03/11/17


အစ္စလာမ္မစ်နိုင်ငံ အမည်ခံ အိုင်အက်စ် စစ်သွေးကြွ ခေါင်းဆောင် အဘူ ဘက်ခါ အယ်လ် ဘဂ္ဂဒါဒီဟာ မိုဆူးလ်မြို့ စစ်မြေပြင်ကို စွန့်ခွာပြီး သဲကန္တာရထဲမှာ ပုန်းအောင်းနေပြီ၊ ကိုယ်လွတ်ရုန်းဖို့ ဦးတည်သွားပြီလို့ ယုံကြည်ရကြောင်း အမေရိကန်နဲ့ အီရတ်အရာရှိ သတင်းရင်းမြစ်တွေက ပြောပါတယ်။

အိုင်အက်စ်တွေကို အုပ်ချုပ်တဲ့ အကြမ်းဖက်ခေါင်းဆောင် ဘယ်ရောက်နေတယ်ဆိုတာ အတည်ပြုဖို့တော့ မဖြစ်နိုင်သေးပါဘူး။

သူဟာ ၂၀၁၄မှာ အီရတ်မြောက်ပိုင်းကို သိမ်းပိုက်အပြီး မိုဆူးလ်မြို့ရဲ့ ဗလီကြီးကနေ မွတ်စလင် အားလုံးကို အုပ်ချုပ်သူအဖြစ် ကြေညာခဲ့သူပါ။

မိုဆူးလ်မြို့ ပုိုင်နက်ကို ဆုံးရှုံးအပြီး အုပ်စုခေါင်းဆောင်နဲ့ တရားဝင် အဆက်အသွယ် မရှိတော့တာဟာ သူမြို့ကို စွန့်သွားလို့ဖြစ်ကြောင်း အမေရိကန်နဲ့ အီရတ် ထောက်လှမ်းရေး သတင်းရင်းမြစ်တွေက ပြောပါတယ်။

မိုဆူးလ်ဟာ အိုင်အက်စ်တပ်ဖွဲ့ကြီးရဲ့ တပ်စွဲရာ ဗဟိုနေရာပါ။ သူဟာ စောင့်ကြည့်လို့ရတဲ့ ဘယ်လိုဆက်သွယ်ရေး နည်းလမ်းကိုမဆို မသုံးသလောက် ရှားပါးပြီး ၂၄ နာရီအတွင်း တချိန်လုံး အကြိမ်ပေါင်းများစွာ ရွေ့လျားနေသူ ဖြစ်တယ်လို့ သတင်းရင်းမြစ်တွေက ပြောပါတယ်။

သူ့ကို နောက်ယောင်ခံလိုက်ဖို့ အားထုတ်မှုတွေအရ သူဟာ ကန္တာရထဲက ရွာတွေမှာ နေတဲ့ အရပ်သားတွေကြားမှာ များသောအားဖြင့် ပုန်းအောင်းနေတယ်လို့ ယုံကြည်ကြကြောင်း သတင်းရင်းမြစ်က ဆိုပါတယ်။
DVB TV News



မတ်လ ၁၀ ရက်နေ့က ပြည်ထောင်စုအစိုးရအဖွဲ့၊ အမိန့်ကြေညာစာအမှတ် ၃၀/၂၀၁၇ ဖြင့် ရုံးပိတ်ရက်ဆိုင်ရာ ကြေညာချက်တစ်စောင် ထုတ်ပြန်ထား သည်။

ယင်းထုတ်ပြန်ချက်တွင် မဟာသင်္ကြန် ရုံးပိတ်ရက်ကို သင်္ကြန်အကြိုနေ့ မတိုင်မီမှစ၍ ၁၀ ရက်တိတိ သတ်မှတ်မှုအတွက် ရက်ရှည် ရုံးပိတ်ရက်နှင့် ဘဏ်ပိတ်ရက် ဖြစ်ပေါ်သဖြင့် နိုင်ငံတကာနှင့် ဆက်သွယ်ဆောင်ရွက်ရသည့် ရုံးလုပ်ငန်းနှင့် ဘဏ်လုပ်ငန်းများ အခက်အခဲ ဖြစ်ပေါ်ခြင်းနှင့် ကုန်စည်စီးဆင်းမှု နှောင့်နှေးမှုတို့ ဖြစ်ပေါ်ခြင်းကြောင့် မဟာသင်္ကြန် ရုံးပိတ်ရက်ကို မဟာသင်္ကြန် အကြိုနေ့မှစတင်ကာ နှစ်ဆန်းတစ်ရက်နေ့အထိ သတ်မှတ်လိုက်ကြောင်း ဖော်ပြပါရှိသည်။

ရက်ရှည်သင်္ကြန် ရုံးပိတ်ရက်မှ လျှော့ချခဲ့သည့် ရုံးပိတ်ရက် ငါးရက်ကို သီတင်းကျွတ် ရုံးပိတ်ရက်တွင် ၂ ရက်၊ တန်ဆောင်တိုင် ရုံးပိတ်ရက်တွင် တစ်ရက်၊ ဒီဇင်ဘာ ၃၁ နှင့် ဇန်န၀ါရီ ၁ ရက် (နှစ်ကူးရက်) ၂ ရက် တို့ကို ရုံးပိတ်ရက်များအဖြစ် သတ်မှတ်ပေးခြင်းဖြစ်ကြောင်းလည်း ဖော်ပြထားသည်။

ယင်းသို့ ၂၀၁၇ အတွက် သင်္ကြန်ပိတ်ရက်များကို ၅ ရက်အဖြစ် လျှော့ချ သတ်မှတ်သော်လည်း နိုင်ငံ့ဝန်ထမ်းများ ၁၀ ရက်ဟု ကြိုတင်အစီအစဉ်များ ပြုလုပ်ထားသည့်အတိုင်း ဆောင်ရွက်နိုင်စေရန် နောက်ထပ် ၅ ရက်၊ သင်္ကြန်ပိတ်ရက် ၅ ရက်နှင့်ပေါင်း ၁၀ ရက် အနားရနိုင်စေရန် ဌာနဆိုင်ရာ အုပ်ချုပ်မှုနည်းလမ်းဖြင့် ဆောင်ရွက်ပေးပါမည်။ (သင်္ကြန်ပိတ်ရက် ၅ ရက်နှင့် ဌာနအစီအစဉ် ၅ ရက်၊ ပေါင်း ၁၀ ရက်) ဟု ဖော်ပြထားသည့် အတွက် ၂၀၁၇ ၊ ယခုနှစ် သင်္ကြန်မှာ ဌာနဆိုင်ရာ အုပ်ချုပ်မှုနည်းလမ်းဖြင့် ဆောင်ရွက်ပေးမှု ၅ ရက်အရ ပုံမှန်သင်္ကြန် ၁၀ ရက်သာ ဖြစ်မည်ဖြစ်သည်။

မြန်မာနှစ်သစ်ကူး ရုံးပိတ်ရက် ၅ ရက်
(သင်္ကြန် အကြို၊ အကျ၊ အကြတ်၊ အတက်၊ နှစ်ဆန်းတစ်ရက်)
၁၃-၄-၂၀၁၇ မှ ၁၇-၄-၂၀၁၇ ထိ
.
သီတင်းကျွတ် ရုံးပိတ်ရက် ၃ ရက်
(အဖိတ်နေ့၊ လပြည့်နေ့၊ လပြည့်ကျော် ၁ ရက်နေ့)
၎-၁၀-၂၀၁၇ မှ ၆-၁၀-၂၀၁၇ ထိ
.
တန်ဆောင်တိုင် ရုံးပိတ်ရက် ၂ ရက်
(အဖိတ်နေ့၊ လပြည့်နေ့)
၂-၁၁-၂၀၁၇ မှ ၃-၁၁-၂၀၁၇ ထိ
.
နှစ်သစ်ကူးရုံးပိတ်ရက်များ ၂ ရက်
၃၀-၁၂-၂၀၁၇ မှ ၃၁-၁၂-၂၀၁၇ ထိ
.
(ဖြည့်စွက် ရှင်းလင်းချက် ။ New Year Eve ထုံးစံအရ ဒီဇင်ဘာ ၃၁ နှင့် ဇန်နဝါရီ ၁ ရက်နေ့များကို ပုံမှန် ရုံးပိတ်ရက်အဖြစ် သတ်မှတ်မည် ဖြစ်ပါသည်။ ယခု ရုံးပိတ်ရက်များမှာ ၂၀၁၇ ပြက္ခဒိန်နှစ်အတွက် ဖြစ်ပြီး ၂၀၁၈ ပြက္ခဒိန်တွင် ဇန်နဝါရီလ ၁ ရက်နေ့မှာ ရုံးပိတ်ရက် ဖြစ်လာပါမည်။)

“သမ္မတရုံးရဲ့ ထုတ်ပြန်ကြေညာချက်ကို ဖတ်လိုက်ရတယ်။ အဲ့ဒီမှာ ဖော်ပြထားတာကတော့ သင်္ကြန်ရုံးပိတ်ရက်ကို ၅ ရက်အဖြစ် ဒီနှစ်ကစပြီး ပြောင်းတယ်၊ ဒါပေမဲ့ ဌာနဆိုင်ရာ အုပ်ချုပ်မှုနည်းလမ်းနဲ့ ၅ ရက် ထပ်ပေါင်းပေးထားတော့ ပုံမှန် ၁၀ ရက်ပါပဲ။ ဒီနှစ်မှာတော့ သင်္ကြန်က ၁၀ ရက်ပဲ။ နောက်ပြီးတော့ ဒီနှစ်မှာ သီတင်းကျွတ်၊ တန်ဆောင်တိုင်နဲ့ ဒီဇင်ဘာ ၃၁၊ ဇန်န၀ါရီ ၁ ( နှစ်ကူးပိတ်ရက် ) ဆိုပြီး ငါးရက်ကို သတ်မှတ်ပေးလိုက် တဲ့အတွက် ထူးထူးခြားခြားအဖြစ် ၂၀၁၇ က အစိုးရသစ်ရဲ့ ပြည်သူ့အတွက် တစ်နှစ်တာအတွင်း ရုံးပိတ်ရက် ငါးရက် ပေါင်းထည့်ပေးလိုက်သလိုပါပဲ။ အဲ့လိုတော့ ကျွန်တော် နားလည်ထားတယ်” ဟု တက္ကစီဆရာ ကိုအောင်နိုင်က ပြောပါတယ်။
The Ladies News


ကဏ္ဍတိုင်းတွင် ဒေါ်အောင်ဆန်းစုကြည် ဦးဆောင်နေသည့်တိုင် မြန်မာနိုင်ငံ၏အခြေအနေ သိသိသာသာမတိုးတက်လာဟု အင်အယ်လ်ဒီပါတီမှ အရေးပါသည့်ပုဂ္ဂိုလ်အဖြစ် ထင်ရှားသည့် ဦးဝင်းထိန်က ပြောဆိုလိုက်ပါသည်။

လူထုက အလွန်လိုလိုလားလားတင်မြှောက်ထားသည့် အစိုးရ၊ လူထုကို အလွန်တာဝန်ကျေလိုသည့် အစိုးရ။ အစိုးရနှင့် ပြည်သူနှစ်ဦးနှစ်ဖက်တယောက်နှင့်တယောက် ကောင်းကျိုးအလွန်လိုလားကြသည်မှန်သော်လည်း အစိုးရမှာလည်း အခက်အခဲဗရပွနှင့်။ လူထုမှာလည်း အခက်အခဲဗရပွနှင့်။ လူထု ရင်ဆိုင်နေရသည့် မီးပျက်ဆဲ၊ ရေပြတ်ဆဲ၊ လိုင်းကား ကျပ်ဆဲအခြေအနေများကို အစိုးရက ကုစားမပေးနိုင်မီ၊ အင်အယ်လ်ဒီ၏ နာမည်ကျော် ဦးဝင်းထိန်က အထက်ပါစကားကို ထုတ်ပြောလိုက်သည်။ ဦးဝင်းထိန် ကိုယ်တိုင် ဖြစ်ချင်သည်များဖြစ်မလာ၍ မချင့်မရဲ ရင်ဖွင့်လိုက်ဟန်တူပါသည်။

ပြည်သူတို့ကား စစ်အစိုးရအငွေ့အသက် ကိန်းအောင်းနေသည့် ပြည်ခိုင်ဖြိုးအစိုးရလက်အောက်က လွတ်မြောက်သည်ကို ၀မ်းသာသည်။ အမေစု အစိုးရကိုအောင်မြင်စေချင်သည်။ မိမိတို့လည်း အစိုးရ သစ်ကပေးသည့် အောင်မြင်မှုအသီးအပွင့်များကို ခံစားလိုကြပါသည်။ သို့သော် အစိုးရသစ်ဘာကြောင့်ထင် သလောက် ခရီးမပေါက်ပါသနည်း။

အစိုးရသစ်၏ ပထမဆုံးလုပ်သင့်သည့်အလုပ်သည် ဌာနတိုင်းတွင်ရှိနေသည့် နေရာမှန် လူမှန်မဟုတ်သည့် ပြဿနာကိုဖြေရှင်းသင့်ပါလျက် မဖြေရှင်းဖြင်း ဖြစ်သည်။ အမျိုးသားရင်ကြားစေ့ရေး ခေါင်းစဉ် အောက်တွင် ယခင်အစိုးရဟောင်းထားရစ်သည့် ညွှန်ကြားရေးမှူးချုပ်၊ အမြဲတမ်းအတွင်းဝန်စသည့် ပုဂ္ဂိုလ်များ၊ ၀န်ကြီးဌာနအသီးသီးတွင် ဦးစီးဦးဆောင်နေရာ ယူထားသူများကို ပြန်စိစစ်ခြင်းမရှိဘဲ ယခင်အစိုးရ ထားရစ်သည့်အတိုင်း လက်ခံထားပါသည်။ ဤတွင် အပေါ်မှ ကြီးကြပ်ရသူက ၀န်ကြီးတဦးတည်းဖြစ်သော် လည်း အောက်ခြေအဆင့်ဆင့်သည် ဗိုလ်နေမြဲကျားနေမြဲ ယခင်ပုံစံ ယခင်အချိုးများအတိုင်း နေသားကျ နေသည့် ၀န်ထမ်းထုက ကြီးစိုးနေသည်။ တချို့ဌာနများတွင် ၀န်ကြီး၊ ဒုဝန်ကြီးနှစ်ဦးရှိသော်လည်း ၀န်ကြီး ဌာနအများစုကား ၀န်ကြီးတဦးတည်းက ကိုင်တွယ်ဖြေရှင်းနေရသည့် အားနည်းချက်က အချိန်ကြာသော် အဖြေပေါ်လာခြင်းဖြစ်သည်။

အစိုးရအဖွဲ့ကို ဦးဆောင်နေသည့် ဒေါ်အောင်ဆန်းစုကြည် အလွန်တော်သည်။ ထူးချွန်ထက်မြက်သည်မှာ မှန်ပါ၏။ သို့သော် ဒေါ်အောင်ဆန်းစုကြည်ကို မည်သူမျှဆန့်ကျင်မပြောရဲကြ။ မဝေဖန်ရဲကြဆိုသည့် သတင်းများကား ပြင်ပတွင် လျှံနေသည်မှာကြာပြီ။ လူတယောက်သည် မည်မျှထူးချွန်ထက်မြက်ပါစေ သူ့တွင် အားနည်းချက်ရှိတတ်ပါသည်။ ထို့ပြင် သူ၏ ဥာဏ်ပညာအတွေးအခေါ်ကို ၀ိုင်းဝန်းအကောင် အထည်ဖော်ပေးရမည့် ပညာရှင်အဆင့်ဆင့် လိုအပ်ပါသည်။ ထိုပညာရှင်များသည် သက်ဆိုင်ရာပညာရပ် နယ်ပယ်နှင့်ပတ်သက်ပါက နိုင်ငံတော်၏အတိုင်ပင်ခံဒေါ်အောင်ဆန်းစုကြည်ကိုလည်းကောင်း၊ သမ္မတကြီး ဦးထင်ကျော်ကိုလည်းကောင်း အကျိုးသင့်အကြောင်းသင့် ပြောပြ၀ံ့သူ ရှင်းပြ၀ံ့သူဖြစ်ရန် လိုပါသည်။ ယခု ကြားရသောသတင်းများအရ မည်သူမျှ မည်သည့်ဝန်ကြီးမျှ နိုင်ငံတော်၏အတိုင်ပင်ခံပုဂ္ဂိုလ်ကို အကျိုး သင့်အကြောင်းသင့် ရှင်းမပြရဲဟူ၏။ စကားကားခြင်းလည်း ဖြစ်နိုင်ပါသည်။

သို့သော် အစိုးရသစ်လက်ထက် ပထမဆုံးရာထူးမှ ထုတ်ပယ်ခံရသည့် လယ်-ဆည် ဒုဝန်ကြီး ဒေါက်တာထွန်းဝင်း၏အဖြစ်ကိုကြည့်ပါက သည်စကားများ မှန်နိုင်ခြေရှိပါသည်။ လယ်-ဆည်ဒုဝန်ကြီးရာထူးမှ ထုတ်ပယ်ခံရသောအခါ အစိုးရကထုတ်ပြန် သည့်အမိန့်စာအရ လုပ်ငန်းဆောင်ရွက်ရာတွင် ပူးပေါင်းညှိနှိုင်းမှုအားနည်း၍ဟု ဆိုထားသော်လည်း၊ သမ္မတ၏ အမိန့်မထွက်လာမီ အင်အယ်လ်ဒီစီအီးစီ အဖွဲ့ဝင် ဦးဝင်းထိန်က နေရာရွှေ့ခိုင်းခြင်း၊ မရွှေ့ပါက ထုတ်ပယ်မည်ပြောဆိုခြင်းများရှိခဲ့သည်ဟု ဒေါက်တာ ထွန်းဝင်းက ပြောဆိုခဲ့သည်။ သူ၏ဆန္ဒကို သမ္မတထံ နိုင်ငံတော်အကြံပေးထံ စာရေးသားတင်ပြခဲ့သော်လည်း မည်သူနှင့်မှ တွေ့ဆုံခွင့်မရဘဲ ထုတ်ပယ်စာသာ ထွက်လာသည်ဟု ဒေါက်တာထွန်းဝင်းက မီဒီယာများသို့ ပြောဆိုခဲ့ပါသည်။

မြန်မာနိုင်ငံအတွက် လယ်ယာစိုက်ပျိုးရေးသည် အသက်သွေးကြောဖြစ်ပါသည်။ မြို့သစ်များချဲ့ထွင်ခြင်း၊ မြေယာများသိမ်းခြင်း၊ လယ်သမားများကိုယ်တိုင် ဈေးကောင်းရ၍ လယ်များကိုရောင်းချခြင်းများရှိခဲ့ရာ မြန်မာနိုင်ငံ၏ တိုးပွားလာသောလူဦးရေနှင့် လျော့ပါးသွားသော လယ်မြေများအားချိန်စက် အလုပ်လုပ်ရန် လယ်-ဆည်ဝန်ကြီးဌာနကို ဦးဆောင်ရမည့်သူသည် အလွန်အရေးကြီးပါသည်။ ပြင်ပစကားများအရ အဖြုတ် ခံလိုက်ရသည့် လယ်-ဆည် ဒုဝန်ကြီးသည် လုပ်ငန်းကျွမ်းကျင်ပြီး လယ်သမားများကို နားလည်သူဟုဆို ပါသည်။ သို့သော် အစိုးရဘက်မှ ပွင့်လင်းမြင်သာ ဘာမျှ ထုတ်ဖော်မပြောခဲ့ပါ။ ဒီမိုကရေစီအရပ်သား အစိုးရသည် သည်ပုံသည်နည်း ဒုဝန်ကြီးတယောက် အပေါ် ပြုမူဆက်ဆံလိမ့်မည်ဟု ထင်မထားခဲ့ပါ။ ပွင့်ပွင့်လင်းလင်းချပြမည်ဟုသာ ယုံကြည်ခဲ့ခြင်းသည် ပွဲဦးထွက်မှာပင် တပ်လန်ခဲ့ရပါသည်။

မွန်ပြည်နယ်ဝန်ကြီးချုပ်ကိစ္စတွင်လည်း ထိုနည်း နှင်နှင်ဖြစ်ပါသည်။ မွန်ပြည်နယ်ဝန်ကြီးချုပ်သည် ၀န်ကြီးချုပ်တာဝန်အပြင် မွန်ပြည်နယ်၏ တခြားဝန်ကြီးဌာနများကိုပါ ပူးတွဲတာဝန်ယူထားရသူ ဖြစ်ပါသည်။ အစိုးရသစ်တက်ပြီး မကြာမီမှာပင် မွန်ပြည်နယ်ဝန်ကြီးချုပ် လွှတ်တော်တကြိမ်သာ တက်သည်။ တက်လျှင်လည်း ပြီးဆုံးသည်ထိမနေဘဲ အကြောင်းပြ ပြန်ထွက်ခွာသည်။ ပြသည့်အကြောင်းပြချက်နှင့် ပြင်ပ တွင် မွန်ဝန်ကြီးချုပ်ရောက်နေသည့် နေရာသည် တခြားစီဖြစ်သည် စသည့်သတင်းများ ထွက်လာပါ သည်။ မွန်ပြည်နယ်ရှိ အထင်ကရဘုန်းတော်ကြီးတပါးကဆိုလျှင် ခြင်္သေ့တွေက မျိုတတ်ဝါးတတ်တယ်။ အသားကျနေပြီ။ ငှက်တွေမစားတတ် စားတတ်စားတော့ အစာနင်နေတယ်ဟု မွန်ဝန်ကြီးချုပ်နှင့် နောက် ပါတစုကို ရည်ညွှန်းပြောဆိုပါသည်။

မွန်ဝန်ကြီးချုပ်အတိုင်ခံရပြီ။ စစ်ဆေးနေပြီ။ အပြစ်တချို့တွေ့သည် စသည့် သတင်းများထွက်လာ သော်လည်း အစိုးရဘက်က အချိန်နှင့်တပြေးညီ ပြည်သူကို ပွင့်လင်းမြင်သာချပြခြင်း၊ ထုတ်ပယ်ခြင်း မပြုခဲ့။ မွန်ဝန်ကြီးချုပ်က မိမိဘာသာမိမိ နုတ်ထွက်သည်ဆိုသော်လည်း မီဒီယာများကို စကားမျိုးစုံပြောသွားသည်။ သတင်းစာတစောင်ကို တမျိုးပြောသည်။ ဂျာနယ်တစောင်ကို တမျိုးပြောသည်။ စင်စစ် အစိုးရ ဘက်က ငဲ့ညှာပြီးမိမိဘာသာနုတ်ထွက်စေပုံရသော် လည်း အင်အယ်လ်ဒီပါတီကို ထိခိုက်စေသောစကား များ အမျိုးမျိုးပြောထွက်သည့် လူမျိုးကို ဤကဲ့သို့ အရေးကြီးသည့်နေရာ ခန့်ထားရန် မည်သူအကြံပေးခဲ့သနည်း။ မည်သို့အကဲဖြတ်လျက် သည်လိုလူမျိုးကို ၀န်ကြီးချုပ်ရာထူးအပြင် ၀န်ကြီးနေရာတချို့ ထပ်မံ အပ်နှင်းပါသနည်း။

အစိုးရသစ် ထင်သလောက် ခရီးမပေါက်ခြင်းသည် ဖော်ပြပါအတိုင်း ယခင်ကျန်ရစ်သည့် ၀န်ထမ်း ဟောင်းများကလည်း မဟန်၊ အစိုးရသစ်ကခန့်သည့် လူသစ်များနေရာမှန် လူမှန်မထားနိုင်ခြင်းက အ ကြောင်းတကြောင်းဖြစ်မည်ဟု ထင်ပါသည်။ အများက ဒေါ်အောင်ဆန်းစုကြည်နှင့် ဗိုလ်ချုပ်အောင်ဆန်းကို နှိုင်းယှဉ်ပြောဆိုကြပါသည်။ ပြည်သူအတွက် စေတနာထားအနစ်နာခံသည့် သားအဖ၊ ထူးချွန်ထက်မြက်ပုံခြင်းတူသည့် သားအဖ၊ ပြည်သူက ချစ်ခင်မြတ်နိုးတန်ဖိုးထားခြင်းကိုခံရသည့် သားအဖ အဖြစ် ပြောဆိုကြပါသည်။ မှန်ပါသည်။ သို့သော် ဗိုလ်ချုပ်အောင်ဆန်း ရင်ဆိုင်ခဲ့ရသောအခြေအနေထက် ဒေါ်အောင်ဆန်းစုကြည် ရင်ဆိုင်နေရသည့် အခြေအနေက ပိုမိုခက်ခဲရှုပ်ထွေးပါသည်။ သို့သော် ဒေါ်အောင်ဆန်းစုကြည်နားတွင် ဖခင်ဗိုလ်ချုပ်ကဲ့သို့ ကိုယ်နှင့်တန်းတူထားဆက်ဆံ၍ရသည့် ခေတ်ပြိုင်များ (ကျောင်းနေဖက် သို့မဟုတ် ရင်ဘတ်မိတ်ဆွေ) မရှိပေ။

ဗိုလ်ချုပ်အောင်ဆန်းတုန်းကသူနှင့် တက္ကသိုလ် အတူရောက်လာသူများ၊ ရှေ့ဆင့်နောက်ဆင့်ရောက် လာသူများ (ဥပမာ- ဒဂုန်တာရာ၊ ညိုမြ၊ တက်တိုး) စသူများရှိသည်။ တဦးနှင့်တဦး မဖုံးမကွယ် မင်းနှင့် ငါနှင့် ပြောကာ ရင်ဖွင့်တိုင်ပင်၍ရသည်။ ကိုအောင် ဆန်းရယ်လို့ ညိုမြတို့၊ တက်တိုးတို့၊ ဒဂုန်တာရာတို့က ကြောက်မနေ။ မပြောရဲမဆိုရဲစရာမရှိ။ သို့ဖြင့် ဗိုလ်ချုပ်သည် အခြေနေမှန်ကို အမြဲသိခွင့်ရနေမည် ဖြစ်သည်။ ထို့ပြင် ဗိုလ်ချုပ်တုန်းကနောက်ကွယ်မှ အားလုံးလုပ်ပေးပြီး မည်သည့်မျှော်ကိုးမှုမှမရှိသည့် ဂျာနယ်ကျော်ဦးချစ်မောင်ကဲ့သို့ လူတော်ရှိသည်။ ဂျာနယ်ကျော်ဦးချစ်မောင်သည် တိုင်းပြည်နှင့် လူမျိုး အတွက်ဟူသော စိတ်ကလွဲ၍ ရာထူး၊ ငွေ၊ စည်းစိမ် နာမည်ကျော်ကြားခြင်း ဘာကိုမျှမလိုချင်သူဖြစ်သည်။ အမေစုနောက်တွင် ဤသို့သော ကန့်လန့်ကာနောက်ကွယ်မှ လူရှိပါလေစ။

ယခုအခါ လျှပ်စစ်မီတာခများ မကြာမီသုံးဆ တက်မည်ဆိုသောသတင်းများ ရိုက်ခတ်နေပါသည်။ မြန်မာနိုင်ငံ၏လျှပ်စစ်လိုအပ်မှုသည် တခြားပြဿနာများကဲ့သို့ နာတာရှည်ဖြစ်နေသည်မှာကြာခဲ့ပြီ။ မကြာမီက လျှပ်စစ်နှင့်ဆိုင်သည့်ဆွေးနွေးပွဲတခု ကျင်းပသည်ဟု ကြားရပါသည်။ ယခင်အစိုးရလက်ထက်တုန်းက လျှပ်စစ်ဝန်ကြီးဌာနတွင် အသိအကျွမ်းတချို့ရှိခဲ့ပါသည်။ ဒုဝန်ကြီးတယောက်နှင့် ညွှန်ကြားရေးမှူးချုပ် တဦးဆိုလျှင် လျှပ်စစ်နှင့်ပတ်သက်ပြီး မည်သို့လုပ်ကိုင်ရမည်ကို ကောင်းစွာနားလည်သည်။ သို့သော် သူတို့ အထက်မှ တာဝန်အရှိဆုံးလူကို တိုးမပေါက်ခဲ့ပေ။

သည်လျှပ်စစ်ဆွေးနွေးပွဲသို့ ဒုဝန်ကြီးဟောင်း တက်ခဲ့သည်ဟု ကြားသိရသည်။ စပ်စုလိုက်တော့ ဒုဝန်ကြီးဟောင်းသည် လက်ရှိမြန်မာနိုင်ငံ၏ လျှပ်စစ် လိုအပ်မှုပြဿနာကို ကျယ်ကျယ်ပြန့်ပြန့်ရှင်းပြလိုသည်။ သို့သော် ပြောဆိုခွင့် ၁၀ မိနစ်သာရခဲ့သည်ဟူ၏။ အစိုးရဟောင်းထဲမှ တချို့အရာရှိကြီးများသည် ဦးသိန်းစိန်လက်ထက်တွင် ထိန်းထိန်းသိမ်းသိမ်းနေထိုင်ခဲ့သူများလည်းရှိကြပါသည်။ သူတို့သည် လက်ရှိ အစိုးရကို ပူပန်စွာ စောင့်ကြည့်နေသူများထဲတွင်ပါဝင်သည်။ အောင်မြင်စေလိုသည့် ဆန္ဒိရှိသူများထဲတွင် ပါဝင်သည်။

လျှပ်စစ်ညွှန်ချုပ်ဟောင်းက ဆက်ပြောပြပါသည်။ ''နိုင်ငံမှာ လျှပ်စစ်က အမြဲလိုအပ်နေမှာပါပဲ။ ကျွန်တော်တို့ တာဝန်ယူနေရတုန်းကလည်း နှစ်(၃၀) စီမံကိန်းရှိပါတယ်။ ဒါပေမဲ့ လက်တွေ့လုပ်တော့ တိတိ ကျကျမလုပ်ခဲ့ကြဘူး။ အခုအစိုးရသစ်လက်ထက်မှာလည်း လျှပ်စစ်နဲ့ပတ်သက်ရင် ဂျပန်နဲ့ဆွဲထားတဲ့ စီမံကိန်းရှိတယ်။ ကမ္ဘာ့ဘဏ်နဲ့ဆွဲထားတဲ့ စီမံကိန်းရှိတယ်။ နောက်တခုရှိသေးတယ်။ သုံးခုတောင်ရှိတယ်။ ဘယ်စီမံကိန်းကိုပဲ အကောင်အထည်ဖော်ဖို့လုပ်လုပ် ငွေလိုတဲ့ ပြဿနာထွက်လာမှာပဲ။ အခုလက်ရှိအစိုးရ က လုပ်နေတာရှိတယ်။ ပုဂ္ဂလိကက လုပ်နေတာရှိ တယ်။ ပုဂ္ဂလိကလက်ထဲ အပြီးမထည့်ချင်ရင် အစိုးရက အစုရှယ်ယာခေါ်ရမယ်။ လျှပ်စစ်ထုတ်လုပ်တဲ့အပိုင်း၊ ပို့လွှတ်တဲ့အပိုင်း၊ ဖြန့်ဝေတဲ့အပိုင်း ဒီသုံးပိုင်း စလုံးကို ထိန်းကျောင်းစောင့်ကြည့်ပေးတဲ့အဖွဲ့ ဒါမှ မဟုတ် ကော်မတီလိုတယ်။ ဒီသုံးပိုင်းမချိတ်ဆက်နိုင် ရင်လုပ်ငန်းမအောင်မြင်ဘူး။ အခုလိုပဲ လျှပ်စစ်ပျောက်တာ၊ လေလွင့်တာတွေဖြစ်မှာပဲ။ လက်ရှိဓာတ်ကြိုး တွေ၊ ဓာတ်တိုင်တွေက အရည်အသွေးမကောင်းဘူး။ ဒါတွေကိုလည်း နောက်က တချိန်လုံးစစ်ဆေး ပြန်လဲ လှယ်လုပ်နေရမှာ။ လုပ်ရမယ့်ကဏ္ဍက ကြီးမားတယ်။ နိုင်ငံတကာမှာ စောင့်ကြည့်ကြပ်မတ်ပေးတဲ့အဖွဲ့ရှိ တယ်။ မြန်မာမှာမရှိဘူး'' စသဖြင့် ပြောပြပါသည်။

ဝါးနှင့်ပတ်သက်၍လည်း နိုင်ငံခြားတွင် ၁၈ နှစ် အလုပ်လုပ်ပြီး ပြန်လာသည့် သူငယ်ချင်းတဦးက ပြောပြသည်။

''ငါတို့နိုင်ငံမှာ သစ်တွေပြုန်းကုန်ပေမဲ့၊ ၀ါးကတော့ ကျန်သေးတယ်။ ကမ္ဘာမှာ ၀ါးကိုရွှေစိမ်းလို့ တောင် တင်စားခေါ်ကြတာ၊ ၀ါးနဲ့ အိမ်သုံးပစ္စည်း၊ အိမ်ဆောက်ပစ္စည်းမျိုးစုံ လုပ်လို့ရတယ်။ ဒါပေမဲ့ ငါတို့မှာ နည်းပညာမရှိဘူး။ ၀ါးကို တရုတ်ကို အလုံးလိုက်ရောင်းနေတယ်။ သိပ်နစ်နာတယ်။ ကုလသမဂ္ဂက ငါ့ကိုမေးတယ်။ မင်းတို့ နိုင်ငံက၀ါးနဲ့ပတ်သက်တဲ့ နည်းပညာ အကူအညီပေးတာကို အစိုးရက ဘာလို့ လက်မခံတာလဲတဲ့''

''ငါ ၂၀၁၄ မှာ ရန်ကုန်ပြန်ရောက်တော့ သစ်တောဝန်ကြီးဌာနကိုသွားတယ်။ ကုလသမဂ္ဂကပေးတဲ့ နည်းပညာနဲ့ ငွေကြေးအကူအညီ ၀ါးအတွက် ယူဖို့။ ညွှန်ချုပ်က စစ်ဗိုလ်။ ငါရှင်းပြတာကို နားမလည်ဘူး။ စိတ်လည်း မ၀င်စားဘူး။ ဒုညွှန်ချုပ်က အရပ်သား။ ငါပြောတာကို သဘောလည်းပေါက်တယ်။ တရုတ်က ဒီနည်းပညာရထားတယ်ဆိုတာလည်း သိတယ်။ ညွှန်ချုပ်ကတော့ မယူဘူးလို့ဘဲ ပြန်ပြောတယ်။ နောက် ၆ လလောက်နေတော့ ဒုညွှန်ချုပ်နဲ့ တနေရာမှာ တွေ့တယ်။ သူက အလုပ်ကထွက်ပြီးပြီ။ ၀ါးနည်းပညာကို လိုချင်သတဲ့။ ဘာလို့ချိတ်ဆက်ပေးရမှာလဲ။ သူက ကိုယ်ပိုင်စီးပွားရေးလုပ်မှာ။ ငါက ဒီနည်းပညာ ဒီအကူအညီကို နိုင်ငံအတွက် ဖြစ်စေချင်တာ”

ယခုအစိုးရသစ်တက်လာပြီးနောက် ကုလသမဂ္ဂကပေးသည့် ၀ါးနည်းပညာယူမည်ဆိုပါက ၀ါးအလွန်ပေါသော မွန်ပြည်နယ် သို့မဟုတ် ကော့မှူးမြို့နယ် တ၀ှိုက်တွင် ၀ါးမှ အိမ်ဆောက်ပစ္စည်းမျိုးစုံထုတ်သော စက်ရုံထောင်ပြီး လည်ပတ်နိုင်ပါသည်။ နယ်မှ ဒေသခံများစွာ အလုပ်အကိုင်ရကြမည်ဖြစ်ပါသည်။ ဆိုင်ကယ် ကယ်ရီသမားလေးများ စက်ရုံထဲ ရောက်လာကြပေမည်။

အစိုးရအနေဖြင့် အကြံကောင်းဥာဏ်ကောင်းပေးနိုင်သော ပြည်သူများ၊ ၀န်ထမ်းဟောင်းများထံမှ အကြံဥာဏ်များကို ရယူသင့်ပါသည်။ ၁၀ မိနစ်ပဲ ပြောပါ။ ၁၅ မိနစ်ပဲပြောပါ။ မကန့်သတ်ဘဲ သူတို့၏ အတွေ့အကြုံများ အကြံဥာဏ်များကို နားထောင် သင့်ပါသည်။ ဂျာနယ်ကျော်ဦးချစ်မောင်လောက် ဘက်စုံမတော်စေကာမူ တတ်ကျွမ်းရာတနေရာရှိပြီး အစိုးရကိုမျှဝေပေးချင်သူများ ရှိကြပါသည်။ သူတို့သည် နိုင်ငံနှင့်လူမျိုး ကောင်းစားစေလိုသည့် စိတ်မှအပ မည်သည့်မျှော်ကိုးမှုမှ မရှိကြပါ။

တနှစ်တာခရီးလျှောက်ခဲ့ပြီးပြီဖြစ်သော အစိုးရအနေဖြင့် လုပ်ငန်းများရည်မှန်းသလောက် မအောင် မြင်ခြင်းအပေါ် ပြန်လည်ဆန်းစစ်ဝေဖန်ခြင်း၊ လုပ်နည်းလုပ်ဟန်ပြောင်းခြင်း၊ လူပြောင်းခြင်းတို့ကို လုပ် ဆောင်ချိန်တန်လေပြီ။

ခင်နှင်းဦး
News Watch(စောင့်ကြည့်သတင်းဂျာနယ်)



မြောက်ဒဂုံမြို့နယ် (၄၇) ရပ်ကွက်ရှိ နေအိမ်တစ်အိမ်မှ တစ်သောင်းတန် ငွေစက္ကူ အတု သိန်း ၁၃၀၀ အား မတ် ၉ ရက် ညနေ ၆ နာရီ သိမ်းဆည်းရမိခဲ့ကြောင်း ယင်းရပ်ကွက် အုပ်ချုပ်ရေးမှူး ဦးခင်မောင်ရွှေက The Daily Eleven သတင်းစာသို့ ပြောကြားသည်။
ဖြစ်စဉ်မှာ ရန်ကင်းမြို့နယ်တွင် နေထိုင်သော ဦးလှဝင်းသည် ညနေ ၆ နာရီခွဲတွင် ၎င်းပိုင်ဆိုင်သည့် မြောက်ဒဂုံမြို့နယ် ရသာရုံလမ်း အမှတ် (၆၈၈) နေအိမ်အား သန့်ရှင်းရေးပြုလုပ်ရန် သွားရောက်ခဲ့ကြောင်း သိရ သည်။
အိမ်သို့ရောက်ရှိပြီး သန့်ရှင်းရေးပြုလုပ်စဉ် အိပ်ခန်းအတွင်းရှိ ခုတင်အောက်တွင် အမည်းရောင် ကျွတ်ကျွတ်အိတ်ဖြင့် ထုတ်ထားသော မိုးပြာရောင် အိတ်အတွင်းမှ ကျပ် တစ်သောင်းတန် ငွေစက္ကူအတုများအား တွေ့ရှိခဲ့သဖြင့် သက်ဆိုင်ရာ ရပ်ကွက်အုပ်ချုပ်ရေးမှုးရုံးသို့ အကြောင်းကြားခဲ့ကြောင်း (၄၇) ရပ်ကွက်အုပ်ချုပ်ရေးမှူး ဦးခင်မောင်ရွှေက ပြောကြားသည်။
ထို့နောက် ရပ်ကွက်အုပ်ချုပ်ရေးမှူးက ထားဝယ်ချောင်ရဲစခန်းသို့ ထပ်မံအကြောင်းကြားကာ စခန်းမှ တာဝန်ရှိသူများက အဆိုပါ ငွေစက္ကူအတုများအား သိမ်းဆည်းပြီး မြောက်ဒဂုံရဲစခန်းသို့ သယ်ဆောင်သွားခဲ့ကြောင်း၊ ရဲစခန်းတွင် ငွေစက္ကူအတုများအား အမှတ် (၆) မှုခင်းတပ်ဖွဲ့စု (ရန်ကုန်)မှ တာဝန်ရှိသူများက လာရောက်စစ်ဆေးခဲ့ကြောင်း (၄၇) ရပ်ကွက် ရာအိမ်မှူး ဦးအောင်မျိုး (ခ) ရှမ်းလေးက ပြောကြားသည်။
ထိုသို့စစ်ဆေးရာ ကျပ်တစ်သောင်းတန် ၁၀ သိန်းအုပ်၊ သိန်း ၁၀၀ အစည်း ၁၃ စည်း စုစုပေါင်း ကျပ်သိန်း ၁၃၀၀ အား တွေ့ရှိခဲ့ ကြောင်း၊ လတ်တလော စစ်ဆေးချက်အရ အဆိုပါငွေစက္ကူများမှာ အတုများဖြစ်ကြောင်း ရာအိမ်မှူး ဦးအောင်မျိုး (ခ) ရှမ်းလေးက ဆက်လက်ပြောကြားသည်။
“အဲဒီနေအိမ်ကို ဦးသိန်းကျော်ဆိုသူက ပွဲစားကတစ်ဆင့် စာချုပ်ချုပ်ပြီး ငှားရမ်းနေထိုင်တာပါ။ အိမ်ငှား ဦးသိန်းကျော်က ဖေဖော်ဝါရီလမှာ ပတ်ဝန်းကျင် နေအိမ်တွေကို နှုတ်ဆက်ပြီး ပြောင်းရွှေ့သွားတယ်လို့ လောလော ဆယ်သိထားရတယ်။ အဲဒီလိုပြောင်းရွှေ့သွားကြောင်းကို အနီးပတ်ဝန်းကျင် နေထိုင်သူတွေ က အိမ်ပိုင်ရှင် ဦးလှဝေကို အကြောင်းကြားလိုက်တယ်လို့ သိထားရတယ်။ အိမ်ပိုင်ရှင်က နေအိမ်ကို ထပ်ငှားဖို့ သန့်ရှင်းရေး လာလုပ်တဲ့အချိန် အဲဒီငွေစက္ကူတွေကို တွေ့ရတာပါ။ အိမ်ငှားဦးသိန်းကျော်က အဲဒီအိမ်မှာ လာနေလိုက် ပြန်ထွက်သွားလိုက် အမြဲလုပ်နေတာပါ။ သူအဲဒီအိမ်မှာ ဆက်နေလား၊ မနေလား ဆိုတာလည်း ကျွန်တော်တို့မသိရဘူး။ သူချုပ်ထားတဲ့ စာချုပ်ကလည်းမပြည့်သေးဘူး။ အဲဒီအိမ်မှာ သူရယ် တခြား ဘယ်သူနေလဲဆိုတာ ကျွန်တော်တို့လည်း မသိရဘူး။ ပွဲစားကိုတော့ ညက စခန်းမှာခေါ်စစ်တယ်။ အိမ်ငှား ဦးသိန်းကျော်ကိုတော့ ဆက်သွယ်လို့ မရသေးပါဘူး။ အဓိက အိမ်ရှင်က တာဝန်သိစွာနဲ့ ကျွန်တော်တို့ကို သတင်းလာပေးတာပါ” ဟု ယင်း ရပ်ကွက်အုပ်ချုပ်ရေးမှူး ဦးခင်မောင်ရွှေက ပြောကြားသည်။
အဆိုပါဖြစ်စဉ်နှင့်ပတ်သက်၍ ရဲတပ်ဖွဲ့မှ အကြီးတန်အရာရှိတစ်ဦးက ယင်းဖြစ်စဉ်မှာ မှန်ကန်ကြောင်း အတည်ပြု ပြောကြားသည်။
Writer:
အောင်မျိုးသန့်
Eleven Media Group



ဦးဝီရသူကို နိုင်ငံတော် သံဃာ့မဟာနာယကအဖွဲ့မှ တရားဟောခွင့် ပိတ်ပင်တဲ့ ကြေညာချက်။
မန္တလေးတိုင်း ဒေသကြီး မန္တလေးမြို့ မဟာအောင်မြေမြို့နယ်မှာ ရှိတဲ့ မစိုးရိမ်တိုက်သစ်က ဦးဝီရသူ အဖြစ် လူသိများတဲ့ နယက အဖွဲ့ဝင် ဆရာတော် ဦးဝိစိတ္တာ ဘိဝံသ ဟာ ဘာသာတခုနဲ့ တခုကြား အမုန်းတရား ပွါးစေနိုင်တဲ့ ဟောပြောမှုတွေ လုပ်တာကို တွေ့ရှိရတဲ့ အတွက် ၂၀၁၇ မတ်လ ၁၀ ရက် သောကြာနေ့ကစပြီး ၂၀၁၈ မတ်လ ၉ ရက်နေ့အထိ တရားဟောပြောခွင့် တနှစ် ပိတ်ပင်လိုက်တယ်လို့ နိုင်ငံတော် သံဃာ့ မဟာနာယက အဖွဲ့က မတ်လ ၁၀ ရက် နေ့စွဲနဲ့ ကြေညာချက် ထုတ်ပြန် လိုက်ပါတယ်။

ဦးဝီရသူဟာ ဘာသာတခုနဲ့ တခုကြား အမုန်းတရားပွါးပြီး ဘာသာရေး အဓိကရုန်းတွေ ဖြစ်လာစေနိုင်တဲ့ ဟောပြောမှုတွေ၊ အမုန်းတရား ကြီးထွါးစေတဲ့ လှုံ့ဆော်မှုဟောပြောမှုတွေ၊ တရားဥပဒေ စိုးမိုးရေးကို အဟန့်အတား ဖြစ်စေ တဲ့ ဟောပြောမှုတွေ အပြင် နိုင်ငံရေး ပါတီတွေကြား ဘက်လိုက် ဟောပြောမှုတွေ ကို ဒေသအနှံ့အပြားမှာ အကြိမ် အတော်များများ ပြုလုပ်ခဲ့တာမို့ ဒါဟာ နိုင်ငံတော် သံဃာ့ မဟာနာယက အဖွဲ့က ထုတ်ပြန်ထားတဲ့ ညွှန်ကြားချက်တွေကို ဖေါက်ဖျက်ရာ ကျနေတယ်လို့ ကြေညာချက်မှာ ဖေါ်ပြထားပါတယ်။

အခုလို ချိုးဖေါက်မှုနေမှုကြောင့် နိုင်ငံတော် သံယာ့ မဟာနာယက အဖွဲ့ရဲ့ ၄၇ ပါးစုံညီ အထူးအစည်းအဝေး ကနေ ဦးဝီရသူကို တရားဟောပြောခွင့် တနှစ် ပိတ်ပင်ဖို့ ဆုံးဖြတ်ခဲ့တာ ဖြစ်ပြီး မလိုက်နာရင် တည်ဆဲ ဥပဒေတွေနဲ့ အရေးယူသွားမယ်လို့ ရေးသား ထားပါတယ်။

မကြာသေးခင်က ရန်ကုန်လေဆိပ်မှာ သေနတ်နဲ့ ပစ်ခတ် အလုပ်ကြံခံခဲ့ရတဲ့ တရားလွှတ်တော် ရှေ့နေကြီးဦးကိုနီရဲ့ဖြစ်စဉ်နဲ့ ပတ်သက်ပြီး ဦးကိုနီကို သတ်ဖြတ်ခဲ့သူဟာ လူတွေကို အန္တရာယ်ပြုမယ့် ခွေးရူးကို သတ်ခဲ့သူမို့ ကျေးဇူးတင်ထိုက်တယ်လို့ ဦးဝီရသူက ပြောကြားခဲ့တာ ဖြစ်ပါတယ်။

ဦးဝီရသူဟာ မူဆလင် မုန်းတီးရေးတရားတွေ ဟောပြောသူအဖြစ် ထင်ရှားပြီး ၂၀၁၃ ဇွန်လထုတ် Times မဂ္ဂဇင်းကြီးရဲ့ မျက်နှာဖုံးမှာတော့ The Face of Buddhist Terror ဗုဒ္ဓဘာသာ အကြမ်းဖက် ဝါဒီရဲ့ မျက်နှာ အဖြစ် ဖေါ်ပြတာ ခံခဲ့ရပါတယ်။

ဗွီအိုအေ (မြန်မာပိုင်း)
http://burmese.voanews.com



ဦးကိုနီ ဈာပနအခမ်းအနား။
ရှေ့နေကြီး ဦးကိုနီ လုပ်ကြံသတ်ဖြတ်ခံရတဲ့ အမှုနဲ့ပတ်သက်ပြီး တရားခံတွေကို လူသတ်မှု ပြစ်မှုဆိုင်ရာပုဒ်မ (၃၀၂) နဲ့ တရားစွဲဆိုချက် အစား အကြမ်းဖက်မှုတိုက်ဖျက်ရေး ဥပဒေနဲ့ ထိထိရောက်ရောက် အရေးယူဆောင်ရွက်ဖို့ NLD အစိုးရကို ဥပဒေပညာရှင်တွေက တိုက်တွန်းလိုက်ပါတယ်။ အကြမ်းဖက်မှုတိုက်ဖျက်ရေး ဥပဒေအရသာ ဦးကိုနီလုပ်ကြံခံရတဲ့ အမှု ကွင်းဆက် တခုလုံးကို ဖေါ်ထုတ်နိုင် မှာဖြစ်ပြီး နိုင်ငံတွင်း လူသတ် ဂိုဏ်းတွေ နောက်ထပ် ပေါ်ပေါက်မလာအောင် ကာကွယ်တားဆီးနိုင်မှာ ဖြစ်တယ်လို့ ဥပဒေပညာရှင်တွေက ပြောပါတယ်။ ဆက်သွယ်မေးမြန်းထားတဲ့ မအင်ကြင်းနိုင်က အပြည့်အစုံကို ဆက်ပြီးပြောပြမှာပါ။

အာဏာရ ပါတီ NLD အမျိုးသားဒီမိုကရေစီအဖွဲ့ချုပ် ရဲ့ ထိပ်တန်း ဥပဒေ အကြံပေး ရှေ့နေကြီး ဦးကိုနီ လုပ်ကြံသတ်ဖြတ်ခံရမှုနဲ့ ပတ်သက်ပြီး ပြည်ထဲရေး ၀န်ကြီးဌာနက ဖေဖေါ်ဝါရီလ (၂၅)ရက်နေ့မှာ သတင်းစာ ရှင်းလင်းပွဲပြု လုပ်ပြီးနောက်ပိုင်း နောက်ထပ် စုံစမ်းစစ်ဆေးမှုတွေနဲ့ တရားရုံးထုတ် စစ်ဆေးချက်တွေ ကို အများပြည်သူသိအောင် အစိုးရဘက် ထုတ်ပြန်ကြေညာခြင်းမရှိသေးပါဘူး။

ဦးကိုနီကို ရန်ကုန်လေဆိပ် အများပြည်သူမြင်ကွင်းရှေ့မှာ သေနတ်နဲ့ ပစ်သတ်မှုဟာ သာမန်လူသတ်မှုမျိုးမဟုတ်ပဲ အုပ်စုနဲ့ နောက်ကွယ်က ကြိုတင်ကြံစည်ထားတဲ့ အကြမ်း ဖက်မှုဖြစ်တဲ့အတွက် အစိုးရဘက်က အမှုမှန်ပေါ်ပေါက်ရေး အချိန်မှီဖေါ်ထုတ် အရေးယူဆောင်ရွက်သင့်တယ်လို့ လူ့အခွင့်အရေး ရှေ့နေ ဦးရောဘတ်ဆန်းအောင်က ပြောပါတယ်။

"သူတို့လုပ်နေတာက ပြည့်စုံလုံလောက်မှု မရှိဘူးဗျ။ အခုရုံးတင်တယ် ဘယ်လိုလုပ်နေလဲ အောင်ဝင်းခိုင်ကို တရားခံပြေးမှု ဖွင့်လား။ မဖွင့်လား ဒါ ပြည်သူကို အသိပေးရမယ်။ ဒါက သာမာန်လူသတ်မှုမှ မဟုတ်ပဲ ဒါအကြမ်းဖက်မှုရဲ့ အစိတ်အပိုင်းတရပ်အနေနဲ့ သတ်တဲ့လူသတ်မှုပဲ။"

ဦးကိုနီကို လုပ်ကြံမှုမှာ ပါဝင်ပတ်သက်နေသူတွေကို အစိုးရဘက်က အရေးယူထားတဲ့ ဥပဒေပုဒ်မဟာ အားနည်းနေပြီး နောက်ကွယ်က ကွင်းဆက်တခုလုံးနဲ့ နောင် အကြမ်းဖက်ဂိုဏ်းတွေ ပေါ်မလာအောင်တားဆီးနိုင်ဖို့အကြမ်းဖက်မှု တိုက်ဖျက်ရေး ဥပဒေနဲ့သာ အရေးယူဆောင်ရွက်သင့်ကြောင်း တရားလွှတ်တော်ရှေ့နေ ဦးကြီးမြင့်ကအခုလို ပြောပါတယ်။

"ဒီကေ့စ်ကို ကိုင်တွယ်ပုံကို ကျနော် မကြိုက်ဘူးလေ။ အမှု ဖော်ထုတ်ပုံ ဖော်ထုတ်နည်းတွေ က တရားခံ ထွက်ပြေးဖို့ အချိန်ပေးသလိုဖြစ်နေတယ် တစ်အချက်က။ နောက်တခါ သူတို့သတင်းစာရှင်းလင်းပွဲ လုပ်လိုက်ကာမှ ပိုဆိုးသွားတယ်။ နောက်တခါ တရားစွဲတဲ့ အခါမှာလည်း သူတို့တရားစွဲပုံ စွဲနည်းက မှားနေတယ်။ သမီးရည်းစားခြင်း ဓားနဲ့ထိုးတဲ့ ပုဒ်မမျိုး ၃၀၂ နဲ့ပဲ အဲ့ဒီ့ပုံစံမျိုး စွဲနေတယ်။ ဒီကိစ္စက အဲ့လိုပုံစံမျိုး စွဲလို့မရဘူး။ ကျနော်တို့ လွှတ်တော်ကနေပြီး ၂၀၁၄ခုနှစ်မှာ အတိအကျပြဌာန်းထားပြီးသား။ လူနှစ်ဦးထက်ပိုတဲ့ ဂိုဏ်းနဲ့ လုပ်လာပြီဆိုရင် ဥပဒေနဲ့ အရေးယူရမယ်လို့ အတိအကျဖော်ပြ ထားပြီးသား။

နောက်တခါ အခု အကြမ်းဖက်မှုက လေဆိပ်မှာဖြစ်တဲ့ဟာဖြစ်လို့ ပိုအပြစ်ကြီးတယ်။ လေယာဉ်ပေါ်က ဆင်းလာပြီး ၂၄နာရီအတွင်းကို လေယာဉ်ဝန်ဆောင်မှု ကာလလို့ခေါ်တယ်။ အဲ့ဒီ့လေယာဉ်ဝန်ဆောင်မှု ကာလတွေမှာ လုပ်တဲ့သူတွေ ဟာ သေဒဏ်ပဲ။ အခုဟာက ဘာဖြစ်နိုင်သလဲဆိုရင် ကြည်လင်းတယောက်ပဲ သေဒဏ်ချပြီး ကျန်တဲ့သူက တသက်တကျွန်းတို့ ဆယ်နှစ်တို့နဲ့ အထက်ရုံးအဆင့်ဆင့်ရောက်သွားရော အပေါ်ကလည်း စစ်ဗိုလ်ပဲလေ တရားသူကြီးချုပ်က အဲ့မှာ ဆယ်နှစ်တွေ ဘာတွေ လုပ်ပြီး ကျတော့ နောက်လည်းကျရော အမှုကြီးက တဖြေးဖြေးနဲ့ လုံးပါး ပါးသွားမှာကို ကျနော်တို့ သွားတွေ့နေရတယ်။ ဗမာပြည်ရဲ့အတွေ့အကြုံက အဲ့ဒီ့အတိုင်းပဲ။ သူတို့လွှတ်ချင်လာပြီဆို တမျိုးလုပ်တယ် မလွှတ်ချင်လာပြီဆို တမျိုးလုပ်တယ်။ အကြမ်းဖက်တိုက်ဖျက်ရေးဥပဒေနဲ့ အရေးယူရမယ် ဒါမှ လှုံ့ဆော်တာတွေရော အကုန်လုံး ပါသွားပြီးတော့ ဒီကွင်းဆက်ကြီးကို မိမှာ။ အဲ့ကွင်းဆက်ကြီးကို လွတ်သွားပြီးတော့ အခုအဆင့်မှာပဲ ဖျောက်ပစ်လိုက်မှာကို ကျနော်တို့ စိုးရိမ်နေတယ် အဲ့တာပါပဲ။

မအင်ကြင်းနိုင်။ ။ အခုဒီကြားထဲမှာ ဦးကိုနီအမှုကို စုံစမ်းရေးသားနေတဲ့ Myanmar Now အယ်ဒီတာချုပ် ကိုဆွေဝင်းကို မဘသဘက်ကလည်း ပုဒ်မ ၆၆ဃ နဲ့တရားစွဲဆိုတဲ့ ကိစ္စတွေက ပေါ်လာတော့ အခြေအနေတွေ ပိုပြီးတော့ ရှုပ်ထွေးလာသလား။ ဆရာတို့ဘက်က ဘယ်လိုသုံးသပ်သလဲရှင့်။

ဦးကြီးမြင့်။ ။ ကိုဆွေဝင်းပြောတဲ့မှတ်ချက်ကို ကျနော် သဘောတူတယ်။ အာဏာပိုင်တွေနဲ့ မဘသနဲ့ပေါင်းပြီး သူ့အပေါ်မှာ လုပ်ကြံတယ်ဆိုတာကို ကျနော် သဘောတူတယ်။ လှုံ့ဆော်တဲ့သူက ဦးဝီရသူတို့နဲ့ မဘသက လှုံ့ဆော်တာလေ။ အဲ့တာ လှုံ့ဆော်တဲ့သူကို အကြမ်းဖက်မှုတိုက်ဖျက်ရေးဥပဒေအရ ဖမ်းရမှာ အဲ့တာ။ သတ်ကြ သတ်ကြတာကောင်းတယ် အဲ့တာ ရာဇဝတ်မှုဖြစ်အောင် လှုံ့ဆော်တာလေ အဲ့တာကို အရေးမယူပဲနဲ့ ဒီဟာကို သတိပေးတဲ့ စာရေးဆရာကို သတိပေးတဲ့ သတင်းမီဒီယာကို အရေးယူတယ်ဆိုတာ ဘယ်လိုပြောမလဲဆိုတော့ ကိုဆွေဝင်းစွပ်စွဲမယ်ဆိုလည်း စွပ်စွဲစရာပဲ။ ကိုဆွေဝင်းကတော့ ဒီကိစ္စနဲ့ပတ်သက်လို့ လုံးဝ ခေါင်းငုံ့မခံဘူး။ သူကတော့ ပြန်တိုက်မယ်လို့ပြောတယ်။

မအင်ကြင်းနိုင်။ ။ အဲ့ဒီ့တော့ ဦးကိုနီ လုပ်ကြံခံရမှုမှာ အမှုမှန်ပေါ်ပေါက်ရေး အစိုးရအနေနဲ့ ဘာဆက်လုပ်သင့်တယ်လို့ မြင်ပါလဲရှင့်။

ဦးကြီးမြင့်။ ။ ကျနော်ကတော့ ဒီအမှု ၃၀၂နဲ့ စွဲထားတဲ့အမှုကို ပြန်ပြီးတော့ withdraw လုပ်လိုက်ပြီးတော့ အကြမ်းဖက်မှုတိုက်ဖျက်ရေး ဥပဒေနဲ့စွဲဖို့ကို နိုင်ငံတော်အစိုးရက လုပ်ရင် ရတယ်။ သူ့မှာ အာဏာရှိတယ်။ အဲ့တာကို ကျနော်တိုက်တွန်းမှာပါ ခင်ဗျ။ အဲ့လိုမှ မဟုတ်ဘူးဆိုလို့ရှိရင် နောက်ထပ် လူသတ်ဂိုဏ်းတွေ တခုပြီးတခု ထွက်ပေါ်လာပြီးတော့ အလွန်ကြောက်စရာကောင်းတဲ့ တိုင်းပြည်ကြီးအောက်မှာ နေရသလိုဖြစ်သွားမယ်။"

အခုလို ဦးကိုနီလုပ်ကြံခံရတဲ့ အမှုမှန်ပေါ်ပေါက်ရေး ဆောင်ရွက်နေတဲ့ သူတို့ကိုလည်း ခြိမ်းခြောက်မှုတွေရှိနေကြောင်း ရှေ့နေတချို့က ဗွီအိုအေကို ပြောပါတယ်။ ဒီကနေ့ စနေ ညနေပိုင်းမှာ ရန်ကုန်မြို့ သခင်မြ ပန်းခြံမှာ ဦးကိုနီလုပ်ကြံခံရမှု ရက်ပေါင်း (၄၀) ပြည့် လူထုဟောပြောပွဲကို ရှေ့နေတွေ၊ သတင်းသမားတွေ ဦးဆောင်ပြီး ကျင်းပမှာဖြစ်ပါတယ်။

(မှတ်ချက်)ပြည်ထဲရေးဝန်ကြီးဌာနရဲ့ ဖေဖေါ်ဝါရီလ (၂၅)ရက်နေ့ သတင်းစာရှင်းလင်းပွဲက ထုတ်ပြန်ခဲ့တဲ့ ဦးကိုနီလုပ်ကြံခံရမှု အချက်အလက်တွေထဲမှာ- ထွက်ပြေးတိမ်းရှောင်နေတဲ့ တရားခံ အောင်ဝင်းခိုင်ကို ရာဇသတ်ကြီး ပုဒ်မ ၃၀၂ အရ မှုခင်းရဲတပ်ဖွဲ့ က တရားစွဲရန် စီစဉ်နေကြောင်း ဖေါ်ပြထားပါတယ်။ သေနတ်သမား ကြည်လင်း (ခ) ဖိုးထူးကို တော့ ရာဇသတ်ကြီး ပုဒ်မ ၃၀၂ (၁)၊ လက်နက် ဥပဒေ ပုဒ်မ ၁၉ (စ)၊ လဝကအက် ၁၃ (၁) နဲ့ တရားစွဲထားကြောင်း ဖေါ်ပြထားပါတယ်။ အလားတူ အောင်ဝင်းဇော်အား ရာဇသတ်ကြီး ပုဒ်မ ၃၀၂ (၁)၊ လက်နက် ဥပဒေ ပုဒ်မ ၁၉ (စ) နဲ့လည်းကောင်းဇေယျာဖြိုးအား ရာဇသတ်ကြီး ပုဒ်မ ၃၀၂ ၊ ဆက်သွယ်ရေး ဥပဒေ ပုဒ်မ ၆၇ ၊ ရာဇသတ်ကြီး ပုဒ်မ ၄၂၀/၄၆၈ တို့နဲ့ တရားစွဲထားတယ်လို့ သတင်းစာရှင်းလင်းပွဲမှာ မြန်မာနိုင်ငံရဲတပ်ဖွဲ့ ရဲချူပ်ဇော်ဝင်းက ပြောကြားခဲ့ပါတယ်။
အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


မတ်လ ၁၀ ရက် ၂၀၁၇

သျှမ်းပြည်မြောက်ပိုင်း သီပေါမြို့နယ် အတွင်း စစ်ရေးတင်းမာမှု ရှိနေ သော် လည်း ကျပ်သိန်းပေါင်း ရာဂဏန်းများစွာ ကံစမ်းမဲဖေါက်ကာ ဘော်ကြိုဘုရား တပေါင်းပွဲတော်အား ယခင်နှစ်များထက် စည်ကားသိုက်မြိုက်စွာကျင်းပေ နသည်ဟု သိရသည်။

ဘော်ကြိုဓါတ်တော်ဘုရားပွဲတော်ကို မတ်လ ၇ ရက်နေ့တွင်စတင်ကျင်းပခဲ့ပြီး လာမည့် တနင်္လာနေ့ မတ်လ ၁၃ ရက်နေ့တွင် ပွဲတော်ပြီးဆုံးမည်ဖြစ်ကြောင်း ပွဲတော်သို့ရောက်လာသည့် ဘုရားဖူးဧည့်သည် များ ယခင်နှစ်များထက် ပိုမိုစည်းကားလျှက်ရှိကြောင်း ဘော်ကြိုဘုရားဂေါပက လုံးဆန်စိုင်းက ပြောသည်။

RCSS/SSA နဲ့ အစိုးရ တပ်မတော်တို့ ကြား တိုက်ပွဲဖြစ်တာက ကျနော်တို့ဘုရားပွဲကျင်းပတဲ့ နေရာရဲ့ မြောက်ဘက် ၇ မိုင်လောက်အကွာမှာဘဲတယ်။ စစ်ကြောင်းလှုပ်ရှားမှုတွေလဲရှိနေသေးတယ်။ အထူး သဖြင့်တော့ ဒီအနီးအနားမှာ လာမလှုပ်ရှားဖို့ အနူးအညွတ်မေတ္တာ ရပ်ခံပါတယ်။ အခု အထိတော့ ပွဲက အရင်နှစ်တွေကထက်တောင်ပိုစည်ေ သးတယ် - ဟု ပြောဆိုသည်။


မတ်လ ၇ ရက် ပွဲစကျင်းပသည့်နေ့က သျှမ်းပြည်ပြန်လည်ထူထောင်ရေးေ ကာင်စီ အခြေချသည့် စခန်းဖြစ်သည့် သီပေါမြို့မြောက်ဘက် အုံမုအုပ်စု အတွင်းရှိ မုံစုတောင်ဘက်သို့ အစိုးရတပ်မတော် ပစ်ခတ်တိုက်ခိုက်ေ သာကြောင့် နှစ် ဘက် တိုက်ပွဲအပြင်းအထန်ဖြစ်ပွါးကြောင်း၊ ယနေ့ နှစ်ဘက် တပ်အကြားတိုက်ပွဲ ထပ်မံဖြစ်ပွားခြင်းမရှိသော်လည်း ပလောင်တပ်၊ အစိုးရတပ်၊ သျှမ်းတပ် များ သွားလာ လှုပ်ရှား မှုများ ရှိနေသေးကြောင်း ဒေ သခံများက ပြောသည်။

ယခုနှစ် ဘော်ကြိုဘုရား တပေါင်းလပြည့်ပွဲတော်တွင် ကံစမ်းမဲပါ ရောင်းချပေးရာ ကံစမ်းမဲပထမဆုမှာ AD-VAN Nissan အမျိုးအစားအဖြစ်လည်းကောင်း တခြားဆုများမှာ ဟွန်ဒါ ခွေးဘီလူးကား၊ ထော်လာဂျီ တို့အပြင်ရေ ခဲသေတာ၊ ပန်ကာ၊ လျှပ်စစ်ထမင်းအိုးနှင့် လျှပ်စစ်ဒယ်အိုး အခြား ဆုပစ္စည်းမြောက်များစွာ ရှိကြောင်းသိရသည်။

သျှမ်းသံတော်ဆင့် - ပန်တိုင်းခမ်း
Panglong(Burmese)
https://www.facebook.com/Panglong.burmese/



တပ်မတော် ဘက်ကလည်း ကျိုင်းတုံ နယ်ထဲ က မိုင်းလား ဘက်ကို သွားတဲ့ ဂိတ် တစ်ခု ကို ပိတ်ထား ခဲ့
မတ်လ ၈ ရက်နေ့ မှာ ကျိုင်းတုံ မိုင်းလမ်း လမ်းမ ပေါ်က မိုင်းလား ထိန်းချုပ် နယ်မြေတွေ ကို သိမ်းပိုက် ထားတဲ့ UWSA ဝ တပ်ဖွဲ့ တွေ က ပြန်လည် ဆုတ်ခွာ သွားခဲ့ပါတယ်။

၂၀၁၆ ခုနှစ် အောက်တိုဘာလ က စလို့ ဝတပ်ဖွဲ့ တွေဟာ မိုင်းလား အဖွဲ့ ထိန်းချုပ် နယ်မြေထဲက တပ်စခန်း ၅ ခုကို သိမ်းပိုက် ထားခဲ့တာ ဖြစ်ပါတယ်။

မိုင်းလား အဖွဲ့ အနေနဲ့ တစ်နိုင်ငံလုံး အပစ်ရပ် စာချုပ် NCA မှာ လက်မှတ်ရေးထိုး မှာကို စိုးရိမ် တဲ့ အတွက် တပ်စခန်းတွေကို ဝတပ်ဖွဲ့ က သိမ်း ယူ ထားခဲ့တာ ဖြစ်နိုင်ကြောင်း လေ့လာ သူတွေက သုံးသပ်နေကြပါတယ်။

ဝတပ်ဖွဲ့ က မိုင်းလား တပ်စခန်း တွေကို သိမ်းပိုက် လိုက်တဲ့ အတွက် မြန်မာ့ တပ်မတော် ဘက်ကလည်း ကျိုင်းတုံ နယ်ထဲ က မိုင်းလား ဘက်ကို သွားတဲ့ ဂိတ် တစ်ခု ကို ပိတ်ထား ခဲ့ပါတယ်။

မိုင်းလား တပ်စခန်းတွေ သိမ်းပိုက် ထားတဲ့ ကိစ္စကို ပြန်လည် ပေးအပ်ဖို့ အတွက် ဝတပ်ဖွဲ့ ခေါင်းဆောင် တွေနဲ့ မိုင်းလား အဖွဲ့ ခေါင်းဆောင်တွေ အကြိမ်ကြိမ် တွေ့ဆုံ ဆွေးနွေး ခဲ့ကြတာ ဖြစ်ပါတယ်။

ဝတပ်ဖွဲ့တွေ မိုင်းလား အဖွဲ့က ထိန်းချုပ် ထားတဲ့ တပ်စခန်း တွေကနေ ပြန်လည် ဆုတ်ခွာ ဖို့ အတွက် ဖေဖော်ဝါရီလ မှာတုန်းက တပ် အချင်းချင်း အကြိမ်ကြိမ် ညှိနှိုင်းမှု တွေ လုပ်ခဲ့ရပါတယ်။

ဒါ့အပြင် ပန်ခမ်း မှာ လုပ်တဲ့ တိုင်းရင်းသား လက်နက်ကိုင်များ ညီလာခံ ပြီးနောက်မှာ အချင်းချင်း နားလည်မှု ပိုမို ရရှိအောင် ဝတပ်ဖွဲ့ က ဆုတ် ပေး ခဲ့တာ ဖြစ်နိုင်ကြောင်း ငြိမ်းချမ်းရေး လေ့လာသူ ဦးမောင်မောင်စိုးက ပြောပါတယ်။

ဝတပ်ဖွဲ့ မိုင်းလား ဒေသမှာ ရှိနေသ၍ တာပင်း ဂိတ် ကို အစိုးရ က မဖွင့်ဘူးဆိုပြီး ပိတ်ထားပါတယ်။ အခုလို ဝတပ်ဖွဲ့ ဆုတ်ခွာ သွားပြီးနောက် တာပင်းဂိတ် ကို ပြန်လည် ဖွင့်လှစ်နိုင်ပြီး မိုင်းလား အဖွဲ့ နဲ့ တပ်မတော် အကြား ပုံမှန် အခြေအနေ ပြန်လည် ဖြစ်ပေါ် လာရင် ငြိမ်းချမ်းရေး လုပ်ငန်းစဉ် ကို အထောက်အကူ ပြု နိုင်မှာ ဖြစ်ပါတယ်။

ဝတပ်ဖွဲ့ အနေနဲ့ တိုင်းရင်းသား လက်နက်ကိုင် အဖွဲ့ထဲမှာ အင်အား အကြီးဆုံး အဖွဲ့ ဖြစ်သလို ပန်ခမ်း မှာလုပ်တဲ့ အပစ်ရပ် လက်မှတ် မထိုးရသေးတဲ့ တိုင်းရင်းသား အဖွဲ့တွေရဲ့ ညီလာခံမှာလည်း NCA စာချုပ်နဲ့ ငြိမ်းချမ်းရေး လမ်းစဉ်ကို ရှေ့ဆက် သွားလို့ မရဘူးလို့ ထုတ်ဖော် ပြောကြား ခဲ့ပါတယ်။

မတ်လ အစောပိုင်း တုန်းကလည်း အစိုးရ အနေနဲ့ NCA စာချုပ် အစား တခြားသော နည်းလမ်း တစ်ခု ကို ရှာဖွေ ပြီး ငြိမ်းချမ်းရေး လုပ်ငန်းစဉ် ကို ဖော်ဆောင်ပေးဖို့ UWSA တပ်ဖွဲ့က ထပ်မံ တောင်းဆို ထားပါတယ်။

BBC Burmese
http://www.bbc.com/burmese


သင်္ကြန်ကာလ အများပြည်သူရုံးပိတ်ရက်အတွင်း ၀န်ထမ်းများ၏သဘောတူညီချက်မရရှိဘဲ အတင်းအကျပ်အချိန်ပိုခေါ်ယူသည့်အလုပ်ရှင်များအား အရေးယူသွားမည်ဖြစ်ကြောင်း အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန၊ အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၏ ဒုတိယညွှန်ကြားရေးမှူးချုပ် ဦးညွန့်ဝင်းက ပြောသည်။

အချိန်ပိုခေါ်ယူလိုပါက ၀န်ထမ်း၏ သဘောတူညီချက်နှင့်အတူ သက်ဆိုင်ရာမြို့နယ်ရှိ အလုပ်ရုံနှင့် အလုပ်သမားစစ်ဆေးရေးဦးစီးဌာနရုံးသို့ တရားဝင်စာတင်ရမည်ဖြစ်ပြီး ထိုသို့ခွင့်ပြုချက်မရရှိဘဲ အချိန် ပိုခေါ်ယူသည်ဟု တိုင်ကြားလာပါက စုံစမ်းစစ်ဆေး၍ ဥပဒေအတိုင်း အရေးယူသွားမည်ဖြစ်ကြောင်း ၎င်းက ဆိုသည်။

''တချို့က တရားဝင်စာတင်ပြီးလုပ်တယ်။ တချို့ကျတော့ အလုပ်သမားနဲ့ အလုပ်ရှင်ညှိပြီး ခေါ်ကျတယ်ပေါ့။ အလုပ်သမားက သဘောမတူဘဲခေါ်ရင်တော့ မြို့နယ်အလုပ်ရုံနဲ့ အလုပ်သမားဥပဒေစစ်ဆေးရေးဦးစီးဌာနကို လာတိုင်လို့ရပါတယ်။ အလုပ်ရှင် ဒါမှမဟုတ် မန်နေဂျာကို အရေးယူပါမယ်''ဟု ဦးညွန့်ဝင်းက ပြောကြားသည်။

၁၉၅၁ အလုပ်ရုံများအက်ဥပဒေကို ပြင်ဆင်သော ဥပဒေ၊ အခန်း ၉၊ ပုဒ်မ ၈၅ အရ ၀န်ထမ်း၏ သဘောတူညီ ချက်မရရှိဘဲ အချိန်ပိုခေါ်ယူပါက အမြင့်ဆုံး ထောင်ဒဏ် ၃ လဖြစ်စေ၊ ငွေဒဏ်သိန်း ၂၀ ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ကြောင်း သိရသည်။

''အလုပ်သမားတွေက သဘောမတူဘဲ အချိန်ပိုခေါ်ခံရလို့ ကျွန်မတို့ကို လာပြောရင် ကျွန်မတို့က သက်ဆိုင်ရာ ရုံးတွေမှာ သွားပြောတယ်။ အဲဒီမှာ သူတို့က စာတင်ခိုင်းတယ်။ အလုပ်သမားတွေက စာတင်ရမယ်။ လက်မှတ်ထိုးရမယ်ဆို မတိုင်ရဲတော့ဘူး။ သူတို့နာမည်နဲ့တိုင်ရင် အလုပ်ဖြုတ်ခံရမှာကိုး။ ဒီနေရာမှာ အလုပ် သမားတွေကို သေချာအကာအကွယ်မပေးနိုင်သေးဘူး။ ဒီလို အချိန်ပိုခေါ်နေတယ် ဆိုတာသိတာနဲ့ သက်ဆိုင်ရာတာဝန်ရှိသူတွေက သွားစစ်ဆေးပြီး အရေးယူပေးရင် ကောင်းမယ်''ဟု အလုပ်သမားအဖွဲ့ချုပ် (ယာယီ)အဖွဲ့ဝင် ဒေါ်မျိုးအေးက ပြောသည်။

ပြီးခဲ့သည့် သင်္ကြန်ကာလများအတွင်း ၀န်ထမ်း၏ သဘောတူညီချက်မရရှိဘဲ အချိန်ပိုခေါ်ယူသဖြင့် တိုင်ကြားလာခြင်းများရှိခဲ့ပြီး ၁၉၅၁ အလုပ်ရုံများ အက် ဥပဒေကို ပြင်ဆင်သည့်ဥပဒေပုဒ်မ ၇၃ အရ အချိန်ပိုလုပ်ကိုင်ရသော အလုပ်သမားများအား အချိန်ပိုလုပ်ခအဖြစ် မည်သည့်စရိတ်မျှမပါသော မူရင်းအခြေခံလစာ၏ နှစ်ဆကို ခံစားခွင့်ပြုရမည်ဟု ပြဋ္ဌာန်းထားသည်။

နောင်နောင်
ဓါတ်ပုံ-ရွှေဖီး

News Watch
https://www.facebook.com/NewsWatchJournal/


ဖောက်သည်များမှာသည့် ပစ္စည်း များကို တစ်မြို့မှတစ်မြို့သို့ခဲရာခဲဆစ် လိုက်ပို့ပေးခဲ့သူ ပစ္စည်းပို့သမားသည် ယခုအခါတွင်တရုတ်နိုင်ငံ၌ တတိယ မြောက်အချမ်းသာဆုံး ပုဂ္ဂိုလ်ဖြစ်လာပြီ ဖြစ်သည်။

အမြန်ချောပို့လုပ်ငန်း အက်စ် အက်ဖ်ကို တည်ထောင်သူ အသက် ၄၆ နှစ်အရွယ် ဝမ်ဝီသည် ပိုင်ဆိုင်မှု ဒေါ်လာ ၂၇ ဘီလျံဖြင့် တရုတ်တွင် တတိယမြောက် အကြွယ်ဝဆုံးပုဂ္ဂိုလ် ဖြစ်လာခြင်းဖြစ် သည်။ ၎င်းသည် အမြန်ချောပို့လုပ်ငန်းကို လွန်ခဲ့သည့် ၂၄ နှစ်က စတင်လုပ်ဆောင်ခဲ့ သည်။

၎င်းသည် အသက်၂၂ နှစ်အရွယ် တွင် ဖခင်ထံမှ ဒေါ်လာ ၁၄ ၄၀၀ ချေးကာ လုပ်ငန်းစလုပ်ခဲ့ခြင်းဖြစ်သည်။

၂၀၀၃ ခုနှစ်တွင် ၎င်းက လေယာဉ် များငှားကာ ဖောက်သည်များ မှာသည့် ပစ္စည်းများကို အရောက်ပို့ခဲ့သည်။သို့ သော် ၂၀၀၉ ခုနှစ်တွင် လေယာဉ်ငှားရုံဖြင့် မရတော့ပေ။

ထို့ကြောင့် ၎င်းက ကိုယ်ပိုင် လေကြောင်းလိုင်း ထောင်လိုက်ကာ ပစ္စည်းများ ပို့တော့သည်။

တစ်နေ့တခြား လုပ်ငန်းကြီးထွား အောင်မြင်လာစေရန် လုပ်ဆောင်နိုင်စွမ်းရှိသည့်၎င်းက ကြီးပွား လိုသူ လူငယ်များကို အမှာစကား ပြောခဲ့ သည်။

လုပ်ရဲကိုင်ရဲရှိရမယ်၊ ဆန်းသစ် တီထွင်နိုင်စွမ်းရှိရမယ် ပြီးတော့တာဝန် ယူလိုစိတ် ရှိရမယ်] ဟု ၎င်းက ဆိုသည်။
၎င်းလုပ်ငန်း၏ရှယ်ယာဈေးများ ဆက် တိုက်တက်နေသဖြင့် ၎င်းသည် မကြာမီ တရုတ်နိုင်ငံတွင်နံပါတ်တစ်အချမ်းသာ ဆုံးပုဂ္ဂိုလ်ဖြစ်လာဖွယ် ရှိနေသည်။

Ref ; CCTV
Credit: pyimyanmar

===========

Search Myanmar


မဟာအတာသင်္ကြန် ရန်ကုန်မြို့မြင်ကွင်း။
မဟာအတာသင်္ကြန် ရန်ကုန်မြို့မြင်ကွင်း။
မြန်မာ့ရိုးရာ သင်္ကြန်ကာလမှာ ရုံးပိတ်ရက် ရက်ရှည်သတ်မှတ်ထားတာကို လျှော့ချလိုက်တဲ့ အစိုးရရဲ့ ကြေညာချက်အပေါ် ဝေဖန်မှုတွေ ထွက်ပေါ်လာပါတယ်။ မြန်မာအစိုးရကတော့ ရုံးလုပ်ငန်းတွေ မထိခိုက်စေဖို့ ရည်ရွယ်ပြီး မူလက ၁၀ ရက် သတ်မှတ်ထားတာကနေ ၅ ရက် လျှော့ချခဲ့ရတာလို့ ပြောဆိုခဲ့တာပါ။ ဒီကနေ့ ထုတ်ပြန်လိုက်တဲ့ အစိုးရရဲ့ ကြေညာချက် အပေါ် အင်တာနက် လူမှုကွန်ယက်တွေပေါ်မှာပါ ကျယ်ကျယ်လောင်လောင် ပြောဆိုနေကြ တဲ့ အကြောင်းကိုတော့ နန်းလောဝ် ကပြောပြပေးမှာဖြစ်ပါတယ်။

မြန်မာနိုင်ငံမှာ နှစ်သစ်ကူးရုံးပိတ်ရက်ကို အရင်က ၁၀ ရက် သတ်မှတ်ထားပေမဲ့ အခုအခါမှာတော့ ဧပြီလ ၁၃ ရက်နေ့ကနေ ၁၇ ရက်နေ့အထိ၊ ၅ ရက်သာ ပြောင်းလဲ သတ်မှတ်ကြောင်း အစိုးရက အမိန့်ကြော်ငြာစာ ထုတ်ပြန်လိုက်တာ ဖြစ်ပါတယ်။
ပြည်ထောင်စုအစိုးရအဖွဲ့ရဲ့ အများပြည်သူပိတ်ရက် အမိန့်ကြော်ငြာစာ။ (မတ် ၁၀၊ ၂၀၁၇)
ပြည်ထောင်စုအစိုးရအဖွဲ့ရဲ့ အများပြည်သူပိတ်ရက် အမိန့်ကြော်ငြာစာ။ (မတ် ၁၀၊ ၂၀၁၇)

ဒါပေမဲ့လည်း အစိုးရ ၀န်ထမ်းတွေ အတွက် ခံစားခွင့်အဖြစ် ၅ ရက်ပေးမှာဖြစ်တယ် လို့လည်း သမ္မတရုံးညွှန်ကြားရေးမှူး ဦးဇော်ဌေး ကပြောပါတယ်။

" အမှန်ကတော့ ရုံးပိတ်ရက် (၅)ရက် လုပ်လိုက်တယ်။ လုပ်လိုက်တဲ့အချိန်မှာ ဝန်ထမ်းတွေက မူလကတည်းက အတိုင်း ခရီးသွားတာတို့၊ အလှူဒါနပြုတာတို့ ကိုယ့်နေရပ်တွေ ပြန်တာတို့ ကျန်တဲ့နေရာတွေ သွားတာတို့ ဒါမျိုးတွေ နောက် တရားစခန်းတို့ ဒါမျိုးတွေ စီစဉ်ထားတာဖြစ်တယ်။ ဒါကို သူတို့က ၁၀ရက်နဲ့ တွက်ပြီး စီစဉ်ထားတဲ့အတွက် ငါးရက် ကန့်သတ်ပြီး ပြောင်းလဲ သတ်မှတ်လိုက်တဲ့အခါမှာ အဲ့ သူတို့ မူလ ချိတ်ဆက်ထားတဲ့ ဥပမာ ဟိုတယ် ဘွတ်ကင်တွေ လုပ်ထားတယ်။ ရထားလက်မှတ်၊ ကားလက်မှတ်တွေ လုပ်ထားတယ်။ နောက် အလှူတွေဆိုလည်း ဖိတ်စာတွေ ဖိတ်တာတို့ တချို့တွေ လုပ်ထားတယ်။ နောက် အလှုမှာ တချို့ဆို ပွဲဌားတာတွေ လုပ်ထားတယ်။ ဒါမျိုးတွေ အများကြီး လုပ်နေတယ် သူတို့ မူလ စီစဉ်ထားတဲ့ အစီအစဉ်တွေ ထိခိုက်သွားတော့မယ် ငါးရက်ပဲ ပိတ်လိုက်ရင်။ အဲ့တော့ ကျနော်တို့က ရုံးပိတ်ရက်ကတော့ ငါးရက်ပဲ ဒါပေမဲ့ မူလအတိုင်းအစီအစဉ်တွေ ဆက်လုပ်နိုင်အောင် ဆိုပြီး သူတို့ကို ထည့်သွင်း စဉ်းစားပြီးတော့ ဌာနဆိုင်ရာအစီအစဉ် အုပ်ချုပ်မှု နည်းလမ်းနဲ့ ပိတ်ရက် လုပ်လို့ရအောင် လုပ်ပေးမယ်။ သို့သော် ရုံးပိတ်ရက်ကတော့ ငါးရက်ပဲ။"


သင်္ကြန်ကာလ နီးကပ်နေတဲ့အချိန်ရောက်မှာ အစိုးရရုံးပိတ်ရက်တွေ အပြောင်းအလဲ လုပ်ရတာကို နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းကတော့ ခုလိုမြင်ပါတယ်။

"ဒါပေမဲ့ အခုပေါ့လေ။ အခုအခြေအနေမှာ ကြည့်မယ်ဆိုရင် ကျနော်တို့ သင်္ကြန် ရုံးပိတ်ရက်ပေါ့လေ။ နှစ်သစ်ကူး ရုံးပိတ်ရက်ကလည်း အင်မတန်မှ နီးကပ်နေတဲ့ အခြေအနေမျိုး ဖြစ်နေတယ်။ အဲ့ဒီ့လို အခြေအနေမျိုးမှာနော် အစိုးရဝန်ထမ်းတွေရော ပုဂ္ဂလိက ဝန်ထမ်းတွေရော အားလုံးက လာမယ့် သင်္ကြန်ရုံးပိတ်ရက်မှာ မိသားစုလိုက် ခရီးတွေ ထွက်ဖို့၊ နောက် ဘာသာရေးကိစ္စပေါ့လေ တရားစခန်းဝင်ဖို့ အဲ့ဒီလို ပြင်ဆင် ထားတဲ့ ကာလမှာ ဒီလိုရုံးပိတ်ရက်ကို လျှော့ချလိုက်တာကတော့ ဒါပြောမယ်ဆိုရင် အစိုးရအနေနဲ့ ပြည်သူလူထုနဲ့ နည်းနည်း အံဝင်ခွင်ကျ မဖြစ်သလို ဖြစ်သွားတယ်လို့ ကျနော်ကတော့ မြင်ပါတယ်။"

သမ္မတရုံးညွှန်ကြားရေးမှူး ဦးဇော်ဌေး ကတော့ ရက်ရှည်အားလပ်ရက် သတ်မှတ်ထားတဲ့ အတွက် အစိုးရလုပ်ငန်းတွေမှာ ထိခိုက်မှု သက်သာအောင် ရည်ရွယ် ဆောင်ရွက်ခဲ့ တာလို့ ပြောပါတယ်။

" ၁၀ရက် သတ်မှတ်တဲ့အတွက် ဘယ်လိုဖြစ်လဲဆိုတော့ နိုင်ငံတကာဆက်သွယ်တာတွေ ရုံးလုပ်ငန်းတွေ ဘဏ်လုပ်ငန်းတွေ ကုန်စည်စီးဆင်းမှုတွေ နှောင့်နှေးကြန့်ကြာတယ်။ အဲ့တာကြောင့်မို့ ၅ရက် လျှော့မယ်။ ၅ရက် သတ်မှတ်မယ်။ "

အစိုးရတရပ်အနေနဲ့ အစိုးရရုံးပိတ်ရက်တွေကို ပြောင်းလဲသတ်မှတ်မယ်ဆိုရင် ၀န်ထမ်းတွေကို ကြိုတင် အသိပေးသင့်တယ်လို့လည်း ဒေါက်တာရန်မျိုးသိမ်းက ခုလိုပြောပါတယ်။

" အကြောင်းရင်းကိုတော့ ပြောဖို့တော့ ခက်တယ်။ ဒါပေမဲ့ အစိုးရတရပ်အနေနဲ့ဆိုရင်တော့ ၂၀၁၇ ခုနှစ် နှစ်မဆန်းခင်ပေါ့လေ။ ဒီအစိုးရ ရုံးပိတ်ရက်တွေကို ၂၀၁၇ခုနှစ်အတွက် -၂၀၁၆ နှစ်ကုန်ပိုင်းမှာကတည်းကိုက သတ်မှတ်ကတည်းကိုက နှစ်သစ်ကူး သင်္ကြန် ရုံးပ်ိတ်ရက်ကို လျှော့မယ်ဆိုရင် အဲ့ဒီ့ကတည်းက ကြိုပြီးတော့ ပြည်သူလူထုကို အသိပေးသင့်တယ်။ ဝန်ထမ်းတွေကို အသိပေးသင့်တယ်လို့မြင်တယ်။ အခုလိုမျိုး ကတိုက်ကရိုက် လုပ်ရလောက်အောင် ပေါ့လေ ခိုင်လုံတဲ့ အကြောင်းပြချက်တော့ ကျနော်ကတော့ မတွေ့ရဘူး။"

မြန်မာအစိုးရက မတ်လ၉ ရက်နေ့မှာ မြန်မာအစိုးရရုံးများပိတ်ရက်လွှဲပြောင်းနိုင်သည့် စာချုပ်စာတမ်းများအက်ဥပဒေပုဒ်မ ၂၅ အရ နှစ်သစ်ကူးရုံးပိတ်ရက်တွေ ရက်ရှည်တဲ့အတွက် နိုင်ငံတကာနဲ့ဆက်ဆံရာမှာ ရုံးလုပ်ငန်း၊ ဘဏ်လုပ်ငန်းတွေ အခက်အခဲရှိသလို ကုန်စည်စီးဆင်းမှု နှောင့်နှေးတဲ့အတွက်ဆိုပြီး အစိုးရ ရုံးပိတ်ရက်တွေကို ပြောင်းလဲသတ်မှတ်ဖို့ ကြေငြာချက်ထုတ်ပြန်ခဲ့ပြီးတဲ့နောက် လူမှုကွန်ယက်ပေါ်ကနေ ဝေဖန်မှုတွေ အတော်လေးထွက်ပေါ်လာခဲ့တာပါ။

အစိုးရက သင်္ကြန်ကာလာ ရက်ရှည်ရုံးပိတ်ရက်ထဲက လျှော့ချလိုက်တဲ့ ၅ ရက်ကိုတော့ သီတင်းကျွတ်၊ တန်ဆောင်တိုင်နဲ့ နိုင်ငံတကာ နှစ်သစ်ကူး ရုံးပိတ်ရက်တွေနဲ့ ပြန်လည် အစားထိုးထားတဲ့အတွက် တနှစ်လုံးပိတ်ရက်စုစုပေါင်းကတော့ မူလအတိုင်း ရှိနေမှာဖြစ်ပါတယ်။
VOA Burmese News


စစ်ဘေးကြောင့် ထွက်ပြေးလာကြတဲ့ လောက်ကိုင်မြို့က စစ်ပြေးဒုက္ခသည်များ။ ( မတ်လ-၂၀၁၇) သတင်းဓာတ်ပုံ - MOI။
စစ်ဘေးကြောင့် ထွက်ပြေးလာကြတဲ့ လောက်ကိုင်မြို့က စစ်ပြေးဒုက္ခသည်များ။ ( မတ်လ-၂၀၁၇) သတင်းဓာတ်ပုံ - MOI။
ကိုးကန့်ကိုယ်ပိုင်အုပ်ချုပ်ခွင့်ရဒေသအတွင်း တိုက်ပွဲတွေဟာ ဒီကနေ့ထိ ဆက်လက်ဖြစ်ပွားနေပြီး တိုက်ပွဲအတွင်း လက်နက်ကြီးကျည်တွေဟာ တရုတ်နိုင်ငံဘက် ကျရောက်တာကြောင့် ထိခိုက်မှုတွေရှိနေတယ်လို့လည်း တရုတ်နိုင်ငံဘက် တိမ်းရှောင်နေသူတွေက ပြောပါတယ်။ လောက်ကိုင်မြို့အတွင်းက လူတွေဟာ တရုတ်နိုင်ငံနဲ့ လားရှိုးမြို့ဘက်တွေကို ဆက်လက်တိမ်းရှောင်နေသလို ကူညီ ကယ်ဆယ်ရေး အဖွဲ့တွေလည်း လောက်ကိုင်မြို့ကို သွားရောက်နေပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက်ကိုမိုးဇော်က တင်ပြထားပါတယ်။

ဒီလ ၆ရက်နေ့က စတင်ခဲ့တဲ့ ကိုးကန့်ဒေသ စစ်ပွဲဟာ ဒီကနေ့ထိ ငြိမ်သက်မသွားသေးဘဲ ပစ်ခတ်တာတွေဟာ ဆက်လက် ဖြစ်ပွားနေဆဲဖြစ်ပါတယ်။ ကိုးကန့်ဒေသက တရုတ်မြန်မာ နယ်ခြားမှတ်တိုင်အမှတ် ၁၂၃၊ ၁၂၅ နေရာတွေမှာ တိုက်ပွဲတွေ ဆက်လက်ဖြစ်ပွားနေတယ် လို့ တရုတ်နိုင်ငံဘက်ကို တိမ်းရှောင်နေသူတဦးက အခုလို ပြောပါတယ်။

" တိုက်တုန်းပါပဲ။ တိုက်တုန်းပဲ။ ဒီအမြောက်ကြီးကတော့ အမြဲတမ်းကျတုန်းပါပဲ တရုတ်ပြည်ထဲမှာ ကျတာ။ မှတ်တိုင် ၁၂၃၊ ၁၂၅ ပေါ့နော်။ ပစ်ခတ်တုန်းပဲ တိုက်ခိုက်တုန်းပဲ။"

တရုတ်နိုင်ငံအတွင်းကို လောက်ကိုင်မြို့က စစ်ရှောင်ဒုက္ခသည်တွေ ဆက်လက် လာရောက်နေဆဲဖြစ်တယ်လို့ လည်း ပြောပါတယ်။

" လာတုန်းပဲ လာတုန်းပဲ လောက်ကိုင်က ဘယ်သူမှ မကျန်တော့ဘူး ၁၀%ပဲ ကျန်တော့တယ်။ သူ့နည်းသူဟန်နဲ့ ပြေးကြတာပေါ့။ တရုတ်ပြည်ဘက် ကို ရောက်ကုန်ပြီပေါ့။ ရာနဲ့ချီနေပြီ တရုတ်ဘက်က ကောင်းမွန်စွာ နေရာချထားပါတယ်။"

လောက်ကိုင်မြို့နဲ့ အနီးအနားကျေးရွာတွေမှာ ပိတ်မိနေသူတွေကို သွားရောက်ခေါ်ဆောင်နေတဲ့ လားရှိုးမြို့လူမှုရေးအဖွဲ့က ဦးမောင်မောင်သန်းက လောက်ကိုင်မြို့ရဲ့ လက်ရှိအခြေအနေကို အခုလို ပြောပါတယ်။

" လောက်ကိုင်မှာ မြို့ထဲမှာကတော့ အေးဆေးငြိမ်သက်နေတယ်။ မြို့ထဲမှာ။ ဒါပေမဲ့ ပတ်ဝန်းကျင်မှာကတော့ မငြိမ်ဘူး။ အခုက အသံတွေ ကြားနေရတယ်။ ဆယ်ငါးမိနစ် နာရီဝက်လောက်သွားတဲ့ ပတ်ဝန်းကျင်ကနေရာလောက်ပဲ သိပ်မဝေးဘူး။ အသံတွေကို အတိုင်းသားကြားနေရတယ်။"

လောက်ကိုင်မြို့မှာတော့ ဈေးဆိုင်အချို့သာ ဖွင့်လှစ်ထားသလို လူအသွားအလာလည်း မရှိသလောက်ဖြစ်နေကြောင်းလည်း ပြောပါတယ်။ လောက်ကိုင်မြို့ကနေ ဒီကနေ့ ခေါ်ယူလာသူ စစ်ရှောင်ဒုက္ခသည်အားလုံး ၃၀၀ကျော်လောက်ရှိမယ်လို့လည်း ဦးမောင်မောင်သန်းက ဆက်ပြောပါတယ်။

" လောက်ကိုင်နားမှာ ရှိတဲ့ စစ်ပြေးရှောင်တွေ၊ ရှောင်ပေမဲ့ မလာနိုင်တဲ့သူတွေ၊ အဲ့လူတွေကို ဝေဠုကျော်ရဲ့ ဖောင်ဒေးရှင်းက ဒီမှာ ရှိတယ်လေ လောက်ကိုင်မှာ အဲ့အဖွဲ့နဲ့ ဝေဠုကျော်ရဲ့ ကြက်ခြေနီအဖွဲ့နဲ့ သူတို့က သွားကယ်ထုတ်တာ ကယ်ထုတ်ပြီး သူတို့မဖြတ်သန်းရဲဘူးဗျာ။ မဖြတ်သန်းရဲတော့ စစ်တပ်ရဲ့ အကူအညီတွေ ယူပြီး အဲ့လို ကယ်ထုတ်ပြီး လောက်ကိုင်ဆေးရုံကြီးမှာ စုထားတယ်။ စုပြီး အခုကျနော်တို့က ကြိုလာပြီ။ ကျနော်တို့ ပရဟိတ အသင်းကားလေးစီး၊ ကားသေးလေးစီး ကားကြီးနှစ်စီးရယ် အခု ကျနော်တို့က ခေါ်လာတယ်။ အားလုံးပေါင်း ၅၀ကျော်ကျော်ပေါ့ ကိုယ့်ဘာသာကိုယ် လာတာက ကျနော်တို့မှာ စာရင်းမရှိဘူး ဒီဝေဠုကျော်ကနေ ဖြတ်တာ ၂၀၀ဝန်းကျင်လောက်ရှိတယ်။ "

မင်းသားဝေဠုကျော်ဟာ ကြက်ခြေနီအသင်းကို ကိုယ်စားပြုသွားရောက် ကယ်တင်နေ တာဖြစ်ပြီး လောက်ကိုင်မြို့က သူ့ရဲ့ ပရဟိတအသင်းဝင်တွေနဲ့ ပူးပေါင်းဆောင်ရွက်နေ တာဖြစ်ကြောင်းနဲ့ အခြား ပရဟိတ အသင်းအဖွဲ့တွေကို လောက်ကိုင်မြို့ကို သွားရောက်ခွင့် မပေးသေးကြောင်းလည်း ပြောပါတယ်။

ပြီးခဲ့တဲ့ ကြာသပတေးနေ့ကတော့ တရုတ်နိုင်ငံခြားရေးဝန်ကြီးဌာနက တရုတ်နိုင်ငံတွင်းကို တိမ်းရှောင်လာသူ စစ်ရှောင်ဒုက္ခသည် ၂သောင်းလောက်ရှိကြောင်း သတင်းထုတ်ပြန် ခဲ့သလို လောက်ကိုင်မြို့ကနေ လားရှိုးမြို့ မန်ဆူဘုန်းတော်ကြီးကျောင်းကနေ တဆင့် နေရပ်ပြန်တဲ့သူ စုစုပေါင်း ၂ထောင်ကျော်လောက်ရှိနေပြီ ဖြစ်ပါတယ်။

လောက်ကိုင်တိုက်ပွဲတွေ ဆက်လက်ဖြစ်ပွားနေတာနဲ့ပတ်သက်ပြီး ကိုးကန့်တပ်ဖွဲ့ကို ဆက်သွယ်ရာမှာ ဆက်သွယ်လို့ မရခဲ့သလို တပ်မတော်ဘက်ကလည်း နောက်ဆုံး အခြေအနေနဲ့ပတ်သက်ပြီး သတင်းထုတ်ပြန်တာ မရှိသေးပါဘူး။
VOA Burmese News


မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
ရိုဟင်ဂျာ လူနည်းစုတွေအပေါ် ရက်ရက်စက်စက်ပြုမူနေတယ်ဆိုတဲ့ ကိစ္စနဲ့ ပတ်သက်ပြီး နိုင်ငံတကာ စုံစမ်းမှုသစ် တရပ်ပြုလုပ်မယ့်ကိစ္စကို ဥရောပသမဂ္ဂက လက်မခံတဲ့သဘောပြသလိုက်ပါတယ်။ ဒီပြသနာအပေါ် နည်းလမ်းသစ်နဲ့ ချည်းကပ်မယ့် အစား လက်ရှိပုံစံအတိုင်း မြန်မာအစိုးရနဲ့ ဆွေးနွေးညှိနှိုင်း ဆောင်ရွက်သွားမယ်လို့ ဆိုပါတယ်။ အသေးစိတ်ကို မအင်ကြင်းနိုင်က တင်ပြမှာပါ။

မြန်မာနိုင်ငံမှာ စစ်တပ်နဲ့ ရဲတပ်ဖွဲ့ဝင်တွေဟာ ရခိုင်ပြည်နယ်မြောက်ပိုင်းက ရိုဟင်ဂျာတွေကို အစုလိုက် အပြုံလိုက် သတ်ဖြတ် မုဒိမ်းကျင့် ၊ ရွာလုံးကျွတ် မီးရှို့တာတွေပြုလုပ်ခဲ့ပြီး ဒီလုပ်ရပ်တွေဟာ လူသားမျိုးနွယ်အပေါ် ပြစ်မှုကျူးလွန်ရာလူမျိုးတုံးသတ်ဖြတ်ရာ ရောက်နိုင်တယ်လို့ မကြာသေးခင်က ထုတ်ပြန်ခဲ့တဲ့ ကုလသမဂ္ဂရဲ့ အစီရင်ခံစာမှာ ထုတ်ပြန်ထားပါတယ်။

ဒါကြောင့် ဆီရီးယားနဲ့ မြောက်ကိုးရီးယားတို့ရဲ့ လူ့အခွင့်အရေးချိုးဖောက်မှုတွေနဲ့ ပတ်သက်လို့ ပြုလုပ်ခဲ့သလို၊ မြန်မာနိုင်ငံရဲ့ ဒီကိစ္စကိုလည်း အပြည့်အ၀ စုံစမ်းစစ်ဆေးဖို့ နိုင်ငံတကာ စုံစမ်းရေးကော်မရှင်တရပ် ဖွဲ့စည်းသင့်တယ်လို့ ကုလသမဂ္ဂ လူ့အခွင့်အရေးအကြီးအကဲ Zeid al-Hussein ကပြောကြားခဲ့တာပါ။

“ဒါကြောင့် ရိုဟင်ဂျာတွေ အပေါ် အကြမ်းဖက်မှုတွေ အထူးသဖြင့်၂၀၁၆ ခုနှစ် အောက်တိုဘာလ ၉ ရက်နေ့ နောက်ပိုင်း လုံခြုံရေး ဆောင်ရွက်ချက်တွေကို အနည်းဆုံးတော့ စုံစမ်းရေး ကော်မရှင် တရပ် ဖွဲ့စည်းဖို့ လူ့အခွင့်အရေး ကောင်စီကို ကျနော် တောင်းဆိုပါတယ်။ နောက် နိုင်ငံတွင်းမှာ လူ့အခွင့်အရေးဆိုင်ရာ ကုလသမဂ္ဂရုံး ဖွင့်လှစ်ခွင့်ရဖို့ကိုလည်း ထပ်ပြီး တောင်းဆိုပါတယ်။”

ဥရောပသမဂ္ဂကတော့ ကုလသမဂ္ဂရဲ့ ဒီအဆိုပြုချက်အပေါ် စိတ်ဝင်စားမှုမရှိပဲ လက်ရှိပြုလုပ်နေတဲ့ စုံစမ်းစစ်ဆေးမှုတွေကိုပဲ မြန်မာအစိုးရနဲ့ ညှိုနှိုင်းပြီး ဆက်လက်ဆောင်ရွက်သွားမယ်လို့ ဥရောပသမဂ္ဂရဲ့ ပြောခွင့်ရအမျိုးသမီး Maja Kocijancic က ဗွီအိုအေမြန်မာပိုင်းကို အခုလိုပြောကြားခဲ့ပါတယ်။

“မြန်မာနိုင်ငံ လူ့အခွင့်အရေးအခြေအနေနဲ့ ပတ်သက်လို့ မတ်လ အလယ်မှာ ဆွေးနွေးပြီး လက်ရှိကျင်းပဆဲ လူ့အခွင့်အရေးကောင်စီမှာ မတ်လ အကုန်ပိုင်းလောက်မှာ အတည်ပြုမယ့် ဆုံးဖြတ်ချက်မူကြမ်းကို ဥရောပသမဂ္ဂက ဆက်လက်ဦးဆောင် ညှိုနှိုင်းသွားမှာဖြစ်ပါတယ်။ ကျမတို့ရဲ့ အဓိက ရည်မှန်းချက်ကတော့ ရခိုင်ပြည်နယ် မြောက်ပိုင်းမှာ ဆိုးဆိုးရွားရွား လူ့အခွင့်အရေး ချိူးဖောက်မှုတွေ ရှိနေတယ်ဆိုတဲ့ အစီရင်ခံစာနဲ့ပတ်သက်ပြီး ခိုင်လုံစိတ်ချရသော ဘက်မလိုက်တဲ့ စုံစမ်းစစ်ဆေးမှုတွေအပေါ် သဘောတူညီမှုရရှိနိုင်ဖို့ဖြစ်ပါတယ်။ ဥရောပသမဂ္ဂဟာ မြန်မာအစိုးရနဲ့တကွ သက်ဆိုင်ရာ ဘက်ပေါင်းစုံနဲ့ ဆွေးနွေးညှိနှိုင်းနေပါတယ်။ ဘယ်လိုရလာဒ်ပေါ်ထွက်မယ်ဆိုတာ ဒီအဆင့်မှာ ကျမ မပြောနိုင်သေးပါဘူး။”

မြန်မာ အစိုးရဘက်ကတော့ ရခိုင်မြောက်ပိုင်းအခြေအနေနဲ့ပတ်သက်ပြီး တဘက်သက်ပြောဆိုမှုတွေရှိမရှိဆိုတာကို ထိထိရောက်ရောက် ဆန်းစစ်ကြည့်ဖို့ လိုတယ်၊ ကုလသမဂ္ဂအပါအ၀င် နိုင်ငံတကာ အသိုင်းအ၀ိုင်းအနေနဲ့လည်း ဘက်လိုက်မှုမရှိပဲ သမာသမတ်ကျကျ ရှုမြင်ဖို့လိုတယ်လို့ ဆိုပါတယ်။ အခု ကုလသမဂ္ဂအစီရင်ခံစာမှာ ဖေါ်ပြထားတဲ့ ကျူးလွန်မှုတွေကိုလည်း မှတ်သားထားပြီး မှန်ကန်ကြောင်းတွေ့ရှိရရင် ထိထိရောက်ရောက်အရေးယူသွားမယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်က ဦးထင်လင်းက မနေ့က လူ့အခွင့်အရေးကောင်စီညီလာခံမှာ အခုလို ပြောကြားခဲ့ပါတယ်။

“အခြေအမြစ်ရှိရှိစွပ်စွဲမှုတွေ ရည်ရွယ်ချက်ရှိရှိတဖက်သတ်ပြောဆိုမှုတွေကို နိုင်ငံတကာအသိုင်းအ၀ိုင်းအနေနဲ့ အထူးသတိထားဖို့လိုပါတယ်။ ကျနော်တို့ရဲ့လုံခြုံရေးတပ်ဖွဲ့ဝင်တွေနဲ့ တပ်စခန်းတွေကို ရန်စတိုက်ခိုက်ခဲ့တဲ့ ကိစ္စ ဒီအစီအရင်ခံစာထဲမှာ လုံးဝဖော်ပြထားခြင်းမရှိပါဘူး။ ကုလသမဂ္ဂနဲ့ သူ့ရဲ့လက်အောက်ခံအဖွဲ့အစည်းတွေရဲ့ လုပ်ရပ်ဟာ ဘက်လိုက်မှုမရှိပဲ သမာသမတ်ကြဖို့ မျှော်လင့်ပါတယ်။ တချိန်တည်းမှာပဲ အခုလိုပြောဆိုနေလို့ ပြစ်ဒဏ်က ကင်းလွှတ်ဖို့ ပေးနေတယ်ဆိုတဲ့သဘောမဟုတ်ပါဘူး။ ခိုင်မာတဲ့အထောက်အထားတွေတွေ့ရရင် ပြစ်မှုကျူးလွန်သူကို ထိထိရောက်ရောက် အရေးယူသွားမှာဖြစ်ပါတယ်။ ဒီအစီရင်ခံစာကို အတည်မပြုပေမယ့် ဒီအထဲက စွပ်စွဲမှုတွေဟာ အရေးပါတယ်ဆိုတာကိုတော့ မှတ်သားထားပါတယ်။”

ဇန်န၀ါရီနဲ့ ဖေဖေါ်ဝါရီလတွေမှာ မြန်မာနဲ့ ဘင်္ဂလားဒေ့ရ်ှနယ်စပ်တွေကို သွားရောက်ပြီး လူ့အခွင့်အရေးအခြေအနေတွေကို လေ့လာခဲ့တဲ့ မြန်မာနိုင်ငံဆိုင်ရာ ကုလသမဂ္ဂ လူအခွင့်အရေး စုံစမ်းစစ်ဆေးရေးမှူး Yanghee Lee ကလည်း မတ်လ(၁၃)ရက်နေ့မှာ သူတွေ့ရှိချက်တွေနဲ့ပတ်သက်လို့ လူ့အခွင့်အရေးကောင်စီညီလာခံမှာ အစီရင်ခံစာတင်သွင်းမှာဖြစ်ပါတယ်။
VOA Burmese News


( ဓါတ်ပုံ - မြန်မာနိုင်ငံ အလံကို တွေ့ရစဉ် )
မြန်မာနိုင်ငံ နဲ့ နိုင်ငံ ၇ နိုင်ငံအကြား သံတမန်အဆက်အသွယ် ထူထောင်ဖို့ ပြည်ထောင်စုလွှတ်တော်မှာ ဒီကနေ့ အတည်ပြုလိုက်ပါတယ်။

နိုင်ငံတော်သမ္မတက မြန်မာနိုင်ငံနဲ့ နိုင်ငံ ၇ နိုင်ငံအကြား သံတမန်အဆက်အသွယ် ထူထောင်ဖို့ ပြည်ထောင်စုလွှတ်တော်ထံ ပြီးခဲ့တဲ့ ဖေဖော်ဝါရီလ ၂၄ ရက်နေ့က သ၀ဏ်လွှာပေးပို့ထားတာဖြစ်ပြီး ဒီနေ့မှာ လွှတ်တော်ကိုယ်စားလှယ် ၁၁ ဦးက ထောက်ခံဆွေးနွေးပြီး အတည်ပြုလိုက်တာပါ။

မြန်မာနိုင်ငံနဲ့ သံတမန်ဆက်သွယ်မယ့်နိုင်ငံတွေ လိုက်ဘေးရီယား၊ ဂီနီ၊ ဗာတီကန်၊ အီကွေဒေါ၊ မော်လ်တာ စတဲ့ နိုင်ငံတွေဖြစ်ပြီး လက်ရှိအချိန်အထိ မြန်မာနိုင်ငံနဲ့ သံတမန်ဆက်သွယ်မှုမှာ နိုင်ငံပေါင်း ၁၁၄ နိုင်ငံအထိရှိတယ်လို့ သိရပါတယ်။

ဒါ့အပြင် သံတမန်ဆက်သွယ်တဲ့အခါမှာ တိုင်းပြည်ရဲ့ဘဏ္ဍာငွေအခြေအနေအရ နိုင်ငံအားလုံးမှာ သံရုံးတွေဖွင့်လှစ်သွားမှာ မဟုတ်ဘဲ နီးစပ်ရာ အဆင်ပြေတဲ့နိုင်ငံတွေမှာ သံအမတ်ကြီးတွေ ထားသွားမှာဖြစ်တယ်လို့ သိရပါတယ်။

RFA Burmese
https://www.facebook.com/rfaburmese/


က​လေး၊မတ်​ ၁၀။

စစ်​ကိုင်းတိုင်း​ဒေသကြီး၊ က​လေးမြို့နယ်​၊ ရာဇဂြိုလ်​​ကျေးရွာအနီးတွင်​ တည်​​ဆောက်​ထားသည့်​ ရာဇဂြိုလ်​ဆည်​​ရေ​လှောင်​တမံ၏ လယ်​​မြေများကို​ ရေ​ပေး​ဝေရန်နှင့်​လျှပ်​စစ်​ဓာတ်​အားထုတ်​လုပ်​ရန်​ ​ရေထွက်​​ပေါက်​ပွင့်​သွားပြီဖြစ်​​ကြောင်း သတင်းရရှိသည်​။

အဆိုပါရေထွက်ပေါက်သည် ၂၀၁၅ခုနှစ်တွင် ကလေးမြို့ ၏ သမိုင်းဝင်ရေဘေးပြီးနောက် ပိတ်ဆို့ခဲ့ခြင်း ဖြစ်သည်။

"​အကုန်​​တော့မ​ပြောင်​​သေးဘူး​ပေါ့ ​ရေထွက်​​ပေါက်​၊ရေထွက်​ပြွန်​က​ပေါ့အတိုင်းအတာတစ်​ခု တစ်​ဝက်​​လောက်​ပွင့်​သွားပြီ​ လျှပ်​စစ်​ထုတ်​ဖို့ ပိုက်​လိုင်းကို သွား​တဲ့ဟာပါ။ အဲဒီက​နေလျှပ်​စစ်​ရုံထဲကို တန်းသွားပြီး​တော့ လယ်​​မြေ​တွေအတွက်​​ မြောင်းထဲသွားမှာပါ။ ၂၅၀ကြူဆက်​​​ကျော်​ ရေထွက်​​နေပြီဆို​တော့ စိုက်​ပျိုး​ရေအတွက်​​တော့ လုံ​လောက်​ပြီ။ လျှပ်​စစ်​ဓာတ်​အားထုတ်​ဖို့က​တော့ ၄၀၀ကြူဆက်​​​ကျော်​ရေထွက်​မှ​စက်​နှစ်​လုံးလုံး လည်​ပတ်​လို့ရမှာပါ။ အခုဟာက ​ရေအားလျှပ်​စစ်​ စက်​တစ်​လုံးစာပဲ အဆင်​​ပြေ​သေးတယ်​"ဟု ရာဇဂြိုလ်​ဆည်​မှတာဝန် ရှိသူ ကိုထွန်းထွန်းက​ပြောကြားသည်​။

နုန်းစုပ်​စက်​ ၆လုံး၊​လေမှုတ်​စက်​၂လုံး ဖြင့်​ သဘာဝ​ဘေးပြီး​နောက်​ ​ရေငုပ်​သမားများဖြင့်​ဆယ်​ခြင်း၊​​လေမှုတ်​စက်​များ၊နုန်းစုပ်​စက်​များ​ဖြင့်​ရေတံခါးဖွင့်​နိုင်​​အောင်​ကြိုးစားခဲ့ကြ​ကြောင်း သိရသည်​။

ရာဇဂြိုလ်​ဆည် ရေတံခါးရှေ့မှာပိတ်နေတဲ့အမှိုက်တွေ၊နုန်းတွေ ဆယ်​ယူမှုတစ်​​လျောက်​တွင်​ ဆယ်လိုက်ပိတ်လိုက်ဖြင့် မတ်​လ ၉ရက်​ ည​နေပိုင်းမှ ၅၀%​​ကျော်​ခန့် ရေထွက်​​ပေါက်​ပွင့်​လာခြင်းဖြစ်​​ကြောင်း သိရသည်​။

ရာဇဂြိုလ်​ဆည်​​ရေအားလျှပ်​စစ်​ဓာတ်​အားစက်​ရုံမှ လျှပ်​စစ်​အားထုတ်​လုပ်​ရန်​ ​ရေ ၄၀၀ကြူစက်​ ထိလိုအပ်​ပြီး၊ယခု​ရေထွက်​​ပေါက်​ပွင့်​လာပြီး​နောက်​ လျှပ်​စစ်​ဓာတ်​အားထုတ်​ရန်​ ပညာရှင်​များ​လာ​ရောက်​၍ စမ်းသပ်​​နေပြီဖြစ်​​ကြောင်း သိရသည်​။

စည်​သူထွန်း
Central News Myanmar
https://www.facebook.com/CNMyanmar/



ရွှေမိ ပလပ်စတစ်စက်ရုံ အလုပ်သမားတွေ ဓါတုဗေဒပစ္စည်းတွေကို ကိုင်တွယ်အသုံးပြုရတယ်ဆိုပြီး တောင်းဆိုဆန္ဒပြနေ ကြတာကို ၂ဝ၁၆ ခုနှစ် အောက်တိုဘာလအတွင်းက တွေ့ရစဉ်။ ဓါတ်ပုံ - ကိုမျိုးဇော်
ရန်ကုန်တိုင်းဒေသကြီး လှိုင်သာယာစက်မှုဇုန် ၁ က ရွှေမိပလပ်စတစ်စက်ရုံရှေ့မှာ ၃ လကျော်ကြာ ထိုင်သပိတ် ပြုလုပ်ခဲ့တဲ့ အလုပ်သမား ၁၅၂ ဦးကို နစ်နာကြေး ငွေကျပ်သိန်းပေါင်း ၁၃၀၀ ကျော်ပေးပြီး အလုပ်ကနေ ထုတ်ပယ်လိုက်တယ်လို့ အလုပ်သမားတွေက ပြောပါတယ်။

ဥပဒေနဲ့ အညီ လုပ်သက်အလိုက် နစ်နာကြေးတွေနဲ့ နို့တစ်ကြေးတစ်လစာစီ ပေးတာဖြစ်ပြီး မိမိအနေ နဲ့ နို့တစ်ကြေးအပါအ၀င် ၆ လစာ ရခဲ့တယ်လို့ လုပ်သက် ၇ နှစ်ကျော်ရှိတဲ့ အလုပ်သမား ကိုမျိုးဇော် က ပြောပါတယ်။

"မနေ့က အပြီးသတ် တစ်ခါတည်းလျော်ကြေး ရှင်းပေးလိုက်တယ် ခင်ဗျ၊ ၆ လ မပြည့်သေးရင် လ၀က်စာ၊ ၂ နှစ်ပြည့်ပြီး ၃ နှစ်အပြည့်သေးရင် တစ်လခွဲစာ၊ ၃ နှစ်ပြည့်ပြီးတော့ ၄ နှစ်မပြည့်လို့ရှိရင် ၃ လစာ ဆိုတဲ့ဟာမျိုးတွေပေါ့နော်၊ သူက နှစ်အလိုက်သွားတယ်၊ နောက်ပြီးတော့ ကျနော်တို့ကို နို့တစ် တစ်လစာနဲ့ပေးတယ်၊ ကျနော်ကတော့ ၇ နှစ်နဲ့ ၇ လ ရှိတဲ့အတွက်ကြောင့်မို့လို့ ၅ လစာပေါ့၊ နို့တစ် တစ်လနဲ့ဆို ၆ လစာပေါ့နော်၊ အကုန်လုံး သိန်း ၁၃၀၀ ကျော်ကျော်လောက် သူလျော်ရတယ် လို့တော့ ပြောပါတယ်။"

မြို့နယ်အလုပ်သမား ညှိနှိုင်းဖြန်ဖြေရေးရုံးမှာ အစိုးရ၊ အလုပ်ရှင်နဲ့ အလုပ်သမားတွေ ၃ ကြိမ်တိုင်တိုင် ညှိနှိုင်းခဲ့ကြပြီး အခုလို နစ်နာကြေးမယူရင်လည်း အလုပ်ပြန်ခန့်မယ့် အနေအထားလည်း မရှိတာကြောင့် သဘောတူလိုက်ရတာ ဖြစ်တယ်လို့ အလုပ်သမားတွေက ပြောပါတယ်။

စက်ရုံအလုပ်သမားတွေက ဓါတုပစ္စည်းတွေ အသုံးပြုပြီး အလုပ်လုပ်ကိုင်ရတဲ့အတွက်အကြောင်း အမျိုးမျိုးကြောင့် အလုပ်ထွက်သွားသူတွေကို လုပ်သက် တစ်နှစ်ရှိရင် အခြေခံလစာတစ်လစာ ကျန်းမာရေးစရိတ်ပေးဖို့နဲ့ လုပ်သက်အလိုက် လစာတွေ သက်မှတ်ပေးဖို့ ၂၀၁၆ နိုဝင်ဘာလ ၂၈ ရက်နေ့ကစတင်ပြီး ၃ လ ကျော်ကြာ စက်ရုံရှေ့မှာ ဆန္ဒပြခဲ့ကြတာ ဖြစ်ပါတယ်။

ဆန္ဒပြအလုပ်သမားတွေက ဓါတုဗေဒပစ္စည်းတွေကို ကိုင်တွယ်အသုံးပြုရတယ်ဆိုပြီး ကျန်းမာရေးစရိတ် တောင်း ခံတဲ့ တိုင်ကြားစာနဲ့ ပတ်သက်ပြီး သဘာဝပတ်ဝန်းကျင်သက်ရောက်မှု လေ့လာစမ်းစစ်ချက်(EIA/SIA ) စစ်ဆေးဖို့ အတွက် ရန်ကုန်တိုင်းဒေသကြီး အစိုးရအဖွဲ့က ညွှန်ကြားချက်နဲ့ စက်ရုံယာယီပိတ်သိမ်းထားပါတယ်။

အလုပ်ထုတ်ခံရတဲ့ အလုပ်သမားတွေမှာ လုပ်သက် ၁၉ နှစ်ကနေ အနည်းဆုံး လုပ်သက် ၁ လအထိ ရှိတဲ့ အလုပ်သမားတွေပါဝင်ပြီး လက်ရှိအဲဒီစက်ရုံမှာ အလုပ်သမား စုစုပေါင်း ၁၇၀ ကျော် ကျန်ရှိနေတယ်လို့လည်း အလုပ်သမားတွေက ပြောပါတယ်။

RFA Burmese
http://www.rfa.org/burmese


၅ ရက် အစား ပြန်ရမှာပါ
သင်္ကြန်အခါကာလ အစိုးရ ရုံးပိတ်ရက်ဟာ ဧပြီလ ၁၃ ရက်နေ့ကနေ ၁၇ ရက်နေ့ အထိ (၅) ရက် ပိတ်မှာ ဖြစ်တယ်လို့ သမ္မတရုံး ပြောခွင့်ရ ပုဂ္ဂိုလ်က ဘီဘီစီကို အတည်ပြု ပြောပါတယ်။

သင်္ကြန်တွင်း ၁၀ ရက် ဆက်တိုက် ပိတ်ရာက ၅ ရက် လျှော့လိုက်တာ ဖြစ်တယ်လို့ သမ္မတရုံး ပြောခွင့်ရ ဦးဇော်ဌေးက ဆိုပါတယ်။

ဝန်ထမ်းတွေ အတွက် လျော့သွားတဲ့ အားလက်ရက် ၅ ရက်အတွက် အစားပြန်ပိတ် ပေးဖို့လည်း အစိုးရက စီစဉ် ထားပါတယ်။

သီတင်းကျွတ်နဲ့ တန်ဆောင်တိုင်တွေမှာ ဆိုရင် လပြည့်နေ့ ဥပုသ်နေ့ တွေမှာသာ ရုံးပိတ်ခဲ့ရာက အခုဆို အဖိတ်နေ့တွေ မှာပါ ပိတ်ပေးမှာ ဖြစ်သလို အင်္ဂလိပ် နှစ်သစ်ကူးကာလမှာလည်း ဒီဇင်ဘာ ၃ဝကစလို့ နှစ်ဆန်း၁ ရက် အထိ ၃ ရက်ဆက်တိုက် ပိတ်ပေးမှာ ဖြစ်လို့ ၅ ရက် အစား ပြန်ရမှာပါ။

သင်္ကြန်တွင်း ၁၀ရက်အထိ ရက်ရှည် ပိတ်တဲ့အခါ ကုန်ဈေးနှုန်းနဲ့ သယ်ယူပို့ဆောင်ရေး အခတွေ ဈေးတက်တာက အစ၊ ဘဏ်အလုပ်မလုပ်လို့ နိုင်ငံရပ်ခြားနဲ့ စီးပွားရေး အဆက်အဆံ အခက်အခဲ ဖြစ်ရတယ် ဆိုပြီး ဝေဖန် သုံးသပ်မှုတွေ ရှိနေပါတယ်။

BBC Burmese
http://www.bbc.com/burmese



ထိုင်းနိုင်ငံ မဟာချိုင်မြို့မှာ မြန်မာအလုပ်သမားများကို တွေ့ရစဉ်။ Photo: Kyaw Zaw Win/RFA
ထိုင်းနိုင်ငံရောက် မြန်မာအလုပ်သမားတွေကို သင်္ကြန်ကာလမှာ မြန်မာနိုင်ငံကို ပြန်ဖို့ ထိုင်းအစိုးရက ခွင့်ရက် ၂၀ ခွင့်ပြုပေးလိုက်ပါတယ်။

အလုပ်ရုံတွေက ရက် ၂၀ ပိတ်တာမျိုးမဟုတ်ဘဲ မြန်မာနိုင်ငံကို ပြန်ဖို့အတွက် ထိုင်းအစိုးရဘက်က ခွင့်ပြုတာဖြစ် တယ်လို့ AAC မဟာမိတ်အဖွဲ့က ကိုရဲမင်းက ပြောပါတယ်။

"ရက် ၂၀ အလုပ်က ခွင့်ပေးတာမဟုတ်ပါဘူး။ အလုပ်ရုံတွေက သူ့ပိတ်ရက်တွေရှိပြီးသားပါ။ ၃ ရက် ပိတ်တဲ့ရုံရှိမယ်။ ၅ ရက်ပိတ်တဲ့ရုံရှိမယ်။ တပတ်ပိတ်တဲ့ရုံရှိမယ်။ ဒါကတော့ သူ့အလုပ်ရုံ အလုပ်ရုံနဲ့ ဆိုင်တယ်။ ရက် ၂၀ ဆိုတာက မြန်မာပြည်ကို ပန်းရောင်ဘတ်သမားတွေ အခါတိုင်းလို အထောက် အထားတွေ ထုတ်စရာမလိုဘဲ ပြန်ခွင့်ပေးတာပါ။ ၁၀ ရက်ကနေ လကုန် ၃၀ ရက်အတွင်းကို ပြန်မယ်။ ရက် ၂၀ အတွင်းကို ဆင်းသွားရမယ်။ ရက် ၂၀ အတွင်းကို ပြန်တက်လာရမယ်။ အဲ့ဒါကို ပေးထားတာ ပါ။ အလုပ်ရုံတွေက ရက် ၂၀ ပိတ်မယ်လို့ ဆိုလိုတာမဟုတ်ဘူး။"

အရင်နှစ်တွေက သင်္ကြန်ကာလအတွင်း မြန်မာနိုင်ငံကိုပြန်ရင် အလုပ်ရှင်ရဲ့ ထောက်ခံစာ၊ မိမိနေထိုင်တဲ့ မြို့နယ် အလုပ်သမားရုံးရဲ့ ထောက်ခဲ့စာတွေရပြီးမှသာ ပြန်လို့ရတာဖြစ်ပါတယ်။

ဒီနှစ်မှာတော့ ဧပြီ ၁၀ ရက်ကနေ ၃၀ ရက်အတွင်း အဲ့ဒီထောက်ခံစာတွေမလိုဘဲ မြန်မာနိုင်ငံကို ပြန်နိုင်ဖို့အတွက် ထိုင်းနိုင်ငံဆိုင်ရာ မြန်မာသံရုံး အလုပ်သမားသံအရာရှိက ထိုင်းအလုပ်သမားရုံးကို တင်ပြခဲ့တဲ့အတွက် ခွင့်ပြုချက်ရလိုက်တာဖြစ်ပါတယ်။

လက်ရှိမှာတော့ အဲဒီလိုခွင့်ပြုကြောင်းကို တရားဝင်အမိန့်ကြေညာစာ မထွက်သေးဘူးလို့ပြောပါတယ်။

မြန်မာနိုင်ငံကို ပြန်မယ့် အလုပ်သမားတွေကတော့ နိုင်ငံကူးလက်မှတ် ဒါမှမဟုတ် ပန်းရောင်ကတ်နဲ့ ပူးတွဲပါရှိတဲ့ စာရွက်စာတမ်းတွေကိုတော့ ယူဆောင်သွားရမှာဖြစ်တယ်လို့ ပြောပါတယ်။

RFA Burmese
http://www.rfa.org/burmese


တောင်ကိုရီးယား အခြေခံဥပဒေခုံရုံး၊ ဆိုးလ်၊ မတ်လ ၁၀၊ ၂၀၁၇
တောင်ကိုရီးယားသမ္မတ Park Geun-hye ကို ရာထူးကနေ ဖယ်ရှားရေးကိစ္စ အခြေခံဥပဒေခုံရုံးက တရားဝင် အတည်ပြုလိုက်ပါပြီ။သမ္မတ Park Geun-hye ကို ရာထူးကနေ ဖယ်ရှားဖို့ တရားရုံးမှာ ဒီကနေ့ တညီတညွတ်ထဲ ဆုံးဖြတ်လိုက်တာပါ။

တရားရုံးအပြင်ဘက်မှာ ဆန္ဒပြပွဲတွေကနေ ဆန္ဒပြသူနှစ်ဦး သေဆုံးပါတယ်။

ယာယီ တရားသူကြီးချုပ် Lee Jung-mi က တရားရုံးဆုံးဖြတ်ချက် ဖတ်ကြားတာကို ရုပ်မြင်သံကြားကနေ တိုက်ရိုက် ထုတ်လွှင့် ပြသပါတယ်။ အခြေခံဥပဒေနဲ့ တရားဥပဒေကို ချိုးဖောက်တဲ့ သမ္မတ Park Geun-hye ရဲ့လုပ်ရပ်တွေဟာ အများပြည်သူရဲ့ ယုံကြည်မှုကို သစ္စာဖောက်တာဖြစ်တယ်လို့ တရားသူကြီးချုပ်က ပြောပါတယ်။

ယာယီ တရားသူကြီးချုပ် Lee Jung-mi
သံသယဖြစ်ဖွယ် အဖွဲ့နှစ်ဖွဲ့အတွက် ကိုရီးယားစီးပွားရေးလုပ်ငန်းကြီး နှစ်ခုဆီကနေ လှူဒါန်းငွေ ဒေါ်လာ ၆၉ သန်းကျော်ရဖို့ သမ္မတက သူ့ရဲ့မိတ်ဆွေ Choi Soon-sil နဲ့ပေါင်းပြီးတော့ မလျော်သြဇာသုံးပြီး လုပ်ခဲ့တယ်ဆိုတဲ့စွဲချက်တွေဟာ အခြေခံဥပဒေကို ဆိုးဆိုးရွားရွား ချိုးဖောက်တာဖြစ်တယ်လို့ တရားရုံးက ဆုံးဖြတ်ပါတယ်။

သမ္မတ Park Geun-hye ကတော့ အဲဒီစွဲချက်တွေ မဟုတ်တဲ့အကြောင်း ထပ်ခါတလဲလဲ ငြင်းထားပါတယ်။ အခြေခံဥပဒေအရ ယာယီသမ္မတ ၀န်ကြီးချုပ် Hwang Kyo-anh က သမ္မတရွေးကောက်ပွဲအသစ်ကို ရက်ပေါင်း ၆၀ အတွင်း ကျင်းပဖို့ စီစဉ်ရမှာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


မတ် ၁၀၊၂၀၁၇

မောင်တောမြို့နယ်တွင် မတ်လ ၆ရက် ညနေ ၄နာရီ ၄၅ မိနစ်က ဆင်သေပြင် အနောက်ရွာ ဗလီရှေ့ရွာလယ်လမ်း၌ မောင်စိုး (ခ)ရှောင်ရှုးအာလောင်ထံမှ အရိုးအသွား (၉)လက်မခန့်ရှိ ခေါက်ဓား တစ်ချောင်း၊ ဘင်္ဂလားဒေ့ရ်ှနိုင်ငံသုံးဆင်းကဒ်ပါ လက်ကိုင်ဖုန်းတစ်လုံးတို့အား သိမ်းဆည်းရမိသဖြင့် တရားဥပဒေနှင့်အညီ အမှုဖွင့် စစ်ဆေးခဲ့သည်။
-
မောင်စိုး(ခ)ရှောင်ရှားအာလောင်သည် ၂၀၁၆ ခုနှစ် အောက်တိုဘာ ၉ရက်တွင် ကျီးကန်ပြင် အကြမ်းဖက်တိုက်ခိုက်မှုပြုလုပ်ခဲ့သော Aqu Mul Mujahidin အဖွဲ့မှ အဖွဲ့ဝင်တစ်ဦးဖြစ်ကြောင်း စစ်ဆေး ပေါ်ပေါက်သဖြင့် ၄င်းအား တရားဥပဒေနှင့်အညီ အရေးယူနိုင်ရေး အမှုဖွင့်စစ်ဆေးလျက်ရှိကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom


မတ် ၁၀

ကချင်​ပြည်​နယ်​တွင်​ တက္ကသို​လ်​ဝင်​တန်း​ဖြေဆိုရန်​ပျက်​ကွက်​သူ၂၀၀၀ ​ကျော်​ရှိ​ကြောင်းသိရသည်​။

ဖြေဆိုရန်​ စာရင်းသွင်းထားသူ ၃၂၈၄၇​ယောက်​အနက်​ ၃၀၆၁၂သာ လာ​ရောက်​​ဖြေဆိုပြီး ၂၂၅၅ ဦး ပျက်​ကွက်​ခဲ့​ကြောင်း ကချင်​ပြည်​နယ်​ ပညာ​ရေးမှူးရုံးမှ သိရသည်​။

မြန်​မာစာ​ဖြေဆိုသည့်​​နေ့တွင်​ ၂၂၁၀ ဦးပျက်​ကွက်​ခဲ့ပြီး တတိယ​မြောက်​​နေ့ သချာင်္ဘာသာရပ်​​ဖြေဆိုသည့်​ နေ့တွင်​ ၂၂၅၅ ဦးပျက်​ကွက်​ခဲ့သည်။

ဆိုင်းထွယ်ဇင်
Myitkyina News Journal
https://www.facebook.com/myitkyinanewsjournal.mm



( အမျိုးသားလွှတ်တော်ကိုယ်စားလှယ် ဦးရဲထွဋ် ကို မတ်လ ၁ဝ ရက်နေ့က တွေ့ရစဉ် ) Photo: Win Naung Toe/RFA
ဆက်သွယ်ရေးဥပဒေ ပုဒ်မ ၆၆ ဃ ကို ပြင်ဆင်၊ ဖျက်သိမ်းပေးဖို့ ရှိ မရှိကို အမျိုးသားဒီမိုကရေစီအဖွဲ့ ချုပ် NLD ပါတီက အမျိုးသားလွှတ်တော်ကိုယ်စားလှယ် ဦးရဲထွဋ်က မေးခွန်းမေးဖို့ ကြိုးစားခဲ့ပေမယ့် ပါတီကခွင့်မပြုတဲ့အတွက် မေးမြန်းခွင့်မရရှိကြောင်း ဦးရဲထွဋ်က ပြောပါတယ်။

လွန်ခဲ့တဲ့ ၂ လကျော် ၃ လနီးပါက ပုဒ်မ ၆၆ ကို ပြင်ဆင်၊ ဖျက်သိမ်းဖို့ရှိ မရှိ မေးခွန်းမေးဖို့ပါတီတွင်း စိစစ်ရေးအဖွဲ့ကို တင်ခဲ့ပေမယ့် ခွင့်မပြုတာကြောင့် မေးခွန်းမေးမြန်းခွင့်မရရှိခဲ့ကြောင်း စစ်ကိုင်းတိုင်းဒေသကြီးက အမျိုးသားလွှတ်တော်ကိုယ်စားလှယ် ဦးရဲထွဋ် က ပြောပါတယ်။

ဒီလိုအရေးကြီးတဲ့မေးခွန်းတွေနဲ့ အဆိုတွေကို လွှတ်တော်မှာ မြန်မြန်ဆန်ဆန်နဲ့ မေးမြန်းခွင့်မရရှိတဲ့အတွက် လွှတ်တော်ကိုယ်စားလှယ်တွေရဲ့ ပုံရိပ်ကိုထိခိုက်နိုင်ကြောင်း၊ ကိုယ်က ပါတီဝင်တစ်ယောက် ဖြစ်နေတဲ့အတွက် ပါတီရဲ့ဆုံးဖြတ်ချက်ကို လေးစားလိုက်နာရမှာဖြစ်ကြောင်း၊အချိန်အခါအရ မေးမြန်းဖို့ မသင့်သေးဘူးလို့ ပါတီတာဝန်ရှိသူတွေက ဆုံးဖြတ်ထားတာကြောင့် နောက်ထပ်မေးခွန်းမေးမြန်ဖို့ ထပ်မံကြိုးစားသွားမှာဖြစ်ကြောင်းလည်း ဦးရဲထွဋ်က ပြောပါတယ်။

ဒါ့အပြင် ၈၈ အရေးပုံတော်နဲ့ ပတ်သက်ပြီး ကျဆုံးခဲ့တဲ့သူတွေအတွက်၊ ဂုဏ်ပြုဖို့အစီအစဉ်ရှိ မရှိနဲ့ သဘာဝပတ်ဝန်းကျင်၊ ကုန်ဈေးနှုန်းကြီးမြင့်မှု စတာတွေနဲ့ ပတ်သက်ပြီးလွှတ်တော်မှာ မေးခွန်းမေးဖို့ ကြိုစားခဲ့ပေမယ့် ပါတီစိစစ်ရေးက ခွင့်မပြုခဲ့ကြောင်းလည်း ဦးရဲထွဋ်က ပြောပါတယ်။

ဆက်သွယ်ရေး ဥပဒေပုဒ်မ ၆၆ (ဃ) ကို အမြန်ဆုံးပြင်ဆင်ပေးဖို့ အရပ်ဘက်အဖွဲ့တွေ၊ တက်ကြွလှုပ်ရှားသူတွေ၊ ကျောင်းသားတွေနဲ့ ပုဒ်မ ၆၆(ဃ) နဲ့ အရေးယူခံခဲ့ရသူတွေက ဆန္ဒပြတောင်းဆိုထားကြပြီး ၆၆ ဃ နဲ့ တရားစွဲဆိုခံရသူတွေရဲ့ တရားရုံးချိန်းတွေမှာ လှုပ်ရှားမှုတွေလည်း ဆောင်ရွက်နေပါတယ်။

RFA Burmese
https://www.facebook.com/rfaburmese/


စီးပွားရေးနယ်ပယ်ပေါင်းစုံတွင် ၀င်ရောက်လုပ်ကိုင်လျက်ရှိသော Max Myanmar ကုမ္ဗဏီက ပြည်ပစတော့အိတ်ချိန်းတခုခု၌ စားရင်းဝင်၍ အများပိုင်ကုမ္ဗဏီအဖြစ်ပြောင်းလဲရန် စီစဉ်နေကြောင်း ကုမ္ဗဏီဥက္ကဌ ဦးဇော်ဇော်က ပြောသည်။

Max Myanmar ကုမ္ဗဏီကို ဟောင်ကောင်၊ စင်ကာပူ သို့မဟုတ် လန်ဒန်စတော့အိတ်ချိန်းဈေးကွက်သို့ ၀င်ရောက်ရန် ဆန္ဒရှိကြောင်း၊ ပြည်ပရင်းနှီးမြှပ်နှံမှုဆိုင်ရာဥပဒေအပြောင်းအလဲကြောင့် နိုင်ငံတကာကုမ္ဗဏီများ ပိုမိုဝင်ရောက်လာမည်ဟု မျှော်လင့်ကြောင်း Bloomberg က ကျင်းပသော Invest Myanmar ဆွေးနွေးပွဲတွင် ၎င်းက ပြောသည်။

“ကျွန်တော့်လုပ်ငန်းတွေအားလုံးကို ပုဂ္ဂလိကပိုင်အနေနဲ့ မထားချင်ပါဘူး။ တနေ့နေ့တော့ စတော့အိတ်ချိန်းတင်ပြီး အများပိုင်အဖြစ် ပြောင်းချင်ပါတယ်။ မြန်မာနိုင်ငံမှာ စတော့အိတ်ချိန်း ၀င်ဖို့အတွက်ကျတော့ ကျွန်တော်တို့ဆီက ရင်းနှီးမြှပ်နှံမှုဈေးကွက်က ဒီလောက် မရှိသေးတဲ့အတွက် လက်ရှိအနေအထားမှာ ကျွန်တော့်အနေနဲ့ မြန်မာနိုင်ငံစတော့အိတ်ချိန်းမှာ တင်ရောင်းလို့မဖြစ်သေးတဲ့အနေအထားပါ။ အဲဒီတော့ ကျွန်တော့်အနေနဲ့ နိုင်ငံပြင်ပမှာ စာရင်းဝင်ဖို့ အစီအစဉ်ဆွဲထားပါတယ်။ စင်ကာပူ၊ ဟောင်ကောင်နဲ့ လန်ဒန် အိတ်ချိန်းတွေကို စဉ်းစားနေပါတယ်”ဟု ၎င်းက ပြောသည်။

ယင်းအပြင် စီးပွားရေးဆိုင်ရာဝန်ဆောင်မှုကဏ္ဍ၌ အတူလက်တွဲလုပ်ကိုင်မည့် ပြည်ပမှ မိတ်ဖက်ကုမ္ဗဏီများကို ရှာဖွေနေကြောင်း၊ ဟိုတယ်လုပ်ငန်း တိုးချဲ့ လုပ်ကိုင်ရန်အတွက် ပြင်သစ်ကုမ္ဗဏီ Accor SA နှင့်လည်း ဆွေးနွေးလျက်ရှိကြောင်း၊ Accor SA သည် Max Myanmar ပိုင် ဟိုတယ်သုံးခုအနက် နှစ်ခုကို စီမံခန့်ခွဲပေးလျက်ရှိကြောင်း သိရသည်။

ပြည်ပမှ ရင်းနှီးမြှပ်နှံမှုများ ပိုမိုဝင်ရောက်လာရန် အသစ်ရေးဆွဲထားသော ရင်းနှီးမြှပ်နှံမှုဥပဒေသည် လာမည့် ဧပြီတွင် အသက်ဝင်လာမည်ဖြစ်ပြီး ယင်းဥပအေရ ပြည်ပလုပ်ငန်းရှင်များအနေဖြင့် ပြည်တွင်းမှစီးပွားရေးလုပ်ငန်းများ၏ ၃၅ ရာခိုင်နှုန်းကို ၀ယ်ယူပိုင်ဆိုင်ခွင့်ရမည်ဖြစ်ပြီး ရန်ကုန်စတော့အိတ်ချိန်းတွင်လည်း ရှယ်ယာဝယ်ယူရောင်းချခွင့် ရရှိမည်ဖြစ်သည်။ ထို့ပြင် ပြည်ပလုပ်ငန်းများအား အခွန်သက်သာခွင့်ပေးရန် စီစဉ်ထားကြောင်းလည်း သိရသည်။

“အစိုးရအနေနဲ့ ပြည်ပကရင်းနှီးမြှပ်နှံမှုတွေကို ဆွဲဆောင်ဖို့ ရင်းနှီးမြှပ်နှံသူများ အလွယ်တကူ သိလွယ်မြင်လွယ်တဲ့ ပေါ်လစီတွေ ဖေိာဆောင်ဖို့လိုပါတယ်။ လမ်း၊ လျှပ်စစ်မီးစတဲ့ အခြေခံအဆောက်အဦတွေမှာလည်း ရင်းနှီးမြှပ်နှံဖို့လိုတယ်။ လက်ရှိ လျှပ်စစ်ဓါတ်အားပမာဏက နည်းနေသေးတယ်”ဟု ဦးဇော်ဇော်က ပြောသည်။

စစ်အစိုးရလက်ထက် ၁၉၉၇ ခုနှစ်မှစ၍ မြန်မာနိုင်ငံအပေါ် အမေရိကန်အစိုးရက စီးပွားရေးဒဏ်ခတ်ပိတ်ဆို့မှုများ ချမှတ်ခဲ့ရာ ဦးဇော်ဇော်သည် တဦးတယောက်ချင်း ပစ်မှတ်ထားစီးပွားရေးပိတ်ဆို့ခြင်းခံရသည့် လူပုဂ္ဂိုလ်မျာစားရင်းတွင် ပါဝင်ခဲ့သည်။ မြန်မာ့ဒီမိုကရေစီအပြောင်းအလဲကြောင့် သမ္မတ အိုဘားမားလက်ထက် ၂၀၁၆ အောက်တိုဘာလတွင် အမေရိကန်၏စီးပွားရေးပိတ်ဆို့မှုများ အပြီးသတ်ရုပ်သိမ်းခဲ့သည်။

မော်ရိုး
Ref;Bloomberg
News Watch
https://www.facebook.com/NewsWatchJournal/



တရုတ် နိုင်ငံခြားရေးဝန်ကြီးဌာန ပြောခွင့်ရ Geng Shuang (the ministary of foreign affair)
တရုတ်-မြန်မာ နယ်စပ်ဒေသ တည်ငြိမ်ရေးနဲ့ ငြိမ်းချမ်းရေးရစေဖို့ ၂ နိုင်ငံ နယ်စပ်ဒေသမှာ တိုက်ခိုက်နေတဲ့ အဖွဲ့အားလုံး ထိန်းထိန်းသိမ်းသိမ်း လုပ်ဆောင်ကြဖို့နဲ့ လက်နက်ကိုင်တိုက်ခိုက်မှုတွေ ချက်ချင်းရပ်စဲကြဖို့ တရုတ်အစိုးရက ကြာသပတေးနေ့မှာ တောင်းဆိုလိုက်ပါတယ်။

မြန်မာနိုင်ငံမြောက်ပိုင်း ရှမ်းပြည်နယ် ကိုးကန့် ကိုယ်ပိုင်အုပ်ချုပ်ခွင့်ရဒေသမှာ အခု သီတင်းပတ်အတွင်း ထပ်မံ ဖြစ်ပွါးခဲ့တဲ့ တိုက်ပွဲတွေ ကြောင့် ဒေသခံ ၂ သောင်းကျော် တရုတ်နိုင်ငံထဲ ထွက်ပြေးဝင်ရောက်လာတယ်လို့ တရုတ် နိုင်ငံခြားရေးဝန်ကြီးဌာန ပြောခွင့်ရ Geng Shuang ကပြောပါတယ်။ တိုက်ပွဲတွေကြောင့် အပြစ်မဲ့ပြည်သူတွေ ထိခိုက်နစ်နာတာအတွက်လည်း တရုတ်နိုင်ငံက အပြစ်တင် ရှုံ့ချပါတယ်။ ဒါ့အပြင် ဒီဒုက္ခသည်တွေကို တရုတ်အစိုးရက အကူညီတွေ ပေးနေ သလို နယ်စပ်ဒေသ တည်ငြိမ်မှု ရစေရေးအတွက် ထိရောက်တဲ့ အရေးယူ ဆောင်ရွက်မှုတွေ လုပ်နေတယ်လို့လည်း သတင်းစာ ရှင်းလင်းပွဲမှာပြောပါတယ်။

လားရှိုးဘက်ကို ထွက်ပြေးကြတဲ့ ဒုက္ခသည်တွေကို ကူညီဆောင်ရွက်ပေး နေသူတွေကတော့ တရုတ်ဘက်ခြမ်းကို ထွက်ပြေးကြသူတွေဟာ တရုတ်ဘာသာ စကား ပြောတတ်သူတွေ ဖြစ်ပြီး တိုက်ပွဲတွေ စတင်ကတည်းက တံတားအားလုံးကို တရုတ်ဘက်က ပိတ်ထားလိုက်ပြီး မြန်မာ ဒုက္ခသည်တွေကို ပေးမဝင်ပဲ တရုတ်တွေကိုပဲ ပေးဝင်တယ်လို့ VOA ကိုပြောပါတယ်။

လောက်ကိုင်ဝန်းကျင်မှာ ဖြစ်ပွါးနေတဲ့ တိုက်ပွဲတွေ ကြောင့် ဒေသခံတွေနဲ့ အဲဒီဒေသတွေမှာ သွားရောက်အလုပ်လုပ်ကိုင်နေတဲ့ ရွှေ့ပြောင်း လုပ်သား ထောင်နဲ့ ချီပြီး ထွက်ပြေးတိမ်းရှောင် နေကြ သလို မြို့ထဲမှာ ပိတ်မိနေသူတွေလည်း ရှိနေပါတယ်။

မြန်မာနိုင်ငံက ငြိမ်းချမ်းရေး လုပ်ငန်းစဉ်ကို တရုတ်က ထောက်ခံကြောင်းနဲ့ မပြေလည်မှုတွေကို ဆွေးနွေးအဖြေရှာပြီး ငြိမ်းချမ်းတဲ့နည်းနဲ့ ဖြေရှင်းကြဖို့ တိုက်တွန်း ကြောင်းလည်း တရုတ် နိုင်ငံခြားရေးဝန်ကြီးဌာန ပြောခွင့်ရက ပြောပါတယ်။

မတ်လ ၆ ရက် တနင်္လာနေ့က ကိုးကန့်တပ်ဖွဲ့နဲ့ မြန်မာစစ်တပ်တို့ကြား ပြန်လည် ဖြစ်ပွါးခဲ့တဲ့ တိုက်ပွဲတွေကြောင့် တရုတ် နယ်နိမိတ်ထဲ လက်နက်ကြီးနဲ့ တခြား ကျည်ဆံတွေ ကျရောက်ထိမှန်ခဲ့ပြီး နယ်စပ်ဒေသခံတဦး ထိခိုက်ဒဏ်ရာရခဲ့သလို ပိုင်ဆိုင်မှု တချို့ ပျက်စီးတာလည်း ရှိခဲ့တယ်လို့လည်း ပြောပါတယ်။ ကြာသပတေးနေ့မှာတော့ လောက်ကိုင်ဝန်းကျင်မှာ တိုက်ပွဲတွေ ပြင်းထန်ခဲ့တယ်လို့ အစိုးရတပ်တွေနဲ့ တိုက်ခိုက်နေတဲ့ မြောက်ပိုင်း စစ်ရေးမဟာမိတ်အဖွဲ့က VOA ကို ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com