02/16/17


ဖမ်းဆီးရမိထားတဲ့ လူသတ် တရားခံတွေကို စစ်ဆေး မေးမြန်းချက်တွေ အရ ဦးကိုနီ လုပ်ကြံမှုကို ခိုင်းစေသူဟာ ဒုတိယ ဗိုလ်မှူးကြီးဟောင်း အောင်ဝင်းခိုင်လို့ သမ္မတရုံးက ထုတ်ပြန် ကြေညာခဲ့ ပါတယ်။

ဒုတိယ ဗိုလ်မှူးကြီးဟောင်း အောင်ဝင်းခိုင်ဟာ အခု ရဲက ဖမ်းဆီး စစ်ဆေး နေတဲ့ လူသတ်သမား ဦးကြည်လင်းနဲ့ ဦးအောင်ဝင်းဇော် တို့ကို ခိုင်းစေခဲ့သူလို့ သမ္မတရုံးက ထုတ်ပြန် ကြေညာချက်မှာ ဖော်ပြထားပါတယ်။ သူဟာ ဖမ်းဆီးထားတဲ့ ဦးအောင်ဝင်းဇော်ရဲ့ ညီလည်းဖြစ်ပါတယ်။ သူ့ကိုတော့ အခုထိ ဖမ်းမမိသေးဘဲ လွတ်မြောက်နေဆဲဖြစ်ပါတယ်။

ဒုတိယ ဗိုလ်မှူးကြီးဟောင်း အောင်ဝင်းခိုင်ဟာ ဒီအက်စ်အေ အမှတ် စဉ် ၃၆ သင်တန်းဆင်း ဖြစ်ပါတယ်။ ၁၉၉၁ ခုနှစ် ကနေ ၁၉၉၅ ခုနှစ် အထိ စစ်တက္ကသိုလ် တက်ခဲ့ပါတယ်။

သူဟာ ခလရ ၃၂ ရဲ့ တပ်ရင်းမှူး တာဝန် ထမ်းဆောင်ခဲ့ဖူးပါတယ်။ နောက်ဆုံး တာဝန်ယူခဲ့တဲ့ ရာထူးက အမှတ် ၁၄ တပ်မတော် တန်းမြင့် လေ့ကျင့်ရေးကျောင်းမှာ နည်းပြမှူး ဖြစ်ပါတယ်။ ၂၀၁၄ ခုနှစ်မှာ တပ်မတော်က အငြိမ်းစားယူခဲ့ပါတယ်။

သူဘယ်လိုလူလဲ ဆိုတာ သိရဖို့အတွက် သူနဲ့ စစ်တက္ကသိုလ် အပတ်စဉ်တခုတည်း တက်ရောက်ခဲ့သူ တဦး ဖြစ်သလို လက်ရှိ ကြံ့ခိုင်ရေးပါတီ မိုင်းဖြတ်မြို့နယ် ပြည်သူ့လွှတ်တော် ကိုယ်စားလှယ်လည်း ဖြစ်ပြီး ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ ကိုယ်ရေး အရာရှိဟောင်းလည်း ဖြစ်တဲ့ ဦးလင်းဇော်ထွန်းကို ဘီဘီစီက ဆက်သွယ် မေးမြန်းခဲ့ပါတယ်။

ဦးလင်းဇော်ထွန်း အတွက် ဦးအောင်ဝင်းခိုင်က ၂၀၁၅ ရွေးကောက်ပွဲမှာ မဲဆွယ်ပေးခဲ့တယ် ဆိုတဲ့ သတင်း မှန်မမှန် မေးမြန်းရာမှာ ဦးအောင်ဝင်းခိုင် ဟာ သူ့ရဲ့ မဲဆွယ် ကိုယ်စားလှယ် မဟုတ်ဘူးလို့ ဦးလင်းဇော်ထွန်းက ဖြေပါတယ်။
သူတို့ ဒီအက်စ်အေ သင်တန်း တပတ်တည်း ဆင်းခဲ့သူတွေက ဦးအောင်ဝင်းခိုင်ဟာ ဒီလို လူသတ်မှုမျိုးကို လုပ်ဆောင်လိမ့်မယ်လို့ ထင်မထားခဲ့ဘူးလို့လည်း ဆိုပါတယ်။

ဦးအောင်ဝင်းခိုင်ဟာ အရိုးကျီးပေါင်းတက်တဲ့ ရောဂါကြောင့် တပ်မတော်ကနေ အငြိမ်းစား ယူသွားတာလို့လည်း သူက ဆိုပါတယ်။

သမ္မတရုံးမှာ ထုတ်ပြန်ထားတဲ့ သတင်းအရ ဦးအောင်ဝင်းခိုင်ဟာ ပန်းတောင်းမြို့ ဇာတိဖြစ်တယ်လို့ ဆိုပါတယ်။ အခုအခါမှာ အသက် ၄၅ နှစ်ရှိပြီ ဖြစ်ပြီး ဒေါပုံမြို့ နယ် ဝါဆိုရပ်ကွက် မဏ္ဍဍိုင်လမ်းမှာ နေထိုင်သူလို့ ဆိုပါတယ်။ ဒါပေမယ့် အဲဒီနေရာကို ရွှေ့ပြောင်း လာတာလည်း ၁ နှစ်ကျော်ကျော်ပဲ ရှိသေးတယ်လို့ အဲဒီ ရပ်ကွက်သားတွေက ပြောကြပါတယ်။
BBC Burmese


ဦးကိုနီ လုပ်ကြံသတ်ဖြတ်ခံရမှုမှာ အဓိက ငွေပေးခိုင်းစေသူလို့ စွပ်စွဲခံထားရသူ ဒု ဗိုလ်မှုးကြီးဟောင်း ဦးအောင်ဝင်းခိုင် ( နိုင်ငံတော်သမ္မတရုံး)
ဦးကိုနီ လုပ်ကြံသတ်ဖြတ်ခံရမှုမှာ အဓိက ငွေပေးခိုင်းစေသူလို့ စွပ်စွဲခံထားရသူ ဒု ဗိုလ်မှုးကြီးဟောင်း ဦးအောင်ဝင်းခိုင် ( နိုင်ငံတော်သမ္မတရုံး)
NLD ပါတီရဲ့ ဥပဒေအကြံပေးရှေ့နေ ဦးကိုနီ လုပ်ကြံ သတ်ဖြတ်ခံရမှု မှာ နောက်ကွယ် ကနေ ငွေပေးစေခိုင်းသူဟာ ဒုတိယ ဗိုလ်မှုးကြီးဟောင်း တဦးဖြစ်တယ် ဆိုတဲ့ တရားခံလို့ စွပ်စွဲခံရသူ ထွက်ချက်ကို နိုင်ငံတော်သမ္မတရုံးက ထုတ်ပြန်ပါတယ်။

သေနက်သမား ကြည်လင်းနဲ့ နောက်ဆက်တွဲဖမ်းဆီးရမိသူ အောင်ဝင်းဇော်တို့နှစ်ဦး ထွက်ချက်အပေါ် မူတည်ပြီး ထုတ်ပြန်တာဖြစ်ပါတယ်။ ၂၀၁၄ ခုနှစ်က တပ်မတော်ကနေ အနားယူခဲ့တဲ့ ဒု ဗိုလ်မှုးကြီးဟောင်း အောင်ဝင်းခိုင်ဆိုသူက ငွေသိန်းတထောင်နဲ့ လုပ်ကြံခိုင်းစေတာဖြစ်တယ်လို့ ဆိုထားပါတယ်။ ဒါနဲ့ပတ်သက်လို့ နိုင်ငံတော်သမ္မတရုံးကို ရှားဖောင် က ဆက်သွယ်မေးမြန်း တင်ပြထားပါတယ်။

အမျိုးသားဒီမိုကရေစီအဖွဲ့ချုပ် - NLD ပါတီရဲ့ ဥပဒေ အကြံပေး ရှေ့နေကြီး ဦးကိုနီ လုပ်ကြံသတ်ဖြတ်ခံရတဲ့အမှုမှာ နောက်ကွယ်ကနေ ငွေပေးစေခိုင်းသူဟာ မြန်မာစစ်တပ်အတွင်း တာဝန်ထမ်းဆောင်ခဲ့သူ ဒုတိယ ဗိုလ်မှူးကြီးဟောင်း အောင်ဝင်းခိုင် ဆိုသူဖြစ်တယ်လို့ သိရတဲ့အတွက် အမှုမှန်ပေါ်ပေါက်ဖို့ စစ်တပ်နဲ့လည်း ပူးပေါင်း ဆောက်ရွက်မှုတွေလုပ်နေတယ်လို့ နိုင်ငံတော်သမ္မတရုံး ၀န်ကြီးဌာန ပြောခွင့်ရ ဦးဇော်ဌေး က အခုလိုပြောပါတယ်။

“ဖြစ်စဉ်ကို အကျဉ်းချုံးပြန်ပြောရင် ဦးကိုနီ ကို ဒီလို ပစ်ခတ်ပြီးတော့လုပ်တာက ကြည်လင်း၊ ကြည်လင်းကိုငွေပေးတာက ကျနော်တို့ ဟိုနေ့က ထုတ်ပြန်ချက်ထဲ မှာပါတဲ့ အောင်ဝင်းဇော် ၊ အဲဒီ အောင်ဝင်းဇော်ကို ပိုက်ဆံငွေထောက်ပံ့ပြီးတော့ ဦးကိုနီကို ပစ်မှတ်အဖြစ် လုပ်ကြံဖို့ခိုင်းတာက ငွေပေးပြီးတော့ ခိုင်းစေတာက အခု ကျနော်တို့ ထုတ်ထားတဲ့ အောင်ဝင်းခိုင် ။ အခုလောလောဆယ် အောင်ဝင်းခိုင်ကတော့ ကျနော်တို့ ဖမ်းဆီးရမိခြင်းမရှိသေးပဲ ထွက်ပြေးလွှတ်မြောက်နေတဲ့ အနေအထားတော့ ရှိတယ်။ အဲဒီ ထွက်ဆိုချက်အရပဲ ကျနော်တို့က စစ်ဆေးနေတာဖြစ်တယ်။ အဓိကတော့ တယ်လီဖုန်းနဲ့ ညွှန်ကြားပြီးတော့ ဘယ်လိုဘယ်လိုလုပ်၊ ဘယ်အချိန်လေယာဉ် ဆိုက်မယ်၊ ဆိုတာတွေကတော့ ကျနော်တို့အခု ထုတ်ပြန်ထားတဲ့ အောင်ဝင်းခိုင်ဖြစ်တယ် ။ ဆက်ပြီးတော့လည်း ကျနော်တို့အခု အောင်ဝင်းခိုင်က လွှတ်မြောက်နေတယ်။ သူ့ကို ဖမ်းဆီးရမိရေး၊ ကျနော်တို့ တပ်နဲ့ ရဲနဲ့ ပူးပေါင်းပြီးတော့ဆောင်ရွက်နေတယ်။ ဘာကြောင့်လဲဆိုတော့ အောင်ဝင်းခိုင်က ကျနော်တို့ တပ်မတော်မှာ ဒုတိယ-ဗိုလ်မှူးကြီး အဖြစ် တာဝန်ထမ်းဆောင်ခဲ့တယ်။ မိမိသဘောနဲ့ နှတ်ထွက်ခဲ့တဲ့ တယောက်ဖြစ်တယ်ပေါ့နော် မကြာသေးဘူး။ အဲဒီတော့ အဲဒါနဲ့ ဆက်စပ် ပတ်သက်နေ တာတွေ စုံစမ်းဖော်ထုတ်ဖို့ တပ်နဲ့ ရဲနဲ့ ပူးပေါင်းပြီးတော့ လုပ်နေတာဖြစ်တယ်။”

ရှေ့နေဦးကိုနီကို လုပ်ကြံသတ်ဖြတ်ပေးဖို့ ငွေပေးစေခိုင်းသူလို့ဆိုတဲ့ အောင်ဝင်းခိုင်ဟာ ထွက်ပြေးလွတ်မြောက်နေဆဲရှိပြီး၊ ၂၀၁၄ ခုနှစ် အတွင်း မိမိသဘောဆန္ဒနဲ့ စစ်တပ်ထဲကနေ ထွက်ခဲ့သူဖြစ်တယ်လို့တော့ သမ္မတရုံးရဲ့ ထုတ်ပြန်ချက်မှာ ဖော်ပြထားပါတယ်။

အောင်ဝင်းခိုင် ဟာ တရားခံလို့ စွပ်စွဲခံထားရသူ အောင်ဝင်းဇော် ရဲ့ ညီဖြစ်ဖြစ်တယ်လို့ နိုင်ငံတော်သမ္မတရုံးရဲ့ ထုတ်ပြန်ချက်မှာ ဖော်ပြထားပါတယ်။ တရားခံအဖြစ်စွပ်စွဲခံရသူ အောင်ဝင်းဇော်ရဲ့ ထွက်ဆိုချက်အရ ဦးကိုနီကို လုပ်ကြံသတ်ဖြတ်ပေးဖို့ ညီဖြစ်သူ အောင်ဝင်းခိုင် က သူ့ကို၂၀၁၆ ခုနှစ် ဇူလိုင်လမှာ လာရောက်ကမ်းလှမ်းခဲ့တာဖြစ်ပြီး လုပ်ကြံသတ်ဖြတ်ပေးရင် ငွေကျပ်သိန်းတစ်ထောင်ပေးမယ်လို့လည်း ဆိုပါတယ်။

ရှေ့နေ ဦးကိုနီကို အနီးကပ် လေဆိပ်မှာ ပစ်သတ်ခဲ့သူ အသက် ၅၂ အရွယ် ကြည်လင်း ကိုတော့ အောင်ဝင်းဇော် တဆင့်ငွေပေးခိုင်းစေခဲ့တာလို့ ကြေညာချက်မှာ ဖော်ပြပါတယ်။ အခင်းဖြစ်တဲ့အချိန်မှာ သူတို့အားလုံး ရန်ကုန်လေဆိပ်မှာ ရှိနေပြီးတော့၊ အောင်ဝင်းခိုင် ဟာ တယ်လီဖုံးမက်ဆေ့ကတဆင့် ဦးကိုနီဝင်လာမယ့်လမ်း အချိန်တွေကို ညွှန်ကြားပေးပို့ခဲ့တယ်လို့ တရားခံစွတ်စွဲခံရသူတွေ ထွက်ချက်အရ သိရပါတယ်။

ရှေ့နေဦးကိုနီကို လုပ်ကြံသတ်ဖြတ်ပေးဖို့ အစောပိုင်း ကမ်းလှမ်းခံရတဲ့အထဲမှာ ကိုအောင်စိုး ဆိုသူလည်း ပါဝင်ပြီး သူကတော့ ကမ်းလှမ်းချက်ကို လက်မခံပဲ ငြင်းပယ် ခဲ့ပါတယ်။ ဒါပေမယ့်လည်း တရားခံလို့ စွပ်စွဲခံထားရသူ အောင်ဝင်းဇော်ရဲ့ ထွက်ဆိုချက်အရ ကမ်းလှမ်းချက်နဲ့ ပတ်သက်ပြီး ကိုအောင်စိုး က နောက်ပိုင်းမှာ ပြန်ပြီးဆယ်သွယ်လာခဲ့တယ်လို့ နိုင်ငံတော် သမ္မတရုံး ရဲ့ထုတ်ပြန်ချက်မှာ ဖော်ပြထားပါတယ်။ ဒါနဲ့ပတ်သက်လို့ သူ့အနေနဲ့ ပြန်ပြီး ဆက်သွယ်တာမျိုးမရှိခဲ့ကြောင်း ကိုအောင်စိုး က အခုလိုပြောပါတယ်။

“ဆက်သွယ်တယ်ဆိုတာမှ လူသတ်ပေးတို့၊ စရန်ပေးတို့တော့တခုမှလည်း ဘာမှမပြောမိပါဘူးခင်ဗျား ၊ တလုံးမှလည်း မပြောမိပါဘူး၊ လူသတ်ပါမယ်တို့ စရန်ပေးပါတို့ ငွေဘယ်လောက်လိုတယ်လို့ တလုံးမှလည်း မပြောမိပါဘူးခင်ဗျ။ ကျနော် ကတော့ သမာတရား ကောင်းစွာနဲ့ လုပ်ကိုင်စားသောက်တယ်၊ ဒီအလုပ်ကို ကျနော်လက်မခံဘူး။ သူ့အလုပ်က သေချာတယ်ဆိုရင်တော့ ကျနော် တခြားတယောက်ကို သတင်းပို့မယ်၊ ကျနော်က ခက်တာကတော့သူ့ကို တခုခုဖြစ်လည်းအထင်မကြီးဘူး။ အထင်မကြီးတော့ ကျနော်အဲလိုပဲ ဆက်သွယ်ခဲ့မိတာပေါ့နော်။ ဆက်သွယ်ခဲ့မိတော့ ဒီလိုကောင်က ဒီလိုလုပ်မှာလားဆိုတာကိုတော့ နည်းနည်းတော့ ကျနော် သံသယဖြစ်မိတယ်။ ဒါပေမယ့် ကျနော့်စိတ်ထဲမှာတော့ မထင်ဘူးခင်ဗျ၊ ဒါပေမယ့် ထင်ခဲ့ရင်လည်း ကျနော်ကဒါ သူက နိုင်ငံခြားသံတမန်တယောက်ကို တကယ်သတ်မယ်တို့၊ ဦးကိုနီကိုသတ်မယ်တို့ အဲလို သတ်မယ်လို့ ကျနော် သိခဲ့မယ် ဆိုရင်တော့ ကျနော်ကတော့ ချက်ချင်းသွားပြီးသတင်းပို့မှာပဲ။ ကျနော်ကတော့ ကောင်းမယ်လို့တော့ မယုံကြည်ဘူး။ ကျနော်က လက်ရှိထောင်ကနေထွက်လာတာ ၃ နှစ်ကျော်ပြီ။ ဘယ်လိုလူဆိုးတွေမှ ကျနော့်အိမ်လာမခံဘူး ၊ ပေါင်းလည်းမပေါင်းဘူး၊ မဆက်သွယ်ဘူး။ လက်ရှိစားဝတ်နေရေးအဆင်မပြေဘူး။ ဒါပေမယ့် ကျနော်ရိုးသားစွာ လုပ်ကိုင်စားသော က်တယ်။”

ဇန်န၀ါရီလ ၂၉ရက်နေ့က အင်ဒိုနီးရှားနိုင်ငံကနေ ပြန်လာတဲ့ NLD ဥပဒေ အကြံပေး ရှေ့နေဦးကိုနီဟာ ရန်ကုန်အပြည်ပြည်ဆိုင်ရာ လေဆိပ်မှာပဲ သေနတ်နဲ့ အနီးအကပ် ပစ်သတ်ခံလိုက်ရတာဖြစ်ပါတယ်။ ဒီလုပ်ကြံမှုဟာ နိုင်ငံရေး လူမျိုးရေး ပတ်သက်ဆက်နွယ်မှုရှိမယ်ဆိုပြီး အများက ယူဆကြပါတယ်။ ဒါကြောင့်လည်း ဘာသာရေး လူမျိုးရေး သွေးထိုးလှုံ့ဆော်မှုတွေနဲ့ တည်ငြိမ်မှု ပျက်ပြားအောင် လုပ်ဆောင်မှုတွေကို အထူးဂရုပြုကြဖို့ သမ္မတရုံးရဲ့ ဒီကြေညာချက်မှာ တိုက်တွန်းထားပါတယ်။
VOA Burmese News



၂၀၁၅ ဖေဖ၀ါရီလ ကိုးကန့် တိုက်ပွဲအတွင်း တပ်မ ၅၅ ချီတက်စဉ်
ကိုးကန့် ကိုယ်ပိုင်အုပ်ချုပ်ခွင့်ရဒေသ ကုန်းကြမ်းမြို့နယ်အတွင်းမှာ ဒီရက်ပိုင်းတွေအတွင်း တိုက်ပွဲတွေပြင်းထန်ခဲ့သလို မော်ထိုက်ဒေသမှာ အစိုးရတပ်ဘက်က လူသူလက်နက်အင်အားတွေဖြည့်တင်းနေကြောင်း ကိုးကန့်တပ်ဖွဲ့ဖက်က ပြောပါတယ်။ ဒီတိုက်ပွဲတွေဟာ ဇန်န၀ါရီလကတည်းက စတင်ခဲ့တာ တလနီးပါးကြာမြင့်လာပြီဖြစ်ပါတယ်။ ကိုးကန့်ဒေသတွင်းက တိုက်ပွဲအခြေအနေကို ဗွီအိုအေမြန်မာပိုင်းရဲ့ သတင်းထောက်ကိုမိုးဇော်က တင်ပြထားပါတယ်။

ကိုးကန့်ဒေသအတွင်း တိုက်ပွဲတွေဟာ ဇန်န၀ါရီလတတိယ ပတ်လောက်က စတင်လာခဲ့ပြီး ဒီရက်ပိုင်းတွေအတွင်း တိုက်ပွဲတွေဟာ လောက်ကိုင်နဲ့ မော်ထိုက်ကြားမှာ ဖြစ်ပွားခဲ့သလိုဆက်လက် ပြင်းထန်လာမယ့် အခြေအနေတွေလည်း ရှိနေပါတယ်။

ကိုးကန့်ဒေသတွင်း ဖြစ်ပွားခဲ့တဲ့တိုက်ပွဲနဲ့ စစ်ရေးအခြေအနေကို MNDAA ခေါ် ကိုးကန့်တပ်ဖွဲ့ တပ်မဟာ ၂၁၁ က အရာရှိတဦးက အခုလို ပြောပါတယ်။

“လောက်ကိုင်နဲ့ မော်ထိုက်ကြားမှာ ၊ ဒီမော်ထိုက်ဘက်မှာတော့ အများကြီးတက်လာတယ် အခုအခြေအနေမှာ ရန်သူက အများကြီးတက်လာတယ်။သူတို့တက်လာတယ်ဆိုတော့ အခု ပစ္စည်းတော့ လျှော့ထားတယ် ဒါပေမယ့် လူတော့တက်လာတယ်။ တပ်မ ၄၇၇၊ တပ်မ ၅၅ ၊ နောက် လေယာဉ်ကတော့ တရက် ၃ ခါ၊ ၄ ခါလောက်တော့လာတယ်။ အခု သူတို့လက်နက်ကြီးတွေလည်းအများကြီးပို့လာတယ်။”

လက်ရှိဖြစ်ပွားနေတဲ့ တိုက်ပွဲတွေဟာ တလနီးပါး ကြာမြင့်လာပြီဖြစ်ကြောင်းလည်း ပြောပါတယ်။

“၂၀၁၇ ခုနှစ် ၁လတုန်းကတည်းကဆိုရင် ၁ လရှိပြီ၊ တရက်မှမနားဘူး အခုလောလောဆယ်တော့ နည်းနည်းနားနေပါတယ်။”

ဒီတိုက်ပွဲတွေဟာ ပြီးခဲ့တဲ့နှစ် နိုဝင်ဘာလအတွင်းက ကချင်၊ ပလောင်၊ကိုးကန့်နဲ့ ရခိုင်တပ်ဖွဲ့တွေစုပေါင်းထားတဲ့ မြောက်ပိုင်းမဟာမိတ်တပ်ဖွဲ့က ရှမ်းပြည်နယ် မြောက်ပိုင်း မူဆယ်၊ ကွတ်ခိုင်၊ မုံးကိုးဒေသတွေမှာ ထိုးစစ်ဆင်တိုက်ခိုက်ပြီးနောက် ကျယ်ပြန့်လာတာလည်း ဖြစ်ပါတယ်။

ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့နယ်က ပြည်သူ့လွှတ်တော်ကိုယ်စားလှယ် ဦးကျော်နီနိုင်ကတိုက်ပွဲတွေ ရပ်ဆိုင်းပြီး စားပွဲဝိုင်းမှာ ဖြေရှင်းစေလိုကြောင်း အခုလို ပြောပါတယ်။

“လောက်ကိုင်နဲ့ မော်ထိုက် ကျနော်တို့ အုပ်စု ၂ ခုမှာဖြစ်နေကြတယ်၊ ကုန်းကြမ်းမဲဆန္ဒနယ် ၂ မှာဖြစ်တာပေါ့ အဓိကတော့ ကျနော်တို့ ၂၁ ပင်လုံ ဒုတိယအခေါက်မှာ ကျနော်တို့ အကုန်လုံးပါဝင်ဆွေးနွေးဖို့ပဲ ကျနော်တို့ကတော့ ဖြစ်စေချင်တာပေါ့။ လက်နက်ကိုင်အဖွဲ့တွေလည်း ကျနော်တို့ နိုင်ငံတော်အတိုင်ပင်ခံပြောသလိုပဲ ၊ စားပွဲဝိုင်းပေါ်ရောက်ဖို့ပဲ အဲဒီကိုရောက်လို့ရှိရင်တော့ တောင်းဆိုချက်တွေပြော အဲဒါမှ အဖြေပေါ်လာမှာပေါ့၊ ဒီအတိုင်းပဲ တိုက်နေရင်တော့ ကျနော်တို့နိုင်ငံတော်ကြီးက ဖွံ့ဖြိုးတိုးတက်တဲ့ ဒီမိုကရေစီနိုင်ငံတော် ကိုရောက်ဖို့က မလွယ်သေးဘူး ပေါ့နော်။”

ဒီရက်ပိုင်းအတွင်းမှာတော့ ရှမ်းပြည်နယ်မြောက်ပိုင်း ကျောက်မဲမြို့နယ်မှာလည်း အစိုးရတပ်မတော်နဲ့ TNLA ခေါ် ပလောင်တပ်ဖွဲ့နဲ့ တိုက်ပွဲတွေဆက်လက်ဖြစ်ပွားနေပါတယ်။မြန်မာပြည်မှာ တိုင်းရင်းသားလက်နက်ကိုင်တပ်ဖွဲ့ ၂၁ဖွဲ့ရှိနေပြီး တနိုင်ငံလုံးပစ်ခိုက်တိုက်ခိုက်မှုရပ်စဲရေးစာချုပ် NCA ကို လက်မှတ်ရေးထိုးဖို့ အဖွဲ့ ၁၅ဖွဲ့ကိုသားဖိတ်ခေါ်ခဲ့ပါတယ်။ ၁၅ဖွဲ့ မှာ ၈ဖွဲ့က သာလက်မှတ်ရေးထိုးခဲ့သလို မြောက်ပိုင်းမဟာမိတ်အဖွဲ့မှာ ပါဝင်တဲ့ TNLA ခေါ် ပလောင်တပ်ဖွဲ့၊ MNDAA ခေါ် ကိုးကန့်တပ်ဖွဲ့၊ AA ခေါ် ရခိုင်တပ်ဖွဲ့တွေကို ဖိတ်ခေါ်တာမရှိခဲ့ပါဘူး။ NCA မှာ ပါဝင်လက်မှတ် မရေးထိုးတာကြောင့် ပြည်ထောင်စုငြိမ်းချမ်းရေးညီလာခံ- ၂၁ရာစုပင်လုံကိုလည်း တက်ရောက်ခွင့် မရပါဘူး။

ဒီအပေါ်မှာတော့ ဦးကျော်နီနိုင်က အခုလို သုံးသပ်ပါတယ်။

“၂ ဘက်စလုံးကြိုးစားပေးဖို့လိုလိမ့်မယ်လို့ ကျနော်တို့ကတော့ ဒီလိုပဲ သုံးသပ်လို့ရမှာပေါ့။”

ပြီးခဲ့တဲ့ ပြည်ထောင်စုနေ့အခမ်းအနားမှာတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လက်နက်ကိုင်အဖွဲ့တွေ အားလုံး NCA ကို လက်မှတ်ရေးထိုးပြီး ၂၁ရာစုပင်လုံမှာ ပါဝင်ဖို့ တိုက်တွန်းထားပါတယ်။ ဒီလ ၆ရက်နေ့က ကျင်းပတဲ့ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ UPDJC အစည်းအဝေးက ၂၁ရာစုပင်လုံကို ဖေဖော်ဝါရီ ၂၈ရက်နေ့မှာ ကျင်းပဖို့ လျာထားခဲ့ပေမဲ့ အခုအခါ မတ်လ ဒုတိယပတ်အတွင်းကို ရွှေ့ဆိုင်းဖို့ ပြင်ဆင်ထားပါတယ်။

လက်ရှိ ကိုးကန့်ဒေသမှာ ဖြစ်ပွားတဲ့ တိုက်ပွဲတွေဟာ အစိုးရ ငြိမ်းချမ်းရေးကော်မရှင်နဲ့ မြောက်ပိုင်းမဟာမိတ်အဖွဲ့တွေ တွေ့ဆုံဆွေးနွေးဖို့အတွက် တရုတ် အစိုးရ ကိုယ်စားလှယ်က ဇန်န၀ါရီလအတွင်း ကြားဝင်ညှိနှိုင်းဆောင်ရွက်ခဲ့တဲ့နောက်မှာ ဖြစ်ပွားလာခဲ့တာဖြစ်ပြီး တွေ့ဆုံဆွေးနွေးဖို့ကိုတော့ အခုချိန်ထိ ညှိနှိုင်းနိုင်တာ မရှိသေးပါဘူး။

 ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com



နေပြည်တော်(ဖေဖော်ဝါရီ ၁၅ရက်၊ ၂၀၁၇ခုနှစ်)။ ။ ဇန်နဝါရီ ၂၉ရက်က ရန်ကုန်လေဆိပ်တွင် NLD ၏ ဥပဒေအကြံပေး ဦးကိုနီအား သေနတ်ဖြင့် အနီးကပ် ပစ်ခတ်မှု ဖြစ်စဉ်တွင် ဖမ်းဆီးရမိထားသူများကို စစ်ဆေးဖော်ထုတ်ချက်အရ လုပ်ကြံသတ်ဖြတ်ရန် ငွေပေးစေခိုင်းသူ၏ ပုံသဏ္ဍာန်မှာ နဖူးပြောင်ပြီး ရန်ကုန်တိုင်း၊ ဒေါပုံမြို့နယ်၊ ဝါဆိုရပ်ကွက်၊ မဏ္ဍိုင်လမ်းတွင် နေထိုင်သူ အသက် ၄၅နှစ်အရွယ် အောင်ဝင်းခိုင်ပင် ဖြစ်သည်။

နဖူးတွင် အမာရွတ်ရှိပြီး ရှပ်အင်္ကျီအဖြူ လက်ရှည်၊ ပုဆိုး ဝတ်ဆင်ထားသူ အောင်ဝင်းခိုင်သည် ဦးကိုနီ လုပ်ကြံခံရမှုမတိုင်ခင် နာရီပိုင်းအလိုတွင် ရန်ကုန်လေဆိပ်သို့ Harrier အမျိုးအစား(အနက်ရောင်)၊ ယာဉ်အမှတ် 9C-6725 ဖြင့် ကိုယ်တိုင်မောင်းနှင်လာသူလည်း ဖြစ်သည်။

ထွက်ပြေးလွတ်မြောက်လျက်ရှိသော အောင်ဝင်းခိုင်အား တပ်မတော်နှင့် ရဲတပ်ဖွဲ့က ပူးပေါင်းဖော်ထုတ်လျက်ရှိပြီး ၎င်း၏ ပုံပန်းသဏ္ဍာန်အား နိုင်ငံတော်သမ္မတရုံးက ဖေဖော်ဝါရီ ၁၅ရက်၊ ညနေပိုင်းတွင် စီစီတီဗီ(CCTV)မှတ်တမ်းနှင့်တကွ သတင်းထုတ်ပြန်လိုက်ခြင်းပင် ဖြစ်သည်။

ထို့အပြင် အောင်ဝင်းခိုင်သည် ဦးကိုနီ လုပ်ကြံမှုဖြစ်စဉ်တွင် ပူးပေါင်းပါဝင်ခဲ့သူ အောင်ဝင်းဇော်(ရဲတပ်ဖွဲ့က ဖမ်းဆီးရမိထားသူ)၏ ညီတော်စပ်သူဖြစ်ကာ ငွေကျပ်သိန်း(၁၀၀၀)ပေးမည်ပြောပြီး ဦးကိုနီအား သတ်ဖြတ်ရန် စေခိုင်းခဲ့သူတစ်ဦးဖြစ်သည်။

ဦးကိုနီအား လုပ်ကြံမည့်သူကို ရှာဖွေရာ ၂၀၁၆၊ ဩဂုတ် - စက်တင်ဘာလခန့်တွင် ကြည်လင်းရောက်လာပြီး အလုပ်တောင်းခဲ့ကြောင်း၊ ဦးကိုနီအား သတ်ပေးမည်ဆိုလျှင် ငွေကျပ် သိန်း(၈၀၀)၊ (၁၀၀၀)ခန့် ပေးမည်ဟု ကမ်းလှမ်းခဲ့ရာ ကြည်လင်းက မော်တော်ကားတစ်စီး ဝယ်ပေးလျှင် ရပြီဟု ပြောခဲ့ကြောင်း၊ အောင်ဝင်းခိုင်ထံမှ ရရှိမည့် သိန်း(၁၀၀၀)အနက် ကြည်လင်းအား သိန်း(၈၀၀)ခန့် ပေးမည်ဖြစ်ပြီး ကျန်ရှိသည့် သိန်း(၂၀၀)အား လိုအပ်သည့်နေရာတွင် အသုံးချရန် ချန်ထားမည်ဖြစ်ကြောင်း၊ ယင်းနောက် ၂၀၁၆ခုနှစ်၊ အောက်တိုဘာလခန့်တွင် ကရင်ပြည်နယ်မှ ၉မမ ပစ္စတို(၁)လက်နှင့် ၎င်းကျည်(၁၁)တောင့်ကို ငွေကျပ်(၂၅)သိန်းဖြင့် လည်းကောင်း၊ (၅)လုံးပြူးသေနတ် (၁)လက်နှင့် ၎င်းကျည်(၄)တောင့်ကို ငွေကျပ်(၂၅)သိန်းဖြင့် လည်းကောင်း ဝယ်ယူခဲ့ကြောင်း အောင်ဝင်းဇော်အား စစ်ဆေးဖော်ထုတ်ချက်အရ သမ္မတရုံးက ထုတ်ပြန်ထားသည်။

ဦးကိုနီအား လုပ်ကြံသတ်ဖြတ်သည့် ဇန်နဝါရီ ၂၉ရက်တွင် အောင်ဝင်းခိုင်က နံနက်(၉)နာရီအချိန်တွင် အစ်ကိုဖြစ်သူ အောင်ဝင်းဇော်ထံ တယ်လီဖုန်းဖြင့် (၂)ကြိမ် ဆက်သွယ်၍ လေဆိပ်သို့ ဦးစွာသွားနှင့်မည်ဟု ပြောခဲ့ကြောင်း၊ နေ့လည်(၁)နာရီတွင် အောင်ဝင်းဇော်က ကြည်လင်းထံ ဆက်သွယ်၍ အငှားယာဉ်ဖြင့် လာရောက်ရန် ပြောကြားပြီး ၎င်းလည်း လေဆိပ်သို့ သွားရောက်ခဲ့သည်ဟု ထုတ်ပြန်ချက်တွင် ဖော်ပြထားသည်။

လေဆိပ်တွင် အောင်ဝင်းခိုင်က ဦးကိုနီ ထွက်လာမည့် ဂိတ်ပေါက်မှာ “ရိုးရိုးခရီးသည် ဆိုက်ရောက် ဂိတ်ပေါက်မှ ထွက်မည်၊ CCTV သတိထား၊ ဖုန်းမဆက်တော့နဲ့၊ Message အားလုံး ဖျက်လိုက်တော့” ဟု အောင်ဝင်းဇော်ထံ တယ်လီဖုန်း မက်ဆေ့ခ်ျ(Message) ပေးပို့ခဲ့သည်ဟု ထုတ်ပြန်ချက်တွင် ပါရှိသည်။

ယင်းနောက် ကြည်လင်းက ဦးကိုနီအား သေနတ်ဖြင့် အနီးကပ် ပစ်ခတ်ခဲ့ပြီး ပြည်သူများနှင့် ရဲတပ်ဖွဲ့၏ ဝိုင်းဝန်းဖမ်းဆီးမှုကြောင့် ကြည်လင်း အဖမ်းခံရပြီးနောက် မော်တော်ယာဉ်ဖြင့် ထွက်ပြေးရာခဲ့ရာ လမ်းခရီးတွင် အောင်ဝင်းဇော်လည်း ဖမ်းဆီးခံရခြင်းဖြစ်သည်။

လေဆိပ် CCTV မှတ်တမ်းများအရ အောင်ဝင်းခိုင်သည် လေယာဉ်ဆိုက်ရောက်မည့်အချိန်ကို စုံစမ်းမေးမြန်းခဲ့သေးသည်။ ထို့ပြင် ထွက်ပြေးလွတ်မြောက်နေသော အောင်ဝင်းခိုင်သည် တပ်မတော်တွင် ဒုတိယဗိုလ်မှူးကြီးအဆင့်ထိ တာဝန်ထမ်းဆောင်ခဲ့သူဖြစ်ပြီး ၂၀၁၄ခုနှစ်တွင် ၎င်း၏ သဘောဆန္ဒဖြင့် နှုတ်ထွက်ခဲ့သူဖြစ်သည်ဟု သမ္မတရုံး၏ သတင်းထုတ်ပြန်ချက်တွင် ဖော်ပြထားသည်။

အင်ဒိုနီးရှားနိုင်ငံမှ ပြန်လည်ရောက်ရှိလာသည့် ဦးကိုနီအား ကြည်လင်းက သေနတ်ဖြင့် အနီးကပ် ပစ်ခတ်ခဲ့ခြင်းဖြစ်ပြီး ဦးကိုနီမှာ ဖြစ်စဉ်နေရာတွင်ပင် ဇန်နဝါရီ ၂၉ရက်၊ ညနေ ၅နာရီတွင် သေဆုံးခဲ့ရသည်။

ယင်းအပြင် ဦးကိုနီအား လုပ်ကြံသတ်ဖြတ်ပြီးနောက် ထွက်ပြေးခဲ့သည့် သေနတ်သမားအား လိုက်လံဖမ်းဆီးခဲ့သည့် လေဆိပ်ရှိ အငှားယာဉ်မောင်းများအနက် အငှားယာဉ်မောင်းတစ်ဦးဖြစ်သူ အသက်(၄၈)နှစ်အရွယ် ဦးနေဝင်းမှာလည်း သေနတ်သမားက ပြန်လည်ပစ်ခတ်မှုကြောင့် သေဆုံးသွားခဲ့ရသည်။
Mizzima - News in Burmese


"ယနေ့(ဖေဖော်ဝါရီ ၁၅ ရက်နေ့ )တွင် သတင်းထုတ်ပြန်ခဲ့သည့် ရှေ့နေကြီး ဦးကိုနီ လေဆိပ်တွင် သေနတ်ဖြင့် ပစ်သတ်လုပ်ကြံခံရမှု တတိယမြောက် ကွင်းဆက်တရားခံဖြစ်သော ဒုတိယဗိုလ်မှူးကြီးဟောင်း တစ်ဦးဖြစ်သူ ဦးအောင်ဝင်းခိုင်၏ ဒေါပုံမြို့နယ်၊ ဝါဆိုရပ်ကွက်၊ မဏ္ဍိုင်လမ်း အမှတ် မ-၃၃ ရှိ နေအိမ်အား ညနေပိုင်းနှင့်ညပိုင်းတွင်တွေ့ရပုံ"

အဆိုပါ​နေအိမ်​အား ချိတ်​ပိတ်​ထားခြင်းမရှိသကဲ့သို့ ​နေအိမ်​ပတ်​ဝန်းကျင်​တွင်​ ထူးခြားမှု တ​စုံတရာမ​တွေ့ရ​ဘဲ ယနေ့ ဖေဖော်ဝါရီ ၁၅ ရက် ညပိုင်းအချိန်အထိ ပုံမှန်အ​ခြေ​နေတွင်သာရှိနေကြောင်း မြင်တွေ့ခဲ့ရသည်​။

ဦးအောင်ဝင်းခိုင်သည် ယင်းမဏ္ဍိုင်​လမ်း အမှတ်​ မ-၃၃ ရှိ နေအိမ်​၌ ဇနီးသည်, သား​ ၂ ယောက်​နှင့်အတူ နေထိုင်​သည်​မှာ ၁နှစ်​ခန့်​သာရှိသေးကြောင်း ဒေါပုံမြို့နယ်​၊ ဝါဆိုရပ်​ကွက်​ အုပ်​ချူပ်​​ရေးမှူး ဦးညီညီ​ထွေးက ပြောသည်။ ​

အဆိုပါ​နေအိမ်​သို့ ရန်​ကုန်​တိုင်းရဲတပ်ဖွဲ့မှ နှစ်​ကြိမ်​ခန့်​ ဝင်​​ရောက်​စစ်​​ဆေးခဲ့ပြီး ဖုန်း ၅ လုံးနှင့်​ လိပ်​စာကဒ်​များကို ရှာ​ဖွေပုံစံဖြင့် သိမ်းဆည်းထား​ကြောင်း သိရသည်။

ဓါတ်ပုံ-လင်းလင်းအောင်
News Watch
https://www.facebook.com/NewsWatchJournal/


မြန်မာဒုက္ခသည် ၅ ဦး Oklahoma ပြည်နယ် Tulsa မြို လေဆိပ်ကို ဆိုက်ရောက်လာစဉ် (ဖေဖော်ဝါရီလ ၁၅ ရက် ၂၀၁၇)
မြန်မာဒုက္ခသည် ၅ ဦး Oklahoma ပြည်နယ် Tulsa မြို လေဆိပ်ကို ဆိုက်ရောက်လာစဉ် (ဖေဖော်ဝါရီလ ၁၅ ရက် ၂၀၁၇)
ထိုင်း၊ မလေးရှား၊ အင်ဒိုနီးရှားနဲ့ အန္ဒိယမှာရှိနေတဲ့ UNHCR က အသိအမှတ်ပြုထားပြီး အမေရိကန်ပြည်ထောင်စုက စိစစ်ထားတဲ့ မြန်မာဒုက္ခသည်တွေကို အမေရိကန်မှာ လာရောက်အခြေချဖို့ ဆက်ပြီး လက်ခံသွားမှာဖြစ်တယ်လို့ အမေရိကန်နိုင်ငံခြားရေးဌာန က ဗွီအိုအေကို ပြောပါတယ်။

ဇန်န၀ါရီလ ၂၇ ရက်နေ့က ထုတ်ပြန်ခဲ့တဲ့ အမေရိကန်သမ္မတ Trump ရဲ့ ပြည်ဝင်ခွင့် ကန့်သတ်အမိန့်ကို ပြည်ထောင်စုခရိုင်တရားရုံးက တားမြစ်ခဲ့ပြီးနောက် ဒီအမိန့် ပြန်ပြီးခွင့်ပြုဖို့ Trump အစိုးရအဖွဲ့ရဲ့ အယူခံဟာလည်း ပယ်ချခံထားရချိန်အတွင်း မြန်မာဒုက္ခသည်တွေကို အမေရိကန်ကို လာရောက်အခြေချနိုင်ဖို့ စီစဉ်ဆောင်ရွက်ပေးနေတယ်လို့ ဆိုပါတယ်။ ဆက်သွယ်မေးမြန်းထားတဲ့ မအင်ကြင်းနိုင်က အပြည့်အစုံကို ဆက်ပြီး ပြောပြမှာပါ။

သမ္မတ Trump ရဲ့ ပြည်ဝင်ခွင့် ယာယီပိတ်ပင်တဲ့အမိန့်ကြေညာချက်ကို ပြည်ထောင်စု အယူခံတရား ရုံးက ပယ်ချလိုက်ပြီးတဲ့နောက် မြန်မာဒုက္ခသည်တွေကို အမေရိကန်ပြည် ထောင်စုထဲ လာဖို့ လက်ခံနေတဲ့အခြေအနေကို အမေရိကန်နိုင်ငံခြားရေးဌာန ပြောခွင့်ရ အမျိုးသမီးက အခုလို ပြောပါတယ်။

“ဇန်န၀ါရီ ၂၇ ရက်မှာ သမ္မတ Trump ရဲ့ ပြည်ဝင်ခွင့် ယာယီပိတ်ပင်တဲ့ အမိန့် ထုတ်ပြန်ချက်အရ ရိုဟင်ဂျာ ဒုက္ခသည်တွေအပါအ၀င် အမေရိကန်ပြည်ထောင်စုမှာ လာရောက်အခြေချမယ့် ဒုက္ခသည်တွေရဲ့ အစီအစဉ်ပေါ်မှာ ထိခိုက်မှုတွေရှိခဲ့ပါတယ်။ ဒါပေမယ်လို့ ဖေဖေါ်ဝါရီလ (၃)ရက်နေ့မှာ ပြည်ထောင်စု ခရိုင်တရားရုံးကနေ သမ္မတရဲ့ အဲဒီ အမိန့်ကြေညာချက်ကို တားမြစ်ခဲ့ပြီးနောက် အစိုးရဘက်ကလည်း ပြန်ပြီး အယူခံ တင်ထားတဲ့အချိန်အတွင်းအမေရိကန်ပြည်ထောင်စုမှာ လာရောက်အခြေချ မယ့် ဒုက္ခသည်အစီအစဉ်ကနေ ရိုဟင်ဂျာအပါအ၀င် ကမ္ဘာတ၀ှမ်းကလာမယ့် ဒုက္ခသည်တွေကို လက်ခံနေပါတယ်။ ဒါကြောင့် အဲဒီအစီအစဉ်ကနေ တဆင့် ဒုက္ခသည်တွေဟာ အမေရိကန်ပြည်ထောင်စုကို ၀င်လာနေပါပြီ။”

ဒီအတောအတွင်း အင်ဒိုနီးရှားနိုင်ငံမှာရှိတဲ့ ရိုဟင်ဂျာဒုက္ခသည်တွေ အတွက်အမေရိကန် ပြည်ထောင်စု မှာ လာရောက်အခြေချဖို့ နိုဝင်ဘာလအတွင်း စတင်ခဲ့တဲ့ အစီအစဉ်ကို ဒီသတင်းပတ်အတွင်း ပြန်ပြီး အကောင်အထည်ဖေါ်ဆောင်ရွက်နေကြောင်း Sumatra ကျွန်းမြောက်ပိုင်း Medan မြို့မှာရှိတဲ့ အမေရိကန် ကောင်စစ်ဝန်ရုံးက ပြောပါတယ်။ သူတို့ ဘယ်အချိန် ရောက်လာမလဲဆိုတာ အတိအကျ ပြောလို့မရပေမယ့် အကြမ်းဖျင်းအားဖြင့် ၁၈လကနေ ၂၄ လ အတွင်း အမေရိကန်ပြည်ထောင်စုကို ရောက်လာကြမှာဖြစ်တယ်လို့ အမေရိကန်နိုင်ငံခြားရေးဌာနရဲ့ ပြောခွင့်ရအမျိုးသမီးက ပြောပါတယ်။

“အမေရိကန်ပြည်ထောင်စုကို ရောက်လာဖို့ အချိန်နဲ့ပတ်သက်ပြီး နိုင်ငံသားအလိုက် ခွဲခြား သတ်မှတ်ထားတာမျိုး မရှိပါဘူး။ ကုလသမဂ္ဂမဟာမင်းကြီးရုံး UNHCR က လွှဲပြောင်းပေးလိုက်တဲ့ အချိန်ကစပြီး အမေရိကန်ပြည်ထောင်စုကို ရောက်လာဖို့ ပျမ်းမျှခြင်းအားဖြင့် ၁၈ လ ဒါမှမဟုတ် ၂၄ လ ထိ ကြာမြင့်ပါတယ်။”

တဆက်တည်းပဲ အခုနောက်ပိုင်းဝင်လာမယ့် မြန်မာဒုက္ခသည်တွေကို ဘယ်ပြည်နယ်ကလက်ခံထားသလဲလို့ မေးကြည့်တော့

“အမေရိကန်ပြည်ထောင်စုမှာ ဒုက္ခသည်တွေ အခြေချနေထိုင်မယ့် အစီအစဉ်ဟာ တဦးချင်းစီရဲ့ အခြေအနေပေါ်မှာ မူတည်ပါတယ်။ ဆိုလိုတာက အမေရိကန်ကို ဒုက္ခသည်တွေလာတော့မယ်ဆိုရင် သူတို့ တဦးချင်းစီ ဒါမှမဟုတ် မိသားစု အလိုက်ပေါ်မှာ ဘယ်နေရာ အကောင်းဆုံး၊ သင့်တော်မလဲဆိုတာ ကို ကျမတို့ကြည့်ပါတယ်။ အမေရိကန်ကို ဒုက္ခသည်တွေ စပြီးရောက်လာချိန်မှာ သူတို့ ရပ်တည်နိုင်ရေးအတွက် အကူအညီပေးနိုင်တဲ့ မိသားစုဝင်တွေ၊ဆွေမျိုးသားချင်းတွေရှိတဲ့ နေရာကို အဓိက ထည့်သွင်းစဉ်းစား ဆုံးဖြတ်ပါတယ်။”

အင်ဒိုနီးရှားနိုင်ငံကို လွန်ခဲ့တဲ့ နှစ်နှစ်လောက် က လှေတွေနဲ့ ရောက်လာတဲ့ ရိုဟင်ဂျာဒုက္ခသည်တွေ ထဲက အမေရိကန်မှာ အခြေချဖို့ ခွင့်ပြုချက်ရထားသူတွေအတွက် အမေရိကန်ပြည်ထောင်စုကို ၀င်ခွင့်ရဖို့ အဲဒီမှာရှိနေတဲ့ အမေရိကန်ကောင်စစ်ဝန်ရုံးက စီစဉ်နေတာဖြစ်ပါတယ်။

အလားတူ အမေရိကန်ပြည်ထောင်စုကိုသွားဖို့ စောင့်ဆိုင်းနေတဲ့ မလေးရှားနိုင်ငံက UNHCR အသိအမှတ်ပြုထားပြီး အမေရိကန်ပြည်ထောင်စုက စိစစ်ထားတဲ့မြန်မာနဲ့ ရိုဟင်ဂျာဒုက္ခသည် တချို့လည်း အမေရိကန်ကို ထွက်ခွာခွင့် ဒီရက်ပိုင်းအတွင်း ရရှိထားပြီဖြစ်ကြောင်း ဒုက္ခသည်အရေး ဆောင်ရွက်ပေးနေတဲ့ Rohingya Society in Malaysia ဥက္ကဌဖြစ်သူ ဖိုင်ဇဲလ် (ခေါ်) ဘိုမင်းနိုင်က ပြောပါတယ်။

“ဒီ Departure date ကိုစောင့်နေကြတဲ့လူတွေထဲမှာ ဒီကြားထဲမှာ အခုလိုမျိုး ရက်ပေါင်း ၁၂၀ စောင့်ရမယ်ဆိုပြီးတော့ ပြောလာတော့ လူတွေက တမျိုးဖြစ်သွားတာပေါ့နော် ၊ နောက်ပိုင်းဒီကြားထဲမှာပဲ ကျနော့်မိတ်ဆွေတယောက်ရယ်၊ တခြားလူတွေရယ် ရိုဟင်ဂျာပဲ သူတို့ကို departure date ပေးလိုက်တယ်၊ အဲဒါမနက်ဖြန်ပဲ ။ ပထမတော့ သူတို့ကိုဆိုင်းငံ့ထားတယ်၊ US ကို Resettlement လုပ်တဲ့အထဲမှာ ပြောရမယ်ဆိုရင် ဒီ UN ရဲ့စာရင်းရှိတဲ့အထဲက အခုအချိန်အထိပေါ့နော်၊ လူ ၃၀၀၀ ကျော်လောက်ကိုပဲ resettlement လုပ်တာပေါ့နော် ရိုဟင်ဂျာထဲက ။ ချင်းတွေကတော့ များတာပေါ့နော် ၊ သူတို့က ခရစ်ယာန်ဆိုတော့ပေါ့နော် ၊ ဟိုဘက်ကနေလည်း Sponsor တွေရတယ်ဆိုတော့ သူတို့အတွက်က ပြဿနာမရှိနိုင်ဘူး။”

ပြီးခဲ့တဲ့ နှစ် အောက်တိုဘာလ ကနေ ဒီနှစ် ဇန်န၀ါရီလ အထိ အမေရိကန်ပြည်ထောင်စု မှာ အခြေချနေထိုင်ခွင့်ရခဲ့တဲ့ မြန်မာဒုက္ခသည် စုစုပေါင်း နှစ်ထောင့် သုံးရာကျော် ရှိပါတယ်။
VOA Burmese News

ရှေ့နေဦးကိုနီ ကို သတ်ဖြတ်ရန် ငွေပေးခိုင်းစေခဲ့သူ ဒုဗိုလ်မှူးကြီးဟောင်း တရားခံ အောင်ဝင်းခိုင် ပုံ
ရှေ့နေဦးကိုနီ ကို သတ်ဖြတ်ရန် ငွေပေးခိုင်းစေခဲ့သူ ဒုဗိုလ်မှူးကြီးဟောင်း တရားခံ အောင်ဝင်းခိုင် ပုံ

ဓာတ်ပုံ - နိုင်ငံတော်သမ္မတရုံး ဖေ့စ်ဘွတ်
NLD အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေး ရှေ့နေဦးကိုနီ လုပ်ကြံသတ်ဖြတ်ခံရမှုနဲ့ ပတ်သက် လို့ နောက်ကွယ်က အဓိက ငွေပေးခိုင်းစေခဲ့သူဟာ ဒုဗိုလ်မှူးကြီးဟောင်း အောင်ဝင်းခိုင် ဆိုသူ ဖြစ်ပြီး၊ သူ့ကိုဖမ်းဆီးရမိဖို့ စုံစမ်းရှာဖွေနေတယ်လို့ နိုင်ငံတော်သမ္မတရုံးက ဒီကနေ့ညနေပိုင်းက သတင်းထုတ်ပြန် လိုက်ပါတယ်။

ရန်ကုန်လေဆိပ်မှာ ဦးကိုနီကို လုပ်ကြံရာမှာ နောက်ကွယ်က ပူးပေါင်းပါဝင်သူတဦးဖြစ်တဲ့ ဦးအောင်ဝင်းဇော်ကို စစ်ဆေးချက်အရ သေနတ်နဲ့လုပ်ကြံသူ ဦးကြည်လင်းကို ငွေကျပ် သိန်းတထောင် ပေးမယ်ဆိုပြီး ခိုင်းစေခဲ့သူဟာ ညီဖြစ်သူ ဒုဗိုလ်မှူးကြီးဟောင်း အောင်ဝင်းခိုင်ဖြစ်ပြီး၊ သူဟာ ၂ဝ၁၄ ခုနှစ်မှာ တပ်မတော်က မိမိဆန္ဒအရ နှုတ်ထွက် ခဲ့သူဖြစ်ကြောင်း၊ ဦးကိုနီကိုလုပ်ကြံဖို့ ငွေသိန်းတထောင်ထဲက စရံအဖြစ် သိန်းတရာကို ဦးကြည်လင်းကို စရံ အဖြစ် ပေးအပ်ခဲ့ကြောင်း၊ ဦးကိုနီကို လုပ်ကြံရာမှာ ဦးကြည်လင်း ကိုင်ဆောင်ခဲ့တဲ့ သေနတ်တွေကို မနှစ် က အောက်တိုဘာလက ထိုင်းနိုင်ငံ အုန်းဖျန် ဒုက္ခသည် စခန်းက "မြင့်ဆွေ" ဆိုသူထံမှ ဝယ်ယူခဲ့ကြောင်း၊ ဇန်နဝါရီလ ၂၉ ရက်နေ့မှာ ဒုဗိုလ်မှူးကြီးဟောင်း အောင်ဝင်းခိုင်က အစ်ကိုဖြစ်သူ ဦးအောင်ဝင်းဇော်ကို ဖုန်းနဲ့ ၂ ကြိမ်ဆက်ပြီး လုပ်ကြံဖို့ ညွှန်ကြားခဲ့ကြောင်း၊ ဒုဗိုလ်မှူးကြီးဟောင်း အောင်ဝင်းခိုင်ဟာ အခုအခါ ထွက်ပြေး လွတ်မြောက်နေပြီး၊ သူ့ကိုဖမ်းဆီးရမိဖို့ တပ်မတော်နဲ့ ရဲတပ်ဖွဲ့က ဆက်လက်စုံစမ်း ဖော်ထုတ်လျက်ရှိကြောင်း သမ္မတရုံးသတင်းထုတ်ပြန်ချက်မှာ ဖော်ပြထားပါတယ်။
RFA


ဦးကိုနီအား လုပ်ကြံသတ်ဖြတ်ရန် ငွေကျပ် သိန်း(၁၀၀၀)ပေး စေခိုင်းသူမှာ ပြစ်မှုကျူးလွန်ရာတွင် ပူပေါင်းပါဝင်သူ အောင်ဝင်းဇော်၏ညီ အောင်ဝင်းခိုင် ဖြစ်ကြောင်း သမ္မတရုံးမှ သတင်းထုတ်ပြန် လိုက်ပါတယ်။ ပြစ်မှုကျူးလွန်ရန် ငွေပေးစေခိုင်းသူဟု လတ်တလော ယူဆရပြီး ထွက်ပြေးလွတ်မြောက် နေသော အောင်ဝင်းခိုင်သည် တပ်မတော်တွင် ဒုတိယဗိုလ်မှူးကြီးအဆင့်အထိ တာဝန်ထမ်းဆောင်ခဲ့ပြီး ၂၀၁၄ ခုနှစ်တွင် မိမိသဘော ဆန္ဒအလျောက် နှုတ်ထွတ်ခဲ့သူ တစ်ဦး
ဖြစ်ကြောင်း သိရသည်။

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတရုံး သတင်းထုတ်ပြန်ချက်

(၂၀၁၇ ခုနှစ်၊ ဖေဖော်ဝါရီလ ၁၅ ရက်)

"ရန်ကုန်အပြည်ပြည်ဆိုင်ရာ လေဆိပ်တွင် ဖြစ်ပွားခဲ့သော ပစ်ခတ်မှုဖြစ်စဉ်နှင့် စပ်လျဉ်းသည့် နောက်ဆက်တွဲသတင်းထုတ်ပြန်ချက် (၂) "









ဦးကိုနီ လုပ်ကြံသတ်ဖြတ်ခံရမှုမှာ အဓိက ငွေပေးခိုင်းစေသူလို့ စွပ်စွဲခံထားရသူ ဒု ဗိုလ်မှုးကြီးဟောင်း ဦးအောင်ဝင်းခိုင် ( နိုင်ငံတော်သမ္မတရုံး)
NLD ဥပဒေအကြံပေး ဦးကိုနီ လုပ်ကြံသတ်ဖြတ်မှုမှာ အဓိက ငွေပေးခိုင်းစေသူဟာ ဒုတိယ ဗိုလ်မှူးကြီးဟောင်း အောင်ဝင်းခိုင်ဖြစ်ပြီး၊ ဒီ ဆက်စပ် တရားခံတွေကို ဖမ်းဆီးနိုင်ဖို့ မြန်မာနိုင်ငံရဲတပ်ဖွဲ့နဲ့ တပ်မတော် ပူးပေါင်းဆောင်ရွက်နေတယ် လို့ နိုင်ငံတော်သမ္မတရုံးက ထုတ်ပြန်ပါတယ်။

NLD ရဲ့ ဥပဒေအကြံပေး ဦးကိုနီကို ရန်ကုန်လေဆိပ်မှာ ဇန်န၀ါရီလ ၂၉ ရက်နေ့က သေနတ်သမားတဦး အနီးကပ် လုပ်ကြံသတ်ဖြတ်ခဲ့တဲ့အမှုနဲ့ ပတ်သက်လို့ ပြစ်မှုကျူးလွန်သူ တရားခံကြည်လင်းနဲ့ ပြစ်မှုကျူးလွန်ရာမှာ ပူးပေါင်းပါဝင်သူ အောင်ဝင်းဇော်တို့ကို ဖမ်းဆီးထိန်းသိမ်းထားတယ်လို့ တရားဝင်ထုတ်ပြန်ပြီးနောက်၊ ဒါဟာ တတိယအကြိမ် အစိုးရက ထုတ်ပြန်တာပါ။

ဒီထုတ်ပြန်ချက်ထဲမှာ အောင်ဝင်းဇော်ရဲ့ ထွက်ဆိုချက်အရ ဦးကိုနီကို သတ်ဖြတ်ဖို့ ငွေပေးခိုင်းစေခဲ့ သူက သူ့ရဲ့ညီဖြစ်သူ အောင်ဝင်းခိုင်ဖြစ်ပြီး၊သိန်း ၁ ထောင်ပေးမယ်ဆိုပြီး ၂၀၁၆ ဇူလိုင်လမှာ စေခိုင်းခဲ့တယ်လို့ဆိုပါတယ်။

လုပ်ကြံချိန်မှာ သူတို့အားလုံး ရန်ကုန်နိုင်ငံတကာလေဆိပ်မှာရှိနေကြပြီး၊ ဦးကိုနီထွက်လာမယ့်အချိန် ထွက်လာမယ့်နေရာတွေကို တယ်လီဖုန်းမက်ဆေ့ ကနေ အောင်ဝင်းခိုင်က ပို့ပေးခဲ့တယ်လို့ ဆိုထားပါတယ်။ သမ္မတရုံးရဲ့ ထုတ်ပြန်ချက်ထဲမှာတော့ ငွေပေးခိုင်းစေတယ်လို့ စွပ်စွဲခံရသူ ဒု ဗိုလ်မှုးကြီးဟောင်း အောင်ဝင်းခိုင်ရဲ့ ဓါတ်ပုံနဲ့တကွ၊ ဦးကိုနီ မလုပ်ကြံခံရခင် ရန်ကုန်လေဆိပ်မှာ သွားလာလှုပ်ရှားနေတဲ့ CCTV မှတ်တမ်း ဓါတ်ပုံတွေကိုပါ ဖော်ပြထားပါတယ်။

စွပ်စွဲခံထားရသူ ဒု ဗိုလ်မှုးကြီးဟောင်း အောင်ဝင်းခိုင် ဟာ ထွက်ပြေး လွတ်မြောက် နေဆဲဖြစ်ပြီး သူနဲ့တကွ ဆက်စပ်တရားခံတွေ ဖမ်းမိနိုင်ရေး စစ်ဆေးဖော်ထုတ်နေတယ်လို့လည်း ကြေညာချက်မှာဖော်ပြထားပါတယ်။ ဒု ဗိုလ်မှုးကြီးဟောင်း အောင်ဝင်းခိုင်ဟာ တပ်မတော်ကနေ၂၀၁၄ ခုနှစ်မှာ မိမိသဘောဆန္ဒ အလျှောက် နှုတ်ထွက်ခဲ့သူဖြစ်တယ်လို့ အစိုးရသတင်းထုတ်ပြန်ချက်မှာ ဖော်ပြပါတယ်။

ဗွီအိုအေ (မြန်မာပိုင်း)
http://burmese.voanews.com


ရခိုင်ပြည်နယ်မောင်တောမြို့ နယ်စပ်အ၀င်အထွက်ဂိတ်ကို အခုလ (၁၂)ရက်က ပြန်ဖွင့်ခဲ့ပေမယ့် တစ်ဖက်နိုင်ငံက လက်မခံသေးတာကြောင့် နယ်စပ်ဖြတ်ကျော်သွားလာခွင့်မရသေးဘူးလို့ သိရပါတယ်။

မြန်မာနိုင်ငံဘက်က ပြန်လည်ဖွင့်လှစ်လိုက်ပြီဆိုတဲ့အကြောင်း ဘင်္ဂလားဒေ့ရ်ှနိုင်ငံကိုတရားဝင်စာပို့ထားပေမယ့်ဘင်္ဂလားဒေ့ရ်ှနိုင်ငံဘက်ကအဆင်သင့်မဖြစ်သေးတာကြောင့် ပြန်လည်အကြောင်းကြားခြင်းမရှိသေးဘူးလို့ မောင်တောနယ်စပ်ကုန်သွယ်ရေးမှ ဦးအောင်မြင့်သိန်းက ပြောပါတယ်။

မနေ့ကလည်း မြန်မာဘက်က ကုန်သည်တစ်ချို့ သွားရောက်ခဲ့ပေမယ့် ပြန်လှည့်ခဲ့ရတယ်လို့ ဆိုပါတယ်။

ဒါ့အပြင် နယ်စပ်ကုန်သွယ်မှုကို ပြီးခဲ့တဲ့နှစ် ဒီဇင်ဘာလ (၂၄)ရက်က ပြန်ခွင့်ပေးခဲ့ပေမယ့် သွင်းကုန်မရှိဘဲ ပို့ကုန်လုပ်ငန်းတွေသာ ပုံမှန်လည်ပတ်နေတယ်လို့ ဆိုပါတယ်။


မြန်မာဘက်ကနေ နတ်မြစ်အတွင်းမှာ နယ်စပ်ဖြတ်ကျော်သွားလာနိုင်တဲ့ ထွက်ပေါက် (၂၀)ကျော်ခန့်ရှိပြီး မောင်တောမြို့က ရွှေစားချောင်းမှာရှိတဲ့ နယ်စပ်အ၀င်အထွက်ဂိတ် တစ်ခုတည်းကိုသာ ၀င်ထွက်သွားလာခွင့် တရားဝင်ဖွင့်လှစ်ထားတာဖြစ်ပါတယ်။

ရခိုင်ပြည်နယ် မောင်တောဒေသမှာ (၂၀၁၆)ခုနှစ် အောက်တိုဘာလ (၉)ရက်နေ့က အကြမ်းဖက်တိုက်ခိုက်မှုဖြစ်ပွားခဲ့တာကြောင့် နယ်စပ်အ၀င်အထွက်ဂိတ်တွေ၊ ကုန်သွယ်ရေးဂိတ်တွေကို ယာယီပိတ်ထားခဲ့တာဖြစ်ပါတယ်။

သတင်းထောက်-မြတ်ဝေ(စစ်တွေ)
5 Plus News
https://www.facebook.com/5plusnews/


(ရပ်စောက်၊ ဖေဖော်ဝါရီ ၁၅)

ရှမ်းပြည်နယ်(တောင်ပိုင်း) ရပ်စောက်မြို့၌ မြို့နယ်ရဲတပ်ဖွဲ့မှူးရုံးနှင့် မြို့မရဲစခန်းတို့တွင် တာဝန်ထမ်း ဆောင်နေသည့် မြို့နယ်ရဲတပ်ဖွဲ့မှူးအပါအ၀င် ရဲတပ်ဖွဲ့ဝင်များအား ဂုဏ်သိက္ခာကျဆင်းစေပြီး အသရေ ပျက်စီးစေသည့် အရေးအသားများဖြင့် လူမှုကွန်ရက်ပေါ်တွင် မကြာခဏရေးသားဖေါ်ပြနေခြင်း၊ ရပ်စောက် မြို့နယ်ရဲတပ်ဖွဲ့အမည်ဖြင့် ဖွင့်လှစ်ထားသည့် Face book Page အားနှောင့်ယှက်ခြင်းနှင့် အများပြည်သူ အထင်အမြင်လွဲမှားစေရန် ဝေဖန်ရေးသားနေသူတစ်ဦးကို သက်ဆိုင်ရာမှ ဆက်သွယ်ရေးဥပဒေပုဒ်မ ၆၆(ဃ)ဖြင့် အမှုဖွင့်အရေးယူခဲ့ကြောင်း သတင်းရရှိသည်။

ဖြစ်စဉ်အရ ရပ်စောက်မြို့ ဈေးတန်းရပ်ကွက် မင်းလမ်းနေ ခွန်ကျော်မင်းဦး(ခေါ်) ဖိုးကောင်းသည် ၄င်းနေ့ စဉ် သုံးစွဲနေသည့် Khun Kyaw Min Oo Face book အကောင့်ဖြင့် ၂၀၁၇ခုနှစ် ဖေဖေါ်ဝါရီလ ၈ရက်နေ့ ညနေ(၅)နာရီ(၈)မိနစ်တွင်တစ်ကြိမ်၊ နေ့လည် (၁)နာရီနှင့်(၄၂)မိနစ်တွင်တစ်ကြိမ်၊ ည(၁၀)နာရီ(၄၁)မိနစ် တွင်တစ်ကြိမ် အစရှိသဖြင့် တာဝန်ထမ်းဆောင်နေသည့် တပ်ဖွဲ့ဝင်များအပေါ် ဂုဏ်သိက္ခာကျဆင်းစေပြီး အသရေပျက်စီးစေသည့် အရေးအသားများနှင့် အများပြည်သူအထင်အမြင်လွဲမှားစေရန် လူမှုကွန်ရက်ပေါ် တွင် ဝေဖန်ရေးသားနေခြင်းတို့အတွက် Khun Kyaw Min Oo အကောင့်ပိုင်ရှင်ကို စောင့်ကြည့် စုံစမ်းမှုများ ဆောင်ရွက်နေစဉ်အတွင်း ၂၀၁၇ခုနှစ် ဖေဖေါ်ဝါရီလ ၁၀ရက်နေ့ နေ့လည် ၁နာရီ ၃၀မိနစ် အချိန်က အဆိုပါ ခွန်ကျော်မင်းဦး(ခေါ်) ဖိုးကောင်းမှ ရပ်စောက်မြို့မရဲစခန်းအတွင်း လောင်းကစားတရားခံများအဖြစ် ချုပ် နှောင်ခံထားရသည့် ၄င်း၏သူငယ်ချင်းများထံ လာရောက်တွေ့ဆုံစဉ် သက်သေများရှေ့မှောက်၌ ခေါ်ယူစစ် ဆေးရှာဖွေရာမှ ၄င်းလွယ်ထားသည့် လွယ်အိတ်အတွင်းထည့်ထားသည့် Huawei Honor ဖုန်းအား သက်သေများရှေ့စစ်ဆေးရာ ဖုန်း၏ Face Book ဆော့ဝဲအတွင်း Khun Kyaw Min Oo Face Book အကောင့်ဖြင့် ရပ်စောက်မြို့နယ် ရဲတပ်ဖွဲ့ဝင်များအား အသရေဖျက်ခြင်း၊ နှောင့်ယှက်ခြင်း ပြုလုပ်ထားသည့် Post များအား တွေ့ရှိရသဖြင့် ရဲတပ်ဖွဲ့မှူးမှ သက်သေများရှေ့တွင် ရှာဖွေပုံစံဖြင့် ရေးသွင်းသိမ်းဆည်းခဲ့ ကြောင်း သိရသည်။

ထိုသို့ရှာဖွေသိမ်းဆည်းရမိပြီးနောက် ရပ်စောက်မြို့နယ် ရဲတပ်ဖွဲ့နှင့် ရပ်စောက်မြို့မရဲစခန်းတွင် တာဝန် ထမ်းဆောင်နေသည့် မြို့နယ်ရဲတပ်ဖွဲ့မှူးနှင့် ရဲတပ်ဖွဲ့ဝင်များအား ဂုဏ်သိက္ခာကျဆင်းစေရန်နှင့် အသရေ ပျက်စီးစေရန် Khun Kyaw Min Oo Face Book အကောင့်ဖြင့် လူမှုကွန်ရက်ပေါ်သို့ သုံးစွဲရေးသားလွှင့် တင်ခဲ့သည့် ခွန်ကျော်မင်းဦး(ခေါ်) ဖိုးကောင်းအား သက်ဆိုင်ရာမှ ရပ်စောက်မြို့မရဲစခန်း၏(ပ)၂၂/၂၀၁၇ ဆက်သွယ် ရေးဥပဒေပုဒ်မ ၆၆(ဃ)ဖြင့် အမှုဖွင့်အရေးယူဆောင်ရွက်လျှက်ရှိကြောင်း သိရသည်။

Kanbawza Tai News Journal
https://www.facebook.com/kanbawzatai/



( ငြိမ်းချမ်းရေးအတွက် မသန်စွမ်းတွေ စုပေါင်းချီတက်ပွဲကို ဖေဖော်ဝါရီလ ၁၅ ရက်နေ့က မြစ်ကြီးနားမြို့ကနေ စတင်ထွက်ခွာလာစဉ် ) Photo: Kyaw Myo Min/ RFA
ကချင်ပြည်နယ် မြစ်ကြီးနားကနေ နေပြည်တော်အထိ မသန်စွမ်းသူတွေ စုပေါင်းပြီး ဘီးတပ်ကုလား ထိုင်တွေနဲ့ ငြိမ်းချမ်းရေးအတွက် ချီတက်လှုပ်ရှားမှုကို ဒီကနေ့ စတင်လိုက်ပါတယ်။

၂၁ ရာစုပင်လုံညီလာခံနဲ့ ငြိမ်းချမ်းရေးအတွက် တစ်ဖက်တစ်လမ်းက ဆောင်ရွက်ကြတာနဲ့ ပတ်သက် ပြီး ပြည်နယ်အစိုးရအဖွဲ့ကိုယ်စား ချီးကျူးကြောင်း ကချင်ပြည်နယ် လူမှုရေးဝန်ကြီး ဒေါက်တာ သင်းလွင်က ပြောကြားခဲ့ပါတယ်။

အဲဒီလှုပ်ရှားမှုကို ငြိမ်းချမ်းရေးတွဲလက်များအဖွဲ့က ဦးဆောင်ပြီး ကိုယ်အင်္ဂါမသန်စွမ်းသူတွေ၊ ဥာဏ်ရည်မသန်သူ၊ နားမကြားသူနဲ့ အမြင်အာရုံချို့တဲ့သူတွေ၊ ငြိမ်းချမ်းရေးကို မြတ်နိုးတဲ့ အနုပညာရှင်တွေနဲ့ လူပုဂ္ဂိုလ် အဖွဲ့အစည်းတွေလည်း လိုက်ပါခဲ့ကြပါတယ်။

ကိုယ်အင်္ဂါမသန်စွမ်းသူတွေ အသုံးပြုတဲ့ ဘီးတပ်လှည်းတွေမှာ " တို့လိုချင်တဲ့ ငြိမ်းချမ်းရေး နှုတ်က ဖွင့်ဟပြောကြားပေး " ဆိုတဲ့ စာတမ်းတွေကို လွှင့်ထူထားကြပါတယ်။

ဒီကနေ့ မနက်ပိုင်းမှာ မြစ်ကြီးနားမြို့ကနေ စတင်ထွက်ခွာပြီး မိုးကောင်းမြို့မှာ ညအိပ် ရပ်နားမှာဖြစ်ပါတယ်။ နောက်ရက်တွေမှာ မိုးညှင်း၊ မော်လူး၊ ကသာ၊ ထီးချိုင့်၊ တပ်ကုန်း၊ ပျဉ်းမနား စတဲ့ မြို့ပေါင်း ၁၀ မြို့ကျော်မှာ ရပ်နားပြီး ပန်းတိုင်အဖြစ် နေပြည်တော် က ဒုတိယအကြိမ်၂၁ ရာစု ပင်လုံညီလာခံကျင်းပမယ့် နေရာအထိ ချီတက်သွားမှာဖြစ်ပါတယ်။

လမ်းတလျှောက်ရပ်နားရာမြို့တွေမှာ ငြိမ်းချမ်းရေးပိုစတာစိုက်ထူတာတွေ၊ တေးဂီတဖျော်ဖြေတာတွေ အပါအဝင် ငြိမ်းချမ်းရေးနဲ့ သက်ဆိုင်တဲ့ လူထုအသိပညာပေးလှုံ့ဆောင်မှုတွေကို စီစဉ်ဆောင်ရွက် သွားမှာဖြစ်တယ်လို့ သိရပါတယ်။

လှုပ်ရှားမှုကို ရန်ကုန်မျက်မမြင်ကျောင်းနဲ့ မြစ်ကြီးနားမျက်မမြင်ကျောင်းတို့က ပူးပေါင်း အကောင်အထည် ဖော်တာဖြစ်ပြီး အေးမေတ္တာ မသန်စွမ်းရိပ်သာနဲ့အတူ အစိုးရ အုပ်ချုပ်ရေးအဖွဲ့တွေကလည်း ကူညီခဲ့ကြတာဖြစ်ပါတယ်။

RFA Burmese
https://www.facebook.com/rfaburmese/


ရှမ်းပြည်နယ် အထွေထွေအုပ်ချုပ်ရေးမှူး နဲ့ တပ်မတော်ကို ဂုဏ်သိက္ခာ ကျဆင်းအောင် ရေးသားလို့ဆိုပြီး စားသုံးသူရေးရာ ဦးစီးဌာန လက်ထောက်ညွှန်ကြားရေးမှူးကို ကျိုင်းတုံခရိုင် အုပ်ချုပ်ရေးမှူးက ဆက်သွယ်ရေးဥပဒေပုဒ်မ ၆၆(ဃ) နဲ့ ကျိုင်းတုံမြို့မရဲစခန်းမှာ အမှုဖွင့်လိုက် ပါတယ်။

ရဲစခန်းရဲ့အကြောင်းကြားစာအရ ကျိုင်းတုံခရိုင်အုပ်ချုပ်ရေးမှူး ဦးနေဦးက တရားလိုလုပ်ပြီး ဖေဖော်ဝါရီလ ၁၂ ရက်နေ့က အမှုဖွင့်ထားတာဖြစ်တယ်လို့ အမှုဖွင့်ခံရသူ ရှမ်းပြည်နယ် စားသုံးသူရေးရာ ဦးစီးဌာန လက်ထောက်ညွှန်ကြားရေးမှူး ဦးမင်းအောင် က ပြောပါတယ်။

"ကျိုင်းတုံခရိုင် အုပ်ချုပ်ရေးမှူး ဦးနေဦးက ဖွင့်တယ်လို့ စာထဲမှာ ဖတ်ရပါတယ်။ ကျိုင်းတုံ မြို့မ ရဲစခန်းမှာလို့ သိရပါတယ်။ စာထဲမှာကတော့ သူတို့ ပြည်နယ်အုပ်ချုပ်ရေးမှူးတို့၊ ခရိုင်အုပ်ချုပ်ရေမှူးတို့ နောက် တပ်မတော် အပေါ်မှာဆိုတဲ့ စာသားတွေတော့ ပါတယ်။"

၂၀၁၆ ခုနှစ်က ပြည်နယ်အစိုးရက ဖွဲ့စည်းထားတဲ့ ကုန်သွယ်မှုတိုးတက်ရေးနဲ့ အခွန်ကောက်ခံရေး အဖွဲ့ကို အထွေထွေ အုပ်ချုပ်ရေးဦးစီးဌာနက ဖျက်သိမ်းလိုက်တဲ့ ကိစ္စနဲ့ပတ်သက်ပြီး လူမှုကွန်ရက် စာမျက်နှာမှာ ရေးသားခဲ့တဲ့အတွက် အခုလို အမှုဖွင့်ခံရတာဖြစ်နိုင်တယ်လို့ ဦးမင်းအောင်က ပြော ပါတယ်။ တရားဝင်ကုန်သွယ်မှုတွေ ပြုလုပ်လာစေဖို့အတွက် ပူးပေါင်းဆောင်ရွက်မှု မရှိလို့ဆိုပြီး ပြည်ထဲရေးဝန်ကြီးဌာန အပါအ၀င် တာဝန်ရှိသူတွေ သိစေဖို့ လူမှုကွန်ရက်မှာ ရေးသားတာဖြစ်တယ် လို့ ဦးမင်းအောင် က ပြောပါတယ်။

အမှုနဲ့ပတ်သက်ပြီး ရဲတပ်ဖွဲ့က အကြောင်းကြားစာပေးပို့ထားတာရှိပေမယ့် ရဲစခန်းကို လာရောက်ဖို့ ဆင့်ခေါ်တာမျိုး မရှိသလို ရဲတပ်ဖွဲ့ဝင်တွေက လာရောက်စစ်ဆေးတာမျိုးလည်း မရှိသေးဘူးလို့ ပြောပါတယ်။

RFA Burmese
http://www.rfa.org/burmese


အာရှမှာ အကြီးဆုံးစစ်ရေးလေ့ကျင့်မှုကြီးဖြစ်တဲ့ ရွှေမြွေဟောက်လို့အဓိပ္ပါယ်ရတဲ့ Cobra Gold စစ်ရေးလေ့ကျင့်မှုကို ဖေဖော်ဝါရီလ ၁၄ ရက်နေ့က ထိုင်းနိုင်ငံမှာ စတင်ခဲ့ပါတယ်။ ၃၆ ကြိမ်မြောက် Cobra Gold စစ်ရေးလေ့ကျင့်မှုမှာ အမေရိကန်နဲ့ ထိုင်းတပ်ဖွဲ့ဝင်တွေအပြင် စင်္ကာပူ၊ ဂျပန်၊ တောင်ကိုရီးယား၊ အင်ဒိုနီးရှားနဲ့ မလေးရှားနိုင်ငံက တပ်ဖွဲ့ဝင်တွေလည်း ပူးပေါင်းပါဝင်ကြပါတယ်။

Chonburi နဲ့ Nakhon Ratchasima ခရိုင်တို့မှာ ၁၁ ရက်ကြာမယ့် စစ်ရေးလေ့ကျင့်မှုတွေအတွင်း ရေကြောင်းလုံခြုံရေးတိုးမြှင့်ရေး၊ အန္တရာယ်ရှိနေတဲ့ ရောဂါဖြစ်ပွားမှု ကာကွယ်ရေးနဲ့ ပျံ့ပွားမှု ထိန်းသိမ်းရေး၊ ကြီးမားတဲ့ သဘာဝဘေးဒဏ်တွေ ကျရောက်လာရင် ကူညီကယ်ဆယ်ရေးလို ခက်ခဲရှုပ်ထွေးတဲ့ ကိစ္စမျိုးတွေကို နိုင်ငံတွေကြား ပူးပေါင်းဆောင်ရွက်တဲ့နေရာမှာ ပိုပြီး ထိထိရောက်ရောက် ဖြစ်စေရေးအတွက် လေ့ကျင့်သွားကြမှာဖြစ်တယ်လို့ ဘန်ကောက်မြို့ အမေရိကန်သံရုံး ထုတ်ပြန်ချက်မှာ ဖော်ပြထားပါတယ်။

အခုနှစ်မှာ လူသားချင်းစာနာမှုနဲ့ ဘေးဒဏ်ကယ်ဆယ်ကူညီရေးတွေကို အဓိကထား လေ့ကျင့်ကြမှာဖြစ်ပြီး လူသားစာနာမှု အကူအညီပေးတာနဲ့ဆိုင်တဲ့ လေ့ကျင်မှုတွေမှာ တရုတ်နဲ့ အိန္ဒိယကလည်း ပါဝင်ပူးပေါင်းလေ့ကျင့်ကြမှာ ဖြစ်ပါတယ်။ မြန်မာနိုင်ငံ အပါအဝင် ၁၀ နိုင်ငံကျော်ကလည်း Cobra Gold စစ်ရေးလေ့ကျင့်မှုကို လေ့လာသူအဖြစ် ပါဝင်ကြပါတယ်။

အမေရိကန်နဲ့ ထိုင်းစစ်တပ်ကြား ပူးတွဲစစ်ရေး လေ့ကျင့်မှုတွေကို ၁၉၈၀ ခုနှစ်ထဲက စတင်ခဲ့ပြီး အခုတော့ အာရှ-ပစိဖိတ်နိုင်ငံတွေက တပ်ဖွဲ့ဝင်တွေ ပါဝင်လာကြတာပါ။ ထိုင်းနိုင်ငံမှာ ၂၀၁၄ ခုနှစ်မှာ ထိုင်းစစ်တပ်က အာဏာသိမ်းခဲ့ပြီးနောက် အမေရိကန်က ပူးတွဲစစ်ရေးလေ့ကျင့်မှုကို မဖျက်ခဲ့ပေမဲ့ စေလွှတ်တဲ့ အမေရိကန်စစ်သား အရေအတွက်ကို ၈၀၀၀ ကနေ လျှော့ချခဲ့ပါတယ်။

အခုနှစ်မှာ အမေရိကန်ကြည်းတပ်၊ ရေတပ်၊ လေတပ်နဲ့ မရင်းတပ်ဖွဲ့ဝင်ပေါင်း ၃၆၀၀ လောက် ပါဝင် စစ်ရေးလေ့ကျင့်နေကြတယ်လို့ အမေရိကန် ကာကွယ်ရေးဌာနက သတင်းထုတ်ပြန်ပါတယ်။ ပူးတွဲစစ်ရေးလေ့ကျင့်မှုမှာ ပါဝင်ကြတဲ့ နိုင်ငံတွေကြား ပူးပေါင်းဆောင်ရွက်မှုတိုးတက်ရေးနဲ့ တုံ့ပြန်ရင်ဆိုင်နိုင်မှုပိုင်း ပိုပြီးအဆင်သင့်ဖြစ်ရေးအတွက် လေ့ကျင့်သွားကြမှာဖြစ်တယ်လို့ အမေရိကန် ပစိဖိတ်ကွပ်ကဲရေး တပ်မှူးကြီး ရေတပ်ဗိုလ်ချုပ်ကြီး Harry B. Harris Jr. က ပူးတွဲစစ်ရေးလေ့ကျင့်ပွဲ ဖွင့်ပွဲမှာ ပြောကြားခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com


ဖေဖော်ဝါရီ ၁၅ ရက်၊ ၂၀၁၇ ခုနှစ်။ ကေအိုင်စီ

ဒီမိုကရေစီအကျိုးပြု ကရင်တပ်မတော် -DKBA (ကလို့ထူးဘောအဖွဲ့)၏ ဦးဆောင်မှုဖြင့် အကောင်အထည်ဖော်မည့် ရွှေမြ စန္ဒီမြို့ပြစီမံကိန်းအတွက် မြ၀တီမြို့နယ်အတွင်း မဲကနယ်၊ အပြင် မဲကနယ်ကျေးရွာအုပ်စုအတွင်းရှိ ဒေသခံများအား မြေနေ ရာ များချထားပေးလျှက်ရှိကြောင်း ထိုစီမံကိန်းကို ဦးဆောင်အကောင်အထည်ဖော်ဆောင်သူများက ပြောသည်။

အဆိုပါ မြေနေရာများကို DKBA ဒုစစ်ဦးစီးချုပ် ဒုဗိုလ်ချုပ်ကြီးစောစတီး၊ မြန်မာအစိုးရတပ်မတော်လက်အောက်ခံ ကရင် နယ်ခြားစောင့်တပ် -BGF အမှတ်(၁၀၂၂) တပ်နယ်မှူး ဗိုလ်မှူးစောမုတ်သုန်၊ KNU ကော့ကရိတ်မြို့နယ် ဥက္ကဌ ပဒိုစောမော ထူးတို့မှ ဖေဖော်ဝါရီ ၁၄ ရက်နေ့တွင် ဒေသခံများနှင့်တွေ့ဆုံပြီး ပေး အပ်ခဲ့ခြင်းဖြစ်သည်ဟု ၎င်းရွှေမြ စန္ဒီမြို့ပြစီမံကိန်း တာဝန်ခံ စောညီညီက ပြောသည်။

၎င်းက “အရင်ကဒီမြေတွေက ပလပ်မြေတွေဖြစ်ပါတယ်။ ဒီကေဘီအေ စစ်ဦးစီးချုပ်၊ ဒုစစ်ဦးစီးချုပ်တို့ရဲ့လမ်းညွှန် မှုနဲ့အညီ ဒေသဖွံ့ဖြိုးရေးဆောင်ရွက်တဲ့အနေနဲ့ အဲဒီကျေးရွာအုပ်စုတွေထဲက ဒေသခံတွေ၊ အိုးအိမ်မဲ့ဖြစ်နေတဲ့သူတွေ၊ မရှိ ဆင်းရဲ သားတွေအတွက် ရည်ရွယ်ပြီးတော့ အခုလို စီစဉ်ပေး တာ ဖြစ်ပါတယ်”ဟု ဖေဖော်ဝါရီ ၁၄ရက်နေ့တွင် ကေအိုင်စီသို့ ပြောသည်။

ထိုသို့ မြေနေရာများချထားပေးရာတွင် အတွင်းမဲကနယ်ကျေးရွာအုပ်စုအတွင်းရှိ ဒေသခံများအား အိမ်ထောင်စု တစ်ခုလျှင် ပေ ၈၀ ပတ်လည်အကျယ်ရှိ မြေကွက်ပေါင်း ၅၄၇ ကွက်၊ အပြင်မဲကနယ် ဒေသခံ များအား ပေ ၄၀-၆၀ အကျယ်ရှိမြေ ကွက်ပေါင်း ၁၃၀ ကွက်ကို အသီးသီးပေးအပ်ခဲ့သည်ဟု သိရသည်။

၎င်းအပြင် စီမံကိန်းတွင် ပါရှိသည့် လစ်လပ်မြေကွက်(၁၉၀၀)အား မြဝတီခရိုင်အတွင်းရှိ မြေယာမဲ့ ပြည်သူများ၊ ပညာရေး၊ ကျန်းမာရေး၊ စစ်မှုထမ်းနှင့် အခြားဝန်ထမ်းများအတွက် တန်ဘိုးနည်းအိမ်ယာအဖြစ် သတ်မှတ်ကာ နိုင်ငံတော် အစိုးရထံ လန-၃၀ (လယ်ယာမြေ အခြားနည်း အသုံးပြုခွင့်) လျှောက်ထားပြီး
ခွင့်ပြုပါက အဆိုပါ ဒေသခံများထံ ပြန်လည်လွှဲ ပြောင်းပေးအပ်မည်ဖြစ်ကြောင်းလည်း ယင်းစီမံကိန်း တာဝန်ခံ စောညီညီက ဆက်ပြောသည်။

အဆိုပါ မြေနေရာများရရှိထားသူများအနေဖြင့် ၃ လအတွင်း အိမ်ဆောက်ရမည်ဖြစ်ကာ ၁၁ နှစ်အထိ လွှဲပြောင်းရောင်း ချခြင်းမပြုလုပ်ရသလို ၎င်းစည်းကမ်းချက်များကို ဖောက်ဖျက်ပါက ပြန်လည် သိမ်းဆည်းခံရမည့် စည်းကမ်းချက်များ သတ်မှတ်ထားကြောင်းလည်း သိရသည်။

ကရင်ပြည်နယ် စိုက်ပျိုးရေး မွေးမြူရေးနှင့် ဆည်မြောင်းဝန်ကြီးဌာန၀န်ကြီး စောမြင့်ဦးက “ဒီကိစ္စက ပြည်နယ် အနေနဲ့ မ သိသေးပါဘူး။ အဲ့လို လန-၃၀ တင်တဲ့စာလည်း မဝင်သေးပါဘူး။ အခုလိုလာမေးမှ ကျနော်တို့ သိတာပါ။ အောက်ခြေမြို့ နယ် တာဝန်ရှိသူတွေကို စိစစ်ခိုင်းပါ့မယ်။ ကျနော်တို့ သိတာကတော့ မြဝတီမှာ အမှတ် ၆ ရပ်ကွက်နဲ့ ၇ ရပ်ကွက် ဆိုပြီးရပ် ကွက်သစ် စီမံကိန်း လျာထားချက်တော့ ပြည်နယ်အနေနဲ့လမ်းညွှန်ထားတာတော့ရှိတယ်။ ဒီလို ရွှေမြစန္ဒီမြို့ကွက် သစ်ဖော်တာတော့ ကျနော်တို့ မသိသေးပါဘူး”ဟု ကေအိုင်စီသို့ ယနေ့ (ဖေဖော်ဝါရီ ၁၅)တွင် ပြောဆိုသည်။

ဒီမိုကရေစီအကျိုးပြု ကရင်တပ်မတော် -DKBA သည် ၂၀၁၅ အောက်တိုဘာ ၁၅ ရက်နေ့တွင် NCA လက် မှတ်ရေးထိုးထားသည့် ကရင်လက်နက် ကိုင်အဖွဲ့တစ်ခုဖြစ်ပြီး ယခုမြို့ပြစီမံကိန်းကို ၂၀၁၃ ခုနှစ်၊ နိုဝင်ဘာလတွင် ကိုယ်ထူကိုယ်ထ စနစ်ဖြင့် စတင်ဖော်ဆောင်နေခြင်းဖြစ်ကြောင်း DKBA မှ ရွှေမြစန္ဒီမြို့ပြစီမံကိန်း တာဝန်ခံ စောညီညီက ပြောသည်။

 ကေအိုင်စီ
http://kicnews.org


ရခိုင်ပြည်နယ်က ပဋိပက္ခတွေကြောင့် ထွက်ပြေးလာကြသူတွေကို ထားရှိတဲ့ ဘင်္ဂလားဒေ့ရ်ှနိုင်ငံ၊ စစ်တကောင်း က ဒုက္ခသည်စခန်းမှာ လုံခြုံရေးပြဿနာကြောင့် မလေးရှား ရိက္ခာတင်သင်္ဘောက ကူညီရေးလုပ်သား အနည်းငယ်သာ ဝင်ရောက်ခွင့်ပြုနိုင်မယ်လို့ အစိုးရက ပြောဆိုကြောင်း Bernama သတင်း ကဖေါ်ပြပါတယ်။

နိုင်ငံပေါင်း ၁၂ နိုင်ငံက လှူဒါန်းတဲ့ စားနပ်ရိက္ခာ၊ ဆေးဝါး နဲ့ အ၀တ်အထည် စတဲ့ ကူညီရေးပစ္စည်းတွေ တန်ချိန် ၂၀၀၀ နဲ့ စေတနာ့ဝန်ထမ်း ကူညီရေးလုပ်သားတွေ၊ သတင်းထောက်တွေ ပါဝင်တဲ့ မလေးရှား ရိက္ခာတင်သင်္ဘောဟာပြီးခဲ့တဲ့ သောကြာနေ့က ရန်ကုန်ဆိပ်ကမ်းမှာ ကူညီရေး ပစ္စည်း တန်ချိန် ၅၀၀ ကို ချထားခဲ့ပြီး၊ ဘင်္ဂလားဒေ့ရှ် နိုင်ငံ စစ်တကောင်းကို တနင်္လာနေ့က ရောက်ရှိခဲ့ပါတယ်။

ဒါပေမဲ့ အဲဒီ စစ်တကောင်း ဒုက္ခသည်စခန်းမှာ လုံခြုံရေးစိုးရိမ်ရတဲ့အတွက် သဘောင်္ပါ ကူညီရေးလုပ်သား ၁၈၂ ယောက်လုံးကို ဝင်ခွင့်မပြုဘဲ၊ ၂၅ ယောက်ကိုသာ အစိုးရက ဝင်ခွင့်ပြုခဲ့ပါတယ်။

ဒုက္ခသည်စခန်းတွင်းမှာ သေနတ်လက်နက်တွေ တွေ့ရှိခဲ့ရကြောင်း။ ဒါကြောင့် ကူညီရေးလုပ်သားအားလုံး ဝင်ရောက်လို့ တစ်စုံတရာဖြစ်ပွားရင် အခြေအနေကို ထိန်းသိမ်းနိုင်မှာမဟုတ်ကြောင်း၊ သူတို့အားလုံးရဲ့ လုံခြုံရေးကို အာမ မခံနိုင်တဲ့အတွက်၊ လုပ်သား ၂၅ ဦး သာဝင်ခွင့်ပြုမှာဖြစ်ကြောင်း ဘင်္ဂလားဒ့ရ်ှအစိုးရက ပြောဆိုတယ်လို့ ကူညီရေးအဖွဲ့အကြီးအကဲ အဗ္ဗဒူ အာဇိ က သတင်းမီဒီယာတွေကို ပြောပါတယ်။

ဒါ့ပြင် သဘောင်္ပါ ကူညီရေးပစ္စည်းတွေကို ဘင်္ဂလားဒေ့ရှ် လခြမ်းနီအသင်းနဲ့ နိုင်ငံတကာ ရွှေ့ပြောင်းသူများဆိုင်ရာ အဖွဲ့ထံ လွဲပြောင်းပေးခဲ့ပြီးတဲ့နောက်၊ ပစ္စည်းတွေ ဝေငှတာကို ကြည့်ရှုလိုရင်၊ နောက် ၁၅ ရက် ကြာတဲ့အခါ ပြန်လာကြည့်ပါလို့ ဘင်္ဂလားဒေ့အစိုးရက ပြောဆိုကြောင်းလည်း အဗ္ဗဒူ အာဇိ က ပြောပါတယ်။

RFA Burmese
https://www.facebook.com/rfaburmese/


နိရဉ္စရာ၊ ဖေဖော်ဝါရီ ၁၅

ဘင်္ဂလာဒေ့ရ်ှနိုင်ငံတွင် အသက် ၁၀နှစ် ၁၄ ကြား မိန်းခလေးငယ် ၃၄ ရာနှုန်းကျော်သည် လိင်ပိုင်းဆိုင်ရာအရ စော်ကားခံရသည်ဟု အမျိုးသမီးနှင့် ကလေးရေးရာဝန်ကြီး Meher Afroz Chumki က ဘင်္ဂလာဒေ့ရှ် ပါလီမာန်တွင် ပြောကြားလိုက်သည်။

ဖေဖော်ဝါရီ ၁၃ ရက် တနင်္လာနေ့က ဘင်္ဂလာဒေ့ရှ် ပါလီမန်တွင် လက်ရှိအစိုးရပါတီမှ အမတ်တစ်ဦးဖြစ်သူ Mamtaz Begum's ၏ စုံစမ်းမေးမြန်းကို ပြန်လည် ဖြေကြားစဉ် အမျိုးသမီး ၀န်ကြီး Meher Afroz Chumki က ထိုသို့ ထုတ်ဖော် ဖြေကြားသွားခြင်း ဖြစ်သည်။

ဘင်္ဂလာဒေ့ရှ် ကိန်းဂဏန်းအချက်အလက်များထုတ်ပြန်သော ဗျူရိုမှ ကမကထပြုလုပ်သော ၂၀၁၅ ခုနှစ် အကြမ်းဖက်ခံရသည့် အမျိုးသမီးများ၏ စစ်တမ်းကို ကိုးကားပြီး ၀န်ကြီးကပြောရာတွင် ဘင်္ဂလာဒေ့ရ်ှမှ အနည်းဆုံး ၃၁ ရာခိုင်နှုန်း မိန်းခလေးငယ်များသည် သူတို့ ကလေးသက်တမ်းတွင် အနည်းဆုံး တစ်ကြိမ် ရုပ်ပိုင်းဆိုင်ရာအရ နှိပ်စက်ခဲ့ရသည်ဟု ပြောကြားသည်။

အစိုးရအနေဖြင့် အမျိုးသမီးများနှင့် ကလေးငယ်များကို လိင်ပိုင်းဆိုင်ရာ စော်ကားမှုများနှင့် ကိုယ်ထိလက်ရောက် နှိပ်စက်မှုများကို လျော့ကျသွားအောင်ကြိုးပမ်းဆောင်ရွက်နေကြောင်းနှင့် ၎င်းတို့အတွက် ကူညီရေး စင်တာ တစ်ခုကိုလည်း ဖွင့်လှစ်ထားကြောင်း၊ အရေးပေါ် ဆက်သွယ်နိုင်ရန် ကူညီရေး တယ်လီဖုန်းလိုင်းတစ်ခုကို နံပတ် ၁၀၉၂၁ ဖြင့် ဖွင့်လှစ်ထားကြောင်း၊ ၎င်းနံပတ်ကို အလယ်တန်း၊ အထက်တန်းနှင့် ကောလိပ် အဆင့် ကျောင်းသုံးစာအုပ်များ၏ အဖုံးများတွင် ဖော်ပြသွားမည်ဟု ၀န်ကြီးက ပြောဆိုကြောင်း သတင်းတွင် ဖော်ပြထားသည်။

Narinjara
https://www.facebook.com/Narinjara



လုံခြုံရေး ကင်မရာ ပုံရိပ်တွေကို ရဲတွေက အသေးစိတ် စစ်ဆေး
မြောက်ကိုရီးယားခေါင်းဆောင် ကင်ဂျုံအွန်းရဲ့ အဖေတူ အမေကွဲ အစ်ကိုဖြစ်သူ ကင်ဂျုံနမ်း သေဆုံးမှုနဲ့ ဆက်စပ်ပြီး အမျိုးသမီး နှစ်ယောက်ကို မလေးရှား စုံစမ်း ထောက်လှမ်းရေး အရာရှိတွေ ရှာဖွေ နေကြပါတယ်။

မြန်မာနိုင်ငံက အမျိုးသမီး တယောက်ကို စစ်ဆေးဖို့ ကွာလာလမ်ပူ လေဆိပ်မှာ ဖမ်းဆီးထားတယ်လို့ မလေးရှား အစိုးရ သတင်းဌာနက ထုတ်ပြန်ပါတယ်။

လေဆိပ် စီစီတီဗီ မှတ်တမ်းပုံတွေက ရတဲ့ သက်သေတွေကနေ ကင်ဂျုံနမ်းသေချိန်မှာ လေဆိပ်မှာ တယောက်တည်း ရှိနေတဲ့ ဗီယက်နမ် နိုင်ငံကူး လက်မှတ်နဲ့ အမျိုးသမီးတယောက်ကိုလည်း အင်္ဂါနေ့ မနက်က ဖမ်းဆီးခဲ့ပါတယ်။

ကင်ဂျုံနမ်း ဟာ မလေးရှားမှာ တနင်္လာနေ့က အဆိပ်သင့် သေဆုံးခဲ့တာလို့ ယူဆ နေကြပါတယ်။

မကာအိုကို သွားမယ့် လေယာဉ် စောင့်နေတုန်း ကင်ဂျုံနမ်း တိုက်ခိုက် ခံခဲ့ရတဲ့ ကွာလာလမ်ပူ လေဆိပ် မှာ လုံခြုံရေး ကင်မရာတွေက ရိုက်ကူးထားတဲ့ ပုံရိပ်တွေကို ရဲတွေက အသေးစိတ် စစ်ဆေးနေပါတယ်။

သေဆုံးသူဟာ ကင်ဂျုံနမ်း ဖြစ်တယ်လို့ တောင်ကိုရီးယားက အတည်ပြုပါတယ်။

မလေးရှားနိုင်ငံကတော့ သူက နာမည် နောက်တစ်မျိုးနဲ့ ခရီးသွားတာ ဖြစ်တဲ့ အတွက် ကင်ဂျုံနမ်းဟုတ်တယ်ဆိုတာ အတည်မပြုသေးပါဘူး။

တရုတ် က သူ့ကို အကာအကွယ် ပေးထားခဲ့
မလေးရှား ရဲတပ်ဖွဲ့ ရဲ့ ပြောဆိုချက်အရ ကင်ဂျုံနမ်းဟာ ကွာလမ်လာပူ လေဆိပ်မှာ မကာအိုကို သွားဖို့ လေယာဉ်စောင့်နေတုန်းမှာ အမျိုးသမီး ၁ ဦးရဲ့ လုပ်ကြံခြင်းခံခဲ့ရတာပါ။ လုပ်ကြံခံရပုံ အသေးစိတ်ကတော့ ရှင်းလင်းမှု မရှိသေးပါဘူး။ မလေးရှား သတင်းတပုဒ်မှာ နောက်ကနေ လှမ်းဆွဲပြီး မျက်နှာကို အဆိပ်ရည်လောင်းချ ခဲ့တယ်လို့ ဆိုပြီး အခြား သတင်း တခုမှာတော့ အဆိပ်ရည်ဖျန်းထားတဲ့ အဝတ်စတခုနဲ့ မျက်နှာကို အုပ် သတ်ခဲ့တယ်လို့ ဖော်ပြထားပါတယ်။

အမေရိကန် အစိုးရဘက်က အမည်မဖော်တဲ့ ရင်းမြစ်တွေ အဆိုအရ သူ့ကို မြောက်ကိုရီးယားဘက်က အဆိပ်ခတ်တာ လို့ ဆိုပါတယ်။

သူ့ကို မြောက်ကိုရီးယား အစိုးရ ဘက်က သတ်ချင်တာ နှစ်ချီနေပြီ ဖြစ်ပေမယ့် တရုတ် က သူ့ကို အကာအကွယ် ပေးထားတယ်လို့လည်း မြောက်ကိုရီးယား ထောက်လှမ်းရေး အကြီးအကဲ က တောင်ကိုရီးယား အမတ်တွေကို ပြောခဲ့ပါတယ်။

၂ဝ၁၂ က တောင်ကိုရီးယား မှာ ဖမ်းခဲ့တဲ့ မြောက်ကိုရီးယား ထောက်လှမ်းရေး တယောက်က သူ့ကို ပစ်သတ်ဖို့ စီစဉ်ခဲ့တယ်လို့ ဝန်ခံခဲ့ဖူးတယ် လို့လည်း သိရပါတယ်။

သူ့အလောင်းကို ရင်ခွဲ စစ်ဆေးနေပါတယ်။

မြောက်ကိုရီးယား ဘက်က ဒီအမှု အကြောင်း ဘာမှ မပြောသေးပေမယ့် မလေးရှား က သူတို့ သံရုံးကတော့ သူ့အလောင်းထားတဲ့ ဆေးရုံကို လိုက်သွားကြပါတယ်။

BBC Burmese
http://www.bbc.com/burmese



 ဖေ့စ်ဘွတ်ပေါ်က တိုက်ရိုက် ထုတ်လွှင့်နေတုန်း ပစ်သတ်ခံရ
ဒိုမီနီကန် နိုင်ငံမှာ ရေဒီယို သတင်းသမား ၂ ယောက် အသံလွှင့်နေတုန်း သတ်ဖြတ်ခံရပါတယ်။

ဒီအမှုအတွက် လူ ၃ ယောက်ကို ဖမ်းဆီးထားပါတယ်။

သတင်းသမား တယောက်ကတော့ သူ့အစီအစဉ်ကို ဖေ့စ်ဘွတ်ပေါ်က တိုက်ရိုက် ထုတ်လွှင့်နေတုန်း ပစ်သတ်ခံရတာပါ။

အစီအစဉ် လွှင့်နေတုန်း သေနတ်သံတွေ ကြားရပြီး ထိတ်လန့်နေတဲ့ အမျိုးသမီး တယောက်က ပစ်ကုန်ပြီ ပစ်ကုန်ပြီလို့ အော်တာကိုလည်း ကြားရပါတယ်။

ဆန်တို ဒိုမီနီဂို မြို့တော် အရှေ့ဘက်က San Pedro de Macoris မြို့မှာ အင်္ဂါနေ့က ဒီပစ်ခတ်မှု ဖြစ်ပွားခဲ့တာလို့ ရဲက ဆိုပါတယ်။

သေဆုံးသူ တွေက အစီအစဉ် တင်ဆက်သူ နဲ့ ရေဒီယို ထုတ်လွှင့်သူတွေ ဖြစ်ကြပါတယ်။

အမျိုးသမီး တယောက်လည်း ဒဏ်ရာရခဲ့ပြီး ခွဲစိတ် ကုသနေရပါတယ်။

ဖမ်းဆီးထားသူတွေကို တရားမစွဲရသေးဘူးလို့လည်း ရဲက ဆိုပါတယ်။

၂ဝ၁၅ ကလည်း အမေရိကန်မှာ သတင်းသမား ၂ ယောက် တီဗီ တိုက်ရိုက်လွှင့်နေတုန်း ပစ်သတ်ခံခဲ့ရပါတယ်။

BBC Burmese
http://www.bbc.com/burmese



သမီးဖြစ်သူကို တရုတ်အမျိုးသားနှင့်လက်ထပ်ရန် ရောင်းစားခဲ့သည်ဟုဆိုသော မိခင်နှင့်ပထွေးကို တရားစွဲဆို
ပုသိမ် ဖေဖော်ဝါရီ ၁၅

သမီးဖြစ်သူကို တရုတ်နိုင်ငံ ဘက်သို့ရောင်းစားခဲ့သည်ဟုဆို ကာ လူကုန်ကူးဥပဒေပုဒ်မ ၂၄ ဖြင့် အမှုဖွင့်ထားသော မိခင်နှင့် ပထွေးကို ယခုလ ၁ဝ ရက်က ပုသိမ်မြို့နယ်တရားရုံးတွင် ဒုတိယ အကြိမ် ရမန်ယူစစ်ဆေးခဲ့ကြောင်း ပုသိမ်သင်္ဘောကျင်း နယ်မြေရဲစခန်း မှ သိရသည်။

ပုသိမ်မြို့ (၁ဝ) ရပ်ကွက်တွင် ဖခင်ဖြစ်သူနှင့်အတူနေထိုင်သည့် အမျိုးသမီးငယ်ကို မိခင် ဒေါ်ရီရီ နိုင်နှင့် ပထွေးဦးအောင်နိုင်ဦး(ခ) အညာသားတို့က တရုတ်နိုင်ငံ၌ အမျိုးသားတစ်ဦးနှင့် လက်ထပ်ရန် လိမ်လည်ရောင်းစားခဲ့သည်ဟုဆိုကာ အမှုဖွင့်အရေးယူဆောင်ရွက်ထား ခြင်းဖြစ်ကြောင်း သိရသည်။

ပုသိမ်လူကုန်ကူးမှု တားဆီး ကာကွယ်ရေးရဲတပ်ဖွဲ့မှ ဒုရဲမှူး ဦးသက်ဦးက''၂ဝ၁၆ မတ်လမှာ ကောင်မလေးကိုအလုပ်လုပ်ဖို့ဆိုပြီး ခေါ်သွားတယ်။ အဲဒီအချိန်ကစပြီး သူ့အဖေနဲ့ အဆက်အသွယ်မရ တော့ဘူးလို့ စစ်ဆေးချက်မှာပေါ် ပေါက်တယ်''ဟုပြောကြားခဲ့သည်။

အဆိုပါ အမျိုးသမီးသည် တရုတ်နိုင်ငံတွင် ရောင်းစားခံရပြီး နောက် သင်္ဃန်းကျွန်းမြို့နယ်၌ နေထိုင်သောအမျိုးသားတစ်ဦးနှင့် အင်တာနက် လူမှုကွန်ရက်တစ်ခု ဖြစ်သော We Chat အတွင်တွေ့ရှိခဲ့ရာ မှ ၄င်းကို မိခင်နှင့်ပထွေးက တရုတ်ယွမ်ငွေတစ်သိန်းဖြင့် ရောင်း ချခဲ့ခြင်းဖြစ်ကြောင်း သိရသည်။

ထို့အပြင်ပုသိမ်မြို့တွင်နေထိုင် သည့် ဖခင်အရင်းဖြစ်သူကို ဆက် သွယ်ပေးစေလိုကြောင်း အဆိုပါ အမျိုးသမီးက အကူအညီတောင်း ခံခဲ့ကြောင်း ပုသိမ်လူကုန်ကူးမှု တားဆီးကာကွယ်ရေးရဲတပ်ဖွဲ့မှ ဒုရဲမှူး ဦးသက်ဦးက ပြောကြားခဲ့ သည်။

ထို့နောက် ပုသိမ်မြို့တွင်နေ ထိုင်သောအမျိုးသမီး၏ ဖခင်သို့ လာရောက်ဆက်သွယ်ခဲ့ရာမှ အဆိုပါအမှုပေါ်ပေါက်ခဲ့ပြီး ယခု အခါ အမျိုးသမီးသည် တရုတ် နိုင်ငံတွင်တရုတ်အမျိုးသားတစ်ဦး ၏ဇနီးအဖြစ် နေထိုင်နေရဆဲဖြစ် ကြောင်း ဒုရဲမှူးဦးသက်ဦးက ရှင်း လင်းစွာ ပြောပြခဲ့သည်။

ထို့ကြောင့်ပုသိမ်သင်္ဘောကျင်း နယ်မြေရဲစခန်းတွင် လူကုန်ကူးမှု တားဆီးကာကွယ်ရေးဥပဒေပုဒ်မ ၂၄ ဖြင့် ပန်းတနော်မြို့နယ် ကင်းဝ ကြီးကျေးရွာတွင် နေထိုင်သော ဒေါ်ရီရီနိုင်နှင့် ဦးအောင်နိုင်ဦးတို့ ကို လူကုန်ကူးခံရသူ၏ အစ်မဖြစ် သူက တရားလိုပြုလုပ်၍ ဇန်နဝါရီ ၂၆ ရက်က အမှုဖွင့်ခဲ့ခြင်းဖြစ် ကြောင်း သိရသည်။

ပြီးခဲ့သည့် ဇန်နဝါရီ ၂၉ ရက် က ၄င်းတို့ကိုဖမ်းဆီး၍ ပုသိမ် မြို့နယ်တရားရုံး၌ ပထမအကြိမ် ရမန်ယူစစ်ဆေးခဲ့ကြောင်း သိရ သည်။

ယင်းနောက် ယခုလ၁ဝ ရက် တွင် ဒုတိယအကြိမ်ရမန်ယူ၍ စွပ်စွဲထားသောပုဒ်မဖြင့် စစ်ဆေး ရန် ဆောင်ရွက်လျက်ရှိကြောင်း သင်္ဘောကျင်းရဲစခန်းမှူး ရဲအုပ် ခင်မောင်ဝင်းက ပြောကြားခဲ့သည်။

မြင့်မြတ်အောင်မြင်
The Union Daily
https://www.facebook.com/uniondaily.net



မွန်ပြည်နယ် ရေးမြို့မှာရှိတဲ့ မွန်ပြည်သစ်ပါတီ ဆက်ဆံရေးရုံးကို ဖေဖော်ဝါရီလ ၁၅ ရက်နေ့က တပ်မတော်နဲ့ ရဲတပ်ဖွဲ့ကဝင်ရောက်စစ်ဆေးစဉ်။ Photo: မွန်ကရင် ပြည်သူ့မီဒီယာ/ Facebook
မွန်ပြည်နယ် ရေးမြို့မှာရှိတဲ့ မွန်ပြည်သစ်ပါတီ ဆက်ဆံရေးရုံးကို လက်နက်ရှိ၊ မရှိ တပ်မတော်နဲ့ ရဲတပ်ဖွဲ့က ဒီနေ့ ဝင်ရောက်စစ်ဆေးရှာဖွေပြီး ဆက်သွယ်ရေးစက်တစ်လုံးသိမ်းဆည်းသွားတယ်လို့ ရေးမြို့မွန်ပြည်သစ်ပါတီ ဆက်ဆံရေးရုံးတာဝန်ခံ က ပြောပါတယ်။

အခုလိုလုပ်တာဟာ တစ်ယောက်နဲ့တစ်ယောက် ယုံကြည်မှုလျောနည်းစေတယ်လို့ ရေးမြို့နယ် မွန်ပြည်သစ်ပါတီဆက်ဆံရေးရုံးအုပ် နိုင်သန်းက ပြောပါတယ်။

ဒီနေ့မနက် ၁၁နာရီက ရေးမြို့အခြေစိုက် ခမရ ၅၈၇ က ဒုတိယဗိုလ်မှူးကြီးအဆင့်ရှိသူအပါအဝင် အင်အား ၂၃ ဦးနဲ့ ရဲတပ်ဖွဲ့ဝင် ၄ ဦးက ဆက်ဆံရေးရုံးကို လက်နက်ရှိ မရှိ ၀င်ရောက် စစ်ဆေး ခဲ့တာဖြစ်ပါတယ်။

စစ်ဆေးရာမှာလက်နက်မတွေ့ဘဲ အရင်ငြိမ်းချမ်းရေးလက်မှတ်ရေးထိုးစဉ်ကတည်းက အသုံးပြုနေတဲ့ ဆက်သွယ်ရေးစက်တစ်လုံးကို သိမ်းဆည်းသွားတာဖြစ်ပါတယ်။

မနေ့ကလည်း ဘုရားသုံးဆူ - သံဖြူဇရပ် ကားလမ်းမပေါ်မှာရှိတဲ့ ဘုရားသုံးဆူ မြို့အထွက်နားက မွန်ပြည်သစ်ပါတီရဲ့ အကောက်ခွန်ဂိတ်နှစ်ခုဖြစ်တဲ့ ဘုရားတောင်ဂိတ်စခန်းနဲ့ သံဖြူဇရပ်မြို့ အ၀င်မှာရှိတဲ့ ဇီးနှစ်ပင်ဂိတ်စခန်းတို့ကို အစိုးရတပ်မတော်က ဖယ်ရှားခိုင်းတဲ့အတွက် ဖယ်ရှားပေးလိုက်ရတယ်လို့ သိရပါတယ်။

ဒီနေ့မှာ အစိုးရတပ်မတော်ယာဉ်တွေဟာ သံဖြူဇရပ်နဲ့ ဘုရားသုံးဆူတစ်လျောက်မှာ စစ်ရေးလှုပ်ရှားတာတွေပြုလုပ်နေပြီး စစ်ရေးတင်းမာမှုတွေ ဖြစ်နေတယ်လို့ သိရပါတယ်။

RFA Burmese
http://www.rfa.org/burmese


ရခိုင်ပြည်နယ်က ပဋိပက္ခတွေကြောင့် ထွက်ပြေးလာကြသူတွေကို ထားရှိတဲ့ ဘင်္ဂလားဒေ့ရ်ှနိုင်ငံ၊ စစ်တကောင်း က ဒုက္ခသည်စခန်းမှာ လုံခြုံရေးပြဿနာကြောင့် မလေးရှား ရိက္ခာတင်သင်္ဘောက ကူညီရေးလုပ်သား အနည်းငယ်သာ ဝင်ရောက်ခွင့်ပြုနိုင်မယ်လို့ အစိုးရက ပြောဆိုကြောင်း Bernama သတင်း ကဖေါ်ပြပါတယ်။

နိုင်ငံပေါင်း ၁၂ နိုင်ငံက လှူဒါန်းတဲ့ စားနပ်ရိက္ခာ၊ ဆေးဝါး နဲ့ အ၀တ်အထည် စတဲ့ ကူညီရေးပစ္စည်းတွေ တန်ချိန် ၂၀၀၀ နဲ့ စေတနာ့ဝန်ထမ်း ကူညီရေးလုပ်သားတွေ၊ သတင်းထောက်တွေ ပါဝင်တဲ့ မလေးရှား ရိက္ခာတင်သင်္ဘောဟာပြီးခဲ့တဲ့ သောကြာနေ့က ရန်ကုန်ဆိပ်ကမ်းမှာ ကူညီရေး ပစ္စည်း တန်ချိန် ၅၀၀ ကို ချထားခဲ့ပြီး၊ ဘင်္ဂလားဒေ့ရှ် နိုင်ငံ စစ်တကောင်းကို တနင်္လာနေ့က ရောက်ရှိခဲ့ပါတယ်။

ဒါပေမဲ့ အဲဒီ စစ်တကောင်း ဒုက္ခသည်စခန်းမှာ လုံခြုံရေးစိုးရိမ်ရတဲ့အတွက် သဘောင်္ပါ ကူညီရေးလုပ်သား ၁၈၂ ယောက်လုံးကို ဝင်ခွင့်မပြုဘဲ၊ ၂၅ ယောက်ကိုသာ အစိုးရက ဝင်ခွင့်ပြုခဲ့ပါတယ်။

ဒုက္ခသည်စခန်းတွင်းမှာ သေနတ်လက်နက်တွေ တွေ့ရှိခဲ့ရကြောင်း။ ဒါကြောင့် ကူညီရေးလုပ်သားအားလုံး ဝင်ရောက်လို့ တစ်စုံတရာဖြစ်ပွားရင် အခြေအနေကို ထိန်းသိမ်းနိုင်မှာမဟုတ်ကြောင်း၊ သူတို့အားလုံးရဲ့ လုံခြုံရေးကို အာမ မခံနိုင်တဲ့အတွက်၊ လုပ်သား ၂၅ ဦး သာဝင်ခွင့်ပြုမှာဖြစ်ကြောင်း ဘင်္ဂလားဒ့ရ်ှအစိုးရက ပြောဆိုတယ်လို့ ကူညီရေးအဖွဲ့အကြီးအကဲ အဗ္ဗဒူ အာဇိ က သတင်းမီဒီယာတွေကို ပြောပါတယ်။

ဒါ့ပြင် သဘောင်္ပါ ကူညီရေးပစ္စည်းတွေကို ဘင်္ဂလားဒေ့ရှ် လခြမ်းနီအသင်းနဲ့ နိုင်ငံတကာ ရွှေ့ပြောင်းသူများဆိုင်ရာ အဖွဲ့ထံ လွဲပြောင်းပေးခဲ့ပြီးတဲ့နောက်၊ ပစ္စည်းတွေ ဝေငှတာကို ကြည့်ရှုလိုရင်၊ နောက် ၁၅ ရက် ကြာတဲ့အခါ ပြန်လာကြည့်ပါလို့ ဘင်္ဂလားဒေ့အစိုးရက ပြောဆိုကြောင်းလည်း အဗ္ဗဒူ အာဇိ က ပြောပါတယ်။

RFA Burmese
https://www.facebook.com/rfaburmese/



မွန်ပြည်သစ်ပါတီက တပ်ဖွဲ့ဝင်တွေကို တွေ့ရစဉ်။ Photo: RFA
တိုင်းရင်းသား လက်နက်ကိုင်တော်လှန်ရေးအဖွဲ့တစ်ဖွဲ့ဖြစ်တဲ့ မွန်ပြည်သစ်ပါတီ NMSP အဖွဲ့ရဲ့ အကောက်ခွန် ဂိတ်စခန်းနှစ်ခုကို အစိုးရတပ်မတော်က ဖယ်ရှားခိုင်းတဲ့အတွက် ဖေဖေါ်ဝါရီ ၁၄ ရက်နေ့ မနေ့က ဖယ်ရှားပေး လိုက်ရတယ်လို့ ဘုရားသုံးဆူမြို့နယ် ဂျပန်ရေတွင်းကုန်းမှာရှိတဲ့ မွန်ပြည်သစ်ပါတီဆက်ဆံရေးရုံးတာဝန် ခံ နိုင်စိုက်ရော့ က ပြောပါတယ်။

ဖယ်ရှားပေးလုိုက်ရတဲ့ ဂိတ်စခန်းတွေကတော့ ဘုရားသုံးဆူ - သံဖြူဇရပ် ကားလမ်းမပေါ်မှာရှိတဲ့ ဘုရားသုံးဆူ မြို့အထွက်နားက ဘုရားတောင်ဂိတ်စခန်းနဲ့ သံဖြူဇရပ်မြို့အ၀င်မှာရှိတဲ့ ဇီးနှစ်ပင်ဂိတ်စခန်းတို့ ဖြစ်တယ်လို့ သိရပါတယ်။

ဘုရားသုံးဆူမြို့အထွက်မှာရှိတဲ့ မွန်ပြည်သစ်ပါတီ NMSP အဖွဲ့က ဖွင့်ထားတဲ့ ဘုရားတောင်ဂိတ် စခန်းကို ဖယ်ရှားပေးဖို့ ဘုရားသုံးဆူမြို့နယ်မှာရှိတဲ့ နယ်မြေခံအစိုးရတပ်မတော်တာဝန်ရှိသူတွေ က  ဖေဖေါ်ဝါရီ ၁၄ ရက်နေ့ မနက်ပိုင်းမှာ အကြောင်းကြားလာပြီးနောက် မိနစ်ပိုင်းအတွင်းမှာ တပ်မတော်က လာရောက်နေရာယူ လိုက်တာ ဖြစ်တယ်လို့ နိုင်စိုက်ရော့ က အတည်ပြု ပြောဆိုပါတယ်။

အလားတူ ဘုရားသုံးဆူ - သံဖြူဇရပ်ကားလမ်းမပေါ်မှာရှိတဲ့ မွန်ပြည်သစ်ပါတီ NMSP အဖွဲ့ရဲ့ အကောက်ခွန် ဂိတ်တစ်ခုဖြစ်တဲ့ သံဖြူဇရပ်မြို့အ၀င် ဇီးနှစ်ပင်ဂိတ်စခန်းကိုလည်း အစိုးရတပ်မတော်က ဖယ်ရှားခိုင်းလာ တဲ့အတွက် ဖေဖေါ်ဝါရီလ ၁၄ ရက်နေ့ နေ့လည်ပိုင်းက ဖယ်ရှားပေးလုိုက်ရပြီး အမှတ် ၂၄ ခြေလျင်တပ်ရင်းက လာရောက်နေရာယူထားတယ်လို့ သိရပါတယ်။

မွန်ပြည်သစ်ပါတီရဲ့ အကောက်ခွန်ဂိတ်စခန်းတွေကို အခုလို ဖယ်ရှားခိုင်းတာဟာ ပြီးခဲ့တဲ့ ဖေဖေါ်ဝါရီလ ၁၂ ရက်နေ့က ဘုရားသုံးဆူမြို့ ဂျပန်ရေတွင်းကုန်းရပ်ကွက်မှာ ကျင်းပခဲ့တဲ့ မွန်အမျိုးသားနေ အခမ်းအနား မှာ ပြည်နယ်အစိုးရက တားမြစ်ထားတဲ့ လက်နက်နဲ့ စစ်ရေးပြ အခမ်းအနား ကျင်းပခဲ့တဲ့အပေါ် အခုလို လုပ်ဆောင်လာတာဖြစ်တယ်လို့ နိုင်စိုက်ရော့ က ပြောပါတယ်။

ဂိတ်စခန်းတွေဖွင့်လှစ်ခဲ့ပြီး အစိုးရတပ်မတော်က ဖယ်ရှားခိုင်းတာဟာလည်း အခုတစ်ကြိမ်ဟာ ပထမဦးဆုံးဖြစ်တယ်လို့ ဆုိုပါတယ်။  လောလောဆယ် ဖယ်ရှားခံလိုက်ရတဲ့ အကောက်ခွန်ဂိတ်တွေမှာ မွန်ပြည်သစ်ပါတီက တပ်ဖွဲ့ဝင်တွေ ပြန်လည်နေထိုင်ခွင့်ရဖို့အတွက် ညှိနှိုင်းဆောင်ရွက်မှုတွေ လုပ်ဆောင်နေပြီး မွန်ပြည်သစ်ပါတီ NMSP က တာဝန်ရှိသူတွေလည်း ပြေလည်မှုရရှိအောင် ဆောင်ရွက်ဖို့ အဖွဲ့တွင်း စည်းဝေးနေကြတယ်လို့ သိရပါတယ်။

RFA Burmese
http://www.rfa.org/burmese



မြန်မာဒုက္ခသည် ၅ ဦး Oklahoma ပြည်နယ် Tulsa မြို လေဆိပ်ကို ဆိုက်ရောက်လာစဉ်
သမ္မတ Donald Trump က ပြည်ခွင့်ယာယီပိတ်ပင်တဲ့အမိန့်ကြေညာချက်ကို ပြည်ထောင်စု အယူခံတရားရုံးက ပယ်ချလိုက်ပြီးတဲ့နောက် ဖေဖော်ဝါရီလ ၁၄ ရက်နေ့မှာတော့ မြန်မာဒုက္ခသည် ၅ ဦးဟာ အခု အသံလွှင့်ပြီး မကြာခင် နာရီပိုင်းအတွင်း Oklahoma ပြည်နယ်ကို ရောက်လာကြတော့မှာ ဖြစ်ပါတယ်။

သမ္မတ Trump ရဲ့ အမိန့်ကြေညာချက် ထွက်လာပြီးနောက်ပိုင်း ရွှေ့ပြောင်း အခြေချ နေထိုင်ရေး အစီအစဉ်နဲ့ မြန်မာဒုက္ခသည်တွေ အမေရိကန်လာကြဖို့ အခက်အခဲတွေနဲ့ ရင်ဆိုင်နေရချိန်မှာ အခုလို ဒုက္ခသည်တွေ စပြီး ပြန်လည် ရောက်လာနေတာ ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။

အခု ကျနော်တို့ အသံလွင့်ပြီး မကြာခင်မှာ Oklahoma ပြည်နယ်၊ Tulsa မြို့ကို ရောက်လာကြမယ့် မြန်မာနိုင်ငံက ဒုက္ခသည်တွေကို အဲဒီမြို့မှာ ရောက်နေကြတဲ့ မြန်မာမိသားစုတွေ အပါအ၀င်၊ ဒေသခံ အမေရိကန်တွေနဲ့ သတင်းမီဒီယာတွေပါ လေဆိပ်မှာ စည်ကား သိုက်မြိုက်စွာ ကြိုဆိုကြမှာ ဖြစ်ပါတယ်။

သမ္မတ Donald Trump ရဲ့ ပထမ ပြည်ဝင်ခွင့် ယာယီပိတ်ပင်တဲ့ အမိန့်ကို ပြည်ထောင်စု အယူခံ တရားရုံးက ပယ်ချပြီး သမ္မတ Trump က နောက်ထပ် ပြည်ဝင်ခွင့် ပိတ်ပင်တဲ့ အမိန့်အသစ် မထွက်ခင် စပ်ကြား ကြားကာလမှာ Oklahoma ပြည်နယ်ကို မြန်မာနိုင်ငံက ဒုက္ခသည်တွေ ပထမဆုံးအကြိမ် ရောက်လာကြတာ ဖြစ်ပါတယ်။

ဒီ မြန်မာဒုက္ခသည်တွေဟာ အိန္ဒိယနိုင်ငံ၊ နယူးဒေလီမြို့ကနေ လာကြတာ ဖြစ်တဲ့အကြောင်း Catholic Charities လို့ခေါ်တဲ့ ပရဟိတ ဘာသာရေး အကျိုးဆောင်အဖွဲ့က လူဝင်မှုကြီးကြပ်ရေးနဲ့ ဒုက္ခသည်များ ပြန်လည်နေရာချထားရေးဌာန ညွန်ကြားရေးမှူး Amber Knecht က ဗွီအိုအေကို ပြောပါတယ်။

“ကျမတို့ဆီကို ဒီကနေ့ နယူးဒေလီမြို့ကနေ လူ ၅ ယောက် ရောက်လာမှာ ဖြစ်ပါတယ်။ သူတို့ဟာ ချင်းပြည်နယ်က ဇိုမီး တိုင်းရင်းသားတွေ ဖြစ်ပါတယ်။ အသက်နဲနဲကြီးနေပြီဖြစ်တဲ့ မိခင်ကြီးရယ်၊ အရွယ်ရောက်ပြီးဖြစ်တဲ့ သူ့သမီးနဲ့ အဲဒီ သမီးရဲ့ သားသမီး ၃ ယောက်၊ အားလုံး ၅ ယောက် လာကြမှာ ဖြစ်ပါတယ်။”

အခုရောက်လာကြမယ့် မြန်မာဒုက္ခသည် မိသားစု ၅ ဦးနေထိုင်ဖို့ တိုက်ခန်း စီစဉ်ထားပြီး ဖြစ်တဲ့အပြင် လိုအပ်တဲ့ အိမ်သုံးပစ္စည်းတွေကိုလည်း ကြိုဝယ်ထားပေးတဲ့အကြောင်း Amber Knecht က ပြောပါတယ်။ ဒါ့အပြင် မြို့ခံတွေကလည်း သူတို့နေမယ့် တိုက်ခန်းမှာ အခမ်းအနားနဲ့ ကြိုဆိုကြဖို့ စီစဉ်ထားကြောင်း ဒေသခံ သတင်းမီဒီယာတွေမှာ ရေးသား ဖော်ပြကြပါတယ်။

သူတို့ဟာ မူလက ဖေဖော်ဝါရီလဆန်းမှာ ရောက်လာကြဖို့ စီစဉ်ထားခဲ့တာဖြစ်ပေမဲ့ သမ္မတ Trump ရဲ့ အမိန့်ကြေညာချက်ကြောင် ခရီးစဉ်ကို ဖျက်လိုက်ရပြီးမှာ ပြည်ထောင်စု အယူခံ တရားရုံးက သမ္မတမိန့်ကို ပယ်ဖျက်ပြီးတဲ့နောက်မှ အမေရိကားကို လာဖို့အတွက် ပြန်စီစဉ်လိုက်ရတာလို့ ဆိုပါတယ်။

Tulsa မြို့ကိုပဲ ကြာသပတေးနေ့မှာ မြန်မာဒုက္ခသည် ၅ ဦး ထပ်ရောက်လာကြဖို့ ရှိတာမှာ အဲဒီအထဲက တဦးဟာ မြန်မာနိုင်ငံ၊ ချင်းပြည်နယ်ကနေ တိုက်ရိုက် ထွက်လာမှာဖြစ်ပြီး ကျန် ၄ ဦးကတော့ မလေးရှားနိုင်ငံက လာကြမှာဖြစ်ကြောင်း၊ စနေနေ့မှာလည်း မလေးရှားနိုင်ငံကပဲ နောက်ထပ် မြန်မာဒုက္ခသည် ၄ ဦး ရောက်လာကြဖို့ ရှိနေကြောင်း Amber Knecht က ပြောပါတယ်။

သမ္မတ Donald Trump က မွတ်ဆလင် အများစုနေထိုင်တဲ့ ၇ နိုင်ငံကလူတွေနဲ့ ဒုက္ခသည်တွေ ပြည်ဝင်ခွင့် ယာယီ ပိတ်ပင်လိုက်တဲ့ သမ္မတ အမိန့် ထုတ်ပြန်တာကို တွေ့လိုက်ပြီးတဲ့နောက် သူ့အနေနဲ့ ဒုက္ခသည်တွေကိုယ်စား စိတ်မကောင်း ဖြစ်မိတယ်လို့လည်း Amber Knecht က ပြောပါတယ်။

“ကျမလည်း စိတ်ဖိစီးမှုတွေ အများကြီး ခံစားလိုက်ရပါတယ်။ အစပိုင်းမှာတော့ ဒုက္ခသည်တွေအတွက် ကျမ စိတ်ထိခိုက်မိပါတယ်။ နောက်ပြီးတော့ ကျမတို့ ဌာနရဲ့ အနာဂတ်အတွက်လည်း စိုးရိမ်မှု ဖြစ်ခဲ့ရပါတယ်။ ပြီးတော့ သမ္မတ Trump ရဲ့ အမိန့်ကြေညာချက် အသစ်က Tulsa မြို့မှာရှိတဲ့ ကျမတို့ အနာဂတ်လုပ်ငန်းစဉ်တွေကို ဘယ်လို အကျိုးသက်ရောက်မှု ဖြစ်လာမလဲ ဆိုတဲ့အပေါ်မှာလည်း ကျမတို့ စောင့်ကြည့်နေပါတယ်။ ကျမတို့အနေနဲ့ကတော့ အနာဂတ်မှာ ဒုက္ခသည်တွေကို နှစ်ပေါင်းများစွာ ပြန်လည် အခြေချ နေထိုင်ခွင့်ရအောင် လုပ်ဆောင်ပေးနိုင်လိမ့်မယ်လို့ မျှော်လင့်ပါတယ်။”

အရင် သမ္မတ Barack Obama အစိုးရလက်ထက်က ၂၀၁၇ ခုနှစ်အတွင်း ဒုက္ခသည်အရေအတွက် ၁၂၀,၀၀၀ ခန့် လက်ခံဖို့ စီစဉ်ထားခဲ့ပေမယ့်လည်း အဲဒီ အရေအတွက်ကနေ ၅၀,၀၀၀ အထိ လျော့ချသွားဖို့ သမ္မတ Donald Trump ရဲ့ အမိန့်ကြေညာချက်မှာ ထည့်သွင်း ဖော်ပြထားတာကြောင့် အမေရိကန်နိုင်ငံမှာ ရွေ့ပြောင်း အခြေချ နေထိုင်လိုတဲ့ မြန်မာနိုင်ငံက ဒုက္ခသည်တွေအကြားမှာလည်း အရေအတွက် လျော့ချခံရမလားဆိုပြီး စိုးရိမ်မှုတွေ ထွက်ပေါ်နေပါတယ်။

ဒီကနေ့ ဖေဖော်ဝါရီလ ၁၄ ရက်နေ့မှာပဲ မလေးရှားနိုင်ငံကနေ အမေရိကန်နိုင်ငံကို ချင်းတိုင်းရင်းသား မိသားစု တစု ကာလီဖိုးနီးယားပြည်နယ်၊ Los Angeles မြို့ကို ထွက်လာကြနေပြီး ဒေသစံတော်ချိန် ဖေဖော်ဝါရီလ ၁၅ ရက်နေ့မှာ ရောက်လာကြမှာ ဖြစ်ပါတယ်။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com


မြောက်ကိုရီးယားခေါင်းဆောင်ရဲ့ အဖေတူအမေကွဲ အကိုတော်စပ်သူ Kim Jong Nam ဟာ မလေးရှားနိုင်ငံ ကွာလာလမ်ပူလေဆိပ်မှာ ဖေဖော်ဝါရီ ၁၄ ရက် အင်္ဂါနေ့က လုပ်ကြံခံ အသတ်ခံခဲ့ရပါတယ်။ သူဘာကြောင့်သေဆုံးခဲ့သလဲဆိုတာ သိရဖို့ ရင်ခွဲစမ်းသပ်နေပြီး စုံစမ်းစစ်ဆေးမှုတွေကို စတင်နေပြီလို့ မလေးရှားရဲတပ်ဖွဲ့ တာဝန်ရှိသူက ပြောပါတယ်။ Kim Jong Nam သေဆုံးမှုနဲ့ ပတ်သက်လို့ မြောက်ကိုရီးယားရဲ့ လက်ချက်ဖြစ်တယ်ဆိုတဲ့ ခန့်မှန်းမှုမျိုးစုံ ထွက်ပေါ်နေတာနဲ့ ပတ်သက်လို့ မစုမြတ်မွန်က စုစည်းတင်ပြထားပါတယ်။

မလေးရှားနိုင်ငံ ကွာလာလမ်ပူ နိုင်ငံတကာလေဆိပ်ကနေ တရုတ်နိုင်ငံ ကိုယ်ပိုင်အုပ်ချုပ်ခွင့်ရ မကာအိုကို သွားမယ့် အသက် ၄၆ နှစ်အရွက် Kim Chol ဆိုတဲ့ နာမည်နဲ့ နိုင်ငံကူ Passport ကိုင်ဆောင်ထားသူတယောက် သေဆုံးခဲ့တယ်လို့ မလေးရှားရဲတပ်ဖွဲ့က အင်္ဂါနေ့ညပိုင်းမှာ သတင်းထုတ်ပြန်ပါတယ်။ မြောက်ကိုရီးယားခေါင်းဆောင် Kim Jong Un ရဲ့အဖေတူ အမေကွဲ Kim Jong Nam ဟာ မူးဝေလာလို့ လေဆိပ်ကောင်တာတခုမှာ အကူအညီ တောင်းခံခဲ့တယ်လို့ မလေးရှားရဲတပ်ဖွဲ့တာဝန်ရှိသူ Fadzil Ahmat က Reuters သတင်းကို ပြောပြပါတယ်။

သူ့မျက်နှာကို အနောက်ကနေ တယောက်ယောက်က လှမ်းဆွဲလိုက်တာ ဒါမှမဟုတ် လှမ်းကိုင်လိုက်တယ်လို့ ခံစားရပြီးနောက်မှာ မူးနောက်နောက် ဖြစ်လာတဲ့အတွက် လေဆိပ်ဝန်ထမ်းတွေကို အကူအညီ တောင်းခဲ့တယ်လို့ ပြောပါတယ်။ ပထမမှာ သူ့ကို လေဆိပ်မှာရှိတဲ့ ဆေးခန်းမှာ ကုသပေးခဲ့ပေမဲ့ အခြေအနေ ကောင်းမလာတဲ့အတွက် Putrajaya ဆေးရုံကို ခေါ်အသွား ဆေးရုံကားပေါ်မှာ သေဆုံးသွားခဲ့တာ ဖြစ်ပါတယ်။

Kim Jong Nam ကို မြောက်ိုရီးယားသူလျှိုလို့ ယုံကြည်ရသူ အမျိုးသမီး၂ ယောက်က အဆိပ်လူးအပ်နဲ့ ထိုးခဲ့တယ်လို့ ယုံကြည်ရကြောင်း တောင်ကိုရီးယားအစိုးရ အသိုင်းအဝိုင်းကို ကိုးကားပြီး တောင်ကိုရီးယားက TV Chosun က ထုတ်ပြန်ခဲ့ပါတယ်။ တချို့တောင်ကိုရီးယား သတင်းတွေမှာတော့ အမျိုးသမီး ၂ ယောက်က သူ့မျက်နှာကို အဝတ်နဲ့ အုပ်ခဲ့ပြီးနောက် ခုလို နေထိုင်မကောင်းဖြစ် သေဆုံးခဲ့တာလို့ ပြောကြပါတယ်။

ဓာတုဆေးရည် Spray နဲ့ ပက်ဖျန်းခံရတယ်လို့ ဆေးရုံကားပေါ်က ဆေးဝန်ထမ်းတွေကို မသေဆုံးခင်မှာ Kim Jong Nam က ပြောခဲ့တယ်လို့ မလေးရှားတာဝန်ရှိသူ တချို့ကလည်း ပြောကြောင်း AP သတင်းမှာ ဖော်ပြပါတယ်။

မလေးရှားရဲတက်ဖွဲ့ကတော့ Kim Jong Nam ဘာကြောင့်သေဆုံးခဲ့တယ်ဆိုတာကို အတိအကျ မပြောနိုင်သေးဘူးလို့ ထုတ်ပြန်ခဲ့ပါတယ်။ ရင်ခွဲစစ်ဆေးမှုလုပ်ပြီးမှသာ သိနိုင်မယ်လို့ မလေးရှားရဲတပ်ဖွဲ့တာဝန်ရှိသူ Fadzil Ahmat က ပြောခဲ့ပါတယ်။ စုံစမ်းစစ်ဆေးမှုတွေကို စတင်လုပ်နေပြီး လောလောဆယ်မှာတော့ မသင်္ကာသူ မရှိသေးဘူးလို့လည်းဆိုပါတယ်။ Kim Jong Nam ဟာ ကွယ်လွန်သူ မြောက်ကိုရီးယားခေါင်းဆောင်ဟောင်း Kim Jong Il နဲ့ နာမည်ကြီးရုပ်ရှင်မင်းသမီး Sung Hye Rim တို့ရဲ့ သားဖြစ်ပါတယ်။

သူဟာ နိုင်ငံကိုဦးဆောင်ဖို့ ဆန္ဒမရှိဘူးလို့ လူသိရှင်ကြား ပြောခဲ့သူဖြစ်သလို မြောက်ကိုရီးယားမှာ မိသားစု အစဉ်အဆက် အာဏာဆက်ခံတဲ့အပေါ်ကိုလည်း ဝေဖန်ခဲ့သူဖြစ်ပါတယ်။ သူ့အဖေရဲ့အာဏာကို ဆက်ခံမယ့် အဖေတူအမေကွဲညီ Kim Jung Un အနေနဲ့ မြောက်ကိုရီးယားပြည်သူတွေရဲ့ အကျိုးကို ရှေ့ရှုပြီးနိုင်ငံကို အကောင်းဆုံး ဦးဆောင်သွားမယ်လို့ မျှော်လင့်ကြောင်း ၂၀၁၀ ခုနှစ်တုန်းက ဂျပန်ရုပ်သံတခုနဲ့ မေးမြန်းခန်းမှာ ပြောကြားခဲ့ပါတယ်။

သူဟာ မကာအို၊ တရုတ်ပြည်မကြီး၊ စင်္ကာပူနဲ့ မလေးရှားနိုင်ငံတွေမှာ အခုနှစ်ပိုင်းတွေအတွင်းလှည့်လည်နေထိုင်နေသူဖြစ်ပါတယ်။ မြောက်ကိုရီးယား ခေါင်းဆောင်တွေအပေါ် အာဏာလုမဲ့ ရန်မရှိဘူးလို့မြင်ရတဲ့ Kim Jong Nam ခုလို လုပ်ကြံသတ်ဖြတ်ခံရပုံရတာနဲ့ ပတ်သက်လို့ မြောက်ကိုရီးယားအရေး လေ့လာနေသူတချို့က အံ့သြခဲ့ကြပါတယ်။ မြောက်ကိုရီးယားအရေး ကျွမ်းကျင်သူ Aidan Foster-Carter က ဗြိတိန်က Sky News ရုပ်သံမေးမြန်းခန်းမှာ သူ့ရဲ့အမြင်ကို ခုလို ပြောခဲ့ပါတယ်။

“Kim Jong Nam ကပြည်ပမှာ နေနေတဲ့သူပါ။ လွန်ခဲ့တဲ့ နှစ်ပိုင်းတွေတုန်းက မိုက်မိုက်မဲမဲနဲ့ သူ့ညီနဲ့ပါတ်သက်လို့ရော အစဉ်အဆက် အာဏာဆက်ခံတဲ့ အစဉ်အလာနဲ့ပါတ်သက်လို့ပါ သူလူသိရှင်ကြားဝေဖန်ခဲ့ဖူးပါတယ်။ ဒါပေမဲ့ သူ့အသံမကြားရတာ အတော်ကြာပါပြီ။ ခပ်သိုသိုသိပ်သိပ်ပဲ နေတယ်ထင်ပါတယ်။ ဘယ်သူ့အတွက်မှ အန္တရာယ်ရှိပုံရတယ်လို့ မမြင်ရပါဘူး။ ဒါပေမဲ့လည်း အခုလို ကျွန်တော်တို့ ပြောနေကြတာက ဘာအထောက်အထားမှ မသိရသေးခင် ကြိုပြောရသလိုဖြစ်နေပါတယ်။ သူ့အဖေတူ မအေကွဲညီကတော့ သူဟာ အန္တရာယ်ကင်းတယ်လို့ မြင်ချင်မှမြင်ပါလိမ့်မယ်။”

Georgetown တက္ကသိုလ်က ဧည့်ပါမောက္ခ Balbina Hwang ကတော့ Kim Jong Nam ဟာ မြောက်ကိုရီးယားခေါင်းဆောင် ဖြစ်သင့်သူလုိ့ မြောက်ကိုရီးယားရဲ့ အနီးစပ်ဆုံး မဟာမိတ်ဖြစ်တဲ့ တရုတ်နိုင်ငံက လိုလားပုံရတဲ့အတွက် ဒါဟာ လက်ရှိခေါင်းဆောင် Kim Jong Un အတွက် တိုက်ရိုက်အန္တရာယ်ဖြစ်တယ်လို့ သူ့ရဲ့အမြင်ကို ဗွီအိုအေကို ပြောခဲ့ပါတယ်။

သူဟာနိုင်ငံကိုခေါင်းဆောင်ဖို့ ဆန္ဒမရှိဘူးလို့ ပြောခဲ့ပေမဲ့ လက်ရှိခေါင်းဆောင်နေရာမှာ အစားထိုးမယ့်သူအဖြစ် သတင်းတွေထွက်ခဲ့ဖူးတဲ့အတွက် Kim Jong Un အပေါ်သစ္စာရှိသူတွေဘက်က Kim Jong Nam ကို ရှင်းပြစ်တာ ဖြစ်နိုင်တယ်လို့လည်း ကိုရီးယားအရေးလေ့လာသူတချို့က သုံးသပ်ပါတယ်။ မြောက်ကိုရီးယားနိုင်ငံက ရန်သူလို့ မြင်သူတွေကို နိုင်ငံခြားအထိလိုက်ပြီး သုတ်သင်တဲ့ သာဓကတွေရှိခဲ့ပါတယ်။ 1983 ခုနှစ်တုန်းက မြန်မာနိုင်ငံကို လာလည်တဲ့ တောင်ကိုရီးယားသမ္မတ Chun Doo-hwan ကိုလုပ်ကြံသတ်ဖို့ အာဇာနည်ဗိမ္မာန်ကို ဗုံးခွဲခဲ့တာကို မြောက်ကိုရီးယားရေးကျွမ်းကျင်သူ Aidan Foster-Carter ကဥပမာတခုအဖြစ်ပေးခဲ့ပါတယ်။

“လွန်ခဲ့တဲ့ အနှစ် ၃၀ ကျော်တုန်းက Burma လို့ ခေါ်ခဲ့တဲ့ မြန်မာနိုင်ငံကို သွားလည်တဲ့ တောင်ကိုရီးယားသမ္မတကို မြောက်ကိုရီးယားတွေက ဗုံးခွဲလုပ်ကြံဖို့ ကြိုးစားခဲ့ဖူးပါတယ်။ သူတို့ မအောင်မြင်ခဲ့ပါဘူး။ တခြားသူတွေအများကြီးသေကြေခဲ့ကြတယ်။ လုပ်ကြံဖို့ကြိုးစားသူတွေကိုလည်း မိခဲ့ပါတယ်။ မိတဲ့တယောက်ကပြောလို့ သူတို့ရဲ့ အစီအစဉ်တွေ သိခဲ့ရပါတယ်။ အခုကိစ္စမှာလည်း အချက်အလက်တွေ သိကောင်းသိလာရနိုင်ပါတယ်။ အရင်မြောက်ကိုရီးယား အကြမ်းဖက်သမားတွေရဲ့ လုပ်ရပ်တွေတုန်းကလည်း လုပ်တဲ့သူတွေကိုမိခဲ့တယ်ဆိုတော့ အခုလည်း လက်သည်ကို မိမယ်လို့ မျှော်လင့်ပါတယ်။”

မြောက်ကိုရီးယားခေါင်းဆောင် Kim Jong Un ဟာ သြဇာညောင်းတဲ့ ဦးလေးဖြစ်သူ Jang Song Thaek ကို ၂၀၁၃ ခုနှစ်တုန်းက သတ်ဖြတ်သုတ်သင်ခဲ့တယ်လို့ နိုင်ငံထဲက ထွက်ပြေးလာကြသူ တော်တော်များများက ပြောကြပါတယ်။ အခုလည်း အဖေတူ အမေကွဲအကို Kim Jong Nam မလေးရှားလေဆိပ်မှာ လုပ်ကြံသတ်ခံရပုံရပါတယ်။ Kim Jong Nam ဟာ ၂၀၀၁ ခုနှစ်တုန်းက Passport အတုနဲ့ ဂျပန်နိုင်ငံကို အဝင်မှာ အဖမ်းခံခဲ့ရဖူးပါတယ်။ အဲဒီတုန်းက သူဟာ Disneyland ကစားကွင်းကြီးဆီကို သွားချင်လို့ ဂျပန်ကိုလာတာလို့ ပြောခဲ့ပါတယ်။

 စုမြတ်မွန် / ဗွီအိုအေ (မြန်မာပိုင်း)
http://burmese.voanews.com