04/12/17


ဆယ်သွယ်ရေးဥပဒေ ပုဒ်မ ၆၆ဃ နဲ့ ထောင်ဒဏ် ၆ လ ချမှတ်ခံထားရတဲ့ အမျိုးသားဒီမိုကရေစီအဖွဲ့ချုပ် သုတေသနဌာနရဲ့ ဒုတိယတာဝန်ခံ ဦးမျိုးရန်နောင်သိမ်းဟာ ဒီကနေ့ လွတ်ရက်စေ့ခဲ့တာကြောင့် အင်းစိန်အကျဉ်းထောင်ကနေ လွတ်မြောက်ခဲ့ပါတယ်။


 ဦးမျိုးရန်နောင်သိမ်းဟာ ကာကွယ်ရေးဦးစီးချုပ်ကို စော်ကားတဲ့စာကို လူမှုကွန်ရက်ဖေ့ဘွတ်ပေါ်မှာတင်ခဲ့တာကြောင့် ဆက်သွယ်ရေးဥပဒေနဲ့ တရားစွဲဆို ဖမ်းဆီးထောင်ချခံခဲ့ရတာဖြစ်ပါတယ်။

Photo: Htet Arkar,Aung Thein Kha/RFA
RFA Burmese
https://www.facebook.com/rfaburmese

၁၉၈၃ခုနှစ် အောက်တိုဘာလ (၉)ရက်နေ့က အာဇာနည်ဗိမာန် ဗုံးခွဲတိုက်ခိုက်ခံရစဉ်
မြောက်ကိုရီးယားသူလျှိုတွေကို ပြစ်ဒဏ်စီရင်ခဲ့တဲ့ မြန်မာတရားသူကြီးတဦးရဲ့ သမီး ဂျပန်နိုင်ငံမှာ ၁၉၈၅ခုနှစ်က ရုတ်တရက် သေဆုံးမှုမှာ မြောက်ကိုရီးယားက ပတ်သက်နေတယ်လို့ တောင်ကိုးရီးယားနိုင်ငံခြားရေးဌာနက အင်္ဂါနေ့က အများပြည်သူသိအောင်ထုတ်ပြန်တဲ့ လျှိုဝှက်စာတမ်းမှာ ဖေါ်ပြထားပါတယ်။

၁၉၈၃ခုနှစ်က မြန်မာနိုင်ငံကို ချစ်ကြည်ရေးခရီးစဉ်အဖြစ်လာရောက်ခဲ့တဲ့ တောင်ကိုးရီးယားသမ္မတ Chun Doo-hwan နဲ့ အစိုးရအဖွဲ့ကို အာဇာနည်ဗိမာန်မှာ ဗုံးဖောက်ခွဲလုပ်ကြံမှုကြောင့် အရှင်ဖမ်းဆီးရမိခဲ့တဲ့ မြောက်ကိုးရီးယားသူလျှိုနှစ်ဦးဟာ မြန်မာနိုင်ငံမှာ သေဒဏ်နဲ့ ထောင်ဒဏ် တသက် အပြစ်ပေးခံခဲ့ရတာဖြစ်ပါတယ်။

မအင်ကြင်းနိုင်က အကြောင်းစုံကို ဆက်ပြီးတင်ပြမှာပါ။

တောင်ကိုရီးယားနိုင်ငံခြားရေးဌာနကနေ ဧပြီလ (၁၁)ရက်နေ့က အများပြည်သူသိအောင် ထုတ်ပြန်တဲ့ လျှို့ဝှက်သတင်းစာမျက်နှာပေါင်း ၂၃၀,၀၀၀ ထဲမှာ မြန်မာနိုင်ငံနဲ့ ပတ်သက်လို့ တမျက်နှာပါဝင်ခဲ့ပါတယ်။

အဲဒါကတော့ ၁၉၈၃ခုနှစ် အောက်တိုဘာလ (၉)ရက် အာဇာနည်ဗုံးဖောက်ခွဲမှုနဲ့ ပတ်သက်ပြီး အရှင်ဖမ်းဆီးရမိတဲ့မြောက်ကိုရီးယားသူလျှို ဗိုလ်မှုး Zin Mo နဲ့ ဗိုလ်ကြီး Kang Min Chul တို့နှစ်ဦးကို သေဒဏ်နဲ့ ထောင်ဒဏ်တသက် အမိန့်ချမှတ်ခဲ့တဲ့ တရားသူကြီး ၃ ဦးထဲက တရားသူကြီး ဦးခင်ဇာမုန်ရဲ့ သမီးဟာ ၁၉၈၅ ခုနှစ်က ဂျပန်နိုင်ငံကို ပညာတော်သွားစဉ်မှာ ရုတ်တရက်သေဆုံးခဲ့တာဖြစ်ပါတယ်။ ဦးနေ၀င်း မဆလ အစိုးရလက်ထက် ချင်းလူမျိုး တရားသူကြီး ဗိုလ်မှူးဟောင်း ဦးခင်ဇာမုန်နဲ့ ပတ်သက်လို့ နီးစပ်သူတဦးဖြစ်တဲ့ အမေရိကန်ပြည်ထောင်စုမှာ နေထိုင်နေတဲ့ ဒေါက်တာ Rodinga က အခုလိုပြောပြပါတယ်။

“ဗိုလ်မှူးကြီး ခင်ဇာမုန်က လွတ်လပ်ရေးရစမှာ ဖွဲ့စည်းတဲ့ ချင်းတပ်ရင်း (၁) (၂) (၃) ထဲမှာ အတွင်းရေးမှူး၊ ကွပ်ကဲရေးမှူး၊ ချင်းထဲမှာတော့ ပထမဆုံးနီးပါးလောက် ဗိုလ်မှူးကြီး ဖြစ်လာတာပေါ့။ နောက်ဦးနေ၀င်းလက်ထက်မှာ နိုင်ငံတော်ကောင်စီဝင်မှာ ဗိုလ်မှူးကြီး ဗန်ကွတ်နဲ့ ဗိုလ်မှူးကြီး ခင်ဇာမုန်တို့ပါတယ်။ နောက်ပိုင်း နိုင်ငံတော် တရားသူကြီးအဖွဲ့ဝင်ထဲမှာ ပါလာတယ်။ အဲဒီလို နိုင်ငံတော် တရားသူကြီးအဖွဲ့ဝင်ဖြစ်တဲ့ အချိန်မှာ အာဇာနည်ဗိမာန် ဗုံးကွဲတဲ့ကိစ္စ၊ မြောက်ကိုရီးယား အေဂျင့် သုံးယောက်က ဗုံးခွဲတယ်ပေါ့နော်။ ၁၉၈၃ခုနှစ်မှာ ဖြစ်တာပေါ့။ မြောက်ကိုရီးယားဗုံးခွဲတဲ့သူတွေကို နိုင်ငံတော်အဆင့် တရားစီရင်တဲ့အခါမှာ တရားသူကြီး ဦးခင်ဇာမုန်လည်းပါဝင်ခဲ့တယ်လို့ ကျနော် မှတ်မိပါတယ်။

မေး။ ။ သူ့သမီးက ဂျပန်မှာ ၁၉၈၅ခုနှစ်က သေဆုံးခဲ့တဲ့အမှုမှာ မြောက်ကိုရီးယားဘက်က ပြန်ပြီးလက်စားချေတဲ့လက်ချက်ဖြစ်တယ်လို့ တောင်ကိုရီးယားဘက်က ယူဆတယ်။ သူတို့ အထောက်အထားတွေ တွေ့ရတယ်ဆိုပြီး တောင်ကိုရီးယားအစိုးရဘက်က မနေ့က အများပြည်သူ သိအောင် ထုတ်ပြန်တဲ့ လျှို့ဝှက်မှတ်တမ်းမှာ ပါလာတဲ့အတွက် သူ့သမီး ဂျပန်ကို ပညာတော်သင်သွားတဲ့အချိန်မှာ သေဆုံးခဲ့တာနဲ့ ပတ်သက်လို့ ဘယ်လို သိခဲ့လဲရှင့်။

ဖြေ။ ။ ကျနော်အထောက်အထား အတိအကျတော့ မသိဘူး။ ဗိုလ်မှူးကြီး ခင်ဇာမုန်ရဲ့ သမီးက စာတော်တယ်။ တက္ကသိုလ်မှာ လက်ထောက်ကထိကလား မသိဘူး။ သူရဲ့ အမျိုးသားက ဗမာ။ မြန်မာ့ရုပ်မြင်သံကြားမှာ ညွန်ကြားရေးမှူးအဆင့်ရောက်တယ်ထင်တယ်။ ဂျပန်ကိုသွားပြီးတော့ တိုကျိုမှာ ပညာတော်သင်သွားတဲ့အခါမှာ ဗိုလ်မှူးကြီးခင်ဇာမုန်က မြောက်ကိုရီးယားအေဂျင့်တွေကို သေဒဏ်ပေးတယ်ဆိုတဲ့ ဟာနဲ့ မြောက်ကိုရီးယားထောက်လှမ်းရေးတွေက သူ့သမီး ဂျပန်ရောက်တဲ့နေရာကို ခြေရာခံပြီးတော့ ရေချိုးခန်းမှာ သတ်ဖြတ်သွားတယ်လို့ ကျနော်တို့ သိခဲ့ရတယ်။ အဲဒီခေတ်တွေက ၁၉၈၀ ကျော်တွေက မဆလ ဦးနေ၀င်းလက်ထက်ဆိုတော့ သတင်းကို အမှောင်ချထားတယ်။ သတင်းကိုလွတ်လွတ်လပ်လပ် ဖွင့်မချတဲ့အခါမှာ ဘေးအပြင်ကနေ ကြားရတာပေါ့။

တောင်ကိုရီးယားနိုင်ငံခြားရေးဌာနရဲ့ ထုတ်ပြန်ချက်မှာတော့ ၁၉၈၆ခုနှစ်မှတ်တမ်းအရ အဲဒီအချိန်က ဂျီနီဗာဆိုင်ရာ တောင်ကိုရီးယား သံအမတ်ကြီး Lee Sang-ok ကနေ မြန်မာသံအမတ်ကြီး ဦးသိန်းထွန်းနဲ့ တွေ့ဆုံစဉ်မှာတရားသူကြီး ဦးခင်ဇာမုန်ရဲ့ သမီး ဂျပန်နိုင်ငံမှာ သေဆုံးခဲ့တာနဲ့ပတ်သက်လို့ သံသယဖြစ်စရာတွေရှိနေတဲ့အတွက် အရေးယူဆောင်ရွက်ဖို့ ပြောဆိုခဲ့ကြောင်း ဖေါ်ပြထားပါတယ်။

စုံစမ်းစစ်ဆေးသူတွေဟာ သေဆုံးသူအမျိုးသမီးအလောင်းရှိတဲ့နေရာမှာ မြောက်ကိုရီးယားစီးကရက်အတိုအစတွေကို တွေ့ရှိခဲ့ကြောင်း တောင်ကိုရီးယားသံအမတ်ကြီးက မြန်မာသံအမတ်ကြီးကို ပြောပြခဲ့တယ်လို့ ဆိုပါတယ်။ ဒါအပြင် သေကြောင်းကြံစည်ရလောက်အောင် အထောက်အထား မတွေ့ရဘူးလို့လဲ တောင်ကိုရီးယားသံအမတ်ကြီးက ပြောဆိုခဲ့ကြောင်းဖေါ်ပြထားပါတယ်။ မြောက်ကိုးရီးယားတလျှိုတွေအပေါ် ဖခင်ဖြစ်သူရဲ့ စီရင်ချက်ကြောင့် မြောက်ကိုရီးယားက ပြန်ပြီးလက်စားချေတာဖြစ်နိုင်တယ်လို့ ယူဆကြောင်း တောင်ကိုးရီးယား အစိုးရရဲ့ ထုတ်ပြန်ချက်မှတ်တမ်းက ဆိုပါတယ်။

တောင်နဲ့ မြောက် ကိုရီးယား နှစ်နိုင်ငံလုံးနဲ့ ဆက်ဆံရေးရှိခဲ့တဲ့ သမ္မတ ဦးစန်းယု ဆိုရှယ်လစ်အစိုးရ လက်ထက် ချစ်ကြည်ရေးခရီး အဖြစ်ရောက်ရှိလာတဲ့ တောင်ကိုရီးယားသမ္မတ Chun Doo-hwan ကို မြောက်ကိုရီးယားသူလျှိုသုံးဦးက အာဇာနည်ဗိမာန်မှာ ဗုံးဖောက်ခွဲလုပ်ကြံရာမှာ Chaun Doo-hwan ဟာ လမ်းမှာ ကြန့်ကြာနေချိန် အသက်မသေခဲ့ပေမယ့် တောင်ကိုရီးယားအစိုးရအဖွဲ့ဝင်ဝန်ကြီး လေးဦးအပါအ၀င် အရာရှိတွေနဲ့ မြန်မာနိုင်ငံသား လေးဦး စုစုပေါင်း (၂၁)ဦး သေဆုံးခဲ့ပြီး သမ္မတနဲ့ အတူလိုက်ပါလာသူ ၁၄ ဦး အပါအ၀င် စုစုပေါင်း (၄၆) ဦးဒဏ်ရာရရှိခဲ့ပါတယ်။ အဲဒီဗုံးခွဲလုပ်ကြံမှု နောက်ပိုင်းမှာ မြောက်ကိုရီးယားနိုင်ငံနဲ့ သံတမန်ရေးအဆက်အသွယ်ကို မြန်မာအစိုးရက ဖြတ်တောက်ခဲ့ပါတယ်။

မြောက်ကိုရီးယားသူလျှို သုံးဦးထဲက Sin Kae Chol ကို ကော့မှူးမြို့နယ် သခွပ်ပင်ကျေးရွာမှာ ရဲနဲ့ စစ်တပ်က အသေဖမ်းဆီးခဲ့ပါတယ်။ ဗိုလ်မှူး Zin Mo ကိုတော့ သေဒဏ်အမိန့်ချမှတ်ခဲ့ပါတယ်။ နောက်တဦးဖြစ်တဲ့ Kang Min Chul ကတော့ တရားရုံးမှာ ဖြောင့်ချက်ပေးတဲ့ အတွက် ထောင်ဒဏ်တသက် အပြစ်ပေးခဲ့ပြီး အင်းစိန်ထောင်မှာ နှစ်အကြာဆုံး အကျဉ်းသားတဦးအဖြစ် ၂၀၀၈ခုနှစ် မေလ (၁၈)ရက်နေ့မှာ အသည်းကင်ဆာနဲ့ ကွယ်လွန်ခဲ့ပါတယ်။

အင်ကြင်းနိုင်   / ဗွီအိုအေ (မြန်မာပိုင်း)
http://burmese.voanews.com


ဧပြီလ ၁၂ ရက်​​နေ့ ယနေ့ မနက်​၂ နာရီ​ကျော်​ အချိန်​ခန့်​က မွန်ပြည်နယ် ​ပေါင်​မြို့ နယ်​ ဥတ္တံတား​ကျေးရွာ ထန်းပင်​တန်းနားတွင်​ အသင့်ပုန်း၍​ စောင့်​​နေကြ​သော လူငယ်​ ၁၅ ​ယောက်​ခန့်​မှ
ဇင်းကျိုက်​ဘုရားပွဲကပြန်​လာသူ ထန်းပင်​​ချောင်​ကြီး​ကျေးရွာမှ လူငယ်​ ၃​ယောက်​အား ပါလာသည့် ​ရွှေများ ချွတ်​ခိုင်းပြီး ၀ိုင်းရိုက်​သဖြင့် တစ်​​ယောက်​ဒဏ်​ရာရကာ ​ပေါင်​​ဆေးရုံတွင် ​တင်​ပို့ကုသ​နေရ​ကြောင်း လူနာမိသားစုမှ ​ပြောဆိုချက်အရ သိရသည်။

​Paung Daily
https://www.facebook.com/paungdaily/



ရခိုင်ပြည်နယ် စစ်တွေမြို့အနီးက ဒါးပိုင် မွတ်စလင်ဒုက္ခသည်စခန်းကို တွေ့ရစဉ်။ Photo: Min Thein Aung/ RFA
ရခိုင်ပြည်နယ်မှာ လွန်ခဲ့တဲ့ငါးနှစ်က စတင်ဖြစ်ပွားခဲ့တဲ့ ဘာသာလူမျိုး ပဋိပက္ခတွေကြောင့် နေရာရွှေ့ပြောင်း ချထားပေးခဲ့ရတဲ့ စခန်းသုံးခုကို အစိုးရက စတင် ပိတ်သိမ်းနေပြီလို့ သိရပါတယ်။

ကုလသမဂ္ဂ အတွင်းရေးမျူးချုပ်ဟောင် ကိုဖီအာနန် ဦးဆောင်တဲ့ စုံစမ်းရေးကော်မရှင်ရဲ့ အကြံပြုချက် အရ စခန်းတွေ ပိတ်ဖို့ပြင်ဆင်နေတာဖြစ်ပါတယ်။ ရခိုင်ပြည်နယ် ပဋိပက္ခပြေလည်ရေးအတွက် ချမှတ်ထား တဲ့ ဆောင်ရွက်ချက်တွေထဲက တစိတ်တပိုင်းအနေနဲ့ အခုလို စခန်းတွေပိတ်ဖို့ စီစဉ်နေတာ ဖြစ်ကြောင်းလည်း AFP သတင်းက ဖော်ပြပါတယ်။

စတင်ပိတ်သိမ်းနေတဲ့ စခန်း သုံးခုကတော့ ကျောက်ဖြူမှာရှိတဲ့ ရခိုင်တိုင်းရင်းသားစခန်း၊ စစ်တွေမှာရှိတဲ့ ရိုဟင်ဂျာ မွတ်စလင်စခန်းနဲ့ ကမန်တိုင်းရင်းသား အများစုရှိတဲ့ ရမ်းဗြဲကျွန်းက စခန်းတွေဖြစ်တယ်လို့ အမျိုးသားလုံခြုံရေး အကြံပေး ဦးသောင်းထွန်းက ပြောပါတယ်။ အကြီးဆုံးစခန်းက မွတ်စလင်စခန်းဖြစ်ပြီး အိမ်ခြေနှစ်ရာကျော် ရှိတယ်လို့ ဆိုပါတယ်။

ကိုဖီအာနန်စုံစမ်းရေးကော်မရှင်ရဲ့ အကြံပြုချက်အရ စခန်းသုံးခုကို စတင်ပိတ်သိမ်းနေပြီဖြစ်ပေ မယ့် ရွှေ့ပြောင်းရသူအားလုံးကို ဘယ်မှာနေရာချထားမယ်ဆိုတာတော့ လောလောဆယ် မသိရသေးဘူးလို့ သတင်းမှာ ဖော်ပြပါတယ်။

RFA Burmese
http://www.rfa.org/burmese/



ကချင်ပြည်နယ်မှ မူယစ်ဆေးစွဲသူများ
လက်ရှိမူးယစ် ဆေးဝါးဥပေဒပုဒ်မ ၁၅မှာ ဖေါ်ပြထားတဲ့ မူးယစ်ဆေးဝါး သုံးစွဲသူတွေကို ထောင်ဒဏ် ၃နှစ်မှ ၅နှစ်အစား လူမှုရေး ပြစ်ဒဏ်အဖြစ် တရက် ၂နာရီနဲ့ အနည်းဆုံးနာရီ ၁၈၀ ကနေ ၂၄၀ အထိ ချမှတ်မှတ်နိုင်တယ်လို့ ပြင်ဆင်မယ့် ဥပဒေမှာ အစားထိုး ထားကြောင်း ရဲမှူးကြီးတင်ဝင်းက ဘီဘီစီကိုပြောပါတယ်။

အခုအခါ အရေးယူ ထောင်ချတာ ဘာအကျိုးမှမရှိပဲ နိုင်ငံတကာမှာ အပြစ်ပေးသလို လူမှုရေးဆိုင်ရာ ပြစ်ဒဏ်မျိုး ပြောင်းလဲသတ်မှတ်ပေးဖို့ မူးယစ်ဗဟိုနဲ့ ဆက်စပ်အဖွဲ့တွေက ရှေ့နေချုပ်ရုံး အပါအဝင် သက်ဆိုင်ရာ လွှတ်တော်ရေးရာ ကော်မတီတွေကို အကြံပြု တင်ပြ ထားတာဖြစ်ပါတယ်။

မူးယစ်ဆေးစွဲတာကို ရောဂါအဖြစ်အခု သတ်မှတ်တဲ့အတွက် ဆေးစွဲတာကို ဖြတ်တဲ့စခန်းတွေကို အစိုးရကတာဝန်ယူ ကုသပေးနေကြောင်း သိရပါတယ်။ ဒါ့အပြင် အ ခုလိုဆောင်ရွက်တဲ့အတွက် မူးယစ်ဆေး စွဲသူတွေအနေနဲ့ အဖမ်းခံရမှာ မပူပဲ မှတ်ပုံတင်နိုင်လို့ မူးယစ်ဆေးစွဲတဲ့ စါရင်းအလွယ်တကူ ရရှိနိုင်ပြီး မိဘတွေ အနေနဲ့လည်း စိတ်ပူစရာမရှိကြောင်း ပြောပါတယ်။

အခုလို လူမှုရေး ပြစ်ဒဏ်ပေးရာမှာ ရပ်ရွာ သန့်ရှင်တာ သစ်ပင် ခြုံနွယ် ခုတ်ထွင်တာ အိမ်သာကျင်းတူးတာ လမ်းပြင်တာစတဲ့ အကျိုးပြု လုပ်ငန်းတွေကို တနေ့၂နာရီ လုပ်ရမှာဖြစ်လို့ ပြစ်ဒဏ် ခံရသူတွေအနေနဲ့လည်း သိပ်အပမ်းမကြီး နိုင်ကြောင်း အခုပြုပြင်မယ့် စနစ်နဲ့ ပတ်သက်လို့ ပြည်ထဲရေး ဝန်ကြီးဌာနမှ ပြောခွင့်ရ ပုဂ္ဂိုလ် ရဲမှူးကြီး တင်ဝင်းကကြောကြားသွားပါတယ်။

BBC Burmese
http://www.bbc.com/burmese/burma-39570266


အိန္ဒိယနိုင်ငံတွင်းကို ရွှေမှောင်ခိုသွင်းရာမှာ မြန်မာနိုင်ငံကနေ သွင်းတဲ့လမ်းကြောင်းက မှောင်ခိုသမားတွေ ကြား ရေပန်းအစားဆုံးဖြစ်နေတယ်လို့ သိရပါတယ်။

အရင်က ရွှေမှောင်ခိုလမ်းကြောင်းဖြစ်တဲ့ ဘင်္ဂလားနယ်စပ်မှာ လုံခြုံရေးတင်းကြပ်လာတဲ့အတွက် မြန်မာနဲ့ မီဇိုရမ်လမ်းကြောင်းကတဆင့် ကာလကတ္တားကို ရွှေမှောင်ခိုသွင်းလာကြတာပါ။

ပြီးခဲ့တဲ့ သောကြာနေ့က မြန်မာနိုင်ငံဘက်က သွင်းလာတဲ့ရွှေ ၂၁ ကီလိုဂရမ် ဖမ်းဆီးမိခဲ့ပါတယ်။

ဒီနှစ် ဇန်န၀ါရီလကတည်းက အခုထိမြန်မာလမ်းကြောင်းကနေ အမေရိကန်ဒေါ်လာ ၄ သန်း နီးပါးတန်ဖိုးရှိတဲ့ ရွှေ ၈၀ ကီလိုဂရမ် ဖမ်းဆီးရမိခဲ့ပါတယ်။ အဲဒီတန်ဖိုးဟာ ပြီးခဲ့တဲ့နှစ်က ဖမ်းမိခဲ့တဲ့ ရွှေပမာဏ စုစုပေါင်းနီးပါး ရှိတယ်လို့ သိရပါတယ်။

RFA Burmese
http://www.rfa.org/burmese


မူဆယ်မြို့ရှိ မြဝတီဘဏ်နှင့် မြန်မာ့စီးပွားရေးဘဏ်တို့ ဧပြီလ ၁၁ ရက်နေ့ ယနေ့ည ၉း၃၀ အချိန်ခန့်က သောင်းကျန်းသူအဖွဲ့(စီစစ်ဆဲ)မှ လက်နက်ကြီးဖြင့် လာရောက် ပစ်ခတ်ကြောင်း သိရပါတယ်။

ပစ်ခတ်ခံရမှုကြောင့် မြဝတီဘဏ်ရှေ့ ဆိုင်းဘုတ်ကွာကျကာ စီးပွားရေးဘဏ် နောင်ပိုင်းအုတ်နံရံက ရေပိုက်ကျိုး နံရံနည်းနည်းကွာကျပါတယ်။ လူအထိအခိုက်မရှိပါ၊ ပစ်ပြေးတာပါတဲ့။
တပ်မတော်မှ နယ်မြေများ လိုက်လံရှင်းလင်းလျက်ရှိကြောင်း သိရပါတယ်။

Nay Myo (Lashio News)


ဂျာမနီနိုင်ငံက သင်္ဘောကျင်းတစ်ခုဟာ ကမ္ဘာပေါ်မှာ အကြီးဆုံး စာရင်းဝင် စူပါဇိမ်ခံရွက်လှေတစ်စီးကို တည်ဆောက်ရာမှာ တရားမဝင် မြန်မာ့ကျွန်းသစ်တွေကို အသုံးပြုခဲ့ကြောင်း ဂျာမန်ဥပဒေအရာရှိတစ်ယောက်က ထုတ်ဖော် ပြောကြားပါတယ်။ ပြည်သူ့အကျိုး စီးပွားကာကွယ်မှုအထူးပြုရှေ့နေဖြစ်တဲ့ အေဆဲလ်ဘိုင်လာက အိုင်ဒါမြစ်ကမ်းနံဘေးမှာ တည်ရှိတဲ့နိုဘစ္စရက်ခ် သင်္ဘောကျင်းဟာ ရုရှားဘီလျံနာသူဌေးကြီး တစ်ဦးမှာယူတဲ့ ရွက်လှေကို တည်ဆောက်ချိန်မှာ တရားမဝင် ကျွန်းသစ်တွေကိုအသုံးပြုခဲ့တာ ဖြစ် တယ်လို့ စွပ်စွဲခဲ့ပါတယ်။

ဘိုင်လာရဲ့ အဆိုအရ ပြုန်းတီးမှုအန္တရာယ်ကြုံနေရတဲ့ သစ် တောတွေကနေ သစ်ထုတ်ပြီး ပြည်ပကို တင်ပို့မှုကြောင့် အခုနှစ်အစောပိုင်းမှာ ပိတ်ဆို့အရေး ယူခံထားရတဲ့ မြန်မာကုမ္ပဏီ တစ် ခုဟာ Sailing Yacht A တည်ဆောက်ရာမှာ လိုအပ်တဲ့ ကျွန်းသစ်တွေကို ထောက်ပံ့ဖြည့်ဆည်း ခဲ့တာ ဖြစ်တယ်လို့ သိရပါတယ်။ အဲဒီသစ်တွေကို နိုဘစ္စရက်ခ် သင်္ဘောကျင်းက အသုံးပြုခဲ့တာပါ။

သစ်အမျိုးအစား ခွဲခြားလေ့ လာတဲ့ ပညာရှင်တွေဟာ Sailing Yacht Aမှာ ပါရှိတဲ့ သစ်နမူနာ တွေကို ဆန်းစစ်လေ့လာခဲ့ပါ တယ်။ ၁၄၃ မီတာ ရှည်လျားပြီး မော်တာအထောက်အပံ့နဲ့ မောင်း နှင်တဲ့ ဇိမ်ခံရွက်လှေကြီးဟာ အမျိုးအစားတူ ရေယာဉ်တွေထဲမှာ ကမ္ဘာ့အကြီးဆုံး စာရင်းဝင် ဖြစ်ပါတယ်။

ပညာရှင်တွေက သစ်နမူနာ တွေကို စစ်ဆေးတဲ့ အဖြေအရ တရားဝင်ခွင့်ပြုထားတဲ့ ကျွန်းစိုက် ခင်းတွေက ရလာတဲ့ သစ်တွေ မဖြစ်နိုင်ဘူးလို့ အကဲဖြတ်ခဲ့ပါ တယ်။

အဲဒီအစား Sailing Yacht Aမှာ ပါရှိတဲ့ သစ်တွေဟာ အပူပိုင်း ဒေသ မြန်မာနိုင်ငံက ထွက်ရှိတဲ့ သစ်မာတွေဖြစ်မယ်လို့ တစ်ပါ တည်း မှတ်ချက်ပေးခဲ့တယ်။ မြန်မာနိုင်ငံမှာ ကျွန်းသစ်အရိုင်း တုံးတွေ တင်ပို့ခွင့်ကို အစိုးရ ပိတ်ပင်ထားပေမယ့် ခုတ်လှဲမှုတွေ ဆက်လက် ဖြစ်ပွားနေခြင်းက စိုး ရိမ်ဖွယ်ရာ အတိုင်းတာလောက် ရှိလိမ့်မယ်လို့ပါ ဘိုင်လာက DPA သတင်းဌာနကို ပြောပါတယ်။

မြန်မာဟာ ကျွန်းသစ်တွေ သဘာဝအတိုင်း ပေါက်ရောက် ရှင်သန်တဲ့ ရှားရှားပါးပါး ကမ္ဘာ့နိုင်ငံလေးခုမှာ အပါအဝင် ဖြစ်ပါ တယ်။ ဒါပေမဲ့ ၂၀၁၀ ပြည့်နှစ်က စလို့ ပျမ်းမျှ သစ်တောမြေဧက ၁ ဒသမ ၃ သန်းလောက် နှစ်စဉ်

ဆုံးရှုံးနေကြောင်း ကုလသမဂ္ဂ စားနပ်ရိက္ခာနဲ့ စိုက်ပျိုးရေးအဖွဲ့ အစီရင်ခံစာမှာ ဖော်ပြခဲ့ပါတယ်။

ဇိမ်ခံရွက်လှေကြီးမှာ အသုံး ပြုထားတဲ့ သစ်တွေကို ဘယ်နေ ရာက ခုတ်ယူလာသလဲ ဆိုတာကို တိတိကျကျ မသိရသေးဘူးလို့ ဘိုင်လာက ပြောပါတယ်။ အဲဒီ သစ်တွေကို အစိုးရထိန်းချုပ်မှု ဆက်စပ်ပါဝင်တဲ့ မြန်မာ့သစ်လုပ် ငန်း (MTE)က စပိန်ကုမ္ပဏီ Teak Solutionsကို တစ်ဆင့်ခံ ရောင်းချ ခဲ့တယ်လို့ ဆိုတယ်။ ဒါကို သင်္ဘောကျင်းဘက်က သိပြီးသားဖြစ်လိမ့် မယ်လို့ ဘိုင်လာက ပြောပါတယ်။

တရားမဝင် ခုတ်လှဲထားတဲ့ ကျွန်းသစ်တွေ တင်ပို့မှုနဲ့ ပတ်သက်ပြီး ပထမဆုံး အချက်ပေး ခေါင်းလောင်းထိုးခဲ့တာက ဗြိတိန် အခြေစိုက် အင်န်ဂျီအိုအဖွဲ့အစည်းတစ်ခုဖြစ်တဲ့ သဘာဝ ပတ်ဝန်းကျင်ဆိုင်ရာ စုံစမ်းလေ့လာရေး အေဂျင်စီ (EIA) ဖြစ်ပါတယ်။ ပြီးခဲ့တဲ့နှစ် အောက်တိုဘာမှာ နှစ်လကြာ ခြေရာခံ စုံစမ်းမှုတွေကို အခြေတည်ပြီး Teak Solutionsနဲ့ တခြား ဥရောပသစ်ကုမ္ပဏီ ရှစ်ခု တို့ဟာ သူတို့တင်သွင်းနေတဲ့ သစ် တွေရဲ့ မူလရင်းမြစ်ဇာတိကို ရည်ရွယ်ချက်ရှိရှိ မျက်ကွယ်ပြုခဲ့ ကြောင်း EIAက ထုတ်ဖော်စွပ်စွဲ ခဲ့ပါတယ်။

အဲဒီအချိန်က EIAရဲ့ ထုတ် ပြန်ချက်မှာ Sailing Yacht A တည်ဆောက်မှုနဲ့ ပတ်သက်တဲ့ အချက်အလက်တွေကို ထည့် သွင်းဖော်ပြထားပါတယ်။ ထုတ် ပြန်ချက်မှာ ‘EIA အနေနဲ့ ရွက်လှေ တည်ဆောက်မှုမှာ အသုံးပြုထား တဲ့ ကျွန်းသစ် အစိတ်အပိုင်း ၁,၂၇၈ ခု၊ တန်ဖိုးအားဖြင့် ယူရို ၁၇၄,၇၅၀ (ဒေါ်လာ ၁၈၆,၀၀၀)ကို ဆန်းစစ်ခဲ့ကြောင်း၊ အဲဒီထဲမှာ Teak Solutionsက တစ်ဆင့်ခံ ရောင်းချထားတဲ့ မြန်မာ့ကျွန်းသစ် တွေ ပါဝင်ကြောင်း၊ အဲဒီကျွန်းသစ် တွေ တင်ပို့မှုဟာ ဥရောပသမဂ္ဂရဲ့ သစ်မူဝါဒ (EUTR)တွေကို တိုက် ရိုက်ချိုးဖောက်ထားကြောင်း’ ပါ ရှိနေပါတယ်။

‘‘ကုမ္ပဏီကိုးခုစလုံးဟာတင်သွင်းလာတဲ့ ကျွန်းသစ်တွေရဲ့ မူလရင်းမြစ်ကိုပြသဖို့ ပျက်ကွက်ခဲ့တယ်။ သက်ဆိုင်ရာ သစ်တော တွေမှာ သစ်ခုတ်တာ၊ သစ်ထုတ် တာနဲ့ပတ်သက်ပြီး ကင်းလွတ်ခွင့် ရထားတဲ့ သစ်တွေအဖြစ် ရှင်းရှင်း လင်းလင်း မပြသနိုင်ပါဘူး’’လို့ ဆိုပါတယ်။

Teak Solutions ဟာ မြန်မာအစိုးရလက်အောက်မှာ ရှိနေတဲ့ သစ်ကုမ္ပဏီ MTE ကနေ အဲဒီ ကျွန်းသစ်တွေကို ဝယ်ယူခဲ့တာ ဖြစ်ပါတယ်။ MTE ဟာ ထုတ် လုပ်မှုရင်းမြစ်နဲ့ပတ်သက်လို့ သံသယ ဖြစ်လောက်စရာ သစ်တွေကို တင်ပို့မှုအတွက် သိပ်မကြာ ခင်က ဒိန်းမတ်မှာ အရေးယူပိတ် ပင်မှုတွေ ခံထားရပါတယ်။

အဲဒီတုန်းကတော့ Teak Solutions ရဲ့ အမှုဆောင်ချုပ် မိုက်ခ်ကင်းဘဲလ်က မြန်မာနိုင်ငံ ဘက်မှာ သူတို့ချိတ်ဆက်ထားတဲ့ ကုမ္ပဏီက တင်သွင်းမှုတွေဟာ တရားဝင်ဖြစ်တယ်လို့ Der Spie-gel သတင်းစာကို ပြောကြားခဲ့ဖူးပါတယ်။ သူက MTE နဲ့ အလုပ်တွဲလုပ်ရတာဟာ စိတ်အချရဆုံး နည်းလမ်းဖြစ်ကြောင်း မှတ်ချက် ပေးခဲ့ပါတယ်။

နိုဘစ္စရက်ခ် သင်္ဘောကျင်း ကတော့ စုံစမ်းစစ်ဆေးမှုတွေနဲ့ ပတ်သက်ပြီး သက်ဆိုင်ရာ အာဏာပိုင်တွေကို အပြည့်အဝ ပူးပေါင်းကူညီသွားမှာ ဖြစ်သလို အ

ခုလို စစ်ဆေးဖော်ထုတ်မှုတွေကို ထောက်ခံကြောင်း ဒေသတွင်း သတင်းစာတစ်စောင်ကို အသိ ပေးခဲ့ပါတယ်။ ပြီးတော့ လက်ရှိ ကြုံနေရတဲ့ စွပ်စွဲချက်တွေကို အမြန်ဆုံး ရှင်းလင်းဖယ်ရှားစေလို ကြောင်း၊ ပြီးခဲ့တဲ့နှစ်က စိုက်ပျိုး ရေးနဲ့ အစားအသောက်ကွပ်ကဲ ရေးအေဂျင်စီက အလားတူ စွပ် စွဲချက်မျိုးနဲ့ စုံစမ်းမှုတွေ ပြုလုပ်ဖူး ပေမယ့် အခုအခါ ရပ်ဆိုင်းလိုက် ကြောင်း သင်္ဘောကျင်းဘက်က ဆိုတယ်။ လောလောဆယ်တော့ ဘိုင်လာ ဦးဆောင်တဲ့ ရာဇဝတ် ကြောင်းစုံစမ်းမှုတွေကတော့ ရှေ့ ဆက်နေဆဲပါ။

မြန်မာနိုင်ငံရဲ့ သစ်တောဖုံး လွှမ်းမှု ဧရိယာဟာ ၂၀၁၀ ကနေ၂၀၁၅ အတွင်း ပျမ်းမျှ တစ်နှစ်ကို ၂ ရာခိုင်နှုန်းခန့် ဆုံးရှုံးခဲ့ပါ တယ်။ ငါးနှစ်အတွင်း မြန်မာ့သစ် တောမြေ စုစုပေါင်းရဲ့ ၈ ဒသမ ၅ ရာခိုင်နှုန်းလောက် ပျောက်သွား တဲ့ သဘောပါ။

မတ်လတုန်းကတော့ MTE က တရားမဝင် သစ်ခုတ်မှုတွေနဲ့ ဆက်စပ် ကုန်သွယ်ရောင်းဝယ်မှုတွေကို ကိုင်တွယ်သွားမယ်လို့ ကြေညာချက် ထုတ်ပြန်ခဲ့ပါ တယ်။

အပူပိုင်း သစ်မာတစ်မျိုးဖြစ် တဲ့ ကျွန်းသစ်တွေဟာ ရေယာဉ် တည်ဆောက်တဲ့ ဗိသုကာတွေအ တွက် ဆုလာဘ်တစ်ခုပမာယူဆ လေ့ရှိတဲ့ ပစ္စည်းပါ။ ကျွန်းသစ်ရဲ့ ဂုဏ်ရည်တွေက အင်မတန် မာကျောခြင်း၊ ကိုင်တွယ်ပုံသွင်းရ လွယ်ကူခြင်း၊ ဆွေးမြည့်ဟောင်း နွမ်းမှုဒဏ်ခံနိုင်ခြင်းနဲ့ အကျုံ့အပွ မရှိခြင်းတို့ ဖြစ်ပါတယ်။

Sailing Yacht A ကို တည် ဆောက်ရာမှာ ခန့်မှန်းတန်ဖိုး အနည်းဆုံး ယူရို ၄၀၉ သန်းကျော် (ဒေါ်လာ ၄၃၃ သန်းကျော်) ကုန်ကျလိမ့်မယ်လို့ သိရပါတယ်။ ဒီရွက်လှေကြီးကို တည်ဆောက် ပေးဖို့ ရုရှားဘီလျံနာသူဌေးကြီး အန်ဒရီအိုင်ဂိုဗစ်ခ်ျမယ်လ်နစ်ချန် ကိုက မှာယူခဲ့တာ ဖြစ်ပါတယ်။ သူဌေးကြီးဟာ စွမ်းအင်နဲ့ ဓာတ် မြေဩဇာကုမ္ပဏီ အမြောက်အ မြား ပိုင်ဆိုင်ထားပါတယ်။

မယ်လ်နစ်ချန်ကိုရဲ့ အသား တင်ကြွယ်ဝချမ်းသာမှုဟာ ယူရို ၁၂ ဒသမ ၆၅ ဘီလီယံ (ဒေါ်လာ ၁၃ ဒသမ ၄ ဘီလီယံ)လောက် ရှိလိမ့်မယ်လို့ ယုံကြည်ရပါတယ်။ သူဌေးကြီးက A ဆိုတဲ့ စကားလုံး ကို အမည်ပေးဖို့ လိုလားခြင်းက တော့ ရေယာဉ်တွေကို မှတ်ပုံတင် ချိန်မှာ အင်္ဂလိပ်အက္ခရာ A က ရှေ့ဆုံးမှာ နေရာရတာကြောင့် ဖြစ်ပါတယ်။ မယ်လ်နစ်ချန်ကိုမှာ ပြင်သစ်ဒီဇိုင်းပညာရှင် ဖိလစ်ပီ စတာ့ခ် ဖန်တီးပေးထားတဲ့ တခြား ရွက်လှေတစ်စီး ရှိပါသေးတယ်။ အဲဒီရွက်လှေကို Motor Yacht A လို့ နာမည်ပေးထားတယ်။

နိုဘစ္စရက်ခ် သင်္ဘောကျင်း ရဲ့ ဝက်ဘ်ဆိုက်မှာ Sailing Yacht Aဟာ အထပ်ရှစ်ထပ်ဖွဲ့စည်းထား ပြီး မော်တာအထောက်အပံ့နဲ့ မောင်းနှင်တဲ့ စူပါရွက်လှေတွေထဲ မှာ ခေတ်အမီဆုံး လက်ရာတစ်ခုလို့ ညွှန်းဆိုဖော်ပြထားပါတယ်။ ပင်လယ်ကူး ခရူဇာသင်္ဘောကြီး တစ်စီးလို ကြီးမားခံ့ထည်တဲ့ ဇိမ်ခံ ရွက်လှေပေါ်မှာ ရေကူးကန်၊ ရဟတ်ယာဉ်ဆင်းကွင်း၊ ရေအောက်ရှုခင်းတွေ ကြည့်ရှုနိုင်တဲ့ ဖန်လုံခန်းဧရိယာတွေ ထည့်သွင်း တည်ဆောက်ထားတယ်။

ရွက်လှေပိုင်ရှင် မယ်လ်နစ် ချန်ကိုရဲ့ ပြောရေးဆိုခွင့်ရပုဂ္ဂိုလ် တစ်ယောက်ကတော့ Sailing Yacht A မှာ လူအများစိတ်ဝင်စားစေမယ့် ထင်ထင်ရှားရှား အရှုပ် အထွေးတစ်ခု လာဖြစ်နေတာကို စိတ်ပျက်ကြောင်း၊ ဒါပေမဲ့ အခု ကိစ္စဟာ ရွက်လှေရော ရွက်လှေ ပိုင်ရှင်နဲ့ပါ ဘယ်လိုမှ မသက်ဆိုင် ကြောင်း ဖြေရှင်းပါတယ်။ သူက ‘‘တကယ်က ကမ္ဘာပေါ်မှာရှိသမျှ စူပါရွက်လှေတိုင်းမှာ မြန်မာ့ကျွန်းသစ်တွေ ထည့်သုံးထားတယ်လို့ တောင် ဆိုနိုင်တယ်။ အခုကိစ္စက တော့ သင်္ဘောကျင်းနဲ့ ကျွန်းသစ် တင်သွင်းတဲ့ ကုမ္ပဏီပဲ ဖြေရှင်းရပါလိမ့်မယ်’’လို့ ပြောကြားပါ တယ်။

(Independent သတင်းဌာန၏ One of world's biggest super-yachts 'built using illegal Burmese timber'ဆောင်းပါးကို ပြန်ဆိုသည်။)

===========

7Day News Journal

http://www.7daydaily.com/story/93908


ဖိလစ်ပိုင်နိုင်ငံ သမ္မတအိမ်တော်ရာအနီးတွင် ဧပြီ ၁၁ ရက်က အစိုးရ၏ မူးယစ်နှိမ်နင်းရေး၌ တရားမဲ့သတ်ဖြတ်ခြင်းများကို ဆန့်ကျင်ကာ NGO အဖွဲ့များနှင့် ဆန္ဒပြသူ ဒါဇင်များစွာ စုရုံးဆန္ဒပြကြသည်။

မာလာကန်နန်းအိမ်တော်ရာအနီး ဆန္ဒပြသူပေါင်း ၁၀၀ ကျော်ထက်မနည်းရှိပြီး သမ္မတ ဒူတာတေး၏ အငြင်းပွာဖွယ် မူးယစ်နှိမ်နင်းစစ်ပွဲနှင့် သေဒဏ်ပြစ်ဒဏ်ကို ထောက်ခံခြင်းများအတွက် ယေရှုခရစ် ကားစင်တင်ကာ အသတ်ခံရသည့် ပုံစံမျိုးလုပ်ဆောင်ကာ ဆန္ဒပြသူများလည်း ရှိကြောင်း EFE သတင်းဌာနက ဖော်ပြသည်။

ဆန္ဒပြအုပ်စုတွင် ကျေးလက်ဖွံ့ဖြိုးကူညီရေးအဖွဲ့မှ အဖွဲ့ဝင် ၈၀ ကျော်နှင့် အလုပ်သမားအခွင့်အရေးအဖွဲ့ဖြစ်သော SENTRO မှ အဖွဲ့ဝင် ၅၀ တို့လည်း ပါဝင်ကာ ဆန္ဒပြကြခြင်းဖြစ်သည်။

သမ္မတ ဒူတာတေး၏ မူးယစ်နှိမ်နင်းရေး ဒုတိယအသုတ် ပြန်လည်စတင်သည့် ပြီးခဲ့သည့်လအတွင်း သံသယရှိ မူးယစ်ဆေးဝါးရောင်းချသူနှင့် ဆေးစွဲသူပေါင်း ၁၀၀ ကျော်ထက်မနည်းကို သတ်ဖြတ်ခဲ့ကြောင်း အစိုးရ၏ အစီရင်ခံစာထွက်ပေါ်လာပြီး ရက်ပိုင်းအတွင်း ယခုဆန္ဒပြမှုကို လုပ်ဆောင်ခြင်းဖြစ်သည်။

မူးယစ်နှိမ်နင်းရေး ပထမအသုတ်ကို ဒူတာတေးက ၂၀၁၆ ဇွန်လနှောင်းပိုင်း ရာထူးရချိန်မှ စတင်ဆင်နွှဲခဲ့ရာတွင် ခုနစ်လအတွင်း လူပေါင်း ၇၀၀၀ကျော်ထက်မနည်း သေဆုံးခဲ့သည်။
Mizzima - News in Burmese


အမေရိကန်၏ ယူနိုက်တက်လေကြောင်းလိုင်း ခရီးစဉ်တစ်ခုတွင် ခရီးသည်တစ်ဦးကို လုံခြုံရေးများက လေယာဉ်ပေါ်မှ အတင်းအဓမ္မ ဆွဲချခဲ့သည့် ဖြစ်ရပ်တစ်ခု ပေါ်ပေါက်ခဲ့ပြီး ယင်းဖြစ်စဉ်ကို ရိုက်ကူးမှတ်တမ်းတင်ထားသည့် ဗီဒီယိုတစ်ခုလည်း ထွက်ရှိလာခဲ့သည်ဟု သိရသည်။ ယခုအခါ အဆိုပါဖြစ်စဉ်နှင့်ပတ်သက်၍ လူမှုကွန်ရက်ပေါ်တွင် ယင်းလေကြောင်းလိုင်းအပေါ် အကြီးအကျယ် ဝေဖန်မှုများရှိနေခဲ့ကြောင်း သိရသည်။

ယင်းလုပ်ရပ်ကြောင့် ယခုအခါ အဆိုပါ လေကြောင်းလိုင်းမှာ လူမျိုးရေးခွဲခြားဆက်ဆံမှုများ ရှိခဲ့ကြောင်း စွဲချက်များထွက်ပေါ်ခဲ့ပြီးနောက် ယင်းလေကြောင်းလိုင်းက သပိတ်မှောက်ဆန့်ကျင်ရန် အွန်လိုင်းပေါ်တွင် တိုက်တွန်းနှိုးဆော်မှုများ ပေါ်ပေါက်ခဲ့သည်။

ဗီဒီယိုပြကွက်များထဲတွင် တရုတ်နွယ်ဖွား ခရီးသည်တစ်ဦးကို ၎င်း၏ ထိုင်ခုံမှ အတင်းဆွဲခေါ်ဖယ်ထုတ်ခံရပုံကို တွေ့မြင်ခဲ့ရပြီးနောက် ကြည့်ရှုသူများက အမျက်ဒေါသထွက်ခဲ့ကြရသည်။

ဧပြီ ၉ ရက်က Chicago မှ Louisville သို့ ပျံသန်းမည့် ခရီးစဉ် မထွက်ခွာမီ ယင်း ဖြစ်စဉ် ပေါ်ပေါက်ခဲ့ခြင်း ဖြစ်သည်။ ယင်းခရီးစဉ်မျိုးကိုမူ ဒေသတွင်း လေကြောင်းလိုင်းရှစ်ခုအနက်မှ တစ်ခုက ယူနိုက်တက်နှင့် ပူးပေါင်းပြေးဆွဲပျံသန်းနေခြင်းဖြစ်ကြောင်း သိရသည်။
ယခုဖြစ်စဉ်တွင် ခရီးစဉ်အတွင်း ထိုင်ခုံအရေအတွက် ပိုရောင်းထားမိသဖြင့် ခရီးသည်တစ်ချို့ကို ပြန်ဆင်းပေးရန် လေယာဉ်အမှုထမ်းများက မေတ္တာရပ်ခံတောင်းဆိုခဲ့သော်လည်း မရသဖြင့် ရဲကို ခေါ်ကာ အတင်းအဓမ္မနည်းဖြင့် ဖြေရှင်းခဲ့ရခြင်းဖြစ်ကြောင်း လေကြောင်းလိုင်းက ထုတ်ပြန်ထားသည်။

ဆက်လက်၍ ယခုဖြစ်စဉ် ပေါ်ပေါက်ခဲ့ခြင်းအတွက် တောင်းပန်ကြောင်း လေကြောင်းလိုင်း စီအီးအိုက ထုတ်ပြန်ပြောကြားထားခဲ့သည်။

အွန်လိုင်းပေါ်သို့ ရောက်ရှိလာသည့် ဗီဒီယိုထဲတွင် Chicago လေကြောင်းရဲဌာနမှ ရဲသုံးဦးတို့ လေယာဉ်ပေါ်၌ သက်လတ်ပိုင်းအရွယ် အမျိုးသားတစ်ဦးတို့ ရုန်းရင်းဆန်ခတ်ဖြစ်နေခဲ့ပြီး ၎င်းအမျိုးသားအား အတင်းဆွဲချသွားပုံကို မြင်တွေ့ခဲ့ရသည်။

ယင်းဗီဒီယိုကို တရုတ်တို့၏ Sina Weibo ကဲ့သို့ ဆိုဒ်ပေါ်သို့ ပြန်တင်ခဲ့ရာတွင် ကြည့်ရှုသူ သန်း ၁၂၀ ကျော်ခဲ့ပြီး ကောမန့်ရေးသားသူ ၈ သောင်းကျော်ထိ ရှိခဲ့သည်။

Chicago လေကြောင်းရဲဌာနက ထုတ်ပြန်ရာတွင်မူ ယခုကဲ့သို့ရဲဝန်ထမ်းများ၏ လုပ်ရပ်မှာ ၎င်းတို့၏ လုပ်နည်းကိုင်နည်းများနှင့် ဆန့်ကျင်ကွဲလွဲနေခဲ့ကြောင်း၊ အဖြစ်မှန်ကို မှန်မှန်ကန်ကန်ပြန်လည်သုံးသပ်စစ်ဆေးသွားမည်ဖြစ်ကြောင်း ထုတ်ပြန်ပါရှိသည်။
Mizzima - News in Burmese



နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ကျးလက်တောရွာနေလူငယ် ၁၂ ဦးတို့ စကားဝိုင်းကို နေပြည်တော် MICC-II မှာ ဧပြီလ ၁၁ ရက်နေ့ကကျင်းပစဉ်။ Photo: Win Naung Toe/RFA
ငြိမ်းချမ်းရေးရရှိဖို့ အချိန်ကြာလေ တိုင်းပြည်နစ်နာလေ ဖြစ်တဲ့အတွက် မငြိမ်းချမ်းမှုကြောင့် ဖြစ်ပေါ်ခဲ့တဲ့ဒဏ် ရာတွေ ပျောက်ဖို့ဆိုရင် မြန်မြန်ငြိမ်းချမ်းရေးရဖို့ လိုအပ်တယ်လို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က ဒီနေ့ ကျေးလက်တောရွာနေ လူငယ် ၁၂ ဦးနဲ့စကားဝိုင်းမှာ ပြောကြားခဲ့ပါတယ်။

ကရင်တိုင်းရင်းသူ မသိန်းသိန်းအိက ကရင်ပြည်နယ်ဟာ ငြိမ်းချမ်းရေးရရှိခဲ့ပြီးနောက် ဖွံဖြိုးလာတယ်ဆိုပေမယ့် တချို့ကျေးရွာတွေမှာ စာသင်ကျောင်းတွေ၊ လျှပ်စစ်မီးတွေ မရှိသေးဘူးလို့ ပြောကြားတဲ့အပေါ် ဒေါ်အောင်ဆန်း စုကြည်က အခုလို ပြန်လည်ပြောကြားခဲ့တာဖြစ်ပါတယ်။

"ငြိမ်းချမ်းရေးလမ်းကို လျှောက်တဲ့အခါမှာ တဖြည်းတဖြည်းဆိုပေမယ့် သိပ်ဖြည်းလို့လဲမဖြစ်ဘူး၊ ဘာလို့လဲဆိုတော့ ငြိမ်းချမ်းရေးရဖို့ အချိန်ကြာလေ ဒီနိုင်ငံနစ်နာလေပဲ၊ ဒီနိုင်ငံ မြန်မြန် ဒဏ်ရာ ဒဏ်ချက်တွေ ပျောက်ကင်းစေချင်ရင် ငြိမ်းချမ်းရေးကို မြန်မြန်ရအောင်လုပ်ဖို့လိုတယ်၊ ဒါ့ကြောင့် အမြဲပြောတယ် လက်နက်ကိုင်တပ်ဖွဲ့တွေကို စားပွဲမှာထိုင်ဆွေးနွေးပါ၊ လက်နက်နဲ့ငြင်းမယ့်အစား ဦးနှောက်နဲ့ ငြင်းပါ၊ နှစ်ဖက်အမြင်တွေဆွေးနွေးပါ၊ ဒီနည်းနဲ့ပဲ ငြိမ်းချမ်းရေးဟာ ရနိုင်မယ်"

NCA မှာ လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေ ပါဝင်လာဖို့ တံခါးကိုအမြဲဖွင့်ထားကြောင်း နဲ့ ဒုတိယပင်လုံညီလာခံမှာ လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေကို အတိုင်းအတာ တစ်ခုထိ ပါဝင်ခွင့်ပေးသွားမယ်လို့လည်း ဒေါ်အောင်ဆန်းစုကြည်က ပြောပါတယ်။

ကျေးလက်ဒေသနေ သာမန်ပြည်သူတွေ ငြိမ်းချမ်းရေးကို ဘယ်လောက်လိုချင်ကြတယ်ဆိုတာ ပြောပြဖို့အတွက် ဒီနေ့စကာဝိုင်းကို ကျင်းပရတာဖြစ်တယ်လို့လည်း ဒေါ်အောင်ဆန်းစုကြည်က ပြောကြားခဲ့ပါတယ်။

ဒါ့အပြင် မြန်မာနိုင်ငံမှာ ကျေးလက်ဒေသနေပြည်သူ ၇၀ ရာခိုင်နှုန်းရှိတဲ့အတွက် ကျေးလက်ဒေသဟာ နိုင်ငံ ရဲ့ကျောရိုးတစ်ခုဖြစ်ပြီး နိုင်ငံတိုးတက်ဖို့ဆိုရင် ကျောရိုးခိုင်မာဖို့ လိုအပ်တဲ့အတွက် ကျေးလက်ဒေသဟာ အရေးကြီးတဲ့ အခန်းကဏ္ဍမှာပါဝင်နေကြောင်း ငြိမ်းချမ်းရေးမှာ ကျေးလက်ဒေသကသူတွေ ပါဝင်ဖို့လိုအပ်တယ် လို့လည်း တိုက်တွန်းခဲ့ပါတယ်။

ဒီနေ့စကားဝိုင်းမှာ ပညာရေး၊ လမ်းပန်းဆက်သွယ်ရေး၊ လျှပ်စစ်မီးရရှိရေး၊ အလုပ်အကိုင်အခွင့်လမ်းရရှိရေး၊ စိုက်ပျိုးရေးပိုမိုတိုးတက်လာရေး၊ တရားဥပဒေစိုးမိုးရေးနဲ့ ဒုက္ခသည်တွေ နေရပ်ပြန်နိုင်ရေး စတဲ့ကိစ္စရပ်တွေ ကို ဆွေးနွေးခဲ့တာဖြစ်ပါတယ်။

RFA Burmese
http://www.rfa.org/burmese

 သမ္မတဦးထင်ကျော်ရဲ့ တရုတ်နိုင်ငံခရီးစဉ်မှာ ထုတ်ပြန်လိုက်တဲ့ တရုတ်- မြန်မာ နှစ်နိုင်ငံ ပူးတွဲ ကြေညာချက်မှာ အငြင်းပွားဖွယ် ဖြစ်နေတဲ့ မြစ်ဆုံဆည် စီမံကိန်းနဲ့ပတ်သက်ပြီးပြတ်သားတဲ့ ဆုံးဖြတ်ချက်တွေ ထည့်သွင်းဖော်ပြမထားတာဟာ မြစ်ဆုံအရေးနဲ့ ပတ်သက်ပြီး တိကျတဲ့ဆွေးနွေးမှုမရှိတာကြောင့် ဖြစ်နိုင်ကြောင်း သုံးသပ်တာမျိုးရှိပါတယ်။ မြစ်ဆုံစီမံကိန်းကို ဖျက်သိမ်းကြောင်း မထုတ်ပြန်သေးပေမဲ့ အစိုးရအနေနဲ့ ပြည်သူတွေဆန္ဒကို အကောင်အထည်ဖော်ဆောင်မယ်ဆိုတဲ့ မျှော်လင့်ချက်တွေကလဲ ရှိနေဆဲပါ။ ဒီသတင်းကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

သမ္မတ ဦးထင်ကျော်ရဲ့ ခရီးစဉ်မှာ သဘောတူစာချုပ် ၃ခု ၊ နားလည်မှုစာချွန်လွှာ ၂ခုနဲ့ ပူးပေါင်းဆောင်ရွက်ရေးစာလွှာ ၄ခု စုစုပေါင်း သဘောတူညီချက် ၉ခုကို လက်မှတ်ရေးထိုးခဲ့ပါတယ်။ ဒီသဘောတူစာချုပ်တွေထဲမှာ ရခိုင်ပြည်နယ်၊ ကျောက်ဖြူ မဒေးကျွန်းကနေ တရုတ်နိုင်ငံ ကူမင်းမြို့အထိရေနံစိမ်းသယ်ယူပို့ဆောင်ရေးဆိုင်ရာ စာချုပ်ပါဝင်ပေမဲ့ မြစ်ဆုံဆည်စီမံကိန်း ဖျက်သိမ်းရေးနဲ့ ပတ်သက်ပြီးတော့ တိကျသေချာတဲ့အချက်မျိုး နှစ်နိုင်ငံ ပူးတွဲကြေညာချက်ထဲမှာ မတွေ့ရပါဘူး။

ဒါနဲ့ပတ်သက်ပြီး နိုင်ငံရေးလေ့လာသုံးသပ်သူ ဦးစည်သူအောင်မြင့်က အခုလို သုံးသပ်ပြောဆိုပါတယ်။

“အခုထွက်လာတဲ့ သတင်းက တော်တော်ယေဘုယျဆန်တယ်လေ။ နှစ်နိုင်ငံ အကျိုးစီးပွားဖြစ်ထွန်းအောင်ပေါ့နော် ၂ နိုင်ငံစလုံးအကျိုးရှိအောင် အတူတကွဖြေရှင်းကြမယ်ဆိုတဲ့ သဘောလောက်ပဲ တွေ့ရတယ်လေ တော်တော်လေးကို ယေဘုယျဆန်ပါတယ်။ ပြီးခဲ့တဲ့ ရက်ပိုင်းမှာဆိုရင် Global Times တို့မှာ သူတို့ရေးတာတွေရှိတယ်။ အဲဒီအပေါ်မှာ အခြေခံပြီးတော့ တရုတ်အစိုးရဘက်က ဒါကို ဆွေးနွေးဖို့ လမ်းစပြောတယ်လို့ထင်ပါတယ်။ ဒါပေမယ့် ပြည်တွင်းက လက်ရှိအခြေအနေအရက ဒီစုံစမ်းရေးကော်မရှင်ရဲ့အစီရင်ခံစာကိုတောင် သူက ပြီးအောင်မထွက်သေးဘူး ၊ မထွက်သေးဘူးဆိုတဲ့အခါကျတော့ ကျနော်ထင်တယ် ဘာ Decision မှ ပေးမှာမဟုတ်ဘူး။ ဘာ Decision မှ မပေးသေးဘူး ဆိုတဲ့အနေအထားအောက်မှာ သဘောတူညီချက်တွေဘာတွေကို အကြမ်းဖျင်းလောက်ပြောထားတာဆိုရင် ၂ နိုင်ငံအကျိုးရှိအောင်ဖြေရှင်းမယ်ဆိုတဲ့ ယေဘုယျကျတဲ့ သဘောတူညီချက်လောက်ကိုပဲ ဆွေးနွေးဖြစ်ခဲ့တယ်လို့ ထင်တယ်။”

တရုတ်-မြန်မာ နှစ်နိုင်ငံပူးတွဲကြေညာချက်မှာ စီးပွားရေး၊ ကုန်သွယ်ရေး၊ စိုက်ပျိုးရေး၊ လျှပ်စစ်စွမ်းအင်၊ ပို့ဆောင်ရေးနဲ့ ထုတ်လုပ်မှုစွမ်းအားကဏ္ဍတွေမှာ နှစ်ဖက် အကျိုးတူပူးပေါင်ဆောင်ရွက်မှု မြှင့်တင်ရေးကို ဆက်လက် ဆောင်ရွက်ကြမယ်လို့လည်း ဖော်ပြပါတယ်။

တရုတ်အစိုးရပိုင် ဆင်ဝှာသတင်းဌာနကလည်း တရုတ်-မြန်မာ နှစ်နိုင်ငံဆက်ဆံရေးပိုမိုကောင်းမွန်အောင် နှစ်ဖက်စလုံးအကျိုးအမြတ်ရရှိစေမယ့် win- win မူအရ ပူးပေါင်းဆောင်ရွက်ဖို့ နဲ့ အပြန်အလှန်လေးစားမှု စည်းမျဉ်းတွေကို ကိုင်ဆွဲသွားကြဖို့ သဘောတူကြောင်း ဖော်ပြပါတယ်။

စည်းလုံးညီညွတ်ရေးနှင့် ဒီမိုကရေစီပါတီ ကချင်ပြည်နယ်ရဲ့ ဥက္ကဌ ဦးခက်ထိန်နန်က လက်ရှိ အစိုးရအနေနဲ့ ပြည်သူတွေရဲ့ဆန္ဒကို အခြေခံပြီး အကောင်းဆုံးလုပ်လိမ့်မယ်လို့ မျှော်လင့်ကြောင်း ပြောပါတယ်။

“မြစ်ဆုံနဲ့ ပတ်သက်တဲ့ဟာကို နိုင်ငံတော်မှာ တာဝန်ရှိတဲ့ ပုဂ္ဂိုလ်တွေ၊ နိုင်ငံတော်တာဝန်အကြီးအကဲပိုင်း ဆိုင်ရာတွေ၊ပြတ်ပြတ်သားသားမပြောချင်းဟာ ပြည်သူလူထုဆန္ဒသဘောထားတွေကိုလည်း အလေးအနက်ထားပြီး စဉ်းစားနေတဲ့အနေအထားဖြစ်တဲ့အတွက်ကြောင့်လို့ သုံးသပ်ပါတယ်။ မြစ်ဆုံစီမံကိန်းကတော့ ပြည်သူတွေရွေးချယ်ခွင့်မရှိခဲ့တဲ့ ခေတ်စနစ်ကာလတုန်းက လုပ်ဆောင်ခဲ့တဲ့ ကိစ္စဖြစ်တယ်။ ဒီနေ့ကတော့ အစိုးရကတော့ ပြည်သူ့အစိုးရဖြစ်တဲ့အတွက် ပြည်သူတွေရဲ့ ဆန္ဒကို အလေးအနက်ထားမယ်လို့ ကျနေ်ာ့အနေနဲ့ ယုံကြည်ခံယူတဲ့အတွက်ကြောင့် အဖြေကတော့ အကောင်းဆုံးတော့ ဖြစ်လာမယ်လို့ ယူဆရပါတယ်။”

မြစ်ဆုံစီမံကိန်းကိုဖျက်သိမ်းဖို့ တောင်းဆိုလှုပ်ရှားသူ ဒေါ်ဂျာခွန်ကလည်း သူ့အမြင်ကို အခုလို ပြောပါတယ်။

“ကျမအနေနဲ့ကတော့ အခုကျမတို့ မြန်မာနိုင်ငံမှာပေါ့နော် အားလုံးပေါ့လေ ဒီမြစ်ဆုံကတော့ အားလုံးကန့်ကွက်နေတယ်ဆိုတော့ နိုင်ငံတော်သမ္မတကြီးလည်း ပြည်သူလူထုရဲ့စကားကို နားထောင်ပြီးတော့ မြစ်ဆုံကိုတော့ ရပ်လိုက်မယ်လို့တော့ မျှော်လင့်နေတာပေါ့နော်။ အဲလိုမျိုးပဲထင်တယ် ရပ်မယ်ပေါ့လေ လုံးဝ ဖျက်သိမ်းမယ်လို့ ယုံကြည်ပါတယ်။”

မြစ်ဆုံစီမံကိန်းကို ၂၀၀၇ခုနှစ်က စတင်အကောင်အထည်ဖော်ခဲ့ပေမဲ့ နောက်ပိုင်းမှာ ပြည်သူတွေက ကန့်ကွက်ခဲ့တာကြောင့် ၂၀၁၁ခုနှစ်မှာ သမ္မတဦးသိန်းစိန်က သူ့အစိုးရသက်တမ်းအတွင်း ရပ်ဆိုင်းထားဖို့ ဆုံးဖြတ်ခဲ့တာ ဖြစ်ပါတယ်။ ၂၀၁၆ခုနှစ် သြဂုတ်လမှာ တော့ သမ္မတ ဦးထင်ကျော်က ဧရာဝတီ-မြစ်ဆုံ မြစ်ညာ မြစ်ဝှမ်းရေအားလျှပ်စစ်စီမံကိန်းတွေ ဆက်လက်ဆောင်ရွက်သင့် မသင့် လေ့လာစိစစ် သုံးသပ်နိုင်ဖို့ အတွက် ကော်မရှင်တရပ်ဖွဲ့စည်းခဲ့ပါတယ်။ ဒီကော်မရှင်က အပြီးသတ်အစီရင်ခံစာ တင်ပြရေးကို ဆက်လက် ဆောင်ရွက်နေဆဲရှိပါတယ်။

ကိုမိုးဇော်
VOA Burmese News



ရှေ့မှရပ်နေသည့် ယာဉ်အားနောက်ကားက ဝင်တိုက်၍ ယာဉ်နှစ်စီးလုံး တိမ်းမှောက်ပြီး သေဆုံးဒဏ်ရာရရှိ
သံဖြူ ဇရပ် ဧပြီ ၁ဝ

ဧပြီ ၉ရက်ညနေ၂နာရီ၄၀မိနစ်က မွန်ပြည်နယ် သံဖြူ ဇရပ်-ရေးကားလမ်းမကြီး၊ သံဖြူ ဇရပ်မြို့နယ်အပိုင် ဝဲခမိကျေးရွာအနီး မိုင်တိုင်၅၅/၇တွင် ရှေ့မှရပ်နေသည့် ယာဉ်အား နောက်ကားက ဝင်တိုက်၍ ယာဉ်နှစ်စီးလုံး တိမ်းမှောက်ပြီး သေဆုံးဒဏ်ရာရရှိ ခဲ့ကြောင်း သိရပါသည်။

အဆိုပါ ယာဉ်တိုက်မှုအား ဝဲခမိကျေးရွာအုပ်ချုပ်ရေးမှူးဦးအောင်ကျော်သန်းမှ သံဖြူ ဇရပ်မြို့မရဲစခန်းသို့ ဖုန်းသတင်းပေးပို့ ချက်အရ တာဝန်မှူးဒုရဲအုပ်မြင့်ဇော်ဦးနှင့် ရဲတပ်ဖွဲ့ ဝင်များမှ သွားရောက်စစ်ဆေးရာ မိုင်တိုင်အမှတ် ၅၅/၇အနီး ကတ္တရာလမ်းဘေးတွင် လိုက်ထရပ်အဖြူရောင်ယာဉ်နှင့် ဟိုက်ဂျက်အဖြူ ရောင်ယာဉ်တို့ မှာ ယာဉ်တိုက်မှု ဖြစ်ပြီး တိမ်းမှောက်နေ သည့်အပြင် အမျိုးသမီးကြီးတစ်ဦးမှာ လိုက်ထရပ်ယာဉ်၏အောက်တွင် သွေးထွက်ဒဏ်ရာများဖြင့် သေဆုံးနေသည်ကို တွေ့ ရှိခဲ့ရသည်။

ထို့ ပြင် ဒဏ်ရာရ လူနာများကိုလည်း ပြည်သူများ၏ အကူအညီဖြင့် ဝဲခမိတိုက်နယ်ဆေးရုံ
သို့ ပို့ ဆောင်ပေးထားကြောင်း သိရသည်။

ဖြစ်စဉ်မှာ ယာဉ်မောင်းဦးဆန်းဝင်း(၃၈)နှစ် ရေးမြို့နယ် နှစ်ကရင်ကျေးရွာမောင်းနှင်သည့် ဟိုက်ဂျက် ယာဉ်အမှတ် 3M/---- သည် သံဖြူ ဇရပ်မြို့နယ် ဘုရားလေးဆူရွာ ဘုရားထီးတင်ပွဲမှ ၄င်းတို့ ၏နေရပ် ရေးမြို့နယ် နှစ်ကရင်ကျေးရွာအုပ်စု ဝဲဖယ်ရွာသို့ ယာဉ်ပေါ်ပါ ခရီးသည်ရှစ်ဦးဖြင့် အပြန်ခရီးတွင် ဝဲခမိကျေးရွာအနီး ကားလမ်းဘေးဈေးဆိုင်၌ ရောင်းချနေသည့် ဖရဲသီးဝယ်ယူရန်ကားကိုလမ်းဘေးချရပ်ထားစဉ် အဆိုပါယာဉ်အနောက်သို့ ဝင်းဇော်ဦး(၃၈)နှစ် ရေးမြို့နယ်နေသူ
မောင်းနှင်သည့် 1K/---- လိုက်ထရပ်ယာဉ်မှ အရှိန်မထိန်းနိုင်ပဲဝင်တိုက်မိရာ ဟိုက်ဂျက်ကား၏ အနောက်မြေပြင်တွင်ရှိနေသည့် ဒေါ်နှင်း(၆၇)နှစ်အား တိုက်မိပြီးနောက် ခရီးသည် ၇ဦး ခန့် ရှိနေသည့် ဟိုက်ဂျက်ယာဉ်ကိုပါ အရှိန်ပြင်းစွာတိုက်ခဲ့ရာ ဟိုက်ဂျက်ကားမှာ လွင့်စင်တိမ်းမှောက်သွားသည့်အပြင် တိုက်သည့်လိုက်ထရပ်ကားပါ တိမ်းမှောက်ခဲ့ကြောင်း သိရသည်။

အဆိုပါ့ဖြစ်စဉ်ကြောင့် ဒေါ်နှင်း(၆၇)နှစ် ရေးမြို့နယ် နှစ်ကရင်ကျေးရွာအုပ်စု ဝဲဖယ်ရွာနေသူမှာဦးခေါင်းဒဏ်ရာ ဝဲဖက်တံတောင်ဆစ်ကျိုး ဒဏ်ရာနှင့် ခန္ဓာကိုယ်ဒဏ်ရာများဖြင့် အခင်းဖြစ်နေရာတွင် သေဆုံးပြီး ဟိုင်းဂျက်ယာဉ်ပေါ်ပါခရီးသည် အမျိုးသားသုံးဦး အမျိုးသမီးလေးဦးတို့ မှာ
ထိခိုက်ဒဏ်ရာ အသီးသီးရရှိခဲ့ကာ လိုက်ထရပ်ယာဉ်မောင်းဝင်းဇော်ဦးမှာ ဝဲဖက်ပေါင်ကျိုးဒဏ်ရာ(စိုးရိမ်ရ)ရရှိခဲ့သည်။

ဒဏ်ရရာရရှိသူများ အားလုံးကို သံဖြူ ဇရပ်မြို့နယ်ဆေးရုံသို့ လွှဲပြောင်းပို့ ဆောင်ပေးခဲ့ပြီး ယာဉ်
မဆင်မခြင်မောင်းနှင်သူ ဝင်းဇော်ဦးအားသံဖြူ ဇရပ်ရဲစခန်းမှ အမှု ဖွင့် ဆောင်ရွက်ထားကြောင်း သိရသည်။

ကျော်ဝင်း(ပြန်/ဆက်)
Myanmaalinn
https://www.facebook.com/MYANMAALINNNEWS


လွန်ခဲ့တဲ့ ၁၃ နှစ်က လူကုန်ကူးခံရပြီး တရုတ်နုိုင်ငံမှာ ရောင်းစားခံခဲ့ရတဲ့ မြန်မာနုိုင်ငံက အမျိုးသမီးတဦးကို တရုတ်-မြန်မာ နှစ်ဘက် ပူးပေါင်းပြီး ကယ်တင်လိုက်နုိုင်ပါတယ်။ လူကုန်ကူးခံရသူအများစုဟာ တဖက်နုိုင်ငံမှာ အလုပ်အကိုင် အခွင့်အလန်း ကောင်းတယ်ဆိုပြီး လူပွဲစားတွေက သိမ်းသွင်းဖျားယောင်းပြီးတော့ လူကုန်ကူး ရောင်းစားခံကြရတာပါ။ အပြည့်အစုံကုို ဗွီအိုအေ ထိုင်းအခြေစိုက် သတင်းထောက် နိုင်ကွန်းအိမ်က သတင်းပေးပို့ထားပါတယ်။

အခုအခါ အသက် ၃၀ အရွယ်ရှိပြီဖြစ်တဲ့ မွန်ပြည်နယ် မုဒုံမြို့နယ်ဇာတိ မမေခိုင်ဦးဟာ အသက် ၁၇ နှစ်အရွယ် လွန်ခဲ့တဲ့ ၁၃ နှစ်ခန့်က တရုတ်နိုင်ငံဘက်ကို လူကုန်ကူးခံရတာပါ။ မြန်မာနဲ့ တရုတ်နိုင်ငံ ရဲတပ်ဖွဲ့ “လူကုန်ကူး တားဆီးနှိမ်နင်းရေးဆိုင်ရာ နယ်စပ်ဆက်ဆံရေးရုံး (Border Liaison office - BOL)” တို့ ပူးပေါင်းပြီးတော့ သူ့ကို ကယ်တင်လိုက်ပြီးတဲ့နောက် လက်ရှိမှာ မူဆယ်ခရိုင် လူကုန်ကူး တားဆီးနှိမ်နင်းရေးရဲတပ်ဖွဲ့ကနေ လူမှုကယ်ဆယ်ရေးဌာနကို လွှဲ ပြောင်းပေးအပ်ထားတယ်လို့ မူဆယ် လူကုန် ကူးတားဆီးနှိမ်နင်းရေး ရဲတပ်ဖွဲ့စု ရဲမှူး ဦးခင် မောင်ဦးက VOAကို ပြောပါတယ်။

“ကျနော်တို့တွေ့ဆုံမေးမြန်းပြီးလို့တောင် လူမှုဝင်ထမ်းကို အပ်ထားပြီးပြီ။ လူကုန်ကူးခံရသူများ စောင့်ရှောက်ရေးဂေဟာမှာ ကျနော်တို့ အပ်နှံထားပြီးပြီ ၊ သင်္ကြန်ပြီးတော့ နေရပ်ကိုပြန်ပို့မှာပေါ့။”

အခုလိုပြန်လည်လွတ်မြောက်လာတာကလဲ တရုတ် မြန်မာနှစ်နိုင်ငံ လူကုန်ကူး တားဆီးနှိမ်နင်းရေးဆိုင်ရာ နယ်စပ် ဆက်ဆံရေးရုံး ကနေ ပူးပေါင်းဆောင်ရွက်မှုကြောင့်ဖြစ်တယ်လို့လဲ ရဲမှူးဦးခင်မောင်ဦးကပြောပါတယ်။

“ကျနေ်ာတို့ကသူနဲ့ချိတ်ဆက်ပြီးတော့ ရဲစခန်းကို သွားခိုင်းလိုက်တယ်ပေါ့နော် တရုတ်ရဲစခန်းကိုသွား ၊ သူက တရုတ်စကားတတ်တော့ ရှင်းပြပြီးတော့ ပြောကြည့်ဆိုတော့ အဲဒါနဲ့ သူ့ကိုဆက်ခိုင်းတော့ သူက တရုတ်စကားကောင်းကောင်းတတ်ပြီဆိုတော့ သူက ရှင်းပြလိုက်တာ ဟိုကလက်ခံတော့ သူ့ကိုလာခေါ်တယ်။ လာခေါ်တဲ့အချိန်မှာ ကျနေ်ာတို့ဆီကို ဖုန်းဆက်တယ် သူ့ကိုရဲလာခေါ်တော့မယ်လို့ပြောတယ်၊ ကျနေ်ာ့ကိုတော့ သူက ဘဘကြီးလို့ခေါ်တယ်။ ဘဘကြီး လိုက်သွားရမလားဆိုတော့ ရဲက အန္တရာယ်အကင်းဆုံးပဲ နင်လိုက်သွားရောက်တဲ့အခါကျရင် ရဲနဲ့ ဦးတို့နဲ့ ဆက်သွယ်ပြီးပြောမယ်ဆိုပြီးတော့ သူ့ကို အဲလိုလိုက်သွားခိုင်းလိုက်တယ် ဟိုရောက်တော့ အဲဒီ ရဲစခန်း နဲ့ကျနော်တို့ ရွှေလီ BLO သွားပြီးတော့ ဖုန်းဆက်ပြောကြတာပေါ့နော်။ ကျနေ်ာတို့ဆီက လူကုန်ကူးခံရတဲ့အမျိုးသမီးပေါ့နော် ၊ ကျနေ်ာတို့ကယ်တင်ပြီး မြန်မြန်ပြန်လွှဲဖို့ ကျနော်တို့ တောင်းဆိုခဲ့ပေးတယ်။”

မူဆယ် လူကုန် ကူးတားဆီးနှိမ်နင်း ရေးရဲတပ် ဖွဲ့စုအနေနဲ့ ၂၀၁၆ ခုနှစ်အတွင်း လူကုန်ကူးခံရသူ(၄၅)ဦးကိုကယ်တင်နိုင်ခဲ့ သလို လူကုန်ကူးခံရသူ အများစုရဲ့ဖြစ်စဉ် အခြေအနေကိုတော့ ရဲမှူးဦးခင်မောင်ဦးကအခုလိုဆက်ပြောပါတယ်။

“တရားခံပွဲစားတွေဆီက အခုနောက်ပိုင်းဖော်ထုတ်လို့ရတာတွေ အများစုကလေ လွန်ခဲ့တဲ့ ၃-၅ နှစ်လောက်က တရုတ်ပြည်ကိုရောက် ၊ အိမ်ထောင်ကျ အဲဒီမှာ ဘာသာစကားတွေ နားလည်လာ၊ လမ်းခရီးတွေသွားလာတတ်။ အဲဒီနားလေးမှာ မိန်းမလိုအပ်နေတဲ့ တရုတ်ယောင်္ကျားတွေရှိတဲ့ဟာကိုသိ အဲလိုမျိုးတွေအခါကျတော့ မိဘဆွေမျိုးတွေဆီ ပြန်လာမယ်ဆိုပြီးတော့ တရုတ်ယောင်္ကျားကိုခွင့်တောင်း တရုတ်ယောင်္ကျားကလည်း ၃-၄ နှစ်ရှိပြီဆိုတော့ ပေးသွား ။ ပေးသွားပြီးပြန်လာတဲ့ အခါကျတော့ သူတို့က စားနိုင်သောက်နိုင် တဲ့ဟာတွေကို ကြွားလုံးထုတ်တာပေါ့ဗျာ။ ဒီဘက်မှာတွေ အခက်အခဲပေါ်နေတဲ့လူတွေကလည်း သူတို့ဘ၀တွေကို အားကျပြီးတော့ တချို့ကျတော့လည်း လိမ်ပြီးခေါ်သွားတယ်ခင်ဗျ။ ဟိုမှာ အလုပ်လုပ်တယ်ဆိုပြီးတော့။တချို့ကျတော့လည်း ဗြောင်ခေါ်သွားတယ်။ တရုတ်ယောင်္ကျားယူရမယ်၊ ၁ နှစ်ပေါင်းရမယ်၊ ဟိုမှာ ၁၀ သိန်းရမယ်၊ ၁၅ သိန်းရမယ် ဒါမျိုးတွေနဲ့ စည်းရုံးပြီးခေါ်သွားတာက များတယ်ခင်ဗျ။”

တရုတ်နိုင်ငံအတွင်းမှာ အမျိုးသားအရေအတွက်ကများနေပြီး အမျိုးသမီးရှားပါးနေမှု ပြဿနာကြောင့် အမျိုးသမီးတွေ လူကုန်ကူးခံရ တဲ့ပြဿနာ ကြီးထွားလာနေတာ လဲဖြစ်ပါတယ်။

ပြန်လည်လွတ်မြောက်လာတဲ့လူကုန်ကူးခံရသူတွေကို လူမှုအသိုင်းဝိုင်းထဲ ၀င့်ဆန့်အောင် လုပ်ဆောင်ပေး ဖို့လိုအပ်တယ် လို့ မြန်မာနိုင်ငံဆိုင်ရာကုလသမဂ္ဂ လူကုန်ကူးမှုတိုက်ဖျက်ရေးအဖွဲ့ စီမံချက်ညှိနှိုင်းရေးမှူး ဒေါ်ရင်ရင်ဟန်ကပြောပါတယ်။

“သူတို့ပြန်လည်လွှတ်မြောက်လာရင် သူတို့ကို အရင်ဆုံးတော့ မိသားစုပေါ့နော် မိသားစုထဲကို ၀င်ဆန့်အောင်လုပ်ပေးရမယ်။ ပြီးတော့ လူ့အသိုင်းအ၀ိုင်းထဲကိုလည်း ၀င်ဆန့်အောင်လုပ်ပေးဖို့ကလည်း အင်မတန်အရေးကြီးပါတယ်။ Social workers တွေရဲ့အခန်းကဏ္ဍကလည်း မေ့ထားလို့မရပါဘူးရှင့်။”

မြန်မာနိုင်ငံလူကုန်ကူးမှုတားဆီးနှိမ်နင်းရေးရဲတပ်ဖွဲ့ရဲ့စာရင်းအရ လူကုန်ကူးမှုတားဆီးကာကွယ်ရေး ဥပဒေပါ ပြဌာန်းချက်များနှင့် အညီ စုံစမ်းဖေါ်ထုတ် အရေးယူဆောင်ရွက်ရာမှာ ၂၀၁၆ ခုနှစ်အတွင်းလူကုန်ကူးမှုပေါင်း(၁၃၁)မှု လူကုန်ကူး ခံရသူ (၃၀၇)ဦး လူကုန်ကူးသူ(၂၃၃)ကိုဖေါ်ထုတ်အရေးယူနိုင်ခဲ့ပါတယ်။

လူကုန်ကူးမှုတားဆီးကာကွယ်ရေးဥပဒေကို ၂၀၀၅ ခုနှစ်၊ စက်တင်ဘာလ ၁၃ ရက်နေ့မှာ ရေးဆွဲ အတည်ပြု ပြဌာန်းခဲ့ တာရှိနေပေမဲ့မြန်မာနိုင်ငံအတွင်း အလုပ်အကိုင် အခွင့်အလန်းရှားပါးမှု ဆင်းရဲနွမ်းပါးမှု ပြည်တွင်းစစ်ပြဿနာတွေ ကြောင့်တဖက်နိုင်ငံတွေမှာ အလုပ်အကိုင်ရှာဖွေရင်ရင်း လူကုန်ကူးခံရတဲ့ဖြစ်စဉ်တွေဟာလဲ ပိုမိုများပြားလာနေသလို ဖြေရှင်းဖို့ခက်ခဲတဲ့အနေအထားမှာ လဲရှိနေပါတယ်။

နိုင်ကွန်းအိမ်
VOA Burmese News



နိုင်ငံတော်အတိုင်ပင်ခံပုဂ္ဂိုလ်ရဲ့ ငြိမ်းချမ်းရေးလူငယ်စကားဝိုင်း
နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ ကျေးလက်တောရွာနေ လူငယ်တွေ ငြိမ်းချမ်းရေး စကားဝိုင်း အဖြစ်ဒီကနေ့ အစိုးရ ရုံးစိုက်ရာ နေပြည်တော်မှာ ဆွေးနွေးကြပါတယ်။ ငြိမ်းချမ်းရေး လုပ်ငန်းစဉ်မှာ ပြည်သူတွေ ပါဝင်မှ အောင်မြင်မှာ ဖြစ်တယ်လို့ဒေါ်အောင်ဆန်းစုကြည်က အခုလို ပြောဆိုခဲ့ပါတယ်။

“အစိုးရအနေနဲ့ တတ်နိုင်သမျှတော့ ပြည်သူလူထုနဲ့ ထိတွေ့ပြီးတော့ ဒီငြိမ်းချမ်းရေး ဖြစ်စဉ်ထဲမှာ ပြည်သူတွေပါစေချင်တယ်။ ပြည်သူတွေအင်အားနဲ့မှ အောင်မြင်နိုင်မယ်ဆိုတာကိုလည်း ယုံကြည်တယ်။”

ငြိမ်းချမ်းရေး စကားဝိုင်းမှာ တက်ရောက်လာတဲ့ ကချင်လူငယ် တဦးကလည်း စစ်ရှောင် စခန်းတွေက ကချင် ဒုက္ခသည်တွေ နေရပ်ရင်းတွေ ပြန်နိုင်ဖို့ ငြိမ်းချမ်းရေး အတွက် ဆောင်ရွက်ပေးဖို့ တောင်းဆိုပါတယ်။

“ကျမတို့ ကချင်ပြည်နယ်က စစ်ဖြစ်တဲ့အတွက် တိုင်းရင်းသားရွာသူရွာသားများ ဒုက္ခသည်စခန်းမှာ ထွက်ပြေးနေရတယ်။ ကိုယ့်နေရာကို အမြန်ဆုံးပြန်ရောက်ပြီးတော့ ငြိမ်းငြိမ်းချမ်းချမ်း လုပ်ကိုင်စားသောက်နိုင်ဖို့အတွက် ငြိမ်းချမ်းရေးကို အမြန်ဆုံး အမေစုဆောင်ရွက်ပေးပါရှင့်။”

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ငြိမ်းချမ်းရေး အတွက် အကောင်းဆုံး ဆောင်ရွက်သွားမယ်လို့ ကတိပြု ပြောဆိုခဲ့တာပါ။ နိုင်ငံတ၀န်း ကျေလက် တောရွာနေ လူငယ် ၁၂ ဦးတို့ရဲ့ ဆွေးနွေးချက်တွေမှာတော့ ငြိမ်းချမ်းရေး၊ တရားဥပဒေ စိုးမိုးရေး၊ ဒေသဖွံ့ဖြိုးရေးတို့နဲ့ ပတ်သက်ပြီး ကျယ်ကျယ်ပြန့်ပြန့် ဆွေးနွေးခဲ့ကြတာပါ။ နိုင်ငံတ၀န်း အမုန်းတရားတွေ ပြန့်နှံ့နေတာတွေကို တရားဥပဒေ စိုးမိုးရေးနဲ့ ကိုင်တွယ်ပေးဖို့ လူငယ်တဦးရဲ့ စာနဲ့ ဆွေးနွေးချက်ကိုတော့ ဒေါ်အောင်ဆန်းစုကြည်က အမှားအမှန် ဝေဖန်ခွဲခြားနိုင်တဲ့ ပညာရေး အရေးကြီးတယ်လို့ သုံးသပ် ပြောဆိုခဲ့ပါတယ်။ ဒီနှစ်စပိုင်းက စတင်ခဲ့တဲ့ ဒေါ်အောင်ဆန်းစုကြည်နဲ့ စီးပွားရေးလုပ်ငန်းရှင်တွေ၊ နယ်ပယ် အသီးသီးက လူငယ်တွေရဲ့ ငြိမ်းချမ်းရေး စကားဝိုင်းကတော့ အခုချိန်မှာ လေးကြိမ်မြောက် ရှိခဲ့ပြီ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



( ဓါတ်ပုံ - ကြံ့ခိုင်ဖွံ့ဖြိုးရေးပါတီက ဦးလှဆွေ ကို တွေ့ရစဉ် )
၂၀၁၅ အထွေထွေရွေးကောက်ပွဲမှာ မကွေးတိုင်းဒေသကြီး၊ အမျိုးသား လွှတ်တော် မဲဆန္ဒနယ်အမှတ် ၁၂ မှာ အနိုင်ရရှိခဲ့တဲ့ NLD လွှတ်တော်ကိုယ်စားလှယ် ဦးပြူးလွင်ကို ကြံ့ခိုင်ဖွံ့ဖြိုးရေးပါတီ ကိုယ်စားလှယ်လောင်း ဦးလှဆွေက ပြည်ထောင်စုရွေးကောက်ပွဲကော်မရှင်ထံ ကန့်ကွက်လွှာတင်ထားတာကို ရွေးကောက်ပွဲကော်မရှင်ခုံရုံးက ဒီနေ့ အပြီးသတ်အမိန့်ချမှတ်ရာမှာ ဦးပြူးလွင်က အနိုင်ရရှိခဲ့ပါတယ်။

ဦးလှဆွေ ကန့်ကွက်လွှာတင်ထားချက်တွေဟာ ရွေးကောက်ပွဲကာလနဲ့ မသက်ဆိုင်တဲ့အတွက် တိုင်တန်းချက် တွေကို ခုံရုံးကပယ်ချလိုက်တယ်လို့ အမျိုးသားလွှတ်တော်ကိုယ်စားလှယ် ဦးပြူးလွင် က ပြောပါတယ်။

"အချက် ၂၀ လောက်နဲ့ တိုင်တာပေါ့။ ပုဒ်မ ၅၀၀ လည်းအပါအဝင် ဂုဏ်သရေညှိးနွမ်းမှု ပုဒ်မ ၂၁၁ လည်း ပါတယ်။ နောက်ကိုယ့်ရဲ့ ရွေးကောက်ပွဲကိုယ်စားလှယ်လည်းမဟုတ်ဘဲနဲ့ ရွေးကောက်ပွဲကိုယ်စားလှယ်က နေပြီးတော့မှ ကြံခိုင်ရေးပါတီက မကောင်းဘူး ဘာညာပေါ့ အဲ့လိုမျိုးမဲဆွယ်တာတွေနဲ့ ပတ်သက်တဲ့ သူများ ပြစ်မှုကျူးလွန်တာတွေလည်း ကိုယ်ကပဲကျူးလွန်ခိုင်းသလိုလို ထင်ယောင်ထင်မှားအချက်တွေနဲ့ စွဲချက်တင်ရတာပေါ့ ။ ပုဒ်မ ၅၀၀ နဲ့ ပုဒ်မ ၂၁၁ နဲ့ ပတ်သက်တာကြတော့ လွန်ခဲ့တဲ့ ၂၀၁၂ နဲ့ ၂၀၁၃ ဖြစ်တာကျတော့ တပိုင်းပေါ့။ ရွေးကောက်ပွဲကာလအတွင်းမှာ မပြုလုပ်တဲ့အမှုတွေဖြစ်တာကြောင့် လုံးဝ ရွေးကောက်ပွဲ ခုံရုံးနဲ့ ဥပဒေနဲ့ မပတ်သက်ဘူးဆိုပြီး ဒီက ပယ်လိုက်တယ်။ "

ဥပဒေအရ ကန့်ကွက်လွှာတင်သွင်းရာမှာ ရှုံးနိမ့်ခဲ့တဲ့အတွက် ဦးလှဆွေဟာ ဦးပြူးလွင်ကို အမှုရင်ဆိုင်စရိတ် ငွေကျပ်တစ်သိန်း ဒီနေ့ပေးရပါတယ်။

၂၀၁၅ ခုနှစ် ဒီဇင်ဘာလကစပြီး ကန့်ကွက်လွှာတင်ထားတဲ့အပေါ် လစဉ် တလကို သုံးကြိမ်ခန့် ခုံရုံးက ခေါ်ယူစစ်ဆေးခဲ့တာတွေရှိကြောင်းနဲ့ အယူခံဝင်ခဲ့ရတာတွေလည်း ရှိတဲ့အတွက် စရိတ်ကုန်ကျမှုဟာ ဥပဒေပြဌာန်းချက်ထက် ပိုများခဲ့တယ်လို့ အမျိုးသားလွှတ်တော်ကိုယ်စားလှယ် ဦးပြူးလွင် က ပြောပါတယ်။

၂၀၁၅ အထွေထွေရွေးကောက်ပွဲ ရလဒ်အရ ဦးပြူးလွင်ဟာ ထောက်ခံမဲ တစ်သိန်းကျော်ရရှိခဲ့ပြီး ဦးလှဆွေဟာ ထောက်ခံမဲ ၃ သောင်းကျော် ရရှိခဲ့တာဖြစ်ပါတယ်။

ဦးပြူးလွင်အနေနဲ့ ဦးလှဆွေအပေါ် ဂုဏ်သိက္ခာညှိးနွမ်းအောင်နဲ့ အသေရေပျက်အောင် ဆောင်ရွက်ခဲ့တာတွေ ရှိသလို ကြံခိုင်ဖွံ့ဖြိုးရေးပါတီအပေါ်အမြင်မှားအောင် ဆောင်ရွက်ခဲ့တာကြောင့် ဦးပြူးလွင်ရရှိခဲ့တဲ့ မဲတွေဟာ မသမာမှုတွေရှိနေတယ်ဆိုပြီး ဦးလှဆွေက ပြည်ထောင်စုရွေးကောက်ပွဲ ကော်မရှင်ထံ ကန့်ကွက်လွှာ တင်သွင်းခဲ့တာ ဖြစ်ပါတယ်။

RFA Burmese
https://www.facebook.com/rfaburmese


အစိုးရသစ် တစ်နှစ်တာ ဆောင်ရွက်မှုများ သတင်းစာရှင်းလင်းပွဲတွင် ဆောက်လုပ်ရေး ၀န်ကြီးဌာန အမြဲတမ်းအတွင်းဝန် ဦးကျော်လင်းက ရှင်းလင်း ပြောကြားနေစဉ် (ဆင်ဟွာ)
     နေပြည်တော်၊ ဧပြီ ၁၀ ရက် (ဆင်ဟွာ)

     ဆောက်လုပ်ရေးဝန်ကြီးဌာန မြို့ ပြနှင့် အိမ်ယာ ဖွံ့ ဖြိုးမှု ဦးစီးဌာနသည် ၂၀၁၇ ခုနှစ်အတွင်း တန်ဖိုးနည်းနှင့် တန်ဖိုးသင့် အိမ်ခန်းပေါင်း တစ်သောင်းကျော် (၁၀၂၁၂ ခန်း) ကို အပြီး တည်ဆောက်ကာပြည်သူလူထုထံ ရောင်းချပေးသွားမည်ဟု ဆောက်လုပ်ရေး ၀န်ကြီးဌာန အမြဲတမ်းအတွင်းဝန် ဦးကျော်လင်းက ပြောကြားခဲ့သည်။

“တန်ဖိုးနည်း၊ တန်ဖိုးသင့် အိမ်ယာများ အနေနဲ့  နေပြည်တော် ရွှေနံ့ သာမှာ အိမ်ခန်း ၈၀၊ ရန်ကုန်မှာ ၈၇၁၂ ခန်း၊ မုံရွာမှာ အိမ်ခန်း ၄၄၀၊ မကွေးမှာ ၃၀၄ ခန်း၊ ပုသိမ်မှာ ၆၇၆ ခန်း၊ စုစုပေါင် ၁၀၂၁၂ ခန်းကို ၂၀၁၇ ခုနှစ်အတွင်း အပြီးဆောက်ပြီး ပြည်သူတွေကို ရောင်းချပေး သွားပါမယ်” ဟု နေပြည်တော် ပြန်ကြား ၀န်ကြီးဌာနတွင် ယနေ့ နေ့ လယ်ပိုင်း ပြုလုပ်ခဲ့သော နိုင်ငံတော် အစိုးရ၏ ပထမ တစ်နှစ်တာကာလ ပြုပြင် ပြောင်းလဲမှုဆိုင်ရာ သတင်းစာ ရှင်းလင်းပွဲ၌ ၎င်းက ပြောခဲ့ခြင်း ဖြစ်သည်။

အစိုးရသစ် တစ်နှစ်တာ ဆောင်ရွက်မှုများ သတင်းစာရှင်းလင်းပွဲမြင်ကွင်းအားတွေ့ရစဉ် (ဆင်ဟွာ)
ထိုသို့ ရောင်းချရာတွင် ၀င်ငွေနည်း ပြည်သူများ၊ နိုင်ငံ့ဝန်ထမ်းများ၊ ကုမ္ပဏီဝန်ထမ်းများ၊ ပင်စင်စားများအား ဦးစားပေးစနစ်ဖြင့် ရောင်းချမည် ဖြစ်ပြီး ဆောက်လုပ်ရေးနှင့် အိမ်ယာ ဖွံ့ ဖြိုးရေး ဘဏ်က အိမ်ယာအပေါင် ချေးငွေစနစ် (housing mortgage loan) ဖြင့် ရှစ်နှစ်မှ ၁၀ နှစ်အထိ ၀ယ်ယူနိုင်အောင် စီစဉ် ဆောင်ရွက်ထားကြောင်း၊ ဆောက်လုပ်ရေးနှင့် အိမ်ယာ ဖွံ့ ဖြိုးရေးဘဏ်ကို အိမ်ယာ ငွေကြေးစနစ် ထူထောင်နိုင်၇န်၊ ပြည်သူ အိမ်ယာ ဖွံ့ ဖြိုး တိုးတက်ရေး အတွက် လိုအပ်သော ငွေကြေးစနစ် ထောက်ပံ့နိုင်ရန်၊ ပြည်သူများအတွက် တန်ဖိုးသင့် အိမ်ယာများအား အိမ်ယာချေးငွေစနစ်ဖြင့် ၀ယ်ယူနိုင်ရေးအတွက် ထောက်ပံ့ပေးရန်၊ အိမ်ယာစုငွေများ ဖွံ့ ဖြိုး တိုးတက်စေရန် ရည်ရွယ်၍ ၂၀၁၃ ခုနှစ်မှစ၍ ရန်ကုန်မြို့ တွင် ဖွင့်လှစ်ခဲ့ပြီး အခြား မြို့ ကြီးများတွင် ဘဏ်ခွဲ ခုနစ်ခုတို ဖြင့် ဆောင်ရွက်လျက်ရှိကြောင်းလည်း ၎င်းက ရှင်းပြခဲ့သည်။

၂၀၁၆ -၂၀၁၇ တစ်နှစ်တာအတွင်း ရန်ကုန်မြို့ တွင် တန်ဖိုးနည်း - တန်ဖိုးသင့် အိမ်ယာ စီမံကိန်းမှ အိမ်ခန်း ၂၂၀၈ ခန်း၊ မန္တလေးမြို့ တွင်မြရည်နန္ဒာ အိမ်ရာ စီမံကိန်းမှ အိမ်ခန်း ၈၀၀ ခန်း- ပေါင်း ၃၀၀၈ ခန်း တည်ဆောက်ပေးနိုင်ခဲ့ပြီး ရန်ကုန်မြို့  ဒဂုံ ဆိပ်ကမ်းမြို့ နယ် ဧရာဝဏ် - ရတနာ အိမ်ယာစီမံကိန်းရှိ အိမ်ခန်း ၁၃၈၀ ရှိ ရတနာနှင်းဆီ အဆင့်မြင့် အိမ်ယာကို တည် ဆောက်ခဲ့ရာ နိုင်ငံတ်ာအတိုင်ပင်ခံ ပုဂ္ဂိုလ်ကိုယ်တိုင် တက်ရောက် ဖွင့်လှစ်ပေး ခဲ့ကြောင်းလည်း ၎င်းက ပြောခဲ့သည်။

(Xinhua)
http://www.xinhuamyanmar.com



အမျိုးသား လုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်း
ရခိုင်ပြည်နယ်မှာ မူစလင်လူနည်းစုတွေကို လူမျိုးတုံးသုတ်သင်နေတယ်ဆိုတာမျိုး လုံးဝမရှိပါဘူးလို့ အမျိုးသား လုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းက ဒီကနေ့မှာပဲ ထပ်ပြောလိုက်ပါတယ်။ ပြီးခဲ့တဲ့ရက်ပိုင်းအတွင်းက ဘီဘီစီ သတင်းဌာနနဲ့ တွေ့ဆုံမေးမြန်းခန်းမှာ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ပြော သွားတာကို ဦးသောင်းထွန်းက ဒီကနေ့ သံတမန် အသိုင်းအ၀ိုင်းကို ထပ်ပြောသွားတာပါ။ ရခိုင်ပြည် အခြေအနေ အရပ်ရပ်နဲ့ပတ်သက်ပြီး ရန်ကုန်မြို့၊ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန NRPC မှာ သံတမန်တွေကို ဦးသောင်းထွန်းက ရှင်းလင်းပြောဆိုတဲ့ပွဲကို ကိုယ်တိုင် သွားခဲ့တဲ့ ကိုကျော်ကျော်သိန်းက အပြည့်အစုံပြောပြပါမယ်။

အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းဟာ ရန်ကုန်မြို့အခြေစိုက် ကုလသမဂ္ဂ၊ နိုင်ငံတကာအဖွဲ့အစည်းတွေ နဲ့ နိုင်ငံခြားသံရုံးတွေက သံတမန် အယောက် ၅၀ လောက်တက်ရောက်တဲ့ ဒီကနေ့ပွဲမှာ ရခိုင်ပြည်နယ်တွင်း လူမျိုးတုံးသုတ်သင် မှုဆိုင်ရာ စွပ်စွဲချက်နဲ့ပတ်သက်ပြီးတော့ ထပ်ပြီး အတိအလင်း ငြင်းချက် ထုတ်ပြောသွားတာပါ။

“ရခိုင်ပြည်နယ်မှာ မူစလင်လူနည်းစုတွေကို လူမျိုးတုံးသုတ်သင်နေတယ် ဆိုတာမျိုး လုံးဝမရှိပါဘူး။ ဒီကိစ္စဟာ ကွဲပြား ခြားနားနေတဲ့ လူတွေကြားမှာ ဖြစ်နေတဲ့ကိစ္စပါ။ ဒီအခြေအနေကို ကျော်လွှားဖို့နဲ့ ကွာဟချက်ကို ပိတ်ပစ်ဖို့အတွက် အစိုးရက ကြိုးစား လုပ်ဆောင်နေပါတယ်။”

မြန်မာနိုင်ငံမှာ စစ်တပ်ရဲ့ လုပ်ဆောင်ချက်ဟာ ကမ္ဘာပေါ်က ဘယ်နေရာမှာမဆိုရှိတဲ့ စစ်တပ်တွေက လုပ်ဆောင်တာနဲ့ အလားတူ ဖြစ်ပြီး သူတို့အနေနဲ့ မုဒိမ်းကျင့်တာ၊ သတ်ဖြတ်တာ၊ နှိပ်စက်ညှဉ်းပန်းတာတွေကိုလုပ်ဖို့ အခွင့်မရှိတဲ့အကြောင်းနဲ့ သူတို့မှာ လိုက်နာရမယ့် စည်းမျဉ်းစည်းကမ်းတွေရှိပြီး အဲဒါတွေကို လိုက်နာ လုပ်ဆောင်ရမှာဖြစ်တယ်လို့လဲ ဦးသောင်းထွန်းက ပြောသွားပါတယ်။

ရခိုင်ပြည်နယ်က နောက်ဆုံးအခြေအနေတွေ၊ အစိုးရက ကြိုးပမ်း လုပ်ဆောင်နေတာတွေ၊ နိုင်ငံတကာအသိုင်းအ၀ိုင်းက အကူ အညီပေးနေတာတွေ၊ ရရှိထားတဲ့ တိုးတက်မှုတွေကို ၄၅ မိနစ်နီးပါးကြာတဲ့ ရှင်းလင်းပြောဆိုချက်မှာ ဦးသောင်းထွန်းက အကျယ် တ၀ံ့ပြောဆိုသွားပြီး တိုးတက်မှုတွေရှိတဲ့ကြားက ပြင်းထန်တဲ့စွပ်စွဲချက်တွေနဲ့ ရင်ဆိုင်ရတာ၊ ကုလသမဂ္ဂက မြန်မာနိုင်ငံနဲ့ပတ် သက်ပြီး ဆုံးဖြတ်ချက်ချမှတ်တာတွေကို ထောက်ပြပြောဆိုပါတယ်။

တိုးတက်မှုတွေကို ပြောတဲ့နေရာမှာ ကိုဖီ အာနန်ဦးဆောင်တဲ့ ရခိုင်အရေး အကြံပေးကော်မရှင်က အကြံပြုထားတဲ့အတိုင်း အိုးအိမ်စွန့်ထွက်ပြေးနေရ သူတွေ နေထိုင်နေတဲ့စခန်းတွေကို ပိတ်ပေးဖို့ စီစဉ်နေတဲ့အကြောင်းလဲ ဦးသောင်းထွန်းက ပြောသွားပါ တယ်။

“အိုးအိမ်စွန့်ထွက်ပြေးသူ IDP တွေနေတဲ့ စခန်းသုံးခုကိုပိတ်ပစ်ဖို့ လုပ်ငန်းစဉ် စထားပါ ပြီ။ ကျောက်ဖြူ၊ စစ်တွေနဲ့ ရမ်းဗြဲတို့မှာပါ။ ကျောက်ဖြူမှာက ရခိုင်လူမျိုးတွေအတွက် စခန်းပါ။ စစ်တွေမှာက ရိုဟင်ဂျာတွေအတွက် စခန်းဖြစ်ပြီး ရမ်းဗြဲက ကမန်လူမျိုးတွေအတွက်စခန်း ဖြစ်ပါတယ်။”

ဒါ့အပြင် အစိုးရက လုပ်ဆောင်ထားတဲ့ နောက်ထပ် အရေးကြီးတဲ့ အဆင့်တခုကတော့ဆိုပြီး နိုင်ငံသားအဖြစ် အသိအမှတ်ပြုရေး ဆိုင်ရာ လုပ်ငန်းစဉ်ကို စလုပ်နေတဲ့အကြောင်းနဲ့ဒီလုပ်ငန်းစဉ်ဟာ နိုင်ငံသားဖြစ်ခွင့်ရှိသူအားလုံးကို နိုင်ငံသားအဖြစ် အလျင် အမြန် အသိအမှတ်ပြုပေးမယ့် လုပ်ငန်းစဉ်ဖြစ်တဲ့အကြောင်းလဲ အထူးအလေးထားပြောသွားပါတယ်။

အောက်တိုဘာလ ၉ ရက်နေ့က နယ်ခြားစောင့်ရဲစခန်းတွေကို အကြမ်းဖက် တိုက်ခိုက်ခံရပြီးတဲ့နောက်ပိုင်း လုံခြုံရေးတပ်ဖွဲ့တွေက နယ်မြေရှင်းလင်းရေးနဲ့ စစ်ဆင်ရေးလုပ်ဆောင်တာတွေမှာ လူ့အခွင့်အရေးချိုးဖောက်မှုတွေ ရှိတယ်ဆိုတဲ့ စွပ်စွဲချက်တွေက ကျယ်ကျယ်ပြန့်ပြန့်ကို ထွက်ထားတာပါ။ ဒါနဲ့ပတ်သက်လို့လဲ ဦးသောင်းထွန်းက -

“ဥပဒေမဲ့လုပ်ဆောင်တယ်ဆိုတာ ရှင်းလင်းတဲ့ အထောက်အထားရှိတယ်ဆိုရင် ကျနော်တို့အနေနဲ့ ဥပဒေနဲ့အညီ အရေး ယူပါမယ်။ အထောက်အထားရှိရင် အရေးယူမယ်ဆိုတာ ကျနော်တို့ အကြိမ်များစွာ ပြောထားပါတယ်။ ဒါကို အစိုးရအဖွဲ့ အမြင့်ဆုံး အဆင့်ကနေ ပြောထားသလို ကာကွယ်ရေးဌာနကလဲ ထပ်ပြောထားပြီး ရဲတပ်ဖွဲ့ကလဲ ဒါကို ကြေညာထားပြီးသားပါ။”

ဦးသောင်းထွန်းရဲ့ ဒီကနေ့ ရှင်းလင်းပြောဆိုချက်တခုလုံးမှာ ဦးတည်ချက်ကတော့ နိုင်ငံတကာအသိုင်းအ၀ိုင်းအနေနဲ့ ရခိုင်ပြည် အရေးနဲ့ပတ်သက်ပြီး အစိုးရက လုပ်ဆောင်နေတာတွေကို အပြုသဘောဆောင် ချဉ်းကပ်ပြီးတော့ ၀ိုင်းဝန်း ပူးပေါင်းလုပ်ဆောင် ရေး အလေးထား တိုက်တွန်းဖို့ ရည်ရွယ်ပုံရပြီး အားလုံး လက်တွဲလုပ်ဆောင်မယ်ဆိုရင် တိုးတက်မှုတွေရလာမယ်ဆိုတဲ့ သဘော မျိုး ပြောသွားပါတယ်။

 ကျော်ကျော်သိန်း  / ဗွီအိုအေ (မြန်မာပိုင်း)
http://burmese.voanews.com



ကြားနားမှုကို တံခါးပိတ် ပြုလုပ် ခဲ့တာ ဖြစ်ပေမယ့် သတင်းသမားတွေနဲ့ ပြည့်နေခဲ့
ဧပြီလ ၇ ရက်နေ့က ဆွီဒင်နိုင်ငံ စတော့ဟုမ်းမြို့မှာ ဖြစ်ခဲ့တဲ့ ကုန်ကားနဲ့ လူတွေကို တိုက်မှု ကျူးလွန်ခဲ့ သူလို့ ယူဆရတဲ့ ကားမောင်းသူဟာ အကြမ်းဖက် တိုက်ခိုက်မှု လုပ်ခဲ့တာ ဖြစ်ကြောင်း ဝန်ခံ ပြောဆို လိုက်တယ်လို့ သူ့ရဲ့ ရှေ့နေက ပြောပါ တယ်။

ဥဘက်ဇ်ကစ္စတန် က အသက် ၃၉ နှစ်အရွယ် Rakhmat Akilov က တရာရုံးကြား နာ မှု မှာ အခုလို ဝန်ခံ လိုက်တာ ပါ။

ဒီတိုက်ခိုက်မှု အတွက် သူ့မှာ တာဝန်ရှိတယ်လို့လည်း ပြောကြားသွားပါတယ်။

အဲဒီတုန်းက ကုန်ကားနဲ့ ကုန်တိုက် တခုထဲ မောင်းဝင် တိုက်ခိုက်ခဲ့တာ ဖြစ်ပြီး၊ တိုက်ခိုက်မှုကြောင့် လူ ၄ ဦး သေဆုံး သွားခဲ့ရကာ၊ လူအတော် များများလည်း ဒဏ်ရာရရှိခဲ့ပါတယ်။

ဒဏ်ရာ ရသူတွေထဲက ၂ ဦးကတော့ စိုးရိမ်ရတဲ့ အခြေ အနေမှာ ရှိနေ ပါတယ်။

Rakhmat Akilov က သူဟာ အကြမ်း ရာဇဝတ်မှု တခုကို ကျူးလွန်ခဲ့ကြောင်း၊ ဒီအတွက် သူ့ကို ဖမ်းဆီး ထိန်းသိမ်း မှာကို လက်ခံ ကြောင်း သူ့ရဲ့ ရှေ့နေ ဖြစ်သူ ဂျွန် အဲရစ်ခ်ဆင် က ပြောပါတယ်။

ဒီကနေ့ တရားရုံး ကြားနာမှု အတွက် လုံခြုံရေး ကို အထူး တင်းကျပ်ထားပြီး၊ ကြားနားမှုကို တံခါးပိတ် ပြုလုပ် ခဲ့တာ လည်း ဖြစ်ပါတယ်။

ဒါပေမယ့် သတင်း သမားတွေနဲ့လည်း ပြည့်နေပါတယ်။

တရားခံ Rakhmat Akilov ဟာ တကိုယ်လုံး အစိမ်းရောင် ၀တ်ထားပြီး၊ သူ့ခေါင်းမှာ ခြုံထားတဲ့ အစိမ်းရောင် စောင်ကို ကြားနာမှု မစခင် ဖယ်ခိုင်းတယ်လို့ သိရပါတယ်။

BBC Burmese
http://www.bbc.com/burmese


နိရဉ္စရာ၊ ဧပြီ ၁၁

ရခိုင်ပြည်နယ် မောင်တောမြို့နယ် မြောက်ပိုင်းတွင် တည်ရှိသော ရခိုင် အထက်ပြူးမ ကျေးရွာမှ အိမ်ထောင်စု ၁၄ စုသည် စီးပွားရေးနှင့် လုံခြုံရေး အကျပ်အတည်းကြောင့် နေရပ် စွန့်ခွာသွားကြသဖြင့် ၎င်းကျေးရွာမှာ ပြိုပျက်လုနီးပါး အခြေအနေသို့ ရောက်ရှိသွားပြီ ဖြစ်သည်ဟု သတင်းရရှိသည်။

အထက်ပြူးမ ကျေးရွာတွင် စုစုပေါင်း မိသားစု ၁၆ စု (အိမ်ခြေ ၁၆ ဆောင်) ရှိရာမှ ထိုအထဲမှ ၁၄ စုမှာ ရွာကို စွန့်ခွာသွားခဲ့ကြခြင်း ဖြစ်သည်။

“ ရွာကို စွန့်ခွာပြီး ပြောင်ရွှေ့လာရခြင်းရဲ့ အဓိက အကြောင်းရင်းကတော စားဝတ်နေရေး အဆင် မပြေလို့ပါ။ ကျွန်တော်တို့ အထက်ပြူးမရွာမှာ ရွာသားတွေက တောင်ကို တက်ပြီး ထင်းခုတ်၊ သစ်ခုတ် ပြီး အသက်မွေး ၀မ်းကျောင်းကြရပါတယ်။ နောက် ချောင်းထဲဆင်းပြီး ကဏန်းပုံးထောင်တဲ့ အလုပ်ကို လုပ်ပါတယ်။ အခု ဒီလုပ်ငန်းတွေကို လုပ်ကိုင်လို့လည်း မရတော့ စားရေး သောက်ရေးက အများကြီး အခက်အခဲဖြစ်လာပါတယ်။ ဒီလို ဒုက္ခရောက်နေချိန်မှာ အစိုးရဆီကရော၊ အန်ဂျီအိုတွေကလည်း အကူအညီ မရပါဘုး။ ဒီတော့ ကျွန်တော်တို့ ရွာကို စွန့်ခွာပြီး တစ်ခြားနေရာကို ပြောင်းရွှေ့လာရတာပါ” ဟု ပြောင်ရွေ့လာသူများအထဲမှ ကျေးရွာခေါင်းဆောင်တစ်ဦးဖြစ်သူ ကိုမောင်သိန်းမှ နိရဉ္စရာသို့ ပြောဆိုသည်။

ဘာကြောင့် တောင်ကို တက်ပြီး ထင်းခုတ်၊ သစ်ခုတ် လုပ်ငန်းများကို မလုပ်ကိုင်နိုင်သလို ကဏန်းထောင်ခြင်းကိုလည်း မလုပ်ကိုင်နိုင် ပါသလဲဟု ဆက်လက် မေးမြန်းရာ ၂၀၁၆ ခုနှစ် အောက်တိုဘာလ ၉ ရက်နေ့က နယ်ခြားစောင့် စခန်းများ တိုက်ခိုက်ခံရပြီး နောက်ပိုင်းကတည်းက သစ်ဝါး ခုတ်ရန် တောင်ကိုတက်၍ မရတော့ကြောင်း၊ အကြောင်းအရင်းမှာ ဘင်္ဂလီ အကြမ်းဖက်သမားများ၏ ရန်ကို ကြောက်၍ ဖြစ်ကြောင်း၊ ကဏန်းပုံးထောင်လျှင်လည်း ဘင်္ဂလီရွာသားများက လူမရှိစဉ် ဖျက်ဆီး ပစ်ကြောင်း ကိုမောင်သိန်းမှ ဆက်လက် ရှင်းပြ ပြောဆိုသည်။

အထက်ပြူးမ ကျေးရွာမှ စွန့်ခွာသွားသူများကို လောလောဆယ်တွင် မောင်တောမြို့နယ် တောင်ပိုင်းတွင် တည်ရှိသော ကင်းချောင်းကျေးရွာ သို့ ၁၂ စု၊ ရွှေဗဟို ကျေးရွာတွင် အိမ်ထောင်စု ၂ စု တို့ နေရာချ နေထိုင်နေကြောင်း သိရသည်။

“ ကျွန်မတို့ အထက်ပြူးမရွာမှာတော့ နယ်ခြားစောင့်စခန်းရှိပြီး တပ်သား ၇ ဦးခန့် ရှိပါတယ်။ ရွာအနေနဲ့တော့ လုံခြုံရေး သိပ်စိုးရိမ်စရာ မရှိပါဘူး။ အဓိကတော့ အလုပ်အကိုင် မရှိ၊ အထောက်အပံ့လည်း မရှိတဲ့ အတွက် ခုလို မောင်တောတောင်ပိုင်းကို ပြောင်းရွှေ့လာရတာပါ။ စားဝတ်နေရေး အဆင်ပြေရင်တော့ ပြောင်းရွှေ့စရာမရှိပါဘူး” ဟု နေရပ်စွန့်ခွာလာသူ ဒေါ်လှဝေစိန်က ရှင်းပြသည်။

၎င်းပြင် အထက်ပြူးမရွာရှိ ရခိုင်ကလေးများမှာ ပညာသင်ကြားရေးအတွက် ဘင်္ဂလီကျေးရွာရှိ အစိုးရကျောင်းတွင် တက်ရောက်သင်ကြားရကြောင်း၊ ကလေးငယ်များ လုံခြုံရေးကို စိုးရိမ်ပြီး ကျောင်းသို့ မလွတ်ဝံ့ကြောင်း၊ သို့အတွက် ကလေးများ၏ အနာဂတ် ပညာရေးကိုပါ ထိခိုက်လာကြောင်း၊ အစစအရာရာကို ထည့်တွက် စဉ်းစားပြီး ယခုလို နေရပ်စွန့်ခွာလာခဲ့ခြင်း ဖြစ်ကြောင်း သူမက ဆက်လက် ပြောဆိုသည်။

၎င်းမိသားစု ၁၄ စုအပါအ၀င် အိမ်ထောင်စု ၂၆ စု သည် ရခိုင်ပြည်နယ်တွင် ဖြစ်ပွားခဲ့သော လူမျိုးရေး ပြသနာများကြောင့် အကြမ်းဖက် တိုက်ခိုက်ခံရမည်ကို စိုးရိမ်၍ ၂၀၁၂ ခုနှစ် နောက်ပိုင်းတွင် ဘင်္ဂလာဒေ့ရ်ှနိုင်ငံ ဘင်ဒရိုင်ဘင် ခရိုင် ဗိုလ်မင်းထောင်ဒေသ ဘင်္ဂလာဒေ့ရ်ှနယ်စပ်မှ မြန်မာနိုင်ငံ မောင်တောမြို့နယ်ထဲ ခိုလုံ ရောက်ရှိလာကြသူများ ဖြစ်သည်။

သူတို့အား အစိုးရမှ မောင်တောမြို့နယ် မြောက်ပိုင်း အထက်ပြူးမရွာတွင် နေရာချပေးခဲ့သော်လည်း လုပ်ကိုင်စားသောက်ရန် အတွက် အကူအညီများ ထောက်ပံ့ပေးခြင်းမရှိသလို လုပ်ကိုင်စားသောက်ရန် လယ်မြေအပါအ၀င် ကျွဲနွားများလည်း ထောက်ပံ့ပေးခဲ့ခြင်း မရှိကြောင်း သိရသည်။

“ ကျွန်တော်တို့ ဘင်္ဂလာဒေ့ရ်ှနယ်စပ်ကနေ ဒီဘက်ကို ပြောင်းရွှေ့လာတဲ့ မိသားစုက စုစုပေါင်း ၂၆ စုပါ။ ဒီအထဲက ၁၂ စုက စားဝတ်နေရေး အခက်အခဲကျရောက်သလို ဒီဘက်က အာဏာပိုင်တွေက ဒီနိုင်ငံနေထိုင်နိုင်အောင် ဘာအထောက်အထား ကတ်ပြားမှ မထုတ်ပေးတဲ့ အတွက် ဘင်္ဂလာဘက်ကို ပြန်သွားကြပါတယ်။ ကျန်ရှိနေတဲ့ မိသားစု ၁၄ စုလည်း အခက်အခဲ ဖြစ်လာတော့ အခု တစ်ဖန် မောင်တောမြို့နယ် တောင်ပိုင်းကို ထပ်မံ ပြောင်းရွှေ့လာရတာပါ” ဟု ပြောဆိုသည်။

ကျန်ရှိနေခဲ့သော မိသားစု ၁၄ စုအား WFP ကမ္ဘာစားနပ်ရိက္ခာအဖွဲ့မှ အိမ်ထောင်စုအလိုက် ဆန်ရိက္ခာများ ယခင်က ထောက်ပံ့ပေးခဲ့သော်လည်း ၂၀၁၆ ခုနှစ် အောက်တိုဘာ ၁၀ ရက်နေ့က မောင်တောမြို့နယ်တွင် ပေါ်ပေါက်ခဲ့သော အကြမ်းဖက်မှု ဖြစ်ပွားပြီးနောက်ပိုင်း WFP က အထောက်အပံ့များကို ရပ်ဆိုင်းလိုက်ကြောင်း သိသည်။

“ WFP အပါအ၀င် နိုင်ငံတကာက ဘင်္ဂလီတွေကို ပြန်ပြီး အကူအညီတွေ အများကြီး ပေးနေပါတယ်။ ကျွန်တော်တို့က ဘာမှ မရတော့ပါ။ အစိုးရကမကူညီသလို နိုင်ငံတကာကလည်း အကူအညီမရပါ။ ခွဲခြားဆက်ဆံခံနေရတယ်လို့ ခံစားရပါတယ်” ဟု ကိုမောင်သိန်းက ပြောဆိုသည်။

ကင်းချောင်းကျေးရွာ အုပ်ချုပ်ရေးမှူးက “ ကျွန်တော်တို့ ကင်းချောင်းရွာကို အထက်ပြူးမှကနေ အိမိထောင်စု ၁၂ စု ပြောင်းလာတာ မှန်ပါတယ်။ ရွှေဗဟိုကိုတော့ အိမ်ထောင်စု ၂ စု ပြောင်းရွှေ့လာပါတယ်။ ဒီလို ပြောင်းရွှေ့လာတာကိုတော့ မြို့နယ်အထွေထွေ အုပ်ချုပ်ရေးမှူးကိုတော့ အကြောင်းကြားထားပါတယ်။ အကူအညီထောက်ပံ့တော့ ဘာမှ မရရှိသေးပါဘူး” ဟု ပြောသည်။

လက်ရှိ အခြေအနေတွင် အထက်ပြူးမ ကျေးရွာတွင် အိမ်ခြေ ၂ ဆောင်သာ ကျန်ရှိလိုက်သည်ဟု သိရသည်။

ယခု အထက်ပြူုးမမှ ပြောင်းရွှေ့နေထိုင်လာသည့် ကင်းချောင်းကျေးရွာမှာလည်း တည်ငြိမ်မှု ရှိသော ကျေးရွာ တစ်ရွာမဟုတ်ဘဲ ၎င်းကျေးရွာမှပင် လုံခြုံရေးနှင့် လုပ်ကိုင်စားသောက်ရေးတို့ အခက်အခဲကြောင်း ရခိုင်ပြည်နယ် အတွင်းပိုင်း ကျောက်တော်နှင့် မြောက်ဦးမြို့နယ်ဘက်သို့ ပြောင်းရွှေ့ သွားသူ အိမ်ထောင်စု ၁၀ ကျော်ရှိသွားခဲ့ပြီ ဖြစ်ကြောင်း သိရှိရသည်။

အောင်ကျော်မင်း(မောင်တော)
Narinjara
https://www.facebook.com/Narinjara-151742128171206/



အမျိုးသား လုံခြုံရေး ဆိုင်ရာ အကြံပေး ပုဂ္ဂိုလ် ဦးသောင်းထွန်းက ရှင်းလင်း ပြောကြားစဉ်(ဆင်ဟွာ)
    ရန်ကုန် ၊ ဧပြီ ၁၁ ရက်(ဆင်ဟွာ)

    ရခိုင်ပြည်နယ် အခြေအနေ နှင့် လတ်တလော ဖြစ်ပေါ် တိုးတက်မှုများကို ပြည်ထောင်စု အစိုးရ အဖွဲ့ ၏ အမျိုးသား လုံခြုံရေး ဆိုင်ရာ အကြံပေး ပုဂ္ဂိုလ် ဦးသောင်းထွန်းက ရန်ကုန်မြို့  အခြေစိုက် သံတမန်များ နှင့် ကုလသမဂ္ဂ အဖွဲ့ အစည်း များမှ ကိုယ်စားလှယ်များအား ယနေ့ ဧပြီ ၁၁ ရက်တွင် ရန်ကုန်မြို့ ရှိ အမျိုးသား ပြန်လည် သင့်မြတ်ရေး နှင့် ငြိမ်းချမ်းရေး ဗဟိုဌာန၌ တွေ့ ဆုံ ရှင်းလင်း ပြောကြားခဲ့သည်။

ထိုသို့ ရှင်းလင်းစဉ် လူ့ အခွင့်အရေး ချိုးဖောက်မှု ကျူးလွန်ကြောင်း ထင်ရှားသည့် သက်သေ အထောက်အထားများ ရှိပါက တရား ဥပဒေ အရ ထိရောက်စွာ အရေးယူသွားမည် ဖြစ်ကြောင်း အမျိုးသား လုံခြုံရေး ဆိုင်ရာ အကြံပေး ပုဂ္ဂိုလ် ဦးသောင်းထွန်းက အတည်ပြု ပြောကြားခဲ့သည်။ပြည်သူလူထု အကြား အကြမ်းဖက်မှု လုပ်ရပ်များကို မည်သည့် အခြေအနေမျိုးတွင်မှ လက်ခံ နိုင်ခြင်း မရှိကြောင်း ၊ နိုင်ငံ တစ်နိုင်ငံတွင် အကြမ်းဖက်မှု မျိုးစေ့ချရန် ကြိုးပမ်းမှုသည် ဒေသတွင်း သာမက ဒေသ ပြင်ပ အထိ ငြိမ်းချမ်းရေး နှင့် တည်ငြိမ်ရေးကို ထိခိုက်စေလိမ့်မည် ဖြစ်ကြောင်း အမျိုးသား လုံခြုံရေး ဆိုင်ရာ အကြံပေး ပုဂ္ဂိုလ် ဦးသောင်းထွန်းက အလေးအနက်ထား ပြောကြားခဲ့သည်။

 အမျိုးသား လုံခြုံရေး ဆိုင်ရာ အကြံပေး ပုဂ္ဂိုလ် နှင့် သံတမန်များ ၊ ကုလသမဂ္ဂ အဖွဲ့  အစည်း များမှ ကိုယ်စားလှယ်များ တွေ့ ဆုံစဉ်(ဆင်ဟွာ)
နိုင်ငံတကာ အသိုင်းအ၀ိုင်း အနေဖြင့် ရခိုင်ပြည်နယ်တွင် နေထိုင်သူ အားလုံး၏ ငြိမ်းချမ်းရေး ၊ သဟဇာတ ရှိရေး ၊ တရား မျှတရေး နှင့် ဖွံ့ ဖြိုး တိုးတက်ရေး တို့ အတွက် နိုင်ငံတော် အစိုးရမှ အားသွန်ခွန်စိုက် ကြိုးပမ်းနေခြင်းကို နားလည် သဘောပေါက်မှု ၊ အပြုသဘော ဆောင်သော ထောက်ခံ ကူညီမှုများ ဆက်လက် ပေးအပ် လိမ့်မည်ဟု မျှော်လင့်ကြောင်း ၄င်းက ပြောကြားခဲ့သည်။

နိုင်ငံတော် အစိုးရမှ ရခိုင်ပြည်နယ် ဆိုင်ရာ အကြံပေး ကော်မရှင်၏ ကြားဖြတ် အစီရင်ခံစာပါ အကြံပြုချက် အများအပြားကို အချိန်မဆိုင်းဘဲ ထိရောက်စွာ အကောင်အထည်ဖော်ရန် သန္နိဌာန် ချမှတ် ထားကြောင်း နှင့် အချို့ ကိစ္စရပ်များကို ဒေသန္တရ အခြေအနေ နှင့် လိုက်လျော ညီထွေ ဆက်စပ် ဆောင်ရွက်မည် ဖြစ်သော်လည်း လျင်မြန်စွာ တိုးတက်မှုများ ရရှိလာမည်ဟု ယုံကြည်ကြောင်း အတည်ပြု ပြောကြားခဲ့သည်။အစီရင်ခံစာပါ အကြံပြုချက်များအနက် လတ်တလော အကောင်အထည် ဖော်လျက် ရှိသော ကျောက်ဖြူ ၊ စစ်တွေ ၊ ရမ်းဗြဲ တို့ ရှိ IDP စခန်းများ ပိတ်ရေး အတွက် စီစဉ်လျက် ရှိခြင်း ၊ မီဒီယာများ လွတ်လပ်စွာ သွားရောက် သတင်း ရယူနိုင်ရေး ၊ ICRC မှ အကျဉ်းထောင်များအား သွားရောက်ခွင့် ရရှိရေး ၊ လူသားချင်း စာနာ ထောက်ထားမှု အကူအညီများ တိုးမြှင့် ပေးနိုင်ရေး ၊ နိုင်ငံသား စိစစ်ရေး လုပ်ငန်းစဉ် ပိုမို တိုးတက် မြန်ဆန်စေရေး တို့ အတွက် ဆောင်ရွက်နေခြင်း စသည့် အပြုသဘော ဆောင်သော တိုးတက်မှုများကို ပြောကြားခဲ့သည်။

အမျိုးသား လုံခြုံရေး ဆိုင်ရာ အကြံပေး ပုဂ္ဂိုလ် ဦးသောင်းထွန်းက ရခိုင်ပြည်နယ် အရေးကိစ္စ၏ သိမ်မွေ့  နက်နဲသော သဘောသဘာဝ နှင့် စိန်ခေါ်မှုများကို ပြောကြားခဲ့ပြီး ရခိုင်ပြည်နယ် အရေး ကိစ္စကို ဖြေရှင်းရာတွင် အဓိက အရေးကြီးသည့် ယုံကြည်မှု တည်ဆောက်ရေး ၊ ဆင်းရဲ နွမ်းပါးမှု နှင့် ဖွံ့ ဖြိုးမှု နောက်ကျ ကျန်ခဲ့ခြင်းကို ဖြေရှင်းရေး နှင့် ရေရှည် ဖြေရှင်း နိုင်မည့် နည်းလမ်း ရှာဖွေရေး တို့ အတွက် နိုင်ငံတော် အစိုးရ၏ ဆောင်ရွက်ချက်များကို ရှင်းလင်းခဲ့သည်။

(Xinhua)
http://www.xinhuamyanmar.com


နိရဉ္စရာ၊ ဧပြီ ၁၁

ရခိုင်ပြည်နယ် မြောက်ဦးမြို့တွင် ရက္ခိုင့်တပ်မတော် (အေအေ) ၏ (၈) နှစ်မြောက်မွေးနေ့ အဖြစ် ကျင်းပ ပြုလုပ်ရန် စီစဉ်ထားသည့် စာပေဟောပြောပွဲကို မြတန်ဆောင်း ဆရာတော် ဖမ်းဆီးခံရသော်လည်း ဧပြီလ ၁၁ ရက်နေ့ ညနေပိုင်းက ဆရာတော်၏ လုပ်ဖော်ကိုင်ဘက်များက ဆက်လက် ကျင်းပခဲ့သည်ဟု သိရသည်။


၎င်းအခမ်းအနားအား မြောက်ဦးမြို့ မြတန်ဆောင်းကျေင်းအနီး ကွင်းပြင်တွင် ကျင်းပရာ ရခိုင်ရိုးရာ အကပဒေသာများဖြင့် တင်ဆက်ခဲ့ပြီး လူပေါင်း ရာနှင့်ချီ တက်ရောက် အားပေးခဲ့ကြသည်။


၎င်းစာပေဟောပြောပွဲတွင် ဆရာတော် ဦးသြဘာသနှင့် အမ်းသားကြီးတက်ရောက်ဟောပြောခဲ့ပြီး အမ်းသားကြီးမှ “ တော်လှန်ရေးမှ အပ တစ်ခြားမရှိ” ခေါင်းစဉ်ဖြင့် တက်ရောက်ဟောပြောခဲ့ကြောင်း သိရှိရသည်။

Narinjara
https://www.facebook.com/Narinjara



ပစ်ခတ်မှုဖြစ်ပွားခဲ့သည့် စာသင်ကျောင်းအနီး၌ ရဲတပ်ဖွဲ့ဝင်များ လုံခြုံရေးဆောင်ရွက်နေစဉ် (ဓါတ်ပုံ-အင်တာနက်)
    လော့စ်အိန်ဂျလိစ်၊ ဧပြီ ၁၁ ရက် (ဆင်ဟွာ)

    အမေရိကန်နိုင်ငံ ကယ်လီဖိုးနီးယားပြည်နယ် ဆန်ဘာနာဒီနိုမြို့ ရှိ North Park မူလတန်းကျောင်းဝင်း အတွင်း ဧပြီ ၁၀ ရက်က ပစ်ခတ်မှု တစ်ခုဖြစ်ပွားခဲ့ရာ လူနှစ်ဦးသေဆုံးပြီး အခြားလူနှစ်ဦးဒဏ်ရာရရှိခဲ့ကြောင်း သိရသည်။

ပြည်တွင်း KESQ ရုပ်သံလိုင်းက ပစ်ခတ်မှုကြောင့် လူကြီးနှစ်ဦးသေဆုံးပြီး ဒဏ်ရာရရှိခဲ့သော ကျောင်းသား နှစ်ဦးအား ဆေးရုံသို့ ပို့ဆောင်ပေးခဲ့ကြောင်း ထုတ်လွှင့်ခဲ့သည်။NBCLA သတင်းဋ္ဌာနက နံနက် ၁၀နာရီတွင် ကျောင်းသား နှစ်ဦး နှင့် ဆရာတစ်ဦး ပစ်ခတ်ခံရကြောင်း နှင့် ယင်းဖြစ်ရပ်သည် ဆရာတစ်ဦးပါဝင်သော အိမ်တွင်း အကြမ်းဖက်မှုတစ်ခုမှ အစပြုခဲ့ခြင်းဖြစ်နိုင်ကြောင်း စာသင်ကျောင်း ပြောရေးဆိုခွင့်ရှိသူ က ပြောကြားခဲ့သည်ကို ဖော်ပြခဲ့သည်။

ဆန်ဘာနားဒီနို ရဲဋ္ဌာန အကြီးအကဲ Jarrod Burguan က ယခုဖြစ်ရပ်ကို အသေခံပစ်ခတ်မှု တစ်ခုဟု ယူဆပါကြောင်း၊ ပစ်ခတ်မှုသည် စာသင်ခန်းအတွင်းဖြစ်ပွားခဲ့ပြီး ကျောင်းသား နှစ်ဦးကို ဆေးရုံသုိ့ပို့ဆောင်ပေးထားကြောင်း ၎င်း၏ တွစ်တာ စာမျက်နှာ၌ နံနက် ၁၁း၀၂ နာရီက ရေးသားခဲ့သည်။၎င်းက ကနဦးသတင်းရရှိချက်များအရ လူလေးဦးအား ဆေးကုသမှုပေးခဲ့ကြောင်း ကြားသိခဲ့ရပြီး တရားခံမှာ သေဆုံးသွားခဲ့ခြင်းဖြစ်နိုင်ကြောင်း ပြောကြားခဲ့သည်။ပစ်ခတ်မှုဖြစ်ပွားပြီးနောက် စာသင်ကျောင်းမှ ကျောင်းသားများကို ကယ်ထုတ်ပေးခဲ့ကြောင်း သိရသည်။

(Xinhua)
http://www.xinhuamyanmar.com



( ဓါတ်ပုံ - ရေနည်းနေတဲ့ ရေအိုင်တစ်ခုကို တွေ့ရစဉ် )
ရှမ်းပြည်နယ်တောင်ပိုင်း ပင်းတယမြို့နယ်နဲ့ ကလောမြို့နယ်က ကျေးရွာ ၁၅ ရွာမှာ ရေရှားပါးမှုနဲ့ ကြုံတွေ့နေရတဲ့အတွက် ရေလှူဒါန်းမယ့်အလှူရှင်တွေ လိုအပ်နေတယ်လို့ ကူညီပေးနေသူတွေက ပြောပါတယ်။

ပုံမှန်ခပ်နေကြရေတွင်းတွေ ခမ်းကုန်တာကြောင့် ကျွဲနွားတွေ သောက်သုံးတဲ့ရေကန်က ရေကို လူတွေသုံးနေရတဲ့အထိ ဖြစ်နေတယ်လို့ ရှမ်းတောင်ရိုးလူငယ်အထောက်အကူပြုအဖွဲ့က ကိုအောင်ဆန်း က ပြောပါတယ်။

"သူတို့နှစ်စဉ်သုံးစွဲနေတဲ့ ရေအိုင်က ခမ်းခြောက်သွားတယ်လေ။ ရေကလည်း မသန့်တော့တဲ့ အနေထားမျိုးဖြစ်သွားပြီ။ အခုက ကျွဲတွေ၊ နွားတွေနဲ့ ရောနှောပြီး သုံးစွဲနေရတဲ့ အနေအထားလည်းဖြစ်တယ်။ တချို့ရေကန်တွေကျတော့ ကျွဲတွေ နွားတွေ သုံးတဲ့ရေကန်ပေါ့။ အဲ့ရေကန်ကို လူတွေလိုက်သုံးနေရတာပေါ့။ တချို့ကျတော့ မျက်နှာသစ်တဲ့ရေကို ပုံးခံပြီး အဲဒီရေကို အိမ်သာထဲ ပြန်သုံးတာပေါ့။ ဆန်ဆေးရေတို့ ဘာတို့၊ ခွက် ၊ ပန်းကန်ဆေးထားတဲ့ ရေအဟောင်းတွေပေါ့။ အဲ့ဒါတွေကို အိမ်သာထဲမှာ ပြန်သုံးတယ်။"

အဲဒီကျေးရွာတွေမှာ ပြီးခဲ့တဲ့ မတ်လ ၇ ရက်နေ့ကစပြီး ရေပြတ်လပ်နေတာကြောင့် အခုဆိုရင် ရေလာလှူတဲ့ လူမှုအဖွဲ့တွေရဲ့ အကူအညီကို ရယူနေရတယ်လို့ သိရပါတယ်။

အလှူရှင်တွေ နည်းနေတာကြောင့် အိမ်ထောင်စုတစ်ခုအတွက် နှစ်ရက်စာ သောက်ရေ ၅ ဂါလန်ပုံး ၄ ပုံးသာ လှူပေးနိုင်တယ်လို့လည်း ပြောပါတယ်။

ရေလှူတဲ့ လူမှုအဖွဲ့အစည်းတွေဟာ ရေရှိတဲ့နေရာမှာ ရေသွားဝယ်ဖို့အတွက် ဂါလံ ၁ ထောင်ဆန့်တဲ့ ကားတစ်စီးကို အနည်းဆုံး ငွေကျပ် ၁ သောင်းခွဲအထိ ကုန်ကျခံဝယ်ယူနေရတာဖြစ်ပါတယ်။

RFA Burmese
https://www.facebook.com/rfaburmese


ယနေ့၊ ဧပြီလ ၁၁ ရက်နေ့အတွက် မိုးလေဝသနှင့် ဇလဗေဒဦးစီးဌာနမှ တစ်နိုင်ငံလုံး အပူချိန်မြင့်တက်မှု ခန့်မှန်းချက်များ ဖြစ်ပါသည်။

အပူဒဏ် ရှောင်နိုင်ရန်အလို့ငှာ -

(၁) နေပြင်းပြင်းပူသော အချိန်များတွင် အပြင်ထွက်ပါက ဦးထုပ်၊ ထီး စသည့် အကာအကွယ်များ မဖြစ်မနေ ဆောင်ပါ။

(၂) အပြင်မှ ပြန်လာလျှင် ချက်ချင်း ရေချိုးခြင်း၊ ရေလောင်းခြင်းများ ရှောင်ပါ။

(၃) နေပြင်းပြင်းပူသော နေ့လည်ပိုင်းများတွင် ရေချိုးခြင်း သတိပြုပါ။

(၄) အပူစုပ်စေသော အမည်းရောင်၊ အညိုရောင်၊ အပြာရောင် စသည့် အရောင်ရင့်ရင့် အဝတ်အစားများ၊ နိုင်လွန်၊ ပိုးချည် အဝတ်အစားများ ရှောင်ပါ။

(၅) အပူမစုပ်ဘဲ အေးစေသော ချည်ထည်၊ အဖြူကဲ့သို့ အရောင်လွင်လွင်၊ ပွပွချောင်ချောင် အဝတ်အစားများ ဝတ်ဆင်ပါ။

(၆) အရက်သေစာ အလွန်အကျွံသောက်သုံးခြင်းများ ရှောင်ပါ။

(၇) အပူဒဏ်ပြင်းလွန်းနေသော အချိန်တွင် ရေခဲရေ သောက်သုံးမှုများ သတိပြုပါ။

၁၀-၄-၂၀၁၇ ရက်နေ့ ထူးခြားသည့် နေ့အပူချိန်များ

ချောက်မြို့ ၄၆ ဒီဂရီစင်တီဂရိတ်
ညောင်ဦးမြို့၊ မကွေးဖြို့ ၄၄ ဒီဂရီစင်တီဂရိတ်
ဂန့်ဂေါမြို့ ၄၄ ဒီဂရီစင်တီဂရိတ်
မုံရွာမြို့၊ မြင်းခြံမြို့ ၄၃ ဒီဂရီစင်တီဂရိတ်
မန္တလေးမြို့၊ မြင်းမူမြို့ ၄၃ ဒီဂရီစင်တီဂရိတ်
မင်းဘူးမြို့ ၄၃ ဒီဂရီစင်တီဂရိတ်
တောင်တွင်းကြီးမြို့ ၄၃ ဒီဂရီစင်တီဂရိတ်
ပေါက်မြို့ ၄၃ ဒီဂရီစင်တီဂရိတ်
ဆင်ဖြူကျွန်းမြို့ ၄၃ ဒီဂရီစင်တီဂရိတ်

State Counsellor Office Information Committee
https://www.facebook.com/MyanmarSCOInfoCom/


နေပြည်​​တော်​၊ဧပြီ ၁၁

နေပြည်တော်၊ ပျဉ်းမနားအချုပ်မှ ရမည်းသင်းအကျဉ်းထောင်သို့ တရားခံများပြန်လည်ပုိ့ဆောင်စဉ် တရားခံ နှစ်ဦး အချုပ်ကား သံဇကာဖောက် ထွက်ပြေးမှုဖြစ်ပေါ်ခဲ့သည်။

ပျဉ်းမနားအချုပ်မှ ရမည်းသင်းအကျဉ်းထောင်သို့ တရားခံ ကျား (၈၇)ဦးနှင့် မ (၇)ဦးတို့အား ပြန်လည်ပို့ဆောင်စဉ် ဖြစ်ပွားခဲ့ခြင်းဖြစ်သည်။

ဖြစ်စဉ်မှာ ဧပြီလ ၁၀ ရက်နေ့ ညနေ (၈) နာရီ ၀န်းကျင် အချိန် ပျဉ်းမနား အချုပ်မှ ရမည်းသင်းအကျဉ်းထောင်သို့ အပြန် ရန်ကုန်-မန္တလေး အမြန်လမ်းဟောင်း မိုင်တိုင် အမှတ် (၂၇၅) အရောက်တွင် အချုပ်ကားဖောက် ထွက်ပြေးမှု ဖြစ်ပေါ်ခဲ့ခြင်းဖြစ်သည်။


တရားခံ ၂ ဦးမှာ အသက် ၂၀ ၀န်းကျင်ရှိသူများသာဖြစ်ပြီး၊တပ်ကုန်းမြို့မရဲစခန်း(ပ) ၂၀၀/၁၆၊ ရာဇသတ်ကြီးပုဒ်မ ၃၀၂/၃၂၆ အမှုဖြင့် တရားခံ အသက်(ခ) ဇော်မျိုး (ခ) ကုလား နှင့် ဥတ္တရသီရိမြို့နယ်၊ ဘုရားကုန်းမြို့မရဲစခန်း (ပ)၁၁၇/၁၇၊ (ပ)၁၁၈/၁၇၊ (ပ)၁၂၂/၁၇၊ (ပ)၁၂၃/၁၇၊ (ပ)၁၂၄/၁၇ ရာဇသတ်ကြီး ပုဒ်မ ၃၈၀ အမှုဖြင့် တရားခံ ငြိမ်းချမ်းအောင်(ခ) သီဟ တို့ဖြစ်သည်။

တရားခံများပြန်လည်ဖမ်းဆီးရရှိနိုင်ရေးအတွက် ရန်ကုန် - မန္တလေး အမြန်လမ်းဟောင်းတွင် လှည့်ကင်းများချမှတ်ဆောင်ရွက်စဉ် အခင်းဖြစ်ပွားချိန်အပြီး ၃ နာရီအတွင်း တရားခံ ငြိမ်းချမ်းအောင် (ခ) သီဟ အားပြန်လည်ဖမ်းဆီးရရှိခဲ့ကြောင်း သိရှိရသည်။

ကြယ်စင်ခ
Central News Myanmar
https://www.facebook.com/CNMyanmar


ဧပြီလ။၁၀

စစ်ကိုင်းတိုင်းဒေသကြီး ရွှေဘိုမြို့၌ (10-4-2017)နေ့ ည(21:30)နာရီအချိန်ခန့် ရွှေဘိုမြို့ အမှတ်(၁၀)ရပ်ကွက် မြတောင်ရပ်ရှိ" ဘီလျှံပါဝါ" စားသောက်ဆိုင် တွင် ဒုတိယရဲမှူးကြီး အယောင်အဆောင် ဒေါက်တာ စိုင်းပြည့်စုံချမ်း ဆိုသူ ရောက်ရှိနေကြောင်း သိရှိရသည်။


အဆိုပါ သတင်းအရ ရွှေဘိုခရိုင်ရဲတပ်ဖွဲ့မှူး ဒုတိယရဲမှူးကြီးမြင့်ကျော် ဦးစီး၍ မြို့နယ်ရဲမှူးခင်မောင်ဆွေ၊ မြို့မရဲစခန်းမှ နယ်ထိန်းခေါင်းဆောင် ဒုရဲအုပ်ကိုလတ် ပါဝင်သော နယ်ထိန်းတပ်ဖွဲ့ဝင်များနှင့် သက်သေများသွားရောက် စစ်ဆေးခဲ့ရာ ဒုတိယရဲမှူးကြီးအယောင်ဆောင် ဒေါက်တာစိုင်းပြည့်စုံချမ်း မှာ ၄င်း မောင်းနှင်လာသော YGN 9F/46*** နံပါတ် တပ်ဆင်ထားသော Mark-2 (အဖြူရောင်) ယဉ်အား ဆိုင်တွင်ထားရှိကာ တိမ်းရှောင်သွားခဲ့၍ လိုက်လံပိတ်ဆို့ရှာဖွေခဲ့ရာ
ရွှေဘို-ကျောက်မြောင်း သွား လမ်းပေါ်ရှိ ရွှေဘိုတက္ကသိုလ် အနီးတွင် Arrow တံဆိပ်ပါ နက်ပြာရောင် ဘောင်းဘီရှည် ကို ရဲတပ်ဖွဲ့တံဆိပ်ဆင်ထားသော ခါးပတ်ဖြင့် ပတ်ထားလျှက်တွေ့ရှိခဲ့ရကြောင်း သိရသည်။


ဆက်လက်၍ "ဘီလျှံပါဝါ"စားသောက်ဆိုင်တွင် ၄င်း ထားရှိခဲ့သော ကားနှင့် အတူ ရဲစခန်းသို့ ထိန်းသိမ်းခေါ်ဆောင်ခဲ့ပြီး သက်သေများရှေ့မှောက်တွင် စစ်ဆေးရှာဖွေခဲ့ရာ ကားပေါ်ရှိ ခရီးဆောင်အိတ်ထဲမှ ဒုရဲမှူးကြီးအဆင့်ဆောင်း ဦးထုပ်(၁)လုံး တပ်မတော်သုံး တန်း(၃)တန်းပါ Service တန်း (၁)ခု၊ Dr SAI PYAE SONE CHAN စာတမ်းပါ Name Plate(၁)ခု ရဲအရာရှိ လေ့ကျင့်ရေးကျောင်း ဘက်တံဆိပ်ပါ ပုခုံးဒေါက်ပေါ်တွင် ဒုရဲမှူးကြီးရာထူးတပ်ဆင်ထားသည့် ယူနီဖောင်းလက်ရှည်(၁)ထည် No,11 Size Jester တံဆိပ်ပါ ရူးဖိနပ်(၁)ရံ တို့အား တွေ့ရှိခဲ့သဖြင့် ရဲအုပ်သက်ဆွေ မှ သက်သေများရှေ့၌ သိမ်းဆည်းခဲ့ကြောင်း သိရှိရသည်။


မြန်မာနိုင်ငံရဲတပ်ဖွဲ့၏ တပ်ဖွဲ့ ဝတ်စုံနှင့် တံဆိပ် များအား ဝတ်ဆင်အသုံးပြုပြီး မိမိကိုယ်ကို ဒုတိယရဲမှူးကြီး "ဟု လည်းကောင်း၊ ဒေါက်တာ"ဟု လိမ်လည်ပြောဆိုကာ ပြည်သူ့ဝန်ထမ်း၊ အဆောင်ယောင်ခဲ့သူ စိုင်းပြည့်စုံချမ်း(ခ)မြတ်သာချမ်း ၄၂ နှစ် (ဘ)ဦးချမ်းအေး အလုပ်အကိုင် ရောင်း/ဝယ် မန္တလေးမြို့၊ပြည်ကြီးတံခွန်မြို့နယ်၊ မြို့သစ်ရပ်ကွက် (ဆ) ကျန်စစ်သားလမ်း ၆၀×၆၂လမ်းကြား နေသူအား ရွှေဘိုမြို့မရဲစခန်း မှ (ပ) ၁၉၂/၁၇ ရာဇသတ်ကြီးဥပဒေပုဒ်မ -၁၇၀ ဖြင့် အရေးယူဆောင်ရွက်လျှက်ရှိပြီး ၄င်းမောင်းလာသော မော်တော်ယဉ်အား စစ်ဆေးခဲ့ရာ လိုင်စင်မဲ့မော်တော်ယဉ်ဖြစ်နေ သဖြင့် ပို့ကုန်/သွင်းကုန် (၈)ဖြင့် ထပ်မံ အရေးယူဆောင်ရွက်လျှက်ရှိကြောင်း သတင်းရရှိသည်။

သတင်း-ဓာတ်ပုံ - မိုးသောက်(ရွှေဘို)