03/27/17


ကြားဖြတ်ရွေးကောက်ပွဲအတွက် NLD ပါတီ မဲဆွယ်နေပုံ
ကြားဖြတ်ရွေးကောက်ပွဲအတွက် NLD ပါတီ မဲဆွယ်နေပုံ
လာမယ့်ရှေ့သီတင်းပတ် ဧပြီလ ၁ရက်နေ့မှာ ကျင်းပမယ့် ၂၀၁၇ ကြားဖြတ်ရွေးကောက်ပွဲအတွက် ပြီးခဲ့တဲ့ ၂၀၁၅ရွေးကောက်ပွဲမှာ မဲအပြတ်အသတ်နဲ့ နိုင်ပြီး အစိုးရဖွဲ့နိုင်ခဲ့တဲ့ NLD ပါတီကြီးနဲ့ အတိုက်အခံ ကြံ့ခိုင်ဖွံ့ဖြိုးရေးပါတီတို့ အကြိတ်အနယ်မဲဆွယ်နေကြပြီဖြစ်ပါတယ်။ ဒါပေမဲ့လို့ ၂၀၁၂ ကြားဖြတ်ရွေးကောက်ပွဲလောက်တော့ လူထုစိတ်ဝင်စားမှု နည်းတယ်လို့သုံးသပ်သလို တိုင်းရင်းသားနယ်မြေတွေက လစ်လပ်နေရာတွေအတွက်တော့ တိုင်းရင်းသားပါတီတွေဘက်က နိုင်ခြေရှိတယ်လို့ ရှု့မြင်ကြပါတယ်။ မဆုမွန်က စုစည်းတင်ပြထားပါတယ်။

လာမယ့်၂၀၁၇ ခုနှစ်၊ ဧပြီလ ၁ ရက် စနေနေ့မှာ ပြည်ထောင်စု ရွေးကောက်ပွဲ ကော်မရှင် က ဦးစီးပြီး ပြည်ထောင်စု ရွေးကောက်ပွဲ ကော်မရှင် ဥပဒေနဲ့အညီ လွှတ်တော် ကိုယ်စားလှယ်နေရာ လစ်လပ်ခဲ့တဲ့ မဲဆန္ဒနယ်တွေအတွက် ကြားဖြတ်ရွေးကောက်ပွဲတွေ ကျင်းပမှာဖြစ်ပါတယ်။ လုံခြုံရေး အကြောင်းပြချက်အပါအဝင် အကြောင်းအမျိုးမျိုးကြောင့် လစ်လပ်သွားတဲ့ ပြည်သူ့လွှတ်တော်နဲ့ အမျိုးသား လွှတ်တော် နဲ့ တိုင်းဒေသကြီး ပြည်နယ်လွှတ်တော်အသီးသီးက လွှတ်တော်ကိုယ်စားလှယ်တွေအတွက် ကြားဖြတ်ရွေးကောက်ပွဲတွေ ကျင်းပတာဖြစ်ပါတယ်။

သီတင်းတပတ်ပဲကြာတော့တဲ့အချိန်မှာတော့ အနိုင်ရပါတီ NLD အမျိုးသားဒီမိုကရေစီအဖွဲ့ချုပ်ဘက်က နာယကကြီးဦးတင်ဦးနဲ့ ပြည်သူ့လွှတ်တော်ဥက္ကဋ္ဌဦးဝင်းမြင့်ကိုယ်တိုင် မဲဆွယ်စည်းရုံးနေသလို ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီဘက်ကလည်း ဗဟိုအလုပ်အမှုဆောင်တွေကိုယ်တိုင် အကြိတ်အနယ် မဲဆွယ်စည်းရုံးနေကြပါတယ်။

တိုင်းဒေသကြီးနဲ့ ပြည်နယ်တွေမှာ NLD နိုင်ခြေရှိနိုင်ပေမဲ့လို့ စစ်ရေးပဋိပက္ခတွေဖြစ်လို့ လုံခြုံရေးစိုးရိမ်ရတဲ့ ရှမ်းပြည်နယ် မိုင်းရှုးနဲ့ ကျေးသီးမြို့နယ်လို နေရာတွေမှာတော့ တိုင်းရင်းသားပါတီတွေဘက်က အနိုင်ရနိုင်ခြေများတယ်လို့ ရှမ်းပြည်နယ် ပြည်သူ့လွှတ်တော်ကိုယ်စားလှယ်ဟောင်းတဦးဖြစ်တဲ့ ဦးရဲထွန်းကသုံးသပ်ပါတယ်။

“နိုင်ငံရေးအခြေအနေကတော့ မတူဘူးပေါ့ အခုဒီ တခေါက်ကြားဖြတ်ရွေးကောက်ပွဲက နေရာလည်း သိပ်မများဘူး။ ၁၉ နေရာလောက်ပဲရှိတယ်။ ကျနော့်ခန့်မှန်းချက်ကတော့ NLD ပဲ ဗမာလူမျိုးအများစုနေတဲ့နေရာတွေမှာတော့ သူပဲနိုင်လိမ့်မယ်လို့ထင်တယ်။ သို့သော်လည်း တိုင်းရင်းသားဒေသတွေမှာ ဥပမာ မွန်၊ ချောင်းဆုံတို့လိုနေရာမျိုး နောက်ရှမ်းပြည်လိုနေရာမျိုးတွေမှာတော့ တိုင်းရင်းသားနိုင်ငံေ၇းပါတီတွေက ပိုပြီးတော့ အခြေအနေကောင်းတယ်လို့ အဲလို တွက်ဆလို့ရပါတယ်။ ကျားခေါင်းပါတီ (SNLD) ကိုသူတို့ ပိုပြီးတော့ စိတ်ဝင်စားတယ်။ ကျနော်တို့ ဒီ ကျားဖြူပါတီ (SNDP) တောင်မှ အဲဒီဘက်မှာ အစည်းအဝေးတွေလုပ်တဲ့အခါ သိပ်ပြီးတော့ လာတက်တာ သိပ်မတွေ့ဘူးပေါ့နော်။”

မြန်မာ့အရေးလေ့လာအကဲခတ်နေတဲ့ ဒေါက်တာရန်မျိုးသိမ်းကလည်း ပြည်နယ်တိုင်းအလိုက် လစ်လပ်နယ်မြေတွေမှာ ပါတီအသီးသီးက ဝင်ရောက်ယှဉ်ပြိုင်ကြမယ့် လွှတ်တော်ကိုယ်စားလှယ်တွေရဲ့ အနိုင်ရနိုင်ခြေတွေနဲ့ပတ်သက်လို့လည်း အခုလိုသုံးသပ်ပါတယ်။

“လက်ရှိအခြေအနေမှာ ပါတီကြီး ၂ ခုအနေနဲ့ အကြိတ်အနယ်ပေါ့လေ မဲဆွယ်စည်းရုံးမှုတွေ လုပ်နေတယ် ဆိုပေမယ့်လို့ အကြိတ်အနယ်ရှိမယ့် မဲဆန္ဒနယ်ကတော့ ကျနော်တို့ ရှမ်းပြည်နယ် ထဲမှာရှိတဲ့ မဲဆန္ဒနယ်တွေထဲမှာ အမျိုးသားဒီမိုကရေစီအဖွဲ့ချုပ်နဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ် ကျားခေါင်းပါတီကြားမှာ ယှဉ်ပြိုင်မှုအကြိတ်အနယ်ဖြစ်လိမ့်မယ်လို့ ယူဆရပါတယ်။ နောက် ၁ နေရာပေါ့လေ ယှဉ်ပြိုင်မှုအားကောင်းနိုင်တာကတော့ ကျနော်တို့ရခိုင်ပြည်နယ် အမ်း မဲဆန္ဒနယ်ပဲဖြစ်ပါတယ် ပြည်နယ်လွှတ်တော်ကိုယ်စားလှယ်အများဆုံးအနိုင်ရထားတဲ့ ရခိုင်အမျိုးသားပါတီရယ်၊ ပြည်ထောင်စု ကြံ့ခိုင်ဖွံ့ဖြိုးရေးပါတီရယ် ဒီ၃ ပါတီက အကြိတ်အနယ်ယှဉ်ပြိုင်ရမယ့် မဲဆန္ဒနယ်တခုလို့ သုံးသပ်နိုင်ပါတယ်။ နောက်စိတ်ဝင်စားစရာကောင်းတဲ့ မဲဆန္ဒနယ်တခုကတော့ မွန်ပြည်နယ် ချောင်းဆုံမဲဆန္ဒနယ်ပါပဲ။ လက်ရှိအခြေအနေမှာ ကျနော်တို့ ချောင်းဆုံမှာရှိတဲ့ တံတားနဲ့ပတ်သက်ပြီးတော့ လူထုအကြားမှာ စိတ်ဝင်စားမှုများနေတဲ့မဲဆန္ဒနယ်အဖြစ်လည်း တွေ့ရပါတယ်။တိုင်းရင်းသား နိုင်ငံေ၇းပါတီနဲ့ အမျိုးသားဒီမိုကရေစီအဖွဲ့ချုပ်ကြားမှာ အကြိတ်အနယ်ယှဉ်ပြိုင်ရမယ့် မဲဆန္ဒနယ်တခုဖြစ်လာနိုင်ပါတယ် ”

ဒါပေမဲ့လို့ NLD ပါတီအနေနဲ့ လွှတ်တော်နိုင်ငံရေးတွေကို ပြန်ပြီးဝင်ရောက်ယှဉ်ပြိုင်ခဲ့တဲ့ ၂၀၁၂ ကြားဖြတ် ရွေးကောက်ပွဲ တုန်းကလောက်တော့ ဒီ၂၀၁၇ ကြားဖြတ်ရွေးကောက်ပွဲအပေါ် ပြည်သူလူထုစိတ်ဝင်စားမှု နည်းနေတယ်လို့ ဦးရဲထွန်းက ရှု့မြင်ပါတယ်။

“ဒီကြားဖြတ် ရွေးကောက်ပွဲနဲ့ပတ်သက်လို့ ပြည်သူလူထု စိတ်ဝင်စားမှုကို ယေဘုယျ ပြောမယ်ဆို၇င်တော့ ၂၀၁၂ ကြားဖြတ် ရွေးကောက်ပွဲလောက် စိတ်ဝင်စားမှုမရှိတာ တော့ သေချာတယ်လေ။ ဟိုတုန်းက ၂၀၁၂ ကြားဖြတ် ရွေးကောက်ပွဲဆိုတာက ၂၀၁၀ မှာ NLD မပါဝင်ပဲ ကျင်းပခဲ့ပြီးတော့ ၂၀၁၂ ကျတော့ ပါဝင်ခွင့်ရတဲ့အခါမှာ အားလုံးယှဉ်ပြိုင်နိုင်ခွင့်ရှိတဲ့ ပထမဦးဆုံး ရွေးကောက်ပွဲဖြစ်တော့ ပြည်သူလုထုက အများကြီးစိတ်ဝင်စားတယ်။ ၀ိုင်းပြီးတော့လည်း မဲထည့်လိုက်တော့ NLD က လားရှိုး ၁ နေရာကလွဲလို့ အကုန်နိုင်တယ်ပေါ့နော်။ ဒီကြားဖြတ် ရွေးကောက်ပွဲက နေ၇ာလည်း သိပ်မများဘူး ၁၉ နေရာလောက်ပဲရှိတယ် တကယ်လို့ အဲဒီနေရာတွေမှာ အခုလက်ရှိပါတီ NLD က နေ၇ာအနည်းစုပဲ နိုင်တယ်ထားအုန်း ဒီလွှတ်တော်နိုင်ငံရေးမှာ အပြောင်းအလဲသိပ်ရှိမှာမဟုတ်ဘူး ရွေးကောက်ပွဲအပေါ်မှာ စိတ်ဝင်စားမှုက နည်းနေဦးမှာပဲ။”

အခုလက်ရှိမှာတော့ ရွေးကောက်ပွဲကော်မရှင်တာဝန်ရှိသူတွေအနေနဲ့ လာမယ့်သီတင်းပတ်အတွက် ရွေးကောက်ပွဲကျင်းပမယ့်နေရာတွေမှာ သွားရောက်တာဝန်ယူဆောင်ရွက်ကြဖို့ပြင်ဆင်နေကြတဲ့အကြောင်း လောက်ကိုင်ရွေးကောက်ပွဲကော်မရှင်အတွင်းရေးမှူးဦးကျော်မျိုးသက်က ပြောပါတယ်။

“ကျနော်တို့သွားရမှာက ဒီလကုန်ခါနီးမှ သွားရမှာဆိုတော့ အဲဒီဘက်မှာတော့ မဲစာရင်းတွေပေးတာတွေ တိကျအောင်လို့တော့ မဲပေးတဲ့နေရာတွေမှာ မသန်စွမ်းသူတွေပါ အဆင်ပြေအောင်လို့ပေါ့ဗျာ အကုန်လုံး ပြည်သူတိုင်း မဲပေးနိုင်အောင်လို့တော့ လုပ်ပေးထားပါတယ်။”

ပြီးခဲ့တဲ့ ၂၀၁၅ အထွေထွေရွေးကောက်ပွဲကျင်းပခဲ့တဲ့အချိန်တုန်းကတော့ တတိုင်းပြည်လုံးအတိုင်းအတာနဲ့ NLD အမျိုးသားဒီမိုကရေစီအဖွဲ့ချုပ်ပါတီက ဆန္ဒမဲအပြတ်အသတ်နဲ့ အနိုင်ရခဲ့ပြီး အစိုးရတရပ်ဖွဲ့စည်းနိုင်ခဲ့သလို ပြည်ထောင်စုလွှတ်တော်၊ အမျိုးသားလွှတ်တော်နဲ့ ပြည်သူ့လွှတ်တော်တွေမှာလည်း လွှတ်တော်ကိုယ်စားလှယ်နေရာတော်တော်များများ နေရာယူနိုင်ခဲ့ပြီးဖြစ်ပါတယ်။

လာမယ့် ၂၀၁၇ခုနှစ် ဧပြီလ (၁)ရက်နေ့မှာ ကျင်းပမယ့် ကြားဖြတ်ရွေးကောက်ပွဲအတွက် လစ်လပ်ပြည်သူ့လွှတ်တော် မဲဆန္ဒနယ် (၉)နေရာကတော့စစ်ကိုင်းတိုင်း မုံရွာမြို့နယ် ပြည်သူ့လွှတ်တော်မဲဆန္ဒနယ် မွန်ပြည်နယ် ချောင်းဆုံမြို့နယ် ပြည်သူ့လွှတ်တော်မဲဆန္ဒနယ် ရခိုင်ပြည်နယ် အမ်းမြို့နယ် ပြည်သူ့လွှတ်တော်မဲဆန္ဒနယ် နောက် ရန်ကုန်တိုင်းတွင်းက လှိုင်သာယာမြို့နယ် ဒဂုံမြို့သစ်(ဆိပ်ကမ်း)မြို့နယ် ဒဂုံမြို့သစ်(အရှေ့ပိုင်း)မြို့နယ် နဲ့ ဒေါ်အောင်ဆန်းစုကြည်ရဲ့ မဲဆန္ဒနယ်ဖြစ်ခဲ့တဲ့ ကော့မှူးမြို့နယ် ပြည်သူ့လွှတ်တော်မဲဆန္ဒနယ် ကော့မှူး ရှမ်းပြည်နယ်တွင်းက ကျေးသီးမြို့နယ် နဲ့ မိုင်းရှူးမြို့နယ် ပြည်သူ့လွှတ်တော်မဲဆန္ဒနယ်တို့ဖြစ်ပါတယ်။

အမျိုးသားလွှတ်တော် မဲဆန္ဒနယ်များ အကျုံးဝင်သော မြို့နယ်တွေကတော့ ချင်းပြည်နယ်အမျိုးသားလွှတ်တော် မဲဆန္ဒနယ် အမှတ် (၃) ထန်တလန်၊ ပဲခူးတိုင်းဒေသကြီးအမျိုးသားလွှတ်တော် မဲဆန္ဒနယ် အမှတ် (၄) ကျောက်တံခါး၊ ညောင်လေးပင်။ ရန်ကုန်တိုင်းဒေသကြီးအမျိုးသားလွှတ်တော် မဲဆန္ဒနယ် အမှတ် (၆) ကမာရွတ်၊ ကြည့်မြင်တိုင်၊ ဆိပ်ကမ်း၊ လသာ၊ လှိုင်၊ လမ်းမတော်၊ အလုံလစ်လပ် ပြည်နယ် လွှတ်တော်မဲဆန္ဒနယ်များ အကျုံးဝင်သောမြို့နယ်တွေပါဝင်ပါတယ်။ နောက်တိုင်းရင်းဒေသတွေမှာတော့- နောက် ဖရူဆိုမြို့နယ် ပြည်နယ် လွှတ်တော်မဲဆန္ဒနယ် အမှတ် (၁) ဖရူဆို ၊ကျိုင်းတုံမြို့နယ် ပြည်နယ်လွှတ်တော် မဲဆန္ဒနယ် အမှတ် (၂) ကျိုင်းတုံ၊ ကျေးသီးမြို့နယ် ပြည်နယ်လွှတ်တော် မဲဆန္ဒနယ် အမှတ် (၁) ကျေးသီး၊ ကျေးသီးမြို့နယ် ပြည်နယ်လွှတ်တော် မဲဆန္ဒနယ် အမှတ် (၂) ကျေးသီး၊ ညောင်ရွှေမြို့နယ် ပြည်နယ်လွှတ်တော် မဲဆန္ဒနယ် အမှတ် (၁) ညောင်ရွှေ၊ မိုင်းရှူးမြို့နယ် ပြည်နယ်လွှတ်တော် မဲဆန္ဒနယ် အမှတ် (၁) မိုင်းရှူး၊ မိုင်းရှူးမြို့နယ် ပြည်နယ်လွှတ်တော် မဲဆန္ဒနယ် အမှတ် (၂) မိုင်းရှူး ဥက္ကဋ္ဌ ပြည်ထောင်စုရွေးကောက်ပွဲ ကော်မရှင်တွေဖြစ်ပါတယ်။
VOA Burmese News


မြ၀တီ၊ မတ်၂၃

ခင်ပွန်းဖြစ်သူမှ ဇနီးဖြစ်သူအား ကြိုးချည်ပြီးဝါးရင်းတုတ်ဖြင့်ရိုက်နှက်ခဲ့ပြီးနောက် သေနတ်ဖြင့်ပါချိန်းခြောက်ကြောင်း ဇနီးဖြစ်သူနှင့်သူငယ်ချင်းဖြစ်သူတို့၏ပြောပြချက်အရ မြ၀တီမြို့မရဲစခန်းမှရဲတပ်ဖွဲ့ဝင်များကသွားရောက်ရှာဖွေရာ တရားခံဟုစွပ်စွဲခံရသူ အောင်ဆန်းထွန်းအိမ်မှလက်နက်များသိမ်းဆည်းရမိခဲ့ကြောင်းသိရသည်။

ဖြစ်စဉ်မှာ မတ်လ(၂၁)ရက်နေ့ ၊ ည(၀၉း၃၀)အချိန်ခန့်က မြ၀တီမြို့၊ အမှတ်(၅)ရပ်ကွက်၊ ပတ္တမြားဆီဆိုင်လမ်း၊ ရှမ်းလမ်းခွဲနေ မအေးပပ(ဘ)ဦးမြင့်ဆွေ(၃၄)နှစ်အား ၄င်း၏ခင်ပွန်းဖြစ်သူ အောင်ဆန်းထွန်း(ဘ)ဦးမောင်ငယ်(၄၄)နှစ် (လိပ်စာတူ)နေထိုင်သူမှ နေအိမ်တန်းလျား၌အတူရှိနေစဉ် မအေးပပ၏ ခန္ဓာကိုယ်အားကြိုးဖြင့်ချည်ပြီး ၀ါးရင်းဒုတ်ဖြင့်ရိုက်ခြင်း၊ လက်သီးဖြင့်ထိုးခြင်း၊ ခြေထောက်ဖြင့်ကန်ခြင်း၊ မိန်းမကိုယ်အင်္ဂါစပ်များအား ဆေးလိပ်မီးဖြင့်ထိုးခြင်း၊ ၀ဲဘက်လက်လက်ဖျံရိုးအားကျိုးသည်အထိရိုက်နှက်ခြင်း၊ ခေါင်းနောက်စေ့ဖူးရောင်ဒဏ်ရာ၊ နဖူးတွင်ဖူးရောင်ဒဏ်ရာ၊ ၀ဲဘက်ခြေထောက်ခြေကျင်းဝတ်ဖူးရောင်ဒဏ်ရာများရရှိအောင်ရိုက်နှက်သဖြင့် မြ၀တီမြို့ပြည်သူ့ဆေးရုံတွင်တင်ပို့ကုသထားရကြောင်းသိရသည်။


အခင်းဖြစ်ရပ်နှင့်ပတ်သက်၍ အောင်ဆန်းထွန်းမှာ သေနတ်အားဆောင်ထားလေ့ရှိပြီး မအေးပပအား ပစ်သတ်မည်ဟုခြိမ်းခြောက်ခဲ့ပြီး ၄င်းသေနတ်ကိုင်ဆောင်ခြိမ်းခြောက်သည်ကို မအေးပပ၏သူငယ်ချင်းဖြစ်သူ မသီတာထွန်း(၃၅)နှစ်(ဘ)ဦးတင်ထွန်းမှသိရှိတွေ့မြင်သဖြင့် မြ၀တီမြို့မရဲစခန်းသို့သွားရောက်အကြောင်းကြားရာ မြ၀တီမြို့မရဲစခန်းမှ မတ်လ(၂၅)ရက်နေ့ ၊ ညနေ(၀၆း၃၀)အချိန်ခန့်တွင် မြို့မရဲစခန်းမှ ဒုရဲအုပ်သိန်းကြွယ်စိုး၊ နယ်ထိန်းရဲတပ်ကြပ် တင်နိုင်ဝင်း၊ ရဲဒုတပ်ကြပ်အောင်ကိုကို၊ ရဲဒုတပ်ကြပ်ဇော်မင်းထွန်း၊ သက်သေအမှတ်(၅)ရပ်ကွက် ဆယ်အိမ်မှူး ဦးကျော်စိုး၊ ဦးဌေးစိုးတို့နှင့်အတူ မြ၀တီမြို့၊ အမှတ်(၅)ရပ်ကွက်၊ ရှမ်းလမ်းခွဲ(မြတ်လင်းအေးမြိုင်လမ်း)နေ အောင်ဆန်းထွန်း၏နေအိမ်သို့ဝင်ရောက်ရှာဖွေရာ အောင်ဆန်းထွန်းအား ၄င်းနေအိမ်ဧည့်ခန်းတွင်အသင့်တွေ့ရှိရပြီး နေအိမ်အတွင်းဆက်လက်ရှာဖွေရာ နေအိမ်ဧည့်ခန်းထောင့်တွင် အရှည်(၃)ပေ(၁၀)လက်မခန့်ရှိ သစ်သားဒင်တပ်ယမ်းထောင်း၍ ပစ်ခတ်ရသောတူမီးသေနတ်(၁)လက်၊ အရှည်(၅)ပေခန့်ရှိ သစ်သားဒင်တပ်ယမ်းထောင်း၍ ပစ်ခတ်ရသော တူမီးသေနတ်(၁)လက်၊ ပေါင်း တူမီးသေနတ်(၂)လက်တို့အား ထောင်လျက်တွေ့ရှိရပြီး အဆိုပါတူမီးသေနတ်နှင့်ပတ်သက်၍ အောင်ဆန်းထွန်းအားမေးမြန်းရာ ၄င်းသေနတ်များသည် တောင်ယာတဲတွင်ကိုင်ဆောင်သည့်တူမီးသေနတ်များဖြစ်ကြောင်း သက်သေများရှေ့ပြောပြပေးအပ်သဖြင့် ရှာဖွေပုံစံရေးသွင်းသိမ်းဆည်းပြီး တူမီးသေနတ်တရားမ၀င်လက်ဝယ်ထားကိုင်ဆောင်သူ အောင်ဆန်းထွန်းအား ဒုရဲအုပ်သိန်းကြွယ်စိုးမှ တရားလိုပြုလုပ်ကာ မြ၀တီမြို့မရဲစခန်းမှ (ပ)၂၆၈။၂၀၁၇၊ လက်နက်-၁၉(စ)အရအမှုဖွင့်အရေးယူထားကြောင်းသိရသည်။

တင်ဝင်းလှိုင်(ကော့ကရိတ်)
Myanmaalinn
https://www.facebook.com/MYANMAALINNNEWS/



လက်ပံတောင်းကြေးနီစီမံကိန်း ကျောက်သယ်ထုတ်လုပ်မှု။
သေနတ်နဲ့ ပစ်ခတ်မှုတွေဖြစ်ပွားတဲ့အထိ တင်းမာမူတွေဖြစ်ပွားခဲ့ပြီး ၂ရက်အကြာ မှာတော့လက်ပံတောင်းတောင်ကြေးနီစီမံကိန်းမှာ အသုံးပြုတဲ့ကျောက် ကျောက်သယ်ဆောင်တဲ့ ကားတွေကို ကျောက် ထုတ်လုပ် သယ်ယူခွင့် ခွင့်ပြုချက်မရပဲ သယ်ဆောင် ထုတ်ယူမူတွေ လုပ်တာကြောင့်ဆိုပြီး စစ်ကိုင်းတိုင်းအစိုးရအဖွဲ့ ရဲ့ ညွန်ကြားချက်အရ ကျောက်သယ် ထုတ်လုပ်မူတွေကို အကန့်အသတ်မရှိ ပိတ်သိမ်းလိုက်ပါတယ်။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးမာသတင်းပေးပို့ထားပါတယ်။

စစ်ကိုင်းတိုင်း ဆားလင်းကြီးမြို့နယ်ထဲက လက်ပံတောင်းတောင် ကြေးနီစီမံကိန်းက လုပ်ငန်းခွင်သုံးကားတွေ ကျောက်သယ်ဆောင်တဲ့ ကားတွေကို ဖေဖေါ်ဝါရီ ၂၁ရက်နေ့ကတည်း ဒေသခံတွေက တားဆီးထားပြီး ထွက်ခွာခွင့်မပေးတာကြောင့် အစိုးရပိုင်း ကတာဝန်ရှိသူတွေက လာရောက် ညှိနှိုင်းပေးခဲ့ရတဲ့အထိ တင်းမာမူဖြစ်ခဲ့တာပါ။

အဲ့ဒီလိုဖြစ်ခဲ့ပြီ်း တလကျော်ကြာတဲ့အချိန် မတ်လ၂၄ရက်နေ့ သောကြာနေ့ ကတော့ ကျောက်သယ်ဆောင်တဲ့ ကားတွေကို ဒေသခံတွေက တားဆီးရာကနေ နှစ်ဖက်တင်းမာမူဖြစ်ပြီး သေနတ်တွေနဲ့ပစ်ခတ်မူတွေဖြစ်ခဲ့ပါတယ်။

ဒီအတွက် တရားဥပဒေစိုးမိုးရေးနဲ့ ရပ်ရွာတည်ငြိမ်အေးချမ်းမူတွေကို ပျက်ပြားစေတယ် ဆိုပြီး စစ်ကိုင်းတိုင်းအစိုးရအဖွဲ့ရဲ့ ညွန်ကြားချက်အရ ကျောက်သယ်ထုတ်လုပ်မူတွေကို မတ်လ ၂၆ ရက်နေ့ကစပြီး ပိတ်သိမ်းလိုက်ကြောင်း စစ်ကိုင်းတိုင်းဒေသကြီးပြည်သူလွှတ်တော်ကိုယ်စားလှယ် ဒေါက်တာသိန်းနိုင်ကပြောပါတယ်။

“တိုင်းဝန်ကြီးချုပ်ကိုယ်တိုင်ပိတ်တာပါ။ နဂိုကတည်းကလည်း ပြသနာတွေတက်ပြီး ကျနော်တို့ ညှိနှိုင်းမှုတွေ လုပ်ခဲ့ရတာကိုး။ ၂၅ရက်နေ့က တိုင်းဒေသကြီးအစိုးရရုံးမှာလေ။ ဒေသခံတွေက ကားအစီးရေ ၄၊ ၅၀၀ ကို တနေ့ ခြောက်ခေါက်လောက်ဆွဲတော့ ၂၅၀၀၊ ၃၀၀၀ လောက် အသွားအပြန်ပေါ့။ ဒီလမ်းကြီးက ဒေသခံတွေမှာ ပိတ်ဆို့ပြီးတော့ နွားတိုက်လိုက်၊ ပေါင်တွေကို ကျောက်တွေကလာ မှန်လိုက်နဲ့ ကျိုးလိုက် နောက် ဆိတ်တွေ သွားတိုက်လိုက် အဲ့လိုပြသနာတွေနဲ့ကြုံကြိုက်ရတယ်နော်။ ကျန်တဲ့ အများပြည်သူ ခရီးသွားတဲ့သူတွေသည် ပုသိမ်မုံရွာလမ်းမှာ ပိတ်ဆို့မှုတွေရော နောက် ရွာက ထွက်တဲ့အခါမှာ ရွာသူရွာသားတွေက ဒီကားတွေက ဝေါ၊ ဝေါ နဲ့ဆိုတော့ ဘာပဲပြောပြော စိုးရိမ်ကြောင့်ကြမှုတွေနဲ့ ပွတ်တိုက်တာတွေနဲ့ဆိုရင် ဒီအတိုင်း မဖြစ်ပါဘူးလို့ ပြောပါတယ်။ ဒါကြောင့် သူတို့အနေနဲ့ ဒါကို မဆွဲသင့်ဘူးပေါ့။”

ပြီးခဲ့တဲ့ရက်က ဒေသခံတွေနဲ့လုံခြုံရေးရဲဝန်ထမ်းတွေကြားမှာ သေနတ်တွေနဲ့ပစ်ခတ်တာ ၊လေးခွတွေနဲ့ ပစ်ခတ်တာတွေဖြစ်ခဲ့ပြီး နှစ်ဖက်ဒဏ်ရာရခဲ့တာပါ။ ဒီထဲမှာကျေးရွာသား ၁၀ဦးခန့်ကတော့ ရာဘာကျည်များ ထိမှန်ခဲ့ပါတယ်။ ဒီအတွက် ဒေသခံတွေက မတ်လ ၂၅ရက်နေ့က သပိတ်စခန်းဖွင့်ပြီး ဆန္ဒထုတ်ဖော်ခဲ့ရာကနေ ကျောက်သယ်ကားတွေကို အကန့်အသတ်မရှိ ပိတ်သိမ်းလိုက်တဲ့ စစ်ကိုင်းတိုင်းအစိုးရအဖွဲ့ရဲ့ ဆုံးဖြတ်ချက်ကြောင့် သူတိုရဲ့သပိတ်စခန်းကိုလည်း မတ်လ ၂၆ရက်နေညနေမှာ ရုပ်သိမ်းခဲ့တယ်လို့ပြောပါတယ်။

“ဆားလင်းကြီးမြို့နယ် အထွေထွေအုပ်ချုပ်ရေးမှူး ဦးအောင်မြင့်ထွန်းရဲ့လက်မှတ်ပါတယ်။ အဲ့တာကြောင့် သပိတ်စခန်းကို ခေတ္တ ခဏ ယာယီရုပ်သိမ်းလိုက်တာပါ။

ဒေသခံတွေ တောင်းဆိုတာကတော့ ကြေးနီစီမံကိန်းကြောင့်နစ်နာရတဲ့ သီးနှံလျော်ကြေးကိစတွေနဲ့ မြေယာနစ်နာကြေးကိစ္စတွေကို ဖြေရှင်းပေးဖို့အတွက် စစ်ကိုင်းတိုင်းအစိုးရအဖွဲ့ကို တောင်းဆိုထားတာပါ။တိုင်းဒေသကြီးအစိုးရအနေနဲ့ ဒီကိစ္စကို ဖြေရှင်းဖို့အတွက် မဖြစ်နိုင်ဘူးလို့ ဒေါက်တာသိန်းနိုင်ကဆက်ပြောပြပါတယ်။

“ သီးနှံ နစ်နာကြေးကိစ္စကတော့ ပုဒ်မ ၃၇ (က) နောက် ဖွဲ့စည်းပုံ ၂၀၁၂ လယ်ယာမြေဥပဒေ နည်းဥပဒေ (၆၆) ၂၀၁၇ အရတော့ ဒါ ပြည်ထောင်စုက ပြဌာန်းထားတာ။ ဒီမြေယာသည် နိုင်ငံတော်အကျိုးဌာ ကာလဒေသပေါက်ဈေး သိမ်းလို့ရတယ်ဆိုတော့ ဒါပြည်ထောင်စုအဆင့်ကနေ ဆုံးဖြတ်ရမယ်။ ပြည်ထောင်စုလွှတ်တော်ကို တင်ပြီး ဆုံးဖြတ်ရမယ် ဒါ သမ္မတရဲ့လုပ်ပိုင်ခွင့်ဆိုတော့ ဒီတိုင်းအနေနဲ့တော့ ဘာမှ လုပ်လို့မရဘူး။

လက်ပံတောင်းတောင်ကြေးနီစီမံကိန်းကြောင့် ဒေသခံတွေ ကန့်ကွက်ဆန္ဒပြမူတွေဖြစ်ပွားခဲ့တာပါ။ ၅နှစ်ကျော်ကြာခဲ့ပါပြီ။ အကြိမ်ပေါင်း ၃၀၀ထက်မနည်း ဆန္ဒပြခဲ့ပြီး သေနတ်နဲ့ပစ်ခတ်လို့ လူသေဆုံးရတဲ့အထိဖြစ်ပွားခဲ့ရတဲ့ ကြေးနီစီမံကိန်းဟာ ဒေသခံတွေရဲ့ ကန့်ကွက်မူတွေကို ဆက်တိုက်ကြုံနေရတာပါ။

ဖေဖေါ်ဝါရီ ၁၀ ရက်နေ့ နိုင်ငံတကာလူအခွင့်ရေးအဖွဲကြီးဖြစ်တဲ့ (Amnesty International) က ထုတ်ပြန်တဲ့ အစီရင်ခံစာ မှာတော့ လက်ပံတောင်းကြေးနီစီမံကိန်းကြောင့် ထောင်နဲ့ချီတဲ့ မိသားစုတွေဟာ ဒီစီမံကိန်း တိုးချဲ့မှုနဲ့အတူ အိုးအိမ်ရွှေ့ပြောင်းရတာ၊ လယ်ယာဆုံးရှုံးရတာတွေ နဲ့ လူအခွင့်ရေးးချိုးဖောက်မူတွေ ရှိနေတယ်လို့ ဖော်ပြထားတာပါ။ ဒီင်္အတွက်လက်ပံတောင်းတောင် ကြေးနီတူးဖေါ်ရေးလုပ်ငန်းကို ချက်ချင်း ရပ်ဆိုင်းပစ်ဖို့ အတွက် လူ့အခွင့်ရေး အဖွဲ့ကြီးက မြန်မာအာဏာပိုင်တွေကို တောင်းဆိုထားပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com


မန္တလေးမြို့ ခုတင် ၅၅၀-ဆံ့ကလေးဆေးရုံတွင် ၁၄ လ အကြာ တက်ရောက်ဆေးကုသမူ ခံယူနေသည့် ဆီးခုံခြင်းဆက် အမွှာကလေးများအား မတ်လ ၂၃ ရက် နေ့တွင် တစ်ဦးခြင်းဆီဖြစ်အောင် ခွဲစိတ်နိုင် ခဲ့ ပြီး ၎င်း တို့ အနက် အကြီးဆုံး ဖြစ်သူ မောင်ဝေယံ ငြိမ်း မှာ မတ်လ ၂၅ ရက် မွန်လွဲ ၂ နာရီ ခန့် တွင် သေဆုံးသွားကြောင်း သိရှိရသည်။
"ဆရာဝန်ကြီးတွေကလည် ဂရုတစိုက်ကုသပေးနေ တဲ့ကြားထဲက အခုလိုဖြစ်သွားတာ သူရဲ့ ကံက ဒီ လောက်ပဲပါတယ်လိုထင်ပါတယ် ဆရာဝန်ကြီးတွေ ဝမ်းနည်းနေတဲ့ကြားက ကျန်ခဲ့တဲ့ သားငယ်လေး ကို ပိုချစ်ပြီး ပိုဂရုစိုက်ပေးကြမယ်လို လာပြီးအားပေး ကြပါတယ်" ဟု ကလေး၏ မိခင်ဖြစ်သူ ဒေါ်မာလာ စန်းကပြောသည်။
အဆိုပါသေဆုံးသွားသည့် မောင်ဝေယံငြိမ်းကို မတ် လ ၂၆ ရက် မွန်လွဲပိုင်းတွင် အေးရိပ်ငြိမ်းသုသန်သို့ သွားရောက်ပို့ဆောင် သင်္ဂြိုလ် ပေးခဲ့ပြီး လက်ရှိတွင် ကျန်ရှိနေသော အငယ်ဆုံးကလေး ဖြစ် သည့် မောင်ဝေယံဟိန်းမှာ ကျန်မားရေအခြေနေကောင်းမွန် လျှက်ရှိပြီး ရေစတင်သောက်နေပြီးဖြစ်ကြောင်း သိရ သည်။
ယင်းကဲ့သို့ ဆီးခုံခြင်းဆက်ကလေးငယ် ကို တစ်ဦးစီဖြစ်စေရန် ၁၄-နာရီ ၃၅-မီနစ်ကြာခွဲစိတ်ခဲ့ပြီး ခွဲစိတ်ခန်းမှ ထိုည ၁၀-နာရီခွဲတွင် အထူးကုသကြပ်မတ်ဆောင်သို့ ရွှေ့ပြောင်းပေး ခဲ့ခြင်း ဖြစ်ကြောင်း မတ်လ ၂၄ ရက်နေ့က ပြုလုပ်ခဲ့ သည့် သတင်းစာရှင်းလင်းပွဲတွင် အထူးကုဆရာဝန်ကြီး(ခွဲစိတ်) တွဲဖက်ပါမောက္ခဒေါက်တာမောင်မောင်လွင်ကပြော
ကြား ခဲ့သည်။
“အရေးကြီးဆုံးဖြစ်တဲ့ တစ်ဦးချင်းစီခွဲစိပ်မှုပြီးသွား ပေမဲ့ အူမကြီးကတစ်ချောင်းထဲပါတော့ လိုသလို ခွဲစိပ်ပြီး ခွဲတမ်းချပေးခဲ့တယ်။ပုံမှန်စအိုဝက ၀မ်းသွားနိုင်အောင် တစ်ယောက်ချင်းစီ ခွဲစိပ်ပေးရမှာက အနည်းဆုံး၂-လခြာပြီးမှခွဲစိပ်ပေးရမယ်။ စအိုဝဖေါက်ပြီးသွား ရင်လည်း ယာယီအလုပ်လုပ်နေရတဲ့ အူမကြီးလမ်းကြောင်း လွှဲထားတာတွေ ပြန်ကောင်းရင် ပြန်ပိတ်ပေး ရအုံးမယ်။မေဂျာ ၂-ဆင့် ၃-ဆင့် လုပ်ပေးဖို့ကျန်သေးတယ်။ နောက်ထပ် ၅-လလောက် ဆေးရုံမှာ ပြုစုစောင့် ရှောက်ပေးရအုံးမယ်။”ဟု ၄င်းကဆက်လက်ပြောသည်။
ဆက်လုပ်ဆောင်ရမည့် ခွဲစိတ်မှုများတွင် အရေးကြီးပြီး ကလေးငယ်များ၏ ဝှေးစေ့မှာ ပေါင်းခြံ အတွင်း သားတွင် ရှိနေသဖြင့် နေရာမှန်ရောက်အောင် ခွဲစိတ်ပေးရမှာဖြစ်ကြောင်း၊တစ်ဦး၏ ဝှေးစေ့ ၂-ခုကို ကပ်ပယ်အိတ်နေရာ၌ တခါ တည်းနေရာချပေးနိုင်သော်လည်းတစ်ဦးတွင် တစ်လုံးတည်းသာ နေရာပေး နိုင်သေးသဖြင့် ၄င်းအတွက် ခွဲစိတ်ကုသမှုဆက်လက်လုပ်ဆောင်ရမည်ဖြစ်ကြောင်းအဆိုပါ သတင်းစာရှင်းလင်းပွဲမှ သိရသည်။
ယင်းကဲ့သို့ မောင်ဝေယံငြိမ်း သေဆုံးမူနှင်ပါတ်သက်
၍ အကြောင်းအရာ အပြည့်အစုံ သိရှိနိုင်ရန် အဆိုပါ ဆေးရုံကြီးသို့သွားရောက် မေးမြန်းရာတွင် ဆေးရုံ အုပ်ကြီးမှ လာမည့် မတ်လ ၂၈ ရက်နေတွင် ပြန် လည် လာရောက်တွေ့ဆုံရန် ပြောကြား ထား ကြောင်းယင်းဆေးရုံမှ တာဝန် ရှိသူတစ်က ဖြေကြားပေးခဲ့သည်။

မင်းထက်အောင် ( မန်းကိုယ်ပွား )
Myanmaalinn
https://www.facebook.com/MYANMAALINNNEWS



ကချင်ပြည်နယ် မြစ်ကြီးနားမြို့ စုပေါင်းရုံး အစည်းအဝေးခန်းမမှာ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာ ဝင်းမြတ်အေးကို မတ်လ ၄ ရက်နေ့က တွေ့ရစဉ်။ Photo: Kyaw Myo Min/RFA
ရခိုင်ပြည်နယ်တွင်း အလုပ်အကိုင်အခွင့်အလမ်းတွေပေါ်ပေါက်လာဖို့အတွက် ရခိုင်ပြည်နယ်တည်ငြိမ် အေး ချမ်းရေးနဲ့ ဖွံဖြိုးတိုးတက်ရေး ဗဟိုကော်မတီက အထည်ချုပ်လုပ်ငန်းတွေ အကောင်အထည် ဖော်နေတယ်လို့ သိရပါတယ်။

အသက်မွေးဝမ်းကြောင်းပညာတွေကို ဦးစားပေးဆောင်ရွက်နေပြီး အထည်ချုပ်လုပ်ငန်းတွေ စတင်ဖော်ဆောင်နေ ပြီလို့ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဝင်းမြတ်အေး က ပြောပါတယ်။

"အသက်မွေးဝမ်းကြောင်းပညာတွေတက်အောင် ဦးတည်ဆောင်ရွက်နေပါတယ်။ Smart အဖွဲ့နဲ့ပူးပေါင်းပြီး အထည်ချုပ်စက်ရုံလုပ်တယ် အဲ့မှာ လုပ်သား ၁၀၀ လောက်အလုပ်ရကြတယ်။ တချို့လည်းဒီမှာ အလုပ်ပြန်လာလုပ်ကြတာတွေရှိတယ်။ စစ်တွေ ပတ်ဝန်းကျင်က အများကြီး အလုပ်တွေ ရကြတာပေါ့ အခုက စဖော်ဆောင်နေပါပြီ"

ဒေသတွင်းပြန်လည်နေရာချထားရေးလုပ်ငန်းတွေအတွက် စစ်တွေ၊ ရမ်းဗြဲနဲ့ ကျောက်ဖြူ မြို့နယ်တွေက ဒုက္ခသည်စခန်းတွေကို သွားရောက်ခဲ့ပြီး ဒုက္ခသည်တွေနဲ့ တွေ့ဆုံဆွေးနွေးတာတွေ ဆောင်ရွက်ခဲ့တယ်လို့လည်း သိရပါတယ်။

ရခိုင်ပြည်နယ်တည်ငြိမ် အေးချမ်းရေးနဲ့ ဖွံဖြိုးတိုးတက်ရေး ဗဟိုကော်မတီအောက်က လုပ်ငန်းကော်မတီ တစ်ခု ဖြစ်တဲ့ ဒေသတွင်းပြန်လည်နေရာချထားရေးနဲ့ လူမှုစီးပွားဖွံဖြိုးတိုးတက်ရေး လုပ်ငန်းကော်မတီအဖွဲ့က အကောင်အထည်ဖော်ဆောင်ရွက်နေတာဖြစ်ပြီး ဒေသတစ်ခုလုံး ဖွံဖြိုးတိုးတက်ရေးအတွက် ၅ နှစ် စီမံကိန်းကိုလည်း ရေးဆွဲဖော်ဆောင်ဖို့ စီစဉ်နေပါတယ်။

RFA Burmese
http://www.rfa.org/burmese

Author Name

Contact Form

Name

Email *

Message *

Powered by Blogger.