04/04/17


ဒေါပုံမြို့နယ်နေ ဦးမင်းလှိုင်ဆိုသူက ဦးဝီရသူအား ရာဇသတ်ကြီးဥပဒေပုဒ်မများဖြင့် အရေးယူပေးရန် ဧပြီ ၄ ရက် မနက်ပိုင်းတွင် အမှုဖွင့်တိုင်ကြားခဲ့သည်။ တရားလို၏လျှောက်တင်ချက်မှာရာဇ၀တ်ကျင့်ထုံးဥပဒေ ၁၇၇ နှင့် ညီညွတ်ခြင်းမရှိသဖြင့် ဒေါပုံမြို့နယ်တရားရုံးမှ တရားသူကြီး ဒေါ်ယုယုဆွေက ပယ်ချခဲ့သည်။

“ဦးဝီရသူက ဧရာဝတီတိုင်း ငပုတောမြို့နယ်မှာ တရားဟောတာလေ။ ဒေါပုံမှာဟောတာ မဟုတ်ဘူး။ ဒီနယ်မြေမှာစွဲရမှာ မဟုတ်ဘူးလေ။ အဲဒါကြောင့် ရာဇ၀တ်ကျင့်ထုံးဥပဒေ ၁၇၇ (ပြစ်မှုတိုင်းကို သာမန်အားဖြင့် ပြစ်မှုကျုးလွန်ရာနယ်မြေအတွင်း စီရင်ပိုင်ခွင့်အာဏာရှိသော တရားရုံးက စုံစမ်းစစ်ဆေးစီရင်စေရမည် … )နဲ့မညီလို့ ပယ်ချခဲ့တာပါ”ဟု ၎င်းကပြောသည်။

ဦးမင်းလှိုင်က ဒေါပုံမြို့နယ်တရားရုံးသို့ ဦးတိုက်လျှောက်ထားရာ လျှောက်ထားချက်အား မပယ်ချမီ မြို့နယ်တရားသူကြီးမှ အထက်တရားရုံးသို့ တင်ပြခဲ့သည်။ ပယ်ချသည့်ဆုံးဖြတ်ချက်မှာ အထက်တရားရုံး၏ညွှန်ကြားချက်မဟုတ်ဘဲ ရာဇ၀တ်ကျင့်ထုံးဥပဒေ ၁၇၇ နှင့် မညီညွတ်သောကြောင့် ၎င်း၏ဆုံးဖြတ်ပိုင်ခွင့်ဖြင့် ဆုံးဖြတ်ခဲ့ခြင်းဖြစ်ကြောင်း ၎င်းကပြောကြားသည်။

News Watch
https://www.facebook.com/NewsWatchJournal/



( မွန်ပြည်နယ် မော်လမြိုင်မြို့နဲ့ ချောင်းဆုံမြို့နယ်အကြား သံလွင်မြစ်ပေါ်က ဗိုလ်ချုပ်အောင်ဆန်းတံတားကို တွေ့ရစဉ် ) Photo: Kyaw Lwin Oo/RFA
မွန်ပြည်နယ် မော်လမြိုင်မြို့နယ်နဲ့ ချောင်းဆုံမြို့နယ်ကို ဆက်သွယ်ထားတဲ့ ဗိုလ်ချုပ်အောင်ဆန်း တံတားဖွင့်ပွဲကို သွားရောက်ဖို့အတွက် လိုက်ပါမယ့်သူတွေဆီကနေ ငွေကြေးကောက်ခံတာမလုပ်ဖို့ အမျိုးသားဒီမိုကရေစီအဖွဲ့ချုပ် ပါတီဗဟိုက ဒီနေ့ ညွှန်ကြားချက်ထုတ်ပြန်လိုက်ပါတယ်။

ရန်ကုန်တိုင်းဒေသကြီး ဒဂုံမြို့သစ်မြောက်ပိုင်း NLD အလုပ်အမှုဆောင်အဖွဲ့တွေက လိုက်ပါမယ့်သူတွေဆီ ကနေ ငွေကြေးကောက်ခံတဲ့စာတစ်စောင် လူမှုကွန်ရက်စာမျက်နှာမှာ ထွက်ပေါ်လာပြီးနောက် NLD ဗဟိုက အခုလိုညွှန်ကြားချက် ထုတ်လိုက်တာဖြစ်ပါတယ်။ ဖွင့်ပွဲကို ဘယ်သူမဆိုသွားရောက်နိုင်ပြီး NLD နာမည် နဲ့ ငွေကြေးကောက်ခံခွင့် မပြုကြောင်း တားမြစ်ထားတယ်လို့ ပါတီဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်း က ပြောပါတယ်။

"ကျနော်တို့ ရန်ကုန်တိုင်းကို ညွှန်ကြားပြီးပါပြီ၊ အဲဒါမျိုးမလုပ်ရဘူး လုပ်ခွင့်မရှိဘူး ဒါမှမဟုတ် တံတားဖွင့်ပွဲကို ကိုယ့်ဘာသာ ကိုယ်သွားချင်ရင်လည်းသွား NLD နာမည်နဲ့ဒီလိုလုပ်ခွင့်မရှိဘူးလို့ တားလိုက်ပြီးပါပြီ"

ပြီးခဲ့တဲ့ မတ်လ ၃၁ ရက်နေ့က ရန်ကုန်တိုင်း ဒဂုံမြို့သစ်မြောက်ပိုင်း NLD မြို့နယ်အလုပ်အမှုဆောင်အဖွဲ့က ဗိုလ်ချုပ်အောင်ဆန်းတံတားဖွင့်ပွဲကို သွားရောက်လိုသူတွေအနေနဲ့ တစ်ဦးကို စရံငွေ ကျပ်တစ်သောင်းနဲ့ လိုက်ပါနိုင်ပြီး စရံငွေကို ဧပြီ ၄ ရက်နေ့ကနေ ၈ ရက်နေ့အထိ ပေးသွင်းဖို့ စာထုတ်ပြန်လိုက်တာဖြစ်ပါတယ်။

အဲဒီစာအပေါ် ဝေဖန်မှုတွေထွက်ပေါ်လာခဲ့ပြီး ဧပြီ ၄ ရက် ဒီနေ့မှာ တံတားဖွင့်ပွဲ သွားရောက်မယ့်အစီအစဉ် အတွက် ငွေကြေးကောက်ခံတာကို ရုပ်သိမ်းလိုက်ကြောင်း ထပ်မံထုတ်ပြန်လိုက်ပါတယ်။

အဲဒီလိုဆောင်ရွက်ခဲ့တဲ့ ရန်ကုန်တိုင်း ဒဂုံမြို့သစ်မြောက်ပိုင်း NLD မြို့နယ်အလုပ်အမှုဆောင်အဖွဲ့ဝင်တွေကို ပါတီစည်းကမ်းနဲ့ ငြိစွန်းမှုရှိ မရှိ ကို ရန်ကုန်တိုင်းဒေသကြီး NLD ပါတီက စိစစ်ပြီး အစီရင်ခံစာထုတ်ပေးဖို့ ပါတီဗဟိုက ညွန်ကြားထားတယ်လို့ ဦးဥာဏ်ဝင်း ကပြောပါတယ်။

RFA Burmese
https://www.facebook.com/rfaburmese/



ပြည်ထောင်စု တရားလွှတ်တော်ချုပ်ရုံး တစ်နှစ်တာ ပြုပြင်ဆောင်ရွက်မှုများကို အဆိုပါ ရုံး၏ ညွှန်ကြားရေးမှူးချုပ် ဦးကိုကိုနိုင်၊ ဒေါ်အေးအေးကြည်သက်နှင့် ဒုတိယ ညွှန်ကြားရေးမှူးချုပ် ဒေါ်တင်နွယ်စိုးတို့ က ရှင်းလင်း ပြောကြားစဉ်။(ဆင်ဟွာ)
    နေပြည်တော်၊ ဧပြီ ၄ ရက် (ဆင်ဟွာ)

    မြန်မာနိုင်ငံ တရားရုံးများ၌ အဂတိလိုက်စားမှုများ ရှိနေသေးကြောင်းနှင့် တရားသူကြီးများ လိုက်နာရန် နိုင်ငံတကာ အဆင့်မီ တရားသူကြီး ကျင့်ဝတ်ကို ရေးဆွဲလျက်ရှိရာ တတိယ မူကြမ်း အဆင့် ရောက်ရှိနေပြီး မကြာမီ ထုတ်ပြန်နိုင်တော့မည် ဟု ပြည်ထောင်စု တရား လွှတ်တော်ချုပ်ရုံး၊ ဒုတိယ ညွှန်ကြားရေးမှူးချုပ် ဒေါ်တင်နွယ်စိုးက ယနေ့ နေ့ လယ်ပိုင်းတွင် မီဒီယာသို့ ဖြေကြားခဲ့သည်။

“လာဘ်ပေး လာဘ်ယူတိုင်ကြားမှု ရှိခဲ့လို့ ရှိရင် သိတာနဲ့ ဖြစ်စေ သတင်းကျော်ဇော တာနဲ့  ဖြစ်စေ တင်ပြတဲ့ အချက်တွေမှာ ချက်ချင်း စုံစမ်း စစ်ဆေးမှု လုပ်ပါတယ်၊ ပေါ်ပေါက်တဲ့ အတိုင်း စီမံခန့် ခွဲရေးအပိုင်းက ဆောင်ရွက်သလို အဂတိတိုက်ဖျက်ရေး ကော်မရှင်ဘက်က စုံစမ်းစစ်ဆေးချက်အရ ကျွန်မတို့ ဆီကို လွှဲပြောင်းပေးတာပဲဖြစ်ဖြစ် ဒီဘက်ကနေ မေးမြန်းတဲ့ အပေါ်မှာပဲ ဖြစ်ဖြစ် အားလုံး ပူးပေါင်း ဆောင်ရွက်ပေးနေပါတယ်၊ လာဘ်ပေးလာဘ်ယူကိစ္စ တွေကတော့ ရှိနေတုန်းပဲရှင့်၊ ဒါကို ပိုပြီးတော့ နည်းသွားအောင် ပပျောက်အောင် ကျွန်မတို့  ဘာလုပ်မလဲ ဆိုတော့ ပုံမှန် လုပ်နေတဲ့ စီမံခန့် ခွဲရေးအရ ကြီးကြပ်တဲ့ လုပ်ငန်းအပြင် တရား သူကြီးတွေ လိုက်နာရမယ့် ကျင့်ဝတ်၊ ဒါက ကျင့်ဝတ်နဲ့ ထိန်းကျောင်းတာ၊ ဒါကို အကောင် အထည်ဖော် ဆောင်ရွက်တာဟာ အထိရောက်ဆုံးပဲလို့  ကျွန်မတို့ လေ့လာ သိရှိထားပါတယ်၊ အဲဒီတော့ စံချိန် စံညွှန်းနဲ့ ညီတဲ့ တရားသူကြီးတွေ လိုက်နာရမယ့် ကျင့်ဝတ်တစ်ခုကို မကြာခင်မှာ အမြန်ဆုံး ထုတ်ပြန်နိုင်ပါမယ်” ဟု နေပြည်တော် ပြန်ကြားရေး ၀န်ကြီးဌာနတွင် ယနေ့ နေ့ လယ်ပိုင်းက ပြုလုပ်ခဲ့သည့် ပြည်ထောင်စု တရား လွှတ်တော်ချုပ်ရုံး၏ တစ်နှစ် အတွင်း ပြုပြင်ဆောင်ရွက်ချက်များ သတင်းစာရှင်းပွဲတွင် ၎င်းက ပြောခဲ့ခြင်း ဖြစ်သည်။


တရားသူကြီးများ ကျင့်ဝတ်ကို ထုတ်ပြန် ကျင့်သုံးစေခြင်းဖြင့် ရာနှုန်းပြည့် မဟုတ်သည့်တိုင် အများပြည်သူတို့  စိတ်ကျေနပ်မှု ရစေမည့် အတိုင်းအတာတစ်ခုအထိ ရောက်အောင် ဆောင်ရွက်ပေးနိုင်လိမ့်မ် ဟု မျှော်လင့်ပါကြောင်းလည်း ၎င်းက ပြောခဲ့သည်။

အဆိုပါ သတင်းစာရှင်းပွဲသို့ ပြည်ထောင်စုတရားလွှတ်တော်ချုပ်ရုံးမှ ဒုတိယ ညွှန်ကြားရေးမှူး ချုပ် ဒေါ်တင်နွယ်စိုးနှင့်အတူ ညွှန်ကြားရေးမှူးချုပ် ဦးကိုကိုနိုင်၊ ညွှန်ကြားရေးမှူးချုပ် ဒေါ် အေးအေးကြည်သက်တို့  အပါအ၀င် အရာရှိကြီး ငါးဦးတို့ တက်ရောက် ရှင်းလင်း ဖြေကြားခဲ့ကြသည်။

(Xinhua)
http://www.xinhuamyanmar.com



လေကြောင်း တိုက်ခိုက်မှုကြောင့် မီးလောင်နေသော အဆောက်အအုံကို ဆီးရီးယား White Helmets မှ မီးငြိမ်းနေ
ဆီရီးယားနိုင်ငံမှာ ဓာတုဓာတ်ငွေ့နဲ့လို့ သံသယရှိထားတဲ့ တိုက်ခိုက်မှုကြောင့် ကလေးငယ်တွေအပါအဝင် အနည်းဆုံး လူပေါင်း ၃၅ ဦးသေဆုံးပြီး၊ နောက်ထပ် ဒါဇင်တွေနဲ့ချီ ဒဏ်ရာတွေရခဲ့ပါတယ်။

ဆီရီးယားနိုင်ငံမြောက်ပိုင်းမှာ ဒီနေ့ဖြစ်ခဲ့တဲ့ ဓာတုဗုံးတွေလို့ ယူဆနိုင်တဲ့ လေကြောင်း တိုက်ခိုက်မှုထဲ သေဆုံးရသူတွေထဲမှာ ကလေးငယ် အနည်းဆုံး ၉ ဦး ပါသွားတယ်လို့ ဗြိတိန်အခြေစိုက် လူ့အခွင့်အရေးစောင့်ကြည့်ရေးအဖွဲ့က ဆိုပါတယ်။

ဒီလူ့အခွင့်အရေးအဖွဲ့က ဆက်ပြီး နိုင်ငံမြောက်ပိုင်း Idlib ပြည်နယ်က Khan Sheikhoun မြို.မှာဖြစ်တဲ့ ဒီ တိုက်ခိုက်မှုကြောင့် လူတွေ အသက်ရှုကြပ်လာတာ၊ မွန်းပြီး အသက်ရှုမရတာ၊ အံတာနဲ့ ပါးစပ်က အမြုပ်တွေထွက်လာတာတွေဖြစ်ခဲ့တယ်လို့ ဆိုပါတယ်။

ဒီ ဓာတုဗုံးလို့ ယူဆရာတာတွေကို ရုရှားတိုက်လေယာဉ်တွေ ကြဲခဲ့တာလား၊ ဆီရီးယား အစိုးရ တိုက်လေယာဉ်တွေက ချခဲ့တာလား ဆိုတာတော့ မသေချာသေးဘူးလို့ ဒီ ဆီရီးယား လူ့အခွင့်အရေးအဖွဲ့က ဆိုပါတယ်။

ဆီရီးယား သမ္မတ ဘတ်ရှာအယ်အာဆတ်ကို ၂၀၀၁ ခုနှစ်ကထဲက စတင် တိုက်ခိုက်လာတဲ့ သူပုန်တွေအနေနဲ့ ဒီတိုက်ခိုက်မှုဖြစ်ခဲ့တဲ့ Idlib ပြည်နယ်ကို ထိန်းချုပ်ထားပါတယ်။

ဒီ နှစ်ရှည်ကြာ ဆီရီးယား ပြည်တွင်းစစ်အတွင်း လူပေါင်း ၄ သိန်းကျော် သေဆုံးခဲ့ ရပြီး၊ နောက်ထပ်လူပေါင်း သန်းတွေနဲ့ချီဟာလဲ သူတို့နေအိမ်တွေကို စွန့်ခွာ ထွက်ပြေးခဲ့ကြရပါတယ်။

ဆီရီးယား အစိုးရအနေနဲ့ ခုလိုဓာတုလက်နက်တွေသုံးပြီး အရပ်သားတွေကို တိုက်ခိုက်လာနေခဲ့တယ်လို့ စွပ်စွဲမှုတွေရှိလာခဲ့ပေမဲ့ အစိုးရဘက်ကတော့ ဆက်လက် ငြင်းဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com


ဧပြီ ၄ ရက်။ ၂၀၁၇ ခုနှစ်။ စောသိန်းမြင့်

ထိုင်းနိုင်ငံ၊ မဲဆောက်မြို့ ရဲအချုပ်ခန်းတွင် ဖမ်းဆီးထိန်းသိမ်းခံရသော ဘန်ကောက်မှ နေရပ်ပြန် မြန်မာရွှေ့ ပြောင်း အလုပ်သမား ၅၄ ဦးအား မြန်မာနိုင်ငံ အလုပ်သမား ၀န်ကြီးဌာနနှင့် ပြည်ထဲရေးဝန်ကြီးဌာနတို့ နှစ် နိုင်ငံ တာဝန်ရှိသူများ၏ ညှိနှိုင်းဆောင်ရွက်မှုအရ ယနေ့ မွန်းလွဲပိုင်းတွင် ပြန်လည်လွတ်မြောက်သွားပြီဟု မြန်မာပြည်သားများအရေး ပူးတွဲလှုပ်ရှားမှု ကော်မတီ (JACBA ) ဥက္ကဌ ဦးမိုးကြိုးက ပြောသည်။

ဧပြီ ၁ ရက်နှင့်၂ ရက်နေ့တို့တွင် ၎င်းနေရပ်ပြန်မည့် မြန်မာအလုပ်သမား အုပ်စု ၂ စု၊ စုစုပေါင်း ၅၄ ဦးသည် ထိုင်းနိုင်ငံ အစိုးရမှ သတ်မှတ်ထားသည့် သင်္ကြန်ကာလ အိမ်ပြန်ရက် အချိန်မတိုင်မီ ပြန်လာမှုနှင့် စာရွက်စာ တမ်း အထောက်အထားအစုံအလင် မပါဝင်မှုတို့ကြောင့် တာ့ခ်ရှိ ဝေးလယားအု စစ်ဆေးရေးဂိတ်တွင် ဖမ်း ဆီးခံရကာ မဲဆောက် ရဲအချုပ်ခန်း၌ ထိန်းသိမ်းခံခဲ့ရပြီးနောက် ဘန်ကောက်မြို့ရှိ မြန်မာအလုပ်သမား သံအ ရာရှိ ဦးမိုးအောင်ခိုင်တို့၏ ကွပ်ကဲမှုဖြင့် နှစ်နိုင်ငံချစ်ကြည်ရေး အစီအစဉ်အရ ယခုလို လွတ်မြောက်လာ ခြင်း ဖြစ်သည်။

၎င်းအလုပ်သမားများ လွတ်မြောက်ရေးကို ပါဝင်ကူညီပေးခဲ့သူ JACBA ဥက္ကဌ ဦးမိုးကြိုးက “တကယ်ဆို ထိုင်း လူဝင်မှု ကြီးကြပ်ရေး ဥပဒေအရ အနည်းဆုံး ထောင်ဒဏ် ၄၈ ရက်ချမှတ်နိုင်တယ်။ မြန်မာနိုင်ငံ အစိုးရရဲ့ ကိုယ်စား မြန်မာနိုင်ငံ အလုပ်သမား လူဝင်မှု ကြီးကြပ်ရေး ပြည်သူ့အင်အား ၀န်ကြီးဌာန တာဝန်ခံတယ်။ ထိုင်းအစိုးရဘက်ကတော့ ပြည်ထဲရေးဝန်ကြီးဌာန တာဝန်ခံတယ်။ နှစ်နိုင်ငံ ချစ်ကြည်ရေး အစီအစဉ်အရ ၃ ညအိပ်၊ ၄ရက်ထက် မပိုတဲ့ ပြစ်ဒဏ်ရယ်၊ ငွေဒဏ် တစ်ထောင့်ငါးရာရယ် ပြီးစီးသွားတာပေါ့။”ဟု ကေအိုင်စီ သို့ ပြောသည်။

ထို့အပြင် မြန်မာရွှေ့ပြောင်းအလုပ်သမားများအနေဖြင့် ယခင်နှစ်က မိမိဆန္ဒအလျောက် ပြန်၍ ရသော်လည်း ယခုနှစ် သင်္ကြန်ကာလ အိမ်ပြန်ရက်ကို ဧပြီ ၅ ရက်မှ ၃၀ ရက်အတိအကျ သတ်မှတ်ထားခြင်းကို အထူးသတိ ပြုစေလိုကြောင်း၊ နေရပ်ပြန်ရာတွင် လိုအပ်သည့် အထောက်အထား အစုံအလင်ပါရှိရန်လိုအပ်ပြီး မိမိ ထွက်ခွါသည့် လမ်းကြောင်းအတိုင်းသာ ဧပြီလ ၃၀ရက်နေ့တွင် အချိန်မီ လုပ်ငန်းခွင်ဆီ ပြန်ဝင်လာရန် လိုအပ်ကြောင်းနှင့် သတ်မှတ်ရက် ကျော်လွန်ပါက မိမိ လက်ဝယ်ရှိ အထောက်အထား ယာယီပတ်စ်ပို့များ ပယ်ဖျက်ခံရနိုင်သည်ဟု ဦးမိုးကြိုးက ဖြည့်စွက်ပြောဆိုသည်။


ထိုင်းနိုင်ငံအတွင်း အလုပ်သမား ပတ်စ်ပို့ (VISA NON-LA) နှင့် ပန်းရောင်ကတ်ကိုင်ဆောင်ထားသူ မြန်မာရွှေ့ပြောင်း အလုပ်သမားများအနေဖြင့် နှစ်သစ်ကူးသင်္ကြန်ကာလ နေရပ်ပြန်ရာတွင် ဗီဇာဆိုင်ရာ အထွေထွေကုန်ကျစရိတ် ကင်းလွတ်ခွင့်နှင့် အဖမ်းအဆီးမရှိဘဲ နေရပ်ပြန်နိုင်ကြောင်း မတ် ၁၄ နေ့တွင် ထိုင်းအစိုးရက အထူးကြေညာချက် ထုတ်ပြန်ခဲ့ပြီးနောက် အဆိုပါ မြန်မာရွှေ့ပြောင်း အလုပ်သမား ၅၄ ဦးမှာ ပထမဆုံးအကြိမ် ဖမ်းဆီးထိန်းသိမ်းခံရခြင်းဖြစ်သည်။

ယခင်နှစ်၂၀၁၆ ခုနှစ်က ထိုင်းအစိုးရသည် သင်္ကြန်ကာလအတွင်း ရွှေ့ပြောင်းအလုပ်သမားများ နေရပ်ပြန်ခွင့် ကို ၁၀ ရက်သာ သတ်မှတ်ထားသော်လည်း ယခု ၂၀၁၇ ခုနှစ်တွင်မူ ၂၅ ရက်နေ့ အထိ တိုးမြှင့် သတ်မှတ်ပေး ထားသည်။

ထိုင်းနိုင်ငံတွင် တရားဝင် အလုပ်လုပ်ကိုင်နေကြသည့် မြန်မာရွှေ့ပြောင်းအလုပ်သမား စုစုပေါင်း ၁,၇၉ ၅,၀ ၆၆ဦး ရှိသည်ဟု ထိုင်းနိုင်ငံ အလုပ်သမား ရှာဖွေရေးရုံး၏ ၂၀၁၆ ခုနှစ် နိုဝင်ဘာလ ထုတ်ပြန်ချက်အရ သိရသည်။

 စောသိန်းမြင့် / KIC
http://kicnews.org


နိရဉ္စရာ၊ ဧပြီ ၄

ရခိုင်ပြည်နယ် ပေါက်တောမြို့ နယ် နတ်ရှင်ကျေးရွာတွင် ရဲတပ်သားတစ်ဦးထံမှ သေနတ်လု၍ ပစ်ခတ်မှု ဖြစ်ပွားရာ အရပ်သား တစ်ဦး သေဆုံးသွားကြောင်း ပေါက်တောမြို့နယ် ရဲတပ်ဖွဲ့မှူးရုံးမှ နယ်ထိန်းရဲအုပ် ဦးသန်းဌေးက နိရဉ္စရာသို့ပြောသည်။

“ ကျောက်စု အုပ်စုအုပ်ချုပ်ရေးမှူးနဲ့ ရဲတပ်ဖွဲ့ဝင် သုံးဦး လှည့်ကင်းဆောင်ရွက်နေချိန်မှာ သောက်စား မူးယစ်နေတဲ့ ဦးမောင်သန်းကို ဖမ်းဆီးခေါ်ဆောင်လာတဲ့အခါ ယောက်ဖ ဖြစ်သူမောင်ဖြူဒေါင်းက နောက်ယောင်ခံ လိုက် လာပြီး ရဲတပ်သား ထွန်းလင်းဆီက သေနတ်လုတော့ ပစ်ခတ်မှုဖြစ်တယ်။ အဲဒီမှာ ပစ်ခတ်မှု ဖြစ်ပါတယ်။ မောင်ဖြူဒေါင်းရဲ့ ၀မ်းဗိုက်ကို လျှပ်ပြီးထိမှန်သွားခဲ့ပါတယ်။ လျှပ်ထိခြင်းကြောင့် ဗိုက်က အူတွေထွက်ကျလာခဲ့ပါတယ်။ ပေါက်တောဆေးရုံကို ယူလာတော့ ဆေးရုံမှာဘဲ သေဆုံးသွားပါတယ်” ဟု ၄င်းကပြောဆိုသည်။

သေနတ် ကျည် ထိမှန်သေဆုံးသူမှာ နတ်ရှင်ကျေးရွာမှ အသက် (၂၉) နှစ်အရွယ် ဦးမောင်ငယ်၏သား ဦးမောင်ဖြူဒေါင်း ဖြစ်ပြီး ဒါဏ်ရာကြောင့် ဧပြီ ၄ ရက် မနက် ၂ နာရီ ၅၅ မိနစ်မှာ ပေါက်တော ဆေးရုံတွင် သေဆုံးခဲ့ကြောင်း ရဲတပ်ဖွဲ့မှူးရုံးမှ ပြောကြားချက်အရ သိရသည်။

မှူးခင်းနှင့် ပတ်သတ်ကာ သက်ဆိုင်ရာ မှူးခင်းဆရာဝန်များ၏ စစ်ဆေးမှူ အဖြေ မသိရသေးသော်လည်း ရဲတပ်ဖွဲ့မှူးရုံးမှ ဦးဖြူဒေါင်းမှာ သောက်စားထားသည်ဟု ယူဆရကြောင်း ရဲအုပ် ဦးသန်းဌေးမှ ပြောသည်။

သေဆုံးသူ မောင်ဖြူဒေါင်း၏ မိသားစုဝင်များနှင့် အဆက်အသွယ်မရသေးသော်လည်း နတ်ရှင်ကျေးရွာမှ အမည်မဖော်လိုသူတစ်ဦးက ဖဲဝိုင်းဖမ်းဆီးရာမှ အချင်းများပြီး ပစ်ခတ်မူ ဖြစ်ပွားခြင်းဖြစ်ကြောင်း နိရဉ္စရာသို့ ပြောဆိုသည်။

လက်ရှိအချိန်တွင် ပစ်ခတ်ခဲ့သည့် ရဲတပ်သားထွန်းလင်းအား ရဲတပ်ဖွဲ့ စည်းကမ်းထိန်းသိမ်းရေးဖြင့် အရေးယူရန် ဆောင်ရွက်နေကြောင်းနှင့် ပေါက်တော မြို့မှရဲစခန်းသို့သွားရောက် ခေါ်ဆောင်နေကြောင်း ရဲအုပ် ဦးသန်းဌေးမှ ပြောဆိုသည်။

ဓာတ်ပုံ ဇော်မင်းဦး Facebook
ရွှေရအောင်(တောင်ကုတ်)
Narinjara
https://www.facebook.com/Narinjara



ရွှေမြတ်မင်းသမီး KTV မီးလောင်မှု
မကွေးမြို့က ရွှေမြတ်မင်းသမီး KTV မီးလောင် လူသေဆုံးရမှုနဲ့ ပတ်သက်လို့ ဆိုင်ပိုင်ရှင် ဦးရဲညွန့်ကို ဖမ်းဆီးစစ်ဆေးနေပြီး ရာဇသတ်ကြီးပုဒ်မနဲ့ ရဲစခန်း ကအမှုဖွင့်ထားပြီး၊ ဒီအမှုမှန် ပေါ်ပေါက်ရေးအတွက် စီစဉ်ဆောင်ရွက်နေတယ်လို့ မကွေးတိုင်းဝန်ကြီးချုပ်ကပြောပါတယ်။ မကွေးတိုင်းအတွင်း KTV ဆိုင် လုပ်ငန်းတွေမှာ လူ့အသက်အန္တရာယ်ကို အကာအကွယ်ပေးနိုင်မယ့် သတိပေးစနစ်တွေ ရှိလာအောင် ဥပဒေပြဌာန်း လုပ်ဆောင်သွားသင့်တယ်လို့ မကွေးမြို့နယ် ပြည်သူ့လွှတ်တော် ကိုယ်စားလှယ်တဦးကလည်း ပြောပါတယ်။ ဆက်သွယ်မေးမြန်းထားတဲ့ ကိုဉာဏ်ဝင်းအောင်က တင်ပြပါမယ်။

မကွေးမြို့ မြင်သာရပ်ကွက် သစ္စာလမ်းနဲ့ ၂၉ လမ်းထောင့်မှာရှိတဲ့ ရွှေမြတ်မင်းသမီး KTV ကာရာအိုကေဆိုင်မှာ လျှပ်စစ် အလွန်အကျွံသုံးစွဲပြီး လျှပ်စစ် ကြိုးတွေ အပူလွန်ရာက ဧပြီလ ၂ ရက်နေ့ညမှာ မီးလောင်ကျွမ်းခဲ့တာဖြစ်တယ်လို့ မကွေးမြို့နယ် မြို့မရဲစခန်းက ပြောပါတယ်။ မီးလောင်ကျွမ်းမှုကြောင့် လူအနည်းဆုံး ၁၅ ဦးသေဆုံးပါတယ်။ မီးလောင်ကျွမ်းမှုဖြစ်ချိန်မှာ မကွေးတိုင်း မီးသတ်ဌာနက မီးသတ်ကားနဲ့ ရေသယ်ကားတွေ၊ ကမ္ဘောဇဖောင်ဒေးရှင်း က ရေသယ်ကားနဲ့ မင်းဘူးမြို့နယ်က မီးသတ်ကားတွေပါ စုစုပေါင်း ၁၂ စီးလောက် သွားရောက် ငြိမ်းသတ်ခဲ့တာကြောင့် တနာရီအတွင်း မီးစွယ်ကျိုး သွားခဲ့ပါတယ်။ ဒါပေမယ့် ကာရာအိုကေ သီချင်းဆိုခန်းထဲမှာရှိတဲ့ အသံထိန်း ရေမြှုပ်တွေကို မီးအမြန်စွဲလောင်ရာက ထွက်ပြေးချိန်မရပဲ အသက်သေ ဆုံးတဲ့ထိ ဖြစ်ခဲ့ရကြောင်း မကွေးတိုင်းဒေသကြီး မီးသတ်ဦးစီးဌာနက ပြောပါတယ်။ ရွှေမြတ်မင်းသမီး KTV မီးလောင် သေဆုံးမှုနဲ့ပတ်သက်လို့ ဆိုင် ဝန်ထမ်းတချို့ကို ရဲစခန်းက ခေါ်ယူစစ်ဆေးနေသလို၊ ဆိုင်ပိုင်ရှင် ဦးရဲညွန့် (ခေါ်) ရွာသားကိုလည်း ဖမ်းဆီးစစ်ဆေးနေကြောင်း မကွေးမြို့မ ရဲစခန်းမှူး ဒုရဲမှူး စိန်အောင်က သတင်းမီဒီယာတွေကို ခုလိုရှင်းပြခဲ့ပါတယ်။

“လျှပ်စစ်ဝါယာ သာမန်ထက် အပူလွန်ကဲတာ ၊ အပူချိန်လွန်ကဲပြီးတော့ မီးလောင်မှုဖြစ်တယ်လို့ ကျနော်တိုပအားလုံးက သုံးသပ်ခန့်မှန်းပါတယ်။ ဆိုင်မှာ ဆိုင်ဝန်ထမ်းတွေပေါ့နော် အမျိုးသား၃ ဦးပေါ့ ၊ မီးငြိမ်းသတ်တဲ့ အမျိုးသား ၃ ဦး နောက်အမျိုးသမီး ၂ ဦးပေါ့နော် သူတို့တွေကို ရဲစခန်းမှာ စစ်ဆေးနေပါတယ်။ နောက် ဆိုင်ပိုင်ရှင် ဦးရဲညွှန့် ကိုလည်း ရဲစခန်းမှာ အမှု နဲ့ စစ်ဆေးလျှက်ရှိပါတယ်။”

KTV ဆိုင်ပိုင်ရှင် ဦးရဲညွှန့်ကိုတော့ (ပ)၁၉၁/၂၀၁၇၊ ရာဇသတ်ကြီးပုဒ်မ ၂၈၅/၃၀၄ က နဲ့ ရဲစခန်းက အမှုဖွင့်ထားပါတယ်။ မကွေးမြို့မ ရဲစခန်းမှာ အမှုဖွင့် ထားကြောင်း သိရပါတယ်။ မကွေးတိုင်းအတွင်းက စည်းကမ်းချက်နဲ့ မညီနဲ့ KTV ကာရာအိုကေဆိုင်တွေ အရေးယူခဲ့တာမျိုးရှိပြီး၊ ရွှေမြတ်မင်းသမီး KTV မီလောင်သေဆုံးမှု အမှုမှန် ပေါ်ပေါက်ရေးအတွက် စီစဉ်ဆောင်ရွက်နေတယ်လို့ မကွေးတိုင်းဝန်ကြီးချုပ် ဒေါက်တာအောင်မိုးညိုက VOA ကိုပြောပါတယ်။

“ ကျနော်တို့က အရင်တုန်းကတည်းက စည်းမျည်းနဲ့ ကန့်သတ်ထားတာတွေ ရှိတယ်။ တချို့ စည်းမျည်း စည်းကမ်းနဲ့ မကိုက်လို့ဆိုပြီးတော့ ပိတ်လိုက်တဲ့ ကာရာအိုကေဆိုင် တဆိုင်ရှိတယ်။ Power 9 လို့ခေါ်တယ်ထင်တယ် အဲဒီဆိုင်ကို ကျနော်တို့ပိတ်ခဲ့တယ်။ နောက်ကျတော့ စည်းမျည်း စည်းကမ်းနဲ့ ကိုက်အောင်လို့ သူတို့ပြင်လိုက်တော့ ကျနော်တို့က ၃ လဖွင့်ခွင့်ပေးလိုက်ပြီး၊ နောက်အခု ၆ လဖွင့်ခွင့်ပေးလိုက်တယ်။ အဲလို တိုးတိုးဖွင့်ခွင့်ပေးလိုက်တာ ရှိတယ်။ ကျနော်တို့ အစိုးရအဖွဲ့ရော CID ရောပေါင်းပြီးတော့မှ ဒီအမှုမှန်ပေါ်ပေါက်ဖို့အတွက် ဖြစ်ရပ်မှန် ပေါ်ပေါက်ဖို့အတွက် စီစဉ်ဆောင်ရွက်နေပါတယ်”

KTV ကာရာအိုကေဆိုင်မှာ အခုလို လူသေဆုံးရတဲ့အထိ မီးလောင်မှုဖြစ်ပွားခဲ့တာကြောင့် နောင်မှာ လူ့အသက်အန္တရာယ်ကို အကာအကွယ်ပေးနိုင်မယ့် သတိပေးစနစ်မျိုး ထားရှိလာအောင် လုပ်ဆောင်သင့်တယ်လို့ မကွေးမြို့နယ် ပြည်သူ့လွှတ်တော် ကိုယ်စားလှယ် ဦးမြင့်ဦးက ပြောပါတယ်။

“ကျနော်တို့မြို့မှာက ကျနော်သိသလောက်က မီးလောင်လို့ လူသေတာ ဒါပထမဦးဆုံးအကြိမ်ပဲ ။ အခုဒီမှာ ဘာပဲဖြစ်ဖြစ်ပေါ့ဗျာ လုပ်ပုံထိုင်ပုံနေပုံ အစစအရာရာ ဘယ်လိုပြောင်းကြမလဲ ဘယ်လိုပြင်ကြမလဲ လုပ်နေရတဲ့ အချိန်အခါမျိုးမှာ ဒါမျိုးဖြစ်သွားတာပေါ့။ ဖြစ်ရင်ဒါဟာ သင်ခန်းစာယူဖို့ နောင်မဖြစ်ဖို့ နောင်ဘယ်လို မဖြစ်အောင်လုပ်မလဲပေါ့ ၊ အဲဒီအပေါ်ကနေပြီးတော့ ဘယ်လိုလုပ်မလဲဆိုတဲ့ ကိစ္စတွေကတော့ ဖြစ်လာမယ်လို့ ထင်တယ်။”

ရွှေမြတ်မင်းသမီး KTV ဆိုင်အတွက် ဆိုင်လုပ်ငန်းလိုင်စင်ရော ယစ်မျိုးလိုင်စင် နှစ်မျိုးစလုံး ရရှိထားပါတယ်။ မြန်မာနိုင်ငံမှာ KTV ကာရာအိုကေဆိုင် လုပ်ကိုင်သူ အများစုဟာ အရင်စစ်အစိုးရလက်ထက် အာဏာပိုင်တွေနဲ့ နီးစပ်သူတွေ ဖြစ်တယ်လို့ ဆိုပါတယ်။ ဒီအမှုကို လေ့လာစစ်ဆေးဖို့အတွက် နေပြည်တော် CID မှုခင်းရဲတပ်ဖွဲ့ တဖွဲ့လည်း ဧပြီလ ၃ ရက်နေ့မှာ မကွေးမြို့ကိုရောက်ရှိနေပါတယ်။ မကွေးမြို့ KTV မီးလောင်ကျွမ်းမှုအတွင်း အနည်းဆုံး အမျိုးသား (၁၁)ဦးနဲ့ အမျိုးသမီး(၅)ဦး သေဆုံးခဲ့တယ်လို့ သိရပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
http://burmese.voanews.com



ဝမ်းနည်း ကြေကွဲဖွယ် ၃ ရက် ကြေညာ
ရုရှားနိုင်ငံ၊ စိန့်ပီတာစ်ဘာ့ဂ်မြို့ ရထား ဘူတာရုံကို ဗုံးခွဲ တိုက်ခိုက် ခဲ့သူအဖြစ် သံသယ ရှိရသူဟာ ကာဂစ္စတန် Kyrgyzstan နိုင်ငံ ဇာတိ ဖြစ်ပြီး ရုရှား နိုင်ငံသား ခံယူထားသူ ဖြစ်တယ်လို့ ကာဂစ္စတန် နိုင်ငံ ထောက်လှမ်းရေး အဖွဲ့က ပြောပါတယ်။

စိန့်ပီတာစ်ဘာ့ဂ် တိုက်ခိုက် ခံခဲ့ရမှု အတွင်း လူ ၁၄ ယောက် သေဆုံး ခဲ့ရပြီး၊ ၄၉ ယောက် ဒဏ်ရာ ရခဲ့ပါတယ်။

မြေအောက်ရထား ဘူတာရုံ နှစ်ခုကို ဗုံးခွဲခဲ့သူဟာ Osh ဆိုတဲ့ မြို့သား ၁၉၉၅ ခုနှစ်ဖွား အက္ကဘာဂျွန်း ဂျာလီလစ်ဖ် ဖြစ်တယ်လို့ ကာဂစ္စတန် နိုင်ငံ ထောက်လှမ်းရေး အဖွဲ့က ထုတ်ပြန်ပါတယ်။

အဲဒီသူဟာ အသေခံ ဗုံးခွဲ တိုက်ခိုက်ခဲ့တာ ဟုတ်မဟုတ် သတင်း အမျိုးမျိုး ထွက်နေ ပါတယ်။

စိန့်ပီတာစ်ဘာ့ဂ်မှာ အာဏာပိုင်တွေက ဝမ်းနည်း ကြေကွဲဖွယ် ၃ ရက် ကြေညာ ထားပါတယ်။

ရုရှား သမ္မတ ပူတင်လည်း ဗုံးတွေ ပေါက်ခဲ့စဉ် သူ့ ဇာတိမြို့ဖြစ်တဲ့ စိန့်ပီတာစ်ဘာ့ဂ်မှာ ရှိနေ ခဲ့ပါတယ်။

BBC Burmese
http://www.bbc.com/burmese



ဆိုမာလီ ပင်လယ်ဓါးပြများလက်မှ လွတ်မြောက်လာသည့် အီဂျစ်ငါးဖမ်းလှေအား တွေ့ရစဉ် (ဆင်ဟွာ)
    နိုင်ရိုဘီ၊ ဧပြီ ၄ ရက် (ဆင်ဟွာ)

    ဆိုမာလီနိုင်ငံ ကမ်းရိုးတန်းအလွန်တွင် သင်္ဘောသား ၁၁ဦးလိုက်ပါလာသည့် အိန္ဒိယကုန်တင်သင်္ဘောတစ်စင်း အား ဆိုမာလီပင်လယ်ဓါးပြများက ပြန်ပေးဆွဲခဲ့ကြောင်း ဒေသတွင်းရေကြောင်းအရာရှိတစ်ဦးက ဧပြီ ၃ရက်တွင် အတည်ပြုပြောကြားခဲ့သည်။

အစိုးရမဟုတ်သော အဖွဲ့အစည်းတစ်ခုဖြစ်သည့် Oceans Beyond Piracy ၏ ဒေသတွင်း မန်နေဂျာဖြစ်သူ John Steed က အာရပ်ဆော်ဘွားများပြည်ထောင်စု၊ ဒူဘိုင်းမြို့မှ ထွက်ခွာလာသော အိန္ဒိယအလံတင် သင်္ဘောသည် ဆိုမာလီကမ်းခြေများသို့ ဦးတည်ခုတ်မောင်းနေစဉ် ပြန်ပေးဆွဲခံရခြင်းဖြစ်ကြောင်း ပြောကြားခဲ့သည်။

ပြန်ပေးဆွဲခံရသည့် အိန္ဒိယသင်္ဘောပေါ်တွင် သင်္ဘောသား ၁၁ဦးလိုက်ပါလာသည်ဟု သတင်းရရှိထားကြောင်း နှင့် သင်္ဘောသားအားလုံးသည် အိန္ဒိယနိုင်ငံသားများဖြစ်ပြီး ဆိုမာလီကမ်းရိုးတန်းအလွန်၌ ဧပြီ ၁ရက်နေ့တွင် ပြန်ပေးဆွဲခံရခြင်းဖြစ်ကြောင်း Steed က ဆင်ဟွာသို့ ဖုန်းဖြင့် ပြောကြားခဲ့သည်။

သင်္ဘောသားများ အပါအဝင် သင်္ဘောတည်နေရာနှင့် ပတ်သက်၍ အသေးစိတ်အချက်အလက်များကို မသိရှိရသေးသော်လည်း အချို့သတင်းဖော်ပြချက်များအရ တိုက်ခိုက်ခံရမှုသည် Hobyo ဆိပ်ကမ်းမြို့ တောင်ဘက် ၅၀ကီလိုမီတာ အကွာ တွင်ဖြစ်ပွားခဲ့ကြောင်း သိရသည်။

လွန်ခဲ့သည့် နှစ်ပတ်ကလည်း မိုဂါဒစ်ရှူးမြို့သို့ ခုတ်မောင်းလာသည့် ဆီတင်သင်္ဘောတစ်စင်းကိုလည်း ပင်လယ်ဓါးပြများက ပြန်ပေးဆွဲခဲ့ပြီး နောက်ပိုင်းတွင် ပြန်လွှတ်ပေးခဲ့ကြောင်း သိရသည်။ ပင်လယ်ဓါးပြများ ဘက်မှ ပြန်ရွေးငွေ ပမာဏအား ထုတ်ဖော်ပြောကြားခြင်းမရှိသေးကြောင်းသိရသည်။

ဆိုမာလီပင်လယ်ဓါးပြများသည် အလိုအလျောက်ပစ်ခတ်နိုင်သော လက်နက်များ နှင့် စိန်ပြောင်းများ ကိုင်ဆောင်ထားလေ့ရှိပြီး တစ်ခါတစ်ရံ ၎င်းတို့ပြန်ပေးဆွဲခဲ့သော ငါးဖမ်းသင်္ဘော (သို့) ရွက်လှေအကြီးစားများမှ တစ်ဆင့် လှေငယ်များဖြင့် ဆိုမာလီကမ်းရိုးတန်းမှ ဝေးကွာသည့် နေရာတွင် လိုက်လံတိုက်ခိုက်မှုများ ပြုလုပ်လေ့ရှိကြောင်း သိရသည်။

ဆိုမာလီ ပင်လယ်ဓါးပြလုပ်ငန်း သည်  ပြန်ပေးငွေရရှိသော စီးပွားရေးလုပ်ငန်းကြီးတစ်ခုဖြစ်လာသည်မှ စ၍ ၎င်းတို့သည် အစားအစာများ၊ ရေများ၊ လောင်စာဆီများ နှင့် မူးယစ်စေတတ်သော သစ်ရွက်များ ရရှိနိုင်ရန် ကုန်းပေါ်မှ အထောက်အပံ့အား များစွာ အားထားနေရပြီး ယင်းအထောက်အပံ့များအား ပြန်ရွေးငွေညှိနှိုင်းရေးလုပ်ငန်းစဉ် တစ်လျှောက် ပြန်ပေးဆွဲထားသည့် သင်္ဘောများအား စောင့်ကြည့်ပေးနေသည့် စစ်သွေးကြွများက ပံ့ပိုးပေးနေကြောင်း သိရသည်။

ဆိုမာလီနိုင်ငံသည် ယင်းပင်လယ်ဓါးပြလုပ်ငန်းကြောင့် ၎င်းကိုယ်တိုင် ဆိုးကျိုးများစွာ ခံစားနေရကြောင်း သိရသည်။

(Xinhua)
http://www.xinhuamyanmar.com



( မွန်ပြည်နယ် ချောင်းဆုံမြို့နယ်မှာ မတ်လ ၂၉ ရက်နေ့က မဲဆွယ်နေတဲ့ မွန်ဒေသလုံးဆိုင်ရာ ဒီမိုကရေစီပါတီ အဖွဲ့ဝင်တွေကို တွေ့ရစဉ် )Photo: Kyaw Lwin Oo/RFA
မွန်ပြည်နယ် ရေးမြို့နယ် တောင်ပြင်ကျေးရွာက မွန်ဒေသလုံးဆိုင်ရာ ဒီမိုကရေစီပါတီ ဥက္ကဌအပါအ၀င် ပါတီဝင် ၂၀၀ ကျော်ဟာ ဧပြီလ ၁ ရက်နေ့ကစပြီး ပါတီဝင်အဖြစ်ကနေ နုတ်ထွက်လိုက်ပါတယ်။

မွန်ပါတီတွေ ကွဲပြားနေတဲ့အတွက် မဲတွေကွဲနေတာကြောင့် ပါတီဝင်တွေက နုတ်ထွက်ခဲ့ကြတာလို့ နုတ်ထွက်လိုက်တဲ့ မွန်ဒေသလုံးဆိုင်ရာဒီမိုကရေစီပါတီ တောင်ပြင်ကျေးရွာ ဥက္ကဌ ဦးနိုင်မွန်စိုက်က ပြောပါတယ်။

"မွန်ပါတီတွေ ၂ ပါတီ ၃ ပါတီရှိနေတော့ မဲတွေကွဲနေတယ်လေ၊ အဲ့ဒါကိုမြင်တော့ တို့ပါတီသားတွေ မလုပ်တော့ဘူးဆိုပြီး ဆုံးဖြတ်လိုက်တယ်၊ လေးလပိုင်း ၁ ရက်နေ့က ဆုံးဖြတ်လိုက်တယ် အဲ့နေ့ကပဲ စနုတ်ထွက်တယ်"

တောင်ပြင်ကျေးရွာမှာ မွန်ဒေသလုံးဆိုင်ရာ ဒီမိုကရေစီပါတီဝင် ၂၉၀ ကျော်ရှိပြီး ပါတီဥက္ကဌ အပါအဝင် ပါတီဝင် ၂၀၀ ကျော်က နုတ်ထွက်လိုက်တာဖြစ်ပြီး ပါတီအခြေစိုက်တဲ့အိမ်ပိုင်ရှင်ကိုယ်တိုင် နုတ်ထွက်လိုက်တဲ့အတွက် ပါတီအလံနဲ့ ဆိုင်းဘုတ်တွေကို ဖြုတ်လိုက်တယ်လို့ ပြောပါတယ်။

ပါတီဝင်တွေ နုတ်ထွက်တဲ့အကြောင်း ဗဟိုပါတီကိုတင်ပြသွားမှာမဟုတ်ဘဲ မွန်ပါတီတွေ တစ်ပါတီတည်း ပေါင်းစည်းလိုက်ချိန်ရောက်မှ အဲဒီပါတီမှာ ပြန်လည်ဝင်ရောက်သွားမယ်လို့ ပြောပါတယ်။

မွန်နိုင်ငံရေးပါတီတွေဖြစ်တဲ့ မွန်အမျိုးသားပါတီနဲ့ မွန်ဒေသလုံးဆိုင်ရာ ဒီမိုကရေစီပါတီတို့ ပေါင်းစည်းနိုင်ရေးအတွက် မွန်ပြည်သစ်ပါတီ ဒုတိယဥက္ကဌ နိုင်ဟံသာ ဦးဆောင်ပြီး မွန်ဆရာတော်တွေ၊ မွန်ပညာရှင်တွေပါဝင်တဲ့ မွန်နိုင်ငံရေးပါတီများ ညီညွတ်မှု တည်ဆောက်ရေး ညှိနှိုင်းရေးအဖွဲ့က ညှိနှိုင်းနေပေမယ့် ပေါင်းစည်းဖို့ ပျက်သွားကြောင်း ပြီးခဲ့တဲ့မတ်လဆန်းက ကြေညာချက်ထုတ်ပြန်ခဲ့တာဖြစ်ပါတယ်။

RFA Burmese
https://www.facebook.com/rfaburmese


မန္တလေးမြို့သင်္ကြန်မှာ မျက်နှာဖုံးစွပ်ပြီး မောင်းနှင်၊ သွားလာတာတွေနဲ့ အသံဆူညံအောင် ပြုလုပ်တာတွေကို ခွင့်ပြုမှာ မဟုတ်ဘူးလို့ အမှတ်(၃)ယာဉ်ထိန်းရဲတပ်ဖွဲ့ခွဲမှူးရုံးက သိရပါတယ်။ လုံခြုံရေးအတွက်ရော ယာဉ်မတော်တဆမှုတွေဖြစ်တဲ့အခါ လူမမှတ်မိဘဲ ထွက်ပြေးတာတွေ ရှိတဲ့အတွက် လုပ်ဆောင်ရတာဖြစ်တယ်လို့ ဆိုပါတယ်။ ဒါ့အပြင် မှုခင်းဖြစ်စဉ်တွေမှာ မျက်နှာဖုံးနဲ့ ဖြစ်နေတဲ့အခါ မမှတ်မိတာတွေ ဖြစ်နိုင်တဲ့အတွက် ခွင့်ပြုမှာမဟုတ်ဘူးလို့ သိရပါတယ်။


 ဒါတွေကိုလည်း ကြေညာချက်ထုတ်ပြန်ထားပြီးဖြစ်တယ်လို့ အမှတ်(၃)ယာဉ်ထိန်းရဲတပ်ဖွဲ့ ခွဲမှူးရုံးမှ ဒုရဲမှူးကြီး ကံသိန်းက ပြောပါတယ်။ ဒါ့အပြင် အိတ်ဇောတပ် မောင်းနှင်ခြင်းတွေကို တားဆီးသွားမှာဖြစ်ပြီး အဲဒီအိတ်ဇောတွေကို ဖျက်စီးသွားမှာဖြစ်တယ်လို့ ဆိုပါတယ်။ မနှစ်က သင်္ကြန်မှာ မန္တလေးတိုင်းဒေသကြီးအတွင်း ယာဉ်တိုက်မှုပေါင်း (၄၅)မှုဖြစ်ပွားခဲ့ပြီး ဒဏ်ရာရသူ (၆၀)ကျော်နဲ့ သေဆုံးသူ (၁၅)ဦးရှိခဲ့ပါတယ်။ ပစ္စည်းဆုံးရှုံးမှုကတော့ (၁၅)သိန်းခွဲရှိတယ်လို့ သိရပါတယ်။

သတင်း၊ဓာတ်ပုံ - ရဲရင့်မာန် (5 Plus News)
5 Plus News
https://www.facebook.com/5plusnews



မိုဆူးလ်မြို့ကို ISတွေလက်က ပြန်သိမ်းနိုင်ဖို့ အမေရိကန် ဦးဆောင်တဲ့ ပူးပေါင်းတပ်ဖွဲ့တွေက အီရတ်တပ်ဖွဲ့တွေကို စစ်ကူပေး
အီရတ်နိုင်ငံမှာ IS အစ္စလာမစ်နိုင်ငံအဖွဲ့ လက်နက်ကိုင်တွေ အခိုင်အမာ တပ်စွဲထားရာ နောက်ဆုံးမြို့ဖြစ်တဲ့ မိုဆူးလ်မြို့ရဲ့ အနောက်ပိုင်းကနေ IS တွေကို တိုက်ထုတ်နေစဉ် အရပ်သားတွေ ထွက်ပြေးနိုင်အောင် ဘေးကင်းလုံခြုံတဲ့ လမ်းကြောင်းတွေကို အီရတ် တပ်ဖွဲ့တွေက ဖွင့်ပေးလိုက်ပါတယ်။

The Old City မြို့ဟောင်းကို ပြန်သိမ်းပိုက်နိုင်ဖို့ အီရတ်အစိုးရက ထိုးစစ်ဆင်မှုကြီးတွေ မစခင် အဲဒီနေရာကနေ လူတွေ ထွက်ခွာနိုင်အောင် လမ်းကြောင်းတွေ ဖွင့်ပေးခဲ့တာလို့ အီရတ် ထိပ်တန်း တပ်မှူးတဦးက ပြောပါတယ်။

မိုဆူးလ်မြို့ရဲ့ တဝက်လောက်မှာ အရပ်သား ၄သိန်းလောက် ပိတ်မိနေကြတယ်လို့ ခန့်မှန်းရပါတယ်။

အမေရိကန် ဦးဆောင်တဲ့ ပူးပေါင်းတပ်ဖွဲ့တွေရဲ့ လေကြောင်း အကူအညီနဲ့ အီရတ် အစိုးရက ထိုးစစ်ဆင် တိုက်ခိုက်မှုတွေ လုပ်နေစဉ်အတွင်း အရပ်သား အများအပြား သေကြေထိခိုက်မှုတွေ ရှိခဲ့တာနဲ့ ပတ်သက်လို့ စိုးရိမ်မှုတွေ တိုးပွားလာနေပါတယ်။

BBC Burmese
http://www.bbc.com/burmese

St.Petersburg မြေအောက်ဘူတာရုံပေါက်ကွဲမှု (သတင်းဓါတ်ပုံ)
ရုရှားနိုင်ငံ St. Petersburg မြေအောက်ရထားပေါ်မှာ ဗုံးဖောက်ခွဲခဲ့သူဟာ ဗဟိုအာရှက အသက် ၂၃ နှစ်အရွယ် အမျိုးသားတယောက်ဖြစ်ပြီး၊ အသေခံဗုံးခွဲခဲ့တယ်လို့ ယုံကြည်ကြောင်း Russia အာဏာပိုင်တွေက ပြောလိုက်ပါတယ်။

အဲဒီမသင်္ကာသူဟာ ဖောက်ခွဲရေးပစ္စည်းတွေကို ကျောပိုးအိတ်နဲ့ ရထားတွဲပေါ် ယူလာတာဖြစ်တယ်လို့ ရဲရဲ့အပြောကို Interfax သတင်းဌာနက ကိုးကားဖော်ပြပါတယ်။ ရုရှားနိုင်ငံရဲ့ ဒုတိယအကြီးဆုံးမြို့ဖြစ်တဲ့ St. Petersburg မြို့က မြေအောက်ဘူတာ ၂ ခုကြားမှာရောက်နေတဲ့ ရထားတွဲပေါ်မှာ တနင်္လာနေ့ ဒေသစံတော်ချိန် ၂ နာရီခွဲကျော်လောက်က ဗုံးပေါက်ကွဲခဲ့တဲ့အတွက် ၁၁ ယောက်သေဆုံးပြီး ၅၀ ဒဏ်ရာ ရသွားခဲ့ပါတယ်။ ပေါက်ကွဲမှုပြင်းထန်တဲ့အတွက် ရထားတွဲက ထူထဲတဲ့သံတံခါးမှာ အပေါက်ကြီးတောင်ဖြစ်သွားခဲ့ပါတယ်။ အနားမှာရှိတဲ့ နောက်မြေအောက်ဘူတာတခုက မီးသတ်ပိုက်ထဲမှာ မြှုပ်ထားတဲ့ဗုံးတလုံးကိုလည်း ရဲတွေက စနက်တံဖြုတ်ခဲ့ရပါတယ်။

ပေါက်ကွဲမှုဖြစ်ခဲ့ပြီးနောက် မြေအောက်ရထားစနစ်တခုလုံးကို တနင်္လာနေ့က ရပ်ဆိုင်းခဲ့ပါတယ်။ သေဆုံးဒဏ်ရာရသူတွေ အတွက် ဝမ်းနည်းခြင်း ၃ ရက်သတ်မှတ်တယ်လို့ St. Petersburg မြို့တာဝန်ရှိသူတွေက ကြေညာခဲ့ပါတယ်။


ဗုံးပေါက်ကွဲချိန်က ရုရှားသမ္မတ Vladimir Putin ဟာ Belarus သမ္မတ Alexander Lukashenko နဲ့တွေ့ဆုံဖို့ St. Petersburg မြို့မှာရောက်နေတာပါ။ ဗုံးကွဲတဲ့ရထား ဆိုက်ရောက်ရပ်ထားတဲ့ ဘူတာရုံမှာ သေဆုံးသူတွေအတွက် ပန်းစည်းတွေ ဖယောင်းတိုင်တွေလာထားနေကြတာမှာ သမ္မတ Putin လည်းပန်းစည်းသွားရောက်ထားခဲ့ပါတယ်။ ရုရှားကမြေအောက်ရထားဗုံးကွဲမှုဟာ သိပ်ကိုဆိုးဝါးတဲ့အဖြစ်ဖြစ်တယ်လို့ အမေရိကန်သမ္မတ Trump ကပြောကြားခဲ့ပါတယ်။ ကုလသမဂ္ဂအတွင်းရေးမှူးချုပ် Antonio Guterres ကလည်း ခုလိုဆိုးဝါးတဲ့လုပ်ရပ် လုပ်သူတွေကို အရေးယူရမယ်လို့ ပြောကြားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


ပေါက်တော၊ ဧပြီလ ၄

ပေါက်တောမြို့နယ်၊ နတ်ရှင်ကျေးရွာမှာ ဧပြီလ ၃ ရက်နေ့ ညနေပိုင်းက အရပ်သားတစ်ဦးနှင့် ရဲတပ်ဖွဲ့ဝင်တစ်ဦး သေနတ်အပြန်အလှန်လုကြရာ ပစ်ခတ်မှု ဖြစ်ပွားခဲ့ပြီး သေနတ်နှင့်အပစ်ခံရသူသည် ယနေ့ နံနက် ၂ နာရီခန့်မှာ ပေါက်တောဆေးရုံတွင် သေဆုံးသွားကြောင်း သိရသည်။

ပစ်ခတ်မှုဖြစ်စဉ်မှာ ကျောက်စုကျေးရွာ အုပ်ချုပ်ရေးမှူးနှင့် ကျောက်စုလုံခြုံရေးရဲကင်းမှ ရဲတပ်ဖွဲ့ဝင်များ လှည့်ကင်း ဆောင်ရွက်နေစဉ်တွင် ဆဲဆိုရမ်းကားနေသောကြောင့် ဖမ်းဆီးပြီး ရဲကင်းသို့ ခေါ်ဆောင်လာစဉ် လမ်းတွင် နတ်ရှင်ဒေသခံဖြစ်သည့် ဦးမောင်ဖြူဒေါင်း(အသက် ၂၉ နှစ် )က ရဲတပ်သား ထွန်းလင်းကိုင်ဆောင်သည့် ကျဉ်ထိုးထားသော သေနတ်ကို လုရာတွင် မောင်းခလုတ်ကို ဆွဲမိရာမှ သေနက်တစ်ချက် ပေါက်ထွက်ခဲ့သဖြင့် ဦးမောင်ဖြူဒေါင်း၏ ဝမ်းဗိုက်တွင် ကျဉ်ဆံထိမှန်ခဲ့ပြီး ပေါက်တောဆေးရုံတွင် ဆေးကုသနေစဉ်အတွင်း သေဆုံးခဲ့ခြင်းဖြစ်ကြောင်း ပေါက်တောမြို့ မရဲစခန်းမှ ရဲအုပ်ဦးသန်းဌေးက ပြောသည်။

ဓာတ်ပုံ-RMC
Development Media Group
https://www.facebook.com/dmgnewsagency/

(မောင်တောမြို့ဝင်ဝဆိုင်းဘုတ်။ ဓါတ်ပုံ - ချလူးအောင်/DMG)
မောင်တော၊ ဧပြီလ ၄

မောင်တောဒေသ တောင်နှင့်မြောက်တွင် အကြမ်းဖက် သမားအုပ်စုများ ခြေရာဖျောက်လုပ်ရှားမှုများစွာ ပေါ်ပေါက်လာနေပြီး ၉/၁၀ အကြမ်းဖက်ဖြစ်စဉ် ပြီးကတည်းက ထိရောက်စွာမကိုင်တွယ်ခြင်းကြောင့် ယခု မောင်တောဒေသ လုံခြုံရေးမှာ အထူးအရေးကြီးအခြေအနေသို့ ရောက်ရှိနေပြီဖြစ်ကြောင်း မောင်တော မြို့မိမြို့ဖတစ်ဦးက ပြောကြားသည်။

အမြစ်ပြတ်မချေမှုန်းနိုင်ခြင်းမရှိ ဖြစ်နေသည်မှာလည်း တစ်ဖက်တွင် အထူးစဉ်းစားစရာ တစ်ခု ဖြစ်နေပြီဟု ယင်းမြို့မိမြို့ဖကဆိုသည်။

“ အာဏာပိုင်တွေကိုတောင် မကြောက်တဲ့ အနေအထားမှာ ရှိနေတော။ သာမန် ရခိုင်ပြည်သူတွေကို အကြမ်းဖက်သမားတွေက ရှိတယ်လို့တောင် ထည့်မတွက်တဲ့သဘော သက်ရောက်နေပါတယ်။ ” ဟု သူကပြောသည်။

"ထရိမ်း" ရွာခံသားတစ်ဦးကတော “ မောင်တော မြောက်ပိုင်း တောင်ပိုင်း နယ်မြေတွေဟာ အလွန်ကျယ်ပြန့်တဲ့ တောတောင်တွေ အလွန်ကြီးမားတဲ့ ဘင်္ဂလီကျေးရွာတွေကို မည်သည့် အုပ်ချုပ်ရေးမှ လိုက်မမှီနိုင်တဲ့ အနေအထား တစ်ရပ်ဖြစ်နေပါတယ်။ ” ဟုဆိုသည်။

န.စ.က ခေတ်ကာလတုန်းက ယခုလောက်ထိ မလုပ်ရဲကြကြေင်း၊ နစက ခေတ်မှာက အဖွဲ ၄ ဖွဲ့ပါဝင်ပြီး လူဝင်မူကြီးကြပ်ရေး၊ အကောင်အခွန်၊ ပြည်သူရဲတပ်ဖွဲ့နှင့် တပ်မတော်တို့ ပါဝင်နေသည်မှာ အလွန်အင်အားကောင်းသည့် အနေအထား တစ်ရပ်ဖြစ်ခဲ့ကြောင်း၊ ယခု နစကကို ဖျက်သိမ်းပြီး နယ်ခြားစောင့်ကို တည်ထောင်ကာ နယ်ခြားစောင့်က ဘာမှနားမလည် မတတ်ကျွန်းမနိုင်နှင်း မထိမ်းသိန်းနိုင်သည့် အနေအထားကို အခုဖြစ်ရပ်မှာ အထူးပေါ်လွင်နေကြောင်း အဆိုပါ မြို့မိမြို့ဖက ပြောသည်။

“ အမှန်ပြောရရင်ဗျာ နယ်ခြားစောင့်က သင်တန်း ၄ လ ဆင်းလာတယ်။ မိမိသေနတ် တောင် ကျွမ်းကျင်စွာ မကိုင်တတ်ဘူးဗျာ။ ” ဟု ၄င်းကဆိုသည်။

ယခုအချိန်မှာ ခိုင်လုံသောသတင်းတစ်ရပ်အရ မောင်တောခရိုင်၏ လုံခြုံရေး အခြေအနေမှာ အလွန်အရေးကြီးနေပြီဖြစ်ပြီး၊ နယ်မြေလုံခြုံရေးအဆင့် တိုးမြှင့်သတ်မှတ်လိုက်ကာ မတ်၊ ဧပြီ၊ မေလများအတွင်း အထူးသတိထား ရှိကြရမည်ဖြစ်ကြောင်း အမည်မဖော်လိုသော အရာရှိတစ်ဦးကပြောကြား လိုက်သည်။

ချလူးအောင်၊ DMG
Development Media Group
https://www.facebook.com/dmgnewsagency/


နိုင်ငံကူးလက်မှတ်တွေဖြစ်တဲ့ ယာယီနိုင်ငံကူးလက်မှတ်ခရမ်းရောင် နိုင်ငံတကာသွားနိုင်တဲ့ နိုင်ငံကူး လက်မှတ်အနီရောင် မည်သူမည်ဝါဖြစ်ကြောင်းသက်သေခံလက်မှတ် အစိမ်းရောင် စာအုပ်တွေကိုင်ဆောင်ထာပြီး နေရပ်ပြန်ကြမယ့် မြန်မာရွေပြောင်းအလုပ်သမား ၁၀၀ ကျော်ကို ထိုင်း-မြန်မာနယ်စပ် ချစ်ကြည်ရေးတံတားမှာပဲ မနေ့ကနဲ့ ဒီနေ့မှာ ဖမ်းဆီးလိုက်ပါတယ်။ ဒီကိစ္စနဲ့ ပတ်သက်လို့ မြန်မာသံရုံးဘက်ကတော့ အလုပ်သမားတွေ အနေနဲ့ တရားရုံးတက်ပြီးရင် နယ်စပ်ပြန်ပို့မယ်လို့ ပြောပါတယ်။ ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ ထားပါတယ်။

ထိုင်းနိုင်ငံအလုပ်လုပ်ကိုင်နေတဲ့ ရွှေ့ပြောင်းအလုပ်သမားတွေအနေနဲ့ နိုင်ငံကူးလက်မှတ် ကိုင်ဆောင်ထားပြီး နေရပ်ပြန်ကြရာမှာ တချို့က အလုပ်လုပ်ခွင့်လက်မှတ်မပါလို့ ဆိုပြီး ထိုင်း-မြန်မာနယ်စပ်တံတားက စစ်ဆေးရေးဂိတ်မှာ ဖမ်းဆီးထားခံခဲ့ရကြောင်း ထိုင်းနိုင်ငံရောက် မြန်မာနိုင်ငံသားများအဖွဲ့က အမူဆောင်ဒါရိုက်တာ ဦးကျော်သောင်းကပြောပါတယ်။

“အမျိုးသားက ၁၃ ယောက် ၊ အမျိုးသမီးက ၂၄ ယောက် သူတို့တွေကို ချစ်ကြည်ရေးတံတားထိပ်မှာပဲ၊ work Permit မရှိဘူးဆိုပြီးတော့ ဖမ်းတယ်၊ မနေ့ညနေ နောက်ဆုံး ၈ နာရီ လောက်အချိန်မှာ ကျနော်တို့ပေးလိုက်တာက သူတို့ကို ဘက် ၂၀၀ စီတောင်းတယ်လို့ပြောတယ်။ ဒီနေ့မှာ တရားရုံးတင်မယ်လို့ ပြောတယ်။ ပတ်စပို့ အနီတွေပါတယ်၊ ခရမ်းရောင်ပါတယ် အခုလက်ရှိထုတ်ပေးနေတဲ့ CI ကဒ်တွေပါတယ်ဆိုပြီး သိရတယ်။ ၃ ခုစလုံးပါတယ်။”

သူတိုတွေဟာ ထိုင်းနိုင်ငံနယ်စပ်ဂိတ်တွေကို ဖြတ်ကျော်လာခဲ့ပြီးမှ ချစ်ကြည်ရေးတံတားပေါ်ကနေ တရားဝင်ပြန်ဖို့ လုပ်ဆောင်ကြရင်းနဲ့ အဖမ်းဆီးခံခဲ့ရတာလို့ လည်း အလုပ်သမားတွေကို အကူညီပေးနေတဲ့ အေအေစီမဟာမိတ်အဖွဲ့က ကိုရဲမင်းကပြောပါတယ်။

“မနေ့က ၃၇ ယောက်ကို အမိန့်ချတယ်၊ ဒီနေ့ ၈၉ ယောက်ကတော့ အချုပ်ထဲမှာရှိနေတုန်းပဲ တံတားထိပ်မှာ ဟိုဘက်ကမ်းကူးမယ်ဆိုပြီးတော့မှ အဲဒီမှာ စစ်ဆေးပြီးတော့ စီမံကိန်းပုံစံနဲ့ ဖမ်းလိုက်တယ်ဆိုတဲ့သဘော။”

နိုင်ငံတကာသွားပြီး အလုပ်လုပ်ကိုင်နိုင်တဲ့ အနီရောင်စာအုပ်နိုင်ငံကူးလက်မှတ် ကိုင်ဆောင်ထားတဲ့ အမျိုးသမိးတဦးကတော့ သူတို့ကို အလုပ်လုပ်ခွင့်လက်မှတ်မရှိလို့ ဖမ်းဆီးတာခံခဲ့ရတယ်လို့ ပြောပြပါတယ်။

“သူတို့ပြောတယ် work permit မရှိလို့တဲ့ ဖမ်းတယ်။ အဲဒီကနေ့ပဲ ဟိုတံတားမှာလေ ဖမ်းတယ်။”

မြန်မာသံရုံးက အလုပ်သမားသံအရာရှိ ဦးမိုးအောင်ခိုင်ကတော့ တနင်္ဂနွေနေ့ ကအဖမ်းဆီး ခံရတဲ့အလုပ်သမား ၃၇ယောက်ကို ကိုသာသိရှိသေးကြောင်း နောက်ထပ်အဖမ်းခံရတဲ့ ၈၉ ယောက်သတင်းတော့ သံရုံးကိုရောက်မလာသေးကြောင်းပြောပါတယ်။ အလုပ်သမားတွေဟာ အလုပ်လုပ်ခွင့်လက်မှတ်မပါတဲ့ အတွက်အဖမ်းဆီးခံရတာဖြစ်ပြီး မဲဆောက် လူဝင်မူကြီးကြပ်ရေးအရာရှိ တွေနဲ့ ဆွေးနွေးနေတဲ့အကြောင်း လက်ရှိမှာ တရားရုံးတင်ပြီး ဒဏ်ငွေရိုက်ပြီးရင် နယ်စပ်ကိုပြန်ပို့မယ်လို့ သိရကြောင်း အခုလိုပြောပြပါတယ်။

“ဖမ်းတယ် Work permit မပါလို့ ၊ ဖမ်းပြီးတော့မှ တရားရုံးတင်တယ်၊ ပြီးရင်တော့ ပြန်ပို့မယ် ပြန်လွှတ်ပေးမယ်ပေါ့နော် ။ ကျနော်တို့က ၃၇ ယောက် ကိုတော့ လှမ်းပြီးတော့ ဒီကနေ ပြောထားတယ်။ သူတို့က CI ထုတ်ပြီး ဒီကနေ ၁၅ ရက်အတွင်း Work permit လုပ်ရမယ်။ Work permit မလုပ်ပဲနဲ့ သူတို့ ကြိုပြီးဆင်းသွားတဲ့အတွက် အဲဒီမှာ ဖမ်းလိုက်တာ လ၀က က ၊ ဖမ်းပြီးတော့မှ ရဲစခန်းကိုပို့တယ် ၊ ရဲစခန်းကနေမှ ဒီကနေ့ တရားရုံးတင်လိုက်ပြီ သူတို့ကို။ အခုတရားရုံးကနေ ဒဏ်ငွေနဲ့ သူတို့ကို ပြန်လွှတ်မှာ။ ကျနော်တို့လည်း ဒီကအဆက်အသွယ်ရတာလေ ခရိုင်ကလည်းရတယ် ရဲမှူးကြီးနဲ့လည်းရထားတယ်။”

အလုပ်သမားတွေအနေနဲ့ တရားဝင်နိုင်ငံကူးလက်မှတ် ကိုင်ဆောင်ထားရင် ခရီးသွား လာခွင့်ရ ရှိသင့်တယ် လို့ ဦးကျော်သောင်းကတော့ ဆိုပါတယ်။

“တရားဝင် Visa ရှိတယ် ပတ်စပို့ရှိတယ်ဆိုရင် သွားလာခွင့်ရှိရမယ်။ အတင်းသွားလာခွင့်ကိုပိတ်ပင်တယ် Visa ရှိတယ် နေလို့မရဘူးဆိုရင် နိုင်ငံတော်အစိုးရနဲ့ စကားပြောရမယ်လေ။ မြန်မာတွေ ဒီအတိုင်း သီးခံပြီးတော့ ငွေကြေးကုန်နေရတာ မြန်မာအစိုးရ ဒီအတိုင်းကြည့်နေလို့တော့ မရတော့ဘူးလေ။”

နေရပ်ရင်းပြန်တဲ့ မြန်မာအလုပ်သမားတွေဟာ စာရွက်စာတမ်းအထောက်အထားတွေ ဘာတွေ ယူဆောင်လာရမလဲဆိုတာ မသိရှိတာတွေကြောင့် စာရွက်စာတမ်း လိုအပ်ချက်ရှိတယ်ဆိုပြီး နယ်စပ်ဂိတ်တွေ ကနေဆွဲချပြီး ဖမ်းဆီးခံနေရတာတွေလည်းရှိနေတာပါ။အခု အလုပ်သမားတွေကတော့နယ်စပ်ဂိတ်အဆင့်ဆင့်ကိုဖြတ်ကျော်ပြီးမှ ချစ်ကြည်ရေးတံတားပေါ်ကနေအပြန်မှာ ဖမ်းဆီးခံခဲ့ရတာဖြစ်ပါတယ်။

ထိုင်းအစိုးရရ ပြီးခဲ့တဲ့နှစ်ကထုတ်ပြန်တဲ့ ဥပဒေအသစ်အရ အလုပ်လုပ်ခွင့် လက်မှတ်မရှိပဲ နိုင်ငံကူးလက်မှတ်ကိုင်ဆောင်ထားသူတွေကတော့ပြည်ဝင်ခွင့်နှစ်နဲ့ ချီပြီးပိတ်ပင်တာမျိုးတွေလုပ်မှာကို အလုပ်သမားတွေကစိုးရိမ်နေကြပေမယ့် မြန်မာသံရုံးကအလုပ်သမားသံအရာရှိကတော့ အဲဒီလိုမလုပ်အောင်ဆွေးနွေးထားတယ်လို့ပြောကြားခဲ့ပါတယ်။

 မအေးအေးမာ  / ဗွီအိုအေ (မြန်မာပိုင်း)
http://burmese.voanews.com


မြ၀တီ- ဒေါနတောင်ကျော် အာရှလမ်းသစ်တွင် နေရပ်ပြန် မြန်မာရွှေ့ပြောင်း လုပ်သားများ စီးနင်းလာသည့် Light Truck တစ်စီး ဧပြီ ၃ ရက် မွန်းလွဲ ၁ နာရီခန့်က တိမ်းမှောက်မှုဖြစ်ကာ သုံးဦးသေဆုံးခဲ့ပြီး ၁၃ ဦး ဒဏ်ရာ ရရှိခဲ့ကြောင်း သိရသည်။

ထိုင်းနိုင်ငံအတွင်း အလုပ်သွားရောက် လုပ်ကိုင်ကြပြီး မြန်မာ့နှစ်သစ်ကူး ပွဲတော်အမှီ ပြန်လာသော ယာဉ်မောင်း ဇော်လင်းအောင် မောင်းနှင်သည့် လိုက်ထရက်ကားဖြင့် မြ၀တီမှ ကျိုက်မရောသို့သွားစဉ် ရင်ကွဲတောင် ကုန်းဆင်းအရောက်တွင် အရှိန်မထိန်းနိုင်ဘဲ တိမ်းမှောက်သွားခြင်းဖြစ်ကြောင်း သိရသည်။

ယာဉ်တိမ်းမှောက်မှု ဖြစ်ပွားရာနေရာသို့ မြ၀တီ၊ သင်္ဃန်းညီနောင် လူမှုကယ်ဆယ်ရေးအသင်း၊ ရဲတပ်ဖွဲ့နှင့် သက်ဆိုင်ရာ တာဝန်ရှိသူများ သွားရောက်ပြီး ဒဏ်ရာရရှိသူများအား မြ၀တီခရိုင် ဆေးရုံကြီးသို့ တင်ပို့ခဲ့ကြသည်။ ယင်းကဲ့သို့ ဆေးရုံသို့ ချက်ချင်းတင်ပို့ခဲ့သော်လည်း အမျိုးသားနှစ်ဦးနှင့် အမျိုသမီး တစ်ဦးတို့မှာ သေဆုံးသွားခဲ့ကြောင်း သိရသည်။

သေဆုံးသူ သုံးဦးအနက် အမျိုးသမီးဖြစ်သူမှာ မွန်ပြည်နယ် ကျိုက်မရောမြို့နယ်၊ မရမ်းကုန်း လမုတောအုပ်စုနေ (ဘ) ဦးသာလှရွှေ၏ သမီး မနန်းအေးအေးခိုင်(၂၇) နှစ်ဖြစ်ပြီး ကျန်အမျိုးသား မျိုးမင်းထိုက်နှင့် မောင်ဇော်တို့မှာ နေရပ်စုံစမ်းဆဲ ဖြစ်သည်။

“ကျွန်တော်တို့ အတတ်နိုင်ဆုံး အသက်ကယ်နိုင်အောင် ကြိုးစားခဲ့ကြပါတယ်။ မိန်းကလေး တစ်ယောက်ဆိုရင် ဆေးရုံကုတင်ပေါ်မှာတင်ပြီး သိပ်မကြာလိုက်ဘူး ကိုယ့်ရှေ့မှာတင် ဆုံးသွားတာ။ တော်တော်စိတ်မကောင်း ဖြစ်ရပါတယ်” ဟု မြ၀တီ လူမှုကယ်ဆယ်ရေးအသင်းမှ ကိုဝတုတ်က ပြောကြားသည်။

ယာဉ်တိမ်းမှောက်မှု ဖြစ်ပြီးနောက် အဆိုပါယာဉ်အား မောင်းနှင်သူ ဇော်လင်းအောင် ဆိုသူမှာ ရှောင်တိမ်း သွားခဲ့ကြောင်း သိရသည်။

မြ၀တီပြည်သူ့ဆေးရုံသို့ ပို့ဆောင်သည့် ဒဏ်ရာရလူနာများအနက် မချစ်ပြုံး (၄၃နှစ်) နှင့် ချစ်စုလှိုင် (၁၅နှစ်) တို့နှစ်ဦးအား မြ၀တီ လူမှုကယ်ဆယ်ရေးအဖွဲ့မှ ထိုင်းနိုင်ငံ မဲဆောက်ဆေးရုံကြီးသို့ ပို့ဆောင်ပေးခဲ့သည်။

ယာဉ်တိမ်းမှောက်မှုတွင် ပါဝင်သော မြန်မာ့ရွှေ့ပြောင်း လုပ်သားများ၏ ခရီးဆောင်အိပ်နှင့် ငွေကြေးများအား သက်ဆိုင်ရာ တာဝန်ရှိသူများမှ စနစ်တကျစိစစ်ပြီး မိဘဆွေမျိုးထံ အကြောင်းကြားလျက်ရှိကြောင်း သိရသည်။

ဒဏ်ရာရရှိသည့် လူနာများအား မြ၀တီခရိုင် ဆေးရုံအုပ်ကြီး ဒေါက်တာသီတာစိုးနှင့် သက်ဆိုင်ရာ ဆရာဝန်များက အထူးကြပ်မတ် ကုသပေးလျှက်ရှိပြီး လိုအပ်သည်များ ကူညီဆောင်ရွက်ပေးနိုင်ရန် ခရိုင်အုပ်ချုပ်ရေးမှူး၊ ခရိုင်ရဲတပ်ဖွဲ့မှူး၊ မြို့နယ်၊ ရပ်ကွက်အုပ်ချုပ်ရေးမှူးများက လာရောက်အားပေးခဲ့သည်။

ယာဉ်တိမ်းမှောက်မှုတွင် ပါဝင်သည့် နေရပ်ပြန် မြန်မာရွှေ့ပြောင်း လုပ်သားများမှာ မွန်ပြည်နယ် ကျိုက်မရောမြို့နယ်မှ အများဆုံးဖြစ်ပြီး မြ၀တီမြို့မှ တစ်ဦးနှင့် မဲဆောက်မြို့၌ နေထိုင်သူနှစ်ဦး ပါဝင်ကြောင်း သိရသည်။


Writer:
ကိုရွှေသိန်း (မြ၀တီ)
Eleven Media Group

NLD ပါတီ ကယားပြည်နယ် ဗဟိုအလုပ်အမှုဆောင်အဖွဲ့ ဥက္ကဋ္ဌ ဒေါက်တာ ဒေါ်ခင်စည်သူ။
NLD ပါတီ ကယားပြည်နယ် ဗဟိုအလုပ်အမှုဆောင်အဖွဲ့ ဥက္ကဋ္ဌ ဒေါက်တာ ဒေါ်ခင်စည်သူ။

ဧပြီလ ၁ ရက်နေ့က ကျင်းပခဲ့တဲ့ ကြားဖြတ်ရွေးကောက်ပွဲမှာ ကယားပြည်နယ်၊ ဖရူဆိုမြို့နယ် မဲဆန္ဒနယ် အမှတ် (၁) ကိုယ်စားလှယ်လောင်း လျှောက်လွှာ အချိန်မီတင်ဖို့ ပျက်ကွက်ခဲ့တဲ့အတွက် NLD အမျိုးသားဒီမိုကရေစီအဖွဲ့ချုပ် ကယားပြည်နယ် အလုပ် အမှုဆောင် ဥက္ကဋ္ဌ ဒေါက်တာ ဒေါ်ခင်စည်သူကို ပါတီတာဝန်တွေကနေ ရပ်ဆိုင်း လိုက်ကြောင်း NLD ဗဟိုအလုပ်အမှုဆောင်အဖွဲ့က ဧပြီလ ၃ ရက်နေ့ ရက်စွဲနဲ့ ကြေညာချက် ထုတ်ပြန်လိုက်ပါတယ်။

ဒါ့အပြင် ဖရူဆိုမြို့နယ် မဲဆန္ဒနယ် အမှတ် (၁) မှာ ၀င်ရောက် ယှဉ်ပြိုင်မယ့် NLD ပါတီ ကိုယ်စားလှယ်လောင်း ဦးပဲ့ဒူးကိုလည်း အလားတူ လျှောက်လွှာ အချိန်မီတင်ဖို့ ပျက်ကွက်ခဲ့တဲ့အတွက် မြို့နယ် အလုပ်အမှုဆောင်ဥက္ကဋ္ဌ ရာထူးကနေ ရပ်ဆိုင်း လိုက်ကြောင်း ဧပြီလ ၃ ရက်နေ့ ရက်စွဲနဲ့ NLD ဗဟိုအလုပ်အမှုဆောင်အဖွဲ့က သီးခြား ကြေညာချက် ထုတ်ပြန်ခဲ့ပါတယ်။

ကယားပြည်နယ်က ပါတီဝန်ရှိသူ ၂ ဦးကို အခုလို တာဝန်ကနေ ရပ်ဆိုင်းဖို့အတွက် ဗဟိုအလုပ်အမှုဆောင်အဖွဲ့ အစည်းအဝေးကနေ ဧပြီလ ၂ ရက်နေ့မှာ ဆုံးဖြတ်လိုက်ခြင်းဖြစ်ကြောင်းလည်း ကြေညာချက် ၂ ခုစလုံးရဲ့ အောက်ပိုင်း မှာ ဖော်ပြထားပါတယ်။
ဧပြီလ ၁ ရက်နေ့က အမျိုးသားလွှတ်တော်၊ ပြည်သူ့လွှတ်တော်နဲ့ ပြည်နယ်နဲ့ တိုင်းဒေသကြီး လွှတ်တော်တွေက လှစ်လပ်နေတဲ့ အမတ်နေရာ ၁၉ နေရာအတွက် ကြားဖြတ်ရွေးကောက်ပွဲတွေ ကျင်းပခဲ့တာမှာ ကယားပြည်နယ်၊ ဖရူဆိုမြို့နယ် မဲဆန္ဒနယ်ကလွဲလို့ ကျန်တဲ့ ၁၈ နေရာစလုံးမှာ NLD ပါတီက ၀င်ရောက် ယှဉ်ပြိုင်ခဲ့တာ ဖြစ်ပါတယ်။

ဖရူဆိုမြို့နယ် မဲဆန္ဒနယ် အမှတ် (၁) အတွက် လူမျိုးပေါင်းစုံ ဒီမိုကရေစီပါတီ (ကယားပြည်နယ်) ၊ အမျိုးသားတိုးတက်ရေးပါတီနဲ့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ စတဲ့ ပါတီ ၃ ပါတီ ၀င်ရောက် ယှဉ်ပြိုင်ကြတာမှာ လူမျိုးပေါင်းစုံ ဒီမိုကရေစီပါတီက ဦးသဲရယ်က တိုင်းဒေသကြီးလွှတ်တော်အမတ်အဖြစ် ရွေးကောက် တင်မြောက်ခံခဲ့ရပါတယ်။

ပါတီတာဝန်ရှိသူတွေရဲ့ လုပ်ငန်းတာဝန်ပျက်ကွက်မှုကြောင့် NLD ပါတီအနေနဲ့ ဖရူဆိုမြို့နယ် မဲဆန္ဒနယ် အမှတ် (၁) အတွက် ၀င်ရောက် ယှဉ်ပြိုင်နိုင်ခြင်း မရှိတဲ့အတွက် ဒီကိစ္စမှာ တိုက်ရိုက်တာဝန်ရှိသူ ၂ ဦးကို အခုလို ရာထူးကနေ ရပ်ဆိုင်း လိုက်တာလည်း ဖြစ်ပါတယ်။

ကြားဖြတ်ရွေးကောက်ပွဲ ကျင်းပတဲ့ အမတ်နေရာ စုစုပေါင်း ၁၉ နေရာမှာ NLD ပါတီက ချင်းပြည်နယ်ကလွဲလို့ ကျန်တဲ့ တိုင်းရင်းသားဒေသတွေမှာ အနိုင်မရခဲ့ပါဘူး။ ဒါပေမယ့် ရန်ကုန်တိုင်းအတွင်းက အမတ်နေရာအားလုံးအပြင် - ပဲခူးနဲ့ စစ်ကိုင်းတိုင်း ဒေသကြီး တွေမှာလည်း အနိုင်ရပြီး စုစုပေါင်း အမတ်နေရာ ၉ နေရာ ရွေးကောက် တင်မြောက်ခံခဲ့ရပါတယ်။
VOA Burmese News


ဧပြီ - ၃ ရိုက်ကူး - ကိုနိုင်

အိမ်အကူမိန်းကလေးဖြစ်သည့် မအေးကြင်အား နှိတ်ဆက်သည့် မန္တလေးမြို့ အမရပူရမြို့နယ် တောင်သမန်ကျေးရွာရှိ ဟိန်းအာကာစက်ချုပ်ဆိုင်ပိုင်ရှင်ဖြစ်သည့် သွားဆရာဝန် ဦးနိုင်အောင် နှင့် ဇနီးဖြစ်သူတို့အား ဧပြီလ ၃ ရက်နေ့က အမရပူရတရားရုံးတွင် ရုံးထုတ်စစ်ဆေးခဲ့ရာ ၎င်းတို့ နှစ်ဦးကို မြို့နယ်တရားသူကြီး က အာမခံပေးခဲ့သည် ။

ရာအိမ်မှူး ဦးလှတိုးနိုင် က တရားလိုပြုလုပ်၍ အာမခံပေး၍ မရသည့် ပုဒ်မများဖြစ်သော ပြစ်မှုဆိုင်ရာ ဥပဒေပုဒ်မ ၃၂၅/၃၂၆ တို့ဖြင့် အမရပူရမြို့မရဲစခန်းတွင် အမှုဖွင့်ခဲ့သော်လည်း မြို့နယ်ဥပဒေအကြံပေးအဖွဲ့မှ အာမခံပေး၍ရသည့် ပုဒ်မများဖြစ်သော ပြစ်မှုဆိုင်ရာ ဥပဒေပုဒ်မ ၂၉၄/၃၂၃/၃၂၄/၃၅၄/၅၀၆ တို့ဖြင့် တရားရုံးစွဲတင်ခဲ့သည် ။

အိမ်ရှင်လင်မယားနှစ်ဦးသည် အိမ်အကူမိန်းကလေးဖြစ်သည့် မအေးကြင်အား လက်သီးဖြင့်ထိုးခြင်း ၊ ဝါကြိုးဖြင့်ရိုက်ခြင်း ၊ ဆံပင်ဆွဲကာ နံရံဖြင့်ပစ်တိုက်ခြင်း စသည့် နှိတ်စက်မှုများပြုလုပ်ခဲ့သည် ။

ထို့အပြင် လူမှုဝန်ထမ်းဦးစီးဌာနမှ တရားလိုပြုလုပ်၍ မတ်လ ၇ ရက်နေ့က အမရပူရမြို့နယ်တရားရုံးတွင် ကလေးသူငယ်ဥပဒေပုဒ်မ ၆၆ (ဃ) ဖြင့် တရားရုံးဦးတိုက်လျှောက်ထားခဲ့ပြီးဖြစ်သည် ။

Channel Mandalay TV
https://www.facebook.com/cm.tv555/




 ရေနံ လက်ယက်တွင်း လုပ်ငန်းရှင်တွေ ဆီက ကောက်ခံ ထားတဲ့ ရန်ပုံငွေ ကျပ်သိန်း ၇ ထောင်ကျော် ရှိကြောင်းတွေ့ရ
မကွေးတိုင်း အစိုးရ အဖွဲ့ ဝန်ကြီးချုပ်ဟောင်း ဦးဘုန်းမော်ရွှေ လက်ထက်က ဒေသဖွံ့ဖြိုးရေး လုပ်ငန်းတွေ လုပ်ဖို့ ရေနံ လက်ယက်တွင်း လုပ်ငန်းရှင်တွေ ဆီက ကောက်ခံ ထားတဲ့ ကျပ်ငွေ ၂ ဒဿမ ၈ ဘီလျံ ကို ဘယ်မှာ ဘယ်လို သုံးစွဲ ခဲ့တယ်ဆိုတာ ပြီးခဲတဲ့နှစ် မေလက လွှတ်တော်မှာ စတင် မေးခွန်း ထုတ်ခဲ့ပြီးနောက် ပြည်ထောင်စု အဆင့် စစ်ဆေး မေးမြန်းမှုတွေ အရ ကောက်ခံရရှိငွေ ပမာဏ က သုံဆ နီးပါး ပိုများ နေတယ်လို့ သိရပါတယ်။

၂၀၁၇ ဖေဖော်ဝါရီလ ၇ ရက်နေ့က ပြည်ထဲရေး ဝန်ကြီးဌာနရဲ့ စုံစမ်း တွေ့ရှိချက် အရ ကောက်ခံရရှိငွေဟာ ၇.၄၅၉ ဘီလျံကျော် ရှိခဲ့တယ်လို့ သိရကြောင်း ပြည်သူ့ လွှတ်တော်မှာ အဲဒီ မေးခွန်းကို တင်ပြ မေးမြန်း ခဲ့တဲ့ ပွင့်ဖြူမြို့နယ် ပြည်သူ့ လွှတ်တော် ကိုယ်စားလှယ် ဦးထွန်းထွန်းက ပြောပါတယ်။

ရွှေသုခ အသေးစား ငွေချေး လုပ်ငန်းမှာ ကျပ်ငွေ ၁.၅၇၅ ဘီလျံ လှူဒါန်း တဲ့ အပြင် ဒေသ ဖွံ့ဖြိုးရေး အတွက် ၄.၁၈၀ ဘီလျံ သုံးစွဲပြီး ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး အသင်းအတွက် ၁.၇ ဘီလျံ ကျော် သုံးစွဲ ထားတယ်လို့ လွှတ်တော်မှာ အစိုးရ ဝန်ကြီးက ဖြေကြား ခဲ့ကြောင်း သူက ပြောပါတယ်။

ငွေကြေး ကောက်ခံခဲ့ တုန်းက ဒေသ ဖွံ့ဖြိုးရေး အတွက် ကောက်ခံခဲ့တာ ဖြစ်ပြီး ကြံ့ခိုင်ရေး အသင်းနဲ့ အသေးစား ချေးငွေ လုပ်ငန်းတို့ အတွက် ကောက်ခံ ခဲ့တာ မဟုတ်ဘူးလို့ ဦးထွန်းထွန်းက ပြောပါတယ်။

ဒေသ ဖွံ့ဖြိုးရေးအတွက် ၄.၁၈၀ ဘီလျံ သုံးစွဲ ခဲ့တယ်ဆိုပေမဲ့ မကွေးတိုင်း အတွင်းမှာ သိသာတဲ့ ဖွံ့ဖြိုး တိုးတက်ရေး လုပ်ဆောင်ချက်တွေ မတွေ့ရဘူးလို့ လည်း သူက ပြောပါတယ်။

အရင်အစိုးရ လက်ထက်က ဆောင်ရွက်ချက်တွေ ပွင့်လင်း မြင်သာမှု မရှိလို့ အခုလို လွှတ်တော်မှာ တင်ပြ မေးမြန်း ခဲ့ရတာဖြစ်ပြီး လက်ရှိ အစိုးရ ကတော့ ပြီးခဲ့တဲ့ အစိုးရ ရေးဆွဲသွားတဲ့ ဘတ်ဂျက်ကို စနစ်တကျ စိစစ် ခွဲဝေ သုံးစွဲ နေတယ်လို့ ဆိုပါတယ်။

BBC Burmese
http://www.bbc.com/burmese



ဆုံးရှုံးမှု တန်ဖိုးက သိန်း ၆၀ နီးပါး ခန့်မှန်း တွက်ချက် ထားပါတယ်
ဧပြီလ ၂ ရက် တနင်္ဂနွေ ညက မကွေးမြို့က ရွှေမြတ်မင်းသမီး ကာရာအိုကေနဲ့ အဆင့်မြင့် အအေးခန်း စားသောက်ဆိုင် မီးလောင်မှုမှာ သေဆုံးသူ ၁၆ ဦး ရှိ သွားပြီ ဖြစ်ပါတယ်။

ယောက်ျားလေး ၁၁ ဦးနဲ့ မိန်းကလေး ၅ ဦး သေဆုံး ခဲ့တာ ဖြစ်ပြီး၊ ၆ ဦးရဲ့ အလောင်း ကိုပဲ ပိုင်ရှင် ဖေါ်နိုင်ကာ ကျန် ၁၀ ဦးကတော့ မည်သူ မည်ဝါ ဖြစ်တယ် ဆိုတာ မသိ ရသေး ပါ။

တချို့ အလောင်းတွေဟာ မီးလောင်သွား တာကြောင့် ဘယ်သူ ဆိုတာ သိရဖို့ ခက်နေတာ ဖြစ်ပါတယ်။

သေဆုံးသူ တွေဟာ အထဲမှာ အသံ မကြား ရပဲ၊ သိတဲ့ အချိန်မှာ မီးတွေနဲ့ ပိတ်မိပြီး ထွက်မရပဲ သေဆုံး ခဲ့ရတဲ့ ပုံမျိုး ရှိနိုင် ကြောင်း မကွေးတိုင်း အလုပ်သမား၊ စက်မှုနဲ့ လူဝင်မှု ကြီးကြပ်ရေးနဲ့ ပြည်သူ့ အင်အား ဦးစီး ဌာန ဝန်ကြီး ဦးနေမျိုးကျော် က ပြောပါ တယ်။

စားသောက်ဆိုင် ပိုင်ရှင် ဦးရဲညွန့် ကိုတော့ မကွေးမြို့မ ရဲစခန်းမှာ ပြစ်မှု ၁၉၁/၂၀၁၇ ပုဒ်မ ၂၈၅ ၊ ၃၀၄(က) နဲ့ အရေးယူ ထားပြီး ထိန်းသိမ်း စစ်ဆေး နေတယ်လို့ လည်း သူက ပြောပါတယ်။

ဒီဆိုင်ဟာ ဗီဒီယို ကာရာအိုကေ လိုင်စင်ရှိတဲ့ ဆိုင်ဖြစ် ပြီး ဆုံးရှုံးမှု တန်ဖိုးက သိန်း ၆၀ နီးပါး ခန့်မှန်း တွက်ချက် ထားပါ တယ်။

BBC Burmese
http://www.bbc.com/burmese



St.Petersburg မြေအောက်ဘူတာရုံပေါက်ကွဲမှု
ရုရှားနိုင်ငံ စိန့်ပီတာစဘဂ်မြို့က မြေအောက် ရထားဘူတာရုံ တခုမှာ ပေါက်ကွဲမှု ဖြစ်တာကြောင့် အနည်းဆုံး လူ ၉ ဦး သေဆုံးပြီး တခြားလူ ၅၀ တို့ ထိခိုက်ဒဏ်ရာရတယ်လို့ ရုရှား အာဏာပိုင်တို့က ပြောပါတယ်။

မြို့လယ်က Sennaya Square မြေအောက် ရထားဘူတာရုံမှာ ပေါက်ကွဲမှု ဖြစ်ခဲ့တာလို့ ရုရှား မီဒီယာတွေမှာ ဖော်ပြကြပါတယ်။ ရုရှားနိုင်ငံရဲ့ ဒုတိယ အကြီးဆုံးမြို့ ဖြစ်တဲ့ စိန့်ပီတာစဘဂ်က မြောက်အောက် ရထားဘူတာရုံ အားလုံးကို ပိတ်လိုက်ပါပြီ။

ပေါက်ကွဲမှု ဖြစ်ရတဲ့ အကြောင်းရင်းကို မသိရသေးပေမယ့် အကြမ်းဖက်ဝါဒစွဲ တိုက်ခိုက်မှု အပါအ၀င် ဖြစ်နိုင်ခြေ ရှိတာတွေ အားလုံးကို စုံစမ်းစစ်ဆေးသူတွေ စစ်ဆေးနေတယ်လို့ ရုရှား သမ္မတ Vladimir Putin က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com



ရထားလိုင်းတွေ အားလုံးကို ပိတ်ချ
ရုရှား နိုင်ငံက အဓိက ဆိပ်ကမ်း မြို့ကြီး ဖြစ်တဲ့ စိန့်ပီတာစ်ဘာ့ဂ်ရဲ့ မြေအောက် ရထား ဘူတာရုံတွေမှာ ပေါက်ကွဲမှုတွေ ဖြစ်ခဲ့လို့ အနည်းဆုံး လူ ၁ဝ သေဆုံး သွားပါတယ်။

မြို့လယ်ခေါင်က ဆနားရား ပလိုချတ်နဲ့ တက္ကနိုလိုဂျီချင်စကီး အင်စတီကျူ့ ဘူတာရုံတွေမှာ ပေါက်ကွဲခဲ့တာ ဖြစ်ပါတယ်။

ဆိုရှယ်မီဒီယာတွေပေါ် ရောက်လာတဲ့ ဓာတ်ပုံတွေထဲ ဆိုးဆိုးရွားရွား ထိခိုက်ပျက်စီး နေတဲ့ ရထားတွဲကို တွေ့နေရပြီး အနီးမှာ ဒဏ်ရာ ရသူတွေလည်း ရှိနေပါတယ်။

အကြမ်းဖက်ဝါဒကို အခြေခံ တိုက်ခိုက် ခံခဲ့ ရတာလား ဆိုတာ အပါအဝင် ဒီ ပေါက်ကွဲမှုတွေနဲ့ ပတ်သက်ပြီး ဖြစ်နိုင်သမျှ အားလုံးကို စုံစမ်း ဖော်ထုတ် သွားမယ်လို့ ရုရှား သမ္မတ ဗလာဒီမီယာ ပူတင်က ပြောပါတယ်။

ဒီ မြေအောက် ဘူတာရုံ ပေါက်ကွဲမှုတွေ အတွင်း ဒဏ်ရာ ရသူတွေ အယောက် ၅ဝ ထက် မနည်း ရှိနိုင်တယ်လို့ တချို့ ရုရှား သတင်းဌာနတွေက ပြောနေပါတယ်။

အခုဆိုရင် စိန့်ပီတာစ်ဘာ့ဂ် တစ်မြို့လုံးက မြေအောက် ရထားလိုင်းတွေ အားလုံးကို ပိတ်ချထားပြီး အစောင့်အကြပ်တွေ တိုးမြှင့် ချထား နေပါတယ်။

BBC Burmese
http://www.bbc.com/burmese


နိုင်ငံသားတွေရဲ့ လွတ်လပ်စွာပြောရေးဆိုခွင့်ကို ဖိနှိပ်ချုပ်ခြယ်ထားတဲ့ ၆၆ (ဃ) ဆက်သွယ်ရေး ဥပဒေကို NLD အစိုးရက အုပ်ချုပ်မှုသက်တမ်း ၁နှစ်တာအတွင်း ပြင်ဆင်ပယ်ဖျက်ဖို့ ပျက်ကွက်ခဲ့တဲ့ အပေါ် လေ့လာသုံးသပ်သူတွေရဲ့ အမြင်တွေကို RFA အဖွဲ့သား ကိုကျော်ကျော်အောင်က တင်ပြထားပါတယ်။
[soundcloud auto="true" user="false" visual="true" comments="true" width="650" height="200" src="315880708"/]


NLD အစိုးရဟာ လွန်ခဲ့တဲ့သက်တမ်းတစ်နှစ်တာအတွင်း နိုင်ငံရေး၊ စီးပွားရေး၊ လူမှုရေး ပြုပြင်ပြောင်းလဲရေး တွေလုပ်ဖို့ အရှိန်ယူကြိုးစားအားထုတ်ခဲ့ပေမယ့် နိုင်ငံသားပြည်သူတွေအပေါ် အဖိနှိပ်ဆုံးဥပဒေဖြစ်တဲ့ ၆၆ (ဃ) ဆက်သွယ်ရေး ဥပဒေကိုတော့ ပြင်ဆင်ဖို့ (ဒါမှမဟုတ်) ရုတ်သိမ်းဖို့ကိစ္စကို တစုံတရာ မတို့ထိခဲ့တဲ့အပေါ် လူ့အခွင့်အရေးလှုပ်ရှားသူတွေနဲ့ လေ့လာသူတွေအကြား အံ့အားသင့်စရာ ဖြစ်ခဲ့ကြရပါတယ်။

ဒီမိုကရေစီစနစ်ရဲ့ အခြေခံအင်္ဂါရပ်တစ်ခုဖြစ်တဲ့ ပြည်သူတွေရဲ့ လွတ်လပ်စွာပြောရေးဆိုခွင့်ကို အဓိက ကန့်သတ်ချုပ်ခြယ်ပိတ်ပင်ထားတဲ့ ၆၆ (ဃ)ကို ဒီမိုကရေစီ အရပ်သားအစိုးရလို့ဆိုကြတဲ့ NLD အစိုးရအနေနဲ့ ဘာကြောင့် ပြင်ဆင်ဖို့ မကြိုးပမ်းခဲ့တာလဲ၊ ဒီဥပဒေကို ပြင်ဆင်ပယ်ဖျက်လိုစိတ်ရောရှိရဲ့လား (ဒါမှမဟုတ်) တစ်နှစ်ဆိုတဲ့ကာလတစ်ခုမှာ ပြင်ဆင်ပယ်ဖျက်ဖို့ အချိန်ပဲ မလုံလောက်ခဲ့လို့လားဆိုတဲ့ မေးခွန်းတွေလည်း ရှိလာပါတယ်။

ဒီဥပဒေဟာ အရင်သမ္မတဦးသိန်းစိန်အစိုးရလက်ထက်က ပြဌာန်းခဲ့တာမှန်ပေမယ့် အဲဒီကာလက ဖမ်းဆီးထောင်ချခံရသူ ၅ ဦးလောက်ပဲရှိခဲ့တာပါ။ အခုတော့ အစိုးရသစ်လက်ထက်တစ်နှစ်တာကာလအတွင်းမှာ ဒီဥပဒေနဲ့ တရားစွဲခံရသူ ၅၀ ဝန်းကျင်အထိရှိလာပြီဖြစ်ပြီး၊ ထောင်ချခံရသူလည်း တစ်ဒါဇင်ခန့်ရှိနေပြီ ဖြစ်ပါတယ်။

ပြည်သူတွေဟာ ဒီဥပဒေကြောင့် အကြောက်တရားနဲ့နေထိုင်နေကြပြီး၊ ကျန်နေသေးတဲ့ ၄ နှစ်တာအတွင်း ဒီဥပဒေရဲ့ ဖိနှိပ်မှုဒဏ်ကို ပြည်သူတွေ ဘယ်လောက်ထိ ဆိုးဆိုးဝါးဝါးတိုးမြှင့်ခံစားရမလဲဆိုတာ ဘယ်သူမှ တပ်အပ်မပြောနိုင်သေးပါဘူး။ လောလောဆယ်မှာ အကြောက်တရားလွှမ်းမိုးမှုကြောင့် နည်းပညာ အတတ်ပညာနဲ့အလှမ်းဝေးတဲ့ ပြည်သူတွေဆိုရင် ၆၆ (ဃ)နဲ့ ငြိစွန်းမှာစိုးရိမ်တဲ့အတွက် လက်ကိုင်ဖုန်းတောင် မတို့မထိရဲဘူးဖြစ်နေတယ်လို့ နေပြည်တော်က အစိုးရဝန်ထမ်းတချို့က ပြောပြပါတယ်။ မန္တလေးက ပြည်သူတွေလည်း အလားတူ အကြောက်တရားနဲ့ ရင်ဆိုင်နေရတယ်လို့ အင်တာနက်ဖေ့စ်ဘွတ် လူမှုကွန်ရက်အသုံးပြုသူ အသက် ၇၄ နှစ်အရွယ် နိုင်ငံရေးသမားကြီး ဦးတင်အောင်က ပြောပြပါတယ်။

“အခုအဲဒါတွေကတော့ ကိုယ်ကြိုက်လိုက်တောင်မှ Like မလုပ်ရဲကြဘူး၊ မလုပ်ကြနဲ့ဆိုတဲ့ဟာမျိုးတွေပေါ့ဗျာ၊ ပြဿနာတက်လိမ့်မယ်၊ Share မလုပ်နဲ့၊ ကိုယ်ပါ ပါလိမ့်မယ်ဆိုတဲ့ဟာတွေ ဒီမှာပြန့်နှံ့နေတယ်”

အခု NLD အစိုးရ တွင်တွင်ကျယ်ကျယ် ဆက်လက်အသုံးပြုနေတဲ့ ၆၆-ဃ တရားစီရင်ရေးအာဏာကို အုပ်ချုပ်ရေးက ဝင်ရောက်စွက်ဖက်ချုပ်ကိုင်နေတဲ့ ဥပဒေဖြစ်တယ်လို့ လူ့အခွင့်အရေးရှေ့နေ ဦးရောဘတ်စန်းအောင်က ထောက်ပြပါတယ်။

“ဆက်သွယ်ရေးဥပဒေပုဒ်မ ၆၆ (ဃ)၊ အဲဒီဥပဒေဟာ ကျနော်တို့ ပြည်သူလူထုအတွင်းမှာ တော်တော်လေးကို စိတ်ပျက်နေတဲ့ ဥပဒေပါ၊ ဘာဖြစ်လို့လဲဆိုတော့ ဖေ့စ်ဘွတ်တို့၊ တွတ်တာတို့ SMS တို့ လိုင်းတို့၊ ဘီ-တော့ခ် တို့ စသည်တို့မှာ ကိုယ့်ရဲ့အမြင် ကိုယ့်ရှုထောင့်ကို အဆဲအဆို အညစ်အညမ်းမပါဘဲနဲ့ လွတ်လွတ်လပ်လပ်ရေးခွင့်မရတဲ့ အနေအထားဖြစ်ပြီးတော့ ကလဲ့စားချေတဲ့ Revenge Law ပုံစံဖြစ်နေတဲ့အတွက် ပြည်သူလူထုရဲ့ လွတ်လပ်ခွင့်ကို၊ လူ့အခွင့်အရေးကို ထိခိုက်တဲ့ ဥပဒေပုဒ်မတစ်ခုဖြစ်ပါတယ်၊ တရားစီရင်ရေးနယ်ပယ်ကို စီမံခန့်ခွဲမှုနယ်ပယ်ကနေ လွှမ်းမိုးချုပ်ကိုင်ရာရောက်တဲ့အတွက် ပြည်သူလူထုက ဒါကို လက်မခံနိုင်ဘူး၊ ထစ်ကနဲရှိ အသရေပျက်ပါတယ် အသရေပျက်ပါတယ်ဆိုပြီးတော့ ဒီပုဒ်မကို သုံးနေတယ်၊ ရာဇသတ်ကြီးမှာရှိနေတဲ့ ပုဒ်မ ၅၀၀ ကို ပြစ်ပယ်လိုက်တယ်၊ ဘာဖြစ်လို့လဲဆိုတော့ ချက်ချင်းလက်ငင်းတိုင်းကြားခံရသူက အချုပ်ထဲရောက်နိုင်တဲ့အတွက် သူတို့က ပွဲခံဖို့အတွက် ဒီဟာကို လက်စားချေဥပဒေအနေနဲ့ သုံးနေလို့ လူထုက လုံးဝကို လက်မခံနိုင်တဲ့အဆင့်၊ နေရာတကာမှာလည်း ဆန္ဒဖော်ထုတ်မှုတွေ လုပ်ခဲ့ပြီးပြီ”

ဒီဥပဒေကို ပြုပြင်ဖို့ တစ်နှစ်ဆိုတဲ့ ကာလဟာ လုံလောက်မှု မရှိဘူးလို့ပဲလား။ ဒီဥပဒေနဲ့ ထိန်းသိမ်းခံခဲ့ရဖူးသူ ကဗျာဆရာ မောင်ဆောင်းခကတော့ NLD အစိုးရအနေနဲ့ ဒီဥပဒေကို ပြုပြင်ဖို့ အခုထိ လျစ်လျူရှုထားတာဟာ အချိန်ဆွဲနေတာဖြစ်တယ်လို့ ပြောပါတယ်။

“အချိန်ဆွဲနေတယ်လို့ ကျနော်ယူဆတယ်ဗျ၊ ဒါ ပွင့်ပွင့်လင်းလင်း ကျနော်ပြောတာ၊ ဘာဖြစ်လို့လည်းဆိုတော့ လွှတ်တော်အနေနဲ့ ဖွဲ့စည်းပုံအခြေခံဥပဒေကလွဲရင် ကြိုက်တဲ့ဥပဒေတွေကို ပြင်နိုင်ဖျက်နိုင်တယ်ဆိုတာက NLD မှာရှိနေပါတယ်၊ ဆိုတော့ သူတို့တွေအနေနဲ့ လူတွေကို ဒီလောက်ထိ အချိန်မရွေး ဖမ်းနေဆီးနေလို့ ကျနော်တို့ ရှေ့တင်မှာဘဲ လူတွေ ဒုက္ခတွေ ဒီလောက်ရောက်နေတာကို လျစ်လျူရှုရက်တာကိုလည်း ကျနော်အံ့သြလို့မဆုံး ဖြစ်ရတယ်၊ ဆိုတော့ ဒီဟာကို အစိုးရ၊ လွှတ်တော်အနေနဲ့ အထူးသဖြင့် ဥပဒေပြုရေးဆိုတော့ လွှတ်တော်ကို ပြောရမှာဖြစ်တယ်၊ လွှတ်တော်အနေနဲ့ လွှတ်တော်အမတ်တွေအနေနဲ့ ဒီလိုကြီးနေနေတာကို ကျနော်မကြိုက်ဘူး၊ ဘာဖြစ်လို့လည်းဆိုတော့ ပြီးခဲ့တဲ့ရက်ပိုင်းကဆို ဘက်ဂျက်တွေကိစ္စ ရှင်းလင်းနေတဲ့ ကြားထဲကနေပြီးတော့ ချောင်းဆုံတံတားကိစ္စကို ကြားဖြတ်တင်တာမျိုးတွေရှိပါတယ်၊ ကျနော်တို့ဒီလို ၆၆ (ဃ) အရေးကြီးတဲ့ ဒီလို လူတွေကို အန္တရာယ်အပေးဆုံးဖြစ်တဲ့ ဥပဒေတစ်ခုကို ပြင်ဖို့ အရေးကြီးအဆိုကို ဘာလို့ ဘယ်သူက မတင်ပဲဖြစ်နေရသလဲဆိုတာ ကျနော်တို့ တော်တော်လေးကို စဉ်းစားစရာဖြစ်တယ်၊ ဆိုတော့ ကျနော်ကတော့ ပွင့်ပွင့်လင်းလင်းပြောရလို့ရှိရင် ဒီတစ်နှစ်အတွင်းမှာ ဒါကြီးကို အပြီးတိုင်မပြင်နိုင်ရင်တောင်မှပဲ ပြင်မယ်ဆိုတဲ့ဟာမျိုး လွှတ်တော်က စထားမယ်ဆိုရင် ကျနော်တို့ အများကြီးဝမ်းသာစရာဖြစ်မယ်၊ ပြီးတော့ အစိုးရရဲ့သက်တမ်းတစ်နှစ်အတွင်းမှာလည်း နာမည်ကောင်းတစ်ခုရလိမ့်မယ်လို့ ကျနော်ကတော့ ယုံကြည်ပါတယ်”

ကျားမရေးရာ တန်းတူညီမျှရေးကွန်ရက်အဖွဲ့ရဲ့ ဒါရိုက်တာ ဒေါ်မေစပယ်ဖြူကတော့ NLD အစိုးရအနေနဲ့ နိုင်ငံသားတွေရဲ့ အခွင့်အရေးဆုံးရှုံးမှုကိစ္စတွေကိုလည်း တပြိုင်နက်တည်း အကောင်အထည်ဖော်သွား သင့်တယ်လို့ ပြောပါတယ်။

“အခုလက်ရှိအစိုးရကတော့ သူတို့အနေနဲ့ ပြည်တွင်းငြိမ်းချမ်းရေးက အရေးကြီးဆုံးပဲလို့ သူတို့ကတော့ အဲဒါကို ဦးစားပေးလုပ်နေတဲ့အခါမှာ တခြားလူ့အခွင့်အရေးနဲ့ပတ်သက်ပြီးတော့ အထူးသဖြင့် နိုင်ငံသားတွေရဲ့ အခွင့်အရေးနဲ့ပတ်သက်ပြီးတော့ ကာကွယ်စောင့်ရှောက်နိုင်တဲ့ ဥပဒေတွေအပေါ်မှာ အချိန်ပေးမှု၊ အလေးထားမှုက အားနည်းတယ်လို့ ကျမတို့ကတော့ မြင်ပါတယ်၊ နိုင်ငံငြိမ်းချမ်းမှ ကျန်တဲ့အရာတွေက ဖြစ်နိုင်တယ်ဆိုတာကလည်း မှန်ပါတယ်ပေါ့၊ ဒါပေမယ့်လည်း ငြိမ်းချမ်းရေးတည်ဆောက်တယ်ဆိုတာက ဒီနေ့၊ မနက်ဖြန်ဆိုသလို ချက်ချင်းလက်ငင်းကြီး လုပ်လို့ရတဲ့ကိစ္စမျိုး မဟုတ်ဘူးလေ၊ အဲဒီကြားထဲမှာ ပြည်တွင်းငြိမ်းချမ်းရေးအတွက်လုပ်နေစဉ်ကာလတစ်လျှောက်လုံးမှာလည်းပဲပေါ့…နိုင်ငံသားတွေရဲ့ အခွင့်အရေးတွေ ချိုးဖောက်မှုမခံရအောင်၊ နိုင်ငံသားတွေရဲ့ အခွင့်အရေးကို ကာကွယ်ပေးမှုကို မြှင့်တင်ပေးနိုင်မယ့် ဥပဒေတွေ မူဝါဒတွေ ဖြစ်လာအောင်လည်း အလေးထားစဉ်းစားသင့်တယ်လို့ ကျမကတော့ အဲလိုမြင်ပါတယ်”

နေပြည်တော် ဥပဒေပြုလွှတ်တော် ၂ ရက်အနေနဲ့ ဒီဖိနှိပ်တဲ့ဥပဒေကို ဒီကနေ့အထိ မျက်ကွယ်ပြုထား တာဟာလည်း NLDအစိုးရအပေါ် လက်ညှိုးထိုးထောက်ပြစရာဖြစ်နေတယ်လို့ ရှေ့နေ ဦးရောဘတ်စန်းအောင်က ပြောပါတယ်။

“ဒီကနေ့အချိန်အထိ လွှတ်တော်နှစ်ရပ်က ဆွေးနွေးမှုမပြုတဲ့အတွက် ပြည်သူလူထုက တော်တော်လေးကို စိတ်အား၊ စိတ်နှလုံးညှိုးငယ်နေကြပါတယ်၊ ပြင်စေ့ချင်ပါတယ်၊ အနည်းဆုံး အာမခံရတဲ့အဆင့်ကို ပြောင်းလိုက်ရင် အခုလို အမှုပေါင်း ၅၀ ကျော်လောက် ဖြစ်လာစရာ အကြောင်းမရှိပါဘူး၊ ဒီအစိုးရသစ်လက်ထက်မှာ ဒီဥပဒေကို မပြင်မဆင်မပယ်ဖျက်သေးပဲနဲ့ လုပ်နေတော့ အရင်အစိုးရရဲ့လုပ်ဆောင်ချက်တွေ၊ လူထုကိုဖိနှိပ်တဲ့ ဥပဒေတစ်ရပ် ကို ဆက်လက်ပြီးတော့ အသိအမှတ်ပြုရာကျနေတယ်…မကောင်းဘူးပေါ့ဗျာ၊ အစိုးရသစ်အတွက်ကို ပြောစရာတစ်ခု ဖြစ်လာတယ်”

ဒါတွေကတော့ NLD အစိုးရ ဆက်လက်ကိုင်စွဲအသုံးပြုနေတဲ့ ၆၆ ဃ ဆက်သွယ်ရေး ဥပဒေအကြောင်း တင်ပြခဲ့တာပါ။ မြန်မာ့အိမ်နီးချင်းထိုင်းနိုင်ငံမှာလည်း ဘုရင်နဲ့ မိသားစုကို ဝေဖန်ရင် အလားတူ အရေးယူ အပြစ်ပေးနိုင်တဲ့ ပြင်းထန်တဲ့ ဥပဒေတစ်ခုကို ပြဌာန်းထားပါတယ်။
RFA


ပြီးဆုံးသွားတဲ့ ကြားဖြတ်ရွေးကောက်ပွဲမှာ လက်ရှိအာဏာရပါတီဖြစ်တဲ့ အမျိုးသားဒီမိုကရေစီအဖွဲ့ချုပ် NLD ပါတီဟာ ပြီးခဲ့တဲ့ ရွေးကောက်ပွဲတွေထက် အနိုင်ရကိုယ်စားလှယ်အရေအတွက် အချိုးအစားနည်းခဲ့ပြီး ဒါဟာ NLD အပေါ် လူထုထောက်ခံမှု ကျဆင်းလာတာကြောင့်လို့ သုံးသပ်တာတွေ ရှိနေပါတယ်။ ဒီအပေါ်မှာ NLD ပါတီကိုယ်တိုင်ဘက်က အမြင်နဲ့ နိုင်ငံရေးလေ့လာ သူတွေရဲ့ အမြင် သုံးသပ်ချက်တွေကို ဗွီအိုအေမြန်မာပိုင်းသတင်းထောက် ကိုမိုးဇော်က အခုလို စုစည်းတင်ပြထားပါတယ်။

ပြီးခဲ့တဲ့ ကြားဖြတ်ရွေးကောက်ပွဲမှာ လစ်လပ်မဲဆန္ဒနယ် ၁၉နယ်မှာ အမျိုးသားဒီမိုကရေစီအဖွဲ့ချုပ်က ၁၈နေရာဝင်ရောက်ယှဉ်ပြိုင်ခဲ့ပြီး ၉နေရာသာ အနိုင်ရခဲ့တာဖြစ်ပါတယ်။ ဒီတကြိမ်အနိုင်ရတာဟာ ပြီးခဲ့ထက်ရွေးကောက်ပွဲတွေထက် ရာခိုင်နှုန်းအရ နည်းပါးသွားတာကြောင့် NLD ပါတီအပေါ် လူထုထောက်ခံမှုကျဆင်းလာတာလို့ သုံးသပ်တာတွေ ရှိနေတာပါ။

ဒီအပေါ်မှာ NLD ပါတီရဲ့ ပြောရေးဆိုခွင့်ရှိသူ ဦးညဏ်ဝင်းက အခုလိုတုံ့ပြန်ပါတယ်။

“နိုင်ငံရေးမှာ သာနေတဲ့အချိန်လည်းရှိမယ်၊ နောက်တခါ မသာတဲ့အခြေအနေ အခြေအနေမကောင်းတာတွေလည်းရှိမယ် ဒါကတော့ သဘော သဘောဝပဲခင်ဗျ။ အခုရွေးကောက်ပွဲကိုပြောရင် အသာရဖို့ ကြိုးစားပါတယ်၊ ကြိုးစားပေမယ့် ကြိုးစားသလောက်အကောင်အထည်ပေါ်ခဲ့ဘူး ကျနော်တို့ ဒီကိစ္စတွေကို သုံးသပ်ချက်တွေတောင်းနေပါတယ်။ ပါတီအနေနဲ့ သုံးသပ်ချက်ကိုတော့ ကျနော်အခုမပေးနိုင်ဘူး ကျနော်အားလုံးစုံမှ ပေးနိုင်မယ်။”

နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းရဲ့ အမြင်ကတော့ -

“၂၀၁၅ မှာ တိုင်းရင်းသား ပြည်သူလူထုအများစုက အပြောင်းအလဲကို ရည်ရွယ်ပြီးတော့ ပြတ်ပြတ်သားသားမဲထည့်လိုက်တယ်။ ဒါပေမယ့် ရွေးကောက်ပွဲအလွန် ၁ နှစ်သက်တမ်းအတွင်းမှာပေါ့နော် မဲပေးလိုက်တဲ့ပြည်သူက အနည်းဆုံးမျှော်လင့်ထားတဲ့ မျှော်မှန်းချက်တွေကိုတောင်မှ အမျိုးသားဒီမိုကရေစီအဖွဲ့ချုပ် အစိုးရ၊ လွှတ်တော်တို့အနေနဲ့ ဒီဖော်ဆောင်နိုင်တဲ့အပိုင်းမှာ အားနည်းချက်တွေရှိနေတာက အဓိကအကြောင်းတခုလို့ ကျနော်က မြင်တယ်။”

နိုင်ငံရေး ကလောင်ရှင် ကိုဝကလည်း ဒီအချက်အပေါ် သဘောတူပြီး လူထုအနေနဲ့ အားမလိုအားမရဖြစ်မှုတွေက အကြောင်းအချက် တခုအဖြစ် သုံးသပ်ပါတယ်။ ဒါအပြင် မူဝါဒပိုင်းဆိုင်ရာအားနည်းချက်တွေလည်း ရှိနိုင်ကြောင်း နိုင်ငံရေးကလောင်ရှင် ကိုဝက ပြောပါတယ်။

“နောက်တကြောင်းက မူဝါဒပိုင်းဆိုင်ရာ အားနည်းချက်ပေါ့ဗျာ။ ဥပမာ ချောင်းဆုံတံတားလိုကိစ္စမျိုးပေါ့ ဒါက အစိုးရရဲ့ ရည်ရွယ်ချက်က ဘယ်လိုပဲရှိရှိ တိုင်းရင်းသားလူမျိုးစုတွေဘက်က အမြင်ကတော့ သူတို့ဘက်က အတွေးအမြင်၊ သူတို့ ခံစားချက် ကို ဂရုမစိုက်ဘူး၊ အလေးမယူဘူးဆိုတဲ့ အဓိပ္ပါယ်မျိုးသက်ရောက်သွားတယ်လို့ ကျနော်ယူဆတယ်။”

ဒီအချက်အပေါ်မှာ ဒေါက်တာရန်မျိုးသိမ်းကလည်း အခုလို ဖြည့်စွက် ပြောဆိုထားပါတယ်။

“ဒေသခံတိုင်းရင်းသားတွေကိုလည်း တိုင်ပင်တာမရှိ၊ ဆွေးနွေးတာမရှိ ညှိနှိုင်းတာမရှိဘူး အမည်ပြောင်းလဲဖို့ ကြိုးစားတဲ့ ကိစ္စဟာ မွန်ပြည်နယ်တခုတည်း၊ မွန်တိုင်းရင်းသားတခုတည်းနဲ့ သက်ဆိုင်တဲ့ ကိစ္စလို့ ကျနော်ကတော့ မမြင်ပါဘူး။ ဒီကိစ္စဟာ အခြားတိုင်းရင်းသား လူမျိုးစုတွေအတွက်လည်း အချက်ပေးခေါင်းလောင်းသံလိုဖြစ်သွားပါတယ်။”

ကျန်ရှိနေတဲ့ အစိုးရသက်တမ်းကာလမှာ တိုင်းရင်းသားပါတီတွေနဲ့ ဆက်ဆံရေးကို အထူးအလေးထားဆောင်ရွက်ဖုိ့ လိုအပ်ကြောင်းလည်း ပြောပါတယ်။

လူထုမျှော်လင့်ချက်တွေကို ဖြည့်ဆည်းနိုင်မှုနဲ့ မူဝါဒပိုင်းဆိုင်ရာအားနည်းတာတွေကြောင့် ၂၀၁၇ ကြားဖြတ်ရွေးကောက်ပွဲမှာ လူထုပါဝင်မှုကျဆင်းနေကြောင်းကို ဒေါက်တာရန်မျိုးသိမ်းရော၊ ကိုဝကပါ ထောက်ပြပါတယ်။

လူထုပါဝင်မှုလျော့ကျလာတဲ့အပေါ် အရေးတကြီးအဖြေရှာဖို့ လိုအပ်ကြောင်းလည်း နိုင်ငံရေးဆောင်းပါးရှင် ကိုဝက ပြောပါတယ်။

“ကျနော်တို့ တိုင်းပြည်က ဒီမိုကရေစီ အုတ်မြစ်ခိုင်မာအောင် တည်ဆောက်နေတဲ့ကာလ အဲဒီအချိန်မှာ တနိုင်ငံလုံး ပြည်သူလူထုရဲ့ထောက်ခံမှုနဲ့ လူထု အစိုးရကနေပြီးတော့ တိုင်းပြည်ကို ဒီမိုကရေစီ နိုင်ငံဖြစ်အောင် အားကြိုးမန်တက် ကြိုးပမ်းနေတဲ့အချိန်မှာ လူထုက ရွေးကောက်ပွဲမှာ စိတ်ဝင်စားမှုနည်းတယ်၊ စိတ်ဝင်စားမှု ကျတယ်ဆိုတာက ကျနော်တို့ အရေးတကြီး လေ့လာသုံးသပ်အဖြေရှာသင့်တဲ့ ကိစ္စလို့ ကျနော်ယူဆပါတယ်။”

ဒီအချက်အပေါ်မှာ ဒေါက်တာရန်မျိုးသိမ်းကလည်း အခုလို သုံးသပ်ပြောဆိုပါတယ်။

“မဲလာပေးတဲ့ ရာခိုင်နှုန်းသိသိသာသာ လျော့ကျနေတာဟာ မြန်မာနိုင်ငံရဲ့ ဒီမိုကရေစီအပြောင်းအလဲအပေါ်မှာ ပြည်သူလူထုရဲ့ စိတ်ဝင်စားမှုလျော့ကျနေတာလို့ အလေးအနက် မှတ်ယူပြီးတော့ ဒီကိစ္စကို အစိုးရကော လွှတ်တော်ရော အာဏာရပါတီအပါအ၀င် အမြန်ဆုံး ပြုပြင်ပြောင်းလဲ ဖော်ဆောင်နိုင်ဖို့ လိုအပ်တယ်လို့ ကျနော်ကတော့ အဲလိုသုံးသပ်ပါတယ်။”

၂၀၁၇ကြားဖြတ်ရွေးကောက်ပွဲကို ကယား၊ ချင်း၊ ရခိုင်၊ ရှမ်း၊ မွန် ပြည်နယ်တွေနဲ့ စစ်ကိုင်း၊ ပဲခူး၊ ရန်ကုန်တိုင်းဒေသကြီးတွေက မဲဆန္ဒနယ် ၁၉နေရာမှာ ကျင်းပခဲ့ပြီး မဲဆန္ဒနယ်အများစုမှာ လာရောက် မဲပေးသူဟာ မဲပေးခွင့်ရှိသူရဲ့ ၅၀ရာခိုင်နှုန်းအောက်ထိ နိမ့်ကျခဲ့ပါတယ်။ အထူးသဖြင့် ရန်ကုန်တိုင်းဒေသကြီး လှိုင်သာယာမြို့နယ်မှာဆိုရင် မဲပေးပိုင်ခွင့်ရှိသူရဲ့ ၁၂ရာခိုင်နှုန်းလောက်သာ လာရောက်မဲပေးခဲ့ပါတယ်။
VOA Burmese News


ငြိမ်းချမ်းရေးရန်ပုံငွေ ထည့်ဝင်လှူဒါန်းသည့် ပြည်သူများသို့ ကျေးဇူးတင်လွှာ ၂၀၁၇ ခုနှစ်၊ ဧပြီလ ၃ ရက်
ငြိမ်းချမ်းရေးရန်ပုံငွေ ထည့်ဝင်လှူဒါန်းသည့် ပြည်သူများသို့ ကျေးဇူးတင်လွှာ ၂၀၁၇ ခုနှစ်၊ ဧပြီလ ၃ ရက်
.
ငြိမ်းချမ်းရေးရန်ပုံငွေအတွက် ပြည်သူတစ်ဦးချင်းစီကနေ ထည့်ဝင်လှူဒါန်းငွေ ကျပ် ၁၃ ဒသမ ၉၄၈ ဘီလီယံ ရရှိခဲ့တဲ့အတွက် ကျေးဇူးတင်ရှိကြောင်း အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနက စာထုတ်ပြန် လိုက်ပါတယ်။

နိုင်ငံတော်အစိုးရက ဆောင်ရွက်နေတဲ့ ငြိမ်းချမ်းရေးလုပ်ငန်းတွေအတွက် လိုအပ်တဲ့ရန်ပုံငွေတွေကို ရှာဖွေရာမှာ ငြိမ်းချမ်းရေးမြတ်နိုးသူ တိုင်းရင်းသားပြည်သူတွေက တတ်အားသမျှပါဝင်နိုင်စေဖို့ ရည်ရွယ်ချက်နဲ့ ၂၀၁၇ ခုနှစ် ဇန်န၀ါရီ ၉ ရက်နေ့ကစတင်ပြီး မြန်မာ့စီးပွားရေးဘဏ် နေပြည်တော်ဘဏ်ခွဲမှာ ငွေစုစာရင်း၊ စာရင်းရှင်ငွေ စာရင်းတွေ ဖွင့်လှစ်အလှူခံခဲ့တာဖြစ်ကြောင်း ထုတ်ပြန်ချက်မှာ ပါရှိပါတယ်။

အဲဒီလို ထည့်ဝင်လှူဒါန်းရာမှာ မြန်မာနိုင်ငံနေရာအနှံအပြားက လူတစ်ဦးချင်း၊ တစ်ယောက်ချင်းစီက တတ်နိုင် သလောက် ငွေကြေးပမာဏ ကျပ်တစ်ထောင်၊ ကျပ် ငါးထောင်၊ ကျပ်တစ်သောင်း စသဖြင့် ထည့်ဝင်ကြတာကို တွေ့ရှိရကြောင်းလည်း ပါရှိပါတယ်။

ပြည်သူတွေရဲ့လှူဒါန်းမှုတွေဟာ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးကို ဘယ်လောက်လိုလား တောင့်တနေတယ်ဆိုတာ ဖော်ပြနေတဲ့အတွက် ပံ့ပိုးကူညီမှုတွေကို ကျေးဇူးတင်ရှိပါကြောင်းနဲ့ ငြိမ်းချမ်းရေး ဖြစ်စဉ်ကို အောင်မြင်အောင် ဆတက်ထမ်းပိုးကြိုးပမ်းသွားမှာဖြစ်ကြောင်းလည်း ပါရှိပါတယ်။
RFA


မကွေး KTV မီးလောင်အပြီး
မကွေး KTV မီးလောင်အပြီး
မကွေးမြို့ပေါ်က ကာရာအိုအေက သီချင်းဆိုခန်းတခုမှာ တနင်္ဂနွေညက ၁၀ နာရီကျော်ကနေ နာရီဝက်ကျော်ကြာအောင် မီးလောင်ကျွမ်းတာကြောင့် စုစုပေါင်း လူ ၁၆ ယောက် သေဆုံးသွား ပါတယ်။ ဘာ့ကြောင့် အခုလောက် သေဆုံးသူအရေအတွက် များသွားတာလဲဆိုတာကို မကွေး တိုင်းဒေသကြီး မီးသတ်ဦးစီးမှူး၊ ညွှန်ကြားရေးမှူး ဦးအောင်ဝင်းစိန်က ဗွီအိုအေကို အခုလိုရှင်းပြ ပါတယ်။

“KTV ဆိုင်သဘောအရ အတွင်းခန်းထဲမှာ သီချင်းသံတွေလည်း ဆူညံနေမယ် အတွင်းဘက်ကအသံလည်း အပြင်မထွက်အောင်လုပ်ထားတယ်၊ အပြင်ကအသံလည်း အတွင်းကို မရောက်ဘူးခင်ဗျ။ အပြင်ဘက်မှ မီးလောင်နေတာကိုလည်း အတွင်းဘက်ကလူက မသိနိုင်ပါဘူးခင်ဗျ။သူတို့သိတဲ့ အချိန်မှာလည်း KTV အခန်းတွေက အသံကိုထိန်းချုပ်ထားတဲ့စနစ်တွေပေါ့နော် မီးလောင်လို့ရှိရင် ထွက်တဲ့အငွေ့ကလည်း လူကိုမူးစေတဲ့သဘောပေါ့။ သူတို့က အပေါ်ထပ်မှာဖြစ်တာပါ အောက်ထပ်ကိုဆင်းဖို့ ကလည်း လှေကားတခုပဲရှိပြီးတော့ အဲဒီလှေကားကိုလည်း အချိန်မီသူတို့ မထွက်နိုင်တဲ့အခြေအနေဖြစ်တာကြောင့် အဲဒီထဲမှာပဲ မီးခိုးမွန်းတဲ့ ဒဏ် suffocation ဖြစ်ပြီးတော့ သေဆုံးသွားတာပါ။”

သေဆုံးသူ ၁၆ ဦးမှာ ၁၅ ဦးက အခင်းဖြစ်နေရာမှာတင် သေဆုံးတာဖြစ်ပြီး တဦးကတော့ ဆေးရုံမှာသေဆုံးတာပါ။ သေဆုံးသူ ၁၅ ဦးမှာ အမျိုးသမီးက ၅ ဦး၊ အမျိုးသားက ၁၁ ဦးဖြစ်ပြီး အမျိုးသမီးတွေအားလုံးဟာ သီချင်းဆိုခန်းကဖြစ်တယ်လို့ မီးသတ်ဦးစီးမှူးက ပြောပါတယ်။ မီးလောင်ချိန်က သီချင်းဆိုခန်းအပေါ်ထပ်မှာ အခုသေဆုံးသူတွေအပြင် အန္တရာယ်မဖြစ်ဘဲ လွတ်သွားတဲ့ ဆိုင်က စားပွဲထိုးတယောက်ပဲ ရှိနေတယ်လို့လဲ ပြောပါတယ်။

ဆိုင်မှာရှိတဲ့ အိမ်သုံးမီတာကနေ တခြားလျှပ်စစ်ပစ္စည်းတွေကို အလွန်အကျွံ ပိုသုံးတာကြောင့် ၀န်မခံနိုင်တဲ့အတွက် လျှပ်စစ်ကြိုးတွေအပူလွန် လောင်ကျွမ်းပြီး အဲဒီကနေ့တဆင့် အသံထိန်း ရေမြုပ်တွေကို မီးကူးတာကြောင့် အချိန်တိုအတွင်း အမြန်ဆုံးလောင်ပြီး အခုလို အသက်ဆုံးပါး ကြရတာလို့လဲ ဦးအောင်ဝင်းစိန်က ပြောပါတယ်။

ဆိုင်ပိုင်ရှင်ကို ဖမ်းထားတယ်လို့ အခင်းဖြစ်ရပ်နဲ့ နီးစပ်တဲ့ ဒေသခံတဦးက ဗွီအိုအေကိုပြောပေမဲ့ သက်ဆိုင်ရာရဲတပ်ဖွဲ့ရဲ့ အတည်ပြုချက်ကိုတော့ မရသေးပါဘူး။
VOA Burmese News

၂၀၁၇ ကြားဖြတ်ရွေးကောက်ပွဲမှာ မဲပေးခဲ့သူတဦး
၂၀၁၇ ကြားဖြတ်ရွေးကောက်ပွဲမှာ မဲပေးခဲ့သူတဦး
၂၀၁၇ ကြားဖြတ်ရွေးကောက်ပွဲမှာ အာဏာရပါတီ NLD က သူယှဉ်ပြိုင်တဲ့ မဲဆန္ဒနယ် စုစုပေါင်း (၁၈)နေရာအနက် (၉)နေရာမှာ အနိုင်ရရှိ ခဲ့ပါတယ်။ မွန်၊ ရှမ်း၊ ရခိုင် စတဲ့ တိုင်းရင်းသားဒေသတွေမှာ NLD ပါတီအနေနဲ့ ရှုံးနိမ့်ခဲ့ရတာ ဘာကြောင့်ပါလဲ။ ဆက်သွယ်မေးမြန်းထားတဲ့ မအင်ကြင်းနိုင်က ပြောပြမှာပါ။

တနိုင်ငံလုံးလစ်လပ် မဲဆန္ဒနယ်ပေါင်း (၁၉)နေရာအတွက် ဧပြီလ (၁)ရက်နေ့က ကျင်းပတဲ့ ကြားဖြတ်ရွေးကောက်ပွဲမှာ အာဏာရပါတီ NLD က ထက်ဝက် အနိုင်ရရှိခဲ့ ပါတယ်။ NLD ပါတီအနေနဲ့ အခုကြားဖြတ်ရွေးကောက်ပွဲမှာ မျှော်မှန်းထားသလောက် အနိုင်မရခဲ့ဘူးလို့ အကဲခပ်တွေက သုံးသပ်ကြပါတယ်။

ရခိုင်ပြည်နယ် အမ်းမြို့နယ်မှာ အနိုင်ရရှိခဲ့တဲ့ ရခိုင်အမျိုးသားပါတီ ANP ရဲ့ လွှတ်တော် ကိုယ်စားလှယ်လည်းဖြစ်၊ ပါတီဥက္ကဌလည်း ဖြစ်တဲ့ ဒေါက်တာအေးမောင်ကတော့ လစ်လပ် ပြည်သူ့လွှတ်တော် ကိုယ်စားလှယ်အဖြစ် သူအနိုင်ရရှိခဲ့တာနဲ့ ပတ်သက်လို့ အခုလို သုံးသပ်ပါတယ်။

“ အမ်းမှာ နိုင်ရတဲ့အကြောင်းရင်းက အဓိကတော့ ကျနော်တို့ ကျေးလက်ကို စည်းရုံး ထားလိုက်နိုင်လို့ပါ။ ပါတီတည်ဆောက်မှု အောင်မြင်အောင် လုပ်နိုင်ခဲ့ပါတယ်။ မဲဆွယ် ကာလမှာလည်း အမျိုးသား အကျိုးစီးပွားကို ကာကွယ်စောင့်ရှောက်ဖို့ လိုအပ်တဲ့ ကာလ ဖြစ်ကြောင်းကို နားလည်အောင် တင်ပြနိုင်ခဲ့ပါတယ်။ အဲဒါကြောင့်လည်း ပြည်နယ် မဲဆန္ဒနယ် အားလုံးနီးပါးလောက်ကို နိုင်အောင် ကြိုးစားနိုင် ခဲ့ပါတယ်။ ချင်းတိုင်းရင်းသား များကလည်း ကျနော်တို့ကို ထောက်ခံတဲ့ အင်အားစု အတော်များပါတယ်။ မြို့ပေါ်မှာလည်း ကျနော်တို့ တဝက်လောက် နိုင်ပါတယ်။”

ရှမ်းပြည်နယ် ကျေးသီး၊ မိုင်းရှူး၊ ကျိုင်းတုံ အပါအ၀င်မဲဆန္ဒနယ်မြေ (၆)နေရာလုံးမှာ SNLD ရှမ်းတိုင်းရင်းသားများ ဒီမိုကရေစီအဖွဲ့ချုပ်က အနိုင်ရရှိခဲ့ပါတယ်။ အခုလိုရှမ်းပြည်နယ်မှာ NLD ပါတီ ရှုံးနိမ့်ရတဲ့ အကြောင်းအရင်းတွေထဲမှာ သူတို့ပါတီအတွက် ဘာသာစကား အခက်အခဲနဲ့ ကြုံတွေ့ခဲ့ရသလို၊ တိုက်ပွဲတွေဖြစ်နေတဲ့အတွက် လက်ရှိ အာဏာရ ပါတီဖြစ်နေတဲ့ NLD အပေါ်မှာ ဒေသခံတွေရဲ့ ထောက်ခံမှု နည်းလိမ့်မယ်ဆိုတာ ကိုတော့ ကြိုတင်ခန့်မှန်းထားကြောင်းNLD ပါတီဗဟိုအလုပ်အမှုဆောင် အတွင်းရေးမှူးအဖွဲ့ဝင် ဦးဝင်းထိန်က သတင်းထောက်တွေကို ပြောပါတယ်။

၁၉၉၀ ရွေးကောက်ပွဲမှာ အနိုင်ရရှိခဲ့တဲ့ NLD ပုလဲမြို့နယ် လွှတ်တော်ကိုယ်စားလှယ်ေ ဟာင်း ဒေါက်တာတင့်ဆွေကတော့ ကြားဖြတ် ရွေးကောက်ပွဲရလာဒ်ကို ကြည့်ပြီး NLD အနေနဲ့ ပါတီရဲ့ အနာဂတ် နည်းဗျူဟာကို ပြန်ပြီး သုံးသပ်ဖို့ လိုကြောင်း ပြောပါတယ်။

“NLD က ထင်သလောက် မနိုင်ဘူးလို့ ထောက်ပြကြပေမယ့်လည်း မမှားဘူးပေါ့၊ သို့သော်လည်း NLD ဖက်ကလည်း ဒီထက် နည်းနာ စသဖြင့် ချည်းကပ်မှု မဲဆွယ်စည်းရုံးမှု သို့မဟုတ် အမတ်လောင်း ရွေးချယ်မှု စသဖြင့်ပေါ့နော်၊ ဒါတွေမှာ ပြင်သင့်တာ သင်ခန်းစာ ယူသင့် တာတွေရှိမလားပေါ့။ ဒါတော့ NLD ခေါင်းဆောင်ပိုင်းက ပိုနားလည်ပြီး သုံးသပ်နိုင်လိမ့်မယ်လို့ ယူဆပါတယ်။”

မွန်ပြည်နယ် ချောင်းဆုံမြို့နယ် လစ်လပ်သွားတဲ့ ပြည်သူ့လွှတ်တော် ကိုယ်စားလှယ်နေရာ အတွက် USDP ကြံခိုင်ဖွံဖြိုးရေးပါတီက အနိုင်ရရှိခဲ့ပါတယ်။ အဲဒီမှာ NLD က ရှုံးနိမ့်ခဲ့ရတဲ့ အကြောင်းအရင်းတွေထဲ ပြီးခဲ့တဲ့ သတင်းပတ်တွေအတွင်း ချောင်းဆုံမြို့က တံတား အမည်ပေးရေးကိစ္စကို ဒေသခံတွေ မကျေမနပ်ဖြစ်မှုနဲ့ ပတ်သက်နေတယ်လို့ ခန့်မှန်းကြ သလို၊ NLD လွှတ်တော်ကိုယ်စားလှယ်လောင်းဟာ ဒေသခံမဟုတ်ဘူးဆိုတဲ့ အချက်က အဓိကဖြစ်တယ်လို့ သုံးသပ်ကြသူတွေရှိပါတယ်။ ဒေါက်တာတင့်ဆွေရဲ့ အမြင်ကတော့-

“ ဒီ တိုင်းရင်းသားဒေသတွေမှာ တိုင်းရင်းသားလူမျိုး ကိုယ်စားလှယ်တွေ နိုင်တာကတော့ ဒါ ဖြစ်လဲဖြစ်သင့်တယ်၊ ကြိုလည်းကြိုဆိုရမှာပါ။ သို့သော် တိုင်းရင်းသား လူမျိုးဖြစ်ပြီးတော့ တခါ နိုင်ငံရေးပါတီအရကတော့ ကြံ့ခိုင်ရေးပါတီက ဟိုးအရင်ကတည်းက သူက ဒေသခံ လူမျိုးတွေကို ဦးစားပေးလုပ်တဲ့ ပေါ်လစီနဲ့ လုပ်တော့ကာ အထူးသဖြင့် မွန်ဒေသမှာ အခုဖြစ်သွားတာကတော့ ဘာလဲလို့ မေးရမှာပေါ့နော်။ အဲဒီတော့ မွန်လူမျိုးတွေက ပိုပြီးတော့ ဒါကိုလေးလေးနက်နက် စဉ်းစားပြီးတော့ နောင်ကာလ ရွေးကောက်ပွဲတွေမှာ ဗျူဟာအသစ်နဲ့ ချည်းကပ်ရင်တော့ သူတို့လူမျိုးစုဆိုင်ရာ ကိုယ်စားလှယ်ပြုမှု ပိုပြီးရနိုင် လိမ့်မယ်လို့ ယူဆပါတယ်ခင်ဗျ ”

အခုကြားဖြတ်ရွေးကောက်ပွဲမှာ မဲပေးပိုင်ခွင့်ရှိသူ ၂သန်းကျော်ရှိခဲ့ပေမယ့် ဆန္ဒမဲပေးသူ အရေအတွက် အတော်လေး နည်းပါးကြောင်း ရွေးကောက်ပွဲ လေ့လာစောင့်ကြည့် သူတွေက ပြောပါတယ်။

NLD ပါတီ ၀င်ရောက်ယှဉ်ပြိုင်မှုမရှိတဲ့ ကယားပြည်နယ် ဖရူဆိုမြို့နယ်မှာ လူမျိုးပေါင်းစုံ ဒီမိုကရေစီပါတီ (ကယားပြည်နယ်)ရဲ့ လွှတ်တော် ကိုယ်စားလှယ်လောင်းက အနိုင်ရရှိခဲ့ ပါတယ်။

NLD အနိုင်ရရှိခဲ့တဲ့ နေရာတွေကတော့ ရန်ကုန်တိုင်းနဲ့ စစ်ကိုင်းတိုင်းက ပြည်သူ့လွှတ်ေ တာ် ၅ နေရာ၊ ပဲခူးတိုင်း၊ ချင်းပြည်နယ်နဲ့ ရန်ကုန်တိုင်းတို့က အမျိုးသားလွှတ်တော် တနေရာစီနဲ့ ရှမ်းပြည်နယ်လွှတ်တော် တနေရာ အားလုံးပေါင်း ၉ နေရာဖြစ်ပါတယ်။

USDP ပါတီက မွန်ပြည်နယ် ချောင်းဆုံမြို့နယ် ပြည်သူ့လွှတ်တော်နေရာနဲ့ ရှမ်းပြည်နယ် ကျိုင်းတုံမြို့နယ် အမှတ် ၂ ပြည်နယ်လွှတ်တော် နေရာတို့မှာ အနိုင်ရရှိခဲ့တာ ဖြစ်ပါတယ်ရှင်။


အင်ကြင်းနိုင်
VOA Burmese News



အိုင်ယာလန်နိုင်ငံ Rosslare ဆိပ်ကမ်းအားတွေ့ရစဉ် (ဓါတ်ပုံ-အင်တာနက်)
    ဒပ်ဘလင်၊ ဧပြီ ၃ ရက် (ဆင်ဟွာ)

    အိုင်ယာလန်နိုင်ငံ Rosslare ဆိပ်ကမ်းတွင် ဧပြီ ၂ ရက် နေ့လည်ပိုင်း က ပြင်သစ်နိုင်ငံမှ ဆိုက်ရောက်လာသည့် အိုင်ယာလန် ဖယ်ရီသင်္ဘောတစ်စီးပေါ်တွင် ပါရှိလာသော အအေးခန်းကုန်သေတ္တာတင်ကားတစ်စီးအတွင်း၌ ပုန်းခိုလိုက်လာပါလာသော နိုင်ငံခြားသား ၁၄ဦးအား တွေ့ရှိခဲ့ကြောင်း လူဝင်မှုကြီးကြပ်ရေးအရာရှိများက ပြောကြားခဲ့သည်။

Oscar Wilde ဖယ်ရီသင်္ဘော ဆိပ်ကမ်းသို့ရောက်ရှိခဲ့သည့် ဒေသစံတော်ချိန် မွန်းလွဲ ၂နာရီတွင် ကုန်ကားအတွင်း ပုန်းခိုလိုက်ပါလာသော အမျိုးသား ၁၂ဦး နှင့် အမျိုးသမီး ၂ဦးပါဝင်သည့် နိုင်ငံခြားသား ၁၄ဦး ကို လူဝင်မှုကြီးကြပ်ရေးအာဏာပိုင်များက ရှာတွေ့ခဲ့ခြင်းဖြစ်ကြောင်း သိရသည်။

ကုန်သေတ္တာကားပေါ်တွင် သစ်သီးများအပြည့်တင်ဆောင်လာကြောင်း သိရသည်။ကုန်ကားအတွင်း လိုက်ပါလာသူ တစ်ဦးမှ လွဲ၍ ကျန် လူအားလုံး အခြေအနေကောင်းမွန်ပြီး ၎င်းအား ဆေးစစ်မှုများပြုလုပ်ရန် ဒေသတွင်းဆေးရုံတစ်ခုသို့ ပို့ဆောင်ပေးထားကြောင်း သိရသည်။ ပုန်းခိုလိုက်ပါလာသူများသည် အာဖဂန်နစ္စတန်နိုင်ငံ၊ အီရန်နိုင်ငံများမှ ဟု ခန့်မှန်းရပြီး ၎င်းတို့အနက် အရေအတွက် အနည်းငယ်မှာ ကာ့ဒ်-အီရန် အနွယ်များဖြစ်ကြောင်း သိရသည်။

ဖယ်ရီသင်္ဘောသည် ပြင်သစ်နိုင်ငံ Cherbourg ဆိပ်ကမ်းမှ ဧပြီ ၁ရက် ညဘက်တွင် ထွက်ခွာလာပြီး အိုင်ယာလန်နိုင်ငံ အရှေ့တောင်ပိုင်း Wexford စီရင်စု ရှိ Rosslare ဆိပ်ကမ်းကို ရောက်ရှိရန် ၁၆နာရီမောင်းနှင်လာကြောင်း သိရသည်။

လူဝင်မှုကြီးကြပ်ရေးအရာရှိများက ပုန်းခိုလိုက်ပါလာသူအားလုံးကို ရွှေ့ပြောင်းဒုက္ခသည်ဆိုင်ရာ လုပ်ထုံးလုပ်နည်းများအတိုင်း ဆောင်ရွက်သွားမည်ဖြစ်ကြောင်း သိရသည်။

(Xinhua)
http://www.xinhuamyanmar.com



( ရှမ်းပြည်နယ် လားရှိုး - သိန္နီလမ်းပိုင်းပေါ်မှာရှိတဲ့ သိန္နီရေပူအမြဲတမ်းစစ်ဆေးရေး စခန်းကို တွေ့ရစဉ် ) Photo: Kan Thar/ RFA
ရှမ်းပြည်နယ် လားရှိုး - သိန္နီလမ်းပိုင်းပေါ်မှာရှိတဲ့သိန္နီရေပူအမြဲတမ်းစစ်ဆေးရေး စခန်းက နှစ်လအတွင်း ၂.၂၃ ဘီလီယမ် တန်ဖိုးရှိတဲ့ တရားမ၀င် ကုန်ပစ္စည်းတွေကို ဖမ်းဆီးနိုင်ခဲ့တယ်လို့ ရေပူစစ်ဆေးရေး စခန်း တာဝန်ခံ ဦးတက်ထွန်းအောင် က ပြောပါတယ်။

အဲဒီလိုဖမ်းဆီးရမိတဲ့ပစ္စည်းတွေထဲမှာ တရုတ်နိုင်ငံကိုတင်ပို့မယ့် ကျောက်စိမ်းနဲ့ သစ်တွေ အများဆုံးဖြစ်တယ်လို့ ဦးတက်ထွန်းအောင် က ပြောပါတယ်။

တရားမဝင်ကုန်ပစ္စည်းဝင်ရောက်မှု၊ လက်နက်ခဲယမ်းတွေသယံဇာတနဲ့ သစ်တော ထွက်ပစ္စည်းတွေ ပြည်တွင်းကိုဝင်ရောက်မှုနဲ့ ပြည်ပကိုတင်ပို့မှု မရှိစေဖို့  ရေပူစစ်ဆေးရေးစခန်းက သက်ဆိုင်ရာ အစိုးရဌာနအဖွဲ့ ၁၂ဖွဲ့နဲ့ ပူးပေါင်းပြီး စစ်ဆေးမှုတွေပြုလုပ်နေတာဖြစ်ပါတယ်။

ဖမ်းဆီးရမိတဲ့ ပစ္စည်းတွေကို ၂၄ နာရီအတွင်း လားရှိုးမြို့မှာရှိတဲ့ အကောက်ခွန်ဌာနကို ပေးပို့တာဖြစ်တယ်လို့လည်း သိရပါတယ်။

နယ်မြေအခြေအနေ၊ ၀န်ထမ်းအင်အားမလုံလောက်မှု၊ ကုန်ပစ္စည်းစစ်ဆေးတဲ့ စက်လိုအပ်ချက်တွေ ကြောင့် အခက်အခဲရှိသလို ကုန်ပစ္စည်းဖမ်းဆီးနေချိန်နဲ့ ဖမ်းဆီးမှု ရပ်တန့်  နေချိန်တွေကို သတင်းပေးသူတွေ ရှိနေတဲ့အတွက်လည်း ဖမ်းဆီးရေးမှာ အခက်အခဲရှိနေတယ်လို့ ဦးတက်ထွန်းအောင် က ပြောပါတယ်။

ရေပူစစ်ဆေးရေးဂိတ်မှာ တာဝန်ထမ်းဆောင်နေတဲ့ ၀န်ထမ်းတွေအတွက် အစိုးရက လစာအပြင် တစ်ဦးကို နေ့တွက် စရိတ်အဖြစ် ငွေကျပ် ၅ထောင် သတ်မှတ်ပေးသလို ဖမ်းဆီးရမိတဲ့ ကုန်ပစ္စည် တန်ဖိုးရဲ့ ငါးဆယ်ရာခိုင်နှုန်းကို ဆုကြေးအနေနဲ့ ပေးတဲ့အတွက် ၀န်ထမ်းတွေဟာ လာဘ်ပေးလာဘ် ယူတာ လက်ခံမှာမဟုတ်ဘူးလို့လည်း ပြောပါတယ်။

၂၀၁၂ ခုနှစ် ဇန်န၀ါရီလမှာ ပိတ်သိမ်းခဲ့တဲ့ ရေပူစစ်ဆေးရေးစခန်းဟာ အရင်စစ်အစိုးရလက်ထက် က အဂတိလိုက်စားမှုနဲ့  ပတ်သက်ပြီး နာမည်ကြီးခဲ့တဲ့ဂိတ်တစ်ခုဖြစ်ခဲ့ပါတယ်။ ဒီအတွက် ရေပူစစ်ဆေးရေးစခန်းပြန်လည်ဖွင့်လှစ်မှာနဲ့ ပတ်သက်ပြီး ဒေသခံတွေ၊ နိုင်ငံရေးပါတီတွေ နဲ့ ကုန်သည်တွေက ကန့်ကွက်ခဲ့ကြပေမယ့် ပြီးခဲ့တဲ့ ဇန်န၀ါရီလ ၁၆ ရက်နေ့က ပြန်လည်ဖွင့်လှစ်ခဲ့တာ ဖြစ်ပါတယ်။

RFA Burmese
https://www.facebook.com/rfaburmese


မကွေးတိုင်းဒေသကြီး၊ မကွေးမြို့ ၊ သစ္စာလမ်းနှင့် မြင်သာ(၂၉)လမ်းထောင့် မြင်သာရပ်ကွက်တွင် ဖွင့်လှစ်ထားသော ရွှေမြတ်မင်းသမီး အအေးခန်းစားသောက်ဆိုင် (KTV) ၌ ဧပြီ ၂ ရက်နေ့ ည ၁၀ နာရီအချိန်ခန့်က မီးလောင်းကျွမ်းမှုဖြစ်ပွားခဲ့ရာ ၁၅ ဦး သေဆုံးပြီး ၁ ဦး အပြင်းအထန် ဒဏ်ရာရရှိခဲ့သည်။

‘’ဒီ KTV အခန်းတွေမှာ အသံလုံအောင် လုပ်ထားတဲ့ ရေမြှပ်တွေရှိတယ်။ အထူ၆ လက်မလောက်ရှိပါတယ်။ အဲဒီရေမြှပ်တွေကို ဆိုဖာတွေလုပ်တဲ့နေရာမှာလည်းသုံးတယ်။ ဒီမှာ အသံလုံအောင်လုပ်ထားတဲ့ ရေမြှပ်တွေအပြင် ဆိုဖာတွေလည်း ရှိနေပါတယ်။ ဒါတွေက မီးလောင်လို့ရှိရင် ဓာတ်ငွေ့က အဆိပ်ဓာတ်ငွေ့ဖြစ်တဲ့အတွက်ကြောင့် ရှူမိတာနဲ့ မူးမေ့သွားမှာဖြစ်ပါတယ်။ တကယ်လို့ မရှူမိပဲနဲ့ထွက်လာမယ်ဆိုရင်လည်း လှေကားနားမှာ ပိတ်ပြီး မီလောင်တာဖြစ်တဲ့အတွက် အောက်ကိုမဆင်းနိုင်တော့ဘူး။ အကုန်လုံးလမ်းကြောင်း ပိတ်ဆို့ပြီး သေသွားတဲ့သဘောပါပဲ”ဟု တိုင်းမီးသတ်တပ်ဖွဲ့မှူး ညွှန်ကြားရေးမှူး ဦးအောင်ဝင်းစိန်က ဧပြီ ၃ ရက်တွင် ပြောကြားသည်။

မီးလောင်ကျွမ်းခံရပြီး သေဆုံးသွားသော အမျိုးသား ၁၁ ဦးနှင့် အမျိုးသမီး ၄ ဦးတို့ မည်သူမည်ဝါဖြစ်သည်ကို ယနေ့ညနေ ၆ နာရီတွင် အပြီးသတ်ထုတ်ပြန်ပေးမည်ဟု မကွေးမြို့နယ် ရဲတပ်ဖွဲ့မှူး ရဲမှူးတင်ထွန်းက ပြောသည်။

လောလောဆယ်တွင် မီးလောင်သေဆုံးသူ ၁၀ ဦး၏ အမည်စာရင်းများ ထွက်ပေါ်လာခဲ့ပြီး ကျန် ၅ ဦး၏အမည်နာမများကို အတည်မပြုနိုင်သေးချေ။

မီးလောင်မှုတွင် ဒဏ်ရာရရှိခဲ့သည့် မ၀တ်ရည် (အသက် ၁၉ နှစ်) မန္တလေးချမ်းအေးသာဇံမြို့နယ်နေသူအား မကွေးတိုင်းဆေးရုံးတွင် ကုသပေးလျက်ရှိကြောင်းနှင့် လောလောဆယ်တွင် အသက်အန္တရာယ်မစိုးရိမ်ရသော်လည်း စိတ်ချရသည့်အနေအထားမရှိကြောင်း ခွဲစိတ်ဆရာဝန်ကြီး ပါမောက္ခ ဦးမိုးမြင့်က ပြောသည်။

မီးလောင်မှုဖြစ်ပွားသော ရွှေမြတ်မင်းသမီးအအေးခန်းစားသောက်ဆိုင်ပိုင်ရှင်မှာ ဦးရဲညွန့်အသက်(၅၂)နှစ် ဖြစ်ပြီး မကွေးမြို့မရဲစခန်းမှ (ပ) ၁၉၁/၁၇ ရာဇသတ်ကြီးပုဒ်မ ၂၈၅/၃၀၄ (က) အရ အမှုဖွင့် အရေးယူဆောင်ရွက်လျက်ရှိကြောင်း မကွေးမြို့နယ်ရဲတပ်ဖွဲ့မှူး ရဲမှူးတင်ထွန်းက ပြောဆိုသည်။

စောကျော်ဝင်း
News Watch
https://www.facebook.com/NewsWatchJournal/


( ရှမ်းပြည်နယ်မြောက်ပိုင်း၊ လောက်ကိုင်မြို့ကို တွေ့ရစဉ် ) Photo: Kan Thar/ RFA
တိုက်ပွဲတွေကြောင့် နယ်မြေမတည်ငြိမ်မှုတွေဖြစ်ပွားခဲ့ပြီး ဒေသခံတွေထွက်ပြေးတိမ်းရှောင်ခဲ့ကြတဲ့ ရှမ်းပြည်နယ် ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့နယ်မှာ အစိုးရရုံးတွေ ဒီနေ့ ပြန်လည်ဖွင့်လှစ်နေပြီဖြစ်ပါတယ်။

လောက်ကိုင်မြို့အခြေစိုက် အစိုးရရုံးတွေ အားလုံးနီးပါး ပြန်ဖွင့်ထားပြီး ၀န်ထမ်းတွေနဲ့ အရပ်ဖက် အဖွဲ့တွေ စုပေါင်းပြီး သန့်ရှင်းရေးတွေ စလုပ်နေတယ်လို့ လောက်ကိုင်မြို့ကြက်ခြေနီအဖွဲ့ဝင် ဦးစောရွှေမြင့်က ပြောပါတယ်။

"အခုရုံးတွေက အကုန်နီးနီး ပြန်ဖွင့်နေပါပြီ အခုဝန်ထမ်းတွေနဲ့ ကျနော်တို့ကြက်ခြေနီနဲ့ ပရဟိတအဖွဲ့တွေ စည်ပင်အဖွဲ့တွေနဲ့ စုပေါင်းပြီး သန့်ရှင်းရေးတွေလုပ်နေပါတယ်။ မြို့ရွာသန့်ရှင်းရေးတွေ ကိုလုပ်နေတယ်ပေါ့"

ရှမ်းပြည်နယ်မြောက်ပိုင်း၊ လောက်ကိုင်မြို့နယ်မှာ တပ်မတော်နဲ့ ကိုးကန့်လက်နက်ကိုင်တပ်ဖွဲ့ MNDAA တို့အကြား ပြီးခဲ့တဲ့ မတ်လ ၆ ရက်နေ့စပြီး တိုက်ပွဲတွေ ပြန်လည်ဖြစ်ပွားခဲ့တာဖြစ်ပါတယ်။

တိုက်ပွဲတွေကြောင့် ကျောင်းဆရာမ တစ်ယောက်အပါအ၀င် အရပ်သား ၂၀ လောက် သေဆုံးခဲ့ရ တယ်လို့ နိုင်ငံတော် အတိုင်ပင်ခံရုံးက ထုတ်ပြန်ထားပါတယ်။

ဒါ့အပြင် တိုက်ပွဲကြောင့် တရုတ်နိုင်ငံဘက်ကို ထွက်ပြေးတိမ်းရှောင်နေတဲ့ဒေသခံ ၂ သောင်း ကျော်ရှိပြီး လောက်ကိုင်မှာ သွားရောက်အလုပ်လုပ်ကိုင်နေကြတဲ့ ဒေသအသီးသီးက အလုပ်သမားတွေလည်း နေရပ်ပြန်ခဲ့ကြရပါတယ်။

RFA Burmese
https://www.facebook.com/rfaburmese


Red Bull အားဖြည့် အချိုရည်ကို တီထွင် ထုတ်လုပ်ခဲ့တဲ့ ထိုင်းဘီလျံနာ သူဌေးကြီးရဲ့ မြေးဖြစ်သူ That Vorayuth Yoovidhaya ဟာ ထိုင်းရဲအရာရှိ တယောက် သေဆုံးခဲ့မှုနဲ့ ဘန်ကောက် အစိုးရရှေ့နေ ရုံးမှာ လာရောက် အစစ်ဆေးခံဖို့ ထပ်မံ ပျက်ကွက်ခဲ့ပါတယ်။

၂၀၁၂ ခုနှစ် စက်တင်ဘာ ၃ ရက်တုန်းက သူ မောင်းလာတဲ့ ဖရာရီ ကားနဲ့ မတော်တဆ တိုက်မိခဲ့လို့ ရဲအရာရှိ Wichian Klanprasert သေဆုံးခဲ့ပါတယ်။

Red Bull သူဌေးကြီးရဲ့ အမွေခံ မြေး Yoovidhaya ကို တရားဥပဒေရှေ့မှောက် အရောက် ခေါ်နိုင်ဖို့ ကြိုးစားနိုင်ခြင်း မရှိသေးတာဟာ ထိုင်းနိုင်ငံမှာ ကျိကျိတက် ပိုက်ဆံရှိသူတွေကို တရားဥပဒေအရ ကိုင်တွဲ အရေးယူဖို့ ခက်ခဲနေတာကို ဖော်ပြတဲ့ အကောင်းဆုံး ပြယုဂ် ဖြစ်နေပါတယ်။


အမှု ဖြစ်စဉ် အစမှာတော့ သူဌေးကြီး မိသားစုဘက်က သူတို့ရဲ့ အလုပ်သမား ကားမောင်းဆရာ တယောက်ကို အရေးယူဖို့ ထိုင်းရဲ တပ်ဖွဲ့ကို ဖျောင်းဖျခဲ့ပါတယ်။ ဒါပေမယ့် စုံစမ်းတွေ့ရှိမှုတွေအရ ယာဉ်တိုက်မှု ဖြစ်စဉ်မှာ ကားကို မြေးဖြစ်သူ (အဲဒီတုန်းက အသက် ၂၇ နှစ်) ကိုယ်တိုင် မောင်းခဲ့တယ်ဆိုတာက ထင်ရှားလာပါတယ်။

အခင်းဖြစ်ပြီးပြီးချင်း သူ့ကို သွားရောက်စစ်ဆေးချိန်မှာလည်း သွေးထဲမှာ အရက် ပမာဏ အတော်များများ တွေ့ရှိခဲ့လို့ ကားမောင်းချိန်မှာ အမူးလွန်နေကြောင်း ထင်ရှားခဲ့ပေမယ့် ကာယကံရှင်ဘက်ကတော့ အိမ်ပြန်ရောက်မှ အရက်သောက်ခဲ့တယ်လို့ ငြင်းဆိုပါတယ်။

ဒါ့အပြင် လုံခြုံရေးကင်မရာဗီဒီယို တွေကို စစ်ဆေးခဲ့ပြီး အမြင့်ဆုံး မိုင်နှုန်း ၁ နာရီ ၈၀ ကီလိုမီတာ ကန့်သတ်ထားတဲ့ နယ်မြေ အတွင်းမှာ ဖရာရီ ကားဟာ ၁ နာရီကို ကီလိုမီတာ ၁၇၀ နှုန်း (၁၀၆ မိုင်) နဲ့ မောင်းနှင်ခဲ့ကြောင်း တွေ့ရှိခဲ့ပါတယ်။ ဒါကိုလည်း သူဌေးကြီးရဲ့ မြေး ဘက်က ရှေ့နေ က ငြင်းဆိုထားပါတယ်။

ဒီအမှုကို ရာဇဝတ်မှုအဖြစ် စွပ်စွဲ နိုင်ဖို့ ရဲတပ်ဖွဲ့ဟာ ၆ လကြာအောင် ပြင်ဆင်ခဲ့ရပါတယ်။ အခုဆိုရင် မြန်နှုန်းကျော် ကားမောင်းမှု၊ မဆင်မခြင် ကားမောင်းပြီး လူသေဆုံးစေမှုနဲ့ အမှုဖြစ်ပွားပြီး ထွက်ပေးမှုတွေနဲ့ တရားစွဲထားပါတယ်။

ဒါပေမယ့် ၂၀၁၃ ခုနှစ် တနှစ်လုံး အမှု ကြားနာဖို့ ဆင့်ခေါ်ခဲ့ရာမှာ သူဌေးကြီးရဲ့ မြေးဖြစ်သူဟာ လာရောက်ဖို့ ၇ ကြိမ် ပျက်ကွက်ခဲ့ပါတယ်။ ဒီ့အတွက် စီးပွား လုပ်ငန်းကိစ္စနဲ့ နိုင်ငံခြား ခရီးထွက်နေလို့က အစ ကျန်းမာရေး မကောင်းဘူး အဆုံး အကြောင်းအမျိုးမျိုး သူ့ ရှေ့နေက ပေးပါတယ်။

ယာဉ်တိုက်မှု ဖြစ်ပြီးကတည်းက မြေးဖြစ်သူဟာ လူအများမြင်ကွင်းရှေ့က ပျောက်ကွယ်နေပါတယ်။ ဒါပေမယ့် အွန်လိုင်းလူမှုကွန်ရက်တွေမှာတော့ သူ တင်တဲ့ ပို့စ်တွေ ရှိပါတယ်။ အချိန်ကာလ တချို့မှာ ထိုင်းနိုင်ထဲမှာလည်း နေထိုင်နေသလို နိုင်ငံတကာ ပြိုင်ကား ပွဲ တွေနဲ့ အပန်းဖြေ ကမ်းခြေတွေ သွားလေ့ရှိကြောင်း ရင်းနှီးတဲ့ မိတ်ဆွေတွေက ပြောကြပါတယ်။


Red Bull ပိုင်ရှင် မိသားစုရဲ့ ကြွယ်ဝချမ်းသာမှုဟာ အမေရိကန် ဒေါ်လာ ၂၀ ဘီလျံ (ပေါင် ၁၆ ဘီလျံ) ကျော် ရှိတယ်လို့ ခန့်မှန်းကြပါတယ်။ Red Bull အမှတ်တံဆိပ် တွေကိုလည်း နိုင်ငံတကာ အနှံ့မှာ တွေ့မြင်ရပြီး အထူးသဖြင့် အားကစားပြိုင်ပွဲနဲ့ စတန့် ပြိုင်ပွဲ တွေမှာ အများအပြား တွေ့ရတတ်ပါတယ်။

ဘီဘီစီမြန်မာပိုင်း
https://www.facebook.com/bbcburmese/



SNLD တွဲဖက်အတွင်းရေးမှူး ၂ ဦးစိုင်းကျော်ညွန့်ကို ဧပြီလ ၃ ရက်နေ့က တွေ့ရစဉ်။ Photo: Kyaw Zin Than/ RFA
ကြားဖြတ်ရွေးကောက်ပွဲမှာ အနိုင်ရရှိခဲ့တဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD လွှတ်တော် ကိုယ်စားလှယ် ၆ ဦးကို အမျိုးသားဒီမိုကရေစီအဖွဲ့ချုပ် NLD အစိုးရနဲ့ ပူးပေါင်းဆောင်ရွက်ဖို့ ညွှန်ကြားထားတယ်လို့ SNLD တွဲဖက်အတွင်းရေးမှူး ၂ ဦးစိုင်းကျော်ညွန့် က ပြောပါတယ်။

SNLD က လစ်လပ်မဲဆန္ဒနယ် ၇ နေရာမှာ ၀င်ရောက်ယှဉ်ပြိုင်ရာ မိုင်းရှူးနဲ့ ကျေးသီးက နေရာ ၆ နေရာစလုံးမှာ အနိုင်ရရှိခဲ့တာ ဖြစ်ပါတယ်။ SNLD ကိုယ်စားလှယ်တွေကို ညွှန်ကြားထားတဲ့အကြောင်း ဦးစိုင်းကျော်ညွန့် က အခုလိုပြောပါတယ်။

"ကျနော်တို့ ပါတီအနေနဲ့ကတော့ ကိုယ်စားလှယ်တွေအားလုံးကို ညွှန်ကြားထားတာက အခုလက်ရှိ NLD အစိုးရနဲ့လည်း ပူးပေါင်းပြီး လုပ်ဆောင်သွားဖို့လည်း ညွှန်ကြားထာပါတယ်၊ နောက်တစ်ခုသေချာတာက ဒီမိုကရေစီကို ယုံကြည်တဲ့ ဖက်ဒရယ်ပြည်ထောင်စု တည်ဆောက်ရေးကို ယုံကြည်ပါတယ်ဆိုတဲ့ မည်သည့် အဖွဲ့အစည်းကိုမဆို ကျနော်တို့က လက်တွဲသွားမယ်ဆိုတာလည်း ကျနော်တို့ပါတီရဲ့ မူဝါဒတစ်ခုဖြစ်ပါတယ်"

ရှမ်းတိုင်းရင်းသား ဒီမိုကရေစီအဖွဲ့ချုပ် SNLD က ရှမ်းပြည်နယ် မိုင်းရှူး၊ ကျေးသီးနဲ့ ကျိုင်းတုံ မြို့နယ်တွေမှာ ဝင်ရောက်ယှဉ်ပြိုင်ခဲ့တာဖြစ်ပြီး ကျိုင်းတုံမြို့နယ် ပြည်နယ်လွှတ်တော်တစ်နေရာမှာ ရှုံးနိမ့်ခဲ့တာဖြစ်ပါတယ်။

NLD အစိုးရအနေနဲ့ လုပ်ပိုင်ခွင့်ရှိချိန်မှာ တိုင်းရင်းသားဒေသတွေက တိုင်းရင်းသားတွေရဲ့ အခွင့်အရေးတွေကို ပိုမိုဖွံ့ဖြိုးတိုးတက်အောင် လုပ်ဆောင်ပေးဖို့ လိုကြောင်း ဦးစိုင်းကျော်ညွန့်က ပြောပါတယ်။

ကြားဖြတ်ရွေးကောက်ပွဲမှာ အနိုင်ရရှိခဲ့တဲ့ SNLD ပါတီအနေနဲ့ ပါတီရဲ့ မူဝါဒအတိုင်း ငြိမ်းချမ်းရေးကို ဦးစားပေးဆောင်ရွက်သွားမယ်လို့လည်း ပြောပါတယ်။

RFA Burmese
http://www.rfa.org/burmese