02/23/17


မြစ်ကြီးနားမြို့မှာ ဓားဒဏ်ရာ ၁၉ ချက်ဖြင့် သေဆုံးခဲ့တဲ့ ကချင်တိုင်းရင်းသူ မလိဆန်ပန်အား သတ်ခဲ့ကြောင်း သံသယရှိသူ အမျိုးသားတစ်ဦးကို ဖမ်ဆီးထားတယ်လို့ ကချင်ပြည်နယ်ရဲတပ်ဖွဲ့က ပြောပါတယ်။

ဖေဖေါ်ဝါရီ ၉ ရက် နေ့လယ်က မြစ်ကြီးနားမြို့ ကြက်ပေါင်ခြံရပ်ကွက်ရှိ နေအိမ်တစ်အိမ်မှာ အသသက် ၂၄ နှစ်အရွယ် ကချင်တိုင်းရင်းသူ မလိဆန်ပန်ဟာ ဓားဒဏ်ရာ ၁၉ ချက်ဖြင့် သေဆုံးခဲ့တာ ဖြစ်ပါတယ်။ အဆိုပါ လူသတ်မှု ကျူးလွန်ခဲ့ကြောင်း သံသယရှိသူ အမျိုးသားတစ်ဦးကို ယခုရက်ပိုင်းအတွင်း ဖမ်းဆီးခဲ့တယ်လို့ ကချင်ပြည်နယ်ရဲတပ်ဖွဲ့မှူး ရဲမှူးကြီးထွန်းဦးက ပြောပါတယ်။

"အိမ်ကို အဝင်အထွက်ရှိတဲ့ အမျိုးသားတစ်ယောက်ကို ထိန်းသိမ်းစစ်ဆေးနေတယ်။ ရမန်ယူထားပြီး စစ်ဆေးမှုတွေ လုပ်နေပါတယ်" လို့ ရဲမှူးကြီးထွန်းဦးက ပြောကြားကြောင်း 7Day Daily သတင်းစာမှာ ဖော်ပြပါတယ်။ အဆိုပါ လူသတ်မှုဖြစ်ပွားခဲ့ခြင်းဟာ ယနေ့ (ဖေဖော်ဝါရီ ၂၂ရက်) တွင် ရက်သတ္တပတ် နှစ်ပတ်တိတိပြည့်ပြီဖြစ်ပြီး ပြစ်မှုကျူးလွန်သူကို မဖော်ထုတ်နိုင်သေးပါဘူး။ အမှုမှန်ပေါ်ပေါက်စေရေးအတွက် ပြည်နယ်နဲ့ ခရိုင်အဆင့် ရဲတပ်ဖွဲ့ဝင်များပါဝင်တဲ့ အထူးအမှုစစ်အဖွဲ့ ဖွဲ့စည်းစစ်ဆေးနေကြောင်း ရဲတပ်ဖွဲ့က ပြောထားပါတယ်။

မလိဆန်ပန် အသတ်ခံရတဲ့ ဖေဖေါ်ဝါရီ ၉ ရက်မှာ ၎င်းနဲ့သိကျွမ်းသူ အမျိုးသားတစ်ဦးကို ခေါ်ယူစစ်ဆေးခဲ့သေးပေမဲ့ အမှုနဲ့မသက်ဆိုင်ကြောင်း သုံးသပ်ပြီး ရဲတပ်ဖွဲ့က ပြန်လွှတ်ခဲ့ပါတယ်။ ကချင်နှစ်ခြင်း ခရစ်ယာန်အဖွဲ့ချုပ် အထွေထွေအတွင်းရေးမှူး ဒေါက်တာခလမ်ဆွန်က သေဆုံးသူ မလိဆန်ပန်ရဲ့ အမှုဖြစ်စဉ်အမှန် ပေါ်ပေါက်စေရေး မိသားစုဝင်များနဲ့ မိတ်ဆွေအပေါင်းအသင်းများက မျှော်လင့်နေကြကြောင်း ပြောပါတယ်။ ကချင်တိုင်းရင်းသူ သူနာပြုဆရာမအဖြစ် လူသိများတဲ့ မလိဆန်ပန်ဟာ မြို့ပေါ်ရပ်ကွက်မှာပင် ဓားဖြင့်အချက်ပေါင်းများစွာ ထိုးသတ်ခံခဲ့ရတာ ဖြစ်ပါတယ်။

Source: 7Day Daily
Photos: Ah Gu Aung (Facebook)

===========

Duwun


မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
အကြမ်းဖက်မှုတွေဖြစ်ခဲ့တဲ့ ရခိုင်ပြည်နယ်မောင်တောဒေသမှာ အခြေအနေတွေ တည်ငြိမ်သွားပြီး၊ စစ်ဆင်ရေးတွေ ရပ်နားလိုက်ပြီ ဆိုပေမယ့် ဒေသခံ နှစ်ဖက် အသိုင်းအ၀ိုင်းအကြားမှာတော့ မလုံခြံမှုတွေ စိုးရ်ိမ်စိတ်တွေ ရှိနေဆဲဖြစ်ပါတယ်။ တချိန်တည်းမှာပဲ ပြီးခဲ့တဲ့ စစ်ဆင်ရေးအတွင်း လူ့အခွင့်အရေးချိုးဖောက်မှုတွေ ရှိခဲ့တယ်ဆိုတဲ့ စွပ်စွဲချက်တွေအပေါ်မှာ၊ အစိုးရစုံစမ်းရေးကော်မရှင် ဘက်က ဒေသတွင်း ပြန်လည်စစ်ဆေးမှုတွေ ပြုလုပ်နေပါတယ်။ ဒီအခြေအနေတွေနဲ့ပတ်သက်လို့ စုံစမ်းမေးမြန်းထားတဲ့ မအိသန့်စင်က ပြောပြမှာပါ။

လူ့ အခွင့်အရေးချိုးဖောက်မှုတွေ ရှိနေတယ်လို့ စွပ်စွဲခံရတဲ့ မောင်တောမြို့ နယ်အတွင်း ဒဏ်ရာတွေနဲ့ မြေမြုပ်ထားတဲ့ အလောင်း (၄) လောင်း ရှာတွေ့ခဲ့တဲ့နောက်၊ အခြေအနေအပေါ် စိုးရိမ်မှုတွေ တိုးလာပါတယ်။ တချိန်တည်းမှာပဲ ရခိုင်ပြည်နယ်မှာ အောက်တိုဘာလ ၁၈ ရက်နေ့ တုန်းက ဖမ်းဆီးထားတဲ့ သံသယရှိသူ ရိုဟင်ဂျာမွတ်စလင် (၂) ဦး အချုပ်ထဲမှာ သေဆုံးတဲ့သတင်းကို ဖေဖော်ဝါရီလ ၂၁ ရက်နေ့ မှာ ရိုက်တာ သတင်းက ဖော်ပြထားပါတယ်။

ဒါပေမယ့် ဒီကိစ္စနဲ့ ပတ်သက်ပြီး အစိုးရဘက်က သီးခြားအတည်ပြုချက်တော့ မရသေးပါဘူး။ ရခိုင်အရေး စုံစမ်းရေးကော်မရှင်တာဝန်ရှိသူတွေရော ရခိုင်ပြည်နယ်အစိုးရ တာဝန်ရှိသူတွေကိုပါ ဒီအခြေအနေတွေနဲ့ပတ်သက်လို့ မေးမြန်းဖို့ ဆက်သွယ်မေးမြန်းလို့မရပါဘူး။

မောင်တောဒေသမှာ အလောင်း (၄) လောင်း တွေ့ ရှိတဲ့ ကိစ္စနဲ့ ပတ်သတ်ပြီး မောင်တောနယ်ခံ တစ်ဦး က ခုလို ပြောပြပါတယ်။

“အဲဒီရွာကလူတွေကိုကပ်ပြီးတော့မေးတော့ ဟုတ်တယ်တဲ့၊ ရဲတွေကတွေ့တယ်တဲ့၊ တွင်းတတွင်းမှာ တွေ့လိုက်တယ်တဲ့၊ ဖော်ကြည့်တော့ လူ ၄ ယောက်ရတယ်တဲ့ တယောက်ကနေပြီးတော့ ခေါင်းကွေးပြီးတော့တောင်မှနေတယ်၊ နောက် မိန်းမ၂ ယောက် က နံရိုးတွေကျိုးလို့ နောက်တယောက်က ဘာမှမဖြစ်ဘူး အဲလိုဟာမျိုး သူတို့ပြောပြတယ်။(အဲဒီလူတွေက ) အသစ်စက်စက်လား မဟုတ်ပဲနဲ့ အရင်ကလူတွေလား၊ သူတို့ကပြောတော့ မပုပ်မသိုးပဲနဲ့ အခုထိနေတယ် အဲလိုပြောတယ်။”

မောင်တောဒေသအရေးနဲ့ ပတ်သက်ပြီး အစိုးရဘက်က စုံစမ်း စစ်ဆေးနေတဲ့ အပေါ်မှာ နိုင်ငံတကာအသိုင်းအ၀ိုင်းက လူ့အခွင့်အရေးချိုးဖောက်မှုတွေ ဆက်ရှိနေတယ်ဆိုပြီး စွပ်စွဲချက်တွေ ဆက်ထွက်ပေါ်လာတဲ့အပေါ်မှာ အစိုးရ စုံစမ်းရေးကော်မရှင်ဘက် က ပြန်လည်စုံစမ်းမှုတွေ လုပ်နေပါတယ်။ ဒီကနေ့ မနက်မှာတော့ ရခိုင်ပြည်နယ် မောင်တောဒေသ စုံစမ်းစစ်ဆေးရေးကော်မရှင်ဥက္ကဌ ဒုသမ္မတ ဦးမြင့်ဆွေ နဲ့ မြန်မာနိုင်ငံဆိုင်ရာ အမေရိကန်သံအမတ်ကြီး စကော့တ် မာစီရယ်လ်တို့ တွေ့ ဆုံပါတယ်။

ရခိုင်ပြည်နယ်မောင်တောဒေသ စုံစမ်းစစ်ဆေးရေးကော်မရှင် အနေနဲ့ မြေပြင်ကို (၃) ကြိမ်သွားရောက်ပြီး စုံစမ်းစစ်ဆေးခဲ့ကြောင်း တွေ့ ဆုံစဉ် ပြောဆိုခဲ့ပြီး အစီရင်ခံစာမှာ ဘက်မလိုက်ဘဲ ထုတ်ဖော်ရေးသားမယ့်အစီအစဉ် ကို ကော်မရှင်ဥက္ကဌက ရှင်းလင်းပြောပြပါတယ်။ ဒါပေမယ့်လည်း မောင်တောဒေသခံတွေအနေနဲ့ ကတော့ စုံစမ်းစစ်ဆေးရေးကော်မရှင်နဲ့ ပတ်သက်ပြီး အယုံအကြည်မရှိတာကို တွေ့ ရပါတယ်။

“အဲဒီကော်မရှင်ကလူတွေ ဒီကိုရောက်လာတယ်၊ ရောက်လာပြီးတော့မှ တကယ့်ဖြစ်တဲ့နေရာ ကိုမသွားပဲနဲ့ ၊ မဖြစ်တဲ့နေရာကို သွားပြီးတော့မေးတယ်။ မေးရင်အဲဒီကလူတွေက ဘာပြောသလဲဆိုတော့ ကျနော်တို့ရွာမှာ ဘာမှမဖြစ်ဘူး အဲဒီဟာနဲ့ ပြန်သွားတယ်၊ တကယ့်ဖြစ်တဲ့ရွာကို မသွားဘူး။ တချို့တွေကပြောတယ် ဒီမှာမဟုတ်ဘူး ဖြစ်တာက ဟိုမှာပါဆိုပြီးတော့ ၊ ဟိုကိုသွားပါဆိုတော့ ဒါကိုသူတို့က ဂရုမစိုက်တဲ့ ပုံစံမျိုးနဲ့ သူတို့ ရေးလည်းမရေးဘူး၊ တချို့လူတွေက တိတိကျကျ ပြောပြတယ်၊ ဒီရွာမှာ ဒီလိုဖြစ်တယ် အဲဒီရွာကလူတွေသွားပြီးတော့ ပြောပြတယ် ၊ သူတို့ပြောတာကို အလေးမထားပဲနဲ့ မရေးပဲနဲ့ ပြန်လာတယ်။”

မောင်တောဒေသတွင်းမှာ လုံခြုံရေးတပ်ဖွဲ့ တွေက ဒေသခံတွေကို ညှင်းပန်းနှိပ်စက် တယ်ဆိုတဲ့ သတင်းတွေ လတ်တလောမှာ ထွက်နေသလို၊ အစိုးရနဲ့  ဆက်နွယ်နေတဲ့သူ ၁၀ ယောက်ထက်မနည်း အသတ်ခံရတယ်ဆိုပြီး အစိုးရတာဝန်ရှိသူက ပြောပါတယ်။ တချိန်တည်းမှာပဲ ဒေသတွင်းမှာ လူနည်းစုဖြစ်နေတဲ့ ရခိုင်ဒုက္ခသည်တွေကြားမှာ စိုးရိမ်စိတ်တွေဖြစ်ပြီး ထွက်ပြေးတိမ်းရှောင်မှုတွေလည်း ရှိတယ်လို့ ALD မောင်တောမြို့နယ် ဥက္ကဌ ဦးခင်မောင်သန်းကပြောပါတယ်။

“နယ်တွေမှာက အဲဒီလို ကျနော်တို့ ရခိုင်တိုင်းရင်းသားတွေကတော့ နည်းတယ်၊ ဘင်္ဂလီတွေကတော့ များတော့ အဲလိုမထင်မှတ်ပဲနဲ့ ပြဿနာတွေဖြစ်လာနိုင်တဲ့ အနေအထားမျိုးလေးတွေရှိပါတယ်။ အထူးသဖြင့် မောင်တောမြောက်ပိုင်းကလူတွေဆိုရင် အဲလိုစိုးရိမ်ပူပန်မှုတွေကြောင့် ကျနော်တို့ မောင်တောတောင်ဘက်ဒေသတွေ ရောက် ရှိလာကြတာတွေရှိသလို ၊ အဲလိုတခြားကျေးရွာတွေကို လည်း ပြောင်းရွှေ့သွားတာတွေ ရှိပါတယ်။”

အစိုးရစုံစမ်းစစ်ဆေးရေးကော်မရှင်တာဝန်ရှိသူတွေက စုံစမ်းတွေ့ ရှိချက်တွေအရ လုံခြုံရေးတပ်ဖွဲ့ တွေက အလွန်အကျွံလုပ်မှုတွေ ရှိတယ်ဆိုတာကို လက်ခံတယ် လို့ ပြောပါတယ်။ ဒါပေမယ့် ဒီအရေးတွေ မှာ နိုင်ငံတကာအသိုင်းအ၀ိုင်း က ပြောနေသလိုတော့ မဟုတ်ဘဲ နိုင်ငံတကာ အစီရင်ခံစာတွေဟာ ချဲ့ ကားပြီး ရေးသားနေ ကြတာလို့ လည်း တုံ့ ပြန်ထားပါတယ်။ လက်ရှိဒီစွပ်စွဲချက်တွေနဲ့ ပတ်သက်ပြီး အစိုးရစုံစမ်းစစ်ဆေးရေးကော်မရှင်က ပြန်လည်စုံစမ်းစစ်ဆေးမှုတွေ လုပ်နေတဲ့ တချိန်တည်းမှာပဲ ပြည်ထဲရေးနဲ့ တပ်မတော်ဘက်ကလည်း ဌာနတွင်း စုံစမ်းမှုတွေ လုပ်နေပါတယ်။
VOA Burmese News


ဖေဖော်ဝါရီလ ၂၂ ရက် ၂၀၁၇

သျှမ်းပြည်မြောက်ပိုင်း ကွတ်ခိုင်မြို့ အခြေစိုက် စစ်ဗျူ လက်အောက်ခံ တပ်ရင်းက ကျေးလက် ရှမ်းဒေသခံ ၂ ဦးအား မင်္သကာမှု ဖြင့် ရက် ၂၀ ကျော် ကြာဖမ်းဆီးထားရာမှ ပြန်မလွှတ်ပေးသေးသဖြင့် ဆွေမျိုးမိဘများက စိုးရိမ် ပူပန်နေကြကြောင်းစုံစမ်းသိရှိရသည်။

ကွတ်ခိုင်မြို့နယ် ဒတ်ဖာကျေးရွာသား စိုင်းအောင်ဘ (အသက် ၃၂ နှစ်)နှင့် စိုင်းအိုက်ခန့် (အသက် ၂၂ နှစ်)တို့ ဖေဖော်ဝါရီလ ၃ ရက်နေ့က မြို့တက် ကျွဲပို့ပြီးအပြန် မိုင် ၂၀ ခန့်သာဝေးသော ကွတ်ခိုင်မြို့နှင့် ကာလိုင်ရွာကြား တွင် တပ်မ ၉၉ လှုပ်ရှားစစ်ကြောင်းနှင့်တိုးမိရာမှ စစ်ကြောင်းက ဖမ်းဆီးသွားပြီး ၄ ရက်နေ့မှသာ ဒတ်ဖရွာအုပ်ချုပ်ရေးမှူးအား စစ်ကြောင်းကသွားရောက် အကြောင်းကြားကြောင်း ကွတ်ခိုင်ဒေသခံ စိုင်းရီဆိုင်ကပြောသည်။

အဆိုပါအရေးကူညီဆောင်ရွက်ပေးသည့် သိန္နီမြို့နယ် ပြည်နယ်လွှတ်တော် အမတ်စိုင်းစိန်လူက - သူတို့အဖမ်းခံရကြောင်း ကျနော်သတင်းရရချင်း နယ်စပ်ရေးရာဝန်ကြီး ၊ ရမခ တိုင်းမှူးတွေကိုမေးပါတယ်။ နောက်ဆုံး ကွတ်ခိုင်ဗျူဟာမှူးက သူတို့ ၂ ယောက်ကို မသင်္ကာမှုနဲ့ဖမ်းထားတာလို့ တိုင်းမှူးကိုပြောပါတယ်။ သူတို့ ၂ ယောက်ထဲက စိုင်းအောင်ဘကို သျှမ်းပြည်တိုးတက်ရေးပါတီနဲ့အဆက်အသွယ်ရှိတယ်လို့ ဗျူဟာက စွပ်စွဲပြီးဖမ်းဆီးထားတာလို့ ပြောပါတယ်။ ဒါပေမယ့် သူတို့စစ်ဆေးပြီးလို့ SSPP နဲ့အမှန်တကယ် မပတ်သက်ဘူးဆိုရင် အမြန်ဆုံးပြန်လွှတ်ပေးမယ်လို့ပြော တယ်- ဟု သျှမ်းသံတော်ဆင့်အားပြောပြသည်။

စိုင်းအောင်ဘနှင့် စိုင်းခန့်တို့ ၂ ဦးမှာ ကွတ်ခိုင်မြို့သို့ ကျွဲသွားပို့ပြီးအပြန် ကာလိုင်ရွာအနီးတွင် ၄င်းတို့၏ ထော်လာဂျီစက်ပျက်သွားသဖြင့် ကာလိုင် ရွာရှိအသိတဦးထံဆိုင်ကယ်ငှားကာ စက်ပစ္စည်းဝယ်ရန်အတွက် ကွတ်ခိုင် သို့ပြန်သွားကြောင်း ကွတ်ခိုင်မှအပြန်လမ်းတွင် စစ်ကြောင်းနှင့်ဆုံမိကာ အဖမ်းခံရခြင်းဖြစ်ကြောင်း လည်း စိုင်းစိန်လူက ရှင်းပြသည်။

၎င်းနှင့်ပတ်သက်ပြီး စိုင်းစိန်လူက - ၁၇ ရက်နေ့ သူတို့ရဲ့မိဘတွေနဲ့တွေ့ခွင့် ရတယ်။ သူတို့ ၂ ယောက် အရိုက် တော့ မခံရဘူး။ စစ်ဆေးမှုတော့ခံရတယ် လို့ပြောပါတယ်။ ဒါမယ့် သူတို့ပြန်လွှတ်နိုင်ဖို့တော့ကျနော်တို့ သိန္နီ၊ လားရှိုး ကျားခေါင်းကိုယ်စားလှယ်တွေကနေ အစွမ်းကုန်ကြိုးစားပါမယ်။ ဆိုင်ရာ ၀န်ကြီးတွေ နဲ့ဆက်သွယ်ပါမယ်။ လူ့အခွင့်အရေးအဖွဲ့တွေနဲ့ညှိနှိုင်းပြီး အစွမ်းကုန်ကူညီပေးသွားပါမယ်။- ဟု ပြောဆိုပါသည်။

ကွတ်ခိုင်မြို့နယ်အတွင်းတွင် တပ်မတော်အပါအ၀င် လက်နက်ကိုင် တပ်ဖွဲ့ အများအပြား လှုပ်ရှားလျှက်ရှိရာ ဒေသတွင်းလူထုမှာလည်း နှစ်ဘက်စလုံး၏ သံသယမှု မသင်္ကာမှုတို့ဖြင့်မကြာခဏဖမ်းဆီးရိုက်နက် မှုခံခဲ့ရကြောင်း၊ ထို့အတွက်စစ်ပွဲများ အမြန်ဆုံးရပ်တန့်ရေးအကောင်အထည်ဖော်ပေးစေ လိုကြောင်းဒေသခံများကပြောဆိုပါသည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese/


ဒေသခံတွေရဲ့ ကန့်ကွက်မူကိုကြုံနေရဆဲဖြစ်တဲ့ စစ်ကိုင်းတိုင်း၊ ဆားလင်းကြီးမြို့နယ်ထဲက လက်ပံတောင်းတောင် ကြေးနီစီမံကိန်းက ထွက်လာတဲ့ ကြေးနီတွေသယ်ဆောင်လာတဲ့ ကား၅စီးကို ဖေဖော်ဝါရီ ၂၁ရက်နေ့ ကတည်း ဒေသခံတွေက တားဆီးထားပြီး ထွက်ခွာခွင့်မပေးပဲ စီမံကိန်းရပ်တန့်ဖို့ နဲ့ သီးနှံလျော်ကြေးပေး ဖို့ တောင်းဆိုတာကြောင့်တင်းမာမှုတွေဖြစ်နေပါတယ်။ လက်ရှိ စစ်ကိုင်းတိုင်း လွတ်တော်ကိုယ်စားလှယ်ဒေါက်တာသိန်းနိုင်က ကြားဝင်ပြီး ကြေးနီတွေ တင်လာတဲ့ ကားတွေ ကိုပြန်လွတ်ပေးဖို့ သာ ပြောဆိုခဲ့ပေမယ့် ပြေလည်မူမရသေးပါဘူး။ မအေးအေးမာက သတင်းပေးပို့ထားပါတယ်။

စစ်ကိုင်းတိုင်း၊ ဆားလင်းကြီးမြို့နယ်ထဲက လက်ပံတောင်းတောင် ကြေးနီစီမံကိန်း ကနေ ကြေးနီးတင်ဆောင်လာတဲ့ကားတွေ ကို မိုးကြိုးပြင်အလယ်ရွာမှာ ဖေဖေါ်ဝါရီလ ၂၁ရက်နေ့ကတည်းက ဒေသခံတွေက တားဆီးပြီး ကန့်ကွက်နေကြတာပါ။ဖေဖေါ်ဝါရီလ ၂၁ရက်နေ့မှာကော ၂၂ရက်မှာပါ ဆားလင်းကြီးမြို့နယ် ပြည်သူ့လွတ်တော် ကိုယ်စားလှယ် ဒေါက်တာသိန်းနိုင် လာရောက်ဆွေးနွေးခဲ့ပေမယ့် ပြေလည်မူမရသေးဘူး လို့ဆွေးနွေပွဲမှာပါတဲ့ ဒေသခံ သံဃာတပါးကပြောပြပါတယ်။

“အားလုံး ၅ စီးရှိတယ် ရပ်ထားတုန်းပဲ ဦးပဉ္စဉ်း တို့စီက။ ဒီလို အာမခံမှု တာဝန်ယူမှုမရှိသေးတဲ့အတွက် ဦးပဉ္စဉ်းတို့က ပြန်မလွှတ်သေးဘူးလေ။ ဒီနေ့ ဆားလင်းကြီးလွှတ်တော်အမတ် ဒေါက်တာသိန်းနိုင်လာပြီးတော့ ဆွေးနွေးသွားတယ်ပေါ့၊ ဒီကားတွေပြန်လွှတ်ပေးဖို့ကို ပြောသွားတာ၊ ဦးပဉ္စဉ်း တို့က ပြန်မလွှတ်ပေးနိုင်သေးဘူး။ ဦးပဉ္စဉ်း တို့က ဒီဝန်ကြီးနဲ့ တွေ့ဆုံဖို့အတွက်ကို မုံရွာလွှတ်တော် ၊ တိုင်းရုံးမှာပေါ့ တွေ့ဖို့ ဆိုပြီးတော့ ဦးပဉ္စဉ်း တို့ ၂၅ ရက်နေ့ ကို တွေ့ဖို့ ချိန်းထားတယ်။ ဦးပဉ္စဉ်း တို့က တောင်းဆိုထားတာ က ၀မ်ပေါင်ဘက်က အရာရှိတွေရယ်၊လွှတ်တော် ကိုယ်စားလှယ်ထဲကဆိုရင် တိုင်းဝန်ကြီးတွေရယ် ၊ ဦးပဉ္စဉ်း တို့ဒီနယ်ခံ ပြည်သူတွေရယ်။ ဦးပဉ္စဉ်း တို့ကလိမ်ခံရပေါင်းများပြီလေ၊ ပထမတခေါက်တုန်း ကလည်း ဆွေးနွေးမယ် ဆိုပြီးတော့ ဆားလင်းကြီးရုံးကိုခေါ်သွားတယ်။ ဟိုဘက်ရောက်လည်း ရောက်သွားရော ၀မ်ပေါင်ဘက်ကလည်း မလာဘူး၊ NLD ပါတီကလည်း တာဝန်ရှိတဲ့သူတွေလည်း မလာဘူး။ အဲလိုနဲ့ အလိမ်ခံရပေါင်းများပြီလေ။”

နစ်နာကြေးမယူထားတဲ့မြေယာတွေမှာ ခြံစည်းရိုးခတ်ပြီး စီမံကိန်းကို လုပ်ဆောင်နေတာကြောင့် သီးနှံလျော်ကြေး ကို ပထမဦးဆုံးပေးဖို့နဲ့ စုံစမ်းရေး အစီရင်ခံစာအတိုင်းလုပ်ဆောင်ဖို့ တွေကို တောင်းဆိုသွားမယ်လို့ ဒေသခံတောင်သူတဦးက ပြောပါတယ်။

“အဓိကတော့ သီးနှံကြေး အရင်ပေါ့နော် ၊သီးနှံလျော်ကြေးပြီးသွားမှ တခြားဟာတွေကို ထပ်ပြီးတော့ ပြန်ဆွေးနွေးမယ်။ အစားထိုးမြေဧက ၁၉၀၀ တို့၊ မြေရောင်းသင့် မရောင်းသင့်၊ မြေဌားဂရန်ပေါ့ အဲဒါတွေ ပြန်ဆွေးနွေးမယ်၊ အကယ်၍ အဲဒါတွေ မရဘူးဆိုရင် ဒေါ်စုရဲ့ အစီရင်ခံစာကို လေးစားလိုက်နာမှုမရှိတဲ့အတွက် ဒီအစီရင်ခံစာကို ချိုးဖောက်တဲ့အတွက် ဒီကြေးနီစီမံကိန်း ဖျက်သိမ်းပေးပေါ့။”

မြေနစ်နာကြေးမယူထားတဲ့တောင်သူတဦးကတော့ ဘိုးဘွားစဉ်ဆက် လုပ် လာတဲ့မြေယာတွေ ကို အပြီးတိုင် မစွန့်လွတ်နိုင်ဘူးလို့ ဆိုပါတယ်။

“သူတို့က မြေယာတွေကို လျှော်ကြေးတွေပေးတယ်ဆိုပြီးတော့ ၁၀ သိန်းနဲ့ ပေးတယ်၊ အဲဒီ ၁၀ သိန်းထုတ်တဲ့လူတွေရဲ့ စာချုပ်မှာ ကြည့်လိုက်တဲ့အခါကျတော့ သားစဉ်မြေးဆက်အထိ စွန့်လွှတ်ကြောင်းဆိုပြီးတော့ စာချုပ်မှာ လက်မှတ်ထိုးခဲ့ရတယ်။ ဦးပိုင်ကကျတော့ ၀မ်ပေါင်ကို နှစ် ၃၀ စာချုပ်ချုပ်ပြီးတော့ ဟိုတောင်သူလယ်သမားတွေ တကယ်မြေအစစ်အမှန်လိုက်စားတဲ့ တောင်သူတွေကျတော့ ရာသက်ပန် စွန့်လွှတ်ကြောင်း ဘယ်နည်းနဲ့မှ မဖြစ်နိုင်ဘူး ၊ အဲဒီ သားစဉ်မြေးဆက်အထိ စွန့်လွှတ်ကြောင်း လက်မှတ်ကိုတော့ကျမတို့အနေနဲ့ လုံးဝ ဒါမျိုး လက်မှတ်မထိုး နိုင်ဘူးဆိုပြီးတော့ ဒီနေရာကိုလည်း ရောင်းမစားနိုင်ဘူး။”

ဒီလို ကြေးနီးကားတွေကိုတားဆီးမူကို ပြီးခဲ့တဲ့နှစ်ကလည်းဒေသခံတွေကလုပ်ဆောင်ခဲ့တာပါ။ မင်းတောရွာဘက်က ကျောက်တွေကို ကြေးနီစီမံကိန်းလုပ်နေတဲ့ ကုမ္ပဏီ တွေက အလွန်အကျွံတူးဖော်နေတာကြောင့်ဆိုပြီး မင်းတောရွာသားတွေကလည်း ကန့်ကွက်မှု တွေ ဒီရက်ပိုင်း အတွင်းရှိနေတာပါ။

အခုလိုကြေးနီးကားတွေ ကိုပိတ်ဆိုတားဆီးတဲ့အထိတင်းမာမူဖြစ်နေတဲ့ အခြေအနေတွေနဲ့ ပတ်သက်လို့မြန်မာဝမ်ပေါင် ကုမ္ပဏီနဲ့ သက်ဆိုင်ရာ အာဏာပိုင်တွေကို ဆက်သွယ်မေးမြန်းဖို့ ကြိုးစားခဲ့ပေမယ့် ဆက်သွယ်လို့ မရခဲ့ ပါဘူး။ အခုလို ဒေသခံတွေက ကန့်ကွက်နေချိန် မှာပဲ အစိုးရသစ်တာဝန်ယူခဲ့တဲ့ ၉လအတွင်းမှာနိုင်ငံတော် အနေနဲ့ ဒီစီမံကိန်းကနေအမေရိကန်ဒေါ်လာ သန်း၂၀ ၀င်ငွေ ရရှိခဲ့တယ်လို့ မကြာခင်ကပဲမြန်မာ အစိုးရဘက်က ထုတ်ပြန်ထားပါတယ်။

ဖေဖော်ဝါရီ ၁၀ ရက်နေ့က ထုတ်ပြန်တဲ့ (Amnesty International) လူ့အခွင့်အရေးအဖွဲ့ ရဲ့"ဒုက္ခတောင်တန်း"လို့ အမည်ပေးထားတဲ့ အစီရင်ခံစာမှာတော့ လက်ပံတောင်းကြေးနီ စီမံကိန်း ကြောင့် ထောင်နဲ့ချီတဲ့ မိသားစုတွေဟာ ဒီစီမံကိန်း တိုးချဲ့မှုနဲ့အတူ အိုးအိမ်ရွှေ့ပြောင်း ရတာ၊ လယ်ယာဆုံးရှုံးရတာတွေ နဲ့ လူအခွင့်ရေး ချိုးဖောက်မှုတွေ ရှိနေတယ်လို့  ဖော်ပြထားတာပါ။ဒီအတွက်လက်ပံတောင်းတောင် ကြေးနီသတ္တုတွင်း တူးဖေါ်ရေးလုပ်ငန်းကို ချက်ချင်း ရပ်ဆိုင်းပစ်ဖို့ အတွက် လူ့အခွင့်ရေး အဖွဲ့ကြီးက မြန်မာအာဏာပိုင်တွေ ကို တောင်းဆိုခဲ့ပါတယ်။

VOA Burmese News


ဖျက်ဆီးမခံရမီက ကျောင်းသားသမဂ္ဂ အဆောက်အဦး။
ဖျက်ဆီးမခံရမီက ကျောင်းသားသမဂ္ဂ အဆောက်အဦး။
တက္ကသိုလ်ကျောင်းသားများသမဂ္ဂ တကသ အဆောက်အအုံ ပြန်လည် တည်ဆောက်ရေးနဲ့ ပတ်သက်လို့ ဖြစ်မြောက်ရေး ကော်မတီတရပ် ဖွဲ့စည်းနိုင်ဖို့အတွက် ဆွေးနွေးကြတဲ့ အစည်းအဝေးကို ဒီကနေ့ အမျိုးသားဒီမိုကရေစီအဖွဲ့ချုပ် NLD ရုံးချုပ်မှာ ကျင်းပခဲ့ပါတယ်။ အစိုးရဘက်က ပုဂ္ဂိုလ်တချို့နဲ့ NLD ပါတီခေါင်းဆောင်တွေ၊ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ခေါင်းဆောင်တချို့ တက်ရောက်ခဲ့တဲ့ ဒီကနေ့ ဆွေးနွေးပွဲမှာ ဘယ်လိုအကြောင်းအရာတွေ အဓိက ဆွေးနွေးခဲ့ကြတာပါလဲ။ ဆက်သွယ်မေးမြန်းထားတဲ့ မခင်ဖြူထွေးက တင်ပြထားပါတယ်။

စစ်အာဏာရှင်အစိုးရလက်ထက် ဖျက်ဆီးခံခဲ့ရတဲ့၊ မြန်မာ့နိုင်ငံရေးမှာ သမိုင်းမှတ်တိုင်သင်္ကေတ တခုဖြစ်တဲ့ တက္ကသိုလ်ကျောင်းသားများ သမဂ္ဂ (တ.က.သ) အဆောက်အအုံ ပြန်လည် တည်ဆောက်ဖို့ အစိုးရက ခွင့်ပြုထားပြီးဖြစ်လို့ ဒီသမိုင်းဝင် အဆောက်အအုံ ပြန်လည် တည်ဆောက်ရေး အတွက် ဖြစ်မြောက်ရေးကော်မတီ ဖွဲ့စည်းဖို့ကိစ္စကို ဒီကနေ့ ရန်ကုန်မြို့က အမျိုးသားဒီမိုကရေစီအဖွဲ့ချုပ် NLD ပါတီ ရုံးချုပ်မှာ ပြုလုပ်ခဲ့ပါတယ်။ ဒီကနေ့ ဆွေးနွေးပွဲနဲ့ပတ်သက်လို့တော့ ကိုယ်တိုင်တက်ရောက်ခဲ့တဲ့ ၈၈ မျိုးဆက်ကျောင်းသား ခေါင်းဆောင် တဦးဖြစ်တဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးမြအေးက အခုလို ပြောပြပါတယ်။

“လာမယ့် ၂၈ ရက်နေ့ မနက် ၁၀ နာရီနဲ့ ၁၂ နာရီမှာ တော်ဝင်နှင်းဆီ မှာ ကော်မတီတရပ်ဖွဲ့စည်းဖို့ကို ကျနော်တို့ လုပ်ပါမယ်ခင်ဗျ။ အဲဒီတော့ အဲဒီကော်မတီ ၁ ရပ်ဖွဲ့စည်းတဲ့အခါမှာ အားလုံးကိုဖိတ်ပြီးတော့မှ လုပ်သွားမှာ ဖြစ်ပါတယ်။ နောက်တခုက ၆၂ ခုနှစ် ကျောင်းသား သမဂ္ဂမှာလည်း ပါဝင်ခဲ့ပြီး အခုအထိ သက်ရှိထင်ရှားရှိနေတဲ့ ကျနော်တို့ နောင်တော်ကြီးတွေရှိပါသေးတယ်။ ဒီနောင်တော်ကြီးတွေကို ဖိတ်ကြားပြီးတော့ မှ အားလုံးကို ဖြစ်နိုင်သမျှလုပ်သွားမှာပါ ဒီနေ့အစည်းအဝေးမှာ ဆုံးဖြတ်တာပဲ ဖြစ်ပါတယ်။ ဆိုတော့ အဲဒီလို လုပ်တဲ့အခါမှာလည်း နံပတ်၁ က ပြည်သူလူထုဆီကနေပြီးတော့မှ အလှူငွေကောက်ခံပြီးတော့မှပဲ ဆောက်မယ်။ အစိုးရပိုက်ဆံနဲ့ကျနော်တို့ တည်ဆောက်မှာ မဟုတ်ဘူးဆိုတာကိုလည်း ဒီနေ့အစည်းအဝေးမှာ စကားပြောဖြစ်ခဲ့ကြပါတယ်။ ကျနော်တို့ အားလုံးဆန္ဒရှိတာကတော့ ပြည်သူလူထုဆီကနေပြီးတော့ အလှူခံမယ် ကျနော်တို့ ကျောင်းသားတွေကလည်း ၁၀ ပဲ တတ်နိုင်တတ်နိုင် ၊ ၁၀၀ ပဲ တတ်နိုင်တတ်နိုင်၊ ၁၀၀ ပဲ တတ်နိုင်တတ်နိုင် ၊ ၁ သောင်း- ၁ သိန်း ပဲ တတ်နိုင်တတ်နိုင် အားလုံးပါဝင်ပူးပေါင်းပြီးတော့မှ အဲလိုရတဲ့ ရန်ပုံငွေနဲ့ပဲ ကျနော်တို့ တည်ဆောက်မယ်ဆိုတာကို ကျနော်တို့ စဉ်းစားဖြစ်ပါတယ်။ အစိုးရက ဒီကိစ္စမှာ ပံ့ပိုးတာကလွဲပြီး ၀င်စွက်ဖက်မှာ မဟုတ်ပါဘူး။”

နိုင်ငံ့သမိုင်းမှာ အရေးပါတဲ့ အဆောက်အအုံတခုဖြစ်တဲ့ တ.က.သ အဆောက်အအုံကို အခုအချိန်မှာ ဘယ်လို ပုံစံနဲ့ ပြန်လည် တည်ဆောက်သွားမလဲ ဆိုတဲ့အပေါ်မှာ အယူအဆတွေကတော့ အမျိုးမျိုး ရှိပါတယ်။ အရင်ရှိခဲ့တဲ့ လက်ရာအတိုင်း ပြန်လည် တည်ဆောက်ချင်သူတွေ ရှိသလို၊ ပုံစံသစ်နဲ့ အထိန်းအမှတ် အဆောက်အအုံပုံစံ ထားရှိချင်ကြသူတွေလည်း ရှိနေတာပါ။ ဒီလို အယူအဆ အမျိုးမျိုးကို လာမယ့် ဖြစ်မြောက်ရေး ဆွေးနွေးပွဲမှာ ၀ိုင်းဝန်း ဆွေးနွေးတင်ပြကြပြီးတော့မှ အကောင်ဆုံး ညှိနှိုင်း ဆောင်ရွက်သွားကြဖို့ အရေးကြီးတယ်လို့ ဦးမြအေးက ပြောပါတယ်။

“သမဂ္ဂအဆောက်အဦးကို အရင်ပုံစံအတိုင်းဆောက်မယ်ဆိုတာလည်းရှိတယ်။ ဒါမှ မဟုတ်လုံးဝမဆောက်ပဲနဲ့ ဒီ သမဂ္ဂမြက်ခင်းပြင်ကို ဒီအတိုင်းပဲ ထားမယ် ဆိုတဲ့အယူအဆရှိတဲ့ လူတွေလည်းရှိတယ်။ နောက်ခေတ်နဲ့ အညီ တည်ဆောက်ပြီးမှ Memorial အဖြစ်ဘာတွေထည့်သွင်းမယ် ဆိုတာလည်း ရှိကြတယ်။ အဲလိုအယူအဆတွေမျိုးစုံရှိပါစေ ဖြစ်မြောက်ရေးကော်မတီမှာ ဆွေးနွေးကြပါ။ ညှိနှိုင်းကြပါ ပြီးတဲ့အခါကျမှ အဆောက်အဦးကြီးပေါ်မှာ အားလုံးဝိုင်းဝန်းကြိုးပမ်းဆောင်ရွက်ကြပါလို့ ဒါအားလုံးကို ကျနော်တိုက်တွန်းချင်တယ်။ ဒါအဆောက်အဦးကြီးပဲ သတ်သတ် ၊ ဆောက်ရုံသတ်သတ်မဟုတ်ပါဘူး။သမိုင်းကို ပြန်ပြီးတော့မှ ထူထောင်ရတဲ့ အခြေအနေတရပ်လို့ ပြောလို့ရပါတယ်ခင်ဗျ။”

ဒီကနေ့ ဆွေးနွေးပွဲကိုတော့ လက်ရှိ အာဏာရ အမျိုးသားဒီမိုကရေစီအဖွဲ့ချုပ် NLD ပါတီက ဦးဆောင်ကျင်းပပေးခဲ့တာ ဖြစ်ပေမဲ့ NLD အနေနဲ့ တ.က.သ အဆောက်အအုံ ပြန်လည် တည်ဆောက်ရေးမှာ ထိန်းချုပ်ဖို့ လွှမ်းမိုးဖို့ ဆိုတာမျိုး ကြိုးစားတာဘာမှ မရှိဘူးလို့လည်း ဦးမြအေးက ပြောပါတယ်။ ဒီကနေ့ ဆွေးနွေးပွဲကတော့ ကနဦးအဆင့် ဖြစ်မြောက်ရေးကော်မတီ ဖွဲ့စည်းဖို့ကိစ္စ ဆွေးနွေးတာသာ ဖြစ်လို့ လာမယ့် ၂၈ ရက်နေ့ ဆွေးနွေးပွဲကျမှသာ တက်ရောက်သူတွေ ပိုစုံလင်နိုင်သလို၊ ဆွေးနွေးမှုတွေလည်း ပိုပြီး ရှိလာလိမ့်မယ်လို့ ဆိုပါတယ်။

အမျိုးသားခေါင်းဆောင် ဗိုလ်ချုပ်အောင်ဆန်း အပါအ၀င် ခေတ်ဆက်ဆက် ကျောင်းသား လူငယ်ခေါင်းဆောင်တွေကြား မျိုးချစ်စိတ်တွေ ရှင်သန် စိုက်ထူပေးရာနေရာတခုဖြစ်တဲ့ ကျောင်းသားသမဂ္ဂ အဆောက်အဦးဟာ ၁၉၆၂ ခုနှစ်မှာ စစ်အာဏာရှင်အစိုးရက ဗုံးခွဲ ဖျက်ဆီးခံခဲ့ရတာဖြစ်ပါတယ်။
VOA Burmese News


အမေရိကန်မှာ တရားမ၀င်နေထိုင်နေသူ သန်းပေါင်းများစွာကို မူရင်းနိုင်ငံတွေဆီပြန်ပို့မယ့် မူဝါဒတွေကို အမေရိကန်၊ အမိမြေ လုံခြုံရေးဌာနက ချမှတ်လိုက်ပါတယ်။

သမ္မတ Donald Trump ပြီးခဲ့တဲ့လကထုတ်ပြန်ထားတဲ့ အမိန့်ညွှန်ကြားချက်နှစ်ခုကို ဘယ်လို အကောင်အထည်ဖော်မယ် ဆိုတာကို အသေးစိတ်ဖော်ပြထားတဲ့ လုပ်ထုံးလုပ်နည်းတွေကို အမိမြေလုံခြုံရေးဌာန၀န်ကြီး John Kelly က အင်္ဂါနေ့မှာ ထုတ်ပြန်တာပါ။

အရင်သမ္မတ ဘရာ့ခ် အိုဘားမား လက်ထက်တုန်းကတော့ ရာဇ၀တ်မှုကျူးလွန်ထားတဲ့ တရားမ၀င်နေထိုင်နေသူတွေကိုပဲ ဦးတည်ချက်ထားပြီး မူရင်းနိုင်ငံတွေဆီ ပြန်ပို့ခဲ့တာပါ။

အရင်ကလုပ်ခဲ့တဲ့မူဝါဒတွေကို ၀န်ကြီး Kelly က ပြန်ရုပ်သိမ်းလိုက်ပြီး အခု ဦးစားပေးလုပ်ဆောင်မယ့် မူဝါဒတွေကို ချမှတ်တာပါ။ ရာဇ၀တ်မှုတခုခုနဲ့ အပြစ်ရှိကြောင်း ဆုံးဖြတ်ခံထားရသူ ဒါမှမဟုတ် စွဲချက်တင်ခံထားရသူ၊ စွဲချက်တင်နိုင်တဲ့ ပြစ်မှုတခုခုကို ကျူးလွန်ထားသူ၊ အစိုးရထောက်ပံ့ကြေးကို လိမ်ညာရယူသူ၊ လူဝင်မှုကြီးကြပ်ရေး တာဝန်ရှိသူတဦးရဲ့ ဆုံးဖြတ်ချက်အရ အများ ပြည်သူ လုံခြုံရေး ဒါမှမဟုတ် နိုင်ငံတော်လုံခြုံရေးကို ခြိမ်းခြောက်သူတွေကို အဓိက ဦးတည်ချက်ထားပြီးတော့ ဖမ်းဆီး ပြန်ပို့ မှာဖြစ်ပါတယ်။

ကလေးဘ၀မှာ အမေရိကန်ကို တရားမ၀င်ရောက်လာသူတွေ ဒါမှမဟုတ် အမေရိကန်နိုင်ငံသား သို့မဟုတ် အမြဲတမ်း နေထိုင်ခွင့်ရှိသူတွေရဲ့ မိဘတွေက တရားမ၀င်နေထိုင်သူတွေဖြစ်တယ်ဆိုရင် အဲဒီလူတွေကိုအရေးမယူဘဲ ဆိုင်းငံ့ ထားဖို့ ညွှန်ကြားထားတဲ့ သမ္မတအိုဘားမားရဲ့ အမိန့်တွေကိုတော့ ဒီအတိုင်းပဲ ဆက်ထားသွားမှာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


မြန်မာအစိုးရမှ တိုင်းရင်းသားများ တစ်စုတစ်စည်းထဲ မဖြစ်နိုင်ရန် အကြိမ်ကြိမ်သွေးခွဲနိုင်ခဲ့ပြီး ခေတ်အဆက်ဆက်ဆွေးနွေးမှုများတွင် ၄င်းတို့ အကျိုးရှိစေမည့် နည်းဗျူဟာကို ကျင့်သုံးအောင်မြင်ခဲ့သဖြင့် ကျင်းပနေသည့် ၀ နယ် ပန်ဆန်း တိုင်းရင်းသား ထိပ်သီးအစည်းအဝေးတွင် တူညီသော သဘောထားများ ရယူနိုင်ရန် အရေးကြီးကြောင်း ၀ ခေါင်းဆောင် ပေါက်ယူချန်းက တိုက်တွန်းပြောဆိုသည်။

အစိုးရနှင့် နိုင်ငံလုံးဆိုင်ရာ အပစ်ခတ်ရပ်စဲရေး ပြုလုပ်ရခြင်း မရှိသေးသော တိုင်းရင်းသား လက်နက်ကိုင် အဖွဲ့ (၈) ဖွဲ့မှ ထိပ်သီးခေါင်းဆောင်များ ပါဝင်သည့် အစည်းအဝေးကို ယနေ့ ဖေဖော်ဝါရီ ၂၂ ရက်နေ့မှ စတင်က ၀ ဒေသ ပန်ဆန်းတွင် ကျင်းပနေခြင်းဖြစ်သည်။

၁၉၉၃ ခုနစ် အမျိုးသား ညီလာခံမှ စတင်ကာ ယနေ့တိုင် အမျိုးမျိုးသော ဆွေးနွေးမှုများသည် မျက်စိလည်စရာ ဖြစ်နေပြီး စစ်ပွဲများလည်း ရပ်တန့်ခြင်း မရှိကာ တိုင်းရင်းသား ပဋိပက္ခများမှာ ပိုမိုပြင်းထန်လာကြောင်းလည်း ၀ ပြည်သွေးစည်းညီညွတ်ရေးပါတီ ဥက္ကဌ ပေါက်ယူချန်း၏ တတိယ အကြိမ်မြောက် ပန်ဆန်း ထိပ်သီးအစည်းအဝေးတွင် ဖော်ပြထားသည်။

ဝ တပ်ဖွဲ့မှ တိုင်းရင်းသား လက်နက်ကိုင် အဖွဲ့များထံ ဖြန့်ဝေထားသည့် စာတမ်းတွင် လက်ရှိ ကျင့်သုံးနေသည့် နိုင်ငံလုံးဆိုင်ရာ အပစ်ခတ်ရပ်စဲရေး စာချုပ် အန်စီအေပါ အချက်များမှာ နိုင်ငံရေးအရ နှင့် စစ်ရေးအရ ပါေ၀၀ါးသည့် အချက်များ ပါဝင်သဖြင့် သတိပြုကြရန်လည်း ဖော်ပြထားသည်။
အန်စီအေ တွင် လက်မှတ်မရေးထိုးပါက နောက်နောင် နိုင်ငံရေးဆွေးနွေးမှုများတွင် မပါဝင်စေရဟူသော အချက်သည် သွေးခွဲခံထားရပြီးဖြစ်ကြောင်း ညွှန်းဆိုနေသလို အန်စီအေအရ သဘောတူညီချက်များကိုကြည့်လျှင် အန်စီအေဖြင့် သမိုင်းမှ ပင်လုံကို အစားထိုးခြင်း ဖြစ်နိုင်ဖွယ်ရာ ရှိနေသည်ဟု ၀ တပ်ဖွဲ့၏ ဇန်န၀ါရီလ ၁၅ ရက်စွဲဖြင့် ဖြန့်ဝေထားသော စာတမ်းတွင် ဖော်ပြထားသည်။

ယင်းအတွက် ချဉ်းကပ်မှုအရ ကွဲလွဲမှုများရှိနေသော တိုင်းရင်းသားအဖွဲ့များအကြား (၁) အန်စီအေနှင့် ပတ်သက်၍ မည်ကဲ့သို့ ညှိနှိုင်းကြမည်နည်း ( လက်ရှိတွင် အန်စီအေ လက်မှတ်ထိုးပြီးသားအဖွဲ့ ၊ မထိုးရသေးသော်လည်း အန်စီအေပါ အချက်လက်များအား ပိုမိုပြည့်စုံစေရန်နှင့် ပြင်ဆင်သင့်သည်များကို ပြင်ဆင်နိုင်ရန် တောင်းဆိုနေသောအဖွဲ့ ၊ အန်စီအေ ကိုအသိအမှတ်မပြုပဲ ယခင်ချုပ်ဆိုထားသည့် တစ်ဖွဲ့ချင်းအလိုက်စာချုပ်များဖြင်သာ ဆက်လက်ဆွေးနွေးလိုသောအဖွဲ့ ဟု ၀ တပ်ဖွဲ့ စာတမ်းတွင် ဖော်ပြထား ) ယင်းသို့ကွဲပြားနေပါက ဗမာနှင့် နိုင်ငံရေးဆွေးနွေးရာတွင် လုံလောက်သောနိုင်ငံရေးအင်အား ရှိမည် မဟုတ်ဟု စာတမ်းတွင် ဖော်ပြထား (၂) နောက်နောင် ဗမာနှင့် မည်သို့ ဆွေးနွေးမည်ကိုညှိနှိုင်းခြင်း ၊ ယင်းအချက်နှင့် ပတ်သက်၍ ၀ အနေဖြင့် အန်စီအေ လက်မှတ်မရေးထိုးထားသော တိုင်းရင်းသားလက်နက်ကိုင်များနှင့် လက်တွဲလိုကြောင်း ဖော်ပြထားပြီး ဗမာများနှင့် မည်သို့ ဆွေးနွေးရမည်ဆိုသည့် အချက်ကို အတူတကွ ညှိနှိုင်းဆွေးနွေးပြီး အားလုံးလက်ခံနိုင်သည့် နည်းဗျူဟာကို ရှာဖွေကြရမည် ဟု ဖော်ပြထားသည်။

လက်ရှိကျင်းပသည့် ပန်ဆန်းဆွေးနွေးမှုတွင် (၁) ပင်လုံစိတ်ဓါတ် အဓိပာယ်ဖွင့်ဆိုမှု (၂) နိုင်ငံရေး ဆွေးနွေးမှုတွင် အရေးကြီးဝေါဟာရ အချို့၏ သတ်မှတ်ဖွင့်ဆိုချက် (၃) အဆင့်သုံးဆင့် ငြိမ်းချမ်းရေးစာချုပ်များ နှင့် အန်စီအေ အပေါ်ရပ်တည်ရေး ကိစ္စ (၄) နောက်နောင် မြန်မာတို့နှင့် နိုင်ငံရေး ဆွေးနွေးကြမည့် ကိစ္စရပ်များ စသဖြင့် ပါဝင်ကြောင်းဖော်ပြထားသည်။
အန်စီအေပါ ဖွင့်ဆိုချက်များမှာေ၀၀ါးသဖြင့် မြန်မာတို့ဘက်မှ ၄င်းတို့အကျိုးဖြစ်စေမည့် ဖွင့်ဆိုချက်နှင့် အစီအမံများ ပြုလုပ်လာနိုင်မည်ဖြစ်ကြောင်းလည်း ၀ တပ်ဖွဲ့မှ ဖြန့်ဝေထားသည့် စာတမ်းတွင် ဖော်ပြထားသည်။

ဝ ဥက္ကဌ ပေါက်ယူချန်းကမူ ယခုကျင်းပသည့် အစည်းအဝေးမှာ လက်တွေ့ကျပြီး စုစည်းညီညွတ်မှုကို ပြသနိုင်သည့် အစည်းအဝေးဖြစ်လာရန် မျှော်မှန်းထားကြောင်း မိန့်ခွန်းတွင် ထည့်သွင်းပြောဆိုသည်။

ဝ ဒေသ ပန်ဆန်းတွင် ယနေ့ ကျင်းပသည့် ဆွေးနွေးပွဲသို့ ကေအိုင်အို ဒုတိယ ဥက္ကဌ ဗိုလ်ချုပ်ကြီး အန်ဘန်လ ၊ ရှမ်းပြည်တိုးတက်ရေးပါတီ SSPP/SSA နာယက ဗိုလ်ချုပ်ကြီးဆေထင် အပါဝင် တိုင်းရင်းသားလက်နက်ကိုင် အဖွဲ့ ၈ ဖွဲ့မှ ထိပ်သီးခေါင်းဆောင်များ တက်ရောက်ကြသည်။

ဓါတ်ပုံ- UWSA
The Ladies News



မြောက်ကိုရီးယားခေါင်းဆောင်၏ အဖေတူညီအစ်ကို ကင်ဂျုံနမ် အသတ်ခံရမှုတွင် စုံစမ်းထောက်လှမ်းမှုများအရ ပါဝင်ပတ်သက်နိုင်ဖွယ်ရှိသူ ၇ ဦးထဲမှ ၂ ဦးအား မြောက်ကိုရီးယားမှ မလေးရှားရဲတပ်ဖွဲ့သို့ လွှဲပြောင်းပေးရန် တောင်းဆိုထားသည်။

၎င်းတို့ထဲတွင် မြောက်ကိုရီးယား သံရုံးမှ ဒုတိယအတွင်းဝန် ဟွန်ကွမ်ဆောင် နှင့် မြောက်ကိုရီးယား လေကြောင်းလိုင်း အမှုထမ်း တစ်ဦး ဖြစ်သည့် ကင်မ်အွတ်အီ တို့ကိုလည်း ယခု အမှုဖြစ်စဉ်နှင့် ပတ်သက်၍ စစ်ဆေးမေးမြန်း သွားမည်ဖြစ်ကြောင်း မလေးရှား ရဲချုပ်ခါလစ်ဒ် အဘူ ဘာကာ က ပြောသွားသည်။

မလေးရှားရဲချုပ် ခါလစ်ဒ်အဘူဘာကာက ၎င်းအနေဖြင့် မြောက်ကိုရီးယား သံရုံးသို့ သံသယရှိသူအား လွှဲပြောင်းပေးရန် အကူအညီတောင်း ထားကြောင်း ပြောသည်။

"ကျွန်တော်တို့ တောင်းဆိုတဲ့ အကြောင်းကြားစာ ဒီနေ့ပို့ထားပါတယ်”

“သူတို့အနေနဲ့ ပူးပေါင်းဆောင်ရွက်ဖို့ ငြင်းဆန်မယ်ဆိုရင် ကျွန်တော်တို့ အနေနဲ့ ၎င်းတို့နှစ်ဦးစလုံးကို ၀ရမ်းနဲ့ဖမ်းဖို့ လုပ်မှာဖြစ်တယ်”ဟု ပြောသည်။

တိုက်ခိုက်မှုတွင် ပါဝင်ပတ်သက်သူလေးဦးထဲမှ တစ်ဦးမှာ ပြုံယမ်းသို့ပြန်ရန် စီစဉ်နေသည်ဟု ယုံကြည်ကြောင်း ခါလစ်ကပြောသည်။ မလေးရှားရဲ တပ်ဖွဲ့မှ မြောက်ကိုရီးယားအနေဖြင့် အမှုစုံစမ်းဖော်ထုတ်ရာ အကူအညီပေးဖို့ တောင်းဆိုထားသည်။

“ဒီလေးဦးစလုံးက ဒီတိုက်ခိုက်မှုမှာ အဓိကပါဝင်ပတ်သက်သူတွေ ဖြစ်တယ်လို့ ကျွန်ုပ်တို့ယုံကြည်ပါတယ်” ဟု ၎င်းကပြောပြီး မြောက်ကိုရီးယား အစိုးရအနေဖြင့် ပူးပေါင်းဆောင်ရွက်ဖို့ မျှော်လင့်ကြောင်း ထပ်လောင်းပြော ဆိုသည်။

ပြီးခဲ့တဲ့ကြာသပတေးနေ့က Ampang ရှိ ဟိုတယ်တစ်ခုတွင် အဆိုအမှုတွင် ပါဝင်သည့် အင်ဒိုနီးရှားနိုင်ငံသူ Siti Aisyah အား ဖမ်းဆီးထိန်းသိမ်းနိုင်ခဲ့ သည်။

မလေးရှားရဲတပ်ဖွဲ့အနေဖြင့် လေဆိပ်စီစီတီဗီမှ တွေ့ရှိချက်ပေါ် အခြေခံပြီး သူမအား စုံစမ်းဖော်ထုတ်ခြင်းဖြစ်ပြီး ဖမ်းဆီးချိန်တွင် သူမတစ်ဦးတည်း ဖမ်းဆီးရမိခဲ့ခြင်းဖြစ်ကြောင်း မလေးရှားရဲတပ်ဖွဲ့က ဆိုသည်။ သူမ၏ ရည်းစားဖြစ်သူကလည်း အဆိုပါ စုံစမ်းစစ်ဆေးမှုတွင် ပါဝင်ဖို့ အတူပူးပေါင်းခဲ့ကြောင်း ဆိုသည်။

လွန်ခဲ့သည့် ဗုဒ္ဓဟူးနေ့က ဗီယက်နမ်နိုင်ငံသား နိုင်ငံကူးလက်မှတ် ကိုင်ဆောင်ထားသည့် Doan Thi Huong ဆိုသူအား ပထမဆုံးအနေဖြင့် ထိန်းသိမ်းခဲ့ခြင်းဖြစ်ပြီး ဖမ်းဆီးရရှိချိန်တွင် သူမအနေဖြင့် ဗီယက်နမ်သို့ပြန်ရန် စီစဉ်နေကြောင်း တွေ့ရှိရကြောင်း ဆိုသည်။

လုပ်ကြံခံလိုက်ရသည့် ကင်မ်ဂျုံနမ်မှာ မြောက်ကိုရီးယား ခေါင်းဆောင် ကင်မ်ဂျုံအန်း၏ ဖအေတူ မအေကွဲ အစ်ကို တော်စပ်သည်ဟု သိရပြီး ၎င်းသည် မကာအိုသို့ သွားရောက်ရန် ကွာလာလမ်ပူလေဆိပ်သို့ ရောက်ရှိလာစဉ် တိုက်ခိုက်လုပ်ကြံ ခံလိုက်ရခြင်း ဖြစ်သည်။

Ref:The Star
The Ladies News

 မွန်ပြည်နယ်ဝန်ကြီးချုပ် ဦးမင်းမင်းဦး ကို ဖေဖော်ဝါရီလ ၂ဝ ရက်နေ့က မွန်ပြည်နယ် အစိုးရရုံးမှာ တွေ့ရစဉ် မွန်ပြည်နယ်ဝန်ကြီးချုပ် ဦးမင်းမင်းဦး ကို ဖေဖော်ဝါရီလ ၂ဝ ရက်နေ့က မွန်ပြည်နယ် အစိုးရရုံးမှာ တွေ့ရစဉ်
မွန်ပြည်နယ်ဝန်ကြီးချုပ် ဦးမင်းမင်းဦးဟာ ဝန်ကြီးချုပ်တာဝန်အပြင် ပူးတွဲတာဝန်ယူထားတဲ့ ဆောက်လုပ်ရေး ဝန်ကြီးဌာနနဲ့ စည်ပင်သာယာရေးဝန်ကြီးဌာန တို့ကပါ နှုတ်ထွက်မှာဖြစ်သလို လွှတ်တော်ကိုယ်စားလှယ်နဲ့ ပါတီဝင်အဖြစ်ကနေပါ နှုတ်ထွက်သွားမယ်လို့ ဒီနေ့ ပြောကြားခဲ့ပါတယ်။

ဒီနေ့ သတင်းမီဒီယာသမားတွေနဲ့ တွေဆုံစဉ်မှာ မွန်ပြည်နယ်ဝန်ကြီးချုပ် ဦးမင်းမင်းဦးက ပြောတာဖြစ်ပါတယ်။

မွန်ပြည်နယ်ဝန်ကြီးချုပ် ဦးမင်းမင်းဦးဟာ မနေ့က မီဒီယာတစ်ခုမှာ ပါတီကိုမကြိုက်လို့ နှုတ်ထွက် တာဖြစ်ကြောင်း ပြောကြားထားတာနဲ့ ပတ်သက်ပြီး ဒီနေ့ပြုလုပ်တဲ့ သတင်းစာရှင်းလင်းပွဲမှာ သူ့အနေနဲ့ ပါတီကို မကြိုက်လို့ နှုတ်ထွက်တာဖြစ်ကြောင်း ပြောကြားတာမဟုတ်ဘူးလို့ ပြောခဲ့ပါတယ်။

"ဘယ်လိုပဲဖြစ်ဖြစ်ကျနော်က စတာထွက်ကတည်းက ကျနော်ပြောထားတဲ့စကားလေ၊ အားလုံး ကျနော်နှုတ် ထွက်တော့မယ်လို့ ပြောထားတယ်၊ နိုင်ငံရေး ခုလက်ရှိအချိန်မှာ တာဝန်ယူထားတာအားလုံးကို ကျနော် နှုတ်ထွက်တော့မှာပြောတာပါ"

အဲဒီလိုပြောကြားမှုနဲ့ပတ်သက်ပြီး ရန်ကုန်မြို့က အန်အယ်လ်ဒီပါတီရုံးမှာ ပါတီဗဟိုအလုပ်အမှုဆောင် ကော်မတီဝင် ဦးဥာဏ်ဝင်း ကို မေးမြန်းရာမှာ ဦးမင်းမင်းဦး ဟာ ပါတီဗဟိုက ဖွဲ့စည်းထားတဲ့ လေ့လာသုံးသပ်ရေးအဖွဲ့ရဲ့ စစ်ဆေးတွေ့ရှိချက်တွေအရ အပြစ်ရှိတဲ့အတွက် နှုတ်ထွက်တာသာ ဖြစ်တယ် လို့ ပြောပါတယ်။

"စကားတစ်ခွန်းပြောတယ်၊ လူကြီးတွေ သူ့ကိုမကြိုက်ရင် ကျနော်ချက်ချင်းထွက်ပါ့မယ်တဲ့၊ လူကြီးတွေက ထွက်ခိုင်းရင် ချက်ချင်းထွက်ပါ့မယ်လို့ပြောတယ်၊ တစ်နေ့ကသွားတော့ သူ့ကိုပြောတယ်၊ ခင်ဗျား အဲဒီဟာ ဟုတ်တယ်တဲ့၊ ထွက်ရမှာ ထွက်လို့၊ ထွက်ဆို သူ့ဟာသူနှုတ်ထွက်တာလေ၊ အဲဒါကို သူတခြားစကားနဲ့ လှည့်ပြောတယ်လို့ ကျနော်မသိဘူး၊ စုံစမ်းစစ်ဆေးတာတွေကိုတော့ ကျနော်ပြောခွင့်မရှိပါဘူး၊ စုံစမ်းစစ်ဆေးတာမှာ သူ့ကိုအပြစ်တွေ့ရှိထားတယ်လေ၊ အပြစ်တွေ့ရှိတယ် သူ့ဂုဏ်သိက္ခာတော့ ကျနော်မပြောတော့ဘူး"

ဦးမင်းမင်းဦးဟာ ပြီးခဲ့တဲ့ ဖေဖော်ဝါရီလ ၂၀ရက်နေ့က ဝန်ကြီးချုပ်တာဝန်ကနေ မိမိသဘောဆန္ဒအရ နှုတ်ထွက် ခွင့်ပြုပေးဖို့ နိုင်ငံတော်သမ္မတထံ စာတင်ထားပါတယ်။

ဝန်ကြီးချုပ်တာဝန်ကနေ နှုတ်ထွက်တာဟာ ချောင်းဆုံတံတား အမည်ပေးတဲ့ကိစ္စကြောင့်ဖြစ်ကြောင်း ပြောဆိုမှုတွေ ရှိနေတာနဲ့ပတ်သက်ပြီး အဲဒီကိစ္စတစ်ခုတည်းကြောင့် မဟုတ်ကြောင်းနဲ့ တခြားကိစ္စများစွာရှိတာကြောင့် နှုတ်ထွက်ဖို့ ဆုံးဖြတ်လိုက်တာလို့လည်း ပြောပါတယ်။

ဦးမင်းမင်းဦးဟာ ဘီးလင်းမြို့နယ် အမျိုးသားဒီမိုကရေစီအဖွဲ့ချုပ်ပါတီ ဒုတိယဥက္ကဌဖြစ်ပြီး ၂၀၁၅ ရွေးကောက်ပွဲမှာ ဘီးလင်းမဲဆန္ဒနယ်အမှတ်(၂)ကနေ အနိုင်ရရှိခဲ့သူဖြစ်ပါတယ်။

ရွေးကောက်ပွဲမှာ ပြည်နယ်လွှတ်တော်ကိုယ်စားလှယ်အဖြစ် ရွေးချယ်တင်မြှောက်ခံရပြီးနောက် မွန်ပြည်နယ် လွှတ်တော် ဒုတိယဥက္ကဌအဖြစ် တာဝန်ပေးခံထားရာကနေ ပြည်နယ်ဝန်ကြီးချုပ်အဖြစ် တင်မြှောက်ခံခဲ့ရ သူဖြစ်ပါတယ်။

အမျိုးသားဒီမိုကရေစီအဖွဲ့ချုပ် ပါတီဗဟိုထံ တိုင်ကြားခံရသူတွေထဲမှာ တစ်ဦးအပါအ၀င်ဖြစ်တဲ့ ဦးမင်းမင်းဦးဟာ ပြီးခဲ့တဲ့နှစ် ဒီဇင်ဘာလအတွင်း ပါတီဗဟိုက ဖွဲ့စည်းထားတဲ့ လေ့လာသုံးသပ်ရေးအဖွဲ့ရဲ့ ခေါ်ယူမေးမြန်းမှုကို ခံရသူလည်းဖြစ်ပါတယ်။
RFA


မလေးရှားနိုင်ငံကလှူဒါန်းတဲ့ အစားအသောက်နဲ့ ဆေးဝါးတွေ ရခိုင်ပြည်နယ်ကို ရောက်ရှိ (MOI)
မလေးရှားနိုင်ငံကလှူဒါန်းတဲ့ အစားအသောက်နဲ့ ဆေးဝါးတွေ ရခိုင်ပြည်နယ်ကို ရောက်ရှိ (MOI)
ရခိုင်ပြည်နယ်က ၂ ဘက်အသိုင်းအ၀ိုင်းအတွက် မလေးရှားနိုင်ငံကလှူဒါန်းတဲ့ အစားအသောက် နဲ့ ဆေးဝါးတွေဟာ မနေ့ ဖေဖော်ဝါရီလ ၂၀ ရက်နေ့က ရခိုင်ပြည်နယ် ကို ရောက်ရှိလာပါပြီ။ ဖေဖော်ဝါရီလ အစောပိုင်းက ရန်ကုန်မြို့ကနေတစ်ဆင့် ရခိုင်ပြည်နယ်ကို ပို့ဆောင်ခဲ့တဲ ဒီအလှူပစ္စည်းတွေကို ပြည်နယ်အစိုးရကနေတစ်ဆင့် ပဋိပက္ခဖြစ်ပွားရာ မောင်တောဒေသနဲ့ တခြား မြိူ့တွေကို စတင်ဝေဌနေပြီဖြစ်တယ် လို့လည်း ပြည်နယ်အစိုးရ ပြောခွင့်ရ ပုဂ္ဂိုလ်က ပြောပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေမြန်မာပိုင်း သတင်းထောက် မေခက တင်ပြပေးမှာပါ။





ရခိုင်ပြည်နယ်မြောက်ပိုင်းက ပဋိပက္ခဒဏ်ခံ ခဲ့ကြရတဲ့ သူတွေအတွက် မလေးရှားနိုင်ငံက လူသားချင်းစာနာထောက်ထားတဲ့အနေနဲ့ အစားအသောက် လူသုံးကုန်ပစ္စည်း နဲ့ ဆေးဝါး တွေ ကိုပြီးခဲ့တဲ့ ဖေဖော်ဝါရီလ ၉ ရက်နေ့က ရန်ကုန်သီလ၀ါ ဆိပ်ကမ်းကို လာရောက်လှူဒါန်းခဲ့ပါတယ်။ ဒီ အကူအညီအထောက်အပံ့တွေဟာ ရခိုင်ပြည်နယ်ကို မနေ့က ရောက်ရှိသွားပါပြီ။

ပြီးခဲ့တဲ့နှစ် အောက်တိုဘာလတုန်းက အကြမ်းဖက် တိုက်ခိုက်မှုတွေ ဖြစ်ပွားခဲ့တဲ့ ရခိုင်ပြည်မြောက်ပိုင်း မောင်တောဒေသကို ဒီအကူအညီတွေကို အများဆုံး ဝေဌသွားမှာလည်း ဖြစ်ပါတယ်။ ဒီအလှူပစ္စည်းတွေကို ရခိုင်ပြည်နယ် အစိုးရအစီအစဉ်နဲ့ ဖြန့်ဖြူး သွားမှာဖြစ်ပြီးရခိုင်နဲ့ မွတ်စလင် ၂ ဘက်အသိုင်းအ၀ိုင်းအတွက် မျှမျှတတဖြစ်အောင် မျှဝေသွားမှာဖြစ်တယ်လို့ ရခိုင်ပြည်နယ် အစိုးရ ပြောခွင့်ပု ဂ္ဂိုလ် ဦးမင်းအောင်က ပြောပါတယ်။

“မနေ့က ၈ နာရီကရောက်တယ် ၊ မောင်တော ပို့တယ်၊ နောက်စစ်တွေရယ်၊ ပေါက်တော ရယ် ဒီဘက်က မြေပုံရယ်၊ ဒီမြို့တွေအတွက် ရခိုင်IDP တွေ ရခိုင် ဒုက္ခသည်တွေ အဲလိုပဲ၊ မွတ်စလင်အသိုင်းအ၀ိုင်း ထဲက ဒုက္ခသည်တွေ အကုန်လုံးကိုပေါ့နော် မျှမျှတတ ဖြန့်ဝေသွားမှာပါ။”




ရခိုင်ပြည်နယ်တွင်း အကြမ်းဖက် မှုတွေဖြစ်ပွားပြီး တဲ့နောက် မြန်မာနိုင်ငံ အနေနဲ့ ဒေသ တွင်း အာဆီယံ နိုင်ငံတွေ ဆီကနေ လူသားချင်း စာနာထောက်ထားတဲ့ အကူအညီတွေ ရယူတာ ဒါဟာ ဒုတိယအကြိမ်လည်း ဖြစ်ပါတယ်။ မလေးရှားနိုင်ငံအနေနဲ့ ရခိုင်ပြည်နယ် အတွက် အစားအသောက်နဲ့ လူသုံးကုန် ပစ္စည်းတွေနဲ့ ဆေးဝါးစတဲ့ အကူအညီတွေ ကို ဒေါ်လာ ၁ သန်းကျော် ထောက်ပံ ကူညီတာလည်းဖြစ်တာပါ။ ဒီပစ္စည်းတွေကို မိသားစု တစ်စုချင်းစီအလိုက် အချိုးကျ ဝေဌသွားမှာဖြစ်တယ်လို့လည်း ဦးမင်းအောင်က ဆိုပါတယ်။

“ကျနော်တို့ ဒီ အထွေထွေဦးစီးဌာန လမ်းကြောင်းထဲကပဲ ခွဲပြီးတော့ ပေးတာပေါ့၊ ဝေတာပေါ့ ။ ပစ္စည်းတွေက ဆန်တွေ ပါတယ်၊ ခေါက်ဆွဲခြောက်ထုတ်တွေ ၊ နောက်ပြီး သွားတိုက်ဆေးတွေ ပစ္စည်းတွေက အစုံပေါ့ဗျာ လူသုံးပစ္စည်းတွေ မိသားစုအလိုက်ပေ့ါဗျာ ဘယ်သူကဘယ်လောက်ဆိုတာကို ခွဲတန်းချပြီးတော့ ဝေပေးမှာပါ။”

ပြီးခဲ့တဲ့ ဖေဖော်ဝါရီလ အစောပိုင်းက ရန်ကုန်မြို့ သီလ၀ါ ဆိပ်ကမ်းမှာ ပြုလုပ်ခဲ့တဲ့ ဒီအထောက်အပံ့တွေ အကူအညီတွေပေးအပ်တဲ့ အခမ်းအနားမှာတော့ မလေးရှား ဒုနိုင်ငံခြားရေး ၀န်ကြီး ကိုယ်တိုင် လာရောက်ခဲ့ပြီး မလေးရှားနိုင်ငံအနေနဲ့ ရခိုင်ပြည်နယ် က လူတွေအတွက် စိုးရိမ်မကင်းဖြစ်ခဲ့ရတဲ့ အကြောင်း ပြောဆိုခဲ့သလို အကူအညီတွေ လိုအပ်နေတဲ့ လူတွေဆီကို ဒီအထောက်အပံ ပစ္စည်းတွေ လွဲပြောင်းပေးနိုင်ဖို့ အတူလက်တွဲလုပ်ဆောင်ဖို့ လိုတယ်လို့ တိုက်တွန်းပြောကြားသွားခဲ့ပါတယ်။

မလေးရှားနိုင်ငံကနေ ရခိုင်ပြည်နယ်က နှစ်ဘက်အသိုင်းအ၀ိုင်းတွေအတွက် ဆန်တန်ချိန် ၃၀၀ အပါအ၀င်တကိုယ်ရည် သန့်ရှင်းရေးအတွက် သုံးပြုဖို့ ပစ္စည်းထုတ် တစ်သောင်း ၊ ခေါက်ဆွဲခြောက်ပုံး တစ်သောင်း ငါးထောင်၊ ရေသန့်ပုံး တစ်သောင်းတွေကိုပါ လှူဒါန်းခဲ့တာဖြစ်ပါတယ်။
VOA Burmese News


မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။

ရခိုင်ပြည်နယ်တွင်း လူ့အခွင့်အရေးချိူးဖောက်မှု စွပ်စွဲချက်တွေနဲ့ ပတ်သက်လို့ အမျိုးသားအဆင့် ရခိုင်ပြည်နယ်စုံစမ်းရေးကော်မရှင် သုံးရပ် ရဲ့ တွေ့ရှိချက်တွေဟာ ခိုင်လုံတိကျမှု မရှိကြောင်း နိုင်ငံတကာ လူ့အခွင့်အရေးအဖွဲ့တွေက ပြောဆိုလိုက်ပါတယ်။

ဒါအပြင် လူ့အခွင့်အရေးစုံစမ်းသူတွေ၊ မှုခင်းစုံစမ်းစစ်ဆေးသူတွေနဲ့ဆေးဘက်ဆိုင်ရာ ကျွမ်းကျင်သူတွေ ပါဝင်မှုမရှိတဲ့ အစိုးရရဲ့ စုံစမ်းရေးကော်မရှင်ရဲ့ စွမ်းရည်အပေါ်မှာ စိတ်ချမှုမရှိကြောင်းလည်း AI ခေါ် နိုင်ငံတကာလွတ်ငြိမ်းချမ်းသာခွင့် အဖွဲ့ကြီးရဲ့ မနေ့က ထုတ်ပြန်ချက်မှာ ဖေါ်ပြထားပါတယ်။

မအင်ကြင်းနိုင်က အပြည့်အစုံကို ဆက်ပြီး ပြောပြမှာပါ။

လန်ဒန်အခြေစိုက် AI ခေါ် နိုင်ငံတကာလွတ်ငြိမ်းချမ်းသာခွင့် အဖွဲ့ကြီးရဲ့ အင်္ဂါနေ့က ထုတ်ပြန်ချက်မှာ ဒုသမ္မတ ဦးမြင့်ဆွေဦးဆောင်တဲ့ ရခိုင်ပြည်နယ်စုံစမ်းစစ်ဆေးရေး ကော်မရှင်၊ ဒုတိယဗိုလ်ချုပ်ကြီးအေးဝင်း ဦးဆောင်တဲ့ တပ်မတော် စုံစမ်းစစ်ဆေးရေးအဖွဲ့နဲ့ ရဲမှူးချုပ် ၀င်းထွန်းဦးဆောင်တဲ့ စုံစမ်းစစ်ဆေးရေးအဖွဲ့ စတဲ့ အမျိုးသားအဆင့် ကော်မရှင် သုံးဖွဲ့ရဲ့ ဆောင်ရွက်မှုတွေ သီးခြားလွတ်လပ်မှုမရှိသလို ဘက်လိုက်ပြီး ထိရောက်မှု ဒါမှမဟုတ် ခိုင်လုံမှုမရှိဘူးလို့ ဖေါ်ပြထားပါတယ်။

၂၀၁၆ခုနှစ် အောက်တိုဘာလ (၉)ရက်နေ့က ရခိုင်ပြည်နယ်မြောက်ပိုင်း မောင်တောခရိုင် နယ်ခြားစောင့်ရဲစခန်း သုံးခု အကြမ်းဖက်တိုက်ခိုက်ခံရပြီးနောက် မြန်မာလုံခြုံရေးတပ်ဖွဲ့တွေရဲ့ နယ်မြေရှင်းလင်းရေး စစ်ဆင်ရေးမှာ လူ့အခွင့်အရေးချိုးဖောက်မှုတွေ ရှိခဲ့တဲ့ဆိုတဲ့ စွပ်စွဲချက်တွေနဲ့ ပတ်သက်ပြီး သူတို့ဘာသာသူတို့ စုံစမ်းဖို့ အခုလို အမျိုးသားအဆင့် ကော်မရှင်အပါအ၀င် စစ်တပ်နဲ့ ရဲတပ်ဖွဲ့ က ကိုယ်ပိုင်စုံစမ်းရေးအဖွဲ့တွေနဲ့ ဆောင်ရွက်နေတာဖြစ်ပါတယ်။

အခုလို စုံစမ်းရေးအဖွဲ့တွေမှာ လူ့အခွင့်အရေးအတွေ့အကြုံရှိတဲ့သူတွေ နဲ့ မှုခင်းဆိုင်ရာ ဆေးပညာ ကျွမ်းကျင်သူတွေ မပါဝင်တာ နောက်ပြီး လိင်ပိုင်းဆိုင်ရာ အကြမ်းဖက်ခံရသူတွေကို အကူအညီပေးနိုင်မယ့် ကျွမ်းကျင်တဲ့ အမှုထမ်းမျိုး စတာတွေ ပါဝင်မှုမရှိတဲ့အပေါ်မှာ အဓိက စိုးရိမ်မကင်းဖြစ်မိတယ်လို့ AI အဖွဲ့ကြီးကပြောပါတယ်။

နယူးရောက်အခြေစိုက် HRW လူ့အခွင့်အရေးစောင့်ကြည့်ရေးအဖွဲ့ကြီးကလည်း ရခိုင်ပြည်နယ်အရေးနဲ့ပတ်သက်လို့ ကုလသမဂ္ဂအတွင်းရေးမှူးချုပ်ဟောင်း ကိုဖီအာနန်ဦးဆောင်တဲ့ ရခိုင်အကြံပေးကော်မရှင်မှာ နိုင်ငံတကာ ပုဂ္ဂိုလ်တချို့ပါဝင်နေတယ်ဆိုပေမယ့်လည်းသီးခြားလွတ်လပ်ပြီး ယုံကြည်ရတဲ့ နိုင်ငံတကာစုံစမ်းစစ်ဆေးရေးအဖွဲ့ သွားရောက်လေ့လာဖို့ လိုအပ်နေကြောင်း HRW အာရှရေးရာတာဝန်ခံ Brad Adams က အခုလိုပြောပါတယ်။

“ကျနော်တို့အနေနဲ့ ဒီအကြမ်းဖက်မှုတွေနဲ့ပတ်သက်လို့ စုံစမ်းစစ်ဆေးရာမှာ နိုင်ငံတကာက သီးခြားလွတ်လပ်တဲ့ ပုဂ္ဂိုလ်တွေနဲ့ ပြုလုပ်ဖို့ အစဉ်တစိုက် တောင်းဆိုခဲ့တာဖြစ်ပါတယ်။ မွတ်စလင်အစွန်းရောက်တွေဘက်က ရဲအရာရှိ (၉)ဦးကို သတ်ဖြတ်တာနဲ့ အခြားအစွန်းရောက်တွေရဲ့ ကျူးလွန်မှုတွေအပါအ၀င် နှစ်ဖက်စလုံးက ကျူးလွန်ခဲ့တဲ့ အကြမ်းဖက်မှုတွေကို စုံစမ်းစစ်ဆေးပေးဖို့ဖြစ်ပါတယ်။ အဓိက ကတော့ မြန်မာစစ်တပ်ဖက်ကတုန့်ပြန်တဲ့ နယ်မြေရှင်းလင်းရေးလုပ်ဆောင်ရာမှာ လူ့အခွင့်အရေးကျူးလွန်ချိူးဖောက်မှုတွေ ပိုပြီးတော့ ကြမ်းတမ်းပြီး ကျယ်ပြန့်တဲ့ အပြင် ချိုးဖောက်ခံရတဲ့ အရေအတွက်ကလည်း ပိုများလို့ ဖြစ်ပါတယ်။”

AI အဖွဲ့ကြီးရဲ့ မနေ့က ထုတ်ပြန်ချက်မှာလည်း နိုင်ငံတကာစုံစမ်းစစ်ဆေးရေးအဖွဲ့ကို ရခိုင်ပြည်နယ်တွင်း ၀င်ရောက်စုံစမ်းခွင့်ပြုဖို့ လိုအပ်နေကြောင်း မြန်မာအစိုးရကို တိုက်တွန်းထားပါတယ်။

ဒါအပြင် အစိုးရရဲ့ ရခိုင်စုံစမ်းရေးကော်မရှင်ဟာ ကွင်းဆင်းလေ့လာရာမှာ အကြမ်းဖက်ခံရသူတွေ၊ သက်သေထွက်ဆိုကြသူတွေနဲ့ သူတို့ရဲ့ မိသားစုဝင်တွေကို လုံလောက်တဲ့ အကာအကွယ်ပေးခြင်း မရှိတာ၊ တွေ့ဆုံမေးမြန်းခံရသူတွေရဲ့ ဓါတ်ပုံတွေကို သတင်းမီဒီယာတွေမှာ ဖေါ်ပြထားတာ စသဖြင့် ဝေဖန် ထောက်ပြထားပါတယ်။

ဖေဖေါ်ဝါရီလ (၂၀)ရက်နေ့ ရက်စွဲနဲ့ ထုတ်ပြန်တဲ့ ဒု-သမ္မတ ဦးမြင့်ဆွေ ဦးဆောင်တဲ့ ရခိုင်ပြည်နယ် စုံစမ်းရေးကော်မရှင်ရဲ့ ကြေညာချက်မှာ တော့ OHCHR ကုလသမဂ္ဂလူ့အခွင့်အရေးဆိုင်ရာ မဟာမင်းကြီးရုံးရဲ့ ဖေဖေါ်ဝါရီလ (၃)ရက်နေ့ရက်စွဲနဲ့ အစီရင်ခံစာပါ စွပ်စွဲချက်တွေနဲ့ပတ်သက်ပြီး ဖေဖေါ်ဝါရီလ ၁၀ ရက် ကနေ ၁၇ ရက်နေ့အထိ ကျေးရွာပေါင်း ၂ဝ ကိုသွားရောက် စုံစမ်းစစ်ဆေးခဲ့ကြောင်းဖေါ်ပြထားပါတယ်။ စုံစမ်းစစ်ဆေးမှုအသေးစိတ်ကို အဲဒီ ကြေညာချက်မှာ ဖေါ်ပြထားခြင်းမရှိပေမဲ့ OHCHR စွပ်စွဲချက်တွေနဲ့ ကွဲလွဲမှုတွေရှိနေကြောင်း အစိုးရ စုံစမ်းရေးကော်မရှင် အတွင်းရေးမှူး ဦးဇော်မြင့်ဖေက သတင်းမီဒီယာကို ပြောခဲ့ပါတယ်။

ဒါပေမဲ့လည်း ကုလသမဂ္ဂအပါအ၀င် နိုင်ငံတကာလူ့အခွင့်အရေး အဖွဲ့တွေရဲ့ စုံစမ်းလေ့လာမှုတွေအရ ရခိုင်ပြည်နယ်မြောက်ပိုင်းမှာ လုံခြုံရေးတပ်တွေရဲ့ လူ့အခွင့်အရေးချိူးဖောက်မှုတွေဟာ စနစ်တကျနဲ့ ကျယ်ကျယ်ပြန့်ပြန့် ဖြစ်ပေါ်ခဲ့တာကို တွေ့ရှိရကြောင်း Brad Adams ကအခုလိုပြောပါတယ်။

“ပြည်နယ်အဆင့်၊ အမျိုးသားအဆင့် ကော်မရှင်အဖွဲ့တွေမှာ စုံစမ်းမှုတွေဟာ လုံးဝမအောင်မြင်တဲ့အတွက် နိုင်ငံတကာအဆင့်နဲ့ စုံစမ်းစစ်ဆေးပြီးတော့ သီးခြားလွတ်လပ်တဲ့ စုံစမ်းစစ်ဆေးမှုမျိုးဖြစ်ဖို့ လိုအပ်ပါတယ်။ အမျိုးသားစုံစမ်းရေးကော်မရှင်ရဲ့ ထုတ်ပြန်ချက်တွေဟာ လက်တွေ့ဖြစ်ရပ်နဲ့ပတ်သက်လို့ မကိုက်ညီတဲ့အတွက် မခိုင်လုံပါဘူး။ HRW လူ့အခွင့်အရေးစောင့်ကြည့်ရေးအဖွဲ့၊ AI နိုင်ငံတကာလွတ်ငြိမ်းချမ်းသာခွင့်အဖွဲ့၊ OHCHR ကုလသမဂ္ဂလူ့အခွင့်အရေးဆိုင်ရာ မဟာမင်းကြီးရုံးအပြင် အခြားအဖွဲ့အစည်းတွေ၊ သတင်းထောက်တွေရဲ့ စုံစမ်းစစ်ဆေးမှုတွေအရ လူ့အခွင့်အရေးချိုးဖောက်မှုတွေ စနစ်တကျ ကျူးလွန်မှုတွေရှိနေတယ်ဆိုတာ သိရပါတယ်။”

ဒီအတောအတွင်း မောင်တောခရိုင် လူဖမ်းပြင်ရွာ အနီး သတင်းအရ ရှာဖွေရာမှာ သေနတ်ဒဏ်ရာတွေနဲ့ သေဆုံးခဲ့တဲ့ အမျိုးသားအလောင်း ၁ လောင်းနဲ့ အမျိုးသမီး ၃ ဦးအလောင်းကို တွေ့ရှိခဲ့ကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ ဖေစ်ဘုတ်စာမျက်နှာမှာ အင်္ဂါနေ့ ညနေပိုင်းကခေတ္တ ဖေါ်ပြခဲ့ပြီးနောက် ပြန်ပြီးဖြုတ်ခဲ့ပေမယ့် ဒီအမှုနဲ့ပတ်သက်ပြီး စိစစ်နေကြောင်း သမ္မတရုံးပြောခွင့်ရပုဂ္ဂိုလ် ဦးဇော်ဌေးကပြောပါတယ်။

အလားတူ မောင်တောခရိုင်မှာ ရိုဟင်ဂျာမွတ်စလင် ၂ ဦး ဖမ်းဆီးခံထားရစဉ် သေဆုံးမှုနဲ့ပတ်သက်ပြီး အောက်ခြေလုံခြုံရေးတပ် တွေက အထက်အရာရှိတွေကို လိမ်လည် ဖုံးကွယ်ထားမှုကို စစ်ဆေးတွေ့ရှိခဲ့တဲ့ ရဲတပ်ဖွဲ့စုံစမ်းစစ်ဆေးရေးအဖွဲ့ရဲ့ အစီရင်ခံစာကို လက်ခံရရှိခဲ့ကြောင်း အင်္ဂါနေ့ထုတ် Reuters သတင်းမှာ ဖေါ်ပြထားပါတယ်။
VOA Burmese News


ဇန်နဝါရီလ ၂၉ ရက်နေ့က ရန်ကုန်လေဆိပ်မှာ သေနတ်ပစ်ခံရပြီး သေဆုံးခဲ့တဲ့ တရားလွှတ်တော်ရှေ့နေ ဦးကိုနီနဲ့ အငှားယာဉ်မောင်း ဦးနေဝင်း တို့ရဲ့ ရုပ်အလောင်းကို ရန်ကုန်မြို့ ရေဝေးသုသာန်မှာ သဂြိုဟ်ခဲ့ပါတယ်။ Photo: Kyaw Zaw Win/RFA
ရန်ကုန်လေဆိပ်မှာ လုပ်ကြံခံခဲ့ရတဲ့ တရားလွှတ်တော်ရှေ့နေ ဦးကိုနီနဲ့ အငှားယာဉ်မောင်း ဦးနေဝင်း တို့အတွက် ကျင်းပမယ့် ဂုဏ်ပြုပွဲကို တက်ရောက်ပေးဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဖိတ်ကြားထားတယ်လို့ ရန်ကုန်တိုင်းဒေသကြီး လူမှုရေးဝန်ကြီး ဦးနိုင်ငံလင်း က ပြောပါတယ်။

ဂုဏ်ပြုပွဲကို လာမယ့်ဖေဖော်ဝါရီလ ၂၆ ရက်နေ့ ရန်ကုန်မြို့ရွှေဂုံတိုင်က တော်ဝင်နှင်းဆီခန်းမမှာ ကျင်းပမှာဖြစ်ပြီး တက်ရောက်အမှာစကားပြောကြားပေး ဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ဖိတ်ကြားထားတယ်လို့ ၀န်ကြီး ဦးနိုင်ငံလင်း က ပြောပါတယ်။

''ပြည်သူလူထုထဲမှာ အခုလိုလုပ်ကြံခံခဲ့ရတာ အကူအညီပေးတာတွေရှိတယ်ပေါ့နော်၊ ဒီလိုကောင်းမွန် တဲ့ လုပ်ရပ်မျိုးကို နောင်လာနောက်သားတွေ က မလုပ်ရဲတော့မှာကြောက်တယ်ပေါ့ဗျာ၊ အဲလိုအခြေ အနေမျိုးမှာ အစိုးရအနေနဲ့ ဘာလုပ်ပေးမလဲပေါ့ဗျာ၊ ကောင်းမွန်တဲ့ယဉ်ကျေးမှုကို ပံ့ပိုးဖို့လို တယ်ပေါ့၊ တောင်းဆိုတဲ့အနေနဲ့လုပ်တာရှိတယ်၊ နောက်ပြီးတော့ မေးခွန်းမေးတဲ့ ပုံစံမျိုးတွေရှိတယ်၊ ကျွန်တော်တို့ က ဒါလုပ်သင့်တယ်ဆိုပြီးတော့ ကျနော်က ဦးကိုနီနဲ့ နီးစပ်တဲ့ မိတ်ဆွေတွေနဲ့ စုစည်းပြီးတော့ တိုင်ပင် ပြီးတော့ လုပ်တာပါခင်ဗျ''

အဲဒီအခမ်းအနားကို ရန်ကုန်တိုင်းဒေသကြီးအစိုးရအဖွဲ့က လုပ်ဆောင်မှာမဟုတ်ဘဲ ရန်ကုန်တိုင်းဒေသ ကြီး လူမှုရေးဝန်ကြီးတစ်ဦးအနေနဲ့သာ လုပ်ဆောင်ပေး မှာဖြစ်ပြီး ဦးကိုနီ နဲ့ ဦးနေ၀င်းတို့ရဲ့ မိသားစုဝင် တွေကို ဖိတ်ကြားဂုဏ်ပြုမှာဖြစ်တယ်လို့ ပြောပါတယ်။

ပြီးခဲ့တဲ့ ဇန်နဝါရီလ ၂၉ ရက်နေ့က အင်ဒိုနီးရှားခရီးစဉ်ကနေ ပြန်ရောက်လာတဲ့ ရှေ့နေဦးကိုနီဟာ ရန်ကုန်လေဆိပ်မှာ သေနတ်နဲ့ အနီးကပ်လုပ်ကြံခံခဲ့ ရတာဖြစ်ပါတယ်။

လုပ်ကြံသူကို ၀ိုင်းဝန်းဖမ်းပေးခဲ့ကြတဲ့ လေဆိပ်အငှားယာဉ်မောင်းတွေထဲက ဦးနေဝင်းဟာ သေနတ်သမားရဲ့ ပစ်ခတ်မှုကြောင့် သေဆုံးခဲ့ရပါတယ်။

လက်ရှိမှာ လုပ်ကြံသူ ဦးကြည်လင်းနဲ့ အမှုမှာပါဝင်ပတ်သက်သူ ဦးအောင်ဝင်းဇော်တို့ကို ဖမ်းမိထားတယ်လို့ နိုင်ငံတော်သမ္မတရုံးက သတင်းထုတ်ပြန် ထားပါတယ်။ အဲဒီအမှုမှာ နောက်ထပ်ပါဝင်ပတ်သက်သူ ဦးအောင်ဝင်းခိုင်ဆိုသူကိုတော့ ဖမ်းဆီးရမိခြင်းမရှိသေးဘူးလို့ သိရပါတယ်။

RFA Burmese
http://www.rfa.org/burmese


ဖေဖော်ဝါရီ ၂၁ ရက်၊ ၂၀၁၇ ခုနှစ် ။ စောညွန့်သောင်း

ကရင်ပြည်နယ်၊ မြ၀တီမြို့နယ်ရှိ လေးကေ့ကော်မြို့သစ်တွင် စာသင်ကြားပို့ချပေးနေသည့် ကျောင်းဆရာ၊ ဆရာမများမှာ စေတနာ့ဝန်ထမ်း အဖြစ်သာ တာဝန်ထမ်းဆောင်နေရပြီး ရေရှည်အတွက် အခက်အခဲရှိနေသည်ဟု အဆိုပါ ဒေသရှိ ကျောင်းဆရာ၊ ဆရာမများထံမှ သိရသည်။

လေးကေ့ကော်မြို့သစ်စီမံကိန်းကို ၂၀၁၅ ခုနှစ်၊ ဖေဖော်ဝါရီ ၂ ရက်နေ့တွင် စတင်အကောင်အထည်ဖော်ခဲ့ပြီး နောက် ပြည်နယ်အစိုးရက ကျောင်းဆရာ၊ ဆရာမများကို သုံးလစာသာ ကူညီထောက်ပံ့ခဲ့ပြီး နောက်ပိုင်းတွင် ထောက်ပံ့မှုများမရှိတော့ကြောင်း လေးကေ့ကော်မြို့သစ် ပညာရေးတာဝန်ခံ ဆရာမ နန့်ဘေဘီအဲနာက ကေအိုင်စီသို့ ပြောသည်။

“ ကျောင်းသားမိဘတွေလည်း ပါဝင်ပူးပေါင်းဖို့နဲ့ အစိုးရဘက်တွေမှာလည်း နိုင်တဲ့ဘက်ကနေပြီး ပြန်လည် ကြည့်ပေးမယ်ဆိုရင် ဒီဒေသမှာ ပညာရေးကဏ္ဍအတွက် အခက်အခဲမရှိလောက်တော့ဘူးလုိ့ မြင်ပါတယ်” ဟု ၎င်းက ပြောသည်။

အဆိုပါ ကျောင်းတွင် ကျောင်းသားကျောင်းသူဦးရေမှာ တနှစ်ထက်တနှစ် ပိုတိုးလာပြီး လာမည့်နှစ်တွင်လည်း တိုးလာရန်ရှိကြောင်း၊ ကျောင်းဆရာ၊ ဆရာမ ဦးရေမှာ အလွန်နည်းပါးသဖြင့် ထပ်မံတိုးခန့်ထားရန်လည်း လိုအပ်နေသေးကြောင်း ဆရာမ နန့်ဘေဘီအဲနာက ဖြည့်စွက်ပြောသည်။

“လာမယ့်နှစ်ဘတ်ဂျက်မှာ ပြည်နယ်အစိုးရကို တင်ပြရမယ်။ အစိုးရရဲ့ ဆုံးဖြတ်ချက်တွေနဲ့ လုပ်ဆောင်ရမယ်။ ပြီးရင် ပြည်ထောင်စုအစိုးရကို တင်ပြရမယ်။ ပြည်ထောင်စု အစိုးရရဲ့ဆုံးဖြတ်ကိုပဲ စောင့်နေရမှာဖြစ်တယ်။ ကျနော်တို့ကတော့ ဘယ်အချိန်၊ ဘယ်အခါ လုပ်ပေးနိုင်မလဲဆိုတာတော့ မဆုံးဖြတ်ပေးနိုင်သေးဘူး” ဟု ကရင်ပြည်နယ် လူမှုရေးဝန်ကြီး ဒေါက်တာတင်ဝင်းကျော်က ကေအိုင်စီသို့ ပြောသည်။

လေးကေ့ကော်မြို့သစ် စာသင်ကျောင်းရှိ ဆရာ၊ ဆရာမ၏ လိုအပ်ချက်များကို ပြည်နယ်အစိုးရက ဖြေရှင်းပေး သင့်ပြီး ဆရာ၊ ဆရာမအား တရားဝင်သတ်မှတ်ခန့်အပ်ရန်နှင့် ဆရာ၊ ဆရာမ၏ လစာကိုလည်း စီစဉ် ပေးသင့် သည်ဟု ကရင်ပြည်နယ် ကရင်စာပေနှင့်ယဉ်ကျေးမှုအသင်း ဥက္ကဌ စောမြအေးက အကြံပြုပြောသည်။

လေးကေ့ကော်မြို့သစ်တွင် အထက်တန်းကျောင်း တစ်ကျောင်းရှိပြီး ကျောင်းသူကျောင်းသား စုစု ပေါင်း ၃ ရာကျော် ရှိသော်လည်း စာသင်ကြားပေးနေသည့် ဆရာ၊ ဆရာမများက စုစုပေါင်း ၁၄ ဦးသာရှိသည်။ ယင်းဆရာဆရာမများအား အစိုးရခန့်အပ်ထားခြင်းမဟုတ်ဘဲ ဒေသခံများက ခန့်ထားခြင်း ဖြစ်သည်။

လေးကေ့ကော်မြို့သစ်စီမံကိန်းသည် KNU-ကရင်အမျိုးသားအစည်းအရုံး တပ်မိသားစုနှင့် စစ်ဘေးရှောင် ဒုက္ခသည်များအတွက် ပြန်လည် နေရာချထားပေးသည့် စီမံကိန်းဖြစ်ပြီး မြေဧကပေါင်း ၁,၈၀၀ လျာထားကာ ၇၅၅ ဧကတို့ကို အရစ်ကျ အကောင်အထည်ဖော်မည်ဖြစ်ပြီး တန်ဖိုးနည်းအိမ် အလုံး ၁၅၀၀ ဆောက်လုပ်ရန် လျာထားလျက်ရှိသည်။

 စောညွန့်သောင်း
http://kicnews.org


ဧရာဝတီတိုင်းဒေသကြီး အစိုးရအဖွဲ့လူမှုရေးဝန်ကြီး ဒေါက်တာလှမြတ်သွေး

အထက်တန်းကျောင်းသားတွေကို လိင်တူဆက်ဆံခဲ့တယ်လို့ တိုင်ကြားခံရတဲ့ ကျောင်းအုပ်ဆရာကြီးကို မြောင်းမြမြို့နယ်ရဲစခန်းမှာ ပြစ်မှုဆိုင်ရာ ဥပဒေပုဒ်မ(၃၇၇) နဲ့ အမှုဖွင့် အရေးယူကာ ဖမ်းဆီးလိုက်ပြီ ဖြစ်တယ်လို့ တိုင်းဒေသကြီးရဲတပ်ဖွဲ့ရုံးကနေ CNB ကို အတည်ပြုပြောဆိုပါတယ်။

 (၂၀၁၅-၂၀၁၆)စာသင်နှစ်ရဲ့ တက္ကသိုလ်ဝင်တန်း စာမေးပွဲဖြေဆိုတဲ့ ကာလမှာမြောင်းမြမြို့နယ်၊
ကဝက်ကျေးရွာ အထက်တန်းကျောင်းက ကျောင်းအုပ်ဆရာကြီးဦးအောင်အောင်ဟာ ကျောင်းသားတွေကို လိင်တူဆက်ဆံခဲ့တယ်လို့ ကျောင်းသားတစ်ဦးက မြောင်းမြမြို့မရဲစခန်းမှာ ဖေဖော်ဝါရီ(၁၆)ရက်က အမှုဖွင့် တိုင်ကြားခဲ့တာဖြစ်ပါတယ်။

 မြောင်းမြ မြို့မ ရဲစခန်းမှာ(ပ)၇၈/၂၀၁၇ရာဇသတ်ကြီး ပုဒ်မ(၃၇၇)နဲ့ အမှုဖွင့်ခံထားရတဲ့ ကျောင်းအုပ်ဆရာကြီးဦးအောင်အောင်ဟာ ပြန်တမ်းဝင် အရာရှိဖြစ်တဲ့အတွက် တိုင်းဒေသကြီးပညာရေး ညွှန်ကြားရေးမှူးရုံးကနေ ဥပဒေနဲ့အညီ အရေးယူဖို့ ခွင့်ပြုပေးထားပြီးဖြစ်တယ်လို့
လည်းသိရပါတယ်။


 ကျောင်းအုပ်ဆရာကြီးအနေနဲ့ လိင်တူအကြမ်းဖက်ခဲ့တာက ကျောင်းသားတစ်ဦးတည်းမဟုတ်လို့ ကျောင်းသားတွေရဲ့ ကျန်းမာရေးအတွက်ပါ စိုးရိမ်မိတယ်လို့ ကဝက်ကျေးရွာ အထက်တန်းကျောင်းရဲ့ အထက်တန်းပြဆရာဦးကျော်စိုးကပြောပါတယ်။

 ကျောင်းသားတွေကို ကျောင်းအုပ်ဆရာကြီးအနေနဲ့ လိင်တူဆက်ဆံခဲ့တာကို အရေးယူပေးဖို့ ကဝက်ကျေးရွာ အထက်တန်းကျောင်းကဆရာ၊ ဆရာမ(၅)ဦးက ဧရာဝတီတိုင်းဒေသကြီးအစိုးရအဖွဲ့လူမှုရေးဝန်ကြီးဒေါက်တာလှမြတ်သွေးကို လက်မှတ်ရေးထိုး တင်ပြတိုင်ကြားခဲ့တာဖြစ်ပါတယ်။

ကဝက်ကျေးရွာ အထက်တန်းကျောင်းကို လူမှုရေဝန်ကြီးဒေါက်တာလှမြတ်သွေး ကွင်းဆင်းစစ်ဆေးခဲ့ပြီး တင်ပြတိုင်ကြားခဲ့တဲ့ ဆရာဆရာမတွေကို ခြိမ်းခြောက်ဟန့်တားကာ အမှုပျောက်ကွယ်သွားအောင်ပြုလုပ်တာတွေကို စစ်ဆေးတွေ့ရှိရလို့ အမှုကိစ္စမှန်မှန်ကန်ကန် ဖြစ်အောင်တည့်မတ်သွားမယ်လို့ လူမှုရေးဝန်ကြီးဒေါက်တာလှမြတ်သွေးကပြောပါတယ်။

 ကျောင်းသားတွေအပေါ် အခုလိုအမှုကိစ္စ ကျူးလွန်သူဟာ ကျောင်းဆရာတစ်ဦးဖြစ်နေတာဟာ
လူ့အသိုင်းအဝိုင်းအတွက် ရုပ်ဆိုးတဲ့ ကိုယ့်ကျင့်တရား ဖန်တီးတဲ့သူဖြစ်တယ်လို့လည်း လူမှုရေးဝန်ကြီးဒေါက်တာလှမြတ်သွေးက သုံးသပ်ပြောကြားပါတယ်။

 လွန်ခဲ့တဲ့ တစ်နှစ်(၂၀၁၅-၂၀၁၆)စာသင်နှစ်မှာ ကဝက်ကျေးရွာ အထက်တန်းကျောင်းကနေ
မြောင်းမြမြို့ကို တက္ကသိုလ်ဝင်တန်းစာမေးပွဲသွားရောက်ဖြေဆိုတဲ့ အချိန်က တည်းခိုတဲ့ဘုန်းကြီးကျောင်းမှာ ကျောင်းသားတွေကို ကျောင်းအုပ်ဆရာကြီးက လိင်တူဆက်ဆံခဲ့တာဖြစ်တယ်လို့ ဆရာ၊ဆရာမတွေရဲ့ တိုင်ကြားစာအရ သိရပါတယ်။ ဒီသတင်းကို ပုသိမ်ဗျူရိုက စိုးသိမ်းနဲ့ စိုးမြင့်ဦးတို့ ပေးပို့တာဖြစ်ပါတယ်။

Central News Bureau
https://www.facebook.com/skynetcnb/


ရွှေတိဂုံစေတီတော်ပေါ်မှာပျံသန်းနေတဲ့ ဒရုန်းတွေကို ပစ်ချဖို့အတွက် Anti Drone ကို ငွေကျပ် သိန်း (၃၂၀) ကျော် နဲ့ ၀ယ်ယူထားပြီ ဖြစ်တယ်လို့ရွှေတိဂုံစေတီတော် ရုံးအဖွဲ့မှူး ဦးထွန်းအောင်ငွေကပြောပါတယ်။

 ရွှေတိဂုံစေတီတော် ပရ၀ဏ်မှာ Drone ပျံသန်းမှုကို နိုင်ငံခြားခရီးသွားတွေကအများဆုံး ပြုလုပ်နေတာဖြစ်ပါ တယ်။ ပစ်ချပြီး Drone တွေကိုလာရောက်ထုတ်ယူနိုင်ပေမယ့်ပျက်စီးမှုတွေကိုတော့ တာဝန်ယူမှာမဟုတ်ဘူး လို့လည်း သိရပါတယ်။


 ရွှေတိဂုံစေတီတော် ဂေါပကအဖွဲ့အနေနဲ့ Drone များစတင် အသုံးပြုထဲက အန္တရာယ်ရှိတယ်လို့သတ်မှတ်ထားပြီး စေတီတော်ရဲ့ ပရ၀ဏ်ထဲ ၀င်ရောက် ပျံသန်းခွင့်ကို စေတီတော် နဲ့အများပြည်သူတွေ လုံခြုံရေးအရပိတ်ပင်ထားတာဖြစ်ပါတယ်။

 Anti Drone ကို ၂၀၁၆ ခုနှစ် နှစ်ကုန်ပိုင်းမှာကတည်းက ၀ယ်ယူခဲ့တာဖြစ်တယ်လို့လည်း ဦးထွန်းအောင်ငွေက ပြောသွားခဲ့ပါတယ်။

သတင်း/ဓာတ်ပုံ - ပြည်ဟိန်းသော် (5 Plus News)

https://www.facebook.com/5plusnews/



ဝမ်ပေါင်က ကြေးနီသယ်တဲ့ယာဉ်တွေကို တားဆီးပြီး ဖေဖော်ဝါရီလ ၂၁ ရက်နေ့က လက်ပံတောင်းဒေသခံတွေ ဆန္ဒပြကြစဉ်။ ဓါတ်ပုံ - စိုးလွင်ဦး
လက်ပံတောင်းတောင်ကြေးနီစီမံကိန်းက ကြေးနီတွေကို သယ်ယူနေတဲ့ ၀မ်ပေါင်ကုမ္ပဏီက ကြေးနီယာဉ်တွေကို တားဆီးဆန္ဒပြနေတဲ့ ဒေသခံတွေနဲ့ လာမယ့် ဖေဖော်ဝါရီလ ၂၅ ရက်နေ့မှာ တိုင်းဝန်ကြီးချုပ် ဒေါက်တာမြင့်နိုင်၊ ၀မ်ပေါင်ကုမ္ပဏီ တာဝန်ရှိသူတွေ တွေ့ဆုံနိုင်ဖို့ တိုင်းလွှတ်တော် ကိုယ်စားလှယ်တွေက ဒီနေ့ ညှိနှိုင်းပေးခဲ့ပါတယ်။

တိုင်းဒေသကြီး ၀န်ကြီးချုပ် ဒေါက်တာမြင့်နိုင်နဲ့ ဆုံးဖြတ်ချက် ချပေးနိုင်မယ့် ကုမ္ပဏီတာဝန်ရှိသူတွေနဲ့ တွေ့ဆုံပေးသွားမှာဖြစ်တယ်လို့ ဆားလင်းကြီးမြို့နယ် တိုင်းဒေသကြီးလွှတ်တော်ကိုယ်စားလှယ် ဒေါက်တာ သိန်းနိုင် က ပြောပါတယ်။

"ဒီနေ့မှာ ကျနော်တို့ ညှိနှိုင်းလိုက်တဲ့အခါ စနေနေ့ ၉ နာရီမှာ တွေ့ဆုံမယ်ဆိုတဲ့ အဖြေရတာပေါ့။ ၀န်ကြီးချုပ်ရယ်၊ ကုမ္ပဏီက ဆုံးဖြတ်နိုင်တဲ့ ပုဂ္ဂိုလ်ရယ်၊ ကျွန်တော်တို့ ဌာနဆိုင်ရာအကြီးအကဲ မြို့နယ် AD တို့ပေါ့၊ ခရိုင်က DC ၊ လွှတ်တော်ကိုယ်စားလှယ်တွေပေါ့၊ ဒေသခံထဲက ၂ ယောက် ၃ ယောက်ပေ့ါနော် တစ်ရွာစီက အဲ့ဒီလိုတွေ့ဆုံဖို့ အစီစဉ်ဆွဲလိုက်ပြီ "

လာမယ့် ဖေဖော်ဝါရီလ ၂၅ရက်နေ့မှာ တွေ့ဆုံဖို့ စီစဉ်ထားပေမယ့် တွေ့ဆုံပွဲ ပျက်သွားမှာ စိုးရိမ်တဲ့ ဒေသခံတွေက ကြေးနီသယ်တဲ့ယာဉ်တွေ ကို ဖြတ်သွားခွင့်မပေးသေးဘဲ ဆက်လက်တားဆီးထားဆဲဖြစ်တယ်လို့ မိုးကြိုးပြင်အလယ်ရွာက ကိုလပြည့် က ပြောပါတယ်။

"၀န်ကြီးချုပ်က ခရီးထွက်နေလို့ပေါ့။ အဲ့ဒါကို ၀န်ကြီးချုပ်ပြန်လာရင် စနေနေ့မှာ မုံရွာမြို့တိုင်းရုံးမှာ တွေ့ဆုံပေးမယ်ပေါ့။ကြေးကားတွေ လွှတ်ပေးပါလို့ပြောတယ်။ ဒါပေမဲ့ဒေသခံတွေက ပထမတစ်ကြိမ်တုန်းကလည်း အလိမ်ခံခဲ့ပြီးသွားပြီး။ ပထမတစ်ကြိမ်တုန်းကလည်း တွေ့ခွင့်ပေး ပါမယ်လို့ ကြေးကားကို လွှတ်လည်းလွှတ်ပေးလိုက်ရော ဆားလင်းကြီးကို သွားလည်းသွားရော တစ်ယောက်မှကို မတွေ့ဘူး။ ဘယ်သူနဲ့မှ တွေ့ခွင့်မရဘူး။ ကျွန်တော်တို့က အဲ့လိုမျိုးတွေပေါ့နော် ခဏခဏ အလိမ်ခံနေရတော့ တကယ်တန်းဆုံးဖြတ်ချက်ပေးနိုင်တဲ့သူ သီးနှံလျော်ကြေးပေးမယ်ဆိုရင် လွှတ်ပေးမယ်။"

လက်ပံတောင်းတောင် စီမံကိန်းကြောင့် မြေယာတွေ အသိမ်းခံလိုက်ရတဲ့ ဆည်တဲ၊ မိုးကြိုးပြင်နဲ့ တုံရွာက ဒေသခံ တစ်ရာလောက်က မနေ့ကစပြီး ဆားလင်းကြီး- ညောင်ပင်ကြီး ကားလမ်းမပေါ်မှာ ကြေးနီသယ်တဲ့ ယာဉ်တွေကို တားဆီးထားတာဖြစ်ပါတယ်။

ဒေသခံတွေဟာ ၀မ်ပေါင်ကုမ္ပဏီက ခြံစည်းရိုးခတ်တဲ့အထဲမှာ ပါသွားတဲ့ မြေဧက ၂၀၀၀ ကျော်အတွက် သီးနှံလျော်ကြေးပေးဖို့ အဓိကတောင်းဆိုနေ တာဖြစ်ပါတယ်။

RFA Burmese
http://www.rfa.org/burmese



ဝ ကိုယ်ပိုင်အုပ်ချုပ်ခွင့်ရ အထူးဒေသက ပန်ဆန်းမြို့ကို တွေ့ရစဉ်။ Photo: Kan Thar/RFA
ဝ ပြည် သွေးစည်းညီညွတ်ရေးပါတီ UWSP ဌာနချုပ် ပန်ခမ်းမှာ ဒီနေ့ စတင်ကျင်းပတဲ့ NCA မှာ အပစ်ရပ် လက်မှတ်မရေးထိုးထားတဲ့ တိုင်းရင်းသားလက်နက်ကိုင်အဖွဲ့တွေရဲ့ ထိပ်သီးအစည်းအဝေး ပထမနေ့မှာ တက်ရောက်လာတဲ့ အဖွဲ့အသီးသီးက နိုင်ငံရေးစာတမ်းတွေ ဖတ်ကြားတင်ပြ ခဲ့ကြပါတယ်။

ဒီနေ့ အစည်းအဝေးမှာ တိုင်းရင်းသားလက်နက်ကိုင် အဖွဲ့တွေက သူတို့ရဲ့ ရပ်တည်ချက် နိုင်ငံရေးစာတမ်းတွေကို တင်ပြကြတယ်လို့ ဆွေးနွေးပွဲ တက်ရောက်နေတဲ့ TNLA တအာင်းပလောင် အဖွဲ့က အထွေထွေအတွင်းရေးမှူး ဗိုလ်မှူးကြီး တာဘုန်းကျော် က ပြောပါတယ်။

"ဒီနေ့ ပထမနေ့က တက်လာတဲ့ အဖွဲ့အစည်းအသီးသီးက အကုန်လုံး သူတို့ရဲ့ နိုင်ငံရေးစာတမ်းတွေ တင်သွင်းလာတဲ့ ဒီနေ့ ပထမနေ့ ကပြီးသွားပါပြီ။ တက်လာတဲ့ အဖွဲ့က ၇ ဖွဲ့ပေါ့။ ဒါပေမယ့် မွန်ပြည်သစ်ပါတီနဲ့ ကရင်နီ KNPP ကတော့ သူတို့ရဲ့ စာတမ်းပဲ ပို့လာတယ် ။သူတို့ နှစ်ဖွဲ့ဟာတော့ စာတမ်းပဲ ဖတ်တာပေါ့"

အစည်းအဝေးကို ဒီနေ့ကနေ ဖေဖော်ဝါရီလ၂၄ ရက်နေ့အထိ ၃ ရက်ကြာ ကျင်းပမှာဖြစ်ပြီး ဆွေးနွေးပွဲမှာ ဒုတိယအကြိမ်မြောက် ၂၁ ရာစုပင်လုံညီလာခံနဲ့ ပတ်သက်တဲ့ သဘောထားအမြင်တွေ နဲ့ ရပ်တည်ချက်တွေကို တက်ရောက်လာတဲ့ အဖွဲ့တွေက တင်ပြဆွေးနွေးကြမယ်လို့ မနေ့က ရက်စွဲနဲ့ ထုတ်ပြန်တဲ့ တတိယအကြိမ် ပန်ခမ်းထိပ်သီးအစည်းအဝေးကြေညာချက်မှာ ဖော်ပြထားပါတယ်။

ဆွေးနွေးပွဲနဲ့ ပတ်သက်တဲ့ အသေးစိတ်အချက်အလက်တွေကို အစည်းအဝေး ကျင်းပရေး အတွင်းရေးမှူးအဖွဲ့က ထုတ်ပြန်သွားမှာဖြစ်တဲ့အတွက် လတ်တလော ပြောကြားလို့ မရသေးဘူးလို့ ဗိုလ်မှူးကြီး တာဘုန်းကျော် က ပြောပါတယ်။

တတိယအကြိမ် ပန်ခမ်းထိပ်သီးဆွေးနွေးပွဲကို ဝ နဲ့ မိုင်းလား အဖွဲ့တို့က ပူးတွဲကျင်းပတာဖြစ်ပြီး ကချင်လွတ်လပ်ရေးအဖွဲ့KIO၊ တအာင်း ပလောင်အဖွဲ့ TNLA၊ ကိုးကန့်အဖွဲ့ MNDAA၊ ရှမ်းပြည်တိုးတက်ရေးပါတီ SSPP၊ ရခိုင်တပ်မတော် AA စတဲ့ အဖွဲ့တွေက ခေါင်းဆောင် တွေ တက်ရောက်ကြပြီး ကရင်နီ တိုးတက်ရေးပါတီ KNPP နဲ့ မွန်ပြည်သစ်ပါတီ NMSP တို့က တက်ရောက်နိုင်ခြင်းမရှိပေမယ့် သူတို့အဖွဲ့အစည်းတွေရဲ့ စာတမ်းတွေကို ပေးပို့ခဲ့ကြပါတယ်။

အဲဒီဆွေးနွေးပွဲကို တက်ရောက်နေတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC အဖွဲ့က ခေါင်းဆောင်တွေဟာ လာမယ့် မတ်လ ၁ ရက်နေ့ မှာ နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံမှာ ဖြစ်ပါတယ်။

RFA Burmese
http://www.rfa.org/burmese

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် Ms. Yanghee Lee ဟာ - ၃ ရက်ကြာ သူ့ရဲ့ ဘင်္ဂလားဒေ့ရ်ှနိုင်ငံ ခရီးစဉ်အတွင်း ဒီကနေ့မှာတော့ - Cox’s Bazar မှာရှိတဲ့ တခြားရိုဟင်ဂျာဒုက္ခသည်စခန်းတွေကို ထပ်မံသွားရောက်ဖို့ရှိသလို၊ အဲဒီက ဒေသခံအာဏာပိုင်တွေ၊ ပြီးတော့ ဒေသဆိုင်ရာ ကုလသမဂ္ဂ တာဝန်ရှိသူတွေအပြင် နိုင်ငံတကာ NGOs တွေနဲ့ တွေ့ဆုံမယ်လို့ မျှော်လင့်ရပါတယ်။

မနေ့ ဖေဖော်ဝါရီလ ၂၁ ရက် အင်္ဂါနေ့ကတော့ Cox’s Bazar ဒေသက အသစ်ဆောက်လုပ်ထားတဲ့ ရိုဟင်ဂျာဒုက္ခသည်စခန်းတွေကို - ဘင်္ဂလားဒေ့ရ်ှနိုင်ငံခြားရေးဝန်ကြီးဌာန ပူးတွဲ အတွင်းဝန် Baki Billah နဲ့ နိုင်ငံတကာ ရွှေ့ပြောင်းအခြေချသူများ အကူအညီပေးရေးအဖွဲ့ IOM က တာဝန်ရှိသူတွေနဲ့ သွားရောက်ခဲ့ပြီး ၃ နာရီကြာ အခြေအနေတွေကို မေးမြန်းစုံစမ်းခဲ့တာပါ။ လတ်တလော အဲဒီဒုက္ခသည်စခန်းမှာ ရိုဟင်ဂျာ ၇ ထောင်လောက် ခိုလှုံနေ တာလည်းဖြစ်ပါတယ်။

ရခိုင်ပြည်နယ် မောင်တောဒေသမှာ အောက်တိုဘာလ ၉ ရက်နေ့က နယ်ခြားစောင့်ရဲစခန်း ၃ ခု အကြမ်းဖက်တိုက်ခိုက်ခံရပြီးနောက်ပိုင်း အာဏာပိုင်တွေ ရဲ့ နယ်မြေလုံခြုံရေး ရှင်းလင်းမှု တွေအတွင်း လူ့အခွင့်အရေး ချိုးဖောက်မှုတွေကြောင့် ဘင်္ဂလားဒေ့ရ်ှနိုင်ငံဘက်ကို ထွက်ပြေးခဲ့ကြတယ်လို့ဆိုတဲ့ ရိုဟင်ဂျာမူဆလင် ၇ သောင်းနီးပါးအထိရှိတယ်လို့ သတင်းတွေ ထွက်ပေါ်နေတဲ့အတွက် - ဒီအခြေအနေတွေကို ကိုယ်တိုင်လေ့လာစုံစမ်းဖို့ Ms. Yanghee Lee သွားရောက်တာ ဖြစ်တဲ့အကြောင်း ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး OHCHR က ဒီခရီးစဉ်မတိုင်ခင်မှာ သတင်းထုတ်ပြန်ထားပါတယ်။

ဒီကိစ္စနဲ့ ပတ်သက်လို့ တနင်္လာနေ့ကလည်း - ဘင်္ဂလားဒေ့ရ်ှနိုင်ငံခြားရေးဝန်ကြီး A.H. Mahmood Ali နဲ့ Ms. Yanghee Lee - ဒက္ကာမြို့မှာ တွေ့ဆုံခဲ့ ဆွေးနွေးခဲ့ကြတာပါ။ ဘင်္ဂလားဒေ့ရ်ှနိုင်ငံခြားရေးဝန်ကြီး Mahmood Ali က - ဘင်္ဂလားဒေ့ရ်ှနိုင်ငံထဲ ရိုဟင်ဂျာတွေ အလုံးအရင်းနဲ့ ၀င်ရောက်လာတဲ့ ကိစ္စကို နိုင်ငံတကာက ၀ိုင်းဝန်းဖြေရှင်းပေးဖို့နဲ့ ရေရှည်ဖြစ်နေတဲ့ ပြဿနာအတွက် ငြိမ်းချမ်းတဲ့ အဖြေတခုရှာဖို့ လိုအပ်တယ်ဆိုတာတွေကို Ms. Yanghee Lee နဲ့ တွေ့ဆုံချိန် ပြောဆိုခဲ့တယ်လို့ ဘင်္ဂလားဒေ့ရ်ှနိုင်ငံခြားရေးဝန်ကြီးဌာနက သတင်းထုတ်ပြန်ထားပါတယ်။

Ms. Yanghee Lee အနေနဲ့ ဖေဖော်ဝါရီလ ၂၀ ရက်နေ့ကနေ ၂၃ ရက်နေ့အထိ သူ့ခရီးစဉ်ကနေ လေ့လာတွေ့ရှိချက်တွေကို မတ်လ ၁၃ ရက်နေ့မှာ ကုလသမဂ္ဂ လူ့အခွင့်အရေး ကော်မရှင်ထံ အစီရင်ခံစာ တင်သွင်းရမှာ ဖြစ်ပါတယ်။

ရခိုင်ပြည်နယ် ပဋိပက္ခနဲ့ပတ်သက်ပြီး မြန်မာအစိုးရကတော့ - ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဦးဆောင်တဲ့ ရခိုင်ပြည်နယ်အရေး အကြံပေးကော်မရှင် အပါအ၀င် စုံစမ်းရေးကော်မရှင်တွေကို ဖွဲ့စည်းထားတာပါ။ ဒါပေမဲ့လည်း အခြေအနေမှန်ကို သိရှိနိုင်ဖို့ လွတ်လပ်တဲ့ နိုင်ငံတကာက စုံစမ်းဖို့ - ကုလသမဂ္ဂနဲ့ နိုင်ငံတကာအသိုင်းအ၀ိုင်းက မြန်မာအစိုးရကို တိုက်တွန်းနေတာဖြစ်ပါတယ်ရှင်။

 ဗွီအိုအေ (မြန်မာပိုင်း)
http://burmese.voanews.com


ကလေးကစားစရာ မိန်းမလှ အရုပ်မ တခုကို ကမ္ဘာ့ ပထမဆုံး လိင်ပြောင်း အရုပ်မလို့ နာမည်တပ် ကြော်ငြာထားလို့ နိုင်ငံတကာက အင်တာနက် လူမှုကွန်ရက်တွေမှာ ဆွေးနွေးငြင်းခုံမှုတွေ ဖြစ်နေပါတယ်။

Tonner အရုပ် ကုမ္ပဏီ က ဒီအပတ် နယူးယောက် မှာ ပြုလုပ်မယ့် ကလေးသူငယ် အရုပ်ပြပွဲမှာ လိင်ပြောင်း မိန်းမလှ အရုပ်ကို ပထမဆုံးအကြိမ် ထည့်သွင်း ပြသမယ်လို့ ကြေညာပြီးကတည်းက ဒီအကြောင်းကို ထောင်နဲ့ချီပြီး အွန်လိုင်းမှာ ပြောဆိုနေကြပါတယ်။

ဒီအရုပ်မဟာ ဆယ်ကျော်သက် LGBT အရေးတက်ကြွလှုပ်ရှားသူ Jazz Jennings ကို ပုံတူ ပြုထားတာပါ။

Jazz ဟာ ယောက်ျားကလေး အဖြစ် မွေးဖွားလာသူဖြစ်ပေမယ့် မိန်းကလေးဘဝကို ခံယူ နေထိုင်နေသူ တဦး ဖြစ်ပါတယ်။

အခု ၁၆ နှစ် သမီး ရှိပြီ ဖြစ်တဲ့ Jazz ဟာ သူမရဲ့ မွေးဖွာလိင်အပေါ် ဆန့်ကျင်မှုကို စကားပြောတတ်စ အရွယ်ကတည်းက ပြသခဲ့ပြီး ၆ နှစ် သမီး အရွယ်မှာ အမေရိကန် ရုပ်သံ တခုရဲ့ မေးမြန်းခန်းမှာ သူမရဲ့ လိင်ပိုင်းဆိုင်ရာ စိတ်ခံစားမှုတွေ၊ မပျော်ရွင်မှုတွေ အကြောင်းကို လူသိထင်ရှား ထုတ်ပြောခဲ့ရင်းနဲ့ လူသိများ ထင်ရှားလာခဲ့သူပါ။

အခု အရုပ် ကုမ္ပဏီ က သူမနဲ့ ပုံတူ အရုပ်မကို လိင်ပြောင်း အမည်တပ် ကြော်ငြာ ထားတာဟာ ပုံစံခွက်ကို ဖျက်ချိုးတာလား၊ စီးပွားရေး အရ ရေပန်းစား ပေါ်ပြူလာ ဖြစ်အောင် လုပ်တာလား လို့ ပြောဆိုစရာ ရှိလာပါတယ်။

အွန်လိုင်းပေါ်မှာ ဝေဖန်ကြသူတွေကတော့ ဒါဟာ အရောင်းတင်မြှင်တင်ရေး အစီအစဉ် တခုပဲ၊ လိင်ပြောင်း အရုပ်မ ဆိုပြီး တံဆိပ်ကပ် ဈေးတင်ရောင်းတော့ လူတွေက စိတ်ဝင်စားပြီး ဝယ်တော့မှာပေါ့၊ ကလေးကစားစရာ အရုပ်မတိုင်းက လိင်ပြောင်း လို့ ရနိုင်တာပဲ၊ ယောက်ျားကလေးနဲ့ တူတူ၊ မိန်းကလေးနဲ့ တူတူ၊ ကစားစရာ အရုပ်က အရုပ်ပဲ လို့ ဆိုကြပါတယ်။

ဒါပေမယ့် ဒီ လိင်ပြောင်းအရုပ်မ စိတ်ကူးကို ထောက်ခံကြသူတွေလည်း ဖေ့စ်ဘွတ် ပေါ်မှာ အများကြီးရှိပါတယ်။

ဒီလမ်းကြောင်း အတိုင်း ဆက်သွားရင် အနာဂတ် မျိုးဆက်သစ်ဟာ မတူကွဲပြားတဲ့ လူသားအချင်းချင်း ပိုမို ကြင်နာတတ်ပြီး စာနာ နားလည်မှု ထားတတ်တဲ့ ပျော်ရွှင်တဲ့ မျိုးဆက် ဖြစ်မယ်လို့ ခန့်မှန်းကြသူတွေလည်း ရှိပါတယ်။

Jazz ကိုယ်တိုင်ကတော့ “ကျွန်မနဲ့ ပုံတူ ဖန်တီးထားတဲ့ ဒီအရုပ်မဟာ အခြား သာမန် အမျိုးသမီးပုံစံ အရုပ်မတွေလိုပဲ ဖြစ်နေမှာပါ၊ ဘာကြောင့်ဆို ကျွန်မကလည်း အခြား အမျိုးသမီးတွေလိုပဲ အမျိုးသမီး တယောက်ပဲမို့ပါ၊ ဒီအရုပ်မကြောင့် လိင်ပြောင်းထားတဲ့ အမျိုးသမီးတွေဟာလည်း သူလို ကိုယ်လို သာမန် လူသားတွေပဲ ဆိုတဲ့ ပြသနိုင်မှု ရကာ အပေါင်းလက္ခဏာ ဆောင်တဲ့ အကျိုးကျေးဇူး တွေ ရမယ် မျှော်လင့်ပါတယ်” လို့ သူမရဲ့ လူမှုကွန်ရက်မှာ ရေးသားခဲ့ပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese


ပြီးခဲ့တဲ့ ၁၃ ရက်နေ့တုန်းက မလေးရှားနိုင်ငံ ကွာလမ်လာပူ လေဆိပ်မှာ အဆိပ်နဲ့ လုပ်ကြံခံခဲ့ရတဲ့ ကင်ဂျုံနမ်း အမှု အတွက် မြောက်ကိုရီးယား အကြီးတန်း သံတမန် တယောက်ကို စစ်ဆေးမေးမြန်းလိုကြောင်း မလေးရှား ရဲ တပ်ဖွဲ့က ပြောလိုက်ပါတယ်။

လူသတ်မှု အတွက် ရဲ တပ်ဖွဲ့ ရှာဖွေနေတဲ့ မြောက်ကိုရီးယား ၃ ယောက် စာရင်းမှာ အသက် ၄၄ နှစ် အရွယ် Hyon Kwang Song အမည်ရှိ မလေးရှားနိုင်ငံဆိုင်ရာ မြောက်ကိုရီးယား ဒုတိယ အတွင်းဝင် သံအရာရှိကြီး ပါသလို အသက် ၃၇ နှစ် အရွယ် Kim Uk II အမည်ရှိ မြောက်ကိုရီးယား အစိုးရပိုင် လေကြောင်း ဝန်ထမ်း တယောက်လည်း ပါတယ် ဆိုပါတယ်။

သူတို့ကို စစ်ဆေးခွင့်ရဖို့အတွက် မြောက်ကိုရီးယား သံအမတ်ကြီးကို စာရေးထားကြောင်း မလေးရှားရဲတပ်ဖွဲ့ အကြီးအကဲက ပြောပါတယ်။

ဒါ့အပြင် လက်ရှိ မြောက်ကိုရီးယား ခေါင်းဆောင် ကင်ဂျုံအွန်းနဲ့ အဖေတူ အမေကွဲ အကို ကင်ဂျုံနမ်းကို အမျိုးသမီး နှစ်ယောက်က အဆိပ်သုတ်ထားတဲ့ အဝတ်စနဲ့ ပွတ်လိမ်း သတ်ဖြတ်ခဲ့ခြင်း ဖြစ်ကြောင်းလည်း အတည်ပြုပါတယ်။

မလေးရှားနိုင်ငံရှိ မြောက်ကိုရီးယား သံရုံးရဲ့ ထုတ်ပြန်ချက်မှာတော့ လုပ်ကြံမှု ကျူးလွန်တယ် ဆိုတဲ့ အရာဝတ္ထု ဟာ အမျိုးသမီး နှစ်ယောက်ရဲ့ လက်မှာ ကိုင်ထားနိုင်တယ် ဆိုကတည်းက ဒါဟာ အဆိပ် မဟုတ်ကြောင်း သက်သေပြုတယ်၊ ဖမ်းဆီးထားတဲ့ အပြစ်မဲ့တဲ့ အမျိုးသမီးတွေနဲ့ မြောက်ကိုရီးယားနိုင်ငံသား အမျိုးသား တယောက်ကို အမြန်ဆုံး လွှတ်ပေးဖို့ တောင်းဆိုထားပါတယ်။

ဒီ လူသတ်မှု ကြောင့် နှစ်နိုင်ငံ ဆက်ဆံရေးဟာ ဆိုးရွားလာခဲ့ပြီး မလေးရှားက မြောက်ကိုရီးယား ဆိုင်ရာ သူ့တို့ရဲ့ သံအဖွဲ့ကို ပြန်ရုပ်သိမ်းလိုက်သလို မလေးရှား နိုင်ငံဆိုင်ရာ မြောက်ကိုရီးယား သံအမတ်ကြီးကလည်း မလေးရှားရဲတပ်ဖွဲ့ရဲ့ စုံစမ်းစစ်ဆေးမှုတွေကို အယုံအကြည်မရှိကြောင်း ပြောခဲ့ပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese



အဓိကက ဖက်ဒရယ် ပြည်ထောင်စု တည်ဆောက်ရေးကို ညှိနှိုင်းလိုတာလို့ ဗိုလ်ချုပ်ဂွမ်မော် ပြော
ရှေ့လလယ် ကျင်းပမယ့် ၂၁ ရာစု ပင်လုံ ငြိမ်းချမ်းရေး ညီလာခံ ကို KIO တက်ဖို့ မတက်ဖို့ ဆိုတာ UNFC ရဲ့ အဆုံးအဖြတ်ပေါ်မှာ မူတည်တယ်လို့ KIC ကချင်လွတ်လပ်ရေး ကောင်စီ ဒု ဥက္ကဌ ၂ ဗိုလ်ချုပ် ဂွမ်မော်က ဘီဘီစီကို ပြောပါတယ်။

ပင်လုံ ငြိမ်းချမ်းရေး ညီလာခံဟာ တိုင်းရင်းသား အားလုံးရဲ့ ကိုယ်စားလှယ်တွေ တန်းတူ ပွင့်ပွင့်လင်းလင်း ဆွေးနွေးနိုင်တဲ့ အစည်းအဝေးမျိုး ဖြစ်သင့်ပြီး ပြည်ထောင်စု တည်ဆောက်ရေးကို ပင်လုံစာချုပ် ကတိကဝတ်တွေနဲ့ အခြေခံပြီး ဆွေးနွေးကြတာမျိုးကို လိုချင်တယ်လို့ ဆိုပါတယ်။

KIO ဦးဆောင်တဲ့ UNFC ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ နဲ့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်တို့ မတ်လ ၁ ရက်နေ့မှာ တွေ့ဆုံဖို့ စီစဉ်ထားပါတယ်။

လောလောဆယ်မှာ UNFC က တောင်းဆိုထားတဲ့ အချက် ၉ချက်ထဲက ဘယ်အချက်ကိုမှ အစိုးရက တိတိကျကျ သဘောတူထားတာမျိုး မရှိသေးတဲ့အတွက် ဆက်ညှိနှိုင်းနေဆဲဖြစ်ပြီး NCA အပစ်ရပ် လက်မှတ်ထိုးဖို့ အဆင့်ကို ရောက်နိုင်အုံးမှာ မဟုတ်သေးဘူးလို့ ဗိုလ်ချုပ် ဂွမ်မော်က ပြောပါတယ်။

ဒေါ်အောင်ဆန်းစုကြည်နဲ့ NLD အစိုးရက ပင်လုံ ညီလာခံကို အလျင်အမြန် ဖြစ်စေချင်နေပြီး ပြည်ထောင်စု တည်ဆောက်ရေး လုပ်ချင်တဲ့ ဆန္ဒ ရှိတယ်လို့ သူ့အနေနဲ့ မြင်ကြောင်း ဒါပေမယ့် NCA လက်မှတ်ထိုးနိုင်ဖို့ အခင်းအကျင်းမှာတော့ ဒေါ်အောင်ဆန်းစုကြည်နဲ့ NLD အစိုးရက တွန်းအားပေးနိုင်လို့ မရတဲ့ ကဏ္ဍတွေ ရှိတယ်လို့ နားလည်ကြောင်း ဗိုလ်ချုပ် ဂွမ်မော်က ပြောပါတယ်။

KIO ရဲ့ သဘောထားကတော့ NCA လက်မှတ်ထိုးပြီးမှ ဖြစ်ဖြစ်၊ မထိုးပဲနဲ့ အစိုးရက လက်ခံသည်ပဲ ဖြစ်ဖြစ်၊ အားလုံး တန်းတူ ဆွေးနွေးနိုင်ခွင့် ရှိရင်တော့ ပင်လုံညီလာခံ တက်ရောက်နိုင်ရေးကို အင်တိုက်အားတိုက် ကြိုးစားသွားမယ်လို့ ဗိုလ်ချုပ် ဂွမ်မော်က ပြောပါတယ်။

BBC Burmese
http://www.bbc.com/burmese