03/29/17


တရုတ်မြန်မာနယ်စပ် လုံခြုံရေးတပ်ဖွဲ့ဝင်တဦးကို တွေ့ရစဉ်
တရုတ်မြန်မာနယ်စပ် လုံခြုံရေးတပ်ဖွဲ့ဝင်တဦးကို တွေ့ရစဉ်
မကြာသေးခင်က တိုင်းရင်းသားလက်နက်ကိုင်တွေနဲ့ ပဋိပက္ခ ဖြစ်ပွားရာ မြန်မာ-တရုတ်နိုင်ငံ နယ်စပ်ဒေသမှာ တရုတ်စစ်တပ်က ဒီကနေ့ပဲ စစ်ရေးလေ့ကျင့်မှုတွေပြုလုပ်ခဲ့ပါတယ်။ တရုတ်ပြည်သူ့တပ်မတော်ရဲ့ နှစ်စဉ်စစ်ရေးလေ့ကျင့်မှု တစိတ်တပိုင်းအဖြစ် တရုတ်နိုင်ငံ တောင်ပိုင်းမှာ ကျည်အစစ်တွေနဲ့ စစ်ရေးလေ့ကျင့်မှုတွေ ပြုလုပ်ခဲ့ကြကြောင်း အစိုးရပိုင် ဆင်ဟွာသတင်းက ဖော်ပြပါတယ်။

ကြည်း၊ ရေ၊ လေ ပူးတွဲစစ်ဆင်ရေးကိုတော့ အမျိုးသားလုံခြုံရေးနဲ့ နယ်စပ်ဒေသလုံခြုံရေးကို ရည်ရွယ်ပြီးလေ့ကျင့်ခဲ့တာလို့လည်း စစ်ဆင်ရေးကို ကြီးကြပ် ကွပ်ကဲနေတဲ့ တရုတ်စစ်တပ်က ဗိုလ်မှူးကြီး Fang Xin ပြောဆိုခဲ့ပါတယ် စစ်ဆင်ရေးမတိုင်မီ မြန်မာအာဏာပိုင်တွေကို အကြောင်းကြားထားခဲ့ကြောင်းလည်း သတင်းမှာ ဖော်ပြထားပါတယ်။

မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က တရုတ်နိုင်ငံ နယ်စပ်ဒေသက တိုက်ပွဲတွေအပါအ၀င် တိုင်းရင်းသားဒေသက လက်နက်ကိုင် ပဋိပက္ခတွေက တိုင်းပြည် အချုပ်အခြာအာဏာကို ခြိမ်းခြောက်မှုတရပ်အဖြစ် မနေ့တုန်းက တပ်မတော်နေ့အခမ်းအနားမှာ ပြောဆိုခဲ့ပြီး နောက်တနေ့မှာပဲ တရုတ်နိုင်ငံက စစ်ရေးလေ့ကျင့်မှုတွေ ပြုလုပ်ခဲ့တာဖြစ်ပါတယ်။
VOA Burmese News



 ဒေသခံ လူမျိုးစု ပါတီတွေလည်း အပြိုင် ရွေးကောက်ခံ
လာမယ့် ဧပြီလ ၁ ရက်နေ့ ဆိုရင် ကြားဖြတ် ရွေးကောက်ပွဲ ကျင်းပတော့မှာပါ။

ရန်ကုန်၊ ရခိုင်၊ ရှမ်း၊ ချင်း၊ မွန်၊ စစ်ကိုင်း စတဲ့ မြန်မာပြည် အနှံ့ အရပ်ဒေသတွေက မြို့နယ်ပေါင်း ၂၂ မြို့နယ်မှာ ကျင်းပမှာပါ။

မဲဆန္ဒနယ်ပေါင်း ၁၉ နေရာအတွက် ကျင်းပမှာ ဖြစ်ပြီး၊ မြို့နယ် အနေနဲ့က ၂၂ မြို့နယ် ရှိနေပါတယ်။

ပြည်ထောင်စု အဆင့် လွှတ်တော် နှစ်ရပ်စလုံးနဲ့ ဒေသန္တရ လွှတ်တော်တွေမှာ လစ်လပ် နေရာတွေ အသီးသီး ရှိနေလို့ ကြားဖြတ် ရွေးကောက်ပွဲ လုပ်တာ ဖြစ်ပါတယ်။

ဒီ ကြားဖြတ် ရွေးကောက်ပွဲ အတွင်း ၂၄ ပါတီက ကိုယ်စားလှယ်လောင်း ၉၄ ဦး ဝင်ရောက် ယှဉ်ပြိုင်ကြမှာ ဖြစ်ပြီး၊ အဓိက ပါတီကြီးတွေ ဖြစ်တဲ့ NLD နဲ့ ကြံ့ခိုင်ရေးတို့ အင်တိုက်အားတိုက် ဝင်အရွေး ခံကြမှာ ဖြစ်သလို၊ တိုင်းရင်းသား ဒေသတွေ မှာလည်း ဒေသခံ လူမျိုးစု ပါတီတွေလည်း အပြိုင် ရွေးကောက်ခံမှာ ဖြစ်ပါတယ်။

ဒ်ါအောင်ဆန်းစုကြည်ရဲ့ ပြည်သူ့လွှတ်တော် နေရာ လစ်လပ် နေ
ဘာလို့ ကြားဖြတ် ရွေးကောက်ပွဲ ကျင်းပ ရတာလဲ

ပြည်ထောင်စု အဆင့် လွှတ်တော် နှစ်ရပ်စလုံးနဲ့ ဒေသန္တရ လွှတ်တော်တွေမှာ လစ်လပ် နေရာတွေ အသီးသီး ရှိနေပါတယ်။

လစ်လပ်ရတဲ့ အဓိက အကြောင်းတွေထဲ အဲဒီ မဲဆန္ဒနယ်က အမတ်တွေ အုပ်ချုပ်ရေး ရာထူး ယူလိုက် တာမျိုး ဒါမှမဟုတ် ၂၀၁၅ တုန်းက လုံခြုံရေး အခြေအနေအရ ရွေးကောက်ပွဲ မကျင်းပ နိုင်ခဲ့တာမျိုး တွေကြောင့်ပါ။

ဥပမာ ပြောရရင် ဒေါ်အောင်ဆန်းစုကြည် နိုင်ငံခြားရေး ဝန်ကြီး တာဝန်ကို ယူပြီး အစိုးရ ကက်ဘိနက်ထဲ ပါဝင်လာတဲ့ အတွက် ကော့မှူး မဲဆန္ဒနယ်က ဒေါ်အောင်ဆန်းစုကြည်ရဲ့ ပြည်သူ့လွှတ်တော် နေရာ လစ်လပ် နေသလို၊ ရှမ်းပြည်နယ်ထဲက ကျေးသီးနဲ့ မိုင်းရှူး နယ်တွေမှာလည်း ၂၀၁၅ တုန်းက ရွေးကောက်ပွဲ မလုပ်နိုင်ခဲ့လို့ အခုလို ကြားဖြတ် ရွေးကောက်ပွဲ ကျင်းပရမှာ ဖြစ်ပါတယ်။
 မြို့နယ်ပေါင်း ၂၂ မြို့နယ်မှာ ကျင်းပ
အကြိတ်အနယ် ရှိနိုင်မယ့် စိတ်ဝင်စားဖွယ် မဲဆန္ဒနယ်တွေ

၂၀၁၇ ကြားဖြတ်ရွေးကောက်ပွဲ ရန်ကုန်၊ ရခိုင်၊ ရှမ်း၊ ချင်း၊ မွန်၊ စစ်ကိုင်း စတဲ့ မြန်မာပြည် အနှံ့ အရပ်ဒေသတွေက မြို့နယ်ပေါင်း ၂၂ မြို့နယ်မှာ ကျင်းပမှာပါ။

ဒီထဲကမှ တချို့ မဲဆန္ဒနယ်တွေ ဆိုရင် ထူးခြားတဲ့ အချက်တွေ ရှိနေလို့ စိတ်ဝင်စားဖို့ ကောင်းပြီး၊ ကိုယ်စားလှယ်လောင်းတွေ အနေနဲ့လည်း အကြိတ်အနယ် ယှဉ်ပြိုင်ရ နိုင်ပါတယ်။

ဥပမာ ရှမ်းပြည်နယ်၊ မိုင်းရှူးမြို့နယ်ထဲ မှာဆိုရင် ကြားဖြတ်ရွေးကောက်ပွဲ အကြိုကာလမှာ ကတည်းက NLD ပါတီဘက်က တချို့ ကျေးရွာ အုပ်စုတွေမှာ မဲဆွယ်တဲ့ အခါ အကန့်အသတ်တွေ တွေ့ရလို့ မဲရုံတချို့ ဖျက်သိမ်း ပေးဖို့ တောင်းဆို ခဲ့တာမျိုးတွေ ရှိလာပါတယ်။

ဒါပေမယ့်လည်း ပြည်နယ် ရွေးကောက်ပွဲ ကော်မရှင်ဘက်က စိစစ် သုံးသပ်တာတွေ ပြုလုပ်ပြီး ပယ်ဖျက်တာမျိုးထိ မလုပ်ပဲ မဲရုံတချို့ကို နေရာရွှေ့တာမျိုးတွေ ပြုလုပ် ပေးခဲ့ပါတယ်။.

ရခိုင်ပြည်နယ်၊ အမ်းမြို့နယ်မှာ ဆိုရင်လည်း ရခိုင်အမျိုးသားပါတီ ANP ရဲ့ ခေါင်းဆောင် ဒေါက်တာအေးမောင် ဝင်ရောက် ယှဉ်ပြိုင်မှာ ဖြစ်လို့ NLD ပါတီ၊ ကြံ့ခိုင်ရေးပါတီတို့နဲ့ အကြိအနယ် ဖြစ်လာနိုင်ပြီး တသီးပုဂ္ဂလ ဝင်အရွေးခံမယ့် ကိုယ်စားလှယ်လောင်းလည်း ရှိနေပါတယ်။

တခါ၊ မွန်ပြည်နယ်ကို ကြည့်ရင်လည်း သံလွင်မြစ်ကူး တံတား နာမည် ကိစ္စနဲ့ ပတ်သက်ပြီး ဒေသခံတွေရဲ့ ဆန္ဒပြမှုတွေ ရှိခဲ့တဲ့ ချောင်းဆုံမြို့နယ် မှာလည်း ကြားဖြတ်ရွေးကောက်ပွဲ ရလာဒ် အပေါ်မှာပါ ရိုက်ခတ် သက်ရောက်မှုတွေ ရှိလာမလား ဆိုတာကလည်း စိတ်ဝင်စားဖွယ် ဖြစ်နေပါတယ်။

BBC Burmese
http://www.bbc.com/burmese


ဂျာမနီ နိုင်ငံ ဘာလင် မြို့တော် က ပြတိုက် တစ်ခု မှာ ပြသ ထားတဲ့ ကမ္ဘာ့ အကြီးဆုံး ရွှေ ဒင်္ဂါး ပြားကြီး ကို သူခိုး တွေက ခိုးယူ သွား ခဲ့ကြပါတယ်။

ဘိုးဒါး ပြတိုက်မှာ ပြသထားတဲ့ အလေးချိန် ကီလို တစ်ရာ နီးပါး ရှိပြီး ဖိတ်ဖိတ် တောက်နေတဲ့ ရွှေဒင်္ဂါး ပြား ကြီး ကို မတ်လ ၂၇ ရက် မနက်ပိုင်း အချိန်မှာ သူခိုး တွေက ခိုး သွားခဲ့ကြတာပါ။

ပြတိုက် ရဲ့ အချက်ပေး စနစ် ကို သူခိုး တွေက ဘယ်လို ကျော်ဖြတ် ခဲ့ကြသလဲ ဆိုတာ ကတော့ အခုချိန် အထိ ရှင်းရှင်းလင်းလင်း မသိရသေးပါဘူး။

ရွှေဒင်္ဂါးပြားကြီးရဲ့ ခေါင်းဘက် မှာ ဗြိတိန် အဲလိဇဘက် ဘုရင်မကြီး ရဲ့ ပုံကို သွန်းလုပ် ထားတာ ဖြစ်ပြီး ပန်းဘက် မှာတော့ မေပယ် အရွက် ပုံ သွန်း လုပ် ထားပြီး မေပယ် ရွက်ကြီး လို့ နာမည် ပေးထားတာ ဖြစ်ပါတယ်။

အဲဒီ့ ကမ္ဘာ့ အကြီးဆုံး ရွှေဒင်္ဂါး ပြားကြီး ဟာ ကာလ ပေါက်ဈေး နဲ့ ဆိုရင် အမေရိကန် ဒေါ်လာ လေးသန်း လောက် တန်ကြေး ရှိကြောင်း ပြတိုက် တာဝန် ရှိသူ တွေက ပြောကြားပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese



ဥပဒေ နဲ့ အညီ တားဆီး ပိတ်သိမ်း ရေး ဆွေးနွေး ကြဖို့ ကုလသမဂ္ဂ လုံခြုံရေး ကောင်စီမှာ နိုင်ငံပေါင်း ၁၂၀ ကျော် က အဆိုပြု တင်ပြ
ကုလသမဂ္ဂ လုံခြုံရေး ကောင်စီမှာ လုပ်တဲ့ နျူကလီးယား လက်နက် တွေ ပိတ်သိမ်းရေး ဆွေးနွေးမှု ကို အမြဲတမ်း အဖွဲ့ဝင် နိုင်ငံတွေက လက်တွေ့မကျတဲ့ ဆွေးနွေးမှု လို့ ဆိုကာ ကန့်ကွက် ခဲ့ကြပါတယ်။

နျူကလီးယား လက်နက် တွေကို ဥပဒေ နဲ့ အညီ တားဆီး ပိတ်သိမ်း ရေး ဆွေးနွေး ကြဖို့ ကုလသမဂ္ဂ လုံခြုံရေး ကောင်စီမှာ နိုင်ငံပေါင်း ၁၂၀ ကျော် က အဆိုပြု တင်ပြ ခဲ့ကြတာ ဖြစ်ပါတယ်။

နျူကလီးယား ဖျက်သိမ်း ရေး နဲ့ နိုင်ငံ လုံခြုံရေးဟာ အချိတ်အဆက် ရှိပါတယ်။ အခုချိန်မှာ နျူကလီးယား ခြိမ်းခြောက်မှုတွေ ရှိနေတဲ့ အတွက် လက်နက် ဖျက်သိမ်း ရေး အတွက် နိုင်ငံတကာ ရဲ့ သဘောတူညီဖို့ လိုအပ်ကြောင်း ဂျပန် သံအမတ်ကြီး နိုဘူရှီဂေ တာကာမီဇာဝါ က ပြောပါတယ်။

လုံခြုံရေး ကောင်စီမှာ ဆွေးနွေးမဲ့ အစီအစဉ် က နျူကလီးယား လက်နက်တွေကို ဥပဒေနဲ့ အညီ ကန့်သတ် နိုင်မဲ့ လှုပ်ရှားမှု တစ်ခု ဖြစ်ကြောင်း ကမ္ဘာ့ နိုင်ငံ အများ အပြား က ယူဆ နေကြတာ ဖြစ်ပါတယ်။

ဒါပေမယ့် မြောက်ကိုရီးယား လို နိုင်ငံမျိုး က ကုလသမဂ္ဂ ရဲ့ သဘောတူညီချက် တွေကို လိုက်နာမှာ မဟုတ်တဲ့ အတွက် အခု ဆွေးနွေးမှု က အဖြစ်မှန် နဲ့ ဆန့်ကျင် နေကြောင်း အမေရိကန် နိုင်ငံ ဆိုင်ရာ သံအမတ် နစ်ကီ ဟယ်လေး က ပြောကြား သွား ပါတယ်။

BBC Burmese
http://www.bbc.com/burmese



ဆဲလ်ဖီ (Selfie) ရိုက်နေသူ တစ်ဦးအား တွေ့ရစဉ် (ဓါတ်ပုံ-အင်တာနက်)
    မက္ကဆီကို စီးတီး၊ မတ် ၂၈ ရက် (ဆင်ဟွာ)

    မက္ကဆီကိုနိုင်ငံ မြောက်ပိုင်း ရှိ လေယာဉ်ပြေးလမ်းတစ်ခု၏ အပြင်ဘက် ၌ ဆဲလ်ဖီ (Selfie) ရိုက်နေသော မက္ကဆီကို မိန်းကလေးနှစ်ဦးအား လေယာဉ်ငယ်တစ်စီး က ဝင်ရောက်တိုက်မိခဲ့၍ သေဆုံးခဲ့ကြောင်း သတင်းဋ္ဌာနတစ်ခု က မတ်လ ၂၇ ရက်တွင် ဖော်ပြခဲ့သည်။

အဆိုပါ ဝမ်းနည်းဖွယ် မတော်တဆမှုသည် နိုင်ငံမြောက်ပိုင်း ချီဟွာဟွာပြည်နယ်၊ ချီနီပါ့စ်မြို့တွင် မတ်လ ၂၅ရက် နေ့လည်ပိုင်းက ဖြစ်ပွားခဲ့ခြင်းဖြစ်ပြီး သေဆုံးသူ နှစ်ဦးအား ယင်းနေ့ ညနေပိုင်း၌ပင် မြေမြှုပ်သဂြိုလ်ခဲ့ကြောင်း ပြည်တွင်းနေ့စဉ်သတင်းစာ El Heraldo de Chihuahua က ဖော်ပြခဲ့သည်။

အသက် ၁၈ နှစ် နှင့် ၁၇နှစ် အရွယ် Nitzia Mendoza နှင့် Clarissa Morquecho အမည်ရှိ မက္ကဆီကို မိန်းကလေးနှစ်ဦးသည် ကုန်တင်ကားတစ်စီးပေါ်တက်၍ ၎င်းတို့၏ မိုဘိုင်းဖုန်းများဖြင့် ဆဲလ်ဖီ (Selfie) ရိုက်နေစဉ်  လေယာဉ်တောင်ပျံနှင့် တိုက်မိ၍ သေဆုံးခဲ့ကြောင်း အခြားနေ့စဉ်သတင်းစာ တစ်စောင်ဖြစ်သည့် El Diario de Chihuahua ၏ ဖော်ပြချက်အရ သိရသည်။

အဆိုပါ မိန်းကလေးနှစ်ဦးသည် လေယာဉ်ပြေးလမ်း အပြင်ဘက် တစ်လျှောက် ကျင်းပနေသည့် မြင်းပြိုင်ပွဲသို့ လာရောက်ခဲ့ကြခြင်းဖြစ်ကြောင်း သတင်းစာ နှစ်ခုစလုံးကဖြော်ပခဲ့သည်။

အရေအတွက် အတိအကျဖော်ပြရန် ခက်ခဲသော်လည်း ကမ္ဘာတစ်ဝန်းတွင် ဆဲလ်ဖီ (Selfie) ရိုက်ကူးမှုကြောင့် ပြင်းထန်စွာ ဒဏ်ရာရရှိမှု (သို့) သေဆုံးသူ အများအပြားရှိခဲ့ကြောင်း သိရသည်။

(Xinhua)
http://www.xinhuamyanmar.com


နိုင်ငံခြားသားခရီးသည်တွေပါဝင်တဲ့ ငပလီကနေ ရန်ကုန်ကိုပြန်လာတဲ့ မီနီဘတ်အငှားယာဉ် တစ်စီးဟာ မတ်လ(၂၇)ရက် ညနေ (၄)နာရီခွဲက ဧရာဝတီတိုင်းနဲ့  ရခိုင်ပြည်နယ်စပ်ကြား မိုင်တိုင်(၁၈)မှာ အရှိန်မထိန်းနိုင်ဘဲ ချောက်ထဲကိုပြုတ်ကျမှု တစ်ခုဖြစ်ပွားခဲ့တယ်လို့  ဒေသခံမျက်မြင်သက်သေတွေရဲ့ ပြောပြချက်အရ သိရပါတယ်။

 အဲဒီအငှားယာဉ်ပေါ်မှာ နိုင်ငံခြားသား(၁၄)ဦး၊ မြန်မာနိုင်ငံသား(၃)ဦး ပါဝင်ခဲ့တာဖြစ်ပြီး အငှားယာဉ်မီနီဘတ်ဟာပေ(၈၀၀)ခန့်  အနက်ရှိတဲ့ ချောက်အတွင်းပြုတ်ကျခဲ့တာ ဖြစ်ပေမယ့် ချောက်အတွင်းဝါးရုံတောတွေခံနေခဲ့တဲ့အတွက် ပေ(၅၀)လောက်သာပြုတ်ကျခဲ့ပြီး သေဆုံးမှုမရှိဘဲ ထိခိုက်ဒဏ်ရာအနည်းငယ်လောက်ဘဲရရှိခဲ့တယ်လို့  သိရပါတယ်။


 နိုင်ငံခြားသား(၁၄)ဦး ကတော့ ရန်ကုန်ဘက်ကိုပြန်လာတဲ့ခရီးသွားကားတွေက ခေါ်သွားခဲ့ပြီး မြန်မာ(၃)ဦးကလည်း ကားကြုံတွေနဲ့ ပြန်လည်လိုက်ပါခဲ့ပါတယ်။ မီနီဘတ်ယာဉ်မောင်းကိုတော့ မတွေ့ ရတော့ဘူးလို့  မီနီဘတ်အငှားယာဉ်နဲ့ လိုက်ပါလာတဲ့မြန်မာလူငယ်တစ်ဦးက ပြောပြခဲ့တာကို ဒေသခံမျက်မြင် ခရီးသွားတစ်ဦးဖြစ်တဲ့ ကိုကျော်စွာဦးက ပြောပါတယ်။

အခုလိုမတော်ဆမှုဖြစ်ပွားခဲ့တဲ့နေရာဟာလည်း တောင်ဆင်းတောက်တက်တွေနဲ့ အကွေ့အကောက်တွေ များပြားတဲ့အတွက် ကျွမ်းကျင်တဲ့ယာဉ်မောင်းတွေနဲ့သာ လာရောက်သင့်တယ်လို့  ဒေသခံတွေက ဆိုပါတယ်။ အခုဖြစ်စဉ်နဲ ပတ်သတ်ပြီးတော့လည်း သက်ဆိုင်ရာမြို့နယ်ရဲစခန်းကနေလည်း အရေးယူဆောင်ရွက်မှုတွေပြုလုပ်နေပါတယ်လို့ သိရပါတယ်။ ဒီသတင်းကို Central News Bureau က အောင်ဖြ်ိုးနိုင် ပေးပို့တာဖြစ်ပါတယ်။

Central News Bureau
https://www.facebook.com/skynetcnb



( စစ်ကိုင်းတိုင်းဒေသကြီး ကလေးမြို့မှာ မတ်လ ၂၅ ရက်နေ့က လေပြင်းတိုက်ခဲ့တာကြောင့် ပျက်စီးသွားတဲ့အိမ်တချို့ကိုတွေ့ရစဉ် ) ဓါတ်ပုံ - ကလေးခရိုင် အထွေထွေအုပ်ချုပ်ရေးမှူးရုံး
စစ်ကိုင်းတိုင်းဒေသကြီးက မြို့နယ် ၆မြို့နယ်မှာတိုက်ခတ်ခဲ့တဲ့ လေပြင်းကြောင့် ပျက်စီးသွားတဲ့ နေအိမ် အလုံးပေါင်း ၂၅၀ ကျော်ကို ထောက်ပံ့ငွေတွေ ပေးအပ်ပြီး ပြုပြင်ပေးနေတယ်လို့ စစ်ကိုင်းတိုင်းဒေသကြီး ကယ်ဆယ်ရေးနှင့် ပြန်လည်နေရာချထားရေးဦးစီးဌာန ညွှန်ကြားရေးမှူး ဦးစဝီလီဖရန့် က ပြောပါတယ်။

စစ်ကိုင်းတိုင်းဒေသကြီး ကလေး၊ ကလေးဝ၊ မော်လိုက်၊ ကသာ၊ အင်းတော်၊ ဗန်းမောက် တို့မှာ မတ်လ ၂၅ ရက်နေ့နဲ့ ၂၆ ရက်နေ့တို့က လေပြင်းတိုက်ခတ်ခဲ့ပြီး စုစုပေါင်း နေအိမ် ၂၅၉လုံး အမိုးလန် ပျက်စီးခဲ့ပြီး နေအိမ် ၁၅လုံး ပြိုကျပျက်စီးခဲ့တာ ဖြစ်ပါတယ်။ ပြိုကျပျက်စီးတဲ့အိမ်တွေရော ၊ အမိုးလန်သွားတဲ့အိမ်တွေကိုပါ လိုအပ်တဲ့ ပစ္စည်းနဲ့ ငွေကြေးတွေ ထောက်ပံ့ပေးထားတယ်လို့ ဦးစဝီလီဖရန့် က ပြောပါတယ်။

"ပစ္စည်းထောက်ပံ့မှုတွေ လုပ်နေပါပြီ၊ ဒီနေ့ဆိုရင် ငွေထောက်ပံ့မှုတွေ လုပ်ဖို့ ဆက်လက်စီစဉ်ထားပါတယ်၊ ပြိုတဲ့အိမ်ကတော့ တစ်လုံးကို ကျပ်ငါးသောင်းနှုန်း ၊အမိုးလန်တဲ့အိမ်ကတော့ ကျပ်နှစ်သောင်းနှုန်း အဲ့ လိုထောက်ပံ့ဖို့လုပ်ထားပါတယ်။ ပစ္စည်းတွေအနေနဲ့ကတော့ ပြိုတဲ့ အိမ်က ပစ္စည်း ၉ မျိုး၊ အမိုးလန်တဲ့ အိမ်က ပစ္စည်း ၅မျိုး ထောက်ပံ့ရေးဆောင်ရွက်ထားပါတယ်၊ သူတို့အိမ်တွေကလည်း မြေစိုက်အိမ်တွေ ဆိုတော့ မြန်မြန်ပြီးမှာပါ"

ပြီးခဲ့တဲ့နှစ်ရက်ဆက်တိုက် စစ်ကိုင်းတိုင်းဒေသကြီးအတွင်း လေပြင်းတိုက်ခိုက်ခဲ့တာဖြစ်တယ်လို့ သိရပါတယ်။ အဲဒီမြို့နယ် ၆မြို့နယ်ထဲက ကလေးမြို့မှာ နေအိမ်ပျက်စီးဆုံးရှုံးမှု အများဆုံးဖြစ်ခဲ့ကာ နေအိမ် ၂၀၃ လုံး အမိုး လန်ခဲ့ပြီး ၁၅ လုံးပြိုကျပျက်စီးခဲ့သလို ကလေးဝ၊ အင်းတော်၊ ကသာ၊ မော်လိုက် ဗန်းမောက်တို့မှာ နေအိမ် ၅၆ လုံး အမိုးလန်ပျက်စီးခဲ့ပါတယ်။

မတ်၊ ဧပြီနဲ့ မေလတွေမှာ လေပြင်းတိုက်ခတ်မှုတွေ၊ မိုးကြီးတာတွေ ရှိနိုင်တဲ့အတွက် နေအိမ် အဆောက် အဦးတွေနဲ့ ပတ်သက်ပြီး ကြိုတင်ပြင်ဆင်ထားဖို့ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနက ပြီးခဲ့တဲ့မတ်လလကုန်ကစပြီး သတိပေးကြေညာထားပါတယ်။

ပြီးခဲ့တဲ့နှစ်အတွင်း လေပြင်းတိုက်ခတ်တာ၊ မိုးသီးကြွေကျတာတွေကြောင့် မြို့နယ်ပေါင်း ၅၉ မြို့နယ်က လူဦးရေ တစ်သိန်းခွဲခန့် ဘေးဒုက္ခကြုံခဲ့ရပြီး ၄၄ ဦး သေဆုံးခဲ့တယ်လို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာနရဲ့ သတင်းထုတ်ပြန်ချက်အရ သိရပါတယ်။

RFA Burmese
https://www.facebook.com/rfaburmese/



ရက္ခိုင့်တပ်မတော် AA တပ်ဖွဲ့ဝင်တွေကို တွေ့ရစဉ်။ Photo: ရက္ခိုင့်တပ်မတော်၊ သတင်းနှင့် ပြန်ကြားရေးဌာန/ Facebook
ရခိုင်ပြည်နယ်နဲ့ ချင်းပြည်နယ်အစပ် ပလက်ဝမြို့အနီးမှာ အစိုးရတပ်မတော် နဲ့ AA ရခိုင်လက်နက်ကိုင်တပ်ဖွဲ့တို့ မတ်လ ၂၆ ရက်နေ့က တိုက်ပွဲဖြစ်ပွားခဲ့ကြပြီး လက်ရှိမှာ စစ်ရေးတင်းမာနေတယ်လို့ သိရပါတယ်။

ပလက်ဝမြိ်ု့နယ် သမင်ရွာနားမှာ တိုက်ပွဲဖြစ်ပွားခဲ့တဲ့အကြောင်း AA အဖွဲ့ရဲ့ ပြန်ကြားရေးတာဝန်ခံ ခိုင်သုခ က ပြောပါတယ်။

"တိုက်ပွဲဖြစ်တဲ့နေရာကတော့ ပလက်ဝမြို့နယ် သမင်ရွာနားမှာဖြစ်တာ၊ နှစ်ဖက်တွေ့ဆုံပြီးတော့ တိုက်ပွဲဖြစ်တာဗျ၊ အဲဒီကျတော်တို့ရှိတဲ့နေရာတွေနဲ့ ဆက်စပ်တဲ့တပ်စခန်းရှိတဲ့နေရာတွေပေါ့ဗျာ၊ ကျနော်တို့ရဲ့ လှုပ်ရှားစစ်ကြောင်းတွေ လှုပ်ရှားသွားလာတဲ့နေရာပေါ့၊ မြန်မာ့တပ်မတော်ကလည်း ထိုးဖောက်ပြီးသွားလာတဲ့နေရာပေါ့’’

AA တပ်မဟာ (၃) လက်အောက်ခံ၊ အမှတ် (၃၀၁) တပ်ရင်းနဲ့ အစိုးရတပ်မတော် ဒကစ(စစ်တွေ) လက်အောက်ခံ၊ ခလရ (၃၄) တို့ တိုက်ပွဲဖြစ်ပွားခဲ့တာဖြစ်ပါတယ်။ အဲဒီတိုက်ပွဲအတွင်း အစိုးရတပ်မတော်ဖက်က နှစ်ဦးကျဆုံးခဲ့ပြီး ထိခိုက်ဒဏ်ရာရရှိသူတွေ ရှိခဲ့သလို လက်နက်ခဲယမ်းတချို့ကို သိမ်းဆည်းရမိခဲ့တယ်လို့ AA က သတင်းထုတ်ပြန် ထားပါတယ်။ အဲဒီတိုက်ပွဲနဲ့ပတ်သက်ပြီး အစိုးရတပ်မတော်ဘက်က သတင်းထုတ်ပြန်တာမရှိသေးပါဘူး။

အဲဒီနေ့က တိုက်ပွဲဖြစ်ပွားပြီးနောက်ပိုင်း အစိုးရတပ်မတော်ဘက် က နောက်ထပ်အင်အားစုစည်းနေ သလို၊ နောက်ထပ်လည်း အဲဒီနေရာကို အစိုးရတပ်မတော်ဘက်က  ထိုးစစ်ဆင် လာနိုင်တဲ့အတွက် တိုက်ပွဲပြင်းထန်လာနိုင်တယ်လို့လည်း  ပြောပါတယ်။

ပြီးခဲ့တဲ့နှစ် ဧပြီလတုန်းကလည်း AA နဲ့ အစိုးရတပ်မတော်တို့ ရခိုင်ပြည်နယ်အတွင်း တိုက်ပွဲတွေဖြစ် ပွားခဲ့တာကြောင့် ဒေသခံသုံးရာကျော်လောက် စစ်ဘေးဒုက္ခသည်တွေအဖြစ် ထွက်ပြေးခဲ့ကြရပါတယ်။

RFA Burmese
http://www.rfa.org/burmese


မကြာခင် ရက်ပိုင်းအတွင်း ကျင်းပတော့မယ့် ၂၀၁၇ ကြားဖြတ် ရွေးကောက်ပွဲမှာ ရခိုင်ပြည်နယ်က အမ်း မဲဆန္ဒနယ်နဲ့ ရှမ်းပြည်နယ်က မိုင်းရှူးနဲ့ ကျေးသီး မဲဆန္ဒနယ်တွေမှာ နုိုင်ငံရေးပါတီတွေအကြား အကျိတ်အနယ် ယှဉ်ပြိုင်ရဖွယ်ရှိနေပါ တယ်။ လက်ရှိ အာဏာရ အမျိုးသားဒီမိုကရေစီအဖွဲ့ချုပ်အနေနဲ့လည်း အဲဒီဒေသတွေကို ပါတီရဲ့ လွှတ်တော်ကိုယ်စား လှယ်တွေလွှတ်ပြီး မဲဆွယ်စည်းရုံးရေးတွေမှာ အားဖြည့်ကူညီ လုပ်ဆောင်နေသလို တခြား နိုင်ငံရေးပါတီတွေအနေနဲ့လဲ မဲဆွယ် စည်းရုံးမှုတွေကို အင်တိုက်အားတိုက် လုပ်ဆောင်နေကြပါတယ်။ ဒီ အခြေအနေတွေနဲ့ ပတ်သက်လို့ဗွီအိုအေ မြန်မာပိုင်းသတင်းထောက် မမြင့်မြင့်ခိုင်က တင်ပြပေးပါမယ်။

တနုိုင်ငံလုံးမှာ လွှတ်တော်ကိုယ်စားလှယ်နေရာ လစ်လပ်နေတဲ့ လွှတ်တော်အသီးသီးအတွက် မဲဆန္ဒနယ် ၁၉ နေရာမှာ ၂၀၁၇ ခုနှစ် ဧပြီ ၁ ရက်နေ့ကျရင် ကြားဖြတ်ရွေးကောက်ပွဲ ကျင်းပတော့မှာပါ။ လာမယ့် ၃ ရက်အတွင်း ကျင်းပတော့မယ့် ကြားဖြတ်ရွေးကောက်ပွဲနဲ့ပတ်သက်လို့ လူထုစိတ်ဝင်စားမှု နည်းတယ်လို့ ပြောကြပေမယ့် ရခိုင်ပြည်နယ်က အမ်း မဲဆန္ဒ နယ်နဲ့ ရှမ်းပြည်နယ်က မိုင်းရှူးနဲ့ ကျေးသီး မဲဆန္ဒနယ်တွေမှာတော့ အာဏာရပါတီနဲ့ ဒေသခံ တိုင်းရင်းသားပါတီတွေ အကြိတ်အနယ် ယှဉ်ပြိုင်ရဖွယ်ရှိနေပါတယ်။

လက်ရှိ အမ်း မဲဆန္ဒနယ်အတွင်း နိုင်ငံရေးပါတီအသီးသီးရဲ့ မဲဆွယ်စည်းရုံးရေး အခြေအနေတွေနဲ့ ပတ်သက်လို့ ရခိုင် အမျိုးသားပါတီရဲ့ အထွေထွေအတွင်းရေးမှူး ဦးထွန်းအောင်ကျော်က အခုလို ပြောပြပါတယ်။

“USDP ကလည်း ၂၀၁၅ အထိ အစိုးရအာဏာကို ရရှိထားပြီးတော့ အမ်းမြို့နယ်မှာ နှစ်တော်တော်များများကို အခြေခံ ခိုင်ခိုင်နဲ့ စည်းရုံးနိုင်ခဲ့တဲ့ အခိုင်အမာ တည်ဆောက်နိုင်ခဲ့တဲ့ နယ်မြေတွေဖြစ်ပါတယ်။ နောက်တခုကလည်း NLD ပါတီဟာ အခုလက်ရှိ အစိုးရအာဏာကို ရရှိထားတဲ့ အင်အားတောင့်တင်းတဲ့ ပါတီတခုဖြစ်တယ်။ ကျနော်တို့ ရခိုင်အမျိုးသားပါတီကတော့ ရခိုင်ပြည်နယ်မှာ အများဆုံး ပြည်နယ်လွှတ်တော်နေရာတွေမှာ အများဆုံးအနိုင်ရထားတဲ့ ပါတီ ဖြစ်တဲ့အတွက် ဒီ ပါတီတွေကို ကြည့်လိုက်ရင် အင်အားနဲ့ဆိုအားဖြင့် တယောက်နဲ့ တယောက် တော်တော်လေးကို အပြိုင်အဆိုင်ဖြစ်နေတာကို တွေ့ရတဲ့အတွက် အကြိတ်အနယ် ဒီ အမ်းမြို့နယ်မှာ အနိုင်ရရှိရေးအတွက် တော်တော်လေးကို အားသွန်ခွန်စိုက် သူတို့ တဦးနဲ့ တဦး အပြိုင်အဆိုင် မဲဆွယ်စည်းရုံးယှဉ်ပြိုင်နေကြတာကို တွေ့ရပါတယ်ခင်ဗျာ။”

အမ်း မဲဆန္ဒနယ်မှာ အမျိုးသားဒီမိုကရေစီအဖွဲ့ချုပ်နဲ့ ပြည်ထောင်စုကြံ့ ခိုင်ရေးနဲ့ ဖွံ့ဖြိုးရေးပါတီတို့ကလဲ မဲဆွယ် စည်းရုံးမှုတွေ အင်တိုက်အားတိုက်လုပ်နေတာတွေ့ရတယ်လို့ ဦးထွန်းအောင်ကျော်က ပြောပြပါတယ်။

“USDP ကလည်း ၀န်းရံပြည်သူတွေကိုလည်း အသံချဲ့စက်တွေနဲ့ လှည့်ပြီး အင်အားပြပြီးတော့ စည်းရုံးတယ်။ NLD ပါတီဆိုရင်လည်း မကွေးတိုင်းက ၀န်ကြီးချုပ်တွေ လာပြီးတော့ သူတို့တိုင်းက အမျိုးသားဒီမိုကရေစီအဖွဲ့ချုပ်ကို အဲဒီအဆင့်လူကြီးပိုင်းတွေလာပြီးတော့ မဲဆွယ်စည်းရုံးတာတွေကိုတွေ့ရတယ်။ အဲဒါကြောင့် ဒီ အမ်းမြို့နယ်ရဲ့ ကြားဖြတ်ရွေးကောက်ပွဲဟာ တော်တော်လေးကို ပြိုင်ဆိုင်မှု ပြင်းတယ်လို့ ပြောနိုင်ပါတယ်ခင်ဗျ။”

လုံခြုံရေးအရ စိုးရိမ်ချက်တွေကိုပြောထားတဲ့ ရှမ်းပြည်နယ် မိုင်းရှူးနဲ့ ကျေးသီးမြို့နယ်တို့မှာလဲ လက်ရှိ အာဏာရ NLD ပါတီရဲ့ လွှတ်တော်ကိုယ်စားလှယ်တွေ ကိုယ်တိုင်သွားရောက်ပြီး မဲဆွယ်စည်းရုံးမှုတွေ ကူညီလုပ်ဆောင်ပေးနေပါတယ်။

ရှမ်းပြည်နယ် မိုင်းရှူးမြို့နယ်ထဲက ကျေးရွာကြီး ၃ ခု မှာ လုံခြုံရေးအရ ရွေးကောက်ပွဲ မကျင်းပဖို့ NLD ပါတီရဲ့ ကိုယ်စားလှယ်လောင်း နှစ်ဦးက ကန့်ကွက်ခဲ့တဲ့အပေါ် လုံခြုံရေး စိတ်ချရမယ့်နေရာတွေကို မဲရုံတွေပြောင်းရွှေ့ပေးဖို့ ပြည်ထောင်စုရွေးကောက်ပွဲကော်မရှင်က ဆုံးဖြတ်ပေးထားပါတယ်။

လတ်တလော မိုင်းရှူးမြို့နယ်ထဲ မဲဆွယ်စည်းရုံးမှု အနေအထားနဲ့ ပတ်သက်လို့ မဲဆွယ်စည်းရုံးရေး ကူညီ ဆောင်ရွက်နေ တဲ့ NLD ပါတီက ဦးလွင်ကိုလတ်က အခုလို ပြောပါတယ်။

“အမှန်အတိုင်းပြောရရင်တော့ ကျနော်တို့ စပြီးရောက်ခါစအခြေအနေတုန်းက ဆိုရင်တော့ စည်းရုံးရေး ခက်တာရယ် လမ်းပန်းဆက်သွယ်ရေးခက်တာရယ်၊ လုံခြုံရေးအရ ညှိနှိုင်းနေရတာရယ်၊ နောက်ပြီး ဘာသာစကားက တချို့ရွာတွေမှာ ရှမ်းစကားကလွဲပြီး ဘာမှ ပြောလို့မရတာရယ်၊ ဒီလိုအခက်အခဲတွေကြောင့်မို့လို့ ကျနော်တို့ဒီ အောင်နိုင်ရေးက ပြောရရင်တော့ ပါတီကြီးတွေကပေါ့နော် အောင်နိုင်အားက သိပ်ပြီးတော့ မရှိဘူးလို့ ထင်ရတယ်။ ကျနော်တို့ စတွေ့တဲ့အနေအထားက မိုင်းရှူးတခုလုံးက ရွေးကောက်ပွဲရှိတယ်လို့တောင် မထင်ရတဲ့အနေအထားမျိုးတွေ့ရတယ်။ အခုတော့ ဘယ်လိုပဲပြောပြော ကျနော်တို့တွေ ပါတီလှုပ်ရှားမှုတွေကြောင့် ပြည်သူလူထုကလည်း ရွေးကောက်ပွဲကို စိတ်ဝင်စားမှု တဖြေးဖြေး မြင့်တက်လာပြီ။ အနေအထားအရပြောရရင်တော့ တိုးတက်မှုရှိတယ်။ ပါတီကြီးတွေ နိုင်ဖို့ဆိုတာကတော့ အရင်တုန်းကလိုမျိုး ပါတီ ၁ ခုပါပဲ အနိုင်ရဖို့ သေချာတယ်ဆိုတာမျိုးမဟုတ်ဘူး။ အခုအချိန်မှာတော့ ကျနော်တို့ ၅၀-၅၀ ဆွဲထားနိုင်ပြီပေါ့။”

မကြာခင်ကျင်းပမယ့် ကြားဖြတ်ရွေးကောက်ပွဲမှာ ပြည်ခိုင်ဖြိုးပါတီက ၁၉ နေရာလုံး ဝင်ရောက်ယှဉ်ပြိုင်မှာဖြစ်ပြီး NLD ပါတီက ၁၈ နေရာ ဝင်ရောက်ယှဉ်ပြိုင်မှာပါ။ ရန်ကုန်တိုင်းအတွင်းမှာတော့ ၂၀၁၅ ရွေးကောက်ပွဲမှာ ဒေါ်အောင်ဆန်း စုကြည် ဝင်ရောက်ယှဉ်ပြိုင်ပြီး အနုိုင်ရခဲ့ပြီးတဲ့နောက် လစ်လပ်နေတဲ့ ကော့မှူးမဲဆန္ဒနယ်၊ လူဦးရေထူထပ်တဲ့ လှိုင်သာယာမဲဆန္ဒနယ်နဲ့ ကမာရွတ်၊ လသာ၊ ကြည့်မြင်တိုင်၊ လှိုင်၊ လမ်းမတော်နဲ့ ဆိပ်ကမ်းမြို့နယ်တွေ ပါဝင်တဲ့ အမျိုးသားလွှတ်တော် အမှတ် ၆ မဲ ဆန္ဒနယ်တို့မှာ အကျိတ်အနယ် ယှဉ်ပြိုင်ရဖွယ် ရှိနေပါတယ်။

 မြင့်မြင့်ခိုင်  / ဗွီအိုအေ (မြန်မာပိုင်း)
http://burmese.voanews.com



( နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကချင်ပြည်နယ် ဝိုင်းမော်မြို့နယ် ခတ်ချိုကျေးရွာက စစ်ဘေးကယ်ဆယ်ရေးစခန်းကို မတ်လ ၂၈ ရက်နေ့က သွားရောက်စဉ် ) Photo: Kyaw Myo Min/RFA
ငြိမ်းချမ်းရေးရဲ့ အခြေခံဟာ အချင်းချင်းသင့်မြတ်အောင် နေထိုင်ရေးဖြစ်ကြောင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်ပါတယ်။

ကချင်ပြည်နယ် ဝိုင်းမော်မြို့နယ် ခတ်ချိုကျေးရွာ ကယ်ဆယ်ရေးစခန်းမှာ စစ်ဘေးဒုက္ခသည်တွေနဲ့ ဒီကနေ့တွေ့ဆုံချိန်မှာ ဒေါ်အောင်ဆန်းစုကြည်က ပြောခဲ့တာဖြစ်ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဟာ ကချင်ပြည်နယ် မြစ်ကြီးနားမြို့ကို ဒီနေ့မနက်က ရောက်ရှိပြီး မနက်ပိုင်းမှာ ကချင်အရပ်ဘက်အဖွဲ့အစည်းတွေ၊ ဘာသာရေးအဖွဲ့ အစည်းတွေ၊ ကချင်အတိုင်ပင်ခံအဖွဲ့တွေနဲ့ စီတာပူရပ်ကွက်က Palm Spring ဟိုတယ်မှာ တွေ့ဆုံခဲ့ပါတယ်။ အဲဒီနောက် နေ့လည်ပိုင်းမှာ ခတ်ချိုကျေးရွာက ကယ်ဆယ်ရေးစခန်းကို သွားရောက်ပြီးနောက် အဲဒီစခန်းက တနိုင်တပိုင်လုပ်ကိုင်နေတဲ့ ပယင်းကျောက်လုပ်ငန်းကိုလည်း သွားရောက်လေ့လာခဲ့တာဖြစ်ပါတယ်။

နိုင်ငံတော်အတိုင်ပင်ခံပုဂ္ဂိုလ်နဲ့ အစိုးရအဖွဲ့ဝန်ကြီးတွေဟာ စစ်ဘေးဒုက္ခသည်တွေကို အခြေခံစားသောက်ကုန်တွေနဲ့ အဝတ်အထည်ပစ္စည်းတွေ လှူဒါန်းခဲ့ပါတယ်။

အစိုးရကိုယ်စားလှယ်အဖွဲ့ဟာ မိုင်းနားကချင်နှစ်ခြင်းအသင်းတော် ကယ်ဆယ်ရေးစခန်းကိုလည်း သွားရောက်ခဲ့ပါတယ်။

နိုင်ငံတော်အတိုင်ပင်ခံပုဂ္ဂိုလ်နဲ့အတူ လုံခြုံရေးနဲ့ နယ်စပ်ရေးရာဝန်ကြီး၊ ပြည်ထဲရေးဝန်ကြီး၊ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီး၊ ငြိမ်းချမ်းရေးကော်မရှင် ဥက္ကဌနဲ့ နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ်တို့ လိုက်ပါခဲ့ပါတယ်။

ဒေါ်အောင်ဆန်းစုကြည်ဟာ ၂၀၁၅ ခုနှစ် ရွေးကောက်ပွဲ မဲဆွယ်စည်းရုံးရေးကာလအတွင်း အမျိုးသားဒီမိုကရေစီအဖွဲ့ချုပ် ဥက္ကဌအဖြစ် ကချင်ပြည်နယ် မြစ်ကြီးနား၊ ဝိုင်းမော်၊ မိုးညှင်း၊ မိုးကောင်း၊ ဗန်းမော်၊ မိုးမောက် စတဲ့ မြို့နယ်တွေကို သွားရောက်ခဲ့ပြီး နိုင်ငံတော်အတိုင်ပင်ခံပုဂ္ဂိုလ် တာဝန်ယူပြီးနောက် ကချင်ပြည်နယ်ကို ဒါပထမဆုံးအကြိမ် လာရောက်တာဖြစ်ပါတယ်။

RFA Burmese
https://www.facebook.com/rfaburmese/



နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ကချင်ပြည်နယ် ခရီးစဉ် မှတ်တမ်းဓါတ်ပုံများ။ (Credit-Kyaw kyaw Oo)
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဒီကနေ့ ကချင်ပြည်နယ်၊ မြစ်ကြီးနားမြို့ ကို သွားရောက်ခဲ့ပြီး ကချင်လူထုခေါင်းဆောင်တွေ နဲ့ တွေ့ဆုံ ရာမှာ တနိုင်ငံလုံး ပစ်ခတ်တိုက်ခိုက်မှုရပ်စဲရေးစာချုပ် NCA ကို လက်မှတ်ရေး ထိုးပြီး ပြည်ထောင်စုငြိမ်းချမ်းရေးညီလာခံ- ၂၁ရာစုပင်လုံမှာ ပါဝင်ဖို့ အလေးထားဆွေးနွေးခဲ့ပါတယ်။ ဒီသတင်းကို ဗွီအိုအေမြန်မာပိုင်ရဲ့ သတင်းထောက် ကိုမိုးဇော်က တင်ပြထားပါတယ်။

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ဟာ မြစ်ကြီးနားမြို့ကို ဒီကနေ့ မနက် ၉နာရီလောက် မှာ ရောက်ခဲ့ပြီး ခရီးရောက် မဆိုက်ပဲ ဘာသာရေး၊ လူမှုရေးနဲ့ ငြိမ်းချမ်းရေး အကျိုးဆောင်အဖွဲ့တွေအပါအ၀င် လူထုခေါင်းဆောင်တွေ ၊ ပြည်နယ်အစိုးရအဖွဲ့ဝင်တွေနဲ့ Palm Spring Hotel မှာ တွေ့ဆုံဆွေးနွေးခဲ့ပါတယ်။

ဒီလို တွေ့ဆုံဆွေးနွေးချိန်မျာ အဓိက အချက်တွေကို ကချင်နှစ်ခြင်းခရစ်ယာန်အဖွဲ့ချုပ် KBC က အထွေထွေအတွင်းရေးမှုး ဒေါက်တာ ခလပ်ဆမ်ဆွန်က အခုလို ပြောပါတယ်။

“အဓိကတော့ NCA ကို လက်မှတ်ထိုးပြီးမှ ငြိမ်းချမ်းရေးဆွေးနွေးမှုမှာ ကိုယ်လိုချင်တာကို ဆွေးနွေးတင်ပြတောင်းဆိုမှုတွေလုပ်ဖို့ အဓိကတော့ ဒါပဲဖြစ်တယ်။ KIO ကလည်း အဲဒါကို NCA ကိုလက်ခံထားတယ် ဆိုတဲ့ သဘောတွေ လည်း ပြောသွားပါတယ်။ ပင်လုံစာချုပ်မဟုတ်ပဲနဲ့ ပင်လုံစိတ်ဓါတ် က ပိုအရေးကြီးတယ်ဆိုတာပြောပါတယ်။ ဒုက္ခသည်စခန်း ကိုလည်း သူသွားပါတယ် အခုအဲဒီမှာ သွားနေတယ်။”

တနိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCA ကို လက်မှတ်ရေးထိုးတာ နဲ့ ပတ်သက်ပြီး KIA ဒုစစ်ဦးစီးချုပ် ဗိုလ်ချုပ်ဂွမ်မော်က သူရဲ့ facebook စာမျက်နှာမှာ NCA ကို အပြီးသတ်မဆွေးနွေးနိုင်သေးလို့ ဆက်ပြီး ဆွေးနွေးနေရတဲ့အနေအထားဖြစ်ကြောင်း၊ လက်ခံနိုင်တဲ့အနေအထားရောက်ရင် NCA ကို လက်မှတ်ရေးထိုးမယ် လို့ ပြောထားကြောင်း တုံ့ပြန်ထားပါတယ်။

ဒေါ်အောင်ဆန်းစုကြည်ဟာ ကချင်ငြိမ်းချမ်းရေးအကျိုးဆောင်အဖွဲ့PCG နဲ့ဆွေးနွေးခဲ့ရာ မှာတော့ လက်ရှိဖြစ်ပျက်နေတဲ့အခြေအနေကို တင်ပြခဲ့ကြောင်း PCG က ဦးအင်ရှန်ဆန်အောင် က ပြောပါတယ်။

“ကျနော်တို့ကတော့ ရှည်ရှည်ဝေးဝေးတင်ပြတာကတော့ မရှိဘူး၊ ဒီ Peace Process က ဘယ်လိုလုပ်လာတယ်၊ အဲဒါ ယုံကြည်မှုက ပျက်ပြားနေတယ်။ အရင်တုန်းကတော့ ဒီလို ဒီလို ယုံကြည်မှု တည်ဆောက်လာတယ်၊ အစိုးရပိုင်းမှာ ချိတ်ဆက်မှုတွေ အားနည်းတဲ့ ဟာတွေ အဲဒါတွေ ကျနော်တို့ တင်ပြတာရှိတယ်။ ဆွေးနွေးမှုကို ဆက်လုပ်ဖို့ ဆိုတာကိုတော့ ကျနော်တို့တင်ပြပါတယ်။ ဆွေးနွေးမှု လိုအပ်တဲ့အချက်တွေက ရှိနေသေးတဲ့ အခါကျတော့ ဆွေးနွေးမှုကို အားစိုက်ဖို့ဆိုတာတွေကို တင်ပြတာဖြစ်ပါတယ်။”

NCA လက်မှတ်ရေးထိုးပြီး ၂၁ရာစုပင်လုံမှာ ပါဝင်ဖို့ကတော့ နှစ်ဘက် ယုံကြည်မှုတည်ဆောက်နိုင်မှုအပေါ် မူတည်နေကြောင်းလည်း ပြောပါတယ်။

ဒီကနေ့ တွေ့ဆုံပွဲအပေါ်မှာတော့ ဦးအင်ရှန်ဆန်အောင်က အခုလို သုံးသပ်ပါတယ်။

“အပြုသဘောဆောင် တယ်လို့တော့ ပြောလို့ရပါတယ်။ အားရစရာတော့ မရှိ။ ဒေါ်အောင်ဆန်းစုကြည်ဖြေကြားတဲ့ အချိန်မှာ တဘက် နဲ့ တဘက်ကို မျှမျှတတတဲ့ ပြောတဲ့အခါကျတော့ တချိုကျတော့ လူထုက နားလည်မှု လွဲတာတွေလည်း ပါတယ် ။”

နိုင်ငံတော် အတိုင်ပင်ခံပုဂ္ဂိုလ်ဟာ ကချင်လူထုခေါင်းဆောင်တွေနဲ့ တွေ့ဆုံအပြီးမှာ ၀ိုင်းမော်မြို့က ခပ်ချိုနဲ့ မိုင်းနား စစ်ရှောင်စခန်းတွေကို သွားရောက်ခဲ့ပါတယ်။ စစ်ရှောင်ပြည်သူတွေကတင်ပြတဲ့ ကလေးငယ်တွေ ပညာရေးအပါအ၀င် ကျန်းမာရေး၊ လူမှုရေးကိစ္စတွေ ဆွေးနွေးခဲ့သလို စားနပ်ရိက္ခာနဲ့ ကလေးငယ်တွေ အတွက် အ၀တ်အစားတွေ ပေးအပ်လှူဒါန်းခဲ့ပါတယ်။

ဒီကနေ့ ညနေပိုင်း မှာ ဒေါ်အောင်ဆန်းစုကြည် ဟာ မြစ်ကြီးနားမြို့ ကနေ ပြန်လည် ထွက်ခွာမှာ ဖြစ်ပါတယ်။

ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com



ပြည်-တောင်ကုတ်ကားလမ်းတွင် ဇာတ်သဘင်ကားတိမ်းမှောက်မှုကြောင့် (၃)ဦးသေဆုံးကာ (၁၄) ဦးဒဏ်ရာရ
ပဲခူးတိုင်းအနောက်ပိုင်း ပြည်-တောင်ကုတ်ကားလမ်း ညောင်ခြေထောက်ကျေးရွာအနီး၌ မတ်လ ၂၇ ရက်နေ့က ပြည်မြို့အခြေစိုက် ဇတ်သဘင်ကားတစ်စီးတိမ်းမှောက်ခဲ့ရာ (၃)ဦးသေဆုံးပြီး (၁၄)ဦး ဒဏ်ရာရရှိခဲ့ကြောင်း ဥသျှစ်ပင်နယ်မြေရဲစခန်းမှ သိရသည်။

 ပြည်မြို့အခြေစိုက် ရွှေပြည်စံဇတ်သဘင်အဖွဲ့မှာ ရခိုင်ပြည်နယ်၊ ကျောက်ဖြူမြို့တွင် ဇတ်ကဖျော်ဖြေပြီး ပြန်လာစဉ် ၎င်းတို့စီးနင်းလိုက်ပါလာသောဟီနိုးကားမှာ မိုင်တိုင်အမှတ် ၄၆/၁ နှင့် ၄၆/၂အကြားတွင်တိမ်း မှောက်ခဲ့ခြင်းဖြစ်ကြောင်း သိရသည်။
“ကားကတိမ်းမှောက်ပြီး ပက်လက်လန်သွားတယ်။ ဒဏ်ရာရရှိသူတွေကို ပထမဦးဆုံးဥသျှစ်ပင်ဆေးရုံကို သယ်ဆောင်လာခဲ့ပေမယ့် ဒဏ်ရာပြင်းထန်သူတွေ ပါရှိနေတာကြောင့် အားလုံးကိုပဲ ပြည်ဆေးရုံ ကြီးမှာ ပို့ဆောင်ကုသနေပါတယ်။ ဇာတ်ကားက နှစ်စီးပြန်လာတာ (၁၉)ဦးပါတဲ့ကားမှောက်တာပါ။ ဇာတ်အဖွဲ့ အယောက် (၃၀)ပါတဲ့ကားက ဘာမှမဖြစ်ပါဘူး။˝ဟု အုပ်သျှစ်ပင်ရဲစခန်းမှ ရဲအရာရှိတစ်ဦးက ပြောသည်။

ယာဉ်တိမ်းမှောက်မှုကြောင့် ကားပေါ်တွင်ပါလာသည့် အသက်(၃၃)နှစ်အရွယ် အမျိုးသားတစ်ဦးမှာ အခင်းဖြစ်ပွားရာနေရာ၌ ပွဲချင်းပြီးသေဆုံးခဲ့ပြီး ဆေးရုံ၌ လူနှစ်ဦးထပ်မံသေဆုံးခဲ့ခြင်းဖြစ်ကြောင်း သိရသည်။

ယာဉ်တိမ်းမှောက်မှုကြောင့် အသက်(၃၄)နှစ်အရွယ် ယာဉ်မောင်းဖြစ်သူအား ရာဇသတ်ကြီးပုဒ်မ ၃၀၄(က)/၃၇၇/၃၈၈ အရ ဥသျှစ်ပင်နယ်မြေရဲစခန်းမှ အမှုဖွင့်အရေးယူထားကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/


မြွေပွေးအရှင်အကောင်(၇၀)၊ မြွေဟောက်အရှင်(၂၅)ကောင်ကို ရေပူအမြဲတန်းစစ်ဆေးရေးစခန်းကနေ မတ်လ(၂၄)ရက်မှာ ဖမ်းဆီးရမိခဲ့တယ်လို့ အကောက်ခွန်ဦးစီးဌာနရဲ့ သတင်းထုတ်ပြန်ချက်အရ သိရပါတယ်။

မန္တလေးကနေ မူဆယ်ကိုသွားမယ့် Nissan AD Vanယာဉ်ကို ရေပူအမြဲတန်းစစ်ဆေးရေးစခန်း၊ ပူးပေါင်းစစ်ဆေးရေးအဖွဲ့က စစ်ဆေးရာမှာ တားမြစ်ပိတ်ပင်ထားတဲ့ မြွေပွေး မြွေဟောက်အရှင်တွေကို တွေ့ရှိရတာဖြစ်ပြီး မြွေပွေးအသေ(၁)ကောင်၊ လင်းမြွေအရှင် (၃၃၂)ကောင်နဲ့အသေ(၁၅)ကောင်အပါအ၀င်စုစုပေါင်း မြွေ(၄၄၃)ကောင်ကိုတွေ့ရှိ ဖမ်းဆီးခဲ့တာဖြစ်တယ်လို့သိရပါတယ်။


မတ်လ(၂၆)ရက်မှာ ရေပူအမြဲတန်းစစ်ဆေးရေးစခန်းမှာ တားဆီးမှု(၄)မှုရှိခဲ့ပြီး အဲဒီတားမြစ်ခဲ့တဲ့ ကုန်ပစ္စည်းခန့်မှန်းတန်ဖိုးဟာ ငွေကျပ်သိန်းပေါင်း(၂၇၀)ခန့်ဖြစ်တယ်လို့သိရပါတယ်။ မရမ်းချောင်စစ်ဆေးရေးစခန်းမှာတော့ မတ်လ(၂၆)ရက်တစ်ရက်တည်းမှာပဲ တားဆီးမှု(၅)မှုရှိခဲ့ပြီး တားမြစ်ခဲ့တဲ့ ကုန်ပစ္စည်းတန်ဖိုးဟာ ငွေကျပ်(၁၇၈)သိန်းကျော်ဖိုးရှိခဲ့တာ ကြောင့် စခန်း(၂)ခုပေါင်းရဲ့တားမြစ်မှု(၉)မှုမှာ ကုန်ပစ္စည်းတန်ဖိုးစုစုပေါင်း(၄၄၈)သိန်းကျော်ဖိုးရှိခဲ့တယ်လို့သိရပါတယ်။

မန္တလေး-မူဆယ်ပြည်ထောင်စုလမ်းမကြီး တစ်လျှောက်ကုန်သယ်ယူပို့ဆောင်တဲ့ယာဉ်တွေအနေနဲ့မတ်လ(၂၆) ရက်မှာ ပို့ကုန်ယာဉ်အစီး(၆၀၀)ကျော်နဲ့သွင်းကုန်ယာဉ်အစီး(၇၀၀)ကျော်ရှိတယ်လို့သိရပါတယ်။ ရန်ကုန်-မြ၀တီ လမ်းမကြီးတစ်လျှောက်မှာတော့ ကုန်သယ်ယူ ပို့ဆောင်တဲ့ယာဉ်တွေအနေနဲ့ ပို့ကုန်ယာဉ်အစီး(၆၀)နီးပါးရှိပြီး သွင်းကုန်ယာဉ်အစီး(၁၅၀)ကျော်ရှိတယ်လို့အကောက်ခွန်ဦးစီးဌာနရဲ့ ထုတ်ပြန်ချက်အရသိရပါတယ်။ ဒီသတင်းကိုCentral News Bureau ကပေးပို့တာဖြစ်ပါတယ်။

Central News Bureau
https://www.facebook.com/skynetcnb


ဘုရားဟောအတိုင်းမဟုတ်ဘဲ လုပ်ကြံဟောပြောတာနဲ့ နိုင်ငံတော်သံဃမဟာနာယကအဖွဲ့ရဲ့ အမိန့်ကို နားမထောင်တာတွေကြောင့် ဦးဝီရသူကို ထောင်ချနိုင်တယ်လို့ နိုင်ငံတော်သံဃမဟာ နာယကအဖွဲ့ ဥက္ကဋ္ဌဆရာတော် ဒေါက်တာဘဒ္ဒန္တကုမာရဘိဝံသက မိန့်ကြားလိုက်ပါတယ်။

ဧရာဝတီတိုင်းဒေသကြီးအစိုးရအဖွဲ့နဲ့ တိုင်းဒေသကြီးလွှတ်တော်တို့ ပူးပေါင်းစီစဉ်ပူဇော်တဲ့ ဓမ္မသဘင်မှာ ဟောပြောဖို့ ပုသိမ်မြို့ကိုရောက်ရှိနေတဲ့ဆရာတော်ဒေါက်တာဘဒ္ဒန္တကုမာရဘိဝံသက ပုသိမ်မြို့မှာရှိတဲ့ မီဒီယာတွေနဲ့ တွေ့ဆုံစဉ်မိန့်ကြားခဲ့တာဖြစ်ပါတယ်။



 မန္တလေးတိုင်းဒေသကြီး မဟာအောင်မြေမြို့နယ် မစိုးရိမ်တိုက်သစ်နာယက အဖွဲ့ဝင် ဆရာတော်ဦးဝိစိတ္တာဘိဝံသ(ဦးဝီရသူ)အနေနဲ့ ဒေသအနှံ့မှာ ဟောပြောခဲ့တာတွေအတွက် နိုင်ငံတော်သံဃမဟာနာယကအဖွဲ့က (၂၀၁၇)ခုနှစ် မတ်လ(၁၀)ရက်နေ့က စတင်ကာ ပြည်ထောင်စုသမ္မတမြန်မာနိုင်ငံတော်အတွင်း တရားဟောပြောခွင့်တစ်နှစ်ပိတ်ပင် ထားခဲ့တာပါ။

 အဲဒီလိုတရားဟောပြောခွင့် ပိတ်ပင်ထားတာကို လိုက်နာဆောင်ရွက်ခြင်းမရှိပါက တည်ဆဲဥပဒေတွေအရ အရေးယူဆောင်ရွက်သွားဖို့ မတ်လ(၁၀)ရက် ရက်စွဲနဲ့ နိုင်ငံတော်သံဃ မဟာနာယကအဖွဲ့က အမိန့်စာထုတ်ပြန်ထားတာပါ။

 နိုင်ငံတော်သံဃမဟာနာယကအဖွဲ့ရဲ့ အမိန့်စာ ထုတ်ပြီးတဲ့နောက်တစ်နေ့ မတ်လ(၁၁)ရက်မှာ ဧရာဝတီတိုင်းဒေသကြီး အိမ်မဲမြို့နယ် သရက်ကုန်းသီးကွင်း ကျေးရွာအုပ်စုမှာ တရားဟောပြောခွင့်ပိတ်ပင်ခံထားရတဲ့ ဆရာတော် ဦးဝိစိတ္တာဘိဝံသ(ဦးဝီရသူ)က ပါးစပ်ကို ပလာစတာပိတ်ပြီး တရားခွေဖွင့်တဲ့တရားပွဲကိုပြုလုပ်ခဲ့ပါတယ်။

တခြားဘာသာကို မထိခိုက်ဖို့ တစ်ဦးနဲ့တစ်ဦးမေတ္တာဂရုဏာထားနေကြဖို့ တစ်နိုင်ငံလုံးကို ပြန်တမ်းတွေထုတ်ထားပြီး ဖြစ်တယ်လို့လည့်း နိုင်ငံတော်သံဃမဟာနာယကအဖွဲ့ဥက္ကဋ္ဌ ဆရာတော်ဒေါက်တာဘဒ္ဒန္တကုမာရဘိဝံသက မိန့်ကြားပါတယ်။

အမျိုးဘာသာစောင့်ရှောက်တာနဲ့ပတ်သတ်ပြီး ဘာသာခြားတွေနဲ့အိမ်ထောင်ပြုခဲ့ရင်လည်း ကိုယ်ကြိုက်တဲ့ ဘာသာကိုယ်လွတ်လွတ်လပ်လပ်ကိုးကွယ်တာက အမျိုးဘာသာကို စောင့်ရှောက်တာဖြစ်တယ်လို့လည်း နိုင်ငံတော်သံဃ မဟာနာယကအဖွဲ့ ဥက္ကဋ္ဌဆရာတော်ဒေါက်တာဘဒ္ဒန္တကုမာရဘိဝံသက မိန့်ကြားပါတယ်။

မန္တလေးတိုင်းဒေသကြီး မဟာအောင်မြေမြို့နယ် မစိုးရိမ်တိုက်သစ်နာယကအဖွဲ့ဝင် ဆရာတော် ဦးဝိစိတ္တာဘိဝံသ (ဦးဝီရသူ)က တရားဟောပြောခွင့်ပိတ်ပင်ခံရပြီးတဲ့နောက်ပိုင်းမှာ ပါးစပ်တိပ်ပိတ် တရားပွဲတွေဆက်တိုက်ပြုလုပ်ခဲ့ပြီး မတ်လ(၂၇)ရက် ညပိုင်းမှာတော့ ကော့မှူးမြို့မှာ ကျင်းပပြုလုပ် ခဲ့တယ်လို့သိရပါတယ်။ ဒီသတင်းကို ပုသိမ်ဗျူရိုက စိုးသိမ်း ပေးပို့တာ ဖြစ်ပါတယ်။

Central News Bureau
https://www.facebook.com/skynetcnb/



သမ္မတ Donald Trump ရဲ့ သားမက်လည်းဖြစ်၊ သမ္မတရဲ့ အရေးပါတဲ့ အကြံပေး ပုဂ္ဂိုလ်လည်း ဖြစ်တဲ့ Jared Kushner
၂၀၁၆ ခုနှစ် အမေရိကန်ရွေးကောက်ပွဲမှာ ရုရှားနိုင်ငံက ၀င်ရောက် စွက်ဖက်ခဲ့တယ်ဆိုတဲ့ ကိစ္စနဲ့ပတ်သက်လို့ အထက်လွှတ်တော်က ပြုလုပ်နေတဲ့ စုံစမ်း စစ်ဆေးမှုတွေအတွက် သမ္မတ Donald Trump ရဲ့ သားမက်လည်းဖြစ်၊ သမ္မတရဲ့ အရေးပါတဲ့ အကြံပေး ပုဂ္ဂိုလ်လည်း ဖြစ်တဲ့ Jared Kushner က ထွက်ဆိုဖို့ သဘောတူလိုက်ကြောင်း သမ္မတ အိမ်ဖြူတော်က သတင်းထုတ်ပြန်ပါတယ်။

သမ္မတ Trump ရဲ့ အသိမိတ်ဆွေတွေနဲ့ ရုရှား အရာရှိတွေအကြားက ဆက်ဆံရေး အခြေအနေတွေအပေါ် ဆီးနိတ်က ပြုလုပ်နေတဲ့ စုံစမ်း စစ်ဆေးမှုတွေအတွက် ထွက်ဆိုကြတဲ့ သူတွေထဲမှာ Kushner ဟာ သမ္မတ Trump နဲ့ အနီးစပ်ဆုံး ပုဂ္ဂိုလ် ဖြစ်ပါတယ်။

မနှစ် ဒီဇင်ဘာလအတွင်း အမေရိကန်နိုင်ငံဆိုင်ရာ ရုရှားသံအမတ်ကြီး Sergey Kislyak နဲ့ Kushner တို့ ၂ ကြိမ် တွေ့ဆုံခဲ့ကြတဲ့ ကိစ္စကို ဆီးနိတ် စုံစမ်းရေး ကော်မီတီက အသေးစိတ် သိရှိလိုနေတာ ဖြစ်ကြောင်း New York Times သတင်းမှာ ဖော်ပြထားပါတယ်။ အဲဒီလို တွေ့ဆုံမှု ရှိခဲ့တယ်ဆိုတဲ့ ကိစ္စကို New York Times သတင်းစာကြီးကပဲ အရင်ဆုံး ရေးသား ဖော်ပြခဲ့တာ ဖြစ်ပါတယ်။

ဒါ့အပြင် ၂၀၁၄ ခုနှစ်မှာ ယူကရိန်းပိုင် Crimea ဒေသကို ရုရှားက ၀င်ရောက် သိမ်းပိုက်ခဲ့မှုနဲ့ ဆက်စပ်ပြီး အမေရိကန်အစိုးရက ဒဏ်ခတ် ပိတ်ဆို့ထားတဲ့ ရုရှားအစိုးရပိုင် Vnesheconobank လို့ခေါ်တဲ့ ဖွံ့ဖြိုးရေးဘဏ် အကြီးအကဲနဲ့ Kushner တွေ့ဆုံခဲ့တယ်ဆိုတဲ့ ကိစ္စကိုလည်း ဆီးနိတ် လွှတ်တော်အမတ်တွေက သိရှိလိုနေကြောင်း New York Times မှာ ဖော်ပြထားပါတယ်။ အဲဒီလို တွေ့ဆုံခဲ့တယ်ဆိုတဲ့ကိစ္စကို အရင်က သတင်းထုတ်ပြန်ခဲ့ခြင်း မရှိပါဘူး။

ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.