04/03/17

အိန္ဒိယမြန်မာနယ်စပ် တနေရာ
အိန္ဒိယနိုင်ငံ-မြန်မာ နယ်စပ်ဒေသတလျှောက်မှာ နယ်ခြားမှတ်တိုင် စိုက်နိုင်ရေးအတွက် တိုင်းတာမှုတွေ ပြုလုပ်နေတဲ့ကိစ္စနဲ့ ပတ်သက်လို့ နာဂလန်းပြည်နယ်၊ Tuensang ခရိုင် အတွင်းမှာရှိတဲ့ Pangsha ကျေးရွာကောင်စီက ပြည်နယ်ဝန်ကြီးချုပ်ထံ ကန့်ကွက်စာ ရေးသား ပေးပို့လိုက်ပါတယ်။

အိန္ဒိယနဲ့ မြန်မာ ပူးတွဲ တိုင်းတာတဲ့အဖွဲ့ဟာ နယ်ခြားမှတ်တိုင် BP145 နဲ့ BP146 ဒေသတွေမှာ စစ်တမ်း ကောက်ယူခဲ့ကြစဉ် အဲဒီ ဒေသမှာ အခြေစိုက် နေထိုင်တဲ့ Khiamniungan မျိုးနွယ်စုတွေရဲ့ သဘောဆန္ဒမပါဘဲ ကောက်ယူခဲ့တာ ဖြစ်တဲ့အတွက် အဲဒီ ဌာနေ မျိုးနွယ်စုတွေ နေထိုင်တဲ့ဒေသ နှစ်ခြမ်း ကွဲသွားစေတယ်လို့ ဆိုပါတယ်။

ဒါပေမယ့် နယ်ခြားမှတ်တိုင် BP146 ကို စိုက်ထူတဲ့နေရာမှာ ဒေသခံတွေရဲ့ စိုက်ပျိုးမြေ ၃,၅၀၀ ဧက မှားယွင်းပြီး မြန်မာနိုင်ငံဘက်ကို ပါသွားခဲ့တာကြောင့် Pengsha နဲ့ အနီးဝန်းကျင်မှာရှိတဲ့ ကျေးရွာတွေက ပြည်နယ် ၀န်ကြီးချုပ် Shurhozelie Liezietsu ထံ စာရေးသား ကန့်ကွက်လိုက်တာ ဖြစ်ပါတယ်။

ဒါကြောင့် အခုစိုက်လိုက်တဲ့ နယ်ခြားမှတ်တိုင် BP146 ကို ချက်ခြင်း ရုပ်သိမ်းပေးပြီး Pangsha ကျေးရွာနဲ့ ထိစပ်နေတဲ့ မြန်မာနယ်စပ် တလျှောက်မှာ သမားရိုးကျ နယ်စပ်စည်းမျဉ်းအတိုင်း ပြည်လည် သတ်မှတ်ပေးဖို့ တောင်းဆိုလိုက်ကြပါတယ်။ ဒီကိစ္စကို ပြန်လည် ပြင်ဆင်မှု မပြုလုပ်မချင်း သက်ဆိုင်ရာ အစိုးရတွေအနေနဲ့ တိုင်းတာယူမှုတွေကို ရပ်ဆိုင်းပြီး အဲဒီနေရာကနေ ထွက်ခွာသွားကြရ မယ်လို့လည်း ပြည်နယ် ၀န်ကြီးချုပ်ထံ ရေးသားတဲ့ စာထဲမှာ ဖော်ပြထားပါတယ်။

ဒါ့အပြင် အိန္ဒိယ- မြန်မာ နယ်ခြားစည်းရိုးကာရံမယ့် အစီအစဉ်ကိုဖျက်သိမ်းရေး အတွက် မြန်မာအစိုးရကို တိုက်တွန်းပေးဖို့ ပြည်နယ်အစိုးရ ကျန်းမာရေးနဲ့ လူမှုဖူလုံရေး ဝန်ကြီး P Longon က အောက်လွှတ်တော်မှာ တင်သွင်းခဲ့တဲ့ကိစ္စကို မတ်လ ၂၈ ရက်နေ့က လွှတ်တော်မှာ ဆွေးနွေးဆုံးဖြတ်ပြီး အတည်ပြုပေးခဲ့ပြီး ဖြစ်ပါတယ်။

နယ်စပ်စည်းရိုးရဲ့ တဖက်တချက်မှာ နေထိုင်ကြတဲ့ နာဂလူမျိုးတွေရဲ့ မိသားစုဝင်တွေ အတားအဆီးမရှိ ဆက်လက်ပြီး ရင်းရင်းနှီးနှီး နေထိုင်နိုင်ကြစေဖို့ အတွက် မြန်မာ အစိုးရကို ဗဟိုအစိုးရကနေ တိုက်တွန်းပေးဖို့ ပြည်နယ် ကျန်းမာရေးနဲ့ လူမှုဖူလုံရေး ဝန်ကြီးက တိုက်တွန်းခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

မြောက်ကိုရီးယား ဒုံးကျည်စမ်းသပ်မှု (မတ်လ ၂၀၁၇)
မြောက်ကိုရီးယား ပြဿ နာကို တရုတ်နိုင်ငံက မဖြေရှင်းဘူးဆိုရင် အမေရိကန် ပြည်ထောင်စုက ဖြေရှင်းသွားမယ်လို့ သမ္မတ Donald Trump က ပြောကြား လိုက်ပါတယ်။

တရုတ်နိုင်ငံဟာ မြောက်ကိုရီးယားအပေါ် သြဇာသက်ရောက်မှု ရှိကြောင်း၊ မြောက် ကိုရီးယား ပြဿ နာကို တရုတ်နိုင်ငံအနေနဲ့ ဖြေရှင်းကောင်း ဖြေရှင်းမယ်၊ တကယ်လို့ မဖြေရှင်းဘူး ဆိုရင်တော့ ဘယ်သူ့အတွက်မှ မကောင်းနိုင်ကြောင်း သမ္မတ Trump က London Financial Times သတင်းစာကို ပြောပါတယ်။

သမ္မတ Trump ဟာ တရုတ်သမ္မတ Xi Jinping နဲ့ ဖလော်ရီဒါပြည်နယ်မှာရှိတဲ့ သူ့ရဲ့ Mar-a-Lago အပန်းဖြေစခန်းမှာ ကြာသပတေးနေ့ တွေ့ဆုံမှာ ဖြစ်ပါတယ်။

နှစ်ရက်ကြမယ့် ခေါင်းဆောင် ၂ ဦးရဲ့ ထိပ်သီး စည်းဝေးပွဲအတွင်း မြောက်ကိုရီးယား နဲ့ နျူ ကလီးယား အရေးကိစ္စတွေကို မဖြစ်မနေ ဆွေးနွေးကြမှာလည်း ဖြစ်ပါတယ်။ မြောက် ကိုရီးယားနိုင်ငံက ကျောက်မီးသွေး တင်သွင်းမှုတွေကို မကြာသေးခင်က တရုတ်နိုင်ငံ က ဖြတ်တောက်လိုက်တာအပါအ၀င် ခြိမ်းချောက်မှုတွေ၊ ပိတ်ဆို့ အရေးယူမှုတွေ လုပ်ခဲ့ပေမယ့်လည်း မြောက်ကိုရီးယားရဲ့ နျူကလီးယား လက်နက် ပိုင်ဆိုင်ရေး လုပ်ဆောင် မှုတွေကို အဟန့်အတား မဖြစ်စေခဲ့ပါဘူး။

မြောက်ကိုရီးယား ၆ ကြိမ်မြောက် နျူကလီးယား စမ်းသပ် ဖောက်ခွဲဖို့ ပြင်ဆင်နေတယ်လို့ အမေရိကန် ကျွမ်းကျင်သူတွေက ပြောပါတယ်။ ပြီးခဲ့တဲ့ ဖေဖော်ဝါရီလတုန်းက မြောက် ကိုရီးယားက ဂျပန်ပင်လယ်ပြင်အတွင်း ပဲ့ထိန်းတပ် ဒုံးကျည် စမ်းသပ် ပစ်လွတ်လိုက်တဲ့ ကိစ္စဟာ သည်းမခံနိုင်စရာ ကိစ္စဖြစ်တယ်လို့ ဂျပန်အစိုးရကလည်း ပြောဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com


ရွှေတောင် ဧပြီ ၂

ပဲခူးတိုင်းဒေသကြီး ပြည်ခရိုင် ရွှေတောင်မြို့နယ် နွားမယံအုပ်စု ပုရပိုဒ်တန်းရွာအနီးတွင် ဧပြီ ၁ ရက် မွန်းလွဲ ၁ နာရီခွဲခန့်က ရပ်ထားသော ၁ဝ ဘီးယာဉ်တစ်စီး ဂီယာပြုတ်၍ နေအိမ်ထဲသို့ ဝင်သွားခဲ့ကြောင်း သိရသည်။

ဖြစ်စဉ်မှာ ရွှေတောင်မြို့နယ် ရန်ကုန်-ပြည်ကားလမ်း မိုင်တိုင်အမှတ်(၁၇၃/၄)နှင့် (၁၇၃/၅)အကြား နွားမယံအုပ်စု ပုရပိုဒ်တန်းရွာ အနီးတွင် အောင်ကို(၂၄)နှစ် ပန်းတနော်မြို့နယ် အင်းမကျေးရွာ နေသူမောင်းနှင်ပြီး ဝဏ္ဏ(၂၆)နှစ် ရန်ကုန်တိုင်းဒေသကြီး ရွှေပြည်သာမြို့နယ် နေသူလိုက်ပါလာသော YGN 3B/---- နံပါတ် အနက်(ဖြူ/နီ)ရောင် ၁ဝ ဘီးယာဉ်မှာ လယ်ယာ သုံးစက်ပစ္စည်းတင်ဆောင်ပြီး ရန်ကုန်-ပြည် လမ်းမကြီး အရှေ့ဘက်ခြမ်း ဖန်တီးရှင် (ယိုးဒယားလယ်ယာသုံးစက်ပစ္စည်းအရောင်းဆိုင် ရှေ့တွင်ရပ်ထားခဲ့ပြီး ယာဉ်မောင်းနှင့် ယာဉ် နောက်လိုက်တို့မှာ ဖန်တီးရှင်ဆိုင်ထဲသို့ ဝင်ရောက်ကာ ကားခထုတ်ယူနေစဉ် ရပ်ထား သောကားမှာ ဂီယာပြုတ်၍ လမ်းအနောက်ဘက် ခြမ်းသို့ လိမ့်သွားပြီး ဦးအောင်သောင်း၏ နေအိမ် ဈေးဆိုင်အား ဝင်ရောက်တိုက်မိပြီး နေအိမ် ဈေးဆိုင် ပျက်စီးဆုံးရှုံးမှုတန်ဖိုး သိန်း ၈ဝ ခန့်နှင့် မော်တော်ယာဉ်မှာ ငါးသိန်းဖိုးခန့် ဆုံးရှုံးခဲ့ကြောင်း သိရသည်။

ထို့ကြောင့် ဖြစ်စဉ်နှင့်ပတ်သက်၍ ယာဉ်မောင်း အောင်ကိုအား အရေးယူပေးပါရန် ဒုတိယရဲအုပ် ဇော်သန်းထိုက်က တရားလိုပြုလုပ် တိုင်တန်းခဲ့သဖြင့် ရွှေတောင်မြို့မရဲစခန်း ယာဉ် (ပ)၂၃/၂ဝ၁၇၊ ရာဇသတ်ကြီးပုဒ်မ ၂၇၉ ဖြင့် အမှုဖွင့်ဆောင်ရွက်ခဲ့ပြီး အမှုအားလက်ခံ စစ်ဆေးလျက်ရှိကြောင်း သိရသည်။

ပြည့်သဲမောင်(ပြည်)
MOI Webportal Myanmar
https://www.facebook.com/MOIWebportalMyanmar/


အင်ဒိုနီးရှားပင်လယ်ပြင်မှာ ငါးခိုးဖမ်းတဲ့ စက်လှေတွေကို အင်ဒိုနီးရှားရေတပ်က ဖျက်ဆီးနေ
အင်ဒိုနီးရှားပင်လယ်ပြင်မှာ ငါးခိုးဖမ်းတဲ့ စက်လှေတွေကို အင်ဒိုနီးရှားရေတပ်က ဖျက်ဆီးနေ
အင်ဒိုနီးရှားရေပိုင်နက်ထဲ ခိုးဝင်ပြီး ငါးဖမ်းကြတဲ့ ငါးဖမ်းစက်လှေအနည်းဆုံး ၈၁ စင်းကို အင်ဒိုနီးရှားအာဏာပိုင်တွေက စနေနေ့မှာဖေါက်ခွဲ နှစ်မြုပ်လိုက် ပါတယ်။ Joko Widodo သမ္မတ ဖြစ်လာပြီးနောက်ပိုင်း ၂၀၁၄ ခုနှစ်ကစလို့ ဖမ်းမိ ဖျက်ဆီးပစ်ခဲ့တဲ့ နိုင်ငံခြား ငါးဖမ်းစက်လှေပေါင်း ၃၁၇ စင်း ရှိပါတယ်။ ပိုင်နက်ကျူးကျော် ငါးခိုးဖမ်းသူတွေပေါ် ပြန်းထန်တဲ့ အရေးယူ ဆောင်ရွက်မှု ဖြစ်တယ်လို့ ဆိုပါတယ်။

အခုလိုဖျက်ဆီးခံရတဲ့ ငါးဖမ်းစက်လှေတွေထဲမှာ ဗီယက်နမ်ငါးဖမ်းလှေ ၁၄၂ စင်း၊ ဖိလစ်ပိုင်က ၇၆ စင်း၊ မလေးရှားက ၄၉ စင်းနဲ့ တရုတ်ငါးဖမ်းစက်လှေ ၁ စင်းလဲပါဝင်ပါတယ်။ အဲဒီ ငါးဖမ်းလှေတွေကို အင်ဒိုနီးရှား ပင်လယ်ပြင်အထူးတပ်ဖွဲ့ Satgas 115 က ဖမ်းဆီးခဲ့တာပါ။

ငါးဖမ်းစက်လှေ ဖေါက်ခွဲနှစ်မြုပ်တာကိုတော့ နေရာ ၁၂ နေရာခွဲပြီး အင်ဒိုနီးရှားစစ်တပ်နဲ့ ရဲက တပြိုင်နက်ထဲလုပ်ခဲ့တာပါ။ ဒီလုပ်ဆောင်ချက်ဟာ တရားမဝင် ငါးခိုးဖမ်းမှု နှိမ်နင်းရေး စစ်ဆင်မှုအတွက် အောင်ပွဲဖြစ်တယ်လို့ ပင်လယ်ပြင်နဲ့ ငါးလုပ်ငန်းရေးရာဝန်ကြီး မစ္စ Pudjiastuti ကပြောပါတယ်။

အင်ဒိုနီးရှားပင်လယ်ပြင်ထဲ ငါးခိုးဖမ်းမှုကြောင့် နှစ်စဉ် အမေရိကန်ဒေါ်လာ ဘီလျံ ၂၀ ကျော် ဆုံးရှုံးနေရတယ်လို့ အင်ဒိုနီးရှားသမ္မတ Joko Widodo က ပြီးခဲ့တဲ့နှစ်မှာ ပြော ဆိုခဲ့ပါတယ်။ အခုလို ငါးခိုးဖမ်းမှု ကာကွယ်ရေးအတွက် အင်ဒိုနီးရှားရေပိုင်နက်ထဲ လုံခြုံရေးတိုးမြှင့်မှုကြောင့် တရုတ်က သူပိုင်ပါတယ်လို့ ကြေညာထားတဲ့ တောင်တရုတ် ပင်လယ်ပြင် အရေးအတွက် တင်းမာမှုတွေ ပိုတိုးစေတယ်လို့ ကျွမ်းကျင်သူတွေက သုံးသပ်ကြပါတယ်
VOA Burmese News


မဲရေတွက်နေပုံ
မဲရေတွက်နေပုံ
လွှတ်တော် အမတ် လွပ်လပ်နေတဲ့ မဲဆန္ဒနယ် ၁၉ ခု အတွင်း ကျင်းပတဲ့ ကြားဖြတ်ရွေးကောက်ပွဲတွေမှာတော့ လက်ရှိ အာဏာရ အမျိုးသား ဒီမိုကရေစီ အဖွဲ့ချုပ် NLD ပါတီက အများစု အနိုင်ရပြီး၊ ဒီနောက်မှာတော့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က ဒုတိယ အများစု အနိုင်ရပါတယ်။ အမျိုးသား ဒီမိုကရေစီ အဖွဲ့ချုပ်က လွှတ်တော်နေရာ စုစုပေါင်း ၉ နေရာအနိုင်ရပြီး ၀င်ရောက်ယှဉ်ပြိုင်တဲ့ လွှတ်တော် အမတ်နေရာ ၁၈ နေရာထဲ ၉ နေရာ ရှုံးနိမ့်တာမှာ အားလုံးက လူနည်းစု တိုင်းရင်းသား ဒေသတွေမှာ ဖြစ်ပါတယ်။

ရှမ်းတိုင်းရင်းသားများ ဒီမိုကရေစီ အဖွဲ့ချုပ် ပါတီက လွှတ်တော်အမတ်နေရာ ၆ နေရာ အနိုင်ရပါတယ်။ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီက ၂ နေရာနဲ့ လူမျိုးပေါင်းစုံ ဒီမိုကရေစီ ပါတီ(ကယားပြည်နယ်)နဲ့ ရခိုင်အမျိုးသား ပါတီက တနေရာစီ အနိုင်ရပါတယ်။ ပြည်သူ့လွှတ်တော် လစ်လပ်နေရာ ၉ နေရာမှာတော့ အမျိုးသား ဒီမိုကရေစီ အဖွဲ့ချုပ် NLD ပါတီက ၅ နေရာ နိုင်ပြီး ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က ၂ နေရာ အနိုင်ရပါတယ်။

အရင် အာဏာရ ပါတီဟောင်း ပြည်ထောင်စု ကြံ့ခိုင်ရေးနဲ့ဖွံ့ဖြိုးရေး ပါတီနဲ့ ရခိုင်အမျိုးသားပါတီ တို့က ၁ နေရာစီအနိုင်ရပါတယ်။ အမျိုးသား လွှတ်တော် သုံးနေရာ စလုံးကိုတော့ လက်ရှိ အာဏာရ အမျိုးသား ဒီမိုကရေစီ အဖွဲ့ချုပ်က အနိုင်ရပါတယ်။ပြည်နယ်၊ တိုင်းဒေသကြီး လွှတ်တော်နေရာ ၇ နေရာမှာတော့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က မိုင်းရှုး၊ ကျေးသီးတို့မှာ ပြည်နယ် လွှတ်တော် နေရာ ၄ ခု၊ လက်ရှိ အာဏာရ အမျိုးသား ဒီမိုကရေစီ အဖွဲ့ချုပ် NLD က ရှမ်းပြည်နယ် ညောင်ရွှေမြို့နယ် မဲဆန္ဒနယ် တနေရာ အနိုင်ရပြီး ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီက ရှမ်းပြည်နယ် ကျိုင်းတုံ မဲဆန္ဒနယ် တနေရာ၊ ကယားပြည်နယ် ဖရူးဆိုး မဲဆန္ဒနယ်မှာတော့ လူမျိုးပေါင်းစုံ ဒီမိုကရေစီပါတီ ကယားပြည်နယ် က အနိုင်ရပါတယ်။

ပြည်သူ့ လွှတ်တော် ၉ နေရာ၊ အမျိုးသား လွှတ်တော် ၃ နေရာနဲ့ တိုင်းဒေသကြီး ပြည်နယ် လွှတ်တော် ၇ နေရာတို့ကို မနေ့ ဧပြီလ ၁ ရက်နေ့က နိုင်ငံရေး ပါတီ ၂၄ ပါတီနဲ့ တသီးပုဂ္ဂလ ကိုယ်စားလှယ်ပေါင်း ၉၅ ဦးတို့ ၀င်ရောက်ယှဉ်ပြိုင်ခဲ့ကြတာ ဖြစ်ပါတယ်။
VOA Burmese News


မကွေးမြို့ မြင်သာရပ်ကွက် သစ္စာလမ်းနှင့် ၂၉ လမ်းထောင့်ရှိ ရွှေမြတ်မင်းသမီး KTV တွင် ဧပြီလ (၂) ရက်နေ့ည (၁၀)နာရီ (၁၅)မိနစ်ခန့်က မီးလောင်မှုဖြစ်ပွားသဖြင့် လူဆယ်ဦးထက်မနည်း သေဆုံးဖွယ်ရှိကြောင်း သိရသည်။


နှစ်ထပ်အဆောက်အဦး KTV ဆိုင်၏ မီးဖိုခန်းမှ ဂက်စ်အိုးပေါက်ကွဲရာမှ စတင်လောင်ကျွမ်းခြင်းဖြစ်ပြီး မြင်သာရပ်ကွက်မှ ဝိုင်းဝန်းကူညီ ငြိမ်းသတ်မှုကြောင့် မီးထိန်းနိုင်ခဲ့ပြီး မီးသတ်ဌာနကလည်း အချိန်မီလာရောက်ငြိမ်းသတ်မှုကြောင့် အခြားအဆောက်အဦးများသို့ ကူးစက်လောင်ကျွမ်းခြင်းမရှိဘဲ (၁၀)နာရီ (၄၅)မိနစ်ခန့်တွင် မီးငြိမ်းသတ်နိုင်ခဲ့ကြောင်း သိရသည်။


KTV ဆိုင်ဖြစ်သဖြင့် မီးလောင်ကျွမ်းချိန်တွင် အခန်းများတွင် ပိတ်မိနေသူများ မီးလောင်သေဆုံးဖွယ်ရှိနေပြီး လူ (၁၂)ဦးခန့်သေဆုံးနိုင်သည်ဟု ခန့်မှန်းထားပြီး မီးသတ်ဌာနမှ တာဝန်ရှိသူများက ရှာဖွေကယ်ဆယ်ရေးများ ဆက်လက်လုပ်ဆောင်နေကြောင်း သိရသည်။


မီးလောင်ကျွမ်းမှုဖြစ်ပွားရာသို့ မီးသတ်ဦးစီးဌာနနှင့် တာဝန်ရှိသူများ ရောက်ရှိနေပြီး မီးငြိမ်းသတ်မှုနှင့် ရှာဖွေကယ်ဆယ်ရေးများကို ဆက်လက်လုပ်ဆောင်နေကြောင်း သိရသည်။

သတင်း၊ဓါတ်ပုံ - ဖီးနစ်
Tachileik News Agency
http://www.tachileik.net

Author Name

Contact Form

Name

Email *

Message *

Powered by Blogger.