03/23/17


၂၀၁၇ မတ်လ ၂၂ ရက်နေ့ နံနက်ပိုင်းက မန္တလေးမြို့ ကျန်စစ်သားလမ်း ၇၁ လမ်းနှင့် ၇၂ လမ်းကြားတွင် ဆိုင်ကယ်ကယ်ရီသမားတဦး သေနတ်ဖြင့် ပစ်သတ်ခံရကာ ဦးခေါင်းကျည်ဆန်ဒဏ်ရာဖြင့် သေဆုံးသွား ကြောင်း သတင်းရရှိသည်။

ဖြစ်စဉ်မှာ ပြည်ကြီးတံခွန်မြို့နယ် (ခ) ရပ်ကွက်၊ ၇၁×၇၂ လမ်းကြား ညာဘက်ခြမ်းတွင် ဆိုင်ကယ်ကယ်ရီသမား တဦးမှာ Dayang CZI-125 ဆိုင်ကယ် ယာဉ်အမှတ် ၅၁ဃ/၈၇၅၂၈ ဆိုက်ကယ်အား ကျန်စစ်သားလမ်းအတိုင်း အရှေ့မှ အနောက်သို့ မောင်းနှင်လာစဉ် ၇၁ လမ်းနှင့် ၇၂ လမ်းအကြား အရောက် လမ်းညာဘက်အခြမ်းသို့ ထိုးကျသွားခဲ့ပြီး မောင်းနှင်သူသေဆုံးခဲ့ရာ မဟာဟိတကာရီ လူမှုကူညီရေးအသင်းက မန္တလေးဆေးရုံကြီးသို့ ပို့ဆောင်ခဲ့ကြောင်းသိရသည်။

မန္တလေးဆေးရုံကြီးက သေဆုံးသူအလောင်းကို PR (17/2017) ဖြင့် လက်ခံစစ် ဆေးခဲ့ရာ သေဆုံးသူအမည်မှာ ရဲဝင်းဖြစ်ပြီး နဖူးတွင် ကျည်ဆံထိမှန် သေဆုံးခဲ့ခြင်းဖြစ်ကြောင်း၊ ခွဲစိတ်စစ်ဆေး ချက်အရ ဦးခေါင်းအတွင်းမှ ကြေးရောင်ကျည်ဆံထိပ်ဖူး အလျား (၂ . ၇) စင်တီမီတာ၊ အကျယ်(၀.၅) စင်တီမီ တာခန့်ရှိ ကြေးရောင် ကျည်ဆံထိပ်ဖူး တခုအား တွေ့ရှိခဲ့ပြီး တရားခံဖမ်းဆီးရမိရေးဆောင်ရွက်လျက်ရှိကြောင်း သိရသည်။

ယင်းဖြစ်စဉ်နှင့်ပတ်သက်၍ ပြည်ကြီးတံခွန်မြို့မရဲစခန်းမှ (ပ) ၂၀၇ / ၂၀၁၇ ၊ ရာဇသတ်ကြီးပုဒ်မ - ၃၀၂ ဖြင့် အမှုဖွင့် စစ်ဆေးလျက်ရှိကြောင်း သိရသည်။

စိုင်းထူးခန့်
News Watch
https://www.facebook.com/NewsWatchJournal/



၇၁ လမ်းနဲ့ ၇၂ လမ်းကြား ကျန်စစ်သား လမ်းပေါ်မှာ ကိုရဲဝင်း ဆိုင်ကယ်မှောက်ခဲ့
မန္တလေးမြို့ ပြည်ကြီးတံခွန် မြို့နယ်မှာ မတ်လ ၂၂ ရက် မနက်ပိုင်းက ဆိုင်ကယ် စီးလာသူ တစ်ယောက် ဦးခေါင်းကို သေနတ် နဲ့ ပစ်ခံရလို့ ပွဲချင်းပြီး သေဆုံး သွားပါတယ်။

သေဆုံးသူက ၆၇ လမ်းနဲ့ ၆၈ လမ်းကြား၊ ကျန်စစ်သား လမ်းမှာ နေတဲ့ အသက် ၃၅ နှစ် အရွယ် ဆိုင်ကယ် တက္ကဆီ မောင်းသူ ကိုရဲဝင်း ဆိုသူဖြစ်တယ်လို့ သူ့မိသားစုဝင်က ဘီဘီစီကို ပြော ပါတယ်။

ကိုရဲဝင်းကို တွေ့တဲ့ လမ်းက လူတစ်ယောက်က သူဆိုင်ကယ်မှောက်လို့ သတိလစ်နေတယ်ဆိုပြီး ကိုရဲဝင်း ဖုန်းမှာ တွေ့တဲ့ သူငယ်ချင်း တစ်ယောက်ရဲ့ နံပတ်ကို ဆက်သွယ် အကြောင်းကြား ခဲ့တဲ့ အတွက် သူက တဆင့် မိသားစုကို လာခေါ်တာလို့ သေဆုံးသူရဲ့ညီ ကိုရဲထွန်းက ပြောပါတယ်။

ဘေးက တွေ့သူ တွေက ကိုရဲဝင်း ဆိုင်ကယ်စီး လာရာမှာ အရှိန်လွန်ပြီး အုတ်နံရံကို ဝင်တိုက် ခဲ့တာ မြင်ရတယ်လို့ ပြောကြောင်း သူက ဆိုပါတယ်။

ဒါပေမဲ့ သူ့ကို ခေါ်သွားခဲ့တဲ့ မန္တလေး ပြည်သူ့ ဆေးရုံကြီးက ပြောမှ ရိုးရိုး ဆိုင်ကယ် မှောက်တာ မဟုတ်ဘဲ သေနတ်မှန်ပြီး သေတယ် ဆိုတာ သိရ တယ်လို့ ကိုရဲထွန်းက ပြောပါတယ်။

ကိုရဲဝင်းကို တစုံ တစ်ယောက်က လုပ်ကြံ သတ်ဖြတ် တာလားဆိုတာကိုတော့ မိသားစုက သိချင်တယ်လို့ သူက ပြောပါတယ်။

ဒီအမှုကို လူသတ်မှု ပုဒ်မ ၃၀၂ နဲ့ သက်ဆိုင်ရာ နယ်မြေခံ ရဲတပ်ဖွဲ့က တရားလိုလုပ် အမှုဖွင့် ထားပြီး လက်သည်ကို စုံစမ်း နေ ပါတယ်။

BBC Burmese
http://www.bbc.com/burmese



 ဗြိတိသျှ ဝန်ကြီးချုပ် ထရီဇာ မေ
နေ့ခင်းက ပါလီမန်နားမှာ တိုက်ခိုက်မှု ဖြစ်ပြီးနောက် ဗြိတိသျှ ဝန်ကြီးချုပ် ထရီဇာ မေနဲ့ အစိုးရ အဖွဲ့ ဒေါင်းနင်းလမ်းမှာ ညတွင်းချင်း အရေးပေါ် အစည်းအဝေး ကျင်းပခဲ့ကြပါတယ်။

ဒီတိုက်ခိုက်မှုကို သိမ်ဖျင်း နုံချာတဲ့ လုပ်ရပ်ဖြစ်ကြောင်း ထရီဇာမေက ရှုတ်ချ လိုက်ပြီး သေဆုံး ဒဏ်ရာရသူတွေရဲ့ မိသားစုတွေနဲ့ အတူ ထပ်တူ ခံစားရကြောင်းလည်း သူက ဆိုပါတယ်။

ရဲနဲ့ လုံခြုံရေး ဝန်ထမ်းတွေက အင်မတန် ရဲရဲရင့်ရင့်နဲ့ အန္တရာယ်ကို ရင်ဆိုင်တွေ့ပြီး တာဝန်ကျေပွန်ခဲ့တဲ့အတွက်လည်း သူက ဂုဏ်ပြု ပြောဆိုခဲ့ပါတယ်။

ဘယ် အကြမ်းဖက်မှု မျိုးကိုမှ ဗြိတိန် အနေနဲ့ အရှုံးပေးမှာ မဟုတ်ဘူးလို့လည်း သူက ဆိုပါတယ်။

ဒီအကြမ်းဖက်မှု နောက်ကွယ်က အသေးစိတ် အချက်အလက်တွေလည်း ထွက်ပေါ် လာပြီလို့ သူက ဆိုပါတယ်။

ဗြိတိန် ကို အကြမ်းဖက် ရန် ပြင်းပြင်းထန်ထန် စိုးရိမ်ရတဲ့ အဆင့်မှာ ဆက်ထားမယ် လို့လည်း ထရီဇာမေက ဆိုပါတယ်။

အသေးစိတ်ကို ရဲက ဒီညမှာ ဆက်ထုတ်ပြန်ဖို့ ရှိပြီး တိုက်ခိုက်သူ တယောက် ရှိကြောင်း သူက အတည်ပြုပါတယ်။

လန်ဒန်က လူတွေကို ပုံမှန်အတိုင်း လုပ်ကိုင် လှုပ်ရှားကြဖို့နဲ့ အမုန်းတရားကြောင့် စည်းလုံးမှု မပြိုကွဲစေဖို့ ထရီဇာမေက ဆော်သြ လိုက်ပါတယ်။

BBC Burmese
http://www.bbc.com/burmese


လန်ဒန်မြို့တော်က ဗြိတိသျှပါလီမန် အနီး ဗုဒ္ဓဟူးနေ့ ညနေ အစောပိုင်းမှာ ဖြစ်ပွါးခဲ့တဲ့ တိုက်ခိုက်မှုကို အကြမ်းဖက်တိုက်ခိုက်မှု အဖြစ် အာဏာပိုင်တို့က ကိုင်တွယ်ဆောင်ရွက်နေပါတယ်။ တိုက်ခိုက်သူလို့ မသင်္ကာရသူနဲ့ ရဲအရာရှိတဦး အပါအဝင် လူအနဲဆုံး ၄ ဦး သေဆုံးကြောင်း စကော့တလန်ယာဒ် ရဲတပ်ဖွဲ့က အတည်ပြုပါတယ်။

လန်ဒန်မြို့တော်က ဗြိတိသျှပါလီမန် အနီး ဗုဒ္ဓဟူးနေ့ ညနေ အစောပိုင်းမှာ ဖြစ်ပွါးခဲ့တဲ့ တိုက်ခိုက်မှုကို အကြမ်းဖက်တိုက်ခိုက်မှု အဖြစ် အာဏာပိုင်တို့က ကိုင်တွယ်ဆောင် ရွက်နေပါတယ်။ သတင်းတွေ အရ တိုက်ခိုက်သူလို့ မသင်္ကာရသူနဲ့ ရဲအရာရှိတဦး အပါ အဝင် လူအနဲဆုံး ၄ ဦး သေဆုံးကြောင်း စကော့တလန်ယာဒ် ရဲတပ်ဖွဲ့က အတည်ပြု ပါတယ်။

တိုက်ခိုက်မှု လုပ်ဆောင်ရခြင်း အကြောင်းရင်းနဲ့ ပတ်သက်လို့ ဖြစ်နိုင်ချေအားလုံးကို ထည့်သွင်းစဉ်းစား လျက်ရှိပေမယ့် ဒီဖြစ်ရပ်ကို အကြမ်းဖက်မှု နှိမ်နင်းရေးဆိုင်ရာ စုံစမ်း စစ်ဆေးမှု အဖြစ် အပြည့်အဝ စတင်စုံစမ်းနေပြီဖြစ်ကြောင်း စကော့တလန်ယာဒ် ရဲချုပ် BJ Harrington က ဗုဒ္ဓဟူးနေ့ လန်ဒန်မှာ ကျင်းပတဲ့ သတင်းစာ ရှင်းလင်းပွဲမှာ ပြောကြား ခဲ့ပါတယ်။

ဒီတိုက်ခိုက်မှုကို လူတဦးတည်းကသာ လုပ်ဆောင်ခဲ့ကြောင်း ရဲအရာရှိတွေက ရည်ညွှန်းပြောကြားခဲ့ပေမယ့် နောက်ထပ် တိုက်ခိုက်သူတွေ ရှိမရှိကို အတည်ပြုနိုင်ဖို့ ဆက်လက် ရှာဖွေဆဲ ရှိပါတယ်။

လွှတ်တော်ဝင်းအတွင်း ရဲအရာရှိတဦးကို ဓါးနဲ့ ထိုးခဲ့တဲ့ တိုက်ခိုက်သူကို တခြားရဲအရာရှိတွေက သေနတ်နဲ့ ပစ်ခတ်ခဲ့ပြီးတဲ့ နောက်မှာ လွှတ်တော်ဝင်းရဲ့ အဝင်အထွက်ကို အရေးပေါ် ပိတ်ပစ်ခဲ့ပါတယ်။ ဒီဖြစ်ရပ်မတိုင်ခင်က ဓါးနဲ့ အထိုးခံရတဲ့ ရဲအရာရှိဟာ နောက်ပိုင်းမှာ ဒဏ်ရာတွေကြောင့် သေဆုံးသွားခဲ့ပါတယ်။ အနီးရှိ Westminster တံတားပေါ်မှာ ကားတစီးက လူအတော်များများကို ဝင်တိုက်ခဲ့တဲ့အတွက် အနဲဆုံး လူ၂ ဦးသေဆုံးပြီး နောက် ၈ ဦး ဒါဏ်ရာတွေ ရခဲ့ပါတယ်။

တိုက်ခိုက်မှုဟာ အဆင့် ၃ ဆင့်ခွဲ ကြံစည်မှု ဖြစ်ပုံရတယ်လို့ အကြီးတန်း ရဲအရာရှိတဦးက VOA ကို ပြောပါတယ်။

အောက်လွှတ်တော် အနီးရှိ Westminster တံတားပေါ်မှာ SUV ကားတစီးက ပလက်ဖေါင်းပေါ် တက်မောင်းခဲ့ပြီး လမ်းသွားလမ်းလာ တွေကို ကားနဲ့ ဝင်တိုက်ခဲ့တာ ကနေ စတင်ခဲ့တာ ဖြစ်ပါတယ်။

ဒါ့အပြင် အဲဒီ SUV ကားဟာ နန်းတော်ဟောင်းဝင်းရဲ့ ဂိတ်ဝ အနီးရှိတဲ့ ခြံစည်းရိုးတဝိုက် တခြား လမ်းသွားလမ်းလာတွေကိုလည်း ဝင်တိုက်ခဲ့တယ်လို့ ရဲဘက်က ပြောပါတယ်။ အဲဒီကားမောင်းသူဟာ ဂိတ်ဝထဲ ပြေးဝင်လာပြီး သူ့ကို ဟန့်တားဖို့ ကြိုးစားတဲ့ ရဲအစောင့် နဲ့တွေ့တဲ့အခါ ရဲကို ဓါးနဲ့ အကြိမ်များစွာ ထိုးခဲ့အပြီး တခြားရဲတွေက တိုက်ခိုက်သူ ကို သေနတ် နဲ့ ပစ်ခတ်ခဲ့တယ်လို့ အကြီးတန်း ရဲအရာရှိက ပြောပါတယ်။

လန်ဒန်စံတော်ချိန် နေ့လည် ၂ နာရီ ၃၈ မိနစ် မှာ သေနတ်သံကြားရချိန် က အောက် လွှတ်တော် အတွင်းမှာ အငြိမ်းစား လစာ ပြုပြင်ပြောင်းလဲ ရေး ဥပဒေမူကြမ်းကို လွှတ်တော် အမတ်တွေ ဆွေးနွေးနေချိန်ဖြစ်ပါတယ်။ သေနတ်သံ ၆ ကြိမ်လောက် ကြားခဲ့ရတယ်လို့ မျက်မြင်သက်သေတွေက ပြောပါတယ်။

ဝါရှင်တန်ဒီစီမှာတော့ သမ္မတ Donald Trump က ဗြိတိသျှ ဝန်ကြီးချုပ် Theresa May နဲ့ တယ်လီဖုံးနဲ့ ဆက်သွယ် စကားပြောရာမှာ သမ္မတကို လန်ဒန်မြို့ အခြေနေအကြောင်း ရှင်းလင်း ပြောကြားခဲ့တယ်လို့ အိမ်ဖြူတော်က ပြောပါတယ်။

ဗြိတိန်က အကြမ်းဖက် တိုက်ခိုက်မှုအဖြစ် သတ်မှတ်ထားတဲ့ Westminster တိုက်ခိုက်မှု ကို အမေရိကန်က ရှုံ့ချ ပြစ်တင်ကြောင်းနဲ့ ဗြိတိသျှ ရဲတွေရဲ့ လျှင်မြန်တဲ့ တုန့်ပြန်အရေးယူ မှုတွေကို ချီးကျူးကြောင်း အိမ်ဖြူတော် ပြောခွင့်ရ Sean Spicer ကပြောပါတယ်။ တိုက်ခိုက်မှု ဖြစ်ပွါးချိန်မှာ ဗြိတိသျှဝန်ကြီးချုပ် Theresa May ဟာ အောက်လွှတ်တော် ခန်းမ တဖက်ရှိ မဲပေးတဲ့ အဆောင်မှာ ရှိနေတာ ဖြစ်ပါတယ်။ သူ့ကို အရပ်ဝတ် သက်တော်စောင့်တွေက အောက်လွှတ်တော်အဆောက်ဦး အပြင်ဘက် ဘေးကင်းရာကို အမြန်ခေါ်ဆောင် သွားခဲ့ပါတယ်။

လွှတ်တော် အဆောက်အဦးနဲ့ Westminster တံတားရှိရာ ရှိရာဒေသတခုလုံးကို လက်နက် ကိုင်ရဲတွေက ပိတ်ထားလိုက်ပါတယ်။ တိုက်ခိုက်ချိန်မှာ အစည်းဝေးတက်နေတဲ့ လွှတ်တော် အမတ် အားလုံးကိုလည်း ဘေးကင်းရာသို့ ရွှေ့ပြောင်းပေးခဲ့ပါတယ်။

ဒီတိုက်ခိုက်မှုကို အကြမ်းဖက်မှုလို့ သတ်မှတ်မယ် ဆိုရင် ဒါဟာ ၂၀၁၃ မေလမှာ မူစလင် အစန်းရောက် အကြမ်းဖက်သမား လို့ သူ့ကိုယ်သူ ကြေညာထားသူ တဦးက လန်ဒန်မြို့လမ်းမပေါ်မှာ တာဝန်ချိန်ပြင်ပ ဗြိတိသျှစစ်သား Lee Rigby ကို ဓါးနဲ့ အသေ ခုတ်သတ် ခဲ့တဲ့ ဖြစ် ရပ်နောက်ပိုင်း ပထမဆုံး ဖြစ်ပွါးတဲ့ အကြမ်းဖက် တိုက်ခိုက် မှု ဖြစ် မှာပါ။

ဒါ့အပြင် ၁၉၇၉ ခုနှစ်က ထိုစဉ် ဝန်ကြီးချုပ် Margaret Thatcher ရဲ့ လူယုံတော် ရှေးရိုး စွဲ နိုင်ငံရေးသမား Airey Neave သေဆုံးခဲ့ရတဲ့ IRA အိုင်ယာလန် လက်နက်ကိုင် အဖွဲ့က အောက်လွှတ်တော်ကို ဗုံးခွဲမှုအပြီး ဒါဟာ အောက်လွှတ်တော်အနေနဲ့ အဆိုးဆုံး ဗုံးခွဲတိုက်ခိုက်ခံရမှု ဖြစ်ပါတယ်။

အခု နောက်ဆုံး ရရှိတဲ့ သတင်းတွေ အရ လန်ဒန်မြို့ အကြမ်းဖက်မှု နှိမ်နင်းရေး ရဲတပ်ဖွဲ့ အဆိုအရ တိုက်ခိုက်သူ အပါအဝင် လူ ၄ ဦး သေဆုံးပြီး တံတားပေါ်မှာ ကားနဲ့ အတိုက်ခံရလို့ သေဆုံးသူ တဦးဟာ အမျိုးသမီးဖြစ်တယ်လို့ သိရပါတယ်။ လူ ၂၀ ဒဏ်ရာရရှိရာမှာ ရဲအရာရှိ ၃ ဦး အပြင် အလည်အပတ်လာနေတဲ့ ပြင်သစ် အထက်တန်း ကျောင်းသားတွေလည်း ပါဝင်ကြောင်း သိရပါတယ်။

ဗွီအိုအေ (မြန်မာပိုင်း)
http://burmese.voanews.com



ဝန်ကြီးချုပ် ထရီဇာမေ ကတော့ ဘေးကင်း လုံခြုံစွာ ရှိတယ်လို့ ဒေါင်းနင်းလမ်း ဝန်ကြီးချုပ် နေအိမ်ကနေ ပြောပါတယ်။
လန်ဒန် မြို့လယ် ဝက်မင်စတာ တံတား တိုက်ခိုက်မှုမှာ အမျိုးသမီး တဦး သေဆုံးသွား ခဲ့ရပါတယ်။

ဗြိတိန် ပါလီမန် မှာ ရဲ တဦးလည်း ဓား ထိုးခံရပြီး ဒီဖြစ်ရပ်ဟာ အကြမ်းဖက် တိုက်ခိုက်မှု ဖြစ်တယ်လို့ ရဲတပ်ဖွဲ့က ပြောပါတယ်။

အဲဒီ ဓားနဲ့ တိုက်ခိုက် သူဟာ အစောပိုင်း တုန်းက ဝက်မင်စတာ တံတား ကို ကားနဲ့ ဖြတ်မောင်း လာပြီး ဘေး ခြံစည်းရိုး တွေတိုက်ကာ ပါလီမန်ထဲ ပြေးဝင်သွားခဲ့တာ ဖြစ်ပါတယ်။

အဲဒီနောက်မှာတော့ ရဲ တဦးကို ဓားနဲ့ ထိုးခဲ့တာပါ။

ဝန်ကြီးချုပ် ထရီဇာမေ ကတော့ ဘေးကင်း လုံခြုံစွာ ရှိတယ်လို့ ဒေါင်းနင်းလမ်း ဝန်ကြီးချုပ် နေအိမ်ကနေ ပြောပါတယ်။

အခုလို အဖြစ်အပျက် အတွင်း သေနတ်သံ ကြားလိုက်ရတဲ့ အချိန်မှာတော့ ဝန်ကြီးချုပ် ထရီဇာ မေဟာ ငွေရောင် ကား တစီးနဲ့ တနေရာကို ထွက်ခွာသွားတာ တွေ့ခဲ့ရပါတယ်။

ပါလီမန် အမတ်တွေ ရဲ့ ပြောကြားချက်အရ သေနတ်သံ သုံး လေး ချက် ကြားလိုက်ရတယ်လို့ ဆိုပါတယ်။ ပါလီမန် အထဲမှာ ရှိတဲ့ သူတွေကိုလည်း အထဲမှာ ပဲ နေကြဖို့ မှာကြားထားပါတယ်။

BBC Burmese
http://www.bbc.com/burmese



တရားမဝင်ဖမ်းဆီးရမိထားတဲ့ သစ်လုံးတွေကို တွေ့ရစဉ်။ Photo: မြဝတီ/ Facebook
ရှမ်းပြည်နယ်မြောက်ပိုင်း မဘိမ်းမြို့နယ်နဲ့ ကချင်ပြည်နယ် မံစီမြို့နယ် မံဝိန်းကြီးနယ်မြေမှာ ပြီးခဲ့တဲ့ ဇန်န၀ါရီလ ၁ရက်နေ့ကနေ မတ်လ ၂၀ရက်နေ့အထိ တရားမ၀င် သစ်တန်ချိန် ၂ထောင်ကျော်၊ ယာဉ်ယန္တရားမျိုးစုံ ၁၇၄ စီးနဲ့ တရုတ်နိုင်ငံသား ၁၁ ဦးအပါအ၀င် ၁၃ ဦးကို ဖမ်းဆီးရမိခဲ့တယ်လို့ တပ်မတော်က သတင်းထုတ်ပြန် ပါတယ်။

ပြီးခဲ့တဲ့ မတ်လ ၁၈ရက်နဲ့ ၁၉ရက်နေ့တွေမှာ မဘိမ်းမြို့နယ် တုံကွာကျေးရွာနဲ့ အရှေ့တောင်ဘက် ၆မိုင်ခွဲခန့် နဲ့ အနီးတ၀ိုက်မှာ သစ်မျိုးစုံ ခန့်မှန်း တန်ချိန် ၉၀၀ ကျော် ယာဉ်ယန္တရား ၁၃ စီးနဲ့ ဆက်စပ်ပစ္စည်းတွေကို ဖမ်းဆီးရမိခဲ့တယ်လို့ ထုတ်ပြန်ချက်မှာ ပါရှိပါတယ်။

နောက်ရက်မှာလည်း မဘိမ်းမြို့နယ် ကျောက်လုံးကြီးကျေးရွာတ၀ိုက်မှာ သစ်တန်ချိန် ၂၅၀ ကျော်နဲ့ ယာဉ်ယန္တရား ၁၀စီး၊ သစ်ခွဲစက် ၃လုံး နဲ့ ဆက်စပ်ပစ္စည်းတွေကို ပိုင်ရှင်မဲ့ ဖမ်းဆီးရမိထားတယ်လို့ သိရပါတယ်။

တရားမ၀င်ဖမ်းဆီးရမိတဲ့ သစ်အမျိုးအစားတွေက ကျွန်းသစ်လုံး၊ ပိတောက်/တမလန်းနဲ့ သစ်မာအမျိုးအစားတွေဖြစ် ပါတယ်။

အလားတူ မံဝိန်းကြီးနယ်မြေမှာ မတ်လ ၁၁ရက်နေ့ကနေ ၁၈ ရက်နေ့အတွင်း သစ်ခိုးထုတ်တဲ့ ယာဉ်မျိုးစုံ အစီးရေ ၁၄၇ စီးကို သိမ်းဆည်းရမိခဲ့တာဖြစ်တယ်လို့ သိရပါတယ်။

RFA Burmese
http://www.rfa.org/burmese



ဗြိတိန်လွှတ်တော် အဆောက်အဦး အပြင်ဘက်မှာ ပစ်ခတ်မှု ဖြစ်ပွားခဲ့တဲ့ သတင်းတွေနဲ့အတူ လန်ဒန်မြို့ ပါလီမန်အဆောက်အဦးကို လုံခြုံရေးအတွက် ပိတ်ဆို့တားဆီး ထားလိုက်ပါတယ်။ Westminster တံတားပေါ်မှာ သွေးအလိမ်းလိမ်းနဲ့ လူ၂ ယောက်ရဲ့ ဓာတ်ပုံတွေကိုတော့ Reuters သတင်းဌာနနဲ့ မျက်မြင်တွေ့သူတွေ က ဖော်ပြခဲ့ကြပါတယ်။

လန်ဒန် ရဲတပ်ဖွဲ့ကတော့ ပစ်ခတ်မှုအဖြစ် ကိုင်တွယ် ဆောင်ရွက်နေကြောင်းနဲ့ စုံစမ်းစစ်ဆေးနေကြောင်း ပြောပါတယ်။

အောက်လွှတ်တော် အကြီးအကဲ David Lidington ကတော့ တိုက်ခိုက်သူကို ရဲတပ်ဖွဲ့က ပစ်ခတ်ဖမ်းဆီးခဲ့ကြောင်းနဲ့ ပါလီမန်ဝန်းအတွင်း တခြားအကြမ်းဖက်လုပ်ရပ်တွေ ရှိခဲ့ကြောင်းလည်း ပြောပါတယ်။ ရဲတပ်ဖွဲ့ဝင်တယောက် ဓားနဲ့အထိုးခံခဲ့ရတယ် လို့လည်း ပြောဆိုခဲ့တာပါ။


AP သတင်းကတော့ Westminster တံတားပေါ်မှာ လူတော်တော်များများ ကားတိုက်ခံခဲ့ရကြောင်းလည်း မျက်မြင်တွေ့သူတွေကို ကိုးကားဖော်ပြခဲ့ပါတယ်။
VOA Burmese News


ကုလသမဂ္ဂ ဖွံ့ဖြိုးတိုးတက်မှုဆိုင်ရာအစီအစဉ် UNDP ရုံးမှာလုပ်တဲ့ရှင်းလင်းပွဲ
ကုလသမဂ္ဂ ဖွံ့ဖြိုးတိုးတက်မှုဆိုင်ရာအစီအစဉ် UNDP ရုံးမှာလုပ်တဲ့ရှင်းလင်းပွဲ
မြန်မာနိုင်ငံဟာ လူသားဖွံဖြိုးမှုဆိုင်ရာမှာ အလယ်အလတ်အဆင့်ကို ရောက်လာပြီလို့ ၂၀၁၆ ခုနှစ်အတွက် ကုလသမဂ္ဂ ကထုတ်ပြန်တဲ့ လူသားဖွံဖြိုးမှု အစီရင်ခံစာမှာ ဖော်ပြ ထား ပါတယ်။ ဒါပေမယ့်လည်း မြန်မာနိုင်ငံရဲ့ လူသားဖွံဖြိုးမှု အညွန်းကိန်း HDI ဟာ အာဆီယံဒေသတွင်း နိုင်ငံတွေနဲ့ နှိုင်းယှဉ်ရင်တောင်မှ အနိမ့်ဆုံး ရှိနေဆဲပါ။ HDI အညွှန်းကိန်း ဒီ့ထက် ပိုတိုးတက်ဖို့ ဆိုရင် ပညာရေးနဲ့ ကျန်းမာရေးကဏ္ဍတွေမှာ ဒီ့ထက်ပိုပြီး ရင်းနှီးမြုပ်နှံဖို့လိုတယ်လို့ အစီရင်ခံစာ ပြုစုရေးသားသူ Thomas Kring က ဒီကနေ့ ရန်ကုန်မြို့၊ ကုလသမဂ္ဂ ဖွံ့ဖြိုးတိုးတက်မှုဆိုင်ရာအစီအစဉ် UNDP ရုံးမှာလုပ်တဲ့ရှင်းလင်းပွဲအတွင်း ပြောပါတယ်။ အပြည့်အစုံကိုတော့ ရှင်းလင်းပွဲမှာ ကိုယ်တိုင် သွားရောက်သတင်းယူခဲ့တဲ့ ဗွီအိုအေမြန်မာပိုင်းသတင်းထောက် ကိုထက်အောင်က ပြောပြပေးမှာပါ။

နိုင်ငံအသီးသီးရဲ့ ပညာရေး လူ့သက်တမ်းနဲ့ ၀င်ငွေတို့ကိုတိုင်းတာပြီး ကုလသမဂ္ဂကနေ နှစ်စဉ် ရေးသားထုတ်ပြန်တဲ့ လူသားဖွံဖြိုး ရေးဆိုင်ရာ အညွန်းကိန်းမှာ မြန်မာနိုင်ငံအနေနဲ့ အလယ်အလတ်အဆင့်ထိ တိုးတက်လာတာပါ။ လူတိုင်းအတွက် လူသားဖွံဖြိုးမှု လို့ အမည်ပေးထားတဲ့ လူသားဖွံဖြိုးမှု အစီရင်ခံစာ ၂၀၁၆ မှာ မြန်မာနိုင်ငံရဲ့အဆင့်ကို UNDP ရဲ့ မြန်မာနိုင်ငံဆိုင်ရာ ဌာနေ ကိုယ်စားလှယ် Ms. Renata Lok Dessallien က အခုလိုပြောပါတယ်။

“လွန်ခဲ့တဲ့ငါးနှစ်အတွင်း မြန်မာနုိုင်ငံရဲ့ရမှတ်ဟာ ၅.၇% တိုးတက်ခဲ့ပါတယ်။ အမှတ်တက်လာတဲ့သဘောကတော့ မြန်မာ နုိုင်ငံဟာ အခုဆိုရင် နုိုင်ငံပေါင်း ၁၈၈ နုိုင်ငံထဲမှာ အဆင့် ၁၄၅ ကို ရောက်လာတာပါပဲ။ ရမှတ်နဲ့ အဆင့်တွေ တိုးတက်လာတာက သိပ်ကိုကောင်းတဲ့သတင်းပါ။ ဒါ့အပြင် အမှတ်တက်လာတာကြောင့် မြန်မာနုိုင်ငံဟာ လူသားဖွံ့ဖြိုးမှုဆိုင်ရာ နိမ့်ကျတဲ့အဆင့်ကနေ အလယ်အလတ်အဆင့်ကို ရောက်လာပြီဖြစ်ပါတယ်။”

ဒါပေမယ့်လည်း မြန်မာနိုင်ငံအနေနဲ့ လူသားဖွံဖြိုးမှု အညွှန်းကိန်းမှာ ဒေသတွင်း အာဆီယံနိုင်ငံတွေနဲ့နှိုင်းယှဉ်ရင်တောင်မှ အနိမ့်ဆုံး အခြေအနေမှာ ရှိနေသေးပြီး ကိုယ်ဝန်ဆောင် မိခင်တွေရဲ့ ကျန်းမာရေးနဲ့ ၅ နှစ်အောက်ကလေး သေဆုံးမှုမှာလည်း တောင်အာရှ ရဲ့ ပျမ်းမျှအဆင့်အောက်မှာ ရှိနေဆဲဖြစ်တာကို ဒီအစီရင်ခံစာမှာ ဖော်ပြထားပါတယ်။ ဒီလိုဖြစ်ရတဲ့အခြေအနေကို ရှင်းပြသူက တော့ အစီရင်ခံစာရေးသားသူတဦးလဲဖြစ်၊ UNDP ရဲ့ စီးပွားရေးဆိုင်ရာ အကြံပေးပုဂ္ဂိုလ်လဲဖြစ်တဲ့ Thomas Kring ကအခုလိုပြောပါတယ်။

“မြန်မာနုိုင်ငံဟာ အတိတ်ရဲ့ဒဏ်ကို သိပ်ခံစားနေရပါတယ်။ စီးပွားရေးကိုဖွင့်ပေးတယ်၊ နုိုင်ငံခြား ရင်းနှီးမြှုပ်နှံမှုတွေဝင်လာ တယ် စတာတွေတွေ့ရပါတယ်။ ဒါပေမယ့် လူသားဖွံ့ဖြိုးမှု အညွှန်းကိန်းဟာ သိပ်ကိုဖြေးနှေး တဲ့နှုန်းနဲ့ ပြောင်းလဲတဲ့အညွှန်းကိန်းပါ။ လူ့သက်တမ်းအကြောင်း ကျနော်တို့ပြောကြပါတယ်။ မွေးကင်းစကလေး သေဆုံးနှုန်းကိုလျှော့ချပြီး ဒီအပိုင်းကို တိုးတက်အောင် ခပ်မြန်မြန်လုပ်နုိုင်ပါတယ်။ ဒါပေမဲ့ ကဏ္ဍအားလုံး တိုးတက်ဖုို့ကတော့ အချိန်သိပ်ယူရပါတယ်။ နောက်တပိုင်းကတော့ ပညာရေး ပါ။ ဒီထဲမှာ ပညာစသင်တော့မယ့် ကလေးငယ်တွေရဲ့ပညာရေးပါသလို အရွယ်ရောက်ပြီးသူတွေရဲ့ ပညာရေးလဲ ပါပါတယ်။ လွန် ခဲ့တဲ့နှစ် ၂၀ က ကျောင်းထွက်သွားသူတွေရဲ့ ပညာရေးက တိုးတက်တော့မှာ မဟုတ်ပါဘူး။ ဆိုတော့ ဒါဟာ သိပ်နှေးတဲ့နှုန်း နဲ့ ပြောင်းလဲတဲ့ အညွှန်းကိန်းဖြစ်ပြီး နုိုင်ငံလူဦးရေ တယောက်ချင်းစီအနေနဲ့ အဆင့်မြင့်ပညာကို သင်ယူနုိုင်မှပဲ တိုးတက်နုိုင်မှာဖြစ်ပါ တယ်။”

ဒီအခြေအနေကနေ ပြောင်းလဲပြီး တိုးတက်ဖို့ လုပ်သင့်တာတွေကိုလဲ Thomas Kring က အခုလို အကြံပေး ပြောဆိုသွားပါတယ်။

“တိုးတက်ဖို့အတွက် ဘာလုပ်ရမလဲဆိုတာကတော့ ကျန်းမာရေးနဲ့ ပညာရေးကဏ္ဍတွေ မှာ ရင်းနှီးမြှုပ်နှံဖို့နဲ့ စီးပွားရေးဖွံ့ဖြိုးမှု ကနေ အားလုံး အကျိုးခံစားနုိုင်အောင် လုပ်ဖုို့ပါ။ အဲဒီလိုလုပ်မယ်ဆိုရင်တော့ မြန်မာနုိုင်ငံအနေနဲ့ ဒေသတွင်းနုိုင်ငံတွေကို အမီ လိုက်ပြီး တိုးတက်လာတာကို မြင်ရမှာ ဖြစ်ပါတယ်။”

တစ်ကမ္ဘာလုံးအတိုင်းအတာနဲ့ ကြည့်မယ်ဆိုရင်လည်း ၁၉၉၀ ကနေ ၂၀၁၅ ခုနှစ်အထိ နိုင်ငံအားလုံးမှာ ပျမ်းမျှ လူသားဖွံဖြိုးမှု တိုးတတ်လာပေမယ့်လို့ လူပေါင်း ၁.၅ ဘီလီယံ နီးပါးကတော့ ကျန်းမာရေး ပညာရေးနဲ့ လူမှုအဆင့်အတန်းတို့မှာ အားနည်းမှုတွေ နဲ့ ရင်ဆိုင်နေရပြီး ဆင်းရဲနွမ်းပါးမှု အခြေအနေမျိုးစုံ မှာ နေထိုင်နေရ ဆဲဖြစ်တယ် လို့ ဒီအစီရင်ခံစာမှာ ဖော်ပြထားပါတယ်။
VOA Burmese News



( ထိုင်း - မြန်မာ နယ်စပ်မှာရှိတဲ့ ဒုက္ခသည်စခန်းတစ်ခုကို တွေ့ရစဉ် ) Photo: Wai Mar Tun/RFA
ထိုင်း မြန်မာနယ်စပ် မယ်ဟောင်ဆောင်မြို့အနီးက ကရင်နီ ဒုက္ခသည်စခန်း အမှတ် ၁ က ဒုက္ခသည် တွေကို အခုမတ်လကုန်ကစလို့ အလှူရှင်တွေ ထောက်ပံ့ပေးနေတဲ့ ဆန်နဲ့ရိက္ခာ အကူအညီတွေကို အရင်က စားကုန်အဖြစ် ထုတ်ပေးနေရာကနေပြီး ပိုက်ဆံကဒ်အနေနဲ့ ပြောင်းလဲ ထုတ်ပေးသွားဖို့ စီစဉ်နေပါတယ်။
အရင်က ဒုက္ခသည်တစ်ယောက်ကို ဆန် ၉ ကီလိုနဲ့ အတူ ဆီ၊ ဆား၊ ပဲ၊ မီးသွေး စတဲ့ ရိက္ခာ ပစ္စည်းတွေကို လစဉ်အလှူရှင်တွေက ထောက်ပံ့ကူညီပေးနေတာဖြစ်ပါတယ်။

ထောက်ပံ့မှုတွေ လျှော့ချတဲ့အနေနဲ့ ရိက္ခာအစား ကုန်ကျမှုတွေကို ငွေသားအဖြစ်သတ်မှတ်ပြီး ပြောင်းလဲထုတ်ပေးဖို့ စီစဉ်နေတာဖြစ်တယ်လို့ ကရင်နီ ဒုက္ခသည် ကော်မတီ KNRC အဖွဲ့ရဲ့ အတွင်းရေးမှူး ၁ စောလူ့စီ က ပြောပါတယ်။

"အကူအညီတွေ လျှော့ချမယ်ဆိုတာ သူတို့က ဥပမာ ရိက္ခာဆိုလို့ရှိရင် သူက ရိက္ခာပုံစံမျိုးနဲ့ မပေးတော့ဘူး ဒါပေမယ့် သူတို့က ငွေဖြည့်ကဒ် ပုံစံမျိုးနဲ့ သူပေးမယ်၊ သူတို့ခေါ်တာက Cash for Smart Card လို့ခေါ်တယ်။ သူက အဲ့ Card ထဲမှာပဲ ပိုက်ဆံထည့်ပေးမယ်။ ဥပမာ မိသားစု တစ်စု ကုန်ကျစာရိတ် အကုန်လုံးက တစ်ယောက်ကို တစ်ထောင်ကျတယ်ဆိုလို့ရှိရင် သူ့မှာ ၅ ယောက်ရှိတယ်ဆို ၅ ထောင်ပေါ့။ အဲ့ဒီဟာကို သူက အဲ့ဒီ ကဒ်ထဲမှာပဲ သူထည့်ပေး မယ်။ စားကုန် အဖြစ်သူမပေးတော့ဘူး ပိုက်ဆံကဒ်အဖြစ်ပေးမှာပေါ့။ လူတွေက ဂိုဒေါင်မှာလာ ပြီးတော့ ဆန်ထုတ်စားရတယ် နောက် ရိက္ခာတွေ လာထုတ်တယ်ဆိုတာက ဂုဏ်သိက္ခာ သိပ့်မရှိဘူး အရင်တုန်းကဆိုလို့ရှိရင် အချိန်တိုတောအတွင်းမှာ ကယ်ဆယ်ရေး လုပ်ငန်းလုပ်တဲ့ သဘော တရားမျိုး ဖြစ်တယ်ပေါ့။ အခုအခါကြတော့ ရေရှည်ကြာသွားပြီ ဖြစ်တဲ့အခါကြတော့ လူ တွလည်း ဂုဏ်သိက္ခာရှိအောင်ပေါ့ ကဒ်နဲ့ပဲ သူက ပေးမယ်။ နောက်ပြီးတော့ မိသားစုတစ်စုမှာ ကြိုက်တဲ့အချိန် ဆိုင်မှာ သူသွားဝယ်လို့ရတာပေါ့နော် ကဒ်နဲ့ဝယ်လို့ရတဲ့ဆိုင်တွေ သူတို့ဖွင့်မယ် စခန်းထဲမှာ"

ထိုင်းနိုင်ငံရဲ့ ပြည်ထဲရေးဝန်ကြီးဌာနက ဒုက္ခသည်တွေကို ပုံစံသစ်နဲ့ ရိက္ခာထုတ်ပေးမှု အစီအစဉ် သစ်ကို ခွင့်မပြုသေးတာကြောင့် အမြန်ဆုံး အကောင်အထည်ဖော်နိုင်ဖို့ အလှူရှင် တွေက ညှိနှိုင်းနေကြတယ်လို့လည်း သိရပါတယ်။

ဒုက္ခသည်တွေကို ဆယ်စုနှစ်ပေါင်းများစွာ စားကုန်အဖြစ် ကူညီထောက်ပံ့လာခဲ့ရာကနေပြီး အခုလို ပိုက်ဆံကဒ်စနစ်နဲ့ ၀ယ်ယူသုံးစွဲခွင့်စနစ် ပြောင်းလဲလိုက်မယ်ဆိုရင် ထိုင်း နိုင်ငံရဲ့ ကုန်ဈေးနှုန်းမြင့် တက်မှုတွေနဲ့ ကြုံလာရရင် ဒုက္ခသည်တွေအနေနဲ့ အခက်ကြုံလာနိုင်ဖွယ် ရှိတယ်လို့လည်း စောလူ့စီ က သုံးသပ်ပါတယ်။

လက်ရှိ ထိုင်းမြန်မာနယ်စပ် မယ်ဟောင်ဆောင်ခရိုင်မြို့အနီးက ကရင်နီ ဒုက္ခသည်စခန်း အမှတ် ၁ နဲ့ အမှတ် ၂ မှာ ဒုက္ခသည်ဦးရေ တစ်သောင်းသုံးထောင်နီးပါး အိမ်ထောင်စု သုံးထောင်နီးပါး ရှိပါတယ်။

RFA Burmese
https://www.facebook.com/rfaburmese



ဗီယက်နမ်နိုင်ငံ တွင် မူးယစ်ဆေးဝါးအမှုဖြင့် ရုံးတင်စစ်ဆေးခံရသူအချို့အားတွေ့ရစဉ် (ဓါတ်ပုံ-အင်တာနက်)
    ဟနွိုင်း၊ မတ် ၂၂ ရက် (ဆင်ဟွာ)

    ဗီယက်နမ်နိုင်ငံ မြောက်ပိုင်း Hoa Binh ပြည်နယ် ရှိ ပြည်သူ့တရားရုံးက တရားမဝင် မူးယစ်ဆေးဝါးရောင်းဝယ်မှု၊ တရားမဝင် စစ်လက်နက်ပစ္စည်းများ လက်ဝယ်ကိုင်ဆောင်ထားရှိမှု နှင့် အခြားရာဇဝတ်မှု စွဲချက်များဖြင့် စွဲချက်တင်ခံထားသော မူးယစ်တရားခံ ၂၃ဦးအနက် တရားခံ ၉ဦးအား သေဒဏ်ချမှတ်ခဲ့ကြောင်း သိရသည်။

ပထမဆုံး ရုံးတင်စစ်ဆေးမှုအား ဖေဖော်ဝါရီ ၂၇ ရက်တွင် စတင်ပြုလုပ်ခဲ့ပြီး မတ်လ ၂၁ ရက်တွင် ပြီးဆုံးခဲ့ကြောင်း သိရသည်။ စစ်ဆေးမှုပြီးနောက် တရားခံ ၂၃ဦးသည် အလေးချိန် တစ်တန်ဝက်ရှိသည့် ဘိန်းဖြူကိတ်မုန့်အခု ၁၄၁၅ခုအား ၂၀၁၂ခုနှစ် နှင့် ၂၀၁၅ခုနှစ်အတွင်း ရောင်းဝယ်မှုတွင် ပါဝင်ခဲ့၍ အပြစ်ရှိသည်ကို တွေ့ရှိခဲ့ကြောင်း ပြည်တွင်းသတင်းစာ Quan Doi Nhan Dan (ပြည်သူ့စစ်တပ်) က မတ်လ ၂၂ ရက်တွင်ဖော်ပြခဲ့သည်။

တရားခံများအနက် ၉ဦးအား သေဒဏ်ချမှတ်ခဲ့ပြီး အခြား ၉ဦးအား တစ်သက်တစ်ကျွန်း၊ ၄ဦးအား ထောင်ဒဏ် ၁၇နှစ်မှ ၂၀နှစ်အထိ နှင့် အမျိုးသမီးတစ်ဦအား ရာဇဝတ်မှုများနှင့် ပတ်သက်၍ ရဲတပ်ဖွဲ့အား အသိပေးရန် ပျက်ကွက်မှုဖြင့် ထောင်ဒဏ် ၁၈ လ အသီးသီးချမှတ်ခဲ့ကြောင်း သိရသည်။

အဆိုပါ တရားခံများသည် တရားမဝင် စစ်လက်နက်ပစ္စည်းများ လက်ဝယ်ကိုင်ဆောင်ထားမှု နှင့် ရာဇဝတ်ကောင်များအား သိုဝှက်ပေးထားခြင်းစသည့် ပြစ်မှုများဖြင့်လည်း စွပ်စွဲပြစ်တင်ခံထားရကြောင်း သိရသည်။

ဗီယက်နမ်နိုင်ငံ၏ ဥပဒေအရ ဘိန်းဖြူ ၆၀၀ဂရမ်နှင့်အထက် (သို့) စိတ်ကြွဆေး ၂.၅ကီလိုဂရမ် အား ပိုင်ဆိုင်ထားကြောင်း (သို့) မှောင်ခိုကူးကြောင်း တွေ့ရှိပါက သေဒဏ်ချမှတ်ခံရမည်ဖြစ်ကြောင်း သိရသည်။

ထို့ပြင် ဘိန်းဖြူ ၁၀၀ ဂရမ် (သို့) အခြားတရားမဝင် မူးယစ်ဆေးဝါး ၃၀၀ ဂရမ်အား ထုတ်လုပ်ခြင်း (သို့) ရောင်းချပါက လည်း သေဒဏ်ချမှတ်ခံရမည်ဖြစ်ကြောင်း သိရသည်။

(Xinhua)
http://www.xinhuamyanmar.com



 ပြည်ပ ဆိုင်ကြီးတွေ ဝင်လာရင် ပြည်တွင်းဆီဆိုင်တွေ ထိခိုက်နိုင်
စက်သုံးဆီ လက်လီ ရောင်းချတဲ့လုပ်ငန်းကို နိုင်ငံခြားသားတွေကို လုပ်ပိုင်ခွင့်ပေးဖို့ အစိုးရသစ်က မူဝါဒ ချမှတ် ထားပြီး မကြာခင် အသေးစိတ် ထုတ်ပြန်ဖို့ရှိပါတယ် ။

ဆယ်စုနှစ် ပေါင်းများစွာ စက်သုံးဆီဆိုင် ဖွင့်လှစ်ပြီး လက်လီရောင်းချတဲ့လုပ်ငန်းကို အစိုးရကပဲ လုပ် ကိုင်ခဲ့တာ ပါ ။

သို့သော်လည်း ဦးသိန်းစိန်အစိုးရ တက်လာခါနီးမှာ စစ်အစိုးရက နိုင်ငံပိုင် စက်သုံးဆီ ဆိုင်တွေကို ပြည်တွင်း ပုဂ္ဂလိက လုပ်ငန်းရှင် တွေကို ရောင်းချခဲ့ပြီး စက်သုံးဆီ လက်လီရောင်း ချတဲ့ လုပ်ငန်းကို လုပ်ပိုင်ခွင့် ပေးခဲ့ပါတယ် ။

NLD အစိုးရ လက်ထက်မှာတော့ ဒီလုပ်ငန်းကို နိုင်ငံခြားသား လုပ်ငန်းရှင်တွေကို ၁ဝဝ ရာခိုင်နှုန်း လုပ်ပိုင်ခွင့်ပေးဖို့ ဆောင်ရွက်နေတယ်လို့ မြန်မာနိုင်ငံ ရင်းနှီးမြှုပ်နှံမှု ကော်မရှင် ဒုတိယ ညွှန်ကြားရေးမှူးချုပ် ဦးသန်းအောင်ကျော်က ဘီဘီစီကို ပြောပါတယ် ။

လက်ရှိ ရောင်းနေတဲ့ လုပ်ငန်းတွေ အနေနဲ့ နိုင်ငံတကာမှာ စက်သုံးဆီ ဈေးကျပေမယ့်လည်း ပြည်တွင်းမှာ ဈေးချမရောင်းတဲ့အတွက် စက်သုံးဆီရောင်းတဲ့ လုပ်ငန်းကို နိုင်ငံခြားသားတွေကို လုပ်ခွင့် ပြုမယ်လို့ မကြာခင် ရက်ပိုင်းက လုပ်ငန်းရှင်တွေနဲ့ တွေ့တဲ့အခါ ပြောကြားခဲ့ပါတယ် ။

နိုင်ငံခြားသားတွေကို ဒီလုပ်ငန်း လုပ်ပိုင်ခွင့်ပြုလိုက်မယ်ဆိုရင် ပြည်တွင်းက စက်သုံးဆီ ရောင်းတဲ့ လုပ်ငန်းအသေးလေးတွေ မယှဉ်နိုင်ဘဲ လုပ်ငန်းရပ်သွားနိုင်တယ်လို့ မြန်မာနိုင်ငံစက်သုံးဆီ ရောင်းချရေးအသင်း အတွင်းရေးမှူး ဒေါက်တာဝင်းမြင့် ကပြောပါတယ် ။

ဒီကိစ္စနဲ့ ပတ်သက်ပြီး လုပ်ငန်းရှင်တွေ အနေနဲ့ အစိုးရ တာဝန်ရှိသူတွေကို တွေ့ဆုံညှိနှိုင်းဖို့ စီစဉ်ထားတယ်လို့ သိရပါတယ် ။

ဒီစက်သုံးဆီ လက်လီရောင်းတဲ့ လုပ်ငန်းဟာ အကျိုးအမြတ်ရှိတဲ့ လုပ်ငန်း ဖြစ်သလို နှစ်စဉ် အခွန်ဆောင်တဲ့ လုပ်ငန်းတွေမှာ ထိပ်ဆုံးမှာ ရပ်တည်နေတဲ့ လုပ်ငန်းတခုဖြစ်ပါတယ် ။

BBC Burmese
http://www.bbc.com/burmese



တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တရုတ်နိုင်ငံသံအမတ် Mr. Hong Liangတို့ မတ်လ ၂၁ ရက်နေ့က နေပြည်တော် မှာ တွေ့ဆုံစဉ်။ Photo: Senior General Min Aung Hlaing/ Facebook
တရုတ်-မြန်မာ နယ်စပ်လုံခြုံရေးနဲ့ တည်ငြိမ်ရေးအတွက် လက်နက်ကိုင်အဖွဲ့တွေ စစ်ရေးအခြေအနေ ဖန်တီးနိုင်ခွင့် မရှိအောင် ပူးပေါင်းဆောင်ရွက်ဖို့ တရုတ်နိုင်ငံသံအမတ် Mr. Hong Liang ကို တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က မနေ့က ပြောကြားခဲ့ပါတယ်။

တရုတ်သံအမတ်နဲ့ ဗိုလ်ချုပ်မှူးကြီး မင်းအောင်လှိုင်တို့ဟာ နှစ်နိုင်ငံကုန်သွယ်ရေး၊ ဆက်ဆံရေးနဲ့ နယ်စပ် တည်ငြိမ်အေးချမ်းရေးကိစ္စတွေကို မနေ့က နေပြည်တော်မှာ တွေ့ဆုံဆွေးနွေးခဲ့ကြတာ ဖြစ်တယ်လို့ တပ်မတော် ကာကွယ်ရေးဦးစီးချုပ်ရုံးက သတင်းထုတ်ပြန်ထားပါတယ်။

အဲဒီလိုတွေ့ဆုံရာမှာ ၂၀၁၅ ခုနှစ်ကစပြီး ဒီနှစ်အတွင်း လောက်ကိုင်ဒေသမှာ ဖြစ်ပွားခဲ့တဲ့ စစ်ပွဲအခြေအနေတွေ ၊ နိုင်ငံတော်အစိုးရနဲ့ တပ်မတော်တို့ရဲ့ ငြိမ်းချမ်းရေးကမ်းလှမ်းမှုတွေကို ငြင်းပယ်ပြီး စစ်ရေးနည်းလမ်းကို သာ ရွေးချယ်လုပ်ဆောင်ခဲ့တဲ့အတွက် ဒေသခံတွေ နစ်နာမှုရှိနေသလို တပ်မတော်သားတွေ ထိခိုက်ကျဆုံးမှုတွေ ရှိနေကြောင်း ဗိုလ်ချုပ်မှူးကြီး မင်းအောင်လှိုင်က ပြောကြားခဲ့တယ်လို့ သိရပါတယ်။

ဒါ့အပြင် နှစ်နိုင်ငံကုန်သွယ်ရေးနဲ့ ဆက်ဆံရေးကို ထိခိုက်စေကြောင်းလည်း ပြောကြားခဲ့ပါတယ်။

တရုတ်သံအမတ် Mr. Hong Liang ကလည်း လက်ရှိလောက်ကိုင်ဒေသဖြစ်စဉ်တွေနဲ့ မြေပြင်မှာ အမှန် တကယ်ဖြစ်ပျက်နေတာတွေ နယ်စပ်ဒေသလုံခြုံရေးနဲ့ တည်ငြိမ်အေးချမ်းရေးအတွက် ပူးပေါင်းဆောင်ရွက်သွား မှာဖြစ်ကြောင်း ပြောကြားခဲ့ပါတယ်။

တရုတ်-မြန်မာနယ်စပ် လောက်ကိုင်ဒေသမှာ စစ်ရေးလှုပ်ရှားနေတဲ့ မြောက်ပိုင်းမဟာမိတ်အဖွဲ့တွေ ဖြစ်ကြတဲ့ MNDAA၊ KIA၊ AA၊ TNLA ခေါင်းဆောင်တွေဟာ ပြီးခဲ့တဲ့ရက်ပိုင်းက တရုတ်နိုင်ငံ အာရှရေးရာ အထူး ကိုယ်စားလှယ် မစ္စတာဆွန်ကောချန်းနဲ့ တရုတ်နိုင်ငံ ကူမင်းမြို့မှာ တွေ့ဆုံခဲ့ပြီး နယ်စပ်မှာဖြစ်ပွားနေတဲ့ တိုက်ပွဲတွေ အရှိန်လျှော့ချနိုင်ရေး ဆွေးနွေးခဲ့ပါတယ်။

RFA Burmese
http://www.rfa.org/burmese


မတ် ၂၂ ရက်၊ ၂၀၁၇ ခုနှစ်။ ကေအိုင်စီ

ကေအဲန်ယူ-ကရင်အမျိုးသားအစည်းအရုံး တောင်ငူခရိုင် ထန်းတပင်မြို့နယ် တောကုန်းရွာအနီး ဒေသခံလူ ထုများ ကိုယ်ထူကိုယ်ထပြုလုပ်ထားသည့် ဂိတ်တစ်ခုအား ဒေသတွင်းရှိ မြန်မာ တပ်မတော်မှ မတ်လ ၁၆ ရက်နေ့ညနေပိုင်းက လာရောက်ဖျက်ဆီးမှုဖြစ်ပွားခဲ့ကြောင်း ကေအဲန်ယူ တောင်ငူခရိုင် တာဝန်ရှိသူများ၏ ပြောပြချက်အရ သိရသည်။

အဆိုပါ ဂိတ်မှာ ဒေသတွင်း အရက်သေစာနှင့် မူးယစ်ဆေးဝါး ၀င်ရောက်လာမှုများအား တားဆီးနိုင်ရေးအ တွက် ဒေသခံများကိုယ်တိုင် ကိုယ်ထူကိုယ်ထပြုလုပ်ထားသည့် ဂိတ်တစ်ခုဖြစ်ကာ ထိုနေ့ကဖြစ်ပွားခဲ့သည့် ဖြစ်စဉ်များနှင့်ပတ်သက်၍ ကေအဲန်ယူ တောင်ငူခရိုင် အတွင်းရေးမှူး ပဒိုသောတူထူးက ယခုလို ပြောသည်။

“ဒီဂိတ်က ဒေသခံတွေ ကိုယ်ထူကိုယ်ထနဲ့ လုပ်ထားတဲ့ ဂိတ်ဖြစ်ပြီး တစ်နှစ်နီး ပါးလောက် ရှိနေပြီ။ အဲဒါကို မတ်လ ၁၆ ရက်နေ့ ညနေ ၄နာရီကျော်အချိန်လောက်မှာ ဒေသတွင်းမှာရှိတဲ့ မြန်မာ့တပ်မတော်က ခလရ ၂၆ တပ်ရင်းမှူး အေးသူရကျော်ပါတဲ့ အင်အား ၂၀ လောက်က လာရောက်ဖျက်ဆီးတာလို့ သိရတယ်။ ”ဟု ပြောသည်။

ကေအဲန်ယူ တောင်ငူခရိုင် တာဝန်ရှိသူများ၏ ပြောဆိုမှုများအရ မြန်မာ့တပ်မတော်အနေဖြင့် ကေအဲန်ယူ တောင်ငူခရိုင်ဘက်မှ CoC (Code of Conduct) အရ ၀င်ရောက်ရန် တားမြစ်ထားသည့် တပြေး-တောကုန်း-ရှားဇီးဘို လမ်းကြောင်းမှ အသိမပေးဘဲ ၀င်ရောက်ခဲ့ခြင်းဖြစ်ပြီး ယင်းနယ်မြေမှာ ကေအဲန်ယူဘက်မှ အပစ် ရပ်နယ်မြေအဖြစ် သတ်မှတ်ထားသည့် နယ်မြေဖြစ်သလို နှစ်ဖက်အုပ်ချုပ်ရေးရှိသည့်နယ်မြေ လည်းဖြစ်သည်ဟု သိရသည်။

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (အန်စီအေ)တွင် ပါဝင်သည့် အပစ်ရပ် နယ်မြေများအတွင်း နှစ်ဖက်တပ်များမှ အရပ်သားပြည်သူများ အပေါ် လိုက်နာရမည့် ကျင့်ဝတ်စည်းကမ်းများ နှင့် စစ်ဖက်ဆိုင်ရာ ကျင့်ဝတ်များရှိပြီး ဖြစ်သလို နှစ်ဖက်တပ်များ အန်စီအေ ဖော်ဆောင်မှုများကို လေ့လာစောင့်ကြည့်ရန် အတွက် ပြည်နယ်အဆင့် JMC-S အဖွဲ့များကိုလည်း ဖွဲ့စည်းထားပြီးဖြစ်သည်။

အမည်မဖော်လိုသူ ဒေသခံ ရွာသားတစ်ဦးက “အခု ဖြစ်တဲ့နေရာက ကေအဲန်ယူရဲ့ ထိုလွီဝါးစာသင် ကျောင်း နားမှာဖြစ်တယ်။ လာဖျက်သွားတာက စစ်တပ်ရဲ့အကြောင်းပြချက်ကတော့ ဒါမျိုးဂိတ်ကို အလိုမရှိဘူးလို့ အဲဒါပါပဲ။ ဂိတ်ကတော့ ရွာသားဂိတ်လို့ ပြောနိုင်သလို ကေအဲန်ယူရဲ့ ဂိတ်လို့လည်း ပြောရင်လည်း ပြောနိုင် တယ်။ ဘာဖြစ်လို့လဲဆိုတော့ တစ်ခါတစ်လေ ကေအဲန်ယူ စစ်သားစောင့်တာလည်းတွေ့ရတယ်။ ကေအဲန်ယူ ရဲ့ လူတစ်ယောက်ကိုလည်း စစ်တပ်က ဖမ်းခေါ်သွားသေးတယ်။ နောက်မှပြေလည်သွားလို့ ပြန်လွှတ်လိုက် တယ်လို့ ကြားတယ်။ တစ်ဖွဲ့နဲ့တစ်ဖွဲ့ အမြင်မတူကြလို့ပဲ ထင်တယ်။”ဟု ကေအိုင်စီသို့ ပြောသည်။

ကေအဲန်ယူ-ကရင်အမျိုးသားအစည်းအရုံးအနေဖြင့် အန်စီအေ လက်မှတ်ရေးထိုးထားပြီး JMC အဖွဲ့များ ဖွဲ့စည်းထားသော်လည်း တပ်ပိုင်းဆိုင်ရာ နေရာချထားရေးကိစ္စရပ်များကို တိကျစွာ ဆွေးနွေးနေရာချထားသတ်မှတ်နိုင်ခြင်းမရှိသည့်အတွက် JMC အဖွဲ့၏ လုပ်ငန်းလုပ်ဆောင်မှုများတွင် အခက်အခဲများရှိနေသေးကြောင်း ဝေဖန်ပြောဆိုမှုများလည်း ရှိနေသည်။

“အခုကိစ္စက တပ်ပိုင်းဆိုင်ရာကိစ္စနေရာချထားရေးကို သေသေချာချာမလုပ် ဆောင်နိုင် သေးတဲ့အတွက် JMC အနေနဲ့ နှစ်ဖက်က ဒီစာချုပ်ပါ အချက်တွေကို ဘယ်လောက် လိုက်နာလဲ။ ဘယ်လို စံနှုန်းတွေနဲ့ ချိန်ပြီးအရေးယူလုပ်ဆောင်မလဲဆိုတဲ့ အခက်အခဲရှိလိမ့်မယ်”ဟု ကေအဲန်ယူ တောင်ငူခရိုင် အတွင်းရေးမှူး ပဒို စောသောတူထူးက ပြောသည်။

ယခုဖြစ်ပွားခဲ့သည့် ဖြစ်စဉ်များနှင့်ပတ်သက်၍ ကေအဲန်ယူ တောင်ငူခရိုင်ဘက်မှ ဗဟို၏ လမ်းညွှန်မူများနှင့် အညီ နှစ်ဖက်ညှိနှိုင်းဖြေရှင်းသွားမည်ဖြစ်ပြီး လာမည့် ငြိမ်းချမ်းရေး ဖြစ်စဉ်များတွင် အဆိုပါ CoC ကိစ္စရပ်များကို သတ်သတ်မှတ်မှတ်၊ တိတိကျကျ အကောင်အထည်ဖော်ပေးသွားရန် လိုလားကြောင်းလည်း ဒေသခံ လူထုများက ပြောဆိုမှုများရှိသည်။

 ကေအိုင်စီ
http://kicnews.org



IS ခြိမ်းခြောက်မှုကြောင့် လေကြောင်းတင်းကြပ်
IS စစ်သွေးကြွတွေ ထုတ်လုပ်မယ့်တဲ့ဗုံးကြောင့် အမေရိကန် အာဏာပိုင်တွေ စိုးရိမ်ပူပန်ရာက အရှေ့အလယ်ပိုင်းဒေသ ၆ နိုင်ငံကလာမယ့် လေယာဉ်ခရီးစဉ်တွေမှာ၊ အီလက်ထရောနစ်ပစ္စည်း ကြီးကြီးတွေ သယ်ဆောင်ခွင့်မပြုဖို့ တားမြစ်လိုက်တာလို့ အမေရိကန် သတင်းတွေမှာ ဖော်ပြနေကြပါတယ်။

ခရီးဆောင် Laptop ကွန်ပြူတာ ဘက်ထရီထဲမှာ ၀ှက်ထည့်ထားနိုင်လောက်အောင် အရွယ်အစား သေးငယ်တဲ့ ဗုံးအမျိုးအစားကို IS အစွန်းရောက်တွေ ထုတ်လုပ်ဖို့ စီစဉ်နေတာကို တန်ပြန်ကာကွယ်တဲ့ အနေနဲ့ ညွှန်ကြားချက် ထုတ်ပြန်လိုက်တာ ဖြစ်ကြောင်း အမည်မဖော်လိုသူ သတင်းရင်းမြစ်တွေကို ကိုးကားပြီး New York Times သတင်းစာက ဖော်ပြပါတယ်။

အမေရိကန်ကိုလာမယ့် လေယာဉ်တွေပေါ်မှာ ဖောက်ခွဲရေးပစ္စည်းတွေ လျို့ဝှက်သယ်ယူနိုင်အောင် IS စစ်သွေးကြွတွေ ကြိုးပမ်းနေတဲ့အကြောင်း အမေရိကန်က ထောက်လှမ်းရေး သတင်းတွေ ရရှိထားကြောင်းလည်း ABC သတင်းက ပြောပါတယ်။ ရရှိထားတဲ့ သတင်းတွေဟာ ခိုင်မာပြီး၊ ယုံကြည်လောက်တဲ့ အချက်အလက်တွေ ပါဝင်ကြောင်းလည်း အစိုးရတာဝန်ရှိသူတဦးက ABC သတင်းဌာနကို ပြောဆိုခဲ့တာပါ။

အမေရိကန် သယ်ယူပို့ဆောင်ရေး လုံခြုံရေးအေဂျင်စီ TSA ကတော့ ခြိမ်းခြောက်မှုတစုံတရာ ရှိတာကြောင့် တားမြစ်ချက် ထုတ်ပြန်တာမဟုတ်ပဲ၊ အရပ်ဖက် လေကြောင်းလိုင်းတွေကို အကြမ်းဖက်ဝါဒီ အုပ်စုတွေက တိုက်ခိုက်ဖို့ ဆက်လက် ကြံစည်နေဆဲဖြစ်ကြောင်း ထောက်လှမ်းရေး သတင်းတွေအရ အမိန့်ထုတ်ပြန်ခဲ့တာဖြစ်ကြောင်း ပြောဆိုခဲ့ပါတယ်။

ခရီးသွားတွေ အနေနဲ့ လက်ကိုင်ဖုန်းထက် အရွယ်အစား ပိုကြီးတဲ့ အီလက်ထရောနစ်ပစ္စည်းတွေကို လူနဲ့အတူသယ်ယူခွင့်မပြုပဲ ခရီးဆောင်အိတ်ထဲမှာထည့်ပြီး အပ်နှံကြရမှာပါ။ လက်ကိုင်ဖုန်းတွေကိုတော့ လိုအပ်ချက်အရ တားမြစ်မှုမလုပ်ဖို့ ဆုံးဖြတ်ခဲ့ကြောင်းလည်း TSA ကပြောပါတယ်။

တားမြစ်မိန့် ထုတ်ပြန် လိုက်တဲ့ လေဆိပ်တွေ ကတော့ ဂျော်ဒန်နိုင်ငံက Queen Alia အပြည်ပြည်ဆိုင်ရာလေဆိပ်၊ အီဂျစ်နိုင်ငံက ကိုင်ရိုအပြည်ပြည်ဆိုင်ရာလေဆိပ်၊ တူရကီနိုင်ငံက Ataturk အပြည်ပြည်ဆိုင်ရာလေဆိပ်၊ ဆော်ဒီနိုင်ငံက King Abdul-Aziz အပြည်ပြည်ဆိုင်ရာလေဆိပ်နဲ့ King Khalid အပြည်ပြည်ဆိုင်ရာလေဆိပ်၊ ကူဝိတ် အပြည်ပြည်ဆိုင်ရာလေဆိပ်၊ မော်ရိုကိုနိုင်ငံက Mohammed V လေဆိပ်၊ မြန်မာနိုင်ငံသားတွေ သွားလာလေ့ရှိတတ်တဲ့ ကာတာနိုင်ငံက Hamad အပြည်ပြည်ဆိုင်ရာလေဆိပ်၊ ဒူဘိုင်း အပြည်ပြည်ဆိုင်ရာ လေဆိပ်နဲ့ UAE က Abu Dhabi အပြည်ပြည်ဆိုင်ရာ လေဆိပ်တို့ ဖြစ်ကြပါတယ်။

ဗွီအိုအေ (မြန်မာပိုင်း)
http://burmese.voanews.com



ရှမ်းတိုင်းရင်းသားလူမျိုးရေးရာဝန်ကြီး ဦးစိုင်းစိန်လင်း ကို ကချင်ပြည်နယ် လွှတ်တော်မှာ ၂၀၁၇ ခုနှစ် မတ်လ ၂၂ ရက်နေ့ကတွေ့ရစဉ်။ Photo: Kyaw Myo Min/RFA
ကချင်ပြည်နယ်အတွင်းက တိုင်းရင်းသားလူမျိုးတွေရဲ့ ရိုးရာ စာပေယဉ်ကျေးမှုတွေ မပျောက်ပျက်စေဖို့နဲ့ ရသင့်ရထိုက်တဲ့ အခွင့်အရေးတွေကို ဥပဒေပြဋ္ဌာန်း အတည်ပြုပေးနိုင်ဖို့ ဆောင်ရွက်နေကြောင်း ကချင်ပြည်နယ် ရှမ်းတိုင်းရင်းသားလူမျိုးရေးရာဝန်ကြီး ဦးစိုင်းစိန်လင်း က ဒီနေ့ ပြောပါတယ်။

ဆော့်လော်မြို့နယ် ပြည်နယ်လွှတ်တော် ကိုယ်စားလှယ် ဒေါ်ရှီးဇော်လွမ်းလမ်း က တိုင်းရင်းသား အရေး ဆိုင်ရာကိစ္စ တွေမှာ တိုင်းရင်းသားရေးရာ ဝန်ကြီးတွေလက်ရှိ ဆောင်ရွက်နေတဲ့ အခြေအနေတွေ၊ ရှေ့လုပ်ငန်း စီမံချက်တွေနဲ့ ပတ်သက်ပြီး ပြည်နယ်လွှတ်တော်မှာ ဒီကနေ့မေးမြန်းရာ ဦးစိုင်းစိန်လင်း က ဖြေကြားခဲ့တာဖြစ် ပါတယ်။

"တိုင်းရင်းသားလူမျိုးများရဲ့ စာပေတွေကို စာသင်ကျောင်းများတွင် သင်ကြားပေးနိုင်ရန်နှင့် ထောက်ပံ့မှု များရရှိနိုင်အောင် ဆောင်ရွက်ခြင်းများ၊ ရိုးရာယဉ်ကျေးမှု ပွဲလမ်းသဘင်မျာ၊ နေ့ထူးနေ့မြတ်များ၊ အထိမ်း အမှတ်နေ့များကို ဥပဒေပြဌာန်း အတည်ပြုပေးနိုင်ရန် စီမံဆောင်ရွက်လျှက်ရှိပါသည်"

၂၀၁၇-၂၀၁၈ ဘဏ္ဍာရေးနှစ်ကစပြီး တိုင်းရင်းသားစာပေနဲ့ ယဉ်ကျေးမှုဦးစီးဋ္ဌာနနဲ့ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဋ္ဌာန နှစ်ခု ကို ပြည်နယ်နဲ့ တိုင်းဒေသကြီးတွေမှာ ဖွဲ့စည်းသွားမှာဖြစ်ပါတယ်။

အဲဒီဦးစီးဋ္ဌာနနှစ်ခုကို အခု နှစ်ဖေဖော်ဝါရီလက မွန်ပြည်နယ်မှာ စတင်ဖွင့်လှစ်နိုင်ခဲ့ပြီး ရခိုင်၊ ရှမ်း နဲ့ ကချင်ပြည်နယ်တွေမှာလည်း ဦးစီးဋ္ဌာနတွေကို ဆက်လက်ဖွင့်လှစ်ပြီး တိုင်းရင်းသားအရေးဆိုင်ရာ ကိစ္စတွေကို ထိရောက်စွာဆောင်ရွက်ဖို့ စီစဉ်နေတယ်လို့သိရပါတယ်။

ကချင်ပြည်နယ် လွှတ်တော်ရဲ့ တိုင်းရင်းသားလူမျိုးများအရေးဆိုင်ရာကော်မတီ အတွင်းရေးမှူး ဦးဇခေါင်ခမ်းရယ် က ကော်မတီအနေနဲ့ ပြည်နယ်အတွင်း တိုင်းရင်းသားအားလုံးရဲ့ အရေးကိစ္စတွေကို ထိရောက်အောင် မဆောင်ရွက်နိုင်ခဲ့ဘူးလို့ ကော်မတီရဲ့ နှစ်ချုပ်အစီရင်ခံစာ ကို ဒီကနေ့လွှတ်တော်မှာ ဖတ်ကြားတဲ့အခါ ထည့်သွင်းပြောကြားခဲ့ပါတယ်။

တိုင်းရင်းသားလူမျိုးပေါင်းစုံ နေထိုင်တဲ့ ကချင်ပြည်နယ်မှာ တစ်နိုင်ငံလုံးလူဦးရေးစုစုပေါင်း ရဲ့ ၅ သောင်း နဲ့ အထက်ရှိတဲ့ ရှမ်း၊ ဗမာ၊ ရဝမ်၊ လီဆူ စတဲ့ လူမျိုးတွေကရွေးချယ်ထားတဲ့ တိုင်းရင်းသား လူမျိုးရေးရာဝန်ကြီး ၄ ဦးရှိပါတယ်။

RFA Burmese
http://www.rfa.org/burmese


တရားမဝင်ဖမ်းဆီးရမိထားတဲ့ သစ်လုံးတွေကို တွေ့ရစဉ်။ Photo: မြဝတီ/ Facebook
ရှမ်းပြည်နယ်မြောက်ပိုင်း မဘိမ်းမြို့နယ်နဲ့ ကချင်ပြည်နယ် မံစီမြို့နယ် မံဝိန်းကြီးနယ်မြေမှာ ပြီးခဲ့တဲ့ ဇန်န၀ါရီလ ၁ရက်နေ့ကနေ မတ်လ ၂၀ရက်နေ့အထိ တရားမ၀င် သစ်တန်ချိန် ၂ထောင်ကျော်၊ ယာဉ်ယန္တရားမျိုးစုံ ၁၇၄ စီးနဲ့ တရုတ်နိုင်ငံသား ၁၁ ဦးအပါအ၀င် ၁၃ ဦးကို ဖမ်းဆီးရမိခဲ့တယ်လို့ တပ်မတော်က သတင်းထုတ်ပြန် ပါတယ်။

ပြီးခဲ့တဲ့ မတ်လ ၁၈ရက်နဲ့ ၁၉ရက်နေ့တွေမှာ မဘိမ်းမြို့နယ် တုံကွာကျေးရွာနဲ့ အရှေ့တောင်ဘက် ၆မိုင်ခွဲခန့် နဲ့ အနီးတ၀ိုက်မှာ သစ်မျိုးစုံ ခန့်မှန်း တန်ချိန် ၉၀၀ ကျော် ယာဉ်ယန္တရား ၁၃ စီးနဲ့ ဆက်စပ်ပစ္စည်းတွေကို ဖမ်းဆီးရမိခဲ့တယ်လို့ ထုတ်ပြန်ချက်မှာ ပါရှိပါတယ်။

နောက်ရက်မှာလည်း မဘိမ်းမြို့နယ် ကျောက်လုံးကြီးကျေးရွာတ၀ိုက်မှာ သစ်တန်ချိန် ၂၅၀ ကျော်နဲ့ ယာဉ်ယန္တရား ၁၀စီး၊ သစ်ခွဲစက် ၃လုံး နဲ့ ဆက်စပ်ပစ္စည်းတွေကို ပိုင်ရှင်မဲ့ ဖမ်းဆီးရမိထားတယ်လို့ သိရပါတယ်။

တရားမ၀င်ဖမ်းဆီးရမိတဲ့ သစ်အမျိုးအစားတွေက ကျွန်းသစ်လုံး၊ ပိတောက်/တမလန်းနဲ့ သစ်မာအမျိုးအစားတွေဖြစ် ပါတယ်။

အလားတူ မံဝိန်းကြီးနယ်မြေမှာ မတ်လ ၁၁ရက်နေ့ကနေ ၁၈ ရက်နေ့အတွင်း သစ်ခိုးထုတ်တဲ့ ယာဉ်မျိုးစုံ အစီးရေ ၁၄၇ စီးကို သိမ်းဆည်းရမိခဲ့တာဖြစ်တယ်လို့ သိရပါတယ်။

RFA Burmese
http://www.rfa.org/burmese



မွန်ပြည်နယ်လွှတ်တော်ကိုရောက်ရှိနေတဲ့ ပြည်သူ့လွှတ်တော် ဥက္ကဌ ဦးဝင်းမြင့်ကို မတ်လ ၂၂ ရက်နေ့က တွေ့ရစဉ်။ Photo: Kyaw Lwin Oo/ RFA
အမျိုးသားဒီမိုကရေစီအဖွဲ့ချုပ်အနေနဲ့ အမျိုးသားရင်ကြားစေ့ရေးကို ဦးစားပေးဆောင်ရွက်နေပြီး တိုင်းရင်းသားတွေ ကို ခွဲခြားဆက်ဆံတာ မရှိကြောင်း ပါတီရဲ့ ဗဟိုအလုပ်အမှုဆောင်ကော်မတီဝင် ပြည်သူ့လွှတ်တော် ဥက္ကဌ ဦးဝင်းမြင့် က ပြောကြားခဲ့ပါတယ်။

ဒီနေ့ မွန်ပြည်နယ် မော်လမြိုင်မြို့က ပြည်နယ်လွှတ်တော်ခန်းမမှာ ပြည်နယ်အတွင်းမှာရှိတဲ့ ပါတီပေါင်းစုံက လွှတ်တော်ကိုယ်စားလှယ်တွေ တပ်မတော်သား ကိုယ်စားလှယ်တွေနဲ့ တွေ့ဆုံရာမှာ ပြောကြားခဲ့တာဖြစ်ပါတယ်။

အစိုးရအဖွဲ့ရွေးချယ်ရာမှာလည်း တိုင်းရင်းသားတွေကို ဦးစားပေးရွေးချယ်ခဲ့တာဖြစ်တယ်လို့ ပြောပါတယ်။

ဒါ့အပြင် တိုင်းရင်းသားတွေကို ကိုယ်ပိုင်ပြဌာန်းခွင့်ပေးနိုင်မယ့် ဒီမိုကရေစီနဲ့ ဖက်ဒရယ်လမ်းစဉ်ဟာ ဗိုလ်ချုပ်အောင်ဆန်းကြောင့် မပျောက်ပျက်တာဖြစ်ပြီး ဗိုလ်ချုပ်အောင်ဆန်းကို ဖယ်လိုက်မယ်ဆိုရင် ဒီမိုကရေစီဝါဒနဲ့ ဖက်ဒရယ်လမ်းစဉ်ဟာ ပျက်စီးသွားနိုင်ကြောင်းလည်း ပြောကြားခဲ့ပါတယ်။

လွှတ်တော်ကိုယ်စားလှယ်တွေအနေနဲ့ အစိုးရလုပ်ငန်းတွေကို ဝင်ရောက်စွက်ဖက်တာမျိုးမလုပ်ဖို့နဲ့ အပြန်အလှန် ထိန်းကျောင်းတာတွေ ပြုလုပ်ဖို့လည်း တိုက်တွန်းခဲ့ပါတယ်။

ပြည်နယ်အတွင်းက လွှတ်တော်ကိုယ်စားလှယ်တွေရဲ့အခက်အခဲတွေကိုမေးမြန်းခဲ့သလို သိမ်းဆည်းခံလယ် ယာမြေပြဿနာတွေနဲ့ ပတ်သက်ပြီး ကိုယ်စားလှယ်တွေ က ဥပဒေအတိုင်း ဆောင်ရွက်ပေးဖို့လည်း ပြောကြား ခဲ့ပါတယ်။

ပြည်သူ့လွှတ်တော်ဥက္ကဌရဲ့ လွှတ်တော်နားရက်မှာ ပြည်နယ်ခရီးအစအဖြစ် မွန်ပြည်နယ်ကို လာရောက်ခဲ့တာဖြစ်ပြီး မွန်ပြည်နယ်ကို ဒုတိယအကြိမ်လာရောက် ခဲ့တာ ဖြစ်ပါတယ်။

RFA Burmese
http://www.rfa.org/burmese



 လောင်စာဆီကို မသုံးတော့တဲ့ အတွက် ခရီးသွား စရိတ်လည်း သိသိ သာသာ လျော့ကျ သွားမယ်
လာမယ့် ၁၀ နှစ် အတွင်း လန်ဒန်နဲ့ ပဲရစ် အကြား ခရီးသည်တင် လျှပ်စစ် လေယာဉ် ပြေးဆွဲ မယ်လို့ စွန့်ဦး တီထွင်မယ့် Wright Electric ကုမ္ပဏီက ပြောကြားလိုက် ပါတယ်။

အဲဒီလို လျှပ်စစ် လေယာဉ်ဟာ ခရီးသည် ၁၅၀ တင်ဆောင် နိုင်မှာ ဖြစ်ပြီး ခရီးမိုင် ၃၀၀ အောက် ပျံသန်းနိုင်မှာ ဖြစ်တယ်လို့ ကုမ္ပဏီက ပြောပါတယ်။

ဒီအတွက် လေယာဉ်ဟာ လောင်စာဆီကို မသုံးတော့တဲ့ အတွက် ခရီးသွား စရိတ်လည်း သိသိ သာသာ လျော့ကျ သွားမယ်လို့ ဆိုပါတယ်။

ဗြိတိန်က ဈေးနှုန်း သက်သာတဲ့ လေကြောင်းလိုင်း Easyjet ကတော့ ဒီလေယာဉ်မျိုး ပျံသန်းဖို့ စိတ်ဝင် စားကြောင်း ထုတ်ဖေါ် ပြောကြားလိုက် ပါတယ်။

ဒါပေမယ့်လို့ အခု ပုံမှာ ဖေါ်ပြထားတဲ့ အတိုင်း Wright One လျှပ်စစ် လေယာဉ်တွေ ထုတ်လုပ်နိုင်ဖို့က အရေးကြီးတဲ့ အခက် အခဲတွေ ကျော်လွှား နိုင်ဖို့ လိုပါတယ်။

နည်းပညာ ကျွမ်းကျင်သူ တွေကတော့ ကုမ္ပဏီရဲ့ ကြေညာ ချက်အပေါ် သံသယ ရှိနေကြ ပါတယ်။ Aviation Weekly လေကြာင်းပျံသန်းမှု နည်းပညာ ဂျာနယ်က အယ်ဒီတာ Graham Warwick ကတော့ ဒီနည်းပညာဟာ အကောင် အထည် ဖေါ်နိုင်ဖို့ အဝေးကြီး လိုသေးတယ်လို့ ပြောပါတယ်။

ဒါပေမယ့်လည်း Wright Electric ကုမ္ပဏီနဲ့ အပြိုင် Airbus ကုမ္ပဏီက ကတော့ ၂ ယောက်စီး လျှပ်စစ် လေယာဉ် ကို ၂၀၁၄ ခုနှစ် ကတည်းက ထုတ်လုပ်နေတာ ဖြစ်ပါတယ်။ Airbus ကလည်း ခရီးသည် ၇၀ ကနေ ၉၀ လိုက်ပါနိုင်မယ့် ခရီးတို သွား လျှပ်စစ် လေယာဉ် ထုတ်ဖို့ အစီ အစဉ် ရှိတယ်လို့ ဆိုပါတယ်။

BBC Burmese
http://www.bbc.com/burmese



ကိုးကန့်လက်နက်ကိုင်တပ်ဖွဲ့ (Credit: Kokang Army Facebook)
ကိုးကန့်တပ်ဖွဲ့ရဲ့ ဘဏ်စာရင်းကို တရုတ်အစိုးရဘဏ်တခုက ပိတ်လိုက်တာနဲ့ပတ်သက်ပြီး ဒါဟာ တရုတ်နဲ့ မြန်မာအစိုးရတို့အကြား နယ်စပ်ဒေသ တည်ငြိမ်းအေးချမ်းရေး အတွက် ဆွေးနွေးဆောင်ရွက်တာတွေရဲ့ ရလဒ်အဖြစ် မြန်မာအစိုးရဘက်က သုံးသပ်ပါတယ်။ တဆက်တည်းမှာပဲ လက်နက်ကိုင် အဖွဲ့တွေနဲ့ တွေ့ဆုံဆွေးနွေးရေး အတွက် လမ်းဖွင့်ထားကြောင်းလည်း ထပ်မံပြောကြားပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့အနီးအနားမှာ သီတင်း၂ပတ်ကျော် တိုက်ပွဲတွေ ပြင်းထန်နေချိန်မှာပဲ MNDAA ခေါ် ကိုးကန့်လက်နက်ကိုင်တပ်ဖွဲ့ရဲ့ ရံပုံငွေလက်ခံရာ ဘဏ်စာရင်းတခုကို တရုတ်အစိုးရပိုင် စိုက်ပျိုးရေးဘဏ်က ပိတ်လိုက်တာဖြစ်ပါတယ်။

ဒီလို ကိုးကန့်တပ်ဖွဲ့ရဲ့ ဘဏ်စာရင်းပိတ်လိုက်တာဟာ နှစ်နိုင်ငံပူးပေါင်းဆောင်ရွက်မှုရဲ့ ရလဒ်အဖြစ်နိုင်ငံတော်သမ္မတရုံးရဲ့ ညွှန်ကြားရေးမှုးချုပ် ဦးဇော်ဌေးက ပြောဆိုပါတယ်။

“2+2 ဆွေးနွေးပွဲရလဒ်တွေသာမက ကျနော်တို့ ထူးရင်ထူးသလို ၂ နိုင်ငံကြားမှာ အကြောင်းထူးတာရှိသလို မြန်မာမှာရှိတဲ့ တရုတ်သံအမတ်ကြီး၊ တရုတ်မှာရှိတဲ့ မြန်မာသံအမတ်ကြီး နောက်ဆုံး ဟိုဘက်၊ ဒီဘက် တိုက်ရိုက်ဆက်သွယ်ပြီးတော့ ပြောဆိုတာတွေရှိပါတယ်။ ဒါတွေရဲ့ အကျိုးရလဒ်လို့ပြောလို့ရပါတယ်။ အခုဒီတိုက်ပွဲတွေဖြစ်တဲ့အခါမှာ နောက်ကွယ်ကနေပြီးတော့ ပံ့ပိုးကူညီမှုတွေရှိနေတယ်။ ဒီလိုပံ့ပိုးကူညီမှုတွေက တရုတ်အစိုးရရဲ့ မူဝါဒမဟုတ်ဘူး၊ ဗဟိုအစိုးရကလည်း လက်ခံမှာမဟုတ်ဘူး။ သို့သော်အောက်ခြေမှာပေါ့နော် ၂ နိုင်ငံ နယ်နိမိတ်ဆက်စပ်တဲ့နေရာ ဟိုဘက် ဒီဘက်မျိုးနွယ်စုတွေ ဆက်စပ် ပတ်သက်မှုက ကျယ်ကျယ်ပြန့်ပြန့်ရှိနေတယ်။ အဲဒါနဲ့ ပတ်သက်ပြီးတော့လည်း တရုတ်အစိုးရရဲ့ မူဝါဒနဲ့အညီ ဆောင်ရွက်ပေးဖို့ ကျနော်တို့ ပြောကြားတာတွေရှိပါတယ်။”

ဦးဇော်ဌေးပြောသွားတဲ့ထဲမှာပါတဲ့ 2+2 ဆွေးနွေးပွဲဆိုတာကတော့ တရုတ်နဲ့ မြန်မာအစိုးရတို့ရဲ့ နိုင်ငံခြားရေးနဲ့ ကာကွယ်ရေးဝန်ကြီးဌာနတွေကြားမှာ ဖြစ်ပေါ်လာတဲ့ ကိစ္စရပ်တွေကို နှစ်ဖက် ညှိနှိုင်းဆွေးနွေးကြတဲ့ ဆွေးနွေးပွဲ တွေကိုခေါ်တာပါ။

လွန်ခဲ့တဲ့ ၂နှစ်အတွင်းမှာ MNDAA ခေါ် ကိုးကန့်တပ်ဖွဲ့က တရုတ်အစိုးရပိုင် စိုက်ပျိုးရေးဘဏ်မှာ ဖွင့်ထားတဲ့ ငွေစာရင်းကနေ ရန်ပုံငွေ အမေရိကန်ဒေါ်လာ ၅သိန်းကျော် ရခဲ့ပါတယ်။ အဲဒီရန်ပုံငွေတွေကို ဘဏ်ငွေစာရင်းမှာ တိုက်ရိုက် အပ်နှံပေးသွင်းတာ ဒါမှမဟုတ် မိုဘိုင်းလ် ငွေပေးစနစ် နှစ်ခုကနေတဆင့် လှူဒါန်းသူတွေက ပေးပို့ခဲ့ ကြတာလို့ ရိုက်တာသတင်းမှာ ဖော်ပြထားပါတယ်။

မြန်မာအစိုးရအနေနဲ့ လက်နက်ကိုင်တပ်ဖွဲ့တွေကို တိုက်ခိုက်တာတွေ ရပ်ဆိုင်းပြီး တွေ့ဆုံဆွေးနွေးအဖြေရှာဖို့ အစဉ်တိုက်တွန်းနေကြောင်းလည်း ဦးဇော်ဌေးက အခုလို ဆက်ပြောပါတယ်။

“နယ်စပ်ဒေသ တည်ငြိမ်အေးချမ်းရေးသည် ၂ နိုင်ငံလုံအတွက် အကျိုးစီးပွားဖြစ်တယ်။ မြန်မာနိုင်ငံအတွက်ကတော့ ဒီအဖွဲ့တွေကျနော်တို့ ငြိမ်းချမ်းရေး ဖြစ်စဉ်မှာ ပါဝင်လာဖို့ NRPC ဥက္ကဋ္ဌအနေနဲ့ ကြေညာချက်အမှတ် ၂/ ၂၀၁၇ နဲ့ ထုတ်ပြန်ထားပြီးဖြစ်တယ်။ ထုတ်ပြန်ထားတဲ့အချက်မှာလည်း ဒီမြောက်ပိုင်းမှာ တိုက်ခိုက်နေမှုတွေ အမြန်ဆုံးရပ်ဆိုင်းဖို့ ၊ ပြီးတာနဲ့ တွေ့ဆုံဆွေးနွေး အဖြေရှာတဲ့ နိုင်ငံရေးဆွေးနွေးတဲ့လိုင်းကိုလိုက်ဖို့ ဒီဟာကို အမြဲမပြတ်တိုက်တွန်းနေတာဖြစ်တယ်။”

တနိုင်ငံလုံးဆိုင်ရာ အပစ်အခတ်ရပ်စဲရေး သဘောတူစာချုပ် NCA မှာ ပါဝင်လက်မှတ်ရေးထိုးရေးနဲ့ပတ်သက်ပြီးကိုးကန့်တပ်ဖွဲ့အပါအ၀င် တအာင်း(ပလောင်)နဲ့ ရခိုင်တပ်ဖွဲ့တွေကို ကန့်သတ်ထားတာတွေကလည်း မြန်မာနိုင်ငံငြိမ်းချမ်းရေးဖြစ်စဉ်မှာ အဟန့်အတားတခု ဖြစ်နေတာပါ။ ပြီးခဲ့တဲ့နှစ် နိုဝင်ဘာလကလည်း တရုတ်မြန်မာနယ်စပ်ဒေသမှာ တိုက်ပွဲတွေ ပြင်းထန်ခဲ့သလို ဒီလ ၆ရက်နေ့ကစတင်ပြီးတော့လည်း ကိုးကန့်ဒေသမှာ တိုက်ပွဲတွေ ထပ်မံဖြစ်ပွားခဲ့ပါတယ်။

လက်ရှိ ကိုးကန့်ဒေသမှာ ဖြစ်ပွားတဲ့တိုက်ပွဲတွေကြောင့် နယ်စပ်ကုန်သွယ်ရေးကို ထိခိုက်ခဲ့သလို လောက်ကိုင်မြို့က ပြည်သူ ၃သောင်းလောက်ဟာလည်း မြို့ကို စွန့်ခွာတိမ်းရှောင်နေကြရပါတယ်။

လောက်ကိုင်ဒေသက တိုက်ပွဲတွေဟာ သီတင်း၂ပတ်ကျော်ကြာမြင့်လာခဲ့ပေမဲ့ ခုချိန်ထိလည်း ဆက်လက်ဖြစ်ပွားနေဆဲရှိကြောင်း လောက်ကိုင်မြို့က ကူညီကယ်ဆယ်ရေးလုပ်ငန်း ဆောင်ရွက်နေသူတဦးက ပြောပါတယ်။

“မနေ့ကညကတော့ သူတို့ ၁၀၇ နဲ့ တဖွဲ့ဖွဲ့က ပစ်တဲ့အသံတွေကြားတယ်ခင်ဗျ ၊ ဒီမနက်ကတော့ လက်နက်ကြီး ပစ်ခတ်သံတွေတော့ ကြားနေတယ်ခင်ဗျ ။”

ပြီးခဲ့တဲ့ အင်္ဂါနေ့ကတော့ တပ်မတော်ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်နဲ့ မြန်မာနိုင်ငံဆိုင်ရာ တရုတ်သံအမတ် တို့ နေပြည်တော် မှာ တွေ့ဆုံပြီး နှစ်နိုင်ငံ နယ်စပ်ဒေသ တည်ငြိမ်အေးချမ်းရေး၊ နယ်စပ်ကုန်သွယ်ရေးနဲ့ ဆက်ဆံရေးဆိုင်ရာ ကိစ္စရပ်တွေကို ဆက်လက် ပူးပေါင်း ဆောင်ရွက်ရေး အတွက် ဆွေးနွေးခဲ့ပါတယ်။

ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com



မွန်ပြည်သစ်ပါတီ တပ်များ
တနုိုင်ငံလုံး အပစ်ရပ်သဘောတူစာချုပ် NCA ကို လက်မှတ်မထုိုးရသေးတဲ့ NMSP မွန်ပြည်သစ်ပါတီအနေနဲ့ NCA ကိုလက်မှတ်ရေးထိုးတော့မယ်လို့ ပါတီ ထိပ်ပိုင်းခေါင်းဆောင်တွေကပြောပါတယ်။ မွန်နုိုင်ငံရေးပါတီတွေ၊ မွန် လူထု အခြေပြုအဖွဲ့အစည်းတွေနဲ့ ဒီကနေ့ မော်လမြိုင်မြို့မှာတွေ့ဆုံပြီး သဘောထားဆန္ဒ ရယူပြီးတဲ့နောက် အခုလိုပြောလာတာပါ။ အပြည့်အစုံကုို ဗွီအိုအေထိုင်းအခြေစိုက် သတင်းထောက် နိုင်ကွန်းအိန်က သတင်းပေးပို့ထားပါတယ်။

NCA လက်မှတ်ရေးထိုးရေးနဲ့ပက်သက်ပြီး တိုင်းရင်းသားလက်နက်ကိုင်အဖွဲ့တွေ အကြား အမြင်မတူညီမှုတွေ ရှိနေပေမဲ့ မွန်ပြည်သစ်ပါတီအနေနဲ့တော့ NCAကို လက်မှတ်ရေးထိုးတော့မယ်လို့ မွန်ပြည်သစ်ပါတီ ဗဟိုအလုပ်အမှု ဆောင် ကော်မီတီဝင်၊ ပြည်တွင်းရေးရာတာဝန်ခံ နိုင်ဝင်းလှက ဗွီအိုအေကိုပြောပါတယ်။

“အခုဒီအခြေအနေကာလကြတော့ အားလုံးပါဝင်ရေးအတွက် အားလုံးပါဝင်ရအောင် ဒီ NCA လမ်းကြောင်းမှာဆိုတဲ့အပေါ်မှာ ဒီမြောက်ပိုင်းအဖွဲ့တွေကလည်း သူတို့ကိုယ်တိုင် NCA လမ်းကြောင်းအတိုင်းမသွားတော့ဘူး။ ဆိုလာတဲ့သဘောထားတွေ ရှိလာတဲ့အပေါ်မှာ ကျနော်တို့ တွက်ပြီးတော့ ကျနော်တို့ဆီမှာလည်း သဘောထား ၁ ရပ်ပေါ့လေ၊ သဘောထား ၁ ရပ် ဆိုတာက အားလုံးပါဝင်ရေးဆိုတာ၊ နောက်တိုက်ပွဲရပ်ရေးဆိုတာက မဖြစ်နိုင်တော့ဘူးလေ လက်တွေအခြေအနေအရ အဲဒါကြောင့် ဒီ NCA လမ်းကြောင်းကို လျှောက်မယ့် ကျနော်တို့ ဘ၀တူ UNFC အဖွဲ့အစည်းတွေအနေနဲ့ လက်တွဲပြီးတော့ ဒီ NCA ကိုအတူတကွရေးထိုးနိုင်ဖို့ ၊ နောက်ရေးထိုးပြီးတော့ ဒီနိုင်ငံရေးဆွေးနွေးပွဲကိုသွားဖို့ အဲဒီသဘောထားကိုတော့ ချလာခဲ့တဲ့ သဘောရှိပါတယ်။”

မွန်ပြည်သစ်ပါတီအနေနဲ့ NCA လက်မှတ်ရေးထိုးရေးကိစ္စနဲ့ပက်သက်ပြီး ဒီကနေ့မော်လမြိုင်မြို့မွန်ပြည်သစ်ပါတီ ရုံးခန်းမှာ မွန်နိုင်ငံရေးပါတီတွေ မွန်လူထုအခြေပြုအဖွဲ့အစည်းတွေရဲ့သဘောထားဆန္ဒကိုရယူခဲ့တာပါ။

NCA ကို အရင်က ဘာ့ကြောင့် လက်မှတ်မထိုးခဲ့တာလဲ ဆိုတဲ့အပေါ် မွန်ပြည် သစ်ပါတီရဲ့ သဘောထားကိုလဲ နိုင်ဝင်းလှက ဆက်ပြောပြပါတယ်။

“ကနဦးသဘောထားကလည်း ဒီ NCA ကို ကျနောတို့ ကိုယ်တိုင်ကလည်း ပါဝင်ရေးဆွဲထားတော့ NCA မူကြမ်းအဆင့်ပေါ့လေ ဒီမှာလည်း ၂ ဘက်လက်ခံထားတဲ့ အဆင့်ကိုလည်း ဖြတ်လာခဲ့ပြီးပြီ။ ဒါပေမယ့်လည်း ကျနော်တို့ NCA ကိုမထုတ်ဖြစ်သေးတာက ၊ မထုတ်ဖြစ်သေးတာက ကျနော်တို့လက်မခံတာမဟုတ်ဘူး မထုတ်ဖြစ်သေးတာက တပြည်လုံးအတိုင်းအတာနဲ့ အပစ်အခတ်ရပ်စဲရေးစာချုပ်ဆိုတဲ့ တပြည်လုံး အပစ်အခတ်ရပ်စဲဖို့ ၊ နောက်ဖြစ်နေတဲ့ တိုက်ပွဲတွေရပ်စဲဖို့ အဲဒီ ၂ ချက်ပေါ့လေ ကျနော်တို့ တောင်းဆိုထားတယ်။ အဲဒီ ၂ ချက်နဲ့ ပြည့်စုံရင်တော့ NCA ကို အချိန်မဆိုင်းထိုးမယ် အဲဒီသဘောပေါ့။”

UNFC ကနေတင်ပြထားတဲ့ အချက်(၉)ချက်ကိုအစိုးရက မူအရလက်ခံပြီး ဖြစ်တဲ့အတွက် မွန်ပြည်သစ်ပါတီအနေနဲ့ လက်မှတ်ရေးထိုးရေးမှာ အဆင်ပြေနိုင် လိမ့်မယ်လို့လဲ ဆွေးနွေူပွဲကိုတက်ရောက်လာကြတဲ့ လူထုအဖွဲ့အစည်းတွေနဲ့ နိုင်ငံရေးပါတီခေါင်းဆောင်တွေက မြင်ကြပါတယ်။

မွန်အမျိုးသားဒီမိုကရေစီပါတီကနေ ၁၉၉၀ ရွေးကောက်ပွဲမှာအနိုင်ရခဲ့တဲ့ လွှတ်တော်ကိုယ်စားလှယ်ဟောင်း နိုင်သောင်းရှိန်ကတော့ မွန်ပြည်သစ်ပါတီ အနေနဲ့ NCA လက်မှတ်ရေးထိုးသင့်ကြောင်း အဖွဲ့တွေကနေ အကြံပြုခဲ့တယ် လို့ပြောပါတယ်။

“NCA မှာလက်မှတ်ထိုးသင့်တယ်ဆိုတာ အားလုံးက အကြံပြုပါတယ် ဘာကြောင့်လဲဆိုတော့ အခု ၂၁ ပင်လုံကို သွားနေတဲ့အခါကျတော့ အစိုးရကလည်း သွားနေတယ် ၊ တပ်ကလည်း သွားနေတဲ့အခါကျတော့ ဘယ်လိုဖြစ်ဖြစ် မွန်အနေနဲ့က အဲဒီ NCAသွားနိုင်ဖို့ ဒီ ငြိမ်းချမ်းရေးရဖို့ လက်မှတ်ထိုးသင့်တယ် အဲဒီလိုပဲ အကြံပြုကြတယ်။”

‘၀’ လက်နက်ကိုင်အဖွဲ့ (UWSP/UWSA) ဦးဆောင်ပြီး ဖေဖော်ဝါရီ နောက်ဆုံး ပတ်က ကျင်းပခဲ့တဲ့ပန်ခမ်းညီလာခံရဲ့ အစည်းအဝေးအပြီး ထုတ်ပြန်ကြေညာ ချက်ထဲမှာ NCA ကို ဆက်မလုပ်တော့ဘဲ ငြိမ်းချမ်းရေးစာချုပ်သစ်ကို ဖော်ဆောင်မယ်လို့ ပါရှိပါတယ်။

UWSA ၀ပြည်သွေးစည်း ညီညွတ်ရေးအဖွဲ့ KIO ကချင်လွတ်လပ်ရေး အဖွဲ့ SSPPမြောက်ပိုင်း ရှမ်းပြည်တပ်မတော် TNLAတအာန်းပလောင်တပ်ဖွဲ့ မိုင်းလားတပ်ဖွဲ့ (NDAA)၊ ရခိုင်တပ်မတော်(AA)၊ ကိုးကန့်အဖွဲ့ (MNDAA) တို့တက်ရောက်ခဲ့တဲ့ အဲဒီ ပန်ခမ်းအစည်းအဝေးမှာ NCA ကို လက်မခံတဲ့ သဘော ထွက်လာတဲ့အတွက် UNFC နဲ့ ကြားမှာ အမြင်ကွဲလွှဲတဲ့ သဘောတွေ ရှိလာတာပါ။

UNFC အဖွဲ့အနေနဲ့ကတော့ တင်ပြထားတဲ့အချက် ၉ ချက်ကို ခိုင်မာအောင် ထပ်မံဆွေးနွေးပြီးတဲ့နောက် NCA ကိုလက်မှတ်ရေးထိုးမယ်ဆုိုပြီး မတ်လ ၁၄ ရက်နေ့မှာကျင်းပပြီးစီးခဲ့တဲ့ UNFC ဗဟိုအလုပ်အမှုဆောင်ကော်မတီ အရေးပေါ်အစည်းအဝေးမှာ ဆုံးဖြတ်ထားတာပါ။

ကိုနိုင်ကွန်းအိန်  / ဗွီအိုအေ (မြန်မာပိုင်း)
http://burmese.voanews.com



စိတ်ကျန်းမာရေး ချို့ယွင်းသူ တယောက်က တာခွ ရွာက အင်္ဂတေ ရုပ်တုကို သံတုတ်နဲ့ ရိုက်ချိုး
ဧရာဝတီ တိုင်း၊ မြန်အောင် မြို့နယ်ထဲမှာ ဗိုလ်ချုပ်အောင်ဆန်း ရုပ်တုကို လူတယောက် အင်္ဂါနေ့ နေ့လယ်ပိုင်းက ဖျက်ဆီး ခဲ့လို့ ရုပ်တု အပိုင်းပိုင်း ကျိုးတဲ့ အထိ ပျက်စီး သွားပါတယ်။

မြန်မာ နိုင်ငံက တချို့ဒေသတွေမှာ ဗိုလ်ချုပ်အောင်ဆန်း ရုပ်တု ထားရှိမယ့် အစီအစဉ်တွေ အပေါ် ကန့်ကွက်သံတွေ ရှိနေချိန်မှာ အခုလို ဖြစ်ရပ် ပေါ်ပေါက် လာတာ ဖြစ်လို့ လူအများကြား လှုပ်လှုပ်ရှားရှား ဖြစ်သွား စေပါတယ်။

အရင်က စိတ်ကျန်းမာရေး ချို့ယွင်းလို့ ကုသခံခဲ့ရသူ တယောက်က တာခွ ရွာ ဘိုးရာဇာ စာကြည့်တိုက် ရှေ့က အင်္ဂတေ ရုပ်တုကို သံတုတ်နဲ့ ရိုက်ချိုးတာ ဖြစ်ကြောင်း NLD ပါတီက မြန်အောင်မြို့နယ် တိုင်း လွှတ်တော် အမတ် ဦးလှမိုးအောင်က ပြောပါတယ်။

၂ဝ၁၅ ရွေးကောက်ပွဲ မတိုင်ခင်ကလည်း ကြံခင်း မြို့နယ်မှာ အလားတူ စိတ်ချို့ယွင်းသူ တယောက်က ဗိုလ်ချုပ်ရုပ်တု လည်ပင်းလှီးဖြတ်သွားတာ ရှိခဲ့ဖူးတယ်လို့လည်း ဆိုပါတယ်။

အခု ရုပ်တု ဖျက်ဆီးသူကို အရပ်က ဝိုင်းဖမ်းပြီး ရဲစခန်း ပို့ထားကြောင်းလည်း ပြောပါတယ်။

တခြား ဗိုလ်ချုပ် ကြေးရုပ်တွေနဲ့ ပတ်သက်ပြီး မြစ်ဝကျွန်းပေါ် ဘက်မှာ ဝိဝါဒ ကွဲမှု ကြီးကြီးမားမားမရှိကြောင်း၊ အဖျက်ခံရတဲ့ ရုပ်တုနေရာမှာ ဒိထက် ပိုမြင့်တဲ့ အရုပ်တုတခု ပြန်တည်ဆောက်ဖို့ ဆုံးဖြတ် ထားကြကြောင်းလည်း ဦးလှမိုးအောင်က ပြောပါတယ်။

BBC Burmese
http://www.bbc.com/burmese



မြောက်ကိုရီယားဒုံးစမ်းသပ်မှု မအောင်မြင်
မြောက်ကိုရီးယားက ဒီကနေ့ ဒုံးကျည်စမ်းသပ်တာ မအောင်မြင်ခဲ့ဘူးလို့ အမေရိကန်နဲ့ တောင်ကိုရီးယားနိုင်ငံတွေက ပြောပါတယ်။

မြောက်ကိုရီးယားနိုင်ငံ အရှေ့ခြမ်း Kalma ကျွန်းဆွယ်ကနေ ပစ်လွှတ်စမ်းသပ်ပြီး စက္ကန့်ပိုင်းအတွင်းမှာပဲ အဲဒီဒုံးကျည် ပေါက်ကွဲသွားခဲ့တဲ့ အကြောင်း အမေရိကန်ရဲ့ ပစိဖိတ်ဒေသကွပ်ကွဲရေးဌာန ပြောခွင့်ရတဦးက ပြောသလို၊ တောင်ကိုရီးယားစစ်ဘက်ကလည်း အလားတူ ပြောပါတယ်။

ဘယ်ဒုံးကျည်အမျိုးအစားကို စမ်းသပ်ခဲ့တာလဲ ဆိုတဲ့ အသေးစိတ်ကိုတော့ သူတို့က မပြောဘဲ အခုစမ်းသပ်မှုနဲ့ ပတ်သက်လို့ ဆက်လက် လေ့လာစမ်းစစ်နေတယ်လို့ ဆိုပါတယ်။ အမေရိကန်နဲ့ တောင်ကိုရီးယားတို့ရဲ့ ပူးတွဲ စစ်ရေး လေ့ကျင့်မှုတွေကို တုံ့ပြန်တဲ့ အနေနဲ့ မြောက်ကိုရီးယားဟာ ဒီလအစောပိုင်းတုန်းကလည်း ဂျပန်ပင်လယ်ထဲကို ပဲ့ထိန်းဒုံးကျည် လေးစင်း ပစ်လွှတ်စမ်းသပ်ခဲ့ပါသေးတယ်။

အမေရိကန်နဲ့ တောင်ကိုရီးယားတို့ရဲ့ ပူးတွဲ စစ်ရေးလေ့ကျင့်မှုတွေကို စစ်ပွဲ ပြင်ဆင်မှုတွေအဖြစ် မြောက်ကိုရီးယားက ယူဆထားတာပါ။ ဒီလအစောပိုင်း စမ်းသပ်ပစ်လွှတ်ခဲ့တဲ့ အဲဒီ ပဲ့ထိန်းဒုံးတွေထဲက သုံးစင်းကတော့ ကီလိုမီတာ ၁၀၀၀ အထိ ရောက်ခဲ့ပြီး ဂျပန် ပင်လယ်ထဲကို ကျသွားခဲ့တာပါ။ အဲဒီပဲ့ထိန်းဒုံးကျည်တွေဟာ တာလတ်ပစ် ဒုံးကျည်တွေဖြစ်ပြီး မြောက်အမေရိကတိုက်အတွက် အန္တရာယ် မရှိနိုင်ဘူးလို့ အမေရိကန်အစိုးရ အရာရှိတွေက ပြောပါတယ်။

ဗွီအိုအေ (မြန်မာပိုင်း)
http://burmese.voanews.com



မြောက်ကိုရီးယားနိုင်ငံမှ စမ်းသပ်ပစ်လွှတ်ခဲ့သည့် ဒုံးကျည်တစ်စင်း အား ရုပ်သံလိုင်းတစ်ခုက ထုတ်လွှင့်ပြသနေစဉ် (ဆင်ဟွာ)
    ဆိုးလ်၊ မတ် ၂၂ ရက် (ဆင်ဟွာ)

    တောင်ကိုရီးယားနိုင်ငံ ကာကွယ်ရေးဝန်ကြီးဋ္ဌာန က မြောက်ကိုရီးယားနိုင်ငံ ၏ ဒုံးကျည်စမ်းသပ်ပစ်လွှတ်မှု အောင်မြင်ခြင်းမရှိကြောင်း နှင့် ယင်း ဒုံးကျည်သည် လေထဲ၌ပင် ပေါက်ကွဲသွားသည်ဟု ယုံကြည်ရကြောင်း မတ်လ ၂၂ ရက်က ပြောကြားခဲ့သည်။

တောင်ကိုရီးယားနိုင်ငံ ကာကွယ်ရေးဝန်ကြီးဋ္ဌာန တာဝန်ရှိသူတစ်ဦးက မြောက်ကိုရီးယားနိုင်ငံသည် အရှေ့ဘက် ကမ်းရိုးတန်း ရှိ Wonsan လေယာဉ်ကွင်း အနီးတွင် ဒုံးကျည်တစ်စင်းအား စမ်းသပ်ပစ်လွှတ်ခဲ့ပြီး အောင်မြင်ခြင်းမရှိဟုယူဆရကြောင်း ဖုန်းဖြင့် ဖြေကြားခဲ့သည်။

ပြည်တွင်း သတင်းဋ္ဌာနများ၏ဖော်ပြချက်များအရ ဒုံးကျည်သည် မြေပြင်မှ မြင့်တက်လာပြီးနောက် လေထုထဲ အရောက်တွင် ပေါက်ကွဲသွားခဲ့ကြောင်း သိရသည်။

ယင်းဒုံးကျည်စမ်းသပ်ပစ်လွှတ်မှု သည် “Key Resove and Foal Eagle” ဟုနာမည်ဝှက်ပေးထားသော အမေရိကန်-တောင်ကိုရီးယား စစ်ရေးလေ့ကျင့်မှုများကို တုံ့ပြန်သည့် လုပ်ရပ်တစ်ခုပင်ဖြစ်ကြောင်း သိရသည်။

မြောက်ကိုရီးယားက အမေရိကန်နှင့် တောင်ကိုရီးယားနိုင်ငံတို့၏ နွေဦးကာလ စစ်ရေးလေ့ကျင့်မှုများသည် မြောက်ကိုရီးယားအား ကျူးကျော်ဝင်ရောက်စွက်ဖက်ရန် အကြိုပြင်ဆင်မှုများပင်ဖြစ်ကြောင်း ကြေညာခဲ့သည်။

(Xinhua)
http://www.xinhuamyanmar.com


ရန်ကုန် မတ် ၂၁

ဗိုလ်တထောင်မြို့နယ် အမှတ် (၅) ရပ်ကွက် လမ်း(၅ဝ)တွင် ကုမ္ပဏီရုံးခန်းအတွင်း တရားထိုင်နေသည့်အသက် ၇ဝ အရွယ်ရှိ အမျိုးသားတစ်ဦးကို အမျိုးသားနှစ်ဦးက ခြိမ်းခြောက်ထိုးနှက်ကာ ရွှေနှင့် ပစ္စည်းများ လုယူထွက်ပြေးသွားမှု မတ်လ ၂၁ရက်နေ့  နံနက်ပိုင်း က ဖြစ်ပွားခဲ့သည်။

မရမ်းကုန်းမြို့နယ်နေသူ ဦးမင်းဆွေ (၇ဝနှစ်) သည် နံနက်ပိုင်းက ဗိုလ်တထောင်မြို့နယ် အမှတ် (၅) ရပ်ကွက် လမ်း(၅ဝ) တိုက်အမှတ်(၁၅) ငါးလွှာရှိ New Wave Service ကုမ္ပဏီရုံးခန်းသို့ရောက်ရှိလာပြီး တရားထိုင်နေစဉ် နံနက် ၈ နာရီခန့်တွင် မျက်နှာပဝါစည်းထားသော အမျိုးသားလူစိမ်းနှစ်ဦး ရုံးခန်းအတွင်း သို့ဝင်ရောက်လာပြီး တစ်ဦးက ၄င်းအား ဓားမြှောင်ဖြင့်ထောက်ကာ မလှုပ်ရန် ပြောဆိုစဉ် ပြန်လည်ခုခံခဲ့ရာ အမျိုးသားလူစိမ်းနှစ်ဦးက ၄င်းအား ဓားဖြင့်ထိုး၊ လက်သီးဖြင့်ထိုး၊ ခြေထောက်ဖြင့် ကန်မှုများပြုလုပ်ခဲ့ပြီး ခြေထောက်နှင့် လက်များ ကို တိပ်များဖြင့် တုပ်နှောင်ကာ ၄င်း၏ လက်တွင်စွပ်ထားသော အလေးချိန် သုံးမတ်သားခန့်ရှိ အစိမ်းရောင်ကျောက်ပါ တန်ဖိုးခြောက်သိန်းခန့်ရှိ ရွှေလက်စွပ် တစ်ကွင်း၊ ငွေကျပ်နှစ်သိန်း၊ CB Bank Cheque စာအုပ်တစ်အုပ်၊ KBZ Bank Cheque စာအုပ်တစ်အုပ်၊ မှတ်ပုံတင်ကတ်နှင့် အခြားစာရွက်စာတမ်းများ ထည့်ထားသော အညိုရောင် ယောက်ျားကိုင် ပိုက်ဆံအိတ်တစ်လုံးတို့အား လုယူ ထွက်ပြေးသွားကြောင်း သိရသည်။
''သတင်းရရချင်း အခင်းဖြစ်တဲ့နေရာကို ချက်ချင်းသွားရောက်စစ်ဆေးခဲ့တယ်၊ ဒဏ်ရာရရှိသွားတဲ့သူကို ဆေးရုံပို့တယ်၊ အမှုနဲ့ပတ်သက်ပြီး လုပ်ထုံးလုပ်နည်းတွေကို ဆောင်ရွက်ခဲ့ပါတယ်၊ လက်ရှိအနေအထားကတော့ တိုင်း၊ ခရိုင် ပူးပေါင်းအဖွဲ့တွေနဲ့ မြို့နယ်တွေအတွင်းမှာ ဆက်စပ်သတင်းတွေအရ တရားခံတွေကို စုံစမ်းရှာဖွေနေ ပါတယ်'' ဟု ဗိုလ်တထောင်မြို့မရဲစခန်းမှ တာဝန်ရှိသူတစ်ဦးက မြန်မာ့သတင်းစဉ် ၏ ဆက်သွယ်မေးမြန်းမှုအပေါ် ယနေ့ ည ၈ နာရီခန့်တွင် ပြန်လည်ဖြေကြား သည်။

ထိုသို့ဖြစ်ပွားမှုကြောင့် တရားလို ဦးမင်းဆွေတွင် ယာလက်မအရင်းပြတ်ရှ တစ်ချက်၊ ယာပေါင်နောက်ဘက် ထိုးသွင်းတစ်ချက်နှင့် ခန္ဓာကိုယ်နာကျင်ဒဏ်ရာ များရရှိခဲ့သဖြင့် သက်ဆိုင်ရာက ရန်ကုန်ပြည်သူ့ဆေးရုံကြီးသို့ ပို့ဆောင်ခဲ့ပြီး အမှုနှင့် ပတ်သက်၍ ဗိုလ်တထောင်မြို့မရဲစခန်းက (ပ)၅၅/၂ဝ၁၇၊ ရာဇသတ်ကြီးဥပဒေ ပုဒ်မ-၃၉၄ ဖြင့် အမှုဖွင့်လှစ်ကာ ပြစ်မှုကျူးလွန်သူတို့အား အမြန်ဆုံးဖမ်းဆီးရမိရေး အတွက် ဆောင်ရွက်လျက်ရှိကြောင်း သိရသည်။

သတင်းနှင့် ဓာတ်ပုံ-ဇော်ကြီး(ပဏီတ)
https://www.facebook.com/MOIWebportalMyanmar/


    နေပြည်တော်၊ မတ်လ ၂၂ ရက် (ဆင်ဟွာ)

    နှစ်စဉ် သင်္ကြန်အကြိုကာလနှင့် သင်္ကြန်ကာလအတွင်း အဝေးပြေးယာဉ်စီးခ နှုန်းထားများ တိုးမြင့်မှု ရှိခဲ့သော်လည်း ယခုနှစ်တွင် ပုံမှန်ဈေးနှုန်းများအတိုင်း ပြေးဆွဲပေးရန် စီစဉ်ထားကြောင်း၊ နေပြည်တော်မှ ရန်ကုန်၊ မန္တလေးနှင့် အခြားမြို့ များသို့ သွားလာကြမည့်သူများ အဆင်ပြေရန် ကားစီးရေ တိုးမြှင့်ထားရှိမည်ဖြစ်ကြောင်း၊ နေပြည်တော် မော်တော်ယာဉ် လုပ်ငန်းပေါင်းစုံ ထိန်းသိမ်းရေး ကော်မတီ (အဝေးပြေး) ဥက္ကဋ္ဌ ဦးဝင်းဆွေက ဆင်ဟွာကို ဖြေကြားသည်။

    “သင်္ကြန်ပွဲတော်အကြိုရက်တွေနဲ့ ပွဲတော်ကာလမှာပါ ပုံမှန်အတိုင်း၊ သတ်မှတ် ခရီးစဉ် သတ်မှတ် ယာဉ်စီးခအတိုင်း မောင်းကြဖို့ ၊ သတ်မှတ်ယာဉ်စီးခထက် တိုးယူရင် အရေးယူမယ်လို့  စီစဉ်ထား ပါတယ်၊ အဝေးပြေးယာဉ်တွေနဲ့ ပတ်သက်ပြီး အဆင်မပြေတာ ရှိခဲ့ရင် ခရီးသည်တွေအနေနဲ့  ၀၆၇ ၂၆၀၁၄၊ ၀၆၇၂၆၂၈၇၊ ၀၆၇၂၆၂၉၈ နဲ့  ၀၆၇ ၂၆၄၇၈ ကို အကြံပြုနိုင်၊ တိုင်ကြားနိုင်ပါတယ်” ဟု ၎င်းက ပြောသည်။

    နေပြည်တော် ဘောဂသီရိ အဝေးပြေး ယာဉ်ဂိတ်တွင် နေပြည်တော် အခြေစိုက် ယာဉ်လိုင်း ၂၃ လိုင်း၊ အခြား တိုင်းဒေသကြီးနှင့် ပြည်နယ် အခြေစိုက် ယာဉ်လိုင်း ၇၀ လိုင်းတို့ ပါဝင်ပြီး ရန်ကုန်၊ မန္တလေး အပါအ၀င် တိုင်းဒေသကြီးနှင့် ပြည်နယ်အသီးသီးရှိ မြို့ ၄၃ မြို့ တို့ သို့  အဝေးပြေး ယာဉ် ၂၇၀ စီးခန့်  ဖြင့် ပုံမှန် ပြေးဆွဲနေလျက်ရှိကြောင်း၊ နေ့ စဉ် ခရီးသည်ပေါင်း ၄၆၀၀ ဦးမှ ၆၀၀၀ (ခြောက်ထောင်) ဦးခန့် အထိ အသွားအလာ ရှိကြောင်း၊ နေပြည်တော်မှ ရန်ုကုန်သို့  ၇၅ စီး၊ မန္တလေးသို့  ၃၅ စီး နေ့ စဉ် ပုံမှန် ပြေးဆွဲနေမှုကို သင်္ကြန်ကာလတွင် ရန်ကုန်သို့ ယာဉ်အစီး ၁၀၀၊ မန္တလေးသို့  ၅၀ စီးအထိ တိုးမြှင့် ပြေးဆွဲပေးရန် စီစဉ်ထားကြောင်းလည်း နေပြည်တော် မော်တော်ယာဉ် လုပ်ငန်းပေါင်းစုံ ထိန်းသိမ်းရေး ကော်မတီ (အဝေးပြေး) ဥက္ကဋ္ဌက ရှင်းပြခဲ့သည်။

    “အဝေးပြေးယာဉ်စီးတဲ့ ခရီးသည်ဦးရေကတော့ မနှစ်ကနဲ့ ယှဉ်ရင် သုံးပုံ တစ်ပုံလောက် လျော့နည်းသွားပါတယ်၊ တစ်နှစ်လုံး ပျမ်းမျှကို ပြောတာပါ၊ ခရီးသည်များတဲ့ သောကြာနေ့ တွေကို ယှဉ်ကြည့်ရင် မနှစ်က သောကြာညနေ့ တွေမှာ နေပြည်တော် - ရန်ကုန်ခရီးကို တစ်ရက်ကို လေးထောင်ဝန်းကျင် ရှိခဲ့ပြီး ဒီနှစ်မှာ သုံးထောင်တောင် မပြည့်တော့ဘူး၊ ဒီလို ခရီးသည် လျော့နည်း လာရတာက ရထားတွေ ၀န်ဆောင်မှု ကောင်းလာလို့ ရထားနဲ့ သွားသူတွေရှိသလို၊ ကိုယ်ပိုင်ကားနဲ့  သွားသူတွေ ပိုများလာတာကြောင့်လည်း ပါပါတယ်၊ သေချာတာကတော့ ဒီနှစ် သင်္ကြန်အကြိုရက်တွေမှာ မနှစ်ကလောက် ခရီးသည် မများနိုင်ပါဘူး၊ ယာဉ်စီးရေတွေလည်း တိုးထားတဲ့ အတွက် အားလုံး အဆင်ပြေမယ်လို့ ယုံကြည်ပါတယ်” ဟု ၎င်းက ဖြည့်စွက်ပြောခဲ့သည်။

(Xinhua)
http://www.xinhuamyanmar.com


တရုတ်အစိုးရပိုင် စိုက်ပျိုးရေးဘဏ်က ဖုန်ကြားရှင် ဦးဆောင်တဲ့ ကိုးကန့်အဖွဲ့ရဲ့ ဘဏ်စာရင်းကို ပိတ်လိုက်ပြီလို့ သတင်းရပါတယ်။ အခုလို သူတို့ငွေစာရင်းကို ပိတ်လိုက်ကြောင်း MNDAA လို့ အတိုကောက်ခေါ်တဲ့ မြန်မာအမျိုးသား ဒီမိုကရက်တစ် မဟာမိတ် တပ်မတော် ခေါ် ကိုးကန့် လက်နက်ကိုင်အဖွဲ့ကို တရုတ်စိုက်ပျိုးရေးဘဏ်က ပြီးခဲ့တဲ့ သီတင်းပတ်အကုန်မှာ အကြောင်းကြားခဲ့တယ်လို့ ဆိုပါတယ်။

တရုတ်ဘဏ်အနေနဲ့ သူတို့ ကိုးကန့်အဖွဲ့ထံ အလှူရှင်တွေက ထောက်ပံလှူဒါန်းတဲ့ငွေတွေကို ဆက်ပြီး လက်ခံနိုင်မှာ မဟုတ်ကြောင်းနဲ့ ငွေစာရင်းပိတ်လိုက်တာနဲ့ ပတ်သက်ပြီး အပြီးသတ်လုပ်ဆောင်ရမယ့် လုပ်ထုံးလုပ်နည်းတွေ ရှိကြောင်းပြောဆိုတယ်လို့လည်း ရိုက်တာသတင်းမှာ
ဖေါ်ပြထားပါတယ်။

တရုတ်စိုက်ပျိုးရေးဘဏ်ကို ဒီကိစ္စနဲ့ပတ်သက်ပြီး ရိုက်တာသတင်းဌာနက ဆက်သွယ်မေးမြန်းရာမှာတော့ သူတို့ဘဏ်မှာ ငွေစာရင်းဖွင့်ထားသူတွေနဲ့ ပတ်သက်ပြီြးေ ဖကြားနိုင်ခြင်းမရှိကြောင်း၊ ဒါပေမဲ့ သူတို့ဘဏ်ဟာ ငွေမဲခဝါချမှု တိုက်ဖျက်ရေးနဲ့ အကြမ်းဖက်အဖွဲ့ ငွေကြေးထောက်ပံ့မှု ရှောင်ကျဉ်ရေးတွေကို အလေးအနက်ထားကြောင်း ဖြေကြားတယ်လို့ ဆိုပါတယ်။

မြန်မာအစိုးရနဲ့ အပစ်အခတ်ရပ်စဲရေးစာချုပ် NCA ကို လက်မှတ်ထိုးထားခြင်းမရှိတဲ့ MNDAA ကိုးကန့်အဖွဲ့ ခေါင်းဆောင် ဖုန်ကျားရှင်ကို အမေရိကန်ပြည်ထောင်စုက မူးယစ်ဆေးဝါးခေါင်းဆောင် တဦးအဖြစ် သတ်မှတ်ထားပြီး တရုတ်အစိုးရကလည်း ကိုးကန့်အဖွဲ့ကို သူတို့ ထောက်ခံခြင်းမရှိကြောင်း မြန်မာအစိုးရကို ကတိပေးထားပါတယ်။

တရုတ်အစိုးရပိုင်ဘဏ်တခုက မြန်မာတိုင်းရင်းသားလက်နက်ကိုင်အဖွဲ့တခုကို ဘဏ္ဏငွေ ရရှိရေး အတွက် အခုလို ပါဝင်ပတ်သက်မယ်ဆိုရင် မြန်မာအစိုးရနဲ့ တရုတ်အစိုးရ ဆက်ဆံရေးကို မုချထိခိုက်လိမ့်မယ်လို့ သံတမန်တဦးက ပြောဆိုကြောင်း ရန်ကုန်ကလာတဲ့သတင်းမှာ ဖေါ်ပြထားပါတယ်။

RFA Burmese
https://www.facebook.com/rfaburmese



ကြားဖြတ်ရွေးကောက်ပွဲ အတွက် မဲဆွယ်တဲ့ လက်ကမ်းစာစောင် ဝေနေတဲ့ NLD အဖွဲ့ဝင် တစ်ယောက်
လာမယ့် ဧပြီလ ၁ ရက်နေ့မှာ ပြုလုပ်ဖို့ ရှိတဲ့ မြန်မာ နိုင်င်ငံ ကြားဖြတ် ရွေးကောက်ပွဲမှာ ရှမ်းပြည်နယ် မိုင်းရှုးမြို့နယ် အတွင်း က မဲဆန္ဒနယ် သုံးခုကို လုံခြုံရေး အရ ဖျက်သိမ်း ပေးဖို့ NLD အမျိုးသား ဒီမိုကရေစီ အဖွဲ့ချုပ်က ရွေးကောက်ပွဲ ကော်မရှင်ကို တင်ပြ ထားတယ်လို့ ရွေးကောက်ပွဲဝင်မယ့် NLD ကိုယ်စားလှယ်လောင်း တစ်ယောက်က ဘီဘီစီကို ပြောပါတယ်။

ဒါဟာ အဲဒီ ဒေသက မဲဆန္ဒရှင်တွေရဲ့ မဲပေးခွင့် အခွင့်အရေးကို မလေးမစား ပြုတာလို့ မိုင်းရှူး ကနေ ပြည်သူ့လွှတ်တော် ကိုယ်စားလှယ်လောင်း အဖြစ် ဝင်ရောက် အရွေးခံမယ့် ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က စိုင်းထွန်းအေးက ပြောပါတယ်။

NLD က ပိတ်ဖို့ တင်ပြထားတဲ့ မဲရုံ ၅ ရုံ အထိရှိပြီး အခုလို မဲရုံတွေကို ဖျက်သိမ်း လိုက်မယ် ဆိုရင် အဲဒီဒေသက လူတွေရဲ့ ထောက်ခံမှု အများဆုံးရနေတဲ့ ပါတီတွေ နစ်နာတယ်လို့လည်း သူက ပြောပါတယ်။

မိုင်းရှူး မြို့နယ်မှာ ဆန္ဒမဲ ပေးပိုင်ခွင့်ရှိသူ ၄သောင်းကျော် ရှိပြီး ဖျက်သိမ်းဖို့ တင်ပြထားတဲ့ မဲရုံ ၅ ရုံ အတွက် မဲပေးခွင့် ရှိသူ ၆ထောင်ကျော် ရှိပါတယ်။

အဲဒီ မဲရုံတွေဟာ မိုင်းရှူးကနေ ဆိုင်ကယ်နဲ့ ၁ နာရီကျော် ကြာသွားရတဲ့ နေရာတွေမှာ ရှိပါတယ်။

လုံခြုံမှု မရှိလို့ ဖျက်သိမ်းပေးဖို့ တောင်းဆို တယ် ဆိုပေမဲ့ ခိုင်လုံတဲ့ အကြောင်းပြချက်ကို ရှင်းရှင်းလင်းလင်း မပြောဘူးလို့ စိုင်းထွန်းအေးက ပြောပါတယ်။

မိုင်းရှူးမြို့နယ်က မဲဆန္ဒနယ်တွေမှာ ရဲ၊ စစ်တပ်၊ မီးသတ်နဲ့ ပြည်သူ့စစ်တွေရဲ့ လုံခြုံရေး အကူအညီ မယူဘဲ ရွေးကောက်ပွဲ တာဝန်ရှိသူတွေနဲ့ နိုင်ငံရေး ပါတီတွေပူးပေါင်းပြီး ရွေးကောက်ပွဲ အောင်မြင်ရေး ပူးပေါင်း လုပ်ဆောင် ကြမယ်လို့ ကော်မရှင်က ဆုံးဖြတ်ချက် ချထားပြီး ဖြစ်ကြောင်းလည်း သူက ပြောပါတယ်။

NLD ပါတီကိုယ်စား မိုင်းရှူးမှာ ပြည်သူ့ လွှတ်တော် ကိုယ်စားလှယ်လောင်း အဖြစ် ဝင်ပြိုင်မယ့် ဦးဝင်းနိုင်ကတော့ သူတို့တင်ပြ ထားတဲ့ကိစ္စနဲ့ ပတ်သက်လို့ မတ်လ ၂၃ ရက်နေ့မှ အကျိုးအကြောင်း သိရ မယ်လို့ ပြောပါတယ်။

မိုင်းရှူးမှာ NLD ပါတီ၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ၊ ဝ ပါတီ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD နဲ့ ကျားဖြူ ပါတီလို့ လူသိ များတဲ့ ရှမ်း တိုင်းရင်းသားများ ဒီမိုကရက်တစ် ပါတီ SNDP တို့ယှဉ်ပြိုင်ကြမှာဖြစ်ပါတယ်။

တိုင်းရင်းသား ပါတီတွေ ဘက်ကတော့ NLD ပါတီ ဘက်က တင်ပြထားသလို တဲ့ မဲရုံ တွေကို ရုပ်သိမ်း လိုက်မယ်ဆိုရင် မျှတတဲ့ ရွေးကောက်ပွဲဖြစ်လာမှာမဟုတ်ဘူးလို့ ပြောနေကြပါတယ်။

BBC Burmese
http://www.bbc.com/burmese