03/19/17


အခြေခံလုပ်ခလစာတိုးရေး လှိုင်သာယာမှာ အလုပ်သမားတွေ ဆန္ဒပြ (သတင်းဓာတ်ပုံ- မြန်မာနိုင်ငံဆိုင်ရာ အလုပ်သမားသမဂ္ဂများကွန်ယက်)
အခြေခံလုပ်ခလစာတိုးရေး လှိုင်သာယာမှာ အလုပ်သမားတွေ ဆန္ဒပြ (သတင်းဓာတ်ပုံ- မြန်မာနိုင်ငံဆိုင်ရာ အလုပ်သမားသမဂ္ဂများကွန်ယက်)
မြန်မာနိုင်ငံတွင်းက အလုပ်သမားထု အခွင့်အရေးအပြည့်အဝရရှိရေးနဲ့ အခြေခံလုပ်အားခလစာ (၅၆၀၀)ကျပ်အထိ တိုးမြင့်ပေးရေး ရာနဲ့ချီတဲ့ အလုပ်သမားတွေ ဒီကနေ့ဆန္ဒပြခဲ့ကြပါတယ်။ အရပ်သားအစိုးရလက်ထက် လွှတ်တော်သက်တမ်းတွင်း အခြေခံလုပ်အားခ လစာ တိုးမြင့် သတ်မှတ်ပေးရေး ဥပဒေပြဌာန်းပေးဖို့နဲ့ အလုပ်သမားထု လူနေမှုဘဝတိုးတက်ရေး NLDအစိုးရအနေနဲ့ အလေးထား ဆောင်ရွက်ပေးဖို့ ကိုလည်း တောင်းဆိုကြပါတယ်။ မဆုမွန် အသေးစိတ် ဆက်ပြောပြပါမယ်။

အခုလက်ရှိ မြန်မာနိုင်ငံတွင်းမှာ အစစအရာရာ ဈေးနှုန်းမြင့်တက်နေသလိုအခြေခံ စားသောက်ကုန် ဈေးနှုန်းတွေ မြင့်မားလာနေတဲ့အတွက် အလုပ်သမားတွေရဲ့ အခြေခံလုပ်ခလစာ တရားဝင် သတ်မှတ်ထားတဲ့ မြန်မာကျပ်ငွေ ၃၆၀၀ ကျပ်ကနေ၅၆၀၀ ကျပ် ရရှိရေး အဓိက တောင်းဆိုလိုက်ကြတာပါ။

(ဆန္ဒပြကြွေးကြော်သံများ- အနည်းဆုံးလုပ်ခလစာကျပ် တရက်ကို ၅၆၀၀ ကျပ်သတ်မှတ်ပေးရေး (တို့အရေး တို့အရေး)။ အလုပ်သမားများအတွက် လူမှုဖူလုံရေးအိမ်ယာစီမံကိန်းများ အကောင်အထည်ဖော်ဆောင်ပေးရေး (တို့အရေး တို့အရေး) မီတာခ သုံးဆ တိုးမြင့်မသတ်မှတ်ပေးရေး (တို့အရေး တို့အရေး)

ဒီကနေ့ တနင်္ဂနွေနေ့ မတ်လ ၁၉ရက်နေ့မှာ လှိုင်သာယာမြို့နယ်ထဲ အလုပ်သမားရာနဲ့ချီ ပါဝင်တဲ့ ငြိမ်းချမ်းစွာ လမ်းလျှောက်ချီတက်ဆန္ဒပြပွဲမှာ အလုပ်သမားထုအတွက် လူမှုဖူလုံရေး အိမ်ယာစီမံကိန်းတွေ အကောင်အထည်ဖော်ပေးဖို့အပါအဝင် အလုပ်သမားအခွင့်အရေး အပြည့်အ၀ရရှိစေဖို့ အတွက် တောင်းဆိုချက် (၉)ချက်နဲ့မြန်မာနိုင်ငံလုံးဆိုင်ရာ အလုပ်သမားသမဂ္ဂများကွန်ယက်က ဦးဆောင်ပြီး စက်ရုံ၊ အလုပ်ရုံ၊ အခြေခံအလုပ်သမား အဖွဲ့အစည်းတွေ အလုပ်သမားတွေ ပါဝင်ခဲ့ကြတာပါ။

ဆန္ဒပြအလုပ်သမားတွေ အဓိကတောင်းဆိုကြတဲ့ အချက်တွေနဲ့ပတ်သက်လို့ အလုပ်သမားဆန္ဒပြပွဲမှာ ဦးဆောင်ပါဝင်သူတဦးဖြစ်တဲ့ မြန်မာနိုင်ငံလုံးဆိုင်ရာ အလုပ်သမားသမဂ္ဂများကွန်ယက် ဦးဆောင်ကော်မတီဝင်တဦးဖြစ်တဲ့ ကိုအောင်စိုးမင်းက အခုလိုပြောပြပါတယ်။

"ကြွေးကြော်သံ(၉)ချက်ကို ကျနော်တို့ အဓိကထား တောင်းဆို တာပါခင်ဗျ။ တောင်းဆိုချက်ထဲမှာ အနည်းဆုံး တရက်လျှင် (၅၆၀၀)ကျပ်ကို အမြန်ဆုံးသတ်မှတ်ပေးဖို့ရယ်၊ နောက် အလုပ်သမားများအတွက် လူမှုဖူလုံရေး အိမ်ယာစီမံကိန်းအကောင်အထည်ဖော်ဆောင်ပေးဖို့ရယ် နောက်တခုက နိုင်ငံတော်အစိုးရက လျှပ်စစ်မီတာခ (၃) ဆတိုးမြင့်ဖို့ကိစ္စကို တိုးမြင့်မသတ်မှတ်ရေး၊ နောက်တခုက ဝန်ကြီးဌာနက မဖွဲ့စည်းပဲ အငြင်းပွားမှုဆုံးဖြတ်သည့် ခုံသမာဓိအဖွဲ့ ခန့်အပ်ခြင်းကို ပယ်ဖျက်ရေး ဆိုတဲ့အချက်(၄)ချက်ကတော့ ကျနော်တို့အတွက်အမြန်ဆုံး လုပ်ပေးဖို့လိုအပ်တယ်။ အဓိက ထားတဲ့အချက်ပါ။"

အနည်းဆုံး အခကြေးငွေသတ်မှတ်ရေးဆိုင်ရာ အမျိုးသားကော်မတီကနေ မြန်မာနိုင်ငံရှိ အလုပ်သမားတွေ အတွက် အနည်းဆုံး အခကြေးငွေကို ပြီးခဲ့တဲ့ ၂၀၁၅ ခုနှစ် သြဂုတ်လ (၂၈) နေ့မှာ တနိုင်ငံလုံးအတိုင်းအတာနဲ့ နေရာဒေသနဲ့ လုပ်ငန်းအမျိုးအစားမခွဲခြားပဲ တစ်နာရီကို မြန်မာကျပ်ငွေ ၄၅၀ ကျပ်နှုန်းနဲ့ အလုပ်ချိန် (၈) နာရီ တစ်ရက်စာကို ကျပ်ငွေ (၃၆၀၀) ကျပ်နှုန်းထား သတ်မှတ်ဖို့ တရားဝင် ထုတ်ပြန်ကြေညာလိုက်တာဖြစ်ပါတယ်။

အခုလို အခြေခံစားဝတ်နေရေး လုံလောက်မှုမရှိတဲ့အတွက် အနည်းဆုံး အခကြေးငွေ အနည်းဆုံး လုပ်ခလစာ မြန်မာကျပ်ငွေ ၅၆၀၀ကျပ် သတ်မှတ်ပေးဖို့အရေး အလုပ်သမားတွေ တောင်းဆိုချက်နဲ့ပတ်သက်လို့ လွှတ်တော်အနေနဲ့ နှစ်နှစ်တကြိမ် ပြောင်းလဲပြင်ဆင် သတ်မှတ်ပေးနိုင်တဲ့ အနေအထားရှိတဲ့အကြောင်း အလုပ်သမားအဖွဲ့ချုပ်ရဲ့ဥက္ကဋ္ဌအဖြစ် တာဝန်ယူဆောင်ရွက်ခဲ့ဖူးသူ အလုပ်သမားရေး ကျွမ်းကျင်သူ ဦးအောင်လင်းက အခုလိုရှင်းပြပါတယ်။

"ဒီအနည်းဆုံးလုပ်ခလစာကြေးငွေက ကျနော်တို့ နှစ်နှစ်တကြိမ် ပြုပြင်ပြောင်းလဲ လို့ရတယ်ပေါ့နော် ဒါကတော့ အနည်းဆုံးလုပ်ခလစာကြေးငွေပြုပြင်ပြောင်းလဲရေးကို သတ်မှတ်ပေးရမှာက အစိုးရတာဝန်ပါ။ ပြင်ဆင်ဖို့ပေါ့နော် လွှတ်တော်မှာက ဒါက အဆိုပြုချက်တင်ပေးရမယ့် ပထမအဆင့်လုပ်ငန်းစဉ်က ရှိတယ်ပေါ့။ အဲ့တော့ ဒုတိယလွှတ်တော်သက်တမ်းမှာ ဒါကို တင်ပေးရမယ်။ တင်ပေးတဲ့အခါမှာ အနည်းဆုံးလုပ်ခကြေးငွေ ဥပဒေအရ နှစ်နှစ်တကြိမ် ပြောင်းလဲသတ်မှတ်ပေးရမယ်။ သတ်မှတ်ပေးတဲ့လုပ်ငန်းစဉ်ကိုလည်း ဆက်သွားရမယ်။ လက်ရှိ Gad က ဘာဖြစ်သလဲဆိုရင် သူက အခုလာမယ့် ၈ လပိုင်းပေါ့ ၈လပိုင်းဆိုရင် အနည်းဆုံးလုပ်ခကြေးငွေ သတ်မှတ်ခဲ့တာ ၂နှစ်ပြည့်ပြီ။

၂နှစ်ပြည့်ပြီဆိုတော့ ဒီမတိုင်ခင် ကြိုတင်ပြင်ဆင်မှုတွေ လုပ်တာမျိုး စစ်တမ်းကောက်တာတို့ စသဖြင့်ပေါ့နော် နောက်တခုက အဲ့ဒီ့ မူလသတ်မှတ်ခဲ့တဲ့အချိန်က ငွေကြေးဖောင်းပွမှု ဆတိုးနှုန်းပေါ့နော်။ အခုခေတ်မှာ လက်ရှိငွေကြေးဖောင်းပွမှု ဆတိုးနှုန်းနဲ့ စစ်တမ်းတွေ ပြန်ကောက်ရမှာပါ။ ဒါကိုတော့ အခုလက်ရှိအချိန်အထိ အစိုးရသစ်လက်ထက်မှာ လုပ်တာ ကျနော်တို့ မတွေ့ရသေးဘူးပေါ့နော်။ အဲ့ဒီ့စစ်တမ်းကောက်တဲ့ကိစ္စ အရမ်းအရေးကြီးပါတယ်။ ဒါကို အသက်ဝင်လာပြီဆိုရင် ဒါကို ပြင်ဆင်ပြောင်းလဲခြင်းက တိတိကျကျ အသက်ဝင်လာတော့မှာပါ။

အလုပ်သမားအခွင့်အရေးနဲ့ လူမှုဖူလုံရေးအခွင့်အရေးတွေ ခံစားခွင့်ရနိုင်ဖို့အရေး နိုင်ငံတော်အစိုးရနဲ့ အလုပ်သမားဝန်ကြီးဌာန တာဝန်ရှိသူတွေဆီကို ဆက်လက်တောင်းဆိုသွားကြမှာဖြစ်တယ်လို့လည်း ဆန္ဒပြပွဲမှာ ပါဝင်သူ ကံကောင်းပီနန်အိတ်စက်ရုံ အခြေခံအလုပ်သမားအဖွဲ့အစည်းရဲ့ဥက္ကဋ္ဌအဖြစ်လည်း တာဝန်ယူထားတဲ့ ကိုအောင်စိုးမင်းကပြောပါတယ်။

အခုလက်ရှိမြန်မာနိုင်ငံအတွင်း ကြုံတွေ့နေရတဲ့ ငွေကြေးဖောင်းပွမှုတွေနဲ့ ကုန်ဈေးနှုန်းမြင့်မား မှုတွေကြောင့် အလုပ်သမားတွေ နေ့စဉ်လူမှုဘဝတွေအတွက် အကျပ်အတည်းတွေက ဖြစ်နေတဲ့အတွက် အလုပ်သမားတွေရဲ့ လူနေမှုဘဝမြင့်တင်နိုင်ရေး အလုပ်သမားထု အခွင့်အရေးရရှိရေး လုပ်ငန်းခွင် လုံခြုံမှုရှိရေးစတာတွေကိုလည်း NLD ဦးဆောင်တဲ့ အရပ်သားအစိုးရ လက်ထက်မှာ ဦးစားပေးဆောင်ရွက်ပေးဖို့ကိုလည်း အလုပ်သမားတွေက အခုလို လမ်းပေါ်ထွက် ချီတက်လမ်းလျှောက်တောင်းဆိုနေကြတာဖြစ်ပါတယ်။

မဆုမွန်
VOA Burmese News

ပြည်သူ့လွှတ်တော် ကနေအတည်ပြုလိုက်တဲ့ သံလွင်တံတား-ချောင်းဆုံအစား ဗိုလ်ချုပ်အောင်ဆန်း အမည်သတ်မှတ်ချက် အပေါ် မွန်ပြည်နယ်ဒေသခံတွေကနေ ဒီကနေ့မှာ ကန့်ကွက်ဆန္ဒဖေါ်ထုတ်ပွဲ တရပ်ကို မော်လမြိုင်မြို့မှာပြုလုပ် ခဲ့ ပါတယ်။ ဒေသခံတွေအနေနဲ့ ကတော့ မူလအမည်ကိုပဲ တောင်းဆိုထားသလို အစိုးရအနေနဲ့လိုက်လျောမူမရှိရင် ဆက်လက် ဆန္ဒပြသွားမယ် လို့ဆန္ဒပြ အဖွဲ့ခေါင်းဆောင်တွေ ကပြောပါတယ်။ ဒေသခံတချို့ကတော့ တံတားအမည်ထက် ဒီမိုကရေစီ အနိုင်ကျင့်ခံရမှုတွေကြောင့် ဆန္ဒပြတယ် လို့လည်း ပြောဆိုမှုတွေ ရှိနေပါတယ်။ ထိုင်းအခြေစိုက်ဗွီအိုအေသတင်းထောက် နိုင်ကွန်းအိန် ကနေဆက်သွယ်မေးမြန်းသတင်းပေးပို့ထားပါတယ်။

မွန်ပြည်နယ်၊ မော်လမြိုင်နဲ့ချောင်းဆုံမြို့ကိုသွယ်တန်းထားတဲ့တံတားကို ဗိုလ်ချုပ်အောင်ဆန်း အမည်ပေးဖို့ပြည်သူ့လွှတ် တော်ကနေ ဆုံးဖြတ်လိုက်တဲ့အပေါ်ဒေသခံမွန်၊ ကရင် ပအိုဝ် တိုင်းရင်းသားတွေကနေ ဒီကနေ့မနက်မှာ ကန့်ကွက် ဆန္ဒပြခဲ့ကြပါတယ်။

ဒီကနေ့ဆန္ဒပြရတဲ့အကြောင်းကိုတော့ ဦးဆောင်ဆရာတော် ဘဒ္ဒန္တ ၀ရ၀ံသ ကအခုလိုမိန့်ကြားပါတယ်။

“ဒေသခံတွေရဲ့ မူလအမည်နာမတွေပျောက်ကွယ်တာရယ်၊ ဘုန်းဘုန်းတို့ တိုင်းရင်းသားမူရင်အမည်တွေကို အသိအမှတ်မပြုပဲနဲ့ တခြား အမည်ကို သတ်မှတ်တဲ့အပေါ်မှာ ဘုန်းဘုန်းတို့က သတ်မှတ်တဲ့အပေါ်မှာ မကျေနပ်တဲ့အတွက် ဆန္ဒပြတာပါ။ အမျိုးသားခေါင်းဆောင်ကြီးဗိုလ်ချုပ်အောင်ဆန်းဆိုတာ ဘုန်းဘုန်းတို့ တနိုင်ငံလုံးက လက်ခံထားတဲ့ တိုင်းရင်းသားခေါင်းဆောင်ဖြစ်တယ်။ ဘုန်းဘုန်းတို့က ဒီတံတားနာမည် သတ်မှတ်မှ မဟုတ်ပါဘူး အမြဲတမ်းရင်ထဲမှာ အသိအမှတ်ပြုထား ပြီးသားပါ။”

ဒီမနက်မှာ မွန်ပြည်နယ်မြို့နယ်အသီးသီးက မွန်တိုင်းရင်းသားတွေသာမက ကရင်၊ ပအိုဝ် မြန်မာတိုင်းရင်းပေါင်း နှစ် သောင်းကျော် မော်လမြိုင်မြို့ကမ်းနားလမ်းမှာ ကြွေးကျော်သံတွေနဲ့ချီတက်လမ်းလျှောက်ဆန္ဒဖေါ်ထုတ်ခဲ့ကြတာပါ။

ဒေသခံတွေအနေနဲ့ ဒေသနဲ့ကိုက်ညီတဲ့ သံလွင်တံတားချောင်းဆုံအမည်ကိုလိုလားကြောင်း မြန်မာအာဏာပိုင်တွေကို အကြိမ်ကြိမ်တင်ပြတောင်းဆိုခဲ့ပေမဲ့ အသိမှတ်မပြုခဲ့ဘူးလို့ ဆရာတော်ကဆက်လက်မိန့်ကြားပါတယ်။

“ဘုန်းဘုန်းတို့ ဒေသခံ နယ်မြေတိုင်းရင်းသားတွေအပေါ်မှာ လွှတ်တော်ကရော၊ ယနေ့ လက်ရှိအာဏာရနေတဲ့ အဖွဲ့အစည်းတွေကရော အသိအမှတ်မပြုဘူးဆိုတာ ပိုပြီးတော့ ထင်ရှားတယ် ဘာကြောင့်ဒီလိုမျိုး ရန်ကုန်မှာ Nurse ကိစ္စနဲ့ ဆန္ဒတွေဖော်ထုတ်ကြတယ် ဒါတွေသူတို့လက်ခံပြီးတော့ ပြန်ဆွေးနွေးတယ်။ သူတို့ အတင်းအလျှော့တွေလုပ်ပေးတယ်။ အခုဘုန်းဘုန်းတို့က စာနဲ့ပေနဲ့ အကြောင်းပြချက်တွေ အထောက်အထားတွေ ခိုင်ခိုင်လုံလုံနဲ့ တင်ပြတာကို လက်မခံဘူး။”

ဗိုလ်ချုပ်အောင်ဆန်းတံတားအမည်သတ်မှတ်ရေးနဲ့ပက်သက်ပြီး ပြီးခဲ့တဲ့မတ်လ ၂ ရက်နေ့မှာလဲ ချောင်းဆုံမြို့နယ်က ဒေသခံ ၃၀၀၀ ကျော်ကနေ ဆန္ဒဖော်ထုတ်ခဲ့ကြပါတယ်။

ဒီကနေ့မတ်လ(၁၉)ရက်နေ့ဟာ (၄၃)ကြိမ်မြောက်မွန်ုပြည်နေ့အဖြစ်ကျရောက်နေပါတယ်။ ဒါပေမဲ့ မွန်ဒေသခံပြည်သူ တွေအနေနဲ့ မွန်ပြည်နယ်နေ့အခန်းအနားထက် ဆန္ဒပြပွဲတက်ရောက်တာ များနေတယ်လို့ မော်လမြိုင်အခြေစိုက်သံလွင် တိုင်း သတင်းဌာနအမှုဆောင် အယ်ဒီတာနိုင်မင်းမင်းနွယ်ကပြောပါတယ်။

“မွန်ပြည်နယ်နေ့မှာ တက်ရောက်တဲ့လူက အရမ်းနည်းတယ်လို့ပြောတယ် ။ဒီ ဆန္ဒပြပွဲကျတော့ ဆန္ဒဖော်ထုတ်တဲ့အင်အားက ၂ သောင်းလောက်ရှိတယ်။ နောက်ပြီးတော့ ၀န်းရံတဲ့ အင်အားစုတွေကတော့ ၂ သောင်းကျော်ကျော် ရှိသေးတယ်။”

မုဒုံမြို့နယ်က ဒေါက်တာ ထက်ဝေလင်းကတော့ တံတားအမည်ထက် ဒီမိုကရေစီအနိုင်ကျင့်ခံရ မှုကိုဖြစ်စဉ်တွေကြောင့် အခုဆန္ဒပြပွဲ ကိုတက်ရောက်ခဲ့တယ်လို့ဆိုပါတယ်။

“အမှန်တကယ်ကဒီနာမည်ထက်ကို ဒေသခံတွေက ဒီမိုကရေစီနည်းနဲ့အနိုင်ကျင့်ခံရတာကို မခံမရပ်ဖြစ်တဲ့စိတ်က ပိုပြီးတော့များလို့ ဆန္ဒပြမှုတွေ ပိုပြီးတော့ ဖြစ်လာတာပေါ့နော် အဲလိုမျိုးခံစားရလို့ ဒီဆန္ဒပြပွဲကို တက်ဖြစ်တာပေါ့နော်။”

ပြီးခဲ့တဲ့ မတ်လ(၁၄)ရက်နေ့မှာ NLDကိုယ်စားလှယ်အများစုပါဝင်တဲ့ ပြည်သူ့လွှတ်တော်ကနေ ဒေသခံတွေရဲ့ သဘောထား ကိုလစ်လျှူရှုပြီး ဗိုလ်ချုပ်အောင်ဆန်းတံတားအမည်ပေးဖို့မဲခွဲဆုံးဖြတ်ခဲ့တဲ့အပေါ် မွန်ပြည်နယ်ဒေသခံ တွေအပါအ၀င် တိုင်းရင်းသားနိုင်ငံရေးပါတီခေါင်းဆောင်တွေကနေ ဘ၀င်မကျမှုတွေဖြစ်ခဲ့ကြသလို အရပ်သားအစိုးရ လက်ထက်မှာဒီမိုကရေစီအနိုင်ကျင့်မှုလုပ်ရပ်လို့ရှုမြင်လာကြပါတယ်။

မွန်ပြည်နယ်ဒေသခံတွေကနေ သံလွင်တံတားချောင်းဆုံအမည်ပေးဖို့တောင်းဆိုပေမဲ့လဲ NLDအစိုးရအနေနဲ့ ညှိနှိုင်း ဆွေးနွေးဖို့ကိုတော့ အသံထွက်ပေါ်လာတာမရှိသေးပါဘူး။

တခြားဆန္ဒပြခေါင်းဆောင်တဦးဖြစ်တဲ့ မိကွန်းချမ်းနွန်ကတော့ နောက်ဆုံးအချိန်အထိဆန္ဒထုတ်ဖေါ်ဖို့ပြင်ဆင် သွားမယ် လို့ ဆိုပါတယ်။

“မပေးနိုင်ဘူးဆိုတာကတော့ သေချာတယ်။ ကျမတို့ကတော့ ကျမတို့ ဆန္ဒကို ထုတ်ဖော်သွားဖို့ကတော့ ပြင်ဆင်ရမှာပဲ။”

သံလွင်တံတားချောင်းဆုံအစား ဗိုလ်ချုပ်အောင်ဆန်းတံတားလို့အမည်ပေးဖို့ NLDဘက်ကကြိုးပမ်းနေတာဟာ နိုင်ငံရေး အမြတ်ထုတ်ဖို့ရည်ရွယ်တယ်လို့လဲ ဦးဆောင်ဆရာတော် ဘဒ္ဒန္တ၀ရ၀ံသ ကအခုလိုအမြင်ရှိနေပါတယ်။

“ကြားဖြတ်ရွေးကောက်ပွဲမှာ ဒီမှာလစ်လပ်နေတဲ့ ကိုယ်စားလှယ်တဦးရှိတယ်။ သူတို့ ၀င်ပြိုင်တဲ့အခါမှာ ဘုန်းဘုန်းတို့ မြင်တာကတော့ ဒေါ်အောင်ဆန်းစုကြည် ဘီလူးကျွန်းကို လာရအောင် ၊ မဲဝိုင်းပြီးတော့ ဆွယ်ရအောင် ဒီသဘောနဲ့ ဒီတံတားဖွင့်ပွဲနဲ့ တိုက်ဆိုင်ပြီးတော့ ဒီလိုလုပ်လိုက်တာ ဖြစ်တယ်။”

ဒီဆန္ဒဖေါ်ထုတ်ပွဲနဲ့ပက်သက်ပြီး လက်ရှိကာလမှာ(၂၀၀၈) ဖွဲ့စည်းပုံ အခြေခံဥပဒေအရ အုပ်ချုပ်မှု့ကို လက်ခံရမှာဖြစ်ပြီး ဥပဒေအရ ပြည့်သူ့လွှတ်တော်က ပြဌာန်းလိုက်တဲ့အောင်မြင်ပြီးအဆိုတစ်ခုကို ပြည်နယ်အစိုးရအနေနဲ့ ငြင်းဆိုလို့ မရဘူးလို့လဲ မွန်ပြည်နယ်ဝန်ကြီးချုပ်ဒေါက်တာအေးဇံကနေသူရဲ့လူမှုရေးစာမျက်နှာမှာဖေါ်ပြထားပါတယ်။

ဒီမိုကရေစီဖက်ဒရယ်ပြည်ထောင်စု ဖြစ်ပေါ်လာမှသာ ဒီလိုပြဿနာတွေပျောက်ကွယ်သွားမှာဖြစ်ပြီး ပြည်နယ် တိုး တက်ဖွံဖြိုးရေးအတွက် တပြည်နယ်လုံးအပါအဝင် ပူးပေါင်းဆောင်ရွက်ပြီး တိုးတက်ဖြစ်ထွန်းမှု့ကို ဖော်ဆောင်ဖို့နဲ့ ဒီမို ကရေစီ ဖယ်ဒရယ်ပြည်ထောင်စု ဖွံဖြိုးရေးအတွက်ပူးပေါင်းတည်ဆောက်ကြဖို့ကိုလဲ ၀န်ကြီးချုပ်ကနေတိုက်တွန်းထား ပါတယ်။

သံလွင်တံတားချောင်းဆုံအမည်ပြောင်းလဲရေးနဲ့ပက်သက်လို့ ဗိုလ်ချုပ်အောင်ဆန်းအမည်ပေးခြင်းအားဖြင့် လူငယ်တွေဗိုလ်ချုပ်ကိုအားကျအတုယူစေဖို့ ဗိုလ်ချုပ်ရဲ့ပုံရိပ်ကိုမြှင့်တင်ဖို့NLDဘက်ကအမြင်တွေရှိနေကြသလို ဒေသခံ တွေအနေနဲ့က ဒေသနဲကိုက်ညီတဲ့အမည်ပေးဖို့လ်ိုလားမှုတွေရှိနေပါတယ်။

ဒေသခံတွေရဲ့သဘောထားအမြင်ကိုNLDအနေနဲ့လစ်လျူရှုမယ်ဆိုရင် NLDမျှော်မှန်းတဲ့ အမျိုးသားရင်ကြားစေ့ရေး လမ်းကြောင်းပေါ်ကနေသွေဖီသွားနိုင်သလို တိုင်းရင်းသားတွေနဲ့NLDအကြားပွတ်တိုက်မှုတွေ ဆက်လက်ပြင်းထန်နေမယ့် အခြေအနေရှိလာနိုင်တယ်လို့ နိုင်ငံရေးအကဲခတ်သူတွေကနေ သုံးသပ်ပြောဆိုမှုတွေလဲရှိနေပါတယ်။
VOA Burmese News


စစ်တွေ ၊ မတ် ၁၉

ဥပဒေနှင့်မညီဘဲ နိုင်ငံသားကဒ် ထုတ်ပေးခြင်းကို စစ်တွေမြို့၊ ဝင်္ကဘာကွင်းတွင် မတ်လ ၂၀ ရက်နေ့မှ ၂၂ ရက်နေ့အထိ (၃)ရက်တိုင်တိုင် စုဝေးဆန္ဒပြမည်ဟု ဆန္ဒပြခေါင်းဆောင်များက ဆိုသည်။

၁၉၈၂ ခုနှစ် နိုင်ငံသားဥပဒေနှင့်မညီဘဲ နိုင်ငံသားဖြစ်ခွင့်ပေးသည်ဟုဆိုကာ လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနကို ယနေ့ မတ်လ ၁၉ ရက်နေ့၊ နေ့လည် ၁ နာရီတွင် ရခိုင်ပြည်နယ် မြို့နယ် (၅)မြို့နယ်တွင် လူထောင်နှင့်ချီပြီး ဆန္ဒဖော်ထုတ်ခဲ့ကြပြီး စစ်တွေမြို့တွင် ဆန္ဒပြမှုအပြီး ဆန္ဒပြခေါင်းဆောင်များက ရခိုင်ပြည်နယ်အစိုးရအဖွဲ့နှင့် တွေ့ဆုံခဲ့ကာ (၃)ရက်တိုင်တိုင် စစ်တွေမြို့၊ ဝင်္ကဘာကွင်း၌ နံနက် ၇ နာရီမှ ညနေ ၆ နာရီအထိ စုဝေးဆန္ဒပြမည်ဟု ဆုံးဖြတ်ခဲ့ခြင်းဖြစ်သည်ဟု သိရသည်။


“ဒီနေ့ ဆန္ဒပြလို့အပြီးမှာ အစိုးရအဖွဲ့ နယ်လုံဝန်ကြီးဗိုလ်မှူးကြီး ထိန်လင်းနဲ့ တွေ့ခဲ့ပါတယ်။ လာမယ့် ၂၀ ရက်နေ့ကနေ ၂၇ ရက်နေ့အထိ စစ်တွေမြို့မှာ ဆန္ဒဖော်ထုတ်မှာကို ဆွေးနွေးခဲ့တယ်။ သူတို့က (၈)ရက်ဆိုရင် များတယ်ဆိုပြီးပြောတယ်။ ကျနော်တို့က (၅)ရက်လုပ်ဖို့ ပြန်ပြောတယ်။ ဒါပေမဲ့ သူတို့က (၃)ရက်လုပ်ဖို့ပြောတဲ့အတွက် (၃)ရက်တိုင်တိုင် စုဝေးဆန္ဒပြသွားမှာပါ။ ကျနော်တို့ ဆန္ဒပြ ပွဲမှာ တောင်းဆိုခဲ့တာကိုတော့ အစိုးရအဖွဲ့က ဘာမှ မပြောခဲ့ဘူး။ ဆန္ဒပြမယ့် အဆင့်လောက်ကိုပဲ ပြောခဲ့သေးတယ် ” ဟု ဆန္ဒဖော်ထုတ်ရာမှ ဦးဆောင်ပါဝင်သူ စစ်တွေဒေသခံဦးအောင်ဌေးက ပြောသည်။

ယနေ့နေ့လည်ပိုင်းက ဆန္ဒဖော်ထုတ်ရာတွင် ဥပဒေချိုးဖောက်သူအား တရားစွဲဆိုရေး၊ ပြည်နယ် လဝကမှူး ဦးဝင်းလွင်ကို ဖမ်းဆီးအရေးယူရေး၊ တရားမဝင်ထုတ်ပေးနေသော ကဒ်များအား ပြန်သိမ်းရေး၊ နိုင်ငံသားစိစစ်ရေးကော်မတီတွင် ဒေသခံကိုယ်စားလှယ်များအား ထည့်သွင်းပေးရေးတို့ကို တောင်းဆိုဆန္ဒပြခဲ့ကြသည်။

ဖဒူ ထွန်းအောင် / DMG
Development Media Group
https://www.facebook.com/dmgnewsagency/


၁၉-၂-၂၀၁၇

မတ်လ (၁၈)ရက် သတင်းစာရှင်းလင်းပွဲမှာ ရှပ်နီ အဖွဲ့  (United Front for Democracy Against Dictatorship.)ရဲ့  အဓိက လက်နက်တွေသိုလှောင်ထားတဲ့ပထုံဌာနီ လန်လုကာ ခရိုင်အတွင်းက ရှပ်နီအသံလွှင့်ဌာန နေအိမ်ကို ၀င်ရောက်ရှာဖွေခဲ့ရာမှာ လက်နက်မျိုးစုံနဲ့  ဖေါက်ခွဲရေးပစ္စည်းအများအပြားကို တွေ့ ရှိခဲ့ပါတယ်။


ပိုင်ရှင်ဖြစ်သူ Wutthipong Kochathammakun ကတော့ ထွက်ပြေးနေပြီး သူ့ ရဲ့ အကိုဖြစ်သူသာ နေအိမ်တွင်းမှာ ရှိနေခဲ့ပါတယ်။
ယခုဖမ်းမိခဲ့တဲ့ လက်နက်တွေဟာ စစ်အုပ်စုကို ဆန့် ကျင်နေတဲ့ အနီရောင်ဝတ်(ရှပ်နီ) အဖွဲ့ များရဲ့ ခေါင်းဆောင် တဦးKo Tee ပိုင်ဆိုင်တာလို့ သတင်းတွေမှာ ရေးသားနေပါတယ်။


ဝန်ကြီးချုပ်ဟောင်း သက်စင်(ပြည်ပထွက်ပြေး)ရဲ့  ညီမအရင်း ယင်လပ် ကိုဖြုတ်ချခဲ့တဲ့ ထိုင်းတပ်မတော်ကို လက်နက်ကိုင်တော်လှန်ဘို့ ဖုဝထိုင်းပါတီ(သက်စင်ဦးဆောင်ဖွဲ့ စည်း) က ပါတီဝင်တွေဟာ လက်နက်ကိုင်အသွင်ပြောင်းခဲ့ပြီး စစ်အာရှင် ဆန့် ကျင်ရေး သွေးစည်းညီညွှတ်သောအဖွဲ့ ဆိုပြီး ထိုင်းနိုင်ငံအတွင်းမှာလှုပ်ရှားနေကြပါတယ်။ ။

Credit Khaosod english
Social Action for Children and Women - SAW



ရှမ်းပြည်နယ်မြောက်ပိုင်းမှာ TNLA တအာင်းအမျိုးသား လွတ်မြောက်ရေး တပ်မတော်တပ်ဖွဲ့ဝင်တချို့ ကင်းလှည့်နေစဉ်။ Photo: Kan Thar/RFA
တအာင်းလွတ်မြောက်ရေးတပ်မတော် TNLA က ရှမ်းပြည်နယ် မန်တုံနဲ့ နမ္မတူမြို့နယ်တွေက ရှမ်းတိုင်းရင်း သားဒေသခံ အယောက် ၉၀ ကျော်ကို ဖမ်းဆီခဲ့တဲ့ ကိစ္စနဲ့ပတ်သက်ပြီး ရှမ်းလူထု အဖွဲ့အစည်းတွေက ကန့်ကွက်ကြောင်း ကြေညာချက် ထုတ်ပြန်လိုက်ပါတယ်။

တအာင်း/ပလောင် တိုင်းရင်းသားတွေနဲ့ ရှမ်းတိုင်းရင်းသားတွေကြားက သဘောထား တင်းမာမှုတွေ ကို လျှော့ချပေးနိုင်အောင် လုပ်ဆောင်ကြဖို့ ဒီလိုထုတ်ပြန် ရတာဖြစ်တယ်လို့ ကြေညာချက်ထုတ်ရာမှာ ပါဝင်တဲ့ ကော်တိုင်းအဖွဲ့ဝင် စိုင်းလျှမ်းခမ်းက ပြောပါတယ်။

"ထုတ်ပြန်ချက် ထုတ်ရတဲ့ ရည်ရွယ်ချက်ကတော့ ပြည်သူလူထုအနေနဲ့ စစ်ဒဏ်ကြားထဲမှာ မပိတ်မိစေဖို့ပေါ့နော်။ အဲဒါကို ဒီလက်နက်ကိုင် အဖွဲ့အစည်းတွေကို သတိထားပေးစေချင်တဲ့ ဟာလေး ရှိပါတယ်။ နောက်တစ်ခုကကျတော့ ဒီရှမ်းနဲ့ တအာင်းကြားထဲမှာ ရှိတဲ့ တင်းမာမှုတွေ ပိုပြီးတော့ ရှိမလာအောင်၊ အဲဒီ တင်းမာမှုတွေ လျော့သွားအောင် အဖက်ဖက်က ကူညီနိုင်အောင်လည်း ကျနော်တို့ သိစေချင်လို့ပေါ့နော် ကျနော်တို့ အဲဒီလို Statement (ကြေညာချက်) ထုတ်တာဖြစ်ပါတယ်။"

အစိုးရဘက်က နမ္မတူနဲ့ မန်တုံမြို့တွေမှာ ဖြစ်နေတဲ့ ပဋိပက္ခတွေကို နှုတ်ဆိတ်နေတာမျိုး မလုပ်ဘဲ ပြည်သူတွေရဲ့ လုံခြုံရေးအတွက် တာဝန်ယူပေးဖို့ လည်း ကြေညာချက်မှာ တောင်းဆိုထားပါတယ်။

မတ်လ ၆ ရက်နေ့ကနေ ၁၅ ရက်နေ့အတွင်းမှာ တအာင်းအမျိုးသား လွတ်မြောက်ရေး တပ်မတော် TNLA က ဒေသခံ အယောက် ၉၀ ကျော်ကို ဖမ်းဆီးခဲ့ပြီး ရှမ်းလက်နက်ကိုင်တပ်တွေနဲ့ ပတ်သက် ဆက်နွယ်မှု ရှိမရှိ စစ်ဆေးခဲ့တာ ဖြစ်ပါတယ်။

ဖမ်းဆီးခံရသူတွေထဲမှာ ပါဝင်သူ နှစ်ယောက်ဟာ TNLA ရဲ့ ပစ်ခတ်မှုတွေကြောင့် သေဆုံးခဲ့ရပြီး ၃ ယောက်ကိုတော့ ဖမ်းဆီးထားဆဲဖြစ်တယ်လို့ စိုင်းလျှမ်းခမ်း က ပြောပါတယ်။

ကျန်တဲ့သူတွေကိုတော့ မတ်လ ၁၄ ရက်နေ့က ပြန်လွှတ်ပေးလိုက်ပြီဖြစ်ပါတယ်။

RFA Burmese
http://www.rfa.org/burmese


ယခု ရက်ပိုင်းအတွင်း လူမှုကွန်ရက်စာမျက်နှာပေါ်တွင် ပျံ့နှံ့နေသော ဒဂုံမြို့သစ်(တောင်ပိုင်း) ၂၅ ရပ်ကွက်၊ ပြည်ထောင်စုလမ်းမ၊ ၁၁ ပန်းခြံရှေ့ရှိ ပျဉ်းကတိုးခင်း၊ သွပ်မိုးနေအိမ်အား အလုံးလိုက်ခိုးယူသွားမှုဖြစ်စဉ်မှ ကျူးလွန်သူတရားခံအား ဖမ်းဆီးရမိပြီဖြစ်ကြောင်း သက်ဆိုင်ရာအပိုင်နယ်မြေရဲစခန်းထံမှ သိရသည်။

ဖြစ်စဉ်မှာ မတ် ၁၈ရက်က အခင်းဖြစ်နေအိမ်ပိုင်ရှင်သည် ဒဂုံမြို့သစ်(တောင်ပိုင်း)၊ ပြည်ထောင်စုလမ်းမပေါ်ရှိ လွန်ခဲ့သည့် ၁၀နှစ်ခန့်ကတည်းက၀ယ်ယူထားသော နေအိမ်(အဟောင်း)ရှေ့မှ အသွား၊ အလာပြုလုပ်စဉ် ကြည့်ရှုရာ အိမ်အလုံးလိုက် ပျောက်ဆုံးနေကြောင်း တွေ့ရှိရခြင်းဖြစ်သည်။ အနီးအနားပတ်ဝန်းကျင်ရှိ နေထိုင်သူများအား စုံစမ်းမေးမြန်းရာ ထိုအိမ်အား မတ် ၁၇ ရက် နံနက်ပိုင်းက လူ ၁၀ ဦးခန့်က လာရောက်ဖျက်ဆီးကာ ကင်တာကားဖြင့် သယ်ဆောင်သွားသည်ကို သိရှိခဲ့ရပြီး ထိုဖြစ်စဉ်အား တောင်ဒဂုံ ရဲစခန်းတွင် အမှုဖွင့် တိုင်ကြားခဲ့သည်။


နေအိမ်အား ဖျက်၍ သစ်များ သယ်ဆောင်သွားသည့် ကားလမ်းတစ်လျှောက်ရှိ CCTVမှတ်တမ်းများအား စစ်ဆေးရာမှ သဲလွန်စရခဲ့ပြီး ထိုနေအိမ်အား ဥာဏ်ထွန်းခေါ် ကုလားပု (၃၃)နှစ်မှ သံလျင်ဘုရားကုန်း မှတ်တိုင်အနီးရှိ သစ်အဟောင်း အရောင်းအ၀ယ် လုပ်ကိုင်နေသူ ဦးငယ်လေး ဆိုသူထံ ထိုအိမ်ကို လက်ညှိးထိုးပြပြီး ငွေကျပ်ဆယ်သိန်းဖြင့် အရောင်းအ၀ယ် လုပ်ခဲ့ခြင်း ဖြစ်ကြောင်း သိရသည်။


အရောင်းအ၀ယ် တည့်ပြီးနောက် ဦးငယ်လေးမှ ၀ယ်ယူပြီး နေအိမ်အား ဖျက်ယူကာ သံလျင် ဘုရားကုန်းသို့ သယ်ဆောင်လာခဲ့ခြင်းဖြစ်ကြောင်း တရားခံ ကုလားလေး၏ ထွက်ဆိုချက်အရ သိရသည်။

အထက်ပါဖြစ်စဉ်နှင့် ပတ်သက်၍ တောင်ဒဂုံ မြို့နယ် ရဲစခန်းမှ (ပ)၃၂၂/၁၇ ရာဇသတ်ကြီး ပုဒ်မ ၃၇၉ဖြင့် အမှုဖွင့်၍ စုံစမ်းစစ်ဆေးခြင်း၊ ၀ယ်ယူသူထံမှ သစ်များပြန်သိမ်းခြင်းတို့ကို ရဲလုပ်ထုံးလုပ်နည်းနှင့်အညီ စစနစ်တကျ ဆောင်ရွက်နေပြီး တရားခံ ဥာဏ်ထွန်းခေါ် ကုလားပုကို ဥပဒေနှင့်အညီ အရေးယူ ဆောင်ရွက်နိုင်ရန် စီစဉ်လျက်ရှိကြောင်း သိရသည်။

ရွှေကသစ်(စမ်းချောင်း)
News Watch
https://www.facebook.com/NewsWatchJournal


ပဲခူးတိုင်းဒေသကြီး၊ ရွှေကျင်မြို့နယ်၊ အောင်ခလိန်ကျေးရွာက ရွှေထွက်ရှိတဲ့နေရာမှာ လုံခြုံရေး ဆောင်ရွက်နေတဲ့ တပ်မတော်သားတစ်ဦးရဲ့သေနတ်ကျည် ထိမှန်ပြီး ဒေသခံတစ်ဦး မနေ့က သေဆုံးသွားတဲ့အတွက် ရွှေကျင်မြို့မ ရဲစခန်းမှာ လူသတ်မှုနဲ့ အမှုဖွင့်ထားပါတယ်။

သေဆုံးသွားသူရဲ့ အစ်ကိုဖြစ်သူက ပုဒ်မ ၃၀၂ နဲ့ လာရောက်အမှုဖွင့်ထားပြီး တပ်မတော်ရဲ့စည်းကမ်း၊ လုပ်ထုံး လုပ်နည်းတွေနဲ့ အညီဆောင်ရွက်သွား ရမှာ ဖြစ်တယ်လို့ ရွှေကျင်မြို့နယ် ရဲစခန်းမှူး ဦးသန်းထွန်း က ပြောပါတယ်။

" ကျနော်တို့ ရဲစခန်းကိုတော့ သေဆုံးတဲ့သူရဲ့အစ်ကိုကနေလာပြီးတော့ အမှုဖွင့်ထားပါတယ်၊ ရွှေလုပ်ငန်း သွားလုပ်နေတဲ့ သူ့ညီကို စစ်သားတစ်ယောက် ကနေပြီးတော့ သေနတ်နဲ့ပစ်တယ်ဆိုတဲ့ သတင်းပေါ့နော်၊ သူကလည်း တစ်ဆင့်ကြားတာ၊ ကိုယ်တိုင်မြင်တာမဟုတ်ဘူး၊ အဲလိုလာတိုင် ထားပါတယ်၊ ကျနော်တို့ကတော့ လူသတ်တယ်ဆိုတော့ ၃၀၂ နဲ့ပဲ ဖွင့်တာပေါ့၊ ဟိုဘက်က တပ်မတော်စစ်သားဆိုတော့ တပ်စည်းကမ်းတွေ ဘာတွေရှိတယ်လေ၊ ဥပဒေလုပ်ထုံးလုပ်နည်းတွေနဲ့ပဲ လုပ်ရမှာလေ။ "

သေနတ်နဲ့ပစ်ခတ်မှုဖြစ်ပွားချိန်မှာ အခင်းဖြစ်နေရာမှာ ရောက်ရှိနေတဲ့ ဂန့်ဂေါ်ဝိုင်းရပ်ကွက်က ဒေသခံကိုစိုးထွန်း က အခုလိုပြောပါတယ်။

" သူတို့က ၀င်တူးရမယ့်အလှည့်၊ ကျနော်တို့က တူးပြီးထွက်လာခဲ့တဲ့အလှည့်၊ အလှည့်ကျတော့ ၀င်သွားတာ၊ ၀င်သွားတဲ့အခါကျတော့ မလိုအပ်သေးတော့ ပြန်မောင်းထုတ်တော့ သံတူရွင်းလေးကျသွားတာ၊ ကျသွားတော့ အဲသံတူရွင်းသွားယူတဲ့အချိန်မှာ အဲဒီက KNU စစ်သားလေးက နည်းနည်း သူ့ကို ဟောက်လိုက်တဲ့အချိန်မှာ သူက လှန်ကြည့်လိုက်မိတော့ သူ့ကိုမိုက်ကြည့်တယ်အောက်မေ့ပြီး သူ့ကို ဟန့်တားတဲ့ပုံစံမျိုးနဲ့ ၀ါးလုံးနဲ့ရိုက် လိုက်တဲ့အချိန်မှာ အဲ့ဒီ ၅၈၉ က စစ်သား မင်းမင်းက ကျည်တစ်လုံးထိုးပြီးတော့ ဖယ်စမ်း..ဖယ်စမ်း...ဆိုပြီးတော့ တစ်ခါတည်းသွားပြီးတော့ လူနဲ့ ၂ ပေလောက်ပဲကွာမယ်၊ ကပ်ပြီးပစ်လိုက်တာ"

အဲဒီနေရာမှာ အနီးအနားပတ်ဝန်းကျင်ဒေသတွေက လာရောက်ရွှေတူးဖော်သူ ၁ ထောင်ကျော်ရှိနေပြီး တစ်ဖွဲ့ကို ၂ နာရီစီ အလှည့်ကျ တူးခွင့်ပေးထား တာဖြစ်ပါတယ်။ အဖွဲ့တစ်ဖွဲ့မှာ ရပ်ကွက်/ကျေးရွာ ၂၀ ကျော်က လူဦးရေ ၁၀၀ နီးပါး ပါဝင်ပါတယ်။

လက်ရှိ အဲဒီဒေသကို KNU တပ်မဟာ ၃ နဲ့ တပ်မတော် ခလရ ၅၈၉ တို့က ဒေသခံတွေ အချင်းချင်း ခိုက်ရန် ဖြစ်ပွားမှာ စိုးရိမ်တာကြောင့် လုံခြုံရေးယူပေးထား တာဖြစ်ပါတယ်။

ပြီးခဲ့တဲ့ ဖေဖော်ဝါရီလကုန်ပိုင်းလောက်က အဲဒီနေရာတစ်ဝိုက်မှာ ဒေသခံတွေ သွားလာရင်း ရွှေကြော စတင် တွေ့ရှိပြီး တဖြည်းဖြည်းနဲ့ ရွှေကျင်သူတွေ များပြားလာတာ ဖြစ်ပါတယ်။

အဲဒီဒေသဟာ KNU ထိန်းချုပ်နယ်မြေအတွင်းမှာရှိတာဖြစ်ပြီး တိုင်းဒေသကြီးအစိုးရအဖွဲ့က သူတို့ စီမံခန့်ခွဲလို့ ရအောင် ညွှန်ကြားပေးဖို့ ပြည်ထောင်စုအစိုးရထံ တင်ပြထားတာလည်း ဖြစ်ပါတယ်။

RFA Burmese
http://www.rfa.org/burmese



နှစ်သစ်ကူးရုံးပိတ်ရက် ၅ ရက် သတ်မှတ်တာကို စက်မှုဇုန် အလုပ်သမားတွေ မတ်လ ၁၈ ရက်နေ့က ဆန္ဒပြနေစဉ်။ Photo: U Kyaw Zay Ya
ပြည်ထောင်စုအစိုးရအဖွဲ့က နှစ်သစ်ကူးရုံးပိတ်ရက်တွေကို ၅ ရက်အဖြစ် ပြင်ဆင်သတ်မှတ် လိုက်တာကို ရန်ကုန်တိုင်းဒေသကြီး၊ လှိုင်သာယာစက်မှုဇုန်မှာ အလုပ်လုပ်ကိုင်နေကြတဲ့ အလုပ်သမား ၇၀၀ ကျော်က ဒီနေ့ ဆန္ဒပြကန့်ကွက်ကြပါတယ်။

တရားဝင်အလုပ်ပိတ်ရက်တွေ ပြောင်းလဲလိုက်တဲ့အတွက် နယ်က အလုပ်သမားတွေ နေရပ်ပြန်ဖို့ အခက်အခဲတွေ ရှိလာတယ်လို့ ဆန္ဒပြပွဲဦးဆောင်သူ ကိုကျော်ဇေယျ က ပြောပါတယ်။

" အလုပ်အကိုင်ရှားပါးမှုကြောင့် အလုပ်အကိုင်ပေါများတဲ့ ဒီရန်ကုန်လို မန္တလေးလိုနေရာမျိုးတွေမှာ အလုပ် လာလုပ်ကြတယ်၊ အထူးသဖြင့်တော့ နယ်ဝေးကလူတွေပေါ့ဗျာ၊ နှစ်သစ်ကူးရုံးပိတ်ရက်ကျမှ မိသားစုနဲ့ပြန်တွေ့တာတို့၊ ရဟန်းခံ ရှင်ပြုတို့ ဒါတွေကို လုပ်ရတာ၊ ခါတိုင်းနှစ်တွေမှာတောင် မှပဲ ဒီပိတ်ရက် ၁၀ ရက်နဲ့ မလောက်လို့၊ အလုပ်ရှင်နဲ့ ညှိပြီးတော့ လုပ်သက်ခွင့်တို့၊ လစာမဲ့ခွင့်တို့နဲ့ တွဲတိုင်ပေးရတာတွေရှိတယ်၊ ဒီနှစ်မှာ အဲလို ၅ ရက်ရယ်လို့ သတ်မှတ်လိုက်တော့ ကျနော် တို့မှာပိုပြီးတော့ အဆင်မပြေမှုဖြစ်တယ်ပေါ့ဗျာ၊ ပြီးတော့အစိုးရက ဒီကိစ္စမျိုးကို ပြောင်းလဲမယ် ဆိုရင်လည်း နည်းနည်းလေးအချိန်လေးယူပြီးတော့ အလုပ်သမားတွေကို ကြိုတင်ပြီးတော့ ညှိနှိုင်းဆွေးနွေးတာမျိုးတွေ လုပ်ရင်တော့လည်း ဒီလောက်ထိ ပြဿနာက ကြီးမှာမဟုတ်ဘူးပေါ့ဗျာ။ "

စက်မှုဇုန်က အလုပ်သမားတွေကို ဒီနှစ်မှာ အရင်အတိုင်းပိတ်ရက် ၁၀ ရက်ပိတ်ပေးမှာဖြစ်ပေမယ့် ၅ ရက်စာကို အစားပြန်ဆင်းပေးတာ၊ ခွင့်ရက်တွေနဲ့ ချေတာ၊ လစာမဲ့ခွင့်ပေးတာ စတာတွေကို အလုပ်ရှင်နဲ့ ပြန်ညှိနှိုင်းရမှာ ဖြစ်တာကြောင့် အလုပ်သမားတွေက ပုံမှန်အတိုင်း ၁၀ ရက်ပိတ်ပေးဖို့ တောင်းဆိုကြ တာဖြစ်ပါတယ်။

အစိုးရ၀န်ထမ်းတွေအပြင် ပုဂ္ဂလိကအလုပ်သမားတွေကို သင်္ကြန်ပိတ်ရက် ၁၀ ရက်ပေးနိုင်ရေးအတွက် အလုပ် သမား၊ လူဝင်မှုကြီးကြပ်ရေး နဲ့ ပြည်သူ့အင်အားဝန်ကြီးဌာနနဲ့ စက်မှုဇုန်လုပ်ငန်းရှင်တွေ၊ စက်မှုဇုန်ပြင်ပက လုပ်ငန်းရှင်တွေ ရန်ကုန်မြို့ကုန်သည်များနဲ့ စက်မှုလက်မှုလုပ်ငန်းရှင်များ အသင်းချုပ် UMFCCI မှာ ပြီးခဲ့တဲ့ ၁၃ ရက်နေ့က တွေ့ဆုံဆွေးနွေးခဲ့ကြတာ ဖြစ်ပါတယ်။

ဆန္ဒပြအလုပ်သမားတွေဟာ ရန်ကုန်-ညောင်တုန်းလမ်းမကြီးတစ်လျှောက် စီတန်းလှည့်လည်ခဲ့ကြတာ ဖြစ်ပြီး စုဝေးဟောပြောတာတွေ လည်း ပြုလုပ်ခဲ့ကြပါတယ်။

RFA Burmese
http://www.rfa.org/burmese


ဗိုလ်ချုပ်အောင်ဆန်းအမည် သတ်မှတ်ပေးဖို့ ပြည်သူ့လွှတ်တော် ဆုံးဖြတ်တာကို မတ်လ ၁၉ ရက်နေ့က မွန်၊ ကရင်၊ ရန်ကုန်၊ ပဲခူး စတဲ့ တိုင်းနဲ့ပြည်နယ်တွေက မွန်တိုင်းရင်းသားတွေ ဆန္ဒပြတောင်းဆိုစဉ်။ Photo: Kyaw Lwin Oo/ RFA
မော်လမြိုင်-ချောင်းဆုံတံတားကို ဗိုလ်ချုပ်အောင်ဆန်း အမည် သတ်မှတ်ဂုဏ်ပြုပေးဖို့ ပြည်သူ့လွှတ်တော်မှာ အတည်ပြုလိုက်တာကို မွန်၊ ကရင်၊ ရန်ကုန်၊ ပဲခူး စတဲ့ တိုင်းနဲ့ပြည်နယ်တွေက မွန်တိုင်းရင်းသားတွေ ဒီနေ့ ဆန္ဒပြကန့်ကွက်ကြပါတယ်။

ဗိုလ်ချုပ်အောင်ဆန်းတံတားနာမည် သတ်မှတ်ဖို့ အတည်ပြုထားတာကို ပယ်ဖျက်ပြီး ဒေသခံတွေ လိုချင်တဲ့ တံတားနာမည်ပြောင်းလဲပေးဖို့ သောင်းနဲ့ချီတဲ့ မွန်တိုင်းရင်းသားတွေက တောင်းဆိုကြပါတယ်။

ဒေသခံတွေကန့်ကွက်ထားတဲ့ကြားကနေ ပြီးခဲ့တဲ့ မတ်လ ၁၄ရက်နေ့က ပြည်သူ့လွှတ်တော်မှာ မော်လမြိုင်ချောင်း ဆုံ သွယ်တန်းထားတဲ့ တံတားကို ဗိုလ်ချုပ်အောင်ဆန်းနာမည်ပေးဖို့ အဆိုကို ဆွေးနွေးအတည်ပြုခဲ့တာဖြစ်ပါတယ်။

ဒါ့အပြင်လွှတ်တော်မှာ မဲအများစုနဲ့ အတည်ပြုလိုက်တာဟာ ဒီမိုကရေစီနည်းအရ လူများစုက အနိုင်ကျင့်တာဖြစ်ကြောင်းနဲ့ အာဏာရှင်ဆန်တဲ့ လုပ်ရပ်ဖြစ်ကြောင်းလည်း ဆန္ဒပြသူတွေက ပြောကြပါတယ်။

ဒီနေ့ဆန္ဒထုတ်ဖော်ပွဲမှာ မွန်တိုင်းရင်းသားတွေအပြင် မွန်ပြည်နယ်မှာနေထိုင်ကြတဲ့ ကရင်နဲ့ ပအိုဝ်းတိုင်းရင်းသားတွေပါ ပူးပေါင်းပါဝင်ခဲ့ကြပါတယ်။

ချောင်းဆုံတံတားကို အမျိုးသားခေါင်းဆောင် ဗိုလ်ချုပ်အောင်ဆန်းတံတားလို့ နာမည်ပေးဖို့ ပေါင်မြို့ နယ်ပြည်သူလွှတ်တော်ကိုယ်စားလှယ် မိကွန်ချမ်း က ပြည်သူလွှတ်တော်မှာအဆိုတင်သွင်းကာ ကန့်ကွက်သူတွေ ရှိခဲ့ပေမယ့် မဲခွဲပြီးအတည်ပြုခဲ့တာဖြစ်ပါတယ်။

သံလွင်မြစ်ကိုဖြတ်သန်းကာမော်လမြိုင်နဲ့ချောင်းဆုံကို သွယ်တန်းထားတဲ့ တံတားကို မူလက သံလွင်တံတား(ချောင်းဆုံ)ဆိုတဲ့နာမည်နဲ့ ၂၀၁၅ခုနှစ်ဖေဖော်ဝါရီလ မှာ စတင်တည်ဆောက်ခဲ့ပါတယ်။

ဒီတံတားဟာ ငွေကျပ်သန်းပေါင်း ၆သောင်းနီးပါးအကုန်အကျခံဆောက်လုပ်ထားပြီး အဲဒီတံတားကို လာမယ့် ဧပြီလ ၉ရက်နေ့မှာ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကိုယ်တိုင် လာရောက်ဖွင့်လှစ်ပေး မှာဖြစ်တယ်လို့ သိရပါတယ်။

RFA Burmese
http://www.rfa.org/burmese



ပဲခူးတိုင်းဒေသကြီး ပြည်မြို့နယ် အနောက်လက္ခုပ္ပင်ကျေးရွာက တောင်သူတွေ အသိမ်းခံထားရတဲ့ မြေတွေပေါ်မှာ မတ်လ ၁၇ ရက်နေ့က သပိတ်စခန်းဖွင့်ထားစဉ်။ Photo: Zaw Htun (facebook)
ပဲခူးတိုင်းဒေသကြီး ပြည်မြို့နယ် အနောက်လက္ခုပ္ပင်ကျေးရွာမှာ သိမ်းဆည်းခံရတဲ့မြေတွေမှာ Delicious Food ကုမ္ပဏီက ၀င်ရောက်ပြီး ကြံစိုက်နေတာတွေကို ရပ်တန့်ပေးမယ်လို့ ကတိပေးတာ ကြောင့် မြေသိမ်းခံတောင်သူ ၂၀ နီးပါးရဲ့ သပိတ်စခန်းကို ရုပ်သိမ်းလိုက်ပါတယ်။

ခရိုင်အုပ်ချုပ်မှူးက သပိတ်စခန်းဖွင့်ထားတဲ့ တောင်သူတွေနဲ့ ကုမ္ပဏီတာဝန်ရှိသူတွေကို မနေ့ညနေက ခေါ်တွေ့ပြီး အဲဒီမြေတွေကို စားကျက်မြေအဖြစ် သတ်မှတ်ထားတာကြောင့် ဘယ်သူမှ ၀င်ရောက် မကျုးကျော်ဖို့ ပြောခဲ့တယ်လို့ တောင်သူ ဦးမျိုးနိုင် က ပြောပါတယ်။

" မနေ့တုန်းက ခရိုင်အဆင့်ကနေ ကျွန်တော်တို့ကို လှမ်းခေါ်ပါတယ်။ ကုမ္ပဏီကိုလည်း လှမ်းခေါ် ပါတယ်။ ဒီနေရာဟာ စားကျက်မြေအဖြစ် သတ်မှတ်ထားတာကြောင့် ဘယ်သူကမှ မကျုးကျော်ဖို့ သဘောတူပါသလားမေးတော့ ကျနော်တို့က သဘောတူလိုက်ပါတယ်။ ကုမ္ပဏီဘက် ကတော့ သိပ်ပြီးတော့မကျေနပ်ဘူး။ မြို့နယ်ကနေပြီး သတ်မှတ်ထားတာတဲ့။ ၂ လပိုင်းလောက်က သတ်မှတ် ထားတာတဲ့။ စိုက်ခင်းတွေရှိတယ်။ အဲ့စိုက်ခင်းတွေကို ရိတ်သိမ်းခြင်း ၊ ထွန်ယက်ခြင်း၊ ခုတ်ထွင် ရှင်းလင်းခြင်း ဘာမှမ၀င်ဘာနဲ့ ကျနော်တို့လည်း မ၀င်ဘူး သူတို့လည်း မ၀င်ပါနဲ့ ဆိုပြီး နှစ်ဦးသဘောတူ လက်မှတ်ထိုးပြီး ပြန်လာတယ်။"

တောင်သူ ၂၀ နီးပါးနဲ့ Delicious Food ကုမ္ပဏီတို့အကြား အနောက်လက္ခုပ္ပင်ကျေးရွာက မြေဧက ၃၉ ဧကနဲ့ပတ်သက်ပြီး ပိုင်ဆိုင်မှု အငြင်းပွားနေတာကြောင့် လယ်ယာမြေနှင့်အခြားမြေများ သိမ်းဆည်းခံရမှုများ ပြန်လည်စိစစ်ရေးကော်မတီက စားကျက်မြေအဖြစ် သတ်မှတ်ထားတာ ဖြစ်ပါတယ်။

အဲ့ဒီမြေတွေမှာ မတ်လ ၁၄ ရက်ကနေ ၁၆ ရက်နေ့အထိ ကုမ္ပဏီဖက်က ကြံတွေ ၀င်ရောက်စိုက်ပျိုးတဲ့အတွက် မြေသိမ်းခံတောင်သူတွေက သပိတ်စခန်းဖွင့်ပြီး မတ်လ ၁၇ရက်နေ့ကစပြီး သပိတ်စခန်းဖွင့်ဆန္ဒပြခဲ့ကြတာဖြစ်ပါတယ်။

အဲဒီသိမ်းဆည်းခံမြေတွေကို အမြန်ဆုံးပြန်လည်ပေးအပ်ဖို့၊ သိမ်းဆည်းခံမြေပေါ်မှာ သကြားစက်ရုံက ၀င်ရောက်ထွန်ယက်တာကြောင့် သကြားစက်ရုံကို ထိရောက်စွာ တရားစွဲဆိုပေးဖို့ တောင်သူတွေက မနေ့က တောင်းဆိုခဲ့ကြပါတယ်။

ဒေသခံတွေက တောရိုင်းမြေတွေကို ခုတ်ထွင်ရှင်းလင်းပြီး လုပ်ကိုင်လာရာကနေ ၁၉၉၆ ခုနှစ်မှာ တပ်မတော်ကသိမ်းယူခဲ့ပြီး သကြားစက်အတွက် မြေနေရာ ချထားပေးခဲ့တာလို့ သိရပါတယ်။

RFA Burmese
http://www.rfa.org/burmese


ယနေ့ (၁၉.၃.၂၀၁၇)ရက်နေ့ နံနက်(၁၀)နာရီ (၂၀) မိနစိအချိန်ခန့်တွင် တောင်တွင်းကြီးမြို့ ၊ မြို့မဈေးကြီး တောင်ဘက် ကွေးလမ်းမပေါ်၌ ယာဉ်စည်းကမ်း လမ်းစည်းကမ်း ထိန်းသိမ်းရေးအဖွဲ့နှင့် ဆိုင်ကယ်ဦးထုပ် မဆောင်းသဖြင့် အဖမ်းခံရသည့် ဆိုင်ကယ်သမားတို့ ခိုက်ရန်ဖြစ်ပွားမှု ဖြစ်ပေါ်ခဲ့ပြီး ဖြစ်စဉ်နှင့် ပတ်သက်၍ ယခု အချိန်အထိ သက်ဆိုင်ရာမှ စစ်ဆေးဆောင်ရွက်လျှက်ရှိကြောင်း သိရသည် ။

Bo Pyae Taungdwingyi



ဆီးချိုရောဂါကု ဆေးဝါးများအား တွေ့ရစဉ် (ဓာတ်ပုံ-အင်တာနက်)
    ဟန်ကျိုး၊ မတ် ၁၉ ရက် (ဆင်ဟွာ)

    ဆီးချိုရောဂါကုသရာတွင် အသုံးပြုသော ဆေးဝါးများက ရင်သားကင်ဆာ ဖြစ်ပွားမှုအား ထိရောက်စွာ တိုက်ဖျက်ပေးနိုင်ကြောင်းကို တရုတ်နိုင်ငံမှ သုတေသီများက ရှာဖွေတွေ့ရှိခဲ့ကြောင်း သိရသည်။

နှစ်စဉ် တရုတ်နိုင်ငံတွင် ရင်သား ကင်ဆာကြောင့် သေဆုံးသူ ၇၀,၀၀၀ ဦးကျော် ရှိကြောင်း အမျိုးသား ကင်ဆာ စင်တာထံမှ သိရသည်။

ရင်သားကင်ဆာ အမျိုးအစား လေးမျိုးအနက် Triple-negative ရင်သားကင်ဆာ အမျိုးအစားက လူ တစ်ဦးချင်းစီကို ပိုပြီးအန္တရာယ်ပေးနိုင်ကြောင်း ကျဲ့ကျန်း ဆေးတက္ကသိုလ်မှ ပရော်ဖက်ဆာ Dong Chenfang က ပြောသည်။ ယင်း အမျိုးအစားသည် ဦးနှောက်နှင့် အဆုတ်များသို့ လျင်မြန်စွာ ပျံ့နှံ့ တိုက်ခိုက်ခြင်း ဖြစ်ကြောင်း၊ လက်ရှိတွင် အဆိုပါ ရင်သားကင်ဆာ ပုံစံအတွက် ရောဂါကုထုံးအဖြစ် ထိရောက်စွာ ကုသရန် ရည်ရွယ်ထားခြင်း မဟုတ်ကြောင်း Dong ၏ ပြောကြားချက်အရ သိရသည်။

Dong နှင့် လုပ်ဖော်ကိုင်ဖက်များက AKR1B1 ဟု အမည်ရှိသော ဇီဝဆိုင်ရာ အင်ဇိုင်းဓာတ်သည် Triple-negativs ရင်သားကင်ဆာတွင် ဆဲလ်များနှင့် ကင်ဆာဆဲလ် ပျံ့နှံ့နှုန်းနှင့် အသက်ရှင်မည့် အချိန် လျော့န ည်းမှုနှုန်းများ စသည်တို့အတွက် သိသာထင်ရှားစွာ မြှင့်တင်ပေးနိုင်ကြောင်း တွေ့ရှိခဲ့ကြသည်။

ဆီးချိုရောဂါများ ကုသရန်အတွက် ဂျပန်နိုင်ငံက ခွင့်ပြုထားသည့် Epalrestat ဆေးဝါးသည် AKR1B1 ကင်ဆာဆဲလ်များ ကြီးထွား ပျံ့နှံ့မှုအား ဟန့်တားနိုင်ကြောင်း သုတေသီများက တွေ့ရှိခဲ့ခြင်း ဖြစ်သည်။

ယခု တွေ့ရှိချက်မှာ သုတေသနပြုဆဲ အဆင့်သာရှိသေးကြောင်း၊ Epalrestat ဆေးဝါးကိုလည်း မည်သို့မည်ပုံ အသုံးပြုနိုင်ရန် အခြား စမ်းသပ်မှုများအတွက် လိုအပ်နေဆဲ ဖြစ်ကြောင်း Dong က ပြောကြားခဲ့သည်။

ယခုကဲ့သို့ သုတေသန တွေ့ရှိချက် အပြည့်အစုံအား မတ်လ ၇ ရက်နေ့ထုတ် Experimental Medicine ဂျာနယ်တွင် ဖော်ပြထားကြောင်း သိရသည်။

(Xinhua)
http://www.xinhuamyanmar.com


မတ် ၁၉ ရန်ကုန်။
ထိုင်းနိုင်ငံ စမွတ်ပါကန်မြို့မှာ မြန်မာအမျိုးသမီးတစ်ဦးကို မုဒိန်းကျင့်ဖို့ကြံစည်တဲ့သူကို ကြက်သွန်လှီးဓါးနဲ့ ပြန်လည်ခုခံခဲ့ရာကနေ လူသတ်မှုဖြစ်ပွားခဲ့တယ်လို့ ထိုင်းနိုင်ငံရောက်မြန်မာနိုင်ငံသားများအဖွဲ့ MAT ရဲ့ဒါရိုက်တာ ဦးကျော်သောင်းက ပြောပါတယ်။

အဆိုပါဖြစ်ရပ်ဟာထိုင်းနိုင်ငံ စမုတ်ပါကန်မြို့မှာ အလုပ်လုပ်ကိုင်နေတဲ့ မြန်မာအလုပ်သမားတွေ နေထိုင်တဲ့အဆောင်မှာ မတ်လ ၁၈ ရက်နေ့ကဖြစ်ပွားခဲ့တယ်လို့ သိရပါတယ်။
အသက် ၂၁နှစ်အရွယ် မြန်မာအမျိုးသမီးလုပ်သား မစုစုဇင် နေထိုင်ရာ အဆောင်ထဲကို မြန်မာအမျိုးသား လုပ်သားဖြစ်သူက ၀င်ရောက်ကာ အဓမ္မပြုကျင့်ဖို့ ကြိုးစားတဲ့အတွက် ပြန်လည်ခုခံခဲ့တယ်။ မုဒိန်းမှု ပြုဖို့ကြံစည်သူဟာနေရာမှာတင်ပွဲချင်းပြီးသေဆုံးသွားတယ်။

မစုစုဇင်ကို စမွတ်ပါကန်ခရိုင်၊ ဘန်ဆောင့်ထုန်နယ်မြေရဲစခန်းကို ဖမ်းဆီးခေါ်ဆောင်သွားတယ်လို့သိရပါတယ်။
ထိုင်းအလုပ်သမားအရေးကို ဆောင်ရွက်ပေးနေတဲ့ MAT အဖွဲ့အနေနဲ့လည်း တရားဝင်မှတ်ပုံတင်ထားတာမရှိလို့ အမှုနဲ့ပတ်သတ်ပြီး ထဲထဲဝင်ဝင်ဆောင်ရွက်ပေးနိုင်မဟုတ်ဘဲ မြန်မာသံရုံးကနေသာတရားဝင် အမှုမှန်ပေါ်ပေါက်ဖို့ဆောင်ရွက်ပေးနိုင်လိမ့်မယ်လို့ ဦးကျော်သောင်းက ပြောပါတယ်။

“အဓိကလုပ်ရမှာက မြန်မာသံရုံးကတာဝန်ရှိသူတွေက ဂရုတစိုက် ဆောင်ရွက်ပေးသင့်တယ်။ဆောင်ရွက်ပေးမှုမရှိသမျှကာလပတ်လုံးတော့ ထိုင်းနိုင်ငံထဲမှာ ရှိနေတဲ့ မြန်မာတွေရဲ့ဘဝက ကြက်တစ်ကောင်၊ ခွေးတစ်ကောင်လောက်မှ တန်ဖိုးရှိမှာ မဟုတ်ဘူး။” လို့ သူကဆက်ပြောပါတယ်။

ဝင်းနန္ဒာ
Kumudra


နေပြည်​​တော်​၊မတ်​ ၁၉။

နေပြည်တော်၊မဏိရတနာကျောက်စိမ်းခန်းမ တွင် မတ်လ ၁၉ ရက်နေ့မှ ၂၄ ရက်နေ့အထိ ကျောက်မျက်ရိုင်းနှင့်ကျောက်စိမ်းအသားကျောက်များအား ပြည်တွင်းကုန်သည်များကို မြန်မာကျပ်ငွေဖြင့် ရောင်းချသည့်ပြပွဲကျင်းပပြုလုပ်​​ကြောင်းသိရသည်။

“ရောင်းချတာကတော့ မြန်မာကျပ်ငွေနဲ့ပါဘဲ၊ ပြည်တွင်းကုန်သည်တွေကိုပဲပေါ့၊ ကျောက်မျက်ရိုင်း၊ ကျောက်စိမ်းအသားကျောက်တွေကတော့ အမျိုးအစားများများပါ၊ နိုင်ငံခြားသားတွေကိုပါ ရောင်းချတဲ့ ပွဲတွေတုန်းကလိုတော့ သိပ်အမြင့်ကြီးတွေမဟုတ်ပါဘူး”ဟု မြန်မာ့ကျောက်မျက်ရတနာ ပြပွဲ ဗဟိုကော်မတီ ဒုတိယဥက္ကဌ ဦးသန်းဇော်ဦးက ပြောသည်။


ထိုသို့ ရောင်းချသည့်ပွဲကို ပြည်တွင်းကုန်သည် ၂၀၀၀ ကျော်မှ တက်ရောက်လေ့လာရန် စာရင်းပေးသွင်းခဲ့ပြီး မတ်လ ကျောက်စိမ်း၊ ကျောက်မျက်တွဲများကို (၂)ရက်လေ့လာကြည့်ရှု စစ်ဆေးနိုင်မှာဖြစ်ကာ ကျန်ရက်များတွင် အိတ်ဖွင့်တင်ဒါစနစ်ဖြင့်ရောင်းချသွားမည်ဖြစ်ကြောင်း မြန်မာ့ကျောက်မျက်ရတနာ ပြပွဲဗဟိုကော်မတီထံမှ သိရှိရသည်။

ပြပွဲတွင် အခြေခံကြမ်းခင်းဈေးနှုန်း (အနိမ့်ဆုံးဈေးနှုန်း) ကျပ် (၁၀) သိန်းမှ အမြင့်ဆုံး ဈေးနှုန်း ကျပ် (၈၈၀) သိန်း ရှိ ကျောက်စိမ်းအတွဲများ ခင်းကျင်းပြသထားကြောင်း သိရှိရသည်။

ပြည်တွင်းကုန်သည်များ စိတ်ဝင်စားသည့် ထိုကဲ့သို့ မြန်မာကျပ်ငွေဖြင့် ရောင်းချသည် ပြပွဲများကို ၂၀၁၁ ခုနှစ် သြဂုတ်​လ၊၂၀၁၂ ခုနှစ် ဒီဇင်ဘာလ၊ ၂၀၁၄ ခုနှစ် ဇန်န၀ါရီလနှင့်အောက်တိုဘာလ၊ ၂၀၁၅ ခုနှစ် ဒီဇင်ဘာလ များတို့တွင် တစ်ကြိမ်စီ ကျင်းပပြုလုပ်ခဲ့ပြီးကြောင်း သိရှိရသည်။

ကြယ်​စင်​ခ
Central News Myanmar
https://www.facebook.com/CNMyanmar/


ဘာသာသာသနာနှင့် ဘိုးမင်းခေါင်အား ခုတုံးလုပ်၍ ကျပ်သိန်း ၄၀ လိမ်လည်သွားသူအား ပဲခူးမြို့မရဲစခန်းတွင် အမှုဖွင့်ထားကြောင်း သတင်းရရှိသည်။

ဖြစ်စဉ်မှာ ပဲခူးမြို့ လိပ်ပြာကန်အိမ်ရာတွင် နေထိုင်သူ ဒေါ်သက်သက်ဆွေထံမှ အဘအောင်မင်းခေါင် နတ်နန်းဖွင့်ထားသူ ဒေါ်မြင့်မြင့်က ပုပ္ပါးတောင်မြတ်တွင် ဓာတ်နန်းဆောက်မည်၊ နာရေးကူညီမှုအသင်းတွင် နိဗ္ဗာန်ယာဉ်တစီးလှူရမည်၊ အလှကုန်ပစ္စည်းတိုးချဲ့လုပ်ကိုင်ရမည်ဟု အမိန့်ချသွားသည်ဟုပြောဆိုကာ ငွေကျပ် သိန်းလေးဆယ် ချေးယူခဲ့ကြောင်းနှင့် ယုံကြည်အောင် ပြောဆိုမှုကြောင့် ဒေါ်သက်သက်ဆွေက မိတ်ဆွေများ ထံမှ အတိုးဖြင့် ချေးယူ၍ အတိုးမဲ့စာချုပ်ဖြင့် ချေးလိုက်ကြောင်း သိရသည်။

သို့သော် စာချုပ်ပါကတိအတိုင်း (၁၅-၁၂-၂၀၁၆)နေ့တွင် လာရောက်ပေးချေခြင်းမရှိသဖြင့် ဒေါ်မြင့်မြင့်အိမ်သို့ သွား ရောက်တောင်းဆိုခဲ့ရာ ငွေကိုပြန်မဆပ်သည့်အပြင် ဖုန်းဆက်သော်လည်း မကိုင်တော့ကြောင်း၊ ထို့ပြင် ဒေါ်မြင့်မြင့်က ''နင့် ပိုက်ဆံ ငါချေးတာမဟုတ်ဘူး။ အဘချေးတာ၊ အဘပေးရင် နင်ပြန်ရမှာပေါ့။ အဲဒီအခါ ယူပေါ့၊ အခု နင်ငါ့ဆီ ခဏခဏလာတောင်းနေလို့ အဘစိတ်တိုနေပြီ။ စိတ်ငြိုငြင်နေတယ်။ အဘက နင့်ကို သတ်လိမ့်မယ် ကြပ်ကြပ်သတိထား''ဟု ပြောကြားခဲ့ကြောင်း ဒေါ်သက်သက်ဆွေ၏ ပြောကြားချက်အရ သိရှိရ သည်။

ဒေါ်မြင့်မြင့်သည် ငွေချေးယူစဉ်က ပြောကြားခဲ့သလို ပုပ္ပါးတွင် ဓာတ်နန်းဆောက်လုပ်ထားခြင်းမရှိသလို နိဗ္ဗာန်ယာဉ်လည်း လှူဒါန်းထားခြင်းမရှိကြောင်း စုံစမ်းသိရှိရသည့်အပြင် နေအိမ်မှ ထွက်ပြေးတိမ်း ရှောင်နေသောကြောင့် ၂၀-၁၂-၀၁၇ နေ့စွဲဖြင့် ပဲခူးမြို့မရဲစခန်းတွင် တိုင်တန်းခဲ့ရာ ပြစ်မှုအမှတ် (ပ) ၆၂/ ၂၀၁၇ ရာဇသတ်ကြီးပုဒ်မ ၄၂၀ ဖြင့် အမှုဖွင့်ထားကြောင်း ဒေါ်သက်သက်ဆွေ၏ ပြောကြားချက်အရ သိရှိရသည်။

မိုးမြင့်လွင်
News Watch
https://www.facebook.com/NewsWatchJournal/



ဗင်နီဇွဲလားနိုင်ငံရှိ အကျဉ်းထောင် တစ်ခု အတွင်းဘက် မြင်ကွင်းအား တွေ့ရစဉ် (ဓာတ်ပုံ-အင်တာနက်)
    ကရာကက်စ်၊ မတ် ၁၉ ရက် (ဆင်ဟွာ)

    ဗင်နီဇွဲလားနိုင်ငံရှိ အကျဉ်းထောင် တစ်ခုအတွင်း ဖြစ်ပွားခဲ့သည့် အကြမ်းဖက်မှုကြောင့် သေဆုံးခဲ့သူ အရေအတွက်မှာ ၁၅ ဦး အထိ ရှိလာပြီး ဖြစ်ကြောင်း မတ်လ ၁၈ ရက်တွင် တာဝန်ရှိသူများက ကြေညာခဲ့သည်။

ဗင်နီဇွဲလားနိုင်ငံ မြောက်ပိုင်း Guarico ပြည်နယ် San Juan de Los Morros မြို့တွင် ရှိ်သော General Penitentiary အကျဉ်းထောင် (PGV) အတွင်း သေဆုံးသူ ၁၅ ဦးကို တွေ့ရှိခဲ့ရကြောင်း စုံစမ်းစစ်ဆေးမှုအပြီး ထုတ်ပြန်သည့် ကြေညာချက်တွင် ရှေ့နေချုပ်က ပြောကြားခဲ့သည်။

အကျဉ်းထောင်အား ထိန်းသိမ်းရန် ရက်သတ္တပတ်များစွာအကြာ ပြုလုပ်ခဲ့ပြီးနောက် အစားအစာနှင့် ဆေးဝါး ရှားပါးသည်ဟူသော အကြောင်းပြချက်ဖြင့် PGV အကျဉ်းထောင်မှ အကျဉ်းသား ၉၀၀၀ ဦးလုံးအား ရွှေ့ပြောင်းမည် ဖြစ်ကြောင်း ပြီးခဲ့သည့် အောက်တိုဘာလတွင် အစိုးရက ကြေညာခဲ့သည်။

ကျွမ်းကျင်သူ ၂၀ ဦး ပါဝင်သည့် အဖွဲ့က PGV အကျဉ်းထောင်အတွင်း ရှာဖွေရေး လုပ်ဆောင်ခဲ့ပြီး ကြေညာချက် တစ်စောင် ထုတ်ပြန်ခဲ့ရာ အဆိုပါ တွေ့ရှိခဲ့သည့် ဦးခေါင်းခွံများ၊ ကျောရိုးအဆစ်များနှင့် အခြား တွေ့ရှိသည့်အရာများမှာ မည်သူမည်ဝါဖြစ်ကြောင်းနှင့် အမျိုးသား၊ အမျိုးသမီး အမျိုးအစား ခွဲခြားကာ ဆုံးဖြတ်ခြင်း စသည်တို့ အဓိကထား လုပ်ဆောင်ခြင်း ဖြစ်ကြောင်း သိရသည်။

“စုစုပေါင်း သေဆုံးသူ ၁၂ ဦးကို ၎င်းတို့ရဲ့ ဦးခေါင်းခွံတွေနဲ့အတူ တွေ့ရှိခဲ့တယ်၊ အခြား သေဆုံးသူ ၃ ဦးကတော့ ဦးခေါင်ခွံတွေ မရှ်ိတော့ဘူး၊ စုစုပေါင်းကတော့ သေဆုံးသူ ၁၅ ဦးရဲ့ ရုပ်အလောင်းတွေကို တွေ့ရှိခဲ့တာပါ” ဟု ထုတ်ပြန်ချက်၌ အသေးစိတ် ဖော်ပြထားသည်။

(Xinhua)
http://www.xinhuamyanmar.com


ရော့ခ် ဂီတ ဖခင်ကြီးအဖြစ် လူသိများသည့် အဆိုတော် Chuck Berry အားတွေ့ ရစဉ် ( ဓာတ်ပုံ-အင်တာနက်)
    ချီကာဂို ၊ မတ် ၁၉ ရက် (ဆင်ဟွာ)

    ရောခ့်အန်ရိုး ဖခင်ကြီး ( Father of Rock’n Roll’ ) ဟု လူသိများသော အသက် ၉ဝ နှစ်အရွယ်ရှိ အမေရိကန်နိုင်ငံသား ဂန္တဝင်အဆိုတော် ချော့ခ်ဘာရီ (Chuck Berry) သည် မစ်ဆိုရီပြည်နယ် စိန့် လူးဝစ်ရှိ ၄င်း၏ နေအိမ်၌ မတ်လ ၁၈ ရက်တွင် ကွယ်လွန်နေသည်ကို တွေ့ ရှိရကြောင်း ဒေသဆိုင်ရာ ရဲတပ်ဖွဲ့ က ဆိုသည်။

 “ St.Charles ရဲတပ်ဖွဲ့ က အဆိုတော် Charles Edward Anderson Berry Sr သေဆုံးနေတာကို ဝမ်းနည်းစွာတွေ့ ရှိခဲ့ပါတယ်။ သူ့ ကို ဂန္တဝင်အဆိုတော် ချော့ခ်ဘာရီအဖြစ်လည်း လူသိများပါတယ် ” ဟု St. Charles Country ၏ ဖေ့ဘွတ်စာမျက်နှာပေါ်တွင် ရေးသားထားသည်။

ဘာရီ၏ နေအိမ်သို့  တပ်ဖွဲ့ ဝင်များက မတ်လ ၁၈ ရက် ညနေပိုင်းတွင် ရောက်ရှိခဲ့ကြောင်း နှင့် ယင်းအချိန်တွင် ဘာရီမှ လှုပ်ရှားမှုမရှိတော့ကြောင်း ရဲတပ်ဖွဲ့ က ဆိုသည်။ ဘာရီသည် ဒေသစံတော်ချိန် မွန်းလွဲ ၁ နာရီ ၂၆ မိနစ်ကတည်းက ကွယ်လွန်နေပြီဖြစ်ကြောင်း စစ်ဆေးချက်များအရ သိရသည်ဟု ရဲတပ်ဖွဲ့ က ဆိုသည်။

ဘာရီသည် ၁၉၅ဝ ပြည့်လွန်နှစ်များက ပထမဆုံး ပေါ်ထွက်ခဲ့သော တေးသီချင်းရေးသူ နှင့် ဂီတာ သမားတစ်ဦးဖြစ်သည်။ ထို့ ပြင် ၄င်းသည် စာရေးဆရာ နှင့် Johnny B. Goode ၊ Sweet Little Sixteen နှင့် Roll Over Beethoven ကဲ့သို့ သော် ဂန္တဝင်မြောက် ရော့ခ်အန်ရိုးသီချင်းများကို သီဆိုခဲ့သူတစ်ဦးဖြစ်ကြောင်း သိရသည်။

(Xinhua)
http://www.xinhuamyanmar.com

[youtube src="JOV-XSc_bhg"/]
DVB TV - ရှေ့နေဦးကိုနီလေဆိပ်မှာ လုပ်ကြံသတ်ဖြတ်ခံရတဲ အမှုမှာ လက်ရှိအာဏာရအစိုးရအနေနဲ ဥပဒေအကြောင်းနားလည်မှု မရှိဘူးလို့တရားလွှတ်တော်ရှေ့နေတွေက ဝေဖန်ပြောဆိုလိုက်ပါတယ်။ပြည့်ဘုန်းအောင်ကပေးပို့ ထားပါတယ်။
DVB TV News



အင်္ဂလိပ် ကဗျာဆရာ Rudyard Kipling ၏ IF (အကယ်၍) ကဗျာမြန်မာပြန်ကို အခြေခံပညာကျောင်းသုံးစာအုပ်၌ ထည့်သွင်းပြဋ္ဌာန်းရန် ပညာရေးဝန်ကြီးဌာနထံ အကြံပြုမည်ဖြစ်ကြောင်း အမျိုးသားလွှတ်တော် ကျန်းမာရေး၊ အားကစားနှင့် ယဉ်ကျေးမှုဆိုင်ရာကော်မတီထံမှ သိရသည်။

ကော်မတီဥက္ကဋ္ဌ ဒေါက်တာ ဇော်လင်းထွဋ်က မတ်လ ၁၄ ရက်ကကျင်းပခဲ့သည့် အမျိုးသားလွှတ်တော်တွင် ကော်မတီ၏နှစ်လည်အစီရင်ခံစာ တင်သွင်းရာ၌ ထည့်သွင်းဖတ်ကြားခဲ့သည်။

ခွန်အားဖြစ်စေသော ထိုကဗျာကို အမျိုးသားဒီမိုကရေစီအဖွဲ့ချုပ် (NLD) အထွေထွေအတွင်းရေးမှူး ဒေါ်အောင်ဆန်းစုကြည်က ၂၄-၁၁-၈၈ ရက်နေ့တွင် စည်းရုံးရေးတာဝန်ခံ လူငယ် ၁၄ ဦးအား သြ၀ါဒပေးရာတွင် အဓိပ္ဗါယ်ပြန်ဆို၍ ထည့်သွင်းပြောကြားခဲ့ပြီး ယင်းပြောကြားချက်အားမှီငြမ်း၍ NLD က ၁၉၉၀ မတ်လတွင် စာစောင်အဖြစ် ထုတ်ဝေခဲ့သည်။

အဆိုပါစာစောင်ထုတ်ဝေစဉ်က မှီငြမ်းရေးသားသူ၏အမည်ကို မဖော်ပြထားခဲ့သော်လည်း သူမ ဘာသာပြန်ခဲ့ခြင်းဖြစ်သည်ဟု စာရေးဆရာမ မသီတာ (စစ်ချောင်း) က ဆိုသည်။

“အဲဒီဟာကို ကျွန်မရဲ့ စာအုပ် စမ်းချောင်း-အင်းစိန်-ဟားဗတ် စာအုပ်မှာကတည်းက ရေးထားပြီးသားပါ။ အစ်မ (ဒေါ်အောင်ဆန်းစုကြည်) က အဓိပ္ပါပယ်ကိုပဲ ပြောထားတာ။ စာသားအဖြစ် ရေးထားတာမဟုတ်ဘဲနဲ့ ကဗျာစာ သားအဖြစ်က ကျွန်မဘာသာပြန်ထားတာပါ။ ၁၉၈၉ လောက်က ပွဲတခုမှာ ဒေါ်အောင်ဆန်းစုကြည် ပြောသွားတာ။ တချို့ကတော့ ဒေါ်အောင်ဆန်းစုကြည် ပြန်တယ်ဆိုတာမျိုးသုံးတယ်။ တချို့သိတဲ့ လူတွေကတော့ ကျွန်မ နာမည်နဲ့ သုံးတာပေါ့။ ပထမအကြိမ်ပုံနှိပ်တုန်းက စာပေစိစစ်ရေးရှိတဲ့ အခြေအနေဆိုတော့ NLD ပြန်ကြားရေးက ခေါင်းဆောင်က ဘာသာပြန်သူနာမည်မတတ်ဘဲ ထုတ်လိုက်တာ။ ဒေါ်အောင်ဆန်းစုကြည် ဒီကဗျာပြောပြီးတဲ့ နောက်ပိုင်းမှာမှ ဘာသာပြန်ဖြစ်တာ” ဟုမသီတာ (စမ်းချောင်း) က ပြောသည်။

“ဒီကဗျာလေးက ကျွန်တော်တို့ ရင်ထဲကို ထိရှတယ်။ ဒီကဗျာဟာ အမေ ဒေါ်အောင်ဆန်းစုကြည်ပြန်ခဲ့သည် ဖြစ်စေ၊ မသီတာ (စမ်းချောင်း) ပြန်ခဲ့သည့်ဖြစ်စေ ရင်ထဲကိုရောက်တယ်။ ဘယ်သူဘာသာပြန်ပြန် ကျောင်းသုံး စာအုပ်တွေမှာ ပြဋ္ဌာန်းပေးရင် အားလုံးအတွက် အကျိုးရှိတယ်။ ကျွန်တော်တို့ ကော်မတီကတင်တဲ့ နှစ်ပတ်လည်အစီရင်ခံစာမှာ ဒီကဗျာကို ထည့်ပေးလိုက်တယ်။ ပညာရေးဝန်ကြီးဌာနကိုလည်း တိုက်တွန်းသွားမှာပါ။ တကယ်လို့ ကျွန်တော်တို့ အမှတ်မှားပြီး အမေဒေါ်စုလို့ ပြောမိရင်လည်း သက်ဆိုင်ရာရေးသူကို တောင်းပန်ပါတယ်” ဟု ဒေါက်တာ ဇော်လင်းထွဋ်က ပြောသည်။

အခြေခံပညာ မြန်မာစာဘာသာရပ်တွင် ဘာသာပြန်ကဗျာများကို မည်သည့်အခါကမျှ ပြဋ္ဌာန်းခဲ့ခြင်းမရှိကြောင်း၊ ယခုအစီအစဉ်သည် ဆီလျော်မှုမရှိကြောင်း ကဗျာဆရာ သစ္စာနီမှ ပြောသည်။

“ဒါနဲ့ပတ်သက်လို့ ပညာရေးဌာနက လုပ်ရမှာ၊ အပြင်က ပညာရှင်တွေက အကြံပေးရုံပဲ လုပ်နိုင်မှာ၊ လွှတ်တော်ထဲ အကြံပြုတင်ပြတာမျိုးတော့ မကြိုက်ဘူး”ဟုကဗျာဆရာ သစ္စာနီမှ ပြောသည်။

News Watch(စောင့်ကြည့်သတင်းဂျာနယ်)



ဂျာမနီဝန်ကြီးချုပ် Angela Merkel နဲ့ ကန်သမ္မတ Donald Trump (March 17, 2017)
အမေရိကန် ပြည်ထောင်စုမှာ ရောက်ရှိနေတဲ့ ဂျာမန်ဝန်ကြီးချုပ် Angela Merkel ဟာ အမေရိကန်သမ္မတ Donald Trump နဲ့ အိမ်ဖြူတော်မှာ သောကြာနေ့က တွေ့ဆုံ ပြီး၊ မြောက်အတ္တလန်တိတ်စာချုပ်အဖွဲ့ (NATO) တောင့်တင်းခိုင်မာရေး၊ ကမ္ဘာ့ ကုန်သွယ်ရေးနဲ့ တခြားကိစ္စရပ်တွေကို ဆွေးနွေးကြပါတယ်။ ခေါင်းဆောင် ၂ ယောက် တွေ့ဆုံအပြီး၊ အမေရိကန်နဲ့ ဂျာမန်စီးပွားရေး ခေါင်းဆောင်တွေနဲ့ ဆက်လက် ဆွေးနွေးရာမှာတော့ အသက်မွေးဝမ်းကျောင်း သင်တန်းကိစ္စ၊ လုပ်သားအင်အားဖွံ့ဖြိုးတိုးတက်ရေး ကိစ္စတွေကို ကျယ်ကျယ်ပြန့်ပြန့် ပြောဆိုခဲ့ကြပေမဲ့၊ နိုင်ငံတကာ ကုန်သွယ်ရေးလို အဖုအထစ်တွေရှိနေတဲ့ ကိစ္စတွေကိုတော့ မဆွေးနွေးခဲ့ကြပါဘူး။

ပူးတွဲသတင်းစာ ရှင်းလင်းပွဲ အတွင်းမှာတော့ သမ္မတ Trump က ခေတ်မမှီတော့ ဘူးလို့ ပြောခဲ့ဖူးတဲ့ NATO အဖွဲ့ကို ဆက်လက်အားပေး ထောက်ခံသွားဖို့ ထပ်မံ ကတိပြုပြော ကြားခဲ့ပေမဲ့၊ မဟာမိတ်အဖွဲ့ဝင်တွေ အနေနဲ့ ကာကွယ်ရေးအတွက် ကုန်ကျ စားရိတ်ကို မျှမျှတတ ကျခံမှု မရှိတာဟာ လက်ခံနိုင်စရာ မရှိဘူးလို့ အရင်က ဝေဖန်ပြော ဆိုချက်ကိုလည်း အမေရိကန်သမ္မတက ထပ်လောင်း ပြောကြားသွားပါတယ်။

သမ္မတ Trump ရဲ့ ပြောကြားချက်ကိုတော့ ဂျာမန်ဝန်ကြီးချုပ်က ကြိုဆိုခဲ့သလို၊ NATO အဖွဲ့ ကာကွယ်ရေးအသုံးစရိတ်အတွက် ပြီးခဲ့တဲ့နှစ်မှာ ၈ ရာခိုင်နှုန်း တိုးမြှင့်ခဲ့သလို ဆက်လက် တိုးမြှင့်သွားမှာ ဖြစ်ကြောင်းလည်း ကတိပြုခဲ့ပါတယ်။ အမေရိကန်က ကိုယ်ကျိုးစီးပွားကို အကာအကွယ်ပေးမယ့် မူဝါဒကျင့်သုံးမယ့်အပေါ် စိုးရိမ်မှုတွေကို လျော့ပါးအောင် ကြိုးပမ်းတဲ့ အနေနဲ့ ကုန်သွယ်ဖက်တွေနဲ့ ပိုမိုကောင်းမွန်တဲ့ သဘောတူညီချက်တွေ ရနိုင်အောင် ဆောင်ရွက်သွားမယ်လို့လည်း သမ္မတ Trump ကပြောဆိုခဲ့တာပါ။

ဂျာမန်ဝန်ကြီးချုပ်ကလည်း ကုန်သွယ်ရေး သဘောတူညီချက်တွေဟာ နိုင်ငံတွေကြား အပြန်အလှန် အကျိုးကျေးဇူး ခံစားရပြီး၊ ကုန်သွယ်မှုတွေမှာ မျှတမှု ရှိသင့်တယ်လို့ သမ္မတ Trump ရဲ့ ပြောဆိုချက်ကို သဘောတူကြောင်း ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


အမေရိကန်အခြေစိုက် VOA အမေရိကန်အသံ၊ REF/RL လို့ခေါ်တဲ့ လွတ်လပ်တဲ့ ဥရောပအသံနဲ့ CNN ရုပ်သံ သတင်းဌာနတွေအနေနဲ့ ရုရှားနိုင်ငံရဲ့ ဥပဒေတွေကို လိုက်နာ ဆောင်ရွက်နေခြင်း ရှိမရှိ စုံစမ်း စစ်ဆေးဖို့ ရုရှားအောက်လွှတ်တော်က ညွန်ကြားချက် ထုတ်ပြန်လိုက်ပါတယ်။

ရုရှားအစိုးရက ကျောထောက်နောက်ခံပေထားတဲ့ Russia TV အနေနဲ့ အမေရိကန် အစိုးရရဲ့ နိုင်ငံခြားအဖွဲ့အစည်းများမှတ်ပုံတင်ခြင်းဆိုင်ရာ ဥပဒေနဲ့အညီ လုပ်ကိုင် ဆောင်ရွက်နေခြင်း ရှိမရှိ အမေရိကန် တရားရေးဌာနအနေနဲ့ ပိုမို စုံစမ်း စစ်ဆေးပိုင်ခွင့်ရှိတဲ့ ဥပဒေမူကြမ်းကို ဒီမိုကရက်ပါတီ အထက်လွှတ်တော်အမတ် Jeanne Shaheen က တင်သွင်းပြီးတဲ့နောက်မှာ ရုရှားအောက်လွှတ်တော် Duma က မတ်လ ၁၇ ရက်နေ့မှာ အဲဒီလို ညွန်ကြားချက် ထုတ်ပြန်လိုက်တာပါ။

ရုရှားဘက်က အဆိုပြုချက်ကိုတော့ အောက်လွှတ်တော်မှာ အမတ်နေရာ အများစု အနိုင်ရရှိထားတဲ့ သမ္မတ Vladimir Putin ရဲ့ ညီညွတ်သောရုရှား ပါတီက လွှတ်တော်အမတ် Konstantin Zatulin က တင်သွင်းခဲ့တာ ဖြစ်ပါတယ်။

ရုရှား လွှတ်တော်အမတ်တွေက မတ်လ ၁၇ ရက်နေ့မှာ အတည်ပြုပေးလိုက်တဲ့ အဲဒီ ညွန်ကြားချက်အရ အမေရိကန်အခြေစိုက် VOA အမေရိကန်အသံ၊ CNN ရုပ်သံ သတင်းဌာနနဲ့ REF/RL လို့ခေါ်တဲ့ လွတ်လပ်တဲ့ ဥရောပအသံအောက်မှာရှိတဲ့ ရုရှားအသံလွှင့်ဌာနတို့ အနေနဲ့ရုရှားနိုင်ငံရဲ့ ပြန်ကြားရေးဆိုင်ရာ ဥပဒေတွေကို လိုက်နာခြင်း ရှိမရှိ အောက်လွှတ်တော်ကော်မီတီက စုံစမ်း စစ်ဆေးရမှာ ဖြစ်ပါတယ်။

မနှစ်က ကျင်းပခဲ့တဲ့ အမေရိကန်သမ္မတရွေးကောက်ပွဲမှာ ပြိုင်ဖက် ဒီမိုကရက်ပါတီ သမ္မတလောင်း Hillary Clinton ကို ရီပတ်ဘလီကန် သမ္မတလောင်း Donald Trump က အနိုင်ရရေးအတွက် ရုရှားအစိုးရရဲ့ ကွန်ပြူတွေအတွင်း ထိုးထောက်ဝင်ရောက်တဲ့ လုပ်ငန်းတွေနဲ့ ဆိုင်တဲ့ ၀ါဒဖြန့်ချိရေး အစီအစဉ်တွေအတွက် RT လို့ခေါ်တဲ့ ရုရှား ရုပ်သံဌာနကို အသုံးချခဲ့တယ်လို့ အမေရိကန် အထက်လွှတ်တော်အမတ် Shaheen ရဲ့ ဥကဒေ မူကြမ်းနဲ့ ကိုက်ညီအောင် ရုရှားလွှတ်တော်အမတ် Zatulin ကလည်း သူ့ရဲ့ အဆိုပြုချက်ကို တင်သွင်းခဲ့တာ ဖြစ်ပါတယ်။

VOA (မြန်မာပိုင်း)
http://burmese.voanews.com


မတ်လ ၁၈ ရက် ၂၀၁၇

သျှမ်းခေါင်းဆောင်ဖြစ်ပြီး သျှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဌဖြစ်သူ ခွန်ထွန်းဦးမှာ ကြားဖြတ်ရွေးကောက်ပွဲအတွက်စည်းရုံးရေးခရီးစဉ်အဖြစ် သျှမ်းပြည်သို့ မလာဖြစ်တော့ကြောင်း သိရသည်။

ခါးရိုးကျီးပေါင်းခွဲစိပ်ထားမှု အခြေအနေကြောင့်ခရီးဝေးသွားရန်မဖြစ်နိုင်မှု ၊ သျှမ်းပြည်ညီညွတ်ရေး ကော်မတီ ကိစ္စအပြင် ၂၁ ပင်လုံအတွက် အခြားကိစ္စရပ်များလည်းရှိနေသောကြောင့် သျှမ်းပြည် အလယ်ပိုင်းနှင့် သျှမ်းအရှေ့ကျိုင်းတုံသို့ မလာနိုင်တော့ခြင်းဖြစ်သည်ဟု သိရသည်။

သျှမ်းပြည်အတွင်းရှိ ကျေးသီး ၊မိုင်းရှူး ၊ ကျိုင်းတုံ စသည့် မဲဆန္ဒနယ်များသို့ မလာရောက်နိုင် တော့ခြင်းဖြစ်ကြောင်းလည်း ခွန်ထွန်းဦးက မတ်လ ၁၆ ရက်နေ့က သျှမ်းသံတော်ဆင့်သို့ပြောသည်။

ကျားခေါင်းပါတီ SNLD ၀င်ရောက်ယှဉ်ပြိုင်မည့် ကျေးသီး ၊ မိုင်းရှူး မဲဆန္ဒနယ်များတွင် ပါတီ ပြောခွင့်ရ ဖြစ်သည့် စိုင်းလိတ်မှ ဦးဆောင်၍ စည်းရုံးရေးလုပ်ငန်းများလုပ်ဆောင်နေသည်။


ခွန်ထွန်းဦးသျှမ်းပြည်မလာဖြစ်တော့သော်လည်း နာမည်ကျော် သျှမ်းအနုပညာရှင်များဖြစ်သည့် စိုင်းအောင်ထီးခမ်း ၊ စိုင်းလိတ်စသည့် သျှမ်းဘာသာ အဆိုတော်များပါဝင်သည့် အနိုပညာရှင်များမှ မတ်လ ၂၀ ၊ ၂၁ နှင့် ၂၂ ရက်နေ့များတွင် ကျေးသီး ၊ မိုင်းနောင် ၊ မိုင်းရှူးမြို့များတွင် ကျားခေါင်ပါတီအတွက် စည်းရုံးရေးအဖြစ် ဖျော်ဖြေပေးကြမည်ဖြစ်သည်။

လတ်တလော ကာလအတွင်းမှာပင် ကြားဖြတ်ရွေးကောက်ပွဲ မဲပေးရန်အတွက် မဲဆန္ဒရှင်များ အနေဖြင့် မဲဆန္ဒရှင် သက်သေခံလက်မှတ်များကို သက်ဆိုင်ရာ ကျေးရွာ ၊ ရပ်ကွက် ရွေးကောက်ပွဲကော်မရှင်ရုံးများတွင် လာရောက်ထုတ်ယူရန် ပြည်ထောင်စု ရွေးကောက်ပွဲကော်မရှင် မတ်လ ၁၄ ရက်နေ့ ရက်စွဲဖြင့် ကြေငြာချက်ထုတ်ပြန်တိုက်တွန်းထားသည်။

NLDပါတီမှလည်း ပြည်နယ်အစိုးရ ၀န်ကြီး ဦးစိုးညွှန့်လွင် ဦးဆောင်သည့်အဖွဲ့မှာ ကြားဖြတ်ရွေးကောက်ပွဲကျင်းပမည့် ကျိုင်းတုံမဲဆန္ဒနယ်တွင် သွားရောက်မဲဆွယ်နေသည်ဟု သိရသည်။

သျှမ်းသံတော်ဆင့်၊ စိုင်းအောင်ဆိုင်း
Panglong(Burmese)
https://www.facebook.com/Panglong.burmese/



ကချင်သိုင်းဆရာ စစ်ဘေးဒုက္ခသည်တစ်ဦး ယာဉ်တိုက်မှုဖြစ်ပြီး သေဆုံး
ကချင် သိုင်းဆရာ တစ်ဦးဖြစ်ပြီး စစ်ဘေးဒုက္ခသည်တစ်ဦးလည်းဖြစ်သူ ဆရာ နော်တောင်သည် မတ်လ ၁၈ ရက်ညနေပိုင်း တပ်ကုန်း ရွှေလမ်းမတွင် ဆိုင်ကယ်စီးလာစဉ် ကားဖြင့်ယာဉ်တိုက်မှုဖြစ်ပွားပြီး သေဆုံးသွားပြီးဖြစ် ကြောင်း သတင်းရရှိသည်။


ဆရာနော်တောင်သည် တာလေ်ာကြီး ကျေးရွာမှ ဘာသာရေးဆရာတစ်ဦးဖြစ်ပြီး ကချင်ပြည်နယ်တွင် တိုက်ပွဲဖြစ်လည်ဖြစ်ပွားချိန်ကစပြီး မြစ်ကြီးနားမြို့ ရွှေစက်နှစ်ခြင်းအသင်းတော် စစ်ဘေးဒုက္ခသည်တွင် မိသားစုနှင့် အတူနေထိုင်နေသည့် စစ်ဘေးဒုက္ခသည် တစ်ဦးလည်းဖြစ်သည်။


လွန်ခဲ့သည့် နှစ်နှစ်ခန့်မှစတင်ပြီး ယခုချိန်ထိ မိုင်ဂျာယန်တွင် ရှိသည့် စစ်ဘေးဒုက္ခသည် ကလေးငယ်များအား ၎င်းတတ်ကျွမ်းသည့် သိုင်းပညာ သင်ကြားပေးနေသူတစ်ဦးလည်းဖြစ်သည်။

ဆရာနော်တောင်သည် စစ်ဘေးဒုက္ခသည် အရေးများ တွင် တက်ကြွလှုပ်ရှားသူတစ်ဦးလည်းဖြစ်သည်။

Kachinwaves
https://www.facebook.com/kachinwavesnews/



ဖိလစ်ပိုင်သမ္မတ Rodrigo Duterte.
ဖိလစ်ပိုင်သမ္မတ Rodrigo Duterte ဟာ မတ်လ ၁၉ ရက်ကနေ ၂၀ ရက်နေ့အထိ ၂ ရက်ကြာ တရားဝင် လည်ပတ်ဖို့အတွက် ဒီကနေ့ မြန်မာနိုင်ငံကို ရောက်ရှိမှာ ဖြစ်ပါတယ်။ ဖိလစ်ပိုင်နဲ့ မြန်မာနိုင်ငံအကြား သံတမန် ဆက်ဆံရေး တည်ဆောက်တဲ့ နှစ် (၆၀) ပြည့် အထိမ်းအမှတ်အဖြစ်နဲ့ မြန်မာနိုင်ငံကို အခုလို လာရောက်ခြင်း ဖြစ်တယ်လို့ မြန်မာနိုင်ငံ ဆိုင်ရာ ဖိလစ်ပိုင်သံအမတ်ကြီး Alex Chua က ပြောပါတယ်။

ဖိလစ်ပိုင်နဲ့ မြန်မာနိုင်ငံ အကြား သံတမန် ဆက်ဆံရေးတွေကို ၁၉၅၆ ခုနှစ်မှာ စတင် တည်ထောင်ခဲ့တာ ဖြစ်ပါတယ်။

ဖိလစ်ပိုင်နိုင်ငံဟာ လက်ရှိမှာ အာဆီယံအဖွဲ့ရဲ့ အလှည့်ကျဥက္ကဋ္ဌတာဝန်ကို ယူထားတာကြောင့် အစဉ်အလာအရ အဖွဲ့ဝင် ၁၀ နိုင်ငံက ခေါင်းဆောင်တွေကို လိုက်လံ တွေ့ဆုံတဲ့အနေနဲ့လည်း သမ္မတ Duterte က မြန်မာနိုင်ငံကို အခုလို လာရောက်ခြင်း ဖြစ်တယ်လို့ ဆိုပါတယ်။ အာဆီယံ ဒေသတွင်းအဖွဲ့ကြီး စတင် တည်ထောင်တဲ့ နှစ် (၅၀) ပြည့် အခမ်းအနားကို ဖိလစ်ပိုင်က အိမ်ရှင်အဖြစ် အခုနှစ် နှောင်းပိုင်းမှာ လက်ခံ ကျင်းပသွားမှာ ဖြစ်ပါတယ်။

ခရီးစဉ်အတွင်း မြန်မာ သမ္မတ ဦးထင်ကျော်၊ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် တို့အပြင် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့လည်း တွေ့ဆုံသွားမှာ ဖြစ်ပါတယ်။

သမ္မတ Duterte ဟာ မြန်မာနိုင်ငံမှာ ရှိနေစဉ်အတွင်း စားသောက်ကုန် လုံခြုံစိတ်ချရေးဆိုင်ရာ သဘောတူစာချုပ် လက်မှတ်ရေးထိုးပွဲကို တက်ရောက်မှာ ဖြစ်သလို၊ နှစ်နိုင်ငံ ကုန်သွယ်ရေးဆိုင်ရာ ကိစ္စရပ်တွေ တိုးမြင့် ဆောင်ရွက်ရေးအတွက်လည်း မြန်မာ အရာရှိတွေနဲ့ ဆွေးနွေးသွားမှာဖြစ်ကြောင်း သံအမတ်ကြီး Alex Chua က ပြောပါတယ်။

၂၀၁၆ ခုနှစ်မှာ ထုတ်ပြန်တဲ့ စာရင်း ဇယားတွေအရ ဖိလစ်ပိုင်ဟာ မြန်မာနိုင်ငံမှာ အများဆုံး ရင်းနှီးမြုပ်နှံကြတဲ့ နိုင်ငံတွေထဲ အဆင့် ၁၆ မှာ ရှိပါတယ်။

သမ္မတ Duterte ဟာ မြန်မာနိုင်ငံမှာ ရောက်နေကြတဲ့ ဖိလစ်ပိုင် နိုင်ငံသားတွေနဲ့လည်း နေပြည်တော်မှာ တွေ့ဆုံသွားဖို့ စီစဉ်ထားပါတယ်။ သမ္မတ Duterte ဟာ မြန်မာနိုင်ငံကနေ ထိုင်းနိုင်ငံကို အခုလ ၂၀ ရက်ကနေ ၂၂ ရက်အထိ ၃ ရက်ကြာ ဆက်လက် သွားရောက် လည်ပတ်မှာ ဖြစ်ပါတယ်။

VOA (မြန်မာပိုင်း)
http://burmese.voanews.com



ပီရူးရေဘေးကြောင့် ကယ်ဆယ်ရေးလုပ်ငန်းတွေကို ခက်ခက်ခဲခဲ ဆောင်ရွက်နေရ
ပီရူးနိုင်ငံမှာ မိုးရွာ၊ ရေကြီး ၊ မြေပြိုတဲ့အတွက် လူ ၇၂ ယောက်သေဆုံးခဲ့ပါတယ်။

မိုးတွေ သည်းကြီးမည်းကြီးရွာပြီးနောက် မြစ်တွေချောင်းတွေမှာ ရေတွေပြည့်လျှံလာပြီး ကုန်းပေါ်က ရေတွေဟာ မြစ်ထဲချောင်းထဲကို စီးမဝင်နိုင်တော့ပဲ မြစ်ထဲချောင်းထဲက ရေတွေက ကုန်းပေါ်တက်လာကြတာဖြစ်ပါတယ်။

မြို့တွေ၊ လူနေရပ်ကွက်တွေ ၊ လူနေအိမ်တွေမှာ ရေကြီးရေလျှံလာပြီး လူတွေဟာ အိမ့်အပြင် မထွက်နိုင်ဘဲ ရေဝိုင်းခံနေကြရပါတယ်။ ရေကြီးရေလျှံတဲ့ အတွက်ကြောင့် မြေပြိုမှုတွေလည်း ဖြစ်ပွားခဲ့ပါတယ်။

မြို့ပေါင်း ၈၀၀ ကျော်မှာ ရေဘေး ဒုက္ခကြောင့် အရေးပေါ်အခြေအနေ ကြေညာထားရပါတယ်။

မြို့တော် လီမာမှာဆိုရင် တနင်းလာနေ့ကတည်းက ရေပြတ်တောက်ခဲ့ပါတယ်။ လီမာမြို့ရဲ့ အရှေ့ဘက် ၁၅ မိုင်လောက်မှာရှိတဲ့ ဟွာချီးပါ မှာလည်း လူတွေဟာ အိမ်တွေထဲမှာ ပိတ်မိနေကြတယ်လို့ ဒေသခံတယောက်ဖြစ်တဲ့ ဂျင်မီ ဇာရိတ်က ပြောပါတယ်။

"လူတွေဟာ အိမ်ထဲမှာ ပိတ်မိနေကြပါတယ်။ အိမ်တွေကိုရေဝိုင်းနေကြပြီး များသောအားဖြင့် ပထမအထပ်ထိရေတက်နေပါတယ်။ တချို့အိမ်တွေမှာ နံရံတွေပြိုကျကုန်ပါတယ်။ ရေစီးကလည်း သန်ပါတယ်။ ကျနော်တို့ အကူအညီတွေရဖို့လိုနေပါတယ်။ ဘာလို့လည်း ဆိုတော့ လူတွေ အပြင်မထွက်နိုင်ကြလို့ပါ။ ရေနဲ့ အစားအစာတောင် ပြတ်လပ်ကုန်ပါပြီ။ တချို့ကတော့ ကလေးတွေကို အပြင်ကယ်ထုတ်နေကြပါပြီ။ ကလေးတွေကို ဦးစားပေးပြီး အဲဒီနောက် သက်ကြီးရွယ်အိုတွေ စသဖြင့် ဦးစားပေးအစီအစဉ်လိုက် ကယ်ထုတ်နေပါတယ်။"

ဟွာချီပါက အမျိုးသမီးတယောက်ကလည်း အကူအညီလိုအပ်နေပြီလို့ ဆိုပါတယ်။

"ဟွာချီပါမှာ အရေးပေါ်အခြေအနေဖြစ်နေပါပြီ။ အိမ်အားလုံးရေလွှမ်းနေပါပြီ။ ပစ္စည်းတွေ အားလုံးပျက်စီးကုန်ပါပြီ။ အကူအညီတွေ လိုအပ်နေပါပြီ"

ကုန်ဈေးနှုန်းတွေကလည်း တပတ်အတွင်းမှာ ပစ္စည်းအားလုံး ၅ ရာနှုန်းလောက်ဈေးတက်သွားပါတယ်။

ပီရူးအပါအဝင် ပစိဖိတ် သမုဒ္ဒရာ ကမ်းခြေနိုင်ငံတွေမှာ အယ်လ်နီညို ဖြစ်စဉ်ကြောင့် ရာသီဥတုတွေ ဖောက်ပြန်ခဲ့ကြတာ ဖြစ်ပါတယ်။ အယ်လ်နီညို ဖြစ်စဉ်ကြောင့် ပင်လယ် အပူချိန် မြင့်တက်ပြီး ရေငွေ့ပျံနှုန်းများပြားလာရာကနေ မိုးသဲကြီး မဲကြီး ရွာတာ ဖြစ်ပါတယ်။

အခုတော့ မိုးအရွာရပ်သွားပါပြီ။ ဒါပေမယ့် ရာသီဥတုက ဖောက်ပြန်နေဆဲမို့ နောက်ထပ်မိုးထပ် ရွာမရွာဆိုတာ စိတ်ချရတဲ့ အနေအထားမျိုး မဟုတ်သေးပါဘူး။

အခုကြုံတွေ့ရတဲ့ မိုးရွာရေကြီး ဖြစ်စဉ်ဟာ ပီရူးနိုင်ငံမှာ နှစ်ပေါင်း ၃၀ အတွင်း အဆိုးဝါး ဆုံး ဖြစ်စဉ်ဖြစ်ပါတယ်။

၁၉၈၈ ခုနှစ်တုန်းကလည်း အလားတူ ဆိုးဝါးတဲ့ မိုးရွာရေကြီး ဖြစ်စဉ်မျိုး ဖြစ်ခဲ့ ဖူးပါတယ်။ အဲဒီတုန်းကလည်း အယ်လ်နီညို ဖြစ်စဉ်ကြောင့် မိုးရွာရေကြီးခဲ့တာပဲ ဖြစ်ပါတယ်။

BBC Burmese
http://www.bbc.com/burmese



ဒီစမ်းသပ်မှုဟာ သမိုင်းဝင်တဲ့ စမ်းသပ်မှုလို့ ကင် ဂျုန်အွန်းပြော
မြောက်ကိုရီးယား စစ်တပ်က ဒုံးပျံပစ်လွှတ်တဲ့ စွမ်းအားပြင်း အင်ဂျင်သစ်တခုကို သူတို့ရဲ့ တုန်ချန်းရီ စခန်းမှာ စမ်းသပ်ခဲ့ကြောင်း အစိုးရ သတင်းမီဒီယာတွေမှာ ဖေါ်ပြခဲ့ပါတယ်။

ဒီစမ်းသပ်မှုဟာ အောင်မြင်တဲ့ စမ်းသပ်မှုလို့ မြောက်ကိုရီးယား ခေါင်းဆောင် ကင်မ် ဂျုန်အွန်းက ထုတ်ဖော်ကြေညာခဲ့ပြီး အဲဒီ အင်ဂျင်ဟာ မြောက်ကိုရီးယားနိုင်ငံရဲ့ ကမ္ဘာ့အဆင့်မီ ဂြိုလ်တု လွှတ်တင်နိုင်စွမ်း ရှိလာရေးကို အထောက်အကူ ပြုလာမယ်လို့ ပြောကြောင်း ဖေါ်ပြထားပါတယ်။

တခြားနေရာတွေကနေ အတည်ပြုချက်မရသေးတဲ့ အဲဒီ ကြေညာချက်ဟာ အမေရိကန် နိုင်ငံခြားရေး ဝန်ကြီး Rex Tillerson တရုတ်နိုင်ငံမှာ ရောက်ရှိနေစဉ် ထွက်ပေါ်လာတာ ဖြစ်ပါတယ်။

BBC Burmese
http://www.bbc.com/burmese


၂၀၁၆ ခုနှစ်​အတွက်​ မြန်​မာ့ရုပ်​ရှင်​ထူးချွန်​ဆု ​(အကယ်​ဒမီ) ပေးအပ်​ပွဲအခမ်းအနားကို ရန်​ကုန်​မြို့၊ ပြည်​သူ့ရင်​ပြင်​၌ ယ​နေ့ (မတ်​လ ၁၈ ရက်​) ည​ ၇နာရီ စတင်​ကာ ကျင်းပပြုလုပ်​ခဲ့သည်​။

၂၀၁၆ခုနှစ်​အတွက်​ ရုံတင်​ပြသပြီးခဲ့​သော ရုပ်​ရှင်​ဇာတ်​ကား​စုစု​ပေါင်း ၃၃ ကားအနက်​ ​နောက်​ဆုံး ဆန်​ခါတင်​ ၁၀ ကားကို ​ရွေးချယ်​ကာ မြန်​မာ့ရုပ်​ရှင်​ ထူးချွန်​ဆု ၁၀ ဆုကိုချီးမြှင့်​​ပေးခဲ့ခြင်းဖြစ်​သည်​။

 �​ရွေးချယ်​ချီးမြှင့်​​ပေးအပ်​ခဲ့သည့်​ ၂ဝ၁၆ ခုနှစ်အတွက် မြန်​မာ့ရုပ်​ရှင်ထူးချွန်​ဆုများ ��

�(၁)အ​ကောင်းဆုံးရှပ်​ရှင်​ ဇာတ်​ကားဆု - အုတ်​ကြားမြက်​​ပေါက်
�(၂)အ​ကောင်းဆုံးရှပ်​ရှင်​ အသံဆု - ကိုကြည်​မင်းသိန်း ( ​မှော်​​ကျောက်​စာ )
� (၃) အ​ကောင်းဆုံးရှပ်​ရှင်​ ​တေးဂီတဆု �ဓိရာမိုရ်​ (လူးရတနာသိုက်​ )
�(၄)အ​ကောင်းဆုံးရှပ်​ရှင်​ တည်းဖြတ်​ဆု �ဥာဏ်ဝင့်​ ( ဧဒင်​ရဲ့ နတ်​သမီး)
�(၅)အ​ကောင်းဆုံးရှပ်​ရှင်​ ဓာတ်​ပုံဆု �​မောင်​မြင့်​၊​အေးမင်း၊အငယ်​​လေး ( လူးရတနာသိုက်​)
�(၆)အ​ကောင်းဆုံးရုပ်​ရှင်​ �အမျိုးသားဇာတ်​ပို့ဆု �လူမင်း ( ပ​ရော်​ဖက်​ဆာ ​ဒေါက်​တာဆိတ်​ဖွားနှင့်​ မြိုင်​ရာဇာတာ​တေ)
�(၇)အ​ကောင်းဆုံးရုပ်​ရှင်​ ဒါရိုက်​တာဆု� ညွန့်​မြန်​မာညီညီ​အောင်​ �( အုတ်​ကြားမြက်​​ပေါက်​ )
�(၈)အ​ကောင်းဆုံးရုပ်​ရှင်​�အမျိုးသမီးဇာတ်​​ဆောင်​ဆု သက်​မွန်​မြင့်​�(ချစ်​လှစွာ​သော အမုန်း)
�(၉)အ​ကောင်းဆုံးရုပ်​ရှင်​ အမျိုးသားဇာတ်​​ဆောင်​ဆု ထွန်းထွန်း �( အုတ်​ကြားမြက်​​ပေါက်​ )
�(၁၀) အ​ကောင်းဆုံး ရုပ်​ရှင်​အထူးဆု �မ​နော​မြေမှ ​ကျောက်​စိမ်းကမ္ဘာ တို့ဖြစ်​သည်​။

အခမ်းအနားသို့ နိုင်​ငံ​တော်​၏အတိုင်​ပင်​ခံပုဂ္ဂိုလ်​ ​ဒေါ်​အောင်​ဆန်​စုကြည်​မှ သဝဏ်​လွှာ ​ပေးပို့ခဲ့ပြီး ယင်းသဝဏ်​လွှာကို ရုပ်​ရှင်​ သရုပ်​​ဆောင်​ အကယ်​ဒမီ အိန္ဒြာကျော်ဇင်က ဖတ်​ကြားခဲ့သည်​။
�ယင်းနောက် ပြန်​ကြား​ရေး ဝန်​ကြီး ​ဒေါက်​တာ​ဖေမြင့်​ ရုပ်​ရှင်​အစည်းအရုံးဥက္ကဌ ဦးလူမင်းတို့မှ အဖွင့်​အမှာစကားများ ​ပြောကြားခဲ့သည်​။

လင်းလင်း​အောင်
Photo-Victor
News Watch
https://www.facebook.com/NewsWatchJournal/



အခုလို စုဝေး ဟောပြောပွဲတွေ ကျင်းပတာက အမုန်းတရား ပြန့်ပွားမှုတွေ ပိုဆိုးမလာအောင် တားထားနိုင်မယ်လို့ ယူဆကြောင်း ဆရာတော်က ပြော
မန္တလေးမြို့ မြို့တော်ခန်းမမှာ မတ်လ ၁၈ ရက်နေ့က ကျင်းပတဲ့ ဘာသာပေါင်းစုံ ညီအကို မောင်နှမများ တွေ့ဆုံပွဲရဲ့ ဦးဆောင် ဆရာတော် အရှင် အရိယဝံသာဘိဝံသ (မြဝတီ ဆရာတော်)က လတ်တလော ကာလမှာ အမုန်းတရား ဖြန့်ချီမှုတွေ သိသိသာသာ ဖြစ်လာတယ်လို့ ဘီဘီစီကို မိန့်ကြားလိုက်ပါတယ်။

အထူးသဖြင့် မဘသ အဖွဲ့နဲ့ အရှင်ဝီရသူတို့ဟာ နိုင်ငံတော်ပုံရိပ်နဲ့ သာသနာပုံရိပ်ကို ဖျက်ဆီးနေတဲ့သူတွေ ဖြစ်တယ်လို့လည်း မြဝတီဆရာတော်က မိန့်ဆိုခဲ့ပါတယ်။

ဒီအခမ်းအနားမှာ မန္တလေးတိုင်း သံဃ မဟာနာယက အဖွဲ့ ဥက္ကဌ ဆရာတော်ကြီး အပါအဝင် အထင်ကရ ဆရာတော် သံဃာတော်တွေ ကြွရောက်ခဲ့သလို ဟိန္ဒူ၊ ခရစ်ယာန်၊ အစ္စလာမ် ဘာသာတွေက ဘာသာရေး ခေါင်းဆောင်တွေနဲ့ မန္တလေးတိုင်း ဝန်ကြီးချုပ်နဲ့ အစိုးရ အဖွဲ့ဝင်တွေပါ တက်ရောက်ခဲ့ကြပြီး ဘာသာ တခုနဲ့ တခုအကြား ငြိမ်းချမ်းချစ်ကြည်စွာ ယှဉ်တွဲ နေထိုင်နိုင်မယ့် နည်းလမ်းတွေကို ဟောပြောခဲ့ကြပါတယ်။

မြန်မာနိုင်ငံက ဗုဒ္ဓဘာသာနဲ့ မူဆလင် ပဋိပက္ခတွေမှာ မွတ်ဆလင်တွေ ဒုက္ခရောက်ရသလို ဗုဒ္ဓဘာသာလည်း နာမည်ပျက်ခဲ့ရတယ်လို့ ဆရာတော် အရိယဝံသာဘိဝံသက မိန့်ကြားခဲ့ပါတယ်။

ဒီလို မဖြစ်ဖို့အတွက် ဘာသာ အချင်းချင်း ချစ်ကြည်ရင်းနှီးကြဖို့လိုပြီး အခုလို စုဝေး ဟောပြောပွဲတွေ ကျင်းပတာက အမုန်းတရား ပြန့်ပွားမှုတွေ ပိုဆိုးမလာအောင် တားထားနိုင်မယ်လို့ ယူဆကြောင်း ဆရာတော်က ပြောပါတယ်။

မဘသရဲ့ အမျိုး၊ ဘာသာ၊ သာသနာ စောင့်ရှောက်ဖို့ ဟောပြောချက်တွေဟာလည်း အသိဉာဏ်နည်းသူတွေကို ခြောက်လှန့်ပြောဆိုတာသာ ဖြစ်ပြီး ယခင်စစ်အာဏာရှင်စနစ်ရဲ့ ဖိနှိပ်အုပ်ချုပ်မှု နည်းပရိယာယ်တွေရဲ့ အကျိူးဆက်ကို ပြောင်းလဲအောင် လုပ်မှ သာလျှင် အမျိုး၊ ဘာသာ၊ သာသနာကို စောင့်ရှောက်ရာကျမယ်လို့ ဆရာတော်က ပြောဆိုခဲ့ပါတယ်။

BBC Burmese
http://www.bbc.com/burmese



စိုက်ပျိုးရေးကဏ္ဍမှာလည်း ရင်းနှီးမြှုပ်နှံမှုတွေ လာမယ် လို့ အစိုးရ က မျှော်လင့်ထား
မြန်မာနိုင်ငံရင်းနှီးမြှုပ်နှံမှု ကော်မရှင် ဥက္ကဌ အပါအဝင် ကော်မရှင် က ပုဂ္ဂိုလ်တွေ ဟာ မြန်မာ နိုင်ငံမှာ ရင်းနှီးမြှုပ်နှံထားတဲ့ နိုင်ငံခြားကုမ္ပဏီ က တာဝန်ရှိသူတွေ နဲ့ စနေနေ့က ရန်ကုန်မှာ ၂ နာရီ ကြာတွေ့ဆုံ ခဲ့ကြပါတယ်။

မြန်မာနိုင်ငံ ရင်းနှီးမြှုပ်နှံမှု ကော်မရှင် MIC ဘက် က ရင်းနှီးမြှုပ်နှံမှု ဥပဒေအသစ် မှာ ပြုလုပ် ပေးထားတဲ့ အပြောင်းအလဲတွေနဲ့ လုပ်ထုံးလုပ်နည်းအပြောင်းအလဲတွေ ကို ပြောကြားခဲ့တဲ့ အကြောင်းတွေဆုံပွဲကို တက်ရောက် သူ တယောက် ဖြစ်တဲ့ MIC ရဲ့ အတွင်းရေးမှူးဖြစ်သူ ဦးအောင်နိုင်ဦး က ဘီဘီစီ ကို ပြောပါတယ်။

ရင်းနှီးမြှုပ်နှံမှု ဥပဒေ သစ်ကို ပြီးခဲ့တဲ့အောက်တိုဘာလတွင်း က ပြဌာန်းနိုင်ခဲ့ပြီး နည်းဥပဒေတွေ ကို မတ်လအပြီးလောက် အဆုံးသတ်နိုင်မယ်လို့ ခန့်မှန်းထားကြောင်း သိရပါတယ်။

ယခင်က ရင်းနှီးမြှုပ်နှံမှုကော်မရှင်ရဲ့ခွင့်ပြုချက်ရမှသာ ရင်းနှီးမြှုပ်နှံမှု လုပ်လို့ရပေမယ့် ဥပဒေအသစ်အရ အချို့လုပ်ငန်းတွေ ကို သက်ဆိုင်ရာအာဏာပိုင် အဆင့်ကခွင့်ပြုချက် တွေ နဲ့ လုပ်ငန်းစနိုင်ပြီး နောက်ပိုင်းမှ ကော်မရှင်မှာ အကြောင်းကြား အတည်ပြုချက်ယူနိုင်တာ တွေလုပ်နိုင်လာပါပြီ။

စီးပွားရေးအသိုင်းအဝိုင်း က အပြောများနေတဲ့ အခက်အခဲတခု ဖြစ်တဲ့ ဝန်ကြီးဌာန အများ အပြားရဲ့ ခွင့်ပြုချက်ကို စောင့်နေရတယ် ဆိုတဲ့ အရေးနဲ့ ပတ်သက်လို့ ဘီဘီစီ မေးရာ မှာတော့ ရင်းနှီးမြှုပ်နှံမှု ကော်မရှင် ဥပဒေ ရဲ့ နည်းဥပဒေတွေ အပိုင်းမှာ ပြုပြင်ထားတာတွေ ရှိကြောင်း၊ ရင်းနှီးမြှုပ်နှံမှု ကော်မရှင် က ခွင့်ပြုချက် တခု တည်းသာလိုအပ်ပြီး အခြားဝန်ကြီးဌာန တွေ ရဲ့ခွင့်ပြုချက် မလိုအပ်ပဲ လုပ်ငန်းစတင်နိုင်တဲ့ လုပ်ငန်းတွေကိုလည်း သတ်မှတ်ထားပြီး ဖြစ်ကြောင်း သူ က ပြောပါတယ်။

လာမယ့် ၂၀၁၇၊ ၂၀၁၈ ဘဏ္ဍာနှစ်မှာ လည်း အခု ဘဏ္ဍာနှစ်လိုပဲ ရင်းနှီးမြှုပ်နှံမှု ပမာဏ ဒေါ်လာ ၆ ဘီလီယံ ရည်မှန်းထားပါတယ်။

BBC Burmese
http://www.bbc.com/burmese



 တရုတ်နိုင်ငံခြားရေးဝန်ကြီး ဝမ်ရီကတော့ ဒီကိစ္စတွေဟာ ခေါင်းအေးအေးထားပြီး လုပ်ရမယ်လို့ပြော
ကိုရီးယားကျွန်းဆွယ်က အခြေအနေတွေဟာ အရေးကြီးတဲ့ အချိန်ကို ရောက်လာပြီလို့ အမေရိကန်နဲ့ တရုတ်နိုင်ငံတို့က ပြောဆိုလိုက်ပါတယ်။

မြောက်ကိုရီးယားရဲ့ ဒုံးလက်နက်နဲ့နျူလက်နက်တွေ ထိန်းချုပ်ဖို့ ကိစ္စကို အမေရိကန်နဲ့ တရုတ်တို့ ပူးပေါင်း ဆောင်ရွက်ကြဖို့ သဘောတူခဲ့ကြောင်းကိုလည်း အမေရိကန်နိုင်ငံခြားရေးဝန်ကြီး ရက်က်စ် တေလာဆင်က တရုတ်နိုင်ငံခြားရေးဝန်ကြီးနဲ့ ဆွေးနွေးအပြီးမှာ ပြောဆိုခဲ့ပါတယ်။

မစ္စတာ တေလာဆင်က

'လွန်ခဲ့တဲ့ အနှစ် ၂၀ အတွင်းမှာ မြောက်ကိုရီးယားရဲ့ တရားမဝင် လက်နက် အစီအစဉ်တွေရဲ့ ခြိမ်းခြောက်မှုတွေ လျှော့အောင်လုပ်ဖို့ ကျနော်တို့ရဲ့ ကြိုးစားမှုတွေ မအောင်မြင်သေးပါဘူး။

တရုတ်ကလည်း ကိုရီးယားကျွန်းဆွယ်မှာ နျူးကလီးယား ပပျောက်ရေး လိုလားတယ်ဆိုတော့ မြောက်ကိုရီးယားကို သူ့ပြည်သူတွေအတွက် ကောင်းတဲ့အနာဂါတ် ရွေးဖို့အရေး ဖျောင်းဖျဖို့အတွက် ကျနော်တို့ ဆက်ပြီး ပူးပေါင်းဆောင်ရွက်သွားမှာပါ' လို့ ပြောဆိုခဲ့ပါတယ်။

တရုတ်နိုင်ငံခြားရေးဝန်ကြီး ဝမ်ရီကတော့ ဒီကိစ္စတွေဟာ ခေါင်းအေးအေးထားပြီး လုပ်ရမှာ ဖြစ်သလို မြောက်ကိုရီးယားအပေါ် ကုလသမဂ္ဂရဲ့ ပိတ်ဆို့မှုတွေ ဖြစ်မြောက်အောင် လုပ်ဖို့လိုပြီး တွေ့ဆုံဆွေးနွေးဖို့လည်း ကြိုးစားသင့်တယ်လို့ ပြောဆိုခဲ့ပါတယ်။

မစ္စတာ တေလာဆင် ဘက်ကတော့ မြောက်ကိုရီးယားအရေး ဖြေရှင်းရာမှာ စစ်ရေးအရ ဖြေရှင်းနည်းကလည်း ရွေးလို့ရတဲ့ လမ်းတခုပဲလို့ တောင်ကိုရီးယား ခရီးစဉ်အတွင်းမှာ ပြောဆိုထားခဲ့ပါတယ်။

BBC Burmese
http://www.bbc.com/burmese


ကုလ လုံခြုံရေးကောင်စီ အစည်းအဝေး (နယူးယောက်)
ကုလ လုံခြုံရေးကောင်စီ အစည်းအဝေး (နယူးယောက်)
UN ကုလသမဂ္ဂလုံခြုံရေးကောင်စီရဲ့ တံခါးပိတ်ဆွေးနွေးပွဲမှာ မြန်မာနိုင်ငံဆိုင်ရာ ကြေညာ ချက် ထုတ်ဖို့အရေး ရုရှားနဲ့ တရုတ်နိုင်ငံက ကန့်ကွက်လိုက်တာဟာ ပြည်တွင်းရေး ကို ပြည်တွင်းမှာပဲ ဖြေရှင်းသင့်တယ်ဆိုတဲ့ တစိုက်မတ်မတ်ရပ်တည်ခဲ့တဲ့ သူတို့မူအတိုင်း မြန်မာ အရပ်သားအစိုးရ လက်ထက်မှာလည်း ဆက်ရပ်တည်တဲ့ သဘော ဖြစ်တယ်လို့ မြန်မာ့အရေးသုံးသပ်သူတွေကပြောဆိုလိုက်ပါတယ်။ မြန်မာနိုင်ငံတွင်း လူ့အခွင့်အရေးချိုးဖောက်မှုတွေရှိနေတယ်လို့ ကုလသမဂ္ဂနဲ့ နိုင်ငံတကာရဲ့ စွပ်စွဲပြောဆို ချက်တွေအပေါ် ငြင်းဆန်တဲ့ တုန့်ပြန်မှုအစား စုံစမ်းစစ်ဆေးခွင့်ပြုခြင်းအားဖြင့် သက်သေပြ ဖို့လိုတယ်လို့လည်း လူ့အခွင့်အရေးလှုပ်ရှားသူတွေက အကြံပြုပါတယ်။ အသေးစိတ်ကို မဆုမွန် ဆက်ပြောပြပါမယ်။

ရခိုင်ပြည်နယ်တွင်း အကြမ်းဖက်တိုက်ခိုက်မှုတွေဖြစ်ပွားပြီးနောက် စစ်တပ်ဘက်က နယ်မြေရှင်းလင်းရေးတွေမှာ လူ့အခွင့်အရေး ချိုးဖောက်မှုတွေ၊ လူသားမျိုးနွယ်အပေါ် ကျူးလွန်တဲ့ ရာဇဝတ်ပြစ်မှုတွေ လုပ်ခဲ့တယ်ဆိုတဲ့ အခြေအနေတွေအပေါ် မနေ့သောကြာနေ့က ပြုလုပ်ကျင်းပတဲ့ အဖွဲ့ဝင်(၁၅)နိုင်ငံပါတဲ့ ကုလသမဂ္ဂလုံခြုံရေးကောင်စီ တံခါးပိတ်ဆွေးနွေးပွဲ အတွင်းမှာ ဆွေးနွေးခဲ့ကြတာဖြစ်ပါတယ်။ ကုလသမဂ္ဂနိုင်ငံရေးဆိုင်ရာအကြီးအကဲ Jeffrey Feltman က အခြေအနေတွေကို ရှင်းလင်းတင်ပြခဲ့ပေမဲ့လို့ မြန်မာနိုင်ငံအရေး ကြေညာချက်တရပ် ထုတ်ပြန်နိုင်ဖို့ အတွက် ရုရှားနဲ့ တရုတ်နိုင်ငံက ကန့်ကွက်ခဲ့တဲ့အတွက် အားလုံးရဲ့တခဲနက် သဘောတူညီမှုမရခဲ့ဘူးလို့ လုံခြုံရေးကောင်စီ အလှည့်ကျသဘာပတိ ကုလဆိုင်ရာဗြိတိသျှသံအမတ်ကြီး Mattew Rycroft ကအစည်းအဝေးအပြီး သတင်းထောက်တွေကပြောခဲ့တာပါ။

အခုလို တရုတ်-ရုရှားနိုင်ငံဘက်က မြန်မာနိုင်ငံအရေးနဲ့ ပတ်သက်လို့ လုံခြုံရေးကောင်စီရဲ့ တံခါးပိတ်ဆွေးနွေးပွဲအတွင်း ရပ်တည်လိုက်တဲ့ မူဟာ အရင်စစ်အစိုးရလက်ထက်ကတည်းက သူတို့ရပ်တည်ခဲ့တဲ့မူအတိုင်း တိုင်းပြည်တပြည်ဟာ သူ့ပြည်တွင်းရေးကိုပြည်တွင်းမှာပဲ ဖြေရှင်းသင့်တယ်ဆိုတဲ့ မူအတိုင်း ဆက်လက်ရပ်တည်တဲ့သဘောဖြစ်တယ်လို့ တရုတ်-မြန်မာ့အရေးလေ့လာနေတဲ့ နိုင်ငံရေးအကဲခတ် ဒေါက်တာလှကျော်ဇော်က ပြောပါတယ်။

“ လူ့အခွင့်အရေးနဲ့ ပတ်သက်လို့ တရုတ်တို့ ရုရှားတို့ကလည်း သူတို့ တော်တော် အပြောအဆို ခံနေရတာဖြစ်တယ်။ တရုတ်ကတော့ လူ့အခွင့် အရေးနဲ့ ပတ်သက်လို့ အမေရိကန်က ပြောတာပဲဖြစ်ဖြစ် အနောက်တိုင်းက ပြောတာပဲဖြစ်ဖြစ် သူတို့ပြည်တွင်းရေးကိစ္စ သူတို့ဖာသာပဲ ဖြေရှင်း တာပဲ ဖြစ်တော့၊ ကုလသမဂ္ဂက ဒီ လူ့အခွင့်အရေးတွေ ဘာတွေနဲ့ ပြောလာရင် တရုတ်က သူ့နိုင်ငံပြောလည်း လက်မခံဘူး၊ သူများနိုင်ငံ ပြောလည်း ဒီလိုပဲ သူလက်မခံပါဘူး။ ဗမာပြည်အနေနဲ့က န၀တ နအဖ ခေတ်မှာပဲဖြစ်ဖြစ် အခုအချိန်မှာပဲ ဖြစ်ဖြစ် တရုတ်ကတော့ ဆက်ဆံရေး ကောင်းအောင် သူကတောက်လျှောက် ကြိုးစားမှာပဲလေ။ အခု ဒေါ်အောင်ဆန်းစုကြည်ကိုလည်း တချို့ သူတို့ပြည်တွင်းမှာတော့ အနောက်နိုင်ငံဘက် ယိမ်းတယ် ဘာတယ် ပြောပေမယ့်တရုတ်အစိုးရကတော့ ကောင်းကောင်းမွန်မွန် ဆက်ဆံတာပါပဲ။ တရုတ်ကပြောတဲ့ စကားထဲမှာ တခုတော့ ရှိတယ်။ သူများပြည်တွင်းရေးကို ဝင်မစွက်ရေး ဆိုတာ၊ ဗမာပြည်ပဲဖြစ်ဖြစ် ဘယ်နိုင်ငံမှာပဲဖြစ်ဖြစ် အဲဒီအစိုးရဟာ အဲဒီ ပြည်သူတွေကပဲ တာဝန်ရှိတယ်ပေ့ါလေ။ သူတို့အနေနဲ့ ဘာမှ ဝင်ရောက်စွက်ဖက်ပြီး ပြောကြားစရာ မလိုဘူးလို့ သူတို့ တွက်ထားပုံ ရပါတယ်။ ဒါကြောင့်မို့ န၀တခေတ် နအဖခေတ်ဖြစ်ဖြစ် အခု ဒေါ်စုခေတ်ဖြစ်ဖြစ် ထောက်ခံနေတာသာ ဖြစ်တယ် ”

အခုလို ကုလသမဂ္ဂလုံခြုံရေးကောင်စီရဲ့ တံခါးပိတ်ဆွေးနွေးပွဲအတွင်း မြန်မာနိုင်ငံတွင်းက လူ့အခွင့်အရေးချိုးဖောက်မှုတွေနဲ့ပတ်သက်လို့ ရုရှားနဲ့ တရုတ်နိုင်ငံတွေရဲ့ မြန်မာနိုင်ငံဘက်က ရပ်တည်ခဲ့တာနဲ့ပတ်သက်လို့လည်း လူ့အခွင့်အရေးလှုပ်ရှားသူ ညီမျှခြင်းမြန်မာအဖွဲ့ရဲ့ ဒါရိုက်တာ ဦးအောင်မျိုးမင်းက သူ့အမြင်အခုလိုပြောပါတယ်။

“ မနေ့တုန်းက ရုရှားနဲ့ တရုတ်ကနေ ကန့်ကွက်ခဲ့တာကတော့ ကုလသမဂ္ဂ လုံခြုံရေးကောင်စီ အတွင်းမှာ မြန်မာနိုင်ငံနဲ့ ပတ်သက်လို့ တကယ့်ကို အရေးတကြီး လုပ်ဆောင်ဖို့အတွက် ပြင်ဆင်ခဲ့တာ ကြာပါပြီ၊ အမြဲတမ်း အမြဲတမ်း တရုတ် သို့မဟုတ် ရုရှား၊ အခုဆို ၂နိုင်ငံ ပေါင်းပြီးတော့ ကန့်ကွက်ခဲ့တာ ဖြစ်ပါတယ်။ အဲဒီတော့ အရင်တုန်းကလည်း သူတို့ မြန်မာပြည်အစိုးရကို ကာကွယ်ပေးသလို အခုအချိန်မှာလည်း ဒီကိစ္စကိုဆွေးနွေး ဖို့အတွက် သူတို့ ဒီဟာကို ငြင်းဆိုခဲ့တာတွေ့ရပါတယ်။ ပြောရမယ်ဆိုလို့ရှိရင် ဘယ်အစိုးရပဲ ပြောင်းပြောင်း တက်လာသမျှ အစိုးရနဲ့ ဆက်ဆံမှုတွေ မထိခိုက်စေချင်ဘူးဆိုတဲ့ အယူအဆကို အများဆုံးတွေ့ပါတယ် ”

ကုလသမဂ္ဂလုံခြုံရေးကောင်စီမှာ တံခါးပိတ် ဆွေးနွေးရလောက်တဲ့အထိ ရခိုင်ပြည်နယ်တွင်းမှာ လူ့အခွင့်အရေးချိုးဖောက်မှုတွေ ရှိနေပါတယ်ဆိုတဲ့ နိုင်ငံတကာနဲ့ ကုလသမဂ္ဂရဲ့ စိုးရိမ်မှုတွေ စွပ်စွဲချက်တွေနဲ့ပတ်သက်လို့ မြန်မာအစိုးရအနေနဲ့ ငြင်းဆန်နေမယ့်အစား လိုအပ်တဲ့ စုံစမ်းစစ်ဆေးခွင့် ကိုပေးပြီး ခွင့်ပြုသင့်တယ်လို့ လည်း လူ့အခွင့်အရေးလှုပ်ရှားသူဦးအောင်မျိုးမင်းက အကြံပြုတိုက်တွန်းပါတယ်။

“ ကျနော်တို့ အစဉ်အဆက် အကြံပေးခဲ့တာရှိပါတယ်။ လူ့အခွင့်အရေး ချိုးဖောက်ခံရတယ်လို့ စွပ်စွဲသံကြားရင် လူ့အခွင့်အရေးချိုးဖောက် မှုဟာ ဟုတ်လား မဟုတ်ဘူးလား ပြန်လည် သက်သေပြဖို့ လိုပါတယ်။ မဟုတ်ပါဘူး ငြင်းနေမယ့်အစား လွတ်လပ်စွာ သွားရောက် စုံစမ်းခွင့်တွေ၊ တွေ့သင့်သူတွေကို တွေ့ပြီးတော့ သုံးသပ်မှုတွေ လုပ်ဆောင်သင့်တယ်။ မှားယွင်းတဲ့ စွပ်စွဲချက်ဆိုရင်လည်း ဒါပျောက်သွား မှာပါ။ စွပ်စွဲမှုတွေကို ငြင်းဆန်မယ့် တုန့်ပြန်မှုအစား ဒါတွေကို လာရောက်ကြည့်ရှု နိုင်ပါတယ်။ ကိုယ့်လိပ်ပြာ ကိုယ်လုံသော လုပ်ငန်းစဉ်တွေနဲ့ တွေ့ဆုံခွင့်တွေ စစ်ဆေးခွင့်တွေ ပေးဖို့အတွက် တိုက်တွန်းလိုပါတယ် ”

ရခိုင်ပြည်နယ်အရေးနဲ့ပတ်သက်လို့ EU ဥရောပသမဂ္ဂဘက်ကလည်း မြန်မာနိုင်ငံတွင်းက လူ့အခွင့်အရေးချိုးဖောက်မှုတွေကို စုံစမ်း စစ်ဆေးရေး အဖွဲ့စေလွှတ်စုံစမ်းဖို့ ကုလသမဂ္ဂကို ပြီးခဲ့တဲ့ကြာသပတေးနေ့ကပဲ တောင်းဆိုခဲ့ပါသေးတယ်။ ကုလသမဂ္ဂလုံခြုံရေး ကောင်စီ ကနေ မြန်မာနိုင်ငံအရေးထုတ်ပြန်မယ့် မူကြမ်းထဲမှာ မြန်မာနိုင်ငံတွင်း တိုင်းရင်းဒေသတွေမှာ လတ်တလောထပ်မံဖြစ်ပွားနေတဲ့ တိုက်ပွဲတွေနဲ့ ပတ်သက်ပြီး စ်ိုးရ်ိမ်ပူပန်ကြောင်းနဲ့ တိုက်ပွဲဖြစ်နေတဲ့နေရာတွေက စစ်ဘေးဒုက္ခသည်တွေအတွက် လူသားချင်းစာနာမှုအကူအညီတွေ အရောက်ပေးပို့နိုင်ဖို့ အရေးကြီးကြောင်းလည်း ဖော်ပြပါရှိပါတယ်။
VOA Burmese News



အမေရိကန် သမ္မတ ထရမ့်နဲ့ ဂျာမနီ ဝန်ကြီးချုပ် မာခဲလ်တို့ ပထမဆုံးအကြိမ် မျက်နှာချင်းဆိုင် တွေ့ဆုံ ဆွေးနွေး
အမေရိကန် နိုင်ငံမှာ ရောက်ရှိနေတဲ့ ဂျာမနီ ဝန်ကြီးချုပ် အဲန်ဂယ်လာ မာခဲလ်နဲ့ အမေရိကန် သမ္မတ ထရမ့်တို့ အိမ်ဖြူတော်မှာ တွေ့ဆုံ ဆွေးနွေးခဲ့ကြပါတယ်။

နိုင်ငံရေး အမြင်သဘောထားတွေ လုံးဝ မတူကြတဲ့ ခေါင်းဆောင်နှစ်ဦးအကြား တဦးနဲ့တဦး သဟဇာတ ဖြစ်တဲ့ပုံမျိုး မတွေ့ရဘူးလို့ သတင်းထောက်တွေက ပြောပါတယ်။

နိုင်ငံရွှေ့ပြောင်းဝင်လာသူတွေကို ကြိုဆိုခဲ့တဲ့ မစ္စစ် မာခဲလ်ရဲ့ ပေါ်လစီဟာ မဟာအမှားကြီးတခု ဖြစ်တယ်လို့ မစ္စတာ ထရမ့်က ဝေဖန်ခဲ့ဖူးသလို မွတ်ဆလင် အများစု နေထိုင်တဲ့ နိုင်ငံတွေကလူတွေကို အမေရိကန်နိုင်ငံထဲ ဝင်ခွင့်ပိတ်ပင်ခဲ့တဲ့ မစ္စတာထရမ့်ရဲ့ ဆုံးဖြတ်ချက်ကိုလည်း မစ္စစ် မာခဲလ်က ဝေဖန် ပြောဆိုခဲ့တာပါ။

အခု နှစ်ဦး မျက်နှာချင်းဆိုင် တွေ့ခဲ့ရာမှာတော့ နိုင်ငံတကာ ကုန်သွယ်ရေး ကိစ္စကိုပဲ အဓိကထား ဆွေးနွေး ခဲ့ကြပါတယ်။

သတင်းစာ ရှင်းလင်းပွဲမှာလည်း သမ္မတ ထရမ့်က အမေရိကန် နိုင်ငံဟာ ကုန်သွယ်မှု မမျှတတာ ခံနေရတယ် ၊ ဒါကို ပြောင်းသင့်ပြီလို့ ပြောသွားပါတယ်။

မစ္စစ် မာခဲလ်ကတော့ ကုန်သွယ်ရေးဟာ သက်ဆိုင်သူတွေ အကျိုးအမြတ် ရနိုင်ကြောင်းနဲ့ ကမ္ဘာတဝှမ်း လွှမ်းခြုံကုန်သွယ်ခြင်းအားဖြင့် အားလုံးအတွက် အကျိုးအမြတ် ဖြစ်ထွန်းနိုင်ကြောင်း ပြောသွားပါတယ်။

ထရမ့်တာဝါမှာ ဖုန်းလိုင်းတွေ ခိုးနားထောင်တဲ့အထဲမှာ ဗြိတိသျှ ထောက်လှမ်းရေး အဖွဲတွေ ပါတယ်ဆိုတဲ့ စွပ်စွဲချက်တွေနဲ့ ပတ်သက်လို့ သတင်းထောက်တွေရဲ့ အမေးကိုတော့ မစ္စတာ ထရမ့်က သမ္မတအိုဘားမား အစိုးရလက်ထက်တုန်းက မစ္စစ် မာခဲလ် လည်း ဖုန်းခိုးနားထောင်တာ ခံခဲ့ရတာပဲ မဟုတ်လား ဆိုပြီး ပြောသွားခဲ့ပါတယ်။

ဘယ်လိုပဲ ဖြစ်ဖြစ် အမြင်သဘောထား လုံးဝ မတူကြတဲ့ ခေါင်းဆောင်နှစ်ဦးအကြား ကမ္ဘာ့တဝှမ်း အရေးပါတဲ့ ကိစ္စရပ်တွေနဲ့ ပတ်သက်လို့ ပူးပေါင်းဆောင်ရွက်နိုင်မယ့် နည်းလမ်း တခုတော့ ရှာရအုံးမှာ ဖြစ်ပြီး ဒီတွေ့ဆုံဆွေးနွေးမှုက အစမ်းသဘော ပထမခြေလှမ်းလက္ခဏာ အဖြစ်သာ ရှိမယ့်ပုံတွေ့ရတယ်လို့ ဘီဘီစီ သတင်းထောက် Anthony Zurcher က သုံးသပ်ထားပါတယ်။

BBC Burmese
http://www.bbc.com/burmese



မွန်ပြည်နယ်မှာ ဗိုလ်ချုပ်အောင်ဆန်း ကြေးရုပ်ထားရှိမှု အလိုမရှိကြောင်း ကန့်ကွက်ပွဲကို မတ်လ ၁၈ ရက်နေ့က ကျင်းပစဉ်။ Photo: Kyaw Lwin Oo/RFA
မွန်ပြည်နယ်မှာ ဗိုလ်ချုပ်အောင်ဆန်း ကြေးရုပ်ထားရှိမှု အလိုမရှိကြောင်း ကန့်ကွက်ပွဲကို မုဒုံမြို့နယ်မှာရှိတဲ့ မွန်သံဃာတော်တွေနဲ့ မွန်လူငယ်တွေက ကန်သာယာပန်းခြံ ဗိုလ်ချုပ်ကြေးရုပ်ဘေးလမ်းမှာ ဒီနေ့ ကျင်းပခဲ့ပါတယ်။

ဗိုလ်ချုပ်အောင်ဆန်း ကြေးရုပ်ထားရှိတာဟာ လူမျိုးကြီးဝါဒလိုခံစားရပြီး မွန်တွေအများစုနေတဲ့ နေရာမှာ ဗိုလ်ချုပ်ကြေးရုပ်မထားရှိဘဲ မွန်သူရဲကောင်းတွေရဲ့ ကြေးရုပ်ထားရှိစေချင်တယ်လို့ ပွဲကိုဦးဆောင်ပြုလုပ် တဲ့ နိုင်ထွန်းမြင့်က ပြောပါတယ်။

ကန့်ကွက်ပွဲ တက်ရောက်သူ တစ်ရာလောက်က ဗိုလ်ချုပ်အောင်ဆန်းကြေးရုပ် မွန်ပြည်နယ်မှာ အလိုမရှိကြောင်း၊ ဗိုလ်ချုပ်အောင်ဆန်းကြေးရုပ် ဖယ်ရှားပေး စတာတွေကို ကြွေးကြော်ခဲ့ပါတယ်။

မွန်ပြည်နယ်မှာ ဗိုလ်ချုပ်အောင်ဆန်း ကြေးရုပ်တု ၂ ရုပ်ရှိပြီး မော်လမြိုင်သံလွင်ဥယျာဉ်မှာ တစ်ရုပ်နဲ့ မုဒုံမြို့ကန်သာယာပန်းခြံမှာ ပြီးခဲ့တဲ့ဗိုလ်ချုပ်မွေးနေ့က ဖွင့်လှစ်ခဲ့တဲ့ ကြေးရုပ် တစ်ရုပ် ရှိပါတယ်။

မုဒုံမြို့ ကန်သာယာပန်းခြံမှာရှိတဲ့ ကြေးရုပ်ဟာ အမြင့် ၉ ပေရှိပြီး ကြေးပိဿာချိန် ၃၃၀ ရှိကာ သိန်း ၁၅၀ နီးပါး ကုန်ကျခံပြုလုပ်ထားတာဖြစ်ပါတယ်။

RFA Burmese
http://www.rfa.org/burmese