03/04/17

အမေရိကန်သမ္မတ Trump ရုရှားသမ္မတနဲ့ တယ်လီဖုန်းစကားပြောနေစဉ်။
အမေရိကန်သမ္မတ Trump ရုရှားသမ္မတနဲ့ တယ်လီဖုန်းစကားပြောနေစဉ်။
မနှစ်က အမေရိကန် သမ္မတရွေးကောက်ပွဲ စည်းရုံးရေး ကာလအတွင်း ရုရှားသံအမတ်ကြီး Sergei Kislyak နဲ့ ၂ ကြိမ်တွေ့ဆုံခဲ့တာကို အထက်လွှတ်တော်ကြားနာပွဲမှာ ထုတ်ဖေါ်ပြောဆိုဖို့ ပျက်ကွက်ခဲ့တယ်လို့ နိုင်ငံတော် ရှေ့နေချုပ် Jeff Sessions က ဝန်ခံခဲ့ပြီးတဲ့ နောက်မှာ တော့ ဒီ ရုရှား သံအမတ်ကြီးနဲ့ တွေ့ဆုံမှုတွေအတွက် အရင်က ထုတ်မပြောခဲ့တာတွေနဲ့ ပတ်သက်ပြီး နောက်ထပ် ထွက်ပေါ် လာမှာတွေကို Trump အစိုးရအဖွဲ့ ဆက်ပြီး ရင်ဆိုင်နေရအုံးမှာ ဖြစ်ပါတယ်။

၂၀၁၆ ခုနှစ် သမ္မတ ရွေးကောက်ပွဲမှာ ရုရှားက ကြားဝင်နှောက်ယှက် ခဲ့တယ်ဆိုတဲ့ စွပ်စွဲချက်တွေအပေါ် ဖက်ဒရယ်အစိုးရရဲ့ ဘယ်လို စုံစမ်း စစ်ဆေးမှု မျိုးမှာမဆို ပါဝင်လုပ်ဆောင်တာမျိုး မလုပ်တော့ဘူးလို့ ရှေ့နေချုပ် Sessions က ကြာသပတေးနေ့က ပြောကြားခဲ့တာပါ။

ဒါပေမယ့်လည်း မနှစ်က ဒီဇင်ဘာလတုန်းက နယူးရောက်က Trump Tower မှာ Trump ရဲ့ သားမက် Jared Kushner နဲ့ အရင်က အမျိုးသားလုံခြုံရေးအကြံပေး အဖြစ် ရွေးခဲ့သူ Michael Flynn တို့ ရဲ့ ရုရှားသံအမတ်ကြီးနဲ့ တွေ့ဆုံပွဲတွေနဲ့ ပတ်သက်ပြီး သမ္မတ Trump နဲ့ အိမ်ဖြူအရာရှိတွေ ဆက်ပြီး ရင်ဆိုင်ရမှာ ဖြစ်ပါတယ်။

Michael Flynn ဟာ သူ့တာဝန်ကို ၂၄ ရက်ပဲ ထမ်းဆောင်ခဲ့ရပြီး ရုရှားသံအမတ်ကြီး Kislyak နဲ့ တွေ့ဆုံပြောကြားခဲ့တာတွေနဲ့ ပတ်သက်ပြီး ထိပ်တန်းအရာရှိတွေကို လိမ်ညာခဲ့တာတွေ့ရခဲ့တဲ့ နောက်မှာ တာဝန်ကနေ အဖယ်ရှားခံခဲ့ရတာ ဖြစ်ပါတယ်။

Trump Tower က ဆွေးနွေးပွဲတွေရဲ့ ရည်ရွယ်ချက်က တက်လာမယ့် အစိုးရအဖွဲ့နဲ့ ရုရှားသံအမတ်ကြီးတို့ကြား ဆက်ဆံရေး တရပ် ထူထောင်တာ လို့ သမ္မတ အိမ်ဖြူပြောခွင့်ရ အမျိုးသမီး Hope Hicks က ကြာသပတေးနေ့က ပြောပါတယ်။ဒီလို ဆက်ဆံရေး ထူထောင်ဖို့ တွေ့ဆုံပွဲမျိုးကို လုပ်လေ့ရှိပြီး Kushner ဟာ တခြားနိုင်ငံပေါင်း တဒါဇင်ကျော်က ကိုယ်စားပြုသူတွေနဲ့လည်း တွေ့ဆုံခဲ့တယ်လို့ ပြောပါတယ်။

သမ္မတအိမ်ဖြူ ပြောခွင့်ရ Sean Spicer ကတော့ အခုလို တွေ့ဆုံပွဲမျိုးဟာ လျှို့ဝှက်ထားတာမျိုး မဟုတ်ပဲ ရင်းရင်းနှီးနှီး တွေ့ဆုံတာမျိုးမို့ ဘယ်သူပဲ တွေ့တွေ့ ဘာမှ ထူးခြား တာမျိုး မဟုတ် သလို မူဝါဒ ရေးရာတွေ ဆွေးနွေးတာမျိုး မဟုတ်ဘူးလို့ သောကြာနေ့က ပြောပါတယ်။

VOA Burmese News


တိုင်းရင်းသား လက်နက်ကိုင်အဖွဲ့အချို့သည် လက်နက်ကိုင် လမ်းစဉ်ကို ဆွဲကိုင်ပြီး နိုင်ငံရေး အခွင့်အရေး တောင်းဆိုခြင်းသည် ကမ္ဘာပေါ်ရှိ မည်သည့်နိုင်ငံကမှ လက်မခံကြောင်း ဗိုလ်ချုပ်မှူးကြီး မင်းအောင်လှိုင် က ပြောကြားခဲ့ကြောင်း သိရသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က မတ်လ ၁ ရက်၊ နံနက် ၉ နာရီတွင် တရုတ်ပြည်သူ့ သမ္မတနိုင်ငံ၊ နိုင်ငံခြားရေး ၀န်ကြီးဌာန၊ အာရှရေးရာ အထူးကိုယ်စားလှယ် H.E. Mr. Sun Guoxiang အား နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ ဆုံစဉ် ယင်းသို့ ထည့်သွင်းပြောကြားသည်။

တွေ့ဆုံပွဲသို့ တပ်မတော် ကာကွယ်ရေးဦးစီးချုပ်နှင့်အတူ ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦး၊ ကာကွယ်ရေး ဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီးစိုးထွဋ် တို့ တက်ရောက်ကြပြီး တရုတ်ပြည်သူ့ သမ္မတနိုင်ငံ၊ နိုင်ငံခြားရေးဝန်ကြီးဌာန၊ အာရှရေးရာ အထူးကိုယ်စား လှယ်နှင့်အတူ မြန်မာနိုင်ငံဆိုင်ရာ တရုတ်နိုင်ငံစစ်သံမှူး Senior Colonel Xiong Shaowei နှင့် တာဝန်ရှိသူများ တက်ရောက်ခဲ့ကြသည်။

တပ်မတော်ကာကွယ်ရေး ဦးစီးချုပ်က ငြိမ်းချမ်းရေးဖြစ်စဉ်နှင့် ပတ်သက်၍ ပထမသက်တမ်းကာလ သမ္မတကြီး ဦးသိန်းစိန်အစိုးရ လက်ထက်တွင် NCA လက်မှတ်ရေးထိုး၍ ပြည်ထောင်စုငြိမ်းချမ်းရေး ညီလာခံ ကျင်းပပြုလုပ်ခဲ့မှု၊ ယခုဒုတိယသက်တမ်းကာလ အမျိုးသားဒီမိုကရေစီ အဖွဲ့ချုပ်ပါတီအစိုးရ လက်ထက် NCA ပေါ်တွင်အခြေခံ၍ ငြိမ်းချမ်းရေး လုပ်ငန်းစဉ်များ ဆက် လက် ဆောင်ရွက်ပြီး တိုင်းရင်းသား စည်းလုံးညီညွတ်မှု ကို ဖော်ဆောင်နိုင် ရန် အတွက်ပါ ထည့်သွင်း၍ ပြည်ထောင်စုငြိမ်းချမ်းရေး ညီလာခံ- ၂၁ ရာစု ပင်လုံကို ဆက်လက် လုပ်ဆောင်နေမှုများ အား ဆွေးနွေး ပြောကြားသည်။

Mr. Sun Guoxiang က တရုတ်ပြည်သူ့ သမ္မတနိုင်ငံတွင် ပြုလုပ်ခဲ့ သည့် မြန်မာ-တရုတ် ၂+၂ အစည်းအဝေးတွင် ဆွေးနွေးညှိနှိုင်းခဲ့မှု၊ တိုင်းရင်းသား လက်နက်ကိုင် အဖွဲ့အစည်းများနှင့်တွေ့ဆုံ၍ ငြိမ်းချမ်းရေး လုပ်ငန်းဆိုင်ရာများ ဆွေးနွေးညှိနှိုင်းခဲ့မှု၊ တိုင်းရင်းသား လက်နက်ကိုင် အဖွဲ့အစည်းများ အနေဖြင့် နိုင်ငံတော်အစိုးရ၊ တပ်မတော်တို့နှင့် မကြာခဏ တွေ့ဆုံဆွေးနွေးခြင်းဖြင့် ယုံကြည်မှု တည်ဆောက်ရန်နှင့် မိမိတိုင်းရင်းသားများ၏ အကျိုးစီးပွားနှင့် မြန်မာပြည်သူလူထု၏ အကျိုးစီးပွား အတွက် NCA ကို လက်မှတ်ရေးထိုးပြီး နိုင်ငံရေးဆွေးနွေးပွဲများ တွင် ပါဝင်သင့်ကြောင်း တိုက်တွန်းပြောကြားခဲ့မှု အခြေအနေများ၊ မိမိတို့ အနေဖြင့် မြန်မာနိုင်ငံအစိုးရ၊ တပ်မတော်နှင့် တိုင်းရင်းသား လက်နက်ကိုင် အဖွဲ့အစည်းများအကြား ပေါင်းကူးတံတားအဖြစ် ငြိမ်းချမ်းရေး အောင်မြင်စေ ရန် ဆက်လက်ကြိုးပမ်း လုပ်ဆောင်သွားမည်ဖြစ်ကြောင်း ဆွေးနွေးခဲ့ ကြကြောင်း သိရသည်။

တပ်မတော် ကာကွယ်ရေးဦးစီးချုပ်က တိုင်းရင်းသား လက်နက်ကိုင်အဖွဲ့အချို့ NCA ကို လက်မှတ်ရေးထိုးမှု မပြုခြင်း အကြောင်းအရင်းမှာ နိုင်ငံတကာတွင် ကျင့်သုံးသည့် ငြိမ်းချမ်းရေးလုပ်ငန်းစဉ်များကို မလုပ်ချင်၍ ဖြစ်ကြောင်း၊ နိုင် ငံရေး အရဆွေးနွေးပြီး နိုင်ငံရေး အခွင့်အရေးအားလုံး တောင်းဆိုလိုသော် လည်း လက်နက်ကိုင်လမ်းစဉ်ကို စွဲကိုင်ထားလိုကြောင်း၊ လက်နက် ကိုင်ပြီး နိုင်ငံရေး အခွင့်အရေး တောင်းဆိုခြင်းကို ကမ္ဘာပေါ်တွင် မည် သည့်နိုင်ငံ တွင်မှ လက်မခံကြောင်း၊ မိမိတို့အနေဖြင့် အားလုံးကို သမိုင်းကြောင်း ကောင်းစေ လိုကြောင်း၊ တပ်မတော်အနေဖြင့် အေးအေး ချမ်းချမ်းဖြင့် သမိုင်းကြောင်း ကောင်းအောင် လုပ်ဆောင်မည်ဖြစ်ကြောင်း၊ တိုင်းပြည် ကောင်းအောင်လည်း ကြိုးပမ်း လုပ်ဆောင်နေကြောင်း၊ မည်သူ့ကိုမျှ ချန်မထားဘဲ အားလုံးပါဝင်ရန် လိုလားကြောင်း၊ တိုင်းရင်းသား အချင်းချင်း အမုန်းတရားဖြစ်စေမည့် စကားများကို ထိန်းသိမ်းကြရန်လည်း လိုကြောင်း၊ မိမိတို့အနေဖြင့် သဘောထား မတူညီသည်များကိုလည်း သက် ဆိုင် ရာ လူပုဂ္ဂိုလ်၊ အဖွဲ့အစည်းများနှင့် ညှိနှိုင်း၍ တိုင်းပြည်ကောင်းအောင် ကြိုးစား လုပ်ဆောင်နေကြောင်းဖြင့် ဆွေးနွေး ပြောကြားခဲ့သည်။

Ref : Senior General Min Aung Hlaing Fb
The Ladies News


တရားမဝင် နယ်စပ်ကုန်သွယ်မှုနှင့်အတူ အရည်အသွေးနိမ့် ကုန်ပစ္စည်း များ၊ ဈေးကွက်ဖျက် ကုန်ဈေးနှုန်းဖြင့် တင်ပို့နေမှု (Dumping) များအား ပူးပေါင်း ကာကွယ်တားဆီးနိုင်ရေးနှင့် တရားဝင်နယ်စပ် ကုန်သွယ်ရေး မြှင့် တင်နိုင်ရေးအတွက် နယ်စပ်ဖြတ်ကျော် စီးပွားရေးဇုန်များ တည်ထောင်ရေး တရုတ်နိုင်ငံ ယူနန်ပြည်နယ် ဒုတိယ ပြည်နယ်အုပ်ချုပ်ရေးမှူး Mr. Chen Shun ဦးဆောင်သည့် ပြည်နယ်အစိုးရအဖွဲ့နှင့် ကုန်သည်စက်မှု အသင်းချုပ်တို့ ကုန်သည်စက်မှုအသင်းချုပ်၌ ဆွေးနွေးခဲ့ကြောင်း UMFCCI က မတ်လ ၂ ရက်က ထုတ်ပြန်ခဲ့သည်။

တရားမဝင် ကုန်စည်များ၊ အရည်အသွေးနိမ့် ကုန်စည်များနှင့် ကုန်ပစ္စည်း အတုအပများ ပမာဏများပြားစွာ ဝင်ရောက်လာမှုကြောင့် မြန်မာ့စား သုံးသူ ပြည်သူလူထုအပြင် မြန်မာ့ အသေးစားနှင့် အလတ်စားလုပ်ငန်းများမှာ ထိခိုက်လျက်ရှိရာ ထိရောက်ပြတ်သားစွာ တားဆီးအရေးယူနိုင်ရေးကို နှစ်ဖက် အဖွဲ့အစည်းများ သဘောတူ ဆွေးနွေးခဲ့ခြင်း ဖြစ်သည်။

မြန်မာနိုင်ငံအတွင်းသို့ ဝင်ရောက်လာသည့် အရည်အသွေးနိမ့် ကုန်ပစ္စည်းများမှာ တရုတ်နိုင်ငံအတွင်း တရားဝင်လုပ်ကိုင်ခြင်း မရှိသော ကုမ္ပဏီများမှ မှောင်ခိုလမ်းကြောင်းများမှ တင်ပို့နေခြင်းဖြစ်ပြီး၊ ၎င်းတို့ကြောင့် တရုတ်ကုန်ပစ္စည်းများ နာမည်ပျက်ရသည့်အတွက် ပြည်နယ်အစိုးရ အနေဖြင့် တရားမဝင်ကုမ္ပဏီများကို ပိုမိုထိရောက်စွာ အရေးယူသွားမည် ဖြစ်ကြောင်း ယူနန်ပြည်နယ် ဒုတိယပြည်နယ် အုပ်ချုပ်ရေးမှူး Mr. Chen Shun က ပြောသည်ဟု ထုတ်ပြန်ချက်တွင် ဖော်ပြထားသည်။

ထို့အတူ နယ်စပ်ဒေသ တရားဥပဒေ စိုးမိုးရေးနှင့် တရားမဝင် ကုန်သွယ်မှု လျှော့ချနိုင်ရေးအတွက် မြန်မာနိုင်ငံတော် အစိုးရ၊ ပုဂ္ဂလိကကဏ္ဍ တို့နှင့် ပူးပေါင်းဆောင်ရွက် သွားမည်ဖြစ်ပြီး၊ ကုန်ပစ္စည်း အရည်အသွေး တိုင်းတာသည့် စက်ကိရိယာများနှင့် နည်းပညာများကို ထောက်ပံ့ကူညီ သွားမည်ဖြစ်ကြောင်း Mr. Chen Shun က ပြောသည်။

တရားမဝင် ကုန်သွယ်မှုလျှော့ချရေးမှသည် နယ်စပ်ဒေသ ဖွံ့ဖြိုးရေးနှင့် မြန်မာ့ စီးပွားရေး တိုးတက်လာစေရေးအတွက် နယ်စပ်ဖြတ်ကျော် စီးပွားရေးဇုန်များ လက်တွဲတည်ထောင်ရန်လည်း သဘောတူ ဆွေးနွေးခဲ့ကြပြီး၊ နှစ်ဖက်ဈေး ကွက် လိုအပ်ချက်ကို ဖြည့်စည်းနိုင်မည့် ကုန်ပစ္စည်းများ ထုတ်လုပ်ပြီး ဖလှယ်နိုင်မည့် စီးပွားရေးနှင့် ကုန်သွယ်မှု ဇုန်များ တည်ထောင်ခြင်းဖြင့် နယ်စပ်ကုန်သွယ်မှု မြှင့်တင်သွားရန် ဆွေးနွေးခဲ့ကြကာ အလွန်အရေးပါသည့် လုပ်ငန်းဖြစ်သဖြင့် ဗဟိုအစိုးရထံသို့ တင်ပြကာ ခွင့်ပြုချက်တောင်းမည်ဟု Mr. Chen Shun က ပြောဆိုခဲ့ကြောင်း ထုတ်ပြန်ချက်တွင် ဖော်ပြထားသည်။

တရုတ်- မြန်မာ နယ်စပ် ကုန်သွယ်မှု ကဏ္ဍမှာ နယ်စပ်ကုန်သွယ်ရေး၏ ၈၀ ရာခိုင်နှုန်းရှိပြီး ယူနန်နှင့် မြန်မာတို့မှာ ကီလိုမီတာ ၁၆၀၀ ကျော် နယ်မြေချင်း ထိစပ်နေသည်။

ဇော်မင်းထွန်း
The Ladies News


ရန်ကုန်တိုင်းဝန်ကြီးချုပ် ဦးဖြိုးမင်းသိန်းဟာ ရန်ကုန်ဆေးရုံတခုမှာပဲ ဒီနေ့ညနေပိုင်း နှလုံးခွဲစိတ်ကုသဖို့ရှိတယ်လို့ အန်အယ်လ်ဒီအတွင်းရေးမှူးအဖွဲ့ဝင် ဦးဉာဏ်ဝင်းက ပြောပါတယ်။

“ဆေးရုံတက် အော်ပရေးရှင်း လုပ်ရမယ်။ နှလုံးပဲ၊ နှလုံး ဘာခွဲမလဲတော့ မသိဘူး၊ ဆေးရုံတော့ မသိဘူးဗျ။ ရန်ကုန်တော့ ရန်ကုန်မှာပဲ။”

လှည်းကူးမြို့နယ် အန်အယ်လ်ဒီက ဦးမောင်မောင်ကတော့ ဦးဖြိုးမင်းသိန်းဟာ နှလုံးအဆီဖုံးလို့ ခွဲစိတ်ကုသရမယ်လို့ ပြောပါတယ်။

“ဆရာဝန်ကြီးတွေနဲ့ ဘယ်ဆေးရုံဆိုတာ ဒီ နေ့လယ်မှာ သူတို့ ဆုံးဖြတ်ပြီးမှ တက်မှာပါ။ နှလုံးအဆီဖုံးတာပါ၊ ပုံမှန်အတိုင်းပါပဲ။ ဆရာဝန်တွေက စောစောစီးစီးကုသလိုက်ရင် ကောင်းမယ်လို့ ပြောလို့ပါ။ ဒေါ်အောင်ဆန်းစုကြည်ကလည်း စောစောစီးစီကုလိုက်ပါလို့ ပြောလို့ပါ။”
ဦးဖြိုးမင်းသိန်းရဲ့ ၀န်ကြီးချုပ်တာဝန်ကိုတော့ ရန်ကုန်တိုင်း လုံခြုံရေးနဲ့နယ်စပ်ရေးရာ ဝန်ကြီး ဗိုလ်မှူးကြီးတင်အောင်ထွန်းက ခေတ္တ တာဝန်ယူမှာ ဖြစ်ပါတယ်။
DVB TV News


အိုင်အက်စ်တွေ ဓာတုလက်နက်သုံးလာနိုင်မှာကို ကြိုတင်ခန့်မှန်းပြင်ဆင်မှုတွေ ရှိထားခဲ့

အီရတ်နိုင်ငံ မိုဆူးလ်မြို့မှာ တစ်လသားကလေးငယ် တစ်ယောက်အပါအဝင် အရပ်သား ၁၂ ယောက်တို့ ဓာတုလက်နက်နဲ့ အတိုက်ခံရလို့ ဒဏ်ရာရသွားတယ်လို့ သိရပါတယ်။

မိုဆူးလ်မြို့ဟာ သူတို့ကိုယ်သူတို့ အစ္စလာမ်မစ်နိုင်ငံလို့ ခေါ်တဲ့ အိုင်အက်စ်အဖွဲ့ ထိမ်းချုပ်ထားလို့ အီရတ်စစ်တပ်တွေက မြို့ကို ပြန်ရဖို့ အပြင်းအထန် တိုက်နေတာ ဖြစ်ပါတယ်။

ပြီးခဲ့တဲ့ ရက်ကတော့ အိုင်အက်စ်တွေ ထိမ်းချုပ်ထားတဲ့ မိုဆူးလ်အနောက်ဖက်ခြမ်းက ပစ်လိုက်တယ်လို့ ယူဆရတဲ့ ဗုံးဆံတွေ အရှေ့ဖက်ခြမ်းက အရပ်သားတွေရဲ့ နေအိမ်တွေပေါ်ကျလာပြီး ပေါက်ကွဲခဲ့တာဖြစ်တယ်လို့ မိုဆူးလ်နားက အာဘီလ်မြို့မှာ ရောက်နေတဲ့ ဘီဘီစီ သတင်းထောက် ဝိုင်ယာဒေးဗီးစ်က ပြောပါတယ်။

ပေါက်ကွဲပြီးပြီးချင်း အနံ့ဆိုးကြီး ထွက်လာတယ်လို့ အရပ်သားတွေက ပြန်ပြောကြတဲ့အကြောင်း အဲဒီဒေသမှာ ရှိနေတဲ့ အပြည်ပြည်ဆိုင်ရာ ကြက်ခြေနီအဖွဲ့ အိုင်စီအာစီက ဆရာဝန်တစ်ယောက်က ပြောပါတယ်။

ဗုံးဆံတွေကျ အပြီးမှာ လူတွေဟာ အသက်ရှုမရတော့တာ၊ အော့အန်တာတွေ ဖြစ်လာပြီး အရေပြားပေါ်မှာ အဖုအပိမ့်တွေ ထွက်လာတယ်လို့ ဆိုပါတယ်။ ၁၂ နှစ်သားလေး တစ်ယောက်ဆို တော်တော်ဆိုးဆိုးဝါးဝါး ခံနေရတယ်လို့ ဆိုပါတယ်။ အခုတော့ ဒဏ်ရာရထားသူတွေကို မိုဆူးလ်မြို့နားက ရိုဇာဝါဆေးရုံကို တင်ထားလိုက်ပြီလို့ အိုင်စီအာစီရဲ့ အရှေ့အလယ်ပိုင်းဒေသဆိုင်ရာ ဒါရိုက်တာ ရောဘတ်မာဒီနီက ပြောပါတယ်။

လူနာတွေဟာ စိုးရိမ်ရတဲ့ အနေအထားမှာ ရှိပါတယ်။ ဒါပေမယ့် သူတို့ကို ကုသပေးနေပါပြီ။ တခြားလူတွေကို အဆိပ်မသင့်အောင်လည်း ဆေးရုံကို သန့်စင်ထားပါတယ်လို့ သူကဆိုပါတယ်။

ဒီဓာတုလက်နက်ဟာ ဘယ်လို လက်နက်လည်း၊ ဘယ်သူက သုံးတာလည်းဆိုတာကိုတော့ အတိအကျ စုံစမ်းဖော်ထုတ်တာ မရှိသေးပါဘူး။ ဘယ်လို ဓာတုလက်နက်မျိုးကို မဆို မသုံးရလို့ နိုင်ငံတကာ ဥပဒေက ပြဌာန်းထားပါတယ်။ မိုဆူးလ်မြို့စစ်ပွဲကြီး မစခင်ကတည်းက အိုင်အက်စ်တွေဟာ မာ့စတပ်ဓာတ်ငွေ့နဲ့ ကလိုရင်းဓာတ်ငွေ့သုံးလက်နက်တွေ ထုတ်လုပ်နေတယ်လို့ အီရတ်စစ်ဖက်က ပြောဖူးပါတယ်။ ဒါပေမယ့် ဒီစစ်ပွဲမှာ ဓာတုလက်နက်သုံးတယ်ဆိုတာကို ကြက်ခြေနီအဖွဲ့က ထုတ်ပြောတာတော့ အခုအကြိမ်ဟာ ပထမဆုံးဖြစ်ပါတယ်။

ဗြိတိသျ စစ်တပ်အရာရှိဟောင်းနဲ့ ဓာတုလက်နက်ကျွမ်းကျင်သူ ဟာမစ်ရ်ှဘရက်တန်ဂေါ်ဒန်ကတော့ အိုင်အက်စ်တွေ အရင်ကလည်း ဓာတုလက်နက်တွေ သုံးဖူးတယ်လို့ ပြောပါတယ်။

သူတို့က အရေပြားကို ဖူးယောင်လောင်ကျွမ်းစေတဲ့ ဓာတုပစ္စည်းတွေ သုံးတယ်၊ ကာ့ဒ်တပ်ဖွဲ့ ပက်ရ်ှမာဂါတွေရှိတဲ့ဆီလည်း ဒီလို ဓာတ်ငွေ့လက်နက်တွေနဲ့ ပစ်ဖူးတယ်။ သူကိုယ်တိုင် ရှိနေခဲ့တဲ့အချိန်မှာ ပစ်တာလို့ ပြောပါတယ်။

အိုင်အက်စ်တွေ ဓာတုလက်နက်သုံးလာနိုင်မယ်ဆိုတာကို ကြိုတင်ပြင်ဆင်တဲ့အနေနဲ့ ကမ္ဘာ့ကျန်းမာရေးအဖွဲ့ကြီးနဲ့ ကြက်ခြေနီအဖွဲ့တွေက အီရတ်က ဆေးရုံတွေမှာ အထူးကာကွယ်ရေး ဆေးပစ္စည်းတွေ ပို့ပေးထားပြီး ဒေသခံ ကျန်းမာရေးဝန်ထမ်းတွေကိုလည်း လေ့ကျင့်သင်တန်းတွေ ပေးထားပါတယ်။
BBC Burmese

မြန်မာ လက်ဝှေ့ အကျော်အမော် ထွန်းထွန်းမင်း
ရန်ကုန်မှာ ကျင်းပခဲ့တဲ့ ကမ္ဘာ့ချန်ပီယံ မြန်မာ့လက်ဝှေ့ပြိုင်ပွဲမှာ မြန်မာ လက်ဝှေ့သမားတွေက နိုင်ငံတကာ ပြိုင်ဖက်တွေကို အနိုင်ရခဲ့ပါတယ်။

ထွန်းထွန်းမင်းနဲ့ တူးတူးတို့လို မြန်မာ့လက်ဝှေ့ ရွှေခါးပတ်ဆုရှင်တွေက နိုင်ငံတကာက ပြိုင်ဖက်တွေနဲ့ ထိုးသတ်ခဲ့ပါတယ်။

ထွန်းထွန်းမင်းက အင်္ဂလန်က နစ်ကိုလပ်ကာတာကို ပထမ အချီမှာ နိုင်ခဲ့တာ ဖြစ်ပါတယ်။

မြန်မာ ရိုးရာ လက်ဝှေ့ စည်းမျဉ်း အရ ထိုးချီ တချီ အတွင်းမှာ အမှတ်စဉ် ရေတွက်မှု သုံးကြိမ် ရေတွက် ခံရရင် အရှုံး ဖြစ်ပြီး အဲဒီ အတွက် ထွန်းထွန်းမင်းက ပြိုင်ဖက်ကို အနိုင်ရခဲ့တာ ဖြစ်ပါတယ်။

ဒါ့အပြင် သူဟာ အရင်ပွဲမှာ ဒူးဒါဏ်ရာ ရထားခဲ့တာ ဖြစ်ပေမယ့် အခုပွဲမှာတော့ ဘီလူးစီးသလို ထိုးသတ်နိုင်ခဲ့တယ်လို့ ရိုးရာ လက်ဝှေ့ အဖွဲ့ချုပ် အမှုဆောင် ဦးစိုင်းဇော်ဇော် က ပြောပါတယ်။

တူးတူးကတော့ သြစတြေးလျက အက်ဒီဖာရယ်တို့နဲ့ ထိုးခဲ့တာ ဖြစ်ပါတယ်။

သူတို့လည်း ငါးချီ အပြည့်ထိုးခဲ့တာ ဖြစ်ပြီး ဒိုင်လူကြီး သုံးယောက်ရဲ့ အဆုံးအဖြတ် အရ အမှတ်နဲ့ အနိုင်ရခဲ့တာ ဖြစ်ပါတယ်။

ဖိုးသော် ကတော့ ပထမ အချီမှာ နိုင်ခဲ့တာ ဖြစ်ပြီး သူရဲ့ ခေါင်းရိုက် သတ်ကွက်နဲ့ အနိုင်ယူခဲ့တာ ဖြစ်ပါတယ်။

ကျားပေါက် ဟာ ပထမ အချီမှာ အနိုင်ရခဲ့ပြီး တမိန်နဲ့ သုံးရှစ် စက္ကန့် အကြာ ထိုးသတ် နိုင်ခဲ့တာ ဖြစ်ပါတယ်။

နိုင်ငံတကာ လက်ဝှေ့ သမားတွေဟာ အခုလို မြန်မာ လက်ဝှေ့သမားတွေနဲ့ လာရောက် ယှဉ်ပြိုင်ရတာကို ဂုဏ်ယူကြတယ်လို့ ရိုးရာ လက်ဝှေ့ အဖွဲ့ချုပ် အမှုဆောင် အရာရှိက ဆိုပါတယ်။
BBC Burmese


အပစ်ရပ်စာချုပ် NCA ကို လက်မှတ်မရေးထိုးသေးတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ နိုင်ငံရေးဆွေးနွေးရေး ကိုယ်စားလှယ်အဖွဲ့ DPN။
အပစ်ရပ်စာချုပ် NCA ကို လက်မှတ်မရေးထိုးသေးတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ နိုင်ငံရေးဆွေးနွေးရေး ကိုယ်စားလှယ်အဖွဲ့ DPN။
အပစ်အခတ်ရပ်စဲရေးစာချုပ် ချုပ်နိုင်ဖို့ UNFC တိုင်းရင်းသားမဟာမိတ်အဖွဲ့က အဆိုပြုထားတဲ့ အချက် (၉)ချက်ကို အစိုးရက မူအားဖြင့် သဘောတူ လိုက်ပါတယ်။ ဒါပေမယ့် ဘယ်အချက်တွေကို ဘယ်လို လိုက်လျောမယ်ဆိုတာ ရှင်းရှင်းလင်းလင်း မရှိသေးတဲ့အတွက် ထူးခြားတိုးတက်မှုလို့ ယူဆလို့ မရကြောင်း မြန်မာ့အရေး အကဲခတ်တွေက သုံးသပ်ကြပါတယ်။ ဒီအတောအတွင်း မတ်လမှာ ဒုတိယအကြိမ် (၂၁)ရာစု ပင်လုံညီလာခံကျင်းပဖို့ လျာထားတဲ့အစီအစဉ် မဖြစ်နိုင်တော့ကြောင်း အစိုးရ ငြိမ်းချမ်းရေး ကော်မရှင်က ပြောကြားလိုက်ပါတယ်။ မအင်ကြင်းနိုင်က အပြည့်အစုံကို ဆက်ပြီးတင်ပြမှာပါ။

ရန်ကုန်မြို့မှာ မတ်လ (၃)ရက်နေ့က အစိုးရငြိမ်းချမ်းရေးကော်မရှင်နဲ့ UNFC တိုင်းရင်းသားလူမျိူးများ ဖယ်ဒရယ်ကောင်စီ ကိုယ်စားလှယ်တွေ တွေ့ဆုံဆွေးနွေး ခဲ့ကြတာပါ။ UNFC က အဆိုပြုထားတဲ့ အချက် (၉)ချက်ကို အစိုးရဘက်က မူအားဖြင့် သဘောတူညီခဲ့တယ်ဆိုတဲ့ အချက်နဲ့ပတ်သက်ပြီး ဆွေးနွေးပွဲအပြီး ပြုလုပ်တဲ့ သတင်းစာရှင်းလင်းပွဲမှာ UNFC ရဲ့ နိုင်ငံရေးဆွေးနွေးရေး ကိုယ်စားလှယ်အဖွဲ့ DPN ခေါင်းဆောင် ခူးဦးရယ်က သတင်းထောက်တွေကို အခုလို ပြောပါတယ်။

"အဆုံးသတ် ဆုံးဖြတ်ချက် မရောက်ခင်မှာ ဆိုလိုတာကတော့ ကျနော်တို့ အခြေခံ အချက်အလက်တွေအပေါ်မှာ မူအားဖြင့် ကျနော်တို့ကို ဘယ်လိုဖြတ်ကျော် သွားပြီးတော့ သွားမယ်ဆိုတဲ့ အခြေခံသဘောထားကို ပြောတာဖြစ်ပါတယ်။"

အခုလို UNFC ဘက်က အဆိုပြုထားတဲ့ အချက် (၉)ချက်ကို မူအားဖြင့် သဘောတူညီတဲ့ အထဲမှာ တပ်မတော်ဘက်က ကိုယ်စားလှယ်တွေပါဝင်ပါတယ်။ ဒါကိုကြည့်ပြီးတော့ တပ်မတော်ဘက်က သဘောထားပျော့ပြောင်းလာတယ်လို့ မြင်လို့ မရကြောင်း သတင်းစာဆရာ ဦးစည်သူအောင်မြင့်က သုံးသပ်ပါတယ်။

" ဒါပေမဲ့ NCA ထိုးလာဖို့အတွက် လိုအပ်တဲ့အချက်အလက်လေးတွေကို ညှိမယ် နှိုင်းမယ် ဆိုတဲ့ သဘောပါ။ သူကတော့ မူမှာ သူရပ်တည်တုန်းပါပဲ။ အဲ့ဒီ့တော့ မူကို မထိခိုက်သေးတဲ့နောက်မှာ ညှိနှိုင်းလို့ရတယ်ဆိုပြီး သူ ရပ်တည်တဲ့သဘောပါပဲ။ ဒါမျိုးက အရင်တုန်းကလည်း ဖြစ်ဖူးပါတယ်။ သမ္မတဦးသိန်းစိန် လက်ထက်မှာ သူတို့ညှိနှိုင်းရ ခက်ခဲသွားတဲ့ ကာလမျိုးတွေ ရှိခဲ့ဖူးပါတယ်။ အဲ့ဒီ့အခါမျိုးကျရင်တော့ အစိုးရဘက်က အဲ့ဒီ့တုန်းကဆိုရင် ဦးအောင်မင်းတို့ ကိုယ်တိုင်ပါဝင်တယ် နောက် ဟိုတဘက်က တပ်ဘက်က အများကြီးပါပြီးမှ ဒီအခြေအနေကို ဘယ်လိုကျော်ဖြတ်မလဲဆိုတာ သူတို့ဆွေးနွေးတာတွေ ရှိခဲ့တယ်။ အခုလည်း ဒီသဘောပါပဲ ဒီသဘောမှာ တဘက်က လာတာက NCA စာချုပ်ကို ပြန်ပြင်ရမယ်တို့ NCA စာချုပ်ကို မလိုချင်တော့ဘူး ဒီလိုမျိုး ပြောတာ မရှိဘူး ဆိုတော့ သူတို့ဆက်ပြီးတော့ လမ်းပွင့်မယ် သဘောပါပဲ။"

ဒါ့အပြင် မနေ့က နှစ်ဘက် ဆွေးနွေးပွဲရလာဒ်အဖြစ် ထုတ်ပြန်တဲ့ ကြေညာချက်မှာ မူအားဖြင့် သဘောတူညီတာကလွဲပြီး ထူးထူးခြားခြားမပါသလို ဆက်ပြီးဆွေးနွေးသွားမယ် ဆိုတဲ့ အခြေအနေကိုပဲ တွေ့မြင်ရကြောင်း ဦးစည်သူအောင်မြင့်က ပြောပါတယ်။

" တခြားအများကြီး အဲ့ဒီ့မှာ ထူးခြားတာ မတွေ့ရဘူး။ နှစ်ဘက်စလုံး သဘောတူတယ် ဆိုတဲ့သဘော။ အဲ့ဒီ့မှာ ရှင်းရှင်း ပြတ်ပြတ်နဲ့ ဒီအချက် ၉ချက်ထဲက ဘယ်အချက်ကို ဘယ်လိုလိုက်လျောမယ် ဆိုတာ ဒီသဘောမျိုးမပါဘူး။ တချို့ဟာတွေက နောင်မှ ဆက်ဆွေးနွေးဖို့ဟာတွေရှိတယ်။ တချို့ဟာတွေက သီးသန့် တခြားဟာထဲမှာ သွားပြီးတော့မှ ဆွေးနွေးမယ်ဆိုတဲ့အချက်လေးတွေ ထည့်ထားတာ တွေ့ရတယ်။"

ဒါပေမဲ့ UNFC ကိုဦးဆောင်နေတဲ့ KIO ကချင်လွတ်လပ်ရေးအဖွဲ့က ကိုယ်စားလှယ်တွေ ဒီဆွေးနွေးပွဲမှာ ပါဝင်မှုမရှိတာဟာတော့ ထူးခြားမှုရှိတယ်လို့ ဦးစည်သူအောင်မြင့် က ပြောပါတယ်။ KIO နဲ့ UWSA အပါအ၀င် တရုတ်-မြန်မာနယ်စပ် အခြေစိုက် တိုင်းရင်းသားလက်နက်ကိုင် အဖွဲ့အစည်းတွေဘက်က လက်ရှိ NCA စာချုပ်အစား တရားမျှတမှုရှိတဲ့ အပစ်အခတ် ရပ်စဲရေး စာချုပ်နဲ့ အစားထိုးဖို့ ဖေဖေါ်ဝါရီလ (၂၄) ရက်နေ့က ထုတ်ပြန်တဲ့ ပန်ခမ်း အစည်းအဝေးကြေညာချက်မှာ ဖေါ်ပြထားပါတယ်။

ဒါကြောင့် တိုင်းရင်းသားတွေဘက် က NCA နဲ့ပတ်သက်ပြီး သဘောထား ကွဲလွဲမှုတွေများ ရှိလာနေသလား။ ဦးစည်သူအောင်မြင့်ရဲ့ အမြင်ကတော့- " အခုကြည့်လိုက်ရင်တော့ အဲ့သလိုပုံစံမျိုး ဖြစ်နေတယ်။ ဒီဘက်မှာ အခုလာတဲ့ ကိုယ်စားလှယ်အဖွဲ့တွေက NCA မူအတိုင်းကိုပဲ ဆက်ပြီးတော့ ဆွေးနွေးသွားမယ်ဆိုတဲ့သဘောကို သူတို့ပြောနေတယ်။ သတင်းစာရှင်းလင်းပွဲမှာလည်း ပြောတယ်။ ဆွေးနွေးပွဲမှာလည်း ဒီအတိုင်းပဲ သူတို့ဆွေးနွေးသွားတယ်။ ဒါပေမဲ့ ပန်ခမ်းက ထုတ်တဲ့ ဝနဲ့ပူးပေါင်းပြီးတော့ ဆွေးနွေး ရရှိချက်မှာ ထုတ်ပြန်ထားတဲ့ ဟာကတော့ ဒီလမ်းကြောင်းမဟုတ်ဘူး။ ဟိုအရင်လက်မှတ်ထိုး တဲ့သူကတော့ ထိုးပစေတော့ ကျန်တဲ့သူတွေကျတော့ ဝက ဦးဆောင်ပြီးတော့မှ နောက်ထပ် အပစ်အခတ်ရပ်စဲရေး ပုံစံအသစ် ဆွေးနွေးမှုပုံစံအသစ် လုပ်မယ် ကမ်းလှမ်းမယ်ဆိုပြီးတော့မှ သူတို့က ထုတ်ပြန်ထားတာကိုး အဲ့ဒီ့တော့ ဒီနှစ်ခုက ဆန့်ကျင်နေတာကို တွေ့ရတယ်။"

မနေ့က အစိုးရငြိမ်းချမ်းရေးကော်မရှင်နဲ့ UNFC ကိုယ်စားလှယ်တွေ ဆွေးနွေးပွဲအပြီး ထုတ်ပြန်တဲ့ ကြေညာချက်မှာ- UNFC ဘက်က အဆိုပြုထားတဲ့ အချက် (၉)ချက်ထဲက သုံးပွင့်ဆိုင်ငြိမ်းချမ်းရေးဆွေးနွေးပွဲ အချက်အပါအ၀င် နိုင်ငံရေးဆွေးနွေးမှု မူဘောင်၊ တပ်နေရာပြန်လည်ချထားရေး ကြိုတင်သဘောတူညီမှုရယူရန် အချက်တွေကိုတော့ အခြားသက်ဆိုင်ရာဆွေးနွေးပွဲ ခေါင်းစဉ်တွေအောက်မှာ ဆက်ပြီးဆွေးနွေး သွားမယ်လို့ ဖေါ်ပြထားပါတယ်။ အလားတူ အဖွဲ့အားလုံးပါဝင်ရေးကို နှစ်ဘက်စလုံးက ဆက်လက်ကြိုးစား ညှိနှိုင်းဆောင်ရွက်သွားမယ်လို့ ဆိုပါတယ်။

မူလက လျာထားတဲ့ ဒုတိယအကြိမ် ၂၁ ရာစုပင်လုံညီလာခံကို မတ်လအတွင်း ကျင်းပမယ့် အစီစဉ်ကိုလည်း ထပ်ပြီး ရွှေ့ဆိုင်းလိုက်ကြောင်း အစိုးရငြိမ်းချမ်းရေးကော်မရှင် တာဝန်ရှိသူတွေဘက်က ပြောပါတယ်။

မအင်ကြင်းနိုင်
VOA Burmese News

တရုတ်ရဲ့ ပိုးလမ်းမကြီး ပြ မြေပုံ။
တရုတ်ရဲ့ ပိုးလမ်းမကြီး ပြ မြေပုံ။
တရုတ်ရဲ့ ပိုးလမ်းမကြီး ၂ သွယ်ကနေ ရထားလမ်း ကားလမ်းတွေနဲ့ ဆိပ်ကမ်းတွေတိုးချဲ့ပြီး အကောင်ထည်ဖေါ်မှာမို့ ဒါဟာ ကုန်သွယ်ရေးမှာရော ခရီးသွားလုပ်ငန်းမှာပါ မြန်မာနိုင်ငံ အတွက် အကျိုးကျေးဇူးတွေ ကြီးကြီးမားမား ရနိုင်တယ်လို့ ယူဆကြောင်း မြန်မာလုပ်ငန်းရှင် တချို့က ပြောပါတယ်။

တရုတ်အစိုးရရဲ့ ၂၀၁၃ ခုနှစ်က အဆိုပြုခဲ့တဲ့ Silk Road Economic Belt လို့ခေါ်တဲ့ စီးပွါးရေးဆိုင်ရာပိုးလမ်းကြောင်း နဲ့ ၂၁ ရာစု Maritime Silk Road ရေကြောင်း ပိုးလမ်းမကြီး ၂ သွယ်အတွက် မြန်မာနိုင်ငံပါ ပါဝင်မှာ ဖြစ်ပြီး ဒါဟာ အာရှနဲ့ ဥရောပ၊ အာဖရိက ဒေသတွေနဲ့ အရင် ပိုးလမ်းမကြီး တလျှောက်က နိုင်ငံတွေကြား ကုန်သွယ်ရေး ကွန်ယက်တခု ဖြစ်လာမှာပါ။

မြန်မာနိုင်ငံဟာ သယံဇာတ ကြွယ်ဝပြီး ခရီးသွားတွေအတွက် ဆွဲဆောင်မှုရှိတဲ့ ယဉ်ကျေးမှု အမွေအနှစ်လည်း ပေါကြွယ်တာမို့ ဒီလမ်းတွေ ပေါက်သွားရင် ခရီးသွားနဲ့ ကုန်သွယ်ရေးဆိုင်ရာ တိုးတက်မှုတွေ ရှိလာနိုင်တယ်လို့ မြန်မာစီးပွါးရေး လုပ်ငန်းရှင်တွေရဲ့ ပြောကြားချက်ကို တရုတ်အစိုးရရဲ့ Xinhua သတင်းမှာ ဖေါ်ပြထားပါတယ်။

မြန်မာနိုင်ငံဟာ တရုတ်ရဲ့ အနောက်တောင်ဘက်က အိန္ဒိယ သမုဒ္ဒရာအထိ ပေါက်တဲ့ အချက်အချာ ကျတဲ့ နိုင်ငံဖြစ်နေပြီး ဒီလမ်းတွေကြောင့် BCIM အဖွဲ့ဖြစ်တဲ့ ဘင်္ဂလားဒေ့ရှ့်၊ တရုတ်၊ အိန္ဒိယ၊ မြန်မာ ၄ နိုင်ငံရဲ့ ကုန်သွယ်ရေးလွယ်ကူမြန်ဆန်စေမယ့် အပြင် တရုတ်အနေနဲ့ ဒီလမ်းမတွေကနေ အာဆီယံ နိုင်ငံတွေဖြစ်တဲ့ ထိုင်း၊ မလေးရှား၊ အင်ဒိုနီးရှားနဲ့ စင်္ကာပူနိုင်ငံတွေကို မြန်မာနိုင်ငံကနေ ဖြတ်ပြီး လွယ်လွယ်ကူကူ ဆက်သွယ်နိုင်တော့မှာ ဖြစ်ပါတယ်။

ဒါပေမယ့် တကယ်လို့ မြန်မာနိုင်ငံထဲက စစ်တပ်နဲ့ တိုင်းရင်းသား လက်နက်ကိုင်တွေကြား ပဋိပက္ခတွေ မချုပ်ငြိမ်းမချင်းတော့ ဒီကိစ္စကို အကောင်ထည် ဖေါ်နိုင်မှာ မဟုတ်ပါဘူး။
VOA Burmese News


ငြိမ်းချမ်းရေးကော်မရှင် (Peace Commission) နှင့် နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (Delegation for Political Negotiation) စတုတ္ထအကြိမ် အစည်းအဝေး။ (မတ် ၃-၂၀၁၇)
ငြိမ်းချမ်းရေးကော်မရှင် (Peace Commission) နှင့် နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (Delegation for Political Negotiation) စတုတ္ထအကြိမ် အစည်းအဝေး။ (မတ် ၃-၂၀၁၇)
ငြိမ်းချမ်းရေးကော်မရှင် နဲ့ အပစ်ရပ်စာချုပ် NCA ကို လက်မှတ်မရေးထိုးသေးတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ ကိုယ်စားလှယ်အဖွဲ့တို့ ဒီကနေ့ ဆွေးနွေးရာမှာ UNFC ဘက်က တင်ပြထားတဲ့ အဆိုပြုချက်တွေကို မူအားဖြင့် သဘောတူညီချက်ရခဲ့ပြီဖြစ်ပါတယ်။ အသေးစိတ်အချက်အလက်တွေကို ဆက်လက်ဆွေးနွေး ညှိနှိုင်းဖို့ သဘောတူညီ ထားသလို ငြိမ်းချမ်းရေးဖြစ်စဉ်တွင် ပါဝင်သင့်ပါဝင်ထိုက်တဲ့ အဖွဲ့အစည်းတွေ ပါဝင်နိုင်ရေး ကြိုးပမ်းသွားဖို့နဲ့ (၂၁) ရာစုပင်လုံကို ပါဝင် တက်ရောက်နိုင်ရေး ညှိနှိုင်းဆောင်ရွက်သွားဖို့လည်း သဘောတူခဲ့ကြပါတယ်။ ဒီသတင်းကို ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

အစိုးရရဲ့ ငြိမ်းချမ်းရေးကော်မရှင် နဲ့ အပစ်ရပ်စာချုပ် NCA ကို လက်မှတ်မရေးထိုးသေးတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ နိုင်ငံရေးဆွေးနွေးရေး ကိုယ်စားလှယ်အဖွဲ့ DPN တို့ ဒီကနေ့ ရန်ကုန်မြို့အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနမှာ UNFC ဘက်က တင်ပြထားတဲ့ အချက် ၉ချက်ကို ဆက်လက် ဆွေးနွေးခဲ့ကြ တာဖြစ်ပါတယ်။

ဆွေးနွေးပွဲအပြီး သတင်းစာ ရှင်းလင်းပွဲမှာ အချက်၉ချက်အပေါ် မူအားဖြင့် သဘောတူညီချက် ရခဲ့ပြီး အဆင့်တဆင့် တက်လှမ်းနိုင်ခဲ့ကြောင်း ကို နိုင်ငံတော်သမ္မတရုံး က ပြောရေးဆိုခွင့် ရှိသူ ငြိမ်းချမ်းရေးကော်မရှင် အဖွဲ့ဝင်ဖြစ်တဲ့ ဦးဇော်ဌေးက အခုလို ပြောဆိုပါတယ်။

"ဒီကိုးချက်ကို ဆွေးနွေးတဲ့အခါမှာ တဘက်နဲ့ တဘက် ရင်းရင်းနှီးနှီးပွင့်ပွင့်လင်း ညှိနှိုင်းဆွေးနွေးပြီးတော့ နောက်ဆုံးမှာ နှစ်ဘက်လက်ခံနိုင်တဲ့ အချက် (၉)ချက်ကို အဲ့တာကိုတော့ မူအားဖြင့် သဘောတူညီမှု ရရှိခဲ့ပါတယ်။ အဲ့ဒီ့တော့ မူအားဖြင့် သဘောတူခဲ့ပြီးမှ ပြီးခဲ့တဲ့ ၁ရက်နေ့မှာ နေပြည်တော်မှာ နိုင်ငံတော်အတိုင်ပင်ခံနဲ့ DPN (UNFC Delegation of Political Negotiation) နဲ့တွေ့တယ်။ ကျနော်တို့ အဆင့်တဆင့် တိုးတက်မှု ရရှိခဲ့တယ်။ ဒီကနေ့ကတော့ PC (Peace Commission) နဲ့ အသေးစိတ်ပေါ့နော်။ တချက်ခြင်း တချက်ခြင်းပဲ ဆက်လက်ဆွေးနွေးမယ်။ နောက်ထပ် အဆင့်တဆင့် ထပ်ပြီးတော့ တက်လှမ်းသွားနိုင်မယ်လို့ ကျနော်တို့ ပြောလို့ရပါတယ်။

မူအားဖြင့် သဘောတူညီထားချက်တွေအပေါ်မှာ UNFC ရဲ့ နိုင်ငံရေးဆွေးနွေးရေး ကိုယ်စားလှယ်အဖွဲ့ DPN ခေါင်းဆောင် ခူးဦးရယ်က အခုလို ပြောပါတယ်။

" မူအားဖြင့် သဘောတူခဲ့တဲ့အချက်တွေကို ကျနော်တို့ တကယ်တမ်း လက်မှတ်ရေးထိုးနိုင်တဲ့ အဆင့်တခုအထိရောက်အောင်လို့ မူသဘောမှာ မဟုတ်ပဲနဲ့ တရားဝင် လက်မှတ်ရေးထိုးနိုင်ဖို့ ဖြတ်ကျော်ရမယ့်အဆင့်ရှိတယ်လို့ ဆိုလိုထားတဲ့သဘောပဲ။"

UNFC က်က တင်ပြထားတဲ့ အချက်၉ချက်မှာ အစိုးရနဲ့ တပ်မတော်က တပြည်လုံး အပစ်အခတ်ရပ်စဲရေးကို စတင်ကြေညာဖို့၊ ပင်လုံစိတ်ဓါတ်ကို အခြေခံပြီး ဖက်ဒရယ်ပြည်ထောင်စု တည်ဆောက်ဖို့၊ အစိုးရ၊လွှတ်တော်၊ တပ်မတော် ကိုယ်စားလှယ်၊ တိုင်းရင်းသားလက်နက်ကိုင်အဖွဲ့တွေရဲ့ ကိုယ်စားလှယ်၊ နိုင်ငံရေးပါတီနဲ့ တိုင်းရင်းသား ကိုယ်စားလှယ် တွေပါဝင်တဲ့ သုံးပွင့်ဆိုင်ဆွေးနွေးဖို့နဲ့ အပစ်အခတ်ရပ်စဲရေးဆိုင်ရာ စည်းမျဉ်း၊ တပ်ပိုင်းဆိုင်ရာကျင့်ဝတ်၊ အပစ်ရပ်စောင့်ကြည့်ရေးလုပ်ငန်းလမ်းညွှန်နဲ့ တပ်နေရာချထားရေး ကြိုတင်သဘောတူဖို့နဲ့ အပစ်အခတ်ရပ်စဲရေး ပူးတွဲစောင့်ကြည့်ရေးကော်မတီမှာ နိုင်ငံတကာက ကိုယ်စားလှယ်တွေ ပါဝင်ဖို့ ဆိုတာတွေဖြစ်ပါတယ်။

ဒီအချက်တွေထဲက သုံးပွင့်ဆိုင်ဆွေးနွေးရေးနဲ့ အပစ်အခတ်ရပ်စဲရေးဆိုင်ရာစည်းမျဉ်း၊ တပ်ပိုင်းဆိုင်ရာကျင့်ဝတ် အပစ်ရပ်စောင့်ကြည့်ရေးလုပ်ငန်းလမ်းညွှန်နဲ့တပ်နေရာချထားရေး ကြိုတင်သဘောတူဖို့ကိစ္စတွေကိုတော့ ဆက်လက်ညှိနှိုင်းဖို့ ရှိနေပါတယ်။

UNFC က တင်ပြတဲ့ အချက်တွေ အနက်မှာ အချက်အတော်များများကို တပ်မတော်ဘက်က လက်မခံကြောင်းကို ဒီလ ၂၈ရက်က သတင်းစာရှင်းလင်းပွဲမှာ တပ်မတော် ကြည်း ရေ လေ ညှိနှိုင်းကွပ်ကဲရေးမှူး ဗိုလ်ချုပ်ကြီး မြထွန်းဦးက ပြောဆိုထားပါတယ်။

ငြိမ်းချမ်းရေးဖြစ်စဉ်မှာ ပါဝင်သင့်ပါဝင်ထိုက်တဲ့ အဖွဲ့အစည်းတွေ ပါဝင်နိုင်ဖို့ နှစ်ဘက်ကြိုးပမ်း ဆောင်ရွက်သွားဖို့နဲ့ ပြည်ထောင်စုငြိမ်းချမ်းရေးညီလာခံ - (၂၁) ရာစုပင်လုံ အစည်းအဝေးမှာ ပါဝင် တက်ရောက်နိုင်ဖို့ ညှိနှိုင်းဖို့တွေရှိနေတာကြောင့် ၂၁ရာစု ပင်လုံကို ဒီလအတွင်း ကျင်းပနိုင်ဖို့ အလားအလာနည်းကြောင်း ဦးဇော်ဌေးက ပြောပါတယ်။

" ကျနော်တို့ လက်တလော ညှိနှိုင်းထားတာပေါ့ ညှိနှိုင်းထားတာကတော့ ကျနော်တို့ EAO( Ethnic Armed Organizations Peace Process Steering Team ) နိုင်ငံရေးပါတီရယ် အစိုးရရယ် ဒီအဖွဲ့ကြားမှာ ညှိနှိုင်းနေတယ်။ လတ်တလော KNU ကွန်ကရက်ကလည်း ရှိတယ်။ အဲ့ဒီ့အပေါ်မှာ KNU ကွန်ကရက်ရဲ့ရက်ကိုလည်း ထည့်တွက်ရမယ်။ အခုလောလောဆယ်မှာတော့ ညှိနှိုင်းဆဲပါ။ ညှိနှိုင်းဆဲဖြစ်တယ်။ အဲ့ဒီ့တော့ မတ်လအတွင်းမှာတော့ ကျင်းပနိုင်ဖို့ အလားအလာ အခုဆိုရင်တော့ နည်းသွားတယ်။ ညှိရတာ ရက်တွေ ကျပ်နေတယ်။ အဲ့ဒီ့လို အနေအထားဖြစ်သွားတယ်။"

ဒီကနေ့ ဆွေးနွေးပွဲမှာ မူအားဖြင့် သဘောတူထားတဲ့အချက်တွေကို နှစ်ဖက် အဖွဲ့အစည်းတွေအတွင်း ပြန်လည်ဆွေးနွေးပြီးတဲ့နောက်မှာ နောက်တကြိမ်အမြန်ဆုံးပြန်လည်တွေ့ဆုံနိုင်ဖို့ ကြိုးစားမှာဖြစ်ကြောင်းလည်း သတင်းစာရှင်းလင်းပွဲမှာ ပြောကြားခဲ့ ပါတယ်။

အစိုးရရဲ့ ငြိမ်းချမ်းရေးကော်မရှင် နဲ့ အပစ်ရပ်စာချုပ်UNFC ရဲ့ နိုင်ငံရေးဆွေးနွေးရေးကိုယ်စားလှယ်အဖွဲ့ DPN တို့ဟာ တရားဝင်၃ကြိမ်နဲ့ အလွတ်သဘော ၂ကြိမ်ဆွေးနွေးခဲ့ပြီးဖြစ်ပါတယ်။ ဒီကနေ့ ဆွေးနွေးပွဲမှာတော့ DPN အဖွဲ့က ကချင်လွတ်လပ်ရေးအဖွဲ့ KIO နဲ့ ရှမ်းပြည်တိုးတက်ရေးပါတီ SSPPက ကိုယ်စားလှယ်တွေ မတက်ရောက်ခဲ့ပါဘူး။

ပြီးခဲ့တဲ့ အပတ်က ထုတ်ပြန်တဲ့ ပန်ဆန်း ကြေညာချက်မှာတော့ KIO နဲ့ SSPP အပါအ၀င် တရုတ်မြန်မာနယ်စပ်အခြေစိုက် လက်နက်ကိုင်အဖွဲ့တွေအနေနဲ့ တနိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCA ပြင်ပကနေ အစိုးရနဲ့ ငြိမ်းချမ်းရေးဆွေးနွေးမယ်လို့ သတင်းထုတ်ပြန်ထားပါတယ်။
VOA Burmese News


ရန်ကုန်မြို့က ဓာတ်အားပေးလျှပ်စစ်မီးတိုင် ပြုပြင်နေစဉ်။
ရန်ကုန်မြို့က ဓာတ်အားပေးလျှပ်စစ်မီးတိုင် ပြုပြင်နေစဉ်။
မြန်မာနိုင်ငံက စီးပွားရေးအချက်အခြာကျတဲ့ ရန်ကုန်မြို့မှာ လျှပ်စစ်မီတာခတွေ ၃ ဆ တိုး ကောက်ခံဖို့ ရန်ကုန်တိုင်းအစိုးရက စီစဉ်နေကြောင်း သတင်းတွေ ထွက်ပေါ်နေတာ မမှန်ဘူးလို့ ရန်ကုန်တိုင်းအစိုးရ တာဝန်ရှိသူတယောက်က ပြောဆိုလိုက်ပါတယ်။ ရန်ကုန်တိုင်း လျှပ်စစ်ဓာတ်အား ဖြန့်ဖြူးရေး တာဝန်ရှိသူတွေကတော့ မီတာခတွေ တိုးမြှင့်ကောက်ခံဖို့ လိုအပ်နေတယ်လို့လည်း ပြောဆိုခဲ့တာပါ။ အပြည့်အစုံကိုတော့ ရန်ကုန်ကနေ ဗွီအိုအေမြန်မာပိုင်းသတင်းထောက် မေခ သတင်းပေးပို့ထားပါတယ်။

လျှပ်စစ်မီတာခတွေကို ၃ ဆ တိုးကောက်ဖို့ ရန်ကုန်တိုင်းဝန်ကြီးချုပ်က စီစဉ်နေတယ်ဆိုတဲ့ သတင်းတွေ ထွက်ပေါ်ခဲ့ရာက၊အင်တာနက် လူမှုကွန်ယက်တွေမှာ ဝေဖန်သံတွေ ထွက်ပေါ်လာခဲ့ပြီးနောက် ဒီသတင်းတွေ မမှန်တဲ့အကြောင်း ရန်ကုန်တိုင်း လျှပ်စစ်၊ စက်မှုလက်မှုနဲ့ လမ်းပန်းဆက် သွယ်ရေးဝန်ကြီး ဒေါ်နီလာကျော်က ချက်ခြင်းလိုလို သူ့ရဲ့ လူမှုကွန်ယက်စာမျက်နှာကနေ တုန့်ပြန်ခဲ့တာပါ။ မြန်မာနိုင်ငံ ကုန်သည်ကြီးများနဲ့ စက်မှုလုပ်ငန်းရှင်များအသင်းချုပ် UMFCCI မှာ ဒီကနေ့ ပြုလုပ်တဲ့ လျှပ်စစ်နဲ့စွမ်းအင် ဖွံ့ဖြိုးတိုးတက်ရေး ဆွေးနွေးပွဲမှာလည်း ထပ်မံရှင်းလင်းခဲ့ပါတယ်။

" မီတာခ တိုးတက် ကောက်ယူမယ်ဆိုရင်လည်း ကိုယ်စိတ်ထင်တိုင်း တိုးတက် ကောက်ယူလို့ မရနိုင်ပါဘူး။ နည်းလမ်းပေါင်းစုံနဲ့ အချက်အလက်ပေါင်းစုံနဲ့ ညှိနှိုင်းပြီးတော့ တွက်ချက်ပြီးတော့ အဖြေရှာရမှာဖြစ်ပါတယ်။ ခိုင်လုံတဲ့ အကြောင်းအချက်တွေ ရှိရမယ်။ နောက်ပြီးတော့ ကိန်းဂဏန်းတွေရှိရမယ်။ ဒီအပေါ်မှာ အခြေခံပြီးတော့ စနစ်တကျ တွက်ချက်ထားတာ ဖြစ်ရမယ်။ အဲ့သလိုမျိုးတွေ တွက်ချက်ပြီးတော့ကျမှ ရမှာကို ဒီလိုမျိုး ဝန်ကြီးချုပ် ပြောစကားထဲမှာလည်း မပါခဲ့ပါဘူး။ ဒီသုံးဆ ဆိုတဲ့စကားလုံးက။ အဲ့ဒီ့ကနေ ဘယ်လိုစပြီး လွဲသွားလည်း မပြောတတ်ပါဘူး။ ဒီမီတာခ ၃ဆ တက်မယ်ဆိုတဲ့ မမှန်ကန်တဲ့သတင်းတွေက တက်သွားတာ။"

မီတာခ တွေ ၃ ဆလောက် တက်မယ်လို့ ဝန်ကြီးချုပ် အနေနဲ့ ပြောဆိုခဲ့ခြင်း မရှိဘူးလို့ ငြင်းဆိုခဲ့ပေမဲ့ စီစဉ်နေတာမျိုးရော ရှိမရှိ ဆိုတာကိုတော့ တိတိကျကျ မပြောခဲ့ပါဘူး။

ရန်ကုန်တိုင်း လျှပ်စစ်ဓာတ်အားဖြန့်ဖြူးရေး အဖွဲ့ကတော့ လက်ရှိချိန်မှာ အရှုံးခံ ထုတ်လုပ်နေရတဲ့ လျှပ်စစ် အတွက်ရော၊ လိုအပ်ချက်အတိုင်း ပြည့်မှီအောင်ထုတ်ဖို့ အတွက်ပါ မီတာခတွေ တိုးမြှင့်ကောက်ခံဖို့လိုတယ်လို့ ပြောပါတယ်။ ဒါပေမဲ့လည်း ညှိနှိုင်းမှုတွေလုပ်နေရဆဲပဲလို့လည်း ရန်ကုန်တိုင်း လျှပ်စစ်ဓာတ်အားဖြန့်ဖြူးရေး အဖွဲ့က ဥက္ကဋ္ဌ ဦးမောင်မောင်လတ်က ပြောပါတယ်။

"သင့်တင့်မျှတဲ့ဈေးနှုန်းဖြစ်မှာပါနော် အဲ့တာကတော့ ပြည်သူကနေ ရွေးချယ် ဆုံးဖြတ်ရမှာဖြစ်ပါတယ်။"

လျှပ်စစ်နှင့် စွမ်းအင်ဝန်ကြီးဌာန ဒုဝန်ကြီး ဒေါက်တာ ထွန်းနိုင် ကတော့ ရန်ကုန်တိုင်း လျှပ်စစ်ကဏ္ဍ အတွက် ပြည်ထောင်စုအစိုးရက နှစ်စဉ် ကျပ် ၄၅၀ ဘီလီယံခန့် စိုက်ထုတ်သုံးစွဲနေရပြီး၊ လျှပ်စစ်ဓာတ်အား တစ်ယူ နစ်ရောင်းချတိုင်း ငွေ ၂၃ ကျပ် အရှုံးပေါ်နေကြောင်း ပြောဆိုခဲ့ပါတယ်။

"အသုံးစရိတ်တွေကို နိုင်ငံတော်ကနေ နှစ်စဉ် စိုက်ထုတ်နေရမယ်ဆိုရင် ဒီလုပ်ငန်းတွေ အတွက် ငွေမရှိတော့ပါဘူး။ ငွေမရှိရင် လျှပ်စစ်ဓာတ်အားကဏ္ဍ ဖွံ့ဖြိုးတိုးတက်မှု ပိုနှေးကွေးမှာ ဖြစ်ပါတယ်။ အဲ့ဒီ့တော့ တနည်းအားဖြင့် လျှပ်စစ်ဓာတ်အား အသုံးပြုနေကြတဲ့ ပြည်သူပြည်သားများက မိမိတို့ အသုံးပြုနေတဲ့ အမှန် ကုန်ကျစရိတ်ကို ပြည့်ပြည့်ဝဝနဲ့ မှန်မှန်ပေးခြေပါ။ မိမိ အသုံးပြုလိုက်တာကို မိမိ တကယ်တာဝန်ယူတယ် တာဝန်ကျေတဲ့ နိုင်ငံကြီးသားတွေ ပီသတဲ့ စနစ်တခုကို ပြောင်းလဲဖို့ အချိန်တန်ပါပြီ။"

ရန်ကုန်တိုင်းအစိုးရကတော့ လျှပ်စစ်ဓာတ်အား ကုန်ကျစရိတ်အတွက် ကာမိစေဖို့ မီတာခတိုးကောက်ဖို့အပါအဝင် တခြားနည်းလမ်းတွေနဲ့ပါ အဖြေရှာဖို့ စီစဉ်နေပြီး၊ ရန်ကုန်မှာသာမက တနိုင်ငံလုံးမှာပါ အလားတူ မီတာခတွေ တိုးမြှင့်ကောက်ခံ လာနိုင်ပါတယ်။

လုပ်ငန်းရှင်တဦး ဖြစ်တဲ့ Niban လျှပ်စစ်လုပ်ငန်းမှ ဒေါက်တာ အောင်သိန်း ကတော့ လျှပ်စစ်မီတာခ တိုးမြှင့်မယ့် အစီအစဉ်အပေါ် သူ့အမြင်ကို အခုလိုပြောပါတယ်။

"တိုးမြင့်ကောက်လိုက်ရင် ဒီတခုတည်းနဲ့တော့ ပြသနာကြီး တခုလုံးကို ဖြေရှင်းနိုင်မှာ မဟုတ်ဘူး။ တိုးမြှင့်ကောက်လိုက်ရင် အရှုံးနည်းနည်းသက်သာသွားမယ်။ အရှုံးနည်းနည်း သက်သာတဲ့အတွက်ကြောင့် ရေရှည်အတွက် ပြန်လုပ်နိုင်မယ် အရှုံးများနေရင် သူက ထပ်ပြီးတော့ လျှပ်စစ်ဓာတ်အားတွေ တိုးတက်ထုတ်လုပ်ဖြန့်ဖြူးဖို့ အတွက် ပြည်ထောင်စု အစိုးရဆီက လက်ဖြန့်တောင်းရမယ့်အနေအထား ဖြစ်နေတယ်။ အားလုံး နားလည်လက်ခံသဘောတူတဲ့ လမ်းကြောင်းကိုရွေးပြီး သွားကြမယ်ဆိုရင် ဒီပြုပြင်ပြောင်းလဲမှုက အောင်အောင်မြင်မြင် ဖြစ်သွားမယ်။"

ရန်ကုန်တိုင်းအစိုးရဘက်ကတော့ မီတာခတွေအရှုံးပေါ်နေတာနဲ့ပတ်သတ်ပြီး လာမယ့်တိုင်း လွှတ်တော်အစည်းအဝေးမှာ တင်ပြသွား ဖို့စီစဉ်ထား သလို၊ ပြည်ထောင်စုအစိုးရထံ တင်ပြသွားမယ်လို့လည်း ပြောပါတယ်။
VOA Burmese News


၂၀၂၀ ရွေးကောက်ပွဲမှာ ၀င်ရောက် ယှဉ်ပြိုင်ဖို့ ရည်ရွယ်ပြီး ၈၈ မျိုးဆက်ခေါင်းဆောင်တွေ နိုင်ငံရေးပါတီတခု တည်ထောင်ဖို့ စတင် ဆောင်ရွက်ပါတယ်။ ၈၈ မျိုးဆက်တွေသာ မဟုတ်ဘဲ ပြည်သူတွေအတွက် နိုင်ငံရေးအရ ရွေးချယ်နိုင်အောင် ပြည်သူလူထုအကျိုးကို ရှေ့ရှုတဲ့ ပါတီတခုအနေနဲ့ ထွက်ပေါ်လာဖို့ ရည်ရွယ်ပြီး ဆောင်ရွက်တာလို့ ၈၈ မျိုးဆက် ခေါင်းဆောင်တဦးဖြစ်တဲ့ ဦးကိုကိုကြီးက ဗွီအိုအေကို ပြောပါတယ်။ မသိင်္ဂီထိုက် က ဆက်သွယ်မေးမြန်းတာမှာ ပါတီရဲ့ မူဝါဒ၊ ရည်ရွယ်ချက်တို့နဲ့ ပတ်သက်ပြီး ဦးကိုကိုကြီးက အခုလို ဖြေကြားသွားပါတယ်။

ဖြေ - “၂၀၂၀ ရွေးကောက်ပွဲအမီတော့ နယ်ဒေသတွေကိုပါ ဖြန့်ပြီးတော့ စည်းရုံးတာတွေ၊ ပါတီတည်ဆောက်ရေးလုပ်ငန်းတွေကို ၂၀၁၈၊ ၂၀၁၉ မှာ အဓိက တာဝန်ယူပြီးတော့ ဆောင်ရွက်ဖို့ ရှိပါတယ်။”

မေး - အဲတော့ အဓိက ဘယ်သူတွေ ပါကြမလဲရှင့်။

ဖြေ - “အဲဒါက ကျနော်တို့ ဒီ တွေ့ဆုံဆွေးနွေးပွဲ ပြီးသွားတဲ့အခါကျတော့မှ ကျနော်တို့ ပြောလို့ရပါမယ်။ အခုဟာက ဖြစ်မြောက်ရေးအတွက် စ ပြီးတော့ အားလုံးဝိုင်းပြီးတော့ ပူးပေါင်း ဆောင်ရွက်နေတဲ့ သဘောပါ။ ဒါ ၈၈ အဖွဲ့တွေထဲကတော့ ကိုမြအေး၊ ၈၈ ကတည်းက လက်တွဲခဲ့တဲ့ ကိုမင်းဇေယျ အစရှိသဖြင့် တော်တော်များများ လူရင်းတွေ ပါကြပါတယ်။”

မေး - အဲတော့ ၈၈ မျိုးဆက်တွေရဲ့ ပါတီအဖြစ် ထွက်ပေါ်လာမလား။ ဒါမှမဟုတ် နိုင်ငံရေးပါတီတခုအနေနဲ့ ထွက်ပေါ်လာပြီးတော့ ပါဝင်ချင်တဲ့လူတွေ၊ စိတ်သဘောထား တိုက်ဆိုင်သူတွေ အဲ့လို ဖွဲ့စည်းမှာလားရှင့်။ ဖွဲ့စည်းမယ့် ကနဦး အခြေခံနဲ့ ပုံစံက ဘယ်လိုပါလဲ။

ဖြေ - “အခြေခံတာကိုယ်၌က ကျနော်တို့က ပြည်သူလူထုရဲ့ အကျိုးစီးပွားကို ရှေးရှုတဲ့ မူဝါဒများကို အခြေခံတဲ့ပါတီတရပ် ပေါ်လာဖို့ဆိုပြီး ကျယ်ကျယ်ပြန့်ပြန့် ဖွဲ့စည်းဖို့ ကျနော်တို့က စဉ်းစားထားပါတယ်။ ဒါကြောင့်မို့လို့ ပါတီရဲ့နာမည် ရွေးချယ်ရမယ်ဆိုရင်တောင်မှ ၈၈၊ ၈ လေးလုံးဆိုတဲ့ နာမည်တွေကို ကျနော်တို့က သုံးမှာ မဟုတ်ပါဘူး။ မျိုးဆက်အားလုံး ကျယ်ကျယ်ပြန့်ပြန့် ပါနိုင်အောင် ကျနော်တို့က ဆွေးနွေးပြီး စဉ်းစားထားကြပါတယ်။”

မေး - အခုပါတီကတော့ အခြေခံမူအားဖြင့် ဘယ်လို မူဝါဒမျိုး ဖြစ်လာနိုင်ပါသလဲ။ အကိုတို့ အဲဒီဟာနဲ့ ပတ်သက်ပြီးတော့ စဉ်းစားထားချက်ရော ရှိပါပြီလား။

ဖြေ - “အခု ကျနော်တို့ကတော့ အခြေခံအကျဆုံးကတော့ ပြည်သူလူထုရဲ့ အကျိုးစီးပွားကို အခြေခံတဲ့ ရှေးရှုတဲ့ နိုင်ငံရေးပါတီတရပ် ပေါ်ထွန်းရေးဆိုတာကို ရည်ရွယ်ပါတယ်။ ဒါကြောင့်မို့လို့ အဲဒီဟာက အင်မတန် ကျယ်ပြန့်ပါတယ်။ ကျနော်တို့ ဒီ ဖိုရမ် တွေ့ဆုံဆွေးနွေးပွဲ ပြီးသွားတဲ့အခါကျတော့ မူဝါဒပိုင်းဆိုင်ရာတွေ အသေးစိတ် ထပ်ပြီးတော့ အသေးစိတ် အချောကိုင်ရမယ့်ဟာတွေ ရှိပါတယ်။ ဆိုတော့ ခုနက ယေဘုယျကျတယ်ဆိုပေမဲ့ ပညာရေးပဲဖြစ်ဖြစ်၊ ကျန်းမာရေးပဲဖြစ်ဖြစ်၊ နောက်ဆုံး အခွန်အကောက်၊ ဘဏ္ဍာရေးကိစ္စတွေကအစ ပြည်သူလူထုရဲ့ အကျိုးစီးပွားကို အခြေခံသော ရှေးရှုသော ဆိုတာဟာ အဲဒီရပ်တည်ချက်အပေါ်မှာပဲ ကျန်တဲ့ အသေးစိတ် မူဝါဒတွေကလည်း ထင်ဟပ်သွားမှာ ဖြစ်ပါတယ်။”

မေး - ၂၀၁၅ ရွေးကောက်ပွဲကာလတုန်းကတော့ ဦးကိုကိုကြီးတို့အနေနဲ့ NLD နဲ့ ပူးပေါင်းမယ်ဆိုတဲ့ NLD မှာပါဝင်ဖို့ဆိုတဲ့ ကိစ္စတွေလည်း ရှိခဲ့ပါသေးတယ်။ ဒါမျိုးတွေ ဖြစ်တော့မလာဘူးပေါ့နော်။ အခု ပါတီ သပ်သပ် ထောင်တယ်ဆိုတော့ ဒါဟာ အတိုက်အခံ ဒါမှမဟုတ် လက်ရှိ အာဏာရပါတီ အပါအ၀င် ပါတီတွေကြားထဲမှာ ဘယ်လိုပုံစံမျိုးကြောင့် သီးသန့် ပါတီထောင်ရတဲ့ ရည်ရွယ်ချက်ပေါ့။ ဘယ်လိုပုံစံမျိုးနဲ့ ရပ်တည်ဖို့ပါလဲ။

ဖြေ - “အဓိကကတော့ ကျနော်တို့ ဒါ ၈၈ ကာလတုန်းကဆိုရင် ကျောင်းထဲမှာ စတင် ဆန္ဒပြစဉ်တုန်းက မြန်မာ့ဆိုရှယ်လစ်လမ်းစဉ်ပါတီကလွဲပြီး တခြား ဘယ်ပါတီကတောင်မှ ရပ်တည်ခွင့်လည်း မရှိဘူး။ ပေါ်လည်း မပေါ်သေးပါဘူး။ အဲဒီအချိန်မှာကတည်းက ကျနော်တို့ စပြီး ဆောင်ရွက်ခဲ့တယ်။ ပြီးတဲ့အချိန်မှာလည်း ပါတီဖွဲ့စည်းဖို့အတွက်ကို ကျနော်တို့ တိုက်တွန်း အကြံပေးတာတွေ၊ ကျနော်တုိ့ကိုယ်တိုင်လည်း စဉ်းစားချက်တွေ အများကြီး ရှိခဲ့ပါတယ်။ သို့သော် ဒီမိုကရေစီပြုပြင်ပြောင်းလဲမှုမှာ ပထမအဆင့်အနေနဲ့ အရင် စနစ်ဟောင်းကို ဖယ်ရှားဖို့၊ ကြိုးစားတဲ့အခါမှာ ကျနော်တို့ အင်အားကောင်းကောင်းနဲ့ ဒီမိုကရေစီဘက်က အင်အားစုတွေ အနိုင်ရအောင်ဆိုတဲ့ မူဝါဒနဲ့ ၀ိုင်းရံတဲ့ ပံ့ပိုးတဲ့ အခန်းကဏ္ဍကနေပြီးတော့ပဲ ကျနော်တို့ ဆောင်ရွက်ခဲ့ပါတယ်။ နောက်တချက် ကျနော်တို့ ထပ်ပြီးတော့ ကြိုးစားတဲ့အခါမှာတော့ ၈၈ ကြွေးကြော်သံဖြစ်တဲ့ ဒီမိုကရေစီရရှိရေး တို့အရေးဆိုတာက ဗဟုဝါဒ ထွန်းကားအောင် ဆောင်ရွက်ရမယ်ဆိုတဲ့ သမိုင်းပေးတာဝန် ကျနော်တို့ မပြီးသေးပါဘူး။ ဒါကြောင့်မို့လို့ ရေရှည်မှာ ပါတီတွေ A,B,C,D,E အဲလိုရှိတဲ့အထဲကနေပြီးတော့မှ ဘယ်ပါတီကို ပိုပြီး ရွေးချယ်တယ်ဆိုတဲ့ နိုင်ငံရေးယဉ်ကျေးမှုအဆင့်ထိ ရောက်ဖို့အတွက် ရည်ရွယ်ပြီးတော့ ပါတီကို ထူထောင်တာဖြစ်ပါတယ်။ ကျနော်တို့ ကိုယ်၌ကလည်း အသက်အရွယ် ဖြတ်သန်းမှု၊ ကျနော်တို့ ဗဟုသုတ အတွေ့အကြုံတွေကို လက်တွေ့ အကောင်အထည်ဖော်နိုင်ဖို့ဆိုတာက နိုင်ငံရေးပါတီတရပ် ဖွဲ့စည်းထူထောင်မှသာလျှင် မူဝါဒဆိုင်ရာ ကျနော်တို့ အယူအဆတွေ၊ ကျနော်တို့ရဲ့ သဘောထားတွေကို လက်တွေ့ အကောင်အထည် ဖော်နိုင်မှာ ဖြစ်ပါတယ်။”

မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com



ဝန်ကြီးချုပ်ဦးဖြိုးမင်းသိန်း ရန်ကုန်တိုင်းဒေသကြီးလွှတ်တော်ကိုယ်စားလှယ်များ နှင့် တွေ့ဆုံစဉ် (ဓာတ်ပုံ--ဦးဖြိုးမင်းသိန်းဖေ့ဘွတ်)
    ရန်ကုန်၊ မတ် ၃ ရက် (ဆင်ဟွာ)

    ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းသည် နှလုံးခွဲစိတ်ကုသရန်ရှိသည့်အတွက် မတ်လ ၂၀ ရက်နေ့တွင် ပြန်စမည့် ရန်ကုန်တိုင်းဒေသကြီး လွှတ်တော်အစည်းအဝေးသို့ တက်ရောက်နိုင်ခြင်း ရှိမရှိ မသေချာဟု ပြောကြားခဲ့ကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ်တချို့ ထံမှ သိရသည်။

မတ်လ ၂ ရက်နေ့တွင် ဝန်ကြီးချုပ်ဦးဖြိုးမင်းသိန်းသည် အမျိုးသားဒီမိုကရေစီအဖွဲ့ချုပ်ပါတီ အဖွဲ့ဝင် ရန်ကုန်တိုင်းဒေသကြီးလွှတ်တော်ကိုယ်စားလှယ်များနှင့် တွေ့ဆုံဆွေးနွေးခဲ့ စဉ် ထိုကဲ့သို့ပြောကြားခဲ့ခြင်း ဖြစ်ကြောင်း သိရသည်။

ရန်ကုန်တိုင်းဒေသကြီးလွှတ်တော်မဲဆန္ဒနယ်အမှတ် (၂) မှ လွှတ်တော်ကိုယ်စားလှယ် ဦးသန်းလွင်က “နိုင်ငံတော်အတိုင်ပင်ခံပုဂ္ဂိုလ်နဲ့ ဒေါက်တာတင်မျိုးဝင်းတို့ကလည်း ကျန်းမာရေးအရ အနားယူဖို့ကို ပြောတယ် ဆိုပြီး ဝန်ကြီးချုပ်ကပြောခဲ့တယ်။ တိုင်းဒေသကြီးလွှတ်တော်က လာမယ့် ၂၀ ရက်နေ့မှာ ပြန်စမယ်။ ဖိတ်စာတွေ ကျွန်တော်တို့ လက်ထဲရောက်ပြီးသွားပြီ။ ဒုတိယအကြိမ် စတုတ္ထပုံမှန်အစည်းအဝေးတောင်မှ သူအနေနဲ့ တက်ဖြစ်ချင်မှ တက်ဖြစ်မယ်ဆိုပြီးပြောတယ်။ ခွင့်ယူမယ်ဆိုတာတော့ မပြောဘူး။ ဝန်ကြီးချုပ်တာဝန်တော့ ဆက်ယူထားမယ်။ သူကျန်းမာရေးကောင်းရင်လွှတ်တော်တက်မယ်။ မကောင်းရင် ခေတ္တနားမယ်ဆိုပြီးပြောခဲ့တယ်’’ ဟု ဆင်ဟွာကို ပြောသည်။

၎င်းအစည်းအဝေးသည် တစ်လတစ်ကြိမ် ပြုလုပ်နေကြ အစည်းအဝေးတစ်ခုဖြစ်ပြီး မတ်လ ၂ လရက် နေ့တွင် ပြုလုပ်ခဲ့သည့်အစည်းအဝေးတွင် ဝန်ကြီးချုပ်ဦးဖြိုးမင်းသိန်း အပါအဝင် အစိုးရအဖွဲ့ မှ လူမှုရေးဝန်ကြီးဦးနိုင်ငံလင်း၊ ကရင်တိုင်းရင်းသားရေးရာဝန်ကြီး နော်ပန်းသဉ္ဇာမျိုးတို့ တက်ရောက်ခဲ့ကြောင်း၊ တိုင်းဒေသကြီးလွှတ်တော်ဘက်မှ လွှတ်တော်ဥက္ကဋ္ဌ၊ ဒုဥက္ကဋ္ဌ နှင့်  အမျိုးသားဒီမိုကရေစီအဖွဲ့ချုပ်မှ လွှတ်တော်ကိုယ်စားများ တက်ရောက်ခဲ့ကြောင်း သိရသည်။

တိုင်းဒေသကြီးလွှတ်တော် မဲဆန္ဒနယ်အမှတ် (၂) မှ လွှတ်တော်ကိုယ်စားလှယ် ဦးမိုးမြင့် က “ဝန်ကြီးချုပ်က သူ့ကျန်းမာရေးအရ နှလုံးခွဲစိတ်ရမယ်ဆိုတာပြောခဲ့တယ်။ အမျိုးသားဒီမိုကရေစီအဖွဲ့ချုပ်က လွှတ်တော်ကိုယ်စား လှယ်တွေနဲ့ ပုံမှန်တွေ့ဆုံနေကြအစည်းအဝေးမှာ ပြောကြားခဲ့တာပါ။ ကျန်းမာရေးခွဲစိတ်ကု သမှုနဲ့ ပတ်သက်ပြီး ပြည်ထောင်စုအစိုးရအဖွဲ့ကို တင်ပြထားတယ်လို့ပြောခဲ့ပါတယ်’’ ဟုဆင်ဟွာကိုပြောသည်။

ထိုအစည်းအဝေးတွင် လျှပ်စစ်ကဏ္ဍ နှင့်ပတ်သက်သည့် ကိစ္စရပ်များ ၊ ကျူးကျော်ကိစ္စများ၊ လယ်ယာမြေကိစ္စရပ်များ  နှင့် ပတ်သက်၍ ဆွေးနွေးခဲ့ကြကြောင်း ဦးမိုးမြင့်ကဆိုသည်။

(Xinhua)
http://www.xinhuamyanmar.com


ရခိုင်ပြည်နယ် မောင်တောမြို့နယ်အတွင်း အခြေအနေတွေ တည်ငြိမ်လာတဲ့အတွက် တပ်မတော်က စစ်ဆင်ရေးတွေ ရပ်လိုက်ပြီးတဲ့နောက်မှာ အမည်မသိ အုပ်စုတွေက လူတွေကို သတ်ဖြတ်မှုတွေ ရှိနေတဲ့ အတွက် လူထုအတွင်း စိုးရိမ်မှုတွေ ပေါ်ပေါက်နေပါတယ်။

မောင်တောမြို့နယ်မှာ ဗုဒ္ဓဟူးနေ့က မျက်နှာဖုံး စွပ်ထားတဲ့ လူတစ်စု ဖမ်းဆီး ခေါ်ဆောင်သွားတဲ့ ဆယ်အိမ်မှူးဟောင်း တစ်ဦးရဲ့ အလောင်းကို ကြာသပတေးနေ့ မနက်က တွေ့ရှိခဲ့ပါတယ်။

လွန်ခဲ့တဲ့ ရက်အနည်းငယ်ကလည်း ဘူးသီးတောင်မြို့နယ် ကျောက်စာတိုင်ကျေးရွာက အသက် ၂၈နှစ်အရွယ် ခမီ အမျိုးသားတဦး တောထဲမှာ ဟင်းစား သွားရှာစဉ် အသတ်ခံခဲ့ရပြီး သူအသတ်ခံရတဲ့ နေရာအနီးမှာ အကြမ်းဖက်သမားတွေ ခိုအောင်းနေခဲ့တဲ့ နေရာတစ်ခုကို တွေ့ရတဲ့ အတွက် တပ်မတော်က တောနင်း ရှာဖွေမှုတွေ လုပ်နေတယ်လို့ သိရပါတယ်။

အဲဒီဒေသမှာ တပ်က လှုပ်ရှားမှုတွေ ရှိနေတဲ့ အတွက် ပစ်မိန့်ပေးထားကြောင်းနဲ့ လူမှားပြီး ပစ်ရင် ပြဿနာ တက်နိုင်တဲ့ အတွက် တောထဲကို မသွားဖို့ တားထားကြောင်း တောထဲမှာ ထင်းခုတ်လေ့ ရှိသူ ဦးဆန်းဝင်းက ဘီဘီစီကို ပြောပြပါတယ်။

အခုလို အသတ်ခံရတဲ့ အတွက် လူထုအကြား စိုးရိမ်မှုတွေ ပေါ်ပေါက်နေပြီး အာဏာပိုင်တွေက လုံခြုံရေးကို အထူးသတိထား ဆောင်ရွက်နေကြတယ်လို့ သိရပါတယ်။

BBC Burmese
http://www.bbc.com/burmese


မန္တလေး မတ် ၂

မြန်မာနိုင်ငံတွင် ပထမဆုံးကလေး ကျောက်ကပ်အစားထိုးခြင်းကို မ္တလေး မြို့ ခုတင် (၃ဝဝ) ဆံ့ ကလေးဆေးရုံမှ နာတာရှည် ကျောက်ကပ်ဝေဒနာရှင် နှစ်ဦးအား ဖေဖော်ဝါရီ ၂၄ ရက်နှင့် ၂၅ ရက်က မန္တလေးဆေးရုံကြီး ဆီးနှင့် ကျောက်ကပ် ခွဲစိတ်ကုဆောင်တွင် ကျောက်ကပ် အစားထိုးခွဲစိတ်ကုသခြင်းပြုလုပ်ခဲ့ရာ အောင်မြင်မှုရရှိခဲ့သဖြင့် ဆေးပညာသမိုင်းတွင် မှတ်ကျောက် တင်နိုင်ခဲ့ကြောင်း ကလေးကျောက်ကပ် ဆရာဝန်ဒေါက်တာ ကျော်သူရက ပြော သည်။

ဖေဖော်ဝါရီ ၂၄ရက်နှင့် ၂၅ ရက်က ခွဲစိတ်အစားထိုးခဲ့သူ လူနာနှစ်တွဲတွင် ၁၆ နှစ်အရွယ်နှင့် ၁၂ နှစ်အရွယ်ဖြစ်၍ ကျောက်ကပ်ပေးလှူသူ မိခင်များမှာ ဆေးရုံမှ ဆင်းသွားပြီဖြစ်ပြီး ကလေးများ ခန္ဓာကိုယ်မှလက်ခံထားသည့် ကျောက် ကပ်များကလည်း ပုံမှန်အတိုင်းအလုပ် လုပ်နေပြီး ဆက်လက်၍ ဆေးရုံတွင်တစ်လခန့်စောင့်ရှောက်ရမည်ဖြစ်သည်။
''ပထမအတွဲခွဲစိတ်မှုမှာ ၇ နာရီ ကြာတယ်။ နောက်ရက် ဒုတိယအတွဲ ခွဲစိတ်မှုမှာ ၆ နာရီကြာတယ်။ ဒီက ဆရာဝန်တွေနဲ့ စင်ကာပူက ကလေး ကျောက်ကပ်ဆရာဝန်ကြီး တစ်ဦးက လည်း ဆက်လက်စောင့်ရှောက်သွား မယ်။

လူတစ်ယောက်မှာ ပုံမှန်ရှိတဲ့ အတိုင်း ကျောက်ကပ် အလုပ်လုပ်နေပြီ။လှူတဲ့မိခင်တွေရော ကလေးတွေပါ ပုံမှန်ရှိပြီး အစာလည်း စားနေပြီဖြစ်လို့ အောင်မြင်မှုက ရာနှုန်းပြည့်နီးပါးပါပဲ'' ဟု ၄င်းက ပြောသည်။

ယခုအစားထိုးခွဲစိတ်ကုသမှုကို အား ကစားနှင့် ကျန်းမာရေးဝန်ကြီးဌာနသို့ခွင့်ပြုချက်ရယူပြီး ဆေးပညာကျွမ်းကျင် ပညာရှင် ၂၂ ဦးပါဝင်သည့် လုပ်ငန်း ကော်မတီဖွဲ့စည်းခဲ့ကာ လိုအပ်သည့် ပြင်ဆင်မှုများကြောင့် အခက်အခဲမရှိ ခဲ့ကြောင်း၊ ယခုကဲ့သို့ အောင်မြင်ခဲ့သဖြင့် ကလေးကျောက်ကပ်အစားထိုးကုသမှု များကို လာမည့်မတ်လ (သို့မဟုတ်)ဧပြီ လတွင် ဆက်လက်အစားထိုးခွဲစိတ်ကုသ ပေးသွားမည်ဖြစ်ကြောင်း သိရသည်။
''အခုလို အောင်မြင်ခဲ့လို့ ပုံမှန် ကျောက်ကပ် အမြဲသန့်စင်နေရတဲ့ နာတာရှည်ကျောက်ကပ်ဝေဒနာရှင် ကလေးတွေကို ကျောက်ကပ်လဲလှယ်ပေး နိုင်တော့မှာပါ။ ဒါကလည်း မြန်မာနိုင်ငံမှာ ကလေးကျောက်ကပ်အစားထိုးမှု ပထမ ဆုံးဖြစ်ပါတယ်''ဟု ကလေးကျောက်ကပ် ဌာနတာဝန်ခံ ဆရာဝန် ဒေါက်တာ ချောစုခိုင်က ပြောသည်။

မန္တလေးဆေးရုံကြီး ဆီးနှင့် ကျောက်ကပ်ခွဲစိတ်ကုဆောင်၌ မြန်မာ နိုင်ငံတွင် ပထမဆုံးအကြိမ် ကလေး ကျောက်ကပ်အစားထိုးခွဲစိတ်ကုသခြင်း ကို ကလေးကျန်းမာရေးပညာဌာန၊ ကလေးခွဲစိတ်ပညာဌာန၊ မန္တလေး ကျောက်ကပ်အစားထိုးအဖွဲ့နှင့် စင်ကာပူ နိုင်ငံမှ အထူးကုဆရာဝန်များပါဝင်သည့် Organ Transplant Team တို့ ပူးပေါင်းဆောင်ရွက်ခဲ့ရာ ဆေးကုသမှု အပိုင်းတွင် မှတ်တိုင်တစ်ခုထူနိုင်ခဲ့ ကြောင်း သိရသည်။

မင်းထက်အောင်(မန်းကိုယ်ပွား)
Myanmaalinn
https://www.facebook.com/MYANMAALINNNEWS/



( ရန်ကုန်တိုင်းဝန်ကြီးချုပ် ဦးဖြိုးမင်းသိန်း နဲ့ ရန်ကုန်မြို့တော်ဝန် ဦးမောင်မောင်စိုး တို့ကို ရန်ကုန်မြို့ခံ ၁၄ ယောက်က ပျဉ်းမနားမြို့မှာ မတ်လ ၃ ရက်နေ့က ဆန္ဒပြစဉ် ) Photo: Win Naung Toe/RFA
ရန်ကုန်မြို့တော် စည်ပင်သာယာရေးကော်မတီက အကျင့်ပျက်ဝန်ထမ်းတွေကို အရေးမယူလို့ဆိုပြီး ရန်ကုန်တိုင်းဝန်ကြီးချုပ် ဦးဖြိုးမင်းသိန်းနဲ့ ရန်ကုန်မြို့တော်ဝန် ဦးမောင်မောင်စိုး တို့ကို ရန်ကုန်မြို့ခံ ၁၄ ယောက်က ဒီကနေ့ ပျဉ်းမနားမြို့မှာ ဆန္ဒပြကြပါတယ်။

အကျင့်ပျက်ဝန်ထမ်းတွေကို အရေးယူပေးဖို့ ပျက်ကွက်ခဲ့တဲ့ကိစ္စကို နိုင်ငံတော်သမ္မတ ဦးထင်ကျော် သိစေချင်တဲ့အတွက် အခုလို ပျဉ်းမနားမြို့မှာ လာရောက်ဆန္ဒပြတာဖြစ်တယ်လို့ ဆန္ဒပြပွဲကို ဦးဆောင်သူ ဦးညီညီထွန်း က ပြောပါတယ်။

အခုလို ဆန္ဒထုတ်ဖော်ဖို့အတွက် ရန်ကုန်မြို့နဲ့ နေပြည်တော်မှာ ခွင့်တောင်းခဲ့ပေမယ့် သက်ဆိုင်ရာက လုံခြုံရေးအကြောင်းပြချက်နဲ့ ခွင့်မပြုခဲ့ဘူးလို့ ဦးညီညီထွန်းက ပြောပါတယ်။

ရန်ကုန်မြို့၊ မင်္ဂလာတောင်ညွန့်မြို့နယ်၊ အထက်ပုဇွန်တောင်လမ်းမကြီးမှာရှိတဲ့ ၂ ခန်းတွဲ ၆ ထပ် အဆောက်အဦးဆောက်လုပ်ရာမှာ စည်းကမ်းချက်နဲ့ မညီဘဲ အခန်းတွေကို ပိုဆောက်နေသလို ဆက်သွယ်ရေးတာဝါတိုင် စိုက်ထူနေတဲ့အတွက် ရန်ကုန်မြို့တော် စည်ပင်သာယာရေးကော်မတီအဆင့်ဆင့်နဲ့ ၀န်ကြီးချုပ်ကို တိုင်ကြားခဲ့ပေမယ့် အရေးယူမှုမရှိတာကြောင့် အခုလို ဆန္ဒပြရတာ ဖြစ်တယ်လို့ ပြောပါတယ်။

ဆန္ဒပြသူတွေဟာ ပြည်သူတို့ရဲ့တိုင်စာနဲ့ နစ်နာမှုတိုင်ကြားချက်များကို အလေးထားဆောင်ရွက်ပေးပါ၊ ပြည်သူများအား လျစ်လျူရှု မပစ်ပယ်ပါနဲ့၊ လာဘ်စားဝန်ထမ်း အလိုမရှိ၊ ဥပဒေရဲ့ အထက်မှာ မည်သူမျှမရှိစေရ စတဲ့ ကြွေးကြော်သံတွေကို ကြွေးကြော်ခဲ့ကြပြီး ပျဉ်းမနားမြို့ ဘုရားကိုးဆူထောင့်ကနေ ကျောက်တိုင်ကွင်းအထိ ချီတက်ဆန္ဒပြကြတာဖြစ်ပါတယ်။

RFA Burmese
https://www.facebook.com/rfaburmese/


ရန်ကုန်တိုင်းဒေသကြီး အတွင်း မီတာခ သုံးဆ တိုးမြှင့်ကောက်ခံမည် ဆိုသည့်သတင်း မဟုတ်မှန်ကြောင်း ရန်ကုန်တိုင်းဒေသကြီး လမ်းပန်း ဆက်သွယ်ရေးနှင့် လျှပ်စစ်ဝန်ကြီး ဒေါ်နီလာကျော်က မတ်လ ၃ ရက်တွင် ပြုလုပ်သည့် ရန်ကုန်တိုင်းဒေသကြီး လျှပ်စစ်နှင့်စွမ်းအင်ကဏ္ဍ ဖွံ့ဖြိုးတိုးတက်ရေးဖိုရမ် အဖွင့်မိန့်ခွန်းတွင် ထည့်သွင်းပြောကြားခဲ့သည်။

မီတာခသုံးဆ တိုးမြှင့်ကောက်ခံမည်ဆိုသည်ကို ရန်ကုန်တိုင်းဝန်ကြီးချုပ်နှင့် လွှတ်တော် ကိုယ်စားလှယ်များ တွေ့ဆုံသည့်ပွဲတွင် ပြောဆိုသည့်စကား၌ မပါဝင်ခဲ့ကြောင်း ၊ ထိုသို့ ပြောဆိုခဲ့ခြင်း လုံးဝမရှိဟုလည်း ၀န်ကြီး ဒေါ်နီလာကျော်ကပြောသည်။

လျှပ်စစ်ခနှင့်ပတ်သက်၍ ပြည်သူနှင့် ညှိနှိုင်းဆွေးနွေးပြီးမှ ဆုံးဖြတ်မည်
ဖြစ်ကြောင်း တိုင်းဒေသကြီး လျှပ်စစ်နှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားခဲ့သည်။

ယခင်အစိုးရလက်ထက် ၂၀၁၃ နိုဝင်ဘာတွင် လျှပ်စစ်မီတာခများကို အိမ်သုံးမီတာယူနစ် ၁၀၀ နှင့်အထက်ကို တစ်ယူနစ်ကျပ် ၅၀၊ စက်မှုလုပ်ငန်း အတွက် ယူနစ် ၅,၀၀၀ နှင့် အထက်ကို ကျပ် ၁၅၀ ကောက်ခံရန် စီစဉ်ခဲ့သော် လည်း ပြည်သူလူထုက ကန့်ကွက်သဖြင့် ယင်းအစီစဉ်ကိုရပ်တန့်ခဲ့သည်။

လျှပ်စစ်မီတာခနှင့်ပတ်သက်၍ ဆန္ဒပြ ကန့်ကွက်မှုများကြောင့်၂၀၁၄ ဧပြီ ၁ ရက်တွင် ယူနစ် ၁၀၀ အောက်ကို တစ်ယူ နစ်လျှင် ၃၅ ကျပ်ကောက်ခံခဲ့ပြီး ၁၀၁ ယူနစ်နှင့် ၂၀၀ ကြားကို ၄၀ ကျပ်နှင့် ၂၀၁ ယူနစ် အထက်ကို ၅၀ ကျပ်ကောက်ခံ ခဲ့သည်။ စက်မှုလုပ်ငန်းသုံးမီတာများအတွက် ယူ နစ် ၅၀၀ အထိ တစ်ယူနစ်လျှင် ၇၅ကျပ်၊ ၅၀၁ မှ ၁၀,၀၀၀ ယူနစ်အထိ ကျပ် ၁၀၀၊ ၁၀,၀၀၁ မှ ၅၀,၀၀၀ ယူနစ်အထိ ၁၂၅ ကျပ်၊ ၅၀,၀၀၁ မှ ၂၀၀,၀၀၀ ယူနစ်အထိ ကျပ် ၁၅၀ အသီးသီးသတ်မှတ်ခဲ့သည်။

လျှပ်စစ်ဓာတ်အား တစ်ယူနစ်ရောင်းချတိုင်း ငွေ ၂၃ ကျပ်အရှုံးပေါ်နေပြီး၊ ယခင်နှစ် တစ်နိုင်ငံလုံးဓာတ် အားသုံးစွဲမှုသည် ယူနစ်ပေါင်း ၁၇,၈၁၂ သန်းဖြစ်၍ လာမည့် နှစ်တွင် ယူနစ်ပေါင်း ၁၉,၅၉၃ သန်း အထိ ရောက်ရှိမည်ဟု ခန့်မှန်း ထားကာ ယူနစ်ပေါင်း ၁,၇၈၁ သန်း ပိုများလာမည်ဖြစ်ကြောင်း မတ်လ ၁ ရက်က ကျင်းပသည့် ပြည်ထောင်စုလွှတ်တော်အစည်းအဝေးတွင် လျှပ်စစ်နှင့် စွမ်းအင်ဝန်ကြီးဌာန ဒုဝန်ကြီး ဒေါက်တာ ထွန်းနိုင်က ပြောကြားထားသည်။

ဇော်မင်းထွန်း
Photo - UMFCCI
The Ladies News
https://www.facebook.com/News.TheLadies/


ပြီးခဲ့တဲ့ တနင်္ဂနွေနေ့က ကျင်းပခဲ့တဲ့ အော်စကာ ရုပ်ရှင် ထူးချွန်ပေးပွဲမှာ အဓိက ဆုကြီး တခုဖြစ်တဲ့ အကောင်းဆုံး ရုပ်ရှင် ဆု စာအိတ်ကို ရှုပ်ထွေးမှားယွင်းစေခဲ့တဲ့ စာရင်းကိုင် နှစ်ယောက်ကို အွန်လိုင်းလူမှုကွန်ရက်တွေမှာ အသက်အန္တရာယ် ခြိမ်းခြောက်မှုတွေ ရှိနေလို့ သက်တော်စောင့်တွေ စီစဉ်ပေးထားရပါတယ်။

ဘရိုင်ယင် ကာလင်နန် နဲ့ မာသာရူအိဇ် တို့ရဲ့ နေအိမ်တွေကို လုံခြုံရေး ပေးထားကြောင်း ဆုပေးပွဲ အတွက် မဲရေတွက်ရာမှာ တာဝန်ယူရတဲ့ စာရင်စစ် ကုမ္ပဏီ PwC က ပြောပါတယ်။

သူတို့နှစ်ယောက်ဟာ အသက် အန္တရာယ် အတွက် စိုးရိမ်နေရတယ်လို့ ထင်ရှားသူတွေ အကြောင်း ရေးသားလေ့ရှိတဲ့ TMZ.com က ဆိုပါတယ်။

ဗုဒ္ဓဟူးနေ့က ထွက်ပေါ်ခဲ့တဲ့ သတင်းတွေအရ ဒီနှစ်ယောက်ကို နောင်မှာ အော်စကာ ဆုပေးပွဲ အလုပ်တွေမှာ တာဝန်ပေးမှာ မဟုတ်ဘူးလို့ သိရပါတယ်။ ဒါပေမယ့် TMZ.com ရဲ့ ရေးသားချက်မှာတော့ ကုမ္ပဏီ က သူတို့ကို အလုပ်ကနေ ထုတ်ပစ်မှာတော့ မဟုတ်ဘူး ဆိုပါတယ်။

မီဒီယာတွေမှာ သူတို့ နှစ်ယောက်ရဲ့ နေရပ်လိပ်စာနဲ့ မိသားစုဓာတ်ပုံတွေ ပျံ့နှံ့ ခဲ့ပြီးနောက်ပိုင်းမှာ ကုမ္ပဏီ က သူတို့ အိမ်တွေမှာ လုံခြုံရေးချပေးထားတယ်လို့ PwC ရဲ့ ပြောရေးဆိုခွင့် ရှိသူ အမျိုးသမီး ကဲရီဘိုဒင်ဟိုင်မာ ကလည်း အတည်ပြု ပြောဆိုပါတယ်။

တနင်္ဂနွေနေ့ ဆုပေးပွဲမှာ စာအိတ်မှားယွင်း ပေးခဲ့မှုကြောင့် ကြေညာသူတွေက အကောင်းဆုံးရုပ်ရှင်ဆုရ ဇာတ်ကား အမည်မှန် ‘Moonlight’ အစား ‘La La Land’ ဆိုပြီး ကနဦးမှာ မှားယွင်း ကြေညာမိခဲ့တာပါ။

ဘီဘီစီမြန်မာပိုင်း
BBC Burmese
https://www.facebook.com/bbcburmese/


မတ် ၃၊ ၂၀၁၇

၂၀၁၇ ခုနှစ် မတ်လ ၁ ရက် ည ၁၁ နာရီ မိနစ် ၅၀ အချိန်တွင် မောင်တောမြို့ ကျီးကန်းပြင် (တောင်) ရွာနေ ဆယ်အိမ်မှူးဟောင်း နူကာရင် ၃၅ နှစ် သည် မိသားစုနှင့်အတူ နေအိမ်၌ အိပ်ပျော်နေစဉ် အမည်မသိ လူ ၄ ဦး မှ လာရောက်ခေါ်ဆောင်သွားခဲ့ပြီး ပြန်လည် ရောက်ရှိခြင်းမရှိသည့်အတွက် ၎င်း၏ ဖခင်ဖြစ်သူ ဇာဖော့အာလောင်မှ လိုက်လံရှာဖွေခဲ့ရာ မတ်လ ၂ ရက် နံနက် ၆ နာရီ အချိန်ခန့်တွင် နူကာရင်အား ရင်ညွန့်ထိုးသွင်းဒဏ်ရာ ၁ ချက်၊ ယာ လက်ဖျံ တံတောင်ဆစ် ပြတ်ရှဒဏ်ရာ ၁ ချက်၊ ၀ဲဘက်ရင်အုံထိုးသွင်းဒဏ်ရာ ၁ ချက်၊ ယာရင်အုံ ထိုးသွင်းဒဏ်ရာ ၁ ချက်၊ ၀ဲလက်မောင်း ထိုးသွင်းဒဏ်ရာ ၁ ချက်၊ ယာလက်သန်းပြတ်ရှဒဏ်ရာ ၁ ချက်၊ ၀ဲဘက်ဆီးခုံထိုးသွင်းဒဏ်ရာ ၁ ချက်၊ ခါးလယ်ထိုးသွင်းဒဏ်ရာ ၁ ချက် တို့ဖြင့် သေဆုံးနေသည်ကို တွေ့ရှိရသဖြင့် ပြင်ဖြူရဲစခန်းသို့ နံနက် ၇ နာရီ ၄၅ မိနစ်တွင် သတင်းပို့တိုင်ကြားခဲ့သည်။

ယင်းဖြစ်စဉ်နှင့်ပတ်သက်ပြီး အမှုမှန်ပေါ်ပေါက်ရေးအတွက် ဆက်လက် စုံစမ်းဆောင်ရွက် လျက်ရှိကြောင်း သိရှိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom/



မြောင်းမြမှာမီဒီယာတွေကို ဘာကြောင့်ဆန္ဒပြခဲ့ကြသလဲ
မတ်လ ၃ ရက်၊ ၂၀၁၇ ခုနှစ်။

မြောင်းမြမြို့နယ်၊ က၀က်ကျေးရွာအခြေခံပညာအထက်တန်းကျောင်းအုပ် ဆရာကြီး ဦးအောင်အောင် ကိုကျောင်းသားတစ်ဦးအား လိင်တူကာမစပ်ယှက်မှုပြုလုပ်ခဲ့သည် ဟုဆိုကာ မမှန်မကန်အမှုဖွင့် တိုင်ကြားနိုင်အောင် မီဒီယာများအပါဝင် စီစဉ်ခဲ့သူများကို အရေးယူပေးရန် ဒေသခံ ၂၀၀ ခန့်က မတ်လ ၃ ရက်နေ့တွင် ခွင့်ပြုမိန့်ယူကာ ဆန္ဒထုတ်ဖော်ခဲ့ကြသည်။

လွန်ခဲ့သည့်တစ်နှစ်ခန့်က ကျောင်းအုပ်ဆရာကြီး ဦးအောင်အောင်မှ ၁၀ တန်းဖြေမည့် ကျောင်းသားတစ်ဦးကို လိင်တူကာမစပ်ယှက်မှု ကျူးလွန်ခဲ့သည်ဆိုသည့် အခြေအမြစ်မရှိသော စွပ်စွဲချက်များဖြင့် အမှုဖွင့်နိုင်အောင် လုပ်ဆောင်ခဲ့ကြသော က၀က်ကျောင်းတွင် တာဝန်ထမ်း ဆောင်နေဆဲ ဆရာ၊ဆရာမ ၅ ဦး၊မီဒီယာများနှင့် တာဝန်ရှိသူအားလုံးကို အရေးယူပေးရန် ဆန္ဒထုတ်ဖော်ခြင်း ဖြစ်ကြောင်း ဆန္ဒထုတ်ဖော်ရာတွင် ပါဝင်သူများကပြောသည်။

“ဆရာကြီးက စည်းကမ်းကြီးတယ်၊ တပည့်တွေအပေါ်မှာလည်း စေတနာအရမ်းထားတော့ တာဝန်မကျေတဲ့ ၀န်ထမ်းတွေ ကိုလည်း ဆုပေးဒါဏ်ပေးစနစ်တွေ မင်နီတားတာတွေလုပ်ခဲ့လို့ မကျေနပ်တဲ့ ဆရာ၊ဆရာမတွေက နယ်ခံမီဒီယာတွေနဲ့အရင်တွေ့ပြီး မဟုတ်မမှန်သတင်းတွေအရင်လွှင့်တယ်၊ နောက်ထပ်သူကျူးလွန်တာကို တွေ့ပါတယ်ဆိုပြီး ရဲစခန်းမှာအမှုဖွင့်ခဲ့တဲ့ အတွက် ဆရာကြီးရဲ့ဂုဏ်သိက္ခာရော မိသားစုတွေပါ လူမှုရေးအရအဘက်ဘက်က နစ်နာနေတဲ့အတွက် အခုလို ဆန္ဒဖော်ထုတ်ရတာပါ”ဟု ဆန္ဒဖော်ထုတ်ပွဲကိုဦးဆောင်ခဲ့သူ ဦးသက်ကိုက ပြောသည်။

ဆရာကြီးဦးအောင်အောင် အမှုဖွင့်ဖမ်းဆီးစစ်ဆေးခံခဲ့ရသည့်အတွက် ၄င်းဖွင့်လှစ်ထားသော စာကျက်ဝိုင်းများလည်း ပိတ်ခဲ့ရပြီး က၀က်ကျေးရွာ အထက်တန်းကျောင်းမှ တက္ကသိုလ်ဝင်တန်း ကျောင်းသားကျောင်းသူများမှာ စာမေးပွဲဝင်ရောက်ဖြေဆိုချင်စိတ်ပင် မရှိတော့သည့်အတွက် မိဘများအနေဖြင့်လည်း အလွန်စိတ်ထိခိုက်ရသဖြင့် ဆန္ဒထုတ်ဖော်ပွဲတွင် ပါဝင်ရခြင်းဖြစ်ကြောင်း က၀က်ကျေးရွာမှ ကျောင်းသားမိဘတစ်ဦးဖြစ်သူ ဦးမြင့်ဦးကပြောသည်။

ဆန္ဒဖော်ထုတ်သူများသည် ကျောင်းအုပ်ဆရာကြီးအား လုပ်ကြံဖန်တီးသိက္ခာကျအောင် လုပ်ဆောင်သူ က၀က် အ.ထ.က မှ ဆရာ၊ဆရာမ ၅ ဦးအားအရေးယူပေးရေး၊ ဖြစ်ရပ်မှန်မဟုတ်ဘဲ သတင်းမီဒီယာအချို့နှင့်တွေ့ဆုံ၍ သတင်းမှားများ ဖန်တီးလုပ်ဆောင်ခဲ့သူများအား အရေးယူပေးရေး၊ကျောင်းသားများ စာမေးပွဲရက်နှင့် အချိန်ကိုက်ကြိုတင်ကြံစည်ပြီး ကျောင်းသားများနှင့်မိဘများ ကိုယ်စိတ်အနှောင့်အယှက်ဖြစ်အောင်လုပ်ဆောင် ခဲ့သူများအားအရေးယူပေးရေးနှင့် အမှုမှန်အမြန်ဆုံးပေါ်ပေါက်ရေး စသည့်ကြွေးကျော်သံများ ကြွေးကျော်ကာ နံနက် ၁၀ နာရီမှ ၁၂ နာရီအထိ မြောင်းမြမြို့ အနှံ လှည့်လည်ဆန္ဒဖော်ထုတ်ခဲ့ကြသည်။

Photo The Ayeyarwaddy Times
The Ayeyarwaddy Time
https://www.facebook.com/ayetimes



ထိုင်း လိပ်ကျွန်းလူသတ်မှုနဲ့ စွပ်စွဲခံရတဲ့ ကိုဝင်းဇော်ထွန်းနဲ့ ကိုဇော်လင်း တို့ကို တွေ့ရစဉ်
ထိုင်းနိုင်ငံမှာ ဗြိတိန်နိုင်ငံသား ၂ ဦးသတ်ဖြတ်မှုအတွက် သေဒဏ်ချမှတ်ခံထားရတဲ့ မြန်မာနိုင်ငံသား ကိုဝင်းဇော် ထွန်းနဲ့ ကိုဇော်လင်းတို့ရဲ့အယူခံကို ထိုင်းတရားရုံးက ပယ်ချခဲ့တာနဲ့ ပတ်သက်ပြီး သေဆုံးခဲ့ရတဲ့ David Miller ဒေးဗစ် မီလာရဲ့ မိသားစုက ဒါဟာ တရားမျှတ မှန်ကန်တဲ့ စီရင်ချက်ပါပဲ။ ဒါပေမဲ့ ထိုင်းအာဏာပိုင်တွေ အနေနဲ့ တရားခံ ၂ ဦးကို သက်ညာသောအားဖြင့် သေဒဏ်ကနေ လျှော့ပေါ့ပေးမယ်လို့ မျှော်လင့် ပါကြောင်း ကြေညာချက်တစ်စောင် မနေ့က ထုတ်ပြန်လိုက်ပါတယ်။

အဲဒီ ထုတ်ပြန်ချက်မှာ မိမိတို့ မိသားစုအနေနဲ့ ဒီအမှုမှာ အပြစ်မဲ့သူတွေ ပြစ်ဒဏ်ကျခံရမှာကို မလိုလားကြောင်း အစဉ်အမြဲပြောကြားခဲ့ပြီးပါပြီ။ ဒါပေမဲ့ သက်သေအထောက်အထားတွေက ခိုင်လုံပါတယ်။ မုဒိမ်းကျင့်ပြီး သတ်ဖြတ် ခံရတဲ့ Hannah Witheridge ဟန်နာ ဝိသရစ်ခ်ျ ရဲ့ ခန္ဓာကိုယ်အတွင်းကရရှိတဲ့ သုတ်သွေးကို ပညာရှင်တွေက စစ်ဆေးပြီး ခိုင်လုံမှုကြောင့် တရားခံတွေကို ရုံးတင်အပြစ်ပေးခဲ့တာဖြစ်ပါတယ်၊ တရားခံတွေကိုလည်း ခုခံခြေပခွင့် အပြည့်အဝ ပေးခဲ့ပြီးပါပြီ၊ သူတို့အနေနဲ့ ရက်စက်စွာကျူးလွန်ခဲ့တဲ့ ပြစ်မှုအတွက် ပြန်လည်ပေးဆပ်ရတော့မယ့် ကာလပါပဲလို့ ဖေါ်ပြထားပါတယ်။

အယူခံပယ်ချခံခဲ့ရတဲ့ မြန်မာနိုင်ငံသား ၂ ဦးအနေနဲ့ နောက်ဆုံးအဆင့်အဖြစ် ထိုင်းနိုင်ငံတော် တရားရုံးချုပ်ကို ရက်ပေါင်း ၃ဝ အတွင်း အယူခံခွင့်ရှိပါတယ်။

RFA Burmese
http://www.rfa.org/burmese


မြန်မာရေတပ် သင်္ဘော တစ်စီးကို တွေ့ရစဉ်။ Photo: History of the Myanmar Navy
မြန်မာအစိုးရက ၂ဝ၁၇ ခုနှစ်အတွက် စစ်ရေးအသုံးစရိတ်အဖြစ် အမေရိကန် ဒေါ်လာ သန်းပေါင်း ၂၁၄ဝ နဲ့ ညီမျှတဲ့ ကျပ်ငွေ ၂.၉၁ တရီလီယံ ခွင့်ပြုဖို့ အဆိုပြုထားကြောင်း Jane’s ဂျိန်းစ် ကာကွယ်ရေးသတင်းဌာန က ပြောပါတယ်။

ဒါဟာ အစိုးရသုံးစွဲငွေစုစုပေါင်းရဲ့ ၁၄% ရှိပြီး ပြည်တွင်းထုတ်ကုန် စုစုပေါင်းတန်ဖိုးရဲ့ ၃% ဖြစ်တယ်လို့လည်း ဆိုပါတယ်။

၂ဝ၁၇ ခုနှစ်အတွက် ကာကွယ်ရေးဝန်ကြီးဌာနက မူလတောင်းခံခဲ့တဲ့ ငွေပမာဏက ကျပ်ငွေ ၃.၉ တရီလီယံ ရှိတဲ့အတွက် ဒါဟာ NLD အစိုးရက အများအပြားလျှော့ချလိုက်တာပါ။  ၂ဝ၁၆ ခုနှစ်အတွက် စစ်တပ်အသုံး စရိတ်ကိုတော့ USDP ကြံ့ခိုင်ရေးပါတီ အာဏာရစဉ်က အတည်ပြုခဲ့တာဖြစ်တယ်လို့ လန်ဒန်က ဒီနေ့လာတဲ့ ဂျိန်းစ် ကာကွယ်ရေးသတင်းမှာ ဖေါ်ပြထားပါတယ်။

တရက်တည်းမှာပဲ  နယူးဒေလီက လာတဲ့ Sputnik ရုရှားစုံစမ်းရေးဌာနသတင်းမှာတော့ ဘင်္ဂလား ပင်လယ်အော် မှာ မြန်မာရေတပ်အတွက် မိုးလေဝသ လေ့လာထောက်လှမ်းရေး စခန်းတွေကို အိန္ဒိယ ရေတပ်က တည်ဆောက်ပေးဖို့ စီစဉ်နေကြောင်း ဖေါ်ပြထားပါတယ်။ အဲဒီ ပစ္စည်းတွေကို အသုံးပြုဖို့အတွက် မြန်မာရေတပ် ဖွဲ့ဝင်တွေကို အိန္ဒိယက လေ့ကျင့်သင်ကြားပေးမယ်လို့လည်း သိရပါတယ်။ အခုအချိန်ထိ မြန်မာရေတပ်ကို တရုတ်ပြည်က အဓိက လေ့ကျင့်ကူညီပေးနေတာဖြစ်ကြောင်းနဲ့ အိန္ဒိယအစိုးရက တရုတ်ပြည်ရဲ့ သြဇာလွှမ်းမိုးမှုကို တုံ့ပြန်ရင်ဆိုင်ဖို့ ကြိုးစားနေကြောင်းလည်း စပွတ်နစ် သတင်းမှာ ဖေါ်ပြထားပါတယ်။

အိန္ဒိယရေတပ်ရဲ့ မနေ့က ထုတ်ပြန်ချက်မှာ မိမိတို့ရေတပ်ဟာ မြန်မာရေတပ်နဲ့ ပိုမိုနွေးထွေးချစ်ကြည်စွာ ဆက်ဆံရေးတိုးချဲ့ဖို့ ကြိုးစားနေကြောင်း ဖေါ်ပြထားပါတယ်။  မြန်မာရေတပ်က အောင်ဇေယျနဲ့ ကျန်စစ်သား သင်္ဘောတွေမှာ အိန္ဒိယနိုင်ငံထုတ် ဆိုနာအသံလှိုင်းဖမ်းယူထောက်လှမ်းရေး ကိရိယာတွေကို ဝယ်ယူတပ်ဆင်ထား ပါတယ်။

RFA Burmese
http://www.rfa.org/burmese



ဇင်ဘာဘွေ နိုင်ငံ တွင် ဖြစ်ပွားခဲ့သည့် ရေဘေး ဒုက္ခ ကြောင့် ပြိုလဲ ခဲ့သည့် အဆောက်အဦ အားမြင်တွေ့ရစဉ်(ဆင်ဟွာ)
    ဟာရာရီ(Harare) ၊ မတ် ၃ ရက် (ဆင်ဟွာ)

    ဇင်ဘာဘွေ နိုင်ငံအတွင်း အဆက်မပြတ် မိုးရွာသွန်းမှု ဖြစ်ပွားခဲ့သောကြောင့် ဒေသ အသီးသီး တွင် ရေဘေးဒုက္ခ ရင်ဆိုင်ကြုံတွေ့ ခဲ့ရပြီး လက်ရှိချိန်အထိ လူပေါင်း ၂၄၆ ဦးသေဆုံးခဲ့ကာ ၂၀၀၀ ကျော် အိုးအိမ်မဲ့ဖြစ်ခဲ့ရကြောင်း ကို မတ်လ ၂ ရက်နေ့တွင် အစိုးရ အရာရှိ တစ်ဦးက ထုတ်ပြန် ကြေညာ ခဲ့သည်။

ဇင်ဘာဘွေ နိုင်ငံ ဒေသဆိုင်ရာ အစိုးရ ဝန်ကြီး တစ်ဦးဖြစ်သူ Saviour Kasukuwer က ၂၀၁၆ ခုနှစ် နိုဝင်ဘာလ မှ စတင်ခဲ့သည့် မိုးရာသီ အချိန်ကာလ တွင် မိုးရွာသွန်းမှု သည် ယခင်နှစ်များထက် များစွာကျော်လွန် ခဲ့ပြီး ဇင်ဘာဘွေ နိုင်ငံ အတွင်းရှိ ၈၅ ရာခိုင်နှုန်းသော ဆည်များသည် စိုးရိမ်ရေမှတ် ကို ကျော်လွန်ခဲ့ကြောင်း ၊ အချို့သော ဆည်များတွင် ရေထိန်းသိမ်း နိုင်ခြင်းမရှိတော့သဖြင့် ရေဘေးဒုက္ခ ဖြစ်ပွား စေခဲ့ကြောင်း ပြောကြား ခဲ့သည်။

စာရင်းပြုစုချက်များအရ လက်ရှိချိန်ထိ ဇင်ဘာဘွေ တစ်နိုင်ငံလုံးအတိုင်းအတာ တွင် နေအိမ်ပေါင်း ၂၅၇၉ လုံး ၊ ကျောင်း ၇၄ ကျောင်း နှင့် ဆေးရုံ ၅ ရုံ တို့သည် ရေဘေးဒုက္ခကြောင့် ပြိုလဲသွား ခဲ့ရကြောင်း ၊ ရေဘေးဒုက္ခကြောင့် မွေးမြူရေး တိရိစ္ဆာန် အများအပြားသေဆုံးခဲ့ရပြီး ဖေဖော်ဝါရီ ၂၈ ရက်နေ့က ဇင်ဘာဘွေ နိုင်ငံ တောင်ပိုင်းဒေသကို အမျိုးသားအဆင့် ဘေးဒုက္ခကျရောက်သည့် အခြေအနေ ဟု ကြေညာချက် ထုတ်ပြန် ခဲ့ကြောင်း သိရှိရသည်။

ဇင်ဘာဘွေ နိုင်ငံ သဘာဝပတ်ဝန်းကျင်ဌာန ဝန်ကြီး Oppah Muchinguri က ရေဘေးဒုက္ခကြောင့် နိုင်ငံတွင်းရှိ ရေအရင်းအမြစ်ဆိုင်ရာ အခြေခံအဆောက်အဦ များ ပျက်ဆီးခဲ့ရပြီး လက်ရှိချိန်တွင် လူပေါင်း ၁ သိန်းခန့် သန့်ရှင်းသောရေ မရရှိနိုင်ကြောင်း ၊ ပျက်ဆီးခဲ့သည့် အဆောက်အဦ များကို ပြင်ဆင်ရန် အတွက် အမေရိကန်ဒေါ်လာ ၁၂ သန်း လိုအပ်မည် ဖြစ်ကြောင်း ပြောကြား ခဲ့သည်။

ရာသီဥတု ဆိုင်ရာ ပညာရှင်များက ဇင်ဘာဘွေ နိုင်ငံ တွင် ဖြစ်ပွား ခဲ့သည့် အဆက်မပြတ် မိုးရွာသွန်းမှု သည် လာနီညာ အခြေအနေကြောင့် ဖြစ်ပွား ခဲ့ခြင်းဖြစ်ပြီး မိုးရွာသွန်းမှု သည် မတ်လကုန်ပိုင်း အထိ ဆက်လက်ရွားသွန်းနိုင်ကြောင်း ခန့်မှန်းထားသည်။

(Xinhua)
http://www.xinhuamyanmar.com


စတော့ဟုမ်း ၊ ၃-၃-၂၀၁၇

ရုရှားအပါ အဝင် တစ်ကမ္ဘာလုံး လုံခြုံမှု ပြဿနာ များကို ရင်ဆိုင်ရေး အတွက် ယခု နွေရာသီ မှစ၍ ဆွီဒင်နိုင်ငံ က စစ်မှု မထမ်းမနေရ စနစ် ပြန်လည် ကျင့်သုံးမည် ဖြစ်ကြောင်း အေအက်ဖ်ပီ သတင်း ဌာန ကယနေ့ တွင် ဖော်ပြ ခဲ့သည်။

တစ်ကမ္ဘာ လုံးဆိုင်ရာ လုံခြုံရေး အခြေ အနေများ ပြောင်းလဲလာမှု ကြောင့် ဆွီဒင် အစိုးရ အနေဖြင့် ပိုမို တည်ငြိမ်ရေး အတွက် စစ်မှုထမ်း စုဆောင်းမှု စနစ် အသုံးပြုရန် ဆန္ဒရှိ ပြီး ဆွီဒင် တပ်မတော်၏ စစ်ရေး စွမ်းဆောင်ရည်ကို လည်းပိုမို မြှင့်တင် ရန်လိုလား ကြောင်း ဆွီဒင် ကာကွယ် ရေးဝန်ကြီး က ယနေ့တွင် ပြောကြားခဲ့သည်။

လွန်ခဲ့သော နှစ်ပေါင်း ၂ဝဝ အတွင်းက မည်သည့် လက်နက်ကိုင် အဖွဲ့အစည်း များနှင့် ပဋိပက္ခ ရင်ဆိုင်ခဲ့ဖူး ခြင်းမရှိသော ဆွီဒင် နိုင်ငံသည် စစ်မှု မထမ်း မနေရ စနစ် ကျင့်သုံး ခြင်းဖြင့် ခေတ်သစ် တပ်မတော် တစ်ရပ်၏ လိုအပ်ချက် များအား ဖြည့်ဆည်း ပေးနိုင်စွမ်း မရှိဟူသော အကြောင်း ပြချက်ဖြင့် စစ်မှု မထမ်း မနေရ စနစ်ကို ဖျက်သိမ်း ခဲ့သည်။

 သို့သော် ဆွီဒင် နိုင်ငံ အစိုးရက ယနေ့တွင် ၁၉၉၉ ခုနှစ် နောက်ပိုင်း မွေးဖွားသော ဆွီဒင် နိုင်ငံသား အားလုံး အကျုံးဝင်မည့် စစ်မှုမထမ်း မနေရ စနစ် ပြန်လည် ကျင့်သုံးရေး ဆိုင်ရာ ဥပဒေကြမ်း ကို တင်သွင်း ရန်စီစဉ် ထားသည်။

ထို့ပြင် စစ်မှု မထမ်း မနေရ စနစ် ပြန်လည် ကျင့်သုံး ရေးဆိုင်ရာ ဥပဒေကြမ်း ကိုအတည်ပြု ခဲ့ပါက ၂ဝ၁၈ ခုနှစ် ဇန်နဝါရီ ၁ရက် နောက်ပိုင်း မှစ၍ နှစ်စဉ် စစ်မှု ထမ်းများကို  ဆင့်ခေါ် သွားမည် ဖြစ်ကြောင်း သိရသည်။

PyiChitThar
http://www.pyichitthar.com


မြောက်ကိုရီးယားခေါင်းဆောင် Kim Jong Un ရဲ့ ဖအေတူ၊ မအေကွဲ အကိုဖြစ်သူ ပြီးခဲ့တဲ့လထဲ သေဆုံးမှုနဲ့ ဆက်နွယ်ပြီး၊ သံသယရှိသူအဖြစ် ထိန်းသိမ်း ထားတဲ့ မြောက်ကိုရီးယားနိုင်ငံသား တဦးကို မလေးရှား အာဏာပိုင်တွေက နေရပ်ပြန်ပို့ဖို့ စီစဉ်နေပါတယ်။

မလေးရှားနိုင်ငံ Kuala Lumpur လေဆိပ်မှာ ဖေဖော်ဝါရီလ ၁၃ ရက်နေ့က Kim Jong Nam သေဆုံးခဲ့ပြီးနောက်၊ အသက် ၄၅ နှစ်အရွယ် မြောက်ကိုရီးယား နိုင်ငံသား Ri Jon Chol ကို သီတင်း ၂ ပတ်နီးပါးကြာ ထိန်းသိမ်းထားတာပါ။

တရားစွဲဆို အရေးမယူပဲ ထိန်းသိမ်းထားနိုင်တဲ့ အချိန်ကာလ သိပ်မကျန်တော့သလို၊ တရားစွဲနိုင်လောက်တဲ့ အထောက်အထား ခိုင်ခိုင်လုံလုံလည်း မရှိတဲ့အတွက် နေရပ်ပြန်ပို့ ရမှာ ဖြစ်ကြောင်း မလေးရှား ရှေ့နေချုပ် Mohamed Apandi Ali က ဒီကနေ့ပဲ ပြောဆိုခဲ့ပါတယ်။ အမှုမှာ အဓိကသံသယရှိသူ ၂ ဦးဖြစ်တဲ့ အသက် ၂၅ နှစ်အရွယ် အင်ဒိုနီးရှားနိုင်ငံသူ Siti Aisyah နဲ့ ဗီယက်နမ်နိုင်ငံက အသက် ၂၈ နှစ်အရွယ် Doan Thi Huong တို့ ၂ ဦး ကိုတော့ မနေ့ကပဲ လူသတ်မှုနဲ့ စွဲချက်တင်ခဲ့တာပါ။

သူတို့ ၂ ဦးစလုံးကတော့ ဟာသရုပ်မြင်သံကြား အစီအစဉ်တခုမှာ သရုပ်ဆောင်ခဲ့ရတာလို့ ယုံကြည်ထားပြီး၊ အပြစ်မရှိကြောင်း လည်း ပြောဆိုထားကြပါတယ်။ လူသတ်မှုအတွက် အပြစ်ရှိကြောင်း တရားရုံးက ဆုံးဖြတ်ခဲ့မယ် ဆိုရင်တော့ အမြင့်ဆုံး သေဒဏ်အထိ ကျခံရနိုင်ပါတယ်။ သူတို့ ၂ ယောက်ဟာ လေဆိပ်လုံခြုံရေး ဗွီဒီယိုမှတ်တမ်းတွေမှာ သေဆုံး သူ Kim Jong Nam ရဲ့ မျက်နှာပေါ်ကို အ၀တ်တခုနဲ့အုပ်ပြီး လေဆိပ်ကနေ ထွက်ခွာသွားတဲ့ အမျိုးသမီး ၂ ဦး ဖြစ်ကြောင်း စွပ်စွဲခံထားရတာပါ။

ဒီနောက် မိနစ် ၂၀ လောက်အကြာမှာပဲ Kim Jong Nam သေဆုံးခဲ့ပြီး၊ မလေးရှား အာဏာပိုင်တွေကတော့ သူဟာ အာရုံကြော ထိခိုက်စေတဲ့ VX ဓာတုအဆိပ်ကြောင့် သေဆုံးခဲ့တာလို့ ပြောဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com


ပါကစ္စတန်အစိုးရရဲ့ သစ်တောပြန်လည်ထိန်းသိမ်းရေး ကျယ်ပြန့်တဲ့ လှုပ်ရှားမှုကနေ - ၂၀၁၅ ခုနှစ်ကစလို့ နိုင်ငံရဲ့ အနောက်မြောက်ပိုင်း ဒေသတလျှောက်မှာ သစ်ပင် သန်းပေါင်း ၇၅၀ စိုက်ပျိုးနိုင်ခဲ့ကြောင်း တာဝန်ရှိသူတွေက ပြောဆိုလိုက်ပါတယ်။

တချိန်က သစ်တောထူထပ်တဲ့ နယ်တခုအဖြစ် Hundu Kush တောင်တန်းဒေသမှာ ထင်ရှားခဲ့တဲ့ နေရာမှာ မြေယာပျက်စီး ဆုံးရှုံးမှုတွေကို တားဆီးနိုင်ဖို့ မျှော်လင့်ချက်နဲ့ - ၂၀၁၈ ခုနှစ် နောက်ဆုံးထားပြီး သစ်ပင် သန်း ၁ ထောင် စိုက်ပျိုးရေး ၄ နှစ်တာစီမံကိန်းကို ခိုက်ဘာ ပခ်ထွန်ခွာ နယ် အစိုးရက စတင်ခဲ့တာဖြစ်ပါတယ်။

“သစ်ပင်ပေါင်း သန်းတထောင် ဆူနာမီ” လို့ တရားဝင်အမည်ပေးထားတဲ့ စီမံကိန်းက တိုးတက်မှု အခြေအနေတွေကို အသိအမှတ်ပြုတဲ့ အနေနဲ့ ပြည်နယ်တွင်းမှာ အုပ်ချုပ်နေတဲ့ ပါကစ္စတန် PTI ပါတီ တာဝန်ရှိသူတွေနဲ့ ခေါင်းဆောင်တွေဟာ Islamabad မြို့တော်မှာ ကြာသပတေးနေ့က စုဝေးခဲ့ကြပါတယ်။

နာမည်ကျော် ခရစ်ကတ်အားကစားသမားကနေ နိုင်ငံရေးသမားဖြစ်လာသူ ပါတီခေါင်းဆောင် Imran Khan ကတော့ - သစ်ပင်စိုက်ပျိုးရေး လှုပ်ရှားမှုကနေ ဝေးလံခေါင်ဖျားတဲ့ ကျေးလက်ဒေသက၊ ဘ၀ရပ်တည်ရေး ခက်ခဲတဲ့ ဒေသခံ လူပေါင်း ၅ သိန်းလောက်အတွက် အလုပ်ပေးနိုင်ခဲ့ ကြောင်း အခမ်းအနား တက်ရောက်လာသူတွေကို ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com



ကန်ရှေ့နေချုပ် Jeff Sessions
အမေရိကန် ပြည်ထောင်စုမှာ ပြီးခဲ့တဲ့နှစ် နိုဝင်ဘာ သမ္မတရွေးကောက်ပွဲကို ရုရှားနိုင်ငံက ကြားဝင်စွက်ဖက်ခဲ့မှုအတွက် စုံစမ်းစစ်ဆေးရာမှာ၊ရှေ့နေချုပ် Jeff Sessions ကင်းကင်းရှင်းရှင်း ဖြစ်အောင်လုပ်ဖို့၊ ဒါမှမဟုတ် ရာထူးကနုတ်ထွက်ပေးဖို့ ဒီမိုကရက် လွှတ်တော်အမတ်တွေက တောင်းဆိုလိုက်ကြပါတယ်။

ရှေ့နေချုပ် Sessions ဟာ အမေရိကန်နိုင်ငံဆိုင်ရာ ရုရှားသံအမတ်ကြီးနဲ့ ပြီးခဲ့တဲ့နှစ်ထဲ တွေ့ဆုံခဲ့ကြောင်း သတင်းတွေ ထွက်ပေါ်ခဲ့ပြီးနောက် အတိုက်အခံတွေက တောင်းဆိုခဲ့ကြတာပါ။

အထက်လွှတ်တော်အမတ် တာဝန်ယူခဲ့ဖူးတဲ့ Sessions ဟာ သမ္မတ Donald Trump ရွေးကောက်ပွဲမှာ ယှဉ်ပြိုင်ဖို့ အားပေးခဲ့သူ တဦးဖြစ်သလို၊ မဲဆွယ်ပွဲမှာ အကြံပေးပုဂ္ဂိုလ် တဦးအဖြစ်နဲ့လည်း တာဝန်ယူခဲ့သူ ဖြစ်ပါတယ်။

သမ္မတ Trump ရဲ့ မဲဆွယ်ပွဲ တာဝန်ရှိသူ တယောက်ယောက်ဟာ ရုရှားနဲ့ အဆက်အသွယ်ရှိကြောင်း အထောက်အထားတွေ ထွက်ပေါ်လာခဲ့ရင် သူ့အနေနဲ့ ဘာလုပ်မလဲလို့၊ အမေရိကန် တရားရေးဌာန အကြီးအကဲအဖြစ် အတည်ပြုခန့်အပ်ဖို့ ဇန်န၀ါရီလထဲ လွှတ်တော်မှာ ကြားနာစဉ် မေးခွန်းထုတ်ခံခဲ့ရစဉ်တုန်းကတော့ သူ့အနေနဲ့ ရုရှားနဲ့ အဆက်အသွယ် မလုပ်ဖူးတဲ့အတွက် မှတ်ချက်ပေးစရာ မရှိကြောင်း ဖြေကြားခဲ့တာပါ။

ဒါပေမဲ့လည်း ပြီးခဲ့တဲ့နှစ် ဇူလိုင်လက ရီပတ်ဘလစ်ကန် နိုင်ငံလုံးဆိုင်ရာညီလာခံအတွင်း သီးခြားကျင်းပခဲ့တဲ့ အခန်းအနား တခုမှာ သူဟာ ရုရှားသံအမတ်ကြီး Sergei Kislyak နဲ့ တွေ့ဆုံခဲ့သလို၊ စက်တင်ဘာလထဲမှာလည်း လွှတ်တော်က သူ့ရုံးခန်းမှာ ထပ်မံတွေ့ဆုံခဲ့တာပါ။

တရားရေးဝန်ကြီးဌာန ပြောခွင့်ရသူ Sarah Isgur Flores ကတော့ လွှတ်တော်ကြားနာပွဲမှာ သစ္စာဆိုပြီး ထွက်ဆိုခဲ့တဲ့ အထဲမှာ အဓိပ္ပါယ် အကောက်လွဲနိုင်တဲ့ ပြောဆိုမှုမျိုး တခုမှ မရှိဘူးလို့ ပြောဆိုခဲ့ပါတယ်။ သူ့အနေနဲ့ သမ္မတ Trump ရဲ့ စည်းရုံးရေးအဖွဲ့နဲ့ ရုရှားတို့ကြား အဆက်အသွယ်ရှိ-မရှိ မေးခွန်းထုတ်ခံခဲ့ရတာသာဖြစ်ပြီး၊ အထက်လွှတ်တော်အမတ်နဲ့ လက်နက်ကိုင်တပ်ဖွဲ့များရေးရာ ကော်မတီဝင်အဖြစ် တွေ့ဆုံခဲ့ခြင်း ရှိ-မရှိ မေးမြန်းခံခဲ့ရတာ မဟုတ်ဘူးလို့ တုန့်ပြန်ထားပါတယ်။

ဗွီအိုအေ (မြန်မာပိုင်း)
http://burmese.voanews.com