03/26/17


အိုင်ယာလန်မှာ ခုထိပြောမဆုံးဖြစ်နေဆဲ ဇာတ်လမ်းတစ်ပုဒ်ပါ။ အိုင်ယာလန် Lurgan မြို့က Margorie McCall ဆိုသူ အမျိုးသမီးရဲ့ ထူးထူးဆန်းဆန်း ဖြစ်ရပ်လို့ ဆိုကြပါတယ်။

၁၇၀၅ ခုနှစ်မှာ McCall ဟာ အဖျားရောဂါတစ်မျိုးနဲ့ သေဆုံးခဲ့ပါတယ်။ စမ်းသပ်ပြီးသေပြီလို့ အတည်ပြုပြီးနောက်မှာ ရောဂါပျံနှံ့မှာကို စိုးရမ်တဲ့အတွက် အဲဒီခေတ်က ဓလေ့အတိုင်း ချက်ချင်း မြုပ်လိုက်ရပါတယ်။ မမြုပ်ခင်မှာ သူမရဲ့ လက် ထပ်လက်စွပ်ကို ယောင်္ကျားဖြစ်သူက ချွတ်ဖို့ကြိုးစားခဲ့ပါတယ်။

ဂူကိုဖောက်ပြီး သူခိုးတွေယူကြမှာ စိုးလို့ပါ။ ဒါပေမယ့် လုံးဝချွတ်လို့မရတဲ့အဆုံး ဒီအတိုင်းမြုပ်နှံလိုက်ရပါတယ်။ ဒါကို သူ ခိုးတွေက သိတဲ့အတွက် မြုပ်နှံပြီး ညမှာပဲ အခေါင်းကိုဖော်ပြီး လက်စွပ်ကိုယူဖို့ ကြံကြပါတယ်။ အခေါင်းကို ဖော်ပြီးနော က်မှာ သူခိုးတွေလည်း သူမလက်က လက်စွပ်ကို ချွတ်ကြပြန်ပါတယ်။

ဒါပေမယ့် လုံးဝမရပြန်ပါဘူး။ မရတဲ့အဆုံး လက်ကိုဖြတ်ပြီးယူဖို့ကြံကြပါတယ်။ လက်ကို ဓားနဲ့ထိလိုက်တဲ့အချိန်မှာ သူမ ဟာ နာကျင်စူးရှစွာ ထအော်ခဲ့ပါတယ်။ သူခိုးတွေလည်း ကြောက်လန့်ပြီးပြေးကြပါတယ်။

အဲဒီနောက်သူမဟာ အိမ်ကိုပြန်လာပြီး အိမ်တံခါးကိုခေါက်လိုက်ပါတယ်။ တံခါးဖွင့်ပြီး သူမကို အရင်ဆုံးတွေ့သူက သူမ ရဲ့ယောင်္ကျားပါ။ သေဆုံးစဉ်က အ၀တ်အစားနဲ့ သူမကိုတွေ့တဲ့အခါ နှလုံးခုန်ရပ်ပြီး သေဆုံးသွားခဲ့တယ် လို့ဆိုပါတယ်။

သူမဟာ ကျန်တဲ့အချိန်ကို ဆွေမျိုးတွေနဲ့ ပျော်ရွှင်စွာဖြတ်သန်းခဲ့ပါတယ်။ နောက်ယောင်္ကျားထပ်ယူပြီး ကလေးတွေလည်း မွေးခဲ့ပါသေးသတဲ့။ အသက်ကြီးမှ နောက်တစ်ကြိမ်သေဆုံးခဲ့ရပါတယ်။ သူမရဲ့ ဂူမှာတော့ တစ်သက်မှာ နှစ်ခါသေခဲ့ (မြေ မုပ်ခံခဲ့ရ) သူ (Lived Once, Buried Twice) လို့ရေးထိုးထားခဲ့ပါတယ်။

Credit to thutazone

===========

Search Myanmar

မောင်းသူမဲ့ကားမှာလည်း စောင့်ကြည့်သူ ပါဝင်တဲ့အတွက် ဘယ်လိုဖြစ်တာလဲဆိုတာ မရှင်း

နိုင်ငံတကာ အငှားယာဉ် ကုမ္ပဏီ အူဘာရဲ့ မောင်းသူမဲ့ ကားတစီး မနေ့က အရီဇိုးနား ပြည်နယ်အတွင်း မတော်တဆ ဖြစ်ပြီး နောက်ပိုင်းမှာ သူ့ရဲ့ မောင်းသူမဲ့ ကားတွေကို အကုန်လုံးကို ပြန်ရုပ်သိမ်းလိုက်ပါတယ်။

ဒီကုမ္ပဏီဟာ ကလီဖိုးနီးယား၊ ပင်ဆယ်လ်ဗေးနီးယားနဲ့ အရီဇိုးနား ပြည်နယ်တွေမှာ မောင်းသူမဲ့ ကားတွေကို လောလောဆယ် ပြေးဆွဲနေတာ ဖြစ်ပါတယ်။

မတ်လ ၂၄ ရက်နေ့မှာ ဒီအငှားကားကုမ္ပဏီရဲ့ ဗော်လဗို ကုမ္ပဏီထုတ် မောင်းသူမဲ့ကားက တမ်ပေမြို့ တနေရာမှာ လမ်းဘေးကို တစောင်း အနေအထားနဲ့ တိမ်းမှောက်ခဲ့တာ ဖြစ်ပါတယ်။

ဒီကားနဲ့ ယှဉ်မောင်းလာတဲ့ ကားက လမ်းပေးဖို့ ပျက်ကွက်ခဲ့တဲ့အတွက် မှောက်ခဲ့တာလို့ ရဲဘက် ပြောခွင့်ရ ပုဂ္ဂိုလ်က ပြောပေမယ့် မောင်းသူမဲ့ကားမှာလည်း စောင့်ကြည့်သူ ပါဝင်တဲ့အတွက် ဘယ်လိုဖြစ်တာလဲဆိုတာ မရှင်းဘူးလို့ သူကပြောပါတယ်။

ဒီ တိမ်းမှောက်မှုမှာ ကြီးကြီးမားမား ဒဏ်ရာရတာ မရှိခဲ့ပေမယ့် စုံစမ်းစစ်ဆေးမှုတွေ ပြုလုပ်ဖို့အတွက် မောင်းသူမဲ့ ပြေးဆွဲမှုတွေ အကုန်လုံးကို ရပ်ဆိုင်းလိုက်တာ ဖြစ်ပါတယ်။

အူဘာ ကုမ္ပဏီဟာ လတ်တလောမှာ လုပ်ငန်းခွင် ကျင့်ဝတ် မကောင်းဘူးလို့ သတင်းထွက်တဲ့ ပြဿနာတွေ ကြုံနေရပြီး ဥက္ကဋ္ဌ ဂျက်ဖ်ဂျုံးအပါအဝင် တခြား အကြီးတန်း ကုမ္ပဏီ အရာရှိတွေလည်း မကြာသေးခင်က အလုပ်ထွက်သွားခဲ့ပါတယ်။

အူဘာ ကုမ္ပဏီဟာ သူ့ကို စစ်ဆေးမယ့် ဌာနဆိုင်ရာတွေကိုလည်း လှည့်ဖျားဖို့ ကြိုးစားမှုတွေ ရှိခဲ့တဲ့အတွက် ဝေဖန်ခံခဲ့ရဖူးပါတယ်။

နောင်လာမယ့် ၁၀ စုနှစ်အတွင်းမှာ အမေရိကန် ဒေါ်လာ ဘီလီယံ ၂၀ လောက်အထိ တန်ကြေးရှိလာမယ့် မောင်းသူမဲ့ကား ဈေးကွက်ကို လွှမ်းမိုးနိုင်ဖို့အတွက် လက်ရှိအချိန်မှာ နည်းပညာကုမ္ပဏီတွေက အပြိုင်အဆိုင် ကြိုးစားလာကြတာတွေ ရှိနေတာလည်း ဖြစ်ပါတယ်။
BBC Burmese


မုံရွာ၊ မတ် ၂၆ ။ ။ မုံရွာ-ပုသိမ်လမ်းဘေး၊ မိုးကြိုးပြင်အလယ်ရွာထိပ်တွင် လက်ပံတောင်းဒေသခံများက မတ်လ ၂၅ရက် ညနေ ၅နာရီမှ စပြီး သပိတ်စခန်းဖွင့်ဆန္ဒပြခဲ့ပြီး မတ်လ ၂၆ရက် ညနေတွင် ညှိနှိုင်းအဆင်ပြေ၍ သပိတ်စခန်းကို ပိတ်သိမ်းလိုက်ပြီဟု ဒေသခံများက မဇ္ဈိမကို ပြောသည်။

စစ်ကိုင်းတိုင်းဒေသကြီး၊ ဆားလင်းကြီးမြို့နယ်၊ လက်ပံတောင်းဒေသ မိုးကြိုပြင်ကျေးရွာဒေသခံများက ပုသိမ်-မုံရွာလမ်းပေါ်ဖြတ်သန်းသွားသည့် ဝမ်ပေါင်ကုမ္ပဏီက ကျောက်သည်ယာဉ်များကို တားဆီးခဲ့ခြင်းကြောင့် မတ်လ ၂၄ရက်တွင် ရဲတပ်ဖွဲ့က သေနတ်ဖြင့် ပစ်ခတ်ကာ ဖြိုခွင်းခဲ့သည်။ ယင်းလုပ်ရပ်ကို ကန့်ကွက်ကာ ဒေသခံများက အချက် (၅)ချက်တောင်းဆိုကာ သပိတ်စခန်းဖွင့်ခဲ့ခြင်းလည်းဖြစ်သည်။

ဒေသခံများတောင်းဆိုသည့် အချက်များအနက် ပုသိမ်-မုံရွာလမ်းမပေါ်သို့ဖြတ်သန်းသွားနေသည့် ကျောက်သည်ယာဉ်များကို ဖြတ်သန်းခွင့်မပြုခြင်းနှင့် ကျောက်ထုတ်လုပ်နေသည့် ကုမ္ပဏီများကို အကန့်အသတ်မရှိ ပိတ်သိမ်းလိုက်သည်ဟု ဆားလင်းကြီးမြို့နယ်အထွေထွေအုပ်ချုပ်ရေးမှူးက အကြောင်းကြားစာကို ယနေ့ ညနေ ၄ နာရီက ဒေသခံများထံ ပေးပို့ခဲ့ခြင်းဖြစ်သည်။

အဆိုပါအကြောင်းကြားစာကို ဆားလင်းကြီးမြို့နယ်၏ လွှတ်တော်ကိုယ်စားလှယ် ဒေါက်တာ သိန်းနိုင်က လာရောက်ပေးခဲ့ခြင်းဖြစ်သည်။

"ကျွန်တော်တို့အနေနဲ့ကတော့ ပြည်သူဖြစ်နေတဲ့ အခက်အခဲကိုသိတယ်။ အဲဒီကျောက်ကားတွေကြောင့် လမ်းတွေပျက်တယ်။ ဒေသခံတွေ ထိခိုက်မှုရှိတယ်။ ဒါကြောင့် အခုလို ပိတ်သိမ်းတာပါ။"ဟု ဒေါက်တာသိန်းနိုင်ကပြောသည်။

မိုးကြိုးပြင်မြောက်ရွာဒေသခံ မဇာခြည်လင်းက "သပိတ်စခန်းကတော့ သိမ်းပေးလိုက်တယ်။ ဒါပေမယ့် ကျောက်ကားတွေဖြတ်မဖြတ်ကတော့ စောင့်ကြည့်နေမယ်။"ဟု ပြောသည်။

သပိတ်စခန်းကို ယာယီသာ ပိတ်သိမ်းခြင်းဖြစ်ပြီး တောင်ဆိုမှုများဆက်လက်လုပ်ဆောင်သွားမှာဖြစ်သလို လိုအပ်ပါက သပိတ်စခန်းပြန်လည်ဖွင့်သွားမည်ဟုလည်း ၎င်းက ဆက်ပြောသည်။

သပိတ်စခန်းတွင် ဒေသခံများ တောင်းဆိုသည့် အချက်များမှာ သီးနှံနစ်နာကြေးရရှိရေး၊ ကျောက်သယ်ကားများမုံရွာ-ပုသိမ်လမ်းမပေါ်တွင် မမောင်းနှင်ရေး၊ ဒေါ်အောင်ဆန်းစုကြည်၏ အစီရင်ခံစာအား မလိုက်နာသော ဝမ်ပေါင်းကုမ္ပဏီအား ဖျက်သိမ်းရေး၊ ဒေါ်ခင်ဝင်း အမှုအမှန် အမြန်ဆုံးဖော်ထုတ်ပေးရေးနှင့် အကြမ်းဖက်ဖြိုခွင်းသည့် ရဲတပ်ဖွဲ့ဝင်များအားအရေးယူပေးရေးတို့ဖြစ်သည်။
Mizzima - News in Burmese


လာမည့် ၂၀၁၇ ဧပြီလ ၁ ရက်တွင် ပြုလုပ်မည့် ကြားဖြတ်ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် (NLD)ကို ပြတ်ပြတ်သားသား ရှင်းရှင်းလင်းလင်း မဲပေးပါဟု NLD ၏ နာယက သူရဦးတင်ဦးက ယနေ့ မတ်လ ၂၆ရက်က မုံရွာမြို့၊ပြည်သူ့အားကစားကွင်းတွင် ပြုလုပ်သည့် လူထုတွေ့ဆုံပွဲ၌ တိုက်တွန်းပြောကြားလိုက်သည်။

"အခုကြားဖြတ်ရွေးကောက်ပွဲမှာ တစ်ယောက်မကျန်ထွက်ပြီး မဲထည့်ကြပါ။ မဲကို တစ်ယောက်မကျန်ပြည့်ပြည့်စုံစုံမဲပေးကြပါ"ဟု သူရဦးတင်ဦးကပြောသည်။

ဆက်လက်၍ သူရဦးတင်ဦးက "ပထမဦးဆုံးကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်တုန်းက ကြွေးကြော်သံတွေရှိခဲ့တယ်။ ၂၀၀၈အခြေခံဥပဒေပြင်ဆင်ရေး၊ ငြိမ်းချမ်းရေးမှာလည်း တိုင်းရင်းသားအားလုံး အချင်းချင်း စည်းလုံးညီညွတ်ရေးအပေါ်မှာ အပြန်အလှန်ယုံကြည်မှု မရှိတဲ့ကာလပတ်လုံး ဘယ်လိုနည်းနဲ့မှ တိုင်းပြည်တိုးတက်မှာ မဟုတ်ပါဘူး။" ဟုပြောသည်။

ဆက်လက်၍ သူရဦးတင်ဦးက ငြိမ်းချမ်းရေးတွင် အားလုံးပါဝင်နိုင်ရေးနှင့် ပတ်သက်ပြီး "ငြိမ်းချမ်ရေးအကောင်အထည်ဖေါ်လုပ်ဆောင်နေရာတွင် စိန်ခေါ်မှုများစွာရှိနေပြီး အပစ်အခတ်လုံးဝမရှိရန်နှင့် အပစ်အခတ်ရှိနေလျှင် ငြိမ်းချမ်းရေးပြောနေခြင်းက အဓိပ္ပါယ်မရှိကြောင်း၊ လိုအပ်သည့် အချက်အလက်များဖြည့်ဆည်းနိုင်အောင်နှင့် အကြောင်းအရင်းကိုသိရှိလေ့လာရန်အတွက် အဖွဲ့အစည်းအားလုံး ပါဝင်နိုင် အောင်ဆောင်ရွက်နေကြောင်း" ထည့်သွင်း ပြောကြားခဲ့သည်။

ကြားဖြတ်ရွေးကောက်ပွဲတွင် မုံရွာမြို့နယ်၌ ပြည်သူ့လွှတ်တော်ကိုယ်စားလှယ်လောင်း လစ်လပ်နေရာတွင် ပါတီ ၅က ၀င်ရောက်ယှဉ်ပြိုင်ကြမှာဖြစ်ပြီး အမျိုးသားဒီမိုကရေစီအဖွဲ့ချုပ်မှ ဦးညွန့်အောင်က ဝင်ရောက်အရွေးချယ်ခံမည်ဖြစ်သည်။

===========

Mizzima - News in Burmese

http://www.mizzimaburmese.com/article/25252


ပြည်သူတွေ ခွင့်မလွှတ်နိုင်တဲ့ အမှားမျိုးနဲ့ မမှားသင့်တဲ့အမှားမျိုး လုပ်မိတဲ့ စစ်ကိုင်းတိုင်းအစိုးရအဖွဲ့ ၀န်ကြီးတွေနဲ့ လွှတ်တော်ကိုယ်စားလှယ်တွေကို ထိထိရောက်ရောက် အရေးယူသွားမယ်လို့ စစ်ကိုင်းတိုင်းဒေသကြီး အမျိုးသားဒီမိုကရေစီအဖွဲ့ချုပ် ပါတီဥက္ကဌ တိုင်းဒေသကြီး ဝန်ကြီးချုပ် ဒေါက်တာ မြင့်နိုင် က ကတိပေးပြောကြားခဲ့ပါတယ်။

ဒီနေ့ မုံရွာမြို့အားကစားကွင်းမှာ ကျင်းပခဲ့တဲ့ အမျိုးသားဒီမိုကရေစီအဖွဲ့ချုပ် ပါတီရွေးကောက်ပွဲ အောင်နိုင်ရေးဟောပြောပွဲမှာ ဒေါက်တာမြင့်နိုင်က ပြောခဲ့တာဖြစ်ပါတယ်။

ဟောပြောပွဲမှာ ပါတီနာယက သူရဦးတင်ဦးလည်း တက်ရောက်ဟောပြောခဲ့ပြီး ပွဲအပြီးမှာ NLD ပါတီကိုထောက်ခံကြတဲ့ မုံရွာဒေသခံ တစ်ထောင်ခန့်ဟာ မုံရွာမြို့ကို ယာဉ်တန်းတွေ၊ ဆိုင်ကယ်တွေနဲ့ လှည့်လည်မဲဆွယ်ခဲ့ပါတယ်။

မုံရွာမြို့နယ် ပြည်သူ့လွှတ်တော်ကိုယ်စားလှယ်နေရာမှာ ပြီးခဲ့တဲ့ ၂၀၁၅ ရွေးကောက်ပွဲတုန်းက အမျိုးသားဒီမိုကရေစီအဖွဲ့ချုပ်က ဦးသန့်စင်မောင် ရွေးကောက်တင်မြှောက်ခံခဲ့ရပြီး သူဟာ ပို့ဆောင်ရေးနဲ့ ဆက်သွယ်ရေးဝန်ကြီးဌာန ပြည်ထောင်စုဝန်ကြီးအဖြစ် တာဝန်ပေးအပ်ခံရတဲ့အတွက် ကိုယ်စားလှယ်အဖြစ်ကနေ နှုတ်ထွက်ထားရတာဖြစ်ပါတယ်။

ကိုယ်စားလှယ် လစ်လပ်နေတဲ့ မုံရွာမြို့နယ် ပြည်သူ့လွှတ်တော်ကိုယ်စားလှယ် နေရာအတွက် အမျိုးသားဒီမိုကရေစီအဖွဲ့ချုပ်က လွှတ်တော်ကိုယ်စားလှယ်လောင်း ဦးညွန့်အောင် အပြင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ပြည်သူ့ဒီမိုကရေစီပါတီ၊ အမျိုးသား တိုးတက်ရေးပါတီနဲ့ တိုင်းရင်းသားစည်းလုံးညီညွှတ်ရေးပါတီ စတဲ့ ပါတီ ၅ ခု က ကိုယ်စားလှယ် လောင်းတွေ ဝင်ရောက်ယှဉ်ပြိုင်ကြမှာဖြစ်ပါတယ်။

Photo: Hset Paing Toe/ RFA

( မုံရွာမြို့အားကစားကွင်းမှာ မတ်လ ၂၆ ရက်နေ့က ကျင်းပတဲ့ NLD ပါတီရွေးကောက်ပွဲ အောင်နိုင်ရေးဟောပြောပွဲမှာ ဝန်ကြီးချုပ် ဒေါက်တာ မြင့်နိုင်ကို တွေ့ရစဉ် )
RFA


တရုတ်အစိုးရ၏ ထောက်ခံမှုကို ရရှိထားသည့် ကယ်ရီလမ်သည် သမိုင်းတလျှောက် ဟောင်ကောင်၏ ပထမဆုံး အမျိုးသမီးခေါင်းဆောင် (ဘုရင်ခံ) ဖြစ်လာခဲ့သည်။

အသက် ၅၉ နှစ်ရှိ လမ်သည် ရွေးကောက်ပွဲများ မတိုင်မီကတည်းက အနိုင်ရမည့်သူအဖြစ် ကျယ်ကျယ်ပြန့်ပြန့် ထင်ကြေးပေးခံထားရသည်။ သူမသည် ဘေဂျင်းရှိ တရုတ်ဗဟိုအစိုးရနှင့် ရင်းနှီးနွေးထွေးသည့် ဆက်ဆံရေးမျိုး လည်း ထူထောင်ထားနိုင်ခဲ့သည်။

ဟောင်ကောင်သည် တရုတ်၏ အစိတ်အပိုင်းတစ်ရပ် ဖြစ်ပြီး ကိုယ်ပိုင်အုပ်ချုပ်ခွင့်ရ ဒေသတစ်ခု အနေဖြင့် ရပ်တည်နေသည်။ သို့သော် နောက်ပိုင်းနှစ်များတွင် တရုတ်၏ လွှမ်းမိုးမှုကို တွန်းလှန်လိုသည့် ဒီမိုကရေစီရေး လှုပ်ရှားမှုများ ဟောင်ကောင် နိုင်ငံရေး အသိုက်အဝန်းတွင် ပိုမို အားကောင်းလာသည်။

ဟောင်ကောင်၏ ဘုရင်ခံ နေရာကို ရွေးချယ်ရာတွင် ပြည်သူ့သဘောဆန္ဒဖြင့် တင်မြှောက်ခွင့် မရချေ။ ယင်းအစား တရုတ် အစိုးရက ခန့်အပ်ထားသည့် အဖွဲ့ဝင် ၁၂၀၀ ပါဝင်သော ကော်မတီကသာ မဲပေး ရွေးချယ်
ကြခြင်း ဖြစ်သည်။ ဒီမိုကရေစီရေး လှုပ်ရှားသူများက ရွေးကောက်ပွဲ ကျင်းပရာ နေရာအပြင်ဘက်တွင် စုရုံးကာ ယခုကိစ္စကို လှောင်ပြောင် ဆန္ဒပြခဲ့ကြသည်။

လမ်က သူမ၏ ရွေးကောက်ခံ ပထမ ၅ နှစ်သက်တမ်းအတွင်း ဦးစားပေး လုပ်ဆောင်မည့် ကိစ္စသည် ဟောင်ကောင် လူထုအတွင်း သဘောထား တင်းမာ ကွဲလွဲမှုများကို လျှော့ချသွားရန်ဟုလည်း ဆိုသည်။

သူမသည် ဘေဂျင်းနှင့် နီးစပ်သော ဆက်ဆံရေးကြောင့်သာ ရွေးကောက်ပွဲတွင် အနိုင်ရခဲ့ခြင်းဟု ဆိုနိုင်သည်။ ဟောင်ကောင်၏ ပြည်သူ့အမြင် သဘောထား စစ်တမ်းများအရ အနီးကပ်ဆုံးပြိုင်ဘက်ဖြစ်သူ ယခင် ဘဏ္ဍာရေးဝန်ကြီးဟောင်း ဂျွန်ဆန်းကို ပြည်သူအများစုက ပိုမိုနှစ်သက် လိုလားကြသည်။ မဲပေးမှု ရလဒ်များ အရမူ လမ်က ၇၇၇ မဲရပြီး ဆန်းက ၃၆၅ မဲထိ ရခဲ့သည်။ ၎င်းတို့ထက် ပိုမို၍ လစ်ဘရယ်ဆန်သူ တရားသူကြီးဟောင်း ဝူကွော့ခ်ဟင်းကမူ ၂၁ မဲသာ ရခဲ့ကြောင်း သိရသည်။

Ref: CNA

===========

7Day News Journal

http://www.7daydaily.com/story/92659


မတ် ၂၆ ။ ။ အစ္စလာမ်မစ် စစ်သွေးကြွများ ပုန်းခိုရာနေရာဖြစ်သော ငါးထပ်တိုက် အဆောက်အဦးတစ်ခုအား ဘင်္ဂလားဒေ့ရှ် ကွန်မင်ဒိုများ ၀င်ရောက်စီးနင်းနေစဉ်တွင် ထိုစစ်ဆင်ရေးအား ကြည့်ရှုနေခဲ့သော ရာနှင့်ချီသည့် ပြည်သူများနှင့် ရဲသားများကို ပစ်မှတ်ထားတိုက်ခိုက်သည့် အင်အားပြင်းထန်သော ပေါက်ကွဲမှုတစ်ခုသည် အဆောက်အဦးနှင့် ပေ ၄၀၀ အကွာတွင် ဖြစ်ပွားခဲ့ကြောင်း ရဲများကပြောခဲ့သည်။

အစ္စလာမ်မစ်နိုင်ငံတော်အဖွဲ့ IS တို့က ထိုဖောက်ခွဲတိုက်ခိုက်မှုကို သူတို့ကျူးလွန်ကြောင်း ၄င်းတို့အဖွဲ့၏ ၀ါဒ ဖြန့် သတင်းဌာန အေမက်မှတဆင့် ကြေညာခဲ့ပြီး ယင်းပေါက်ကွဲမှုအတွင်း ရဲသားများအပါအ၀င် အနည်းဆုံး လူပေါင်း ၄ ဦးခန့် သေဆုံးခဲ့ကြောင်း ရဲဌာနမှ ပြောရေးဆိုခွင့်ရှိသူ ဇီဒန်အယ်လ်မူဆာက ပြောခဲ့သည်။

ဒါ့အပြင် အဆိုပါ ဖောက်ခွဲတိုက်ခိုက်မှုကြောင့် ဒါဇင်နှင့်ချီသော ရဲသားများ၊ လုံခြုံရေးအရာရှိများ အပါအ၀င် လူပေါင်း ၄၂ ဦးခန့် ဒဏ်ရာရရှိခဲ့ကြောင်း သူက ဖြည့်စွက်ပြောကြားခဲ့သည်။

“ဒဏ်ရာရသူအချို့ရဲ့ အခြေအနေဟာ စိုးရိမ်ရတဲ့ အနေအထားမှာ ရှိပါတယ်” ဟု ဆေးလ်ဟတ်ဆေးကောလိပ် ဆေးရုံမှ အရေးပေါ် ဆရာဝန်တစ်ဦးဖြစ်သူ အက်တီကွယ်အစ္စလာမ်က ပြောခဲ့သည်။

မူဆာက ရဲတပ်ဖွဲ့သည် မကြာသေးခင် နှစ်များအတွင်း ဖောက်ခွဲတိုက်ခိုက်မှု အများအပြားကို ကျူးလွန်ခဲ့သော ပြည်တွင်းရှိအစွန်းရောက်အဖွဲ့ JMB တို့ကို အဓိကအားဖြင့် သံသယရှိကြောင်း ပြောခဲ့သည်။ သို့သော်လည်း ရဲတပ်ဖွဲ့သည် ယင်းဖောက်ခွဲမှုအား အသေခံဖောက်ခွဲမှု ဟုတ်မဟုတ်ဆိုတာကို အတည်မပြုနိုင်သေးကြောင်း သိရသည်။ “ပေါက်ကွဲမှုဟာ လျှပ်စစ်မီးပြတ်တောက်ပြီး မှောင်နေတဲ့အချိန်မှာ ဖြစ်ပွားခဲ့တာပါ” ဟု မူဆာက ပြောခဲ့သည်။

အစ္စလာမ်မစ် စစ်သွေးကြွများက ၄င်းတို့ပုန်းခိုရာ အဆောက်အဦး၏ မြေညီထပ်တွင် အရပ်သား ၇၈ ဦးအား ဓားစံခံအဖြစ် ဖမ်းဆီးထားမှုကို ကွန်မင်ဒိုများက ၀င်ရောက်ကယ်ဆယ်ပြီး နာရီအနည်းငယ် အကြာခန့်တွင် ယင်းပေါက်ကွဲမှု ဖြစ်ပွားခဲ့ခြင်းဖြစ်သည်
Mizzima - News in Burmese


ဘင်္ဂလားဒေ့ရ်ှနိင်ငံ အရှေ့မြောက်ပိုင်းမှာ ဒီနေ့ ဗုံး ၂ လုံးဆက်တိုက်ပေါက်ကွဲမှုဖြစ်ပြီး ရဲတပ်ဖွဲ့ဝင် ၂ ဦးနဲ့ အရပ်သား ၄ ဦး သေဆုံးတယ်လို့ အာဏာပိုင်တွေကပြောဆိုပါတယ်။

ဆီးလက်မြို့မှာ မွတ်စလင်အကြမ်းဖက်တွေလို့ သံသယရှိသူတွေရဲ့ တိုက်ခန်းကို လုံခြုံရေး တပ်ဖွဲ့တွေက ၀ိုင်းနေချိန်မှာ ဖောက်ခွဲခံရတာပါ။

အကြမ်းဖက်တွေလို့ သံသယရှိသူတွေ လက်နက်မချလို့ အဲဒီ ၅ ထပ်တိုက်ခန်းမှာ နေထိုင်တဲ့ အရပ်သား ၈၀ လောက်ကိုလည်း အာဏာပိုင်တွေ အရေးပေါ်ပြောင်းရွှေ့ပေးခဲ့ရပါတယ်။

လုံခြုံရေးတပ်ဖွဲ့တွေ စီးနင်းမှုကို စောင့်ကြည့်နေတဲ့ အရပ်သားတွေနဲ့ လုံခြုံရေးတပ်ဖွဲ့တွေကို ပစ်မှတ်ထားတိုက်ခိုက်ခဲ့တာဖြစ်ပြီး ပထမဖောက်ခွဲမှုကို အိုင်အက်စ်အကြမ်းဖက်တပ်ဖွဲ့က သူတို့ရဲ့လက်ချက်လို့ ပြောဆိုပါတယ်။

အဲဒီတိုက်ခန်းကို လုံခြုံရေးတပ်ဖွဲ့တွေ ဆက်လက် ၀ိုင်းထားကြပြီး တိုက်တခုလုံးကိုလည်း သူတို့တွေ ဖောက်ခွဲရေးပစ္စည်းတွေနဲ့ ဖောက်ခွဲနေကြတယ်လို့ ဘင်္ဂလာဒေ့ရ်ှစစ်တပ်ကပြောဆိုပါတယ်။

ဒါကာလေဆိပ်မှာ အသေခံဗုံးခွဲတိုက်ခိုက်မှုဖြစ်ခဲ့တဲ့ သောကြာနေ့ မနက်ပိုင်းကစပြီး ဒီတိုက်ခန်းကို လုံခြုံရေးတပ်ဖွဲ့တွေ ၀ိုင်းထားကြတာပါ။

အဲဒီ ဒါကာလေဆိပ်မှာ တိုက်ခိုက်မှုမှာတော့ အသေခံဗုံးခွဲသူတဦးပဲ သေဆုံးသွားခဲ့ပြီး အဲဒီတိုက်ခိုက်မှုကိုလည်း အိုင်အက်စ်အကြမ်းဖက်တပ်ဖွဲ့က သူတို့ရဲ့လက်ချက်လို့ ကြေညာပါတယ်။

အခုလ ၁၇ ရက်နဲ့ ၁၈ ရက်နေ့တွေမှာလည်း ဒါကာမြို့တ်ာက လုံခြုံရေးအထူးတပ်ဖွဲ့ကို ပစ်မှတ်ထား အသေခံဗုံးခွဲတိုက်ခိုက်မှုတွေ ဖြစ်ခဲ့ပါတယ်။
DVB TV News



လေကြောင်းတိုက်ခိုက်မှုကြောင့် Mosul မြို့ကအပျက်အစီးများ
အီရတ်နိုင်ငံအတွင်းက Mosul မြို့ကို IS အစ္စလာမ်မစ် စစ်သွေးကြွတွေလက်ကနေ ပြန် လည် သိမ်းပိုက်နိုင်ရေးအတွက် အမေရိကန် ဦးဆောင်တဲ့ မဟာမိတ်အဖွဲ့တွေ က လေကြောင်း စစ်ဆင်ရေးတွေ ပြုလုပ်နေတာမှာ လူပေါင်း ၁၀၀ ကျော် သေဆုံးသွား တယ်လို့ မျက်မြင် သက်သေတွေက ပြောပါတယ်။ လေကြောင်းက တိုက်ခိုက်မှုတွေ ပြု လုပ်နေတယ် ဆိုတာကို အမေရိကန် စစ်ဘက်ဆိုင်ရာ အရာရှိတွေကလည်း စနေနေ့မှာ အတည်ပြု ပြောဆိုပါတယ်။

Mosul မြို့ကို IS အဖွဲ့လက်ထဲက ပြန်သိမ်းပိုက်နိုင်ရေးအတွက် ပြုလုပ်နေတဲ့ စစ်ဆင်ရေးတွေကြောင့် အရပ်သား သေဆုံးမှု အများအပြား ရှိနေတယ်ဆိုတဲ့ သတင်းတွေ ထွက်ပေါ်နေတာကြောင့် သူတို့ရဲ့ ထိုးစစ်ဆင်မှုတွေကို ခေတ္တ ရပ်ဆိုင်းထားမယ့် အကြောင်း အီရတ်အစိုးရက စနေနေ့ အစောပိုင်းမှာ ကြေညာချက် ထုတ်ပြန်ပြီး မကြာခင်မှာပဲ လေကြောင်း စစ်ဆင်ရေး ပြုလုပ်နေကြောင်း အမေရိကန်ဘက် က ကြေညာချက် ထွက်ပေါ်လာတာပါ။

Mosul မြို့ ပြန်လည် သိမ်းပိုက်ရေး ထိုးစစ်ဆင် တိုက်ခိုက်မှုတွေကြောင့် Jidideh ရပ်ကွက် အနီးဝန်းကျင်မှာ အရပ်သား ၁၀၀ ထက်မနည်း သေဆုံးခဲ့တယ်ဆိုတဲ့ သတင်းတွေ ထွက်ပေါ်လာတဲ့အပေါ် စုံစမ်း စစ်ဆေးမှုတွေ စတင် ပြုလုပ်နေကြောင်း အမေရိကန် ဦးဆောင်တဲ့ ညွန့်ပေါင်းအဖွဲ့က ကြေညာချက် ထုတ်ပြန်ပါတယ်။

IS စစ်သွေးကြွတွေရဲ့ ပစ်မှတ်တွေကို ရှာဖွေတဲ့အနေနဲ့ Jidideh ရပ်ကွက်အပေါ်မှာ ညွန့်ပေါင်းအဖွဲ့တွေရဲ့ လေယာဉ်တွေ ပုံမှန် ပျံသန်းလေ့ရှိကြောင်း၊ ဒါပေမယ့် အရပ်သား သေဆုံးမှု နည်းနိုင်သမျှ နည်းအောင် ကြိုတင် ပြင်ဆင်မှုတွေကို အစွမ်းကုန် လုပ်ဆောင်လေ့ရှိကြောင်း ညွန့်ပေါင်းဖွဲ့ရဲ့ ကြေညာချက်မှာ ဖော်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com



 မိုဆိုးလ် အနောက်ဘက်ခြမ်း လေကြောင်းတိုက်ခံရ
အီရတ် နိုင်ငံ၊ မိုဆိုးလ်မြို့ အနောက်ဘက်ခြမ်းမှာ အရပ်သားတွေ အများအပြား သေဆုံး စေခဲ့တဲ့ လေကြောင်းတိုက်ခိုက်မှု ရှိခဲ့တာမှာ၊ အဲဒီ အရပ်ကို အမေရိကန် ဦးဆောင်တဲ့ မဟာမိတ် အဖွဲ့က ဗုံးကြဲခဲ့ကြောင်း ပင်တာဂွန် စစ်ဌာနချုပ်က အတည်ပြု ပြောကြား လာပါတယ်။

အစ္စလာမ်မစ် နိုင်ငံ အဖွဲ့ IS တွေ ထိန်းချူပ်ထားရာ မိုဆိုးလ် အနောက်ဘက်ခြမ်း အရပ်တွေကို အီရတ် အစိုးရတပ်က အကူအညီတောင်းတဲ့ အတွက် လေကြောင်း ပစ်ကူတွေ ပေးခဲ့တယ်လို့ အမေရိကန် စစ်ဌာနချုပ်က ဆိုပါတယ်။

လွန်ခဲ့တဲ့ သီတင်းပတ် တုန်းက ပြုလုပ် ခဲ့တဲ့ အဲဒီ လေကြောင်း တိုက်ခိုက်မှု အတွင်း အရပ်သား တွေ ရာနဲ့ချီ သေဆုံး ခဲ့ရတယ် ဆိုတဲ့ အချက် ထွက်ပေါ် လာတဲ့နောက် အမေရိကန် အနေနဲ့ စုံစမ်း သွားမယ်လို့ ပင်တာဂွန် ရဲ့ ထုတ်ပြန်ချက်ထဲ ပါဝင်ပါတယ်။

အဆောက်အဦ အပြိုအပျက်ပုံ တွေကြား အလောင်း ၅ဝ ထက် မနည်း ဆွဲထုတ် ခဲ့ကြပြီး၊ အပျက်အစီးတွေကြား ပိနေတဲ့ အလောင်းတွေ အများအပြား ကျန်နေ သေးတယ်လို့ ဒေသခံ တွေက ပြောပါတယ်။

အဲဒီ အရပ်ကနေ IS တွေ ထွက်သွားအောင် အီရတ် အစိုးရတပ်က တိုက်ခိုက် နေတာမှာ အင်အား အလွန်အကျွံ သုံးစွဲမှုကြောင့် အခုလို ဝမ်းနည်း ကြေကွဲစရာတွေ ဖြစ်ရပ်ဆိုးတွေ ပေါ်ပေါက် လာရတယ်လို့ အီရတ် ဒုတိယ သမ္မတ အိုစမာ အယ်လ် နူဂျေဖီက ပြောပါတယ်။

BBC Burmese
http://www.bbc.com/burmese


မန္တလေးမြို့ ချမ်းမြသာစည်မြို့နယ် ကန်တော်ကြီးရှိ Water Park တွင် မတ်(၂၅)ရက် မွန်းလွဲပိုင်းက အသက် ၁၈ နှစ်အရွယ် မိန်းကလေးတဦး ဓားထိုးခံရ၍ သေဆုံးသွားခဲ့ရကြောင်း သတင်းရသည်။

မတ်လ(၈)ရက်က ဖွင့်လှစ်ခဲ့သည့် Water Park သို့ မန္တလေး မဟာအောင်မြေမြို့နယ် အရှေ့ပတ္တာရပ်ကွက် အကွက်အမှတ်(၄၁၇)တွင်နေထိုင်သည့် အသက် ၁၈ နှစ်အရွယ် မကစ်ကစ်(ခ)သင်္ကြန်မိုးသည် တူမဖြစ်သူနှင့်အတူ လာရောက်လည်ပတ်စဉ် ၎င်း၏ ရည်းစားဟောင်းဖြစ်သူ အောင်မျိုးသိန်းရောက်ရှိလာပြီး စကားပြောစရာရှိသဖြင့် ခဏလိုက်ခဲ့ရန် ခေါ်ဆောင်သွားကာ အုတ်တံတိုင်းဘေးအရောက်တွင် တယောက်တခွန်း စကားများကြရာမှ အောင်မျိုးသိန်းက မကစ်ကစ်(ခ)သင်္ကြန်မိုးအား အသင့်ပါလာသောဓားဖြင့်ထိုးခဲ့သည်။

ဓားထိုးမှုကြောင့် မသင်္ကြန်မိုး၏ ဝမ်းဗိုက်တွင် ထိုးသွင်းဒဏ်ရာ တချက်၊ နောက်ကျောတွင် ထိုးသွင်းဒဏ်ရာ သုံးချက်နှင့် လက်မောင်းတွင် ပြက်ရှဒဏ်ရာ တချက်တို့ရရှိခဲ့ပြီး မန္တလေး အထွေထွေရောဂါကုဆေးရုံကြီးသို့ တင်ပို့ကုသစဉ် သေဆုံးသွားခဲ့ကြောင်း သိရသည်။

ယင်းဖြစ်စဉ်နှင့်ပတ်သက်၍ ချမ်းမြသာစည်မြို့နယ် အမှတ် (၁၀)နယ်မြေ ရဲစခန်းမှ (ပ)၁၁၀/၂၀၁၇။ ပြစ်မှုပုဒ်မ ၃၀၂ ဖြင့်အမှုဖွင့်အရေးယူထားကြောင်း သိရသည်။

စိုင်းထူးခန့်​
News Watch
https://www.facebook.com/NewsWatchJournal/

Myanmar Idol Season 2 ၏ Grand Final ပြိုင်ပွဲကြီးကို မတ်လ ၂၅ရက်တွင် ရန်ကုန်မြို့ရှိ Hexagon Complex ၌ ကျင်းပ ပြုလုပ်ခဲ့ပြီး Myanmar Idol Season 2 Winner အဖြစ် ပြိုင်ပွဲဝင် သားငယ်က ရွေးချယ်ခြင်း ခံခဲ့ရသည်။

Myanmar Idol Season 2 အတွက် ပြိုင်ပွဲဝင်များကို ပျဉ်းမနား ၊ မန္တလေး ၊ တောင်ကြီး ၊ ဘားအံ ၊ ရန်ကုန် တို့တွင် ပဏာမအသံ စစ်ဆေးရွေးချယ်မှုများ ပြုလုပ်ခဲ့ပြီး နောက်ဆုံးတွင် ပြိုင်ပွဲဝင် ၁၀ဦးကို ရွေးချယ်ခဲ့ခြင်း ဖြစ်သည်။

ယခင် Season 1 တွင် ဒိုင်များအဖြစ် အဆိုတော် မေဆွိ ၊ ချမ်းချမ်း ၊ ရဲလေးတို့မှ ဆောင်ရွက်ခဲ့ကြပြီး ယခု Season 2 မှာတော့ အဆိုတော် မြန်မာပြည်သိန်းတန် ၊ မေဆွိ ၊ တင်ဇာမော် တို့မှ ဒိုင်အဖြစ် ဆောင်ရွက်ကြ ခြင်း ဖြစ်သည်။

ပြိုင်ပွဲဝင်များသည် Myanmar Idol Season 2တွင် တေးသီချင်း သီဆိုမှု ပုံစံမျိုးစုံဖြင့် အဆင့်ဆင့် ယှဉ်ပြိုင် ခဲ့ကြပြီး ထို ယှဉ်ပြိုင်မှု တစ်ဆင့်ခြင်းစီတွင် ပရိသတ် မဲအနည်းဆုံး ရရှိသည့် ပြိုင်ပွဲဝင် တစ်ဦးက ပြိုင်ပွဲမှ နှုတ်ဆက်ထွက်ခွာသွားရခြင်း ဖြစ်သည်။

ပြိုင်ပွဲဝင် နှစ်ဦး သည် ၎င်းတို့ စိတ်ကြိုက် ရွေးချယ်ထားသည့် တေးသီချင်း ၊ ဒိုင်များမှ ရွေးချယ်ပေးသည့် တေးသီချင်း ၊ တေးရေး တေးဆို ရဲလေး ရေးသား ပေးထားသည့် တေးသီချင်း ၃ပုဒ်ဖြင့် သီဆို ယှဉ်ပြိုင်ခဲ့ကြသည်။

နောက်ဆုံးတွင် ပြိုင်ပွဲဝင် ၂ဦးသာ ကျန်ရှိတော့ပြီး Grand Final ပြိုင်ပွဲတွင် တေးသီချင်းများဖြင့် ယှဉ်ပြိုင် ကြမည် ဖြစ်ကာ ပရိသတ် မဲအများဆုံး ရရှိသူက Myanmar Idol Season 2၏ Winner အဖြစ် ရွေးချယ်ခြင်း ခံခဲ့ရသည်။

Myanmar Idol Season 2 Grand Final ပြိုင်ပွဲတွင် ပြိုင်ပွဲဝင် ၂ဦး၏ သီဆို ယှဉ်ပြိုင်မှုအပြင် ပြိုင်ပွဲဝင် ၈ဦး တို့၏ သီဆိုမှုများ ၊ ဒိုင်များမှလည်း တေးသီချင်းများဖြင့် ဖျော်ဖြေခဲ့သလို သရုပ်ဆောင် ထွန်းအိန္ဒြာဗို မှလည်း ပါဝင် သီဆို ဖျော်ဖြေခဲ့ကြပြီး အနုပညာရှင်များနှင့် ပရိသတ် အများအပြားလည်း လာရောက် ကြည့်ရှုခဲ့ကြ သည်။

Myanmar Idol Season 2 ၏ Winner အဖြစ် ရွေးချယ်ခြင်း ခံရသူ သည် ငွေကျပ် သန်း ၂၀ နှင့် အတူ တစ်ကိုယ်တော် တေးစီးရီး Album တစ်ချပ်ကိုလည်း ထုတ်လုပ်ခွင့် ရရှိမည် ဖြစ်သလို Myanmar idol ၏ Supporting Sponsor ဖြစ်သည့် Ford Myanmar မှ Ford Brand New ECOSPORT ကားတစ်စီးကိုလည်း ချီးမြှင့်ခဲ့သည်။

Myanmar Idol Season 1 တွင် စောလားထယ်ဝါး မှ Myanmar Idol Winner အဖြစ် ရွေးချယ်ခြင်း ခံခဲ့ရပြီး Myanmar Idol Season 2 မှာတော့ ပြိုင်ပွဲဝင် သားငယ်မှ Winner အဖြစ် ရွေးချယ်ခြင်း ခံခဲ့ရသည်။
(သတင်း-ပန်းမြတ်ဇော်)
Mizzima - News in Burmese


လုံခြုံရေးတပ်ဖွဲ့များက လူ့အခွင့်အ ရေးချိုးဖောက်သည်ဆိုသော စွပ်စွဲချက်များ ခိုင်လုံပါက သက်သေများကို နိုင်ငံတကာ ကာ ကွယ်စောင့်ရှောက်မှုပေး၍ မြန်မာနိုင်ငံရှိ တရားရုံးများတွင် လာရောက်အမှုဖွင့် တရားစွဲ ဆိုရန် မြန်မာနိုင်ငံခြားရေးဝန်ကြီးဌာနက ကြေညာသည်။

ရခိုင်ပြည်နယ်ရှိ လူ့အခွင့် အရေးချိုးဖောက်မှုများကို သက် သေပြရေး လွတ်လပ်သောနိုင်ငံ တကာ အချက်အလက်ရှာဖွေရေး အဖွဲ့တစ်ဖွဲ့ မြန်မာသို့ ချက်ချင်း စေလွှတ်ရန် မတ်လ ၂၄ ရက်တွင် ကုလသမဂ္ဂ လူ့အခွင့်အရေး ကောင်စီက ဆုံးဖြတ်ချက်ချသည့် အပေါ် မြန်မာအစိုးရက တုံ့ပြန် ကြေညာချက်၌ ထိုအချက်ကို ထည့်သွင်းဖော်ပြခဲ့သည်။

‘‘စွပ်စွဲမှုများသည် ခိုင်လုံမှု ရှိပါက သက်သေများအား နိုင်ငံ တကာ၏ ကာကွယ်စောင့်ရှောက် မှု အစီအစဉ်ဖြင့် မြန်မာနိုင်ငံသို့ လာရောက်စေပြီး တရားရုံးများ၌ ဥပဒေနှင့်အညီ အမှုဖွင့်တရားစွဲ ဆိုနိုင်ရေးကို ဆောင်ရွက်ပေးသွား မည် ဖြစ်ပါသည်’’ဟု နိုင်ငံခြားရေး ၀န်ကြီးဌာန ကြေညာချက်၌ ပါရှိသည်။

သို့သော်မြန်မာသို့ နိုင်ငံတ ကာ အချက်အလက်ရှာဖွေရေး မစ်ရှင်စေလွှတ်မည့် ကုလလူ့အ ခွင့်အရေးကောင်စီ ဆုံးဖြတ်ချက် ကို မြန်မာအစိုးရက လက်မခံ ကြောင်း ငြင်းပယ်ခဲ့သည်။

ရခိုင်ပြည်နယ်ရှိ ပဋိပက္ခ သည် ဒေါ်အောင်ဆန်းစုကြည်ဦး ဆောင်သော အစိုးရသစ်ပခုံး ထက်တွင် ပြည်တွင်း၊ ပြည်ပနှစ် ဖက်စလုံး၏ ကြီးမားသော ဖိအား အဖြစ်ရှိနေသည်။ လတ်တွေ့တွင် ရခိုင်ပြည်နယ်ရှိ နယ်မြေရှင်း လင်းရေး စစ်ဆင်ရေးများကို တိုက်ရိုက်ကိုင်တွယ်သော လုံခြုံ ရေးတပ်ဖွဲ့များသည် တပ်မတော် လက်တွင်း၌ ရှိနေသည်။ ၂၀၀၈ ဖွဲ့စည်းပုံအခြေခံဥပဒေအရ တပ် မတော်သည် လွှတ်တော်တွင်း ၂၅ ရာခိုင်နှုန်း၊ ပြည်ထဲရေး၊ ကာ ကွယ်ရေးနှင့် နယ်စပ်ရေးရာဝန် ကြီးဌာနသုံးခု၊ နိုင်ငံတော်ကာ ကွယ်ရေးနှင့် လုံခြုံရေးကောင်စီ တွင် နေရာအများစုကိုဆုပ်ကိုင် ထားသည်။

၂၀၁၆ အောက်တိုဘာ ၉ ရက်က မောင်တောရှိ မြန်မာနယ် ခြား စောင့်ရဲကင်းစခန်းသုံးခု အ ကြမ်းဖက် တိုက်ခိုက်ခံရပြီးနောက် လုံခြုံရေး တပ်ဖွဲ့ဝင်များက နယ်မြေရှင်းလင်းရေး စစ်ဆင်ရေး ကိုလုပ်ဆောင်ခဲ့သည်။၂၀၁၇ ဖေ ဖော်ဝါရီ ၃ ရက်က ကုလသမဂ္ဂ ဒုက္ခသည်များဆိုင်ရာ မဟာမင်း ကြီးရုံး (OHCHR) အစီရင်ခံစာ တစ်စောင် ထွက်ပေါ်ခဲ့ပြီး လေး လကြာ နယ်မြေရှင်းလင်းရေး စစ် ဆင်ရေးတွင် အသက်(၈)လအ ရွယ်ကလေးငယ်အပါအ၀င် လူ ပေါင်းရာနှင့်ချီ၍ အသတ်ခံခဲ့ရ ဖွယ်ရှိကြောင်းဖော်ပြခဲ့သည်။ ကုလလူ့အခွင့်အရေး မဟာမင်း ကြီး ဦးဆောင်သော အဖွဲ့က မြန် မာဘက်ခြမ်းမှ ဘင်္ဂလားဒေ့ရှ် ဘက်ခြမ်းသို့ ထွက်ပြေးတိမ်း ရှောင်ကြသော ဘင်္ဂါလီဦးရေ ၂၂၀ ကို တွေ့ဆုံမေးမြန်းရာ ၄၇ ရာခိုင်နှုန်းသည် မိသားစုဝင်များ အသတ်ခံခဲ့ရသည်ဟုပြောပြီး ၄၃ ရာခိုင်နှုန်းက မိသားစုဝင်များ အဓမ္မပြုကျင့်ခံရသည်ဟု ပြော ဆိုခဲ့သည်ဟု အစီရင်ခံစာ၌ ပါ ရှိသည်။ မြန်မာသို့ လွတ်လပ် သော နိုင်ငံတကာစုံစမ်းစစ်ဆေး ရေးအဖွဲ့စေလွှတ်ရန် ကုလသမဂ္ဂ ၏ မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးအစီ ရင်ခံစာတင်သွင်းသူ မစ္စရန်ဟီး လီ၊ ဥရောပသမဂ္ဂ၊ ဗြိတိန်အပါ အ၀င် နိုင်ငံတကာက တောင်း ဆိုခဲ့သည်။ အမေရိကန်နိုင်ငံ အပါအ၀င် နိုင်ငံအများစု၏ အား ပေးမှုဖြင့် ဥရောပသမဂ္ဂက ယခု နှစ် မြန်မာနိုင်ငံဆိုင်ရာ ဆုံးဖြတ် ချက်မူကြမ်းကို ဦးဆောင်တင် သွင်းခဲ့ပြီး ကုလလူ့အခွင့်အရေး ကောင်စီက အတည်ပြုခဲ့သည်။

=============

7Day News Journal

http://www.7daydaily.com/story/92655


သင်္ကြန် ရုံးပိတ်ရက် နှစ်စဉ် ၁၀ရက်ထားရှိသွားရန် ထောင်ချီသော အလုပ်သမားများက မတ်၂၆ရက်တွင် မဟာဗန္ဒလ ပန်းခြံရှေ့၌ တောင်းဆိုဆန္ဒထုတ်ဖော် ခဲ့ကြသည်။

အဆိုပါ ဆန္ဒထုတ်ဖော်ပွဲကို မြန်မာနိုင်ငံလုံးဆိုင်ရာ အလုပ်သမားသမဂ္ဂများ အဖွဲ့ချုပ်(CTUM)က ဦးဆောင်ကျင်းပခဲ့ခြင်းဖြစ်ပြီး အလုပ်သမားသမဂ္ဂအသီးသီးမှ ထောင်ချီသော အလုပ်သမားများတက်ရောက်ခဲ့ကြသည်။

"ဒီနေ့အဓိက တောင်းဆိုတာ ၂ချက်ပါ။ တစ်ချက်က သင်္ကြန် နှစ်သစ်ကူးရုံးပိတ်ရက်ကို နှစ်စဉ် ၁၀ရက်ဆက်တိုက်သတ်မှတ်ပေးဖို့၊ နောက်တချက်က အလုပ်သမားနဲ့ပတ်သက်လို့ ဆုံးဖြတ်ချက်တွေချမယ်၊ ဥပဒေတွေသတ်မှတ်မယ် ဆိုရင်သုံးပွင့်ဆိုင်(အစိုးရ၊ အလုပ်ရှင်နှင့် အလုပ်သမား) အဖွဲ့အစည်း ကနေပြီးတော့ ဆွေးနွေးပြီးတော့မှ ဆုံးဖြတ်ပါလို့ ကျွန်တော်တို့ တောင်းဆိုပါတယ်"ဟု CTUMမှ အထွေထွေအတွင်းရေးမှူး ဦးသန်းလွင်က ပြောကြားခဲ့သည်။

ဆန္ဒထုတ်ဖော်ရာတွင် "သင်္ကြန် ရုံးပိတ်ရက် နှစ်စဉ် ၁ဝရက်ထားရှိရေး...ဒို့အရေး"၊ "အလုပ်သမား ရေးရာကိစ္စများတွင် အလုပ်သမား အဖွဲ့ချုပ်များပါဝင်ရေး...ဒို့အရေး"၊ "ပြည်တွင်းရွှေ့ပြောင်းအလုပ်သမားများ နေရပ်ပြန်နိုင်ရေး...ဒို့အရေး"၊ "အလုပ်သမား များ၏မူဝါဒ အလုပ်သမားများ ပါဝင်နိုင်ရေး...ဒို့အရေး"၊ "တစ်ယောက်သည် အများအတွက်...အများသည် တစ်ယောက်အတွက် အမြဲတမ်းသွေးစည်းညီညွတ်မည်" စသည့်ကြွေးကြော်သံများဖြင့် ဆန္ဒထုတ်ဖော်ခဲ့ ကြသည်။

မင်းထင်
News Watch(စောင့်ကြည့်သတင်းဂျာနယ်)


ကိုသန်းစိုး (ခေါ်) ရဲရင့်။
ကိုသန်းစိုး (ခေါ်) ရဲရင့်။
ကနေဒါနိုင်ငံမှာ နိုင်ငံရေးခိုလှုံခွင့် လျှောက်ထားပြီး အခုချိန်ထိ နေထိုင်ခွင့်မရရှိသေးတဲ့ ကိုသန်းစိုးကို ကနေဒါအစိုးရက မြန်မာနိုင်ငံကို ပြန်ပို့ဖို့ စီစဉ်နေပါတဲ့ကိစ္စကို ကန့်ကွက်ကြောင်း BSDO မြန်မာကျောင်းသားများ ဒီမိုကရက်တစ်အဖွဲ့ (ကနေဒါ) က ကြေညာချက် ထုတ်ပြန်လိုက်ပါတယ်။ တရားဥပဒေ စိုးမိုးမှု အပြည့်အ၀ မရှိသေးတဲ့ လက်ရှိအခြေအနေမှာ ကိုသန်းစိုးကို မြန်မာနိုင်ငံပြန်ပို့လိုက်ရင် သူ့ လုံခြုံရေးအတွက် စိုးရိမ်ရတယ်လို့ ဆိုပါတယ်။ ၁၉၈၈ ခုနှစ် ဒီမိုကရေစီအရေး လှုပ်ရှားမှုမှာ ပါဝင်ခဲ့တဲ့ ကိုသန်းစိုးဟာ ရဲရင့်အမည်နဲ့ ၁၉၈၉ ခုနှစ်တုန်းက မြန်မာနိုင်ငံ မြိတ်မြို့ကနေ ထိုင်းနိုင်ငံကို လေယာဉ်ပျံ ပြန်ပေးဆွဲသွားခဲ့တဲ့ ၂ ဦးထဲက ၁ ဦး ဖြစ်ပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ကိုဇော်ဝင်းလှိုင်က တင်ပြပေးပါမယ်။

မြန်မာနိုင်ငံမှာ ၂၀၁၅ ခုနှစ် နိုဝင်လာလက ကျင်းပခဲ့တဲ့ ရွေးကောက်ပွဲ မှာ ဒေါ်အောင်ဆန်းစုကြည် ဦးဆောင်တဲ့ NLD အစိုးရ အပြတ်အသတ် အနိုင် ရပြီးတဲ့နောက် အရပ်သားအစိုးရ တက်လာပြီး ဒီမိုကရေစီ အသွင် ဆောင်တဲ့ ပြောင်းလဲ မှုတွေ ဖြစ်ပေါ်လာနေတာ၊ ပြည်ပမှာ ရောက်နေကြတဲ့ ဒီမိုကရေစီအရေး တက်ကြွလှုပ်ရှားသူတချို့ မြန်မာနိုင်ငံထဲကို ပြန်ဝင်ခွင့် ရနေတာတွေကို ကြည့်ခြင်းအားဖြင့် ကိုသန်းစိုးအနေနဲ့လည်း မြန်မာနိုင်ငံကို ပြန်လို့ ရနိုင်ကြောင်း ကနေဒါ လူဝင်မှု ကြီးကြပ်ရေး၊ ဒုက္ခသည်အရေးနဲ့ နိုင်ငံသားအရေးဆိုင်ရာ ၀န်ကြီးဌာနက ပြန်လည် သုံးသပ်လာတာ ဖြစ်ပါတယ်။

ဒါပေမယ့်လည်း ကနေဒါအစိုးရက ကိုသန်းစိုးကို ပြန်ပို့ဖို့ စဉ်းစားတဲ့ နေရာမှာ မြန်မာနိုင်ငံ အတွင်းက လက်ရှိ ပကတိအခြေအနေတွေနဲ့ ကွာခြားတဲ့ သုံးသပ်ချက်တွေအပေါ် အခြေခံ လုပ်ဆောင်တာဖြစ်ပြီး လက်ရှိအခြေအနေအရ မြန်မာနိုင်ငံအတွင်းမှာ တရားဥပဒေ စိုးမိုးမှု မရှိတာကို တွေ့မြင်နေရတာကြောင့် အခုချိန်မှာ သူ့ကို ပြန်ပို့လိုက်ရင် အင်မတန် ဆိုးရွားတဲ့ အခြေအနေတွေနဲ့ ရင်ဆိုင်ရနိုင်တဲ့အတွက် သူ့ကို ပြန်မပို့ဖို့ BSDO မြန်မာကျောင်းသားများ ဒီမိုကရက်တစ်အဖွဲ့ (ကနေဒါ) က တောင်းဆိုရခြင်း ဖြစ်ကြောင်း BSDO အဖွဲ့ရဲ့ ပြန်ကြားရေးတာဝန်ခံ ဦးညွန့်လှက ပြောပါတယ်။

“ကိုသန်းစိုးအတွက် ကြေညာချက် ထုတ်တာက လက်ရှိ ကနေဒါ Immigration (လူဝင်မှုကြီးကြပ်ရေးဌာန) က သူ့ကို တရားစွဲထားတယ်။ နောက်တခါ အဲဒီ တရားစွဲချက်အပေါ်မှာ သူတို့ သက်သေပြတဲ့ နိုင်ငံတကာက UNHCR က၊ လူ့အခွင့်အရေး အဖွဲ့တွေက၊ သတင်းဌာနတွေက ပြောတဲ့ ပြောကြားချက်တွေကို ကိုးကား ပြီးတော့ ကောင်းမြင် ၀ါဒတွေဘဲ သတင်း ဌာနတွေပိုင်း က ပြောကြားချက်တွေ အရ မြန်မာပြည်ရဲ့ အခြေအနေဟာ အင်မတန် ကောင်းနေပြီ၊ တချို့ ပုဂ္ဂိုလ်တွေလည်း ပြန်လို့ရတယ်၊ အဲဒီလို ရတယ်ဆိုတာတွေ အထောက် အထား ပြပြီးတော့ သူ့ကိုလည်း ပြန်လို့ရတယ်ဆိုပြီးတော့ ပြန်ပို့မယ့် အနေအထားမျိုး ဖြစ်နေတယ်။ အဲဒီ အနေအထားက ကျနော်တို့ လက်ခံနိုင်တဲ့ အနေအထား မဟုတ်ဘူး။ ကျနော်တို့ သိနေတာက မြန်မာနိုင်ငံရဲ့ အခြေအနေဟာ အပြင်မှာ ထွက်ပေါ်နေတဲ့ သတင်းဌာနတွေနဲ့ UNHCR ပြောတာတွေနဲ့ လက်တွေ့ မြေပြင်မှာ ကွာခြားတာတွေ အများကြီး ရှိတယ်။ လက်ရှိ ဖြစ်ပေါ်နေတဲ့ မှုခင်းအခြေအနေတွေ၊ တရားဥပဒေ စိုးမိုးမှု မရှိတာတွေ၊ လက်ရှိ အစိုးရကလည်း ဒီပြည်ထဲရေး ၀န်ကြီးဌာနအပေါ်မှာ သြဇာ သက်ရောက်မှု မရှိတာတွေ အပေါ်မှာ ကိုရဲရင့်ကို ပြန်ပို့မယ်ဆိုရင် အင်မတန် ဆိုးရွားတဲ့ အခြေအနေနဲ့ အသက် အန္တရာယ်ပါ စိုးရိမ်ရတယ် ဆိုတာကို ကျနော်တို့ နားလည်ထားတယ်။ အဲဒီအပေါ်မှာ ဒါကြောင့်မို့လို့ ကိုသန်းစိုးကို မြန်မာပြည် ပြန်ပို့မယ့် ကိစ္စကို ကျနော်တို့ ပြင်းပြင်းထန်ထန် ကန့်ကွက်နေတာ ဖြစ်ပါတယ်။”

ကိုသန်းစိုးဟာ ၁၉၉၆ ခုနှစ်မှာ အမေရိကန်ပြည်ထောင်စုကို USIA ရဲ့ ပညာတော်သင် အဖြစ်နဲ့ ရောက်လာခဲ့ပေမယ့်လည်း ရဲရင့်ဆိုတဲ့အမည်နဲ့ ရဲသီဟနဲ့အတူ တနင်္သာရီတိုင်း၊ မြိတ်မြို့ကနေ ရန်ကုန်ကို ပျံသန်းမယ့် မြန်မာ့လေကြောင်းပိုင် လေယာဉ်ပျံ တစင်းကို ၁၉၈၉ ခုနှစ်တုန်းက ထိုင်းနိုင်ငံကို ပြန်ပေးဆွဲသွားခဲ့သူ တဦး ဖြစ်နေတာကြောင့် အမေရိကန်အစိုးရက သူ့ကို တရားဝင် နေထိုင်ခွင့် မပေးခဲ့တဲ့အပြင် ၁၉၉၆ ခုနှစ်နဲ့ ၂၀၀၂ ခုနှစ်အကြား သူ့ကို ၂ ကြိမ်တိုင်တိုက် ဖမ်းဆီး အကျဉ်းချခဲ့ပါတယ်။

၂၀၀၁ ခုနှစ်၊ စက်တင်ဘာလ ၁၁ ရက်နေ့က 9/11 လို့ခေါ်တဲ့ အကြမ်းဖက်သမားတွေက နယူးယောက်မြို့က World Trade Tower ၂ ခုကို လေယာဉ်ပျံ ပြန်ပေးဆွဲပြီး အကြမ်းဖက် တိုက်ခိုက်ပြီးတဲ့နောက် ပြောင်းလဲလာတဲ့ အမေရိကန်အစိုးရရဲ့ ပေါ်လစီတွေအရ ကိုသန်းစိုး အပေါ်မှာလည်း အမေရိကန် အစိုးရဘက်က တင်းကြပ်မှုတွေ တိုးမြင့် ချမှတ်လာပါတယ်။

၂၀၀၂ ခုနှစ်မှာ ဒုတိယအကြိမ် အဖမ်းခံရပြီးတဲ့နောက် သူ့အနေနဲ့ အစိုးရထံမှာ အပတ်စဉ် လက်မှတ်သွားထိုးရတာ၊ ကိုယ်နေထိုင်တဲ့ ပြည်နယ်ကလွဲလို့ သူတို့ ခွင့်ပြုချက်မပါပဲ ခရီးထွက်ခွင့်မရှိတာတွေ ဖြစ်လာတာကြောင့် နောက်ဆုံး ကနေဒါနိုင်ငံ ကို ပြောင်းရွေ့ နေထိုင်ဖို့ ဆုံးဖြတ်ခဲ့တာလို့ ကိုသန်းစိုးက ဗွီအိုအေကို ရှင်းပြခဲ့ဘူးပါတယ်။

ကနေဒါနိုင်ငံကို ၂၀၀၃ ခုနှစ် နိုဝင်ဘာလ ၂၈ ရက်နေ့မှာ ရောက်သွားပြီး နိုင်ငံရေး ခိုလှုံခွင့် လျှောက်ထားခဲ့ပေမယ့်လည်း သူ့ကို တရားဝင် နေထိုင်ခွင့်မပေးပဲ အခုချိန်ထိ နားလည်မှုနဲ့သာ နေခွင့်ပြုထားခဲ့တာ ဖြစ်ပါတယ်။

မြန်မာနိုင်ငံမှာ ဒီမိုကရေစီ ပြောင်းလဲမှုတွေ ဖြစ်ပေါ်လာအောင် ၁၉၈၈ ခုနှစ်ကတည်းက တတ်နိုင်တဲ့ဘက်က ပါဝင်ဆောင်ရွက်ခဲ့တဲ့သူ ရဲဘော် ရဲဘက် တဦးဖြစ်တာကြောင့် သူ့ဆန္ဒမပါဘဲ အခုချိန်မှာ ပြန်မပို့ဖို့ ကနေဒါမှာရောက်နေကြတဲ့ မြန်မာနွယ်ဖွားတွေအကြား တူညီတဲ့ သဘောထား ရှိကြတယ်လို့ BSDO အဖွဲ့က ဦးညွန့်လှက ပြောပါတယ်။

“ကိုသန်းစိုးဟာ ဘာပဲဖြစ်ဖြစ် ကျနော်တို့ နိုင်ငံအတွက်၊ ဒီမိုကရေစီ တိုက်ပွဲ ၀င်ခဲ့တဲ့၊ မြန်မာနိုင်ငံ အာဏာရှင် စစ်အစိုးရအောက်က လွတ်မြောက်ဖို့အတွက် ကြိုးပမ်းခဲ့တဲ့ ကျနော်တို့ရဲ့ ရဲဘော် ရဲဘက် တယောက်ဖြစ်တယ်။ ဒါကြောင့်မို့လို့ ကျနော်တို့ အားလုံးက တသွေးထဲ၊ တသားထဲ၊ တသံထဲနဲ့ ကိုသန်းစိုးအပေါ်မှာ ပူပင် သောကရောက်ပြီးတော့ ဒီလို အဖြစ်မျိုး မဖြစ်စေချင်ဘူး။ မြန်မာပြည်ကို အခု လောလောဆယ် အခြေအနေမှာ ပြန်ပို့ရမယ့် အနေအထား မရှိဘူး ဆိုတာကို အားလုံးက သဘောတူတယ်။ စိုးလည်း စိုးရိမ်ကြတယ်။ လက်ရှိ အရပ်သား အစိုးရရဲ့ သြဇာ သက်ရောက်မှုကလည်း ပြည်ထဲရေး ၀န်ကြီးဌာနအပေါ်မှာ မရှိကြောင်းလည်း ထင်ရှားတယ်။”

အခုချိန်ထိတော့ ကိုသန်းစိုးကို မြန်မာနိုင်ငံ ပြန်ပို့ရေးအတွက် ကနေဒါအစိုးရက Pre-Removal Risk Assessment လို့ခေါ်တဲ့ နောက်ဆုံးအဆင့် စီစစ်မှုတွေကို လုပ်ဆောင်နေပြီ ဖြစ်ပါတယ်။

BSDO အဖွဲ့က အခုထုတ်ပြန်တဲ့ ကြေညာချက်ကို ကနေဒါ ၀န်ကြီးချုပ်နဲ့ လူဝင်မှု ကြီးကြပ်ရေး ၀န်ကြီးဌာနတို့အပါအ၀င် ကနေဒါ အစိုးရအဖွဲ့အတွင်းက တာဝန်ရှိသူတွေ၊ လွှတ်တော်အမတ်တွေထံ ပေးပို့သွားမှာ ဖြစ်တယ်လို့ သိရပါတယ်။

နိုင်ငံတကာမှာ ရောက်နေကြတဲ့ မြန်မာ့ဒီမိုကရေစီအရေး တက်ကြွ လှုပ်ရှားသူတွေ ကလည်း ကနေဒါ အစိုးရအနေနဲ့ ကိုသန်းစိုးကို ပြန်မပို့ရေးအတွက် ကနေဒါ အစိုးရတာဝန်ရှိသူတွေနဲ့ လွှတ်တော်အမတ်တွေထံ လက်မှတ်ထိုး တောင်းဆိုမှုတွေ လုပ်ဆောင်နေကြပါတယ်။
VOA Burmese News


 မြေကမ္ဘာအတွက်တနာရီ အထိမ်းအမှတ်ပွဲအတွက် သံဃာတော်တွေ ရွှေတိဂုံမှာ ဆီမီးပူဇော်
မြေကမ္ဘာအတွက်တနာရီ အထိမ်းအမှတ်ပွဲအတွက် သံဃာတော်တွေ ရွှေတိဂုံမှာ ဆီမီးပူဇော်
နိုင်ငံတကာ လူထုလှုပ်ရှားမှုကြီးတခုဖြစ်တဲ့ Earth Hour မြေကမ္ဘာအတွက် တနာရီဆိုတဲ့ အထိမ်းအမှတ်ပွဲကို စနေနေ့က ရန်ကုန်မြို့ ရွှေတိဂုံဘုရား ရင်ပြင်တော်မှာ ပထမဆုံးအကြိမ် ကျင်းပခဲ့ပါတယ်။ သဘာဝပတ်ဝန်းကျင် ထိန်းသိမ်းရေးနဲ့ ကမ္ဘာကြီးပူနွေးလာမှုကို လူအများသတိထားမိစေရေး စည်းရုံး လှုပ်ရှားမှုဖြစ်ပြီး မြန်မာလူငယ်အများအပြားလဲ ပါဝင်ခဲ့ကြပါတယ်။ AP သတင်းကို အခြေခံပြီး မအင်ကြင်းနိုင်က တင်ဆက်ထားပါတယ်။

မြေကမ္ဘာအတွက် တနာရီဆိုတဲ့ အထိမ်းအမှတ်ပွဲကို World Wildlife Fund ခေါ် ကမ္ဘာ့တောရိုင်း တိရိစ္ဆာန်ထိန်းသိမ်းရေး ရံပုံငွေအဖွဲ့ကြီးက မြန်မာ အပါအ၀င် ကမ္ဘာတ၀ှမ်းမှာ ဦးဆောင်ကျင်းပ တာဖြစ်ပါတယ်။ မြန်မာနိုင်ငံမှာတော့ မြန်မာနိုင်ငံ ရာသီဥတုဆိုင်ရာအပြောင်းအလဲ မဟာမိတ်အဖွဲ့နဲ့ ပူးပေါင်းပြီး ရန်ကုန်မြို့က ထင်ရှားလှတဲ့ ရွှေတိဂုံဘုရားရင်ပြင်ပေါ်မှာ ဆီမီးထောင်ပေါင်းများစွာ ထွန်းညှိပြီး ကျင်းပခဲ့ပါတယ်။

WWF ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် Christy Williams ကတော့ သဘာဝပတ်ဝန်းကျင်ထိန်းသိမ်းရေးလှုပ်ရှားမှုကို လူအများ အာရုံစိုက်လာစေဖို့အတွက် ရွှေတိဂုံဘုရားမှာ ကျင်းပခဲ့တာဖြစ်တယ်လို့ ပြောပါတယ်။

“ရွှေတိဂုံဘုရားဟာ မြန်မာနိုင်ငံရဲ့ အထင်ရှားဆုံးနေရာတခုဖြစ်တယ်လို့ ကျနော်တို့ထင်ပါတယ်။ ကျနော်တို့ အခုလို အထိမ်းအမှတ်ပွဲကို ဒီနေရာမှာ ကျင်းပခြင်းအားဖြင့် လူတွေရဲ့ အထူးအာရုံစိုက်မှုကို ရရှိမှာဖြစ်ပါတယ်။”

မြေကမ္ဘာအတွက် တနာရီ ဆိုတဲ့ နိုင်ငံတကာလှုပ်ရှားမှုကို ၂၀၀၇ခုနှစ်မှာ သြစတြေးလျနိုင်ငံ ဆစ်ဒနီမြို့မှာ စတင်ခဲ့တာဖြစ်ပါတယ်။ (၁၀)နှစ်ပြည့် အထိမ်းအမှတ်ပွဲအဖြစ် မြန်မာနိုင်ငံမှာ ပထမဆုံးအကြိမ်ကျင်းပတဲ့လှုပ်ရှားမှုကနေ သဘာဝပတ်ဝန်းကျင်ထိန်းသိမ်းရေး ပညာပေးကို လူအများ စိတ်ဝင်စားလာအောင် ဆောင်ကျဉ်းနိုင်မယ်လို့ ယုံကြည်ကြောင်း ဦးဆောင် ပါဝင်သူတဦးဖြစ်တဲ့ မကျော့မှူးသိမ့်က ပြောပါတယ်။

မြေကမ္ဘာအတွက် တနာရီ လှုပ်ရှားမှုကို ကမ္ဘာမြေကို ကယ်တယ်ဖို့ ဆိုတဲ့ ကြွေးကြော်သံနဲ့ နိုင်ငံအလိုက် ဒေသစံတော်ချိန် ည (၈)နာရီခွဲကနေ (၉)နာရီခွဲအတွင်း သတ်မှတ်ပြီး မီးများထိန်းညှိ ကျင်းပခဲ့ကြတာဖြစ်ပါတယ်။
VOA Burmese News



အရပ်သားတဦးကလည်း အရပ်သား အလောင်း တရာကျော်လောက် အပျက်အစီးအောက်မှာ ရှိနေတုန်းပဲလို့ ဒေသတွင်း ဘီဘီစီ သတင်းထောက်ကို ပြော
အီရတ်နိုင်ငံ မိုဆူးလ်မြို့ အနောက်ဘက်ပိုင်းကို အမေရိကန် ဦးဆောင်တဲ့ မဟာမိတ်အဖွဲ့က ဗုံးကြဲမှုတွေ ဆက်လုပ်နေပြီး အရပ်သား အသေအပျောက်များနေတယ်လို့ ဒေသခံတွေက ပြောပါတယ်။

မိသားစု ကိုးယောက် အပျက်အစီးအောက်မှာ သေဆုံးခဲ့ရတဲ့ အရပ်သားတဦးကလည်း အရပ်သား အလောင်း တရာကျော်လောက် အပျက်အစီးအောက်မှာ ရှိနေတုန်းပဲလို့ ဒေသတွင်း ဘီဘီစီ သတင်းထောက်ကို ပြောပါတယ်။

အီရတ်စစ်တပ်ဟာ အမေရိကန် ဦးဆောင်တဲ့ မဟာမိတ်အဖွဲ့ရဲ့ လေကြောင်း အကူအညီနဲ့ မိုဆူးလ်မြို့ အနောက်ပိုင်းကို ဆက်လက်သိမ်းပိုက်ဖို့ ကြိုးစားနေပြီး လေကြောင်း တိုက်ခိုက်မှုတွေ လည်း အဆက်မပြတ် ဆက်ရှိနေပါတယ်။

ဒေသတွင်း ဘီဘီစီ သတင်းထောက်ရဲ့ အပြောအရ ဒီနေရာ တဝိုက်က ထွက်ခွာလာတဲ့ အမျိုးသားမှန်သမျှကို အိုင်အက်စ်အဖွဲ့နဲ့ ဆက်စပ်မှု ရှိမရှိ ခေါ်ယူ စစ်ဆေးနေတယ်လို့ သိရပါတယ်။

စစ်သွေးကြွတွေဘက်ကလည်း အရပ်သားတွေနဲ့ ရောနှောပြီး လူသားတံတိုင်း အဖြစ် အသုံးချဖို့ ကြိုးစားမှုတွေ ရှိနေတယ်လို့လည်း ဒေသခံတွေက ပြောပါတယ်။

အီရတ်မှာ လတ်တလော ဗုံးကြဲမှုတွေကြောင့် အရပ်သား ၂၀ဝ ကျော် သေဆုံးခဲ့ရတယ်ဆိုတဲ့ သတင်းတွေနဲ့ ပတ်သက်ပြီး အမေရိကန်စစ်တပ်ကလည်း စုံစမ်းစစ်ဆေးနေပါတယ်။

BBC Burmese
http://www.bbc.com/burmese



 အသေခံဗုံးဖောက်ခွဲမှု ဖြစ်ပွားခဲ့သည့် လေဆိပ်အနီး၌ အထူးတပ်ဖွဲ့ဝင်များ စစ်ဆေးမှုများပြုလုပ်နေစဉ် (ဆင်ဟွာ)
ဒါကာ၊ မတ် ၂၅ ရက် (ဆင်ဟွာ)

ဘင်္ဂလားဒေ့ရ်ှနိုင်ငံ ဒါကာမြို့ရှိ အပြည်ပြည်ဆိုင်ရာလေဆိပ်တစ်ခု အနီးတွင် မတ်လ ၂၄ ရက် ညပိုင်းက အသေခံဗုံးဖောက်ခွဲမှုဖြစ်ပွားခဲ့ရာ အသေခံဗုံးခွဲသမားဟုသံသယရှိသူတစ်ဦး သေဆုံးခဲ့ကြောင်း အရာရှိတစ်ဦးကပြောကြားခဲ့သည်။

အမည်မဖော်လိုသူ ဒါကာမြို့ ရဲအရာရှိက အသက်၂၅နှစ်ခန့်ရှိသော လူငယ်တစ်ဦးသည် ၎င်း၏ အိတ်အတွင်းမှ ဗုံးတစ်လုံးဖြင့် အသေခံဗုံးဖောက်ခွဲခဲ့ခြင်းဖြစ်ကြောင်း ပြောကြားခဲ့သည်။အဆိုပါ ဗုံးပေါက်ကွဲမှုတွင် ဒဏ်ရာရရှိသူမရှိကြောင်း နှင့် မည်သည့်အဖွဲ့မှ ပြုလုပ်ခြင်းဖြစ်ကြောင်းကို သိရှိခြင်းမရှိသေးကြောင်း သိရသည်။

မြို့တော် ဒါကာမြို့ရှိ ရာဇဝတ်မှု နှင့် အကြမ်းဖက်မှု နှိမ်နှင်းရေး အထူးတပ်ဖွဲ့ (RAB) ၏ ဋ္ဌာနချုပ်တည်ရှိရာကို ဦးတည်၍ ယခင်အပတ်က အသေခံဗုံးဖောက်ခွဲမှုဖြစ်ပွားပြီးနောက် ဘင်္ဂလားဒေ့ရ်ှနိုင်ငံရှိ လေဆိပ်များ နှင့် အကျဉ်းထောင်များအပါအဝင် မဟာဗျူဟာကျသော နေရာများအား အရေးပေါ်တပ်လှန့်ထားခဲ့ကြောင်း သိရသည်။

ဒါကာမြိှု့ Hazrat Shahjalal အပြည်ပြည်ဆိုင်ရာလေဆိပ်အနီး ရှိ ဘင်္ဂလားဒေ့ရ်ှနိုင်ငံ ရာဇဝတ်မှု နှင့် အကြမ်းဖက်မှု နှိမ်နှင်းရေး အထူးတပ်ဖွဲ့ (RAB) ၏ ဋ္ဌာနချုပ် အား ဦးတည်၍ မတ်လ ၁၇ ရက်က အသေခံဗုံးဖောက်ခွဲခဲ့မှုကြောင့် အသေခံဗုံးခွဲသမား သေဆုံးခဲ့ပြီး ရဲတပ်ဖွဲ့ဝင် နှစ်ဦး ဒဏ်ရာရရှိခဲ့ကြောင်း သိရသည်။

(Xinhua)
http://xinhuamyanmar.com



 မြေယာလျော်ကြေး သီးနှံလျော်ကြေးတွေနဲ့ ပတ်သက်လို့လည်း ဒေသခံရွာသားတွေဘက်က ကန့်ကွက် ဆန္ဒပြမှုတွေ ဆက်ရှိနေ
စစ်ကိုင်းတိုင်း ဆားလင်းကြီးမြို့နယ်က လက်ပံတောင်းတောင် ကြေးနီ စီမံကိန်းအတွက် ကျောက်သယ်ကားတွေ မဖြတ်သန်းဖို့ ဆန္ဒပြနေတဲ့ ဒေသခံ ရွာသားတွေက မတ်လ ၂၄ ရက်နေ့က ပစ်ခတ်ခံရအပြီး နောက်တနေ့မှာ သပိတ်စခန်းဖွင့်ပြီး တောင်းဆိုမှု အရှိန်မြှင့်လိုက်ပါတယ်။

မတ်လ ၂၄ ရက်နေ့မှာ ဒေသခံရွာသားတွေက မုံရွာ-ပုသိမ် ကားလမ်းပေါ် ပိတ်ပြီး ဝမ်ပေါင်ကုမ္ပဏီအတွက် ဝင်ထွက်နေတဲ့ ကျောက်သယ်ကားတွေကို တားဆီး ဆန္ဒပြခဲ့ရာမှာ ရဲတပ်ဖွဲ့က ရာဘာကျည်ဆံတွေနဲ့ ပစ်ခတ်ပြီး လူစုခွဲခဲ့လို့ အမျိုးသမီး လေးဦးနဲ့ အမျိုးသား ခြောက်ဦး ထိခိုက်ဒဏ်ရာရခဲ့တာပါ။

အခုလို ကျောက်သယ်ကားတွေ မဖြတ်သန်းဖို့အတွက် မတ်လ ၁၄ ရက်နေ့ ကတည်းက ဆန္ဒပြနေတဲ့ ရွာသားတွေဟာ မတ်လ ၂၅ ရက်နေ့ ညနေပိုင်းမှာ မုံရွာ-ပုသိမ် ကားလမ်းဘေးက မိုးကြိုးပြင်အလယ်ရွာ ထိပ်မှာ အင်အား တရာလောက်နဲ့ သပိတ်စခန်းဖွင့်လိုက်တာ ဖြစ်ပါတယ်။

ဒီ ကားလမ်းပေါ်မှာ လောလောဆယ် ခရီးသွားယာဉ်ပဲ သွားခွင့်ပြုမှာဖြစ်ပြီး ကျောက်သယ်ကားတွေ ကုမ္ပဏီအထိ သွားခွင့်မရအောင် တားထားမှာ ဖြစ်သလို သပိတ်စခန်းကိုလည်း နောက်ထပ် ၃ ရက်လောက်အထိ ဖွင့်ထားမယ်လို့ ဆန္ဒပြ ခေါင်းဆောင်တဦး ဖြစ်တဲ့ မဇာခြည်လင်းက ဘီဘီစီကို ပြောပါတယ်။

ဆားလင်းကြီးမြို့ကနေ လက်ပံတောင်းတောင် ကြေးနီစီမံကိန်းကို ထောင်နဲ့ ချီတဲ့ ကျောက်သည်ကားတွေက မုံရွာ-ပုသိမ် အဝေးပြေးကားလမ်းပေါ်မှာ နေ့စဉ် ကြမ်းကြမ်းတမ်းတမ်း မောင်းနှင်နေတာကြောင့် ကားတိုက်ခံရပြီး လူသေဆုံးမှုတွေ ရှိနေတဲ့အတွက် မဖြတ်သန်းဖို့ ဆန္ဒပြရတာလို့ မဇာခြည်လင်းက ပြောပါတယ်။

အခုလို ကျောက်သယ်ကား ၆၀ဝ၊ ၇၀ဝ လောက်ဟာ နေ့စဉ် ခြောက်ကြိမ်လောက် ဖြတ်သန်းမောင်းနှင်နေတဲ့အတွက် တားဆီးပေးဖို့ လွှတ်တော်အမတ် ၂ ယောက်နဲ့ ခရိုင်အုပ်ချုပ်ရေးမှူးကပါ ပြောဆိုခဲ့ပေမယ့် အစိုးရအဖွဲ့နဲ့ စည်ပင်ဝန်ကြီး အပါအဝင် နယ်လုံဝန်ကြီးက လုပ်သင့်တဲ့ ကိစ္စ ဖြစ်တယ်လို့ပဲ အကြောင်းပြန်ခဲ့တယ်လို့ ဆားလင်းကြီးမြို့နယ် တိုင်းဒေသကြီးလွှတ်တော်ကိုယ်စားလှယ် ဒေါက်တာ သိန်းနိုင်က ပြောပါတယ်။

အခုလို လွှတ်တော်ကို မလေးစားပဲ ဒေသခံတွေကို အလွဲသုံးစားလုပ်ပြီး အကျိုးစီပွားရှာနေတဲ့သူတွေကို ကာကွယ်ပေးမယ်ဆိုရင် လွှတ်တော်ပိုင်းနဲ့ အုပ်ချုပ်ရေးအပိုင်း ပဋိပက္ခတွေ ဖြစ်လာမယ်လို့ ဒေါက်တာ သိန်းနိုင်က ပြောပါတယ်။

လက်ရှိအခြေအနေအရ ဒီဒေသအတွင်းမှာ လူငါးဦးထက် ပိုစုရင် အင်အားသုံး ဖြိုခွင်းမယ်ဆိုတဲ့ အရေးပေါ်ပုဒ်မကို အာဏာပိုင်တွေက မတ်လ ၂၄ ရက်နေ့ကတည်းက ပြဌာန်းထားခဲ့ပါတယ်။

အခုဆန္ဒပြမှုကို ဘယ်လို ကိုင်တွယ် ဆောင်ရွက်မလဲ ဆိုတာနဲ့ ပတ်သက်ပြီး တိုင်းဒေသကြီး အစိုးရအဖွဲ့နဲ့ ရဲတပ်ဖွဲ့ကို ဘီဘီစီက ဆက်သွယ်ဖို့ ကြိုးစားခဲ့ပေမယ့် ဆက်သွယ်လို့ မရခဲ့ပါဘူး။

လက်ပံတောင်းတောင် ကြေးနီစီမံကိန်းဟာ သဘာဝ ပတ်ဝန်းကျင် ထိခိုက် ပျက်စီးမှုတွေ ရှိတယ်ဆိုတဲ့ ဝေဖန်မှုတွေအပြင် မြေယာလျော်ကြေး သီးနှံလျော်ကြေးတွေနဲ့ ပတ်သက်လို့လည်း ဒေသခံရွာသားတွေဘက်က ကန့်ကွက် ဆန္ဒပြမှုတွေ ဆက်ရှိနေတယ်လို့ သိရပါတယ်။

BBC Burmese
http://www.bbc.com/burmese

မြစ်ကြီးနားမြို့ မြို့တော်ခန်းမမှာ ၂၀၁၇ ခုနှစ် မတ်လ ၂၅ ရက်နေ့က အမျိုးသားဒီမိုကရေစီအဖွဲ့ချုပ် အတွင်းရေးမှူး အဖွဲ့ဝင် ဦးဝင်းမြင့်က NLD ပါတီဝင်တွေနဲ့ တွေ့ဆုံစဉ်
မြစ်ကြီးနားမြို့ မြို့တော်ခန်းမမှာ ၂၀၁၇ ခုနှစ် မတ်လ ၂၅ ရက်နေ့က အမျိုးသားဒီမိုကရေစီအဖွဲ့ချုပ် အတွင်းရေးမှူး အဖွဲ့ဝင် ဦးဝင်းမြင့်က NLD ပါတီဝင်တွေနဲ့ တွေ့ဆုံစဉ်
Photo: Kyaw Myo Min/RFA

ပြည်ထောင်စုရဲ့ အချုပ်အခြာ ရေ၊ မြေ၊ တောတောင်၊ သယံဇာတ အားလုံးဟာ ပုဂ္ဂိုလ်၊ အဖွဲ့အစည်း တစ်ခုခုက ပိုင်ဆိုင်တာ မဟုတ်ဘဲ တိုင်းရင်းသားပြည်သူ နိုင်ငံသားအားလုံးက ပိုင်ဆိုင်တာဖြစ်ကြောင်း အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် ကော်မတီဝင် ပြည်သူ့လွှတ်တော် ဥက္ကဌ ဦးဝင်းမြင့်က ပြောကြားလိုက်ပါတယ်။

ကချင်ပြည်နယ် မြစ်ကြီးနားမြို့ မြို့တော်ခန်းမမှာ အမျိုးသားဒီမိုကရေစီအဖွဲ့ချုပ် NLD ပါတီဝင်တွေနဲ့ ဒီကနေ့ တွေ့ဆုံရာမှာ ဦးဝင်းမြင့်က ပြောခဲ့တာဖြစ်ပါတယ်။

ဒါ့အပြင် ပါတီကနေရွေးချယ်ခံခဲ့ရတဲ့ အစိုးရအဖွဲ့ဝင်တွေနဲ့ လွှတ်တော်ကိုယ်စားလှယ်အားလုံးဟာ သက်ဆိုင်ရာမဲဆန္ဒနယ်မြေတွေက ပြည်သူတွေနဲ့ ထိတွေဆက်ဆံနေရမှာဖြစ်ပြီး အဲဒီလိုသွားရောက်တဲ့ အခါမှာလည်း သက်ဆိုင်ရာ မြို့ရွာတွေက NLD ပါတီဝင်တွေနဲ့ အပြန်အလှန်ပူးပေါင်းညှိနှိုင်း ဆောင်ရွက်ကြဖို့ တိုက်တွန်းခဲ့ပါတယ်။

ဦးဝင်းမြင့်ဟာ ပြည်သူ့လွှတ်တော် ဥက္ကဌအနေနဲ့ မြစ်ကြီးနားမြို့ တပ်ကုန်းရပ်ကွက်က အင်ဂျန်ဒုန် ကချင်နှစ်ခြင်း အသင်းတော် ကယ်ဆယ်ရေး စခန်းကိုသွားရောက်ခဲ့ပြီး စစ်ဘေးဒုက္ခသည်တွေကို ကျပ်သိန်း ၃ ရာ လှူဒါန်းခဲ့သလို ဆန်ရိက္ခာနဲ့ အခြေခံပစ္စည်းတွေလည်း လှူဒါန်းခဲ့ပါတယ်။

ဒါ့အပြင် မြစ်ကြီးနားမြို့ပေါ် ကယ်ဆယ်ရေးစခန်းတွေက စစ်ဘေးဒုက္ခသည်တွေ၊ စခန်းတာဝန်ခံတွေနဲ့ တွေ့ဆုံခဲ့ပြီး ငြိမ်းချမ်းရေးအမြန်ဆုံးရအောင် အစိုးရနဲ့ လွှတ်တော်က ကြိုးစားဆောင်ရွက်နေကြောင်း၊ တိုင်းရင်းသားပြည်သူ အားလုံးကလည်း ပြည်ထောင်စု စိတ်ဓါတ်နဲ့ အတူတကွ ဝိုင်းဝန်းကူညီကြိုးစားကြဖို့ တိုက်တွန်းခဲ့ပါတယ်။

အမျိုးသားဒီမိုကရေစီအဖွဲ့ချုပ် NLD အစိုးရနဲ့ လွှတ်တော်သက်တမ်းကာလအတွင်း ပြည်သူ့လွှတ်တော် ဥက္ကဌ တစ်ယောက်အဖြစ် ဦးဝင်းမြင့်ဟာ မြစ်ကြီးနားမြို့ကို ပထမဆုံးအကြိမ် ရောက်ရှိခဲ့တာဖြစ်ပြီး ချင်း၊ ရှမ်းနဲ့ ရခိုင် ပြည်နယ်တွေကိုလည်း သွားရောက်ဖို့ အစီအစဉ်ရှိကြောင်း သိရပါတယ်။
RFA

 လက်ပံတောင်းတောင် ကြေးနီစီမံကိန်းက ကျောက်သယ်ယာဉ်တွေကို မိုးကြိုးပြင်ကျေးရွာ လမ်းပိုင်းမှာ မတ်လ ၂၄ ရက်နေ့က တွေ့ရစဉ် လက်ပံတောင်းတောင် ကြေးနီစီမံကိန်းက ကျောက်သယ်ယာဉ်တွေကို မိုးကြိုးပြင်ကျေးရွာ လမ်းပိုင်းမှာ မတ်လ ၂၄ ရက်နေ့က တွေ့ရစဉ်
Photo: Ko Phoe Zaw (facebook)
လက်ပံတောင်းတောင် ကြေးနီစီမံကိန်းက ကျောက်သယ်ယာဉ်တွေကို ဖြတ်သန်းခွင့်မပြုသင့်ကြောင်း စစ်ကိုင်း တိုင်းဒေသကြီးလွှတ်တော်က ဆုံးဖြတ်ထားပေမယ့် တိုင်းဒေသကြီးအစိုးရအဖွဲ့က ဆက်လက်ခွင့်ပြုထားတာဖြစ် တယ်လို့ ဆားလင်းကြီးမြို့နယ် တိုင်းဒေသကြီးလွှတ်တော် ကိုယ်စားလှယ် ဒေါက်တာသိန်းနိုင်က ပြောပါတယ်။

ဝမ်ပေါင်ကုမ္ပဏီက နေ့စဉ်အစီးရေ ၃ ထောင်နီးပါး ဖြတ်သန်းနေတာကို ခွင့်မပြုသင့်ဘူးလို့ လွှတ်တော်က ဆုံးဖြတ်ပေမယ့် တိုင်းဒေသကြီးအစိုးရအဖွဲ့က ခွင့်ပြုသင့်တယ်ဆိုပြီး စာထုတ်ထားတာလို့ တိုင်းဒေသကြီး လွှတ်တော် ကိုယ်စားလှယ် ဒေါက်တာသိန်းနိုင်က ပြောပါတယ်။

"လွှတ်တော်အနေနဲ့က ဒီကျောက်တွေက ဒေသခံတွေ အလုပ်အကိုင်အခွင့်အလမ်းရတောင် ဒေသခံ ကားတွေ အလုပ်ဖြစ်အောင်ခွင့်ပြုတာ၊ အခုက ကုမ္ပဏီကားတွေဖြစ်နေတော့ ဒီဟာကို အကာအကွယ် မပေးသင့်ဘူး၊ ပြီးတော့ ကားတွေကလမ်းမပေါ်မှာ လေးငါးရာလောက် လွှတ်နေတာ အခေါက်ခေါက်ဆို ကားအစီး ၂၄၀၀၊ ၃၀၀၀ လောက်က ရှစ်မိုင်ကိုးမိုင်လောက်လမ်းမှာ ခွင့်မပြုသင့်ဘူးလို့ လွှတ်တော်က သုံးသပ်ချက်ထွက်ထားတာ၊ အဲဒါကို အစိုးရဌာနတွေ စည်ပင်ဝန်ကြီးရယ်၊ နယ်လုံဝန်ကြီးရယ်က ဒါကိုခွင့်ပြုသင့်တယ်ဆိုပြီး စာထွက်ထားတာ မြို့နယ်အုပ်ချုပ်ရေးမှူးက စာထွက်ပြီးခွင့်ပြုထားတာ သူတို့ဘာသာသူတို့ ခွင့်ပြုရင် သူတို့ဘာသူတို့ရှင်းပေါ့"

ကျောက်ကားတွေကို တားဆီးပိတ်ဆို့တဲ့ ဒေသခံတွေကို စစ်ကိုင်းတိုင်းဒေသကြီး ရဲတပ်ဖွဲ့က မနေ့က ရာဘာကျည်နဲ့ ပြန်လည်ပစ်ခတ်ခဲ့တဲ့အတွက် ဒေသခံ ၁၀ ဦးလောက် ထိခိုက်ဒဏ်ရာရရှိခဲ့ပါတယ်။

ပုသိမ်-မုံရွာလမ်းကို ကျောက်ကားတွေမဖြတ်သန်းဖို့ သပိတ်စခန်းဖွင့်ပြီး ဆက်လက်တားဆီးသွားမယ်လို့ မိုးကြိုးပြင်အလယ်ရွာက ဒေသခံတစ်ဦးဖြစ်တဲ့ ကိုလပြည့်က ပြောပါတယ်။

"ကျောက်ကားတွေထွက်မယ်ဆိုရင် ဒေသခံတွေက ဆက်လက်တားဆီးဖို့ အသင့်ရှိနေပါတယ် ရွာထိပ်တွေမှာ၊ ကျနော်တို့က ဆက်လက်တားဆီးသွားမှာပါ၊ ပြီးတော့လည်း ဒီလိုမျိုးမတရားတဲ့ အမိန့်အာဏာတွေမှန်သမျှကို ဒေသခံတွေက တွန်းလှန်ဦးမယ်၊ တိုက်ပွဲဝင်ဦးမယ် သပိတ်စခန်းတွေ ဘာတွေဖွင့်ဖို့လည်း စီစဉ်ထားပါတယ်"

ဆားလင်းကြီးမြို့နယ် ပုသိမ် - မုံရွာကားလမ်းမပေါ်မှာ ၅ ဦးထက်ပိုတဲ့ လူစုလူဝေး မလုပ်ဖို့ မြို့နယ်အထွေထွေ အုပ်ချုပ်ရေးမှူးရုံးက ပြီးခဲ့တဲ့ မတ်လ ၂၂ ရက်နေ့က အမိန့်စာထုတ်ပြန် တားမြစ်ပြီးနောက် ဒေသခံတွေက ဆက်လက်တားဆီးနေတာဖြစ်ပြီး မနေ့ညနေက ဒေသခံတွေနဲ့ လုံခြုံရေးရဲတပ်ဖွဲ့ဝင်တွေကြား ပစ်ခတ်မှုတွေဖြစ် ခဲ့တာပါ။

ဆားလင်းကြီးမြို့နယ် မိုးကြိုးပြင်တောင်ရွာ၊ မိုးကြိုးပြင်အလယ်ရွာနဲ့ မိုးကြိုးပြင်မြောက်ရွာအနီးက ပုသိမ်- မုံရွာ ကားလမ်းမကို အသုံးပြုပြီး မင်းတောရွာက ကျောက်တွေကို ၀မ်ပေါင်ကုမ္ပဏီထံ သယ်ပို့ပေးနေတဲ့ ကားတွေ ကို ဒေသခံတွေက ပိတ်ဆို့တားဆီးနေတာဖြစ်ပါတယ်။
RFA


ဥရောပသမဂ္ဂ နှစ်ခြောက်ဆယ်ပြည့် ဗီဒီယိုကတဆင့် ဒေါ်စု ဂုဏ်ပြု စကားပြောကြာ။ (မတ် ၂၅၊ ၂၀၁၇)
ဥရောပသမဂ္ဂ နှစ်ခြောက်ဆယ်ပြည့် ဗီဒီယိုကတဆင့် ဒေါ်စု ဂုဏ်ပြု စကားပြောကြာ။ (မတ် ၂၅၊ ၂၀၁၇)
EU ဥရောပသမဂ္ဂ တည်ထောင်တဲ့ နှစ် ၆၀ ပြည့် အထိမ်းအမှတ်အဖြစ် အီတလီနိုင်ငံရောမမြို့မှာ စည်လုံးညီညွတ်မှု ကြေညာစာတမ်းကို မတ်လ ၂၅ ရက်နေ့ ဒီကနေ့မှာ EU ခေါင်းဆောင်တွေ လက်မှတ်ရေးထိုးသွားကြပါတယ်။ ရှေ့တိုးဆောင်ရွတ်တဲ့ လုပ်ငန်းစဉ်ကသာ စီးပွားရေးကောင်းအောင်နဲ့ လုံခြုံရေးအကျိုးအမြတ်တွေ ဖြစ်ပေါ်ပြီး လူအများရဲ့ ထောက်ခံမှုကို ပြန်ရရှိအောင် စွမ်းဆောင်နိုင်မယ်လို့ ခေါင်းဆောင်တွေက ပြောပါတယ်။

နိုင်ငံသားတွေရဲ့ အခွင့်အရေး အပါအဝင် နောင် ၁၀ နှစ်မှာ အကောင်အထည်ဖော်ရမယ့် အစီအစဉ်တွေကို ထည့်သွင်းရေးဆွဲထားတဲ့ ဒီကြေညာချက်ကို EU အဖွဲ့ဝင် နိုင်ငံ ၂၇ နိုင်ငံက ခေါင်းဆောင်တွေနဲ့ ဥရောပသမဂ္ဂ အကြီးအကဲတွေ လက်မှတ်ရေးထိုးခဲ့ကြတာပါ။

အခုလို ဥရောပ သမဂ္ဂ ထူထောင်မှု နှစ် ၆၀ ပြည့် မြောက်ပြီး အခုအချိန်အထိ ဒီနိုင်ငံပေါင်းစုံ အဖွဲ့အစည်းကြီး အောင်အောင်မြင်မြင် ရပ်တည်နိုင်တာကို အထူးဝမ်းမြောက်ပါကြောင်း နိုင်ငံတော် အတိုင်ပင်ခံပုဂ္ဂိုလ်လည်း ဖြစ် နိုင်ငံခြားရေးဝန်ကြီး လည်း ဖြစ်တဲ့ ဒေါ်အောင်ဆန်းစုကြည်က Video ကနေ ချီးကျူးဂုဏ်ပြုစကား ပြောကြားသွားပါတယ်။

"ဥရောပသမဂ္ဂဟာ စိန်ခေါ်မှုတွေအများကြီးရှိတဲ့ကြားကဘဲ အောင်မြင်လာတဲ့ဖြစ်ရပ်အဖြစ် ကျမတို့ ရှုမြင်သုံးသပ်ပါတယ်။ ကျမတို့အားလုံး ချစ်ကြည်မှု၊ အပြန်အလှန်လေးစားမှုနဲ့ အတူတကွ ယှဉ်တွဲနေထိုင်ကြဖို့အတွက်၊ ဒီအောင်မြင်မှုတွေကို ဆက်လက်ရရှိနိုင်အောင် အကြီးအကျယ်ကြိုးပမ်းအားထုတ်ကြရဖို့ဖြစ်ပါတယ်။ ကျမတို့ မြန်မာနိုင်ငံမှာလည်း နားလည်မှု၊ ယုံကြည်မှု၊ အပြန်အလှန်လေးစားမှု စတဲ့ ခိုင်မာတဲ့အခြေခံအုတ်မြစ်တွေနဲ့ ကိုယ်ပိုင်ပြည်ထောင်စုကို တည်ဆောက်နိုင်ဖို့ အားထုတ်နေကြပါတယ်။ EU ဥရောပသမဂ္ဂရဲ့ ပြည်သူတွေရဲ့ ပျော်ရွှင်မှု၊ သာယာဝပြောမှုတို့ကို အပြုသဘောနဲ့ ရှေ့ရှုပြီး ပါဝင်ဆောင်ရွက်နိုင်ဖို့ EU ကမိတ်ဆွေများနဲ့အတူ ကျမတို့ အတူတကွ ရပ်တည်နေကြပါတယ်။"

ဥရောပကော်မရှင် ဥက္ကဋ္ဌ Jean-Claude Juncker ကတော့ ဒီ ဥရောပသမဂ္ဂ နှစ် ၆၀ ပြည့် အထမ်းအမှတ် ကြေညာစာတမ်းဟာ သူတို့အကြား အကောင်းမြင် မျှော်လင့်ချက်တွေ တိုးလာတာကို ပြသနေတယ်လို့ ပြောသွားတာပါ။ ဒီကနေ့ ရောမမြို့က အခမ်းအနား တက်ရောက်တဲ့နိုင်ငံတွေထဲမှာတော့ Britain နိုင်ငံ မပါဝင်ပဲ Britain နိုင်ငံက ဒီ ဥရောပသမဂ္ဂ ကနေ နှုတ်ထွက်ဖို့ တရားဝင်လုပ်ငန်းစဉ်တွေကို မကြာခင် ရက်ပိုင်းအတွင်း စတင်လုပ်ဆောင်မှာ ဖြစ်ပါတယ်။
VOA Burmese News


ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်။
ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်။
ကိုးကန့်ကိုယ်ပိုင်အုပ်ချုပ်ခွင့်ရဒေသထဲ ကိုးကန့်တပ်နဲ့ မြန်မာအစိုးရစစ်တပ်တို့ကြား တိုက်ပွဲတွေက ဒီနေ့အထိပြင်းထန်နေဆဲဖြစ်ပါတယ်။ အခုလိုရက်ကြာရှည်လာပြီဖြစ်တဲ့ ကိုးကန့်လောက်ကိုင် တိုက်ပွဲကို အမြန်ဆုံး ရပ်စေချင်ပြီလို့ ဒေသခံတွေက မေတ္တာရပ်ခံ တောင်းဆိုကြပါတယ်။ လောက်ကိုင်မြို့က ထွက်ပြေးလာတဲ့ စစ်ပြေးဒုက္ခသည်တွေအပြင် တရုတ်နယ်စပ်ဘက် ထွက်ပြေးသွားတဲ့ ရာနဲ့ချီတဲ့ ဒုက္ခသည်တွေဟာလည်း လားရှိုးဘက်ကို တိမ်းရှောင်လာနေကြဆဲဖြစ်ပါတယ်။ အသေးစိတ် မဆုမွန် ဆက်ပြောပြပေးပါမယ်။

ဟုတ်ပါတယ်။ ကိုးကန့်ကိုယ်ပိုင် အုပ်ချုပ်ခွင့်ရဒေသထဲမှာ မြန်မာအစိုးရတပ်နဲ့ ကိုးကန့်တပ်ဖွဲ့ကြား ပြီးခဲ့တဲ့ ဇန်န၀ါရီလကတည်းကစလို့ နှစ်ဘက် တိုက်ပွဲတွေ ဆက်တိုက်ဆိုသလို ဖြစ်ပွားနေခဲ့တာ အခုဆိုရင် လနဲ့ချီ ကြာမြင့်လာပြီဖြစ်ပါတယ်။ ပြီးခဲ့တဲ့ မတ်လဆန်းတုန်းက MNDAA ကိုးကန့်တပ်တွေဘက်က လောက်ကိုင်မြို့ထဲအထိ လက်နက်ကြီး လက်နက်ငယ်တွေနဲ့ တိုက်ခိုက်မှုတွေဖြစ်တဲ့အတွက် နေအိမ်၊ ကားတွေ မီးလောင်ပျက်စီးတာ အပါအဝင် ဒေသခံပြည်သူအချို့အပါအဝင် လုံခြုံရေးတပ်ဖွဲ့ဝင်တွေပါ ထိခိုက်ဒဏ်ရာရ သေဆုံးမှုတွေဖြစ်ခဲ့ပါတယ်။

ဒီကနေ့ စနေနေ့မှာလည်း လောက်ကိုင်ဘက်မှာ တိုက်ပွဲတွေဆက်ဖြစ်နေဆဲဖြစ်ပြီး လက်နက်ကြီးတွေနဲ့ ပစ်ခတ်သံတွေ ကြားနေရဆဲပဲလို့ တရုတ်-မြန်မာနယ်စပ် တရုတ်နိုင်ငံ နမ့်စံမြို့မှာ သီတင်းသုံးနေတဲ့ ဆရာတော်ဦးကေသရက မိန့်ပါတယ်။

" တိုက်တုန်းပါပဲ။ ဒီနေ့ကျတော့ သေနတ်အသံက ၃၊ ၄ လုံးကြားပါတယ်။နောက်ပြီးတော့ ဗုံးကလည်း ၃၊ ၄ လုံး ကျပါတယ်။ ဒီနေ့ပေါ့နော်။ ဒါပေမဲ့ တိုက်ပွဲနားမှာ ဘုန်းဘုန်းလည်း မသွားရဲ၊ မလာရဲတော့ ဘယ်လိုထူးခြားပြီးတော့ လုံခြုံရေးလုပ်ထားလဲ ဒါတော့ ဘုန်းဘုန်းမသိသေးဘူးနော်။"

နယ်စပ်ဒေသမတည်မငြိမ်ဖြစ်ပြီး ဒေသခံတွေ အသက်ဘေးစိုးရိမ်နေရပြီး ထိတ်လန့်နေရတဲ့အနေအထားကနေ အမြန်ဆုံးတိုက်ပွဲတွေရပ်ပြီး ငြိမ်းချမ်းစေချင်ပြီလို့ နမ့်စံက ဆရာတော်က မေတ္တာရပ်ခံပါတယ်။

"အကောင်းဆုံးကတော့ ငြိမ်းချမ်းရေးပေါ့နော်။ သူသူငါငါ ငြိမ်းချမ်းပါစေပေါ့နော် လူတိုင်းက ဆုတောင်းပါတယ်။ လူတိုင်းက ရချင်ပါတယ်။ လူတိုင်းပါးစပ်ထဲမှာ ပြောကြပါတယ်။ တချက်ကတော့ နိုင်ငံရေးအရ စစ်ရေးအရ ဘယ်သိနိုင်မလဲ ဒါပေမဲ့ တဘက်နဲ့တဘက် နားလည်မှုရှိပါစေ။ တဘက်နဲ့တဘက် စာနာမှုရှိပါစေ။ တဘက်နဲ့တဘက် ခွင့်လွှတ်မှုရှိပါစေ။ ဒီလူထုတွေက ငြိမ်းငြိမ်းချမ်းချမ်း နေနိုင်ပါစေ။"

မြို့တွင်းအထိ ဝင်ရောက်ပြီး ပစ်ခတ် တိုက်ခိုက်မှုတွေဖြစ်ခဲ့တဲ့ လောက်ကိုင်မြို့တွင်းက လုံခြုံရေး အခြေအနေနဲ့ပတ်သက်လို့လည်း လောက်ကိုင်မြို့ထဲအထိ ဒုက္ခသည်တွေကို သွားရောက်ကူညီ ကယ်ဆယ်ပေးခဲ့တဲ့ လားရှိုးမန်ဆူကျောင်း ကယ်ဆယ်ရေးအဖွဲ့က ကိုမောင်မောင်သန်းက လက်ရှိအခြေအနေကို အခုလိုပြောပါတယ်။

" လောက်ကိုင်ဘက် အခြေအနေက ညဆိုရင်တော့ အသံတွေကြားရတယ်ပေါ့။ ဗြောက်သံလိုမျိုးပေါ့နော် ဗုန်းဒိုင်း ဝုန်းဒိုင်းနဲ့။ အဲ့တာကတော့ရှိတယ်။ ညတိုင်းကတော့ရှိတယ်။ တောင်ကုန်းတွေနဲ့ မြို့တွင်းတွေနဲ့ အပြန်အလှန်ပစ်နေတာတော့ရှိတယ်။ မြို့ထဲမှာကတော့ ၁၄ရက်နေ့က နောက်ဆုံးဖြစ်တယ်။ ၁၄ရက်နေ့ ညနေ ၄နာရီခွဲကနေ ၁၅ရက်နေ့ မနက် အထိဗျ။ လက်နက်တွေနဲ့အပြန်အလှန်ပစ်ခတ်ကြတာ။ ၁၅ရက်နေ့က ကျနော် လောက်ကိုင်တက်သေးတယ်။

လောက်ကိုင်က နေ့လည်ပိုင်း အေးဆေးပေမဲ့ ဘာလဲဆိုတော့ လူတွေ မနေရဲဘူးလေ။ ကျနော်တို့ရောက်သွားတော့ လမ်းတွေက ခြောက်ကပ်နေတာ တိုက်ကြီးတွေက အကြီးကြီးဖြစ်ပြီး တကယ့်စည်ကားရမယ့် တကယ်စည်ကားခဲ့တဲ့မြို့ကြီးက ခြောက်သွေ့နေတာ ဘာမှ မရှိဘူး။ ကျနော်တို့ရောက်သွားတော့ လမ်းမှာ ဟိုဆိုင်လေးဖွင့် ဒီဆိုင်လေးဖွင့် ဟိုတအိမ်လောက်လေး လူရှိ ဒီတအိမ်လောက်လေး လူရှိ။ အဲ့တာ ကျနော် လောက်ကိုင်ကို ၁၅ရက်နေ့ သွားခဲ့တဲ့အခြေအနေပေါ့ အခုလည်း ဒီအတိုင်းပါပဲ လောက်ကိုင်ကလူတွေ မပြန်သေးဘူးဆိုတော့ အခြေအနေက သိပ်မဟန်သေးလို့ပေါ့။"

အခုအချိန်အထိ လောက်ကိုင်ဘက်ကနေ ရှမ်းမြောက် လားရှိုးဘက်ကို ထွက်ပြေးတိမ်းရှောင်လာတဲ့ စစ်ပြေးဒုက္ခသည်ပေါင်းက မန်ဆူကျောင်းက ကောက်ခံထားတဲ့စာရင်းအရ ၇၅၀၀ ကျော်ရှိပြီး နေ့စဉ်လိုလို ရာနဲ့ချီတဲ့ စစ်ပြေးဒုက္ခသည်တွေဟာ စစ်ဘေးရှောင်ဖို့ ဝင်လာနေကြဆဲဖြစ်တယ်လို့လည်း ကိုမောင်မောင်သန်းကပြောပါတယ်။

"မနေ့က တနေ့ကုန် အယောက် ၂၂၃ ယောက် ဝင်ပါတယ်။ ထမင်းကျွေးတယ်။ ညထားတယ်။ ဒီမနက် ကားလေးစီးနဲ့မန္တလေးကို ပြန်ပို့ပေးတယ်။ နောက် အခု အယောက်(၂၀) ဝင်တယ် အဲ့ဒီ့အယောက် ၂၀လည်း တခါတည်း လွှတ်လိုက်ပြီ ၃နာရီလောက်က ဝင်တာပေါ့။ အခုထပ်လာဖို့လည်း ရှိသေးတယ်။ ၁၀၀ နီးနီး ။ တောက်လျောက်ထပ်လာဖို့ရှိတယ်။ အဲ့တာ Transit တွေချည်းပဲ။ စာရင်းကတော့ ၁၀၀ ရှိတယ်။ တချို့မိသားစုတွေကတော့ လောက်ကိုင်ကိုပြန်မယ်။ ဒေသခံတွေကိုး။"

အခုလက်ရှိဒုက္ခသည်နောက်ဆုံးအခြေအနေကတော့ လောက်ကိုင်ဘက်က တိမ်းရှောင်လာသူတွေအပြင် တရုတ်နိုင်ငံဘက်ခြမ်းကို ဝင်ရောက်ထွက်ပြေးသွားတဲ့ ရွှေ့ပြောင်းအလုပ်သမားတွေလည်း ရာနဲ့ချီပြီး ပြန်ဝင်လာနေကြတယ်လို့ ဆိုပါတယ်။

"အခုလာနေတာကလေ လောက်ကိုင်က မဟုတ်ဘူး။ တရုတ်ပြည်ထဲရောက်ပြီး တရုတ်ပြည်ထဲ သွားအလုပ်လုပ်တဲ့သူတွေ လာတာ။ တချို့လည်း တရုတ်-မြန်မာနယ်စပ်ထဲ အလုပ်လုပ်နေရင်း တရုတ်ပြည်ထဲထွက်ပြေးလိုက်ရတာကိုး အဲ့တာမျိုးလည်း ပါတယ်။ အဲ့တာမျိုး လူတွေက ကျန်နေတာ အခုက။ ကျနော်ထင်တယ်။ နောက် ၃၊ ၄၊ ၅ ရက်လောက်ဆိုရင်တော့ ရပ်လောက်မယ်ထင်တယ်။ ကျနော်တို့လည်း ရပ်စေချင်ပြီ နည်းနည်းလည်းပင်ပမ်းပြီဗျ။"

တကယ်လို့သာ တိုက်ပွဲဟာ ရက်ကြာရှည်လာခဲ့မယ်ဆိုရင်တော့ ကူညီကယ်ဆယ်ပေးနေသူတွေမှာ အခက်အခဲတွေနဲ့ရင်ဆိုင်လာကြရမယ့်အနေအထားဖြစ်တယ်လို့လည်း ကူညီကယ်ဆယ်ပေးနေသူတွေကပြောပါတယ်။

အခုလို တိုက်ပွဲတွေပြင်းထန်နေဆဲ အနေအထားကြောင့် မတ်လ ၁၀ရက်နေ့ ကစလို့ လောက်ကိုင်မြို့နယ်နဲ့ ကုန်းကြမ်းမြို့နယ်တွေမှာ ည (၉) နာရီကနေ မနက် ၆နာရီအထိ ညမထွက်ရအမိန့် ပုဒ်မ (၁၄၄) ကို ထုတ်ပြန်ထားဆဲ အနေအထားဖြစ်ပါတယ်။

တိုက်ပွဲတွေ ပြင်းထန်နေဆဲဖြစ်တဲ့ ထောင်ချီတဲ့ ဒေသခံတွေနဲ့ နယ်စပ်ကုန်သွယ်ရေးနဲ့ စီးပွားရေးလုပ်ငန်းတွေမှာ လုပ်ကိုင်နေတဲ့ ရွှေ့ပြောင်း အလုပ်သမားတွေလည်း အသက်ဘေးလွတ်ရာကို ထွက်ပြေးတိမ်းရှောင်နေကြရဆဲဖြစ်ပါတယ်။ တရုတ်အစိုးရဘက်ကလည်း တရုတ်-မြန်မာနယ်စပ်မှာ တိုက်ပွဲတွေဖြစ်နေတာကို နှစ်ဘက် အမြန်ဆုံးရပ်ကြဖို့နဲ့ နယ်စပ်တည်ငြိမ်အေးချမ်းရေးကို အလေးထားဆောင်ရွက်ဖို့ မြန်မာအစိုးရကို တိုက်တွန်းပြောဆိုနေပါတယ်။
VOA Burmese News