03/30/17

နိုင်ငံတော်အခြေပြမိန့်ခွန်းအတွက် နိုင်ငံတော် အတိုင်ပင်ခံရုံးမှ ထုတ်ပြန်သည့် အသိပေး ကြေညာချက်။
နိုင်ငံတော်အခြေပြမိန့်ခွန်းအတွက် နိုင်ငံတော် အတိုင်ပင်ခံရုံးမှ ထုတ်ပြန်သည့် အသိပေး ကြေညာချက်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဒီကနေ့ မတ်လ ၃၀ ရက်နေ့မှာ NLD အစိုးရတက်လာပြီး တနှစ်ပြည့် အထိမ်းအမှတ်အဖြစ်နဲ့ State of the Union Address - နိုင်ငံတော် အခြေပြမိန့်ခွန်း ပြောကြားမှာ ဖြစ်ပါတယ်။ မိန့်ခွန်းကိုတော့ ဒီကနေ့ မနက် ၈ နာရီ သတင်းအပြီးမှာ MRTV နဲ့ မြန်မာ့အသံ ရေဒီယိုတို့ကနေ ထုတ်လွှင့်ပေးသွားမှာ ဖြစ်ကြောင်း နိုင်ငံတော်အတိုင်ပင်ခံရုံးက အသိပေး ကြေညာထားပါတယ်။

၂၀၁၅ ခုနှစ် နိုဝင်ဘာလအတွင်း ကျင်းပခဲ့တဲ့ အထွေထွေ ရွေးကောက်ပွဲမှာ NLD ပါတီက အမတ်နေရာ စုစုပေါင်း ၈၀% ကျော်နဲ့ အနိုင်ရခဲ့တာကြောင်း ၂၀၁၆ ခုနှစ် ဧပြီလ ၃၀ ရက်နေ့မှာ အစိုးရတာဝန်တွေကို တရားဝင် လွဲပြောင်း ရယူခဲ့တာပါ။

ပြောင်းလဲချိန်တန်ပြီဆိုတဲ့ ဆောင်ပုဒ်နဲ့ ၂၀၁၅ ခုနှစ် ရွေးကောက်ပွဲမှာ မဲဆွယ် စည်းရုံးခဲ့တဲ့ NLD ပါတီဟာ အစိုးရဖြစ်လာပြီးတဲ့ တနှစ်တာ ကာလအတွင်း နိုင်ငံရေးနဲ့ စီးပွားရေး ဆိုင်ရာ ပြောင်းလဲမှုတွေ လုပ်ဆောင်ခဲ့ပေမယ့် အစိုးရရဲ့ လုပ်ဆောင်နိုင်ခဲ့မှု အပေါ် မြန်မာ ပြည်သူတွေအကြား အမြင်သဘောထားတွေ အမျိုးမျိုး ထွက်ပေါ်နေပါတယ်။

အထူးသဖြင့် ရွေးကောက်ပွဲကာလ မဲဆွယ် စည်းရုံးမှုတွေအတွင်း ပါတီခေါင်းဆောင် ပိုင်းက ပေးခဲ့တဲ့ ကတိတွေဖြစ်တဲ့ တရားဥပဒေ စိုးမိုးရေး၊ ပြည်တွင်းစစ် အဆုံးသတ်ပြီး ငြိမ်းချမ်းရေး ပေါ်ထွန်းရေး၊ ဖွဲ့စည်းပုံအခြေခံဥပဒေ ပြင်ဆင်ရေး စတဲ့ကိစ္စရပ်တွေကို ထိရောက် အောင်မြင်စွာ လုပ်ဆောင်ပေးနိုင်ခြင်း မရှိသေးတဲ့ အပြင် ပြည်သူ လူထုရဲ့ အခြေခံ စားဝတ်နေရေး ပြေလည်စေမယ့် စီးပွားရေး ဖွံ့ဖြိုးမှုတွေ သိသိ သာသာ ဖြစ်ပေါ်မလာသေးတဲ့အပေါ် ပြည်သူတွေအကြား အားမလို အားမရ ဖြစ်နေကြတာပါ။

တဖက်မှာလည်း ဒေါ်အောင်ဆန်းစုကြည်နဲ့ NLD အစိုးရအနေနဲ့ လွှတ်တော်အတွင်း တပ်မတော်သား ၂၅% ဆက်ရှိနေသေးတဲ့ကိစ္စ၊ တိုင်းပြည် လုံခြုံရေးနဲ့ဆိုင်တဲ့ ပြည်ထဲရေး၊ နယ်စပ်လုံခြုံရေးနဲ့ ကာကွယ်ရေး စတဲ့ ၀န်ကြီးဌာနတွေကို တပ်မတော်က ဆက်လက် ချုပ်ကိုင်ထားတဲ့ကိစ္စ၊ ရခိုင်ပြည်နယ်အတွင်း ဖြစ်ပေါ်နေတဲ့ ရိုဟင်ဂျာ အရေးကိစ္စနဲ့ ပတ်သက်လို့ နိုင်ငံတကာက စုံစမ်း စစ်ဆေးမှုတွေ ပြုလုပ်ခွင့်ပြုရေး ကုလသမဂ္ဂ လူ့အခွင့်အရေးကောင်စီမှာ အဆိုတင်သွင်းခံထားရတာ၊ တိုင်းရင်းသား လက်နက်ကိုင် အဖွဲ့အစည်းတွေနဲ့ ကချင်နဲ့ ရှမ်းပြည်နယ်တွေမှာ တိုက်ပွဲတွေ ဆက်လက် ဖြစ်ပေါ်နေတဲ့ ကိစ္စ၊ အဲဒီ တိုက်ပွဲတွေကြောင့် ထောင် သောင်းချီတဲ့ ဒေသခံ တိုင်းရင်းသား ပြည်သူတွေ စစ်ဘေးရှောင် ထွက်ပြေးနေကြရတဲ့ကိစ္စ စတဲ့ အကဲစမ်းမှုတွေနဲ့ ရင်ဆိုင်နေရတာ ဖြစ်ပါတယ်။

ပြည်တွင်း ငြိမ်းချမ်းရေး လုပ်ငန်းစဉ်နဲ့ ပတ်သက်လို့တော့ NCA တနိုင်ငံလုံး အပစ်အခတ် ရပ်စဲရေး သဘောတူညီမှု စာချုပ် လက်မှတ်ရေးထိုးနိုင်အောင်နဲ့ ဒုတိယအကြိမ်မြောက် ၂၁ ရာစု ပင်လုံညီလာခံကို ခေါ်ယူ ကျင်းပနိုင်ရေးအတွက် ကြိုစား လုပ်ဆောင်နေတာတွေ ရှိပါတယ်။

နိုင်ငံရေး အကဲခတ် တချို့ကတော့ ပြည်သူ လူထုအကြား အစိုးရသစ်အပေါ် အားမရတဲ့ လေသံတွေ ထွက်နေတဲ့အတွက် သိသာတဲ့ ပြောင်းလဲမှုတွေ ဖြစ်ပေါ်ဖို့ အတွက် ပြည်သူလူထုအနေနဲ့ သည်းခံ စောင့်ဆိုင်းပေးကြဖို့ လိုမယ်ဆိုတဲ့ သုံးသပ် ပြောဆိုမှုတွေလည်း ထွက်ပေါ်နေတာပါ။

တချိန်ထဲမှာပဲ နိုင်ငံတကာက မြန်မာနိုင်ငံအပေါ် ထားရှိတဲ့ သဘောထားတွေဟာ NLD အစိုးရတက်လာပြီးနောက်ပိုင်း အပြုသဘော ဆောင်တဲ့ဘက်ကို ပြောင်းလဲလာခဲ့ပါတယ်။ အဲဒီအထဲမှာ အမေရိကန်ပြည်ထောင်စုက မြန်မာနိုင်ငံအပေါ် ချမှတ်ထားတဲ့ ဒဏ်ခတ် ပိတ်ဆို့မှုတွေကို ပြန်လည် ကမ္ဘာ့ဘဏ်လို နိုင်ငံတကာ ငွေကြေး အဖွဲ့အစည်း ကြီးတွေက မြန်မာနိုင်ငံ ဖွံ့ဖြိုး တိုးတက်မှုအတွက် ငွေကြေး ထောက်ပံ့ပေးမှုတွေ ရှိခဲ့ပါတယ်။

ဒေါ်အောင်ဆန်းစုကြည်အနေနဲ့ တနှစ်တာအတွင်း ကမ္ဘာ့ အင်အားကြီး နိုင်ငံတွေဖြစ်တဲ့ အမေရိကန်၊ အင်္ဂလန်၊ တရုတ်နဲ့ ဂျပန်နိုင်ငံတို့အပြင် ဒေသတွင်းက တခြားနိုင်ငံတွေဖြစ်တဲ့ အိန္ဒိယ၊ ထိုင်း၊ စင်္ကာပူနဲ့ လာအိုနိုင်ငံတွေကို သွားရောက်ခဲ့ပါတယ်။
VOA Burmese News


အင်္ဂလိပ်ဘာသာကို ဒုတိယဘာသာစကားအဖြစ် သင်ပြရေးလုပ်ငန်းမှာ မြန်မာနိုင်ငံဟာ သွားရောက်လုပ်ကိုင်ဖို့ အကောင်းဆုံးနိုင်ငံဖြစ်တယ်လို့ TEFL ခေါ် ဗြိတိန်အခြေစိုက် နိုင်ငံတကာ အင်္ဂလိပ်ဘာသာသင်ကြားရေးဌာနက ထုတ်ပြန်လိုက်ပါတယ်။

TEFL က ထုတ်ပြန်ခဲ့တဲ့ အင်္ဂလိပ်ဘာသာ သင်တန်းတွေ သွားရောက်ဖွင့်လှစ်ဖို့ အကောင်းဆုံး ၁၀ နိုင်ငံ စာရင်းမှာ မြန်မာက ပထမဆုံးနေရာမှာ ရှိနေတာပါ။

TEFL ရဲ့ အဆင့်သတ်မှတ်ပုံမှာ ဆိုင်ရာနိုင်ငံတွေရဲ့ ပြည်သူတွေ၊ ယဉ်ကျေးမှု၊ အာရုံတိမ်းညွတ်မှု စတဲ့ အချက်တွေပေါ် မူတည်ပြီး သတ်မှတ်တယ်လို့ သိရပါတယ်။

စာရင်းအရ မြန်မာပြီးရင် ဗီယက်နမ်က ဒုတိယ၊ နီကာရာဂွာ က တတိယဖြစ်ပြီး၊ နီပေါ၊ ဘရာဇီး၊ မာဒါဂက်စကာ၊ ချီလီ၊ အာရပ်စော်ဘွားများနိုင်ငံ UAE၊ ချက်သမ္မတနိုင်ငံနဲ့ ဖိလစ်ပိုင်တို့ ဖြစ်ပါတယ်။

မြန်မာနိုင်ငံကို သွားရောက်သင်ပြမယ့် ဆရာဆရာမတွေဟာ တက္ကသိုလ်ဘွဲ့တစ်ခုနဲ့ အင်္ဂလိပ်စာသင်ပြနည်းဆိုင်ရာ အသိအမှတ်ပြုလက်မှတ်ရှိရမှာဖြစ်ပြီး၊ လစာဝင်ငွေအားဖြင့် တစ်လကို အမေရိကန်ဒေါ်လာ ၁၂၀၀ ကနေ ၂၀၀၀ အထိ ရရှိနေကြတယ်လို့ သိရပါတယ်။
RFA

ပို့ဆောင်ရေးနဲ့ဆက်သွယ်ရေး ၀န်ကြီး ဦးသန့်စင်မောင် ကို တွေ့ရစဉ် ပို့ဆောင်ရေးနဲ့ဆက်သွယ်ရေး ၀န်ကြီး ဦးသန့်စင်မောင် ကို တွေ့ရစဉ်
Photo: Win Ko Ko Latt/RFA
မြန်မာနိုင်ငံမှာ Myanmar Sat 1 အမည်ရှိ ဆက်သွယ်ရေးဂြိုဟ်တု အစီအစဉ် စတင်တော့မယ်လို့ ပို့ဆောင်ရေးနဲ့ ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင် က ပြောပါတယ်။

အဲဒီအစီအစဉ်အရ အစိုးရ၀န်ကြီးဌာနတွေနဲ့ ပုဂ္ဂလိကကုမ္ပဏီတွေအတွက် ဆက်သွယ်ရေးလမ်းကြောင်းတွေကို ဈေးချိုချိုနဲ့ သုံးစွဲနိုင်အောင် စီစဉ်နေတယ်လို့ သိရပါတယ်။

နိုင်ငံရဲ့ ဆက်သွယ်ရေးကဏ္ဍကို အဆင့်မြှင့်ဖို့အတွက၊် ပြီးခဲ့တဲ့နှစ်မေလက မြန်မာအစိုးရနဲ့ Intelsat ကုမ္ပဏီ လီမိတက်တို့ ငါးနှစ်ကန်ထရိုက်စာချုပ် လက်မှတ်ရေးထိုးခဲ့ပြီး၊ ဂြိုဟ်တုဆက်သွယ်ရေးအစီအစဉ် စတင်ခဲ့ ပါတယ်။

ဒါ့ပြင် ဒု-သမ္မတ ဦးဆောင်တဲ့ မြန်မာ့ ဂြိုဟ်တုဆက်သွယ်ရေးစနစ် ဦးဆောင်ကော်မတီတရပ်ကိုလည်း ဖွဲ့စည်းခဲ့ပါတယ်။ နိုင်ငံရဲ့ ဂြိုဟ်တုဆက်သွယ်ရေးဆိုင်ရာ လုပ်ငန်းအစီအစဉ်တွေ၊ မူဝါဒတွေ၊ စည်းမျဉ်းတွေ ရေးဆွဲချမှတ်တာ၊ လုပ်ငန်းတွေ ချထားပေးတာ၊ နိုင်ငံတကာ တယ်လီဆက်သွယ်ရေးသမဂ္ဂ TTU စတဲ့ ပြည်ပအဖွဲ့အစည်းတွေနဲ့ သဘောတူစာချုပ်တွေချုပ်ဆိုတာ စတာတွေကို ကော်မတီက ဆောင်ရွက်ရတာ ဖြစ်ပါတယ်။
RFA



(တရားခံအား ဖမ်းဆီး ခေါ်ဆောင်လာစဉ်)
နိရဉ္စရာ၊ မတ်လ ၂၉

ကျောက်ဖြူမြို့နယ်၊ ဇင်ကျွန်းကျေးရွာအုပ်စု၊ ဇင်ကျွန်းကျေးရွာတွင် (၁၃)နှစ်အရွယ် မယားပါ သမီးဖြစ်သူအား အကြိမ်ကြိမ် မုဒိမ်းကျူးလွန်၍ ပထွေးဖြစ်သူအား မတ်လ ၂၈ ရက်နေ့က ရဲက ဖမ်းဆီးလိုက်သည်။

မူဒိမ်းမှုကျူးလွန်သူမှာ ဇင်ကျွန်းကျေးရွာနေထိုင်သူ လှမောင်သိန်း အသက်(၄၉)နှစ် ဖြစ်သည်။

၎င်းသည် သူ၏ဇနီး ဒေါ်မခြောက်ချီးတွင် ပါလာသူ အသက်(၁၃)နှစ်သမီး မ(-------)ကို မုဒိမ်းမှု ကျူးလွန်ကြောင်း တိုင်တန်းခံရပြီးနောက် ဖမ်းဆီးခံရခြင်း ဖြစ်သည်။

‘‘ပထွေးဖြစ်သူက မုဒိမ်းကျင့်မှု ကျူးလွန်တာပါ။ တရားခံကို ဖမ်းဆီးထားပြီး အမှုဖွင့် အရေးယူ ဆောင်ရွက် ထားပါတယ်’’ဟု ကျောက်ဖြူမြို့မရဲစခန်းမှ တာဝန်ရှိသူတစ်ဦးကပြောသည်။

လွန်ခဲ့သည့် ရက်(၂၀)ခန့်က ဦးဘနုချေ၏ နေအိမ်တွင်လာရောက်နေထိုင်လျက်ရှိသော တူမတော်စပ်သူ မ(-----)အား ပထွေးဖြစ်သူ လှမောင်သိန်းနှင့် မိခင်ဖြစ်သူ ဒေါ်မခြောက်ချီးတို့ရောက်ရှိလာပြီး ပြန်ခေါ်ရာ မလိုက်ကြောင်းငြင်းဆန်ခဲ့သဖြင့် ဇင်ကျွန်းကျေးရွာအုပ်စုအုပ်ချုပ်ရေးမှုးထံခေါ်ယူ၍ စစ်မေးမြန်းခဲ့သည်။

ထိုသို့မေးမြန်းရာ ၂၀၁၆ခုနှစ် မိုးတွင်းကာလက ယာကျွန်းပင်လယ်ကမ်းစပ်တော၌ တဲတွင် မိသားစုနှင့် ညဥ့်အချိန်အိပ်နေစဉ် ဓားကိုင်ခြိမ်းခြောက်ပြီး သားမယားအဖြစ်(၁)ကြိမ်၊ ဇူလိုင်လခန့်က သရက်ကျွိန် ကျွန်း၌ ငါးဖမ်းလုပ်ငန်းလုပ်ကိုင်ရန်သွားစဉ် တဲတွင် (၂)ကြိမ်၊ ဒီဇင်ဘာလက ဇင်ကျွန်း ကျေးရွာသို့ ပြောင်းရွေ့ နေထိုင်စဉ် နေအိမ်တွင် (၃)ကြိမ် စုစုပေါင်း(၆)ကြိမ်ပြုကျင့်ခဲ့ကြောင်း၊ မုဒိမ်း ကျင့်ခံရသူ မ(-----)မှာ မိသားစုများနှင့် မနေရဲတော့သဖြင့် ဦးလေးတော်စပ်သူ ဦးဘနုချေထံ လာရောက်နေထိုင်ခဲ့ကြောင်း၊ အလို မတူဘဲ အနိုင်အထက်ပြု၍ သားမယားအဖြစ် အကြိမ်ကြိမ်ပြုကျင့်သဖြင့် သူမ အနေဖြင့် မိခင်နှင့် ပထွေးတို့နှင့် လိုက်ပါရန် ငြင်းဆန်ရန် ထွက်ဆိုကြောင်း သိရှိရသည်။

ဦးလေးတော်စပ်သူ ဦးဘနုချေမှ နောက်ပိုင်းတွင် လှမောင်သိန်းအား ဥပဒေအရအရေးယူပေးပါရန် တရားလို လုပ်တိုင်တန်းထားကြောင်း သိရသည်။မုဒိမ်းမှုကျူးလွန်သူ လှမောင်သိန်းအားဖမ်းဆီးထားပြီး ကျောက်ဖြူမြို့မရဲစခန်း(ပ)၄၉၃၊၁၇ ရာဇသတ်ကြီးပုဒ်မ ၃၇၆ဖြင့် အမှုဖွင့်ထားကြောင်း သိရသည်။

ကျော်ဝင်း၊ ကျောက်ဖြူ
Narinjara
https://www.facebook.com/Narinjara


အကြမ်းဖက်ဖို့ သင်တန်းတွေ ပေးနေတယ်လို့ အာဏာပိုင်တို့ စွပ်စွဲပြီး ဒေသခံ တချို့ကို ဖမ်းဆီး ထားတဲ့ မောင်တောဒေသ တောင်ဘစားနယ်မြေ တင်းမေ ကျေးရွာကို ဗွီအိုအေ သတင်းထောက် မမေခ ကိုယ်တိုင် ရောက်ရှိနေပြီး နယ်ခြားစောင့် ရဲတပ်ဖွဲ့နဲ့ မေးမြန်းခွင့် ရခဲ့သလို ဖမ်းဆီးခံရသူတွေရဲ့ မိသားစုဝင်တွေနဲ့လည်း တွေ့ဆုံမေးမြန်းခွင့် ရခဲ့ပါတယ်။ တင်းမေကျေးရွာကနေ လူ ၁၇ ဦးကို ဖမ်းဆီးမှုနဲ့ ပတ်သက်ပြီး ဒီကနေ့ နယ်ခြားစောင့် ရဲတပ်ဖွဲ့ကို မေးမြန်းခဲ့တဲ့ အခြေအနေတွေ၊ ကိုယ်တိုင် တွေ့ရှိချက်တွေကို ကိုယ်တိုင် ရောက်ရှိနေတဲ့ ဗွီအိုအေ သတင်းထောက် မမေခကို မသိင်္ဂီထိုက် ဆက်သွယ်မေးမြန်းတာမှာတော့ မမေခက နယ်ခြားစောင့်ရဲ ရဲ့ ပြောဆိုချက်ကို အခုလို စပြီး ပေးပို့ခဲ့ပါတယ်။

“ အဲဒါကတော့ သူတို့က ဒီမှာပေါ့နော် ကျနော်တို့ မေးတော့ သူတို့ ဒီမှာ ပြောရေးဆိုခွင့်တွေ ရချင်လို့ ပေါ့နော်။ နောက်ပြီး သူတို့က ဒီနယ်မြေမှာ ရိုဟင်ဂျာ ခံချင်တယ်လို့ ဒဲ့ပြောတာနော်။ ထွက်ဆိုချက်မှာ အဲလိုကို ပြောတာ။ သူတို့က ရိုဟင်ဂျာ လူမျိုးဘဲ ခံချင်တယ်။ အဲတော့ သူတို့က ဒါတွေကို ဒီလိုတောင်းဆိုလို့ မရဘူးပေါ့နော်။ ဒီလို အကြမ်းဖက်မှ တောင်းဆိုလို့ ရမယ် အဲလိုကို ဒဲ့ကို ထွက်တာ။ ”

မမေခ။ ။ အကြမ်းဖက်ဖို့ လုပ်ဆောင်ဖို့ လုပ်မယ်ဆိုတဲ့ သံသယရှိသူ ၁၇ ယောက်ကို ရဲကဖမ်းထားပါတယ်။ အဲဒီထဲမှာ ၁ ယောက်ကတော့ အသက်မပြည့်ပါဘူး။ ၁၅ နှစ်ပဲရှိသေးတယ် ကလေးအရွယ်ပဲရှိသေးပါတယ်။ အဲဒီလူတွေအကုန်လုံး သင်တန်းပေးတယ်ဆိုပြီးတော့ ရဲကပြောထားပါတယ်။

မသိင်္ဂီထိုက် ။ ။ ဆွေမျိုးတွေက ဘာများပြောပါသလဲ။

မမေခ။ ။ အခုသံသယရှိတယ်ဆိုပြီး ဖမ်းထားတဲ့ ယူတူမာလီရဲ့သား ကတော့ သူကတော့ ဘာပြောသလဲဆိုတော့ သူတို့အဖမ်းခံရတယ်။ သူ့အဖေက ဖမ်းသွားတယ်ပေါ့နော်။ ဘာကြောင့် ဖမ်းသလဲဆိုတာကိုတော့ သူတို့အခုအချိန်အထိ မသိသေးဘူးပေါ့နော်။ ဒါပေမယ့် အကုန်လုံးမေးတဲ့အချိန်မှာ သူတို့ဖြေနေတာကို နားထောင်ကြည့်ရင် ၂ ဘက်ကို ကြောက်နေတဲ့ သဘောမှာရှိတယ်။ နောက်တခုက သူတို့ အဲဒီကျေးရွာဘက်က တော်တော်လေးကို ခေါင်တယ်။ တောင်တွေကြားထဲမှာ ရောက်နေတဲ့ ကျေးရွာတခုဖြစ်တဲ့အတွက် လုံခြုံရေးလည်း အားနည်းတယ်။ လုံခြုံရေးတွေက ယူထားပေးပေမယ့် ရှိတဲ့လူဦးရေနဲ့က ပမာဏ အင်မတန်နည်းတယ်။ နည်းတဲ့အတွက် သူတို့က ၂ ဘက်ကို ကြောက်တဲ့သဘောမှာရှိတယ်။ ဒါပေမယ့် အဲဒီသူ့သားက ပြောတာကတော့ သူ့အဖေက အဲဒီလို အကြမ်းဖက် သင်တန်းတွေ တက်တယ်ဆိုတာ မဟုတ်ဘူးလို့ သူကိုယ်တိုင် ငြင်းတယ်ပေါ့နော်။

ရဲရဲ့ ထွက်ချက်မှာတော့ အဲဒီ အကြမ်းဖက် သင်တန်းက ညဘက်တွေမှာ ခေါ်ပြီးတော့ တောင်ကုန်းတွေမှာ ခေါ်သင်တာလို့ သူတို့က ပြောတာကိုး။ အဲဒီတော့ အဲလို ထွက်သွားတာမျိုး ရှိလာလို့ မေးတော့ သူ့သားကတော့ လုံးဝ မရှိဘူး။ သူ့အဖေက ဘာကြောင့် ဖမ်းခံရသလဲ ဆိုတာကိုလည်း သူတို့ တိတိကျကျ မသိသေးဘူး ဆိုပြီးတော့ ငြင်းဆိုတယ်ပေါ့နော်။

နောက်ထပ် အကိုဖြစ်တဲ့သူ အဖမ်းခံရတဲ့ သူကလည်း အဲလိုဘဲပေါ့နော်။ အကြမ်းဖက် သင်တန်း သွားတက်တဲ့ အထဲမှာ ပါတယ်လို့ဘဲ သိရတယ်။ သူ့အကိုက လုပ်လား မလုပ်လားဆိုတာကိုတော့ သူတို့ မသိဘူးပေါ့နော်။ ကောလာဟလ အနေနဲ့ဘဲ ကြားတယ်လို့ဘဲ သူတို့က ပြောတယ်ရှင့်။

မသိင်္ဂီထိုက် ။ ။ အကြမ်းဖက် တိုက်ခိုက်မှုတွေ လုပ်မယ်လို့ ရဲက၊ အာဏာပိုင်တွေဘက်က စွပ်စွဲထားတာပေါ့နော်။ ဒီလူတွေဟာ လေ့ကျင့်နေကြပါတယ်လို့ ရဲက စွပ်စွဲပါတယ်။ ဆိုတော့ ဘယ်နေရာတွေ တိုက်ခိုက်ဖို့လို့များ ရဲက ပြောပါသလဲ။

မမေခ။ ။ သူတို့ အသေးစိတ် သူတို့ ပြောတာကတော့ ဘူးသီးတောင်၊ မောင်တော ဘက်တွေမှာ သူတို့က တိုက်ခိုက်ဖို့ လျာထားတယ်လို့ဘဲ သူတို့ လည်း ပြောတယ်။ တိတိကျကျကြီးလည်း သူတို့လည်း မပြောဘူး။ နောက်တခုက အခု သင်တန်းပေးတာကလည်း ကိုယ်ခံပညာပေါ့နော် အဲဒီ အဆင့်ဘဲ ရှိသေးတယ်။ သင်တန်းတော့ လုပ်နေတာ ၇ ရက်မြောက်နေ့မှာ သူတို့ တောင်ကုန်းပေါ်မှာ သူတို့ လုပ်နေတာကို သူတို့ သိပြီးတော့ ၀ိုင်းပြီးတော့ ဖမ်းတယ်။ အဲဒီမှာဘဲ ၁၃ ယောက် မိသွားတယ်ပေါ့နော်။ ကျန်တဲ့ ထွက်ပြေးတဲ့သူတွေလည်း ရှိတယ်ပေါ့။

အဲဒီလူတွေရဲ့ စစ်ချက်ကနေ ထွက်လာတာကတော့ အဲလိုမျိုးဘဲ ဘူးသီးတောင်နဲ့ မောင်တောဘက်ကို အကြမ်းဖက်ဖို့ လျာထားတယ် ဆိုတာမျိုးဘဲ ရှိသေးတာပေါ့။ လက်နက်တွေ ဘာတွေလည်း သူတို့မှာ မရှိသေးဘူး။ လက်နက်တွေ ဘာတွေလည်း မိတာတော့ မရှိသေးဘူးပေါ့။

မသိင်္ဂီထိုက် ။ ။ ဒီလူတွေကို ဘယ်မှာ ချုပ်ထားပါသလဲ။

မမေခ။ ။ အဲလိုမျိုးတော့ တိတိကျကျ မသိဘူး။ ဒါပေမယ့် အခု အဲဒီ ၁၇ ယောက်ကိုတော့ ဘူးသီးတောင် တရားရုံးကိုတော့ တင်ပေးလိုက်ပြီလို့တော့ သိထားရတယ်။ ရဲ ဘက်ကနေ ပြောထားတယ်။ ဒါပေမယ့် သူတို့ မိသားစုတွေ သွားတွေ့တာမျိုးတွေ ရှိတယ်။ သွားတွေ့ခွင့်လည်း ရှိတယ်လို့ သိထားရတယ်။ အဲလောက်ဘဲ သိထားရသေးတယ်ပေါ့နော်။ တခြားဟာတော့ ကျမတို့လည်း ဘာမှ သေချာ မသိဘူး။ မိသားစုဝင်တွေကို မေးတဲ့ အခါမှာ သူတို့ သွားတွေ့တယ်။ သူတို့ အဖေတွေ သူတို့ အကိုတွေကို သွားတွေ့ခွင့်တော့ ရှိတယ်၊ မေးတယ် မဟုတ်ဘူးလို့ဘဲ ဟိုက ပြောတယ်လို့ဘဲ ပြောတယ်။ ဒါပေမယ့် တိတိကျကျ အဲဒီလူတွေကလည်း ပြည့်ပြည့်စုံစုံကြီး သိထားတဲ့ပုံ မပေါ်ဘူး။

အကြမ်းဖက် တိုက်ခိုက်မှုတွေကြောင့် နယ်မြေ မတည်မငြိမ် ဖြစ်နေတဲ့ မောင်တော ဒေသကို ကိုယ်တိုင် ရောက်ရှိနေတဲ့ ဗွီအိုအေ သတင်းထောက် မမေခကို ဆက်သွယ် မေးမြန်းခဲ့တာဖြစ်ပါတယ်။
VOA Burmese News


တရုတ်-မြန်မာနယ်စပ် လုံခြုံရေးတပ်
တရုတ်-မြန်မာနယ်စပ် လုံခြုံရေးတပ်
တိုင်းရင်းသားလက်နက်ကိုင်တွေနဲ့ ပဋိပက္ခ ဖြစ်ပွားရာ မြန်မာ-တရုတ်နိုင်ငံနယ်စပ်မှာ စစ်ရေးလေ့ကျင့်ခဲ့တယ်လို့ တရုတ်နိုင်ငံပိုင် ဆင်ဟွာသတင်းဌာနက ကြေညာပါတယ်။ တရုတ်စစ်တပ်အနေနဲ့ ပုံမှန်စစ်ရေးလေ့ကျင့်မှုတွေရှိပြီး အခုလို အင်အားဖြည့် စစ်ရေးလေ့ကျင့်တာကို မြန်မာအာဏာပိုင်တွေကို အကြောင်းကြားခဲ့ကြောင်းလည်း သတင်းမှာ ဖေါ်ပြထားပါတယ်။ တပ်မတော်နေ့ကျင်းပအပြီးနောက်တရက်မှာ ကျင်းပတဲ့ စစ်ရေးလေ့ကျင်မှုနဲ့ ပတ်သတ်လို့ ကိုအောင်အောင်က တင်ပြထားပါတယ်။

တပ်မတော်နေ့ကျင်းပအပြီး နောက်တရက်ဖြစ်တဲ့ မတ်လ ၂၈ ရက်နေ့မှာ မြန်မာနိုင်ငံအရှေ့မြောက်ဘက် တရုတ်နယ်စပ်မှာ တရုတ်စစ်တပ်က စစ်ရေးလေ့ကျင့်ခဲ့တာပါ။ ဒီစစ်ရေးလေ့ကျင့်မှုကို ကြီးကြပ်ကွပ်ကဲနေတဲ့ ဗိုလ်မှူးကြီး Fang Xin က အမျိုးသားလုံခြုံရေးနဲ့ နယ်စပ်လုံခြုံရေးအတွက် အခုလို လေ့ကျင့်တာဖြစ်တယ်လို့ပြောကြားကြောင်း သတင်းမှာ ဖေါ်ပြထားပါတယ်။ ပုံမှန်စစ်ရေးလေ့ကျင့်မှုတွေရှိပေမယ့် ဒီတကြိမ်မှာတော့ ယူနန်ပြည်နယ်တပ်ကနေ အားဖြည့်ပါဝင်ခဲ့ကြောင်း တရုတ်မြန်မာဆက်ဆံရေး အကဲခတ် ဒေါ်လှကျော်ဇောက အခုလိုပြောပါတယ်။

“၂၀၁၅ ခုနှစ်ပထမတခါ ကိုးကန့်စစ်ပွဲဖြစ်ပြီးတော့ သူတို့နိုင်ငံမှာ လူ၅ ယောက်သေပြီးကတည်းက သူတို့က အဲဒီနေရာမှာ စစ်တပ်က နပ်စပ်စခန်းကို လုပ်ထားပြီးတော့ကို အခိုင်အမာတွေထားရှိပြီးသားပါ။ လေယာဉ်ပျံပစ်အမြှောက်တွေနဲ့ ခိုင်ခိုင်မာမာလုပ်ထားပြီးသားပါ။ အဲဒါဟာတွေက Drill ပေါ့နော် လေ့ကျင့်ခန်းလုပ်တဲ့သဘောပါပဲ။ ပုံမှန်လည်း လုပ်နေကြနဲ့ တူပါတယ်။ အခုဟာကတော့ ပြောလိုက်တဲ့ရည်ရွယ်ချက်ကတော့ ၂ ခုရှိပုံရတယ်။ တခုက မြန်မာစစ်တပ်ကို လည်း ၊ အင်အားပြလိုက်ပုံရတယ်။ ဒုတိယတချက်ကတော့ သူတို့ နယ်စပ်မှာရှိတဲ့ တရုတ်လူမျိုးတွေက အစိုး၇က ကောင်းကောင်းမကာကွယ်ဘူးဆိုပြီးတော့ မကျေမနပ်ဖြစ်နေတာကိုလည်း သူတို့က လုံခြုံစိတ်ချရအောင် ပြသလိုက်တာလည်း ပါပါတယ်။”

လွန်ခဲ့တဲ့လပိုင်းတွေအတွင်း အရှေ့မြောက်ဒေသက တိုင်းရင်းသားလက်နက်ကိုင်အဖွဲ့တွေနဲ့ မြန်မာအစိုးရစစ်တပ်ကြား တိုက်ပွဲတွေ တကြော့ပြန်ဖြစ်ပွါးလာပြီး ဒုက္ခသည် သောင်းနဲ့ချီ တရုတ်နိုင်ငံထဲ ထွက်ပြေးခိုလှုံလာတာကြောင့် အပစ်အခတ်ရပ်ဆဲဖို့ တရုတ်အစိုးရက တောင်းဆိုခဲ့ပါတယ်။ တရုတ်နိုင်ငံရဲ့ အခု စစ်ရေးလေ့ကျင့်မှုမှာတော့ အင်အားဘယ်လောက်ပါဝင်သလဲဆိုတာ တိတိကျကျပြောမထားသလို ဘယ်နေရာမှာ လေ့ကျင့်ခဲ့တာလည်းဆိုတာလည်း မသိရပါဘူး။ ဒေါ်လှကျော်ဇောက

“သူတို့က ဒီမှာ Crisis management department ဆိုတာရှိတယ် သူတို့နိုင်ငံတွေမှာ ဥပမာ ငလျင်လှုပ်တာတို့ ဘာတို့ဆိုရင် ချက်ချင်း Helicopter တွေဘာတွေနဲ့ လုပ်တဲ့အဖွဲ့တွေရှိတယ်။ အဲဒါတွေကတော့ အနီးအနားမှာရှိတယ် ဥပမာ- မန်စီလိုနေရာတို့တွေမှာ အဲလိုမျိုးတပ်ခွဲတွေ ကိုထားတယ် Helicopter တွေဘာတွေနဲ့ ။ ကိုးကန့်နယ်စပ်မှာကတော့ ကျမကြားတာကတော့ လေယာဉ်ပျံပစ်အမြှောက်တပ်ခွဲတွေဘာတွေ၇ှိတယ်လို့တော့ ကြားတယ်။ လေတပ်ကတော့ ချမထားသေးဘူး။”

မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က တရုတ်နိုင်ငံ နယ်စပ်ဒေသက တိုက်ပွဲတွေအပါအ၀င် တိုင်းရင်းသားဒေသက လက်နက်ကိုင် ပဋိပက္ခတွေဟာတိုင်းပြည် အချုပ်အခြာအာဏာကို ထိပါးလာတဲ့အတွက် အခုလို တိုက်ခိုက်တာဖြစ်ကြောင်း တပ်မတော်နေ့မိန့်ခွန်းအတွင်း ထည့်သွင်း ပြောဆိုခဲ့ပြီး နောက်တရက်မှာ တရုတ်နိုင်ငံဘက်က စစ်ရေးလေ့ကျင့်တာပါ။ တဖက်မှာလည်း မြန်မာစစ်တပ်နဲ့ တိုက်ပွဲတွေဖြစ်နေတဲ့ MNDAA ကိုးကန့်တပ်ဖွဲ့က တရုတ်အစိုးရပိုင် စိုက်ပျိုးရေးဘဏ်မှာ ဖွင့်လှစ်ထားတဲ့ ဘဏ်စာရင်းကို လွန်ခဲ့တဲ့ ရက်ပိုင်းအတွင်းတုန်းကတရုတ်အာဏာပိုင်တွေက ပိတ်ပစ်ခဲ့ပါသေးတယ်။ ဒါပေမယ့်လည်း အခုတလောမှာ တရုတ်အစိုးရက ဘဏ်စာရင်းတွေနဲ့ ပါတ်သတ်လို့ စိစစ်မှုတချို့ လုပ်နေတယ်လို့ ဒေါ်လှကျော်ဇောက ပြောပါတယ်။

“ကိုးကန့်ကလည်း သူက ဘဏ်စာရင်းတွေကို ပိတ်တယ်လို့ပြောတယ်။ မူဆယ်နယ်စပ်တလျှောက်မှာရှိတဲ့ ကုန်သည်တွေလာပြီးထားတဲ့ ဘဏ်စာရင်းတွေလည်း ယာယီ ခဲထားတယ်လို့ပြောတယ် အခုထိတော့ ပြန်မဖွင့်ပေးသေးဘူး။ ဒါကြောင့်မို့ ကုန်သည်တွေတော်တော်တော်ဒုက္ခရောက်နေတယ်။ ကျမတို့ မြန်မာပြည်က ကုန်သည်တွေ၊ မြန်မာမှတ်ပုံတင်နဲ့ ဖွင့်ထားတဲ့ ဘဏ်စာရင်းတွေအကုန်ပိတ်ထားတယ်လို့ပြောတယ်။”

လွန်ခဲ့တဲ့ သီတင်းပတ်အတွင်းတုန်းကလည်း တရုတ်နိုင်ငံ ယူနန်ပြည်နယ်ထဲက ဒေသခံအာဏာပိုင်တွေဟာ သူတို့နယ်မြေအတွင်း နေထိုင်နေကြတဲ့ မြန်မာနိုင်ငံသားတွေ အနေနဲ့ လက်နက်ကိုင်ဆောင်ထားတာရှိရင် လာရောက်အပ်နှံကြဖို့ အမိန့်ထုတ်ပါတယ်။ တိုင်းရင်းသားလက်နက်ကိုင်တပ်တွေနဲ့ အစိုးရစစ်တပ်အကြား တိုက်ပွဲတွေ ဖြစ်ပွါးနေတာကြောင့် တရုတ်နိုင်ငံသား သေဆုံးမှုတွေ ရှိသလို မကြာခင်ကျင်းပဖို့ရှိနေတဲ့ ၂၁ ရာစု ပင်လုံ ပြည်ထောင်စုငြိမ်းချမ်းရေးညီလာခံကျင်းပရာမှာ အထောက်အကူဖြစ်အောင် တရုတ်ဖက်က အခုလို ဆောင်ရွက်နေတာဖြစ်ကြောင်း သုံးသပ်မှုတွေလည်း ရှိပါတယ်။
VOA Burmese News


၂၀၁၇ ကြားဖြတ်ရွေးကောက်ပွဲမဲဆွယ်စည်းရုံးစဉ်
၂၀၁၇ ကြားဖြတ်ရွေးကောက်ပွဲမဲဆွယ်စည်းရုံးစဉ်
လာမယ့် ၂ ရက် အတွင်း ကျင်းပတော့မယ့် ၂၀၁၇ ကြားဖြတ်ရွေးကောက်ပွဲမှာ လက်ရှိ အာဏာရ အမျိုးသားဒီမိုကရေစီအဖွဲ့ချုပ်အနေနဲ့ ဝင်ရောက်ယှဉ်ပြိုင်မယ့် ၁၈ နေရာလုံး နိုင်မယ့်အလားအလာရှိတယ်လို့ ပါတီထိပ်ပိုင်းခေါင်းဆောင်တဦးက ပြောဆိုလိုက်ပါတယ်။ ကြားဖြတ် ရွေးကောက်ပွဲကျင်းပမယ့် လစ်လပ်မဲဆန္ဒနယ် ၁၉ နေရာထဲက တိုင်းရင်းသားနယ်မြေတချို့မှာ NLD ပါတီအနေနဲ့ နိုင်ဖို့အလားအလာ နည်းတယ်ဆိုတဲ့ သုံးသပ်ချက်တွေ ထွက်နေချိန်မှာ အခုလိုပြောလိုက်တာပါ။ အင်အားကြီးပါတီတွေနဲ့ ဒေသခံ တိုင်းရင်းသားပါတီတွေအပြင် အခြားနိုင်ငံရေးပါတီတွေ အားလုံး ရွေးကောက်ပွဲ မဲဆွယ်စည်းရုံးရေးတွေကို အရှိန်အဟုန်နဲ့ ဆောင်ရွက်နေကြပါတယ်။ ဒီအခြေအနေတွေနဲ့ ပတ်သက်လို့ ဗွီအိုအေ သတင်းထောက် မမြင့်မြင့်ခိုင်က တင်ပြပေးထားပါတယ်။

လက်ရှိအာဏာရ အမျိုးသားဒီမိုကရေစီအဖွဲ့ချုပ်အနေနဲ့ ဧပြီလ ၁ ရက်နေ့မှာ ကျင်းပတော့မယ့် ကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်မယ့် နေရာ ၁၈ နေရာစလုံးလုံးမှာ နိုင်မယ့်အလားအလာရှိတယ်လို့ NLD ပါတီရဲ့ဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်းက ဗွီအိုအေကို ပြောပါတယ်။

“ကျနော်တို့ ၁၈ နေရာလုံး မရနိုင်ဘူးဆိုတဲ့အနေအထားကို ကျနော်တို့သိတယ်။ အဲဒါကြောင့် ၁၈ နေရာလုံးရဖို့ ကျနော်တို့ကြိုးစားနေတယ်။ ပထမအားနည်းတာတွေ ကျနော်တို့ရှိတယ်။ ကျနော်တို့ဘက်မှာ မိုင်းရှူး ဒီနေရာတွေအားနည်းတယ်။ နောက်ရခိုင်မှာ အားနည်းတယ်။ သို့သော် ကျနော်တို့ ကြိုးစားလာတဲ့အခြေအနေပေါ်မှာ မူတည်ပြီး ပြောရရင် ၁၈ နေရာလုံးကို မျှော်လင့်လို့ရတဲ့အခြေအနေ ရောက်လာနေပြီလို့ ကျနော်တို့ ယူဆတယ်။”

အစိုးရသစ်သက်တမ်း တနှစ်ပြည့်တဲ့အချိန်မှာကျင်းပတဲ့ ကြားဖြတ်ရွေးကောက်ပွဲဟာ အာဏာရ NLD ပါတီအပေါ် လူထုစစ်တမ်းကောက်ယူတဲ့ ရွေးကောက်ပွဲလိုမျိုး ရှုမြင်နိုင်သလို အစိုးရသစ်လက်ထက် ပထမဆုံးကျင်းပတဲ့ ဒီရွေးကောက်ပွဲဟာ တရားမျှတမှုရှိမယ်လို့လဲ ယုံကြည်ကြောင်း ဦးဥာဏ်ဝင်းက ဆိုပါတယ်။ ­

ဒီကြားဖြတ်ရွေးကောက်ပွဲအပေါ် လူစိတ်ဝင်စားမှု နည်းတယ်ဆိုပေမယ့် ရခိုင်ပြည်နယ်က အမ်း မဲဆန္ဒနယ်နဲ့ ရှမ်းပြည်နယ် မိုင်းရှူးနဲ့ ကျေးသီး မဲဆန္ဒနယ်တွေမှာတော့ နိုင်ငံရေးပါတီတွေအကြား အကျိတ်အနယ် ယှဉ်ပြိုင်ရဖွယ်ရှိနေပြီး တိုင်းရင်းသားဒေသတွေမှာတော့ အင်အားကြီးပါတီ နှစ်ခုဖြစ်တဲ့ အမျိုးသားဒီမိုကရေစီအဖွဲ့ချုပ်နဲ့ ပြည်ခိုင်ဖြိုးပါတီတို့ နိုင်မယ့်အလားအလာနည်းတယ်လို့ သုံးသပ်မှုတွေလဲရှိနေတာပါ။

မဲဆန္ဒနယ် ၇ ခုမှာ ဝင်ရောက်ယှဉ်ပြိုင်မယ့် ရှမ်းတိုင်းရင်းသားများ ဒီမိုကရေစီအဖွဲ့ချုပ်အနေနဲ့လည်း မြေပြင်အခြေအနေအရ နိုင်ဖို့ အလားအလာ ရှိတယ်လို့ ပါတီရဲ့ အထွေထွေအတွင်းရေးမှူး ဦးစိုင်းညွန့်လွင်က ပြောပါတယ်။

“မနေ့က ၂၈ ရက်နေ့အထိဆိုရင်တော့ ၇ နေရာစလုံးအတွက်အခြေအနေကောင်းနေပါပြီလို့ပြောလို့ရပါတယ်။ ဒါက Focus လုပ်တယ်ဆိုတာကတော့ ခန့်မှန်းပြီးလုပ်လို့မရဘူး။ တကယ့်မြေပြင်သတင်းတွေ နောက်တကယ်ဖြစ်နိုင်တဲ့ အပေါ်မှာ မူတည်ပြီးတော့ တွက်တာပါ။”

ရှမ်းတိုင်းရင်းသားဒီမိုကရေစီအဖွဲ့ချုပ်အနေနဲ့ ကြားဖြတ်ရွေးကောက်ပွဲမှာနိုင်ရုံနဲ့ လွှတ်တော်တွင်း ဘာတွေပြောင်းလဲမှု လုပ်နိုင်မလဲဆိုတာနဲ့ ပတ်သက်လို့ ဦးစိုင်းညွန့်လွင်က အခုလို ရှင်းပြပါတယ်။

“ပြည်နယ်လွှတ်တော်မှာကတော့ ၅ မဲပိုလာမယ်။ ပြီးတော့ ပြည်သူ့လွှတ်တော်မှာ ၂ မဲပိုလာမယ်။ သို့သော်လည်း ဒီမဲတွေက အဲဒီဆိုင်ရာလွှတ်တော်တွေကိုပြောင်းလဲအောင် မလုပ်နိုင်ပါဘူး။ ကျနော်တို့ စည်းရုံးရေးနယ်မြေတွေမှာတင် ရှုံးနေတယ်ဆိုရင်တော့ ကျနော်တို့ ပါတီရဲ့မူဝါဒတွေ လုပ်ပုံလုပ်နည်းတွေ စည်းရုံးရေးတွေကို သေချာပြန်သုံးသပ်ရမှာဖြစ်တယ်။”

လက်ရှိမှာတော့ အတိုက်အခံ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီအနေနဲ့လဲ ရွေးကောက်ပွဲ မဲဆွယ်စည်းရုံးရေးတွေကို ပါတီဥက္ကဌ ဦးသန်းဌေး ကိုယ်တိုင် အင်တိုက်အားတိုက်လုပ်ဆောင်နေတာပါ။ ပြည်ခိုင်ဖြိုးပါတီအနေနဲ့ ကြားဖြတ်ရွေးကောက်ပွဲရလဒ်ကို ကျေကျေနပ်နပ်လက်ခံဖို့ရှိပေမယ့် သူ့စကားအရ လိမ်ညာ မဲဆွယ်စည်းရုံးမှုတွေကို သတိထားဖို့လိုတယ်ဆိုတာကို USDP ပါတီဥက္ကဌ ဦးသန်းဌေးက မတ်လ ၂၉ ရက်နေ့ကလုပ်တဲ့ ကော့မှူးမြို့နယ် မဲဆွယ်စည်းရုံးပွဲမှာ ပြောသွားပါတယ်။

“လာမယ့် ဧပြီ ၁ ရက်ပေးမယ့် ခင်ဗျားတို့ရဲ့မဲတွေကို ဘယ်သူမှ ဓါးပြတိုက်ယူလို့မရပါဘူး ။ အမိန့်ပေးလို့မရဘူး အကြပ်ကိုင်လို့မရဘူး။ ဒါပေမယ့် သတိပေးချင်တယ် လိမ်လို့ရတယ်။ အဲဒါကြောင့် လူလိမ်တွေကို သတိထားပါ။”

မကြာခင်ကျင်းပမယ့် ကြားဖြတ်ရွေးကောက်ပွဲမှာ ပြည်ခိုင်ဖြိုးပါတီက ၁၉ နေရာလုံး ဝင်ရောက်ယှဉ်ပြိုင်မှာပါ။ ပြီးခဲ့တဲ့ရက်ပိုင်းအတွင်း လုံခြုံရေး စိုးရိမ်ချက်တွေကြောင့် ရှမ်းပြည်နယ် မိုင်းရှူးက ကျေးရွာကြီး ၃ ခုမှာ ရွေးကောက်ပွဲမကျင်းပဖို့ NLD ပါတီရဲ့ ကိုယ်စားလှယ်လောင်းတွေ ကန့်ကွက်ခဲ့တဲ့ အပေါ် ရွေးကောက်ပွဲကော်မရှင်ဘက်က မဲရုံတွေ ပြောင်းရွေ့ပေးဖို့ ဆုံးဖြတ်ပေးထားပါတယ်။ ဒီလို မဲရုံတွေ ပြောင်းရွေ့လိုက်တာကြောင့် မဲဆန္ဒရှင်တွေ မဲပေးချင်စိတ်ကုန်အောင် သွယ်ဝိုက် ကန့်သတ်တယ်လို့ ယူဆတာကြောင့် ရှမ်းတိုင်းရင်းသားများဒီမိုကရေစီအဖွဲ့ချုပ်ဘက်က မဲဆန္ဒရှင်တွေ မဲပေး ပိုင်ခွင့်မဆုံးရှူံးအောင် ကော်မရှင်အနေနဲ့ ဆောင်ရွက်ပေးဖို့ တင်ပြထားတာလည်းရှိပါတယ်။

VOA Burmese News



ကချင်ပြည်နယ်လွှတ်တော် အစည်းအဝေး ကျင်းပနေစဉ်။ Photo: Kyaw Myo Min/RFA
ကချင်ပြည်နယ်က တရားရုံးတွေမှာ တရားသူကြီးတွေကို လွန်ကဲတဲ့ အခွင့်အရေးတွေ ပေးထားတဲ့ အတွက် အဂတိလိုက်စားမှုတွေရှိနေကြောင်း ပြည်နယ်လွှတ်တော်က ဖွဲ့စည်းထားတဲ့ အစိုးရရဲ့ အာမခံချက်များ၊ ကတိများ၊ တာဝန်ခံချက်များနှင့် တရားစီရင်ရေးဆိုင်ရာ ကော်မတီ က ဒီနေ့ ပြည်နယ်လွှတ်တော်ထံ တင်ပြခဲ့ပါတယ်။

ဒီကနေ့ ပြည်နယ်လွှတ်တော်အစည်းအဝေးမှာ ကော်မတီ ဥက္ကဋ္ဌ ဦးတင်ဦးယု က ကော်မတီရဲ့ လေ့လာတွေ့ရှိချက် နှစ်ချုပ်အစီရင်ခံစာ တင်သွင်းရာမှာ ပြောကြားခဲ့တာဖြစ်ပါတယ်။

အခြေခံပြည်သူအများစုဟာ မြေယာပြဿနာတွေနဲ့ ရင်ဆိုင်နေရပြီး ၂၀၁၂ ခုနှစ် လယ်ယာမြေဥပဒေ နဲ့ နည်းဥပဒေတွေရဲ့ အားနည်းမှုကြောင့် သက်ဆိုင်ရာ တာဝန်ရှိဝန်ထမ်းတွေဟာ အဂတိ လိုက်စားမှုကို အလွယ်တကူကျူးလွန်နေကြတယ်လို့လည်း အစီရင်ခံစာမှာပါရှိပါတယ်။

ဒါ့အပြင် မြေယာပြဿနာအချို့မှာ ပြစ်မှုဆိုင်ရာ ဥပဒေနဲ့ လယ်ယာမြေဥပဒေတို့ကို ရောထွေးပြီး ဆုံးဖြတ်နေခြင်းကြောင့် မလိုအပ်ဘဲ တရားရုံးအတင်ခံရတဲ့ အခြေအနေတွေကို ဥပဒေ နားမလည်တဲ့ ပြည်သူတွေက ရင်ဆိုင်နေရကြောင်း လွှတ်တော်ကို တင်ပြခဲ့ပါတယ်။

အဲဒီလိုအခြေအနေတွေကို လွှတ်တော်က အပြန်အလှန်ထိန်းညှိတဲ့ ပုံစံနဲ့ ဆောင်ရွက် သင့်ကြောင်းလည်း အကြံပြုတင်ပြခဲ့ပါတယ်။

အလားတူ အုပ်ချုပ်ရေး၊ ငြိမ်းချမ်းရေး၊ လူဝင်မှုကြီးကြပ်ရေးနှင့် နယ်စပ်ရေးရာကော်မတီကလည်း နှစ်ချုပ်အစီရင်ခံစာတင်သွင်းခဲ့ပါတယ်။

RFA Burmese
http://www.rfa.org/burmese


ဝိုင်းမော်မြို့နယ် နောင်စီပေါကျေးရွာအရှေ့ဘက် ၃ မိုင်လောက်မှာရှိတဲ့ အင်ကြင်းတောင်မှာ စက်ယန္တရားတွေနဲ့ တရုတ်နိုင်ငံသားတွေ တရားမဝင် သစ်ခုတ် ယူနေစဉ်။ Photo: Kyaw Myo Min/RFA
ကယားပြည်နယ် ဘော်လခဲမြို့နယ်နဲ့ ဖားဆောင်းမြို့နယ်တို့က တရားမ၀င်သစ်ခိုးထုတ်မှုမှာ ပါဝင်ပတ်သက်တယ်ဆိုပြီး ဒီလအတွင်း သစ်တောအရာရှိ ၉ ဦးကို ရာထူးကနေ ထုတ်ပယ် လိုက်ပါတယ်။

ဘော်လခဲမြို့သစ်တောဦးစီးဌာနက တောအုပ် နှစ်ဦးနဲ့ တောခေါင်း ၇ ဦးတို့ကို ထုတ်ပယ်လိုက်တာ ဖြစ်တယ်လို့ ကယားပြည်နယ် အစိုးရအဖွဲ့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးတီရယ် က ပြောပါတယ်။

" သစ်မှောင်ခိုလာတဲ့အချိန်သူတို့ ပိုက်ဆံတောင်းတယ်၊ ၂၀၁၂၊ ၂၀၁၃ ထဲက အပြစ်ရှိတဲ့ဟာတွေဗျ၊ ၃လပိုင်းထဲမှာ အားလုံးပေါင်း ၉ ဦးကိုပေးနားလိုက်တာပေါ့"

ရာထူးကနေ ထုတ်ပယ်ခံရသူ ၉ ဦးဟာ ဘော်လခဲနဲ့ ဖားဆောင်းမြို့နယ်တွင်းက တရားမဝင် သစ်ခိုးထုတ်လာတဲ့ သစ်ကားတွေဆီကနေ ကားတစ်စီးကို ငွေကျပ်ငါးသောင်းစီယူပြီး ဖြတ်သန်း ခွင့်ရအောင် ကူညီဆောင်ရွက်ပေးခဲ့တာဖြစ်တယ်လို့ သိရပါတယ်။

အဲဒီ ၉ ဦးအပြင် မြို့နယ်သစ်တောဦးစီးမှူးကို ရာထူးကနေ လျှော့ချခဲ့တယ်လို့လည်း ဝန်ကြီး ဦးတီရယ် က ပြောပါတယ်။

ကယားပြည်နယ်အတွင်း တရားမဝင်သစ်ခိုးထုတ်မှုတွေကို ဖမ်းဆီးရာမှာ အရင်က သစ်တောဦးစီး ဌာနတစ်ခုတည်းကသာ တာဝန်ယူဆောင်ရွက်ခဲ့ပေမယ့် လက်ရှိမှာ သစ်တောဌာနအပြင် ကျန်တဲ့ဌာနဆိုင်ရာတွေနဲ့ပါ ပူးပေါင်းဖမ်းဆီးတာတွေဆောင်ရွက်နေသလို အစိုးရစစ်တပ်ရဲ့အကူအညီနဲ့ ဖမ်းဆီးတာတွေရှိတယ်လို့လည်း ဦးတီရယ် က ပြောပါတယ်။

လက်ရှိ အန်အယ်လ်ဒီအစိုးရတာဝန်ယူတဲ့ကာလအတွင်း ကယားပြည်နယ်မှာ တရားမ၀င်သစ်တန်ချိန် ၇၀၀ ကျော်ဖမ်းဆီးရမိခဲ့ပြီး နိုင်ငံခြားကို အဓိကတင်ပို့တဲ့ သစ်မာအမျိုးအစားကို အများဆုံး ဖမ်းဆီးရ မိတာဖြစ်တယ်လို့ သိရပါတယ်။

RFA Burmese
http://www.rfa.org/burmese



၂၀၁၇ ခုနှစ် ဖေဖော်ဝါရီလ အတွက် ချီးကျူး ဂုဏ်ပြုထိုက်သူ အဖြစ် ရွေးချယ်ခြင်း ခံရသည့် မအေးချမ်းအောင်(ဓာတ်ပုံ- Myanmar State Counsellor Office)
   ရန်ကုန် ၊ မတ် ၂၉ ရက်(ဆင်ဟွာ)

    နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ချီးကျူး ဂုဏ်ပြု ထိုက်သူများအား ရွေးချယ်၍ ပြည်သူသို့ ကျေးဇူးတင်လွှာများ ထုတ်ပြန်ရာတွင် ယခုနှစ် ဇွန်လ အတွက် ချီးကျူး ဂုဏ်ပြု ထိုက်သူ အဖြစ် မအေးချမ်းအောင်ကို ရွေးချယ်လိုက်ကြောင်း နိုင်ငံတော်၏ အတိုင်ပင်ခံ ပုဂ္ဂိုလ်ရုံးမှ  မတ် ၂၈ ရက်စွဲဖြင့် ထုတ်ပြန် ကြေညာခဲ့သည်။

အသက် ၂၇ နှစ် အရွယ် မအေးချမ်းအောင်သည် ရခိုင် တိုင်းရင်းသား ဖခင် ဦးမြင့်အောင် နှင့် ဓနု တိုင်းရင်းသူ မိခင် ဒေါက်တာ ဒေါ်သန်းနုတို့ မှ ၁၉၉၀ ခုနှစ်တွင် အောင်ပန်းမြို့ ၌ မွေးဖွား သန့် စင်ခဲ့ပြီး မွေးရာပါ အဖြစ် ညာဖက် မျက်စိ အမြင် အာရုံ ချို့ ယွင်းခဲ့သူ ဖြစ်သည်။အသက် ၁၀ နှစ် အရွယ် မူလတန်း ပညာ သင်ကြားနေစဉ် ဘယ်ဘက် မျက်စေ့မှာလည်း လုံးဝ အလင်း ကွယ်ခဲ့သဖြင့် အမြင် အာရုံ လုံးဝ ပျောက်ဆုံး ခဲ့ရသည်။

သို့ ရာတွင် အားငယ်စိတ် အလျဉ်းမရှိ ၊ ဘ၀ကို အလွယ်တကူ အရှုံးမပေးဘဲ မိခင်ဖြစ်သူ၏ အားပေး ကူညီမှုများဖြင့် ကြိုးပမ်း အားထုတ်ခဲ့ရာ ၂၀၀၆ ခုနှစ်တွင် အခြေခံ ပညာ အထက်တန်းကို အင်္ဂလိပ် ၊ သမိုင်း ၊ ဘောဂဗေဒ (၃)ဘာသာ ဂုဏ်ထူး ၊ ရမှတ် ၄၈၁ မှတ်ဖြင့် မြန်မာ တစ်နိုင်ငံလုံး ၀ိဇ္ဇာဘာသာတွဲ ပထမ အဆင့်ဖြင့် ထူးထူးချွန်ချွန် အောင်မြင်ခဲ့ပြီးနောက် ၂၀၁၀ ခုနှစ်တွင် မန္တလေး နိုင်ငံခြား ဘာသာ တက္ကသိုလ်မှ B.A(English)ဘွဲ့ ကို ရရှိခဲ့သည်။ထို့ ပြင် ရွှေမင်းသား ဖောင်ဒေးရှင်းမှ ဖွင့်လှစ်သည့် ကွန်ပြူတာ သင်တန်းကိုလည်း တက်ရောက် အောင်မြင်ခဲ့သည်။

မအေးချမ်းအောင်သည် အမြင်အာရုံ ချို့ ယွင်းသည့် လူငယ်များ၏ ပညာမျက်စိ အလင်း ဖွင့်ကာ ဘ၀ အနေ အထား မြင့်မား စေလိုသည့် စိတ်ရင်း စေတနာဖြင့် ၂၀၁၂ ခုနှစ်တွင် ရမည်းသင်း မျက်မမြင်ကျောင်း၌ စေတနာ့ ၀န်ထမ်း လုပ်အားပေး ဆရာမ အဖြစ် သွားရောက် ပညာ သင်ကြားပေးခဲ့သည်။တဖန် ၂၀၁၃ ခုနှစ်တွင် မြန်မာနိုင်ငံ မသန်စွမ်းသူများ ရှေ့ ဆောင် အဖွဲ့ မှ ခေါ်ယူသည့် မသန်စွမ်း လူငယ်များ ခေါင်းဆောင်မှု မြင့်တင်ရေး သင်တန်းသို့ တက်ရောက်ခဲ့သည်။

အကြောင်း အမျိုးမျိုးကြောင့် မသန်စွမ်းဖြစ်ခဲ့ရသူများကို သာမန်လူများ နည်းတူ နယ်ပယ်စုံတွင် တန်းတူညီမျှ ဆက်ဆံမှု ရရှိနိုင်ရေး ကိစ္စရပ်များ ဆက်လက် ဆောင်ရွက်နိုင်ရန် ရည်ရွယ်ချက်ဖြင့် နိုင်ငံခြား တက္ကသိုလ်ကြီး တစ်ခုတွင် Public Policy ပြည်သူ့ ရေးရာ မူဝါဒ ပညာရပ် ဆိုင်ရာ မဟာဘွဲ့ ရယူသွားရန် စိတ်ပိုင်း ဖြတ်ထားသူ လည်း ဖြစ်သည်။ယခုအခါ မိခင် ဖြစ်သူ နှင့် အတူ အောင်ပန်းမြို့ တွင် နေထိုင်ရင်း အင်္ဂလိပ်-မြန်မာ ဘာသာပြန်ခြင်း လုပ်ငန်းဖြင့် အသက်မွေး ၀မ်းကျောင်းလျက် ရှိသည်။

မအေးချမ်းအောင် နည်းတူ နိုင်ငံသူနိုင်ငံသားများ ၊ ပရဟိတ စေတနာရှင်များ ၊ လူမှုရေး အသင်း အဖွဲ့ များ ၊ ပြည်သူများ အနေဖြင့် မလျော့သော ဇွဲ ၊ မပြတ်သည့် လုံ့ လ ၊ ခိုင်မာသော ၀ီရိယ တို့ ကို အရင်းခံလျက် တတ်စွမ်းသမျှ ကြိုးပမ်း ဆောင်ရွက်ကာ နိုင်ငံတော် နှင့် ပြည်သူအတွက် အလုပ်အကျွေး ပြုနိုင်သော သားကောင်း ရတနာများ ဖြစ်ကြပါစေရန် မေတ္တာ ရပ်ခံလျက် မှတ်တမ်းတင် ဂုဏ်ပြုအပ်ကြောင်း ထုတ်ပြန်ခဲ့သည်။

(Xinhua)
http://xinhuamyanmar.com


ရန်ကုန်မြို့ လမ်းမတော်မြို့နယ်၊ အနော်ရထာလမ်းမပေါ် ၁၁ လမ်းနှင့် ၁၂လမ်းကြားတွင် မတ်လ ၂၈ ရက်နေ့ ည ၉နာရီအချိန်က စုံတွဲတတွဲ စကားများရန်ဖြစ်ကြရာမှ အမျိုးသမီးဖြစ်သူမှ အဝတ်အစားများ ချွတ်ပြခဲ့သည့်ဖြစ်ရပ် ဖြစ်ပွားခဲ့သည်။

အဆိုပါဖြစ်စဉ်မှ အမျိုးသားနှင့်အမျိုးသမီးမှာ လင်မယာများဖြစ်ပြီး မြောက်ဥက္ကလာပမြို့နယ်တွင် နေထိုင်သူများဖြစ်ကြောင်း လမ်းမတော်မြို့မရဲစခန်းမှ သိရသည်။


"အဲဒီမှာ ရန်ဖြစ်တယ်ဆိုလို့ သွားခေါ်လာတာ။ စခန်းရောက်တော့ သူ တို့က လင်မယားအချင်းချင်းဖြစ်တာမို့ အမှုမဖွင့်ချင်ဘူးလို့ ပြောပါတယ်။ အဲဒါကြောင့် သူတို့ကို ခံဝန်ယူခိုင်းပြီးတော့ လင်မယားအချင်းချင်းရန်ဖြစ်တာမို့လို့ ပြန်လွှတ်ပေးလိုက်တယ်''ဟု အဆိုပါစခန်းမှ တာဝန်ကျရဲမေတဦးက News Watch သို့ ပြောသည်။

၎င်းစုံတွဲ စကားများရန်ဖြစ်ရသည့်အကြောင်းရင်းနှင့်ပတ်သက်၍ အဆိုပါရဲမေက ဆက်လက်ပြောကြားရာတွင် "သူ့ယောကျာ်းက အလုပ်လာရှာတာ။ တနေ့လုံး အလုပ်ရှာမတွေ့ဘူးဆိုတော့ ပြဿနာဖြစ်တယ်လို့ သိရပါတယ်''ဟု ဆိုသည်။

အဆိုပါ အမျိုးသားနှင့် အမျိုးသမီးတို့သည် အသက် ၃၀ ၀န်းကျင်ခန့်သာရှိသေးကြောင်း ကိုယ်တိုင်မြင်တွေ့ခဲ့သည့် လမ်းမတော်မြို့နယ်နေသူတဦးကပြောသည်။


"ကျွန်တော်သိရသလောက်ကတော့ ဆိုက္ကားစီးလာရင် ၁၁ လမ်းထိပ်မှာ ရန်ဖြစ်ကြတယ်။ အဲဒီမှာ ယောက်ျားက အမျိုးသမီးကို ထိုးလားကြိတ်လား လုပ်တယ်ပေါ့။ နောက်မကြာဘူး ရဲကားရောက်လာတယ်။ ရဲကားရောက်လာတော့ ကောင်မလေးက သူ့ကို မုဒိန်းကျင့်ပါတယ်ဆိုပြီး ပြောတယ်။ ဒါနဲ့ ရဲကလည်း ကောင်လေးကိုလက်ထိပ်ခတ်ပြီး ကားပေါ်တင်တာပေါ့။ ကောင်မလေးက ဆေးကြောင်နေလားမသိဘူး။ ကောင်လေးကို လက်ထိပ်ခတ်တော့ သူတို့က လင်မယားတွေ။ သူ့ယောင်္ကျားကို ပြန်လွှတ်ပေးဆိုပြီး ပြောတယ်။ ရဲက စခန်းကိုလိုက်ဖို့ပြောတယ်။ အဲဒီမှာ ကောင်မလေးက သူ့ယောကျာ်းကို မလွှတ်လို့ဆိုပြီး အဝတ်အစားတွေ အကုန်လုံးချွတ်ပစ်တာ။ ကျွန်တော်တို့တောင် ကြောင်သွားတယ်။ နောက်တော့ ကောင်မလေးက အဝတ်အစားမပါဘဲ ၁၁ လမ်းထိပ်ကနေ စံပြမီးပွိုင့်ဘက်ကို ပြေးသွားတယ်။ ဘုန်းကြီးလမ်းဘက်ကို ရောက်တဲ့အချိန်မှာ ရဲမေတဦးရောက်လာပြီးတော့ ခေါ်သွားတယ်''ဟု ၄င်းကပြောသည်။

အဆိုပါ အမျိုးသမီးသည် မူးယစ်ဆေးဝါးသုံးစွဲထားခြင်း မရှိကြောင်း ရဲမေတဦးက ပြောသည်။

လင်းလင်းအောင်
Photo Credit-Myo Myint
News Watch
https://www.facebook.com/NewsWatchJournal/



ရန်ကုန်သင်္ကြန်လုံခြုံရေးနဲ့ ပတ်သက်တဲ့ ဆွေးနွေးပွဲကို မတ်လ ၂၉ ရက်နေ့က ရန်ကုန်တိုင်းအစိုးရဖွဲ့ရုံးမှာ ကျင်းပနေစဉ်။ Photo:Kyaw Zaw Win/RFA
ရန်ကုန်သင်္ကြန်လုံခြုံရေးအတွက် ရဲတပ်ဖွဲ့ဝင်အင်အား ၅ထောင်ကျော်နဲ့ လူမှုရေး အဖွဲ့အစည်းတွေအပါအ၀င် အင်အား ၈ ထောင်ကျော် အသုံးပြုသွားမယ်လို့ ရန်ကုန်တိုင်းဒေသကြီး နယ်စပ်ရေးရာနဲ့ လုံခြုံရေးဝန်ကြီး ဗိုလ်မှူးကြီး တင်အောင်ထွန်းက ပြောပါတယ်။

ဒီကနေ့ ရန်ကုန်တိုင်းအစိုးရဖွဲ့ရုံးမှာ ကျင်းပတဲ့ ရန်ကုန်သင်္ကြန်လုံခြုံရေးနဲ့ ပတ်သက်တဲ့ ဆွေးနွေးပွဲမှာ ဗိုလ်မှူးကြီး တင်အောင်ထွန်း က ပြောကြားခဲ့တာဖြစ်ပါတယ်။

ဒီနှစ်ရန်ကုန်သင်္ကြန်မှာ မဏ္ဍပ်အကြီး ၂၂ ခု အပါအ၀င် မဏ္ဍပ်စုစုပေါင်း ၆၀ လောက်ရှိတယ်လို့ ရန်ကုန်တိုင်းရဲတပ်ဖွဲ့ က ပြောပါတယ်။

သင်္ကြန်မဏ္ဍပ်အကြီးတစ်ခုစီမှာ ရဲအရာရှိ ၂ ဦးနဲ့ ရဲတပ်ဖွဲ့ဝင် ၁၈ ဦးက လုံခြုံရေး တာဝန်ယူ ပေးထားမှာဖြစ်ပြီး လူစည်ကားရာနေရာတွေမှာလည်း လုံခြုံရေးတွေ ထားရှိမှာဖြစ်တယ်လို့ သိရပါတယ်။

ဒီနှစ်မှာ ရန်ကုန်တိုင်းဒေသကြီးအတွင်းက ကိုကိုးကျွန်းမြို့နယ်တရားရုံးကလွဲပြီး ကျန်မြို့နယ်တွေက တရားရုံးတွေကို ဖွင့်လှစ်သွားမှာဖြစ်တယ်လို့လည်း သိရပါတယ်။

RFA Burmese
http://www.rfa.org/burmese



( ဓါတ်ပုံ - MIG-29 တိုက်လေယာဉ်တစ်စင်းကို တွေ့ရစဉ် )
မြန်မာအစိုးရလေတပ်က ဝယ်ယူခဲ့တဲ့ ရုရှားနိုင်ငံလုပ် MIG-29 တိုက်လေယဉ်ပျံ ၁ဝ စင်းကို မော်စကိုမြို့အနီးက စက်ရုံတွေမှာ အဆင့်မြှင့် မွန်းမံတတ်ဆင်မှုတွေ ယခုလတ်တလော ပြုလုပ်ပေးခဲ့တယ်လို့ သိရပါတယ်။

မလေးရှားမှာ အရင်အပတ်ကကျင်းပတဲ့ လေကြောင်းပြပွဲကို တက်ရောက်ခဲ့တဲ့ ရုရှားကိုယ်စားလှယ်အဖွဲ့က အဲဒီသတင်းကို ပြောကြားခဲ့တာဖြစ်ပြီး အလားတူ MIG- 29 တိုက်လေယာဉ်ပျံတွေ ဝယ်ယူထားတဲ့ မလေးရှားနဲ့ ဘင်္ဂလားဒေ့ရှ် အစိုးရတွေကိုလည်ြး မန်မာ့တပ်မတော်နည်းတူ အဆင့်မြင့်မွန်းမံမှုတွေ ပြုလုပ်ဖို့ ရုရှားကကမ်းလှမ်းခဲ့တယ်လို့ မနေ့ကရတဲ့သတင်းမှာ ဖေါ်ပြထားပါတယ်။

မြန်မာအစိုးရဟာ အဲဒီ MIG -29 တိုက်လေယာဉ်ပျံ ၁ဝ စင်းကို ၂ဝဝ၁ ခုနှစ်က ဝယ်ယူခဲ့ပြီး ၂ဝဝ၉ ခုနှစ်မှာ နောက်ထပ် ၁၆ စင်းဝယ်ယူခဲ့ပါတယ်။ ထပ်မံဝယ်ယူတဲ့ တိုက်လေယာဉ်တွေထဲက ၆ စင်းဟာ ပိုပြီးအဆင့်မြင့်တဲ့ MIG-29SE အမျိုးအစားတွေဖြစ်ပါတယ်။ တပါတည်းဝယ်ယူခဲ့တဲ့ လေ့ကျင့်ရေးတိုက်လေယဉ် ၆ စင်းကိုပါ ထည့်သွင်းမယ်ဆိုရင် မြန်မာလေတပ်မှာ လက်ရှိအားဖြင့် MIG-၂၉ တိုက်လေယာဉ် ၃၂ စင်းရှိပါတယ်။

RFA Burmese
https://www.facebook.com/rfaburmese/



NLD ပါတီမှ အဖွဲ့ဝင်တွေက မော်တော်ဆိုင်ကယ်တွေဖြင့် မတ်လ ၂၉ ရက်နေ့က မွန်ပြည်နယ် ချောင်းဆုံမြို့နယ်မှာ မဲဆွယ်နေစဉ်။ Photo: Kyaw Lwin Oo/ RFA
လစ်လပ်မဲဆန္ဒနယ် ၁၉ နေရာထဲက မွန်ပြည်နယ် ချောင်းဆုံမြိုနယ်မှာ အမျိုးသားဒီမိုကရေစီအဖွဲ့ချုပ် နဲ့ မွန်ဒေသလုံးဆိုင်ရာ ဒီမိုကရေစီပါတီတို့က ကြားဖြတ်ရွေးကောက်ပွဲကျင်းပဖို့ နှစ်ရက်အလို ဒီနေ့မှာ အပြိုင်မဲဆွယ်စည်းရုံးနေကြပါတယ်။

အမျိုးသားဒီမိုကရေစီအဖွဲ့ချုပ်က ပါတီဝင်အင်အား ၃၀၀ ခန့်ဟာ ဆိုင်ကယ်တွေ မော်တော်ကားတွေနဲ့ ချောင်းဆုံမြို့နယ် တစ်ပတ် လှည့်လည်မဲဆွယ်ခဲ့သလို မွန်ဒေသလုံးဆိုင်ရာ ဒီမိုကရေစီပါတီကလည်း မဲဆွယ်စည်းရုံးတာတွေ ဒီနေ့ ပြုလုပ်ကြပါတယ်။

အမျိုးသားဒီမိုကရေစီအဖွဲ့ချုပ်က ချောင်းဆုံမြိုနယ် ရွေးကောက်ပွဲအောင်နိုင်ရေးအတွက် မွန်ပြည်နယ် ၁၀ မြို့နယ်က လွှတ်တော်ကိုယ်စားလှယ်တွေကလည်း မဲဆွယ်နေကြတာဖြစ်ပါတယ်။

မွန်ဒေသလုံးဆိုင်ရာ ဒီမိုကရေစီပါတီကလည်း လူအင်အား ၃၀၀ လောက်နဲ့ တစ်အိမ်တစ်အိမ်ဆင်း မဲဆွယ်စည်းရုံးတာတွေ လက်ကမ်းစာစောင်ဝေတာတွေ ဒီနေ့ ပြုလုပ်ခဲ့ပါတယ်။

ချောင်းဆုံမြို့နယ်မှာ အမှတ် ၁ နယ်မြေလို့ခေါ်တဲ့ ချောင်းဆုံမြောက်ခြမ်းနဲ့ အမှတ် ၂ နယ်မြေ လို့ခေါ်တဲ့ ချောင်းဆုံတောင်ခြမ်းဆိုပြီးရှိပါတယ်။ အဲဒီ အမှတ် ၁နယ်မြေမှာ ကျေးရွာအုပ်စု ၁၈ အုပ်စုရှိပြီး မွန်တိုင်းရင်းသားတွေ နေထိုင်တာများသလို မွန်ဒေသလုံးဆိုင်ရာ ဒီမိုကရေစီပါတီကို ထောက်ခံသူများပါတယ်။ အမှတ် ၂နယ်မြေကတော့ ကျေးရွာအုပ်စု ၂၈ အုပ်စုရှိပြီး NLD ပါတီဝင်တွေ နေထိုင်တာများတယ်လို့ သိရပါတယ်။

ချောင်းဆုံမြို့နဲ့မော်လမြိုင်မြိုကို သွယ်တန်းဖောက်လုပ်ထားတဲ့ ချောင်းဆုံတံတားကို ဗိုလ်ချုပ်အောင်ဆန်းတံတားလို့ နာမည်ပေးဖို့ ပြည်သူ့လွှတ်တော်က ဆုံးဖြတ်လိုက်တာကြောင့် ဒီလအတွင်း မွန်တိုင်းရင်းသားတွေ ဆန္ဒပြတာတွေရှိခဲ့ပါတယ်။

ချောင်းဆုံမြို့နယ် ပြည်သူ့လွှတ်တော်နေရာမှာ အမျိုးသားဒီမိုကရေစီအဖွဲ့ချုပ်၊ ပြည်ထောင်စု ကြံ့ခိုင်ဖွံ့ဖြိုးရေးပါတီ၊ တိုင်းရင်းသားစည်းလုံးညီညွတ်ရေးပါတီ၊ မွန်အမျိုးသားပါတီနဲ့ မွန်ဒေသလုံး ဆိုင်ရာဒီမိုကရေစီပါတီ စတဲ့ ပါတီ ၅ခု က ကိုယ်စားလှယ်လောင်းတွေ ဝင်ရောက်ယှဉ်ပြိုင် မှာဖြစ်ပါတယ်။

RFA Burmese
http://www.rfa.org/burmese



နေပြည်တော် စည်ပင်သာယာရေး ကော်မတီဝင် ဦးမင်းသူက တောင်သူများအား နစ်နာမှု ထောက်ပံ့ကြေးနှင့် သီးနှံလျော်ကြေး ပေးအပ်နေစဉ်။(ဆင်ဟွာ)
    နေပြည်တော်၊ မတ်လ ၂၉ ရက် (ဆင်ဟွာ)

    နေပြည်တော် ဒက္ခိဏသီရိမြို့ နယ်နှင့် ဇမ္ဗူသီရိ မြို့ နယ်အတွင်းရှိ ယခင် သစ်တော ကျူးကျော် လယ်မြေများနှင့် သီးနှံများအတွက်  နစ်နာမှု ထောက်ပံ့ကြေးငွေ ကျပ် ၉၄၂ သန်းခန့် အား နေပြည်တော် စည်ပင် သာယာရေး ကော်မတီက တောင်သူများသို့ ပေးအပ်ခဲ့သည်။

ထိုသို့ ပေးအပ်ခြင်းသည် မြေယာလျော်ကြေးမဟုတ်ဘဲ သစ်တောမြေအတွင်း နေထိုင်သော တောင်သူများ အခြားသို့ ပြောင်းရွှေ့ ရေးအတွက်  နစ်နာမှု ထောက်ပံ့ကြေးနှင့် စိုက်ပျိုးထားသော သီးနှံများအတွက် လျော်ကြေး ဖြစ်ကြောင်းနှင့် အစိုးရသစ် လက်ထက်တွင် ယခုကဲ့သို့ နစ်နာမှု ထောက်ပံ့ကြေး ပေးအပ်ခြင်းမှာ ပထမဆုံး အကြိမ်ဖြစ်ကြောင်း နေပြည်တော် စည်ပင်သာယာရေး ကော်မတီဝင် ဦးမင်းသူက ပြောသည်။

“ပြည်ထောင်စုနယ်မြေ ဒက္ခိဏခရိုင်  ဒက္ခိဏသီရိမြို့နယ်နှင့် ဇမ္ဗူသီရိမြို့နယ်ရှိ ယခင် ရန်အောင်မြင် သစ်တောကြိုးဝိုင်းတွင်း နေပြည်တော် စည်ပင်သာယာရေး ကော်မတီပိုင်မြေအဖြစ် လွှဲပြောင်းအသုံးပြုခွင့် ရရှိခဲ့သော မြေနေရာများရှိ သစ်တောတွင်း စိုက်ပျိုး လယ်ယာမြေများနှင့် စိုက်ပျိုး သီးနှံများ အတွက် အမှန်တကယ် စိုက်ပျိုးလုပ်ကိုင်ခဲ့ကြသည့် တောင်သူများသို့ သက်ဆိုင်ရာမြို့နယ် လယ်ယာမြေ စီမံခန့်ခွဲမှု ကော်မတီများမှ ကွင်းဆင်း တွက်ချက်ထားသော နစ်နာမှု ထောက်ပံ့ကြေးငွေ နှင့် သီးနှံ လျော်ကြေး စုစုပေါင်း ကျပ် ၉၄၁.၉၄၉ သန်းကို ၂၉.၃.၂၀၁၇ ရက်နေ့ တွင် ဇမ္ဗူသီရိမြို့နယ် အထူး စီမံကိန်းရုံးနှင့် ဒက္ခိဏသီရိမြို့နယ် စည်ပင် သာယာ အုပ်ချုပ်ရေးမှုးရုံးများ၌ပေးအပ်ခဲ့ခြင်းသည်။

(Xinhua)
http://xinhuamyanmar.com


အင်ဒိုနီးရှား နိုင်ငံမှာ ပျောက်ဆုံးနေတဲ့ အမျိုးသား တယောက်ရဲ့ အလောင်းကို စပါးကြီးမြွေ တကောင်ရဲ့ ဝမ်းဗိုက်ထဲမှာ တွေ့ရှိခဲ့ကြောင်း ဒေသခံရဲတပ်ဖွဲ့က ပြောပါတယ်။

ပြီးခဲ့တဲ့ တနင်္ဂနွေနေ့ တုန်းက ဆူလာဝက်စီကျွန်းက အက္ကဘာ အမည်ရှိ အသက် ၂၅ နှစ် အရွယ် အမျိုးသား တယောက်ဟာ စားအုန်းဆီ စိုက်ခင်းဆီ သွားရင်း ပျောက်ဆုံးသွားခဲ့တာပါ။

လူပျောက် ရှာနေရင်းနဲ့ အလွန်ကြီးမားတဲ့ မြွေကြီးကို တွေ့ခဲ့လို့ လူကို မြွေမျိုခဲ့သလား သံသယဝင်ခဲ့တယ်လို့ ဘီဘီစီ အင်ဒိုနီးရှား သတင်းဌာနကို ရဲတပ်ဖွဲ့ က ပြောပါတယ်။


၂၃ ပေ (၇ မီတာ) အရှည် ရှိတယ် ဆိုတဲ့ အကွက်အပြာက် အကြေးခွံ နဲ့ မြွေကြီးကို ခွဲစိတ် ရှာဖွေရာမှာတော့ ပျောက်ဆုံးနေသူရဲ့ အလောင်းကို တွေ့ရှိရတယ်လို့ ဆိုပါတယ်။

ဒီလို အစင်း အပြောက်တွေ ရှိတဲ့ စပါးကြီးမြွေမျိုးဟာ ကမ္ဘာ့အကြီးဆုံး ကျောရိုးရှိ အကြေးခွံ ရှိ သွေးအေးသတ္တဝါ ဖြစ်ပါတယ်။ သူတို့ဟာ သားကောင်တွေကို မျိုမချခင် လေမွန်းသေဆုံးစေတတ်ပါတယ်။

စပါးကြီးမြွေတွေဟာ လူတွေကို အစာ အဖြစ် သတ်စားခဲပေမယ့် မကြာခဏ ကလေးငယ်တွေနဲ့ တိရစ္ဆာန်တွေကို မျိုချတဲ့ သတင်းတွေ ကြားရလေ့ရှိပါတယ်။

BBC Burmese
https://www.facebook.com/bbcburmese


ရန်ကုန် မတ် ၂၈

တရားမဝင် ကုန်စည်များ ကူးသန်းရောင်းဝယ်နေမှုများကို အဓိကကုန်စည်သယ်ပို့ရေးလမ်းကြောင်း နှစ်ခုဖြစ်သည့် မြန်မာနိုင်ငံအထက်ပိုင်း မန္တလေး-မူဆယ်လမ်းပေါ်ရှိ ရေပူစစ်ဆေးရေး ဂိတ်စခန်းနှင့် မြန်မာနိုင်ငံအောက်ပိုင်းရှိ ရန်ကုန်- မြဝတီလမ်းကြောင်းပေါ်ရှိ မရမ်းချောင် စစ်ဆေးရေးစခန်းတို့တွင် တားဆီးစစ်ဆေးအရေးယူလျက်ရှိရာ မန္တလေးမြို့မှ မူဆယ်မြို့သို့ သွားရောက်မည့် Mark II အမျိုးအစား လိုင်စင်မဲ့ ယာဉ်တွင် M22 အမျိုးအစား ၄ဝ မမ လောင်ချာ တွဲလျက် တစ်လက်၊ ကျည် အတောင့် ၃ဝ ဆံ့ ကျည်ကတ်အခွံ တစ်ခုနှင့်အတူ လက်ကိုင်ဖုန်း ခြောက်လုံးကို ၁၆ မိုင် ကျောက်ချော ပူးပေါင်းစစ်ဆေးရေးစခန်းတွင် မတ် ၂၆ ရက် က သိမ်းဆည်းရမိခဲ့ကြောင်း အကောက်ခွန်ဦးစီးဌာနမှ သိရသည်။

အဆိုပါ စစ်ဆေးရေးဂိတ်စခန်းမှ Mark II အမျိုးအစား လိုင်စင်မဲ့ယာဉ်ကို သတင်းအရ စစ်ဆေးခဲ့ရာ ယာဉ်နောက်ဖုံးအတွင်း ပီနံအိတ်ခွံဖြင့် ထုပ်ထားသည့် M22 အမျိုးအစား ၄ဝ မမ လောင်ချာ တွဲလျက် တစ်လက်၊ ကျည် အတောင့် ၃ဝ ဆံ့ကျည်ကတ်အခွံ တစ်ခုနှင့်အတူ လက်ကိုင်ဖုန်း ခြောက်လုံးကို သိမ်းဆည်းရမိခဲ့ခြင်းဖြစ်သည်။

တရားမဝင်ကုန်စည်များ တားဆီး ထိန်းချုပ်ရေးအတွက် တင်သွင်း/ တင်ပို့သော ကုန်ပစ္စည်းများကို စစ်ဆေးလျက်ရှိရာ မတ် ၂၆ ရက်က ရေပူအမြဲတမ်းစစ်ဆေးရေးစခန်းက တရားမဝင် ကုန်သွယ်နေမှုကို တားဆီးမှုခြောက်မှု (ခန့်မှန်းတန်ဖိုး ကျပ် ၅၁ သန်းခန့်)နှင့် မရမ်းချောင် အမြဲတမ်းစစ်ဆေးရေးစခန်းက တားဆီးမှု လေးမှု (ခန့်မှန်းတန်ဖိုးကျပ် ၁ဝ၅ ဒသမ ၉၅၅ သန်းခန့်) ကို သိမ်းဆည်းရမိခဲ့ကြောင်း သိရသည်။

ပြီးခဲ့သည့် မတ် ၁ ရက်မှ စတင်ကာ ရေပူစစ်ဆေးရေး ဂိတ်စခန်းနှင့် မရမ်းချောင် စစ်ဆေးရေးစခန်းတို့တွင် ဌာနဆိုင်ရာပူးပေါင်းအဖွဲ့များ ပါဝင်သည့် အဖွဲ့များက တရားမဝင် ကုန်သွယ်မှုများကို တားဆီးစစ်ဆေး အရေးယူလျက်ရှိရာ မတ် ၂၇ ရက်တွင် မန္တလေး- မူဆယ် ပြည်ထောင်စု လမ်းမကြီးတစ်လျှောက် ကုန်သွယ်မှုယာဉ် ပို့ကုန်အစီး ၆၅ဝ၊ သွင်းကုန် ၇၇၃ စီး၊ ရန်ကုန်- မြဝတီ လမ်းမကြီးတစ်လျှောက် ကုန်သွယ်မှုယာဉ် ပို့ကုန် ၄၅ စီး၊ သွင်းကုန် အစီး ၁၉ဝ စီးဖြင့် ကုန်စည်များ သယ်ယူပို့ဆောင်လျက်ရှိကြောင်း အကောက်ခွန်ဦးစီးဌာနမှ သိရသည်။

MOI Webportal Myanmar
https://www.facebook.com/MOIWebportalMyanmar/



စစ်တွေ ဆိပ်ကမ်း ဂြိုဟ်တု ဓါတ်ပုံ။ Photo: Google Map
မြန်မာရေတပ်အတွက် အမေရိကန်ဒေါ်လာ ၃၈ သန်းနီးပါး တန်ဖိုးရှိတဲ့ တိုပီဒို သင်္ဘောဖျက်လက်နက်တွေ ရောင်း ချဖို့ အိန္ဒိယက သဘောတူလိုက်ပါတယ်။

မြန်မာရေတပ်ဟာ မကြာခင်က ဆိုနာ ခေါ် အသံလှိုင်းသုံး ရေအောက်ရှာဖွေထောက်လှမ်းရေး ကိရိယာတွေ အပါအ၀င် ရေတပ်သုံးပစ္စည်းတွေ အိန္ဒိယဆီက ၀ယ်ယူခဲ့အပြီး၊ အခုလို တိုပီဒိုတွေ ၀ယ်ယူဖို့ ဆက်လက်ကမ်းလှမ်း ခဲ့တာဖြစ်ပါတယ်။

အခုလို တိုပီဒိုတွေ ၀ယ်ယူတာဟာ မြန်မာနဲ့ ဘင်္ဂလားဒေ့ရ်ှကြား ရေတပ်ချင်းအားပြိုင်မှု ကြီးထွားလာနေတယ် ဆိုတာ ပြသလိုက်တာဖြစ်တယ်လို့ အေပီ သတင်းက ဆိုပါတယ်။

ဒီလ အစောပိုင်းကလည်း မြန်မာရေတပ်သားတွေကို လေ့ကျင့်ပေးဖို့နဲ့ မိုးလေဝသဆိုင်ရာ ကိရိယာတွေ တည်ဆောက်ပေးဖို့ မြန်မာရေတပ်ရဲ့ကမ်းလှမ်းချက်ကို အိန္ဒိယရေတပ်က လက်ခံလိုက်ပါတယ်။

မြန်မာရေတပ် အဆင့်မြှင့်တင်ရေးဟာ အရင်က တရုတ်အပေါ် အားပြုနေခဲ့ရာက အခုတော့ အိန္ဒိယကပါ ၀င်ရောက်လာခဲ့ပြီဖြစ်ပါတယ်။

အိန္ဒိယဟာ မြန်မာ့တပ်မတော်အတွက် ညကြည့်ကိရိယာတွေ၊ အရေးပေါ်တံတားထိုးပစ္စည်းတွေ၊ လောင်ချာ နဲ့ မော်တာ စိန်ပြောင်းတွေ၊ ဆက်သွယ်ရေး ပစ္စည်းတွေ ရောင်းချပေးနေပါတယ်။

အိန္ဒိယနဲ့ မြန်မာဟာ ဒေသတွင်းမှာ မဟာဗျူဟာကျတဲ့ ဘင်္ဂလားပင်လယ်အော်မှာ ရေပိုင်နက်ချင်း ရှည်ရှည် လျားလျားဆက်စပ်နေပါတယ်။ ဒါ့ပြင် မြန်မာအတွက် အိန္ဒိယကတည်ဆောက်ပေးနေတဲ့ စစ်တွေရေနက် ဆိပ်ကမ်းကိုလည်း လာမယ့် သီတင်းပတ်အနည်းငယ်အတွင်း မြန်မာအစိုးရကို လွှဲအပ်ပေးတော့မယ်လို့ သိရပါတယ်။

RFA Burmese
http://www.rfa.org/burmese



အလုပ်မလုပ်တဲ့ ဇနီးအတွက် ပြည်သူ့ဘဏ္ဍာငွေထဲကနေ လစာတွေ ထုတ်ပေးခဲ့တယ်လို့ ပြင်သစ် သမ္မတလောင်း အစွပ်စွဲခံထားရ
ပြင်သစ် သမ္မတ ရွေးကောက်ပွဲမှာ ဝင်ပြိုင်မယ့် သမ္မတလောင်း Francois Fillon ရဲ့ ဇနီး Penelope Fillon ကို ရဲက တရားဝင် စစ်ဆေးမေးမြန်းမှုတွေ လုပ်ဖို့ စီစဉ်နေပါတယ်။

သူတကယ် အလုပ်မလုပ်ပဲ ပြည်သူ့ ဘဏ္ဍာငွေထဲကနေ သူ့ခင်ပွန်းက သူ့ကို လစာငွေ ပေးခဲ့တယ် ဆိုတဲ့ စွပ်စွဲချက်တွေနဲ့ ပတ်သက်လို့ ငွေ အလွဲသုံးစားမှု၊ လိမ်လည်မှုတွေမှာ ပါဝင်ပတ်သက်နေတယ်ဆိုတဲ့ မသင်္ကာမှုနဲ့ Penelope Fillon ကို စုံစမ်း စစ်ဆေးမှာ ဖြစ်ပါတယ်။

လာမယ့်လ သမ္မတ ရွေးကောက်ပွဲအတွက် ကွန်ဆားဗေးတစ် ပါတီ သမ္မတလောင်းအဖြစ် ဝင်အရွေးခံမယ့် မစ္စတာ Fillon ကို အဲဒီ အမှုနဲ့ ပတ်သက်လို့ တရားဝင် စစ်ဆေး မေးမြန်းဖို့ လုပ်ခဲ့အပြီး သီတင်းနှစ်ပတ်အကြာမှာ အခု ဒီဆုံးဖြတ်ချက် ထွက်ပေါ်လာတာပါ။

မစ္စတာ Fillon ကတော့ သူ့အပေါ် စွဲဆိုထားတဲ့ စွပ်စွဲချက်တွေကို ငြင်းဆိုထားပါတယ်။

အခု သူ့ဇနီးကိုလည်း တရားဝင် စစ်ဆေး မေးမြန်းမယ် ဆိုတဲ့ အတွက် သူ့ရဲ့ သမ္မတလောင်း မဲဆွယ်မှုတွေအပေါ် နောက်ထပ် ထိခိုက်မှုတွေ ဖြစ်လာလိမ့်မယ်လို့ သတင်းထောက်တွေက ပြောပါတယ်။

BBC Burmese
http://www.bbc.com/burmese



Koh Toh အမှု အကူညီပေးရေး မြန်မာကိုယ်စားလှယ်အဖွဲ့
ထိုင်းနိုင်ငံ ခိုတောင်ကျွန်းမှာ ဗြိတိန် လူငယ် ၂ ဦး သတ်ဖြတ်ခံရမှုနဲ့ ဆက်စပ်ပြီး သေဒဏ် ချမှတ်ခံထားရတဲ့ မြန်မာနိုင်ငံသား ၂ ဦး အတွက် ထိုင်း တရားရုံးချုပ်မှာ အယူခံဝင်ဖို့ မြန်မာ အစိုးရဘက်က ပြင်ဆင်နေပါတယ်။ တရားရုံးချုပ်ကို တင်မယ့် အယူခံ မူကြမ်းကို မြန်မာ ဥပဒေ ပညာရှင်၊ မှုခင်းဆိုင်ရာ ကျွမ်းကျင်သူတွေက ထိုင်းရှေ့နေများ ကောင်စီနဲ့ အတူ ပြင်ဆင်နေတာပါ။ ဗြိတိန် နိုင်ငံသားတွေ ဖြစ်တဲ့ David Miller နဲ့ Hannah Withridage တို့ ၂၀၁၄ ခုနှစ်က သတ်ဖြတ်ခံရမှုနဲ့ ပတ်သက်ပြီး မြန်မာ ရွှေ့ပြောင်း အလုပ်သမားတွေ ဖြစ်တဲ့ ၀င်းဇော်ထွန်းနဲ့ ဇော်လင်းတို့ကို ထိုင်းတရားရုံးက သေဒဏ်ချမှတ်ထားတာ ဖြစ်ပါတယ်။ ထိုင်းအခြေစိုက် ဗွီအိုအေ သတင်းထောက် မအေးအေးမာ သတင်းပေးပို့ထားပါတယ်။

ဗြိတိသျှလူငယ်၂ဦး သတ်ဖြတ်ခံခဲ့ရတဲ့ လိပ်ကျွန်း လူသတ်မူနဲ့ပတ်သက်လို့ သေဒဏ်ေ ပးခြင်းခံထားရတဲ့ မြန်မာရွှေ့ပြောင်းလူငယ်၂ဦးရဲ့ အယူခံကို မတ်လ ၁ရက်နေ့က ပယ်ချ ခံခဲ့ရ ပြီးနောက်မှာတော့ မြန်မာနိုင်ငံက ဥပဒေပညာရှင်တွေနဲ့ မူခင်းဆိုင်ရာ ကျွမ်းကျင် သူတွေဟာ ထိုင်းနိုင်ငံ ရှေ့နေများကောင်စီနဲ့ တွေဆုံဆွေးနွေးပြီး ထိုင်းတရားရုံးချုပ်ကို တင်မယ့်အယူခံကို ပြင်ဆင်နေကြတယ်လို့ မြန်မာသံရုံး ကိုယ်စားပြု လိုက်ပါဆောင် ရွက်ပေးနေတဲ့ ရှေ့နေ ဦးအောင်မျိုးသန့်က ပြောပါတယ်။

“ ပြည်ထောင်စု ရှေ့နေချုပ် ရုံးကနေပြီးတော့ ညွှန်ချုပ်အနေနဲ့ ဒေါ်ခင်ချိုအုန်း ပါလာတယ်။ နောက်တခါ CID ကနေပြီးတော့ မှုခင်းဆိုင်ရာ ကျွမ်းကျင်တဲ့ ရဲအုပ် ဦးစိုးနိုင်ဦး အဲဒီ ၂ယောက် ခေါင်းဆောင်လာတာပါ။ မနေ့တုန်းက အန်ကယ်တို့ လူငယ် ၂ယောက်ကို သွားတွေ့တယ်။ နောက် ထိုင်းရှေ့နေတွေနဲ့ နေ့လည်ပိုင်းက စပြီး ၂နာရီလောက် စကားသွားပြောတယ်။ အဓိက သူတို့ပြောတာက DNA ကိုပဲ သုံးသပ်သွားတဲ့ သဘောရယ်၊ နောက်ပြီး တခုလုံးကို လိုက်လေ့လာ ကြည့်တဲ့အခါ ကျတော့ အဲဒီ အချက်တွေ အားလုံးထဲမှာ တရားခံတွေဘက်က တင်ပြတဲ့ အချက်တွေဟာ ခိုင်လုံနေပါလျက်သားနဲ့ ဒီအချက်လက်တွေပေါ်မှာ သုံးသပ်ခဲ့ခြင်း မရှိဘူး။ နောက်ပြီး တရားခံဖက်က အချက်ကို သုံးသပ်ချက်နည်းပြီးတော့ တရားလိုဖက်က အချက်တွေနဲ့သာ သုံးသပ်ထားတယ်ဆိုတာကိုပဲ ဆွေးနွေးကြတာပါ”

မြန်မာနိုင်ငံက ဥပဒေပညာရှင်တွေနဲ့ မူခင်းဆိုင်ရာ ကျွမ်းကျင်သူတွေဟာ မတ်လ ၂၆ ရက်နေ့ကနေ မတ် ၂၉ ရက်အထိ ထိုင်းနိုင်ငံကို လာရောက်ခဲ့တဲ့ ၄ ရက်တာ ခရီးစဉ်အတွင်းမှာ လိပ်ကျွန်း လူသတ်မူနဲ့ ပတ်သက်လို့ သေဒဏ်ပေး ခံထားရတဲ့ မြန်မာလူငယ် ၂ ဦးကိုလည်း တွေဆုံခဲ့ပါတယ်။ မတ်လ ၂၈ ရက်နေ့ မှာတော့ မြန်မာရွှေ့ပြောင်း လူငယ်၂ ဦးရဲ့ အယူခံအတွက် ပြင်ဆင်မူတွေကို မြန်မာသံရုံး ကိုယ်စားပြု ရှေ့နေ ဦးအောင်မျိုးသန့်နဲ့အတူ ပူးပေါင်းပြင်ဆင် မူတွေလုပ်ခဲ့တာပါ။ ပြင်ဆင်ချက်တွေနဲ့ ပတ်သက်လို့ ရှေနေဦးအောင်မျိုးသန့်က အခုလိုပြောပါတယ်။

Koh Toh အယူခံမှု မြန်မာကိုယ်စားလှယ်အဖွဲ့ ထိုင်းရှေ့နေများနဲ့ဆွေးနွေး
“ ဒီ မူရင်းအချက် ၂၄ ချက်ရယ် နောက်တခါ ပထမအယူခံရုံးက အမိန့်ချတဲ့ အချက် ၁၉ ချက်ပေါ် မူတည်ပြီးတော့ပဲ အန်ကယ်တို့ ဒီဟာကို အယူခံ သွားဖို့ အစီစဉ်ပါ။ အခုအကြမ်းဖျဉ်းကတော့ နက်ဖြန်လောက်ဆို ပြီးမှာပါ”

မြန်မာလူငယ် ၂ဦးရဲ့ အယူခံကို ထိုင်းနိုင်ငံ တရားရုံးချုပ်မှာ လာမယ့် ဧပြီလ ၂၃ ရက်နေ့ထိ အယူခံရက် တလ ထပ်တိုးခွင်ြ့ပုပေး ခဲ့ပါတယ်။ မြန်မာရွှေ့ပြောင်း အလုပ်သမား ခန့်မှန်းချေ ၄,၀၀၀ လောက် အလုပ်လုပ်ကိုင်နေတဲ့ လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်နေ့က လူသတ်မှု ဖြစ်ပွား ခဲ့ပါတယ်။ ၂၀၁၄ ခုနှစ် စက်တင်ဘာ လကုန်ပိုင်းမှာတော့ လူသတ်မှုနဲ့ တရားစွဲဆို ခံခဲ့ရတဲ့ မြန်မာလူငယ် ၂ ဦးကိုတော့ တနှစ်ကျော်ကြာ ထိုင်းနိုင်ငံ ကော့စမွေ အကျဉ်းထောင်မှာ ဖမ်းဆီးထားပြီး ၂၀၁၅ ခုနှစ်ကုန်မှာ ထိုင်းနိုင်ငံကောစမွေ တရားရုံးကနေ အမူ ၇ မှုနဲ့ အမြင့်ဆုံး ပြစ်ဒဏ်အဖြစ် သေဒဏ်ပေးခဲ့ပြီး ဘန်ခွမ်အကျဉ်းထောင်မှာ ထိမ်းသိမ်းထားပါတယ်။

မအေးအေးမာ  / ဗွီအိုအေ (မြန်မာပိုင်း)
http://burmese.voanews.com



( လက်ပံတောင်းတောင် ကြေးနီစီမံကိန်းကို ဆန္ဒပြနေကြတဲ့ ဒေသခံတွေကို မေလ ၆ ရက်နေ့က တွေ့ရစဉ် ) Photo: Phoe La Min
လက်ပံတောင်းတောင် ကြေးနီစီမံကိန်းအနီး ဆားလင်းကြီးမြို့နယ် မိုးကြိုးပြင်ရွာမှာ မတ်လ ၂၄ နေ့က ဆန္ဒပြအရပ်သားတွေကို အစိုးရလုံခြုံရေးတပ်ဖွဲ့တွေက အင်အားသုံးဖြိုခွဲခဲ့မှုနဲ့ ပတ်သက်ပြီး စုံစမ်းအရေးယူဖို့ လန်ဒန်မြို့အခြေစိုက် AI ခေါ် နိုင်ငံတကာ လွတ်ငြိမ်းချမ်းသာခွင့်အဖွဲ့က မြန်မာအစိုးရကို မနေ့ကေ တာင်းဆိုလိုက်ပါတယ်။

အဲဒီ ကြေညာချက်မှာ မြန်မာလုံခြုံရေးတပ်ဖွဲ့တွေက ရာဘာကျည်ဆံတွေနဲ့ ပစ်ခတ်တဲ့အတွက် ရွာသား ၁ဝ ဦး အနည်းဆုံး ဒဏ်ရာရခဲ့ကြောင်းနဲ့ မိမိတို့ ရရှိခဲ့တဲ့ ဗီဒီယိုမှတ်တမ်းတွေအရ ဆန္ဒပြအရပ်သားတွေဟာ အဲဒီအချိန်က လုံခြုံရေးတပ်ဖွဲ့တွေရဲ့ အသက်ကို ရန်ရှာတိုက်ခိုက်နေခဲ့ခြင်း မရှိကြောင်းဖေါ်ပြထားပါတယ်။

နိုင်ငံတကာ ဥပဒေတွေအရ လုံခြုံရေးတပ်ဖွဲ့တွေအနေနဲ့ အခုလိုအခြေအနေမျိုးမှာ အင်အားအသုံးပြု အရေးယူခြင်းမပြုမီ အကြမ်းမဖက်နည်းတွေကို တတ်နိုင်သမျှ အသုံးပြုရာမှာဖြစ်တဲ့အတွက် ဒီကိစ္စကို ဘက်မလိုက်ဘဲ လွတ်လပ်စွာ အမြန်ဆုံးစစ်ဆေး အရေးယူဖို့လိုကြောင်းနဲ့ ထိခိုက်နစ်နာခဲ့သူတွေကို ထိုက်သင့်သလို နစ်နာကြေးပေးရမှာဖြစ်ကြောင်း စသဖြင့် နိုင်ငံတကာလွတ်ငြိမ်းချမ်းသာခွင့်အဖွဲ့ရဲ့ ကြေညာချက်မှာ တောင်းဆိုထားပါတယ်။

RFA Burmese
https://www.facebook.com/rfaburmese/

အမေရိကန်နိုင်ငံ အမျိုးသားအာကာသနဲ့ လေကြောင်းသုတေသနဌာန NASA က မြန်မာနိုင်ငံဖွား သိပ္ပံရှင်ဒေါက် တာ ပဒေသာတင်နဲ့ အဖွဲ့ဆောင်ရွက်တဲ့ သုတေသနကို ၂၀၁၇ခုနှစ်အတွက် အကောင်းဆုံးသုတေသနအဖြစ် NASA က ဒီကနေ့ ဆုချီးမြှင့်မှာဖြစ်ပါတယ်။

ဒေါက်တာပဒေသာတင်နဲ့ အဖွဲ့ဆောင်ရွက်တဲ့ သုတေသနဟာ ဆယ်လူလာကင်မရာနဲ့ ရုပ်မြင်သံကြား မှန်သားပြင် မှာ အသုံးပြုတဲ့ ပုံဆောင်ခဲအရည်ရဲ့ သဘောသဘာဝကို ကမ္ဘာမှ မိုင်၂၅၀ကျော်ဝေးတဲ့ အာကာသသုတေသန စခန်းကို ပို့ပြီး လေ့လာခဲ့တဲ့ ရုပ်ပိုင်းဆိုင်ရာ ရုပဗေဒ သုတေသန ဖြစ်ပါတယ်။  ဆုပေးပွဲလာတက်တာနဲ့ ပတ်သက်ပြီး ဒေါက်တာပဒေသာကခုလိုပြောပါတယ်။

"မနှစ်ကလုပ်တဲ့အထဲမှာ ကျနော်နဲ့တွဲပြီးတော့ အမေရိကန်နိုင်ငံ ကော်လိုရာဒိုပြည်နယ်တက္ကသိုလ်က ပါမောက္ခပရော်ဖက်ဆာ နိုဝယ်လ်ကလပ်ရယ် ပြီးတဲ့အခါကျတော့ မတ်တစ်ဘတ်ယူနီဗာစီတီ ဂျာမနီ ကရယ် ပြီးတော့ကျနော်ရယ် တွဲပြီးလုပ်တဲ့သုသေသနကို သူတို့ အကောင်းဆုံးရုပ်ပိုင်းဆိုင်ရာ သုသေသနအနေနဲ့ သတ်မှတ်ပါတယ်၊ ပြီးတဲ့အခါကျတော့ လုပ်ခဲ့တဲ့ဟာနဲ့ပတ်သက်ပြီးတော့ မနှစ်ကလုပ်ခဲ့တဲ့အတွက် ဒီနှစ်အဖွဲ့တစ်ခုလုံးကို ချီးမြှောက်တဲ့အနေနဲ့ Group Award အနေနဲ့ ကျနော်တို့ခေါင်းဆောင်ပြီးတော့ ဂုဏ်ပြုမှတ်တမ်းပေးအပ်ပွဲလာတက်တာပါ "

ဒေါက်တာပဒေသာဟာ အမေရိကန်နိုင်ငံ အမျိုးသားအာကာသ နဲ့ လေကြောင်းသုတေသနဌာန NASA မှာ နှစ်ပေါင်း ၂၀ကျော် အကြီးတန်းသုတေသနပညာရှင်အဖြစ် တာဝန်ထမ်းဆောင်နေသူဖြစ်ပါတယ်။ ဆုပေးပွဲကို ဝါရှင်တန် ဒီစီမြို့ နာဆာဌာနမှာ ဒီကနေ့ ကျင်းပမှာ ဖြစ်ပါတယ်။

RFA Burmese
http://www.rfa.org/burmese



 မြန်မာနိုင်ငံကို ပြန်လည်ဝင်ရောက်လာတဲ့ နိုင်ငံရေးလှုပ်ရှားသူ
Black List ပြည်ဝင်ခွင့်မပြုတဲ့ အမည်မည်းစာရင်းကို Interpol နိုင်ငံတကာရဲတပ်ဖွဲ့ကပေးပို့တဲ့ စာရင်းအတိုင်း နိုင်ငံတော်အစိုးရက သတ်မှတ်တာလို့ လူဝင်မှုကြီးကြပ်ရေးနဲ့ ပြည်သူ့ အင်အားဉီးစီးဌာနမှ ပြောပါတယ်။

အဲဒီလို သတ်မှတ်ရာမှာ နိုင်ငံတကာမှာ အန္တရာယ်ရှိတဲ့ အကြမ်းဖက်မှုနဲ့ ဆက်စပ်နေတာမျိုး မူးယစ်ဆေးဝါး၊ သက်ငယ်မုဒိမ်းမှုစတဲ့ ပြဿနာနဲ့ ပတ်သက်နေသူတွေကို အဓိကထား ပိတ်ပင်တာဖြစ်တယ်လို့ လူဝင်မှု ကြီးကြပ်ရေးနဲ့ ပြည်သူ့ အင်အားဉီးစီးဌာနမှ အမြဲတမ်း အတွင်းဝန် ဉီးမြင့်ကြိုင်က ဘီဘီစီကိုပြောပါတယ်။

ဒါ့အပြင်ပြည်ပမှာ အစိုးရ အဆက်ဆက် လက်ထက်က နိုင်ငံရေးကြောင့် ပိတ်ပင်ခံရသူတွေထဲက မြန်မာပြည်ကို လာခွင့်ပြုပြီး နောက်တခေါက်အဝင်မှာ ပိတ်ခံရသူတွေဟာ သက်ဆိုင်ရာ ဝန်ကြီးဌာကတောင်းဆိုမှုတွေကြောင့် ဖြစ်တာလို့ ဆိုပါတယ်။

နိုင်ငံခြား ပညာတော်သင် သွားပြီး သတ်မှတ်ချိန် ပြန်မလာတာမျိုးကို ကျန်းမာရေးနဲ့ ပညာရေးဝန်ကြီးဌာနတွေက စာရင်းပေးကြပြီး လျော်ကြေး ပေးရေးကိစ္စအပါအဝင် လုပ်ထုံးလုပ်နည်းနဲ့ ညီအောင် လုပ်ဖို့လိုမယ်လို့ပြောပါတယ်။

အခုအခါ ဝန်ကြီးဌာနတွေက ပေးပို့ချက်တွေအရ အမည်မည်းစာရင်း သွင်းဖို့ စာရင်းအသစ်တွေ ပြုစုနေတယ်လို့ဆိုပါတယ်။ ဒီစာရင်းတွေကို အများပြည်သူကို အသိပေးတာမျိုးထက် သက်ဆိုင်ရာ သံရုံးတွေကိုပေးပို့မှာ ဖြစ်တယ်လို့ ပြောပါတယ်။

ပြည်ပမှာ နိုင်ငံရေး ခိုလှုံတာ သံရုံးကနေ ဘက်ပြောင်းတာမျိုးတွေကိုတော့ မြန်မာနိုင်ငံသား အဖြစ်လက်ခံတဲ့ ကော်မတီက စီစစ်ပြီး ပစ်မှုမှတ်တမ်းမရှိရင် နိုင်ငံသား အဖြစ်ပြန်လည် လျှောက်ထားနိုင်ကြောင်း ဉီးမြင့်ကြိုင်ကပြောပါတယ်။

အခုအခါ ခေတ်အဆက်ဆက် အမည်မဲစာရင်း သွင်းခံရသူတွေထဲက စုစုပေါင်း ၆၁၉ယောက်ကို အမည်မည်း စာရင်းကနေ ပယ်ဖျက်ပြီးပြီလို့သိရပါတယ်။

BBC Burmese
http://www.bbc.com/burmese