03/22/17


 ကျေးသီးမြို့နယ်အတွက် ၂၀၁၇ ကြားဖြတ်​​ရွေး​ကောက်​ပွဲ​အတွက် ကျား​ခေါင်းပါတီမဲဆွယ်စည်းရုံးစဉ်
ကျေးသီးမြို့နယ်အတွက် ၂၀၁၇ ကြားဖြတ်​​ရွေး​ကောက်​ပွဲ​အတွက် ကျား​ခေါင်းပါတီမဲဆွယ်စည်းရုံးစဉ်
ရှမ်းပြည်နယ်၊ မိုင်းရှုးမြို့နယ်က ကျေးရွာကြီး ၃ခုကိုလုံခြုံရေးအရရွေးကောက်ပွဲမကျင်းပဖို့ လက်ရှိအာဏာရပါတီ NLD ရဲ့ ရွေးကောက်ပွဲဝင် လွှတ်တော်ကိုယ်စားလှယ်လောင်းနှစ်ဦးက စာတင်ထားပါတယ်။ ကော်မရှင်ဘက်ကတော့ ဒါကိုညှိုနှိုင်းဖို့ပြင် ဆင်နေဆဲပါ။ ဒီနယ်မြေတွေမှာလှုပ်ရှားနေတဲ့ တိုင်းရင်းသားလက်နက်အဖွဲ့ကတော့ ရွေးကောက်ပွဲဖြစ်မြောက်ဖို့အတွက် အစိုး ရနဲ့အကောင်းဆုံးလက်တွဲလုပ် ဆောင်ဖို့ ကြိုးပမ်းမယ်လို့ပြောဆိုထားပေမယ့် ဒီလိုပူးပေါင်းမှုက တပ်မတော်အပေါ်မှာမူတည် တယ် လို့ပြောဆိုလိုက်ပါတယ်။ ဒီသတင်းကို ဗွီအိုအေမြန်မာပိုင်းက မေခကပေးပို့ထားပါတယ်။

လုံခြုံရေးလိုအပ်ချက်ရှိနေတာမို့ မိုင်းရှုးမြို့နယ်ရဲ့ကျေးရွာကြီး ၃ခုကို ရွေးကောက်ပွဲမကျင်းပဖို့ ကန့်ကွက်လွှာတင် ရတာဖြစ်တယ်လို့ ပြည်သူ့လွှတ် တော်အတွက် ရွေးကောက်ယှဉ်ပြိုင်မယ့် လွှတ်တော်ကိုယ်စားလှယ်လောင်း ဦးဝင်းနိုင်ကပြောပါတယ်။

“မဲရုံမှာ တပ်တို့ရဲတို့ လုံခြုံရေးမရတဲ့အခြေအနေရှိတယ်ပေါ့ အဲဒီမှာ အဲဒီအနေအထားတွေကြောင့်မို့လို့ ကျနော်တို့က တင်ထားတာပါ။ လုံခြုံရေးမရှိရင် မဲပေးရတာလည်း Free and fair ဖြစ်ဖို့ မလွယ်ဘူးလေ။

လွိုင်လင်ခရိုင် ရွေးကောက်ပွဲကော်မရှင် ဥက္ကဌ ဖြစ်တဲ့ ဦးသန်းတင်ကတော့ တင်သွင်းလာတဲ့ ဒီကန့်ကွက်လွှာနဲ့ ပတ်သတ်ပြီး ကော်မရှင် ဘက်က ပြန်လည်ညှိုနှိုင်းဖို့ ပြင်ဆင်နေတယ်လို့ပြောပါတယ်။

“လွန်ခဲ့တဲ့ ၂ ရက်ပေါ့နော် ၁၉ ရက်လောက်က ကြေညာတယ်၊ အဲဒါကတော့ ကျနော်တို့အခု ၂၂ ရက်နေ့မှာ ကျနော်တို့ ရှမ်းပြည်နယ် ရွေးကောက်ပွဲကော်မရှင်အဖွဲ့ခွဲရယ်၊ လွိုင်လင်ရွေးကောက်ပွဲကော်မရှင် အဖွဲ့ခွဲရယ် နောက်မိုင်းရှူးမြို့နယ် ရွေးကောက်ပွဲကော်မရှင်အဖွဲ့ခွဲပြော့နော် ၊ အဲဒါတွေရယ် နောက်ပြီးတော့ အဲဒီမှာ အရွေးခံမယ့် ကိုယ်စားလှယ်တွေနဲ့ သက်ဆိုင်ရာပါတီအားလုံးပေါ့နော် ၂၂ ရက်နေ့မှာ မိုင်းရှူးမှာ အစည်းအဝေးလုပ်ဖို့ လုပ်ထားတယ် ။ မနက်ဖြန်တော့ အစည်းအဝေးလုပ်မှာပေါ့ လုပ်ပြီးတော့မှ သူကနေပြီးတော့ ဘယ်လိုလုပ်မလဲဆိုတဲ့ အဖြေတွေကိုရလာမှာပေါ့။”

လွိုင်လင်ခရိုင် ရွေးကောက်ပွဲကော်မရှင် ဥက္ကဌ ဖြစ်တဲ့ ဦးသန်းတင် ပြောပြတဲ့ အချက်တွေအရဆိုရင် ကန့်ကွက်လွှာ တင်ခံရတဲ့ နေရာတွေက နောက်အက် ကျေးရွာအုပ်စု၊ ကွန်ကျောင်း ကျေးရွာအုပ်စုနဲ့ မော်မေ့ကျေးရွာအုပ်စုတွေပါ။ ဒီအုပ်စု ၃ခုမှာ မဲပေးနိုင် မယ့် မဲဆန္ဒရှင် ဦးရေဟာ ၅၀၀၀ နီးပါးရှိပြီး မိုင်းရှုးမြို့နယ်တခုလုံးကမဲပေးနိုင်သူ မဲဆန္ဒရှင်အရေအတွက်ရဲ့ ၁၀ရာခိုင်နှုန်းလောက် ပမာဏရှိနေတာပါ။

၂၀၁၅ရွေးကောက်ပွဲမှာ လုံခြုံရေးအရ ရွေးကောက်ပွဲ မကျင်းပနိုင်ဖြစ်ခဲ့ရတဲ့ မိုင်းရှုး၊ ကျေးသီးနေရာ ၂ခုက ပြည်သူတွေကို ဒီတ ခေါက်မှာ မဲပေးနိုင်ဖို့ အစွမ်းကုန်လုပ်ဆောင်နေချိန်မှာ ဒီလို ကန့်ကွက်လွှာတင်သွင်းခံရတာဖြစ်ပါတယ်။

ဒီနယ်မြေနှစ်ခုဟာ တိုင်းရင်းသားလက်နက်ကိုင်အဖွဲ့ ဖြစ်တဲ့ SSPP/ SSA ရှမ်းပြည်မြောက်ပိုင်းလက်နက်ကိုင်အဖွဲ့က လာမယ့် ၂၀၁၇ ရွေးကောက်ပွဲကို ဒီနေရာတွေ မှာ အကောင်းဆုံးကျင်းပနိုင်မယ်လို့ သုံးသပ်ထားပါတယ်။ ဒီရွေးကောက်ပွဲအပေါ်မှာ ဝင်ရောက်စွက်ဖက်တာမျိုးနဲ့ ရွေးကောက်ပွဲလုံခြုံရေးကိစ္စတွေမှာ ပါဝင်ကန့်သတ်တာတွေ လုပ်မှာမဟုတ်ပေမယ့် အစိုးရပိုင်းဘက်က ရိုးသားစွာပူးပေါင်းဆောင်ရွက်သွားဖို့ မျှော်လင့်နေတယ်လို့ SSPP/ SSA အဖွဲ့က ပြန်ကြားရေးတာဝန်ခံ ဗိုလ်မှုးစိုင်းဆုက ပြောပါတယ်။

“ကျနော်တို့လည်းမသွားဘူး။ ဘယ်လုံခြုံမူက မလိုဘူးပေါ့နော် ၊ လုံခြုံမှုက ကအစိုးရဘက်က ရှိနေပြီးသား ကျနော်တို့ကလည်း ငြိမ်းချမ်းရေး ပြည်ထောင်စုအဆင့် ပြည်နယ်အဆင့် လက်မှတ်ထိုးထားပြီးအဆင့်ဖြစ်တဲ့အဖွဲ့တွေဖြစ်တာမို့လို့ တက်မတော်က အရင်လာပြီးတော့ ရန်လာမစရင်တော့ ဘာမှပြဿနာမှရှိဘူးပေါ့နော် ။ ကျနော်တို့ကတော့ ထိန်းသိမ်းသွားမှာပါပဲ၊ အစိုးရနဲ့ ပတ်သက်ပြီး အစိုးရဆက်သွယ်ပြီးတော့ ဘာလုပ်ပေးရမလဲ အစိုးရက တာဝန်ပေးလာရင်တော့ ကျနော်တို့က အတတ်နိုင်ဆုံးပါဝင်ဆောင်ရွက်သွားမှာပေါ့။ တကယ်လို့ တာဝန်ပေးချက်မရှိပဲနဲ့ ဘာမှ ၀င်ပြီးတော့ ပတ်သက်မှာမဟုတ်ဘူး။”

ကျေးသီးဘက်မှာတော့ မဲဆွယ်တဲ့အပိုင်းနဲ့ လုံခြုံရေးအပိုင်းတို့မှာ အဆင်ပြေနေသလို တပ်မတော်၊ ရဲ၊ တိုင်းရင်းသားလက်နက် ကိုင်တွေဘက်က နားလည်မှုရှိရှိနဲ့ လွတ်လွတ်လပ်လပ်လုပ်ဆောင်ခွင့်ပေးထားတယ်လို့ ရှမ်းတိုင်းရင်းသားများဒီမိုကရေစီအဖွဲ့ ချုပ်က ပြည်သူ့လွှတ်တော်ကိုယ်စားလှယ်လောင်း စိုင်းအောင်ကျော်က ပြောပါတယ်။

ကျေးသီးဘက်က ကျေးရွာရွေးကောက်ပွဲကော်မရှင်အဖွဲ့ခွဲတွေက ရွေးကောက်ပွဲနေ့မှာ မလိုလားအပ်တဲ့ ပြဿနာတွေ မဖြစ်အောင် လုံခြုံရေးပိုင်းဆိုင်ရာနဲ့ပတ်သတ်လို့ တပ်မတော်၊ ရဲ စတဲ့အဖွဲ့တွေက တာဝန်ယူပေးတာမျိုးတွေ လုပ်ပေး စရာမလိုဘဲ၊ မိမိတို့ဘာသာဘဲတာဝန်ယူဖို့ ကော်မရှင်အဖွဲ့ခွဲတွေကိုတင်ပြထားတယ်လို့ အဲဒေသက ကျေးသီးမြို့နယ်ရွေးကောက်ပွဲကော်မရှင် ဘက်က ပြောပါတယ်။ ဒီအပိုင်းကိုလည်း အာဏာပိုင်တွေက လက်ခံထားပါတယ်။

မိုင်းရှုးမြို့နယ်က ကျေးရွာကြီး ၃ခုကိုလုံခြုံရေးအရရွေးကောက်ပွဲမကျင်းပဖို့ NLD လွှတ်တော်ကိုယ်စားလှယ် လောင်းတွေဘက်က စာတင်ထားတဲ့အပေါ် ကျင်းပဖြစ်လားမကျင်းပဖြစ်ဘူးလားဆိုတာ မနက်ဖြန်အဖြေသိရမှာပါ။ လက်ရှိ မိုင်းရှုးတမြို့နယ်လုံးဆိုရင် မဲရုံ အရေအတွက် ၅၀နီးပါးရှိပြီး မဲပေးနိုင်တဲ့ မဲဆန္ဒရှင်အရေအတွက်ကတော့ ၅သောင်းနီးပါး ရှိပါတယ်။
VOA Burmese News


ကုလသမဂ္ဂ အစီရင်ခံစာတွေမှာ ဖော်ပြသလို ရိုဟင်ဂျာတွေအပေါ် လူ့အခွင့်အရေးချိုးဖောက်တာတွေ ရှိတယ်ဆို တဲ့ စွပ်စွဲချက်တွေဟာ မခိုင်လုံဘူးလို့ ရခိုင်ပြည်နယ်မြောက်ပိုင်း၊ မောင်တောတိုက်ခိုက်မှု စုံစမ်းစစ်ဆေးရေးကော်မရှင်အဖွဲ့ဝင် တဦးက ဗွီအိုအေကို ပြောပါတယ်။ ရခိုင်ပြည်နယ် မောင်တောနဲ့ ဘူးသီးတောင်နယ်စပ်ကို စတုတ္ထအကြိမ်မြောက် သွားရောက်ပြီး မြေပြင်အခြေအနေတွေကို ငါးရက်ကြာ ကွင်းဆင်းလေ့လာပြီးတဲ့နောက် ဒီကနေ့ (အင်္ဂါနေ့) မှာပဲ ရန်ကုန်ကို ပြန်ရောက်လာတဲ့ ကော်မရှင်အဖွဲ့ဝင်တဦးက အဲဒီလိုပြောတာပါ။ ဒီကော်မရှင်ထဲကပဲ ဦးဇော်မြင့်ဖေ ဦးဆောင်တဲ့ အဖွဲ့ဝင်တချို့ကတော့ လက်ရှိမှာ ဘင်္ဂလားဒေ့ရ်ှနိုင်ငံဘက်က ဒုက္ခသည်စခန်းတွေကို သွားရောက်ပြီး ရိုဟင်ဂျာ ဒုက္ခသည်တွေနဲ့ တွေ့ဆုံမေးမြန်းတာတွေ လုပ် နေပါတယ်။ အပြည့်အစုံကို ဗွီအိုအေ မြန်မာပိုင်းသတင်းထောက် မမြင့်မြင့်ခိုင်က သတင်းပေးပို့ထားပါတယ်။

ဒုတိယသမ္မတ ဦးမြင့်ဆွေ ဦးဆောင်တဲ့ မောင်တောဒေသ အကြမ်းဖက် တိုက်ခိုက်မှု စုံစမ်းစစ်ဆေးရေး ကော်မရှင်အဖွဲ့ဝင်တချို့ ဟာ မောင်တော၊ ဘူးသီးတောင်ဒေသဘက်ကို မတ်လ ၁၆ ရက်နေ့ထဲကသွားပြီး အခြေအနေတွေကို ကွင်းဆင်းလေ့လာခဲ့တာပါ။ သူတို့ရဲ့လေ့လာချက်တွေအရ တွေ့ရှိတာအပေါ် ခရီးစဉ်မှာပါသွားတဲ့ ကော်မရှင်အဖွဲ့ဝင် ဦးအောင်နိုင်က အခုလိုပြောပါတယ်။

“ကျနော်တို့ကတော့ မြေပြင်မှာရှိတဲ့ အမှန်တရားကိုပဲ ကျနော်တို့ သွားပြီးတော့ ကြည့်ပြီးတော့ ဖော်ထုတ်တာပဲဖြစ်ပါတယ်။ ကျနော်တို့လက်ရှိ မြေပြင်အခြေအနေမှာတော့ သူတို့တင်ပြထားသလို Rape လုပ်တာတွေ ၊ ကလေးတွေ သတ်တာတွေ အဲဒါတွေ မရှိဘူးဆိုတာလည်း တွေ့ရတယ်။ ပြီးတော့ Discrimination လုပ်တာတွေ မရှိပဲနဲ့ သူတို့ကို ကူညီတဲ့အဖွဲ့တွေလည်း ကူညီခွင့်ရတယ်။ အစိုးရဘက်က ပြည်နယ်အစိုးရလည်း ထောက်ပံ့ကူညီမှုတွေ လုပ်ပေးနေတယ်။ ကျနော်တို့လိုအဖွဲ့တွေကလည်း သွားပြီးတော့ counter check တွေ recheck တွေလုပ်ပြီးတော့ သူတို့ခံစားခွင့် တကယ်ရတယ်၊ မရဘူးဆိုတာကိုလည်း အတည်ပြုပြီးတော့ ဆောင်ရွက်နေတာတွေရှိပါတယ်။ အဲဒါကြောင့် အစီရင်ခံစာမှာ ပါတဲ့အချက်တွေဟာ မှန်ကန်ခြင်းရှိတယ်ဆိုတာကို ကျနော်တို့အနေနဲ့ကတော့ မမြင်ပါဘူးခင်ဗျ။ ကျနော်တို့ကတော့ လက်တွေ့မျက်မြင်အခြေအနေမှာ သူတို့တွေသည် ရသင့်ရထိုက်တဲ့ အခွင့်အရေးတွေကို ရရှိနေတယ်၊ ဆိုတာကိုတော့တွေ့ခဲ့ရတယ်။ တခုရှိတာက သူတို့က သူတို့ဆီမှာရှိနေတဲ့အခက်အခဲ ၊ သူတို့ ကြုံတွေ့နေရတဲ့ အခက်အခဲ သူတို့လိုအပ်ချက်တွေကို ကျနော်တို့ဆီမတင်ပြဘူး။ အဲဒီလိုမတင်ပြပဲနဲ့ အခြားမီဒီယာတွေကို တလွဲတင်ပြတာတွေရှိတယ်။ ကျနော်ဒါကြောင့် အခုလည်း မှာခဲ့ပါတယ်၊ ကျနော်တို့တွေက ဗိုက်နာနေတယ်ဆိုတာကို သိမှ ဗိုက်နာပျောက်အောင် ကုသခွင့်ရမှာပါ။”

ဒီကော်မရှင်ဟာ ဘယ်သူ့ရဲ့ သြဇာလွှမ်းမိုးမှုမှမပါဘဲ လွတ်လွတ်လပ်လပ် စုံစမ်းစစ်ဆေးနေတာဖြစ်တယ်လို့ ကော်မရှင်အဖွဲ့ဝင် ဦးအောင်နိုင်ကပြောပါတယ်။

“ ကျနေ်ာတို့ကေ်ာမရှင်က လွတ်လပ်တဲ့ ကော်မရှင်ဖြစ်တယ်လို့ ကျနော်က ရဲရဲတင်းတင်းပြောရဲပါတယ်။ ဘာကြောင့်လဲဆိုတော့ ကျနော်တို့ စဉ်းစားတာတွေ ကျနေ်ာတို့မေးတာတွေ ၊ ကျနော်တို့ တွေးတာတွေအားလုံးက very independent ဖြစ်ပါတယ်။ ကျနော်တို့ ဘယ်သူ့လမ်းညွှန်ချက်နဲ့မှ ကျနော်တို့လုပ်တာတွေမဟုတ်ဘူး ကျနော်တို့ very independent ပါ။ ကျနော်တို့ independent ဖြစ်တဲ့အတွက် တယောက်ယောက်ကများ လွှမ်းမိုးနေသလားလို့ ယူဆစရာရှိတယ်။ ဘယ်သူကမှာ ဘာလုပ်ပါ၊ ဘယ်လိုစိစစ်ပါ၊ ဘယ်လိုတွေးပါဆိုပြီး မပြောပါဘူး။ ဒုသမ္မတထက်ကြီးတာဆိုရင် သမ္မတနဲ့ အတိုင်ပင်ခံ ပုဂ္ဂိုလ်ပဲရှိတယ်။ သူတို့ ကိုယ်တိုင်က ကျနော်တို့ကို Guideline မပေးဘူး ၊ ဘယ်လိုလုပ်ဆိုတာတွေမပေးဘူး။ လွတ်လွတ်လပ်လပ် independently လေ့လာပါ။ တွေ့ရှိချက်ကို အရှိအတိုင်းတင်ပါ။ ကျနော်တို့ ရဲရဲတင်းတင်းတွေ့ရှိချက်တွေကို အရှိအတိုင်းတင်ပါတယ်။”

ကော်မရှင်အတွင်းရေးမှူး ဦးဇော်မြင့်ဖေ ဦးဆောင်တဲ့ ကော်မရှင်အဖွဲ့ဝင်တချို့ဟာလဲ ဘင်္ဂလားဒေ့ရ်ှနိုင်ငံ Cox’s Bazaar မှာရှိတဲ့ ဒုက္ခသည်စခန်းတွေကို သွားရောက်ပြီး ရိုဟင်ဂျာဒုက္ခသည်တွေနဲ့ တွေ့ဆုံမေးမြန်းနေပါတယ်။ အဲဒီလိုတွေ့ဆုံမေးမြန်းတာမှာ ဒုက္ခ သည်တချို့က မျက်နှာဖော်ပြီးဖြေဆိုဖို့ ငြင်းကြတယ်လို့ ဘင်္ဂလားဒေ့ရ်ှနိုင်ငံဘက်က အစိုးရတာဝန်ရှိသူ ပြောဆိုတာကို ကိုးကား ပြီး ဘင်္ဂလားဒေ့ရ်ှကလာတဲ့ သတင်းတွေမှာ ဖော်ပြထားပါတယ်။

ရခိုင်အရေးနဲ့ ပတ်သက်လို့ လွတ်လပ်တဲ့ စုံစမ်းစစ်ဆေးမှုတွေလုပ်ဖို့ ကုလသမဂ္ဂအတွင်းရေးမှူးချူပ်ဟောင်း ကိုဖီ အာနန် ဦးဆောင်တဲ့ အကြံပေးကော်မရှင်က ပြီးခဲ့တဲ့ရက်ပိုင်းကပဲ တိုက်တွန်းထားသလို ကုလသမဂ္ဂ လူ့အခွင့်အရေးကောင်စီ အစည်း အဝေးမှာလဲ နိုင်ငံတကာ စုံစမ်းစစ်ဆေးရေးကော်မရှင်ဖွဲ့ဖို့ ပြောဆိုတာတွေရှိခဲ့ပေမဲ့ မြန်မာအစိုးရဘက်ကတော့ ငြင်းထားပါတယ်။

ဘင်္ဂလားဒေ့ရ်ှနိုင်ငံမှာ တွေ့ဆုံမေးမြန်းနေတဲ့ စုံစမ်းစစ်ဆေးရေးကော်မရှင် အဖွဲ့ဝင်တွေကတော့ နောက်ထပ် နှစ်ရက်အတွင်း ခရီးစဉ်အဆုံးသတ်မှာဖြစ်ပြီး အခုခရီးစဉ်တွေအတွင်း လေ့လာတွေ့ရှိချက်တွေကို မကြာခင်ရက်ပိုင်းမှာပဲ အစီရင်ခံစာ ထုတ်ပြန် သွားဖို့ ရှိပါတယ်။
VOA Burmese News


ကိုးကန့်ဒေသတိုက်ပွဲဓါတ်ပုံ (March, 2017) ဓါတ်ပုံ ကကကြည်း
ကိုးကန့်ဒေသတိုက်ပွဲဓါတ်ပုံ (March, 2017) ဓါတ်ပုံ ကကကြည်း
ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်မှာ တိုက်ပွဲတွေဖြစ်တာကြောင့် ပျက်ဆီးဆုံးရှုံးသွားတာတွေကို ပြန်လည် ထူထောင်မယ်ဆိုရင် အနည်းဆုံးကျပ်ငွေ သန်း၅ထောင်ကျော်လောက် လိုအပ်မယ်လို့ လောက်ကိုင်မြို့နယ်က ပြည်သူ့လွှတ်တော် ကိုယ်စားလှယ်က ပြောပါတယ်။ ဖြစ်ထားတဲ့ တိုက်ပွဲတွေကြောင့် ဒေသထွက်ကြံ တန်ချိန် ၂သိန်းကျော်လောက် ပျက်ဆီးကြောင်းလဲ ပြောပါတယ်။ ဒီနေ့ထိလဲ တိုက်ပွဲတွေ ကြိုကြားဖြစ်နေတုန်းပါပဲ။ လောက်ကိုင်ဒေသရဲ့ နောက်ဆုံးအခြေအနေကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ဒီလ ၆ရက်နေ့ စတင်ပြီး ထပ်မံဖြစ်ပွားခဲ့တဲ့ လောက်ကိုင်ဒေသတိုက်ပွဲကြောင့် လူ ၃သောင်းကျော် လောက် နေရပ်စွန်ခွာ တိမ်းရှောင်နေရသလို ဒေသတွင်း မှာ နေအိမ်အဆောက်အဦးတွေ နဲ့ အဓိက စိုက်ပျိုးတဲ့ ကြံခင်းတွေလည်း ပျက်ဆီးဆုံးရှုံးတာတွေရှိနေပါတယ်။

၂၀၁၅ ခုနှစ်ကလည်း တကြိမ်တိုက်ပွဲတွေ ပြင်းထန်ခဲ့တဲ့ လောက်ကိုင်မြို့မှာ ဒီတကြိမ် ပြန်လည်ထူထောင်ရေးလုပ်ငန်းတွေ လုပ်ကိုင်မယ်ဆိုရင် ကျပ်ငွေ သန်း ၅ထောင်ကျော်လောက် လိုအပ်နိုင်ကြောင်း လောက်ကိုင်မြို့နယ် က ပြည်သူ့လွှတ်တော်ကိုယ်စားလှယ် ဦးကျော်နီနိုင်က ပြောပါတယ်။

“အရင်တုန်းကတော့ ကျနော်တို့ ၃ ဘီလီယံလောက်ရအောင် နိုင်ငံတော်သမ္မတရဲ့ သီးသန့်ရန်ပုံငွေလို ကျနော်တို့ တင်ဖို့ရှိတာပေါ့နော် ။ အခုဆိုရင်တော့ ၃ ဘီလီယံနဲ့တော့ မရနိုင်တော့ဘူးပေါ့ ကျနော်တို့က အနည်းဆုံး ကို ၅ဘီလီယံ- ၁၀ ဘီလီယံလောက်ရမှပဲ ကျနော်တို့ ဒေသပြန်လည်ထူထောင်ရေးဆိုတာကို ပြန်ပြီးလုပ်နိုင်မှာပါ။”

၂၀၁၅ခုနှစ် တိုက်ပွဲတွေအပြီးမှာ နေရပ်ပြန်မရ သူတွေနဲ့ နေအိမ်ပျက်ဆီးဆုံးရှုံးခဲ့သူတွေ အတွက် အိမ်အလုံး ၁၄၀၀ကျော် တည်ဆောက်ဖို့ လျာထားခဲ့ပြီး အိမ်အလုံး ၄၀၀ကျော် တည်ဆောက်ပြီးဖြစ်ပါတယ်။ ဒီအတွက် နိုင်ငံတော်သမ္မတ ရဲ့ သီးသန့်ရံပုံငွေကနေ သန်း၃ထောင် ရရှိဖို့ လွှတ်တော်မှာ တင်ပြထားသလို ဒေသဦးစီးအဖွဲ့က စာတင်ဖို့ ပြင်ဆင်နေချိန်မှာ တိုက်ပွဲတွေ ထပ်မံဖြစ်ပွားလာခဲ့တာဖြစ်ပါတယ်။

လက်ရှိ တိုက်ပွဲကြောင့် ခုတ်ပြီးသား ကြံ တန်ချိန် ၂သိန်းလောက်ဆုံးရှုံးကြောင်း ဦးကျော်နီနိုင်က အခုလို ဆက်ပြောပါတယ်။

“ကျနော်တို့ တနေ့ကို ကြံတန်ချိန် ၄ သိန်းကျော်ရှိတာကို အခုတော့ ၅ ပုံ ၃ ပုံလောက် ကျနော်တို့ ထုတ်ဖို့ကျန်တယ်၊ သယ်ဖို့ကျန်တယ် ။ ကြံခုတ်ပြီးသားဆိုရင် ၁၀ ရက်လောက်ဆိုရင် အကုန်လုံးက ခြောက်ပြီးမှ အရည်လုံးဝမရှိတော့ဘူး။ တန်ချိန်နဲ့ပြောရင်တော့ တန်ချိန် ၂ သိန်းလောက် ထုတ်ဖို့ကျန်တယ် သယ်ဖို့ကျန်တယ်။ အိမ်ဖောက်ထွင်း ခိုးယူမှုကတော့ ဒီတခေါက်တော့နည်းတာပေါ့ ။ တခုတလေတော့ ရှိကြတာပေါ့။ လောက်ကိုင်ကနေ မြောက်ဘက်မှာတော့ ရွာတွေအများကြီးရှိတယ်လေ။ တချို့ရွာတွေထဲမှာတော့ တချို့ဆိုးဆိုးဝါးဝါးကို ဖြစ်သွားတယ် လို့ကြားတယ်။ တချို့တွေကတော့ မီးလောင်တယ်။”

လောက်ကိုင်ဒေသက ပြည်သူတွေကို ကူညီကယ်ဆယ်ရေး လုပ်ငန်းတွေ ဆောင်ရွက်နေတဲ့ လောက်ကိုင်ဆေးရုံအုပ် ဒေါက်တာ အောင်မြင့်ထွန်းကတော့ လောက်ကိုင်မြို့က တိုက်ပွဲအခြေအနေကို အခုလို ပြောပါတယ်။

“လောက်ကိုင်ကတော့ မနေ့ညကတော့ ၁၀၇ နဲ့ မြို့ထဲမှာတော့ ပစ်ခတ်မှုတွေရှိတယ်။ အခုဒီမနက်တော့ တိုက်ပွဲတော့ ပြန်ဖြစ်နေပြီ။ ပစ်ခတ်မှုတွေတော့ ရှိတယ်။ လောလောဆယ်တော့ ကျနော်တို့ ရန်နောင်ကျိုင်းဘက်မှာတော့ ပစ်ခတ် မှုတွေတော့ ဖြစ်နေတယ်။ မနေ့ကတော့ သူတို့ ဟိုဘက်ကနေမှ ၁၀၇ နဲ့ ကျနော်တို့မြို့ထဲဘက်ကို ပစ်တယ်ခင်ဗျ။”

လောက်ကိုင်မြို့မှာ ကူညီကယ်ဆယ်ရေးဆောင်ရွက်နေတဲ့အခြေအနေကိုလည်း အခုလို ဆက်ပြောပါတယ်။

“မနေ့ကအထိတော့ ကျနော်တို့တွေ အကူအညီလိုနေတဲ့လူတွေကို အာဏာပိုင်အဖွဲ့အစည်းအနေနဲ့ ပူးပေါင်းပြီးတော့ ကိုးကန့်ပရဟိတဖောင်ဒေးရှင်းတို့ ၊ ကျနော်တို့ မြန်မာနိုင်ငံ ကြက်ခြေနီအသင်းတို့ နောက်လူမှုရေးအသင်းအဖွဲ့တွေ ၊ စေတနာရှင်ပြည်သူတွေနဲ့ ပူးပေါင်းပြီးတော့ ဆောင်ရွက်နေပါတယ်ခင်ဗျ။ ကျနော်တို့ဆီအဓိကရောက်လာတာက မြေပေါ်မှာအိပ်ခဲ့ရတဲ့ လူတွေဖြစ်တယ်၊ များသောအားဖြင့်နေမကောင်းတာတွေဖြစ်တယ်။ အဲဒါတွေကို စောင့်ရှောက်မှုပေးပါတယ် အစားအစာတွေကို သူတို့အတွက်ပေးတယ်။ နောက်ကျနော်တို့ ချင်းရွှေဟော် ပို့တယ်။”

လောလောဆည် လူ ၅ထောင်လောက်ကို ချင်းရွှေဟော်ဘက် ပို့ဆောင်ပေးထားကြောင်း ပြောပါတယ်။

ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး UNOCHA ကတော့ လောက်ကိုင်တိုက်ပွဲကြောင့် လူ ၃သောင်းလောက် နေရပ်စွန့်ခွာ တိမ်းရှောင်နေကြကြောင်းနဲ့ ၂သောင်းလောက်ဟာ နယ်စပ်ဖြတ်ကျော်ပြီး တရုတ်နိုင်ငံဖက် တိမ်းရှောင်ခဲ့ကြောင်း ထုတ်ပြန်ထားပါတယ်။
VOA Burmese News


ကိုသန်းစိုး
ကိုသန်းစိုး
ကနေဒါနိုင်ငံမှာ နိုင်ငံရေးခိုလှုံခွင့် လျှောက်ထားပြီး အခုချိန်ထိ နေထိုင်ခွင့်မရရှိသေးတဲ့ ကိုသန်းစိုးကို ကနေဒါအစိုးရက မြန်မာနိုင်ငံကို ပြန်ပို့ဖို့ စီစဉ်နေပါတယ်။ မြန်မာနိုင်ငံရဲ့ ဒီမိုကအရေး လှုပ်ရှားမှုကို ကမ္ဘာက သိလာအောင် ကြိုးပမ်းမှု တရပ်အနေနဲ့ ၁၉၈၈ ခုနှစ် ဒီမိုကရေး လှုပ်ရှားမှုမှာ ပါဝင်ခဲ့သူ ကိုသန်းစိုးဟာ ရဲရင့်အမည်နဲ့ မြန်မာနိုင်ငံ မြိတ်မြို့ကနေ ထိုင်းနိုင်ငံကို ၁၉၈၉ ခုနှစ်တုန်းက လေယာဉ်ပျံ ပြန်ပေးဆွဲသွားခဲ့တဲ့ ၂ ဦးထဲက ၁ ဦး ဖြစ်ပါတယ်။ လက်ရှိအခြေအနေအရ မြန်မာနိုင်ငံမှာ တရားဥပဒေ စိုးမိုးမှု မရှိသေးတဲ့အတွက် မြန်မာနိုင်ငံကို အခုချိန်မှာ သူ ပြန်ရောက်သွားရင် လုံခြုံရေးအတွက် စိုးရိမ်ရတယ်လို့ ကိုသန်းစိုးက ပြောပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ကိုဇော်ဝင်းလှိုင်က တင်ပြပေးပါမယ်။

ကိုသန်းစိုးဟာ ကနေဒါနိုင်ငံကို ၂၀၀၃ ခုနှစ် နိုဝင်ဘာလ ၂၈ ရက်နေ့မှာ အမေရိကန်နိုင်ငံကတဆင့် ရောက်သွားပြီး ၂၀၀၃ ခုနှစ် ဒီဇင်ဘာလမှာ နိုင်ငံရေး ခိုလှုံခွင့် လျှောက်ထားခဲ့သူ ဖြစ်ပါတယ်။

ဒါပေမယ့် ကိုသန်းစိုးဟာ ရဲရင့်ဆိုတဲ့အမည်နဲ့ ရဲသီဟနဲ့အတူ တနင်္သာရီတိုင်း၊ မြိတ်မြို့ကနေ ရန်ကုန်ကိုပျံသန်းမယ့် မြန်မာ့လေကြောင်းပိုင် လေယာဉ်ပျံတစင်းကို ထိုင်းနိုင်ငံကို ပြန်ပေးဆွဲသွားခဲ့သူ ဖြစ်ပါတယ်။ သူ့အနေနဲ့ လေယာဉ်ပျံ ပြန်ပေးဆွဲခဲ့သူတဦး ဖြစ်နေတာကြောင့် ကနေဒါနိုင်ငံက သူ့ကို တရားဝင် နေထိုင်ခွင့်မပေးပဲ နားလည်မှုနဲ့သာ နေခွင့်ပြုထားခဲ့တဲ့အကြောင်း ကိုသန်းစိုးက အခုလို ရှင်းပြပါတယ်။

“ကျနော့်နာမည်အရင်က သန်းစိုးပါ ၊ ရဲရင့်ဆိုတာကတော့ လေယာဉ်ပျံကိစ္စဖြစ်တုန်းက ကျနော်သုံးခဲ့တဲ့ နာမည်။ ဟုတ်ပါတယ် ကျနော်လေယာဉ်ပျံ ပြန်ပေးဆွဲခဲ့ပါတယ်။ ၁၉၈၉ ခုနှစ်ကပေါ့နော် အဲဒီနောက်ပိုင်း အခြေအနေအရ ကျနော် ကနေဒါနိုင်ငံရောက်နေတာပါ။ ရောက်နေတာကလည်း ၂၀၀၃ ခုနှစ် နိုဝင်ဘာလက စရောက်တာပါ ဒီမှာတော့ ကျနော့်အနေနဲ့ လက်ရှိတော့ လူဝင်မှုကြီးကြပ်ရေးက အသိအမှတ်ပြုတဲ့ နိုင်ငံသားတို့ ဘာတို့တော့ မရှိသေးပါဘူး။ လူဝင်မှုကြီးကြပ်ရေးနဲ့ ပတ်သက်တဲ့ တရားဝင်နေထိုင်ခွင့်ဆိုတာ ကျနော့်မှာ မရှိသေးပါဘူး။ ဒီကြားထဲမှာ ကျနော့်ကို မြန်မာ နိုင်ငံရေးအခြေအနေအရ ပေးနေထားတယ်ပေါ့နော်။ လက်ရှိကြားထဲမှာ ကျနေ်ာ့အနေနဲ့ အလုပ်လုပ်ခွင့်ရတယ်။ ဒါပေမယ့် အခု ကနေဒါ လူဝင်မှုကြီးကြပ်ရေးက ပြောနေတာ မြန်မာ နိုင်ငံရေးအခြေအနေတွေကောင်းနေပြီ အဲလိုဖြစ်တဲ့အတွက် ကျနော့်ကို သူတို့ ပြန်ပို့လို့ရတယ်ဆိုပြီးတော့ ပြောပါတယ်။ လက်ရှိကတော့ ကျနေ်ာလည်း ဒီလောက်ပဲ သိရတာပါ။”

လက်ရှိအခြေအနေရ မြန်မာနိုင်ငံမှာ တရားဥပဒေ စိုးမိုးမှု အပြည့်အ၀ မရှိသေးတဲ့အတွက် မြန်မာနိုင်ငံကို အခုချိန်မှာ ပြန်လို့ မရနိုင်သေးဘူးဆိုတာကို သူ့ရှေ့နေကတဆင့် လျှောက်လဲချက် တင်ထားတယ်လို့ ကိုသန်းစိုးက ပြောပါတယ်။

“ကျနေ်ာ့ရှေ့နေကတော့ သူတို့ကို ရှင်းပြထားပါတယ် အခြေအနေအရ ဟုတ်ပါတယ်၊ အရပ်သားအစိုးရက တက်လာတာမှန်ပေမယ့် မြန်မာနိုင်ငံမှာ တရားဥပဒေစိုးမိုးမှုက သေချာမရှိသေးတဲ့အတွက် သန်းစိုးကို လက်ရှိအခြေအနေမှာ ကနေဒါအစိုးရက ပြန်ပို့ဖို့ကို မသင့်သေးဘူးလို့ ၀ိုင်းပြောနေပါတယ်။”

၁၉၈၈ ခုနှစ်အတွင်း မြန်မာနိုင်ငံမှာ ဒီမိုကရေစီအရေး တောင်းဆို ဆန္ဒပြကြတဲ့ လူထု အုံကြွမှုကြီး ဖြစ်ပေါ်ပြီးနောက်ပိုင်း ထောင်ပေါင်းများစွာသော တခြား ကျောင်းသား လူငယ်တွေနည်းတူ ထိုင်း-မြန်မာ နယ်စပ်ဒေသကို တောခိုသွားခဲ့တဲ့ ကိုသန်းစိုးနဲ့ တခြား ရဲဘော်တချို့တို့ တိုင်ပင်ပြီး တိုးတက် ပြောင်းလဲမှုရှိမလာတဲ့ မြန်မာ့ ဒီမိုကရေစီအရေး လှုပ်ရှားမှုကို ကမ္ဘာကသိအောင် တခုခု လုပ်ဖို့ လိုတယ်ဆိုတဲ့ ဆုံးဖြတ်ချက်အရ မြန်မာနိုင်ငံအတွင်းက လေယာဉ်ပျံကို ပြန်ပေးဆွဲဖို့ အစီအစဉ် အချမှတ်ဖြစ်ခဲ့တဲ့အကြောင်း ကိုသန်းစိုးက အခုလို ရှင်းပြပါတယ်။

“၁ နှစ်လောက်ကြာလာပြီး ဘယ်လိုမြင်လာသလဲဆိုတော့ ဒေါ်အောင်ဆန်းစုကြည်လည်း အကျယ်ချုပ်ချခံရတယ်၊ နိုင်ငံတကာလည်း ဘာမှ မလုပ်ဘူးလို့ မြင်လာတယ်။ တချိန်တည်းမှာပဲ ထိုင်းနိုင်ငံအစိုးရကလည်း ဗိုလ်ချုပ်ကြီး Chavalit တို့အပါအ၀င် မြန်မာနိုင်ငံနဲ့ စီးပွားရေးတွေပြန်လုပ်ဖို့ ဖြစ်လာတယ် ။ အဲဒီတော့ ကျနော်တို့ တောထဲမှာရောက်နေတဲ့ အကုန်လုံးနီးပါးပေါ့လေ ကျောင်းသူကျောင်းသားတွေက တခုခုလုပ်မှဖြစ်မယ်ပေါ့။ ကျနော်နဲ့ ကိုရဲသီဟပေါ့နော် ကျနော်တို့ တခုခုလုပ်မှဖြစ်မယ်။ အထူးသဖြင့် ဒေါ်အောင်ဆန်းစုကြည်လည်းအဖမ်းခံရပြီးတဲ့ နောက်ပိုင်းမှာ တခုခုလုပ်မှဖြစ်မယ်။ တခုပဲသိတာကဘာလဲဆိုရင် လုပ်မယ်ဆိုရင်လည်း ဒီကိစ္စက နိုင်ငံတကာ သိဖို့လိုတယ်။ နိုင်ငံတကာ သိအောင်လုပ်ချင်တာကို ၊ မြန်မာနိုင်ငံပဲ သိရင် အဲဒီအချိန်တုန်းက ဗိုလ်ချုပ်ခင်ညွန့်တို့ န၀တတို့က ထိန်းချုပ်ထားတာဆိုတော့ ဒီသတင်းတွေလည်း ပေါက်ကြားမှာ မဟုတ်ဘူး။ အဲဒီလိုဆုံးဖြတ်ပြီးတော့ ကျနော်နဲ့ ကိုရဲသီဟပေါ့နော် တတ်နိုင်သမျှ မဖြစ်ဖြစ်တဲ့နည်းနဲ့ ဘာမှ မရှိတဲ့ကြားထဲကနေ တောထဲကနေပြီးတော့ ၊ တောဆိုတာလည်း ဘုရား ၃ ဆူပေါ့နော် အဲဒီကနေ ကျနော်နဲ့ ကိုရဲသီဟက နယ်စပ်ကနေတဆင့် ၁၉၈၉ ခုနှစ် အောက်တိုဘာလ ၁ ရက်နေ့မှာ ပြန်ဝင်ခဲ့ပါတယ်။”
ထိုင်း-မြန်မာ နယ်စပ်ဒေသကို တောခိုသွားခဲ့တဲ့ ကျောင်းသားများ
ထိုင်း-မြန်မာ နယ်စပ်ဒေသကို တောခိုသွားခဲ့တဲ့ ကျောင်းသားများ
လေယာဉ်ပျံကိုတော့ ၁၉၈၉ ခုနှစ်၊ အောက်တိုဘာလ ၆ ရက်နေ့မှာ ပြန်ပေးဆွဲခဲ့ကြတာ ဖြစ်ပါတယ်။

ရဲရင့်နဲ့ ရဲသီဟတို့ ၂ ဦးဟာ မူလက လေယာဉ်ပျံကို ထိုင်းနိုင်ငံ၊ ဘန်ကောက်မြို့ နိုင်ငံတကာ လေဆိပ်မှာဆင်းဖို့ စီစဉ်ထားခဲ့ကြတာ ဖြစ်ပေမယ့်လည်း ထိုင်းအစိုးရက သူတို့ကို အနီးနားမှာရှိတဲ့ ထိုင်းရေတပ်ပိုင် U-Tapao လေဆိပ်မှာသာ ဆင်းခဲ့ရပါတယ်။ အဲဒီ လေယာဉ် ပျံပေးဆွဲစဉ်က လေယာဉ်ပေါ်ပါလာတဲ့ ခရီးသည်နဲ့ လေယာဉ်ဝန်ထမ်းတွေ အပါအ၀င် တဦးတယောက်မှ ထိခိုက် ဒဏ်ရာရခဲ့ခြင်းမရှိဘူးလို့ ဆိုပါတယ်။

လေယာဉ်ပျံ ပြန်ပေးဆွဲခဲ့ကြတဲ့ ရဲရင့်နဲ့ ရဲသီဟတို့ရဲ့ မြန်မာအစိုးရထံ တောင်းဆိုချက် (၇) ချက်ကို ထိုင်းအစိုးရရဲ့ ကြားဝင် ဆောင်ရွက်ပေးမှုနဲ့ ညှိနှိုင်း ဆောင်ရွက်ခဲ့ပေမယ့် မြန်မာအစိုးရဘက်က လိုက်လျောပေးခဲ့ခြင်း မရှိပါဘူး။ ဒါပေမယ့် သူတို့ လေယာဉ်ပျံ ပြန်ပေးဆွဲတဲ့အကြောင်း ထိုင်းနိုင်ငံထုတ် သတင်းစာတွေမှာ အကျယ်တ၀င့် ရေးသားဖော်ပြကြတဲ့အတွက် သူတို့ရဲ့ အဓိက ရည်မှန်းချက်ဖြစ်တဲ့ မြန်မာ့ ဒီမိုကရေစီ အရေး လှုပ်ရှားမှုကို ကမ္ဘာကသိအောင် လုပ်ဆောင်ဖို့ဆိုတဲ့ ရည်ရွယ်ချက်က ထမြောက် အောင်မြင်တယ်လို့ ယူဆတဲ့အတွက် နောက်ပိုင်းမှာ လေယာဉ်ပေါ်ပါလာတဲ့ ခရီးသည်တွေအားလုံးကို ပြန်လွတ်ပေးခဲ့ကြပါတယ်။

ဒါပေမယ့် လေယာဉ်ပျံ ပြန်ပေးဆွဲခဲ့ကြတဲ့ ရဲရင့်နဲ့ ရဲသီဟတို့ ၂ ဦးကို ထိုင်းလေကြောင်းပိုင်နက်အတွင်း ကျူးကျော်ဝင်ရောက်မှုနဲ့ ထိုင်းတရားရုံးက ၁၉၉၀ ခုနှစ်မှာ ထောင်ဒဏ် ၆ နှစ် ချမှတ် အပြစ်ပေးခဲ့ပါတယ်။ နောက်ပိုင်းမှာတော့ ပြစ်ဒဏ် ၃ နှစ်ပဲ ကျခံရပြီး ထိုင်းဘုရင်မကြီးရဲ့ လွတ်ငြိမ်းချမ်းသာခွင့်နဲ့ လွတ်မြောက်လာခဲ့ကြပါတယ်။

ထိုင်းအကျဉ်းထောင်က ပြန်လွတ်လာပြီးတဲ့နောက် ဘန်ကောက်မြို့မှာ တခြား ရဲဘော်တွေနဲ့ အတူ နေထိုင်ရင်းက ဘန်ကောက်မြို့မှာရှိတဲ့ UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကနေ ဒုက္ခသည်အဖြစ် အသိအမှတ်ပြုခြင်း ခံခဲ့ရပါတယ်။ အဲဒီနောက်မှာတော့ အမေရိကန်အစိုးရရဲ့ USIA အစီအစဉ်နဲ့ အမေရိကန်နိုင်ငံကို သွားရောက် ပညာကြားခွင့်ရတဲ့အတွက် ၁၉၉၆ ခုနှစ် သြဂုတ်လ ၁၆ ရက်နေ့မှာ အမေရိကန်ပြည်ထောင်စုကို ရောက်လာခဲ့တာပါ။

ဒါပေမယ့် ကိုသန်းစိုးဟာ လေယာဉ်ပျံ ပြန်ပေးဆွဲခဲ့သူ တဦးဖြစ်တာကြောင့် အမေရိကန်ပြည်ထောင်စုက သူ့ကို တရားဝင် နေထိုင်ခွင့် လက်မှတ် ထုတ်မပေးပဲ ၁၉၉၆ ခုနှစ်နဲ့ ၂၀၀၂ ခုနှစ်အကြား သူ့ကို ၂ ကြိမ်တိုင်တိုက် ဖမ်းဆီး အကျဉ်းချခဲ့ပါတယ်။

၂၀၀၁ ခုနှစ်၊ စက်တင်ဘာလ ၁၁ ရက်နေ့က 9/11 လို့ခေါ်တဲ့ အကြမ်းဖက်သမားတွေက နယူးယောက်မြို့က World Trade Tower ၂ ခုကို လေယာဉ်ပျံ ပြန်ပေးဆွဲပြီး အကြမ်းဖက် တိုက်ခိုက်ပြီးတဲ့နောက် ပြောင်းလဲလာတဲ့ အမေရိကန်အစိုးရရဲ့ ပေါ်လစီတွေအရ ကိုသန်းစိုးအပေါ်မှာလည်း အမေရိကန် အစိုးရဘက်က တင်းကြပ်မှုတွေ တိုးမြင့် ချမှတ်လာပါတယ်။

၂၀၀၂ ခုနှစ်မှာ ဒုတိယအကြိမ် အဖမ်းခံရပြီးတဲ့နောက် သူ့အနေနဲ့ အစိုးရထံမှာ အပတ်စဉ် လက်မှတ်သွားထိုးရတာ၊ ကိုယ်နေထိုင်တဲ့ ပြည်နယ်ကလွဲလို့ သူတို့ ခွင့်ပြုချက်မပါပဲ ခရီးထွက်ခွင့်မရှိတာတွေ ဖြစ်လာတာကြောင့် နောက်ဆုံး ကနေဒါနိုင်ငံကို ပြောင်းရွေ့ နေထိုင်ဖို့ ဆုံးဖြတ်ခဲ့တာလို့ ကိုသန်းစိုးက ပြောပါတယ်။

ကနေဒါနိုင်ငံရောက်တော့လည်း အမေရိကန်နိုင်ငံမှာတုန်းက နည်းတူ သူ့အနေနဲ့ တရားဝင် နေထိုင်ခွင့်မရပဲ နားလည်မှုနဲ့သာ နေခဲ့ရတာပါ။

တကယ်လို့များ ကနေဒါအစိုးရက မဖြစ်မနေ သူ့ကို အတင်းအကျပ် မြန်မာနိုင်ငံကို ပြန်ပို့ခဲ့မယ်ဆိုရင်တော့ မြန်မာလုံခြုံရေးတပ်ဖွဲ့တွေရဲ့ ဖမ်းဆီး ထိန်းသိမ်းခြင်း ခံရနိုင်တယ်လို့ ကိုသန်းစိုးက ပြောပါတယ်။

“ကျနော့ဘက်က မှားရင်လည်းမှားမယ် ကျနေ်ာ့အမြင်ပြောရရင်တော့ အနည်းဆုံး သူတို့အနေနဲ့ကတော့ ကျနော့်ကို ဒီအတိုင်းလွှတ်ပေးလိုက်ဖို့ကတော့ မဖြစ်နိုင်ဘူး ၊ သူတို့ဆိုတာက ဒီလုံခြုံရေးနဲ့ ပတ်သက်ပြီး ကိုင်ထားတဲ့အစိုးရ အဖွဲ့အစည်းတွေပေါ့နော် အစိုးရဘက်က အနေအထားပေါ့နော်။ ပြန်ပို့မယ်ဆိုရင်တော့ ကျနော့်ကို လေယာဉ်ကွင်းမှာဖြစ်ဖြစ်ထိန်းသိမ်းမယ်။ ပြီးရင်မေးမယ် ကျနော်ဘယ်လိုမြင်သလဲ လက်ရှိအခြေအနေကို။ ကျနော်ကတော့ အဲဒီအချိန်ကျရင်တော့ ကျနော်မြင်တာကို ပွင့်ပွင့်လင်းလင်းပြောမှာပဲ၊ ပြောမယ်ဆိုတာက ဘယ်သူ့ကိုမှလည်း မုန်းလို့မဟုတ်ဘူး၊ တပ်မတော်ကိုလည်း မမုန်းပါဘူး။ မြန်မာနိုင်ငံအနာဂတ်က အခုသစ်ပင်ပေါက် အသီးစားလို့တော့ ဘယ်ဖြစ်မလဲ အချိန်တော့ကြာတာပေါ့နော် လုပ်စရာတွေကတော့ အများကြီးပေါ့နော် ဒီကြားထဲမှာ အမျိုးသားရင်ကြားစေ့ရေးအတွက် ပြန်ခေါ်လိုက် ၊ ဒီဘက်ကလူတွေလည်း ပြန်ချင်တဲ့လူတွေပြန် လုပ်နိုင်တဲ့သူတွေလည်း လုပ်ကြပေါ့ ၀ိုင်းပြီးတော့ လုပ်ကြပေါ့။”

သူ့အနေနဲ့ကတော့ ၁၉၈၈ ခုနှစ် ထိုင်နယ်စပ်ကို တောခိုသွားခဲ့ကတည်းက နှစ်ပေါင်း ၃၀ နီးပါး ဘယ်နိုင်ငံမှာမှ တရားဝင် နေထိုင်ခွင့်မရခဲ့တဲ့ အတွက် လူသားတယောက်အနေနဲ့ ဘယ်နိုင်ငံမှာပဲဖြစ်ဖြစ် တရားဝင် နေထိုင်ခွင့် ရချင်တယ်လို့ ပြောပါတယ်။

“ကျနော့်အနေနဲ့ကလည်း ၁၉၈၈ကစပြီးတော့ ဘယ်တိုင်းပြည်မှာမှ တရားဝင် နေထိုင်ခွင့်မရှိခဲ့ဘူး ဆိုတော့ မှတ်ပုံတင်ကတ်လေးတော့ ကျနော်လည်း တကယ်လိုချင်ပါတယ်။ထိုင်းနိုင်ငံပဲပေးပေး၊ မြန်မာပဲ ပေးပေး၊ အမေရိကန်ပြည်ထောင်စုပဲ ပေးပေး ၊ ကနေဒါက ပဲ ပေးပေး။ လက်ရှိကတော့ ကျနော်က ကနေဒါရောက်နေတာ့ ကနေဒါအစိုးရအနေနဲ့တော့ တရားဝင် နေထိုင်ခွင့်ပေးနိုင်တယ်ဆိုရင်တော့ ကိုယ့်ကိုလူသားတယောက်အဖြစ်နဲ့ ကျနော်တော်တော်ဝမ်းသာမိမှာပါ။”

ကိုသန်းစိုးကို ကနေဒါအစိုးရအနေနဲ့ မြန်မာနိုင်ငံကို ပြန်ပို့မယ်၊ မပို့ဘူးဆိုတဲ့ ဆုံးဖြတ်ချက် ချပြီး မပြီးဆိုတာကိုတော့ အတိအကျ မသိရသေးပါဘူး။ နိုင်ငံတကာမှာ ရောက်နေကြတဲ့ မြန်မာ့ဒီမိုကရေစီအရေး တက်ကြွလှုပ်ရှားသူတွေကလည်း ကနေဒါ အစိုးရအနေနဲ့ ကိုသန်းစိုးကို ပြန်မပို့ရေးအတွက် ကနေဒါ အစိုးရတာဝန်ရှိသူတွေနဲ့ လွှတ်တော်အမတ်တွေထံ လက်မှတ်ထိုး တောင်းဆိုမှုတွေ လုပ်ဆောင်နေကြပါတယ်။
VOA Burmese News


South Korea Politics
South Korea Politics
တောင်ကိုရီးယားမှာတော့ ရာထူးကထုတ်ပယ်ခံခဲ့ရတဲ့ သမ္မတ Park Geun-hye ဒီနေ့ တရားရုံးမှာ လာဘ်စားမှုနဲ့ စစ်ဆေးခံခဲ့ရပြီးပြည်သူတွေကို ပထမဆုံး တောင်းပန် လိုက်ပါတယ်။

တောင်ကိုးရီးယားမှာ ပထမဆုံး ရာထူးကထုတ်ပယ်ခံရတဲ့ ရွေးကောက်ခံ သမ္မတ Park အနေနဲ့ တရားရုံးကို ရောက်လာချိန်မှာ “ပြည်သူတွေအတွက် ကျွန်မ ဝမ်းနည်းမိပါတယ်” လို့ တောင်းပန်လိုက်ပါတယ်။

တောင်ကိုရီးယား ဖွဲ့စည်းပုံခုံရုံးကနေ ဒီလအစောပိုင်းမှာ ရာထူးကပယ်ချခံခဲ့ရတဲ့ သမ္မတ Park က တရားဥပဒေရှေ့မှောက်မှာ အစစ်အဆေးခံမှာပါလို့ ဆက်ပြောခဲ့ပါတယ်။

သမ္မတဟောင်း Park အနေနဲ့ သူနဲ့ ရေရှည်တွဲလာခဲ့တဲ့ သူငယ်ချင်း Choi Soon-sil နဲ့ပေါင်းပြီး ကုမ္ပဏီတွေအနေနဲ့ မျက်နှာသာရဖို့ သူနဲ့နီးစပ်တဲ့ ဖောင်ဒေးရှင်းအဖွဲ့တွေကို အမေရိကန်ဒေါ်လာ သန်း ၇၀ အလှူငွေထဲ့ပေးဖို့ ဖိအားပေးခဲ့တယ်လို့ လွှတ်တော် အမတ်တွေက စွပ်စွဲခဲ့အပြီးခုလို ရာထူးကထုတ်ပယ်ခံရတာပါ။

သမ္မတဟောင်း Park အနေနဲ့ ငွေမတရားတောင်းမှု၊ လာဘ်စားမှုနဲ့ အခြားရာဇဝတ်ပြစ်မှုတွေနဲ့ တရားစွဲခံရဖို့ ရှိနေပါတယ်။ ဒါပေမဲ့ သူကတော့ ဒီပြစ်မှုတွေ အားလုံးကို ငြင်းဆိုထားပါတယ်။

ဒီအမှုနဲ့ပတ်သက်ပြီး တောင်ကိုရီးယားမှာ အခြားလူသိများတဲ့သူတွေကိုလည်း တရားစွဲ ထားရာမှာ နာမည်ကြီး Samsung လျှပ်စစ်ပစ္စည်း ကုမ္ပဏီ အကြီးအကဲ Lee Jae-yong လည်း ပါပါတယ်။

တောင်ကိုးရီးယားမှာ စီးပွားရေးအပြောင်းအလဲတွေလုပ်ခဲ့တဲ့ စစ်တပ်ခေါင်းဆောင်ဟောင်း Park Chung-hee ရဲ့ သမီးဖြစ်တဲ့ သမ္မတဟောင်း Park ပြုတ်သွား တာကြောင့် သမ္မတသစ်ရွေးကောက်ပွဲတွေကို မေလ ၉ ရက်နေ့မှာလုပ်ဖို့ ကြေညာထားပါတယ်။

VOA Burmese News



မောင်တောမြို့နယ်အတွင်း၌ မူးယစ်ဆေးဝါးများ ဖမ်းဆီးရမိ
မတ်၂၀၊ ၂၀၁၇

မတ် ၂၀ ရက်က မောင်တောမြို့နယ် နတ်မြစ်အတွင်း၌ မူးယစ်ဆေးဝါးများ တင်ဆောင်လာသည့် လက်ခတ်လှေ တစ်စီးနှင့် မြို့မတောင်ရပ်ကွက်အတွင်းမှ မူးယစ်ဆေးဝါးများ ဖမ်းဆီးရမိခဲ့သည်။

ဖြစ်စဉ်မှာ တပ်မတော်(ရေ) မှ လုံခြုံရေးတပ်ဖွဲ့ဝင်များသည် မတ်လ ၂၀ ရက် နံနက် ၃နာရီ ကျော်တွင် နတ်မြစ်အတွင်း လှည့်ကင်းဆောင်ရွက်နေရာမှ တုံးချောင်းဝအရောက်တွင် မိမိနိုင်ငံမှ ဘင်္ဂလားဒေ့ရ်ှနိုင်ငံသို့ လှော်ခတ်နေသော မသင်္ကာဖွယ် လက်လှော်လှေ ၁စီးအား တွေ့ရှိသည်။

အဆိုပါလှေအား မီးအချက်ပြ၍ ခေါ်ယူသော်လည်း လာရောက်ခြင်း မရှိသောကြောင့် လိုက်လံ ဖမ်းဆီးခဲ့ရာ တုံးချောင်းဝအနောက်ဘက် မြန်မာ့ရေပိုင် နက်အတွင်း ဖမ်းဆီးရမိပြီးလှေပေါ်မှ လူ ၄ဦးနှင့် အတူ ဆာလာအိတ်ဖြင့် ထုတ်ပိုးထားသည့် ပစ္စည်းများအား ဖမ်းဆီးရမိခဲ့သည်။

ဖမ်းဆီးရမိသူများနှင့်အတူပါလာသည့် ဆာလာအိတ်များအား မောင်တော မြို့နယ် POE စစ်ဆေးရေးဂိတ်တွင် ပူးပေါင်းအဖွဲ့များက ဖွင့်ဖောက်စစ်ဆေးခဲ့ရာ WY စာတမ်းပါ စိတ်ကြွမူးယစ်ဆေးပြား ၁၈၅၀၀၀ပြား ကာလတန်ဖိုး ကျပ် ၃၇၀၀၀၀၀၀၀ ခန့် သိမ်းဆည်းရမိသည်။


အလားတူ မတ် ၂၀ ရက် နံနက် ၇ နာရီတွင် နယ်မြေခံလုံခြုံရေးတပ်ဖွဲ့ဝင်များနှင့် ပူးပေါင်း အဖွဲ့သည် ကျေးရွာတာဝန်ရှိသူများနှင့်အတူ မောင်တောမြို့ မြို့မတောင်ရပ်ကွက် ငါးခူရရွာနေ မောင်လှဝင်း(ခ) မာမွတ်ယီယာစ် ၃၂ နှစ်၏ နေအိမ်အားသတင်းအရ ၀င်ရောက်ရှာဖွေရာ နေအိမ် အောက်ခန်း စားပွဲခုံအောက်မှ WY စာတမ်းပါ စိတ်ကြွမူးယစ်ဆေးပြား ၉၇၅၀ ပြား၊ ကာလတန်ဖိုး ကျပ် ၁၉၅၀၀၀၀၀ခန့်နှင့် မူးယစ်ဆေးဝါးရောင်းဝယ်ရာတွင် အသုံးပြုသော Honor အမျိုးအစား ဖုန်းတစ်လုံး တို့အား သိမ်းဆည်းရမိခဲ့သည်။

ဖမ်းဆီးရမိသူအား ဥပဒေလုပ်ထုံးလုပ်နည်းများနှင့်အညီ အမှုဖွင့်အရေး ယူဆောင်ရွက်နိုင်ရေး စီစဉ် ဆောင်ရွက်လျက်ရှိကြောင်း သိရသည်။

(နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom



ပုပ်သိုးတဲ့ အသားတွေ ထုတ်လုပ်နေတယ် ဆိုတဲ့ စွပ်စွဲချက်တွေကြောင့် အသားစက်ရုံတွေကို ၀င်ရောက် စစ်ဆေး
ဘရာဇီးလ်နိုင်ငံမှာ ပုပ်သိုးနေတဲ့ အသားစိမ်းတွေကို အသားကုမ္ပဏီတွေက နှစ်ပေါင်းများစွာ ထုတ်လုပ် ရောင်းချနေတယ်ဆိုတဲ့ စွပ်စွဲမှုတွေ ပေါ်ထွက်လာအပြီးမှာ ဘရာဇီးလ်နိုင်ငံထုတ် အသားစိမ်းတွေကို အများဆုံး ဝယ်ယူ တင်သွင်းနေတဲ့ နိုင်ငံတချို့က ဝယ်ယူမှုတွေ ဆိုင်းငံ့လိုက်ပါတယ်။

ဘရာဇီးလ်နိုင်ငံဆီက အမဲသား သိုးသား အသားစိမ်း တင်သွင်းမှုကို တရုတ်နိုင်ငံက ပိတ်ပင်လိုက်သလို ဥရောပ သမဂ္ဂကလည်း ဒီအရှုပ်တော်ပုံကြီးမှာ ပါဝင်ပတ်သက်နေတဲ့ ကုမ္ပဏီတွေက ထုတ်တဲ့ အမဲသား၊ သိုးသား၊ ကြက်သားနဲ့ တခြားထွက်ကုန်တွေ ဝယ်ယူတင်သွင်းမှုကို ရပ်ဆိုင်းတော့မယ်လို့ ထုတ်ဖော်ကြေညာလိုက်ပါတယ်။

ပြီးခဲ့တဲ့ သောကြာနေ့တုန်းက ဘရာဇီးလ်နိုင်ငံရဲ့ သားစိမ်းထုတ်လုပ်တဲ့ အဓိက ကုမ္ပဏီကြီးတွေရဲ့ ရုံးတွေကို ဖယ်ဒရယ်လ် ရဲတွေက ဝင်ရောက်ရှာဖွေခဲ့ကြပါတယ်။

အဲဒီကုမ္ပဏီကြီးတွေဟာ ပုပ်သိုးနေတဲ့ အသားတွေကို ထုတ်လုပ် ရောင်းချနေပြီး စက်ရုံ သန့်ရှင်းစင်ကြယ်မှု မရှိတာတွေ၊ ဥပဒေချိုးဖောက်နေတာတွေကို မမြင်ယောင်ဆောင်နေဖို့ အစိုးရ ထိပ်တန်း တာဝန်ရှိပုဂ္ဂိုလ်တွေကို လာဘ်ထိုးခဲ့ကြတယ်လို့ စွပ်စွဲခံထားရပါတယ်။

BBC Burmese
http://www.bbc.com/burmese



ရန်ကုန်မြို့ရှိ Asia World ဆိပ်ကမ်းမြင်ကွင်းတခု။
တိုင်းပြည်မှာ ငြိမ်းချမ်းရေး မခိုင်မာတာကြောင့် နိုင်ငံ့စီးပွားရေးနဲ့ တိုးတက်မှုပိုင်းမှာ အားနည်းစေတယ်လို့ စီမံကိန်းနဲ့ ဘဏ္ဍာရေး ဌာန ပြည်ထောင်စုဝန်ကြီးက ပြောပါတယ်။ ဒါ့အပြင် ကုန်သွယ်ရေးမှာ လိုငွေပြနေတာကြောင့်လဲ တိုင်းပြည်ဖွံ့ဖြိုးဖို့ အဟန့်အတား ဖြစ်နေတယ်လို့ဆိုပါတယ်။ အပြည့်အစုံကို ဗွီအိုအေမြန်မာပိုင်းသတင်းထောက် မမေခကပေးပို့ထားတယ်။

နိုင်ငံစီးပွားရေး ဖွံ့ဖြိုးတိုးတက်မှုနဲ့ ငြိမ်းချမ်းရေးမရသေးတဲ့ အခြေအနေကို ဆက်စပ်ပြီးတော့ ၀န်ကြီး ဦးကျော်ဝင်းက စနေနေ့မှာ ပြောသွားတာပါ။ တိုင်းပြည် ငြိမ်းချမ်းရေးရှိနိုင်မှသာ နိုင်ငံ့စီးပွားရေး တိုးတက်ပြီး နိုင်ငံလဲတိုးတက်မယ်လို့ ၀န်ကြီးကဆိုပါတယ်။

“နိုင်ငံ ၁ နိုင်ငံ ဖွံ့ဖြိုးတိုးတက်အောင် လုပ်မယ်ဆိုရင် တိုင်းပြည်ရဲ့ ငြိမ်းချမ်းသာယာမှု၊ အေးချမ်းသာယာမှု ရှိမှဖြစ်မယ်ဆိုတာကို ကျနော်တို့ ကောင်းစွာယုံကြည်ပါတယ်။ နားလည်း နားလည်ပါမယ် ။စီးပွားရေးကို ကျနော်တို့ ဘယ်လောက်ပဲ ကြိုးစားအားထုတ် ငြိမ်းချမ်းရေးမရှိရင် စီးပွားရေးက မတိုးတက်နိုင်ဘူး။ ကျနော်တို့ ငြိမ်းချမ်းရေး ရတဲ့ တချိန်တည်းမှာလည်း စီးပွားရေးကို အောင်မြင်အောင်လုပ်ရမယ်။ စီးပွားရေးအောင်မြင်မှ လည်း ငြိမ်းချမ်းရေးက အထောက်အကူဖြစ်မယ်။”

ပြီးခဲ့တဲ့ စနေနေ့က ရန်ကုန်မြို့မှာလုပ်တဲ့ နိုင်ငံခြားရင်းနှီးမြုပ်နှံသူတွေနဲ့တွေ့ဆုံပွဲမှာ ဝန်ကြီးက အဲဒီလိုပြောတာပါ။ NLD အစိုးရ လက်ထက်မှာ စီးပွားရေးမူဝါဒသစ်နဲ့ တာထွက်ဖို့ ခြေလှမ်းပြင်တဲ့အနေနဲ့ သမ္မတဦးသိန်းစိန်လက်ထက်က ထုတ်ပြန်ထားတဲ့ ရင်းနှီးမြုပ်နှံမှုဥပဒေကို ပြန်လည်ပြင်ဆင်ပြီးတော့ ပြဌာန်းထားပါတယ်။ လက်ရှိအစိုးရအနေနဲ့ စီးပွားရေးပိုင်းကို ဘယ်လိုမူဝါဒတွေ နဲ့ ကိုင်တွယ်သွားမလဲဆိုတာ စိတ်ဝင်တစား စောင့်ကြည့်နေကြပေမယ့် ခုချိန်ထိ ရှင်းရှင်းလင်းလင်း မသိရသေးပါဘူး။

လက်ရှိတိုင်းပြည်ရဲ့ကုန်သွယ်မှုပိုင်းက လိုငွေပြနေသလို ၀င်ငွေထွက်ငွေပိုင်းကလည်း လိုငွေပြနေဆဲပါ။ ဒီလိုအခြေအနေကို ကျော်လွန်ပြီး တိုင်းပြည်ဖွံ့ဖြိုးဖို့အတွက်က ကုန်သွယ်မှုပိုင်း လိုငွေပြနေတာကို အဆုံးသတ်ဖို့ လိုနေတယ်လို့ ဝန်ကြီး ဦးကျော်ဝင်းကပြောပါတယ်။

“Trade deficit, Budget deficit တွေ Poverty လိုင်းအောက်မှာရှိနေတဲ့ ကျနော်တို့ ပြည်သူတွေ ကျေးလက်ဒေသမှာရှိတဲ့ ၇၀ ရာခိုင်နှုန်းအထက်မှာ ရှိတဲ့ ကျနော်တို့ ပြည်သူတွေ စားဝတ်နေရေး ၊ လူနေမှုဘ၀တွေ နိမ့်ပါးနေတာ ဒါတွေကိုလည်း ကျနော်တို့ အနုတ်လက္ခဏာအဖြစ်နဲ့ ဆက်လက် လက်ဆင့်ကမ်းပြီးတော့ သယ်သွားရမယ့်အခါမှာ ကျနော်တို့ စီးပွားရေး မူဝါဒရဲ့ သဘောတရားအရ Theory တွေအများကြီးရှိပါတယ်။ macroeconomics Theory အများကြီးပေါ့ ဒါပေမယ့် ကျနော်တို့က ပကတိလက်တွေ့အခြေအနေနဲ့ ကျနော်တို့ ဆောင်ရွက်နိုင်တဲ့အခြေအနေကို သုံးသပ်ရင် Budget deficit က နိုင်ငံတိုးတက်မှုအတွက် ပကတိ အဟန့်အတားကြီးဖြစ်နေတယ်။ အလားတူ Trade deficitကလည်း ပကတိ အဟန့်အတားကြီးဖြစ်နေတယ်။ ပြည်သူတွေရဲ့ စားဝတ်နေမှု ဟန့်တားနေတာကလည်း ကျနော်တို့ရဲ့ ပကတိ အဟန့်အတားကြီးဖြစ်နေတယ်။”

တိုက်ပွဲတွေ၊ နယ်မြေမတည်ငြိမ်မှုတွေဖြစ်နေတဲ့အတွက် မူဆယ်နယ်စပ်ကုန်သွယ်ရေးမှာ ထုတ်ပြန်ထားတဲ့ စာရင်းတွေအရ ကြည့်မယ်ဆိုလဲ ကုန်သွယ်မှုပိုင်းလျော့ပါးသွားတာတွေရှိပါတယ်။ ဒီလ ၁၀ ရက်နေ့အထိ မူဆယ်ကုန်သွယ်ရေးနယ်စပ်ဇုံဘက်က ထုတ်ပြန်ထားတဲ့စာရင်းအရ ကာလတူ အရင်နှစ်ကုန်သွယ်ရေးထက် အမေရိကန်ဒေါ်လာ သန်း ၃၀၀ ကျော်လျော့နည်းနေပါ တယ်။

တိုက်ပွဲတွေအပြင် နယ်မြေမအေးချမ်းတာကလည်း ကုန်သွယ်မှုပိုင်းကို အားနည်းလာစေတယ်လို့ ထောက်ပြတာတွေရှိပါတယ်။ ရခိုင်ဒေသဘက်မှာလည်း စစ်တွေကုန်သွယ်ရေးဇုံမှာ ဒီနှစ်ကုန်သွယ်ရေးပမာဏက အရင်နှစ် အလားတူကာလကထက် လျော့နည်းနေပါတယ်။

လက်ရှိတိုက်ပွဲတွေဖြစ်နေတဲ့ဒေသဘက်က ချင်းရွှေဟော် နယ်စပ်ကုန်သွယ်ရေးစခန်းမှာ ကုန်သွယ်မှုပိုင်းပေါ် ထိခိုက်နေတာကို ကုန်သွယ်မှုဗဟိုဦးစီးဌာန ညွှန်ကြားရေးမှူး ဦးမင်းဇော်အေးက ခုလိုပြောသွားပါတယ်။

“ကုန်စည် စီးဆင်းမှုကတော့ လောလောဆယ်တော့ ကျနော်တို့ အရင်ထက်စာရင်တော့ လျှော့သွားတယ်ခင်ဗျ အရင်တုန်းက ကျနော်တို့ ၁ ရက်ကို ပျမ်းမျှ ကုန်သွယ်မှု ဒေါ်လာ၁ သန်းခွဲလောက်ရှိတယ်လေ ။ အခုဆို ဒါ ဒေါ်လာ ၅ သိန်းဝန်းကျင်ပဲ ရှိတော့တယ်။ ၃ ချိုး ၁ ချိုးလောက်လျှော့သွားတာပေါ့နော် အရင်တုန်းက ကားက ၁ ရက်ကို ၁၀၀ ၀န်းကျင်လောက်ရှိတယ်၊ အခုဆိုရင် အလွန်ဆုံးဝင်ရင် ၁၅ စီး ၊ အစီး ၂၀ ဒီဝန်းကျင်လောက်ပဲ ရှိတော့တယ်။ ဒါက ကြံကားတွေမပါဘူး၊ ကြံတွေကတော့ ဒေသထွက်တွေပေါ့နော်။ ခြုံပြောမယ်ဆိုရင် အရင်တုန်းက ၁၀၀ ကျော်ဝင်တယ် အခုက အစီး ၂၀ လောက်ပဲ ရှိတော့တယ်။”

လူမျိုးစုလက်နက်ကိုင်အဖွဲ့ လေးဖွဲ့ပေါင်းထားတဲ့ မြောက်ပိုင်းမဟာမိတ်တပ်ဖွဲ့နဲ့ အစိုးရတပ် တိုက်ပွဲတွေဖြစ်နေတဲ့ နေရာတွေဟာ မြန်မာနိုင်ငံကုန်သွယ်ရေးရဲ့အဓိကနေရာတွေဖြစ်တဲ့ မူဆယ်၊ ချင်းရွှေဟော် စတဲ့နေရာတွေမှာဖြစ်နေတာပါ။

လာမယ့် ၂၀၁၈၊ ၂၀၁၉ မှာ မြန်မာနိုင်ငံအနေနဲ့ ပြည်ပရင်းနှီးမြှုပ်နှံမှုအတွက် အကောင်းဆုံးနေရာတခုဖြစ်စေရမယ်လို့ ၀န်ကြီးက ကတိပေးပြောဆိုထားပါတယ်။ ရင်းနှီးမြုပ်နှံမှုမှာ မလိုလားအပ်တဲ့ မူဝါဒပိုင်းဆိုင်ရာတွေကို ပြုပြင်ပြောင်းလဲမယ်လို့ ပြောထားသလို ရင်းနှီးမြုပ်နှံမှုဖွံ့ဖြိုးဖို့နဲ့ တခြားကုန်သွယ်မှုပိုင်းတိုးတက်လာဖို့ ဥပဒေတွေပြင်ဆင်သွားမယ်လို့လဲ ပြောဆိုထားပါတယ်။

မေခ  / ဗွီအိုအေ (မြန်မာပိုင်း)
http://burmese.voanews.com



USNS Fall River (T-EPF-4) ဓါတ်ပုံ U.S. Embassy Rangoon
အမေရိကန်ရေတပ် တပ်ဖွဲ့ဝင်တွေနဲ့ မြန်မာပြည်သူတွေကြားမှ ရင်းနှီးမှု ပိုပြီးခိုင်မာဖို့ နဲ့ ယဉ်ကျေးမှုဖလှယ်ဖို့အတွက် အမေရိကန်ရေတပ် အမြန်ပို့ဆောင်ရေးသင်္ဘော USNS Fall River (T-EPF-4) သင်္ဘောဟာ ရန်ကုန်ဆိပ်ကမ်းကို ဒီကနေ့ မတ်လ ၂၁ ရက် အင်္ဂါနေ့မှာ ရောက်လာမှာဖြစ်ပါတယ်။

၂၅ ရက်နေ့အထိချစ်ကြည်ရေးခရီးစဉ်အတွင်း USNS Fall River သင်္ဘောနဲ့ပါလာကြမယ့်အမှုထမ်းတွေဟာ မြန်မာ့ရေတပ်နဲ့ တွေ့ဆုံမှုတွေလုပ်မှာ ဖြစ်သလို ရန်ကုန်မြို့အတွင်း လေ့လာရေးခရီးထွက်ကြမှာဖြစ်တယ်လို့ အမေရိကန်သံရုံးရဲ့ ကြေညာချက်မှာ ဖော်ပြထားပါတယ်။

USNS Fall River (T-EPF-4)U.S. Embassy Rangoon
ဂီတဖလှယ်ရေး အစီအစဉ်အရ အမေရိကန်ရေတပ်မဟာ ၇ တီးဝိုင်းဟာ အမေရိကန်သံရုံး အမေရိကန်စင်တာမှာ ဖျော်ဖြေပွဲလုပ်မှာဖြစ်သလို မြန်မာနိုင်ငံက ဂီတပညာရှင်တွေနဲ့ တွေ့ဆုံသွားမှာဖြစ်ပါတယ်။

USNS Fall River အနေနဲ့ မြန်မာနိုင်ငံကို လာခွင့်ရတဲ့အတွက် ဂုဏ်ယူကြောင်းနဲ့ ဒီသမိုင်းဝင်ခရီးစဉ်ကနေ မြန်မာပြည်သူတွေနဲ့ ရေရှည်ချစ်ကြည်ရင်းနှီးမှုတွေ တည်ဆောက်နိုင်ဖို့ မျှော်လင့်ကြောင်း အမေရိကန်ရေတပ် အမှတ် ၇၃ ရေယာဉ်စုရဲ့ တပ်မှူးကြီး ရေတပ်ဗိုလ်ချုပ် Don Gabrielson ကပြောပါတယ်။

အမေရိကန်ရေတပ် အမြန်ပို့ဆောင်ရေးသင်္ဘော USNS Fall River ဟာ ဒုတိယကမ္ဘာစစ်နောက်ပိုင်း မြန်မာနိုင်ငံကို တရားဝင်လာရောက်တဲ့ ပထမဆုံးအမေရိကန် ရေတပ်သင်္ဘောဖြစ်ပါတယ်။ အာရှ Pacific ဒေသထဲက နိုင်ငံတွေနဲ့ အမေရိကန်ကြား ပူးပေါင်းဆောင်ရွက်မှုမြှင့်တင်တဲ့အစီအစဉ်အဖြစ် နိုင်ငံစုံပါဝင်တဲ့ လူသားချင်းစာနာမှု အကူအညီပေးရေးနဲ့ သဘာဝဘေးဒဏ်တုံ့ပြန်ရေး နှစ်ပတ်လည်ကြိုတင်ပြင်ဆင်ဆောင်ရွက်မှုအတွက် USNS Fall River သင်္ဘောဟာ သီရိလင်္ကာနဲ့ မလေးရှားနိုင်ငံတို့ဆီကို အသွား မြန်မာနိုင်ငံကို ဝင်ရောက်တာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



တောင်ဆူဒန်ရှိ Wau လေဆိပ်တွင် မီးလောင်ကျွမ်းနေသည့် လေယာဉ်အား တွေ့ရစဉ် (ဆင်ဟွာ)
    နိုင်ဘိုရီ၊ မတ် ၂၁ ရက် (ဆင်ဟွာ)

    တောင်ဆူဒန်နိုင်ငံ မြောက်ပိုင်း Wau မြို့မှာ မတ်လ ၂၀ ရက် နေ့လည်ပိုင်းက ဖြစ်ပွားခဲ့သည့် လေယာဉ် ပျက်ကျမှုတွင် လေယာဉ် ဝန်ထမ်း ၆ ဦး နှင့် ခရီးသည် ၄၃ ဦး အသက်ရှင်ခဲ့ကြောင်း ဒေသခံ အာဏာပိုင်များက အတည်ပြု ပြောကြားခဲ့သည်။

“ခရီးသည်နဲ့ လေယာဉ် ဝန်ထမ်းတွေ အားလုံး အသက်ရှင်ခဲ့ပါတယ်၊ ဒဏ်ရာရရသူ ၃၇ ဦး ဆေးရုံ ရောက်လာခဲ့ပြီး ကုသမှု ခံယူခဲ့တယ်၊ အဲဒီအထဲက လူ ၃၁ ဦးမှာမူ ဆေးရုံမှ ဆင်းသွားခဲ့ပြီး ကျန် ၆ ဦးမှာ ဆေးရုံတွင် ကျန်ရှိနေသေးပေမဲ့ ကျန်းမာရေး အခြေအနေ ကောင်းမွန်ပါတယ်” ဟု Wau ပြည်နယ် ပြန်ကြားရေး ဝန်ကြီး Nona Guadenesio က ပြောသည်။

အဆိုပါ လေယာဉ်မှာ မြေပြင်သို့ ဆင်းသက်စဉ် မြင်ကွင်း မရှင်းလင်းမှုကြောင့် မီးသတ်ကားနှင့် တိုက်မိကာ ပျက်ကျရခြင်း ဖြစ်ကြောင်း သိရသည်။

ဒဏ်ရာရရှိသူများအား ကျန်းမာရေး စောင့်ရှောက်မှု ပိုပေးရန်အတွက် မြို့တော် ဂျာဘာသို့ ပို့ဆောင်ပေးခဲ့ကြောင်း နိုင်ငံပိုင် ရေဒီယိုမှတစ်ဆင့် သမ္မတ ပြောရေးဆိုခွင့်ရှိသူ Ateny Wek Ateny က ကြေညာခဲ့သည်။

ထို ခရီးသည်တင် လေယာဉ်သည် မတ်လ ၂၀ ရက် ဒေသစံတော်ချိန် ညနေ ၃း၀၀ နာရီဝန်းကျင်က တောင်ဆူဒန်နိုင်ငံ Wau လေဆိပ်တွင် ပျက်ကျခဲ့ခြင်း ဖြစ်သည်။ အဆိုပါ လေယာဉ်မှာ တောင်ဆူဒန် မြို့တော် ဂျူဘာမှ နိုင်ငံမြောက်ပိုင်း Wau မြို့သို့ ပျံသန်းလာခဲ့ခြင်း ဖြစ်ကြောင်း၊ ဒေသခံ မီဒီယာများ၏ သတင်း တင်ပြချက်အရ South Supreme Airline ပိုင် လေယာဉ် ဖြစ်ကြောင်း သိရသည်။

အဆိုပါ လေဆိပ်သည် Wau ရှိ တရုတ်နိုင်ငံသား ငြိမ်းချမ်းရေးတပ်သားများ ရှိနေသည့် နေရာအနီး ဖြစ်ပြီး မတော်တဆမှု ဖြစ်ပွားပြီးနောက် အခင်း ဖြစ်ရာနေရာသို့ ငြိမ်းချမ်းရေးတပ်သားများ ရောက်ရှိလာကာ ကယ်ဆယ်ရေး လုပ်ငန်း၊ မီးငြှိမ်းသတ်ခြင်း စသည်တို့ ကူညီလုပ်ကိုင်ခဲ့ကြောင်း သိရသည်။

(Xinhua)
http://www.xinhuamyanmar.com



Grab တက္ကစီလုပ်ငန်း
အရှေ့တောင်အာရှ ဒေသက တက္ကစီအငှားကားဝန်ဆောင်မှု လုပ်ငန်းတွေမှာ နာမည်ကျော် Uber ကုမ္ပဏီနဲ့ အဓိကပြိုင်ဖက်ဖြစ်တဲ့ Grab ကုမ္ပဏီက မြန်မာနိုင်ငံမှာ ဒီကနေ့ပဲ လုပ်ငန်းတွေ စတင်လိုက်ပါတယ်။ မြန်မာနိုင်ငံ ရန်ကုန်မြို့မှာ အငှားယာဉ်မောင်းသမားတချို့နဲ့ ပထမဆုံးအကြိမ် စမ်းသပ်ပြေးဆွဲခဲ့တာဖြစ်ပြီး၊ လုပ်ငန်းတွေကို တဖြည်းဖြည်း တိုးမြှင့်သွားမယ်လို့လည်း ကုမ္ပဏီရဲ့ ကြေညာချက်မှာ ဖော်ပြထားပါတယ်။

အရှေ့တောင်အာရှဒေသမှာ ၇ နိုင်ငံမြောက်အဖြစ်၊ ရန်ကုန်မှာ ဒီကနေ့စတင်လိုက်တဲ့ Grab တက္ကစီလုပ်ငန်းဟာ စင်္ကာပူ၊ အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်းနဲ့ ဗီယက်နမ်တွေမှာလည်း လုပ်ငန်းတွေ လုပ်ကိုင်နေကြတာပါ။

လုပ်ငန်းအစအဖြစ် ရန်ကုန်မြို့မှာ စတင်ပြေးဆွဲရာမှာ ယာဉ်မောင်းတွေရဲ့ ၀န်ဆောင်မှုနဲ့ တက္ကစီကားတွေ ဘေးအန္တရာယ်ကင်းရှင်းရေး စံချိန်မီဖို့ အဓိက အာရုံစိုက် ဆောင်ရွက်သွား မှာဖြစ်ကြောင်းလည်း ကုမ္ပဏီရဲ့ ဈေးကွက်ဆိုင်ရာ ဒုဥက္ကဋ္ဌ Cheryl Goh က ကြေညာချက်မှာ ပြောဆိုခဲ့ပါတယ်။

Grab တက္ကစီလုပ်ငန်းရဲ့ အဓိကပြိုင်ဘက်လည်းဖြစ်၊ အရှေ့တောင်အာရှ နိုင်ငံ ၆ နိုင်ငံမှာ လုပ်ငန်းတွေ လုပ်ကိုင်နေတဲ့ Uber ကတော့၊ လတ်တလော မြန်မာနိုင်ငံမှာ လုပ်ငန်းတွေ မရှိသေးပေမဲ့၊ မကြာခင်မှာ ၀န်ဆောင်မှုတွေ ပေးနိုင်ဖို့ မျှော်လင့်ကြောင်းလည်း ဒီကနေ့ပဲ ကြေညာချက်ထုတ်ပြန် ပြောဆိုခဲ့တာပါ။

ဗွီအိုအေ (မြန်မာပိုင်း)
http://burmese.voanews.com



အမေရိကန်နိုင်ငံ လေဆိပ်တစ်ခုတွင် လုံခြုံရေးများက ခရီးသည်များ၏ လက်ဆွဲအိတ်များအား စစ်ဆေးနေစဉ် (ဓါတ်ပုံ-အင်တာနက်)
    ဝါရှင်တန်၊ မတ် ၂၁ ရက် (ဆင်ဟွာ)

    အမေရိကန်နိုင်ငံက အရှေ့အလယ်ပိုင်းနှင့် အာဖရိကတိုက်မြောက်ပိုင်းနိုင်ငံ ရှစ်နိုင်ငံမှ ပျံသန်းလာသော လေကြောင်းလိုင်းအချို့ တွင် ပါရှိလာသည့် ခရီးဆောင်အိတ်များအတွင်း လက်တော့ပ်နှင့် တက်ဘလက်များ ကဲ့သို့သော အီလက်ထရောနစ်ပစ္စည်းများ သယ်ဆောင်လာခြင်းကို ပိတ်ပင်လိုက်ကြောင်း ပြည်တွင်းမီဒီယာက ပြောပြခဲ့သည်။

အဆိုပါ စည်းမျဉ်းသစ်အား မတ်လ ၂၁ ရက်တွင် တရားဝင်ကြေညာချက်ထုတ်ပြီး စတင်အသက်ဝင်လာမည်ဟု ခန့်မှန်းရကြောင်း နှင့် အမေရိကန်သို့ လေယာဉ်များ အဆက်မပြတ်ဝင်ရောက်နေသည့် အပြည်ပြည်ဆိုင်ရာလေဆိပ် ၁၀ခု ရှိရာ အီဂျစ်နိုင်ငံ ကိုင်ရိုမြို့၊ ဂျော်ဒန်နိုင်ငံ အမ္မန်မြို့၊ ကူဝိတ်နိုင်ငံ ကူဝိတ်မြို့၊ မော်ရိုကိုနိုင်ငံ ကာဆာဘလန်ကာမြို့၊ ကွာတာနိုင်ငံ ဒိုဟာမြို့၊ ဆော်ဒီအာရေဗျနိုင်ငံမှ ရီယာ့ဒ်မြို့နှင့် ဂျီဒဟ်မြို့၊ တူရကီနိုင်ငံ အစ္စတန်ဘူလ်မြို့၊ အာရပ်စော်ဘွားများပြည်ထောင်စု အဘူဒါဘီ နှင့် ဒူဘိုင်း တို့မှ လေကြောင်းလိုင်းများအပေါ် ယင်းကြေညာချက် အကျိုးသက်ရောက်မည်ဖြစ်ကြောင်း အမည်မဖော်လိုသူ အမေရိကန်တာဝန်ရှိသူတစ်ဦး၏ ပြောကြားချက်ကို ကိုးကား၍ AP သတင်းဋ္ဌာနကဖော်ပြခဲ့သည်။

ခရီးသည်များအနေဖြင့် ၎င်းတို့၏ လက်ဆွဲအိတ်များအတွင်း လက်တော့ပ်များ၊ တက်ဘလက်များ၊ ဒီဂျစ်တယ်ကင်မရာများ နှင့် အခြားကြီးမားသည့် အီလက်ထရောနစ်ပစ္စည်းများ ထည့်သွင်းယူဆောင်လာခွင့်ရှိတော့မည် မဟုတ်ကြောင်း၊ လက်ကိုင်ဖုန်းများနှင့် အတည်ပြုချက်ပေးထားသည့် ဆေးပစ္စည်းကိရိယာများသာ တားမြစ်ချက်မှ ကင်းလွတ်မည်ဖြစ်ကြောင်း သိရသည်။

အဆိုပါ ပိတ်ပင်တားမြစ်ချက်သည် Royal Jordanian လေကြောင်းလိုင်းအပါအဝင် ပြည်ပလေကြောင်းများအပေါ်၌သာ အကျိုးသက်ရောက်မည်ဖြစ်ပြီး အမေရိကန်လေကြောင်းလိုင်းများ မပါဝင်ကြောင်း သိရသည်။

ထို့သို့ တားမြစ်ရခြင်းအကြောင်းရင်းကို ရှင်းလင်းစွာ သိရှိခြင်းမရှိသေးကြောင်း သိရသည်။ လွန်ခဲ့သည့် ရက်သတ္တပတ်များစွာ က အမေရိကန်အစိုးရအနေဖြင့် ခြိမ်းခြောက်မှုတစ်ခု လက်ခံရရှိပြီးကတည်းက ယင်းတားမြစ်ချက် ချမှတ်ရန် စဉ်းစားနေခဲ့ခြင်းဖြစ်ကြောင်း အမေရိကန်တာဝန်ရှိသူ၏ပြောကြားချက်ကို ကိုးကား၍ AP သတင်းဋ္ဌာနကဖော်ပြခဲ့သည်။

(Xinhua)
http://www.xinhuamyanmar.com



စားသုံးရန်မသင့်သော အစားအသောက်နမူနာအားတွေ့ရစဉ် (ဓာတ်ပုံ-- ကျန်းမာရေး နှင့် အားကစားဝန်ကြီးဌာန)
    ရန်ကုန်၊ မတ် ၂၁ ရက် (ဆင်ဟွာ)

    ဈေးကွက်များအတွင်း ရောင်းချလျက်ရှိသောအစားအသောက်များ ကို ဈေးများ၊ ကျောင်းမုန့်ဈေးတန်းများမှ ဝယ်ယူစစ်ဆေးရာ အစားအသောက် ၁၈ မျိုးသည် စားသုံးရန်မသင့်ကြောင်း ကျန်းမာရေး နှင့် အားကစားဝန်ကြီးဌာနမှ ယနေ့ထုတ်ပြန်ကြေညာသည်။


ထိုအစားအသောက်များမှာ Tricer cherry စာသားပါချယ်ရီသီး၊ အမှတ်တံဆိပ်မပါ ရောင်စုံဝေဖာချောင်း၊ အမှတ်တံဆိပ်မပါ ရောင်စုံဝေဖာလုံး၊ အမှတ်တံဆိပ်မပါ တုတ်ထိုးချိုချဉ်၊ အမှတ်တံဆိပ်မပါ လခြမ်းပုံချိုချဉ်၊ အမှတ်တံဆိပ်မပါ ခေါက်မုန့် (ပန်းရောင်)၊ အမှတ်တံဆိပ်မပါ မက်မန်းပေါင်း၊ အမှတ်တံဆိပ်မပါ ပဲလိပ်ပြာ၊  အမှတ်တံဆိပ်မပါ တုတ်ထိုးချိုချဉ် (ပြား)၊ အမှတ်တံဆိပ်မပါ တုတ်ထိုးချိုချဉ် (လုံး)၊ Angry Bird စာသားပါ ဂျယ်လီ (လိမ္မော်ရောင်)၊ Lucky fish ငရုတ်ဆီ၊ ပစ်တိုင်းထောင် နနွင်းမှုန့်၊ ငွေငါးအရောင်တင်မှုန့်၊ မင်းထိုက်တန်စာသားပါ အရောင်တင်မှုန့်၊ ရွှေကံကောင်း အရောင်တင်မှုန့်၊ သစ်ဆန်းသကြားလုံး၊ ထိုင်ဝမ် ဆေးမန်ကျည်း (အစပ်) တို့မှာ ခွင့်မပြုဆေးများ အသုံးပြုထားသည့်အတွက် စားသုံးရန်မသင့်ကြောင်း ကြေညာချက်ထဲတွင် ပါရှိသည်။


အစားအသောက်ထုတ်လုပ်၊ ဖြန့်ဖြူးရောင်းချသူများသည် အစားအသောက်တွင် သုံးစွဲရန်ခွင့်မပြုသော ဆိုးဆေးများကို လုံးဝအသုံးမပြုရန် နှင့် လိုက်နာဆောင်ရွက်ခြင်းမရှိပါက အမျိုးသား အစားအသောက်ဥပဒေပုဒ်မ ၂၈ (က) အရ အရေးယူမည်ဖြစ်ကြောင်း သိရသည်။

(Xinhua)
http://www.xinhuamyanmar.com


ဗိုလ်တထောင်မြို့နယ်တွင် ယနေ့(မတ်လ ၂၁ ရက်) နံနက်ပိုင်းက မျက်ဖုံးစွပ် အမျိုးသားတစ်ဦးက ကုမ္ပဏီတစ်ခုအတွင်း ၀င်ရောက်ကာ အနုကြမ်းစီးမှု ဖြစ်ပွားကြောင်း ရဲတပ်ဖွဲ့ထံမှသိရသည်။

ဖြစ်စဉ်မှာ မတ်လ ၂၁ ရက် နံနက် ၈ နာရီခန့် ဗိုလ်တထောင်မြို့နယ် လမ်း ၅၀ အောက်ဘလောက် ၅ လွှာရှိ ကုမ္ပဏီပိုင်ရှင် အသက် ၇၀ အရွယ် လူကြီး တစ်ဦး ရှိနေစဉ် မျက်နှာဖုံးစွပ် အမျိုးသားတစ်ဦးက အနုကြမ်း ၀င်စီးနင်း ခဲ့ခြင်းဖြစ်သည်။ အနုကြမ်းစီးသူမှ ၎င်းအား ဓားဖြင့်ထိုးပြီး ရွှေလက်စွပ်နှင့် ပိုက်ဆံအိတ် ယူဆောင်သွားကြောင်း တရားခံကို ဖမ်းမိရေးအတွက် ကြိုးပမ်းနေကြောင်း ရဲတပ်ဖွဲ့ကပြောသည်။

ဗိုလ်တထောင်မြို့နယ် မဲဆန္ဒနယ်အမှတ် ၁ တိုင်းဒေသကြီး လွှတ်တော် ကိုယ်စားလှယ် ဦးအောင်ထူးက “ဟုတ်တယ်။ လမ်း ၅၀ မှာ အနုကြမ်းစီး တာဖြစ်ပါတယ်။ ကျွန်တော်လည်း အခုသွားနေတယ်။ လမ်း ၅၀ အောက် ဘလောက်မှာ ဖြစ်တယ်။ မနက်အစောကြီး ၇း၄၅ နာရီလောက်မှာ ဖြစ်တယ်လို့ ပြောတယ်” ဟု ပြောသည်။

အဆိုပါအနုကြမ်းစီး တိုက်ခိုက်မှုအား ဘေးခန်းမှ လူများသိရှိသည့်အတွက် တိုက်ခိုက်ခံရသူ အသက် ၇၀ အရွယ်လူကြီးမှာ အသက်ချမ်းသာရာ ရသွားကြောင်း ရဲတပ်ဖွဲ့များ အချိန်မီရောက်လာပြီး သွေးထွက်လွန်နေသည့် လူနားအား ၎င်းတို့ ကိုထွန်းညီနှင့် ညီအစ်ကိုများက သွေးတိတ်အောင် ဆောင်ရွက်ပြီး လူနာအား ဆေးရုံသို့ ပို့ဆောင်လိုက်ကြောင်း ရှင်သန်ရေးကူညီမှုအသင်း မှ ကိုကြီးဆိုသူက ၎င်း၏ ဖေ့စ်ဘုတ်စာမျက်နှာတွင် ရေးသားထားသည်။

စိုင်းဟန်
ဓာတ်ပုံ- ကိုကြီး(FB)
The Ladies News
https://www.facebook.com/News.TheLadies/


ပဲခူးတိုင်းဒေသကြီး တောင်ငူခရိုင် ကျောက်ကြီးမြို့နယ် မုန်းဒေသနယ်မြေ ရဲစခန်းအပိုင်တွင် မိခင်ဖြစ်သူမှ သားဖြစ်သူအား ၆၆ဃဖြင့် အမှုဖွင့် တိုင်ကြားမှု တစ်ခုဖြစ်ပွားခဲ့ကြောင်း သိရသည်။

ဖြစ်စဉ်မှာ မတ်လ ၂၀ ရက်နေ့ညနေ ၅ နာရီကျော်ခန့်က မုန်းနယ်မြေရဲစခန်း အနောက်မြောက်ဘက် ၂ ဖာလုံခန့်အကွာ၊ ၃ ရပ်ကွက်နေ မကြီး(ခ)မတင်တင်လှ ၄၄ နှစ်(ဘ)ဦးမြမောင် ကျဘမ်းလုပ်သူမှ ၄င်း၏သားဖြစ်သူ ၀ဏ္ဏဦး ၂၁ နှစ်(ဘ)ဦးအောင်နိုင်သိန်း ကျဘမ်းလုပ်၊ မုန်း(၃)ရပ်ကွက်နေသူအား PHICOMM အမျိုးအစား အဖြူရောင်ဖုန်းတစ်လုံးအား ၀ယ်ပေးထားခဲ့ကြောင်း သိရပြီး ထိုသို့ဝယ်ပေးထားသော ဖုန်းဖြင့် သားဖြစ်သူ ၀ဏ္ဏဦးက အွန်လိုင်းဖေ့ဘွတ်မှ “ငရဲမကြောက်သောငါ”၊“မင်းအနမ်းနှင့်အသက်ဆက်မဲ့သူ” အကောင့် ဖုန်းနံပါတ် ၀၉၄၄၉၆၇၁၁၂၆ ဖြင့် မိခင်ဖြစ်သူ မတင်တင်လှအား မကြားဝံ့မနာသာ ညစ်ပတ်သော စကားလုံးများဖြင့် ရေးသား၍ မိခင်ဖြစ်သူ၏ ဂုဏ်သိက္ခာညှိုးနွမ်းကျဆင်းစေသော ဓါတ်ပုံများဖြင့် ဖေ့ဘွတ်ပေါ်တွင် ဖြန့်ဝေခဲ့ကြောင်း ၂၀၁၇ ၊ မတ်လ ၁၉ ရက် နံနက် ၄ နာရီအချိန်ခန့်က မိခင်ဖြစ်သူ မတင်တင်လှမှ သူမ၏ဖေ့ဘွတ်အကောင့် HL HL တွင်တွေ့ရှိခဲ့ သောကြောင့် သားဖြစ်သူ ၀ဏ္ဏဦးအား အရေးယူပေး သူမကိုယ်တိုင်တရားလိုလုပ်ကာ မုန်းနယ်မြေရဲစခန်းတွင် အမှုဖွင့် တိုင်တန်းခဲ့ခြင်းဖြစ်သည်။

“ဖြစ်တာကတော့ သားလုပ်သူက မိခင်ဖြစ်သူဆီက အမွေတောင်းတာမရလို့ မိခင်နဲ့ပက်သက်တာတွေကို ပေါက်ကရတွေ ညစ်ညမ်းတဲ့ အရေးအသားအသားတွေကို ဖေ့ဘွတ်ပေါ်တင်တာကို မိခင်ဘက်က ဆွေမျိုးညီကိုမောင်နှမတွေ ကတွေ့တော့ မကျေနပ်ကျဘူးလေ အဲဒါကြောင့်မိခင်ကိုယ်တိုင် အမှူဖွင့်တိုင်ကြားတာပဲ ဖမ်းထားပြီးပါပြီ သက်သေခံပစ္စည်းတွေကို လည်းသိမ်း ဆည်းပြီး သက်ဆိုင်ရာကိုစစ်ဆေးဖို့ စီစဉ်နေပါတယ်"ဟုမြို့နယ် ရဲတပ်ဖွဲ့မှူးရုံးနှင့်နီးစပ်သူတစ်ဦးမှအတည်ပြုဖြေကြားခဲ့ပါသည်။

ဖြစ်စဉ်တိုင်တန်းချက်ကြောင့် ၀ဏ္ဏဦးအား မုန်းနယ်မြေရဲစခန်းမှ (ပ) ၁၆/၂၀၁၇၊ဆက်သွယ်ရေးပုဒ်မ ၆၆(ဃ)ဖြင့် အမှုဖွင့်အရေးယူကာ ဖမ်းဆီးထားခဲ့ပြီး တရားစွဲဆိုတင်ပို့နိုင်ရန်ဆောင်ရွက်လျှက် ရှိကြောင်းသိရသည်။

သတင်း၊ ဓာတ်ပုံ - ဖြိုးကိုလင်း(ညောင်ဝိုင်း)
5 Plus News
https://www.facebook.com/5plusnews/



မသင်္ကာဖွယ်လူ ၁၃ ဦး ဖမ်းဆီးရမိ
မတ် ၂၀ ၊ ၂၀၁၇

ရခိုင်ပြည်နယ် ဘူးသီးတောင်မြို့နယ် တင်းမေရွာ တောင်ကုန်းအနီးတွင် မတ် ၁၉ ရက် နံနက် ၇ နာရီတွင် မသင်္ကာဖွယ်ရာလူ (၁၃) ဦး ဖမ်းဆီးရမိကြောင်း သိရသည်။

ဘူးသီးတောင်မြို့နယ် တင်းမေရွာ အရှေ့ဘက် မီတာ ၄၀၀ ခန့်အကွာတွင် မသင်္ကာဖွယ် လူများစုဝေး ရောက်ရှိနေကြောင်း သတင်းအရနယ်မြေခံတပ်ရင်းနှင့် ရဲတပ်ဖွဲ့တို့မှ မတ် ၁၈ ရက် ည ၉ နာရီတွင် ကင်းပုန်းဝပ်ဆောင်ရွက်ခဲ့သည်။


မတ် ၁၉ ရက် နံနက် ၅ နာရီတွင် ထူးခြားမှုမရှိသဖြင့် ရွာမြောက်ဘက် တောင်ကုန်းများသို့ ဆက်လက်ရှာဖွေရာ နံနက် ၆ နာရီတွင် တောင်ကုန်းပေါ်မှ ဆင်းလာသော မသင်္ကာဖွယ်ရာ လူတစ်စုကို တွေ့ရှိ၍ မေးမြန်းစစ်ဆေးရန် ခေါ်ယူရာတွင် လာရောက်ခြင်းမရှိဘဲ ထွက်ပြေးခဲ့သဖြင့် လိုက်လံဖမ်းဆီး ခဲ့ရာ တင်းမေကျေးရွာနေ အဒူရှောရှီးအပါအဝင် မသင်္ကာဖွယ်လူ ၁၃ ဦးအား ဖမ်းဆီးရမိခဲ့ကြောင်း သိရသည်။

ဖမ်းဆီးရမိသူများအား ဥပဒေလုပ်ထုံးလုပ်နည်းများနှင့်အညီ အမှုဖွင့် အရေးယူဆောင်ရွက်နိုင်ရေး စီစဉ်ဆောင်ရွက်လျက်ရှိကြောင်း သိရသည်။

(နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom



ဖိလစ်ပိုင်သမ္မတ Rodrigo Duterte
ဖိလစ်ပိုင်နိုင်ငံသားတွေကို မြန်မာနိုင်ငံမှာ လုပ်ကိုင်စားသောက်ခွင့်ပေးထားတဲ့ မြန်မာအစိုးရကို ကျေးဇူးတင်ကြောင်း ဖိလစ်ပိုင်သမ္မတ Rodrigo Duterte က သူ့ရဲ့ချစ်ကြည်ရေးခရီးစဉ်အတွင်း ပြောကြားလိုက်ပါတယ်။ ဖိလစ်ပိုင်နိုင်ငံသားတွေနဲ့ နေပြည်တော်က ဟိုတယ်တခုမှာ တွေ့ဆုံစဉ် အာရှနိုင်သားအချင်းချင်း လူသားချင်းစာနာတဲ့ ဆက်ဆံမှုရှိဖို့နဲ့ မြန်မာနိုင်ငံမှာ ဖိလစ်ပိုင်နိုင်ငံရဲ့ စီးပွားရေးလုပ်ငန်းတွေ တိုးမြှင့်လုပ် ဆောင်သွားဖို့ သမ္မတ Duterte က သူ့နိုင်ငံသားတွေကို တိုက်တွန်းသွားပါတယ်။ ဒီအကြောင်းကို ကိုဉာဏ်ဝင်းအောင်က စုစည်းတင်ပြ ထားပါတယ်။

တနင်္ဂနွေနေ့ညက နေပြည်တော်ကို ဆိုက်ရောက်လာတဲ့ သမ္မတ ဒူတာတေးဟာ သူ့ခရီးစဉ်အတွင်း မြန်မာနိုင်ငံမှာရှိတဲ့ ဖိလစ်ပိုင်နိုင်ငံသား တွေနဲ့ သီးသန့်တွေ့ဆုံခဲ့တာပါ။ သူ့အနေနဲ့ မြန်မာအစိုးရကို ကျေးဇူးတင်ကြောင်း နေပြည်တော်က Horizon Lake View ဟိုတယ်မှာ ဖိလစ်ပိုင် နိုင်ငံသား ၂၀၀ ကျော်နဲ့တွေ့ဆုံစဉ် ဖိလစ်ပိုင်သမ္မတ ဒူတာတေးက ပြောဆိုသွားပါတယ်။

“ဖိလစ်ပိုင်နိုင်ငံသားတွေကို မြန်မာနိုင်ငံမှာ လုပ်ကိုင် စားသောက်ခွင့်ပေးထားတဲ့အတွက် မြန်မာအစိုးရကိုကျေးဇူးတင်ကြောင်း ပြော လိုပါတယ်။ အခက်အခဲတွေနဲ့ ရင်ဆိုင်နေရတဲ့ ကျနော်တို့ နိုင်ငံသားတွေကို အာရှညီအစ်ကို အချင်းချင်းကူညီတဲ့ လူသားချင်းစာနာတဲ့ စိတ်ကိုလည်း ကျနော်တို့ ဂုဏ်ပြုပါတယ်။ ဒါ့အပြင် အာဆီယံအဖွဲ့အစည်းမှာ ကျနော်တို့ နှစ်နိုင်ငံကြား ချစ်ခင်ရင်းနှီးမှုကိုလည်း ကျနော် ထောက်ခံအားပေးပါတယ် ”

မြန်မာနိုင်ငံမှာ ဖိလစ်ပိုင်နိုင်ငံသား ၁၈၅၀ နီးပါးရှိပြီး အများစုဟာ ယာယီနေထိုင်ခွင့် ဗီဇာတွေနဲ့ အလုပ်လုပ်နေကြတာပါ။ အဲဒီထဲက ၆၆ ဦး ကတော့ အမြဲတမ်းနေထိုင်ခွင့် ဗီဇာနဲ့ လုပ်ကိုင်နေထိုင် ကြတာဖြစ်ပါတယ်။ မြန်မာနိုင်ငံမှာ အလုပ်လုပ်နေကြတဲ့ ဖိလစ်ပိုင်နိုင်ငံသားတွေထဲမှာ အင်ဂျင်နီယာတွေ၊ ကျောင်းဆရာတွေ၊ လုပ်ငန်းအုပ်ချုပ်သူတွေ၊ ရှေ့နေတွေနဲ့ လူသားချင်းစာနာမှုဆိုင်ရာ အကူအညီပေးသူတွေ ပါဝင်ကြ ပါတယ်။ မြန်မာနိုင်ငံမှာ လာရောက်ရင်းနှီးမြှုပ်နှံတဲ့ ဖိလစ်ပိုင် စီးပွားရေးကုမ္ပဏီတချို့ရှိပြီး ဖိလစ်ပိုင်နိုင်ငံသား အများစုဟာ ရန်ကုန်မြို့မှာ နေထိုင် အလုပ်လုပ်ကြတာပါ။

ဖိလစ်ပိုင်နဲ့မြန်မာ နှစ်နိုင်ငံကြား သံတမန် ဆက်ဆံရေးကို ၁၉၅၆ ခုနှစ် စက်တင်ဘာလမှာ စတင်ထူထောင်ခဲ့တာကြောင့် အခုဆိုရင် အနှစ် ၆၀ ကျော်လာခဲ့ပြီဖြစ်ပါတယ်။ ဖိလစ်ပိုင်နိုင်ငံမှာ သမ္မတဒူတာတေး အာဏာရလာပြီးနောက်ပိုင်း မြန်မာနိုင်ငံကို ချစ်ကြည်ရေးခရီးစဉ်အဖြစ် အခုလို လာရောက် လည်ပတ်တာဟာ ပထမဆုံးအကြိမ်လည်း ဖြစ်ပါတယ်။ သမ္မတဖြစ်လာပြီးနောက်ပိုင်း မစ္စတာ ဒူတာတေးအနေနဲ့ အာရှ ၉ နိုင်ငံကို သွားရောက်လည်ပတ်ခဲ့ပြီး ထိုင်းနဲ့ မြန်မာနိုင်ငံတွေကို အခုမှ လာရောက်လည်ပတ်တာ ဖြစ်ပါတယ်။ ဖိလစ်ပိုင်နိုင်ငံတွင်း မူးယစ်ဆေးနှိမ်နင်းမှု အတွက် ရက်စက်တဲ့လုပ်ဆောင်မှုတွေကြောင့် အနောက်နိုင်ငံတွေရဲ့ ပစ်တင်ဝေဖန်မှုကို ခံခဲ့ရတဲ့ မစ္စတာဒူတာတေးက သူ့ရဲ့ နိုင်ငံခြားရေး ၀ါဒမှာ မြန်မာအပါအဝင် သူနှစ်သက်တဲ့နိုင်ငံနဲ့ ရင်းနှီးခိုင်မာတဲ့ ဆက်ဆံရေးတွေ တည်ဆောက်သွားမယ်လို့လည်း ဖိလစ်ပိုင်နိုင်ငံသားတွေနဲ့ တွေ့ဆုံပွဲမှာ ပြောသွားပါတယ်။

“ အခုချိန်ကစပြီး ကျနော်တို့အနေနဲ့ သီးခြားစွာ ရပ်တည်တဲ့ နိုင်ငံခြားရေးမူဝါဒကို ကျင့်သုံးသွားမှာပါ။ ကျနော့်အနေနဲ့ ကိုယ်နှစ်သက်တဲ့ တိုင်းပြည်နဲ့ ဆက်ဆံရေး ထားရှိသွားမှာပါ။ ဒါဟာ ကျနော်တို့အတွက် အထောက်အကူဖြစ်ပါတယ်။ ဒါကြောင့်လည်း ကျနော် မြန်မာနိုင်ငံကို အခုလို လာရောက်တာ ဖြစ်ပါတယ်။ ကျနော်တို့အနေနဲ့ တနိုင်ငံနဲ့ တနိုင်ငံ အပြန်အလှန် အကူအညီပေးနိုင်ပါတယ်။ ကျနော်တို့ကိုလည်း မြန်မာနိုင်ငံက အကူအညီပေးခဲ့ပြီး ဖြစ်ပါတယ်။ ဒါကြောင့် မြန်မာအစိုးနဲ့ မြန်မာပြည်သူတွေကို ကျေးဇူးပါတယ်။”

၂၀၁၃ ခုနှစ်တုန်းက ဖိလစ်ပိုင်နိုင်ငံမှာ မုန်တိုင်းအကြီးအကျယ်ကျရောက် ပျက်စီးခဲ့စဉ်က အရင်သမ္မတ ဦးသိန်းစိန်ကိုယ်တိုင် ဖိလစ်ပိုင်ကို သွားရောက်ပြီး မြန်မာရဲ့အကူအညီတွေ ပေးအပ်ခဲ့ပါတယ်။ အခုမတ်လ ၁၉ နဲ့ ၂၀ နှစ်ရက်ကြာ သမ္မတဒူတာတေးရဲ့ မြန်မာပြည်ခရီးစဉ် အတွင်း တနင်္လာနေ့မှာ သမ္မတဦးထင်ကျော်၊ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ရော တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ပါ သီးခြားစီ တွေ့ဆုံခဲ့ပါတယ်။ ဒေါ်အောင်ဆန်းစုကြည်နဲ့ တွေ့ဆုံစဉ် ပဋိပက္ခဖြစ်နေတဲ့ ရခိုင်ဒေသအတွက် လူသားချင်း စာနာမှုဆိုင်ရာ အကူအညီအဖြစ် ဒေါ်လာ ၃ သိန်း လှူဒါန်းသွားပါတယ်။ ဒေါ်အောင်ဆန်းစုကြည်ကလည်း ကျေးဇူးတင်ကြောင်း သ၀ဏ်လွှာတစောင်ကို မတ်လ ၂၀ ရက် နေ့စွဲနဲ့ ထုတ်ပြန်ခဲ့ ပါတယ်။

သမ္မတဒူတာတေးရဲ့ မြန်မာပြည် ခရီးစဉ်အတွင်း စားနပ်ရိက္ခာဖူလုံရေးနဲ့ စိုက်ပျိုးရေးကဏ္ဍတွေမှာ နှစ်နိုင်ငံ ပူးပေါင်းဆောင်ရွက် သွားနိုင်ရေး နားလည်မှု စာချွန်လွှာ MOU ကိုလက်မှတ်ရေးထိုးနိုင်ခဲ့ပါတယ်။ ဒါ့အပြင် စားသောက်ကုန် ထုတ်လုပ်ရေး လုပ်ငန်းတွေမှာလည်း ပူးပေါင်း လုပ်ဆောင် သွားဖို့ကိုလည်း ဆွေးနွေးခဲ့ကြပါတယ်။

လာမယ့် ဧပြီလကစလို့ အာဆီယံ အလှည့်ကျသဘာပတိဖြစ်လာမယ့် ဖိလစ်ပိုင်နိုင်ငံဟာ မနီလာမြို့မှာ အကြိမ် ၃၀ မြောက် အာဆီယံထိပ်သီး ညီလာခံ ကျင်းပဖို့ စီစဉ်နေပြီး အဲဒါမတိုင်ခင် ဖိလစ်ပိုင်သမ္မတ တယောက်အနေနဲ့ အာဆီယံ နိုင်ငံတချို့ကို သွားရောက်နေတာ ဖြစ်ပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
http://burmese.voanews.com