပခဲ့တဲ့ နှစ် ၇၀ ပြည့် ပြည်ထောင်စုနေ့ အခမ်းအနားကို တက်ရောက်ခဲ့ပြီး တိုင်းရင်းသားကိုယ်စားလှယ် ၁၂ ဦးနဲ့ ငြိမ်းချမ်းရေးစကားဝိုင်း ပြုလုပ်ခဲ့ပါတယ်။ ဒီနေ့မှာတော့ တောင်ကြီးမြို့ကတဆင့် အင်းလေး ဖောင်တော်ဦး ဘုရားကို သွားရောက်ဖူးမြော်ခဲ့ပါတယ်။

ဗိုလ်ချုပ်အောင်ဆန်းမွေးနေ့ဖြစ်တဲ့ ဖေဖော်ဝါရီလ ၁၃ရက်နေ့ ဒီနေ့ကို မြန်မာနိုင်ငံကလေးများနေ့ အဖြစ် သတ်မှတ်ထားတာဖြစ်ပြီး ကလေးများနေ့ အခမ်းအနားတွေကို တိုင်းနဲ့ ပြည်နယ် အတော်များများမှာ ကျင်းပကြပါတယ်။

RFA Burmese
http://www.rfa.org/burmese


နိုင်ငံခြားရေးဝန်ကြီးဌာန နှစ် ၇၀ ပြည့် အထိမ်းအမှတ်အနေနဲ့ ဗိုလ်ချုပ်အောင်ဆန်းပုံနဲ့ တံဆိပ်ခေါင်း ထုတ်ဝေသွားမယ်လို့ နိုင်ငံခြားရေးဝန်ကြီးဌာနက ဒီနေ့ ကြေညာလိုက်ပါတယ်။

နိုင်ငံခြားရေးဝန်ကြီးဌာနရဲ့ ပထမဆုံးဝန်ကြီးအဖြစ် တာဝန်ယူခဲ့သူဟာ ဗိုလ်ချုပ်အောင်ဆန်း ဖြစ်တာကြောင့် ဗိုလ်ချုပ်ပုံနဲ့ထုတ်ဝေတာ ဖြစ်တယ်လို့ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဦးကျော်ဇေယျ က ပြောပါတယ်။

" နှစ် ၇၀ ပေါ့နော်၊ တံဆိပ်ခေါင်းလေး စလုပ်ဖို့ရှိပါတယ်၊ ဗိုလ်ချုပ်ပုံနဲ့ပေါ့၊ နိုင်ငံခြားရေးဝန်ကြီးဌာနက လွန်ခဲ့တဲ့ နှစ်ပေါင်း ၇၀ စ,တည်ကာစမှာ ပထမဆုံးနိုင်ငံခြားရေးဝန်ကြီးက ဗိုလ်ချုပ်အောင်ဆန်းပါခင်ဗျ၊ အဲဒါကြောင့်မို့ ဗိုလ်ချုပ်ပုံနဲ့ တံဆိပ်ခေါင်းထုတ်ဖို့ရှိပါတယ်။ "

အဲဒီတံဆိပ်ခေါင်းကို နှစ် ၇၀ ပြည့်မြောက်တဲ့ လာမယ့် မတ်လ ၁၇ ရက်နေ့မှာ စတင်ထုတ်ဝေမှာ ဖြစ်ပြီး အမြို့မြို့အနယ်နယ်က ဆက်သွယ်ရေး စာတိုက်စခန်းတွေမှာ ငွေကျပ် ၅၀၀ နဲ့ ၀ယ်ယူနိုင်မှာ ဖြစ်ပါတယ်။

ဒါ့အပြင် နိုင်ငံခြားရေးဝန်ကြီးဌာန နှစ် ၇၀ ခရီးဆိုတဲ့ စာအုပ်ကိုလည်း ဒီနှစ်အတွင်းမှာ ထုတ်ဝေသွားဖို့ စီစဉ်နေတယ်လို့လည်း ဦးကျော်ဇေယျ က ပြောပါတယ်။

အရင်နှစ်တွေက ၀န်ကြီးဌာန နှစ်ပတ်လည်နေ့တွေမှာ ဆွမ်းကပ်လှူတာတွေ၊ မိတ်ဆုံစားပွဲပြုလုပ်တာ တွေရှိခဲ့ပြီး ဒီနှစ်မှာတော့ ၀န်ထမ်းတွေအတွက် စကားရည်လုပွဲပုံစံမျိုး ပြုလုပ်သွားဖို့ အစီအစဉ်ရှိတယ် လို့လည်း ပြောပါ တယ်။

နိုင်ငံခြားရေးဝန်ကြီးဌာနကို ၁၉၄၇ ခုနှစ် မတ်လ ၁၇ ရက်နေ့မှာ စတင်ဖွဲ့စည်းခဲ့တာဖြစ်ပြီး အခုလို ဝန်ကြီးဌာန နှစ်ပတ်လည်အတွက် တံဆိပ်ခေါင်းထုတ်ဝေတာဟာ ပထမဆုံးအကြိမ်ဖြစ်ပါတယ်။

RFA Burmese
http://www.rfa.org/burmese



ဗိုလ်ချုပ်အောင်ဆန်း၏ (၁၀၂)နှစ်မြောက် မွေးနေ့ အထိမ်းအမှတ် ( Myanmar State Counsellor Office)
ဒီကနေ့ကျရောက်တဲ့ ဗိုလ်ချုပ်အောင်ဆန်းရဲ့ ၁၀၂ နှစ်မြောက်မွေးနေ့ကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ရှမ်းပြည်နယ် တောင်ကြီးမှာ မိဘမဲ့ကလေးတွေ မူကြိုကလေးလေးတွေနဲ့အတူ ဆင်နွှဲခဲ့ပြီး မျိုးဆက်သစ်ကလေးတွေ နိုင်ငံ့အကျိုးပြုနိုင်ကြပါစေ လို့ ဒေါ်စုက ဆန္ဒပြုခဲ့ပါတယ်။ မြန်မာနိုင်ငံကလေးများနေ့အဖြစ် သတ်မှတ်ထားတဲ့ ဗိုလ်ချုပ်အောင်ဆန်း မွေးနေ့ အထိမ်းအမှတ် ကလေးငယ်တွေကို တနိုင်ငံလုံးအတိုင်းအတာနဲ့ အာဟာရဒါနပြုကျွေးမွေးလှူဒါန်းတာ အပါအဝင် မွေးနေ့ပွဲကို မြန်မာနိုင်ငံတဝှမ်း ကျင်းပခဲ့ကြပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန်က ဆက်ပြောပြပါမယ်။

ဒီကနေ့ ဖေဖော်ဝါရီလ ၁၃ရက်နေ့ မှာကျရောက်တဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ (၁၀၂) နှစ်မြောက်မွေးနေ့ ကို မြန်မာနိုင်ငံ ကလေးများနေ့ အဖြစ် အထိမ်းအမှတ်အခမ်းအနားတွေကို မြန်မာနိုင်ငံတဝှမ်း တိုင်းနဲ့ပြည်နယ်တွေမှာလည်း ကျင်းပခဲ့ကြပါတယ်။ ဒီနှစ်၂၀၁၇ခုနှစ် မှာတော့ ဗိုလ်ချုပ်အောင်ဆန်းမွေးနေ့ကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ရှမ်းပြည်နယ် တောင်ကြီးမြို့မှာ ဘုန်းတော်ကြီးသင်ကျောင်းတွေက ကလေးငယ်တွေ၊ မိဘမဲ့ ကလေးစောင့်ရှောက်ရေးကျောင်းက ကလေးငယ်တွေနဲ့ မူကြိုကျောင်းက ကလေး ၂၅၀ကျော်နဲ့အတူ ကျင်းပခဲ့ပါတယ်။

ပင်လုံပြည်ထောင်စုအခမ်းအနားအတွက် ရှမ်းပြည်ကိုရောက်ရှိနေတဲ့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကိုယ်တိုင် ကျင်းပခဲ့တဲ့ ရှမ်းပြည်နယ် တောင်ကြီးက ဗိုလ်ချုပ်မွေးနေ့အခမ်းအနားနဲ့ပတ်သက်ပြီး ကိုယ်တိုင် ဦးဆောင်ပါဝင်ခဲ့သူ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာန ဝန်ကြီး ဒေါက်တာဝင်းမြတ်အေးက အခုလိုပြောပြပါတယ်။

“နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က ၁၀၂ နှစ်မြောက် ဗိုလ်ချုပ်အောင်ဆန်းမွေးနေ့အတွက် သူက အလှူလုပ်တာပေါ့နော်၊ ဘယ်လိုအလှူလုပ်သလဲဆိုရင် အဲဒီမှာရှိတဲ့မိဘမဲကလေးတွေရယ်၊ မသန်စွမ်းကလေးတွေရယ် ၂၅၇ ဦးပေါ့နော် သူက ကျွေးမွေးတယ် ငွေလှူဒန်းတယ်ပေါ့နော်၊ သူက ဒီနေ့ ကလေးတွေနဲ့တွေ့တာကတော့ ကလေးတွေ ကျန်းမာပါစေ၊ ကျန်းကျန်းမာမာရှိဖို့တော့လိုတယ်၊ အဟာရပြည့်ဝဖို့တော့လိုတယ်၊ အဲဒီအတွက်ကို အားလုံးစောင့်ရှောက်ပေးဖို့နဲ့ ကလေးတွေနဲ့တွေ့တုန်းကပြောခဲ့တယ်လေ။”

ဒေါ်အောင်ဆန်းစုကြည်က နိုင်ငံမှာ မျိုးဆက်သစ် ကလေးငယ်လေးတွေကို ဗိုလ်ချုပ်အောင်ဆန်းလို တာဝန်ကျေပွန်တဲ့ နိုင်ငံသားကောင်းလေးတွေ ဖြစ်စေချင်သလို တိုင်းပြည်နဲ့လူမျိုးအတွက် ပေးဆပ်ခဲ့တဲ့ ဗိုလ်ချုပ်အောင်ဆန်းအပေါ် မမေ့မလျော့အောင် လက်ဆင့်ကမ်း အသိပေးသင့်တယ်လို့လည်း လူမှုဝန်ထမ်းကယ်ဆယ်ရေးနဲ့ပြန်လည်နေရာချထားရေး ဝန်ကြီးဒေါက်တာဝင်းမြတ်အေးက ဗိုလ်ချုပ်အောင်ဆန်းမွေးနေ့ ကလေးများနေ့ အပေါ် သူ့ရဲ့အမြင် အခုလိုပြောပြပါတယ်။

“ဒီနေ့ ဖေဖော်ဝါရီ ၁၃ ရက်နေ့ကို ဗိုလ်ချုပ်အောင်ဆန်းမွေးနေ့ကို မြန်မာနိုင်ငံမှာ ကလေးများနေ့ ဆိုပြီးတော့ သတ်မှတ်လိုက်တယ်၊ သတ်မှတ်လိုက်ခြင်းက အင်မတန်ကို လျော်ကန်သင့်မြတ်တယ်လို့ ပြောရမယ်။ ဘာဖြစ်လို့လဲဆိုတော့ ကလေးဘ၀ဆိုတာက သူတို့ ဦးနှောက်ထဲမှာ မှန်ကန်တဲ့အတွေးအခေါ်အယူအဆလေးတွေ ရောက်ရှိသွားဖို့လိုတယ်။ ကြီးလာရင် ပြောဆိုရတာ သိပ်မလွယ်တော့ဘူး၊ ဒါကြောင့်ကလေးဘ၀မှာကတည်းက ကျနော်တို့အနေနဲ့ လွတ်လပ်ရေးရရှိအောင်ဆောင်ရွက်ပေးတဲ့ အမျိုးသားခေါင်းဆောင်ဗိုလ်ချုပ်အောင်ဆန်းကို သူ့မွေးနေ့မှာ ဗိုလ်ချုပ်အောင်ဆန်းက လွတ်လပ်ရေးရအောင်ဆောင်ရွက်ပေးခဲ့တာဖြစ်တယ်။ ဒီလွတ်လပ်ရေးရအောင် ပြည်ထောင်စုစိတ်ဓါတ်ကိုအခြေခံပြီး တော့ ဆောင်ရွက်ခဲ့တာဖြစ်တယ်။ ဒါကြောင့်မို့လို့လည်း ပြည်ထောင်စုနေ့ဟာ ဖေဖော်ဝါရီ၁၂ ရက်ဖြစ်ပြီးတော့ နောက်တရက်ဖြစ်တဲ့ ဖေဖော်ဝါရီ ၁၃ ရက်၊ မှတ်ရလည်းလွယ်တယ် ဗိုလ်ချုပ်အောင်ဆန်းမွေးနေ့ဖြစ်တယ်။ အရေးကြီးတာက ပြည်ထောင်စုစိတ်ဓါတ်ကို ကလေးငယ်ငယ်မှာကတည်းက ကိန်းအောင်သွားရင် အချင်းချင်းဘယ်လို ဆက်ဆံရမလဲ၊ ဖေးမကူညီရမယ်၊ အချင်းချင်း ဘယ်လိုနားလည်မှုရှိရမယ် ဆိုတာတွေကို ငယ်ငယ်လေးကတည်းက လေ့ကျင့်ပေးလိုက်လို့ရှိရင် နောင်ကျလို့ရှိရင် အခုဖြစ်နေတဲ့ ပြဿနာမျိုးပေါ့ ပဋိပက္ခ တွေ ၊ ငြိမ်းချမ်းမှုမရရှိအောင် အဟန့်အတား အနှောက်အယှက်ဖြစ်မှုတွေ မဖြစ်နိုင်တော့ပဲနဲ့ ငြိမ်းချမ်းရေး အတွက်ကို လက်ဆင့်ကမ်းသယ်မယ့်လူတွေက ကလေးတွေပဲဖြစ်တယ် ၊ အနာဂတ်မြန်မာနိုင်ငံအတွက် အလွန်ကိုအရေးကြီးတဲ့ ကိစ္စတခုဖြစ်တဲ့အတွက်ကြောင့် အားလုံးကနေပြီးတော့ ၀ိုင်းပြီးတော့ ဒီအသိလေးတွေကို ကလေးတွေဆီမှာရောက်အောင်ဆောင်ရွက်ပေးပါလို့ ကျနော့်အနေနဲ့ တိုက်တွန်းလိုပါတယ်။”

မွေးကင်းစမှစလို့ မူကြိုကလေးငယ်လေးတွေအထိ တနိုင်ငံလုံးအတိုင်းအတာနဲ့ လူကယ်ပြန်ဝန်ကြီးဌာနက အစာအာဟာရ ပဲနို့ရည် တိုက်ကျွေးခဲ့သလို ကျေးရွာ၊ ရပ်ကွက်၊ မြို့နယ်တွေမှာလည်း ဗိုလ်ချုပ်အောင်ဆန်း ကြိုက်နှစ်သက်ခဲ့တဲ့ပဲပြုတ်၊ နံပြား အဟာရ မွေးနေ့အထိမ်းအမှတ် လှူဒါန်းကြပါတယ်။

မန္တလေးက အခမဲ့စာကြည့်တိုက်တွေထူထောင်သူ မောင်ဇော်ဇော်ကလည်း ဗိုလ်ချုပ်အောင်ဆန်းမွေးနေ့ရောက်တိုင်း အလေးဂါရဝပြုတဲ့အနေနဲ့ သူနေထိုင်တဲ့ ကျေးရွာတွေနဲ့ ဘုန်းကြီးကျောင်းတွေမှာ မွေးနေ့ အထိမ်းအမှတ် ကျင်းပကြတဲ့အကြောင်း အခုလိုပြောပြပါတယ်။

“မန္တလေးတို့ ၊ ကျောက်ပန်းတောင်းတို့ ကျနော်တို့ အထွဋ်အထိပ်ထားတာပေါ့နော် ဘဘ ဗိုလ်ချုပ်အောင်ဆန်းရဲ့ ၁၀၂ နှစ်မြောက်မွေးနေ့ဆိုတာ့ ကျနော်တို့က ပြည်ထောင်စုနေ့နဲ့ ဘဘ ဗိုလ်ချုပ်အောင်ဆန်းမွေးနေ့ကို နေ့ထူးနေ့မြတ် ကျနော်တို့ရွာတွေကို စာသင်ကျောင်းတွေမှာ မွေးနေ့ကျင်းပတယ်၊ ဘဘ ဗိုလ်ချုပ်အောင်ဆန်းမွေးနေ့မှာ ရွာဦးကျောင်းတွေမှာ ဆွမ်းကပ်တယ်။ လူငယ်လေးတွေ ကလေးလေးတွေကို ဘဘ ဗိုလ်ချုပ်အောင်ဆန်းလိုစိတ်ဓါတ်တွေမွေးနိုင်အောင် ဆရာဆရာမတွေကနေ သွန်သင် ဆုံးမတယ်၊ ပြီးရင်ကလေးတွေကို ကျနေ်ာတို့ ရွာကလူတွေကနေပြီးတော့ ဆုပေးတာလေးတွေ ကလေးတွေကို ခွန်အားပေးတာလေးတွေ အမြဲလုပ်ပါတယ်ခင်ဗျ။”

ဒီကနေ့ကျရောက်တဲ့ မြန်မာနိုင်ငံကလေးများနေ့နဲ့ ဗိုလ်ချုပ်အောင်ဆန်းရဲ့ ၁၀၂ နှစ်မြောက်မွေးနေ့ကို ရန်ကုန်အမေရိကန်သံရုံးကလည်း ဆင်နွှဲတဲ့အကြောင်း အမေရိကန်သံရုံးရဲ့ လူမှုကွန်ရက် စာမျက်နှာမှာ ဖော်ပြပါတယ်။ဒီလိုနေ့မျိုးမှာ မတူကွဲပြားခြင်း၊ အားလုံးပါဝင်ခြင်းနဲ့လွတ်လပ်ခြင်းတို့အတွက် ဖော်ဆောင်ခဲ့သော ဗိုလ်ချုပ်အောင်ဆန်းရဲ့ မဆုတ်မနစ် ကြိုးပမ်းအားထုတ်ခဲ့မှုတွေကို မိမိတို့ကိုပြန်လည်အမှတ်ရမိစေကြောင်းနဲ့ ဗိုလ်ချုပ်အောင်ဆန်းမွေးနေ့နှင့် မြန်မာကလေးများနေ့ကို မိတ်ဆွေတို့ ပတ်ဝန်းကျင်မှာ ဘယ်လို ဆင်နွှဲကြသလဲဆိုတာ ပြောခဲ့ကြပါဦးဆိုပြီး ဖော်ပြထားတာဖြစ်ပါတယ်။

နေပြည်တော် တပ်ကုန်းမြို့ က စာကြည့်တိုက်မှာတော့ လွတ်လပ်ရေးဖခင်ကြီး ဗိုလ်ချုပ်အောင်ဆန်း မွေးနေ့ အမှတ်တရ ဓာတ်ပုံ၊ ကာတွန်းစာအုပ်ပြပွဲကိုကျင်းပခဲ့ပြီးေ ပြခန်းမှာ ဗိုလ်ချုပ်နဲ့ပတ်သက်တဲ့ သမိုင်းအဆက်ဆက် စာအုပ်များ၊ ဗိုလ်ချုပ်ရဲ့ဘ၀မှတ်တမ်းတွေ၊ မိသားစုသမိုင်းဝင်ဓာတ်ပုံတွေနဲ့ ဗိုလ်ချုပ်အမှတ်တရ ကာတွန်းရုပ်ပြတွေနဲ့ လက်ကမ်းစာစောင်တွေကို ဝေဌပေးခဲ့ပြီး ဖေဖော်ဝါရီ ၁၁ ရက်မှ ၁၃ ရက်အထိ ဗိုလ်ချုပ်အောင်ဆန်း မွေးနေ့အထိမ်းအမှတ် ပြသခဲ့ပါတယ်။

မဆုမွန်  / ဗွီအိုအေ (မြန်မာပိုင်း)
http://burmese.voanews.com



ဓါတ်ပုံ - မွန်ပြည်သစ်ပါတီ

ထိုင်း - မြန်မာနယ်စပ် ဘုရားသုံးဆူမြို့မှာကျင်းပခဲ့တဲ့ မွန်အမျိုးသားနေ့ အခမ်းအနားကနေ ပြန်လာတဲ့ မွန်ပြည်သစ်ပါတီ NMSP တပ်ဖွဲ့ဝင်တွေကို ဘုရားသုံးဆူမှာရှိတဲ့ တပ်မတော်စစ်ဆေးရေးဂိတ်က ဒီနေ့ တားဆီးစစ်ဆေးတာတွေ ပြုလုပ်ခဲ့တယ်လို့ NMSP ခရိုင်ဥက္ကဌ နိုင်ဧက က ပြောပါတယ်။

NMSP တပ်ဖွဲ့ဝင် ၆၀လောက်ကို စစ်ဆေးပြီး တွေ့ရှိတဲ့ ကျည်ဆံတချို့ကို သိမ်းယူသွားတယ်လို့ NMSP ခရိုင်ဥက္ကဌ နိုင်ဧက က ပြောပါတယ်။

"ခလရ ၂၈၃ လား ၂၈၄ လားမသိဘူး၊ သူတို့မှာ ဂိတ်ရှိတယ်လေ အဲ့ဒီ သုံးဆူဂိတ်ကို ကျနော်တို့လူက မွန်အမျိုးသားနေ့ အခမ်းအနား ပြီးတော့ ပြန်ကြတာပေါ့လေ ကား ၆ စီးစာပေါ့၊ လူက ၅၀ ၊ ၆၀ လောက် ရှိမှာပေါ့၊ အဲ့ဒီမှာ အပြန်ပေါ့ သူတို့က အဲ့ဒီ ဂိတ်မှာ သူတို့က စစ်ဆေးပြီးတော့ ကျနော်တို့ ကားကဘာမှ မပါဘူးလေ၊ သူတို့ စစ်ဆေးတဲ့အချိန်မှာကြတော့ ကျနော်တို့ အချိန် စောင့်ဆိုင်းလုိုက်ရတာပေါ့။ အဲ့ဒီမှာ စစ်ဝတ်စုံတွေ သူတို့ စစ်ပြီးတော့ အဲ့ဒီ ကြားထဲမှာ ကျည်ဆံ ငါးလုံး ခြောက်လုံး ရှိတယ်ဆုိုတော့ကာ စစ်ဆေးပြီးတော့ အဲ့ဒီ ကျည်ဆံ ငါးခြောက်တောင့်တော့ သိမ်းထားလိုက်တယ်။ အဲ့ဒီ စစ်ဝတ်စုံတွေ ဘာတွေ စစ်တာပေါ့ နောက် လက်နက်တွေပါလား ခဲယမ်းတွေပါလား အဲ့ဒါ စစ်ဆေးပြီးတော့ ကျည်ဆံခြောက်တောင့် ပါသွားတာ ပေါ့လေ ဒါပဲ။"

NMSP တပ်ဖွဲ့ဝင်တွေဟာ ဗဟိုဌာနချုပ်ရှိရာ ရေးချောင်းဖျားနဲ့ ဒေသအသီးသီးကို ပြန်လာကြ တာဖြစ်ပါတယ်။

မွန်ပြည်သစ်ပါတီ ဗဟိုက ဦးဆောင်ကျင်းပခဲ့တဲ့ ဘုရားသုံးဆူမြို့ ဂျပန်ရေတွင်းကုန်းမှာ မနေ့က ကျရောက်တဲ့ မွန်အမျိုးသားနေ့ကို စစ်ရေးပြ အခမ်းအနားနဲ့ ကျင်းပခဲ့တာဖြစ်ပါတယ်။

အဲဒီအခမ်းအနားအပြီး နေရပ်ဒေသအသီးသီးကိုပြန်ကြသူတွေထဲမှာ မွန်အမျိုးသား လွတ်မြောက်ရေးတပ်မတော် MNLA က စစ်ရေးပြတပ်ဖွဲ့ဝင်တွေ အပါအ၀င် ဆေးတပ်ဖွဲ့၊ အမျိုးသမီးတပ်ဖွဲ့နဲ့ ဒေသခံတချို့ပါဝင်ပြီး အချိန်အတန်ကြာ စစ်ဆေးမှုတွေ ပြုလုပ်ခဲ့ပြီးနောက် ခရီးဆက်ခွင့်ပြုခဲ့တယ်လို့ နိုင်ဧက က ပြောပါတယ်။ မွန်ပြည်သစ်ပါတီ NMSP တပ်ဖွဲ့ဟာ ၁၉၉၅ ခုနှစ်မှာ မြန်မာစစ်အစိုးရနဲ့ အပစ်အခတ်ရပ်စဲရေး သဘော တူညီမှု ရယူခဲ့ပြီး နယ်ခြားစောင့် တပ်ပြောင်းလဲဖွဲ့စည်းရေးကို လက်မခံခဲ့တာကြောင့် ၂၀၁၀ ခုနှစ် စက်တင်ဘာလကစပြီး အပစ်အခတ် ရပ်စဲရေး ပျက်ပြယ်သွားခဲ့ပါတယ်။

RFA Burmese
http://www.rfa.org/burmese


ဖေဖော်ဝါရီ ၁၃၊ ၂၀၁၇

ဖေဖော်ဝါရီ ၁၂ ရက်၊ ညပိုင်းတွင် မောင်တောမြို့နယ်၊ နတ်မြစ်အတွင်းတွင် လက်ခတ် လှေတစ်စီးပေါ်မှ ငွေကျပ် သိန်း ၁၉၀၀ ကျော် တန်ဖိုးရှိ စိတ်ကြွရူးသွပ်ဆေးပြားများ သိမ်းဆည်း ရမိခဲ့သည်။

မောင်တောမြို့နယ်၊ နတ်မြစ်အတွင်း လုံခြုံရေးတပ်ဖွဲ့ဝင်များ ကင်းလှည့်တာဝန် ထမ်းဆောင်စဉ် ဖေဖော်ဝါရီ ၁၂ ရက်၊ ည ၁၀ နာရီခွဲခန့်တွင် တစ်ဖက်နိုင်ငံသို့ လှော်ခတ်နေသော မသင်္ကာဖွယ် လက်ခတ်လှေတစ်စီးအား တွေ့ရှိ၍ မီးအချက်ပြခေါ်ယူရာ လာရောက်ခြင်းမရှိသောကြောင့် လိုက်လံဖမ်းဆီးရာ လှေပေါ်ပါသူများသည် ကမ်းတွင်လှေထိုးပြီး ထွက်ပြေးသွားသဖြင့် အလျား ပေ ၂၀၊ အနံ ၇ ပေရှိ လှေတစ်စီးနှင့် လှေအတွင်းမှ ဆာလာအိတ်ဖြင့် ထုတ်ထားသောအထုပ် တစ်ထုပ်ကို သိမ်းဆည်းရမိသည်။

သိမ်းဆည်းရမိသည့် အထုပ်အား ဖွင့်ဖောက်စစ်ဆေးရာ ကာလတန်ဖိုး ငွေကျပ် သိန်း ၁၉၀၀ ကျော် တန်ဖိုးရှိ စိတ်ကြွရူးသွပ်ဆေးပြား ၉၇၅၀၀ ပြားကို စစ်ဆေးတွေ့ရှိရသည်။ သိမ်းဆည်းရမိ သည့် လှေနှင့် မူးယစ်ဆေးဝါးများအား သက်ဆိုင်ရာတာဝန်ရှိသူများထံ စနစ်တကျ လွှဲပြောင်း အပ်နှံပေးခဲ့ကြောင်း သိရသည်။

(နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom



ရန်ကုန်မြို့ရှိ ရွှေဆိုင်တစ်ခု၌ ခင်းကျင်းပြသထားသော ရွှေထည်လက်ဝတ်ရတနာများကို တွေ့ရစဉ် (ဆင်ဟွာ)
    နေပြည်တော်၊ ဖေဖော်ဝါရီ ၁၃ ရက် (ဆင်ဟွာ)

    အထူးကုန်စည်ခွန် ၁၇ မျိုးတွင် ပါဝင်သည့် ကားတင်သွင်းမှုအပေါ် ကား၏ အင်ဂျင်ပါဝါကို မူတည်ပြီး အခွန်နှုန်းထား သတ်မှတ်မှု၊ ရွှေလက်ဝတ်ထည်များ ကုန်သွယ်လုပ်ငန်းခွန် လျှော့ချမှု အပါအ၀င်၂၀၁၇ ခုနှစ် ပြည်ထောင်စု ၏ အခွန်အကောက် ဥပဒေကြမ်း နှင့် စပ်လျဉ်းပြီး ပြည်ထောင်စု လွှတ်တော် ဥပဒေ ကြမ်း ပူးပေါင်း ကော်မတီက ၎င်း၏ တွေ့ ရှိချက်၊ သဘောထား အစီရင်ခံစာကို ယနေ့  ပြည် ထောင်စု လွှတ်တော် အစည်းအဝေးသို့ တင်သွင်းခဲ့သည်။

အဆိုပါ အစီရင်ခံစာအရ ဥပဒေကြမ်း အထူးကုန်စည် အမျိုးအစား အမှတ်စဉ် (၁၅) တွင် ပါဝင်သည့် ကားများနှင့် ပတ်သက်ပြီး ---

(က) Double Cab 4 Door Pickup မှ အပ ၁၅၀၁ CC မှ ၂၀၀၀ CC အထိ ဗင်ကားများ၊ ဆလွန်း၊ ဆီဒင်နှင့် ၀က်ဂွန် (Estate Wagon) ကားများ၊ ကူပေး (Coupe) ကားများ အတွက် အခွန်နှုန်း ၂၀ ရာခိုင်နှုန်း၊ (ခ) Double Cab 4 Door Pickup မှ အပ ၂၀၀၁ CC မှ ၅၀၀၀ CC အထိ ဗင်ကားများ၊ ဆလွန်း၊ ဆီဒင်နှင့် ၀က်ဂွန် (Estate Wagon) ကားများ၊ ကူပေး (Coupe) ကားများ အတွက် အခွန်နှုန်း ၃၀ ရာခိုင်နှုန်း၊ (ဂ) Double Cab 4 Door Pickup မှ အပ ၅၀၀၁ CC အထက် ဗင်ကားများ၊ ဆလွန်း၊ ဆီဒင်နှင့် ၀က်ဂွန် (Estate Wagon) ကားများ၊ ကူပေး (Coupe) ကားများ အတွက် အခွန်နှုန်း ၅၀ ရာခိုင်နှုန်း -- ဟူ၍ ပြင်ဆင်သတ်မှတ်သင့်သည်ဟု ပြည်ထောင်စု လွှတ်တော် ဥပဒေကြမ်း ပူးပေါင်းကော်မတီ ဒုတိယ ဥက္ကဋ္ဌ (၁) ၊ စစ်ကိုင်းတိုင်းဒေသကြီး မဲဆန္ဒနယ် အမှတ်(၆) အမျိုးသား လွှတ်တော် ကိုယ်စားလှယ် ဦးဇော်မင်းက ကော်မတီ၏ လေ့လာတွေ့ ရှိချက် သဘော ထားကို ယနေ့  ပြည်ထောင်စု လွှတ်တော် အစည်းအဝေးတွင် ကော်မတီကိုယ်စား ဖတ်ကြား တင်ပြခဲ့ သည်။

ထို့ အပြင် ဥပဒေကြမ်း၏ အပိုဒ် ၁၄ (ဇ) ရှိ “ရွှေထည် လက်ဝတ်ရတနာများ ရောင်းချခြင်းမှ ရောင်းရ ငွေအပေါ်တွင် တစ် ရာခိုင်နှုန်း (၁%) ဖြင့် ကုန်သွယ်လုပ်ငန်းခွန် ကျသင့်စေရမည် ဟု ပြင်ဆင် ပြဌာန်း သင့်ပါသည်” ဟုလည်း ၎င်းက တင်ပြခဲ့သည်။ ရွှေထည် လက်ဝတ်ရတနာများအတွက် ကုန်သွယ်ခွန် မှာ ယခင်က ငါးရာခိုင်နှုန်း ရှိခဲ့သည်။

(Xinhua)
http://xinhuamyanmar.com/myanmar


ဒါပေမယ့် အိမ်တွေကနေ လူတွေ စွန့်ခွာဖို့ ထုတ်ပြန်ထားတဲ့ အမိန့် ကိုတော့ ရုပ်သိမ်းမှာ မဟုတ်ဘူးလို့ တနင်္ဂနွေနှောင်းပိုင်းမှာ ဒေသဆိုင်ရာ ရဲအကြီးအကဲ ကိုရီဟိုနီးရားက ပြောပါတယ်။

အဲဒီဒေသမှာ နှစ်အတန်ကြာ မိုးခေါင်နေခဲ့ရာက အခု မိုးအများအပြား ရွာသွန်းပြီး နှင်းတွေလည်း ကျခဲ့လို့ ရေလှောင်တမံအတွင်းက ရေအမြင့်ပေဟာ မြင့်တက်လာခဲ့တာပါ။

ဒါဟာ နှစ် ၅၀ အတွင်းမှာ ပထမဦးဆုံး အကြိမ် အနေနဲ့ အော်ဗီးလ်ကန် အနီးတဝိုက်မှာ အရေးပေါ် အခြေအနေ တခု ကြုံတွေ့ခဲ့ခြင်းလည်း ဖြစ်ပါတယ်။

ကယ်လီဖိုးနီးယားပြည်နယ် ရေအရင်းအမြစ် ဌာနရဲ့ တနင်္ဂနွေနေ့ အစောပိုင်း ထုတ်ပြန်ချက် မှာ ရေလှောင်ကန်ထဲက ရေပမာဏကို ထိန်းညှိနိုင်ဖို့ရာ ၁ စက္ကန့် မှာ ကုဗပေ ၁၀၀,၀၀၀ (၂,၈၃၀ ကုဗမီတာ) ရှိတဲ့ ရေတွေကို ရေသွန်မြောင်းထဲကို သွန်ထုတ်နေတယ်လို့ ဆိုခဲ့ပါတယ်။

အဲဒီ အနီးတဝိုက်က လူတွေကို နေအိမ်ကနေ စွန့်ခွာဖို့ အွန်လိုင်းလူမှုကွန်ရက် ဖေ့စ်ဘွတ်ခ်ပေါ်မှာ တင် ကြေညာရာမှာ ဒါဟာ အစမ်းလေကျင့်နေမှု မဟုတ်ကြောင်း၊ အရေးပေါ်အခြေအနေ တကယ် ဖြစ်နေကြောင်း သုံးကြိမ်သုံးခါ ထုတ်ပြန်ကြေညာခဲ့ပါတယ်။

ဆာကရာမင်တို မြောက်ပိုင်း ၆၅ မိုင် (၁၀၅ ကီလိုမီတာ) အကွာမှာ တည်ရှိတဲ့ လူဦးရေ ၁၆,၀၀၀ ရှိ အော်ဗီးလ်မြို့ခံတွေကို မြောက်ပိုင်းဘက်ကို ရွှေ့နေကြဖို့ ညွှန်ကြားထားပါတယ်။ ထိခိုက်နိုင်တဲ့ အခြား မြို့တွေက လူတွေကိုလည်း ဒေသဆိုင်ရာတာဝန်ရှိသူတွေ ညွှန်ကြားတဲ့ အတိုင်း လိုက်နာဖို့ အာဏာပိုင်တွေက အကြံပြုပါတယ်။

မုန်တိုင်းကြောင့် ဖြစ်ပေါ်ခဲ့တဲ့ ရေကြီးမှုနဲ့ ရွှံ့မြေဖုံးလွှမ်းတွေ အတွက် အရေးကြီး ကပ်ဘေးဒုက္ခ တခု အဖြစ် ကြေညာပေးဖို့ ပြည်ထောင်စု အရေးပေါ် အခြေအနေ စီမံခန့်ခွဲရေး အဖွဲ့ကို သောကြာနေ့မှာ ကယ်လီဖိုးနီးယား အုပ်ချုပ်ရေးမှူး ဂျယ်ရီဘရောင်းက တောင်းဆိုခဲ့ပါတယ်။

BBC Burmese
https://www.facebook.com/bbcburmese/



လစ်ဗျားနိုင်ငံ လခြမ်းနီအသင်း အဖွဲ့ဝင်များအားတွေ့ရစဉ် (ဆင်ဟွာ)
    ထရီပိုလီ၊ ဖေဖော်ဝါရီ ၁၃ ရက် (ဆင်ဟွာ)

    လစ်ဗျားနိုင်ငံ လခြမ်းနီအသင်း တာဝန်ရှိသူ တစ်ဦးက Sirteမြို့၌ လွန်ခဲ့သည့် ၁၀ရက်အတွင်း ရုပ်အလောင်း ၇၀ကျော် ကောက်ယူနိုင်ခဲ့ကြောင်း ပြောကြားခဲ့သည်။

မီဆရာတာမြို့ ရှိ လခြမ်းနီအသင်း ၏ ပဋိပက္ခစီမံခန့်ခွဲမှုကော်မတီ အကြီးအကဲ Saleh Bozreba က ကောက်ယူ သိမ်းဆည်းခဲ့သည့် ရုပ်အလောင်း ၆၅လောင်းမှာ Sirteမြို့ တောင်ပိုင်းတွင် ဇန်နဝါရီ ၁၉ ရက်နေ့က အမေရိကန်တို့၏ လေကြောင်းတိုက်စစ်ဆင်မှုကြောင့် သေဆုံးသွားသော IS စစ်သွေးကြွများဖြစ်ကြောင်း ပြောကြားခဲ့သည်။

Bozreba က လခြမ်းနီအသင်းလုပ်အားပေးများသည် Sirteမြို့တွင်ကျန်ရှိနေသည့် ရုပ်အလောင်းများကို ပြန်လည်ကောက်ယူရန် လုပ်ဆောင်နေကြပြီး အသင်းအား ကူညီရန် ပြည်တွင်း၊ ပြည်ပ အဖွဲ့အစည်းများကို အကူအညီတောင်းခံထားကြောင်း ပြောကြားခဲ့သည်။

Sirteမြို့သည် မြို့တော် ထရီပိုလီမြို့ အရှေ့ဘက် ၄၅၀ကီလိုမီတာ အကွာခန့်တွင် တည်ရှိပြီး ကုလသမဂ္ဂကထောက်ခံပေးထားသည့် အစိုးရ ကို သစ္စာပြုထားသော တပ်ဖွဲ့များက မြို့အား ၇လကြာတိုက်ပွဲဆင်နွှဲပြီး ပြန်လည်ထိန်းချုပ်မှု မပြုလုပ်ခင် Sirteမြို့သည် IS စစ်သွေးကြွတို့၏ တစ်နှစ်ကျော်ကြာ ခြေကုပ်ယူရာ နေရာတစ်ခုဖြစ်ခဲ့ကြောင်း သိရသည်။

နှစ်ဖက်တိုက်ပွဲများကြောင့် အစိုးရတပ်သား ရာနှင့်ချီ၍ သေဆုံး ဒဏ်ရာရရှိခဲ့ကြောင်း သိရသည်။

(Xinhua)
http://xinhuamyanmar.com



ဒလက် ၂လက်ပါ Robinson R66 အမျိုးအစား ဘက်စုံသုံးအပေါ့စား ရဟတ်ယာဉ် အားတွေ့ရစဉ် (ဓါတ်ပုံ-အင်တာနက်)
    မော်စကို၊ ဖေဖော်ဝါရီ ၁၃ ရက် (ဆင်ဟွာ)

    ရုရှားနိုင်ငံ Altai ပြည်နယ်ရှိ Teletskoye ရေအိုင်ပေါ်တွင် ဖေဖော်ဝါရီ ၁၂ ရက် ညက ရုရှားအရပ်ဖက်ရဟတ်ယာဉ် တစ်စီး ပျက်ကျခဲ့ပြီး ရဟတ်ယာဉ်ပေါ်တွင်လိုက်ပါလာသူများ ပျောက်ဆုံးနေဆဲဖြစ်ကြောင်း အရေးပေါ်ဝန်ဆောင်မှုများ၏ ပြောကြားချက်ကို ကိုးကား၍ RIA Novosti သတင်းဋ္ဌာနက ဖော်ပြခဲ့သည်။

ဒလက် ၂လက်ပါ Robinson R66 အမျိုးအစား ဘက်စုံသုံးအပေါ့စား ရဟတ်ယာဉ်ပေါ်၌ လူ ၅ဦး လိုက်ပါလာနိုင်ကြောင်း သတင်းတွင် ဖော်ပြထားသည်။

ရဟတ်ယာဉ်ပျက်ကျမှုသည် လေယာဉ်မှူး၏ ချို့ယွင်းချက် (သို့) ရေအိုင်ပေါ်တွင် လေပြင်းများ တိုက်ခတ်မှုကြောင့် ဖြစ်နိုင်ကြောင်း RIA Novosti သတင်းဋ္ဌာနက ဖော်ပြခဲ့သည်။Teletskoye ရေအိုင်သည် ရုရှားနိုင်ငံ ရှိ ကမ္ဘာလှည့် ခရီးသွားများ အများဆုံးလာရောက်ရာ နေရာတစ်ခုဖြစ်ကြောင်း သိရသည်။

ရေငုပ်သမားများအပါအဝင် ရှာဖွေရေး နှင့် ကယ်ဆယ်ရေးအဖွဲ့များသည် အခင်းဖြစ်ပွားရာသို့ အလျင်အမြန်ရောက်ရှိလာကြသော်လည်း ရာသီဥတုဆိုးရွားမှုကြောင့် ဖေဖော်ဝါရီ ၁၃ရက် အရုဏ်တက်အချိန်မတိုင်ခင်အထိ လုပ်ငန်းများဆောင်ရွက်နိုင်အုံးမည်မဟုတ်ကြောင်း သိရသည်။

ပြည်တွင်းပို့ဆောင်ဆက်သွယ်ရေးအာဏာပိုင်အဖွဲ့က အဆိုပါ ဖြစ်ရပ်အား စုံစမ်းစစ်ဆေးရန် ညွှန်ကြားထားကြောင်း သိရသည်။

(Xinhua)
http://xinhuamyanmar.com



သီလ၀ါဆိပ်ကမ်းမှာထားရှိထားတဲ့ မော်တော်ကားတွေကို တွေ့ရစဉ်။ Photo: Kyaw Zaw Win/ RFA
ပြည်ပကတင်သွင်းလာပြီး သီလ၀ါဆိပ်ကမ်းမှာ တစ်နှစ်ကျော်ကြာ ရောက်ရှိနေပေမယ့် လာရောက် ထုတ်ယူခြင်းမရှိတဲ့ မော်တော်ယာဉ်အစီးရေ တစ်ထောင်ကျော်ကို နိုင်ငံပိုင် သိမ်းဆည်းသွားမယ်လို့ ဆိပ်ကမ်းအာဏာပိုင်အဖွဲ့က ပြောပါတယ်။

တစ်နှစ်ကျော်ကြာလာရောက်ထုတ်ယူခြင်းမရှိတဲ့မော်တော်ယာဉ်တွေကို နိုင်ငံတော်ကို အပ်နှံသွားမှာဖြစ်ပြီး လေလံတင်ဖို့မရှိဘူးလို့ ဆိပ်ကမ်းအာဏာပိုင် ဒုတိယအထွေထွေမန်နေဂျာ ဦးဇော်ထွန်းလွင် က ပြောပါတယ်။

"တစ်နှစ်ကျော်ကြာရင် နိုင်ငံပိုင်သိမ်းခွင့်ရှိတယ် ဘာမှလာမဆက်သွယ်ပဲနဲ့ တစ်နှစ်ကျော်ကြာရင် နိုင်ငံတော်က သိမ်းတယ် ပြီးရင် နိုင်ငံတော်ရဲ့စီမံခန့်ခွဲမှုအရ ဌာနဆိုင်ရာပေးရင်ပေးတယ် သမ္မတရုံးရဲ့ ညွှန်ကြားချက် အစိုးရညွှန်ကြားချက်အရ လုပ်ပေးတယ်"

ဆိပ်ကမ်းကိုရောက်ရှိပြီး နှစ်လကျော်ကြာထုတ်ယူခြင်းမရှိတဲ့ မော်တော်ယာဉ်တွေကို လေလံစာရင်း သွင်းထားပြီး လာရောက်ထုတ်ယူတာတွေ ရှိရင် လေလံ စာရင်းကနေ ပယ်ဖျက်ပြီး ပြန်လည် ထုတ်ပေး တာမျိုးတွေလည်းရှိတယ်လို့ ပြောပါတယ်။

နိုင်ငံပိုင်သိမ်းဆည်းမယ့် မော်တော်ယာဉ်တွေဟာ မော်ဒယ်မြင့် အမျိုးအစားတွေဖြစ်ပြီး အကြောင်း အမျိုးမျိုးကြောင့် တစ်နှစ်ကျော်ကြာတဲ့အထိ လာရောက် ထုတ်ယူခြင်း မရှိတာဖြစ်ပါတယ်။

RFA Burmese
http://www.rfa.org/burmese



သီလ၀ါဆိပ်ကမ်းတွင်း ပြည်ပမှ တင်သွင်းလာသော ကားများအားတွေ့ရစဉ်(ဓာတ်ပုံ-ဆင်ဟွာ)
    ရန်ကုန်၊ ဖေဖော်ဝါရီ ၁၃ ရက် (ဆင်ဟွာ)

    ပြည်ပမှ တင်သွင်းလာပြီး နှစ်လအတွင်း လာရောက်ထုတ်ယူခြင်းမရှိသော ကားများအား လေလံတင်မည်ဖြစ်ကြောင်း မြန်မာ့ဆိပ်ကမ်းအာဏာပိုင်ထံမှ သိရသည်။

အဆိုပါ ဆိပ်ကမ်းများရှိ လာရောက်ထုတ်ယူခြင်းမရှိသော ကားများအား နှစ်စဉ်လေလံတင်လေ့ရှိပြီး ၂၀၁၇ခုနှစ်အတွက် ပထမဆုံးအကြိမ် ကား ၂၀၀၀ကျော် လေလံတင်မည်ဖြစ်ကြောင်း သိရသည်။

ဆိပ်ကမ်းရှိ လာရောက်ထုတ်ယူခြင်းမရှိသော ကားအများစုသည် တင်သွင်းလာသော မော်ဒယ်များ ကွဲလွဲနေခြင်း၊ အရောင်းစင်တာများပိတ်သိမ်းလိုက်သဖြင့် လာရောက်ထုတ်ယူသူမရှိခြင်း စသည့် အကြောင်းအမျိုးမျိုးကြောင့်ဖြစ်သည်။

ရန်ကုန်ဆိပ်ကမ်း များသို့ ရောက်ရှိပြီး မော်တော်ယာဉ် များကို ရက်ပေါင်း ၆ဝ ထားခွင့်ရှိကာ ရက်ပေါင်း ၆ဝ ကျော်ပါက လေလံတင် ရောင်းချမည့် စာရင်းအတွင်း ထည့်သွင်း သတ်မှတ် သွားမည်ဖြစ်သည်။ ထို့ပြင် တစ်နှစ် ကျော်လွန်သည် အထိ လာရောက် ထုတ်ယူခြင်း မရှိဘဲ ဆိပ်ကမ်း၌ ထိန်းသိမ်း ထားရသော မော်တော်ယာဉ် များကို ပိုင်ရှင် ဖြစ်သူက စွန့်လွှတ်ပြီး ဖြစ်သည်ဟု ယူဆကာ နိုင်ငံတော်ဘဏ္ဍာ အဖြစ် သိမ်းဆည်းသွားမည် ဖြစ်ကြောင်း သိရသည်။

ရန်ကုန်မြို့၌ မော်တော်ယာဉ်တင် သင်္ဘောများ ဆိုက်ကပ်ခွင့် ရသည့် ဆိပ်ကမ်းများ အနေဖြင့် မြန်မာ အပြည်ပြည် ဆိုင်ရာ သီလဝါဆိပ်ကမ်း၊ အမှတ် (၄) သီလဝါဆိပ်ကမ်း၊ မြန်မာ့စက်မှု ဆိပ်ကမ်း၊ ဆူးလေဆိပ်ကမ်း၊ ဗိုလ်အောင်ကျော် ဆိပ်ကမ်း၊ အေးရှားဝေါ ကုန်သေတ္တာ စစ်ဆေးရေး စခန်းနှင့် ထီးတန်း ဆိပ်ကမ်းဟူ၍ ဆိပ်ကမ်း ၇ ခုရှိပြီး အပြည်ပြည်ဆိုင်ရာ သီလဝါဆိပ်ကမ်း နှင့် အမှတ်(၄) သီလ၀ါ ဆိပ်ကမ်းတို့မှာ မော်တော်ယာဉ်တင် သင်္ဘော ဝင်ရောက်မှု အများဆုံးဖြစ်သည်။

(Xinhua)
http://xinhuamyanmar.com


စစ်တွေ၊ ဖေဖော်ဝါရီ ၁၃

မောင်တောမြို့နယ်နှင့် ရသေ့တောင်မြို့နယ်ရှိ နယ်ခြားစောင့်ရဲစခန်းများကို အကြမ်းဖက်တိုက်ခိုက်ရာတွင် ဦးဆောင်ပါဝင်သည့်ဘင်္ဂါလီတစ်ဦးအား စစ်တွေခရိုင်တရားရုံးက သေဒဏ်ချမှတ်လိုက်ကြောင်း စစ်တွေခရိုင် ရဲတပ်ဖွဲ့မှူးရုံးမှ ဒုရဲမှူးကြီးဝင်းနောင်က နိရဉ္စရာသို့ အတည်ပြုပြောသည်။

"ပြီးခဲ့တဲ့ သောကြာနေ့ (ဖေဖော်ဝါရီ ၁ဝ ရက်)က ချလိုက်တာပါ။ လူသတ်မှုနဲ့ ချလိုက်တာဖြစ်ပါတယ်။ အသေးစိတ်ကိုတော့ စစ်တွေ မြို့မ စခန်းမှူးကို မေးပါ"ဟု ရခိုင်ပြည်နယ် ရဲတပ်ဖွဲ့ ဒုရဲမှူးကြီးဝင်းနောင်က ပြောသည်။

စစ်တွေမြို့နယ် စခန်းမှူးသို့ နိရဉ္စရာက ဆက်သွယ် မေးမြန်းရာ သေဒဏ်ချမှတ်ခံရသူမှာ မောင်တောမြို့နယ်၊ ကျောက်ပြင်ဆိပ်ကျေးရွာမှ အသက် (၂၃)နှစ်အရွယ် မာမက်နူ(ခ) အူလာဖြစ်ကြောင်း၊ သူသည် ပြီးခဲ့သည့်နှစ် အောက်တိုဘာလအတွင်းက ရသေ့တောင်မြို့နယ် ကိုးတန်ကောက် နယ်ခြားစောင့် စခန်းအား အကြမ်းဖက်စီးနင်းတိုက်ခိုက်ရာတွင် ပါဝင်ခဲ့ပြီး သူကိုယ်တိုင် လူသတ်မှုကို ကျူးလွန်ခဲ့ကြောင်း၊ သို့အတွက် သူ့အား စစ်တွေမြို့နယ် ခရိုင်တရားရုံးက လူသတ်မှုဖြင့် သေဒဏ် ချမှတ်ရခြင်း ဖြစ်ကြောင်း ပြောကြားသည်။

အကြမ်းဖက်တိုက်ခိုက်မှုအပြီး သူ့အား ဖမ်းဆီးရမိပြီးနောက် နယ်ခြားစောင့်ရဲက လူသတ်မှု၊ ပြည်သူပိုင်ပစ္စည်းကို ဖျက်ဆီးမှုနှင့် မတရားအသင်းတို့နှင့်ဆက်သွယ်မှုပုဒ်မတို့ဖြင့် တရားစွဲဆိုခဲ့ခြင်းဖြစ်သည်။

“သူ့ကို လူသတ်မှု ပုဒ် ၃၀၂ (၁) (ဂ) သေဒဏ်ချမှတ်လိုက်ပါတယ်။ နောက်ထပ်စွဲဆိုထားတဲ့ အမှုတွေလည်းရှိပါတယ်။ လက်နက်မှု၊ ပြည်သူပိုင် ပစ္စည်းဖျက်ဆီးမှု ၊ မတရားအသင်းဆက်သွယ်မှု ပုဒ်မတွေနဲ့လည်း ဆက်လက် တရား စွဲဆိုထားပါတယ် ’’ ဟု သူက ဆိုသည်။

မောင်တောအကြမ်းဖက်တိုက်ခိုက်မှုဖြစ်စဉ်နှင့်ပတ်သက်ပြီး စစ်တွေတရားရုံးတွင် တရားစွဲဆိုထားသည့် ဘင်္ဂါလီ နောက်ထပ် ၁၃ ဦးရှိနေသေးပြီး အမှုကို ဆက်လက်စစ်ဆေးနေတုန်းဟု သိရသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara


တာမွေမြို့နယ် မလွှကုန်း ဌေးကြွယ် (က)ရပ်ကွက် ဇောတိကလမ်းနှင့် ဇဋိလလမ်းကြားရှိ နောက်ဖေးလမ်းကြားတွင် ဖေဖော်ဝါရီ ၁၂ရက် မွန်းလွဲ ၂ နာရီက ချက်ကြိုးတန်းလန်းနှင့် ဒဏ်ရာများဖြင့် စွန့်ပစ်ထားသည့် မွေးကင်းစ မိန်းကလေးငယ်မှာ သေဆုံးသွားခဲ့ကြောင်း တာမွေမြို့မရဲစခန်းမှ တာဝန်ကျ ရဲအရာရှိတစ်ဦးက ဖေဖော်ဝါရီ ၁၃ ရက်တွင် The Ladies သို့ပြောသည်။

“ကလေးလေးကို ဆေးရုံကိုပို့တာပေါ့။ ပို့တဲ့အချိန်မှာ ဆုံးသွားတာပါ” ဟု တာဝန်ကျရဲအရာရှိက ပြောသည်။

နောက်ဖေးလမ်းကြားတွင် ကလေးငိုသံ ကြားသဖြင့် ထွက်ကြည့်ရာ မှ မွေးကင်းစကလေး၏ ကိုယ်တွင် ချက်ကြိုးရစ်ပတ် နေသည်ကို တွေ့ရှိ ခဲ့ရခြင်းဖြစ်ပြီး ဘေးပတ်ဝန်းကျင်မှ လူများနှင့် ရပ်ကွက်လူကြီးများက ကလေးငယ်ကို အနှီးဖြင့်ထုပ်ကာ ဆေးရုံသို့ ပို့ဆောင်ပေး ခဲ့ကြခြင်း ဖြစ်သည်။

အဆိုပါ မွေးကင်းစ ကလေးငယ်သည် ချက်ကြိုးတန်းလန်းဖြင့် စွန့်ပစ်ခံရခြင်းဖြစ်ပြီး ဦးခေါင်းတွင် ဒဏ်ရာ အနည်းအငယ်နှင့် ပါးတွင် သွေးထွက်ဒဏ်ရာများ တွေ့ရှိခဲ့ရပြီး တာမွေမြို့နယ် ရဲတပ်ဖွဲ့မှ ကလေးစွန့်ပစ်သူကို ဖော်ထုတ်အရေးယူရန် စုံစမ်းဆောင်ရွက်နေကြောင်း သိရသည်။

ဇော်မင်းထွန်း
Photo - ထက်မြတ်မင်း Fb
The Ladies News
https://www.facebook.com/News.TheLadies/



ဂျာမဏီ နိုင်ငံ Hamburg လေဆိပ် ပြင်ပရှိ ခရီးသည် များအား မြင်တွေ့ရစဉ်(ဓာတ်ပုံ-အင်တာနက်)
    ဘာလင် ၊ ဖေဖော်ဝါရီ ၁၃ ရက် (ဆင်ဟွာ)

    ဂျာမဏီ နိုင်ငံ မြောက်ပိုင်းရှိ Hamburg လေဆိပ်တွင် ဖေဖော်ဝါရီ ၁၂ ရက်နေ့က အမျိုးအစား မသိရှိရသေးသည့် အဆိပ်ငွေ့ ထွက်ရှိခဲ့ပြီး အဆိပ်ငွေ့ကြောင့် လူပေါင်း ၅၀ ကျော် ဒဏ်ရာရရှိခဲ့သောကြောင့် လေဆိပ် ကို ယာယီ ပိတ်သိမ်းကာ လေကြောင်းခရီးစဉ် အားလုံးကိုလည်း ရပ်ဆိုင်းခဲ့ရကြောင်း နှင့်  လက်ရှိချိန်တွင် လေဆိပ်သည် ပုံမှန် ပြန်လည် လည်ပတ်နေပြီး ဖြစ်ကြောင်း သိရှိရသည်။

Hamburg လေဆိပ်၏ ရဲဝန်ထမ်း၏ ပြောကြားချက်အရ လေဆိပ်၏ ခရီးသည် နှင့် ခရီးသည်များ၏ လက်ဆွဲ ခရီးဆောင် ပစ္စည်း များ စစ်ဆေးရာ နေရာ တွင် အမျိုးအစား မသိရှိရသေးသည့် အဆိပ်ငွေ့ထွက်ရှိနေသည် ကို တွေ့ရှိခဲ့ရကြောင်း ၊ လုံခြုံရေး ဝန်ထမ်း များနှင့် ခရီးသည် များသည် အဆိပ်ငွေ့ကြောင့် မျက်လုံးများ အလွန် နေထိုင်မကောင်းဖြစ်ခဲ့ကာ ဆိုးရွားစွာ ချောင်းဆိုးခြင်းများကို ဖြစ်စေခဲ့ကြောင်း ၊ လူပေါင်း ၅၀ ကျော် ဒဏ်ရာရရှိမှု ဖြစ်ပွားခဲ့ပြီး မီးသတ်သမား များမှ လေဆိပ်တွင် ယာယီ ကယ်ဆယ်ရေး စင်တာ တည်ဆောက်ကာ ကိုယ်ခန္ဓာစစ်ဆေးရေး လုပ်ငန်းများ ဆောင်ရွက်ပေးခဲ့ပြီး အခြေအနေ ဆိုးရွားသည့် လူနာများကို ဆေးရုံသို့ ပို့ဆောင်ပေးခဲ့ကြောင်း ပြောကြား ခဲ့သည်။

အခင်းဖြစ်ပွားပြီးနောက်တွင် Hamburg လေဆိပ် မှ လေကြောင်းခရီးစဉ် အားလုံးကို ရပ်ဆိုင်းခဲ့ပြီး လေဆိပ်ရှိ ရာနှင့်ချီသော ခရီးသည်များကို ဘေးလွတ်ရာသို့ ရွေ့ပြောင်းပေးခဲ့သည်။Hamburg လေဆိပ် တွင် ဆင်းသက်ရန် စီစဉ် ထားသည့် လေယာဉ်များသည်လည်း အခြားမြို့ရှိ လေဆိပ်များတွင် ဆင်းသက်ခဲ့ရပြီး လေဆိပ်သို့သွားရောက်သည့် ကားလမ်းနှင့် ရထားလမ်းများသည်လည်း ယာယီ ရပ်ဆိုင်းထားခဲ့ရကြောင်း သိရှိရသည်။

ကနဦး စစ်ဆေးချက်များအရ အဆိပ်ရှိသော ဓာတ်ငွေ့များသည် လေဆိပ်အတွင်းရှိ လေအေးပေးစက် စနစ်မှ ပျံနှံ့လာနိုင်ခြင်းဖြစ်ပြီး အဆိပ်ငွေ့ ၏ အမျိုးအစားကိုမူ လက်ရှိချိန်တွင် မသိရှိရသေးကြောင်း ထုတ်ပြန်ခဲ့

သည်။(Xinhua)
http://www.xinhuamyanmar.com



ဂျာမနီနိုင်ငံ၏ သမ္မတသစ် ဖရန့်ခ်ဝေါ်လ်တာစတိန်းမီးယား အားတွေ့ရစဉ် (ဆင်ဟွာ)
    ဘာလင်၊ ဖေဖော်ဝါရီ ၁၃ ရက် (ဆင်ဟွာ)

    ဂျာမနီနိုင်ငံ သမ္မတရွေးကောက်ပွဲအဖွဲ့ က နိုင်ငံခြားရေးဝန်ကြီးဟောင်း ဖရန့်ခ်ဝေါ်လ်တာစတိန်းမီးယား အား ဂျာမနီသမ္မတသစ်အဖြစ် ဖေဖော်ဝါရီ ၁၂ ရက်က ရွေးချယ်တင်မြှောက်ခဲ့ကြောင်း သိရသည်။

စတိန်းမီးယား သည် တစ်သီးပုဂ္ဂလများ နှင့် အခြားပါတီများမှ ဝင်ရောက်ယှဉ်ပြိုင်သူများကို ကျော်လွန်၍ ဆန္ဒမဲ ၁၂၃၉မဲ တွင် ၉၃၁မဲ ဖြင့် အပြတ်အသတ် အနိုင်ရရှိခဲ့ကြောင်း သိရသည်။

စတိန်းမီးယား အား ဂျာမနီနိုင်ငံ တွင် သြဇာရှိသော ဆိုရှယ်ဒီမိုကရက်တစ်ပါတီ ကဲ့သို့သော ပါတီကြီးများက ကျောထောက်နောက်ခံ ပြုလုပ်ပေးခဲ့ကတည်းက ၎င်းအား ထင်ရှားလာမည့် အနိုင်ရရှိသူအဖြစ် ဂျာမနီပြည်တွင်း သတင်းဋ္ဌာနများက ကြိုတင်ခန့်မှန်းခဲ့ကြကြောင်း သိရသည်။

ဖေဖော်ဝါရီ ၁၁ရက်နေ့ ညနေပိုင်းကလည်း အန်ဂျလာမာကယ် နှင့် Horst Lorenz Seehofer တို့သည် ဗဟိုလက်ဝဲယိမ်း နှင့် ဗဟိုလက်ယာယိမ်း နိုင်ငံရေး သမဂ္ဂများကို ကိုယ်စားပြု၍ စတိန်းမီးယား အား ထောက်ခံကြရန် တိုက်တွန်းခဲ့ကြပြီး ၎င်းသည် ဂျာမနီကို ကိုယ်စားပြုနိုင်မည့် အသင့်လျော်ဆုံး ပုဂ္ဂိုလ်တစ်ဦး ဖြစ်ကြောင်း ပြောကြားခဲ့ကြသည်။

စတိန်းမီးယား သည် ဂျာမနီနိုင်ငံ၏ အထင်ရှားဆုံး နိုင်ငံရေးသမားများအနက် တစ်ဦးအပါအဝင်ဖြစ်ပြီး ဂျာမနီ နိုင်ငံခြားရေးဝန်ကြီးအဖြစ် ၂၀၀၅ခုနှစ် မှ ၂၀၀၉အထိ တစ်ကြိမ်၊ ၂၀၁၃ခုနှစ် မှ ၂၀၁၆ခုနှစ်အထိ တစ်ကြိမ် စုစုပေါင်း နှစ်ကြိမ် တာဝန်ထမ်းဆောင်ခဲ့ကာ ယူကရိန်းအရေးကိစ္စတွင် ၎င်း၏ အားထုတ်ကြိုးစားမှုများ နှင့် ပတ်သက်၍ လူသိများထင်ရှားလာကြောင်း သိရသည်။ ထို့အပြင် ၎င်းသည် ၂၀၀၇ခုနှစ်မှ ၂၀၀၉ခုနှစ်အထိ ဒုတိယ ဝန်ကြီးချုပ်အဖြစ် တစ်ကြိမ်တာဝန်ထမ်းဆောင်ခဲ့ကြောင်း သိရသည်။

စတိန်းမီးယား သည် မတ်လ ၁၈ ရက်တွင် သမ္မတတာဝန်များ တရားဝင်လွှဲပြောင်းယူမည်ဖြစ်ကြောင်း သိရသည်။

ဂျာမနီသမ္မတဟောင်း Gauck က ၎င်းအနေဖြင့် အသက်အရွယ်ကြီးရင့်လာမှုကြောင့် နောက်ထပ် သက်တမ်း ၅နှစ်အတွက် ဝင်ရောက်ယှဉ်ပြိုင်တော့မည်မဟုတ်ကြောင်း ၂၀၁၆ခုနှစ်တွင် ပြောကြားခဲ့သည်။

ဂျာမနီနိုင်ငံ၏ သမ္မတရာထူးသည် တကယ်လုပ်ပိုင်ခွင့်အာဏာရှိသည်ထက် ဟန်ပြအနေအထားတွင် ရှိသော်လည်း ဆန္ဒမဲများသည် မာကယ်၏ နိုင်ငံရေးညွှန့်ပေါင်းအဖွဲ့၏ စည်းလုံးမှုကို စမ်းသပ်သည့် အရာတစ်ခုအဖြစ် ယုံကြည်ရပြီး စက်တင်ဘာလတွင် ကျင်းပမည့် ဖယ်ဒရယ်ရွေးကောက်ပွဲတွင် လေးကြိမ်မြောက် ထပ်မံအရွေးခံရရန် မာကယ်၏ကြိုတင်ပြင်ဆင်မှု အစပျိုးနိဒါန်းတစ်ခု လည်းဖြစ်ကြောင်း သိရသည်။

(Xinhua)
http://www.xinhuamyanmar.com