02/21/17


ကုလသမဂ္ဂဆိုင်ရာ ရုရှားသံအမတ်ကြီးအဖြစ် ကာလရှည်ကြာစွာ တာဝန်ထမ်းဆောင်လာခဲ့သူ Vitaly I. Churkin ဟာ သူ့ရဲ့ ၆၅ နှစ်မြောက် မွေးနေ့မတိုင်ခင် တရက်အလိုဖြစ်တဲ့ မနေ့က တနင်္လာနေ့မနက်က နယူးယောက်မြို့မှာ ရုတ်တရက်ကွယ်လွန်ခဲ့ပါတယ်။

သူကွယ်လွန်သွားပြီဖြစ်ကြောင်း ရုရှား နိုင်ငံခြားရေးဝန်ကြီးဌာနက ကြေညာချက်ထုတ်ပြန်ရာမှာ ဖြစ်ပျက်ပုံအသေးစိတ်ကို ဖော်ပြခဲ့ခြင်း မရှိပါဘူး။ ဒါပေမယ့် ကုလသမဂ္ဂဆိုင်ရာ လက်ထောက်သံအမတ်ကြီး Vladimir Safronkov က သံအမတ်ကြီး Churkin ဟာ ရုရှားသံရုံးမှာ တင် ရုတ်တရက် လဲကျသွားခဲ့တယ်လို့ သတင်းမီဒီယာကို ပြောခဲ့ပါတယ်။ နောက်ဆုံးရရှိတဲ့သတင်းတွေအရ သံအမတ်ကြီးဟာ နှလုံးရောဂါနဲ့ နယူးယောက်မြို့ Presbyterian ဆေးရုံမှာ ကွယ်လွန်သွားခဲ့တယ်လို့ သိရပါတယ်။

သံအမတ်ကြီး ကွယ်လွန်ခဲ့တာနဲ့ပတ်သက်လို့ ၇၁ ကြိမ်မြောက် ကုလသမဂ္ဂ အထွေထွေ ညီလာခံကြီးမှာ ခေတ္တ ငြိမ်သက်ပြီး အဖွဲ့ဝင်နိုင်ငံ အားလုံးတို့က ဂါရဝ ပြုခဲ့ကြပါတယ်။အထွေထွေညီလာခံ ဥက္ကဋ္ဌ Peter Thompson ကအခုလို ပြောပါတယ်။

“သံအမတ်ကြီးကွယ်လွန်မှုနဲ့ပတ်သက်ပြီး ကျနော်တို့အားလုံး အံ့အားသင့် တုန်လှုပ်ကြပြီး သိပ်ကို ဝမ်းနည်းကြေကွဲကြရပါတယ်။ ကျနော်တို့အနေနဲ့ ကုလသမဂ္ဂ မိသားစုမှာ လေးစားခံရဆုံး၊ လွှမ်းမိုးမှုအရှိဆုံး အဖွဲ့ဝင်တွေအနက် တဦးကို ဆုံးရှုံးခဲ့ရတာ ဖြစ်ပါတယ်။ သူ့ရဲ့နာမည်ဟာ ကုလသမဂ္ဂသမိုင်းမှာ ကျန်ရစ်မှာဖြစ်တယ်လို့ ကျနော် အပြည့်အဝ ယုံကြည်မှုနဲ့ ပြောနိုင်ပါတယ်။”

ကုလသမဂ္ဂသံတမန်တွေကလည်း- သူတို့အနေနဲ့ အခုလို မစ္စတာ Vitaly Churkin ရုတ်တရက်ကွယ်လွန်သွားတာကို ကြားသိရတဲ့အတွက် တုန်လှုပ် မိကြောင်းနဲ့ ဝမ်းနည်းကြေကွဲရပါကြောင်း လူမှုရေးကွန်ယက်ကနေ ချက်ခြင်း ရေးသားဖော်ပြခဲ့ကြပါတယ်။

“ကျနော့်မိတ်ဆွေလည်းဖြစ်၊ လုပ်ဖော်ကိုင်ဖက်တဦးလည်းဖြစ်တဲ့ Vitaly Churkin ရဲ့နာရေးသတင်းကိုကြားရတဲ့အတွက် အထူးပဲ ယူကျုံးမရ ဝမ်းနည်းရပါတယ်။ အင်မတန် ထူးခြားပြီး အံ့သြဖွယ်ရာ အရည်အချင်းများရှိတဲ့ သံအမတ်ကြီး ကောင်းရာသုဂတိလားပါစေ …” လို့ ကုလသမဂ္ဂဆိုင်ရာ ဗြိတိန်အထူးသံကိုယ်စားလှယ် Matthew Rycroft က တွစ်တာ စာမျက်နှာမှာ ရေးသားခဲ့ပါတယ်။

ကုလသမဂ္ဂဆိုင်ရာ ဆွီဒင် သံအမတ် Olof Skoog (အိုလော့ဖ်၊ စကုခ်ျ) ကလည်း “ကျနော်တို့ရဲ့ ခင်မင်ရတဲ့မိတ်ဆွေကြီး Vitaly Churkin ကွယ်လွန်သွားတဲ့ သတင်းကို ကြားလိုက်ရတဲ့အတွက် ထိတ်လန့်တုန်လှုပ်မိပါတယ်။ သူ့ကို အထူး သတိရလွမ်းဆွတ်နေကြမှာပါ။ သူ့မိသားစုကို အထူးဝမ်းနည်း ကြေကွဲရပါကြောင်း ပြောကြားလိုပါတယ်။” လို့ ဖော်ပြရေးသားခဲ့ပါတယ်။


ကုလဆိုင်ရာ အမေရိကန် သံအမတ်သစ် Nikki Haley ကလည်း အထူးပင် ကြေကွဲဝမ်းနည်းကြောင်းနဲ့ - “ကျမတို့ တယောက်နဲ့တယောက် အမြဲတမ်း သဘောထားတိုက်ဆိုင်ခဲ့ကြတာမဟုတ်ပေမယ့် သူ့နိုင်ငံအတွက်တော့ သူက အလွန်ကို ကျွမ်းကျင်ပါးနပ်တဲ့ အရည်အချင်းတွေ ရှိတယ်ဆိုတာကတော့ မေးခွန်းထုတ်စရာတောင် မလိုတဲ့သူပါ။ ကျမတို့က သူ့အတွက် ဆုမွန်ကောင်းတွေတောင်းပေးပါတယ်။ သူ့အတွက် လည်း သူ့မိသားစုနဲ့ ရုရှားပြည်သူတွေနဲ့ထပ်တူ ခံစားရပါကြောင်းလည်း ပြောကြားလိုပါတယ်” လို့ ကြေညာချက် ထုတ်ပြန်ခဲ့ပါတယ်။

ကုလသမဂ္ဂ အထွေထွေညီလာခံဥက္ကဋ္ဌ Peter Thomson ရဲ့ ကြေညာချက်မှာလည်း သူ့အနေနဲ့ “အထူးပင် ကြေကွဲဝမ်းနည်းကြောင်းနဲ့ ရုရှား ပြည်ထောင်စုနဲ့ ကုလသမဂ္ဂအဖွဲ့ကြီးအတွက် သားကောင်းရတနာတဦး ၊ နိုင်ငံတကာက အားကိုးထိုက်တဲ့ ပညာရှင်တဦးကို ဆုံးရှုံးခဲ့ရတာပါပဲ” လို့ ဖော်ပြခဲ့ပါတယ်။

Vitaly Ivanovich Churkin ဟာ ၁၉၅၂ ခုနှစ်၊ ဖေဖော်ဝါရီလ ၂၁ ရက်နေ့က မော်စကိုမြို့မှာ မွေးဖွားခဲ့ပါတယ်။ သူ့ရဲ့ ငယ်ဘဝမှာ အနည်းဆုံး ရုပ်ရှင် သုံးကားမှာ ပါဝင်သရုပ်ဆောင်ခဲ့ပြီး ၂ ကားကတော့ ဆိုဗီယက် တော်လှန်ရေးခေါင်းဆောင် Vladimir Lenin ရဲ့အကြောင်း ဇာတ်ကားတွေ ဖြစ်ပါတယ်။

သူဟာ နိုင်ငံတကာဆက်ဆံရေးအထူးပြုနဲ့ မော်စကိုတက္ကသိုလ် က ၁၉၇၄ ခုမှာ ဘွဲ့ရရှိခဲ့ပြီး USSR သံတမန်ရေးရာ အထူးပညာရပ်သင် ကောလိပ်မှာ သမိုင်း ဘာသာနဲ့ ၁၉၈၁ ခုနှစ်က ပါရဂူဘွဲ့ကိုရရှိခဲ့ပါတယ်။

မစ္စတာ Churkin ဟာ ၁၉၇၄ ခုနှစ်မှာ နိုင်ငံခြားရေးဝန်ကြီးဌာနမှာ စတင်အမှုထမ်းချိန်ကစလို့ ရုရှားသံတမန်တယောက်အနေနဲ့ လွန်စွာ ဂုဏ်သိက္ခာကြီးမားခဲ့သူဖြစ်ပါတယ်။ ၁၉၉၀ ပြည့် အစောပိုင်းကာလတွေမှာ ထိုစဉ်က ယူဂိုဆလပ်ဗီးယားနိုင်ငံဟောင်းနဲ့ ပြောဆိုဆွေးနွေးဖို့ အစိုးရရဲ့ အထူးကိုယ်စားလှယ်အဖြစ် တာဝန်ထမ်းဆောင်ခဲ့ပါတယ်။ အဲဒီနောက်မှာတော့ ၁၉၉၄ ခုနှစ်ကနေ ၁၉၉၈ ခုနှစ်အထိ ဘယ်လ်ဂျီယံဆိုင်ရာ ရုရှားသံအမတ် အဖြစ် ၊ ၁၉၉၈ ခုနှစ်ကနေ ၂၀၀၃ ခုနှစ်အထိ ကနေဒါဆိုင်ရာ ရုရှားသံအမတ်အဖြစ် တာဝန်ထမ်းဆောင်ခဲ့ပါတယ်။

၂၀၀၆ ခုနှစ်မှာ ထိုစဉ် ကုလသမဂ္ဂအတွင်းရေးမှူးချုပ် ကိုဖီအာနန်လက်ထက်မှာ ကုလသမဂ္ဂဆိုင်ရာ ရုရှား သံအမတ်ရာထူးကို စတင်ယူခဲ့ပြီး အခု ကွယ်လွန်ချိန်အထိ ဒီတာဝန်ကို ထမ်းဆောင်သွားခဲ့တာ ဖြစ်ပါတယ်။ ဆယ်နှစ်ကျော်ကာလအတွင်း မစ္စတာ Churkin ဟာ ကုလသမဂ္ဂမှာ သံအမတ်ကြီးအဖြစ် လုပ်ဖော်ကိုင်ဘက်တွေရဲ့ လေးစားမှုကိုလည်း ကျယ်ကျယ်ပြန့်ပြန့်ရရှိခဲ့သူ ဖြစ်ပြီး ရုရှားနဲ့ ဆက်ဆံရေးမပြေမလည်ဖြစ်ခဲ့တဲ့ အစိုးရတွေကတောင်မှ လေးစားခြင်းခံရသူလည်း ဖြစ်ပါတယ်။

ပြီးခဲ့တဲ့ ခြောက်နှစ်တာကာလအတွင်း ရုရှားက ခရိုင်းမီးယားဒေသကို သိမ်းပိုက်ခဲ့တာနဲ့ ဆီးရီးယားသမ္မတ Bashar al-Assad ကို ထောက်ခံပံ့ပိုးခဲ့တာတွေကြောင့် ကမ္ဘာ့အလယ်မှာ ပိုပြီး အထီးကျန်ဖြစ်လာတာနဲ့အမျှ သူထမ်းဆောင်ရတဲ့ တာဝန် ဟာလည်း ပိုပြီး ခက်ခဲလာခဲ့ပါတယ်။

သူဟာ ကုလသမဂ္ဂ လုံခြုံရေးကောင်စီအစည်းဝေးတွေအတွင်း အမေရိကန်သံအမတ်ဟောင်း Samantha Power နဲ့ မကြာခနဆိုသလို ထိပ်တိုက်ရင်ဆိုင်ခဲ့ရတာတွေလည်း ရှိခဲ့ပါတယ်။ ပြီးခဲ့တဲ့ ဒီဇင်ဘာလအတွင်း ဆီးရီးယားနိုင်ငံ၊ အလက်ပိုမြို့ကို အဝိုင်းခံထားရတဲ့ အခြေအနေမှာ ကျင်းပခဲ့တဲ့ အခြေအတင်အငြင်းပွားတဲ့ လုံခြုံရေးကောင်စီ အစည်းအဝေးတခုမှာ မစ္စ် Power က ဆိုဗီယက်ကို - အချက် အလက်တွေ ပေးဖို့ ငြင်းပယ်တာနဲ့ အချက်အလက်တွေ ရှုပ်ထွေးအောင် လုပ်ခဲ့တာတွေ၊ နောက်ပြီး အရပ်သားတွေကို တိုက်ခိုက်မှုတွေ အပေါ်မှာ အားပေးကူညီခဲ့တာတွေနဲ့ပတ်သက်လို့ ဝေဖန် ပြောကြားခဲ့ပါတယ်။ မစ္စတာ Churkin ကလည်း မစ္စ် ပါဝါအသံက Mother Teresa အသံမျိုးနဲ့ ရုရှားကို ဆူပူနေတယ်လို့ တုံ့ပြန်ခဲ့ပြီး ကိုယ့်တိုင်းပြည်ရဲ့မှတ်တမ်းကိုလည်း ပြန်ပြီးသုံးသပ်ကြည့်ဖို့ သတိရပါ - လို့လည်း တိုက်တွန်းခဲ့ပါတယ်။

မစ္စတာ Churkin ဟာ စေ့စပ်ညှိနှိုင်းမှုတွေမှာ အလွန် ခေါင်းမာသူဖြစ်ပြီး လူချစ်လူခင်များတဲ့ ထူးချွန်တဲ့ သံတမန်တဦးလည်း ဖြစ်ခဲ့ပါတယ်။ ရုရှားနိုင်ငံခြားရေးဝန်ကြီး Sergei Lavrov အငြိမ်းစားယူတဲ့အခါ အဲဒီရာထူးနေရာကို သူရလိမ့်မယ်လို့ အများက ယူဆထားခံရသူလည်း ဖြစ်ပါတယ်။

မစ္စတာ Vitaly Churkin ကွယ်လွန်ချိန်မှာ သူ့ဇနီး Irina နဲ့ သားသမီး ၂ ဦး ကျန်ရစ်ခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

ရန်ကုန်မြို့ ရှိ လူနေတိုက်ခန်းများအား တွေ့ ရစဉ် (ဆင်ဟွာ)
    ရန်ကုန် ၊ ဖေဖော်ဝါရီ ၂၁ ရက်(ဆင်ဟွာ)

    နိုင်ငံ့တာဝန် ကို ထမ်းဆောင်နေကြသည့် ဝန်ထမ်းများ အတွက် ပင်စင်ယူသည့်အခါ နေထိုင်ရန် အိမ်ခန်း၊ တိုက်ခန်းများ ရရှိရေးအတွက် တိုင်းဒေသကြီး/ပြည်နယ် များအားလုံး တွင် အစီအမံများ ချမှတ်ဆောင်ရွက် လျက် ရှိကြောင်း စီမံကိန်းနှင့် ဘဏ္ဍာရေးဝန်ကြီးဌာန ၊ ပြည်ထောင်စု ဝန်ကြီး ဦးကျော်ဝင်းက ပြောကြားခဲ့သည်။

စီမံကိန်းနှင့် ဘဏ္ဍာရေးဝန်ကြီးဌာန၊ မြန်မာနိုင်ငံတော်ဗဟိုဘဏ်နှင့် နိုင်ငံပိုင် ဘဏ်များ၊ မြန်မာနိုင်ငံ ဘဏ်များအသင်း၊ ပုဂ္ဂလိကဘဏ်များ၊ နိုင်ငံခြားဘဏ်ခွဲများနှင့် နိုင်ငံခြားဘဏ် ကိုယ်စားလှယ် ရုံးခွဲများမှ တာဝန်ရှိသူများ နှင့် တွေ့ဆုံပွဲ အခမ်းအနားအား ဖေဖော်ဝါရီ ၂၀ ရက်တွင် ကျင်းပခဲ့ရာ ထိုကဲ့သို့ ထည့်သွင်း ပြောကြားခဲ့ခြင်း ဖြစ်ကြောင်း ပြန်ကြားရေး ၀န်ကြီးဌာန၏ ထုတ်ပြန်မှုအရ သိရသည်။

ထိုအခမ်းအနားတွင် မြန်မာနိုင်ငံ တော်ဗဟိုဘဏ်နှင့် အခြားပုဂ္ဂလိကဘဏ် များအားလုံးသည် ဘဏ်လုပ်ငန်း ဆိုင်ရာ ကိစ္စရပ်များကို ဥပဒေ၊ စည်းမျဉ်း စည်းကမ်း၊ လုပ်ထုံးလုပ်နည်းနှင့်အညီ ပူးပေါင်း ဆောင်ရွက် သွားကြရန် လိုကြောင်း ၊ ဘဏ်များတွင် အပ်နှံထားသည့် ငွေ၏ အတိုးရငွေ အပေါ်တွင် အခွန်ပေး ဆောင်ရန် ဝင်ငွေခွန် ဥပဒေ အရ ပြဋ္ဌာန်း ထားသော်လည်း စီမံကိန်းနှင့် ဘဏ္ဍာရေး ဝန်ကြီးဌာန၊ ပြည်တွင်းအခွန်များ ဦးစီးဌာန အနေဖြင့် လက်ရှိအခြေအနေတွင် အတိုးရငွေအပေါ် အခွန်ကောက်ခံရန်အ စီအစဉ်မရှိကြောင်း၊ ပြည်သူလူထုသိရှိ နိုင်ရန် မြန်မာ့အသံနှင့်ရုပ်မြင်သံကြား၊ Internet Website များနှင့် Social Media များမှတစ်ဆင့် သတင်းထုတ်ပြန် ကြေညာပြီး ဖြစ်ကြောင်း ထည့်သွင်း ပြောကြားခဲ့သည်။

(Xinhua)
http://www.xinhuamyanmar.com


မြောက်ကိုရီးယား ခေါင်းဆောင်ရဲ့ အဖေတူ အမေကွဲ အကို Kim Jong Nam လုပ်ကြံခံရမှုနဲ့ ပတ်သက်ပြီး ၄ ဦး ဖမ်းဆီးထားပြီး နောက်ထပ် ၇ ဦးကို ရဲက အလိုရှိထားပါတယ်။ မြောက်ကိုရီးယား ဘက်ကတော့ သေဆုံးသူရဲ့ အလောင်းကို လွှဲပြောင်းပေးဖို့ တောင်းဆိုနေပြီး မလေးရှား အာဏာပိုင်တို့ကတော့ ပယ်ချထားတာကြောင့် နှစ်နိုင်ငံကြား သံတမန်ရေး တင်းမာမှုလည်း ရှိနေတာပါ။ တောင်ကိုရီးယား အစိုးရကတော့ မြောက်ကိုရီးယား အစိုးရရဲ့ အကြမ်းဖက် နည်းပရိယာယ်တွေက အတင့်ရဲလာတာကြောင့် သတိကြီးကြီးထားကြဖို့ လိုအပ်ပြီလို့လည်း ပြောဆိုလိုက်ပါတယ်။ မသိင်္ဂီထိုက် စုစည်းတင်ပြထားပါတယ်။

မြောက်ကိုရီးယား ခေါင်းဆောင် ကင်ဂျုံအွန်းရဲ့ အဖေတူ အမေကွဲ အကို ကင်ဂျုံနမ် မလေးရှားနိုင်ငံမှာ ရုတ်တရက် သေဆုံးခဲ့ရမှုနဲ့ ပတ်သက်ပြီး ဖမ်းဆီးထားသူ ၄ ဦးရှိသွားပါပြီ။ ဖျော်ဖြေရေးမယ် အသက် ၂၈ နှစ် အရွယ် ဗီယက်နမ်နိုင်ငံသူ Doam Phi Huong ၊ အနှိပ်သည် ဖြစ်တဲ့ အသက် ၂၅ နှစ် အရွယ် အင်ဒိုနီးရှား နိုင်ငံသူ Siti Aisyah နဲ့ သူမနဲ့ ပတ်သက်သူ မလေးရှား နိုင်ငံသား Mohammed Bin Jallaludin တို့နဲ့ အတူ အသက် ၄၇ နှစ် အရွယ် မြောက်ကိုရီးယား နိုင်ငံသား Ri Jong Chol တို့ကို ဖမ်းဆီးထားတာပါ။ Ri Jong Chol ကတော့ ၂၀၁၆ ခုနှစ်ကတည်းက မလေးရှားနိုင်ငံကို ရောက်နေတာဖြစ်ပြီး ကွာလာလမ်ပူက ကုမ္ပဏီတခုရဲ့ IT ဌာနမှာ အလုပ်လုပ်ပါတယ်။

ဒီလူတွေ အပြင် ရဲက အလိုရှိထားသူ နောက်ထပ် ၇ ဦး ရှိပါသေးတယ်။ မလေးရှား ဒုတိယ ရဲချုပ် Noor Rashid Ibrahim က အခုလို ပြောဆိုထားပါတယ်။

ဆက်ပြီး စုံစမ်းစစ်ဆေးနေပါတယ်။ သံသယ ရှိသူ နောက်ထပ် လေးယောက်ရှိပါတယ်။ မြောက်ကိုရီးယား နိုင်ငံသားတွေ ဖြစ်တဲ့ အသက် ၃၃ နှစ် အရွယ် Ri Di Hyon ၊ အသက် ၃၄ နှစ် အရွယ် Hong Song Hac ၊ အသက် ၅၅ နှစ် အရွယ် O Jong Gil နဲ့ အသက် ၅၇ နှစ် အရွယ် မြောက်ကိုရီးယား နိုင်ငံသား Ri Jae Nam ဖြစ်ပါတယ်။ သူတို့ အားလုံးက ဇန်န၀ါရီလကုန်ပိုင်း၊ ဖေဖော်ဝါရီ လဆန်းပိုင်းတွေမှာ အသီးသီး မလေးရှားနိုင်ငံကို ရောက်ရှိလာကြသူတွေ ဖြစ်ပြီး မလေးရှားနိုင်ငံကနေ ဖေဖော်ဝါရီလ ၁၃ ရက်နေ့မှာ ပြန်လည် ထွက်ခွာမယ့်ရက် ဖြစ်ပါတယ်။ စုံစမ်းစစ်ဆေးမှု အတွက် ရဲက အလိုရှိနေတဲ့ နောက်ထပ် လူတွေ ရှိပါသေးတယ်။ အသက် ၃၀ အရွယ် မြောက်ကိုရီးယား နိုင်ငံသား James လို့ ခေါ်တဲ့ Ri Ji U နဲ့ နောက် နှစ်ယောက်တော့ ဘယ်သူတွေ ဖြစ်တယ်ဆိုတာကို စုံစမ်းနေဆဲ ဖြစ်ပါတယ်။

မလေးရှား နိုင်ငံဆိုင်ရာ မြောက်ကိုရီးယား သံအမတ်ကြီး Kang Chol က Kim Jong Nam ရဲ့ အလောင်းကို လွှဲပြောင်းပေးဖို့ တောင်းဆိုခဲ့တာကိုလည်း မလေးရှား အစိုးရက ပယ်ချထားပါတယ်။ ဒီနောက်မှာတော့ မြောက်ကိုရီးယား သံအမတ်ကြီးက မလေးရှားရဲ့ စုံစမ်းစစ်ဆေးမှုတွေ အပေါ် သံသယ ၀င်တဲ့ အကြောင်းပြောဆိုလိုက်ပါတယ်။

"မတော်တဆမှု ဖြစ်ခဲ့တာ ၇ ရက်ရှိခဲ့ပါပြီ။ ဒါပေမယ့် သေဆုံးရတဲ့ အကြောင်းရင်းနဲ့ ပတ်သက်ပြီး ရှင်းရှင်းလင်းလင်း အထောက်အထား မရှိသေးပါဘူး။ မလေးရှားရဲ အဖွဲ့ရဲ့ စုံစမ်းစစ်ဆေးမှု ရလဒ်ကို လက်ခံရမယ်ဆိုရင်တောင် ဒီစုံစမ်းစစ်ဆေးမှု အပေါ် မယုံကြည်ပါဘူး။ ဒီစုံစမ်းစစ်ဆေးမှု နောက်ကွယ်မှာ တစုံတယောက် ပါဝင် ပတ်သက်နေနိုင်တဲ့ အပေါ်မှာလည်း ပိုပြီး စိုးရိမ်ပါတယ်။"

မလေးရှားနိုင်ငံဆိုင်ရာ မြောက်ကိုရီးယားသံအမတ်ကြီး Kang Chol က မလေးရှားနိုင်ငံကို ဝေဖန်ပြစ်တင်ပြီးတဲ့နောက် မလေးရှား ကလဲ မြောက်ကိုရီးယားဆိုင်ရာ သူတို့ရဲ့သံအမတ်ကြီးကို ညှိနှိုင်းတိုင်ပင်ဖို့ဆိုပြီး ပြန်ခေါ်လိုက်ပါတယ်။ မြောက် ကိုရီးယားသံအမတ်ကြီး Kim Cholကိုလည်း မလေးရှားနိုင်ငံခြားရေးဌာနက တနလာင်္နေ့မှာ ဆင့်ခေါ်ခဲ့ပြီး စွပ်စွဲချက်တွေဟာ ကျိုးကြောင်းခိုင်လုံမှု မရှိဘူးဆိုပြီး ပယ်ချပါတယ်။ ကင်ဂျုံနမ်ကို လုပ်ကြံမှုကို မြောက်ကိုရီးယားတို့ ကြိုးကိုင်စီစဉ်တာလို့ ယူုဆထားတဲ့ တောင်ကိုရီးယား အစိုးရကတော့ မြောက်ကိုရီးယားရဲ့ အကြမ်းဖက်မှု နည်းပရိယာယ်တွေက ပိုပြီး အတင့်ရဲလာတယ်လို့ ပြောဆိုပါတယ်။ တောင်ကိုရီးယား ၀န်ကြီးချုပ်နဲ့ ယာယီ သမ္မတ အဖြစ်တာဝန်ယူထားတဲ့ Hwang Kyo-ahn က အခုလို ပြောပါတယ်။

"မြောက်ကိုရီးယား အစိုးရရဲ့ အကြမ်းဖက် နည်းပရိယာယ်တွေက ပိုပြီး အတင့်ရဲလာတာကြောင့် ကျနော်တို့ အစိုးရနဲ့ ပြည်သူတွေ အပေါ် မြောက်ကိုရီးယား အစိုးရက အကြမ်းဖက် ဆောင်ရွက်လာနိုင်ခြေ အပေါ်မှာ ပိုပြီး သတိထားရတော့မှာ ဖြစ်ပါတယ်။"

မြောက်ကိုရီးယား ခေါင်းဆောင်ရဲ့ အဖေတူ အမေကွဲ အကို Kim Jong Nam ကို လေဆိပ် လူမြင်ကွင်းမှာ သတ်ဖြတ်ခဲ့တာဟာဆိုရင် သည်းခံနိုင်စရာ မရှိတဲ့ ရက်စက် ကြမ်းကြုတ်တဲ့ ရာဇ၀တ်မှု ဖြစ်တယ်လို့လည်း တောင်ကိုရီးယား ယာယီ သမ္မတက ပြောဆိုပါတယ်။ အသက် ၄၅ နှစ်အရွယ် Kim Jong Nam ဟာ မကာအိုကိုသွားမယ့် လေယာဉ်ကိုစီးဖို့ စောင့်နေချိန် ကွာလာလမ်ပူ နိုင်ငံတကာ လေဆိပ်မှာ အမျိုးသမီးနှစ်ဦးက အဆိပ်သွင်း တိုက်ခိုက်ခံခဲ့ရတာဖြစ်တယ်လို့ မလေးရှားနဲ့ တောင်ကိုရီးယား တာဝန်ရှိသူတွေက ပြောထားပါတယ်။ သူ့ကို ဆေးရုံအပို့ လမ်းမှာပဲ ကွယ်လွန်ခဲ့တာ ဖြစ်ပါတယ်။

မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com

မြိုင်ကြီးငူဒေသရှိ စစ်ဘေးရှောင်ဒုက္ခသည်များအနေဖြင့် မိုင်းအန္တရာယ်များရှိနေခြင်းကြောင့် မိမိနေရပ် ဒေသများသို့ ပြန်လည်နေထိုင်ခြင်းမပြုနိုင်သေးကြောင်း ကရင်ပြည်နယ် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ( JMC-S) က ပြောသည်။

အဆိုပါဒေသတွင် မိုင်းရှင်းလင်းရေးအတွက် အစိုးရက တရားမ၀င်အသင်းအဖြင့်သတ်မှတ်ထားသည့် ဒီမိုကရေစီအကျိုးပြု ကရင့်တပ်မတော်(DKBA)မှ ခွဲထွက်ထားသည့် ကလိုထူးဘောအဖွဲ့(KKO)ဖြင့် တရားဝင်ညှိနှိုင်းမှုပြုလုပ်ရန် အခက်အခဲရှိကြောင်း ကရင်ပြည်နယ် JMC-S အတွင်းရေးမှူး နန်းစေးဝါးက ပြောသည်။

“အဲဒီတစ်ဖွဲ့က အပစ်ရပ်လုံးဝမလုပ်ထားတဲ့အတွက်ကြောင့် သူတို့ကိုညှိနှိုင်းဆောင်ရွက်လို့ မရဘူး” ဟု နန်းစေးဝါးက ဆိုသည်။

လက်ရှိတွင် JMC-S အနေဖြင့် ကရင်ပြည်နယ်အစိုးရနှင့် ပြည်ထောင်စုက လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဌာန၏ အကူအညီရယူပြီး အဆိုပါ နေရပ်ပြန်ရန် အခက်အခဲဖြစ်နေသေးသည့် စစ်ဘေးရှောင်များကို ကူညီပံ့ပိုးမှုများ ပြုလုပ်ပေးနေသည်။

ကရင်ပြည်နယ်အတွင်း မိုင်းရှင်းလင်းရေးလုပ်ငန်းများကို ၂၀၁၇ ခုနှစ် ဧပြီလအတွင်း စတင်လုပ်ဆောင်သွားနိုင်ရန် စီစဉ်ထားသည်ဟု ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အတွင်းရေးမှူး ဗိုလ်မှူးကြီး ဝဏ္ဏအောင်က ပြောဆိုထားသည်။

“မိုင်းရှိတဲ့နေရာတွေမှာ ရှင်းလင်းသွားဖို့ယေဘုယျဆွေးနွေးထားတာပါ။ အဓိကကတော့ ကရင်ပြည်နယ်ကို စပြီးတော့ လုပ်ဖို့တော့ စီမံထားထာရှိပါတယ်။ ဘတ်ဂျက်က ၂၀၁၇ခုနှစ်အတွင်းဧပြီလကနေ စနိုင်ဖို့ လုပ်ထား တာပေါ့။ ငြိမ်းချမ်းရေးလုပ်ငန်းစဉ်ရန်ပုံငွေဆိုင်ရာပေါင်းစပ်ညှိနှိုင်းရေးအဖွဲ့(JCB)ကို တင်ပြထားတာပါ။ သူတို့မူဝါဒ အတိုင်းဆောင်ရွက်သွားမှာဖြစ်ပါတယ်”ဟု ၄င်းက ပြောသည်။

ထို့သိုမိုင်းရှင်းလင်းရာတွင် ပထမအနေဖြင့် အများပြည်သူများသွားလာသည့်နေရာများကို ဦးစားပေးရှင်းလင်းလုပ်ဆောင်သွားမည်ဖြစ်ပြီး တပ်စခန်းများ၏အနီးအနားများရှိ မိုင်းရှိနိုင်သည့်နေရာများကို ဆက်လက်ရှင်းလင်းဆောင်ရွက်သွားမည်ဟုလည်း ဗို်လ်မှူးကြီး ဝဏ္ဏအောင်က ပြောသည်။

ပြီးခဲ့သည့်နှစ် စက်တင်ဘာလဆန်းပိုင်းက စတင်ပြီး DKBA ခွဲထွက်အဖွဲ့များနှင့် တပ်မတော်၊ နယ်ခြားစောင့် တပ်ဖွဲ့တို့ အကြား တိုက်ပွဲများ ဖြစ်ပွားခဲ့သည်။

အဆိုပါ မဲသဝေါဒေသ၌ ဖြစ်ပွားခဲ့သည့်တိုက်ပွဲ များကြောင့် စစ်ဘေးရှောင်ပြည်သူ ၅၀၀၀ ကျော်ခန့်သည် မိမိရပ်ရွာများကို စွန့်ခွာပြီး မြိုင်ကြီးငူဒေသ၌ လက်ရှိအချိန်ထိ ခိုလှုံနေဆဲဖြစ်သည်။

===========

Mizzima - News in Burmese

http://www.mizzimaburmese.com/article/23767


စစ်ဘေးရှောင်ပြည်သူများ ပြန်လည်နေထိုင်ရန်အစိုးရနှင့် ကရင်အမျိုးသားအစည်းအရုံး(KNU) တို့ ပူးပေါင်းတည်ထောင်ထားသည့် လေးကေ့ကော်မြို့သစ်တွင် အလုပ်အကိုင်အခွင့်အလမ်းများ မဖန်တီးပေးနိုင်သေးကြောင်း မြို့တည်ဆောက်ရေးနှင့်စီမံခန့်ခွဲမှုကော်မတီ အတွင်းရေးမှူးစောဌေးမြင့်အောင်က ဆိုသည်။

“အထူးသဖြင့် ဒီမှာက စားဝတ်နေရေးအတွက် အလုပ်အကိုင်ရှာပေးဖို့အတွက် အခက်အခဲရှိနေတယ်။ ကျွန်တော်တို့ လုပ်ငန်းစဉ်ကလည်း ပြန်လည်နေရာချထားပေးဖို့ဆိုတဲ့အဆင့်ကိုသွားနေတဲ့အတွက် အလုပ်အကိုင်ရရှိရေးတို့ စားဝတ်နေရေးပြေလည်ဖို့အတွက် စီစဉ်ပေးနေတာတော့ မရှိသေးဘူး” ဟု စောဌေးမြင့်အောင်က ပြောသည်။

မြဝတီခရိုင် လေးကေ့ကော်မြို့သစ်စီမံကိန်း၌ လက်ရှိတွင် အိမ်ခြေပေါင်း ၆၅၀ ရှိနေပြီး လူဦးရေအားဖြင့် ၃၂၀၀ နီးပါး နေထိုင်လျက်ရှိကြောင်း သိရသည်။ အဆိုပါ လေးကေ့ကော်စီမံကိန်းအား အစိုးရနှင့် ကရင်အမျိုးသား အစည်းအရုံး(KNU) တို့ ပူးပေါင်းအကောင်အထည်ဖော်ခြင်းဖြစ်ကာ ၂၀၁၅ ခုနှစ်ဖေဖော်ဝါရီ လ ၁ ရက်နေ့တွင် စတင်တည်ဆောက်ခဲ့ခြင်း ဖြစ်သည်။

အဆိုပါ မြို့သစ်တွင်ပြန်လည်အခြေချနေုထိုင်နေသည့် စစ်ဘေးရှောင်ပြည်သူများသည် လေးကေကော်မြို့ပတ်ဝန်းကျင်များတွင်သာ စပါးရိတ်၊ ပဲရိတ်ခြင်းများ၊ တောင်ယာလုပ်ငန်းများကိုသာ ရာသီအလိုက် လိုက်ကိုင်နေကြရပြီး အများစုမှာ ထိုင်းမြန်မာနယ်စပ်မြို့ဖြစ်သည့် မြ၀တီမြို့ပေါ်သို့သွားရောက်ကာ ကြုံရာကျဘမ်းလုပ်ကိုင်နေကြကြောင်းသိရသည်။

“စက်ရုံလေးဘာလေးရှိရင် ပုံမှန်အလုပ်ရှိမှာပေါ့နော်၊ ကလေးတွေ မိဘတွေနဲ့ နီးနီးနားနားနေရတယ်၊ အခုက အလုပ်မရှိတော့ ကလေးတွေနဲ့ တကွဲတပြားတွေသွားနေရတယ်ပေါ့”ဟု လေးကေ့ကော်မြို့သစ်၌ ပြောင်းရွေ့အခြေချနေထိုင်သူ မဇင်မာလွင်က ဆိုသည်။

ပြီးခဲ့သည့် နှစ်အစောပိုင်းတွင် ထိုင်းနိုင်ငံနယ်စပ်စခန်းမှ လေးကေ့ကော်သို့ ပြောင်းရွေ့လာသည့် စောထေ့ဖိုးနို့ကလည်း “အလုပ်က အရမ်းရှားတယ်၊ လုပ်ရင်းစားရင်းနဲ့ ဆိုပေမယ့် စားရတာ သောက်ရတာ အခက်အခဲရှိတယ်” ဟု ပြောသည်။

မူလကနဦးရည်ရွယ်ချက်အရ ကရင်အမျိုးသားအစည်းအရုံး၏ တပ်ဖွဲ့ဝင်များနှင့် စစ်ဘေးရှောင်ပြည်သူများ ပြန်လည်နေထိုင်ရန် လေးကေ့ကော်မြို့သစ်ကို တည်ထောင်ခြင်း ဖြစ်သော်လည်း ယခုအချိန်တွင်မူ ပြည်တွင်းရွေ့ပြောင်းသွားလာနေသူများပါ လာရောက်အခြေချ နေထိုင်လျှက်ရှိကြသည်။

ထိုင်းနိုင်ငံနယ်စပ်တစ်လျှောက်ရှိ ဒုက္ခသည်စခန်း (၉ )ခုတွင် မြန်မာနိုင်ငံမှ စစ်ဘေးရှောင်ဒုက္ခသည်များ လူဦးရေပေါင်းတစ်သိန်းခွဲခန့် ရှိနေသေးသည်။

ပြီးခဲ့သည့်နှစ် အောက်တိုဘာ လကုန်ပိုင်းတွင် မြန်မာနှင့် ထိုင်းနှစ်နိုင်ငံအစိုးရတို့အကြား ဆွေးနွေးသဘောတူညီမှုဖြင့် ထိုင်းမြန်မာနယ်စပ်ရှိ ဒုက္ခသည်စခန်းတစ်ခုဖြစ်သည့် နိုဖိုးဒုက္ခသည်စခန်းမှ ဒုက္ခသည် ၆၅ ဦးသည် ပထမအသုတ်အနေဖြင့် ပြန်လည်ရောက်ရှိလာခဲ့ကြသည်။

အဆုိုပါ ဒုက္ခသည်များမှ ၁၇ ဦးမှာ ရန်ကုန်မြို့သို့ ရောက်ရှိခဲ့ကြပြီး ကျန်သည့်မိသားစုများက ၄င်းတို့၏ သက်ဆိုင်ရာ နေရပ်ဒေသအသီးသီးပြန်သွားကြကြောင်း သိရသည်။

ရန်ကုန်ရှိ အစိုးရ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ရန်ကုန်မြို့သို့ ရောက်ရှိလာသည့် ဒုက္ခသည် ၁၇ ဦးအတွက် ထောက်ပံ့ကြေးအဖြစ် တစ်ဦးလျှင်ကျပ် ၃,၀၀၀ ကို စတင်ရောက်ရှိသည့်နေ့မှ ဒီဇင်ဘာ ၂၁ ရက်နေ့အထိ ထောက်ပံ့ပေးမည်ဖြစ်သော်လည်း အခြားပြည်နယ်နှင့် တိုင်းဒေသကြီးများသို့ ရောက်ရှိနေသည့် ကျန်ရှိသည့်ဒုက္ခသည်များမှာမူ အခက်အခဲများ တွေ့နေကြဆဲဖြစ်သည်။

===========

Mizzima - News in Burmese

http://www.mizzimaburmese.com/article/23766


အကူအညီလိုအပ်နေသည့်အမှုသည်များကို မှုခင်းသတင်းထောက်များက အခမဲ့ကူညီသွားနိုင်ရန် ကြိုးစားသွားမည်ဟု မြန်မာနိုင်ငံမှုခင်းသတင်းထောက်များအသင်း (ဗဟိုအဖွဲ့ချုပ်)၏ ဒုတိယဥက္ကဋ္ဌ မောင်ငြိမ်းသူ(ကြို့ပင်ကောက်)က ဖေဖော်ဝါရီ ၂၀ ရက်တွင် မဇ္ဈိမသို့ ပြောသည်။

မြန်မာနိုင်ငံမှုခင်းသတင်းထောက်များ အသင်း(ဗဟိုအဖွဲ့ချုပ်)က အသင်းဝင်အထူးမှုခင်းသတင်းထောက်များကို ရဲတပ်ဖွဲ့မှ အငြိမ်းစားရဲမှူးကြီးနှင့် ဒုရဲမှူးကြီးများ ဦးဆောင်လမ်းညွှန်ပြီး သတင်းထောက်လှမ်း၊ စုံစမ်း၊ ဖော်ထုတ် ရေးနည်းပညာရပ်များ ပို့ချသွားမည်ဟု ဆိုသည်။

"တစ်ချို့ကုမ္ပဏီတွေက စုံထောက်ဘာညာလုပ်ပေးမယ်ပြောတယ်။ စုံထောက်အသင်းဆိုတာ အခုထက်ထိ ဘာ မှ မရှိဘူး။ ပြည်ထဲရေးမှာမရှိသလို ရန်ကုန်တိုင်းရဲတပ်ဖွဲ့မှာလည်း စာရင်းမရှိဘူး။ ဒါပေမယ့် ကျွန်တော့်ရဲ့ ဆရာ ခင်မောင်ထွန်း(လမ်းမတော်)တို့တုန်းက စုံထောက်သင်တန်းတော့ မဟုတ်ဘူး။ လုံခြုံရေးသင်တန်းပေါ့။ စတိုး ဆိုင်တွေ၊ အိမ်တွေက ရဲတပ်ဖွဲ့အငြိမ်းစားတွေ၊ တပ်မတော် အငြိမ်းစားတွေကို လုံခြုံရေးသင်တန်းပေးပြီး ကုမ္ပဏီ တွေက ငှားတာ။ မြန်မာပြည်မှာ စုံထောက်ရယ်လို့တော့ ဘယ်သူမှ မရှိသေးဘူး။ မင်းသိင်္ခရဲ့ ဆားပုလင်း နှင်းမောင်ပဲ ရှိတယ်" ဟု မြန်မာနိုင်ငံမှုခင်းသတင်းထောက်များအသင်း (ဗဟိုအဖွဲ့ ချုပ်)၏ ဒုတိယဥက္ကဋ္ဌ မောင်ငြိမ်းသူ(ကြို့ပင်ကောက်)က ပြောသည်။

ရဲတပ်ဖွဲ့နှင့်ပူးပေါင်းဆောင်ရွက်ပြီး မှုခင်းအန္တရာယ်များ ကြိုတင်ကာကွယ်ရေးကိစ္စရပ်များအပါအ၀င် တရားခံ ဖမ်းဆီးနိုင်ခြင်းမရှိသောအမှုများအတွက် တရားခံဖမ်းမိရေး၊ အမှုမှန်ပေါ်ပေါက်ရေးနှင့် အမှုလာအပ်ပြီး အကူအညီလိုအပ်သော အမှုသည်(ပြည်သူ)များကို အခမဲ့ဝန်ဆောင်မှုဖြင့် သတင်းစုံစမ်းဖော်ထုတ်ရေးကိစ္စ များကို အဓိကထား ဆောင်ရွက်သွားမည်ဖြစ်ကြောင်း မြန်မာနိုင်ငံ မှုခင်းသတင်းထောက်များအသင်းက ကြေညာထားသည်။ ယင်းအစီအစဉ်အား ပူးပေါင်းဆောင်ရွက်လိုသူများကိုလည်း ဖေဖော်ဝါရီလ ၂၀ ရက်နေ့ ထုတ် မှုခင်းရှုထောင့်ဂျာနယ်မှတဆင့် ဖိတ်ခေါ်ထားသည်။

မြန်မာသတင်းပညာသိပ္ပံမှ သင်တန်းညွှန်ကြားရေးမှုး ဦးစိန်ဝင်းကမူ သတင်းထောက်အနေဖြင့် အလွတ်စုံထောက်လုပ်ခြင်းသည် သတင်းမီဒီယာကျင့်ဝတ်နှင့်မညီကြောင်းပြောသည်။

===========

Mizzima - News in Burmese

http://www.mizzimaburmese.com/article/23765


အမျိုးသားဒီမိုကရေစီအဖွဲ့ချုပ် ဥပဒေအကြံပေး ဦးကိုနီလုပ်ကြံခံရမှုသည် တဖြည်းဖြည်းနှင့် သွေးအေးလာသော အခြေအနေကို ဦးတည်လာနေသည်။ သုံးပတ်ရှိလာသည့်တိုင် ကြည်လင်းနှင့် အောင်ဝင်းဇော်တို့မှလွဲ၍ လုပ်ကြံမှုကြီး၏ ကျန်ကွင်းဆက်တရားခံများ ထပ်မံမဖမ်းဆီးနိုင်ခြင်း နှင့် သတင်းထုတ်ပြန်မှုများ နောက်ကျခြင်းက ဦးကိုနီလုပ်ကြံခံရမှုကို သွေးအေးလာစေသော အဓိက အချက်များဖြစ်သည်။

ရန်ကုန်အပြည်ပြည်ဆိုင်ရာလေဆိပ်တွင် အတင့်ရဲစွာ နေ့ခင်း ကြောင်တောင် လုပ်ကြံမှုကြီး၌ ကြည်လင်းကို တာဝန်သိပြည်သူနှင့် ရဲတပ်ဖွဲ့ဝင်အချို့ကြောင့် အချိန်အနည်းငယ်အတွင်း ဖမ်းဆီးနိုင်ပြီး အောင်ဝင်းဇော်ကိုလည်း အခင်းဖြစ်ပြီး ၁၂ နာရီအတွင်း ဇန်န၀ါရီ ၃၀ ရက် နံနက်အစောပိုင်းတွင် ရဲတပ်ဖွဲ့က သံလွင်တံတား(ဘားအံ) ၌ ဖမ်းဆီးနိုင်ခဲ့သည်။ သို့သော် အောင်ဝင်းဇော်ကိုဖမ်းမိပြီးနောက် လုပ်ကြံရန် အဓိကစေခိုင်းသူမှာ ၎င်း၏ညီ ဒုတိယဗိုလ်မှူးကြီးဟောင်း အောင်ဝင်းခိုင်ဖြစ်ကြောင်း သိရသော်လည်း အောင်ဝင်းဇော်ဖမ်းမိပြီး ရက် ၂၀ ကြာသည့်တိုင် အောင်ဝင်းခိုင်ကို မဖမ်းဆီးနိုင်သေး၍ အမှုကို ကိုင်တွယ် နေသော ပူးပေါင်းအဖွဲ့စွမ်းဆောင်ရည်အပေါ် မေးခွန်းထုတ်စရာ ဖြစ်နေပါသည်။

ထို့အပြင် လုပ်ကြံမှုကြီး၏ သတင်းထုတ်ပြန်မှုများမှာလည်း အလွန်နှောင့်နှေးနေသည်။ လုပ်ကြံမှုဖြစ်ပွားပြီး ၂၂ ရက်အတွင်း ပြည်ထဲရေးဝန်ကြီးဌာနက သတင်းမထုတ်ပြန်ဘဲ နိုင်ငံတော်သမ္မတရုံးကသာ သုံးကြိမ် သတင်းထုတ်ပြန်ထားသည်။ လုပ်ကြံမှုဖြစ်ပွားပြီး နောက်တစ်နေ့ဖြစ်သော ဇန်န၀ါရီ ၃၀ ရက် ထုတ်ပြန်မှုတွင် သေဆုံးခဲ့သော ဦးကိုနီနှင့် ဦးနေ၀င်းတို့အတွက် များစွာစိတ်မကောင်းဖြစ်ရပြီး ယခုဖြစ်ရပ်သည် နိုင်ငံတော်အတွင်း တည်ငြိမ်အေးချမ်းမှု ပျက်ပြားစေရန် ရည်ရွယ်လုပ်ဆောင်ခြင်းဖြစ်နိုင်ကြောင်းသာ ဖော်ပြထားသည်။ အမှန်တွင် ကြည်လင်းကိုစေခိုင်းသော အောင်ဝင်းဇော်ကို ဇန်န၀ါရီ၃၀ ရက် နံနက်ကတည်းက မိထားပါလျက် ထုတ်ပြန်ချက်၌ မဖော်ပြခဲ့ပေ။

သို့သော် ကြည်လင်း၏အမှုတွဲ အောင်ဝင်းဇော်က လုပ်ကြံမှုတစ်ခု ကျူးလွန်ရန် ၎င်းအား ကမ်းလှမ်းခဲ့ဖူးပြီး ယခုလုပ်ကြံမှုသည် အောင်ဝင်းဇော်နှင့်ပတ်သက်နိုင်ကြောင်း အကျဉ်းသားဟောင်း ကိုအောင်စိုးက Myanmar Now သတင်းဌာနအား ဖော်ထုတ်ပြောကြားမှုကို ဖေဖော် ၀ါရီ ၁ ရက်တွင် သတင်းဖော်ပြလိုက်သည်။ ထို့နောက် အောင်ဝင်းဇော် မည်သူလဲ၊ ဘယ်မှာလဲဆိုသည်ကို ပြည်သူများ အထူးစိတ်ဝင်စားလာ ခဲ့သည်။ ဖေဖော်ဝါရီ ၃ ရက်တွင်မှ နိုင်ငံတော်သမ္မတရုံးက အောင်ဝင်းဇော်ကို အခင်းဖြစ်ပွားပြီး ၁၂ နာရီအတွင်း ဇန်န၀ါရီ ၃၀ ရက် နံနက် ၄နာရီကျော်၌ သံလွင်တံတား (ဘားအံ)ပေါ်တွင် ဖမ်းဆီးရမိထားကြောင်း ထုတ်ပြန်သည်။

တတိယအကြိမ် သတင်းထုတ်ပြန်မှုအဖြစ် ဖေဖော်ဝါရီ ၁၅ ရက် တွင် ထုတ်ပြန်ရာ အမှု၏ အဓိကတရားခံဖြစ်သော ကျပ်သိန်း ၁,၀၀၀ ပေးပြီး ဦးကိုနီအား လုပ်ကြံစေခဲ့သူသည် ၂၀၁၄ တွင် တပ်မတော်မှဆန္ဒ အလျောက် နုတ်ထွက်ခဲ့သော ဒုတိယဗိုလ်မှူးကြီးဟောင်း အောင်ဝင်း ခိုင်ဖြစ်သည်ဟု ကြေညာလိုက်သည်။ အောင်ဝင်းဇော်ကို စစ်ဆေးဖော် ထုတ်ချက်များအရနှင့် လေဆိပ်စီစီတီဗီမှတ်တမ်းများအရ အသက် (၄၅) နှစ်အရွယ် ၎င်း၏ ညီအရင်းဖြစ်သူ အောင်ဝင်းခိုင်က လုပ်ကြံမှုမတိုင်မီ စနစ်တကျ အကွက်ချ စီစဉ်ခဲ့ကာလုပ်ကြံခဲ့ခြင်းဖြစ်သည်ဟုဆိုသည်။ သို့သော် အောင်ဝင်းခိုင်မှာ ဖမ်းမမိသေးဘဲ လွတ်မြောက်နေဆဲဖြစ်ကြောင်းလည်းပါရှိသည်။ ထွက်ပြေးနေသော အောင်ဝင်းခိုင်နှင့်ပတ်သက်၍ သတင်းအချက်အလက်များ သိရှိပါကအသိပေးဆက်သွယ်ကြပါရန် ပြည်သူများကိုလည်းမေတ္တာရပ်ခံထားသည်။

အောင်ဝင်းဇော်ကို ဖမ်းမိပြီး ၁၆ ရက်အကြာတွင်မှ အဓိက တရားခံသည် အောင်ဝင်းခိုင်ဖြစ်ပြီး ၎င်းကို သိရှိလျှင် ဆက်သွယ်ကြရန် ထုတ်ပြန်မှုအပေါ် ပြည်သူများက အထူးပင် မကျေမနပ်ဖြစ်စေခဲ့ပါသည်။ အကြောင်းမှာ ထိုမျှလောက်အချိန်ကြာပြီးခါမှ ကာယကံရှင်လည်း ထွက်ပြေးလွတ်မြောက် အစဖျောက်ပြီးလောက်ပြီဖြစ်၍ အချိန်လွန်မှ ပြည်သူထံ အကူအညီတောင်းခံသောကြောင့်ပင်ဖြစ်သည်။ ထိုသို့မဟုတ်ဘဲ အောင်ဝင်းခိုင်ကို အလိုရှိကြောင်း စောစီးစွာကြေညာခဲ့ပါက ပြည်သူများထံမှ တန်ဖိုးရှိသော သတင်းအချက်များစွာ ရရှိနိုင်သောကြောင့်ပင်ဖြစ်ပါသည်။ သို့သော် အစိုးရ၏ သတင်းထုတ်ပြန် မှုများမှာ နောက်ကျပြီးရင်း ကျနေပါသည်။

သို့သော် တရားခံပြေး နဂါးလေးအောင်နိုင်မြင့်ကို စွန့်စွန့်စားစား ပစ်ခတ်ဖမ်းဆီးပြီး ဖမ်းမမိသောသတင်းမျိုးကို ထုတ်ပြန်ရာတွင်မူ မြန်မာနိုင်ငံရဲတပ်ဖွဲ့က အချိန်နှင့်တစ်ပြေးညီ ထုတ်ပြန်ခဲ့သည်ကိုတွေ့ရ ပါသည်။ အစိုးရသတိပြုရမည့်အချက်မှာ ဦးကိုနီလုပ်ကြံမှုမှာ သာမန်မှုခင်းမျိုးမဟုတ်ပါ။ လေးလောင်းပြိုင်လူသတ်မှု၊ ရန်ကုန်မြို့လယ်မှ ငွေလဲကောင်တာ ဓားပြတိုက်မှုတို့ကဲ့သို့ ကြာသွားသည်နှင့် မေ့မေ့ပျောက်ပျောက်ဖြစ်သွားပြီး တရားခံမဖမ်းနိုင်သော အခြေအနေမျိုးရောက်၍ လုံးဝမဖြစ်ပေ။

ပြည်သူ့အစိုးရလက်ထက်၌ မြန်မာနိုင်ငံ၏ မျက်နှာစာဖြစ်သော နိုင်ငံတကာလေဆိပ်တွင် လူပုံအလယ်၌ အတင့်ရဲစွာ ဦးကိုနီကို လုပ်ကြံခဲ့ခြင်းဖြစ်သောကြောင့် တရားဥပဒေစိုးမိုးမှုအပေါ် ကမ္ဘာက မေးခွန်းထုတ်စရာဖြစ်ခဲ့ပြီး အစိုးရနှင့်နိုင်ငံတော်အတွက် အထူးမျက်နှာပျက်စရာ ဖြစ်ရပ်ဖြစ်ပါသည်။ ဘာသာရေးနှင့် ပတ်သက်၍ အကဲဆတ်လှသောနိုင်ငံတွင် အစ္စလာမ်ဘာသာဝင် တရားလွှတ်တော်ရှေ့နေကို လုပ်ကြံခဲ့ခြင်းဖြစ်၍ ဘာသာအချင်းချင်းကြား ချစ်ကြည်ရင်းနှီးမှု ပျက်ပြားပြီး ပဋိပက္ခများဖြစ်အောင် လုပ်ကြံသူများက ရည်ရွယ်ခဲ့သည့်ပုံလည်းပေါ်သည်။ ထို့အပြင် နိုင်ငံတော် ပြုပြင် ပြောင်းလဲရေးအတွက် အထူးပင်တက်ကြွလှပြီး အာဏာရဒီချုပ် ပါတီ၏ ဥပဒေအကြံပေးကို လုပ်ကြံခဲ့ခြင်းဖြစ်၍ လက်ရှိ အစိုးရအတွက်ရော နိုင်ငံတော်အတွက်ပါ အထူးပင် ဆုံးရှုံးမှုကြီးဖြစ်ခဲ့သည်။ ထို့ကြောင့် အကောက်ကြံသူများက ခဲတစ်လုံးတည်းဖြင့် ငှက်ဆယ်ကောင်လောက်ကိုပင် ပစ်ခဲ့သည့်လုပ်ကြံမှုမျိုးဟုဆိုရပေမည်။ သို့သော် ပြည်သူများ၏ ပါးနပ်မှုကြောင့် လုပ်ကြံမှုတို့၏ အကွက်ထဲသို့ မ၀င်ခဲ့ဘဲ ပြည်သူများအကြား ပိုမို၍ပင် စည်းလုံးလာခဲ့ပါသည်။

ထိုကဲ့သို့ ကြီးမားသော ပြစ်မှုကြီးကို ကျူးလွန်ခဲ့သူများအား ထိ ရောက်စွာ အရေးယူနိုင်ရေး အလားတူ အဖြစ်မျိုး ထပ်မံမကြုံရစေရန် ပြစ်မှုကျူးလွန်သူများ၊ ဆက်စပ်တရားခံများအားလုံးကို အမြန်ဖော် ထုတ်ပြီး ထိထိရောက်ရောက် အရေးယူရန် တိုက်တွန်းလိုက်ရပါသည်။
.
Ref: 7 Day via ZarniTike

ချင်းပြည်မှာ သဘာဝခရီးသွားလုပ်ငန်းဦးစားပေးဖို့ သမ္မတတိုက်တွန်း ( Myanmar President Office)
ချင်းပြည်မှာ သဘာဝခရီးသွားလုပ်ငန်းဦးစားပေးဖို့ သမ္မတတိုက်တွန်း ( Myanmar President Office)
ချင်းပြည်နယ်မှာ သဘာဝခရီးသွားလုပ်ငန်းဖွံ့ဖြိုးတိုးတက်ဖို့ ဦးစားပေးလုပ်ဆောင်ရန်ပြည်နယ်အစိုးရကို သမ္မတကတိုက်တွန်း လိုက်ပါတယ်။ ချင်းပြည်နယ်တိုးတက်ဖို့အတွက် ချင်းတိုင်းရင်းသားတွေ အနေနဲ့လက်တွဲညီညီ ပူးပေါင်းပါဝင်လုပ်ဆောင်ကြရန် လည်းတိုက်တွန်းခဲ့ပါသေးတယ်။ ဖွံ့ဖြိုးတိုးတက်မှုနှေးနေသေးတဲ့ နေရာတွေမှာ နိုင်ငံခြားရင်းနှီးမြုပ်နှံမှုတွေပိုဝင်လာနိုင်ဖို့ ကာလသတ်မှတ်ချက်နဲ့အခွန်ကင်းလွတ်ခွင့်ပေးနိုင်ဖို့လည်းအစိုးရပိုင်းကစီစဉ်နေတာတွေရှိတယ်လို့ သမ္မတကပြောဆိုထားပါ တယ်။ ချင်းတိုင်းရင်းသားတွေကတော့သမ္မတလုပ်ဆောင်မှုပိုင်းကို ကြိုဆိုလျက်ရှိပြီး ချင်းအမျိုးသားနေ့ကိုတက်ရောက်တဲ့အ တွက်ကျေနပ်လျက်ရှိပါတယ်။ ဒီသတင်းကိုဗွီအိုအေမြန်မာပိုင်းကမေခကပေးပို့ထားပါတယ်။
ချင်းပြည်နယ်မှာ သဘာဝခရီးသွားလုပ်ငန်းဖွံ့ဖြိုးတိုးတက်ဖို့ ဦးစားပေးလုပ်ဆောင်ရန်ပြည်နယ်အစိုးရကို သမ္မတက ချင်းပြည်နယ် ခရီးစဉ်မှာ တိုက်တွန်းလိုက်ပါတယ်။

“ကျနော်တို့ သမ္မတကြီးကတော့ ရိဒ်ကိုရောက်တဲ့အခါမှာ ရိဒ်ရေကန် ရေရှည်ဖွံ့ဖြိုးတိုးတက်ရေး၊ အထူးသဖြင့် Tourist Destination တခု ၊ Quality Destination တခုဖြစ်လာအောင် ဆောင်ရွက်ဖို့အတွက် လမ်းညွှတ်တာရှိပါတယ်။ မိန့်ကြားချက် Tourist Destination တခုဖြစ်လာအောင် ဆောင်ရွက်ဖို့အတွက်ပြောပါတယ်။ ပြီးတော့မှခေါနူးစုမ်တောင် ပတ်ဝန်းကျင်ကိုလည်း Tourism အတွက်ကောင်းကောင်းမွန်မွန်အဆင့်မြင့် ဆောင်ရွက်နိုင်ဖို့အတွက် ကြိုးစားပါဆိုပြီးတော့ မိန့်သွားတာ ရှိပါတယ်ခင်ဗျ။”

သမ္မတရဲ့ ပြောဆိုမှု ၊ တိုက်တွန်းမှုတွေနဲ့ပတ်သတ်လို့ လျှပ်စစ် နှင့် စက်မှုလက်မှုဝန်ကြီးဌာန ဝန်ကြီး ဆလိုင်းအိုက်ဇက်ခင်ကခုလိုပြောပြတာပါ။

ဒီလို သဘာဝခရီးသွားလုပ်ငန်းဖွံ့ဖြိုးတိုးတက်ဖို့တိုက်တွန်းခဲ့တာနဲ့ပတ်သတ်ပြီး သက်ဆိုင်ရာပြည်နယ်အစိုးရဘက်ကလည်း ဒေသဖွံ့ဖြိုးရေးအတွက် လုပ်ဆောင်ဖို့စီစဉ်ထားတာတွေကို တင်ပြခဲ့တယ်လို့ ပြောပါတယ်။ ချင်းပြည်နယ်အစိုးရဘက်ကလုပ် ဆောင်ဖို့စီစဉ်ထားတဲ့ သဘာဝခရီးသွားလုပ်ငန်းဖွံ့ဖြိုးတိုးတက်ရေးလုပ်ငန်းစဉ်နဲ့ပတ်သတ်ပြီး ဝန်ကြီးဆလိုင်းအိုင်ဇက်ခင်က ခုလို ပြောပြပါတယ်။

“ကျနော်တို့ ဒီ ခေါနူးစုမ် National Park ပေါ့နော် ၊ ကန်ပက်လက် ဒီအတွင်းမှာ Eco Tourism တိုးမြင့်ဆောင်ရွက်နိုင်ဖို့အတွက် စီစဉ်ဆောင်ရွက်ထားတာရှိသလို ရိဒ် အပါအ၀င် ကျနော်တို့ ဒီဘက် ချင်းပြည်နယ် မြောက်ပိုင်းမှာလည်း Destination အသစ်တွေဖွင့်ဖို့လည်း ရှိပါတယ်။ နောက် ချင်းပြည်နယ် တောင်ပိုင်းအစွန်းမှာဆိုရင် ပလက်ဝမြို့နယ်မှာရှိတဲ့ တောင်ပတ်ဝန်းကျင်မှာလည်း wildlife conservation sanctuary မှာ ကျနော်တို့ Eco Tourism တိုးချဲ့ဆောင်ရွက်နိုင်ဖို့အတွက်လည်း ပြင်ဆင်ဆောင်ရွက်ထားတာရှိပါတယ်။ ဆိုတော့ ချင်းပြည်နယ်မှာဆိုရင် တနှစ်ထဲမှာ ထွက်တဲ့ ကော်ဖီဆိုရင် အင်မတန်မှာ quality ကောင်းပါတယ်။ နောက် ကျနော်တို့ မင်းတပ်- ကန်ပလက် ဘက်မှာထွက်တဲ့ ထောပတ်သီးဟာ အင်မတန်မှ ကောင်းပါတယ်။ Quantity လည်းရှိ၊ Quality လည်းရှိတယ်။ အဲဒီအတွက်ကြောင့် Tourism အပြင် Eco based Industry ကို ကျနော်တို့ တိုးတက်ကောင်းမွန်အောင်ဆောင်ရွက်ဖို့ဆိုတာတွေကို လုပ်ထားတာတော့ရှိပါတယ်။”

ဒီကနေ့မှာကျရောက်တဲ့ ၆၉နှစ်မြောက် ချင်းအမျိုးသားနေ့နဲ့ပတ်သတ်ပြီး သဝဏ်လွှာပေးပို့ခဲ့ပါသေးတယ်။ ဒီလိုပေးပို့တာမှာ သမ္မတက ချင်းပြည်နယ်တိုးတက်ဖို့အတွက် ချင်းတိုင်းရင်း သားတွေအနေနဲ့လက်တွဲညီညီပူးပေါင်းပါဝင်လုပ်ဆောင်ကြရန် လည်းတိုက်တွန်းထားပါတယ်။ သမ္မတကြီးရဲ့ ချင်းပြည်နယ်ခရီးစဉ်၊ ချင်းပြည်နယ်တိုးတက်ရေးအတွက်လုပ်ဆောင်ပေးဖို့ စီစဉ် ဆောင်ရွက်လာမှုနဲ့ သဘာဝခရီးသွားလုပ်ငန်းဖွံ့ဖြိုးတိုးတက်ဖို့တိုက်တွန်းခဲ့တာတွေနဲ့ပတ်သတ်လို့ ချင်းတိုင်းရင်းသားတွေဘက် ကတော့ ကြိုဆိုလိုက်ကြပါတယ်။

ဒီကနေ့ ချင်းအမျိုးသားနေ့နဲ့ ပတ်သတ်လို့ သမ္မတကြီးသဝဏ်လွှာနဲ့ချင်းပြည်နယ်တိုးတက်ရေးအတွက် သမ္မတကြီး လုပ်ဆောင်မှု တွေနဲ့ ပတ်သတ်လို့ ချင်းတိုင်းရင်းသား ဒေါက်တာ ဆလိုင်းလျန်မှုန်း ဆာခေါင်ကတော့ ခုလိုမြင်ပါတယ်။

“ကျနော်တို့ ချင်းအမျိုးသားနေ့ကို န၀တ၊ နအဖ စစ်အစိုးရ ခေတ်တုန်းကလည်း ကျနော်တို့ ကျင်းပခွင့်မရဘူး။ ဟိုတုန်းကလည်း ချင်းအမျိုးသားနေ့ကို ချင်းပြည်နယ်နေ့ ပြောင်းမယ် စသည်အားဖြင့် အမျိုးမျိုးကျနော်တို့ ဖိနှိပ်မှု၊ ချပ်ချယ်မှုတွေအမျိုးမျိုးရှိခဲ့တယ်၊ အဲဒီလိုအခြေအနေမျိုးကနေပြီးတော့ အခုက နိုင်ငံတော်သမ္မတကြီးကိုယ်တိုင် ကျနော်တို့ပွဲမှာလာတက်တယ်ဆိုတော့ ဒါ ကျနော်တို့ ချင်းလူမျိုးတွေအတွက် အင်မတန်မှ ၀မ်းသာစရာကောင်းပါတယ်။ နောက်ပြီး နိုင်ငံတော်သမ္မတအနေနဲ့ ဒီလို မိန့်ကြားပေးတယ်၊ ဒီလိုလုပ်သင့်တယ်ဆိုပြီးတော့ ဆောင်ရွက်ပေးနေတာ က ကျနော်တို့အနေနဲ့ အများကြီးဝမ်းသာပါတယ်၊ ကြိုလည်း ကြိုဆိုပါတယ်။ သူ့မိန့်ကြားတဲ့အတိုင်း အစိုးရကလည်း လက်တွေ့ဆောင်ရွက်ပေးလိမ့်မယ်လို့ ကျနော်မျှော်လင့်ပါတယ်။”

သမ္မတရဲ့ ချင်းပြည်နယ်ခရီးစဉ်မှာ ဖွံ့ဖြိုးတိုးတက်မှုနှေးနေသေးတဲ့ နေရာတွေမှာ နိုင်ငံခြားရင်းနှီးမြုပ်နှံမှုတွေ ပိုဝင်လာနိုင်ဖို့ ကာလသတ်မှတ်ချက်နဲ့အခွန်ကင်းလွတ်ခွင့် ပေးနိုင်ဖို့လည်း အစိုးရပိုင်းက စီစဉ်နေတာတွေရှိတယ်လို့ သမ္မတကပြောဆိုထားပါ တယ်။ ဒီလိုဖွံ့ဖြိုးတိုးတက်မှုနှေးတဲ့နေရာတွေထဲမှာ ချင်းပြည်နယ်ပါဝင်ပါတယ်။
VOA Burmese News

အကြမ်းဖက်မှုတွေရှိခဲ့တဲ့ ရခိုင်ပြည်နယ်မြောက်ပိုင်းမှာ စစ်ရေးအရ နယ်မြေရှင်းလင်းရေးလုပ်ဆောင်မှုတွေကို ရပ်တန့်လိုက်ပြီးတဲ့နောက်၊ ဒေသခံတွေ နယ်မြေတွင်း ပြန်လည်ဝင်ရောက်နေထိုင်နိုင်ရေးကိစ္စကို စိစစ်ဆောင်ရွက်သွားမှာဖြစ်တယ်လို့ မြန်မာတာဝန်ရှိသူတွေက ပြောပါတယ်။ အထူးသဖြင့်တော့ ဘင်္ဂလားဒေ့ရ်ှနိုင်ငံထဲကို ထွက်ပြေးသွားကြတယ်လို့ဆိုတဲ့ ဒုက္ခသည်တွေ ပြန်လည်ဝင်ရောက်နေထိုင်ဖို့ကိစ္စမှာ နှစ်ဖက်နိုင်ငံတာဝန်ရှိသူတွေအကြား စိစစ်ညှိနှိုင်းဆောင်ရွက်သွားရမယ့် အခြေအနေမှာ ရှိပါတယ်။ စုံစမ်းမေးမြန်းထားတဲ့ ဗွီအိုအေ သတင်းထောက် ကိုထက်အောင်က သတင်းပေးပို့ထားတာပါ။

အကြမ်းဖက်တိုက်ခိုက်မှုတွေဖြစ်ပွားခဲ့တဲ့ရခိုင်ပြည်နယ် မြောက်ပိုင်း မောင်တောဒေသမှာ ၄ လတာ ဆောင်ရွက်ခဲ့တဲ့ စစ်တပ်ရဲ့ နယ်မြေရှင်းလင်းရေး ဆောင်ရွက်မှုတွေကို ရပ်တန့်လိုက်ပြီလို့ ပြီးခဲ့တဲ့ သီတင်းပတ်အတွင်းက အစိုးရက ကြေညာခဲ့တာပါ။ ဒါကြောင့်လည်း အကြမ်းဖက်မှုတွေနဲ့ စစ်ဆင်ရေးတွေကြောင့် ရှောင်တိမ်းနေထိုင်နေရသူတွေ နေရပ်ပြန်လာရေးကိစ္စဟာ ဒုတိယအရေးပါလာပါတယ်။ ဘင်္ဂလားဒေ့ရ်ှနိုင်ငံထဲ ရောက်ရှိနေတယ်ဆိုတဲ့ မွတ်စလင်ဒုက္ခသည်တွေ နေရပ်ပြန်လာရေးကိစ္စကိုတော့ စိစစ်ပြီးမှ လက်ခံမှာဖြစ်တယ်လို့ နိုင်ငံတော်သမ္မတရုံး ပြောခွင့်ရသူ ဦးဇော်ဌေးက ဗွီအိုအေကို ပြောပါတယ်။

“ပြန်လာတာကတော့ သူတို့ ဒီမှာနေတဲ့ အထောက်အထားတွေရှိတယ်ဆိုရင် ကျနော်တို့က စိစစ်ပြီး လက်ခံပေးဖို့ တာဝန်ရှိတယ်။ သို့သော် မူလကတည်းက ဒီမှာနေတဲ့လူတွေ ကျနော်တို့မှာ စာရင်းတွေအရရှိတယ်၊ အဲဒါတွေကတော့ လက်ခံပေးလို့ရတယ်။ နောက်တချက်က ကျနော်တို့ပြောထားတာ အဲဒီမှာ ရောက်နေတဲ့ ကျနော်တို့ မြန်မာဘက်က မွတ်စလင်တွေရှိတယ်ဆိုရင်လည်း ကျနော်တို့ စိစစ်ပြီး ပြန်ပြီးတော့ ယူမယ်။ ဒီအတိုင်းတော့ ကျနော်တို့က မြန်မာက လာတဲ့လူပါဆိုပြီးတော့ ကျနော်တို့က လက်ခံလို့မရဘူး၊ စိစစ်ပြီးတော့ လုပ်ရမယ်။”

ဘင်္ဂလားဒေ့ရ်ှနိုင်ငံကို ရောက်ရှိနေတဲ့ မွတ်စလင် အသိုင်းအ၀ိုင်း ဒုက္ခသည် ၁ ထောင်နီးပါးလောက် မြန်မာပြည်တွင်းကို ပြန်လည် ရောက်ရှိလာတယ်လို့ ဒီရက်ပိုင်းအတွင်း သတင်းတွေ ထွက်ပေါ်နေပေမယ့်လို့ ရခိုင်ပြည်နယ် အစိုးရကကော ပြည်ထောင်စု အစိုးရကပါ ဒါကို အတည်မပြုပါဘူး။

မောင်တောဒေသအတွင်း ပြီးခဲ့တဲ့နှစ်အကြမ်းဖက်မှုတွေကြောင့် ဒုက္ခသည် ၇ သောင်းနီးပါးဟာ ဘင်္ဂလားဒေ့ရ်ှနိုင်ငံထဲ ခိုအောင်းရောက်ရှိလာပြီး၊ သောင်းဂဏန်းအချို့ဟာ နယ်မြေအတွင်း လှည့်လည်ရှောင်တိမ်းနေရတယ်လို့ ဒုက္ခသည်များဆိုင်ရာ ကုလသမဂ္ဂမဟာမင်းကြီးရုံးက ထုတ်ပြန်ခဲ့ပါတယ်။ မြန်မာဘက်ကတော့ ဒီလူတွေအားလုံးဟာ မြန်မာနိုင်ငံက ဟုတ်မဟုတ်ဆိုတာကိုတော့ မြန်မာတာဝန်ရှိသူတွေဖက်က အတည်မပြုသေးပါဘူး။

ဘင်္ဂလားဒေ့ရ်ှနိုင်ငံက ဒုက္ခသည်စခန်းတွေကို သွားရောက်လေ့လာခဲ့တဲ့ ရခိုင် အကြံပေး ကော်မရှင်က အဖွဲ့ဝင် ဦးအေးလွင်ကတော့ အဲဒီက ဒုက္ခသည်အတော်များများဟာ မြန်မာနိုင်ငံကနေ ထိုင်ခွင့်အထောက်အထားတွေ ကိုင်ဆောင်တာကို တွေ့ခဲ့ရတယ်လို့ဆိုပါတယ်။ ဒါပေမယ့် အရေအတွက်အတိအကျကိုတော့ ခန့်မှန်းနိုင်ခြင်းမရှိပါဘူး။ အဲဒီက ဒုက္ခသည်တွေအနေနဲ့ နယ်မြေအေးချမ်းသာယာမှု ရှိရင် မြန်မာပြည်တွင်းကို ပြန်လာဖို့ ဆန္ဒရှိကြတယ်လို့လည်း ဦးအေးလွင်က ပြောပါတယ်။ ဒုက္ခသည်တွေ နေရပ် ပြန်လာဖို့ အရေးမှာလည်း နှစ်နိုင်ငံ အစိုးရကြား ညိုနှိုင်းဆွေးနွေးဖို့လိုတယ်လို့ သူက ဆိုပါတယ်။

“သူတို့ကတော့ သူတို့တိုင်းပြည်ပြန်ချင်တယ်ဆိုတာကတော့ ပြောတယ်။ သို့သော်လည်း အခြေအနေတွေ တည်ငြိမ်အေးချမ်းမှ ၊ လူ့အခွင့်အရေးအပြည့်အ၀ရမှ ပြန်မယ်လို့ ပြောပါတယ်။ ပြန်လာချင်တယ်ဆိုသည့်တိုင်အောင် ၂ နိုင်ငံ ဆွေးနွေးညှိနှိုင်းပြီးမှ လုပ်ရမယ်လေ၊သံတမန် နည်းလမ်းတွေရှိတယ် အဲဒါတွေနဲ့ လုပ်ပြီးမှပဲ ပြန်လို့ရမယ်။ ၂ ဘက်အစိုးရက စီစဉ်ရမယ်လေ၊ လူ၁၀၀၀ လောက်က ရုတ်တရက်ကြီး ပြန်ဖို့ဆိုတာ ကျနော်တို့က ၂ ဘက်အပြန်အလှန် ဆွေးနွေးညှိနှိုင်းပြီးမှ လုပ်ရမယ်လေ။”

ပြီးခဲ့တဲ့ အောက်တိုဘာအတွင်း ဖြစ်ပျက်ခဲ့တဲ့ အကြမ်းဖက် တိုက်ခိုက်မှုတွေ နောက်ပိုင်း အစိုးရရဲ့ စစ်ဆင်ရေးအတွင်းမှာ မွတ်စလင်ဒေသခံတွေအပေါ် လူ့အခွင့်အရေးချိုးဖောက်မှုတွေ ဆိုးဆိုးဝါးဝါးရှိခဲ့တယ်ဆိုပြီး ကုလသမဂ္ဂရော နိုင်ငံတကာလူ့အခွင့်အရေးအဖွဲ့တွေကပါ မြန်မာအာဏာပိုင်တွေကို ပြစ်တင်ဝေဖန်ခဲ့ကြပါတယ်။ ဒီအတွက်လည်း မြန်မာဘက်က စုံစမ်းစစ်ဆေးမှုတွေ ပြုလုပ်နေပြီး၊ တကယ်လို့ ဒီလိုချိုးဖောက်မှုတွေ ရှိခဲ့တယ်ဆိုတာ အထောက်အထားခိုင်ရင် အရေးယူသွားပါ့မယ်လို့ မြန်မာအာဏာပိုင်တွေက တုံ့ပြန်ထားပါတယ်။

ကိုထက်အောင်

VOA Burmese News


၂၀၁၅ မေလတုန်းက တိုင်းရင်းသားခေါင်းဆောင်များ၏ ပန်ဆန်းညီလာခံ
၂၀၁၅ မေလတုန်းက တိုင်းရင်းသားခေါင်းဆောင်များ၏ ပန်ဆန်းညီလာခံ
ဝပြည်သွေးစည်းညီညွတ်ရေးပါတီ UWSP ဌာနချုပ် ပန်ဆန်းမှာကျင်းပမယ့် အပစ်အခတ်ရပ်စဲရေးစာချုပ် NCA ကို လက်မှတ်မရေးထိုးသေးတဲ့ တိုင်းရင်းသားလက်နက်ကိုင်အဖွဲ့တွေရဲ့ ထိပ်သီးဆွေးနွေးပွဲကို ဒီလ၂၂ ရက်နေ့မှာ စတင်ကျင်းပမှာဖြစ်ပြီး တရုတ်- မြန်မာနယ်စပ်အခြေစိုက် မြောက်ပိုင်းမဟာမိတ်အဖွဲ့ဝင်တွေကတော့ ရောက်ရှိနေပြီဖြစ်ပါတယ်။ ထိုင်း-မြန်မာနယ်စပ်အခြေစိုက် အဖွဲ့တွေကတော့ ဖိတ်ကြားထားပေမယ့် ခရီးသွားလာဖို့ အခက်အခဲရှိနေတာကြောင့် တက်နိုင် မတက်နိုင် ဆိုတာ သေချာမသိရသေးပါဘူး။ ဒီသတင်းကိုတော့ ဗွီအိုအေ မြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ပြည်ထောင်စုငြိမ်းချမ်းရေးညီလာခံ - ၂၁ရာစုပင်လုံကျင်းပဖို့ အစိုးရဘက်က ပြင်ဆင်နေချိန်မှာ တနိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCA ကို ပါဝင်လက်မှတ်မရေးထိုးရသေးတဲ့ တိုင်းရင်းသားလက်နက်ကိုင်အဖွဲ့တွေက ၀တပ်ဖွဲ့ ဌာနချုပ် ပန်ဆန်းမှာ ထိပ်သီးအစည်းအဝေးတရပ် ကျင်းပဖို့ ပြင်ဆင်လာတာဖြစ်ပါတယ်။ ဒီအစည်းအဝေးကို ၀ပြည်သွေးစည်းညီညွတ်ရေးပါတီ UWSP က ဦးဆောင်ကျင်းပတာလည်း ဖြစ်ပါတယ်။

အစည်းအဝေးကျင်းပမယ့် နေ့ရက်ကိုတော့ UWSP က အကြီးတန်း အရာရှိတဦးက အခုလို ပြောပါတယ်။

“ကျနော်တို့ ၂၂ ရက်နေ့ စမယ်ထင်တယ်ခင်ဗျ၊ ၃ ရက်လောက်ကျင်းပမှာဖြစ်ပါတယ်။ ကျနော်ကြားသလောက်ကတော့ ဒီ ၂၁ ရာစုပင်လုံနဲ့ ပတ်သက်ပြီးတော့ ဆွေးနွေးတာတွေရှိမှာပါ အဲလိုကြားပါတယ်။”

ဒီအစည်းအဝေးကို ထိုင်း-မြန်မာနယ်စပ်မှာ အခြေပြုတဲ့UNFC ခေါ် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီက တိုင်းရင်းသားလက်နက်ကိုင်အဖွဲ့ ၇ဖွဲ့၊ တရုတ်-မြန်မာနယ်စပ်ဒေသအခြေစိုက် မြောက်ပိုင်းမဟာမိတ်အဖွဲ့ဝင် ၄ဖွဲ့၊ NDAA ခေါ် မိုင်းလားအဖွဲ့နဲ့ ၀တပ်ဖွဲ့ အပါအ၀င် စုစုပေါင်း ၁၂ဖွဲ့လောက် တက်ရောက်မယ်လို့ ယူဆရပါတယ်။ ဒါပေမယ့် ဘယ်အဖွဲ့တွေဖိတ်ကြားထားတယ်ဆိုတာတော့ သီးခြားသတင်းထုတ်ပြန်တာမရှိပါဘူး။

အစည်းအဝေးရက်ကို မူလက ၂၁ရက်နေ့မှာ စတင်ဖို့ သတ်မှတ်ထားပေမဲ့ ကိုယ်စားလှယ်တွေ မစုံညီသေးတာကြောင့် တရက် နောက်ဆုတ်ပြီး ကျင်းပဖို့ ပြင်ဆင်ခဲ့တာလည်း ဖြစ်ပါတယ်။

ပလောင်ပြည်လွတ်မြောက်ရေးတပ်ဦး PSLF/ TNLA ရဲ့ အထွေထွေ အတွင်းရေးမှုး ဗိုလ်မှုးကြီး တာ့ဘုန်းကျော်ကတော့ ကိုယ်စားလှယ်တချို့ မရောက်လာသေးကြောင်း အခုလို ပြောပါတယ်။

“ဒီမြောက်ပိုင်းကတော့ အကုန်လုံးလာနိုင်တဲ့သဘောရှိတယ်။ ဒီ UNFC အဖွဲ့ဝင်တွေဖြစ်တဲ့ ကရင်နီနဲ့ မွန်နဲ့က သူတို့က ခရီးသွားလာဖို့ အခက်အခဲရှိတယ်ရောက်နိုင်မရောက်နိုင်မသိဘူး၊ ဒါကြောင့်မို့ ကျနော်တို့လည်း ခဏနောက်ဆုတ်ထားတယ် ၁ ရက်။”

လောလောဆည်မှာ UNFC အဖွဲ့ဝင်တွေထဲက ကချင်လွတ်လပ်ရေးအဖွဲ့ KIO နဲ့ ရှမ်းပြည်တိုးတက်ရေးပါတီ SSPP တို့ ရောက်ရှိနေသလို မြောက်ပိုင်းမဟာမိတ်အဖွဲ့က PSLF ခေါ် တအာင်း-ပလောင်အဖွဲ့၊ MNDAA ခေါ် ကိုးကန့်အဖွဲ့နဲ့ AA ခေါ် ရခိုင်အဖွဲ့တွေ ရောက်ရှိနေပြီဖြစ်ကြောင်း ပြောပါတယ်။

အဓိက ဆွေးနွေးဖြစ်မယ် အကြောင်းအရာကိုတော့ ဗိုလ်မှုးကြီး တာ့ဘုန်းကျော်က အခုလို ဆက်ပြောပါတယ်။

“အဓိကတော့ ကျနော်တို့ဘက်တွေမှာ အခုကတိုက်ပွဲတွေ တအားပြင်းထန်နေတယ်၊ တပြိုက်နက်ထဲမှာ နိုင်ငံရေးတွေ့ဆုံဆွေးနွေးမှုတွေ ရပ်တန့်နေတယ်။ အဲဒါလေးတွေကို ကျနော်တို့ စုပေါင်းပြီးတော့ ဘယ်လိုရင်ဆိုင်ကျော်လွှားကြမလဲ။ အဓိက ဒီ ရပ်တန့်နေတဲ့ ငြိမ်းချမ်းရေးဖြစ်စဉ် မှာ ကျနော်တို့ တိုင်းရင်းသားတွေက စုပေါင်းပြီး ဘယ်လိုကျော်လွှားနိုင်ကြမလဲ။ ဘာဖြစ်လို့လဲဆိုတော့ ဒေါ်အောင်ဆန်းစုကြည်တို့ မင်းအောင်လှိုင်တို့ ပြောတာတွေမှာလည်း မလိုက်ပါနိုင်ဘူး။ အဲဒါကြောင့်မို့လို့ အခြေအနေတခုမှာ ကျနော်တို့ ဘယ်လိုရပ်တည်ချက်တွေနဲ့ တိုင်ပင်ညှိနှိုင်းကြမလဲ အဓိက ဆွေးနွေးကြမှာပါ။”

လက်ရှိ ဆွေးနွေးပွဲမှာ ပါဝင်မယ့်အဖွဲ့တွေထဲမှာ ၀နဲ့ မိုင်းလားအဖွဲ့က အပစ်အခတ်ရပ်စဲရေးကို ၁၉၈၉ ခုနှစ်ကတည်း လက်မှတ်ရေးထိုးပြီး နောက်ပိုင်းမှာ အစိုးရနဲ့ ပစ်ခိုက်တိုက်ခိုက်တာမရှိတာကြောင့် NCAကို ပါဝင် လက်မှတ်ရေးထိုးဖို့ မလိုဘူးလို့ ခံယူထားတာဖြစ်ပါတယ်။ ပလောင်၊ ကိုးကန့်နဲ့ AA ခေါ် ရခိုင်တပ်ဖွဲ့တွေကိုတော့ သမ္မတ ဦးသိန်းစိန်လက်ထက်မှာ NCA ကို လက်မှတ်ရေးထိုးဖို့ မဖိတ်ကြားခဲ့တဲ့ အဖွဲ့တွေဖြစ်ပြီး ကျန် UNFC အဖွဲ့တွေကတော့ အားလုံး မပါဝင်တာကြောင့် NCA ကို ပါဝင် လက်မှတ်ရေးထိုးတာ မရှိခဲ့ပါဘူး။

ပင်လုံမြို့မှာ ကျင်းပတဲ့ နှစ်၇၀ပြည့် ပြည်ထောင်စုနေ့ အခမ်းအနားမှာ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က တိုင်းရင်းသားလက်နက်ကိုင်အဖွဲ့တွေကို NCA မှာ ပါဝင်လက်မှတ်ရေးထိုးပြီး ပြည်ထောင်စုငြိမ်းချမ်းရေးညီလာခံ- ၂၁ရာစုပင်လုံကို ပါဝင် တက်ရောက်ဖို့ တိုက်တွန်းထားပါတယ်။

တိုင်းရင်းသားလက်နက်ကိုင်အဖွဲ့ ၇ဖွဲ့ ပါဝင်တဲ့UNFC အဖွဲ့ကတော့ သူတို့ တင်ပြထားတဲ့ အချက် ၉ချက်ကို လက်ခံရင် NCA လက်မှတ်ရေးထိုးမှာဖြစ်ကြောင်း တုံပြန်ထားပါတယ်။ လာမယ့် မတ်လ ၁ရက်နေ့မှာတော့ ဒေါ်အောင်ဆန်းစုကြည်နဲ့ UNFC ခေါင်းဆောင်တွေ တွေ့ဆုံဖို့ သတင်းထွက်ပေါ်နေပေမဲ့ ၀၊ မိုင်းလားနဲ့ ကျန်မြောက်ပိုင်းမဟာမိတ်အဖွဲ့တွေ အစိုးရနဲ့ ၂၁ပင်လုံမှာ ပါဝင်ရေးအတွက်ဆွေးနွေးမယ့် အလားအလာကတော့ တိတိကျကျ မသိရသေးပါဘူး။
VOA Burmese News


ဘင်္ဂလားဒေ့ရ်ှနယ်စပ်တိုက်ခိုက်မှု (State Counsellor Office Information Committee)
ဘင်္ဂလားဒေ့ရ်ှနယ်စပ်တိုက်ခိုက်မှု (State Counsellor Office Information Committee)
မြန်မာနိုင်ငံနဲ့ ဘင်္ဂလားဒေ့ရှ် နှစ်နိုင်ငံနယ်စပ် မိုင်တိုင်အနီး ဖြစ်ခဲ့တဲ့ နယ်မြေလုံခြုံရေးတပ်ဖွဲ့ဝင်တွေကို ပစ်ခတ်မှုနဲ့ပတ်သက်ပြီး RSO ၊ မူဂျာဟစ် စတဲ့ အစွန်းရောက်အကြမ်းဖက်အဖွဲ့အစည်းတချို့ရဲ့ လက်ချက်ဖြစ်နိုင်တယ်လို့ သမ္မတရုံးပြောခွင့်ရကပြောပါတယ်။ ပြီးခဲ့တဲ့သီတင်းပတ်ကဖြစ်ခဲ့တဲ့ ဒီပစ်ခတ်မှုနဲ့ပတ်သက်ပြီး ဘယ်အဖွဲ့ရဲ့လက်ချက်ဖြစ်တယ်ဆိုတာကို အသေးစိတ် စုံစမ်းနေဆဲဖြစ်သလို နယ်စပ်လုံခြုံရေးကိုလည်း တိုးမြင့်ထားတယ်လို့ ပြောပါတယ်။ မဆုမွန် ဆက်ပြောပြပါမယ်။

ပြီးခဲ့တဲ့ ဖေဖော်ဝါရ်ီလ ၁၆ရက်နေ့က ညနေပိုင်းက ရခိုင်ပြည်နယ် ဘူးသီးတောင်မြို့နယ်တွင်း မြန်မာနိုင်ငံနဲ့ ဘင်္ဂလားဒေ့ရှ် နှစ်နိုင်ငံ နယ်စပ် မိုင်တိုင် ၅၆နဲ့ မိုင်တိုင် ၅၇ ကြားမှာ ပစ်ခတ်မှုဖြစ်ခဲ့တာပါ။ ဘင်္ဂလားဒေ့ရ်ှဘက်ခြမ်းကနေ အနက်ရောင်ဝတ်စုံဝတ်ဆင်ထားတဲ့ လက်နက်ကိုင်အဖွဲ့တွေက လက်နက်ငယ်တွေနဲ့ နယ်မြေလုံခြုံရေးအဖွဲ့ဝင်တွေကိ စတင်ပစ်ခတ်ခဲ့တာဖြစ်ပြီး ဒီလက်နက်ကိုင်အဖွဲ့တွေဟာ RSO လက်နက်ကိုင်အဖွဲ့ဖြစ်နိုင်သလို မူဂျာဟစ်အဖွဲ့အစည်း ကလည်းဖြစ်နိုင်တယ်ဆိုတဲ့ သတင်းအရင်းအမြစ်တွေရထားတဲ့အကြောင်း သမ္မတရုံးပြောခွင့်ရ ဒုတိယညွှန်ကြားရေးမှူးချုပ် ဦးဇော်ဌေးက ဗွီအိုအေမြန်မာပိုင်းကို ပြောပါတယ်။

"အဲ့ဒီ့ဘက်က ပုံမှန်အားဖြင့် ကျင်လည်ကျက်စားနေတာကတော့ RSO အဖွဲ့တွေရှိတယ် မူဂျာဟစ်အဖွဲ့တွေလည်း ဖြစ်နိုင်တယ်ဆိုတဲ့ သတင်းအချက်အလက်တွေရှိတယ်။ လောလောဆယ် မူဂျာဟစ်တွေဆိုတာ ပြောထားတာရှိတယ်။ မူဂျာဟစ်ကတော့ အဖွဲ့ရဲ့နာမည် မူဂျာဟစ်ဒင်တွေကတော့ တော်တော်များများ မူဂျာဟစ်ဒင်လို့ သုံးကြတဲ့အတွက် ဒီဟာကိုတော့ ကျနော်တို့က အတည်မပြုနိုင်သေးဘူးဖြစ်နေတယ်။”

သူတို့အနေနဲ့ ဆက်လက်ပြီးတော့လည်း စုံစမ်းဖော်ထုတ်နေတယ်။ ဒီအနက်ရောင်ဝတ်စုံနဲ့အဖွဲ့ဟာ ဘယ်အဖွဲ့လဲဆိုတာစုံစမ်းနေဆဲပဲဖြစ်တယ်ဆိုတာကို ဦးဇော်ဌေးကပြောခဲ့တာပါ။ ဒီပစ်ခတ်မှုနဲ့ပတ်သက်ပြီး ဘယ်အဖွဲ့အစည်းရဲ့ လက်ချက်ဖြစ်တယ်ဆိုတာကို အတည်ပြုနိုင်ဖို့ အသေးစိတ် စုံစမ်းစစ်ဆေးနေဆဲဖြစ်တယ်လို့ သူကပြောပါတယ်။

"အဲ့ဒီ့ဘက်မှာ ကျင်လည်ကျက်စားနေတဲ့ အဖွဲ့က RSO အဖွဲ့ဖြစ်တယ်။ တခြားအဖွဲ့တွေလည်းဖြစ်နိုင်တယ်ဆိုတဲ့ သတင်းအချက်အလက်တွေလည်းရှိတယ်ပေါ့။"

နယ်စပ်ခြံစည်းရိုးကင်းလှည့်လမ်းကို လိုက်ပြုပြင်နေတဲ့အဖွဲ့ကို လိုက်လံပြီး နယ်မြေလုံခြုံရေး ယူပေးနေတဲ့ တပ်ဖွဲ့ဝင်တွေကို ဘင်္ဂလားဒေ့ရ်ှဘက်ခြမ်းတောင်ကုန်းပေါ်ကနေ အင်အား(၃၀) လောက်ရှိတဲ့ လက်နက်ကိုင်အဖွဲ့က စတင်ပစ်ခတ်ခဲ့တာလို့ နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက သတင်းထုတ်ပြန်ခဲ့ပါတယ်။

ဒီပစ်ခတ်မှုအတွင်းမှာ မြန်မာဘက်က နယ်စပ်စည်းရိုး လုံခြုံရေးယူထားတဲ့ ဒုတပ်ကြပ်တဦးနဲ့ တပ်သားတဦး တပ်ဖွဲ့ဝင်နှစ်ဦး ဒဏ်ရာရရှိခဲ့တယ်လို့ ဦးဇော်ဌေးက အတည်ပြုပါတယ်။ အခုအချိန်မှာတော့ တပ်မတော်နဲ့ နယ်စပ်လုံခြုံရေးအဖွဲ့တွေက ဘူးသီးတောင်၊ မောင်တော နယ်စပ်လုံခြုံရေးတလျောက် လုံခြုံရေးတိုးမြင့်ထားတယ်လို့ သမ္မတရုံးပြောခွင့်ရကပြောပါတယ်။

" ဒီဘူးသီးတောင် မောင်တော နယ်စပ်တလျောက်ကတော့ ကျနော်တို့ တပ်မတော်က အဖွဲ့တွေက မူလကတည်းက နယ်စပ်လုံခြုံရေးကို ဆောင်ရွက်နေတာရှိတယ်။ နယ်စပ်ဘက်မှာတော့ အဓိကအားဖြင့် ကျနော်တို့ နယ်ခြားစောင့်တပ်က တာဝန်ရှိတယ်။ အခုကတော့ တပ်ဘက်ကရော ရဲဘက်ကရော ဒါကို အထူးအလေးထားပြီးတော့ နယ်စပ်လုံခြုံရေးကို စေဆာင်ရွက်နေတဲ့ကာလပေါ့။"

အခုလို ဘူးသီးတောင်မြို့နယ်တွင်း နယ်စပ်မိုင်တိုင်ပစ်ခတ်မှုဖြစ်ပြီး နယ်စပ်လုံခြုံရေးတင်းကြပ်ထားပြီးတဲ့နောက် မြန်မာ-ဘင်္ဂလားဒေ့ရ်ှနယ်စပ်တလျောက် လတ်တလော လုံခြုံရေး အနေအထားမှာတော့ မောင်တောဒေသဘက်က တပ်မတော်ဘက်က နယ်မြေရှင်းလင်းရေးတွေ ခေတ္တရပ်နားထားပြီး ရဲတပ်ဖွဲ့ဝင်တွေနဲ့ပဲ နယ်မြေဒေသလုံခြုံရေး၊ တည်ငြိမ်အေးချမ်းရေး၊ တရားဥပဒေစိုးမိုးရေးကိုပဲ ပူးပေါင်းကူညီဆောင်ရွက်နေတယ်လို့ အစိုးရဘက်က သတင်းထုတ်ပြန်ထားပါတယ်။

မဆုမွန် 
VOA Burmese News



 ပြည်တွင်းစစ်နဲ့ စီးပွားရေး ပြိုလဲမှုတို့ကြောင့် ငတ်မွတ်ခေါင်းပါးမှုဖြစ်
တောင်ဆူဒန် နိုင်ငံရဲ့ တချို့ ဒေသတွေမှာ ငတ်မွတ်ခေါင်းပါးမှု ဖြစ်နေကြောင်း ကြေညာလိုက်ပါတယ်။ ဒါဟာ ခြောက်နှစ် အတွင်း ကမ္ဘာပေါ်မှာ ပထမဆုံး ငတ်မွတ်ခေါင်းပါးမှု ဖြစ်တဲ့အကြောင်း ကြေညာတာ ဖြစ်ပါတယ်။

တောင်ဆူဒန် အစိုးရနဲ့ ကုလသမဂ္ဂတို့ရဲ့ ထုတ်ပြန်ကြေညာချက်မှာ လူပေါင်း တစ်သိန်းဟာ စားနပ်ရိက္ခာ ပြတ်လပ် နေပြီး တစ်သန်းကျော်ဟာ ငတ်မွတ်ဘေး ကျရောက်တော့မယ့် အခြေအနေရှိနေတယ်လို့ ပြောထားပါတယ်။

အခုလို ငတ်မွတ်တဲ့ ဘေးကြုံရတာက ပြည်တွင်းစစ်နဲ့ စီးပွားရေး ပြိုလဲမှုပေါင်းစပ် ဖြစ်ပေါ်ခဲ့တာကြောင့် ဖြစ်ပါတယ်။

ယီမင်၊ ဆိုမာလီယာနဲ့ နိုင်ဂျီးရီးယား အနောက်မြောက်ပိုင်းတို့မှာ ငတ်မွတ်ခေါင်းပါးမှု ဖြစ်နိုင်တယ်လို့ အချိန်အတော်ကြာ သတိပေးမှုတွေ ထွက်နေခဲ့ပေမဲ့ တောင်ဆူဒန်ကတော့ ငတ်မွတ်ဘေး ကြုံနေရပြီလို့ ပထမဆုံး ကြေညာတဲ့ နိုင်ငံ ဖြစ်ပါတယ်။

BBC Burmese
http://www.bbc.com/burmese



မွန်ပြည်နယ်ဝန်ကြီးချုပ်နေရာအတွက် အဆိုပြုခံထားရတဲ့ ပြည်နယ်လွှတ်တော် ကိုယ်စားလှယ် ဒေါက်တာအေးဇံ ကို တွေ့ရစဉ်။ Photo: Kyaw Lwin Oo/RFA
ဝန်ကြီးချုပ်တာဝန်ကနေ နှုတ်ထွက်တော့မယ်လို့ ကြေညာထားတဲ့ မွန်ပြည်နယ်ဝန်ကြီးချုပ် ဦးမင်းမင်းဦး နေရာမှာ ကျိုက်ထိုမြို့နယ် အမှတ် ၂ မဲဆန္ဒနယ် က ပြည်နယ်လွှတ်တော်ကိုယ်စားလှယ် ဒေါက်တာအေးဇံကို အစားထိုးခန့်အပ်ဖို့ အဆိုပြုထားတယ်လို့ အမျိုးသားဒီမိုကရေစီအဖွဲ့ချုပ် ပါတီ ဗဟိုအတွင်းရေးမှူး အဖွဲ့ဝင် ဦးဝင်းထိန် က ပြောပါတယ်။

ဦးမင်းမင်းဦးဟာ အကျင့်ပျက်ခြစားတာမဟုတ်ဘဲ ပြည်နယ်အစိုးရအဖွဲ့မှာ ခေါင်းဆောင်တာ လိုအပ်တယ်ဆိုတဲ့ ပါတီဗဟို လေ့လာသုံးသပ်ရေးအဖွဲ့ရဲ့ တင်ပြချက်အရ နှုတ်ထွက်တာ ဖြစ်တယ်လို့ ဦးဝင်းထိန် က ပြောပါတယ်။

ဒီနေ့ညနေမှာ ဦးမင်းမင်းဦးဟာ မိမိသဘောဆန္ဒအရ ပြည်နယ်ဝန်ကြီးချုပ်တာဝန်ကနေ နှုတ်ထွက် ကြောင်း စာတင်လိုက်တယ်လို့ ပြည်နယ်အစိုးရအဖွဲ့ ညွှန်ကြားရေးမှူး ဦးမြင့်သန်းဝင်း က ပြောပါတယ်။

မွန်ပြည်နယ်ဝန်ကြီးချုပ် ဦးမင်းမင်းဦးဟာ ဝန်ကြီးချုပ်ရာထူးကနေ နှုတ်ထွက်ပေမယ့် ဝန်ကြီးချုပ် အသစ် မခန့်အပ်ခင်အထိ တာဝန်ယူရမှာဖြစ်သလို ပြည်နယ် စည်ပင်သာယာရေးဝန်ကြီးနဲ့ ဆောက်လုပ်ရေးဝန်ကြီးအဖြစ် ရှိနေဦးမှာဖြစ်ပါတယ်။

ဦးမင်းမင်းဦးနေရာမှာ အစားထိုးခန့်အပ်ဖို့ အဆိုပြုခံထားရတဲ့ ဒေါက်တာအေးဇံဟာ ၁၉၉၀ ရွေးကောက်ပွဲမှာလည်း အနိုင်ရရှိခဲ့ဖူးသူဖြစ်ပြီး လက်ရှိ ပြည်နယ် လွှတ်တော်က ဖွဲ့စည်းထားတဲ့ ရေးရာကော်မတီနှစ်ခုရဲ့ ဥက္ကဌအဖြစ် ဆောင်ရွက်နေသူဖြစ်ပါတယ်။

၂၀၁၅ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် အနိုင်ရရှိပြီး အစိုးရဖွဲ့ဖို့ ပြင်ဆင်ချိန်ကတည်းက ထွက်ပေါ်လာတဲ့သတင်းတွေအရ ဒေါက်တာအေးဇံ ဟာ  မွန်ပြည်နယ်ဝန်ကြီးချုပ်အဖြစ် ထင်ကြေးပေး ခံခဲ့ရသူဖြစ်ပါတယ်။

ဦးမင်းမင်းဦး ဒီနေ့ တရားဝင်နှုတ်ထွက်စာတင်တာကို မလိုလားတဲ့ သူအနိုင်ရရှိခဲ့တဲ့ ဘီးလင်းမြို့နယ် အမှတ် ၂ မဲဆန္ဒနယ်က ဒေသခံတွေနဲ့ သံဃာတော်တွေက ဦးမင်းမင်းဦး ၀န်ကြီးချုပ်တာဝန်ကနေ မနှုတ်ထွက်ဖို့ ပြည်နယ်အစိုးရအဖွဲ့ရုံးရှေ့မှာ မေတ္တာရပ်ခံတောင်းဆိုခဲ့ကြပါတယ်။

တစ်နှစ်နီးပါး တာဝန်ထမ်းဆောင်ခဲ့တဲ့ မွန်ပြည်နယ်ဝန်ကြီးချုပ်နေရာမှာ အစားထိုးခန့်အပ်မယ့် ၀န်ကြီးချုပ်အသစ်ကို နိုင်ငံတော်သမ္မတက ရွေးချယ်ပြီး ပြည်နယ် လွှတ်တော်က အတည်ပြုရမှာ ဖြစ်ပါတယ်။

အမျိုးသားဒီမိုကရေစီအဖွဲ့ချုပ် အစိုးရလက်ထက်မှာ ပြည်နယ်ဝန်ကြီးချုပ်တစ်ဦး နှုတ်ထွက်တာ ဒါပထမဆုံးဖြစ်ပါတယ်။

RFA Burmese
http://www.rfa.org/burmese


Great Father Land Construction & Decoration ကုမ္ပဏီပိုင်ရှင် ဦးကျော်မြင့်ကို ပန်းဆိုးတန်း အလယ် ဘလောက်ရှိ MEI Business Tower ဆောက်လုပ်ရာ၌ စာချုပ်ပါ အချက်အလက်များ ဖောက်ဖျက်မှု၊ မြေရှင် လက်မှတ်အတုများ ရေးထိုးမှုတို့ဖြင့် လသာ တရားရုံးမှ ဖေဖော်ဝါရီ ၂၀ ရက်က အလုပ်နှင့်ထောင်ဒဏ် ၅ နှစ် ချမှတ်လိုက်ကြောင်း သိရသည်။

တရားသူကြီး အမိန့်ချမှတ်ရာတွင် ဦးကျော်မြင့်အား လိမ်လည်မှုပုဒ်မ ၄၂၀ ဖြင့် အလုပ်နှင့်ထောင်ဒဏ် ၅ နှစ်၊ လက်မှတ်အတု ရေးထိုးမှု ပုဒ်မ ၄၆၈ ဖြင့် အလုပ်နှင်ထောင်ဒဏ် ၅ နှစ် ချမှတ်ပြီး ပုဒ်မနှစ်ခုစလုံးအား တစ်ပေါင်းတည်း ကျခံစေပြီး ချုပ်ရက်ခံစားခွင့်ပေးခဲ့သည်။

အဆိုပါအမှုနှင့် ပတ်သက်ပြီး ဦးကျော်မြင့်က “ဒါက တိုင်းတရားရုံးက ဖိအားပေးမှုတွေ ရှိနေပါတယ်” ဟု သတင်းမီဒီယာများ မေးမြန်း စဉ် ပြန်လည်ဖြေကြားခြင်း ဖြစ်သည်။

ဦးကျော်မြင့်သည် ပန်းဆိုးတန်း အလယ်ဘလောက်ရှိ MEI Business Tower ဆောက်လုပ်ရာ၌ မြေရှင်နှင့် သဘောတူညီ ထားသည့်ပုံစံများ ကွဲလွဲခြင်း၊ လက်မှတ်အတုများ ရေးထိုးခြင်း၊ သတ်မှတ်ချိန်အ တွင်း ပြီးစီးအောင် ဆောင်ရွက်ပေး နိုင်ခြင်း မရှိမှုတို့ကြောင့် မြေရှင်က တရားစွဲထားခြင်းဖြစ်ကြောင်း သိရသည်။

MEI Business Tower ဆောက်လုပ်နေသော ပန်းဆိုးတန်း အလယ် ဘလောက် အမှတ် ၁၈၁/ ၁၈၇ မြေကွက်အကျယ် ၁၀ဝ ပေ x ၆ဝ ပေပေါ် တွင် ခေတ်မီ ၁၂ ထပ်ခွဲ၊ ဓာတ်လှေကားပါ အဆောက်အအုံ ဆောက် လုပ်ရန် မြေရှင်နှင့် တရားလိုဖြစ်သူ ဗိုလ်မှူးစိုးမင်းထက်(ငြိမ်း) နှင့်ကုမ္ပဏီတို့ သဘောတူညီမှုရရှိခဲ့ကာ အဆောက် အအုံ ဆောက်လုပ်သည့် အချိန်တွင် မြေရှင်နှင့် သဘောတူညီထားသည့် ပုံစံမဟုတ်ဘဲ ၎င်း စိတ်ကြိုက် ဒီဇိုင်းရေးဆွဲကာ မြေရှင်လက်မှတ် အတုများဖြင့် စည်ပင်မှ ခွင့်ပြုချက်ရယူ ကာ ဆောက်လုပ်ခဲ့ ခြင်း၊ ၂၀၁၂ ခုနှစ်တွင် လူနေထိုင်ခွင့် ရမည်ဖြစ်သော် လည်း ၂၀၁၄ ခုနှစ်ကုန်ပိုင်းအထိ ပြီးပြတ်မှုမရှိခြင်း စသည်တို့ကြောင့် စက်တင်ဘာလတွင် ကျောက်တံတား ရဲစခန်းတွင် တိုင်ကြား ခဲ့ခြင်း ဖြစ်ကြောင်း သတင်းများအရ သိရသည်။

Great Father Land Construction&Decoration ကုမ္ပဏီပိုင်ရှင် ဦးကျော်မြင့်အနေဖြင့် ယခု အမိန့်ချမှတ်လိုက်သည့် အမှုအပြင် အခြားသော ဗိုလ်တထောင်၊ ပန်းပဲတန်း စသည့် တရားရုံးများတွင်လည်း အမှုရင်ဆိုင်ရန် ကျန်ရှိသေးကြောင်း သတင်းများအရ သိရသည်။

စိုင်းဟန်
The Ladies News
https://www.facebook.com/News.TheLadies/



ရခိုင်ပြည်နယ်အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနဲ့စီးပွားရေးဝန်ကြီး ဦးကျော်အေးသိန်းကို ဖေဖော်ဝါရီလ ၂၀ ရက်နေ့က ရခိုင်ပြည်နယ်လွှတ်တော် မှာ တွေ့ရစဉ်။ Photo: Min Thein Aung/ RFA
ရခိုင်ပြည်နယ်မှာ ပြီးခဲ့တဲ့နှစ်အတွင်း ကာလတန်ဖိုးငွေကျပ် ၅၆ ဘီလီယံကျော် တန်ဖိုးရှိတဲ့ WY စိတ်ကြွဆေးပြား ၁၈ သန်းကျော်ကို ဖမ်းဆီးရမိခဲ့တယ်လို့ ရခိုင်ပြည်နယ်အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနဲ့စီးပွားရေးဝန်ကြီး ဦးကျော်အေးသိန်း က ဒီနေ့ ရခိုင်ပြည်နယ်လွှတ်တော်မှာ ပြောကြားခဲ့ပါတယ်။

ဒီနေ့ကျင်းပတဲ့ ရခိုင်ပြည်နယ်လွှတ်တော်အစည်းအဝေးမှာ စစ်တွေမြို့နယ် မဲဆန္ဒနယ် ပြည်နယ်လွှတ်တော်ကိုယ်စားလှယ် ဦးအေးသိန်းက မူးယစ်ဆေးဝါးဖမ်းဆီးရမိမှုအခြေအနေနဲ့ တားဆီးနှိမ်နင်းရေးအခြေအနေတွေကို မေးမြန်းရာမှာ ပြည်နယ်ဝန်ကြီး ဦးကျော်အေးသိန်းက ပြောကြား ခဲ့တာဖြစ်ပါတယ်။

၂၀၁၆ ဇန်နဝါရီလကနေ ဒီဇင်ဘာလအတွင်း WY စိတ်ကြွမူးယစ်ဆေးပြားဖမ်းဆီးရမိတဲ့ အမှုပေါင်း ၈၈ မှု ရှိခဲ့ပြီး တရားခံ ၁၄၉ ဦးကို ဖမ်ဆီးနိုင်ခဲ့တယ် လို့လည်း ပြောပါတယ်။

ရခိုင်ပြည်နယ်မှာ မူးယစ်ဆေးဝါးပင် စိုက်ပျိုးထုတ်လုပ်တာမရှိဘဲ ရှိခဲ့ရင်လည်း ဖော်ထုတ်ဖမ်းဆီးမှာ ဖြစ်တယ်လို့ ဝန်ကြီး ဦးကျော်အေးသိန်း က ပြောပါတယ်။

မူးယစ်ဆေးဝါးတွေဟာ မြန်မာနိုင်ငံရဲ့ အရှေ့မြောက်ဒေသတွေကနေတစ်ဆင့် ရခိုင်ပြည်နယ်ကို ရောက်ရှိလာကြတာဖြစ်ပြီး စစ်တွေမြို့မှာ မူးယစ်ဆေးဝါးရောင်းချသူတွေဟာ ပေါ်ပေါ်ထင်ထင် ရောင်းချနေကြတာဖြစ်တယ်လို့ ပြည်နယ်လွှတ်တော်ကိုယ်စားလှယ် ဦးအေးသိန်း က လွှတ်တော်မှာ တင်ပြခဲ့ပါတယ်။

RFA Burmese
http://www.rfa.org/burmese



အန်အယ်လ်ဒီကိုယ်စားလှယ်လောင်းတွေကို ဖေဖော်ဝါရီလ ၂၀ ရက်နေ့က ရန်ကုန်မြို့ရွှေဂုံတိုင်က အမျိုးသားဒီမိုကရေစီအဖွဲ့ချုပ် ရုံးချုပ်မှာ တွေ့ရစဉ်။ Photo: Kyaw Zawe Win/ RFA
လာမယ့် ကြားဖြတ်ရွေးကောက်ပွဲ အောင်နိုင်ရေးအတွက် လွှတ်တော်ကိုယ်စားလှယ်လောင်းတွေ တက်တက်ကြွကြွ လုပ်ဆောင်ကြဖို့ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ဝင်တွေက ပါတီကိုယ်စားလှယ်လောင်းတွေကို တိုက်တွန်းလိုက်ပါတယ်။

ဒီနေ့ ရန်ကုန်မြို့ရွှေဂုံတိုင်က အမျိုးသားဒီမိုကရေစီအဖွဲ့ချုပ် ရုံးချုပ်မှာ ကျင်းပတဲ့ ပါတီလွှတ်တော် ကိုယ်စားလှယ်လောင်းတွေနဲ့ ပါတီတာဝန်ရှိသူတွေ တွေ့ဆုံပွဲ မှာ ပြောကြားခဲ့တာဖြစ်တယ်လို့ လှိုင်သာယာမြို့နယ် ပြည်သူ့လွှတ်တော်ကိုယ်စားလှယ်လောင်း ဦးဝင်းမင်း က ပြောပါတယ်။

ဒီနေ့တွေ့ဆုံပွဲကို အမျိုးသားဒီမိုကရေအဖွဲ့ချုပ် နာယက သူရဦးတင်ဦး၊ ဗဟိုအလုပ်အမှုဆောင် အဖွဲ့ဝင်တွေဖြစ်တဲ့ ဦးဖြိုးမင်းသိန်း၊ ကြားဖြတ်ရွေးကောက် ပွဲကျင်းပမယ့် ရန်ကုန်တိုင်းအတွင်း မြို့နယ် ၁၁ မြိ့နယ်က လွှတ်တော်ကိုယ်စားလှယ်လောင်းတွေ တွေ့ဆုံခဲ့ကြတာဖြစ်ပါတယ်။

အမျိုးသားဒီမိုကရေစီအဖွဲ့ချုပ်က လာမယ့်ကြားဖြတ်ရွေးကောက်ပွဲမှာ လွှတ်တော်ကိုယ်စားလှယ် ၁၈ ဦး ၀င်ရောက်ယှဉ်ပြိုင်မှာဖြစ်ပါတယ်။

လာမယ့် ကြားဖြတ်ရွေးကောက်ပွဲမှာ ရန်ကုန်တိုင်းအတွင်း ပြည်သူ့လွှတ်တော် ၄နေရာ နဲ့ အမျိုးသားလွှတ်တော် ၁ နေရာ စုစုပေါင်း လစ်လပ်မဲဆန္ဒနယ် ၅နေရာ ရှိပါတယ်။

ရန်ကုန်တိုင်းအတွင်း မဲပေးခွင့်ရှိသူ ၉ သိန်းကျော်ရှိပြီး မဲရုံပေါင်း ၉၀၀ ကျော် လျာထားတယ်လို့ သိရပါတယ်။

လွှတ်တော်ကိုယ်စားလှယ်လောင်းတွေဟာ ပြီးခဲ့တဲ့ ဇန်န၀ါရီလ ၃၀ ရက်နေ့ကစပြီး လာမယ့် မတ်လ ၃၀ ရက်နေ့ အထိ မဲဆွယ်စည်းရုံးခွင့်ရရှိထား တာဖြစ်ပါတယ်။

RFA Burmese
http://www.rfa.org/burmese



အမှတ် (၄)အစုန်အရထားပေါ်တွင် ဒုတိယရဲမှူး တစ်ဦး၏ လည်ပင်းမှ (၂)ကျပ်သားခန့်ရှိ ဆွဲကြိုးကိုဖြတ်ယူထွက်ပြေးသူ တရားခံကို သာစည်ရထားရဲတပ်ဖွဲ့စခန်းက ဖမ်းဆီးရမိ
သာစည် - ဖေဖေါ်ဝါရီ (၂ဝ)

မန္တလေးဘူတာကြီးမှ ဖေဖေါ်ဝါရီ (၁၇)ရက်နေ့ ညနေ (၅)နာရီတွင် ထွက်ခွာလာသော အမှတ်(၄)အစုန်ရထားအထက်တန်းတွဲ တွဲအမှတ်(၂) ထိုင်ခုံအမှတ် ဗ-၁ဝ တွင် စီးနင်းလိုက်ပါ လာသော ခရီးသည် တောင်ကြီးမြို့ ၊ ကျောင်းကြီးစုရပ်ကွက်တွင် နေထိုင်သူ အသက် (၄၆)နှစ်ရှိ ဒုတိယရဲမှူး မျိုးညွန့် ၏ လည်ပင်းတွင် ဆွဲထားသည့် အလေးချိန် (၂)ကျပ်သား ၊ ကာလတန်ဖိုးငွေ (၁၈)သိန်းခန့်ရှိ ၊ ကြံစစ်ရွှေဆွဲကြိုးတစ်ကုံးကို အမျိုးသားတစ်ဦးက သဲတောဘူတာမှ ရထားအထွက် မိုင်တိုင်အမှတ်-၃၂၂/၁ နှင့် ၃၂၂/၄ ကြားအရောက်တွင် ရုပ်တစ်ရက်စွဲဖြတ်ယူ၍ ရထားပေါ်မှ ခုန်ချထွက်ပြေးသွားခဲ့သည့် မှုခင်းတစ်ရပ်ဖြစ်ပွားခဲ့ပါသည်။

အဆိုပါဖြစ်ရပ်မှုခင်းနှင့်ပါတ်သက်၍ သာစည်ရထားရဲတပ်ဖွဲ့စခန်းမှ စခန်းမှူး ရဲအုပ် မင်းနိုင် နှင့် နယ်ထိန်းရဲဒုတိယတပ်ကြပ် ကျော်သူရ တို့က ပြစ်မှုကျူးလွန်သူအား အမြန်ဆုံးဖမ်းဆီးရမိနိုင် ရေးအတွက် အခင်းဖြစ်ပွားခဲ့သည့်နေရာသို့ ညတွင်းချင်းသွားရောက်ကြပြီး နယ်မြေခံရဲတပ်ဖွဲ့ဝင်များနှင့် ပူးပေါင်းကာ စုံစမ်းထောက်လှမ်းခဲ့ရာ ဖေဖေါ်ဝါရီ (၁၈)ရက်နေ့ ည(၁ဝ)နာရီ (၄၅)မိနစ်အချိန်တွင် သဲတောမြို့နှင့် ရိုးရွာကျေးရွာသို့သွားသည့် မြေသားလမ်းဘေးရှိ ဇရပ်ပျက်အတွင်းတွင် ပုန်းအောင်း နေသည့် ပြစ်မှုကျူးလွန်ခဲ့သူ အောင်ကိုဝင်း(ခ)ဘုတ်ပွ ကို သက်သေခံရွှေဆွဲကြိုး အပိုင်းပြတ်စ (၈)လက်မခန့်နှင့်အတူ ဖမ်းဆီးရမိခဲ့ကြသည်။ ပုံ ။

ယင်းအမှုနှင့်ပါတ်သက်၍ အောင်ကိုဝင်း(ခ)ဘုတ်ပွ ၊ (၃၁)နှစ် ၊ (ဘ)ဦးငွေဘော ၊ ရိုးကျေးရွာ၊ ဝမ်းတွင်းမြို့နယ်နေသူကို သာစည်ရထားရဲတပ်ဖွဲ့စခန်းက (ပ)၁/၂ဝ၁၇ ၊ ရာဇသတ်ကြီးဥပဒေ
ပုဒ်မ-၃၇၉(နှိုက်)ဖြင့် အမှုဖွင့်ဖမ်းဆီး၍ တရားရုံးသို့ အမြန်ဆုံးတရားစွဲဆိုတင်ပို့နိုင်ရေးအတွက် စီစဉ်ဆောင်ရွက်လျှက်ရှိကြောင်းသိရသည်။

မောင်ကို(သာစည်)
Myanmaalinn
https://www.facebook.com/MYANMAALINNNEWS



အလှအပဆိုင်ရာ ခွဲစိတ်မှုတစ်ခု ပြုလုပ်နေစဉ် မြင်ကွင်း (ဓါတ်ပုံ-အင်တာနက်)
    ရီယာ့ဒ်၊ ဖေဖော်ဝါရီ ၂၀ ရက် (ဆင်ဟွာ)

    အာရပ်လူမျိုး အရေပြားခွဲစိတ်မှုဆရာဝန်တစ်ဦး ၏ ခွဲစိတ်မှုအမှား ကြောင့် ဆော်ဒီ အမျိုးသမီးငယ် တစ်ဦး ခြေလက် ၃ချောင်း ဖြတ်ခဲ့ရသည့်အတွက် တရားဥပဒေနှင့်ရင်ဆိုင်ရပြီး ၎င်း၏ ဆေးကုသခွင့်လိုင်စင် အသိမ်းခံရမည့် အခြေအနေသို့ရောက်ရှိနေကြောင်း ပြည်တွင်းကျန်းမာရေးစုံစမ်းစစ်ဆေးရေးအဖွဲ့က ဖေဖော်ဝါရီ ၁၉ ရက်တွင်ပြောကြားခဲ့သည်။

ဆော်ဒီအမျိုးသမီးငယ်၏ ခန္ဓာကိုယ်မှ အဆီပိုများအား ဖယ်ရှားသော အလှအပဆိုင်ရာ ခွဲစိတ်မှုပြုလုပ်ခဲ့သည့် ပုဂ္ဂလိက ဆေးခန်းမှ ခွဲစိတ်ဆရာဝန်အား ၎င်း၏ မိခင် က တရားစွဲဆိုခဲ့ပြီးနောက် ရီယာ့ဒ်မြို့ရှိ ကျန်းမာရေးအာဏာပိုင်အဖွဲ့က စုံစမ်းစစ်ဆေးရေးအဖွဲ့ကို ဖွဲ့စည်းခဲ့ခြင်းဖြစ်ကြောင်း ကျန်းမာရေးဝန်ကြီးဋ္ဌာနက ထုတ်ပြန်ချက်တွင် ပြောကြားခဲ့သည်။

အလှအပဆိုင်ရာ ခွဲစိတ်မှုပြုလုပ်ပြီးနောက် လူနာ၏အခြေအနေ ဆိုးရွားလာ၍ အစိုးရဆေးရုံသို့ ပို့ဆောင်ခဲ့ရပြီး အသက်အန္တရာယ်မှ လွတ်မြောက်စေရန် ၎င်း၏ လက်နှစ်ဖက်စလုံး နှင့် ညာဘက်ခြေထောက်အား ဖြတ်တောက်ပစ်ရန် ဆရာဝန်များက ဆုံးဖြတ်ခဲ့ကြသည်။

စုံးစမ်းစစ်ဆေးသူများက ပုဂ္ဂလိက ဆေးခန်း ၌ သာမန် ခွဲစိတ်မှုနှင့် ပတ်သက်သည့် ဆေးပစ္စည်း ကိရိယာများ မရှိသည့်အပြင် ဘေးကင်းလုံခြုံသော ခွဲစိတ်ကုသမှု ပြုလုပ်ရန် အနည်းဆုံးလိုအပ်သည့် စံသတ်မှတ်ချက်များ နှင့် ပင် ကိုက်ညီမှုမရှိကြောင်း ပြောကြားခဲ့သည်။

ဆော်ဒီ ကျန်းမာရေးဝန်ကြီးဋ္ဌာနက ပုဂ္ဂလိကဆေးခန်းများအနေဖြင့် ကျန်းမာရေးသတ်မှတ်ချက်များ နှင့် စည်းမျဉ်းစည်းကမ်းများအား လိုက်နာကြရန် ထပ်ခါတလဲလဲ သတိပေးပြောကြားခဲ့ကြောင်း သိရသည်။

(Xinhua)
http://xinhuamyanmar.com



ကင်ဂျုံနမ်ဟာ ပြီးခဲ့တဲ့သတင်းပတ်က မလေးရှားမှာ အသတ်ခံရ
မြောက်ကိုရီးယား ခေါင်းဆောင် ကင်ဂျုံအွန်းရဲ့ အဖေတူ အမေကွဲ အစ်ကိုဖြစ်သူ ကင်ဂျုံနမ်း အသတ်ခံရမှုနဲ့ ပတ်သက်လို့ အငြင်းပွားမှုတွေ ပိုတိုးလာချိန်မှာ မလေးရှားနိုင်ငံက မြောက်ကိုရီးယားမှာရှိတဲ့ သူ့ရဲ့ သံအမတ်ကြီးကို ပြန်ခေါ် လိုက်ပါတယ်။

ကင်ဂျုံနမ်းဟာ ကွာလာလမ်ပူ မြို့တော် လေဆိပ်မှာ အဆိပ်နဲ့ သတ်ဖြတ်ခံရတာလို့ ယူဆရပါတယ်။

အဲဒီလူဟာ ကင်ဂျုံနမ်း ဖြစ်တယ် လို့ ပြောနိုင်တဲ့ အထောက်အထား ကို မြောက်ကိုရီးယားက မေးခွန်း ထုတ်နေပြီး သူတို့ ဆီကို အလောင်းလွှဲပေးဖို့ တောင်းဆိုနေပါတယ်။

အဲဒီ သတ်ဖြတ်မှုနဲ့ ပတ်သက်လို့ မလေးရှားက စုံစမ်း စစ်ဆေး နေချိန်မှာ ဒါဟာ မြောက်ကိုရီးယားကို မလိုလားတဲ့ အဖွဲ့တွေနဲ့ ပူးပေါင်း ကြံစည်တာဖြစ်တယ်လို့ စွပ်စွဲခဲ့တဲ့ မြောက်ကိုရီးယား သံအမတ်ကြီးကိုလည်း မလေးရှားက ဆင့်ခေါ်ခဲ့ပါတယ်။

ဒါပေမယ့် မြောက်ကိုရီးယား သံအမတ်ကြီး ကန်ချိုးကတော့ ဖြစ်ပျက်မှုတွေ အားလုံးကို ကြည့်ရင် ဒါဟာ မလေးရှားနဲ့ တောင်ကိုရီးယားတို့ရဲ့ နိုင်ငံရေး အရ ပူးပေါင်း ကြံစည်မှု ဆိုတာ မြင်နေရတယ်လို့ ပြောပါတယ်။

BBC Burmese
http://www.bbc.com/burmese


မွန်ပြည်နယ်ဝန်ကြီးချုပ် ဦးမင်းမင်းဦးက သူနှုတ်ထွက်တော့မှာဖြစ်ကြောင်း ပြည်သူတွေကို အသိပေးလိုက်ပြီဖြစ်တဲ့အတွက် သူထွက်မှာကို မလိုလားသူတွေ သံဃာတော်တွေနဲ့ လူတစ်ရာလောက်က မွန်ပြည်နယ်အစိုးရအဖွဲ့ရုံးရှေ့မှာ လာရောက်မေတ္တာရပ်ခံ တောင်းဆိုကြပါတယ်။


မွန်ပြည်နယ်ဝန်ကြီးချုပ်က တောင်းဆိုသူတွေကို သူ့ရုံးခန်းမှာခေါ်ယူတွေ့ဆုံကာ အစိုးရအဖွဲ့နဲ့ တိုင်ပင်ပြီး စဉ်းစားပေးမယ်လို့ သူတို့ကိုပြန်လည်ဖြေကြားခဲ့ပါတယ်။ ဝန်ကြီးချုပ်နှုတ်ထွက်စာ တင်မတင်ကို ဒီကနေ့ညနေမှာ ဆုံးဖြတ်သွားမယ်လို့ ပြောပါတယ်။

Photo: Kyaw Lwin Oo/RFA
RFA Burmese
https://www.facebook.com/rfaburmese/


မွန်ပြည်နယ်ဝန်ကြီးချုပ် ဦးမင်းမင်းဦးကို ရာထူးနှင့် ပတ်သက်၍ ဆွေးနွေး ခဲ့သော်လည်း မည်သူတဦး တယောက်ကိုမှ ပြစ်တင်ပုတ်ခတ်ခြင်း မရှိဘဲ သိက္ခာရှိရှိ၊ သတ္တိရှိရှိ နုတ်ထွက်သွားသည့် အတွက် ချီးကျူးကြောင်း ဦးဝင်းထိန်က ဖေဖော်ဝါရီ ၂၀ ရက် မီဒီယာအချို့နှင့် တွေ့ဆုံစဉ်ပြော ကြားခဲ့သည်။

“ဦးမင်းမင်းဦး ကိစ္စကတော့ သူ့အနေအထားအတိုင်း တိုင်စာတွေ တက်တယ်။ complain တွေ တက်တဲ့အခါမှာ ပါတီအနေနဲ့ ဦးဥာဏ်ဝင်း ခေါင်းဆောင်တဲ့ စုံစမ်းစစ်ဆေးရေးအဖွဲ့ ဖွဲ့တယ်။ စစ်ဆေးတယ်။ အဲဒီကနေ တင်ပြလို့ရတဲ့ ဟာကို ကျွန်တော်တို့ဆီ တင်ပြတယ်။ ကျွန်တော်တို့က အစိုးရအဖွဲ့ကို အကြောင်းကြားတယ်။ ကျွန်တော်တို့ကနေ ရာထူးနဲ့ ပတ်သက် လို့ ဆွေးနွေးပေးတဲ့ဟာကို သူ့သဘောနဲ့သူ သိက္ခာရှိရှိ ထွက်သွားတယ်။ သတ္တိရှိရှိ ထွက်သွားတယ်။ အဲဒီလို ထွက်သွားတဲ့အခါမှာ ဘယ်သူ့ကိုမှ မပုတ်ခတ်ဘူး။ ဘာကိုမှလည်း အပြစ် မတင်ဘူး။ ဒါဟာ အရမ်းချီး ကျူးစရာ ကောင်းတယ်”ဟု ဦးဝင်းထိန်က ပြောကြားခဲ့ခြင်းဖြစ်သည်။

မွန်ပြည်နယ် ၀န်ကြီးချုပ်အသစ်အဖြစ် ကျိုက်ထိုမြို့နယ်မှ ပြည်နယ်လွှတ်တော် ကိုယ်စားလှယ် ဒေါက်တာအေးဇံအား လျာထားကြောင်းလည်း ဦးဝင်းထိန်က ပြောဆိုထားသည်။ မွန်ပြည်နယ်ဝန်ကြီးချုပ် အသစ်အဖြစ် လျာထားသော ဒေါက်တာအေးဇံမှာ ကျိုက်ထိုမြို့နယ်၊ မဲဆန္ဒနယ် အမှတ် ၂ မှ ပြည်သူ့လွှတ်တော် ကိုယ်စားလှယ်ဖြစ်ပြီး အမျိုးသား ဒီမိုကရေစီအဖွဲ့ချုပ် ပါတီမှ ဖြစ်သည်။

ဇော်မင်းထွန်း
The Ladies News
https://www.facebook.com/News.TheLadies/



အမေရိကန် နိုင်ငံ ကယ်လီဖိုးနီးယား ပြည်နယ်တွင် ဇန်နဝါရီ ၂၀ ရက်နေ့က တိုက်ခတ်ခဲ့သည့် မုန်တိုင်းကြောင့် သစ်ပင် ပြိုလဲ နေသည်ကို မြင်တွေ့ရစဉ်(ဆင်ဟွာ)
    လောစ့်အိန်ဂျလိစ် ၊ ဖေဖော်ဝါရီ ၂၀ ရက် (ဆင်ဟွာ)

    အမေရိကန် နိုင်ငံ ကယ်လီဖိုးနီးယား ပြည်နယ် တောင်ပိုင်းဒေသ ၌ မုန်တိုင်း တိုက်ခတ် ခံရပြီး မိုးသည်းထန်စွာ ရွာသွန်းခြင်း ၊ တောင်ပြိုခြင်း ၊ ဆက်သွယ်ရေး လမ်းကြောင်း နှင့် လျှပ်စစ်မီး ပျက်တောက်ခြင်း တို့ဖြစ်ပွားခဲ့ရာ ဖေဖော်ဝါရီ ၁၉ ရက်နေ့အထိ မုန်တိုင်း ကြောင့် သေဆုံးခဲ့သူ ၅ ဦးရှိခဲ့ပြီး ဖြစ်ကြောင်း သိရှိရသည်။

အမေရိကန် နိုင်ငံ မိုးလေဝသ ဌာန ၏ ထုတ်ပြန်ချက်အရ ဖေဖော်ဝါရီ ၁၈ ရက်နေ့ ညပိုင်း အထိ လောစ့်အိန်ဂျလိစ် နှင့် အနီးတဝိုက်ရှိမြို့ များ၏ မိုးရေချိန်သည် ၈၀ မီလီမီတာ မှ ၁၅၀ မီလီမီတာ အတွင်းရှိခဲ့ကြောင်း ၊ အချို့သော မြို့များတွင် ရေမြောင်းစနစ် သည် အိုဟောင်းနေပြီး ဖြစ်သောကြောင့် ရေဝပ်ခြင်းများ ဖြစ်ပေါ်ခဲ့ကြောင်း သိရှိခဲ့ရသည်။

ဒေသတွင်း မီဒီယာ များ၏ ဖော်ပြချက်အရ လေပြင်းမုန်တိုင်း တိုက်ခတ်မှုကြောင့် မတော်တဆမှုများ ဖြစ်ပွား ခဲ့ပြီး ၃ ဦး မှာ ယာဉ်မတော်တဆမှုကြောင့် သေဆုံးခဲ့ရကာ ၁ ဦးမှာ သစ်ပင် ပြိုလဲမှုကြောင့် သေဆုံးခဲ့ရကြောင်း ၊  ၁ ဦးမှာ ဓာတ်လိုက်မှုကြောင့် သေဆုံးခဲ့ကြောင်း ၊ ထို့ပြင် လောစ့်အိန်ဂျလိစ် မြို့ပြင်၌ ကား ၂ စင်း မှာ မြေပြိုမှုကြောင့် ဖြစ်ပွားခဲ့သည့် တွင်းကြီးထဲသို့ ပြုတ်ကျခဲ့ပြီး  ကားပေါ်ရှိ ခရီးသည် များကို ကယ်ဆယ်မှုများ ဆောင်ရွက်နိုင်ခဲ့သော်လည်း သေဆုံး ဒဏ်ရာရရှိသည့် စာရင်း မသိရှိကြောင်း ဖော်ပြခဲ့ကြသည်။

(Xinhua)
http://xinhuamyanmar.com


စစ်ကိုင်းတိုင်း၊ ဆားလင်းကြီးမြို့နယ်ထဲက လက်ပံတောင်းတောင် ကြေးနီစီမံကိန်းက လိုအပ်နေတဲ့ ကျောက်ခဲတွေကို သယ်ဆောင်လာတဲ့ ကျောက်တင်တဲ့ကားတစီးက ဒေသခံရွာသားတွေရဲ့ နွားကိုတိုက်မိပြီး နွားသေဆုံးခဲ့တာကြောင့် ကျောက်တင်တဲ့ကား အစီး ၁၀၀ခန့် ကို ရွာသားတွေက တားဆီးပြီးဖြေရှင်ပေးဖို့ တောင်းဆိုနေပြီး တင်းမာမူတွေ ဖြစ်နေပါတယ်။ မအေးအေးမာက သတင်းပေးပို့ထားပါတယ်။


ဒေသခံတွေရဲ့ ကန့်ကွက်မှုကိုကြုံနေရဆဲဖြစ်တဲ့ လက်ပန်းတောင်းကြေးနီစီမံကိန်းမှာ အသုံးပြုဖို့အတွက် မြန်မာဝမ်ပေါင်ကုမ္ပဏီက ကျောက်သယ်ကားတွေနဲ့ ကျောက်တွေ သယ်ဆောင်လာတုန်းမှာ မိုးကြိုးပြင်အလယ်ရွာက တောင်သူတဦးပိုင်တဲ့ နွားကိုတိုက်မိတာကြောင့် နွားသေဆုံးခဲ့တယ်လို့ ရွာသားတွေကဆိုပါတယ်။ ဒီအတွက် ဖေဖေါ်ဝါရီလ ၁၉ရက်နေ့ ၊ နေလည် ၂နာ၇ီကျော်ကစပြီး မြန်မာဝမ်ပေါင်ကုမ္ပဏီကိုသွားမယ့် ကျောက်သယ်ကားအစီး ၁၀၀ထက်မနည်းကို ရွာသားတွေက တားဆီးခဲ့တာဖြစ်တယ်လို့လည်း ဒေသခံတဦးကပြောပြပါတယ်။

“ ၂နာရီခွဲလောက်က ဆားလင်းကြီးမြို့နယ်၊ မင်းတောရွာဘက်ကနေ ကျောက်တွေကို သယ်ရင်းနဲ့ အဲဒီ မိုးကြိုးပြင် ရွာအနီးမှာပေါ့နော် ပုသိမ်-မုံရွာလမ်းနားမှာ နွားကိုတိုက်တယ်။ နွားကိုတိုက်သွားတော့ လာလည်းမရှင်းပေးတော့ ဒေသခံတွေက ကျောက်ကားတွေအကုန်လုံးကိုပေါ့နော် တားဆီးလိုက်တယ်။ ကားအစီးက ၁၀၀ ၀န်းကျင်လောက် ရှိမယ်။ တန်းကြီးက အရှည်ကြီးပဲ ၁၀၀ ကျော်လောက်ရှိမယ်၊ အခုပေါ့နော် ကျောက်တွေကို မတရားထုတ်ယူနေတဲ့အခါကျတော့ အဲဒီဘက်က သဘာဝပတ်ဝန်းကျင်တွေလည်း ပျက်စီးလာနိုင်တယ်၊ ပြီးတဲ့အခါကျတော့ ဒီကျောက်ကားတွေက မဆင်မခြင်မောင်းနေတဲ့အခါကျတော့ ဒေသခံတွေ အသက်အန္တရာယ်တွေလည်း စိုးရိမ်နေရတယ်။”


ညနေပိုင်းအထိတော့ အာဏာပိုင်တွေဘက်ကကော ကုမ္ပဏီဘက်ကပါ ဒီပြဿနာ နဲ့ ပတ်သက်ပြီး ဖြေရှင်းပေးတာမရှိဘူးဆိုပြီး ကားတွေကို ဆက်ပြီးတားဆီးထားဆဲဖြစ်တယ်လို့ ဆိုပါတယ်။

“ရွာသား အင်အား ၁၀၀ ၀န်းကျင်လောက်ရှိမယ်။ တရွာလုံးလိုလိုပဲ ထွက်တားကြတာဆိုတော့ ၊ ၁၀၀ တောင်ကျော်ရင်ကျော်မယ်။ အာဏာပိုင်ဘက်ကရော၊ ၀မ်ပေါင် ဘက်ကရော တာဝန်ရှိတဲ့လူတွေ မလာသေးဘူး။ ဒေသခံတွေက လာဖို့တောင်းဆိုနေတယ်၊ လာပေးဖို့ ပြောနေတယ်၊ အခုအချိန်အထိတော့ မလာသေးဘူး။ ရွာသားတွေဘက်ကတော့ မလာမခြင်း ဆက်တားဖို့ အစီအစဉ်ရှိတယ်ပေါ့နော်။”

ဒေသခံတွေကတော့ မြန်မာဝမ်ပေါင်ကုမ္ပဏီက သိမ်းယူထားတဲ့ လယ်မြေတွေပြန်ရရေး တောင်းဆိုကန့်ကွက်မူတွေ ကိုလည်း ဆက်တိုက်လုပ်ခဲ့ကြသလို သီးနှံလျော်ကြေးတွေပေးဖို့ ကိုလည်းတောင်းဆိုနေခဲ့ကြတာပါ။ ဒီရက်ပိုင်းအတွင်းမှာပဲ ကုမ္ပဏီဘက်ကနေ ခြံစည်းရိုးတွေ ခတ်ဖို့ ကြိုစားနေမူတွေ၊ စွန့်ပစ်မြေစာတွေကို ရွာအနီးမှာလာရောက်ချထားတာတွေကိုလည်း တားဆီးမူတွေလုပ်နေကြပါတယ်။

ဖေဖော်ဝါရီ ၁၀ ရက်နေ့က ထုတ်ပြန်တဲ့ (Amnesty International) လူ့အခွင့်အရေးအဖွဲ့ရဲ့ "ဒုက္ခတောင်တန်း"လို့ အမည်ပေးထားတဲ့ အစီရင်ခံစာမှာတော့ လက်ပံတောင်းကြေးနီ စီမံကိန်း ကြောင့် ထောင်နဲ့ချီတဲ့ မိသားစုတွေဟာ ဒီစီမံကိန်း တိုးချဲ့မှုနဲ့အတူ အိုးအိမ်ရွှေ့ပြောင်းရတာ၊ လယ်ယာဆုံးရှုံးရတာတွေ နဲ့ လူအခွင့်ရေး ချိုးဖောက်မှုတွေ ရှိနေတယ်လို့ ဖော်ပြထားတာပါ။ဒီအတွက်လက်ပံတောင်းတောင် ကြေးနီသတ္တုတွင်း တူးဖေါ်ရေးလုပ်ငန်းကို ချက်ချင်း ရပ်ဆိုင်းပစ်ဖို့ အတွက် လူ့အခွင့်ရေး အဖွဲ့ကြီးက မြန်မာအာဏာပိုင်တွေကို တောင်းဆိုခဲ့ပါတယ်။

 မအေးအေးမာ / ဗွီအိုအေ (မြန်မာပိုင်း)
http://burmese.voanews.com



ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် Ms Yanghee Lee ကို တွေ့ရစဉ်။ Photo: Min Thein Aung/RFA
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် မစ္စယန်ဟီးလီဟာ ရခိုင်ပြည်နယ်အရေးကိစ္စနဲ့ဆက်စပ်ပြီး လေ့လာဖို့အတွက် ဘင်္ဂလားဒေ့ရ်ှနိုင်ငံကို ဒီကနေ့ ရောက်ရှိနေပါတယ်။

မစ္စယန်ဟီးလီရဲ့ ဘင်္ဂလားဒေ့ရ်ှခရီးစဉ်ဟာ ဒီနေ့ကနေ ဖေဖော်ဝါရီလ ၂၃ ရက်နေ့အထိ ၄ ရက်ကြာမြင့်မှာဖြစ်တယ်လို့ ရန်ကုန်အခြေစိုက် ကုလသမဂ္ဂရုံး က ကြေညာချက်ထုတ်ပြန်ထားပါတယ်။

အဲဒီကြေညာချက်အရ မစ္စယန်ဟီးလီဟာ ဘင်္ဂလားဒေ့ရ်ှနိုင်ငံ ကော့တ်ဘဇားနဲ့အနီးတဝိုက်ကို သွားရောက်မှာဖြစ်ပြီး ပြီးခဲ့တဲ့ ၅လအတွင်း မြန်မာနိင်ငံကနေ ဘင်္ဂလားဒေ့ရ်ှကို ထွက်ပြေးလာ သူတွေနဲ့တွေ့ဆုံသွားမယ်လို့လည်း ပါရှိပါတယ်။

ပြီးခဲ့တဲ့ ဖေဖေါ်ဝါရီလ ၃ ရက်နေ့က ကုလသမဂ္ဂ လူ့အခွင့်အရေးရုံး က ဘင်္ဂလားဒေ့ရ်ှဘက်ကို ထွက်ပြေးလာတဲ့ ရိုဟင်ဂျာ မွတ်ဆလင်တွေနဲ့ တွေ့ဆုံမေးမြန်း ထားတာတွေနဲ့ ပတ်သက်ပြီး အစီရင်ခံ စာတစ်စောင် ထုတ်ပြန်ထားပါတယ်။

အဲဒီအစီရင်ခံစာအရ ထွက်ပြေးလာသူတွေထဲက လူပေါင်း ၂၀၀ ကျော်ကို မေးမြန်းထားတာဖြစ်ပြီး ပြောဆိုချက်တွေအရ အမျိုးသမီးတွေကို လုံခြုံရေးတပ်ဖွဲ့တွေက အဓမ္မပြုကျင့်မှုတွေ၊ လိင်ပိုင်းဆိုင်ရာ အကြမ်းဖက်မှုတွေ၊ သတ်ဖြတ်မှုတွေ၊ မီးရှို့သတ်ဖြတ်တာတွေအထိ ရှိတယ်လို့ ဖေါ်ပြထားပါတယ်။

RFA Burmese
http://www.rfa.org/burmese


ဖိလစ်ပိုင် သမ္မတ ဒူတာတေး အားမြင်တွေ့ရစဉ်(ဆင်ဟွာ)
    မနီလာ ၊ ဖေဖော်ဝါရီ ၂၀ ရက် (ဆင်ဟွာ)

    ဖိလစ်ပိုင် စစ်ဦးစီးချုပ် ဗိုလ်ချုပ်ကြီး Eduardo Ano က လုပ်ငန်းတာဝန် ထမ်းဆောင်စဉ် ကာလအတွင်း မကောင်းမွန်သည့် ပြစ်မှုမှတ်တမ်းရှိသော ရဲဝန်ထမ်း ၃၀၀ ဦးကို ဖိလစ်ပိုင် နိုင်ငံ တောင်ပိုင်း အစိုးရ ကို ဆန့်ကျင်သည့် လက်နက်ကိုင်တပ်ဖွဲ့များ လှုပ်ရှားမှု များပြားရာ Basilan ပြည်နယ်သို့ သွားရောက် တာဝန်ထမ်းဆောင်စေမည့် သတင်းကို ဖေဖော်ဝါရီ ၁၉ ရက်နေ့တွင် မီဒီယာ များထံသို့ အတည်ပြုပြောကြားခဲ့သည်။

ဖိလစ်ပိုင် အစိုးရ တပ်ဖွဲ့သည် သမ္မတ ဒူတာတေး ၏ တောင်းဆိုမှု အရ Basilan ပြည်နယ် အတွင်း ရှိ Abu Sayyaf လက်နက်ကိုင်တပ်ဖွဲ့ရှင်းလင်းမှု စစ်ဆင်ရေး ကို ဆောင်ရွက်နေပြီး ၄င်း ပြည်နယ် သည် Abu Sayyaf လက်နက်ကိုင်တပ်ဖွဲ့ ၏ ဌာနချုပ် ရှိရာ ဒေသလည်း ဖြစ်သည်။ Abu Sayyaf လက်နက်ကိုင်တပ်ဖွဲ့ သည် IS အကြမ်းဖက်တပ်ဖွဲ့ ၏ လက်အောက်ခံဟုကြေညာထားသည့် အဖွဲ့အစည်း ဖြစ်ပြီး အစိုးရ ဆန့်ကျင်ရေး တပ်ဖွဲ့ နာမည်ခံယူကာ ဒေသတွင်း တိုက်ခိုက်မှုများ နှင့် အနုကြမ်းစည်းမှုများကို မကြာခဏ ဆောင်ရွက်လေ့ရှိသည်။

ဗိုလ်ချုပ်ကြီး Eduardo Ano က ရဲတပ်ဖွဲ့ဝင်များအနေဖြင့် Basilan ပြည်နယ် လုံခြုံရေး ကို တာဝန်ယူ ဆောင်ရွက်ခြင်း အားဖြင့် အစိုးရ တပ်ဖွဲ့ မှ အစိုးရဆန့်ကျင်ရေး တပ်ဖွဲ့ များကို အားရုံစိုက်ကာ တိုက်ခိုက်နိုင်ရန် ဖြစ်ကြောင်း ပြောကြား ခဲ့သည်။

ယခုနှစ် ဖေဖော်ဝါရီ လပိုင်းတွင် ဖိလစ်ပိုင်နိုင်ငံရှိ ရဲဝန်ထမ်း အချို့သည် ၂၀၁၆ ခုနှစ် အောက်တိုဘာလပိုင်း က မူးယစ်ဆေးဝါးရှင်းလင်းရေး ဟူသည့် နာမည်ခံဖြင့် ဖိလစ်ပိုင် နိုင်ငံ အတွင်းရှိ တောင်ကိုရီးယား ကုန်သည် တစ်ဦးကို သတ်ဖြတ်ခဲ့ပြီး မိသားစု များထံ မှ ငွေကြေး တောင်းယူခဲ့သည့် ဖြစ်စဉ် တစ်ခု ဖြစ်ပွား ခဲ့သည်။ ယင်းအမှု ဖြစ်ပွားပြီးနောက်တွင် ဖိလစ်ပိုင် အစိုးရ မှ ရဲဝန်ထမ်း စည်းကမ်းလေ့လာစောင့်ကြည်ရေး ဌာန တည်ထောင်ခဲ့ပြီး ဖိလစ်ပိုင် နိုင်ငံ သမ္မတ ဒူတာတေး မှလည်း တောင်ကိုးရီးယား နိုင်ငံ အစိုးရ ထံသို့ တောင်းပန် စကား ပြောကြား ခဲ့ရသည်။

ရဲတပ်ဖွဲ့အင်အား သည် ဒူတာတေး စတင်တာဝန် ထမ်းဆောင်ပြီးနောက်ပိုင်းတွင် မူးယစ်ဆေးဝါ ဆန့်ကျင်ရေး အတွက် အားကိုးရသည့် တပ်ဖွဲ့တစ်ခုဖြစ်ခဲ့သည်။သို့သော် တောင်ကိုရီးယား ကုန်သည် သတ်ဖြတ်ခံရမှု နှင့် အခြား ရဲတပ်ဖွဲ့၏ သတင်းဆိုးများထွက်ပေါ်လာပြီးနောက်ပိုင်းတွင် ဒူတာတေး ၏ ရဲတပ်ဖွဲ့အပေါ် ယုံကြည်မှု ကိုလျော့ကျစေခဲ့သည်။ လက်တလော ရက်ပိုင်းတွင် ဒူတာတေး က နိုင်ငံတော်ကို အရှက်သိက္ခာကျဆင်း စေသည့် ရဲတပ်ဖွဲ့အတွင်း မှ မကောင်းမွန်သူများကို စစ်မက်ဖြစ်ပွားသည့် ဒေသ ကို စေလွှတ်မည် ဟုလည်း ပြောကြား ခဲ့ဖူးသည်။

(Xinhua)
http://www.xinhuamyanmar.com

ကမ္ဘောဒီးယား နိုင်ငံမှာ ဖြစ်ပျက် ခဲ့တဲ့ ခမာနီ လူမျိုးတုန်း သတ်ဖြတ်မှု သမိုင်း က သူ့ကို နိုးကြား မှုတွေ ပေးခဲ့တယ်လို့ သူ ဒါရိုက်တာ အဖြစ် ရိုက်ကူး ခဲ့တဲ့ ရုပ်ရှင် အထူး ပွဲကို တက်ရောက် ခဲ့တဲ့ ဟောလီးဝုဒ် အကျော်အမော် အိန်ဂျလီနာ ဂျိုလီ က ပြောပါတယ်။

ဂျိုလီ ဒါရိုက်တာ လုပ် ရိုက်ကူး တဲ့ First They Killed My Father 'အဖေကို သူတို့ ပထမဆုံး သတ်လိုက်တယ်' ဆိုတဲ့ ရုပ်ရှင်ကား ကို ကမ္ဘောဒီးယား နိုင်ငံမှာ အထူးပွဲ ပြသဖို့ ရောက်နေစဉ်မှာ ဘီဘီစီ က တွေ့ဆုံ မေးမြန်းခဲ့ တာပါ။

အဲဒီ ရုပ်ရှင် ဇာတ်လမ်း က ခမာနီ လူမျိုးတုန်း သတ်ဖြတ်မှု အတွင်း က ကလေးငယ် အများ အပြား သေဆုံး ခဲ့ရမှု တကယ့် ဖြစ်ရပ်မှန် ဇာတ်လမ်း ကို အခြေခံပြီး ရိုက်ကူး ထားတာပါ။

ခမာနီ လူမျိုးတုန်း သတ်ဖြတ်မှု ကြောင့် ဝေဒနာတွေ ခံစား ခဲ့ရတဲ့ သူတွေဟာ သူတို့ အကြောင်း ကို ပိုမို ဖွင့်ပြောလာကြဖို့ သူ ဒါရိုက်တာ အဖြစ် ရိုက်ကူး ခဲ့တဲ့ ရုပ်ရှင် က အကူအညီ ပေး နိုင်မှာ ဖြစ်တယ်လို့ ဂျိုလီ က ဆိုပါတယ်။

အိန်ဂျလီနာ ဂျိုလီ နဲ့ သားအကြီး မက်ဒ်ဒေါ့စ်
၁၉၇၅ ခုနှစ် ကနေ ၁၉၇၉ ခုနှစ် အတွင်း ဖြစ်ပွား ခဲ့တဲ့ ခမာနီ လူမျိုးတုန်း သတ်ဖြတ်မှု အတွင်းမှာ ကမ္ဘောဒီးယား ၂ သန်း သေဆုံး ခဲ့ရပါတယ်။

၂၀၁၁ မှာ Tomb Rider ရုပ်ရှင် ဇာတ်ကောင် Lara Croft (လာရာ ခရော့ဖ်) အဖြစ် သရုပ်ဆောင် ဖို့ အတွက် ကုလသမဂ္ဂ ဒုက္ခသည် ဆိုင်ရာ အထူး သံတမန် ဂျိုလီ ဟာ ကမ္ဘောဒီယား နိုင်ငံ ကို ရောက်ခဲ့တာပါ။

အဲဒီမှာ ရုပ်ရှင် ရိုက်ကူး ပြီးတော့ ကမ္ဘောဒီယား မှာ သား အကြီးဆုံး Maddox မက်ဒေါ့ ကို မွေးစား ခဲ့တာလည်း ဖြစ်ပါတယ်။

ဒီနိုင်ငံက လူတွေဟာ ဖော်ရွေပြီး ချစ်စရာ ကောင်းပါတယ်။ ပြီးတော့ ကမ္ဘောဒီးယား ရဲ့ သမိုင်း ကိုလည်း လေ့လာမိတယ်။ အဲဒီတော့မှ ကမ္ဘောဒီယား နဲ့ ပတ်သက်လို့ ကျမ သိထားတာ နည်းနည်းလေးပဲ ရှိပါလား ဆိုတာ သိခဲ့ရ တယ်လို့ ဂျိုလီ က ဘီဘီစီ သတင်းထောက် ယယ်ဒါ ဟာကင် ကို ပြောပြ ပါတယ်။

ကမ္ဘောဒီးယား က ကျမကို နိုးကြား စေခဲ့ပါတယ်။ ဒီအတွက် ကမ္ဘောဒီးယား နိုင်ငံ ကို အမြဲပဲ ကျေးဇူး တင်မိပါတယ်။ ကျမကို ကမ္ဘောဒီးယား နိုင်ငံက ပေးဆပ် ခဲ့သလောက် ပြန်ပေးဆပ် နိုင်မယ်လို့ ကျမ မယူဆ မိပါဘူး။

'အဖေ့ကို သူတို့ ပထမဆုံး သတ်လိုက်တယ်' ဆိုတဲ့ ရုပ်ရှင် ဇာတ်လမ်း က ကမ္ဘောဒီးယား လူမျိုး စာရေးဆရာမ လောင်းအန်း ရဲ့ ဖြစ်ရပ်မှန် ဇာတ်လမ်း ကို အခြေခံပြီး ရိုက်ကူး ထားတာ ဖြစ်ပါတယ်။

၁၉၇၅ ကနေ ၁၉၇၉ အထိ ကမ္ဘောဒီးယား ကို အုပ်ချုပ် ခဲ့တဲ့ ခမာနီ ခေါင်းဆောင် ပိုပေါ့ ရဲ့ လက်ထက်မှာ ငါးနှစ် သမီး အရွယ် စာရေးဆရာမ လောင်းအန်း ဟာ မိသားစုနဲ့ အတူ မြို့တော် ဖနွမ်းပင် နေ အိမ်ကနေ စွန့်ခွာ ထွက်ပြေး ခဲ့ရတာပါ။

ခမာနီ အုပ်ချုပ်မှု အောက်မှာ လူ နှစ်သန်း ခန့် သေဆုံး ခဲ့ရပြီး ဒါဟာ နိုင်ငံ လူဦးရေ ရဲ့ လေးပုံ တစ်ပုံ အရေအတွက် ဖြစ်ပါတယ်။ သေဆုံး ခဲ့ရသူတွေဟာ ခမာနီ တွေရဲ့ သတ်ဖြတ်မှု ခံရတာ ကြောင့် ဖြစ်သလို၊ မတရား ခိုင်းစေ ခံခဲ့ရလို့ ငတ်ပြတ် သေဆုံး ခဲ့ကြ သူတွေလည် အများအပြားပါ။

လွန်ခဲ့တဲ့ နှစ် ၄၀ လောက်က ဖြစ်ပွား ခဲ့တဲ့ စစ်ပွဲ တစ်ခုလို့ပဲ ထင်ထား ခဲ့တာပါ။ သူတို့ ဘာတွေ ဖြစ်ခဲ့သလဲ ဆိုတာ တိတိကျကျ နားမလည် ခဲ့ဘူးလို့ ဂျိုလီ က ပြန်ပြောင်း ပြောပြပါတယ်။

ခမာ စကားပြော ရုပ်ရှင် ဇာတ်လမ်း ကြောင့် အဲဒီ အချိန်က အုပ်ချုပ် သူတွေရဲ့ ရက်စက် ကြမ်းကြုတ်မှုကို တစ်ကမ္ဘာလုံးက သိရှိ နားလည်လာ ပြီးတော့ ကမ္ဘောဒီးယား ပြည်တွင်းမှာပါ ရုပ်ရှင် ရဲ့ အကျိုးသက်ရောက်မှု ရှိဖို့ သူ့ အနေနဲ့ မျှော်လင့် ထားကြောင်း ဂျိုလီ က ပြောပါတယ်။

ခမာနီ အုပ်ချုပ်မှု ကာလ အတွင်းမှာ ရက်စက်ကြမ်းကြုတ်မှုတွေကို ခံစား ခဲ့ရသူ တွေဟာ ဒီအကြောင်းတွေ ကို သူတို့ ရဲ့ မျိုးဆက်သစ်တွေကို ပြန်ပြောင်း ပြောပြ တာမျိုး မလုပ်ကြပါဘူး။ ဒါတွေကို ပိုမို ထုတ်ဖော် ပြောဆို ဖို့ သူ က မျှော်လင့် နေတာပါ။
Read more about Cambodia:

Country profile

How two men survived Khmer Rouge prison

From BBC Travel:

Cambodia's hidden jungle temple

How breakfast has shaped Cambodia's cultural identity

(These articles are not accessible in the UK)

အခု ရုပ်ရှင် ကို အွန်လိုင်း ရုပ်ရှင် ပြသတဲ့ Netflix က စီစဉ်တာပါ။ ပထမဆုံး ရုပ်ရှင် ပြသမှု ကို Tomb Raider ရုပ်ရှင် ရိုက်ကူး ခဲ့တဲ့ စီယမ် ရိဗ် က အန်ကောဝတ် ဘုရား ကျောင်းမှာ ပြသ ခဲ့ပါတယ်။

ရုပ်ရှင် အထူး ပြသ ပွဲ ကို ဂျိုလီ နဲ့ သူ့ရဲ့ ကလေး ၆ ယောက် အပြင် ကမ္ဘောဒီယား ဘုရင် နိုရိုဒွန် စိုင်ဟာမိုနီလည်း တက်ရောက် ခဲ့ပါတယ်။ ၂၀၀၅ ခုနှစ်မှာတုန်း က သဘာဝ ပတ်ဝန်းကျင် ထိန်းသိမ်းရေး ဖောင်ဒေးရှင်း ကို စတင် လုပ်ဆောင် ခဲ့တဲ့ ဂျိုလီ ကို ကမ္ဘောဒီးယား နိုင်ငံသား အဖြစ် ဘုရင် နိုရိုဒွန် က ချီးမြှင့် ခဲ့တာ ပါ။

ရုပ်ရှင် အထူးပွဲကို ဂျိုလီ နဲ့ အတူ ကလေး ခြောက်ယောက်လည်း တက်ရောက်ခဲ့
အခု ရုပ်ရှင် ပြပွဲ ဟာ ပြီးခဲ့တဲ့ စက်တင်ဘာလ က ညှိနှိုင်း လို့ မရတဲ့ ကိစ္စ တွေ ကြောင့် ဘရတ်ပစ် နဲ့ လမ်းခွဲ ခဲ့ပြီးနောက်မှာ ပရိသတ် တွေရဲ့ ရှေ့မှောက် ကို ဂျိုလီ ပထမဦး ဆုံး ပြန်လည် ရောက်ရှိ ခဲ့တာလည်း ဖြစ်ပါတယ်။

ဂျိုလီ နဲ့ ဘရတ်ပစ် တို့ ဟာ ၂၀၀၄ ခုနှစ်မှာကတည်း က စတင် လက်တွဲ ခဲ့တာ ဖြစ်ပေမယ့် ၂၀၁၄ ဩဂုတ် လ ကျမှ တရားဝင် လက်ထပ် ခဲ့ကြတာ ဖြစ်ပါတယ်။

လမ်းခွဲ ခဲ့ရတာ က အင်မတန်မှ ခက်ခဲတဲ့ အခြေအနေ တစ်ခု ဖြစ်တယ်လို့ ဂျိုလီက ပြောပါတယ်။ ဒီလို အိမ်ထောင်ရေး အခက်အခဲ တွေ လူ အတော်များများ ကြုံတွေ့ ခဲ့ဖူး တယ်လို့လည်း သူက ဆိုပါတယ်။ သူ့ နဲ့ ကလေးတွေ ဒီ အခြေအနေ တွေကို အတူ ဖြတ်ကျော် ခဲ့ကြပြီး အခုတော့ ကလေးတွေ ရဲ့ ရှေ့ရေး ကိုပဲ အာရုံစိုက် ထား တယ်လို့ သူက ပြောပါတယ်။

သူတို့က မိသားစု အနေနဲ့ အမြဲရှိနေမှာပါ ပြီးတော့ ဒါကိုပဲ သူ့ အနေနဲ့ နိုင်နိုင်နင်းနင်း ထိန်းသိမ်း နေပြီး မိသားစု ဝင်တွေ နွေးနွေးထွေးထွေး ရှိဖို့ အဓိက အရေးကြီး တယ်လို့လည်း သူက ပြောကြား ခဲ့ပါတယ်။

အမေရိကန် သမ္မတ ဒေါ်နယ် ထရမ့် ရဲ့ လူဝင်မှု ကြီးကြပ်ရေး အမိန့် နဲ့ ပတ်သက်ပြီး အကြောက်တရား ကို အခြေခံပြီး မဆုံးဖြတ်ကြဘဲ အဖြစ်မှန် အပေါ်မှာ အခြေခံပြီး ဆုံးဖြတ်ဖို့ ကို နယူးယောက်ခ်တိုင်မ်း သတင်းစာမှာ ဂျိုလီ က တိုက်တွန်း ရေးသား ခဲ့ပါတယ်။

ဒေါ်နယ် ထရမ့် နဲ့ ပတ်သက်လို့ အသေးစိတ် မပြောကြား ခဲ့ပေမယ့် သမ္မတ တစ်ဦးထက် အမေရိကန် ပြည်သူ တွေ က ပိုအရေးကြီး ကြောင်း သူက ပြောပါတယ်။ ဒါ့ အပြင် အမေရိကန် တွေ ရဲ့ စံတန်ဖိုး တွေကို ပြည်သူတွေ လေးစား လိုက်နာ မယ်လို့ သူ့ အနေနဲ့ ခိုင်ခိုင်မာမာ ယုံကြည် ထားတယ်လို့ ဂျိုလီ က ဆိုပါတယ်။

ကမ္ဘောဒီးယား ဘုရင် မယ်တော် နဲ့ အိန်ဂျလီနာ ဂျိုလီ တို့ တွေ့ဆုံစဉ်
ကျမတို့ နေ့စဉ် ကြားနေရတဲ့ ကိစ္စတွေ ဖြစ်တဲ့ အမုန်းတရားတွေ၊ ကြောက်လန့် မှုတွေ၊ ခွဲခြားမှုတွေ၊ လူမျိုးအပေါ် အခြေခံပြီး ဆုံးဖြတ် တာတွေ က အမေရိကန် မဆန် ဘူးလို့ သူက ဆက်ပြောပါတယ်။

ဒီအချိန်မှာ တစ်ကမ္ဘာလုံးက လူတွေဟာ သူတို့ရဲ့ ယုံကြည်မှု တွေကို ထုတ်ဖော် ပြောဆို တာတွေ၊ သူတို့ အခွင့်အရေး ကို တောင်းဆို တာတွေ နဲ့ သူတို့ ခံစား နေရတာ ကို ထုတ်ဖော် ပြောကြား နေတာကို တွေ့ရတာ အင်မတန်မှ ဝမ်းသာမိတယ်လို့ သူက ဆိုပါတယ်။

အမေရိကန် ပြည်ထောင်စုမှာလည်း သမ္မတ နဲ့ ပတ်သက်လို့ ဒါဟာ အမေရိကန် စံတန်ဖိုး တွေ မဟုတ်ဘူးလို့ ပြောနေတာတွေ၊ အခြေခံ ဥပဒေ နဲ့ မကိုက်ညီဘူးလို့ ပြောနေတာတွေကို ကြားရပါတယ်။ သူ့ အနေနဲ့ အမေရိကန် ရဲ့ စံတန်ဖိုးတွေကို ကျင့်သုံးတဲ့ လူတစ်ယောက်ပဲ ဖြစ်နေဦးမယ်လို့ ဂျိုလီ က ပြောကြား ခဲ့ပါတယ်။

    First They Killed My Father ရုပ်ရှင်ကို ဒီနှစ်ကုန်ပိုင်းမှာ Netflix မှာ ထုတ်လွှင့် ပြသမှာ ဖြစ်ပါတယ်။

BBC Burmese
http://www.bbc.com/burmese



 ဇွဲကပင်တောင်ပေါ်မှ ခုန်ချသော နိုင်ငံခြားသားမှာ ပြင်သစ်နိုင်ငံသားဖြစ်
ဘားအံ ဖေဖော်ဝါရီ ၁၉

ကရင်ပြည်နယ် ဘားအံမြို့နယ် ဇွဲကပင် တောင်ပေါ်မှ ဖေဖော်ဝါရီ ၁၇ ရက် ည ၇ နာရီခန့်က နိုင်ငံခြားသားတစ်ဦး ဇွဲကပင်တောင်၏ အမြင့်ဆုံးနေရာ ပေပေါင်း ၂၇၃ဝ ကျော် မြင့်သည့် ဓမ္မစေတီနေရာအနီး၊ အများသုံးအိမ်သာ ခေါင်မိုးပေါ်တက်၍ အရှိန်ဖြင့် 1, 2, 3 ဟု အော်ကာ ခုန်ချသဖြင့် သေဆုံးသွားခဲ့ ကြောင်း၊ ပြင်သစ်နိုင်ငံသားဟု ထင်မြင် ယူဆကြောင်း မျက်မြင်တွေ့ရှိခဲ့သောနိုင်ငံခြားသားနှစ်ဦးထံမှ သိရသည်။

သတင်းဆက်အရ ယင်းရုပ် အလောင်းကို တောင်ခြေသို့ သယ် ဆောင်ရန်အတွက် ပြင်ဆင်ဆောင်ရွက် အပြီး ည ၁ဝ နာရီ မိနစ်၃ဝ ခန့်မှစ၍ တောင်အောက်သို့ ခက်ခက်ခဲခဲ သယ်ဆောင်ခဲ့ရသည့်အတွက် ဖေဖော် ဝါရီ ၁၉ ရက်က နံနက် ဝဝ နာရီ မိနစ် ၅ဝ ခန့်က ဇွဲကပင်တောင်ခြေ (တော်ပုံ ဘက်ခြမ်း)တွင်ရှိသော လုမ္ဗိနီဥယျာဉ် သို့ ရောက်ရှိခဲ့ပြီး ရဲဆေးစာဖြင့် အလောင်းကို မာဃလူမှုကူညီရေး အသင်းမှ လူနာတင်ယာဉ်ဖြင့် ဘားအံ ပြည်သူ့ဆေးရုံကြီးသို့ ပို့ဆောင်ပေးခဲ့ သည်။

ရုပ်အလောင်းကို အသေးစိတ် စစ်ဆေးခဲ့ရာ ID ကတ်တစ်ခုနှင့် ၁၇-၂-၁၇ ရက်စွဲပါ အင်ပါယာယာဉ်လိုင်း ၏ ကားလက်မှတ်နှစ်ခု ရှာဖွေတွေ့ရှိခဲ့ ကြောင်း၊ ID ကတ်ပါဓာတ်ပုံနှင့် သေဆုံး သူမျက်နှာ တူညီမှုရှိပြီး ID ကတ်အရ ပြင်သစ်နိုင်ငံသားဖြစ်၍ အမည်မှာNORMANDIN ဖြစ်ကြောင်း သိရ သည်။ ¤င်းသည် ၁၇-၂-၁၇ ရက် မွန်းလွဲ ၁၂ နာရီခွဲက ပဲခူးမှ အင်ပါယာမှန်လုံ ယာဉ်ဖြင့် လိုက်ပါလာ၍ ဘားအံထုံးအိုင် လမ်းမပေါ်ရှိ ရွှေဖားစည်ကားဂိတ်မှ ညနေ ၄ နာရီက ဆိုင်ကယ်ကယ်ရီဖြင့် ဇွဲကပင်ဆံတော်ရှင်စေတီသို့ သွား ရောက်ခဲ့ကြောင်း ထုံးအိုင်ရဲစခန်းမှူးနှင့် အဖွဲ့၏ စုံစမ်းမှုများအရ သိရသည်။


ဖြစ်စဉ်နှင့်ပတ်သက်၍ ဖေဖော်ဝါရီ ၁၉ ရက် နံနက် ၁ နာရီခွဲတွင် ထုံးအိုင် နယ်မြေရဲစခန်း၌ သေမှုသေခင်း အမှတ်စဉ် ၁/၂ဝ၁၇ ဖြင့် ဖွင့်လှစ် ထားရှိပြီး သေဆုံးသူနှင့်ပါရှိလာသည့် ပတ်စပို့စာအုပ်၊ ပစ္စည်းအိတ်များအား ဖေဖော်ဝါရီ ၁၉ ရက် နံနက်ပိုင်းမှစတင် ၍ ဆက်လက်ရှာဖွေလျက်ရှိကြောင်း သိရ သည်။
ကရင်ပြည်နယ် ရဲတပ်ဖွဲ့မှူးရုံးမှ အဆိုပါ နိုင်ငံခြားသားသေဆုံးမှုနှင့် ပတ်သက်ပြီး သက်ဆိုင်ရာသံရုံး၊ သက် ဆိုင်ရာဌာနများနှင့် ချိတ်ဆက် ဆောင်ရွက်လုပ်ဆောင်သွားမည်ဖြစ် ကြောင်း ပြည်နယ်ရဲတပ်ဖွဲ့မှူးရဲမှူးကြီး ကြည်လင်းက ပြောသည်။

ကရင်ပြည်နယ်၏ သမိုင်းဝင်ဇွဲကပင် ဆံတော်ရှင် တည်ထားကိုးကွယ်ရာ ဇွဲကပင်တောင်သည် မြန်မာနိုင်ငံ၌ ထင်ရှားကျော်ဇောပြီး ပြည်တွင်း ပြည်ပ ဘုရားဖူးဧည့်သည်များ၊ နိုင်ငံခြားခရီး သွားလေ့လာသူများ စိတ်ဝင်စားသည့် နေရာဖြစ်သကဲ့သို့ ဇွဲကပင်ကေဘယ်လ် စီမံကိန်း စတင်ဆောင်ရွက်ခြင်းကြောင့် လည်း ပြည်တွင်းပြည်ပဘုရားဖူးများနှင့် နိုင်ငံခြား ခရီးသွားဧည့်သည်များဖြင့် စဉ်ဆက်မပြတ် စည်ကားလျက်ရှိသည်။ ယခုဖြစ်ပွားသည့်နေရာ၌ ယခင်က လည်း ဖြစ်ပွားခဲ့ဖူးကြောင်း ဒေသခံများ ထံမှ သိရသည်။

ဖြစ်စဉ်နှင့်ပတ်သက်၍ ရဲအုပ်ညီညီ မိုးက သက်ဆိုင်ရာဌာနများနှင့် ချိတ်ဆက် ပြီး ဥပဒေနှင့်အညီ ဆက်လက်ဆောင်ရွက် လျက်ရှိကြောင်း ထုံးအိုင်နယ်မြေရဲစခန်း မှ သိရသည်။

သတင်းနှင့်ဓာတ်ပုံ
ထွန်းထွန်းထွေး(ဘားအံ)
https://www.facebook.com/MYANMAALINNNEWS