03/15/17


တရုတ်ဘက်ကို လူထောင်ချီ ထွက်ပြေးနေရ
ရှမ်းမြောက် ကိုးကန့် ကိုယ်ပိုင်အုပ်ချုပ်ခွင့်ရဒေသမှာ တိုက်ပွဲတွေ ဆက်ဖြစ်နေသလို ကွတ်ခိုင်မြို့နယ် ပြည်ထောင်စုလမ်းမဘေး နမ့်ဖက်ကာမှာလည်း တိုက်ပွဲဖြစ်နေပါတယ်။

အစိုးရဘက်က(၁ဝ) ဦး ကျဆုံးပြီး အများအပြားဒဏ်ရာရတယ်၊ နှစ်ဘက် ထိခိုက်ကျဆုံးတာတွေ ရှိတယ်လို့ မြောက်ပိုင်းမဟာမိတ်အဖွဲ့က ပြောဆိုပါတယ် ။

ကွတ်ခိုင်မြို့နားက ဗျူဟာအမှတ်(၅)တပ်စခန်း အနီးမှာလည်း တိုက်ပွဲတွေဖြစ်တယ်လို့ သိရပါတယ်။

အစိုးရတပ်က ပစ်ခတ်မှုကြောင့် အရပ်သား နေအိမ်တွေ ထိခိုက် ဒဏ်ရာရတာ သေဆုံးတာတွေ ရှိတယ် လို့လည်း ဆိုပါတယ်။

ရခိုင်ဒေသမှာလည်း စစ်ကားကြီး (၆၀) ကျော်ပါ စစ်အင်အားတိုးချဲ့နေမှုများကို တွေ့မြင်နေရပြီး စစ်ရေးပြင်ဆင်မှုတွေရှိလာနေတယ်လို့ မြောက်ပိုင်း မဟာမိတ်အဖွဲ့က ထုတ်ပြန်ထားပါတယ်။

သမ္မတရုံး ပြောခွင့်ရ ဦးဇော်ဌေးကတော့ ရှမ်းမြောက်တိုက်ပွဲမှာ အစိုးရဘက်က အကျအဆုံးကို ချက်ချင်း ထုတ်ပြန်လေ့မရှိဘူးလို့ဆိုပါတယ်။

ကိုးကန့် MNDAA နဲ့ တိုက်ပွဲ ၄၈ ကြိမ် ဖြစ်ပွားရာမှာ ဒါဇင်နဲ့ချီတဲ့ အစိုးရ တပ်သားတွေ ကျတယ်လို့ပဲ အစိုးရ ဘက်က ထုတ်ပြန်ပါတယ်။

ရခိုင်ဘက်မှာ စစ်ရေးပြင်တယ်ဆိုတာလည်း မောင်တော အကြမ်းဖက်မှုတွေ အတွက် နယ်မြေလုံခြုံရေး ပြင်ဆင်တာဖြစ်တယ်၊ မြောက်ပိုင်းကိစ္စနဲ့ မဆိုင်ဘူးလို့ ဆိုပါတယ်။
BBC Burmese


စကာင်္ပူ ၀ါရင့်ဝန်ကြီး Goh Chok Tong
စကာင်္ပူ ၀ါရင့်ဝန်ကြီး Goh Chok Tong
စကာင်္ပူ ၀ါရင့်ဝန်ကြီး Goh Chok Tong မြန်မာနိုင်ငံ ၃ ရက်ကြာ ခရီးစဉ်ကို ဒီကနေ့ စတင်ပါတယ်။

မတ်လ ၁၄ ရက်နေ့ကနေ ၁၆ ရက်နေ့ အထိကြာမြင့်မယ့် ခရီးစဉ် အတွင်း နေပြည်တော်မှာ သမ္မတ ဦးထင်ကျော်၊ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၊ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ တွေ့ဆုံဆွေးနွေးမယ်လို့လည်း စကာင်္ပူ နိုင်ငံခြားရေး ၀န်ကြီးဌာန ကြေညာချက် မှာ ဖော်ပြပါတယ်။

ဒါ့အပြင် ကြံခိုင်ဖွံ့ဖြိုးရေး ပါတီ နာယက သမ္မတဟောင်း ဦးသိန်းစိန်၊ ပြည်ထောင်စု လွှတ်တော် ဥပဒေနဲ့ အထူးကိစ္စရပ်များ လေ့လာသုံးသပ်ရေး ကော်မရှင် အကြီးအကဲ သူရ ဦးရွှေမန်း၊ အရင် သမ္မတရုံး ၀န်ကြီးဟောင်း လက်ရှိ လွှတ်တော် အမတ် ဦးစိုးသိန်းတို့နဲ့လည်း တွေ့ဆုံမယ်လို့ ကြေညာချက်မှာ ပါရှိပါတယ်။

စကာင်္ပူက ဖွင့်လှစ်မယ့် သက်မွေးပညာသင်တန်းကျောင်း ဆိုင်ရာ သဘောတူ စာချုပ်လက်မှတ်ရေးထိုးပွဲကိုလည်း သမ္မတ ဦးထင်ကျော်နဲ့ စကာင်္ပူ ၀ါရင့်ဝန်ကြီး ဂိုချောက်တောင်တို့ တက်ရောက်ကြမှာ ဖြစ်ပါတယ်။
VOA Burmese News

ဘင်္ဂလားဒေ့်ဘက် ထွက်ပြေးသွားတဲ့ ရိုဟင်ဂျာ မွတ်စလင်ဒုက္ခသည်များ
ဘင်္ဂလားဒေ့်ဘက် ထွက်ပြေးသွားတဲ့ ရိုဟင်ဂျာ မွတ်စလင်ဒုက္ခသည်များ

မြန်မာနိုင်ငံ ရခိုင်ဒေသမှာ နေထိုင်တဲ့ ရိုဟင်ဂျာ မွတ်စလင်တွေ ကို နိုင်ငံတွင်း က မောင်းထုတ်ဖို့ မြန်မာအစိုးရက လုပ်နေတယ်လို့ ယူဆတဲ့အကြောင်း မြန်မာနိုင်ငံ ဆိုင်ရာ ကုလသမဂ္ဂအထူးကိုယ်စားလှယ် Ms. Yanghee Lee က ပြောသွားပါတယ်။ လူမျိုးရေးပဋိပက္ခတွေရှိတဲ့ ရခိုင်ပြည်နယ်မှာ အစိုးရလုံခြုံရေး တပ်ဖွဲ့တွေက ရိုဟင်ဂျာ မွတ်စလင်တွေအပေါ် အခွင့်အရေးချိုးဖောက်မှုတွေရှိတယ်ဆိုတဲ့ စွပ်စွဲချက်တွေနဲ့ ပတ်သတ်လို့ COI စုံစမ်းရေးကော်မရှင်တရပ် ဖွဲ့ဖို့ Ms. Yanghee Lee က လူ့အခွင့်အရေး ကောင်စီကို တင်ပြသွားပါတယ်။ မအေးသန္တာကျော် ဆက်ပြောပြပေးပါရှင်။

Switzerland နိုင်ငံ၊ ဂျနီဗာမြို့မှာမနေ့က ကျင်းပသွားတဲ့ ကုလသမဂ္ဂ လူ့အခွင့်အရေး ကောင်စီရဲ့ ၃၄ ကြိမ်မြောက် နှစ်ပတ်လည် စည်းဝေးပွဲမှာမြန်မာနိုင်ငံ လူ့အခွင့်အရေး အခြေအနေနဲ့ပတ်သက်လို့ ဆွေးနွေးခဲ့ကြစဉ်မှာ Ms. Yanghee Lee က သူစုံစမ်းသိရှိထားတဲ့ ရခိုင်ပြည်နယ်က အခြေအနေကို တင်ပြသွားတာပါ။ ရခိုင်ပြည်နယ်မှာနေထိုင်နေတဲ့ ရိုဟင်ဂျာမွတ်စလင်တွေ ကို နိုင်ငံအတွင်း က နှင်ထုတ်ဖို့ အတွက် မြန်မာအစိုးရက လုပ်ဆောင်နေတယ်လို့ သူယူဆပုံကို အခုလိုပြောပါတယ်။

“မြန်မာအစိုးရက အိမ်ထောင်စုစာရင်း စနစ်ကိုသုံးပြီး အဲဒီ အိမ်ထောင်စု စာရင်းထဲ မပါသူတွေကို ဖယ်ထုတ်ခြင်းအားဖြင့် ရိုဟင်ဂျာတွေကို နှင်ထုတ်ဖို့ လုပ်ကောင်း လုပ်နေနိုင်ပါတယ်။”

Ms. Yanghee Lee ကရိုဟင်ဂျာမွတ်စလင်တွေအပေါ်မှာ အခွင့်အရေး ချိုးဖောက်မှုတွေ ရှိတယ်ဆိုတဲ့ စွပ်စွဲမှုတွေကို စုံစမ်းစစ်ဆေးရေးလုပ်ဖို့အပိုင်းမှာ နိုင်ငံတကာရဲ့ အားပေးထောက်ခံမှု မရှိဘူးလို့ ပြောပြီးတော့ ဒီအခြေအနေမှာ စိတ်ပျက်နေတာပါ။ ဒီအတွက် နိုင်ငံတကာအသိအမှတ်ပြု စုံစမ်းရေးတွေ လုပ်ဆောင်ဖို့က မြန်မာအတွက် အထူးအရေးကြီးပါတယ်လို့ Ms. Yanghee Lee က ကုလသမဂ္ဂ လူ့အခွင့်အရေးကောင်စီကို တနင်္လာနေ့က တင်ပြသွားပါတယ်။

“လူတွေ အစုလိုက်အပြုံလိုက်သတ်ပြီး မြုပ်ထားတာတွေ တွေ့တယ်ဆိုတဲ့ သတင်းတွေ ကြားနေရပါတယ်။ ကျွန်မ ဒီကနေ့ အစီရင်ခံရင်း ပြောသွားသလို မြန်မာအစိုးရအနေနဲ့ ကျွန်မလိုလူမျိုးတွေ ဒါမှမဟုတ် စုံစမ်းရေးအဖွဲ့ တဖွဲ့ကို အဲဒီဒေသကို ဝင်ထွက် ခွင့်ပေးမယ်ဆိုရင် လုပ်ဆောင်ဖို့လိုအပ်သမျှ လုပ်လိုက်ပြီးတဲ့ အနေအထား ဖြစ်ပါတယ်။ အခုထွက်ပေါ်နေတဲ့ စွပ်စွဲချက်တွေဟာ အပိုချဲ့ကားစွပ်စွဲချက်တွေ ဟုတ်မဟုတ်ဆိုတာ ကျွန်မကိုယ်တိုင်လည်း သိချင်ပါတယ်။ မြန်မာနိုင်ငံသားတွေနဲ့ အစိုးရကလည်း ဒါဟုတ်မဟုတ် သိဖို့လိုပါတယ်။ ဒီလိုမှ ရှင်းရှင်းလင်းလင်း မသိရဘူးဆိုရင် မြန်မာနိုင်ငံ ဒီမိုကရေစီ နိုင်ငံတခုအဖြစ် အသွင်ကူးပြောင်းရေးမှာ အဟန့်အတား ဖြစ်စေပါလိမ့်မယ်။”

ပြီးခဲ့တဲ့နှစ် အောက်တိုဘာမှာ ရဲတပ်ဖွဲ့ဝင်၉ ဦးသတ်ဖြတ်ခံရပြီးတဲ့နောက် ၊ မြန်မာစစ်တပ်က နယ်မြေရှင်းလင်းရေးတွေ စတင်လုပ်ဆောင် တဲ့နေရာမှာ ရိုဟင်ဂျာတွေပေါ်မှာ လူအခွင့်အရေးချိုးဖောက်မှုတွေ ရှိတယ်ဆိုတဲ့ ဝေဖန်ချက်တွေ ထွက်ပေါ်လာတာဖြစ်ပါတယ်။

ဝါရှင်တန်အခြေစိုက် Carnegie Endowment for International Peace အဖွဲ့ရဲ့ အကြီးတန်းအရာရှိတဦးဖြစ်သူ Vikram Nehru က အခုလိုသုံးသပ်ပါတယ်။

“COI (Commission of Inquiry) စုံစမ်းရေးကော်မရှင်ဖွဲ့ဖို့က လုံးဝ လိုအပ်ပေမယ့် ဒီကိစ္စအကောင်အထည်ဖော်ဖို့က ခက်ခဲပါလိမ့်မယ် ။ မြန်မာ့လုံခြုံရေး တပ်ဖွဲ့တွေ က ပြည်တွင်းပြည်ပ သတင်းမီဒီယာတွေကို နောက် ဒီအစိုးရမဟုတ်တဲ့ အဖွဲ့အစည်းကို ဘယ်သူ့ကိုမှ ဒီနယ်မြေကို ၀င်ရောက်ခွင့်ပေးပြီးတော့ အခြေအနေမှန်ကို သိရှိခွင့် မပေးပါဘူး။ ကုလသမဂ္ဂကလည်း ၀င်ခွင့်ရမှာ မဟုတ်ပါဘူး။”

ဒီလိုအနေအထားတွေရှိလို့ မြန်မာနိုင်ငံပေါ်မှာဖယ်ရှားထားတဲ့ ဒဏ်ခတ်ပိတ်ဆို့မှုတွေကို အနောက်နိုင်ငံ ကြီးတွေက ပြန်ပြီးတော့လုပ်နိုင်ခြေရှိပါသလား။ Mr. Nehru က အခုလို သုံးသပ်ပါတယ်။

“ဒီရခိုင်ဒေသမှာဖြစ်တဲ့ လုံခြုံရေးတပ်ဖွဲ့ဝင်တွေရဲ့ အကြမ်းဖက် နှိမ်နင်း လုပ်ဆောင်မှုတွေကြောင့် နိုင်ငံတကာအနေနဲ့လည်း ပြန်စဉ်းစားစရာ ဖြစ်စေတာက မြန်မာအစိုးရအတွက် အလားအလာမကောင်းပါဘူး။ ဒီမိုကရေစီလမ်းကြောင်းမှာ လျှောက်လှမ်းနေရတဲ့မြန်မာနိုင်ငံအတွက် ထိုက်သင့်လိုအပ်တဲ့အကူအညီရရှိရေးအတွက် နိုင်ငံတကာကပဲ ပေးနေတာပါ။ ဒါပေမယ့် ဒီလိုမျိုးဖြစ်ရပ်တွေဖြစ်နေတော့ နိုင်ငံတကာကို တုံ့ဆိုင်းသွားစေပါတယ်။ အတိမ်းအစောင်းမခံနိုင်တဲ့ နိုင်ငံရေးအသွင်ကူးပြောင်းရေးလုပ်ငန်းကို ထိခိုက်စေပါတယ်။”

Mr. Nehru က ဒေါ်အောင်ဆန်းစုကြည်ဦးဆောင်တဲ့ အရပ်သားအစိုးရနဲ့ ပြီးတော့ လွှတ်တော်မှာ အမတ် ၄ ပုံ ၁ ပုံနေရာယူထားနိုင်တဲ့ စစ်တပ်ကြားမှာ တဲတဲကလေး တည်ဆောက်ထားနိုင်တဲ့ ဆက်ဆံရေးအပေါ်မှာ ဒါကအများကြီးမူတည်နေပါတယ်လို့ ပြောပါတယ်။

စီးပွားရေးဖွံ့ဖြိုးမှုနဲ့ ငြိမ်းချမ်းရေးလုပ်ငန်းစဉ်အတွက် အစိုးရက ဦးစီးလုပ်ဆောင်နေပြီးတော့ လုံခြုံရေးနဲ့ နယ်စပ်ရေးရာတွေက စစ်တပ်ရဲ့ချုပ်ကိုင်မှု အောက်မှာ ရှိနေတယ်လို့ ပြောပါတယ်။ သဘောကတော့ မြန်မာအစိုးရအနေနဲ့ စစ်တပ်ကို မတားဆီးနိုင်ပဲ ဒီအချက်ကိုလည်း နိုင်ငံတကာက ထည့်သွင်းစဉ်းစားဖို့ လိုတာပါ။ စစ်တပ်က ဆက်ပြီးတော့ ရိုဟင်ဂျာအသိုင်းအ၀ိုင်းကို နှိပ်ကွပ် မှုတွေလုပ်သွားမယ်ဆိုရင်တော့ ပြည်ပက အထောက်အပံ့ပြုတဲ့ စစ်သွေးကြွတွေ ပေါ်ထွက်များပြားလာစေမယ်လို့ သူက သုံးသပ်ပါတယ်။
VOA Burmese News



တရုတ်-မြန်မာနယ်စပ်
ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့တ၀ိုက်မှာ လတ်တလောဖြစ်ပွားနေတဲ့ တိုက်ပွဲတွေကြောင့် တရုတ်မြန်မာနယ်စပ်က ချင်းရွှေဟော် ကုန်သွယ်ရေးစခန်းမှာ ကုန်သွယ်မှုပမာဏဟာ သုံးပုံတပုံအထိကျဆင်းခဲ့ကြောင်း နယ်စပ်ကုန်သွယ်ရေးစခန်းက တာဝန်ရှိသူတဦးက ပြောပါတယ်။ ချင်းရွှေဟော်ကို အရင်က ကုန်တင်ကားအစီး ရေ ၁၀၀လောက် နေ့စဉ် ၀င်ရောက်နေရာက အခုဆိုရင် ၁၅စီးလောက် အထိ လျော့နည်းသွားကြောင်း လည်း ပြောပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ကိုးကန့်ဒေသ လောက်ကိုင်မြို့တိုက်ပွဲတွေဟာ ဒီလ ၆ရက်နေ့က စတင်ပြီး တကျော့ပြန် ပြန်လည်ဖြစ်ပွားခဲ့တာကြောင့် ဒေသတွင်းပြည်သူတွေဟာ တရုတ်နိုင်ငံနဲ့ မြေပြန့်ဒေသဘက်ကို တိမ်းရှောင်ထွက်ပြေးနေတာကြောင့် စီးပွားရေးလုပ်ငန်းတွေ ရပ်ဆိုင်းခဲ့ရသလို ခရီးလမ်းပန်းလုံခြုံရေးအခြေအနေကြောင့် နယ်စပ်ကုန်သွယ်ရေးကိုလည်း ထိခိုက်လာနေပါတယ်။

တရုတ်မြန်မာနယ်စပ်ကုန်သွယ်ရေးမှာ ဒုတိယ ကုန်စည်စီးဆင်းမှု အများဆုံးစခန်း တခုဖြစ်တဲ့ ကိုးကန့်ဒေသအတွင်းက ချင်းရွှေဟော်ကုန်သွယ်ရေးစခန်းဟာ တိုက်ပွဲဖြစ်ပွားတဲ့နောက်မှာ ကုန်သွယ်မှုပမာဏဟာ သုံးချိုးတချိုးလောက် အထိကျဆင်းသွားတယ်လို့ ချင်းရွှေဟော်ကုန်သွယ်ရေးစခန်းက ညွှန်ကြားရေးမှုး ဦးမင်းအောင်အေးက ပြောပါတယ်။

“အရင်တုန်းက ကျနော်တို့ ၁ ရက်ကို ပျမ်းမျှ ကုန်သွယ်မှုပမာဏ ဒေါ်လာ ၁ သန်းခွဲလောက်ရှိတယ်။ အခုတော့ ဒေါ်လာ ၅ သိန်းလောက်တော့ရှိတယ်။ ၃ ချိုး ၁ ချိုးလောက်ဖြစ်သွားတာပေါ့နော်။”

လက်ရှိ ကုန်စည်စီးဆင်းမှုအခြေအနေကိုလည်း ဦးမင်းအောင်အေးက အခုလို ဆက်ပြောပါတယ်။

“ကုန်စည်စီးဆင်းမှုကတော့ လောလောဆယ်ကတော့ အရင်ထက် စာရင်တော့ လျှော့ သွားတာပေါ့နော်။ မန္တလေးက လာတဲ့ကုန်တွေက ကုန်သည် လုပ်ငန်းရှင်များ စိုးရိမ်မှုကြောင့် ဒီဘက် ကိုတော့ မလာတော့ဘူး။ မူဆယ်ဘက်ကတော့ တက်သွား တဲ့ ကုန်တွေတော့ရှိတယ်။ တချို့ကျတော့လည်း လုံခြုံရေးအကြောင်းကြောင့် မန္တလေးမှာပဲ ပစ္စည်းတွေကို ရပ်နားထားတာတွေရှိတယ်။ မဖြစ်မနေ ၀ယ်လက်ရှိပြီးသား တချို့တွေသာ ၀င်လို့ ကုန်သွယ်မှုက လုံးဝ မရပ်သွားတာပေါ့နော်။ အရင်တုန်းက ၁၀၀ ကျော်ဝင်တယ် အခုတော့ အစီး ၂၀ ၀န်းကျင်လောက်ပဲ ရှိပါတယ်။”

ကွမ်းလုံမြို့က ဒေသခံတယောက်ကလည်း ချင်းရွှေဟော်- လားရှိုး လမ်းမကြီးမှာလည်း ကုန်ကားအသွားအလာဟာ မရှိသလောက် ဖြစ်နေတယ်လို့ အခုလို ပြောပါတယ်။

“အခုက ကုန်ကားတွေကတော့ နည်းသွားပြီ ကွမ်းလုံလောက်ပဲရှိတာ၊ ဒီ ချင်းရွှေဟော်ကိုတော့ မသွားတော့ဘူး ။ ခရီးသည်ကားတွေတော့သွားတယ်၊ ကုန်ကားကတော့ နည်းနည်းပါးပါးလောက်ပဲသွားတယ် ၁ ရက်ကို ၄-၅ စီးလောက်ပဲ သွားတယ်။ ပြီးခဲ့တဲ့အပတ်ကတည်းကဆိုရင် ၁ ပတ်လောက်တော့ရှိပြီခင်ဗျ ကားသိသိသာသာနည်းသွားတာပေါ့။”

ပြီးခဲ့တဲ့နှစ် နိုဝင်ဘာလအတွင်း မူဆယ် ၁၀၅မိုင်အပါအ၀င် ရှမ်းပြည်နယ်မြောက်ပိုင်းဒေသ မှာ ဖြစ်ပွားခဲ့တဲ့ တိုက်ပွဲတွေကြောင့်လည်း တရုတ် မြန်မာနယ်စပ်ကုန်သွယ်ရေးဟာ လုံးဝနီးပါးရပ်ဆိုင်းခဲ့သလို တရက်ကို အမေရိကန်ဒေါ်လာ ၁၂ သန်းမှ ၁၆ သန်းအထိ နစ်နာခဲ့တယ်လို့ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ထုတ်ပြန်ခဲ့ပါတယ်။

မူဆယ်နယ်စပ်ကုန်သွယ်ရေးစခန်းရဲ့ ကုန်သွယ်မှုတန်ဖိုးဟာ ပြီးခဲ့တဲ့ ဘဏ္ဍာရေးနှစ် နဲ့ နှိုင်းယှဉ်ရင် အမေရိကန်ဒေါ်လာ သန်း ၃၂၀ကျော်အထိ ကျဆင်းခဲ့ကြောင်းနဲ့ ဒီလို ကျဆင်းတာဟာ လက်နက်ကိုင်တိုက်ပွဲတွေကြောင့်နဲ့ တရုတ်အာဏာပိုင်တွေက တရားမ၀င် ဆန်တင်သွင်းတာကို ဖမ်းဆီးတာကြောင့်လို့ သုံးသပ်ထားပါတယ်။

ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com



မြန်မာနိုင်ငံ အမျိုးသားလူ့အခွင့်အရေး ကော်မရှင်အဖွဲ့ဝင်တွေက ရန်ကုန်မြို့က အင်းစိန်အကျဉ်းထောင်ကို မတ်လ ၁၄ ရက်နေ့က သွားရောက်ကြည့်ရှုစစ်ဆေးစဉ်။ Photo: Thant Zin Oo/RFA
အင်းစိန်အကျဉ်းထောင်အတွင်း စိတ်ကြွရူးသွပ်ဆေးပြား သယ်ဆောင်တာတွေ ရှိနေဆဲဖြစ်ကြောင်း မြန်မာနိုင်ငံ အမျိုးသားလူ့အခွင့်အရေးကော်မရှင် အဖွဲ့ဝင် ဦးယုလွင်အောင် က ပြောပါတယ်။

မြန်မာနိုင်ငံ အမျိုးသားလူ့အခွင့်အရေး ကော်မရှင် အဖွဲ့ဝင်တွေဟာ ဒီနေ့ ရန်ကုန်တိုင်းဒေသကြီး အင်းစိန်မြို့နယ်က အင်းစိန်အကျဉ်းထောင်၊ ရဲစခန်းနဲ့ တရားရုံးက အချုပ်ခန်းတွေကို သွားရောက်စစ်ဆေးပြီးနောက် ပြောခဲ့တာဖြစ် ပါတယ်။

"အန်ကယ်လ်တို့ကတော့ အဓိကတော့ ကုလသမဂ္ဂကသတ်မှတ်ထားတဲ့ စံတွေရှိပါတယ်၊  မိသားစုထောင် ဝင်စာတွေ့ခွင့်ရဖို့ကိစ္စတွေပြောပါတယ်၊ ထောင်ဝင် စာမှာပါလာတဲ့ပစ္စည်းတွေလည်း အားလုံးပြည့်ပြည့် စုံစုံရတယ်လို့ပြောပါတယ်၊ စစ်ဆေးမှုတွေတော့လုပ်ရတာပေါ့၊ စစ်ဆေးမှုလုပ်နေတဲ့ကြားထဲက ပဲ  ထောင်ဝင်စာပစ္စည်းထဲကခေါက်ဆွဲခြောက်ထုပ်ထဲမှာ စိတ်ကြွဆေးတွေပါလာတာတော့ရှိနေဆဲပါ ပဲ၊ ထောင်သားတွေအတွက်က စည်းကမ်းဖောက် တာတွေရှိပါတယ်၊ ဒါကတော့ကြတ်ကြတ်မတ်မတ်ဆောင် ရွက်နေပါတယ်၊ ဒီထက်ပိုပြီးလွန်ကဲတဲ့ လူ့အခွင့်အရေးချိုးဖောက်မှုတွေမရှိပါဘူး"

အင်းစိန် အကျဉ်းထောင်ကို လိုက်လံစစ်ဆေးချိန်မှာ အကျဉ်းသားတွေရဲ့ ကျန်းမာရေးတွေကို စစ်ဆေးတာတွေ လုပ်ပေးနေကြောင်း၊ ကုလသမဂ္ဂက သတ်မှတ်ထားတဲ့ စံနှုန်းတွေနဲ့ အညီ ထားရှိတာတွေကို တွေ့ခဲ့ ရကြောင်း ပြောပါတယ်။

အင်းစိန်အကျဉ်းထောင်ဟာ အကျဉ်းသား ၅ ထောင်လောက်ကိုသာ ထိန်းသိမ်းထားလို့ရတဲ့ ထောင်ဖြစ်ပြီး အခုဆိုရင် အကျဉ်းသားဦးရေ ၁ သောင်းကျော်အထိ ရှိနေကြောင်း နဲ့ အကျဉ်းသားတွေ နေထိုင်ရတာ ကျပ်တည်းနေတာကြောင့် ပြည်ထဲရေးဝန်ကြီးဌာနနဲ့ တခြားသက်ဆိုင်ရာဌာနတွေထံ အသိပေးတင်ပြ သွားမယ်လို့လည်း ပြောပါတယ်။

အမျိုးသား လူ့အခွင့်အရေး ကော်မရှင်ဟာ အင်းစိန်ထောင်အပြင် ရန်ကုန်မြို့က အချုပ်ခန်း တစ်ရာကျော်ကို လိုက်လံစစ်ဆေးသွားမှာဖြစ်ပြီး ရခိုင်ပြည်နယ် သံတွဲနဲ့ ကျောက်ဖြူက အကျဉ်းထောင်တွေကိုလည်း သွားရောက်စစ်ဆေးမှာဖြစ်တယ်လို့ သိရပါတယ်။

RFA Burmese
http://www.rfa.org/burmese



( နမ့်ဖက်ကာရွာမှာ လက်နက်ကြီးကျည်ကြောင့် ဒဏ်ရာရသူတစ်ဦးကို တွေ့ရစဉ် ) ဓါတ်ပုံ - နမ့်ဖတ်ကာ ဒေသခံတစ်ဦး
ရှမ်းပြည်နယ် ကွတ်ခိုင်မြို့နယ် နမ့်ဖက်ကာကျေးရွာအနီး လက်နက်ကြီး ကျရောက်မှုကြောင့် ဒေသခံ ၃ဦး ထိခိုက်ဒဏ်ရာရရှိခဲ့ပါတယ်။

နေအိမ်တွေပေါ်ကို လက်နက်ကြီးကျတာကြောင့် ထိခိုက်ဒဏ်ရာရရှိခဲ့ကြတာ ဖြစ်တယ်လို့ ဒဏ်ရာရရှိသူတွေကို ကူညီပေးနေတဲ့ နမ့်ဖက်ကာ မေတ္တာရှင်လူမှုရေးကူညီရေးအသင်း နာယက ဦးကျော်ဝင်း က ပြောပါတယ်။

“မနက်ကတော့ မူဆယ်ကို ပို့လိုက်တဲ့ကောင်မလေး ဦးခေါင်းကို ဒဏ်ရာရတဲ့ကောင်မလေးရှိတယ်။ တိုက်နယ်ဆေးရုံ နမ့်ဖက်ကာမှာက နှစ်ယောက်တက်နေတယ်။ မစိုးရိမ်ရပေါ့။ တစ်ယောက်က ယောင်္ကျားလေး ၊ တစ်ယောက်က မိန်းကလေး။ သူကရွာမှာနေရင်းနဲ့ ဖြစ်ကြတာပေါ့ ။ မတော်တဆပေါ့။ နမ့်ဖက်ကာ မနော်ယန်ရွာပေါ့ ။ အိမ်ပေါ်ကိုကျကျတာပဲ အဲ့လက်နက်ကလေ။ အိမ်ပေါ်ကျတော့ ခေါင်မိုးပေါ်ကတဆင့်မှ လူကိုမှန်တဲ့သဘောပေါ့လေ။”

နမ့်ဖက်ကာကျေးရွာက ရဲစခန်းဘေးမှာရှိတဲ့ တပ်စခန်းတွေကို TNLA နဲ့ KIA တပ်ဖွဲ့တွေ ပစ်တာဖြစ်တယ်လို့ ရှမ်းပြည်နယ်ရဲတပ်ဖွဲ့ က ရဲမှူးချုပ်အောင်အောင် က ပြောပါတယ်။

ဒါ့အပြင် တန့်ယန်း၊ မိုင်းရယ်၊ ကျောက်မဲ၊ သီပေါနဲ့ သိန္နီမြို့နယ်တွေမှာ တိုက်ပွဲတွေ ဖြစ်ပေါ်လာနိုင်တာကြောင့် ရဲတပ်ဖွဲ့မိသားစုဝင်တွေ နေရပ်ပြန်မယ်ဆိုရင် ပြန်နိုင်ကြောင်း ခွင့်ပြုပေးထားတယ်လို့လည်း ရဲမှူးချုပ် အောင်အောင် က ပြောပါတယ်။

ပြီးခဲ့တဲ့ မတ်လလ ၆ ရက်နေ့ကစပြီး ရှမ်းပြည်နယ်မြောက်ပိုင်း လောက်ကိုင်မြို့နယ်အတွင်းမှာ အစိုးရတပ်မတော်နဲ့ မြောက်ပိုင်းမဟာမိတ်တပ်ဖွဲ့တွေကြား ဖြစ်ပွားနေတဲ့ တိုက်ပွဲတွေဟာ ဆက်လက်ရှိနေပြီး တရုတ်-မြန်မာနယ်စပ်နေရာတွေမှာ ပစ်ခတ်မှုတွေဖြစ်နေတယ်လို့ သိရပါတယ်။

တရုတ်-မြန်မာနယ်စပ် တရုတ်နိုင်ငံနယ်နမိတ်အတွင်း ၃ ဖာလုံခန့်က အထပ်မြင့်တိုက်တွေမှာ နေထိုင်နေကြသူတွေကို တရုတ်အစိုးရက ပြောင်းရွှေ့ခိုင်းထားပြီး လုံခြုံရေးအရ တရုတ်နိုင်ငံနယ်ခြားစောင့်တပ်ဘက်က နယ်စပ်မျဉ်းတလျှောက်မှာ လုံခြုံရေးယာဉ် အစီး ၅၀ ခန့် ချထားတာတွေရှိတယ်လို့ ပြောပါတယ်။

တအာင်းအမျိုးသားတပ်မတော် TNLA က ဒီနေ့မနက်မှာ ကွတ်ခိုင်မြို့၊ အမှတ် (၅)ဗျူဟာ မြန်မာတပ်စခန်း အနီးမှာ မြန်မာတပ်ဖွဲ့ နဲ့ တအာင်းတပ်မတော်တို့ တိုက်ပွဲဖြစ်ပွားခဲ့ရာ တပ်မတော်ရဲ့ ပစ်ခတ်မှုကြောင့် နမ့်ခုမ်းကျေးရွာအတွင်း လက်နက်ကြီးကျရောက်ပြီး အမျိုးသမီးတစ်ဦးနဲ့ ကလေးတစ်ဦး သေဆုံးခဲ့ကြောင်း TNLA က သတင်းထုတ်ပြန်ထားပါတယ်။

RFA Burmese
https://www.facebook.com/rfaburmese



မြောက်ပိုင်းမဟာမိတ်တပ်ဖွဲ့ဝင်များ
မြောက်ပိုင်းမဟာမိတ်တိုင်းရင်းသားတပ်ဖွဲ့တွေကနေ ရှမ်းပြည်နယ်မြောက်ပိုင်း ကွတ်ခိုင်မြို့နယ်က မြန်မာ့တပ်မတော် အခြေစိုက်စခန်းနှစ်ခု နဲ့ ပြည်ထောင်စု လမ်းမပေါ်က တပ်ဖွဲ့နှစ်ခုကို ဒီကနေ့မနက်မှာ တပြိုင်နက်ထဲပစ်မှတ်ထား တိုက်ခိုက် ခဲ့တယ်လို့ တိုင်းရင်းသားတပ်ဖွဲ့ ခေါင်းဆောင်တွေကပြောပါတယ်။ တပ်မတော်ကနေ တိုင်းရင်းသားဒေသအတွင်းပိုင်းမှာ ထိုးစစ်ဆင်နေတဲ့အတွက် အခုလိုမြို့ကြီးဘက်တွေမှာ ပစ်မှတ်ထားတိုက်ခိုက်ခဲ့တယ်လို့လည်း တိုင်းရင်းသားလက်နက်ကိုင် အဖွဲ့တွေကပြောပါတယ်။ ဒီတိုက်ခိုက်မှုမှာ အရပ်သားနှစ်ဦးထိခိုက်ဒဏ်ရာရရှိခဲ့သလို အခု မြို့တွင်းတွေမှာပါ တိုက်ပွဲဖြစ် လာနေတဲ့အပေါ် ဒေသခံတွေ စိုးရိမ်နေရတဲ့အခြေအနေမှာရှိနေပါတယ်။ ဗွီအိုအေထိုင်းအခြေစိုက်သတင်းထောက် နိုင်ကွန်းအိန် ကနေသတင်းပေးပို့ထားပါတယ်။

ရှမ်းပြည်နယ်မြောက်ပိုင်းကွတ်ခိုင်မြို့နယ်အတွင်း မြန်မာ့တပ်မတော်အခြေစိုက်တပ်စခန်းနှစ်ခုနဲ့ ပြည်ထောင်စုလမ်းမ ပေါ်မှာရှိတဲ့မြန်မာ့တပ်မတော်အဖွဲ့တွေကို မြောက်ပိုင်းမဟာမိတ် တပ်ဖွဲ့တွေကနေ ဒီကနေ့မနက်မှာဝင်ရောက် တိုက် ခိုက် ခဲ့တာပါ။

ဒီမနက်မှာတိုက်ပွဲ(၄)နေရာဖြစ်ခဲ့ပြီး အခုလိုမြို့ကြီးတွေမှာရှိတဲ့တပ်မတော်စခန်း တွေကို တိုက်ခိုက်ရတဲ့အကြောင်း အရင်း ကိုတော့ မြောက်ပိုင်းမဟာမိတ်ပြောခွင့်ရ TNLAတအာင်းပလောင်တပ်ဖွဲ့ပြန်ကြားရေးအရာရှိ ဗိုလ်မှူးတာအိုက်ကျော်က အခုလိုပြောပါတယ်။

“ဒီနေ့က တိုက်ပွဲ ၄ နေရာဖြစ်တယ်။ ဒီ နမ့်ဖက်ကာ ဘက်မှာလည်းဖြစ်တယ်၊ ကွတ်ခိုင်ဘက်မှာ လည်းဖြစ်တယ်။ ကွတ်ခိုင်နဲ့ နမ့်ဖက်ကာ ကြားက နမ်းဖတ်လွန်းရွာနဲ့ ရှုခင်းသာနေရာတွေမှာလည်း ဖြစ်တယ်။ အဓိက တိုက်ပွဲဖြစ်ရဲ့ အကြောင်းအရင်းကတော့ ကျနော်တို့ လှုပ်ရှားနေတဲ့လမ်းတွေမှာ မြန်မာ့တပ်မတော်က ထိုးစစ်တွေတက်လာတယ်။ အဲဒါကြောင့်မို့လို့ ကျနော်တို့အတွင်းပိုင်းမှာ တိုက်ပွဲတွေမဖြစ်အောင်၊ လူထုတွေ မထိအောင်ဆိုပြီးမှ လမ်းမပေါ်ပြန်ပြီးတိုက်တာ။”

တပ်မတော်ကနေ တိုင်းရင်းသားဒေသအတွင်းပိုင်းမှာ ထိုးစစ်ဆင်နေတဲ့ အတွက် ဒေသခံတွေထိခိုက်မှု မရှိအောင် မြို့ကြီး တွေမှာရှိတဲ့ တပ်မတော်တပ်စခန်းတွေကိုတိုက်ခိုက်တယ်လို့သူကပြောပါတယ်။ ဒီမနက်မှာ နမ့်ဖက်ကာတပ်စခန်း၊ ကွတ်ခိုင်တပ်စခန်း မူဆယ်လမ်းမပေါ်က နမ်းဖတ်လွန်းနဲ့ ရှုခင်းသာနေရာတွေမှာ တိုက်ပွဲဖြစ်ပွါးခဲ့တာပါ။တိုက်ပွဲအတွင်းထိခိုက်မှုတွေကိုအတည်မပြုနိုင်ဘူးလို့ ဗိုလ်မှုးတာအိုက်ကျော်ကပြောပါတယ်။

နမ့်ဖက်ကာ ရဲစခန်း အရှေ့ဖက် တောင်ကုန်းမှာ တပ်စွဲထားတဲ့ တပ်မတော်စခန်းတစ်ခုကို မြောက်ပိုင်းမဟာမိတ်တပ်တွေ ကနေ နံနက် ၅နာရီဝန်းကျင်မှာစတင်တိုက်ခိုက်ခဲ့ပြီး အပြန်အလှန်ပစ်ခတ်မှုတွေဖြစ်ပွါးခဲ့ပါတယ်။

ဒီပစ်ခတ်မှုအတွင်း အရပ်သားနှစ်ဦးထိခိုက်ဒဏ်ရာရရှိပြီး တဦးကို မူဆယ်ဆေးရုံမှာဆေးကုသမှု ခံနေရတယ်လို့ မူဆယ် မြို့မရဲစခန်းက ဒုရဲမှူး အေးမြင့်ကပြောပါတယ်။

“မနက်က ထိတွေ့မှုဖြစ်တဲ့ ဖြစ်စဉ် ၂ နေရာစလုံးက နမ့်ဖက်ကာစခန်းနဲ့ ကွတ်ခိုင်စခန်း ၂ နေရာစလုံးအပိုင်ခင်ဗျ။ ဒီ နမ့်ဖက်ကာနားက တိုက်ပွဲဖြစ်စဉ်မှာတော့ အရပ်သားအမျိုးသမီးတယောက် ထိခိုက် ဒဏ်ရာရလို့ မူဆယ်ဆေးရုံပို့လိုက်တယ်လို့ပြောတယ်။ တိုက်ပွဲကတော့ မနက် ၇ နာရီလောက် က ပြီးသွားတယ်လို့ပြောတယ်။”

ဒါ့အပြင် ကွတ်ခိုင်မြို့ထဲက မြန်မာတပ်မတော်(၂၄၂)တပ်ရင်းကို မဟာမိတ်တပ်တွေ ၀င်တိုက်တဲ့ အခြေအနေကိုတော့ ကွတ်ခိုင်မြို့ခံ NLD ပါတီက ဦးစိုင်းသိန်းမောင်ကအခုလိုပြောပါတယ်။

“မနက်ကလည်း ကွတ်ခိုင်ပတ်ဝန်းကျင်မှာလည်း အသံတွေအကုန်ကြားနေရတယ်။ ဆူညံနေတာပဲ နာရီဝက်၊ ၁ နာရီနီးပါးလောက်ပဲရှိတယ်။”

ဒီလိုဖြစ်ပွါးတဲ့တိုက်ပွဲနဲ့ပက်သက်ပြီးမြန်မာ့တပ်မတော်ဘက်က သတင်းထုတ်ပြန်တာမရှိသေးသလို တပ်မတော် ဘက်က အခြေအနေသိနိုင်ဖို့ ကာကွယ်ရေးဝန်ကြီးဌာန သတင်းထုတ်ပြန်ရေး အဖွဲ့ကိုကြိုးစားဆက်သွယ်ခဲ့ပေမယ့် ဖြေကြားခြင်း မရှိခဲ့ပါဘူး။

ယခင်ကာလတွေတုန်းက တောတွင်းဘက်မှာသာတိုက်ပွဲဖြစ်လေ့ဖြစ်ထရှိပေမယ့် အခုဆိုမြို့တွင်း တွေမှာပါ တိုက်ပွဲဖြစ်လာ နေတဲ့အပေါ်ဒေသခံတွေစိုးရိမ်နေရတယ်လို့ ဦးစိုင်းသိန်းမောင်က ပြောပါတယ်။

“လက်နက်ကြီးက အပြန်အလှန်ပစ်တဲ့အခါမှာ ဒီဘက်က ပစ်လို့ရှိရင်လည်း ရွာဘက်ကိုက စိုးရိမ်ရတယ်လေ။ ဟိုဘက်က ပစ်လို့ရှိရင်လည်း မြို့ဘက်ကိုက စိုးရိမ်ရတယ် အဲလို ဖြစ်နေတာ။”

ဒါ့အပြင် တောင်ပိုင်းရှမ်းပြည်တပ်မတော်RCSS/SSAနဲ့ စစ်ရေးပဋိပက္ခဖြစ်ပွါးနေဆဲဖြစ်တဲ့ TNLA တအာင်းပလောင်တပ်ဖွဲ့ ကနေ မတ်လ(၁၂)ရက်နေ့မှာရှမ်းပြည်နမ္မတူမြို့နယ်က မိုင်းတက်ရွာ၊ နောင်စန့်ရွာ၊ မောတောဝ်ရွာ၊ မောနွဲ့ရွာက ရှမ်းရွာ သား(၉၀)ခန့်ကို ဖမ်းဆီးခေါ်ဆောင်သွားခဲ့ရာမှာ ဒီကနေ့မှာပြန်လည်လွတ်မြောက်လာပြီးလို့ မိုင်းတက်ရွာအုပ်ချုပ် ရေးမှူး ဦးကောလိယက ပြောပါတယ်။

တအာင်းတပ်မတော်အနေနဲ့ကတော့ ဒေသတည်ငြိမ်ရေးနဲ့ လွပ်လပ်စွာ သွားလာရောင်းဝယ်နိုင်ရေး၊ ဒေသလုံခြုံရေး အတွက် တအန်းတပ်မတော်နဲ့အတူ ပူးပေါင်းဆောင်ရွက်ပေးဖို့ကိစ္စတွေကိုအဓိက ထားပြီး ဆွေးနွေးဖို့ခေါ်ဆောင် တာဖြစ်ပြီး ဒီကနေ့မှာ နေရပ်ကိုပြန်လည်ပို့ဆောင်ခဲ့ပြီးလို့ TNLAဘက်ကသတင်းထုတ်ပြန်ထားပါတယ်။

ရှမ်းပြည်နယ်မြောက်ပိုင်းဒေသမှာ မြန်မာ့တပ်မတော်နဲ့ မြောက်ပိုင်းမဟာမိတ်တပ်ဖွဲ့ခေါ် KIOကချင်လွတ်လပ်ရေးအဖွဲ့ တအာင်းပလောင်တပ်ဖွဲ့ ကိုးကန့်တပ်ဖွဲ့တွေ နဲ့တိုက်ပွဲတွေ ရက်ဆက်ဆိုသလိုဖြစ်ပွါးနေပါတယ်။

တိုက်ပွဲဖြစ်ပွါးနေမှုကြောင့် ကိုးကန်ကဒေသဘက်မှာ သောင်း နဲ့ချီတဲ့စစ်ဘေးရှောင်တွေ ဟာ တရုတ်နိုင်ငံနဲ့ လားရှိုးမြို့ ဘက်မှာ စစ်ဘေးတိမ်းရှောင်နေရသလို တိုက်ပွဲအတွင်း ထိခိုက်သေဆုံးမူ တွေလဲဖြစ်ပွါးခဲ့ပါတယ်။

တိုင်းရင်းသားလက်နက်ကိုင်အဖွဲ့တွေအနေနဲ့အရင်ကဆို တောတွင်းဒေသဘက် မှာတာမြန်မာ့တပ်မတော်နဲ့ ရင်ဆိုင် တိုက်ခိုက်လာတာရှိပေမဲ့ လက်ရှိအချိန်မှာမြို့တွင်းဘက်ကို ဦးတည်တိုက်ခိုက်လာတဲ့အနေအထားမျိုးရှိလာပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)
http://burmese.voanews.com


၂၀၁၇ ခုနှစ် မတ်လ ၁၄ ရက်၊ ပြည်သူ့လွှတ်တော် အစည်းအဝေးမှာ မွန်ပြည်နယ် မော်လမြိုင်မြို့နှင့် ချောင်းဆုံမြို့နယ်တို့အကြား သံလွင်မြစ်အပေါ် ထိုးထားသည့် တံတား အမည်အား အမျိုးသားခေါင်းဆောင်ကြီး ဗိုလ်ချုပ်အောင်ဆန်းဇ။် အမည်နာမဖြင့် ဂုဏ်ပြု သတ်မှတ်ပေးပါရန် ပြည်ထောင်စု အစိုးရအား တိုက်တွန်းသည့် အဆိုကို ကိုယ်စားလှယ်များ ဆွေးနွေးခဲ့ကြပြီးနောက် မဲခွဲ အတည်ပြုပေးခဲ့ပါတယ်။


 အဆိုကို ပြည်သူ့လွှတ်တော် ကိုယ်စားလှယ် ၁၆ ဦးဆွေးနွေး ခဲ့တဲ့အနက် ကိုယ်စားလှယ် နှစ်ယောက်က ကန့်ကွက် ဆွေးနွေးခဲ့ကြပါတယ်။ အဆိုနဲ့ ပတ်သက်ပြီး ဆောက်လုပ်ရေးဝန်ကြီးဌာန ပြည်ထောင်စု ၀န်ကြီး ဦးဝင်းခိုင်ကလည်း ထောက်ခံ ဆွေးနွေးခဲ့ပါတယ်။

 အဆိုကို အတည်ပြုဖို့ လွှတ်တော် ဥက္ကဌက မေးမြန်းရာမှာတော့ ကန့်ကွက်သူ ရှိတဲ့အတွက် စက်ခလုတ်နှိပ် မဲခွဲရာမှာ ထောက်ခံသူ ၂၁၇ မဲ၊ ကန့်ကွက်သူ ၄၃ မဲနဲ့ ကြားနေမဲ ၁၁၆ မဲ ရှိတဲ့အတွက် အဆိုကို အတည်ပြုပေးခဲ့ပါတယ်။ သတင်းအပြည့်အစုံကို ပြည်တွင်းသတင်းတွေမှာ ဆက်ပြီး တင်ပြပေးသွားပါဦးမယ်။ ဒီသတင်းကို လွှတ်တော်ချယ်နယ်က မင်းဇင် ပေးပို့ထားတာပါ။

Central News Bureau
https://www.facebook.com/skynetcnb


ရန်ကုန် ၊ ၁၄-၃-၂၀၁၇

ယာဉ်လိုင်းတချို့တွင် ယာဉ်စီးခ မှန်မှန်ကန်ကန် မပေးဘဲ စီးနင်းနေသည့် ခရီးသည် တချို့ရှိနေရာ CCTV ဖြင့် မှတ်တမ်းတင်ပြီး မီဒီယာတွင် ဖော်ပြမည် ဖြစ်ကြောင်း ရန်ကုန်မြို့ပြ အများပြည်သူ သယ်ယူ ပို့ဆောင်ရေး ကုမ္ပဏီ (YUPT) မှ သိရသည်။

ရန်ကုန်မြို့ပြ အများပြည်သူ သယ်ယူ ပို့ဆောင်ရေးကုမ္ပဏီ (YUPT)သည် ယာဉ်နောက်လိုက် မပါဘဲ ယာဉ်မောင်း တစ်ဦးတည်းသာ ပါရှိသည့်အတွက် ငွေပုံး (Cash Box) များ ထားရှိထားရာ ငွေပုံးများကို ရေတွက်စဉ် ငွေစက္ကူမဟုတ်သည့် စက္ကူအပြဲများနှင့် သုံးစွဲမရသည့် ငွေစက္ကူများ တွေ့ရှိရကြောင်း သိရသည်။

ထို့ပြင် ယာဉ်များပေါ်တွင် CCTV ငါးလုံး တပ်ဆင်ထားရာ ယာဉ်စီးခကို မှန်မှန်ကန်ကန် ငွေပုံးထဲသို့ ထည့်မစီးသည့် ခရီးသွားပြည်သူ များအား CCTV ၌ မှတ်တမ်းတင် ထားမည်ဖြစ်ပြီး မီဒီယာတွင် ဖော်ပြ သွားမည် ဖြစ်သည်။

''လောလောဆယ် ဘာမှအရေးယူ ဆောင်ရွက်ခြင်း မရှိသေးပါဘူး။ ဝန်ထမ်း တစ်ဦးလိုက်ပြီး ငွေအကြွေတွေ လဲပေးနေ ပါတယ်''ဟု ရန်ကုန်မြို့ပြ အများပြည်သူ သယ်ယူပို့ဆောင်ရေး ကုမ္ပဏီ (YUPT) မှ မန်နေဂျာ ဦးလှဌေး ကပြောသည်။

ထို့ပြင် ခရီးသွားပြည်သူများ အနေဖြင့် ပြည်သူမှ ပြည်သူသို့ ထိန်းကျောင်းသည့် စနစ်ဖြင့် ဆောင်ရွက်ပေး သွားပါရန် မေတ္တာ ရပ်ခံကြောင်းနှင့် YUPT မှ စီစဉ်ဆောင်ရွက် သည့် ဝါစိမ်းနီ ယာဉ်လိုင်းများတွင် Cash Box စနစ်ဖြင့် ဆောင်ရွက်နေသည့် ယာဉ်လိုင်းသုံးလိုင်း ရှိပြီး ၃၆ ယာဉ်လိုင်းတွင် ယာဉ်အစီးရေ ၃၈ စီး၊ ၂၈ ယာဉ်လိုင်းတွင် ယာဉ်အစီးရေ ၃ဝ၊ ၅၈ ယာဉ်လိုင်းတွင် ယာဉ်အစီးရေ ၃၅ စီးဖြင့် ပြေးဆွဲနေကြောင်း သိရသည်။

The Myawady Daily
https://www.facebook.com/TheMyawadyDaily/



ဝမ်ပေါင်ကုမ္ပဏီရဲ့ ကျောက်သယ်ယာဉ်တွေကို ပုသိမ်-မုံရွာလမ်းကနေ ဖြတ်သန်းခွင့်မပြုဖို့ လက်ပံတောင်းဒေသခံတွေ မတ်လ ၁၄ ရက်နေ့က တားမြစ်တောင်းဆိုကြစဉ်။ Photo: Soe Lin Oo
လက်ပံတောင်းတောင်ကြေးနီစီမံကိန်းကို အကောင်အထည်ဖော်နေတဲ့ ၀မ်ပေါင်ကုမ္ပဏီရဲ့ ကျောက်သယ်ယာဉ်တွေ ကို ပုသိမ်-မုံရွာလမ်းကနေ ဖြတ်သန်းခွင့်မပြုဖို့ ဒေသခံ ၂၀၀ လောက်က ဒီနေ့ ယာဉ်တွေကို တားမြစ်ပြီး တောင်း ဆိုနေပါတယ်။

ကျောက်ကားတွေ အမြန်မောင်းတာကြောင့် ဒေသခံတွေရဲ့ ဆိုင်ကယ်ကို တိုက်မိတာတွေ၊ နွားတွေကို တိုက်မိ တာတွေရှိခဲ့တာကြောင့် ဖြတ်သန်းခွင့်မပေးတာဖြစ်တယ်လို့ မိုးကြိုးပြင် အလယ်ရွာက ဒေသခံ ကိုလပြည့် က ပြောပါတယ်။

"တနေ့ကို ကျောက်ကားအစီးရေ ၈၀၀ နဲ့ တစ်ထောင်ကြား ဖြတ်သွားဖြတ်လာလုပ်နေတဲ့အခါ ဒီကဒေသခံတွေ သွားရတဲ့အခါကျတော့ ခရီးသွားပြည်သူတွေ ဆိုင်ကယ်တွေနဲ့ သွားလာကြတော့ အန္တရာယ်များတယ် လွန်ခဲ့တဲ့ ၂ ရက် ၃ ရက်ကလည်း ဆိုင်ကယ်နဲ့ ကျောက်ကားနဲ့ တိုက်မိမလို ဖြစ် တယ်ပေါ့။ နွားတွေဘာတွေကို တိုက်မိတာလည်း ဖြစ်ခဲ့ဖူးတယ်လေ။ ကျောက်ကားတွေကို မဆင် မခြင် မောင်းနှင်နေတဲ့အတွက် လမ်းကလည်း ကျဉ်းတယ်။ ပြီးတော့ ကျောက်ကားတွေက တနေ့ကို အစီးရေ ၈၀၀ နဲ့ ၁၀၀၀ ကြား သွားလာနေတဲ့အတွက် ဒေသခံတွေက အသက်အန္တရာယ်တွေ စိုးရိမ်လာရတယ်။ အသက်အန္တရာယ်ကို ကြောက်ပြီးတော့ ကြောက်ရွံ့စွာနဲ့ သွားလာနေရတဲ့ အတွက် ကျောက်ကားတွေကို တားတာပါ။"

စစ်ကိုင်းတိုင်းဒေသကြီး ဆားလင်းကြီးမြို့နယ်မှာ လက်ပံတောင်းကြေးနီစီမံကိန်းထံ ကျောက်တွေ ပို့ဆောင်နေတဲ့ ယာဉ်တွေကို မိုးကြိုးပြင်တောင်ရွာ၊ မိုးကြိုးပြင် အလယ်ရွာနဲ့ မိုးကြိုးပြင် မြောက်ရွာက ဒေသခံ ၂၀၀ လောက် ဟာ ဖြတ်သန်းခွင့်မပေးဘဲ ပုသိမ်- မုံရွာလမ်းပေါ်က မိုးကြိုးပြင်တောင်ရွာထိပ်မှာ တားမြစ်ထားတာဖြစ်ပါတယ်။

ဒီနေ့မနက်ကပြီး ကျောက်သယ်ယာဉ်တွေကို တားဆီးထားတာကြောင့် အစီးရေ ၃၀၀ ကျော်လောက် ရပ်တန့်ထားရတယ်လို့ သိရပါတယ်။

RFA Burmese
http://www.rfa.org/burmese



လောက်ကိုင်မြို့
တရုတ်-မြန်မာ နှစ်နိုင်ငံ နယ်စပ်အနီးမှာ ကိုးကန့်တပ်နဲ့ မြန်မာအစိုးရတပ်တို့ကြား တိုက်ပွဲတွေကြောင့် တရုတ်နိုင်ငံသား အချို့ ထိခိုက်ဒဏ်ရာရမှု အပေါ် မြန်မာအစိုးရဘက်က တုန့်ပြန်ချက် နဲ့ အတူ နှစ်နိုင်ငံ နယ်စပ်မှာဖြစ်နေတဲ့ တိုက်ပွဲတွေအရေး တရုတ်-မြန်မာ နှစ်နိုင်ငံ ပူးပေါင်းဆောင်ရွက်ဖို့ပြင်ဆင်နေတာတွေ အခက်အခဲ စိန်ခေါ်ချက်တွေကို မြန်မာသမ္မတရုံးပြောခွင့်ရ ဦးဇော်ဌေးကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းထားတာ နားဆင်ပါ။

မဆုမွန်။ ။ ဒီလိုနယ်စပ်တိုက်ပွဲကြောင့်မို့လို့ တရုတ်နိုင်ငံထဲမှာ ရှိတဲ့ တရုတ်နိုင်ငံသားတွေ ထိခိုက်ဒဏ်ရာရတာမျိုး နဲ့ပတ်သက်ပြီးတော့ မြန်မာအစိုးရဘက်က ဘယ်လိုများ သဘောထားရှိပါလဲရှင့်။

ဦးဇော်ဌေး ။ ။တိုက်ပွဲဖြစ်တဲ့အခါမှာ နယ်စပ်ဒေသကို ခြေကုတ်ယူပြီးတော့ လှုပ်ရှား ဆောင်ရွက်တာဖြစ်တယ်။ ဒီလိုမျိုး လက်နက်ကိုင် ပဋိပက္ခ ဖြစ်လာတဲ့အချိန်မှာ ၂ ဘက် ပြောတာဆိုတာတွေရှိတယ်။ ဥပမာ- တရုတ်နယ်ဘက်အခြမ်းက လက်နက်ကိုင်တွေက လက်နက်တွေနဲ့ မြန်မာဘက်ကို လှမ်းပစ်တယ်ဆိုပြီးတော့ ပြောတာတွေရှိတယ်။ အဲဒီဘက်မှာလည်း ဒီဘက်ကနေ ပစ်တာက ဟိုဘက်ကိုကျတယ်ဆိုတဲ့ ဥပမာ တချို့နေရာတွေမှာ ကျတယ်၊ လူ ထိခိုက်မှုမရှိဘူး။ တချို့လူထိခိုက်မှုရှိတယ်။ ဆိုပြီးတော့ ပြောတာတွေရှိတယ်။ ရှိတော့ အဲဒီ ၂ ဖက်တပ်မတော်အောက်ခြေမှာ ကျတော်တို့က ဘာလုပ်နေသလဲဆိုတော့ ဒီဘက်ကလည်း ပစ်တဲ့အခါမှာ ဟိုဘက်က လက်နက်ကြီးတွေနဲ့ ပစ်တယ်၊ ဒီဘက်က တန်ပြန်ပစ်ရတာဆိုတာမျိုးဖြစ်တဲ့ အခါကျတော့ ကျနော်တို့တွေ့ရတယ်။

လက်နက်ကြီးတွေနဲ့ ပစ်တဲ့အခါမှာ သူတို့ ဦးတည်ချက် ၊ နောက်သူတို့ ပစ်မှတ်အနေအထား ။ ပစ်လိုက်တဲ့လက်နက်ရဲ့ ထိရောက်မှုအကွာအဝေးကို ၊ နောက်ပြီးတော့ ပစ်တဲ့ ပစ်မျဉ်းပေါ့နော် ဘယ်အရပ်မျက်နှာကနေ ဘယ်အရပ်ကိုပစ်တယ်ဆိုတာတွေ နဲ့ ချိန်ဆတဲ့အခါမှာ ဒီဘက်ကလည်းမဟုတ်ဘူးပေါ့နော် ၊ မဟုတ်သော်လည်း ကျနော်တို့က ပြန်စိစစ်တယ်။ ပြီးတော့ တရုတ်နိုင်ငံဘက်ခြမ်းကို လုံးဝမကျအောင် ဆောင်ရွက်ဖို့ဆိုပြီးတော့ သက်ဆိုင်ရာတိုင်း ၊ တပ်မ တွေကို ညွှန်ကြားထားတာရှိပါတယ်။ အဲဒီတော့ ဟိုဘက်ကလည်း အဲလိုပစ်တဲ့ဟာတွေက ၂၀၁၅ တုန်းက ဖြစ်စဉ်မှာလည်း လက်နက်ကိုင်အဖွဲ့တွေက ၂ နိုင်ငံ နားလည်မှုလွဲမှားအောင် ဆက်ဆံရေး ပျက်ပြားအောင် ၂ နိုင်ငံ တပ်မတော်တွေကြားမှာ သံသယတွေနဲ့ တင်းမာမှုဖြစ်လာအောင် ဖန်တီးတယ်ဆိုတဲ့ ယူဆချက်ရှိတယ် အကောင်းဆုံးကတော့ ကျနော်တို့ ၂ နိုင်ငံကြားမှာ G to G သာမက တပ်မတော် အချင်းချင်းကြားမှာ ပါ ညှိနှိုင်းဆောင်ရွက်မှုတွေ လုပ်တာ ပိုမိုပြီး ကောင်းမွန်မယ်ဆိုတဲ့ အတွက် ကျနော်တို့ လုပ်နေတာဖြစ်ပါတယ်။

မဆုမွန်။ ။ အခုလို မြန်မာပြည်ဘက်ခြမ်းမှာ ဖြစ်နေတဲ့ကိစ္စနဲ့ပတ်သက်ပြီး တရုတ်အစိုးရဘက်က မြန်မာပြည် အရေး နှစ်နိုင်ငံ ဘယ်လိုမျိုး ပူးပေါင်းဆောင်ရွက်ဖို့ရှိပါလဲရှင့်။ ဒီပြေလည်နိုင်ရေးအတွက်ပေါ့။

ဦးဇော်ဌေး။ ။အဓိကတော့ နယ်စပ်ဒေသ ပေါ့ မြန်မာ-တရုတ် နယ်စပ်ဒေသ က အခုပြန်ကြည့်လိုက်ရင် NCA လက်မှတ်မထိုးပဲ နဲ့ လက်နက်ကိုင်ပြီးတော့ တိုက်ပွဲဖန်တီးနေတဲ့အဖွဲ့တွေကမြန်မာ-တရုတ် နယ်စပ်မှာ အဓိက အခြေပြုနေတာဖြစ်ပါတယ်။ မတည်ငြိမ်မှုတွေဖြစ်လာလေ၊ တိုက်ပွဲတွေဖြစ်လာတဲ့အခါမှာ ဒေသခံပြည်သူတွေ ဒုက္ခရောက်ကြပါတယ်။ ဒုက္ခရောက်ကြတဲ့အပြင်အရေးကြီးတာက မူးယစ်ဆေးဝါးပြဿနာရှိတယ်။ ဒီလက်နက်ကိုင်အဖွဲ့တွေ တည်ရှိရာနေရာတွေမှာ မူးယစ်ဆေးဝါးထုတ်လုပ်မှုတွေ၊ အဲဒီကနေ ကူးသန်းရောင်းဝယ်မှုတွေဖြစ်ပေါ်လာတယ်ဆိုတဲ့ ယူဆချက်တွေလည်း ရှိပါတယ်။

အဲဒီတော့ မြန်မာနိုင်ငံ-တရုတ်နိုင်ငံသာမက တကမ္ဘာလုံးအတွက် အထူးသဖြင့် အန္တရာယ်ကြီးလှတဲ့ မူးယစ်ဆေးဝါး ပြဿနာပေါ့ ဒါတွေ ထွက်ရှိတယ်ဆိုတဲ့ဟာတွေဖြစ်လာတယ်။ တဘက်မှာလည်း လက်နက်ကိုင်တပ်ဖွဲ့တွေ ကြီးစိုးတဲ့ နယ်မြေတွေမှာ ဘိန်းစိုက်ပျိုးမှုတွေ ဆက်လက်ပြီးတော့ ရှင်သန်နေတာတွေတွေ့ရတယ်။ ကျနော်တို့ ဥပဒေစိုးမိုးမှုမရှိဘူး၊ အုပ်ချုပ်မှု အားနည်းတယ် ဒီအချိန်မှာ လက်နက်ကိုင်တပ်ဖွဲ့တွေ ကြီးစိုးတဲ့ နယ်မြေတွေမှာ မူးယစ်ဆေးဝါးအန္တရာယ်ကြီးမားစွာ ဖြစ်ပေါ်နေတယ်။ နောက်တချက်ကတော့ ၂ နိုင်ငံ နယ်စပ်ဒေသ တည်ငြိမ်ရေးနဲ့ လုံခြုံရေး အထူးသဖြင့် ဒီ နယ်စပ်ဒေသ တည်ငြိမ်ရေးနဲ့ လုံခြုံရေးမရှိတဲ့အခါမှာ ၂ နိုင်ငံ ကုန်သွယ်မှု ကူးသန်းသွားလာမှု စသည်ဖြင့် အဘက်ဘက်မှာ ကျနော်တို့ အဟန့်အတားတွေဖြစ်စေပါတယ်။

ဒီအတွက် ၂ နိုင်ငံ အစိုးရတွေဦးဆောင်ပြီးတော့ ဘာတွေလုပ်ထားသလဲဆိုရင် Two-plus-Two တွေလုပ်ထားပါတယ်။ Two-plus-Two ဆိုတာ ၂ နိုင်ငံ နိုင်ငံခြားရေးဝန်ကြီးဌာနတွေပါတယ်။ ၂ နိုင်ငံ တပ်မတော်ဘက်က ကိုယ်စားလှယ်တွေပါတယ် Two-plus-Two meeting တွေကို မြန်မာမှာ ကျင်းပပြုလုပ်သလို တရုတ်မှာလည်း အလှည့်ကျ ကျင်းပပြုလုပ်သွားမယ်ဆိုပြီးတော့ ကျနော်တို့လုပ်ခဲ့တာ အစည်းအဝေး ၂ ကြိမ်ရှိပြီဖြစ်ပါတယ်။ ဒါကြောင့် ကျနော်တို့ပြန်ကြည့်လိုက်ရင် အခုဆိုရင် ကျနော်တို့ ထိုင်း၊ လာအို ဒီလို နယ်နိမိတ်ထိစပ်နေတဲ့ နိုင်ငံတွေကြည့်လိုက် ၊ အဲဒီနိုင်ငံတွေမှာဆိုရင် အဆင့်ဆင့် ပူးပေါင်းဆောင်ရွက်မှု ယန္တယားတွေရှိတယ်၊ ကော်မတီတွေရှိပါတယ်။ အလားတူ ဘင်္ဂလားဒေ့် ၊ အိန္ဒိယဘက်မှာလည်းရှိပါတယ်။ မရှိတာက တရုတ်နိုင်ငံဘက်ဖြစ်နေတယ် ဘာကြောင့်လဲဆိုတော့ လက်နက်ကိုင်ထိန်းချုပ်ရာနယ်မြေတွေ ဖြစ်နေတယ် အဲဒီတော့ ဒီဟာတွေကို ကျော်လွားနိုင်ဖို့ဆိုရင် ပြည်ထောင်စုအဆင့် နိုင်ငံခြားရေးဝန်ကြီးနဲ့ ကာကွယ်ရေး တပ်မတော်ဘက်ကလူတွေ ပူးပေါင်းပါဝင်လုပ်မှ ရမယ်ဆိုတဲ့ ၂ နိုင်ငံ ရည်မှန်းချက်နဲ့ ဆောင်ရွက်နေတာဖြစ်ပါတယ် အခုကတော့ လက်တလော အရေးပေါ်ဖြစ်လာတဲ့အတွက် ၂ နိုင်ငံ သံရုံးတွေကတဆင့် ပူးပေါင်းဆောင်ရွက်မှုတွေ လုပ်နေတာဖြစ်ပါတယ်။”

အထူးသဖြင့်ကတော့ ဒီတိုက်ပွဲတွေကြောင့် ထိခိုက်ဆုံးရှုံးရတဲ့ တရုတ်-မြန်မာ နှစ်နိုင်ငံနယ်စပ် ကုန်သွယ်စီးပွားဆက်ဆံရေး၊ နယ်စပ်လုံခြုံရေး တရုတ်စစ်တပ်နဲ့ မြန်မာစစ်တပ်တို့ကြား ပူးပေါင်းဆောင်ရွက်နိုင်ဖို့ လတ်တလော အနေအထားတွေ ဘိန်းစိုက်ပျိုးမှုနဲ့ မူးယစ်ဆေးဝါးပြသနာနဲ့ပတ်သက်လို့ နှစ်နိုင်ငံပူးပေါင်းဆောင်ရွက်နိုင်ရေး အရှိန်မြင့်လုပ်ဆောင်နိုင်ဖို့ ပူးပေါင်းဆောင်ရွက်နေတဲ့ အကြောင်းကို မြန်မာအစိုးရပြောခွင့်ရ သမ္မတရုံး ဒုတိယညွှန်ကြားရေးမှူးချုပ်ဦးဇော်ဌေးက ပြောပြခဲ့တာဖြစ်ပါတယ်။

မဆုမွန်  / ဗွီအိုအေ (မြန်မာပိုင်း)
http://burmese.voanews.com


ရန်ကုန် မတ် ၁၄

ရှမ်းပြည်နယ်(မြောက်ပိုင်း)တွင် ဖြစ်ပွားနေသောတိုက်ပွဲများကြောင့် မြန်မာ-တရုတ်နယ်စပ်ကုန်သွယ်မှု ပမာဏမှာပုံမှန်အောက်သို့လျော့ ကျလျက်ရှိကြောင်းဆင်ဟွာသတင်း ဌာနက ဖော်ပြသည်။

ယခုလ ၆ ရက်မှ စတင်ကာ ကိုးကန့်ဒေသအတွင်းရှိလောက်ကိုင် မြို့အပါအဝင် အခြားဒေသများ အား ကိုးကန့်လက်နက်ကိုင်အဖွဲ့ များက ဝင်ရောက်တိုက်ခိုက်ခဲ့ပြီး နောက်တွင်နယ်စပ်ကုန်သွယ်မှုအခြေ အနေမှာ အကျပ်အတည်းများပေါ် ထွက်လာခဲ့ကြောင်း နယ်စပ်ကုန် သွယ်ရေးစခန်းများက အတည်ပြု ခဲ့သည်။တိုက်ပွဲများဖြစ်ပွားနေသည့် နေရာများသည် မြန်မာ-တရုတ် ကုန်သွယ်မှုကဏ္ဍတွင် ကုန်သွယ်မှု အများဆုံးပြုလုပ်သည့်ကုန်သွယ် ရေးစခန်းဖြစ်သောမူဆယ်နှင့်နီးကပ် သည့်အနေအထားတွင် ရှိနေသော ကြောင့် နယ်စပ်ကုန်သွယ်မှုကဏ္ဍ ကို ထိခိုက်မှုများဖြစ်ပေါ်စေခြင်း ဖြစ်သည်။ ကိုးကန့်လက်နက်ကိုင် အဖွဲ့များနှင့်မြောက်ပိုင်းမဟာမိတ် ဟု အမည်ပေးထားသောအဖွဲ့များ သည် ယခုနှစ်ဆန်းပိုင်းကလည်း မူဆယ်ကုန်သွယ်ရေးဇုန်ကိုဝင်ရောက် တိုက်ခိုက်မှုများ ပြုလုပ်ခဲ့ဖူးသည်။

လက်ရှိအချိန်တွင်ဖြစ်ပွားလျက် ရှိသောတိုက်ပွဲများကြောင့် မြန်မာ- တရုတ်နယ်စပ်ကုန်သွယ်ရေးစခန်း တစ်ခုဖြစ်သော ချင်းရွှေဟော်တွင် လည်းကုန်သွယ်မှုအခြေအနေမှာ လျော့ကျလျက်ရှိကြောင်း စီးပွား ရေးနှင့်ကူးသန်းရောင်းဝယ်ရေးဝန် ကြီးဌာနကသတင်းထုတ်ပြန်သည်။ ချင်းရွှေဟော်နယ်စပ်ကုန်သွယ်ရေး စခန်းတွင် ယခုဘဏ္ဍာနှစ်ဖေဖော် ဝါရီ ၁၇ ရက်အထိ ပြုလုပ်ခဲ့သော ကုန်သွယ်မှုပမာဏမှာ အမေရိကန် ဒေါ်လာ ၅ဝ၃ သန်းသာ ရှိခဲ့ ကြောင်း အတည်ပြုထားသည်။ မြန်မာ-တရုတ်နယ်စပ်ကုန်သွယ် မှုပြုလုပ်နေသော အခြားစခန်းများ မှာလွယ်ဂျယ်နှင့် ကန်ပိုက်တီးတို့ ဖြစ်သည်။

လောက်ကိုင်မြို့အားဝင်ရောက် တိုက်ခိုက်ခဲ့မှုကြောင့် ဟိုတယ်နှင့် လူနေအိမ်ခြေများပျက်စီးခဲ့ရသည့် အပြင်အရပ်သားများလည်းသေဆုံး ခဲ့မှုကြောင့် ဒေသခံမှာ ကြောက်ရွံ့ ကာ အခြားဒေသများသို့ စွန့်ခွာ ထွက်ပြေးခဲ့ကြသည်။လောက်ကိုင် မြို့နှင့်ကိုးကန့်ဒေသတွင်နေထိုင် သည့်ဒေသခံများသည်လားရှိုး၊ သီပေါ၊ နမ္မတူ၊ ကွတ်ခိုင်နှင့်မူဆယ် မြို့များရှိ စစ်ဘေးရှောင်စခန်းများ သို့ တိမ်းရှောင်သွားခဲ့ကြကာကိုး ကန့်ဒေသတွင် ကုန်သွယ်မှုအခြေ အနေမှာ ရပ်ဆိုင်းသွားခဲ့ကြောင်း သိရသည်။ တိုက်ပွဲများဖြစ်ပွားနေ သည့်လောက်ကိုင်မြို့နှင့်ကုန်းကြမ်း မြို့များတွင် ည ၉ နာရီမှ နံနက် ၆နာရီအထိ ညမထွက်ရအမိန့်လည်း ထုတ်ပြန်ထားသည်။

တရုတ်-မြန်မာနယ်စပ်ကုန် သွယ်မှုကဏ္ဍမှာ နှစ်နိုင်ငံစလုံး အတွက် အရေးကြီးသည့်ကုန်သွယ် မှုကဏ္ဍဖြစ်သောကြောင့် နှစ် နိုင်ငံစလုံးအတွက် ဆုံးရှုံးမှုများဖြစ် ပေါ်လာမည်ဖြစ်သည်။

NG
The Union Daily
https://www.facebook.com/uniondaily.net



မတ်လ ၁၃ ရက်နေ့ညကလှုပ်ခဲ့တဲ့ ငလျင်ကြောင့် တိုက်ကြီးမြို့နယ်က ပျက်စီးသွားတဲ့ အိမ်တစ်လုံးကို တွေ့ရစဉ်။ ဓါတ်ပုံ - ဦးတင်မောင်ထွန်း
ရန်ကုန်တိုင်းဒေသကြီး တိုက်ကြီးမြို့နယ်မှာ မနေ့ညက လှုပ်ခတ်ခဲ့တဲ့ မြေငလျင်ကြောင့် ထိခိုက်ဒဏ်ရာရရှိသူ ၂၀ ကျော်ရှိပြီး ဒီနေ့မနက် ထပ်မံလှုပ်ခတ်မှုကြောင့် ၁၅ ဦးခန့် ဒဏ်ရာရရှိထားတယ်လို့ သိရပါတယ်။

ဒီနေ့မနက်ပိုင်းမှာ ထပ်လှုပ်ခတ်တဲ့ နောက်ဆက်တွဲငလျင်ကြောင့် တိုက်ကြီးမြို့က အထည်ချုပ်စက်ရုံ တစ်ရုံမှာ ၁၅ ဦးလောက်ထပ်မံ ဒါဏ်ရာရရှိခဲ့တယ်လို့ တိုက်ကြီးမြို့နယ် တိုင်းဒေသကြီး လွှတ်တော်ကိုယ်စားလှယ် ဦးလွင်မင်းစိုး က ပြောပါတယ်။

"အထည်ချုပ်စက်ရုံက အဆောက်အအုံ ဘာမှမဖြစ်ဘူး မနက်က ၁၀ နာရီ ၂၅ မိနစ်မှာ ထပ်လှုပ်တော့ အထည်ချုပ်သမလေးတွေက လန့်ပြီးပြေးတာ ပြေးတော့ လူ ၂၀၀ ကျော်ရှိတဲ့အခါ နဲနဲရုန်းရင်းဆန် ခတ်ဖြစ်သွားပြီး မူးလဲတာတွေ ဘာတွေဖြစ်တာ ၁၅ ယောက်လောက်တော့ဖြစ်သွားတယ် တိုက်ကြီးဆေးရုံကို ပို့ထားတယ်"

မနေ့ညကလှုပ်တဲ့ ငလျင်ကြောင့် သေဆုံးသူ ၂ ဦးရှိတယ်လို့ သတင်းတွေထွက်ပေါ်နေပေမယ့် တိုက်ကြီးမြို့ နဲ့ ဝေးကွာတဲ့ ကပစ တပ်တွင်းမှာ ဖြစ်ပွားခဲ့တဲ့အတွက် အတည်ပြုလို့မရဖြစ်နေတယ်လို့လည်း ဦးလွင်မင်းစိုး က ပြောပါတယ်။

ငလျင်ကြောင့် အဆောက်အဦးအဟောင်းတွေပြိုကျခဲ့ပြီး လူနေအိမ် ၈ လုံးလောက်နဲ့ ဘုန်းကြီးကျောင်း ၃ ကျောင်းလောက်ပျက်စီးခဲ့ပါတယ်။

နေအိမ်ပျက်စီးခဲ့တဲ့ မိသားစုတွေကို ငွေကျပ် ၅ သောင်းနဲ့ ဆန် ၂ အိတ်ထောက်ပံ့သွားမှာဖြစ်ပြီး လတ်တလောမှာ ပြိုသွားတဲ့ အိမ်နဲ့ အဝေးမှာနေဖို့ ညွှန်ကြားထားပါတယ်။

မနေ့ညက တိုက်ကြီးမြို့မှာ လှုပ်ခတ်ခဲ့တဲ့ ငလျင်ဟာ ၅ ဒသမ ၈ ရစ်ခ်ျတာစကေးရှိပြီး နောက်ဆက်တွဲ ငလျင် လှုပ်ခတ်နိုင်မှု ၅၀ ရာခိုင်နှုန်းရှိတဲ့အတွက် အဆောက်အဦးအဟောင်းတွေနဲ့ ပြိုပျက်နေတဲ့ အဆောက်ဦးတွေ အနီးကို သတိထားသွားလာကြဖို့ မြန်မာနိုင်ငံငလျင်ကော်မတီက သတိပေးထားပါတယ်။

RFA Burmese
http://www.rfa.org/burmese


အများပြည်သူ သိရှိရန် အသိပေး နှိုးဆော်ချက်

၁။ ကျန်းမာရေးနှင့် အားကစား ဝန်ကြီးဌာနသည် အရည်အသွေး စစ်မှန် ကောင်းမွန်ပြီး၊ ဘေးဥပါဒ် အန္တရာယ် ကင်းရှင်းကာ အကျိုးအာနိသင် ရှိသော ဆေးဝါးများကို အများပြည်သူတို့ သုံးစွဲနိုင်ရန် စနစ်တကျ စီစဉ်ကွပ်ကဲ ကြပ်မတ်လျက် ရှိပါသည်။

၂။ အစားအသောက်နှင့် ဆေးဝါးကွပ်ကဲရေး ဦးစီးဌာနအနေဖြင့် ဈေးကွက်အတွင်းရှိ ဆေးဝါးများကို စိစစ်ခဲ့ရာ အောက်ဖော်ပြပါ ဆေးဝါး (၉)မျိုးသည် မြန်မာနိုင်ငံတွင် မှတ်ပုံ တင်ထားခြင်း မရှိသော တရားမဝင် ဆေးဝါးများ ဖြစ်ကြောင်း စိစစ် တွေ့ရှိရပါသည်-

၃။ အများ ပြည်သူများသည် မြန်မာနိုင်ငံတွင် မှတ်ပုံတင်ထားခြင်း မရှိသော ဆေးဝါးများကို ဝယ်ယူ သုံးစွဲခြင်း မပြုကြရန်နှင့် မြန်မာနိုင်ငံတွင် မှတ်ပုံတင် ရရှိထားသော ဆေးဝါးများကို ဆရာဝန် ညွှန်ကြားချက်ဖြင့် ဝယ်ယူ သုံးစွဲပါရန် အသိပေးအပ်ပါသည်။ ထို့အပြင် ပြည်သူ့ ကျန်းမာရေး အတွက် စောင့်ရှောက်မှု ဆောင်ရွက်ပေးသူများအနေဖြင့် မိမိတို့ သုံးစွဲနေသည့် ဆေးဝါးများနှင့် ပတ်သက်၍ သံသယ ဖြစ်ဖွယ် တစ်စုံတစ်ရာ ရှိပါက သတင်းပေးပို့ အကြောင်း ကြားနိုင်ပါကြောင်း အသိပေး နှိုးဆော်အပ်ပါသည်။

၎။ ဆေးဝါး တင်သွင်း ဖြန့်ဖြူးသည့် ကုမ္ပဏီ၊ ဆေးဝါး ရောင်းချသည့် ဆေးဆိုင်များသည် မြန်မာနိုင်ငံတွင် မှတ်ပုံတင်ထားခြင်း မရှိသော ဆေးဝါးများ၊ ဆေးဝါးအတု၊ စံမညီ ဆေးဝါးများကို တင်သွင်း ဖြန့်ဖြူး ရောင်းချခြင်း (လက်လီ/ လက္ကား) လုံးဝမပြုရန်နှင့် လိုက်နာ ဆောင်ရွက်ခြင်း မရှိပါက သက်ဆိုင်ရာ အာဏာပိုင် အဖွဲ့အစည်းက အမျိုးသားဆေးဝါး ဥပဒေပုဒ်မ (၁၈) အရ တရားစွဲဆို အရေးယူမည် ဖြစ်ပါကြောင်း အသိပေးအပ်ပါသည်။

ကျန်းမာရေးနှင့် အားကစား ဝန်ကြီးဌာန
MOI Webportal Myanmar
https://www.facebook.com/MOIWebportalMyanmar/



တိုက်ကြီး ငလျင်ဒဏ် ခံစားရသဖြင့် ဆေးရုံသို့ ရောက်ရှိလာသူများအား တွေ့ ရစဉ်(ဆင်ဟွာ)
    ရန်ကုန် ၊ မတ် ၁၄ ရက်(ဆင်ဟွာ)

    တိုက်ကြီးမြို့ အနီး လှုပ်ခတ်ခဲ့သည့် ငလျင်ဒဏ်ကြောင့် တိုက်ကြီးမြို့ လိမ္မော်ခြံ ကျေးရွာ အုပ်စုရှိ ကပစ (၁၁) ဝန်း တွင် လူနေလိုင်းခန်း နံရံ ပြိုကျကာ လူ ၂ ဦး သေဆုံးမှု ရှိခဲ့ကြောင်း တိုက်ကြီး မြို့ နယ် ဆေးရုံမှ မြို့ နယ် ကုသရေး ဦးစီး ဌာနမှူး/ပြည်သူ့ ကျန်းမာရေး ဦးစီး ဌာနမှူး ဒေါက်တာ သန်းမြင့်က ဆင်ဟွာသို့ ယနေ့ မတ် ၁၄ ရက်တွင် အတည်ပြု ပြောကြားခဲ့သည်။

“ကျွန်တော်တို့ ဒီမှာ လူနာ စုစုပေါင်း ၃၆ ယောက်ပါပဲ။၅ ယောက်ကတော့ ရန်ကုန် ပြည်သူ့ ဆေးရုံကြီးကို လွှဲပေးလိုက်ပါပြီ။ကျွန်တော်တို့ ဆီမှာတော့ အသေအပျောက် မရှိပါဘူး။ဒါပေမယ့် ထပ်ပြီး စုံစမ်းကြည့်တော့ ကပစ(၁၁)က ၂ ယောက် ဆုံးသွားတယ်လို့ အတည်ပြုချက် ရပါတယ်။ညတွင်းချင်းပဲ မင်္ဂလာဒုံ စစ်ဆေးရုံကို ပို့ လိုက်တယ်လို့ ပြောပါတယ်။”ဟု ဒေါက်တာ သန်းမြင့်က ပြောကြားခဲ့သည်။

တိုက်ကြီး မြို့ ၊ ပြည်သူ့ ဆေးရုံအား တွေ့ ရစဉ်(ဆင်ဟွာ)
တိုက်ကြီး မြို့ နယ် ဆေးရုံမှ မြို့ နယ် ကုသရေး ဦးစီး ဌာနမှူး/ပြည်သူ့ ကျန်းမာရေး ဦးစီး ဌာနမှူး ဒေါက်တာ သန်းမြင့်က ဆင်ဟွာသို့ ဖြေကြားနေစဉ်(ဆင်ဟွာ)

ငလျင်ဒဏ်ကြောင့် ကပစ (၁၁) ဝန်း တွင် လူနေလိုင်းခန်း နံရံ ပြိုကျကာ အသက် ၆ နှစ် အရွယ်ရှိ ကလေးငယ် တစ်ဦး နှင့် အသက် ၅၈ နှစ် အရွယ်ရှိ တပ်ကြပ် တစ်ဦးသည် သေဆုံးသွားခဲ့ကြောင်း သိရသည်။

ယခုအချိန်တွင် တိုက်ကြီး မြို့ နယ် ပြည်သူ့ ဆေးရုံတွင် ငလျင်ဒဏ်ကြောင့် ကုသမှု ခံယူသူမှာ ၅ ယောက်သာ ကျန်ရှိတော့ကြောင်း ၊ ငလျင်ဒဏ်ကြောင့် ဆေးရုံသို့ ရောက်ရှိလာသူ တစ်ဝက်ခန့် မှာ ထိခိုက်ဒဏ်ရာ ရရှိ၍ ရောက်ရှိလာခဲ့ပြီး ကျန်ရှိသည့် သူများမှာ သတိလစ် ၊ မူးဝေမှုများကြောင့် ဖြစ်ကြောင်း ၄င်းက ပြောသည်။

တိုက်ကြီးမြို့ အနီး ဗဟိုပြုသော အင်အား အသင့်အတင့်ရှိ မြေငလျင်ဒဏ်ကြောင့် ပြည်သူ ၂၄ ဦး ထိခိုက် ဒဏ်ရာ ရရှိမှု ရှိကာ ပျက်စီး ဆုံးရူံး မှုများ ဖြစ်ပေါ်ခဲ့ကြောင်း မြန်မာနိုင်ငံ မီးသတ် ဦးစီး ဌာနမှ သတင်း ထုတ်ပြန်ခဲ့သည်။

တိုက်ကြီးမြို့ အနီး ဗဟိုပြု၍ အင်အား အသင့်အတင့်ရှိ မြေငလျင်သည် မတ် ၁၃ ရက် ညပိုင်း အချိန်တွင် ၂ ကြိမ် လှုပ်ခတ်ခဲ့သည်။

(Xinhua)
http://xinhuamyanmar.com/myanmar


Obamacare လို့ လူသိများတဲ့ အခကြေးငွေ သက်သာစွာကျန်းမာရေး ပြုစု စောင့်ရှောက်မှု ဥပဒေ ကို အစားထိုးဖို့ Republican ပါတီက အဆိုပြုထားတဲ့ အစီအစဉ်ကို လွှတ်တော်က အတည်ပြုလိုက်မယ်ဆိုရင် လာမယ့်နှစ်အတွင်း လူပေါင်း ၁၄ သန်းလောက် ကျန်းမာရေး စောင့်ရှောက်မှု ဆုံးရှုံးကြလိမ့်မယ်လို့ CBO ခေါ် လွှတ်တော်ဆိုင်ရာ ဘတ်ဂျက်အသုံးစားရိတ် ရုံးက ပြောဆိုလိုက်ပါတယ်။

သမ္မတဟောင်း Barack Obama ရဲ့ ကျန်းမာရေး စောင့်ရှောက်မှု ဥပဒေကို အလုံးစုံ ပြန်လည် ပြင်ဆင်မယ့် သမ္မတ Donald Trump ရဲ့ ရွေးကောက်ပွဲ ကတိက၀တ်ကို အကောင်အထည် ဖော်တာမှာ ကျသင့်မယ့် ကုန်ကျစာရိတ်နဲ့ ပတ်သက်ပြီး အစီရင်ခံစာ တစောင်ကို ပါတီစွဲကင်းတဲ့ လွှတ်တော်ဆိုင်ရာ ဘတ်ဂျက်အသုံးစားရိတ် ရုံးက တနင်္လာနေ့က ထုတ်ပြန်ခဲ့ပါတယ်။

လက်ရှိ ကျန်းမာရေး စောင့်ရှောက်မှု စနစ်က ဈေးကြီးပြီး လူတွေကို ကျန်းမာရေး အာမခံ မ၀ယ်မနေရ စနစ်ဖြစ်တာကြောင့် မတရားဘူးလို့ သမ္မတ Trump နဲ့ Republican တွေက ပြောဆိုတာ ဖြစ်ပါတယ်။ Republican တို့ တင်သွင်းတဲ့ ကျန်းမာရေး စောင့်ရှောက်မှု အစီအစဉ်ကို အတည်ပြုမယ်ဆိုရင်တော့ ၂၀၁၈ အရောက်မှာ ကျန်းမာရေး အာမခံ မရှိသူ ၁၄ သန်းကနေ ၄၁ သန်းလောက် အထိ မြင့်လာမယ်လို့လည်း CBO အစီရင်ခံစာက ဖော်ပြပါတယ်။

၂၀၂၆ ခုနှစ် အရောက်မှာ အာမခံ မရှိသူ ၅၂ သန်းထိ ဖြစ်လာနိုင်တယ်လို့ ထောက်ပြပြီး Obamacare ကိုသာ ဆက်ပြီး ကျင့်သုံးမယ်ဆိုရင်တော့ အာမခံ မရှိသူ ထက်ဝက်လျော့ကျပြီး ၂၈ သန်းလောက်ဘဲ ရှိမှာလို့လည်း ဖော်ပြထားပါတယ်။ ၂၀၁၀ ပြည့်နှစ်မှာ စတင်ခဲ့တဲ့ သမ္မတ အိုဘားမားရဲ့ ကျန်းမာရေး စောင့်ရှောက်မှု ဥပဒေက အရင်က ကျန်းမာရေး အာမခံ မရှိသူ သန်း ၂၀ တို့ကို အာမခံတွေ ရရှိစေခဲ့တာပါ။

ဒါပေမယ့် ကျန်းမာရေး ပြုစုစောင့်ရှောက်မှု အစီအစဉ်သစ်ဟာ ၂၀၁၇ နဲ့ ၂၀၂၆ ကြား ဗဟိုအစိုးရ လိုငွေပြမှုကို ဘီလီယံ ၃၃၇ ဒေါ်လာအထိ လျော့ချပေးနိုင်လိမ့်မယ်လို့ COB ရဲ့ ကြေညာချက်မှာ ဖော်ပြထားတယ်။

 ဗွီအိုအေ (မြန်မာပိုင်း)
http://burmese.voanews.com



မလေးရှားနိုင်ငံ ဒုတိယဝန်ကြီးချုပ် Ahmad Zahid Hamidi အားတွေ့ရစဉ် (ဆင်ဟွာ)
    ကွာလာလမ်ပူ၊ မတ် ၁၄ ရက် (ဆင်ဟွာ)

    မလေးရှားနိုင်ငံသည် ဗီဇာသက်တမ်းကုန်ဆုံးနေပြီဖြစ်သော မြောက်ကိုရီးယားနိုင်ငံသား ၅၀ဦးအား ပြည်နှင်ဒဏ်ပေးမည်ဖြစ်ကြောင်း မလေးရှားနိုင်ငံ ဒုတိယဝန်ကြီးချုပ် Ahmad Zahid Hamidi က မတ်လ ၁၄ ရက်တွင်ပြောကြားခဲ့သည်။

မလေးရှားနိုင်ငံတွင် မြောက်ကိုရီးယားနိုင်ငံခေါင်းဆောင် ကင်ဂျုံအန်း၏ တစ်ဝမ်းကွဲအကိုဖြစ်သူ ကင်ဂျုံနမ် အသတ်ခံရပြီး နှစ်နိုင်ငံ သည် တစ်ဖက်နှင့် တစ်ဖက် နိုင်ငံသားများအားပြည်ပထွက်ခွာခွင့် ပိတ်ပင်လိုက်ပြီးနောက် မလေးရှားနိုင်ငံ အရှေ့ပိုင်း ဆာရာဝပ်ပြည်နယ်တွင် အလုပ်လုပ်နေသော မြောက်ကိုရီးယားနိုင်ငံသား ၁၄၀ဦးအနက် နေထိုင်ခွင့်ကုန်ဆုံးနေသည့် မြောက်ကိုရီးယားနိုင်ငံသား ၅၀ဦးအား ပြည်နှင်ဒဏ်ပေးမည်ဖြစ်ကြောင်းသိရသည်။ မြောက်ကိုရီးယားနိုင်ငံသားအများစုသည် မလေးရှားနိုင်ငံ ရှိ မိုင်းတွင်းလုပ်ငန်းနှင့် ဆောက်လုပ်ရေးလုပ်ငန်းများတွင် အဓိကလုပ်ကိုင်လျက်ရှိကြောင်းသိရသည်။

Zahid က မလေးရှားသည် ဗီဇာသက်တမ်းကုန်ဆုံးနေသော မြောက်ကိုရီးယားအလုပ်သမားများအား ပြုံယမ်းမြို့သို့ ပြန်ပို့မည်ဖြစ်ကြောင်း ပါလီမန်တွင်ပြောကြားခဲ့သော်လည်း မည်သည့်အချိန် နှင့် မည်သို့ ပြန်ပို့မည်အကြောင်းကိုမူ ထုတ်ဖော်ပြောကြားခဲ့ခြင်းမရှိကြောင်း သိရသည်။

၎င်းက ဗီဇာသက်တမ်းကျန်ရှိသော မြောက်ကိုရီးယားနိုင်ငံသားများအနေဖြင့် နိုင်ငံအတွင်း ဆက်လက် နေထိုင်နိုင်ပြီး မလေးရှားနိုင်ငံ အတွင်း၌ မြောက်ကိုရီးယားနိုင်ငံသားစုစုပေါင်း ၃၁၅ဦးရှိကြောင်း ပြောကြာခဲ့သည်။

Zahid က မြောက်ကိုရီးယားတွင် ပြည်ပထွက်ခွာခွင့်ပိတ်ခံထားရသည့် မလေးရှားနိုင်ငံသား ၉ဦး အား ပြန်လည်ခေါ်ယူရန် တရားဝင်ဆွေးနွေးပွဲများ ပြုလုပ်သွားမည်ဖြစ်ကြောင်းပြောကြားခဲ့သည်။ ထို့အပြင် မလေးရှားနိုင်ငံ၏ My Second Home အစီအစဉ်အောက်တွင် မြောက်ကိုရီးယားနိုင်ငံသား ၁၉၁ဦးပါဝင်နေပြီး ယင်းအစီအစဉ်သည် မလေးရှားနိုင်ငံတွင် နိုင်ငံခြားသားများ ဝင်ရောက်ခွင့်နှင့် ၁၀နှစ်အထိနေထိုင်ခွင့်တို့ကို ခွင့်ပြုပေးခြင်းဖြစ်ကြောင်း သိရသည်။

(Xinhua)
http://www.xinhuamyanmar.com



နယ်သာလန် နဲ့ တူရကီ အကြား အငြင်းပွားမှု ကြောင့် နယ်သာလန် မှာ လုံခြုံရေး တင်းကြပ်
တူရကီ နဲ့ နယ်သာလန် အစိုးရ အကြား အငြင်းပွားမှု ဟာ ပိုပြီး ဆိုးလာတဲ့ အသွင်ဆောင်လာပါတယ်။ တူရကီ ဘက်ကလည်း နယ်သာလန် အနေနဲ့ သူ့နိုင်ငံ ဝန်ကြီး နှစ်ယောက် ကို စည်းရုံး ဟောပြောခွင့် မပြုတဲ့ အပြင် နယ်နှင် ပစ်တဲ့ အတွက် စာအားဖြင့် လူသိရှင်ကြား တောင်းပန် ရမယ်၊ တူရကီ လူမျိုးတွေ ဆန္ဒပြတာ ကိုလည်း အင်အားသုံး ဖြိုခွဲ ခြင်းဟာ ဗီယင်နာ သဘောတူညီမှု ကို ဖေါက်ဖျက်တယ် လို့ ဆိုပါတယ်။

နယ်သာလန် ဘက်ကလည်း သူတို့ ပြည်တွင်း ရွေးကောက်ပွဲ နီးကပ်ချိန် မှာ တူရကီ အစိုးရ အတွက် ဝါဒဖြန့် စုဝေး ဟောပြောပွဲ ပြုခြင်းဟာ ပြည်တွင်း မှာ ပိုမို ရှုပ်ထွေး စေတယ် လို့ တုံ့ပြန် ပါတယ်။ နောက်ပြီးတော့ တူရကီ အစိုးရ ရဲ့ အုပ်ချုပ်ရေး စနစ် အပြောင်းအလဲ လူထု ဆန္ဒခံယူပွဲ ဟာလည်း ဧပြီလ ကျမှ ကျင်းပ မှာ မို့ ပြည်ပရောက် တူရကီ တွေ ရဲ့ အားပေး ထောက်ခံ မှု ရရှိရေး လှုံ့ဆော် ဖို့ ကလည်း အချိန် ရှိသေးကြောင်း ထောက်ပြပါတယ်။

အခုတော့ နေတိုး အဖွဲ့လည်း မနေသာ တော့ပါဘူး။ ဒီနှစ်နိုင်ငံအကြား ပြေလည်စေရေး ဝင်ပါနေရပါပြီ။ နှစ်နိုင်ငံစလုံးဟာလည်း နေတိုး အဖွဲဝင် တွေ ဖြစ်ပါတယ်။

နေတိုး အဖွဲ့ အတွင်းရေးမှူးချုပ် ယင်းန်း စတိုလ်ကျင် ဘက်ဂ် က သူဟာ နှစ်နိုင်ငံအစိုးရ တွေ နဲ့လည်း စကားပြောပြီးကြောင်း ဆိုရင်း

ပြင်းထန်တဲ့ စကားလုံးတွေ နဲ့ ငြင်းခုံ ကြတာဟာ ကျနော် တို့ ဒီမိုကရေစီ ကျင့်စဉ် ရဲ့တစိတ်တပိုင်း ဖြစ်ပါတယ်။ ဒါပေမဲ့ တချိန်ထဲမှာပဲ အပြန်အလှန် လေးစားမှု ဟာလည်း အရေးကြီးပါတယ်။ ဒါကြောင့်မို့ တည်တည် ငြိမ်ငြိမ် နဲ့ တင်းမာမှု အရှိန် ကို လျှော့ပေးဖို့ နှစ်နိုင်ငံ စလုံး ကို သတင်းစကား ပါးချင်ပါတယ်လို့ ပြောတာပါ။ နေတိုး အနေနဲ့ ပြင်ပ က အုပ်စုတွေ က ဝင်လာနိုင်တဲ့ ခြိမ်းခြောက်မှုတွေ စိန်ခေါ်မှု တွေ ကို အခုနေ အခါမှာ ပိုပြီး အာရုံစိုက်ဖို့ လိုတယ် လို့ ယုံကြည် ကြောင်း ပြောတာပါ။

ဂျာမန် ဝန်ကြီးချုပ် အင်ဂလာ မာကဲလ် ကလည်း ကျမတို့ ဂျာမန် လူမျိုးတွေ ကို တူရကီ အာဏာပိုင်တွေ ကနေ နာဇီ နဲ့ နှိုင်းရင် ပယ်ချလေ့ရှိသလို နယ်သာလန် နိုင်ငံ လည်း ခံနိုင်မှာ မဟုတ်တဲ့ အကြောင်း၊ နယ်သာလန် နိုင်ငံ ဟာ နာဇီတွေ ရဲ့ ဒဏ် ကို စစ်အတွင်း က အလူးအလဲ ခံခဲ့ရတာ ကြောင့် ဂျာမနီ အနေနဲ့ နယ်သာလန် အစိုးရ ကို သွေးစည်းညီညွတ်မှု နဲ့ အတူ အပြည့် အဝ ထောက်ခံ တယ် လို့ ပြောပါတယ်။

BBC Burmese
http://www.bbc.com/burmese



ဒီထရွိုင်မြို့က ဆီးနှင်းတွေ ဖုံးနေတဲ့ လမ်းဆုံ
အမေရိကန်နိုင်ငံ အရှေ့ဘက် ကမ်းရိုးတန်းဒေသ တလျှောက်က မြို့တွေမှာ နှင်းမုန်တိုင်း တိုက်ခတ်ဖို့ ရှိတာကြောင့် ဂျာမနီ ဝန်ကြီးချုပ် အန်ဂယ်လာ မာခဲလ်က အမေရိကန် သမ္မတ ထရမ့်နဲ့ ဝါရှင်တန်မြို့တော်မှာ လာတွေ့ဖို့ သူ့ရဲ့ ခရီးစဉ်ကို ဆိုင်းငံ့လိုက်ပါတယ်။

ပန်ဆေလ်ဗေးနီးယား၊ နယူးဂျာဆီ၊ နယူးယောက်နဲ့ ကွန်နက်တီကပ် ပြည်နယ်တွေမှာ နှင်းမုန်တိုင်း သတိပေးချက်တွေ ထုတ်ပြန်ထားပါတယ်။

ဗုဒ္ဓဟူးနေ့ကျရင် တချို့နေရာတွေမှာ ၆၀ စင်တီမီတာလောက် အထိ နှင်းထု ကျနိုင်မယ်လို့ မိုးလေဝသဗေဒ ပညာရှင်တွေက ခန့်မှန်းထားပါတယ်။

လေယာဉ် ခရီးစဉ် ထောင်ပေါင်းများစွာကိုလည်း ဆိုင်းငံ့ထားလိုက်ပြီး ဖြစ်ပါတယ်။

စာသင်ကျောင်းတွေကိုလည်း ဒီကနေ့ အင်္ဂါနေ့မှာ ဆက်ပိတ်ထားမှာ ဖြစ်ပြီး လမ်းမတွေပေါ်မှာ ကားမမောင်းကြဖို့ကိုလည်း တိုက်တွန်းထားပါတယ်။

ဝန်ကြီးချုပ် မာခဲလ်ရဲ့ ဝါရှင်တန်မြို့ ခရီးစဉ်ကို သောကြာနေ့ကို ရွှေ့လိုက်ပါတယ်။

BBC Burmese
http://www.bbc.com/burmese