03/13/17


၁၉၈၈ခုနှစ် မတ် ၁၃ ရက်တွင် ကျဆုံးခဲ့သော စက်မှုတက္ကသိုလ်ကျောင်းသား ကိုဖုန်းမော်နှင့် ကိုစိုးနိုင်တို့၏ ၂၉ နှစ်မြောက် နှစ်ပတ်လည်အခမ်းအနားကို မတ် ၁၃ရက် နံနက်ပိုင်းက အင်းစိန်မြို့နယ်၊ ကြို့ကုန်းရှိ ရန်ကုန်နည်းပညာတက္ကသိုလ်စုဝေးခန်းမတွင် ကျင်းပပြုလုပ်ခဲ့ပြီး ယင်းအခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က သ၀ဏ်လွှာပေးပို့ခဲ့ကြောင်း သိရသည်။

နိုင်ငံတော်၏အတိုင်ပင်ခံကပေးပို့သောသ၀ဏ်လွှာတွင် မြန်မာပြည်၏ အပြောင်းအလဲများသည် မတ်လမှ အစပြုကာ ဖြစ်ပေါ်လေ့ရှိပြီး ကိုဖုန်းမော်၊ ကိုစိုးနိုင်တို့ကျဆုံးမှုသည်လည်း မတ်လ၏ သမိုင်းမှတ်တမ်းတစ်ခုဖြစ်ကြောင်း၊ အငြင်းပွားမှုကို လက်နက်ဖြင့် ဖြေရှင်းကြခြင်းကြောင့် ၀မ်းနည်းဖွယ်အဖြစ်ဆိုးမျိုးကို ကျောင်းသားထုနှင့် ပြည်သူလူထု ကြုံဆုံခဲ့ရခြင်းဖြစ်ကြောင်း၊ ၎င်းတို့ ကျဆုံးခဲ့ရခြင်းသည် အထွေထွေအကျပ်အတည်းကြောင့် အပြောင်းအလဲလိုလားနေသူ ပြည်သူများကို တပ်လှန့်သလိုဖြစ်ခဲ့ကြောင်း၊ ဒီမိုကရေစီစနစ်သို့ ပြောင်းလဲရန် အချိန်တန်ကြောင်း၊ စတင်လျှောက်လှမ်းရန် အချိန်ကျပြီဟု ပြည်သူလူထုတရပ်လုံးကို အသိပေးနှိုးဆော်ခဲ့ကြောင်းကို ထည့်သွင်းပြောကြားခဲ့သည်။


ထို့အပြင် ဒီနေ့ဒီအချိန်တွင် ထိုအဖြစ်ဆိုးမျိုးကို မမေ့မလျော့ကျင်းပခြင်းသည် အတိတ်၏ သမိုင်းဒဏ်ချက်အတွင်း ပိတ်လှောင်နေရန်မဟုတ်ကြောင်း၊ သမိုင်းသင်ခန်းစာယူပြီး နောင်တွင် အခုလိုမျိုး ထပ်မံမကြုံတွေ့ရအောင် မည်ကဲ့သို့ဆောင်ရွက်မည်၊ မည်ကဲ့သို့ ရင်ဆိုင်ကျော်လွှားပြီး အနာဂတ်အတွက် ကောင်းအောင်ဖန်တီးမည်ဆိုသည့် ဆုံးဖြတ်ချက်များ ချမှတ်နိုင်ရန်ဖြစ်ကြောင်းတို့ကို ထည့်သွင်းပြောကြားခဲ့သည်။

ထို့အပြင် နိုင်ငံအတွက် အနစ်နာခံ၊ အထိခိုက်ခံခဲ့သော အာဇာနည်များကို လွမ်းဆွတ်တန်ဖိုးထားသောအားဖြင့် ငြိမ်းချမ်းသောလူ့ဘောင်နှင့် ဒီမိုကရေစီပန်းတိုင်ကို အမှန်တကယ်ရောက်သည်အထိ ချီတက်သွားကြရန် နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က တိုက်တွန်းပြောဆိုခဲ့သည်။

News Watch
https://www.facebook.com/NewsWatchJournal/


ထိုင်းနိုင်ငံမှာ ပြသနေတဲ့ ရုပ်သံ ဇာတ်လမ်းတွဲတစ်ခုဟာ မြန်မာ့ နောက်ဆုံး ကုန်းဘောင်မင်းဆက်ရဲ့ နောက်ဆုံးဘုရင် သီပေါမင်း လက်ထက် သွေးထွက်သံယို နန်းတွင်းနိုင်ငံရေးအာဏာလုပွဲ ဖြစ်ရပ်တွေကိုယူပြီး အဆိုးမြင်သဘော ရိုက်ကူးထားတဲ့အတွက် သီပေါမင်းရဲ့ အဆက်အနွယ်တော်တွေ မကျေနပ်ကြကြောင်း AFP သတင်းက ဖေါ်ပြပါတာယ်။

ထိုင်းဘာသာနဲ့ ‘ပီလရမ် ဖရာနမ်’၊ အင်္ဂလိပ်ဘာသာနဲ့ ‘A Lady's Flames’ အမည်ရှိတဲ့ အဲဒီဇာတ်လမ်းတွဲဟာ စိတ်ကူးယဉ် နန်းတွင်းမင်းဆက်တစ်ခုအကြောင်း ရိုက်ကူးထားတယ် လို့ဆိုပေမဲ့၊ ၁၉ ရာစု မြန်မာ့ နောက်ဆုံး မင်းဆက်ရဲ့ နောက်ဆုံးနေ့တွေအကြောင်း ဆိုတာထင်ရှားတယ်လို့ သီပေါဘုရင်ရဲ့ မြစ်တော်စပ်သူ ဦးစိန်ဝင်း က ပြောဆိုကြောင်းလည်း သတင်းမှာ ဖေါ်ပြပါတယ်။

အဲဒီ ရုပ်သံဇာတ်လမ်းမှာ ကုန်းဘောင်ခေတ် နောက်ဆုံးပိုင်း နန်းတွင်းမှာ ဆင်ဖြူမရှင် တန်ခိုးထက်လာပုံ၊ သီပေါမင်းသား ဘုရင်ဖြစ်ရေးအတွက် မင်းညီမင်းသား တစ်ရာနီးပါး သတ်ဖြတ်ခံရပုံတွေ ပါဝင်နေဟာ မြန်မာသမိုင်းဖြစ်ရပ်တွေနဲ့ အတူတူဖြစ်နေတယ်လို့လည်း ဆိုပါတယ်။ ဒါ့ပြင် ဘုရင့်မိသားစုဝင်တွေဟာ တစ်ယောက်ကိုတစ်ယောက် ပါးရိုက်ကြတဲ့အခန်းတွေ ပါဝင်နေလို့၊ အရိုင်းအစိုင်းတွေအဖြစ် ပုံဖေါ်ထားတယ်လို့လည်း ဦးစိန်ဝင်းက ပြောပါတယ်။

ဒီဇာတ်လမ်းအတွက် မိမိတို့အနွယ်တော်ဝင်တွေ စိတ်ဆိုးဒေါသဖြစ်ရကြောင်း၊ မိမိတို့ မြန်မာရုပ်ရှင် ကုမ္ပဏီတစ်ခုက ထိုင်းနိုင်ငံနဲပပတ်သက်ပြီး အလားတူ ရုပ်ရှင်မျိုး ရိုက်ကူးမယ်ဆိုရင် လက်ခံနိုင်မလားလို့ မေးချင်ကြောင်း၊ ဒီကိစ္စနဲ့ပတ်သက်ပြီး ထိုင်းဘက်က တစ်စုံတရာ မဆောင်ရွက်ဘူးဆိုရင် ထိုင်းဘုရင့်မိသားစုကို အကူအညီတောင်းခံမှာဖြစ်ကြောင်း ဦးစိန်ဝင်းက AFP သတင်းကို ပြောကြားခဲ့ပါတယ်။

ထိုင်းနိုင်ငံမှာ ဘုရင်နဲ့ မိသားစုကို သရော်ပြောင်လှောင်ရင် ထောင်ဒဏ် ၁၅ နှစ်အထိ ကျခံရနိုင်ပါတယ်။

RFA Burmese
https://www.facebook.com/rfaburmese/



အမေရိကန် နိုင်ငံခြားရေးဝန်ကြီး Rex Tillerson
အမေရိကန် နိုင်ငံခြားရေးဝန်ကြီး Rex Tillerson ဟာ ဒီသီတင်းပတ်ထဲမှာပဲ ဂျပန်၊ တောင်ကိုရီးယားနဲ့ တရုတ်နိုင်ငံတွေကို အမေရိကန် ထိပ်တန်း သံတမန်တဦး အနေနဲ့ ပထမဆုံး အကြိမ်အဖြစ် သွားရောက်မှာ ဖြစ်ပါတယ်။ ဒီခရီးစဉ်ကနေ ဒေသတွင်းသာမက ကမ္ဘာကြီး အတွက်ပါ ခြိမ်းခြောက်မှု ရှိနေတဲ့ မြောက်ကိုရီးယား နိုင်ငံရဲ့ နျူကလီယားနဲ့ စစ်ရေးဆိုင်ရာကိစ္စတွေကို ကိုင်တွယ်ဖြေရှင်းနိုင်မယ့် နည်းလမ်းသစ်တွေ ရှာဖွေနိုင်ဖို့ပါ ဝန်ကြီး Tiller က မျှော်လင့်ထားတာပါ။

ဂျပန်နိုင်ငံမှာရှိတဲ့ အမေရိကန် စစ်အခြေစိုက်စခန်းတွေကို တိုက်ခိုက်ဖို့ အစမ်းလေ့ကျင့်တာဖြစ်နိုင်တဲ့ ဒီလထဲ မြောက်ကိုရီးယားရဲ့ ဂျပန်ပင်လယ်ထဲ ဒုံးကျည်အများအပြား ပစ်လွှတ်မှုလို စိန်ခေါ်တဲ့ လုပ်ရပ်တွေကြောင့် မြောက်ကိုရီးယား ခေါင်းဆောင် Kim Jong-Un နဲ့ရော တခြား မြောက်ကိုရီးယား အရာရှိတွေနဲ့ပါ တိုက်ရိုက်ဆွေးနွေးပြောဆိုဖို့ စဉ်းစားမှုကို ရွှေ့ဆိုင်းလိုက်တာ လို့ အမေရိကန်အစိုးရက ပြောပါတယ်။

တောင်ကိုရီးယားမှာ သမ္မတကို ရာထူးကဖယ်ရှားဖို့ မကြာသေးခင်ကမှ ဆုံးဖြတ်ခဲ့တာအပြင် တောင်ကိုရီးယားနိုင်ငံမှာ အမေရိကန်က အငြင်းပွါးဖွယ် ဒုံးခွင်းဒုံးစံနစ် တပ်ဆင်တာအတွက် တရုတ်ကဒေါသထွက်နေပြီး တောင်ကိုရီးယား နဲ့ တရုတ်တို့ကြား ရှုပ်ထွေးတဲ့ နိုင်ငံရေးအခြေနေ တရပ်ပေါ်ပေါက်နေတာကလည်း အမေရိကန်နိုင်ငံခြားရေးဝန်ကြီးရဲ့ အဲဒီနိုင်ငံတွေမှာ ပြုလုပ်မယ့် ဆွေးနွေးမှုတွေကို အနှောက်အယှက် ဖြစ်စေမယ့် အနေထားပါ။

တောင်ကိုရီးယား သမ္မတ Park Guen-hye ရာထူးကနေ အဖယ်ရှား ခံခဲ့ရတဲ့နောက် ရက်ပေါင်း ၆၀ အတွင်း ရွေးကောက်ပွဲ အသစ် ကျင်းပဖို့ လုပ်နေတဲ့ ယာယီသမ္မတ တာဝန်ယူထားတဲ့ ဝန်ကြီးချုပ် Hwang Kyo-ahn ကိုလည်း ဝန်ကြီး Tillerson က ပထမဆုံး အကြိမ်အဖြစ် တွေ့ဆုံမှာ ဖြစ်ပါတယ်။ ဝန်ကြီး Tillerson ဟာ တောင်ကိုရီးယား အတိုက်အခံတွေနဲ့တော့ တွေ့ဆုံမှာ မဟုတ်ပါဘူး။

တရုတ်နိုင်ငံမှာတော့ ဝန်ကြီး Tillerson ဟာ တရုတ်သမ္မတ Xi Jinping နဲ့ တွေ့ဆုံဖို့ ရှိပြီး သူ့ရဲ့ တရုတ်နိုင်ငံခရီးမှာ အဓိက လုပ်ဆောင်မှာက ဒီနှစ်နှောင်းပိုင်းလောက် အမေရိကန် ပြည်ထောင်စုကို လာရောက်ဖို့ မျှော်လင့်ထားတဲ့ တရုတ်သမ္မတရဲ့ ခရီးစဉ်အတွက် ကြိုတင် ပြင်ဆင်မှု တွေ လုပ်ဖို့ ဖြစ်ပါတယ်။

အမေရိကန်အစိုးရအနေနဲ့ တရုတ်ဘက်က နိုင်ငံတကာဥပဒေတွေ လေးစားလိုက်နာမှု ရှိစေဖို့နဲ့ ၂ နိုင်ငံ ကုန်သွယ်ရေးမှာ မျှတမှု ရှိစေဖို့ လိုလားနေတာနဲ့ တချိန်ထဲမှာပဲ တရုတ်နဲ့ အပြုသဘောဆောင်တဲ့ ဆက်ဆံရေးကိုပါ လုပ်ဆောင်ဖို့ အမေရိကန်ဘက်က လိုလားနေတာပါ။

ဗွီအိုအေ (မြန်မာပိုင်း)
http://burmese.voanews.com



ဆရာတော်ဉီးဝီရသူ
မန္တလေးတိုင်း မစိုးရိမ်တိုက်သစ်ကနာယက အဖွဲ့ဝင်ဆရာတော် ဉီးဝိစိတ္တာဘိဝံသခေါ် ဉီးဝီရသူကို ဘာသာတခုနဲ့တခုကြား အမုန်းတရား ပွားများပြီး ဘာသာရေး အဓိကရုန်းဖြစ်အောင် ဟောပြောမှု နိုင်ငံရေး ဘက်လိုက် ဝေဖန်မှုစတဲ့ လုပ်ဆောင်ချက်တွေကြောင့် နိုင်ငံတော်သံဃာ့ မဟာနာယက အဖွဲ့က တတိုင်းပြည်လုံး တရားဟောခွင့်ကို တနှစ်ပိတ်ပင်လိုက်ပါတယ်။

ဒီလိုပိတ်ပင်တာနဲ့ ပတ်သက်လို့ အရင်တုန်းကဆို မဟနအနေနဲ့ခေါ်ယူသတိပေးတာ ခံဝန်ချက် လက်မှတ်ထိုးခိုင်းတာ စာထုတ်တာတွေ အဆင့်ဆင့်လုပ်ပြီးမှ နောက်ဆုံးအဆင့် တရားဟောတာ ပိတ်ပင်လေ့ရှိကြောင်း အခုတော့ အဆင့်ဆင့် သတိမပေးပဲလုပ်တာဟာ ဧရာဝတီတိုင်း အစိုးရနဲ့ သာသနာရေး ဝန်ကြီးဌာနတို့ ပေါင်းပြီး ဆရာတော်ကြီးတွေကို အတင်း လက်မှတ်ရေးထိုး အမိန့်ထုတ်အောင် လုပ်သွားတာ လို့ ဉီးဝီရသူက ဘီဘီစီကို ပြောပါတယ်။

အိမ်မဲမြို့နယ်မှာ တရားပွဲမိန့်ရပြီးသားဖြစ်လို့ ဒကာဒကာမတွေ အဖူးမျှော်ခံတာဖြစ်ပြီး ဝစီပိတ် လုပ်ထားတာကတော့ မဟနဆရာတော်တွေရဲ့ အမိန့်ကို လိုက်နာတယ်ဆိုတာ ပြသတာဖြစ်ကြောင်း ပြောပါတယ်။

အခု ခွင့်ပြုမိန့်ရ ပြီးတရားပွဲတွေနဲ့ပတ်သက်လို့ အခုလိုပဲ လိုလိုလားလားရှိတဲ့ ပွဲတွေမှာ ဝစီပိတ် တရားဟောသွားမှာဖြစ်ပြီး ဒီထက်ဖိနှိပ်တာတွေ လုပ်လာရင် ပိုပြင်းထန်တဲ့အမူအယာတွေနဲ့ ခုခံကာကွယ်သွားမယ်လို့ ပြောပါတယ်။

အခုလို ဟောပြောတာဟာ အခြားဘာသာတွေကို တိုက်ခိုက်တာမျိုးမဟုတ်ပဲ ကိုယ့်ဘာသာကို ကာကွယ် စောင့်ရှောက်တာဖြစ်ကြောင်း တကယ်လို့ အရေးယူမယ်ဆိုရင်လည်း ဘယ်ဥပဒေနဲ့အရေးယူမယ်ဆိုတာ သိလိုကြောင်းပြောကြားသွားပါတယ်။

BBC Burmese
http://www.bbc.com/burmese



အိန္ဒိယ-မြန်မာနယ်စပ်
မြန်မာနဲ့ နယ်စပ် အိန္ဒိယ နိုင်ငံ မဏိပူ ပြည်နယ်ထဲက ကျေးရွာတခုကို မြန်မာ့ တပ်မတော်က ကျူးကျော် ၀င်ရောက်ခဲ့တယ်လို့ ဒေသခံတွေက ပြောဆိုကြပြီး အိန္ဒိယ အစိုးရက အကာအကွယ်ပေးဖို့ တောင်းဆိုခဲ့ကြပါတယ်။

မြန်မာ စစ်တပ်က ပြီးခဲ့တဲ့ မတ်လ ၄ ရက်နေ့က မဏိပူ ပြည်နယ် Tengnoupal က Holenphai ရွာထဲကို ၀င်ရောက်ခဲ့ပြီး လွှစက် တခုကို မီးရှိုပြီး စက်ပစ္စည်းတွေ အားလုံးကိုလည်း ယူဆောင်သွားတယ်လို့ ဒေသခံတွေက ပြောဆိုကြတာကို ကိုးကားပြီး Reuters သတင်းဌာနက ရေးသားပါတယ်။မြန်မာ စစ်တပ်တွေ ၀င်ရောက်ခဲ့တယ်လို့ ပြောဆိုပြီး လုံခြုံရေး တပ်ဖွဲ့တွေ ချထားပေးဖို့ Lhangcham နဲ့ Holenphai ရွာတွေက ဒေသခံတွေ ပြီးခဲ့တဲ့ သောကြာနေ့ကလည်း ဆန္ဒပြခဲ့ကြပါတယ်။ နယ်စပ်ဒေသမှာ နေထိုင်သူတွေ အနှောင့်အယှက် ကင်းကင်းနဲ့ လုံခြုံ၊ ငြိမ်းချမ်းစွာ နေထိုင်နိုင်ရေး အတွက် အိန္ဒိယ အာဏာပိုင်တွေဘက်က ဆောင်ရွက်ပေးဖို့ Holenphai ရွာရဲ့ အကြီးအကဲ Haokip ကတောင်းဆိုပါတယ်။

"ကျနော်တို့က အိန္ဒိယ နိုင်ငံတွင်း ငြိမ်းချမ်းစွာ နေလိုပါတယ်။ ဒါပေမယ့် ကျနော်တို့မှာ လုံခြုံမှု မရှိပါဘူး။ ကျနော်တို့ မြန်မာ စစ်တပ်ကို ကြောက်နေ ရပါတယ်" လို့ ပြောဆိုသွားတာ ဖြစ်ပါတယ်။

လယ်ကွင်းတွေ၊ ရေကန်ကြီးတွေနဲ့ စိမ်းလန်းတဲ့ တောတောင်တွေကြောင့် အိန္ဒိယရဲ့ ရတနာလို့ တင်စားခေါ်ကြတဲ့ မဏိပူ ပြည်နယ်ကတော့ ဆယ်စုနှစ်တွေနဲ့ချီပြီး တိုက်ပွဲလေးတွေ ဖြစ်နေတာပါ။ သူပုန်တွေက မြန်မာဘက်ကို အကာအကွယ်ပြု နေထိုင်နေကြသလို မူးယစ်ဆေးဝါးနဲ့ လက်နက်တွေ နယ်စပ်ကို ဖြတ်ပြီး ၀င်ရောက်ရာ အဖြစ်လည်း အာဏာပိုင်တို့က စွပ်စွဲ ပြောဆိုနေကြတာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



SAW လူမှုရေး အဖွဲ့က စောင့်ရှောက်ထားတဲ့ မြန်မာကလေးတွေကို ထိုင်း လူမှုဘဝ တိုးတက်ရေးနဲ့ လူ့ဘဝ လုံခြုံရေးဝန်ကြီး လာရောက်ကြည့်ရှု
ထိုင်းနိုင်ငံ မဲဆောက်မြို့နဲ့ အနီးပတ်ဝန်းကျင်က မြန်မာ ရွှေ့ပြောင်း အလုပ်သမားတွေရဲ့ ကလေးတွေ စာသင်ကြားနေရာ စာသင်ကျောင်းနဲ့ မိဘမဲ့ ဂေဟာပေါင်း ၃၈ နေရာက ကလေးတွေရဲ့ဘ၀ တိုးတက်ရေးအတွက် ထိုင်းလူမှုဘ၀ တိုးတက်ရေးနဲ့ လူ့ဘ၀ လုံခြုံရေး ၀န်ကြီးဌာနက ဆောင်ရွက် ပေးနေတယ်လို့ သိရပါတယ်။

ထိုင်းလူမှုဘ၀ တိုးတက်ရေးနဲ့ လူ့ဘ၀ လုံခြုံရေး ၀န်ကြီးဌာန ၀န်ကြီးက တာဝန်ပေးလိုက်တဲ့ အမြဲတန်း အတွင်းဝန် နိုင်မိုင်တရီ အင်ထုရွတ် က ပထမအဆင့် အနေနဲ့ ကလေးတွေကို ၁၀နှစ် သက်တမ်း ရှိ တဲ့ နေထိုင်ခွင့် ကပ်ပြားတွေ ထုတ်ပေးနေပြီး အခုဆက်ဆောင်ရွက်ပေးမယ့် ဒုတိယအဆင့် အနေနဲ့ သူတို့ရဲ့ ကျောင်းတွေ၊ ဂေဟာတွေမှာ ကျန်းမာ ရေးနဲ့ အညီ ဘေးအန္တရာယ် အမျိုးမျိုး ကင်းပြီး ကလေးတွေရဲ့ သဘာဝအတိုင်း ပျော်ရွှင်စွာ ကြီးပြင်းဖို့ စတဲ့ နိုင်ငံတကာ အဆင့်မီ စောင့်ရှောက်မှုကို ခံရဖို့အတွက် ကလေးတွေ နေတဲ့ ကျောင်းတွေ၊ ဂေဟာတွေက တာဝန်ရှိသူတွေကို သင်တန်းတွေ ပို့ချပေးသွားမယ်လို့ ပြောသွားပါတယ်။

မဲဆောက်နဲ့ အနီးပတ်ဝန်းကျင်က စာသင်ကျောင်းနဲ့ မိဘမဲ့ ဂေဟာတွေက ၁၀ နှစ် သက်တမ်း ရှိတဲ့ နေထိုင်ခွင့် ကဒ်ပြားတွေ ရပြီး ထိုင်းကလေးတွေနဲ့ တန်းတူ အခွင့်ရေးတွေ၊ ထောက်ပံ့ကြေးတွေ ရထားတဲ့ ကလေးတသောင်းကျော် ရှိပြီး ထိုင်းတနိုင်ငံလုံးမှာ ဒီလို ကလေးမျိုး တသိန်းကျော် ရှိတယ်လို့ သိရပါတယ်။

မဲဆောက်က SAW လို့ ခေါ်တဲ့ လူမှုရေးအဖွဲ့ကလည်း မိဘမဲ့ကလေး အများစုပါဝင်တဲ့ ကလေး ၁၆၀ကျော်လောက်ကို စောင့်ရှောက်ထားပြီး အဲဒီ ကလေးတွေဟာ မဲဆောက် ဆေးရုံကြီး၊ မယ်တော် ဆေးခန်းနဲ့ ထိုင်းလဝကရုံးတွေကနေ လွှဲပေးခဲ့တာ ဖြစ်ကြောင်း အဖွဲ့ဒါရိုက်တာ ဒေါ်အေးမာက ပြောပြပါတယ်။

ထိုင်းနိုင်ငံမှာ မြန်မာ ရွှေ့ပြောင်း အလုပ်သမားတွေ လာပြီး အလုပ် လုပ်ကိုင်နေတဲ့ အနှစ်သုံးဆယ်လောက် ကာလမှာ လုပ်အားခ၊ အလုပ်ချိန်နဲ့ နိမ့်ကျတဲ့ လုပ်ငန်းခွင် အခြေအနေတွေကြောင့် မကြာခဏ ဆန္ဒပြတာတွေ ရှိခဲ့ပါတယ်။

အခု ထိုင်းအစိုးရက မဲဆောက်မြို့ အပါအဝင် ထိုင်းနိုင်ငံက နေရာ အတော်များများမှာ အထူး စီးပွားရေးဇုံတွေကို တည်ဆောက်ပြီး နိုင်ငံတကာ ရင်းနှီးမှုတွေကို ဖိတ်ခေါ်နေတဲ့ အချိန်မှာ ရွှေ့ပြောင်း အလုပ်သမားတွေ၊ သူတို့ရဲ့ ကလေးတွေနဲ့ နိုင်ငံမဲ့ ဖြစ်နေတဲ့ ကလေးတွေကိုပါ ထိုင်းနိုင်ငံက လူသားချင်း စာနာမှု အ ပြည့်နဲ့ စောင့်ရှောက်နေကြောင်း နိုင်ငံတကာကို ပြသလိုက်တာ ဖြစ်ပါတယ်။

BBC Burmese
http://www.bbc.com/burmese


ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းယုမြို့ရှိ နမ့်လွေချောင်းအတွင်း သေဆုံးနေသည့် အမျိုးသား အလောင်းတစ်လောင်း မျောပါတင်ရှိနေမှုအားစစ်ဆေးရာမှ သေဆုံးနေသူမှာ တရုတ်လူမျိုး ဖြစ်နေကြောင်း သိရသည်။

မိုင်းယုမြို့ရှိ နမ့်လွေချောင်းတံတားအောက် (၁)မိုင်ခန့် အကွာတွင် မျောပါတင်ရှိနေသည့် အမျိုးသားအလောင်း တစ်လောင်းနှင့် ပတ်သက်၍ သက်ဆိုင်ရာ တာဝန်ရှိသူများက မတ်လ(၁၂)ရက်နေ့ နေ့လယ်(၁၂)နာရီခွဲဝန်းကျင်က သွားရောက် စစ်ဆေးရာ အသက်(၄၅)နှစ်အရွယ်ဝန်းကျင်ရှိ တရုတ်လူမျိုး ဖြစ်နေကြောင်း သိရသည်။

မျောပါလာသည့် အဆိုပါ အလောင်းသည် အထူးဒေသ(၄) ကျိန်းယဲန်းတစ်ဖက်ကမ်းမှ အလောင်းဖြစ်၍ အထူးဒေသ(၄) နမ့်ပန်းရဲဌာနမှ စခန်းမှူး စောနအဖွဲ့မှ နေ့လယ်(၂)နာရီခွဲဝန်းကျင်က အထူးဒေသ(၄)နမ့်ပန်းသို့ သယ်ဆောင်သွားကြောင်း သိရှိရသည်။

Tachileik News Agency
http://www.tachileik.net


ရှမ်းပြည်နယ်(တောင်ပိုင်း)၊ တောင်ကြီးမြို့တွင် လောင်းကစားဆိုင်ခန်းများ လာရောက် ဖွင့်လှစ်ထားပါက ဆိုင်ခန်း၏ လေးဘက်လေးတန်ရှိ ဆိုင်ခန်းများ၊ နေအိမ်များ အနေဖြင့် ရဲစခန်းသို့ သတင်းပို့တိုင်ကြားရန် လိုအပ်ပြီး ပျက်ကွက်ပါက အရေးယူသွားမည်ဖြစ်ကြောင်း သိရသည်။

“လောင်းကစားနဲ့ ပတ်သက်လို့ရှိရင် ကျွန်တော်တို့ကို သတင်းပေးပါ။ သတင်း မပေးဘူးဆိုရင် လောင်းကစား လုပ်နေတဲ့ ဆိုင်ရဲ့ ဘယ်ညာ ရှေ့နောက်ဝဲယာ လေးဖက်လေးတန်ကို အရေးယူဖို့ စဉ်းစားထားတယ်။ ပြည်သူတွေကနေ ကျွန်တော်တို့ကို သတင်းပေးရမယ့် တာဝန်ရှိတယ်လေ။ ပြည်သူတွေက ကျွန်တော်တို့ အိမ်ဘေးမှာ အိမ်ဖက်မှာ လောင်းကစားတွေ လာဖွင့်နေတယ် ဆိုပြီး လာတိုင်ပါ။ ဒါမှကျွန်တော်တို့လည်း သိမယ်လေ။ မပြောရင် ကျွန်တော်တို့ ဖက်ကနေ ဘယ်လို အရေးယူရမလဲ”ဟု တောင်ကြီးမြို့နယ်ရဲတပ်ဖွဲ့မှူး၊ ရဲမှူး မြင့်ဦးထံမှ သိရသည်။

ရဲတပ်ဖွဲ့ အနေဖြင့် သတင်းပေး တိုင်ကြားသူရှိလျှင် ချက်ချင်း ဆောင်ရွက်နိုင်ရန် လောင်းကစားဝရမ်းဖြင့် အဆိုပါ နေအိမ်၊ ဆိုင်ခန်းအား ဝင်ရောက်ရှာဖွေ ဖမ်းဆီးနိုင်မည်ဖြစ်သဖြင့် ပြည်သူများ၏ ပူးပေါင်း ဆောင်ရွက်မှု လိုအပ်ကြောင်း ရဲမှူးက ဆိုသည်။

“မှုခင်း ကျဆင်းရေးတွေ တစ်လကို နှစ်ကြိမ်လောက် အစည်းအဝေး အမြဲတမ်းလုပ်တယ်။ တကယ်လို့ ရပ်ကွက်ထဲမှာ လောင်းကစား လုပ်နေတာတွေရှိရင် သူတို့ကို ဖမ်းဆီးနိုင်ဖို့အတွက် လောင်းကစား ဝရမ်းထုတ်ပေးမယ်လို့ ပြောပြထားပြီးသားပါ။ တာဝန်ရှိ ပြည်သူအနေနဲ့လည်း တွေ့ရင် နီးစပ်ရာ ရဲစခန်းကို တိုင်ကြားနိုင်ပါတယ်။ ပြောတာနဲ့ ချက်ချင်း လာမှာပါ။ တကယ်စိတ်ချပါ။ ကြိုတင် ကာကွယ်မှုလုပ်မှ ဒုစရိုက်လုပ်ငန်းတွေ ပပျောက်မှာပါ” ဟု ရဲမှူးက ပြောသည်။

ပြည်သူများ အနေဖြင့် လောင်းကစားဆိုင်များ အကြောင်းကို အမှတ်(၁) မြို့မရဲစခန်း၊ နယ်မြေရဲစခန်း၊ အေးသာယာရဲစခန်း၊ ရွှေညောင်ရဲစခန်း၊ ကျောက်တလုံးရဲစခန်းများသို့ သတင်းပေး တိုင်ကြားနိုင်သည့် အပြင် မြို့နယ်ရဲစခန်း ဖုန်း ( ၀၈၁ -၂၁၂၁၀၂၀ ) အား အချိန်မရွေး ဖုန်းဆက်ပြီး သတင်းပေးကြရန် ရဲတပ်ဖွဲ့က တိုက်တွန်းထားသည်။

သတင်း - နိုနို
Tachileik News Agency
http://www.tachileik.net


မူလက ဖေဖော်ဝါရီလထဲမှာ ကျင်းပမယ်လို့ လျာထားခဲ့ပေမယ့် အခုလို ရက် ထပ်မံ ရွှေ့ဆိုင်းတာဟာ ရှမ်းမြောက်မှာ ဖြစ်နေတဲ့ တိုက်ပွဲတွေနဲ့ မသက်ဆိုင်

ပြည်ထောင်စု ငြိမ်းချမ်းရေးညီလာခံ ၂၁ ရာစု ပင်လုံ ဒုတိယ အစည်းအဝေးကို မေလဆန်းမှာ ကျင်းပနိုင်ဖို့ လျာထားပြီး ရက်အတိအကျတော့ မသတ်မှတ်ရသေးဘူးလို့ ငြိမ်းချမ်းရေး ကော်မရှင် အဖွဲ့ဝင် ဦးအောင်စိုးက ပြောပါတယ်။

မတ်လ ၁၁ ရက်နေ့က ပြုလုပ်ခဲ့တဲ့ ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ UPDJC အတွင်းရေးမှူး အဖွဲ့ အစည်းအဝေးမှာ ငြိမ်းချမ်းရေး ညီလာခံ ကျင်းပမယ့်ရက်နဲ့ ပတ်သက်လို့ ဆွေးနွေးခဲ့ပြီး အခုလို ကျင်းပမယ့် ကာလ ထွက်ပေါ် လာတာလည်း ဖြစ်ပါတယ်။

မူလက ဖေဖော်ဝါရီလထဲမှာ ကျင်းပမယ်လို့ လျာထားခဲ့ပေမယ့် အခုလို ရက် ထပ်မံ ရွှေ့ဆိုင်းတာဟာ ရှမ်းမြောက်မှာ ဖြစ်နေတဲ့ တိုက်ပွဲတွေနဲ့ မသက်ဆိုင်ဘဲ ကရင် အမျိုးသား အစည်းအရုံး KNU ကွန်ဂရက် အစည်းအဝေး ကျင်းပမယ့် ရက်နဲ့ ညှိနှိုင်းနေရလို့ အစည်းအဝေးရက်ကို ထပ်မံ နောက်ဆုတ်တာ ဖြစ်တယ်လို့ ငြိမ်းချမ်းရေး ကော်မရှင်အဖွဲ့ဝင် ဦးအောင်စိုးက ပြောပါတယ်။

KNU ညီလာခံကတော့ မတ်လလယ်လောက်မှာ စတင်ပြုလုပ်မှာ ဖြစ်ပြီး ကေအန်န်ယူ ခေါင်းဆောင်ပိုင်း ပြန်လည်ရွေးချယ်တာတွေ လုပ်ဖို့လည်း ရှိပါတယ်။

ငြိမ်းချမ်းရေး ညီလာခံကို ပုံမှန် ၆ လတခါ ကျင်းပဖို့ မူလက သတ်မှတ်ထားပေမယ့် အခု ထပ်မံ ရက်ရွှေ့တဲ့အတွက် (၈)လ ကြာမှ ကျင်းပနိုင်တော့မှာ ဖြစ်ပါတယ်။

ဒီလို ရွှေ့ဆိုင်းတာက ပြဿနာ မရှိပဲ ဆွေးနွေးမှု ရလဒ်ကောင်းတွေ ရဖို့ကသာ အရေးကြီးတယ်လို့ ချင်းအမျိုးသားတပ်ဦး စီအန်န်အက်ဖ်က ဒေါက်တာ ဆလိုင်း လျန်မှုန်း ဆာခေါင်းက ဘီဘီစီကို ပြောပါတယ်။

တိုင်းရင်းသားတွေဘက်ကတော့ အမျိုးသားအဆင့် နိုင်ငံရေး ဆွေးနွေးပွဲတွေကို ၂၁ ရာစု ပင်လုံညီလာခံ မတိုင်မီ ရခိုင်နဲ့ ရှမ်းပြည်နယ်ဘက်တွေမှာ ကျင်းပနိုင်ဖို့ လိုလားနေပါတယ်။

တနိုင်ငံလုံး ပစ်ခတ် တိုက်ခိုက်မှု ရပ်ဆဲရေး NCA စာချုပ်မှာ လက်မှတ်မထိုးရသေးတဲ့ အဖွဲ့ဝင်တွေ ပါဝင် လက်မှတ်ထိုးလာပြီး ၂၁ ရာစု ပင်လုံညီလာခံမှာလည်း တိုင်းရင်းသား လက်နက်ကိုင် အဖွဲ့စုံ တက်ရောက်နိုင်ဖို့ ကိစ္စကို အစိုးရဘက်က လိုလားနေပေမယ့် ရှမ်းပြည်နယ် မြောက်ပိုင်းဘက်မှာ တိုက်ပွဲ ဖြစ်ပွားမှုတွေ ဆက်ရှိနေဆဲ ဖြစ်ပါတယ်။

BBC Burmese

ဖမ်းဆီးရမိထားတဲ့ တရုတ်နိုင်ငံသား ၁၁ ဦးကို တွေ့ရစဉ် ဖမ်းဆီးရမိထားတဲ့ တရုတ်နိုင်ငံသား ၁၁ ဦးကို တွေ့ရစဉ်
ကချင်ပြည်နယ် ဗန်းမော်ခရိုင် မံစီမြို့နယ်မှာ တရားမ၀င်သစ်ခိုးထုတ်နေတဲ့ တရုတ်နိုင်ငံသား ၁၁ ဦး နဲ့ သစ်တင်ယာဉ်ယန္တရားမျိုးစုံ ၉၉ စီးကို တပ်မတော်က မနေ့က ဖမ်းဆီးရမိခဲ့တယ်လို့ တပ်မတော် ကာကွယ်ရေးဦးစီးချုပ်ရုံးက သတင်းထုတ်ပြန်ပါတယ်။

ဖမ်းဆီးရမိတဲ့ တရုတ်နိုင်ငံသား ၁၁ ဦးကို တပ်မတော်က ရဲတပ်ဖွဲ့ထံ လွှဲပြောင်းပေးထားကြောင်း ဗန်းမော်ခရိုင် ရဲတပ်ဖွဲ့မှူး ဒုတိယရဲမှူးကြီး အေးသွင် က ပြောပါတယ်။

"ကျနော်တို့ဆီ လောလောဆယ်တော့ တရုတ်နိုင်ငံသား ၁၁ ဦးကို အပ်တယ်လေ၊ မြို့နယ် ရဲတပ်ဖွဲ့ကနေ ပြီးတော့ လုပ်ထုံးလုပ်နည်းနဲ့အညီ မြို့နယ် လဝက ရဲ့ အစီအစဉ်နဲ့ ဆက်ပြီးတော့ ဆောင်ရွက်ရမှာပေါ့ဗျာ၊ တရုတ် နိုင်ငံသားကျတော့၊ တရားမဝင် သစ်သယ်ဆောင်မှုကိုတော့ လုံးဝလက်မခံဘူး"

တရုတ်နိုင်ငံဘက် သစ်ခိုးထုတ်နေတယ်ဆိုတဲ့ သတင်းအရ မနေ့က မနက်ပိုင်းမှာ အစိုးရတပ်မတော် စစ်ကြောင်းတွေက နယ်မြေရှင်းလင်းရေးဆောင်ရွက်ချိန်မှာ တရုတ်နိုင်ငံသား ၁၁ ဦးနဲ့ သစ်တင်ယာဉ် ယန္တရားမျိုးစုံ ၉၉ စီးကို ဖမ်းဆီးရမိခဲ့တာဖြစ်တယ်လို့ သိရပါတယ်။

မံစီမြို့နယ် မံဝိန်းကြီးကျေးရွာအုပ်စု မံမော်ရွာရဲ့ အနောက်မြောက်ဘက်မှာ အစိုးရတပ်မတော်က ဖမ်းဆီးရမိခဲ့ တာဖြစ်ပါတယ်။

မတ်လ ၇ ရက်နေ့ကလည်း ဖားကန့်ဒေသမှာ နယ်မြေလုံခြုံရေးဆောင်ရွက်နေတဲ့ တပ်မတော် စစ်ကြောင်းက တရားမဝင် ရောက်ရှိနေတဲ့ တရုတ်နိုင်ငံသား ၅ ယောက်ကို ဖမ်းဆီးရမိပြီး ဖားကန့်မြို့နယ် လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာနထံ လွှဲပြောင်းပေးခဲ့ပါတယ်။

တရားမဝင်သစ်မှောင်ခိုသယ်ထုတ်သူတွေဟာ ရှမ်းပြည်နယ်မြောက်ပိုင်းနဲ့ ကချင်ပြည်နယ် နယ်စပ်တွေကနေ တရုတ်နိုင်ငံဘက် သယ်ယူလေ့ရှိကြပါတယ်။

၂၀၁၅ ခုနှစ် နှစ်ဆန်းပိုင်းက ဝိုင်းမော်မြို့နယ်အတွင်းမှာ တရားမဝင် သစ်ခိုးထုတ်နေတဲ့ တရုတ်နိုင်ငံသား အယောက် တစ်ရာကျော်ကို မူးယစ်ဆေးဝါးတွေ၊ ယာဉ်စက်ယန္တရားတွေနဲ့အတူ အစိုးရတပ်မတော် စစ်ကြောင်းတွေက ဖမ်းဆီးရမိတာတွေ ရှိခဲ့ပါတယ်။
RFA



အိန္ဒိယ-မြန်မာနယ်စပ်
မြန်မာနဲ့ နယ်စပ် အိန္ဒိယ နိုင်ငံ မဏိပူ ပြည်နယ်ထဲက ကျေးရွာတခုကို မြန်မာ့ တပ်မတော်က ကျူးကျော် ၀င်ရောက်ခဲ့တယ်လို့ ဒေသခံတွေက ပြောဆိုကြပြီး အိန္ဒိယ အစိုးရက အကာအကွယ်ပေးဖို့ တောင်းဆိုခဲ့ကြပါတယ်။

မြန်မာ စစ်တပ်က ပြီးခဲ့တဲ့ မတ်လ ၄ ရက်နေ့က မဏိပူ ပြည်နယ် Tengnoupal က Holenphai ရွာထဲကို ၀င်ရောက်ခဲ့ပြီး လွှစက် တခုကို မီးရှိုပြီး စက်ပစ္စည်းတွေ အားလုံးကိုလည်း ယူဆောင်သွားတယ်လို့ ဒေသခံတွေက ပြောဆိုကြတာကို ကိုးကားပြီး Reuters သတင်းဌာနက ရေးသားပါတယ်။မြန်မာ စစ်တပ်တွေ ၀င်ရောက်ခဲ့တယ်လို့ ပြောဆိုပြီး လုံခြုံရေး တပ်ဖွဲ့တွေ ချထားပေးဖို့ Lhangcham နဲ့ Holenphai ရွာတွေက ဒေသခံတွေ ပြီးခဲ့တဲ့ သောကြာနေ့ကလည်း ဆန္ဒပြခဲ့ကြပါတယ်။ နယ်စပ်ဒေသမှာ နေထိုင်သူတွေ အနှောင့်အယှက် ကင်းကင်းနဲ့ လုံခြုံ၊ ငြိမ်းချမ်းစွာ နေထိုင်နိုင်ရေး အတွက် အိန္ဒိယ အာဏာပိုင်တွေဘက်က ဆောင်ရွက်ပေးဖို့ Holenphai ရွာရဲ့ အကြီးအကဲ Haokip ကတောင်းဆိုပါတယ်။

"ကျနော်တို့က အိန္ဒိယ နိုင်ငံတွင်း ငြိမ်းချမ်းစွာ နေလိုပါတယ်။ ဒါပေမယ့် ကျနော်တို့မှာ လုံခြုံမှု မရှိပါဘူး။ ကျနော်တို့ မြန်မာ စစ်တပ်ကို ကြောက်နေ ရပါတယ်" လို့ ပြောဆိုသွားတာ ဖြစ်ပါတယ်။

လယ်ကွင်းတွေ၊ ရေကန်ကြီးတွေနဲ့ စိမ်းလန်းတဲ့ တောတောင်တွေကြောင့် အိန္ဒိယရဲ့ ရတနာလို့ တင်စားခေါ်ကြတဲ့ မဏိပူ ပြည်နယ်ကတော့ ဆယ်စုနှစ်တွေနဲ့ချီပြီး တိုက်ပွဲလေးတွေ ဖြစ်နေတာပါ။ သူပုန်တွေက မြန်မာဘက်ကို အကာအကွယ်ပြု နေထိုင်နေကြသလို မူးယစ်ဆေးဝါးနဲ့ လက်နက်တွေ နယ်စပ်ကို ဖြတ်ပြီး ၀င်ရောက်ရာ အဖြစ်လည်း အာဏာပိုင်တို့က စွပ်စွဲ ပြောဆိုနေကြတာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



ဦးဖြိုးမင်းသိန်း၏ ကျန်းမာ​ရေး တိုးတက်​​ကောင်းမွန်​၊ မကြာခင်​ အလုပ်​တာဝန်​များကို ထမ်း​ဆောင်​​မည်​ဟုဆို
ရန်ကင်းကလေးဆေးရုံကြီး၌ နှလုံးခွဲစိတ်၍ ဆေးကုသမှုခံယူ​နေ​သော ရန်ကုန်တိုင်းဝန်​ကြီးချုပ်​ ဦးဖြိုးမင်းသိန်း၏ ကျန်းမာ​ရေးအခြေအနေ တိုးတက်​​ကောင်းမွန်​​နေသည့်​အတွက်​ မကြာခင်​ တာဝန်​ပြန်လည်ထမ်း​ဆောင်​​တော့မည်​ဖြစ်​​ကြောင်း သိရသည်။

"ဝန်​ကြီးချုပ်ရဲ့ ကျန်းမာ​ရေးအ​ခြေအ​နေက ​ကောင်းတယ်​။ ဒါဟာ မြန်​မာနိုင်​ငံ မှာ ပထမဦးဆုံးလုပ်​တဲ့ operation ပဲ။ ဝန်​ကြီးချုပ်​ရဲ့ ​သွေးလွှတ်​​ကြောမကြီးတခုလုံးကို ဖြုတ်​ပစ်​ပြီး​တော့ အတုတပ်​လိုက်​တယ်​။ N-health လို့​ခေါ်တဲ့ ထိုင်းကကုမ္ပဏီက​နေပြီး​တော့ အစုံ ၈ စုံယူလာတယ်​။ အဲဒီ ၈စုံထဲက ​တော်​တဲ့တစုံကို တိုင်းပြီး​တော့ တပ်​လိုက်​တယ်​။ အခုဝန်​ကြီးချုပ်​ လမ်း​လျှောက်​လို့ ရ​နေပြီ။ ဒီ​နေ့​တောင်​ ​ဆေးရုံက ဆင်းရင်​ ဆင်းမယ်​"ဟု ရန်ကုန် တိုင်းဒေသကြီးအစိုးရအဖွဲ့ ရခိုင်တိုင်းရင်းသားရေးရာဝန်ကြီး ဦဇော်အေးမောင်က News Watch သို့ မတ်​လ ၁၂ ရက်​​နေ့တွင်​​ပြောသည်​။

ဦးဖြိုးမင်းသိန်းသည်​​ မွေးရာပါနှလုံးအဆို့ရှင် မလုံခြင်းနှင့် ဆိုင်သော သွေးကြောမကြီး ကြီးနေခြင်းအတွက် မတ်လ ၅ ရက်နေ့တွင် ရန်ကင်းကလေးဆေးရုံကြီး၌ နှလုံးနှင့်သွေးကြောခွဲစိတ်ကုသမှု ခံယူခဲ့သည်။

ဆေးကုသမှုခံယူနေစဉ်ကာလအတွင်း ၀န်ကြီးချုပ်၏ တာဝန်များကို လုံခြုံရေးနှင့်နယ် စပ်ရေးရာဝန်ကြီး ဗိုလ်မှူးကြီးတင် ထွန်းအောင်က ခေတ္တတာဝန်ယူထား​ကြောင်း သိရသည်​။

လင်းလင်း​အောင်
ဓါတ်ပုံ-ရွှေဖီး
News Watch
https://www.facebook.com/NewsWatchJournal/



ဂျာမဏီဝန်ကြီးချုပ် Angela Merkel နဲ့ အမေရိကန်သမ္မတDonald Trump။
ဂျာမဏီဝန်ကြီးချုပ် Angela Merkel ဟာ လာမယ့် အင်္ဂါနေ့မှာ အမေရိကန် ပြည်ထောင်စုကို လာရောက်မှာ ဖြစ်ပြီး သူ သမ္မတ အိမ်ဖြူကို လာရောက်ချိန်မှာ သူ့ရဲ့ ရုရှားသမ္မတ Vladimir Putin ပတ်သက်တဲ့ သဘောထား အတွေ့အကြုံဆိုင်ရာတွေကို မေးမြန်းဖို့ သမ္မတ Donald Trump က ပြင်ဆင်နေပါတယ်။ သမ္မတ Trump က ရုရှားခေါင်းဆောင်နဲ့ ထိတွေ့ဆက်ဆံရေးအတွက် ပြင်ဆင်မှုတွေ လုပ်နေချိန်မှာ ဂျာမဏီ ဝန်ကြီးချုပ် Merkel ရဲ့ ရုရှားခေါင်းဆောင် အပေါ် အမြင် သဘောထားတွေကို သိရဖို့ သိပ်စိတ်အား ထက်သန်နေတယ်လို့ Trump အစိုးရအဖွဲ့ အကြီးတန်း အရာရှိကြီး တဦးက သောကြာနေ့မှာ ပြောပါတယ်။

ရုရှားသမ္မတ Putin နဲ့ ပတ်သက်လာရင် အထူးသဖြင့် အမေရိကန်ရဲ့ ၂၀၁၆ ရွေးကောက်ပွဲကို ရုရှားက သြဇာလွှမ်းဖို့ ကြိုးစားမှု တွေနဲ့ ပတ်သက်ပြီး သမ္မတ Trump ရဲ့ ရိုးရှင်းလှတဲ့ သဘောထား အပေါ် အတ္တလန္တိတ် သမုဒ္ဒရာ တဖက်တချက်က နိုင်ငံတွေ အားလုံးက အကဲခတ်တွေက သံသယရှိနေကြတာပါ။

ဒါပေမယ့် သမ္မတ Trump ဟာ သူနဲ့ ဂျာမဏီခေါင်းဆောင် တို့ကြား အရင်က လူသိရှင်ကြား သဘောထား ကွဲလွဲမှုတွေကို အသာထားပြီး ကုန်သွယ်ရေးလို ကိစ္စရပ်တွေကနေ ယူကရိန်းကို ကျူးကျော်ဝင်ရောက်တဲ့ ရုရှားရဲ့ ဆိုင်ဘာတိုက်ခိုက်မှုတွေလို ကိစ္စရပ်တွေ အဆုံး ပြဿနာရပ် တွေမှာ ခိုင်မာတဲ့ ဘုံသဘောထား ရအောင် လုပ်ဆောင်ချင်တဲ့ ဆန္ဒရှိတယ်လို့ မတ်လ ၁၄ ရက် လာမယ့် အင်္ဂါနေ့ ခေါင်းဆောင် ၂ ဦးတို့ရဲ့ တွေ့ဆုံပွဲအကြို အဖြစ် တာဝန်ရှိသူ ၄ ဦးက သတင်းထောက်တွေကို ပြောကြားခဲ့ပါတယ်။

သမ္မတ Trump က ဂျာမဏီဝန်ကြီးချုပ် Merkel ဟာ ဒုက္ခသည် အများအပြားကို လက်ခံတဲ့ မူဝါဒကို ကျင့်သုံးပြီး ဂျာမဏီနိုင်ငံကို ဖျက်ဆီးနေတယ်လို့ သူ့ရဲ့ ရွေးကောက်ပွဲ စည်းရုံးရေး ကာလတုန်းက စွပ်စွဲပြောဆိုခဲ့တာဖြစ်ပါတယ်။ အရင်သမ္မတ Barack Obama နဲ့ ခိုင်မာတဲ့ ဆက်ဆံရေး ရှိခဲ့တဲ့ ဝန်ကြီးချုပ် Merkel ကလည်း Trump ရဲ့ ခရီးသွားခွင့် ပိတ်ပင်တဲ့ယာယီ အမိန့်ဟာ တရားမျှတမှု မရှိဘူးလို့ ဝေဖန်ခဲ့တာပါ။

ဗွီအိုအေ (မြန်မာပိုင်း)
http://burmese.voanews.com



 ကြားဖြတ်ရွေးကောက်ပွဲအတွက် ရန်ကုန်မြို့မှာ NLD မဲဆွယ်စည်းရုံးနေပုံ
ဧပြီလ ၁ ရက်နေ့မှာ ကျင်းပမယ့် ကြားဖြတ် ရွေးကောက်ပွဲနဲ့ ပတ်သက်လို့ တခြား ပြည်နယ်တိုင်းတွေမှာ လူစိတ်ဝင်စားမှု နည်းပေမယ့် ရှမ်းပြည်နယ်မှာတော့ နိုင်ငံရေး ပါတီတွေက မဲဆွယ်စည်းရုံးမှုတွေ အကြိတ်အနယ် လုပ်နေကြပါတယ်။

ရှမ်းပြည်နယ်ဟာ ကြားဖြတ်ရွေးကောက်ပွဲမှာ မဲဆန္ဒနယ် အများဆုံးယှဉ်ပြိုင်ရမယ့် ပြည်နယ်ဖြစ်ပြီး မဲဆန္ဒနယ် ၈ ခုမှာ နိုင်ငံရေးပါတီ ၁၀ ပါတီက ကိုယ်စားလှယ်လောင်းတွေ ဝင်ရောက်ယှဉ်ပြိုင်မှာပါ။

ဝင်ရောက် ယှဉ်ပြိုင်တဲ့ ပါတီတွေထဲမှာ အဓိက ပါတီကြီးတွေ ဖြစ်တဲ့ NLD အမျိုးသား ဒီမိုကရေစီအဖွဲ့ချုပ် ပါတီ၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLDနဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီတို့လို ပါတီကြီးတွေ အားပြိုင်ကြမှာ ဖြစ်သလို လူမျိုးစုကို ကိုယ်စားပြုတဲ့ ပါတီတွေလည်း ပါဝင်နေတဲ့အတွက် အကြိတ်အနယ် ရှိကြမှာပါ။

ဒီပါတီကြီးတွေထဲက SNLD ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီက သူတို့အနေနဲ့ ပြည်သူ့ဖက်က ရပ်တည်ပြီး လုပ်ပေးမယ်၊ ပြည်သူ့အသံကို လွှတ်တော်ထဲ ရောက်အောင် ဖြည့်ဆည်းပေးမယ် ဆိုတာမျိုး ပြောပြီး မဲဆွယ် စည်းရုံးနေတာ ဖြစ်ပြီး ဒီကြားဖြတ် ရွေးကောက်ပွဲမှာ ရှမ်းပြည်နယ် အရှေ့မြောက်ဒေသက မဲဆန္ဒနယ်တွေမှာ အနိုင်ရဖို့ အပြည့်အဝ ယုံကြည် ထားတယ်လို့ မိုင်းရှုးမြို့နယ် ပြည်နယ်မဲဆန္ဒနယ်(၁)က ဝင်ရောက် ယှဉ်ပြိုင်မယ့် ဦးစိုင်းလင်းမြတ်က ဘီဘီစီကို ပြောပါတယ်။

အာဏာရ ပါတီကြီးဖြစ်တဲ့ NLD ပါတီအနေနဲ့ကတော့ ရှမ်းပြည်နယ်တောင်ပိုင်းက မဲဆန္ဒနယ်တွေမှာ အခြေအနေ ကောင်းပေမယ့် ရှမ်းပြည်နယ် အရှေ့ ပိုင်းနဲ့ ရှမ်းပြည်နယ် အရှေ့မြောက်ဒေသတွေက မဲဆန္ဒနယ်တွေမှာတော့ ဘယ်လိုဖြစ်လာမလဲ ဆိုတာ မပြောနိုင်သေးဘူးလို့ ညောင်ရွှေမြို့နယ်ထဲမှာ စည်းရုံးရေး ဆင်းနေတဲ့ တောင်ကြီးမြို့နယ် NLD ဥက္ကဌ ကိုခွန်သန်းလွင်က ပြောပါတယ်။

BBC Burmese
http://www.bbc.com/burmese



ဖွဲ့စည်းပုံခုံရုံးက ရာထူးက ထုတ်ပယ်ခံရတဲ့ မစ္စ ပတ်ဂွန်ဟေးဟာ တရားဝင်သတင်းထုတ်ပြန်ချက်တာတော့ မလုပ်သေးပါဘူး
ထုတ်ပယ်ခံရတဲ့ တောင်ကိုရီးယားသမ္မတ ဟာ ဒီကနေ့မှာ သမ္မတ အိမ်တော်ကနေ ထွက်ခွာခဲ့ပြီး နေအိမ်ကို ရောက်တဲ့အချိန်မှာ သူ့ကို ထောက်ခံသူတွေက ကြိုဆိုခဲ့ကြပါတယ်။

အချိန်ကြာဦးမှာ ဖြစ်ပေမယ့် အမှုမှာ ပေါ်မှာ ဖြစ်ပြီး သူ့ရဲ့ သမ္မတ တာဝန် မကျေခဲ့ဘူးလို့လည်း သူ့ကို ထောက်ခံသူတွေကို ပြောခဲ့ပါတယ်။

အခုလို ဖွဲ့စည်းပုံခုံရုံးက ရာထူးက ထုတ်ပယ်ခံရတဲ့ မစ္စ ပတ်ဂွန်ဟေးဟာ တရားဝင်သတင်းထုတ်ပြန်ချက်တာတော့ မလုပ်သေးပါဘူး။

 နေအိမ်ကို ရောက်တဲ့အချိန်မှာ သူ့ကို ထောက်ခံသူတွေက ကြိုဆိုခဲ့
သူ့မှာ သမ္မတ ရာထူး မရှိတော့တဲ့အတွက် ရာဇဝတ်မှုနဲ့ စွဲချက်တင် ကင်းလွတ်ခွင့် မရှိတော့လို့ အကျင့်ပျက် ခြစားမှု စွဲချက်တွေနဲ့ တရားရင်ဆိုင်ရတော့မှာ ဖြစ်ပါတယ်။

သမ္မတနေရာ ရွေးကောက်ပွဲအတွက် အဓိက ကိုယ်စားလှယ်လောင်း မွန်ဂျေအင် ကတော့ အစောပိုင်းက အခုလို ပြောဆိုထားခဲ့ပါတယ်။

'သမ္မတ ဟောင်းအနေနဲ့ သမ္မတ အိမ်တော်က မထွက်ခင်မှာ နိုင်ငံတော် စာရွက်စာတမ်းတွေ ယူသွားလို့မရသလို ဖျက်ဆီးပစ်ခဲ့လို့မရဘူးဆိုတဲ့အချက်ကို အားလုံးရှင်းစေချင်ပါတယ်' လို့ မစ္စတာ မွန်ဂျေအင်က ပြောခဲ့တာပါ။

သမ္မတသစ်အတွက် ရွေးကောက်ပွဲကို လာမယ့် မေလဆန်းမှာ ကျင်းပရမှာဖြစ်ပြီး သမ္မတဟောင်းကို စုံစမ်းစစ်ဆေးရေး ကိစ္စကိုလည်း အမြန်ဆုံး ဆောင်ရွက်ဖို့လိုတယ်လို့ မစ္စ္စတာ မွန်ဂျေအင်က ပြောပါတယ်။

လောလောဆယ် သမ္မတရာထူးနေရာကို မစ္စ ပတ်ဂွန်ဟေးအပေါ် သစ္စာရှိတဲ့ ဝန်ကြီးချုပ် ဟွမ်ကျိုအန်းက တာဝန်ယူထားပါတယ်။

မစ္စ ပတ်ဂွန်ဟေးကို မထောက်ခံသူတွေက သူ့ကို ထောင်ချဖို့ ဆန္ဒပြမှုတွေ ဆက်ရှိနေပြီး သူ့ကို ထောက်ခံသူတွေနဲ့ ရဲတွေ ထိပ်တိုက်တွေ့မှုဖြစ်စဉ်တွေ အပြီးမှာ ဆန္ဒပြသူ သုံးဦး သေဆုံးခဲ့ရပါတယ်။

BBC Burmese
http://www.bbc.com/burmese


မွန်ပြည်နယ်၊ ကျိုက်ထိုမြို့နယ်၊ ကျိုက်ထီးရိုးရင်ပြင်တော်ပေါ်တွင် မတ်လ ၁၁ ရက်နေ့က ဘုရားဖူးသူတစ်ဦး ထံမှ ခါးပိုက်နှိုက်သည်ဟုဆိုကာ အသက်၇၅ နှစ်အရွယ်အဘွားအိုအား ဖမ်းဆီးအရေးယူထားကြောင်း သိရသည်။
“ကလေးက သူအမေပခုံးပေါ်မှာမှီပြီးအိပ်လာတော့ ကလေးလက်က သူအမေကျောဘက်မှာ ကျနေတာ ဒါကိုအနောက်ကလိုက်လာတဲ့ အဘွားအိုက ကလေးလက်က လက်ကောက်ကို ချွတ်ယူပြီး ထွက်သွားတာ ကလေးအမေက အော်ဟစ်အကူညီတောင်းလို့ ရင်ပြင်တော် တာဝန်ကျ တပ်ဖွဲ့ဝင်တွေက ဖမ်းပြီး အရေးယူထားပါတယ်''ဟု ကင်မွန်းချောင်နယ်မြေရဲစခန်းမှ တာဝန်ရှိသူတစ်ဦက ပြောသည်။

 ဖြစ်စဉ်တွင် မဇင်မာဝင်း ၂၅ နှစ် ဘ ဦးမြင့်သန်း မှော်ဘီမြို့နယ် ရန်ကုန်တိုင်းဒေသကြီးနေသူသည် သမီးဖြစ်သူ အား ချီပိုးပြီးအဖော်များနှင့်အတူ ကျိုက်ထီးရိုးစေတီတော်အား ဖူးမျှော်ပြီး ပြန်အဆင်းတွင် ရွှေနန်းကျင် နတ်နန်းအနီးတွင် အနောက်မှလိုက်ပါလာသော ဒေါ်သိန်းထွေး ၇၅ နှစ် ဘ ဦးစံညွှန် သန်လျင်မြို့နယ်နေသူမှ သမီးဖြစ်သူ၏ လက်တွင် ဝတ်ထားသော အလေးချိန်တစ်မတ်သားခန့်ရှိ ရွှေလက်ကောက်အား ဖြုတ်ယူပြီး ကျော်တက်သွားသည်ကို တွေ့ရှိသဖြင့် ပတ်ဝန်းကျင်မှ လူများအား အကူညီတောင်းခဲ့ခြင်းဖြစ်ကြောင်း သိရသည်။

ထို့ကြောင့် ရင်ပြင်တော်ရဲကင်းစခန်းမှ တပ်ဖွဲ့ဝင်များမှ လိုက်လံဖမ်းဆီးခဲ့ပြီး စစ်ဆေးရာတွင် ဒေါ်သိန်းထွေး ခြုံထားသော ခြုံပဝါအတွင်းမှ ရွှေလက်ကောက်အားတွေ့ရှိသဖြင့် ဖမ်းဆီးအရေးယူထားကြောင်း သိရသည်။ ဖြစ်စဉ်နှင့်ပတ်သက်၍ ဒေါ်သိန်းထွေးအား ကင်မွန်းချောင်းနယ်မြေရဲစခန်းမှ (ပ) ၆၁/ ၂၀၁၇ ရာဇသတ်ကြီးပုဒ်မ ၃၇၉ ဖြင့်အမှုဖွင့်အရေးယူထားကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/


ကိုးကန့်ကိုယ်ပိုင် အုပ်ချုပ်ခွင့်ရဒေသထဲမှာ MNDAA ခေါ် ကိုးကန့်တပ်ဖွဲ့ နဲ့ မြန်မာစစ်တပ်တို့ကြား တိုက်ပွဲတွေပြင်းထန်နေတာကြောင့် ဒေသတွင်း လုံခြုံရေး စိုးရိမ်ရတဲ့အနေအထားဖြစ်လာနေလို့ လောက်ကိုင်မြို့နယ်နဲ့ ကုန်းကြမ်းမြို့နယ်တွေကို ပုဒ်မ ၁၄၄ ညမထွက်ရအမိန့် ထုတ်ပြန်လိုက်ပါတယ်။ တိုက်ပွဲတွေက ဆက်ပြင်း ထန်နေဆဲ အနေအထားဖြစ်လို့ စစ်ပြေးဒုက္ခသည်တွေကလည်း စစ်ဘေးလွတ်ရာကို ထွက်ပြေးတိမ်းရှောင်နေရဆဲဖြစ်ပါတယ်။ ကိုးကန့်ဒေသက စစ်ရေးနောက်ဆုံးရအခြေအနေကိုတော့ ဆက်သွယ်စုံစမ်းထားတဲ့ မဆုမွန် တင်ပြပေးပါမယ်။

ကိုးကန့်ကိုယ်ပိုင် အုပ်ချုပ်ခွင့်ရဒေသထဲမှာ မြန်မာအစိုးရတပ်နဲ့ ကိုးကန့်တပ်ဖွဲ့ကြား ပြီးခဲ့တဲ့ ဇန်န၀ါရီလကတည်းကစလို့ နှစ်ဘက် တိုက်ပွဲတွေ ဆက်တိုက်ဆိုသလို ဖြစ်ပွားနေခဲ့ရာကနေ လောက်ကိုင်မြို့ပေါ်အထိ တိုက်ပွဲတွေပြင်းထန်လာတဲ့အနေအထားဖြစ်ပါတယ်။ လောက်ကိုင်မြို့ထဲအထိ လက်နက်ကြီး လက်နက်ငယ်တွေနဲ့ တိုက်ခိုက်မှုတွေဖြစ်တဲ့အတွက် ဒေသခံပြည်သူအချို့အပါအဝင် လုံခြုံရေးတပ်ဖွဲ့ဝင်တွေပါ ထိခိုက်ဒဏ်ရာရ သေဆုံးမှုတွေဖြစ်ခဲ့ပါတယ်။ တိုက်ပွဲတွေပြင်းထန်လာတဲ့အနေအထားကြောင့် မတ်လ ၁၀ရက်နေ့ ကစလို့ လောက်ကိုင်မြို့နယ်နဲ့ ကုန်းကြမ်းမြို့နယ်တွေမှာ ည (၉) နာရီကနေ မနက် ၆နာရီအထိ ညမထွက်ရအမိန့် ပုဒ်မ (၁၄၄) ကို ထုတ်ပြန်လိုက်တယ်လို့ နိုင်ငံတော်အတိုင်ပင်ခံရုံး သတင်းထုတ်ပြန်ရေး ကော်မတီက သတင်း ထုတ်ပြန်ပါတယ်။

အခုလို တိုက်ပွဲတွေကြောင့် တရားဥပဒေစိုးမိုးရေး ဒေသတွင်းတည်ငြိမ်အေးချမ်းရေးကို ထိခိုက်လာတဲ့ အနေအထားဖြစ်လို့ အဲ့ဒီ့လို ပုဒ်မ (၁၄၄) ထုတ်ပြန်လိုက်တဲ့ လက်ရှိ မြို့တွင်း လုံခြုံရေးအခြေအနေအပေါ် ဒေသခံတွေအတွက် ကူညီကယ်ဆယ်ပေးနေတဲ့ လားရှိုးသတင်းက ကိုနေမျိုးက အခုလိုပြောပြပါတယ်။

“ပုဒ်မ ၁၄၄ က ညမထွက်ရဆိုတော့ ညမှာ အုပ်စုဖွဲ့ပြီးတော့ သွားလာနေတာတို့၊ ဥပမာ ဆိုင်တွေဖောက်တာတို့ ရှိတတ်လို့လေ။ လုံခြုံရေးအနေနဲ့ မြို့အနေနဲ့လည်း စိတ်ချရအောင်၊ အိုးပစ်အိမ်ပစ်သွားတဲ့ အိမ်တွေအနေနဲ့လည်း စိတ်ချရအောင်ဆိုပြီးတော့မှ ထုတ်ထားတာပေါ့။ ထုတ်ထားတော့ မြို့ပေါ်မှာက လူတွေက မရှိသလောက်ဖြစ်သွားတဲ့အတွက် ထွက်တဲ့လူတော်တော်များများကတော့ အဖျက်အဆီးတွေလုပ်မယ့်လူလောက်ပဲ ထွက်မှာ။ သာမန်လူကတော့ ဒီလိုအခြေအနေဆိုးနေတဲ့အချိန်မှာ ဘယ်သူမှာ မထွက်ကြဘူးခင်ဗျ။ ထုတ်သင့်တယ်လို့ ကျနော့်အနေနဲ့တော့ ထင်ပါတယ်။ လက်ရှိတပ်မတော်နဲ့ မြန်မာနိုင်ငံ ရဲတပ်ဖွဲ့ကလည်း လုံခြုံရေးတာဝန်ယူထားတယ်။”

အခုလက်ရှိမှာတော့ လောက်ကိုင်မြို့အနီးဝန်းကျင်နဲ့နယ်စပ်တလျောက်မှာ တိုက်ပွဲတွေက ပြင်းထန်နေဆဲဖြစ်တာမို့ ဘေးလွတ်ရာထွက်ပြေးလာနေရတဲ့ စစ်ပြေးဒုက္ခသည်တွေကလည်း ယာယီခိုလှုံရေးစခန်းတွေရှိရာကို နေ့စဉ်လိုလို လာရောက်နေကြတုန်းပဲလို့ လက်ရှိအခြေအနေကို ကိုနေမျိုးကရှင်းပြပါတယ်။

“တိုက်ပွဲကတော့ ဆက်ဖြစ်နေတုန်းပဲ၊ လုံခြုံရေးကတော့ စိတ်မချရဘူး။ စိတ်မချရတော့ အဲဒီမြို့မှာနေတဲ့ မြို့ခံတွေ ဒေသခံတွေအားလုံးကလည်း တော်တော်များများပေါ့နော် ၈၀ ရာခိုင်နှုန်းကတော့ တချို့လည်း တရုတ်ပြည်ဘက်ထွက်ပြေးပေါ့။ တချို့လည်း မြန်မာနိုင်ငံ ထဲမှာရှိတဲ့ လားရှိုး၊ ကွတ်ခိုင်၊ မူဆယ် ၊ မန္တလေး၊ ရန်ကုန်ပေါ့ အဲဒီမှာ ရှိတဲ့ ဆွေမျိုးတွေဆီကို သွားပြီးတော့မှ နေကြတာပေါ့ ။ ရောက်လာသေးတယ် နေ့တိုင်းတော့ ၀င်နေတယ် ခင်ဗျ နေ့တိုင်းတော့ ၄၀၀-၅၀၀ လောက်ကတော့ ပုံမှန်တော့ဝင်နေတယ်ခင်ဗျ ဒီနေ့လည်း ကျနော်တို့ မန်ဆူဘုန်းကြီးကျောင်းကနေပို့လိုက်တာ အယောက် ၄၀၀ ကျော်တယ်ခင်ဗျ။”

တရုတ်-မြန်မာနယ်စပ် ကိုးကန့်ကိုယ်ပိုင် အုပ်ချုပ်ခွင့်ရဒေသထဲမှာ တိုက်ပွဲတွေဖြစ်လာတာကြောင့်ကြံခုတ်လုပ်ငန်းအပါအဝင် နယ်စပ်ကုန်သွယ်စီးပွားရေးလုပ်ငန်းတွေမှာ လာရောက်အလုပ်လုပ်ကိုင်နေရတဲ့ ရွှေ့ပြောင်းအလုပ်သမားတွေကို ကလေးငယ်လေးတွေကအစ မိသားစုလိုက် ကူညီကယ်ဆယ်ပေးနေရတဲ့ အနေအထားကိုလည်း လားရှိုးမြို့က ကိုသန့်ဇင်လှိုင်က ရှင်းပြပါမယ်။

"အထူးသဖြင့် လောက်ကိုင်ပေါ့ လောက်ကိုင်မှာ ကြံခုတ်တဲ့လုပ်သားတွေခေါ်မှာပေါ့နော်။ ရွှေ့ပြောင်းလုပ်သားပဲ ခေါ်ရမလားမသိဘူး အဲ့ဒီ့လူတွေကိုပဲ ကျနော်တို့က အဓိက ဦးစားပေးပြီး လုပ်ပေးရတာ။ ကလေးတွေနဲ့မိန်းမတွေလည်း အများကြီးပဲလို့ အဲ့ဒီ့ကြံခုတ်တဲ့အထဲမှာလေ။ သူတို့မိသားစုတွေပေါ့ ကျနော်တို့ ဟိုတနေ့ကတောင် ခေါ်ထုတ်လာသေးတယ်။ ဒီမှာက ဘုန်းကြီးကျောင်းတွေမှာ စခန်းဖွင့်ထားတာပေါ့နော်။ စစ်ရှောင်စခန်းတခုဖွင့်ထားတယ် အဲ့ဒီ့အထဲမှာ။"

ကိုးကန့်ဒေသထဲကနေ မြန်မာပြည်ဘက်ခြမ်းဘေးလွတ်ရာကို ထွက်ပြေးသူတွေရှိသလို တရုတ်နိုင်ငံဘက်ခြမ်း နယ်စပ်ဘက်ကို တိမ်းရှောင်သူတွေလည်း ရှိနေတာမို့ သူတို့အတွက် ဘေးအန္တရာယ်လုံခြုံရေးနဲ့ လိုအပ်တဲ့စားနပ်ရိက္ခာ အဝတ်အစား ဆေးဝါးစတာတွေကိုလည်း ဒေသခံရပ်မိရပ်ဖတွေ၊ အစိုးရတာဝန်ရှိသူတွေ၊ ကြက်ခြေနီအသင်း၊ လူမှုဝန်ထမ်းကယ်ဆယ်ရေးနဲ့ နေရာချထားရေးဌာနနဲ့ အရပ်ဖက်အဖွဲ့အစည်းတွေက ဝိုင်းကူညီပေးနေကြတယ်လို့ ကူညီကယ်ဆယ်ပေးနေသူ ကိုနေမျိုးက ပြောပြပါတယ်။

" အခု လောက်ကိုင်ဆေးရုံထဲမှာ ယာယီဒုက္ခသည်စခန်းဖွင့်ထားတယ်။ အဲ့ဒီ့ကိုတော့ ရောက်အောင်သွားပါ။ အဲ့ကိုမသွားနိုင်ရင် ကြားမှာ ရှိတဲ့သူတွေကချင်းရွှေဟော်ကို လမ်းလျှောက်လာပါ ရောက်အောင်သွားပါ။ အဲ့လိုရောက်အောင်သွားလို့ရှိရင် အဲ့မှာ ရှိတဲ့ ကြံကားတွေနဲ့ ၁၂ဘီးကားတွေနဲ့အဲ့ဒီ့အဖွဲ့တွေကို ဒေသအုပ်ချုပ်ရေးအဖွဲ့တွေက အားလုံးပူးပေါင်းပြီးတော့မှ ကျနော်တို့ လားရှိုး၊ မန်ဆူ စစ်ဘေးရှောင် ဒုက္ခသည်စခန်းကို ပို့ဆောင်ပေးပါတယ်အမ။ မန်ဆူရောက်လာလို့ရှိရင်တော့ စားဖို့သောက်ဖို့ နေဖို့ထိုင်ဖို့တွေ အားလုံးစီစဉ်ပေးတယ်။ သူတို့တွေကို ပြန်ဖို့ ကားတွေကိုလည်း စီစဉ်ပေးတယ်ခင်ဗျ။"

လောလောဆယ်မှာတော့ ပုဒ်မ ၁၄၄ ထုတ်ပြန်ထားတဲ့ ကိုးကန့်ကိုယ်ပိုင် အုပ်ချုပ်ခွင့်ရဒေသထဲမှာ တိုက်ပွဲတွေ ဆက်လက်ဖြစ်ပွားနေဆဲဖြစ်ပြီး စစ်ရေးက တင်းမာနေဆဲအနေအထားဖြစ်ပြီး လတ်တလောမှာတော့ မြန်မာအစိုးရတပ်နဲ့ ရဲတွေဘက်က လုံခြုံရေးတာဝန်ယူထားတဲ့အနေအထားဖြစ်ပါတယ်။

တရုတ်-မြန်မာ နယ်စပ်ဒေသ တည်ငြိမ်ရေးနဲ့ ငြိမ်းချမ်းရေးရစေဖို့ ၂ နိုင်ငံ နယ်စပ်ဒေသမှာ တိုက်ခိုက်နေတဲ့ အဖွဲ့အားလုံး ထိန်းထိန်းသိမ်းသိမ်း လုပ်ဆောင်ကြဖို့နဲ့ လက်နက်ကိုင်တိုက်ခိုက်မှုတွေ ချက်ချင်းရပ်စဲကြဖို့ တရုတ်အစိုးရက ပြီးခဲ့တဲ့ကြာသပတေးနေ့ကသတင်းစာရှင်းလင်းပွဲမှာ တောင်းဆိုထားပါတယ်။

 မဆုမွန်  / ဗွီအိုအေ (မြန်မာပိုင်း)
http://burmese.voanews.com


မတ်​ ၁၂ ၊ ၂၀၁၇

မောင်​​တောမြို့နယ်​​အောင်​ဇူနယ်​​မြေရဲကင်းမှလက်​နက်​(၃)လက်​အား(အမည်​နှင့်​​နေရပ်​)စီစစ်​ဆဲဒိုင်းနက်​လူမျိုး(၅)ဦးမှလုယူထွက်​​ပြေးသည့်​သတင်းအားမတ်​လ၁၁ရက်​​နေ့တွင်​သတင်းထုတ်​ပြန်​ခဲ့ပြီးဖြစ်​သည်​။

မတ်​လ ၁၁ ရက်​​နေ့ ည​နေ ၅ နာရီတွင်​ ​အောင်​ဇူနယ်​​မြေ ​ခေတ္တနယ်​​မြေမှုးနှင့်​အဖွဲ့၊ ​အောင်​ဇံ​ကျေးရွာပြည်​သူ့စစ်​အဖွဲ့​ခေါင်း​ဆောင်​နှင့်​အဖွဲ့တို့က ​သေနတ်​လုယူထွက်​​ပြေးသွားသည့်​ လမ်း​ကြောင်းများအတိုင်း လိုက်​လံရှင်းလင်းခဲ့ရာ နယ်​စပ်မိုင်​တိုင်​ ၄၂ အနီး ​ဝေလာ​တောင်​​ချောင်း​ဘေး၌ ဘီ​အေ- ၉၄(ကျည်​အိမ်​မပါ) ၂ လက်​အားပြန်​လည်​​တွေ့ရှိခဲ့သည်။


မသင်္ကာသူ ၅ဦး အား အောင်​ဇံရဲကင်းသို့​ခေါ်၍ ၎င်းတို့နှင့်​အတူပါလာသည့်​ဆာလာအိတ်၊ ကျောပိုးအိတ်​များကို စစ်​​ဆေးရာ ABCD ခလုပ်​ပါ Remote ၂၁ ခု ၊ဆားကစ်​ပြား ၂၁၀ ပြား၊ ဝါယာကြိုး ၂ ပင်​ပါ ခလုပ်​အမဲ ၃၂၅ ခု၊ တပ်​မ​တော်​အရာရှိသုံး​ကော်​လံချပ်​အဝိုင်း ၆ စုံ၊တပ်​မ​တော်​အခြားအဆင့်​သုံး ​ကော်​လံချပ်​ ၁၂၀ စုံ၊ ​ကော်ဖြင့်​ပြုလုပ်​ထားသည့်​ တပ်​မ​တော်​သုံး ဦးထုပ်​တံဆီပ်​ ၃၇ ခု၊​ဆေးဝါးများ၊ဘီယာဘူးများအပါအဝင်​ ပစ္စည်း ၂၇ မျိုးကိုရှာ​ဖွေ​တွေ့ရှိခဲ့သည်​။

ဖြစ်​စဉ်​နှင့်​ပတ်​သက်​၍​စုံစမ်း​ဖော်​ထုတ်​လျက်​ရှိရာပြစ်​မှုကျူးလွန်​သူ၅ဦးအနက်​ ၂ ဦးမှာ မြန်​မာ-ဘင်္ဂလား​ဒေ့ရှ်​ နယ်​စပ်​မှတ်​တိုင်​ ၄၃အနီး တစ်ဖက်​​နိုင်​ငံဘက်​ခြမ်းရှိ​ကျေးရွာတွင်​​နေထိုင်သူ ဒိုင်းနက်​လူမျိုးများဖြစ်​ပြီး ကျန်​ ၃ ဦးမှာ​ ​မောင်​​တောမြို့ မြို့မဘုန်းကြီး​ကျောင်းတွင်​​နေထိုင်​သူများဖြစ်​​ကြောင်းသိရသည်​။


ဆိုင်​ကယ်​ ကယ်​ရီ​မောင်းနှင်​သူ(စိစစ်ဆဲ) ၅ ဦးသည်​ ခ​မောက်​ဆိပ်​​ကျေးရွာတွင်​​နေထိုင်​သူများဖြစ်​​ကြောင်းသိရှိရပြီး ၎င်းတို့၏ဆိုင်​ကယ်​များအား ရွာအတွင်းထားရှိကာထွက်​​ပြေးတိမ်း​ရှောင်​လျက်​ရှိ​ကြောင်းသိရသည်​။

လက်​နက်​လုယူသွားသူများအား လုံခြုံရေးတပ်​ဖွဲ့ဝင်​များက လိုက်​လံရှင်းလင်းလျက်​ရှိရာဖြစ်​စဉ်​နှင့်​ပတ်​သက်​ရ်ျ​ ဘင်္ဂလား​ဒေရှ့်​နိုင်​ငံ နယ်​ခြား​စောင့်​တပ်​သို့ ကူညီဖမ်းဆီး​ပေးရန်​ အ​ကြောင်းကြားထား​ပြီး ပြစ်​မှုကျူးလွန်​သူများအား ​ဖော်​ထုတ်​ဖမ်းဆီးရမိ​ရေးအတွက်​ ဆက်​လက်​​ဆောင်​ရွက်​လျက်​ရှိ​ကြောင်းသိရသည်​။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom


ကျင့်ဝတ်နဲ့ မညီတဲ့ နိုင်ငံရေးစည်းရုံးတဲ့ ကြော်ငြာတွေကိုလည်း ကြီးကြပ်ဖို့လိုမယ်လို့ သူက ပြော
ကိုယ်ရေးအချက်အလက်တွေ မလုံခြုံတော့တာ၊ သတင်းမှား ပျံ့နှံ့တာနဲ့ အွန်လိုင်းကို နိုင်ငံရေးအတွက် တလွဲ အသုံးချတာတွေ များနေတယ်လို့ နိုင်ငံတကာ အွန်လိုင်း ချိတ်ဆက်မှုကို ပထမဆုံးစလုပ်ခဲ့တဲ့ မစ္စတာ တင် ဘန်နာလီက အင်တာနက်ရဲ့ ၂၈နှစ်ပြည့် နေ့မှာ သတိပေးလိုက်ပါတယ်။

အချက်အလက်တွေကို အလွဲသုံးစား လုပ်တာနဲ့ သတင်းမှားတွေကို တိုက်ဖျက်ဖို့ အတွက် အစီအစဉ်တခု ဆွဲထားတယ်လို့လည်း ဆာဘွဲ့ရ ဗြိတိန် သိပ္ပံပညာရှင်လည်းဖြစ်တဲ့ မစ္စတာ ဘန်နာလီက ပြောခဲ့ပါတယ်။

အစိုးရပိုင်းက တကိုယ်ရေအချက်အလက်တွေကို ထောက်လှမ်းနေတာကိုလည်း တွန်းလှန်ဖို့လိုမှာဖြစ်ပြီး ကျင့်ဝတ်နဲ့ မညီတဲ့ နိုင်ငံရေးစည်းရုံးတဲ့ ကြော်ငြာတွေကိုလည်း ကြီးကြပ်ဖို့လိုမယ်လို့ သူက ပြောပါတယ်။

အွန်လိုင်းမှာ အသုံးပြုသူတွေက ဘယ်ကိုယ်ရေး အချက်တွေကို လူအများ မသိစေချင်သလဲဆိုတာကို ရွေးဖို့ အခွင့်အရေးနဲ့ မူပိုင်ခွင့် ဆုံးရှုံးမှုတွေလည်း ရှိနေတာ ဖြစ်ပါတယ်။

ဥပမာအားဖြင့် ဖေ့စ်ဘွတ်မှာ တင်တဲ့ပုံကို ဖေ့ဘွတ်ကပဲ မူပိုင်ရသွားတဲ့ အချက်မျိုး ဖြစ်ပါတယ်။

လူတွေကို ခံစားမှုတခုခုနဲ့ ရုတ်တရက် ရိုက်ခတ်အောင်လုပ်ပြီး အဖြစ်မှန် မပါသလောက်ဖြစ်တဲ့ သတင်းတွေဟာ လူကြည့်များလေ ပြန့်နှံ့လေ ဖြစ်တာကြောင့် သတင်းမှားတွေ ပိုပြီး ပျံ့နှံ့နေရတယ်လို့ မစ္စတာ တင် က ပြောခဲ့ပါတယ်။

BBC Burmese
http://www.bbc.com/burmese


မန္တလေးမြို့မစိုးရိမ်တိုက်သစ် ဆရာတော် ဦးဝီရသူ မတ်လ ၁၁ ရက်နေ့က ဧရာဝတီတိုင်းဒေသကြီး အိမ်မဲမြို့နယ် သီးကွင်းကျေးရွာမှာ ကျင်းပခဲ့တဲ့ တရားပွဲတွင် တွေ့ရစဉ်။ Photo: Wira Thu/ Facebook
တရားဟောပြောခွင့် တစ်နှစ် အပိတ်ခံထားရတဲ့ မန္တလေးမြို့မစိုးရိမ်တိုက်သစ် ဆရာတော် ဦးဝီရသူ မနေ့ညက ဧရာဝတီတိုင်းဒေသကြီး အိမ်မဲမြို့နယ် သီးကွင်းကျေးရွာမှာ ကျင်းပခဲ့တဲ့ တရားပွဲဟာ ခွင့်ပြုချက်မရှိဘဲ ကျင်းပခဲ့တာဖြစ်တယ်လို့ ဧရာဝတီတိုင်းဒေသကြီး စည်ပင်သာယာရေး ဝန်ကြီး ဦးကျော်မြင့် က ပြောပါတယ်။

တိုင်းအစိုးရရဲ့ ပိတ်ပင်ချက်ဟာ အာဏာစက်သာဖြစ်ပြီး ဓမ္မစက်မဟုတ်တဲ့အတွက် တရားပွဲကို အစိုးရ ခွင့်ပြုချက်မရှိလည်း ဟောမှာဖြစ်ကြောင်း အိမ်မဲမြို့နယ် အုပ်ချုပ်ရေးမှူး ကို ရဟန်းပျိုများအဖွဲ့က မနေ့က လာရောက်ပြောကြားပြီး ကျင်းပခဲ့တာဖြစ်တယ်လို့ ၀န်ကြီး ဦးကျော်မြင့် က ပြောပါတယ်။

သီးကွင်းကျေးရွာမှာ ကျင်းပတဲ့ တရားပွဲမှာ ဦးဝီရသူက တရားဟောစင်မှာ ပါးစပ်ကိုတိပ်နဲ့ပိတ်ပြီး နာရီဝက်ကြာ တရားခွေ ဖွင့်ခဲ့တာဖြစ်ပါတယ်။ အဲဒီတရားပွဲကို တရားနာပရိသတ် တစ်ထောင်ကျော် တက်ရောက်ခဲ့ပြီး အလှူငွေ သိန်းနဲ့ချီ ရရှိခဲ့တယ်လို့လည်း သိရပါတယ်။

ဦးဝီရသူဟာ ဧရာဝတီတိုင်းထဲမှာ ဟောပြောဖို့ လက်ခံထားတဲ့ တရားပွဲတွေလည်း ကျန်ရှိနေပါတယ်။
ဧရာဝတီတိုင်းဒေသကြီးအတွင်း ဦးဝီရသူကို တရားဟောခွင့်မပြုကြောင်း တိုင်းအစိုးရအဖွဲ့က ပြီးခဲ့တဲ့ မတ်လ ၁၀ရက်နေ့က ကြေညာချက်ထုတ်ပြန်ထားပါတယ်။

ဦးဝီရသူဟာ ဘာသာတစ်ခုနဲ့တစ်ခုအကြား အမုန်းတရားတွေပွားကာ ဘာသာရေးအဓိကရုဏ်း ဖြစ်စေ မယ့် ဟောပြောချက်တွေ၊ တရားဥပဒေစိုးမိုးရေးကို အဟန့်အတားဖြစ်စေမယ့် ဟောပြောချက်တွေ နဲ့ နိုင်ငံရေးပါတီတွေကြား ဘက်လိုက်ဝေဖန်ဟောပြောချက်တွေရှိတာကြောင့် တရားဟောခွင့် တစ်နှစ် ပိတ်လိုက်ကြောင်း မတ်လ ၉ ရက်နေ့က ကျင်းပတဲ့ နိုင်ငံတော် သံဃာ့မဟာနာယက (၄၇) ပါးစုံညီ အစည်းအဝေးကနေ ဆုံးဖြတ်ခဲ့တာဖြစ်ပါတယ်။

အဲဒီဆုံးဖြတ်ချက်ကို ဦးဝီရသူအနေနဲ့ လူမှုကွန်ရက်အင်တာနက်စာမျက်နှာတွေ၊ သတင်းမီဒီယာတွေ မှာ ဆန့်ကျင်ဝေဖန်ပြောဆိုတာတွေ လုပ်လာရင် ဥပဒေ၊ လုပ်ထုံးလုပ်နည်းတွေနဲ့အညီ ဆောင်ရွက်ခြင်း ခံရမှာဖြစ်ကြောင်း သာသနာရေးနဲ့ ယဉ်ကျေးမှုဝန်ကြီးဌာနက မနေ့က သတင်းထုတ် ပြန်ထားပါတယ်။

RFA Burmese
http://www.rfa.org/burmese


ရန်ကုန်၊ မတ် ၁၂

၂.၁၂.၂၀၁၆ ရက်နေ့ ၀၆၀၀ အချိန်ခန့်တွင် ခရမ်းမြို့နယ်၊ မောင်းမကျေးရွာ၌
နေအိမ်ပေါ်တက်ရောက်၍ အိပ်ပျော်နေသူ အမျိုးသမီး ၂ ဦးအားသတ်ပြီး
ပစ္စည်းများယူဆောင်သွားကြောင်း သတင်းရရှိသဖြင့် တိုင်း/ခရိုင်နှင့် ခရမ်းမြို့မ
ရဲစခန်းမှတပ်ဖွဲ့ဝင်များက သွားရောက်စစ်ဆေးခဲ့ပါသည်။

ဖြစ်စဉ်မှာ မောင်းမကျေးရွာနေ မအေးမာဦးသည် အခင်းဖြစ်နေ့ ၀၆၀၀ အချိန်
ခန့်တွင် ယောက္ခမတော်စပ်သူ၏ နေအိမ်သို့ ထမင်းချက်ရန်သွားရောက်စဉ်
အရည်များနင်းမိသဖြင့်ကြည့်ရာ သွေးကွက်များဖြစ်နေကြောင်းတွေ့ရှိရ၍
အပေါ်ထပ်သို့တက်ကြည့်ရာ မဖြူနှင်းဝေ၊ (၂၀)နှစ်အား သွေးများဖြင့်တွေ့ရ၍
မကြည့်ရဲတော့ဘဲ အဖော်လာအိပ်သူ မစန္ဒာဝင်း၏နေအိမ်သို့သွားရောက်ပြီး
၎င်း၏မိခင်ဖြစ်သူနှင့်အတူသွားရောက်ကြည့်ရှုရာ အပေါ်ထပ်၌ မဖြူနှင်းဝေနှင့်
မစန္ဒာဝင်းတို့တွင် ဓားဒဏ်ရာများဖြင့်သေဆုံးနေသည်ကိုတွေ့ရှိရပြီး
မဖြူနှင်းေ၀၀တ်ဆင်ထားသော ရွှေဆွဲကြိုး(၁)ကုံး၊ ရွှေဆွဲသီး(၁)ခု၊ ရွှေလက်
စွပ်(၁)ကွင်း၊ ရွှေလက်ကောက်(၁)ကွင်း၊ HUAWEI G 730 အမျိုးအစား
ဆင်းကတ်ပါအဖြူရောင်လက်ကိုင်ဖုန်း(၁)လုံး၊ စုစုပေါင်းတန်ဖိုးငွေကျပ် (၁၉၀၀၀၀၀)မှာ ပါဆုံးသွားကြောင်းတွေ့ရှိရသဖြင့် ပြစ်မှုကျူးလွန်သူအား
အရေးယူပေးရန်တိုင်တန်းချက်အရ ခရမ်းမြို့မရဲစခန်း (ပ)၇၄၀/ ၂၀၁၆၊
ရာဇသတ်ကြီးပုဒ်မ-၃၀၂/၃၉၇ ဖြင့်အမှုဖွင့်ကာ စုံစမ်းဆောင်ရွက်ခဲ့ပါသည်။

အမှုနှင့်ပတ်သက်၍ရန်ကုန်တိုင်းဒေသကြီးရဲတပ်ဖွဲ့မှူးရုံးမှဒုရဲမှူး အောင်မြတ်စိုး
ဦးဆောင်သောတပ်ဖွဲ့ဝင်များက အမှုနှင့်ဆက်စပ်၍ မသင်္ကာသူများနှင့်
ပြစ်ချက်ဟောင်းရှိသူများအား စဉ်ဆက်မပြတ်သတင်းရယူစုံစမ်းဆောင်ရွက်
ခဲ့ရာ မောင်းမကျေးရွာနေ ကျော်စိုးနိုင်(ခ)ကုလားသည် အခင်းဖြစ်စဉ်ညက
ဆိုင်ကယ်တစ်စီးဖြင့် သွားလာမှုများရှိခဲ့ကြောင်း စုံစမ်းသိရှိရ၍ ၎င်း၏
နောက်ကြောင်း၊ သွားလာတတ်သည့်နေရာနှင့် ပေါင်းသင်းတတ်သူများကို
စုံစမ်းခဲ့ရာ ဒဂုံမြို့သစ်(ဆိပ်ကမ်း)မြို့နယ်၊ (၈၈)ရပ်ကွက်နေ သိန်းဇော်(ခ)
ချစ်ရင်ထူးနှင့်အတူ ပန်းရံအလုပ်လုပ်ကိုင်ခဲ့ဖူးကြောင်း၊ လွန်ခဲ့သော(၃)လကျော်
ခန့်က အပြာရောင်ဆိုင်ကယ်တစ်စီးဖြင့် အတူတကွသွားလာတတ်ကြောင်း
သတင်းများရရှိခဲ့ပြီး သိန်းဇော်(ခ)ချစ်ရင်ထူးမှာလည်း ယခင်ကထောင်ကျ
ဖူးသူဖြစ်သည့်အပြင် လွန်ခဲ့သော(၃)လခန့်က ရွှေထည်များကိုရောင်းချ
ခဲ့ကြောင်းကို မိမိအမာခံသတင်းပေးများထံမှတစ်ဆင့် သတင်းရရှိခဲ့ပါသည်။
စုံစမ်းရရှိသောသတင်းများအားအခြေခံ၍ ဆက်စပ်သုံးသပ်ပြီး ဒုရဲမှူး
အောင်မြတ်စိုးနှင့်အဖွဲ့မှ သိန်းဇော်(ခ)ချစ်ရင်ထူးအား ၎င်းနေထိုင်ရာ
ဒဂုံမြို့သစ်(ဆိပ်ကမ်း)မြို့နယ်၊ (၈၈)ရပ်ကွက်ရှိ လက်ဖက်ရည်ဆိုင်မှ ၁၀.၃.၂၀၁၇ ရက်နေ့တွင် ဖမ်းဆီးရမိပြီး ကျော်စိုးနိုင်(ခ)ကုလားအား ၁၁.၃.၂၀၁၇ ရက်နေ့တွင် ၎င်းနေထိုင်သောခရမ်းမြို့နယ်၊ မောင်းမကျေးရွာမှ
ဖမ်းဆီးရမိခဲ့ပါသည်။
စစ်ဆေးချက်အရ ၂၀၁၆ ခုနှစ်၊ နိုဝင်ဘာလအတွင်းကသိန်းဇော်(ခ)ချစ်ရင်ထူး
သည် နေအိမ်၌ရှိနေစဉ် ကျော်စိုးနိုင်(ခ) ကုလားရောက်ရှိလာပြီး ၎င်းသည်
မောင်းမကျေးရွာ၌နေထိုင်စဉ် အခင်းဖြစ်နေအိမ်အား ကျူးကျော်ဝင်ရောက်ခဲ့
သဖြင့် ရပ်ကွက်အုပ်ချုပ်ရေးအဖွဲ့များဖြင့်ဖြေရှင်းခဲ့ရသည်ကိုမကျေနပ်ကြောင်း၊
အဆိုပါနေအိမ်တွင် ငွေသိန်း(၁၀၀)ခန့်ရှိပြီး သွားရောက်ခိုးယူပါက အဆင်
ပြေနိုင်ကြောင်း ပြောဆိုတိုင်ပင်ခဲ့ကြကြောင်း၊ ၁.၁၂.၂၀၁၆ ရက်နေ့ ည
၁၁ နာရီ အချိန်ခန့်တွင် ၎င်းတို့(၂)ဦးသည် ဒဂုံမြို့သစ်(ဆိပ်ကမ်း)မြို့နယ်မှ
ခရမ်းမြို့နယ်၊ မောင်းမကျေးရွာရှိ အခင်းဖြစ်နေအိမ်သို့ Follow meအပြာရောင်
ဆိုင်ကယ်ဖြင့်သွားရောက်ကာ ကျော်စိုးနိုင်(ခ)ကုလားမှ နေအိမ်အနီးရှိ
တာဘောင်ပေါ်တွင် ဆိုင်ကယ်ဖြင့်စောင့်နေခဲ့ကြောင်း၊ သိန်းဇော်(ခ)
ချစ်ရင်ထူးမှ နေအိမ်ဝရန်တာသို့ အနီးရှိသစ်ပင်မှတစ်ဆင့်ဝင်ရောက်ခဲ့ပြီး
အိပ်ခန်းအတွင်းရှိဗီရိုများအားဖွင့်၍ ပစ္စည်းများလိုက်ရှာစဉ် အိပ်ပျော်နေသော
အမျိုးသမီးတစ်ဦးနိုးလာပြီး “ဘယ်သူလဲ”ဟုမေးသဖြင့် အသင့်ယူဆောင်လာ
သောဓားဖြင့်ထိုးစဉ် ကျန်အမျိုးသမီးတစ်ဦးမှာလည်းနိုးလာသဖြင့် ၎င်းမှ
ဓားဖြင့်ထပ်မံထိုးခဲ့ပြီး အမျိုးသမီး တစ်ဦးဝတ်ဆင်ထားသော ရွှေထည်
လက်ဝတ်လက်စားများနှင့် လက်ကိုင်ဖုန်း ၁ လုံးအားယူဆောင်၍ထွက်ပြေး
တိမ်းရှောင်ခဲ့ပြီး ရွှေထည်ပစ္စည်းများအား ရောင်းချသုံးစွဲခဲ့ကြောင်းနှင့်
အခင်းဖြစ်စဉ်က အသုံးပြုခဲ့သောဓားအား နေအိမ်ရှိ အိမ်သာအတွင်းသို့
လွှင့်ပစ်ခဲ့ကြောင်း ပေါ်ပေါက်ခဲ့ပါသည်။

ပေါ်ပေါက်ချက်များအရ အသုံးပြုခဲ့သည့်သက်သေခံဓား၊ ဆိုင်ကယ်နှင့်
ပါဆုံးသွားသော ရွှေထည်ပစ္စည်းများနှင့် လက်ကိုင်ဖုန်းတို့အား ပြန်လည်
သိမ်းဆည်းနိုင်ခဲ့ပြီး ၎င်းတို့(၂)ဦးအား အမှုဖြင့် ဆက်လက်အရေးယူ
ဆောင်ရွက် လျက်ရှိကြောင်း သတင်းရရှိပါသည်။
Yangon Police