03/10/17



၂ဝ၁၆ ခုနှစ် သင်္ကြန်ကို တွေ့ရစဉ်။ Photo: Kan Thar/ RFA
သင်္ကြန်နှစ်သစ်ကူး ရုံးပိတ်ရက်ကို ၅ ရက်အထိ လျှော့ချဖို့အတွက် ပြည်ထောင်စုအစိုးရအဖွဲ့က စီစဉ်နေ ပြီး ပြည်ထောင်စု အစိုးရအဖွဲ့ရုံးက ၀န်ကြီးဌာနတွေရဲ့ သဘောထားကို မနေ့က စာပေးပို့ပြီး တောင်းခံထား ပါတယ်။

အဲဒီလိုပိတ်ရက် လျှော့ချမယ့်ကိစ္စနဲ့ပတ်သက်ပြီး မိမိတို့ဝန်ကြီးဌာနအနေနဲ့ ဘာပြဿနာမှမရှိသလို ၀န်ထမ်းတွေ အနေနဲ့လည်း အခွင့်အရေးဆုံးရှုံးတာ မဟုတ်ဘူးလို့ လျှပ်စစ်နဲ့ စွမ်းအင်ဝန်ကြီးဌာန အမြဲတမ်းအတွင်းဝန် ဦးထိန်လွင်က ပြောပါတယ်။

"ဟိုးအရင်ကလည်း ဒီအတိုင်းပဲ ကျနော်တို့ သင်္ကြန်ဆို ၄၊ ၅ ရက်ပဲရတာပဲ၊ ဟိုးယခင်ကလည်း ဒီအတိုင်းပဲ ကျနော်တို့ လုပ်လာတာ၊ ကျနော်တို့ ဌာနအတွက်ကတော့ အခက်အခဲမရှိပါဘူး၊ ၀န်ထမ်းတစ်ယောက် အတွက်က ရုံးပိတ်ရက်ဆိုတာ သတ်မှတ်ပေးရင် သတ်မှတ်တဲ့အတိုင်းပဲ သွားရုံပဲလေ၊ ဘာမှအခွင့်အရေး ဆုံးရှုံးတာလည်း မဟုတ်ပါဘူး"

သင်္ကြန်ကာလရှည် ရုံးပိတ်ရက်ကြောင့် နိုင်ငံတကာနဲ့ ဆက်သွယ်ဆောင်ရွက်ရာမှာ ရုံးလုပ်ငန်းနဲ့ ဘဏ်လုပ် ငန်းတွေ အခက်အခဲတွေ ဖြစ်ပေါ်လာတာ၊ ကုန်စည်စီးဆင်းမှုတွေ နှောင့်နှေးကြန့်ကြာတာတွေ တွေ့ရှိ ရတယ်လို့လည်း အစိုးရအဖွဲ့ရုံးရဲ့စာမှာ ပါရှိပါတယ်။

ရုံးပိတ်ရက်ကို သင်္ကြန်အကြိုနေ့ကနေ နှစ်ဆန်းတစ်ရက်နေ့အထိ ၅ ရက်သာ ပြောင်းလဲသတ်မှတ်ပြီး ကျန်တဲ့ ၅ ရက်ကို သီတင်းကျွတ်၊ တန်ဆောင်တိုင်နဲ့ နိုင်ငံတကာနှစ်သစ်ကူး ရုံးပိတ်ရက်တွေမှာ အစားထိုးဖို့ ဆောင်ရွက် မယ်ဆိုရင် ၀န်ကြီးဌာနတွေအနေနဲ့ အဆင်ပြေ/မပြေကို ပြည်ထာင်စု အစိုးရအဖွဲ့ရုံးက မေးမြန်းထားတာဖြစ် ပါတယ်။

အဲဒီကိစ္စနဲ့ပတ်သက်ပြီး ၀န်ကြီးဌာနတွေအနေနဲ့ ဒီနေ့ ညနေ ၃ နာရီ နောက်ဆုံးထားပြီး အကြောင်းပြန်ကြား ရမှာ ဖြစ်ပါတယ်။

အရင်က သင်္ကြန်ရုံးပိတ်ရက်အဖြစ် သင်္ကြန်အကြိုနေ့မတိုင်ခင် တစ်ရက်ကနေ နှစ်ဆန်းတစ်ရက်နေ့အထိသာ ပိတ်ခဲ့ပေမယ့် တပ်မတော်အစိုးရလက်ထက် ၂၀၀၇ ခုနှစ်ကစတင်ပြီး သင်္ကြန်အကြိုနေ့မတိုင်ခင် တစ်ရက်ကစပြီး ၁၀ ရက်တိတိကို နှစ်သစ်ကူးရုံးပိတ်ရက်အဖြစ် သတ်မှတ်ခဲ့တာဖြစ်ပါတယ်။

RFA Burmese
http://www.rfa.org/burmese


လောက်ကိုင် ဒေသတ၀ိုက် နေရာ သုံးနေရာမှာ ဒီကနေ့ မြန်မာ့ တပ်မတော်နဲ့ မြန်မာပြည် မြောက်ပိုင်း မဟာမိတ် အဖွဲ့တို့ တိုက်ပွဲတွေ ပြင်းထန်ခဲ့ပါတယ်။ ရန်လုံကျိုက် နယ်စပ်ဂိတ်၊ နယ်စပ်မိုင်တိုင် အမှတ် ၁၂၇ နဲ့ ရင်ကျင့်ထန်ကြား တလျှောက်နဲ့ လောက်ရှန်းထန် ဒေသတို့မှာ တိုက်ပွဲတွေ ပြင်းထန်ခဲ့တာပါ။ ဒီကနေ့ တိုက်ပွဲတွေ အခြေအနေကိုတော့ မြောက်ပိုင်း စစ်ရေး မဟာမိတ် အဖွဲ့ဝင် ရခိုင်လက်နက်ကိုင်တပ် AA ရဲ့ စစ်ဦးစီးချုပ် ဗိုလ်မှူးချုပ် ဒေါက်တာ ညိုထွန်းအောင်ကို မသိင်္ဂီထိုက် ဆက်သွယ်မေးမြန်းတဲ့အချိန်မှာ သူက အခုလိုဖြေပါတယ်။

“ဖြေ။ ။ဒီကနေ့တိုက်ပွဲကတော့ အရင်ရင်ထက်စာရင်နည်းနည်းလေးများတယ်ခင်ဗျ ။ ဒီနေ့မနက်ကတော့ နေရာ ၄ နေရာ -၅ နေရာလောက်မှာ ဖြစ်တယ်ခင်ဗျ ။ ဒီမနက် ၈ နာရီလောက်မှာတော့ လောက်ကိုင် ရန်လုံကျိုက် နားရယ်၊ နေ့ခင်းဘက်မှာတော့ မိုင်တိုင် ၁၂၅- ၁၂၇ကြား ၊ လောက်ရှန်းထန်ရယ် နောက် ၁ နေရာ ၂ နေရာလောက်မှာ နည်းနည်းလေး တိုက်ပွဲတွေ ပြင်းပြင်းထန်ထန်တွေဖြစ်တယ်ခင်ဗျ။

မေး။ ။အဲဒီတော့ အခုတိုက်ပွဲက လက်နက်ကြီးနဲ့ ဟိုဘက် ဒီဘက် ပစ်နေတာလား ဘယ်လိုပုံစံဖြစ်နေပါသလဲရှင့်။

ဖြေ။ ။အခုနောက်ပိုင်း မြန်မာ့တပ်မတော်ဘက်က သူတို့ရဲ့ တိုက်ပုံကတော့ လက်နက်ကြီးတွေ အစွမ်းကုန်ပစ်တယ်။ မြေပြင်အခြေအနေနည်းနည်းငြိမ်ရင် မြေပြင်က တက်တယ်။ ပြီးရင် လေယာဉ်နဲ့ ပစ်တယ်။ အဲလိုပုံစံမျိုးပါ ကျနော်တို့ဘက်ကတော့ လက်နက်ကြီးတွေကတော့ ကျနော်တို့က မရှိဘူး ကျနော်တို့က သူပုန်တပ်ဆိုတော့ လက်နက်ကြီးတွေ အစိုးရတပ်လောက်တော့မရှိဘူး ။ ရသလောက်ကတော့ ရတဲ့ ပစ္စည်းလေး လက်နက်တွေနဲ့ကတော့ ခုခံကာကွယ်နေတာပါ။ သူတို့ဘက်ကတော့ ဒီရှိပြီးသား တပ်မတွေအပြင် ဒီကြားထဲမှာတော့ တပ်မ ၆၆၊ ၇၇ တွေ ၊ ၁၁၊၃၃ အဲဒီ တပ်မ ၄ ခုလောက်တော့ရှိမယ်။ ပြီးရင် သံချပ်ကာ တပ်ရင်းတွေရယ် ဒီကြားထဲမှာတော့ လေယာဉ်ကိုတော့ အရင် ၁ ရက်နေ့ကတော့ မပါသေးဘူးပေါ့နော် ၊ အဲဒီတော့ တပ်မ ၃ ခုအထက်တော့ တိုက်နေတာတွေ့တယ်ခင်ဗျ။”

တပ်မတော်ဘက်ကတော့ အကျအဆုံးအထိအခိုက်ကို အတိအကျ မထုတ်ပြန်ပေမယ့် Facebook စာမျက်နှာမှာတော့ ပျံ့နှံ့နေတဲ့ ဓါတ်ပုံနဲ့ မိသားစု သတင်းတွေအရမှာ တပ်မတော်က ဗိုလ်မှူးအဆင့်ရှိတဲ့ အရာရှိ၁ ဦး ဒီကနေ့ တိုက်ပွဲမှာ ကျဆုံးခဲ့တယ်ဆိုတဲ့သတင်း ထွက်ပေါ်နေပါတယ်။
VOA Burmese News



ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ လက်ရှိ ဥက္ကဌ ဗိုလ်ချပ်ကြီး အင်ဘန်လ
ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC ရဲ့ ဒုတိယ အကြိမ် ညီလာခံကို အခု မတ်လ နှစ်ဆယ်ရက် နောက်ပိုင်း လမကုန်ခင် ကျင်းပဖို့ ရှိပါတယ်။

လက်ရှိ အခြေအနေမှာ UNFC ဥက္ကဌ ရာထူးကို ကချင်လွတ်လပ်ရေး အဖွဲ့ KIO အကြီးအကဲ ဗိုလ်ချုပ်ကြီး အင်ဘန်လ က ယူထားပေမယ့် လာမယ့် ညီလာခံမှာ ဖွဲ့စည်းပုံ အပြောင်းအလဲတွေ ရှိနိုင်တယ်လို့ UNFC ဒုတိယ ဥက္ကဌ နိုင်ဟံသာက ပြောပါတယ် ။

လာမယ့် ညီလာခံမှာ လုပ်ငန်းစဉ် ပြန်သုံးသပ်တာတွေ ၊ ဖွဲ့စည်းပုံ ပြင်ဆင်ရေးနဲ့ တာဝန်ခံသစ် ရွေးချယ်ရေး ကိစ္စတွေ ဆောင်ရွက် သွားမှာ ဖြစ်ပါတယ်။

အခုအခါ ကေအိုင်အိုနဲ့ အစိုးရ ကြား ညှိနှိုင်းနေရာမှာလည်း အမြင်နီးစပ်မှု ရှိလာတာ တွေ့ရတယ်လို့ နိုင်ဟံသာက ပြောပါတယ်။

ရှမ်းပြည်မြောက်ပိုင်းမှာ ကိုးကန့် တပ်ဖွဲ့ MNDAA ၊ ပလောင် လက်နက်ကိုင် တပ်ဖွဲ့ PSLF/TNLA တို့နဲ့ တပ်မတော်နဲ့ တိုက်ပွဲ ဖြစ်နေတာနဲ့ ပတ်သက်လို့ တိုင်းရင်းသား လက်နက်ကိုင် အဖွဲ့တွေက ခုခံတဲ့ အနေအထားမျိုးသာ ဖြစ်တယ်လို့ နိုင်ဟံသာက ပြောပါတယ်။

UNFC အနေနဲ့တော့ တပ်မတော်ဖက်က ထိုးစစ်တွေ ရပ်ဖို့ အသိပေး ပြောကြား သွားဖို့ ရှိပြီး နောက်တကြိမ် အစိုးရရဲ့ ငြိမ်းချမ်းရေး ကိုယ်စားလှယ်တွေနဲ့ တွေ့တဲ့အခါ ဒီကိစ္စကို ထည့်သွင်း ဆွေးနွေးသွားမှာ ဖြစ်တယ်လို့ နိုင်ဟံသာက ဆိုပါတယ်။

UNFC ရဲ့ နိုင်ငံရေး ဆွေးနွေးမှု ကိုယ်စားလှယ် အဖွဲ့ DPN ကနေ အစိုးရဆီ တင်ပြထားတဲ့ နိုင်ငံရေး မူဘောင် ကိုးချက် ဟာလည်း မူအားဖြင့် သဘောတူညီမှု ရထားပြီး လိုအပ်ချက် တချို့ကို ညှိမယ် ၊ အားလုံး သဘောတူနိုင်တဲ့ အခါမှာ တနိုင်ငံလုံး အပစ်ရပ်ရေး စာချုပ် လက်မှတ်ထိုးသွားမှာ ဖြစ်တယ်လို့ နိုင်ဟံသာက ဆိုပါတယ်။

မူကိုးချက်မှာ ညှိဖို့ လိုနေတဲ့ အချက်တွေကတော့ သုံးပွင့်ဆိုင် ဖြစ်ရေး ၊ အားလုံးပါဝင်ရေး နဲ့ JMC မှာ နိုင်ငံတကာ အဖွဲ့တွေ ပါဝင်ရေး ဆိုတာတွေဘဲ ဖြစ်ပါတယ်။

UNFC ရဲ့ ဒုတိယ အကြိမ် ညီလာခံမှာ မူကိုးချက် အပြင် ငြိမ်းချမ်းရေး ဖြစ်စဉ် တခုလုံး ဆွေးနွေးသွားဖို့ကိုလည်း ပြင်ဆင်ထားကြပါတယ်။

BBC Burmese
http://www.bbc.com/burmese


ဆိုင်ဘက်ကနေ တိုက်ခိုက်တာတွေနဲ့ ဆိုင်ဘာ အကြမ်းဖက်ဝါဒကို နှိမ်နင်းဖို့အတွက် အင်တာနက်ကို အစိုးရက ပိုပြီး ထိန်းချုပ်နိုင် ရေး နိုင်ငံတကာ သဘောတူညီချက်တရပ်ရဖို့ တရုတ်က ကြိုးစားနေပါတယ်။ ရေမြေနယ်နိမိတ်တွေအပေါ် အချုပ်အခြာအာဏာ ပိုင်မှုဆိုင်ရာ လက်ရှိအနေအထားကို ဆိုင်ဘာနယ်ပယ်အထိ တရုတ်က ချဲ့ထွင် လုပ်ဆောင်ချင်တာပါ။

ဒီကိစ္စနဲ့ပတ်သက်ပြီး နိုင်ငံတကာ ပူးပေါင်းလုပ်ဆောင်မှုတခုမှာ နိုင်ငံအမျိုးမျိုးပါဝင်လာစေဖို့ ဘယ်လို စည်းရုံးသွားမယ်ဆိုတာကို ဆွေးနွေးထားတဲ့ ပထမဆုံး အဆိုပြုချက်စာတမ်းကို တရုတ်နိုင်ငံက ထုတ်ပြန်ထားပါတယ်။ ချဉ်းကပ်တဲ့ပုံကတော့ ဆိုင်ဘာ အင်တာနက် ထိန်းချုပ်မှုမှာ ပုဂ္ဂလိကအခန်းကဏ္ဍကို လျှော့ချပြီး အစိုးရတခုချင်းစီကို လုပ်ပိုင်ခွင့်အာဏာ ပိုပေးဖို့ဖြစ်ပါတယ်။

တကမ္ဘာလုံးကနိုင်ငံတွေဟာ ဆိုင်ဘာ တိုက်ခိုက်မှုတွေအပေါ် ပိုပြီး စိုးရိမ်လာကြတဲ့အကြောင်း၊ ဆိုင်ဘာလောကဟာ တရား ဥပဒေမဲ့လောက မဖြစ်သင့်တဲ့အကြောင်း တရုတ်နိုင်ငံခြားရေးဌာန၊ ဆိုင်ဘာရေးရာဌာနခွဲရဲ့ လုပ်ငန်းညှိနှိုင်းရေးမှူး Long Zhou ကပြောပါတယ်။

ဒီကိစ္စနဲ့ပတ်သက်ပြီး တရုတ်နိုင်ငံရဲ့ ပထမဆုံး မူဝါဒရေးရာစာတမ်းဖြစ်တဲ့ ဆိုင်ဘာလောကဆိုင်ရာ ပူးပေါင်းဆောင်ရွက်ရေး နိုင်ငံ တကာမဟာဗျူဟာဆိုတာကို ပြီးခဲ့တဲ့သီတင်းပတ်ကပဲ တရုတ်နိုင်ငံက ထုတ်ပြန်ထားပါတယ်။

ဗွီအိုအေ (မြန်မာပိုင်း)
http://burmese.voanews.com


အီမန်အာမက် လောလောဆယ် ပေါင် ၂၀၀ ကျော် လျော့သွားခဲ့ပြီ။
ကမ္ဘာ ပေါ်မှာ ကိုယ် အလေးချိန် အများဆုံး ရှိသူလို့ ယူဆ ထားကြတဲ့ အီဂျစ် နိုင်ငံသူ အမျိုးသမီးကို၊ အိန္ဒိယ နိုင်ငံမှာ ဝိတ်ကျသွားအောင် ဆရာဝန်တွေက ခွဲစိတ်ခန်းထဲ ပြုလုပ် ပေးခဲ့ကြပါတယ်။

အသက် ၃၆ နှစ် အရွယ်၊ Eman Ahmed Abd El Aty လို့ ခေါ်တဲ့ အီဂျစ် နိုင်ငံသူ အမျိုးသမီးဟာ ဝိတ်ကျသွားအောင် ခွဲစိတ်တာ ခံယူဖို့ အိန္ဒိယ နိုင်ငံကို ပြီးခဲ့တဲ့ ဇန်နဝါရီလ ကတည်းက ရောက်လာခဲ့တာပါ။

အခုတော့ မွန်ဘိုင်းမြို့တော်က Saifee ဆိုတဲ့ ဆေးရုံမှာ Bariatric ဘယ်ရီယားထရစ် ခွဲစိတ် ကုထုံးလို့ခေါ်တဲ့ ဝိတ်လျှော့ ခွဲစိတ်နည်းနဲ့ ခွဲစိတ် ပေးခဲ့လို့၊ ပေါင် တစ်ထောင့်တစ်ရာကျော် ကိုယ် အလေးချိန် ရှိတဲ့ အခြေအနေကနေ လောလောဆယ် မှာတော့ ပေါင် ၂၂ဝ ကျသွား ခဲ့တယ်လို့ ဆေးရုံ တာဝန် ရှိသူက ပြောပါတယ်။

Eman Ahmed ကို ကုသ ပေးခဲ့တဲ့ ဘယ်ရီယားထရစ် ခွဲစိတ်ကုထုံးဟာ အသက်အန္တရာယ် ထိခိုက်လောက်အောင် အဝလွန် ရောဂါ ဖြစ်နေသူတွေကို ကုသတဲ့ အခါ၊ မလွှဲသာတဲ့ အဆုံး နောက်ဆုံး ရွေးချယ်ရတဲ့ နည်းပါ။

ဘယ်ရီယားထရစ် ကုထုံးကတော့ အစာအိမ်ရဲ့ အစိတ်အပိုင်း တော်တော်များများကို ဖယ်ရှား ပစ်လိုက် တာပါ။ လူတစ်ယောက် စားသောက်နိုင်မယ့် ပမာဏကို ကန့်သတ် ပစ်လိုက်တာ ဖြစ်ပါတယ်။

ခုလို အစာအိမ်ကို သေးသွားအောင် လုပ်လိုက်တဲ့ အခါ၊ Eman Ahmed အနေနဲ့ အစာကို နည်းနည်း စားရုံနဲ့ ဗိုက်ပြည့်ပြီး တင်းတိမ် သွားမှာ ဖြစ်ပါတယ်။

ဒါ့ကြောင့် ကိုယ် အလေးချိန် ဆက်ပြီး ကျဆင်းလာဖို့ မျှော်လင့်ပြီး ခွဲစိတ် ခဲ့ကြတာပါ။

အခုလို ခွဲစိတ် ခဲ့ပြီး နောက်မှာလည်း Eman Ahmed တစ်ယောက် အီဂျစ်ကို ချက်ခြင်း ပြန်နိုင်လောက်အောင် အထိ နလံ မထသေးပါဘူး။ အဝလွန် ရောဂါရဲ့ နောက်ဆက်တွဲ ဖြစ်လာတဲ့ တခြား ကျန်းမာရေး ဆိုင်ရာ ပြဿနာတွေကို ဆရာဝန်တွေက ကုသ ပေးနေရ ပါတယ်။

Eman Ahmed ဟာ မွေးစက ၁၁ ပေါင် ရှိပြီး သူလိုငါလို ကလေးငယ် တစ်ယောက်ပါပဲ။

ဒါပေမယ့် ၁၁ နှစ် သမီးက စလို့ ကိုယ် အလေးချိန် တရှိန်ထိုး မြင့်တက် လာတာမှာ၊ ပြီးခဲ့တဲ့ ၂၅ နှစ်လုံးလုံး အိပ်ရာပေါ်မှာပဲ နေခဲ့ ရပြီး၊ ကိုယ် အလေးချိန်နဲ့ ဆက်စပ်ပြီး သိုင်းရိုက် ပြဿနာ၊ နှလုံး ပြဿနာတွေ ပါ ခံစား ခဲ့ရပါတယ်။

ဘယ်ရီယားထရစ် ခွဲစိတ်ကုထုံးမှာ နာမည်ရတဲ့ အိန္ဒိယ ဆရာဝန် ဒေါက်တာ Muffazal Lakdawala က ဦးဆောင်ပြီး သူ့ကို ကုသပေးမယ် ဆိုတော့၊ ပထမတော့ ကိုင်ရိုမှာ ရှိတဲ့ အိန္ဒိယ သံရုံးက ဗီဇာ ထုတ်မပေးပဲ ငြင်းခဲ့ပါတယ်။

ဒီလောက် ကိုယ် အလေးချိန်နဲ့ Eman Ahmed တစ်ယောက် ခရီးသွား နိုင်မှာ မဟုတ်ဘူး ဆိုတဲ့ အကြောင်း ပြချက်နဲ့ပါ။

နောက်တော့ ဒေါက်တာ Lakdawala ကပဲ အိန္ဒိယ နိုင်ငံခြားရေး ဝန်ကြီး ဆီ ဆက်သွယ် အကူအညီ တောင်းခဲ့ရပါတယ်။

ခုတော့ ရည်မှန်း ထားသလိုတော့ ခွဲစိတ် ခဲ့ပြီးပါပြီ။

Eman Ahmed တစ်ယောက် ကိုယ့်အိမ်ကိုယ် ပြန်နိုင်ဖို့ အမြန်ဆုံး ကြံ့ခိုင်လာပြီး၊ နောက် လာမယ့် လတွေ ထဲမှာလည်း ကိုယ် အလေးချိန် ဆက်လက် ကျဆင်းလာမယ်လို့ ကုသ ပေးခဲ့တဲ့ ဆရာဝန်ကြီးတွေက မျှော်လင့် နေကြပါတယ်။

BBC Burmese
http://www.bbc.com/burmese



လှိုင်သာယာ စက်မှုဇုန် (၄) Myanmar Mayson Industry Co.ltd စက်ရုံအလုပ်သမားတွေ ဆန္ဒပြနေကြစဉ်။ Photo : Zaw Lin Khine
ရန်ကုန်တိုင်းဒေသကြီး၊ လှိုင်သာယာစက်မှုဇုန် (၄) မှာရှိတဲ့ Good Morning အမှတ်တံဆိပ် ပေါင်မုန့်နဲ့ ကိတ်မုန့်ထုတ်လုပ်တဲ့ Myanmar Mayson Industry Co.ltd က စက်ရုံလုပ်သား ၂၀၀ နီးပါးကို မနေ့က အလုပ်ရှင်က အလုပ်ရပ်နားတဲ့အပေါ် မကျေနပ်တာကြောင့် အလုပ်သမား ၄၀၀ ခန့်က ဒီနေ့ စက်ရုံရှေ့မှာ ဆန္ဒထုတ်ဖော်နေကြပါတယ်။

ကုန်ပစ္စည်းထုတ်လုပ်ဖို့အတွက် Auto Machine တွေအသုံးပြုတော့မှာ ဖြစ်တာကြောင့် အလုပ်သမားတွေကို အလုပ်ရပ်နားတာ ဖြစ်တယ်လို့သိရကြောင်း ဆန္ဒပြရာမှာပါဝင်တဲ့ Myanmar Mayson အခြေခံအလုပ်သမား အဖွဲ့အစည်း ဥက္ကဌ ကိုဇော်လင်းခိုင်က ပြောပါတယ်။

"စက်ရုံအခြေအနေအရ လောလောဆယ်က စက်ရုံက ၃ ရုံဆိုတော့ ကျန်တဲ့ ၂ ရုံမှာက auto machine တွေ တပ်ပြီးလည်တာကိုး။ လည်တော့ ကျနော်တို့ဆီက manual နဲ့သွားနေတဲ့ လက်နဲ့လုပ်တဲ့ လူအကုန်လုံးကို auto machine ပြောင်းတယ်ဆိုတဲ့ အကြောင်းပြချက်ပြပြီးတော့ ဖြုတ်တာပဲ။ ချက်ခြင်းပြောပြီး ချက်ခြင်း ထုတ်တာပဲဗျ။ ကျန်တာဘာမှ အစီစဉ်မရှိပါဘူး။ ဥပဒေပါအတိုင်း ကျနော်တို့ ညှိနှိုင်းဖို့ ကြိုးစားကြည့်တယ်။ ဒါပေမဲ့ အလုပ်ရှင်က လုံးဝလက်မခံဘဲ ကျနော်တို့ကို ဥပဒေဘောင်ကျော်ပြီး သူတို့ဘက်က စလုပ်ခဲ့တာပဲ"

အလုပ်ရှင်ဘက်က နစ်နာကြေးပေးမယ်လို့ ပြောပေမယ့် အလုပ်သမားတွေက နစ်နာကြေးရယူလိုတာ မဟုတ်ဘဲ လုပ်ငန်းခွင်တည်မြဲရေးအတွက်ကိုသာ အဓိကထား တောင်းဆိုသွားမယ်လို့ ပြောပါတယ်။

စက်ပစ္စည်းတွေတိုးလိုက်တာကြောင့် အလုပ်သမားတွေလျော့လိုက်တာဖြစ်ပြီး ဥပဒေအတိုင်း ဆောင်ရွက်ပေးသွား မှာ ဖြစ်တယ်လို့ Myanmar Mayson Industry Co.ltd ရဲ့ လက်ထောက်အထွေထွေမန်နေဂျာ ဦးဆန်းလင်း က ပြောပါတယ်။

"ကျနော်တို့ အော်ပရေးရှင်းနဲ့ပဲဆိုင်တယ်။ ကျနော်တို့က မုန့်လုပ်ငန်းဖြစ်တော့ စက်နဲ့လုပ်တာ။ စက်တွေ တိုး လိုက်တဲ့အတွက် ကျနော်တို့က လူအင်အားလျော့သွားတာ။ အများကြီး မလျော့ပါဘူး။ ၁၈၄ ယောက်ပါ အမှန်တော့ ကျနော်တို့က အဲစက်ရုံက ၉၀၀ ကျော်ရှိတဲ့အနက်မှ ၁၈၉ ယောက်ပဲ လျော့တာပါ။ ဥပဒေပါတဲ့ အတိုင်း ကျနော်တို့ အားလုံးဆောင်ရွက်ပေးမှာပါ"

အလုပ်သမားတွေအနေနဲ့ အခြေခံလစာ တစ်သိန်းရှစ်ထောင်ဝန်းကျင် ရရှိကြတာဖြစ်တဲ့အတွက် နစ်နာကြေး ယူမယ်ဆိုရင် လုပ်သက် ၃ နှစ်ခန့် အလုပ်သမားတွေအနေနဲ့ ၃သိန်းခန့် ရရှိမှာဖြစ်ပြီး လုပ်သက် ၁၉ နှစ်ခန့် အလုပ်သမားတွေအနေနဲ့  ၁၅ သိန်းဝန်းကျင် ရရှိမှာဖြစ်တယ်လို့ ပြောပါတယ်။

အလုပ်ရပ်နားခံရတဲ့ အလုပ်သမားတွေထဲမှာ ၁ နှစ်ကနေ ၁၉ နှစ်အထိ လုပ်သက်ရှိတဲ့ အလုပ်သမားတွေပါဝင်ပြီး အစိုးရဘက်က ညှိနှိုင်းပေးတဲ့အထိ စက်ရုံရှေ့မှာ သပိတ်စခန်းဖွင့် ဆန္ဒထုတ်ဖော်သွားမှာ ဖြစ်တယ်လို့ ပြော ပါတယ်။

ဒီနေ့မှာ အလုပ်သမားကိုယ်စားလှယ်တွေနဲ့ အလုပ်ရှင်ကိုယ်စားလှယ်တွေ တွေ့ဆုံညှိနှိုင်းပေမယ့် မပြေလည်ခဲ့ ဘူးလို့လည်း အလုပ်သမားတွေကပြောပါတယ်။

RFA Burmese
http://www.rfa.org/burmese



ကွာလာလမ်ပူက မြောက်ကိုရီးယားသံရုံးကို ရဲတွေက စောင့်ကြည့်
မလေးရှားဟာ မြောက်ကိုရီးယားနဲ့ သံတမန်အဆက်အသွယ်ဖြတ်မှာ မဟုတ်ဘူးလို့ ဝန်ကြီးချုပ် နာဂျစ်ရာဇက်က ပြောလိုက်ပါတယ်။

မြောက်ကိုရီးယားခေါင်းဆောင်ရဲ့ အစ်ကို မလေးရှားလေဆိပ်မှာ အသတ်ခံခဲ့ရပြီးတဲ့နောက် ဖြစ်လာခဲ့တဲ့ တင်းမာမှုတွေကို ဖြေရှင်းဖို့ မြောက်ကိုရီးယားနဲ့ ဆက်ပြီး ဆက်ဆံနေရမယ်လို့ နာဂျစ်ရာဇက်က ဆိုပါတယ်။

မြောက်ကိုရီးယားက သူ့နိုင်ငံထဲမှာ ရှိနေတဲ့ မလေးရှားနိုင်ငံသား ၉ ယောက်လောက်ကို နိုင်ငံထဲက ထွက်ခွာခွင့် ပိတ်ထားပါတယ်။ ဒါပေမယ့် ကုလသမဂ္ဂစားနယ်ရိက္ခာအစီအစဉ်မှာ လုပ်နေတဲ့ မလေးရှားလူမျိုး နှစ်ယောက်ကိုတော့ ထွက်ခွာခွင့် ပြုခဲ့ပါတယ်။

မလေးရှားကလည်း ကွာလာလမ်ပူမှာရှိတဲ့ မြောက်ကိုရီးယားသံရုံးကို အပြင်က ဝိုင်းရံပိတ်ဆို့ ထားပြီး အထဲမှာ လူသတ်မှုနဲ့ သံသယရှိခံနေရသူ သုံးဦး ခိုလှုံနေတယ်လို့ ယူဆရပါတယ်။ အဲဒီလူတွေကို လွှဲပြောင်းပေးဖို့ မလေးရှားကတောင်းဆိုထားပြီး ဘယ်လောက်စောင့်ရစောင့်ရ အပြင်ထွက်လာရင် ဖမ်းမယ်လို့ မလေးရှားရဲတွေက ပြောပါတယ်။

BBC Burmese
http://www.bbc.com/burmese



မြောက်ပိုင်းမဟာမိတ်အဖွဲ့ဝင် TNLA တပ်များ (TNLA News & Information Department)
မြန်မာတပ်မတော်နဲ့ လက်ရှိတိုက်ပွဲတွေ အပြင်းအထန်ဖြစ်နေတဲ့ MNDAA ကိုးကန့်တပ်အပါအ၀င် TNLA၊ AA စတဲ့ တိုင်းရင်းသားလက်နက်ကိုင်အဖွဲ့တွေ အနေနဲ့ လက်နက်ကိုင်လမ်းစဉ် စွန့်လွှတ်ကြောင်း ကြေညာပြီး ငြိမ်းချမ်းရေးလုပ်ငန်းစဉ်မှာ ပါဝင်လာရေး အစိုးရနဲ့ တပ်မတော်က စိတ်ရှည်သည်းခံပြီး ဆက်လက်ဆောင်ရွက်သွားမယ်လို့ ကာကွယ်ရေးဦးစီးချုပ်ရုံးက သဘောထားကြေညာချက်ထုတ်ပြန်ထားပါတယ်။

လက်ရှိတိုက်ပွဲတွေနဲ့ပတ်သက်လို့ မတ်လ (၆)ရက်နေ့က ထုတ်ပြန်ခဲ့တဲ့ တပ်မတော်ရဲ့ ကြေညာချက်အပေါ်မှာ မြောက်ပိုင်းမဟာမိတ်အဖွဲ့ရဲ့ တုံ့ပြန်ချက်သိရအောင် မြောက်ပိုင်းမဟာမိတ်အဖွဲ့ရဲ့ ပြောခွင့်ရသူလည်းဖြစ် TNLA တအာင်းပလောင်တပ် အထွေထွေ အတွင်းရေးမှူး ဗိုလ်မှူးချုပ် တာဘုန်းကျော်ကို မအင်ကြင်းနိုင်က ဆက်သွယ်မေးမြန်းတဲ့အခါ သူက အခုလို စပြောပါတယ်။

“ ကျနော်တို့ကိုပဲ ခွဲခြားပြီးတော့မှ လက်နက်စွန့်ရမယ်၊ လက်နက်အပ်ရမယ်ဆိုတဲ့ကတိပေးမှ အခုပြောနေတဲ့ ဘာမှသေချာမှုမရှိသေးတဲ့ သူတို့ငြိမ်းချမ်းရေးဖြစ်စဉ်ထဲမှာ ပါလို့ရမယ်လို့ ပြောနေတာက ဒါက မြန်မာတပ်မတော်ရဲ့ ငြိမ်းချမ်းရေးကို တကယ်လိုလားတဲ့ ဆန္ဒ၊ တန်းတူညီမျှမှုမရှိဘူးလို့ ကျနော်တို့ မြင်တယ်။

မေး။ ။အဲဒီထုတ်ပြန်ချက်ထဲမှာပါတဲ့ တပ်မတော်က သူတို့ ကိုင်စွဲထားတဲ့ ငြိမ်းချမ်းရေးမူဝါဒ ၆ ရပ်ကရော တကယ်ပဲ အလုပ်ဖြစ်မယ်လို့ ထင်ပါသလား။

ဖြေ။ ။ မြန်မာ့တပ်မတော်က သူတို့ ငြိမ်းချမ်းရေးမူဝါဒ ၆ ရပ်နဲ့ပဲလုပ်မယ်ဆိုရင်တော့ မြန်မာနိုင်ငံဟာ ပြည်တွင်းစစ်ကိုမရပ်နိုင်ဘူး။ ဘယ်လိုမှ ပြည်ထောင်စု တိုင်းရင်းသားညီညွှတ်ရေးတွေလုပ်ပြီးတော့မှ ဆောင်ရွက်နိုင်မယ့် ခြေလှမ်းမဟုတ်ဘူးလို့ ကျနော်တို့ မြင်ပါတယ်။ ပြည်တွင်းစစ်ကို ရပ်ပြီးတော့ တကယ်ငြိမ်းချမ်းရေး ရဖို့ဆိုရင်တော့ မြန်မာ့တပ်မတော်အနေနဲ့ လက်ရှိအစိုးရရဲ့ မူဝါဒ၊ လက်ရှိအစိုးရအောက်မှာနေပြီးတော့ ငြိမ်းချမ်းရေးကိစ္စတွေဆောင်ရွက်ဖို့ ကျနော်တို့ မြင်ပါတယ်။

မေး။ ။တပ်မတော်ရဲ့ထုတ်ပြန်ချက်မှာ မတ်လ (၆)ရက်နေ့ကMNDAA ကိုးကန့်တပ် တွေကနေ နေရာပေါင်း ၇ နေရာကို တပြိုင်နက်ထဲ ၀င်ရောက်တိုက်ခိုက်ခဲ့တယ်လို့ပြောပါတယ်၊ ဒါက တကယ်ပဲ အနိုင်တိုက်နိုင်မယ်လို့ ထင်လို့ ၀င်တိုက်တာပါလား။

ဖြေ။ ။ ကျနော်တို့ကို မြန်မာ့တပ်မတော်ရဲ့ထုတ်ပြန်ချက်မှာလည်းပြထားပါတယ်။ ပြီးခဲ့တဲ့ ဒီဇင်ဘာလက ကိုးကန့်ရဲ့ တပ်မဟာ ၂၁၁ ဒီလောက်ကိုင်ရဲ့ အပေါ်ဘက် မိုင်၂၀ လောက်ကွာတဲ့နေရာမှာ ကျနော်တို့ကို အပြင်းအထန်ထိုးစစ်ဆင်နေတယ်၊ အဲဒီမှာ ရွာသားတွေအကုန်လုံးပြေးနေရပြီ လက်နက်ကြီးတွေ ၁၁၀၊ ၁၀၅ ပြီးတော့ လေကြောင်စစ်ဆင်ရေးတွေလည်းတောက်လျှောက် ၁ လကျော်ကျော် အပြင်းအထန်ချနေတာ၊ ဘယ်သူမှ ဘာမှ မသိကြဘူး ကျနော်တို့က စစ်ဒဏ်ကို အလူးအလှိမ့်ခံနေရတယ်။ ဒါကြောင့် ကျနော်တို့က အခုစစ်ဆင်ရေးကို ဆောင်ရွက်နေခြင်းဖြစ်ပါတယ်။

မေး။ ။အဲဒီတော့ ဒီတိုင်းရင်းသားပြည်သူတွေပါ စစ်ဘေးဒုက္ခခံနေရတော့ မြောက်ပိုင်းမဟာမိတ်အဖွဲ့တွေပေါ့နော် ဗိုလ်မှူးတို့ဘက်မှာရော တာဝန်ရှိတယ်လို့ မထင်ဘူးလားရှင့်။

ဖြေ။ ။ တိုက်ပွဲဖြစ်ကြပြီဆိုတော့ ၂ ဘက်စလုံးမှာ တာဝန်ရှိပါတယ်။ ကျနော်တို့လည်း ဒေသခံပြည်သူလူထုတွေကို အတတ်နိုင်ဆုံးတော့ ဘေးကင်းဖြစ်အောင် အတတ်နိုင်ဆုံးကြိုးစားကြတယ်။ ကျနော်တို့လည်း လူထုအတွက်အများကြီး စိတ်မကောင်းဖြစ်တယ်။ ဒါပေမယ့် အခုက အတတ်နိုင်ဆုံး အငြိမ်းချမ်းဆုံးနည်းလမ်းနဲ့ ဖြေရှင်းလို့မရတဲ့အနေအထားမှာ ဖြစ်နေပါတယ်။

မေး။ ။ အခုအခြေအနေက တော်တော်လေးဆိုးနေတယ်ပေါ့နော် မြန်မာစစ်တပ်ကလည်း ထိုးစစ်တွေနဲ့ အပြင်းအထန်ပြန်တိုက်နေတယ်။ အခု ဗိုလ်မှူးတို့ ရည်ရွယ်ထားတဲ့ ၂ဘက် တွေ့ဆုံဆွေးနွေးရေး၊ နိုင်ငံရေးအရ ဆွေးနွေးရေးကလည်း ဖြစ်မလာသေးဘူး ဒီလိုတိုက်ပွဲတွေလိုမဟုတ်ပဲနဲ့ တခြားလမ်းကြောင်းရောမရှိဘူးလား ။

ဖြေ။ ။ နံပတ်၁ ပြောချင်တာက NCA ကျနော်တို့ နဂိုက ဆွေးနွေးတဲ့ NCA က တကယ့်အပစ်အခတ်ရပ်စဲဖို့ ။ ဒါပေမယ့် ဒီ NCA ကို မြန်မာ့တပ်မတော်က ပြုပြင်ပြောင်းလဲလိုက်တဲ့ NCA အရ NCA ထိုးခဲ့တဲ့ အဖွဲ့တွေတောင်မှ မြန်မာ့တပ်မတော်က တိုက်ပွဲတွေဖြစ်နေတာ။ NCA က တကယ့်လက်တွေ့ စစ်ပွဲတွေ ရပ်အောင် လုပ်နိုင်တဲ့ NCAမဟုတ်ဘူး ဒါကြောင့် ကျနော်တို့မြင်တာက တကယ့်တိုက်ပွဲ့ ဖြစ်နေတဲ့အဖွဲ့အစည်းတွေနဲ့ လက်ရှိအစိုးရနဲ့ မြန်မာ့တပ်မတော်ကလည်း လက်ရှိအစိုးရစကားကို နားထောင်ပြီးတော့ လက်ရှိအခြေအနေကို ဆွေးနွေးပြီးမှ အပစ်ရပ်ဖို့လိုပါတယ်။ ဒါက ကျနော်တို့ပြောနေတဲ့ ပန်ခမ်းထိပ်သီးညီလာခံကနေ ကျနော်တို့ပြောနေတဲ့ လမ်းကြောင်းအသစ်ကို ရှာဖို့လိုတယ်။ အခု NCAက အလုပ်မဖြစ်တော့ဘူး။ ဒီလိုအလုပ်မဖြစ်တာကလည်း မြန်မာ့တပ်မတော်ရဲ့ မူ သဘောထားတွေကြောင့်ဖြစ်ပါတယ်။ နောက်တချက်ကျတော့ ကျနေ်ာတို့က တွေ့ဆုံချင်တယ် ၊ ဆွေးနွေးချင်တယ်။ အရင်တုန်းကဆိုကျနော်တို့ ဒီ NCAထိုးနိုင်တယ်လို့ ကျနော်တို့ပြောပေမယ့်လည်း မြန်မာ့တပ်မတော်က ကျနော်တို့ကို လက်နက်ချမှ လက်နက်အပ်မယ်လို့ ကတိပေးမှသာလျှင် ပါလို့ရမယ်လို့ပြောတယ်။ ဟိုတနေ့တုန်းက ဗိုလ်ချုပ်မြတ်ထွန်းဦးပြောတာအရဆိုရင် ကျနော်တို့ကို ဘယ်အဆင့်မှ ပေးမပါနိုင်ဘူး ဆွေးနွေးပွဲမှာတောင်မှ မပါနိုင်ဘူး၊ ငြိမ်းချမ်းရေးဖြစ်စဉ်ထဲမှာမပါနိုင်ဘူးလို့ ယတိပြတ်ပြောလိုက်ပြီးသား။ အဲဒါပြောလိုက်တဲ့ တပြိုက်နက်တည်းမှာလည်း ကျနော်တို့ ထိုးစစ်တွေဆင်နေတယ်၊ ကျနော်တို့က ဘာမှ လုပ်လို့မရတော့ ကျနော်တို့က ဒီလိုပဲ မြန်မာ့တပ်မတော်ရဲ့ ထိုးစစ်ကို ကျနော်တို့က အလူးအလှိမ့်ခံနေရတာပါ။ ကျနော်တို့လည်း မတတ်နိုင်ဆုံး ကျနော်တို့က အခုလို စစ်ရေးလှုပ်ရှားမှုတွေပြန်လုပ်ရတာ ဖြစ်ပါတယ်။

မေး။ ။ တရုတ်အစိုးရက မကြာသေးခင်ရက်ပိုင်းက သူတို့ သတင်းစာရှင်းလင်းပွဲမှာ အခု တရုတ်မြန်မာနယ်စပ်မှာ ဖြစ်နေတဲ့ တိုက်ပွဲအခြေအနေကိုပြောသွားတယ်။ အဲဒါကို ချက်ချင်းရပ်ပြီးတော့ အပစ်ရပ်စဲရေးအတွက် ဆွေးနွေးကြပါလို့ သူတို့ဘက်က တိုက်တွန်းထားပါတယ်။ ဒီအပေါ်မှာရော ဒီမြောက်ပိုင်းမဟာမိတ်သဘောထားကရော ဘယ်လိုရှိပါသလဲရှင့်။

ဖြေ။ ။ ဟုတ်ကဲ့ပါ ကျနော်တို့မြင်တာကတော့ တရုတ်အစိုးရအနေနဲ့ ဒီထက်ပိုပြီးတော့မှ ထိထိရောက်ရောက်ပြောဖို့လိုတယ်လို့ ၊ လုပ်လည်းလုပ်ဖို့လိုတယ်လို့ ကျနော်တို့အနေနဲ့ မြင်ပါတယ်။ ဘာဖြစ်လို့လဲဆိုတော့ အခုတိုက်ပွဲတွေက တောက်လျှောက်ပစ်နေတဲ့ လက်နက်ကြီးတွေဆိုရင် တရုတ်ဘက်ကို ကျပါတယ်။ မနေ့ကလည်း တော်တော်များများကျပါတယ်၊ ဒါတရုတ်လူထုအတွက်လည်း တော်တော်အန္တရာယ်များပါတယ်။”

မြောက်ပိုင်းမဟာမိတ်အဖွဲ့ရဲ့ ပြောခွင့်ရသူလည်းဖြစ် TNLA တအာင်းပလောင်တပ် အထွေထွေ အတွင်းရေးမှူး ဗိုလ်မှူးချုပ် တာဘုန်းကျော်ကို မအင်ကြင်းနိုင်က ဆက်သွယ်မေးမြန်းခဲ့တာဖြစ်ပါတယ်။

 အင်ကြင်းနိုင်  / ဗွီအိုအေ (မြန်မာပိုင်း)
http://burmese.voanews.com



မန္တလေးတိုင်းဒေသကြီး ကျောက်ဆည်မြို့နယ် ကင်းကျေးရွာ ပေါင်လောင်ကြီးကျေးရွာ ခတက္ကကုန်းကျေးရွာနဲ့ ကျားကာကျေးရွာ လေပြင်းဘေး ကြိုတင်ကာကွယ်ရေးအတွက် ကွင်းဆင်းဆောင်ရွက်နေကြစဉ်။ Photo: Rrd Mandalay
မတ်၊ ဧပြီနဲ့ မေလတွေမှာ လေပြင်းတိုက်ခတ်မှု ဖြစ်ပွားရင် ပျက်စီးဆုံးရှုံးမှု လျော့နည်းစေဖို့အတွက်  မန္တလေးတိုင်းဒေသကြီးအတွင်းက မြို့နယ် ၆ မြို့နယ်မှာ ကြိုတင်ပြင်ဆင်မှုတွေ စတင်ဆောင်ရွက်နေပြီလို့ မန္တလေးတိုင်းဒေသကြီး ကယ်ဆယ်ရေးနှင့် ပြန်လည်နေရာချထားရေး ဦးစီးဌာနတာဝန်ရှိသူကပြောပါတယ်။

မိုးသီးဒဏ် လေပြင်းဒဏ်ခံနိုင်တာမျိုးရှိမရှိ စစ်တမ်းကောက်ယူပြီး ဆင်းရဲနွမ်းပါးတဲ့ အိမ်တွေမှာ အမိုးမလုံတာတွေကို အမိုးမိုးပေးတာ၊ ပြုပြင်ပေးတာတွေကို မန္တလေးတိုင်းဒေသကြီးတွင်းက မြင်းခြံ၊ မြစ်သား၊ကျောက်ဆည်၊ ရမည်းသင်း၊ ၀မ်းတွင်း၊ စဥ့်ကိုင် စတဲ့ ၆ မြို့နယ်မှာ ဆောင်ရွက်နေတယ်လို့ မန္တလေးတိုင်းဒေသကြီး ကယ်ဆယ်ရေး နှင့် ပြန်လည်နေရာချထားရေးဦးစီးဌာန ဦးစီးမှူး ဦးသန်းထွဋ်ဆွေ ကပြောပါတယ်။

"မန္တလေးတိုင်းအတွင်းမှာ  ပြီးခဲ့တဲ့ ၅ နှစ်က အဖြစ်များတဲ့ မြို့နယ် ၆ မြို့နယ်ကို ရွေးထုတ်လိုက်တယ်၊ လေပြင်း တိုက်လာပြီ အမိုးတွေလန် မိုးသီးတွေကြွေလို့ လူတွေ တိရိစ္ဆာန်တွေ သေကြေမှုက လျော့ပါးအောင် ကြိုတင်ပြင် ဆင်မှုတွေ စလုပ်နေပြီ၊ မြင်းခြံမှာ အမိုးမိုးတာပြီးသွားပြီ၊ မြစ်သားမှာမနက်ဖြန်စပါမယ်"

ဒီလကုန်မှာအပြီး ဆောင်ရွက်ပေးသွားမှာ ဖြစ်ပြီး ပြည်ထောင်စုက ချပေးထားတဲ့ ဘတ်ဂျတ် ကျပ်သိန်းပေါင်း ၃၈၀ အသုံးပြုပြီး တိုင်းဒေသကြီးအစိုးရအဖွဲ့က ကြီးကြပ်ပြီး အရပ်ဘက်လူမှုအဖွဲ့အစည်းတွေနဲ့ ပူးပေါင်းပြီး လေပြင်းဒဏ် ကြိုတင်ကာကွယ်ရေး လုပ်ငန်းတွေ လိုက်လံဆောင်ရွက်နေတယ်လို့ ဦးသန်းထွဋ်ဆွေ ကပြောပါတယ်။

မတ်၊ ဧပြီနဲ့ မေလတွေမှာ  လေပြင်းတိုက်ခတ်မှု ဖြစ်ပွားနိုင်တာကြောင့် ပြည်သူတွေအနေနဲ့ နေအိမ်အဆောက်အဦး ကြံ့ခိုင်မှုကို စစ်ဆေးဖို့၊ အိမ်အနီးကျိုးကျနိုင်တဲ့ သစ်ပင်သစ်ကိုင်းတွေကို ခုတ်ထွင်ရှင်းလင်းထားဖို့၊ လေပြင်းတိုက် ခတ်တာ မိုးကြိုးပစ်တာ မိုးသီးကြွေတာတွေ ဖြစ်လာရင် လယ်ကွင်း၊ ကွင်းပြင်ထဲနေထိုင်တာတွေကို အတတ်နိုင် ဆုံးရှောင်ရှားဖို့အတွက် လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနက ပြီးခဲ့တဲ့လကုန်က စပြီး အသိပေးကြေညာထားပါတယ်။

RFA Burmese
http://www.rfa.org/burmese


နိုင်ငံတကာ လွတ်ငြိမ်းချမ်းသာခွင့် အဖွဲ့ (Amnesty International) အတွက် သုတေသန လုပ်ပေးနေတဲ့ စီစီလျာ အိုလီဗီယာ ဟာ ဘရာဇီးနိုင်ငံ မြို့တော် ရီယိုဒီဂျနဲရိုးမှာ သေနတ်ပစ်မှု တွေ အတွက် စိတ်ချရတဲ့ အချက်အလက် ရှာဖွေ ခဲ့ပေမယ့် အစိုးရရဲ့ တရားဝင် စာရင်းဇယားမရှိလို့ အရေအတွက်အတိအကျ မသိနိုင်ခဲ့ပါဘူး။

ဒါကြောင့် သူဟာ ဖိုဂိုခရူဇာဒို လို့ ပေါ်တူဂီလို ပစ်မှတ်လွဲ သေနတ်ပစ်ခတ်မှု အမည်ရတဲ့ မိုဘိုးလ် App တခုကို ဖန်တီးနိုင်ဖို့ ကူညီခဲ့ပါတယ်။ ရီယို မြို့သူ မြို့သားတွေ အနေနဲ့ ဒီ App ကို အသုံးပြုပြီး မိမိဝန်းကျင်က သေနတ်ပစ်ခတ်မှုတွေကို လက်ကိုင် မိုဘိုလ်း ဖုန်းကတဆင့် မှတ်တမ်းတင် သတင်းပေးပို့နိုင်ပါတယ်။


လူသန်းချီ နေတဲ့ မြို့တော်မှာ မနှစ် ဇူလိုင်လ စတင် ချိန်ကနေ ဒီနှစ် ဇန်နဝါရီလ အတွင်း ဒီ App ကတဆင့် သတင်းပို့တဲ့ သေနတ်ပစ်ခတ်မှု အရေအတွက်က ကြောက်စရာ ကောင်းလှပါတယ်။

စုစုပေါင်း ၂,၅၁၇ မှု မှတ်တမ်းတင်နိုင်ခဲ့ပြီး ဒါဟာ ပျမ်းမျှ ၁ ရက်ကို ပစ်ခတ်မှု ၁၄ ကြိမ် နီးပါး ဖြစ်ပွားနေတဲ့ သဘောပါ။ ဒီ ပစ်ခတ်မှုတွေမှာ လူ ၅၃၉ ယောက် သေဆုံးပြီး ၅၇၀ ယောက် ထိခိုက်ဒဏ်ရာ ရကြောင်းလည်း တွေ့ရှိရပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese/


မလေးရှားရှိ မြောက်ကိုရီးယားသံရုံး
မြောက်ကိုရီးယားနဲ့ သံတမန်ဆက်ဆံရေး ဖြတ်တောက်မယ့် အလားအလာကို မလေးရှားဝန်ကြီးချုပ် Najib Razak က ဗုဒ္ဓဟူးနေ့ မှာပယ်ချပြီး သံတမန်ရေးတင်းမာမှု အရှိန်မြင့်လာနေတာကို ဖြေရှင်းရေး စေ့စပ်ညှိနှိုင်းဖို့ သူ့အစိုးရအနေနဲ့ ကြိုးစားသွားမယ်လို့ ပြောပါတယ်။

မြောက်ကိုရီးယားခေါင်းဆောင်ရဲ့ အဖေတူအမေကွဲအကို ကွာလာလမ်ပူလေဆိပ်မှာ လုပ်ကြံခံရပြီး သေဆုံးသွားတဲ့ဖြစ်ရပ်နဲ့ ပတ်သက်ပြီး နှစ်နိုင်ငံကြားဆက်ဆံရေး ပိုပိုတင်းမာလာနေတာပါ။ သူတို့နိုင်ငံတွေထဲမှာရှိနေကြတဲ့ တဘက်နိုင်ငံသားတွေကို ထွက်ခွာခွင့်မပေးဘဲ အသီးသီး ပိတ်ပင်ထားပြီး မလေးရှားကတော့ သူတို့နိုင်ငံသားတွေဟာ ပြန်ပေးဆွဲခံထားရတယ်လို့ ဆိုပါတယ်။

မြောက်ကိုရီးယားမှာ မလေးရှားနိုင်ငံသား ၁၁ ယောက်ရှိနေတယ်လို့ မလေးရှားနိုင်ငံခြားရေးဌာနက ပြောပါတယ်။ အဲဒီထဲမှာ သံရုံးဝန်ထမ်းသုံးဦး၊ မိသားစုဝင်ခြောက်ဦးနဲ့ ကုလသမဂ္ဂ စားနပ်ရိက္ခာအစီအစဉ် WFP မှာ လုပ်ကိုင်နေသူနှစ်ဦးတို့ ပါဝင်ပါတယ်။

ဆက်သွယ်ရေးလမ်းကြောင်း ရနေတဲ့အတွက် လက်ရှိမှာ သံတမန်ဆက်ဆံရေး ဆက်ရှိနေတယ်လို့ ၀န်ကြီးချုပ် Razak ကပြော ပါတယ်။ စေ့စပ်ညှိနှိုင်းဖို့ နည်းလမ်းတွေရှိတာကြောင့် ဆက်ဆံရေးကို ဆက်ထိန်းထားရမှာဖြစ်ကြောင်း၊ အခုတော့ မြောက်ကိုရီး ယားအစိုးရက ဘာတွေလိုချင်တယ်ဆိုတာကို ဆန်းစစ်ရတော့မှာဖြစ်ကြောင်း မလေးရှားဝန်ကြီးချုပ်က ဆိုပါတယ်။

မြောက်ကိုရီးယားနဲ့ မလေးရှားတို့ကြားမှာ ထူးထူးခြားခြား ခိုင်မာတဲ့ဆက်ဆံရေး နှစ်ပေါင်းများစွာရှိထားတာပါ။ ဒါပေမဲ့ Kim Jong Nam ကို အမျိုးသမီးနှစ်ဦးက အဆိပ်နဲ့သုတ်ပြီး လုပ်ကြံခဲ့ပြီးကတည်းက ဆက်ဆံရေး တင်းမာနေတာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


တာချီလိတ် မတ် ၉

ရှမ်းပြည်နယ်(အရှေ့ပိုင်း)တာချီလိတ်မြို့၊ မယ်ခေါင်ရပ်ကွက်၌ မတ် ၈ ရက် ၊ ညနေပိုင်းက ငွေကျပ်သိန်း ပေါင်း ၁၅၆၅၀ ခန့် တန်ဖိုးရှိ မူးယစ်ဆေးဝါးများနှင့် ဆက်စပ်ပစ္စည်းများ ဖမ်းဆီးရမိကြောင်းသိရသည်။

 ဖြစ်စဉ်မှာ ခရိုင်ရဲတပ်ဖွဲ့မှူး ဒုတိယရဲမှူးကြီး ထိန်ဝင်း ၊ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့၊ တပ်ဖွဲ့စု(၃၀)တာချီလိတ်မှ ရဲမှူး စိုးနိုင် နှင့် တပ်ဖွဲ့ဝင်များပါဝင်သော ပူးပေါင်းအဖွဲ့သည် မူးယစ်ဆေးဝါးသတင်း အရ တာချီလိတ်မြို့၊ မယ်ခေါင်ရပ်ကွက်၊ အောင်မင်္ဂလာတိုက်တန်း(၈)ခန်းတွဲ၊ တတိယ အထပ်ရှိ အခန်းအမှတ်(၈) တွင် နေထိုင်သော ဒေါ်နန်းအွေ့ အခန်းအား ၀င်ရောက်ရှာဖွေရာမှ ဖမ်းဆီးရမိခြင်း ဖြစ်ကြောင်းသိရသည်။


 ထိုသို့ ဖမ်းဆီးရာတွင် WY စာတမ်းပါ နီညိုရောင်စိတ်ကြွဆေးပြား (၄၈၆၀၀၀)ပြား၊ အလေးချိန်(၄၈.၆)ကီလို၊ ဒေသတန်ဖိုးငွေကျပ်သိန်း(၇၂၉၀)သိန်းခန့်၊ စိတ်ကြွ ဆေးပြား ရိုက်နှိပ်ရန် အသင့်ရောစပ်ထားသည့် နီညိုရောင်အမှုန့် အလေးချိန်(၄၀)ကီလိုခန့်၊ ဒေသတန်ဖိုး ငွေကျပ်သိန်း(၆၀၀၀)ခန့်၊ စိတ်ကြွဆေးပြား ရိုက်နှိပ်ရန် အသင့်ရောစပ်ထားသည့် နီညိုရောင်အမှုန့်(အစို) အလေးချိန်(၁၁)ကီလိုခန့်၊ ဒေသတန်ဖိုးငွေကျပ်သိန်း (၁၆၅၀)ခန့်၊ မက်သာအက်ဖီတမင်း(အိုက်စ်) အဖြူရောင်ပုံဆောင်ခဲ အလေးချိန် (၂.၂၂)ကီလိုခန့်၊ ဒေသတန်ဖိုးငွေ ကျပ်(၅၅၅)သိန်းခန့်၊ ဆူဒိုအက်ဖီဒရင်းဆေးပြား အလေးချိန်(၃၁)ကီလိုခန့်၊ ဒေသတန်ဖိုးငွေကျပ်(၁၅၅)သိန်းခန့်၊ စိတ်ကြွ ဆေးပြားရိုက်နှိပ်သည့် မှို(၅၆)ချောင်း၊ ပုံစံသံကွင်း(၂၈)ခု တို့နှင့်အတူ SHN/……. နံပါတ်ပါ Mark II အမျိုးအစား မော်တော်ယာဉ်အဖြူရောင် တစ်စီးအား သိမ်းဆည်း ရမိကြောင်း သိရသည်။

 အဆိုပါ မူးယစ်ဆေးဝါးများနှင့်အတူ ဖမ်းဆီးရမိသည့် ဒေါ်နန်းအွေ့ အား တာချီလိတ်မြို့မရဲစခန်းတွင် အမှုဖွင့် အရေးယူဆောင်ရွက်ထားရှိကြောင်းသိရသည်။

သတင်း - ဓါတ်ပုံ ။ ။ တာချီလိတ် ခရိုင်ပြန်/ဆက်



လောက်ကိုင်ဒုက္ခသည်များ (ဖေဖော်ဝါရီလ ၂၀၁၅)
ရှမ်းပြည်နယ် ကိုးကန့်ကိုယ်ပိုင်အုပ်ချုပ်ခွင့်ရဒေသမှာ အခု သီတင်းပတ်အတွင်း တကျော့ပြန်ဖြစ်တဲ့ တိုက်ပွဲကြောင့် ဒေသခံ ၂သောင်းကျော် တရုတ်နိုင်ငံထဲကို ၀င်ရောက်ထွက်ပြေးရောက်ရှိလာတယ်လို့ တရုတ်နိုင်ငံဘက်က ပြောလိုက်ပါတယ်။ တိုက်ပွဲကာလအတွင်း တရုတ်နိုင်ငံထဲ လက်နက်ကြီးကျည်ထိမှန်မှုတွေလည်းရှိခဲ့တယ်လို့ တရုတ်ဘက်က ပြောပါတယ်။ အခြေအနေတွေကို စုံစမ်းမေးမြန်းထားတဲ့ ရှားဖောင်က အသေးစိတ် ပြောပြပေးမှာပါ။

ရှမ်းပြည်နယ် ကိုးကန့်ကိုယ်ပိုင်အုပ်ချုပ်ခွင့်ရဒေသအတွင်း တကျော့်ပြန်လည်ဖြစ်ပွားတဲ့တိုက်ပွဲကြောင့် ဒေသခံတွေနဲ့ နယ်စပ်ဒေသမှာ သွားရောက်အလုပ်အလုပ်ကိုင်ကြတဲ့သူ ထောင်နဲ့ချီ ထွက်ပြေးတိမ်းရှောင်ခဲ့ရပါတယ်။ အခုဆိုရင် တရုတ်နိုင်ငံထဲကိုလည်း ထွက်ပြေးဝင်ရောက်သွားတဲ့ ဒုက္ခသည် အများအပြားရှိနေပြီလို့လည်း တရုတ်နိုင်ငံခြားရေးဌာနကပြောပါတယ်။ ဒီအခြေအနေနဲ့ပတ်သက်လို့ စုံစမ်းမေးမြန်းထားတဲ့ ရှားဖောင် က အသေးစိတ်ပြောပြပေးပါမယ်။

တရုတ်-မြန်မာနယ်စပ် ရှမ်းပြည်နယ် ကိုးကန့်ကိုယ်ပိုင်အုပ်ချုပ်ခွင့်ရဒေသအတွင်းက လောက်ကိုင်မြို့နဲ့အနီးအနားတ၀ိုက်မှာ ပြန်လည် စတင်ဖြစ်ပွားတဲ့ တိုက်တွေပွဲကြောင့် တရုတ်နိုင်ငံဘက်ခြမ်းကို ထွက်ပြေးဝင်ရောက်သွားတဲ့ ဒုက္ခသည် ၂ သောင်းကျော်ရှိနေပြီးဆိုတာကို တရုတ်အစိုးရက ဒီကနေ့ ကြာသပတေးနေ့မှာပြောပါတယ်။

တိုက်ပွဲကြောင့် ထွက်ပြေးလာတဲ့ ဒုက္ခသည်တွေရဲ့ အခြေအနေနဲ့ ပတ်သက်လို့ တရုတ်နိုင်ငံခြားရေးဌာန ပြောခွင့်ရ Geng Shuang က တရုတ်ဘာသာနဲ့ အခုလိုပြောပါတယ်။

“မြန်မာနိုင်ငံအခြေအနေဟာ တရုတ် မြန်မာနယ်စပ်ဒေသ တည်ငြိမ်အေးချမ်းရေးနဲ့ ဆက်စပ်နေပါတယ်။ ဒီအဖြစ်အပျက်ကို တရုတ်နိုင်ငံက စိုးရိမ်တကြီး ရှိနေပါတယ်။ နယ်စပ်ဒေသတည်ငြိမ်ရေး အမြန်ဆုံးပြန်ဖြစ်လာစေဖို့အတွက် ဒီအဖြစ်အပျက်မှာ ပတ်သက်နေသူအားလုံးအနေနဲ့ တတ်နိုင်သမျှ ထိန်းထိန်းသိမ်းသိမ်းဆောင်ရွက်ကြဖို့၊ နောက်တကြိမ် ဒီလို ထိပ်တိုက်တွေ့မှုတွေ မဖြစ်အောင်ရှောင်ဖို့၊ ချက်ခြင်းပဲ အပစ်အခတ်ရပ်စဲရပ်စဲကြဖို့ တရုတ်နိုင်ငံအနေနဲ့ တိုက်တွန်းတောင်းဆိုပါတယ် ။မြန်မာနိုင်ငံငြိမ်းချမ်းရေးလုပ်ငန်းစဉ်ကို တရုတ်နိုင်ငံက ထောက်ခံပါတယ်။ ငြိမ်းချမ်းရေးလုပ်ငန်းစဉ်တွေကို ထိန်းထားနိုင်ဖို့ ပဋိပက္ခတွေကို ငြိမ်းချမ်းတဲ့နည်းလမ်းနဲ့ ညှိနိုင်းဆောင်ရွက်သွားနိုင်ကြမယ်လို့ မျှော်လင့်ထားပါတယ်။”

ဒါ့အပြင် တရုတ်နိုင်ငံခြားရေးဌာနပြောခွင့်ရသူ ပြောတဲ့အထဲမှာတော့ - မြန်မာနိုင်ငံက မြောက်ပိုင်းမှာ မကြာခင်က ဖြစ်တဲ့ စစ်ရေးပဋိပက္ခတွေအတွင်း အကြီးအကျယ်ထိခိုက်မှုတွေရှိခဲ့တယ်၊ အပြစ်မဲ့ပြည်သူတွေကို ထိခိုက်စေတဲ့ ဒီ ပဋိပက္ခအပေါ်မှာ တရုတ်နိုင်ငံက ပြစ်တင်ရှုတ်ချပါတယ်။ ဒီပဋိပက္ခကြောင့် နယ်စပ်နေ လူဦးရေ နှစ်သောင်းကျော်ဟာ တရုတ်နိုင်ငံထဲကို ပြေးဝင်လာပါတယ်။ တရုတ်နိုင်ငံဘက်က သူတို့ကို လူသားချင်းစာနာသောအားဖြင့် အကူအညီအထောက်အပံ့နဲ့ နေစရာတွေ ပေးထားပါတယ်။ နယ်စပ်ဒေသ တည်ငြိမ်ရေးအတွက် ထိရောက်တဲ့ ဆောင်ရွက်ချက်တွေ ပြင်ဆင်လုပ်ဆောင်နေတယ်လို့လည်း ပြောပါတယ်။

မတ်လ ၆ ရက်နေ့က MNDAA ခေါ် ကိုးကန့်တပ်ဖွဲ့နဲ့ မြန်မာစစ်တပ်တို့အကြားပြန်လည်ဖြစ်ပွားခဲ့တဲ့ တိုက်ပွဲတွေကြောင့် တရုတ်နိုင်ငံနယ်နမိတ်ထဲကို လက်နက်ကြီးကျည်နဲ့ တခြားကျည်ဆံတွေ ကျရောက် ထိမှန်တာတွေရှိခဲ့ပြီး၊ တရုတ်နယ်စပ်နေသူတဦး ထိခိုက်ဒဏ်ရာရခဲ့သလို ပိုင်ဆိုင်မှုတချို့လည်း ထိခိုက်ပျက်ဆီးတာတွေရှိခဲ့တယ်လို့လည်း တရုတ်နိုင်ငံခြားရေးဌာနပြောခွင့်ရက ပြောပါတယ်။

တရုတ်နိုင်ငံဘက်ခြမ်းကို ဒုက္ခသည် ၂ သောင်းကျော်ရောက်ရှိနေတယ်လို့ တရုတ်နိုင်ငံခြားရေးဌာနဘက်ကပြောပေမယ့်လို့ လားရှိုးဘက်ထွက်ပြေးသွားကြတဲ့ ဒုက္ခသည်တွေကိုရဲ့ အပြောအရ တရုတ်ဘက်ခြမ်းထွက်ပြေးကြတဲ့လူတွေဟာ တရုတ်ဘာသာစကား ပြောတတ်တဲ့လူတွေသာဖြစ်တယ်လို့ လာရှိုးမြို့ကို ထွက်ပြေးတိမ်းရှောင်ကြတဲ့ ဒုက္ခသည်တွေကို အကူအညီပေးနေတဲ့ လားရှိုး-မန်ဆူကျောင်းက ကယ်ဆယ်ရေးအဖွဲ့ ဦးမောင်မောင်သန်းက အခုလိုပြောပါတယ်။

“ဒီကိုရောက်လာတဲ့ ဒုက္ခသည်တွေဆီကနေ ကျနော်တို့ မေးမြန်းလို့ သိရတာကတော့ ဒီစစ်ဖြစ်တာနဲ့ တရုတ်ဘက်က တံတားအကုန်ပိတ်လိုက်ပြီ၊ အဲဒီမှာ ပေးဝင်တာက တရုတ်တွေကိုပဲ ပေးဝင်တယ် ကျန်တဲ့ မြန်မာပြည်ဘက်က ရွှေ့ပြောင်းအလုပ်သမားတွေကိုတော့ ပေးမ၀င်ဘူး၊ လောက်ကိုင်မှာနေတယ်၊ တရုတ်စကားတတ်တယ် အမြဲတမ်းဝင်ထွက်လုပ်နေတဲ့သူကိုတော့ ပေးဝင်တယ်။ ကျန်တာကတော့ မြန်မာတွေကို လက်မခံဘူး တရုတ်တွေပဲ လက်ခံတယ်ဆိုတာ သိရတယ်။ ဒီကိုရောက်လာတဲ့ ဒုက္ခသည်တွေဆီကနေသိရတာပါ။”

လောက်ကိုင်မြို့နဲ့ ပတ်ဝန်းကျင်တ၀ိုက်မှာဖြစ်ပွားနေတဲ့ တိုက်ပွဲတွေကြောင့် ဒေသခံတွေနဲ့ အဲဒီဒေသမှာ သွားရောက်အလုပ်လုပ်ကိုင်တဲ့သူတွေ ထောင်နဲ့ချီ လားရှိုးမြို့ဘက်ကို ထွက်ပြေးတိမ်းရှောင်ခဲ့ကြပြီး၊ အခုချိန်ထိ လောက်ကိုင်မြို့တွင်း ပိတ်မိနေတဲ့ ဒုက္ခသည်တွေကိုလည်း ကူညီကယ်ဆယ်ဖို့ ဆက်လက်လုပ်ဆောင်နေကြတယ်လို့ ဦးမောင်မောင်သန်းက ပြောပါတယ်။

“လောလောဆယ်အထိဆိုရင်တော့ အားလုံး ကျနော်တို့ မန္တလေးကို ပို့ပေးတာ ၂၀၀၀ ကျော်ပြီ၊ ၂၀၀၀ ကျော်ပြီဆိုတာက အခုလည်းဝင်နေသေးတယ် ဒီဟာက ၀င်လာတာနဲ့ ကျနော်တို့ ထမင်ကျွေးတယ်၊ ရေတွေပေးတယ်၊ ပြီးရင် ကားပေါ်ပြန်တင်တယ်။ သူတို့နားချင်ရင်နားပေါ့နော် နားပြီးရင် ကားပေါ်ပြန်တင်တယ်၊ ပြီးရင် လွှတ်ပေးလိုက်တယ်။ ဒီနေ့မနက် ကား ၁၀ စီး လူ ၆၈၀ ကို မန္တလေးကို ပို့ပြီးသွားပြီ မန္တလေးမှာ ကျွဲဆည်ကန် ကားကွင်းကြီးရှိတယ်။ အဲဒီမှာ ကျနော်တို့ ပရဟိတတွေရှိတယ်၊ အစိုးရ လူကယ်ပြန်တွေရှိတယ် သူတို့နဲ့ ကျနော်တို့ ချိတ်ဆက်ထားတယ် ကျနော်တို့ ဒီကနေ ဘယ် နှစ်ယောက်လွှတ်လိုက်ပြီဆိုတာ ကျနော်တို့က သတင်းပေးလိုက်တယ်။သူတို့က သွားမယ့်ဒေသတွေ အတွက် ကားတွေပြန်စီစဉ်ပြီး ကားတွေခွဲလုပ်ပေးတယ်။ ဝေဠုကျော် အသင်းကတော့ ဒီနေ့ ၁ နာရီခွဲမှာ လားရှိုးကနေ လောက်ကိုင်ကိုတတ်သွားပြီ အဲဒီမှာ ကျန်နေတယ် ပိတ်မိနေတယ်ဆိုတဲ့လူတွေကို သူက သွားရှာမှာ ရှာပြီးအားလုံးတင်ပေးမယ် ၊ မနက်ဖြန်ကျနော်တို့က ဒီကနေ ကားလွှတ်ပေးမယ်။ သူဆက်သွယ်လာရင်ကျနော်တို့ ကားစီစဉ်ထားတယ်။ အဲလိုလေးတွေ စီစဉ်ထားတယ်ခင်ဗျ။”

လောက်ကိုင်မြို့တွင်းထဲကို ကိုးကန့် တပ်ဖွဲ့တွေဝင်ရောက်တိုက်ခိုက်ခဲ့တဲ့ မတ်လ ၆ ရက်နေ့ တရက်ထဲမှာပဲ လောက်ကိုင်မြို့တိုက်ပွဲကြောင့် သေဆုံးသူ ၃၀ ထက်မနည်းရှိတယ်လို့ မြန်မာအစိုးရဘက်က သတင်းထုတ်ပြန်ထားပါတယ်။

လောက်ကိုင်မြို့အနီး တရုတ်နယ်စပ်မှာ ဒီကနေ့ မနက်ပိုင်းကစပြီး တနေ့လုံးနီးပါး အပြန်အလှန်တိုက်ပွဲတွေဖြစ်နေတယ်လို့ တရုတ်နယ်စပ်က မျက်မြင်တွေက ဗွီအိုအေကို ပြောပါတယ်။ တိုက်ပွဲကြောင့် တရုတ်နိုင်ငံတွင်း လက်နက်ကြီးအချို့ကျရောက်မှုတွေလည်း ထပ်ရှိခဲ့တယ်လို့ ပြောပါတယ်။ တိုက်ပွဲတွေဟာ အခု ညအချိန်ပိုင်းမှာတော့ ပြန်လည်ငြိမ်သက်နေပါတယ်။

ရှားဖောင်  / ဗွီအိုအေ (မြန်မာပိုင်း)
http://burmese.voanews.com



ဓါတ်ပုံ- ၀ တပ်ဖွဲ့ကသိမ်းပိုက်ခဲ့သည့် ကျိုင်းတုံဘက်ကအဝင် အထူးဒေသ ၄ ၏ ပန်မတ်ဖိုင်းဂိတ်
မတ် ၉ ရက် ၂၀၁၇

သျှမ်းပြည်အရှေ့ပိုင်း အထူးဒေသ ၄ မိုင်းလားတပ်ဖွဲ့ ပိုင်တပ်စခန်းတခု အား UWSA ၀ ဥက္ကဌ ပေါက်ယူချမ်းကိုယ်တိုင် က မိုင်းလားတပ်ဖွဲ့ထံ ပြန်လည်အပ်နှံပေးသော်လည်း ဝ တပ်ဖွဲ့ဝင်များ အထူးဒေသ ၄ မိုင်းလား နယ်မြေ မှ ထွက်ခွါခြင်းမရှိသေးကြောင်း ကြားသိရသည်။

ကျိုင်းတုံ - မိုင်းလား လမ်းမ ပေါ် အထူးဒေသ ၄ မိုင်းလားနယ်မြေ အဝင်ဝ အနီး ရှိ လွယ်ကျူဆိုင်း တပ်စခန်းအား မိုင်းလားတပ်ဖွဲ့ထံ မတ် ၈ ရက်နေ့ (၂၀၁၇ ) က ပြန်အပ်လိုက်ကြောင်း၊ အဆိုပါ တပ်စခန်းမှ အင်အား ၁၀၀ ကျော်ရှိ ၀ တပ်ဖွဲ့များက တပ်ဆုတ်သော်လည်း ၎င်းတို့ထိန်းချုပ်ရာ ဒေသသို့ တပ်ဆုတ်ပြန် ခြင်းမရှိသေးဘဲ လွယ်ကျူဆိုင်းမှ ဝမ့်လမ်း တပ်စခန်းကြီးဆီသို့ သာ တပ်ဆုတ် စုစည်းခြင်းဖြစ်ကြောင်း၊ ထို့အပြင် လွယ်ဆမ်ဆုံ တပ်စခန်းလည်း ထိန်းချုပ်ထားဆဲဖြစ်ကြောင်း ကြားသိရသည်။

“ကျနော်တို့ ခေါင်းဆောင် ပေါက်ယူချမ်းက မိုင်းလားလာတယ် မနေ့က ။ ဒီနေ့ ပြန်သွားတယ်။ လွယ်ကျူ ဆိုင်း တပ်စခန်းကို ပြန်အပ်ဖို့ အမိန့်ပေးတယ်။ ကျနော်တို့လဲ အခု လွယ်ကျူဆိုင်းကနေ ကျနော်တို့ တပ်မှူးရှိတဲ့ ဝမ်နမ့်လမ်း တပ်စခန်းကို ပြောင်းနေတဲ့သဘောပါ။ ပြန်ခွင့်တော့မရသေးဘူး” - ဟု အမည် မဖေါ်လိုသည့် ဝ တပ်မှူး တဦးက ပြောသည်။

လွယ်ကျူဆိုင်းတပ်စခန်းအား မိုင်းလားတပ်ဖွဲ့ ထံပြန်အပ်ပြီးကြောင်း နှစ်ဘက်တပ် ပြောရေးဆိုခွင့် များက အတည်ပြုသော်လည်း မိုင်းလားနယ်မြေမှ ဝ ထွက်ခွါသည် မထွက်ခွါသည် ဆိုသည့် ကိစ္စများ မေးမြန်းမှု အား ဖြေဆိုခြင်း မရှိပေ။
ဝမ့်နမ့်လမ်း တပ်စခန်းသည် ၂၀၀၉ ခုနှစ်က နယ်ခြားစောင့်တပ် အသွင်ပြောင်းရေး ဖိအားပေးခံရ စဉ်က မိုင်းလားနယ်မြေသို့ ၀ ဝပ်ဖွဲ့များ ရောက်ရှိ အခြေချနေထိုင်ထားသည့်စခန်းဖြစ်သည်။

လွယ်ကျူဆိုင်း၊ လွယ်ဆမ်ဆုံ၊ ပန်မတ်ဖိုင်း၊ ဝမ့်နောင်ဟုတ်၊ လန်ခိုဆုံ စသည့် မိုင်းလားတပ်ဖွဲ့၏ တပ်စခန်းများမှာမူ ၎င်းတို့မဟာမိတ်ဖြစ်သည့် ဝ တပ်ဖွဲ့က ၂၀၁၆ စက်တင်ဘာ ၂၈ ရပ်က အလှစ်ငိုက် ဝင်ရောက်သိမ်းပိုက်ခဲ့သည်။ နှစ်ဘက်ညှိနှိုင်းမှုဖြင့် ပန်မတ်ဖိုင်း၊ ဝမ့်နောင်ဟုတ်၊ လန်ခိုဆုံ ဂိတ်စခန်း များ မိုင်းလားတပ်ဖွဲ့ထံ ပြန်လည်အပ်နှံသော်လည်း စစ်ရေးမဟာဗျူအရ အရေးပါသည့် လွယ်ကျူဆိုင်း နှင့် လွယ်ဆမ်ဆုံတပ်စခန်း နှစ်ခု အား ပြန်လည်အပ်နှံခြင်းမရှိပေ။

သို့သော် ဖေဖေါ်ဝါရီ ၂၂ - ၂၄ ရက်နေ့ အထိ ကျင်းပသည့် တတိယ အကြိမ် လက်နက်ကိုင်တော်လှန် ရေးတပ်ဖွဲ့ ထိပ်သီးအစည်းအဝေး မှ ဝ နှင့် မိုင်းလားကြား ပြဿနာအား မိုင်းလား ဒုတိယ ဉက္ကဌ ဦးဆန်းပေ က ဝ ခေါင်းဆောင်နှင့် သီးသန့် တွေ့ဆုံဆွေးနွေး ရာမှ ဝ ဉက္ကဌ ပေါက်ယူချမ်းကိုယ် တိုင် မိုင်းလားသို့ ရောက်ရှိလာပြီး လွယ်ကျူဆိုင်း တပ်စခန်းအား မိုင်းလားတပ်ဖွဲ့ထံ ပြန်လည်အပ်နှံခြင်းဖြစ်သည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese



(Myanmar Now သတင်းထောက်ချုပ် ကိုဆွေဝင်းကို မတ်လ ၈ ရက်နေ့က တွေ့ရစဉ်) Photo : Thant Zin Oo/RFA
Myanmar Now သတင်းထောက်ချုပ် ကိုဆွေဝင်းကို ဆက်သွယ်ရေး ဥပဒေပုဒ်မ ၆၆ (ဃ) နဲ့ အမှုဖွင့်တိုင်ကြားထားသူ ဦးကျော်မျိုးရွှေက သူ့မိခင်ဖြစ်သူက အမှုကိုပိတ်ပေးဖို့ တိုက်တွန်းနေတာကြောင့် ပိတ်မှာဖြစ်ပေမယ့် နောက်တစ်ဦးက ကိုဆွေဝင်းကို ပုဒ်မ ၆၆ (ဃ) အပြင် သာသနာညှိုးနွမ်းစေမှုနဲ့ပါ တရားစွဲဖို့ ပြင်ဆင်နေတယ်လို့ ပြောပါတယ်။

မ.ဘ.သ ဒါမှမဟုတ် အမျိုးသားရေး အင်အားစုထဲက တစ်စုံတစ်ယောက်က ကိုဆွေဝင်းကို အမှုတစ်ခု ထပ်တိုးပြီး အမှုဖွင့်တိုင်ကြားမှာဖြစ်တယ်လို့ ဦးကျော်မျိုးရွှေက ပြောပါတယ်။

"ကျနော့် အမေက ခွင့်မပြုခဲ့ဘူး၊ သူ့ဆန္ဒကို လိုက်လျောပေးပါဆိုရင် ကျနော်က အမှုပိတ်သိမ်းပေးမယ်၊ ကျနော့်နေရာမှာ တစ်ခြားတစ်ယောက်က အမှုပြန်ဖွင့်သွားမယ်၊ မဘသထဲကဖြစ်မလား အပြင်က အမျိုးသားရေးအင်အားစုထဲကဖြစ်မလား ပြောလို့မရသေးဘူး၊ ကျနော်တို့ တိုင်ပင်နေတုန်းပဲ၊ ဦးကိုနီ အကြမ်းဖက်မှုဖြစ်စဉ်ဖြစ်ပြီးနောက်ပိုင်း ပြည်ထဲရေးကလုပ်တဲ့ သတင်းစာရှင်းလင်းပွဲတွေမှာ သူမေးနေတာတွေ သူလုပ်နေတာတွေက ဒီကိုနီကို အကြမ်းဖက်သတ်ဖြတ်မှုမှာ မဘသ အဖွဲ့အစည်းကြီးရဲ့ ပယောဂမကင်းသယောင် မဘသ အဖွဲ့အစည်းကြီးရဲ့ ဂုဏ်သိက္ခာထိခိုက်အောင် မြန်မာနိုင်ငံမှာ အမျိုးဘာသာသာသနာစောင့်ရှောက်ရေးအဖွဲ့ကြီး လုံးဝမရှိအောင် တိုက်မယ်ဆိုပြီး ပြောဆိုရေးသားတာတွေ တွေ့တဲ့အတွက် ကျနော်တို့ သူ့ကို တရားထပ်စွဲမယ်၊ သူ့ကို ၂၉၅ (သာသနာညှိုးနွမ်းစေမှု) နဲ့ စွဲဖို့ပြင်ဆင်ထားတယ်"

Ba Kaung အကောင့်အသုံးပြုသူ Myanmar Now သတင်းထောက် ကိုဆွေဝင်းဟာ မဘသ ဆရာတော် ဦးဝီရသူကို ပါရဇိက ကျသွားပြီလို့ ရဟန်းတော်တစ်ပါးက မိန့်ကြားထားတဲ့စာသားပါတဲ့ "အခြေခံဥပဒေပြင်လိုသူတွေကို မဘသ သတိပေး" ဆိုတဲ့ ခေါင်းစဉ်နဲ့ သတင်းကို ဖေဖော်ဝါရီလ ၂၇ ရက်၊ ၂၈ ရက်နေ့တွေက သူရဲ့လူမှုကွန်ရက်စာမျက်နှာမှာ ဝေမျှခဲ့ပါတယ်။

ဒီလိုရေးသားတာတွေနဲ့ပတ်သတ်ပြီး ဆရာတော် ဦးဝီရသူက ကိုဆွေဝင်းကို (၇) ရက်အတွင်း လာရောက်တောင်းပန်ဖို့ မတောင်းပန်ပါက အမှုဖွင့်အရေးယူသွားမယ်လို့ လူမှုကွန်ရက်စာမျက်နှာကတဆင့် ပြန်လည်ရေးသားခဲ့ပါတယ်။

၇ ရက်ပြည့်ပေမယ့် ကိုဆွေဝင်းက တောင်းပန်တာမျိုး မရှိခဲ့တဲ့အတွက် ဆရာတော်ဦးဝီရက ဆက်သွယ်ရေးဥပဒေပုဒ်မ ၆၆ (ဃ)နဲ့ အမှုဖွင့်ဖို့ တပည့်ဖြစ်သူ ဦးကျော်မျိုးရွှေကို စေခိုင်းခဲ့တာဖြစ်ပြီး ကိုကျော်မျိုးရွှေက မတ်လ ၇ ရက်နေ့က အမှုဖွင့်လိုက်တာဖြစ်တယ်လို့ မန္တလေးမြို့ အမှတ်(၇) ရဲစခန်းက စခန်းမှူး ရဲအုပ်ကျော်သူက ပြောပါတယ်။

RFA Burmese
https://www.facebook.com/rfaburmese


Author Name

Contact Form

Name

Email *

Message *

Powered by Blogger.