03/03/17


NLD ဥပဒေအကြံပေး ဦးကိုနီ။ ဇန်န၀ါရီ ၁၃။ ၂၀၁၆။
NLD ဥပဒေအကြံပေး ဦးကိုနီ။ ဇန်န၀ါရီ ၁၃။ ၂၀၁၆။
ရှေ့နေဦးကိုနီလုပ်ကြံသတ်ဖြတ်ခံရတာ တစ်လတင်းတင်းပြည့်ပြီဖြစ်ပေမဲ့လို့ ဖမ်းမိထားတဲ့ တရားခံတွေ၊ လွတ်မြောက်နေတဲ့သူတွေနဲ့ ပတ်သက်လို့ တရားဥပဒေကြောင်း အရ တရားစွဲဆိုနိုင်ဖို့ တရားရုံးတင်တာ မတွေ့ရသေးတဲ့အတွက် တရားစီရင်ရေးအပိုင်း ပွင့်လင်းမြင်သာ မှုရှိပါလို့ မြန်မာနိုင်ငံရှေ့နေများကွန်ရက် တာဝန်ရှိသူတဦးကပြောဆိုလိုက်ပါတယ်။ လေဆိပ်လိုလူမြင်ကွင်းမှာ အသတ်ခံခဲ့ရတဲ့အမှု အပေါ် စေခိုင်းသူတရားခံအစစ်အမှန်ပေါ်ပေါက်ရေး ဘယ်လိုကိုင်တွယ် စစ်ဆေးနေတယ်ဆိုတာ ပြည်သူကို အချိန်နဲ့တပြေးညီ ရှင်းလင်းဖို့ကိုလည်း လူငယ်ကွန်ရက်ကတောင်းဆိုပါတယ်။ အသေးစိတ် မဆုမွန် ဆက်ပြောပြပါမယ်။

ပြန်ကြားရေးဝန်ကြီးပါ ပါဝင်တဲ့ နိုင်ငံတော်အစီအစဉ်နဲ့ သွားခဲ့တဲ့ ပြည်ပခရီးစဉ်ကအပြန် ရန်ကုန်နိုင်ငံတကာ လေဆိပ်လို လူစည်ကားတဲ့နေရာမှာ ဦးခေါင်းကို သေနတ်နဲ့တေ့ ပစ်ပြီး လုပ်ကြံ သတ်ဖြတ်ခံလိုက်ရတဲ့ NLD ပါတီ ဥပဒေအကြံပေး တရားလွှတ်တော်ရှေ့နေကြီးဦးကိုနီ လုပ်ကြံသတ်ဖြတ်ခံရမှုနဲ့ ပတ်သက်လို့ ကိုယ်တိုင်ပစ်သတ်ခဲ့သူ အပါအဝင် ကြံရာပါတွေကို ဖမ်းဆီးပြီး စုံစမ်းစစ်ဆေးနေတယ်လို့ ပြည်ထဲရေးဝန်ကြီးဌာနက သတင်းစာရှင်းလင်းပွဲမှာ ပြောဆိုခဲ့ပါတယ်။

ဒါပေမဲ့လို့ ဇန်နဝါရီလ ၂၉ရက်နေ့ ဦးကိုနီ သေဆုံးတဲ့နေ့ကစလို့ သေနတ်နဲ့ပစ်တဲ့ သူအပါအဝင် ဖမ်းဆီးစစ်ဆေးနေဆဲသူတွေ နဲ့ ပတ်သက်လို့ တရားဥပဒေကြောင်းအရ ဆက်လက်အရေးယူနိုင်ဖို့ တရားစွဲဆို တရားရုံးတင်နိုင်ဖို့အရေး လုပ်ဆောင်တာတော့ အခုထက်ထိ မတွေ့ရသေးဘူးလို့ မြန်မာနိုင်ငံရှေ့နေများ ကွန်ရက်ဦးဆောင်အဖွဲ့ဝင် တရားလွှတ်တော်ရှေ့နေဦးရောဘတ်စန်းအောင်က အခုလိုပြောပါတယ်။

“ဒီအမှုက ဇန်န၀ါရီလ ၂၉ ရက်နေ့ ကဖြစ်တယ်။ အဲဒီနေ့ပဲ ကြည်လင်းကို စ ဖမ်းတယ်။ ကြည်လင်းကို ဖမ်းပြီး ၃၀ ရက်နေ့ကျတော့ အောင်ဇော်ဝင်းကိုဖမ်းတယ် အဲဒီနောက်ပိုင်းမှာ ဆင့်ကဲ ကျူးလွန်တဲ့သူတွေကို ဖမ်းလာတယ်။ ပေးလို့ရတဲ့ အမြင့်ဆုံးပြစ်ဒဏ်က သေဒဏ်ဆိုတော့ ရမာန် ၂ ပတ်ပဲ ယူရမယ်။ ရမာန် ၂ ပတ်ဆိုရင် ၂၈ ရက် ပဲ ။ အဲ့ဒီ့တော့ မတ်လ ၁ရက်နေ့ဆိုတ ရုံးတင်သင့်ပြီ။ အဲဒီရုံးတင်တဲ့အဆင့်ကိုလည်း ကျနော်တို့ မကြားသိရဘူး။ အောင်ဝင်းခိုင်ကို လိုက်ဖမ်းတာ မမိသေးဘူးဆိုရင် သူ့ကို တရားခံပြေးမှုအနေနဲ့ ဖွင့်မလား ဒါတွေလည်း ဘာမှ မသိရဘူး ၊ သတင်းစာဆရာတွေလည်း မသိဘူး သတင်းစာဆရာတွေ သတင်းထောက်တွေလည်း ပေးမဝင်ဘူး။ အဲ့ဒီ့တော့ ပွင့်လင်းမြင်သာမှု မရှိပဲနဲ့ ဒီအမှုကို ဆောင်ရွက်နေတယ်လို့ ကျနော်တို့ ပြောချင်တယ်။ ဥပဒေနဲ့အညီ ဆောင်ရွက်နေတယ် လို့ ကျနော်တို့ မြင်တွေ့ကြားသိရတဲ့ အချက်တွေလည်း တစုံတရာ မရှိဘူးခင်ဗျ။”

ပြည်သူတွေရဲ့နေ့စဉ်လူနေမှုဘဝလုံခြုံရေးတာဝန်ယူထားတဲ့ပြည်ထဲရေးအနေနဲ့လည်း အခုလို လေဆိပ်လူမြင်ကွင်းမှာ သေနတ်နဲ့ပစ်ခတ်ခဲ့တဲ့ အကြမ်းဖက်လုပ်ရပ်နဲ့ ပတ်သက်လို့ စေခိုင်းသူတရားခံ အစစ်အမှန်ပေါ်ပေါက်ရေး ဘယ်လိုကိုင်တွယ် သွားမလဲဆိုတာ လူငယ်တွေက စောင့်ကြည့်နေကြောင်း ဦးကိုနီတစ်လပြည့်ကြေညာချက် ကို ရန်ကုန်လူငယ်ကွန်ရက် က ဒီကနေ့ ထုတ်ပြန်ပါတယ်။ သက်ဆိုင်ရာ တာဝန်ရှိသူတွေအနေနဲ့ တရားခံအစစ်အမှန်တွေကို ဖော်ထုတ်ပြီး ထိထိရောက်ရောက် အရေးယူပေးဖို့ကိုလည်း တောင်းတယ်လို့ ရန်ကုန်လူငယ်ကွန်ရက်ဥက္ကဋ္ဌ မသဉ္စာရွှမ်းလဲ့ရည်ကပြောပါတယ်။

“ရှင်းလင်းချက်တွေက ကျမတို့ မျှော်မှန်းထားတာထက်တောင်ပိုပြီးတော့ စိတ်ပျက်ဖွယ်ရာ အကျိုးအကြောင်းဆီလျော်မှု မရှိတဲ့ သုံးသပ်ချက်တွေဖြစ်နေတာဆိုတဲ့အပေါ်မှာ ကျူးလွန်တဲ့သူအပေါ်မှာ အမှုပေါ့လျှော့အောင် သုံးသပ်ချက်တွေဖြစ်နေတာမျိုးတွေ ကျမတို့မြင်ရတယ်။ ဒီအတွက်ကြောင့်မို့လို့ ကျမတို့ ထပ်မံပြီးတော့ တိုက်တွန်းလိုတာက တာဝန်ယူမှုတာဝန်ခံမှု ပိုပြီးတော့ ပြည့်ပြည့်နဲ့ လုပ်ဆောင်စေလိုတယ်။ နောက်တခုက ပွင့်လင်းမြင်သာမှုအပြည့်နဲ့ ပြည်သူတွေကို သတင်းကို စနစ်တကျ ထုတ်ပြန်ဖို့လိုပါတယ်။ အဲဒီလိုမျိုးပြုလုပ်ပေးဖို့ ကျမတို့ မျှော်လင့်ပါတယ်။”

ဦးကိုနီလူသတ်မှုမှာ ကျူးလွန်သူတွေဟာ လူငယ်သဘာဝအရ ပုဂ္ဂိုလ်ရေး မကျေနပ်ချက်ကြောင့် သတ်ဖြတ်ရတာပါဆိုတဲ့ စကားရပ်နဲ့ လူငယ်တွေအပေါ် ပုံဖျက်ပြောဆိုခဲ့တဲ့အပေါ်လည်း လူငယ်ကွန်ရက်အနေနဲ့ ပြင်းပြင်းထန်ထန် ကန့်ကွက်ရှုတ်ချတယ်လို့ မသဉ္စာရွှမ်းလဲ့ရည်ကပြောပါတယ်။

“မြန်မာနိုင်ငံက လူငယ်ထုအနေနဲ့ ဒီအကြမ်းဖက်မှုကို လုံးဝလက်မခံဘူး ဆိုတာမျိုးကို ကျမတို့ အဓိက ပေါ်လွင်စေချင်ပါတယ်။ နောက်ပြီးတော့ ပိုပြီးတော့ ကျမတို့ ထုတ်ပြန်ချက်ဖြစ်ဖို့ကို တွန်းအားပေးဖို့အချက်ကတော့ ပြည်ထဲရေးဝန်ကြီးဌာနရဲ့ သတင်းစာရှင်းလင်းပွဲမှာ ဖော်ပြသုံးစွဲသွားတဲ့ အကြောင်းအရာတွေဖြစ်ပါတယ်။ အဓိကတော့ ကျူးလွန်တဲ့တရားခံတွေက လူငယ်သဘာဝ သူတို့တွေ ဆွေးနွေး ညှိနှိုင်းရင်းနဲ့ အဓိကလုပ်ကြတယ်ဆိုတာမျိုး အဓိကကျမတို့ခံစားရတော့ ဒီလူငယ်တွေ ဆိုတာကို သုံးသွားတယ်။ ဒီလူတွေက လူငယ်အသက်အရွယ်မဟုတ်ဘူးဆိုတာ ဒီလိုမျိုး လူငယ်လို့ သုံးသွားခြင်းအားဖြင့် ပြည်သူတွေအမြင်မှာ အထင်မှား အမြင်မှား လူငယ်တွေ လုပ်ခဲ့ကြတယ်ဆိုတဲ့ အထင်အမြင်တွေ ခံစားရတာကြောင့် ယုံမှားခြင်းခံလိုက်ရတယ်လို့ ခံစားရတဲ့အတွက် ကျမတို့ ဒါမျိုးကို ကျမတို့ ထုတ်ပြန်ဖို့ ကြိုးစားခဲ့တာဖြစ်ပါတယ်။”

ဦးကိုနီသတ်ဖြတ်ခံရမှုနဲ့ပတ်သက်လို့ လူ့အသိုင်းအဝိုင်းအချင်းချင်းကြား အမုန်းပွားစေမယ့်စကားတွေ အကြောင်းအရာတွေနဲ့ ပြည်သူလူထုကြား ဖြန့်ဝေ လုပ်ဆောင်နေတာတွေကို တာဝန်ရှိသူတွေအနေနဲ့ ထိရောက်စွာ အရေးယူဟန့်တားပေးဖို့ကိုလည်း လူငယ်ကွန်ရက်က တောင်းဆိုနေကြပါတယ်။

ဦးကိုနီလုပ်ကြံသတ်ဖြတ်ခံရမှုနဲ့ပတ်သက်လို့ ပြည်ထဲရေးဝန်ကြီးဌာန ပြည်ထောင်စုဝန်ကြီးကိုယ်တိုင် ဦးဆောင်ပြီး သတင်းစာရှင်းလင်းပွဲလုပ်ပြီး တရားခံပေါ်ပေါက်နိုင်ရေး ဆောင်ရွက်ချက်တွေကို ရှင်းလင်းခဲ့ပေမဲ့ ပြောဆိုချက်တွေနဲ့ ပတ်သက်ပြီး ဝေဖန်မှုတွေ ထွက်ပေါ်နေချိန်လည်းဖြစ်ပါတယ်။ တပ်မတော်ဘက်က ရခိုင်အရေး သတင်းစာ ရှင်းလင်းပွဲအတွင်းမှာလည်း ဦးကိုနီလုပ်ကြံခံရမှုနဲ့ ပတ်သက်လို့ တပ်မတော်ဘက် ပူးပေါင်းဆောင်ရွက်နေတာတွေနဲ့ပတ်သက်လို့ ထည့်သွင်းရှင်းလင်း သွားခဲ့ပါတယ်။
VOA Burmese News


ဒဂုံ မြို့သစ် အရှေ့ပိုင်းမှာ ပြုလုပ်တဲ့ ကြားဖြတ် ရွေးကောက်ပွဲ အောင်နိုင်ရေး NLD ပါတီ မဲဆွယ်ပွဲ တက်ရောက်လာသူများ
လာမယ့် ကြားဖြတ် ရွေးကောက်ပွဲမှာ ဝင်ရောက် ယှဉ်ပြိုင်ကြမယ့် နိုင်ငံရေး ပါတီ အသီးသီးက မဲဆွယ် စည်းရုံးမှုတွေ ပြုလုပ် နေချိန်မှာ NLD အမျိုးသား ဒီမိုကရေစီ အဖွဲ့ချုပ် ပါတီကလည်း ရန်ကုန်တိုင်း အတွင်းက မြို့နယ် နှစ်မြို့နယ်မှာ မတ်လ ၂ ရက်နေ့က စည်းရုံး ဟောပြောခဲ့ကြပါတယ်။

ရန်ကုန်တိုင်း ဒဂုံမြို့သစ် ဆိပ်ကမ်း မြို့နယ်နဲ့ ဒဂုံမြို့သစ် အရှေ့ပိုင်း မြို့နယ်တို့မှာ ပြုလုပ်တဲ့ ဟောပြောပွဲမှာ NLD သဘာပတိ အဖွဲ့ဝင် ဦးတင်ဦးနဲ့ အတွင်း ရေးမှူး အဖွဲ့ဝင် ဦးဝင်းမြင့်တို့က စည်းရုံး မဲဆွယ်ခဲ့ကြပါတယ်။

ဟောပြောကြရာမှာ NLD ပါတီ စွမ်းဆောင် နိုင်ခဲ့တဲ့ အပြောင်းအလဲတွေ၊ ဆက်လက် လုပ်ဆောင်ရမယ့် အပြောင်းအလဲတွေနဲ့ ပတ်သက်လို့ ပါတီ ခေါင်းဆောင်တွေက ပြည်သူတွေကို ရှင်းပြခဲ့တယ်လို့ မဲဆွယ် စည်းရုံးမှုတွေမှာ ပါဝင် ဆောင်ရွက် နေတဲ့ ရန်ကုန်တိုင်း NLD ပါတီ အလုပ် အမှုဆောင် အဖွဲ့ ဥက္ကဋ္ဌ ဦးမြင့်ဌေးက ဘီဘီစီကို ပြောပါတယ်။

ရန်ကုန်တိုင်း အတွင်း အမျိုးသား လွှတ်တော် အမှတ် ၆ လွှတ်တော် ကိုယ်စားလှယ် တစ်နေရာ နဲ့ ဒဂုံမြို့သစ်(ဆိပ်ကမ်း)၊ ဒဂုံမြို့သစ် အရှေ့ပိုင်း၊ လှိုင်သာယာနဲ့ ကော့မှူး စတဲ့ လစ်လပ် နေတဲ့ ပြည်သူ့လွှတ်တော် ကိုယ်စားလှယ် လေးနေရာ ရှိရာမှာ NLD အတွက်က အဲဒီ ငါးနေရာ စလုံးက အကြိတ် အနယ် ပြိုင်ရမယ့် နေရာတွေ လို့ သူက ဆက်ပြော ပါတယ်။

ဒါပေမဲ့ အဲဒီ ငါးနေရာစလုံး အနိုင်ရမယ်လို့ ရာနှုန်းပြည့် ယုံကြည်ကြောင်းလည်း ဦးမြင့်ဌေးက ပြောပါတယ်။

ပြီးခဲ့တဲ့ ၂၀၁၅ ရွေးကောက်ပွဲတုန်းက NLD ပါတီ ကြွေးကြော်ခဲ့တဲ့ ပြောင်းလဲမှုတွေ လုပ်ဆောင်မယ် ဆိုတဲ့ အတိုင်း အပြည့်အဝ မလုပ်နိုင်သေးပေမဲ့ တဖြည်းဖြည်းချင်း လုပ်ဆောင်နေတာတွေကို မဲဆွယ် စည်းရုံးပွဲမှာ ပြောပြကြောင်းနဲ့ တချို့ ပြည်သူ တွေက ဒါတွေကို နားလည် သဘော ပေါက်ကြောင်း သူက ပြောပါတယ်။

BBC Burmese
http://www.bbc.com/burmese


မတ်လနဲ့ ဧပြီလတွေမှာ မိုးတိမ်တောင်တွေ ဖြစ်ပေါ်ပြီး မိုးကြိုးပစ်တာ၊ လေပြင်းတိုက်ခတ်တာတွေ ဖြစ်ပေါ်လာနိုင် တဲ့အတွက် ဂရုစိုက်ပြီး နေထိုင်သွားလာကြဖို့ မိုးလေ၀သနှင့် ဇလဗေဒညွှန်ကြားမှု ဦးစီးဌာနက သတိပေးချက် ထုတ်ပြန်လိုက်ပါတယ်။

မိုးတိမ်တောင်တွေဟာ မြန်မာနိုင်ငံအလယ်ပိုင်းဒေသတွေနဲ့ အထက်ပိုင်းဒေသတွေမှာ အများဆုံး  ဖြစ်ပေါ်နိုင်ပြီး အဲဒီအကျိုးဆက်ကြောင့် မိုးသီးကြွေတာ၊လေပြင်းတိုက်တာနဲ့ မိုးကြိုးပစ်တာတွေ ဖြစ်နိုင်တယ်လို့ မိုးလေ၀သနှင့် ဇလဗေဒညွှန်ကြားမှုဦးစီဌာန ဒုတိယညွှန်ကြားရေးမှူးချုပ် ဒေါက်တာကျော်မိုးဦးက ပြောပါတယ်။

"ပိုပြီးအဖြစ်များနိုင်တာကတော့ မန္တလေးတိုင်းဒေသကြီးနဲ့ စစ်ကိုင်းတိုင်းဒေသကြီး၊ ရှမ်းပြည်နယ် ဒီဒေသတွေမှာ ပိုပြီးအဖြစ်များတယ်၊ တစ်ခါတလေကျရင်လည်း ရန်ကုန်တိုင်းတို့၊ ပဲခူးတိုင်းတို့၊ မကွေးတိုင်းတို့မှာလည်း တစ်ခါတလေဖြစ်တတ်တယ်၊ မိုးတိမ်တောင်တွေဖြစ်လာပြီဆိုရင် မိုးခြိမ်းမယ်၊ လျှပ်စီးလက်ပြီး မိုးကြိုးပစ်တဲ့ဖြစ်စဉ်တွေ မိုးရွာတယ်၊ မိုးသီးကြွေတဲ့ဖြစ်စဉ်တွေ လေပြင်းတိုက် တဲ့ဖြစ်စဉ်တွေဖြစ်နိုင်တာက (တစ်နာရီ) မိုင် ၃၀ နဲ့ ၄၀ ကြားဖြစ်နိုင်ပါတယ်"

အဲဒီလို ဖြစ်စဉ်တွေ ဖြစ်ပွားနိုင်တဲ့အတွက် ပြည်သူတွေအနေနဲ့ မတ်လနဲ့ ဧပြီလအတွင်း အထူးဂရုပြုနေထိုင်သွား လာကြဖို့ မိုးလေ၀သနှင့်ဇလဗေဒဦးစီးဌာနကလည်း မတ်လ ၁ ရက်နေ့က သတိပေးချက်ထုတ်ပြန်ထားပါတယ်။

ဒါအပြင့် လူမူဝန်ထမ်းကယ်ဆယ်ရေးနှင့်ပြန်လည်နေရာချထားရေး ၀န်ကြီးဌာနကလည်း ယခုနှစ် မတ်၊ ဧပြီနဲ့ မေ လတွေမှာ လေပြင်းတိုက်ခတ်မှုဖြစ်ပွားနိုင်တာကြောင့် ပြည်သူတွေအနေနဲ့ နေအိမ်အဆောက်အအုံတွေကိုပြင်ဆင်ဖို့ အကြံပြုချက် ၈ ချက်နဲ့ သတိပြုဆောင်ရွက်ဖို့ အချက် ၆ ချက်ကိုထုတ်ပြန် ကြေညာထားပါတယ်။

ပြီးခဲ့တဲ့ ၂၀၁၆ ခုနှစ်ကလည်း ရန်ကုန်အပါအ၀င်နေရာဒေသအချို့မှာ နေ့အပူချိန်မြင့်တက်ပြီး မိုး တိမ်တောင်တွေဖြစ်ပွားကာ လေပြင်းတိုင်ခတ်၊မိုးသီးကြွေတာ၊ နေရာကွက်ကြားမိုးကြီး တာတွေကြောင့် သစ်ပင်တွေပြိုလဲတာ၊ လူတွေ ထိခိုက်ဒဏ်ရာရတာ၊ သေဆုံးတာတွေ ရှိခဲ့တာဖြစ်ပါတယ်။

RFA Burmese
http://www.rfa.org/burmese


ဘင်္ဂလားဒေ့ရ်ှကို ရောက်ရှိနေတဲ့ မွတ်စလင် အသိုင်းအ၀ိုင်း ဒုက္ခသည်တွေကို နယ်ရပ် ပြန်လည် ခေါ်ဆောင်သွားဖို့အရေး ဘင်္ဂလားဒေ့ရ်ှနိုင်ငံရဲ့ပူးပေါင်းဆောင်ရွက်မှုလိုတယ်လို့ မြန်မာ သမ္မတရုံး ပြောခွင့်ရ ပုဂ္ဂိုလ်က ပြောပါတယ်။ လက်ရှိအချိန်မှာ ဘင်္ဂလားဒေ့ရှ် နယ်စပ် က ဒုက္ခသည်စခန်းတွေကို မောင်တော ဒေသ စုံစမ်းစစ်ဆေးရေး ကော်မရှင်အဖွဲ့က သွားရောက်ဖို့ စီစဉ်နေပေမယ့်လို့ ဘင်္ဂလားဒေ့ရ်ှဘက်က လက်မခံသေးဘူးလို့လည်း ဆိုပါတယ်။ အပြည့်အစုံကိုတော့ ဗွီအိုအေမြန်မာပိုင်း သတင်းထောက် ကိုထက်အောင်က ပြောပြပေးမှာပါ။

ရခိုင်ဒေသ ပဋိပက္ခတွေ အားလုံး ဖြေရှင်းဆောင်ရွက်ပြီးသွားရင် ဘင်္ဂလားဒေ့ရ်ှနိုင်ငံကို ရောက်ရှိနေတဲ့ ရိုဟင်ဂျာ ဒုက္ခသည်တွေကို မြန်မာပြည်တွင်း ပြန်လည် ပို့ဆောင်သွားမယ်လို့ ဘင်္ဂလားဒေ့ရှ် ပြည်ထဲရေး ၀န်ကြီးက မနေ့က သတင်းစာ ရှင်းလင်းပွဲအတွင်း ပြောဆိုခဲ့ပါတယ်။ မူစလင် ဒုက္ခသည်တွေ နေရပ် ပြန်လာဖို့ အရေး စိစစ်ဆောင်ရွက်ရမှာ ဖြစ်ပြီး ဘင်္ဂလားဒေ့ရ်ှနိုင်ငံရဲ့ ပူးပေါင်းဆောင်ရွက်မှုလည်း လိုတယ်လို့ မြန်မာ သမ္မတရုံး ပြောခွင့်ရှိသူ ဦးဇော်ဌေးက အခုလို ပြောပါတယ်။

“ဘင်္ဂလားဒေ့ရ်ှနိုင်ငံရဲ့ ပူးပေါင်းဆောင်ရွက်မှု အထူးတလှယ်အရေးတကြီး လိုအပ်ပါတယ်၊ တနိုင်ငံတည်းလုပ်လို့မရဘူး ကျနော်တို့သူတို့ဆီမှာသူတွေ ၊ data အချက်အလက်တွေ ကျနေ်ာတို့ Paperwork ကိုပြန်လုပ်ဖို့လိုတယ်။ နောက်ဒုတိယအဆင့်အနေနဲ့ ကျနော်တို့ဆီက အထောက်အထား document တွေနဲ့ ဒီဟာတွေနဲ့ ကျနော်တို့က သူတို့ဆီသွားပြီးတော့ စိစစ် Identify လုပ်ဖို့လိုတယ်။ လိုအပ်ရင်ကျနော်တို့သူတို့ဆီက လူတွေနဲ့ တွေ့ဆုံပြီးတော့ Identify လုပ်ရမယ်။ အဲဒါပြီးတော့မှ အရေအတွက်ဘယ်လောက်ဆိုတာ ထွက်လာမှာဖြစ်တယ်။ မူအားဖြင့်တော့ ကျနော်တို့ လက်ခံနိုင်တယ်၊ သို့သော် စိစစ်ပြီးမှ လက်ခံမယ်။”

ဘင်္ဂလားဒေ့ရ်ှနိုင်ငံဖက်ကို ရောက်ရှိနေတဲ့ ရိုဟင်ဂျာ ဒုက္ခသည်တွေနဲ့ တွေ့ဆုံမေးမြန်းပြီး ရခိုင်ဒေသတွင်း စစ်တပ်ရဲ့ နယ်မြေရှင်းလင်းရေးတွေမှာ ဒေသခံတွေကို သတ်ဖြတ်တာ အမျိုးသမီးတွေကို မုဒိန်းကျင့်တာ နဲ့ နေအိမ်တွေကို မီးရှို့ဖျက်စီးတာတွေ လုပ်ခဲ့တဲ့အကြောင်း လူ့အခွင့်အရေးဆိုင်ရာ ကုလသမဂ္ဂ မဟာမင်းကြီးရုံးက ဖေဖော်ဝါရီလ ၃ ရက်နေ့က အစီရင်ခံစာ တစ်ရပ် ထုတ်ပြန်ခဲ့ပါတယ်။ ဒီအခြေအနေကို စစ်ဆေးဖို့အတွက် ဒုသမ္မတ ဥိးမြင့်ဆွေ ဦးဆောင်တဲ့ မောင်တောဒေသ စုံစမ်းစစ်ဆေးရေး ကော်မရှင်ဟာ ပဋိပက္ခဖြစ်ရာ ဒေသတွေကို တတိယအကြိမ် သွားရောက် စစ်ဆေးခဲ့သလို ကုလရဲ့ ဒီအစီရင်ခံစာဟာ စွပ်စွဲမှုတွေ ပြင်းထန်လှတဲ့အကြောင်း လူ့အခွင့်အရေး ကောင်စီကို တတ်ရောက်နေတဲ့ မြန်မာ ဒုနိုင်ငံခြားရေး ၀န်ကြီး ဦးကျော်တင်က တုန့်ပြန်ပြောဆိုထားပါတယ်။ လက်ရှိမှာ မောင်တောဒေသ စုံစမ်းစစ်ဆေးရေး ကော်မရှင်ဟာ ဘင်္ဂလားဒေ့ရ်ှနယ်စပ်က ဒုက္ခသည်စခန်းတွေကို သွားရောက်စစ်ဆေးဖို့ စီစဉ်နေပေမယ့်လို့ ဘင်္ဂလားဒေ့ရ်ှဘက်က လက်မခံသေးဘူးလို့ ဦးဇော်ဌေးက ပြောပါတယ်။

“ဒုသမ္မတဦးဆောင်တဲ့ စုံစမ်းစစ်ဆေးရေး ကော်မရှင်ဟာဘင်္ဂလားဒေ့ရှ် နိုင်ငံကိုသွားဖို့ ကျနော်တို့ ညှိနှိုင်းနေတယ် အဲဒါကို မြန်မာနိုင်ငံမှာရှိတဲ့ ဘင်္ဂလားဒေ့ရ်ှသံရုံးနဲ့ ညှိနှိုင်းနေတယ်။ ဘင်္ဂလားဒေ့ရ်ှက လက်တလော အဆင်မပြေဘူးလို့ ပြောတယ်။ ကျနော်တို့က ဒီနေ့ရရင် ဒီနေ့သွားမယ်။ မနက်ဖြန်ရရင် မနက်ဖြန်သွားမယ်။ အမြန်ဆုံးသွားချင်တယ်။ ဘင်္ဂလားဒေ့ရ်ှဘက်က အဆင်မပြေဘူးလို့ သံအမတ်ကြီးက ပြန်ကြားတယ် နောက်ဆုံးအခြေအနေကတော့။

မေး။ ။ ဟုတ်ကဲ့ ဘာတွများအဆင်မပြေဖြစ်တာပါလဲ၊ စောစောပိုင်းက ကိုဖီအာနန်ကော်မရှင်သွားထားတာ ရှိပါတယ်ခင်ဗျ။ ဒီ မောင်တောဒေသ စုံစမ်းစစ်ဆေးရေး ကော်မရှင်ကိုတော့ ဘာကြောင့် အဲဒီဘက်ကို သွားဖို့ အဆင်မပြေဖြစ်ရပါသလဲ။

ဖြေ။ ။ အဲဒီမေးခွန်းကို ကျနော်တို့ ဘင်္ဂလားဒေ့ရ်ှသံအမတ်ကြီးကိုလည်း မေးပါတယ်။ ကျနော်တို့လည်း အဲဒီအဖြေကို သိချင်နေပါတယ်။”

ဘင်္ဂလားဒေ့ရှ် Cox's Bazar ဒုက္ခသည်စခန်းတွေကို ဖေဖော်ဝါရီလ အတွင်း ၄ ရက်တာ သွားရောက်လေ့လာခဲ့တဲ့ မြန်မာနိုင်ငံ လူ့အခွင့်အရေး အထူးကိုယ်စားလှယ် Ms.Yanghee Lee ကလည်း စစ်တပ်ရဲ့ နယ်မြေရှင်းလင်းရေးတွေဟာ သူ ထင်ထားတာ ပိုပြီး ဆိုးဝါးခဲ့တယ်လို့ ပြောဆိုထားပါတယ်။ အောက်တိုဘာလ ၉ ရက်နေ့က ရခိုင်ပြည်မြောက်ပိုင်း ပဋိပက္ခတွေ နောက်ပိုင်း ဘင်္ဂလားဒေ့ရ်ှနယ်စပ်ကို ထွက်ပြေးတိမ်းရှောင်ခဲ့သူတွေကို စိစစ်ပြီး ပြန်လည် ခေါ်ယူသွားမယ်လို့ မြန်မာအစိုးရဖက်က ပြောဆိုထားပါတယ်။ ဒါပေမယ့်လည်း တစ်ဖက်နိုင်ငံကို ရောက်ရှိနေတယ်ဆိုတဲ့ ဒုက္ခသည်အရေအတွက်ဟာ နိုင်ငံတကာကာနဲ့ အစိုးရရဲ့ ပြောဆိုမှုတွေဟာ အတော်လေး ကွဲပြားနေတာကြောင့် ဒီဒုက္ခသည်တွေဟာ မြန်မာနိုင်ငံက ဟုတ်မဟုတ်ဆိုတာ အရင်စစ်ဆေးဖို့လိုတယ်လို့ အစိုးရဖက်က တုံ့ ပြန်ပြောဆိုထားပါတယ်။
VOA Burmese News

မြန်မာ့လယ်ယာလုပ်ငန်းခွင်က လယ်သူမတွေ လယ်စိုက်နေစဉ်။
မြန်မာ့လယ်ယာလုပ်ငန်းခွင်က လယ်သူမတွေ လယ်စိုက်နေစဉ်။

တောင်သူလယ်သမားတွေအတွက် ခိုင်မာတဲ့ဈေးနှုန်းနဲ့ ပြည်တွင်းပြည်ပ ဈေးကွက်တွေရဖို့ ဈေးပြိုင်စနစ် ဖော်ဆောင်ပေးမယ်လို့ ဒီကနေ့ ကျရောက်တဲ့ တောင်သူလယ်သမားနေ့မှာ နိုင်ငံတော်သမ္မတက ဂတိပြု ပြောဆိုလိုက်ပါတယ်။ လယ်ယာကဏ္ဍမှာ ပြည်တွင်းပြည်ပ ရင်းနှီးမြုပ်နှံမှုတွေ တိုးလာဖို့ ဆောင်ရွက်မယ်လို့လည်း ပြောပါတယ်။ ဒါပေမယ့်လည်း တောင်သူလယ်သမားတွေရဲ့ဘ၀မြင့်လာဖို့ အစိုးရအဆက်ဆက်က ဂတိပြုပြောဆိုခဲ့ကြပေမယ့်၊ အခုအချိန်အထိ ဒီဂတိက၀တ်တွေကို ထိထိရောက်ရောက်မလုပ်နိုင်ကြဘူးလို့ တောင်သူလယ်သမားအရေးလှုပ်ရှားသေူတွက ဝေဖန်ပါတယ်။ ဒီအကြောင်း မမေခက စုံစမ်းမေးမြန်း သတင်းပေးပို့ထားပါတယ်။

ဒီကနေ့ဟာ မြန်မာနိုင်ငံရဲ့ တောင်သူလယ်သမားနေ့ပါ။ ဒီနေ့အတွက် သမ္မတကြီးကသဝဏ်လွှာပေးပို့တာပါ အခုလိုထည့်သွင်းပြီး ဂတိပြုပြောဆိုလိုက်တာဖြစ်ပါတယ်။ သမ္မတကြီးပေးပို့တဲ့သဝဏ်လွှာမှာ ဒီအချက်တွေအပြင် နိုင်ငံအဝှမ်း မှာ လယ်ယာထုတ်ကုန်သမဝါယမအသင်းတွေဖွဲ့စည်းထူထောင်ပြီး တောင်သူဘဝမြင့်တင်ပေးဖို့လုပ်ဆောင်မယ်လို့လည်း ဂတိ ပြုထားပါတယ်။

တောင်သူလယ်သမားတွေနဲ့ပတ်သတ်လို့တောင်သူလယ်သမားအခွင့်အရေးကာကွယ်ပေးဖို့ကို လုပ်ဆောင်မယ်လို့ပြောဆိုထား ပေမယ့် လယ်ယာမြေဆုံးရှုံးနေရတဲ့လယ်သမားတွေအတွက် လယ်ယာမြေနဲ့ပတ်သတ်လို့ ဘာတွေလုပ်ပေးမလဲဆိုတာကိုတော့ တိတိကျကျ ဘာမှမပြောခဲ့ပါဘူး။

တောင်သူလယ်သမားအရေးလှုပ်ရှားသူတွေကတော့ အစိုးရသစ်မှာလည်း အစိုးရဟောင်းတုန်းကလို တောင်သူလယ်သမား တွေအတွက် ဘာမှထိထိရောက်ရောက်လုပ်ပေးတာမျိုးမရှိဘဲ ဖယ်ကြဉ်ထားကြဆဲဖြစ်တယ်လို့ ဝေဖန်မှုတွေရှိနေပါတယ်။ လက်ရှိ အစိုးရသစ် လက်ထက်မှာ လယ်ယာမြေမတရားသိမ်းခံရတဲ့ တောင်သူလယ်သမားတွေအတွက် လယ်ယာမြေပြသနာဖြေရှင်းမှုက အရင်အစိုးရလက်ထက်ကလိုဘဲ တာဝန်ယူမှုမရှိသေးတာကြောင့် လယ်သမားတွေမှာ နစ်နာရဆဲဖြစ်တယ်လို့ မြန်​မာနိုင်​ငံတောင်သူလယ်သမားသမဂ္ဂ(ဗဟို)မှ ဥက္ကဌ မစုစုနွေးက ခုလိုသုံးသပ်ပြောဆိုလိုက်ပါတယ်။

“နည်းနည်းလေးတော့ ပြောင်းလဲလာတာတွေ့ရပါတယ်။ တာဝန်ယူတဲ့အချိန်မှာ လယ်သမားကဏ္ဍတွေကို တိုင်းဒေသကြီးဝန်ကြီးချုပ်တွေကနေပြီးတော့ လယ်ယာမြေ ပြန်လည်စိစစ်ရေးအဖွဲ့တွေ နေပြည်တော်ကနေဖွဲ့တယ်၊ ဖွဲ့ပြီးတော့ ပြန်လည်စိစစ်တယ်။ တိုင်းဒေသကြီးအစိုးရအဖွဲ့တွေကနေပြီးတော နေရာပြန်ပေးတာမျိုးတွေလုပ်တယ်ပေါ့နော် အဲဒီနောက်ပိုင်းလည်းကျတော့ မြေယာအငြင်းပွားမှုတွေကို တင်ပြပါဆိုပြီးတော့ အစိုးရဘက်က မြို့နယ်တွေ ကျေးရွာတွေမှာ မြေယာအငြင်းပွားမှုတွေကိုတင်ခိုင်းတာမျိုးလည်း ကျမတို့ တွေ့ရတယ်။ နောက်ပိုင်းလည်းကျတော့ မြေယာအငြင်းပွားမှုတွေဖြစ်တဲ့အခါ ပြတ်ပြတ်သားသား ဥပဒေနဲ့အညီ ရဲရဲဝံ့ဝံ့ဆောင်ရွက်တာမျိုးတွေတော့ မတွေ့ရဘူး။ ပထမ အစပိုင်းမှာပြောင်းလဲလာသလိုဖြစ်ပြီးတော့ နောက်အလယ်ပိုင်းလောက်ကျတော့ ပြောင်းလည်သလိုနဲ့ မပြောင်းလဲပဲနဲ့ မြေယာအငြင်းပွားမှုတွေသွားပြောတဲ့အခါမှာ တာဝန်ယူမှုတွေ၊ တာဝန်ခံမှုတွေ မရှိပဲနဲ့ ဘော်လုံး ပုတ်သလိုပေါ့နော် ဘယ်အဖွဲ့အစည်းမှ တာဝန်မယူဘူး။”

သိမ်းဆည်းထားတဲ့ လယ်ယာမြေများကို လယ်လုပ်ချင်စိတ်ရှိတဲ့ သိမ်းဆည်းခံ လယ်သမားလက်ထဲအမြန်ဆုံးထည့်ပေးဖို့နဲ့ တောင်သူ လယ်သမားနေ့ဆိုပြီး တောင်သူလယ်သမားများအတွက်နိုင်​ငံလုံးဆိုင်ရာ တိုင်းဒေသကြီးအလိုက် ကျေးလက်အထိ ဂုဏ်ပြုကြိုဆိုတာမျိုးတွေ လည်းလုပ်ပေးစေချင်တယ်လို့ မစုစုနွေးကပြောပါတယ်။ တောင်သူလယ်သမားတွေအတွက် မစုစုနွေး က အခုလိုတောင်းဆိုလိုက်ပါသေးတယ်။

“ပြည်သူကတင်လိုက်တဲ့အစိုးရအနေနဲ့ တောင်သူလယ်သမားရဲ့ နည်းပညာပိုင်းဆိုင်ရာကိုလည်း ရပ်ကွက်လူ့အဖွဲ့အစည်းတွေနဲ့ ပူးပေါင်းပြီးတော့ ဆောင်ရွက်ပေးဖို့ရယ်။ နောက်တခုကတော့ တောင်သူလယ်သမားတွေကို တိုက်ရိုက်အကျိုးမပြုတဲ့ ဥပဒေတွေရှိပါတယ်။ တောင်သူလယ်သမားကာကွယ်စောင့်ရှောက်ရေး ဥပဒေထဲမှာဆိုရင်လည်း ဒါက ပြတော့ ပြဌာန်းထားတယ် အဲဒါကို နည်းဥပဒေ နဲ့ပေါ့နော် မြန်မြန်ဆန်ဆန်အကောင်အထည်ဖော်ပေးဖို့ရယ်။တောင်သူလယ်သမားတွေကို တိုက်ရိုက်အကျိုးမပြုတဲ့ ဥပဒေတွေကို ပြန်လည်ပြင်ဆင်ပြောင်းလဲပေးဖို့ရယ် ကျမတို့က တောင်းဆိုချင်ပါတယ်။”

ပြည်သူ့လွှတ်တော်က တောင်သူလယ်သမားအလုပ်သမားရေးရာကော်မတီကအဖွဲ့ဝင် ဦးစောတင်ဝင်းကတော့ တောင်သူလယ်သမား တွေဘဝဖွံ့ဖြိုးဖို့ ဥပဒေတွေနဲ့ကာကွယ်ပေးသွားဖို့ရှိတယ်လို့ ပြောပါတယ်။ သိမ်းဆည်းခံလယ်ယာမြေတွေနဲ့ပတ်သတ်လို့ လုပ်ဆောင်ပေးမယ့် လုပ်ငန်းစဉ်တွေနဲ့ပတ်သတ်ပြီး လုပ်ဆောင်နေတာကို အခုလိုရှင်းပြတာပါ။

“ကျနော်တို့ တောင်သူလယ်သမားတွေမတရား သိမ်းဆည်းခံရတာနဲ့ ပတ်သက်ပြီးတော့ တိတိကျကျ ဆုံးဖြတ်နိုင်အောင် ကျနော်တို့ တင်ပြထားတာ ရှိပါတယ်။ ဥပမာ လယ်သိမ်းမြေသိမ်းတွေနဲ့ ပတ်သက်ပြီးတော့ ကျနော်တို့ ၁၈၉၄ ခုနှစ် ဥပဒေနဲ့ ညီမညီပေါ့ဗျာ အဲဒါတွေနဲ့ ပတ်သက်ပြီးတော့ ကျနော်တို့ လုပ်ဆောင်နေပါတယ်။ အဲဒီအတွက်လည်း သက်ဆိုင်ရာ ကဏ္ဍတွေမှာ ကျနော်တို့ ထဲထဲဝင်ဝင်ပါဝင်ပြီးတော့ ကျနော်တို့ တင်ပြထားပါတယ်။ ကျနော်တို့ တိုင်းနဲ့ ပြည်နယ်အဆင့်က ပြည်သူ့လွှတ်တော်ကိုယ်စားလှယ်တွေကို ဒါတွေကို စိစစ်ပေးဖို့ လုပ်ဆောင်ချက်တွေလည်းရှိပါတယ်။ အဲဒီတော့ ဥပဒေ ပိုင်းဆိုင်ရာနဲ့ ပတ်သက်ပြီးတော့ ကျနော်တို့က တင်ပြထားတာတွေလည်းရှိပါတယ်။ ဘယ်အခြေအနေအထိ ရောက်ပြီလဲဆိုတာကတော့ ကျနော်တို့ အသေးစိတ်ပြောလို့ မရသေးပါဘူး။”

လက်ရှိမှာတောင်သူလယ်သမားတွေဘဝက ကြွေးမြီးသံသရာနဲ့လည်ပတ်နေရဆဲပါ။ သဘာဝဘေးအန္တရာယ်ကြောင့် ပျက်ဆီး ဆုံးရှုံးသွားတဲ့ စိုက်ပျိုးစာရိတ်ချေးငွေတွေမဆပ်နိုင်တဲ့တောင်သူတွေအတွက် အစိုးရဘက်က သက်ညှာစွာစဉ်းစားပေးဖို့နဲ့ မတ ရားသိမ်းဆည်းခံလယ်မြေတွေ တောင်သူတွေပြန်ရဖို့ တောင်သူလယ်သမားအရေးလှုပ်ရှားသူတွေကတောင်းဆိုနေကြပါတယ်။ တောင်သူလယ်သမားအခွင့်အရေးဥပဒေဆိုတာ ရှိနေပေမယ့် နည်းဥပဒေမထွက်သေးလို့ တောင်သူတွေကို ခုချိန်ထိတော့ ထိထိ ရောက်ရောက်မကာကွယ်ပေးနိုင်သေးသလို တောင်သူတွေရဲ့လယ်မြေတွေမှာလည်းမတရားသိမ်းဆည်းခံနေရဆဲဖြစ်ပါတယ်။

VOA Burmese News



အအိပ်နည်းတဲ့ အာဖရိက ဆင်ရိုင်းတွေ
အာဖရိက တောဆင်ရိုင်းတွေဟာ နို့တိုက် သတ္တဝါထဲ အိပ်ချိန် အနည်းဆုံးပဲလို့ လေ့လာမှု တစ်ရပ်က ဆိုပါတယ်။

ဆင်တွေရဲ့ သဘာဝ အတိုင်း အိပ်စက်တဲ့ အလေ့အကျင့်ကို သိနိုင်အောင် ဘော့စ်ဝါနာမှာ ဆင် နှစ်ကောင်နောက် သိပ္ပံ ပညာရှင်တွေ တကောက်ကောက် လိုက်ကြည့် ခဲ့ပါတယ်။

တိရိစ္ဆာန် ရုံထဲက ဆင်တွေဟာ တစ်နေ့ကို ၄ နာရီကနေ ၆ နာရီ အထိ အိပ်စက်လေ့ ရှိပေမယ့် သဘာဝ တောတောင် တွေထဲမှာတော့ ညဘက် အချိန်တွေမှာ ၂ နာရီ လောက်သာ အိပ်တတ် ကြတာ တွေ့ရပါတယ်။

သိပ္ပံ ပညာရှင်တွေ အထူး လေ့လာခဲ့တာ ဆင်ရိုင်း အုပ်စု တွေကို ဦးဆောင်တဲ့ ဆင်အမကြီး နှစ်ကောင် ဖြစ်ပါတယ်။

အဲဒီ့ နှစ်ကောင်စလုံး တခါတလေ ရက် အတန်ကြာအောင်ကို လုံးဝ အိပ်စက်တာမျိုး မရှိတာ တွေ့ရပါတယ်။

အဲဒီ့ ဆင်တွေဟာ ရက်အတန်ကြာ မအိပ်တဲ့ ကာလတွေမှာ ဆိုရင် လူတွေမှာဆို အိပ်မက်မက်နေတဲ့ မျက်လုံးလို့ ခေါ်ကြတဲ့ မျက်လုံးတွေ လှုပ်ကနဲ လှုပ်ကနဲ ဖြစ်သွားတဲ့ rapid eye movement (REM) အခြေအနေ မျိုးမှာသာ ရှိပါတယ်။

အိပ်ပြီဆိုရင်တော့ ခြေလေးချောင်းပေါ် ရပ်မနေတော့ပဲ လှဲချပြီး အိပ်ကြ ပါတယ်။

ဆင်တွေဟာ နို့တိုက် သတ္တဝါထဲ အအိပ်အနည်းဆုံး အကောင်တွေလို့ တောင်အဖရိက၊ ဝစ်ဝါတာစရင်း တက္ကသိုလ်က ပါမောက္ခ ဒေါက်တာ ပေါလ် မန်ဂျာ က ပြောပြီး၊ ဒီ အလေ့အကျင့်ဟာ သူတို့ရဲ့ ကြီးမားတဲ့ ခန္ဓာကိုယ် အရွယ်အစားနဲ့ ဆက်စပ်မှု ရှိနိုင်တယ် လို့လည်း ဆိုပါတယ်။

BBC Burmese
http://www.bbc.com/burmese


ကြားဖြတ်ရွေးကောက်ပွဲအတွက် မဲဆွယ်စည်းရုံးမှုတွေ ပိုပြီး လွတ်လပ်လာပေမဲ့ အတားအဆီး တချို့ကတော့ ရှိနေဆဲပဲလို့ ကိုယ်စားလှယ်လောင်းတွေက ပြောပါတယ်။ ဒါပေမဲ့ ပြည်သူလူထုရဲ့ ရွေးကောက်ပွဲမှာ ပါဝင်လာမှုကတော့ သိသိသာသာ တိုးတက်လာတယ်လို့လည်း စည်းရုံးရေး ဆင်းနေတဲ့ ကိုယ်စားလှယ်တွေက ပြောပါတယ်။ မသိင်္ဂီထိုက် စုစည်းတင်ပြထားပါတယ်။

ပြည်သူ့လွှတ်တော်၊ အမျိုးသားလွှတ်တော်နဲ့ တိုင်းဒေသကြီး ပြည်နယ်လွှတ်တော်ကိုက လွှတ်တော်အမတ် လစ်လပ်နေရာ ၁၉ နေရာအတွက် လာမယ့် ဧပြီလထဲမှာ ကြားဖြတ် ရွေးကောက်ပွဲတွေကို ကျင်းပဖို့ ရှိနေတာပါ။ အခု ကျင်းပမယ့် ကြားဖြတ်ရွေးကောက်ပွဲက ပြည်သူလူထုက ရွေးကောက်တင်မြှောက်တဲ့ အမျိုးသားဒီမိုကရေစီအဖွဲ့ချုပ် NLD ပါတီ အစိုးရ လက်ထက် ကျင်းပမယ့် ပထမဆုံး ရွေးကောက်ပွဲပါ။ အခု ကြားဖြတ်ရွေးကောက်ပွဲမှာ မဲဆွယ် စည်းရုံးရမှု အခြေအနေက လွတ်လပ်မှု ရှိပါသလား ဆိုတာကိုတော့ ရခိုင်ပြည်နယ် အမ်းမြို့နယ် ပြည်သူ့လွှတ်တော် ကိုယ်စားလှယ် နေရာအတွက် စည်းရုံးရေး ဆင်းနေတဲ့ ရခိုင်အမျိုးသားပါတီက ဒေါက်တာ အေးမောင်က အခုလို ပြောပါတယ်။

“ကျနော်တို့နဲ့ ရွေးကောက်ပွဲ မဲဆွယ်တဲ့ ရက်တွေ မထပ်အောင်လို့ ကျနော်တို့ လုပ်နိုင်ကြပါတယ်။ အခုထိတော့ ရွာထဲမှာ ထိပ်တိုက်တွေ့တာ မရှိသေးပါဘူး။ ကျနော်တို့ အစီအစဉ်လေးတွေ ဦးအောင်တဲ့လူကို ဦးစားပေးကြပါတယ်။ အစီအစဉ်မှာ ထပ်နေရင်လည်း ပါတီတခုက နောက်ဆုတ်ပေးကြတဲ့ နေ့တော့ ရှိပါတယ်။ အေးအေးဆေးဆေး လူထုကို သဘောပေါက်အောင် အရင်ထက် ပိုပြီးတော့ ဆောင်ရွက်နိုင်တယ် ထင်ပါတယ်။”

ရန်ကုန်တိုင်းဒေသကြီး မဲဆန္ဒနယ်အမှတ် ၆ အမျိုးသားလွှတ်တော် ကိုယ်စားလှယ်နေရာအတွက် ၀င်ရောက် ယှဉ်ပြိုင်မယ့် အမျိုးသား ဒီမိုကရေစီ အင်အားစုပါတီ NDF က ဦးခိုင်မောင်ရည် အတွက်တော့ မဲဆွယ်စည်းရုံးရေးမှာ အခက်အခဲတချို့ ရှိခဲ့တာပါ။

“အခက်အခဲအနေနဲ့ ကျနော်တို့ မဲဆွယ်စည်းရုံးတဲ့အခါမှာ ကျနော်တို့ရဲ့ လက်ကမ်းစာစောင်တွေ ဝေတဲ့အခါမှာ ပထမတုန်းက ပါတီလက်ကမ်းစာစောင်လေးတွေ လုပ်ဆောင်ချက်လေးတွေ ဝေကြတဲ့အခါမှာ တချို့အိမ်ယာဝင်းတွေကို ၀င်ခွင့်မရပါဘူး။ ကျနော်တို့က တရားဝင်အစိုးရကနေ ကျနော်တို့ကို တရားဝင် မဲဆွယ်စည်းရုံးခွင့် ပေးထားပေမဲ့ သက်ဆိုင်ရာ အိမ်ယာတွေက VIP အိမ်ယာလည်း မဟုတ်၊ သီးသန့်နေကြတာလည်း မဟုတ်ဘဲနဲ့ အိမ်ယာတွေ ၀င်းတွေမှာ လုံခြုံရေးတွေ ထားပြီး လုံခြုံရေးတွေက ခွင့်မပြုလို့ မ၀င်ရတာမျိုးတွေလည်း ရှိပါတယ်။ အဲဒါဆိုရင် အုပ်ချုပ်ရေးက ရွေးကောက်ပွဲမှာ ပါဝင်ကူညီပေးတဲ့ အနေအထာမျိုးက အတော် အားနည်းနေတာကို တွေ့ရပါတယ်။”

ဒါပေမဲ့ အခုကြားဖြတ် ရွေးကောက်ပွဲက လစ်လပ်တဲ့ လွှတ်တော်အမတ်နေရာ နည်းတာကြောင့်ရော နောက် နိုင်ငံရေးပါတီတွေဘက်က စည်းရုံးလှုပ်ရှားမှု နည်းတာကြောင့်ရော လူထုကြားမှာတော့ သိပ်ပြီး စိတ်မ၀င်စားလှဘူးလို့လည်း ကိုယ်စားလှယ်လောင်း ဦးခိုင်မောင်ရည်က ပြောပါတယ်။ ရခိုင်ပြည်နယ် အမ်းမြို့နယ်မှာတော့ လူထုကြား ရွေးကောက်ပွဲနဲ့ ပတ်သက်လို့ ပိုပြီး သတ္တိရှိလာတယ်လို့ ကိုယ်စားလှယ်လောင်း ဒေါက်တာ အေးမောင်က ပြောပါတယ်။

“ပိုပြီးတော့ ပြောင်းလဲလာပါတယ်။ မဲဆန္ဒရှင်တွေရဲ့အသိက ပိုမြင့်လာပါတယ်။ သတ္တိပိုရှိလာတာပေါ့။ ပထမတုန်းကတော့ ကြောက်ရတယ်။ ကျနော်တို့ဆီမှာဆိုရင် အရင်တုန်းက ပုဂ္ဂိုလ်ကြီးတွေက အ၀တ်ဟောင်းလေး တထည်လောက်နဲ့ မဲတွေကို ရအောင် ယူသွားတာမျိုး ရှိတယ်လို့ ပြောတယ်။ ဆိုပါတော့ ကျေးရွာကို အ၀တ်ဟောင်းလေးတွေ ဆာလာအိတ် ၂ အိတ်လောက် လာပုံပေးတယ်ပေါ့ဗျာ။ တအိမ် တထုတ်ဆီ ပေးလိုက်ဆိုတာမျိုးနဲ့ လုပ်သွားကြတာမျိုးလည်း တချို့က ပြောကြပါတယ်။ ဆိုတော့ အခုကတော့ တရားမျှတမှုရှိရှိနဲ့ သွားစေချင်တဲ့ လူထုရဲ့ လိုလားချက်တွေကို ပြပါတယ်။”

လာမယ့် ဧပြီလမှာ ကျင်းပမယ့် ကြားဖြတ် ရွေးကောက်ပွဲမှာတော့ ပြည်သူ့လွှတ်တော် အမျိုးသား လွှတ်တော်နဲ့ တိုင်းဒေသကြီး ပြည်နယ်လွှတ်တော် ၁၉ နေရာကို ၀င်ရောက် ယှဉ်ပြိုင်ကြရမှာပါ။ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက လစ်လပ်နေရာ အားလုံးမှာ ၀င်ရောက်ယှဉ်ပြိုင်မှာဖြစ်ပြီး လက်ရှိ အာဏာရ အမျိုးသား ဒီမိုကရေစီ အဖွဲ့ချုပ်ကတော့ ၁၈ နေရာ ၀င်ရောက်ယှဉ်ပြိုင်မှာဖြစ်ပြီး ပါတီပေါင်း ၂၄ ပါတီနဲ့ တသီးပုဂ္ဂလ ကိုယ်စားလှယ်တွေလည်း ယှဉ်ပြိုင်ကြမှာ ဖြစ်ပါတယ်။
VOA Burmese News



ရုရှား သံ အမတ်နဲ့ တွေ့ဆုံ ခဲ့တဲ့ အမေရိကန် ရှေ့နေချုပ် ဆက်ရှင်စ်
အမေရိကန် သမ္မတ ဒေါ်နယ် ထရမ့်ရဲ့ အနီးကပ်ဆုံး အကြံပေး တစ်ယောက် ဖြစ်တဲ့ ရှေ့နေချုပ် ဂျက်ဖ် ဆက်ရှင်စ် အပေါ် ဖိအားတွေ ပိုမို တိုးမြင့် လာနေပါတယ်။

ရွေးကောက်ပွဲ အကြို မဲဆွယ်ပွဲ ကာလတွေ တုန်းက မစ္စတာ ဆက်ရှင်စ်ဟာ အများပြည်သူကို ထုတ်ပြန် မကြေညာခဲ့ပဲ ရုရှား သံအမတ်နဲ့ တွေ့ဆုံမှုတွေ ပြုလုပ် ခဲ့တဲ့ အကြောင်း ထွက်ပေါ် လာခဲ့တဲ့နောက် အခုလို ဖိအားတွေနဲ့ ရင်ဆိုင် နေရတာ ဖြစ်ပါတယ်။

မစ္စတာ ဆက်ရှင်စ်ဟာ ရှေ့နေချုပ် အဖြစ် ထိုက်တန်သူ ဖြစ်ကြောင်း ပြီးခဲ့တဲ့ ဇန်နဝါရီလမှာ ဆီးနိတ် လွှတ်တော် ရှေ့မှောက် ထွက်ဆို ခဲ့တုန်းကတော့ မဲဆွယ်ကာလ တွေမှာ သူ့ အနေနဲ့ ရုရှားနဲ့ကြား ဘယ်လို ထိတွေ့ ဆက်ဆံမှုမျိုးမှ မပြု လုပ်ခဲ့ဘူးလို့ ပြောခဲ့ပါတယ်။

ဒါပေမယ့် မစ္စတာ ဆက်ရှင်စ်ဟာ ရုရှား သံအမတ်နဲ့ နှစ်ကြိမ် တွေ့ဆုံ ခဲ့ကြောင်း မတ်လ ၁ ရက်နေ့မှာ အမေရိကန် တရားရေး ဌာနက အတည်ပြု ပြောဆို လာပါတယ်။

မစ္စတာ ဆက်ရှင်စ်ဟာ အမှန်တိုင်း ပြောပါ့မယ် ဆိုပြီး ကျမ်းသစ္စာ ကျန်ဆို ထားလျက်သား လွှတ်တော်ကို လိမ်ညာ ခဲ့သူ ဖြစ်တဲ့ အတွက် ဥပဒေ အရာရှိ အဖြစ် တာဝန်ထမ်းဖို့ သင့်တော်သူ မဟုတ်ဘူးလို့ ဒီမိုကရက် ဝါရင့် ဆီနိတ်တာ အမတ် နန်စီ ပလိုစီက ဝေဖန် ပြောဆိုပါတယ်။

BBC Burmese
http://www.bbc.com/burmese



တောင်သူလယ်သမားနေ့ အထိမ်းအမှတ်အဖြစ် ဟူးကောင်းဒေသက မြေသိမ်းခံ တောင်သူတွေ ပါဝင်တဲ့ ဆွေးနွေးပွဲကို ကချင်ပြည်နယ် ဖားကန့်မြို့နယ် ဝါရာဇွပ်ကျေးရွာမှာ မတ်လ ၂ ရက်နေ့က ပြုလုပ်စဉ်
ဒီကနေ့  မတ်လ ၂ ရက်နေ့မှာ ကျရောက်တဲ့ တောင်သူလယ်သမားနေ့ အထိမ်းအမှတ်အဖြစ် ဟူးကောင်းဒေသ က မြေသိမ်းခံ တောင်သူတွေ ပါဝင်တဲ့ ဆွေးနွေးပွဲကို ကချင်ပြည်နယ် ဖားကန့်မြို့နယ် ဝါရာဇွပ်ကျေးရွာမှာ ပြုလုပ် ခဲ့ပြီး တောင်သူအယောက် ငါးရာကျော် တက်ရောက်ခဲ့ကြပါတယ်။

အဲဒီဆွေးနွေးပွဲမှာ ဟူးကောင်းဒေသမှာ ယုဇနကုမ္ပဏီက သိမ်းယူထားတဲ့ ဥယျာဉ်ခြံမြေတွေကြောင့် လုပ်ကိုင်စားသောက်ဖို့ အခက်အခဲဖြစ်နေရတာတွေအပါအဝင် တောင်သူတွေရင်ဆိုင်ကြုံတွေ့နေရတဲ့ အခြေအနေတွေကို ဆွေးနွေးခဲ့ကြတယ်လို့ ဝါရာဇွပ်ရွာက တောင်သူ ဦးလရှီးအောင်လတ် က ပြောပါတယ်။

"ဒေသခံ တောင်သူတွေရဲ့ နစ်နာဆုံးရှုံးမှုကို ပြန်လည်ရရှိအောင်ဆိုတဲ့ ရည်ရွယ်ချက်လည်းရှိတယ် ။ တောင်သူလယ်သမားနေ့ဆိုတာ ၀မ်းသာစရာ အကြောင်းပြောဖို့ ရှိသလို ကျနော်တို့ရဲ့ ခံစားချက်လည်း တင်ပြဖို့ ဖြစ်ပါတယ်။ ခံစားချက်ကို တင်ပြတဲ့ နေရာမှာ ယုဇနကြောင့် နစ်နာဆုံးရှုံးမှုနဲ့ ပတ်သက်တဲ့ တင်ပြချက်တွေလည်းပါတယ်"

ပြီးခဲ့တဲ့ စစ်အစိုးရလက်ထက်က ဟူးကောင်းဒေသမှာ ကြံ၊ ပီလောပီနံ စတဲ့ သီးနှံတွေစိုက်ပျိုးဖို့ဆိုပြီး ဧက သိန်းနဲ့ချီရှိတဲ့ စိုက်ခင်းမြေတွေကို ယုဇနကုမ္ပဏီကသိမ်း ယူခဲ့တာဖြစ်ပါတယ်။

အဲ့ဒီနောက်ပိုင်းမှာ ဝါရာဇွပ်၊ ဗန်ကောက်၊ နောင်းမြီ၊ ရှဒူးဇွပ် စတဲ့ကျေးရွာတွေက ဒေသခံရွာသားတွေဟာ သူ့တို့ရဲ့ဆုံးရှုံးခဲ့တဲ့ လယ်ယာမြေတွေအတွက် လျော်ကြေးရလိုမှုအပါအဝင် စိုက်ပျိုးမြေတွေ ပြန်လည် ရရှိဖို့ အတွက် ဒေသခံတောင်သူတွေနဲ့ ယုဇနကုမ္ပဏီတို့ အကြား အပြန်အလှန်တရားစွဲဆိုမှုတွေ ပြုလုပ်ခဲ့ကြပါတယ်။

တရုတ်နဲ့ အိန္ဒိယနိုင်ငံကို ဆက်သွယ်ထားတဲ့ ကမ္ဘာ့သမိုင်းဝင် လီဒို လမ်းမကြီးဖြတ်သန်းတည်ရှိရာ ဟူးကောင်းဒေ သမှာ မိုးကောင်း၊ ဖားကန့်၊ တနိုင်း စတဲ့မြို့နယ် သုံးခုက ကျေးရွာတွေ ဆက်စပ်ပါဝင်နေတာဖြစ်ပါတယ်။

ဒီကနေ့ပြုလုပ်တဲ့ တောင်သူလယ်သမားနေ့ အခမ်းအနားကို မန်ပန်၊ ဒွန်ဘန်၊ နောင်းမြီ၊ မန်ဖြတ်၊ ခွန်ဆန်ယန် စတဲ့ရွာပေါင်း နှစ်ဆယ်ကျော်က ဒေသခံနဲ့ တောင်သူတွေတက်ရောက်ခဲ့ကြပါတယ်။

RFA Burmese
http://www.rfa.org/burmese



လက်ပံတောင်းဒေသ သီးနှံလျော်ကြေးကိစ္စ ဆန္ဒပြတောင်သူတွေနဲ့ စစ်ကိုင်းတိုင်းဝန်ကြီးချုပ်တို့ ဖေဖော်ဝါရီလ ၂၅ ရက်နေ့က တွေ့ဆုံစဉ်။ ဓါတ်ပုံ - အိန်ဂျယ် နတ်သမီး
လက်ပံတောင်းတောင် ကြေးနီစီမံကိန်းနယ်မြေက ဒေသခံတွေရဲ့ တောင်းဆိုချက်တွေနဲ့ပတ်သက်ပြီး စစ်ကိုင်း တိုင်းဒေသကြီး အစိုးရအနေနဲ့ ဆုံးဖြတ်လို့မရတဲ့အတွက် ပြည်ထောင်စုအစိုးရအဖွဲ့ကို တင်ပြထားတယ်လို့ တိုင်းဒေသကြီးအစိုးရအဖွဲ့က ပြောပါတယ်။

ဒေသခံတွေ တောင်းဆိုတာနဲ့ ကုမ္ပဏီနဲ့ကြားမှာ ကွဲလွဲမှုတွေရှိနေပြီး ဒီစီမံကိန်းဟာ ပြည်ထောင်စုအဆင့်နဲ့ စာချုပ်ချုပ်ဆိုထားတာ ဖြစ်တဲ့အတွက် ပြည်ထောင်စုအစိုးရဆီကို မနေ့က စာတင်ထားတယ်လို့ တိုင်းဒေသကြီး အစိုးရအဖွဲ့ စည်ပင်သာယာရေးဝန်ကြီး ဦးမြင့်ကြည် က ပြောပါတယ်။

"ခြံခတ်ထားတဲ့အတွင်းကဟာတွေကို သီးနှံလျော်ကြေးအနေနဲ့ တောင်းချင်တာပါ၊ သူတို့တောင်းဆိုချက်က သီးနှံမစိုက်ရတဲ့အတွက် သိမ်းခဲ့တဲ့ကာလကနေပြီးတော့ အခု ၂၀၁၇ အထိဆိုရင် တချို့က ၃ နှစ်၊ တချို့က ၂ နှစ်၊ တချို့က ၄ နှစ်ပေါ့နော်၊ တစ်နှစ်ကို သူတို့က တစ်ဧကကို ၇ သိန်းနှုန်းနဲ့ ရချင်တယ်၊ နောက်နှစ်တွေ မှာလည်း သူတို့ညှိနှိုင်းတဲ့ဟာမျိုးနဲ့ပဲ ရချင်တယ်ဆိုတဲ့ အခါကျတော့ ကုမ္ပဏီက အဲလို တစ်ဖြတ်ချင်း လုပ်လို့မရပါဘူးတဲ့၊ ကွဲလွဲနေတဲ့အခါကျတော့လေ အဲဒါကျတော့ တိုင်းဒေသကြီးက ဆုံးဖြတ်လို့မရပါဘူး၊ ဒါက ပြည်ထောင်စုနဲ့ စာချုပ်ထားတာ၊ ပြည်ထောင်စုပဲ တင်ပေးလိုက်ပါတယ်၊ မနေ့က စာတင်ပေးလိုက် ပါတယ်"

ကုမ္ပဏီဘက်က မြေယာလျော်ကြေး၊ ထောက်ပံ့ကြေး၊ သီးနှံလျော်ကြေးတွေကို နှုန်းထားတစ်ခုနဲ့ နှစ်စဉ်ပေးချင်နေ တာဖြစ်ပေမယ့် ဒေသခံတွေကတော့ မြေယာလျော်ကြေးအဖြစ် မြေယာ တစ်ဧက အတွက် တစ်နှစ်ကို ၇ သိန်းနှုန်း နဲ့ ပေးဖို့အပြင် နောက်နှစ်တွေမှာလည်း ဒေသခံတွေ တောင်းဆိုတဲ့ နှုန်းထားအတိုင်းပေးချေဖို့ တောင်းဆိုထား တာ ဖြစ်ပါတယ်။

လက်ပံတောင်းတောင် ကြေးနီစီမံကိန်းကြောင့် သိမ်းယူခံထားရတဲ့ မြေယာတွေထဲက လျော်ကြေးမယူထားတဲ့ ဧက နှစ်ထောင်အတွက် သီးနှံလျော်ကြေးပေးရေးကိစ္စနဲ့ပတ်သက်ပြီး ပြီးခဲ့တဲ့ ဖေဖော်ဝါရီလ ၂၅ ရက်နေ့က ဒေသ ခံတွေနဲ့ စစ်ကိုင်းတိုင်းဝန်ကြီးချုပ်တို့ တွေ့ဆုံခဲ့ကြတာ ဖြစ်ပါတယ်။

အဲဒီလို ၀န်ကြီးချုပ်နဲ့တွေ့ဆုံခွင့်ရဖို့အတွက် ၀မ်ပေါင်ကုမ္ပဏီက ကြေးနီတင်တဲ့ ယာဉ်တွေကို တားဆီးကာ ဆန္ဒပြတောင်းဆိုခဲ့ကြတဲ့ ဒေသခံ ၂၅ ယောက်ကို ငြိမ်းချမ်းစွာစုဝေးခွင့်နဲ့ စီတန်းလှည့်လည်ခွင့်ဆိုင်ရာ ဥပဒေပုဒ်မ ၁၉၊ ရာဇသတ်ကြီး ပုဒ်မ ၁၄၃၊ ပြည်သူပိုင်လမ်းပိတ်ဆို့မှု ပုဒ်မ ၁၄၃/ ၄၃၁ တို့နဲ့ ဆားလင်းကြီး မြို့မရဲစခန်းက အမှုဖွင့်ထားပါတယ်။

RFA Burmese
http://www.rfa.org/burmese



ကုလသမဂ္ဂလုံခြုံရေးအဖွဲ့ ဝင်နိုင်ငံများ အစည်းအဝေးပြုလုပ်နေစဉ် (ဆင်ဟွာ)
    ကုလသမဂ္ဂ ၊ မတ် ၂ ရက်(ဆင်ဟွာ)

    လူ ၁၅ ဦးသေဆုံးပြီး အများအပြား ဒဏ်ရာရခဲ့သော အာဖဂန်နစ္စတန်နိုင်ငံ ကဘူးမြို့ ၌ မတ်လ ၁ ရက် နံနက်အစောပိုင်းတွင် ဖြစ်ပွားခဲ့သည့် တိုက်ခိုက်မှုအား “ ရိုင်းစိုင်းယုတ်မာသော ၊ သူရဲဘောကြောင်သော အကြမ်းဖက်တိုက်ခိုက်မှု” အဖြစ် ကုလသမဂ္ဂလုံခြုံရေးကောင်စီက ပြစ်တင်ရှုတ်ချလိုက်သည်။

ကဘူးမြို့ အနောက်ဘက်ပိုင်းရှိ ရဲစခန်းတစ်ခုအား ဝင်ရောက်တိုက်ခိုက်မှုမှာ ၄င်းတို့ ၏လက်ချက်ဖြစ်ကြောင်း တာလီဘန်အကြမ်းဖက်အဖွဲ့ က ကြေညာထားသည်။

“ တာလီဘန် ၊ အယ်လ်ကိုင်းဒါး ၊ အိုင်အက်စ် ၊ Levant (ISIL/Da’esh) နဲ့  လက်နက်ကိုင် အဖွဲ့ တွေရဲ့ ခြိမ်းခြောက်မှုတွေဟာ ဒေသတွင်းပြည်သူတွေ ၊ စစ်တပ်တွေ ၊ လုံခြုံရေးတပ်ဖွဲ့ တွေ နဲ့ အာဖဂန်နစ္စတန်နိုင်ငံမှာရှိတဲ့ နိုင်ငံတကာအဖွဲ့ အစည်းတွေအပေါ်မှာ စိုးရိမ်စရာဖြစ်နေတယ်ဆိုတာ လုံခြုံရေးကောင်စီအဖွဲ့ ဝင်နိုင်ငံများက ကြိမ်ဖန်များစွာ ထုတ်ဖော်ပြောဆိုခဲ့ပြီးပါပြီ” ဟု ကုလသမဂ္ဂလုံခြုံရေးကောင်စီအဖွဲ့ ဝင် ၁၅ နိုင်ငံ၏ ထုတ်ပြန်ချက်ထဲတွင် ဖော်ပြထားသည်။

“ လုံခြုံရေးကောင်စီအဖွဲ့ ဝင်နိုင်ငံတွေဟာ အဲဒီအကြမ်းဖက်ဝါဒကို ကူညီထောက်ပံ့နေသူတွေ ၊ ငွေကြေးထည့်ဝင်နေသူတွေ ၊ အဖွဲ့ အစည်းတွေ နဲ့ ပါဝင်ပတ်သက်နေသူတွေအားလုံးကို တရားဥပဒေရှေ့မှောက် အရောက်ပို့ ဆောင်ဖို့ လိုအပ်တဲ့အကြောင်း ပြောခဲ့ပါတယ်။ဒါ့အပြင် အာဖဂန်နစ္စတန်နိုင်ငံ အာဏာပိုင်အဖွဲ့ တွေနဲ့ အတူ ပူးပေါင်းဆောင်ရွက်ပြီး လုံခြုံရေးကောင်စီရဲ့ ဆုံးဖြတ်ချက်တွေ နဲ့ နိုင်ငံတကာဥပဒေတွေအတိုင်း တာဝန်ရှိသူတွေကို အရေးယူမှုတွေလုပ်သွားဖို့  နိုင်ငံအားလုံးကို တိုက်တွန်းထားပါတယ် ” ဟု ထုတ်ပြန်ချက်တွင် ဖော်ပြထားသည်။

(Xinhua)
http://www.xinhuamyanmar.com



လိပ်ကျွန်းလူသတ်မှု တွင် မြန်မာလုပ်သားနှစ်ဦးအားသေဒဏ်ချမှတ်ခဲ့ကြောင်း ထိုင်းသတင်းစာတွင် ပါရှိစဉ် (ဓာတ်ပုံ-- ဦးစိန်ဌေးဖေ့ဘွတ်)
    ရန်ကုန်၊ မတ် ၂ ရက် (ဆင်ဟွာ)

    ၂၀၁၄ ခုနှစ် စက်တင်ဘာလအတွင်းက ဖြစ်ပွားခဲ့သည့် ထိုင်းနိုင်ငံတောင်ပိုင်းရှိ လိပ်ကျွန်းတွင် ဗြိတိန်နိုင်ငံသားနှစ်ဦး အသတ်ခံရမှု နှင့် ပတ်သက်ပြီး သေဒဏ်ချမှတ် ခံထားရသည့် မြန်မာလုပ်သားနှစ်ဦး၏ အယူခံကို  အယူခံတရားရုံးက မတ်လ ၁ရက် တွင် ပယ်ချခဲ့ခြင်း နှင့် ပတ်သက်ပြီး မြန်မာအစိုးရအနေ ဖြင့် ဥပဒေကြောင်းအရအပါအဝင် နည်းလမ်းမျိုးစုံဖြင့် ကူညီဆောင်ရွက်သွားမည်ဖြစ်ကြောင်း နိုင်ငံတော်အတိုင်ပင်ခံရုံး ဝန်ကြီးဌာန ခေတ္တညွှန်ကြားရေးမှုးချုပ်  ဦးဇော်ဌေးက ယနေ့ ဆင်ဟွာကိုပြောသည်။

ယင်းအမိန့်နှင့် ပတ်သက်ပြီး တရားခံနှစ်ဦးအား ဖေဖော်ဝါရီ ၂၃ ရက်က ဘမ်ခွမ်အကျဉ်းထောင်သို့ သွားရောက်ဖတ်ပြခဲ့ခြင်းဖြစ်ကြောင်း ရွှေ့ပြောင်းအလုပ်သမားကွန်ယက်မှ တာဝန်ရှိသူ ဦးစိန်ဌေးက ပြောသည်။

ဦးစိန်ဌေးက “မတ်လ ၁ရက်နေ့  ကော့စမွေတရားရုံးမှာ တရားလိုဖြစ်တဲ့ ခရိုင်ဥပဒေအရာရှိကို အယူခံတရားရုံးတရားသူကြီးတွေကခေါ်ယူပြီး အယူခံတရားရုံးရဲ့စီရင်ချက်ကိုဘဖတ်ကြားခဲ့ပါတယ်။ စီရင်ချက်ကတော့ အောက်ရုံးက စီရင်ချက်အတိုင်းပဲ အယူခံရုံးကလည်း ညီငယ်၂ဦးကို သေဒဏ်အဖြစ်ပဲ သတ်မှတ်ခဲ့တာပါ။ ဒီစီရင်ချက်ကို ကာယကံရှင်တွေဖြစ်တဲ့ ညီငယ်၂ဦးရှိရာ နွန်ထဘူရီ ဘန်ခွမ်အကျဉ်းထောင်ကို ပြီးခဲ့တဲ့ ဖေဖေါ်ဝါရီ၂၃ ရက်နေ့ကတည်းက သွားဖတ်ပြပြီး လက်မှတ်ထိုးခိုင်းခဲ့တာပါ’’ ဟုပြောသည်။

လိပ်ကျွန်းလူသတ်မှုကိစ္စ နှင့် ပတ်သက်ပြီး ကော်မတီ ဖွဲ့စည်းထားတာရှိကြောင်း ထိုကော်မတီတွင်  ကျွမ်းကျင်သူများ၊ ထိုင်းနိုင်ငံတွင်  အလုပ်သမားအရေးဆောင်ရွက်နေသည့်သူများ၊ အရပ်ဖက်လူ့အဖွဲ့အစည်းမှ သူ များ၊ ရှေ့နေလုပ်နေသည့် ဦးအောင်မျိုးသန့်၊  အလုပ်သမားအရေးဆောင်ရွက်နေသည့်  သူများ နှင့် ဖွဲ့စည်းထားခဲ့ခြင်းဖြစ်ကြောင်း ၊ ထိုကော်မတီ နှင့် ဥပဒေကြောင်းအရ ဆက်လက်ဆောင်ရွက်သွားမည်ဖြစ်ကြောင်း ဦးဇော်ဌေးက ဆိုသည်။

ဦးဇော်ဌေးက “ ထိုင်းနိုင်ငံက ရှေ့နေများကောင်စီနဲ့ ညှိနှိုင်းပြီး အချက်အလက်တွေရှာဖွေတယ်။ အထောက်အထားတွေ၊ သက်သေခံတွေ ရှာဖွေပြီးတော့ ၂၄ ချက်တင်ပြခဲ့တာဖြစ်တယ်။ ထိုင်းနိုင်ငံရဲ့ တရားရေး လုပ်ထုံးလုပ်နည်းအရဆောင်ရွက်တာ ဖြစ်လို့ အထူးအထွေ ပြောစရာမရှိပါဘူး။ သို့သော် ကျွန်တော်တို့ ကော်မတီ အနေနဲ့  အထောက်အထားတွေခိုင်မာဖို့၊ သူ့ရဲ့ လုပ်ထုံးလုပ်နည်းအတိုင်းဆောင်ရွက်မှုကို ကျွန်တော်တို့ ညှိနှိုင်းပြီးဆက်လက်ဆောင်ရွက်သွားမှာဖြစ်တယ်။’’ ဟုပြောသည်။

ထိုင်းနိုင်ငံ၏ တရားစီရင်မှု လုပ်ထုံးလုပ်နည်းအရဆိုပါက နောက်ထပ်အယူခံတင်သွင်းမှုအား ဆက်လက်ဆောင်ရွက်သွားမည်ဖြစ်ကြောင်း၊ အဆိုပါအမှုအား  အယူခံကို လက်ခံကြားနာနိုင်ရန် အတွက် ကြိုးပမ်းဆောင်ရွက်သွားမည်ဖြစ်ကြောင်း ဦးဇော်ဌေးက ဆိုသည်။

အယူခံအမိန့်အား ရက်ပေါင်း ၃၀ အတွင်း တရားရုံးချုပ်သို့ ထပ်မံ အယူခံတက်ရောက်နိုင်ကြောင်း နိုင်ကြောင်းသိရသည်။ မြန်မာနိုင်ငံသားနှစ်ဦးဖြစ်သည့် ဇော်လင်းနှင့် ၀င်းဇော်ထွန်းတို့ကို လူသတ်မှု၊ မုဒိမ်းမှု အပါဝင်အမှု ၇ ခုဖြင့် ကော့စမွီခရိုင်တရားရုံးမှ ၂၀၁၅ ခုနှစ် ဒီဇင်ဘာ ၂၄ရက်က သေဒဏ်ချမှတ်ခဲ့ခြင်း ဖြစ်သည်။ ယင်းသို့ သေဒဏ်ချမှတ်ခံရမှုနှင့် ပတ်သက်ပြီး ထိုင်းအယူခံတရားရုံးသို့ အယူခံတင်ခဲ့ပြီး တရားရုံးမှ ၂၀၁၆ ခုနှစ် မေလ ၂၃ ရက်က လက်ခံခဲ့ကာ ၊ မတ်လ ၁ ရက်နေ့တွင် အယူခံအမိန့်အား မူလပြစ်ဒဏ်အတိုင်း သေဒဏ် ချမှတ်ခဲ့ခြင်း ဖြစ်သည်။

(Xinhua)
http://www.xinhuamyanmar.com



မွန်ပြည်နယ်က မော်လမြိုင်- ချောင်းဆုံ တံတားကို ဗိုလ်ချုပ်အောင်ဆန်း အမည်မပေးဖို့ မတ်လ ၂ ရက်နေ့က ချောင်းဆုံမြို့နယ် ကညှော်ကျေးရွာမှာ ဒေသခံ သုံးထောင်လောက်က ဆန္ဒဖော်ထုတ်စဉ်။ Photo: Kyaw Lwin Oo/RFA
မွန်ပြည်နယ်က မော်လမြိုင်- ချောင်းဆုံ တံတားကို ဗိုလ်ချုပ်အောင်ဆန်း အမည်ပေးဖို့ ပြည်သူ့လွှတ်တော်မှာ အဆိုတင်သွင်းတာကို ပယ်ဖျက်ပေးဖို့အတွက် ချောင်းဆုံမြို့နယ် ကညှော်ကျေးရွာမှာ ဒေသခံ သုံးထောင်လောက်က ဒီနေ့ ဆန္ဒပြတောင်းဆိုလိုက်ပါတယ်။

အဲဒီအဆိုကို လွှတ်တော်မှာ ဆက်လက်ဆွေးနွေးပြီး အတည်ပြုလိုက်ရင် တိုင်းရင်းသားအချင်းချင်း ချစ်ကြည်ရင်းနှီးမှု ပျက်သွားနိုင်တာကြောင့် ပယ်ဖျက်ဖို့တောင်းဆိုတာလို့ ဆန္ဒထုတ်ဖော်ရာမှာ ပါဝင်တဲ့ မွန်ပြည်နယ်လွှတ်တော် ဒုတိယဥက္ကဌ ဒေါက်တာအောင်နိုင်ဦးက ပြောပါတယ်။

အဲဒီ တံတားကို ဗိုလ်ချုပ်အောင်ဆန်းတံတားလို့ နာမည်ပေးဖို့အတွက် ပြီးခဲ့တဲ့ ဖေဖော်ဝါရီလ ၂၈ ရက်နေ့ က ပြည်သူ့လွှတ်တော်မှာ ပေါင်မြို့နယ် လွှတ်တော်ကိုယ်စားလှယ် မိကွန်ချမ်းက အဆိုတင်သွင်းခဲ့ပြီး လွှတ်တော်က ဆွေးနွေးဖို့ အတည်ပြုထားပါတယ်။

ဆန္ဒပြသူတွေက အခုလို ကန့်ကွက်နေတာဟာ ဗိုလ်ချုပ်အောင်ဆန်းကို မလေးစားလို့မဟုတ်ဘဲ ဒီမိုကရေစီ ဖက်ဒရယ်ပြည်ထောင်စု တည်ဆောက်ရာမှာ တိုင်းရင်းသားစည်းလုံးညီညွှတ်ရေးနဲ့ ဌာနေတိုင်းရင်းသား သဘောထားကို အသိအမှတ်ပြုစေချင်တာကြောင့် ဖြစ်တယ်လို့ ကြေညာချက် ထုတ်ပြန်ထားပါတယ်။

သံလွင်မြစ်ကို ဖြတ်ပြီး မော်လမြိုင်မြို့ မုပွန်ရပ်ကွက်ကနေ ချောင်းဆုံမြို့နယ် ကညှော်ကျေးရွာအထိ တည်ဆောက်ထားတဲ့ အဲဒီတံတားဟာ အရှည်ပေ ၅ ထောင်ကျော်ရှိပြီး အလျား ၂၈ ပေရှိပါတယ်။

အရင်က အဲဒီတံတားကို ဗိုလ်ချုပ်အောင်ဆန်းတံတားအဖြစ် နာမည်ပေးပြီး ဗိုလ်ချုပ်မွေးနေ့ဖြစ်တဲ့ ဖေဖော်ဝါရီလ ၁၃ ရက်နေ့မှာ ဖွင့်လှစ်ဖို့ အစိုးရက စီစဉ်ခဲ့ပေမယ့် ဒေသခံတွေနဲ့ အရပ်ဘက်အဖွဲ့တွေက ကန့်ကွက် တာကြောင့် ရွှေ့ဆိုင်းခဲ့တာဖြစ်ပါတယ်။

အဲဒီတံတားကို လာမယ့် ဧပြီလ ၉ ရက်နေ့မှာ ဖွင့်လှစ်ဖို့လျာထားတယ်လို့ တံတားတည်ဆောက်ရေး အဖွဲ့ကနေသိရပါတယ်။

RFA Burmese
http://www.rfa.org/burmese


မြောက်ကိုရီးယားခေါင်းဆောင် Kim Jong Un ရဲ့ ဖအေတူ မအေကွဲ အကိုဖြစ်သူ Kim Jong Nam ကို လုပ်ကြံရာမှာ ဓာတုလက်နက် အသုံးပြုခဲ့မှုအတွက် မြောက်ကိုရီးယားကို ကုလသမဂ္ဂအဖွဲ့ဝင် နိုင်ငံအဖြစ်က ဆိုင်းငံ့ဖို့ တောင်ကိုရီးယားက တိုက်တွန်းခဲ့အပြီး တရုတ် နိုင်ငံခြားရေး ၀န်ကြီးဌာနက ဒီကိစ္စနဲ့ ပတ်သက်လို့ ထိန်းထိန်းသိမ်းသိမ်း ဆောင်ရွက်ဖို့ ဗုဒ္ဓဟူးနေ့က တိုက်တွန်းလိုက်ပါတယ်။

ဖေဖော်ဝါရီလ ၁၃ ရက်နေ့က မလေးရှာနိုင်ငံ ကွာလာလမ်ပူမြို့တော် လေဆိပ်မှာ လုံခြုံရေး ကင်မရာတွေရဲ့ ရိုက်ကူးထားချက်အရ အမျိုးသမီး ၂ ဦးဟာ VX အာရုံကြောထိခိုက်စေတဲ့ အဆိပ်ဓါတုပစ္စည်းကို Kim Jong Nam ရဲ့ မျက်နှာမှာ သုတ်လိမ်းခဲ့ကြောင်း မလေးရှားရဲက ပြောခဲ့ပါတယ်။ VX အဆိပ် ဓာတုပစ္စည်းဟာ လူအမြောက်အများ သေစေနိုင်တဲ့ပစ္စည်းအဖြစ် ကုလသမဂ္ဂက ပိတ်ပင်ထားတဲ့ ဓာတုပစ္စည်များ စာရင်းမှာ ပါဝင်တာ ဖြစ်ပါတယ်။

အခုလို Kim Jong Nam လုပ်ကြံခံရခြင်းဟာ မြောက်ကိုရီးယားအစိုးရက စီစဉ်ခဲ့ခြင်းဖြစ်တယ်လို့ အမေရိကန်နဲ့ တောင်ကိုရီးယား အစိုးရ အရာရှိတွေက ယူဆထားကြတာ ဖြစ်ပါတယ်။ ဒါကြောင့် အင်္ဂါနေ့က ဂျနီဗာမှာ ကျင်းပနေတဲ့ ကုလသမဂ္ဂ လက်နက်များ ဖျက်သိမ်းရေး ညီလာခံမှာ တောင်ကိုရီးယား နိုင်ငံခြားရေး Yun Byung-se က အခုလို မြောက်ကိုရီးယားရဲ့ ဓာတုလက်နက် အသုံးပြုခြင်းကို မြောက်ကိုရီးယားကို ကုလသမဂ္ဂအဖွဲ့ဝင်အဖြစ်မှ ဆိုင်းငံ့ခြင်း အပါအ၀င် နိုင်ငံတကာက တုံ့ပြန် အရေးယူသင့်ကြောင်း ပြောကြားခဲ့တာ ဖြစ်ပါတယ်။

တရုတ်နိုင်ငံခြားရေးဝန်ကြီးဌာနကတော့ အုပ်စုအားလုံးတို့အနေနဲ့ ထိန်းထိန်းသိမ်းသိမ်း လုပ်ဆောင်ကြဖို့၊ ဒေသအတွင်း တင်းမာမှုများ မကြီးမားစေဖို့ တိုက်တွန်းခဲ့ပါတယ်။ အခုလို မြောက်ကိုရီးယားကို အရေးယူနိုင်ဖို့ ကုလသမဂ္ဂ လုံခြုံရေးကောင်စီက အထွေထွေ ညီလာခံကြီးကို အဆိုပြု တင်သွင်းနိုင်ပေမယ့် အဖွဲ့ဝင် ၁၉၃ နိုင်ငံတို့ရဲ့ အတည်ပြုမှု ၃ ပုံ ၂ ပုံ လိုအပ်တာ ဖြစ်ပါတယ်။

ဒီအတောအတွင်း လုပ်ကြံမှုမှာ ပါဝင်တဲ့ အင်ဒိုနီးရှားနဲ့ ဗီယက်နမ် နိုင်ငံသူ အမျိုးသမီး ၂ ဦးတို့ကို မလေးရှားရဲက လူသတ်မှုနဲ့ ဗုဒ္ဓဟူးနေ့က ရုံးတင် စစ်ဆေးခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com



ရန်ကုန်တိုင်းဒေသကြီးအတွင်း လက်ရှိပြေဆွဲနေတဲ့ YBS ယာဉ် တစ်စီးကို တွေ့ရစဉ်။ Photo: RFA
YBS ယာဉ်လိုင်းတွေမှာ ပြေးဆွဲဖို့အတွက် ယာဉ်တစ်စီးကို အမေရိကန်ဒေါ်လာ ၆ သောင်းဝန်းကျင်လောက် တန်ဖိုးရှိမယ့် တရုတ်နိုင်ငံထုတ် ဘတ်စ်ကားအသစ် အစီးရေ ၁ ထောင်ကို ရန်ကုန်တိုင်းဒေသကြီး အစိုးရက ၀ယ်ယူဖို့  စီစဉ်နေတယ်လို့ ရန်ကုန်တိုင်းဒေသကြီး သယ်ယူပို့ဆောင်ရေး အာဏာပိုင်အဖွဲ့က ပြောပါတယ်။

ပထမအသုတ် အစီးရေ ၁ ထောင်၊ ဒုတိယအသုတ် အစီးရေ ၂ ထောင် ၀ယ်ယူဖို့ စီစဉ်ထားပြီး ပထမအသုတ်က ဧပြီလကုန်မှာ ရောက်ဖို့မှန်းထားတယ်လို့ ရန်ကုန်တိုင်းဒေသကြီး သယ်ယူပို့ဆောင်ရေး အာဏာပိုင်အဖွဲ့ အတွင်းရေးမှူး ဒေါက်တာ မောင်အောင် က ပြောပါတယ်။

"ယာဉ်အသစ်တွေ ထပ်ဝယ်ဖို့ရှိပါတယ်၊ ၀ယ်မယ့်အစီအစဉ်ကတော့ ပထမအသုတ်ကတော့ ၁ ထောင် ၊ နောက်တစ်ခါကျတော့ ၂ ထောင်၊ အားလုံး ၃ ထောင်လောက်ဖြစ်မှာပေါ့နော်၊ တရုတ်ကိုတော့ ၀ယ်ဖို့များ ပါတယ်၊ အနည်းဆုံး ဒေါ်လာ ၆ သောင်းဝန်းကျင်ပေါ့၊ ဒါပေမဲ့ သူလျှော့တော့ လျှော့ဦးမယ် ပြောပါတယ်၊ ဒါပေမဲ့ အခုချိန်မှာတော့ပြောလို့မရသေးဘူး၊ အခု ပထမအသုတ်မှာတဲ့ဟာကတော့ ကျွန်တော်မှန်းတာ ကတော့ ဧပြီလကုန်လောက်တော့ ရောက်မယ်လို့ မှန်းတာပေါ့နော်"

ယာဉ်တစ်စီးကို အမေရိကန်ဒေါ်လာ ၆ သောင်းဝန်းကျင်လောက် ကုန်ကျမှာဖြစ်တဲ့အတွက် မြန်မာငွေကျပ် သိန်း ၈၀၀ နီးပါး ကျသင့်မှာဖြစ်ပါတယ်။

ထပ်တိုးမယ့် ယာဉ်တွေမှာ GPS စနစ်တွေ တပ်ဆင်ပြီးသားဖြစ်ပြီး နောက်ပိုင်းမှာ Command Center ကနေ အကုန်လုံးကို ထိန်းနိုင်တဲ့အဆင့်ဖြစ်အောင် လုပ်သွားမှာဖြစ်တယ်လို့လည်း ပြောပါတယ်။

ဒါ့အပြင် မြန်မာနိုင်ငံရဲ့ ယာဉ်ကြောစနစ်နဲ့ ကိုက်ညီတဲ့ ဘယ်မောင်း ညာပေါက် ကားတွေကိုပဲ ၀ယ်ယူသွားမှာဖြစ် ပြီး  တရုတ်အစိုးရနဲ့ ချိတ်ဆက်ဝယ်ယူသွားမှာ ဖြစ်တယ်လို့လည်း ဒေါက်တာ မောင်အောင် က ပြောပါတယ်။

လက်ရှိမှာ YBS ယာဉ်လိုင်းပေါင်း ၈၀ ကျော်ရှိပြီး တစ်ရက်ကို ယာဉ်အစီးရေ ၃ ထောင်ကျော်နဲ့ ပြေးဆွဲနေ တာ ဖြစ်ပါတယ်။ အဲဒီထဲက ယာဉ်အစီးရေ ၁ ထောင်ကျော်ကို GPS စနစ်တပ်ဆင်ထားပြီး ဖြစ်တယ်လို့ သိရပါတယ်။

RFA Burmese
http://www.rfa.org/burmese



( မောင်တော သင်္ချိုင်းတွင် ထွန်းသာမောင်ကို သဂြိုင်္နေစဉ်/ ဓာတ်ပုံ- နိရဉ္စရာ)
နိရဉ္စရာ၊ မတ် ၂

ရခိုင်ပြည်နယ် မောင်တောမြို့နယ်တွင် ဟင်းစားရှာရင်း ပျောက်ဆုံးသွားခဲ့သူ ခမီအမျိုးသား ဦးထွန်းသာမောင် (၂၈) နှစ် (ဘ) ဦးလှဘန်းအောင်အား ကျေးရွာသားများက လိုက်လံ ရှာဖွေစဉ် ဘင်္ဂလီ အကြမ်းဖက်သမားများ ခိုအောင်းခဲ့သော နေရာ တစ်ခုအား ရှာဖွေတွေ့ရှိခဲ့ကြောင်း ကျောက်စာတိုင်ကျေးရွာသားများက ပြောသည်။

တိုက်ခိုက်ခံရပြီး လွတ်မြောက်လာသူ ဦးအောင်ကျော်စိန် အပါအ၀င် ရွာသား ၃၉ ဦးသည် ပျောက်ဆုံးနေသူ ဦးထွန်းသာမောင်အား လိုက်ရှာစဉ် ဖေဖော်ဝါရီ ၂၆ ရက်နေ့က အလောင်းရှာဖွေတွေ့ရှိရာ အနီးတွင် ၎င်းအကြမ်းဖက်သမား စခန်းကို တွေ့ရှိခဲ့သည်ဟု သိရသည်။

“ ကျွန်တော်တို့ အလောင်းကို လိုက်ရှာစဉ် မှာ လက်ဝဲဒက် ချောင်းဖျားအနီး တောင်အောက် မြောက်ဖက်ရှိ တောင်ကြားမှာ ပေ ၄၀ ခန့်ရှိ ဆက်သွယ်ရေး တူးမြောင်းတစ်ခု တူးထားတာကို တွေ့ရပါတယ်။ အနီးမလှမ်းမကမ်းမှာ အလျှား ၇ တောင်ခန့် မြင့်တဲ့ စင်မြင့်တစ်ခုကိုတွေ့ရပါတယ်။ အဲဒီ စင်မြင့် အထက်မှာ မိုးကာနဲ့ ထုပ်ပိုး ထားတဲ့ အထုပ် တစ်ထုပ်ကို တွေ့ရပါတယ်။ အဝတ်အစားတွေ နေလှမ်းထားတဲ့ နေရာတွေနဲ့ စားသုံးဆီဗူးကြီးအခွန် ၂ ဗူး၊ ဘင်္ဂလာဒေ့ရှ် နိုင်ငံလုပ် စီကရက်ဘူးခွံတွေ၊ ဆေးလိပ်တိုတွေကို တွ့ရပါတယ်။ နောက် တာလပတ်နဲ့ ထုပ်ပိုးထားတဲ့ အထုပ် တစ်ခုကို ထပ်မံ တွေ့ရှိပြီး ဖွင့်ကြည့်တဲ့ အခါမှာတော့ ဆိုလာ (၃၅ ) ဝပ်ပြား ၁ ပြား၊ ဘတ္ထရီ (၁၂) ဗို့ ၁ လုံး၊ ဆန် ၁ အိတ်၊ ဖယောင်းတိုင်၊ ဆပ်ပြာမူန့်၊ ဝါယာကြိုးများ ၊ ဆိုလာမီးသီး(၁)လုံး ၊ ပေါက်ပြား(၂)လက်၊ အဝတ်အစား အနည်းငယ်နှင့် ကိုရမ် ကျမ်းစာအုပ် တစ်အုပ်တို့ကို တွေရှိခဲ့ရပါတယ်” ဟု ဦးအောင်ကျော်စိန်က ပြောသည်။


အကြမ်းဖက်သမားများသည် ဦးထွန်းသာမောင်အား သတ်ဖြတ်ပြီးနောက် လုံခြုံရေး တပ်ဖွဲ့များ လိုက်လာမည်ကို သိရှိသဖြင့် ၎င်းစခန်းမှ ထွက်ပြေးသွားကြသည်ဟု ဆိုသည်။

အခင်း ဖြစ်ပွားပုံနှင့် ပတ်သက်ပြီး သိရသည်မှာ ဦးအောင်ကျော်စိန် (၄၆) နှစ်(ဘ) ဦးကျော်သာအောင်နှင့် ဦးထွန်းသာမောင် (၂၈) နှစ် (ဘ) ဦးလှသန်းအောင် တို့သည် ဖေဖော်ဝါရီ ၂၄ ရက်နေ့ ဟင်းစားလိုက်ရှာရင်း မောင်တောမြို့နယ် ကိုင်းကြီးချောင်း လက်ဝဲဒက်ချောင်းဖျားသို့ ရောက်လာခဲ့ကြောင်း၊ ၎င်းအနီးအနားအရောက်တွင် ဓါးရှည်ကိုင်ထားသည့် ဘင်္ဂလီ ၁ ဦးကို တွေ့ရကြောင်း၊ ၎င်းကိုင်ထားသော ဓါး အရှည်မှာ ၃' ပေ အသွား ၄" လက်မခန့်ရှိပြီး ခါးတွင် ဘင်္ဂလာဒေ့ရ်နိုင်ငံလုပ် ဓါတ်မီးတစ်လက် ချိတ်ထားကြောင်း၊ သူတို့ ၂ ယောက်ကို ချောင်းဖျားအထက်သို့ ဆက်တက်မလာဖို့ ချောက်ကမ်းပါးများရှိသည်ဟု ဆိုကာ ဘင်္ဂလီကုလား စကားဖြင့်ပြောကြောင်း၊ ၎င်း တို့ ၂ ဦး ရှေ့ဆက်မသွားဘဲ ၎င်းနေရာတွင် ပါလာသည့် ထမင်းထုတ်ကို ဖွင့်စားနေကြချိန် ဘင်္ဂလီတစ်ဦးက တောင်ပေါ်သို့ "လာခဲ့ လာခဲ့ ပြန်တော့မယ်ဟု" ဘင်္ဂလီစကားဖြင့် လှမ်းပြောကြောင်း၊ အဲဒီနောက်တောင်ပေါ်က နောက်ထပ်ဘင်္ဂလီ ၂ ဦးဆင်းလာခဲ့ကြောင်း၊ တစ်ဦးက ရဲဒင်းတစ်လက်၊ နောက်တစ်ဦးက လက်ကိုင်ဖုန်းတစ်လုံး၊ လက်နှိပ်ဓါတ်မီးကိုယ်စီ ကိုင်ဆောင်ထားပြီး သူတို့ ၂ ဦး ထမင်းစားနေရာသို့ ရောက်ရှိလာခဲ့ကြောင်း၊ အနီးရောက်လာသည့် အခါ ထမင်းအတူစားနေသည့် ထွန်းသာမောင်ကို ရဲဒင်းဖြင့် ခုတ်ကြောင်း၊ ဦးအောင်ကျော်စိန်မှာ ထွက်ပြေးကြောင်း၊ ဓါးကိုင်ထားသည့် ဘင်္ဂလီက လိုက်ခုတ်ကြောင်း၊ ကျောက်တုံးတွင် ခြေလျှော်လဲကျသွားသဖြင့် ကျောကုန်းမှာသာ နည်းနည်းလေး ဓါးထိသွားခဲ့ကြောင်း ဦးအောင်ကျော်စိန် ၏ ထုတ်ဖော်ပြောကြားချက်အရ သိရသည်။

၎င်းနောက်တွင် ကျောက်စာတိုင် ကျေးရွာသား ၃၉ ဦးသည် တိုက်ခိုက်မှုကြောင့် ပျောက်ဆုံးကျန်ခဲ့သူ ဦးထွန်းသာမောင်အား လိုက်ရှာခဲ့ကြရာ ဖေဖော်ဝါရီ ၂၆ ရက် မွန်းလွဲ ၁၂နာရီ ၁၅ မိနစ်တွင် ကိုင်းကြီး(မြို )ရွာအနီးရှိ လက်ဝဲဒက် ချောင်းဖျားတွင် ထွန်းသာမောင်၏ အလောင်းအား ယာလည်ပင်း၊ကျောကုန်း ပြတ်ရှဒဏ်ရာများဖြင့် ပြန်လည် တွေ့ရှိခဲ့ရကြောင်း၊ ည ၁၀နာရီ မိနစ် ၅၀ တွင် မောင်တောပြည်သူ့ ဆေးရုံသို့ ပို့ဆောင်ပေးခဲ့ကြောင်း၊ သိရသည်။

“ ကျွန်တော်တို့ အလောင်းကို တွေ့ပြီးနောက် ကိုင်းကြီးရွာ အုပ်ချုပ်ရေးမှူးကို အကြောင်းကြားတယ်။ စစ်တပ်ကလည်း လိုက်လာပါတယ်။ အလောင်းကို သွားယူစဉ်မှာ စခန်းရှိနေရာကို တပ်ကို လိုက်ပြခဲ့ပါတယ်။ တပ်က တာဝန်ရှိသူတွေက စစ်ဆေးခဲ့ပါတယ်” ဟု ရွာသားများက ပြောဆိုသည်။

အသတ်ခံထားရသော အလောင်းကို တောထဲတွင် ဖေဖော်ဝါရီလ ၂၆ ရက်နေ့က တွေ့ရှိခဲ့ရသည်ဟု မောင်တောမြို့နယ် ရဲစခန်းမှူး ဦးကျော်မြ၀င်းကလည်း နိရဉ္စရာသို့ အတည်ပြု ပြောကြားသည်။

“ အလောင်းကိုတွေ့ရှိတာက ဖေဖော်ဝါရီ ၂၆ ရက်နေ့ တွေ့ရှိခဲ့ပါတယ်။ ဒီအမှုကို နယ်ခြားစောင့်တပ်က ကိုင်ပါတယ်။ အသေးစိတ် သိချင်ရင်တော့ နယ်ခြားစောင့်တပ်ကို မေးပါ” ဟု ပြောကြားသည်။

အဆိုပါ လူသတ်မှု ကိစ္စနှင့် ပတ်သက်ပြီး အသေးစိတ် ပိုမိုသိရှိနိုင်ရန် မောင်တောမြို့နယ် နယ်ခြားစောင့်တပ်ဖွဲ့၊ မောင်တောမြို့နယ် ထွေအုပ်ရုံး၊ ဘူးသီးတောင်ထွေအုပ်ရုံး၊ ဘူးသီးတောင်မြို့နယ်မှူးသို့ ဖုန်းမှ တစ်ဆင့် ဆက်သွယ်သော်လည်း တစ်စုံတစ်ရာ တုန့်ပြန် ဖြေကြားမှု မရှိပါ။

အဆိုပါ မူခင်းနှင့် ပတ်သက်ပြီး နိုင်ငံတော် အတိုင်ပင်ခံရုံး သတင်းထုတ်ပြန်ရေး ကော်မတီမှ ဖေဖော်ဝါရီ ၂၇ ရက်နေ့ ထုတ်ပြန်သော သတင်းထုတ်ပြန်ချက်တွင် “ ခမီးလူမျိုး ထွန်းသာမောင် (၂၈) အလောင်းကို ဖေဖော်ဝါရီ ၂၆ ရက် မွန်းလွဲ ၁၂နာရီ ၁၅ မိနစ်တွင် ကိုင်းကြီး(မြို )ရွာအနီးရှိ လက်ဝဲဒက် ချောင်းဖျားတွင် တွေ့ရှိကြောင်း ဖော်ပြထားသည်။

အောင်ကျော်မင်း(မောင်တော)
Narinjara
https://www.facebook.com/Narinjara



တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တရုတ်ပြည်သူ့သမ္မတနိုင်ငံ၊ နိုင်ငံခြားရေးဝန်ကြီးဌာန၊ အာရှရေးရာ အထူးကိုယ်စားလှယ် Mr. Sun Guoxiang ဦးဆောင်တဲ့ ကိုယ်စားလှယ်အဖွဲ့ မတ်လ ၁ ရက်နေ့က နေပြည်တော်က ဘုရင့်နောင်ရိပ်သာဧည့်ခန်းမမှာ တွေ့ဆုံစဉ်။ Photo: Senior General Min Aung Hlaing FB
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က လက်နက်ကိုင်အကြမ်းဖက်ပြီး နိုင်ငံရေး လိုအပ်ချက်တောင်းဆိုမှုကို ကမ္ဘာပေါ်မှာ မည်သည့်နိုင်ငံကမှ လက်မခံကြောင်း မနေ့က ပြောကြားလိုက်ပါ တယ်။ မြန်မာနိုင်ငံကို အလည်အပတ်ရောက်နေတဲ့ တရုတ်နိုင်ငံခြားရေးဌာန အာရှရေးရာ အထူးကိုယ်စားလှယ် Sun Guoxiang ဆွန် ဂိုရှန်နဲ့ တွေ့ဆုံရာမှာ သူက အခုလိုပြောကြားခဲ့ကြောင်း ဗိုလ်ချုပ်မှူးကြီး မင်းအောင်လှိုင် ရဲ့ ဖေ့စ်ဘုတ်စာမျက်နှာမှာ ဖေါ်ပြထားပါတယ်။

နေပြည်တော်က အဲဒီ တွေ့ဆုံပွဲမှာ တရုတ်ကိုယ်စားလှယ်က မြန်မာတိုင်းရင်းသား လက်နက်ကိုင်အဖွဲ့တွေကို NCA အပစ်ရပ်စာချုပ် လက်မှတ်ထိုးဖို့သူတို့ တရုတ်ပြည်က တိုက်တွန်းခဲ့ကြောင်း ပြောဆိုခဲ့ရာမှာ  ဗိုလ်ချုပ်မှူးကြီး မင်းအောင်လှိုင်ကလည်း တရုတ်နိုင်ငံက မြန်မာ့တပ်မတော်နဲ့ တိုင်းရင်းသားလက်နက်ကိုင်တွေအကြား ငြိမ်း ချမ်းရေး ရရှိစေလိုတာကို မိမိသိပါကြောင်း၊ တိုင်းရင်းသားအဖွဲ့တချို့ NCA ကိုလက်မှတ်မထိုးတာဟာ ငြိမ်းချမ်းရေးမလိုချင်လို့ဖြစ်ကြောင်းနဲ့ မြန်မာ့တပ်မတော်အနေနဲ့ ငြိမ်းချမ်းရေးညီလာခံ အောင်မြင်ဖို့ များစွာမျှော်လင့်ထားကြောင်း  ပြန်လည်ပြောကြားခဲ့တယ်လို့ သိရပါတယ်။

မြန်မာနိုင်ငံကို ရောက်ရှိနေတဲ့ တရုတ်အစိုးရ အထူးကိုယ်စားလှယ် Sun Guoxiang ဆွန် ဂိုရှန် ဟာ မနေ့ မနက်ပိုင်းက ကာကွယ်ရေးဦးစီးချုပ်နဲ့ တွေ့ဆုံပြီး နေ့လည်ပိုင်းမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်နဲ့ တွေဆုံခဲ့ပါတယ်။ အဲဒီ တွေ့ဆုံပွဲမှာလည်း မြန်မာပြည် ငြိမ်းချမ်းရေးလုပ်ငန်းစဉ်ရဲ့ နောက်ဆုံးဖြစ်ပေါ် တိုးတက်မှုတွေကို ဆွေးနွေးခဲ့ကြတယ်လို့ သိရပါတယ်။

RFA Burmese
http://www.rfa.org/burmese


ပြည်သူ့လွှတ်တော်ဥက္ကဌ ဦးဝင်းမြင့်သည် ယနေ့ မတ်လ ၂ ရက်နေ့တွင် ဒဂုံဆိပ်ကမ်းမြို့နယ် ယုဇနဥယာဉ်မြို့တော်၊ (စီ) ဘလောက် ဓမ္မာရုံကွင်း၌ ကြားဖြတ်ရွေးကောက်ပွဲတွင် NLD အောင်နိုင်ရေးအတွက် မဲဆွယ်ဟောပြောမှုပွဲကို စတင်ခဲ့သည်။


ယင်းအခမ်းအနားတွင် NLD နာယက ဦးတင်ဦးမှ အဖွင့်အမှာစကားပြောကြားခဲ့ပြီး ဒဂုံဆိပ်ကမ်းမြို့နယ် ပြည်သူ့လွှတ်တော်ကိုယ်စားလှယ်လောင်း ဝင်ရောက်ယှဉ်ပြိုင်မည့် ဦးမြစိန်က မဲဆန္ဒပြည်သူများကို မိတ်ဆက်ဟောပြောခဲ့သည်။


အဆိုပါ မဲဆန္ဒနယ်မြေသည် လစ်လပ်သွားသော စီမံကိန်းနှင့် ဘဏ္ဍာရေးဝန်ကြီး ဦကျော်ဝင်း၏ မဲဆန္ဒနယ်မြေဖြစ်သည်။ ယင်းအပြင် အမျိုးသားဒီမိုကရေစီအဖွဲ့ချုပ်၊ ဗဟိုအလုပ်အမှုဆောင်အတွင်းရေးမှူးအဖွဲ့ အဖွဲ့ဝင်လည်းဖြစ်သူ ဦးဝင်းမြင့်သည်ညနေ ၄ နာရီအချိန်တွင် ဒဂုံမြို့သစ်(အရှေ့ပိုင်း)မြို့နယ်ရှိ ၁၂၄ ရပ်ကွက် ကွင်းတွင် ဟောပြောမည်ဖြစ်ကြောင်း သိရသည်။

လင်းလင်းအောင်

News Watch
https://www.facebook.com/NewsWatchJournal/