03/21/17


ဘင်္ဂလားဒေ့ရ်ှရှိ ရိုဟင်ဂျာဒုက္ခသည်စခန်းများ
ဘင်္ဂလားဒေ့ရ်ှရှိ ရိုဟင်ဂျာဒုက္ခသည်စခန်းများ
ဒုသမ္မတ ဦးမြင့်ဆွေ ဦးဆောင်တဲ့ ရခိုင်ပြည်နယ်မြောက်ပိုင်း မောင်တောဒေသ အကြမ်းဖက်တိုက်ခိုက်မှု စုံစမ်းစစ်ဆေးရေး ကော်မရှင်အဖွဲ့ဝင်တွေဟာ အဖွဲ့ ၂ဖွဲ့ ခွဲပြီး ဘူးသီးတောင်၊ မောင်တောဒေသဘက်ကိုတဖွဲ့၊ ဘင်္ဂလားဒေ့ရ်ှနိုင်ငံဘက်ကိုတဖွဲ့ သွားရောက်ပြီးတော့ ကွင်းဆင်းလေ့လာနေတယ်လို့ ကော်မရှင်အဖွဲ့ဝင်တဦးဖြစ်တဲ့ ဦးအောင်ကြည်က ဗွီအိုအေကို အတည်ပြု ပြောဆိုပါတယ်။ ဘင်္ဂလားဒေ့ရ်ှနိုင်ငံဘက်သွားတဲ့ ကော်မရှင်အဖွဲ့ဝင်တွေကတော့ ဒီကနေ့မှာ ဘင်္ဂလားဒေ့ရ်ှဘက်အခြမ်းမှာရှိတဲ့ ဒုက္ခသည်စခန်းတွေက ရိုဟင်ဂျာ ဒုက္ခသည်တွေနဲ့ တွေ့ဆုံမေးမြန်ခဲ့တယ်လို့ ဘင်္ဂလားဒေ့ရ်ှသတင်းတွေမှာ ဖော်ပြထားပါတယ်။ ဒီအခြေအနေနဲ့ ပတ်သက်လို့ ဗွီအိုအေ မြန်မာပိုင်း သတင်းထောက် မမြင့်မြင့်ခိုင်က တင်ပြထားပါတယ်။

ရခိုင်ပြည်နယ်မြောက်ပိုင်း မောင်တောဒေသ အကြမ်းဖက်တိုက်ခိုက်မှု စုံစမ်းစစ်ဆေးရေး ကော်မရှင်အနေနဲ့ ရခိုင်အရေးနဲ့ ပတ်သက်လို့ ကုလသမဂ္ဂရဲ့ စွပ်စွဲချက်တွေကို အဖြေရှာဖို့အတွက် အဖွဲ့ ၂ဖွဲ့ ခွဲပြီး ဘူးသီးတောင်၊ မောင်တောအပါအဝင် ဘင်္ဂလားဒေ့ရှ် နိုင်ငံထဲက ဒုက္ခသည်စခန်းတွေကို အခုရက်ပိုင်း အတွင်း သွားရောက်ပြီး ကွင်းဆင်းလေ့လာနေတာပါ။

ရခိုင် စုံစမ်းစစ်ဆေးရေး ကော်မရှင်အနေနဲ့ မောင်တော အကြမ်းဖက်တိုက်ခိုက်မှုအပြီး ဘင်္ဂလားဒေ့ရှ် ဘက်ကို ထွက်ပြေးတိမ်းရှောင်သွားတဲ့ ရိုဟင်ဂျာ ဒုက္ခသည်တွေရော၊ မြန်မာပြည်ထဲကို ပြန်ဝင်လာတဲ့ ဒုက္ခသည်တွေကိုပါ အဖွဲ့ခွဲပြီး တွေ့ဆုံမေးမြန်းမှုတွေလုပ်နေတယ်လို့ ကော်မရှင်အဖွဲ့ဝင် ဦးအောင်ကြည် က အခုလို ရှင်းပြပါတယ်။

“အစီရင်ခံစာမှာ ပါတဲ့အချက်တွေပေါ့လေ ဘယ်လောက်အတိုင်းအတာအထိ မှန်ကန်မှုရှိသလဲ ဆိုတာကို ကျနော်တို့ စုံစမ်းစစ်ဆေးရေးကော်မရှင်အဖွဲ့ဝင်တွေအနေနဲ့ ဘင်္ဂလားဒေ့်အစိုးရနဲ့ ညှိနှိုင်းပြီးတော့မှ နဂိုတုန်းက လူ့အခွင့်အရေးအဖွဲ့တွေအနေနဲ့ စစ်ဆေးခဲ့တဲ့နေရာလေးတွေပေါ့ နောက် ပုဂ္ဂိုလ်တွေပေါ့ အဲဒါတွေကို ပြန်ပြီးတော့ မေးမြန်းတာလေးတွေ စုံစမ်းတာလေးတွေ လုပ်တဲ့အစီအစဉ်တခုပေါ့ တဘက်က အဲဒီလိုလုပ်သလို၊ တဘက်ကလည်း တချို့ပြန်ဝင်လာကြတဲ့လူတွေကိုလည်း ထပ်မံပြီးတော့ လိုက်တွေ့ဆုံမေးမြန်းတဲ့အဖွဲ့တွေရှိပါတယ်။ အဲဒီတော့ မောင်တောဒေသ စုံစမ်းရေးကော်မရှင်အနေနဲ့ အဖွဲ့ခွဲပြီးတော့ အလုပ်လုပ်နေတယ်ဆိုတဲ့ သဘောပါပဲ ။ ကျနော်သိရသလောက်ကတော့ ဟိုဘက်အခြမ်းသွားတာကတော့ ဆရာအောင်ထွန်းသက်တို့၊ ဆရာဦးထွန်းမြတ်တို့ ဦးဆောင်ပြီးတော့ သွားတယ်လို့ ကျနော်တို့ သိရပါတယ်။ ဒီဘက်မှာတော့ ဦးအောင်နိုင်တို့အဖွဲ့ဦးဆောင်တယ်လို့ ကျနော်တို့ သိရပါတယ်။”

ကော်မရှင်အနေနဲ့ စတုတ္ထအကြိမ်မြောက် ကွင်းဆင်းစစ်ဆေးတာဖြစ်ပြီး ရိုဟင်ဂျာတွေ အပေါ် စနစ် တကျ ညှဉ်းပန်းနှိပ်စက်မှုတွေရှိနေတယ်ဆိုတဲ့ ကုလသမဂ္ဂရဲ့ စွပ်စွဲချက်တွေကို အဖြေရှာဖို့ စစ်ဆေးမှု တွေ လုပ်နေတာ ဖြစ်ပါတယ်။ အခုတခေါက် ကော်မရှင်ရဲ့ကွင်းဆင်းလေ့လာမှုကတဆင့် ကုလသမဂ္ဂရဲ့ စွပ်စွဲချက်တွေ ခိုင်လုံမှု ရှိမရှိ သိနိုင်မယ်လို့ ဦးအောင်ကြည်က ဆိုပါတယ်။

“ သူတို့အစီရင်ခံစာမှာ ပါတဲ့အချက်တွေက ဘယ်လောက်အထိ ခိုင်မှာမှုရှိသလဲ သေချာမှုရှိသလဲဆိုတဲ့အချက်တွေပေါ့နော်၊ များသောအားဖြင့် ကျနော်တို့ ယူဆတာကတော့ တော်တော်များများက ချဲ့ကားထားတဲ့နေအထားမျိုးဖြစ်တယ်။စစ်ဆေးတဲ့လူတွေကလည်း ဒီကနောက်ဆုံးအခြေအနေ ဒီဘက်ခြမ်းကို မရောက်ကြသေးဘူး၊ နောက် နယ်မြေအခြေအနေလည်း သူတို့က မသိကြဘူးဆိုတော့ ထွက်ခွာသွားတဲ့လူတွေ ပြောသမျှစကားအားလုံးကိုအမှန်လို့ထင်ပြီးတော့ မှတ်တမ်းတင်တာတွေလည်း ဖြစ်နိုင်ပါတယ်။ ဒါကြောင့်မို့လို့ သွားပြီးတော့ ကျနော်တို့ဆီက မေးမြန်းတဲ့ ပုဂ္ဂိုလ် တွေက ဒီဘက်က ကျေးရွာတွေရော နယ်မြေဒေသအခြေအနေတွေရော၊ ဒီဘက်ကဖြစ်စဉ်တွေရော အကုန်လုံးအသေးစိတ်သိရှိခဲ့ပြီးပြီ။ စုံစံလင်လင်လည်း ဒီဘက်က သတင်းအချက်အလက်တွေကို မေးမြန်းထားခဲ့ပြီးပြီ။ ဆိုတော့ ဟိုမှာ ပြန်ပြီးတော့ မေးတဲ့အခါမှာ နဂိုတုန်းက ထွက်ဆိုခဲ့တဲ့လူတွေကို တွေ့ချင်လည်း တွေ့မယ်။ မတွေ့ရင်လည်းမတွေ့ဘူးပေါ့လေ။ ဒါပေမယ့် တွေ့သည်ဖြစ်စေ မတွေ့သည်ဖြစ်စေ သူတို့နဲ့ နီးစပ်တဲ့ ပုဂ္ဂိုလ် တွေကို ပြန်ပြီးတော့မေးမြန်းခြင်းအားဖြင့် ဟိုတုန်းက ထွက်ဆိုချက်တွေဟာ ဘယ်လောက်အထိ မှန်ကန်မှု ရှိသလဲ ၊ သတင်းအချက်အလက်အားဖြင့် ခိုင်မာမှုရှိသလား ဆိုတာလေးတွေပါ ဆန်းစစ်နိုင်လိမ့်မယ်လို့ မျှော်လင့်ပါတယ်။”

ကော်မရှင်အဖွဲ့ဝင်တွေဟာ ဒီကနေ့မှာ ဘင်္ဂလားဒေ့ရှ် ဘက်က ဒုက္ခသည်စခန်းတခုကို သွားရောက် ခဲ့ပြီး ရိုဟင်ဂျာ ဒုက္ခသည်တွေနဲ့ တွေ့ဆုံမေးမြန်မှုတွေလုပ်ခဲ့သလို နောက်ရက်တွေမှာလည်း ဒုက္ခသည်စခန်း တချို့ကို ထပ်သွားဖို့ရှိတဲ့အကြောင်း ဘင်္ဂလားဒေ့ရှ် သတင်းတွေမှာတော့ ဖော်ပြထားပါတယ်။

ကုလအတွင်းရေးမှူးချုပ်ဟောင်း ကိုဖီအာနန်ဦးဆောင်တဲ့ ရခိုင်အကြံပေးကော်မရှင်ရဲ့ အကြံပြုချက် အချက် ၃၀ ပါတဲ့ ကြားဖြတ်အစီရင်ခံစာ တစောင်ကို ပြီးခဲ့တဲ့ရက်ပိုင်းက ထုတ်ပြန်ခဲ့ပြီး ရခိုင်ပြည်နယ်တွင်း ဖြစ်ပွားခဲ့ တဲ့ ရာဇဝတ်မှု စွပ်စွဲချက်တွေအပေါ် လွတ်လပ်တဲ့ စုံစမ်းစစ်ဆေးရေးမှုတွေ လုပ်ပြီး နိုင်ငံသားစစ်ဆေး ရေး စနစ်တွေကို ပြန်လည်ပြင်ဆင်ဖို့လည်း တိုက်တွန်းထားပါတယ်။

မြန်မာအစိုးရအနေနဲ့လည်း ကိုဖီအာနန်ဦးဆောင်တဲ့ ရခိုင်အကြံပေးကော်မရှင်ရဲ့ အစီရင်ခံစာအပေါ်ကြိုဆိုသလို ကော်မရှင်ရဲ့ အကြံပြုချက်တွေကိုအမြန်ဆုံးအကောင်ထည်ဖော်မယ့်အကြောင်း ပြောဆို ထားပါတယ်။

ရခိုင်ပြည်နယ် မောင်တော အကြမ်းဖက်တိုက်ခိုက်မှု စုံစမ်းစစ်ဆေးရေး ကော်မရှင်ရဲ့ အစီရင်ခံကိုတော့ ဘယ်တော့ ထုတ်ပြန်မယ်ဆိုတာ မသိရသေးဘဲ အစိုးရအနေနဲ့လည်း စုံစမ်းစစ်ဆေးရေးကော်မရှင်ရဲ့ အစီရင်ခံစာထုတ်ပြန်မယ့် အချိန်ကို ရက်အကန့်အသတ်မရှိ တိုးမြင့်ပေးထားတာလည်းဖြစ်ပါတယ်။
VOA Burmese News


မင်းလှ မတ် ၂ဝ

ပဲခူးတိုင်းဒေသကြီး သာယာဝတီခရိုင် မင်းလှမြို့နယ် ဒီလှိုင်းကျေးရွာအုပ်စု ဒလှိုင်း-တူးမြောင်းဆက်သွယ်ထားသော ကျေးလက်ဖွံ့ဖြိုး ရေးလမ်းပေါ်ရှိ ဆင်တွင်းရိုးတံတားပေါ်၌ ၁၈ ရက်ည ၁၁ နာရီက ယာဉ်တစ်စီး ဖြတ်သန်းမောင်းနှင်စဉ် တံတားပြိုကျ ပျက်ဆီးမှု ဖြစ်ပွားခဲ့ကြောင်း သိရသည်။


ဖြစ်စဉ်မှာ တူးမြောင်းကျေးရွာဘက်မှ ဒီလှိုင်းကျေးရွာဘက်သို့ ယာဉ်မောင်း အောင်မြတ်သူမောင်းနှင်လာသော အနီရောင်ခြောက် ဘီးယာဉ် ကျွန်းသစ်(အိမ်ဟောင်း) ဝ ဒသမ ၂၅ သန်းခန့်တင်ဆောင်ကာ အလျား ၄ဝ ပေ၊ အမြင့် ၁၈ ပေ၊ အကျယ် ၁၄ ပေရှိ ဆင်တွင်းရိုးတံတားပေါ်ကို ဖြတ်သန်းမောင်းနှင်ရာ ယာဉ်၏ အလေးချိန်အားမခံနိုင်ဘဲ ခါးလယ်မှ ကျိုးကျကာ ယာဉ်မှာနောက်ပြန်လိမ့်ကျ ရပ်တန့်သွားခဲ့သည်။

အမှုနှင့်ပတ်သက်၍ မင်းလှမြို့နယ် စစ်ကွင်းနယ်မြေရဲစခန်းက ယာဉ်အားမဆင်မခြင်မောင်းနှင်သူ ယာဉ်မောင်းအောင်မြတ်သူအားအမှုဖွင့် အရေးယူဆောင်ရွက်လျက်ရှိကြောင်း သိရသည်။

ပေါက်စ(မင်းလှ)
Myanmaalinn
https://www.facebook.com/MYANMAALINNNEWS



မြစ်ကြီးနားမြို့နယ် အကောက်ခွန် ဦးစီးဋ္ဌာနရုံးမှာ တရုတ်ပြည်ကနေ တရားမဝင် သယ်ဆောင်ခဲ့တဲ့ ကြက်ဥ၊ ဘဲဥနဲ့ အေးခဲကြက် သားတွေကို မတ်လ ၂၀ ရက်နေ့က ဖျက်ဆီးနေစဉ်။ Photo: Kyaw Myo Min/ RFA
တရုတ်ပြည်ကနေ နယ်စပ်ဖြတ်ကျော်ပြီး တရားမဝင် သယ်ဆောင်လာတဲ့ ခန့်မှန်း ကျပ်သိန်းပေါင်း ၆၀ ကျော်တန်ဖိုးရှိတဲ့ ကြက်ဥ၊ ဘဲဥ နဲ့ အေးခဲကြက်သားတွေ ကို ကချင်ပြည်နယ် မြစ်ကြီးနားမြို့နယ် အကောက်ခွန်ဦးစီးဋ္ဌာနရုံးမှာ ဒီကနေ့ ဖျက်ဆီးခဲ့ပါတယ်။

အဲဒီလိုတရားမဝင်ပစ္စည်းတွေကို မသယ်ယူဖို့ လုပ်ငန်းရှင်တွေကိုလည်း အသိပေးအကြောင်းကြား ထားတယ်လို့ မြစ်ကြီးနားမြို့နယ် အကောက်ခွန်ဦးစီးဋ္ဌာနမှူး ဦးမြင့်နိုင်ဋ္ဌေး က ပြောပါတယ်။

အဲဒီကြက်ဥ၊ ဘဲဥနဲ့ အေးခဲသားတွေကို ဒီလ ၉ ရက်နေ့က ဝိုင်းမော်မြို့နယ် မိုင်းနားကျေးရွာအနီးမှာ ဖမ်းဆီးရမိခဲ့တာဖြစ်ပါတယ်။

တရုတ်နိုင်ငံမှာ ကြက်ငှက်တုပ်ကွေးဖြစ်ပွားနေတဲ့ အခြေအနေကနေ မြန်မာနိုင်ငံဘက် ကူးစက်ပြန့်ပွား မှုမရှိစေဖို့အတွက် ကြက်ငှက် တိရစ္ဆာန်ထွက်ကုန် နဲ့ တားမြစ်ပစ္စည်းတွေကို ဖမ်းဆီးနေတာ ဖြစ်တယ်လို့ ပြည်နယ်အစိုးရအဖွဲ့ ဘဏ္ဍာအခွန်၊ စီမံကိန်းနဲ့ စီးပွားရေး ဝန်ကြီး ဦးဝေလင်း က RFA ကို ပြောထားပါတယ်။

ပြီးခဲ့တဲ့ ရက်ပိုင်းကလည်း ဗန်းမော်ခရိုင်အတွင်းမှာ တရုတ်ပြည်ကနေတရားမဝင်သယ်ဆောင်လာတဲ့ ကြက်အကောင်ပေါက်၊ ကြက်ဥ၊ ဘဲဥ စတဲ့ ကြက်ငှက် တိရိစ္ဆာန်ထွက်ပစ္စည်းတွေကို ဖမ်းမိခဲ့ပါတယ်။

အများပြည်သူ ဘေးဥပါဒ် ဖြစ်စေတဲ့ အစားအသောက်နဲ့ လူသုံးပစ္စည်းအပါအဝင် တရားမဝင် တားမြစ်ကုန်ပစ္စည်းတွေကို တရုတ်နိုင်ငံကနေမတင်သွင်းဖို့ နဲ့ တင်သွင်းလာသူတွေကို အရေးယူဖို့ တရုတ်-မြန်မာ နယ်စပ်ကုန်သွယ်ရေးစခန်းတွေမှာလည်း ဗီနိုင်းပိုစတာတွေနဲ့ စိုက်ထူအသိပေးထားပါတယ်။

လူကို သေစေနိုင်တဲ့အထိ အန္တရာယ်ရှိတဲ့ တိရိစ္ဆာထွက် ပစ္စည်းနဲ့ စားသောက်ကုန်မျိုးစုံ အပါအဝင် အရည်အသွေးမမီတဲ့ အဝတ်အထည်နဲ့ လူသုံးကုန်ပစ္စည်းမျိုးစုံ စတဲ့ ထုတ်ကုန်ပစ္စည်းတွေဟာ လွန်ခဲ့တဲ့ နှစ်များစွာကတည်းက တရုတ်နိုင်ငံကနေ မြန်မာနိုင်ငံကို တရားမဝင် နည်းလမ်းမျိုးစုံနဲ့ ဝင်ရောက်နေတာဖြစ်ပါတယ်။

RFA Burmese
http://www.rfa.org/burmese



အမေရိကန်သမ္မတ Donald Trump ဟာ အီရတ်ဝန်ကြီးချုပ် Haider al-Abadiနဲ့ ဒီကနေ့ တွေ့ဆုံမှာဖြစ်ပါတယ်။
အမေရိကန်သမ္မတ Donald Trump ဟာ အီရတ်ဝန်ကြီးချုပ် Haider al-Abadi ကို ဒီကနေ့ တနင်္လာနေ့မှာ လက်ခံတွေ့ဆုံဖို့ရှိပြီး ဆွေးနွေးပွဲ မှာ အီရတ်နိုင်ငံမြောက်ပိုင်းက မိုဆူးလ်မြို့  ကို IS စစ်သွေးကြွတွေလက်က ပြန်သိမ်းတဲ့ စစ်ဆင်ရေးအကြောင်းလည်း ပြောမယ်လို့ ခန့်မှန်းရပါတယ်။ ပြီးခဲ့တဲ့လမှာ ခေါင်းဆောင်နှစ်ယောက်တို့ တယ်လီဖုန်းနဲ့ပြောဆိုရာမှာ IS စစ်သွေးကြွ ခြေမှုန်းရေး ပြောဆိုဆွေးနွေးခဲ့ကြပေမယ့် ဒီကနေ့ တနင်္လာနေ့ကတော့ ပထမဆုံးမျက်နှာချင်းဆိုင်တွေ့ဆုံတာပါ။

IS စစ်သွေးကြွတွေကို ဘယ်လို အပြီးတိုင်ခြေမှုန်းမလဲဆိုတာနဲ့ သူတို့ကို ကူညီပေးနေသူတွေအကြောင်း သမ္မတ Trump နဲ့ဆွေးနွေးလိုတယ်လို့ ၀ါရှင်တန်ကို မထွက်ခွါခင် ၀န်ကြီး Abadi ကပြောပါတယ်။

အမေရိကန်ဦးဆောင်တဲ့ ညွှန့်ပေါင်းတပ်ဖွဲ့တွေရဲ့ လေကြောင်းထိုးစစ်နဲ့ IS စစ်သွေးကြွတွေကို အီရတ်တပ်ဖွဲ့တွေက ၂၀၁၄ သြဂုတ်လ ကတည်းက မြေပြင်ထိုးစစ်ဆင်နွှဲနေတာပါ။ မိုဆူးလ်မြို့သိမ်း စစ်ဆင်ရေးတွေ မနှစ်နှောင်းပိုင်းမှာ စတင်ခဲ့ပြီး ခုလက်ရှိမှာ မြို့အရှေ့ပိုင်းကို အစိုးရတပ်တွေက ပြန်ပြီး ထိန်းချုပ်ထားနိုင်ပြီဖြစ်တဲ့အတွက် မြို့အနောက်ပိုင်းကိုလည်း လက်လှမ်းမှီသွားပါပြီ။

ပြီးခဲ့တဲ့ တနင်္ဂနွေနေ့ကတော့ မိုဆူးလ်မြို့အနောက်ပိုင်းမှာ IS ခေါင်းဆောင် Abu Bakr al-Baghdadi ပုန်းခိုနေတဲ့နေရာကို မြေပြင်တပ်ဖွဲ့တွေချဉ်းကပ်လာချိ်န်မှာပဲ အဓိက ဗလီတခုအနီး ကိုအစိုးရရဟတ်ယာဉ်ကနေ ရော့ကက်ဒုံးကျည်နဲ့ ပစ်ခတ်တိုက်ခိုက်ခဲ့ပါသေးတယ်။

အဲဒီဗလီကို ဂျီဟတ်စစ်သွေးကြွတွေရဲ့ ပင်မရုံးချုပ်အဖြစ် အမေရိကန်နဲ့ အီရတ်ကျွမ်းကျင်သူတွေက စောင့်ကြည့်နေတာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



ရန်ကုန်မြို့ရှိ Asia World ဆိပ်ကမ်းမြင်ကွင်းတခု။
တိုင်းပြည်မှာ ငြိမ်းချမ်းရေး မခိုင်မာတာကြောင့် နိုင်ငံ့စီးပွားရေးနဲ့ တိုးတက်မှုပိုင်းမှာ အားနည်းစေတယ်လို့ စီမံကိန်းနဲ့ ဘဏ္ဍာရေး ဌာန ပြည်ထောင်စုဝန်ကြီးက ပြောပါတယ်။ ဒါ့အပြင် ကုန်သွယ်ရေးမှာ လိုငွေပြနေတာကြောင့်လဲ တိုင်းပြည်ဖွံ့ဖြိုးဖို့ အဟန့်အတား ဖြစ်နေတယ်လို့ဆိုပါတယ်။ အပြည့်အစုံကို ဗွီအိုအေမြန်မာပိုင်းသတင်းထောက် မမေခကပေးပို့ထားတယ်။

နိုင်ငံစီးပွားရေး ဖွံ့ဖြိုးတိုးတက်မှုနဲ့ ငြိမ်းချမ်းရေးမရသေးတဲ့ အခြေအနေကို ဆက်စပ်ပြီးတော့ ၀န်ကြီး ဦးကျော်ဝင်းက စနေနေ့မှာ ပြောသွားတာပါ။ တိုင်းပြည် ငြိမ်းချမ်းရေးရှိနိုင်မှသာ နိုင်ငံ့စီးပွားရေး တိုးတက်ပြီး နိုင်ငံလဲတိုးတက်မယ်လို့ ၀န်ကြီးကဆိုပါတယ်။

“နိုင်ငံ ၁ နိုင်ငံ ဖွံ့ဖြိုးတိုးတက်အောင် လုပ်မယ်ဆိုရင် တိုင်းပြည်ရဲ့ ငြိမ်းချမ်းသာယာမှု၊ အေးချမ်းသာယာမှု ရှိမှဖြစ်မယ်ဆိုတာကို ကျနော်တို့ ကောင်းစွာယုံကြည်ပါတယ်။ နားလည်း နားလည်ပါမယ် ။စီးပွားရေးကို ကျနော်တို့ ဘယ်လောက်ပဲ ကြိုးစားအားထုတ် ငြိမ်းချမ်းရေးမရှိရင် စီးပွားရေးက မတိုးတက်နိုင်ဘူး။ ကျနော်တို့ ငြိမ်းချမ်းရေး ရတဲ့ တချိန်တည်းမှာလည်း စီးပွားရေးကို အောင်မြင်အောင်လုပ်ရမယ်။ စီးပွားရေးအောင်မြင်မှ လည်း ငြိမ်းချမ်းရေးက အထောက်အကူဖြစ်မယ်။”

ပြီးခဲ့တဲ့ စနေနေ့က ရန်ကုန်မြို့မှာလုပ်တဲ့ နိုင်ငံခြားရင်းနှီးမြုပ်နှံသူတွေနဲ့တွေ့ဆုံပွဲမှာ ဝန်ကြီးက အဲဒီလိုပြောတာပါ။ NLD အစိုးရ လက်ထက်မှာ စီးပွားရေးမူဝါဒသစ်နဲ့ တာထွက်ဖို့ ခြေလှမ်းပြင်တဲ့အနေနဲ့ သမ္မတဦးသိန်းစိန်လက်ထက်က ထုတ်ပြန်ထားတဲ့ ရင်းနှီးမြုပ်နှံမှုဥပဒေကို ပြန်လည်ပြင်ဆင်ပြီးတော့ ပြဌာန်းထားပါတယ်။ လက်ရှိအစိုးရအနေနဲ့ စီးပွားရေးပိုင်းကို ဘယ်လိုမူဝါဒတွေ နဲ့ ကိုင်တွယ်သွားမလဲဆိုတာ စိတ်ဝင်တစား စောင့်ကြည့်နေကြပေမယ့် ခုချိန်ထိ ရှင်းရှင်းလင်းလင်း မသိရသေးပါဘူး။

လက်ရှိတိုင်းပြည်ရဲ့ကုန်သွယ်မှုပိုင်းက လိုငွေပြနေသလို ၀င်ငွေထွက်ငွေပိုင်းကလည်း လိုငွေပြနေဆဲပါ။ ဒီလိုအခြေအနေကို ကျော်လွန်ပြီး တိုင်းပြည်ဖွံ့ဖြိုးဖို့အတွက်က ကုန်သွယ်မှုပိုင်း လိုငွေပြနေတာကို အဆုံးသတ်ဖို့ လိုနေတယ်လို့ ဝန်ကြီး ဦးကျော်ဝင်းကပြောပါတယ်။

“Trade deficit, Budget deficit တွေ Poverty လိုင်းအောက်မှာရှိနေတဲ့ ကျနော်တို့ ပြည်သူတွေ ကျေးလက်ဒေသမှာရှိတဲ့ ၇၀ ရာခိုင်နှုန်းအထက်မှာ ရှိတဲ့ ကျနော်တို့ ပြည်သူတွေ စားဝတ်နေရေး ၊ လူနေမှုဘ၀တွေ နိမ့်ပါးနေတာ ဒါတွေကိုလည်း ကျနော်တို့ အနုတ်လက္ခဏာအဖြစ်နဲ့ ဆက်လက် လက်ဆင့်ကမ်းပြီးတော့ သယ်သွားရမယ့်အခါမှာ ကျနော်တို့ စီးပွားရေး မူဝါဒရဲ့ သဘောတရားအရ Theory တွေအများကြီးရှိပါတယ်။ macroeconomics Theory အများကြီးပေါ့ ဒါပေမယ့် ကျနော်တို့က ပကတိလက်တွေ့အခြေအနေနဲ့ ကျနော်တို့ ဆောင်ရွက်နိုင်တဲ့အခြေအနေကို သုံးသပ်ရင် Budget deficit က နိုင်ငံတိုးတက်မှုအတွက် ပကတိ အဟန့်အတားကြီးဖြစ်နေတယ်။ အလားတူ Trade deficitကလည်း ပကတိ အဟန့်အတားကြီးဖြစ်နေတယ်။ ပြည်သူတွေရဲ့ စားဝတ်နေမှု ဟန့်တားနေတာကလည်း ကျနော်တို့ရဲ့ ပကတိ အဟန့်အတားကြီးဖြစ်နေတယ်။”

တိုက်ပွဲတွေ၊ နယ်မြေမတည်ငြိမ်မှုတွေဖြစ်နေတဲ့အတွက် မူဆယ်နယ်စပ်ကုန်သွယ်ရေးမှာ ထုတ်ပြန်ထားတဲ့ စာရင်းတွေအရ ကြည့်မယ်ဆိုလဲ ကုန်သွယ်မှုပိုင်းလျော့ပါးသွားတာတွေရှိပါတယ်။ ဒီလ ၁၀ ရက်နေ့အထိ မူဆယ်ကုန်သွယ်ရေးနယ်စပ်ဇုံဘက်က ထုတ်ပြန်ထားတဲ့စာရင်းအရ ကာလတူ အရင်နှစ်ကုန်သွယ်ရေးထက် အမေရိကန်ဒေါ်လာ သန်း ၃၀၀ ကျော်လျော့နည်းနေပါ တယ်။

တိုက်ပွဲတွေအပြင် နယ်မြေမအေးချမ်းတာကလည်း ကုန်သွယ်မှုပိုင်းကို အားနည်းလာစေတယ်လို့ ထောက်ပြတာတွေရှိပါတယ်။ ရခိုင်ဒေသဘက်မှာလည်း စစ်တွေကုန်သွယ်ရေးဇုံမှာ ဒီနှစ်ကုန်သွယ်ရေးပမာဏက အရင်နှစ် အလားတူကာလကထက် လျော့နည်းနေပါတယ်။

လက်ရှိတိုက်ပွဲတွေဖြစ်နေတဲ့ဒေသဘက်က ချင်းရွှေဟော် နယ်စပ်ကုန်သွယ်ရေးစခန်းမှာ ကုန်သွယ်မှုပိုင်းပေါ် ထိခိုက်နေတာကို ကုန်သွယ်မှုဗဟိုဦးစီးဌာန ညွှန်ကြားရေးမှူး ဦးမင်းဇော်အေးက ခုလိုပြောသွားပါတယ်။

“ကုန်စည် စီးဆင်းမှုကတော့ လောလောဆယ်တော့ ကျနော်တို့ အရင်ထက်စာရင်တော့ လျှော့သွားတယ်ခင်ဗျ အရင်တုန်းက ကျနော်တို့ ၁ ရက်ကို ပျမ်းမျှ ကုန်သွယ်မှု ဒေါ်လာ၁ သန်းခွဲလောက်ရှိတယ်လေ ။ အခုဆို ဒါ ဒေါ်လာ ၅ သိန်းဝန်းကျင်ပဲ ရှိတော့တယ်။ ၃ ချိုး ၁ ချိုးလောက်လျှော့သွားတာပေါ့နော် အရင်တုန်းက ကားက ၁ ရက်ကို ၁၀၀ ၀န်းကျင်လောက်ရှိတယ်၊ အခုဆိုရင် အလွန်ဆုံးဝင်ရင် ၁၅ စီး ၊ အစီး ၂၀ ဒီဝန်းကျင်လောက်ပဲ ရှိတော့တယ်။ ဒါက ကြံကားတွေမပါဘူး၊ ကြံတွေကတော့ ဒေသထွက်တွေပေါ့နော်။ ခြုံပြောမယ်ဆိုရင် အရင်တုန်းက ၁၀၀ ကျော်ဝင်တယ် အခုက အစီး ၂၀ လောက်ပဲ ရှိတော့တယ်။”

လူမျိုးစုလက်နက်ကိုင်အဖွဲ့ လေးဖွဲ့ပေါင်းထားတဲ့ မြောက်ပိုင်းမဟာမိတ်တပ်ဖွဲ့နဲ့ အစိုးရတပ် တိုက်ပွဲတွေဖြစ်နေတဲ့ နေရာတွေဟာ မြန်မာနိုင်ငံကုန်သွယ်ရေးရဲ့အဓိကနေရာတွေဖြစ်တဲ့ မူဆယ်၊ ချင်းရွှေဟော် စတဲ့နေရာတွေမှာဖြစ်နေတာပါ။

လာမယ့် ၂၀၁၈၊ ၂၀၁၉ မှာ မြန်မာနိုင်ငံအနေနဲ့ ပြည်ပရင်းနှီးမြှုပ်နှံမှုအတွက် အကောင်းဆုံးနေရာတခုဖြစ်စေရမယ်လို့ ၀န်ကြီးက ကတိပေးပြောဆိုထားပါတယ်။ ရင်းနှီးမြုပ်နှံမှုမှာ မလိုလားအပ်တဲ့ မူဝါဒပိုင်းဆိုင်ရာတွေကို ပြုပြင်ပြောင်းလဲမယ်လို့ ပြောထားသလို ရင်းနှီးမြုပ်နှံမှုဖွံ့ဖြိုးဖို့နဲ့ တခြားကုန်သွယ်မှုပိုင်းတိုးတက်လာဖို့ ဥပဒေတွေပြင်ဆင်သွားမယ်လို့လဲ ပြောဆိုထားပါတယ်။

မေခ  / ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.