02/15/17



မလေးရှားနိုင်ငံ ကွာလာလမ်ပူမြို့ကို တွေ့ရစဉ်။ Photo: Wikipedia
မလေးရှားနိုင်ငံ ဆီလန်ဂေါပြည်နယ် အမ်ပန်မြို့က အိမ်တအိမ်မှာ သွေးသံရဲရဲသေဆုံးနေတဲ့ မြန်မာနိုင်ငံက အမျိုးသမီးတယောက်၊ ကလေးနှစ်ယောက်နဲ့ သတိလစ်နေတဲ့အမျိုးသားတယောက်ကို တနင်္ဂနွေနေ့ညမှာ ရဲကတွေ့ရှိပြီး စစ်ဆေးနေတယ်လို့ သိရပါတယ်။

အမျိုးသားရော အမျိုးသမီးပါ အသက် ၄၇ နှစ်အရွယ်တွေဖြစ်ပြီး၊ ၂ နှစ်အရွယ်ယောက်ျားလေး တယောက်နဲ့ ၁၀ နှစ်အရွယ်မိန်းကလေးတယောက်ဖြစ်ပါတယ်။ သူတို့အားလုံးကို အိပ်ခန်းတခန်း ထဲမှာ အတူတွေ့ရတာဖြစ်ပြီး၊ အသက်ရှင်နေသေးတဲ့ အမျိုးသားကိုတော့ ဆေးကုနေတယ်လို့ ဆိုပါတယ်။

ဒီဖြစ်ရပ်ကို လူသတ်မှုလို့ရဲတပ်ဖွဲ့က သတ်မှတ်ထားပြီး၊ ဘာကြောင့် ဘယ်လိုဖြစ်တယ်ဆိုတာကို စုံစမ်းနေဆဲပဲလို့ သိရပါတယ်။

များမကြာသေးခင်ကလည်း မလေးရှားနိုင်ငံမှာ အလုပ်လုပ်ကိုင်နေတဲ့ မြန်မာနိုင်ငံသား ၅ ဦး ညဘက်အလုပ်က အပြန်လမ်းမှာ သတ်ဖြတ်ခံခဲ့ရပြီး၊ အဲဒီအမှုအတွက် စုံစမ်းဖော်ထုတ်သွားမယ်လို့ မလေးရှားရဲတွေက ပြောထားပါတယ်။

RFA Burmese
http://www.rfa.org/burmese


ပြီးခဲ့တဲ့ဖေဖေါ်ဝါရီလ (၁၂) ရက်နေ့မှာတော့ အနှစ် (၇၀) မြောက် ပြည်ထောင်စုနေ့အခမ်းအနားကိုတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင်နဲ့ တိုင်းရင်းသားကိုယ်စားလှယ်စုံလင်စွာ တက်ရောက်လို့ မြန်မာနိုင်ငံရဲ့သမိုင်းမှာ ပထမဆုံးအကြိမ်အဖြစ် အဓိပ္ပါယ်အလေးနက်ဆုံး၊ အစည်ကားဆုံး နဲ့လူထုစိတ်ဝင်စားမှု့အရဆုံးအခမ်းအနားအဖြစ် ပင်လုံစာချုပ်ချုပ်ဆိုခဲ့ရာ ရှမ်းပြည်တောင်ပိုင်းပင်လုံမြို့မှာ အောင်မြင်စွာကျင်းပနိုင်ခဲ့ပါတယ်။

ပြည်ထောင်စုနေ့ အခမ်းအနားကို ဒေါ်အောင်ဆန်းစုကြည်ဟာ ကချင်ရိုးရာ မနောတိုင်အမှတ်အသားပါတဲ့ ဒီဇိုင်းဝတ်စုံကို နိုင်ငံရေးအဓိပ္ပါယ်ရှိရှိ၊ ရည်ရွယ်ချက်အပြည့်အ၀နဲ့ ဆင်မြန်းလို့  တက်ရောက်လာခဲ့ပါတယ်။ ပြီးတော့ ပြည်ထောင်စုနေ့မိန့်ခွန်းမှာ အပစ်ရပ်လက်မှတ်မထိုသေးတဲ့ တိုင်းရင်းသားလက်နက်ကိုင်တွေကို ကိုယ့်ကိုယ်ကို ယုံကြည်စွာ နဲ့ အပစ်ရပ်လက်မှတ်ရေးထိုးပြီး (၂၁) ရာစုပင်လုံမှာ ပါဝင်ဖို့ကိုလည်း နိုင်ငံတော်ရဲ့အတိုင်ပင်ပုဂ္ဂိုလ် ဒေါ်အောင်ဆန်းစုကြည်က တခုတ်တရ ထည့်သွင်းတိုက်တွန်း ပြောဆိုသွား ခဲ့ပါတယ်။

ထိုးစစ်တွေအရှိန်မြင့်လာလို့ ဆင်းရဲဒုက္ခကြီးစွာရောက်နေခဲ့ရတဲ့ ပြည်တွင်းစစ်ပြေး ကချင်မိဘပြည်သူတွေကို စာနာသနားတယ်။ သူတို့နဲ့အတူရှိနေတယ်ဆိုတာကို နှစ်ဖက်စလုံးက စစ်ပွဲတွေဆင်နွှဲနေသူတွေကို သိစေချင်တဲ့ ရည်ရွယ်ချက်ဖြစ်ဟန်တူပါတယ်။

လက်နက်ကိုင်လမ်းစဉ်စွန့်ရမယ်ဆိုတဲ့အချက်အပေါ်မှာ အပစ်ရပ်လက်မှတ်ထိုးဖို့  လက်မှတ်ထိုးဖို့ တွန့်ဆုတ်နေတဲ့ KIA နဲ့ မဟာမိတ်တွေကို လက်မှတ်ထိုးပြီး ရဲရဲဝံ့ဝံ့နဲ့ ၂၁ ရာစုပင်လုံညီလာခံကို တက်လာခဲ့ဖို့ အားပေးတိုက်တွန်းချင်တဲ့ရည်ရွယ်ချက်ပါ။ သူမနဲ့ပြည်သူတွေ အတူရှိနေပါတယ်၊ စောင့်နေပါတယ်ဆိုတာ ပြောပြနေတဲ့သဘောပါဘဲ။

လက်နက်ကိုင်လမ်းစဉ်စွန့်ရမယ်ဆိုတဲ့အချက်အပေါ်မှာ သိပ်အာရုံမထားပါဘဲ ဆွေးနွေးပွဲအောင်မြင်အောင် ဆောင်ရွက်မယ်ဆိုတဲ့ သန္နိဌာန်ချပြီး ဒီမိုကရေစီဖက်ဒရယ်ပြည်ထောင်စုကို တခြားတိုင်းရင်းသားတွေနဲ့  အတူတူ မဖြစ်မနေတည်ဆောက်စေချင်တဲ့ တိုက်တွန်းမှု့လို့ အဓိပ္ပါယ်ကောက်ယူနိုင်ပါလိမ့်မယ်။ အားလုံးနဲ့ ဆိုင်တဲ့ဖက်ဒရယ်ပြည်ထောင်စုကိုတည်ဆောက်ဖို့ ရည်ရွယ်ကျင်းပမယ့် (၂၁)ရာစုပင်လုံ ညီလာခံ ကို ဘယ်အဖွဲ့ အစည်းကမှ ကြိုးကိုင်ချယ်လှယ်လို့ မရပါဘူး။ ပြည်တွင်းစစ်ကို ငြီးငွေ့ စက်ဆုတ် နေတဲ့ ပြည်သူအများစု အနီးကပ်စောင့်ရှောက်နေမှာဖြစ်တယ်လို့ သက်ဆိုင်သူအားလုံးကို သတိပေးမှု့လည်း ဖြစ်တယ်လို့ စာရေးသူက ရှု့မြင်သုံးသပ်ပါတယ်။

ဒီတော့ မြန်မာနိုင်ငံဟာ ဘာကြောင့် နှစ်ပေါင်း ၇၀ ကြာတဲ့တိုင်အောင် ဘာကြောင့်ငြိမ်းချမ်းရေးရဖို့ နှောင့်နှေးနေရတာလဲ ဆိုတာကို အဖြေရှာကြည့်ရအောင်။ မိသားစုတစုမှာဖြစ်ဖြစ်၊ လူ့ အဖွဲ့ အစည်းတခုအတွင်းမှာဖြစ်ဖြစ်၊ နိုင်ငံတနိုင်ငံမှာဖြစ်ဖြစ်၊ မှီတင်းနေထိုင်ကြသူတွေ၊ အုပ်ချုပ်ခွင့်အာဏာရသူတွေဟာ အသိဥာဏ်မဦးစီးနိုင်ဘဲ မှန်စွာတွေးခေါ်မျှော်မြင်နိုင်စွမ်းမရှိတဲ့အခါ ကိုယ့်ကိုကိုယ် မယုံကြည်မှု့တွေဖြစ်လာတတ်ပါတယ်။ အဲ့ဒီကမှတဆင့် စိုးရိမ်ကြောင့်ကြမှု့ (အကြောက်တရား) တွေဖြစ်လာပြီး တခြားသူတွေ၊ တခြားလူမျိုးတွေအပေါ်၊ တခြားဘာသာတွေ အပေါ်မယုံကြည်မှု့၊ မုန်းတီးမှု့တွေဆိုတာ ထပ်မံမွေးဖွားစေပါတယ်။

အဲ့ဒီမုန်းတီးမှု့တွေကနေ ပြဿနာပဋိပက္ခတွေ၊အကြမ်းဖက်အဖြေရှာမှု့တွေ၊ အခွင့်ထူးခံ ဗိုလ်ကျအနိုင်ကျင့်မှု့ တွေ၊ ဖိနှိပ်မှု့တွေ၊ ဆက်လက်ဖြစ်တည်လာရပါတယ်။ ရုပ်ဆိုးအကျည်းတန်တဲ့ ပြဿနာပဋိပက္ခတွေကနေ အနိဌာရုံတွေဖြစ်ပေါ်လာပြီး အမုန်းတရားတွေထပ်ဆင့်ကြီးထွားလာစေပါတယ်။ အဲ့ဒီကမှတဆင့် ပြဿနာပဋိပက္ခအသစ်အသစ်တွေ၊ လက်နက်နဲ့ အကြမ်းဖက်အဖြေရှာတာတွေ ထပ်မံဖြစ်ပေါ်စေပြီး အင်္ဂလိပ်လို (Vicious Cycle) လို့ ခေါ်တဲ့ လူအခြင်းခြင်းနှိပ်စက်ညှင်းပမ်းတဲ့၊ ငြိမ်းချမ်းမှု့မရှိတဲ့၊ အနိဌာရုံတွေပြည့်လွှမ်းနေတဲ့၊ မတရားမှု့တွေနဲ့ အတိပြီးနေတဲ့ ရက်စက်ကြမ်းကျုတ်ဆင်းရဲဒုက္ခ သံသရာထဲမှာ တ၀ဲလည်လည်ဖြစ်နေရတော့တာပါဘဲ။

အဲ့ဒီဆင်းရဲဒုက္ခသံသရာကြီးထဲက လွတ်မြောက်ပြီး ငြိမ်းချမ်းရေးရဖို့ ဆိုရင် အဲ့ဒီနိုင်ငံသားတွေဟာ အကြောက်တရားကလွန်မြောက်နိုင်ဖို့ လိုပါတယ်။ နိုင်ငံသားအချင်း ကိုယ်ချင်းစာနာစိတ်နဲ့ မေတ္တာတရားကျင့်သုံးဖို့လိုပါတယ်။ တခြားသူတွေထက် အမြဲတမ်းအခွင့်ထူးခံရချင်စိတ်၊ ဗိုလ်ကျအသာစီး ယူချင်စိတ်၊ စည်းကမ်းမဲ့စွာနေထိုင်လိုစိတ်၊ တာဝန်မဲ့လိုစိတ်တွေဖျောက်ဖျက်ပြစ်ဖို့လိုပါတယ်။

အပြန်အလှန်လေးစားအသိအမှတ်ပြုနိုင်တဲ့စိတ်တွေထားနိုင်ဘို့လိုတယ်။ မိမိလူမျိုးရေးအကျိုးစီးပွားကို ပြည်ထောင်စုတခုလုံးအရေးအကျိုးစီးပွားအထက်မှာရှေ့တန်းမတင်မိဘို့လိုပါတယ်။ ပြည်ထောင်စုစိတ်ဓါတ် ဆိုတာကို အပြောသက်သက်မဟုတ်၊ အသုံးချဘို့ သက်သက်မဟုတ်ဘဲ လက်တွေ့ ကျင့်သုံးလိုက်နာဖို့ လို ပါတယ်။

ဒါကြောင့်လည်း အသိနဲ့ အကျင့် တထပ်ထဲမကျဘဲ တသားထဲမရှိဘဲ စကားလုံးလှလှတွေနဲ့  တန်ဆာဆင်ထားတဲ့အတွေးအမြင်ပြောဆိုမှု့တွေဆိုတာ အောင်သီးအောင်နှံအလျှင်းမဖွံ့ ထွားဘဲ ရနံ့ ကင်းမဲ့ တဲ့ ပန်း နဲ့ အလားသဏ္ဍန်တူတယ်လို့  ရှင်တော်မြတ်ဗုဒ္ဓက မြွက်ကြားခဲ့တာ မဟုတ်ပါလား။

ပြည်ထောင်စုနေ့ အခမ်းအနားပြီးတဲ့နောက် အစီအစဉ်ရဲ့အစိတ်အပိုင်းတခုအဖြစ် နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ တိုင်းရင်းသားကိုယ်စားလှယ် (၁၂) ဦးနဲ့ အတူ ပင်လုံငြိမ်းချမ်းရေး စကားဝိုင်း (Panglong Peace Talk) ကို ပင်လုံမြို့မှာဘဲ ၁၉၄၇ ခုနှစ်မှာ မြန်မာ့ လွတ်လပ်ရေးပိသုကာကြီး ဗိုလ်ချုပ်အောင်ဆန်း လွတ်လပ်ရေးအတွက် ပင်လုံသဘောတူညီချက်ရဖို့  ကျိုးပမ်းစဉ်ကာလတုံးက အနားယူချိန်မှာ စာထိုင်ဖတ်ခဲ့တဲ့ သစ်ပင်ကြီးအောက်မှာဘဲ ကျင်းပခဲ့ပါတယ်။

ပင်လုံငြိမ်းချမ်းရေးစကားဝိုင်းမှာ နိုင်ငံတော်ရဲ့အတိုင်ပင်ခံပုဂ္ဂိုလ်ပြောကြားခဲ့တာကို အနှစ်ချုပ်ကြည့်လိုက်ရင် အောက်ပါအတိုင်းတွေ့ ရပါတယ်။

• ငြိမ်းချမ်းရေးဖြစ်စဉ်ဟာ နိုင်ငံသားတိုင်းနဲ့ သက်ဆိုင်တယ် အရွယ်မရွေး အားလုံးပါဝင်ဖို့ လိုတယ်။
• ငြိမ်းချမ်းရေးရအောင်လုပ်ဖို့ဆိုရင် ဘာဖြစ်လို့ ငြိမ်းချမ်းရေးမရလဲဆိုတာကို ပထမဆုံး ဆန်းစစ်ရမယ်။
• ငြိမ်းချမ်းရေးမရတာ မတူကွဲပြားမှုကြောင့်ဆိုတာ လုံလောက်တဲ့ အကြောင်းပြချက်မဟုတ်ဘူး။
• မတူကွဲပြားရတဲ့ အကြောင်းတစ်ခုကတော့ မခံချင်စိတ်၊ ဒေါသတွေကို ရှေ့တန်းတင်လို့ ဖြစ်တယ်၊ မိမိတို့ဟာ မေတ္တာတရားကိုရှေ့တန်းတင်မယ်၊ မျှဝေကူညီချင်သည့်စိတ်ကို ရှေ့တန်းတင်မယ်ဆို ရင် အခုလိုကွဲပြားစရာအကြောင်း ရှိမယ်မထင်ပါ။
• တိုင်းပြည်မှာရှိတဲ့ ပြဿနာတွေဆိုတာ တကယ်တော့စိန်ခေါ်မှုပင်ဖြစ်ပြီး စ်ိန်ခေါ်မှုဆိုတာ အခွင့်အရေးတွေဖြစ်တယ်။ ကျော်လွှားနိုင်ရမယ်။
• လူတို့သဘာဝအရ အနိုင်ကျင့်သူတွေလည်း ရှိပါနေပါတယ်။ အဲ့ဒီအနိုင်ကျင့်သူတွေ အနိုင်မကျင့်နိုင်အောင် ဘယ်လိုလုပ်ရမလဲဆိုတာ အဖြေတစ်ခုရှာရမှာဖြစ်တယ်။

နောက်ပြီး ပင်လုံငြိမ်းချမ်းရေးစကားဝိုင်းသို့ တက်ရောက်လာကြတဲ့  တိုင်းရင်းသားတွေကလည်း ပြည်သူလူထုရဲ့ ငြ်ိမ်းချမ်းရေးအတွက် ကြီးမားတဲ့မျှော်လင့်ချက်တွေ နိုင်ငံရေးအရ၊ လူမျိုးရေးအရ တန်းတူပူးပေါင်းနိုင်မည့် အာမခံချက်တွေ၊ ကရင်ပြည်နယ်မှာကျင်းပခဲ့တဲ့ ကရင်အမျိုးသားအဆင့် နိုင်ငံရေးဆွေးနွေးပွဲဆောင်ရွက်နိုင်ခဲ့မှုတွေ၊ ယုံကြည်မှု၊ ညီညွတ်မှု၊ တစ်ဦးကိုတစ်ဦး အပြန်အလှန်လေးစားမှု၊ သာတူညီမှုတွေနဲ့ တည်ဆောက်ခဲ့တဲ့အတွက် အောင်မြင်ခဲ့မှုတွေရခဲ့ကြတာ၊ အကြောက်တရားနဲ့ စိုးရိမ်ကြောင့်ကြမှုတွေဟာ ငြိမ်းချမ်းရေးမရစေဘူးဆိုတဲ့ ယုံကြည်မှု့ထင်မြင်ချက်တွေ မငြိမ်းချမ်းသေးသည့်အတွက် တိုင်းပြည်နစ်နာနေမှုတွေ၊ ငြိမ်းချမ်းရေးအတွက် တစ်ဦးအပေါ်တစ်ဦး သဘောထားကြီးဖို့ လိုအပ်နေမှု့တွေ၊ လက်နက်ကိုင်အဖွဲ့တွေအကြားမှာ တွေ့ဆုံဆွေးနွေးမှုတွေ များများပြု လုပ်ဖို့ လိုအပ်မှုနေမှု့တွေ၊ ပင်လုံစာချုပ် ပင်လုံကတိကဝတ်တွေကို အကောင်အထည်ဖော်ဖို့  လက်တွေ့ကျကျ လုပ်ဆောင်ပြဖို့  လိုအပ်မှုနေမှု့တွေကို အပြန်အလှန် ဆွေးနွေးခဲ့ကြပါတယ်။

အဲ့ဒီပင်လုံငြိမ်းချမ်းရေးစကားဝိုင်းကို တနိုင်ငံလုံးနားထောင်နိုင်အောင် မိဘပြည်သူတွေရှေ့မှောက်မှာ တိုက်ရိုက်ထုတ်လွှင့်သွားတာမို့ ရင်ထဲအသဲထဲကလာတဲ့ခံစားချက်အစစ်အမှန်တွေ၊ စကားလုံးတွေနဲ့  သူတို့ ယုံကြည်ရာကို ရဲရဲဝံ့ဝံ့ပြောဆိုဆွေးနွေးသွားကြတဲ့ တိုင်းရင်းသားကိုယ်စားလှယ်တော်အားလုံး ကိုကျေှးဇူးတင်ဂုဏ်ပြုပါကြောင်း ဒီဆောင်းပါးကနေ မှတ်တမ်းတင်ချင်ပါတယ်။ နိုင်ငံရဲ့ ဒီမိုကရေစီ ဖက်ဒရယ်ပြည်ထောင်စု အနာဂါတ်အတွက်လည်း အထူးအားတက်မိပါတယ်။

ငြိမ်းချမ်းရေးစကားဝိုင်းနဲ့ ဆက်စပ်လို့ တိုင်းပြည်အတွက်လိုအပ်နေတဲ့“ငြိမ်းချမ်းစွာအတူယှဉ်တွဲနေထိုင်ရေး” (Peaceful coexistence) အကြောင်းဒီဆောင်းပါးမှာဖြည့်ရေးချင်ပါတယ်။ အဲ့ဒီစကားရပ်ရဲ့အဓိပ္ပါယ်ကတော့ လူမျိုးနှစ်မျိုး (သို့ ) နှစ်မျိုးထက်ပိုတဲ့ လူမျိုးစုတွေဟာ အသီးသီးရဲ့ မတူကွဲပြားမှု့တွေကို အပြန်အလှန်လေးစားအသိအမှတ်ပြုရင်း လူမှု့ပဋိပက္ခတွေကို အကြမ်းမဖက်တဲ့နည်းနဲ့ အဖြေရှာပြီး ငြိမ်းချမ်းစွာအတူရှင်သန်နေထိုင်ကြခြင်း ပါဘဲ။

အဲ့ဒီလိုချမ်းသာစွာ အတူလက်တွဲနေထိုင်နိုင်ဖို့ အတွက် လူမျိုးအသီးအသီးရဲ့ ယဉ်ကျေးမှု့၊ ဓလေ့ထုံးတမ်း၊ အစဉ်အလာ၊ ဘာသာစကား၊ စာပေ၊ အနုပညာရပ်တွေကို အပြန်အလှန်လေးစားအသိအမှတ်ပြုဖို့ လိုသလို ကိုယ်ပိုင်လွတ်လပ်ခွင့်၊ ကိုယ်ပိုင်ပြဌာန်းခွင့်၊ လွတ်လပ်စွာကျင့်သုံးခွင့်၊ လွတ်လပ်စွာယုံကြည်ကိုးကွယ်ခွင့်တွေအပ်နှင်းရမှာဖြစ်ပါတယ်။ လူမျိုးစုများအားလုံး အခွင့်အရေးတူညီမှု့၊ အပြန်အလှန်ဖေးကူမှု့၊ ပူးပေါင်းဆောင်ရွက်မှု့ တွေနဲ့ ငြိမ်းချမ်းစွာအတူယှဉ်တွဲနေထိုင်နိုင်မှု့ကို အားဖြည့်ထောက်ကူကြရမှာဖြစ်တယ်။

နိဂုံးချုပ်အနေနဲ့ ရေးချင်တာကတော့ တိုင်းရင်းသားလူမျိုးပေါင်းစုံနဲ့ ဖွဲ့ တည်ထားတဲ့ ပြည်ထောင်စုမြန်မာနိုင်ငံအတွက် ငြိမ်းချမ်းရေးဖေါ်ဆောင်နိုင်ဖို့ ဆိုရင် တပ်မတော်နဲ့ တိုင်းရင်းသားလက်နက်ကိုင်အဖွဲ့ အစည်းတွေအပါအ၀င် မြန်မာနိုင်ငံသားအားလုံး မိမိအကျိုး မိမိအဖွဲ့ အစည်းအကျိုး၊ မိမိလူမျိုးအကျိုး ဆုတ်ယုတ်လေမလားဆိုတဲ့ မမှန်ကန်တဲ့ စိုးရိမ်ပူပန်ကြောင့်ကြမှု့ဆိုတဲ့ အကြောက်တရားကိုကျော်လွှားရဲမှ ငြိမ်းချမ်းရေးရနိုင်မှာပါ။ အကြောက်တရားကိုတော့ သီလ၊ သမာဓိ ပညာတွေနဲ့ ကျော်လွှားလွန်မြောက်နိုင်ပါတယ်။

တကယ်တော့ငြိမ်းချမ်းရေးရရင် လူမျိုးတိုင်းလူမျိုးတိုင်း၊ လူတိုင်းလူတိုင်းရဲ့ဘ၀တွေ တိုးတက်မြင့်မားလို့ နှောင်မျိုးဆက်သစ်တွေထိ ကောင်းကျိုးချမ်းသာရနိုင်တာမို့ နိုင်ငံသားတိုင်း၊ အဇွဲ့ အစည်းတိုင်းက မိမိတို့ ဖက်ကပေးနိုင်တာ၊ စွန့် လွှတ်သင့်တာတွေကို ပေးဆပ်စွန်လွှတ်လို့  သမိုင်းပေးတာဝန်တရပ်အနေနဲ့ စိတ်သတ္တိရှိရှိ အစွမ်းရှိသ၍ ၀ိုင်းဝန်းအားထုတ်ပြီး ငြိမ်းချမ်းရေးကိုအရယူပေးကြပါလို့ အလေးအနက်မေတ္တာရပ်ခံ တိုက်တွန်းလိုက်ပါတယ်။

လေးစားဏွာဖြင့်
(မင်းကောင်းချစ်)
ဖေဖေါ်ဝါရီလ ၁၄ ရက်နေ့  ၂၀၁၇ ခုနှစ်


ဖေဖော်ဝါရီ ၁၃ ရက်နေ့က နံနက် ၂ နာရီအချိန်ခန့်တွင် မြောက်ဥက္ကလာပမြို့မရဲစခန်းမှ ရဲတပ်ဖွဲ့ဝင်များသည် နယ်မြေအတွင်း ဆိုင်ကယ်လှည့်ကင်းတာဝန်ဆောင်ရွက်စဉ် လမ်းဘေးအုတ်ခုံပေါ်၌ အရက်သေစာသောက်စားနေသူ လူငယ်(၄)ဦးအား ညဥ့်နေပြီဖြစ်၍ နေအိမ်သို့ပြန်ကြရန် တာဝန်အရပြောဆိုခဲ့ရာ ကျေနပ်မှုမရှိသဖြင့် ၎င်းတို့(၄)ဦးအနက် ဇော်သန့်မှ 8I-7434စူပါကာစတန်မော်တော်ယာဉ်ဖြင့် မြောက်ဥက္ကလာပမြို့နယ်၊ (စ)ရပ်ကွက်၊ မေဓါဝီလမ်းမကြီးနှင့် ၀ဇီရာလမ်းဆုံအနီး၌ ဆိုင်ကယ်လှည့်ကင်းတာဝန်ဆောင်ရွက်နေသူ ရဲတပ်ကြပ် ညီညီထွေး စီးနင်းနေသော မော်တော်ဆိုင်ကယအား နောက်မှတိုက်ပြီး မောင်းနှင်ထွက်ပြေးသွားခဲ့သဖြင့် ယာဉ်တိုက်ခံရသူရဲတပ်ကြပ် ညီညီထွေးမှာ ယာချိုစောင်း ဖူးရောင်၊ နှာခေါင်းသွေးထွက်ဒဏ်ရာများရရှိခဲ့ပြီး မြောက်ဥက္ကလာပဆေးရုံကြီးသို့ တင်ပို့ကုသနေစဉ် ၀၃၂၀ အချိန်တွင် သေဆုံးသွားခဲ့ကြောင်း သိရှိရပါသည်။

ဖြစ်စဉ်မှာ မြောက်ဥက္ကလာပမြို့မရဲစခန်းမှ ရဲတပ်ကြပ် ညီညီထွေးပါရဲတပ်ဖွဲ့ဝင်(၄)ဦးတို့သည် လှည့်ကင်းလမ်းကြောင်း(၂)တွင် တာဝန်ထမ်းဆောင်နေစဉ် မြောက်ဥက္ကလာပမြို့နယ်၊ (စ)ရပ်ကွက်၊ သန္တာ(၆)လမ်းထိပ်အရောက်၌ လမ်းဘေးအုတ်ခုံပေါ်တွင် လူငယ် ၄ ဦး အရက်သေစာသောက်စားနေသည်ကိုတွေ့ရှိသဖြင့် မေးမြန်းရာ မြောက်ဥက္ကလာပမြို့နယ်နေသူများဖြစ်ကြသည့် ဇော်သန့်၊ ဖြူတုတ်(ခ)ထက်ကျော်ကို၊ အငယ်လေး(ခ)သန့်ဇင်အောင်နှင့် ဥာဏ်လင်းတို့ဖြစ်ကြောင်းသိရှိရပြီး လှည့်ကင်းရဲတပ်ဖွဲ့ဝင်များက တာဝန်အရ ၎င်းတို့အား ညဥ့်နက်နေပြီဖြစ်၍ အိမ်ပြန်ကြရန်ပြောဆိုခဲ့ကာ လှည့်ကင်းတာဝန်ကို ဆက်လက်ဆောင်ရွက်နေခဲ့ကြောင်း၊ ထိုသို့ပြောဆိုခဲ့သည်ကို ဇော်သန့်ပါ(၄)ဦးတို့မှ ကျေနပ်မှုမရှိသော်လည်း သန့်ဇင်အောင်မှနေအိမ်သို့ပြန်သွားခဲ့ကြောင်းနှင့် ဇော်သန့်ပါ(၃)ဦးတို့မှ ၎င်း၏ 8I-7434 စူပါကာစတန်ယာဉ်ဖြင့် သုနန္ဒာလမ်းထိပ်ရှိ ဆီဆိုင်သို့သွားရောက်၍ဆီဖြည့်စဉ် ဥာဏ်လင်းမှာ ၎င်းနေရာ၌ကျန်နေခဲ့ကြောင်း၊ ဇော်သန့်မှ ဖြူတုတ်(ခ)
ထက်ကျော်ကို နေထိုင်သော သန္တာလမ်းထိပ်ရှိနေအိမ်သို့ လိုက်လံပို့ဆောင်ပေးခဲ့ပြီး ရွှေပေါက္ကံနေအိမ်သို့ပြန်ရန်အတွက် မေဓာဝီလမ်းအတိုင်းမောင်းနှင်ခဲ့ရာ ၀ဇီရာလမ်းထိပ်အရောက် ဆိုင်ကယ်လှည့်ကင်းတာဝန်ဆောင်ရွက်နေသော ရဲတပ်ဖွဲ့ဝင်များကိုတွေ့ရှိရပြီး နောက်ဆုံးမှ ဆိုင်ကယ်မောင်းနှင်နေသော ရဲတပ်ဖွဲ့ဝင်အား ၎င်းမောင်းနှင်သော မော်တော်ယာဉ်ဖြင့်တိုက်ခဲ့ပြီးမောင်းနှင်ထွက်ပြေးသွားခဲ့ခြင်းဖြစ်ကြောင်း သိရှိရပါသည်။

ယင်းသို့ လှည့်ကင်းဆောင်ရွက်နေသောရဲတပ်ဖွဲ့ဝင်အား မော်တော်ယာဉ်ဖြင့်ဝင်တိုက်ပြီး မောင်းနှင်ထွက်ပြေးသွားသူ ဇော်သန့်အား ဖမ်းဆီးရမိရေးအတွက် မြောက်ဥက္ကလာပမြို့မရဲစခန်းမှ ရဲအုပ် ဇော်မင်းခက်ပါတပ်ဖွဲ့ဝင်များက လိုက်လံစုံစမ်းဆောင်ရွက်ခဲ့ရာ အဆိုပါယာဉ်မှာ ရွှေပေါကံ္ကမြို့သစ်၊ (၁၂)ရပ်ကွက်၊ အောင်ရွှေစင်လမ်းအတွင်းရပ်ထားသည်ကိုတွေ့ရှိရပြီး ၎င်းလမ်းနေ ဦးမျိုးခိုင်၏ယာဉ်ဖြစ်ကြောင်းသိရှိရသဖြင့် မေးမြန်းရာ ၎င်း၏သားဖြစ်သူဇော်သန့်မှာ ၀၂၅၀ အချိန်တွင် နေအိမ်သို့ပြန်လာပြီး ယာဉ်အားထားကာ ဒဂုံမို့သစ်(မြောက်ပိုင်း)မြို့နယ်၊ (၄၂)ရပ်ကွက်ရှိနေအိမ်သို့ ထွက်သွားကြောင်းသိရှိရ၍ ဖမ်းဆီးရမိရေးဆက်လက်ဆောင်ရွက်ခဲ့ရာ ယင်းနေ့ နံနက် ၅ နာရီအချိန်တွင် ဇော်သန့်အား
ဒဂုံမြို့သစ်(မြောက်ပိုင်း)မြို့နယ်နေအိမ်မှ လက်ရဖမ်းဆီးရမိခဲ့ပါသည်။

လှည့်ကင်းတာဝန်ဆောင်ရွက်နေသော ရဲတပ်ဖွဲ့ဝင်အား ယာဉ်ဖြင့်ဝင်တိုက်
ပြီး သေစေအောင်ပြုလုပ်သူ ဇော်သန့်အား မြောက်ဥက္ကလာပမြို့မရဲစခန်း
ယာဉ်(ပ)၄/၂၀၁၇၊ ရာဇသတ်ကြီးပုဒ်မ-၃၀၇/၃၀၄-က/၂၇၉/၂၀၂ အမှုဖွင့်
အရေးယူဆောင်ရွက်လျက်ရှိကြောင်း သတင်းရရှိပါသည်။

================

Yangon Police

Popular News Journal

ကွာလာလမ်ပူ၊ ဖေဖော်ဝါရီ ၁၄
============================

မြောက်ကိုရီးယားခေါင်းဆောင် ကင်ဂျုံအန်၏ ဖအေတူမအေကွဲ အစ်ကိုဖြစ်သူ မလေးရှားနိုင်ငံတွင် လုပ်ကြံသတ်ဖြတ်ခြင်းခံရကြောင်း တောင်ကိုရီးယားနိုင်ငံ ယွန်ဟပ် သတင်းအေဂျင်စီမှ သတင်းတစ်ပုဒ်အရ သိရသည်။

ကင်ဂျုံအန်၏ ဖအေတူမအေကွဲ အစ်ကိုဖြစ်သူ အသက် ၄၅ နှစ်အရွယ်ရှိ ကင်ဂျုံနန်အား မလေးရှားနိုင်ငံရှိ ကွာလာလမ်ပူလေဆိပ်ဝယ် အမျိုးသမီးနှစ်ဦးက အဆိပ်လူးမြားဖြင့် လုပ်ကြံသတ်ဖြတ်ခြင်းဖြစ်သည်။

မလေးရှားနိုင်ငံရဲတပ်ဖွဲ့ကမူ အမည်မသိ မြောက်ကိုရီးယားအမျိုးသားတစ်ယောက် ဒဏ်ရာရရှိ၍ ဆေးရုံသို့ပို့စဉ် လမ်းခုလတ်ဝယ် သေဆုံးသွားသည်ဟူ၍ ကနဦးသတင်းထုတ်ပြန်ထားသည်။

---

PN
ref: Kim Jong-un's half-brother 'assassinated with poisoned needles at airport'

===============

Popular News Journal


ရခိုင်ဒေသ၊ မောင်တောဒေသမှာ လုံခြုံရေးတပ်ဖွဲ့ဝင်တွေရဲ့ လူ့အခွင့်အရေး ချိုးဖောက်မှုတွေ ရှိနေတယ်ဆိုပြီး ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးက အစီရင်ခံစာတစ်ရပ် ထုတ်ပြန်လိုက်ပြီးနောက် တပ်မတော်ဖက်ကကော ပြည်ထဲရေး ၀င်ကြီးဌာနဘက်ကပါ စုံစမ်းစစ်ဆေးရေး ကော်မရှင် အသီးသီး ဖွဲ့စည်းလိုက်ပါတယ်။

အခုလိုမျိုး လုံခြုံရေး တပ်ဖွဲ့ဝင်တွေကိုယ်တိုင် ကော်မရှင်ဖွဲ့ပြီး နိုင်ငံတကာကို တုံ့ပြန်ဖို့ ကြိုးစားတာဟာ ကောင်းတဲ့အချက်ဖြစ်ပေမယ့်လို့ တကယ် အလုပ်ဖြစ်မဖြစ် ဆိုတာ ကတော့ စောင့်ကြည့်ရဦးမယ် လို့ နိုင်ငံရေး လေ့လာသုံးသပ်သူ သတင်းစာဆရာတစ်ဦး ကလည်း ထောက်ပြပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေမြန်မာပိုင်း သတင်းထောက် ကိုစည်သူပြောပြပေးမှာပါ။

ရခိုင်ပြည်မြောက်ပိုင်း မောင်တောဒေသမှာ အကြမ်းဖက် တိုက်ခိုက်ခံရပြီးတဲ့နောက်ပိုင်း လုံခြုံရေး တပ်ဖွဲ့ဝင်တွေရဲ့ နယ်မြေရှင်းလင်းရေး ဆောင်ရွက်မှုတွေဟာ လူ့အခွင့်အရေး ချိုးဖောက်မှုတွေရှိနေတယ်ဆိုပြီး ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး က ပြီးခဲ့တဲ့ ဖေဖော်ဝါရီ ၃ ရက်နေ့က အစီရင်ခံစာတစ်ရပ် ထုတ်ပြန်လိုက်တာပါ။ ကုလရဲ့ အခုလို စွပ်စွဲပြောဆိုမှုတွေကို တုံ့ပြန်သွားဖို့အတွက် တပ်မတော်ဘက်ကလည်း ဌာနတွင်းမှာ စုံစမ်းစစ်ဆေးရေး ကော်မရှင် အဖွဲ့တစ်ရပ်ကို ပြီးခဲ့တဲ့ ကြာသာပတေးနေ့ February ၉ ရက်နေ့က ဖွဲ့စည်းခဲ့တာပါ။

ဒါ့အပြင် ပြည်ထဲရေးဝန်ကြီးဌာနကလည်း ရဲတပ်ဖွဲ့ဝင်တွေရဲ့ ဆောင်ရွက်မှုတွေကို စစ်ဆေးသွားဖို့ စုံစမ်းစစ်ဆေးရေးကော်မရှင် တစ်ရပ် ထပ်မံ ဖွဲ့စည်းလိုက်တာပါ။ ဒီကော်မရှင်ရဲ့ အဓိက တာဝန်တွေနဲ့ ပတ်သတ်လို့ ဒုရဲမှုးကြီးတစ်ဦးက အခုလိုပြော ပါတယ်။

“ရဲတပ်ဖွဲ့ဝင်တွေရဲ့ ဥပဒေနဲ့မညီတဲ့ ဆောင်ရွက်မှုတွေ လူ့အခွင့်အရေး ချိုးဖောက်မှုတွေရှိရင် ကျနော်တို့က ရဲစည်းကမ်းအရ အရေးယူ မယ်ဆိုပြီးတော့ ကျနော်တို့ သတင်းစာမှာလည်း တရားဝင်ထုတ်ပြန်ထားပါတယ်။ အဲဒီအတိုင်းပါပဲနော် ကျနော်တို့ ရဲတပ်ဖွဲ့ဝင်တွေအပိုင်းက လုပ်ထုံးလုပ်နည်းနဲ့မညီတာတွေရှိ ရင်တော့ အဲဒါတွေကို အဓိက စစ်မှာဖြစ်တယ်။ တပ်ကတော့ ဟိုမှာက တပ်ပိုင်းဆိုင်ရာ ကိစ္စတွေလည်း တပ်ကလည်း သူတို့ စစ်ဆင်ရေးနယ်မြေတွေဆိုတော့ သူတို့ ၀င်တာရှိတယ်။ နောက်နယ်ခြားစောင့်တပ် ဆိုတော့ ကျနော်တို့ ရဲတပ်ဖွဲ့ဝင်တွေလည်း ရှိတယ်ပေါ့နော် သူ့အပိုင်းနဲ့သူ စစ်ကြတဲ့ဟာပေါ့နော်။”

ရဲတပ်ဖွဲ့စုံစမ်းစစ်ဆေးရေးကော်မရှင်မှာ ရဲရေးချုပ် ရဲမှုးချုပ် ၀င်းထွန်းက ဥက္ကဌအဖြစ် ဦးဆောင်ပြီး အဖွဲ့ဝင် ၄ ဦးက ဆောင်ရွက်သွားမှာဖြစ်ပါတယ်။ ဒီအဖွဲ့အနေနဲ့ မကြာမှီမှာ ရခိုင်ပြည်တွင်း သွားရောက်ပြီး ရဲတပ်ဖွဲ့ဝင်တွေရဲ့ ဆောင်ရွက်နေမှုတွေကို စုံစမ်းစစ်ဆေးသွားမှာ ဖြစ်ပါတယ်။ အစိုးရသစ်လက်ထက်မှာ ရခိုင်ပြည် မြောက်ပိုင်း အခြေအနေကို လေ့လာဆန်းစစ် သွားဖို့အတွက် သမ္မတက ဖွဲ့စည်းပေးထား တဲ့ မောင်တောဒေသ စုံစမ်းစစ်ဆေးရေး ကော်မရှင်အပြင် ရခိုင်ပြည်နယ်က ဖွဲ့စည်းပေးထားတဲ့ စုံစမ်းစစ်ဆေးရေး ကော်မရှင် အဖွဲ့လည်း ရှိတာပါ။

လက်ရှိမှာ စုံစမ်းစစ်ဆေးရေး ကော်မရှင်အဖွဲ့ ၄ ဖွဲ့အထိ ရှိနေပြီး လုံခြုံရေး တပ်ဖွဲ့ဝင်တွေရဲ့ စုံစမ်းစစ်ဆေးရေးကော်မရှင်တွေကကော တကယ် အလုပ်ဖြစ်ပ့ါမလားဆိုတာနဲ့ ပတ်သက်လို့ ပဋိပက္ခတွေဖြစ်ပြီးနောက်ပိုင်း မောင်တောဒေသကို ကိုယ်တိုင်သွားရောက် သတင်းယူခဲ့ဖူးသူလည်းဖြစ် နိုင်ငံရေး လေ့လာသုံးသပ်သူလည်းဖြစ်တဲ့ ဦးစည်သူအောင်မြင့် က အခုလို ပြောပါတယ်။

“ထူးခြားချက်ကတော့ တပ်မတော်က တသီးတခြားလိုဖြစ်နေတဲ့အခါကျတော့ တပ်မတော်ဘက် ကလည်း စစ်ဆင်ရေးလုပ်တာ သူလုပ်တာကို တပ်မတော်ဘက် ကလည်း သူတို့ဖွဲ့လာတယ်၊ ပြည်ထဲရေး ကလည်း အခုဆိုရင် ရဲတပ်ဖွဲ့နဲ့ သက်ဆိုင်တဲ့ အခါကျတော့ သူကလည်းဖွဲ့လာတယ်၊ ဖွဲ့လာတဲ့အခါကျတော့ ဒီလိုမျိုးဖွဲ့လာတဲ့ သဘောထားကတော့ နိုင်ငံတကာကို တုံ့ပြန်မှုကောင်းတယ်လို့ ပြောလို့ရတယ်။ ဒါပေမယ့် တကယ့်တကယ်အလုပ်ဖြစ်မလားမဖြစ်ဘူးလားဆိုတာကတော့ ဒါကတော့ မပြောနိုင်ဘူးပေါ့။ အဖွဲ့အစည်းအတွင်း စစ်ဆေးတဲ့အခါကျတော့ ဘယ်လိုမှ ပွင့်လင်းမြင်သာမှု ကတော့ သိရမှာမဟုတ်ပါဘူး။”

ရခိုင်ပြည်မြောက်ပိုင်း ပဋိပက္ခဖြစ်ပြီးနောက်ပိုင်း ရဲတပ်ဖွဲ့ဝင်တွေရဲ့ လုပ်ဆောင်မှုတွေ ကို နိုင်ငံတကာ အသိုင်းအ၀ိုင်းက တစ်လျှောက်လုံး ဝေဖန်ခဲ့ကြတာပါ။ လုံခြုံရေး တပ်ဖွဲ့ဝင်တွေရဲ့ စုံစမ်းစစ်ဆေးရေး ကော်မရှင်အဖွဲ့တွေဟာ အဲဒီ့ဒေသမှာ နိုင်ငံတကာ က ပြောဆိုနေကြသလို လူ့အခွင့်အရေး ချိုးဖောက်မှုတွေ တစ်စုံတစ်ရာ တွေ့ရှိခဲ့မယ်ဆိုရင် လူထုကို ပွင့်ပွင့်လင်းလင်း ချပြလိမ့်မယ်လို့ ယူဆမိတဲ့အကြောင်း ဦးစည်အောင်မြင့်က ဆိုပါတယ်။

“တကယ်တို့ တဘက်က စွပ်စွဲချက်တွေဟာ မှန်တယ်၊ မှန်တယ်ဆိုတာတွေကိုလည်း သူတို့က သေချာစစ်ဆေးလို့တွေ့တယ်ဆိုရင်တော့ သူတို့ပြောမယ်လို့ ထင်ပါတယ် ။ ပြောပြီးတော့မှ အဲလိုမျိုးတွေ့တယ်၊ တွေ့တဲ့အချိန်မှာ ကျူးလွှန်တဲ့ ဘယ်သူပေါ့နော် ဘာတာဝန်ရှိတဲ့သူတွေကို ဘယ်လိုအရေးယူတယ်ဆိုတာတွေ သူတို့လုပ်လိမ့်မယ်လို့တော့ ယူဆတယ်။ ဘာဖြစ်လို့လဲ ဆိုတော့ ရှေ့မှာတုန်းက ဗွီဒီယို တခုပေါက်ကြားလာတယ်၊ပေါက်ကြားလာတဲ့အခါကျတော့ သူတို့ စုံစမ်းစစ်ဆေးပြီးတော့ အရေးယူတာတွေရှိခဲ့တယ် ဒီပုံစံလောက်တော့ လုပ်မယ်လို့ ထင်ပါတယ်။”

လက်ရှိအချိန်မှာ ဒုသမ္မတ ဦးမြင့်ဆွေ ဦးဆောင်တဲ့ မောင်တောဒေသ စုံစမ်း စစ်ဆေးရေး ကော်မရှင်အဖွဲ့ ဟာ ရခိုင်ပြည်နယ်မြောက်ပိုင်းကို ရောက်ရှိနေပြီး ကုလသမဂ္ဂရဲ့ အစီရင်ခံစာနဲ့ ပတ်သက်လို့ လေ့လာစိစစ်မှုတွေ လုပ်နေပါတယ်။ ဒီအဖွဲ့ကတော့ ကုလသမဂ္ဂက ပြောဆိုထားသလို လူ့အခွင့်အရေး ချိုးဖောက်မှုတွေ မရှိဘူးပြီး တုန့်ပြန်ထားသလို မကြာမှီမှာလည်း အစီရင်ခံစာ တစ်ရပ် ထုတ်ပြန်သွားဖို့ ရှိတယ်လို့ ဗွီအိုအေကို ပြောဆိုထားပါတယ်။
VOA Burmese News


၂၁ ရာစု ပင်လုံ ပြည်ထောင်စုငြိမ်းချမ်းရေး ညီလာခံ သြဂုတ်လ ၂၀၁၆ (Htet Aung Khant)
၂၁ ရာစု ပင်လုံ ပြည်ထောင်စုငြိမ်းချမ်းရေး ညီလာခံ သြဂုတ်လ ၂၀၁၆ (Htet Aung Khant)
NLD အစိုးရ ဦးဆောင်ကျင်းပနေတဲ့ ၂၁ ရာစု ပင်လုံ ပြည်ထောင်စုငြိမ်းချမ်းရေး ညီလာခံကို ဒီ ဖေဖော်ဝါရီလကုန်ပိုင်းမှာ ကျင်းပဖို့ စီစဉ်ထားပေမဲ့ ရှေ့လထဲအထိ ရက်ရွှေ့နိုင်ဖွယ် ရှိနေပါတယ်။ ပင်လုံညီလာခံမတိုင်ခင် အမျိုးသားအဆင့် နိုင်ငံရေးဆွေးနွေးပွဲတွေ လုပ်သွားဖို့နဲ့ ဒီအတွက် အချိန်ယူပြင်ဆင်ရတာတွေကြောင့် ပင်လုံညီလာခံကျင်းပမယ့်ရက်ကို ရွှေ့ဆိုင်းရဖွယ် ရှိနေတဲ့အကြောင်း ပြည်ထောင်စုငြိမ်းချမ်းရေး ညီလာခံကျင်းပရေး ဆောင်ရွက်နေတဲ့ တာဝန်ရှိသူတွေက ပြောပါတယ်။ ဆက်သွယ်မေးမြန်းထားတဲ့ မခင်ဖြူထွေးက ပြောပြပေးပါမယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အစိုးရဦးဆောင်တဲ့၂၁ ရာစု ပြည်ထောင်စုငြိမ်းချမ်းရေး ပင်လုံ ညီလာခံကို ဖေဖော်ဝါရီလ ၂၈ ရက်နေ့မှာ ကျင်းပဖို့ စီစဉ်ထားပေမဲ့ အကြောင်းအမျိုးမျိုးကြောင့် နောက်လထဲကို ရက်ရွှေ့ဆိုင်းရဖွယ် ရှိနေပါတယ်။ တရားဝင် ဆုံးဖြတ်ချက် ထွက်မလာသေးပေမဲ့လို့ ရွှေ့ဖို့ကတော့ သေချာသလောက်အခြေအနေ ဖြစ်နေတယ်လို့ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ UPDJC မှာပါတဲ့ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) နာယက ဦးခွန်ဥက္ကာက ဗွီအိုအေကို ပြောပါတယ်။

“ကျနော်သိသလောက်တော့ မူလက Target date က ၂၈ ရက်နေ့ထားပါတယ်၊ ဒါပေမယ့် ဒီဖေဖော်ဝါရီ ၂၈ မှာတော့ အကြောင်းကြောင်းကြောင့် အချိန်နည်းနည်းကပ်သွားတဲ့အတွက် ဒီမတ်လ ပထမအပတ်ပေါ့လေ ၊ အများဆုံး ဒုတိယအပတ်ပေါ့လေ အဲဒီအထိကို နောက်ကိုရွှေ့ဖို့ စီစဉ်နေတယ်လို့တော့ ကျနော်သတင်းရပါတယ်။ တရားဝင်ရွှေ့ရေးမရွှေ့ရေးဆိုရင်တော့ ထုံးစံအတိုင်းကတော့ UPDJC ကနေ ဆုံးဖြတ်တာပေါ့ သို့သော်လည်း UPDJC အစည်းအဝေးမခေါ်နိုင်ခင် စပ်ကြားမှာ UPDJC ဥက္ကဌတွေ ညှိနှိုင်းပြီးတော့ အကြောင်းကြားတာပေါ့ အဲဒါကြောင့် ကျနော်တို့ သိရတာပါ။ ရွှေ့ဖို့တော့ သေချာသလောက်ပါပဲခင်ဗျ။”

၂၁ ရာစု ပင်လုံညီလာခံ မတိုင်ခင် ညီလာခံအတွက် အကြိုပြင်ဆင်တဲ့အနေနဲ့ အမျိုးသားအဆင့် နိုင်ငံရေးဆွေးနွေးပွဲတွေကို သက်ဆိုင်ရာ ဒေသ လူမျိုးအလိုက် အရင် ကျင်းပပြီးတော့ ဒီဆွေးနွေးပွဲတွေမှာ ညှိနှိုင်း သဘောတူပြီးရလာတဲ့ အချက်အလက်တွေကို ငြိမ်းချမ်းရေး ပင်လုံညီလာခံမှာ တင်ပြရမှာပါ။ NCA လို့ခေါ်တဲ့ တနိုင်ငံလုံးဆိုင်ရာ အပစ်အခတ်ရပ်စဲရေး သဘောတူစာချုပ် နိုင်ငံရေးလမ်းပြမြေပုံထဲမှာ ဒါကို သဘောတူထားတာ ဖြစ်ပါတယ်။ ဒါပေမဲ့ အမျိုးသားအဆင့် နိုင်ငံရေး ဆွေးနွေးပွဲတွေကို ပြည်နယ်နဲ့တိုင်း ဒေသတချို့မှာသာ ကျင်းပပြီးစီး ထားတာရှိပြီး မကျင်းပရသေးတဲ့ နေရာတွေလည်း ရှိနေတာပါ။ ဒါကြောင့် ပင်လုံညီလာခံမတိုင်ခင် အမျိုးသားအဆင့် နိုင်ငံရေး ဆွေးနွေးပွဲတွေ လုပ်ဖို့ အချိန်လိုအပ်နေတာတော့ ရှိတယ်လို့ ပြည်ထောင်စုငြိမ်းချမ်းရေးကော်မရှင် အဖွဲ့ဝင် ဦးနိုင်ငံလင်းက ပြောပါတယ်။

“အကြမ်းဖျဉ်းသိတယ်ဆိုတာက ကျနော်တို့ အမျိုးသားအဆင့်ဆွေးနွေးပွဲတွေက လုပ်ဖို့လိုသေးတယ်လေ။ RCSS တို့ ပအိုဝ်းတို့လုပ်မှာက ရှိသေးတယ် ၊ နောက်ပြီးတော့ Civil Society Forum တို့လုပ်မှာက ရှိသေးတယ်။ ရှိပြီးတော့ သူတို့တွေထွက်လာတဲ့ စာတမ်းကိုမှ ကျနော်တို့ ယူပြီးတော့ UPDJC ကအသေးစိတ်ပြန်ဖတ်ရမှာရှိသေးတာကို အဲဒီအချိန်အတွက် ကျနော်တို့ အချိန်ပေးတာပါ။”

NCA စာချုပ် လက်မှတ်ထိုးထားတဲ့ ချင်းအမျိုးသားတပ်ဦး (CNF) ဆိုရင် ချင်းပြည်နယ်မှာ အမျိုးသားအဆင့် နိုင်ငံရေးဆွေးနွေးပွဲတွေ ကျင်းပဖို့ ပြင်ဆင်နေပေမဲ့ ငြိမ်းချမ်းရေးညီလာခံကျင်းပမယ့် ၂၈ ရက်နေ့မတိုင်ခင် အပြီးကျင်းပနိုင်ဖို့မှာတော့ အချိန် အခက်အခဲ ရှိနေတယ်လို့ ဦးခွန်ဥက္ကာ က ပြောပါတယ်။ တချိန်တည်းမှာပဲ ဒီပြည်ထောင်စုငြိမ်းချမ်းရေး ညီလာခံကို ရက်ရွှေ့ဆိုင်းမယ်တယ်ဆိုရင် NCA လက်မှတ် မထိုးရသေးတဲ့ တိုင်းရင်းသား လက်နက်ကိုင် အဖွဲ့အစည်းတွေအတွက်လည်း ကြိုတင်ပြင်ဆင် ဆွေးနွေးမှုတွေလုပ်ဖို့ အချိန်ပိုရသွား နိုင်တယ်လို့ ဦးခွန်ဥက္ကာက ပြောပါတယ်။

“အခုကတော့ ချင်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲတို့ကိုလည်း ခွင့်ပြုလိုက်တယ်ဆိုတော့၊ ချင်းတွေအတွက်လည်း ပြင်ဆင်ချိန်ရတာပေါ့လေ။ ဒီ ၂၈ ရက်နေ့လုပ်ရင်တော့ သူတို့မမှီမကမ်းဖြစ်မှာ ကြောက်လို့ ဒါလည်းပါပါတယ်။ နောက်ပြီးတော့ ဒီမြောက်ပိုင်းနဲ့ထိုင်းနိုင်ငံ အခြေဆိုက်ပေါ့ ၊ NCA မထိုးရသေးတဲ့ တိုင်းရင်းသားလက်နက်ကိုင် အဖွဲ့အစည်းတွေအတွက်လည်း ဆွေးနွေးညှိနှိုင်းဖို့အချိန်ပိုရတာပေါ့လေ ကျနော်ထင်တယ်၊ အဲဒီအဘက်ဘက်က အခြေအနေတွေကို ကြည့်ပြီးတော့ ရွှေ့ဖို့ နည်းနည်းစည်းစားတာနဲ့ တူပါတယ် ကျနော်ကြည့်တာကတော့။”

အမျိုးသားအဆင့် နိုင်ငံရေးဆွေးနွေးပွဲတွေကို ကရင်လက်နက်ကိုင်အဖွဲ့တွေက ကရင်ပြည်နယ်၊ တနင်္သာရီတိုင်းဒေသကြီးတွေမှာ ကျင်းပထားပြီး ရှမ်းပြည်တပ်မတော် တောင်ပိုင်းနဲ့ ပအိုဝ်းအဖွဲ့တွေက ရှမ်းပြည်နယ်မှာ ကျင်းပဖို့စီစဉ်ထားပါတယ်။

၂၁ ရာစု ပြည်ထောင်စုငြိမ်းချမ်းရေး ပင်လုံညီလာခံကို ဒေါ်အောင်ဆန်းစုကြည် ဦးဆောင်ပြီး ၂၀၁၆ ခုနှစ် သြဂုတ်လ ၃၁ ရက်နေ့မှာ ပထမအကြိမ် ကျင်းပခဲ့ပြီး အခုလာမယ့်အကြိမ်ကတော့ NLD အစိုးရလက်ထက် ဒုတိယအကြိမ် ကျင်းပမှာဖြစ်ပါတယ်။ ပြည်ထောင်စု ငြိမ်းချမ်းရေး ညီလာခံ အမည်နဲ့ ငြိမ်းချမ်းရေးဆွေးနွေးပွဲကိုတော့ အရင် သမ္မတ ဦးသိန်းစိန် အစိုးရလက်ထက် ၂၀၁၆ ခုနှစ် ဇန်န၀ါရီလထဲမှာ စတင် ကျင်းပခဲ့တာဖြစ်ပါတယ်။
VOA Burmese News

Karen leader (photo -ABSDF )
Karen leader (photo -ABSDF
လွန်ခဲ့တဲ့ ၉ နှစ်က လုပ်ကြံသတ်ဖြတ်ခံရပြီး သေဆုံးသွားခဲ့ရတဲ့ ကရင်အမျိုးသား အစည်းအရုံးရဲ့ ခေါင်းဆောင်ဖဒိုမန်းရှာရဲ့  ကျောက်တိုင်နဲ့ ရုပ်ထုဖွင့်ပွဲအခမ်းအနားကို သူဇာတိမြို့ ဖြစ်တဲ့ ဧရာဝတီတိုင်း ပန်းတနော်မြို့နယ် ၊ တောကျောင်းကျေးရွာမှာ ပြုလုပ် ခဲ့ပါတယ်။

ဖဒိုမန်းရှာရဲ့ မိသားစုဝင်တွေနဲ့ သူရွာသားတွေကတော့ သူပုန်မိသားစုဆိုပြီး ဖိအားပေးခံရတာရှိခဲ့ကြောင်းအခုချိန်ထိလည်းစောင့်ကြည့် သတင်းယူတာကို ခံနေရဆဲဖြစ်တယ်လို့ ဆိုပါတယ်။ မအေးအေးမာ သတင်းပေးပို့ ထားပါတယ်။

ကရင်အမျိုသားအစည်းအရုံးရဲ့ အထွေထွေအတွင်းရေးမှူးချုပ်ဖြစ်နေတဲ့အချိန် သတ်ဖြတ်မှုခံခဲ့ရတဲ့ ဖဒိုမန်းရှာဟာ လွန်ခဲ့တဲ့ ၉နှစ်ခန့်က ထိုင်း- မြန်မာနယ်စပ် မဲဆောက်မြို့က သူရဲ့နေအိမ်မှာ သေနတ်သမားတွေရဲ့ လုပ်ကြံသတ်ဖြတ်မူကို ခံခဲ့ရတာပါ။ ဒီအတွက်သူရဲ့ ဇာတိမြို့ဖြစ်တဲ့ ဧရာဝတီတိုင်း၊ ပန်းတနော်မြို့နယ်၊ တောကျောင်းကျေးရွာမှာ သူရဲ့ ရုပ်ထုဖွင့်ပွဲ အခမ်းအနားနဲ့ ဖဒိုမန်းရှာလူငယ်ခေါင်းဆောင်ဆုကို ပေးပွဲကိုလုပ်ခဲ့တယ်လို့ ဖဒိုမန်းရှာရဲ့ တူမဖြစ်တဲ့ နန့်ခင်ဖြူသက်က အခုလို ပြောပြပါတယ်။

“ကရင်အလံကိုအလေးပြုတယ်၊ ဘင်ခရာအဖွဲ့နဲ့ နောက်ပြီး ဖဒိုမန်းရှာကိုအလေးပြုပြီးတော့ ဖဒိုမန်းရှာရဲ့ အတ္ထုပ္ပတ္တိ ကိုဖတ်ပြတယ်လေ။ ရုပ်ထုထုပေးတဲ့ ပန်းပုဆရာကို လက်ဆောင်ပေးတယ်။ နောက်ပြီးတော့ ရုပ်ထုအရှေ့က အခန်းအနားအစီအစဉ်ကိုအဲဒီမှာပဲ ရပ်ပြီးတော့ ကျမတို့ ဖဒိုမန်းရှာရဲ့ ၉ နှစ်ပြည့်အောင့်မေ့ဖွယ်အခမ်းအနားနဲ့ ဆုပေးပွဲအစီအစဉ်တွေကို ဆက်ပါတယ်။ ဖဒိုမန်းရှာလူငယ်ခေါင်းဆောင်ဆုပေးပွဲကို ဒီနေ့ ဒီမှာပေးတော့ ကျောင်းသားတပ်မတော်အဖွဲ့ကလာပြီးတော့ စိတ်ဓါတ်ခွန်အားတွေရတော့ သူတို့ကို ကျေးဇူးတင်တယ်လေ။ တခြားအဖွဲ့တွေအားလုံး နောက်ပြီး ပရိတ်သက်က ၄၀၀ ၀န်းကျင်လောက်လာကြတယ်လေ သူကိုလေးစားတဲ့လူတွေဆိုတော့ ဒီအောင့်မေ့ဖွယ်အမှတ်တရစကားတွေပြော ကြတော့ ဒီဘက်ကလူတွေကလည်း အဲဒါကိုပဲ နားထောင်ချင်တာလေ။ ပိုပြီးတော့ အဓိပ္ပါယ်ရှိသွားတာပေါ့ ပွဲက။”

ဖဒိုမန်းရှာဟာ ကရင်တော်လှန်ရေး လက်နက်ကိုင်နယ်မြေကို လူငယ်ဘ၀ကနေစပြီးရောက်လာခဲ့သူပါ။ သူဟာ အရည်အချင်းရှိပြီး စည်းရုံးရေး ကောင်းမွန်တဲ့ ခေါင်းဆောင်ဖြစ်တာကြောင့် မိခင်အဖွဲ့အစည်းမှာကော တပ်ပေါင်းစုတွေမှာပါ ခေါင်းဆောင်နိုင်ခဲ့သူ ဖြစ်ပါတယ်။ သူရဲ့ မိသားစုကတော့ သူ ကရင်လက်နက်ကိုင် နယ်မြေကို ထွက်သွားချိန်ကစလို့ ဖိအားပေးမူတွေခံခဲ့ရသလို အခုချိန်ထိလည်း စောင့်ကြည့်သတင်းယူတာ၊ မေးမြန်းတာကိုကြုံနေရဆဲပဲလို့ဆိုပါတယ်။

“ကျမတို့ငယ်ငယ်ကတည်းက အဲလိုလာမေးတာပေါ့နော် ထောက်လှမ်းရေးတွေရဲတွေ ခဏခဏလာမေးတာတွေရှိတယ်။ ဟိုဟိုဒီဒီသွားရင်မလွတ်လပ်ဘူးပေါ့အမရယ်၊ လိုက်မေးနေတော့ ဘယ်သွားလဲ ဘယ်လာလဲ အဲလိုမျိုးပေါ့ ဖိအားပေးခံရတယ် သူပုန်အမျိုးဆိုပြီးတော့ ၊ သူပုန်ရွာဆိုပြီးတော့ နည်းနည်းတော့ဖိတာပေါ့ အာဏာပိုင်တွေက ကျမတို့ကို အမဲရောင်နယ်မြေကဆိုပြီးတော့။ အရှေ့ပိုင်းတုန်းက အောင့်မေ့ဖွယ်အခန်းအနားလို ကျကျနန မလုပ်ရဘူးပေါ့နော်၊ စကားဝိုင်းလေးနဲ့ပဲ အောင့်မေ့ဖွယ်၊ သူနဲ့ ရင်းနှီးရာ ရင်းနှီးကြောင်း လူတွေနဲ့ ကျမတို့အဖတို့နဲ့ လဘက်ရည်ဝိုင်းလေးနဲ့ပဲလုပ်ရတာပေါ့နော်။ ထောက်လှမ်းရေးတွေက အမြဲတမ်းနှစ်တိုင်းပွဲလုပ်တိုင်းအမြဲတမ်းလာတယ်၊ မနီးမဝေးကပဲဖြစ်ဖြစ် ၊ အိမ်မှာပဲဖြစ်ဖြစ် အမြဲတမ်းစောင့်ကြည့်တာပေါ့နော် ၊ သူတို့ အိမ်ပေါ်မှာလာပြီး ဟိုမေးဒီမေးနဲ့ အမြဲတမ်းသတင်းယူတယ်။ အခုအချိန်အထိပဲ။ ရုပ်ထုနဲ့ ကျောက်တိုင်နဲ့လုပ်တုန်းကတော့ ဓါတ်ပုံရိုက်သွားတာမျိုးတော့ ရှိသွားတာပေါ့နော်။ ဒီနေ့ ဒီမှာလုပ်တဲ့အစီအစဉ်တွေကိုမေးတယ်။ စာရွက်တွေတောင်းတယ်၊ နောက်ပြီးတော့ ဆုရတဲ့ကောင်လေးရဲ့ ကိုယ်ရေးအကျဉ်းတွေ လုပ်ဆောင်ချက်တွေ ၊ ကျမတို့ မောင် ၀မ်းကွဲ ၊ နှမ၀မ်းကွဲတွေပေးလိုက်တဲ့ သ၀ဏ်လွှာကို သူတို့ ဓါတ်ပုံရိုက်သွားတယ်။”

ဖဒိုမန်းရှာရဲ့ မိသားစုကတော့ ဖဒိုမန်းရှာ လုပ်ကြံသတ်ဖြတ်ခံရမူနဲ့ ပတ်သက်လို့ သူတိုရဲ့ ရူ့မြင်ချက်တွေကိုလည်းပြောပြသွားပါတယ်။

“ဖထီးက ကရင်လူမျိုးအတွက်တင်မကဘူးလေ၊ တိုင်းရင်းသားအားလုံးအတွက်ကို ဒီမိုကရေစီအရေးတို့ ၊ အမျိုးသားတန်းတူအရေးတို့ ဒီဖက်ဒရယ်ပြည်ထောင်စု ပေါ်ထွန်းဖို့အတွက်ကို အရမ်းစည်းရုံးရေးအားကောင်းတော့ သူ့ကို မနှစ်မြို့လို့ သူ့ကိုလုပ်ကြံတယ်လို့တော့ ယူဆပါတယ်။”

ကေအန်ယူကရင်အမျိုးသားအစည်းအရုံးက ခေါင်းဆောင်ဖြစ်တဲ့ ဖဒိုမန်းရှာဟာ ကေအန်ယူအတွင်းမှာ ရပ်တည်ချက်ခိုင်မာသူ၊ တပ်ပေါင်းစုမှာခေါင်းဆောင်နိုင်သူအဖြစ် လေးစားခံရပြီး ကိုယ်ကျိုးစွန့် အနစ်နာခံသူ ရဲဘော်ရဲဘက်စိတ်ရှိသူ ခွဲခြားဆက်ဆံတာမျိုးမရှိပဲ တန်းတူရည်တူ ဆက်ဆံတဲ့အရည်အချင်းရှိသူ တိုင်းရင်းသားခေါင်းဆောင်အဖြစ် ထင်ရှားပါတယ်။

သူဟာ သူရဲ့ ရပ်တည်ချက်ကိုဘယ်လိုအခွင့်အရေးနဲ့မှ အလဲအလှယ်မလုပ်ခဲ့တာကြောင့် ကရင်မျိုးဆက်သစ် လူငယ်တွေကသူ့ကို လေးစားထောက်ခံခဲ့တာဖြစ်ပါတယ်။ သူဟာ လွန်ခဲ့တဲ့ ၉နှစ်ခန့်က ဖေဖေါ်ဝါရီလ ၁၄ရက် ညနေပိုင်းမှာ သူရဲ့  နေအိမ်မှာပဲ လုပ်ကြံ သတ်ဖြတ်မူကို ခံခဲ့ရတာဖြစ်ပြီး သူလုပ်ကြံသတ်ဖြတ်ခံရပြီး နောက်ပို်င်း မိသားစုဝင်တွေက ဖောင်ဒေးရှင်းတခုလုပ်ပြီး ကရင်လူငယ်တွေထဲက ခေါင်းဆောင်မူအရည်အချင်းရှိသူတွေကို နှစ်စဉ် ဖဒိုမန်းရှာလူငယ်ခေါင်းဆောင်မူဆုကို ပေးအပ်ခဲ့တာတွေကို လုပ်ဆောင်ခဲ့ပါတယ်။ ဒီနှစ်မှာတော့ သူရဲ့ဇာတိမြေ ပန်းတနော်ဘက်က လူငယ်တဦးကတော့ ဖဒိုမန်းရှာ လူငယ်ခေါင်းဆောင်ဆု ရရှိခဲ့ပါတယ်။
VOA Burmese News


ဖေဖော်ဝါရီ ၁၄

အစိုးရသစ် လက်ထက် ပမာဏ အများဆုံး အဖြစ် ကျောက်စိမ်းတုံးတင်ကား ၉ စီးကို ရွှေဘို- မြစ်ကြီးနားပြည်ထောင်စုကားလမ်းတွင် ၁၂ရက်နေ့ကဖမ်းဆီးရမိ ကြောင်းသိရသည်။

အဆိုပါကားများကို ရတနာ ကြယ်စင်လင်း ကုမ္ဗဏီ ပိုင် ကားများဖြစ်ပြီး ဖားကန့်မြို့နယ် လုံးခင်းမှနေပြည်တော်သို့ အသွား အခွန်ပေးဆောင်ထားသည့် ကျောက်စိမ်းအရိုင်းတုံးများအပြင် ကားများ၌အံဝှက်ပြုလုပ်ကာ တရားမ၀င်ကျောက်စိမ်းအရိုင်းတုံးများအား တင်ဆောင်လာခဲ့ကြောင်း စစ်ဆေးတွေ့ရှိခဲ့သဖြင့် မိုးညှင်းမြို့ အမြောက်စစ်ဆင်ရေးကွပ်ကဲရေးမှူးချုပ်ရုံး မစခ(၉၀၄) တွင် ထိန်းသိမ်းထားကာ မိုးညှင်းမြို့မရဲစခန်းသို့လွဲပြောင်းပေးခဲ့ကြောင်းသိရသည်။


“ကျောက်မျက်ရတနာဆိုတာ တရားဝင်အခွန်ဆောင်ကြရပြီးနိုင်ငံတော်က ခွင့်ပြုချက်ရရှိထားကြတဲ့ ကျောက်မျက်ကုမ္ပဏီတွေကဘဲ ဒီလိုသယ်ဆောင်ခွင့်ရတာ အခုကားတွေကကျောက်စိမ်းရုံးမှာ စစ်ဆေးပြီးမှ ထွက်ခွာလာခဲ့တဲ့ကားတွေပါ အခုလိုအံဝှက်တွေနဲ့ တရားမ၀င်သယ်ဆောင်လိမ့်မယ်ဆိုတာ ဘယ်သူကမှမထင်ထားမိကြဘူး”ဟု မြို့နယ်ထွေအုပ်ရုံးဒုဦးစီးမှူး ဦးစံရွှေမြင့် က မြစ်ကြီးနား သတင်းဂျာနယ်သို့ ပြောသည်။

တရားမ၀င်ကျောက်စိမ်းရိုင်းတုံးများကို  ထိန်းသိမ်းထားရှိပြီး အရေအတွက်၊ အလေးချိန်၊ တန်ဖိုးများအားတာဝန်ရှိသူများက စီစစ်နေဆဲဖြစ်ကြောင်း မိုးညှင်းမြို့မရဲစခန်းမှ သိရသည်။

ထွန်းထွန်း
Myitkyina News Journal
https://www.facebook.com/myitkyinanewsjournal.mm/



( စစ်ပွဲတွေ ရပ်တန့်ဖို့ မကွေးမြို့တော်ခန်းမရှေ့မှာ တကိုယ်တော်ဆန္ဒပြတဲ့ မကွေးဆေးတက္ကသိုလ် ကျောင်းသား ကိုဥာဏ်မျိုးအောင် ကို တွေ့ရစဉ် )Photo :Aung Zaw (facebook)
စစ်ပွဲတွေ ရပ်တန့်ဖို့ မကွေးမြို့တော်ခန်းမရှေ့မှာ ပြီးခဲ့တဲ့ ဖေဖော်ဝါရီလ ၄ ရက်နေ့က တစ်ကိုယ်တော် ဆန္ဒပြခဲ့တဲ့ မကွေးဆေးတက္ကသိုလ်ကျောင်းသား ကိုဥာဏ်မျိုးအောင်က မကွေးမြို့မရဲစခန်းမှူး နဲ့ ဒုတပ်ကြပ် ဇော်မင်းထွန်း တို့ကို ဆက်သွယ်ရေးဥပဒေပုဒ်မ ၆၆ (ဂ)၊ (ဃ)၊ ရာဇသတ်ကြီးဥပဒေပုဒ်မ ၁၃၀ (ဃ) တို့နဲ့ အရေးယူပေးဖို့ မကွေးမြို့နယ်တရားရုံးထံ လျှောက်ထားပါတယ်။

မကွေးဆေးတက္ကသိုလ်ကျောင်းသား ကိုဥာဏ်မျိုးအောင်ရဲ့ ကိုယ်ပိုင်လက်ပ်တော့၊ ဖုန်းနဲ့ မန်မိုရီစတစ်တွေကို မလိုအပ်ဘဲသိမ်းယူပြီး ခွင့်ပြုချက်မရှိဘဲ ဖွင့်ကြည့်တဲ့အတွက် တရားစွဲဆိုဖို့ လျှောက်ထားတာဖြစ်တယ်လို့ ကိုဥာဏ်မျိုးအောင် ရဲ့ အမှုကို လိုက်ပါဆောင်ရွက်ပေးနေတဲ့ တရားလွှတ်တော်ရှေ့နေ ဦးရောဘတ်စန်းအောင် က ပြောပါတယ်။

"ဆေးတက္ကသိုလ်ကျောင်းသားရဲ့ ကိုယ်ပိုင်လက်ပ်တော့ရယ်၊ ဟွာဝေးတယ်လီဖုန်းရယ်၊ မန်မိုရီစတစ်ရယ်ကို မလိုအပ်ဘဲ သိမ်းတဲ့အပြင် ခွင့်ပြုချက်မရှိဘဲနဲ့ ဖွင့်တာဟာ ဆက်သွယ်ရေး ဥပဒေပုဒ်မ ၆၆ (ဂ)(ဃ)နဲ့ ငြိစွန်းသလို ဖွဲ့စည်းပုံ အခြေခံဥပဒေပုဒ်မ ၃၅၇ အရ စာပေးစာယူနဲ့ ဆက်သွယ်ရေးကို ဥပဒေအရ အကာအကွယ်ပေးရမယ် ဆိုတာကို လွန်ကျူးသွားတဲ့အတွက် ရာဇသတ်ကြီး ဥပဒေပုဒ်မ ၁၃၀(ဃ) အရ အဲဒီစခန်းမှူး ဒုရဲမှူး ဦးစိန်အောင် သူရော ဖွင့်တဲ့ ဒုတပ်ကြပ် ဇော်မင်းထွန်းကိုပါ ကျွန်တော်တို့က အဲဒါနဲ့ အရေးယူပေးပါလို့ လျှောက်လိုက်ပါတယ်"

အဲဒီလိုလျှောက်ထားမှုကို လာမယ့် ဖေဖော်ဝါရီလ ၂၃ ရက်နေ့မှာ လျှောက်လဲချက်ပေးဖို့အတွက် မကွေးမြို့နယ် တရားရုံးက ရုံးချိန်းချိန်းဆိုထားတယ်လို့ သိရပါတယ်။

တစ်ကိုယ်တော်ဆန္ဒဖော်ထုတ်တာကို ရဲကို ကြိုတင်အကြောင်းကြားဖို့ ပျက်ကွက်တဲ့အတွက် ကိုဥာဏ်မျိုးအောင် ကို မကွေးမြို့မ ရဲစခန်းမှူး ဒုတိယရဲမှူး စိန်အောင်က ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့်ဆိုင်ရာ ဥပဒေ ပုဒ်မ (၁၉) နဲ့ တရားလိုလုပ်ပြီး အမှုဖွင့်ထားပါတယ်။

လွတ်လပ်စွာထုတ်ဖော်ပြောဆိုခွင့်ဆိုတဲ့ လူ့အခွင့်အရေးအရ တစ်ကိုယ်တော်ဆန္ဒထုတ်ဖော်တာကို ပုဒ်မ ၁၉ နဲ့ တရားစွဲတာဟာ ဥပဒေနဲ့ မညီဘူးလို့လည်း ဦးရောဘတ်စန်းအောင် က ပြောပါတယ်။

ကိုဉာဏ်မျိုးအောင်ဟာ မကွေးဆေးတက္ကသိုလ်က နောက်ဆုံးနှစ် အပိုင်း(ခ)ကျောင်းသားတစ်ဦးဖြစ်ပါတယ်။

RFA Burmese
https://www.facebook.com/rfaburmese/


မန္တလေးမြို့၊မဟာဝိသုဒ္ဓါရုံတိုက်သစ်၊စုဒ္ဒဿမရွေကျင်သာသနာပိုင် ဇယမေဒနီဝါဆို ဆရာတော်ဘုရားကြီးသည် ဖေဖေါ်ဝါရီ ၁၄ ရက်၊ နံနက် ၁ နာရီခွဲက ဘ၀နတ်ထံပျံလွန်တော်မူသဖြင့် ဆရာတော်ဘုရားကြီး၏ ရုပ်ကလပ် တော်ကို ဖေဖေါ်ဝါရီ ၁၈ ရက်နေ့တွင် အန္တိမဈာပနကျင်းပမည့် အောင်မြေသာစံမြို့နယ်၊ မြင်းပြိုင်ကွင်းသို့ ဒေါင်း ယာဉ်ပျံဖြင့် ပင့်ဆောင်မည်ဖြစ်ကြောင်း သိရသည်။

မဟာဝိသုဒ္ဓါရုံကျောင်းတိုက်တွင် ဖေဖေါ်ဝါရီ ၁၄ ရက်၊ မွန်းလွဲ ၂ နာရီက ဈာပနကျင်းပရေးအစည်းအဝေး ပြုလုပ်ရာ ဆရာတော်ကြီးများနှင့် တိုင်းဒေသကြီးအစိုးရအဖွဲ့မှ တာဝန်ရှိသူများ၊ တပည့်ဒါယကာများတက် ရောက်ကြသည်။

"နောက်ဆုံးအန္တိမဈာပနပွဲမှာ ဆရာတော်ကြီးရဲ့ ဂုဏ်ကျေးဇူးတော်နဲ့လိုက်ဖက်အောင် ဆောင်ရွက်သင့်တယ်။ ကရ၀ိတ်ဖေါင်တော်နဲ့ ပင့်ဆောင်ကြပေမယ့် ဆရာတော်ကြီးအတွက် ထူးထူးခြားခြားဖြစ်အောင် ဒေါင်းယာဉ်ပျံနဲ့ ရုပ်ကလပ်တော်ကို ပင့်ဆောင်မယ်။ ခေတ်ကလည်း ဒေါင်းခေတ်ဆိုတော့ ဒီအတွက် တာဝန်ယူတယ်။"ဟု သီတဂူဆရာတော်ဘုရားကြီးက ယင်းအစည်းအဝေးတွင် မိန့်ကြားတော်မူသည်။


ဆရာတော်ဘုရားကြီး၏ ရုပ်ကလပ်တော်အား စံကျောင်းတော်တွင် ၅ ရက်တာ အပူဇော်ခံပြီး မြင်းပြိုင်ကွင်းသို့ သယ်ဆောင်ရာတွင် မြန်မာမှုအနုပညာများဖြင့် ခြယ်မှုံးကာ ပျံဝဲနေသည့် ဒေါင်းနှစ်ကောင်ဖြင့် အလှဆင်ထားသည့် ဆယ်ဘီးယာဉ် ပေါ်၌ "ထူပါ" စေတီတော်ပုံစံတူအတွင်း၌ ဆရာတော်ကြီး၏ ရုပ်ကလပ်တော်အားထားရှိ၍ မုခ်လေးခုမှ အစောင့် အရှောက်နတ်မင်းများ ပါဝင်မည်ဖြစ်ကြောင်း သိရသည်။

ခိုင်ဆက်ဝေ
News Watch
https://www.facebook.com/NewsWatchJournal/


ဓာတ်ပုံ-အညတရ ဘိက္ခု ဖေ့စ်ဘုတ်၊ လှုပ်လှုပ်ရှားရှား မန္တလေးသတင်းများ Group
မန္တလေးမြို့၊ မဟာအောင်မြေမြို့နယ်၊ မဟာဝိသုဒ္ဓာရုံ ကျောင်းတိုက်၊ ဇယမေဒနီဝါဆိုကျောင်း နာယကဆရာတော် နိုင်ငံတော်သြ၀ါဒါစရိယ စုဒ္ဒသမ ရွှေကျင်သာသနာပိုင် ၀ါဆိုဆရာတော်ကြီးသည် ဖေဖော်ဝါရီ ၁၄ ရက်နံနက် ပိုင်းက ဘ၀နတ်ထံ ပျံလွန်တော်မူကြောင်း သိရသည်။

ဆရာတော်ကြီးသည် ကျန်းမာရေးအတွက် မန္တလေး အထွေထွေရောဂါ ကု ဆေးရုံကြီး၊ အထူးကြပ်မတ် ကုသဆောင်တွင် ဆေးဝါးကုသမှု ခံယူလျက်ရှိပြီး ယခုကဲ့သို့ ပျံလွန်တော်မူခဲ့ခြင်းသည်။

ဆရာတော် အဘိဓဇမဟာရဋ္ဌဂုရု၊ အဘိဓဇအဂ္ဂမဟာ သဒ္ဒဓမ္မ ဇောတိကဓဇ ဘဒ္ဒန္တအဂ္ဃိယ မဟာထေရ် သည် သက်တော် ၁၀၀ နှစ်၊ သိက္ခာတော် ၈၁ ဝါ အရောက် မြန်မာသက္ကရာဇ် ၁၃၇၈ ခု၊ တပို့တွဲလပြည့်ကျော် ၃ ရက်၊ ခရစ်နှစ် ၂၀၁၇ ခုနှစ်၊ ဖေဖော်ဝါရီလ ၁၄ ရက်နေ့၊ နံနက် ၁ နာရီ ၃၀ မိနစ် အချိန်ခန့်က ဘဝနတ်ထံ ပျံလွန်တော်မူကြောင်း သိရသည်။

ဆရာတော် ပျံလွန်တော်မှုသည့်အတွက် ကြွင်းကျန် ရုပ်ကလာပ်အား ၅ ရက်တာ အပူဇော်ခံပြီး တပို့တွဲ လပြည့်ကျော် ၇ ရက် (ဖေဖော်ဝါရီလ ၁၈ ရက်)နေ့တွင် အောင်မြေသာစံမြို့နယ် ရွှေမန်းတောင် အားကစား ကွင်း၌ ဒေါင်းယာဉ်ပျံဖြင့် ပင့်ဆောင်သယ်ယူကာ အန္တိမဈာပနကို ကျင်းပသွားမည် ဖြစ်ကြောင်း သိရသည်။

The Ladies News
https://www.facebook.com/News.TheLadies/


မကြာမီကျရောက်မည့်ချစ်သူများနေ့တွင် မသိနားမလည်သော အပျိုစင်မိန်းကလေးများ ဖျက်ဆီးခံရမည်ကို သတိပေးချင်ပါသည်။ ချစ်သူများနေ့သည် (လင်မယားနေ့)မဟုတ်ပါလို့ ပြောချင်ပါသည်။
ချစ်သူများနေ့ ရောက်တိုင်း တည်းခိုခန်းများ၊ ဟိုတယ်များတွင် စုံတွဲများဖြင့် ပြည့်နေသည်ကို နှမသားချင်းစာနာ၍ စိတ်မကောင်းစွာ ကြားသိရပါသည်။

ချစ်သူစုံတွဲများသည် စိတ်ချင်းချစ်၍ရပါသည်။ လူချင်းနယ်ကျွံ၍ ချစ်လို့မရပါ။ မိန်းကလေးများသည် မိမိချစ်သောသူသည် လက်ထပ်ရမည့်သူ ဟုတ်၊ မဟုတ် မည်သူမျှအတတ်မပြောနိုင်ပါ။ အိမ်ထောင်မပြုမီအတူ နေပါက မယူဖြစ်ပါက နောက်ဆုံးမိန်းကလေးသာ နစ်နာရမည်ဖြစ်သည်။

အင်တာနက်ခေတ်တွင် အိမ်ထောင် မပြုမီအတူနေပါက နေရာတိုင်းတွင် မျက်စိများရှိသဖြင့် အချိန်မရွေး အင်တာနက်ပေါ်ရောက်သွားပြီး မိန်းကလေး၏ မိဘဆွေမျိုးများ အရှက်တကွဲအကျိုးနည်းဖြစ်မည်ကို သတိပြုစဉ်းစားသင့်ပါသည်။ မိမိတို့ နိုင်ငံသည် ဗုဒ္ဓဘာသာနိုင်ငံဖြစ်သဖြင့် အနောက်နိုင်ငံများမှ အတူနေခြင်း (Living Together) ကို အားကျ၍ မရပါ။
မိမိတို့နိုင်ငံသည် အရှက်နှင့်သိက္ခာဖြင့် လူလုပ်သောနိုင်ငံဖြစ်ပါသည်။

အင်တာနက်ပေါ်တွင် မိန်းကလေးများ အခက်အခဲရှိ၍ အပျိုစင်ဘ၀ကို လေလံတင်ရောင်းချရာ မြန်မာငွေသိန်းရာချီရရှိသည်ကို ကြားသိသဖြင့် မိမိတို့၏အပျိုစင်ဘ၀ကို မည်မျှတန်ဖိုးရှိသည်ကို သိသင့်ပါသည်။ ယောက်ျားလေးများသည် မိမိဘယ်လောက်ပဲ ရှုပ်ပါစေ မိမိနှင့်လက်ထပ်မည့်မိန်းကလေးကို အပျိုစင်ပဲ လိုချင်သည်ကို သိသင့်ပါသည်။ ထို့ကြောင့် မိန်းကလေးများသည် မိမိတို့၏ အပျိုစင်ဘ၀ကို တန်ဖိုးထားထိန်းသိမ်းသင့်ပါသည်။

ယခုခေတ်တွင် ပိုက်ဆံပေး၍ ပျော်လို့ရသည့် နေရာများစွာရှိသဖြင့်
ယောက်ျားလေးများမှာ မိမိချစ်သူ အမှန်အကန်မိန်းကလေးကို လက်တည့်စမ်း၍ မဖျက်ဆီးသင့်ပါ။ ယောက်ျားလေးအတွက် Sex သည် တခဏတာ ထမင်းစားရေသောက် အဆင့်သာဖြစ်ပြီး မိန်းကလေးများအတွက် Sex မှာ ဘ၀တခုလုံးနှင့် ရင်းရမည်ကို သိသင့်ပါသည်။ ချစ်သူဘ၀တွင် အတူနေခြင်းကြောင့်ရရှိသော ဆိုးကျိုးများမှာ လက်မထပ်မီ ကိုယ်ဝန်ရှိခြင်းကြောင့် မိဘဆွေမျိုးများနှင့် မိမိပါ အရှက်ရနိုင်ခြင်း၊ HIV, B ပိုး၊ C ပိုး စသော ရောဂါပိုးများ ကူးစက်နိုင်ခြင်း၊ ချစ်သူကြောင့် (Sexual Feeling) ကို ခံစားတတ်ပြီး ချစ်သူနှင့်မယူဖြစ်၍ နောက်ချစ်သူ တယောက် ပြောင်းခံစားခြင်းဖြင့် နောက်ဆုံးတွင် KTV, (Massage) မာဆတ်စသော ပျက်စီးခြင်း လမ်းပေါ်ရောက်ပြီး ဘ၀ပျက်သွားသော မိန်းကလေးများစွာ ရှိပါသည်။

မိန်းကလေးများ ဖျက်ဆီးခံရခြင်း (၂)မျိုးရှိပါသည်။ အနုနည်းနှင့်ဖျက်ဆီးခြင်းနှင့် အကြမ်းနည်းနှင့် ဖျက်ဆီးခြင်းတို့ ဖြစ်ပါသည်။ အနုနည်းနှင့် ဖျက်ဆီးခြင်းဆိုသည်မှာ ချစ်တယ်ဆိုပြီး ယုံလောက်အောင်ပြော ဆိုပြီး အလိုတူကာမရယူဖျက်ဆီးခြင်းနှင့် အကြမ်းနည်းနှင့်ဖျက်ဆီးခြင်းဆိုသည်မှာ အဓမ္မအကြမ်းဖက်အလို မတူဘဲ ကာမရယူဖျက်ဆီးခြင်းဖြစ်ပါတယ်။ ယခုခေတ် မိန်းကလေးတွေ၏ဘ၀မှာ လုံခြုံမှုမရှိတော့ပါ။ (၃)နှစ်သမီးမှစ၍ အသက်(၈၀)အရွယ် အဘွားထိ အလိုမတူအကြမ်းဖက် အဓမ္မဖျက်ဆီးမည့်သူများနေရာ တိုင်းတွင် ရှိနိုင်သည်ကို သတိပြုသင့်ပါသည်။

ယခုခေတ်တွင် ကာမရာဂထကြွစေသော ကော်ဖီ၊ ချောကလက်၊ အရောင်အနံ့မဲ့သော ဖျော်ရည်များရှိသည်ကို သတိထားသင့်ပါသည်။ ထို့ကြောင့် ချစ်သူများနေ့တွင် ချစ်သူက တိုက်သော ကော်ဖီ၊ ချောကလက်၊ အချိုရည်များကို သတိထားစားသောက်သင့်ပါသည်။

ဆွေမျိုးရင်းချာတောင် မယုံကြည်ရသော ယခုခေတ်တွင် တိရစ္ပာန်ကတောင် ဆရာခေါ်ရသော လူ့တိရစ္ဆာန်များ မိမိပတ်ဝန်းကျင်တွင်ရှိနေသည်ကို မိန်းကလေးများ သွားသတိ၊ စားသတိဖြင့် သတိကြပ်ကြပ်ထားသင့်ပါသည်။ ချစ်သူယောက်ျားလေးများကလည်း လက်မထပ်ဘဲ မိမိချစ်သူကို အတူနေပြီး ဖျက်ဆီးခြင်းသည် လူသားတို့ ရှောင်ကြဉ်အပ်သော ငါးပါးသီလထဲမှ ကာမေသုမိစ္ဆာစာရကံဟူသော အုပ်ထိန်းသူရှိသော သမီးပျိုများကို ဖျက်ဆီးခြင်းဟူသော ကံထိုက်သည်ဟု သတိပြုသင့်ပါသည်။ ယောက်ျားလေးများက မိမိနှမကို တခြား ယောက်ျားတဦးဦးက ဖျက်ဆီးသွားလျှင် ကျေနပ်ပါ့မလားဆိုတဲ့ ကိုယ်ချင်းစာစိတ်ထားသင့်ပါသည်။

ယောက်ျားလေးများသည် မိမိချစ်သူ၏ အပျိုစင်ဘ၀ကိုဖျက်ဆီးပြီး ချစ်သူမိန်းကလေးကို မယူဖြစ်ဘဲ KTV, (Massage)မာဆတ် စသော ပျက်စီးခြင်းလမ်းပေါ်ရောက်သွားပါက စတင်ဖျက်ဆီးသူသာ တရားခံဖြစ်သည်ကို သတိပြုသင့်ပါသည်။ ချစ်သူမိန်းကလေးများကလည်း မိမိကိုချစ်သောသူသည် Sex ကို အရင်းခံ၍ ချစ်သလား၊ တကယ့်မေတ္တာစစ်နှင့်ချစ်သလားကို ဝေဖန်ဆန်းစစ်သင့်ပါသည်။ Sex ကို အရင်းခံသောအချစ်သည် အကြာကြီးမတည်မြဲကြောင်း အနောက်နိုင်ငံများမှ အိမ်ထောင်သည်များကိုကြည့်၍ သင်ခန်းစာယူသင့်ပါသည်။

တကယ့်မေတ္တာနှင့်ချစ်သော အချစ်သာ တဘ၀လုံး အကြာကြီးတည်မြဲမည်ကို သိထားသင့်ပါသည်။
ချစ်သူများနေ့တွင် မိန်းကလေးများ အပျိုစင်ဘ၀ကို ထိန်းသိမ်းနိုင်ပါစေ။

ဦးမာဃ
News Watch
https://www.facebook.com/NewsWatchJournal



အလက်ပိုမြို့ ရှိ ဆီးရီးယားတပ်ဖွဲ့ဝင်များအားတွေ့ရစဉ် (ဆင်ဟွာ)
    ဒမက်စကက်စ်၊ ဖေဖော်ဝါရီ ၁၄ ရက် (ဆင်ဟွာ)

    အလက်ပိုမြို့တောင်ဘက် ရှိ ဆီးရီးယားအစိုးရက ထိန်းချုပ်ထားသော ဧရိယာများကို IS စစ်သွေးကြွအဖွဲ့ က ပြင်းထန်စွာ ထိုးစစ်ဆင်လာခဲ့မှုကြောင့် လွန်ခဲ့သည့် ၃၆နာရီအတွင်း အစိုးရတပ်ဖွဲ့ဝင် ၃၉ဦးထက်မနည်း သေဆုံးခဲ့ကြောင်း လေ့လာစောင့်ကြည့်ရေးအဖွဲ့တစ်ခုက ဖေဖော်ဝါရီ ၁၃ ရက်တွင်ဖော်ပြခဲ့သည်။

IS တို့သည် Khanaser မြို့ နှင့် Sabkhet al-Jabour မြို့ကြားရှိ ဧရိယာကိုအဓိကထား၍ ပစ်ခတ်မှုများ ပြုလုပ်ခဲ့သလို အလက်ပိုမြို့၏ အရှေ့တောင်စွန်း ရှိ အနီးအနား ဧရိယာများကို လည်း ပစ်ခတ်ခဲ့ကြောင်း ဆီးရီးယားဆိုင်ရာ လူအခွင့်အရေးလေ့လာစောင့်ကြည့်ရေးအဖွဲ့ကပြောကြားခဲ့သည်။

အဆိုပါ ဗြိတိန်နိုင်ငံ အခြေစိုက် စောင့်ကြည့်ရေးအဖွဲ့ က တိုက်ပွဲများအတွင်း စစ်သွေးကြွ ၁၂ဦးသေဆုံးခဲ့ကြောင်း ပြောကြားခဲ့သည်။

တူရကီတပ်ဖွဲ့ဝင်များ နှင့် မဟာမိတ် တပ်ဖွဲ့ဝင်များက al-Bab မြို့၏ မြောက်ဘက် နှင့် အနောက်မြောက်ဘက် အား ထိုးစစ်ဆင်တိုက်ခိုက်နေသောကြောင့် ဆီးရီးယားစစ်တပ် က မြို့အတွင်းရှိ IS တို့အား မြို့၏ တောင်ဘက်အစွန်းမှ နေ၍ ပိတ်ဆို့ဝန်းရံထားကြောင်း မကြာသေးမီက ကြေညာခဲ့သည်။

အလက်ပိုမြို့သို့ သွားရောက်ရန် လက်ရှိအသုံးပြုနေသည့် လမ်းမ နှင့် ကပ်လျက်တည်ရှိနေ၍ Khanaser မြို့၏ လုံခြုံရေးသည် ဆီးရီးယားစစ်တပ်အတွက် အလွန်အရေးကြီးနေကြောင်း နှင့် Khanaser မြို့၏ အရှေ့ဘက် မှ သူပုန်များဆုတ်ခွာသွားပြီးနောက် မြို့အား ၂၀၁၆ခုနှစ် ဒီဇင်ဘာလတွင် အစိုးရစစ်တပ်က ပြန်လည်သိမ်းယူထားခဲ့ခြင်းဖြစ်ကြောင်း သိရသည်။

(Xinhua)
http://xinhuamyanmar.com



ပလေးဘွိုင် မဂ္ဂဇင်းရဲ့ အွန်လိုင်း ကွန်ရက် ကြော်ငြာ
နာမည်ကြီး အမေရိကန် လူမှုဘဝနဲ့ အမျိုးသား ဖျော်ဖြေရေး မဂ္ဂဇင်း ဖြစ်တဲ့ ပလေးဘွိုင် မဂ္ဂဇင်းက ကိုယ်လုံးတီး ဓာတ်ပုံတွေ ပြန်လည်ပြီးတော့ အသုံးပြုမယ်လို့ ဆိုလိုက်ပါတယ်။ ဒါဟာ မနှစ်က ပြုလုပ်ခဲ့တဲ့ ဝတ်လစ်စလစ် ဓာတ်ပုံတွေ အသုံးမပြုတော့ဘူး ဆိုတဲ့ ဆုံးဖြတ်ချက်ကို ပြန် ပြင်လိုက်တာပါ။

အခု ဆုံးဖြတ်ချက်ကို စိတ်ကူး ဖန်တီးမှုဆိုင်ရာ အရာရှိမှူးချုပ် အသစ် ဖြစ်တဲ့ ကူးပါးဟက်ဖနာက ကြေညာခဲ့ပြီး မနှစ်က ပြုလုပ်ခဲ့တဲ့ ကိုယ်လုံးတီး ဓာတ်ပုံတွေ အသုံးမပြုတော့ဘူး ဆိုတဲ့ ဆုံးဖြတ်ချက်ဟာ မှားတယ်လို့ သူက ပြောပါတယ်။

"ဒီနေ့မှာ ကျွန်တော်တို့ရဲ့ မူလသရုပ်သဏ္ဌာန်ကို ပြန်လည် တည်ဆောက်လိုက်ပါပြီ၊ ကျွန်တော်တို့ ဘယ်သူဆိုတာကို ပြန်လည် အရယူလိုက်ပါပြီ" လို့ ဟက်ဖနာက သူ့ရဲ့ အွန်လိုင်းလူမှုကွန်ရက် တွစ်တာ မှာ ရေးထားပါတယ်။

ပလေးဘွိုင် မဂ္ဂဇင်းရဲ့ မတ်-ဧပြီ စာအုပ် အွန်လိုင်း ကွန်ရက် ကြော်ငြာမှာလည်း ကိုယ်လုံးတီးနေထိုင်မှုဟာ ပုံမှန် အနေအထား ဖြစ်တယ် ( #NakedIsNormal ) ဆိုထားပါတယ်။

ပလေးဘွိုင်ရဲ့ ဒီလို နောက်ကြောင်းပြန်ခဲ့တဲ့ ဆုံးဖြတ်ချက်ကို အွန်လိုင်းအသုံးပြုသူတချို့က ကြိုဆိုကြပေမယ့် တချို့ကလည်း မဂ္ဂဇင်း ရောင်းအားကျသွားလို့ ဒီလို လုပ်တာလို့ ဝေဖန်ကြသလို၊ လိင်စိတ်ကို လှုံ့ဆော်တဲ့ ညစ်ညမ်း ရုပ်ပုံတွေ အလွယ်တကူ လက်လှမ်းမီရှိနေတာဟာ မကောင်းဘူးလို့လည်း ထောက်ပြကြပါတယ်။

"ဝတ်လစ်စလစ် ဖြစ်ခြင်းကို အရင်တုန်းက မဂ္ဂဇင်းရဲ့ ပုံဖော်ခဲ့မှုတွေဟာ ခေတ်နောက်ကျသွားပြီ ဆိုတာကို ပထမဆုံး ဝန်ခံမှာက ကျွန်တော်ပါ" လို့ တနင်္လာနေ့တုန်းက မစ္စတာ ဟက်ဖနာက ပြောခဲ့ပါတယ်။

ပလေးဘွိုင် မဂ္ဂဇင်း တည်ထောင်သူရဲ့ သားဖြစ်သူ အသက် ၂၅ အရွယ် ကူးပါးဟက်ဖနာက "ကိုယ်လုံးတီးမှုဟာ ဘယ်တုန်းကမှ ပြဿနာ မဖြစ်ခဲ့ပါဘူး၊ ဘာကြောင့်ဆို ကိုယ်လုံးတီးမှု ကိုယ်နှိုက်က ပြဿနာ တရပ် မဟုတ်လို့ပါ" လို့ သူက ဆိုပါတယ်။

 သက်တမ်းရှည် မဂ္ဂဇင်း ပလေးဘွိုင်
ပလေးဘွိုင် မဂ္ဂဇင်းကို ကူးပါးရဲ့ ဖခင်ဖြစ်သူ ဟုခ်ျဟက်ဖနာက ၁၉၅၃ ခုနှစ်မှာ စတင်တည်ထောင်ခဲ့ပြီး ရာစုနှစ်ဝက်ကျော် ကြာ အောင်မြင်မှုတွေ ရခဲ့ပါတယ်။ ၂၀၁၆ ခုနှစ် မတ်လကစပြီး ကိုယ်လုံးတီးဓာတ်ပုံတွေ ပုံနှိပ် ဖော်ပြမှု ရပ်ခဲ့ပါတယ်။

မစ္စစ္စပီ တက္ကသိုလ်က စာနယ်ဇင်း ပါမောက္ခ ဆာမီယာဟူစနီ ကတော့ "ပလေးဘွိုင် မဂ္ဂဇင်းရဲ့ ကိုယ်လုံးတီး ပုံတွေ အသုံးမပြုတော့ဖို့ ဆုံးဖြတ်ချက်က သူ့ ပရိသတ်တွေကို ဆွဲဆောင်နိုင်ဖို့ထက် အားပေးမှု လျော့ကျဖို့ပဲ ဖြစ်စေခဲ့တယ်" လို့ မှတ်ချက်ပြုပါတယ်။

"ပလေးဘွိုင် နဲ့ ဝစ်လစ်စလစ်ပုံ အသုံးမပြုဘူး ဆိုတာ ဆန့်ကျင်ဘက် အဓိပ္ပာယ် ရှိတဲ့ အရာနှစ်ခုကို ပူးတွဲ လိုက်သလို ဖြစ်သွားခဲ့တယ်" လို့လည်း သူက ပြောပါတယ်။

ဒါ့အပြင် ကိုယ်လုံးတီး ပုံတွေ တင်းကျမ်းဖြစ်နေတဲ့ ဒစ်ဂျစ်တဲလ် ခေတ်ကြီးမှာ မဂ္ဂဇင်း အနေနဲ့ လူငယ်ပရိသတ်ကို ဆွဲဆောင်နိုင်ဖို့ရာ ချဉ်းကပ်မှု အသစ်တွေ ပြုလုပ်နိုင်ဖို့လိုကြောင်းလည်း ပြောပါတယ်။

လာမယ့် လထုတ် ပလေးဘွိုင် မဂ္ဂဇင်းအသစ်မှာ ပလေးဘွိုင်ရဲ့ 'ဒဿနိကဗေဒ' နဲ့ 'ပါတီဟာသ'နှစ်ခုအပါအဝင် အရင်တုန်းက အသုံးပြုခဲ့တဲ့ ကဏ္ဍတချို့လည်း ပြန်လည် ပါဝင်လာမယ်လို့ သိရပါတယ်။

ဒါပေမယ့် မဂ္ဂဇင်းမျက်နှာဖုံးက 'အမျိုးသားများအတွက် ဖျော်ဖြေရေး' ဆိုတဲ့ ခေါင်းစဉ်အခွဲကိုတော့ ဖြုတ်ပါမယ်။

"ပလေးဘွိုင်က အမြဲတမ်း အမျိုးသားကို ဗဟိုပြုတဲ့ လူမှုဘဝရှုခင်း အမှတ်သင်္ကတေ အဖြစ် ဆက်ရှိနေမှာ ဖြစ်ပေမယ့် အခုခေတ်ကြီးမှာ ကျား-မ လူမှုရေးရာ ခွဲခြားမှုတွေနဲ့ ပတ်သက်ပြီး လူမှုအသိုက်အဝန်းမှာ ပြောဆိုနေကြပြီ ဖြစ်လို့ ကျွန်တော်တို့အနေနဲ့လည်း ပြောင်းလဲ ရပါမယ်" လို့ မစ္စတာ ဟက်ဖနာက ပြောပါတယ်။

ဒါတွေအပြင် မင်းသမီး စကားလက်ဘမ်း (Scarlett Byrne) ရဲ့ နို့သီးခေါင်းလွတ်မြောက်ရေး (Free the Nipple) စည်းရုံးလှုံ့ဆော်မှု ဆိုင်ရာ အက်ဆေးဆောင်းပါး တပုဒ်လည်း မဂ္ဂဇင်းမှာ ပုံနှိပ်မှာဖြစ်ပါတယ်။ ဒီ လှုပ်ရှားမှုက အမေရိကန်ပြည်ထောင်စုရှိ ပြည်နယ်တချို့ရဲ့ အများပြည်သူဆိုင်ရာ နေရာတွေမှာ မိခင်တွေရဲ့ နို့တိုက်ခွင့်နဲ့ အပေါ်ပိုင်းဗလာကျင်း သွားလာခွင့် အတွက် ကျား-မ မတူညီ ခွဲခြားထားတဲ့ ဥပဒေတွေကို တိုက်ဖျက်ဖို့ စတင်ခဲ့တာပါ။

ဆောင်းပါးမှာ ဘမ်းက အမျိုးသားနဲ့ အမျိုးသမီး ကြားမှာ မတူညီတဲ့ စံသတ်မှတ်မှု ၂ မျိုး ထားရှိမှုတွေ လက်ရှိ အချိန်တိုင် တည်ရှိနေတယ် ဆိုတဲ့ အကြောင်းကို ရေးသားထားတယ်လို့ မဂ္ဂဇင်းက ထုတ်ပြောထားပါတယ်။

ပလေးဘွိုင် မဂ္ဂဇင်းဟာ ရောင်းအား အကောင်းဆုံး ဖြစ်ခဲ့တဲ့ ၁၉၇၀ ခုနှစ်များဆီက ၁ နှစ်မှာ ၅.၆ သန်း ရိုက်နှိပ်ခဲ့ရာကနေ ၂၀၁၆ ခုနှစ်မှာ ၇၀၀,၀၀၀ သာ ပုံနှိပ်ခဲ့ရပါတယ်။

အဖော်အချွတ် ဓာတ်ပုံတွေ အလွယ်တကူ ရရှိနေတဲ့ အင်တာနက် ခေတ်မှာ ပလေးဘွိုင် မဂ္ဂဇင်းလို ဝတ်လစ်စလစ် ဓာတ်ပုံ အသားပေး မဂ္ဂဇင်းတွေဟာ စီးပွားရေးအရ အောင်မြင်မှု မရတော့ပါဘူး။

ဒါပေမယ့် ယုန်ကလေး တကောင် ဘိုးတိုင်လေး ချည်ထားတဲ့ မဂ္ဂဇင်းရဲ့ အမှတ်တံဆိပ်ကတော့ ကမ္ဘာပေါ်မှာ မှတ်မိအလွယ်ဆုံး အမှတ်အသား တခု ဖြစ်နေဆဲပါပဲ။

အခုအချိန်မှာ မဂ္ဂဇင်းဟာ သူရဲ့ အမှတ်သင်္ကေတပါ ရေချိုးခန်းသုံး အမွှေးအကြိုင်၊ အချိုရည်နဲ့ လက်ဝတ်လက်စား ပစ္စည်းတွေ ထုတ်လုပ်ခွင့် လိုင်စင်ချ ပေးခြင်းကနေ ဝင်ငွေအများစု ရရှိနေပါတယ်။

BBC Burmese
http://www.bbc.com/burmese



ရုရှနဲ့ ဆက်သွယ်ခဲ့တဲ့ ထရမ့်ရဲ့ နိုင်ငံတော်လုံခြုံရေး အကြံပေး ရာထူးက နှုတ်ထွက်
အမေရိကန်သမ္မတသစ် ဒေါ်နယ်ထရမ့်ရဲ့ နိုင်ငံတော်လုံခြုံရေး အကြံပေး တဦး ဖြစ်သူ ဒုတိယဗိုလ်ချုပ်ကြီးဟောင်း မိုက်ကယ်ဖလင်း ရာထူးက နှုတ်ထွက်သွားကြောင်း အိမ်ဖြူတော် သမ္မတရုံးက သတင်းထုတ်ပြန်လိုက်ပါတယ်။

ဒေါ်နယ်ထရမ့် သမ္မတ ရာထူး မယူမီ မိုက်ကယ်ဖလင်းဟာ ရုရှ သံအမတ်ကြီးနဲ့ အမေရိကန်ရဲ့ အရေးယူပိတ်ဆို့မှုတွေနဲ့ စပ်လျဉ်းပြီး တွေ့ဆုံ ဆွေးနွေးမှုတွေ ပြုလုပ်ခဲ့တယ်လို့ အစွပ်စွဲခံခဲ့ရပါတယ်။

အမေရိကန်နိုင်ငံမှာ သာမန် ပြည်သူပြည်သားတွေဟာ အစိုးရရဲ့ သံတမန်ရေးရာတွေကို ဝင်ရောက် ဆောင်ရွက်ခွင့် မရှိပါဘူး။ ဖလင်းရဲ့ ရုရှ သံတမန်နဲ့ စကားပြောဆိုမှုဟာ သူ အကြံပေး ရာထူး မရခင် မနှစ် နှောင်းပိုင်း က ပြုလုပ်ခဲ့တယ်လို့ ဆိုပါတယ်။

မစ္စတာ ဖလင်းဟာ ဒီလို စကားပြောခဲ့မှုနဲ့ ပတ်သက်ပြီး အစိုးရ တာဝန်ရှိသူတွေကို ဖြေရှင်းရာမှာ မှားယွင်းတဲ့ သတင်းအချက်အလက်တွေကို ပေးခဲ့တယ်လို့လည်း ပြောပါတယ်။

အရင်လကုန်ပိုင်းလောက်မှာ ဖလင်းရဲ့ ရုရှနဲ့ ဆက်သွယ်ခဲ့မှုတွေ အကြောင်းကို အစိုးရ တရားရေးဌာနက အိမ်ဖြူတော်ရုံးကို သတိပေးခဲ့တယ်လို့ အမေရိကစာနယ်ဇင်းတွေက ရေးသားကြပါတယ်။ ဒါ့အပြင် ဖလင်းဟာ ရုရှရဲ့ အကျပ်ကိုင်ခံရနိုင်တဲ့ အနေအထား ဖြစ်တယ်လို့ ဆိုပါတယ်။

ပြိုင်ဘက် ဒီမိုကရက်တစ် အကြီးတန်း အမတ် တချို့ကလည်း မိုက်ကယ်ဖလင်းကို သမ္မတ အကြံပေး ရာထူးက ထုတ်ပစ်ဖို့ တောင်းဆိုခဲ့ကြပါတယ်။

ကနဦးတုန်းကတော့ မိုက်ကယ်ဖလင်းဟာ ရုရှနဲ့ အရေးယူပိတ်ဆို့မှုတွေ အကြောင်း ဆွေးနွေးမှု မရှိခဲ့ဘူးလို့ ငြင်းဆိုခဲ့ပါတယ်။ ဒုသမ္မတ မိုက်ပန့်စ်ကလည်း သူ့ကိုယ်စား စွပ်စွဲမှုတွေကို လူသိရှင်ကြား ငြင်းဆန်ခဲ့ဖူးပါတယ်။

ပြီးခဲ့တဲ့ တနင်္လနေ့မှာတော့ အမေရိကန် မီဒီယာတွေက သူ့ရဲ့ ဖုန်းခေါ်မှုနဲ့ ပတ်သက်တဲ့ အသေးစိတ် အချက်အလက်တွေကို ဖွင့်ချ ခဲ့ရာမှာ ဖလင်းအတွက် ဖိအားတွေ ပိုမို ဖြစ်လာခဲ့ပါတယ်။

မိုက်ကယ်ဖလင်းဟာ ရုရှနဲ့ နီးစပ်သူ အဖြစ် အစကတည်းက မေးခွန်းထုတ်ခြင်း ခံခဲ့ရသူပါ။ ၂၀၁၅ ဒီဇင်ဘာ တုန်းက ပွဲတခုမှာ သူနဲ့ ရုရှ ဗလာဒီမီယာပူတင် တို့ တစားပွဲတည်း ထိုင်ပြီး ညစာစားနေတဲ့ ဓာတ်ပုံ မှတ်တမ်း ရှိခဲ့ပါတယ်။

သမ္မတ အိုဘားမား လက်ထက် တပ်မတော် ထောက်လှမ်းရေး အေဂျင်စီ အကြီးအကဲ ရာထူးက ထုတ်ပယ်ခံရဖူးတဲ့ ဖလင်းဟာ သမ္မတသစ် ထရမ့်ကို မဲဆွယ်ကာလတွေကတည်းက တစိုက်မတ်မတ် ထောက်ခံ အားပေးလာခဲ့ တဦးပါ။

အမေရိကန်နိုင်ငံမှာ နိုင်ငံတကာရေးရာတွေနဲ့ ကာကွယ်ရေးကဏ္ဍ အတွက် နိုင်ငံတော် လုံခြုံရေး အကြံပေး ရာထူးကို သမ္မတက တိုက်ရိုက်ခန့်အပ် ရပါတယ်။

အိမ်ဖြူတော်က ထုတ်ပြန်တဲ့ ကြေညာချက်မှာ သမ္မတထရမ့် ရာထူးလွှဲပြောင်းရေး အဖွဲ့က ကာကွယ်ရေး ဆိုင်ရာ အကြီးအကဲ ဖြစ်ခဲ့သူ ဒုတိယဗိုလ်ချုပ်ကြီး အငြိမ်းစား ကိကလော့ဂ်ကို သမ္မတရဲ့ ယာယီ နိုင်ငံတော်လုံခြုံရေး အကြံပေး အဖြစ် ခန့်အပ်လိုက်ကြောင်း ဖော်ပြထားပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese/



ချစ်သူများနေ့ကို ဆန္ဒပြ
အင်ဒိုနီးရှား နိုင်ငံ တချို့ ဒေသတွေမှာ အပျော်အပါး လွန်ကျူးမှု ဖြစ်စေတယ် ဆိုပြီး ကျောင်းသားတွေကို ဗယ်လင်တိုင်းနေ့ခေါ် ချစ်သူများနေ့ ဆင်နွှဲခွင့် ပိတ်ပင်ခဲ့ပါတယ်။

မက်ကာဆာ မြို့မှာ ရဲက စတိုးဆိုင်တွေကို ဝင်စီးပြီး ကွန်ဒုံးတွေကို သိမ်းဆည်းခဲ့ပါတယ်။

ဈေးဝယ်သူတွေက တိုင်ကြလို့ ကွန်ဒုံးတွေကို သိမ်းရတာလို့ မက်ကာဆာ မြို့တော်ဝန်က ဘီဘီစီကို ပြောပါတယ်။

ဆက်လက် ရောင်းချမှုကိုတော့ ခွင့်ပြုမယ်လို့ သူက ဆိုပါတယ်။

အင်ဒိုနီးရှားရဲ့ ဒုတိယ အကြီးဆုံး ဆူရာဘာယာ မြို့မှာတော့ ချစ်သူများနေ့ဟာ ယဉ်ကျေးမှု နဲ့ လူမှုရေး စံနှုန်းတွေနဲ့ မလျော်ညီလို့ ဆိုပြီး ကျောင်းသား တွေကို မဆင်နွှဲဖို့ အာဏာပိုင်တွေက တားမြစ် ထားပါတယ်။

BBC Burmese
http://www.bbc.com/burmese



( ဓါတ်ပုံ - ကျောက်စိမ်းအရိုင်းတုံးတွေကို တွေ့ရစဉ် )
ကချင်ပြည်နယ် ဖားကန့်ကနေ ကျောက်စိမ်းအရိုင်းတုံးတွေကို တရားမဝင် သယ်ဆောင်လာတဲ့ ယာဉ် ၉ စီးကို မိုးညှင်းမြို့နယ်အတွင်းမှာ ပြီးခဲ့တဲ့ ဖေဖော်ဝါရီလ ၁၂ ရက်နေ့က ဖမ်းဆီးရမိပြီး သယ်ဆောင်လာသူ ၂၀ ကျော်ကို ကျောက်မျက်ဥပဒေ ပုဒ်မ ၄၂ နဲ့ ဖမ်းဆီးအမှုဖွင့်ထားတယ်လို့ သိရပါတယ်။

ကျောက်စိမ်းအရိုင်းတုံး အရွယ်အစားမျိုးစုံကို ကား ၉ စီး ရဲ့ အောက်ခင်းကြမ်းပြင်မှာ ဝှက်ပြီးသယ်ဆောင်ခဲ့သူတွေကို ဖမ်းမိထားတာနဲ့ ပတ်သက်ပြီး ကချင်ပြည်နယ်ရဲတပ်ဖွဲ့ရုံး က ဒုတိယရဲမှူးကြီး မျိုးသူရနောင် က အခုလိုပြောပါတယ်။

မိုးညှင်းနယ်မြေခံတပ်မတော်က နောက်ထပ်ဖမ်းမိတာတွေရှိတဲ့အတွက် လောလောဆယ်မှာ အရေအတွက် အတိအကျကိုအတည်မပြုနိုင်သေးကြောင်းနဲ့ ဖမ်းဆီးရမိပြီး စစ်ဆေးနေတဲ့ အခြေအနေတွေကိုသာ အတည်ပြုနိုင်ကြောင်း ပြည်နယ်အစိုးရအဖွဲ့ ပြောရေးဆိုခွင့်ရှိသူ ပြည်နယ်ဥပဒေချုပ် ဦးဒီဆင်းရမ်က ပြောပါတယ်။

ဖားကန့်ကျောက်စိမ်းတွင်းဒေသကနေ တရားမဝင်ကျောက်စိမ်းသယ်ယူမှုကြောင့် မကြာခဏဖမ်းဆီးရမိမှုတွေရှိနေရာ အများစုဟာ တရုတ်ပြည်ဘက်ကို နည်းလမ်းမျိုးစုံနဲ့ တရားမ၀င် သယ်ထုတ်နေကြတာဖြစ်ပါတယ်။

ပြီးခဲ့တဲ့နှစ် အောက်တိုဘာလအတွင်းကလည်း ဧရာဝတီမြစ်အရှေ့ဘက်ခြမ်း ဝိုင်းမော်မြို့ကနေတဆင့် တရုတ်ပြည်ဘက် တရားမဝင်သယ်ဆောင်မဲ့ ကျောက်စိမ်းအရိုင်းတုံး တန်ချိန် လေးဆယ်ကျော်ကို ဖမ်းဆီးရမိခဲ့ပါတယ်။

RFA Burmese
https://www.facebook.com/rfaburmese/



IS စစ်သွေးကြွတို့၏ ဖျက်ဆီးခြင်းခံခဲ့ရသောPalmyraမြို့ ရှိ ရှေးဟောင်းအမွေအနှစ်များအားတွေ့ရစဉ် (ဆင်ဟွာ)
    မော်စကို၊ ဖေဖော်ဝါရီ ၁၄ ရက် (ဆင်ဟွာ)

    ဆီးရီးယားနိုင်ငံ ၏ ရှေးဟောင်းမြို့တစ်မြို့ဖြစ်သည့် Palmyraမြို့တွင် ကျန်ရှိနေသော ကမ္ဘာ့ရှေးဟောင်း အမွေအနှစ်ပစ္စည်းများအား ဖျက်ဆီးရန် IS စစ်သွေးကြွအဖွဲ့ ကြိုးပမ်းနေကြောင်း ရုရှားကာကွယ်ရေးဝန်ကြီးဋ္ဌာန က ဖေဖော်ဝါရီ ၁၃ ရက်တွင်ပြောကြားခဲ့သည်။

Palmyraမြို့တွင် IS စစ်သွေးကြွအဖွဲ့၏ လှုပ်ရှားမှုများ မြင့်တက်လာသည်ကို ရုရှား မောင်းသူမဲ့လေယာဉ်ဖြင့် ထောက်လှမ်းတွေ့ရှိခဲ့ပြီး ယင်းလှုပ်ရှားမှုများသည် IS တို့က ၎င်းတို့ မဆုတ်ခွာခင် ဗိသုကာလက်ရာများအား ထပ်မံဖောက်ခွဲဖျက်ဆီးပစ်ရန် ဖောက်ခွဲရေး ပစ္စည်းများအား သယ်ဆောင်နေခြင်းကို ညွှန်ပြနေကြောင်း သိရသည်။


အကြမ်းဖက်သမားများ သည် Palmyraမြို့အား ၂၀၁၅ခုနှစ်တွင် သိမ်းပိုက်ခဲ့ကတည်းက အဖိုးတန်ယဉ်ကျေးမှု အနုပညာရှေးဟောင်းပစ္စည်းအရေအတွက်များစွာကို ဖျက်ဆီးခဲ့ကြကြောင်း သိရသည်။

ရုရှားစစ်လေယာဉ်များ ၏ အထောက်အကူဖြင့် Palmyraမြို့မှ ၂၀ကီလိုမီတာထက်နည်းသော အကွာအဝေးမှ အကြမ်းဖက်သမားများအား တိုက်ခိုက်နေသော ဆီးရီးယား အစိုးရတပ်ဖွဲ့ဝင်များသည် မြို့အနီးသို့ ပိုမိုချဉ်းကပ်ကာ တိုက်စစ်ဆင်လာ၍ IS တို့သည် ရှေးဟောင်းပစ္စည်းများအား ထပ်မံဖျက်ဆီးရန် ပြင်ဆင်နေကြကြောင်း သိရသည်။

၂၀၁၆ခုနှစ် မတ်လတွင် ရုရှားဂျက်လေယာဉ်များအား ကျောထောက်နောက်ခံပြုထားသည့် ဆီးရီးယားအစိုးရတပ်များသည် Palmyraမြို့ရှိ IS တို့အား တိုက်ထုတ်ခဲ့သော်လည်း ဒီဇင်ဘာလတွင် Palmyraမြို့အား ISတို့က ပြန်လည်သိမ်းပိုက်ခဲ့ကြောင်း သိရသည်။

(Xinhua)
http://xinhuamyanmar.com


အစ္စလာမ္မာဘတ် ၊ ၁၄-၂-၂၀၁၇

နာမည်ကျော် အစ္စလာမ္မစ်နိုင်ငံရေးသမား ပါကစ္စတန် အထက်လွှတ်တော် ဒုတိယဥက္ကဋ္ဌ ၏ အမေရိကန် ပြည်ဝင်ခွင့်ဗီဇာ အချိန်မီ မရမှုကြောင့် ယမန်နေ့တွင် ကျင်းပသည့် ကုလသမဂ္ဂ အစည်းအဝေး တစ်ခုကို ပါကစ္စတန်နိုင်ငံ က သပိတ်မှောက် ခဲ့ကြောင်း ရိုက်တာ သတင်းဌာနက ဖော်ပြခဲ့သည်။

ထိုသို့ ပါကစ္စတန် အထက်လွှတ်တော် ဒုတိယဥက္ကဋ္ဌ အဗ္ဗဒူလ်ဂါး ဖော်လ်ဟိုင်ဒါရီ ၏ အမေရိကန် ပြည်ဝင်ခွင့်ဗီဇာ အချိန်မီ မရမှုနှင့် အမေရိကန် သမ္မတ ဒေါ်နယ်ထရမ့်  ၏ မွတ်စလင် ခုနစ်နိုင်ငံ လူဝင်မှု ပိတ်ပင်ရေး အမိန့် ညွှန်ကြားချက် တို့အကြား သက်ဆိုင်မှုရှိ၊ မရှိ မသိရ သေးကြောင်း သိရသည်။

ပါကစ္စတန် အစ္စလာမ္မစ် ပါတီတစ်ခု၏ ခေါင်းဆောင် ဖြစ်သော အထက်လွှတ်တော် ဒုတိယဥက္ကဋ္ဌ ဟိုင်ဒါရီ သည် နယူးယောက်မြို့ရှိ ကုလသမဂ္ဂ ဌာနချုပ်၌ ဖေဖော်ဝါရီ ၁၃ ရက်မှ ၁၄ ရက်ထိ ကျင်းပမည့် နိုင်ငံတကာ ပါလီမန်များ သမဂ္ဂ အစည်းအဝေး သို့ တက်ရောက်ရန် စီစဉ်ထားသည်။

သို့သော် ဟိုင်ဒါရီသည် နယူးယောက်မြို့ သို့ ထွက်ခွာရမည့် အချိန်ထိ အမေရိကန် ပြည်ဝင်ခွင့် ဗီဇာ မရခဲ့ခြင်းကြောင့် ခရီးစဉ်ကို ဖျက်သိမ်းခဲ့ရာ ၄င်းနှင့် လိုက်ပါမည့် ကိုယ်စားလှယ် အဖွဲ့ကလည်း ယင်း အစည်းအဝေးကို သပိတ်မှောက်ရန် ဆုံးဖြတ်ခဲ့သည်။

ထို့ပြင် ပါကစ္စတန် အထက်လွှတ်တော် ဥက္ကဋ္ဌ ၏ အမေရိကန် ပြည်ဝင်ခွင့် အချိန်မီမရမှုနှင့် ပတ်သက်၍ အစ္စလာမ္မာဘတ် အခြေစိုက် အမေရိကန် သံရုံးက တစ်စုံတစ်ရာ ထုတ်ဖော် ပြောကြားခြင်း မရှိခဲ့ကြောင်း သိရသည်။

PyiChitThar
http://www.pyichitthar.com