03/24/17


၂ဝ၁၄ ခုနှစ်က သင်္ကြန်မှာ အိုးဝေသံ သံချပ်အဖွဲ့ ဖျော်ဖြေနေတာကို တွေ့ရစဉ်
၂ဝ၁၄ ခုနှစ်က သင်္ကြန်မှာ အိုးဝေသံ သံချပ်အဖွဲ့ ဖျော်ဖြေနေတာကို တွေ့ရစဉ်
Photo: RFA
ဗကသ အဖွဲ့ဝင် ကိုမင်းသွေးသစ် ဦးဆောင်မယ့် အိုးဝေသံ သံချပ်အဖွဲ့က ဒီနှစ်သင်္ကြန်မှာ သူတို့ ဖျော်ဖြေမယ့် သံချပ်တွေကို ဆင်ဆာတင်သွားမှာ မဟုတ်ဘူးလို့ ကိုမင်းသွေးသစ်က ပြောပါတယ်။

လူပုဂ္ဂိုလ်တွေ၊ ဘာသာ၊ သာသနာတွေကို ထိခိုက်စေမယ့် စကားလုံးတွေပါသလား ဆိုတာဟာ သံချပ်အဖွဲ့ ဖျော်ဖြေ တဲ့အခါမှာ ပြည်သူတွေကပဲ ဆုံးဖြတ်မှာဖြစ်ပြီး ဒီလိုဥပဒေထုတ်ပြီး ဆင်ဆာတင်ခိုင်းတာမျိုးက မဖြစ်သင့်ဘူး ထင်တာကြောင့် ခွင့်ပြုချက်တင်ဖို့ မရှိဘူးလို့ ဗကသ အဖွဲ့ဝင် ကိုမင်းသွေးသစ်က ပြောပါတယ်။

"ဘာသာ၊ သာသနာအချင်းချင်း အမုန်းတရားဖြစ်စေမယ့် စကားလုံးတွေပါလား၊ လူပုဂ္ဂိုလ်တစ်ဦး တစ်ယောက်ကို ထိခိုက်စောက်ကားစေတဲ့ စကားလုံးပါလားဆိုတာကို ဒီသံချပ်အဖွဲ့အနေနဲ့ ဖျော်ဖြေတဲ့ အခါမှာ ပြည်သူကပဲ ဆုံးဖြတ်ပါလိမ့်မယ်၊ ပြည်သူကလက်မခံဘူးဆိုတဲ့ သံချပ်အဖွဲ့ကိုမှ အစိုးရက အရေးယူရမှာပေါ့၊ ဒီလိုကြို တင်ပြီးတော့ ဥပဒေထုတ်ပြီးတော့ ဆင်ဆာတင်ခိုင်းတာမျိုးကတော့ မဖြစ်သင့်ဘူးထင်ပါတယ်၊ ဒါ့ကြောင့်မို့လို့ ကျနော်တို့ကတော့ သံချပ်ကို ခွင့်ပြုချက် ဒါမှမဟုတ် ဆင်ဆာတင်ဖို့မရှိပါဘူး။ "

သံချပ်ဆိုတာဟာ တိုင်းပြည်ရဲ့ လိုအပ်ချက်တွေ၊ အစိုးရရဲ့လိုအပ်ချက်တွေ၊ ပြည်သူ့ဝန်ထမ်းတွေရဲ့ လိုအပ်ချက်တွေ ကို ပွင့်ပွင့်လင်းလင်း ထောက်ပြဝေဖန်တဲ့ အလေ့အထရှိပြီး အဲဒါဟာ သံချပ်ရဲ့တန်ဖိုး ဖြစ်တယ်လို့လည်း ပြော ပါတယ်။

အိုးဝေသံ သံချပ်အဖွဲ့အနေနဲ့ ပြီးခဲ့တဲ့ အစိုးရလက်ထက် ၂၀၁၄ ခုနှစ် သင်္ကြန်တုန်းက တစ်ကြိမ် သံချပ်အဖွဲ့ထွက်ခဲ့ ပြီး အဲဒီတုန်းကလည်း ခွင့်ပြုချက်တင်ခိုင်းပေမယ့် မတင်ခဲ့ဘူးလို့ သိရပါတယ်။

မြန်မာ့ရိုးရာမဟာသင်္ကြန်ပွဲတော်မှာ ဖျော်ဖြေတင်ဆက်မယ့်အဖွဲ့တွေရဲ့ သီချင်းတွေ၊ သံချပ်တွေကို လာမယ့် မတ်လ ၂၈ ရက်နေ့ နောက်ဆုံးထားပြီး မဟာသင်္ကြန်သီချင်း၊ သံချပ်စိစစ်ကြပ်မတ်ရေး လုပ်ငန်းကော်မတီကို တင်ပြရ မယ်လို့ ရန်ကုန်မြို့တော် စည်ပင်သာယာရေးကော်မတီက ထုတ်ပြန်ကြေညာထားပါတယ်။

ဖျော်ဖြေတင်ဆက်မယ့် သီချင်းတွေ၊ သံချပ်တွေမှာ ပြည်ထောင်စုမပြိုကွဲရေး၊ တိုင်းရင်းသား စည်လုံးညီညွတ်မှု မပြိုကွဲရေး၊ အချုပ်အခြာအာဏာ တည်တံ့ခိုင်မြဲရေး စတာတွေကို ထိခိုက်မှုမရှိစေဖို့ ဘာသာရေး၊ လူမျိုးရေး ထိခိုက်စေမယ့် အသုံးအနှုန်းတွေ မပါဝင်စေဖို့၊ နိုင်ငံတော်၊ အဖွဲ့အစည်း၊ လူပုဂ္ဂိုလ်တစ်ဦးတစ်ယောက်ကို ဂုဏ်သိက္ခာညှိုးနွမ်းစေမယ့် အသုံးအနှုန်းတွေ မပါဝင်စေဖို့နဲ့ ရိုင်းစိုင်းဆဲဆိုတဲ့ စကားအသုံးအနှုန်း၊ ဟန်ပန် အမူအယာတွေ မပါရှိစေဖို့ စတာတွေကို သတိပြုဆောင်ရွက်ကြဖို့လည်း ကြေညာချက်မှာ ပါရှိပါတယ်။
RFA




မြောင်းမြမြို့နယ်၊ ရေငန်းအုပ်စု၊ စက်ကုန်းကျေးရွာ.. အလှူထမင်းကျွေးရာမှ လူ ၆၀၀ ကျော်
အစာအဆိပ်သင့်သည်ဟု သိရပါတယ်...မြောင်းမြမြို့ပေါ်ရှိ လူနာတင်ကားတွေ၊ မီးသတ်ကားတွေ
အပြင် အနီးအနားရှိ မြို့မှ ကားတွေပါ ဆင်းကူနေကြရပါတယ်...။

မြောင်းမြဆေးရုံ တခုလုံး လူနာ​တွေပြည့်​ကြပ်​​နေလို့ ရဲ​တွေ အ​စောင့်​​တွေနဲ့ထိန်း​နေရပါတယ်​ရှင်​...
ကုတင်​​တွေ ခုံ​တွေမ​လောက်​လို့ အနီးအနားအိမ်​များမှပါ အကူ​ပေး​နေရတယ်​လို့ သိရပါတယ်​...
ကြက်​​ခြေနီ​တွေ ​ဆေးတတ်​ကျွမ်းသူ​တွေလဲ အကုန်​ဝိုင်းကူ​နေကြပါတယ်​...အချိန်​မီ ​
ကုသမှုရကြပါမှ အသက်ကယ်လို့ရကြမှာပါရှင်...သွေးများလိုအပ်ပါကလည်း ကူညီပေးကြဖို့
ကြိုတင် အသိပေး အလှုခံပါရစေရှင်...။

Thinn Shwe Sin Hlaing


တမူထူးခြားသော ပတ်ဝန်းကျင်နှင့် ဌာနေလူမျိုးစုတို့၏ လူနေမှုဘဝကို ကျနော်တို့ဒေသအတွင်းတွင် တွေ့မြင်နေရပါသည်။
သဘာဝအတိုင်းနီးပါး ကျန်ရှိလျှက်ရှိသော သစ်တော၊ တောင်တန်းတစ်လျှောက်ကုန်မြင့်ပေါ်တွင် အများစုနေထိုင်ကြသော လူမျိုးစုများ၏ ဒေသဟုဆိုလည်း မမှားပေ။ သူတို့သည် ယာလုပ်ငန်းကို အဓိကအလုပ်အကိုင်အဖြင့် ဝမ်းစာကို ဖြည့်ကြလေသည်။

လူမျိုးစုတစ်ခုစီတိုင်းသည် သူတို့၏ ကိုယ်ပိုင်ရိုးရာယဉ်ကျေးမှု ကိုယ်စီရှိကြသည်။ မတူကွဲပြားဟန်ရှိလေသော ရိုးရာဓလေ့ထုံးတမ်းပွဲတော်၊ ဝတ်စားဆင်ယဉ်မှု၊ အမူအကျင့်များကို အပေါ်ယံမျှသာ ကြည့်မြင်တွေ့ရုံဖြင့်ပင် စိတ်ဝင်စားစရာကောင်းလေသည်။ ထဲထဲဝင်ဝင်သာ စူးနှစ်လေ့လာပါက ဆန်းသစ်ခြင်းနှင့် ညှိ့ယူဖမ်းစားနိုင်မှုကို ဆိုဖွယ်ရာမရှိတော့ပါ။ ထို့ကြောင့် ထိုမူဟန်များက ခရီးသွားများကို ဆွဲဆောင်လေတော့သည်။ ယင်းမူဟန်များပိုင်ဆိုင်ထားသော ထိုဒေသကား မူလအသုံးအနှုန်း ကရင်နီပြည်ခေါ် ကယားပြည်နယ်ပင် ဖြစ်နေသည်ဟု ဦးဌေးအောင်က အခိုင်အမာပြောသည်။

ဦးဌေးအောင်သည် ကယားပြည်နယ်၌ ပထမဆုံးအကြိမ်ထုတ်ပေးသည့် အမှတ်စဉ်(၂/၁၉၉၆)ဧည့်လမ်းညွှန်လိုင်စင်လက်မှတ်ရ အနည်းငယ်သော လူစာရင်းထဲတွင် တစ်ဦးအပါအဝင်ဖြစ်သည်။ သူလိုင်စင်ရရှိသော ကာလသည် လွန်ခဲ့သော နှစ် ၂၁ နှစ်အကျော် တိတိကျကျပြောရလျှင် ၁၉၉၆ ခုနှစ်တုန်းကဖြစ်သည်။ အဲဒီတုန်းက ကရင်နီအမျိုးသားတိုးတက်ရေးပါတီက စစ်အစိုးရလက်ထက်နဲ့ ပစ်ခတ်ရပ်စဲရေးလက်မှတ်ထိုးခဲ့ကြဖူးတဲ့အချိန်ပါ။

၁၉၉၆ ခုနှစ်တွင် မြန်မာစစ်ဗိုလ်ချုပ်များ၏ “မြန်မာခရီးသွားနှစ်” ကို ဂုဏ်ပြုသောအားဖြင့် ကယားပြည်နယ်၏ ပထမဆုံးသော ဧည့်လမ်းညွှန်လိုင်စင်ကို အစိုးရထံမှ ဦးဌေးအောင် ရရှိခဲ့ခြင်းဖြစ်သည်။ သို့သော် ၄ လ လောက်သာ အနည်းငယ်သာ လာရောက်လည်ပတ်သော နိုင်ငံခြားသား ခရီးသွားများကို ပို့ဆောင်ပေးခဲ့ရသည်။

ကရင်နီအမျိုးသားတိုးတက်ရေးပါတီနှင့် စစ်အစိုးရတို့၏ ငြိမ်းချမ်းရေးကိစ္စ ပြန်လည်ပျက်ပြယ်သွားခဲ့ပြီး ဦးဌေးအောင် မျှော်လင့်ခဲ့သော ခရီးလုပ်ငန်းနှင့် ခရီးသွားဧည့်သည်များဝင်ရောက်မှု ရပ်တန့်ဆိတ်သုန်းသွားခဲ့သည်။

“၄ လလောက်ပဲ လုပ်လိုက်ရတယ်။ ငြိမ်းချမ်းရေးပျက်ပြယ်သွားတော့ မလုပ်ရတော့ဘူး။ ရပ်သွားတယ်။”ဟု လွိုင်ကော်မြို့ မင်္ဂလာရပ်ကွက်တွင်နေထိုင်သော ဧည့်လမ်းညွှန်လည်း ယခုအခါ ကယားပြည်နယ်ဧည့်လမ်းညွှန်အသင်း၏ ဥက္ကဌအဖြစ်တာဝန်ယူထားသူ ဦးဌေးအောင်က သူ၏ အတွေ့အကြုံကို ပြန်ပြောင်းပြောသွားပါသည်။

ကယားပြည်နယ်ကို အနာဂတ်တွင် ခရီးသွားလုပ်ငန်းများ တရှိန်ထိုးမြှင့်တက်လာမည့် ပြည်နယ်အဖြစ် ပညာရှင်များနှင့် ခရီးသွားကုမ္ပဏီများက လေ့လာသုံးသပ်ခန့်မှန်းထားကြသည်။ သို့သော် အခက်အခဲများက စောင့်ကြိုလျှက်ရှိပြန်သည်။

မည်သို့အစီအမံ မည်သည့်နည်းလမ်းပုံစံနှင့် အကောင်အထည်ဖေါ်ကြမည်နည်း။ ရှိနေရင်း သဘာဝပတ်ဝန်းကျင်မထိခိုက်အောင်နှင့် ယင်းတို့ ထိန်းသိမ်းလာခဲ့သော ရိုးရာယဉ်ကျေးမှုကို မထိခိုက်အောင် ပုံဖေါ်ကြမည်ဟု ဦးဌေးအောင်က ရှုမြင်ချက်ကို ဖွင့်ဟသည်။ အကြီးမားဆုံး စိန်ခေါ်မှုက ခရီးသွားလုပ်ငန်းမှ ရရှိလာသော အကျိုးအမြတ်ကို ထိုဒေသထံ ပြန်စီးဝင်ရေးဖြစ်သည်။

ကယားပြည်နယ်သို့ ပထမဆုံးသော နိုင်ငံခြားကမ္ဘာလှည့်ခရီးသည်များ ရောက်ရှိလာခဲ့အပြီး ဆယ်စုနှစ်နှစ်စုမျှအကြာတွင် ကမ္ဘာလှည့်ခရီးသွားလုပ်ငန်းကို ပြည်နယ်တွင်း လက်ခံလာခဲ့ပြီဖြစ်သည်။ သို့ကြောင့် အစောပိုင်း အလားအလာကောင်းများကို အခြေခံကာ ရှေ့သို့လှမ်းမည့် ခရီးသွားယန္တရားအတွက် ရင်းနှီးမြုပ်နှံမှုများ ပိုမိုလိုအပ်လာနေပြီ ဖြစ်သည်။

နိုင်ငံတစ်နိုင်ငံ၏ ဒေသတွင်း စီးပွားရေးဖွံ့ဖြိုးတိုးတက်မှုရှိစေရန်အတွက် နိုင်ငံခြားဝင်ငွေကို ရှာဖွေပေးနိုင်သော ထင်ရှားသည့်လုပ်ငန်းများအနက် “ခရီးသွားလုပ်ငန်း” လည်း အပါအဝင်ဖြစ်သည်။ “ခရီးသွားလုပ်ငန်း” သည် ဒေသတွင်းရှိ အဖိုးတန် ယဉ်ကျေးမှုအမွေအနှစ်များနှင့် တိုင်းရင်းသား ဒေသခံများ၏ ရိုးရာထိန်းသိမ်းမှုများအပေါ် အခြေပြုသော ပြည်တွင်းစီးပွားရေး ဖြစ်လေသည်။

ထိုသို့သော လုပ်ငန်းရပ်များကို ထောက်ပံ့ပေးသည့်အပြင် ဒေသခံပြည်သူများအပိုဝင်ငွေရစေသည့် အသက်မွေးဝမ်းကြောင်းလုပ်ငန်းများကိုလည်း ဖန်တီးပေးနိုင်သည့်အရာအဖြစ်နိုင်ငံတကာမှလက်ခံ ယုံကြည်ထားကြပြန်သည်။

ထိုခရီးသွားလုပ်ငန်းကို ဆွဲဆောင်စေသော ဤဒေသ၏ ထူးခြားသောလက္ခဏာများက ဘာဖြစ်မည်နည်း။ စိတ်အေးချမ်းမှုပေးစွမ်းစေမည့် ရေတံခွန်၊ ဆန်းကြယ်မှုများဖြင့် ပြည့်နက်နေသော သဘာဝထုံးကျောက်လိုဏ်ဂူများ၊ ရိုးရာအစားအသောက်၊ ရိုးရာယက်ကန်းအထည်အလိပ်များ၊ အမှတ်တရပစ္စည်းများနှင့် အထူးခြားဆုံး ဝိသေသမှာ ရှေ့ရိုးရာအတိုင်း ဝတ်စားဆင်ယင်မှုနှင့် ယဉ်ကျေးမှုထုံးတမ်းများ၏ ပြယုဒ်သဖွယ်ဖြစ်သော တိုင်းရင်းသားလူမျိုးစုများပင် ဖြစ်လိမ့်မည်။

ကရင်နီ အမျိုးသားတိုးတက်ရေးပါတီနှင့် ၂၀၁၂ ခုနှစ်တွင် အပစ်ရပ်ဆိုင်းရန် လက်မှတ်ရေးထိုးပြီးနောက် မြန်မာအစိုးရက ကမ္ဘာ့လှည့်ခရီးသွားများအား ကယားပြည်နယ်သို့ သွားရောက်လည်ပတ်ရန် စတင်ခွင့်ပြုခဲ့သည်။ ထိုအချိန်က စတင်ကာ ကမ္ဘာ့လှည့်ခရီးသွားအရေအတွက် တစ်ဖြည်းဖြည်းချင်း တိုးတက်လာခဲ့သည်။

ပြည်တွင်းခရီးသွားကုမ္ပဏီများ၏ ဖေါ်ပြချက်အရ (၂၀၁၅) ခုနှစ်အတွင်း နိုင်ငံတကာခရီးသွား ဧည့်သည်များ အနှစ်ခြိုက်ဆုံးနှင့် လည်ပတ်မှုအများဆုံး ပြည်တွင်းအပန်းဖြေခရီးစဉ် (၅)ခု စာရင်းတွင် ကယား(ကရင်နီ)ပြည်နယ်ခရီးစဉ်လည်း အပါအဝင် ဖြစ်ခဲ့သည်။ ထိုသို့ တိုးတက်လာရခြင်း၏ အဓိကသော့ချက်မှာ ပွင့်လင်းမြင်သာမှုရှိလာသော နိုင်ငံရေး၊ စီးပွားရေးနှင့် လူမှုရေး ပြောင်းလဲမှုဖြစ်စဉ်များကြောင့်ဖြစ်သည်ဟု ဆိုလျှင် မှားအံ့မည်မထင်ပေ။ ယခင်ကထက် ပြည်နယ်အတွင်း ခရီးသွားလာရေးကဏ္ဍကို ပိုမိုအားကောင်းလာအောင် စနစ်တကျ ပျိုးထောင်းပေးခြင်းသည်လည်း အရေးပါလှသောလိုအပ်ချက် ဖြစ်မည်။

ဦးဌေးအောင်၏ နှစ် ၂၀ ကျော် ရင်းနှီးမြှပ်နှံထားမှုက အကျိုးတော့ မယုတ်ခဲ့ပေ။ နိုင်ငံရေး၊ ငြိမ်းချမ်းရေးပြုပြင်ပြောင်းလဲမှု၏နောက်ဆက်တွဲ ခရီးသွားလုပ်ငန်းတိုးတက်လာခြင်းက သူ၏ အိပ်မက်ကို တဖြည်းဖြည်း ပုံဖေါ်လာစေခဲ့ပြီ။ ၂၀၁၃ ခုနှစ်လောက်မှ စ၍ နိုင်ငံခြားခရီးသည်များနှင့် ပြည်တွင်းခရီးသည်များ တရှိန်ထိုးဝင်ရောက်လာမှုက ဦးဌေးအောင်အတွက် အလုပ်အကိုင်အခွင့်အလမ်း ဖြစ်စေခဲ့သည်။

ခရီးသည်များအတွက် ဧည့်လမ်းညွှန်အလုပ်ဖြင့် သူအဆင်ပြေစပြုလာသည်။ ယခင်က ခက်ခဲခဲ့သော အခြေအနေမှ ပြောင်းလဲလာသောဒေသဖွံ့ဖြိုးရေးနှင့်အတူ အခြေခံအဆောက်အဦးများ တဖြည်းဖြည်းကောင်းမွန်လာမှုက ခရီးသွားလုပ်ငန်းကို အထောက်အကူဖြစ်လာစေပြီဟု “ကယားပြည်နယ်က အလားအလာအရှိဆုံးပဲ ကယားကို ရထားနဲ့ပဲလာလာ၊ ကားနဲ့ဖြစ်ဖြစ်၊ လေယာဉ်နဲ့ကော လှေနဲ့ပါလာလို့ရတယ်။” ဦးဌေးအောင်က ဆိုသည်။


ထို့အပြင် ခရီးသည်များ ပြည်နယ်အတွင်းသို့ ဝင်ရောက်ခဲ့သော မှတ်တမ်းစာရင်းများအရ တိုးတက်လာသော ကိန်းကဏန်းများကို ကျွန်ုပ်တို့တွေ့ရှိရအုန်းမည်။ ကယား(ကရင်နီ)ပြည်နယ်သို့ လာရောက်လေ့လာသူများကို ဆန်းစစ်ကြည့်မည်ဆိုပါက ၂၀၁၄ ခုနှစ်တွင် ပြည်တွင်းဧည့်သည် (၁၁,၃၁၃) ဦးနှင့် ပြည်ပဧည့်သည်(၂,၆၆၂)ဦးသာရှိခဲ့သည်။

၂၀၁၅ တွင်မူ ပြည်တွင်းဧည့်သည် (၁၃,၇၇၈) နှင့် ပြည်ပဧည့်သည် (၃,၉၃၃) အထိလာရောက်ခဲ့ပြီး စုစုပေါင်း (၃၇၀၀)ကျော် တိုးတက်လာသည်ကို တွေ့မြင်ရမည်။ ၂၀၁၆ ခုနှစ်တွင် ထိုထက်တိုးတက်လာသော ခရီးသည်ဝင်ရောက်မှုကို တွေ့ရှိရမည်။ ပြည်တွင်းခရီးသည် ၁၆၉၉၄ ဦး ပြည်ပခရီးသည် ၆၃၇၄ ဦးတို့သည် ၂၀၁၆ ခုနှစ်၏ ခရီးသည်ဝင်ရောက်မှုစာရင်းဖြစ်သည်။

အဆိုပါ စာရင်းများမှာ ကယားပြည်နယ်၊ လွိုင်ကော်မြို့၊ ဟိုတယ်နှင့်ခရီးသွားလာရေး ညွှန်ကြားမှုဦးစီးဌာန၏ မှတ်တမ်းများအရ ဖြစ်သည်။ ယင်းက ပြည်တွင်းဧည့်သည်များ နှင့် နိုင်ငံတကာဧည့်သည်များ လာရောက် လည်ပတ်မှုမှာ တနှစ်ထက်တနှစ်တိုးလာပြီး လာမည့်နှစ်များတွင် တိုးတက်လာရန် အလားအလာကောင်းများရှိနိုင်သည်ကို ညွှန်ပြနေသည်။

ထူးခြားညွှန်ကိန်းတစ်ခုအဖြစ် ၂၀၁၆ နှင့် ၂၀၁၇ တို့၏ ဇန်နာဝါရီလ တစ်လတည်း၏ နှိုင်ယှဉ်ထားမှုဖြစ်သည်။ ၂၀၁၆ ခုနှစ်၏ ဇန်နဝါရီလတွင် ပြည်တွင်းခရီးသည် ၁၂၈၉ ဦးရှိခဲ့ရာမှ ၂၀၁၇ ခုနှစ် ဇန်နဝါရီလတွင် ပြည်တွင်းခရီးသည် ၂၀၀၉ ဦးအထိ မြှင့်တက်လာခဲ့သည်။ ပြည်ပခရီးသည်စာရင်း၌ ၂၀၁၆ ဇန်နဝါရီလသည် ၆၄၀ ဦးရှိခဲ့ရာမှ ၂၀၁၇ ၏ ဇန်နဝါရီလတွင် ၁၂၀၆ ဦးအထိ အရေအတွက်၏ တဆခန့်သို့မဟုတ် ၉၀ ရာခိုင်းနှုန်းအထိ တိုးတက်လာခဲ့သည်။

ကမ္ဘာလှည့်ခရီးသွားလုပ်ငန်း တိုးတက်မှုမှာ ရေရှည်တည်တံ့သော နည်းလမ်းတစ်ရပ်ဖြင့် စီမံနိုင်ခြင်း ရှိ၊ မရှိ ဟူသော မေးခွန်းနှင့်အတူ အစဉ်သဖြင့် ပေါ်ထွက်လာတတ်သည်။ ဤသည်မှာ ကယားပြည်နယ်အတွင်းရှိ ကမ္ဘာလှည့်ခရီးသွားလုပ်ငန်းကဏ္ဍတွင် အဓိကပါဝင်ဆောင်ရွက်သူများက အမှန်တကယ်ဖြစ်ပေါ်လာစေရန် ကြိုးပမ်းနေသောအရာပင် ဖြစ်သည်။

ကယားပြည်နယ်အတွင်း ရေရှည်တည်တံ့သော ကမ္ဘာ့လှည့်ခရီးသွားလုပ်ငန်းကဏ္ဍကို ဖော်ဆောင်မည့် အမေရိကန်ဒေါ်လာ ၁ ဒဿမ ၉ သန်းတန်ဖိုးရှိ အစီအစဉ်တစ်ရပ်အား နိုင်ငံတကာ ကုန်သွယ်ရေးစင်တာ (International Trade Centre)က ကမ္ဘာ့လှည့်ခရီးသွားလုပ်ငန်းဝန်ကြီးဌာနနှင့် အကျိုးတူပူးပေါင်းကာ ၂၀၁၄ ခုနှစ်မှစ၍ ဆောင်ရွက်ခဲ့သည်။

ထို့ပြင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ဆောင်ရွက်နေသည့် အမျိုးသားပို့ကုန်မဟာဗျူဟာ(NES)၏ သတ်မှတ်ထားသော ကဏ္ဍ(၁၁)ခု အနက် မြန်မာနိုင်ငံ၏ ခရီးသွားလုပ်ငန်းကဏ္ဍအား နည်းပညာပိုင်းဆိုင်ရာ ကူညီမှုများပေးရန် ရွေးချယ်ခဲ့သည်။ ဟိုတယ်နှင့် ခရီးသွားလာရေးလုပ်ငန်းဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် ပုဂ္ဂလိကကဏ္ဍတို့ ညှိနှိုင်းတိုင်ပင်ကာ ကယား(ကရင်နီ)ပြည်နယ်ကို ၂၀၁၄ မှ ၂၀၁၇အထိ (၃)နှစ်တာ စီမံကိန်းဒေသအဖြစ် ရွေးချယ်စေခဲ့သည်။

ဤအစီအစဉ်တွင် အလုပ်အကိုင်အခွင့်အလမ်းများ ဖန်တီးရန်နှင့် ဒေသတွင်း လူမှုအသိုင်းအဝိုင်းများကို ဝင်ငွေတိုးမြှင့်ပေးရန် ရည်မှန်းထားသည်။ ထို့အတူ အစားအသောက်များ၏ အရည်အသွေးနှင့် ဘေးကင်းလုံခြုံရေးတို့သာမက ဝန်ဆောင်မှု စီမံခန့်ခွဲရေးတို့အတွက် မွမ်းမံသင်တန်းများလည်း စီစဉ်ပေးထားသည်။

အဘယ့်ကြောင့်ဆိုသော် ကယား(ကရင်နီ)ပြည်နယ်သည် ရိုးရာယဉ်ကျေးမှုဆိုင်ရာလေ့လာလိုသော ကမ္ဘာလှည့်ခရီးသည်များကို ဆွဲဆောင်နိုင်သည့် အချက်များနှင့် ပြည့်စုံသည့်အရင်းအမြစ်များ တည်ရှိ နေသေးသည့်အပြင် ခရီးသွားကဏ္ဍနှင့်ဆက်စပ်သည့် အခြားစီးပွားရေးလုပ်ငန်းများလည်း အောင်မြင် လာနိုင်မည့် အခြေအနေများကို မြင်တွေ့နေရခြင်းကြောင့်ဟု ထိုစီမံကိန်း၏ ရည်ရွယ်ချက်ကဆိုသည်။

သို့သော် အားကောင်းလာသော ခရီးသွားလုပ်ငန်းသည် ဒေသတွင်း ငြိမ်းချမ်းတည်ငြိမ်ရေးနှင့် နိုင်ငံရေး၏ စနစ်အပေါ်အများကြီးမူတည်ကြောင်း ကယားပြည်နယ်ဧည့်လမ်းညွှန်အသင်းဥက္ကဌ ဦးဌေးအောင်က ဆိုသည်။ ထိုအပြင် ၎င်းက ခရီးသွား လွတ်လပ်ခွင့်များရရှိလာပါက သံလွင်မြစ်ဘေး လှေစီးခရီးစဉ်နှင့်သဘာဝခရီးသွားလုပ်ငန်းနှင့် ခြေကျင်လျှောက် ညအိပ် ခရီးစဉ်များတို့ချဲ့လာနိုင်ရန် သူ့အနေဖြင့် မျှော်လင့်နေသည်။ (ယခုမူကာ နိုင်ငံခြားခရီးသည်များကို လွိုင်ကော်မြို့နယ် ပတ်ဝန်းကျင်၊ ဒီးမော့ဆိုမြို့ပေါ်နှင့် ရပ်ရွာအခြေပြုခရီးသွားလုပ်ငန်း အကောင်အထည်ဖေါ်ထားသောဒေသများနှင့် ဖရူဆိုမြို့ပေါ်တွင်သာ အကန့်အသတ်ဖြင့်သာ အာဏာပိုင်းများက ခွင့်ပြုထားသည်။)

ထိုသို့ စီမံကိန်းအဖြစ် ရွေးချယ်ရန်အတွက်လည်း ကယားပြည်နယ်သည် ရှားပါးသော ကိုယ်ပိုင်ယဉ်ကျေးမှုများ ဖြစ်သည့် ရိုးရာဝတ်စားဆင်ယင်မှုများနှင့် ဓလေ့ထုံးစံများထိန်းသိမ်းခြင်း၊ ရိုးရာမပျက်လုပ်ကိုင်လျက်ရှိသော လက်မှုလုပ်ငန်းများနှင့် ဒေသထွက်ရိုးရာစားသောက်ကုန် လုပ်ငန်းများကိုမြှင့်တင်ရေးသည် လွန်စွာ အရေးကြီးနေခဲ့သည်။

ယင်းနောက်တွဲ၏ အဖြေက စိတ်ပျက်စရာတစ်ခုတော့ မဟုတ်ခဲ့ချေ။ မြန်မာနိုင်ငံရှိ ရပ်ရွာလူထုအခြေပြု ခရီးစဉ်ဒေသကို အာဆီယံအထွေထွေအတွင်းရေးမှူးချုပ်ရုံး၏ Asean Community Based Tourism Award 2017 ဆုကို ကယားပြည်နယ်၊ ဒီးမော့ဆိုမြို့နယ်ရှိ တနီးလာလဲနှင့် ပန်ပက်ခရီးစဉ်က ရရှိခဲ့သည်။ ထိုဆုကို ၎င်းအပါအဝင် မြန်မာနိုင်ငံအတွင်းရှိ ဒေသနှစ်ခုကသာ ရရှိခဲ့ခြင်းလည်း ဖြစ်သည်။

ကယားပြည်နယ်အတွင်း ၂၀၁၅ ခုနှစ် နိုင်ငံခြားသားခရီးသည် ဝင်ရောက်မှုသည် ၂၀၁၆ ခုနှစ်အရောက်တွင် ၆၀ ရာခိုင်နှုန်းအထိ တိုးတက်လာခဲ့သည်။ ထိုရာခိုင်နှုန်းဖြင့် ခရီးသွားလုပ်ငန်းတိုးတက်လာမှု၏ ရှေ့ပြေးနမိတ်အဖြစ် ဟိုတယ်နှင့် ခရီးသွားလာရေးညွှန်ကြားမှုဦးစီးဌာန(လွိုင်ကော်ရုံး)အနေဖြင့် ၂၀၁၇ ခုနှစ်အတွင်း နိုင်ငံခြားခရီးသည် ဦးရေ ၁၀,၀၀၀ ဦး ဝင်ရောက်ရန် ရည်မှန်းထားသည်။

ထိုခရီးသွားလုပ်ငန်းဖွံ့ဖြိုးမှုမှသည် ၎င်းနှင့် စပ်ဆက်သော စီးပွားရေးလုပ်ငန်းများ၊ ဝန်ဆောင်မှုများနှင့်အတူ ကျေးလက်နေဒေသခံများ၏ လက်ထဲကို ခရီးသွားလုပ်ငန်းမှ ရရှိလာသော အကျိုးအမြတ်ကို ထည့်ပေးနိုင်ရန် မိမိတို့ဌာနက ရည်ရွယ်ခြင်းဖြစ်ကြောင်း ဟိုတယ်နှင့် ခရီးသွားလာရေးညွှန်ကြားမှုဦးစီးဌာန(လွိုင်ကော်ရုံး)၏ စစ်ဆေးရေးမှူး(၁) ဦးအောင်ကျော်သူက ဌာနကိုယ်စားပြောသည်။
“ကျနော်တို့ ပြည်နယ်ရဲ့ ဝင်ငွေတွေ တက်လာမယ်ပေါ့။ အလုပ်အကိုင်အခွင့်အလမ်းတွေရလာမယ်။” ဦးအောင်ကျော်သူက ဌာန၏ ဦးတည်ချက်ကို ချပြသည်။

ရည်မှန်းချက်ဖြစ်သော ခရီးသည်တိုးတက်လာမှုအတွက် ကြိုတင်ပြင်ဆင်ရန် လူထုအခြေပြုခရီးသွားလုပ်ငန်းနှင့် ဆက်နွယ်သော လည်ပတ်စရာနေရာအဖြစ် ကယားလူမျိုးစုများနေထိုင်ရာ ဒေါတမကြီးကျေးရွာနှင့် ပရဲ့(ကယော)လူမျိုးများနေထိုင်ရာ ထေခိုကျေးရွာကို ထပ်မံတိုးချဲ့ရန် တာစူနေသည်။

ထိုအတွက် လိုအပ်သော အခြေခံအဆောက်အဦးများကိုလည်း တည်ဆောက်နေပြီးဖြစ်ကာ လက်ရှိတွင် လွိုင်ကော်မြို့ပေါ်၌ ဟိုတယ်ပေါင်း ၁၃ လုံးနှင့် အခန်းပေါင်း ၂၉၀ ရှိနှင့်နေပြီဟု ဟိုတယ်နှင့် ခရီးသွားလာရေးညွှန်ကြားမှုဦးစီးဌာန(လွိုင်ကော်ရုံး)၏ စာရင်းက ဖေါ်ပြသည်။ ထပ်မံတိုးချဲ့ရန် လျှောက်ထားသော ဟိုတယ် ၁၄ လုံးအထိရှိနေပြီး အခန်းပေါင်း ၃၅၀ အထိ ထပ်မံတိုးလာမည့်အတွက် ဦးအောင်ကျော်သူက “အလုပ်အကိုင်အခွင့်အလမ်း ၃၀၀ ကျော်လောက် ဒေသခံတွေ အလုပ်အကိုင်ရလာလိမ့်မယ်” ဟု ကန္တာရဝတီတိုင်း(မ်)ကို ပြောကြားသည်။

၎င်းအပြင် သဘာဝခရီးသွားလုပ်ငန်းကို တိုးချဲ့ရန်လည်း ကယားပြည်နယ်စီမံကိန်းနှင့် ဘဏ္ဍာရေးဝန်ကြီးဦးမော်မော်က ကယားပြည်နယ်အစိုးရ၏ ခရီးသွားလုပ်ငန်းအပေါ် ထားရှိသော ရည်မှန်ချက်ကို ပြောသည်။ ဝန်ကြီး၏ အစိုးရအဖွဲ့က ထိုင်းနိုင်ငံ၊ မယ်ဟောင်ဆောင်မြို့နှင့် မြို့လွိုင်ကော်ကိုလည်း ညီအမမြို့တော်အဖြစ် မတ်လ ၉ ရက်နေ့တွင် လက်မှတ်ရေးထိုးရန်လည်း ကြိုးပမ်းနေကြသည်။

“နယ်စပ်ကုန်သွယ်ရေးမှာ ထိုင်းကုန်သည်တွေနဲ့ အပြန်အလှန်ကူးလူးဆက်သွယ်ဆောင်ရွက်ဖို့လည်း ရည်ရွယ်သလို ထိုင်းဘက်ကနေ လွိုင်ကော်မြို့ကို လာလည်ချင်တဲ့ ခရီးသည်ပဲဖြစ်ဖြစ် လူထုအခြေပြုခရီးသွားလုပ်ငန်း(Community basis tourism)ပဲဖြစ်ဖြစ် အဓိကကတော့ Eco-tourism လုပ်ချင်လို့ပေါ့။” ဝန်ကြီးဦးမော်မော်က ကန္တာရဝတီတိုင်း(မ်)နှင့် တွေ့ဆုံစဉ် ပြောသည်။

ကယားပြည်နယ်အတွင်း၌ ၂၀၁၅ ခုနှစ်မှစ၍ လူထုအခြေပြုခရီးသွားလုပ်ငန်းနှင့် ဆက်နွယ်သော လည်ပတ်စရာနေရာ ပန်ပက်နှင့် တနီးလာလဲနှစ်ရွာသာ အကောင်အထည်ဖေါ်ဆောင်ရွက်ထားသည်။ ယခင်ကထက် ပိုမိုလာရောက်လည်ပတ်မည်ဟုမျှော်မှန်းထားရာ ခရီးသွားများအနေဖြင့် ထပ်မံလည်ပတ်စရာ ရွေးချယ်မှုများပိုမိုပြုလုပ်နိုင်ရန်နှင့် ဒေသခံများအတွက် တဖက်တလမ်းဝင်ငွေများရရှိနိုင်အောင် စီစဉ်နေပြီဟု International Trade Center (ITC)(လွိုင်ကော်-ကယားပြည်နယ်)ရုံး၏ စီမံကိန်းညှိနှိုင်းရေးမှူး ဒေါ်အဲလစ်လွှန်းစွေက ပြောကြားသည်။

မြန်မာ့ခရီးသွားလုပ်ငန်းနှင့် ချိတ်ဆက်ကာ ကယား(ကရင်နီ)ပြည်နယ်တွင်း ကမ္ဘာလှည့်ခရီးသည်များစိတ်ဝင်စားစေမည့် ခရီးစဉ်များကို တိုးချဲ့ပေးခြင်းသည် ပြည်နယ်တွင်း တိုင်းရင်းသားလူမျိုးစုများ၏ အလုပ်အကိုင်အခွင့်အလမ်းများကို ဖန်တီးပေးရာရောက်မည်ဟု ဒေါ်အဲလစ်လွှန်းစွေက ဆက်ပြောသည်။

လိ်ွုင်ကော်၊ ဒီးမော့ဆိုနှင့် ဖရူဆိုမြို့တို့သည် အနားယူ နေထိုင်ရန်သင့်တော်ပြီး အပူအအေးမျှတသော ခရီးသည်များလာရောက်လည်ပတ်ရာ ကယားပြည်နယ်၏ အဓိက ဒေသဖြစ်သည်။ လွိုင်ကော်မြို့ပတ်လည်တွင် ကျောက်တောင်ပေါ်တွင် ပုံစံအမျိုးမျိုးဖြင့်တည်ရှိနေသော ဘုရားစေတီပုထိုးပေါ်တွင် မနက်ခင်းနေထွက်ချိန်နှင့် ညခင်းဆည်းဆာနေဝင်ချိန်ကို ကြည့်နိုင်မည်။ ထို့အပြင် လွိုင်ကော်၌ ရိုးရာရက်ကန်းစက်ရုံများမှ ထွက်ရှိသော အဝတ်အထည်များကို အမှတ်တရအဖြစ်ဝယ်ယူသင့်တော်သည်။

ရက်သတ္တတပတ်လျှင် သုံးဈေးဖွင့်သော ဒီးမော့ဆိုရှိ မြို့မဈေးရှိ ခေါင်ဆိုင်တန်းများက သင့်ကို ဆွဲဆောင်နေလိမ့်မည်။ ယင်းဆိုင်တန်းတွင်း ဒေသထွက်ရိုးရာခေါင်ရည်မြည်းစမ်းရင်း မက်ခါသီးထောင်း(ဒေသထွက် ဟင်းခပ်အမွေးအကြိုင်တစ်မျိုး)ဖြင့် ရသာကောင်းမွန်ထူးခြားကာ ကယားပြည်နယ်တွင်းသာမက မြန်မာနိုင်ငံတစ်ဝှမ်း၌ လျှမ်းလျှမ်းတောက် နာမည်ကြီးအစားအစာဖြစ်သော ကယားဝတ်အူချောင်းနှင့် ရိုးရာခရုပြုတ်ကို မဖြစ်မနေ သုံးဆောင်သင့်သည်။ ထိုအပြင် လက်ဆက်သော သားငါးများနှင့် တခါတရံတောကောင်များကို အရှင်အဖြစ်ဖမ်းယူကာ ဈေးအတွင်းရှိ နေရာကွက်လပ်တွင် ပြသရောင်းချထားမှုက စားသုံးသူ၏ ဝယ်ယူချင်စိတ်ကို တိမ်းညွှတ်စေလိမ့်မည်။

သို့သော် ကမ္ဘာလှည့်ခရီးသွားများ မျက်စိကျနှစ်ခြိုက်ကြသော အရာသည် လွိုင်ကော်၏ အပြင်ဖက် တနည်းအားဖြင့် ဒီးမော့ဆိုရှိ ကယားလူမျိုးစုနေထိုင်ရာကျေးရွာနှင့် ကယန်းလူမျိုးစုများနေထိုင်ရာဒေသ၊ ၎င်းအပြင် ဖရူဆိုမြို့နယ်ရှိ ကယော(ပရဲ့)လူမျိုးများနေထိုင်ရာဒေသများပင်ဖြစ်သည်။ ခရီးသည်များ သဘောအကျဆုံးအရာသည် ရိုးရာလူမျိုးစုများပင်ဖြစ်သည်ဟု ဦးဌေးအောင်က သူ့၏ ဧည်လမ်းညွှန်ဘဝဖြင့် ဖြတ်သန်းရာတွင် ရရှိခဲ့သော အတွေ့အကြုံကိုအရင်းတည်ကာ မှတ်ချက်ပြုညွှန်းဆိုသည်။ အခြားဒေသနှင့်မတူ စစ်မှန်သောယဉ်ကျေးမှုအမွေအနှစ်ကျန်ရှိရာ ဒေသသည် ထိုနေရာများပင်ဖြစ်သည်ဟု သူက ထပ်လောင်းပြောသည်။

ခရီးသွားလုပ်ငန်းဖေါ်ဆောင်ရင်နှင့်ပဲ ထိုယဉ်ကျေးမှုအမွေအနစ်များကို ဆက်လက်ထိန်းသိမ်းရန် ပါဝင်ပတ်သက်အားလုံး၌ တာဝန်ရှိသည်ဟု သူက အကြံပြုသည်။
ခရီးသွားလုပ်ငန်းမှ ရရှိလာမည့် အကျိုးအမြတ်များကို လက်ရှိဒေသခံများ တိုက်ရိုက်ခွဲဝေ ခံစားနိုင်ရန် တိကျသေချာသော စီမံချက်များကို အမျိုးသားဖွံ့ဖြိုးတိုးတက်ရေးဗျူဟာအဖြစ် ထည့်သွင်းစဉ်းစားခြင်းသည် လိုအပ်ချက်တရပ်ဖြစ်သည်။ နယ်မြေငြိမ်းချမ်းတည်ငြိမ်းမှုနှင့်အတူ သက်ဝင်လာမည့် ခရီးသွားလုပ်ငန်း၏ နောက်ဆက်တွဲ အကျိုးဆက်ကို ဒေသခံများအားလုံး ခံစားစေချင်ဟု ဦးဌေးရယ်က အလုပ်အကိုင်အာမခံချက်မရှိသေးသော ကယားပြည်နယ်၏လူသားအရင်းအမြစ်ကို ညွှန်းဆိုသည်။

ထို့အပြင် ပြည်ပရောက် ကယား(ကရင်နီ)ပြည်နယ်၏ ဌာနေတိုင်းရင်းသားများ ယဉ်ကျေးမှုနှင့် လူပုဂ္ဂိုလ်များ အခြားဒေသတွင် အသုံးချခံရနေမှုကိုလည်း သူ့အနေဖြင့် နေရပ်ကိုပြန်လာစေချင်နေသည်။ နေရပ်ပြန်လာနိုင်အောင်လည်း မူလနေရင်းနေရာတွင် ခရီးသွားလုပ်ငန်းမှ ရရှိလာသော အလုပ်အကိုင်အခွင့်အလမ်းကို အသုံးချကာ ဘဝရပ်တည်နိုင်ရေးအတွက် ခရီးသွားလုပ်ငန်းတွင် ပါဝင်ပတ်သူများအားလုံးနှင့် အစိုးရတွင်တာဝန်ရှိသည်ဟု ဦးဌေးအောင် ယုံကြည်နေသည်။
“ငြိမ်းချမ်းလာရင်တော့ အားလုံးအဆင်ပြေလာမှာပါ။” ဟု ဦးဌေအောင်က သူ့၏ သံဓိဌာန်ကို ကြုံးဝါးလိုက်သည်။

စိုင်းလင်းလင်းဦး
Kantarawaddy News
http://www.kantarawaddytimes.org


ရှားတောမြို့နယ် စုစည်းရွာမှာနေတဲ့ အသက် ၂၇ နှစ်အရွယ် ကူးရယ်နိုရာဟာလည်း သူ့ရဲ့ ဇာတိမြေကနေ ထွက်ပြေးတိမ်းရှောင်ခဲ့တဲ့ သူတယောက်ပါ။ သုံးနှစ်သား အရွယ်ကတည်းက မိသားစုတွေနဲ့ ရှားတောမြို့နယ် ဒေါခရောအော့ရွာ ဇာတိမြေကနေ ထွက်ပြေးလာခဲ့ရတဲ့သူဖြစ်ပါတယ်။

″ ဖြတ်လေးဖြတ်တုန်းကကျနော်ကငယ်ငယ်လေးပဲရှိပါသေးတယ်။ ဘာမှလည်းမသိဘူး ကျတော် ရှားတောမှာပဲ ကြီးလာတယ်။ ကျတော် သုံးနှစ်လောက်ပဲ ရှိသေးတယ် အဲ့ဒီ ဖြတ်လေးဖြတ်တုန်းက အရမ်းရှူပ်ခဲ့တယ်လေ ″ လို့ဆိုပြီး သူ့ရဲ့ ဖြတ်လေးဖြတ်တုန်းက ကြုံခဲ့ရတဲ့ အဖြစ်အပျက်လေးကို ပြောပြသွားပါတယ်။

ခူးကူးရယ်နိုရာဟာဆိုရင် ပညာကို ဆုံးခန်းတိုင်အောင် မဆည်းပူးနိုင်ခဲ့ပဲ ၂၀၀၆-၀၇ ခုနှစ်မှာ ၉တန်းကျောင်းသားဘဝနဲ့ ပညာသင်ဘဝကို ကျောခိုင်းခဲ့ရတယ်လို့ ဆိုပါတယ်။

ပညာဆက်လက် မဆည်းပူးနိုင်တော့ပဲ တစ်နေ့မှာ အလုပ်လုပ်ဖို့ ဆုံးဖြတ်ရင် နမ်းစိုက်ဖို့ နွားလှည်းမောင်းပြီး တောထဲသွားချိန်မှာ ၂၀၀၈ခုနှစ်မှာ အစိုးရစစ်တပ်ရဲ့ ဖမ်းဆီးချုပ်နှောင်ခြင်းကို ခံခဲ့ရတယ်လို့လည်း ဆိုပါတယ်။

″ ကျတော့်ကို ဖမ်းတော့ ကျတော့်ကို သူပုန်ကို ဆန်သွားပေးတယ်ဆိုပြီးတော့ပေါ့ ကျတော့်မှာက နွားလှည်းတစ်စီးပါတယ် အဲ့နွားလှည်းပေါ်မှာက ဆန်တွေပါတယ် ကျတော်က သွားပို့တာ မဟုတ်ဘူးလို့ပြောတော့ မရဘူး နောက်ဆုံးတော့ ကျတော့်ကို ဖမ်းသွားတယ် ကျတော့်ကို ၅၄ တပ်မှာ အကျဉ်းချုပ်ထားတယ် ″ လို့ ဆိုပါတယ်။

ဖမ်းဆီးချုပ်နှောင်ခံရချိန် ၃လပြည့်ပြီးနောက် ၂၀၀၉ ခုနှစ်မှာ ထွက်ပြေးလာခဲ့ပြီး တောထဲရောက်သွားခဲ့ပြီး ကရင်နီ ဒုက္ခသည်စခန်းကို ရောက်ရှိသွားခဲ့တယ်လို့ သိရပါတယ်။

ဖမ်းဆီးချုပ်နှောင်ခံရမှာထက် ဘဝကို စတေးပြီး ထွက်ပြေးခဲ့ရာမှ ဒုက္ခစည်စခန်း ရောက်ရှိသွားပြီး ဒုက္ခသည်ပညာရေးကို ဆက်လက်ဆည်းပူးခွင့် ရခဲ့တယ်လို့ သိရပါတယ်။

ဖြတ်လေးဖြတ်ခေတ်မှာ သေလုနီးပါးခံခဲ့ရပေမဲ့ ယခုအချိန်မှာ နိုင်ငံရေး ပြောင်းလဲတည်ငြိမ်လာမှုကြောင့် နေရပ်ကို ပြန်လာနေသော်လည်း တချို့သော ခူးကူးရယ်နိုရာအပါအဝင် ဒေသခံတွေမှာ အကြောက်တရားများ ရှိနေသေးတဲ့အတွက် နေရပ်ကို ပြန်လာသူ အနည်းငယ်သာ ရှိပါသေးတယ်။

ရှားတောမြို့နယ် ဒေါကလော်လဲ ကျေးရွာမှ ဦးစေရယ်က ″ ကျတော်တို့ ပြန်လာနေရင် ပြန်မောင်းထုတ်ခံရမှာ နှစ်ကြိမ်သုံးကြိမ် ထပ်ပြီးတော့ ဒုက္ခခံပြီးမပြေးနိုင်တော့ဘူးလို့ ပြောတဲ့လူတွေအများကြီးပဲတောင်ယာလယ်ယာတွေ အကုန်ကျန်သေးတယ် ဒါပေမဲ့စိတ်ဆင်းရဲတော့ နောက်တစ်ခါထပ်ကြုံရမှာစိုးရိမ်ကြတာပေါ့″ လို့ နေရပ်ကို ပြန်လာနေဖို့ အကြောက်တရားများ စိုးမိုးနေတဲ့အတွက် ပြန်မလာချင်တော့တဲ့ သူ့ရဲ့ ကျေးရွာသူ၊သားများ အကြောင်းကို ရှင်းပြပါတယ်။

ဒေါကလော်လဲကျေးရွာဟာဆိုရင် ယခင်နှစ်တွေမှာ အိမ်ခြေပေါင်း (၇၀) ကျော်ရှိပြီး ၉၆ခုနှစ် ဖြတ်လေးဖြတ်ခေတ်မှာ ကျေးရွာမီးရှို့ခံရတဲ့အတွက် ထွက်ပြေးပုန်းရှောင်ရာမှ ယခုချိန်မှာတော့ အိမ်ခြေ( ၁၃) လုံးသာ ပြန်လာနေထိုင်ကြတာကို တွေ့ရပါတယ်။

″ ဗမာစစ်တပ်တွေက ကျတော်တို့ကို အချိန်သုံးရက်ပဲ ပေးတယ်လေ သုံးရက်အတွင်း ထွက်ပြေးရတယ် မပြေးရင် တွေ့တဲ့သူအသေသတ်မယ်ဆိုပြီးတော့ပေါ့ အဲ့အချိန်ဆိုကျတော်တို့ ကလေးတွေကိုပဲကျောပိုးအိပ်ယာလိပ်တွေယူပြီးထွက်ပြေးရတယ် ″ လို့ဆိုပြီး သူထွက်ပြေးခဲ့ရပုံကို ပြောပြပါတယ်။

ယနေ့ခေတ် ဖေစိုးလေးဒေသနေ လူငယ်အများစုဟာ အကြောက်တရားများ ရှိနေဆဲဖြစ်တဲ့အတွက် ဒေသဖွံ့ဖြိုးရေး၊ လူမျိုးရေးများအတွက် လုပ်ဆောင်နိုင်ဖို့ အခက်အခဲရှိနေပါသေးတယ်။

၁၉၉၅ ခုနှစ်က ကရင်နီအမျိုးသားတိုးတက်ရေးပါတီ KNPP နှင့် စစ်အစိုးရတို့ ပစ်ခတ်ရပ်စဲရေးပျက်ပြယ်သွားခဲ့ကြပြီးနောက် စစ်ပြန်တိုက်ခဲ့ကြတဲ့အချိန်မှာဘဲ ဖေစိုးလဲဒေသက ဒေသခံပြည်သူတွေ နယ်စပ်ပြေးသူကပြေး ၊ စုစည်းရွာကို ပြေးသူကပြေးခဲ့ကြရတဲ့အတွက် နေရပ်တွေကို စွန့်ခဲ့ကြရတာဖြစ်ပါတယ်။

အများဆုံးစစ်ဒဏ်ခံခဲ့ရတဲ့ နယ်မြေဒေသတစ်ခုလည်း ဖြစ်တဲ့အတွက် ယခုချိန်အထိ ပြည်နယ်အတွင်းမှာ ဖွံ့ဖြိုးမှုနောက်ကျကျန်ဆုံး ဖြစ်ခဲ့ရတဲ့ မြို့နယ် တစ်မြို့နယ်လည်း ဖြစ်ပါတယ်။

အခု အစိုးရသစ်လက်ထက်မှာတော့ ဖေစိုးလဲဒေသက လူငယ်တွေ ပြန်လည်စုစည်းဖို့ စတင်လာခဲ့ကြပါပြီ။

ရှားတောမြို့နယ် ဖေစိုးလေးဒေသဟာ အမှောင်နယ်မြေအဖြစ် သတ်မှတ်ခံခဲ့ရတဲ့အတွက် လူငယ်တွေ ဒီဘဝကနေ လွှတ်မြောက်ဖို့အတွက် လူငယ်တွေမှာ တာဝန်ရှိတဲ့အတွက် ဖေစိုးလေး လူငယ်ဆိုပြီး လူငယ်အဖွဲ့ကို ဖွဲ့စည်းရခြင်းဖြစ်တယ်လို့ သိရပါတယ်။

ယခင် အပစ်ခတ်ရပ်စဲရေး မယူခင် ဖြတ်လေးဖြတ် မဖြစ်ခင် အချိန်ထိ ရှားတောမြို့နယ်ဟာ ကျေးရွာပေါင်း နှစ်ရာကျော်ရှိခဲ့ပြီး ဖြတ်လေးဖြတ် ကာလမှာ တကွဲတပြား ဖြစ်ပွားခဲ့မှုကြောင့် ယခု ပြန်လည်နေထိုင်ရာမှ ပြည်ထဲရေး အမည်ပေါက် စာရင်းအရ ၂၆ရွာသာ ရှိတော့တယ်လို့ သိရပါတယ်။

ကျေးရွာဇာတိဟောင်းကို ပြန်လာနေထိုင်တဲ့လူတချို့ကလည်း ကျေးရွာ ဖွဲ့စည်းပုံ အင်္ဂါရပ်တွေနဲ့ မညီသေးလို့ ပြည်ထဲရေးဌာနကနေပြီး ယာယီခိုလှုံခွင့် အိုးအိမ်နေရာ ပြန်လည်ရှာဖွေခြင်းလို့ပဲသတ်မှတ်ထားတယ်လို့ သိရပါတယ်။

လက်ရှိမှာတော့ ရှားတောနယ်မြေ ဒေသဘက်ကို ဖေစိုးလေး လူငယ် ကော်မတီအဖွဲမှ ကနေပြီးတော့ ဒီလိုအမှောင်နယ်မြေကနေ ၊ အကြောက်တရားကနေ လွှတ်မြောက်ဖို့ ကြိုးစားရုန်းကန်ပြီး ၂၀၁၄ ခုနှစ်က တကွဲတပြားဖြစ်နေကြရတဲ့ ရှားတောဒေသဘက်က လူငယ်လူရွယ်တွေ အခုချိန်မှာတော့ ပြန်လည် စုစည်းလာခဲ့ကြပါပြီ။

ဖေစိုးလေး လူငယ်ကော်မတီဟာဆိုရင် ကျေးရွာမှာရှိတဲ့ လူငယ်တွေ ၊ စစ်ဘေးဒဏ်ကြောင့် တိမ်းရှောင် ခဲ့ကြတဲ့ လူငယ်တွေပါတယ်လို့ သိရပါတယ်။

လူငယ်တွေအနေနဲ့ ပြန်လည်စုစည်းနိုင်ဖို့ကိုလည်း ဦးစွာယဉ်ကျေးမှု အမွေအနှစ်များကို ပြန်လည်ဖော်ထုတ်တဲ့အနေနဲ့ စုပေါင်းကေ့ထျိုးဘိုးရိုးရာပွဲတော်တွေ ၊ ဒီးကူပွဲတွေ ပြုလုပ်လျက်ရှိတယ်လို့ သိရပါတယ်။

″ တစ်ရွာပြီးတစ်ရွာလိုက်ပြီးစုစည်းတဲ့အခါ ဒီလောက်မလွယ်ဘူး။ ဒါကြောင့် ဒီလိုပွဲတော်တွေ အားကစားပွဲတော်တွေကိုလုပ်ပေးပြီးတော့ ပြောသွားတော့ ပိုထိရောက်သွားတယ်ပေါ့။ ″ လို့ အသက် ၂၇ နှစ် အရွယ်ရှိတဲ့ ဖေစိုးလေးလူငယ်မှ ခူးကူးရယ်(ခ) နိုရာက ရှားတောဒေသဘက်ရှိ လူငယ်များ စည်းလုံးမှုနဲ့ ပတ်သက်ပြီး လုပ်ဆောင်ချက်ကို ပြောပြပါတယ်။

ရိုးရာယဉ်ကျေးမှု အမွေအနှစ်တွေကို ပြန်လည်ထူထောင်ပြီးတဲ့နောက်မှာတော့ ပညာရေး ၊ကျန်းမာရေး ကဏ္ဍတွေအပိုင်းတွေကိုလည်း တစ်ဖက်တစ်လမ်း ပါဝင်ကူညီထောက်ပံ့ပေးနိုင်ဖို့ ပြုလုပ်သွားမယ်လို့ ဆိုပါတယ်။

အခုဆိုရင် ကျေးရွာတွေမှာ ပြန်လာနေထိုင်တဲ့ သူတွေက ကလေးတွေဟာ ကျောင်းတက်ဖို့ အခက်အခဲတွေ ရှိနေကြပါတယ်။ ကျောင်းတက်ဖို့အတွက် ကျေးရွာမှာ ကျောင်းမရှိတာတွေ ၊ သွားရမည့် လမ်းခရီး ဝေးတာတွေကြောင့် ဖြစ်ပါတယ်။

ဒါကိုဖြေရှင်းနိုင်ဖို့ ရှားတောမြို့ပေါ်မှာဘော်ဒါဆောင်တစ်ဆောင်ကို လာမည့် ကျောင်းဖွင့်ရာသီ ဇွန်လမတိုင်မှီ လူငယ်တွေက ဦးစီးဦးဆောင်ပြီး ဖွင့်လှစ်နိုင်ဖို့ လုပ်ဆောင်သွားမယ်လို့ ကူးရယ်နိုရာက ပြောဆိုသွားပါတယ်။

ရှားတောမြို့ယ် ပညာရေးများ နိမ့်ကျဆဲဖြစ်တဲ့အတွက် သက်ဆိုင်ရာ လွှတ်တော်၊ အစိုးရကို ပညာရေးကဏ္ဍအနေဖြင့် ဒေသခံဝန်ထမ်းတွေနဲ့ ဦးစားပေး ဆောင်ရွက်ပေးဖို့အတွက် နဲ့ ဖေစိုးလေးဒေသ တိုးတက်ဖို့ တင်ပြတောင်းဆို လိုကြောင်းကိုလည်း ခူးကူးရယ်နိုရာက ယခုလို ပြောဆိုသွားပါတယ်။

ဦးမြာ
Kantarawaddy Times
http://www.kantarawaddytimes.org/


ကိုးကန့်တပ်ဖွဲ့များ (Credit: Kokang Army Facebook)
ကိုးကန့်တပ်ဖွဲ့များ (Credit: Kokang Army Facebook)

မြန်မာနိုင်ငံနဲ့ နယ်စပ်ချင်းထိစပ်နေတဲ့ တရုတ်နိုင်ငံ ယူနန်ပြည်နယ်ထဲက ဒေသခံအာဏာပိုင်တွေက၊ သူတို့နယ်မြေမှာ နေထိုင်နေကြတဲ့ မြန်မာနိုင်ငံသားတွေ အနေနဲ့ လက်နက်ကိုင်ဆောင်ထားတာရှိရင် အပ်နှံကြဖို့ အမိန့်ထုတ်လိုက်ပါတယ်။

မြန်မာနိုင်ငံမြောက်ပိုင်းက လက်နက်ကိုင် ပဋိပက္ခတွေကြောင့် တရုတ်နိုင်ငံတွင်းကို လက်နက်တွေ အလုံးအရင်းနဲ့ ၀င်ရောက်လာနေပြီး၊ နယ်စပ်ဒေသမှာ နေထိုင်ကြတဲ့ မြန်မာနိုင်ငံသားတွေ အနေနဲ့ လက်နက်တွေကို လာရောက်အပ်နှံကြဖို့၊ ယူနန်ပြည်နယ် Lincang ဒေသခံ အစိုးရက အမိန့်ထုတ်ပြန်ခဲ့တာ ဖြစ်ကြောင်း တရုတ်ကွန်မြူနစ်ပါတီအာဘော် Global Times သတင်းစာက ဒီကနေ့ပဲ ဖော်ပြခဲ့တာပါ။

အွန်လိုင်းမှာ ထုတ်ပြန်ခဲ့တဲ့ ကြေညာချက်နဲ့ ပတ်သက်လို့လည်း ဒေသခံရဲတပ်ဖွဲ့က အတည်ပြုခဲ့ကြောင်း သတင်းကဖော်ပြပါတယ်။ လက်နက်အပ်နှံသူတွေကို အာဏာပိုင်တွေက ဆုငွေချီးမြှင့်မှာဖြစ်ပြီး၊ ရိုင်ဖယ်တလက်ကို တရုတ်ယွန်ငွေ ၅၀၀၊ ပစ္စတိုသေနတ်တလက်နဲ့ လက်ပစ်ဗုံးတလုံးစီကို ယွန်ငွေ ၂၀၀၊ ကျည်တတောင့်ကို ၂ ယွန် ပေးမှာဖြစ်တယ်လို့လည်း ဆိုပါတယ်။

ရှမ်းပြည်နယ်မြောက်ပိုင်းဒေသမှာ မကြာသေးခင်တုန်းက တိုင်းရင်းသား လက်နက်ကိုင် အဖွဲ့တွေနဲ့ လက်နက်ကိုင် တိုက်ပွဲတွေကြောင့် ဒေသခံတွေ မြန်မာနိုင်ငံတွင်းမှာသာမက၊ တရုတ်နိုင်ငံထဲ အထိပါ ထွက်ပြေးတိမ်းရှောင်နေရချိန်မှာပဲ ဒေသခံတရုတ်အာဏာပိုင်တွေရဲ့ ညွှန်ကြားချက် ထွက်ပေါ်လာတာပါ။ မြန်မာစစ်တပ်နဲ့ တိုက်ပွဲတွေဖြစ်နေတဲ့ MNDAA ကိုးကန့်တပ်ဖွဲ့က တရုတ်အစိုးရပိုင် စိုက်ပျိုးရေးဘဏ်မှာ ဖွင့်လှစ်ထားတဲ့ ဘဏ်စာရင်းကို ပိတ်လိုက်ကြောင်း သတင်းတွေ ထွက်ပေါ်ခဲ့ပြီး နောက်မှာပဲ လက်နက်အပ်နှံဖို့ သတင်းထွက်လာတာလည်း ဖြစ်ပါတယ်။

မြန်မာသမ္မတရုံး ပြောခွင့်ရပုဂ္ဂိုလ် ဦးဇော်ဌေး ကတော့ ကိုးကန့်တပ်ဖွဲ့ရဲ့ ဘဏ်စာရင်းကို တရုတ်နိုင်ငံက ပိတ်လိုက်တာဟာ၊ ၂ နိုင်ငံကြား နိုင်ငံခြားရေးနဲ့ ကာကွယ်ရေး ပူးပေါင်းဆောင်ရွက်မှုတွေရဲ့ ရလဒ်ဖြစ်ကြောင်း ဗွီအိုအေကို ပြောဆိုထားပါတယ်။
VOA Burmese News

 ရှမ်းပြည်နယ်အတွင်း မဲစာရင်းကြည့်ရှုနေသူ တစ်ဦးကို တွေ့ရစဉ် ရှမ်းပြည်နယ်အတွင်း မဲစာရင်းကြည့်ရှုနေသူ တစ်ဦးကို တွေ့ရစဉ်
Photo: Kan Thar/RFA
ရှမ်းပြည်နယ်၊ မိုင်းရှူးမြို့နယ်အတွင်းက ကွန်ကျောင်း၊ နောင်အက်နဲ့ မော်မေ့ ကျေးရွာအုပ်စုတွေမှာ ထားရှိမယ့် မဲရုံတွေကိုပယ်ဖျတ်ပေးဖို့ NLD ပါတီဘက်က တင်ပြထားတဲ့ ကိစ္စနဲ့ပတ်သက်ပြီး ပြည်နယ်ရွေးကောက် ပွဲ ကော်မရှင်က ရွေးကောက်ပွဲဝင်မယ့် ပါတီအသီးသီးက ကိုယ်စားလှယ်လောင်းတွေကို ဒီနေ့တွေ့ဆုံပြီး သဘောထားမှတ်ချက်တွေ တောင်းခံခဲ့ပါတယ်။

ကိုယ်စားလှယ်လောင်းတွေရဲ့ သဘောထားမှတ်ချက်ကို ပြည်ထောင်စုရွေးကောက်ပွဲကော်မရှင်ထံ တင်ပြပြီး ဆုံးဖြတ်သွားမှာဖြစ်တယ်လို့ ဒီနေ့ တွေ့ဆုံပွဲတက်ရောက်ခဲ့တဲ့ ရှမ်းတိုင်းရင်းသားများ ဒီမိုကရက်တစ်ပါတီ က ပြည်သူ့လွှတ်တော် ကိုယ်စားလှယ်လောင်း ဒေါ်နန်းခမ်းယဉ်အောင် က ပြောပါတယ်။

"ကျမတို့ဆီကနေ သူတို့က Data တွေယူသွားပါတယ်။ ပြည်နယ်ရွေးကောက်ပွဲကော်မရှင် အဖွဲ့ခွဲမှာ တခါတည်း အစီရင်ခံစာရေးပြီးမှ ပြည်ထောင်စုကော်မရှင်ကို တင်ပါ့မယ်တဲ့။ အဲဒါပြီးမှ ကျလာတဲ့ ဆုံးဖြတ်ချက်ကို ဒီကနေ စောင့်ရုံပေါ့။ မဲရုံမဖွင့်ရအောင်၊ မဲမထည့်ရအောင်လောက်အထိတော့ မဖြစ်လောက်ဘူးလို့ ကျမတို့က ယူဆပါတယ်ရှင့်"

အဲဒီကျေးရွာအုပ်စုတွေဟာ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA တပ်တွေ အခြေချရာ နယ်မြေတွေဖြစ်တဲ့အတွက် မဲရုံတွေမထားရှိဖို့ အမျိုးသားဒီမိုကရေစီအဖွဲ့ချုပ်ဘက်က ပြည်ထောင်စုရွေးကောက် ပွဲကော်မရှင်ထံ တင်ပြထားတယ်လို့ သိရပါတယ်။

အဲဒီကျေးရွာအုပ်စု ၃ စုမှာ မဲပေးခွင့်ရှိသူ ၄၀၀၀ ကျော်ရှိပြီး တခြားကျေးရွာတွေကို မဲရုံပြောင်းလဲထား ရှိမယ်ဆိုရင် သွားရေးလာရေးခက်ခဲတာကြောင့် မဲပေးသူအရေအတွက် ဆုံးရှုံးနိုင်တဲ့ အနေအထားတွေ ရှိတယ်လို့ ကိုယ်စား လှယ်လောင်းတွေက ပြည်နယ်ရွေးကောက်ပွဲကော်မရှင်က တာဝန်ရှိသူတွေကို တင်ပြခဲ့တယ်လို့ ပြောပါတယ်။

မိုင်းရှူးမြို့နယ်မှာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ရှမ်းတိုင်းရင်းသားများ ဒီမိုကရက်တစ်ပါတီ၊ ဝလစ်ဘရယ်ဒီမိုကရက်တစ် ဖွံ့ဖြိုးတိုးတက်ရေးပါတီနဲ့ အမျိုးသားဒီမိုကရေစီအဖွဲ့ချုပ်တို့က ကြားဖြတ်ရွေးကောက်ပွဲကို ဝင်ရောက်ယှဉ်ပြိုင်မှာ ဖြစ်ပါတယ်။
RFA

 ကျောက်ဖြူမြို့နယ် မဲဆန္ဒနယ်က ပြည်နယ်လွှတ်တော် ကိုယ်စားလှယ် ဦးကျော်လွင် ကို မတ်လ ၂၃ ရက်နေ့က ရခိုင်ပြည်နယ် လွှတ်တော်အစည်းအဝေးမှာ တွေ့ရစဉ် ကျောက်ဖြူမြို့နယ် မဲဆန္ဒနယ်က ပြည်နယ်လွှတ်တော် ကိုယ်စားလှယ် ဦးကျော်လွင် ကို မတ်လ ၂၃ ရက်နေ့က ရခိုင်ပြည်နယ် လွှတ်တော်အစည်းအဝေးမှာ တွေ့ရစဉ်
Photo: Min Thein Aung/RFA
ရခိုင်ပြည်နယ် ကျောက်ဖြူမြို့နယ်မှာ ဒေသဖွံ့ဖြိုးရေးအတွက် ပြည်နယ်အစိုးရအဖွဲ့က ချပေးထားတဲ့ ငွေကျပ် သိန်း ၂၆၀၀ ကို ခွဲဝေသုံးစွဲတဲ့ကိစ္စအပေါ် ပွင့်လင်းမြင်သာမှုမရှိဘူးဆိုပြီး ဒီနေ့ကျင်းပတဲ့ ရခိုင်ပြည်နယ် လွှတ်တော် အစည်းအဝေးမှာ မေးခွန်းမေးမြန်းခဲ့ပါတယ်။

ဒေသဖွံ့ဖြိုးရေး ရန်ပုံငွေ ခွဲဝေသုံးစွဲတဲ့ကိစ္စနဲ့ ပတ်သက်ပြီး ကျောက်ဖြူမြို့နယ် မဲဆန္ဒနယ်က ပြည်နယ်လွှတ်တော် ကိုယ်စားလှယ် ဦးကျော်လွင် က အခုလိုမေးမြန်းခဲ့တာ ဖြစ်ပါတယ်။

"တခြားမြို့နယ်အသီးသီးတွင် ဒေသခံလွှတ်တော်ကိုယ်စားလှယ်များနှင့် မြို့နယ်အုပ်ချုပ်ရေးမှူးအဖွဲ့တို့ ဆွေးနွေး ညှိနှိုင်း ပူးပေါင်းဆောင်ရွက်ခဲ့ကြသော်လည်း ကျောက်ဖြူမြို့နယ်တွင် ပေါင်းစပ်ညှိနှိုင်းမှု မရှိခြင်းသည် ဘာကြောင့်ဖြစ်တယ်ဆိုတာကို ရခိုင်ပြည်နယ်လွှတ်တော် ဥက္ကဌကြီးကတဆင့် သက်ဆိုင်ရာသို့ မေးမြန်းအပ် ပါသည်"

ရခိုင်ပြည်နယ်လွှတ်တော်နဲ့ အစိုးရအဖွဲ့တို့ရဲ့ သာမာန်အသုံးစရိတ် ပိုလျှံငွေတွေကိုစုပေါင်းပြီး ရခိုင်ပြည်နယ် ၁၇ မြို့နယ်အတွက် ငွေကျပ် သိန်း ၂၆၀၀ စီကို အစိုးရက ပြီးခဲ့တဲ့လက ချထားပေးခဲ့တာပါ။

အဲဒီငွေကြေးတွေကို ဘယ်နေရာတွေမှာ ဘယ်ပုံဘယ်နည်းသုံးစွဲမယ်ဆိုတာကို လွှတ်တော်ကိုယ်စားလှယ်တွေနဲ့ ညှိနှိုင်းတိုင်ပင်ပြီး ဆောင်ရွက်ကြဖို့ ရခိုင်ပြည်နယ်အစိုးရအဖွဲ့က ညွှန်ကြားထားပြီး ဘဏ္ဍာရေးလုပ်ထုံးလုပ် နည်းတွေနဲ့အညီ ဆောင်ရွက်ခဲ့တယ်လို့ ရခိုင်ပြည်နယ်အစိုးရအဖွဲ့ စီမံကိန်း၊ စီးပွားရေးနဲ့ ဘဏ္ဍာရေးဝန်ကြီး ဦးကျော်အေးသိန်းက ရှင်းလင်းခဲ့ပါတယ်။

ဒါပေမယ့် လက်တွေ့မှာတော့ ဒေသဖွံ့ဖြိုးရေးအတွက်ချထားပေးတဲ့ အဲဒီငွေကြေးတွေကို ဘယ်နေရာတွေမှာ သုံးစွဲသွားတယ်ဆိုတာကို ပြည်နယ်လွှတ်တော် ကိုယ်စားလှယ်တွေက ဒီနေ့အထိ မသိရှိရသေးဘူးလို့ ပြည်နယ် လွှတ်တော် ကိုယ်စားလှယ် ဦးကျော်လွင်က ပြောပါတယ်။

ရခိုင်ပြည်နယ်လွှတ်တော် ဥက္ကဌ ဦးစံကျော်လှကတော့ ပြည်နယ်အစိုးရအဖွဲ့အနေနဲ့ ဒေသဖွံ့ဖြိုးရေး အတွက် ငွေကြေးသုံးစွဲရေးအပိုင်းမှာ အားနည်းချက်တွေရှိခဲ့တာကြောင့် ဆောင်ရွက်မယ့် လုပ်ငန်းတွေနဲ့ ပတ်သက်ပြီး လွှတ်တော်ကိုယ်စားလှယ်တွေနဲ့ တိုင်ပင်ညှိနှိုင်းပြီးမှ ဆောင်ရွက်ကြဖို့ အစိုးရအဖွဲ့ကို တိုက်တွန်းခဲ့ပါတယ်။
RFA


မြန်မာနုိုင်ငံမှာ နုိုင်ငံခြားရင်းနှီးမြှုပ်နှံမှုတွေ ပိုရလာဖို့ဆိုရင် ဥပဒေတွေကို ပြောင်းလဲပြင်ဆင်ပေးရုံနဲ့ မလုံလောက်ဘဲ အကောင်အထည်ဖော်မှုပိုင်းကို အခိုင်အမာဆက်လုပ်သွားရဦးမယ်လုို့ မြန်မာနုိုင်ငံ ပြည်ပရင်းနှီးမြှုပ်နှံမှုအခြေအနေနဲ့ နီးစပ်သူတွေ က ပြောကြပါတယ်။ မြန်မာ့ဈေးကွက်ဟာ ရင်းနှီးမြှုပ်နှံသူတွေ အထူးစိတ်ဝင်စားတဲ့ ဈေးကွက်တခုဖြစ်နေပြီလို့လဲ ပြောကြပါတယ်။ ရန်ကုန်မြို့ Chatrium ဟော်တယ်မှာ ဒီကနေ့လုပ်တဲ့ မြန်မာနုိုင်ငံ၏ ပြုပြင်ပြောင်းလဲမှုဆိုင်ရာ မောင်းနှင်မှုများအပေါ် မီးမောင်းထိုး ပြသွားမည့် အဆင့်မြင့်ဆွေးနွေးပွဲဆိုတဲ့ စကားဝိုင်းတခုအတွင်း အဲဒီလိုပြောသွားကြတာပါ။ အပြည့်အစုံကုို အဲဒီမှာ ကိုယ်တိုင်သွား ပြီးသတင်းယူခဲ့တဲ့ ဗွီအိုအေမြန်မာပိုင်းသတင်းထောက် မမေခက သတင်းပေးပို့ထားပါတယ်။

ရင်းနှီးမြှုပ်နှံမှုဥပဒေအသစ် ပြဌာန်းသွားပြီဖြစ်တာကြောင့် နုိုင်ငံခြားရင်းနှီးမြှုပ်နှံမှုတွေ ပိုတိုးလာတော့မယ်ဆုိုတဲ့ မျှော်လင့်ချက် တွေ ရှိနေချိန်မှာ ဒီလိုမျိုး တိုးလာဖို့ဆိုတာ ဥပဒေတွေကို ပြင်လိုက် ပြောင်းလိုက်ရုံနဲ့ မရဘူးလို့ ရင်းနှီးမြှုပ်နှံမှုနဲ့ နီးစပ်သူတွေက ပြောကြတာပါ။ ဒီထဲမှာတဦးကတော့ Thura Swiss အကြံပေးကုမ္ပဏီရဲ့ CEO ဦးအောင်သူရလည်း အပါအ၀င်ဖြစ်ပါတယ်။

“ဥပဒေတွေဘာတွေပြောင်းတယ်ဆိုရင် ဆွဲဆောင်မှုအတိုင်းအတာတခုအထိ ရှိပါတယ်။ ကုမ္ပဏီတွေကတော့ ဥပဒေတွေကိုကြည့်လိုက်မယ် မြန်မာပြည်ကစိတ်ဝင်စားမှုကောင်းတဲ့အခြေအနေရှိလားဆိုတာ သူတို့ကြည့်မယ်၊ ဒါပေမယ့် ဒီဥပဒေတခုတည်းနဲ့တော့မပြီးသွားပါဘူး။ မြန်မာပြည်က attractive ဖြစ်တယ်ဆိုတာက ဥပဒေက တပိုင်းပါပဲ နောက်ဆုံး ကျန်တဲ့အချက်တွေအများကြီးရှိပါတယ် Tax ဥပဒေတွေအရ ဘယ်လောက်အထိအဆင်ပြေလဲ၊ Processing တွေ ဘယ်လောက်အထိအဆင်ပြေလဲ၊Application တွေလုပ်ရင် ဘယ်လောက်အထိအဆင်ပြေလဲ၊ ပြီးရင် ပိုက်ဆံတွေလွဲတာတွေ ဘယ်လောက်အထိအဆင်ပြေလဲ၊ အဲဒါတွေအကုန်လုံးကို ခြုံကြည့်ပြီးတော့ Investor ၁ယောက်က ၀င်သင့်မ၀င်သင့်ဆိုတာကို ဆုံးဖြတ်တာပါ။ ဒီဥပဒေတခုကတော့ ကောင်းပါတယ် အတော်လေးထိရောက်တဲ့ ဥပဒေတခုဖြစ်ပါတယ်။ ဒါပေမယ့် အဲဒါ ၁ ခုတည်းနဲ့မလုံလောက်ပါဘူး။”

ဦးအောင်သူရရဲ့အမြင်ကို နောက်ထပ် ထင်ဟပ်ပြောဆိုသူကတော့ မြန်မာနုိုင်ငံ ရေနံနှင့် သဘာဝဓာတ်ငွေ့ ၀န်ဆောင်မှုအသင်း ဥက္ကဌ ဦးကျော်ကျော်လှိုင်ပါ။

“Investment တွေလာနိုင်တဲ့အခြေအနေကောင်းတွေကိုတော့ ဖန်တီးပေးသလိုဖြစ်လာပါတယ်။ ဒါပေမယ့် ဥပဒေ၊ နည်းဥပဒေတွေ ထုတ်ရုံနဲ့ မလုံလောက်ပါဘူး။ ဥပဒေပြုတာက လွှတ်တော်က ဥပဒေပြုတာပါ။ တကယ်လုပ်ဆောင်တာကတော့ ၀န်ကြီးဌာနတွေလုပ်ဆောင်တာပါ။ အဲဒီတော့ ၀န်ကြီးဌာနတွေ အပေါ်မှာ အများကြီး မူတည်နေပါတယ်။ ၀န်ကြီးဌာနတွေက ထုတ်ပေးလိုက်တဲ့ ဥပဒေတွေဟာ ရေခံမြေခံကောင်းကို လုပ်ပေးတာနဲ့ တူတယ်၊ အဲဒီ ပေါ်မှာ သူတို့က အပင်ပေါက်အောင်စိုက်နိုင်ဖို့လိုပါတယ်။”

မြန်မာနိုင်ငံမှာ ရင်းနှီးမြှုပ်နှံဖို့ စိတ်ဝင်စားတဲ့ အမေရိကန်စီးပွားရေးကုမ္ပဏီ အရေအတွက် ပိုတိုးလာနေပြီး တကယ်တမ်း လက်တွေ့မြှုပ်နှံဖို့ သူတို့ ဘာတွေစောင့်ကြည့်နေတယ်ဆိုတာကို မြန်မာနုိုင်ငံဆုိုင်ရာ အမေရိကန်သံရုံးရဲ့ ဒုတိယအကြီးအကဲ Kristen Bauen က ပြောပြသွားပါတယ်။

“အမေရိကန်ကုမ္ပဏီတွေဘက်က စိတ်ဝင်စားမှုနဲ့ လာရောက်တာတွေ ပိုတိုးလာတာကို ကျမတို့တွေ့နေရပါတယ်။ အဲဒီစိတ်ဝင်စားမှုကနေ လက်တွေ့ ရင်းနှီးမြှုပ်နှံမှုဖြစ်လာဖို့က ဥပဒေတွေကို သူတို့မြင်တဲ့အခါ၊ ကျမတို့ ဒီမှာပြောဆို ဆွေးနွေးကြတဲ့ကိစ္စရပ်တွေကို အကောင်အထည်ဖော်တာကို သူတို့မြင်ရတဲ့အခါ ဖြစ်လာမယ်လုို့ ကျမထင်ပါတယ်။ ဒါပေမဲ့ စိတ်ဝင်စားမှုတိုးလာတာက ဒီနုိုင်ငံဟာ တိုးတက်နေတဲ့ဒေသတွင်းက တိုးတက်နေတဲ့ဈေးကွက်တခုဖြစ်ပြီးတော့ အလားအလာ သိပ်ကုိုကောင်းတယ်ဆိုတဲ့ တကယ့်လက်တွေ့အခြေအနေ ကြောင့်ပါ။ သူတို့ သိပ်စိတ်ဝင်စားကြပါတယ်။”

မြန်မာ့စီးပွားရေးတစုံလုံးမှာ လက်ရှိ တိုးတက်မှုရထားတာတွေရှိနေပြီး ဒါကို အခုိုင်အမာထိန်းပြီးတော့ ဆက်ပြီးတုိုးတက်အောင် လုပ်ရမှာတွေကို ထောက်ပြသွားသူကတော့ Aya ဘဏ်ရဲ့ အကြံပေးပုဂ္ဂိုလ်တဦးဖြစ်သူ Azeem Azimuddin ပါ။

“တိုးတက်မှု ရေရှည်ခုိုင်မာအောင်လုပ်ဖုို့အတွက် အကောင်အထည်ဖော်မှု ပိုင်း ဆက်လိုက်ဖို့လိုပါတယ်။ ဆူပါဟဲဗီးဝိတ်လက်ဝှေ့ပွဲကို ဥပမာပေးပြောရင် ကျနော်တို့ဟာ ပထမအချီကိုပဲ ကျော်နုိုင်ပါသေးတယ်။ ဒါဟာ ၁၅ ချီ ထိုးသတ်ရ မယ့်ပွဲပါ။ ၁၅ ချီမြောက်အဆုံးမှာ ကျနော်တို့ ဆက်ရပ်နေနုိုင်ရပါမယ်။ ဒါကြောင့် ပွင့်လင်းမြင်သာမှုနဲ့ ပြုပြင်ပြောင်းလဲရေးအပေါ် တသမတ်ထဲရှိပြီး အခုိုင်အမာဖြစ် ဖုို့လိုပါတယ်။”

အစိုးရဘက်ကတော့ နိုင်ငံတကာ စံနှုန်းတွေနဲ့ညီတဲ့ ရင်းနှီးမြုပ်နှံမှု ဥပဒေနဲ့ ကုမ္ပဏီ အက်ဥပဒေတွေကို ပြင်ဆင်ပေးထားတာမို့ ရင်းနှီးမြုပ်နှံဖို့တိုးလာဖို့မျှော်လင့်နေပါတယ်။ ဘဏ်တွေ၊ ငွေကြေးလည်ပတ်မှုခိုင်မာမှုအားနည်းနေတာတွေကြောင့် စီးပွားရေးက ထင်သလောက် တိုးလာဖို့မမြင်ဘူးလို့ သုံးသပ်တာတွေလဲရှိပါတယ်။

စီမံကိန်းနဲ့ ဘဏ္ဍာရေးဝန်ကြီး ဦးကျော်ဝင်းကတော့ ဘဏ်တွေ၊ ဈေးဝယ်စင်တာတွေအပြင် စက်သုံးဆီအရောင်းဆိုင်တွေကိုပါ နိုင်ငံတကာရင်းနှီးမြှုပ်နှံခွင့်ပေးဖို့ ပြင်ဆင်နေသလို နိုင်ငံခြားရင်းနှီးမြုပ်နှံမှုတွေကို ပြည်တွင်းနဲ့အတူအခွင့်အရေးပေးမယ်လို့လည်း ပြောပြီး ရင်းနှီးမြုပ်နှံမှုတွေတိုးလာဖို့ လုပ်နေပါတယ်။ ဒါပေမယ့် နိုင်ငံခြားရင်း နှီးမြုပ်နှံမှုတွေကို ပြည်တွင်း ဘယ်အပိုင်းတွေမှာ တန်းတူအခွင့်အရေးပေးမယ်၊ ဘယ်လောက်ထိ ရင်းနှီးခွင့်ပေးမလဲဆိုတာ တိတိကျကျမသိရသေးပါဘူး။
VOA Burmese News


ဒဏ်ရာရသူတွေကို အရေးပေါ်လူနာတင်ကားနှင့် သယ်ဆောင်နေစဉ်။
ဒဏ်ရာရသူတွေကို အရေးပေါ်လူနာတင်ကားနှင့် သယ်ဆောင်နေစဉ်။
ဗြိတိန်နိုင်ငံ၊ လန်ဒန်မြို့မှာရှိတဲ့ လူစည်ကားတဲ့ လွှတ်တော်အဆောက်အဦးအနီး မနေ့က အကြမ်းဖက် တိုက်ခိုက်မှု ဖြစ်သွားခဲ့တဲ့အတွက် တိုက်ခိုက်သူ အပါအ၀င် အနဲဆုံး လူ ၅ ဦး သေဆုံးသွားပါတယ်။ အကြမ်းဖက် တိုက်ခိုက်သူက လွှတ်တော် အဆောက်အဦး အနီးက Westminster တံတားပေါ်မှာ ရှိနေတဲ့ လူတွေကို ကားနဲ့ ၀င်တိုက် ပြီးတဲ့နောက် အောက်လွှတ်တော် ခြံစည်းရိုးကို သူ့ကားနဲ့ဝင်တိုက်ပြီး လုံခြုံရေးတဦးကိုပါ ဒါးနဲ့ ထိုး သတ်ခဲ့တာ ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က စုစည်း တင်ပြပေးပါမယ်။

လန်ဒန်မြို့လယ်ခေါင်မှာရှိတဲ့ ဗြိတိသျှ အောက်လွှတ်တော် အဆောက်အဦး အနီး ဒေသစံတော်ချိန် နေ့လည် ၂ နာရီ ၀န်းကျင်က ကားနဲ့ အကြမ်းဖက် တိုက်ခိုက်မှုဖြစ်သွားခဲ့တာပါ။အဲဒီ ကားနဲ့ တိုက်ခိုက်သူဟာ နောက်ပိုင်းမှာ လွှတ်တော်အဆောက်အဦးထဲ ၀င်ဖို့ ကြိုးစားရင်း လုံခြုံရေး တာဝန်ယူထားသူ ရဲတပ်ဖွဲ့ဝင်တွေ အပါအ၀င် အနီးနားမှာရှိတဲ့သူတွေကို ဓါးနဲ့ လိုက်ထိုးခဲ့တာ ဖြစ်ပါတယ်။

အခုလို ကားနဲ့ ၀င်ရောက်တိုက်ခိုက်ခဲ့တဲ့ အဖြစ်အပျက်ကို ဗြိတိသျှရဲတပ်ဖွဲ့က အကြမ်းဖက် တိုက်ခိုက်မှုအဖြစ် စုံစမ်း စစ်ဆေးမှုတွေ ပြုလုပ်နေကြောင်း ရဲတပ်ဖွဲ့အကြမ်းဖက်မှု တိုက်ဖျက်ရေးဌာန အကြီးအကဲလည်းဖြစ်၊ လက်ထောက်ရဲမင်းကြီးလည်းဖြစ်တဲ့ Mark Rowley က ပြောပါတယ်။

“အားလုံးသိကြတဲ့အတိုင်းပါပဲ၊ ဒီတိုက်ခိုက်မှုဟာ အကြမ်းဖက် တိုက်ခိုက်မှုဖြစ်တဲ့ အကြောင်း ကျနော်တို့အနေနဲ့ ကြေညာထားပြီး ဖြစ်ပါတယ်။ ဒါကြောင့်လည်း ဒီကနေ့ ဖြစ်ပျက်သွားတဲ့ အခြေအနေတွေအပေါ် အကြမ်းဖက် တိုက်ဖျက်ရေးဌာနအနေနဲ့ စုံစမ်း စစ်ဆေးမှုတွေကို အပြည့်အ၀ လုပ်ဆောင်နေပြီ ဖြစ်ပါတယ်။”

ဒါ့အပြင် တိုက်ခိုက်မှု ဘယ်လို စဖြစ်တယ်ဆိုတဲ့ အခြေအနေနဲ့ ပတ်သက်လို့လည်း လက်ထောက်ရဲမင်းကြီး Mark Rowley က အခုလို ဆက်ပြောပြပါတယ်။

“ပါလီမန် အဆောက်အဦးဆီ ဦးတည်တဲ့ Westminster တံတားပေါ်က လမ်းဘေး ပလက်ဖောင်းပေါ်မှာ ရှိနေကြတဲ့လူတွေကို ကားနဲ့ ၀င်တိုက်ခဲ့တဲ့အတွက် ဂုဏ်ပြုပွဲ အခမ်းအနားကနေ ပြန်လာကြတဲ့ ရဲတပ်ဖွဲ့ဝင် ၃ ဦးအပါအ၀င် လူအများအပြား ထိခိုက် ဒဏ်ရာ ရသွားခဲ့ကြပါတယ်။ အဲဒီနောက် ကားသမားဟာ ပါလီမန်အဆောက်အဦးရဲ့ ခြံစည်းကို ၀င်တိုက်ပြီး ကားမောင်းသူဖြစ်တဲ့ အဲဒီဓါးကိုင်ထားတဲ့ အမျိုးသားက လူမြင်သမျှကို ဓါးနဲ့ တိုက်ခိုက်ပြီး ပါလီမန် အဆောက်အဦးထဲကို ၀င်ဖို့ ကြိုးစားခဲ့ပါတယ်။”

အဲဒီ အကြမ်းဖက် တိုက်ခိုက်သူက တံတားပေါ်မှာ ကားနဲ့ ၀င်တိုက်ခဲ့တာကြောင့် လူ ၂ ဦး သေဆုံးခဲ့သလို၊ လွှတ်တော်အစောင့် ရဲတပ်ဖွဲ့ဝင်တဦးလည်း ဓါးဒဏ်ရာနဲ့ သေဆုံး သွားတယ်လို့ ဆိုပါတယ်။ အကြမ်းဖက် တိုက်ခိုက်သူကိုတော့ လွှတ်တော်အစောင့် ရဲတပ်ဖွဲ့က သေနတ်နဲ့ ပစ်သတ်လိုက်တယ်လို့ ရဲတပ်ဖွဲ့က ပြောပါတယ်။

လက်ရှိမှာတော့ အကြမ်းဖက် တိုက်ခိုက်သူ အပါအ၀င် ၅ ဦး သေဆုံးသွားပြီး အနဲဆုံး ၂၀ လောက် ထိခိုက် ဒဏ်ရာ ရခဲ့ပါတယ်။ သေဆုံးသူတွေထဲ လွှတ်တော် လုံခြုံရေး တာဝန်ယူထားတဲ့ ရဲတပ်ဖွဲ့ဝင် တဦးအပြင် အမျိုးသမီးတဦးလည်း ပါပါတယ်။

အခင်းဖြစ်သွားတဲ့ အခြေအနေတွေကို လန်ဒန်မြို့မှာ နေထိုင်တဲ့ မမေစန္ဒီက ဗွီအိုကို အခုလို ရှင်းပြပါတယ်။

“ပြင်သစ်ကျောင်းသားလေးတွေက အဲဒီနားရောက်နေတယ်။ အဲဒီ ပြင်သစ် ကျောင်းသား လေးတွေ လည်း ၀င်တိုက် ခံရတယ် ပြောတယ်။ နောက်တခုက ကျတော့ အခင်းဖြစ်ပွား တဲ့ နေရာကနေပြီးတော့ မိန်းမတယောက် ဒဏ်ရတယ်။ အဲဒီ မိန်းမကလည်း ဆေးရုံမှာ သေသွားတယ် လို့ ပြောတယ်ပေါ့နော်။ မြစ်ထဲကနေပြီးတော့ မိန်းမတယောက်ကိုလည်း သူတို့ ကယ်လိုက်ရတယ်လို့ သူတို့ ပြောတယ်။ အဲဒီ မိန်းမကတော့ မသေဘူးပေါ့နော်။ ကြည့်ရတာ ပြေးရင်း လွှားရင်းနဲ့ပဲ မြစ်ထဲ ပြုတ်ကျသွားလားတော့ မပြောတတ်ဘူး။ ဒီ Big Ben ပေါ့နော်၊ ဒီ လွှတ်တော်အရှေ့ ဘူတာရုံကို ဖြစ်ဖြစ်ချင်းကို ပိတ်ချလိုက်တယ် လို့ ပြောတယ်။ နောက်ပြီးတော့ ဒီ Westminster လွှတ်တော်နား တ၀ိုက်ကိုလည်း အခုချိန်ထိကို သူတို့ Lockdown ပေါ့နော်၊ လုံးဝကို အဲဒီနားကို လုံခြုံရေးတွေနဲ့ ပိတ်ထားတယ်လို့ ပြောတယ်၊ အခုချိန်ထိ။ သူတို့ ဖြစ်ဖြစ်ချင်းလဲ ပိတ်တယ်၊ အခုချိန်ထိလဲ ပိတ်ထားတုန်းပေါ့လေ၊ အခြေအနေကတော့။ အခုဟာက လုံခြုံရေးက အရမ်း တင်းကြပ်နေတော့ စန္ဒီတောင်မှ မိုးချုပ်မှ ပြန်မှာ။ ဘာဖြစ်လို့လဲဆိုတော့ ရထားတွေ၊ ကားတွေလည်း ကြပ်မှာပဲလေ။ လုံခြုံရေးကတော့ ဘူတာရုံတို့၊ ဘာတို့မှာ တော်တော်လေးတော့ ကြပ်မှာပဲ။”

ထိခိုက် ဒဏ်ရာရသူတွေထဲ လေ့လာရေး အစီအစဉ်နဲ့ ရောက်နေကြတဲ့ ပြင်သစ် ကျောင်းသား ၃ ဦး အနဲဆုံး ပါဝင်တယ်လို့ ဆိုပါတယ်။

အခုအခင်းဖြစ်သွားတဲ့ အောက်လွှတ်တော်အဆောက်အဦးအနီးမှာ နေတဲ့ ကိုထွန်းထွန်းကလည်း အခုလို တိုက်ခိုက်မှုဖြစ်တယ် ဆိုတာကြားရတဲ့ အတွက် အံ့အားသင့်သွားမိတယ်လို့ ပြောပါတယ်။

“Shock တော့ ဖြစ်သွားတာပေါ့နော်။ အံ့တောင် အံ့သြသွားတယ်။ ဘာဖြစ်လို့လဲဆိုတော့ ကိုယ့်အိမ်နားမှာဖြစ်တာဆိုတော့။ ဘာများ ဖြစ်သွားလဲပေါ့၊ ဘယ်လိုဖြစ်တာလဲ၊ အဲဒီလို Shock ဖြစ်သွားတာပေါ့။ အဲဒီ ပါလီမန်က ကျနော့်အိမ်နဲ့ သိပ်တော့မဝေးဘူး။ ၅ မိနစ်လောက် လမ်းလျှောက်ရင်တော့ ရတယ်။ အဲဒီနေရာကတော့ အရမ်းစီတဲ့ နေရာပဲ။ အများအားဖြင့်ကတော့ ရုံးတွေများတယ်။ နောက်တခါ Tourist တွေ များတဲ့ ဧရိယာပေါ့။ သူကတော့ အမြဲတမ်း Weekend ရော၊ Weekday ရော၊ အမြဲတမ်း Busy ဖြစ်တဲ့ ဧရိယာပဲ။ လူမပြတ်ဘူး။ အဲဒီနေရာက လူပြတ်တယ်ဆိုတာ မရှိဘူး။ နေ့ခင်းဘက် Rush hour မဟုတ်တောင်မှပဲ လူက အမြဲတမ်း Tourist တွေနဲ့ ပြည့်နေတဲ့ နေရာ။ နွေရော၊ မိုးရော၊ ဆောင်းရော အဲဒီနေရာက။”

မေး။ အခုက ဒီလူက တံတားကိုဖြတ်ပြီးတော့ တံတားပေါ်မှာရှိတဲ့ လူတွေကို တောက်လျှောက် တိုက်လာပြီးတော့ လွှတ်တော် အဆောက်အဦး ခြံစည်းရိုးကို သူက ၀င်တိုက်တယ်ဆိုတော့ အဲဒီ တံတားနဲ့ လွှတ်တော်နဲ့က ဘယ်လောက်ဝေးသလဲ၊ ကားနဲ့ ဘယ်လောက်များ မောင်းရမလဲဗျ။

ဖြေ။ “သိပ်တော့ မဝေးဘူး။ တံတားပေါ်ကဆိုရင် ပါလီမန် အဆောက်အဦးထိပ်ပေါ့နော်၊ Big Ben နာရီစင်ကြီးနား ဆိုလို့ရှိရင် ကားစီးရင် ၂ မိနစ်လောက်နဲ့တင် ရောက်တယ်။ ဒါပေမယ့် တခုရှိတာက အဲဒီအရှေ့မှာ၊ ပါလီမန်ရှေ့မှာလဲ သံမဏိတုံးကြီးတွေ၊ အတုံးကြီးတွေ၊ အတုံးကြီးတွေ အများကြီးပဲ ချထားတာ ရှိတယ်။ အဲဒီလိုမျိုး Attack ဖြစ်မှာစိုးလို့ထင်တယ်။ အဲဒီလိုမျိုး ချပေးထားတာပဲ။”

အရှေ့အလယ်ပိုင်း ၆ နိုင်ငံက လေယာဉ်နဲ့ လာကြမယ့် ခရီးသွားတွေအနေနဲ့ Laptop ကွန်ပြူတာနဲ့ တခြား လျှပ်စစ်ပစ္စည်း အကြီးစားတွေ လေယာဉ်ပေါ် ကိုယ်နဲ့တပါတည်း သယ်ဆောင်ခွင့် ပိတ်ပင်လိုက်ကြောင်း ဗြိတိန်က အင်္ဂါနေ့မှာပဲ ကြေညာလိုက်တဲ့အတွက် ဗြိတိသျှ အစိုးရအနေနဲ့ ဖြစ်နိုင်ခြေရှိတဲ့ အကြမ်းဖက် တိုက်ခိုက်မှုတွေအကြောင်း သတင်းများ ကြိုရထားသလားဆိုတာ စဉ်းစား စရာရှိတယ်လို့လည်း မမေစန္ဒီက ပြောပါတယ်။

“နောက်တခု စိတ်ဝင်စားဖို့ကောင်းတာက ဘာလဲဆိုတော့ မနေ့ကပဲ ဒီ ဗြိတိန်ကနေပြီးတော့ အာရပ်နိုင်ငံတချို့၊ တူရကီတို့၊ ဆော်ဒီအာရေးဗီးယားတို့၊ အဲဒီလို အာရပ်နိုင်ငံတချို့ကနေ လာတဲ့ လေယာဉ်တွေပေါ့နော်၊ လေယာဉ်တွေပေါ်မှာ လျှပ်စစ် ပစ္စည်းတွေ မသယ်ရဘူးဆိုပြီးတော့ သူတို့ အမိန့်ထုတ်လိုက်တယ်ပေါ့နော်။ ဆိုတော့ မနေ့ကပြီးတာနဲ့ ဒီနေ့လိုဟာမျိုးမှာ ဒီလို အဖြစ်မျိုး ဖြစ်တော့ သူတို့ ဗြိတိန်အနေနဲ့ပဲ လုံခြုံရေးအရ Warning များ သူတို့ အရင်က ကြားထားတာများ၊ သိထားတာများ ရှိသလားဆိုပြီးတော့ မေးခွန်း ထုတ်စရာတော့ ရှိတာပေါ့လေ။ အဲဒါလေးကတော့ စိတ်ဝင်စားဖို့ ကောင်းတာပေါ့။”

ပြင်သစ်နိုင်ငံ Nice မြို့မှာ ၂၀၁၆ ခုနှစ်၊ ဇူလိုင်လ ၁၄ ရက်နေ့က ဖြစ်သွားခဲ့တဲ့ ထရပ်ကားနဲ့ ၀င်တိုက်ပြီး အကြမ်းဖက် တိုက်ခိုက်မှု၊ ဂျာမနီနိုင်ငံ၊ Heidleberg မြို့မှာ အခုနှစ် ဖေဖော်ဝါရီ လကုန်ပိုင်းက ဖြစ်သွားခဲ့တဲ့ ကားနဲ့ဝင်တိုက်တဲ့ အကြမ်းဖက် တိုက်ခိုက် စတဲ့ အဖြစ်အပျက်တွေကို ကြည့်ခြင်းအားဖြင့် အကြမ်းဖက်သမားတွေဟာ အနောက်နိုင်ငံတွေမှာရှိတဲ့ သူတို့ရဲ့ အကြမ်းဖက် တိုက်ခိုက်မှုတွေ အတွက် မော်တော်ကားတွေကို လက်နက်သဖွယ် ပိုပြီး အသုံးပြုလာနေကြတယ် ဆိုတာ တွေ့ရပါတယ်။

အခု လန်ဒန်မြို့ အောက်လွှတ်တော် အဆောက်အဦးအနီးမှာ ဖြစ်သွားခဲ့တဲ့ တိုက်ခိုက်မှုဟာ ၃ ဆင့်ခွဲပြီး ဖြစ်သွားခဲ့တဲ့ သဘောရှိကြောင်း၊ ပထမ အဆင့်ကတော့ SUV ကားနဲ့ တံတားပေါ်က လမ်းဘေး ပလက်ဖောင်းပေါ်မှာ ရှိသူတွေကို ၀င်တိုက်တာဖြစ်ပြီး၊ ဒုတိယအဆင့် ကတော့ လွှတ်တော်ရဲ့ Old Palace Yard အ၀င်ဝအနီးက ခြံစည်းရိုးကို ကားနဲ့ ၀င်တိုက်ခဲ့တာ ဖြစ်ပြီး၊ နောက်ဆုံး အဆင့်ကတော့ အကြမ်းဖက်သမားက ဓါးနဲ့ လူတွေကို လိုက်ထိုးခြင်းဖြစ်ကြောင်း ဗြိတိသျှ ရဲတပ်ဖွဲ့က အဆင့်မြင့် အရာရှိတဦးက ဗွီအိုအေကို ပြောပြခဲ့ပါတယ်။

အခင်းဖြစ်သွားပြီး မကြာခင်မှာပဲ အမေရိကန် သမ္မတ Donald Trump က ဗြိတိန် ၀န်ကြီးချုပ် Theresa May နဲ့ တယ်လီဖုန်းဆက်သွယ် ပြောကြားခဲ့ပြီး အမေရိကန်ပြည်ထောင်စုအနေနဲ့ ဒီအကြမ်းဖက် တိုက်ခိုက်မှုအတွက် အပြည့်အ၀ ပူးပေါင်း ဆောင်ရွက်သွားမယ်လို့ ပြောကြားခဲ့ကြောင်း အိမ်ဖြူတော် ပြောခွင့်ရ Sean Spicer က သတင်းထောက်တွေကို ပြောပါတယ်။
VOA Burmese News


ထိုင်း-မြန်မာနယ်စပ် ကရင်ဒုက္ခသည်များ
ထိုင်း-မြန်မာနယ်စပ် ကရင်ဒုက္ခသည်များ
UNHCR ကုသလမဂ္ဂဒုက္ခသည်များဆိုင်ရာ မဟာမင်းကြီး ရှေ့သီတင်းပတ်အတွင်း ထိုင်းနိုင်ငံကို လာရောက် လည်ပတ်တဲ့အခါ ထိုင်းနိုင်ငံအတွင်း ရောက်နေတဲ့ မြန်မာဒုက္ခသည်တွေကို မိမိသဘောဆန္ဒအတိုင်း နေရပ်ပြန်ပို့ပေးရေး၊ တိုင်းပြည်မဲ့ ဖြစ်နေသူတွေကို တရားဝင် နေထိုင်ခွင့်ပြုရေးနဲ့ ပုံမှန်မဟုတ်တဲ့ ရှေ့ပြောင်းနေထိုင်မှု စတဲ့ အကြောင်းအရာတွေကို ဦးစားပေး ဆွေးနွေးသွားမယ်လို့ ဆိုပါတယ်။

ဒုက္ခသည်များဆိုင်ရာ မဟာမင်းကြီး Filippo Grandi ဟာ ထိုင်းနိုင်ငံကို မတ်လ ၂၈ ရက်နေ့မှာ ရောက်လာဖို့ရှိနေပြီး ၀န်ကြီးချုပ် ဗိုလ်ချုပ်ကြီး Prayut Chan-o-cha ၊ အမျိုးသားလုံခြုံရေးကောင်စီ အထွေထွေအတွင်းရေးမှူး ဗိုလ်ချုပ်ကြီး Thaweep Netniyom တို့နဲ့ တွေ့ဆုံမှာ ဖြစ်ပါတယ်။ အဲဒီလို တွေ့ဆုံပြီး နောက်တနေ့မှာ ဒုက္ခသည်များဆိုင်ရာ မဟာမင်းကြီးဟာ Tak ခရိုင်အတွင်းမှာရှိတဲ့ မြန်မာ ဒုက္ခသည် စခန်းတွေကို သွားရောက် လေ့လာမှာ ဖြစ်ပါတယ်။

ထိုင်းနိုင်ငံအနေနဲ့ အင်ဒိုချိုင်းနားဒေသက ဒုက္ခသည်တွေအတွက် လူသားချင်း စာနာတဲ့အကူအညီတွေ ပံ့ပိုးပေးနိုင်ဖို့ ၁၉၇၀ ခုနှစ်တွေကတည်းက UNHCR နဲ့ အနီးကပ် ပူးပေါင်း ဆောင်ရွက်လာခဲ့ကြောင်း၊ မြန်မာနိုင်ငံက ဒုက္ခသည်တွေ တတိယနိုင်ငံတွေမှာ ရွေ့ပြောင်း အခြေချ နေထိုင်နိုင်အောင် ကူညီပေးခဲ့သလို ရိုဟင်ဂျာတွေကိုလည်း နေထိုင်ခွင့် ပေးခဲ့ကြောင်း ထိုင်းနိုင်ငံခြားရေးဌာနက ဗုဒ္ဓဟူးနေ့မှာ ထုတ်ပြန်တဲ့ ကြေညာချက်မှာ ဖော်ပြထားပါတယ်။

ထိုင်း - မြန်မာ နယ်စပ်ဒေသတလျှောက်မှာရှိတဲ့ ဒုက္ခသည် စခန်း ၉ ခုအတွက် UNHCR ၊ NGO အဖွဲ့အစည်းတွေရဲ့ ကူညီ ပံ့ပိုးမှုတွေနဲ့အတူ ထိုင်းအစိုးရက နေထိုင်ခွင့် ပြုထားတာ ဖြစ်ပါတယ်။ အဲဒီ စခန်းတွေအားလုံးမှာ ဒုက္ခသည် တသိန်းလောက် ရှိတယ်လို့ ဆိုပါတယ်။

မြန်မာနိုင်ငံအတွင်းက အခြေအနေတွေ ပြန်လည် ကောင်းမွန်လာတဲ့အခါ ဒုက္ခသည်တွေကို သူတို့သဘောဆန္ဒအလျှောက် နေရပ် ပြန်နိုင်ရေး ဆောင်ရွက်ပေးဖို့ မြန်မာအစိုးရကို ထိုင်းနိုင်ငံက ကာလအတန်ကြာကတည်းက တိုက်တွန်း ပြောဆိုနေခဲ့တာပါ။

ထိုင်းနိုင်ငံအတွင်း ရောက်နေကြတဲ့ နိုင်ငံမဲ့ လူပေါင်း ၈၀,၀၀၀ ကို တရားဝင် နေထိုင်ခွင့်ပြုပေးနိုင်မယ့် ဆုံးဖြတ်ချက်တခု သူတို့အနေနဲ့ ချမှတ်ခဲ့ပြီးဖြစ်ကြောင်း ပြီးခဲ့တဲ့ သီတင်းပတ်တုန်းက ဂျနီဗာမှာ ကျင်းပခဲ့တဲ့ ကုလသမဂ္ဂ လူ့အခွင့်အရေးကောင်စီမှာ ထိုင်းကိုယ်စားလှယ် အဖွဲ့က တင်ပြခဲ့ပါတယ်။

စီးပွားရေးအခြေအနေအရ လာရောက်နေထိုင်နေသူတွေနဲ့ အကာကွယ်ပေးဖို့ လိုအပ်တဲ့သူတွေ ခွဲခြား စီစစ်မယ့် အဖွဲ့ကို ထိုင်းအစိုးရ ၀န်ကြီးအဖွဲ့က ပြီးခဲ့တဲ့ ဇန်န၀ါရီလမှာ ဖွဲ့စည်းပေးခဲ့ပြီး ဖြစ်ကြောင်း အဲဒီ ထိုင်းကိုယ်စားလှယ်အဖွဲ့က ပြောပါတယ်။
VOA Burmese News


လူ့အခွင့်အရေးကောင်စီညီလာခံ ကျင်းပနေစဉ်
လူ့အခွင့်အရေးကောင်စီညီလာခံ ကျင်းပနေစဉ်
ရခိုင်ပြည်နယ်မြောက်ပိုင်းမှာ လူ့အခွင့်အရေးချိူးဖောက်မှုတွေရှိနေတယ်ဆိုတဲ့ ပြင်းထန် တဲ့ စွပ်စွဲချက်တွေနဲ့ပတ်သက်လို့ အမေရိကန်အစိုးရဘက်က စိုးရိမ်မကင်းဖြစ်မှု ဟာ အမြဲပဲရှိနေကြောင်း အမေရိကန်နိုင်ငံခြားရေးဌာနက ပြောကြားခဲ့ပါတယ်။

ဒီကနေ့ ကြာသာပတေးနေ့ လူ့အခွင့်အရေးကောင်စီညီလာခံမှာမြန်မာ့အရေး ဆုံးဖြတ်ချက်မူကြမ်း ဆွေးနွေးဆုံးဖြတ်ဖို့ ရှိနေတဲ့အချိန်မှာပဲ အမေရိကန်ဘက်က အဲဒီလိုပြောဆိုလိုက်တာဖြစ်ပါတယ်။

ရခိုင်ပြည်နယ်အရေးအဓိကပါဝင်နေတဲ့ ဆုံးဖြတ်ချက်ကို လူ့အခွင့်အရေးကောင်စီ ညီလာခံမှာ အတည်ပြုမယ့် အလားအလာနဲ့ ပတ်သက်လို့ မအင်ကြင်းနိုင်က ဆက်ပြီးပြောပြမှာပါ။

ဆွစ်ဇာလန်နိုင်ငံ ဂျီနီဗာမှာကျင်းပနေတဲ့ (၄၇)ကြိမ်မြောက် လူ့အခွင့်အရေးကောင်စီ ညီလာခံမှာ ဒီကနေ့ မတ်လ (၂၂)ရက် မှာ အီးယူ ဥရောပသမဂ္ဂကဦးဆောင်ရေးဆွဲ ထားတဲ့ မြန်မာ့အရေးဆုံးဖြတ်ချက်မူကြမ်းကို ဆွေးနွေးအတည်ပြုဖို့ရှိနေပါတယ်။ လူ့အခွင့်အရေးကောင်စီ အဖွဲ့ဝင် (၄၇)နိုင်ငံထဲမှာပါဝင်နေတဲ့ အမေရိကန်ကတော့ ရခိုင်ပြည်နယ်မြောက်ပိုင်း လူ့အခွင့်အရေးချိုးဖောက်မှု စွပ်စွဲချက်တွေနဲ့ပတ်သက်လို့ သူတို့ရဲ့ သဘောထားရပ်တည်ချက်ကို အမေရိကန်နိုင်ငံခြားရေးဌာန အာရှရေးရာဆိုင်ရာ ပြောခွင့်ရအမျိုးသမီးက ဗွီအိုအေကို အခုလိုပြောပါတယ်။

" ရခိုင်ပြည်နယ်မှာ နယ်မြေရှင်းလင်းရေးစစ်ဆင်ရေးကာလအတွင်း လုံခြုံရေးတပ်တွေဘက်က ရိုဟင်ဂျာ မွတ်စလင်တွေကို ညှမ်းပမ်းနှိပ်စက်တာအပါအ၀င် ပြင်းထန်တဲ့ လူ့အခွင့်အရေးချိူးဖောက်မှုတွေရှိခဲ့တယ်ဆိုတဲ့ စွပ်စွဲချက်တွေအပေါ်မှာ အမေရိကန်ပြည်ထောင်စုအနေနဲ့ အထူးပဲ စိုးရိမ်မကင်းဖြစ်မိကြောင်း အမြဲပဲ ထုတ်ဖေါ်ပြောဆိုခဲ့ပါတယ်။

ပြီးခဲ့တဲ့ သတင်းပတ်တုန်းက ကုလသမဂ္ဂအတွင်းရေးမှူးချုပ်ဟောင်း ကိုဖီအာနန်ဦးဆောင်တဲ့ ရခိုင်အကြံပေးကော်မရှင် ထုတ်ပြန်ခဲ့တဲ့ ကြားဖြတ်အစီရင်ခံစာပါ အကြံပြုချက်တွေကို လိုက်နာအကောင်အထည်ဖေါ်မှာဖြစ်တယ်လို့ မြန်မာအစိုးရက တုန့်ပြန်ပြောကြားချက်ကို အမေရိကန်ပြည်ထောင်စုက ကြိုဆိုပါတယ်။ အဲဒီအကြံပြုချက်ထဲမှာလည်းပါနေတဲ့ရခိုင်ပြည်နယ်မြောက်ပိုင်းမှာ လူသားချင်းစာနာထောက်မှု အကူအညီတွေ ပုံမှန်အတိုင်း ခွင့်ပြုဖို့နဲ့ လွတ်လွတ်လပ်လပ် သတင်းယူခွင့် ပြုဖို့ မြန်မာအစိုးရကို အမေရိကန်ကဆက်ပြီး တောင်းဆိုပါတယ်။"

လူ့အခွင့်အရေး ကောင်စီညီလာခံမှာ ဒီနှစ် မြန်မာ့အရေးဆုံးဖြတ်ချက်ဟာ အရင်လိုမဟုတ်ပဲ မြန်မာအစိုးရ အပါအ၀င် အဖွဲ့ဝင်နိုင်ငံတွေကြားမှာ အကြိတ်အနယ် အပြန်အလှန်ဆွေးနွေးခဲ့ကြတာဖြစ်ပါတယ်။ ဒါနဲ့ပတ်သက်လို့ မြန်မာ့လူ့အခွင့်အရေးအခြေအနေကို စောင့်ကြည့်နေတဲ့ နယူးရောက်အခြေစိုက် HRW နိုင်ငံတကာလူ့အခွင့်အရေးစောင့်ကြည့်ရေးအဖွဲ့ အာရှရေးရာတာဝန်ခံ Brad Adams က အခုလို သုံးသပ်ပါတယ်။

"ဆုံးဖြတ်ချက်မူကြမ်းကို ဥရောပသမဂ္ဂက ဦးဆောင်ရေးဆွဲပြီး အခြားနိုင်ငံတွေကလည်း ထောက်ခံထားကြပါတယ်။ မြန်မာအစိုးရဘက်က တရားဝင်ကန့်ကွက်ပြောဆိုတာမျိုးမရှိဘဲဒီဆုံးဖြတ်ချက်မှာပါတဲ့ အသုံးအနှုန်းတွေကို သဘောတူဖို့ ကျနော်တို့ မျှော်လင့်ထားပါတယ်။ အဖွဲ့ဝင်နိုင်ငံတွေဘက်ကလည်း မြန်မာအစိုးရရဲ့ ဆုံးဖြတ်ချက်ကို စောင့်နေကြပါတယ်။"

တကယ်လို့ မဲခွဲဆုံးဖြတ်မယ်ဆိုရင် ဆုံးဖြတ်ချက်ကို အတည်ပြုမယ့် အလားအလာနဲ့ ပတ်သက်လို့ မေးကြည့်တော့-

"လူ့အခွင့်အရေးကောင်စီအပါအ၀င် နိုင်ငံအများစုဟာ သူတို့ပြည်တွင်းမှာ လူ့အခွင့်အရေးနဲ့ပတ်သက်ပြီး လေးစားမှုမရှိသလို၊ လူ့အခွင့်အရေးကိစ္စရပ်တွေမှာ ကုလသမဂ္ဂက ပါဝင်တဲ့ အခန်းကဏ္ဍကိုလည်း ကြိုက်နှစ်သက်ခြင်းမရှိပါဘူး။ တရုတ်လိုမျိုး နိုင်ငံတချို့ကနေ နိုင်ငံချင်းအလိုက် ချမှတ်တဲ့ ဆုံးဖြတ်ချက်တွေကို မကြာခဏ ကန့်ကွက်ကြပါတယ်။ ဒါပေမဲ့ ကာယကံရှင် နိုင်ငံက ကန့်ကွက်မှုမရှိဘူးဆိုရင် အဲဒီနိုင်ငံတွေကလည်း ကန့်ကွက်လေ့တော့ မရှိပါဘူး။ တကယ်လို့ အဲဒီနိုင်ငံက ကန့်ကွက်မယ်ဆိုရင် တရုတ်၊ ကျူဘားနဲ့ ရုရှား နိုင်ငံတွေက အစဉ်တစိုက် လိုက်ပြီး ကန့်ကွက်ပါတယ်။ မွတ်စလင်နိုင်ငံတချို့လဲ မကြာခဏ အဲဒီလိုမျိုး လုပ်ပါတယ်။ဒါပေမဲ့ အခု မြန်မာ့အရေးဆုံးဖြတ်ချက်မှာ အဓိကကိစ္စက ရိုဟင်ဂျာဖြစ်နေတော့ အီဂျစ်၊ ပါကစ္စတန်၊ အင်ဒိုနီးရှား၊ မလေးရှားနဲ့ အခြား နိုင်ငံတွေက ဘယ်လိုရပ်တည်မလဲဆိုတာတော့ ရှင်းရှင်းလင်းလင်းမရှိသေးပါဘူး။ သူတို့နိုင်ငံတွေမှာ ပြည်သူတွေကိုယ်တိုင် ရိုဟင်ဂျာကိစ္စကို စာနာထောက်ထားတဲ့ ဆန္ဒပြပွဲတွေလုပ်ခဲ့ကြပါတယ်။ တဘက်မှာလည်း သူတို့ နိုင်ငံခြားရေးမူဝါဒအရ ဒီဆုံးဖြတ်ချက်ကို ဆန့်ကျင်ကန့်ကွက်နိုင်ပါတယ်။"

ဒါ့အပြင် မြန်မာအစိုးရဘက်က အဓိက ကန့်ကွက်ခဲ့တဲ့ COI (Commission of Inquiry) ခေါ် နိုင်ငံတကာစုံစမ်းရေးအဖွဲ့ အမည်နဲ့ ပတ်သက်လို့ အခု ဆုံးဖြတ်ချက်မူကြမ်းမှာ အမည်ပြောင်းလဲပြီး ဖေါ်ပြခဲ့တာနဲ့ပတ်သက်လို့လည်း Brad Adams ကအခုလိုပြောပါတယ်။

"COI (Commission of Inquiry) ခေါ် နိုင်ငံတကာစုံစမ်းရေးအဖွဲ့ ဆိုတာကတော့ ပိုပြီး ပြင်းထန်ပါတယ်။ ညှမ်းပမ်းနှိပ်စက်မှုတွေနဲ့ လူ့အခွင့်အရေးချိုးဖောက်မှုတွေ ဆိုးဆိုးရွားရွားဖြစ်နေတဲ့ နိုင်ငံတွေကို သွားရောက်စုံစမ်းလေ့လာတဲ့ ကုလသမဂ္ဂလက်အောက်ခံ အဖွဲ့အစည်းဖြစ်ပါတယ်။ မြန်မာအစိုးရဘက်ကတော့ COI ကို သုံးတဲ့ ကိစ္စကို အပြင်းအထန် ကန့်ကွက်ထားပါတယ်။ ဒါကြောင့် နိုင်ငံတကာကိုယ်စားလှယ်တချို့ကနေ အသုံးအနှုန်းပြောင်းပြီးသုံးဖို့ ကြားဝင်ညှိုပေးခဲ့ပါတယ်။ အခု ဆုံးဖြတ်ချက်မူကြမ်းထဲမှာတော့ COI အစား International Facts Finding Commission နိုင်ငံတကာ အချက်အလက်ရှာဖွေရေး အဖွဲ့ဆိုပြီး သုံးထားပါတယ်။ ဘယ်လိုပဲဖြစ်ဖြစ် အရေးကြီးတာကတော့ လွတ်လပ်တဲ့ နိုင်ငံတကာစုံစမ်းစစ်ဆေးရေးအဖွဲ့ဖြစ်ဖို့ပါပဲ။ ပြီးတော့ ဘယ်အဖွဲ့ပဲဖြစ်ဖြစ် သူတို့ တွေ့ရှိလာမယ့် အထောက်အထားအချက်အလက်တွေကို မြန်မာအစိုးရကို ဖြေကိုဖြေရှင်းရမှာဖြစ်ပါတယ်။"

ဒီကနေ့ မြန်မာ့အရေးဆုံးဖြတ်ချက်မူကြမ်းကို မဲခွဲဆုံးဖြတ်မယ်ဆိုရင် လူ့အခွင့်အရေးကောင်စီ အဖွဲ့ဝင်နိုင်ငံ (၄၇)နိုင်ငံ ကသာ မဲပေးခွင့်ရမှာဖြစ်ပါတယ်။ အဲဒီလိုဆုံးဖြတ်ရမှာ ဗီတိုအာဏာသုံးပိုင်ခွင့်မရှိပဲ အားလုံးသဘောတူညီချက် ဒါမှမဟုတ် မြန်မာဘက်က ကန့်ကွက်ပြီး မဲခွဲဆုံးဖြတ်ချင်တယ်လို့ ပြောလာတယ်ဆိုရင် မဲခွဲဆုံးဖြတ်ပြီး အတည်ပြုကြမှာဖြစ်ပါတယ်။

VOA Burmese News



ဗြိတိန်မှာ ဝမ်းနည်းခြင်းအလံတဝင်လွှင့်ထူ
မတ်လ ၂၂ ရက် ဗုဒ္ဓဟူးနေ့က လန်ဒန်မြို့လယ် ပါလီမန်အနားမှာ တိုက်ခိုက်မှု လုပ်ခဲ့သူဟာ ဗြိတိန်မှာ မွေးဖွားခဲ့သူဖြစ်ပြီး အရင်ကလည်း အစွန်းရောက် အကြမ်းဖက်မှုနဲ့ လုံခြုံရေးတပ်ဖွဲ့ဝင်တွေရဲ့ စစ်မေးတာ တစ်ကြိမ်ခံခဲ့ရဖူးတယ်လို့ ဝန်ကြီးချုပ် ထရီစာမေက ပြောလိုက်ပါတယ်။

ဒါပေမယ့် သူဟာသိပ်အရေးပါသူ မဟုတ်ဘူးလို့လုံခြုံရေးအရာရှိတွေက ယူဆခဲ့ကြပြီး အခုလို တိုက်ခိုက်မှုလုပ်မယ်ဆိုတဲ့ သတင်းလည်းကြိုတင်မရခဲ့ပါဘူးလို့ ဒီကနေ့ပါလီမန်မှာ မစ္စက်မေက လွှတ်တော်အမတ်တွေကိုရှင်းပြခဲ့ပါတယ်။

ရာနဲ့ချီတဲ့ ရဲထောက်လှမ်းရေးတပ်ဖွဲ့ဝင်တွေညက တစ်ညလုံး လန်ဒန်၊ ဘာမင်ဟန်နဲ့ တခြားမြို့တွေမှာ အိမ်တွေကို ဝင်ရှာခဲ့ပြီး လူ ၈ ယောက်ကို ဖမ်းခဲ့ပါတယ်။

ဓားနဲ့ထိုးခဲ့သူအသုံးပြုခဲ့တဲ့ကားကို ဘာမင်ဟန်မြို့က ငှားရမ်းခဲ့တယ် ဆိုတာလည်း ရဲတွေက ဖော်ထုတ်နိုင်ခဲ့ပါတယ်။

အကြမ်းဖက်သမားက ကားနဲ့ ဝင်တိုက်လို့ ဝက်စမင်စတာတံတားပေါ်မှာ လူ နှစ်ယောက် သေဆုံးခဲ့ပါတယ်။ သူဓားနဲ့ထိုးလို့ ရဲတစ်ဦးသေပြီး သူ့ကိုလည်းရဲတွေက ပစ်ခတ်လို့ ဒဏ်ရာရပြီး သေဆုံးခဲ့ပါတယ်။ အကြမ်းဖက်သမားရဲ့ တိုက်ခိုက်မှုမှာ ဒဏ်ရာရသွားသူ အယောက် ၄၀ ရှိပြီး နိုင်ငံ ၁၁ နိုင်ငံက နိုင်ငံသားတွေ ပါတယ်လို့ သိရပါတယ်။

အစ္စာလာမ်မစ်နိုင်ငံအဖွဲ့ အိုင်အက်စ်ကတော့ တိုက်ခိုက်မှုကို သူတို့ တပ်သားတစ်ယောက် လုပ်ခဲ့တာလို့ ပြောထားပါတယ်။

မစ္စက်ထရီစာမေက အခုတိုက်ခိုက်မှုဟာ ဒီမိုကရေစီ၊ လွတ်လပ်စွာထုတ်ဖော်ခွင့်၊ လူ့အခွင့်အရေးနဲ့ ဥပဒေစိုးမိုးရေးတို့ကို တိုက်ခိုက်တာဖြစ်ပြီး အကြမ်းဖက်သမားဟာ သူ့မကြေနပ်ချက်ကို အကြောင်းပြုပြီး အပြစ်မရှိတဲ့ လူတွေအပေါ်ပါ မခွဲမခြား တိုက်ခိုက်ခဲ့တယ်လို့ ပြောပါတယ်။

မစ္စက်မေဟာ လုံခြုံရေးအရာရှိတွေနဲ့ ဒီနေ့ထပ်တွေ့မှာ ဖြစ်ပြီး အကြမ်းဖက် တိုက်ခိုက်မှု ခြိမ်းခြောက်မှု အဆင့်ကိုတော့ တိုးမြှင့်မှာ မဟုတ်ဘူးလို့ပြောပါတယ်။

ကာကွယ်ရေးဝန်ကြီး ဆာမိုက်ကယ်ဖယ်လွန်က ပါလီမန်လုံခြုံရေးကို ပြန်သုံးသပ်နေပြီးအဲဒီမှာ တာဝန်ကျတဲ့ ရဲတွေအားလုံးကို လက်နက်ပေးထားရမလားဆိုတာ စဉ်းစားနေတယ်လို့ ပြောပါတယ်။

ဗုဒ္ဓဟူးနေ့က တိုက်ခိုက်မှု ဖြစ်လို့ နားထားလိုက်ရတဲ့ ပါလီမန်အစည်းအဝေးကို ဒီနေ့ပြန်လုပ်ခဲ့ပြီး လွှတ်တော်အမတ်တွေက ထိခိုက်သေဆုံးရသူတွေအတွက် ဝမ်းနည်းခြင်းအထိမ်းအမှတ် တစ်မိနစ် ငြိမ်သက်ခဲ့ကြပါတယ်။

BBC Burmese
http://www.bbc.com/burmese


ဗြိတိန်နိုင်ငံ လန်ဒန်မြို့က လွှတ်တော်အနီး မနေ့တုန်းက လူ ၃ ဦးထက်မနည်း သေဆုံးပြီး၊ ရဲတပ်ဖွဲ့ရဲ့ ပစ်ခတ်မှုကြောင့် တိုက်ခိုက်သူ သေဆုံးသွားတဲ့ အကြမ်းဖက်မှုဟာ သူတို့လက်ချက်ဖြစ်ကြောင်း IS စစ်သွေးကြွအဖွဲ့က ပြောဆိုလိုက်ပါတယ်။

တိုက်ခိုက်သူဟာ IS အဖွဲ့ရဲ့ စစ်သည်တဦးဖြစ်ကြောင်း စစ်သွေးကြွအဖွဲ့ရဲ့ သတင်းဌာနမှာ ဖော်ပြခဲ့တဲ့ ကြေညာချက်မှာ ပြောဆိုခဲ့တာပါ။ ဒါပေမဲ့လည်း တိုက်ခိုက်မှုကို စီစဉ်ပြီး၊ ကျုးလွန်ရာမှာ အကူအညီပေးခဲ့ကြောင်း ပြောဆိုတာမျိုးမရှိဘဲ၊ အမေရိကန်က ဦးဆောင်ပြီး IS အဖွဲ့ကို တိုက်ခိုက်နေတဲ့ မဟာမိတ် နိုင်ငံတွေက အရပ်သားတွေနဲ့ စစ်ဖက်ဆိုင်ရာ ပစ်မှတ်တွေကို တိုက်ခိုက်ဖို့ အဖွဲ့ရဲ့ တိုက်တွန်းချက်ကို တုန့်ပြန်လိုက်တာ ဖြစ်ကြောင်း ဖော်ပြထားပါတယ်။

ဝန်ကြီးချုပ် Theresa May ကတော့ တိုက်ခိုက်သူဟာ ဗြိတိန်မှာမွေးဖွားသူဖြစ်ပြီး၊ အကြမ်းဖက် အစွန်းရောက်ဝါဒနဲ့ ဆက်နွယ်ပြီး ဗြိတိသျှထောက်လှမ်းရေး MI-5 က စစ်ဆေးခံခဲ့ရဖူးသူ ဖြစ်ကြောင်း ပါလီမန်မှာ မှတ်ချက်ပေး ပြောကြားသွားပါတယ်။ ဒါပေမဲ့လည်း လတ်တလော စောင့်ကြည့် ထောက်လှမ်း ခံနေရတဲ့ အထဲမှာ မပါဝင်သလို၊ တိုက်ခိုက်မှုနဲ့ ပတ်သက်လို့ပဲဖြစ်ဖြစ် တိုက်ခိုက်ရတဲ့ အကြောင်းရင်းနဲ့ ပတ်သက်လို့ပဲဖြစ်ဖြစ် ကြိုတင် သတင်းရထားတာ မရှိဘူးလို့လည်း ၀န်ကြီးချုပ်က ပြောဆိုခဲ့တာပါ။

ဗြိတိသျှရဲတပ်ဖွဲ့ကတော့ တိုက်ခိုက်မှုနဲ့ ဆက်နွယ်ပြီး လူ ၈ ဦးကို ဖမ်းဆီးလိုက်ကြောင်း ဒီကနေ့ပဲ ပြောဆိုထားပါတယ်။ လန်ဒန်မြို့တော်ရဲတပ်ဖွဲ့က အကြမ်းဖက်ဝါဒ တန်ပြန်နှိမ်နင်းရေးဌာန အကြီးအကဲ Mark Rowley ကတော့၊ လိပ်စာ ၆ ခုမှာ ရှာဖွေဖမ်းဆီးမှုတွေ လုပ်ခဲ့တာဖြစ်ပြီး၊ လန်ဒန်၊ ဘာမင်ဟန်နဲ့ နိုင်ငံအနှံ့က တခြားနေရာတွေမှာလည်း စုံစမ်းမှုတွေ ဆက်လက် လုပ်ဆောင်နေဆဲဖြစ်ကြောင်း ပြောပါတယ်။ စုံစမ်းစစ်ဆေးနေတဲ့ ကာလအတွင်း အမှားမခံနိုင်တာကြောင့် တိုက်ခိုက်သူရဲ့ အမည်ကို အများပြည်သူသိအောင် ထုတ်ပြောလို့ မရသေးဘူးလို့လည်း ပြောပါတယ်။

လတ်တလောမှာတော့ တိုက်ခိုက်မှု ကျုးလွန်ခဲ့တဲ့ ရည်ရွယ်ချက်၊ ပြင်ဆင်မှုတွေနဲ့ ဆက်နွယ်သူတွေ ရှိမရှိ ဆိုတာတွေကို စုံစမ်းစစ်ဆေးနေပါတယ်။ လန်ဒန်မြို့က ပါလီမန် အဆောက်အဦးအနီး Westminster တံတားပေါ်မှာ လမ်းသွားလမ်းလာတွေကို ကားနဲ့ဝင်တိုက်ခဲ့ပြီးနောက်၊ လုံခြုံရေးအရာရှိတဦးကို ဓားနဲ့ထိုး တိုက်ခိုက်ခဲ့သူကတော့ တခြားရဲတပ်ဖွဲ့ဝင်တဦးက သေနတ်နဲ့ပစ်တာ ခံခဲ့ရတာပါ။ တိုက်ခိုက်မှုအတွင်း ထိခိုက်ဒဏ်ရာရသူ ၂၉ ယောက်ကို ဆေးရုံမှာကုသပေးထားပြီး၊ ဒီအထဲက ၇ ယောက်ဟာ ဒဏ်ရာပြင်းထန်ကြောင်းလည်း လန်ဒန်ရဲတပ်ဖွဲ့က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com



မွန်ပြည်နယ်က မော်လမြိုင်- ချောင်းဆုံ တံတားကို ဗိုလ်ချုပ်အောင်ဆန်း အမည်မပေးဖို့ မတ်လ ၂ ရက်နေ့က ဆန္ဒဖော်ထုတ်ပွဲမှာ မွန်ပြည်နယ်လွှတ်တော် ဒုတိယဥက္ကဌ ဒေါက်တာ အောင်နိုင်ဦး(အလယ်လူ)ကို တွေ့ရစဉ်။ Photo: Kyaw Lwin OO/RFA
ဗိုလ်ချုပ်အောင်ဆန်း တံတားအမည်ပေးတာကို ကန့်ကွက်တဲ့ဆန္ဒထုတ်ဖော်ပွဲမှာ ဦးဆောင်ပါဝင်ခဲ့တဲ့ မွန်ပြည်နယ် လွှတ်တော်ရဲ့ ဒုတိယဥက္ကဌ ဒေါက်တာ အောင်နိုင်ဦး ကို တာဝန်က ရုပ်သိမ်းဖို့ စီစဉ်နေတယ်ဆိုတဲ့ သတင်းတွေထွက်ပေါ်နေတာဟာ ကောလာဟလသာ ဖြစ်တယ်လို့ ကာယကံရှင် ကပြောပါတယ်။

အဲဒီလို အရေးယူမယ်လို့ မထင်ကြောင်းနဲ့ ထွက်ပေါ်နေတာတွေဟာ ကောလာဟလတွေ သာဖြစ်ကြောင်း ဒေါက်တာအောင်နိုင်ဦး က  ပြောပါတယ်။

"အဲဒီအနေအထားထိတော့ ကျနော်တော့မထင်ပါဘူး၊  ဒီကိစ္စကလည်း ကောလာဟလ အပေါ်မှာ ဆိုတော့ ပြောလို့မကောင်းဘူးလေ"

NLD ပါတီဝင် တစ်ဦးဖြစ်တဲ့ မွန်ပြည်နယ်အစိုးရအဖွဲ့ လျှပ်စစ်၊စွမ်းအင်နှင့် စက်မှုလက်မှုဝန်ကြီး ဦးမင်းထင်အောင်ဟန် ကလည်း ဒီကိစ္စ မဟုတ်ဘူးလို့ ငြင်းဆိုပါတယ်။

မွန်ပြည်နယ် မော်လမြိုင်မြို့က ပြည်နယ်လွှတ်တော်ခန်းမမှာ ပြည်သူ့လွှတ်တော် ဥက္ကဌ ဦးဝင်းမြင့်နဲ့ ပြည်နယ် အတွင်းမှာရှိတဲ့ မွန်ပြည်နယ် လွှတ်တော်ကိုယ်စားလှယ်တွေနဲ့ မနေ့က တွေ့ဆုံပွဲအပြီးမှာ မွန်ပြည်နယ်လွှတ်တော် ဒုတိယ ဥက္ကဌကို တာဝန်ကရုပ်သိမ်းဖို့ စီစဉ်နေတယ်ဆိုတဲ့ သတင်းတချို့ ထွက်ပေါ်လာခဲ့တာဖြစ်ပါတယ်။

တိုင်းဒေသကြီးသို့မဟုတ် ပြည်နယ်လွှတ်တော်ဆိုင်ရာ နည်းဥပဒေမှာ ဖော်ပြချက်အရ ပြည်နယ်သို့မဟုတ် တိုင်းဒေသကြီး လွှတ်တော်ရဲ့ ဒုတိယဥက္ကဌတစ်ဦးကို တာဝန်ကရုပ်သိမ်းဖို့ အဆိုလွှာတင်သွင်းမယ်ဆိုရင် လွှတ်တော်အမတ် စုစုပေါင်းရဲ့ လေးပုံတစ်ပုံက လက်မှတ်ရေးထိုး ထောက်ခံရမှာဖြစ်ပါတယ်။

အဲဒီအဆိုကိုလည်း  ပြည်နယ်လွှတ်တော် အမတ် စုစုပေါင်း သုံးပုံနှစ်ပုံက ထောက်ခံမဲပေးမှသာ တာဝန်မှရုပ်သိမ်းဖို့ အရေးယူ ဆောင်ရွက်ရန်ရှိတယ်လို့ လွှတ်တော်ဥက္ကဌက ကြေညာနိုင်မှာဖြစ် ပါတယ်။ အဲဒီနောက်  စုံစမ်း စစ်ဆေးရေးအဖွဲ့ဖွဲ့ပြီး ရုပ်သိမ်းဖို့ အဆိုတင်သွင်းခံရသူကို ချေပခွင့်ပေးတာ၊ ကြားနာတာတွေ ဆောင်ရွက်ရမှာဖြစ် ပါတယ်။

စုံစမ်းစစ်ဆေးရေး အဖွဲ့ဖွဲ့တဲ့ အချိန်ကစပြီး တစ်လအတွင်းမှာ အစီရင်ခံစာကို သက်ဆိုင်ရာလွှတ်တော်သို့ ပြန်လည် တင်ပြရမှာဖြစ်ပြီး စုံစမ်းစစ်ဆေးရေးအဖွဲ့က  တာဝန်ကရုပ်သိမ်းဖို့အဆိုဟာ မှန်ကန်မှုမရှိဘူးလို့ တင်ပြလာရင် အဲဒီအဆိုကို ဆောင်ရွက်ဖို့ မရှိကြောင်း လွှတ်တော်ဥက္ကဌက ကြေညာရမှာဖြစ်ပါတယ်။

စုံစမ်းစစ်ဆေးရေးအဖွဲ့က တာဝန်ရုပ်သိမ်းဖို့ အဆိုပြုချက်ဟာ မှန်ကန်တယ်လို့ တင်ပြလာရင်တော့ လွှတ်တော် ဥက္ကဌက လျှို့ဝှက်ဆန္ဒမဲပေးစေပြီး လွှတ်တော်အမတ် စုစုပေါင်းရဲ့ သုံးပုံနှစ်ပုံက ထောက်ခံတယ်ဆိုရင်  ဒုတိယဥက္ကဌကို တာဝန်မှ ရုပ်သိမ်းကြောင်း ကြေညာရမှာဖြစ်ပါတယ်။

RFA Burmese
http://www.rfa.org/burmese


ရုရှားလွှတ်တော်အမတ်ဟောင်း တဦးဖြစ်တဲ့ Denis Voronenkov ဟာ ယူကရိန်းနိုင်ငံ Kyiv မြို့တော်မှာ ဒီကနေ့ပဲ သေနတ်နဲ့ ပစ်ခတ် သတ်ဖြတ်ခံခဲ့ရပြီး၊ ရုရှားနိုင်ငံက ခိုင်းစေတဲ့ လူသတ်သမားရဲ့ လက်ချက်ဖြစ်ပုံရကြောင်း ယူကရိန်းရဲတပ်ဖွဲ့က ပြောပါတယ်။

လွှတ်တော် အမတ်ဟောင်း Voronenkov ကတော့ အသက်အန္တရာယ်စိုးရိမ်တဲ့အတွက် ယူကရိန်းနိုင်ငံကို ပြီးခဲ့တဲ့နှစ်ထဲမှာပဲ ထွက်ပြေး တိမ်းရှောင်ခဲ့ပြီး၊ ရုရှားလိုလားတဲ့ ယူကရိန်းသမ္မတ Viktor Yanukovych အပေါ် နိုင်ငံတော်သစ္စာဖောက်မှုနဲ့ စွပ်စွဲထားတဲ့ အမှုမှာ သက်သေအဖြစ် ထွက်ဆိုခဲ့တာပါ။

တရားရုံးမှာ သက်သေအဖြစ် ထွက်ဆိုချက်ကြောင့် အသတ်ခံခဲ့ရတာ ဖြစ်နိုင်တယ်လို့လည်း ယူကရိန်း အစိုးရရှေ့နေရုံး အကြီးအကဲ Yuriy Lutsenko ကပြောပါတယ်။ Kyiv မြို့တော်မှာ နေ့ခင်းကြောင်တောင် ပစ်ခတ်လုပ်ကြံခဲ့တာဟာ ရုရှားအစိုးရက လုပ်နေကြ ပုံစံမျိုးဖြစ်ကြောင်းလည်း ပြောဆိုခဲ့တာပါ။

ရုရှားလွှတ်တော်အမတ်ဟောင်း Voronenkov ဟာ မြို့တော်အချက်အခြာနေရာက ဟော်တယ်တခုရှေ့မှာ ရပ်နေတုန်း သေနတ်သမားက ပစ်ခတ်ခဲ့တာလို့လည်း ရဲတပ်ဖွဲ့က ပြောပါတယ်။ ပစ်ခတ်မှုကြောင့် သက်တော်စောင့် ဖြစ်သူလည်း ဒဏ်ရာရခဲ့ပေမဲ့၊ ပြန်လည်ပစ်ခတ်ခဲ့ရာမှာ သေနတ်သမားကို ထိမှန်ခဲ့ပါတယ်။

ဒဏ်ရာရသွားတဲ့ သက်တော်စောင့်နဲ့ သေနတ်သမား ၂ ယောက်စလုံးကို အခုအခါ ဆေးရုံတင်ထားတယ်လို့လည်း ရဲတပ်ဖွဲ့က ပြောပါတယ်။ ယူကရိန်းနိုင်ငံမှာ တိမ်းရှောင်နေတဲ့ နောက်ထပ် ရုရှားလွှတ်တော်အမတ်ဟောင်း တဦးဖြစ်တဲ့ Ilya Ponomarev ကတော့ သူနဲ့တွေ့ဖို့ စီစဉ်ထားတုန်း အသတ်ခံခဲ့ရတာလို့ ပြောပါတယ်။

သေဆုံးသူ လွှတ်တော်အမတ်ဟောင်းဟာ ဒုစရိုက်သမား တဦးမဟုတ်ဘဲ ရုရှားအစိုးရအတွက် အန္တရာယ်ရှိသူတဦး ဖြစ်တာကြောင့် တိုက်ခိုက်မှု ကျုးလွန်တဲ့ အကြောင်းရင်းဟာ ထင်ရှားတယ်လို့လည်း Facebook လူမှုကွန်ယက်ပေါ်မှာ မှတ်ချက်ပေးခဲ့တာပါ။ ရုရှားအစိုးရကတော့ လွှတ်တော်အမတ်ဟောင်း အသတ်ခံရမှုနဲ့ ပတ်သက်မှုမရှိဘူးဆိုပြီး ငြင်းဆန်ထားပါတယ်။

ဗွီအိုအေ (မြန်မာပိုင်း)
http://burmese.voanews.com



ရခိုင်ပြည်နယ်၊ တောင်ကုတ်မြို့မှာ မွတ်ဆလင်တွေကို နိုင်ငံသားခွင့်ပြုတဲ့ကိစ္စ မတ်လ ၂၃ ရက်နေ့က ဆန္ဒပြကြတာကို တွေ့ရစဉ်။ Photo: Zeya Kyaw (facebook)
ရခိုင်ပြည်နယ်၊ တောင်ကုတ်မြို့မှာ မွတ်ဆလင်တွေကို ၁၉၈၂ ခုနှစ် မြန်မာနိုင်ငံသားဥပဒေနဲ့မညီဘဲ နိုင်ငံသား အဖြစ် ခွင့်ပြုပေးနေတဲ့ကိစ္စကို လက်မခံနိုင်ကြောင်း လူပေါင်း ၃၀ ကျော်လောက်က ဒီနေ့ ကန့်ကွက်ဆန္ဒပြ ကြပါတယ်။

ဥပဒေကိုကျော်လွန်ပြီး နိုင်ငံသားကဒ်ထုတ်ပေးနေတဲ့ကိစ္စဟာ လက်ခံနိုင်စရာမရှိဘူးလို့ ဆန္ဒပြပွဲဦးဆောင်သူ တစ်ဦးဖြစ်တဲ့ တောင်ကုတ်မြို့ခံ ကိုမောင်မောင်သက်က ပြောပါတယ်။

"နိုင်ငံသားဥပဒေတွေနဲ့ မကိုက်ညီဘဲနဲ့ နိုင်ငံသားအဖြစ် အသိအမှတ်ပြုပြီးတော့ နိုင်ငံသားကဒ်ထုတ်ပေးနေတာ ကျနော်တို့တွေ့ရတယ်၊ အဲ့လိုပေးတာကို ပြတ်ပြတ်သားသားဆန့်ကျင်တယ်၊ လုံးဝလက်မခံဘူးဆိုတဲ့အကြောင်း ကျနော်တို့ ဆန္ဒဖော်ထုတ်တယ်"

ပြီးခဲ့တဲ့လက နိုင်ငံတော်သမ္မတ ဦးထင်ကျော်က NVC ကဒ်တွေထုတ်ပေးနိုင်ဖို့အတွက် ဖွဲ့စည်းလိုက်တဲ့ နယ်လှည့် ကွင်းဆင်းဆောင်ရွက်သွားမယ့် ဦးဆောင်အဖွဲ့မှာ ရခိုင်တိုင်းရင်းသား ကိုယ်စားလှယ်တွေကိုပါ ထည့်သွင်းပေး ဖို့ တောင်းဆိုကြောင်းလည်း ကိုမောင်မောင်သက်က ပြောပါတယ်။

ဆန္ဒပြသူတွေဟာ အစိုးရက မွတ်ဆလင်တွေကို ထုတ်ပေးထားတဲ့ နိုင်ငံသားကဒ်တွေကို ပြန်လည်စိစစ်ပေးဖို့၊ ဥပဒေနဲ့မညီဘဲ လိမ်လည်ရယူထားတဲ့ကဒ်တွေကို ပြန်ရုပ်သိမ်းပေးဖို့နဲ့ တာဝန်ရှိသူကို အရေးယူပေးဖို့ကို လည်း ကြွေးကြော်ခဲ့ကြပါတယ်။

မွတ်ဆလင်တွေကို ဥပဒေနဲ့မညီဘဲ နိုင်ငံသားကဒ် ထုတ်ပေးနေတာတွေကို ရပ်တန့်ပေးဖို့ ပြီးခဲ့တဲ့လကနေစတင်ပြီး ရခိုင်ပြည်နယ် မြို့နယ်အချို့မှာ ကန့်ကွက်ဆန္ဒပြပွဲတွေ ပေါ်ပေါက်လာနေတာ ဖြစ်ပါတယ်။

ဒါ့အပြင် စစ်တွေ၊ ဘူးသီးတောင်၊ မောင်တော၊ ရသေ့တောင်မြို့နယ်တွေက ဒေသခံတွေ စုပေါင်းပြီးတော့ စစ်တွေမြို့ မှာ ပြီးခဲ့တဲ့ မတ်လ ၁၉ ရက်နေ့ ၂၂ ရက်နေ့အထိ ၄ ရက်ကြာ စုပေါင်းဆန္ဒပြပွဲ ပြုလုပ်ခဲ့ကြပြီး သဘောထားကြေညာ ချက် တစ်စောင်ကိုလည်း မနေ့ကရက်စွဲနဲ့ ထုတ်ပြန်လိုက်ပါတယ်။

အဲဒီထုတ်ပြန်ချက်မှာ မွတ်ဆလင်တွေကို နိုင်ငံသားအဖြစ် အသိအမှတ်ပြုကဒ်ပြား ထုတ်ပေးနေတာတွေကို နိုင် ငံတော်မှာရှိတဲ့ ဥပဒေပညာရှင်တွေ၊ ရခိုင်ဒေသခံလူထု ကိုယ်စားလှယ်တွေ၊ ဒေသခံဥပဒေပညာ တတ်ကျွမ်း နားလည်သူတွေ ပူးပေါင်းပါဝင်တဲ့ နိုင်ငံသားစိစစ်ရေးကော်မတီအဖြစ် ဖွဲ့စည်းပေးဖို့ကို တိုက်တွန်းထားပါတယ်။

ဒါ့အပြင် မြန်မာအစိုးရရဲ့ နိုင်ငံသားစိစစ်ရေးကော်မတီအနေနဲ့ နိုင်ငံသားဖြစ်ခွင့်မရရှိနိုင်တဲ့ မွတ်ဆလင်တွေကို ဘယ်ပုံဘယ်နည်းနဲ့ဖြေရှင်းမယ်ဆိုတာကို တိတိကျကျအသိမပေးနိုင်သေးသရွေ့ နိုင်ငံသားစိစစ်ရေး လုပ်ပြုခြင်းတွေကို ရပ်ဆိုင်းပေးဖို့ တောင်းဆိုကြောင်းလည်း ပါရှိပါတယ်။

RFA Burmese
http://www.rfa.org/burmese



မြန်မာနိုင်ငံ အမျိုးသား အဆင့် မှုခင်းကြိုတင်ကာကွယ်ရေး မဟာဗျူဟာ မူကြမ်းဆိုင်ရာ အလုပ်ရုံ ဆွေးနွေးပွဲတွင် ပြည်ထဲရေး ၀န်ကြီးဌာန ၊ ရဲချုပ် ဇော်ဝင်းက အဖွင့် မိန့် ခွန်း ပြောကြားစဉ်။(ဆင်ဟွာ)
    နေပြည်တော်၊ မတ် ၂၃ ရက် (ဆင်ဟွာ)

    မှုခင်း ကြိုတင်ကာကွယ်တားဆီးသည့် နည်းဗျူဟာများတွင် ထောင်ထွက်များအား လူ့  အဖွဲ့  အစည်းနှင့် ပြန်လည်ပေါင်းစည်းပေးခြင်းလည်း ပါဝင်ပြီး မြန်မာနိုင်ငံတွင် အဆိုပါ ကျင့်သုံးသည့် နည်းစနစ် ကောင်း လိုအပ်နေသည်ဟု နေပြည်တော် သင်္ဂဟဟိုတယ်တွင် ယနေ့ နံနက် ပြုလုပ်သည့် ပထမအကြိမ် မြန်မာနိုင်ငံ အမျိုးသား အဆင့် မှုခင်းကြိုတင်ကာကွယ်ရေး မဟာဗျူဟာ မူကြမ်းဆိုင်ရာ အလုပ်ရုံ ဆွေးနွေးပွဲတွင် ပြည်ထဲရေး ၀န်ကြီးဌာန ၊ ရဲချုပ် ဇော်ဝင်းက ပြောခဲ့သည်။

“ထောင်ကျတစ်ယောက် ပြန်လွတ်လာတဲ့အခါ သူ့ ကို လူ့ အဖွဲ့ အစည်းထဲမှာ ၀င်ဆံ့အောင် ပေါင်း စည်း ပေးဖို့ လိုတယ်၊သူ့ ကို ထောင်ထွက်တစ်ယောက်ဆိုပြီး အဖက်မလုပ်ဘူး၊ သာရေးလည်း မခေါ်ဘူး၊ နာရေးလည်း မခေါ်ဘူးဆိုရင် ထောင်ကထွက်လာတဲ့ သူဖြစ်လို့  သူနဲ့ ဆက်သွယ်မှု ရှိပြီးသား ဒုစရိုက်သမားတွေနဲ့ ပဲ ဆက်သွယ်မယ်၊ သူ့ ကို လူ့ အဖွဲ့ အစည်းမှာ ၀င်ဆံ့အောင် မလုပ်ပေး နိုင်ရင် သူက အဲဒီလူတွေနဲ့ ပေါင်းပြီးတော့ ထောင်ထဲ ပြန်ရောက်မယ်၊ ကျွန်တော်တို့ နိုင်ငံမှာ အဲဒီလို ထောင်ကထွက်လာသူတွေအတွက် Reintegration Programmes ကောင်းကောင်း ရှိဖို့ လိုအပ် ပါတယ်” ဟု ရဲချုပ် ဇော်ဝင်းက ပြောခဲ့သည်။

မြန်မာနိုင်ငံ အမျိုးသား အဆင့် မှုခင်းကြိုတင်ကာကွယ်ရေး မဟာဗျူဟာ မူကြမ်းဆိုင်ရာ အလုပ်ရုံ ဆွေးနွေးပွဲတွင် UNODC ၏ Country Manager Mr. Troels Vester မိန့် ခွန်းပြောကြားစဉ်။ (ဆင်ဟွာ)
ကမ္ဘာ့နိုင်ငံ အသီးသီးတွင် နိုင်ငံသားများ၏ Safety and Security အတွက်သာမက ဘ၀ အရည် အသွေးမြှင့်တင်ဖို့ ကြိုးပမ်းရာတွင် Crime Prevention Strategy ၏ အရေးပါမှုကို အလေးထား လာကြကြောင်း၊ Crime Prevention ဆိုင်ရာ ချဉ်းကပ်မှု နည်းလမ်းများကို အဓိက အားဖြင့် လူမှု ဖွံ့ဖြိုးရေး တိုးတက်စေခြင်းဖြင့် မှုခင်းကာကွယ်ခြင်း (Crime Prevention through social Development), လူထု၊ သို့ မဟုတ် ဒေသအခြေပြု မှုခင်းကာကွယ်ရေး (Community or Locally based Crime Prevention), အခြေအနေဆိုင်ရာ မှုခင်း ကာကွယ်ရေး (Situational Crime Prevention), နှင့် ပြန်လည်ပေါင်းစည်းရေး အစီအစဉ်များ (Reintegration Programmes) ဟူ၍ လေးမျိုးရှိရာတွင် မြန်မာနိုင်ငံ၏ လက်ရှိအနေအထားနှင့် လျော်ညီသည့် နည်းလမ်းများကို လိုအပ်သလို ပေါင်းစပ် အသုံးပြုနိုင်ရန် ထည့်သွင်းစဉ်းစား ပေးစေလိုကြောင်း လည်း ၎င်းက တိုက်တွန်း ပြောကြားခဲ့သည်။

“မြန်မာနိုင်ငံရဲ့ အမျိုးသားအဆင့် Crime Prevention Strategy အပေါ် ဆွေးနွေးကြမယ့် ပုဂ္ဂိုလ်များ အနေနဲ့  ၂၁ ရာစုမှာ တိုးတက် ပြောင်းလဲလာတဲ့ Crime Prevention အမျိုးအစားများနဲ့  နိုင်ငံတကာမှာ ကျင့်သုံးနေတဲ့ Crime Prevention ဆိုင်ရာ မူသဘောတရားများ အပေါ် အခြေခံပြီး ဆွေးနွေးကြစေလိုပါတယ်” ဟုလည်း `၎င်းက ပြောကြားခဲ့သည်။

အမျိုးသားအဆင့်တွင် နိုင်ငံရှိ အဆင်းရဲဆုံးနှင့် အချမ်းသာဆုံး ပြည်သူများအကြား မိသားစု ၀င်ငွေ ကွာဟမှု အတိုင်းအတာများ၊ အကျင့်ပျက် ခြစားမှု အဆင့်ဆင့်များ၊ လူမှုစီးပွား ဖွံ့ ဖြိုး တိုးတက်မှု ဆိုင်ရာ Infrastructure နှင့် institutions များ၏ အရည်အသွေးများ အပြင် မတူကွဲပြားသည့် လူမှုရေးနှင့် ယဉ်ကျေးမှု ပုံစံများသည် ပြစ်မှု ကျူးလွန်သူတို့ ၏ သားကောင် ဖြစ်နိုင်ခြေရှိသော အခြေအနေများ (Risk factors of Victimization) ဖြစ်ကြောင်း၊ ဒေသအဆင့်တွင် လုံလောက်မှု မရှီသည့် လူမှု စီးပွား ဖွံ့ ဖြိုးမှု ဆိုင်ရာ အခြေခံ အဆောက်အအုံများ၊ ဘဏ္ဍာရေး ရင်းမြစ်များ၊ ဆင်းရဲနွမ်းပါးသည့် အိုးအိမ်နှင့် ပတ်ဝန်းကျင်အခြေအနေများ၊ ပညာရေး၊ ကျန်းမားရေး ၀န်ဆောင်မှု ဆိုင်ရာ အားနည်းချက်များ၊ အလုပ်လက်မဲ့ နှုန်း မြင့်မားမှုများ၊ မူးယစ်ဆေးဝါးနှင့် လက်နက်များ အလွယ်တကူ ရရှိနိုင်မှုများသည် ပြစ်မှု ကျူးလွန်သူတို့ ၏ သားကောင် ဖြစ်နိုင်ခြေရှိသော အခြေအနေများ ဖြစ်သောကြောင့် ယခု ဆွေးနွေးပွတြွင် ထည့်သွင်း ဆွေးနွေးကြစေလိုကြောင်းလည်း မြန်မာနိုင်ငံ ရဲချုပ်က ပြောခဲ့သည်။

UNODC (United Nations Office on Drugs and Crime) ၊ ပြည်ထဲရေး ၀န်ကြီးဌာန နှင့် ဗြိတိသျှ သံရုံးတို့ ပူးပေါင်း ကျင်းပသည့်  အဆိုပါ ဆွေးနွေးပွဲသို့  ပြည်ထဲရေးဝန်ကြီးဌာနမှ အရာရှိကြီးများ၊ အုပ်ချုပ်ရေး အဖွဲ့ ဝင်များ၊ ဆက်စပ်အဖွဲ့ အစည်းများမှ ပုဂ္ဂိုလ်များနှင့်အတူ UNODC ၏ Country Manager Mr. Troels Vester နှင့် သံအမတ်များ တက်ရောက်ခဲ့ကြသည်။

(Xinhua)
http://www.xinhuamyanmar.com


နေပြည်တော်၊မတ် ၂၃။

မန္တလေးမြို့၊ ပြည်ကြီးတံခွန်မြို့နယ် ၇၁ လမ်းနှင့် ၇၂ လမ်း၊ ကျန်စစ်သားလမ်းတွင် ဆိုင်ကယ်စီးနင်လာသူ တစ်ဦးသည် ကျည်ဆံထိမှန်သေဆုံးမှု မတ်လ ၂၂ ရက်နေ့ နံနက် ၈ နာရီဝန်းကျင်အချိန်၌ ဖြစ်ပွားခဲ့သည်။

၎င်းကျည်ဆံထိမှန်သေဆုံးခြင်းသည် လုပ်ကြံပစ်ခတ်မှုမဟုတ်ပဲ ထပ်ဆင့်ထိမှန်သေဆုံးခြင်းဖြစ်ကြောင်း မြန်မာနိုင်ငံရဲတပ်ဖွဲ့ ရဲချုပ်ကပြောသည်။

“ကျည်ဆံက တစ်နေရာရာကနေပြီးတော့ Twist ဖြစ်ပြီး မတော်တဆလာမှန်တာ၊ပစ်ခတ်လုပ်ကြံတာတော့ မဟုတ်ဘူး။ အဲလိုတော့ ကျနော်တို့ မတွေ့ဘူး။ အဲနားမှာလဲ ဘာပစ်ခတ်သံမှလဲ မကြားရဘူး။ တစ်နေရာရာကနေ Twist ဖြစ်ပြီးတော့ လာထိတဲ့ သဘောလို့ ထင်တယ်။ ဘယ်လိုဆိုတဲ့ Cost မသိရသေးဘူး။ ကျည်ဆံ အမျိုးအစားကို ကျွမ်းကျင်ပညာရှင်တွေက စစ်ဆေးနေတယ်”ဟု ရဲချုပ်ဇော်ဝင်းက ပြောသည်။

ထိုဖြစ်​စဉ်နှင့် ပတ်သက်ပြီး ရဲချုပ်အား မတ်လ ၂၃ ရက်နေ့က နေပြည်တော် သင်္ဂဟ ဟိုတယ်တွင် ကျင်းပပြုလုပ်ခဲ့ သည့် မူခင်းကြိုတင်ကာကွယ်ရေး မဟာဗျူဟာ မူကြမ်းဆိုင်ရာ ဆွေးနွေးပွဲ ခေတ္တ နားချိန်တွင် သတင်းမီဒီယာ များ၏ မေးမြန်းမှုအပေါ်ဖြေကြားခဲ့ခြင်းဖြစ်သည်။

သေဆုံးသူမှာ မန္တ​လေးမြို့၊ကျန်စစ်သားလမ်း ၆၇ လမ်းနှင့် ၆၈ လမ်းတွင် နေထိုင်သူ ကိုရဲဝင်း (၃၅ နှစ်)ဖြစ်ပြီး သေဆုံးမှု ဖြစ်စဉ်အား သက်ဆိုင်ရာမှာ စုံစမ်းစစ်ဆေးနေကြောင်း သိရှိရသည်။

ကြယ်စင်ခ
Central News Myanmar
https://www.facebook.com/CNMyanmar/


နိရဉ္စရာ၊ မတ်လ ၂၃

မတ်လ ၂၂ ရက်နေ့ ညဥ့် ၁၀ နာရီမှ ၁၁ ခွဲထိ မောင်တောမြို့နယ် အနောက်ဘက်နယ်စပ်တွင် သေနတ်သံများ ဆက်တိုက် ထွက်ပေါ်လာသဖြင့် ဒေသခံ ပြည်သူများ အကြားအထူး စိုးရိမ်မှုများ တိုးပွားခဲ့ရကြောင်း ဒေသခံများက ပြောကြားသည်။

အောင်သပြေကျေးရွာ ဒေသခံ တစ်ဦးက “ ညဥ့် ၁၀ နာရီကျော်ခန့်မှာ နယ်စပ် ဗန္ဓု စခန်းဘက်က သေနတ်သံတွေ ဆက်တိုက်ထွက်လာပါတယ်။ အိုတိုပစ်ခတ်သံတွေ ကြားရပါတယ်။ အဲဒီနောက် အောင်သပြေ စခန်းဘက်ကလည်း သေနတ်သံတွေ ထွက်ပေါ်လာပါတယ်” ဟု မတ်လ ၂၂ ရက် ညဥ့် ၁၁ နာရီတွင် နိရဉ္စရာသို့ ဆက်သွယ် ပြောကြားသည်။

ထိုသို့ သေနတ်သံများ ပစ်ခတ်မှုကြောင့် ဒေသခံများအကြား အထူးစိုးရိမ်မိခဲ့ကြောင့် အောင်သပြေ ကျေးရွာသားက ဆက်လက် ပြောကြားသည်။

“ ခုလို ညဥ့်အချိန်မှာ သေနတ်သံတွေ ဆက်တိုက်ထွက်လာတော့ ဒီမှာရှိတဲ့ လူတွေက အထူး စိုးရိမ်ခဲ့ကြပါတယ်။ ကျွန်တော်တို့ ရွာမှာဆိုရင် လူတွေ အကုန်လုံး မအိပ်ဘဲနဲ့ ဘာတွေ ဖြစ်လာမလဲဆိုတာ စောင့်ကြည့်ခဲ့ပါတယ်။ သေနတ်သံက ညဥ့် ၁၂ နာရီ မထိုးခင် ရပ်သွားခဲ့ပါတယ်” ဟု ပြောကြားသည်။

အဆိုပါ သေနတ်ပစ်ခတ်မှုနှင့် ပတ်သက်ပြီး မောင်တောခရိုင် တာဝန်ရှိသူများအား ဆက်သွယ်မေးမြန်းရာ ပြန်လည် တုန့်ပြန် ဖြေကြားခြင်း မရှိပါ။

ဒေသအတွင်းမှ အစိုးရ တာဝန်ရှိသူများနှင့် နီးစပ်သူ တစ်ဦးသို့ ဆက်သွယ်မေးမြန်းရာ သူက အကြမ်းဖက် တိုက်ခိုက်မှုများ ဖြစ်နိုင်ဟု သတင်းတစ်ခုရထားသဖြင့် စခန်းပတ်ဝန်းကျင်ကို ခြောက်လှန့်ပစ်ခတ်ခြင်းသာ ဖြစ်ကြောင်း ပြောကြားသည်။

Narinjara
https://www.facebook.com/Narinjara


မတ် - ၂၃ ရိုက်ကူး - ကိုနိုင်

မန္တလေးမြို့ရှိ ကုတင်(၅၅၀)ကလေးဆေးရုံကြီးတွင် မတ်လ ၂၃ နေ့ နံနက် ၉ နာရီ မှစ၍ ဆီးခုံချင်းဆက် အမွှာကလေးငယ်နှစ်ဦးအား ခွဲစိတ်ကုသမှုစတင်ပြုလုပ်ခဲ့ပြီး ခွဲစိတ်ကုသမှုမှာ ၁၄ နာရီခန့်ကြာမည်ဖြစ်ကြောင်း သိရသည် ။

ကလေးငယ်နှစ်ဦးကို မုံရွာမြို့နယ် ညောင်ပင်သာကျေးရွာတွင် နေထိုင်သည့် ကိုညိမ်း ဒေါ်မာလာစန်းတို့က ၂၀၁၆နှစ် ဇန်နဝါရီလ (၁၃)ရက် နံနက် (၁၀) နာရီက မုံရွာဆေးရုံကြီးတွင် မွေးဖွားခဲ့သည် ။

Channel Mandalay TV
https://www.facebook.com/cm.tv555/



အငယ်တန်း ဗြိတိသျှ နိုင်ငံခြားရေး ဝန်ကြီး တိုဘိုင်းယားစ် အဲလ်ဝုဒ်
အငယ်တန်း ဗြိတိသျှ နိုင်ငံခြားရေး ဝန်ကြီး တိုဘိုင်းယားစ် အဲလ်ဝုဒ်က ပါလီမန် နားက တိုက်ခိုက်မှုမှာ ထိခိုက် ဒဏ်ရာရသူတယောက်ကို အသက်ကယ် အကူအညီပေးနေတဲ့ ပုံတွေ ထွက်လာပြီးနောက် သူ့ကို သူရဲကောင်းအဖြစ် ချီးကျူး နေကြပါတယ်။

ဝက်စမင်စတာ တံတားပေါ်မှာ လူတွေကို ကားနဲ့ လျှောက်တိုက်ခဲ့သူက ပါလီမန် ဝင်းထဲ ဝင်ပြီး ရဲ အရာရှိကို ဓားနဲ့ထိုးခဲ့ပြီးနောက် သူ့ကို ရဲက ပစ်သတ်ခဲ့ပါတယ်။

ဒီအချိန်မှာ ကွန်ဆာဗေးတစ်ပါတီက အရင် တပ်အရာရှိဟောင်း အဲလ်ဝုဒ်က ဒဏ်ရာရ ရဲ အရာရှိကို ပါးစပ်ချင်း တေ့ပြီး လေမှုတ်သွင်းကာ အသက်ကယ်ဖို့ ကြိုးစားခဲ့ပါတယ်။

ဒါပေမဲ့ ရဲ အပါအဝင် လူ ၄ ယောက် အခင်းဖြစ်ပွားရာမှာပဲ သေဆုံးခဲ့ပါတယ်။

အဲလ်ဝုဒ်ရဲ့ ညီအစ်ကိုထဲက တယောက်က ၂ဝဝ၂ ခုနှစ် ဘာလီ ကျွန်း ဗုံးခွဲခံရမှုမှာ သေဆုံးခဲ့ရပါတယ်။

နေ့လယ်ကလည်း ရဲက လူတွေကို လုံခြုံရေး အတွက် ဘေးကင်းရာကို သွားခိုင်းချိန်မှာ အဲလ်ဝုဒ်က အခင်းဖြစ်ပွားရာကို သွားပြီး ကူညီတာကို တွေ့ရတယ်လို့ သူ့မိတ်ဆွေ ပါလီမန် အမတ်တွေက ဆိုပါတယ်။

ရဲ အရာရှိ ဒဏ်ရာတွေပေါ် လက်နဲ့ဖိပြီး အသက်ကယ်ခဲ့တဲ့ အဲလ်ဝုဒ်ရဲ့ မျက်နှာနဲ့ လက်တွေမှာ သွေးတွေ ပေနေတဲ့ ပုံတွေလည်း တွေ့ရပါတယ်။

ဒီလို အသက်စွန့်ပြီး ကူညီခဲ့လို့ သူဟာ လွှတ်တော်အမတ်တွေရဲ့ ဂုဏ်ကို ဆောင်ပါတယ် ဆိုပြီး အတိုက်အခံ လစ်ဘရယ် ဒီမိုကရက် ပါတီ ခေါင်းဆောင်က ချီးကျူးခဲ့ပါတယ်။

မစ္စတာ အဲလ်ဝုဒ်ဟာ အရှေ့အလယ်ပိုင်း၊ အာဖရိကဒေသတွေနဲ့ အကြမ်းဖက်မှု တိုက်ဖျက်ရေး ဆိုင်ရာ အငယ်တန်း ဗြိတိသျှ အစိုးရ ဝန်ကြီး တယောက် ဖြစ်ပါတယ်။

BBC Burmese
http://www.bbc.com/burmese


ရန်ကုန် မတ် ၂၂

ပြည်တွင်းအခေါက်ရွှေဈေးမှာ ယနေ့ မွန်းလွဲအချိန်မှစတင်၍ မြင့်တက်လာခဲ့ပြီး ဈေးပိတ်ချိန်တွင် တစ်ကျပ်သားလျှင် ငွေကျပ် ကိုးသိန်းတစ်ထောင်အထိ စံချိန်တင် မြင့်တက်လာကြောင်း ရွှေလုပ်ငန်းရှင်များထံမှ သိရသည်။

ပြီးခဲ့သည့် တစ်ပတ်အတွင်း ရွှေဈေးမှာ အခေါက်ရွှေ တစ်ကျပ်သားလျှင် ငွေကျပ် ရှစ်သိန်းရှစ်သောင်းသုံးထောင်သာရှိခဲ့ရာမှ ယနေ့တွင် ရွှေဈေးမှာ တစ်ကျပ်သားလျှင် တစ်ပတ်အတွင်း ၁၈ဝဝဝအထိ မြင့်တက်လာခဲ့သည်ကို တွေ့ရှိရသည်။
''မြန်မာ့ရွှေဈေးကွက်က ဒေါ်လာဈေးအတက်အကျနဲ့ ကမ္ဘာ့ရွှေဈေး အတက်အကျ ကိုလိုက်ပြီး ပြောင်းလဲတာဖြစ်ပါတယ်။ လက်ရှိမှာ ဒေါ်လာဈေးက တစ်ဒေါ်လာကို ငွေကျပ် ၁၃၆ဝ စွန်းစွန်းနဲ့ ဈေးငြိမ်နေပေမယ့် ကမ္ဘာ့ရွှေဈေးကတော့ ပြီးခဲ့တဲ့ တနင်္လာ နေ့ (မတ် ၂ဝရက်)မှာ ၁၂၂၈ ကနေ ၁၂၃၄အထိ မြင့်တက်လာခဲ့တာကြောင့် ပြည်တွင်း ရွှေဈေးလည်း လိုက်ပါမြင့်တက်နေတာ ဖြစ်နိုင်ပါတယ်''ဟု အောင်သမာဓိ စိန်ရွှေ ရတနာဆိုင်မှ တာဝန်ခံ ကိုဝင်းငယ်က ပြောကြားသည်။

လက်ရှိ ရန်ကုန်ရွှေဈေးကွက်အတွင်း ရွှေတစ်ကျပ်သားလျှင် ငွေကျပ်ကိုးသိန်း အထက်သို့ မြင့်တက်သွားသဖြင့် ရွှေဝယ်ယူစုဆောင်းမှုများ ရပ်တန့်နေပြီး ရောင်းချလိုသူ ပိုမိုများပြားလျက်ရှိကြောင်း ရွှေလုပ်ငန်းလုပ်ကိုင်သူများထံမှ သိရ သည်။

''ကမ္ဘာ့ရွှေဈေးတက်ပေမယ့် ဒီနေ့တော့ အနည်းငယ်ပြန်ကျနေပါတယ်။ ဒါပေမယ့် မြန်မာ့ရွှေဈေးကတော့ အတက်ဘက်မှာ ဆက်ရှိနေတယ်။ ဈေးမြင့်တော့ အရောင်း အဝယ်မကောင်းဘဲ အားလုံးက စောင့်ကြည့်နေကြတယ်။ ဒေါ်လာဈေးငြိမ်နေတဲ့ အတွက် ရွှေဈေးက ဆက်တက်နိုင်မယ်လို့ ခန့်မှန်းကြသူတွေလည်း ရှိပါတယ်။ ပုံမှန်ကတော့ ဒီကာလက ရွှေထွက်တဲ့ကာလတစ်ခု ဖြစ်တာမို့ ဈေးက အဲဒီလောက် တက်ဖို့ မသင့်ဘူး''လို့ ရွှေလုပ်ငန်းရှင်တစ်ဦးကလည်း ပြောကြားသည်။

လက်ရှိတွင် ရန်ကုန်ရွှေဈေးမှာ အခေါက်တစ်ကျပ်သားလျှင် ငွေကျပ် ၉ဝ၁ဝဝဝ အထိ မြင့်တက်နေပြီး ၁၅ ပဲရည် ရွှေတစ်$ကျပ်သားလျှင် ငွေကျပ် ၈၄၈ဝဝဝ ရှိနေ ကြောင်း အောင်သမာဓိမှ သိရသည်။

Myanmaalinn
https://www.facebook.com/MYANMAALINNNEWS/



အမေရိကန်နိုင်ငံ Wisconsin ၌ ပစ်ခတ်မှုဖြစ်ပွားပြီးနောက် မြင်တွေ့ ရစဉ် (ဆင်ဟွာ)
    ချီကာဂို ၊ မတ် ၂၃ ရက် (ဆင်ဟွာ)

    အမေရိကန်နိုင်ငံ ဝစ်ကွန်စင် ( Wisconsin) ပြည်နယ် ၌ မတ်လ ၂၂ ရက်က သေနတ်ပစ်ခတ်မှုများ ဖြစ်ပွားခဲ့ရာ ရဲအရာရှိတစ်ဦး နှင့် အခြားလူ ၃ ဦးသေဆုံးသွားကြောင်း ဒေသတွင်းမီဒီယာများက ရေးသားဖော်ပြသည်။

(Xinhua)
http://www.xinhuamyanmar.com



ပါလီမန်ထဲက လူတွေ ထွက်ပြေးလာ
ဗုဒ္ဓဟူးနေ့ လန်ဒန်အချိန် နေ့လယ် ၂နာရီ မိနစ် ၄၀ လောက်မှာ လန်ဒန်မြို့လယ်က ပါလီမန် နားမှာ ရုတ်ရုတ်သဲသဲ အခြေအနေဖြစ်ပေါ်နေတယ်လို့ လန်ဒန်ရဲတပ်ဖွဲ့ ဖြစ်တဲ့ မက်ထရိုလီတန်ရဲက သတင်းရရှိပါတယ်။

သိမ်းမြစ်ထဲမှာ လူတယောက်ကိုတွေ့ရတယ်၊ နောက်တခါ ကားတစီးက လူတွေကို ဝင်တိုက်နေတယ်၊ နောက်ပြီးတော့ ဓားကိုင်ထားတဲ့ လူတယောက်ကိုလည်း မြင်ရတယ်လို့ ရဲကို သတင်းပေးကြပါတယ်။

တချိန်ထဲမှာပဲ ဘီဘီစီဆီ လည်း သတင်းတွေ ဆက်တိုက်ဆိုသလို ဝင်လာပါတယ်။

မျက်မြင်သက်သေတွေက ပါလီမန်အနီးက ဝက်စမင်စတာတံတားပေါ်မှာ ကားတစီးက လမ်းသွားလမ်းလာတွေကို မရှောင်ဘဲ အရှိန်နဲ့ ဒလစပ် မောင်းပြီး ပလက်ဖောင်းပေါ်က လူတွေကို တိုက်သွားတာ တွေ့ရတယ်လို့ ဆိုပါတယ်။

ဒီအထဲကမျက်မြင်သက်သေ တဦးပြောပြတာက

ကျနော်က ကားမီးပွိင့်မှာ မီးစိမ်းကိုစောင့်နေတုန်း အရှိန်နဲ့မောင်းလာတဲ့ကားတစီးက ကျွန်တော့်ကိုကျော်မောင်းသွားပါတယ်။ မီးပွိုင့်အလွန်မှာ ဆိုင်ငယ်လေးတဆိုင်ရှိပါတယ်။ အဲ့ဒီဆိုင်နားမှာ ပထမဆုံးလူတယောက်ကို ကားကဝင်တိုက်လိုက်တယ်။ ကျွန်တော်က ပထမတော့ အမှုမဲ့အမှတ်မဲ့နေမိရာက စက္ကန့်ပိုင်းအတွင်းမှာ ဒုတိယလူ၊ နောက် တတိယတယောက်ကိုပါလိုက်တိုက်နေတော့ သွေးရိုးသားရိုး မဟုတ်တော့ဘူးလို့စိတ်ထဲမှာဖြစ်မိတယ်။ ဒီနောက်ဘာတွေဖြစ်သွားသလဲဆိုတာ ကျနော်လည်း မသိတော့ဘူး။ ကားက တံတားအဆုံးအထိဆက်မောင်းပြေးသွားပြီး ပလက်ဖောင်းမှာ လူတွေအများကြီးအုံနေတာကိုလည်း တွေ့ရတယ်။

ဒီမျက်မြင်သက်သေ ပြောတဲ့ အဲဒီကားက ပါလီမန်ခြံဝင်းအပြင်က သံတိုင်ကို ဝင်တိုက်ပြီး ကားမောင်းသမားက ကားပေါ်က ဆင်းပြေးသွားပါတယ်။ ဝက်စမင်စတာ တံတားပေါ်မှာ ကားတိုက်ခံရတဲ့ လူနှစ်ယောက်က ပွဲချင်းပြီး သေဆုံး သွားပါတယ်။

တံတားပေါ်မှာ ကယ်ဆယ်ရေး လုပ်ဆောင် - ဓာတ်ပုံ မူပိုင် FACUNDO ARRIZABALAGA
တံတားပေါ်မှာ တုန်လှုပ်ခြောက်ခြားစရာ အခြေအနေတွေနဲ့ ကြုံတွေ့နေရတုန်းမှာပဲ ပါလီမန် ဝင်ပေါက်ဝက အစောင့်ရဲကို လူတယောက်က ဓားနဲ့ထိုးပြီး ထွက်ပြေးသွားလို့ အဲ့ဒီလူကို ရဲက အသေပစ်သတ် ဖမ်းဆီး လိုက်ပါတယ်။

မက်ထရိုပိုလီတန် ရဲအဖွဲ့ရဲ့ အငြိမ်းစား ဒုရဲမင်းကြီး Lord Paddick က အဲ့ဒီအချိန်က ပါလီမန်ထဲမှာ ရှိနေပါတယ်။

ကျနော်က ကော်မီတီ အစည်းအဝေးအခန်းထဲမှာ ရှိနေတုန်းမှာ အော်ဟစ်သံတွေနဲ့ သေနတ်သံလို အသံကြားလိုက်ရတယ်။ ဒီဖြစ်ရပ်နဲ့ပတ်သက်လို့ ကျနော် ဒါလောက်ပဲသိပါတယ်။ ပါလီမန်ထဲမှာရှိနေတဲ့လူတွေ ဘယ်သူမှ အန္တရာယ် မရှိအောင် ရဲက ဆောင်ရွက်ပေးတဲ့အတွက် ရဲအဖွဲ့ကို ချီးကျူးရမှာပါလို့ သူက ဆိုပါတယ် ။

ရဲက ပါလီမန်တဝိုက်ကို ပိတ်ချလိုက် - ဓာတ်ပုံ မူပိုင် Jack Taylor
ရဲက ပါလီမန်တဝိုက်ကို ပိတ်ချလိုက်ပြီး ပါလီမန်ထဲကနေ ဘယ်သူ့ကိုမှ အပြင်ကို ပေးမထွက်ပါဘူး။ ပါလီမန်ထဲမှာ အမတ်တွေ ဧည့်သည်တွေနဲ့ အမေနဲ့ ကလေးဌာနမှာလည်း ကလေးအများအပြားရှိပါတယ်။

ရဲကို ဓားနဲ့ထိုးပြီး တိုက်ခိုက်တဲ့သူဟာ ကားပေါ်က ဆင်းပြေးသွားတဲ့သူ ဖြစ်ပြီး သူက တကိုယ်လုံး အနက်ရောင် ဝတ်ဆင်ထားတယ်လို့ Daily Mail သတင်းစာက သတင်းထောက် Quentin Letts ကပြောပါတယ်။ သူရဲ့ရုံးခန်းက အခင်းဖြစ်တဲ့နေရာကို လှမ်းမြင်နေရတော့ သူမြင်တွေ့တာကို ပြန်ပြောပြပါတယ်။

ဒီလူရဲ့လက်ထဲမှာ တခုခုကိုင်ထားပါတယ်။ တုတ်လိုလို အရာဝတ္ထုတခုခုကိုကိုင်ထားတယ်။ အဝါရောင် အပေါ်အင်္ကျီ ဝတ်ထားတဲ့ ရဲတွေကသူ့ကိုစစ်ဆေးနေတာတွေ့ရတယ်။ အဲ့ဒီအချိန်မှာပဲ ရဲတယောက်က အောက်ကို လဲကျသွားပါတယ်။ အင်္ကျီအနက်နဲ့ လူက ရဲကိုလက်ထဲက ပစ္စည်းနဲ့ ထိုးတော့မလို ရိုက်တော့မလို ပုံစံနဲ့ လက်ကို ဝှေ့ယမ်းနေပါတယ်။ ဒီအချိန်မှာ ကျန်တဲ့ရဲက ပြေးပြီး အကူအညီတောင်းတော့ ချက်ချင်းဆိုသလိုပဲ ရဲတွေရောက်လာပါတယ်။ အင်္ကျီအနက်နဲ့လူက လွှတ်တော် အမတ်တွေ အသုံးပြုတဲ့ ပါလီမန် ၀င်ပေါက်ဘက်ဆီ ထွက်ပြေးပါတယ်။ သူ့နောက်က အရပ်ဝတ် ရဲနှစ်ယောက် လိုက်လာပြီး သူ့ကိုအော်ဟစ်သတိပေးပါတယ်။ ဒါပေမယ့် ဒီလူက ဂရုမစိုက်ဘဲ ဆက်ပြေးတော့ ရဲက နှစ်ချက်သုံးချက် လှမ်းပစ်လိုက်တဲ့အခါမှာ ဒီလူလည်း ပုံရက်သား ခွေကျသွားတယ်။

ဓားထိုးခံရတဲ့ရဲကို အမတ်တယောက်က ပါးစပ်ထဲလေမှုတ်သွင်းပြီး အသက်ကယ်ဖို့ ကြိုးစားပေမယ့် အခင်းဖြစ်တဲ့နေရာမှာပဲ အသက်ထွက်သွားပါတယ်။

 သေဆုံးသူ ရဲအရာရှိ ကိသ်ပါးလ်မား - ဓာတ်ပုံ မူပိုင် AFP
ဒီအကြမ်းဖက်တိုက်ခိုက်သူက တဦးတည်းလို့ ရဲက ယူဆပါတယ်။ ဒါပေမယ့် ဒီအကြမ်းဖက်တိုက်ခိုက်မှု နောက်ကွယ်မှာ မည်သူမည်ဝါတွေ ရှိနေသလဲ ဆိုတာကိုတော့ ရဲကမကြေညာသေးပေမယ့် အကြမ်းဖက် လုပ်ရပ်ဖြစ်တယ်လို့ ရဲက အတိအလင်းပြောပါတယ်။

ဒီကနေ့ ဖြစ်ရပ်ကြောင့် လန်ဒန် မြို့သူမြို့သားတွေ ထိပ်လန့်တုန်လှုပ်သွားတာကို ထင်ထင်ရှားရှားတွေ့မြင်ရပေမယ့် ဒီမိုကရေစီရဲ့ အချက်အခြာ ဝက်စမင်စတာ ပါလီမန်ဝင်းထဲ အခုလို ဝင်ရောက်တိုက်ခိုက်တာဟာ ဒီမိုကရေစီကို ထိပါးတာလို့ သူတို့က ခံယူကြပြီး ဝန်ကြီးချုပ် ထရီဇာမေက အကြမ်းဖက်ဝါဒကို လက်မခံဘူးလို့ တုန့်ပြန်ပြောဆိုလိုက်ပါတယ်။

BBC Burmese
http://www.bbc.com/burmese