04/13/17


ရှားပါး တောက်တဲ့ မျိုးစိတ်သစ် ၂ မျိုးကို အမေရိကန် ပြည်ထောင်စု Smithsonian သဘာဝသိပ္ပံက သုတေသန ပညာရှင်တွေက မြန်မာနိုင်ငံတောင်ပိုင်း တနင်္သာရီတိုင်းမှာရှိတဲ့ လေညာ အမျိုးသားဥယျာဉ် လုပ်ဖို့စီမံကိန်းချထားတဲ့ ဒေသမှာ တွေ့ရှိခဲ့တယ်လို့ သတင်း ထုတ်ပြန်ပါတယ်။ (Gekkonidae: Cyrtodactylus) တောက်တဲ့ မျိုးစိတ်သစ် ၂ မျိုးဟာ bent-toed gecko လို့ခေါ်တဲ့ ခြေချောင်းကောက် နေတဲ့ တောက်တဲ့ကြား အမျိုးအစား ဖြစ်ပြီး နီညိုရောင်ရှိကြပါတယ်။ Cyrtodactylus lenya အမျိုးကတော့ မြင်းကြားလို အဖြူစင်းပါတဲ့ Lenya banded လေညာ အစင်းကြားမျိုး ဖြစ်ပြီး C. payarhtanesnsis မျိုးကတော့ အဖြူကြားနေတဲ့ Tenasserim Mountain တနင်္သာရီ တောင်တန်းမျိုး လို့ နံမယ်ပေးထား တာပါ။

အခုလို ရှားပါးမျိုးစိတ်သစ်တွေ တွေ့နေရတဲ့ တနင်္သာရီတောင်ပိုင်းဒေသမှာ သစ်တောပြုန်းတီးမှုနှုန်းဟာ သိပ်ကို မြန်ဆန်နေတာမို့ ဒီတောက်တဲ့ မျိုးစိတ်တွေတင် မကပဲ သူတို့နဲ့အတူ နေထိုင်ကျက်စားလေ့ရှိတဲ့ တခြားမျိုးစိတ်ပေါင်းများစွာ အတွက်ပါ အန္တရာယ် ရှိနေတယ်လို့လည်း တောက်တဲ့ မျိုးစိတ်သစ် ၂ မျိုး တွေ့ရှိ်ကြောင်း စာတမ်း ရေးသားသူ ပညာရှင်တွေက သတိပေးပါတယ်။ စာတမ်းကို Smithsonian SCBI နဲ့ သဘာဝသိပ္ပံ (Natural History Museum) က ဦးဆောင်ပြီး မြန်မာသဘာဝဝန်းကျင်အဖွဲ့ MESC က ဦးမြင့်ကျော်သူရ၊ Fauna & Flora International နိုင်ငံတကာ ရုက္ခဗေဒအဖွဲ့က သိပ္ပံပညာရှင်တွေ ရေးသားခဲ့ကြတာပါ။

လေညာ သဘာဝ ဥယျာဉ် စီမံကိန်း အတွက် သတ်မှတ်ထားတဲ့ သစ်တောထူထပ်တဲ့ ဒေသအတွင်းမှာ အခု မကြာခင်နှစ်တွေအတွင်း သစ်တောပြုန်းတီးမှုဟာ အရင် ၂၀၀၂ ကနေ ၂၀၁၄ အတွင်း ပြုန်းတီးခဲ့တဲ့ နှုန်းထက် ၂ ဆတိုးလာတာကို ကောင်းကင်ဓါတ်ပုံတွေကနေ သိရှိရတယ်လို့ ဖေါ်ပြထား ပါတယ်။ ဒါ့အပြင် ဒီသစ်တောဝန်းကျင်ဒေသရဲ့ သစ်တောပြုန်းတီးမှုဟာ မြန်မာနိုင်ငံရဲ့ တခြားဒေသတွေထက် ပြုန်းတီးနှုန်း ၂၅ ဆ ပိုများနေတယ်လို့ ဆိုပါတယ်။

ဒီဒေသမှာ အာရှဆင်တွေ၊ ကြံ့သူတော်တွေနဲ့ ကျားမျိုးစိတ်တွေကိုပါ ရှားရှားပါးပါး တွေ့ရတာပါ။ အရင်တုန်းက လက်နက်ကိုင် တိုက်ပွဲတွေ ဖြစ်ပွါးနေတာမို့ သစ်တောပြုန်းတီးမှု သိပ်မရှိခဲ့တဲ့ အဲဒီဒေသကို အခု နိုင်ငံရေး ပွင့်လင်းလာချိန်မှာ သွားရောက် လေ့လာခွင့်ရတဲ့အခါမှာ မျိုးစိတ်သစ်တွေ တွေ့ရှိခဲ့တာနဲ့ အတူ ဒေသတွင်း တရားမဝင် သစ်ခုတ်မှုတွေ၊ ရာဘာနဲ့ ဆီအုန်းစိုက်ပျိုးဖို့ ခုတ်ထွင်မှုတွေနဲ့ သစ်တောပြုန်းတီးမှု သိပ်မြန်ဆန်နေတာကိုပါ တွေ့ခဲ့ရတယ်လို့ ဆိုပါတယ်။

မျိုးတုန်း ပျောက်ကွယ်လုနီးပါး အပင်နဲ့ တိရိစ္ဆာန်တွေနေထိုင်ကျက်စားတဲ့ အာရှဒေသတွင်းက သစ်တောတွေ တဖြေးဖြေး ဧရိယာ ကျဉ်းလာနေချိန်မှာ ရှားရှားပါးပါး မြန်မာ့သစ်တောတွေပဲ ကျန်နေရာကနေ အခုတော့ ဒီသစ်တောတွေပါ ပျောက်ကွယ်မယ့် အန္တရာယ်နဲ့ ရင်ဆိုင်နေရပြီမို့ ထိမ်းသိမ်းနိုင်အောင် ကြိုးစားဖို့ပါ သတိပေးထားပါတယ်။

ဗွီအိုအေ (မြန်မာပိုင်း)
http://burmese.voanews.com


ဒီကနေ့ဟာ မြန်မာသက္ကရာဇ် ၁၃၇၈ခု တန်ခူးလပြည့်ကျော် ၂ ရက် အတာသင်္ကြန်အကြိုရက် ကျရောက်တဲ့အတိုင်း အတာသင်္ကြန်ပွဲတော်မှာ ဗွီအိုအေမြန်မာပိုင်း သောတရှင်တွေ ရေလိုအေးလို ပန်းလို လန်းဆန်းကြပါစေလို့ ဆုမွန်ကောင်းတောင်းလိုက်ပါတယ်။

အလားတူဘဲ အမေရိကန်နိုင်ငံခြားရေးဝန်ကြီး Rex Tillerson ကလည်း မြန်မာနိုင်ငံသားတွေဟာ မိသားစုဝင်တွေ၊ မိတ်ဆွေသူငယ်ချင်းတွေနဲ့ အတူ အတာရေသဘင်ပွဲကို ဆင်နွှဲရာမှာ အမေရိကန်ပြည်ထောင်စုကိုယ်စား မြန်မာနိုင်ငံသားတွေကို ဆုမွန်ကောင်းပို့သတဲ့အကြောင်း ဧပြီလ ၁၂ ရက်နေ့က ကြေညာချက် ထုတ်ပြန်ခဲ့ပါတယ်။

နှစ်ပေါင်း (၅၀)ကျော်အတွင်း ပထမဆုံးအကြိမ်ဒီမိုကရေစီနည်းကျ ရွေးကောက်ခံအရပ်သားအစိုးရရဲ့ အသွင်ကူးပြောင်းရေးကာလမှာ ကုန်လွန်ခဲ့တဲ့နှစ်က မြန်မာနိုင်ငံမှာ မြင်တွေ့ခဲ့ရတဲ့ ထူးခြားလှတဲ့ အပြောင်းအလဲတွေကိုလဲ ခုလို အတာသင်္ကြန်အချိန်အခါမှာ ပြန်ပြောင်းသတိရဖို့ အကောင်းဆုံးအချိန်ဖြစ်ပါတယ်လို့လဲ နိုင်ငံခြားရေးဝန်ကြီးက ဆိုပါတယ်။

မြန်မာနိုင်ငံအနေနဲ့ သမိုင်းတင်တဲ့ ဒီမိုကရေစီအသွင်ကူးပြောင်းရေးကာလကို ဆက်လက်ဖေါ်ဆောင်ရာမှာ မြန်မာနိုင်ငံသားတွေနဲ့အတူ လျှောက်လှမ်းနိုင်ဖို့ အမေရိကန်ပြည်ထောင်စုက မျှော်လင့်ပါတယ်။ ဒီထူးမြတ်လှတဲ့ နှစ်သစ်ကူးအခါသမယမှာ မြန်မာနိုင်ငံသားတွေအတွက် အမေရိကန်ပြည်ထောင်စုက နွေးထွေးတဲ့ ဆုတောင်းမေတ္တာပို့သတဲ့ အကြောင်းလဲ သူရဲ့ ကြေညာချက်မှာ ဖေါ်ပြထားပါတယ်။

အလားတူဘဲ မြန်မာနိုင်ငံဆိုင်ရာ အမေရိကန်သံအမတ်ကြီး Scott Marciel နဲ့ ဇနီးတို့ကလည်း မြန်မာနိုင်ငံသားတွေကို နှစ်သစ်ကူးဆုတောင်း ပို့သကြောင်း ပြောပါတယ်။

အလားတူ ရန်ကုန်မြို့မှာရှိတဲ့ ဗြိတိသျှသံအမတ်ကြီး Andrew Patrick ကလည်း မြန်မာနိုင်ငံသားတွေကို ဆုတောင်းမေတ္တာပို့သလိုက်ပါတယ်။

အခုနှစ်သင်္ကြန်အခါတော်မတိုင်ခင်မှာ မြန်မာအစိုးရကလည်း နှစ်သစ်မှာ စိတ်သစ်လူသစ်နဲ့ ဘ၀သစ် စတင်နိုင်ဖို့အတွက် မြန်မာနိုင်ငံ တ၀ှမ်းမှာရှိတဲ့ အကျဉ်းထောင် အကျဉ်းစခန်းအသီးသီးက စည်းကမ်းကောင်းမွန်တဲ့ အကျဉ်းသူ၊ အကျဉ်းသားစုစုပေါင်း ၂၂၈၃ ဦးကို အထူးလျော့ရက်ခံစားစေပြီး ပြန်လွှတ်ပေးလိုက်တဲ့အကြောင်း ထုတ်ပြန်ကြေညာခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


၁၁.၄.၂၀၁၇

ဧရာဝတီတိုင်းဒေသကြီး သာပေါင်းမြို့နယ် ကျုံကဒွန်းကျေးရွာအုပ်စု ဆတ်သွားဗြန့်ကြီးကျေးရွာတွင် ဧပြီလ ၁၀ ရက်နေ့ ည ၁၀ နာရီဝန်းကျင်က မုဒိန်းမှုတစ်ခု ဖြစ်ပွါးခဲ့ကြောင်း သိရသည်။

ဖြစ်စဉ်မှာ ဆတ်သွားဗြန့်ကြီးကျေးရွာနေ မ ……… သည် ည ၁၀ နာရီဝန်းကျင်ခန့်တွင် တီဗွီကြည့်ပြီး ၎င်း၏ နေအိမ်သို့ပြန်လာရာတွင် တစ်ရွာတည်းနေ ထက်အောင် ( ခ ) အော်ကြီးမှ နောက်မှလိုက်လာပြီး ပါးစပ်အားပိတ်ကာ လက်နှစ်ဖက်အား ချုပ်နှောင်ပြီး ရွာအနောက်ဘက် လယ်ကွင်းစပ်သို့ ခေါ်ဆောင်သွားကာ အလိုမတူဘဲ သားမယားအဖြစ် အဓမ္မ တစ်ကြိမ်ပြုကျင့်ခဲ့ကြောင်း ထိုနောက် ရွာအတွင်းဘက်ရှိ ခြုံထဲသို့ ထပ်မံဆွဲခေါ်သွားပြီး အော်ပါက သတ်ပစ်မည်ဟု ခြိမ်းခြောက်ကာ သားမယားအဖြစ် အလိုမတူဘဲနှစ်ကြိမ် ပြုကျင့်ခဲ့ကာ ကျူးလွန်ခံရသူ မ ………… မှာ ခြုံအနီးအိပ်ပျော်သွားကြောင်း မ ……… ၏ မိဘများ ဆွေမျိုး ညီအကိုမောင်နှမများမှ မ ………… အိမ်ပြန်မလာသောကြောင့် လိုက်လံရှာရာတွင် ခြုံအနီးအိပ်ပျော်နေသော မ ……… အား ည ၂ နာရီကျော် ဝန်းကျင်တွင် တွေ့ရှိကြောင်း သိရသည်။

ကျူးလွန်သူတရားခံ ထက်အောင် ( ခ ) အော်ကြီးအား သာပေါင်းမြို့နယ် ဘုရားကုန်းနယ်မြေရဲစခန်းတွင် ပ ၁၆ / ၂၀၁၇ ရာဇသတ်ကြီးပုဒ်မ ၃၇၆ ဖြင့် အမှုဖွင့် အရေးယူထားကာ တရားခံမှာ ထွက်ပြေးတိမ်းရှောင်သဖြင့် ဖမ်းမိနိုင်ရေးအတွက် ရဲတပ်ဖွဲ့ဝင်များ ဒေသခံ အုပ်ချုပ်ရေးတာဝန်ရှိသူများ ပြည်သူများမှ ပူးပေါင်းကြိုးစားဆောင်ရွက်ခဲ့ကာ ဧပြီလ ၁၁ ရက်နေ့ ည ၁၀ နာရီကျော်တွင် ဖမ်းမိခဲ့ကြောင်းသိရသည်။

ညီမျှခြင်း ( သာပေါင်း )
The Ayeyarwaddy Times
https://www.facebook.com/ayetimes/


ရုရှားသမ္မတ Vladimir Putin ဟာ အမေရိကန်နိုင်ငံခြားရေးဝန်ကြီး Rex Tillerson နဲ့ ဗုဒ္ဓဟူးနေ့က တွေ့ဆုံခဲ့ပါတယ်။ သမ္မတ Donald Trump အစိုးရတက်လာပြီးနောက်ပိုင်း ရုရှားနဲ့ အမေရိကန်ပြည်ထောင်စုတို့ရဲ့ ဆက်ဆံရေးဟာ ဆိုးယွားလာခဲ့ကြောင်း ပြောဆိုနေတဲ့အချိန်မှာ သမ္မတ Putin က ၀န်ကြီး Tillerson နဲ့ အခုလို တွေ့ဆုံခဲ့တာ ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

ရုရှားအစိုးရက ဆီးရီးယားသမ္မတ Bashar al-Assad ကို ထောက်ပံ့ပေးနေတာတွေ ရပ်တန့်ရေး စည်းရုံး ပြောဆိုဖို့ မော်စကိုမြို့ကို အင်္ဂါနေ့က ရောက်လာတဲ့ အမေရိကန်နိုင်ငံခြားရေးဝန်ကြီး Rex Tillerson ဟာ ဗုဒ္ဓဟူးနေ့က ရုရှားနိုင်ငံခြားရေးဝန်ကြီး Sergei Lavrov နဲ့ တွေ့ဆုံ အပြီးမှာ သမ္မတ Vladimir Putin နဲ့ တွေ့ဆုံခဲ့တာ ဖြစ်ပါတယ်။

ရုရှားနဲ့ အမေရိကန်အကြားက ယုံကြည်မှု အခြေအနေ၊ အထူးသဖြင့် စစ်ရေးအရ ဆက်ဆံမှု အခြေအနေဟာ ကောင်းမွန်လာခြင်း မရှိတဲ့အပြင် ပိုဆိုးရွားလာနေကြောင်း ရုရှားအစိုးရပိုင် Mir ရုပ်သံဌာနနဲ့ ပြုလုပ်တဲ့ တွေ့ဆုံ မေးမြန်းခန်းအတွင်း သမ္မတ ပူတင်က ပြောပါတယ်။

ဆီးရီးယားအစိုးရက ဓါတုလက်နက်တွေ အသုံးပြုပြီး အရပ်သားတွေကို တိုက်ခိုက်ခဲ့တာကို တုန့်ပြန်တဲ့အနေနဲ့ ဆီးရီးယား လေတပ် အခြေစိုက်စခန်းကို အမေရိကန်က ဒုံးကျည်နဲ့ ပစ်ခတ် တိုက်ခိုက်ခဲ့တဲ့ကိစ္စနဲ့ ပတ်သက်လို့ သမ္မတ ပူတင်က သူ့ရဲ့ သဘောထားကို အခုလို ပြောကြားခဲ့ပါတယ်။

“နေတိုးမဟာမိတ်နိုင်ငံတွေက ဘယ်လို တုန့်ပြန်လာကြသလဲ ? လူတိုင်းက ဘာမှ မပြောပဲ အရုပ်တွေလို ခေါင်းညိတ်နေကြတာပါပဲ။ ဆီးရီးယား စစ်တပ်က ဓါတုလက်နက် အသုံးပြုခဲ့တယ်ဆိုတဲ့ အထောက်အထားက ဘယ်မှာလဲ ? ဘာအထောက်အထားမှ မရှိဘူး။ ဒါပေမယ့် အမေရိကန်ရဲ့ လုပ်ရပ်ဟာ နိုင်ငံတကာ ဥပဒေကို ချိုးဖောက်လိုက်တယ်ဆိုတာ သိသာ ထင်ရှားပါတယ်။ ကုလသမဂ္ဂ လုံခြုံရေးကောင်စီရဲ့ ခွင့်ပြုချက်မပါဘဲ အချုပ်အခြာ အာဏာပိုင်ဆိုင်တဲ့ နိုင်ငံတခုထဲကို အမေရိကန်က ကျူးကျော် ၀င်ရောက် တိုက်ခိုက်ခဲ့တာ ဖြစ်ပါတယ်။ အဲဒီလို နိုင်ငံတကာ ဥပဒေကို သိသိသာသာ ချိုးဖောက်ခဲ့တဲ့ လုပ်ရပ်ကို အားလုံးက ထောက်ခံနေကြတယ်။”

နိုင်ငံခြားရေးဝန်ကြီး Tillerson ရုရှားနိုင်ငံခြားရေးဝန်ကြီး Sergei Lavrov နဲ့ တွေ့ဆုံနေတဲ့အချိန်မှာပဲ သမ္မတ ပူတင်ရဲ့ တွေ့ဆုံ မေးမြန်းခန်းကို ရုရှား ရုပ်သံဌာနတွေမှာ ပြခဲ့တာ ဖြစ်ပါတယ်။

အမျိုးသမီးနဲ့ ကလေးတွေ အပါအ၀င် လူပေါင်း ရာနဲ့ချီ သေဆုံးခဲ့ရတဲ့ အဲဒီ ဓါတုလက်နက်နဲ့ တိုက်ခိုက်မှုကို Bashar al-Assad အစိုးရက ပြုလုပ်ခဲ့ခြင်းဖြစ်ကြောင်း အမေရိကန် အမျိုးသားလုံခြုံရေး အရာရှိတွေက အင်္ဂါနေ့မှာ အပြစ်တင် ပြောကြားလိုက်ကြပါတယ်။

အဲဒီ ဖြစ်ရပ်ဟာ ဆီးရီးယား တော်လှန်ရေး သူပုန်အဖွဲ့တွေက လုပ်ဆောင်တဲ့ တိုက်ခိုက်မှု၊ ဒါမှမဟုတ် တော်လှန်ရေး သူပုန်တပ်ဖွဲ့တွေ ပိုင်ဆိုင်တဲ့ ဓါတုလက်နက် သိုလှောင်ရုံကို ဆီးရီးယား တိုက်လေယာဉ်တွေက ပစ်ခတ်လိုက်တဲ့အတွက် ဖြစ်တယ်ဆိုပြီး ရုရှားတို့က ပြောဆိုနေတာကို အမေရိကန် အမျိုးသားလုံခြုံရေး အရာရှိတွေက ပယ်ချလိုက်တာလည်း ဖြစ်ပါတယ်။

ရုရှားနဲ့ အမေရိကန် ဆက်ဆံရေးဟာ အနိမ့်ဆုံး အဆင့်ကိုရောက်နေကြောင်း ရုရှားနိုင်ငံခြားရေးဝန်ကြီးနဲ့ တွေ့ဆုံစဉ် ပြောကြားခဲ့တယ်လို့ အမေရိကန်နိုင်ငံခြားရေးဝန်ကြီး Rex Tillerson က တွေ့ဆုံမှုအပြီး ပြုလုပ်တဲ့ ပူးတွဲ သတင်းစာရှင်းလင်းပွဲအတွင်း ပြောကြားပါတယ်။

“နိုင်ငံခြားရေးဝန်ကြီး Lavrov ပြောခဲ့သလိုပဲ၊ ကျနော်တို့ ၂ ဦးဟာ သမ္မတ Vladimir Putin နဲ့ အခုပဲ ၂ နာရီကြာလောက် အကျိုးဖြစ်ထွန်းစေမယ့် ကိစ္စရပ်တွေကို တွေ့ဆုံ ဆွေးနွေးခဲ့ကြပါတယ်။ လက်ရှိ အမေရိကန်-ရုရှား ဆက်ဆံရေး အခြေအနေကို ကျနော်တို့ ပွင့်ပွင့်လင်းလင်း ဆွေးနွေးခဲ့ကြပါတယ်။ လက်ရှိ နှစ်နိုင်ငံ ဆက်ဆံရေးနဲ့ ယုံကြည်မှု အခြေအနေတွေဟာ အနိမ့်ဆုံး အခြေအနေကို ရောက်နေတယ်ဆိုတာကို ကျနော် ပြောကြားခဲ့ပါတယ်။ ကမ္ဘာ့ နျူကလီးယား အင်အားအကြီး ၂ နိုင်ငံ အကြားမှာ အခုလို ဆက်ဆံရေးပုံစံမျိုး မရှိသင့်ပါဘူး။”

ဆွေးနွေးမှုအတွင်း နှစ်နိုင်ငံအကြား သဘောတူညီမှု ရရှိခဲ့ကြတဲ့ ကိစ္စရပ်တွေကိုလည်း ၀န်ကြီး Tillerson က သတင်းစာရှင်းလင်းပွဲမှာ အခုလို ပြောကြားခဲ့ပါတယ်။

“အထူးသဖြင့်တော့ ဆီးရီးယားနိုင်ငံဟာ ညီညွတ်ပြီး တည်ငြိမ်မှုရှိတဲ့ တိုင်းပြည်တခုဖြစ်ဖို့ လိုအပ်တယ်ဆိုတာကို ကျနော်တို့ သဘောတူကြခဲ့ကြပါတယ်။ ကျနော်တို့ ၂ နိုင်ငံစလုံးကို တိုက်ခိုက်လိုတဲ့ အကြမ်းဖက်သမားတွေ ရပ်တည် လှုပ်ရှားခွင့် မပေးရေးကိုလည်း ကျနော်တို့ သဘောတူခဲ့ကြပါတယ်။ ဒါ့အပြင် မြောက်ကိုရီးယား နိုင်ငံအနေနဲ့ နျူကလီးယား ပိုင်ဆိုင်ခွင့် မရှိရေးကိုလည်း ကျနော်တို့ သဘောတူခဲ့ကြပါတယ်။”

ရုရှား - အမေရိကန် ဆက်ဆံရေးမှာ အဖုအထစ် ဖြစ်နေတဲ့ ကိစ္စရပ် အများအပြား ရှိနေတဲ့အထဲ မနှစ် နိုဝင်ဘာလအတွင်း ကျင်းပခဲ့တဲ့ အမေရိကန် သမ္မတ ရွေးကောက်ပွဲမှာ ရုရှားက ၀င်ရောက် စွက်ဖက်ခဲ့တယ်ဆိုတဲ့ ကိစ္စနဲ့ အခုနောက်ဆုံး ဆီးရီးယားမှာ ဖြစ်သွားခဲ့တဲ့ ဓါတု လက်နက်နဲ့ တိုက်ခိုက်တဲ့ ကိစ္စတွေလည်း ပါဝင်ပါတယ်။

အဲဒီလို အရေးပါတဲ့ ကိစ္စရပ်တွေမှာ အမေရိကန်တို့ဘက်က စကားအဖြစ် ပြောနေတာမျိုး မဟုတ်ပဲ သက်သေ အထောက်အထားနဲ့ ပြသဖို့ လိုကြောင်း ရုရှားနိုင်ငံခြားရေးဝန်ကြီး Sergei Lavrov ကလည်း ပူးတွဲ သတင်းစာရှင်းလင်းပွဲအတွင်း စကားပြန်ကတဆင့် အခုလို ပြောကြားခဲ့ပါတယ်။

“ကျနော် ထပ်ပြီး ပြောချင်ပါတယ်၊ ရုရှားနိုင်ငံက ကွန်ပြူတာတွေထဲ ထိုးဖောက်ဝင်ရောက်ပြီး အချက်အလက်တွေ ခိုးယူတဲ့ Hecker တွေလို့ ဆိုတဲ့သူတွေကိစ္စ၊ ဆီးရီးယားနိုင်ငံက ဓါတုလက်နက် ကိစ္စတွေမှာ စကားအဖြစ် ပြောနေတာထက် ခိုင်မာတဲ့ အထောက်အထားတွေကို ကျနော်တို့ မြင်တွေ့လိုပါတယ်။ အခုချိန်ထိတော့ အချက်အလက်တွေ ကျနော်တို့ မတွေ့ရသေးပါဘူး။ ဆီးရီးယားနိုင်ငံကိစ္စကို ကျနော့်အနေနဲ့ မီးမောင်းထိုးပြီး ထပ်ပြောပါရစေ၊ ကျနော်တို့ဟာ ကုလသမဂ္ဂအဖွဲ့ဝင်၊ ဆီးရီးယားနိုင်ငံက တရားဝင် အစိုးရရဲ့ ဖိတ်ကြားချက်အရ လုပ်ဆောင်နေခြင်း ဖြစ်ပါတယ်။ ဒီနိုင်ငံဟာ ကုလသမဂ္ဂလုံခြုံရေး ကောင်စီရဲ့ ပိတ်ဆို့ အရေးယူမှုကို ခံထားရတဲ့ နိုင်ငံမဟုတ်ပါဘူး၊ ကျနော်တို့ဟာ အကြမ်းဖက်သမားတွေကို တိုက်ခိုက်နေတာ ဖြစ်ပါတယ်။ ဆီးရီးယား အစိုးရကို ISIS နဲ့ Al-Nusra တပ်ဦးတို့က ၀ါးမြိုမသွားရေး ဟန့်တားဖို့ ကျနော်တို့မှာ တာဝန်ရှိပါတယ်။”

အမေရိကန်အစိုးရထံက ဒွိဟဖြစ်စေတဲ့၊ ရှေ့နောက်မညီတဲ့ ပြောဆိုမှုတွေ ထွက်ပေါ်နေတဲ့ကိစ္စနဲ့ ပတ်သက်လို့ ရုရှားအစိုးရဘက်က မေးစရာတွေ အများကြီး ရှိနေကြောင်း၊ ဒါ့အပြင် သမ္မတ Donald Trump ရဲ့ အဓိက ရည်ရွယ်ချက်ဟာ ဘာလဲဖြစ်တယ်ဆိုတာကို ရုရှားအစိုးရအနေနဲ့ သိရှိဖို့ လိုအပ်ကြောင်း ပထမဆုံးအကြိမ် ပြုလုပ်တဲ့ နိုင်ငံခြားရေးဝန်ကြီး ၂ ဦးရဲ့ တွေ့ဆုံမှုအတွင်း ရုရှား နိုင်ငံခြားရေး ၀န်ကြီး Sergei Lavrov က ပြောကြားခဲ့ပါတယ်။

နှစ်နိုင်ငံအကြား သိသာတဲ့ မတူညီမှုတွေ ရှိနေတယ်ဆိုတာကို ၀န်ကြီး Tillerson က ၀န်ခံ ပြောကြားပေမယ့် ရုရှားအစိုးရနဲ့ ပွင့်လင်းတဲ့ အပြန်အလှန် ဆက်ဆံရေး ထားရှိလိုကြောင်း ပြောကြားခဲ့ပါတယ်။

ဆီးရီးယားနိုင်ငံ၊ Idlib ပြည်နယ်၊ Khan Sheikhoun မြို့ကို ဆီးရီးယား အစိုးရက ဓါတုလက်နက်တွေနဲ့ တိုက်ခိုက်ခဲ့တဲ့ ကိစ္စနဲ့ ပတ်သက်လို့ နိုင်ငံတကာက စုံစမ်း စစ်ဆေးရေးမှူးတွေနဲ့ ပူးပေါင်း ဆောင်ရွက်ရမယ်ဆိုတဲ့ အချက်အပြင် အဲဒီ ဖြစ်ရပ်အတွက် တာဝန်ယူရမယ်ဆိုတဲ့ ကိစ္စအတွက် ကုလသမဂ္ဂ လုံခြုံရေးကောင်စီမှာ ဗုဒ္ဓဟူးနေ့ အဆိုတင်သွင်းတာမှာ ရုရှားနိုင်ငံက ဗီတိုအာဏာသုံး ပယ်ချလိုက်ပါတယ်။ ဒါဟာ ရုရှားအနေနှဲ့ဆီးရီးယား အရေးကိစ္စအတွက် လုံခြုံရေးကောင်စီမှာ တင်သွင်းတဲ့ အဆိုပြုချက် မူကြမ်း ၈ ခုမြောက်ကို ဗီတိုအာဏာသုံး ပယ်ချလိုက်တာလည်း ဖြစ်ပါတယ်။

ကိုဇော်ဝင်းလှိုင်  / ဗွီအိုအေ (မြန်မာပိုင်း)
http://burmese.voanews.com

 မြန်မာနိုင်ငံ အလယ်ပိုင်းက နေရာတချို့မှာ အပူချိန် ၄၆ဒီဂရီ စင်တီဂရိတ်အထိ မြင့်တက်
မြန်မာနိုင်ငံမှာ နွေရာသီကာလအတွင်း အပူချိန်တွေ မြင့်တက်လာနေတဲ့အတွက် အပူဒဏ်ကြောင့် မလိုလားအပ်တဲ့ အကျိုးဆက်တွေ မဖြစ်ပေါ်စေဘို့ သက်ဆိုင်ရာက သတိပေးနှိုးဆော်ချက်တွေ ထုတ်ပြန်ထားပါတယ်။

မြန်မာ နိုင်ငံ အလယ်ပိုင်း ထဲက နေရာ တချို့မှာဆိုရင် နေ့ အပူချိန်ဟာ ၄၆ ဒီဂရီ အထိ မြင့်တက် လာနေတာကြောင့် အခုလို ကျန်းမာရေး ပြဿနာများဆိုင်ရာ နှိုးဆော်ချက်တွေ ထုတ်ပြန်ခဲ့တာပါ။

မကွေးတိုင်း ဒေသကြီးထဲမှာ ၄၆ ဒီဂရီ အထိ ပူခဲ့တဲ့ နေရာတွေကတော့ တိုင်းမြို့တော် ဖြစ်တဲ့ မကွေးနဲ့ ရေနံမြေဒေသ ဖြစ်တဲ့ ချောက်တို့မှာ ဖြစ်ပါတယ်။

မကွေးတိုင်း ထဲက တခြား မြို့တွေဖြစ်တဲ့ မင်းဘူး၊ တောင်တွင်းကြီးနဲ့ ဆင်ဖြူကျွန်း တို့မှာလည်း အပူချိန် ၄၃ ဒီဂရီ စင်တီဂရိတ် ရောက်ခဲ့သလို မုံရွာနဲ့ မြင်းခြံတို့လို အလယ်ပိုင်း ဒေသ မြို့ကြီးတွေမှာ လည်း ၄၃ အထိ ပူခဲ့ပါတယ်။

သင်္ကြန်တွင်း ကာလမှာတော့ ဘင်္ဂလား ပင်လယ်အော် အလယ်ပိုင်းမှာ မုန်တိုင်း ကျနိုင်တယ်လို့ ခန့်မှန်း ထားတဲ့ အတွက် မြန်မာနိုင်ငံ တောင်ပိုင်းနဲ့ အရှေ့ပိုင်းတွေမှာ မိုးရွာပြီး အပူချိန် ကျဆင်းနိုင်တယ်လို့ မိုးလေဝသ ပညာရှင် ဒေါက်တာထွန်းလွင်က ပြောပါတယ်။

BBC Burmese
http://www.bbc.com/burmese


"ဘိုင်ယန်မြူးနစ် ၁-၂ ရီးယဲယ်မက်ဒရစ်"
"အက်သလက်တီကိုမက်ဒရစ် ၁-၀ လက်စတာစီးတီး"

ဥရောပ ထိပ်သီးနှစ်သင်းရဲ့ ဆုံတွေ့ပွဲမှာ လက်ရှိချန်ပီယံ ရီးယဲယ်က ဘိုင်နယ်ကို အဝေးကွင်းမှာ ၂-၁ဂိုးနဲ့နုိုင်ပါတယ်။ မနှစ်က ဖိုင်နယ်တက်ခဲ့တဲ့ အက်သလက်တီကိုမက်ဒရစ်ကလည်း အိမ်ကွင်းမှာ လက်စတာစီးတီးကို ၁ဂိုး-ဂိုးမရှိနုိုင်လို့ ချန်ပီယံလိဂ် ပထမအကျော့မှာ မက်ဒရစ် မြို့ခံနှစ်သင်းစလုံး အခြေ အနေကောင်းခဲ့ပါတယ်။
ဘိုင်ယန်- ရီးယဲယ်ပွဲမှာ ပထမပိုင်းတစ်ပိုင်းလုံး အိမ်ရှင် ဘိုင်ယန်က ခြေစွမ်းအသာ၊ ဂိုးသွင်းခွင့်အသာနဲ့ ကစားခဲ့ပါတယ်။ အထူးဖြင့် ဘိုင်နယ်ရဲ့ ကွင်းလယ်ကို ရီးယဲယ်မယှဉ်နုိုင်ခဲ့ဘဲ ဖြစ်ခဲ့တာပါ။ ၂၅မိနစ်မှာ သီယာဂိုရဲ့ ထောင့်ကန်ဘောကနေ ဗီဒါးလ် ခေါင်းတိုက်လို့ ဘိုင်ယန် တစ်ဂိုးရခဲ့ပါတယ်။ ဆက်ပြီး ဘိုင်ယန်ပဲဖိကစားနေရင်း ပထမပိုင်းပြီးခါနီးမှာ ပင်နယ်တီရခဲ့ပါတယ်။ ဒါကို ဗီဒါးလ်ကန်သွင်းပေမယ့် လွဲချော်ခဲ့လို့ ၂ဂိုးပြတ်မယ့် အခွင့်အရေး ဆုံရှုံး ခဲ့ပါတယ်။ ဒုတိယပိုင်းမှာ ဇီဒန်းရဲ့ ရီးယဲယ်က လျင်လျင်မြန်မြန်နဲ့ ချေပဂိုးရခဲ့ ပါတယ်။ ၄၇မိနစ်မှာ ရော်နယ်လ်ဒိုက သွင်းခဲ့တာပါ။ ၆၁မိနစ်မှာ ဘိုင်ယန်ဖက် က ဟာဗီယား မာတီးနက်ဇ် အထုတ်ခံခဲ့ရပြီးနောက်ပိုင်း ရီးယဲယ်က တစ်ယောက် အသာနဲ့ တစ်ပွဲလုံး အသာစီးကစားခဲ့ပါတယ် ဘိုင်ယန် ဂိုးသမား မန်ဝယ် နော်ယာလည်း ရီးယဲယ်ရဲ့ သေချာပေါက် ဂိုးတွေကို လက်စွမ်းပြခဲ့ပေမယ့် ၇၇မိနစ်မှာ ရော်နယ်လ်ဒိုရဲ့ အနုိုင်ဂိုးကိုတော့ ခွင့်ပြုခဲ့ရပါ တယ်။ ဒီပွဲမှာ ဘိုင်ယန် ကစားပုံကောင်းခဲ့ပြီး ပထမပိုင်းမှာ ပင်နယ်တီလွဲချော်ခဲ့တာ၊ တစ်ခါ လူအထုတ်ခံခဲ့ရတာတွေက အန်ဆယ်လော့တီ ဘိုင်ယန်အတွက် ကံဆိုးသွားခဲ့ရတာဖြစ်ပါတယ်။ ဒီပွဲမှာ ၂ဂိုးသွင်းခဲ့တဲ့ ရော်နယ်လ်ဒိုဟာ ဥရောပပြိုင်ပွဲတွေအတွင်း သွင်းဂိုး ၁၀၀ပြည့်တဲ့ ပထမဆုံး ကစားသမား ဖြစ်လာခဲ့ပါတယ်။
တစ်ဖက်က ပွဲမှာ အက်သလက်တီကိုက အန်တွန် ဂရီးဇ်မန်းရဲ့ ပင်နယ်တီဂိုးနဲ့ လက်စတာစီးတီးကို ၁ဂိုးတည်းနဲ့နုိုင်ခဲ့ပါတယ်။ ဒီပွဲမှာ အက်သလက်တီကိုက ဘောလုံးပိုင်ဆိုင်မှု၊ ဂိုးသွင်းခွင့်အသာနဲ့ ကစားခဲ့ပြီးမှ ၁ဂိုးသာသွင်းပြီး နုိုင်ခဲ့တာ ဖြစ်ပါတယ်။

ချန်ပီယံလိဂ် ကွာတားဖိုင်နယ် ပထမအကျော့ ရလဒ်များ

ဂျူဗင်တပ်စ် ၃-၀ ဘာစီလိုနာ
ဒေ့ါမန် ၂-၃ မိုနာကို
အက်သလက်တီကို ၁-၀ လက်စတာစီးတီး
ဘိုင်ယန် ၁-၂ ရီးယဲယ်

(ဒုတိယအကျော့ပွဲတွေကို လာမယ့်တစ်ပတ် အင်္ဂါ၊ ဗုဒ္ဓဟူးနေ့တွေမှာ ပြန်ကစားမှာဖြစ်ပါတယ်။ )
BBC Burmese



အမေရိကန် သမ္မတကတော် Melania Trump
အမေရိကန် သမ္မတ ကတော် Melania Trump အလုပ်လုပ်ခဲ့တဲ့ မော်ဒယ်လ် အေဂျင်စီဟာ Escort Agency ဆိုတဲ့ အဖော်ပြု ဖျော်ဖြေရေး ၀န်ဆောင်မှု အေဂျင်စီ ဖြစ်တယ်လို့ မှားယွင်းစွပ်စွဲထားတဲ့ ၂၀၁၆ ခုနှစ်က ဆောင်းပါးတပုဒ်နဲ့ ပတ်သက်ပြီး အမေရိကန် သမ္မတကတော် Melania Trump ကို Daily Mail သတင်းစာ ထုတ်ဝေသူက ဒီကနေ့ ဗုဒ္ဓဟူးနေ့မှာ တောင်းပန်ခဲ့ပြီး လျော်ကြေးပေးဖို့ သဘောတူလိုက်ပါတယ်။

Melania Trump က စီးပွားရေး အကျိုးစီးပွားကို နစ်နာစေမှု၊ နောက် စိတ်အနှောင့်အယှက် ဖြစ်မှု အတွက် ဒေါ်လာ သန်း ၁၅၀ လျော်ကြေးပေးဖို့ ပြီးခဲ့တဲ့ ဖေဖော်ဝါရီလမှာ အသရေဖျက်မှုနဲ့ အမှုဖွင့်ခဲ့တာ ဖြစ်ပါတယ်။ ကမ္ဘာပေါ်မှာ ဓာတ်ပုံ အရိုက်ရဆုံး အမျိုးသမီး တဦး ဖြစ်လာရမယ့် အချိန်မှာ Daily Mail ရဲ့ ရေးသားချက်ကြောင့် ဒေါ်လာ သန်းချီပြီး ၀င်ငွေရရမယ့် အခွင့်အလမ်းကို ထိခိုက်ရတယ်လို့ အမှုဖွင့်တာပါ။

စာအုပ်တအုပ်နဲ့ ဆလိုဗေးနီးယား မဂ္ဂဇင်းတို့မှာ ပထမဆုံး ဖော်ပြခဲ့တဲ့ ဒီရေးသားချက်မှာ Melania Trump ကို ပြည့်တန်ဆာ တဦးလို မှားယွင်း ပုံဖော်ထားတယ်လို့လည်း Melania Trump ရဲ့ ရှေ့နေတွေက ပြောပါတယ်။ Daily Mail က ဒီဆောင်းပါးကို မှားယွင်း စွပ်စွဲချက်မှန်း သိပါရဲ့နဲ့ ဒါမှမဟုတ်လည်း အမှန်က ဘာလဲ ဆိုတာကို ရှင်းရှင်းလင်းလင်း သိအောင် မလုပ်ဘဲနဲ့ ဖော်ပြခဲ့တာလို့လည်း အမှုမှာ ဖော်ပြထားပါတယ်။

မစ္စစ် Trump အပေါ် စွပ်စွဲချက်တွေဟာ မမှန်ကန်ဘူးဆိုတာကို လက်ခံပါကြောင်း၊ဒီစွပ်စွဲချက်တွေကို ရုပ်သိမ်းပါကြောင်း ဒီကနေ့ ဗုဒ္ဓဟူးနေ့ထုတ် ကြေညာချက်မှာ Daily Mail က ပြောဆိုထားပါတယ်။ ရေးသားဖော်ပြ ထုတ်ဝေခဲ့မှုကြောင့် မစ္စစ် Trump နစ်နာခဲ့ရတာတွေ အားလုံး အတွက်လည်း တောင်းပန်ပါတယ်လို့ ဖော်ပြပါတယ်။

ဗွီအိုအေ (မြန်မာပိုင်း)
http://burmese.voanews.com



ပုဒ်မ ၆၆ ဃ အရ ကဗျာဆရာ မောင်ဆောင်းခ ဖမ်းဆီးခံခဲ့ရဖူးပါတယ်
လူအများ ဝေဖန် ပြောဆိုနေကြတဲ့ ဆက်သွယ်ရေး ဥပဒေပုဒ်မ ၆၆ ဃ ကို ပြင်ဆင်နိုင်ဖို့ ပို့ဆောင်ရေးနဲ့ ဆက်သွယ်ရေး ဝန်ကြီးဌာန အတွင်းမှာ ဆွေးနွေး ညှိနှိုင်း နေပါတယ်။

ဒီပုဒ်မကို အသုံးပြုပြီး တရားစွဲဆိုတဲ့ အခါ စွပ်စွဲ ခံရသူတွေ အာမခံ မရလို့ နစ်နာမှု ရှိတဲ့ အတွက် ဘယ်လို ပြုပြင် သင့်တယ် ဆိုတာ စဉ်းစား ဆွေးနွေး နေကြတာ ဖြစ်ကြောင်း ဆက်သွယ်ရေးဦးစီးဌာန ညွှန်ကြားရေးမှူးချုပ် ဦးစိုးသိန်းက ဘီဘီစီကို ပြောပါတယ်။

ဆက်သွယ်ရေး ဥပဒေပုဒ်မက ဆက်သွယ်ရေးနဲ့ ပတ်သက်တဲ့ ရင်းနှီးမြှုပ်နှံသူတွေ လုပ်ငန်း ဆောင်ရွက်လို့ ရအောင် အဓိက ရည်ရွယ်တဲ့ ဥပဒေ ဖြစ်တယ်လို့ ဦးစိုးသိန်းက ပြောပါတယ်။

ဆက်သွယ်ရေး ကွန်ရက်ကိုအသုံးပြုပြီး အသရေဖျက်မှု၊ အမုန်းစကား လှုံ့ဆော်မှု တွေနဲ့ပတ်သက်လို့ တခြား ရှိပြီးသား ဥပဒေတွေအရ ပြည့်ပြည့်စုံစုံ ကာကွယ် မပေးနိုင်ဘူးလို့ ယူဆတဲ့ အတွက် ပုဒ်မ ၆၆ ဃ ကို ဆက်သွယ်ရေး ဥပဒေမှာ ထည့်သွင်းတဲ့ သဘောလို့ သုံးသပ်ကြောင်း သူက ပြောပါတယ်။

ပြည်သူတွေရဲ့ အသံတွေကို နားထောင်ပြီး လိုအပ်သလို ဥပဒေပြုရေး ပြဌာန်းရေးတို့မှာ တာဝန်ရှိတဲ့ လွှတ်တော်ဘက်က သဘောထား တောင်းခံ လာရင်လည်း အသင့် ပေးနိုင်အောင် ဌာနတွင်း စဉ်းစားဆွေးနွေး နေတာဖြစ်တယ်လို့ ဦးစိုးသိန်းက ပြောပါတယ်။

BBC Burmese
http://www.bbc.com/burmese


နေပြည်တော်၊ ဧပြီ ၁၂

ရှမ်းပြည်နယ်(မြောက်ပိုင်း)၊ လားရှိုးမြို့နယ်အတွင်း နယ်မြေလုံခြုံရေးဆောင်ရွက်နေသော တပ်မတော်စစ်ကြောင်းသည် ဧပြီ ၁၁ ရက် ည ၁၁ နာရီ ၃၀ မိနစ်ခန့်တွင် လားရှိုးမြို့၏ အရှေ့တောင်ဘက် ၁၅ မိုင်ခန့်အကွာရှိ နမ်ပေါင်ကျေးရွာအနီး၌ ဟိုယမှ လားရှိုးဘက်သို့ မောင်းနှင်လာသော မသင်္ကာဖွယ် ပါကျဲရိုးအမျိုးအစားယာဉ်အား ရပ်တန့်စစ်ဆေးရာ ယာဉ်မောင်းဦးကျော်မိုး(ဘ) ဦးစိုင်းအိုက်လိုင်နှင့်အတူ ဦးစိုင်းမောင်ရွှေ (ဘ)ဦးအိုက်ပေါင်းတို့အား ၉ မမပစ္စတို ၁လက်၊ ၉ မမကျည် ၈ တောင့်၊ ကျည်အိမ် ၁ ခု၊ တရားမ၀င် ပိတောက်တုံး ၁၂ တုံး (ခန့်မှန်း ၁ တန်ခန့်) (ခန့်မှန်းတန်ဖိုး ငွေကျပ်သိန်း ၃၀ ခန့်)၊ လမ်းလျှောက် စကားပြောစက် ၁ လုံး၊ ဖုန်း ၂ လုံးတို့နှင့်အတူ ဖမ်းဆီးရမိခဲ့သည်။


အလားတူ ယနေ့နံနက် ၂ နာရီ ၃၀ မိနစ်ခန့်တွင် လားရှိုးမြို့၏မြောက်ဘက် ၈ မိုင်ခန့်အကွာရှိ ပန်ဖရွာကျေးရွာအနီး လားရှိုး-သိန္နီ ပြည်ထောင်စုလမ်းမကြီးပေါ်၌ စိုးပိုင်(ဘ)ဦးလှမောင် မောင်းနှင်ပြီး ယာဉ်နောက်လိုက် ဇော်ဇော်အောင် (ဘ)ဦးမိုးဦး လိုက်ပါစီးနင်းလာသော FUSO အမျိုးအစား ၁၂ ဘီးယာဉ်ပေါ်တွင် တရားမ၀င် ပိတောက်သစ်ခွဲတုံး ဆိုဒ်စုံ ၁၀ တုံး၊ (ခန့်မှန်း ၆ ဒသမ ၅ တန်ခန့်)(တန်ဖိုးငွေ ၁၇ သိန်းကျော်)၊ ဖုန်း ၁ လုံးနှင့် မြန်မာကျပ်ငွေ ၁၀၇၀၀၀ တို့အား ဖမ်းဆီးရမိခဲ့သည်။

ထို့ပြင် ယနေ့နံနက် ၃ နာရီ ၂၀ မိနစ်ခန့်တွင် လားရှိုးဘက်မှ သိန္နီဘက်သို့ ဖြိုးနန္ဒအောင်(ဘ)ဦးရဲဝင်း မောင်းနှင်လာသော ကင်တာအမျိုးအစား ၆ ဘီးယာဉ်ပေါ်မှ ပြောင်းဖူး/စပါးခွံအိတ်များအောက်တွင် ၀ှက်၍ သယ်ဆောင်လာသော ရင်းတိုက်သစ်ခွဲတုံး ဆိုဒ်စုံ ၃၄ တုံး( ၁ ဒသမ ၈ တန်ခန့်)(ခန့်မှန်းတန်ဖိုးငွေ ၁၀ သိန်းကျော်)နှင့် မြန်မာကျပ်ငွေ ၁၀၄၀၀၀ ကျပ်တို့အား ဖမ်းဆီးရမိခဲ့သည်။

၎င်းအပြင် လားရှိုးမြို့၏ အရှေ့ဘက် ၈ မိုင်ခန့်အကွာရှိ လားရှိုး-မုံးယော် ကားလမ်းပေါ်သို့ ယနေ့နံနက် ၈ နာရီခန့်တွင် မုံးယော်ရွာဘက်မှ မောင်းနှင်လာသော အိုက်လျန်(ဘ) ဦးစိန်ဝင်း မောင်းနှင်လာသည့် စူပါကပ်စတန်အမျိုးအစား ယာဉ်အား ရပ်တန့်စစ်ဆေးရာ တမလန်းသစ် စကွဲယားတုံးဆိုဒ်စုံ ၃၀ တုံး(ခန့်မှန်း ၁ ဒသမ ၃ တန်ခန့်)(ခန့်မှန်းတန်ဖိုး ၂၆ သိန်းခန့်)အား ဖမ်းဆီးရမိခဲ့သည်။

အဆိုပါဖမ်းဆီးရမိသူများ၊ မော်တော်ယာဉ်များ၊ လက်နက်ခဲယမ်းများနှင့် တရားမ၀င်သစ်များအား လားရှိုးမြို့ရဲစခန်း၊ နမ်ပေါင်ရဲစခန်းနှင့် လားရှိုးမြို့သစ်တောဦးစီးဌာနသို့ စနစ်တကျလွှဲပြောင်း အပ်နှံသွားမည် ဖြစ်ကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ်ရုံး
https://www.facebook.com/Cincds




ရေသေနတ်တွေနဲ့ ရန်ကုန်မြို့တပတ် အထင်ကရနေရာတွေဆီကို လမ်းလျောက်ရင်း ရေကစားတဲ့ Yangon Splash Walk အစီအစဉ်ကို လာမယ့် သင်္ကြန်အတက်နေ့မှာ လူငယ်တချို့က ပြုလုပ်သွားဖို့ ရှိနေပါတယ်။

ဒီအစီအစဉ်လေးဟာ အရင်နှစ် ၂၀၁၆ သင်္ကြန်အတက်နေ့က စတင်ပြီးတော့ ပြုလုပ်ခဲ့တာဖြစ်ပြီး "ငယ်ဘဝက လွယ်အိတ်ထဲဂါလန်ပုံးထည့် ရေပြွတ်တပ်ပြီး ရပ်ကွက်လှည့်ခဲ့တဲ့ အမှတ်တရတွေကို အတူတူဖန်တီးကြဖို့ရည်ရွယ်ပါတယ်" လို့  Yangon Splash Walk2016 စီစဉ်တဲ့ လူငယ်တခ်ျို့ က သူတို့ရဲ့ လူမှုကွန်ရက်စာမျက်နှာတွေမှာ ရေးသားထားပါတယ်။

ဒီ yangon Spalsh Walk ဟာ ၂၀၁၆ ခုနှစ်မှာ စတင်ခဲ့တဲ့ သင်္ကြန်တွင်းလူထုပွဲတော်တစ်ခုဖြစ်ပြီးငယ်စဉ်ကဖြတ်သန်းခဲ့ရတဲ့ အနှစ်သာရရှိတဲ့ သင်္ကြန်အငွေ့အသက်တွေ အားလုံးအတူတကွပြန်လည် ခံစားနိုင်ဖို့ နဲ့ ရေပြွတ်နဲ့ ကျောပိုးအိတ်လွယ် ရပ်ကွက်ထဲလှည့်ခဲ့ရတဲ့ ငယ်ဘဝ အနှစ်သာရရှိခဲ့တဲ့သင်္ကြန်၊ အမှတ်တရတွေကို ပြန်လည် ခံစားနိုင်ဖို့ ရည်ရွယ်တာပါ။

ဒီပွဲတော်ကို လူငယ်တွေတင်မကပဲ လူလတ်ပိုင်း လူကြီးပိုင်း ကလေးငယ်တွေပါ ပါဝင်ပြီး စုပေါင်းဆင်နွဲနိုင်တယ်လို့ သိရပါတယ်။
၂၀၁၆ ရဲ့ Yangon Splash Walk မှာတော့ လူ၂၀၀၀ ကျော် ပါဝင်ဆင်နွဲခဲ့ပြီး သင်္ကြန်အပြီးမှာ ရန်ကုန်တိုင်းဒေသကြီး အစိုးရအဖွဲ့ကပေးအပ်တဲ့ ဂုဏ်ပြုမှတ်တမ်းလွှာကို လက်ခံရရှိခဲ့ပါတယ်။

သတင်း - စုစုမျိုးပိုင်
ဓာတ်ပုံ - Yangon Splash Walk
DVB Youth Voice



ယမန်နေ့ ညကတည်းက သူတင်ကိုယ်တင်ဖြစ်ခဲ့ကြသည့် မင်္ဂလာမွန်ဈေးရှိ KTV နှင့် ဖျော်ဖြေရေး
ဆိုင်များကို ပိတ်သိမ်းလိုက်ခြင်းသည် ယနေ့တွင်လည်း စည်ပင်နှင့် ဆိုင်မန်နေဂျာများ အချေအတင်
ဆက်လက်ဖြစ်ပေါ်လာနိုင်သည်ဟု KTV မန်နေဂျာတစ်ဦးက ပြောသည်။

ယနေ့ မွန်းလွဲပိုင်းတွင် မင်္ဂလာမွန်ဈေး၏ ၀င်ပေါက်ထွက်ပေါက်များ၊ KTV နှင့် ဖျော်ဖြေရေးဆိုင်
များ၏ ၀င်ပေါက်ထွက်ပေါက်များတွင် "ယမန်နေ့ ည ၁၂ နာရီမှ စ၍ ဆက်လက်လုပ်ဆောင်ခွင့်ကို
ပိတ်သိမ်းပြီးဖြစ်ကြောင်း" စည်ပင်(ဈေးများဌာန)မှ စာများကပ်ထားသည်ဟု သိရသည်။

KTV နှင့် ဖျော်ဖြေရေးဆိုင် တစ်ဆိုင်မှ မန်နေဂျာတစ်ဦးက "ကျွန်တော်တို့ကတော့ ဒီည ဆက်ဖွင့်
ချင်တယ်။ ဒါပေမဲ့ ထိပ်တိုက်မတွေ့ဖြစ်အောင်တော့ ကြိုးစားသွားမယ်။ ၀န်ထမ်းတွေကိစ္စနဲ့
ပစ္စည်းတွေ ပြောင်းရရွှေ့ရကိစ္စတွေအတွက် အချိန်တစ်နှစ်လောက်တော့ ထပ်တိုးပေးစေချင်
ပါတယ်" ဟု ပြောဆိုသွားကြောင်း ယနေ့ညနေမှာ ကြားသိရသည်။

သတင်းဓာတ်ပုံ-အံ့ဘွယ်ကျော် FB.


မကြာခင်မှာ နွေဦးကာလ ပိတောက်ပန်းတွေနဲ့အတူ မြန်မာတို့ရဲ့နှစ်သစ်ကူး ပွဲတော်တခုဖြစ်တဲ့ သင်္ကြန်ကာလကို ရောက်ရှိတော့မှာဖြစ်ပါတယ်။ ၈၈မျိုးဆက်မှ ကိုမြအေးက သူ့ဘဝရဲ့မှတ်တိုင်တခု ဖြစ်တဲ့ “ကွီးတို့သင်္ကြန်”လို့ အမည်ပေးထားတဲ့ တေးစီးရီး ထွက်ရှိခဲ့တဲ့အပေါ် ဧရာဝတီမှ သတင်းထောက် ယုဖြူဟန်က မေးမြန်းထားပါတယ်။

မေး။   ။ ကိုမြအေးအနေနဲ့ “ကွီးတို့သင်္ကြန်”ကို လုပ်ဖြစ်ခဲ့ပုံလေးကို ပြောပြပေးပါ။
ဖြေ ။  ။ အရင်ကတည်းက သင်္ကြန်သီချင်းခွေတခွေ လုပ်ချင်တဲ့ ရည်ရွယ်ချက်ရှိတယ်။ ထောင်ထဲမှာ သီချင်းတွေ ရေးဖြစ် တာရှိတယ်။ အချိန်တွေက အားနေတဲ့အခါကျတော့ သင်္ကြန်သီချင်း ၃ ပုဒ်ရေးဖြစ်တယ်။ အဲဒီ ၃ ပုဒ်ထဲက ၂ ပုဒ်ကို အခွေထဲမှာ ထည့်ထားတယ်။ ဇော်ပိုင်နဲ့ ဖိုးကာရဲ့သီချင်းပေါ့။
ကျန်တဲ့ ၈ ပုဒ်ကတော့ အပြင်မှာ ရေးတာပေါ့၊ ဒီနှစ်သင်္ကြန်မှာ မှတ်တမ်းလေးတခုအဖြစ် လုပ်ချင်တာလည်း ပါတယ်။ အဲဒါ ကြောင့် အချိန်ယူပြီး ကျကျနန ပြင်ဆင်ဆောင်ရွက်ခဲ့တာဖြစ်တယ်။

မေး ။  ။ အချိန်ဘယ်လောက်ယူခဲ့ရလဲ။
ဖြေ ။  ။ ၈ လ လောက်ယူခဲ့ရတယ်။

ကွီးတို့သင်္ကြန်တေးစီးရီးခွေ

မေး ။  ။ တခွေလုံးကို ကိုမြအေးက ရေးခဲ့တာဆိုတော့ သင်္ကြန်ကို တော်တော်ရင်ခုန်ပုံရတယ်။ ဒီသင်္ကြန်သီချင်းတွေကရော ကိုယ်တွေ့လား။
ဖြေ ။  ။ သင်္ကြန်ဆိုတာက မြန်မာပြည်မှာ လူငယ်တွေ အကုန်လုံးက ပျော်ကြတယ်လေ။ ကျနော်တို့ ငယ်ငယ်တုန်းက လည်း သင်္ကြန်ဆိုတာ ပျော်ကြတာပဲ။ လူငယ်ဆိုတာ လူငယ်ပီပီသသ ဖြတ်သန်းတာမျိုးကို အစ်ကိုက သဘောကျတယ်။ လူငယ်က လူငယ်လိုမဟုတ်ဘဲ လူကြီးဆန်နေရင် သဘောမကျဘူး။
နိုင်ငံရေးလုပ်တယ်၊ အစ်ကိုတို့ ကျောင်းတုန်းကလည်း လူငယ်ပီပီသသဘဲ အဆောင်တွေမှာ ဂစ်တာသွားတီးတယ်၊ လူငယ်ပီပီ၊ အဲဒီလိုမဟုတ်ဘဲ လူငယ်က လူကြီးစကားလုံးတွေပြောပြီး လူကြီးဆန်နေရင် မအပ်စပ်ဘူးလို့ မြင်တယ်။ ဆိုလိုချင်တာက သင်္ကြန်မှာ လူငယ်က လူငယ်ပီပီ ပျော်။
တခုတော့ရှိတယ်။ ပတ်ဝန်းကျင်မှာ မူးယစ်ရမ်းကားတဲ့ကိစ္စတွေ မူးယစ်ဆေးဝါးကိစ္စတွေ၊ ဗရုတ်သုတ်ခ ကိစ္စတွေ ရှောင် ရှားသင့်တယ်။ သင်္ကြန်ဆိုတာ မြန်မာပြည်မှာရှိတဲ့ လူမျိုးပေါင်းစုံ ဘာသာပေါင်းစုံပျော်ကြတဲ့ပွဲဆိုတော့ အမြဲ အမှတ်တရ ဖြစ်နေတယ်။

မေး ။  ။ မှတ်တိုင်တခုလို့ရော ပြောလို့ရမလား။
ဖြေ ။  ။ အမှတ်တရလေး လုပ်ချင်လို့  အချိန်ယူပြီးလုပ်တာလေ၊ သေချာတိုင်ပင်ပြီးမှ လုပ်ထားတာပေါ့။ ပြောရမယ်ဆိုရင် သီချင်း ၈ ပုဒ်က ရေးရတာ အချိန်တိုတာပေါ့။ ရတဲ့အချိန်လေးမှာ တိုင်ပင်လေးတွေ မှတ်ထားပြီးတော့ တခုလွယ်တာက ဖုန်းတွေမှာ recording တွေပါတော့ ဒီ တိုင်းလေးတွေ ဆိုထားပြီးတော့ သံစဉ်တွေပြန်ရှာရတာပေါ့။

မေး ။  ။ သင်္ကြန်သီချင်းတွေအပြင် တခြား နိုင်ငံရေး၊ ဘာသာရေးသီချင်းတွေ ရေးသွားဖို့ရှိပါသေးလား။
ဖြေ ။  ။ နိုင်ငံရေးသီချင်းတွေကတော့ အရင်ကတည်းကရေးတယ်။ ၈၈ မျိုးဆက်ငြိမ်းချမ်းရေး တေးသံဆိုတာ ရေးခဲ့တယ်။ ဒါပေမယ့် အခုကာလမှာ အဲဒီလို သီချင်းတွေရေးဖို့ ဆန္ဒသိပ်မရှိဘူး။ သီချင်းကတော့ ဝါသနာပါတယ်။ အရင်ကတည်းက ဝါသနာပါတာဆိုတော့ ထောင်ထဲမှာလည်း ရေးထားတာတွေ ရှိပါတယ်။ များသောအားဖြင့် romatic တွေများတယ်။ သီချင်းကတော့ ကျနော် စိတ်အပန်းဖြေတဲ့အရာပေါ့။ သီချင်းဝါသနာပါတယ် စာရေးတယ်၊ ဝတ္ထုတိုရေးတာ ဝါသနာပါတယ်။ ကျနော့်ရဲ့ ဝါသနာပေါ့။

မေး ။  ။ သင်္ကြန်အပေါ်မှာ ကိုယ်ပိုင်အမြင်လေးပြောပြပေးပါ။
ဖြေ ။  ။ သင်္ကြန်ကတော့ နှစ်ဟောင်းက အညစ်အကြေးတွေ အတာရေနဲ့ ဖြန်းပက်ပြီးတော့ နှစ်သစ်ကို စင်စင်ကြယ် ကြယ်နဲ့ ဖြတ်သန်းမယ်ဆိုတဲ့ ရည်ရွယ်ချက်နဲ့ လုပ်ကြတာပဲလေ။
တကယ်တမ်းပြောရရင် သင်္ကြန်ဆိုတာ ရိုးရာပွဲ တခုပဲလေ။ မြန်မာပြည်မှာ နေတဲ့လူတွေ အားလုံးနဲ့သက်ဆိုင်တယ်။ ကျ နော် အကြိုက်ဆုံးကတော့ သင်္ကြန်မှာ လူမျိုးမရွေး၊ ဘာသာမရွေးမဏ္ဍပ်တိုင်းမှာ စတုဒီသာကျွေးတာကိုပဲ။ အရမ်းကြိုက် အရမ်းချစ်တဲ့ မြန်မာလူမျိုးတွေရဲ့ ဓလေ့စရိုက်ပေါ့။

မေး ။  ။ သင်္ကြန်ဆိုရင် မြို့မငြိမ်းရဲ့သင်္ကြန်သီချင်းကို ကျော်သွားတဲ့သီချင်းမရှိတာ ဘာကြောင့်လို့ထင်ပါသလဲ။
ဖြေ ။  ။ ဆရာမြို့မငြိမ်းလို ဂီတပညာရှင်ကတော့ မြန်မာပြည်မှာ မရှိသေးဘူးခင်ဗျ။ မကျော်နိုင်ဘူး။ သင်္ကြန်မှာ မန်းတောင်ရိပ်ခိုမပါရင် သင်္ကြန်မပြီးဘူး။ ဆရာမြို့မငြိမ်းရဲ့သီချင်းကိုကျော်မယ်ဆိုတာ စိတ်ကူးယဉ်တာပဲ ဖြစ်လိမ့်မယ်။

မေး ။  ။ ဒီ အခွေလေးကို ဘယ်တေးသံသွင်းကနေ ဘယ်လိုနှုန်းထားနဲ့ ဖြန့်ချိထားတာလဲ။
ဖြေ ။  ။ ဒီအခွေကို တီးတဲ့တီးဝိုင်းက ကိုဝင်းမော် (ရွှေသံစဉ်)ပါ။ ရှိုင်းမယ်လိုဒီမှာ အသံသွင်းပါတယ်။ ဗမာဗုံကတော့ ကိုသန်းဝင်းဖြစ်ပါတယ်။ မာစတာတေးသံသွင်းက တနိုင်ငံလုံးကို ဖြန့်ချိပါတယ်။ အခွေထဲမှာ သီချင်းစာအုပ်ရော CD ရော DVD ရော အဲဒါကို ဆိုင်အရောင်းဈေး ၃၀၀၀ကျပ်ပါ။

မေး ။  ။ ခုလ ၇ ရက်နေ့က ဖြန့်ချိခဲ့တာဆိုတော့ အခုချိန်မှာဆိုရင် ရောင်းချရမှုအခြေအနေက ဘယ်လိုရှိပါသလဲ။
ဖြေ ။  ။ အခုလောလောဆယ် ပြန်ကြားရတာတော့ တော်တော်များများ ကြိုက်တယ်လို့ကြားရပါတယ်။ ဘယ်လောက် ရောင်းရလဲ အတိအကျတော့မသိသေးပါဘူး။ သေချာတာ တခုကတော့ ကူးခွေထွက်သွားတာပါပဲ။ ဆိုင်တွေပေါ်မှာတော့ ကူးခွေနဲ့ ကျနော်တို့အခွေကတော့ ဈေးကကွာတာပေါ့။ ကျနော်တို့က cover လည်း သေချာလုပ်ထားတယ်။ CD ရော DVD ရော ပါတယ်။ အရင်းအနှီးနဲ့ ဆိုင်ကိုရောက်တဲ့ဈေးက ၂၇၀၀ နဲ့ ချပေးရတာပေါ့။

မေး ။  ။ အခုဆိုရင် အခွေတခွေ ထွက်လာတယ်ဆိုတာနဲ့ online ပေါ်မှာ အရင်ပျံ့သွားတော့တယ်။ အဲ့ဒါနဲ့ ပတ်သက်ပြီး ဘာများ ပြောချင်ပါသလဲ။
ဖြေ ။  ။ ကျနော် ကိုယ်တိုင်လုပ်ကြည့်တဲ့အခါမှာ ကျနော်မြင်တာကတော့ ကျနော်ကတော့ ဝါသနာပါလို့လုပ်တာပေါ့။ စီး ပွားရေးအနေနဲ့ဆိုရင် လုံးဝ တွက်ခြေမကိုက်ဘူး။ ဘာလို့လဲဆိုရင် အခွေထွက်လိုက်တာနဲ့ online ပေါ်ပျံ့ပြီးတော့ ကူးခွေဖြစ်သွားတယ်။
သီချင်းကောင်းတွေ အရည်အသွေးကောင်းတဲ့ DVD တွေ ဖြစ်လာမှာ မဟုတ်တော့ဘူး။ အဲဒီကိစ္စကို ထိထိရောက်ရောက် မကိုင်တွယ်ဘူးဆိုရင် ရှုံးမှာပဲ။ ထုတ်လုပ်သူတွေက လုပ်ကြတော့မှာမဟုတ်ဘူး။ အခွေရဲ့ကုန်ကျစရိတ်က သိန်း ၃၀၀ ကျော် ပါတယ်။ ကျနော် စပွန်ဆာရထားတာ သိန်း ၆၀ ရှိပါတယ်။ ကျနော့်ဘက်ကစိုက်ထုတ်ထားတာ အချိန်တွေ၊ ငွေတွေပေါ့။

သီချင်းရေးခက ကိုယ့်ဘာသာ ရေးလို့မပါပါဘူး။ ဒီလို အားစိုက်ပြီးတော့ ၈ လနဲ့၁၀ လကြား ကြာတယ်။ သေချာစနစ်တကျ လုပ်ထားတာ သီချင်းတွေကို စီစဉ်ရင်းနဲ့ အချင်းချင်းညီအစ်ကိုတွေလို ဖြစ်သွားတာ ပြီးတော့ ဒီတိုင်းတန်းမထုတ်ဘူး ဒီမိုတခွေစမ်းထုတ်တယ်။ ပြန်နားထောင်ပြီး ပြန်သုံးသပ်တယ်။
ဘယ်အဆိုတော်နဲ့ ဘယ်သီချင်းက လိုက်တယ်ဆိုတာကို ရွေးပြီးလိုအပ်တာတွေကို  ပြန်ပြီး ရွေးပြီးပြန်တီးတယ်။ ပြီးမှ အဆိုတော်တွေနဲ့ ပြန်ချောဖို့ ရက်ရွေးတာအချိန်တွေလည်း အများကြီးကုန်တယ်။ ဒါပေမယ့် ဝါသနာလဲပါ၊ မှတ်တိုင် တခုလည်းဖြစ်တော့ သေချာလေးလုပ်လိုက်တာ။ စီးပွားရေးအနေနဲ့က ဘယ်လိုမှ တွက်ခြေမကိုက်ဘူး။ ကွာလတီ မလုပ်နိုင်ကြတော့ဘူး။
ကူးခွေတွေအပိုင်းနဲ့ဖြန့်ချိရေးအပိုင်း နည်းနည်းလုပ်ရမယ်နဲ့တူတယ်။သမာရိုးကျ ဖြန့်ချိပုံနဲ့မရတော့ဘူး။ online download တာက သိပ်မပြောလိုဘူး။ လူငယ်တွေ တော်တော်များများက ဖုန်းထဲထည့်ပြီး နားထောင်ကြတာဆိုတော့လေ၊ အဲဒါလည်း နားလည်တတ်ကျွမ်းတဲ့ပညာရှင်တွေနဲ့ ပိုပြီးတော့ဖွံ့ဖြိုးတိုးတက်အောင်လုပ်သင့်တယ်။

မေး ။  ။ ဒီသင်္ကြန်ကို ဘယ်လိုအစီအစဉ်တွေနဲ့ဖြတ်သန်းသွားဖို့ရှိပါသလဲ။
ဖြေ။  ။ ရိုးရိုးရှင်းရှင်းပဲ ဖြတ်သန်းသွားမှာပါ။

မေး ။  ။ ကွီးတို့သင်္ကြန်ကို အားပေးမယ့်ပရိသတ်ကို ဘာများပြောချင်ပါသလဲ။
ဖြေ ။  ။ ဒီအခွေကို အကောင်းဆုံးဖြစ်အောင် ကြိုးစားထားကြတယ်။ တဖွဲ့လုံးပေါ့ ဒီအခွေရဲ့ပဲ့ကိုင်ရှင်က ကျနော် တ ယောက်တည်းမဟုတ်ပါဘူး။ ပေါင်းစုပြီး လုပ်ထားကြတာပါ။ နားထောင်ကြည့်ပါ၊ ကြည့်ကြည့်ပါ။ တခုခု မက်ဆေ့ခ်ျရရင် ကျေနပ်ပါပြီ။
https://burma.irrawaddy.com/opinion/interview/2017/02/24/130850.html

သင်္ကြန်ကာလ အပူဒဏ်ရှောင်ဖို့ သတိပေးချက်ထုတ်ပြန် (State Counsellor Office Information Committee)
မြန်မာနှစ်သစ်ကူးကာလ၊ ဧပြီလ ဒုတိယပတ်ကစလို့ မြန်မာပြည်တ၀ှမ်းမှာ အပူချိန်မြင့်တက်လာခဲ့ရာက ဒီရက်ပိုင်းမှာတော့ အပူဒဏ်ရှောင် ဖို့ နိုင်ငံတော် အတိုင်ပင်ခံရုံး၊ သတင်းထုတ်ပြန်ရေးကော်မတီကပါ သတိပေးချက်ထုတ်ပြန်တာတွေ ရှိလာခဲ့ပါတယ်။

သင်္ကြန်ကာလအတွင်း ဘင်္ဂလားပင်လယ်အော်မှာ လေဖိအားနည်းရပ်ဝန်း တခုဖြစ်ပေါ်နိုင်ပြီး ဒီသက်ရောက်မှုကြောင့် နေ့အပူချိန်ကျဆင်းလာနိုင်သလို ခရမ်းလွန်ရောင်ခြည်ညွှန်းကိန်းလည်း ကျဆင်းလာဖွယ်ရှိတယ်လို့ မိုးလေ၀သနဲ့ ဇလဗေဒညွှန်ကြားမှုဦးစီးဌာနက တာဝန်ရှိသူတဦးက ခန့်မှန်းပါတယ်။

ဘင်္ဂလားပင်လယ်အော်အတွင်း ဖြစ်ပေါ်လာနိုင်တဲ့ လေဖိအားနည်းရပ်ဝန်းဟာ သင်္ကြန်အကြတ်နေ့ လောက်မှာ မုန်တိုင်းငယ်အဆင့်ကို ရောက်နိုင်ကြောင်းလည်း ခန့်မှန်းတာတွေ ရှိနေပါတယ်။ ပြီးခဲ့တဲ့ အင်္ဂါနေ့ကတော့ မြန်မာပြည်အလယ်ပိုင်း မကွေးနဲ့ ချောက်မြို့တွေမှာ အပူချိန် ၄၆ဒီဂရီအထိ မြင့်တက်လာခဲ့ပြီး မုံရွာ၊ မြင်းခြံ ၊ညောင်ဦးစတဲ့မြို့တွေမှာ ၄၃ဒီဂရီစင်၊ နေပြည်တော် မှာ ၄၂၊ မန္တလေးမှာ ၄၁နဲ့ ရန်ကုန်မှ ၃၈ဒီဂရီ စင်တီဂရိတ် အထိရှိခဲ့ပါတယ်။ ဒီကနေ့မှာတော့ ပဲခူး၊ ဧရာဝတီနဲ့ ရန်ကုန်တိုင်းဒေသကြီးတွေမှာ အပူချိန် ထပ်မံမြင့်တက်နိုင်ကြောင်းလည်း ထုတ်ပြန်ထားပါတယ်။ ဒါအပြင် နေ့ခင်း ၁၀နာရီနဲ့ ညနေ ၄နာရီကြားမှာ နေရောင်တိုက်ရိုက်ထိတွေ့ရာမှာ ရေမချိုးဖို့လည်း တိုက်တွန်းထားပါတယ်။ ကျန်းမာရေးနဲ့ အားကစားဝန်ကြီးဌာနကလည်း ခရမ်းလွန်ရောင်ခြည်အန္တရာယ် သတိပေးချက်နဲ့ အပူဒဏ်ကြောင့် ကျန်းမာရေးပြဿနာဆိုင်ရာနိုးဆော်ချက်တွေ ထုတ်ပြန်ထားပါတယ်။
VOA Burmese News


မနက်ဖြန် ဧပြီလ ၁၃ ရက်နေ့ဆိုရင် မြန်မာတို့ရဲ့ နှစ်သစ်ကူးပွဲတော် သင်္ကြန်အကြိုနေ့ စပါပြီ။ ဒီလို ရိုးရာသင်္ကြန် နှစ်သစ်ကူးပွဲတော်မှာ မြန်မာနိုင်ငံအနှံ့အပြား ပျော်ရွှင်စရာ အဆို အက ဖျော်ဖြေရေးအစီအစဉ်တွေ များလှသလို အနုပညာရှင်တွေ အလုပ်များတတ်လေ့ရှိတဲ့ အချိန်လည်း ဖြစ်ပါတယ်။ ဆိုတော့ ဒီနှစ် နှစ်သစ်ကူး သင်္ကြန်ပွဲတော်မှာ ဒီလို အနုပညာရှင်တချို့ရဲ့ လှုပ်ရှားမှု အစီအစဉ်တချို့ကို သိရအောင် မခင်ဖြူထွေးက ဆက်သွယ် မေးမြန်း တင်ပြထားပါတယ်။

မြန်မာတို့ရဲ့ ရိုးရာ နှစ်သစ်ကူး သင်္ကြန်ပွဲတော်ဟာ မနက်ဖြန် ဧပြီလ ၁၃ ရက်နေ့ဆိုရင် အကြိုနေ့ စပါပြီ။ ခုချိန်ကတော့ လူကြီးလူငယ်မရွေး ပျော်ရွှင်နိုင်တဲ့ ရိုးရာ ရေသဘင်ပွဲနဲ့အတူ ရိုးရာသင်္ကြန် သီချင်းတွေ၊ သံချပ်တွေ၊ အကအလှ ဖျော်ဖြေမှုတွေနဲ့ နေရာတိုင်းမှာ တေးသံသာတဲ့ အချိန်ပါ။ ဒီလိုအချိန်မျိုးမှာ ဖျော်ဖြေပွဲတွေနဲ့ အလုပ်များလေ့ရှိတဲ့ အနုပညာရှင်တွေ ဒီနှစ်ရော ဘယ်လို အစီအစဉ်တွေနဲ့ အလုပ်များကြပါမလဲ။ သင်္ကြန်ကာလကို သူတို့ ဘယ်လို ဖြတ်သန်းကြမှာပါလဲ။

ကိုယ်ပိုင်သံစဉ်တွေနဲ့ နံမည်ကြီးတဲ့ တေးသံရှင် မီမီဝင်းဖေ ကတော့ - ဒီနှစ်သင်္ကြန်မှာ ဖျော်ဖြေရေး ပွဲတချို့ တက်ရောက်ဖို့ရှိပေမဲ့၊ သင်္ကြန်ကာလ အတော်များများကတော့ မိသားစုနဲ့အတူ ရှိမယ်လို့ ဆိုပါတယ်။

“ဒီနှစ်သင်္ကြန်မှာ အကြိုနေ့ကတော့ တနသာင်္ရီတိုင်းဝန်းကြီးချုပ်က ဖိတ်ထားတဲ့အတွက် ကျမသွားပြီးတော့ ဖွင့်ပွဲကို သွားဆိုပါမယ်။ ပြီးရင်နောက်နေ့မနက် ရန်ကုန်ပြန်ရောက်ပါမယ်။ အကျနေ့မှာ ပြန်ရောက်ပါမယ်။ရောက်ပြီးတော့ မြို့တော် မဏ္ဍပ်မှာ ၂ ကြိမ်လောက် ဆိုဖို့ အစီအစဉ်ရှိတယ်။ ဒါပေမယ့်အများကြီးတောက်လျှောက်ဆိုဖို့အစီအစဉ်မရှိပါဘူး။ ကျန်တဲ့အားတဲ့အချိန်လေးတွေကတော့ မေမေ့ကိုအဖော်လုပ်မယ်၊ ဖေဖေနဲ့ စကားပြောမယ်။ ဖေဖေပန်းချီဆွဲမယ်ထင်ပါတယ်၊ အဲဒါအဖေနဲ့ သူ့ကို ကူပြီးတော့ အဖော်လုပ်မှာပေါ့နော်။ မေမေနဲ့ ဖေဖေနဲ့ ကုသိုလ်ကောင်းမှုလုပ်ဖို့ရှိပါတယ်။ မုန့်လေးတွေ အိမ်မှာလုပ်ပြီးတော့ အိမ်နားကိုဝေပါမယ် မမေက ဒီနှစ်သင်္ကြန်ကတော့ အေးအေးဆေးဆေးပါပဲ။ ကုသိုလ်လေးတွေလုပ်ပြီးဖြတ်သန်းမှာပါ။”

Lazy Club တေးဂီတ၀ိုင်းရဲ့ ဂီတမှူး ကိုနိုင်ဇော် ရဲ့အသံကိုလည်း နားထောင်ကြည့်ရအောင်ပါ။

“ဒီနှစ်က အနားယူတဲ့ သင်္ကြန်ပါဗျာ ၊ မိသားစုနဲ့ ရှိနေမှာပါ ကျနေ်ာအိမ်မှာပဲ၊ ကျနော်အလည်ခရီးလည်းထွက်ရင်တော့ ထွက်မှာပေါ့ အခုတော့ ကြည့်နေတုန်းပဲ ။ တောင်ငူသင်္ကြန်ကို ကျနော်တို့ တကယ်လို့ အမှတ်တရသွားလည်ရင်လည်း လည်မယ်။”

ဒီနှစ် ရန်ကုန်သင်္ကြန်မှာ ရေကစားမဏ္ဍပ်တွေနဲ့ ဖျော်ဖြေရေးမဏ္ဍပ်တွေ သိသိသာသာ နည်းပါးသွားတဲ့အတွက် အနုပညာရှင်တွေ အတော်များများ အလုပ်လက်မဲ့ ဖြစ်သွားရတယ်လို့လည်း ကိုနိုင်ဇော်က ပြောပါတယ်။

“ဒီနှစ်တော့ဖျော်ဖြေရေးကတော့ တအားနည်းတယ်လေ။ စီးပွားရေးတွေလည်းအဲလိုပေါ့နော် ရန်ကုန်မှာ အစိုးရပေါ်လစီနဲ့ နည်းနည်းလေးတော့ ပရိတ်သတ်တွေနဲ့ အနုပညာရှင်တွေကြားမှာ နည်းနည်းလေး ဂယက်ရိုက်သွားတာပေါ့နော်။ ရန်ကုန်တိုင်းအစိုးရရဲ့ ပေါ်လစီကလည်း ရိုးရာသင်္ကြန်ကိုအားပေးမှာလား ဒီခေတ်သစ်သင်္ကြန်ကို လက်မခံတာလား အဲဒီကြားထဲမှာ အနုပညာရှင်တွေဖျော်ဖြေမှုတွေကတော့ မဏ္ဍပ်တွေမပေးတဲ့အခါကျတော့ အနုပညာရှင်တွေတော်တော်များများကတော့ အလုပ်လက်မဲ့ဖြစ်တာပေါ့နော် ဒါကတော့ အားလုံးကြုံခဲ့ရပါတယ်။ ကျနော်ကတော့ အခုအလုပ်ကိစ္စတခုနဲ့ ရွှေဂုံတိုင်သွားတာ မြို့ထဲကနေ ကန်တော်ကြီးတလျှောက် ရွှေဂုံတိုင်သွား၊ ဒီ သမ္မတရုံဘက်ကပြန်တော့ မဏ္ဍပ်တခုမှမရှိဘူး။ ကန်တော်ကြီးတ၀ိုက်မှာလည်း ဘာမဏပ်မှမရှိဘူး။ ရွှေဂုဏ်တိုင်မှာလည်းမရှိဘူး၊ ကမ္ဘာရေးဘုရားလမ်းမှာလည်း ဘာမှမရှိဘူး။ သမ္မတရုံနဲ့ မြို့ထဲမှာလည်း ဘာမှမရှိဘူး။ အဲလောက်မရှိတဲ့ မဏ္ဍပ်သင်္ကြန်ကျနော့်တသက်မှာ ဒီတခါပဲတွေ့ဖူးတယ်။”

ဒီနှစ် ရန်ကုန်သင်္ကြန်က အရင်နှစ်တွေထက်တော့ တိတ်ဆိတ်နေတယ်လို့ တေးသံရှင် ကော်နီကလည်း ပြောပါတယ်။

“ဒီနှစ်ကတော့ တိတ်ဆိတ်ပါတယ်။ သင်္ကြန်ကတော့ မကော်ထင်တာက ဘယ်လိုမျိုးဖြစ်မလဲဆိုတော့ မကော်တို့ ငယ်ငယ်က လိုပဲ မကော်တို့မှာ ပွဲတွေမရှိဘူးလေ ၊ မကော်တို့ ၈၆ မှာ အဆိုတော်ဖြစ်တယ်။ ၈၈ မှာ အရေးအခင်းဖြစ်တယ်၊ ဆိုတော့ ဘာပွဲမှမရှိဘူး။ ဒါပေမယ့် ဘာတွေရှိမလဲဆိုတော့ အစိုးရ၀န်ကြီးမဏ္ဍပ်တွေရှိမယ်။ နောက်တော့ ခေတ်လေးနည်းနည်းကောင်းလာတော့ ဘင်ဆင်၊ ဂျင်ဆင်းတို့ ဗီဗီတို့ မဏ္ဍပ်တွေပေါ်လာတာ။ သူတို့မိသားစုမဏ္ဍပ်တွေပေါ့ အဲဒီမှာလည်း သူတို့တွေက တီးဝိုင်းခေါ်မယ် ၊ အဲလိုမန္တလေးက တီးဝိုင်းတွေပေါ့ အဲဒီလိုမျိုးနဲ့ ပွဲလုပ်တယ် အဲလောက်ပဲ အဲဒီတော့ မကော်ထင်တာကတော့ အဲဒီခေတ်ကို ပြန်ရောက်သွားမယ့် ပုံစံမျိုးပေါ့။”

တေးသံရှင်ကော်နီ ရဲ့ ဒီနှစ် သင်္ကြန်ကာလ အစီအစဉ်ကရော ဘယ်လိုရှိပါလဲ။

“မကော်က ဒီနှစ် ထားဝယ်သွားမယ်။ မကော်ရယ် ၊ မနီရယ်၊ ကိုအောင်ရင်ပါမယ်။ နောက်မိုးဇံပါမယ်၊ Evening star band နဲ့သွားမှာ။”

“မျှော်နိုင်သမျှ” သီချင်း အယ်လ်ဘမ်နဲ့ လတ်တလော နံမည်ကြီးနေတဲ့ တေးသံရှင် ဖြိုးပြည့်စုံကတော့ ဒီနှစ်သင်္ကြန်ကာလ တလျှောက်လုံး မုံရွာပရိသတ်နဲ့အတူ ရှိမယ့်အကြောင်း ပြောပါတယ်။

“ကျနော်က သင်္ကြန်ကို မုံရွာမြို့မှာ ဖျော်ဖြေတင်ဆက်ပေးရမယ်ပေါ့နော်။ ပုဂ္ဂလိက မဏ္ဍပ်တခုမှာပဲ မုံရွာမှာရှိတဲ့ မုံရွာမြို့ခံပြည်သူတွေနဲ့အတူတူ ဖျော်ဖြေတင်ဆက်မှုတွေ ၊ ရေပတ်ကစားမဏ္ဍပ်မှာ ဖျော်ဖြေရမယ်။ ကျနော်နဲ့ အတူတူ တေးသံရှင်တွေကတော့ နိုင်ငံကျော်တေးသံရှင်တွေဖြစ်တဲ့ အာဇာနည်တို့၊ ပိုပိုတို့၊ မို့မို့လွင်တို့ နောက်ညီမငယ်လေးတွေလည်းပါတယ်။ ဆိုတော့ အနုပညာရှင်တွေ ဖျော်ဖြေတင်ဆက်မှုအဖွဲ့တွေမှာ ဒီနှစ်ကိုတော့ မုံရွာမြို့မှာ ဖျော်ဖြေတင်ဆက်ပေးရပါမယ်။”

ဒီနှစ် ရန်ကုန် သင်္ကြန်ပွဲတော်မှာ စီးပွားဖြစ် မဏ္ဍပ်တွေ ဆောက်ခွင့်မပြုဘူးလို့ ရန်ကုန်တိုင်း ၀န်ကြီးချုပ် ဦးဖြိုးမင်းသိန်းက ပြောထားပြီး သင်္ကြန်ကာလတွင်း ဖျော်ဖြေကြမယ့် သံချပ်တွေကိုလည်း သက်ဆိုင်ရာတာဝန်ရှိသူတွေက ကြိုတင် စိစစ်သွားမယ်လို့ ဆိုတာကြောင့် ဒီအပေါ်မှာ ဝေဖန်မှုတွေ ရှိခဲ့သလို၊ တေးဂီတ ဖျော်ဖြေရေးလုပ်ငန်းတွေနဲ့ အနုပညာရှင် အတော်များများ လည်း အနည်းနဲ့အများ ထိခိုက်ခဲ့ရတာ ဖြစ်ပါတယ်။

VOA Burmese News



တနင်္သာရီမြို့နယ်၊ တမုတ်ချုံးကျေးရွာအုပ်စု၊ ရှမ်းအင်းတော်ကျေးရွာတွင် မိုးကြိုးထိမှန်၍ အမျိုးသမီးငယ်(၂)ဦးသေဆုံး
၁၁-၄-၂၀၁၇

(၁၁-၄-၂၀၁၇)ရက်နေ့(၁၇၃၀)အချိန် တနင်္သာရီမြို့နယ်၊ တမုတ်ချုံးကျေးရွာအုပ်စု၊ ရှမ်းအင်းတော်ကျေးရွာတွင် မအိဖြူဇင်(၁၄)နှစ်၊ (ဘ)ဦးကြည်သန်း၊ တတိယတန်းကျောင်းသူနှင့် ညီမဖြစ်သူ မဟေမာဝင်း(၁၂)နှစ်၊ တတိယတန်း ကျောင်းသူတို့နှစ်ဦးသည် မိုးကြိုးထိမှန် သေဆုံး ခဲ့ကြောင်း သိရသည်။


ဖြစ်စဉ်မှာ ဖခင်ဖြစ်သူ ဦးကြည်သန်း၊ မိခင် ဒေါ်တိုးရီ၊ သမီး မအိဖြူဇင်နှင့်မဟေမာဝင်းတို့သည် ရှမ်းအင်းတော်ကျေးရွာထိပ်၊ မြိတ်-တနင်္သာရီ ကားလမ်းမကြီး၏ ယာဘက်(၁)ဖာလုံအကွာရှိ ဦးမြတ် ၏ ရော်ဘာခြံ၌ အလုပ်လုပ်ပြီး သားအမိ (၄)ဦး စုဝေးနားနေစဉ် ရုတ်တရက်မိုးကြိုးပစ်သဖြင့် မအိဖြူဇင်နှင့်မဟေမာဝင်းတို့မှာ ထိုင်နေရာမှ လဲကျသွားသဖြင့်ကြည့်ရှုရာ မဟေမာဝင်း၏ ရင်ဘက် ညိုမဲ ဒဏ်ရာ၊ မအိဖြူဇင်တွင် ပြင်ပ ဒဏ်ရာ မရှိဘဲ သေဆုံးခဲ့ကြောင်း သိရသဖြင့် သေဆုံးမှုအား တနင်္သာရီရဲစခန်း သေမှုသေခင်း အမှတ်စဉ်(၇/၂၀၁၇)ဖြင့် ဖွင့်လှစ်ဆောင်ရွက်လျှက် ရှိကြောင်းသိရသည်။

မြိတ်ခရိုင်သတင်းနှင့်မှုခင်းမီဒီယာ




(သောင်းပြောင်းထွေလာ)
(အေဘီစီဒီ မတက်ဘဲနဲ့အရပ်ထဲကိုဝင်အလိုက်)

(အတာတန်ခုး-ပိတောက်တွေမြူးလို့ - မင်္ဂလာမောင် ရောက်လာပြီ---)၂
(မနေနိုင်လို့- မြင်တဲ့ အတိုင်းလည်း --- အမှန်တွေ ပြောပါမည်---)၂

ပြင်ဆင်စရာ---မြင်မြင်ရာ---ပြောပြီ မငဲ့ပြီ
(အိုင်းဒိုးပွဲများ--- မြန်မာပြည်မှာ ---တခေတ်ထလာ)၂
(ပထမဆုငွေ သိန်း ၂၀ပေါ့----ဖော်ပြီးစားကြပါ )၂
(၀စီပိတ်နဲ့ ဆရာတော်ဟာ ----လူမုန်းများကြတာ)၂
(တရားဟောတာ--- အိနြေ္ဒပျက်----အရှက်ကင်းမဲ့စွာ)၂
(ကာမအားဆေး---ပညာမှာ--- ဒီဘုန်းကြီး စွမ်းတာ)၂
(တိုးတက်လာ---ရန်ကုန်ဘတ်စ်--- စနစ်များပြောင်းလို့သွား)၂

နေပြည်တော်---ကြပ်ပြေးအရပ်မှာ----လွတ်တော်ကြီးကို ဆူအောင်ဖွမယ်
နိုင်ငံတော်---လူသတ်မှုမှာ--- ပြည်ထဲရေးက လိမ်လည်သွားတယ်

(ပြည်သူတွေကို ဗြောင်လိမ်နေတုံး)၂
ထင်တိုင်းလဲကြဲလို့သာ---အဖွဲ့ချူပ်ကြီးရဲ့လက်အောက်မှာ---အာဏာဟာ အသပြာပါ။

(မြန်မာပြည်ကြီး ချမ်းသာသွားလို့---အံ့မခန်းပါပြီ)၂
(ခရိုနီများ ထောကုန်ကြလို့---လူတွေ ငတ်နေပြီ)၂
အကြံအဖန် ဂွင်တွေ--- အရေးယူပေးပါ
(တိုကျိုသံရုံးက ---အခွန်တွေဟာ---ဈေးကြီးလိုက်တာ)၂
(ဒစ်စကောင့်ကို ပုံပမာပြ--- ပိုလို့ကောက်ကြတာ)၂
အခွန်ငွေ---အရစ်ကျ သွင်းဖို့---ညှိလို့ မရတာ တော်တော်ဆိုးတာ
မြန်မာပြည်---ပြန်ဖို့အတွက်ဆို---ပတ်စဖို့လေးကို လေလံရောင်းမှာ
(ပြန်ရင်လေ မလွယ်ကူးပါဘူး)၂
ဂုတ်သွေးစုတ်ပြုံးပြကာ--ပြောတော့လဲ မောရတာ---ဂျပန်မှာ---တကယ်မလွယ်ပါ..
ရေးဆို Maung tun Wai


၂၀၁၇ ခုနှစ် အတာမင်္ကြန်ပွဲတော် (မင်္ဂလာဒိုးအနှပညာအင်အားစု)

RED TOMATO FILMS PRESENT
CAMERA - Ye Htut Naung
Thant Myo Htway
- Kyaw Htet Paing



လက်နက်ကြီးနဲ့ ပစ်ခတ်ခံခဲ့ရတဲ့ ဘဏ်နေရာတစ်ခုကို တွေ့ရစဉ်။ Photo: Nay Lin/ Facebook
ရှမ်းပြည်နယ်မြောက်ပိုင်း၊ မူဆယ်မြို့မှာရှိတဲ့ တပ်မတော်ပိုင် မြဝတီဘဏ်နဲ့ အစိုးရပိုင် မြန်မာ့စီးပွားရေး ဘဏ်တွေကို လက်နက်ကိုင်တပ်ဖွဲ့တစ်ဖွဲ့က မနေ့ည ၁၀ နာရီလောက်က လက်နက်ကြီးနဲ့ ပစ်ခတ်ခဲ့ပါတယ်။

မြောက်ပိုင်းမဟာမိတ် အဖွဲ့ဝင် တိုင်းရင်းသားလက်နက်ကိုင်တပ်ဖွဲ့တွေ ပစ်ခတ်တာဖြစ်နိုင်တယ်လို့ မူဆယ်ခရိုင် အထွေထွေအုပ်ချုပ်ရေးဦးစီးဌာနရဲ့ ဦးစီးမှူး ဦးဇော်မင်းက ပြောပါတယ်။

"အဲဒီအဖွဲ့တွေထဲက ဘယ်အဖွဲ့ဖြစ်မလဲ။ TNLA ပဲဖြစ်မလား။ KIA ပဲလားတော့ မပြောတတ်ဘူး။ ခန့်မှန်းရ တာ ကတော့ ဟိုးတလောတုန်းက သူတို့က ဆက်ကြေးတွေ ဘာတွေ ကောက်တာရှိတယ်လေ။ ဘဏ်တွေ ကို ၊ လုပ်ငန်းရှင်တွေကို။ အဲဒီမှာ ဒီဟာတွေက မပေးလို့ ဆိုပြီးတော့မှ ဒီအချိန်မှာ အခွင့်သင့်လို့။ ဒါမြို့ ကို ခြောက်လှန့် တာလည်းဖြစ်နိုင်ပါတယ်။"

ပစ်ခတ်မှုနဲ့ပတ်သက်ပြီး စွပ်စွဲခံရတဲ့ တိုင်းရင်းသားလက်နက်ကိုင်အဖွဲ့ တစ်ခုဖြစ်တဲ့ တအာင်းအမျိုးသား လွတ်မြောက်ရေး တပ်မတော် TNLA က ဗိုလ်မှူး မိုင်းအိုက်ကျော်ကတော့ သူတို့အဖွဲ့ ပစ်ခတ်တာမ ဟုတ်ကြောင်း ငြင်းဆိုပါတယ်။

"ကျနော်တို့ အဖွဲ့ကတော့ မဟုတ်ဘူး။ ဒါပေမယ့် ဒီမြောက်ပိုင်းမှာ ဖြစ်လာလို့ ရှိရင်တော့ ဒီအစိုးရ ဘက်ရော၊ မြန်မာ့တပ်မတော်ဘက်ကရော သူတို့က ရေးနေကျ။ တစ်ခါတလေ သူတို့ လုပ်ကြံတာလည်း သူတို့က ကျနော်တို့ အဖွဲ့လို့ စွပ်စွဲနေတယ်။ မူဆယ်ဆိုတာက ဘယ်အဖွဲ့လို့ ခန့်မှန်းရခက်တယ်။ အဲဒီဘက် မှာ မြန်မာ့ တပ်မတော်လည်း ရှိတယ်။ လက်နက်ကိုင်ပေါင်းစုံ ရှိတယ်။ ပြည်သူ့စစ်တွေလည်း ရှိတယ်။"

မနေ့က ပစ်ခတ်ခဲ့တဲ့ လက်နက်ကိုင်အဖွဲ့ဟာ တပ်မတော်ပိုင် မြဝတီဘဏ်ကို ပခုံးထမ်းလောင်ချာ (RPG) နဲ့ ပစ်ခတ်ခဲ့တာဖြစ်ပြီး မြန်မာ့စီးပွားရေးဘဏ်ကိုတော့ ၄၀ မမ ဗုံးသီးလောင်ချာနဲ့ ပစ်ခတ်ခဲ့တာ ဖြစ်ပါတယ်။

မြဝတီဘဏ်ကို ပစ်ခတ်ခဲ့တဲ့ ပခုံးထမ်းလောင်ချာရဲ့ ကျည်ဆံဟာ မပေါက်ကွဲခဲ့တာကြောင့် အပျက်အစီး နည်းပါးခဲ့ တယ်လို့ ဦးဇော်မင်းက ပြောပါတယ်။

မနေ့ညက ဖြစ်ပွားခဲ့တဲ့ ပစ်ခတ်မှုကြောင့် ဒဏ်ရာရရှိသူမရှိပေမယ့် ဘဏ်အဆောက်အအုံတွေတော့ အနည်းငယ် ပျက်စီးသွားတယ်လို့ မူဆယ်ရဲစခန်းက တာဝန်ရှိသူတစ်ယောက်က ပြောပါတယ်။

လက်ရှိအချိန်မှာတော့ မူဆယ်မြို့ပေါ်မှာ အခြေအနေတည်ငြိမ်နေပြီး ရဲတပ်ဖွဲ့က လုံခြုံရေးအတွက် လှည့်ကင်းတွေ လှည့်လည်နေတယ်လို့ သိရပါတယ်။

RFA Burmese
http://www.rfa.org/burmese



၂၀၁၆ ခုနှစ် ဧပြီလ သင်္ကြန်မတိုင်မီက လွတ်ငြိမ်း ချမ်းသာခွင့်ဖြင့် အင်းစိန် အကျဉ်းထောင်မှ လွတ်မြောက် လာသူ တစ်ဦးအား မိသားစုဝင်များက ဆီးကြိုနေစဉ်(ဆင်ဟွာ)
    ရန်ကုန် ၊ ဧပြီ ၁၂ ရက်(ဆင်ဟွာ)

    မြန်မာ့ နှစ်သစ်ကူး သင်္ကြန် ပွဲတော် ကာလ မတိုင်မီ အကျဉ်းထောင်စခန်း အသီးသီးမှ အကျဉ်းသား/သူ ၁၈၈၃ ဦးအား အထူး လျှော့ရက်ဖြင့် ပြန်လွှတ် ပေးလိုက်ကြောင်း ယနေ့ ဧပြီ ၁၂ ရက်တွင် နိုင်ငံတော် အတိုင်ပင်ခံရုံး ၀န်ကြီးဌာနမှ သတင်း ထုတ်ပြန်ခဲ့သည်။

မြန်မာနိုင်ငံ တစ်ဝှမ်းရှိ အကျဉ်းထောင် ၊ စခန်း အသီးသီးမှ စည်းကမ်း လိုက်နာသူ ၊ ကောင်းမွန်စွာ နေထိုင်သူ အကျဉ်းသား/သူများအား နှစ်သစ်တွင် စိတ်သစ် ၊ လူသစ်ဖြင့် ဘ၀သစ် စတင်နိုင်ရန် ရည်ရွယ်၍ အထူး လျှော့ရက်ဖြင့် ပြန်လွှတ်ပေးလိုက်ခြင်း ဖြစ်ကြောင်း ထုတ်ပြန်ချက်တွင် ဖော်ပြထားသည်။ အကျဉ်းထောင် ၊ စခန်း အသီးသီးမှ အကျဉ်းသား ၁၆၅၀ ဦး ၊ အကျဉ်းသူ ၂၃၃ ဦး စုစုပေါင်း ၁၈၈၃ ဦး ပါဝင်ကြောင်း သိရသည်။

ယမန်နှစ် သင်္ကြန် ကာလ မတိုင်မီ ကလည်း အကျဉ်းထောင်စခန်း အသီးသီးတွင် ပြစ်ဒဏ် ကျခံနေရသည့် အကျဉ်းသား ၊ အကျဉ်းသူများ အနက် စည်းကမ်း လိုက်နာသူ ၊ ကောင်းမွန်စွာ နေထိုင်သူ အကျဉ်းသား ၊ အကျဉ်းသူ စုစုပေါင်း ၂၂၈၃ ဦးအား အထူးလျှော့ရက်ဖြင့် ပြန်လွှတ်ပေးခဲ့သည်။

အစိုးရ အနေဖြင့် ပြစ်ဒဏ် ကျခံနေသော အကျဉ်းသားများအား ပြစ်ဒဏ် ကျခံနေစဉ် စည်းကမ်း လိုက်နာမှု ၊ ကောင်းမွန်စွာ နေထိုင်မှု တို့ အပေါ် အခြေခံ၍ အကျဉ်းထောင် လက်စွဲ နည်းဥပဒေအရ အထူး လျှော့ရက်များ ခံစား ခွင့်ပြုပေးလျက် ရှိကြောင်း သတင်းထုတ်ပြန်ချက်တွင် ဖော်ပြထားသည်။

(Xinhua)
http://www.xinhuamyanmar.com


ပဲခူးတိုင်းဒေသကြီး၊ တောင်ငူအကျဉ်းထောင်မှာ အချုပ်သားတစ်ဦးဆီက စိတ်ကြွရူးသွပ်ဆေးပြားတွေ သိမ်းဆီးရမိခဲ့ပါတယ်။ ဧပြီလ ၁၁ရက်နေ့ မနေ့က ညနေပိုင်းက ရုံးထုတ်အကျဉ်သားတွေကို ပို့ဆောင်ဖို့ စစ်ဆေးစဉ် အချုပ်သားတစ်ဦးရဲ့ စအိုထဲမှာ မီးခံတိပ်နဲ့ပတ်ပြီး အိတ်နဲ့ထုတ်ထားတဲ့ ပန်းရောင်စိတ်ကြွ ရူးသွပ်ဆေးပြား (၁၀၀)ကိုဖမ်းဆီးရမိခဲ့ တာဖြစ်ပါတယ်။

 စစ်ဆေးရာမှာတော့ အချုပ်သားတစ်ဦး ကယူပေးဖို့စေခိုင်းခဲ့ကြောင်း စစ်ဆေးပေါ်ပေါက်ခဲ့တယ်လို့ သိရပါတယ်။ ဒီဖြစ်စဉ်နဲ့ပတ်သတ်ပြီး သယ်ဆောင်သူနဲ့ သယ်ဆောင်ဖို့ စေခိုင်းတဲ့ အချုပ်သား(၂)ဦးစလုံးကို မူးယစ်ပုဒ်မနဲ့ ထပ်မံအမှုဖွင့် အရေးယူထားပါတယ်။

သတင်းထောက် - ဖြိုးကိုလင်း(ညောင်ဝိုင်း)
5 Plus News
https://www.facebook.com/5plusnews


မိုးလေဝသနှင့်ဇလဗေဒ ညွှန်ကြားမှုဦးစီးဌာနက ဧပြီလ ၁၂ ရက်နေ့ ထုတ်ပြန်ကြေညာချက်ကို တွေ့ရစဉ်။ Photo: မိုးလေဝသနှင့်ဇလဗေဒညွှန်ကြားမှုဦးစီးဌာန
ဘင်္ဂလားပင်လယ်အော်မှာ မုန်တိုင်းတစ်လုံး ဖြစ်ပေါ်လာနိုင်တဲ့အတွက် သင်္ကြန်ကာလအတွင်း ဒေသ တချို့မှာ မိုးရွာနိုင်တယ်လို့ မိုးလေဝသပညာရှင် ဒေါက်တာဦးထွန်းလွင် က ပြောပါတယ်။

ဒီကနေ့မနက်ပိုင်း ခန့်မှန်းချက်အရ အဲဒီမုန်တိုင်းဟာ ရခိုင်ပြည်နယ်မြောက်ပိုင်းကို ဦးတည်နေတဲ့ အတွက် ရခိုင်၊ မကွေး တိုင်းဒေသကြီးတွေမှာ မိုးရွာနိုင်တယ်လို့ ဒေါက်တာဦးထွန်းလွင် က ပြောပါတယ်။

‘’ မုန်တိုင်းကတော့ လောလောဆယ် ရခိုင်မြောက်ဖက်ကို သွားမယ်လို့ ခန့်မှန်းထားတယ်၊ ဒါပေမယ့် ဝင်ခါနီးမှာ အားတော့လျှော့သွားမယ်ဆိုတော့ ဆိုးဆိုးဝါးဝါးတော့ မဖြစ်လောက်ဘူး၊ မိုးတော့ရွာမယ့် သဘောရှိတာပေါ့ဗျာ၊ အဓိကတော့ ရခိုင်ပေါ့ဗျာ။ ရခိုင်တို့ မကွေးတို့ ရွာသွားနိုင်တာပေါ့၊ ဒီသတင်း နေ့တိုင်းတင်နေမှာပဲလေ၊ အခါကြီး ရက်ကြီးပေမယ့်လည်း သက်ဆိုင်တဲ့သူတွေကတော့ စောင့်ကြည့် ပါလို့၊ အပြောင်းအလဲရှိနိုင်တယ်လို့’’ မုန်တိုင်း သတိပေးချက်တွေကိုလည်း အချိန်နဲ့တပြေးညီ လူမှုကွန်ရက်စာမျက်နှာမှာ တင်ပေးသွားမှာ ဖြစ်တယ်လို့ ဆိုပါ တယ်။

ဒါ့အပြင် အပူချိန်အနေနဲ့ စစ်ကိုင်းတိုင်း၊ မကွေးတိုင်းတောင်ပိုင်း၊ ဧရာဝတီမြောက်ပိုင်းနဲ့ ပခူးတိုင်း မြောက်ပိုင်းဒေ သတွေမှာ ၄၀ ကနေ ၄၂ ဒီဂရီစင်တီဂရိတ်အတွင်းမှာ ရှိနေနိုင်မှာဖြစ်ပြီး ကျန်ဒေသ တွေကလည်း ပျမ်းမျှ ၃၅ ကနေ ၄၀ ဒီဂရီစင်တီဂရိတ်အတွင်းမှာ ရှိနေနိုင်တယ်လို့ ပြောပါတယ်။

ခရမ်းလွန်ရောင်ခြည်အညွှန်းကိန်းကတော့ လောလောဆယ်တစ်ပြည်လုံးအတိုင်းအတာအရ လွန်ကဲတဲ့ အဆင့်မှာ ရှိနေတယ်လို့ သိရပါတယ်။

RFA Burmese
http://www.rfa.org/burmese



လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာတဲ့ NLD အဖွဲ့ချုပ် ဗဟိုသုတေသန လမ်းညွှန်အဖွဲ့ အတွင်းရေးမှူး ဦးမျိုးရန်နောင်သိန်းကို ဧပြီလ ၁၂ ရက်နေ့က ရန်ကုန်မြို့အင်းစိန်အကျဉ်းထောင်ရှေ့တွင် တွေ့ရစဉ်။ Photo: Htet Arkar/ RFA
တစ်နိုင်ငံလုံးက အကျဉ်းထောင်အသီးသီးမှာ ပြစ်ဒဏ်ကျခံနေရတဲ့ အကျဉ်းသား၊ အကျဉ်းသူ တွေထဲက အကျဉ်းထောင် လက်စွဲ နည်းဥပဒေနဲ့ အညီ စည်းကမ်းလိုက်နာသူ နှစ်ထောင် နီးပါးကို အစိုးရက အထူးလျှော့ရက်နဲ့ ဒီကနေ့ လွှတ်ပေးလိုက်ကြောင်း နိုင်ငံတော်အတိုင်ပင်ခံရုံးက သတင်းထုတ်ပြန် လိုက်ပါတယ်။

ရန်ကုန်မြို့အင်းစိန်အကျဉ်းထောင်ကနေ ပြန်လည်လွတ်မြောက်လာသူတွေထဲမှာ ဆက်သွယ်ရေး ဥပဒေပုဒ်မ ၆၆ (ဃ)နဲ့ ထောင်ဒဏ် ၆လ ချမှတ်ခံထားရတဲ့ အမျိုးသားဒီမိုကရေစီအဖွဲ့ချုပ် ဗဟိုသုတေသန လမ်းညွှန်အဖွဲ့ အတွင်းရေးမှူး ဦးမျိုးရန်နောင်သိန်းလည်း ပါဝင်ပါတယ်။

ဦးမျိုးရန်နောင်သိန်းက ပုဒ်မ ၆၆ (ဃ) ပြင်ဆင်ရေးအတွက် ဆက်လက်ကြိုးစားသွားမယ်လို့ ပြောပါတယ်။

လူမှုကွန်ယက်စာမျက်နှာမှာ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို အသရေ ပျက်စေတဲ့ စာသားတွေ ရေးသားခဲ့တဲ့အတွက် ဦးမျိုးရန်နောင်သိန်းကို ပုဒ်မ ၆၆ (ဃ)နဲ့ ပြီးခဲ့တဲ့နှစ် နိုဝင်ဘာလက ဖမ်းဆီးခံခဲ့ရတာ ဖြစ်ပြီး ၅ လကျော်ကြာ အမှုရင်ဆိုင်ခဲ့ရတာဖြစ်ပါတယ်။

ဒီကနေ့ လွတ်မြောက်လာသူတွေထဲက ရန်ကုန်တိုင်း၊ မန္တလေးတိုင်း၊ စစ်ကိုင်းတိုင်း၊ ဧရာဝတီတိုင်း၊ ပဲခူးတိုင်း၊ တနင်္သာရီ၊ ရှမ်းပြည်နယ်၊ ကချင်ပြည်နယ်၊ မွန်ပြည်နယ်၊ ရခိုင်ပြည်နယ်၊ မကွေးတိုင်း၊ ကယားပြည်နယ်၊ ကရင်ပြည်နယ် စတဲ့တိုင်းနဲ့ပြည်နယ်တွေက အကျဉ်းသား ၁၆၀၀ ကျော်၊ အကျဉ်းသူ ၂၀၀ ကျော် လွတ်မြောက် ခဲ့တာဖြစ်ပါတယ်။ လွတ်မြောက်လာသူတွေဟာ လွတ်ရက်ပြည့်ခါနီး အကျဉ်းသား အကျဉ်းသူတွေဖြစ်ပြီး နိုင်ငံရေး အကျဉ်းသားလို့ သတ်မှတ်ခံထားရသူ ပါဝင်တဲ့ အရေအတွက်ကိုတော့ နိုင်ငံရေးအကျဉ်းသားအရေး ဆောင်ရွက်နေ သူတွေက စာရင်းကောက်ယူ နေဆဲဖြစ်ပါတယ်။

ပြီးခဲ့တဲ့ အစိုးရ လက်ထက်ကတည်းက ဆက်သွယ်ရေး ဥပဒေပုဒ်မ ၆၆(ဃ)နဲ့ တရားစွဲဆိုခံရသူ ၇ ဦး ရှိပြီး ၅ ဦး ထောင်ဒဏ်ချမှတ်ခံခဲ့ရပါတယ်။ လက်ရှိ အစိုးရ လက်ထက်မှာ တရားစွဲခံရသူ ၅၄ ဦးရှိပြီး ဦးမျိုးရန်နောင်သိမ်း အပါအ၀င် ထောင်ဒဏ်ချမှတ်ခံရသူ ၇ ဦး ရှိပါတယ်။

RFA Burmese
http://www.rfa.org/burmese



ထိုင်းနိုင်ငံ ဘန်ကောက်မြို့ရှိ သုဝဏ္ဏဘူမိလေဆိပ်အားတွေ့ရစဉ် (ဓါတ်ပုံ-အင်တာနက်)
   ဘန်ကောက်၊ ဧပြီ ၁၂ ရက် (ဆင်ဟွာ)

    ဂျပန်နိုင်ငံ အိုဆာကာမြို့သို့ စင်းလုံးငှားလေယာဉ်များဖြင့် သွားရောက်ရန် စာရင်းပေးထားသော ထိုင်းခရီးသည် ၁၀၀၀ကျော်သည် ဘန်ကောက်မြို့ သုဝဏ္ဏဘူမိလေဆိပ်သို့ ဧပြီလ ၁၁ ရက် ညပိုင်းတွင် ရောက်ရှိလာပြီးနောက် ခရီးသွားလုပ်ငန်းတစ်ခုမှ ၎င်းတို့အား လိမ်လည်သွားခြင်းဖြစ်သည်ကို သိရှိခဲ့ကြကြောင်း သိရသည်။

အဆိုပါ ထိုင်းခရီးသည်များသည် ဂျပန်နိုင်ငံသို့ ဧပြီ ၁၃ ရက်မှ ၁၅ ရက်အထိ သွားရောက်ရန် Wealth Ever ကုမ္ပဏီသို့ တစ်ဦးလျှင် ဘတ် ၉၇၀၀ မှ ၂၀,၀၀၀ အထိ (အမေရိကန်ဒေါ်လာ ၂၈၁ မှ ၅၈၀ ဒေါ်လာ) ပေးချေခဲ့ကြကြောင်း သိရသည်။ သို့သော် လေဆိပ်သို့ရောက်ရှိလာချိန်တွင် ၎င်းတို့အား လာရောက်ကြိုမည့် ကုမ္ပဏီဝန်ထမ်းတစ်ဦးကိုမျှ တွေ့ရှိခြင်းမရှိခဲ့သည့် အပြင် စင်းလုံးငှားလေယာဉ်များအတွက် ကြိုတင်စာရင်းပေးသွင်းထားခြင်း မရှိသည်ကိုလည်း တွေ့ရှိခဲ့ကြကြောင်း ဘန်ကောက်ပို့စ် ကဖော်ပြခဲ့သည်။

ခရီးသည်အများစုသည် ၎င်းတို့ ဂျပန်နိုင်ငံသို့ သွားရောက်ရန် မဖြစ်နိုင်တော့ကြောင်း သိရှိပြီးနောက် တိုင်ကြားစာများ ရေးသားကာ လေဆိပ်မှ ပြန်လည်ထွက်ခွာသွားကြသော်လည်း ခရီးသည်အချို့မှာ ထိုင်းသင်္ကြန်ပွဲတော်အတွင်း နေအိမ်သို့ပြန်ရန် ရထားနှင့် ကားလက်မှတ်များမရနိုင်တော့သဖြင့် လေဆိပ်၌ပင် နေရစ်ခဲ့ကြရကြောင်း သိရသည်။

ထိုင်းနိုင်ငံရဲတပ်ဖွဲ့သည် ကုမ္ပဏီအား အရေးယူဆောင်ရွက်မှုများ မပြုလုပ်ခင် သက်သေများ စုဆောင်းလျက်ရှိပြီး ယင်းကုမ္ပဏီသည် ခရီးသွားကုမ္ပဏီတစ်ခုမဟုတ်ဘဲ အားဖြည့်ဗီတာမင်ဆေးဝါးများ ရောင်းချသည့် ကုမ္ပဏီတစ်ခုသာဖြစ်ကြောင်း သိရှိရသည်။ရဲတပ်ဖွဲ့က ဧပြီလ ၁၂ ရက်နေ့ နှောင်းပိုင်း တွင်လည်း ဂျပန်နိုင်ငံသို့ စရိတ်နည်းခရီးစဉ် ပို့ပေးမည်ဟု Wealth Ever ကုမ္ပဏီ က လိမ်လည်ထားသော နောက်ထပ် ခရီးသွားများစွာရောက်ရှိလာဦးမည်ဖြစ်ကြောင်း ပြောကြားခဲ့သည်။စားသုံးသူကာကွယ်ရေးဋ္ဌာန က Wealth Ever ကုမ္ပဏီသည် ဖြည့်စွက်အားဆေးရောင်းချခြင်းအပါအဝင် မည်သည့် ဝန်ဆောင်မှုလုပ်ငန်းကိုမျှ ဋ္ဌာန၌ မှတ်ပုံတင်ထားခြင်းမရှိကြောင်း ပြောကြားခဲ့သည်။

(Xinhua)
http://www.xinhuamyanmar.com


အမေရိကန်နိုင်ငံက United လေကြောင်းလိုင်း လေယာဉ်ပေါ်ကနေ ခရီးသည်တဦးကို Chicago မြို့ လေဆိပ်မှာ ဧပြီလ ၉ ရက်နေ့က လေယာဉ်ပေါ်က အဓမ္မ ဒရွတ်တိုက် ဆွဲချခဲ့တဲ့ ဖြစ်ရပ်နဲ့ ပတ်သက်လို့ - အဲဒီလို ပြုမူ ဆက်ဆံမှုမျိုး ဘယ်သူ့ကိုမှ မလုပ်သင့်ဘူးလို့ လေကြောင်းလိုင်းရဲ့ အကြီးအကဲ Oscar Munoz က အင်္ဂါနေ့မှာ ကြေညာချက်အသစ် ထုတ်ပြန်လိုက်ပါတယ်။ အဲဒီ ခရီးသည် ဗီယက်နမ် နွယ်ဖွား အမေရိကန်နိုင်ငံသား David Dao ဟာ ဆရာဝန်တဦးဖြစ်ပြီး သူ့ရဲ့ လေယာဉ် ထိုင်ခုံပေါ်က လုံခြုံရေးတွေက အဓမ္မ ဆွဲချတဲ့အတွက် ထိခိုက်ဒဏ်ရာရပြီး သွေးထွက်သံယို ဖြစ်သွားခဲ့ပါတယ်။

လေယာဉ်ပေါ်ပါလာတဲ့ တခြား ခရီးသည်တွေက လက်ကိုင်ဖုန်းတွေနဲ့ ဗွီဒီယို ရိုက်ထားတဲ့အတွက် အဲဒီ ဖြစ်ရပ်ဟာ အင်တာနက် လူမှုကွန်ယက်တွေပေါ်မှာ ဟိုးလေးတကျော် ဖြစ်သွားခဲ့ပါတယ်။

ဖြစ်စဉ်မှာ - Chicago ကနေ Kentucky ပြည်နယ်၊ Louisville မြို့ကို ပျံသန်းမယ့် United လေကြောင်းလိုင်း ခရီးစဉ်အတွက် ခရီးသည်တွေကို သတ်မှတ်ထားတဲ့ ထိုင်ခုံအရေအတွက်ထက် ပိုပြီး ရောင်းချထားတာမှာ နောက်ပိုင်း လေယာဉ်ဝန်ထမ်းတချို့ Louisville မြို့ကို သွာစရာ ရှိတဲ့အတွက် ခရီးသည် ၄ ဦးကို ဆင်ပေးဖို့ တောင်းဆိုတာမှာ David Dao က ဆင်းမပေးတဲ့အတွက် လေဆိပ် လုံခြုံရေး တပ်ဖွဲ့တွေက သူ့ကို အတင်း ဒရွတ်တိုက် ဆွဲချသွားခဲ့တာ ဖြစ်ပါတယ်။

ဒီဖြစ်ရပ်ကြောင့် လေယာဉ်လက်မှတ်တွေ သတ်မှတ်ထားတဲ့ ထိုင်ခုံအရေအတွက်ထက် ပိုပြီး ရောင်းတဲ့ သူတို့ရဲ့ ပေါ်လစီကို ပြန်လည် သုံးသပ်သွားမယ်လို့ လေကြောင်းလိုင်း အကြီးအကဲ Munoz ရဲ့ ကြေညာချက်မှာ ဖော်ပြထားပါတယ်။

အင်တာနက် လူမှုကွန်ယက်တွေပေါ်မှာ ပြန့်နေတဲ့ အဲဒီ စိတ်မချမ်းမြေ့ဖွယ်ရာ ဖြစ်ရပ်ကို သမ္မတ Donald Trump လည်း ကြည့်ရှုခဲ့ပြီး ဖြစ်ကြောင်း အိမ်ဖြူတော် ပြောခွင့်ရ Sean Spicer က အင်္ဂါနေ့မှာ ပြုလုပ်တဲ့ ပုံမှန် သတင်းစာရှင်းလင်းပွဲအတွင်း ပြောကြားခဲ့ပါတယ်။ ဒီဖြစ်ရပ်အပေါ် နိုင်ငံတကာက သတင်းဌာနတွေက ဝေဖန် ပြောဆိုမှုတွေ ထွက်ပေါ်နေတဲ့ တချိန်ထဲမှာပဲ United လေကြောင်းလိုင်းကို မစီးရေး ဆန္ဒပြကြဖို့ ပြောဆိုမှုတွေလည်း ထွက်ပေါ်ခဲ့ပါတယ်။ အင်္ဂါနေ့က အစုရှယ်ယာ ဈေးတွေ ပိတ်ချိန်မှာတော့ United လေကြောင်းလိုင်း ရဲ့ အစုရှယ်ယာဈေးဟာ ၁% နီးပါးလောက် ကျသွားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


မြိတ် ဧပြီ ၁၂

တနင်္သာရီတိုင်းဒေသကြီး မြိတ်မြို့ ကန်ဘောင်ရိုးရပ်ကွက် သီတာလမ်း ကောင်းမြတ်၏နေအိမ် တွင် မူးယစ်ဆေးဝါး များရောင်းဝယ်သုံးစွဲနေကြောင်း သတင်းအရ မြိတ်ခရိုင်မှုခင်းအကူတပ်ဖွဲ့မှ ရဲအုပ် ခင်မောင်အေး နှင့် တပ်ဖွဲ့ဝင်များ၊ မြိတ်မြို့နယ် မူးယစ်ဆေးဝါးဆန့်ကျင်ရေးအသင်းမှ ဦးချစ်ကိုကို ၊ ရပ်ကွက်အုပ်ချုပ်ရေးမှူး နှင့်ပူးပေါင်းအဖွဲ့သည် ဧပြီလ(၁၁)၇က် နေ့လယ်(၂း၃၀)နာရီက သွားရောက် ရှာဖွေခဲ့ရာ ကောင်းမြတ်ကို နေအိမ်တွေ့ရှိရပြီး ၄င်းအိတ်ကပ်အတွင်းမှ ပလပ်စတစ်အိပ်ဖြင့် ထည့် ထားသည့် ၁ထုပ်လျင်(၀.၄)ဂရမ်ခန့်ရှိသော ဆေးခြောက်(၅)ထုတ်၊ (၂)ဂရမ်ခန့်ရှိသော ဆေးခြောက် (၂)ထုပ်၊ စုစုပေါင်းဆေးခြောက်(၆)ဂရမ်ခန့် နှင့် WYစိတ်ကြွဆေးပြား(၁)ပြားတို့အားဖမ်းဆီးရမိခဲ့သည်။

မူးယစ်ဆေးများနှင့်ပတ်သက်၍ ကောင်းမြတ်အား သက်သေများရှေ့၌ စစ်မေးရာတွင် မြိတ်မြို့ ပါရမီ(၂)ရပ် မာန်ပြေလမ်းနေ ဦးစိုးနိုင်ထံမှဝယ်ယူရရှိကြောင်း ကွင်းဆက်ဖေါ်ထုတ်ချက်အရ ပူးပေါင်း အဖွဲ့မှ သွားရောက်ဖမ်းဆီးရာ စိုးနိုင်ကို ၎င်း၏နေအိမ်တွင်ဖမ်းဆီးရမိပြီး နေအိမ်အား ရှာဖွေရာ နေအိမ် အိပ်ခန်းအတွင်းမှ WYစိတ်ကြွရူးသွပ်ဆေးပြား(၆၀၀၀)ပြား၊ ရေချိုးခန်းရှေ့မှန်ခုံစားပွဲပေါ်မှ WYစိတ်ကြွ ရူးသွပ်ဆေးပြား(၁၉၂၀)ပြား၊ စုစုပေါင်း (၇၉၂၀)ပြားနှင့် ဆေးခြောက်ရိုးရွက်အစေ့ရောရာ (၁၀)ဂရမ် ခန့်ပါ(၁)ထုပ်၊ ဘိန်းစာမှုန့်(၂၀)ဂရမ်ခန့်ပါ(၁)ထုပ်နှင့် မူးယစ်ဆေးသုံးစွဲရာတွင် အသုံပြုသည့် ခဲပြားစ များနှင့် မီးခြစ်၊ ၎င်းအသုံးပြုသောဖုန်းနှင့် ဆိုင်ကယ် SCOOPY.I အမျိုးအစား အား သက်သေများနှင့် အတူ ဖမ်းဆီးမိခဲ့သည်။

မူးယစ်ဆေးဝါးများနှင့်အတူဖမ်းဆီးရမိသည့် ကောင်းမြတ်နှင့်စိုးနိုင်တို့အား မြို့မရဲတပ်ဖွဲ့ စခန်း မှ ကောင်းမြတ်အား မယ(ပ) ၅၂/ ၂၀၁၇၊ မူး/စိတ်ပုဒ်မ ၁၅/၁၆(ဂ)/၂၁ အရ လည်းကောင်း၊ စိုးနိုင် အား မယ(ပ)၅၃/၂၀၁၇၊ မူး/စိတ်ပုဒ်မ ၁၅/၁၉(က)/၂၁ အရ လည်းကောင်း အမှုဖွင့် အရေးယူ ဆောင်ရွက်လျက်ရှိကြောင်း မြိတ်ခရိုင်ရဲတပ်ဖွဲ့မှ သိရသည်။

Iprd Myeik


တရားလွှတ်တော်ရှေ့နေဦးကိုနီကို သေနတ်နဲ့ ပစ်ခတ်လုပ်ကြံမှုမှာ ပူးပေါင်းပါဝင်ခဲ့တဲ့ တရားခံပြေး အောင်ဝင်းခိုင်ဟာ သူတို့နိုင်ငံမှာမရှိကြောင်း ဗီယက်နမ်နိုင်ငံအပါအ၀င် အာဆီယံအဖွဲ့ဝင် (၃)နိုင်ငံက အကြောင်းပြန်ထားတယ်လို့ မြန်မာနိုင်ငံ ရဲတပ်ဖွဲ့တာဝန်ရှိသူထံက သိရပါတယ်။

 မြန်မာနိုင်ငံ ရဲတပ်ဖွဲ့အနေနဲ့ တရားခံပြေးအောင်ဝင်းခိုင်နဲ့ ပတ်သက်တဲ့ ကိုယ်ရေးအချက်အလက်အပြည့်အစုံနဲ့ နိုင်ငံကူးလက်မှတ် နံပါတ်တွေကို အပြည်ပြည်ဆိုင်ရာရဲအဖွဲ့INTERPOL ထံပေးပို့ထားပြီး အင်တာပိုကအလိုရှိသူများ စာရင်းမှာတရားခံပြေးအောင်ဝင်းခိုင်ကို ထည့်သွင်းဖော်ပြထားတယ်လို့သိရပါတယ်။

တရားခံပြေး အောင်ဝင်းခိုင်အနေနဲ့ ဘယ်နိုင်ငံကိုပဲ ထွက်ပြေးတိမ်းရှောင်သည်ဖြစ်စေ ဖမ်းဆီးရမိဖို့အတွက် နိုင်ငံတကာကို အခုလိုမျိုးအချက်အလက်ဖြန့်ဝေပြီး ဆောင်ရွက်နေတာဖြစ်တယ်လို့ မြန်မာနိုင်ငံရဲတပ်ဖွဲ့၊ ရဲချုပ်ဇော်ဝင်းက ဧပြီ(၁၀)ရက်က နေပြည်တော်၊ပြည်ထဲရေးဝန်ကြီးဌာနမှာပြုလုပ်တဲ့ သတင်းစာရှင်းလင်းပွဲမှာပြောကြားခဲ့ပါတယ်။

တရားခံပြေးအောင်ဝင်းခိုင်နဲ့ ပတ်သက်တဲ့ အချက်အလက်တွေနဲ့ ဓါတ်ပုံကို မြန်မာနိုင်ငံကပြည်နယ်နဲ့ တိုင်းဒေသကြီး အားလုံးက ရဲစခန်း အဆင့်ဆင့်ကိုဖြန့်ဝေထားပြီး ရှာဖွေနေတယ်လို့လည်း မြန်မာနိုင်ငံရဲတပ်ဖွဲ့ကသိရပါတယ်။ တရားခံပြေးအောင်ဝင်းခိုင်နဲ့ ပတ်သက်တဲ့အချက်အလက်၊ဓါတ်ပုံတွေကို ရပ်ကွက်၊ ကျေးရွာအဆင့်ထိဖြန့်ဝေထားတာဖြစ်တဲ့အတွက် တရားခံပြေးကိုတွေ့ရှိတဲ့ ပြည်သူတွေအနေနဲ့ အကြောင်းကြားရင် ရဲတပ်ဖွဲ့အနေနဲ့ အမြန်ဆုံးလာရောက်ဖမ်းဆီးမှာဖြစ်တယ်လို့လည်း မြန်မာနိုင်ငံရဲတပ်ဖွဲ့က ရဲမှူးကြီးတင်ဝင်းကပြောပါတယ်။

 အမျိုးသားဒီမိုကရေစီအဖွဲ့ချုပ်ပါတီရဲ့ ဥပဒေအကြံပေးဖြစ်သူ တရားလွှတ်တော်ရှေ့နေဦးကိုနီဟာ ဇန်န၀ါရီ(၂၉) ရက် ညနေပိုင်းက ရန်ကုန်အပြည်ပြည်ဆိုင်ရာလေဆိပ်မှာ သေနတ်နဲ့ ပစ်ခတ်လုပ်ကြံ ခံခဲ့ရတာဖြစ်ပါတယ်။ လက်ရှိမှာသေနတ်နဲ့ ပစ်ခတ်ခဲ့တဲ့တရားခံကြည်လင်းအပါအ၀င်အပေါင်းအပါ လေးဦးကိုဖမ်းဆီးရမိထားပြီး အမှုမှာပါဝင်ပတ်သက်နေသူ တစ်ဦးဖြစ်တဲ့အောင်ဝင်းခိုင်ဟာထွက်ပြေး လွတ်မြောက်နေတာဖြစ်ပါတယ်။

 တရားလွှတ်တော်ရှေ့နေဦးကိုနီကို သေနတ်နဲ့ပစ်ခတ်လုပ်ကြံမှုမှာ ပူးပေါင်းပါဝင်ခဲ့တဲ့ အောင်ဝင်းခိုင် အပါအ၀င် အခြား သူတွေကို ရာဇသတ်ကြီးဥပဒေပုဒ်မ ၃၀၂/၃၄/၂၁၂နဲ့ မြောက်ပိုင်းခရိုင်တရားရုံးက အမူဖွင့်တရားစွဲဆိုထားတာဖြစ်ပါတယ်။ တရားခံပြေးအောင်ဝင်းခိုင်ဟာ နေပြည်တော်အနီးတစ်ဝိုက်မှာ ပျောက်ဆုံးသွားတာဖြစ်လို့ ရန်ကုန်မြို့၊မူးယစ်ပြတိုက်မှာ မတ်လအတွင်းက ပြည်ထဲရေးဝန်ကြီးဌာနက ပြုလုပ်ခဲ့တဲ့သတင်းစာရှင်းလင်းပွဲက သိရပါတယ်။ ဒီသတင်းကို Central News Bureau က ရွှေရည်မဉ္ဇူပေးပို့တာဖြစ်ပါတယ်။

Central News Bureau
https://www.facebook.com/skynetcnb/



ဒီတိုက်ခိုက်မှုက တမင်ချိန်ရွယ် တိုက်ခိုက်ခဲ့တာလို့ ဂျာမနီ ရဲက ပြောပါတယ်။
ဂျာမနီက ဘော်ရုရှာ ဒေါ့မွန် ဘောလုံးအသင်းရဲ့ ကားကို ပစ်မှတ်ထား တိုက်ခိုက်တဲ့ ပေါက်ကွဲမှုအနီးမှာ သံသယဖြစ်ဖွယ် စာတစ်စောင် တွေ့ရှိရတယ်လို့ ဂျာမနီကလာတဲ့ သတင်းတွေမှာ ဖော်ပြပါတယ်။

ဒီစာအရ အခု တိုက်ခိုက်မှုဟာ အစ္စလာမ္မစ်တွေရဲ့ လက်ချက်လို့ ယူဆနိုင်စရာရှိပေမယ့် ဒီစာဟာ တမင် လမ်းကြောင်းလွှဲချင်တဲ့သဘောနဲ့ လုပ်တာလည်း ဖြစ်နိုင်ကြောင်း စုံထောက်တွေက ပြောပါတယ်။

စာရဲ့ အစမှာ 'အလ္လာဟ်အရှင်မြတ် နာမတော်၌' ဆိုတဲ့ စကားလုံး ရေးထားတယ်လို့ ဆိုပြီး အာဏာပိုင်တွေဘက်ကတော့ ဒီစာနဲ့ပတ်သက်ပြီး အတည်ပြုတာမျိုး မရှိသေးပါဘူး။

စာထဲမှာ ဘာလင် ခရစ္စမတ်ဈေးကို တိုက်ခိုက်ခဲ့မှုနဲ့ ဆီးရီးယားက စစ်ဆင်ရေးတွေအကြောင်းလည်း ဖော်ပြထားတယ်လို့ ဂျာမနီက မီဒီယာတွေမှာ ဖော်ပြပါတယ်။

ရဲက အခုအခါ ဘောလုံးသမားတွေ တည်းခိုရာ ဟိုတယ်အနီးကို ပိတ်ဆို့ထားပြီး ရှာဖွေ စစ်ဆေးမှုတွေ လုပ်နေပါတယ်။
 ဘော်ရုရှာ ဒေါ့မွန်နဲ့ စပိန်အသင်းက ခံစစ်ကစားသမား Marc Bartra ဒဏ်ရာရခဲ့
ဒေါ့မွန်အသင်းဟာ ချန်ပီယံစ်လိဂ် ကွာတားဖိုင်နယ် ဘောလုံးပွဲကစားဖို့ ဘောလုံးကွင်းကို ကားနဲ့အသွားမှာ ထောင်ထားတဲ့ ဖောက်ခွဲရေးပစ္စည်းက ကားကို ထိမှန်တာ ဖြစ်ပါတယ်။

ဒီပေါက်ကွဲမှုကြောင့် ဘော်ရုရှာ ဒေါ့မွန်နဲ့ စပိန်အသင်းက ခံစစ်ကစားသမား Marc Bartra ဟာ လက်ကောက်ဝတ် ဒဏ်ရာရသွားပြီး ကားမှန်ကွဲစတွေနဲ့လည်း ထိရှခဲ့ပါတယ်။

ဒေါ့မွန်ဟာ မိုနာကိုနဲ့ ပွဲကို ဒီည (ဗုဒ္ဓဟူးညမှာ) ကစားဖို့ ရှိပါတယ်။

BBC Burmese
http://www.bbc.com/burmese